.jpg)
နေ့သစ်မှ..........
ကရင်ပြည်နယ် ကမမောင်းမြို့နယ် အနီးက ဒီကေဘီအေ ဌာနချုပ်ဖြစ်ခဲ့တဲ့ မြိုင်ကြီးငူစခန်းကို အခု နယ်ခြားစောင့်တပ် (ယခင် ဒီကေဘီအေ ၃၃၃) တပ်ဖွဲ့မှ ဗိုလ်ဖားဘိ ဦးဆောင်ကာ ဧပြီလ ၂၂ ရက်နေ့ ညနေ ၃ နာရီလောက်မှာ ဝင်ရောက်တိုက်ခိုက် ရှင်းလင်းခဲ့ပါတယ်။
နယ်ခြားစောင့်တပ် (ယခင် ဒီကေဘီအေ ၃၃၃) ဟာ ဗိုလ်ချုပ်မောင်ကြည် ဦးဆောင်နေတဲ့ တပ်ဖွဲ့ဖြစ်ပြီး မြိုင်ကြီးငူစခန်း မှာရှိတဲ့ လက်နက်တိုက် ရယ် ပစ္စည်းဂိုဒေါင်တွေရယ်ကို မီးရှို့ဖျက်စီးခဲ့တယ်လို့လည်း သိရှိရပါတယ်။ တိုက်ပွဲဖြစ်ချိန် ဟာ ၂ နာရီလောက်ကြာခဲ့ပြီး အတည်ပြုမရတဲ့ သတင်းအရ တိုက်ပွဲမှာပါတဲ့ အဖွဲ့တဖွဲ့မှာ အဖွဲ့ဝင် သုံးဦး ထိခိုက်သေ ဆုံးခဲ့တယ်လို့လည်း ကြားသိရပါတယ်။
မြိုင်ကြီးငူမှာဖြစ်တဲ့အခြေအနေကို ရွှေကုက္ကို နယ်ခြားစောင့်တပ်စခန်းမှ အမည်မဖေါ်လိုတဲ့ (ယခင် ဒီကေဘီအေ ၉၉၉) တပ်မှူးတဦး ပြောပြတာက ….
“ဟုတ်တယ် မနေ့က ညနေဘက် မြိုင်ကြီးငူမှာဖြစ်တာ သုံးယောက်ကျတယ်ကြားတယ် ဘယ်ဘက်ကမှန်းမသိဘူး ကျနော်တို့ ကြားတာကတော့ အကုန်မီးရှို့သွားတယ်လို့တော့ ကြားတာပဲ။ လက်နက်တိုက်လဲ ပါသွားတယ်။ မြိုင်ကြီးငူ စခန်းက ကမမောင်းမြို့နဲ့ သံလွင်မြစ် ဟိုဘက်ကမ်း ဒီဘက်ကမ်းပဲ မြိုင်ကြီးငူက အရှေ့ဘက်ကမ်းမှာ။ ကျနော်တို့ သိ သလောက်တော့ နယ်ခြားစောင့် စလုပ်ကတည်းက အချင်းချင်းကြားမှာ မကျေနပ်တာတွေ ရှိနေကြတာ အဲဒါတွေ ကြောင့်လို့တော့ ကြားတာပဲ” လို့ ပြောပြသွားပါတယ်။
ဒီကေဘီအေတပ်ဖွဲ့ဝင်တွေရဲ့ မြိုင်ကြီးငူ ဌာနချုပ်စခန်းဟာ ၁၉၉၅ ခုနှစ်တုန်းက ကေအန်ယူ မှ ခွဲထွက်ကာ မြိုင်ကြီးငူ ဆရာတော် ဦးသုဇန ဦးစီးမှုနဲ့ ဒီကေဘီအေ အဖွဲ့တည်ထောင်ပြီး နအဖ နှင့် အပစ်ရပ်ခဲ့စဉ်ကာလများက ဌာန ချုပ် လုပ်ခဲ့တဲ့ နေရာ ဖြစ်ခဲ့ပါတယ်။
မြိုင်ကြီးငူဆရာတော်ဟာ ၂၀၀၉ ခုနှစ် အောက်တိုဘာလ ၁၉ ရက်နေ့မှာ ကေအန်ယူနဲ့ ဒီကေဘီအေ အပစ်ရပ်ဖို့အ တွက် ကေအန်ယူနဲ့ တွေ့ဆုံဆွေးနွေးတာတွေ လုပ်ဆောင်ခဲ့ပြီး၊ နအဖ က ဖိအားပေးလာတဲ့ ဒီကေဘီအေကို နယ် ခြားစောင့်တပ်အဖြစ် အသွင်ပြောင်းရေးကိစ္စမှာ နောက်ဆုံးရက်အဖြစ် သတ်မှတ်ထားတဲ့ ၂၀၁၀ သြဂုတ်လ ၁၉ ရက် နေ့ မတိုင်မီအထိ ဆရာတော်ဟာ ဒီကေဘီအေ ကို နယ်ခြားစောင့်တပ် အသွင်ပြောင်းဖို့ လက်ခံခြင်းမရှိ ဘူးလို့ သိရှိခဲ့ရပါတယ်။
မနေ့က တိုက်ပွဲတွေဖြစ်နေတဲ့ အချိန်မှာ ဆရာတော်ဟာ မြိုင်ကြီးငူဒေသမှာ သီတင်းသုံးနေခြင်း မရှိဘဲ။ ထိုင်းနိုင်ငံမှာ ကျန်မာရေးအရ ဆေးကုသမှုကို ခံယူပြီး ခေတ္တသီတင်းသုံးနေတဲ့ အချိန်လည်း ဖြစ်ပါတယ်။
.jpg)
မြိုင်ကြီးငူစခန်း တိုက်ခိုက်ခံရ
ပညာရေးဝန်ထမ်းများနှင့် ကျောင်းသူကျောင်းသားများ စစ်တပ်ရိက္ခာ ထမ်းပိုးပေးနေရ
စောသိန်းမြင့် (ကေအိုင်စီ)
ကရင်ပြည်နယ်မြောက်ပိုင်း ဖာပွန်ခရိုင် ဒွယ်လိုးမြို့နယ်ရှိ ၀ါ့မူ့ကျေးရွာအုပ်စုမှ ကျောင်းဆရာဆရာမများနှင့် ကျောင်းသူ ကျောင်းသားများသည် စာမေးပွဲဖြေပြီးချိန်မှစ၍ ယခုအချိန်ထိ ထိုဒေသတွင် လှုပ်ရှားနေသည့် မြန်မာစစ်တပ်များ၏ ရိက္ခာများ ကို ထမ်းပိုးပေးနေရသည်ဟု ဒေသခံကျောင်းဆရာများက ပြောသည်။
ဝါ့မူ့ကျေးရွာအုပ်စုတွင် လှုပ်ရှားနေသည့် မြန်မာစစ်တပ် တပ်မ(၁၁)လက်အောက်ခံ ခလရ(၉၆)တပ်ရင်းသည် ၀ါ့မူ့၊ မယ်တိုး ထာ၊ ကေကော်နှင့် မယ်ဝေစခန်းများတွင် အခြေချသည့် ၎င်းတို့တပ်ဖွဲ့ဝင်များအတွက် ဆန်ရိက္ခာများ ထမ်းပိုးပေးရန် ပြီးခဲ့ သည့် ဖေဖော်ဝါရီလကုန် စာမေးပွဲဖြေဆိုပြီးချိန်မှ ယနေ့အချိန်ထိ ယင်းသို့ ခေါ်ယူခိုင်းစေခဲ့ခြင်းဖြစ်သည်ဟု ၀ါ့မူ့ကျေးရွာအုပ်စု မှ ကျောင်းဆရာတစ်ဦးက ပြောသည်။
