.jpg)
စောခါစူးညား (ကေအိုင်စီ)
ပြည်သူများကို ငွေကြေးမက်လုံးပေး၍ ကရင်အမျိုးသားအစည်းအရုံး(KNU)က ဗုံးခွဲခိုင်းရန် ခိုင်းစေနေသည်ဟု ယနေ့ထုတ် မြန် မာအစိုးရပိုင် သတင်းစာ၏ စွပ်စွဲဖော်ပြထားချက်အပေါ် မဟုတ်မှန်ကြောင်း KNU က ငြင်းဆိုတုံ့ပြန်လိုက်သည်။
ဇွန်လ ၁၂ရက်နေ့က နေပြည်တော်၊ ဇမ္ဗူသီရမြို့နယ် မြို့မဈေးရှိ အများပြည်သူသုံး သန့်စင်ခန်းအတွင်း ဗုံးပေါက်ကွဲ၍ အပြစ်မဲ့ ပြည်သူ ၃ဦး ထိခိုက်မှုတွင် KNU က ကျပ်သိန်း ၃၀ မက်လုံးပေးကာ ခိုင်းစေခဲ့သည့် အသက် ၃၅နှစ်အရွယ် အောင်ကိုလတ်(ခ) အောင်ကြီးဆိုသူအား ဖမ်းဆီးရမိထားသည်ဟု အစိုးရသတင်းစာ၏ စွပ်စွဲဖော်ပြချက်ကို ကေအဲန်ယူက ငြင်းဆိုလိုက်ခြင်းဖြစ် သည်။
KNU ဒု-ဥက္ကဌ စောဒေးဗစ်သကဘောက “ဒါတွေဟာ သူတို့ မတရား လုပ်ကြံအကွက်ဆင်တာ ဖြစ်တယ်။ လုပ်ကြံဝါဒဖြန့်တာ လည်း ဖြစ်တယ်။ ကျနော်တို့ KNU မှာ အကြမ်းဖက်တဲ့ ပေါ်လစီ မရှိဘူး။ ဒါ ရှင်းရှင်းလေးပဲ။ ဒီလို မတရားစွပ်စွဲမှုတွေဟာ ဟိုး နေ၀င်း(အာဏာရှင်ဟောင်း) လက်ထက်တုန်းကလည်း ဒီအတိုင်းပဲ။ ဒါသူတို့လုပ်နေကျ ဇာတ်ကွက်တစ်ခုပဲ။”ဟု ကေအိုင်စီကို ပြောသည်။
ဆက်လက်၍ သူက “မြန်မာစစ်အစိုးရဟာ မဟာဝါဒကို စွဲကိုင်ထားတာဖြစ်တဲ့အတွက် အာဏာတည်မြဲဖို့ ဒီလို လုပ်ကြံဝါဒဖြန့် တာတွေက လုပ်ရိုးလုပ်စဉ်ဖြစ်နေပြီ။ အခု ကချင်မှာ ဖြစ်တဲ့ကိစ္စဟာလည်း လူတွေကို အာရုံပြောင်းဖို့အတွက် လုပ်တာလည်း ဖြစ်နိုင်တယ်။”ဟု သုံးသပ်ပြောဆိုသည်။
အစိုးရသတင်းစာက သန့်စင်ခန်းအတွင်း ဗုံးလာရောက်ထားရှိသူ အောင်ကိုလတ် (ခ) အောင်ကြီးသည် KNU တပ်မဟာ(၂)မှ ဖောက်ခွဲရေး တာဝန်ခံတစ်ဦးနှင့် သုံးကြိမ်ခန့် တွေ့ဆုံခဲ့ပြီးနောက် အခကြေးငွေ တစ်သိန်းအရင်ယူထားကာ နေပြည်တော်တွင် ဗုံးဖောက်ခွဲရန် စီစဉ်ခဲ့ကြောင်း ဖော်ပြထားသော်လည်း KNU တပ်မဟာ(၂)မှ ဗုံးဖောက်ခွဲရေးတာဝန်ခံ၏ အမည်နှင့် မည်သည့် တပ်ရင်းမှ ဖြစ်သည်ကိုမူ အတိအကျ ဖော်ပြထားခြင်း မရှိပေ။
အစိုးရသည် မြန်မာပြည်အတွင်း ဗုံးပေါက်ကွဲမှုဖြစ်တိုင်း KNU လက်ချက်ဟု စွပ်စွဲပြောဆိုလေ့ရှိပြီး မေလ ၁၈ရက်နေ့က တပ် ကုန်းမြို့နယ်၊ ရွှေမြို့ဘူတာနှင့် ဆင်သေဘူတာအကြား ပြည်သူ ၂ဦးသေဆုံး၍ ၉ဦး ဒဏ်ရာရရှိခဲ့သည့် မီးရထားပေါ်မှ ဗုံးပေါက် ကွဲမှုတွင် KNU က ခိုင်းစေခဲ့သည့် ကျော်ဒီ (ခ) မာရီနိုဆိုသူကို ဖမ်းဆီးမိထားသည်ဟုလည်း အစိုးရသတင်းစာတွင် ဖော်ပြထား သည်။
.jpg)
ငွေပေး၍ ဗုံးခွဲရန် ခိုင်းစေဟု အစိုးရ စွပ်စွဲချက်အပေါ် KNU ငြင်းဆို
အစိုးရတပ်များ အရပ်သားကို လူသားဒိုင်းအဖြစ်သုံး
သူရသတ္တိနဲ့ပြည့်စုံတဲ့ နအဖတပ်၏ လုပ်ရိုးလုပ်စဉ် လေးပါ.....
ဧရာဝတီ သတင်းမှ......
KIA ထိန်းချုပ်နယ်မြေဖြစ်သော ရှမ်းပြည်နယ် နမ်ခမ်းမြို့နယ် အတွင်းရှိ နန့်လင်းပါနှင့် တွန်ဟုန်းရွာသားများကို တိုက်ပွဲဖြစ်ရာဒေသမှ စစ်အစိုးရတပ်များက ထွက်ခွာခွင့်မပြုဘဲ လူသားဒိုင်းအဖြစ် အသုံးပြုနေကြောင်း ဒေသခံများက ပြောသည်။ မံခံရွာမှာ ရွာသားလေးယောက်ကိုလည်း သံသယရှိသည်ဟုဆိုကာ အစိုးရတပ်များက ဖမ်းဆီးနှိပ်စက်ကြောင်းလည်း ရှိရသည်။ စစ်ရေးတင်းမာနေသည့် ဒေသတွင်းမှ ရွာသားများသည် ထွက်ပြေးလိုကြသော်လည်း အစိုးရတပ်များက ခွင့်မပြုကြောင်း၊ ရွာသားအချို့က အာဏာပိုင်များကို လယ်ယာလုပ်ငန်းသွားရန်ဟု အကြောင်းပြကာ လိုင်ဇာသို့ ထွက်ပြေးလာနေကြောင်း လိုင်ဇာမြို့မှ ဒေသခံတဦးက ပြောသည်။
မြန်မာစစ်သား ၆ ဦးကို KIA ဖမ်းဆီး
VOA သတင်းမှ........
