KIC မှ..
သဂုတ်လအတွင်း ကရင်ပြည်နယ်တွင် နအဖ၏ နယ်ခြားစောင့်တပ် တပ်ဖွင့်ပွဲ ကျင်းပပြုလုပ်အပြီး ဒီကေဘီအေမှ နယ်ခြား စောင့်တပ် ဖြစ်သွားကြသည့်နောက်ပိုင်း ယနေ့အထိ ၎င်းတပ်ဖွဲ့ဝင် ၁၃ဦးသည် ကေအဲန်ယူ တပ်မဟာ(၇)ထံ လာရောက်ပူး ပေါင်းခဲ့ကြောင်း သိရသည်။
ကေအဲန်ယူ လက်အောက်ရှိ ကေအဲန်အယ်လ်အေ တပ်မဟာ(၇)မှ ရုံးထိုင်မှူး ဗိုလ်မှူးစောအဲဆဲဆဲက “ပြီးခဲ့တဲ့ သြဂုတ်လ ၁၉ ရက်နေ့ကနေ ဒီနေ့အထိဆိုရင် ကျနော်တို့ တပ်မဟာကို လက်နက်ကျည်ဆံတွေနဲ့အတူ လာရောက်ပူးပေါင်းတဲ့ နယ်ခြားစောင့် တပ်ဖွဲ့ဝင်တွေ ၁၃ဦး ရှိနေပါပြီ။ ဒီလူတွေ အားလုံးနီးပါးလောက်က လက်နက်ပစ္စည်းတွေ ပါလာကြတာချည်းပဲ။”ဟု ယမန်နေ့ က ကေအိုင်စီကို ပြောသည်။


ယမန်နေ့ညနေ ၅နာရီခန့်တွင် လက်ရှိ နယ်ခြားစောင့်တပ်မှ ဗိုလ်မှူးစောမောင်ဝင်း ဦးစီးသည့်တပ်ရင်းမှ တပ်ကြပ်ကြီးစော လယ်မူး ၃၄နှစ်၊ စောကျော်မင်းထွန်း ၁၈နှစ်နှင့် စောကျူးနော် ၁၇နှစ်တို့သည် လက်နက် ၇လက်၊ ကျည်ဆံ ၇၀၀ကျော်နှင့်အ တူ ၎င်းတို့ထံ လာရောက်ပူးပေါင်းခဲ့သည်ဟု ကေအဲန်အယ်လ်အေ တပ်မဟာ(၇)မှူး ဗိုလ်မှူးချုပ်စောဂျော်နီက ပြောသည်။
သြဂုတ်လ ၂၀ရက်နေ့တွင် လှိုင်းဘွဲမြို့နယ်၊ မဲပလဲ့ကျေးရွာ၌ ကျင်းပခဲ့သည့် နယ်ခြားစောင့်တပ်ဖွင့်ပွဲကို တက်ရောက်ခဲ့ရသည့် တပ်ကြပ်ကြီးစောလယ်မူးက “ကျနော်က အရင် ဒီကေဘီအေ အထူးတပ်ရင်း ဗိုလ်မောင်ဝင်းတပ်ဖွဲ့ကပါ။ ကျနော်တို့ကို အထက်အရာရှိက နယ်ခြားစောင့်တပ် အခမ်းအနားရှိတယ်။ သွားရမယ်ပြောတော့ ကျနော်တို့လည်း သွားတက်လိုက်တာပါပဲ။ အခု ကျနော်တို့တပ်ရင်းအမှတ်က ဘယ်လောက်လဲ ကျနော်လည်း မသိဘူး။”ဟု ဆိုသည်။၎င်းတို့ယူဆောင်လာသည့် လက်နက်များမှာ Nato စက်လတ် ၁လက်၊ ကျည်အတောင့် ၅၀၀။ RPG-7 ၁လက်၊ ကျည် ၅လုံး။ M-16 ၃လက်၊ ကျည်အတောင့် ၁၉၀။ AK-47 ၂လက်၊ ကျည် ၄၀တောင့်၊ လက်ပစ်ဗုံး ၁လုံးနှင့် လမ်းလျှောက်စကားပြောစက် ၁လုံးတို့ ဖြစ်သည်ဟု သိရသည်။
ကေအဲန်ယူထံ လာရောက်ပူးပေါင်းခဲ့သည့် နယ်ခြားစောင့်တပ်ဖွဲ့ဝင်များအနက် ဒုဗိုလ် ၁ဦး၊ တပ်ကြပ်ကြီး ၂ဦး၊ တပ်ကြပ် ၂ဦး တို့ပါဝင်ပြီး အများစုမှာ နယ်ခြားစောင့်တပ် တပ်ဖွင့်ပွဲအခမ်းအနားကို မတက်ရောက်ခဲ့ကြဘဲ ရှေ့တန်းနေရာများတွင် ရှိနေကြ သူများဖြစ်သလို ထိုအထဲတွင် ကလေးစစ်သားများလည်း ပါဝင်သည်။
ယင်းသို့ နယ်ခြားစောင့်တပ် ပြောင်းလဲမဖွဲ့စည်းမီ သြဂုတ်လ ၄ရက်နေ့နှင့် ၆ရက်နေ့များတွင် ဖားအံမြို့ရှိ နအဖ တပ်မ(၂၂) ဌာနချုပ်ခန်းမတွင် နအဖ အရှေ့တောင်တိုင်း တိုင်းမှူး ဗိုလ်ချုပ်သက်နိုင်ဝင်း၊ G1 နှစ်ဦးဖြစ်သော ဗိုလ်မှူးကြီးကျော်မြင့်၊ ဗိုလ် မှူးကြီးမျိုးမြင့်၊ ဗိုလ်ချုပ်မောင်မောင်အုန်း၊ ဗိုလ်မှူးကြီးဝင်းမြင့်တို့နှင့် ဒီကေဘီအေ ထိပ်ပိုင်းခေါင်းဆောင်များ ဆွေးနွေးရာတွင် နိုင်ငံတော်၌ လက်နက်ကိုင်တပ်ဟူ၍ တပ်မတော်တစ်ခုတည်းသာရှိရမည့်အတွက် ဒီကေဘီအေမှ နယ်ခြားစောင့်သို့ ပြောင်း ခြင်းဖြစ်ကြောင်း ပြောဆိုခဲ့သည်ဟု သိရသည်။
၎င်းအပြင် ရွေးကောက်ပွဲပြီးလျှင် နယ်စပ်တွင် သောင်းကျန်းသူများမထားရှိတော့ဘဲ ကရင်ပြည်နယ်ရှိ သံလွင်မြစ်နှင့် သောင် ရင်းမြစ်ကမ်းတွင် နယ်နိမိတ်ကာကွယ်ရေးအတွက် နယ်ခြားစောင့်တပ်ကိုသာ ထားရှိသွားမည်ဖြစ်ကြောင်းလည်း အဆိုပါအ စည်းအဝေးတွင် စစ်ဗိုလ်ချုပ်များက ဆွေးနွေးချပြခဲ့သည်။
ယခုအချိန်တွင် ကရင်အပစ်ရပ်အဖွဲ့များဖြစ်သည့် ဒီကေဘီအေမှ တပ်ရင်း ၁၂ရင်းနှင့် ဟောင်သရော ငြိမ်းချမ်းရေးအဖွဲ့မှ တပ် ရင်း ၁ရင်းသည် သြဂုတ်လ ၁၈ရက်နေ့မှ ၂၂ရက်နေ့အထိ နယ်ခြားစောင့်တပ်အဖြစ် ပြောင်းလဲဖွဲ့စည်းလိုက်ပြီး သြဂုတ်လကုန် ပိုင်းမှစ၍ လစာနှင့် တပ်ရိက္ခာများ စတင် ထုတ်ယူနေပြီဖြစ်ကြောင်း သိရသည်။နယ်ခြားစောင့်တပ်သားတစ်ဦးက “ကျနော်တို့လခထုတ်ဖို့က လက်ဗွေနှိပ်ရတယ်။ အရာရှိရှေ့မှာ လက်ဗွေမနှိပ်ရင် လခကို ထုတ်မပေးဘူး။ ဒီလကစပြီး လစာထုတ်တာ ကျနော်ဆို ကျပ်ငွေ သုံးသောင်းခြောက်ထောင်ရတယ်။ ဆန်၊ ဆီ၊ ဆား၊ ငြုပ်သီး ရိက္ခာတွေလည်း ရတယ်။ အခြားရိုးရိုးတပ်သားတွေလည်း ဒီအတိုင်းပဲ။”ဟု ဆိုသည်။
Read More...
Summary only...
ဧရာဝတီ မှ
နအဖ စစ်တပ်နှင့် ကရင်အမျိုးသား လွတ်မြောက်ရေး တပ်မတော် (KNLA) တပ်ဖွဲ့ဝင်များ စက်တင်ဘာလ ၈ ရက်နေ့က တိုက်ပွဲ ဖြစ်ပွားခဲ့ရာ နအဖ တပ်ဘက်မှ ၂ ဦး ကျဆုံးပြီး ၆ ဦး ဒဏ်ရာ ရရှိခဲ့ကြောင်း ကရင်အမျိုးသား အစည်းအရုံး (KNU) ထံမှ သိရသည်။
အဆိုပါ တိုက်ပွဲသည် ကရင်ပြည်နယ် မြ၀တီမြို့နယ်အတွင်းရှိ KNLA တပ်မဟာ ၇ ထိန်းချုပ်ရာဒေသအတွင်း နအဖ၏ စစ်ဆင်ရေး ကွပ်ကဲမှု ဌာနချုပ် (စကခ) ၁၉ လက်အောက်ခံ ခြေမြန်တပ်ရင်း (ခမရ) ၅၈၇ မှ တပ်ဖွဲ့ဝင်များနှင့် ဖြစ်ပွားခဲ့ခြင်း ဖြစ်ကြောင်း၊ နအဖ တပ်များက ယင်းဒေသ၌ လှုပ်ရှားနေစဉ် KNLA က ပြောက်ကျားစနစ်ဖြင့် ခြုံခိုတိုက်ခိုက်ခဲ့သောကြောင့် ယခုကဲ့သို့ ကျဆုံးခြင်းဖြစ်ကြောင်း KNU ဘားအံခရိုင် ဥက္ကဋ္ဌ ဖဒို စောအောင်မော်အေးက ဧရာဝတီသို့ ပြောသည်။
တိုက်ပွဲ ဖြစ်ပွားချိန်တွင် နအဖဘက်မှ စစ်သည်အင်အား ၅၀ ခန့်ရှိကြောင်း၊ KNLA ဘက်မှ ထိခိုက်ကျဆုံးမှု မရှိဟု KNUက ဆိုသည်။
စက်တင်ဘာ ၂ ရက်နေ့ကလည်း တနင်္သာရီတိုင်း ထားဝယ်မြို့နယ်အတွင်း၌ နအဖ ခြေမြန်တပ်ရင်း (ခမရ) ၅၈၄ တပ်များနှင့် KNLA တပ်မဟာ ၄ မှ တပ်ဖွဲ့ဝင်များ တိုက်ပွဲ ဖြစ်ပွားရာ နအဖ ဘက်မှ ၂ ဦးကျဆုံးပြီး ၇ ဦး ဒဏ်ရာရှိခဲ့ကြောင်း သိရသည်။
ကရင်ပြည်နယ် ပိုင်ကျုံမြို့နယ်အတွင်း၌ သြဂုတ်လ ၄ ရက်နေ့တွင် နအဖ စစ်တပ်ကို KNLAတပ်ဖွဲ့ဝင်များက ခြုံခို တိုက်ခိုက်ခဲ့ရာ နအဖ တပ်ဘက်မှ ဒု တပ်ရင်းမှူး အပါအ၀င် ၉ ဦး ကျဆုံးပြီး ၁၄ ဦး ဒဏ်ရာ ရရှိခဲ့သေးသည်။
Read More...
Summary only...
မဇ္ဈိမ မှ....