၎င်းကျောင်းဆရာက “ရိက္ခာထမ်းပို့ခိုင်းတာက စာမေးပွဲဖြေတဲ့အချိန်ကတည်းကပါ။ စာမေးပွဲအချိန်ဆိုတော့ ဘယ်သူမှ မသွား ကြသေးဘူး။ စာမေးပွဲပြီးမှ ဆရာဆရာမ၊ ကျောင်းသူကျောင်းသားတွေအကုန် စုပေါင်းပြီးတော့ သွားထမ်းပို့ပေးကြတယ်။ နေ့ တိုင်း မခိုင်းပေမယ့် တရက်ခြားနှစ်ရက်ခြားတခါ အခုထက်ထိ သွားနေရတုန်းပဲ။”ဟု ပြောသည်။
ယင်းသို့ တပ်ရိက္ခာအတွက် သွားထမ်းပိုးပေးရာတွင် တနေကုန်သွားလာရသည့်အပြင် လမ်းခရီး၌ စစ်တပ်မှ ထမင်းမကျွေးသ ဖြင့် မိမိတို့၏နေအိမ်မှ ထမင်းထုတ်များ သယ်ဆောင်သွားရသည်ဟု အဆိုပါကျောင်းဆရာက ပြောသည်။
ထို့အပြင် ရိက္ခာထမ်းပိုးရသည့် ၁၃နှစ်နှင့် ၁၄နှစ်အရွယ် ကျောင်းသူကျောင်းသားများမှာ သွားလာရင်း လမ်းခုလတ်တွင် ကရင် အမျိုးသားလွတ်မြောက်ရေးတပ်မတော်(ကေအဲန်အယ်လ်အေ) တပ်ဖွဲ့ဝင်များနှင့် အချိန်မရွေး တိုက်ပွဲဖြစ်ပွားနိုင်သောကြောင့် စိုးရိမ်စိတ်ဖြင့် လိုက်ပါနေရသည်ဟု သိရသည်။
ကျောင်းဆရာဆရာမများနှင့် ကျောင်းသူကျောင်းသားများ ယခုလို နွေကျောင်းပိတ်ရက်တွင် စစ်တပ်ရိက္ခာ ထမ်းပိုးပေးရခြင်းမှာ လူ့အခွင့်အရေး ချိုးဖောက်မှုကို ကျူးလွန်ရာရောက်ကြောင်း နယ်စပ်ဒေသရှိ ကရင်ကျောင်းဆရာများသမဂ္ဂ(KTWG)မှ ဆရာ စောအဲဒိုဝါးက ပြောသည်။
၎င်းက “ပေါ်တာခေါ်တာတို့၊ ဆန်ထမ်းခိုင်းတာတို့ လုပ်ဆောင်တဲ့နေရာမှာ ကလေးတွေပါ ပါဝင်တာကိုကြည့်ရင် လူ့အခွင့်အ ရေးချိုးဖောက်မှုတရပ်ပဲ။ ဒါဟာ တနည်းတဖုံနဲ့ ကလေးတွေရဲ့ ကြီးပြင်းလာမှု၊ ဦးနှောက်ဖွံ့ဖြိုးလာမှုကို တကယ်ပဲ အနှောက်အ ယှက်ဖြစ်စေတယ်။ ဒီတော့ ကျနော်တို့ ကရင်ကျောင်းဆရာများသမဂ္ဂအနေနဲ့ လုံးဝ ဆန့်ကျင်တယ်။”ဟု ပြောသည်။
ကျောင်းသူကျောင်းသားနှင့် ဆရာဆရာမဦးရေ ၇၀၀ကျော်ရှိ ဒွယ်လိုးမြို့နယ်၊ ၀ါ့မူ့ကျေးရွာအုပ်စုရှိ အထက်တန်းကျောင်းများ မှာ အစိုးရကျောင်းများဖြစ်သော်လည်း မူလတန်းကျောင်းအများစုကမူ ကိုယ်ထူကိုယ်ထကျောင်းများ ဖြစ်ကြသည်။
ဒုအရာခံဗိုလ် ပါဝင်သည့် နယ်ခြားစောင့် ၁၂ဦး ကေအဲန်ယူထံ ထွက်ပြေးလာ
နန်းဖော့ဂေ (ကေအိုင်စီ)
ကရင်ပြည်နယ် မြ၀တီမြို့ နယ်စပ်ဒေသရှိ နယ်ခြားစောင့်တပ်(၁၀၁၆)မှ တပ်ဖွဲ့ဝင် ၁၂ဦးသည် လက်နက်ကိုယ်စီဖြင့် ကရင်အ မျိုးသားအစည်းအရုံး တပ်မဟာ(၇)ထံသို့ ယမန်နေ့က ထွက်ပြေးလွတ်မြောက်လာခဲ့သည်ဟု တပ်မဟာမှူး ဗိုလ်မှူးချုပ်စော ဂျော်နီက ပြောသည်။
၎င်းက “နယ်ခြားစောင့် ၁၂ယောက် ကျနော်တို့ တပ်မဟာ(၇)ကို မနေ့က ညနေ ၄နာရီလောက်မှာ ထွက်ပြေးလာတယ်။ အဲဒီ အထဲမှာ ဒုအရာခံဗိုလ် တစ်ယောက်ပါတယ်။ သူတို့နဲ့အတူ မော်တာတစ်လက် အပါအ၀င် လက်နက် ၁၃လက် ပါလာတယ်။” ဟု ကေအိုင်စီကို ပြောသည်။
အဆိုပါ နယ်ခြားစောင့်တပ်ဖွဲ့ဝင်များထဲတွင် ဒုအရာခံဗိုလ် ၁ဦးနှင့် တပ်ကြပ် ၁ဦး ပါဝင်ပြီး ၎င်းတို့ယူဆောင်လာသည့် လက် နက်ခဲယမ်းများမှာ M-16 ၄လက်၊ AK-47 ၆လက်၊ ကျည်ဆံ ၆၈၃တောင့်၊ ကာဘိုင် ၂လက်၊ M-79 ၁လက်နှင့် ၎င်းကျည် ၁၇ လုံးတို့ဖြစ်သည်ဟု သိရသည်။
ယင်းသို့ထွက်ပြေးလာသည့် နယ်ခြားစောင့်တပ်ဖွဲ့ဝင်များထဲတွင် အသက် ၁၅နှစ်နှင့် ၁၆နှစ်အရွယ် ကလေးစစ်သားနှစ်ဦး ပါဝင် ပြီး ၎င်းတို့မှာ နယ်စပ်ရှိ ကလို့ယော်ထာ့နေရာတွင် တာဝန်ကျသည့် ဗိုလ်မှူးမြတ်ခိုင် ဦးစီးသော နယ်ခြားစောင့်တပ်(၁၀၁၆) တပ်ရင်းမှဖြစ်ကြောင်း ကေအဲန်အယ်လ်အေ တပ်မဟာ(၇) ဒုရုံးထိုင်မှူး ဗိုလ်ကြီးစောမျိုးမင်းသူက ယခုလို ပြောသည်။
“အခု ပြန်ရောက်လာတဲ့ နယ်ခြားစောင့်အဖွဲ့ဝင်တွေက (၁၀၁၆)တပ်ရင်းကလူတွေချည်းပါပဲ။ ၅ယောက်၊ ၆ယောက်လောက်က တော့ ကျနော်တို့နဲ့အတူ တိုက်ပွဲဆက်ဝင်မယ်လို့ ပြောတယ်။ အသက်မပြည့်တဲ့ ကလေးနှစ်ယောက်က စစ်သားဆက်လုပ်ချင် ပေမဲ့ ကျနော်တို့ လက်မခံသေးဘူး။”ဟု ပြောဆိုသည်။
ယခု ၂၀၁၁ခုနှစ်၊ ဇန်န၀ါရီလမှ မတ်လအထိ ကေအဲန်ယူ တပ်မဟာ(၇)နယ်မြေသို့ နယ်ခြားစောင့်တပ်(၁၀၁၅)၊ (၁၀၁၆)နှင့် (၁၀၁၉)တပ်ရင်းများမှ ထွက်ပြေးလာသည့် နယ်ခြားစောင့်တပ်ဖွဲ့ဝင် ၄၇ဦးရှိပြီး ဧပြီလထဲ၌ အယောက် ၂၀နီးပါး ထွက်ပြေး ရောက်ရှိလာသည်ဟု ကေအဲန်အယ်လ်အေ တပ်မဟာ(၇)မှတ်တမ်းများအရ သိရသည်။
