ကေအိုင်စီ သတင်းမှ................
ရေးသားသူ - စောသိန်းမြင့်
ကရင်ပြည်နယ်၊ လှိုင်းဘွဲမြို့နယ်၊ တရေဖိုးကွီးကျေးရွာအုပ်စုအတွင်း လှုပ်ရှားနေသော နအဖနှင့် ဒီကေဘီအေတပ်တို့က ပြီးခဲ့ သည့်လမှစ၍ ယနေ့အချိန်ထိ ဒေသခံ ရွာသူရွာသားအား ကေအဲန်အယ်လ်အေနှင့် ဆက်သွယ်မှုများ မလုပ်ရန် အမိန့်ထုတ်ထားကြောင်း သိရသည်။
ပြီးခဲ့သည့် မေလ ၅ရက်နေ့က ထိုဒေသတွင် ကေအဲန်အယ်လ်အေ တပ်ရင်း(၂၁)နှင့် ဗိုလ်ကြီးစိုးမင်းထွန်း ဦးစီးသော နအဖတပ် စကခ(၁၉) လက်အောက်ခံ ခမရ(၅၈၈)တပ်တို့အကြား တိုက်ပွဲဖြစ်ပွားခဲ့ပြီးနောက် ယခုလို အမိန့်ထုတ်ပြန်ခဲ့ခြင်းဖြစ်ကြောင်း နယ် မြေခံတစ်ဦးက ပြောသည်။
၎င်းက “တရေဖိုးကွီးရွာ အပြင်ဘက် ကျွန်းတောနားမှာ ကေအဲန်အယ်လ်အေနဲ့ နအဖစစ်တပ်တို့ တိုက်ပွဲဖြစ်ပွားသွားတော့ ဘယ် ရွာသားမဆို ကေအဲန်ယူနဲ့ လုံးဝ အဆက်အသွယ် မလုပ်ရဘူးလို့ နအဖဘက်က အမိန့်ထုတ်ထားတယ်။ မလိုက်နာလို့ရှိရင် ထိရောက်စွာ အရေးယူမယ်လို့ ပြောတယ်။ အရင်က ပြောခဲ့တာရှိပေမယ့် အခုလို ထိရောက်တဲ့ အပြစ်ပေး အရေးယူမှုတွေ လုပ် မယ်ဆိုတော့ ရွာသားတွေက ကြောက်နေကြတာပေါ့နော်”ဟု ပြောသည်။
အဆိုပါ တိုက်ပွဲဖြစ်ပွားသည့် ကျွန်းတော(ပဟီကလား)ရှိ လူနေလယ်တဲ ၅လုံးကို နအဖက မီးရှို့ဖျက်ဆီးခဲ့သည့်အပြင် ညနေ ၇နာ ရီခန့်တွင် (ထီးဝါးကွေး)ရှိ လယ်တဲ ၇လုံးကို ဒီကေဘီအေ တပ်မဟာ(၅၅၅)မှ တပ်ဖွဲ့ဝင်များက ထပ်မံ မီးရှို့ဖျက်ဆီးခဲ့သည်ဟု အဆိုပါနယ်ခံက ဆက်ပြောသည်။
ကေအဲန်အယ်လ်အေ တပ်ရင်း ၂၁မှ တပ်မှူးတစ်ဦးက “ရွာသားတွေက တော်တော် ဒေါသထွက်နေကြတာပေါ့နော်။ ကျနော်တို့ကို အမြင်မမှားဖို့ ရွာသားတွေ နားလည် သဘောပေါက်အောင် ရှင်းပြထားပါတယ်”ဟု ကေအိုင်စီကို ပြောသည်။
ကေအဲန်ယူ တပ်မဟာ(၇)နယ်မြေအတွင်းရှိ တရေဖိုးကွီးကျေးရွာအုပ်စုသည် လယ်တဲ ၁၁လုံး မီးရှို့ခံရသည့်အပြင် နအဖနှင့် ဒီကေဘီအေတပ်ဖွဲ့ဝင်တို့က ကေအဲန် အယ်လ်အေနှင့် အဆက်အသွယ် မလုပ်ရန် အမိန့်ထုတ်ပြန်သောကြောင့် ယခုအချိန်တွင် ရွာသူရွာသားများက အလုပ်ခွင်သို့သွားလာရန် အလွန်ကြောက်ရွံ့ နေကြ သည်ဟု သိရသည်။
ထိုဒေသတွင် နအဖစစ်တပ် စကခ(၁၉)လက်အောက်ခံတပ်ရင်းများနှင့် ဒီကေဘီအေ တပ်မဟာ (၅၅၅) တပ်ဖွဲ့ဝင်များ လှုပ်ရှား နေကြသလို ကေအဲန်ယူ တပ်မဟာ(၇) လက်အောက်ခံ ကေအဲန်အယ်လ်အေ တပ်ရင်း (၂၁)တို့ လှုပ်ရှားနေလျှက်ရှိသည်။
ကေအဲန်ယူနှင့် မဆက်သွယ်ရန် ရွာသားများ အမိန့်ထုတ်ခံရ
ကရင်အချင်းချင်း အထင်မြင်လွဲမှားစေသည့် လုပ်ကြံဝါဒဖြန့်မှုများ ထွက်ပေါ်
စောအဲခေါင် (ကေအိုင်စီ)
တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)နှင့် ကရင်အမျိုးသားအစည်းအရုံး (ကေအဲန်ယူ)တို့ကြား အချင်းချင်း အထင်အမြင်လွဲမှားစေရန် ရည်ရွယ် လုပ်ကြံရိုက်ကူးထားသည့် ဗီဒီယိုဇာတ်ကားများ၊ စာများကို ယခုရက်သတ္တပတ်အ တွင်း ရန်ကုန်မြို့နှင့် အခြားနေရာများတွင် ထွက်ပေါ်လာနေကြောင်း ရန်ကုန်မှလာသည့် သတင်းအရ သိရှိရသည်။
အပစ်ရပ် တိုင်းရင်းသားလက်နက်ကိုင်အဖွဲ့များအား နယ်ခြားစောင့်တပ် အသွင်ပြောင်းရန် နောက်ဆုံးသတ်မှတ်ချိန် ဧပြီလ ၂၈ရက်နေ့ နောက်ပိုင်း ဒီကေဘီအေတပ်ဖွဲ့အတွင်း သဘောထားတိုက်ဆိုင်မှုမရှိကြောင်း သတင်းများ ထွက်ပေါ်လာချိန်တွင် ကရင်အချင်းချင်း ကြား ပဋိပက္ခအသွင်ဆောင်သည့် ဇာတ်ကားများ ရည်ရွယ်ဖြန့်ဝေခြင်းဖြစ်ကြောင်း ပြည်တွင်းပြည်ပရှိ ကရင်အသိုင်းအ၀ိုင်းများက ဝေဖန်ပြောဆိုကြသည်။
ဒါရိုက်တာ စိုးကျော်ကျော် ရိုက်ကူးထားသည့် ဖာပွန်နယ်မှ ဖြစ်ရပ်မှန်ဆိုသည့် ဒီကေဘီအေနှင့် ကေအဲန်ယူအကြောင်းကို အခြေခံထား သည့် ဗီဒီယိုဇာတ်ကားကို ပြီးခဲ့သော မေလကုန်ပိုင်းနှင့် ဇွန်လဆန်းပိုင်းအတွင်း ရန်ကုန်နေရာအနှံအပြားတွင် ထုတ်လွှင့်ပြသခဲ့သည် ဟု အဆိုပါဇာတ်ကားကို ကြည့်ရှုခဲ့ရသူ ရန်ကုန်မြို့ခံ ကရင်လူငယ်တဦးက ဆိုသည်။
သူက “ဇာတ်လမ်းကတော့ လူငယ်တယောက် ရဟန်းခံခါနီး ကေအဲန်ယူက ဖမ်းသွားတယ်။ နောက်သူတို့ရွာက အလှူပွဲကို ပြန်ဖျက်ဖို့ ကေအဲန်ယူက ပြန်လွှတ်တဲ့အချိန်မှာ ဒီကေဘီအေက တွေ့ပြီး မိဘတွေဆီ ပြန်ပို့ပေးတယ်။ နောက် ကေအဲန်ယူနဲ့ ဒီကေဘီအေအ ကြား ပဋိပက္ခ အသွင်ဆောင်တဲ့ ဇာတ်ကွက်တွေလည်း ထည့်ထားပါတယ်“ဟု ပြောသည်။
နာမည်ကြီး သရုပ်ဆောင်များ မပါဝင်ဘဲ နာမည်အနည်းငယ်ရနေသော လူကြမ်းမင်းသားတချို့ ပါဝင်သရုပ်ဆောင်ထားသည့် အဆိုပါ ဗွီဒီယိုကားသည် စစ်အစိုးရမှ လုပ်ကြံရိုက်ကူးထားမှုတခုသာဖြစ်သည်ဟု ယူဆကြောင်း ၎င်းက ဝေဖန်သုံးသပ်ပြောဆိုသည်။
ထို့အပြင် ဒီကေဘီအေနှင့် ကေအဲန်ယူတို့အကြား ကွဲပြားမှုအချို့ကို ထုတ်နှုတ်ထားပြီး မဟုတ်မမှန် လုပ်ကြံရေးသားထားသည့် စာ များကိုလည်း အီးမေးလ်မှတဆင့် ကရင်မီဒီယာသမားများထံသို့ လိုက်လံဖြန့်ဝေမှုများရှိသည်ဟု ကရင်အွန်လိုင်း မီဒီယာအသိုင်းအ ၀ိုင်းက ပြောဆိုနေကြသည်။
“ကျနော် မသိဖူးတဲ့ အီးမေးလိပ်စာနဲ့ ဥပမာ မိန်းကလေးနာမည်လေးနဲ့၊ ကရင်ခေါင်းဆောင် နာမည်(ပဒို)တွေ တပ်ပြီး ကျနော့် အီး မေးလ်ထဲကို ပို့လာကြတာတွေရှိတယ်။ လူထုအနေနဲ့ကော၊ Bolger တယောက်အနေနဲ့ကော ဒါဟာ နအဖရဲ့ လုပ်ကြံ သတင်းပဲဆို တာ ဖတ်လိုက်တာနဲ့ကို သိပါတယ်။ ဒါကြောင့် နအဖတွေရဲ့ ဝါဒဖြန့်ရာနောက် မတွေဝေသွားဖို့ အရေးကြီးတယ်”ဟု ကရင်ဘလော့ ဂါတစ်ဦးဖြစ်သူ စောကျော်ခွိက ပြောဆိုသည်။
ဒီကေဘီအေအဖွဲ့သည် ၁၉၉၄ခုနှစ်က ကေအဲန်ယူမှ ခွဲထွက်ကာ နအဖစစ်တပ်နှင့် ပူးပေါင်းသည့် ကရင်ခွဲထွက်အဖွဲ့တခုဖြစ်ပြီး နအဖ ၏ နယ်ခြားစောင့်တပ် အသွင်ပြောင်းရေး အစီအစဉ်ကြောင့် သဘောထားကွဲပြားမှုများရှိကာ လက်မခံသူများက ကေအဲန်ယူထံ လာ ရောက်ပူးပေါင်းမှုများလည်း ရှိသည်။
နယ်စပ်ဒုက္ခသည်စခန်းတွင် ကျောင်းသားဦးရေ ယခင်နှစ်ထက် ပိုများလာ
စောခါးစူးညား (ကေအိုင်စီ)
သံလွင်မြစ်ကမ်းနံဘေးရှိ အီတိုးထာ့ပြည်တွင်းဒုက္ခသည်စခန်း၌ ယခုနှစ် ကျောင်းဖွင့်ချိန်တွင် ပြည်တွင်းမှ လာရောက်ကျောင်း တက်သူ ကျောင်းသူကျောင်းသားဦးရေ ၃၀၀ကျော်ရှိသည့်အတွက် ယခင်နှစ်ထက် ပိုများလာသည်ဟု သိရှိရသည်။
တောင်ငူနှင့် ညောင်လေးပင်ခရိုင်များရှိ အသက် ၁၁နှစ်မှ ၁၆နှစ်အရွယ် ကလေးများသည် ၎င်းတို့ဒေသအတွင်း နအဖစစ်တပ်၏ ပုံမှန် လှုပ်ရှားမှုများကြောင့် စားဝတ်နေရေးခက်ခဲကာ အချို့မှာ ပညာသင်ကြားရန် ကျောင်းမရှိတော့သည့်အတွက် နယ်စပ်ရှိ အီတိုးထာ့စခန်းသို့ ယခုလို လာရောက်၍ ကျောင်းနေကြခြင်းဖြစ်သည်ဟု စခန်းကေဒဗလျူအို လူမှုရေး တာဝန်ခံ နော်ဟဲလေ ထူးက ပြောသည်။
“မနှစ်ကဆိုရင် ကျောင်းသူကျောင်းသားအသစ်တွေ ၁၀၀ကျော်လောက်ပဲ ရောက်လာတယ်။ အခုနှစ်ကတော့ တော်တော်များ လာတာပေါ့နော်။ ဒါတောင်မှ အကုန်မရောက်လာသေးဘူး။ ကျောင်းက ဇွန်လ (၁)ရက်နေ့က ဖွင့်နေပြီဆိုပေမဲ့ ကျောင်းသူ ကျောင်းသားတွေက မစုံသေးဘူး။ နောက်ထပ် ကျောင်းလာအပ်မဲ့သူတွေလည်း ရှိဦးမှာပဲ”ဟု သူမက ပြောသည်။
အီတိုးထာ့စခန်းတွင် ဒုက္ခသည်ဦးရေ ၄,၀၀၀ကျော်ရှိရာ နေရာအကျယ်အ၀န်း မလုံလောက်သည့်အတွက် အချို့ဒုက္ခသည်များ ကို အူးဝဲထာ့နေရာသို့ ရွှေ့ပြောင်းနေထိုင်စေခဲ့ရာ လက်ရှိအချိန်တွင် အီတိုးထာ့စခန်း၌ ကျောင်းသူကျောင်းသားဦးရေမှာ ၁,၀၀၀ ကျော်ရှိသည့် အထက်တန်းနှင့် မူလတန်းကျောင်းတကျောင်းစီနှင့် အူးဝဲထာ့တွင် ကျောင်းသူကျောင်းသား ၂၀၀ကျော်ရှိသည့် အထက်တန်းကျောင်းတစ်ကျောင်း ရှိသည်ဟု သိရသည်။