ကချင်လွတ်မြောက်ရေးတပ်ဖွဲ့ (KIA) နဲ့ မြန်မာအစိုးရအကြား တိုက်ပွဲတွေဟာ ပိုပြီး ပြင်းထန်လာသလို အထိအခိုက် အကျအဆုံးတွေလည်း ပိုလာပါတယ်။ KIA ဘက်က ပြည်တွင်းစစ်အထိ တိုက်သွားမယ်လို့ စစ်ကြေညာပြီး ၃ ရက်အကြာ ဒီကနေ့အထိ KIA ဘက်က တိုးစစ်ဆင်နိုင်တဲ့ အနေအထားတော့ မရှိသေးပါဘူး။ ထိုးစစ်ဆင်လာတဲ့ မြန်မာစစ်တပ်တွေကို ခံစစ်အနေနဲ့ တိုက်ခိုက်နေရဆဲ ရှိပါတယ်။ ဒါပေမဲ့ စစ်သားတွေ တင်ဆောင်လာတဲ့ မြန်မာစစ်ကား အချို့ကို တိုက်ခိုက် ဖျက်ဆီးနိုင်ခဲ့ပြီး မြန်မာဘက်က စစ်သား ၆ ဦးကို ဖမ်းဆီးထားလိုက်နိုင်တယ်လို့ KIA အရာရှိတွေက ပြောပါတယ်။ KIA နဲ့ မြန်မာအစိုးရ တပ်တွေအကြား တိုက်ပွဲ နောက်ဆုံးအခြေအနေကို ဗွီအိုအေ ထိုင်းအခြေစိုက် သတင်းထောက် နူးပန်က တင်ပြပေးထားပါတယ်။
ကချင်လွတ်လပ်ရေးတပ်ဖွဲ့ (KIA) ဟာ အစိုးရတပ်တွေ လက်နက်ကြီးတွေနဲ့ စစ်အင်အားတွေ သယ်ယူပို့ဆောင်မှုကို ဖြတ်တောက်တဲ့ အနေနဲ့ တံတားတွေ ဖောက်ခွဲခဲ့ရာမှာ တပ်ရင်းမှူးနဲ့ တပ်သားတွေ ၁၀ ယောက်ထက်မနည်း ကျသွားခဲ့ပြီး ၆ ယောက် ဖမ်းဆီးနိုင်ခဲ့တယ်လို့ ဗဟို KIO အရာရှိတွေက အတည်ပြု ပြောပါတယ်။
KIA တပ်မဟာ ၂ ရှိရာ တနိုင်းဘက်မှာ မြန်မာတပ် ခမရ ၂၉၇ က အမြောက်ကားတွေ၊ လက်နက်ကြီးတွေနဲ့အတူ ချဉ်းကပ်လာချိန်မှာ ပစ်ခတ်ခဲ့ပြီး တံတားနဲ့အတူ ကားကို ဗုံးဖောက်ခွဲ ဖျက်ဆီးခဲ့ရာမှာ ၁၀ ယောက် ကျသွားတာလို့ KIA အရာရှိ တယောက်က ကချင်လို အတည်ပြု ပြောပါတယ်။
“ကားဖောက်ခွဲဖြစ်တာကတော့ ဗန်းမော်လမ်းဘက်မှာ ရှိတယ်၊ တနိုင်းလမ်းဘက်မှာ ရှိတယ်။ သူတို့ဘက်ကနေ ထိုးစစ်ဆင်လာတာမျိုး ဖြစ်လာတာကို ကျနော်တို့ဘက်ကနေ ပစ်တယ်ဆိုတာမျိုးပဲ ရှိပါတယ်။ တနိုင်းလမ်းဘက်က ယုဇနကုမ္ပဏီ လုပ်ထားတဲ့ တံတားမှာ အဲဒီက တပ်ရင်းမှူးတွေ လာကြည့်ပြီး လာတိုက်တာပေါ့။ အဲဒီမှာ ဖောက်ခွဲလိုက်တာ။”
အဓိက KIA ဘက်က မြန်မာတပ်တွေရဲ့ လက်နက်ကြီးတွေ ဖြတ်လို့မရအောင် ရည်ရွယ်ခဲ့ခြင်းဖြစ်ပြီး အခုချိန်ထိ တံတား ၁၀ စင်းအထက် ဖျက်ဆီးခဲ့ပြီလို့လည်း အရာရှိတွေက ပြောပါတယ်။
မြန်မာတပ်တွေနဲ့ တိုက်ပွဲဖြစ်ပွားချိန်တွင်း ကား ၂ စီးကို ဖောက်ခွဲခဲ့တာဖြစ်ပြီး ရှမ်းပြည်မြောက်ပိုင်း မူဆယ်၊ မန္တလေး ကားလမ်း အရှေ့ဘက် မူဆယ် နမ့်ဖတ်ကာကြား တပ်မဟာ ၄ လက်အောက်ခံ တပ်ရင်း ၈ နယ်မြေ နမ့်မတူရွာက မြန်မာတပ် ခြေမြန်တပ်ရင်း ၃၄၂ စခန်းမှူး အပါအ၀င် တပ်သားတွေကို ဖမ်းဆီးခဲ့ခြင်း ဖြစ်တယ်လို့ ဆက်ပြောပါတယ်။
“ကျနော်တို့ ပို့စ် တပ်ရင်း ၈ ကပါ။ အဲဒီကနေ မြန်မာစစ်တပ်တွေရှိတဲ့ ရွာမှာ ၀င်ပြီး သေနတ်တော့ ပါပေမဲ့ မဖောက်ခွဲဘူး။ တပ်ရင်းမှူး အပါအ၀င် တပ်သားတွေ ၆ ယောက်ကို ဖမ်းလိုက်တယ်။ အကြိတ်အနယ် ပစ်ခတ်ကြတာတော့ မရှိသေးဘူး။ ဟိုမှာနည်းနည်း၊ ဒီမှာနည်းနည်း ပြောက်ကျား ပစ်ခတ်တာမျိုးတော့ ရှိတယ်။ ကျနော်တို့ဘက်ကလည်း ပရမ်းပတာ မလုပ်သေးပါဘူး။”
ဒီကနေ့ မနက်ပိုင်းမှာလည်း KIO ဌာနချုပ် လိုင်ဇာသွားလမ်း KIO မလိချောင်းရေ ရေအားလျှပ်စစ် ထုတ်လုပ်တဲ့ နေရာမှာ မြန်မာတပ်တွေနဲ့ တိုက်ပွဲငယ် ၂ နာရီခန့် ဖြစ်ပွားခဲ့တယ်လို့ သိရပါတယ်။ နှစ်ဘက် အကျအဆုံး မရှိပေမဲ့ အခုချိန် ဒဘတ်ရွာတွင်း မြန်မာစစ်တပ်တွေက တပ်ချနေတဲ့အတွက် ဒေသခံတွေက ကြောက်လန့်နေကြပါတယ်။
ခုချိန်မှာလည်း KIO ခေါင်းဆောင်တွေနဲ့ ကချင်အမျိုးသားများ အတိုင်ပင်ခံ အဖွဲ့တို့ဟာ ရှေ့ခရီးအတွက် ဌာနချုပ် လိုင်ဇာမှာ အစည်းအဝေး ပြုလုပ်နေပြီး တဘက်မှာလည်း မြန်မာစစ်တပ်နဲ့ KIA တပ်ရင်း ၅ ဆင်ဘိုမှာ တိုက်ပွဲတွေ ဆက်တိုက် ဖြစ်ပွားနေတယ်လို့ အရာရှိတွေက ပြောပါတယ်။
တိုက်ပွဲဖြစ်ပွားခဲ့တဲ့အတွက် တရုတ်ပြည်ကို ထွက်ပြေးတိမ်းရှောင်နေတဲ့ ဗန်းမော် ဒေသခံတွေဟာ မြန်မာတပ်တွေက ညမထွက်ရအမိန့် ထုတ်ထားတဲ့အတွက် လူငယ်တွေကလည်း ကြောက်လန့်နေတယ်လို့ ဒေသခံတွေက ပြောပါတယ်။
KIA တပ်မဟာ ၁ နယ်မြေနဲ့ နီးစပ်တဲ့ ရပ်ရွာတွေမှာ အာဏာပိုင်တွေက တံတားတွေကို လုံခြုံရေးယူ စောင့်ကြည့်ခိုင်းထားတယ်လို့ တန်ဖရဲ ဒေသခံ အမျိုးသမီးက ကချင်လို ပြောပါတယ်။
“ရွာက တံတားတွေမှာတော့ ကိုယ့်ရပ်ရွာက တံတားမှာ ကိုယ်စောင့်ရမယ်လို့ ပြောတယ်။ အခု ရွာအောက်ပိုင်းက တံတားမှာကျတော့ မီးသတ်အဖွဲ့တွေက စောင့်နေတယ်။ ရွာထိပ်ဘက်မှာကျတော့ ရွာသားတွေ ၇ အိမ် တလှည့်စီ စောင့်ကြည့်ခိုင်းနေတယ်။ တံတားတွေက ရွာတ၀ိုက်မှာ အကြီးအသေး ရှိတယ်လေ။”
နောက် မြစ်ကြီးနား မြို့တွင်းမှာလည်း မြန်မာတပ်တွေ လုံခြုံရေး အပြည့်ယူထားပြီး မီးသတ်၊ ရဲတွေက စစ်ရေးလေ့ကျင့်မှုတွေ လုပ်နေတယ်လို့ ဒေသခံတွေက ပြောပါတယ်။
KIA က ခံစစ်ကို ဦးတည် တိုက်ခိုက်နေပြီး မြန်မာတပ်တွေက လက်နက်ကြီးတွေနဲ့ စစ်ရေးပြင်ဆင်မှုတွေ လုပ်နေဆဲ ဖြစ်တဲ့အတွက် မြန်မာနဲ့ KIA ကြား စစ်ပွဲဟာ ချက်ချင်း တည်ငြိမ်သွားဖို့ အခြေအနေ မရှိဘူးလို့လည်း ကချင် နိုင်ငံရေးသမားတွေက သုံးသပ်နေကြပါတယ်။
အခုချိန် တိုက်ပွဲကြောင့် စစ်ပြေးဒုက္ခသည်တွေ တရုတ်နိုင်ငံဘက်ကို အဆက်မပြတ် ထွက်ပြေး တိမ်းရှောင်နေကြပြီး လူဦးရေ ၁၀,၀၀၀ ကျော် ရှိနေပြီလို့လည်း KIA အရာရှိတွေက ပြောပါတယ်။
ဘုရားသုံးဆူဒေသခံများ ထောက်ခံစာ ရေးပြီးမှ အလုပ်သွားခွင့်ရ
စေါသိန်းမြင့်(ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့ရှိ ရွာသူရွာသားများသည် ယနေ့မှစ၍ အလုပ်ခွင်သို့သွားပါက သက်ဆိုင်ရာအာဏာပိုင်များထံတွင် ထောက်ခံစာရေးပြီးမှ အလုပ်သွားရသည်ဟု မြို့ခံများက ပြောသည်။
ပြီးခဲ့သည့်ရက်ပိုင်းက ဘုရားသုံးဆူမြို့တွင်းနှင့် မြို့ပြင်များတွင်ပစ်ခတ်မှုများ မကြာခဏ ဖြစ်ပွားသောကြောင့် ယခုလို ရွာသူု ရွာသားများထောက်ခံစာရေးကာ သွားလာနေရခြင်းဖြစ်သည်ဟု ဘုရားသုံးဆူမြို့တွင်နေထိုင်သည့် ရာဘာခြံပိုင်ရှင်တစ်ဦးက ပြောသည်။
၎င်းက “ဒီနေ့ကစပြီးတော့ ဘယ်သူမဆို ကိုယ့်ခြံ၊ ကိုယ့်အလုပ်ခွင်သွားလို့ရှိရင် ထောက်ခံစာလက်မှတ် အရင်ရေးရတယ်။ ဗမာစစ်တပ်ဖက်လည်း ရေးရတယ်။
ကရင်စစ်သားဖက်လည်း ရေးရတယ်။ အခု အပြင်ထွက်လို့ သိပ်မရဲကြဘူး။”ဟု ပြောသည်။
ထို့အပြင် လက်ရှိအချိန်၌ ဘုရားသုံးဆူမြို့တွင် ပြည်သူများ၏၀င်ထွက်သွားလာမှုကို စစ်တပ်မှ စစ်ဆေးမှုများ ပိုမို လုပ်ဆောင်လျှက်ရှိသည်ဟု မြို့ခံများက ပြောသည်။
ထိုင်းနှင့် မြန်မာနှစ်နိုင်ငံနယ်စပ်ရှိ ဘုရားသုံးဆူမြို့တွင်ယခုနှစ်အတွင်း ဗုံးပေါက်ကွဲမှုများနှင့် လက်နက်ကိုင်တပ်ဖွဲ့များ ပစ်ခတ်မှုများ မကြာခဏ ဖြစ်ပွားလျှက်ရှိသည်။
ဘုရားသုံးဆူဒေသတွင်အစိုးရစစ်တပ်စစ်ကွပ်ကဲရေးဌာနချုပ်စကခ(၁၉)လက်အောက်ခံခမရ(၅၆၃)တပ်ရင်းနှင့်တိုင်းတပ်ခလရ(၂၈၄)တို့လှုပ်ရှားသလိုကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ)နှင့် တိုးတက်သောဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ)တို့လှုပ်ရှားလျှက်ရှိသည်။
ကော့ကရိတ်နဲ့ လှိုင်းဘွဲမြို့နယ်တွေထဲက တိုက်ပွဲ ၂ ပွဲ
နေ့ သစ် မှ...........