စ်အစိုးရက တပ်မတော်သာလျှင်အမိ တပ်မတော်သာလျှင်အဖလို့ ကြွေးကြော်ထားတဲ့ တပ်မတော်သားတွေပါ။ သူတို့ဘာဖြစ်လို့ ဒီလောက်ရက်စက်ရိုင်းစိုင်းသွားကြ၊ လူစိတ်ကင်းမဲ့သွားကြသလဲ။ ပဲခူး ဇိုင်းကနိုင်းမှာ စက်တင်ဘာ ၄ရက်က ဖြစ်သွားတဲ့ အရပ်သား လူငယ်နှစ်ယောက်ကို စစ်သားတွေ သေနတ်နဲ့ပစ်သတ်မှုအကြောင်း အားလုံးသိကြပြီးပါ။
ရှင်းပါတယ်။စစ်အာဏာရှင်တစုက စစ်သင်တန်းကျောင်းတွေ စစ်တက္ကသိုလ်တွေမှာ ရိုက်သွင်းခဲ့တဲ့ သင်ခန်းစာတွေ အတွေးအခေါ်တွေကြောင့်ပါပဲ။
စစ်အာဏာရှင်တွေ တိုင်းပြည်အာဏာကို လုယူသိမ်းလိုက်ကတည်းက ဒီလိုဖြစ်ရပ်တွေ နေရာအနှံ့ဖြစ်ခဲ့ဖူးပါတယ်အညိုရောင်အမည်းရောင်သတ်မှတ်ထားတဲ့နေရာတွေမှာဆိုရင်တော့ အထူးပြောစရာမလိုပါဘူး။
၁၉၈၉ မှာ စစ်ခုံရုံးက ချမှတ်တဲ့ မတရားပြစ်ဒဏ်နဲ့ အကျဉ်းကျနေချိန် တခါသား ကျနော်တို့ နိုင်ငံရေး အကျဉ်းသားတိုက်တွေကို စစ်တပ်က အသွင်ပြောင်း အကျဉ်းထောင် ဝန်ထမ်းတွေ အစောင့်တာဝန်ကျလာပါတယ်။ သူ့အဆင့်နဲ့သူ တပ်ကြပ်ကြီး၊ တပ်ကြပ်၊ ဒုတပ်ကြပ်တွေ ဖြစ်လာကြတာပေါ့။ ကျနော်တို့ဆီ တာဝန်ကျလာတဲ့အချိန်မှာ ကျနော်တို့က ကိုယ့်ညီတွေလိုပဲ သဘောထား ကောင်းကောင်းမွန်မွန် ဆက်ဆံပြီး ကိုယ့်ရှိတဲ့ အစားအစာလေးတွေ ချကျွေး မိတ်ဖွဲ့ခဲ့ကြပါတယ်။
တချို့ဆို အတော်ကြီး ခင်မင်လာပြီး ပွင့်ပွင့်လင်းလင်းလည်း ပြောဆိုလာကြတယ်။ အဲဒီတုန်းက တပ်ကြပ်တယောက်က သူ ကရင်ပြည်နယ်ရှေ့တန်းတနေရာ ထိုးစစ်တခုမှာတုန်းက ကြုံခဲ့ရတဲ့ ကိုယ်တွေ့ဖြစ်ရပ်တခုကို ပြောပြတယ်။ သူက သံတိုင်တံခါးအပြင်က ကျနော်က သံတိုင်တံခါးအတွင်းကပေါ့လေ။ကျနော်သူပြောတဲ့ဖြစ်ရပ်ကိုနားထောင်ရင်း ကြက်သီးမွေးညှင်းထ အံ့သြ ထိတ်လန့်တုန်လှုပ်သွားခဲ့ရသလို ကျနော်တို့တိုင်းပြည်က စစ်တပ်ဆိုတာကိုလည်း အကြီးအကျယ် ရွံရှာသွားခဲ့ရတယ်။ သူပြောပြတဲ့ဖြစ်ရပ်ကဒီလိုပါ။ ကရင်ပြည်နယ်က ရွာပုံးတခုကို သူတို့တပ်ခွဲက ဝင်ရောက်စီးနင်းခဲ့တုန်းက ရွာက ကြိုတင်သတင်းရထားပုံ ရတယ်တဲ့၊ ရွာထဲရောက်တော့ ဘယ်သူမှ မရှိကြတော့ဘူးလို့ ဆိုပါတယ်။
ဒါပေမယ့် အလောတကြီးထွက်ပြေးသွားကြပုံပေါ်တယ်။ ဆန်ရွေးလက်စဆန်ကောတွေ ချက်လက်စ ထမင်းအိုးတွေ ဒီတိုင်းကျန်နေခဲ့သလို စပါးကျီထဲမှာလည်း စပါးတွေ တွေ့ရတယ်။ အိမ်မွေးတိရိစ္ဆာန် တချို့လည်းရှိနေဆဲလို့ဆိုပါတယ်။သူတို့စစ်ကြောင်းလည်း ရွာထဲကို ပိုက်စိတ်တိုက်ရှာကြတယ်။ တဲတလုံးထဲက ပုခက်တခုထဲမှာ အခါလည်သားအရွယ်လောက် ယောက်ျားလေး တယောက် ကိုမမျှော်လင့်ပဲ တွေ့ခဲ့ကြတယ်။ ကလေးလေးက လာပြီးပွေ့တဲ့စစ်သားတွေကို မျက်လုံးလေးပြူးပြီး ကြည့်နေပေမယ့် မငိုဘူးတဲ့။ရဲဘော်တွေလည်း ကလေးလေး ကိုပွေ့ချီပြီး သူတို့တပ်ခွဲမှူးဆီကို သွားသတင်းပို့ရပါတယ်။ တပ်ခွဲမှူးက ရွာကိုမီးရှို့ရမှာမို့ကလေးကိုခေါ်ခဲ့ဖို့ အမိန့်ပေးပါတယ်။
နောက်တရွာလုံးက အိမ်တွေစပါးကျီတွေကို မီးတိုက်ပြီး သူတို့တပ်ခွဲလည်း ရွာက ထွက်ခဲ့ကြတယ်။ကလေးချစ်တတ်တဲ့ ရဲဘော်တွေက တယောက်တလှည့် ကျောမှာအဝတ်နဲ့ပိုးပြီး ကလေးလေးကို သူတို့တပ်ခွဲနဲ့ခေါ်ခဲ့ကြတယ်။ ကံကောင်းချင်တော့ သူတို့တပ်ခွဲကို ဆက်ပြီး နယ်မြေရှင်းလင်းရေးမလုပ်ခိုင်းတော့ပဲ နောက်ထပ်အရေးကြီးတဲ့တာဝန်တခုပေးဖို့ ရှေ့တန်း တပ်ရင်းတပ်စွဲထားရာကို ပြန်ဝင်ဖို့အမိန့်ရလာတယ်။ရဲဘော်တွေလည်း အားရဝမ်းသာပြန်ကြဖို့ပြင်ဆင်ကြတယ်။ဒီအချိန်မှာတပ်ခွဲမှူးက ကရင်ရွာထဲက အခါလည်သားလောက်ကလေးတယောက်တွေ့လို့ခေါ်လာခဲ့ရတဲ့အကြောင်း ဗျူဟာမှူးဆီကို သတင်းပို့ရတယ်။ဗျူဟာမှူးရဲ့တုန့်ပြန်အမိန့်ကတော့ “ အသက်ရှင်ရက် ဘယ်သူမှ ခေါ်မလာနဲ့အပြတ်ရှင်းခဲ့”တဲ့။အမိန့်ကို တပ်ခွဲမှူးက သူ့တပ်သားတွေကိုပြန်ပြောပြတဲ့အချိန်မှာ တပ်သားတွေ
မျက်စိမျက်နှာပျက်ပြီး ဘာတခွန်းမှ ပြန်မပြောနိုင်ကြတော့ပါဘူး။
အချိန်တန်လို့တပ်ခွဲပြန်ခေါက်တဲ့အခါ ကလေးလေးက ရဲဘော်တယောက်ရဲ့နောက်ကျောမှာပါလာခဲ့တာပါ။ တပ်ခွဲမှူးက ကလေးကို သတ်ပြီးထားခဲ့ဖို့ဘယ်သူတာဝန်ယူမလဲလို့မေးတဲ့အချိန်မှာ ဘယ်သူမှ အဲဒီတာဝန်ကို မယူခဲ့ဘူးလို့ဆိုပါတယ်။တပ်ခွဲမှူးကလည်းဗျူဟာမှူးရဲ့အမိန့်ကို မလိုက်နာလို့မဖြစ်တဲ့အတွက် တယောက်ယောက်က တာဝန်ယူဖို့အမိန့်ပေးပါတယ်။တပ်ခွဲတပ်ကြပ်ကြီးက ဘယ်သူမှ တာဝန်မယူတဲ့အတွက် တာဝန်ယူမယ့်သူကို တခြားသူတွေရတဲ့အာမီရမ် (Army Rum) ကိုပေးမယ်လို့မက်လုံးပေးသတဲ့။ နောက်ဆုံး တပ်ခွဲကလည်း
အတော်ခရီးပေါက်လာတဲ့အချိန်မှာ တပ်ခွဲမှူးက ကလေးကိုအပြတ်ရှင်းခဲ့ဖို့အမိန့်ပေးလာတယ်။
ဒီအချိန်မှာ တပ်ခွဲထဲက ခပ်ပေပေရဲဘော်တယောက်က ပေးမယ်ဆိုတဲ့ ရမ်ကိုပေးဖို့တောင်းတယ်။ တပ်ခွဲတပ်ကြပ်ကြီးက အရက်ပုလင်းကို ပေးလိုက်တော့ အဲဒီရဲဘော်ဟာ ပုလင်းတဝက်လောက် နီးပါးကို တခါတည်း မော့သောက်ပစ်လိုက်တယ်။ နောက်ခဏကြာတော့ ကလေးကိုသူ့ ကိုပေးခဲ့ဖို့ပြောပြီး သူ့ကို ခဏထားခဲ့ဖို့ပြောပါတယ်။ တပ်ခွဲလည်း အဲဒီရဲဘော်နဲ့ ကလေးလေးကိုထားခဲ့ပြီး ခရီးဆက်ထွက်ခဲ့တယ်။ အတော်ကြီးကြာမှ ခုနက တာဝန်ယူခဲ့တဲ့ရဲဘော်ဟာ တပ်ခွဲနောက်ကို အမောတကြီးပြေးလိုက်လာတာတွေ့ရတယ်။တပ်ခွဲတပ်ကြပ်ကြီးက သူ့ကိုပေးတဲ့တာဝန်လုပ်ပြီးပြီလားလို့မေးတဲ့အချိန်မှာ အဲဒီရဲဘော်ဟာ တခြားရဲဘော်တွေကြားမှာဒူးထောက်ချပြီး ချုံးပွဲချ ရှိုက်ကြီးတငင် ငိုချလိုက်ပါတယ်။ဘာစကားမှမပြောနိုင်ဘဲ အကြာကြီးငိုပြီးတော့မှ သူအရက်ပုလင်းကို ကုန်အောင်သောက်ပြီး ကလေးလေးကို သစ်ပင်တပင်နဲ့ကိုင်ရိုက်သတ်ပစ်ခဲ့ကြောင်း အထစ်ထစ်အငေါ့ငေါ့နဲ့ပြန်ပြောပြသတဲ့။
ကျနော်ခုတင်ပြလိုက်တဲ့အဖြစ်အပျက်က စိတ်ကူးယဉ်မဟုတ်ပါဘူး။ အဲဒီတုန်းက အဲဒိတပ်ခွဲမှာ ကိုယ်တိုင်ပါဝင်ခဲ့တဲ့ တပ်ကြပ်တယောက်က စိတ်မကောင်းခြင်းကြီးစွာနဲ့ကျနော့ကိုပြန်ပြောပြခဲ့တဲ့ ဖြစ်ရပ်မှန်ပါ။ရဲဘော်တွေက ဘယ်သူမှ မသတ်ချင်ကြဘူး။ ဒီအမိန့်ကိုပေးရက်ခဲ့သူက ဗျူဟာမှူးတယောက်ပါ။
လူမိုက်သားကတော့ ရမ်းကားသထက်ရမ်းကားနေပါပြီ။ကျနော်တို့ပြည်သူ တဦးချင်းအနေနဲ့ မိမိကိုယ်ကို ကာကွယ်စောင့်ရှောက်ဖို့ မိမိတို့ရဲ့ရင်သွေး သားသမီးတွေကို ကာကွယ်စောင့်ရှောက်ဖို့ တာဝန်ရှိသလို အမှန်တရား နဲ့လူမျိုး ဘာသာ သာသနာကို ကာကွယ်စောင့်ရှောက်ဖို့လည်း တာဝန် ရှိပါတယ်။ နိုင်ငံရေး ပါတီတွေ နိုင်ငံရေးသမားတွေကိုပဲ အားကိုးပြီး တို့ကဘာတတ်နိုင်မှာလဲ ဆိုတဲ့ အညံ့ခံ အရှုံးပေးရေး အတွေးအခေါ်ကို ကိုင်စွဲထားကြမယ်ဆိုရင်တော့ ကျနော်တို့ လူထုတရပ်လုံး မျိုးဆက်နဲ့ချီပြီး စစ်ကျွန် ဖြစ်နေကြရမှာပါ။
အကြောက်တရားတွေ ဖယ်ရှား ထိန်းချုပ်ပြီး မတရားတဲ့စစ်အာဏာရှင်စံနစ်ကို တညီတညွတ်တည်း တွန်းလှန်ကြရအောင်ပါ။ ။
Read More...