ဝေါ်လေရွာသားတစ်ဦး မိုင်းနင်းမိ၍ သေဆုံး
နန်းထူးစံ (ကေအိုင်စီ)
ကရင်ပြည်နယ်၊ မြ၀တီခရိုင်အတွင်းရှိ ဝေါ်လေကျေးရွာတွင် နေထိုင်သည့် ရွာသားတစ်ဦးသည် ပြီးခဲ့သော ၁၉ရက်နေ့(အင်္ဂါနေ့)၌ ရွာနှင့်မနီးမဝေးရှိ ထီးသဲလယ်ဒေသတွင် သစ်တိုက်ရန်သွားရင်း မိုင်းတစ်လုံးနင်းမိကာ သေဆုံးသွားခဲ့ကြောင်း ရွာသူတစ်ဦး၏ ပြော ပြချက်အရ သိရသည်။
၎င်းရွာသူက “ပြီးခဲ့တဲ့ အင်္ဂါနေ့က ထော်လာဂျီကားတစ်စီးနဲ့ ထီးသဲလယ်ဘက်ကို သစ်တိုက်ဖို့သွားတာ အဲဒီမှာ မိုင်းနင်းမိသွားတာ။ ခြေနှစ်ဖက်စလုံး ပြတ်သွားတယ်။ သူ့ကို ဗမာစစ်သားတွေက ဗျူဟာကုန်းမှာ သယ်သွားပြီးတော့ တနာရီလောက်ပဲ ကြာမယ်ထင် တယ်။ ဒဏ်ရာက ပြင်းထန်တော့ ဆုံးသွားတယ်။”ဟု ကေအိုင်စီကို ပြောသည်။
အဆိုပါသေဆုံးသွားသူ အသက် ၅၀အရွယ်ရှိ စောကြည်သန်းသည် ဝေါ်လေကျေးရွာ ရပ်ကွက်(၆)တွင် နေထိုင်ပြီး သူ၏ရုပ်အ လောင်းကို ကျန်ရစ်သူမိသားစုနှင့်အတူ နီးစပ်ရာ ဆွေမျိုး၊ မိတ်ဆွေများက အသုဘချပေးခဲ့ကြသည်ဟုလည်း သူမက ပြောသည်။
ဝေါ်လေဒေသတွင် လက်ရှိ နယ်ခြားစောင့်တပ်ကို လက်မခံသည့် တိုးတက်သောဗုဒ္ဓဘာသာ ကရင်အမျိုးသားတပ်ဖွဲ့(DKBA)၊ KNU တပ်ဖွဲ့များနှင့် မြန်မာစစ်တပ်တို့ လှုပ်ရှားလျှက်ရှိရာ ၎င်းရွာသားနင်းမိသည့်မိုင်းမှာ မည်သည့်အဖွဲ့မှ ထောင်ထားသည့်မိုင်းဖြစ်သည် ကို မခန့်မှန်းတတ်ကြောင်း ဝေါ်လေရွာသားတစ်ဦးကလည်း ပြောသည်။
သို့သော် ယနေ့ထုတ် အစိုးရပိုင် မြန်မာ့အလင်းသတင်းစာတွင်မူ ဝေါ်လေမြို့နယ်ခွဲနေ ဦးကြည်သန်းသည် အဖော်တစ်ဦးနှင့်အတူ သစ်ခုတ်သွားစဉ် KNU သောင်းကျန်းသူတို့ ထောင်ထားသည့် မိုင်းတစ်လုံးကို နင်းမိ၍ ထိခိုက်ဒဏ်ရာရရှိခဲ့သည်ဟု ရေးသားဖော်ပြ ထားသည်။
“အဲဒီနယ်မြေမှာ ကျနော်တို့လည်း လှုပ်ရှားတယ်။ အခုရွာသားဗုံးထိတာက ဘယ်သူ့ဗုံးလဲဆိုတာ ကျနော်တို့လည်း မပြောနိုင်ဘူး။ ဒါ ပေမဲ့ ကျနော်တို့တပ်ဖွဲ့တွေကတော့ လှုပ်ရှားမှုတခုခုရှိတယ်ဆို အရပ်သားလူထုတွေကို အမြဲအသိပေးတာပဲလေ။”ဟု ဝေါ်လေဂွင် ရှိ ကေအဲန်အယ်လ်အေ တပ်ဖွဲ့ဝင်တစ်ဦးက ပြောသည်။
ပြီးခဲ့သည့် မတ်လကလည်း ဝေါ်လေကျေးရွာနေ လူငယ်တစ်ဦးနှင့် အမျိုးသမီးတစ်ဦး အလားတူ မိုင်းနင်းမိကာ ထိခိုက်ဒဏ်ရာရရှိခဲ့ သည်။
စစ်မက်ဖြစ်ပွားသည့် ကရင်ဒေသတွင် ၃လအတွင်း အရပ်သား ၈ဦးသေဆုံး
နန်းထူးစံ (ကေအိုင်စီ)
စစ်ရေးပဋိပက္ခဖြစ်ပွားနေသည့် ကရင်ဒေသများတွင် ယခုနှစ် ဇန်န၀ါရီလမှ မတ်လအထိ ၃လအတွင်း မြန်မာအစိုးရ စစ်တပ် များ၏ ပစ်ခတ်၊ သတ်ဖြတ်ခြင်းကြောင့် အရပ်သားလူ ၈ဦး သေဆုံးခဲ့ပြီး အမျိုးသမီး ၁ဦး အဓမ္မပြုကျင့်ခံရသည်ဟု ယနေ့ထုတ် ပြန်သည့် ကရင်အမျိုးသားအစည်းအရုံး(KNU)၏ လူ့အခွင့်အရေးချိုးဖောက်မှု အစီရင်ခံစာအရ သိရသည်။
အစီရင်ခံစာ၏ စာရင်းဖော်ပြချက်အရ ပြီးခဲ့သည့် ဇန်န၀ါရီလမှ မတ်လအထိ KNU ထိန်းချုပ်နယ်မြေ တောင်ငူခရိုင်တွင် ၀င် ရောက်လှုပ်ရှားသည့် အစိုးရစစ်တပ်များမှ ဒေသခံရွာသား ၃ဦးကို ဖမ်းဆီးသတ်ဖြတ်ခဲ့ပြီး အိမ်ထောင်သည်အမျိုးသမီး ၁ဦးကို လည်း အဓမ္မပြုကျင့်ခဲ့သလို ညောင်လေးပင်ခရိုင်နှင့် ဖာပွန်ခရိုင်တို့တွင် ရွာသား ၁ဦးစီ အသတ်ခံရသည်ဟု ဆိုသည်။
အလားတူ ဒူးပလာယာခရိုင်တွင်လည်း ၀င်ရောက်လှုပ်ရှားနေသည့် အစိုးရစစ်တပ်များက ကျေးရွာအတွင်း လက်နက်ကြီးများ ပစ်ခတ်မှုကြောင့် အသက် ၂၆နှစ်အရွယ် ရွာသစ်ကုန်းရွာသူ ၁ဦး သေဆုံးခဲ့သလို သဲထာရွာသူ ၁ဦး မြေမြှပ်မိုင်းနင်းမိကာ သေ ဆုံးခဲ့ကြောင်းလည်း အစီရင်ခံစာတွင် ဖော်ပြပါရှိသည်။