အီတိုးထာ့စခန်းရှိ စာသင်ကျောင်းများကို ကူညီပေးနေသည့် Karen Teacher Working Group-KTWG မှ စောအဲ့ဒို့ဝါးက ယခု လို ကျောင်းသူကျောင်းသား အများအပြား လာရောက်ကျောင်းတက်ခြင်းသည် အထူးသဖြင့် လွန်ခဲ့သည့် ဇန်န၀ါရီနှင့် ဖေဖော်ဝါ ရီလအတွင်း ညောင်လေးပင်ခရိုင် ကျောက်ကြီးနှင့် မုံးမြို့နယ်အတွင်းရှိ စာသင်ကျောင်းများကို နအဖ လှုပ်ရှားတပ်ဖွဲ့က မီးရှို့ ဖျက်ဆီးလိုက်သည့်အတွက်ဖြစ်သည်ဟု သုံးသပ်ပြောဆိုသည်။
၎င်းက “အခု တက်လာတဲ့ ကျောင်းသားတွေထဲက ညောင်လေးပင်ခရိုင်က ကျောင်းသားတွေဟာ သူတို့ရဲ့ဒေသမှာ နအဖတပ် တွေက ကျောင်းကို မီးရှို့လိုက်တယ်။ ဒီတော့ ကျောင်းပြန်မဆောက်နိုင်သေးတာနဲ့ ကျောင်းတက်လို့ မရဘူးပေါ့”ဟု ဆိုသည်။
အီတိုးထာ့ကျောင်းမှ ကျောင်းသူကျောင်းသားအချို့သည် မယ်ရာမိုနှင့် မယ်လအူးစခန်းသို့ ကျောင်းပြောင်းသွားသူများနှင့် ဆယ် တန်းအောင်သွားသူများကြောင့် နဂိုကျောင်းသားဦးရေ လျော့နည်းသလိုရှိသော်လည်း ယခုနှစ် ကျောင်းသူ ကျောင်းသားဦးရေ များပြားလာသည့်အတွက် ယခင်နှစ်နှင့် မတိမ်းမယိမ်းပင်ဖြစ်သည်ဟု စခန်း ကေဒဗလျူအိုမှ နော်ဟဲလေထူးက ပြောသည်။
ကော့ကရိတ်မြို့နယ်အတွင်း နအဖနှင့် ဒီကေဘီအေ တပ်ဖွဲ့ ၀င်များ အင်အား ၁၅၀ကျော် တိုးချဲ့လာ
စောသိန်းမြင့် (ကေအိုင်စီ)
အင်အား ၁၅၀ကျော်ရှိ နအဖနှင့် ဒီကေဘီအေ ဗဟိုလုံခြုံရေး ပူးပေါင်းတပ်ဖွဲ့ဝင်များသည် နယ်ခြားစောင့်တပ်အစီအစဉ်ကို ငြင်းဆန် ထားသော ထိုင်း-မြန်မာနယ်စပ်ရှိ တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)အဖွဲ့ကို ဖိအားပေးရန် ကရင် ပြည်နယ်၊ ကော့ကရိတ်မြို့နယ်၊ ဝေါ်လေဂွင်သို့ တပ်အင်အားတိုးချဲ့လာသည်ဟု သိရသည်။
အင်အား(၁၅၀)ကျော်ရှိသော နအဖ စစ်ကွပ်ကဲရေးဌာနချုပ်-စကခ(၁၂)လက်အောက်ခံ ခမရ(၄၀၈)နှင့် မြိုင်ကြီးငူအခြေစိုက် ဒီကေဘီ အေ ဗဟိုလုံခြုံရေးတပ်ဖွဲ့ဝင်တို့ ပူးပေါင်းတပ်ဖွဲ့သည် ဝေါ်လေဂွင်သို့ ယနေ့မနက် (၁၀)နာရီတွင် တက်ရောက်လာပြီး နယ်ခြားစောင့် တပ်ကို ငြင်းဆန်ထားသည့် ဗိုလ်မှူးကြီးစောလားပွယ်(ဗိုလ်နှုတ်ခမ်းမွှေး) ဦးစီးသည့် ဒီကေဘီအေ တပ်မဟာ(၅)တပ်ဖွဲ့ကို ဖိအားပေး ရန်အတွက် ရောက်ရှိလာခြင်းဖြစ်ကြောင်း ထိုဒေသတွင် လှုပ်ရှားနေသော ကေအဲန်အယ်လ်အေ တပ်ရင်း(၂၀၁)မှ ဒုတပ်ရင်းမှူး ဗိုလ် မှူးစောကြည်အောင်က ပြောသည်။
၎င်းက “ကျနော်တို့ သိရသလောက်ဆိုရင် နယ်ခြားစောင့်တပ်ကို လက်မခံတဲ့ ဗိုလ်နှုတ်ခမ်းမွှေးကို လက်မှတ်ထိုးလာအောင် ဖိအားပေး ဖို့အတွက် တက်လာတာဖြစ်တယ်။ မနက်ဖြန်ကျရင် နှုတ်ခမ်းမွှေးနဲ့ တွေ့ဆုံဆွေးနွေးဖို့ ရှိတယ်။ ဒီကိစ္စကို နှုတ်ခမ်းမွှေးဘက်က လက် မှတ်ထိုးမထိုးဆိုတာက တရက်နှစ်ရက်လောက်တော့ စောင့်ကြည့်ရအုံးမယ် ထင်ပါတယ်”ဟု ပြောသည်။
ထိုကိစ္စနှင့် ပတ်သက်၍ ဒီကေဘီအေ တပ်မဟာ(၅)မှ ထိပ်ပိုင်းခေါင်းဆောင်တစ်ဦးကို ကေအိုင်စီက ဆက်သွယ်မေးမြန်းရာတွင် ယခု လို ပြောသည်။ “တပ်အပြောင်းအလဲလုပ်ဖို့အတွက် တက်လာတာပါ။ တခြားဘာကိစ္စမှ မပါပါဘူး။ ကျနော်တို့ အနီးကပ်နေတဲ့လူတွေ တောင်မှ ဘာမှမသိဘူး”ဟု ပြောသည်။
ပြီးခဲ့သည့် ဧပြီလ ၂၈ရက်နေ့က နယ်ခြားစောင့်တပ်အသွင်ကူးပြောင်းရန် နောက်ဆုံးရက်အဖြစ် သတ်မှတ်ခဲ့အချိန်တွင် ဒီကေဘီအေ တပ်ဖွဲ့ဝင်များအတွင်း သဘောထားကွဲလွဲမှုများ ထွက်ပေါ်လာခဲ့ပြီး ဝေါ်လေဂွင်တွင် နအဖတပ်က အင်အား ၉၀နီးပါး တိုးချဲ့လာခဲ့သလို ဒီကေဘီအေဘက်တွင်လည်း စစ်ရေးပြင်ဆင်မှုများ လုပ်ဆောင်ခဲ့သည်။
တပြိုင်နက်တည်းတွင် ယခင်လဆန်းပိုင်းတုန်းက ဗိုလ်မှူးကြီးစောလားပွယ်က နယ်ခြားစောင့် အသွင်ကူးပြောင်းရေးကိစ္စကို တိတ်တ ဆိတ် လက်မှတ်ရေးထိုးခဲ့သည်ဟု သတင်းထွက်ပေါ်ခဲ့သော်လည်း ဒီကေဘီအေဘက်က တရားဝင်ထုတ်ပြန်ခြင်း မရှိသေးပေ။
ကော့ကရိတ်မြို့နယ်ရှိ ကေအဲန်ယူ တပ်မဟာ(၆)နယ်မြေအတွင်း နအဖစစ်တပ်က တပ်အင်အား တိုးချဲ့မှုများ လုပ်ဆောင်နေသော် လည်း ကေအဲန်ယူ၏ အခြားတပ်မဟာများတွင် တပ်အင်တိုးချဲ့မှုများ မရှိကြောင်း ကေအဲန်ယူက ပြောသည်။
မဲဆောက်မြို့တောင်ဘက် (၁၂၀)ကီလိုမီတာ အကွာအဝေးရှိ ဝေါ်လေဂွင်တွင် နအဖ စကခ(၈) လက်အောက်ခံ ခမရ(၄၀၅)၊ ခမရ (၄၀၇)၊ ဒီကေဘီအေ တပ်မဟာ(၅) လက်အောက်ခံ (၉၀၇)တပ်ရင်းနှင့် ကေအဲန်အယ်လ်အေ (၂၀၁)တပ်ရင်းတို့ လှုပ်ရှားလျှက်ရှိ သည်။
ဆေးခန်းအချို့ HIV/AIDS မရှိကြောင်း လက်မှတ် အတုများ ထုတ်ပေးနေ
ဟံသာဝတီ သတင်း မှ.....................
အချို့သော ဆေးခန်း များသည် အိတ်ခ်ျအိုင်ဗွီ / အေအိုင်ဒီအက်စ် မရှိကြောင်း လက်မှတ် အတုများ ထုတ်ပေး နေကြောင်း Marie Stopes International (Myanmar) မှ ပြော သည်။ အိတ်ခ်ျအိုင်ဗွီ / အေအိုင်ဒီအက်စ် ဖြစ်လျှင် အပြစ်တင် ခံရခြင်း များနှင့် သိက္ခာ ကျမှု အဖြစ် လူမှု ပတ်ဝန်းကျင် သတ်မှတ် မှုများကြောင့် ယင်းကဲသို့ လိမ်လည်မှုများ များပြား လာနေသည်။ မင်္ဂလာ ဆောင်ရန် အတွက် အိတ်ခ်ျအိုင်ဗွီ / အေအိုင်ဒီအက်စ် မရှိ ကြောင်း လိမ်ညာ မှုများနှင့် သမီးရည်း စားချင်း လိမ်ညာ ဆက်ဆံ ခြင်းများသည် ကာယကံရှင် တို့နှင့် ၎င်းတို့၏ လူမှုအဖွဲ့ အစည်း အတွက် ထိခိုက်မှုများ ဖြစ်ပေါ် စေပြီး ရောဂါ ဘယ ပြန့်ပွား မှုများ ဖြစ် ပေါ်စေသည်။
"လက်မှတ် အတု အတွက် ကျွန် တော်တို့ကို လာညှိ တာတွေ ရှိတယ်။ ကျွန်တော်တို့ မလုပ်ပေး ခဲ့ဘူး။ ဒါတွေဟာ ခွဲ ခြား ဆက်ဆံမှုတွေကြောင့် ဖြစ်ရတဲ့ နောက်ဆက်တွဲဆိုး ကျိုးတွေပဲ"ဟု ဒေါက်တာ စစ်နိုင်က ပြောသည်။ အချို့သော သူများသည် ရောဂါ မရှိသည့်တိုင် ၎င်း၏ ထိမ်းမြားမှု အတွက် သို့မဟုတ် သမီး ရည်းစားချင်း ယုံကြည်မှု သက်သေ အတွက် ရောဂါ ကင်းရှင်းကြောင်း လက်မှတ် အတုများ ကို လိမ်လည် ပြုလုပ်ကြခြင်း ဖြစ်သည်။ ယင်း အတွက် လက်မှတ် အတု ပြုလုပ်ပေးသည့် ဆေးခန်းများ တွင် တာဝန်ရှိပြီး ကျန်းမာရေး ဆိုင်ရာ လူမှု ဆိုးကျိုးများ မဖြစ်ပေါ်ရန် အတွက် ကျန်းမာရေး ၀န်ထမ်းများ ပါဝင်ပတ် သက်ခြင်းကို ရှောင်ရှားရန် လိုအပ်မည် ဖြစ်သည်။
"အမျိုးသမီး တစ်ယောက် အနေနဲ့ ကတော့ ဒီခေတ်မှာ ကိုယ့်ဘ၀ အတွက် ရွေးချယ်မယ့်လူ တစ်ယာက်ကို အေ့ဒ်စ် ရောဂါ စစ်ဆေး စေချင်တယ်။ ဒါပေမဲ့ ကျွန်မတို့ လူ့အဖွဲ့ အစည်းမှာ ဒီလို လုပ်ဖို့က အယုံ အကြည် ကင်းမဲ့မှု အဖြစ် အိမ်ထောင်ရေး ပြိုကွဲဖို့က အလေးသာ နေဆဲပဲ" ဟု အကျိုးဆောင် လုပ်ငန်းလုပ် ကိုင်သူ အမျိုးသမီး တစ်ဦးက ပြောသည်။ ကမ္ဘာပေါ်တွင် ယင်းကဲ့သို့ သော အေ့ဒ်စ်ရောဂါ ကင်းရှင်းကြောင်း လက်မှတ် အတု လုပ်ဆောင်မှု အများ အပြားရှိ နေပြီး ယင်းသို့ ဖြစ်ရခြင်းသည် နှိမ့်ချခွဲခြား ဖယ်ကြဉ်ခြင်းများကြောင့် ဖြစ်ရခြင်း ဖြစ်ကြောင်း ဆေးပညာ အသိုင်း အ၀ိုင်းမှ ယူဆ ထားကြကြောင်း ရန်ကုန်တိုင်း(မ်) ဂျာနယ်တွင် ဖော်ပြ ထားသည်။
နျူကလီးယားသတင်းပျံ့မှုကြောင့် ကျောက်မဲမြို့၌ နအဖ ထောက်လှမ်းရေးတိုးချ
သျှမ်းသံတော်ဆင့် မှ..................
