စောသိန်းမြင့်(ကေအိုင်စီ) မှ............................
ထိုင်းနိုင်ငံ မဲဆောက်မြို့တောင်ပိုင်း ကီလိုမီတာ (၃၀)ကျော်အကွာအဝေးရှိ မော်လီချိုင်းကျေးရွာ တဘက်ကမ်း ဘလယ်ဒိုဂွင်၌ ယနေ့မနက်တွင် ကရင်အမျိုးသား လွတ်မြောက်ရေးတပ်မတော် (ကေအဲန်အယ်လ်အေ)က တပ်ပြောင်းပြီး ပြန်မည့် နအဖ တပ်ရင်းအား ချုံခိုတိုက်ခိုက်ခဲ့ ရာ ၁ဦး သေးဆုံးပြီး ၃ဦး ဒဏ်ရာရရှိခဲ့သည်ဟု သိရသည်။
ချုံခိုတိုက်ခိုက်ခံရသော ကနဲလေးကျေးရွာအခြေစိုက် တပ်အင်အား (၁၀၀) ကျော်ရှိ နအဖစစ်တပ် ခမရ (၄၀၅) တပ်ရင်းသည် ယခုလ ၉ရက်နေ့က ခမရ (၄၀၈)နှင့် တပ်အပြောင်းအလဲပြုလုပ်ခဲ့ပြီး သင်္ဃန်းညီနောင်သို့ အပြန် ယနေ့မနက်တွင် ဘလယ်ဒိုဂွင်အခြေစိုက် ကေအဲန်အယ်လ်အေ တပ်ရင်း (၁၀၃)က ချုံခိုတိုက်ခဲ့ခြင်း ဖြစ်သည်။
ကေအဲန်အယ်လ်အေ တပ်ရင်း (၁၀၃)မှ တပ်ခွဲမှူးတစ်ဦးက “ဒီမနက် ၇း၁၃မိနစ်မှာ နအဖစစ်တပ် ခမရ (၄၀၅) တပ်ရင်းနဲ့ ကျနော်တို့ တပ်ဖွဲ့ ဘလယ်ဒိုမှာ မိနစ် ၂၀ ကြာ ပစ်ခတ်မှုတစ်ခု ဖြစ်ပွားခဲ့တယ်။ နအဖဘက်က ၁ ယောက်ပွဲ ချင်းပြီး သေတယ်။ သုံးယောက် ဒဏ်ရာအပြင်းအထန်ရတယ်။ ကျနော်တို့ဘက်က ထိခိုက်သေဆုံးတာမရှိဘူး” ဟု ပြောသည်။
ကေအဲန်ယူ တပ်မဟာ (၆) ထိန်းချုပ်ထားရာ ကရင်ပြည်နယ်၊ ကော့ကရိတ်မြို့နယ်ရှိ အဆိုပါ ဘလယ်ဒိုဂွင်တွင် နအဖနှင့် ကေအဲန်အယ်လ်အေတို့အကြား မကြာခဏ တိုက်ပွဲဖြစ်ပွားလေ့ရှိသည့်အတွက် ထိုဒေသအတွင်းရှိ အူးဖူးထာ့ရွာမှ ရွာသားတစ်ဦးက ယခုလို ပြောသည်။ “ဒီမနက် လက်နက်ကြီး လက်နက်ငယ်တွေရဲ့ ပစ်ခတ်သံတွေကို ကျနော်တို့ ကြားနေရတယ်။ ရွာသူရွာသား တွေကတော့ တိုက်ပွဲတွေနဲ့ နေသားကျသွားပါပြီ။ ကြောက်ရွံ့စိတ်တွေ ဘာမှမရှိကြဘူး”ဟု ပြောသည်။
ပြီးခဲ့သည့် ဇွန်လ ၉ရက်နေ့က အဆိုပါ နအဖ စစ်ကွပ်ကဲရေးဌာနချုပ်-စကခ(၈) လက်အောက်ခံ ခမရ (၄၀၅)နှင့် တပ်အပြောင်းအလဲ ပြုလုပ်ရန် အသစ်ဝင်ရောက်လှုပ်ရှားလာသည့် ခမရ (၄၀၈)တပ်ရင်း၏ ရိက္ခာနှင့် ဆေးဝါးပစ္စည်းများ တင်ဆောင်လာသော ထော်လဂျီ ကားနှစ်စီးကို ကနဲလေးနှင့် မော်ဖိုးကလိုးကျေးရွာအကြား အူးဖူးထာ့ကားလမ်းပေါ်သို့ ရောက်ရှိစဉ် ကေအဲန်အယ်လ်အေ တပ်ရင်း (၂၀၁)က ကြားဖြတ်ဝင်ရောက်သိမ်းဆည်းခဲ့သည်။
အလားတူ ပြီးခဲ့သည့် ဇွန်လ ၁၀ရက်နေ့တွင်လည်း ကရင်ပြည်နယ် ကြာအင်းဆိပ်ကြီးမြို့နယ်အတွင်း အခြေစိုက်လျှက်ရှိသည့် နအဖ တပ်ရင်းများနှင့် တပ်အပြောင်းအလဲလုပ်ရန် အင်အားတစ်ရာဝန်းကျင်ရှိ ခမရ(၄၀၁)၊ (၄၀၉) တပ်ဖွဲ့ဝင်များကို ကေအဲန်အယ်လ်အေ တပ်ရင်း (၁၆)မှ နှစ်ကြိမ် ခြုံခိုတိုက်ခိုက်ခဲ့ရာ နအဖဘက်မှ ၁၂ဦး ကျဆုံးခဲ့ပြီး ၂၁ဦး ထိခိုက်ဒဏ်ရာ ရရှိခဲ့သည်။
နအဖစစ်တပ် ချုံခိုတိုက်ခိုက်ခံရပြန်
နအဖ ပစ်ခတ်မှုကြောင့် အမျိုးသမီးတဦး ဒဏ်ရာ ပြင်းထန်စွာရရှိ
နန်းထူးစံ (ကေအိုင်စီ) မှ...............
ကရင်ပြည်နယ်၊ တောင်ငူခရိုင်ရှိ သံတောင်ကြီး (ဘုရင့်နောင်တပ်မြို့)တွင် လုံခြုံရေးယူနေသော နအဖ တပ်မှ ဒေသခံအမျိုးသမီးတဦးကို ပစ်ခတ်ခဲ့မှုကြောင့် အဆိုပါအမျိုးသမီးသည် ဒဏ်ရာပြင်းထန်စွာ ရရှိခဲ့ကြောင်း သိရသည်။
သံတောင်ကြီး ကျေးရွာတွင် နေထိုင်သူ နော်စီခဲ (၅၃)နှစ်သည် ယခုလ ၉ရက်နေ့က ရွာအပြင်ဘက်ရှိ သူမ၏ ဖာလာခြံသို့ အလုပ်လုပ်ရန် သွားစဉ် နအဖ တပ်မှ ပစ်ခတ်ခဲ့ခြင်းကြောင့် ဒဏ်ရာပြင်းထန်စွာ ရရှိခဲ့သဖြင့် ယခု ချိန်တွင် သံတောင်မြို့ ဆေးရုံသို့ ဆေးကုသမှု ခံယူနေရသည်ဟု တောင်ငူ ဒေသခံ စောအယ်ဝါးက ပြောသည်။
“ခြံက ရွာအပြင်ဘက် သူ့အိမ်နဲ့ မနီးမဝေးမှာပေါ့။ အရင်ကလည်း အလုပ် သွားလုပ်နေကျပဲလေ။ အဲဒီနေ့မှာ သူ တယောက်တည်းသွားတာ။ ခြံရောက်ခါနီးမှာ လှည့်လည်လှုပ်ရှားနေတဲ့ နအဖတပ်က ပစ်တာ။ ညာဘက် ခြေသလုံးနဲ့ ခြေဖ၀ါးမှာ ထိသွားတာ။ ဒဏ်ရာက ပြင်းထန်တယ်”ဟု ၄င်းက ပြောသည်။
အဆိုပါ ရွာသူအမျိုးသမီးကို နအဖတပ်မှ မှားယွင်း၍ ပစ်ခတ်တာလား သို့မဟုတ် တမင်ရည်ရွယ်၍ ပစ်ခတ်တာ လား မဆိုနိုင်သော်လည်း ရွာအပြင်ဘက်သို့ သေနတ် သံကြားပြီးနောက် ရွာသားများ သွားရောက်ကြည့်ရှုချိန် တွင် ဒဏ်ရာပြင်းထန်နေသည့် သူမကို တွေ့ရှိရသဖြင့် သံတောင်ဆေးရုံသို့ ပို့ဆောင်ခဲ့သည်ဟု စောအယ်ဝါးက ပြော သည်။
လက်ရှိအချိန်၌ သံတောင်ကြီးတွင် နအဖ စစ်ဘက်ဆိုင်ရာ လေ့ကျင့်ရေးသင်တန်းကျောင်း ရှိသဖြင့် အဆိုပါ သင်တန်းကျောင်းကို လုံခြုံရေး ယူပေးနေသော လုံခြုံရေးတပ်ဖွဲ့များနှင့် နအဖ အရှေ့တောင်တိုင်းစစ်ဌာနချုပ် (ရတခ) လက်အောက်ခံ ခလရ (၁၂၄)တို့က လှုပ်ရှားလျှက်ရှိသည်။
ထိုသံတောင်မြို့နယ်တွင် ပြီးခဲ့သော ၂၀၀၉ခုနှစ် နိုဝင်ဘာလတုန်းကလည်း ဖာလာခြံ၊ ကွမ်းခြံအတွင်းသို့ သွား ရောက် လုပ်လုပ်နေသော ရွာသူရွာသားများကို နအဖတပ်မှ အလားတူ ပစ်ခတ်မှုများ ရှိခဲ့ပြီး ယင်းပစ်ခတ်ခဲ့ခြင်း ကြောင့် ရွာသား ၃ဦး သေဆုံးခဲ့ကြောင်း သိရှိရသည်။
ကရင်တပ်များ နအဖတပ်ကို ချုံခိုတိုက်ခိုက်
ခေတ်ပြိုင် မှ.....................
