KIC မှ.......
ကရင်ပြည်နယ်၊ မြ၀တီခရိုင် ဝေါ်လေဒေသတွင် တပ်ပြောင်းလဲရန် ရောက်ရှိလာသော နအဖတပ်ဖွဲ့နှင့် လှုပ်ရှားနေ ဆဲတပ်ဖွဲ့တို့ကို ကေအဲန်ယူမှ ယမန်နေ့နှင့် ယနေ့မနက်တွင် နှစ်ကြိမ်ဆက်တိုက် ချုံခိုက်တိုက်ခိုက်ခဲ့ရာ နအဖတပ် ဘက်က ၃ဦးသေဆုံးပြီး ဗိုလ်ကြီးတစ်ဦး အပါအ၀င် ၇ဦး ဒဏ်ရရှိခဲ့သည်ဟု သိရသည်။
ဝေါ်လေဒေသ မော်ခီးအခြေစိုက် အရှေ့တောင်တိုင်းစစ်တပ်ဌာနချုပ် ရတခ လက်အောက်ခံတပ်ရင်း ခလရ(၂၇၅) နှင့် တပ်ပြောင်းလဲရန် ရောက်ရှိလာသော ခလရ(၉၇)အား ကရင်အမျိုးသားလွတ်မြောက်ရေးတပ်မတော် (ကေအဲန် အယ်လ်အေ) တပ်ရင်း(၂၀၁)က ယမန်နေ့ညနေ ၃နာရီခန့်တွင် တကြိမ်ချုံခိုတိုက်ခိုက်ခဲ့ရာ နအဖဘက်က ၃ဦး ကျဆုံးပြီး ၃ဦး ထိခိုက်ဒဏ်ရာရရှိခဲ့သည်။
အလားတူ ယနေ့မနက် (၆)နာရီခန့်တွင် ကနဲလေးအခြေစိုက် နအဖ စကခ(၈) လက်အောက်ခံ ခမရ(၄၀၃) လှုပ် ရှားတပ်ရင်းအား ကေအဲန်အယ်လ်အေ (၂၀၁)တပ်ဖွဲ့က ထပ်မံ၍ ချုံခိုတိုက်ခိုက်ခဲ့ရာ နအဖဘက်က ၄ဦး ထိခိုက် ဒဏ်ရာရရှိသွားသည်ဟု ၎င်းတပ်ရင်း(၂၀၁)မှ ဒုတပ်ရင်းမှူး ဗိုလ်မှူးစောကြည်အောင်က အတည်ပြု ပြောဆိုသည်။
“မနေ့က ညနေ ၃နာရ်ီမှာ ခလရ(၉၇)နဲ့ ကျနော်တို့တပ်ဖွဲ့ ကနဲလေးရွာ အနောက်ဘက်ခြမ်း တောင်ကုန်းဘေးနား မှာ တိုက်ပွဲဖြစ်တော့ နအဖဘက်က ၃ယောက်သေ၊ ၃ယောက်ဒဏ်ရတယ်။ ဒီမနက် ကနဲလေးရွာ အခြေစိုက် ခမရ (၄၀၃)နဲ့ တကြိမ်ထပ်ဖြစ်တယ်။ နအဖဘက်က ၄ယောက် ဒဏ်ရာရတယ်။ အဲဒီအထဲမှာ ဗိုလ်ကြီးတယောက်ပါ တယ်။ ကျနော်တို့ဘက်ကတော့ ထိခိုက်သေဆုံးမှု မရှိဘူး။”ဟု ဗိုလ်မှူးစောကြည်အောင်က ပြောသည်။
ကျေးရွာအနီးတ၀ိုက်တွင် ဖြစ်ပွားခဲ့သည့် တိုက်ပွဲကြောင့် ရွာသားများကို ဖမ်းဆီးအကြပ်ကိုင်မှုများ လုပ်ဆောင်ခြင်း မရှိသော်လည်း ခလရ(၂၇၅)သည် ခလရ(၉၇)နှင့် တပ်အပြောင်းအလဲလုပ်ပြီးနောက် ယနေ့မနက်တွင် မောကီး စခန်းမှ မိခင်ဌာနချုပ်မော်လမြိုင်သို့ အပြန်လမ်း၌ ကေအဲန်ယူတပ်ဖွဲ့ဝင်များ၏ ချုံခိုတိုက်ခိုက်ခံရမည်စိုးရိမ်သော ကြောင့် ကနဲလေး ရွာသူကြီး အပါအ၀င် ရွာသူရွာသား ၃၀ဦးကျော် လိုက်ပါပို့ဆောင်ပေးရသည်ဟု သိရသည်။
ခြောက်မိနစ်ခန့်ကြာ ဖြစ်ပွားခဲ့သည့် ၎င်းချုံခိုတိုက်ပွဲတွင် ဒဏ်ရာရရှိသွားသော နအဖစစ်သည်များကို ဝေါ်လေမှ တဆင့် မြ၀တီဆေးရုံကြီးသို့ ပို့ဆောင်လိုက်သည်ဟု နယ်မြေခံများက ပြောဆိုနေကြသော်လည်း ယနေ့မွန်းလွဲပိုင်း အထိ စစ်သည်လူနာများ ရောက်ရှိလာခြင်းမရှိကြောင်း မြ၀တီဆေးရုံမှ ၀န်ထမ်းတဦးက ကေအိုင်စီကို ပြောသည်။
နအဖ တပ်များသည် ပြီးခဲ့သည့်အပတ်ကတည်းက ဖားအံ-မြ၀တီကားလမ်းမှ အင်အားများစွာ ထပ်မံ ရောက်ရှိလာ ကာ ယခုတိုက်ပွဲဖြစ်ပွားသည့် ဝေါ်လေဒေသသို့ သွားရောက်ခဲ့ရာ တပ်ရင်း (၅)ရင်းအထိ ရှိသည်ဟုလည်း နယ်စပ် သတင်းများအရ သိရသည်။
ထိုင်းနိုင်ငံ မဲဆောက်မြို့တောင်ပိုင်း (၁၂၀)ကီလိုမီတာ အကွာအဝေးရှိ အဆိုပါ တိုက်ပွဲဖြစ်ပွားရာဒေသသည် ကေ အဲန်အယ်လ်အေ တပ်ရင်း(၂၀၁)၊ နယ်ခြားစောင့်တပ်ကို လက်မခံသည့် ဒီကေဘီအေ တပ်မဟာ(၅)တပ်ဖွဲ့နှင့် နအဖ ရတခနှင့် စကခ(၈)လက်အောက်ခံတပ်ရင်းတို့ လှုပ်ရှားလျှက်ရှိသည်။
ချုံခိုတိုက်ခိုက်ခံရ၍ နအဖစစ်တပ်မှ အရာရှိတဦးပါ ၇ဦးထိခိုက် ၃ဦးကျဆုံး
မောရဝတီ ရေတပ်စခန်းမှ လယ်မြေဧက (၁ဝဝ) ကို တပ်ပိုင်အဖြစ် သိမ်းဆည်း
လက်နက်အားကိုးပြီး လူထုတွေကို နည်းမျိုးစုံပြသနာရှာ အနိုင်ကျင့်နေတဲ့ သန်းရွှေ ရဲ့ ဒူးမနာသားတွေ မြန်မြန်ကောင်းရာသုဂတိလားပါစေ........
ကောင်းဝါသတင်း မှ..........
တနင်္သာရီတိုင်း ရေဖြူမြို့နယ် ကျွဲသုံးညီမကျေးရွာ အခြေစိုက် မောရဝတီရေ တပ်စခန်းမှ ရွာသားများပိုင် လယ်မြေဧက (၁ဝဝ) ကျော်ကို တပ်စိုက်ပျိုးမြေအဖြစ် ယခုရက်ပိုင်းအတွင်း အတင်းအဓမ္မ သိမ်းဆည်းခဲ့သည်ဟု ဒေသခံများမှ ပြောပါသည်။
အဆိုပါ တပ်ပိုင်လယ်ယာမြေသိမ်းရာတွင် နေပြည်တော်မှ ညွှန်ကြားချက်အရ သိမ်းဆည်းခဲ့သည်ဟု ဆို၏။
ဤကဲ့သို့ လယ်ယာမြေများကို မတရား သိမ်းဆည်းခဲ့သော်လည်း လျော်ကြေး ပေးခြင်း မရှိဟု ဒေသခံ တစ်ဦးမှ ကောင်းဝါ သတင်းဌာနကို အောက်ပါအတိုင်း ပြောဆိုခဲ့ပါသည်။
“တပ်အနေနဲ့ လျော်ကြေး မပေးဘူး။ ကျေးရွာက ငွေကြေး ကောက်ခံပြီးတော့ သူတို့ ယူလိုက်တဲ့ လယ်ပိုင်ရှင်တွေကို ပြန်ပြီး တစ်ဧကကို(၅) သိန်းနဲ့ ပြန်ပေးမယ်ဆိုပြီးတော့ ရွာကို အစည်းအဝေးပွဲ ခေါ်တယ်ပေါ့။ အခုလောလောဆယ်ဆယ် မပေးရ သေးဘူး။ ရွာသားတွေဆီကနေပြီးတော့ ပြန်ကောက်ဖို့ အမိန့်ထုတ်ထားတယ်ပေါ့။ အဲလယ်သမားတွေ အနေနဲ့ကတော့ လောလော ဆယ်ဆယ် သူတို့က ကြောက်တာ တစ်ခုထဲ သိတယ်။ သူတို့ကို မေးလိုက်တဲ့ အခါမှာ ဘာမှ ပြန်မပြော ချင်ဘူးပေါ့နော်။ ဒီသူတို့ ပစ္စည်းဆုံးရှုံးတဲ့အတွက် သူတို့ မကျေနပ်ဘူးပေါ့။ သူတို့ တစ်ခုခု ကြောက်နေပုံရတယ်။”
ယခုလို လယ်ယာမြေ သိမ်းဆည်းခံရသည့်အပေါ် မည်သူ့ ကိုတိုင် ကြားရမည် မသိဟု လယ်မြေ အသိမ်းဆည်းခံရသူ လယ်သမား တစ်ဦးမှ ပြောပါသည်။
“အရင်ကဆိုရင် မွန်ပြည်သစ်ပါတီကိုတိုင်ရင် သူတို့ အနေနဲ့ အထက်ကို တင်ပေးတိုင်ကြားပေးနိုင်သေးတယ်။ အခုတော့ ပါတီနဲ့ အစိုးရတို့ ပြေလည်မှု မရှိတော့ ကျွန်တော်တို့ ဘယ်သူ့ကိုတိုင် ရမလဲဆိုတာ စဉ်းစားလို့ မရဘူး။ ကိုယ့်ဘိုးဘွားပိုင်မြေ ဆိုတော့ နှစ်မြောတာပေါ့ဗျာ။”
ကျွဲသုံးညီမကျေးရွာတွင် အခြေချထားသည့် ရေတပ်သည် ကျေးရွာသားများအပေါ် အမြဲတမ်းလိုလို ဖိနှိပ်အနိုင်ကျင့်ခြင်း ပြုလုပ်နေသည်ဟုလည်း ရွာသားများမှ ပြောပါသည်။ ရွာအပြင် ထွက်ရန်အတွက် စစ်တပ်မှ ထောက်ခံစာယူရပြီး တစ်စောင်လျှင် ကျပ် (၃ဝဝ) မှ (၇ဝဝ) အထိ ပေးဆောင်နေ ကြရသည်။
မွန်ပြည်နယ်နှင့် တနင်္သာရီတိုင်းတွင် (၂ဝဝဝ) ပြည့်နှစ်မှ ယနေ့အထိ ပြည်သူများ၏ လယ်ယာခြံမြေဧကပေါင်း တစ်သောင်း ကျော်ကို တပ်ပိုင်မြေအတွက်သော်၎င်း ဂက်ပိုက်လိုင်း လုပ်ဆောင်ရန်အတွက်သော်၎င်း စစ်တပ်မှ သိမ်းပိုက်ခဲ့ပြီးကြောင်း စစ်တမ်း ကောက်ယူထားသည့် မွန်ပြည် လူ့အခွင့်အရေး ဖေါင်ဒေးရှင်း၏ ဒါရိုက်တာ နိုင်ကဆော့မွန်မှ ပြောပါသည်။
မြန်မာတပ်မတော်တွင် စစ်အင်အားသာ တိုးချဲ့လာသော်လည်း စစ်တပ်အတွင်း လုံလောက်သော ဘတ်ဂျက်ငွေ မရှိတဲ့ အတွက် ယခုလို ပြည်သူများ၏ ခြံမြေများကို သိမ်းယူပြီး တပ်တွင်း ရန်ပုံငွေ ဖူလုံရေးအတွက် လုပ်ဆောင်နေရသည်ဟု နိုင်ကဆော့မွန်မှ ပြောပါသည်။
ပည်သူတို့ က ၎င်းတို့ ဘ၀ မလုံခြုံတော့ ဘူးဟု ခံစားနေရ၍ ပဲခူးမြို့ ပေါက်ကွဲလု နီးနီးဖြစ်နေ
Freedom News Group မှ........