ကရင်ပြည်နယ် ကော့ကရိတ်မြို့ ရန်ကုတ်ကျေးရွာအနီးမှာ ဒီကေဘီအေ စစ်ဗျူဟာ (၂) ဗိုလ်မှူး ကြီး ကျော်သက် ဦးစီးတဲ့ တပ်ဖွဲ့တွေက ကြံ့ဖွတ်အစိုးရ တပ်တို့ ဒီကနေ့ ဇွန်လ ၁၅ ရက် ညနေ ၃ နာရီခွဲမှ ၅ နာရီထိ ဝင်ရောက် တိုက်ခိုက်ခဲ့တယ်လို့ သိရှိရပါတယ်။ ဒီကေဘီအေ ဘက်က ထိခိုက်မှု မရှိဆိုတာ သိရှိရပြီး ကြံ့ဖွတ် အစိုးရ စစ်တပ်ဘက်မှ ထိခိုက်မှုအခြေအနေကို မသိရှိရသေးပါ။
အလားတူး ကရင်ပြည်နယ် လှိုင်းဘွဲမြို့နယ်ထဲက ပိန်းနွယ်ကုန်းရွာအနီးမှာ ဒီကနေ့ ဇွန်လ ၁၅ ရက်နေ့မှာပဲ မနက် ၈ နာရီမှ ၉ နာရီခန့်အထိ ဒီကေဘီအေ ကေအန်ယူ ပူးပေါင်းတပ်ဖွဲ့တွေနဲ့ နဖူး စခန်းထိုင်တပ် ကြံ့ဖွတ် အစိုးရ စစ်တပ် အင်အားတချို့နဲ့ တိုက်ပွဲတပွဲ ဖြစ်ပွားခဲ့ပါသေးတယ်။ ဒီပွဲမှာ ကြံ့ဖွတ်စစ်တပ်ဘက်မှ ၄ ယောက်သေဆုံးခဲ့တယ်လို့ ဒီကေဘီအေ သတင်းရပ်ကွက် ပြောပြချက်အရ သိရှိရပါတယ်။
ဘုရားသုံးဆူမြို့တွင် နေ့ခင်းဘက် ၀င်ရောက်ပစ်ခတ်မှုကြောင့် အိမ်မီး လောင်ကျွမ်း
ကေအိုင်စီ သတင်းမှ.....
ကရင်ပြည်နယ်၊ ကြာအင်းဆိပ်ကြီးမြို့နယ် ဘုရားသုံးဆူမြို့အတွင်း၌ အမည်မသိ လက်နက်ကိုင်အဖွဲ့က ယနေ့ နေ့လည် ၁၂နာရီခွဲ အချိန်တွင် ၀င်ရောက်ပစ်ခတ်ခဲ့ရာ လူနေအိမ်တစ်လုံး မီးလောင်ကျွမ်းသွားကြောင်း ဘုရားသုံးဆူမြို့ခံများက ပြောသည်။
အင်အား အတိအကျ မသိရှိရသည့် ၎င်းလက်နက်ကိုင်အဖွဲ့မှာ ကားဖြင့် ၀င်ရောက်လာခြင်းဖြစ်ပြီး စီးပွားရေးလုပ်ငန်းရှင် ဦးအောင် တင်ဝင်း၏ နေအိမ်ကို ပစ်ခတ်မီးရှို့ခဲ့သည်ဟု ကိုယ်တိုင်တွေ့မြင်ရသူ မြို့ခံတစ်ဦးက ပြောသည်။
“လာပစ်တဲ့သူတွေက မျက်နှာဖုံးစွပ်ပြီး ကားနဲ့လာတာ။ မိနစ် ၂၀လောက် ပစ်ခတ်မှုဖြစ်တယ်။ ဦးအောင်တင်ဝင်းရဲ့ အိမ်တစ်ခုလုံး မီးလောင်လို့ မီးခိုးတွေ လက်ကုန် အူထွက်နေတာ ထိုင်းဘက်ကနေတောင် မီးလာဝိုင်းငြိမ်းပေးရတယ်။ မြို့ထဲက လူတွေကတော့ ၀ရုန်းသုံးကား ဖြစ်ကုန်တာပဲ။”ဟု ကေအိုင်စီကို ပြောသည်။
အမည်မဖော်လိုသူ ဘာသာရေးခေါင်းဆောင်တစ်ဦးကလည်း “မြို့ခံတွေကတော့ ပြေးလွှားလိုက်ကြတာ။ တချို့လူတွေက ကျောင်း မှာရှိတဲ့ သူတို့ကလေးတွေကို အပြေးအလွှား သွားကြိုနေကြသလို တချို့က ဆိုင်ကယ်၊ ကား ရမ်းမောင်းတဲ့လူတွေလည်း ရှိတယ်။ တော်ကြာ ပစ်တာမထိဘဲ ကား၊ ဆိုင်ကယ် အချင်းချင်း တိုက်မိပြီး ထိခိုက်မှုဖြစ်မှာတောင် စိုးရိမ်ရတယ်။”ဟု ဆိုသည်။
မီးလောင်ခံရသည့် နေအိမ်၏ပိုင်ရှင်မှာ ဆီ၊ ဓာတ်ဆီတို့၊ လမ်းဖောက်နဲ့ အဆောက်အဦး ကန်ထရိုက်၊ သတ္တု၊ သစ် အရောင်းအ ၀ယ် လုပ်ကိုင်သူတစ်ဦးဖြစ်ပြီး အစိုးရစစ်တပ်နှင့် စီးပွားရေး ပေါင်းဖက်လုပ်ဆောင်သူဖြစ်သည်ဟု သိရသည်။
ထိုပစ်ခတ်မှုအပေါ် အစိုးရ စစ်တပ်ဘက်က ပြန်လည်ပစ်ခတ်သည်ကို မတွေ့ရသေးကြောင်း ဘုရားသုံးဆူမြို့ခံများက ပြောသည်။
အဆိုပါ ပစ်ခတ်မှုကြောင့် ဆိုင်ကယ်တစ်စီးနှင့် ကားတစ်စီး ပျက်စီးသွားသလို မြို့ခံမွတ်ဆလမ်လူမျိုးတစ်ဦးလည်း ဒဏ်ရာရရှိခဲ့ သည်ဟု မွန်သတင်းထောက်တစ်ဦးက ပြောသည်။
ဘုရားသုံးဆူမြို့ခံ ကုန်သည်တစ်ဦးက “ဒီလိုမျိုးလာပစ်တာတော့ မကောင်းဘူးပေါ့။ ကျနော်တို့ပြည်သူတွေဟာ ဘာလက်နက်မှ မရှိတော့ ဘယ်သူလာပစ်ပစ် ခံရမှာပဲ။ သူတို့ရန်သူက စစ်တပ်ဆို စစ်တပ်နေရာကို သွားပစ်ပေါ့။ အခုဖြစ်နေတာက စစ်တပ်နဲ့အဝေး ကြီးပဲ။ ဒါမျိုးလုပ်တာက တမင်သက်သက် လူထုကို ထိခိုက်စေလိုတာလား။ ခြောက်လှန့်တာလား။ ဘာရည်ရွယ်ချက်လဲ မသိပေမဲ့ ပစ်ခတ်တဲ့ပုံစံက နိုင်ငံရေးမဆန်ဘူးလေ။”ဟု ပြောသည်။
ဝင်ရောက်ပစ်ခတ်သူများကို ကရင်လက်နက်ကိုင်တပ်ဖွဲ့ဟု မြို့ခံများက ပြောဆိုနေကြသည့်အပေါ် ကေအဲန်ယူထံ ဆက်သွယ်မေး မြန်းရာ ကေအဲန်ယူ တွဲဖက်အတွင်းရေးမှူး(၁) ဗိုလ်မှူးစောလှငွေက “လူထုတွေက သူတို့သိတဲ့ကြားတဲ့အတိုင်းတော့ ပြောမှာပါပဲ။ ဒါပေမဲ့ ကျနော်တို့ဘက်ကလည်း အဲဒီဒေသဆိုင်ရာ တပ်တွေရဲ့ ပုံမှန် သို့မဟုတ် တိုက်ရိုက် သို့မဟုတ် အရေးပေါ် ဆက်သွယ်မှု မရှိသေးဘဲနဲ့တော့ ကရင်တပ်ကပါလို့ ပြောရမှာတော့ ခက်ပါတယ်။”ဟု ပြောသည်။
ပြီးခဲ့သည့် ဇွန်လ ၅ရက်နေ့တွင်လည်း ဘုရားသုံးဆူမြို့ စရဖရုံးနှင့် မြို့လည်ဓမ္မာရုံကို အမည်မသိ လက်နက်ကိုင်တစ်ဖွဲ့တစ်ခုမှ လက်နက်ငယ်များ၊ ဗုံးများနှင့် ၀င်ရောက်ပစ်ဖေါက်ခဲ့ရာ ကလေးငယ်တစ်ဦး သေဆုံးပြီး ၃ဦး ထိခိုက်ဒဏ်ရရှိခဲ့သည်။
ဘုရားသုံးဆူကို အမည်မသိ လက်နက်ကိုင်အဖွဲ့ဝင်တိုက်
ဧရာဝတီ သတင်းမှ........
