.jpg)
VOA သတင်းမှ...........
မြန်မာစစ်အစိုးရက ရှေ့လထဲ ကျင်းပဖို့ စီစဉ်ထားတဲ့ ရွေးကောက်ပွဲကို ပြည်ပက သတင်းမီဒီယာတွေ လာရောက် သတင်းယူ အကဲခတ်ခွင့် မပေးဖို့ ကြေညာလိုက်တဲ့အတွက် အများက လက်ခံနိုင်စရာတွေ ပိုလို့သာ ကင်းမဲ့စရာတွေ ဖြစ်ရကြောင်း အမေရိကန် ပြည်ထောင်စုနဲ့ ကုလသမဂ္ဂတို့က ပြောဆိုလိုက်ကြပါတယ်။ နိုဝင်ဘာ ၇ ရက်နေ့ ရွေးကောက်ပွဲတွေဟာ ပွင့်လင်း လွတ်လပ်မှု ရှိပါ့မလား စိုးရိမ်မကင်း ဖြစ်နေချိန်မှာ စစ်အစိုးရ အာဏာပိုင်တွေက အခုလို ကန့်သတ်မှုတွေ လုပ်ဖို့ ဆုံးဖြတ်လိုက်တာမို့ ပြစ်တင် ဝေဖန်သံတွေ နောက်ထပ် ထွက်ပေါ်လာတာလည်း ဖြစ်ပါတယ်။ အပြည့်အစုံကို ကိုအောင်လွင်ဦးက တင်ပြပေးထားပါတယ်။
မြန်မာနိုင်ငံဟာ ရွေးကောက်ပွဲနဲ့ ပတ်သက်လို့ အတွေ့အကြုံ အများအပြား ရှိပြီးဖြစ်တာမို့ ကျွမ်းကျင်သူတွေ၊ စောင့်ကြည့်သူတွေ မလိုပါဘူးလို့ အာဏာပိုင်တွေက ပြောလိုက်ပေမဲ့ နိုင်ငံတကာ အသိုင်းအ၀န်းကတော့ ဒါကို လက်မခံနိုင်ကြောင်း တုံ့ပြန်လိုက်ကြပါတယ်။ ပြည်ပက သတင်းမီဒီယာ သမားတွေ၊ အကဲခတ် လေ့လာသူတွေ စောင့်ကြည့်စရာ မလိုလောက်အောင် နိုင်ငံတကာ သံတမန်တွေ မျက်စေ့ရှေ့မှောက်မှာ ကျင်းပသွားမှာ ဖြစ်တယ်လို့ ရွေးကောက်ပွဲ ကော်မရှင် ဥက္ကဋ္ဌ ဦးသိန်းစိုးက နေပြည်တော်မှာ တနင်္လာနေ့က ကျင်းပတဲ့ သတင်းစာ ရှင်းလင်းပွဲအတွင်း ပြောခဲ့တာပါ။
ဒါပေမဲ့လည်း နိုင်ငံရေး အင်အားစုတွေ ကျယ်ကျယ်ပြန့်ပြန့် မပါဝင်နိုင်တာမ်ို့ ရွေးကောက်ပွဲဟာ လွတ်လပ်မှု မရှိနိုင်ဘူးလို့ ရှုမြင်ထားတဲ့ အမေရိကန် ပြည်ထောင်စု အနေနဲ့ကတော့ ဒီလုပ်ရပ်ကြောင့် ယုံကြည်မှုတွေ ပိုလို့သာ လျော့ပါးစေနိုင်တဲ့အကြောင်း နိုင်ငံခြားရေးဌာန ပြောခွင့်ရပုဂ္ဂိုလ် ပီဂျေ ခရော်လီ (P J Crowley) က တနင်္လာနေ့ သတင်းစာ ရှင်းလင်းပွဲအတွင်း ပြောလိုက်ပါတယ်။
“ဒါက ကံမကောင်း အကြောင်းမလှတဲ့ ကိစ္စတခု ဆိုပေမဲ့ ဒီရွေးကောက်ပွဲ အစီအစဉ်တွေနဲ့ ပတ်သက်လို့ တွေ့ရတဲ့ အခြေအနေတွေ တလျှောက်လုံးကို ကြည့်မယ်ဆိုရင် အံ့သြစရာတော့လည်း မရှိပါဘူး။ ဒီလုပ်ငန်းစဉ်ရဲ့ တစိတ်တပိုင်း အဖြစ်နဲ့ ပြင်ပက အကဲခတ်တွေကို လမ်းဖွင့်မပေးဘူးဆိုရင် ဒါဟာ အများလက်ခံ ယုံကြည်နိုင်စရာ ရှိလိမ့်မယ်လို့ ကျနော်တို့အနေနဲ့ ယူဆနိုင်မှာ မဟုတ်ဘူး ဆိုတာကိုလည်း ပြောထားပြီးသား ဖြစ်ပါတယ်။”