စက်တင်ဘာလ ၄ ရက်နေ့ ညကစစ်တပ် အရာရှိ မှ အမိန့် ပေးသဖြင့်စစ်သား များ ကပစ်သတ်၍ သေဆုံးပြီးနောက် ပဲခူးမြို့ တွင် လုံခြုံရေး တင်းကျပ်ထားသော် လည်း နိုင်ငံရေး နှင့်လူထု အုံကြွမှု ဖြစ်ပေါ် ရေး အတွက်လှုံဆော်စာ များ နေ့ စဉ် ဝေငှမှု ရှိသည် ဟု သတင်းရရှိသည်။
ယနေ့ နေ့ လည် ၁၂ နာရီခန့် က ပဲခူးမြို့ နာရီ စင် အနီး တွင် ကပ်ထားသည့် လှုံဆော်စာများကို ပြည်သူ အများအပြား က လာရောက် ကြည့်ရှု ရာ မှ ရဲတပ်ဖွဲ့ က စစ်တပ် ကို အကြောင်းကြား၍ ခွာယူရသည်။
စစ်တပ်က ပစ်သတ်မှု ဖြစ်ပွားပြီး နောက်ပိုင်း တွင် ပဲခူးဒေသခံ တို့ မှာ ၎င်းတို့ အိမ်များတွင် တူမီး၊ဒူလေး ၊မျှား၊လှံ ၊မှိန်း၊ ငှက်ကြီးတောင် စသည့် ရရာ လက် နက်များ ကို စုဆောင်းလာကြသည်။
ပဲခူးမြို့ ရွေှ့မော်ဓော ဘုရား အနီးတွင် နေသည့် မီးရထား ၀န်ထမ်းဟောင်း တစ်ဦးက မူ အဘ တို့ အိမ်မှာ ရှိ တဲ့ ဒူးလေး ကို ထုတ်မသုံးတာ ကြာပြီ အမဲ လဲ မပစ်တော့ ဘူးဆိုတော့ အခု တော့ဆောင်ထားရပြီ နောက်တစ်ခါ ဒီလို ကိစ္စမျိုးဖြစ်ရင် တော့ သူသေ ကိုယ်သေ ပဲ ဟု နာကျဉ်းစွာဖြင့်Freedom News Group သို့ ပြောသည်။
စက်တင်ဘာ ၄ ရက် အိပ်မက်ဆိုး ကြောင့် ပဲခူးမြို့ ခံ တို့ မှာ မိမိတို့ ဘ၀ လုံခြုံမှု မရှိ ဟု ခံစားနေရသဖြင့် အထက်တန်းပြ ဆရာမ သည် ပင်လျှင် အိပ်ထဲဉ် ဓားမြှောင် ဆောင်ထားသည် ဟုသိရသည်။ပဲခူးမြို့ ခံ တို့ အား စစ်တပ်မှ ဆော်ကားပြီး နောက်တွင် ရှေးဟောင်း ကိုယ်လုံ ပညာ ဂိုဏ်းများဖြစ်သည့် ဥဿာရာမ နှင့် ရွှေဟင်္သာ ဂိုဏ်းများ မှာ ပြည်သူကို ကာကွယ်စောင့် ရှောက်ရန် အတွက်ပြန်လည် ဖွဲ့ စည်း လိုက်သည် ဟု သိရသည်။
နိုဝင်ဘာ လ ၇ ရက်နေ့ တွင် ကျင်းပမည့် ရွေးကောက်ပွဲတွင် ပဲခူး ဒေသခံ အများစု မှာ မဲပေးကြမည် မဟုတ် သည့် ပြင် ၎င်းတို့ ၏ ဆန္ဒ ကို လည်း ထုတ်ဖော်မည် ဟု သိရသည်။
တိုက်ပွဲဖြစ်ပွားမှုကြောင့် ရွာသားများ ညှင်းပန်းနှိပ်စက်ခံရ
KIC သတင်းမှ....
ကရင်ပြည်နယ် မြောက်ပိုင်း၊ ညောင်လေးပင်ခရိုင်၊ ကျောက်ကြီးမြို့နယ်တွင် နအဖနှင့် ကရင်အမျိုးသားလွတ်မြောက်ရေးတပ် မတော် (ကေအဲန်အယ်လ်အေ) တပ်ဖွဲ့တို့ကြား တိုက်ပွဲဖြစ်ပွားမှုကြောင့် ဒေသခံရွာသား ၂၆ဦး ဖမ်းဆီးနှိပ်စက်ခံရသည်ဟု သိ ရသည်။
ပြီးခဲ့သည့် စက်တင်ဘာလ(၅)ရက်နေ့က ကျောက်ကြီးမြို့နယ် မတောကုန်းကျေးရွာအနီးတွင် ကေအဲန်အယ်လ်အေ တပ်ရင်း (၉)နှင့် နအဖ စစ်ကွပ်ကဲရေးဌာနချုပ်-စကခ (၁၆)မှ ခြေလျင်တပ်ရင်း-ခလရ (၂၄၂)တို့ တိုက်ပွဲဖြစ်ပွားခဲ့ရာ နအဖဘက်က ထိ ခိုက်သေဆုံးမှုရှိသောကြောင့် ယခုလို ရွာသားများ ဖမ်းဆီးနှိပ်စက်ခံရခြင်းဖြစ်သည်ဟု နယ်မြေခံတဦးက ပြောသည်။
ယင်းသို့ ဖမ်းဆီးနှိပ်စက်ခံရသည့် ရွာသားများမှာ မတောကုန်း၊ သင်္ဃန်းမြောင်၊ ပတ္တလား၊ အုန်းမြေဒူး(တောခို)၊ ပအောတော စသည့်ရွာများမှ ဖြစ်သည်။
တိုက်ပွဲဖြစ်ပွားခဲ့ပြီးနောက် အဆိုပါ နအဖစစ်တပ်သည် မတောကုန်း ရွာထဲသို့ လက်နက်ကြီးများဖြင့် ၀င်ရောက်ပစ်ခတ်ခဲ့ သောကြောင့် ရွာသူအမျိုးသမီးတဦး သေဆုံးသွားခဲ့ပြီး ရွာထဲရှိ အမျိုးသားများမှာ အတွေ့မခံဘဲ လွတ်မြောက်ရာနေရာများသို့ ထွက်ပြေးပုန်းအောင်းခဲ့ရသည်ဟု ၎င်းနယ်မြေခံက ပြောသည်။
ယခုအချိန်တွင် ရွာသူရွာသားများ တရွာနှင့်တရွာ အဆက်အသွယ် လုံးဝ မလုပ်ရန်နှင့် လုပ်ငန်းခွင်သွားလာခွင့်ကိုလည်း ပိတ် ပင်ထားသည့်အပြင် လမ်းတွင်တွေ့ရှိပါက တန်းပစ်သတ်မည်ဟု ၎င်းခလရ(၂၄၂)တပ်ရင်းက ခြိမ်းခြောက်ထားကြောင်း ညောင်လေးပင်ခရိုင်သတင်းအရ သိရသည်။
ထို့အပြင် အဆိုပါရွာများမှ ရွာသူကြီးများကို ယခုလ ၇ရက်နေ့က ဖမ်းဆီးခေါ်ဆောင်ခဲ့ပြီး သက်ဆိုင်ရာ ကျေးရွာအနီးတ၀ိုက် တွင် တိုက်ပွဲမဖြစ်စေရန် ၀န်ခံကတိပေးခိုင်းကာ အတင်းအဓမ္မ လက်မှတ်ရေးထိုးခိုင်းသည့်အပြင် တစုံတရာ ဖြစ်ပွားလာပါက ရွာသူကြီးများကို အကုန်သတ်ပစ်မည်ဟု ခြိမ်းခြောက်ထားကြောင်း သိရသည်။
လူမဆန်မှုသတင်း
တပ်မဟာ(၃) ညောင်လေးပင်ခရိုင်။
- စကခ(၁၆)နှင့်ခမရ(၂၄၂)တို့ အုပ်စုသည် ၆.၉.၂၀၁၀နေ့ တွင်တရွာနှင့်တရွာသို့ ကူးသန်းသွားလာလျှင်၎င်း၊ ရွာသားများလယ်ထဲယာထဲဆင်း ပြီးအလုပ်လုပ်လျှင်၎င်း သူတို့ တွေ့ ရှိပါကပစ်သတ်မည်ဟုခြိမ်းခြောက်တားမြစ်ထားသည်။
- ၇.၉.၂၀၁၀နေ့ တွင် မတောကုန်း၊ ဟီဖိုးဒဲ၊ ပန်တလာ၊ တောခို၊ ပအောတော စသည့်ရွာများမှ ရွာသား၂၆ဦးတို့ ကိုဖမ်းဆီးထားပြီး ပြင်းပြင်းထန် ထန်နှိပ်စက်ညင်းပန်းပြီးတော့ ထဲ့ထူစစ်စခန်းသို့ ပို့ ဆောင်ကြောင်းသတင်းရရှိသည်။
- ဒါ့အပြင် နအဖစစ်အုပ်စုများသည် ရွာသူကြီးများအား မိမိအပိုင်ဂွင်ထဲတွင် ဘာပြသနာမှမတက်စေရ ဆိုပြီးလက်မှတ်ထိုးခုိုင်းတဲ့အပြင် ပြသနာ တက်လာပါကအကုန်လုံးသတ်ပစ်မည်ဟုပြောဆိုခြိမ်းခြောက်ထားသည်။