ကရင်ပြည်နယ် ဘုရားသုံးဆူမြို့တွင် အိမ်နှင့်တွဲ၍ ဖွင့်ထားသော ကုန်စုံဆိုင် တဆိုင်ကို အမည်မသိ လက်နက်ကိုင် တစုက ယနေ့ ၀င်ရောက်ပစ်ခတ်၍ မီးရှို့ဖျက်ဆီး လိုက်ကြောင်း ဒေသခံများက ပြောသည်။
ယင်း လက်နက်ကိုင်များက ဆိုင်ပိုင်ရှင် ဦးတင်ဝင်း၏ နေအိမ်ကို ကားနှင့် ရောက်ရှိလာပြီး လက်နက်ကြီးဖြင့် ပစ်ခတ်ခဲ့သောကြောင့် မီးလောင်ပျက်စီးသွားကြောင်း သိရသည်။
ဆိုင်အနီးအနားရှိ အိမ်၂ လုံး အနည်းအငယ် ပျက်စီးသွားကြောင်း၊ ဆိုင်ပိုင်ရှင် ဦးတင်ဝင်းသည် မြန်မာ အစိုးရ အာဏာပိုင်များနှင့် နီးစပ်သူဟု ယူဆရကြောင်း ဒေသခံများက ပြောသည်။
ထိုလက်နက်ကိုင်များကို ဒေသ အခြေစိုက် ခြေလျင်တပ်ရင်း အမှတ်၂၄၈ မှ တပ်ဖွဲ့ဝင်များက ပြန်လည် ခုခံတိုက်ခိုက်ခဲ့ သော ကြောင့် ထွက်ပြေး တိမ်းရှောင်သွားကြောင်း သိရသည်။
ယင်း တိုက်ခိုက်မှုနှင့် ပတ်သက်ပြီး မည်သည့် အဖွဲ့အစည်းကမျှ ၎င်းတို့၏ လက်ချက်ဖြစ်ကြောင်း ကြေညာခြင်း မရှိသေးပေ။
ယခု ပစ်ခတ်မှုသည် လတ်တလောတွင် ကရင်အမျိုးသား အစည်းအရုံး(KNU)နှင့် တိုးတက်သော ဗုဒ္ဓဘာသာ ကရင်အမျိုး သား တပ်မတော်(DKBA) ပူးပေါင်းတပ်များက မဲ့ကသာကျေး ရွာတွင် တပ်စွဲထားသော အစိုးရစစ်တပ်များကို တနင်္လာနေ့က နောက်ဆုံးထားပြီး တပ်ဆုတ်ပေးရန် တောင်းဆိုချိန်နှင့်လည်း တိုက်ဆိုင်နေသည်။
ထိုဒေသတွင် KNU၊ အပစ်ရပ်အဖွဲ့များ ဖြစ်သော ဟောင်သရော အထူးဒေသ အဖွဲ့၊ ဗိုလ်မှူးချုပ် ထိန်မောင်၏ ကရင်ငြိမ်းချမ်းရေး ကောင်စီ KNU/ KNLA အဖွဲ့၊ မွန်ပြည်သစ်ပါတီ၏ တပ်ဖွဲ့တို့ လှုပ်ရှားနေကြသည်။
ဇွန်လ ၅ ရက်နေ့ကလည်း ဘုရားသုံးဆူ မြို့နယ်ရှိ စစ်ဖက်ဆိုင်ရာ လုံခြုံရေးတပ်ဖွဲ့ (စရဖ) ရုံးကို မျက်နှာဖုံးစွပ် လက်နက်ကိုင် တစုက သွားရောက် တိုက်ခိုက်မှုကြောင့် စရဖ တပ်ဖွဲ့ဝင် တဦး နှင့် ကလေးငယ် တဦး သေဆုံးပြီး ၄ ဦး ဒဏ်ရာရသွားသည်။
မတည်မငြိမ် ဖြစ်နေသည့် ဘုရားသုံးဆူတွင် တိုက်ပွဲများ ထပ်မံ ဖြစ်ပွားမည်ကို ဒေသခံများက စိုးရိမ်နေကြသည်။
ပြီးခဲ့သည့် နိုဝင်ဘာလဆန်းပိုင်းမှ စတင်ကာ ဘုရားသုံးဆူမြို့နယ်အတွင်း တိုက်ပွဲများကြောင့် ဒေသခံ အများအပြား ထိုင်းနိုင်ငံ ဘက်သို့ ထွက်ပြေး တိမ်းရှောင်ခဲ့ရသည်။
မြဝတီကားလမ်း လုံခြုံရေး နေရာ (၄) ခု တိုက်ခိုက်ခံရ
နေ့သစ်မှ............
မြဝတီမြို့ကိုလာမယ့် တိုင်းမှူးခရီးစဉ်အတွက် မြဝတီ အဝေးပြေးကားလမ်းပေါ်က ကားလမ်းလုံခြုံရေးယူထားတဲ့ ကြံ့ဖွံ့ အစိုးရ စစ်တပ်တွေကို တနင်ငူး၊ တံတားကြီးရှေ့၊ တံတားညီနောင်၊ သစ်ချောက်ပင် စတဲ့ နေရာလေးနေရာမှာ ဒီကေ ဘီအေ နဲ့ ကေအန်ယူ ပူးပေါင်းတပ်ဖွဲ့တွေက ယမန်နေ့ည ၉ နာရီ မိနစ် ၃၀ လောက်မှာ တပြိုင်တည်း ဝင်ရောက် တိုက်ခိုက်ခဲ့တယ်လို့ သိရှိရပါတယ်။
တိုက်ပွဲဖြစ်ခဲ့တဲ့ ယမန်နေ့ညက အခြေအနေကို ဆက်သွယ်မေးမြန်ခဲ့ရာ ဒီကေဘီအေ ပြောရေးဆိုခွင့်ရှိသူ ဗိုလ်ကော်ဒို စိုး က ယခုလို ပြောကြားလာပါတယ်။
“ကျနော်တို့ဘက်က ညတုန်းက လမ်းလုံခြုံရေးတွေကို နေရာ လေးခုမှာ တပြိုင်တည်းဝင်တိုက်တယ်။ ဒီကေဘီအေက ဗိုလ်မှူးကြီး ကျော်သက် ဦးစီးတဲ့ တပ်ဖွဲ့တွေနဲ့ ကေအန်ယူ တပ်မဟာ (၇) တပ်ရင်း ၁၀၁ တပ်ဖွဲ့တွေ ပူးပေါင်းပီး စစ် ဆင်ခဲ့တာဖြစ်တယ်။ ည ၉ နာရီခွဲလောက်က စတိုက်တာ ည ၁၂ လောက်မှ ပြီးတယ်။ ကျနော်တို့ ဘက်က ထိခိုက်မရှိ ဘူး။ သူတို့ ဘက်က ထိလား မထိလား မသိရသေးဘူး။ အရှေ့တောင်တိုင်း တိုင်းမှူး မြဝတီလာဖို့ရှိတော့ မြဝတီကုန် သည် ကားလမ်းမှာ ကြံ့ဖွံ့အစိုးရ စစ်တပ်တွေ လုံခြုံရေး အပြည့်ချထားတယ်လေ။”
အရှေတောင်တိုင်း တိုင်းမှူး မြဝတီမြို့ကိုလာမယ့် ခရီးစဉ်ရှိနေတဲ့အတွက် ကြံ့ဖွံ့အစိုးရ စစ်တပ် တပ်ရင်း ၁၀ ရင်းနဲ့ လမ်းလုံခြုံရေးယူထားတယ်လို့ မြဝတီဒေသခံ ကုန်သည်တွေ ပြောပြချက်အရ သိရှိရပါတယ်။
ပစ်ခတ်မှုကြောင့် မဲ့ကသာရွာသား အားလုံးနီးပါး ထွက်ပြေးတိမ်းရှောင်နေ
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ် ဘုရားသုံးဆူဒေသရှိ မဲ့ကသာကျေးရွာတွင် ပြီးခဲ့သည့် စနေ့နေ့က အစိုးရစစ်တပ်နှင့် ကရင်တပ်ဖွဲ့များအကြား ပစ်ခတ်မှုများကြောင့် ၎င်းရွာသားအားလုံးနီးပါး နီးစပ်ရာ ကျေးရွာများသို့ ထွက်ပြေးတိမ်းရှောင်နေရသည်။
ပြီးခဲ့သည့် ဇွန်လ ၁၀ရက်နေ့မနက်က ကရင်တပ်ဖွဲ့ဝင်အချို့သည် မဲ့ကသာ ရွာဦးဘုန်းကြီးကျောင်းအနီးရှိ အစိုးရစစ်တပ် စစ်ကွပ် ကဲရေးဌာနချုပ် စကခ(၁၉) လက်အောက်ခံ ခမရ(၅၆၃)တပ်ရင်းအား ၀င်ရောက်ပစ်ခတ်ခဲ့ရာ အစိုးရစစ်တပ်ဘက်ကလည်း လက် နက်ကြီးများဖြင့် တန်ပြန်ပစ်ခတ်ခဲ့သောကြောင့် ရွာသူရွာသားများသည် ထိုနေ့မှစ၍ ယနေ့အချိန်ထိ တိမ်းရှောင်နေဆဲ ဖြစ်သည်ဟု ဒေသခံ ရွာသားတစ်ဦးက ပြောသည်။