နိုဝင်ဘာ ၇ ရက် ရွေးကောက်ပွဲကို လွတ်လပ်ပြီး တရားမျှတတဲ့ အခြေအနေ ရှိမရှိ အကဲခတ်လိုတဲ့ သဘောထားတွေကို အရှေ့တောင်အာရှ နိုင်ငံများအသင်း (အာဆီယံ) နဲ့ ကုလသမဂ္ဂတို့လို ဒေသတွင်းနဲ့ နိုင်ငံတကာ အဖွဲ့အစည်းတွေက ပြောဆိုထားကြတာပါ။ ဒါပေမဲ့လည်း အခုအခါ ဒီလိုအခြေအနေမျိုး တွေ့ရမှာ မဟုတ်တာမို့ ဒါဟာ စိုးရိမ်ပူပန်စရာတွေ ဖြစ်လာလိမ့်မယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ရဲ့ ပြောခွင့်ရသူ တဦးဖြစ်တဲ့ ဖာဟန် ဟပ်က် (Farhan Haq) က နယူးယောက်မြို့ သတင်းစာ ရှင်းလင်းပွဲမှာ တနင်္လာနေ့ကပဲ ပြောခဲ့ပါတယ်။
“အတွင်းရေးမှူးချုပ် အနေနဲ့ ရွေးကောက်ပွဲကို အားလုံး ပါဝင်ခွင့်ရှိပြီး ပွင့်လင်းမြင်သာမှု ရှိရမယ်၊ လွတ်လပ် တရားမျှတရမယ်လို့ ပြောထားပြီးသားပါ။ ဒါကို ဆန့်ကျင်တဲ့ ကိစ္စမှန်သမျှဟာ စိုးရိမ်စရာ အကြောင်းတွေပဲ ဖြစ်ပါတယ်။”
မြန်မာနိုင်ငံက မဖြေရှင်းနိုင်သေးတဲ့ နိုင်ငံရေး ပြဿနာနဲ့ လက်နက်ကိုင် ပဋိပက္ခတွေဟာ အဓိက စိုးရိမ်စရာ ပြဿနာတွေ အဖြစ်နဲ့လည်း အတွင်းရေးမှူးချုပ်က အရင်တပတ်ထဲ ကုလသမဂ္ဂ အထွေထွေ ညီလာခံကို တင်သွင်းတဲ့ သူ့ရဲ့ အစီရင်ခံစာမှာ ဖော်ပြခဲ့တာပါ။
မြန်မာနိုင်ငံမှာ နှစ်ပေါင်း ၂၀ အတွင်း ရွေးကောက်ပွဲတွေ ပထမဆုံးအကြိမ်အဖြစ် ကျင်းပမယ်လို့ ကြေညာပြီး နိုင်ငံရေး ပါတီတွေကို မှတ်ပုံတင်ခွင့်ပေး၊ ပါဝင်ခွင့် ပြုခဲ့ပေမဲ့ ပြဋ္ဌာန်းထားတဲ့ ဥပဒေတွေ၊ အစီအမံတွေဟာ တရားမျှတမှု မရှိဘူးဆိုပြီး အဓိက အတိုက်အခံ နိုင်ငံရေးပါတီ တခုဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီက မှတ်ပုံတင် ယှဉ်ပြိုင်တာတွေ မလုပ်ဖို့ ဆုံးဖြတ်ထားတာ ဖြစ်ပါတယ်။
အမေရိကန် ပြည်ထောင်စု အနေနဲ့ကတော့ စေ့စပ်ညှိနှိုင်းနိုင်တဲ့ လမ်းစတွေ ရှိနေဆဲလို့ ယုံကြည်ထားကြောင်း နိုင်ငံခြားရေးဌာန ပြောခွင့်ရသူ ပီဂျေ ခရော်လီက ပြောခဲ့တာပါ။