- ဒီ၂၀၁၀နအဖရွေးကောက်ပွဲအတွက် မဲဆွယ်ရန်အတွက် နံ့ သာကွင်းတံတားကိုပြန်ပြင်ပြီးတော့ အခုလောလောဆယ်တွင်လယ်ကဝေါ်ဂွင်မှ ရွာသူရွာသားများကို နည်းလမ်းပေါင်းစုံမှဖမ်းဆီးချုပ်နှောင်ထားကြောင်းသတင်းရရှိသည်။
တပ်ရိက္ခာအတွက် ဆန်ကို ကျေးရွာများထံ တောင်းယူ
ကရင်နီပြည် ရှားတောမြို့နယ်၌ တပ်စွဲထားသော စစ်အစိုးရတပ်သည် ၎င်းတို့ တပ်စခန်း စားသုံးရေးအတွက် ဆန်များကို ယခုလ ၂၄ ရက်နေ့က ဒေသခံကျေးရွာများထံ အခမဲ့ တောင်းယူခဲ့ကြောင်း သိရသည်။
ဗိုလ်ကြီး ကျော်သူ ဦးဆောင်သော စစ်အစိုးရတပ်မှ ခမရ ၅၁၇ တပ်ရင်းသည် ၎င်းတို့ တပ်စခန်း အနီးရှိ ဒေါတနောကျေးရွာမှ ဆန် ၁၀ ပုံးနှင့် ဒေါမူးလဲကျေးရွာမှ ဆန် ၈ ပုံးတို့ကို တောင်းယူခဲ့ပြီး တပ်စခန်းသို့ အရောက်ပို့ပေးရန် အမိန့်ပေးခဲ့သည်။
“သူတို့ (နအဖ) တပ်က ကျနော်တို့ကို အခမဲ့ အတင်းတောင်းနေတယ်။ သူတို့ကို ဆန်ပေးဖို့ အမိန့်ပေးထားတယ်။ သူတို့ကျတော့ ကျနော်တို့ ရွာသားတွေအတွက် ဘာတခုမှ ကူညီပေးတာတွေ မရှိဘူး” ဟု ရှားတောမြို့နယ်မှ ဒေသခံတဦးက ပြောသည်။
ယခုနှစ်တွင် မိုးခေါင်ခဲ့သည့်အတွက် စိုက်ထားသော အသီးအနှံများနှင့် စပါးများသည်လည်း ကောင်းမွန်စွာ ဖြစ်ထွန်းအောင်မြင်မှု မရှိသည့်အပြင် စစ်အစိုးရတပ်၏ တပ်ရိက္ခာအတွက် ထပ်ဆောင်နေရ၍ စားဝတ်နေရေး ခက်ခဲမှု ရှိမှာကို စိုးရိမ်နေရကြောင်း သူက ဆက်ပြောသည်။
စစ်အစိုးရတပ်အတွက် အထက်မှ ပို့ပေးသော တပ်ရိက္ခာများကို ရှေ့တန်းနယ်မြေ၌ လှုပ်ရှားနေသော ကရင်နီတပ်မတော်များက ဖြတ်တောက်ယူခဲ့သောကြောင့် ၎င်းတပ်ရင်းသည် ဒေသခံကျေးရွာများအပေါ် ဆန်များကို လက်တုန့်ပြန် တောင်းယူရခြင်း ဖြစ်သည်ဟု ကရင်နီလူမှုကယ်ဆယ်ရေးနှင့် ဖွံ့ဖြိုးရေးပင်မဌာနမှ ပြည်ထဲရေး ဒု-တာဝန်ခံ ဗားမားနိုင်က ပြောသည်။
“ပြီးခဲ့တဲ့ တလ နှစ်လတုန်းက ၃-၄ ခါလောက် ရှိမယ်။ ကျနော်တို့ ကရင်နီရဲဘော်တွေက သူတို့ ရိက္ခာ သွားဖြတ်ထားလိုက်တယ်လေ။ ဘာဖြစ်လဲဆို သူတို့က ရွာသူရွာသားတွေကို သူတို့ နေတဲ့ ထင်းရူးတောင်မှာ ၂ ခါ သွားပို့ခိုင်းတယ်။ ကရင်နီရဲဘော်တွေက ၂ ခါ ၃ ခါ ကြားဖြတ်ယူလိုက်တော့ သူတို့ ကြောက်သွားတယ် ထင်တယ်။ ရွာသူရွာသားတွေဆီမှာ သွားတောင်းစားနေတာလေ” ဟု ၎င်းက ပြောသည်။
ထို့အပြင် ၎င်းတပ်ရင်းသည် ရှားတောမြို့နယ်ရှိ အခြားကျေးရွာများ ဖြစ်သော နောင်ပလူး၊ ဆုဖဲလော်၊ ဒေါဂေရော၊ သီရိဒါး၊ ဒေါနောင်ပလူး၊ လဲဒူကဆား၊ နန်းအွန်(ယ်)လေး၊ ကလာလဲနှင့် ကျူးလဲတို့၏ ရွာသူကြီးများနှင့် တွေ့ဆုံပြီး တရွာလျှင် ဆန် ၅ အိတ်စီ တပ်စခန်းသို့ ပို့ပေးရန် ထပ်မံတောင်ခံထားကြောင်း ဆိုသည်။
ရှားတောမြို့နယ် ထင်းရှုးတောင်၌ တပ်စွဲထားသော ၎င်းတပ်ရင်းသည် ပြီးခဲ့သည့် ဇန်န၀ါရီလ ၁၇ ရက်နေ့တွင်လည်း ဒေသခံကျေးရွာများ၏ ဆန်များကို ငွေးကြေး ပေးဆောင်မှု မရှိဘဲ တောင်းယူခဲ့သည်ဟု သိရသည်။
လူမဆန်မှုသတင်း
တပ်မဟာ(၂) တောင်ငူခရိုင်။
တောင်ငူခရိုင် ထန်းတပင် မြို့ နယ် တွင်လုပ်ရှားနေသော ခမရ(၃၃၆)တပ်ဖွဲ့ များသည် ၇၊ ၀၉၊ ၂၀၁၀ ရက်နေ့ တွင် ကော်သဲဒါး ရွာသို့ ရောက်ရှိလာပြီး ရွာသားများဖြစ်သော (၁) စောဆာကူးလူ - ၅၀နှစ် (၂) စောမူးတေ - ၄၀နှစ် (၃) စောကူးကူ - ၃၀နှစ် (၄) စောရေးဒို - ၂၀နှစ် (၅) စောထူးထူး - ၂၀နှစ် (၆) စောကလိုကလို - ၁၃နှစ် (၇) စောမာဂေထော် - ၂၃နှစ် (၈) စောကာမြ - ၅၀နှစ် (၉) အမည်မသိ ထိုဒေသတွင် အလုပ်လာရောက်လုပ်ကိုင်သော ပအိုဝ်းအမျိူးသားတစ်ဦး စသည်တို့ အား ဥယဉ်ခြံသို့ အသွားတွင် ဗမာ့စစ်တပ်မှ ဖမ်းဆီးပြီး ခေါ်ဆောင်သွားပါသည်။ လမ်းခုလပ်တွင် ဖမ်းဆီးခေါ်ဆောင်သောကြောင့် အဖမ်းခံရသော ရွာသားများတွင် အ၀တ်တစ်ထည်ကိုယ်တစ်ခု ပဲပါသွားပါသည်။ မိုးရာသီ ကာလ ဖြစ်သောကြောင့် အဖမ်းခံရသူများ အလွန်ဒုက္ခရောက်နေကြောင်း သတင်းရရှိပါသည်။
၉၊ ၀၉၊ ၂၀၁၀ ရက်နေ့ တွင်လည်း ဘောဂလိကြီး အခြေစိုက် နအဖ စစ်ဗျူဟာမှူးသည် ဒေသခံရွာများဖြစ်သော ကောစိုးခိုး၊ ၀ါသောခို၊ လိုကို၊ ရွာများအား တစ်အိမ်တောင်လျှင်တစ်ယောက် ဆင့်ခေါ်ပြီး ဗမာ့တပ်မတော် တပ်သားများ စားသုံးရာအတွက် ရိက္ခာများကို ကိုးဒေးမှ သအေးထ စခန်းသို့ အတင်းအကျပ်ပို့ ဆောင်ခိုင်းပါသည်။ ထိုနေ့ တွင်ပင် ဖလေးဆာလို အခြေစိုက် ခလရ (၁၀၂)မှ ဖလေးဆာလိုရွာသားများ ကျား - ၃ဦး၊ မ - ၃ ဦး ကို သပြေညွန့် စစ်စခန်းသို့  ရိက္ခာများကို သွားရောက်သယ် ခိုင်းပြီး ဖလေးဆာလိုစစ်စခန်းသို့ ပြန်လည်ပို့ ခိုင်းပါသည်။
လူမဆန်မှုသတင်း
တပ်မဟာ(၁) သထုံခရိုင်။
၃.၈.၂၀၁၀ နေ့တွင် ဘီလင်းမြို့နယ်ပညာရေးမှူး ပူးတွဲတာဝန်ဦးမျိုးဝင်းသည် ထိုမြို့နယ်အနီးတဝိုက်ရှိ ပညာရေးဝန်ထမ်း ဆရာ ဆရာမများအားလုံးကို မဲရုံမှူး ဒုမဲရုံမှူး မဲရုံအဖွဲ့ဝင် စသည့်သင်တန်းများကို ဘီးလင်းအထက်တန်းကျောင်းသို့ ၁၅.၉.၂၀၁၀ နေ့တွင် သွားရောက်တက်ရောက်ရန်မှာကြားသည်။