၎င်းက “ပစ်ခတ်မှုတွေဖြစ်ပွားတော့ ရွာသူရွာသားတွေ ကိုယ့်အထုပ်ကိုယ်ပိုက်ပြီး တောထဲကို ထွက်ပြေးကြကုန်ပြီ။ ဘုန်းကြီးတွေ အပါအ၀င်ပဲ။ တချို့က ဘုရားသုံးဆူ၊ မောဖာထော၊ မိုင်း စတဲ့နေရာတွေမှာ ထွက်ပြေးတိမ်းရှောင်တဲ့လူရှိသလို တချို့က ထိုင်းနယ် စပ်ဘက်ကို ထွက်ပြေးတာလည်း ရှိတယ်။ အခုရွာမှာ ရွာသူကြီးနဲ့ သင်းအုပ်ဆရာတွေပဲ ကျန်တယ်။”ဟု ပြောသည်။
ယခု ထွက်ပြေးတိမ်းရှောင်နေသည့် မဲ့ကသာ ရွာသူရွာသားများမှာ ခန့်မှန်းခြေအားဖြင့် လူဦးရေ ၂၀၀ကျော်ရှိပြီး လက်ရှိအချိန်တွင် အမိုးအကာ၊ စားစရာ၊ အ၀တ်အထည်နှင့် သောက်ရေများ အရေးတကြီး လိုအပ်နေသော်လည်း မည်သည့်အဖွဲ့အစည်း၏ ကူညီမှု ကိုမျှ မရရှိသေးကြောင်း ဘုရားသုံးဆူဒေသမှ ဘာသာရေးခေါင်းဆောင်တစ်ဦးက ပြောသည်။
“ရွာသားတွေ တော်တော်ဒုက္ခရောက်နေကြတယ်။ လောလောဆယ် စားစရာနဲ့ အမိုးအကာ အရင်လိုတယ်။ မိုးကလည်း တဖွဲဖွဲ ရွာ တယ်ဆိုတော့ အမိုးအကာ အရင်ရရင် နည်းနည်း ခံသာမယ်။ အခုမှ ကူညီနိုင်မယ့်လူတွေကို ကျနော် လိုက်ဆက်သွယ်နေတုန်းပဲ။” ဟု ၎င်းက ပြောသည်။
ရွာသားများ ထွက်ပြေးသည့်ကိစ္စနှင့် ပတ်သက်၍ ပစ်ခတ်မှုတွင် ကိုယ်တိုင်ဦးဆောင်သူ ကရင်အမျိုးသား လွတ်မြောက်ရေးတပ်မ တော်(KNLA) တပ်ရင်း(၁၆)မှ တပ်ခွဲ(၂)ဒုတပ်ခွဲမှူး ဗိုလ်ကြီးစောဘူ့ဂေက “ကျနော်တို့ သွားရောက်ပစ်ခတ်တာတော့ မှန်ပါတယ်။ ရွာသားတွေ ထွက်ပြေးတာကတော့ ဗမာစစ်တပ်က အကြီးအကျယ် ပြန်လည်ပစ်ခတ်မယ်ဆိုပြီးတော့ ရွာသားတွေကို ခြိမ်းခြောက် မောင်းထုတ်လိုက်တာကြောင့် ဖြစ်တယ်။”ဟု ကေအိုင်စီကို ပြန်လည်ဖြေကြားသည်။
အိမ်ခြေ ၉၀ခန့်ရှိသည့် မဲ့ကသာကျေးရွာတွင် ပြီးခဲ့သည့် ဇွန်လ ၆ရက်နေ့ကလည်း အဆိုပါ အစိုးရစစ်တပ်အား ကရင်တပ်ဖွဲ့များ၏ ၀င်ရောက်ပစ်မှုကြောင့် ရွာသူရွာသားတချို့ နီးစပ်ရာ ကျေးရွာများသို့ ထွက်ပြေးတိမ်းရှောင်ခဲ့ရသည်။
ကေအန်ယူ ဒီကေဘီအေ ပူးပေါင်းတပ်တွေနဲ့ ကြံ့ဖွံ့အစိုးရ စစ်တပ် လမ်းဖားရွာအနီးမှာ ရင်ဆိုင်ထား
နေ့သစ် မှ........
ကရင်ပြည်နယ် ကော့ကရိတ်မြို့နယ်အတွင်းက လမ်းဖါးရွာအနီးမှာ ကေအန်ယူ ဒီကေဘီအေ ပူးပေါင်းတပ်တွေနဲ့ ကျိုက်ဒုံဘက်ကို တက်လာတဲ့ တပ်မ ၂၂ လက်အောက်ခံ ခမရ ၂၀၂ တပ်တို့ ဇွန်လ ၁၀ ရက်နေ့ နေ့လည် ၁၁ နာရီခန့်မှာ ရင်ဆိုင်တိုက်ပွဲ ဖြစ်ပွားခဲ့ပါတယ်။ ကြံ့ဖွံ့ အစိုးရ တပ်မှ အရာရှိတဦး အပါအဝင် ၄ ယောက်သေဆုံးပြီး ၂ ယောက် ဒဏ်ရာရတယ်လို့ သိရှိရပါတယ်။
ဒီကေဘီအေ ဗျူဟာ ၂ မှ ဗိုလ်မှူးကြီး စိန်မြင့် ဦးဆောင်တဲ့ တပ်ဖွဲ့တွေနဲ့ ကေအန်ယူ တပ်ရင်း ၁၈ တို့ ပူးပေါင်းတိုက်ခိုက်ကြတာ ဖြစ်ပြီး ယမန်နေ့ နေ့လည် ၁၁ နာရီခန့်မှ ၁၂ နာရီခန့်ထိ ၁ နာရီကြာ ဖြစ်ပွားခဲ့ပါတယ်။ အခြေအနေဟာ ရင်ဆိုင်တိုက်ပွဲတခု ဖြစ်နေပြီး ညနေပိုင်း ၄ နာရီလောက်မှာလည်း ထပ်မံ ဖြစ်ပွားခဲ့ပါသေးတယ်။ ကြံ့ဖွံ့စစ်တပ်ဘက်မှ ၄ ယောက်ကျ၊ ၂ ဦး ဒဏ်ရာရရှိတယ်လို့ သိရှိရပြီး အသေစိတ်ကိုတော့ မသိရှိရသေးပါ။ လမ်းဖါးရွာအနီးမှာ ဒီနေ့ ဇွန်လ ၁၁ ရက်နေ့အထိ ၂ ဖက်တပ်တွေ ရင်ဆိုင်ထားတုန်းပဲလို့ ဒီကေဘီအေ ပြောရေးဆိုခွင့်ရှိသူ ဗိုလ်ကော်ဒိုစိုး က အခုလို့ ဆက်သွယ်ပြောပြလာပါတယ် …
“မနေ့ကတည်းက ဖြစ်နေတာ ခုထိ ရင်ဆိုင်ထားတုန်းပဲ သူတို့ဘက်က လူနာတွေကို ပြန်ပို့ဖို့ စီစဉ်နေတယ်။ အနီးအနားရွာက စက်လှေတွေ၊ ထော်လာဂျီတွေ ချောဆွဲထားတယ်။ ကျနော်တို့ ဘက်က သူတို့ ပြန်ထွက်မယ့် လမ်းပေါက်တွေ အားလုံးကို ပိတ်ထားတယ်။”
ပြီးခဲ့တဲ့ မေလ အတွင်းမှာ နယ်ခြားစောင့်ကို လက်မခံတဲ့ ဒီကေဘီအေတပ်ဖွဲ့တွေနဲ့ ကေအန်ယူတပ်ဖွဲ့တွေ ပူးပေါင်းကာ မြိုင်ကြီးငူဌာနချုပ်ကို သိမ်းပိုက်လိုက်ပြီးနောက် ကရင်ပြည်နယ် ကော့ကရိတ် မြဝတီ ကျိုက်ဒုံ မြို့နယ်တွေအတွင်းမှာ ဒီကေဘီအေ ဘက်က စစ်ရေးလှုပ်ရှားမှု စည်းရုံးရေး လှုပ်ရှားမှုတွေ တိုးမြှင့်လာတာကို တွေ့မြင်နေရပါတယ်။
ကရင်တပ်ဖွဲ့၏ ချုံခိုတိုက်ခိုက်မှုကြောင့် အစိုးရစစ်တပ်မှ ၈ဦး ကျဆုံးကာ ၇ဦးထိခိုက်
စောသိန်းမြင့် (ကေအိုင်စီ)
ကရင်ပြည်နယ် ကော့ကရိတ်မြို့တောင်ဘက် (၁၉)မိုင်ခန့် အကွာအဝေးရှိ လမ်းဖားကျေးရွာတွင် ယမန်နေ့က အစိုးရစစ်တပ်နှင့် ကရင်ပူးပေါင်း တပ်ဖွဲ့ဝင်များအကြားတိုက်ပွဲ ဖြစ်ပွားခဲ့ရာ အစိုးရစစ်တပ်ဘက်က ၈ဦးသေဆုံးပြီး ၇ဦးဒဏ်ရရှိသည်ဟု ကရင်တပ်ဖွဲ့ ဘက်က ပြောသည်။
ယမန်နေ့မနက် ၁၀နာရီခန့်တွင် လမ်းဖားကျေးရွာအတွင်း ၀င်ရောက်လှုပ်ရှားသည့် အစိုးရစစ်တပ် တပ်မ ၂၂လက်အောက်ခံ ခမရ ၂၀၁တပ်ရင်းအား ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း(၁၇)နှင့် တိုးတက်သော ဗုဒ္ဓဘာသာကရင်အမျိုး သားတပ်မတော်(DKBA) ကလိုထူးဘောဗျူဟာ တပ်ဖွဲ့တို့ စောင့်ကြိုတိုက်ခိုက်ခဲ့ခြင်းဖြစ်သည်ဟု KNLA က ပြောသည်။