နအဖ စစ်အုပ်စု၏ နျူကလီးယားစီမံကိန်းသတင်း ထုတ်ဖေါ်သူ ဗိုလ်မှူးစိုင်းသိန်းဝင်း၏ ဇာတိ ကျောက်မဲမြို့၌စစ်ထောက် လှမ်းရေး အများအပြားတိုးချဲ့ချထားကြောင်း မြို့ခံများက ပြောပါသည်။
အစတုန်းကတော့ စိုင်းသိန်းဝင်းသတင်းဘယ်သူမှ မသိဘူး၊ DVB နဲ့ အယ်လ်ဂျာဇီးယား ရုပ်သံသတင်းဌာန တို့ဆက်တိုက် ထုတ်လွင့်နေတော့ သတင်းကြီးဖြစ်သွားတာ။ အဲဒီ့ကစပြီးတော့ပေါ့ ကျောက်မဲမှာ မြင်နေကျ ထောက်လှမ်းရေးတွေအပြင် ထောက်လှမ်းရေးလို့ယူဆရတဲ့တခြားမျက်နှာစိမ်းတွေလဲ အများအပြားရောက် လာတာတွေ့ရတယ်” - ဟုကျောက်မဲမြို့ သားတဦးက ပြောပါသည်။
ယခင်အပတ်ကစ၍ နအဖ စစ်အုပ်စု၏ နျူကလီးယား စီမံကိန်းအကြောင်း နိုင်ငံခြားအခြေစိုက် သတင်းဌာနများ သို့ ဗိုလ်မှူးစိုင်းသိန်းဝင်း စတင်ဖွင့်ဟထုတ်ဖေါ်ခဲ့သည့်နောက်ပိုင်း မိခင်ဖြစ်သူအပါအ၀င် အစ်ကို အစ်မများ အားလုံး စရဖက ခေါ်ယူစစ်ဆေးခဲ့သော်လည်း ဖမ်းဆီးချုပ်နှောင်ခြင်းမရှိဟု ရန်ကုန်ရောက် သျှမ်းအမျိုးသား တဦးကဤကဲ့သို့ဆက်ပြော ပါသည်။
“စိုင်းသိန်းဝင်းက ဖခင်မရှိတော့ဘူး၊ မောင်နှမ ၄ ယောက်ရှိတယ်။ သူက အငယ်ဆုံး၊ စာအရမ်းတော်တယ်၊အထက် တန်းကို ဂုဏ်ထူးအများကြီးနဲ့ ၁၉၉၃ က အောင်တယ်၊ အခုကိစ္စအပေါ် သူ့မိသားစုကို ဖမ်းဆီးချုပ် နှောင်တာအခုထိ မရှိသေးဘူး၊ သူ့အိမ်ဝန်းကျင်မှာတော့ ထောက်လှမ်းရေးတွေအချိန်ပြည့်ဘဲ”
သျှမ်းပြည်မြောက်ပိုင်း ကျောက်မဲဇာတိ ဗိုလ်မှူးစိုင်းသိန်းဝင်းသည် တပ်မတော် နည်းပညာသက္ကသိုလ်ကျောင်းပြီး သည့်အပြင် ရုရှားမှ ဒုံးပျံ အင်ဂျင်ဆိုင်ရာဘွဲ့လည်းရရှိခဲ့သည်။ မကွေးတိုင်း မြိုင်မြို့နယ် လျှို့ဝှက် စစ်လက်နက် ထုတ်လုပ်ရေးစက်ရုံ ဒု စက်ရုံမှူးတာဝန် ထမ်းဆောင်ခဲ့သည်။ စစ်သက် ၁၅ နှစ်တာဝန်ထမ်းကာ ယခုနှစ် ဖေဖေါ်ဝါရီလက ထိပ်တန်း လျှို့ဝှက် စာတမ်းနှင့် အတူ နျူကလီးယားလက်နက်တည်ဆောက်ရေးစီမံကိန်းဆိုင်ရာ သက်သေ ပစ္စည်းများယူဆောင်၍ ပြည်ပသို့ တိမ်းရှောင်ခိုလှုံခဲ့သည်။
အီတူးထာ ဒုက္ခသည်စခန်း ရိက္ခာပြတ်လတ်
ခေတ်ပြိုင် မှ...........
ထိုင်းနိုင်ငံဘက်မှ သံလွင်မြစ်ကြောအတိုင်း စားနပ်ရိက္ခာနှင့်ကုန်စည် သယ်ဆောင်မှုများကို အကန့်အသတ်မရှိ ပိတ်ပင်ထားသည့်အတွက် ကရင်ပြည်နယ်အတွင်းရှိ အီတူးထာပြည်တွင်းဒုက္ခသည်စခန်းမှ ဒုက္ခသည် (၄,၅၀၀) ခန့် ရိက္ခာပြတ်လတ်ကြောင်း ဒုက္ခသည်အရေး ဆောင်ရွက်နေသူတဦးက ပြောသည်။
၎င်းက “ထိုင်းနိုင်ငံဘက်က စားနပ်ရိက္ခာနဲ့ဆေးဝါးတွေ အခြားပစ္စည်းတွေသယ်တာကို အခုလ (၃) ရက်က အကန့်အသတ်မရှိ ပိတ်ပင်လိုက်လို့ အီတူးထာက ဒုက္ခသည်တွေအတွက် ရိက္ခာသယ်တဲ့ကိစ္စကိုပါ ထိခိုက်သွားတာဖြစ်တယ်။ ကျနော်တို့ဆီက ဒုက္ခသည်အရေးဆောင်ရွက်နေတဲ့ အဖွဲ့တွေက ခြွင်းချက်အနေနဲ့ ထိုင်းအာဏာပိုင်တွေနဲ့ ညှိနှိုင်းမှုတွေလုပ်နေပါတယ်၊ ဘယ်လောက်ကြာမလဲတော့ မသိဘူး။ ဒုက္ခသည်တွေကတော့ လက်ကျန်ဆန်တွေနဲ့ မျှဝေကြပြီး ဆန်ပြုတ်သောက်တာ ကုန်သလောက်ဖြစ်နေပြီ” ဟု ပြောသည်။
ကလေးငယ်ထက်ဝက်ခန့်ရှိသည့် ကရင်ပြည်နယ် ဖာပွန်ခရိုင်အတွင်း သံလွင်မြစ်ကမ်းနဖူးတွင် တည်ရှိသော အီတူးထာဒုက္ခသည်စခန်းမှ ဒုက္ခသည်များသည် ထိုင်းနိုင်ငံ မယ်ဟောင်ဆောင်ခရိုင် မဲ့စရီးယန်းမြို့နယ် မဲ့စံမလက် ဆိပ်ကမ်းမှတဆင့် စက်လှေဖြင့် ပေးပို့နေသည့် ရိက္ခာဆန်များကို အားထားနေရသည်။
ယခင်လက မဲဟောင်ဆောင်ခရိုင်နှင့် မြို့နယ်အဆင့် ထိုင်းအာဏာပိုင်များ ပြုလုပ်ခဲ့သည့်အစည်းအဝေးတွင် သံလွင်မြစ်အတွင်း စားနပ်ရိက္ခာများနှင့် ကုန်စည်များ သယ်ယူခြင်းကို တားမြစ်ထားကြောင်း ကရင်ဒုက္ခသည်အရေး ဆောင်ရွက်နေသည့် အစိုးရမဟုတ်သည့် အဖွဲ့အစည်းတခု၏ တာဝန်ရှိသူတဦးက ပြောသည်။
၎င်းက “ထိုင်းဘက်က တားမြစ်လိုက်တာက ထိုင်းအာဏာပိုင်တွေက သံလွင်မြစ်နံဘေးတလျှောက် အခြေချနေထိုင်သူတွေ ရေကြောင်းခရီးလမ်းကနေတဆင့် ဒီလိုပစ္စည်းမျိုး ရောင်းဝယ်သယ်ယူတာကို တရားဝင်ပုံစံ လုပ်ချင်တဲ့အတွက် ကုန်သည်တွေအနေနဲ့ ထိုင်းအာဏာပိုင်ဆီမှာ ခွင့်ပြုချက်ယူရမယ်လို့ သိရတယ်။ ဒုက္ခသည်ရိက္ခာကလည်း ဒီလမ်းကြောင်းကနေ သယ်ရတော့ ကန့်သတ်ချက်ထဲ ပါသွားတာဖြစ်တယ်” ဟု ပြောသည်။
ဒုက္ခသည် ရိက္ခာကိစ္စနှင့်ပတ်သက်၍ အထူးကင်းလွတ်ခွင့်ပေးရန် စခန်းတာဝန်ရှိသူများနှင့် အစိုးရမဟုတ်သော အဖွဲ့အစည်း တာဝန်ရှိသူအချို့က ဒေသခံ ထိုင်းအာဏာကိုင်များထံ မေတ္တာရပ်ခံခဲ့သော်လည်း အထက်အမိန့်အရ ပိတ်ပင်ထားခြင်း ဖြစ်သည်ဟု ပြန်လည်ဖြေကြားခဲ့သည်။
အီတူးထာဒုက္ခသည်များအတွက် အလှူရှင်များပေးပို့လှူဒါန်းသည့် ဆန်နှင့်ဆားများ မဲ့စံမလက်ဆိပ်ကမ်းတွင် ရောက်ရှိနေပြီ ဖြစ်သော်လည်း ထိုင်းအာဏာပိုင်များ၏ တားမြစ်ထားမှုကြောင့် ရိက္ခာများ ကမ်းနဖူးတွင် သောင်တင်လျက်ရှိသည်။
အီတူးထာစခန်းမှ ဒုက္ခသည် စောတကွီးက “သူတို့နိုင်ငံဘက်က ဘယ်လိုအမိန့်ပဲ ထုတ်ထုတ် ဘာမှမပြောလိုပါဘူး။ ဒါပေမယ့် ကလေး (၂,၀၀၀) ကျော်ရှိတဲ့ ဒုက္ခသည်တွေအတွက်တော့ လူသားချင်းစာနာမှုအရ ရိက္ခာသယ်ယူခွင့်ပေးဖို့ မေတ္တာရပ်ခံပါတယ်” ဟု ပြောသည်။
အီတူးထာ ပြည်တွင်းဒုက္ခသည်စခန်း၌ ခိုလှုံလျက်ရှိသည့် ဒုက္ခသည်များသည် ၂၀၀၆ ခုနှစ်က နအဖစစ်တပ်၏ နယ်မြေစိုးမိုးရေး ထိုးစစ်ကြီးများကြောင့် ထွက်ပြေးလာကြသည့် တောင်ငူ၊ ညောင်လေးပင်ခရိုင်နှင့် ဖာပွန်ခရိုင်တို့မှ ကရင်ရွာသားများဖြစ်သည်။
အဆိုပါဒုက္ခသည်စခန်းတွင် ဆန်နှင့်ဆားနှစ်မျိုးသာရရှိကြပြီး အလှူရှင်များက ထိုင်းနိုင်ငံဘက်မှတဆင့် ပေးပို့လှူဒါန်းလျက် ရှိသည်။
အဆိုပါဒုက္ခသည်များသည် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး၏ ကူညီစောင့်ရှောက်မှုကို မရရှိဘဲ ကရင်လူမှုအဖွဲ့အစည်းများ၏ အကူအညီဖြင့် ရပ်တည်လျက်ရှိသည်။
ကွမ်းခြံကုန်း ဓားပြမှု KNU နှင့် ပတ်သက်ခြင်း မရှိဟု ငြင်းဆို
ၕၕဧရာဝတီ မှ............