၎.၉.၂၀၁၀ နေ့တွင် နအဖတပ် ခမရ(၂၀၆) မှဗိုလ်မျိုးညိုညွန့်သည် ဝါပူရွာသား စောမောင်ဝင်းရဲ့ ၃၀၀၀၀ကျပ်တန်ဘိုးရှိတဲ့ ဆိတ်တစ်ကောင်ကို အတင်းအကျပ်တောင်းစားပြီး ပိုက်ဆံမပေးခဲ့။
၎.၉.၂၀၁၀နေ့တွင် နအဖတပ် ခမရ ၃၃ တပ်ရင်းမှူးရန်နောင်စိုး သည် ကဒီပူအုပ်စု အားဝါး ၅၀ ချောင်း၊ ဃါ ၄၀လုံးတို့ကို ၆.၉.၂၀၁၀နေ့ တွင်အရောက်ပို့ ခိုင်းပြီး ကျသင့်တန်ဘိုးငွေကိုလုံးဝမပေးခဲ့။
တပ်မဟာ(၅) ဖာပွန်ခရိုင်။
၂၉.၈.၂၀၁၀ နေ့ DKBA ၅၅၅ မှစောတပျူနှင့်စောတိုဘော တို့ ဦးဆောင်ပြီး မလေးလယ်ရွာသား စောတာလာ အသက်၃၅နှစ်အားလည်လှီးပြီးသတ်ခဲ့။ သတ်ရသောအကြောင်းမှာ သူတို့ လူမောင်မြင့် ဦးသည်KNUနှင့်သွားရောက်ပူးပေါင်းသောကြောင့်ဖြစ်သည်။ ဒါ့အပြင်ကွီးတမံရှိ DKBA အုပ်စုသည် နောက်နောင် မိမိတို့ ဘက်မှလူတဦးပျောက်ခဲ့ရင်ရွာသူကြီးတဦးပျောက်စေရမည်ဟု လူထုအားခြိမ်း ခြောက်ပြောဆိုထားသည်။
DKBA 999နှင့်333 အုပ်စုသည် နိုထာရွာသားများနှင့် မလေးလယ်အုပ်စုမှ ရွာသူရွာသားများအား လယ်ယာထဲသွားလာလုပ်ကိုင်ခွင့်ကိုတားဆီးတဲ့အပြင်မိုင်းများကိုယခင်ကထက်ပိုပြီးထောင်ထားသည်ဒါ့အပြင် ရွာသူရွာသားများအားသတ်ပစ်မည်ဟုခြိမ်းခြောက်ပြောဆိုသေးသည်။
မတ်ထောစခန်းရှိ DKBA နှင့် နအဖတပ် ခမရ (၇၀၁)ပူးပေါင်းပြီး ထိုအနီးတဝိုက်ရွာများအားအ တင်းအကြပ် ဝါးများကိုခုတ်ခိုင်းပြီး၂၃.၉.၂၀၁၀နေ့တွင်အရောက်ပို့ ခိုင်းသည်။
နအဖတပ်ခမရ ဒု-ရင်းမှူး သန်းနိုင်ထွန်းတို့ အုပ်စုသည် လယ်ဝါးခိုရွာသား မောင်ကြည်သာ အသက်၂၈နှစ်ကို မြန်မာစကားမပြောတတ်တဲ့အတွက်ဖမ်းဆီးနှိပ်စက်ခဲ့သည်။
၁.၉.၂၀၁၀နေ့ ခူသူထါစခန်းရှိ ခမရ(၇၀၄)တပ်ရင်းမှူးအောင်ဆန်းလွင်သည် ထိုဂွင်တဝိုက်ရှိရွာ များကိုအတင်းအကြပ် ခိုင်းစေကြောင်းသတင်းရရှိသည်။
တပ်မဟာ(၆) ဒူးပလာယာခရိုင်။
၃.၉.၂၀၁၀နေ့ အင်အား၂၀ရှိ BGF ဒုခွဲမှူးအကြည်သည် သူတို့ လှုပ်ရှားသောဂွင်တဝိုက်ရှိရွာများကို တစ်လလျှင်ရွာတိုင်းပေါ်တာကြေး ၄၀၀၀၀ကျပ်ပေးရန်အတင်းအကြပ်တောင်းဆိုကြောင်းသတင်းရ ရှိသည်။
နယ်ခြားစောင့်တပ်ဖွဲ့ဝင် ၁၀ဦးကျော် ကေအဲန်ယူနှင့် ပူးပေါင်းခဲ့
KIC မှ..
သဂုတ်လအတွင်း ကရင်ပြည်နယ်တွင် နအဖ၏ နယ်ခြားစောင့်တပ် တပ်ဖွင့်ပွဲ ကျင်းပပြုလုပ်အပြီး ဒီကေဘီအေမှ နယ်ခြား စောင့်တပ် ဖြစ်သွားကြသည့်နောက်ပိုင်း ယနေ့အထိ ၎င်းတပ်ဖွဲ့ဝင် ၁၃ဦးသည် ကေအဲန်ယူ တပ်မဟာ(၇)ထံ လာရောက်ပူး ပေါင်းခဲ့ကြောင်း သိရသည်။
ကေအဲန်ယူ လက်အောက်ရှိ ကေအဲန်အယ်လ်အေ တပ်မဟာ(၇)မှ ရုံးထိုင်မှူး ဗိုလ်မှူးစောအဲဆဲဆဲက “ပြီးခဲ့တဲ့ သြဂုတ်လ ၁၉ ရက်နေ့ကနေ ဒီနေ့အထိဆိုရင် ကျနော်တို့ တပ်မဟာကို လက်နက်ကျည်ဆံတွေနဲ့အတူ လာရောက်ပူးပေါင်းတဲ့ နယ်ခြားစောင့် တပ်ဖွဲ့ဝင်တွေ ၁၃ဦး ရှိနေပါပြီ။ ဒီလူတွေ အားလုံးနီးပါးလောက်က လက်နက်ပစ္စည်းတွေ ပါလာကြတာချည်းပဲ။”ဟု ယမန်နေ့ က ကေအိုင်စီကို ပြောသည်။

ယမန်နေ့ညနေ ၅နာရီခန့်တွင် လက်ရှိ နယ်ခြားစောင့်တပ်မှ ဗိုလ်မှူးစောမောင်ဝင်း ဦးစီးသည့်တပ်ရင်းမှ တပ်ကြပ်ကြီးစော လယ်မူး ၃၄နှစ်၊ စောကျော်မင်းထွန်း ၁၈နှစ်နှင့် စောကျူးနော် ၁၇နှစ်တို့သည် လက်နက် ၇လက်၊ ကျည်ဆံ ၇၀၀ကျော်နှင့်အ တူ ၎င်းတို့ထံ လာရောက်ပူးပေါင်းခဲ့သည်ဟု ကေအဲန်အယ်လ်အေ တပ်မဟာ(၇)မှူး ဗိုလ်မှူးချုပ်စောဂျော်နီက ပြောသည်။
သြဂုတ်လ ၂၀ရက်နေ့တွင် လှိုင်းဘွဲမြို့နယ်၊ မဲပလဲ့ကျေးရွာ၌ ကျင်းပခဲ့သည့် နယ်ခြားစောင့်တပ်ဖွင့်ပွဲကို တက်ရောက်ခဲ့ရသည့် တပ်ကြပ်ကြီးစောလယ်မူးက “ကျနော်က အရင် ဒီကေဘီအေ အထူးတပ်ရင်း ဗိုလ်မောင်ဝင်းတပ်ဖွဲ့ကပါ။ ကျနော်တို့ကို အထက်အရာရှိက နယ်ခြားစောင့်တပ် အခမ်းအနားရှိတယ်။ သွားရမယ်ပြောတော့ ကျနော်တို့လည်း သွားတက်လိုက်တာပါပဲ။ အခု ကျနော်တို့တပ်ရင်းအမှတ်က ဘယ်လောက်လဲ ကျနော်လည်း မသိဘူး။”ဟု ဆိုသည်။၎င်းတို့ယူဆောင်လာသည့် လက်နက်များမှာ Nato စက်လတ် ၁လက်၊ ကျည်အတောင့် ၅၀၀။ RPG-7 ၁လက်၊ ကျည် ၅လုံး။ M-16 ၃လက်၊ ကျည်အတောင့် ၁၉၀။ AK-47 ၂လက်၊ ကျည် ၄၀တောင့်၊ လက်ပစ်ဗုံး ၁လုံးနှင့် လမ်းလျှောက်စကားပြောစက် ၁လုံးတို့ ဖြစ်သည်ဟု သိရသည်။
ကေအဲန်ယူထံ လာရောက်ပူးပေါင်းခဲ့သည့် နယ်ခြားစောင့်တပ်ဖွဲ့ဝင်များအနက် ဒုဗိုလ် ၁ဦး၊ တပ်ကြပ်ကြီး ၂ဦး၊ တပ်ကြပ် ၂ဦး တို့ပါဝင်ပြီး အများစုမှာ နယ်ခြားစောင့်တပ် တပ်ဖွင့်ပွဲအခမ်းအနားကို မတက်ရောက်ခဲ့ကြဘဲ ရှေ့တန်းနေရာများတွင် ရှိနေကြ သူများဖြစ်သလို ထိုအထဲတွင် ကလေးစစ်သားများလည်း ပါဝင်သည်။
ယင်းသို့ နယ်ခြားစောင့်တပ် ပြောင်းလဲမဖွဲ့စည်းမီ သြဂုတ်လ ၄ရက်နေ့နှင့် ၆ရက်နေ့များတွင် ဖားအံမြို့ရှိ နအဖ တပ်မ(၂၂) ဌာနချုပ်ခန်းမတွင် နအဖ အရှေ့တောင်တိုင်း တိုင်းမှူး ဗိုလ်ချုပ်သက်နိုင်ဝင်း၊ G1 နှစ်ဦးဖြစ်သော ဗိုလ်မှူးကြီးကျော်မြင့်၊ ဗိုလ် မှူးကြီးမျိုးမြင့်၊ ဗိုလ်ချုပ်မောင်မောင်အုန်း၊ ဗိုလ်မှူးကြီးဝင်းမြင့်တို့နှင့် ဒီကေဘီအေ ထိပ်ပိုင်းခေါင်းဆောင်များ ဆွေးနွေးရာတွင် နိုင်ငံတော်၌ လက်နက်ကိုင်တပ်ဟူ၍ တပ်မတော်တစ်ခုတည်းသာရှိရမည့်အတွက် ဒီကေဘီအေမှ နယ်ခြားစောင့်သို့ ပြောင်း ခြင်းဖြစ်ကြောင်း ပြောဆိုခဲ့သည်ဟု သိရသည်။