KNLA (၁၀၁) တပ်ရင်းမှူး ဒုဗိုလ်မှူးကြီး ဗိုလ်မှူးစောဖောဒိုက “မနေ့က ၁၀နာရီအချိန် လမ်းဖားကျေးရွာမှာ ၀င်ရောက်လာတဲ့ ရန် သူ့တပ်ဖွဲ့ကို ကျနော်တို့ ကရင်ပူးပေါင်းတပ်ဖွဲ့က ၂နာရီကြာ စောင့်ကြိုပစ်ခတ်တယ်။ ရန်သူ့ဘက်က ၈ယောက်သေတယ်။ ၇ ယောက် အထိနာတယ်။ ကျနော်တို့ဘက်က ထိမှန်တာမရှိဘူး။”ဟု ပြောသည်။
အဆိုပါ တိုက်ပွဲအခြေအနေကို ကရင်တပ်ဖွဲ့ဘက်က ယင်းသို့ ထုတ်ဖော်ပြောဆိုခဲ့သော်လည်း အစိုးရစစ်တပ်ဘက်မှ ယနေ့အထိ တစုံတရာ သတင်းထုတ်ပြန်ခြင်း မရှိပေ။
ထိုဒေသတွင် ကရင်တပ်ဖွဲ့များနှင့် အစိုးရတပ်များ ယခုလို တိုက်ပွဲများ ဖြစ်ပွားနေသည့်အတွက် ဒေသခံများမှာ စိုးရိမ်ထိတ်လန့်နေ ကြပြီး ဆက်သွယ်ရေးအတွက် ဖုန်းများကိုပင် ပိတ်ထားရကြောင်း လမ်းဖားကျေးရွာနှင့်ကပ်လျှက် ကော့ဆိုင်ရွာမှ ရွာသူ အမျိုးသမီး တစ်ဦးက ကေအိုင်စီကို ယခုလို ပြောသည်။
“တက်လာမယ့် ဗမာစစ်တပ်ကို ကရင်တပ်ဖွဲ့ဘက်က လမ်းဖားရွာမှာ စောင့်နေတာ ၂ရက်ရှိပြီ။ မနေ့က တိုက်ပွဲဖြစ်လာတော့ အခု ဆို တရွာလုံး ကြောက်လှန့်ကြတာပေါ့။ ဒီလို ရှုတ်ရှုတ်ယှက်ယှက်အချိန်မှာ ဖုန်းတွေ အားလုံး ပိတ်လိုက်ရတယ်။”ဟု ပြောသည်။
ပြီးခဲ့သည့် ရက်ပိုင်းက ကြာအင်းဆိပ်ကြီးမြို့နယ်နှင့် ကော့ကရိတ်မြို့နယ်များတွင် စစ်ရေး ပိုမို လှုပ်ရှားလာသည့် ကရင်ပူးပေါင်း တပ်ဖွဲ့ကို ရှင်းလင်းတိုက်ထုတ်သွားရန်အတွက် အစိုးရစစ်တပ်ဘက်က စစ်ရေးပြင်ဆင်များ လုပ်ဆောင်နေချိန်တွင် ယခုလို ပစ် ခတ်ခံရခြင်း ဖြစ်သည်။
မြန်မာစစ်တပ်၏ စစ်ဆင်ရေးကွပ်ကဲမှု ပျက်ပြားစေရန် စစ်ဆင်ရေးများကို ရှေ့ဆက်၍ အရှိန်မြှင့် လုပ်ဆောင်သွားမည်ဖြစ်ကြောင်း ယခုလ ၆ရက်နေ့တွင် ကရင်နှင့် ကျောင်းသားတပ်မတော်တို့က “မာနယ်စိုးစစ်ဆင်ရေး (အောင်မြင်စိုးမိုးမှု)”ဟု အမည်ရသော ပူး ပေါင်းစစ်ဆင်ရေး ကြေညာချက်တစ်စောင် ထုတ်ပြန်ထားသည့်အတွက် ကရင်ပြည်နယ်အတွင်း တိုက်ပွဲများ ရှေ့ဆက်ဖြစ်လာအုံး မည့် အခြေအနေရှိကြောင်း စစ်ရေးအကဲခတ်များက သုံးသပ်သည်။
ဘုရားသုံးဆူတွင် အစိုးရစစ်တပ်များ စစ်ရေးပြင်ဆင်မှုများ လုပ်ဆောင်
စောသိန်းမြင့်(ကေအိုင်စီ)...........
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသတွင် ယခုရက်ပိုင်းအတွင်း အစိုးရစစ်တပ်ဘက် မှ စစ်ရေးပြင်ဆင်မှုများ လုပ်ဆောင်နေသည်ဟု စစ်ဘက်ဆိုင်ရာ သတင်းရပ်ကွက်အရ သိရသည်။
ပြီးခဲ့သည့်ရက်ပိုင်းက ဘုရားသုံးဆူမြို့တွင်းနှင့် မြို့ပြင်ဘက်တွင် အစိုးရစစ်တပ်အား ကရင်ပူးပေါင်းတပ်ဖွဲ့ များက နေ့စဉ်ရက်ဆက် ပစ်ခတ်တိုက်ခိုက်နေသဖြင့် ယခုလို စစ်ရေးပြင်ဆင်မှုများ လုပ်ဆောင်ခြင်းဖြစ်သည် ဟု ကရင်အမျိုးသားအစည်းအရုံး (ကေအဲန်ယူ) တပ်မဟာ(၆)မှ ဗိုလ်ကြီးစောထဲနေက ပြောသည်။
၎င်းက “ဘုရားသုံးဆူမြို့ စရဖရုံးမှာ ၀င်ပစ်တဲ့ကိစ္စရယ်၊ နောက်တခု မဲ့ကသာရွာမှာလည်း ပစ်ခတ်မှုတွေ ဖြစ် ပွားခဲ့တယ်လေ။ အဲဒါကြောင့် စစ်ရေးပြင်ဆင်မှုတွေလုပ်တာ ဖြစ်နိုင်တယ်။ အဲဒါတွေဟာ ဘုရားသုံးဆူ ဒေသ လုံခြုံရေးအတွက်ပါပဲ။”ဟု ကေအိုင်စီကို ပြောသည်။
ယခုအချိန်တွင် ကရင်ပူးပေါင်းတပ်ဖွဲ့များ၏ လှုပ်ရှားမှုများ ပိုမို များပြားလာသောကြောင့် နယ်စပ်တပ်များနှင့် တပ်ရင်းတပ်ဖွဲ့များအနေဖြင့် လူ၊ လက်နက်ခဲယမ်းများကို အသင့်ဖြစ်စေရန်နှင့် စစ်ကူပစ်ကူပေးနိုင်ရေးအ တွက် ကြိုတင်ပြင်ဆင်ထားကြရန် အရှေ့တောင်တိုင်းစစ်ဌာနချုပ်-ရတခက ညွှန်ကြားလိုက်သည်ဟု စစ် ဘက်ဆိုင်ရာ သတင်းရပ်ကွက်က ဆိုသည်။
ဘုရားသုံးဆူမြို့ခံတစ်ဦးက “ဘုရားသုံးဆူမြို့ လုံခြုံရေးအတွက် ဒီနေ့ ခလရ(၁၀၆) တက်လာမယ်လို့ ဘုရား သုံးဆူမြို့မှာရှိတဲ့ စစ်တပ်ကလူတွေ ပြောကြတယ်။ တပ်အင်အား ၃၀၀ကျော် ပါမယ်လို့ ပြောတာပဲ။”ဟု ပြော သည်။
ထို့အပြင် ကရင်ပူးပေါင်းတပ်များဖြစ်ကြသည့် KNU နှင့် DKBA တပ်ဖွဲ့ဝင်များသည် အင်အားစုဖွဲ့ပြီး ဘုရား သုံးဆူမြို့နှင့် ကော့ကရိတ်မြို့ဝန်းကျင်များတွင် လှုပ်ရှားမှုများရှိနေသောကြောင့် ရှေ့တန်း အမြောက်စခန်း များအားလုံး လုံခြုံရေး အထူးဂရုပြုကြရန်နှင့် စစ်ကူတောင်းခံလာပါက အမြန်ထိရောက်သည့် အကူအညီများ ပေးနိုင်ရေး ကြိုတင်ဆောင်ရွက်ထားရန် ရတခက ညွန်ကြားထားသည်ဟု သိရသည်။
ယမန်နေ့ည ၉နာရီကျော်အချိန်ကလည်း ဘုရားသုံးဆူမြို့တွင် အမည်မသိ သေနတ်သမား ၂ဦးကို ဆိုင်ကယ် ဖြင့် ရောက်ရှိလာပြီး ရပ်ကွက်(၄)ရှိ ခလရ(၂၈၄)တပ်ဖွဲ့အား ပစ္စတိုလက်နက်ဖြင့် ပစ်ခတ်ခဲ့ရာ အစိုးရစစ်တပ် ဘက်မှ ၂ဦး ထိမှန်သွားခဲ့သည်ဟု မြို့ခံများက ပြောသည်။
နယ်ခြားစောင့်တပ်က အစိုးရ တပ်သားတဦးကို ပစ်ခတ်
လွတ်လပ်သော မွန်သတင်းအေဂျင်စီ မှ........