ရန်ကုန်တိုင်း၊ ကွမ်းခြံကုန်းမြို့နယ်ရှိ ဒရယ်လူး ကျေးရွာတွင် ဓားပြတိုက်မှုနှင့် ဆက်စပ်၍ စွပ်စွဲ ဖမ်းဆီးခံရ သူများသည် ကရင်အမျိုးသား အစည်းအရုံး (KNU) တပ်ဖွဲ့နှင့် ပတ်သက်ခြင်း မရှိကြောင်း KNU က ငြင်းဆိုလိုက်သည်။
ဇွန်လ ၄ ရက်နေ့က ရန်ကုန်မြို့ရှိ ပြည်ထဲရေး ၀န်ကြီးဌာန၊ ရဲချုပ်ရုံး အစည်းအဝေးခန်းမ၌ ပြုလုပ်သော သတင်းစာ ရှင်းလင်းပွဲတွင် ဓားပြတိုက်ခဲ့သော အဖွဲ့မှာ KNU အဖွဲ့ဝင်ဟောင်းများ ဖြစ်သည်ဟု ရဲချုပ် ဗိုလ်မှူးချုပ် ခင်ရီ၏ စွပ်စွဲချက်ကို ယခုကဲ့သို့ ငြင်းဆို လိုက်ခြင်း ဖြစ်သည်။
KNU တွဲဖက် အတွင်းရေးမှူး (၁) ဗိုလ်မှူး ဖဒို စောလှငွေက “KNU အဖွဲ့ဝင်ဟောင်းသည် ဖြစ်စေ မဟောင်းသည်ဖြစ်စေ ရှင်းရှင်း ပြောရရင် ပါဝင်ပတ်သက်မှု မရှိတဲ့ လူတွေပဲလို့ ပြောလို့ရတယ်။ သူတို့ (KNU) အဟောင်းတုန်းကလည်း ကျနော်တို့နဲ့ ပတ်သက်တာမှ မဟုတ်တာ” ဟု ဧရာဝတီသို့ ပြောသည်။
စစ်အစိုးရက KNU အဖွဲ့ဝင်ဟောင်းဟု သုံးခြင်းသည် တစုံတခု ဖြစ်ပွားခဲ့ပါက လိုအပ်လျှင်လိုအပ်သလို အသုံးချနိုင်ရန် အမည်တပ်ခြင်းသာ ဖြစ်ကြောင်း ဖဒို စောလှငွေက ဆိုသည်။
မသင်္ကာမှုဖြင့် အဖမ်းခံရသူများမှာ ဦးဆန်း၊ ဦးသောင်းလွင် (ခ) ဆေးလုံး၊ ဦးအေးလွင်နှင့် ဦးခင်းမောင်ဝင်း တို့ဖြစ်ကြောင်း သိရသည်။ မသင်္ကာသူ တဦးမှာမူ လွတ်မြောက်နေဆဲ ဖြစ်ကြောင်း ဇွန်လ ၅ ရက်နေ့ထုတ် အစိုးရ သတင်းစာတွင် ရေးသားထားသည်။
ရဲချုပ် ခင်ရီက “ခင်မောင်ဝင်းနဲ့ လွတ်မြောက်နေတဲ့ အေးသန်းတို့ဟာ KNU အကြမ်းဖက် သောင်းကျန်းသူ တပ်မဟာ (၁) လက်အောက်ခံ ဗိုလ်မောင်နီရဲ့ တပ်ခွဲက တပ်ဖွဲ့ဝင်ဟောင်းတွေဖြစ်ပါတယ်” ဟု ပြောကြောင်း စစ်အစိုးရ သတင်းစာတွင် ရေးသား ဖော်ပြထားသည်။
ဖဒို စောလှငွေကမူ “ကျနော်တို့ အဖွဲ့အစည်းနဲ့ စပ်ဆက်ပြီး မရှိတော့တဲ့ လူတွေဟာ သူတို့ (စစ်အစိုးရ) နဲ့ပဲ ပတ်သက်တာ။ ဘာဖြစ်လို့ သူတို့နဲ့ ပတ်သက်တာလဲ ဆိုရင် သူတို့ မျက်စိအောက်မှာ သူတို့ရဲ့ မှတ်ပုံတင်နဲ့ နေနေတဲ့ လူတွေမို့လို့ပဲ” ဟု ဆိုသည်။
လွန်ခဲ့သည့် မေလ ၁၆ ရက်နေ့ ညနေပိုင်းတွင် ဒရယ်လူးရွာနေ ဒေါ်သိန်းမြင့် အိမ်၌ ဓားပြတိုက်မှု ဖြစ်ပွားခဲ့ရာ ပြန်လည်ခုခံသောကြောင့် ရွာသား ၃ ဦး သေဆုံးပြီး ၁၂ ဦး ဒဏ်ရာ ရရှိခဲ့ကာ ကျပ်ငွေ ၁၃ သိန်းနှင့် ရွှေလက်စွပ် တကွင်း ဆုံးရှုံးခဲ့ကြောင်း သိရသည်။
မသင်္ကာမှုဖြင့် ဖမ်းဆီးခံခဲ့ရသော ဦးဆန်းက ဓားပြတိုက်မှုတွင် ပါဝင်ခဲ့သည်ဟု ထွက်ဆိုခဲ့ပြီးနောက် ဆက်စပ် ပါဝင်သူများကို လိုက်လံ ဖမ်းဆီးခဲ့ခြင်းဖြစ်ကြောင်း၊ အဖမ်းခံရသူများထဲမှ တချို့သည် ၁၉၉၀ ပြည့်နှစ်အတွင်း အလင်းဝင်ခဲ့ကြသူများနှင့် ယခင်က ဓားပြတိုက်မှုဖြင့် ထောင်ကျဖူးသူများ ဖြစ်ကြောင်း အစိုးရ သတင်းစာတွင် ဖော်ပြထားသည်။
ထို့ပြင် မေလ ၆ ရက်နေ့က ပဲခူးတိုင်း ရွှေကျင်မြို့နယ်တွင် ကားအတွင်း ဝှက်၍ သယ်ယူလာသော လက်နက်များ ဖမ်းမိသည့် ကိစ္စတွင်လည်း KNU နှင့် ကရင် အမျိုးသား လွတ်မြောက်ရေး တပ်မတော် (KNLA) ကိုလည်း ရဲချုပ် ခင်ရီက ထည့်သွင်း စွပ်စွဲထားသေးသည်။
ကားအတွင်း ဝှက်၍ လက်နက် မျိုးစုံ ၇ လက်နှင့် ကျည်ဆန်ကဲ့သို့သော ဆက်စပ်ပစ္စည်း ၁၂ မျိုးကို ဖမ်းဆီးရမိသည်ဟု ရဲချုပ် ခင်ရီက ပြောသွားသည်။
စစ်အစိုးရသည် မြန်မာပြည်အတွင်း၌ ဗုံးပေါက်ကွဲမှုနှင့် ပစ်ခတ်မှုများ ဖြစ်ပွားခဲ့သည့် အခါတိုင်း နယ်စပ် အခြေစိုက် လက် နက်ကိုင်တပ်ဖွဲ့များ၏ လက်ချက်ဖြစ်ကြောင်း စွပ်စွဲလေ့ရှိသည်။
ပြီးခဲ့သည့် သင်္ကြန် ကာလအတွင်း ရန်ကုန်မြို့ ဗုံးပေါက်ကွဲမှု၌ ပြည်ပအခြေစိုက် အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ) (NLD -LA) နှင့် မြန်မာ နိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) တို့ကို စစ်အစိုးရက စွပ်စွဲခဲ့သည်။
စစ်အစိုးရက မြန်မာနိုင်ငံတွင် ဗုံးပေါက်ကွဲမှုနှင့် ပတ်သက်သည့် တခြားသော မှုခင်း တချို့ကို စုံစမ်း ဖော်ထုတ်နိုင်ခဲ့သည် ဆိုသော်လည်း ၂၀၀၈ ခုနှစ် မတ်လအတွင်း၌ ဖြစ်ပွားခဲ့သော စိမ်းလဲ့ကန်သာလမ်းရှိ နေအိမ်တခုတွင် ငါးလောင်းပြိုင် လူသတ်မှုကို ယနေ့အထိ ဖော်ထုတ်နိုင်ခြင်း မရှိသေးပေ။
သတင်းစာရှင်းလင်းပွဲတွင် ငါးလောင်းပြိုင် သေဆုံးမှုနှင့် ပတ်သက်၍ ရဲချုပ်ခင်ရီက စုံစမ်းနေဆဲ ဖြစ်သည်ဟုသာ ဖြေကြားကြောင်း တက်ရောက်ခဲ့သည့် ပြည်တွင်း စာနယ်ဇင်းသမား တဦးက ပြောသည်။
DKBA တို့၏ကိုယ့်လူမျိုးကိုယ်ချစ်တဲ့လုပ်ရပ်
ဇွန်လ ၁ရက်နေ့ ကွယ်ကလူသတင်းကို ကညောဖိုးမှ ဘာသာပြန်ဆိုထားသည်
DKBA တပ်(၉၉၉) မှ စောမော်လာဝါး ဦးစီးပြီးတော့ အင်အား၂၀ခန့်ရှိတဲ့သူတို့အဖွဲ့သည် ဖားအံ့ခရိုင်တွင်းရှိ ကလော်လူရွာ ကိုပြာကျတဲ့အထိ မေ၃၁နေ့ကမီးရှို့ခဲ့ကြောင်းသတင်းရရှိသည်။ ဖားအံ့ခရိုင် free Burma ranger တာဝန်ခံ စောတာမလာ ၏အဆိုရ ထိုရွာသည် DKBA တို့၏မီးရှို့ခြင်းကို ၃ကြိမ်တိုင်တိုင်ခံခဲ့ရတယ်။
စုစုပေါင်းလူဦးရေ ၃၀ခန့် အိမ်ခြေ ၅လုံးခန့်ရှိတဲ့ထိုရွာမှ ရွာသူရွာသားများသည် ယခုတောထဲတွင်ပုန်းအောင်းနေကြရပါ တယ်။ ၂၀၀၈ခုနှစ် အောက်တိုဘာလ မှစပြီး ထိုအရပ်ဒေသတဝိုက်ရှိရွာသူရွာသားများသည် DKBA၏အတင်းအဓမ္မခိုင်းစေမှု အပြင် အတင်းအကျပ် စစ်သားစုဆောင်းမှုတို့ကြောင့် မိမိတို့နေရပ်ကိုစွန့်ခွာပြီးထွက်ပြေးခဲ့ရပါတယ်။ ထို့အပြင် စောတာမလာ၏ထပ်မံပြောပြချက်အရ အရင်ကထိုရွာသားများသည်လယ်ပယ်ဟောအနီးရှိတောတောင်ထဲသို့ပြေးလွှားပုန်း အောင်းခဲ့ပြီး ထိုင်းနိုင်ငံထဲသို့ ၂၀၀၉ ဇန်နဝါရီလတွင်းသို့ထွက်ပြေးခဲ့သောဒုက္ခသည်များဖြစ်သည် ဟုပြောပြခဲ့ပါသည်။
မီးရှို့ခံခဲ့ရသောရွာမှ တချို့ရွာသားများသည် နိုဘိုးရွာ၊ တန့်ဆောင်ယန်း၊ တပ်ခရိုင်တွင်းသို့ဝင်ရောက်ခိုလှုံခဲ့ပြီး ထိုင်းဘက်မှ ပြန်ပို့ခြင်းခံရသောရွာသားများဖြစ်ကြောင်းလည်းသိရှိရပါသည်။
ရိက္ခာသယ်ယူမှု ပိတ်ပင်ထား၍ ပြည်တွင်းဒုက္ခသည်များ ဆန်ပြုတ်သောက်နေရ
စောခါးစူးညား (ကေအိုင်စီ)
ကရင်ပြည်နယ်၊ ဖာပွန်ခရိုင်အတွင်း သံလွင်မြစ်ကမ်းနံဘေးရှိ အီတိုးထာ့ ပြည်တွင်း ဒုက္ခသည်စခန်းမှ ဒုက္ခသည်များသည် ထိုင်း နယ်ခြားစောင့် လုံခြုံရေးတပ်ဖွဲ့ (ထာ့ဟမ်ဖန်း)၏ ဆန်သယ်ယူရန် ပိတ်ပင်ထားမှုကြောင့် ရိက္ခာပြတ်လပ်ကာ ဇွန်လ ၃ရက်နေ့မှ စ၍ ဆန်ပြုတ်သောက်နေရသည်ဟု ကရင်အမျိုးသမီးအစည်းအရုံး (ကေဒဗလျူအို)က ပြောသည်။
အီတိုးထာ့စခန်းရှိ ကေဒဗလျူအို လူမှုရေးတာဝန်ခံ နော်ဟဲလေထူးက “စခန်းထဲမှာ လူတွေက ဆန်ရိက္ခာမရောက်လာတော့ ဒီလ ၃ရက်နေ့ကတည်းက ထမင်းအစား ဆန်ပြုတ်ချက်သောက်ရတယ်။ ဒီလို ဆန်ပြုတ်သောက်နေတာတောင် ဆန်က သုံး လေးရက်စာလောက်ပဲ ကျန်တော့တယ်လေ”ဟု ပြောသည်။
အဆိုပါစခန်းရှိ ဒုက္ခသည်များအတွက် ဆန်များမှာ သံလွင်မြစ်ကမ်းနံဘေး သောလယ်ထာ့နေရာတွင် ရှိနှင့်နေပြီးဖြစ်သော် လည်း ထိုင်းနယ်စပ်လုံခြုံရေးတပ်များက သယ်ယူခွင့်မပေးသောကြောင့် ကြန့်ကြာမှုများဖြစ်ကာ ဒုက္ခသည်များ ယခုလို ဆန် ပြုတ်သောက်နေရခြင်းဖြစ်သည်။