၎င်းအပြင် ရွေးကောက်ပွဲပြီးလျှင် နယ်စပ်တွင် သောင်းကျန်းသူများမထားရှိတော့ဘဲ ကရင်ပြည်နယ်ရှိ သံလွင်မြစ်နှင့် သောင် ရင်းမြစ်ကမ်းတွင် နယ်နိမိတ်ကာကွယ်ရေးအတွက် နယ်ခြားစောင့်တပ်ကိုသာ ထားရှိသွားမည်ဖြစ်ကြောင်းလည်း အဆိုပါအ စည်းအဝေးတွင် စစ်ဗိုလ်ချုပ်များက ဆွေးနွေးချပြခဲ့သည်။
ယခုအချိန်တွင် ကရင်အပစ်ရပ်အဖွဲ့များဖြစ်သည့် ဒီကေဘီအေမှ တပ်ရင်း ၁၂ရင်းနှင့် ဟောင်သရော ငြိမ်းချမ်းရေးအဖွဲ့မှ တပ် ရင်း ၁ရင်းသည် သြဂုတ်လ ၁၈ရက်နေ့မှ ၂၂ရက်နေ့အထိ နယ်ခြားစောင့်တပ်အဖြစ် ပြောင်းလဲဖွဲ့စည်းလိုက်ပြီး သြဂုတ်လကုန် ပိုင်းမှစ၍ လစာနှင့် တပ်ရိက္ခာများ စတင် ထုတ်ယူနေပြီဖြစ်ကြောင်း သိရသည်။နယ်ခြားစောင့်တပ်သားတစ်ဦးက “ကျနော်တို့လခထုတ်ဖို့က လက်ဗွေနှိပ်ရတယ်။ အရာရှိရှေ့မှာ လက်ဗွေမနှိပ်ရင် လခကို ထုတ်မပေးဘူး။ ဒီလကစပြီး လစာထုတ်တာ ကျနော်ဆို ကျပ်ငွေ သုံးသောင်းခြောက်ထောင်ရတယ်။ ဆန်၊ ဆီ၊ ဆား၊ ငြုပ်သီး ရိက္ခာတွေလည်း ရတယ်။ အခြားရိုးရိုးတပ်သားတွေလည်း ဒီအတိုင်းပဲ။”ဟု ဆိုသည်။
KNLA နှင့် တိုက်ပွဲ နအဖ ဘက်မှ ၂ ဦးကျဆုံး
ဧရာဝတီ မှ
နအဖ စစ်တပ်နှင့် ကရင်အမျိုးသား လွတ်မြောက်ရေး တပ်မတော် (KNLA) တပ်ဖွဲ့ဝင်များ စက်တင်ဘာလ ၈ ရက်နေ့က တိုက်ပွဲ ဖြစ်ပွားခဲ့ရာ နအဖ တပ်ဘက်မှ ၂ ဦး ကျဆုံးပြီး ၆ ဦး ဒဏ်ရာ ရရှိခဲ့ကြောင်း ကရင်အမျိုးသား အစည်းအရုံး (KNU) ထံမှ သိရသည်။
အဆိုပါ တိုက်ပွဲသည် ကရင်ပြည်နယ် မြ၀တီမြို့နယ်အတွင်းရှိ KNLA တပ်မဟာ ၇ ထိန်းချုပ်ရာဒေသအတွင်း နအဖ၏ စစ်ဆင်ရေး ကွပ်ကဲမှု ဌာနချုပ် (စကခ) ၁၉ လက်အောက်ခံ ခြေမြန်တပ်ရင်း (ခမရ) ၅၈၇ မှ တပ်ဖွဲ့ဝင်များနှင့် ဖြစ်ပွားခဲ့ခြင်း ဖြစ်ကြောင်း၊ နအဖ တပ်များက ယင်းဒေသ၌ လှုပ်ရှားနေစဉ် KNLA က ပြောက်ကျားစနစ်ဖြင့် ခြုံခိုတိုက်ခိုက်ခဲ့သောကြောင့် ယခုကဲ့သို့ ကျဆုံးခြင်းဖြစ်ကြောင်း KNU ဘားအံခရိုင် ဥက္ကဋ္ဌ ဖဒို စောအောင်မော်အေးက ဧရာဝတီသို့ ပြောသည်။
တိုက်ပွဲ ဖြစ်ပွားချိန်တွင် နအဖဘက်မှ စစ်သည်အင်အား ၅၀ ခန့်ရှိကြောင်း၊ KNLA ဘက်မှ ထိခိုက်ကျဆုံးမှု မရှိဟု KNUက ဆိုသည်။
စက်တင်ဘာ ၂ ရက်နေ့ကလည်း တနင်္သာရီတိုင်း ထားဝယ်မြို့နယ်အတွင်း၌ နအဖ ခြေမြန်တပ်ရင်း (ခမရ) ၅၈၄ တပ်များနှင့် KNLA တပ်မဟာ ၄ မှ တပ်ဖွဲ့ဝင်များ တိုက်ပွဲ ဖြစ်ပွားရာ နအဖ ဘက်မှ ၂ ဦးကျဆုံးပြီး ၇ ဦး ဒဏ်ရာရှိခဲ့ကြောင်း သိရသည်။
ကရင်ပြည်နယ် ပိုင်ကျုံမြို့နယ်အတွင်း၌ သြဂုတ်လ ၄ ရက်နေ့တွင် နအဖ စစ်တပ်ကို KNLAတပ်ဖွဲ့ဝင်များက ခြုံခို တိုက်ခိုက်ခဲ့ရာ နအဖ တပ်ဘက်မှ ဒု တပ်ရင်းမှူး အပါအ၀င် ၉ ဦး ကျဆုံးပြီး ၁၄ ဦး ဒဏ်ရာ ရရှိခဲ့သေးသည်။
ပြည်သူကို ရန်မူမှု
မဇ္ဈိမ မှ....
စ်အစိုးရက တပ်မတော်သာလျှင်အမိ တပ်မတော်သာလျှင်အဖလို့ ကြွေးကြော်ထားတဲ့ တပ်မတော်သားတွေပါ။ သူတို့ဘာဖြစ်လို့ ဒီလောက်ရက်စက်ရိုင်းစိုင်းသွားကြ၊ လူစိတ်ကင်းမဲ့သွားကြသလဲ။ ပဲခူး ဇိုင်းကနိုင်းမှာ စက်တင်ဘာ ၄ရက်က ဖြစ်သွားတဲ့ အရပ်သား လူငယ်နှစ်ယောက်ကို စစ်သားတွေ သေနတ်နဲ့ပစ်သတ်မှုအကြောင်း အားလုံးသိကြပြီးပါ။
ရှင်းပါတယ်။စစ်အာဏာရှင်တစုက စစ်သင်တန်းကျောင်းတွေ စစ်တက္ကသိုလ်တွေမှာ ရိုက်သွင်းခဲ့တဲ့ သင်ခန်းစာတွေ အတွေးအခေါ်တွေကြောင့်ပါပဲ။
စစ်အာဏာရှင်တွေ တိုင်းပြည်အာဏာကို လုယူသိမ်းလိုက်ကတည်းက ဒီလိုဖြစ်ရပ်တွေ နေရာအနှံ့ဖြစ်ခဲ့ဖူးပါတယ်အညိုရောင်အမည်းရောင်သတ်မှတ်ထားတဲ့နေရာတွေမှာဆိုရင်တော့ အထူးပြောစရာမလိုပါဘူး။
၁၉၈၉ မှာ စစ်ခုံရုံးက ချမှတ်တဲ့ မတရားပြစ်ဒဏ်နဲ့ အကျဉ်းကျနေချိန် တခါသား ကျနော်တို့ နိုင်ငံရေး အကျဉ်းသားတိုက်တွေကို စစ်တပ်က အသွင်ပြောင်း အကျဉ်းထောင် ဝန်ထမ်းတွေ အစောင့်တာဝန်ကျလာပါတယ်။ သူ့အဆင့်နဲ့သူ တပ်ကြပ်ကြီး၊ တပ်ကြပ်၊ ဒုတပ်ကြပ်တွေ ဖြစ်လာကြတာပေါ့။ ကျနော်တို့ဆီ တာဝန်ကျလာတဲ့အချိန်မှာ ကျနော်တို့က ကိုယ့်ညီတွေလိုပဲ သဘောထား ကောင်းကောင်းမွန်မွန် ဆက်ဆံပြီး ကိုယ့်ရှိတဲ့ အစားအစာလေးတွေ ချကျွေး မိတ်ဖွဲ့ခဲ့ကြပါတယ်။
တချို့ဆို အတော်ကြီး ခင်မင်လာပြီး ပွင့်ပွင့်လင်းလင်းလည်း ပြောဆိုလာကြတယ်။ အဲဒီတုန်းက တပ်ကြပ်တယောက်က သူ ကရင်ပြည်နယ်ရှေ့တန်းတနေရာ ထိုးစစ်တခုမှာတုန်းက ကြုံခဲ့ရတဲ့ ကိုယ်တွေ့ဖြစ်ရပ်တခုကို ပြောပြတယ်။ သူက သံတိုင်တံခါးအပြင်က ကျနော်က သံတိုင်တံခါးအတွင်းကပေါ့လေ။ကျနော်သူပြောတဲ့ဖြစ်ရပ်ကိုနားထောင်ရင်း ကြက်သီးမွေးညှင်းထ အံ့သြ ထိတ်လန့်တုန်လှုပ်သွားခဲ့ရသလို ကျနော်တို့တိုင်းပြည်က စစ်တပ်ဆိုတာကိုလည်း အကြီးအကျယ် ရွံရှာသွားခဲ့ရတယ်။ သူပြောပြတဲ့ဖြစ်ရပ်ကဒီလိုပါ။ ကရင်ပြည်နယ်က ရွာပုံးတခုကို သူတို့တပ်ခွဲက ဝင်ရောက်စီးနင်းခဲ့တုန်းက ရွာက ကြိုတင်သတင်းရထားပုံ ရတယ်တဲ့၊ ရွာထဲရောက်တော့ ဘယ်သူမှ မရှိကြတော့ဘူးလို့ ဆိုပါတယ်။