လွတ်လပ်သော မွန်သတင်း အေဂျင်စီ - ယမန်နေ့ (ဇွန်လ ၉ ရက်) ညက ထိုင်း-မြန်မာနယ်စပ် ဘုရား သုံးဆူမြို့တွင် နယ်ခြားစောင့်တပ်ဖွဲ့ BGF က ခလရ ၂၈၄ မှ တပ်သားတဦးကို ပစ်ခတ်ခဲ့ကြောင်း ထိုအကြောင်းကို စုံစမ်းထားသည့်ဘုရားသုံးဆူမြို့ ခံတဦးက ပြောသည်။
ရပ်ကွက် (၄) ရှိ ဥဒေါင်းကန်ပတ်လမ်း စားသောက်ဆိုင်တဆိုင်ရှေ့ ည ၈ နာရီခွဲခန့်တွင် အချင်းများကြရာမှ ခလရ ၂၈၄ မှ တပ်သား တင်သောင်း ပစ်ခတ်ခံရခြင်း ဖြစ်သည်။
“ဆိုင်မှာ ဗမာစစ်သားတွေ သောက်စားနေတဲ့အချိန် BGF က ကားနဲ့ ရောက်လာတယ်၊ ဗမာစစ်သားက ကားသိမ်းမယ် ဘာညာလုပ်တော့ စကားများကြပြီး BGF တယောက်က ပစ်ထည့်လိုက်တာပဲ” ဟုစုံစမ်း ထားသူက ပြောသည်။
အပစ်ခံရသည့် တပ်သားကို ဘုရားသုံးဆူမြို့ ဆေးရုံသို့ တင်ပို့ရာမှ ဒဏ်ရာပြင်းထန်သဖြင့် ထိုင်းနိုင်ငံ ကန်ချပူရီ ဆေးရုံသို့ ညတွင်းချင်း ပို့ဆောင်ခဲ့ရသည်ဟု ဘုရားသုံးဆူမှ ရဲအရာရှိတဦးက ပြောသည်။ သို့သော်လည်း BGF လက်ချက် မဟုတ်ကြောင်း သူက ပြောသည်။
အခင်း ဖြစ်ပွားသည့် ဥဒေါင်းကန်ပတ်လမ်းသည် စိတ်ကြွဆေး ရောင်းဝယ် သုံးစွဲသူများ၊ပြည့်တန်ဆာအိမ်များ နှင့် လက်နက်ကိုင်သမားများ စသည်ဖြင့် ရှုပ်ထွေးသည့်နေရာ ဖြစ်သည်။
နယ်ခြားစောင့်တပ် အမှတ် ၁၀၂၃၊ ၁၀၂၁ အဖွဲ့ခွဲများ ဖြစ်သည့် ကရင် ငြိမ်းချမ်းရေး အဖွဲ့ KPF နှင့် ဒီကေဘီအေ တပ်ဖွဲ့ဝင်များက ဘုရားသုံးဆူမြို့တွင် အခြေချလျက် ရှိသည်။
ယနေ့တွင် BGF နှင့် ခလရ ၂၈၄ က ၎င်းပြဿနာကို ညှိနှိုင်း ဖြေရှင်းနေကြဆဲ ဖြစ်ကြောင်း အထက်ပါ စုံစမ်းထားသူက ပြောသည်။
ဇွန်လ ၅ ရက်နေ့တွင်လည်း အမည်မသိ မျက်နှာဖုံးစွပ် လက်နက်ကိုင်များက ဘုရားသုံးဆူမြို့သို့ ဝင်ရောက်ပြီး စရဖရုံးနှင့် ဓမ္မာရုံကို ဖေါက်ခွဲပစ်ခတ်ခဲ့ရာ စရဖ တပ်ကြပ်တဦး အပါအဝင် ၂ ဦး သေဆုံးပြီး ၃ ဦး ဒဏ်ရရှိ ခဲ့သည်။
ဇွန်လ ၇ ရက်နေ့တွင် နယ်စပ်ငြိမ်းချမ်းရေးအတွက် ထိုင်းအာဏာပိုင်များက မြန်မာအစိုးရတပ်နှင့် နယ်ခြား စောင့်တပ်ကို လက်မခံသည့် ဗိုလ်အေဝမ်း၏ ဒီကေဘီအေ တပ်ဖွဲ့ဝင်များကို ကြားဝင် ညှိနှိုင်းပေးသော်လည်း ဘုရားသုံးဆူမြို့ အနောက်မြောက်ဘက် ၆ ကီလိုမီတာရှိ မဲကသာရွာသစ်နှင့် ရွာဟောင်းတွင်စစ်ရေးတင်းမာ လျက် ရှိသည်။
KIA နှင့် တိုက်ပွဲ အစိုးရတပ်မှ ဗိုလ်မှူးအပါအဝင် ၃ ဦးသေ ၆ ဦးဒဏ်ရာရ
သေပြန်ပြီး ဒီစစ်ခွေးတွေကို ကရင်က ဆုံးမ လိုက်...အခုကချင် ကထပ်ပြီးLesson ပေးလိုက်တော့ သနားစရာလေးတွေပါလားနော်.......
သျှမ်းသံတော်ဆင့်သတင်း မှ....
ကချင်ပြည်နယ် မိုးမောက်မြို့နယ် အတွင်း ဂျွန် ၉ ရက်နေ့က ကချင်ပြည်လွတ်လပ်ရေးတပ်မ တော် KIA နှင့် မြန်မာ အစိုးရတပ်တို့ နှစ်ဘက်တိုက်ပွဲ ဖြစ်ပွားရာ အစိုးရတပ်မှ ဗိုလ်မှူးတစ်ဦးအပါ အဝင် စစ်သည် ၃ ဦးကျ ဆုံးကာ ၆ ဦး ဒဏ်ရာရရှိသွား ကြောင်း မပခ လက်အောက်ခံ မြန်မာစစ်တပ် အသိုင်းအဝိုင်းက သျှမ်းသံတော်ဆင့်သို့ အတည်ပြု ပြောကြားသည်။
မြန်မာစစ်တပ် ခမရ ၄၃၇ က မိုးမောက်မြို့နယ် လွယ်ယိန်းတောင် အခြေစိုက် KIA တပ်ရင်း ၁၅ အား ၎င်းနေ့နံနက် ရ နာရီခန့်တွင် ဝင်ရောက်တိုက်ခိုက်ရာမှ နှစ်ဘက်တိုက်ပွဲ စတင်ခဲ့ခြင်းဖြစ် သည်။
မြန်မာစစ်တပ်မှ ခမရ ၃၂၀ ခမရ ၄၃၈ နှင့် ခမရ ၃၄၈ တပ်များလည်းပါဝင် တိုက်ခိုက်ခဲ့ပြီး နေ့လည်ပိုင်းတွင် ခတပ်များ စခန်းမှ ဆုတ်ခွာသွားသဖြင့် သေနတ်သံရပ်စဲသွားကြောင်း စစ်တပ်နှင့်နီးစပ်သူတစ်ဦးက ဆိုသည်။
အဆိုပါတိုက်ပွဲအတွင်း မြန်မာတပ်မှ ၂ ဦးကျဆုံးကာ ရ ဦးဒဏ်ရာရရှိခဲ့ကြောင်း ဒဏ်ရာရသူများ အား ဗန်းမော်ဆေးရုံသို့ သယ်ဆောင်လာရာလမ်းတစ်ဝက်တွင် တစ်ဦးထပ်မံသေဆုံးသဖြင့် ကျဆုံးသူ ၃ ဦး ရှိကြောင်း သိရသည် ။
မြန်မာစစ်တပ်က KIA ၏တပ်သားတစ်ဦး၊ အလောင်းတစ်လောင်းနှင့် သေနတ်တစ်လက်သိမ်းဆည်း ရမိကြောင်း သိရသည် ။
“၄၃၇ နဲ့ အရင်ဖြစ်တာပေါ့ နောက်မှ တခြားတပ်တွေနဲ့ ဆက်ဖြစ်တာ ကျတဲ့အထဲမှာ ၄၃၇က ဗိုလ်မှူး တစ် ယောက် တပ်ကြပ်ကြီး တစ်ယောက် ဒုတပ်ကြပ်တစ်ယောက် အားလုံး ၃ ယောက် သေတယ် ။ မနေ့က ဒဏ်ရာ ရတဲ့လူတွေ ဗန်းမော်ဆေးရုံကို သယ်လာတယ် လမ်းမှာ တစ်ယောက်ထပ်သေသွားတယ် ” ဟု ပြောသည် ။
တိုက်ပွဲမဖြစ်မီ တစ်ရက်အလို ဇွန်လ ၈ ရက်နေ့က ကေအိုင်အေမှ နယ်ကျွံသွားသော မြန်မာစစ် သည် တစ်ဦး အား ဖမ်းဆီးခဲ့ကြောင်း ထို့နောက် ကျည်ဆံများ သိမ်းဆည်းကာ လူနှင့်သေနတ်ကိုပြန်လွတ်ပေး ခဲ့ကြောင်း သိရသည်။