Summary only...
ခေတ်ပြိုင် မှ.....
နအဖ တပ်ဖွဲ့ဝင်များပါဝင်သည့် စစ်ကားကြီးများ ဝေါလေဒေသ အခြေစိုက် ကေအန်အယ်လ်အေတပ်ရင်း (၂၀၁) နှင့် ဒီကေဘီအေတပ်မဟာ (၅) ဒေသများသို့ မြ၀တီမှတဆင့် ထွက်ခွာသွားကြောင်း ကေအန်အယ်လ်အေ တပ်ရင်းမှူးတဦးက ပြောကြားသည်။
ကေအင်အယ်လ်အေ တပ်ရင်း (၂၀၁) မှ တပ်ရင်းမှူး ဒု-ဗိုလ်မှူးကြီးဘူးဖောက “ကျနော်တို့ ဒီသတင်းကို ရထားပါတယ်။ မနေ့က အလုံပိတ်စစ်ကား (၆) စီးနဲ့ သူတို့တပ်အင်အားတွေဖြည့်ပြီး ၀င်လာတာရှိတယ်။ စစ်မက်ဖြစ်ပွားမယ့် အနေအထားတွေရဲ့ အရိပ်အရောင်တော့စလာပြီ။ ကျနော်တို့ဘက်ကတော့ စစ်ရေးသတိအမြဲထားပါတယ်။ အင်အားခြင်းကွာပေမယ့် ခံစစ်ရှင် ပြောက်ကျားစနစ်နဲ့ ရင်ဆိုင်သွားမှာဖြစ်တယ်” ဟု ပြောသည်။
ဒီကေဘီအေတပ်မဟာ (၅) မှ တပ်မှူးတဦးကလည်း နယ်ခြားစောင့်တပ်အဖြစ် အသွင်ပြောင်းထားသည့် ဒီကေဘီအေ တပ်ဖွဲ့ဝင်ဟောင်းများကို အသေခံရှေ့ပြေးထား၍ စစ်ဆင်ရေး စတင်မည်ဟု ခိုင်လုံသည့်သတင်းများ ရရှိထားကြောင်း ပြောကြားသည်။
၎င်းက “နအဖကိုမကြိုက်လို့ ကျနော်တို့ အသွင်မပြောင်းဘဲ ဆန့်ကျင်တာပါ။ သူတို့လာတိုက်ရင် ပြန်တိုက်ရမှာပဲ။ နယ်ခြားစောင့်တပ်ရယ်၊ နအဖတပ်ရယ် ဘာမှ ခွဲနေဖို့မလိုဘူး။ ကိုယ်ဘာလည်းဆိုတာ မသိတဲ့လူတွေကိုလည်း ဘာမှသက်ညာနေစရာ မလိုဘူး” ဟု ပြောသည်။
စစ်ယာဉ်တန်းများကို တွေ့ရှိသော မြ၀တီမှ အစိုးရ၀န်ထမ်းတဦးက “တက်သွားတာကတော့ သေချာတယ်။ စစ်ဆင်ရေးကာလလည်း မဟုတ်ဘူး၊ ထူးတော့ အတော့်ကို ထူးတယ်။ မြ၀တီကလူကြီးတွေ ယူဆတာကတော့ ရွေးကောက်ပွဲမတိုင်မီ ဒီဝေါ်လေခွင်ကို အပြီးသိမ်းချင်တာဖြစ်မယ်လို့ ပြောနေကြတယ်။ အဲဒီနေရာတွေမှာ တိုက်ပွဲတွေကလည်း ခဏခဏဖြစ်နေတယ်” ဟု ပြောသည်။
ယင်းဒေသတွင် အခြေစိုက်ပြီး စစ်ရေးလှုပ်ရှားနေသည့် ကေအန်အယ်လ်အေနှင့် ဒီကေဘီအေတပ်မဟာ (၅) သည် တရားဝင်ပူးပေါင်းမှု ပြုလုပ်ထားခြင်းမရှိသော်လည်း စစ်ရေးအရ အပြန်အလှန်နားလည်မှု ယူထားသည်ဟု သိရသည်။
မြ၀တီခရိုင်အတွင်းရှိ ဝေါ်လေဒေသသည် မြို့၏တောင်ဘက် မိုင် (၃၀) ခန့်အကွာအဝေးတွင် တည်ရှိပြီး ကေအန်အယ်လ်အေ၊ ဒီကေဘီအေနှင့် စကခ (၈) လက်အောက်ခံ နအဖတပ်များ စစ်ရေးလှုပ်ရှားရာဒေသဖြစ်ပြီး ထိုင်းနယ်စပ်မျဉ်းအနီးတည်ရှိသည်။
Read More...
Summary only...
VOA သတင်းမှ....
ပဲခူးမြို့ ဇိုင်းဂနိုင်းတောင်ပိုင်း မြလမ်းမှာ နေထိုင်တဲ့ အရပ်သား လူငယ်တွေနဲ့ ခလရ ၅၉ စစ်တပ်က စစ်သားတွေ ဆိုင်ကယ်ချင်း တိုက်မိပြီး စကားများကြပြီးတဲ့နောက် စစ်တပ်က လိုက်လာပြီး ရပ်ကွက်လမ်းထိပ်မှာပဲ အသက် ၁၈ နှစ်အရွယ် မောင်စိုးပိုင်ဇော်နဲ့ အသက် ၂၂ နှစ်အရွယ် မောင်အောင်သူဟိန်းတို့ ၂ ဦးကို လိုက်လံ ပစ်ခတ်ခဲ့တာကြောင့် လူငယ် ၂ ဦး ပွဲချင်းပြီး သေဆုံးသွားပါတယ်။ အခုချိန်မှာ ပဲခူးမြို့က ရင်ခွဲရုံမှာ အလောင်းတွေ ထားထားပြီး ချက်ချင်း သဂြုင်္ိဟ်ဖို့အတွက် အာဏာပိုင်တွေက ကြိုးစားနေသလို ပဲခူးမြို့ခံတွေက ရင်ခွဲရုံကို လာရောက်ကြည့်ရှုနေပြီး မကျေမနပ် ဖြစ်နေကြတဲ့အတွက် မိသားစုကို ရုပ်အလောင်းတွေ ထုတ်မပြဘူးလို့ သိရပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။
ပဲခူးမြို့ ဇိုင်းဂနိုင်း တောင်ပိုင်းရပ်ကွက် မြလမ်းမှာ နေထိုင်နေတဲ့ အရပ်သား လူငယ်တွေ စီးလာတဲ့ ဆိုင်ကယ်နဲ့ ခလရ ၅၉ က အရာရှိတဦး စီးလာတဲ့ ဆိုင်ကယ်နဲ့ တိုက်မိပြီး စကားများ ရန်ဖြစ်ရာကနေ လူငယ်တွေကို ပစ်သတ်မှု ဖြစ်ပေါ်ခဲ့ရတာပါ။ သေဆုံးသူတွေကတော့ အသက် ၁၈ နှစ်အရွယ် မောင်စိုးပိုင်ဇော်နဲ့ အသက် ၂၂ နှစ်အရွယ် မောင်အောင်သူဟိန်းတို့ ၂ ဦးဖြစ်ပြီး စကားများ ရန်ဖြစ်ရာကနေ ပစ်သတ်တဲ့အထိ ဖြစ်ခဲ့ရတယ်လို့ ဆိုပါတယ်။ မောင်အောင်သူဟိန်းရဲ့ အဒေါ်ဖြစ်သူ ပြောပြတာကတော့…
“လမ်းထိပ်မှာ ကယ်လီဖိုးနီးယား ကာရာအိုကေဆိုင်က ဆင်းလာတဲ့ အရာရှိ ၂ ယောက်လား၊ ၃ ယောက်လားတော့ မသိဘူး၊ အဲဒီဆိုင်ကယ်နဲ့ ကျမတူလေး ဆိုင်ကယ်နဲ့၊ ကျမတူလေးက သုံးဘီးဆိုင်ကယ်နဲ့ သူတို့ သူငယ်ချင်းတွေ ၅ ယောက်၊ ၆ ယောက်လောက် ရှိမှာပေါ့၊ ပြန်အထွက်မှာ သူတို့ကလည်း ဒီကနေ အကွေ့မှာ ငြိကြတယ်။
“ငြိကြတော့ ထိုးကြ ကြိတ်ကြပြီး ကျမတူလေးတွေက ဆိုင်ကယ်ကို လမ်းထိပ်မှာတင် ပစ်ထားခဲ့ပြီး လမ်းအတိုင်း ပြေးလာတယ်။ အဲဒါကို အဲဒီအရာရှိက ပစ်မိန့်ပေးပြီး သေနတ်နဲ့ သတ်ခိုင်းလိုက်တယ်။ အဲဒါ ကျမတူလေးရော စိုးပိုင်ဇော်ဆိုတဲ့ ကလေးရော မြလမ်းထိပ် တအိမ်ကျော်လောက်မှာပဲ ပွဲချင်းပြီး သေသွားတယ်။ ည ၁၂ နာရီခွဲလောက်မှာ။”
ပစ်ခတ်မှုဖြစ်ပြီး မိသားစုဝင်တွေက သိတဲ့အချိန်မှာ အလောင်းနားကို ကပ်ခွင့်မပေးဘဲ ၀ါးလုံးတွေနဲ့ တားဆီးထားတယ်လို့ ဆိုပါတယ်။ ဒီနောက်မှာတော့ မနက်လင်းတဲ့အချိန် ရင်ခွဲရုံမှာ အလောင်းကို သွားယူတဲ့အခါ စစ်တပ်က ချက်ချင်းသဂြုင်္ိလ်ဖို့ လုပ်ဆောင်ခဲ့တာကြောင့် မြို့ခံလူထုတွေက အတော်ကို မကျေမနပ် ဖြစ်ရတယ်လို့ ဆိုပါတယ်။
“ရင်ခွဲရုံကပဲ အသုဘချဖို့ ကျမတို့ကို ညှိနှိုင်းတာပေါ့နော်။ အဲဒါ ကျမက လက်မခံဘူး။ ရ၀တတွေ ဘာတွေက လာပြောတယ်၊ ဗျူဟာမှူးတို့ G-1တို့က အဲဒီကပဲ ချပေးဖို့ပေါ့၊ အဲဒီလိုမျိုးပြောတော့ ကျမက ကျမတို့ ကျန်တဲ့ကိစ္စ ဘာမှ မေတ္တာမရပ်ခံဘူး၊ ကျမတို့အမေက ရှမ်းပြည်က လာရမှာမို့လို့ ကျမတူလေး အလောင်းကို အိမ်ပြန်သယ်ချင်တယ်ပေါ့၊ ကျမတို့ အိမ်ကနေ ချချင်တယ်ပေါ့၊ ကျမတို့ အစီအစဉ်နဲ့၊ အဲဒါ ကူညီပါလို့ ပြောလိုက်တယ်၊ သက်ဆိုင်ရာက လူတွေနဲ့တွေ့တော့။
“အဲဒီအချိန်မှာ မြို့နယ်မှူးတို့၊ စခန်းမှူးတို့ကလည်း သူတို့မှာ ဘာမှ လုပ်ပိုင်ခွင့် မရှိတဲ့အတွက် G-1 ပြောတဲ့ အမိန့်ကိုပဲ နာခံပြီး လုပ်ပေးမယ်ဆိုတော့ G-1 က နေ့ခင်း ၁၁ နာရီထိုးမှာ ဒီကလေးလေး ၂ ယောက်ရဲ့ မိဘတွေ၊ ပိုင်ဆိုင်တဲ့လူတွေကို ကလေးအလောင်း ၂ လောင်း ထုတ်ပေးလိုက် ဆိုပြီးတော့ ကျမတို့ကို အကြောင်းကြားတယ်။ အကြောင်းကြားတော့ ကျမတို့ စောင့်နေတဲ့ အချိန်မှာ ၁၁ နာရီ မထိုးခင်မှာပဲ လူတွေက အုံပြီးတော့ ကားလမ်းတွေက ဟိုဘက် ဒီဘက်ပိတ်၊ ဘယ်လိုမှ သွားလို့မရတော့ဘူး။ လူတွေက ကျိတ်ကျိတ်တိုးပေါ့။