ပြီးခဲ့သည့် မေလဆန်းပိုင်း၌ မဲဟောင်ဆောင်ခရိုင်နှင့် မြို့နယ်အဆင့် ထိုင်းအာဏာပိုင်များ တွေ့ဆုံဆွေးနွေးခဲ့ကြရာ သံလွင် မြစ်အတွင်း ဆန်၊ ဆေးနှင့် စက်ပစ္စည်းများ သယ်ယူခြင်းကို တားမြစ်ထားပြီးနောက် တရားဝင်ပုံစံအဖြစ် သယ်ယူရန် စစ်ဆေးမှု ပြုလုပ်ချိန်၌ အီတိုးထာ့စခန်းအတွက် ရိက္ခာသယ်ယူရေးနှင့်လည်း အကျုံးသွားဝင်ခဲ့ခြင်းဖြစ်ကြောင်း (Karen Office Relief Development – KORD) အဖွဲ့တာဝန်ခံ စောမောလောက ကေအိုင်စီကို ပြောသည်။
“ကျနော် သိရသလောက်တော့ သူတို့(ထိုင်းအာဏာပိုင်)က အထူးသဖြင့် သံလွင်မြစ်အတွင်း ဆန်၊ ဆေးနဲ့ စက်ပစ္စည်း သယ် ယူတာတွေကို တားမြစ်ထားတယ်။ ထိုင်းအာဏာပိုင်တွေက သံလွင်မြစ်နံဘေးတလျှောက် အခြေချနေထိုင်သူတွေ ရေကြောင်း ခရီးလမ်းကနေတဆင့် ဒီလို ပစ္စည်းမျိုး ရောင်းဝယ်သယ်ယူတာကို တရားဝင်ပုံစံ လုပ်ချင်တယ်လေ။ ဒါကြောင့် ပစ္စည်းသယ်တဲ့ သူတွေ ထိုင်းအာဏာပိုင်ဆီကို သွားပြီး ကိုယ့်ကိုယ်ကို တင်ပြရမယ်လို့ သိရတယ်။ ဒုက္ခသည်ရိက္ခာကလည်း ဒီလမ်းကြောင်းက နေ သယ်ရတော့ သွားပတ်သက်နေတာပေါ့”ဟု ၎င်းက ပြောသည်။
သို့သော် ဒုက္ခသည်များ၏ လက်ရှိ စားသောက်ရေးအခက်အခဲအရ ဆန်တင်ပို့မှုကို ခွင့်ပြုပေးရန် အီတိုးထာ့စခန်း ရိက္ခာမှူး စောမြင့်နိုင်က ဇွန်လ ၃ရက်နှင့် ၄ရက်နေ့တွင် သံလွင်မြစ်နံဘေး ထိုင်းဘက်ခြမ်း သောလယ်ထာ့ရွာရှိ ထာ့ဟမ်ဖန်းများနှင့် သွားရောက်ညှိနှိုင်းခဲ့သော်လည်း ထိုင်းအထက်အာဏာပိုင်များ၏ ညွှန်ကြားထားချက်ကြောင့် ညှိနှိုင်းမှု မအောင်မြင် ဖြစ်ခဲ့ရ သည်။
လာမည့် ဇွန်လ ၈ရက်နေ့တွင် အီတိုးထာ့စခန်း ဥက္ကဌ စောဝါးအေထူးကိုယ်တိုင် သောလယ်ထာ့ရွာသို့ဆင်း၍ ထာ့ဟမ်ဖန်းနှင့် ညှိနှိုင်းတိုင်ပင်မှု ထပ်မံ ပြုလုပ်မည်ဖြစ်ပြီး မအောင်မြင်ပါက စခန်းအတွင်းရှိ အသက် ၁၅နှစ်မှ ၄၀နှစ်အရွယ် အမျိုးသားများ ထိုင်းဘက်ကမ်းသို့ ကူး၍ ဆန်များကို ခြေလျင်သွားရောက် သယ်ယူသွားမည်ဖြစ်ကြောင်း ကေဒဗလျူအိုမှ နော်ဟဲလေထူးက ဆိုသည်။
သူမက “ဘယ်လိုမှ ညှိလို့မရရင်တော့ စခန်းထဲက ယောက်ျားလေးတွေ သောလယ်ထာ့ကို ခြေလျင်နဲ့ ဆန်သွားထမ်းမယ်။ ဆို ရင် အီတိုးထာ့ကနေ မနက်စောစောထွက်။ ပြီးရင် ထာကျင်းထာ့ကို ရောက်မယ်။ အဲဒီမှာ သံလွင်မြစ်ကိုကူးပြီး ထိုင်းဘက်ကမ်း ဘောညာ့ထာ့ကို ရောက်မယ်။ အဲဒီကနေတဆင့် သောလယ်ထာ့ကို နေ့လည်အချိန် ရောက်မှာပဲ။ တော်တော်တော့ ဝေးတယ်” ဟု သူမက ပြောသည်။
ဒုက္ခသည် အမျိုးသမီးတဦးက “ကျမတို့ဒေသမှာ နေလို့မရတော့လို့ ဒီကိုရောက်လာတယ်။ ဒီမှာလည်း ရိက္ခာပြတ်တဲ့ ဒုက္ခနဲ့ ထပ်ကြုံရတော့ စိတ်သောကရောက်ပြီး အမြန် အဆင်ပြေပါစေလို့ပဲ ပြောချင်ပါတယ်” ဟု ပြောသည်။
မြန်မာဘက်ခြမ်းရှိ သံလွင်မြစ်အထက်ဘက်ကမ်းတစ်လျှောက်ရှိ တဂေါ်ထာ့(ထီးထာ့)၊ နို့ကနာ့၊ မယ်နူထာ့၊ ဟိုကေ၊ ၀ဲကြီး၊ ပေါ် ကား၊ မယ်ကသေ၊ အီတိုးထာ့နေရာများတွင် နေထိုင်ကြသူများသည် ထိုင်းဘက်ခြမ်းရှိ သောလယ်ထာ့ကျေးရွာမှ စားနပ်ရိက္ခာ နှင့် လူသုံးကုန်ပစ္စည်းများကို ရေကြောင်းခရီးဖြင့် ပုံမှန် သယ်ယူလေ့ရှိသည်။
အီတိုးထာ့ ပြည်တွင်းဒုက္ခသည်စခန်းမှ လူဦးရေ ၄,၀၀၀ကျော်ရှိ ဒုက္ခသည်များသည် ၂၀၀၆ခုနှစ်က နအဖ စစ်အစိုးရ၏ နေ ပြည်တော်လုံခြုံရေး ပြင်းထန်သည့်ထိုးစစ်ကြောင့် သံလွင်ကမ်းနားသို့ အသက်လု ထွက်ပြေးလာကြသည့် တောင်ငူနှင့် ညောင် လေးပင်ခရိုင်များမှ ဒေသခံ ကရင်ရွာသူရွာသားများဖြစ်သည်။
၎င်းဒုက္ခသည်များသည် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (ယူအဲန်အိတ်ခ်ျစီအာရ်)၏ ကူညီစောင့်ရှောက်မှုကို မရရှိဘဲ ကရင်လူမှုအဖွဲ့အစည်းများဖြစ်သည့် KWO, KORD, CIDKP, KTWG နှင့် KDHW အဖွဲ့များက ရိက္ခာ၊ အ၀တ်အစား၊ အိမ်မှုအသုံးအဆောင်နှင့် ကျန်းမာရေး၊ ပညာရေးကဏ္ဍများကို ထောက်ပံ့ကူညီပေးလျှက်ရှိသည်။
အဆိုပါရေလမ်းကို လာမည့် ရက်သတ္တပတ်အတွင်း ပြန်လည် ဖွင့်ပေးသွားမည်ဟု အတည်မပြုနိုင်သေးသည့် နောက်ဆုံး သတင်းအရ သိရသည်။
ဒုက္ခသည် စခန်းတွင်းအခြေအနေ ပြောကြားသူများ အား စခန်းတာဝန်ခံ အချို့ က အန္တရာယ်ပေး
Freedom News Group သတင်းမှ........
ဒုက္ခသည် စခန်းတွင်းရှိ အခြေအနေ များ ကို သတင်းဌာန များ ကိုပြောပြသော သူများ အား
စခန်း တာဝန်ရှိ သူများ မှ လုံခြုံရေး အတွက် ဆိုကာ လိုက်လံ ရှာဖွေ ဖမ်းဆီး နှိပ်စက် မှု များ
ပြုလုပ်နေ သောကြောင့် စခန်း တွင်း ရှိ ဒုက္ခသည် အများ စု မှာ စိုးရိမ်ထိတ်လန့် နေကြသည်။
မဲဆောက်မြို့တောင်ဘက်ရှိအုန်းပြန့်ကရင်ဒုက္ခသည်စခန်း အတွင်းမှ မိသားစုတစု စခန်းအနီး တောင်ယာစိုက်ခင်းဟောင်းမှ ပိုးသတ်ဆေးဖြန်းထားသော ဟင်းသီးဟင်းရွက် စားပြီး ဖခင်နှင့် သမီးတို့သေဆုံးပြီး မိခင်ဖြစ်သူမှာ စခန်းတွင်း AMI ဆေးရုံးတွင် ကုသနေရကြောင်း သတင်းထုတ်လွှင့်အပြီး အုန်းပြန့်ဒုက္ခသည်စခန်းတွင်းလက်ရှိအခြေအနေကို စခန်းတွင်းနေထိုင်သူအချို့မှ Freedom News Group သို့ သူတို့၏ စိုးရိမ်ပူပန်မူများကို ပြောပြပါသည်။
စခန်းတွင်းဖြစ်ပေါ်နေသော အခြေအနေများကို နိုင်ငံတကာမှသိရှိစေရန် မီဒီယာသို့တင်ပြလို သော်လည်း စခန်းအုပ်ချုပ်ရေးကော်မတီမှ တင်းတင်းကြပ်ကြပ်ပိတ်ပင်ထားကြောင်း၊ သတင်းဌာနများသို့ ပြောကြားသူများကို ပြင်းပြင်းထန်ထန် အရေးယူဖို့လိုက်လံစုံစမ်းကြောင်းများကို ဇုန် အေတွင်နေထိုင်သော ကျမ္မာရေးဝန်ထမ်းတဦးမှပြောပြပါသည်။ ‘ မယ်လဒုက္ခသည်စခန်းတွင် သွေးလွန်တုတ်ကွေး၊ ၀မ်းရောဂါ စသောရောဂါများဖြစ်ပွားလာပါက သတင်းမီဒီယာများသို့ စခန်းပြောရေးဆိုခွင့်ရှိသူမှ ချက်ခြင်းသတင်းထုတ်ပြန်မှုရှိသောကြောင့် နိုင်ငံတကာအင်ဂျီအိုများမှချက်ခြင်းကူညီဖြေရှင်းပေးသဖြင့် စခန်းသူစခန်းသားများ သက်သာမှုရရှိကြောင်း “ ပြောပြပါသည်။ ယ္ခုကဲ့သို့ ပိုးသတ်ဆေးဖြန်းထားသော ဟင်းသီးဟင်းရွက်များစားသုံးမှုသေဆုံးရကြောင်းကို စခန်းကော်မတီမှ စခန်းသူစခန်းသားများ သိစေရန် ကြေညာသတိပေးခဲ့သော်လည်း ရေဒီယို အသံလွှင့် အစီအစဉ် တစ်ခုတွင် တွင် စခန်းတွင်းအခြေအနေများကို ပြောပြခဲ့သော ဘုန်းကြီးတပါးနှင့် အခြားသူများကိုစခန်းအုပ်ချုပ်ရေးမှလိုက်လံစုံစမ်းနေမှုကိုမိမိနားမလည်ကြောင်း၊ပြောကြားခဲ့သောဘုန်းကြီးတပါးနှင့်အခြားဖြေကြားသူများကို သတင်းထောက်မှ နာမည်များထုတ်ဖေါ်မပြောပြ၍ ထိုသူများသက်သာရာရကြောင်းများကိုအဆိုပါကျမ္မာရေးဝန်ထမ်းကပြောပြပါသည်။
ဆက်လက်ပြီး စခန်းတွင်းနေထိုင်ထိုင်သူများကို ဆက်လက်စုံစမ်းမေးမြန်းကြည့်ရာ စခန်းတွင်းတွင်လူဦးရေ ၃သောင်းနီးပါးစာရင်းရှိသော်လည်း ၂၀၁၀ခုနှစ်တွင် UNHCR အသိအမှတ်ပြုခြင်းမခံရသေးသောလူသစ်(ဒုက္ခသည်အသိအမှတ်ပြုရန် စောင့်ဆိုင်းနေသူ ) ဦးရေ သိသိသာသာလျော့သွားကြောင်း
လက်ရှိမြန်မာနိုင်ငံရေးအခြေအနေအကျပ်အတည်းများကြောင့်စားဝတ်နေရေးအဆင်မပြေမှုများ ကြောင့် တတိယနိုင်ငံ သို့အလွယ်တကူထွက်ခွာခွင့်ရသော ထိုင်းနိုင်ငံနယ်စပ်ရှိ ဒုက္ခသည်စခန်းများသို့ မြန်မာနိုင်ငံအနှံအပြားမှာ မြန်မာနိုင်ငံသားများ သည် ၂၀၀ရ၊ ၂၀၀၈၊ ၂၀၀၉ ခုနှစ်များတွင်
