.jpg)
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသရှိ မဲ့ကသာရွာတွင် တိုက်ပွဲများကြာင့် ထွက်ပြေးတိမ်းရှောင်ခဲ့ကြ သည့် ရွာသူရွာသားများမှာ ယခုအချိန်၌ ရွာတွင် ပြန်လည် နေထိုင်နိုင်ကြပြီဖြစ်သော်လည်း စာသင်ကျောင်းကိုမူ ဖွင့်လှစ်နိုင် ခြင်း မရှိသေးကြောင်း ကေအိုင်စီက စုံစမ်းသိရှိရသည်။
၎င်းရွာရှိ ဘာသာရေးခေါင်းဆောင်တဦးက “ရွာသားတွေ ပြန်နေထိုင်တာ ၁၀ရက်ကျော်သွားပြီ။ အကုန်လုံးတော့ မဟုတ်သေး ပေမဲ့ ထက်ဝက်ကျော်လောက်ရှိပြီ။ ဒါပေမယ့် ပိတ်ထားတဲ့စာသင်ကျောင်းကိုတော့ အခုထက်ထိ ပြန်မဖွင့်နိုင်သေးတဲ့အတွက် ကလေးတွေလည်း မိဘတွေနဲ့အတူ နေ့စားသွားလုပ်တဲ့လူကလုပ်၊ ကျောင်းထွက်ပြီး တခြားရွာကို ပြောင်းသွားတာလည်း ရှိ တယ်။”ဟု ပြောသည်။
ပြီးခဲ့သည့် ဇွန်လ ၁၀ရက်နေ့တွင် မဲ့ကသာကျေးရွာ ဘုန်းကြီးကျောင်းရှိ အစိုးရစစ်တပ် စစ်ကွပ်ကဲရေးဌာနချုပ် (စကခ-၁၉) လက်အောက်ခံ ခမရ(၅၆၃)တပ်ရင်းအား ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) တပ်ရင်း(၁၆) လက်အောက်ခံ တပ်ဖွဲ့ဝင်တချို့က ၀င်ရောက်ပစ်ခတ်ရာ ရွာသားများအားလုံးနီးပါး အခြားကျေးရွာများသို့ ထွက်ပြေးတိမ်း ရှောင်ခဲ့ရသည်။
အိမ်ခြေ ၉၀ခန့်ရှိ မဲ့ကသာကျေးရွာမှ အိမ်ထောင်စု အများစုမှာ ယခုအချိန်တွင် ရွာတွင်း ပြန်လည်နေထိုင်ကြပြီဖြစ်သော်လည်း အချို့မှာ ကျေးရွာတွင် ထိုဒေသရှိ မိုင်းတွင်းလုပ်ငန်းတွင် နေ့စားအလုပ်လုပ်ကာ နေထိုင်ရပ်တည်ကြသည်။
အမည်မဖော်လိုသူ မဲ့ကသာရွာမှ လူကြီးတဦးက “ကျနော်တို့လူကြီးတွေက ကော်သူးလေကိုလည်း မထိန်းချုပ်နိုင်ဘူး။ အစိုးရ တပ်ကိုလည်း ထိန်းချုပ်နိုင်တာ မဟုတ်ဘူး။ ဒါကြောင့် ဒီစာသင်ကျောင်း ဘယ်အချိန် ပြန်ဖွင့်နိုင်မလဲဆိုတာတော့ တပ်အပ် မပြောနိုင်ဘူး။ နစ်နာတာက ကလေးတွေပဲ။” ပြောသည်။
ခမရ(၅၆၃)တပ်ရင်းသည် မဲ့ကသာကျေးရွာ ဘုန်းကြီးကျောင်းကို အကာအကွယ်လုပ်ကာ ခြေကုပ်နေရာယူထားသဖြင့် ပြီးခဲ့ သည့် ဇွန်လ ၆ရက်နေ့နှင့် ၁၀ရက်နေ့က ကေအဲန်အယ်လ်အေတပ်ဖွဲ့ဝင်များ ၀င်ရောက်ပစ်ခတ်မှုကို ခံရပြီး ဘုန်းကြီးကျောင်း ခေါင်မိုးကိုထိမှန်ကာ အနည်းငယ် ပျက်စီးသွားခဲ့သည်။
ကိုယ်ထူကိုယ်ထ စာသင်ကျောင်းဖြစ်သည့် မဲ့ကသာ မူလတန်းကျောင်းတွင် ကျောင်းဆရာ ၃ဦးနှင့် ကျောင်းသူကျောင်းသား ၄၀ဦးကျော် ပညာသင်ကြားနေသလို ယခင်ကလည်း အလားတူ ပစ်ခတ်မှုများကြောင့် မကြာခဏ ကျောင်းပိတ်ပစ်ခဲ့ရသည်ဟု ရွာသားများက ပြောသည်။
.jpg)
မဲ့ကသာကျေးရွာအတွင်း၌ စာသင်ကျောင်း မဖွင့်နိုင်သေး
မြေဧက ၃,၀၀၀ကျော် မတရားသိမ်းဆည်းခံရမှု အာဏာပိုင်များ လျစ်လျူရှု
စောသိန်းမြင့် (ကေအိုင်စီ)
ကရင်ပြည်နယ်၊ ဖားအံမြို့နယ်အတွင်းရှိ နတ်ထိပ်ကျေးရွာတွင် ရွာသားများပိုင်ဆိုင်သည့် ဧက ၃,၀၀၀ကျော်ရှိ မြေလွတ်မြေ ရိုင်းများ ယခင် ဒီကေဘီအေ တပ်မှူးအချို့က မတရား ရောင်းပစ်လိုက်သည့်အပေါ် နစ်နာကြေးများ ရရှိရန် ပြီးခဲ့သည့်မေလက ဖားအံမြို့ရှိ ပြည်နယ်အုပ်ချုပ်ရေးရုံးသို့ ရွာသားများ သွားရောက်တင်ပြခဲ့သော်လည်း အာဏာပိုင်များက ယနေ့အထိ အရေးယူ ဖြေရှင်းပေးခြင်း မရှိသေးကြောင်း သိရသည်။
မြေသိမ်းဆည်းခံရသည့် ရွာသားတစ်ဦးက “ကျနော်တို့ ရွာသူရွာသားတွေ ပိုင်ပြီးသားမြေကွက်တွေကို အရင် ဒီကေဘီအေ ဗိုလ်တစ်ယောက်က ဘာမှမပြောဘဲ သူ့ဟာသူအကွက်ချပြီး အခြားသူတွေကို ရောင်းလိုက်တယ်။ အဲဒီလို မတရားတာကို အရေးယူပေးဖို့ ရွာသားတွေက ကျေးရွာ ရ.ယ.က ဥက္ကဌကနေ မ.ယ.က ဥက္ကဌဆီကို တင်ပြခဲ့တယ်။ အဲဒီတုန်းက အာဏာပိုင် တချို့ကို သူတို့(ဒီကေဘီအေ)က ပိုက်ဆံထိုးထားတော့ ရွာသားတွေလည်း ဘာမှလုပ်လို့မရဘူး။ အခုလည်း ရွာက အုပ်ချုပ် ရေးမှူး ကိုယ်တိုင် ထပ်ခါထပ်ခါ သွားတင်ပြတယ်။ အဲဒီလိုပဲ ဘာမှအရေးမလုပ်ဘူး။”ဟု ပြောသည်။
၂၀၀၇ခုနှစ်မှ ၂၀၁၀ခုနှစ်အထိ နတ်ထိပ်ကျေးရွာ အရှေ့ဘက်ခြမ်းနှင့် တောင်ဘက်ခြမ်းရှိ ၎င်းမြေလွတ်မြေရိုင်းများကို ဒီကေဘီ အေမှ ဗိုလ်ကြာဝင်းနှင့် အစိုးရအာဏာပိုင်အချို့ ပူးပေါင်း၍ မြေကွက်ချကာ ရောင်းချနေမှုများကို အရေးယူပေးရန် ၂၀၁၀ ခုနှစ်၊ မေလတွင် ကျေးရွာအေးချမ်းသာယာရေး(ရ.ယ.က) ဥက္ကဌက မြို့နယ်အေးချမ်းသာယာရေး (မ.ယ.က)ဥက္ကဌအား တရားဝင် စာဖြင့် တင်ပြတောင်းဆိုခဲ့သော်လည်း အာဏာပိုင်ဘက်က အလားတူ မဖြေရှင်းပေးခဲ့ပေ။
ထို့အတွက် ၎င်းရွာသားများက ယခုနှစ် မေလတွင်လည်း ပြည်နယ်ရုံးသို့တဖန် ထပ်မံ တောင်းဆိုခဲ့ရာ ယနေ့အချိန်ထိ တစုံတ ရာ အရေးယူခြင်းမရှိသေးကြောင်း မြေသိမ်းဆည်းခံရသူ ရွာသားများက ပြောသည်။
နတ်ထိပ်ကျေးရွာပိုင် မြေလွတ်မြေရိုင်းများနှင့် ကြိုးဝိုင်းမြေများအား ယခင်က နောင်လုံအခြေစိုက် တပ်မဟာ(၉၉၉) တပ်ရင်း (၄)မှ ဗိုလ်ကျော်ရွှေ၊ ကျေးရွာသား ဦးကြာဟဲနှင့် မြို့နယ်မြေစာရင်း ဦးစီးဌာနမှ လက်ထောက်ဦးစီးမှူး ဦးစောသန်းစိန်နှင့် မြေ တိုင်းစာရေး ဦးစ၀င်းထွန်း၊ ဦးပါပီတို့နှင့်ပေါင်းပြီး တရုတ်၊ မွန် စီးပွားရေးသမားများနှင့် ဖားအံမြို့ရှိ ဒေါက်တာသောင်းစိန်၏ သား မက်ဆိုသူများအား အကွက်ချကာ ကာလပေါက်ဈေး သိန်းနှင့်ချီ၍ ပြန်လည်ရောင်းချခြင်း ဖြစ်သည်။
ရွာသားတစ်ဦးက “အမှန်ဆို အဲဒီမြေလွတ်မြေရိုင်းတွေက ကျနော်တို့ ဘိုးဘွားပိုင်မြေတွေပဲ။ အဲဒါကို ဒီကေဘီအေက အကွက် ချပြီး ကျနော်တို့ကို အတင်းပြန်ဝယ်ခိုင်းတယ်။ ၀ယ်ပြီးသားမြေတွေကို ရွာသားတွေက စိုက်ပျိုးရေးတွေ မလုပ်ပေမဲ့ သစ်ခုတ်၊ ထင်းခွေတော့ လုပ်တာပေါ့။ ကိုယ့်အပိုင် ဖြစ်သွားပြီးပဲ။ အခုတော့ မြေပိုင်ရှင်တွေကို အသိမပေးဘဲ အခြားသူတွေကို ထပ် ရောင်းတော့ ဖြစ်နိုင်ရင် ကျနော်တို့ကို ဒီမြေဧက ၃,၀၀၀ကျော်အတွက် တန်ရာတန်ကြေးလေး ပေးစေချင်တယ်။”ဟု ဆိုသည်။
နတ်ထိပ်ရွာသူရွာသားများသည် ၎င်းတို့၏မြေကွက်များ ပြန်လည်ရရှိရန် ကျေးရွာအုပ်ချုပ်ရေးမှူးမှတဆင့် ပြည်နယ်ရုံးသို့ အ ကြိမ်ကြိမ် သွားရောက်တိုင်ကြားခဲ့သော်လည်း သက်ဆိုင်ရာ အာဏာပိုင်များက အကြောင်းအမျိုးမျိုးပြကာ ယနေ့အချိန်ထိ လာ ရောက်ဖြေရှင်းပေးခြင်း မရှိသလို ၎င်းမြေကွက်များအတွင်း သစ်ခုတ်၊ ထင်းခွေသည့် ရွာသားများကို ယခုအချိန်တွင် ဒဏ်ငွေ ပေးဆောင်ခိုင်းကြောင်း ရွာသားများက ပြောသည်။
“ရွာသားတွေအားလုံးက ဒီလိုမြေကွက်တွေ မတရားရောင်းစားခံရတာကို ပြန်ရဖို့အတွက် ၁၈.၅.၁၁ရက်မှာ သပိတ်မှောက်မ လို့ ပြည်နယ်ရုံးကိုသွားတာ အာဏာပိုင်ဘက်က လက်မခံဘူး။ သူတို့က ရွာမှာပဲလာပြီး ရှင်းမယ်ဆိုပြီးတော့ ရွာမှာ အစည်းအ ဝေးလာလုပ်တယ်။ မြေတွေကို ပြန်ရအောင်လုပ်ပေးမယ်ဆိုပြီး ရက်ထပ်ချိန်းတယ်။ နောက် ဘာမှလည်းမထူးဘူး။”ဟု ပြော သည်။
ယခုအချိန်တွင် ရောင်းချလိုက်သည့် မြေကွက်များတွင် ရော်ဘာပင်များအပြည့် စိုက်ပျိုးထားကြပြီဖြစ်သည့်အပြင် ထိုမြေနေရာ များသို့ ရွာသားများ ထင်းခွေသွားပါက အဆိုပါ ဒီကေဘီအေတပ်မှူးဟောင်းကို ဒဏ်ငွေ ၂,၀၀၀ကျပ် ပေးဆောင်ရသည်ဟု လည်း ရွာသားများ၏ ပြောပြချက်အရ သိရသည်။