ထို့အပြင် KNU လက်အောက်ခံနယ်မြေ၊ ဖားအံခရိုင်တွင်မူ ပြီးခဲ့သည့် ဖေဖော်ဝါရီလအတွင်း၌ ထိုဒေသရှိ နယ်ခြားစောင့်တပ် (၁၀၁၅)တပ်ရင်းမှ ဒေသခံရွာသား ၁ဦးအား သတ်ဖြတ်ခဲ့ကြောင်း ထိုအစီရင်ခံစာ ဖော်ပြချက်အရ သိရသည်။
ကရင်ပြည်နယ်အတွင်းရှိ KNU ထိန်းချုပ်ရာ တောင်ငူ၊ ညောင်လေးပင်၊ ဖာပွန်၊ ဒူးပလာယာနှင့် ဖားအံခရိုင်တို့တွင် ယခုနှစ် ဆန်းပိုင်း၌ မြန်မာအစိုးရစစ်တပ်များ ပိုမိုဝင်ရောက်လာသည်နှင့်အမျှ ဒေသခံလူထုများကို လုပ်အားခိုင်းစေခြင်း၊ မိုင်းရှင်းခိုင်း ခြင်းအပြင် ကျေးရွာများအတွင်းသို့ လက်နက်ကြီးပစ်ချခြင်းကြာင့် ထိခိုက်ဒဏ်ရာရရှိခဲ့သည့် ဒေသခံများထဲတွင် ဆယ်ကျော် သက်လူငယ်များလည်း ပါဝင်ကြောင်း ကေအဲန်ယူ၏ အစီရင်ခံစာတွင် ဖော်ပြထားသည်။
တပ်အင်အားဖြည့်ရန် BGF က တပ်သားသစ်ထပ်ကောက်ခံ
စောခါးစူးညား (ကေအိုင်စီ)
ကရင်ပြည်နယ်ရှိ နယ်ခြားစောင့်တပ်-BGF ၏ အကြံပေးပုဂ္ဂိုလ် စောချစ်သူက မြ၀တီမြို့နယ်အတွင်းရှိ ကျေးရွာများမှ တာ ၀န်ရှိသူများကို ဧပြီလ ၈ရက်နေ့က ရွှေကုက္ကိုရွာတွင် ခေါ်ယူကာ တပ်သားသစ် ၇၅ဦး တောင်းခံထားကြောင်း ကေအိုင်စီက စုံစမ်းသိရှိရသည်။
နယ်ခြားစောင့်တပ်သည် ၎င်းတို့၏ တပ်အင်အားဖြည့်ရန်အတွက် ယခုလို တပ်သားသစ် တောင်းခံခြင်းဖြစ်ပြီး ဧပြီလ ၂၇ ရက်နေ့တွင် ၎င်းတို့ထံ အရောက်ပို့ပေးရမည်ဟု ပြောဆိုခဲ့ကြောင်း ဒေသခံအချို့က ပြောသည်။
ယင်းသို့ တပ်သားသစ် ကောက်ခံရာတွင် နဘူးမြို့နယ် မယ်ပလဲ့တိုဒေသအတွင်းရှိ ရွှေကုက္ကိုရွာမှ ၂၀ဦး၊ ထီးဝါ့ဘလောရွာ မှ ၁၂ဦး၊ ကယ်ဝေါ်ရွာမှ ၁၀ဦး၊ လို့ဘောရွာမှ ၇ဦး၊ ထီးချားရာရွာမှ ၅ဦး၊ ကျဝေါ်ခို့ရွာမှ ၄ဦး၊ သဲပုံရွာမှ ၄ဦး၊ ထီးဟိုထောရွာမှ ၃ဦး၊ သီ့ဝါးပူရွာမှ ၃ဦး၊ ဖားကျူရွာမှ ၃ဦး၊ သက္ကာရရွာမှ ၂ဦး၊ မဲပလဲ့ထာ့ရွာမှ ၁ဦးနှင့် တောအူရွာမှ ၁ဦးဖြစ်ကြောင်း ကရင်အ မျိုးသားအစည်းအရုံး(KNU)၏ သတင်းထုတ်ပြန်ချက်တွင် ဖော်ပြထားသည်။
နဘူးမြို့နယ်မှာ KNU ၏ နယ်နိမိတ်သတ်မှတ်ချက်အရ ဖားအံခရိုင်တွင် တည်ရှိသော်လည်း မြန်မာအစိုးရ၏ သတ်မှတ် ချက်အရ မြ၀တီမြို့ နယ်နိမိတ်ဖြစ်သည်။
KNU ဖားအံခရိုင် ဥက္ကဌ ပဒိုစောအောင်မော်အေးက “BGF က တပ်သားသစ်ကို အဲလိုသတ်မှတ်ထားပြီး ခေါ်မရတဲ့သူတွေ ကို ဘတ်ငွေ တစ်သိန်းပေးရမယ်လို့ ကျနော်တို့ ကြားတယ်။ သူတို့တပ်ထဲမှာ ထွက်ပြေးတဲ့သူများလာတော့ တပ်သားသစ် တွေ ထပ်ကောက်ခံတာပေါ့။ မောင်ချစ်သူဟာ တပ်ကလူ မဟုတ်တော့ပေမဲ့ သူက အကြံပေးပုဂ္ဂိုလ်ဖြစ်တဲ့အခါကျတော့ သူ့ မှာ သြဇာအပြည့်ရှိသေးသလို တပ်အကြောင်းလည်း သိတဲ့အနေအထားပေါ်မှာ သူပဲ ဒီတပ်သားသစ်ကောက်တဲ့ကိစ္စကို ၀င်ကိုင်နေတာပဲ။”ဟု ပြောသည်။
ကေအဲန်ယူ ဖားအံခရိုင် တပ်မဟာ(၇)နယ်မြေတွင် ၂၀၁၁ခုနှစ်၊ ဧပြီလ ၆ရက်အထိ နယ်ခြားစောင့်တပ်ဖွဲ့ဝင် ၅၁ဦး ထွက် ပြေးရောက်ရှိလာခဲ့သည်ဟု ကေအဲန်အယ်လ်အေ တပ်မဟာ(၇)၏ မှတ်တမ်းများအရ သိရသည်။
BGF တပ်သားသစ် ကောက်ခံသည့် ဒေသမှ ရွာသားတစ်ဦးက “တပ်ထဲဝင်ဖို့ သွားမယ့်သူလည်း မရှိတော့ဘူး။ ကရင်အ ချင်းချင်း တိုက်ရမှာဖြစ်တဲ့အတွက်လည်း ဘယ်သူမှမသွားချင်ကြဘူး။”ဟု ဆိုသည်။
ယင်းသို့ တပ်သားသစ်ကောက်ခံသည့် သတင်းထွက်ပေါ်နေသည်ကို မြ၀တီမြို့နယ် ရွှေကုက္ကိုကျေးရွာရှိ BGF တပ်မှူးတစ် ဦးထံ ကေအိုင်စီက ဆက်သွယ်မေးမြန်းရာ ထိုသတင်းမှာ မဟုတ်မှန်ကြောင်းနှင့် ၎င်းတို့အနေဖြင့် တပ်သားသစ် ကောက်ခံ ခြင်း အစီအစဉ် တစုံတရာ မရှိကြောင်း ပြန်လည်ပြောဆိုခဲ့သည်။
စောချစ်သူ ဦးဆောင်သည့် ယခင် ဒီကေဘီအေ တပ်မဟာ-၉၉၉ သည် ပြီးခဲ့သည့် ၂၀၀၉ခုနှစ်၊ မေလကလည်း ဖားအံခရိုင် ပိုင်ကျုံမြို့နယ်အတွင်းရှိ ကျေးရွာများတွင် တပ်သားသစ်စုဆောင်းမှု တကြိမ် ပြုလုပ်ခဲ့သေးသည်။
ဗိုလ်ချုပ် တစ်ဦး ဦးဆောင်မှုဖြင့် မျိုးချစ် မြန်မာ့ တပ်မတော် ကွန်ယက် ဖွဲ့ စည်း
Freedom News Group မှ......