ယနေ့ နံနက် (၇) နာရီခွဲတွင် နအဖစစ်တပ်နှင့် ကရင်အမျိုးသားလွတ်မြောက်ရေးတပ်မတော် (ကေအန်အယ်လ်အေ) တို့ မြ၀တီခရိုင်အတွင်း တိုက်ပွဲဖြစ်ပွားခဲ့ပြီး သေကျေဒဏ်ရာရမှုများ ရှိသည်။
ထိုင်း-မြန်မာနယ်စပ် ကနဲလေးစခန်းတွင် တပ်ထိုင်သည့် စကခ (၁၂) လက်အောက်ခံ ခမရ (၄၀၅) တပ်သည် တာဝန်ကုန်ဆုံး၍ တပ်ချိန်းပြီးအပြန် မြ၀တီခရိုင်အတွင်းရှိ ဘလယ်ဒို့ အရပ်သို့ရောက်ရှိလာစဉ် ကေအန်အယ်လ်အေ တပ်ရင်း (၁၀၃) လက်အောက်ခံတပ်ခွဲတခုက ချုံခိုတိုက်ခိုက်ခဲ့ခြင်းဖြစ်သည်။
မိနစ် (၂၀) ခန့်ကြာသည့် တိုက်ခိုက်မှုတွင် လက်နက်ကြီး လက်နက်ငယ်များဖြင့် အပြန်အလှန် ပစ်ခတ်မှုများကြောင့် ခမရ (၄၀၅) မှ တပ်ဖွဲ့ဝင် (၁) ဦးကျဆုံးပြီး (၃) ဦး ဒဏ်ရာရရှိခဲ့သည်ဟု ကရင်တပ်မှူးတဦးက ပြောသည်။
မြ၀တီခရိုင်တွင် ကုန်သွယ်ရေးလုပ်ငန်း တာဝန်ယူနေသည့် အပစ်ရပ်ငြိမ်းအဖွဲ့တခု၏ ခေါင်းဆောင်တဦးက “ဒီမနက် ဘလယ်ဒို့မှာ အပစ်ခံရတဲ့ စစ်သားတွေကို ကားနဲ့ပြန်သယ်လာတာ တွေ့တယ်” ဟု ပြောသည်။
တိုက်ခိုက်မှုဖြစ်ပွားရာနေရာသည် ထိုင်း-မြန်မာ နယ်စပ်မျဉ်းအနီးတွင်ဖြစ်ပြီး မြန်မာဘက်ခြမ်းတွင် မြ၀တီခရိုင်ဖြစ်ပြီး ထိုင်းဘက်ခြမ်းတွင် ဖို့ဖတ်မြို့နယ် မော်လီချိုင်းရွာတည်ရှိကာ တိုက်ပွဲဖြစ်ပွားမှုကြောင့် ထိုင်းဘက်၌ လုံခြုံရေးများ တိုးမြှင့်ချထားသည်ဟု ဒေသခံတဦးက ပြောသည်။
ယခုလ (၁၀) ရက်နေ့၌လည်း ကရင်ပြည်နယ် ကြာအင်းဆိပ်ကြီးမြို့နယ်အတွင်း အခြေစိုက်သည့် နအဖစစ်တပ်များ တပ်အပြောင်းအလဲလုပ်ရန် ၀င်ရောက်လာသည့် ခမရ (၄၀၁၊ ၄၀၉၊ ၂၈၄) တပ်ဖွဲ့များကို ကေအန်အယ်အေတပ်မဟာ (၆) လက်အောက်ခံ တပ်ရင်း (၁၆) က တနေ့တည်း (၂) ကြိမ် ချုံခိုတိုက်ခိုက်ခဲ့ရာ နအဖစစ်သည် (၁၂) ဦး ကျဆုံးပြီး (၂၁) ဦး ဒဏ်ရာရရှိခဲ့သည်ဟု ကေအန်ယူ အတွင်းရေးမှူး (၁) ဗိုလ်မှူးစောလှငွေက ပြောသည်။
အဆိုပါတိုက်ပွဲများ ဖြစ်ပွားခဲ့သည့် ကေအန်အယ်လ်အေ တပ်မဟာ (၆) ဒေသတွင် ယခုနှစ်အတွင်း နအဖနှင့် ကေအန်အယ်လ်အေတပ်များ တိုက်ပွဲပေါင်း (၁၀) ကြိမ်ထက်မနည်း ဖြစ်ပွားခဲ့ပြီး နှစ်ဖက် အသေအပျောက်များရှိခဲ့သည်ဟု ကရင်တပ်မှူးတဦးက ပြောသည်။
နအဖ တပ် ကို KNU ခြုံခိုတိုက်၊ ၁၂ ဦး ကျဆုံး ၂၂ ဦး ဒဏ်ရာရ
ဧရာဝတီ မှ...............
မွန်ပြည်နယ်နှင့် ကရင်ပြည်နယ် အတွင်း နအဖ စစ်တပ်နှင့် ကရင်အမျိုးသား အစည်းအရုံး (KNU) တပ်ဖွဲ့ ဝင်များ မကြာသေးခင်က တိုက်ပွဲများ ဖြစ်ပွားမှုကြောင့် နအဖ စစ်သား စုစုပေါင်း ၁၂ ဦး ကျဆုံးပြီး ၂၂ ဦး ဒဏ်ရာရရှိခဲ့ကြောင်း သိရသည်။
မွန်ပြည်နယ် သံဖြူရပ်မြို့ နယ်အတွင်း၌ နအဖ စစ်တပ် ယဉ်တန်းတခုကို ဇွန်လ ၁၀ ရက်နေ့ က KNU တပ်ဖွဲ့ ဝင်များက ခြုံခို တိုက်ခိုက်လိုက် သောကြောင့် နအဖ တပ်ဖွဲ့ ဝင် ၁၁ ဦးသေဆုံးပြီး ၂၀ ခန့် ဒဏ်ရာရရှိကြောင်း KNU ပြောသည်။
“နအဖတပ် ခမရ ၄၀၁ နဲ့ ခမရ ၄၀၉ က စစ်ကြောင်းနှစ်ခုက ဗျူဟာမှူး အပြောင်းအရွှေ့ မှာ လမ်းလုံခြုံရေးလာယူတာကို ကျနော် တို့ဘက်က အမြင့်ကနေ လက်ပစ်ဗုံးနဲ့ ခြုံခိုတိုက်ခိုက်လိုက်တာဖြစ်တယ်၊ စစ်ကားတစီးပေါ်ကို တည့်တည့်မတ်မတ် ကျသွားလို့ စစ်သား ၁၁ ယောက်သေပြီး ၂၀ ဒဏ်ရာရသွားတယ်လို့ သတင်းရတယ်”ဟု KNU/KNLA တပ်မဟာ (၆)မှ ပြောခွင့်ရပုဂ္ဂိုလ် ဖဒိုစောထဲနေက ဧရာဝတီသို့ ပြောပြသည်။
မွန်ပြည်နယ် သံဖြူဇရပ်မြို့ နယ်ရှိ ဂျပန်တောင် စခန်းရှေ့ သို့ ရောက်ရှိလာသော အဆိုပါ ယဉ်တန်းကို ကရင်အမျိုးသား လွတ်မြောက်ရေး တပ်မတော် (KNLA) တပ်ရင်း ၁၆ က တပ်စုမှူး ဖိုးထွန်းနှင့် တပ်သားတယောက်က လက်ပစ်ဗုံး၊ M-79 လက်နက်များဖြင့် တောင်ပေါ်မှနေ၍ ပစ်ချလိုက်သောကြောင့် ယဉ်တန်းကိုထိကာ ယဉ်ပေါ်တွင်ပါလာသော စစ်လက်နက်များ ထပ်မံပေါက်ကွဲသဖြင့် ယခုကဲ့သို့ အကျအဆုံးများသွားခြင်းဖြစ်သည်ဟု ဖဒိုစောထဲနေက ထပ်ဆင့်ပြောသည်။
ဒဏ်ရာရရှိသူများကို သံဖြူဇရပ်မြို့ နယ် ပြည်သူ့ ဆေးရုံနှင့် ခလရ (၆၂) တပ်ရင်းဆေးရုံတွင် ကုသလျက်ရှိသည်ဟု စစ်တပ် အသိုင်းဝိုင်းမှ သတင်းများအရသိရသည်။ အတည်မပြုနိုင်သေးသော သတင်းများအရ ဆေးရုံတွင် နောက်ထပ် စစ်သားသုံးဦး ထပ်မံသေဆုံးသွားသည်ဟုလည်း ကြားသိရသည်။
နအဖက မေလ ၁၇ ရက်နေ့ တွင် KNU ကို တိုက်ခိုက်ရန်အတွက် စီစဉ်နေသောကြောင့် နအဖစစ်ကြောင်းကို ဦးကျိုးသွားစေရန် ကြိုတင် ခြုံခိုတိုက်ခိုက်လိုက်ခြင်းဖြစ်သည်ဟု ဖဒိုစောထဲနေက ဆိုသည်။