ထိုမြေလွတ်မြေရိုင်းများမှာ ၂၀၀၄ခုနှစ်က ဒီကေဘီအေ တပ်မဟာ(၉၉၉) အမှတ်(၄)တပ်ရင်းမှ ဗိုလ်ကျော်ရွှေနှင့် အခြား ဒီကေ ဘီအေ တပ်မှူးအချို့က တစ်အိမ်ထောင်လျှင် ငွေကျပ် ၅,၀၀၀စီ မ၀ယ်မနေရစနစ်ဖြင့် ရွာသားများအား အတင်းအဓမ္မ ရောင်း ချခဲ့သည့် မြေကွက်များဖြစ်သည်။
ရွာသားများမှာ မည်သို့ပင် တိုင်ကြားနေစေကာမူ မြေရောင်းသူများနှင့် မြေ၀ယ်သူများက မ.ယ.ကဥက္ကဌအား ငွေပုံအောပေး ထားသဖြင့် မြေကွက်များ ပြန်လည်ရရှိရန် လွယ်ကူမည်မဟုတ်ကြောင်း ရွာသားအများစုက ယုံကြည်နေကြသည်။
ထိုကိစ္စနှင့်ပတ်သက်၍ ပြည်နယ်ရုံးသို့ ဆက်သွယ်မေးမြန်းရာ ဖုန်းလိုင်းပြတ်တောက်နေခဲ့သည်။
အိမ်ခြေ ၇၀ကျော်ရှိသည့် နတ်ထိပ်ကျေးရွာသည် ဖားအံမြို့၏ အရှေ့ဘက် ၂မိုင်အကွာအဝေးတွင် တည်ရှိပြီး ရွာသူရွာသား များမှာ လယ်ယာလုပ်ငန်းဖြင့်သာ အသက်မွေးဝမ်းကျောင်းပြုကြသည်။ အလားတူ နတ်ထိပ်ရွာ အနီးဝန်းကျင်ရှိ ကျေးရွာများ သည်လည်း သက်ဆိုင်ရာ အစိုးရအာဏာပိုင်များက မြေကွက်ရိုက်ပြီး စီးပွားရေးလုပ်ငန်းရှင်များထံ ပြန်လည်ရောင်းချမှုများ လုပ်ဆောင်လျှက်ရှိကြောင်း သိရသည်။
ဗိုလ်မှူးစောဘိ၏ ခွဲထွက် နယ်ခြားစောင့်တပ်ဖွဲ့ စစ်ရေးပြင်ဆင်ပြီး
ကေအိုင်စီ
ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူဒေသအခြေစိုက် ဗိုလ်မှူးစောဘိ ဦးဆောင်သည့် ကရင်နယ်ခြားစောင့်တပ် (BGF) ခွဲ ထွက်အဖွဲ့သည် ယခုအချိန်တွင် အစိုးရစစ်တပ်အား ပြန်လည်ခုခံရန်အတွက် စစ်ရေးပြင်ဆင်မှုများ အသင့်အနေအထားတွင် ရှိနေကြောင်း ကိုယ်တိုင်သွားရောက် တွေ့ဆုံခဲ့သူ ကေအိုင်စီ သတင်းထောက်တစ်ဦးက ယခုလို ပြောပြသည်။
အင်အား ၁၀၀၀နီးပါးရှိ အဆိုပါ BGF တပ်ဖွဲ့ဝင်များသည် ယခုအချိန်တွင် မြိုင်ကြီးငူဒေသရှိ တောတွင်းနယ်မြေတနေရာ၌ အမြောက်လက်နက်ကြီး၊ လက်နက်ငယ်နှင့် မိုင်းမျိုးစုံကို ပြင်ဆင်ထားပြီး ၎င်းတို့အား မြန်မာစစ်တပ်က ရန်သူဟု သတ်မှတ် လိုက်သည့်အပေါ် ယခုလို ပြင်ဆင်ရခြင်းဖြစ်သည်ဟု ဗိုလ်မှူးစောဘိက ကေအိုင်စီကို ပြောဆိုသည်။
၎င်းက “ဗမာတပ်တွေက နယ်ခြားစောင့်တပ် ဆက်မလုပ်တော့တဲ့ ကျနော်တို့ကို ရန်သူလို့ သတ်မှတ်လိုက်တယ်လေ။ ဒီတော့ ကျနော်တို့အနေနဲ့ကလည်း ဗမာစစ်တပ်က ပစ်ခတ်မှုတွေ လုပ်လာရင် စစ်ရေးအဆင်သင့်ဖြစ်အောင် ပြင်ဆင်ထားရတာပေါ့။ စစ်တပ်ဘက်က တိုက်လာလို့ရှိရင် ချက်ချင်း ပြန်လည်ခုခံဖို့ အသင့်ပါပဲ။”ဟု ပြောသည်။
ခွဲထွက် နယ်ခြားစောင့်တပ်အဖွဲ့သည် လက်ရှိအချိန်၌ မြိုင်ကြီးငူနယ်မြေရှိ ၎င်းတို့ ထိန်းချုပ်ရာဒေသတစ်ဝိုက်တွင် အစိုးရစစ် တပ် လာရောက်နိုင်သည့် နေရာများ၌ မော်တာလက်နက်ကြီးများ၊ လက်နက်ငယ်များ အပါအ၀င် မိုင်းများကိုလည်း စစ်ရေးအ တွက် ပြင်ဆင်ထားသည်။
အဆိုပါအဖွဲ့အနေဖြင့် ယမန်နှစ်၊ သြဂုတ်လက နယ်ခြားစောင့်တပ်အဖြစ် ပြောင်းလဲဖွဲ့စည်းခဲ့ပြီးမှ ဒီကေဘီအေသို့ ပြန်လည် ဘက်ပြောင်းလာခြင်းအပေါ် ဗိုလ်မှူးစောဘိက ယခုလို ရှင်းပြသည်။
“ကျနော်တို့ BGF လုပ်တာ ပြည်သူတွေ ထောက်ခံမှုမရှိဘူး။ နောက် ကျနော်တို့ တပ်မှူးတပ်သားတွေလည်း ဆက်လုပ်ဖို့ကို ဆန္ဒမရှိကြတော့ဘူး။ လူမျိုးတခုရဲ့ လွတ်လပ်ခွင့်လည်း မရှိဘူး။ ကရင်လူမျိုးတွေရဲ့ နေ့ကြီးရက်ကြီးတွေဆို အရင်ကလို လွတ် လွတ်လပ်လပ် ကျင်းပခွင့်မရှိတော့ဘူး။ BGF ဆိုတာ အစိုးရရဲ့ ကြိုးကိုင်မှုအောက်မှာ နေရတယ်။ ဒါကြောင့် ကျနော်တို့အနေနဲ့ ဒီ BGF ကို ဆက်လုပ်ဖို့ အကြောင်းမရှိတော့ဘူး။ ပြန်တိုက်ဖို့ပဲ ရှိတော့တယ်။”ဟု ပြောသည်။
၎င်းဦးစီးသည့် ခွဲထွက် နယ်ခြားစောင့်တပ်ဖွဲ့များအနေဖြင့် အစိုးရစစ်တပ်များနှင့် တိုက်ပွဲတစုံတရာ ဖြစ်ပွားသည့်အခါ လိုအပ်ပါ က ကရင်အမျိုးသားလွတ်မြောက်ရေးတပ်မတော်(KNLA) တပ်ဖွဲ့ဝင်များကို စစ်ရေးအကူအညီ တောင်းသွားမည်ဖြစ်ကြောင်း လည်း ဗိုလ်မှူးစောဘိက ထပ်မံ ပြောဆိုသည်။
“အကယ်၍ စစ်တပ်က ကျနော်တို့ကို တိုက်လာလို့ရှိရင် KNLA ကလည်း ကျနော်တို့ကို ကူညီမယ်။ အစိုးရစစ်တပ်နဲ့ KNLA တို့ တိုက်ခိုက်ကြရင်လည်း ကျနော်တို့က KNLA ကို ကူညီသွားမယ်။ ဘာဖြစ်လို့လဲဆိုတော့ အစိုးရတပ်ကို တိုက်တာချင်းအတူတူ ကျနော်တို့က အချင်းချင်းတွေပဲလေ။ ကရင်က ကရင်ကို ကူညီရမယ်။”ဟု ပြောသည်။
အလားတူပင် ဗိုလ်မှူးစောဘိဘက်က စစ်ရေးအရ အကူအညီ ပြောဆိုလာပါက မိမိတို့ဘက်လည်း သွားရောက်ကူညီရန်အ တွက် အသင့်အနေအထား ပြင်ဆင်ထားကြောင်းလည်း KNLA (၁၀၁)တပ်ရင်းမှူး ဗိုလ်မှူးစောဖောဒိုက ပြောသည်။
လက်ရှိအချိန်တွင် အစိုးရတပ်က ယခင် ဗိုလ်မှူးကြီးစောချစ်သူကို နယ်ခြားစောင့်တပ် ကွပ်ကဲရန် တာဝန်ပေးထားသော်လည်း ခွဲထွက် BGF တပ်ဖွဲ့ဝင်များအနေဖြင့် အစိုးရတပ်ကို ပြန်လည်တိုက်ခိုက်ရန်ပင် ဆန္ဒရှိကြသည်။
ဗိုလ်မှူးစောဘိ၏ တပ်သားတဦးက “အရင်တုန်းက ကျနော်တို့ ညီအစ်တွေ အချင်းချင်း ပစ်ခတ်၊ သတ်ဖြတ်ကြတာ လုံးဝကို စိတ်မကောင်းဘူး။ အခု ကျနော်တို့ ညီအစ်ကို အချင်းချင်း လက်တွဲပြီးတော့ ဒ်ီမတရားအုပ်ချုပ်နေတဲ့ အစိုးရကို ပြန်လည်ခုခံဖို့ အတွက်ပဲ ကျနော့်ဆန္ဒ အရမ်းပြင်းပြတယ်။”ဟု ပြောသည်။
လွန်ခဲ့သည့် ရက်အနည်းငယ်က ခွဲထွက်နယ်ခြားစောင့်တပ်များအား စေ့စပ်ညှိနှိုင်းရန်အတွက် စစ်ကားအစီး ၂၀နှင့်အတူ နယ် ခြားစောင့်တပ် အကြံပေးပုဂ္ဂိုလ် ဗိုလ်မှူးကြီးစောချစ်သူသည် မြိုင်ကြီးငူဒေသသို့ သွားရောက်ခဲ့ရာ ဗိုလ်မှူးစောဘိက အတွေ့မ ခံခဲ့ပေ။
နယ်ခြားစောင့် ၆ဦး လက်နက် ခဲယမ်းနဲ့အတူ KNLA ထံ လာရောက်ပူးပေါင်း
နန်းသူးလေ (ကေအိုင်စီ)
ကရင်ပြည်နယ်ရှိ မြ၀တီမြို့နယ်တွင် အခြေစိုက်လှုပ်ရှားနေသည့် နယ်ခြားစောင့်တပ်ရင်း(၁၀၁၇)မှ စစ်သည် ၅ဦးနှင့် (၁၀၂၀) တပ်ရင်းမှ စစ်သည် ၁ဦးသည် ယမန်နေ့က ကရင်လွတ်မြောက်ရေးတပ်မတော် (KNLA)ထံသို့ လက်နက်ခဲယမ်းများနှင့်အတူ လာရောက်ပူးပေါင်းခဲ့သည်။
ဇူလိုင်လ ၁၃ရက်နေ့ ညနေပိုင်းတွင် နယ်ခြားစောင့်တပ်ဖွဲ့ဝင် ၅ဦး၊ တပ်ကြပ်ကြီး ၁ဦး၊ တပ်ကြပ် ၁ဦးနှင့် တပ်သား ၃ဦးတို့သည် လက်နက် ၇လက်နှင့်အတူ KNLA တပ်ရင်း(၁၀၁)ထံသို့ လာရောက်ပူးပေါင်းခဲ့ခြင်းဖြစ်ကြောင်း KNLA တပ်မဟာ(၇) ရုံးထိုင်မှူး ဗိုလ်မှူးစောအယ်ဆဲဆဲက ကေအိုင်စီကို ယခုလို ပြောသည်။
“နယ်ခြားစောင့်တပ်ရင်း ၁၀၁၇က တပ်ကြပ်ကြီး စောအဲတောတော အပါအ၀င် စစ်သည် ၅ဦးဟာ မနေ့က ညနေ ၃နာရီမှာ KNLA တပ်ရင်း(၁၀၁) ဌာနချုပ်မှာ လာပူးပေါင်းတာ။ သူတို့နဲ့အတူ M-79 ၂လက်၊ M-16 ၂လက်၊ AK ၁လက်၊ ကျည်ဆံတွေ ပါ တယ်။”ဟု ပြောသည်။
၎င်းတို့သည် နယ်ခြားစောင့်စစ်သည်အဖြစ် ဆက်လက်တာဝန် မထမ်းဆောင်လိုတော့ဘဲ KNLA တပ်ဖွဲ့တွင်သာ ဆက်လက် တာဝန် ထမ်းဆောင်လိုသောကြောင့် လာရောက်ပူးပေါင်းကြခြင်းဖြစ်ကြောင်း KNLA (၁၀၁)တပ်ရင်းမှူး ဒုဗိုလ်မှူးကြီးစောဖော ဒိုက ပြောသည်။
မြ၀တီမြို့နယ် မဲ့ပလဲ့ကျေးရွာတွင် အခြေစိုက်သည့် နယ်ခြားစောင့်တပ်(၁၀၁၇)ကို ဗိုလ်မှူးစောဒိဒိက တပ်ရင်းမှူးအဖြစ် ဦးစီး လျက်ရှိသည်။
အလားတူ ဇူလိုင်လ ၁၂ရက်နေ့ကလည်း ဗိုလ်မှူးမုတ်သုန် ဦးစီးသည့် နယ်ခြားစောင့်တပ် (၁၀၂၀)မှ တပ်ကြပ်တစ်ဦးသည် RPG-7 ၁လက်၊ AK ၁လက်၊ စကားပြောစက်တစ်လုံးနှင့်အတူ KNLA ထံ လာရောက်ပူးပေါင်းခဲ့သေးသည်။
အကျဉ်းသားပေါ်တာများကို မြန်မာ စစ်တပ် အသုံးပြုမှုရပ်တန့်ရန် လိုအပ်