“တမြို့နယ်လုံးနီးပါး သိသွားတော့ တအားများလာတော့ သူတို့ အဲဒီအချိန်မှာ ထုတ်မပေးတော့ဘူး။ ကလေးတွေအလောင်း မပေးတော့ဘူးပေါ့။ ကျမတို့ကိုလည်း ၃ ရက် ထားလိုက်မယ်၊ အင်္ဂါနေ့ကျရင် နိုင်ငံတော် ဈာပန အနေနဲ့ လုပ်ပေးပါ့မယ်ပေါ့၊ သူတို့က အဲဒီလိုပြောတယ်။ နောက်ပြီးတော့ အရင်ဖြစ်ဖူးတဲ့ အရေးအခင်း လတွေနဲ့ ကလေးတွေနဲ့ ဖြစ်တဲ့လ တိုက်ဆိုင်လို့ပါပေါ့။”
နောက်ပိုင်းမှာတော့ မောင်အောင်သူဟိန်းရဲ့ ဖခင်က ပြည်ပမှာ အလုပ်ထွက်လုပ်နေပြီး မိခင်က ရှမ်းပြည်ရောက်နေတာကြောင့် မိခင်ကို စောင့်ဖို့ အလောင်းကို ပြန်တောင်းခဲ့ပေမဲ့ မရခဲ့ဘူးလို့ ဆိုပါတယ်။
ဒီလို မြို့ပေါ်မှာတောင် စစ်တပ်က သေနတ်အားကိုးနဲ့ အနိုင်ကျင့်မှု လုပ်ဆောင်နေတာကြောင့် လူမသိ သူမသိ နေရာတွေမှာ ပိုဆိုးတဲ့ အခြေအနေတွေမှာ ရှိနိုင်ကြောင်း ပဲခူးက ရှေ့နေကြီး ဦးအေးမြင့်ကလည်း ပြောပါတယ်။
“အာဏာပိုင် အဖွဲ့အစည်း အသီးသီးနဲ့ လက်လှမ်းမီရာ တပ်တွေရှိတယ်၊ အုပ်ချုပ်ရေးတွေ အပြည့်အစုံရှိတဲ့ မြို့လယ်ကောင်မှာတောင် ဒီလို လူငယ်ကို သေနတ်အားကိုးနဲ့ စစ်တပ်က လာပစ်သတ်တယ်ဆိုတာ ဗြောင်ကျကျ ပစ်သတ်တာတော့ တပ်မတော်အတွက်လည်း မကောင်းဘူး၊ ပြည်သူလူထု အားကိုးစရာ ယုံကြည်မှု ကင်းမဲ့သွားတယ်။ မြို့ပေါ်မှာတောင် ဒီလောက် ပစ်သတ်ရင် တောတွေ တောင်တွေထဲမှာ နေနေရတဲ့ တိုင်းရင်းသား ကရင်တွေကို နှိပ်စက်တယ်ဆိုတာ ပြောစရာတောင် မလိုတော့ဘူးလို့ပဲ အန်ကယ်တို့ ယူဆတယ်။”
နောက်ပိုင်းမှာတော့ ကလေးရဲ့ မိခင်ဖြစ်သူက လေယာဉ်နဲ့ ပြန်ရောက်လာချိန်မှာ စစ်တပ်က တောင်းပန်ခဲ့တယ်လို့ ဆိုပါတယ်။ သေဆုံးသူ ကလေးတွေရဲ့ သူငယ်ချင်း ၂ ဦးကိုလည်း စစ်ဆေးစရာ ရှိလို့ဆိုပြီး ထိန်းသိမ်းထားတာကြောင့် မောင်အောင်သူဟိန်းရဲ့ မိခင်ဖြစ်သူက လုံခြုံရေးကို တာဝန်ယူပေးဖို့ ပြောခဲ့တယ်လို့ ဆိုပါတယ်။ အခင်းဖြစ်ပွားမှုမှာပါတဲ့ လူငယ် ၂ ဦးကိုလည်း ဆက်လက် ထိန်းသိမ်းထားဆဲ ဖြစ်ပါတယ်။
Read More...
Summary only...
တပ်မဟာ(၇) ဖားအံ့ခရိုင်။
၁.၉.၂၀၁၀နေ့ ၂၁း၀၀အချိန်တွင် BGFသို့ဘဝပြောင်းသွားခဲ့သော ဖားတကွီးသည်တရိဖိုးကွီးရွာသား ဖားတီဘလယ်ဝါး(၆၇)နှစ်ကို မန်းမှုတ်တတ်သည်ကိုအကြောင်းပြပြီး ပစ်သတ်ခဲ့သည်။
Read More...
Summary only...
သတင်းနှင့်မီဒီယာ ကွန်ယက်။ ဇော်ကြီး။
ကရင်ပြည်နယ် အရှေ့ခြမ်း၊ ဖာပွန်ခရိုင် လုတောမြို့နယ်ရှိ ကျေးရွာများမှ သောင်းနှင့်ချီ သည့် ကရင်ပြည်သူများ သည် စစ်အစိုးရတပ်၏ တိုက်ခိုက်မှုခံနေရကြောင်း ကရင်လူ့အခွင့် အရေးလှုပ်ရှားမှုအဖွဲ့(KHRG)က ယနေ့ အစီ ရင်ခံစာတစောင်ထုတ်ပြန်သည်။
“တင်းကြပ်သည့် အခြေအနေအောက်တွင် မိမိကိုယ်ကို ကာကွယ်ခြင်း” အမည်ဖြင့် ထုတ်ပြန်သော ယင်း အစီရင်စာတွင် စစ်ပွဲကြောင့် တောတောင်များ အတွင်းပုန်းအောင်းနေသည့် ကရင်ရွာသားများကို စစ်အစိုးရ တပ်က ၎င်းတို့ထိန်းချုပ်ရာဒေသများသို့ ပြောင်းရွှေ့ရန် စစ်ဆင်ရေးများ ပြုလုပ်နေသည်ဟု ဖော်ပြထားသည်။
လက်ရှိကရင်ပြည်သူများ တွေ့ကြုံနေရသည့် အခက်အခဲကို ကရင်လူ့အခွင့်အရေး လှုပ်ရှားမှုအဖွဲ့မှ ပြောရေးဆို ခွင့်ရှိသူ နော်အယ်ဖောထူးက အခုလိုပြောသည်။
“လက်ရှိအခြေ အနေမှာ SPDC က သူတို့ရဲ့ရွာကို ဆက်လက်ပြီးတော့ တိုက်ခိုက်တာခံနေရပါတယ်။ နှစ်သောင်းခုနှစ်ထောင်လောက်ရှိတဲ့ ရွာသူရွာသားတွေက သူတို့ဒီအခြေ အနေမျိုးကိုရင်ဆိုင်နေရပါ တယ်။ အခုအခြေအနေက ပိုပြီးတော့ဆိုးရွားလာလို့ပေ့ါနော်။ ရွာသူရွာသားတွေ အစားအသောက်ပြတ် လပ်တာတို့၊ ကျန်းမာရေးနဲ့ ပတ်သက်တဲ့ ကူညီမှုတွေ ပြတ်လပ်တာတို့ အဲလိုမျိုးတွေ ပိုပြီးတော့ဆိုးလာ လို့ အခုကျမတို့ ဒီအစီရင်ခံစာ ထုတ်တာပါ။”
ယခုနှစ် ဂျူလိုင်လကုန်ပိုင်းက ဒဒါးရ်ဒဲ ကျေးရွာကို စစ်အစိုးရတပ်မှ တိုက်ခိုက်ခဲ့သည်ဟု ၄င်းက ယခုလို ဆက် ပြောသည်။
“သူတို့ရဲ့ စားဝတ်နေရေး၊ သူတို့ရဲ့ အသက်မွေးဝမ်းကျောင်းတွေ ဖျက်ဆီးတာခံရတယ်။ ရွာမီးရှို့တာ ခံရတယ်ပေ့ါနော်။ နောက်ပြီးတော့ ရွာသူရွာသားတွေ နေခဲ့တဲ့နေရာ၊ နေနိုင်မယ့် နေရာတွေမှာ မိုင်း တွေကိုထောင်ထားတယ်ပေ့ါ။ သူတို့ရဲ့ ဆန်တွေထားတဲ့ နေရာတွေကို မီးရှို့တာတို့ ရွာမီးရှို့တာတို့ရှိ တယ်။ အဲဒီမှာ ဘုရားကျောင်းတစ်လုံး မီးရှို့ခံရတယ်။ ဆေးပေးခန်းတစ်လုံးမီးရှို့ခံရတယ်။”
အလားတူ စစ်ဆင်ရေးများကြောင့် တောင်ငူ၊ ညောင်လေးပင်၊ ဖာပွန်ခရိုင်တို့မှ ကရင် ကျေးရွာသား ရှစ်သောင်း ကိုးထောင်ခန့်သည်လည်း အခက်အခဲများနှင့် ရင်ဆိုင်နေကြရ သည်ဟု ထိုင်းမြန်မာနယ်စပ် ပူးပေါင်းကူညီရေး အဖွဲ့ (TBBC) ၏ ၂၀၀၉ ခုနှစ် နိုဝင်ဘာလ ထုတ် အစီရင်ခံစာ၌ ဖော်ပြထားသည်။
စစ်အစိုးရအား လက်နက်ကိုင်တိုက်ပွဲဝင်နေသည့် ကရင်အမျိုးသားအစည်းအရုံး KNU လက်အောက်ခံတပ်ဖွဲ့များ နှင့် ဒေသခံကျေးရွာသားများအား အဆက်အသွယ်ဖြတ်တောက် လို၍ စစ်အစိုးရထိန်းချုပ်နယ်မြေများအတွင်း ယခုလိုပြောင်းရွှေ့နေခိုင်းခြင်းဖြစ်နိုင်သည်ဟု နော်အယ်ဖောက သုံးသပ်ပြောဆိုသည်။
Read More...
Summary only...
ညီအစ်ကိုများ အားလပ်မယ်ဆိုရင် အရောက်လှမ်းလာကြဖို့တိုက်တွန်းလိုက်ပါတယ်။ ကျွန်တော်တို့ကရင်လူမျိုးရဲ့ရိုးရာယဉ်ကျေးမှုပွဲတော်ကို မမြင်ဘူး မသိသေးသူများ၊ သိပြီးသားသူများအားလုံးသို့................
Read More...
Summary only...
တပ်မဟာ(၁) သထုံခရိုင်။
- ၂၇.၀၈.၂၀၁၀နေ့တွင် သောမန မှတကော်ဘိုးအုပ်စုရှိအောက်ပါရွာများကိုအတင်းအဓမ္မငွေတောင်းခံခဲ့သည်
(၁) ကိုးဒါးကြီး ၅၀၀၀၀ကျပ် (၂)စိန်ကျော် ၃၀၀၀၀ကျပ် (၃)လယ်ပါဒါး ၂၀၀၀၀ကျပ် (၄)မယ်ပူ ၃၀၀၀၀ကျပ် (၅) ကြို့ပင်ဆိပ် ၆၀၀၀၀ကျပ် (၆)မယ်လဲထာ ၄၀၀၀၀ကျပ် (၇)မယ်လခီး ၃၀၀၀၀ကျပ် (၈)သိုးအေ၂၀၀၀၀ကျပ်(၉)မယ်ရဲ ၂၀၀၀၀ကျပ် (၁၀)ဝဲပြင်ချောင်း ၃၀၀၀၀ကျပ် တို့ဖြစ်သည်။
တပ်မဟာ(၂) တောင်ငူခရိုင်။
- ထန်းတပင်မြို့နယ်၊၂၄.၀၈.၂၀၁၀နေ့တွင်နအဖတပ်မှမာလာကုန်းရွာသားစောမူးသောနှင့်စောခိုခလယ်ထူး ၂ ဦးအားအကြောင်းမဲ့ဖမ်းဆီးခဲ့ပြီး ၂၈.၈.၂၀၁၀နေ့ပြန်လွတ်ပေးခဲ့သည်။
ဒီကေဘီအေ ရဲ့နယ်ခြားစောင့်တပ်သို့ပြောင်းလဲတဲ့ပွဲကိုဘာသာမပြန်တော့ပါ။ အင်မတန်စိတ်နာလွန်းလို့ပါ။ ထိုသ တင်းကိုကရင်လိုဖတ်ချင်လျင် kanyawkaw.blogspot.com တွင်ဖတ်နိုင်ပါသည်။
Read More...
Summary only...
VOA သတင်းမှ...