အလားတူ ဇွန်လ ၁၀ ရက်နေ့ကပင် ထိုင်း-မြန်မာနယ်စပ် ဘုရားသုံးဆူ ဒေသ မြိုင်သာယာရွာအနီးတွင် ရှေ့ တန်းပြန် နအဖ စစ်တပ် ခမရ ၂၈၄ တပ်ရင်း စစ်ကြောင်းကို KNLA တပ်ရင်း ၁၆ မှ ခွဲ ၂ တပ်စုမှူး နားပိုးဦးစီးသော တပ်စုမှ ရှေ့ ထွက်မိုင်းဖြင့် တိုက်ခိုက်ခဲ့ သောကြောင့် နအဖ စစ်သား တဦးသေဆုံးပြီး နှစ်ဦး ဒဏ်ရာရရှိခဲ့သည်ဟုလည်း သိရသည်။
ထို့ကြောင့် ဇွန်လ ၁၀ ရက်နေ့ က KNLA မှ ခြုံခိုတိုက်ခိုက်မှုကြောင့် နအဖ စစ်သား စုစုပေါင်း ၁၂ ဦး ကျဆုံးပြီး ၂၂ ဦး ဒဏ်ရာရရှိ ခဲ့ကြောင်း တပ်မဟာ(၆)မှ သတင်းပေးချက်အရ သိရှိရသည်။
ယမန်နေ့ ညဦးပိုင်းကလည်း ကရင်ပြည်နယ် ကော့ကရိတ်မြို့ နယ် တောင်ဘက် ၃ မိုင်အကွာရှိ ရွာသစ်ကုန်းရွာအနီးတွင် KNU တပ်ဖွဲ့ ဝင်များနှင့် နအဖ စစ်တပ်များအကြား တိုက်ပွဲများဖြစ်ပွားခဲ့သေးကြောင်း ကရင် စစ်ရေးသတင်းရပ်ကွက်များက ပြောသည်။
ထို့အတူ ဇွန်လ ၁၀ရက်နေ့ကလည်း ကရင်ပြည်နယ် ကော့ကရိတ်မြို့ နယ် ကနဲလေးရွာနှင့် မော်ဖို့ ကလို့ ကျေးရွာ ကြားတွင် နအဖ စစ်တပ်က ရိက္ခာ၊ ကျည်ဆန်နှင့် လက်နက်များ သယ်ဆောင်ခိုင်းထားသော ပေါ်တာတန်းတခုကို KNU တပ်က စီးနင်းသိမ်းပိုက် နိုင်ခဲ့သည်ဟု သိရသည်။
“နအဖ တပ်တွေက စစ်ဆင်ရေးအတွက် အသုံးပြုလာတဲ့ ပေါ်တာတန်းခုကို ကျနော်တို့ ဝင်စီးလိုက်လို့ သိမ်းဆည်းရမိတာတွေ ကတော့ စကားပြောစက် ၃ ခု၊ ကျည်ဆန် ၃ သေတ္တာ၊ စစ်ယူနီဖောင်း ၃၅စုံ၊ ဆန် ၂နှစ်အိပ်နဲ့ ငါးခြောက်၂အိပ်ဖြစ်ပါတယ်”ဟု တပ်မဟာ (၆)နယ်မြေ အထူးတပ်ရင်း ၂၀၂ မှ တပ်ရင်းမှူး ဗိုလ်မှူးကြီး ဘူးဖောက ပြောသည်။
သွားရောက် သိမ်းဆည်းသူများမှာ တပ်ခွဲ (၂)မှ တပ်ခွဲမှူး ဗိုလ်ခူဝါး၏ တပ်ဖွဲ့ ဝင်များဖြစ်သည်ဟု ၎င်းက ဆိုသည်။
KNU သည် နှစ်ပေါင်း ၆၀ ကျော် စစ်အစိုးရကို ဆန့်ကျင်တိုက်ပွဲဝင် နေသော တိုင်းရင်းသား လက်နက်ကိုင် အဖွဲ့ဖြစ်ပြီး ယခု အချိန်အထိ အပစ်အခတ်ရပ်စဲရေး ပြုလုပ်ခြင်း မရှိသေးပေ။
ကော့ကရိတ်တွင် KNU နှင့် နအဖ တပ်တို့ ၏ တိုက်ပွဲများပြင်းထန်
Freedom News Group မှ........................
ကရင်ပြည်နယ် ကော့ကရိတ် မြို့ နယ် အနီးတွင် နအဖ စစ်ကြောင်း နှင့် DKBA တပ်များစခန်း
ချရာ အနီးသို့ ကရင်အမျိုးသား လွတ်မြောက်ရေးတပ်မတော် KNU စစ်ကြောင်းများက ၀င်
ရောက် တိုက်ခိုက်ရာ မှ တိုက်ပွဲများ အပြင်းအထန် ဖြစ်ပွားနေသည် ဟု သတင်းရရှိသည်။
စစ်ဖြစ်ပွားနေသည့် ကော့ကရိတ် မြို့ တွင် တယ်လီဖုန်း ဆက်သွယ်မှု လိုင်းများ ပြတ်တောက်
နေသည်။မြ၀တီ-ဘားအံ ပြေးဆွဲ နေသည့် ခရီးသည် တင် နှင့် ကုန်တင် ကားများ အပြင်
DKBA ပို့ ဆောင် ရေးကားများ လည်း အတက်-အဆင်း ပြေးဆွဲမှု ရပ်နားထားရသည် ဟု
မြ၀တီ မြို့ မှ ကုန် သည် တစ်ဦး က Freedom News Group သို့ ပြောသည်။
DKBA နှင့် နအဖ စခန်းချရာတွင် အင်အား လေးဆယ်ခန့် ရှိသည် ဟု သိရသည်။
ALP တွင် လက်နက်ချသွားသူ စစ်သား ၆ ဦးကို ရှင်းပစ်ရန် ထောက်လှမ်းရေးများကို ဘင်္ဂလာဒေခ်ျ့သ်ို့ စေလွတ်ထား
သတင်း - နိရဉ္စရာ
ရခိုင်ပြည်လွှတ်မြှောက်ရေး ပါတီ ALP တွင် လက်နက်ချသွားသော စစ်သား ၆ ဦးကို ရှင်းပစ်ရန်အတွက် အရပ်ဝတ် ထောက်လှမ်းရေးများကို စေလွှတ်ထားကြောင်း အမည်မဖေါ်လိုသူ စစ်တပ်နှင့် နီးစပ်သူ တဦးက ပြောသည်။
“သူတို့က စစ်ရေး အရ အရေးယူနိုင်အောင် အိန္ဒိယ နယ်မြေထဲထိ ၀င်ရောက်လူပ်ရှားမူတွေ အများကြီး လုပ်ခဲ့တယ်။ ALP ဌာနချုပ်ကို သူတို့ စီးနှင်း တိုက်ခိုက်ဖို့ထိ သူတို့ လုပ်ဆောင်ခဲ့တယ်။ ဒါပေမယ့် စစ်ရေးအရ ၀င်းရှင်းဖို့ မလွယ်ကူတဲ့ အတွက် အခုအခါ ထောက်လှမ်းရေးတွေကို အရပ်ဝတ်နဲ့ ဘင်္ဂလာဒေခ်ျ့ နိုင်ငံထဲကို စေလွတ်ထားတာ ဖြစ်တယ်။”
နအဖ စစ်တပ်သည် အဆိုပါ စစ်သား ၆ ဦး လက်နက် အမြောက်အမြားဖြင့် ALP ထံ လက်နက် ချသွားပြီးနောက် အိန္ဒိယ နိုင်ငံထဲရှိ ရခိုင်ကျေးရွာ အများအပြားကို ညဥ့်အချိန်တွင် ၀င်ရောက် စီးနှင်းမူများ ပြုလုပ်ခဲ့သည်။ ၎င်းအပြင် အိန္ဒိယ နိုင်ငံထဲထိ ၀င်ရောက်ပြီး ကင်းပုန်းဝပ်ကာ စစ်ရေးအရ လက်စားချေ တိုက်ခိုက်ရန် ကြိုးပမ်းခဲ့သည်။
သို့အတွက် အိန္ဒိယ နိုင်ငံထဲရှိ တက်ပုတ်ချေ၊ ကာကီရွာနှင့် ရွာသစ်ကျေးရွာများတွင်နေထိုင်နေသော ရခိုင် ကျေးရွာသားများမှာ ထွက်ပြေး တိမ်းရှောင်နေခဲ့ကြရသည်။