နန်းသူးလေ (ကေအိုင်စီ)
မြန်မာပြည်အရှေ့ဘက်ခြမ်းရှိ ရှေ့တန်းနယ်မြေတွင် အစိုးရစစ်တပ်က အကျဉ်းသား များကို ရှေ့တန်းနယ်မြေတွင် ပေါ်တာအဖြစ် အသုံးပြုနေခြင်းမှ ရပ်တန့်ပစ်ရန် ကရင်လူ့အခွင့်အရေးအဖွဲ့(KHRG)နှင့် လူ့အခွင့် အရေးစောင့်ကြည့်အဖွဲ့(HRW)တို့က အစီရင်ခံစာ ထုတ်ပြန်ပြောဆိုလိုက်သည်။
ယမန်နေ့က ထိုင်းနိုင်ငံ၊ ဘန်ကောက်မြို့ နိုင်ငံခြား သတင်းထောက်များအသင်း(FCCT)တွင် အဆိုပါအဖွဲ့၏ ပြောရေးဆိုခွင့်ရှိ သူများက “Dead Men Walking – သေလူတွေ လမ်းလျှောက်ခြင်း”ဟု အမည်ရသည့် အစီရင်ခံစာကို သတင်းစာရှင်းလင်းပွဲ ပြုလုပ်ကာ ပြောဆိုခဲ့ခြင်း ဖြစ်သည်။
၂၀၁၀ နိုဝင်ဘာ ရွေးကောက်ပွဲအပြီး ၂၀၁၁ ဇန်န၀ါရီလမှာ မြန်မာစစ်တပ်မှ အကျဉ်းဦးစီးဌာန၊ ရဲတပ်ဖွဲ့များနှင့် ပူးပေါင်းကာ နိုင်ငံတ၀ှမ်းရှိ ရဲဘက်စခန်းနဲ့ အကျဉ်းထောင် ၁၂ခုမှ အကျဉ်းသားပေါင်း ၇၀၀ဦးကို ပေါ်တာအဖြစ် အသုံးပြုရန် ကရင်ပြည်နယ် တောင်ပိုင်းသို့ ပို့ဆောင်ခဲ့ပြီး တဆက်တည်းတွင် အကျဉ်းသား ၅၀၀ကို ကရင်ပြည်နယ်နှင့် ပဲခူးတိုင်းအရှေ့ခြမ်းသို့ ပို့ဆောင်ခဲ့ ကြောင်း အစီရင်ခံစာတွင် ဖော်ပြထားသည်။
၎င်းအစီရင်ခံစာထဲတွင် ၂၀၁၀နှင့် ၂၀၁၁ခုနှစ်အတွင်း ထိုင်းနိုင်ငံသို့ ထွက်ပြေးရောက်ရှိလာသည့် အကျဉ်းသားပေါ်တာ ၅၈ဦး အား တွေ့ဆုံမေးမြန်းထားချက်များကို ထည့်သွင်းဖော်ပြထားပြီး ရှေ့တန်းနယ်မြေတွင် စစ်တပ်က ပေါ်တာများကို မိုင်းရှာခိုင်း ခြင်း၊ လက်နက်ကိုင် အဖွဲ့အစည်းများ၏ ခြုံခိုတိုက်ခိုက်မှုမှ ကာကွယ်ရန် စစ်ကြောင်းရှေ့မှ သွားခိုင်းခြင်း၊ အစာရေစာ မလုံ လောက်ခြင်းနှင့် ကျန်းမာရေးစောင့်ရှောက်မှုမရှိခြင်းများ လုပ်ဆောင်ခဲ့ကြောင်း KHRG က ထောက်ပြပြောဆိုလိုက်သည်။
KHRG ပြောရေးဆိုခွင့်ရှိသူ စောဖိုးဇော်က “ပေါ်တာတွေကို မိုင်းတွေထမ်းခိုင်းရုံမကဘဲ လက်နက်ကိုင်နယ်မြေတွေမှာ ရှေ့က နေ သွားခိုင်းတယ်။ မိုင်းတွေဘာတွေရှိရင် မိုင်းရှင်းသလိုဖြစ်အောင်လို့ ရှေ့က သွားခိုင်းတယ်။ မသွားဘူးဆိုရင် သေနတ်တွေနဲ့ ထုထောင်းပြီး ကန်တယ်။ ပေါ်တာတွေ ရှေ့တန်းကနေ ထွက်ပြေးမယ်လို့ ယူဆရင် ရိုက်နှက်ရုံမကဘဲ အစားအစာတွေလည်း ၀အောင်မကျွေးဘူး။ ညှင်းပမ်းနှိပ်စက်ပြီး လူသားအတိုင်း မဆက်ဆံခဲ့ဘူး။”ဟု ကေအိုင်စီကို ပြောသည်။
အစိုးရစစ်တပ်သည် ရွေးကောက်ပွဲအပြီး နောက်ပိုင်းတွင်လည်း ရှေ့တန်းစစ်မြေပြင်၌ အရပ်သားများကို နှိပ်စက်နေဆဲဖြစ်ပြီး အကျဉ်းသားများကို ပေါ်တာအဖြစ် အသုံးပြုနေသည့် သက်သေအထောက်အထားများမှာ စစ်ရာဇ၀တ်မှု ကျူးလွန်ခြင်းပင်ဖြစ် ကြောင်း HRW အာရှရေးရာ ညွှန်ကြားရေးမှူး Elaine Pearson က ထောက်ပြပြောဆိုလိုက်သည်။
KHRG နှင့် HRW အနေဖြင့် မြန်မာနိုင်ငံအတွင်း လူ့အခွင့်အရေး ချိုးဖောက်မှုများကို စုံစမ်းစစ်ဆေးနိုင်ရန် ကော်မရှင်တစ်ရပ် ဖွဲ့ စည်းရေး ကုလသမဂ္ဂ အထွေထွေညီလာခံနှင့် လူ့အခွင့်အရေးကောင်စီတို့မှ အရေးယူ လုပ်ဆောင်ရန်အပြင် အာဆီယံနိုင်ငံ များ၊ ဥရောပသမဂ္ဂနှင့် အမေရိကန်ပြည်ထောင်စုမှ မြန်မာလူထုအတွက် ပံ့ပိုးပေးရန် တိုက်တွန်းတောင်းဆိုလိုက်သည်။
“အစိုးရ၊ တိုင်းရင်းသားလက်နက်ကိုင်အဖွဲ့၊ ILO၊ ICRC နဲ့ နိုင်ငံတကာမှာရှိတဲ့ ခေါင်းဆောင်တွေ နောက်ပြီး ဥရောပသမဂ္ဂ၊ ဂျပန်တို့အနေနဲ့ စစ်အစိုးရရဲ့ စစ်ရာဇ၀တ်မှု ကျူးလွန်ပြီး လူ့အခွင့်အရေးချိုးဖောက်နေတာတွေ ရပ်တန့်အောင် စုံစမ်းစစ်ဆေး ရေးကော်မရှင်ဖွဲ့ပြီး အရေးယူ ဆောင်ရွက်သွားပေးဖို့ တောင်းဆိုချင်တယ်။”ဟု KHRG မှ စောဖိုးဇော်က ပြောသည်။
မြန်မာသံရုံး နောက်ထပ် အရာရှိတဦး အမေရိကားမှာ ခိုလှုံ
VOA သတင်းမှ....
ဝါရှင်တန်ဒီစီရှိ မြန်မာသံရုံးက နောက်ထပ် မြန်မာသံတမန်တဦးဟာ အမေရိကန် ပြည်ထောင်စုမှာ ဒီကနေ့ ဇူလိုင်လ ၁၃ ရက်နေ့မှာ နိုင်ငံရေး ခိုလှုံဖို့ ဆုံးဖြတ်လိုက်ပါတယ်။ ပြီးခဲ့တဲ့ ဇူလိုင်လ ၄ ရက်နေ့က ၀ါရှင်တန်ဒီစီ သံရုံးက သံမှူးကြီး ဦးကျော်ဝင်း အမေရိကန် ပြည်ထောင်စုမှာ နိုင်ငံရေး ခိုလှုံခဲ့တာနဲ့ ဆက်စပ်ပြီး မြန်မာသံရုံး ပထမအတွင်းဝန် ဦးစိုးအောင်ကို ၂၄ နာရီအတွင်း နေပြည်တော်ကို ပြန်လာဖို့ ဆင့်ခေါ်ခဲ့တာကြောင့် ဦးစိုးအောင်က မပြန်ဖို့ ဆုံးဖြတ်ပြီး နိုင်ငံရေးခိုလှုံမှု ရယူခဲ့တာလို့ သိရပါတယ်။ အပြည့်အစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။
ဝါရှင်တန်ဒီစီ မြန်မာသံရုံးက ဒုတိယ တာဝန်ခံ သံမှူးကြီး ဦးကျော်ဝင်း အမေရိကန် ပြည်ထောင်စုမှာ ခိုလှုံခဲ့ပြီး တပတ်အကြာမှာပဲ နောက်ထပ် မြန်မာသံအရာရှိတဦး ထပ်ပြီး အမေရိကန်မှာ ခိုလှုံခွင့် တောင်းခံလိုက်တာပါ။ အခုလို ခိုလှုံခွင့် တောင်းတဲ့ကိစ္စ အမေရိကန် နိုင်ငံခြားရေးဌာနကို ဒီနေ့ ဇူလိုင်လ ၁၃ ရက်နေ့မှာပဲ အကြောင်းကြားလိုက်တယ်လို့ မြန်မာသံရုံး ပထမအတွင်းဝန် ဦးစိုးအောင်က ဗွီအိုအေကို ပြောပါတယ်။
ပြီးခဲ့တဲ့ သီတင်းပတ်တုန်းက သံမှူးကြီး ဦးကျော်ဝင်း အမေရိကန် ပြည်ထောင်စုမှာ ခိုလှုံသွားတာနဲ့ ပတ်သက်လို့ စုံစမ်းဖို့အတွက် နေပြည်တော်ကို ပြန်လာဖို့ ဆင့်ခေါ်လိုက်တာကြောင့် သူ အခုလို ဆုံးဖြတ်တာ ဖြစ်တယ်လို့ ဦးစိုးအောင်က ပြောပါတယ်။ မကြာခင်ကမှ အမေရိကန်က ပြန်သွားတဲ့ မြန်မာသံရုံး အမှုထမ်း ၂ ဦးလည်း နေပြည်တော်မှာ စစ်ဆေးခံနေရတယ်လို့ သိရပါတယ်။
ဦးစိုးအောင်ကိုတော့ ၂၄ နာရီအတွင်း စစ်တပ်က အရာရှိတဦးနဲ့အတူ နေပြည်တော်ကို ပြန်ရမယ်ဆိုပြီး ဇူလိုင် ၁၂ ရက်နေ့က မြန်မာ နိုင်ငံခြားရေး ၀န်ကြီးဌာနက အမိန့်ထုတ်ခဲ့တဲ့အပြင် သူ့ရဲ့ သံတမန် နိုင်ငံကူး လက်မှတ်တွေကိုလည်း သံရုံးက သိမ်းဆည်းခဲ့တယ်လို့ သိရပါတယ်။ ဒါဟာ အပြစ်ပေးတဲ့ ပုံစံမျိုး ဖြစ်တယ်လို့ ဦးစိုးအောင်က ယူဆပါတယ်။
ဒီကိစ္စနဲ့ ပတ်သက်လို့ ပြီးခဲ့တဲ့အပတ် အတွင်းက အမေရိကန်မှာ နိုင်ငံရေးခိုလှုံခွင့် ယူခဲ့တဲ့ မြန်မာသံရုံး ဒုတိယ တာဝန်ခံဟောင်း ဦးကျော်ဝင်းကတော့ သူ့ကိစ္စကို စုံစမ်းဖို့ ပိုပြီး တာဝန်ရှိတဲ့ စစ်ဘက်ကလာတဲ့ အရာရှိတွေအစား အခုလို အရပ်ဘက် အရာရှိတွေကို ပစ်မှတ်ထားတဲ့အပေါ် ဝေဖန်ပါတယ်။ မြန်မာအစိုးရဌာန အကြားမှာ အရပ်ဘက်နဲ့ စစ်ဘက်ကလာသူတွေ အပေါ်မှာ ခွဲခြားဆက်ဆံမှုတွေ ရှိနေတဲ့ကိစ္စ မကျေနပ်မှုတွေ ပိုတိုးလာတယ်လို့ သူက ပြောပါတယ်။
“ကျနော် သိရသလောက် သူ့ကို ၂၄ နာရီအတွင်း ပြန်ခိုင်းတယ်ဆိုတာ ဒါ အပြစ်ရှိတဲ့သူတွေကို ပြန်ခိုင်းတဲ့ဟာမျိုးလေ။ နောက်ပြီးတော့ ဘာကို ပုံပေါ်လဲဆိုတော့ ၀န်ထမ်းချင်း အတူတူ အရပ်သား ၀န်ထမ်းကို မယုံဘူး၊ တပ်ကလာတဲ့ ၀န်ထမ်းကိုမှ ယုံတယ်ဆိုတာ ဒါ အဆင်မပြေဘူးလေ။”
ဦးကျော်ဝင်း ပြောသွားတဲ့ အထဲမှာ သံရုံးဝန်ထမ်းတွေ အနေနဲ့ စစ်ဘက်ကလာတဲ့ လူတွေနဲ့ အရပ်ဘက်ကလာတဲ့လူတွေ ခွဲခြား ဆက်ဆံတယ်ဆိုတာ ဘယ်လိုမျိုးလဲခင်ဗျ။