မြန်မာ့ တပ်မတော် မှ ဗိုလ်ချုပ် အဆင့် ရှိ အရာ ရှိ တစ်ဦးဦးဆောင်မှု ဖြင့် မျိုးချစ် မြန်မာ့တပ်မတော်ကွန်ယက်ကိုမြန်မာ နှစ်ဆန်း တစ်ရက်နေ့ က
ရန်ကုန် နှင့် ဧရာဝတီ တိုင်းကြား ရှိ မြစ်ရေပြင် တစ်ခု ကစက်လှေ တစ်စီး ပေါ်မှာ ဖွဲ့ စည်း ခဲ့သည် ဟု FNG မှ သတင်း ရရှိသည်။
လက်ရှိ တာဝန်ထမ်းဆောင် ဆဲ စစ်ဗိုလ်ချုပ် တစ်ဦး ဦးဆောင်မှုဖြင့် ဗိုလ်မှုးကြီး တစ်ဦး ကိုယ်တိုင် ဦးဆောင်ပြီး ဖွဲ့ စည်းခဲ့သည့်
မျိုးချစ် မြန်မာ့ တပ်မတော် ကွန်ယက်တွင် မှော်ဘီလေတပ် စခန်း၊မိတ္ထီလာလေတပ် စခန်း ၊လေကြောင်း ရန် ကာကွယ် ရေး တပ်မှ
အရာရှိများ၊ ဟိုင်းကြီး ကျွန်းရေတပ် ၊ မြောက်ပိုင်း တိုင်း စစ်ဌာနချုပ် လက်အောက်ခံ တပ်မှ အရာရှိများ၊ ပင်မစစ်လက် နက် ခဲယမ်း တပ် ၊ အင်းတကော်၊ ရဲမွန် နှင့် အင်းတိုင် မှတပ်များ အား လုံး ပါဝင် သည် ဟု မှော်ဘီ လေတပ် စခန်း မှအရာ ရှိတစ်ဦး က FNG သို့ ပြောသည်။
မျိုးချစ် မြန်မာ့ တပ်မတော် ကွန်ယက် ဟာ လက်ရှိ တပ်တွင်း မှာ ပေါ်ပေါက် နေ တဲ့ ပြဿနာ တွေ ကိုအဓိက ဖြေရှင်း ဖို့  ဖြစ် ပြီး အနာဂတ် မှာ တော့ ပြည်သူ ကို အကာအကွယ်ပေး ရန် အတွက် ရည်ရွယ်ဖွဲ့ စည်းခြင်း ဖြစ်သည်။
ယခုသတင်း နဲ့  တစ်ဆက် စပ်တည်း ကြားရသည့် အခြား သတင်း တွင် ဧပြီလ ၁ ရက် နေ့ က စတင်တာဝန်ထမ်း ဆောင် ခဲ့ သည့် ကာကွယ် ရေး ဦးစီးချုပ် အသစ် ဗိုလ်ချုပ်ကြီး မင်းအောင်လှိုင် သည်လည်း ၎င်း အား အခြား ပြိုင် ဘက် များ က လုပ်ကြံမည် ဟု သတင်း ရရှိသောကြောင့် လုံခြုံရေး ထူထပ် စွာဖြင့် သွား လာနေရ ကြောင်း နေပြည် တော်မှ အမည် မဖော်လို သည့် အရာ ရှိ တစ်ဦး ကပြောသည်။
ပစ်ခတ်တိုက်ခိုက်ခံရ၍ ထိခိုက် ကျဆုံးသူများတွင် စစ်တပ်မှ အရာရှိတစ်ဦးပါဝင်
နန်းဖော့ဂေ (ကေအိုင်စီ)
မြ၀တီမြို့နယ်၊ တံတားကျိုးနေရာမရောက်ခင် တောင်ပေါ်ကား လမ်းကြောတနေရာတွင် ကော့ကရိတ်ဘက်မှ တက်လာသည့် စစ်တပ်ကားတစ်စီးမှာ ယမန်နေ့က ပစ်ခတ်တိုက်ခိုက်ခံရ၍ ကားပေါ်တွင် ပါလာသည့် အရာရှိတစ်ဦး အပါအ၀င် ၁၄ဦး ကျဆုံး သွားခဲ့သည်ဟု သိရသည်။
“မနေ့က ဆင်ဟုတ်နေရာမှာ နေ့လည် ၁၂နာရီနီးပါးလောက်မှာ အပစ်ခံရတာလေ။ အရာရှိပါလာတဲ့ကားကို အပေါ်ကနေမိုးပြီး အပိုင်ပစ်ခတ်တဲ့ပုံမျိုး။ တိုက်ပွဲက ၁၅မိနစ်လောက်ပဲ။ သိပ်မကြာဘူး။ အပစ်ခံရတဲ့စစ်ကားကတော့ မှန်တွေကွဲပြီး စစ်သားတွေ လည်း အတော် ထိခိုက်မှုရှိတယ်။ သေတဲ့အထဲမှာ အရာရှိတစ်ယောက်နဲ့ တပ်ကြပ်တစ်ယောက်လည်း ပါတယ်လို့ ပြောကြပေ မဲ့ ကျနော်တို့လည်း မမေးရဲဘူးလေ။”ဟု စစ်ကားတန်းနောက်မှ လိုက်တက်လာသည့် ကားသမားတစ်ဦးက ပြောသည်။
ပစ်ခတ်မှုမှာ မြ၀တီမြို့နယ်၊ သင်္ကန်းညီနောင်အလွန် တံတားကျိုးမရောက်ခင် တောင်တက်လမ်းတနေရာတွင်ဖြစ်ပြီး ယမန်နေ့ က ကော့ကရိတ်မှ မြ၀တီသို့ တက်လာသည့် စစ်ကားများအနက်မှ တစ်စီးကိုသာ တိုက်ခိုက်ခံရခြင်းဖြစ်ကြောင်း ခရီးသည် တစ်ဦးက ယခုလို ပြောသည်။
သူက “အမှန်တော့ ကားတန်းက အတက်နေ့လေ။ ဒါပေမဲ့ စစ်ကားတွေကတော့ အဆင်းရော၊ အတက်ရော သွားနေကြတာ။ မဖြစ်ခင်အချိန်မှာ စစ်ကားက ၄စီးတက်လာပေမဲ့ အကောင်(အရာရှိ)ပါတဲ့ကားကိုပဲ အဓိကထားပြီး ပစ်ခတ်လိုက်တာပဲ။ ဆွဲမိုင်း နဲ့လုပ်ပြီး သေနတ်ငယ်တွေနဲ့ အဝေးကနေ လှမ်းပစ်တာ။”ဟု ဆိုသည်။
တိုက်ခိုက်ခံရသည့် စစ်ကားကို ပစ်ခတ်သူများမှာ ဒီကေဘီအေမှဖြစ်သည်ဟု အရပ်သားများက ဝေဖန်ပြောဆိုနေကြပြီး ကေ အိုင်စီမှ ဒီကေဘီအေ တပ်ဖွဲ့ဝင်များထံ ဆက်သွယ်သော်လည်း ဖုန်းလိုင်းပြတ်တောက်နေခဲ့သည်။
သို့သော် ထိုနယ်မြေသည် ကေအဲန်ယူ တပ်မဟာ(၆) လက်အောက်ခံတပ်ဖွဲ့များ လှုပ်ရှားရာနေရာဖြစ်ပြီး ကျဆုံးသွားသူများ ထဲတွင် ဗိုလ်မှူးအဆင့် အရာရှိတစ်ဦး ပါဝင်သည်ဟု အမည်မဖော်လိုသူ ကေအဲန်ယူ စစ်ဖက်ဆိုင်ရာ အရာရှိတစ်ဦးက ပြော သည်။