ဝင်ရောက်ခဲ့ကြသည်။ ထိုသူသူများသည် UNHCR အသိအမှပြုခံရပြီးလျင် အမေရိကန်၊နော်ဝေ၊ သြစတေးလျ၊ စသော နိုင်ငံများသို့အခြေချနေထိုင်ကြရန် ရည်ရွယ်ချက်ဖြင့် ရောက်ရှိလာကြခြင်း ဖြစ်သည်။ထိုသူများရောက်ရှိလာချိန်မှစပြီးစခန်းတွင်း လာဘ်ပေးလာဘ်ယူမှုများဖြစ်ပေါ်လာသည်ဟု ၉နှစ်ကျော်ဒုက္ခသည်စခန်းတွင် နေထိုင်သူဒုက္ခသည်တဦးကပြောပြသည်။ “သူတို့ကငွေကြေးတတ်နိုင်ကြတယ်၊ စခန်းရုံးကသူတွေကိုလည်းပိုင်ကြတယ်။” သူတို့က ဘယ်သူတွေလည်းဟု မေးမြန်းကြည့်ရာ ရန်ကုန်နဲ့ မိုးကုတ် လာကြတဲ့ ဗမာ၊ဂေါ်ရခါးတွေ ဘန်ကောက်ကနေဆင်းလာကြတဲ့ မွန်တွေ လည်းပါတယ်။ လို့ရှင်းပြပါတယ်။
အခုတော့ လူသစ်ကအရမ်းနည်းသွားပါပြီ။ အုန်းပြန့်ဒုက္ခသည်စခန်းမှာ UNHCR က လတ်တလောအခြေအနေမှာ ဒုက္ခသည်အသိအမှတ်ပြုခြင်းဆောင်ရွက်မှု အစီအစဉ် မရှိသေးကြောင်း၊
၂၀၁၀ ရွေးကောက်ပွဲပြီးလျင် ဒုက္ခသည်များနေရပ်ပြန်ပို့မည်ဟု သတင်းများထွက်ပေါ်နေခြင်း၊ မလေးရှားနိုင်ငံ ကွာလာလမ်ပူတွင် UNHCR မှ ဒုက္ခသည်အသိအမှတ်ပြုလုပ်ငန်းများ စတင်နေသော ကြောင့် မလေးရှားနိုင်ငံသို့ထွက်ခွာသွားကြကြောင်း နိုင်ငံရေးအကျဉ်းသားဟောင်းတဦး ကပြောပြပါတယ်။ “ တကယ်ကို ငွေတတ်နိုင်တဲ့သူတွေဘဲဗျာ၊ဒီဒုက္ခသည် စခန်းကနေ ဘတ်ငွေ တယောက်ကို ၂၅၀၀၀ ဆီအကုန်ခံပြီး မလေးရှားကိုသွားကြတာဗျ။ “ ကျွန်တော်တို့က မဲဆောက်တောင် စခန်းက ခွင့်လက်မှတ်နဲ့ အလည်သွားရင် ကားခ အသွား ဘတ် ၈၀၊ အပြန် ဘတ်၈၀ မတတ်နိုင်ပါဘူးဗျာ။ “ ဒီမှာက နိုင်ငံရေးလုပ်ပြီးထွက်ပြေးလာတဲ့သူတွေအများကြီးဗျ။ ဘယ်မှာ ဘယ်အဖွဲ့မှာ လုပ်ခဲ့ကြတာလည်းတော့မသိရဘူး စက်တင်ဘာအရေးအခင်းကို တကယ်ပါဝင်
ခဲ့သူတွေထက်တောင် တိတိကျကျပြောနိုင်ကြတယ်။ တချို့ဆို စက်တင်ဘာမှတ်တမ်းခွေတွေ၊အလွတ်ရအောင်ကြည့်ထားကြတာ။ နောက်တချို့ က ထောင်သမိုင်းတောင်ကျေညက်အောင်လေ့လာထားကြတယ်။ ကျွန်တော်ရပ်ကွက်မှာ ၂၀၀၉ တုန်းက လူဦးရေ ၁၀၀၀နီးပါးရှိတယ်။ အခု၃၀၀တောင်မပြည့်ချင်တော့ဘူး။ကျွန်တော်တို့ကတော့ပြေးစရာငွေလည်းမရှိ၊မြေလည်းမရှိပါဘူးဗျာ၊တကယ်လို့ UNHCRအသိအမှတ်ပြုအစီအစဉ်စရင်လူသစ်တွေကပြန်ပြည့်လာမှာပါဘဲ။ဟု အဆိုပါနိုင်ငံရေး အကျဉ်းသားဟောင်း ကပြောပြပါတယ်။
ဒုက္ခသည်အသိအမှတ်ပြုခံရပြီး အမေရိကန်နိုင်ငံမှ လက်နက်ကိုင်အဖွဲ့တွင်ပါဝင်ပါတ်သက်ခဲ့သော ကြောင့် အမေရိကန်အခြေနေထိုင်ဖိုကငြင်းပယ်ခံထားရသူတဦး က လက်ရှိစခန်းတွင်းအခြေအနေ ကို နာနာကျည်းကျည်းရှင်းပြပါတယ်။” အခုစခန်းထဲမှာနေရတာဘာမှကို
အဆင်မပြေတော့ဘူး၊ အရင်တုန်းကအဆင်မပြေပေမယ့်နေလို့၇တယ်။ အခု စခန်းဝန်းကျင်မှာ ထင်းတွေခုတ်လို့ တောကပြုန်းပြီ၊ တောင်ပေါ်ကကျလာတဲ့ ရေတွေကို လိုက်လေးတွေလုပ်ထားပြီး သုံးနေတာ မနှစ်ကထိအဆင်ပြေတယ်။ အခုအဲဒ်အိုက်လေတွေခမ်းသွားပြီ။ ARC ကပေးတဲ့ရေကလည်း အခုမလောက်ဘူး။ နောက်ပြီးရေကမသန့်လို့ ယားနာတွေလည်း ပေါက်နေကြတယ်။ “
“ စခန်းမှာရွေးကောက်ပွဲပြီးလို့ အုပ်ချုပ်ပြောင်းလို့ကောင်းမလားထင်ပါတယ်။ နအဖထက်ဆိုးနေပြီဗျ။
အရင်ကရပ်ကွက်အတွင်းမှာ ပြသနာဖြစ်ရင် ရပ်ကွက်တွင်းမှာဘဲညှိနိုင်းအဆင်ပြေသွားကြတယ်။
ကြီးတဲ့အမှုငယ်စေပေါ့ဗျာ။ အခုအဲလိုမဟုတ်ဘူး ။ ကျွန်တော်ပြောခြင်တာက စခန်းအုပ်ချုပ်ရေးကော်မတီတခုလုံး
မဟုတ်ပါဘူး။ စခန်းမှာက လူမှုရေးရာ၊ ရိက္ခာဆိုင်ရာ၊ ပညာရေး၊ စခန်းလုံခြုံရေး စသလို ကော်မတီတွေဖွဲ့ပြီး အလုပ်လုပ်ကြတယ်။ ရပ်ကွက်တွေမှာလည်းဒီအတိုင်းဘဲ ဖွဲ့ စည်းထားတယ်။
အခုပြောပြချင်တာက စခန်းအုပ်ချုပ်ရေးမှုး မန်းထွန်းနောင် တက်လာပြီးမှ ဘာပြသနာဖြစ်ဖြစ် ငွေတောင်းလွန်းတယ်။ တခုတော်သေးတယ် ပြီးခဲ့တဲ့နှစ်ကလို ချဲတွေ၊ ဘောလုံးလောင်းကစားတွေ ငြိမ်သွားလို့။ နောက် ၁၆ရပ်ကွက် လုံခြုံရေးမှုး ကိုကိုမောင်ဆိုရင် သူကို တင်ပေးလိုက်မှ တရပ်ကွက်လုံး ဒုက္ခရောက်တော့တာဘဲ။ ဘာအကြောင်းဘဲဖြစ်ဖြစ် စခန်းရုံးအချုပ်ကိုပို့တော့တာဘဲ။
ဧပရယ်ပထမပါတ်တုန်းက ဂေါ်ရခါးလူငယ်တယောက်ကို ကိုကိုမောင်ရဲ့ သူငယ်ချင်း တယောက်အသုံးချပြီး မြင်းဆေး ( ယာဘ ) ၀ယ်ခိုင်းတယ်။ ပြီးတော့ထောင်ဖမ်းတယ်။ စခန်းအချုပ်ရောက်တော့ ရောင်းတဲ့သူဘဲဖမ်းပြီး၊ ၀ယ်တဲ့သူကို ပြန်လွတ်လိုက်တယ်။ ရောင်းတဲ့သူကို
စခန်း လုံခြုံရေးမှုးက အမှုကလွတ်ခြင်ရင် ဘတ်၉၀၀၀ ပေး၇မယ်တောင်းတယ်။
နောက် ပြီးစခန်းတွင်းမှာ ကိုယ်အိမ်ဧည့်သည်လာရင် ဧည့်စာရင်းတိုင်၇တယ်။ မတိုင်ရင် အရေးယူခံရတယ်။ ပြီးခဲ့တဲ့ ၂ပါတ်လောက်က ၁၆ရပ်ကွက်က အိမ်တအိမ်ကို ကိုကိုမောင်နဲ့အဖွဲ့ က ဧည့်စာရင်းဝင်စစ်ပြီးဖမ်းသွားတယ်ကြားတယ်။နောက်ငွေယူပြီးလွတ်လိုက်တယ်တဲ့ တော်တော်ပေးလိုက်ရတယ် လို့စခန်းထဲမှာသတင်းထွက်နေတယ်။” ကျွန်တော်တို့မှာ သွားစရာကမရှိတော်တော်ကိုဒုက္ခရောက်ကြရတယ်ဗျာ။ စခန်းလုံခြုံရေးမှုးနဲ့ ၁၆ရပ်ကွက် လုံခြုံရေးမှုး ပြောင်းသွားရင် ဒုက္ခသည်စခန်းမှာ ဒုက္ခတ၀က်ငြိမ်းသွားမှာပါဗျာ” လို့ပြောပြခဲ့ပါတယ်။
ဧည့်စာရင်းမတိုင်လို့ ဖမ်းပြီးငွေညစ်ခံရတဲ့ ကာယကံရှင်ကို ဆက်သွယ်မေးမြန်းကြည့်ဖို့ကြိုးစား သော်လည်း ထိုမိသားစုမှာ အတော်ကိုကြောက်ရွံနေပြီး ဖြေကြားဖို့ငြင်းဆန်ခဲ့ပါတယ်။
စစ်အစိုးရ၏ နျူကလီးယား စီမံကိန်း ပေါက်ကြား
ဧရာဝတီ မှ......
ပြည်ပသို့ တိမ်းရှောင် လာသော စစ်ဘက် အရာရှိတဦးက ရာနှင့်ချီသော ထိပ်တန်း လျှို့ဝှက်ချက် စာရွက် စာတမ်းနှင့် ဓာတ်ပုံ အထောက် အထားများကို ထုတ်ဖော် လိုက်သည့် အတွက် စစ်အစိုးရ၏ နျူကလီးယား လျှို့ဝှက် စီမံကိန်း နိုင်ငံတကာသို့ ပေါက်ကြားသွားသည်။
စစ်အစိုးရ၏ နျူကလီးယား စီမံကိန်း အကြောင်း ပြောဆိုမှုများ ရှိနေ သော်လည်း ဗိုလ်မှူး စိုင်းသိန်းဝင်း ယူဆောင် လာသည့် အထောက် အထား များကြောင့် စစ်အစိုးရ၏ လျှို့ဝှက် အစီအစဉ်များ ပိုမိုခိုင်မာ လာပြီး နိုင်ငံတကာနှင့် ဒေသတွင်းတွင် လုံခြုံရေး ခြိမ်းခြောက်မှုများ ဖြစ်လာ နိုင်ကြောင်း လေ့လာ သူများက သုံးသပ်ကြသည်။
“သူတို့ တကယ် လိုချင်တာက အဏုမြူဗုံးပဲ။ အဲဒါ သူတို့ရဲ့ အဓိက ရည်မှန်းချက်ပဲ။ ဒုံးကျည်တွေ နျူကလီးယား ထိပ်ဖူးတွေ ပိုင်ဆိုင် ချင်တယ်” ဟု ဗိုလ်မှူး စိုင်းသိန်းဝင်းက နော်ဝေ အခြေစိုက် ဒီမိုကရက်တစ် မြန်မာ့အသံ (DVB) နှင့် အယ်လ်ဂျာ ဇီးယားတို့ ပူးပေါင်း ထုတ်လွှင့်သည့် သတင်း မှတ်တမ်းတွင် ပြောသည်။
စစ်သက် ၁၅ နှစ်ရှိ ဗိုလ်မှူး စိုင်းသိန်းဝင်းသည် ဒုံးပျံ အင်ဂျင် အထူးပြု ဘာသာရပ်နှင့် ရုရှားမှ ဘွဲ့ရခဲ့သူ ဖြစ်ပြီး မကွေးတိုင်း ပခုက္ကူခရိုင် မြိုင်မြို့နယ် အတွင်းရှိ လျှို့ဝှက် စစ်လက်နက်ပစ္စည်း ထုတ်လုပ်ရေးစက်ရုံမှ ဒုတိယ အကြီးအကဲဖြစ်ခဲ့သည်။ ထိပ်တန်း လျှို့ဝှက် စာရွက်စာတမ်းများကို ယူဆောင်၍ ၂၀၁၀ ဖေဖော်ဝါရီလတွင် ပြည်ပသို့ ထွက်ပြေး တိမ်းရှောင်လာခဲ့သည်။
ရရှိလာသော စာရွက်စာတမ်းနှင့် အထောက်အထားများကို သုံးသပ်ရေးသားထားသည့် စာမျက်နှာ ၂၀ ကျော်ရှိသော “မြန်မာနိုင်ငံ နျူကလီးယား ဆိုင်ရာ လူပ်ရှားမှုများ” စာတမ်းတွင် အထောက်အထား အချက်အလက်နှင့် ဓာတ်ပုံ၊ မြေပုံများဖြင့် ဖော်ပြထားသည်။