“ဆိုကြပါစို့၊ အခုလို ကျနော်လည်း ဒီဘက်မှာ နိုင်ငံရေး ခိုလှုံခွင့်ရှိလို့ ကျန်တဲ့လူကို စစ်ဆေးတယ် ဘာညာဆိုတာ ကိုစိုးအောင်က ကျနော်တို့လိုပဲ အရပ်သားပဲလေ။ သူ့ကျတော့ ဒီလိုပဲ ကြီးကြီးကျယ်ကျယ်နဲ့ ချက်ချင်းပြန်လာ ဘာညာနဲ့၊ ကျန်တဲ့ တာဝန်ရှိတဲ့သူတွေ ရုံးမှာ မရှိကြတော့ဘူးလား။ နောက်ပြီးတော့ ရုံးတွေမှာ ၀န်ထမ်းတွေကို ခံစားခွင့်ပေးတာ၊ ၀န်ထမ်းတွေနဲ့ ပတ်သက်တဲ့ ရာထူးတိုးတာတို့၊ Transfer ပေးတာတို့ ဒါတွေအားလုံးကို စဉ်းစားတဲ့အခါ ကွဲပြားတာ သိပ်သိသာတယ်။
“ကျနော်တို့ ဆိုလိုတာ တကယ် အရည်အချင်း ပြည့်တဲ့လူ၊ တကယ် ဦးဆောင်နိုင်တဲ့လူ၊ တကယ် နားလည်တဲ့လူဆို ကျနော်တို့က နောက်ကလိုက်ရတာ ၀န်မလေးပါဘူး။ အခုလောလောဆယ် ကျနော်တို့ဆီမှာ တပ်ကလူတွေ ရှိနေတာပဲ။ ရှိနေတဲ့ တပ်ကလူတွေနဲ့ အရပ်ဘက်ကလူတွေ ယှဉ်ကြည့်ပါ။ အောက်ခြေမှာ ဖြစ်နေတာကို သေချာကြည့်ပြီးတော့ ၀န်ထမ်းတွေကို သေချာ ပြန်ပြုပြင်ဖို့ လိုတယ်။
“ကျနော်တို့ ၀န်ထမ်းအဖွဲ့အစည်းတွေက ပွင့်ပွင့်လင်းလင်း ကျနော့်အမြင် ပြောရရင်တော့ တပ်ကလူတွေ ၀င်လို့ ကျနော်တို့ နိုင်ငံမှာရှိတဲ့ ၀န်ထမ်းအဖွဲ့အစည်း အားလုံးက ပျက်တာပဲ။ နိုင်ငံကို ပြန်တည်ဆောက်တဲ့ အခါကျတော့ နိုင်ငံ့ဝန်ထမ်း အဖွဲ့အစည်းကို ပြန်ပြီးတော့ မပြုပြင်ဘဲ၊ ပြန်မတည်ဆောက်ဘဲနဲ့ ဘယ်လိုလုပ် သွားကြမလဲ။”
ဝါရှင်တန် မြန်မာသံရုံးက သံအရာရှိတွေ အနေနဲ့ အမေရိကန်၊ မြန်မာ ဆက်ဆံရေး ကောင်းမွန်အောင် ကြိုးပမ်းခဲ့ကြပေမဲ့ မြန်မာအာဏာပိုင်တွေဘက်က နိုင်ငံတကာ လိုလားတဲ့ အပြောင်းအလဲမျိုးတွေ လုပ်မလာတဲ့ အပေါ်မှာလည်း မြန်မာ သံအရာရှိတွေဘက်က စိတ်ပျက်ကြရတယ်လို့ ဦးကျော်ဝင်းက ပြောပါတယ်။
“ကျနော်တို့ဘက်ကတော့ ဒီဘက်မှာ ကိုယ်မြင်တာကို တင်ပြကြတဲ့အခါ သူတို့ဘက်က၊ ဆိုကြပါစို့ အမေရိကန်ကို ကျနော် နားလည်သလောက်က အမေရိကန်ရဲ့ နိုင်ငံခြားရေး ပေါ်လစီက ကျနော်တို့ အပေါ်မှာ လူ့အခွင့်အရေးနဲ့ ဒီမိုကရေစီပေါ်မှာ တည်တယ်။ ခက်တာက လူ့အခွင့်အရေးနဲ့ ဒီမိုကရေစီဆိုတာ တော်တော့ကို အခြေအနေ ဆိုးတယ်။ လူကို လူသားတယောက်လို မဆက်ဆံဘူး ဆိုကတည်းက ဒါ အခြေအနေက တော်တော်ဆိုးတယ်။ နယ်တွေမှာ ကြုံနေကြတာပဲ။
“ဒါပေမဲ့လည်း ကျနော်တို့က မှန်းကြည့်ရတာ တောက်လျှောက် လုပ်လာကြတယ်ဆိုတာ ပြောင်းလာမလား၊ ပြောင်းလာမလား၊ ဒီလိုမျှော်လင့်ချက်နဲ့ တောက်လျှောက် လုပ်ခဲ့ကြတာပဲ။ ဒါပေမဲ့ တကယ်တမ်းကျတော့ ပြောင်းလာတာကို မတွေ့ဘူး ဖြစ်နေတယ်။ ၈၈ ပြီးတဲ့ နောက်ပိုင်းမှာလည်း အစိုးရသစ် ဖြစ်လာပြီး နိုင်ငံတော်ကို လူကြီးတွေကလည်း အဲဒီအချိန်မှာ ပြောင်းကြမယ် ပြောတော့ တကယ်ပဲ ပြောင်းမယ် အောက်မေ့ကြတာ။ တကယ်လည်း ပြောင်းမလာပြန်ဘူး။ နောက်တခါ ၂၀၀၄ မှာ ဦးခင်ညွန့်တို့ကို ဖယ်လိုက်ပြီး နောက်ပိုင်း ပြောင်းဖို့ လုပ်ကြတာပဲ။ ဒါပေမဲ့ တကယ်တမ်း ပြောင်းမလာဘူး။ အခုလည်း သေချာကြည့်၊ ပြောင်းမလာတဲ့အပြင် ပိုဆိုးလာတယ်။”
သံမှူးကြီး ဦးကျော်ဝင်း ကိုယ်တိုင်ဟာလည်း အမေရိကန်၊ မြန်မာ ဆက်ဆံရေး ကောင်းမွန်အောင် ကြိုးပမ်းခဲ့ပေမဲ့ တဘက်မှာ နေပြည်တော်ဘက်က သူ့အပေါ် အမြင်မကြည်လာတာကြောင့် ဒီအပေါ်မှာ စိုးရိမ်စိတ်ဖြစ်ပြီး အမေရိကန် ပြည်ထောင်စုမှာ ခိုလှုံခွင့် တောင်းခဲ့သူ ဖြစ်ပါတယ်။
အခု ဒီနေ့ အမေရိကန်မှာ ခိုလှုံခွင့် တောင်းခဲ့တဲ့ ဦးစိုးအောင်ဟာ မြန်မာ နိုင်ငံခြားရေး ၀န်ကြီးဌာနမှာ ၁၉၇၉ ခုနှစ် ကတည်းက တာဝန်ထမ်းဆောင်ခဲ့တဲ့ လုပ်သက်ရင့် အရပ်သား ၀န်ထမ်းတဦးဖြစ်ပြီး ၂၀၀၈ ခုနှစ်ကတည်းက ၀ါရှင်တန်မြို့တော် မြန်မာသံရုံးမှာ ပထမ အတွင်းဝန်အဖြစ် တာဝန်ထမ်းဆောင်နေတာ ဖြစ်ပါတယ်။ သူဟာ ဆွစ်ဇာလန်နိုင်ငံ ဂျီနီဗာမြို့ မြန်မာသံရုံး၊ ထိုင်းနိုင်ငံနဲ့ စင်ကာပူမှာရှိတဲ့ မြန်မာသံရုံးတွေမှာလည်း တာဝန်ထမ်းဆောင်ခဲ့ဖူးသူ ဖြစ်ပါတယ်။
ဦးစိုးအောင်ဟာ ဒီနှစ်ပိုင်းတွေအတွင်း သံမှူးကြီး ဦးကျော်ဝင်းနဲ့ ၂၀၀၅ ခုနှစ်က အမေရိကန်ကားမှာ ခိုလှုံခဲ့တဲ့ ထောက်လှမ်းရေး အရာရှိ ဗိုလ်မှူးဟောင်း အောင်လင်းထွဋ် ပြီးရင် ၀ါရှင်တန်မှာရှိတဲ့ မြန်မာသံရုံးကနေ အမေရိကန် ပြည်ထောင်စုမှာ ခိုလှုံဖို့ ဆုံးဖြတ်ခဲ့တဲ့ တတိယမြောက် သံအရာရှိတဦး ဖြစ်ပါတယ်။
အကျဉ်းသားတွေကို ရှေ့တန်းမှာ ပေါ်တာအဖြစ် မြန်မာစစ်တပ် အသုံးပြု
VOA သတင်းမှ.....
မြန်မာအစိုးရ စစ်တပ်က အကျဉ်းသားတွေကို ရှေ့တန်း စစ်မျက်နှာတွေမှာ ပေါ်တာအဖြစ် သုံးနေတာတွေကို ရပ်တန်းက ရပ်ပစ်ဖို့အတွက် နယူးယောက်မြို့ အခြေစိုက် Human Rights Watch လူ့အခွင့်အရေး စောင့်ကြည့်တဲ့ အဖွဲ့ကြီးနဲ့ KHRG ခေါ် ကရင် လူ့အခွင့်အရေး အဖွဲ့ကြီးက တောင်းဆိုလိုက်ပါတယ်။ ၂၀၁၀ ပြည့်နှစ်နဲ့ ၂၀၁၁ ခုနှစ်အတွင်း မြန်မာနိုင်ငံ အရှေ့ခြမ်းက ရှေ့တန်း စစ်မျက်နှာတွေမှာ ပေါ်တာအဖြစ် အခိုင်းခံနေရာက ထွက်ပြေး လွတ်မြောက်လာသူတွေရဲ့ ပြောကြားချက်တွေကို အခြေခံပြီး Dead Men Walking လို့ နာမည်ပေးထားတဲ့ အစီရင်ခံစာ တစောင်ကို ပြုစုပြီး ဒီနေ့ ထုတ်ပြန်လိုက်ပါတယ်။ အကျဉ်းသားတွေကို စစ်မြေပြင်အတွက် ပေါ်တာအဖြစ် အသုံးပြုပြီး နှိပ်စက်မှုတွေဟာ စစ်ရာဇ၀တ်မှု မြောက်တာမို့ ဒီကိစ္စအတွက် နိုင်ငံတကာ ကော်မရှင်ဖွဲ့ စုံစမ်းပေးဖို့လည်း တောင်းဆိုထားပါတယ်။ ဒီနေ့ ဘန်ကောက်မြို့ နိုင်ငံခြား သတင်းထောက်များ အသင်းမှာ ကျင်းပတဲ့ သတင်းစာရှင်းလင်းပွဲမှာ ကိုယ်တိုင် သတင်းယူခဲ့တဲ့ ဒေါ်ခင်မျိုးသက်က တင်ပြပေးထားပါတယ်။
Human Rights Watch အဖွဲ့ကြီးနဲ့ KHRG ကရင် လူ့အခွင့်အရေး အဖွဲ့ကြီးက ဒီနေ့ ထုတ်ပြန်လိုက်တဲ့ Dead Men Walking လူသေများ လမ်းလျှောက်ခြင်းဆိုတဲ့ အစီရင်ခံစာဟာ မြန်မာနိုင်ငံမှာ အစိုးရသစ်တရပ် တက်လာခဲ့ပေမဲ့ အရင် စစ်အစိုးရ လက်ထက်ကအတိုင်း လုပ်ဆောင်နေတာတွေကို နိုင်ငံတကာက သိအောင် တင်ပြတာလို့ KHRG အဖွဲ့ တာဝန်ခံ ကိုဖိုးရှမ်းက ဘန်ကောက်က သတင်းထောက်များ အသင်းမှာ အခုလို ပြောကြားခဲ့ပါတယ်။
“အကျဉ်းသားတွေကို မြန်မာစစ်တပ်က ရှေ့တန်းမှာ ပေါ်တာအဖြစ် သုံးပြီးတော့ ဆိုးဝါးတဲ့ လူ့အခွင့်အရေး ချိုးဖောက်မှုတွေ လုပ်နေတဲ့ အပေါ်မှာ ၁၉၉၂ ကတည်းက စပြီးတော့ KHRG က မှတ်တမ်းတင်ခဲ့ပါတယ်။ အခု အစီရင်ခံစာ ထုတ်ပြန်ခဲ့တာဟာ ကရင်ပြည်နယ်နဲ့ ပဲခူးတိုင်း ဒေသတွေမှာ ၂၀၁၀ ကနေ ၂၀၁၁ ခုနှစ်အတွင်း အစိုးရတပ်က ပေါ်တာအဖြစ် သုံးနေတဲ့ နေရာကနေ ထွက်ပြေး လွတ်မြောက်လာတဲ့ အကျဉ်းသား ၅၈ ယောက်ကို KHRG က တွေ့ဆုံ မေးမြန်းခဲ့တာတွေကို အခြေခံထားတာ ဖြစ်ပါတယ်။”
ထွက်ပြေးလွတ်မြောက်လာတဲ့ အကျဉ်းသားတွေကို အစိုးရ တာဝန်ခံတွေက ရှေ့တန်းကို ခေါ်လာပြီး နှိပ်စက် ညှဉ်းပန်းမှုတွေ လုပ်တဲ့အတွက် ဒါဟာ စစ်ရာဇ၀တ်မှု မြောက်တယ်လို့ အစီရင်ခံစာ တာဝန်ခံ ကိုစောဖိုးဇော်က ပြောပါတယ်။
“အကျဉ်းသားတွေကို အစိုးရ အာဏာပိုင်တွေ၊ အကျဉ်းထောင် အရာရှိတွေနဲ့ စစ်တပ်အရာရှိတွေ ပူးပေါင်းပြီးတော့ ရှေ့တန်းတွေ ခေါ်လာကြတယ်။ အကျဉ်းသားတွေကို ရှေ့တန်းမှာ ပစ္စည်းတွေသယ်ဖို့ လားတွေ၊ မြင်းတွေလိုမျိုးပဲ၊ လူလိုသဘောမထားတော့ဘူး၊ အလေးအပင်တွေ သယ်ခိုင်းပြီး အစာလည်း ၀အောင် မကျွေးဘူးလို့ ထွက်ပြေးလာတဲ့ အကျဉ်းသားတွေက ပြောပါတယ်။