အဆိုပါ စစ်ရေးအရ ဆောင်ရွက်မူ မအောင်မြင် သဖြင့် နောက်ပိုင်းတွင် ယခုကဲ့သို့ ထောက်လှမ်းရေများကို အရပ်ဝတ်ဖြင့် ဘင်္ဂလာဒေခ်ျ့နိုင်ငံထဲသို့ စေလွှတ်ထားခြင်း ဖြစ်ကြောင်း သိရသည်။
မြန်မာ နိုင်ငံသား တဦးက “ သိပ်တော့ မလွယ်ဘူးထင်ပါတယ်။ ဒါပေမယ့်လည်း သူတို့ရဲ့ သတင်းပေးတွေ၊ ထောက်လှမ်းရေးတွေက ကော့ဘဇားထိတောင် ရှိနေတယ်ဆိုတော့ သူတို့ လုပ်ကောင်းလုပ်နိုင်ပါတယ်။ ဖြစ်နိုင်ခြေ ရှိတာကတော့ ဘင်္ဂလာဒေခ်ျ့ဘက်ကို ၀င်ရောက်ပီး အဲဒီ စစ်သားတွေ ဘင်္ဂလာနိုင်ငံထဲကို ရောက်မရောက် စုံစမ်းနိုင်တဲ့ အနေအထားတော့ ရှိပါတယ်။ လက်နက်နဲ့ ၀င်းရှင်းဖို့ဆိုတာကတော့ သိပ်မဖြစ်နိုင်ဘူးလို့ မြင်ပါတယ်” ဟု ပြောသည်။
အဆိုပါ စစ်သား ၆ ဦးသည် စစ်တွေ အခြေစိုက် ခမရ ၂၃၂ တပ်ရင်းမှ ဖြစ်ပြီး အိန္ဒိယ- မြန်မာ နယ်စပ်တွင် တာဝန် ကျနေစဉ် မေလ ၁၆ ရက်နေ့က မြိတ်ဝ စခန်းမှ စခန်းမှူး ဗိုလ်ကြီး ထက်အောင်ထွန်းကို ပစ်သတ်ပြီး လက်နက်မျိုးစုံ ၁၁ လက် အပါအ၀င် တခြား ခဲယမ်း မီးကျောက် အများအပြားနှင့် အတူ ALP ထံ လက်နက်ချ ပူးပေါင်းခဲ့သည်။
သူတို့ လက်နက်ချသွားသဖြင့် ယာယီ တပ်ရင်းမှူး ဗိုလ်မှူး ကျော်မိုးဟိန်းမှာ အရေးယူ အပြစ်ပေးခံထားရကြောင်း သိရသည်။
နျူကလီးယားလက်နက် မကြိုးပမ်းဟု စစ်အစိုးရတုံ့ပြန် (ဗြောင်လိမ်ပြန်ပြီး)
(ဗြောင်လိမ် မျက်စိမှိတ်ပြီးလိမ်...နောက်ဆုံးလိမ်စရာမရှိရင် မုန့်ကြိုးလိမ်ကိုစားပြီး ကိုယ့်ပေါင်ကိုယ်ဆွဲလိမ်ပါတော့ နအဖရယ်........
မဇ္ဈိမသတင်းဌာန မှကူးယူထားသည်။
မြန်မာနိုင်ငံသည် နျူကလီးယားလက်နက် ထုတ်လုပ်ရန် ကြိုးပမ်းမှုမရှိကြောင်းဖြင့် နိုင်ငံခြားရေးဝန်ကြီးဌာနက ယနေ့ညတွင် သတင်းထုတ်ပြန်လိုက်သည်။
နိုင်ငံပိုင် ရုပ်မြင်သံကြားမှတဆင့် သောကြာနေ့ည ၈ နာရီသတင်းထုတ်ပြန်ချက်တွင် ” နျူကလီးယားလက်နက် ပိုင်ဆိုင်သော စစ်အင်အားကြီးနိုင်ငံအဖြစ် ရည်ရွယ်ချက်မရှိ” ဟု နိုင်ငံခြားရေးဝန်ကြီးဌာနထုတ်ပြန်ချက်ကို ဖတ်ကြားသွားသည်။
မြန်မာနိုင်ငံသည် မြောက်ကိုရီးယားနိုင်ငံ၏ အကူအညီဖြင့် နျူကလီးယားရရှိရေး ဆောင်ရွက်နေသည်ဟု ဒီမိုကရက်တစ် မြန်မာ့အသံ သတင်းဌာန (DVB) က သတင်းထုတ်ပြန်မှုများကြောင့် အမေရိကန်ပြည်ထောင်စု ဆီနိတ်တာ အထက်လွှတ်တော်အမတ် မစ္စတာ ဂျင်မ်ဝဘ်က သူ၏ မြန်မာနိုင်ငံ ခရီးစဉ်ကို ရုတ်တရက် ဆိုင်းငံ့ထားခဲ့မှုဖြစ်ပေါ်ပြီးနောက် စစ်အစိုးရက ပထမဆုံးအကြိမ် တုံ့ပြန်လိုက်ခြင်းဖြစ်သည်။
DVB မှ ရရှိခဲ့သော စွပ်စွဲချက်နှင့် ပတ်သက်သည့် အထောက်အထားများကို အယ်လ်ဂျာဇီးယား သတင်းဌာနနှင့် ABC သတင်းကွန်ယက်မှ ထပ်ဆင့်ထုတ်လွှင့်ခဲ့သည်။
သတင်းများတွင် ပြည်ပသို့ တိမ်းရှောင်လာသော စစ်ဘက်ပညာရှင် ဗိုလ်မှူးစိုင်းသိန်းဝင်းက သူယူဆောင်လာခဲ့သော စစ်အစိုးရ၏ နျူကလီးယားနှင့် ဒုံးလက်နက်ပိုင်ဆိုင်ရေးကြိုးပမ်းမှု စာရွက်စာတမ်းအထောက်အထားများကိုပါ တင်ပြပြီး ဖွင့်ဟထုတ်ဖော်မှုများပါရှိသည်။
” အခြေအမြစ်မရှိသည့် စွပ်စွဲချက်များသာ” ဖြစ်ပြီး ” နိုင်ငံရေး ထိုးနှက်ရန် ရည်ရွယ်ချက်ဖြင့် လုပ်ဆောင်ခြင်းသာ” ဖြစ်သည်ဟု မဇ္ဈိမက သီးခြားလက်ခံရရှိသော နိုင်ငံခြားရေးဝန်ကြီးဌာန၏ ထုတ်ပြန်ချက်တွင် ပါရှိသည်။
နျူကလီးယားလက်နက် ပိုင်ဆိုင်ရန် မြန်မာစစ်အစိုးရက ကြိုးပမ်းနေသည်ဟူသော စွပ်စွဲချက်များ အစောကတည်းက ထွက်ခဲ့သော်လည်း တုံ့ပြန်ရှင်းလင်းရန် စိတ်ကူးမရှိခဲ့ရာက အမေရိကန်အစိုးရ ကိုယ်စားလှယ်၏ ခရီးစဉ်ပျက်ပြားမှုကြောင့်သာ ရှင်းလင်းရခြင်းဖြစ်ကြောင်းလည်း ပါရှိသည်။
” မြန်မာနိုင်ငံ၏အကျိုးစီးပွားကို ထိခိုက်ပျက်ပြားစေရန် ဆောင်ရွက်နေသည့် လူပုဂ္ဂိုလ်များနှင့် သတင်းမီဒီယာဌာနများမှ ထုတ်လွှင့်မှုများဖြစ်ခြင်း၊ တပ်ပြေးအချို့နှင့်ဝရမ်းပြေး ပြည်ပြေးအချို့၏ စွပ်စွဲပြောကြားချက် ဇစ်မြစ်တခုထဲအပေါ် အခြေခံထားသည်” ဟုဆိုကာ မြန်မာနိုင်ငံ၏ ပကတိအခြေအနေနှင့် လုံးဝကွာခြားလွန်းသော ကိစ္စဖြစ်၍ တုံ့ပြန်ရှင်းလင်းရန် လိုအပ်ခြင်းမရှိဟု ယူဆခဲ့ကြောင်းလည်း ပါရှိသည်။
ရုရှားပြန် ဗိုလ်မှူးစိုင်းသိန်းဝင်းသည် မော်စကိုနည်းပညာတက္ကသိုလ်မှ ဒုံးပျံအင်ဂျင် အထူးပြု ဘာသာရပ်နှင့် ဘွဲ့ရရှိခဲ့သူ ဖြစ်သည်။
ထိုင်းနိုင်ငံက မြန်မာဒုက္ခသည်တွေကို စောင့်ရှောက်ရေး အမေရိကန် တိုက်တွန်း
VOA သတင်းမှ..........