ဒါပေမယ့် အလောတကြီးထွက်ပြေးသွားကြပုံပေါ်တယ်။ ဆန်ရွေးလက်စဆန်ကောတွေ ချက်လက်စ ထမင်းအိုးတွေ ဒီတိုင်းကျန်နေခဲ့သလို စပါးကျီထဲမှာလည်း စပါးတွေ တွေ့ရတယ်။ အိမ်မွေးတိရိစ္ဆာန် တချို့လည်းရှိနေဆဲလို့ဆိုပါတယ်။သူတို့စစ်ကြောင်းလည်း ရွာထဲကို ပိုက်စိတ်တိုက်ရှာကြတယ်။ တဲတလုံးထဲက ပုခက်တခုထဲမှာ အခါလည်သားအရွယ်လောက် ယောက်ျားလေး တယောက် ကိုမမျှော်လင့်ပဲ တွေ့ခဲ့ကြတယ်။ ကလေးလေးက လာပြီးပွေ့တဲ့စစ်သားတွေကို မျက်လုံးလေးပြူးပြီး ကြည့်နေပေမယ့် မငိုဘူးတဲ့။ရဲဘော်တွေလည်း ကလေးလေး ကိုပွေ့ချီပြီး သူတို့တပ်ခွဲမှူးဆီကို သွားသတင်းပို့ရပါတယ်။ တပ်ခွဲမှူးက ရွာကိုမီးရှို့ရမှာမို့ကလေးကိုခေါ်ခဲ့ဖို့ အမိန့်ပေးပါတယ်။
နောက်တရွာလုံးက အိမ်တွေစပါးကျီတွေကို မီးတိုက်ပြီး သူတို့တပ်ခွဲလည်း ရွာက ထွက်ခဲ့ကြတယ်။ကလေးချစ်တတ်တဲ့ ရဲဘော်တွေက တယောက်တလှည့် ကျောမှာအဝတ်နဲ့ပိုးပြီး ကလေးလေးကို သူတို့တပ်ခွဲနဲ့ခေါ်ခဲ့ကြတယ်။ ကံကောင်းချင်တော့ သူတို့တပ်ခွဲကို ဆက်ပြီး နယ်မြေရှင်းလင်းရေးမလုပ်ခိုင်းတော့ပဲ နောက်ထပ်အရေးကြီးတဲ့တာဝန်တခုပေးဖို့ ရှေ့တန်း တပ်ရင်းတပ်စွဲထားရာကို ပြန်ဝင်ဖို့အမိန့်ရလာတယ်။ရဲဘော်တွေလည်း အားရဝမ်းသာပြန်ကြဖို့ပြင်ဆင်ကြတယ်။ဒီအချိန်မှာတပ်ခွဲမှူးက ကရင်ရွာထဲက အခါလည်သားလောက်ကလေးတယောက်တွေ့လို့ခေါ်လာခဲ့ရတဲ့အကြောင်း ဗျူဟာမှူးဆီကို သတင်းပို့ရတယ်။ဗျူဟာမှူးရဲ့တုန့်ပြန်အမိန့်ကတော့ “ အသက်ရှင်ရက် ဘယ်သူမှ ခေါ်မလာနဲ့အပြတ်ရှင်းခဲ့”တဲ့။အမိန့်ကို တပ်ခွဲမှူးက သူ့တပ်သားတွေကိုပြန်ပြောပြတဲ့အချိန်မှာ တပ်သားတွေ
မျက်စိမျက်နှာပျက်ပြီး ဘာတခွန်းမှ ပြန်မပြောနိုင်ကြတော့ပါဘူး။
အချိန်တန်လို့တပ်ခွဲပြန်ခေါက်တဲ့အခါ ကလေးလေးက ရဲဘော်တယောက်ရဲ့နောက်ကျောမှာပါလာခဲ့တာပါ။ တပ်ခွဲမှူးက ကလေးကို သတ်ပြီးထားခဲ့ဖို့ဘယ်သူတာဝန်ယူမလဲလို့မေးတဲ့အချိန်မှာ ဘယ်သူမှ အဲဒီတာဝန်ကို မယူခဲ့ဘူးလို့ဆိုပါတယ်။တပ်ခွဲမှူးကလည်းဗျူဟာမှူးရဲ့အမိန့်ကို မလိုက်နာလို့မဖြစ်တဲ့အတွက် တယောက်ယောက်က တာဝန်ယူဖို့အမိန့်ပေးပါတယ်။တပ်ခွဲတပ်ကြပ်ကြီးက ဘယ်သူမှ တာဝန်မယူတဲ့အတွက် တာဝန်ယူမယ့်သူကို တခြားသူတွေရတဲ့အာမီရမ် (Army Rum) ကိုပေးမယ်လို့မက်လုံးပေးသတဲ့။ နောက်ဆုံး တပ်ခွဲကလည်း
အတော်ခရီးပေါက်လာတဲ့အချိန်မှာ တပ်ခွဲမှူးက ကလေးကိုအပြတ်ရှင်းခဲ့ဖို့အမိန့်ပေးလာတယ်။
ဒီအချိန်မှာ တပ်ခွဲထဲက ခပ်ပေပေရဲဘော်တယောက်က ပေးမယ်ဆိုတဲ့ ရမ်ကိုပေးဖို့တောင်းတယ်။ တပ်ခွဲတပ်ကြပ်ကြီးက အရက်ပုလင်းကို ပေးလိုက်တော့ အဲဒီရဲဘော်ဟာ ပုလင်းတဝက်လောက် နီးပါးကို တခါတည်း မော့သောက်ပစ်လိုက်တယ်။ နောက်ခဏကြာတော့ ကလေးကိုသူ့ ကိုပေးခဲ့ဖို့ပြောပြီး သူ့ကို ခဏထားခဲ့ဖို့ပြောပါတယ်။ တပ်ခွဲလည်း အဲဒီရဲဘော်နဲ့ ကလေးလေးကိုထားခဲ့ပြီး ခရီးဆက်ထွက်ခဲ့တယ်။ အတော်ကြီးကြာမှ ခုနက တာဝန်ယူခဲ့တဲ့ရဲဘော်ဟာ တပ်ခွဲနောက်ကို အမောတကြီးပြေးလိုက်လာတာတွေ့ရတယ်။တပ်ခွဲတပ်ကြပ်ကြီးက သူ့ကိုပေးတဲ့တာဝန်လုပ်ပြီးပြီလားလို့မေးတဲ့အချိန်မှာ အဲဒီရဲဘော်ဟာ တခြားရဲဘော်တွေကြားမှာဒူးထောက်ချပြီး ချုံးပွဲချ ရှိုက်ကြီးတငင် ငိုချလိုက်ပါတယ်။ဘာစကားမှမပြောနိုင်ဘဲ အကြာကြီးငိုပြီးတော့မှ သူအရက်ပုလင်းကို ကုန်အောင်သောက်ပြီး ကလေးလေးကို သစ်ပင်တပင်နဲ့ကိုင်ရိုက်သတ်ပစ်ခဲ့ကြောင်း အထစ်ထစ်အငေါ့ငေါ့နဲ့ပြန်ပြောပြသတဲ့။
ကျနော်ခုတင်ပြလိုက်တဲ့အဖြစ်အပျက်က စိတ်ကူးယဉ်မဟုတ်ပါဘူး။ အဲဒီတုန်းက အဲဒိတပ်ခွဲမှာ ကိုယ်တိုင်ပါဝင်ခဲ့တဲ့ တပ်ကြပ်တယောက်က စိတ်မကောင်းခြင်းကြီးစွာနဲ့ကျနော့ကိုပြန်ပြောပြခဲ့တဲ့ ဖြစ်ရပ်မှန်ပါ။ရဲဘော်တွေက ဘယ်သူမှ မသတ်ချင်ကြဘူး။ ဒီအမိန့်ကိုပေးရက်ခဲ့သူက ဗျူဟာမှူးတယောက်ပါ။
လူမိုက်သားကတော့ ရမ်းကားသထက်ရမ်းကားနေပါပြီ။ကျနော်တို့ပြည်သူ တဦးချင်းအနေနဲ့ မိမိကိုယ်ကို ကာကွယ်စောင့်ရှောက်ဖို့ မိမိတို့ရဲ့ရင်သွေး သားသမီးတွေကို ကာကွယ်စောင့်ရှောက်ဖို့ တာဝန်ရှိသလို အမှန်တရား နဲ့လူမျိုး ဘာသာ သာသနာကို ကာကွယ်စောင့်ရှောက်ဖို့လည်း တာဝန် ရှိပါတယ်။ နိုင်ငံရေး ပါတီတွေ နိုင်ငံရေးသမားတွေကိုပဲ အားကိုးပြီး တို့ကဘာတတ်နိုင်မှာလဲ ဆိုတဲ့ အညံ့ခံ အရှုံးပေးရေး အတွေးအခေါ်ကို ကိုင်စွဲထားကြမယ်ဆိုရင်တော့ ကျနော်တို့ လူထုတရပ်လုံး မျိုးဆက်နဲ့ချီပြီး စစ်ကျွန် ဖြစ်နေကြရမှာပါ။
အကြောက်တရားတွေ ဖယ်ရှား ထိန်းချုပ်ပြီး မတရားတဲ့စစ်အာဏာရှင်စံနစ်ကို တညီတညွတ်တည်း တွန်းလှန်ကြရအောင်ပါ။ ။
ဝေါလေဒေသသို့ နအဖ တပ်အင်အား ဖြည့်ဆည်း
ခေတ်ပြိုင် မှ.....