“တော်တော်ဆိုးတာက အစိုးရတပ်တွေ ၀င်လာတဲ့ အခါမှာ တိုင်းရင်းသား လက်နက်ကိုင် အဖွဲ့တွေက ထောင်ထားတဲ့ မိုင်းတွေရှိတယ်။ အဲဒီနေရာတွေ ရောက်တဲ့အခါ ဒီအကျဉ်းသားတွေကို ရှေ့ကနေ သွားခိုင်းတယ်။ မိုင်းထိပြီး သေသွားတဲ့လူ၊ ခြေပြတ်လက်ပြတ်နဲ့ တစစီ ဖြစ်သွားတဲ့ အကျဉ်းသားတွေလည်း ရှိတယ် ဆိုပြီးတော့ ထွက်ပြေးလာတဲ့ အကျဉ်းသားတွေကလည်း ပြောကြတယ်။
“သူတို့ ထွက်ပြေးလို့လည်း မရဘူး၊ ထွက်ပြေးရင်လည်း သူတို့က ပစ်သတ်တယ်ပေါ့။ အခု နိုင်ငံတကာ ဥပဒေအဖွဲ့တွေနဲ့ ကျနော်တို့ ဆွေးနွေးတိုင်ပင်ကြည့်တဲ့ အခါကျတော့ ဒါတွေက တကယ်ပဲ စစ်ရာဇ၀တ်မှု မြောက်တယ်ပေါ့။ လူသားတွေအပေါ် လူမဆန်တဲ့ အပြုအမူတွေနဲ့ ကျူးလွန်နေတာပေါ့။ ၂၀၁၀ ဒီဇင်ဘာ ရွေးကောက်ပွဲအပြီး ဖြစ်လာတဲ့ အစိုးရ နောက်ပိုင်း ဒါ အပြစ်ကျူးလွန်တဲ့ဟာတွေ ကျနော်တို့ မှတ်တမ်း တွေ့ရှိရပါတယ်။”
မြန်မာအစိုးရ စစ်တပ်ရဲ့ ပေါ်တာဆွဲပြီး အဓမ္မလုပ်အား ခိုင်းစေနေမှုတွေကို ရပ်ဆိုင်းပစ်ဖို့အတွက် ILO နိုင်ငံတကာ အလုပ်သမား အဖွဲ့ကြီးကလည်း တောင်းဆိုခဲ့ပါတယ်။ Human Rights Watch အဖွဲ့ကြီးရဲ့ အာရှဒေသဆိုင်ရာ ဒုတိယ ညွှန်ကြားရေးမှူး အီလိန်း ပီယာစင်ကတော့ မြန်မာအစိုးရ အဖွဲ့ရဲ့ ဒီ ရာဇ၀တ်မှု ကျူးလွန်နေတာတွေကို သေသေချာချာ သိရအောင် ပထမဆုံး နိုင်ငံတကာ စုံစမ်းရေး ကော်မရှင်တရပ် ဖွဲ့ပြီး စုံစမ်းပေးဖို့ တောင်းဆိုလိုက်ပါတယ်။
“နိုင်ငံတကာက ပြဋ္ဌာန်းထားတဲ့ ဥပဒေတွေကို မြန်မာစစ်တပ်က ချိုးဖောက်တဲ့အတွက် စုံစမ်းရေး ကော်မရှင်ဖွဲ့ပြီး စုံစမ်းပေးဖို့ ကျမတို့ တောင်းဆိုပါတယ်။ မြန်မာနိုင်ငံမှာက ဥပဒေ ချိုးဖောက်ပေမဲ့ အပြစ်ပေးမခံရဘဲ အကာအကွယ် ပေးထားတာကို တွေ့ရပါတယ်။ ဒါကို ၁၉၉၅ ခုနှစ်ကတည်းက ကျမတို့က ထောက်ပြခဲ့တာမို့လည်း ဒီလိုဖြစ်နေတာ ကြာနေပြီလို့ ဆိုရမှာပါ။ ဒီပြဿနာတွေ ပြေလည်စေဖို့အတွက် နိုင်ငံတကာက ပါဝင်ဖြေရှင်းမှ ရမှာပါ။
“ဒါကြောင့် မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကို စုံစမ်း စစ်ဆေးနိုင်အောင်လို့ ကော်မရှင်တရပ် ဖွဲ့ပေးဖို့ ကုလသမဂ္ဂ အထွေထွေ ညီလာခံကပဲဖြစ်ဖြစ်၊ လူ့အခွင့်အရေး ကောင်စီကပဲဖြစ်ဖြစ် စပြီးတော့ အရေးယူ လုပ်ဆောင်ဖို့ လိုအပ်ပါတယ်။”
ဒီလို စုံစမ်းရေး ကော်မရှင်တရပ် ဖွဲ့ပြီး စစ်ဆေးဖို့အတွက် ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် မစ္စတာ တောမတ်စ် အိုဟေး ကင်တားနား (Mr. Tomas Ojea Quintana) က စတင်ပြီး တောင်းဆိုခဲ့တာကို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ထောက်ခံခဲ့သလို အမေရိကန်နဲ့တကွ EU၊ အာဆီယံနဲ့ အိမ်နီးချင်း နိုင်ငံတွေကပါ ၀ိုင်းဝန်း ပံ့ပိုးပေးကြဖို့လည်း ပြောပါတယ်။
“မကြာသေးခင်ကပဲ အမေရိကန် လွှတ်တော် ကြားနာစစ်ဆေးပွဲ တခုမှာ ဒေါ်အောင်ဆန်းစုကြည်က ပြောခဲ့ပါတယ်။ သူက နိုင်ငံတကာ စုံစမ်းစစ်ဆေးရေး ကော်မရှင်ဖွဲ့ဖို့ ထောက်ခံတဲ့အကြောင်း ရှင်းရှင်းလင်းလင်း ပြောခဲ့တာပါ။ ဒါကြောင့် အရင်ကတည်းက ကော်မရှင် ဖွဲ့ရေးကို ထောက်ခံထားတဲ့၊ မြန်မာ့အရေးကိုလည်း အာရုံစိုက်ပြီး ဆောင်ရွက်နေတဲ့ အမေရိကန် အစိုးရ အနေနဲ့ အခုထက် ခြေတလှမ်းတိုးပြီး တခြား ကမ္ဘာ့နိုင်ငံတွေပါ ပါဝင်လာအောင် ဦးဆောင် ကြိုးစားပေးဖို့ လိုအပ်ပါတယ်။”
ဒါ့အပြင် အိမ်နီးချင်း နိုင်ငံတွေနဲ့ အထူးသဖြင့် အာဆီယံကပါ မြန်မာလူထုအတွက် ပံ့ပိုးပေးဖို့လည်း Human Rights Watch အဖွဲ့ကြီးနဲ့ KHRG ကရင် လူ့အခွင့်အရေး အဖွဲ့ကြီးက တောင်းဆိုခဲ့ပါတယ်။
ထိတ်လန့်ကြောက်ရွံ့မှုကြောင့် ကြိတ်ရွာသားများ အလုပ်အကိုင်ပျက်နေ
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ကြိတ်ကျေးရွာတွင် အစိုးရစစ်တပ်နှင့် ကရင်တပ်ဖွဲ့များအကြား ပစ်ခတ်မှုများ မကြာ ခဏ ဖြစ်ပွားသောကြောင့် ယခုအချိန်တွင် ရွာသားများသည် ထိတ်လန့်ကြောက်ရွံ့ကြပြီး အလုပ်အကိုင်လည်း ပျက်ရသည်ဟု ရွာ သားများက ပြောသည်။
ဒီကေဘီအေ တပ်မဟာ(၅)တပ်ဖွဲ့နှင့် KNLA ပူးပေါင်းတပ်ဖွဲ့များသည် ပြီးခဲ့သည့် လအနည်းငယ်က ကြိတ်ရွာအတွင်း ၀င်ရောက် စခန်းထိုင်နေသည့် အစိုးရစစ်တပ် တပ်မ(၂၂) လက်အောက်ခံ တပ်ဖွဲ့ဝင်များအား လက်နက်ကြီးငယ်များဖြင့် မကြာခဏ လာ ရောက်ပစ်ခတ်ရာမှ ယခုလို ရွာသူရွာသားများ ထိတ်လန့်ကြောက်ရွံ့ကြခြင်းဖြစ်သည်ဟု ကြိတ်ရွာသားတဦးက ပြောသည်။
၎င်းက “တလကို ၂ကြိမ်၊ ၃ကြိမ်လောက် တောကလူတွေ လာပစ်တော့ စစ်တပ်စခန်းနဲ့ အိမ်နီးတဲ့ ကျနော်တို့တွေဆို စိုးရိမ်စိတ်တွေ များလွန်းပြီးတော့ အိပ်လို့တောင် မပျော်ဘူး။ တိုက်ပွဲဖြစ်မှာ ကြောက်နေရတာကတစ်ဖက်ဆိုတော့ အလုပ်တောင် ကောင်းကောင်း မလုပ်ရဘူး။ အခု အခြေအနေက အရင်ကလို အေးအေးဆေးဆေး အလုပ်သွားလို့ မရတော့ဘူး။ ဘာပဲလုပ်လုပ် လောနေရတာ ချည်းပဲ။”ဟု ပြောသည်။
မြန်မာစစ်တပ်သည် ယခင်က ကျေးရွာအပြင်ဖက်တွင်သာ စခန်းချ တပ်စွဲ၊ လှုပ်ရှားသော်လည်း ယခုနောက်ပိုင်းတွင် ရွာအတွင်း အလယ်ဗဟိုကျသည့် နေရာတွင်သာ စခန်းချလာခဲ့သည့်အတွက် ကရင်တပ်ဖွဲ့များက ရွာအတွင်း ပြောက်ကျားဝင်ရောက် ပစ်ခတ် နေခြင်း ဖြစ်သည်။
၎င်းအပြင် တိုက်ပွဲဖြစ်နိုင်ပြီး အခြေအနေ မကောင်းသည့်ရက်များတွင် စစ်တပ်စခန်းနှင့် အလွန်နီးသည့် နေအိမ်တချို့မှ အမျိုးသမီး နှင့် ကလေးငယ်များမှာ စစ်တပ်နှင့်ဝေးရာ ဆွေမျိုး၊ အသိမိတ်ဆွေအိမ်များထံသို့ တိမ်းရှောင်အိပ်စက်ကြရကြောင်း သိရသည်။
ဒီကေဘီအေ ကလို့ထူးဘောဗျူဟာမှ ဗိုလ်မှူးစောဆန်းအောင်က “ရွာသားတွေကတော့ အကြောက်လွန်နေတာပေါ့။ ကျနော်တို့က လည်း စစ်တပ်ကိုပဲ အဓိကထား ပစ်ခတ်တာပါ။ နောက်ပြီး စစ်တပ် အလစ်အငိုက်ကို ရွာသားမသိအောင် လုပ်တာပဲ။ အပြန်အလှန် အကြီးအကျယ် ပစ်ခတ်မှုတော့ ကျနော်တို့ မလုပ်ပါဘူး။ အဲလိုလုပ်ရင် လူထုကိုထိမှာပေါ့။”ဟု ကေအိုင်စီကို ပြောသည်။
ယခုအချိန်ထိ ကြိတ်ကျေးရွာတွင် ပစ်ခတ်မှုကြောင့် ရွာသားများ ထိခိုက်မှုမရှိသေးသလို ကြိတ်ရွာအနီးတ၀ိုက်ရှိ ကျေးရွာများနှင့် စစ်တပ်စခန်းချသည့် အဇင်း၊ မိနန်အပ် စသည့်ရွာများမှ ရွာသားများလည်း အလားတူ ထိတ်လန့်နေကြသလို ဒီကေဘီအေ တပ်ဖွဲ့ ၀င်များ ရွာတွင်းဝင်ရောက်လျှင်လည်း ရှောင်ရှားနေကြောင်းလည်း ဒီကေဘီအေတပ်ဖွဲ့ကပင် ပြောဆိုသည်။
ထိုဒေသတွင် စခန်းချကာ လှုပ်ရှားနေသည့် မြန်မာစစ်တပ်သည် ယခင်က ကျေးရွာဒေသခံများနှင့် ဆက်ဆံမှုရှိသော်လည်း ယခု နောက်ပိုင်း ပတ်သက်မှုမလုပ်ဘဲ သီးသန့်သာ နေထိုင်သွားလာနေကြောင်း ကြိတ်ရွာသားတစ်ဦးက ပြောသည်။
“စစ်တပ်က အရင်ကဆို ကျနော်တို့ရွာသားတွေနဲ့ ခေါ်ပြောတာ၊ ဘောလုံးကစားတာတွေ ရှိတယ်။ အခုဆို ခေါ်ပြောတာလည်း မရှိ သလို ခပ်ကင်းကင်း၊ ခပ်တင်းတင်းပဲ နေတော့တယ်။ ကျနော်တို့လည်း မခေါ်ပြောရဲပါဘူး။ အဖက်ဖက်ကို ကြောက်နေရတယ်။”ဟု ၎င်းရွာသားက ဆိုသည်။
ကျိုက်ဒုံမြို့၏ မြောက်ဘက် ၁၅မိုင်ကျော် အကွာအဝေးရှိ ကြိတ်ကျေးရွာအုပ်စုတွင် ယခင်က တပ်မ(၂၂) လက်အောက်ခံ ခလရ (၂၃၁)တပ်ရင်း လှုပ်ရှားခဲ့သော်လည်း ပြီးခဲ့သည့် နှစ်လခန့်ကတည်းက အခြားတပ်ရင်းတစ်ရင်း ပြောင်းလဲရောက်ရှိလာပြီး တပ်ရင်း နံပါတ်ကိုမူ မသိရှိရသေးပေ။
မြဝတီ ကြံ့ဖွံ့ရုံးအနီး ဗုံးကွဲ
ဧရာဝတီ သတင်းမှ......