မြန်မာနိုင်ငံနဲ့ နယ်စပ် ထိုင်းနယ်နိမိတ်ထဲက ဒုက္ခသည်စခန်းတွေမှာ ခိုလှုံနေရတဲ့ မြန်မာဒုက္ခသည် ၁၄၀,၀၀၀ နဲ ပတ်သက်ပြီး စိုးရိမ်မကင်း ဖြစ်ရတယ်လို့ အမေရိကန် အစိုးရ ထိပ်တန်း သံတမန်တဦးက ပြောပါတယ်။
မြန်မာစစ်အစိုးရ ကျင်းပမယ့် ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲ မဟုတ်ဘူးဆိုရင် မြန်မာဒုက္ခသည်တွေ မြန်မာပြည် ပြန်ပို့ဖို့ မဖြစ်နိုင်ဘူးလို့ အမေရိကန် နိုင်ငံခြားရေး ၀န်ကြီးဌာန ဒုက္ခသည်၊ နိုင်ငံရပ်ခြား ရွှေ့ပြောင်းနေထိုင်သူနဲ့ လူဦးရေဆိုင်ရာ လက်ထောက် နိုင်ငံခြားရေးဝန်ကြီး မစ္စတာ အဲရစ် ရွှာ့ဇ် (Eric Schwartz) က မနေ့က ဘန်ကောက်မြို့တော်မှာ ရောက်နေတုန်း ပြောခဲ့တာပါ။
အခုအခြေအနေမှာ ထိုင်းအစိုးရ အနေနဲ့ ခိုကိုးရာမဲ့နေတဲ့ မြန်မာဒုက္ခသည်တွေကို ဆက်ပြီး နေထိုင်ခွင့် ပေးသင့်တယ်လို့လည်း မစ္စတာရွှာ့ဇ်က ပြောခဲ့ပါတယ်။
အရင်နှစ် ဒီဇင်ဘာလက ထိုင်းအစိုးရက အမေရိကန်၊ ကုလသမဂ္ဂနဲ့ လူ့အခွင့်အရေး အဖွဲ့တွေက သတိပေးတဲ့ကြားက မုန်းလူမျိုး ဒုက္ခသည် ၄,၅၀၀ ကို သူတို့ဌာနေဖြစ်တဲ့ လာအိုနိုင်ငံကို ပြန်ပို့ခဲ့ပါတယ်။ မုန်းလူမျိုး ဒုက္ခသည်တွေဟာ လာအိုကိုပြန်ရင် ညှဉ်းပန်းနှိပ်စက်မှုတွေ ခံရလိမ့်မယ်လို့ ကုလသမဂ္ဂကရော လူ့အခွင့်အရေး အဖွဲ့တွေကပါ သတိပေးနေခဲ့ကြတာပါ။
ထိုင်းအစိုးရကတော့ မုန်းလူမျိုး ဒုက္ခသည်တွေကို ဒုက္ခသည် အစစ်အမှန်တွေ မဟုတ်ဘဲ တရားမ၀င် လာရောက် ခိုလှုံနေသူတွေ ဖြစ်တယ်လို့ သတ်မှတ်ထားတာ ဖြစ်ပါတယ်။
ရွေးကောက်ပွဲ စည်းရုံးရေးအတွက် ပြည်သူများကိုပါ စစ်အစိုးရတပ် အသုံးချ
သတင်း - ကန္တာရ၀တီတိုင်း(မ်)
ကရင်နီပြည် အမှတ် ၂ ခရိုင်အတွင်းရှိ ကျေးရွာများတွင် မြန်မာစစ်အစိုးရတပ်များက ၂၀၁၀ ရွေးကောက်ပွဲအတွက် စည်းရုံးရေးများ လိုက်လံလုပ်ဆောင်နေပြီး ဒေသခံ ပြည်သူများကိုပါ အသုံးချကူညီစေခိုင်းသည်ဟု ဒေသခံများက ပြောသည်။
ယခုနှစ်အတွင်းတွင် မြန်မာစစ်အစိုးရမှ ရွေးကောက်ပွဲ ကျင်းပမည် ဖြစ်သောကြောင့် တိုင်းရင်းသား ပြည်သူများအား ပါဝင်ထောက်ခံစေချင်သည့် အနေဖြင့် စည်းရုံးရခြင်း ဖြစ်သည်ဟု ယူဆကြောင်း အမှတ် ၂ ခရိုင်မှ ပြည်တွင်းလုပ်သားတဦးက ပြောသည်။
သူက “တရွာကို ၅၀၀၀ ကျပ်စီ ပေးတယ်။ ရွာကြီးရွာငယ် မရွေးဘူး။ သူတို့ လုပ်တာ ၂၀၁၀ ရွေးကောက်ပွဲ စည်းရုံးရေးလို့ သူတို့ ဘာမှတော့ မပြောပါဘူး။ ဒါပေမယ့် ဒီလှုပ်ရှားမှုအပေါ် ကျနော်တို့ အမြင်ကတော့ ၂၀၁၀ စည်းရုံးရေး ကဏ္ဍတခုပဲ” ဟု ပြောသည်။
စစ်အစိုးရတပ်များသည် အချို့ဒေသများတွင် ၎င်းတို့ကိုယ်တိုင် စည်းရုံးရေး ဆောင်ရွက်နေသော်လည်း ပြည်သူများနှင့် တိုက်ရိုက်တွေ့ဆုံရန် ခက်ခဲသည့် နေရာများမှာ အလှူငွေ ထည့်ထားပြီး ညွန်ကြားချက်များဖြင့် ဒေသခံပြည်သူများမှတဆင့် သွားရောက်လှုပ်ရှားခိုင်းသည်ဟု လုပ်ဆောင်ပေးသော ဒေသခံတဦးက ပြောသည်။
စစ်အစိုးရတပ်များ၏ စည်းရုံးရေး လှုပ်ရှားခိုင်းမှုအရ မှတ်တမ်းဓါတ်ပုံများ ရိုက်ရပြီး ၎င်းတို့ထံ ပြန်လည်အပ်နှံရကြောင်း၊ အခကြေးငွေလည်း မရရှိဘဲ ၎င်းတို့ ညွန်ကြား ထားသည့် အမိန့်အတိုင်းကြောင့်သာ ပြုလုပ်ပေးရကြောင်း ဆိုသည်။
“သူတို့ မရောက်နိုင်တဲ့ နေရာတွေမှာ ရွာသားတယောက်ကို သွားခိုင်းထားတယ်။ ကင်မရာ ပေးတယ်၊ ပိုက်ဆံ ပေးတယ်။ ပြီးတော့ လူထုတွေဆီ ရောက်တော့ ပိုက်ဆံ ငါးထောင်တန်ကို ရွာသားတွေ အများကြီး လာဝိုင်းခိုင်းလိုက်ပြီး ဓါတ်ပုံ ရိုက်မှတ်ထားတယ်လေ။ ဒါက ကျေးရွာသူ၊သားတွေကို ပိုက်ဆံ ပေးတယ်။ သူတို့ ရောက်ရှိတဲ့ နေရာတွေ ဆိုပြီး အဲဒီမှတ်တမ်းတွေ အားလုံးက သူတို့ အထက်အရာရှိတွေဆီကို ပြန်တင်ပြရမှာ ဖြစ်တယ်” ဟု ၎င်းဒေသခံက ပြောသည်။
ယခုနှစ်ဆန်းပိုင်းကတည်းမှ စတင်၍ အမှတ် ၂ ခရိုင်အတွင်းရှိ မော်ချီးဒေသတွင် ကျေးရွာပေါင်း ၄၀ ကျော် ရှိသည့်အနက် လာခိ၊ ကြွာပို၊ ဖိုးဘုခို၊ ကော်ပေါ်ထာ၊ ရွာဒဂါး၊ ကာပွေဒို၊ ကာပွေဖိုး၊ ခိဝေါ်၊ ပဟော့ခိုနှင့် နားကိ စသည့် ကျေးရွာများမှာ စစ်အစိုးရတပ်များမှ စည်းရုံးလှုပ်ရှားနေပြီး ဖာဆောင်းမြို့နယ်ရှိ အချို့ဒေသများလည်း ရှိနေသည်ဟု သိရသည်။
နအဖစစ်တပ် ရိက္ခာနှင့် ဆေးဝါးပစ္စည်းများ ကေအဲန်အယ်လ်အေ သိမ်းဆည်းခဲ့
စောသိန်းမြင့် (ကေအိုင်စီ)
ကရင်ပြည်နယ် ကော့ကရိတ်မြို့နယ် ဝေါ်လေဂွင်၌ လှုပ်ရှားနေသော ကရင်အမျိုးသား လွတ်မြောက်ရေး တပ် မတော် (ကေအဲန်အယ်လ်အေ) တပ်ဖွဲ့ဝင်များသည် ယမန်နေ့က အဆိုပါဒေသအတွင်း သယ်ဆောင်လာ သည့် နအဖ စစ်တပ်၏ ရိက္ခာနှင့် ဆေးဝါးပစ္စည်းများကို ကြားဖြတ်ဝင်ရောက်သိမ်းဆည်းခဲ့သည်ဟု သတင်း ရရှိသည်။