သူက “အဲဒီနေရာကတော့ တံတားကျိုးနဲ့လည်း နီးတယ်။ တပ်မဟာ(၆)က ဗိုလ်လှမင်းတို့ လှုပ်ရှားတဲ့နယ်မြေဖြစ်ပေမဲ့ ဘယ်အ ဖွဲ့က လက်ချက်လဲဆိုတာ ကျနော်တို့ မသိရသေးဘူး။ ထိခိုက်မှုကတော့ နအဖဘက်က ဗိုလ်မှူးတစ်ယောက်၊ ဒုတပ်ကြပ်တ ယောက် အပါအ၀င် ၁၄ယောက် ကျပြီး ၄ယောက် ဒဏ်ရာရတယ်လို့ပဲ ကျနော်တို့ ကြားတယ်။”ဟု ကေအိုင်စီကို ပြောသည်။
ထိုနေ့ညနေတွင် မြ၀တီဆေးရုံသို့ လူနာ ၁၅ဦးခန့်ရောက်ရှိလာမည်ဟု သိရှိထားသော်လည်း ဒဏ်ရာပြင်းထန်သည့် စစ်တပ်မှ တပ်သားလူနာတစ်ဦးသာ ရောက်ရှိလာကြောင်း မျက်မြင်သက်သေအချို့က ပြောဆိုနေကြသလို တိုက်ခိုက်ခံရသည့် တပ်ဖွဲ့ မှာ တပ်မ(၂၂) လက်အောက်ခံ ခမရ(၂၀၃)မှ တပ်ဖွဲ့ဝင်များဖြစ်သည်ဟု အတည်မပြုနိုင်သည့် သတင်းများအရ သိရသည်။
တနင်္သာရီတိုင်းရှိ လှုပ်ရှားတပ်များ အား ဘာသာစကား သင်ကြားပို့ချ ပေးမည်
စောသိန်းမြင့် (ကေအိုင်စီ)
မြန်မာအစိုးရသည် တနင်္သာတိုင်း နယ်စပ်ဒေသတွင် လှုပ်ရှားနေသည့် ၎င်းတို့၏ စစ်တပ်များအတွက် ဘာသာစကား နားလည် တတ်ကျွမ်းမှုရှိရန် ကမ်းရိုးတန်းဒေသ စစ်ဌာနချုပ်(ကရခ) မြိတ်မြို့တွင် ဧပြီလ ၁၅ရက်နေ့မှ ဇွန်လ ၁၅ရက်နေ့အထိ ၂လတိတိ ဘာသာစကားသင်တန်း သင်ကြား ပို့ချပေးမည်ဖြစ်ကြောင်း စစ်တပ်အသိုင်းအ၀ိုင်းမှလာသည့် သတင်းများအရ သိရသည်။
တနင်္သာရီ နယ်စပ်ဒေသတွင် တာဝန်ထမ်းဆောင်ရာ၌ ဘာသာစကား တတ်ကျွမ်းနားလည်စေရန် ရည်ရွယ်သည့် အဆိုပါသင် တန်းတွင် ကရင်နှင့် ထိုင်းဘာသာစကားကို သင်ကြားမည်ဖြစ်ပြီး သင်တန်းတက်ရောက်ရန်အတွက် တနင်္သာရီတိုင်းတွင် လှုပ် ရှားနေသည့် စစ်ကွပ်ကဲရေးဌာနချုပ်(စကခ)နှင့် စစ်ဗျူဟာ(စဗဟ)လက်အောက်ခံ တပ်ရင်းအားလုံးမှ တပ်ရင်း ၁ရင်းကို ဒုဗိုလ် အဆင့်ရှိ အရာရှိ ၂ဦးစီ မပျက်မကွက် စေလွှတ်ရန် ကမ်းရိုးတန်းတိုင်းဒေသ စစ်ဌာနချုပ်(ကရခ)မှ ပြီးခဲ့သည့် ဧပြီလ ၁၀ရက် နေ့က ညွှန်ကြားလိုက်သည်ဟု စစ်တပ်သတင်းရပ်ကွက်အရ သိရသည်။
တနင်္သာရီတိုင်းမှ အစိုးရစစ်တပ်နှင့် နီးစပ်သူတဦးက “ကရခ အမိန့်နဲ့ ၁၄ရက်နေ့နောက်ဆုံး တိုင်းစစ်ဌာနချုပ်မြိတ်ကို အားလုံး အရောက်သွားရမယ်။ ရည်ရွယ်ချက်ကတော့ နယ်စပ်ဒေသမှာ ထိုင်းတွေနဲ့ ကိစ္စတခုခု ပေါ်လာလို့ရှိရင် တွေ့ဆုံဆွေးနွေးလို့ရ အောင်ရယ်။ ဒေသခံလူထုတွေကို စည်းရုံးဖို့အတွက်ပဲ ဖြစ်တယ်။”ဟု ပြောသည်။
အစိုးရစစ်တပ်မှ ထိုကဲ့သို့ လုပ်ဆောင်ခြင်းသည် ဆန့်ကျင်ဘက်အဖွဲ့အစည်းများကို စုံစမ်းထောက်လှမ်းရာတွင် ထိုင်းဘက်ခြမ်း ဖြစ်စေ၊ မြန်မာပြည်တွင်းက ကရင်လူထုများအကြားဖြစ်စေ ၎င်းတို့လူများကို မြှုပ်နှံထားနိုင်ရန်အတွက် လုပ်ဆောင်ခြင်းဖြစ် ကြောင်း ကရင်အမျိုးသားအစည်းအရုံး(ကေအဲန်ယူ) ဘိတ်/ထားဝယ်ခရိုင်၏အတွင်းရေးမှူး ပဒိုစောသောသီဖေက ပြောသည်။
“ကျနော်တို့ သိရတဲ့အတိုင်းဆိုလို့ရှိရင် ဒါတွေဟာ ထောက်လှမ်းရေးအသိုင်းအ၀ိုင်းက လာတဲ့လုပ်ဆောင်ချက်တွေ ဖြစ်တယ်။ ဆိုလိုချင်တာက ဆန့်ကျင်ဘက်အဖွဲ့အစည်းတွေကို စုံစမ်းဖော်ထုတ်နိုင်ဖို့အတွက် သူတို့လူတွေကို လူထုတွေအကြားမှာ မြှုပ် နှံထားဖို့ပါပဲ။”ဟု ၎င်းက ပြောသည်။
နယ်စပ်ဒေသနှင့် တိုင်းရင်းသားဒေသများတွင် လှုပ်ရှားနေသည့် စစ်တပ်များအား ဘာသာစကားသင်ကြားပို့ချမှုကို ယခင်က ရန်ကုန်မြို့ရှိ စစ်ဌာနချုပ်ရုံးများတွင် ဌာနဆိုင်ရာများမှ စုပေါင်း၍ သင်ကြားပို့ချပေးခဲ့သော်လည်း လွန်ခဲ့သည့် ၃နှစ်ကစပြီး သက်ဆိုင်ရာ ဒေသအလိုက် စတင် သင်ကြားပို့ချလာခဲ့ခြင်းဖြစ်သည်။
အထိနာမြန်မာတပ်ဖွဲ့ ရွာသားကိုပစ်ခတ်
ကောင်းဝါသတင်းမှ.....