ထိုင်း-မြန်မာနယ်စပ် မြ၀တီမြို့ရှိ အမှတ် ၄ ရပ်ကွက်ရှိ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ရုံးအနီးတွင် ယမန်နေ့ညက ဗုံးတလုံး ပေါက်ကွဲ ခဲ့သည်။
ည ၈ နာရီခွဲခန့်တွင် ဖြစ်ပွားခဲ့သည့် ယင်းပေါက်ကွဲမှုကြောင့် အဆောက်အဦးအနည်းငယ် ထိခိုက်ပျက်စီးခဲ့သော်လည်း လူထိခိုက်သေဆုံးခြင်းမရှိဟု မြတီမြို့ခံ အစိုးရ၀န်ထမ်းတဦးက ပြောသည်။
၎င်းက “မနေ့ညက ပေါက်တာ ဟုတ်တယ်။ အမှတ် ၄ ရပ်ကွက်မှာရှိတဲ့ ပြည်ခိုင်ဖြိုးရုံးနားမှာ ပေါက်တာ။ ကွဲတဲ့အသံကို တမြို့လုံးကြားရတယ်။ တမြို့လုံး ထိပ်လန့်တာတွေ ရှိနေပေမယ့် မြို့ထဲမှာတော့ အားလုံး ပုံမှန်အတိုင်း သွားလာနေကြတယ်” ဟု ပြောသည်။
ပေါက်ကွဲမှုနှင့် ပတ်သက်၍ မည်သည့်အဖွဲ့၏ လက်ချက်ဖြစ်ကြောင်းကိုမူ မသိရှိရသေးသော်လည်း တိုးတက်သော ဗုဒ္ဓဘာသာ ကရင် အမျိုးသား တပ်မတော် (DKBA) မှ ဗိုလ်နှုတ်ခမ်းမွှေး၏ ခွဲထွက်အဖွဲ့ လက်ချက်ဖြစ်သည်ဟု အထက်လူကြီးများက စွပ်စွဲနေကြောင်း အဆိုပါ မြို့ခံ အစိုးရ၀န်ထမ်းက ဆိုသည်။
ယင်းစွပ်စွဲမှုနှင့် ပတ်သက်၍ DKBA တပ်မဟာ (၅) မှ စစ်ဆင်ရေးမှူး ဗိုလ်မှူး စန်းအောင်က “သူတို့ကို တိုက်နေကြတာ DKBA တဖွဲ့တည်း မဟုတ်ဘူး။ နယ်စပ်မှာဖြစ်လိုက်ရင် DKBA လို့ ပြောတာက နိုင်ငံရေးအရ ထိုးနှက်ချက်ပဲ။ လူထုကို ယုန်ထင်ကြောင်ထင် ဖြစ်အောင်လုပ်တာပဲ။ မြန်မာနိုင်ငံမှာ ကွဲလိုက်တဲ့ဗုံးတွေ တခါမှ လက်သည်မပေါ်ဘူး။ သူတို့လုပ်ရပ်တွေက တော်လှန်ရေး အဖွဲ့အစည်းတွေကို အကွက်ကျကျ သိက္ခာချဖို့ပဲဖြစ်တယ်” ဟု ဧရာဝတီသို့ ပြောသည်။
ယမန်နှစ်နှင့် ယခုနှစ်ကာလအတွင်း မြ၀တီခရိုင်တွင် ဗုံးပေါက်ပွဲမှု ၆ ကြိမ်ထက်မနည်း ဖြစ်ပွားခဲ့ရာ လူတချို့ ထိခိုက်သေဆုံးမှုများ ရှိခဲ့သော်လည်း အစိုးရအနေဖြင့် ယနေ့အထိ တရားခံလက်သည် အမှုမှန်ကို ဖော်ထုတ်နိုင် ခြင်းမရှိဘဲ နယ်စပ်အခြေစိုက် တိုင်းရင်းသား တော်လှန်ရေးအဖွဲ့များနှင့် ပြည်ပအခြေစိုက် မြန်မာအဖွဲ့အစည်းများကိုသာ စွပ်စွဲလေ့ရှိသည်။
ကရင်ပြည်နယ်အတွင်း မြို့တွင်းတိုက်ပွဲဖြစ်မည်ကို လူထုစိုးရိမ်
ကေအိုင်စီ မှ.................
ကရင်ပြည်နယ်၊ လှိုင်းဘွဲမြို့နယ်၊ မြိုင်ကြီးငူဒေသတွင် ပြီးခဲ့သည့်ရက်သတ္တပတ်က ကရင်နယ်ခြားစောင့်တပ်နှင့် မြန်မာစစ်တပ် များ ပဋိပက္ခဖြစ်ပွားမှုကြောင့် ယခုအချိန်တွင် လှိုင်းဘွဲ၊ ဖားအံနှင့် ကော့ကရိတ်မြို့များ၌ လုံခြုံရေးများ ချထားလျှက်ရှိသဖြင့် မြို့တွင်းတိုက်ပွဲဖြစ်ပွားမည်ကို လူထုအနေဖြင့် အထူးစိုးရိမ်နေကြသည်ဟု သိရသည်။
ကရင်ပြည်နယ်၏ မြို့တော်ဖြစ်သည့် ဘားအံမြို့တွင် နေထိုင်သော အစိုးရ၀န်ထမ်းများသည် မြို့အတွင်း တိုက်ပွဲ ဖြစ်ပွားမည် ကို အလွန်စိုးရိမ်နေကြရကြောင်း အမည်မဖော်လိုသည့် အစိုးရ၀န်ထမ်းတစ်ဦးက ယခုလို ပြောသည်။
“အခုတလော ၀န်ကြီးချုပ်ဇော်မင်းက ခဏခဏ ၀န်ထမ်းတွေကို အစည်းအဝေးခေါ်တယ်။ အစည်းအဝေးတိုင်းလိုလို ၀န်ကြီး ချုပ်ပြောတာက သတိနဲ့နေကြ။ အခြေအနေ သိပ်မကောင်းဘူး။ နယ်စပ်စောင့်တပ်ကလူတွေ မယုံရဘူး။ အချိန်မရွေး မြို့ပေါ် မှာ တိုက်ပွဲဖြစ်လာနိုင်တယ်။ ဒီသတင်းကို အပြင်ပေးမပေါက်ကြားစေနဲ့။ လူထုတွေ လန့်သွားမယ်လို့ ပြောတယ်။ သူကိုယ်တိုင် အိမ်မှာကို မအိပ်ဘူးလည်း ပြောသေးတယ်။ ကျမတို့ဝန်ထမ်းတွေလည်း အမြဲပဲ သတိနဲ့ စိုးစိုးရိမ်ရိမ်နဲ့ပဲ နေရပါတယ်။”ဟု ဆို သည်။
ဖားအံမြို့ အ၀င်အထွက် ဂိတ်များတွင်လည်း ယခင်ကထက် စစ်ဆေးမှု ပိုမို များပြားလာသည့်အတွက် သွားလာရေးပင် အဆင် မပြေတော့ကြောင်း ဖားအံမြို့မှ လှိုင်းဘွဲသို့ နေ့စဉ် သရေစာမုန့်များ သွားရောက်ပို့ဆောင်နေသူတစ်ဦးက ပြောသည်။
“ကျနော်က လှိုင်းဘွဲမြို့နယ်မှာ မုန့်လိုက်ပို့တယ်လေ။ ခါတိုင်းနှစ်တွေလိုတော့ အဆင်မပြေတော့ဘူး။ ဒီနှစ်မှာ ရေကြီးတာနဲ့ နယ်မြေမတည်ငြိမ်တာနဲ့ လုံခြုံမှု မရှိတော့ဘူးလေ။ အရင်ကလို မသွားတော့ဘူး။ မြို့နဲ့နီးနီးနားနားမှာပဲ သွားပို့တော့တယ်။ ဒါ တောင် ဂိတ်တွေက ဟိုမေးဒီမေး မေးကြသေးတယ်။ ဒီမုန့်လိုက်ပို့တဲ့ အလုပ်တော့ နားတော့နားရလိမ့်မယ် ထင်တယ်။”ဟု ဆို သည်။
လူထုမှာ သွားလာရေးခက်ခဲမှုများ ဖြစ်ပေါ်စေပြီး နယ်မြေ မတည်ငြိမ်မှုကြောင့် စားဝတ်နေရေးအတွက် လုပ်ကိုင်ကြသူများ လည်း အဆင်မပြေမှုများ ကြုံတွေ့လာရသည့်အပြင် အလုပ်လက်မဲ့ ပြဿနာများလည်း တနေ့တခြား များပြားလာသည်ကို တွေ့ရသည်။
ဖားအံမြို့တစ်ဖက် သံလွင်မြစ်အနောက်ဖက်ခြမ်းရှိ မြိုင်ကလေး ဘိလပ်မြေစက်ရုံ၌လည်း လုံခြုံရေးအစောင့် စစ်သားများ ချ ထားရသလို စက်ရုံအလုပ်သမားများလည်း အလှည့်ကျ ကင်းစောင့်ရသည်ဟု ဘိလပ်မြေတင် ကားမောင်းသမားတစ်ဦးက ဆို သည်။
“စက်ရုံအလုပ်သမားတွေ စည်းကမ်းပိုတင်းကြပ်လာတယ်။ ဒီလ ၄ရက်နေ့ကတည်းက ည ၁၀နာရီ အပြင်မထွက်ရ အမိန့်ထုတ် ထားတယ်။ ည ၁၀နာရီ အပြင်ထွက်ရင် စစ်သားတွေက ပစ်ပိုင်ခွင့်ရှိတယ်။ ညအချိန်မှာ လူလာစစ်ရင် မတွေ့တဲ့သူတွေကို ထောင်ချမယ်တဲ့ စက်ရုံအာဏာပိုင်တွေက ပြောတယ်လေ။”ဟု ၎င်းကားမောင်းသမားက ပြောသည်။
ဖားအံမြို့ စစ်တပ်ဝင်း အတော်များများတွင် ညအချိန် မီးများအားလုံး ပိတ်ထားရသည့်အပြင် စစ်တပ်ဝင်းအတွင်း နေထိုင်သူ အမျိုးသမီးပါမကျန် စစ်ယူနီဖောင်းများ အဆင်သင့်ဝတ်ဆင်ရပြီး လက်နက်များဖြင့် နေရသည်ဟု စစ်တပ်နှင့် နီးစပ်သူတစ်ဦး ၏ ပြောပြချက်အရ သိရသည်။
၎င်းအပြင် သံလွင်တံတားပေါ်တွင် SP၊ ရဲနှင့် လ၀ကများ စောင့်ကြပ်မှု ပိုမို များပြားလာသလို ခရီးသွားလာသူများလည်း ယခင် ကထက် နည်းပါးလာသည်ဟု ဖားအံမြို့ခံများက ပြောသည်။
ကေအဲန်ယူ ဖားအံခရိုင် ဥက္ကဌ ပဒိုစောအောင်မော်အေးက “ဘယ်သူမဆို တိုက်ပွဲဖြစ်မှာကို စိုးရိမ်ကြမှာ အမှန်ပါပဲ။ ဗိုလ်ချစ်သူ က အစိုးရရဲ့လူဖြစ်ပြီလေ။ (နယ်ခြားစောင့် ၁၀၁၂ တပ်ရင်းမှူး)ဗိုလ်ဘိဘက်က ဒီကေဘီအေအနေနဲ့ ပြန်ရပ်တည်မယ်လို့ ပြတ် ပြတ်သားသား ဆုံးဖြတ်ထားရင်တော့ အနှေးနဲ့ အမြန် တိုက်ပွဲတွေဖြစ်မှာတော့ သေချာတယ်။”ဟု ပြောသည်။
ယင်းသို့ နယ်မြေ မတည်ငြိမ်မှုများကြောင့် ဖားအံအဝေးပြေးကားဂိတ်ပင် ယခင်လို ကားများ ရပ်နားမှု မရှိတော့ဘဲ သွားလာ ရေးခက်ခဲမှုများ၊ စားဝတ်နေရေး အဆင်မပြေမှုများနှင့် လုယက်ခိုးယူမှုများ ဖြစ်ပေါ်လာသလို ည ၁၁နာရီဝန်းကျင်တွင် ရဲဝန် ထမ်းများက ကင်းလှည့်လျှက်ရှိသည်။
ခွဲထွက်ကရင်များကို စည်းရုံးရေး မအောင်မြင်
ဧရာဝတီ သတင်းမှ..............