နအဖ တပ်ဖွဲ့ဝင်များပါဝင်သည့် စစ်ကားကြီးများ ဝေါလေဒေသ အခြေစိုက် ကေအန်အယ်လ်အေတပ်ရင်း (၂၀၁) နှင့် ဒီကေဘီအေတပ်မဟာ (၅) ဒေသများသို့ မြ၀တီမှတဆင့် ထွက်ခွာသွားကြောင်း ကေအန်အယ်လ်အေ တပ်ရင်းမှူးတဦးက ပြောကြားသည်။
ကေအင်အယ်လ်အေ တပ်ရင်း (၂၀၁) မှ တပ်ရင်းမှူး ဒု-ဗိုလ်မှူးကြီးဘူးဖောက “ကျနော်တို့ ဒီသတင်းကို ရထားပါတယ်။ မနေ့က အလုံပိတ်စစ်ကား (၆) စီးနဲ့ သူတို့တပ်အင်အားတွေဖြည့်ပြီး ၀င်လာတာရှိတယ်။ စစ်မက်ဖြစ်ပွားမယ့် အနေအထားတွေရဲ့ အရိပ်အရောင်တော့စလာပြီ။ ကျနော်တို့ဘက်ကတော့ စစ်ရေးသတိအမြဲထားပါတယ်။ အင်အားခြင်းကွာပေမယ့် ခံစစ်ရှင် ပြောက်ကျားစနစ်နဲ့ ရင်ဆိုင်သွားမှာဖြစ်တယ်” ဟု ပြောသည်။
ဒီကေဘီအေတပ်မဟာ (၅) မှ တပ်မှူးတဦးကလည်း နယ်ခြားစောင့်တပ်အဖြစ် အသွင်ပြောင်းထားသည့် ဒီကေဘီအေ တပ်ဖွဲ့ဝင်ဟောင်းများကို အသေခံရှေ့ပြေးထား၍ စစ်ဆင်ရေး စတင်မည်ဟု ခိုင်လုံသည့်သတင်းများ ရရှိထားကြောင်း ပြောကြားသည်။
၎င်းက “နအဖကိုမကြိုက်လို့ ကျနော်တို့ အသွင်မပြောင်းဘဲ ဆန့်ကျင်တာပါ။ သူတို့လာတိုက်ရင် ပြန်တိုက်ရမှာပဲ။ နယ်ခြားစောင့်တပ်ရယ်၊ နအဖတပ်ရယ် ဘာမှ ခွဲနေဖို့မလိုဘူး။ ကိုယ်ဘာလည်းဆိုတာ မသိတဲ့လူတွေကိုလည်း ဘာမှသက်ညာနေစရာ မလိုဘူး” ဟု ပြောသည်။
စစ်ယာဉ်တန်းများကို တွေ့ရှိသော မြ၀တီမှ အစိုးရ၀န်ထမ်းတဦးက “တက်သွားတာကတော့ သေချာတယ်။ စစ်ဆင်ရေးကာလလည်း မဟုတ်ဘူး၊ ထူးတော့ အတော့်ကို ထူးတယ်။ မြ၀တီကလူကြီးတွေ ယူဆတာကတော့ ရွေးကောက်ပွဲမတိုင်မီ ဒီဝေါ်လေခွင်ကို အပြီးသိမ်းချင်တာဖြစ်မယ်လို့ ပြောနေကြတယ်။ အဲဒီနေရာတွေမှာ တိုက်ပွဲတွေကလည်း ခဏခဏဖြစ်နေတယ်” ဟု ပြောသည်။
ယင်းဒေသတွင် အခြေစိုက်ပြီး စစ်ရေးလှုပ်ရှားနေသည့် ကေအန်အယ်လ်အေနှင့် ဒီကေဘီအေတပ်မဟာ (၅) သည် တရားဝင်ပူးပေါင်းမှု ပြုလုပ်ထားခြင်းမရှိသော်လည်း စစ်ရေးအရ အပြန်အလှန်နားလည်မှု ယူထားသည်ဟု သိရသည်။
မြ၀တီခရိုင်အတွင်းရှိ ဝေါ်လေဒေသသည် မြို့၏တောင်ဘက် မိုင် (၃၀) ခန့်အကွာအဝေးတွင် တည်ရှိပြီး ကေအန်အယ်လ်အေ၊ ဒီကေဘီအေနှင့် စကခ (၈) လက်အောက်ခံ နအဖတပ်များ စစ်ရေးလှုပ်ရှားရာဒေသဖြစ်ပြီး ထိုင်းနယ်စပ်မျဉ်းအနီးတည်ရှိသည်။
ပဲခူးမှာ စစ်တပ်က သေနတ်နဲ့ ပစ်ခတ်မှုကြောင့် အရပ်သားလူငယ် ၂ ဦး သေဆုံး
VOA သတင်းမှ....
ပဲခူးမြို့ ဇိုင်းဂနိုင်းတောင်ပိုင်း မြလမ်းမှာ နေထိုင်တဲ့ အရပ်သား လူငယ်တွေနဲ့ ခလရ ၅၉ စစ်တပ်က စစ်သားတွေ ဆိုင်ကယ်ချင်း တိုက်မိပြီး စကားများကြပြီးတဲ့နောက် စစ်တပ်က လိုက်လာပြီး ရပ်ကွက်လမ်းထိပ်မှာပဲ အသက် ၁၈ နှစ်အရွယ် မောင်စိုးပိုင်ဇော်နဲ့ အသက် ၂၂ နှစ်အရွယ် မောင်အောင်သူဟိန်းတို့ ၂ ဦးကို လိုက်လံ ပစ်ခတ်ခဲ့တာကြောင့် လူငယ် ၂ ဦး ပွဲချင်းပြီး သေဆုံးသွားပါတယ်။ အခုချိန်မှာ ပဲခူးမြို့က ရင်ခွဲရုံမှာ အလောင်းတွေ ထားထားပြီး ချက်ချင်း သဂြုင်္ိဟ်ဖို့အတွက် အာဏာပိုင်တွေက ကြိုးစားနေသလို ပဲခူးမြို့ခံတွေက ရင်ခွဲရုံကို လာရောက်ကြည့်ရှုနေပြီး မကျေမနပ် ဖြစ်နေကြတဲ့အတွက် မိသားစုကို ရုပ်အလောင်းတွေ ထုတ်မပြဘူးလို့ သိရပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။
ပဲခူးမြို့ ဇိုင်းဂနိုင်း တောင်ပိုင်းရပ်ကွက် မြလမ်းမှာ နေထိုင်နေတဲ့ အရပ်သား လူငယ်တွေ စီးလာတဲ့ ဆိုင်ကယ်နဲ့ ခလရ ၅၉ က အရာရှိတဦး စီးလာတဲ့ ဆိုင်ကယ်နဲ့ တိုက်မိပြီး စကားများ ရန်ဖြစ်ရာကနေ လူငယ်တွေကို ပစ်သတ်မှု ဖြစ်ပေါ်ခဲ့ရတာပါ။ သေဆုံးသူတွေကတော့ အသက် ၁၈ နှစ်အရွယ် မောင်စိုးပိုင်ဇော်နဲ့ အသက် ၂၂ နှစ်အရွယ် မောင်အောင်သူဟိန်းတို့ ၂ ဦးဖြစ်ပြီး စကားများ ရန်ဖြစ်ရာကနေ ပစ်သတ်တဲ့အထိ ဖြစ်ခဲ့ရတယ်လို့ ဆိုပါတယ်။ မောင်အောင်သူဟိန်းရဲ့ အဒေါ်ဖြစ်သူ ပြောပြတာကတော့…
“လမ်းထိပ်မှာ ကယ်လီဖိုးနီးယား ကာရာအိုကေဆိုင်က ဆင်းလာတဲ့ အရာရှိ ၂ ယောက်လား၊ ၃ ယောက်လားတော့ မသိဘူး၊ အဲဒီဆိုင်ကယ်နဲ့ ကျမတူလေး ဆိုင်ကယ်နဲ့၊ ကျမတူလေးက သုံးဘီးဆိုင်ကယ်နဲ့ သူတို့ သူငယ်ချင်းတွေ ၅ ယောက်၊ ၆ ယောက်လောက် ရှိမှာပေါ့၊ ပြန်အထွက်မှာ သူတို့ကလည်း ဒီကနေ အကွေ့မှာ ငြိကြတယ်။
“ငြိကြတော့ ထိုးကြ ကြိတ်ကြပြီး ကျမတူလေးတွေက ဆိုင်ကယ်ကို လမ်းထိပ်မှာတင် ပစ်ထားခဲ့ပြီး လမ်းအတိုင်း ပြေးလာတယ်။ အဲဒါကို အဲဒီအရာရှိက ပစ်မိန့်ပေးပြီး သေနတ်နဲ့ သတ်ခိုင်းလိုက်တယ်။ အဲဒါ ကျမတူလေးရော စိုးပိုင်ဇော်ဆိုတဲ့ ကလေးရော မြလမ်းထိပ် တအိမ်ကျော်လောက်မှာပဲ ပွဲချင်းပြီး သေသွားတယ်။ ည ၁၂ နာရီခွဲလောက်မှာ။”
ပစ်ခတ်မှုဖြစ်ပြီး မိသားစုဝင်တွေက သိတဲ့အချိန်မှာ အလောင်းနားကို ကပ်ခွင့်မပေးဘဲ ၀ါးလုံးတွေနဲ့ တားဆီးထားတယ်လို့ ဆိုပါတယ်။ ဒီနောက်မှာတော့ မနက်လင်းတဲ့အချိန် ရင်ခွဲရုံမှာ အလောင်းကို သွားယူတဲ့အခါ စစ်တပ်က ချက်ချင်းသဂြုင်္ိလ်ဖို့ လုပ်ဆောင်ခဲ့တာကြောင့် မြို့ခံလူထုတွေက အတော်ကို မကျေမနပ် ဖြစ်ရတယ်လို့ ဆိုပါတယ်။
“ရင်ခွဲရုံကပဲ အသုဘချဖို့ ကျမတို့ကို ညှိနှိုင်းတာပေါ့နော်။ အဲဒါ ကျမက လက်မခံဘူး။ ရ၀တတွေ ဘာတွေက လာပြောတယ်၊ ဗျူဟာမှူးတို့ G-1တို့က အဲဒီကပဲ ချပေးဖို့ပေါ့၊ အဲဒီလိုမျိုးပြောတော့ ကျမက ကျမတို့ ကျန်တဲ့ကိစ္စ ဘာမှ မေတ္တာမရပ်ခံဘူး၊ ကျမတို့အမေက ရှမ်းပြည်က လာရမှာမို့လို့ ကျမတူလေး အလောင်းကို အိမ်ပြန်သယ်ချင်တယ်ပေါ့၊ ကျမတို့ အိမ်ကနေ ချချင်တယ်ပေါ့၊ ကျမတို့ အစီအစဉ်နဲ့၊ အဲဒါ ကူညီပါလို့ ပြောလိုက်တယ်၊ သက်ဆိုင်ရာက လူတွေနဲ့တွေ့တော့။