မြန်မာစစ်အစိုးရက ပြည်သူတွေကို နည်းမျိုးစုံနဲ့ အခွန်တွေ အတင်းအကျပ် ကောက်ခံနေလို့ မြန်မာပြည်သူတွေ ဆင်းရဲတွင်း ပိုမို နက်ရှိုင်းလာရတဲ့အကြောင်း အစီရင်ခံစာတစောင်ကို ထိုင်းအခြေစိုက် လူ့အခွင့်အရေးအဖွဲ့ တခုက ဒီနေ့ ထုတ်ပြန်ပါတယ်။ အခွန်စနစ်နဲ့ ပတ်သက်ပြီး ပြည်သူတွေ နားလည်အောင် အစိုးရက ရှင်းမပြဘဲ ငွေညှစ်သလို အခွန်ကောက်ခံမှုတွေဟာ မြန်မာပြည်သူတွေအပေါ် စနစ်တကျ ကျူးလွန်နေတဲ့ လူ့အခွင့်အရေး ချိုးဖောက်မှုတွေပဲလို့ ဆိုပါတယ်။ အပြည့်အစုံကို ကိုကျော်အောင်လွင်က ဘန်ကောက်မြို့မှာ ဒီကနေ့ ကျင်းပတဲ့ သတင်းစာ ရှင်းလင်းပွဲကို တက်ရောက်ပြီး သတင်းပေးပို့ထားပါတယ်။
ဗိုက်မှောက်နေရတဲ့ ဘ၀များလို့ ခေါင်းစဉ်တပ်ထားတဲ့ အစီရင်ခံစာထဲမှာ မြန်မာအာဏာပိုင်တွေရဲ့ အတင်းအကျပ် အခွန်ကောက်မှု မျိုးစုံကို ထောက်ပြထားပြီး ဒါတွေဟာ ပြည်သူတွေဆီကနေ မတရားသဖြင့် ငွေညှစ်နေတာတွေ ဖြစ်တယ်၊ ပြည်သူတွေဟာ စီးပွားရေး ကျပ်တည်းမှုတွေ ရင်ဆိုင်နေရတဲ့ကြားက အခွန်တွေကို မဖြစ်ဖြစ်အောင် ပေးဆောင်နေကြရတယ်၊ ဒီလို အခြေအနေတွေဟာ နေ့စဉ် လစဉ် ကြုံတွေ့နေကြရတာတွေဖြစ်လို့ ဆင်းရဲတဲ့ဘ၀က ရုန်းမထွက်နိုင်အောင် ဖြစ်နေကြရတယ်လို့ ဆိုပါတယ်။ ဒီအစီရင်ခံစာကို သြစတြေးလျနိုင်ငံ မက်ကွိုင်းယား တက္ကသိုလ် မြန်မာ့စီးပွားရေး စောင့်ကြည့်လေ့လာမှုအဖွဲ့က ဒေါက်တာ အယ်လ်လီဆင် ဗစ်ကရေး (Dr. Alison Vicary) က အဓိက သုတေသနလုပ်ပြီး ရေးသားတာပါ။
“ပြည်သူတွေဟာ သူတို့ အခွန်ဘယ်လောက် ပေးရမယ် ဆိုတာကို မသိကြဘူး။ ဘယ်အချိန်မှာ ပေးရမယ် ဆိုတာကိုလည်း မသိကြဘူး။ ဒါဟာ တကယ့် အရေးတကြီး ပြဿနာပါ။ အခွန်ပေးဆောင်ရမယ့် လူတိုင်းက ဘယ်အချိန်မှာ အခွန်ဘယ်လောက် ဆောင်ရမယ်ဆိုတဲ့ သတင်းအချက်အလက်တွေကို မပေးခင်က ကြိုပြီး သိရမှာပါ။ အဲဒါမှလည်း သူတို့ အခွန်ဆောင်နိုင်ရေးအတွက် ကြိုပြီး စီစဉ်နိုင်ကြမှာပါ။ စိုက်ပျိုးရေးကို အခြေခံတဲ့ မြန်မာနိုင်ငံမှာ ဒီပြဿနာက တော်တော် ဒုက္ခပေးပါတယ်။ ပြည်သူအများစုဟာ ဘဏ်တွေမှာ ငွေစုစာရင်း ဖွင့်ထားနိုင်ကြတာလည်း မဟုတ်ပါဘူး။” လို့ ဒေါက်တာ အယ်လ်လီဆင်က ပြောသွားခဲ့တာပါ။
စာမျက်နှာ ၁၀၀ ကျော်ပါတဲ့ အခု အစီရင်ခံစာကို ထိုင်းနိုင်ငံ အခြေစိုက် လူ့အခွင့်အရေး မှတ်တမ်းကွန်ယက် မြန်မာနိုင်ငံ (ND Burma) အဖွဲ့က ထုတ်ပြန်တာပါ။ ဒီအဖွဲ့ဟာ ထိုင်းအခြေစိုက် မြန်မာပြည်ဆိုင်ရာ လူ့အခွင့်အရေးအဖွဲ့ ၁၃ ခုနဲ့ ဖွဲ့စည်းထားတာဖြစ်ပြီး မြန်မာပြည်တွင်းက မတရား အခွန်ကောက်ခံနေရတဲ့ လူတွေကို တွေ့ဆုံမေးမြန်းမှုတွေ၊ အခွန်ပေးရတဲ့ သက်သေ အထောက်အထားတွေနဲ့ အစီရင်ခံစာကို တင်ပြထားတာပါ။ ND Burma အဖွဲ့က တာဝန်ခံတဦးဖြစ်သူ မချယ်ရီဇာဟောင်က မတရား အခွန်ကောက်မှုနဲ့ လူ့အခွင့်အရေး ချိုးဖောက်မှု ဆက်စပ်နေတယ်လို့ ဆိုပါတယ်။
“လူတယောက်ယောက်က သူတို့ကို အခွန်လာကောက်ရင် ဘာကြောင့်လဲဆိုတာ သိရမယ်။ ဘယ်မှာ ဒီအခွန်တွေ သွားမလဲဆိုတာ သိရမယ်။ အဲဒီအခွင့်အရေးဟာ ပြည်သူလူထုတွေက ချိုးဖောက်ခံနေရတယ်။ ပြည်သူလူထုတွေက သူတို့ပိုင်တဲ့ မြေတွေကို အလကား ပေးလိုက်ရတယ်၊ လာသိမ်းခံနေရတယ်။ အဲဒါတွေဟာဆိုရင် လူ့အခွင့်အရေး ချိုးဖောက်မှု တခုလည်း ဖြစ်နေတယ်။ အတင်းအဓမ္မ လုပ်အားပေး ခိုင်းစေမှုဟာလည်း အခွန်ကောက်မှုပါပဲ။”
အခွန်ကောက်နေကြတဲ့ အဖွဲ့အစည်းတွေထဲမှာ အာဏာပိုင် အဖွဲ့အစည်းတွေအပြင် အပစ်ရပ် အဖွဲ့တွေလည်း ပါဝင်နေတယ်လို့ ဒေါက်တာ အယ်လ်လီဆင်က ပြောပါတယ်။
“အခွန်တွေကို အများအပြား ကောက်ယူကြတာကတော့ လက်နက်ကိုင် အဖွဲ့အစည်းတွေပါပဲ။ စစ်အစိုးရ ဖြစ်ရင်ဖြစ်၊ မဟုတ်ရင် စစ်အစိုးရနဲ့ အပစ်အခတ် ရပ်စဲထားတဲ့ အဖွဲ့တွေ၊ ဒါမှမဟုတ်ရင် စစ်အစိုးရက ကျောထောက်နောက်ခံ ပေးထားတဲ့ ကြံ့ခိုင်ဖွံ့ဖြိုးရေး အဖွဲ့တွေကနေ ကောက်ခံနေတာပါ။ အခွန်ကို အချိန်မီ မပေးနိုင်ရင် အန္တရာယ် ကြုံရမယ့်သဘော ခြိမ်းခြောက်မှုတွေလည်း ရှိသလို မပေးရင် အကြမ်းပတမ်း ဆက်ဆံခံရတာတွေလည်း ရှိပါတယ်။ ဒီလို အခြေအနေတွေကြောင့် မြန်မာပြည်သူတွေဟာ အခွန်မျိုးစုံကို ကြောက်ကြောက်နဲ့ ပေးနေကြရတယ်။” လို့ ပြောသွားခဲ့ပါတယ်။
ND Burma အဖွဲ့ရဲ့ တာဝန်ခံတဦးဖြစ်တဲ့ ကိုဟန်ကြီးကလည်း မဖြစ် ဖြစ်အောင် အခွန်ပေးဆောင်ရလို့ မြန်မာပြည်သူတွေဘ၀ ကျပ်သထက် ကျပ်လာတဲ့ အကြောင်းကိုလည်း ရှင်းပြပါတယ်။
“အိမ်တိုင်း၊ အိမ်ထောင်စုတိုင်းဟာ အာဏာပိုင် အဖွဲ့အစည်း အဆင့်ဆင့်ကို အမြဲတစေ ပေးနေရတဲ့ အခါကြတော့ လူထုမှာ ပထမ သူတို့တောင်းသမျှ ပေးဖို့အတွက်ကို သူတို့ရှိတဲ့ဝင်ငွေ၊ နောက်တော့ ပိုင်ဆိုင်မှု အဲဒါတွေနဲ့ ဖြည့်ဆည်းပြီး ပေးရတယ်။ တကယ်လို့ မပေးနိုင်တဲ့အခါမှာ ရှိသမျှ သူတို့ပိုင်ဆိုင်မှုတွေ ရောင်းချပြီး ပေးရတယ်။ မပေးနိုင်တဲ့အခါမှာ အတိုးကြီးကြီးပေးပြီး တခြားလူတွေဆီက ချေးပြီး ပေးရတာမျိုးတွေရှိတယ်။ မိသားစုဘ၀ရဲ့ စီးပွားရေးက အရမ်းကို ခက်ခဲလာတဲ့ အခါမှာ သူတို့မိသားစုဝင်တွေကို တခြား အိမ်နီးချင်း နိုင်ငံတွေကို လွှတ်ပြီးတော့ စီးပွားရှာခိုင်းရတဲ့ ပြဿနာမျိုးတွေအထိ ကြီးကြီးမားမား ပေါ်ပေါက်လာရတယ်။”
ကြံ့ခိုင်ဖွံ့ဖြိုးရေးအသင်းဟာ ခြိမ်းခြောက်မှုတွေနဲ့ ၀င်ခိုင်းထားတဲ့ သူတို့ရဲ့ အသင်းသားတွေဆီကနေ အသင်းကြေး ကောက်ယူတာတွေ၊ အသင်းရန်ပုံငွေ ရှာဖွေတယ်ဆိုပြီး ပြက္ခဒိန်၊ ဦးထုပ် စတဲ့ပစ္စည်းတွေကို ရောင်းချနေလို့ အသင်းဝင် မဟုတ်တဲ့ သူတွေကလည်း မ၀ယ်ချင်ပေမဲ့ ၀ယ်နေရတာတွေ၊ ဒီလို ကောက်ခံလို့ရတဲ့ ငွေတွေကို ကြံ့ခိုင်ဖွံ့ဖြိုးရေး အသင်းကနေ နိုင်ငံရေးပါတီကို အသွင်ပြောင်းပြီး ရွေးကောက်ပွဲမှာ အောင်နိုင်ရေး လုပ်နေတယ်လို့ ယူဆနိုင်တဲ့အကြောင်း၊ တိုင်းရင်းသား ဒေသတွေမှာ မြန်မာစစ်တပ်က သူတို့လိုရင် လိုသလို ဒေသခံတွေရဲ့ ပိုင်ဆိုင်မှုတွေကို အတင်း ရယူနေတာတွေဟာ ကြမ်းတမ်းတဲ့ အခွန်ကောက်ယူမှုတွေ ဖြစ်တဲ့အကြောင်း၊ စည်းမဲ့ကမ်းမဲ့ အဓမ္မ အခွန်ကောက်မှုတွေကြောင့် အဓိက ထိခိုက်နစ်နာရတာဟာ ဆင်းရဲတဲ့ ပြည်သူတွေပဲ ဖြစ်တဲ့အကြောင်း၊ ဒီလိုစနစ်နဲ့သာ ဆက်သွားနေမယ်ဆိုရင် မြန်မာပြည်သူတွေ ဆင်းရဲတွင်းက ထွက်နိုင်မှာ မဟုတ်လို့ ဒီ အခွန်ကောက်ယူတဲ့ စနစ်ကို ပြောင်းလဲရေး မြန်မာစစ်အစိုးရကို ဖိအားဝိုင်းပေးဖို့ အိမ်နီးချင်း နိုင်ငံတွေနဲ့ အာဆီယံအသင်း အပါအ၀င် နိုင်ငံတကာ အသိုင်းအ၀ိုင်းကိုပါ တိုက်တွန်းထားတယ်လို့ အစီရင်ခံစာ ထုတ်ပြန်တဲ့ သတင်းစာ ရှင်းလင်းပွဲမှာ ပြောဆိုခဲ့ကြပါတယ်။
Read More...