ယမန်နေ့ မွန်းလွဲ (၂)နာရီတွင် ကနဲလေးရှိ နအဖ စစ်ကွပ်ကဲရေးဌာနချုပ်-စကခ (၈) လက်အောက်ခံ ခမရ ၄၀၅နှင့် ထိုဒေသအတွင်း အသစ်ဝင်ရောက်လှုပ်ရှားမည့် ခမရ (၄၀၈) တပ်ရင်း၏ ရိက္ခာနှင့် ဆေးဝါးပစ္စည်း များ တင်ဆောင်လာသော ထော်လဂျီကားနှစ်စီးကို ကနဲလေးနှင့် မော်ဖိုးကလိုးကြား အူးဖူးထာ့ကားလမ်း တွင် ရောက်ရှိစဉ် ကြားဖြတ်ဝင်ရောက်သိမ်းဆည်းရမိခြင်းဖြစ်ကြောင်း ကေအဲန်အယ်လ် တပ်ရင်း (၂၀၁) တပ်ကြပ်ကြီး စောထီးခုက ပြောသည်။
သူက“ နအဖ တက်လာမယ့်သတင်းကို ကျနော်တို့ အတိအကျရတဲ့အတွက် အူးဖူးထာ့ကားလမ်းမှာ သွား ပြီးကြိုစောင့်တယ်။ စစ်ကြောင်းမလာခင်မှာ ရိက္ခာကို အရင်ပို့နေတော့ သေနတ်သံတချက်မှ မကြားရဘဲ ထော်လဂျီအပေါ်ပါလာတဲ့ ပစ္စည်းတွေ အကုန်လုံး သိမ်းလိုက်တယ်။ စစ်ကြောင်းက အနောက်မှ အဝေး ကြီးကျန်သေးတယ်လေ”ဟု ပြောသည်။
အဆိုပါ ထော်လဂျီနှစ်စီးအတွင်းမှ ပါလာသည့် ပစ္စည်းမှာ လမ်းလျှောက်စကားပြောဆက် ၃လုံး၊ စစ်ယူနီ ဖေါင်း ၂၅စုံ၊ စစ်ဖိနပ် ၁၅၀ရံ၊ ကီလို ၃၀ရှိ ငါးခြောက် ၁၀အိတ်၊ ကီလို ၃၀ရှိ ငရုပ်သီး ၂အိတ်၊ ဓါတ်ဆားရည် ၂ဖာ၊ ဆေးဝါးမျိုးစုံ၂၀၀ဗူး (ဆေးပြား ၁၀၀ခန့်ဆံ့သည့် ဆေးဗူးမျိုး)၊ ကျောပိုးအိတ် ၅လုံး၊ ဆန် ၂အိတ်၊ 12 Volt Battery ၂လုံးနှင့် ၆၀-မမ အသီး ၂လုံးတို့ ဖြစ်သည်။
ဝေါ်လေဂွင်အတွင်း အသစ်ဝင်ရောက်လှုပ်ရှားမည့် နအဖစစ်တပ် ခမရ (၄၀၈)တပ်ရင်းသည် ကနဲလေးကျေး ရွာသို့ ယမန်နေ့ည(၆)နာရီခန့်တွင် ချောမောစွာ ရောက်ရှိလာသော်လည်း ၎င်းတို့တပ်ရိက္ခာနှင့် ဆေးဝါး ပစ္စည်းများကို သိမ်းဆည်းခံခဲ့ရသောကြောင့် ယခုအချိန်တွင် ကနဲလေးရွာသားများကို အပြင်လုံးဝမထွက်ရန် အမိန့်ထုတ် ထားသည်ဟု သိရသည်။
အခင်းဖြစ်ပွားရာနေရာနှင့် အနီးကပ်ရှိ ဒီကေဘီအေ (၉၀၇)မှ တပ်မှူးတစ်ဦးက “အရင်က ဖြစ်လေ့ဖြစ်ထ မရှိဘူးဆိုတော့ နအဖကလည်း ကော်သူးလေ(ကေအဲန်အယ်လ်) ဒီလိုကြားဖြတ်ပြီး ၀င်သိမ်းလိမ့်မယ်လို့ ကြိုတွက် မထားဘူးထင်တယ်။ ဒီလမ်းက နအဖတွေ ရိက္ခာပို့နေကျလမ်းပဲလေ” ဟု သုံးသပ်ပြောဆိုသည်။
ကေအဲန်ယူ တပ်မဟာ (၆)နယ်မြေ ဝေါ်လေဂွင်၌ နအဖစစ်တပ် စကခ (၈) ခမရ ၄၀၂၊ ၂၀၃၊ ၄၀၅၊ ၄၀၆၊ ၄၀၇၊ ၄၀၈တပ်ရင်းများ၊ ဒီကေဘီအေ (၉၀၇)တပ်ရင်းနှင့် ကေအဲန်အဲလ်အေ (၂၀၁)တပ်ရင်းတို့ လှုပ်ရှား လျှက်ရှိသည်။
ရန်ကုန်မြို့ လယ်နေရာအချို့ တွင် စစ်အစိုးရဆန့် ကျင်စာများ ဝေငှ ပြီး ဆန္ဒပြပွဲ ငယ်များပြုလုပ်
Freedom News Group မှ...........
ယနေ့ မွန်းလွဲ တစ်နာရီ အချိန် ခန့် က ရန်ကုန် မြို့ ပန်းဘဲတန်း မြို့ နယ် ကုန်ဈေးတန်း လမ်း နှင့် သိမ်ကြီး ဈေးတစ်
ဝိုက် တွင် လူငယ် ၁၁ ဦးခန့် က အချင်းချင်း လက်ခြင်း ချိန်ကာ စစ်အစိုးရ အလို မရှိ ဟု ကြွေးကျော် အော်ဟစ်ပြီး
စစ်အစိုးရ ဆန့် ကျင်စာ များ လည်း ဝေငှ သွားသည် ဟု သိရှိရသည်။
လူငယ်များ ၏ စစ်အာဏာရှင် ဆန့် ကျင်ရေး လှုပ်ရှားမှု ကို တွေ့ လိုက်ရသူ တစ်ဦးက ‘စာတွေ ဝေသွားတယ်။
စစ်အစိုးရ အလို မရှိ ၊ အာဏာရှင် ကျဆုံးပါစေ လို့ အော်ကြတယ် ပြီးတော့ ချက်ခြင်းပဲ ဟိုင်းလပ် ကား တစ်စီး
လာတော့ တက်သွား တယ် ။ ဘယ် သူမှ တော့ အဖမ်းမခံ ရဘူး ၊ကျန် ခဲ့တဲ့ စာရွက် အချို့ ကိုတော့ အခု စည်ပင်
ရဲ နဲ့  ပန်းဘဲတန်း ရဲစခန်း က လိုက်သိမ်းနေတယ် ဟု Freedom News Group သို့ ပြောသည်။
ယနေ့ ပြုလုပ်သည့် စစ်အစိုးရ ဆန့် ကျင် စာများ ဝေငှ မှု အား မည် သည့် အဖွဲ့ က ပြုလုပ်သည် ကို မသိရှိ ရသေး
သော်လည်း ယခု သီတင်း ပတ် အတွင်း ရန်ကုန် နယ်နိမိတ် ရှိ တက္ကသိုလ် အချို့ တွင် အစိုးရ ဆန့် ကျင်စာ များ ဝေ
ငှ မှု ရှိသည် ဟု သိရသည်။အခြေခံပညာ ကျောင်းသား များ သမဂ မှ ကျောင်းဖွင့် ချိန် တွင် ဆရာ၊ဆရာ မ များ ၏
ကျောင်းသား များ ကို ကျူရှင် မယူမနေရ ပုံစံ ဖြင့် စာ သင်ကြားနေခြင်း ကို ဆန့် ကျင်သွား မည် ဟု သိရသည်။
၂၀၁၀-၁၁ ပညာ သင် နှစ် တွင် အခြေခံ ပညာ ကျောင်း ဆရာ – ဆရာ မ များ က ကျုရှင် မယူသည့် ကျောင်းသား
များ အား အတန်း ထဲ တွင် ခွဲခြား ဆက်ဆံမှု များ ပိုမို ပြုလုပ် လာသည် ဟု သိရသည်။
ယနေ့ စစ်အာဏာရှင် ဆန့် ကျင် ရေး လှုပ်ရှားမှု သည် အခြေခံ ကျောင်း များ ဖွင့် လှစ်ပြီး သီတင်း တစ်ပတ် ခန့် 
အကြာတွင် ဖြစ်သည်။
စစ်အစိုးရ နိုင်ငံတကာဥပဒေ ချိုးဖောက်မှု စုံစမ်းရေး စလိုဗက်ကီးယား ထောက်ခံ
VOA သတင်းမှ.....