မကြာသေးခင်က ပုန်ကန် ခွဲထွက်သွားသော ကရင်နယ်ခြားစောင့် တပ်ဖွဲ့ဝင်များကို ပြန်လည် စည်းရုံးရန် အစိုးရက DKBA ခေါင်းဆောင်ဟောင်း တဦးဖြစ်သည့် ဗိုလ်ချစ်သူကို တနင်္ဂနွေနေ့က စေလွှတ် ညှိနှိုင်းခဲ့သော်လည်း အောင်မြင်မှု မရှိသေးကြောင်း သိရသည်။
ဗိုလ်ချစ်သူသည် ခွဲထွက်သွားသည့် တပ်ရင်း ၄ ရင်းကို ဦးဆောင်နေသူ တပ်ရင်းမှူး ဒု ဗိုလ်မှူးကြီး စောဘိ (ဗိုလ်ဘိ) နှင့် ကရင်ပြည်နယ်၊ လှိုင်းဘွဲ့မြို့၊ မြိုင်ကြီးငူ ဒေသတွင်တွေ့ဆုံခဲ့ခြင်း ဖြစ်သည်ဟု ကရင်အမျိုးသား အစည်းအရုံး (KNU) တပ်မဟာ ၇ မှ ဗိုလ်မှူးချူပ် ဂျော်နီက ဧရာဝတီသို့ ပြောသည်။
“မြန်မာ အစိုးရကတော့ ကရင် အချင်းချင်း ပြန်တိုက်စေချင်တယ်၊ ဒါကြောင့် ဗိုလ်ချစ်သူကို ညှိခိုင်းတာပါ၊ ဒါပေမယ့် ဗိုလ်ဘိက ဗိုလ်ချစ်သူကို မယုံတော့ ညှိနှိုင်းတာ အဆင်မပြေဘူး” ဟု ဗိုလ်မှူးချူပ် ဂျော်နီက ပြောသည်။
ပုန်ကန်ခွဲထွက်သွားသော တပ်ဖွဲ့များက မြိုင်ကြီးငူဒေသ အပြင်ဘက်တွင် နေရာယူထားကြောင်း သိရသည်။
“တိုက်ပွဲဖြစ်ရင် ဘုန်းကြီးကျောင်းတွေ ဘာသာရေး အဆောက်အအုံတွေ ပျက်စီးမှာစိုးလို့ ဗိုလ်ဘိကတော့ မြိုင်ကြီး ငူနားမှာ စစ်မျက်နှာ မဖွင့်ချင်ဘူး” ဟု ဗိုလ်မှူးချူပ် ဂျော်နီက ဆိုသည်။
ဤအတောအတွင်း ဒေသခံအများအပြားက တိုက်ပွဲများဖြစ်ပွားမည်ကိုစိုးရိမ်သဖြင့် အနီးအနားရှိမြို့ရွာများသို့ ပြောင်းရွှေ့နေကြသည်ဟု သိရသည်။
DKBA ခေါ် တိုးတက်သော ဗုဒ္ဓဘာသာ ကရင် အမျိုးသား တပ်မတော်သည်သည် အာဏာပိုင်တို့၏ အစီအစဉ်ဖြင့် နယ်ခြားစောင့်တပ်များ အဖြစ် အသွင်ပြောင်းထားသည်မှာ တနှစ် ပြည့်တော့မည် ဖြစ်သည်။
ပြီးခဲ့သည့် မေလတွင် တပ်ရင်း ၄ ရင်းက ပုန်ကန် ခွဲထွက်ပြီး DKBA တပ်ဖွဲ့များအဖြစ် ပြန်လည် ခံယူလိုက်ကြသည်။ အစိုးရ၏ အုပ်ချုပ်မှု အောက်တွင် မနေလိုသဖြင့် ခွဲထွက်ခြင်း ဖြစ်သည်ဟု သိရသည်။
တလအကြာတွင် ခွဲထွက်တပ်များနှင့် အစိုးရကို သစ္စာခံသည့် ကရင် နယ်ခြားစောင့်တပ်များ မြိုင်ကြီးငူ အနီးရှိ တခွက်ဖိုးကျေးရွာတွင် တိုက်ပွဲ ဖြစ်ပွားခဲ့ကြသည်။ နယ်ခြားစောင့်တပ် အမှတ် ၁၀၁၁ ၏ တပ်ရင်းမှူး ဒု ဗိုလ်မှူးကြီး စိုးနိုင် ကျဆုံးသွားကြောင်း သိရသည်။
၂ နာရီ ခန့်ကြာသည့် ထိုတိုက်ပွဲတွင် ခွဲထွက် တပ်ဖွဲ့များက စစ်ရေးအရ အချက်အချာကျသည့် တံတား ၃ စင်း ကို ဖျက်ဆီးခဲ့သည်ဟု သိရသည်။
ကရင်ပြည်နယ်တွင် ဖြစ်ပွားသော တိုက်ပွဲ၊ မငြိမ်မသက်မှုများနှင့် ပတ်သက်ပြီး အစိုးရက သတင်းထုတ်ပြန်ခြင်း မရှိသေးပေ။
မြ၀တီရှိ BGF တပ်ဖွဲ့အား KNLA ၀င်ရောက်ပစ်ခတ်၊ ၃ဦး ထိခိုက် ဒဏ်ရာရ
စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီမြို့နယ် မယ့်ပလယ်တိုဂွင်တွင် လှုပ်ရှားသည့် နယ်ခြားစောင့်တပ် BGF တပ်ဖွဲ့အား ယမန်နေ့က ကရင် အမျိုးသားလွတ်မြောက်ရေးတပ်မတော် KNLA တပ်မဟာ(၇) တပ်ဖွဲ့များက သွားရောက်ပစ်ခတ်ခဲ့ရာ BGF တပ်ဖွဲ့ဝင် ၃ဦး ထိ ခိုက်ဒဏ်ရာရရှိခဲ့သည်ဟု သိရသည်။
မြ၀တီမြို့၏ မြောက်ဘက် ၇မိုင် အကွာအဝေးရှိ မယ်ပလယ့်တိုဂွင်တွင် လှုပ်ရှားသည့် BGF တပ်ရင်း(၁၀၁၈)တပ်ရင်းအား ယမန်နေ့ မနက် ၉နာရီကျော်တွင် KNLA တပ်မဟာ (၇)လက်အောက်ခံ တပ်ရင်း(၁၀၁)တပ်ဖွဲ့ဝင်များက ချိန်ကိုက်မိုင်းများနှင့် အတူ သွားရောက်ပစ်ခတ်ခဲ့မှုကြောင့် ယခုလို BGF တပ်ဖွဲ့ဝင်များ ထိခိုက်ဒဏ်ရာရရှိခဲ့ခြင်းဖြစ်သည်ဟု DKBA အရာရှိဟောင်း တစ်ဦးက ပြောသည်။
သူက “ပစ်ခတ်မှုကတော့ ၁၀မိနစ်လောက်ပဲ ကြာတယ်။ ပစ်ခတ်မှုဖြစ်တဲ့နေရာကတော့ ကျော်ဝေါ်ခို့နဲ့ ထီးလော်သီကြားမှာ ဖြစ်တယ်။ BGF တာဝန်ခံကတော့ ခြေထောက် ထိမှန်တယ်။ အခြားနှစ်ယောက်ကတော့ တော်တော်အထိနာတယ်။ ဆီးအိမ် ပေါ်မှာ တစ်ယောက်ထိတယ်။ တင်ပါးမှာ တယောက်ထိတယ်။ ဖြစ်ပွားမှု ပြီးပြီးချင်းမှာပဲ မဲဆောက်ဆေးရုံကို ပို့လိုက်တယ်။”ဟု ပြောသည်။
၎င်းပစ်ခတ်မှု ဖြစ်ပွားရာနေရာတွင် ဗိုလ်မှူးစောမောင်ဝင်း ဦးစီးသည့် BGF တပ်ရင်း(၁၀၁၈)က အစိုးရစစ်တပ်နှင့် ပူးပေါင်း၍ KNLA တပ်ဖွဲ့ဝင်များ၏ ၀င်ထွက်သွားလာမှုကို ချောင်ပိတ်ချင်သောကြောင့် ယခုလို KNLA တပ်ဖွဲ့ဝင်များက လက်ဦးမှု ရယူ လိုက်ခြင်းဖြစ်ကြောင်း ၎င်း DKBA တပ်မှူးက ဆက်ပြောသည်။
အဆိုပါ ပစ်ခတ်မှုမှာ မှန်ကန်သော်လည်း ပစ်ခတ်မှု၏ဖြစ်စဉ် အသေးစိတ်ကို အတိအကျ မသိရှိရသေးကြောင်း KNLA (၁၀၁) တပ်ရင်းမှူး ဒုဗိုလ်မှူးကြီး စောဖောဒိုက ပြောသည်။
ထိုကိစ္စနှင့်ပတ်သက်၍ BGF တပ်ရင်း(၁၀၁၈)မှ တာဝန်ရှိသူများအား ကေအိုင်စီက မေးမြန်းရန် အကြိမ်ကြိမ် ကြိုးစားဆက် သွယ်ခဲ့သော်လည်း ဖုန်းလိုင်းမရရှိခဲ့ပေ။
ပြီးခဲ့သည့် ဇွန်လ ၂၉ရက်နေ့ကလည်း ကော့ကရိတ်မြို့ တောင်ဘက် ၃မိုင်အကွာရှိ နန်းရွှေမုံကျေးရွာတွင် လှုပ်ရှားသည့် ဗိုလ် မှူးစောကျော်သက် ဦးစီးသော DKBA တပ်မဟာ(၅)တပ်ဖွဲ့အား ဗိုလ်မှူးမြတ်ခိုင် ဦးစီးသည့် BGF တပ်ရင်း(၁၀၁၆)မှ တပ်ဖွဲ့ ၀င်တချို့က ရှောင်တခင် ၀င်ရောက်ပစ်ခတ်မှုကြောင့် DKBA တပ်ဖွဲ့ဝင် ၂ဦး ကျဆုံးပြီး လက်နက် ၆လက်ကို BGFမှ သိမ်း ဆည်းသွားခဲ့သည်ဟု စစ်ဘက်ဆိုင်ရာ သတင်းအရ သိရသည်။
မြန်မာသံမှူးကြီး နိုင်ငံရေး ခိုလှုံမှုအပေါ် သံတမန်ဟောင်းအချို့ အမြင်
VOA သတင်းမှ......
မြန်မာအစိုးရသစ်ရဲ့ သက်တမ်း ရက်ပေါင်း ၁၀၀ မပြည့်သေးခင်မှာပဲ မြန်မာအစိုးရရဲ့ နိုင်ငံခြားရေး ၀န်ကြီးဌာန အကြီးတန်း အရာရှိကြီး တဦးဟာ မိသားစုနဲ့တကွ အမေရိကန် ပြည်ထောင်စုမှာ နိုင်ငံရေးခိုလှုံခွင့် တောင်းခံခဲ့ပါတယ်။ ၀ါရှင်တန်ဒီစီ မြန်မာသံရုံးက သံမှူးကြီး ဦးကျော်ဝင်းဟာ သူ ဘာကြောင့် အခုလို နိုင်ငံရေးခိုလှုံခွင့် တောင်းခံရတယ် ဆိုတာကို အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ဆီကို ဇူလိုင်လ ၄ ရက် နေ့စွဲနဲ့ စာတစောင်ပေးပို့ ရှင်းပြထားပါတယ်။ ဒီအကြောင်း အပြည့်အစုံကို မြန်မာသံတမန်ဟောင်းတွေနဲ့ ဆက်သွယ် မေးမြန်းထားတဲ့ ဦးရော်နီညိမ်းက တင်ပြပေးထားပါတယ်။
ဝါရှင်တန်ဒီစီ မြန်မာသံရုံးက လက်ရှိမှာ ဒုတိယ ရာထူးအကြီးဆုံး တာဝန်ထမ်းဆောင်နေသူ Deputy Chief of Mission သံမှူးကြီး ဦးကျော်ဝင်းက သူ့ရဲ့ ကြိုးပမ်းမှု မှန်သမျှ ပယ်ချခံရပြီး အထက်ဌာနဖြစ်တဲ့ နိုင်ငံခြားရေး ၀န်ကြီးဌာနရဲ့ အပြစ်တင် ခံနေရတာချည်းပဲ ဖြစ်နေတာကြောင့် သူဟာ အခု ၀ါရှင်တန်မှာ တာဝန်ထမ်းဆောင်ချိန် ပြည့်လို့ မြန်မာနိုင်ငံကို ပြန်သွားရင် သူ့အပေါ်မှာ အရေးယူမယ့် အလားအလာတွေ ရှိနေတယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်ဆီကို ရေးသားတဲ့ စာမှာ ဖော်ပြထားပါတယ်။
ဒီအချက်နဲ့ ပတ်သက်ပြီး ၂၀၀၅ ခုနှစ်က အမေရိကန် ပြည်ထောင်စုမှာ ခိုလှုံခွင့် တောင်းခံခဲ့သူ ၀ါရှင်တန်ဒီစီ မြန်မာသံရုံးရဲ့ သံမှူးကြီး ဖြစ်ခဲ့တဲ့ ဗိုလ်မှူးဟောင်း ဦးအောင်လင်းထွဋ်က သူ့ရဲ့ အတွေ့အကြုံနဲ့ နှိုင်းယှဉ်ပြီး အခုလို ပြောပြပါတယ်။
“ကျနော်တို့တွေ အမေရိကန်၊ မြန်မာ ဆက်ဆံရေးအတွက် ကြိုးစားပြီး လုပ်ကြတယ်။ ကျနော်တို့ ထိုးထိုးဖောက်ဖောက်နဲ့ ထဲထဲဝင်ဝင် အားလုံးပေါ့လေ၊ Lobby ကိစ္စတွေရော အားလုံး ကျနော်တို့ လုပ်ကြတယ်။ ကျနော်တို့က အမေရိကန်၊ မြန်မာ ဆက်ဆံရေး ကောင်းမှ မြန်မာပြည် တိုးတက်မယ်ဆိုတဲ့ လမ်းကြောင်းမျိုးနဲ့ ကျနော်တို့ သွားခဲ့ကြတယ်။