မင်းချမ်း(ဧပြီ-၁၀)။ ။ ပြီးခဲ့သည့်ဧပြီလ ၇ ရက်နေ့ နံနက်ပိုင်း၌ ခလရ ၁၀၆ နှင့် ခမရ ၅၈၈ ပူးတွဲ လှုပ်ရှားစစ်ကြောင်း ပစ်ခတ်မှုကြောင့်ကရင် အမျိုးသား တစ်ဦး ပေါင်တွင်သေနတ်ထိမှန်ပြီး မော်လမြိုင် ဆေးရုံကြီး၌အရေးပေါ်လူနာအဖြစ် ကုသခံနေရသည်ဟုနီးစပ်သူဆွေမျိုးများပြောပြ ချက်အရ သိရသည်။
အဆိုပါသေနတ်ဒဏ်ရာထိမှန်ခံရသူမှာ မွန်ပြည်နယ်၊ လမိုင်းမြို့နယ်ခွဲ၊ ဘေးကလွဲရွာသား စောမောင်အုန်း ဖြစ်ကြောင်း ၄င်းဆွေမျိုးများက ပြောသည်။
“မနက်အစော မီးသွေးဖိုကိုအသွား ကင်းပုန်းစောင့်နေတဲ့ဗမာစစ်သားတွေက ပစ်ခတ်လိုက်တာဖြစ်တယ်၊ သပြေချောင်းက သူတို့ကင်းစခန်းတစ်ခုကျသွားလို့ အခုတလောဒီဘက်ကိုစစ်ကြောင်းတွေ ထိုးလာတာ”ဟု ၄င်းဆွေမျိုးက ဆက်ပြောသည်။
လွန်ခဲ့သည့် ဧပြီလ ၂ ရက်နေ့ နံနက်စောစောပိုင်း၌ သံဖြူဇရပ်မြို့နယ်နှင့် ရေးမြို့နယ်တို့ကိုဆက်သွယ်ထား သော သပြေချောင်းမီးရထားတံတားကင်းစခန်းကို ကေအဲန်ယူမှစီးနင်းပစ်ခတ်ရာတွင်မြန်မာအစိုးရတပ်ဖွဲ့မှ ထိခိုက်ကျဆုံးမှုများဖြစ်ပေါ်ခဲ့ကြောင်း တပ်မဟာ ၆ မှအရာရှိတစ်ဦးက ကောင်းဝါသို့ပြောကြားသည်။
အဆိုပါပစ်ခတ်မှုတွင် ကင်းစခန်း၌တာဝန်ကျနေသော ခလရ ၁၀၆ မှစစ်သား ၇ ဦးအနက် ၄ ယောက်သေ၊ တစ်ယာက်ဒဏ်ရာ၊ ၂ ယောက်ထွက်ပြေးလွတ်မြောက်သွားပြီး MA1 နှင့် MA2 သေနတ် ၂ လက်ကို ကေအဲန်ယူက သိမ်းဆည်းရမိသည်ဟု သိရသည်။
ကေအဲန်ယူတပ်မဟာ ၆ တပ်ရင်း ၁၆ တပ်ခွဲ ၄ မှတပ်ကြပ်ကြီးသန်းစိုး ဦးစီးအင်အား ၇ ယောက်တို့ ဝင် ရောက်ပစ်ခတ်ခဲ့ကြောင်း ကေအဲန်ယူတပ်မဟာ ၆ အရာရှိက အတည်ပြုပြောပါသည်။
“သပြေချောင်းကင်းစခန်းဆိုတာက ဂက်ပိုက်လိုင်းနဲ့တံတားကို အဓိကလုံခြုံရေးပေးတဲ့ ကင်းစခန်းတစ်ခုပေါ့၊ နောက်ပြီးတော့ ကင်းစခန်းကိုဖြတ်သန်းသွားလာနေရတဲ့ မော်တော်ကား၊ ဆိုင်ကယ်တွေကို ဗမာစစ်သားတွေ ဂိတ်ကြေးကောက်တဲ့နေရာလည်းဖြစ်တယ်၊ အခုဒီစခန်းကျသွားတော့ ဗမာစစ်ကြောင်းတွေ ကရင်ရွာတွေ ဖက်ကိုစစ်ကြောင်းတွေလိုက်ထိုးနေတယ်” သပြေချောင်းအနီးရှိ အနင်းရွာသားတစ်ဦးက ပြောသည်။
ယခုအခါ မွန်ပြည်နယ်တောင်ပိုင်းအခြေစိုက်မြန်မာအစိုးရတပ်များ ကရင်ပြည်နယ်အတွင်းထိုးစစ်ဆင်နေ ရသဖြင့် သံဖြူဇရပ်နှင့်ရေးမြို့နယ်ဒေသများ၌ မြန်မာတပ်ဖွဲ့လှုပ်ရှားမှုအင်အားသိသိသာသာကျဆင်းနေ ကြောင်း စစ်ရေးအကဲခတ်များက သုံးသပ်ကြသည်။
ဒုက္ခသည်တွေ ဖိအားပေးပြန်ခိုင်းမယ့်ကိစ္စ နိုင်ငံတကာ လက်မခံ
VOA သတင်းမှ.......
ထိုင်းနိုင်ငံ ဒုက္ခသည်စခန်းတွေမှာရှိနေတဲ့ မြန်မာနိုင်ငံက ဒုက္ခသည်တွေ ကိုယ့်သဘောနဲ့ကိုယ် နေရပ်ပြန်တာမျိုး ဖြစ်စေချင်တယ်လို့ ထိုင်းအစိုးရ တာဝန်ရှိသူတဦးက ပြောပါတယ်။ ဒါ့အပြင် ဒုက္ခသည်တွေကို ထောက်ပံ့နေတဲ့ အဖွဲ့အစည်းတွေအနေနဲ့ ထောက်ပံ့နေတာတွေကို လျှော့ချစေချင်တယ်လို့ ထိုင်းနိုင်ငံ တပ်ခ်ခရိုင် အုပ်ချုပ်ရေးမှူးက မကြာသေးခင်ကပဲ ပြောလိုက်တာဖြစ်ပါတယ်။ ဒါပေမဲ့လည်း ဒုက္ခသည်တွေကို အကူအညီပေးနေသူတွေကတော့ မြန်မာနိုင်ငံဘက်က ဒုက္ခသည်တွေ နေရပ်ပြန်ဖို့အတွက် လုံခြုံစိတ်ချရတဲ့အခြေအနေမှာ မရှိသေးဘူးလို့ ပြောနေပါတယ်။ အပြည့်အစုံကို ဘန်ကောက်ကနေ စုံစမ်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။
မြန်မာနိုင်ငံမှာ တိုက်ခိုက်နေကြတဲ့အခြေအနေတွေ မရှိတော့တဲ့အတွက် ထိုင်းနိုင်ငံက ဒုက္ခသည်စခန်းတွေမှာ ရှိနေကြတဲ့ ဒုက္ခသည်တွေ ကိုယ့်သဘောနဲ့ကိုယ် အိမ်ပြန်ကြရေး ပြောဆိုဖို့ စပြီးစဉ်းစားသင့်ပြီလို့ ထိုင်းနိုင်ငံ၊ တပ်ခ်ခရိုင် အုပ်ချုပ်ရေးမှူး မစ္စတာ ဆာမာ့တ် လွိုင်ဖာ (Samard Loyfar) က မကြာသေးခင်ကပဲ ပြောလိုက်တာပါ။ ဒ့ါအပြင် စခန်းတွေမှာ နေထိုင်နေသူတွေ အိမ်ပြန်ရေး ဆွဲဆောင် စည်းရုံးဖို့ ဥရောသမဂ္ဂ EU နဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR တို့အနေနဲ့ ဒုက္ခသည်တွေအတွက် သုံးစွဲနေတာတွေကို စတင်လျှော့ချမယ်ဆိုရင် ဒီအဖွဲ့တွေနဲ့ သူ လက်တွဲ လုပ်ဆောင်ချင်ပါတယ်လို့လည်း မစ္စတာ ဆာမာ့တ် ကဆိုပါတယ်။
ထောက်ပံ့တာကို ဖြတ်တောက်ပြီးတော့ ဒုက္ခသည်တွေအပေါ် ဖိအားပေးပြီး ပြန်စေတာမျိုးဟာ ကိုယ့်သဘောနဲ့ကိုယ် ဆုံးဖြတ်ပြီး ပြန်ရတာမျိုး မဟုတ်တဲ့အကြောင်းနဲ့ UNHCR အနေနဲ့ ဒုက္ခသည်တွေ ကိုယ့်သဘောနဲ့ကိုယ် ပြန်တာမျိုးပဲ ဖြစ်စေချင်တဲ့အကြောင်း UNHCR ရဲ့ အာရှ-ပစိဖိတ်ဒေသဆိုင်ရာရုံးက အကြီးတန်း သတင်းပြန်ကြားရေးအရာရှိ မစ္စစ် ကစ်တီ မက်ကင်းဇီး (Kitty McKinsey) က ဗွီအိုအေကို ပြောပါတယ်။