အဆိုပါကိစ္စ ညှိနှိုင်းရန် မြန်မာ စစ်အရာရှိနှစ်ဦး ကေအိုင်အေ စခန်းသို့ ထပ်မံလိုက်သွားရာ၎င်း အရာရှိနှစ်ဦး အား ကေအိုင် အိုက ဖမ်းဆီးထားပြီး ပြန်လည်လွတ်ပေးခြင်း မရှိသဖြင့်တိုက်ပွဲဖြစ် ပွားရကြောင်း သိရသည်။
“ဗိုလ်ကြီးအဆင့်ပေါ့ အရာရှိနှစ်ယောက်ကို ကေအိုင်အေက ဖမ်းထားတာ ဒီနေ့အထိပြန်မလွတ်ဘူးသေလား ရှင်လား မသိ ရဘူး ” ဟု ဆိုသည်။
လွန်ခဲ့သည့်လ ၁၈ ရက်နေ့က အဆိုပါဒေသအတွင်း ကေအိုင်အေနှင့် မြန်မာစစ်တပ်တို့ နှစ်ဘက် အပြန်အလှန် ပစ်ခတ် ခဲ့ရာ နှစ်ဘက်စစ်ရေးတင်းမာမှု ရေချိန်မြှင့်တက်နေခြင်း ဖြစ်သည်။
ယခုအခါ တိုက်ပွဲဖြစ်ပွားရာ နယ်မြေအတွင်းသို့ မြန်မာစစ်တပ်များ အင်အားဖြည့်တင်းနေပြီး KIO ဘက်မှ လည်း အင်အား ထပ်မံဖြည့်တင်းထားကြောင်း KIO သတင်းရပ်ကွက်မှ တဆင့်သိရ သည်။
တော်လှန်ရေးသမား ၃၄ ဦး KNU ဂုဏ်ပြု
နယူးဒေလီ (မဇ္ဈိမ) ။ ။
အိန္ဒိယထောင်များအတွင်း ၁၃ နှစ်ကျော်ကြာ အကျဉ်းကျခံခဲ့သည့် ကရင်နှင့် ရခိုင် တော်လှန်ရေးသမား ၃၄ ဦးအား ကရင်အမျိုးသား အစည်းအရုံး KNU တော်လှန်ရေးသမိုင်း၌ ကြာသပတေးနေ့တွင် မှတ်တမ်းတင်လိုက်သည်။
အိန္ဒိယနိုင်ငံ မြို့တော်နယူးဒေလီတွင် ပြုလုပ်ခဲ့သည့် မျိုးချစ်သူပုန် ၃၄ ဦးအား ဂုဏ်ပြုသည့် အခမ်းအနား၌ KNU က ထိုကဲ့သို့ ပြောဆိုလိုက်ခြင်း ဖြစ်သည်။“မလျှော့သော ဇွဲလုံ့လနဲ့ အနစ်နာခံ၊ အပင်ပန်းခံလာခဲ့တဲ့ အတွက် ကျနော်တို့ KNU အနေနဲ့ တော်လှန်ရေးရဲ့ သမိုင်းကိစ္စမှာအတည် ဖြစ်ပါလိမ့်မယ်။ အသိအမှတ်ပြု မှတ်တမ်းတင်ပါတယ်” ဟု KNU ဗဟိုကော်မတီဝင် ပဒိုစောအားတိုးက ဂုဏ်ပြုပွဲတွင် ပြောဆိုခဲ့သည်။
၃၄ ဦးအနက် ၁၀ ဦးမှာ KNU အဖွဲ့ဝင်များဖြစ်ပြီး၊ ကျန် ၂၄ ဦးမှာ ရခုိုင်အမျိုးသား ညီညွှတ်ရေးပါတီ NUPA မှ ဖြစ်ကြသည်။
မြန်မာ့ဒီမိုကရေစီအင်အားစုများက ဦးစီးကျင်းပသည့် အဆိုပါဂုဏ်ပြုပွဲတွင် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မှ မစ်ရှင်အကြီးအကဲ မစ္စစ် Monserrat Feixas Vihe ကလည်း “UNHCR အနေနဲ့ ဒုက္ခသည်တွေကို ကာကွယ်ဖို့၊ စောင့်ရှောက်ဖို့ ဖြစ်တဲ့အတွက် ဒီ ၃၄ ယောက်ကို လုံလုံခြုံခြုံနဲ့ ပြန်လည် လွတ်မြောက်နိုင်ဖို့ ဆောင်ရွက်ရာမှာ အောင်အောင်မြင်မြင် ပါဝင်ကူညီပေးနိုင်ခွင့် ရတာဟာ ကျမတို့အတွက် အခွင့်ထူးတရပ်ပါပဲ” ဟု ပြောဆိုသွားသည်။
၁၉၉၈ ဖေဖော်ဝါရီ ၁၁ ရက်နေ့ကတည်းက အိန္ဒိယရေတပ်မှ ဖမ်းဆီးခဲ့သည်မှာ မျိုးချစ် ၃၆ ဖြစ်ပြီး ၂ ဦးမှာ ချုပ်နှောင်ထားရာမှ ထွက်ပြေးပြီး ယခုထိ
ပျောက်ဆုံးနေသည်။ ကျန် ၃၄ ဦးအနက် ၃၁ ဦးမှာ ၂ဝ၁၁ မေ ၁၉ ရက်တွင် ကိုလ်ကတ္တား အကျဉ်းထောင်မှ လွတ်မြောက်လာခဲ့ပြီး နယူးဒေလီသုို့ ရောက်ရှိလာခဲ့ကာ ဂုဏ်ပြုပွဲအခမ်းအနားသို့ တက်ရောက်နိုင်ခဲ့ကြသည်။ ၃ ဦးမှာ အခြားအမှုများ ဆက်လက်ရင်ဆိုင်ရန် ကျန်ရစ်နေခဲ့ကာ မကြာမီ ပြန်လွတ်လာမည် ဖြစ်သည်။
အိန္ဒိယပိုင်နက် အန္ဒမန်ကျွန်းစုထဲမှ လန်းဖောကျွန်းတွင်
မြန်မာမျိုးချစ်သူပုန်များအတွက် အခြေစိုက်စခန်း တည်ဆောက်ရန်အတွက် အိန္ဒိယ ထောက်လှမ်းရေး ဒုဗိုလ်မှူးကြီး ဂရေးဝေါ၏ လီဆယ်သွေးဆောင်မှုကြောင့် ထိုကျွန်းပေါ်သို့ ရောက်ရှိလာခဲ့သည်။
ကျွန်းပေါ်ရောက်ပြီး နောက်တရက်တွင် ခေါင်းဆောင် ၆ ဦး သတ်ဖြတ်ခံခဲ့ရကာ ၃၆ ဦးမှာ ၁၃ နှစ်ကျော်ကြာ ဖမ်းဆီး ချုပ်နှောင်ခံခဲ့ရခြင်း ဖြစ်သည်။
CBI ခေါ် အိန္ဒိယ ဗဟိုစုံစမ်းစစ်ဆေးရေးအဖွဲ့က ၁၉၉၈ ဖေဖော်ဝါရီ ၁၈ နေ့စွဲပါ ပထမသတင်းပေး တိုင်တန်းချက် FIR အပေါ် အခြေခံ၍ ၎င်းတို့ကို အိန္ဒိယသို့ တရားမဝင် ခိုးဝင်မှု၊ လက်နက်နှင့် ပေါက်ကွဲစေတတ်သော ပစ္စည်းများ လက်ဝယ်ထားရှိမှုတို့ဖြင့် တရားစွဲခဲ့သည်။ ၎င်းလက်နက်ခဲယမ်းများသည် အိန္ဒိယအရှေ့မြောက်ဒေသရှိ သောင်းကျန်းသူများကို ပေးပို့ရန် ဖြစ်သည်ဟုလည်း စွပ်စွဲခဲ့သည်။
ဒီလုပ်ကြံမှုကြီးရဲ့ တရားခံ အစစ်အမှန်ဟာ ထောက်လှမ်းရေး ဒုဗိုလ်မှူးကြီး ဂရေးဝေါ ဖြစ်တယ်။ ဒီလုပ်ကြံမှုကြီးနဲ့ ပတ်သက်လို့ အိန္ဒိယ ထောက်လှမ်းရေးဌာန တခုလုံးကို အပြစ်တင်ဖို့ မဟုတ်ပါဘူး။ ဂရေးဝေါကသာ တရားခံအစစ်ဖြစ်ပြီး အားလုံးကို လိမ်သွားတာဖြစ်ပါတယ်” ဟု NCGUB ညွန့်ပေါင်းအစိုးရ ပြန်ကြားရေးဝန်ကြီး ဒေါက်တာတင့်ဆွေက ပြောသည်။
လွတ်မြောက်လာခဲ့သည့် ရခိုင်အမျိုးသား ခိုင်စိုးနောင်က “ထောင်ဆိုတာ ဘယ်ထောင်မှ မကောင်းပါဘူး။ အခုလို ကျနော်တို့ လွတ်မြောက်လာအောင် ဝိုင်းဝန်း ဆောင်ရွက်ပေးခဲ့ကြသလို ကမ္ဘာပေါ်မှာ အဆိုးဆုံးထောင်တခုဖြစ်တဲ့ ဗမာပြည်ထောင်ထဲက နိုင်ငံရေး အကျဉ်းသားတွေ လွတ်မြောက်ဖို့အတွက်လည်း ဆောင်ရွက်သွားကြစေလိုပါတယ်” ဟု တိုက်တွန်းသွားသည်။