ဗိုလ်မှူး စိုင်းသိန်းဝင်း ယူဆောင်လာသော အချက်အလက်များကို နိုင်ငံတကာ အဏုမြူစွမ်းအင် အေဂျင်စီ (IAEA) ၏ ညွှန်ကြားရေးမှူးဟောင်း ရောဘတ် ကယ်လီက လနှင့်ချီ၍ လေ့လာဆန်းစစ်ပြီးနောက် စာရွက်စာတမ်းနှင့် ဓာတ်ပုံအထောက်အထားများတွင်ပါရှိသော စက်ယန္တရား ပစ္စည်းများသည် နျူကလီးယား ဆိုင်ရာ လက်နက်များ ထုတ်လုပ်ရန် အသုံးဝင်သည်ဟု မှတ်ချက်ချကြောင်း သိရသည်။
မြန်မာ့အရေးလေ့လာသူ ဆွီဒင်လူမျိုး သတင်းစာဆရာ ဘာတေးလ် လစ်တနာက “မြန်မာပြည်က ဒီလိုမျိုး အထောက်အထား စာရွက်စာတမ်းတွေ ထွက်လာတာ တခါမှ မတွေ့ဖူးဘူး” ဟု အယ်လ်ဂျာဇီးယားသတင်းဌာနနှင့် အင်တာဗျူးတွင် ပြောထားသည်။
ဝါရှင်တန် အခြေစိုက် လက်နက် ထိန်းချုပ်ရေးနှင့် မပြန့်ပွားရေး ဌာနမှ အမှုဆောင် ညွှန်ကြားရေးမှူး ဂျွန် အိုင်ဆက်စ် ကမူ စစ်အစိုးရ၏ နျူကလီးယား စီမံကိန်းကို သံသယ ရှိသော်လည်း အတိအကျ ကောက်ချက်ချရန် အသင့် မဖြစ်သေးကြောင်း အယ်လ်ဂျာဇီးယားနှင့် အင်တာဗျူးတွင် မှတ်ချက်ပေးသည်။
ဥမင် လိုဏ်ခေါင်းများမှာ သာမန် ရည်ရွယ်ချက် အတွက်သုံးရန် ဆိုသော်လည်း တချို့မှာ ဘောလုံးကွင်း ၂ ခုစာမျှ ကျယ်နေကြောင်း ဗိုလ်မှူး စိုင်းသိန်းဝင်းက အယ်လ်ဂျာဇီးယား သို့ ပြောသည်။
စစ်အစိုးရသည် ကားသွားလာနိုင်လောက်အောင် ကျယ်ဝန်းသည့် လိုဏ်ခေါင်းများ၊ ပြင်ပမှ ပစ်ခတ် တိုက်ခိုက်ခြင်း မရှိအောင် တည်ဆောက်ထားသည့် ဥမင်များ၊ ချိတ်ဆက်ထားသည့် ဥမင်လမ်းရှည်များ ရှိနေကြောင်း စစ်တပ်မှ ထွက်ပြေးတိမ်းရှောင်လာသည့် တခြား စစ်ဘက်အရာရှိများကို ကိုးကား၍ အယ်လ်ဂျာဇီးယားက ထုတ်လွှင့်သွားသည်။
“မြန်မာနိုင်ငံ နျူကလီးယား ဆိုင်ရာ လူပ်ရှားမှုများ” သုံးသပ်ချက် စာတမ်းအရ ဥမင်လိုဏ်ခေါင်းများကို မြောက်ကိုရီးယားအကူအညီနှင့် တည်ဆောက်ရာတွင် ခန့်မှန်းခြေ ကုန်ကျစရိတ် အမေရိကန် ဒေါ်လာ ၃ ဘီလီယံ ရှိမည်ဟု ဖော်ပြထားသည်။
အယ်လ်ဂျာဇီးယားနှင့် အင်တာဗျူးတွင် ဗိုလ်မှူး စိုင်းသိန်းဝင်းက စစ်အစိုးရသည် နျူကလီးယား စီမံကိန်းအတွက် ငွေများကို ရတနာ ကမ်းလွန် သဘာဝ ဓာတ်ငွေ့ လုပ်ငန်းမှ ရရှိသော အကျိုးအမြတ်များဖြင့် လုပ်ဆောင်နေသည်ဟု ပြောသွားသည်။ ရတနာ ကမ်းလွန် ဘသာဝ ဓာတ်ငွေ့ လုပ်ငန်းမှ အမေရိကန် ဒေါ်လာ ၇.၅ သန်း ရရှိသည်။ စစ်ရေး ငွေများ ပိုမို သုံးစွဲရန် ရွှေ ကမ်းလွန် သဘာဝ ဓာတ်ငွေ့ လုပ်ငန်းမှ ရငွေများကို တိုးချဲ့ သုံးစွဲသွားဖွယ် ရှိသည်ဟုလည်း ပြောသွားသည်။ ရွှေဂက်စ် လှုပ်ရှားမှု အဖွဲ့၏ အဆိုအရ စစ်အစိုးရသည် ယင်းလုပ်ငန်းမှ နှစ်စဉ် အမေရိကန် ဒေါ်လာ ၁.၂ သန်း ရရှိသည်ဟု သိရသည်။
စစ်အစိုးရ၏ လျှို့ဝှက် နျူကလီးယား စီမံကိန်းအကြောင်း DVB နှင့် အယ်လ်ဂျာဇီးယားတို့ ပူးပေါင်း ထုတ်လွှင့်မှုမတိုင်ခင် ဇွန်လ ၃ ရက်နေ့တွင် အမေရိကန် အထက် လွှတ်တော် အမတ် ဂျင်မ် ဝက်ဘ်က မြန်မာပြည်သို့ လာရောက်မည့် ခရီးစဉ်ကို ရုတ်တရက် ဖျက်သိမ်းလိုက်သည်။ မြောက်ကိုရီးယားနှင့် မြန်မာ၏ နျူကလီးယားဆိုင်ရာ သံသယ ဖြစ်ဖွယ် ဆက်ဆံရေးကြောင့် ဖြစ်သည်ဟု ကြေညာချက် ထုတ်ပြန်ခဲ့ပြီး အိုဘားမား အစိုးရအနေနှင့် တွေ့ဆုံဆွေးနွေးရေးအတွက် ကိုယ်စားလှယ် အမြန်ဆုံး စေလွှတ်သင့်ကြောင်း တိုက်တွန်းထားသည်။
ဇွန်လ ၃ ရက်နေ့က ဘန်ကောက်တွင် ပြုလုပ်သည့် သတင်းစာရှင်းလင်းပွဲတွင် ဂျင်မ် ဝက်ဘ်က “ထိုအရေးကိစ္စများကို မရှင်းလင်းဘဲ ဤအချိန်တွင် မြန်မာနိုင်ငံသို့ သွားရောက်လည်ပတ်လျှင် အမြော်အမြင်ကင်းမဲ့ပြီး အကျိုးယုတ်ရာ ကျမည်ဟု ယုံကြည်သည်” ဟု ပြောသည်။
လန်ဒန် အခြေစိုက် နိုင်ငံတကာ မဟာဗျူဟာ လေ့လာရေး ဌာန၏ ရှန်ဂရီလာ ဒိုင်ယာလော့ဂ် (Shangri-La Dialogue) ဆွေးနွေးပွဲ ခေါ် ၉ ကြိမ်မြောက် အာရှ လုံခြုံရေး ထိပ်သီးဆွေးနွေးပွဲကို ယနေ့မှ စ၍ ၆ ရက်နေ့ အထိ စင်ကာပူတွင် ကျင်းပနေသည်။ အာရှနှင့် ပစိဖိတ် ဒေသတွင်း ကာကွယ်ရေးနှင့် လုံခြုံရေး မူဝါဒများ ဆွေးနွေးရေးအတွက် အရေးပါသော ပွဲဖြစ်ပြီး ယနေ့ ထွက်ပေါ်လာသော မြန်မာ နျူကလီးယား လှုပ်ရှားမှု အထောက် အထားများနှင့် ပတ်သက်၍ ဆွေးနွေးဖွယ် ရှိသည်။
ယခုနှစ် ရှန်ဂရီလာ ဒိုင်ယာလော့ဂ် သို့ နိုင်ငံပေါင်း ၂၇ နိုင်ငံမှ ကာကွယ်ရေးဝန်ကြီးများ၊ စစ်တပ် အကြီးအကဲများ၊ လုံခြုံရေးဆိုင်မရာ မူဝါဒ ချမှတ်သူများ တက်ရောက်သော်လည်း စစ်အစိုးရဘက်မှ မည်သူ တက်ရောက်ကြောင်း မသိရှိရသေးပေ။ ယမန်နှစ်က ကာကွယ်ရေး ဝန်ကြီးဌာန ဒုတိယဝန်ကြီး ဗိုလ်ချုပ် အေးမြင့် တက်ရောက်ခဲ့သည်။
ယနေ့တွင် ရှန်ဂရီလာ ဒိုင်ယာလော့ဂ်၌ မိန့်ခွန်းပြောရာတွင် တောင်ကိုရီးယား သမ္မတ လီမြောင်ဘတ်က “ကိုရီးယား ကျွန်းဆွယ်နှင့် မြောက်အာရှတွင် ငြိမ်းချမ်းရေးနှင့် တည်ငြိမ်မှုကို ပျက်ပြားစေသည့် မြောက်ကိုရီးယား၏ ခြိမ်းခြောက်မှုကို နိုင်ငံတကာက လေးလေးနက်နက် တုံ့ပြန်သင့်သည်” ဟု ပြောသွားသည်။
ပြီးခဲ့သည့် မေလ ၂၇ ရက်နေ့တွင် ကုလသမဂ္ဂ ကျွမ်းကျင် သူများထံမှ ပေါက်ကြား လာသည့် ၄၇ မျက်နှာရှိ အစီရင်ခံစာ တစောင်ကို အေပီသတင်း ဌာနက ကိုးကား ဖော်ပြရာ၌ မြောက်ကိုရီးယား နိုင်ငံသည် လက်နက်များကို မြန်မာနိုင်ငံ အပါအ၀င် အီရန်နှင့် ဆီးရီးယား နိုင်ငံများသို့ တင်ပို့လျက် ရှိပြီး ကုလ သမဂ္ဂ၏ အရေး ယူမှုများကို ရှောင်ရှားရန် အတွက် ကြားခံ ကုမ္ပဏီများ၊ တခြားသော အဆက် အသွယ်များကို အသုံးပြုလျက် ရှိသည်ဟု ဆိုထားသည်။
စစ်အစိုးရသည် အရှေ့တောင်အာရှ ဒေသတွင်း အဏုမြူလက်နက် ကင်းစင်သောဇုန်နယ်အဖြစ် သတ်မှတ်ရေး သဘောတူညီချက် (ဘန်ကောက်သဘောတူညီချက်) ကို ၁၉၉၅ ခုနှစ်တွင် လက်မှတ် ရေးထိုးခဲ့သည်။ နောက်တနှစ် အကြာတွင် ဘက်စုံ အဏုမြူစမ်းသပ်မှုများ တားမြစ်ရေး သဘောတူညီချက်ကိုလည်း လက်မှတ်ရေးထိုး ခဲ့သေးသည်။
အဏုမြူစွမ်းအင် ဦးစီးဌာနကို ၁၉၉၇ အောက်တိုဘာလတွင် အသစ် ဖွဲ့စည်းခဲ့ပြီး သိပ္ပံနှင့် နည်းပညာ ဝန်ကြီးဌာန၏ အောက်တွင် ထားရှိသည်ဟု အစိုးရ၏ ထုတ်ပြန်ချက်များအရ သိရသည်။
၂၀၀၂ ခုနှစ်၊ ဇန်န၀ါရီလတွင် မြန်မာစစ်အစိုးရက "ငြိမ်းချမ်းသော ရည်ရွယ်ချက်ဖြင့် အသုံးချရေး အတွက်" အဏုမြူ သုတေသနဓာတ်ပေါင်းဖို တခုတည် ဆောက်ရန် အစီအစဉ်ကို အတည်ပြုပြောဆိုလာခဲ့သည်။ ထိုအချိန် က နိုင်ငံခြားရေးဝန်ကြီးဌာန ဒု-၀န်ကြီး ဦးခင်မောင်ဝင်းက "မြန်မာနိုင်ငံ၏ အဏုမြူစွမ်းအင်အပေါ် ငြိမ်းချမ်းသော ရည်ရွယ်ချက်ဖြင့် စိတ်ဝင်စားမှုမှာ ကာလကြာရှည်ကတည်းက ရှိနေခဲ့သည်" ဟု ထုတ်ဖော်ပြောဆိုခဲ့သည်။
၂၀၀၃ ဇူလိုင်လတွင် မြောက်ကိုရီးယား ပညာရှင် ၁၅ ဦးမှ ၂၀ အထိ ရန်ကုန်ရှိ ရေတပ်စခန်းတခုနှင့် ကာကွယ်ရေး ဝန်ကြီးဌာန၏ ဧည့်ရိပ်သာ တခုတွင် တွေ့ရကြောင်း ဟောင်ကောင် အခြေစိုက် အရှေ့ဖျားဒေသ စီးပွားရေးရာ စာစောင် က ရေးသားဖော်ပြခဲ့သည်။
မြောက်ကိုရီးယားသည် မြန်မာပြည်ကို ဒုံးကျည်များ ရောင်းချနေသည်ဟု အမေရိကန် အစိုးရ အရာရှိတို့က ၂ဝဝ၄ ခုနှစ်ကလည်း ထုတ်ဖော် ပြောကြားခဲ့သည်။