“ထောက်ပံ့တာတွေကို လျှော့ချပြီးတော့ ဒုက္ခသည်တွေကိုဖိအားပေးတဲ့ဗျူဟာမျိုး လုံးဝမရှိဘူးလို့ ကျမပြောနိုင်မယ် ထင်ပါတယ်။ ဒါဟာ လူသားချင်းစာနာမှုဆိုင်ရာ အကူအညီပေးနေတဲ့အဖွဲ့အစည်းတွေ လုပ်ကိုင်တဲ့နည်းလမ်း မဟုတ်ပါဘူး၊ ကျမတို့ သုံးစွဲနေတာကို လျှော့ချပစ်ပြီးတော့ လူတွေကို ဖိအားပေးတာဟာ UNHCR က လုပ်ကိုင်ဆောင်ရွက်တဲ့နည်းလမ်း လုံးဝ မဟုတ်ပါဘူး။”
ဒုက္ခသည်တွေကို ကူညီထောက်ပံ့နေတဲ့ အလှူရှင်နိုင်ငံတွေအားလုံးက ထောက်ပံ့ငွေတွေကို စနစ်တကျနဲ့ အကျိုးရှိရှိ သုံးစေချင်ပါတယ်လို့ မစ္စစ် ကစ်တီ မက်ကင်းဇီးက ပြောပါတယ်။ ဒုက္ခသည်တွေအနေနဲ့ သူတို့ဖာသာသူတို့ရွေးချယ်ချက်နဲ့ မြန်မာနိုင်ငံကို ပြန်တဲ့အခါမှာဖြစ်စေ၊ တတိယနိုင်ငံတခုခုမှာ ရွှေ့ပြောင်းအခြေချနေထိုင်ဖို့ သွားသည်ဖြစ်စေ သူတို့ခြေထောက်ပေါ်မှာ သူတို့ ရပ်တည်နိုင်အောင်၊ သူတို့ရောက်တဲ့နိုင်ငံအတွက် တတ်နိုင်သလောက် မျှဝေ လုပ်ဆောင်နိုင်အောင် လိုအပ်တဲ့ ကျွမ်းကျင်မှုဆိုင်ရာ သင်တန်းတွေ ပေးတာမျိုးလို စီမံကိန်းတွေအပေါ် UNHCR နဲ့ တခြားအလှူရှင်နိုင်ငံတွေက မကြာသေးခင်နှစ်တွေအတွင်း ပို အာရုံစိုက် လုပ်ဆောင်လာခဲ့ကြပါတယ်။
လက်ရှိအချိန်မှာ ဒုက္ခသည်တွေ နေရပ်ရင်းပြန်ဖို့ဆိုတာက သူတို့ရပ်ရွာတွေရှိတဲ့ မြန်မာနိုင်ငံအရှေ့ပိုင်း နယ်စပ်ဒေသတွေမှာ အခြေအနေက အရမ်းကို မတည်မငြိမ်ဖြစ်နေတုန်းပဲလို့ ဒုက္ခသည်တွေကို အကူအညီပေးနေတဲ့ TBBC အဖွဲ့ရဲ့ ဒုတိယညွှန်ကြား ရေးမှူး မစ္စစ် ဆယ်လီ သွန်မ်ပ်ဆင်န် (Sally Thompson) က ပြောပါတယ်။
“စခန်းတွေထဲမှာရှိနေတဲ့ ဒုက္ခသည်တွေအနေနဲ့ အခုအချိန်မှာ အိမ်ပြန်ဖို့ မဖြစ်နိုင်သေးဘူးဆိုတာကို ထိုင်းအာဏာပိုင်တွေဘက်မှာ အစစ်အမှန် နားလည်မှုရှိထားတယ်လို့ ကျမထင်ပါတယ်။ ဒုက္ခသည်တွေရဲ့ အနာဂတ်အတွက် အဖြေမရှိဘဲနဲ့ သူတို့အတွက်ဝန်ဆောင်မှုတွေကို အလွယ်လေး လျှော့ချပစ်တာမျိုးဟာ တာဝန်မဲ့ရာကျပါလိမ့်မယ်။”
TBBC အဖွဲ့ဟာ နိုင်ငံ ၁၀ နိုင်ငံက အစိုးရမဟုတ်တဲ့ နိုင်ငံတကာ အဖွဲ့အစည်း ၁၂ ခု စုပေါင်းထားတဲ့အဖွဲ့ ဖြစ်ပြီး ဒုက္ခသည်တွေကို စားနပ်ရိက္ခာ၊ နေစရာနဲ့ စားနပ်ရိက္ခာမဟုတ်တဲ့ တခြားလိုအပ်ချက်တွေ ထောက်ပံ့ကူညီနေတဲ့အဖွဲ့ ဖြစ်ပါတယ်။
ဘယ်လိုအခြေအနေမျိုးနဲ့ ဒုက္ခသည်ပဲဖြစ်ဖြစ် အိမ်ပြန်နိုင်ဖို့ဆိုတာ တကမ္ဘာလုံးမှာ တပြေးညီ စံနှုန်း သတ်မှတ်ချက်ရှိပါတယ်လို့ UNHCR က မစ္စစ် ကစ်တီ မက်ကင်းဇီးက ပြောပါတယ်။ သူစကားပြောခဲ့ဖူးသမျှ အာဖရိကတိုက်ကပဲဖြစ်ဖြစ်၊ အာရှတိုက်ကပဲ ဖြစ်ဖြစ် ဒုက္ခသည်တွေအားလုံးဟာ အမြဲတမ်း အိမ်ပြန်ချင်နေ ကြသူတွေ ဖြစ်ပါတယ်လို့လည်း သူကဆိုပါတယ်။
“တကမ္ဘာလုံးမှာကျင့်သုံးတဲ့ ကျမတို့ရဲ့စံနှုန်းကတော့ အိမ်ပြန်သူတွေဟာ ကိုယ့်သဘောနဲ့ကိုယ် ပြန်တာမျိုးဖြစ်ဖို့၊ ဘေးကင်းလုံခြုံစွာနဲ့ ဂုဏ်သိက္ခာရှိစွာ ပြန်တာမျိုးဖြစ်ဖို့ဆိုတာပါ။ ဥပမာအားဖြင့် မြေမြှုပ်မိုင်းတွေမရှိရဘူး၊ ကျောင်းတွေရှိရမယ်၊ ရေရနိုင်တဲ့နေရာတွေရှိရမယ် ဆိုတာမျိုးတွေပါ။ အထူးသဖြင့်ကတော့ သူတို့ရဲ့ သာယာဝပြောမှုအခြေအနေကို စောင့်ကြပ် ကြည့်ရှုဖို့၊ သူတို့ရဲ့ လူ့အခွင့်အရေးတွေကို အသိအမှတ်ပြုလေးစားမှု ရှိမရှိဆိုတာ သိနိုင်ဖို့အတွက် UNHCR အဖွဲ့ကို နယ်စပ်ဖြတ်ကျော်ပြီး ၀င်ရောက်ခွင့်ပြုရပါမယ်။ ဒါပေမဲ့ အခုအချိန်မှာ မြန်မာနိုင်ငံထဲက UNHCR ရဲ့ လုပ်ငန်းစီမံကိန်းတွေရှိတဲ့ နေရာတွေဆီတောင် ကျမတို့ သွားခွင့်မရပါဘူး။ ဒါကြောင့် အခုအချိန်ဟာ ဒုက္ခသည်တွေ ကိုယ့်သဘောနဲ့ကိုယ် အိမ်ပြန်ကြဖို့ သင့်တော်တဲ့အချိန် ဖြစ်တယ်လို့ ကျမတို့ကတော့ မယူဆပါဘူး။”
ပြီးခဲ့တဲ့ မတ်လဒုတိယပတ်အတွင်း ဥရောပသမဂ္ဂ EU ရဲ့ လူသားချင်း စာနာထောက်ထားမှုဆိုင်ရာ ကော်မရှင်နာမင်းကြီး မစ္စစ် ခရစ္စတာလီနာ ဂေါ်ဂီအဲဗာ (Kristalina Georgieva) ဟာ မယ်လဒုက္ခသည် စခန်းကို သွားရောက် ကြည့်ရှုခဲ့သလို ထိုင်းနိုင်ငံဆိုင်ရာ အမေရိကန်သံအမတ်ကြီး မစ္စစ် ခရစ္စတီး ကန်းနီ (Kristie Kenney) ဟာလည်း မတ်လကုန်ပိုင်းမှာပဲ အဲဒီ မယ်လစခန်းကို သွားရောက်ခဲ့ပါသေးတယ်။ ဒုက္ခသည်တွေအိမ်ပြန်ရေးကိစ္စဟာ မြန်မာနိုင်ငံတွင်းအခြေအနေတွေ တည်ငြိမ်ပြီး လုံခြုံစိတ်ချရမှုရှိမှ ဖြစ်နိုင်မယ်လို့ သူတို့နှစ်ယောက်စလုံးက ပြောခဲ့ဖူးပါတယ်။
မြန်မာနိုင်ငံကဒုက္ခသည်တွေကို နေရပ်ရင်း အတင်းအကျပ်ပြန်ပို့တာမျိုး လုပ်မှာမဟုတ်ဘူးလို့တော့ ထိုင်းနိုင်ငံခြားရေးဝန်ကြီး ကဆစ် ပီရွန်မ် (Kasit Piromya) က အာမခံပြောခဲ့တယ်လို့ သူနဲ့တွေ့ဆုံ ဆွေးနွေးခဲ့တဲ့ EU ကော်မရှင်နာမင်းကြီးက ပြန်ပြောထားဖူးပါတယ်။