Summary only...
ဧရာဝတီ သတင်းမှ.............
ကချင် လွတ်မြောက်ရေး အဖွဲ့ (KIO) က နယ်ခြား စောင့်တပ် ဖွဲ့စည်းမည် မဟုတ်ဟု အပြီးသတ် ငြင်းဆို လိုက်သည်။
“အခုက အသွင်ကူးပြောင်းရေး ကာလ ရောက်နေပြီဆိုတော့ နောက်တက်မယ့် အစိုးရအဖွဲ့နဲ့ကျမှ ကျနော်တို့ရဲ့ရပ်တည်မှု အပေါ်ကို ဆက်လက် ဆွေးနွေးသွားမှာ ဖြစ်ပါတယ်”ဟု ကချင် လွတ်မြောက်ရေးအဖွဲ့ (KIO) မှ ဒုတိယ နိုင်ငံခြားရေး တာဝန်ခံ ဗိုလ်မှူးကြီး ဂျိမ်းစ်လွမ်းဒေါင် က ဧရာဝတီသို့ ပြောသည်။
KIOအပါအ၀င် တိုင်းရင်းသား လက်နက်ကိုင် အဖွဲ့များကို နယ်ခြားစောင့်တပ် ဖွဲ့စည်းရန် စစ်အစိုးရက ယနေ့ နောက်ဆုံး ရက်အဖြစ် သတ်မှတ် ပေးထားသည်။
KIO သည် ၁၉၉၄ ခုနှစ်တွင် စစ်အစိုးရနှင့် အပစ်အခတ် ရပ်စဲပြီး ငြိမ်းချမ်းရေး ယူခဲ့သည်။
နယ်ခြားစောင့်တပ် မဖွဲ့သဖြင့် နအဖ အစိုးရ စစ်ရေးအရ တိုက်ခိုက်ခြင်းများ ပြုလုပ်လာမည်ဟု မမျှော်လင့်ကြောင်း KIO လက်ထောက် အထွေထွေ အတွင်းရေးမှူး ဗိုလ်မှူးကြီး ဆင်ဝါ က ဆိုသည်။
“ပင်လုံစိတ်ဓာတ်ကို အခြေခံတဲ့ ပြည်ထောင်စုကို ဝိုင်းဝန်းတည်ထောင်ရေး ဆိုတာက ကျနော်တို့ရဲ့ ပန်းတိုင်ပါ၊ ကျနော်တို့ ပန်းတိုင်ကို မရောက်မချင်း လက်ရှိအနေအထားကို ထိန်းသိမ်းထားဖို့ ဆိုတာပဲ ရှိတာပါ၊ လက်နက်နဲ့ အဖြေရှာဖို့ ဆိုတဲ့ သဘောထားကတော့ ကျနော်တို့ဆီမှာ မရှိပါဘူး”ဟု ၎င်းက ဆက်လက် ပြောဆိုသည်။
အပစ်ရပ် တိုင်းရင်းသား လက်နက်ကိုင် အဖွဲ့များအတွင်း၌ အင်အားအကောင်းဆုံးဖြစ်သည့် ၀ ပြည်သွေးစည်းညီညွတ်ရေး တပ်မတော်(UWSA) ကလည်း နယ်ခြား စောင့် တပ်ဖွဲ့စည်းခြင်းသည် စစ်အစိုးရကို အလုပ်အကျွေးပြုခြင်းနှင့်တူသည်ဟု ဆိုကာ နယ်ခြားစောင့်တပ် ဖွဲ့စည်းရန် ငြင်းဆိုလိုက်ကြောင်း သိရှိရသည်။
“နယ်ခြားစောင့်တပ် မဖွဲ့စည်းလို့ ကျနော်တို့အသင်းကို တရားမဝင်အသင်း ကြောညာမယ်ဆိုလည်း ကြေညာပေါ့၊ ကျနော် တို့ က အဲဒီအပေါ်ကို အပြေးအလွှား ဖြေရှင်းတာမျိုးတွေ လုပ်မှာမဟုတ်ပါဘူး၊ သူတို့က လုပ်ချင်တာ လုပ်တယ်၊ ပြောချင် တာပြောတယ်”ဟု UWSA ဌာနချုပ်မှ အရာရှိတဦးက ဧရာဝတီသို့ ပြောသည်။
နအဖ ဘက်မှ တိုက်ခိုက်မှုများ ပြုလုပ်လာပါကလည်း မိမိကိုယ်ကိုယ် ကာကွယ်ရန်အတွက် ပြန်လည်တိုက်ခိုက်သွားမည် ဖြစ်ကြောင်း၊ သို့သော်လည်း ၎င်းတို့ဘက်မှ စတင်တိုက်ခိုက်မည် မဟုတ်ကြောင်း၊ ထူးထူးခြားခြား စစ်ရေးပြင်ဆင်မှုများ လည်း မရှိကြောင်း UWSA အရာရှိက ပြောဆိုသည်။
“ကျနော်တို့ နယ်ထဲကို ရွေးကောက်ပွဲကိစ္စ လုပ်မယ့်သူတွေရဲ့လုံခြုံရေးကို အကြောင်းပြပြီး လာမယ့် စစ်တပ်တွေတော့ ရှိပါတယ်၊ အဲဒီ တပ်တွေကို အနီးကပ်စောင့်ကြည့်ဖို့တော့ ပြင်ဆင်ထားပါတယ်”ဟုလည်း ၎င်းက ပြောဆိုသည်။
ရှမ်းပြည်အရှေ့ပိုင်း မိုင်းတုံ-မိုင်းဆတ်မြို့နယ်နှင့် ထိုင်းမြန်မာ နယ်စပ်တလျှောက် အခြေချထားသော တောင်ပိုင်း “ဝ” တပ်ဖွဲ့များကို ၎င်းနေရာများမှ ရုပ်သိမ်းကာ ၎င်းတို့ ဌာနချုပ်ရှိရာ ရှမ်းပြည်နယ်မြောက်ပိုင်း ပန်ဆန်းမြို့သို့ ပြောင်းရွှေ့ရန် စစ်အစိုးရဘက်မှ ပြီးခဲ့သည့် တနင်္လာနေ့တွင် ညွှန်ကြားထားသည်ဟု ရှမ်းသံတော်ဆင့် သတင်းဌာနမှ ဖော်ပြခဲ့သည်။
NDAA (ခ) မိုင်းလားတပ်ဖွဲ့ကလည်း နယ်ခြားစောင့်တပ်ဖွဲ့စည်းရေးကို ယနေ့အချိန်အထိ လက်မခံကြောင်း၊ လက်ရှိ အခြေအနေ အတိုင်းသာ နေသွားလိုသည့် ဆန္ဒရှိကြောင်း UWSA နှင့် ဒုတိယ ဗိုလ်ချုပ်ကြီးဟောင်း ရဲမြင့်တို့ တွေ့ဆုံပြီး နောက်ပိုင်းတွင် တုံ့ပြန်ခဲ့ကြောင်း သိရှိရသည်။
မွန်ပြည်သစ်ပါတီ(NMSP)ကမူ ၎င်းတို့၏ တိုင်းရင်းသားအခွင့်အရေးများ မရရှိဘဲ နယ်ခြားစောင့်တပ် ဖွဲ့စည်းရန် သဘောတူ ညီလိမ့်မည်မဟုတ်ကြောင်း NMSP ဥက္ကဋ္ဌဖြစ်သူ နိုင်ထောမွန်က မွန်တော်လှန်ရေးနေ့တွင် ပြောဆိုခဲ့သည်ဟု နီးစပ်သူ တဦးထံမှ သိရှိရသည်။
ပြည်သူ့စစ်အဖြစ် အသွင်ပြောင်းထားသည့် အပစ်ရပ် ရှမ်းပြည်တပ်မတော်(မြောက်ပိုင်း) SSA-N မှ တပ်မဟာ (၃) နှင့် (၇) တို့ကို အရှေ့မြောက်တိုင်း စစ်ဌာနချုပ် တိုင်းမှူးမှ သြဂုတ်လ ၂၇ ရက်နေ့တွင် ညွှန်ကြားချက်ထုတ်ကာ လက်နက် ချခိုင်း ကြောင်း သိရှိရသည်။
ယနေ့အထိ ကချင်ပြည် ဒီမိုကရေစီသစ် တပ်မတော်(NDA-K)၊ ကယားပြည်နယ် အထူးဒေသ ၂ (ကလလတ)၊ ကိုးကန့် အထူးဒေသ ၁ ၊ တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) ၏ လှိုင်းဘွဲ့မြို့နယ် မြိုင်ကြီးငူ ဒေသ၊ လှိုင်းဘွဲ့မြိုနယ် ပိုင်ကျုံမြို့ ထန်းတပင် ကျေးရွာ၊ မြ၀တီမြို့နယ် မဲပလဲ့ ဒေသ၊ ကော့ကရိတ်မြို့နယ် ထီးဟူးသံ ကျေးရွာ၊ မြဝတီ မြို့နယ် အတွင်းကွင်းကလေး ဒေသတို့မှ တပ်ဖွဲ့ဝင်များနှင့် ကရင်ငြိမ်းချမ်းရေး အဖွဲ့တဖွဲ့ဖြစ်သော ဟောင် သရော အဖွဲ့တို့သည် နယ်ခြားစောင့်တပ်အဖြစ် ပြောင်းလဲခဲ့ပြီး ဖြစ်သည်။
၁၉၈၉ ခုနှစ်မှ စတင်ကာ စစ်အစိုးရနှင့် အပစ်အခတ် ရပ်စဲထားသည့် တိုင်းရင်းသား လက်နက်ကိုင် အဖွဲ့ပေါင်း ၁၇ ဖွဲ့ ရှိ သည်။
Read More...
Summary only...
ခေတ်ပြိုင် မှ...