မြန်မာနိုင်ငံစစ်အစိုးရရဲ့ လူ့အခွင့်အရေး ချိုးဖောက်မှုတွေအပေါ် ကုလသမဂ္ဂက ကော်မရှင်တစ်ခုဖွဲ့စည်းပြီး စုံစမ်းစစ်ဆေးမယ့် ကိစ္စကို Slovakia နိုင်ငံက ထောက်ခံမယ်လို့ ပြောကြားလိုက်ပါတယ်။
ယမန်နေ့၊ ဇွန်လ ၈ ရက်နေ့က Geneva မှာပြုလုပ်တဲ့ ကုလသမဂ္ဂလူ့အခွင့်အရေးကောင်စီရဲ့ ၁၄ ကြိမ်မြောက် ညီလာခံမှာ အခုလို ပြောကြားလိုက်တာပါ။
အလားတူပဲ အမေရိကန်ပြည်ထောင်စုကလဲ ဒီကိစ္စကို ထောက်ခံဖို့ စဉ်းစားနေတယ်လို့ ပြောထားပါတယ်။ လူသားချင်းစာနာထောက်ထားမှုဆိုင်ရာ နိုင်ငံတကာဥပဒေကို ချိုးဖောက်မှုတွေအတွက် မြန်မာစစ်အစိုးရကို ကော်မရှင်ဖွဲ့ စစ်ဆေးဖို့ လူ့အခွင့်အရေး အထူးကိုယ်စားလှယ် Thomas Quintana က အဆိုပြုထားတာဖြစ်ပါတယ်။
ဒီအဆိုပြုချက်ကို သြစတြေးလျ၊ ချက်က်နဲ့ ဗြိတိန်နိုင်ငံတို့က ထောက်ခံထားကြပြီးသား ဖြစ်ပါတယ်။
ကရင်အပစ်ရပ်အဖွဲ့များအား နအဖ ခေါ်ယူသတိပေး
ခေတ်ပြိုင် မှ..............
ကရင်အပစ်ရပ်အဖွဲ့အချို့၏ လိုင်စင်မဲ့ကားများနှင့် တရားမ၀င် လက်နက်သယ်ဆောင်မှုများကို ထိန်းချုပ်နိုင်ရန်အတွက် ကရင်ပြည်နယ်အာဏာပိုင်များက ကရင်ငြိမ်းအဖွဲ့တာဝန်ရှိသူများကို ဆင့်ခေါ်၍ စည်းကမ်းတင်းကျပ်မှုများ ပြုလုပ်ခဲ့သည်။
ယမန်နေ့က ဘားအံတွင် ပြည်နယ်ဥက္ကဋ္ဌနှင့် ထောက်လှမ်းရေး (စရဖ) က ကရင်အပစ်ရပ်အဖွဲ့များကို အစည်းအဝေးခေါ်ယူကာ လက်နက်အရောင်းအ၀ယ်ကိစ္စနှင့် အသယ်အပို့ကိစ္စတို့ကို သတိပေးပြောကြားခဲ့ကြောင်း ကရင်အပစ်ရပ် ခေါင်းဆောင်တဦးက ပြောသည်။
၎င်းက “ကရင်ငြိမ်းအဖွဲ့အချို့ထိုင်းဘက်က လက်နက်တွေဝယ်ပြီး လက်နက်အရောင်းအ၀ယ်တွေ လုပ်နေတယ်။ လက်နက်သယ်ကြတာလည်း အဖွဲ့အစည်းအမည်ခံထားတဲ့ ကားတွေဖြစ်တယ်။ နိုင်ငံတော်က အသုံးပြုခွင့်ပေးထားတဲ့ ကားတွေဟာ တရားမ၀င် အလုပ်တွေလုပ်ဖို့ မဟုတ်ဘူးဆိုပြီး လက်ရှိအသုံးပြုနေတဲ့ ကားစာရင်းတွေကို ဒီလထဲမှာပဲ စာရင်းအပြီးအပ်ရမယ်လို့ပြောတယ်” ဟု ဆိုသည်။
ကရင်ငြိမ်းအဖွဲ့များအသုံးပြုနေသည့် ကားများကို စာရင်းကောက်ယူရခြင်းမှာ မြ၀တီမြို့မှတဆင့် လက်နက်ခဲယမ်းမီး ကျောက်ပါသည့် ငြိမ်းအဖွဲ့တခုမှ ကားတစီးကို ယခင်လက ပဲခူးတိုင်း ရွှေကျင်မြို့တွင် ဖမ်းဆီးရရှိမှုနှင့်ဆက်စပ်ကြောင်း အဆိုပါအရာရှိက ပြောသည်။
နအဖက ကရင်ငြိမ်းအဖွဲ့များ အသုံးပြုရန် ခွင့်ပြုထားသည့် ကားအရေအတွက်မှာ တဖွဲ့လျှင် (၅) စီးမှ (၁၀) စီးအများဆုံး ဖြစ်သော်လည်း အဆိုပါအခွင့်အရေးကို အသုံးချ၍ မြ၀တီမှတဆင့် တရားမ၀င်ကားများကို မြန်မာပြည်အတွင်းပိုင်းအထိ ပို့ဆောင်ပေးခြင်းအပြင် တရားမ၀င်လက်နက် သယ်ဆောင်မှုများ ပြုလုပ်နေခြင်းတို့ကြောင့် ဖြစ်သည်ဟုလည်း ၎င်းက ပြောသည်။
ကရင်ငြိမ်းအဖွဲ့များက လိုင်စင်မဲ့ကားများ သယ်ဆောင်ရောင်းဝယ်ရာတွင် ခွင့်ပြုကားများ၏ စာရွက်စာတမ်းများကို မိတ္တူကူး၍ အသုံးပြုကြသည်ဟု ငြိမ်းအဖွဲ့တခု၏ ယာဉ်မောင်းတဦးက ပြောသည်။
ငြိမ်းအဖွဲ့တခု၏ တပ်မှူးတဦးက “သူတို့ ဘယ်လိုပဲ အမိန့်ထုတ်ထုတ် သူ့နည်းသူ့ဟန်နဲ့တော့ ဆက်ပြီးလှုပ်ရှားနေရဦးမှာပဲ။ ဗိုလ်ဌေးမောင်ရဲ့ ကရင်ငြိမ်းချမ်းရေးကောင်စီအဖွဲ့ဆိုရင် အရင်လကစပြီး အစိုးရက သူတို့ကို ရိက္ခာဖြတ်လိုက်ပြီ။ ဘာအထောက်အပံ့မှ မပေးတော့ဘူး။ အခု ကားလိုင်းပါ ပိတ်ဖို့ ကန့်သတ်လာပြီဆိုတော့ အခြေအနေက မကောင်းတော့ဘူး။ မကြာဘူး သေနတ် ပေါက်တော့မယ်လို့ပဲ ပြောချင်တယ်” ဟု ဆိုသည်။
အစည်းအဝေး ဆုံးဖြတ်ချက်များအရ ကရင်ငြိမ်းအဖွဲ့များကို နားလည်မှုဖြင့် အသုံးပြုခွင့်ပေးထားသည့် လိုင်စဉ်မဲ့ ကားစာရင်းများကို မြ၀တီနှင့်ဘားအံမြို့အကြားရှိ စစ်ဆေးရေးဂိတ် အားလုံးတွင် မော်တော်ယာဉ် အထောက်အထား စာရွက်စာတမ်းများ ပေးထားရမည်ဖြစ်ပြီး လိုင်စဉ်မဲ့ကားသယ်ဆောင်ပါက ယာဉ်သိမ်းပြီး လူကို အရေးယူမည်ဟု ပါရှိသည်။
မြ၀တီမှတဆင့် မြန်မာပြည်အတွင်းပိုင်းသို့ တရားမ၀င် တင်ပို့နေသည် လိုင်စဉ်မဲ့ကားများမှာ ဂျပန်ကားဟောင်းများ အပါအ၀င် တလလျှင် အစီးရေ (၂၀၀) အထက်တွင် ရှိသည်ဟု ကားပွဲစားတဦးက ပြောသည်။
ယမန်နေ့ အစည်းအဝေးသို့ ဒီကေဘီအေ၊ ဟောင်သရောအဖွဲ့၊ ဘုရားကုန်းအဖွဲ့၊ ငြိမ်းချမ်းရေးကောင်စီအဖွဲ့နှင့် သံတောင်အထူးဒေသမှ အဖွဲ့ (၂) ဖွဲ့တို့ တက်ရောက်ခဲ့ကြသည်။
လေးလံတဲ့ စစ်တပ်ရိက္ခာတွေကို အဓမ္မ ထမ်းပို့ခဲ့ရတယ်
ဆောင်းပါး - ကန္တာရ၀တီတိုင်း(မ်)
ရေးသားသူ - နှောင်းလှိုင်
မြန်မာနိုင်ငံမှာ အဓမ္မ လုပ်အားပေး ခိုင်းစေမှုနဲ့ ပေါ်တာထမ်း စေခိုင်းမှုများကို စစ်တပ်များက ကျယ်ကျယ်ပြန့်ပြန့် လုပ်ဆောင်နေတာပါ။ ကျား၊ မ မရွေး၊ အသက်အရွယ် မရွေး အဓမ္မ စေခိုင်းတဲ့ အလေ့အထက အတော်ကြာခဲ့ပါပြီ။