“ဒါပေမဲ့ ဗိုလ်ချုပ်မှူးကြီး သန်းရွှေက ပယ်ချခဲ့တဲ့ အတွက်ကြောင့်မို့၊ ကျနော်တို့ တဖွဲ့လုံး အဖျက်ခံခဲ့ရတဲ့ အတွက်ကြောင့် ကျနော့်အနေနဲ့ နောက်ပိုင်း Defect လုပ်ခဲ့ရတာ။ ဦးကျော်ဝင်းတို့ အပိုင်းအနေနဲ့၊ ဦးကျော်ဝင်းဆိုရင် မြန်မာပြည် ပြန်ပြီးတော့မှ တိုးတက်ဖို့၊ အမျိုးသား ပြန်လည် ရင်ကြားစေ့ဖို့ အတွက်ကိုလည်း ဗမာတွေနဲ့ ထဲထဲဝင်ဝင် နီးနီးစပ်စပ် ဆောင်ရွက်သလို အမေရိကန်၊ မြန်မာ ဆက်ဆံရေး ကောင်းဖို့အတွက်ကိုလည်း၊ ဥပမာ ဂျွန်မက်ကိန်း (John McCain) တို့သွားတဲ့ ခရီးစဉ်တွေကအစ သူတို့ နိုင်ငံခြားရေး ၀န်ကြီးကိုပဲ တိုက်ရိုက် တင်ပြရတဲ့ အဆင့်မျိုး ရှိပါတယ်။”
ဦးကျော်ဝင်းရဲ့ နောက်ဆုံး ကြိုးပမ်းချက်ဖြစ်တဲ့ အမေရိကန် အထက်လွှတ်တော်အမတ် ဂျွန်မက်ကိန်း မြန်မာနိုင်ငံကို သွားရောက်ခဲ့တဲ့ ကိစ္စဟာလည်း ဦးကျော်ဝင်းအတွက် အထက်လူကြီးတွေရဲ့ ငြိုငြင်စရာ ဖြစ်ခဲ့တယ်လို့ ဦးအောင်လင်းထွဋ်က ပြောပါတယ်။
“ဂျွန်မက်ကိန်း ခရီးစဉ်မှာ ကျနော်သိသလောက် အစိုးရအဖွဲ့သစ် အနေနဲ့ အမေရိကန်၊ မြန်မာ ဆက်ဆံရေး ကောင်းနေပြီဆိုတဲ့ ပုံစံမျိုးဖြစ်အောင် ပြည်တွင်းရော၊ ပြည်ပရော လုပ်ချင်ပါတယ်။ ဒီနေရာမှာ ဦးကျော်ဝင်းတို့ အပိုင်းကလည်း အမေရိကန်၊ မြန်မာ ရိုးရိုးသားသားပေါ့ဗျာ၊ ဆက်ဆံရေး ကောင်းမလား ဆိုပြီးတော့မှ မြန်မာပြည်ကို ဂျွန်မက်ကိန်း လာဖို့အတွက်က သူတို့ ကြိုးစားပမ်းစား လုပ်ကြတယ်။
“ဒါပေမဲ့ ဂျွန်မက်ကိန်းက ပွင့်ပွင့်လင်းလင်း ပြောတတ်တဲ့ အတိုင်းပဲ ခင်ဗျားတို့ ဒီအတိုင်း ဆက်သွားနေရင် အရှေ့အလယ်ပိုင်းက ကိစ္စမျိုးတွေ အနှေးအမြန် ဖြစ်လာလိမ့်မယ်ဆိုတဲ့ ထောက်ပြလိုက်တဲ့ အပေါ်မှာ တော်တော်လေးကို ခါဆင်းသွားတဲ့ အနေအထားမျိုး ရှိပါတယ်။”
ဂျွန်မက်ကိန်း ထောက်ပြသွားတဲ့ အပေါ်မှာ မကျေမလည် ဖြစ်နေတဲ့ မြန်မာအစိုးရ ခေါင်းဆောင်တွေဟာ ဂျွန်မက်ကိန်း မြန်မာပြည်ကို လာရောက်ရင် အမေရိကန်၊ မြန်မာ ဆက်ဆံရေး တိုးတက်မယ်လို့ တင်ပြ ကြိုးပမ်းခဲ့တဲ့ သံမှူးကြီး ဦးကျော်ဝင်း အပေါ်မှာ တရားခံ ရှာပုံရတယ်လို့ ဦးအောင်လင်းထွဋ်က သုံးသပ်ပါတယ်။
“ဒီအတိုင်း ဖြစ်သွားတဲ့အခါမှာ ဒါ ဘယ်သူ့လက်ချက်လဲ၊ ဦးကျော်ဝင်း အကြံပေးလို့သာ ငါတို့က သူ့ကို လက်ခံခဲ့ရတယ် ဆိုပြီးတော့ နိုင်ငံခြားရေး ၀န်ကြီးဌာန အနေနဲ့ သူ့ကို ပုံချတဲ့ အနေအထားမျိုးတွေ ရှိပါတယ်။ ဒီကိစ္စအတွက် သူ မြန်မာပြည် ပြန်သွားခဲ့ရင် မလွဲမသွေ အမေးအမြန်း ခံရနိုင်ပါတယ်။ နောက် ကျနော်ပြောခဲ့တဲ့ ဗမာတွေနဲ့၊ အတိုက်အခံ အဖွဲ့အစည်းတွေနဲ့ ဆက်ဆံရေး သူ့အနေနဲ့ ပြန်ပြီးတော့မှ စစ်ဆေးခံရနိုင်တဲ့ အနေအထားမျိုး ရှိတဲ့အတွက်ကြောင့် Defect လုပ်တယ်လို့ ကျနော် ထင်ပါတယ်။”
လန်ဒန်မြို့မှာ နေထိုင်တဲ့ သံတမန်ဟောင်း ဦးခင်မောင်ကြည်ကတော့ ဦးကျော်ဝင်းရဲ့ အမေရိကန် နိုင်ငံခြားရေး ၀န်ကြီးဆီကို ပေးပို့တဲ့စာမှာ တင်ပြထားတဲ့ ဒုတိယအချက်၊ နိုင်ငံခြားရေး ၀န်ကြီးဌာနက ၀န်ထမ်းတွေရဲ့ မညီမမျှ ဖြစ်နေတဲ့ အနေအထားကို အခုလို သုံးသပ်ပြပါတယ်။
“ကိုကျော်ဝင်းက သံမှူးကြီး၊ ၀ါရှင်တန်ကနေ ဒီဘက်ကို ခိုလှုံလာတာကို ကျနော့်အနေနဲ့ ကြိုလည်း ကြိုဆိုတယ်၊ ၀မ်းလည်းသာတယ်၊ ချီးလည်း ချီးကျူးတယ်။ သူ့စာ ကျနော်လည်း ဖတ်ရတယ်။ အဲဒီအချက်တွေထဲ အဓိကကတော့ စစ်ဗိုလ်နဲ့ အရပ်သား ခွဲတယ်၊ ဟုတ်တယ်။
“ဥပမာဆိုရင် ဗိုလ်ချုပ်မှူးကြီး သန်းရွှေရဲ့ သားမက် ကိုဇော်ဖြိုးဝင်း၊ သူက မင်္ဂလာဆောင်ပြီး သိပ်မကြာဘူး နိုင်ငံခြားရေးရုံးကို ရောက်တယ်။ အခု ကူမင်းမှာ ကောင်စစ်ဝန်ချုပ် ဖြစ်နေတယ်။ ကိုကျော်ဝင်းတို့က နှစ် ၃၀ လောက်ရှိပြီ နိုင်ငံခြားရေးမှာ။ ကြိုးကြိုးစားစား လုပ်နေတာ။ ပညာလည်းတတ်တယ်၊ အရည်အချင်းလည်း ရှိတယ်။ သူတို့ကို ကျော်ပြီးတော့ မနေ့တနေ့က ၀င်လာတဲ့ သူတွေကို ကျော်ကျော်ပေးလိုက်တာ။ အဲဒါတွေ မတရားမှုတွေက အများကြီးရှိတယ်။”
သံမှူးကြီး ဦးကျော်ဝင်း နိုင်ငံရေး ခိုလှုံခွင့် တောင်းခံခဲ့တဲ့ ကိစ္စအတွက် မြန်မာနိုင်ငံ နေပြည်တော်က နိုင်ငံခြားရေး ၀န်ကြီးဌာနကို ဗွီအိုအေက ဆက်သွယ် မေးမြန်းတဲ့အခါ အခုလို တုံ့ပြန်ပါတယ်။
“အဲဒါ ကျနော်တို့မှာ ဘာမှ မပြောနိုင်ဘူးခင်ဗျ။ ကျနော်တို့က မသိဘူးခင်ဗျ။ ကျနော်တို့လည်း Comment လည်း ပေးလို့မရလို့ပါ။”
ဝါရှင်တန်ဒီစီ မြန်မာသံရုံးက Deputy Chief of Mission သံမှူးကြီး ဦးကျော်ဝင်း အမေရိကန် ပြည်ထောင်စုမှာ နိုင်ငံရေး ခိုလှုံခွင့် တောင်းခံခဲ့တာနဲ့ ပတ်သက်ပြီး ဆက်သွယ် မေးမြန်းခဲ့တာတွေ ဖြစ်ပါတယ်။
မြန်မာသံရုံး အကြီးတန်း သံတမန် အမေရိကန်မှာ နိုင်ငံရေးခိုလှုံ
VOA သတင်းမှ........
ဝါရှင်တန်မြို့ မြန်မာသံရုံး ဒုတိယအကြီးအကဲ သံမှူးကြီး ဦးကျော်ဝင်းက မြန်မာအစိုးရခေါင်းဆောင်တွေ အနေနဲ့ မကြာမီကာလ အတော အတွင်း ဒီမိုကရေစီအပြောင်းအလဲ ဖေါ်ဆောင်နိုင်ဖို့ မျှော်လင့်ချက် ကင်းမဲ့နေတာကြောင့် ရာထူးကနှုတ်ထွက်ပြီး အမေရိကန်ပြည်ထောင်စုမှာ ခိုလှုံဖို့ဆုံးဖြတ်လိုက်ပါတယ်။
ဦးကျော်ဝင်းက အမေရိကန်နဲ့ မြန်မာအစိုးရ ဆက်ဆံရေးတိုးတက်အောင် ပြုပြင်ပြောင်းလဲရေး တွန်းအား ပေးဖို့ ကြိုးပမ်းခဲ့ပေမဲ့ လက်မခံတဲ့အတွက် နှုတ်ထွက်ဖို့ ဆုံးဖြတ်လိုက်ရတာလို့ အမေရိကန် နိုင်ငံခြားရေး ၀န်ကြီး Hillary Clinton ထံကို ဒီနေ့ ဇူလိူင်လ ၄ ရက်နေ့မှာ ပေးပို့လိုက်တဲ့ စာမှာ ဖေါ်ပြထားပါတယ်။
အမေရိကန်ပြည်ထောင်စု အနေနဲ့ မြန်မာအစိုးရ ခေါင်းဆောင်တွေနဲ့ သူတို့နဲ့ နီးစပ်တဲ့ စီးပွားရေး လုပ်ငန်းရှင်တွေအပေါ် ပစ်မှတ်ထားတဲ့ ပိတ်ဆို့မှုတွေကို ဆက်လက်ထိန်းထားဖို့ တိုက်တွန်းလိုက်ပြီး နိုင်ငံတကာ အသိုင်းအ၀ိုင်းကလည်း မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကို စုံစမ်းစစ်ဆေးရေး ကော်မရှင် ဖွဲ့နိုင်ရေး ၀ိုင်းဝန်း ဖိအားပေးပါရန် ဦးကျော်ဝင်းက ပန်ကြားလိုက်ပါတယ်။
မြန်မာအစိုးရ အနေနဲ့ ဒီမိုကရေစီကို ကြောက်စရာတခုအဖြစ် သဘောမထားဘဲ ဒီမိုကရေစီကို ပိုက်ထွေးခြင်းကသာလျှင် ရှေ့ကို တက်လှမ်းနိုင်မှာ ဖြစ်တယ်လို့လည်း အမှာစကားလည်း ပါးလိုက်ပါတယ်။
ဦးကျော်ဝင်းဟာ ၀ါရှင်တန်မြို့ မြန်မာသံရုံးရှေ့ ဒီမိုကရေစီရေး ဆန္ဒပြသူတွေအပေါ် ရင်းရင်းနှီးနှီး ဆက်ဆံလေ့ရှိပြီး ၀ါရှင်တန် မြန်မာအသိုင်းအ၀ိုင်းမှာလည်း သူ့ရဲ့ လုပ်ပိုင်ခွင့် ဘောင်အတွင်းက ပြေပြေလည်လည် ကူညီတတ်သူအဖြစ် လူသိများပါတယ်။
၂၀၁၀ ပြည့်နှစ် ဇန်န၀ါရီလ ၁၀ ရက်နေ့က အမေရိကန်ရောက် ကချင် တိုင်းရင်းသားတွေရဲ့ ဒီမိုကရေစီရေး တောင်းဆိုတဲ့ သံရုံးရှေ့ ဆန္ဒပြပွဲမှာ ဦးကျော်ဝင်းက ၀န်ထမ်းတွေရဲ့ ရပ်တည်ချက်နဲ့ ပတ်သက်ပြီး ကချင်လူငယ်တွေကို အခုလို ရှင်းပြခဲ့ဖူးပါတယ်။
“ကိုယ်တို့ ရှေ့လျှောက် ဘာလုပ်ကြမလဲ၊ ကိုရင်တို့လိုတာ ကိုရင်တို့ပြော၊ ကိုယ်ကတော့ ၀န်ထမ်းဆိုတော့ ကိုရင်တို့ပြောတာ တင်ပေးမယ်။ ကိုယ်တို့မှာလည်း ဘာမှ ဆောင်ရွက်ပိုင်ခွင့် မရှိပါဘူး။ ဒါပေမဲ့ ကိုရင်တို့ပြောတာကို တင်ပေးမယ်။ ရန်ကုန်က ပြန်ပြောတာရှိရင် ပြောပေးမယ်။ ဒါပဲ လုပ်လို့ရမယ်။”
ဦးကျော်ဝင်းဟာ နိုင်ငံခြားရေး ၀န်ကြီးဌာနမှာ ၁၉၈၀ ပြည့်နှစ်က သံအရာရှိအဖြစ် စတင်တာဝန်ယူခဲ့ပြီး ဆွစ်ဇာလန်နိုင်ငံ ဂျီနီဗာမြို့ မြန်မာအဖွဲ့ရုံး၊ အိန္ဒိယနဲ့ ဘရာဇီးလ်နိုင်ငံ မြန်မာသံရုံးနဲ့ ၀ါရှင်တန်မြို့ မြန်မာသံရုံး စသဖြင့် ရာထူးအဆင့်ဆင့်မှာ လုပ်သက် ၃၁ နှစ် ကြာ တာဝန်ထမ်းခဲ့ပြီး ဒီနေ့ သူ့ရဲ့ နှုတ်ထွက်စာကို မြန်မာ ဒုတိယ နိုင်ငံခြားရေးဝန်ကြီးထံ လိပ်မူ ပေးပို့လိုက်ပါတယ်။