နအဖစစ်အစိုးရက ရက်သတ္တတပတ်အတွင်း နယ်ခြားစောင့်တပ်အသွင်ပြောင်းရန် ရာဇသံပေးသည်ကို ကရင်ငြိမ်းချမ်းရေး ကောင်စီအဖွဲ့က လက်မခံနိုင်ကြောင်း ယနေ့ရက်စွဲဖြင့် မော်လမြိုင်အခြေစိုက် အရှေ့တောင်တိုင်းစစ်ဌာနချုပ် တိုင်းမှူးထံသို့ အကြောင်းပြန်ကြားလိုက်သည်ဟု အဖွဲ့၏တပ်မှူးတဦးက ပြောသည်။
စောဌေးမောင် ဦးဆောင်သည့် ကေအန်ယူ-ကေအန်အယ်လ်အေ ကရင်ငြိမ်းချမ်းရေးကောင်စီအဖွဲ့ကို နယ်ခြားစောင့်တပ်ဖြစ်စေ၊ ဌာနေပြည်သူ့စစ်ဖြစ်စေ (၇) ရက်အတွင်း အသွင်ပြောင်းရန် နအဖ နောက်ဆုံးသတ်မှတ်ရက်ကို လက်မခံနိုင်ကြောင်း အဖွဲ့၏ အရေးပေါ်အစည်းအဝေးတွင် အဖွဲ့ဥက္ကဋ္ဌ စောဌေးမောင်က ပြောကြားခဲ့ပြီးနောက် အကြောင်းပြန်ကြားချက်ကို ပေးပို့ခဲ့ခြင်းဖြစ်သည်ဟု အဆိုပါ တပ်မှူးက ပြောကြားသည်။
၎င်းက “ပြီးခဲ့တဲ့ တနင်္ဂနွေနေ့က ကော့ကရိတ်မှာရှိတဲ့ဌာနချုပ် ထော့ကိုကိုးမှာ ဒီကိစ္စနဲ့ပတ်သက်ပြီး အရေးပေါ် အစည်းဝေးခေါ်တယ်။ အဖိုးဌေးမောင်က စည်းဝေးပွဲမှာ ငါတို့ပြန်လာတာ နယ်ခြားစောင့်တပ် လုပ်ဖို့၊ ပြည်သူ့စစ်လုပ်ဖို့ ပြန်လာတာမဟုတ်ဘူး၊ ပြန်လာတုန်းက ပြောတာတမျိုး၊ အခု ပြောတာကတမျိုး ဘယ်လိုမှ လက်မခံနိုင်ဘူး။ ဒီကိစ္စ နောက်တက်မယ့်အဖွဲ့နဲ့ပဲ စကားပြောမယ်။ ကျနော်တို့ကိုလည်း အားလုံး အရင်လိုပဲ နေကြပါလို့ ပြောတယ်” ဟု ဆိုသည်။
ယခင်လ (၂၄) ရက်တွင် ကရင်ငြိမ်းချမ်းရေးကောင်စီ ဥက္ကဋ္ဌ စောဌေးမောင်ကို အရှေ့တောင်တိုင်းတိုင်းမှူးက တပ်အသွင်ပြောင်းရေးကိစ္စအတွက် မော်လမြိုင်သို့ လာရောက်ရန် ဆင့်ခေါ်ခဲ့သော်လည်း စောဌေးမောင်က လက်မခံဘဲ ကိုယ်စားလှယ်အဖွဲ့ကိုသာ စေလွှတ်ခဲ့သည်။
အဆိုပါ ကိုယ်စားလှယ်အဖွဲ့ကို တိုင်းမှူးက အသွင်ပြောင်းရန် (၇) ရက် အချိန်ပေးကြောင်း၊ သတ်မှတ်ရက်ကျော်လွန်ပါက တရားမ၀င် လက်နက်ကိုင်အဖွဲ့အဖြစ် သတ်မှတ်ကာ အရေးယူခြင်းခံရမည်ဟု ပြောကြားခဲ့ကြောင်း ငြိမ်းချမ်းရေးကောင်စီမှ ကိုယ်စားလှယ်အဖွဲ့ဝင်တဦးက ပြောသည်။
နောက်ဆုံးရက်အဖြစ် နအဖဘက်မှ သတ်မှတ်ပေးထားသည့်ရက်မှာ ယနေ့ပြီးဆုံးသွားသော်လည်း နအဖဘက်မှ တစုံတရာ လာရောက်ဆွေးနွေးခြင်း၊ စစ်ရေးအရ အင်အားသုံးတိုက်ခိုက်ခြင်းတို့ မရှိသေးကြောင်း ကရင်ငြိမ်းချမ်းရေးကောင်စီ၏ တပ်မှူးက ပြောသည်။
၎င်းက “သူတို့ဘက်က စစ်ရေးအရ အင်အားသုံးလာရင်တော့ ကျနော်တို့ဘက်က ဘယ်လို တုံ့ပြန်ရမယ်ဆိုတာ အထက်အမိန့်အပေါ်မှာပဲ မူတည်တယ်” ဟု ပြောသည်။
အဆိုပါကိစ္စနှင့်ပတ်သက်၍ အဖွဲ့ဥက္ကဋ္ဌ စောဌေးမောင်နှင့် အဆင့်မြင့်ခေါင်းဆောင် (၂) ဦးတို့အား ခေတ်ပြိုင်က ဖုန်းအဆက်အသွယ် လုပ်ခဲ့သော်လည်း ဆက်သွယ်၍ မရရှိပေ။
နအဖက စစ်ရေးအရ အင်အားသုံး တိုက်ခိုက်လာပါက ကရင်ငြိမ်းချမ်းရေးကောင်စီအဖွဲ့ကို မိမိတို့ နယ်မြေအတွင်း အခြေချခွင့်ပေးပြီး ပြန်လည်ဝင်ရောက်လာမည့် စစ်သည်များကိုလည်း လက်ခံကြိုဆိုသွားမည်ဟု ကရင်အမျိုးသားအစည်းအရုံး (ကေအန်ယူ) အဖွဲ့၏ အထွေထွေအတွင်းရေးမှူး နော်စီဖိုးရာစိန်က ခေတ်ပြိုင်သို့ပြောသည်။
ကရင်ငြိမ်းချမ်းရေးကောင်စီသည် ၂၀၀၇ ခု၊ ဖေဖော်ဝါရီ (၁၁) ရက်တွင် ကေအန်ယူမှခွဲထွက်၍ ကေအန်ယူ-ကေအန်အယ်လ်အေ ငြိမ်းချမ်းရေးကောင်စီအမည်ဖြင့် နအဖနှင့် ငြိမ်းချမ်းရေးယူခဲ့ပြီး လက်နက်ကိုင်တပ်ဖွဲ့ဝင်အင်အား (၅၀၀) ခန့်ရှိသည်ဟု သိရသည်။
၁၉၈၉ ခုနှစ်မှစ၍ နအဖနှင့်ငြိမ်းချမ်းရေးယူထားသည့် တိုင်းရင်းသား လက်နက်ကိုင် အဖွဲ့အစည်း (၁၇) ဖွဲ့ရှိပြီး အဆိုပါတပ်ဖွဲ့များကို နယ်ခြားစောင့်တပ်အဖြစ် အသွင်ပြောင်းလဲရန် နအဖစစ်အစိုးရက ယမန်နှစ် ဧပြီလမှ စတင်ကာ ဖိအားပေးလျက်ရှိသည်။
Read More...
Summary only...
ရဟတ်ယာဉ်ပျက်ကျပြီး တမလွန်ကိုမြန်မြန်ရောက်ပါစေလို့ နွားလပြည့်မွေးနေ့ဆုမွန်ကောင်းကို ကညောဖိုးမှ ဆုတောင်းပေးလိုက်ပါတယ်..............
Freedom News Group မှ...
ဗိုလ်ချုပ်မှုးကြီး ဘ၀ ဖြင့် သေတစ်ပန် သက်တစ်ဆုံး အရိုး ထုတ်သွားမည် မြန်မာ
စစ်ခေါင်းဆောင်၏မြေး နေရွှေသွေးအောင် (ခေါ်) ဖိုးလပြည့် မှာ သူ၏ အဖိုး ဖြစ်သူ က အာဏာလွှဲပေးရန်
အကြောင်းဖန်လာ ပါလာ ပါက လည်းသူ့ အနေ ဖြင့်လွှဲပြောင်း လက်ခံ ရယူမည် မဟုတ်ကြောင်း
ယခု သီတင်းပတ် အတွင်း က သူငယ်ချင်း ဖြစ်သူ များ အား သူ၏ ရဟတ်ယာဉ် မိတ်ဆက်ပွဲ အခမ်း
အနား ကို မင်္ဂလာဒုံ လေယာဉ် ကွင်း တွင် ကျင်းပစဉ် အထက်ပါ အတိုင်း ပြောကြားခဲ့သည်။
အသက် ၇၈ နှစ် အရွယ်ရှိ သူ ဗိုလ်ချုပ်မှုး ကြီးသန်းရွှေ က အသက် ၂၀ အရွယ် အရွယ်မြေးအား အာ
ဏာလွှဲပေး နိုင်သည် ဟု သတင်းများ ထွက်ပေါ်နေချိန် တွင် ဖိုးလပြည့် က ထို ကဲ့ သို့ ငြင်းဆန်ခဲ့ ခြင်း
ဖြစ်သည်။

ပြီးခဲ့သည့် ရက်သတ္တပတ် အတွင်း လက်ရှိ စစ်တပ် ရာထူး နှင့် အဆင့်မှ နှုတ်ထွက် သွားပြီ ဟု သတင်း
ထွက်ပေါ်နေသည့် ဗိုလ်ချုပ်မှုးကြီး သန်းရွှေက မြေးဖြစ်သူ ဖိုးလပြည့် အသက် ၂၀ ပြည့်တွင် ယူရို ငွေ
တစ်သိန်း ခွဲ ကျော်ခန့် တန်ကြေးရှိသည့် ပြင်သစ် နိုင်ငံလုပ် လေးယောက်စီး Eurocopter EC 130
အမျိုး အစား ကိုလက်ဆောင်ပေးခဲ့ခြင်း ဖြစ်သည်။
ရဟတ်ယာဉ် သစ်အား သူကိုယ်တိုင် သရုပ်ပြမောင်းနှင် ပြသသည့် ပွဲတွင် သူ့ အား ရဟတ်ယာဉ် မောင်း
လေ့ကျင့်ပေးသည့် လေတပ် လေသူရဲ နှစ်ဦး ပါရှိ ပြီး သူ ၏ သူငယ်ချင်း အချို့ ကို လည်း
အလှည့် ကျစီ နောက်ခုံ တွင် လိုက်ပါစီးနင်း စေသည် ဟု သိရသည်။
အသက် ၂၀ ကျော် အရွယ်ရှိ ဖိုးလပြည့် မှာ သူရထားသော အဖိုးဖြစ်သူ ၏ မွေးနေ့ လက်ဆောင်ဖြစ်
သည့် ရဟတ်ယာဉ် သစ် မိတ်ဆက်ပွဲ တွင် သူ့ အနေဖြင့် မော်တော်ကား မောင်းခြင်း၊မော်တော် ဘုတ်
မောင်းနှင် ခြင်း နှင့် ရဟတ်ယာဉ် မောင်းနှင်းခြင်းတို့ ကို သာစိတ်ဝင်စား ပြီး ရဟတ်ယာဉ် မောင်းနှင်မှု
စွမ်းရည်ပြ ပြိုင်ပွဲ များ ကို ၀င်ခြင် သည် ဟု သိရသည်။
ဖိုးလပြည့် သည် ရဟတ်ယာဉ် ကို အတော်အသင့် မောင်းနှင် တတ် နေပြီး ယခု မွေးနေ့ လက်ဆောက်ရသည့်
ရဟတ်ယာဉ်ဖြင့် စင်္ကာပူ အထိ မောင်းနှင် ခြင်သော် လည်း အဖိုးဖြစ်သူက ခွင့်မပြုဟု သိရသည်။
၎င်း သည် မော်တော်ကား မောင်းနှင်ခြင်းလောက် အာဏာကို မမက်မော ဟု လည်း ထိုနေ့ က
ပြောကြားခဲ့သည်။
ဗိုလ်ချုပ်မှုးကြီး သန်းရွှေက မြေးဖြစ်သူ ဖိုးလပြည့်အတွက် ရဟတ်ယာဉ် မွေးနေ့ လက်ဆောင်ဝယ်ပေး
သော် လည်း ရန်ကုန်မြို့ နေ ပြည်သူ အများ စု မှ ဘတ်(စ)ကား တိုးစီးရဆဲ ဖြစ်သည်။
Read More...
Summary only...