နှစ်ပေါင်း ၄၀ ကျော်အတွင်း ကျောင်းဆရာမအဖြစ် တာဝန်ထမ်းဆောင်ခဲ့သူ၊ အသက် ၆၂ နှစ် အရွယ် နော်သားခုဟာ ၂၀၀၉ ခုနှစ်အတွင်းမှာ မြန်မာစစ်သားတွေရဲ့ အဓမ္မ စေခိုင်းမှုနဲ့ စစ်တပ်ရိက္ခာတွေဖြစ်တဲ့ ဆန်၊ ဆီ စတဲ့ အလေးအပင်တွေကို အသက်အရွယ်နဲ့ မမျှအောင် သူတို့ တပ်စခန်းတွေရှိရာ နေရာတွေအထိ သယ်ပို့ပေးခဲ့ရပါတယ်။
ကရင်နီပြည်နယ် (ကယားပြည်နယ်)၊ မော်ချီးရွာ အခြေစိုက် ခြေမြန်တပ်ရင်း အမှတ် ၇၂ က မြန်မာစစ်တပ်တွေက နှစ်စဉ်၊ နှစ်တိုင်း သူတို့ရဲ့ ရိက္ခာတွေကို ထမ်းပို့ဖို့ ဒေသခံ တွေရဲ့ ဆန္ဒမပါပဲ တနေကုန် အဓမ္မ စေခိုင်းခဲ့တယ်လို့ သူမက အခုလို ပြောပြပါတယ်။
“စစ်သားတွေက မြေမြုပ်မိုင်းဘေးကို ကြောက်လို့ ကျမတို့ကို အရှေ့ကနေ ဦးဆောင်ပြီး သွားခိုင်းတယ်။ ဘာအစားအစာမှမစားရပဲ လေးလံတဲ့ တပတ်စာ ရိက္ခာကို တနေ့လုံးလုံး ထမ်းသွားရတယ်” ဟု ဆိုသည်။
နီးစပ်ရာ တိုင်းရင်းသား လက်နက်ကိုင် အဖွဲ့များ ရွာထဲကို ၀င်ရောက်လာသည့် အခါတိုင်းတွင် အခုလို ပေါ်တာခေါ် စေခိုင်းမှုများ ရှိကြောင်း၊ ထိုသို့ခေါ်သည့်အခါ ဆယ်ကျော်သက်အရွယ် အမျိုးသမီးငယ်များအတွက် အထူး စိုးရိမ်ပူပန်နေရကြောင်း နော်သားခုက အခုလို ပြောပါတယ်။
“အမျိုးသမီး ဆယ်ကျော်သက်အရွယ်တွေပေါ့၊ မပါအောင် အဒေါ်က တဖက်တလမ်းကနေပြီးတော့ ရှေ့ကနေပြီးတော့ ကြိုးစားပေးတယ်။ သူတို့စိတ်ထားကတော့ သိတဲ့အတိုင်းပဲလေ မကောင်းဘူးပေါ့လေ။ ဒါတောင်မှ အဒေါ်တို့ အရွယ်တောင်မှ သိပ်စိတ်မချရဘူး။ အဲဒါကြောင့်မို့ အဲဒီလူငယ်တွေ အထူးသဖြင့်စိတ်ပူတာပေါ့ အမျိုးသမီးတွေကို သိပ်စိတ်ပူတယ်” ဟု ပြောသည်။
အလားတူ ရွာဒါကား ကျေးရွာက ကလေး၂ ယောက် မိခင်ဖြစ်သူ နော်ကရီဖောဂေ ကလည်း မြန်မာစစ်တပ်များရဲ့ အဓမ္မ စေခိုင်းမှုကြောင့် ဆန်၊ဆီ၊ သစ်သီး ၀လံ စတဲ့ တပတ်စာ ရိက္ခာတွေကို အခမဲ့ ထမ်းစေခဲ့တယ်လို့ အခုလို ပြောလာပါတယ်။
“သူတို့ စစ်ဆေးမေးမြန်းတယ်။ သူတို့ စကား(ဗမာလို) မပြောတတ်ရင် သူတို့ သေနတ်နဲ့ ချိန်တယ်။ သူတို့က ဗမာစကားတွေပဲပြောတယ်။ နားမလည်ဘူး။ ကရင်လို ပြောရင် နားလည်သေးတယ်။ ဗမာလိုပြောတော့ နားမလည်ဘူး” ဟု ဆိုသည်။
ယခုလို အဓမ္မ ပေါ်တာထမ်း ခိုင်းစေခြင်းသည် ကရင်နီပြည်နယ် (ကယားပြည်နယ်)၊ အမှတ် ၂ ခရိုင် ဒေသတခုတွင်သာမက နအဖ စစ်တပ်စခန်းရှိရာ ဒေသ အနှံ့အပြားတွင် အလားတူ အဖြစ်အပျက်များ ရှိကြောင်း ကရင်နီ လူမှုကယ်ဆယ်ရေးအဖွဲ့ (KSWDC) မှ ဒါရိုက်တာ ခူးဖဲဘူးက ပြောပါသည်။
“ကရင်နီပြည်နယ်အ၀ိုက်မှာ အတင်းအဓမ္မခိုင်းစေမှုတွေ အဖြစ်များတယ်။ အထူးသဖြင့် နအဖရဲ့ စီမံအုပ်ချုပ်မှု ဂွင်ရှိသမျှမှာ အကုန်လုံး ဖြစ်နေတယ်။ လူထုတိုင်း လူထုတိုင်း ခံစားနေရတယ်” ဟု ဆိုသည်။
၂၀၁၀ ခုနှစ် ကစတင်ကာ မော်ချီးဒေသ တ၀ိုက်နေထိုင်သူ ဒေသခံ စုစုပေါင်း ၄၅၀၀ ကျော် အဓမ္မ ရွှေ့ပြောင်းခြင်း ခံခဲ့ရကြောင်း ခူးဖဲဘူးက ဆိုသည်။
စစ်တပ်က ဒေသခံ ရွာသူ၊ ရွာသားတွေကို အဆက်မပြတ် အဓမ္မ ပေါ်တာ ခိုင်းစေမှုကြောင့် ၀မ်းစာအရေးအတွက် တောင်ယာလုပ်ငန်းတွေကို ပစ်ထားခဲ့ရကြောင်း နော်သားခုကပဲ အခုလို ပြောလာပါတယ်။
“ကျမ ဘာမှ ဆက်မလုပ်ပေးနိုင်တော့ဘူး။ ဘာလို့လည်းဆိုတော့ ကျမတို့ ကိုယ်ပိုင် အလုပ်လည်း။ ရှိသေးတယ်လေ။ အဒေါ်ဆိုရင် ကျောင်းဆရာမကနေ သူတို့ ၀န်ဆောင်လုပ်ပေးခဲ့တယ်။ ရွာတွင်းမှာ လုံခြုံမှု မရှိတော့ဘူး အဲလုိုပဲ စစ်သားတွေက အမြဲတမ်းလာပြီး ပေါ်တာ ခေါ်နေတယ်” ဟု စိတ်မသက်မသာ ပြောဆိုသည်။
၂၀၀၉ ခုနှစ်၊ ဒီဇင်ဘာလအတွင်းမှာပဲ နေထိုင်ရာ မော်ချီး ဒေသတ၀ိုက်က ကျေးရွာတွေမှာ အဓမ္မ လုပ်အားပေး ခိုင်းစေမှုနဲ့ ပေါ်တာ ထမ်းစေမှုတွေ အဆက်မပြတ် ဖြစ်နေတာကြောင့် နော်သားခု အပါအ၀င် အခြား ဒေသခံ ၃၅၀ ကျော်လောက်ဟာ ထိုင်းနိုင်ငံ မြောက်ပိုင်း မယ်စူရင်း ဒုက္ခသည်စခန်း အမှတ် (၂) ကို ထွက်ပြေး ခိုလှုံလာကြပါတယ်။
ထိုင်း-မြန်မာနယ်စပ်၊ ဒုက္ခသည်စခန်းရောက်ရန် လမ်းခရီးကို ခြေလျင်နဲ့ ၁ လနီးပါး ခရီးဆက်ခဲ့ရတယ်လို့လည်း သိရပါတယ်။
ခေတ္တလုံခြုံမှုပေးတဲ့ ဒုက္ခသည် စခန်းကို ရောက်နေတဲ့ နော်သားခု တယောက် စခန်း က အထက်တန်းကျောင်းမှာ ကျောင်းအုပ်တာဝန် ထမ်းဆောင်ရန် စိတ်ဆန္ဒ ရှိပေမယ့် နှစ်ရှည်လများ ခံစားခဲ့ရတဲ့ အဆုပ်ရောဂါဝေဒနာကြောင့် ၀ါသနာပါရာ ကျောင်းဆရာမ အလုပ်ကနေ ရပ်နားခဲ့ရပါတယ်။
လက်ရှိမှာတော့ သူမအတွက် လုံခြုံမှုပေးတဲ့ ဒီဒုက္ခသည်စခန်းမှာပဲ ဆက်ပြီးနေထိုင်သွားမယ်လို့လည်း အခုလို ပြောလာပါတယ်။
“အဒေါ် ရွာကိုတော့ မပြန်ချင်ဘူး။ ဒီစခန်းထဲမှာ နေရတာ အဒေါ်အတွက် လုံခြုံမှုရှိတယ်။ အခုလောလောဆယ် အဒေါ် ဒီမှာပဲဆက်နေမယ်” လို့ နော်သားခုက ပြောပါသည်။