“အဲဒီအချိန်မှာ မြို့နယ်မှူးတို့၊ စခန်းမှူးတို့ကလည်း သူတို့မှာ ဘာမှ လုပ်ပိုင်ခွင့် မရှိတဲ့အတွက် G-1 ပြောတဲ့ အမိန့်ကိုပဲ နာခံပြီး လုပ်ပေးမယ်ဆိုတော့ G-1 က နေ့ခင်း ၁၁ နာရီထိုးမှာ ဒီကလေးလေး ၂ ယောက်ရဲ့ မိဘတွေ၊ ပိုင်ဆိုင်တဲ့လူတွေကို ကလေးအလောင်း ၂ လောင်း ထုတ်ပေးလိုက် ဆိုပြီးတော့ ကျမတို့ကို အကြောင်းကြားတယ်။ အကြောင်းကြားတော့ ကျမတို့ စောင့်နေတဲ့ အချိန်မှာ ၁၁ နာရီ မထိုးခင်မှာပဲ လူတွေက အုံပြီးတော့ ကားလမ်းတွေက ဟိုဘက် ဒီဘက်ပိတ်၊ ဘယ်လိုမှ သွားလို့မရတော့ဘူး။ လူတွေက ကျိတ်ကျိတ်တိုးပေါ့။
“တမြို့နယ်လုံးနီးပါး သိသွားတော့ တအားများလာတော့ သူတို့ အဲဒီအချိန်မှာ ထုတ်မပေးတော့ဘူး။ ကလေးတွေအလောင်း မပေးတော့ဘူးပေါ့။ ကျမတို့ကိုလည်း ၃ ရက် ထားလိုက်မယ်၊ အင်္ဂါနေ့ကျရင် နိုင်ငံတော် ဈာပန အနေနဲ့ လုပ်ပေးပါ့မယ်ပေါ့၊ သူတို့က အဲဒီလိုပြောတယ်။ နောက်ပြီးတော့ အရင်ဖြစ်ဖူးတဲ့ အရေးအခင်း လတွေနဲ့ ကလေးတွေနဲ့ ဖြစ်တဲ့လ တိုက်ဆိုင်လို့ပါပေါ့။”
နောက်ပိုင်းမှာတော့ မောင်အောင်သူဟိန်းရဲ့ ဖခင်က ပြည်ပမှာ အလုပ်ထွက်လုပ်နေပြီး မိခင်က ရှမ်းပြည်ရောက်နေတာကြောင့် မိခင်ကို စောင့်ဖို့ အလောင်းကို ပြန်တောင်းခဲ့ပေမဲ့ မရခဲ့ဘူးလို့ ဆိုပါတယ်။
ဒီလို မြို့ပေါ်မှာတောင် စစ်တပ်က သေနတ်အားကိုးနဲ့ အနိုင်ကျင့်မှု လုပ်ဆောင်နေတာကြောင့် လူမသိ သူမသိ နေရာတွေမှာ ပိုဆိုးတဲ့ အခြေအနေတွေမှာ ရှိနိုင်ကြောင်း ပဲခူးက ရှေ့နေကြီး ဦးအေးမြင့်ကလည်း ပြောပါတယ်။
“အာဏာပိုင် အဖွဲ့အစည်း အသီးသီးနဲ့ လက်လှမ်းမီရာ တပ်တွေရှိတယ်၊ အုပ်ချုပ်ရေးတွေ အပြည့်အစုံရှိတဲ့ မြို့လယ်ကောင်မှာတောင် ဒီလို လူငယ်ကို သေနတ်အားကိုးနဲ့ စစ်တပ်က လာပစ်သတ်တယ်ဆိုတာ ဗြောင်ကျကျ ပစ်သတ်တာတော့ တပ်မတော်အတွက်လည်း မကောင်းဘူး၊ ပြည်သူလူထု အားကိုးစရာ ယုံကြည်မှု ကင်းမဲ့သွားတယ်။ မြို့ပေါ်မှာတောင် ဒီလောက် ပစ်သတ်ရင် တောတွေ တောင်တွေထဲမှာ နေနေရတဲ့ တိုင်းရင်းသား ကရင်တွေကို နှိပ်စက်တယ်ဆိုတာ ပြောစရာတောင် မလိုတော့ဘူးလို့ပဲ အန်ကယ်တို့ ယူဆတယ်။”
နောက်ပိုင်းမှာတော့ ကလေးရဲ့ မိခင်ဖြစ်သူက လေယာဉ်နဲ့ ပြန်ရောက်လာချိန်မှာ စစ်တပ်က တောင်းပန်ခဲ့တယ်လို့ ဆိုပါတယ်။ သေဆုံးသူ ကလေးတွေရဲ့ သူငယ်ချင်း ၂ ဦးကိုလည်း စစ်ဆေးစရာ ရှိလို့ဆိုပြီး ထိန်းသိမ်းထားတာကြောင့် မောင်အောင်သူဟိန်းရဲ့ မိခင်ဖြစ်သူက လုံခြုံရေးကို တာဝန်ယူပေးဖို့ ပြောခဲ့တယ်လို့ ဆိုပါတယ်။ အခင်းဖြစ်ပွားမှုမှာပါတဲ့ လူငယ် ၂ ဦးကိုလည်း ဆက်လက် ထိန်းသိမ်းထားဆဲ ဖြစ်ပါတယ်။
ကြားဖြတ်သတင်း
တပ်မဟာ(၇) ဖားအံ့ခရိုင်။
၁.၉.၂၀၁၀နေ့ ၂၁း၀၀အချိန်တွင် BGFသို့ဘဝပြောင်းသွားခဲ့သော ဖားတကွီးသည်တရိဖိုးကွီးရွာသား ဖားတီဘလယ်ဝါး(၆၇)နှစ်ကို မန်းမှုတ်တတ်သည်ကိုအကြောင်းပြပြီး ပစ်သတ်ခဲ့သည်။
သောင်းနှင့်ချီသည့် ကရင်လူထု စစ်အစိုးရတပ်၏ တိုက်ခိုက်မှု ခံနေရ
သတင်းနှင့်မီဒီယာ ကွန်ယက်။ ဇော်ကြီး။
ကရင်ပြည်နယ် အရှေ့ခြမ်း၊ ဖာပွန်ခရိုင် လုတောမြို့နယ်ရှိ ကျေးရွာများမှ သောင်းနှင့်ချီ သည့် ကရင်ပြည်သူများ သည် စစ်အစိုးရတပ်၏ တိုက်ခိုက်မှုခံနေရကြောင်း ကရင်လူ့အခွင့် အရေးလှုပ်ရှားမှုအဖွဲ့(KHRG)က ယနေ့ အစီ ရင်ခံစာတစောင်ထုတ်ပြန်သည်။
“တင်းကြပ်သည့် အခြေအနေအောက်တွင် မိမိကိုယ်ကို ကာကွယ်ခြင်း” အမည်ဖြင့် ထုတ်ပြန်သော ယင်း အစီရင်စာတွင် စစ်ပွဲကြောင့် တောတောင်များ အတွင်းပုန်းအောင်းနေသည့် ကရင်ရွာသားများကို စစ်အစိုးရ တပ်က ၎င်းတို့ထိန်းချုပ်ရာဒေသများသို့ ပြောင်းရွှေ့ရန် စစ်ဆင်ရေးများ ပြုလုပ်နေသည်ဟု ဖော်ပြထားသည်။
လက်ရှိကရင်ပြည်သူများ တွေ့ကြုံနေရသည့် အခက်အခဲကို ကရင်လူ့အခွင့်အရေး လှုပ်ရှားမှုအဖွဲ့မှ ပြောရေးဆို ခွင့်ရှိသူ နော်အယ်ဖောထူးက အခုလိုပြောသည်။
“လက်ရှိအခြေ အနေမှာ SPDC က သူတို့ရဲ့ရွာကို ဆက်လက်ပြီးတော့ တိုက်ခိုက်တာခံနေရပါတယ်။ နှစ်သောင်းခုနှစ်ထောင်လောက်ရှိတဲ့ ရွာသူရွာသားတွေက သူတို့ဒီအခြေ အနေမျိုးကိုရင်ဆိုင်နေရပါ တယ်။ အခုအခြေအနေက ပိုပြီးတော့ဆိုးရွားလာလို့ပေ့ါနော်။ ရွာသူရွာသားတွေ အစားအသောက်ပြတ် လပ်တာတို့၊ ကျန်းမာရေးနဲ့ ပတ်သက်တဲ့ ကူညီမှုတွေ ပြတ်လပ်တာတို့ အဲလိုမျိုးတွေ ပိုပြီးတော့ဆိုးလာ လို့ အခုကျမတို့ ဒီအစီရင်ခံစာ ထုတ်တာပါ။”
ယခုနှစ် ဂျူလိုင်လကုန်ပိုင်းက ဒဒါးရ်ဒဲ ကျေးရွာကို စစ်အစိုးရတပ်မှ တိုက်ခိုက်ခဲ့သည်ဟု ၄င်းက ယခုလို ဆက် ပြောသည်။
“သူတို့ရဲ့ စားဝတ်နေရေး၊ သူတို့ရဲ့ အသက်မွေးဝမ်းကျောင်းတွေ ဖျက်ဆီးတာခံရတယ်။ ရွာမီးရှို့တာ ခံရတယ်ပေ့ါနော်။ နောက်ပြီးတော့ ရွာသူရွာသားတွေ နေခဲ့တဲ့နေရာ၊ နေနိုင်မယ့် နေရာတွေမှာ မိုင်း တွေကိုထောင်ထားတယ်ပေ့ါ။ သူတို့ရဲ့ ဆန်တွေထားတဲ့ နေရာတွေကို မီးရှို့တာတို့ ရွာမီးရှို့တာတို့ရှိ တယ်။ အဲဒီမှာ ဘုရားကျောင်းတစ်လုံး မီးရှို့ခံရတယ်။ ဆေးပေးခန်းတစ်လုံးမီးရှို့ခံရတယ်။”
အလားတူ စစ်ဆင်ရေးများကြောင့် တောင်ငူ၊ ညောင်လေးပင်၊ ဖာပွန်ခရိုင်တို့မှ ကရင် ကျေးရွာသား ရှစ်သောင်း ကိုးထောင်ခန့်သည်လည်း အခက်အခဲများနှင့် ရင်ဆိုင်နေကြရ သည်ဟု ထိုင်းမြန်မာနယ်စပ် ပူးပေါင်းကူညီရေး အဖွဲ့ (TBBC) ၏ ၂၀၀၉ ခုနှစ် နိုဝင်ဘာလ ထုတ် အစီရင်ခံစာ၌ ဖော်ပြထားသည်။
စစ်အစိုးရအား လက်နက်ကိုင်တိုက်ပွဲဝင်နေသည့် ကရင်အမျိုးသားအစည်းအရုံး KNU လက်အောက်ခံတပ်ဖွဲ့များ နှင့် ဒေသခံကျေးရွာသားများအား အဆက်အသွယ်ဖြတ်တောက် လို၍ စစ်အစိုးရထိန်းချုပ်နယ်မြေများအတွင်း ယခုလိုပြောင်းရွှေ့နေခိုင်းခြင်းဖြစ်နိုင်သည်ဟု နော်အယ်ဖောက သုံးသပ်ပြောဆိုသည်။