မဲဆောက် (မဇ္ဈိမ) ။ ။ ရက်အနည်းငယ်အတွင်းတွင် မကြုံစဖူးများပြားလှသော ကရင်ဒုက္ခသည်များ ထိုင်းမြန်မာနယ်စပ်သို့ ရောက်ရှိခိုလှုံလာနိုင်သည်ဟု KNU/KNLA ငြိမ်းချမ်းရေးကောင်စီက သတိပေးလိုက်သည်။
ယခုအပတ်အတွင်း ကရင်ငြိမ်းချမ်းရေးကောင်စီမှ ထုတ်ပြန်ခဲ့သည့် နိုင်ငံတကာသို့ ပန်ကြားချက်ထဲတွင် ဒုက္ခသည် ၆,ဝဝဝ မှ ၁ဝ,ဝဝဝ ခန့်အထိ ဘေးကင်းရာသို့ ပြောင်းရွှေ့ခိုလှုံကြဖွယ်ရှိနေပြီး အကယ်၍ မြန်မာစစ်အစိုးရသည် ဒေါနတောင်တန်း အနောက်ဘက်ရှိ ငြိမ်းချမ်းရေးကောင်စီ၏မြို့ ထို့ကော်ကိုး ကိုပါ စစ်ဆင်ရှင်းလင်းရေး လုပ်လာခဲ့လျှင် ဒုက္ခသည်အရေအတွက်သည် တသိန်းခန့်အထိ ရှိသွားနိုင်သည်ဟု ဖော်ပြထားသည်။
KNU/KNLA ငြိမ်းချမ်းရေးကောင်စီသည် ၂ဝဝ၆ ခုနှစ်တွင် ကရင်အမျိုးသားအစည်းအရုံး (KNU) မှ ခွဲထွက်လာသော အဖွဲ့အစည်းဖြစ်ပြီး မြန်မာစစ်အစိုးရနှင့် အပစ်အခတ်ရပ်စဲရေး စာချုပ်ချုပ်ဆိုခဲ့သည်။ ထိုအချိန်မှ စ၍ KNU/KNLA ငြိမ်းချမ်းရေးကောင်စီသည် ဒေါနတောင်တန်း အနောက်ဘက် ထို့ကော်ကိုးရွာတွင် မြို့တခုကိုတည်ထောင်ခဲ့ပြီး အဖွဲ့၏ခေါင်းဆောင်များသည် မြန်မာစစ်တပ်နှင့် ပူးပေါင်းကာ စီးပွားရေး လုပ်ငန်းများ လုပ်ကိုင်ခဲ့ကြသည်။
ငြိမ်းချမ်းရေးကောင်စီမှ ခေါင်းဆောင်များသည် ယင်းတို့ ချမ်းသာကြွယ်ဝလာရေးအတွက် စစ်အစိုးရနှင့် ပူးပေါင်းခဲ့ကြခြင်းဖြစ်သည်ဟု အများကစွပ်စွဲကြသည်။ ယခုနှစ်တွင်မူ မြန်မာစစ်အစိုးရသည် တိုင်းရင်းသား လက်နက်ကိုင်အင်အားစုများအား ယင်းတို့လက်အောက်ခံ နယ်ခြားစောင့်တပ်များအဖြစ် အသွင်ပြောင်းရေးကို ရာဇသံပေးလာခဲ့သည်။
ငြိမ်းချမ်းရေးကောင်စီသည် စစ်အစိုးရ၏ နယ်ခြားစောင့်တပ်ပြောင်းရေး ရာဇသံကို အကြိမ်ကြိမ် ငြင်းဆန်ခဲ့သည့်အပြင် ကရင်အမျိုးသားလွတ်မြောက်ရေး တပ်မတော် (KNLA) ကို တိုက်ခိုက်ရန် စေခိုင်းမှုအားလည်း ငြင်းဆန်ခဲ့ကြသည်။ ထို့ကြောင့် မကြာသေးခင်က မြန်မာစစ်အစိုးရသည် ငြိမ်းချမ်းရေးကောင်စီအား အမိန့်ကိုနာခံရန်နှင့် နာခံခြင်းမရှိပါက မတရားအသင်းအဖြစ် ကြေညာတော့မည် ဖြစ်ကြောင်း ရာဇသံပေးခဲ့သည်။
ကရင်အမျိုးသားလွတ်မြောက်ရေးတပ်မတော် ဗိုလ်မှူးကြီး နာဒါးမြ
မြန်မာစစ်တပ်မှ ဒုဗိုလ်ချုပ်ကြီး ရဲမြင့်သည် ကရင်ငြိမ်းချမ်းရေးကောင်စီမှ ခေါင်းဆောင်များနှင့် မကြာသေးခင်က တွေ့ဆုံခဲ့ရာတွင် “ငါတို့ စစ်တပ်နဲ့ တနင်္ဂနွေနေ့ နောက်ဆုံးထားပြီး ပူးပေါင်းရင်ပူးပေါင်း၊ မပူးပေါင်းရင် ထို့ကော်ကိုးမြို့ပျက်စီးပြီး လူတွေအားလုံး အိုးမဲ့အိမ်မဲ့ ဖြစ်သွားမယ်” ဟု ခြိမ်းခြောက်ခဲ့သည်ဟု ဆိုသည်။
ထိုကဲ့သို့ စစ်အစိုးရလက်အောက်ခံ နယ်ခြားစောင့်တပ် အသွင်းပြောင်းခဲ့လျှင် အမြော်အမြင်နည်းရာ ရောက်မည်ကို သိသဖြင့် ငြိမ်းချမ်းရေးကောင်စီခေါင်းဆောင်များသည် ရာဇသံကို ချက်ခြင်းပင် ငြင်းဆန်ခဲ့ကြပြီး ကာကွယ်ရေးအတွက် ပြင်ဆင်နေသည်ဟု ဆိုသည်။
ကရင်ငြိမ်းချမ်းရေးကောင်စီသည် ကောင်းစွာလက်နက်တပ်ဆင်ထားသော အဖွဲ့အစည်းဖြစ်သည်။ စာရေးသူသည် M-60 နှင့် M-16 အသစ်စက်စက်များကို ထရပ်ကားတစီးစာ တွေ့မြင်ခဲ့ရပြီး ငြိမ်းချမ်းရေးကောင်စီသည် ပေါက်ကွဲစေတတ်သော ခဲယမ်းမီးကျောက် ထောင်ပေါင်းများစွာကိုလည်း ပိုင်ဆိုင်ထားသည်။
ငြိမ်းချမ်းရေးကောင်စီမှ ပြောရေးဆိုခွင့်ရှိသူတဦးက “မြန်မာစစ်တပ်ဟာ ငြိမ်းချမ်းရေးစာချုပ်ကို ချိုးဖောက်ပြီး စစ်ပွဲကိုစတင်လာခဲ့မယ်ဆိုရင် ကျနော်တို့ ကရင်တွေအနေနဲ့ တခြားရွေးစရာ နည်းလမ်းမရှိတော့ပါဘူး။ ကာကွယ်ဖို့အတွက် တတ်နိုင်သမျှ နည်းလမ်းပေါင်းစုံကို အသုံးပြုသွားမှာပါ” ဟု ထုတ်ဖော်ပြောဆိုခဲ့သည်။
“ဘာပဲဖြစ်ဖြစ် တချိန်က အန္တရာယ်ကင်းရှင်းပြီး လုံခြုံတဲ့ဒေသဖြစ်တဲ့ ထို့ကော်ကိုးဟာ လုံခြုံမှု မရှိတော့တဲ့ အတွက် ကလေးငယ်တွေအပါအဝင် မိသားစုတွေဟာ နယ်စပ်ကိုဖြတ်ကျော်ပြီး ထိုင်းနိုင်ငံထဲကို ဝင်ရောက်ကြရပါတော့မယ်။ ဒါပေမယ့် ထိုင်းက လက်ခံမယ် လက်မခံဘူး ဆိုတာကတော့ မသေချာပါဘူး” ဟု သူက ဆက်လက်ပြောဆိုခဲ့သည်။
ကရင်အမျိုးသားလွတ်မြောက်ရေးတပ်မတော်၏ တပ်ဖွဲ့တခုက ယမန်နေ့ညက ကြေညာခဲ့ရာတွင် ကရင်ငြိမ်းချမ်းရေးကောင်စီအနေဖြင့် ထိုင်းမြန်မာနယ်စပ်သို့ မောင်းထုတ်ခြင်းခံရလျှင် ယင်းတို့အနေဖြင့် ကာကွယ်ပေးသွားမည်ဟု ဆိုသည်။
ဗိုလ်ချုပ်မြ၏ အကြီးဆုံးသားဖြစ်သူ ကရင်အမျိုးသားလွတ်မြောက်ရေးတပ်မတော် ဗိုလ်မှူးကြီး နာဒါးမြက “ကျနော်တို့ အားလုံးဟာ ကရင်တွေပါ။ ကရင်လူမျိုးတွေအနေနဲ့ တတ်နိုင်သမျှ ခုခံကြရမှာပါ” ဟုဆိုသည်။
သူက သူနှင့်သူ၏ တပ်ဖွဲ့သည် ကရင်ငြိမ်းချမ်းရေးကောင်စီအား မြန်မာစစ်အစိုးရမှ တိုက်ခိုက်လာခဲ့လျှင် ကရင်ငြိမ်းချမ်းရေး ကောင်စီဘက်မှ ကူညီသွားမည်ဖြစ်ကြောင်းလည်း ပြောကြားခဲ့သည်။ နာဒါးမြ အဓိကစိုးရိမ်ပူပန်နေသောအချက်မှာ အရပ်သားများ အရေးပင်ဖြစ်သည်ဟု ဆိုသည်။
ထိုင်းနိုင်ငံသည် ထောင်နှင့်ချီသော ကရင် ဒုက္ခသည်များအား လက်ခံနိုင်ချေ သိပ်မရှိဟုလည်း ဆိုကြသည်။ မဲဆောက်နား တဝိုက်ရှိ Tha Son Yang၊ Phop Phra နှင့် Umphang ဒေသများ၌ အရေးပေါ် ပြင်ဆင်မှုများ ပြုလုပ်နေကြသော်လည်း ထိုင်းနိုင်ငံသည် ခိုလှုံရန်ကြိုးစားလာသူများအတွက် စည်းကမ်းများ တင်းကျပ်ထားသည်ဟု ဆိုသည်။
နယ်စပ်ဖြတ်ကျော် ခိုလှုံလာသူများမှာ တိုက်ပွဲများကြောင့် ထွက်ပြေးလာသူများ ဖြစ်ရမည့်အပြင် မည်သည့်ဘက်တွင်မှ ပါဝင်တိုက်ခိုက်ခဲ့ခြင်းမရှိမှသာ နေစရာနှင့် အစားအစာများ ရရှိပေလိမ့်မည်။ တဘက်ဘက်မှ ပါဝင်တိုက်ခိုက်သူများနှင့် ယင်းတို့၏ မိသားစုများကို ခိုလှုံခွင့်ပေးလိမ့်မည် မဟုတ်ချေ။
ကန်ချနဘူရီနှင့် ထိုင်းနိုင်ငံမြောက်ပိုင်း မယ်ဟောင်ဆောင် ဒေသများကို ထိန်းချုပ်တာဝန် ယူထားသည့် ထိုင်းတတိယတပ်မကမူ မြန်မာစစ်အစိုးရနှင့် ကရင်ငြိမ်းချမ်းရေးကောင်စီ၏ အငြင်းပွားမှုများသည် မြန်မာနိုင်ငံ၏ ပြည်တွင်းရေးကိစ္စသာ ဖြစ်သည်ဟူသည့်မူကို ဆက်လက်ကိုင်စွဲထားသည်။
ထိုင်းမြန်မာ နယ်စပ်ရှိ အန်ဂျီအိုများ အနေဖြင့် မြန်မာစစ်အစိုးရနှင့် ကရင်ငြိမ်းချမ်းရေး ကောင်စီအကြား တင်းမာမှု အခြေအနေ အရပ်ရပ်ကို စိုးရိမ်ပူပန် နေကြသော်လည်း လူပေါင်း တသိန်းခန့် အထိ ထွက်ပြေးခိုလှုံ လာလိမ့်မည် ဆိုသည်ကိုမူ သံသယ ရှိနေကြသည်။
ထို့ပြင် နိုင်ငံတကာမှ အလှူရှင်များသည် ကရင်ပြည်နယ်အတွင်း ဆယ်စုနှစ် ခြောက်ခုကျော်ခန့် ဖြစ်ပွားခဲ့သော တိုက်ခိုက်မှုများကြောင့် ဒုက္ခရောက်သူများကို လှူဒါန်းနေရသည်မှာ လက်ပန်းကျလာပြီ ဖြစ်သဖြင့် အကူအညီများလည်း လျော့ကျနေသည်။ ထို့ကြောင့် ဒုက္ခသည်များအား အကူအညီပေးနေသည့် အဖွဲ့အစည်းများ အနေဖြင့် သောင်းနှင့်ချီသော ဒုက္ခသည်များ ရောက်ရှိလာမည်ကို စိုးရိမ်နေကြသည်။
သို့သော် မြန်မာစစ်တပ်အနေဖြင့် ထိုင်းနယ်စပ်ရှိ ထို့ကော်ကိုးမြို့အား စစ်ဆင်ရှင်းလင်းရေး ပြုလုပ်ခဲ့လျှင် ယမန်နှစ်က ကရင်ဒုက္ခသည်များ ထိုင်းနိုင်ငံဘက်ခြမ်း Tha Son Yang သို့ ထွက်ပြေးခိုလှုံခဲ့ကြသည့် အရေအတွက်ထက် မနှိုင်းယှဉ်သာအောင် များပြားပေလိမ့်မည်။ ယမန်နှစ် ဇွန်နှင့် ဇူလိုင်လများက မြန်မာစစ်တပ်နှင့် မဟာမိတ်ဖြစ်သည့် တိုးတက်သော ကရင်ဗုဒ္ဓဘာသာတပ်မတော်သည် ကရင်အမျိုးသား လွတ်မြောက်ရေးတပ်မတော် (KNLA) ၏ တပ်မဟာ ၇ အား ထိုးစစ်ဆင်ခဲ့ရာတွင် ဒုက္ခသည် ၆,၅ဝဝ ခန့် ထိုင်းနိုင်ငံဘက်ခြမ်း Tha Son Yang သို့ ထွက်ပြေးခိုလှုံခဲ့ကြရသည်။
ထိုကဲ့သို့ အစုလိုက်အပြုံလိုက် ခိုလှုံလာကြလျှင် ကပ်ဆိုက်သကဲ့သို့ အခက်အခဲများ ဖြစ်လာနိုင်ပြီး NGO အဖွဲ့အစည်းများ အနေဖြင့် ဒုက္ခသည်များအား အခြေခံလိုအပ်ချက်များဖြစ်သော နေရာထိုင်ခင်း၊ အစားအစာ၊ ဆေးဝါးများ ထောက်ပံ့ရန်နှင့် သန့်ရှင်းရေးစနစ်များ စီစဉ်ပေးရန် မနိုင်မနင်းဖြစ်လာနိုင်သည်။
Read More...
Summary only...