၂၀၀၈ ခုနှစ် နိုဝင်ဘာလအတွင်း ဗိုလ်ချုပ်ကြီး သူရရွှေမန်း ခေါင်းဆောင်သော ကိုယ်စားလှယ် အဖွဲ့သည် မြောက်ကိုရီးယားသို့ လျှို့ဝှက် သွားရောက်ခဲ့သော်လည်း နောက်ပိုင်းတွင် သတင်း ပေါက်ကြားခဲ့သည်။ ထိုခရီးစဉ်တွင် မြောက်ကိုရီးယား စစ်ဦးစီး အရာရှိချုပ် ဗိုလ်ချုပ် ကင်မ်ကျုတ်ဆစ် နှင့် စစ်ရေး အရ ပူးပေါင်း ဆောင်ရွက်မှုပြုလုပ်ရန် သဘောတူ လက်မှတ် ရေးထိုးခဲ့ကြသည်။
၂၀၀၉ ခုနှစ် ဇွန်လတွင်လည်း လက်နက်များ တင်ဆောင်လာသည်ဟု ယူဆရသည့် မြောက်ကိုရီးယား သင်္ဘောတစီး မြန်မာပြည်သို့ ဦးတည် ခုတ်မောင်းသွားသည့် သတင်းက ကမ္ဘာ့မီဒီယာ၌ ထိပ်တန်းသို့ ရောက်ရှိခဲ့သည်။ တချိန်တည်းမှာပင် မြန်မာ စစ်အစိုးရ၏ နျူကလီးယား ထုတ်လုပ်မည့် အစီအစဉ်နှင့် ပတ်သက်နိုင်ဖွယ်ရှိသော မြေအောက် ဥမင်များ တည်ဆောက်နေမှု ဓာတ်ပုံနှင့် ဗီဒီယို မှတ်တမ်းများကိုလည်း သတင်းဌာနများတွင် ထုတ်လွှင့်ပြသခဲ့သည်။
၂၀၀၉ ခုနှစ်တွင် မြောက်ကိုရီးယား နျူကလီးယား အစီအစဉ်နှင့် ပတ်သက် ဆက်နွယ်မှုရှိသည်ဟု ယူဆရသော သံလိုက်ဓာတ်အား တိုင်းတာသည့် ကိရိယာ တမျိုးကို မလေးရှားမှ တဆင့် မြန်မာနိုင်ငံသို့ တင်သွင်းရန် ကြိုးပမ်းခဲ့သူ ၃ ဦးကို ဂျပန်နိုင်ငံ၌ ဖမ်းဆီးခဲ့သည်။
အမေရိကန်နိုင်ငံခြားရေးဝန်ကြီး မစ္စ ဟီလာရီ ကလင်တန်က မြောက်ကိုရီးယားသည် မြန်မာနိုင်ငံသို့ နျူကလီးယား နည်းပညာ လွှဲပြောင်းပေးအပ်ပါက အာဆီယံ ဒေသတွင်း တည်ငြိမ်မှုကို ခြိမ်းခြောက်နိုင်ကြောင်း ၂၀၀၉ ခုနှစ် ဇူလိုင်လတွင်းက ထိုင်းနိုင်ငံတောင်ပိုင်း ဖူးကက်တွင် ကျင်းပသော အာဆီယံအစည်းအဝေး လုံခြုံရေးဆိုင်ရာ ဆွေးနွေးပွဲတွင် သတိပေး ပြောကြားဖူးသည်။
စစ်အစိုးရသည် သန့်စင်ပြီးသား ယူရေနီယံများကို မြောက်ကိုရီးယားနိုင်ငံ၏ နည်းပညာ အကူအညီဖြင့် လာမည့် ၅ နှစ် အတွင်း အဏုမြူဗုံး ထုတ်လုပ်ရန် စီစဉ်နေသည်ဟု ၂၀၀၉ ခုနှစ် သြဂုတ်လထုတ် Sydney Morning Herald သတင်းစာ၏ ဆောင်း ပါးတပုဒ်တွင် ဖော်ပြထားသည်။
မြောက်ကိုရီးယားနှင့် မြန်မာနိုင်ငံ နျူကလီးယား နည်းပညာ ပူးပေါင်း ဆောင်ရွက်မှုများ အတွက် စိုးရိမ် ပူပန်မိကြောင်း အမေရိကန် နိုင်ငံခြားရေးဌာန ပြောရေးဆိုခွင့်ရှိသူ P. J Crowleyက ယခုနှစ် မတ်လ ပထမပတ်တွင် ပြောကြားခဲ့သေးသည်။
မြန်မာနှင့် မြောက်ကိုရီးယားတို့သည် ၂ နိုင်ငံ သံတမန် ပုံမှန် ဆက်ဆံရေး ရပ်ဆိုင်းခဲ့ရာမှ မကြာသေး သော နှစ်များ အတွင်း တိတ်တဆိတ် ဆက်ဆံရေးများ ပြုလုပ်လာခဲ့ကာ ပြီးခဲ့သည့် ၂၀၀၇ ခုနှစ် ဧပြီလတွင် တရားဝင် ဆက်ဆံရေး ပြန်လည် စတင်ခဲ့ခြင်း ဖြစ်သည်။
စစ်အစိုးရ၏ လျှို့ဝှက်သတင်းများ ပေါက်ကြားမှုကြောင့် ထိန်းသိမ်းထားသည့် စစ်တပ်အရာရှိဟောင်း ဗိုလ်မှူး ၀င်းနိုင်ကျော်ကို အင်းစိန်ထောင်တွင် ယခုနှစ် ဇန်နဝါရီလ ၇ ရက်က သေဒဏ်နှင့် ထောင်ဒဏ် အနှစ်၂၀ ချမှတ်ခဲ့သည်။
ဗိုလ်မှူး ဝင်းနိုင်ကျော်သည် စစ်အစိုးရ၏ လျှို့ဝှက် စီမံကိန်းများဖြစ်သည့် နျူကလီးယား ဓာတ်ပေါင်းဖိုစီမံကိန်း၊ မြေအောက် လိုဏ်ခေါင်းများ ဖောက်လုပ်ရေး စီမံကိန်း၊ လျှို့ဝှက်သွားရောက်ပြီး လက်နက်ဝယ်ယူခဲ့သည့် မြောက်ကိုရီးယားခရီးစဉ်၊ ရုရှား၊ အိန္ဒိယခေါင်းဆောင်များနှင့် လျှို့ဝှက် ဆွေးနွေးခဲ့သည့်မှတ်တမ်းများနှင့်ပတ်သက်ပြီး မီဒီယာများထံပေါက်ကြားခဲ့သည့်အတွက် ဖမ်းဆီး အပြစ်ပေး ခံခဲ့ရခြင်းဖြစ်သည်။
ကွမ်းခြံကုန်းဓားပြမှု ကေအန်ယူ တပ်ဖွဲ့ဟောင်းများ ပါဝင်ဟု ရဲမှူးချုပ်ခင်ရီ စွပ်စွဲ
လျှာရိုးမရှိတိုင်း လိုက်ဟောင်နေတဲ့ ဒီဦးနှောက်မဲ့ခွေးသားခင်ရီတော့ မလွယ်တော့ဘူး...ရေဝေးကိုဒုံးပျံစီးပြီးသွားချင်နေ တယ်နဲ့တူတယ်.....အားတိုင်းရားတိုင်း သတင်းစာရှင်းလင်းပွဲတွေလုပ်.....ဘာပြသနာမဆိုသူ့အဖေ KNUကိုစွပ်စွဲ.... သူ့သမီးဗိုက်ကြီးရင်တောင် KNU လက်ချက်လို့ပြောဦးမယ်နဲ့တူတယ်......
တက်လူ (ခေတ်ပြိုင်မှ..............)
ကွမ်းခြံကုန်းမြို့နယ်အတွင်း ဒရယ်လူးကျေးရွာတွင် လူသတ် ဓားပြတိုက်ခဲ့သော တရားခံများအနက် (၂) ယောက်မှာ ကရင်အမျိုးသားအစည်းအရုံး (ကေအန်ယူ) တပ်မဟာ (၁) လက်အောက်မှဖြစ်ကြောင်း မြန်မာနိုင်ငံ ရဲတပ်ဖွဲ့မှ ရဲမှူးချုပ်ခင်ရီက ပြောကြားလိုက်သည်။
ရန်ကုန်မြို့ ပြည်ထဲရေးရုံးရှိ စည်းဝေးခန်းမတွင် ပြည်တွင်းပြည်ပ သတင်းထောက်များနှင့်တွေ့ဆုံကာ ယနေ့ပြုလုပ်သည့် သတင်းစာရှင်းလင်းပွဲတွင် ထိုသို့ပြောကြားလိုက်ခြင်းဖြစ်သည်။
ပြီးခဲ့သည့်လအတွင်း ဒရယ်လူးတွင် ဖြစ်ပွားခဲ့သည့် ဓားပြတိုက်မှု ဖြစ်စဉ်တွင် ဓားပြ (၅) ဦးပါဝင်ပြီး (၄) ဦး ဖမ်းဆီး ရမိထားကြောင်း၊ ဖမ်းဆီးရရှိထားသူထဲမှ ခင်မောင်ဝင်း (ခ) မောင်ဝင်းနှင့် ထွက်ပြေးလွတ်မြောက်နေဆဲဖြစ်သည့် အေးသန်းတို့မှာ ကေအန်ယူ ထပ်မဟာ (၁) လက်အောက်ခံ ဗိုလ်မောင်နီ၏တပ်ခွဲမှ တပ်ဖွဲ့ဝင်ဟောင်းများဖြစ်ကြောင်း ရဲမှူးချုပ် ခင်ရီက ပြောသည်။
၎င်းတို့ (၂) ဦးမှာ ၁၉၉၀ ပြည့်နှစ်က သထုံမြို့ ရှေ့တန်း အမှတ် (၆၆) ခြေမြန်တပ်မဌာနချုပ်တွင် အလင်းဝင်ခဲ့ကြသော ကေအန်ယူတပ်ဖွဲ့ဝင်ဟောင်းများဖြစ်ပြီး ဓားပြများ ပစ်ခတ်ခဲ့သော သေနတ်များမှ AK-47 ဖြစ်ပြီး M-67 လက်ပစ်ဗုံးကိုလည်း အသုံးပြုသွားခဲ့ခြင်းဖြစ်ကြောင်း ရဲမှူးချုပ်က ပြောကြားသွားသည်။
ပြီးခဲ့သည့် မေ (၁၆) ရက်တွင် ကွမ်းခြံကုန်းမြို့နယ် ဒရယ်လူးကျေးရွာ၌ အိမ်ရှင် ဒေါ်သိန်းမြင့်နေအိမ်ကို ဓားပြတိုက်မှုဖြစ်ပွားခဲ့ရာ ပွဲချင်းပြီး လူ (၂) ဦးသေဆုံးခဲ့ပြီး ဒဏ်ရာရသူ (၁၂) ဦးထဲမှ နောက်ထပ် (၁) ဦး သေဆုံး ခဲ့ကြောင်းလည်း ၎င်းက ဆက်လက်ပြောကြားသည်။
အဆိုပါ ဓားပြတိုက်သူများက စစ်အ၀တ်အစားများ ၀တ်ဆင်ထားသည့်အတွက် ရန်ကုန်တွင် စစ်သားများ ဓားပြတိုက်သည်ဟုလည်း သတင်းများ ထွက်ပေါ်ခဲ့သေးသည်။
ထိုသတင်းထွက်ပေါ်မှုနှင့်ပတ်သက်၍ ရဲမှူးချုပ်က “ပြည်ပအသံလွှင့်ဌာနတွေက ထင်ယောင်ထင်မှားဖြစ်အောင် အသံလွှင့်တာတွေ ရှိပါတယ်။ စစ်သားယောင်ဆောင်ပြီးတော့ ဓားပြတိုက်တာသာ ဖြစ်ပါတယ်” ဟု ရှင်းလင်းပြောဆိုသည်။
ယခုအခါ ဓားပြ တရားခံများအနက်မှ (၄) ဦး ဖမ်းမိကာ (၁) ဦးမှာ ထွက်ပြေးနေဆဲဖြစ်ကြောင်း သိရသည်။
ကွမ်းခြံကုန်းဓားပြတိုက်မှုနှင့် ပတ်သက်၍ ယနေ့ သတင်းစာရှင်းလင်းပွဲတွင် ရဲမှူးချုပ်ခင်ရီ၏ ပြောကြားချက်များကို ကေအန်ယူတပ်မဟာ (၁) မှ ဗဟိုအဆင့်ခေါင်းဆောင်တဦးဖြစ်သူ ပဒိုသောသီဘွဲက ငြင်းဆန်လိုက်သည်။
၎င်းက “ကျနော်တို့တပ်မဟာ (၁) မှာ ဗိုလ်မောင်နီဆိုတာ ဘယ်တပ်ရင်း တပ်ဖွဲ့မှာမှ မရှိခဲ့ဘူး။ ရန်ကုန်တိုင်းထဲအထိ သေနတ်တွေ လက်ပစ်ဗုံးတွေ ယူပြီး ဓားပြသွားတိုက်ဖို့ဆိုတာ မဖြစ်နိုင်ပါဘူး။ သတင်းစာရှင်းလင်းပွဲလုပ်တဲ့ ရဲချုပ်ခင်ရီအနေနဲ့ စဉ်းစားတွေးခေါ်ဖို့ လိုတယ်။ ဒီကိစ္စက ကေအန်ယူရဲ့ဂုဏ်သိက္ခာကို ဖျက်လိုဖျက်ဆီးလုပ်တာ ဖြစ်တယ်” ဟု ခေတ်ပြိုင်သို့ ပြောသည်။
လွန်ခဲ့သည့် (၁၅) နှစ်ခန့်က ကေအန်ယူတပ်မဟာ (၁) တွင် မောင်နီတဦးရှိခဲ့ပြီး လက်ရှိ ဒီကေဘီအေအဖွဲ့ဝင်ဖြစ်ကာ ဘီးလင်းမြို့နယ် ကော်ဟဲကွင်တွင် တာဝန်ထမ်းဆောင်နေသည်ဟု ဒီကေဘီအေတပ်မှူးတဦးက ပြောသည်။