“ကျနော်တို့ ဖြစ်စေချင်တာကတော့ လွတ်လပ်ပွင့်လင်းတဲ့ ရွေးကောက်ပွဲ ဖြစ်စေဖို့နဲ့ ဒီလုပ်ငန်းစဉ်ရဲ့ တစိတ်တပိုင်းအဖြစ် မြန်မာ့လူ့ဘောင် အသိုင်းအ၀ိုင်းထဲမှာ ဆွေးနွေးပြောဆိုမှုတွေကို တိုးပြီး လုပ်ဆောင်တာတွေလို အခွင့်အလမ်းမျိုးတွေကို အရယူစေချင်ပါတယ်။”
မကြာခင် ကျင်းပမယ့် ရွေးကောက်ပွဲမှာတော့ တသီးပုဂ္ဂလ ၈၂ ယောက် အပါအ၀င် ကိုယ်စားလှယ်လောင်း ၃,၁၅၃ ယောက်က မဲဆန္ဒနယ်မြေပေါင်း ၁,၁၅၈ ခုမှာ ယှဉ်ပြိုင်ကြမှာ ဖြစ်တယ်လို့ ကော်မရှင် ဥက္ကဋ္ဌ ဦးသိန်းစိုးက ပြောပါတယ်။ မဲပေးခွင့်ရှိသူ ၂၉ သန်းကျော် အနေနဲ့ နိုင်ငံတ၀န်းက မဲရုံပေါင်း ၄၀,၀၀၀ မှာ ဆန္ဒအလျောက် မဲပေးနိုင်ကြမှာ ဖြစ်တယ်လို့လည်း ဆိုခဲ့တာပါ။
ဒါပေမဲ့လည်း ရွေးကောက်ပွဲတွေ ကျင်းပဖို့ သီတင်း ၃ ပတ်လောက်သာ လိုတော့တဲ့ အချိန်မှာ ပြင်ပက အကဲခတ် စောင့်ကြည့်သူတွေ၊ သတင်းမီဒီယာတွေကို လက်မခံဖို့ ငြင်းဆန်လိုက်တာဟာ လွတ်လပ်ပြီး မျှမျှတတ ဆောင်ရွက်သွားဖို့ ဆန္ဒမရှိကြောင်း ပြသလိုက်တာသာ ဖြစ်တယ်လို့ နိုင်ငံတကာ သတင်းလွတ်လပ်ခွင့်ကို စောင့်ကြည့် အကဲခတ်နေတဲ့ ပြင်သစ်နိုင်ငံ အခြေစိုက် နယ်စည်းမခြား သတင်းသမားများအဖွဲ့ (RSF) ကလည်း ပြောဆိုခဲ့တာ ဖြစ်ပါတယ်။
.jpg)
ရွေးကောက်ပွဲ အကဲခတ်သူတွေ လာခွင့်မပြုတဲ့အပေါ် အမေရိကန်နဲ့ ကုလ ဝေဖန်
ခရစ်ယာန်သာသနာပြုများကို အသုံးချ၍ ကြံ့ဖွံ့မဲဆွယ်
ဧရာဝတီ သတင်းမှ..............
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (ကြံ့ဖွံ့ပါတီ) ၏ မင်္ဂလာတောင်ညွန့် မြို့နယ် ပြည်သူ့ လွှတ်တော် ကိုယ်စားလှယ်လောင်း အဖြစ် ရွေးကောက်ပွဲဝင်မည့် အလုပ်သမားဝန်ကြီး ဦးအောင်ကြည် သည် ခရစ်ယာန် သာသနာပြုများကို အသုံးချပြီး မဲဆွယ်နေသည်ဟု သိရှိရသည်။
ဦးအောင်ကြည်သည် ခရစ်ယာန်သာသနာပြု ဂေဟာတခုသို့ သွားရောက်လည်ပတ်စဉ် သာသနာပြု ပုဂ္ဂိုလ်များနှင့်အတူ ရိုက်ကူးထားသော ဓာတ်ပုံများကို ၎င်း၏ မဲဆွယ်လှုပ်ရှားမှု ကြော်ငြာဆိုင်းဘုတ်များတွင် ထည့်သွင်းထားခြင်းဖြင့် ဘာသာရေးကို အသုံးချကာ ခရစ်ယာန်ဘာသာဝင်များ စိတ်ဝင်စားလာစေရန် မဲဆွယ်နေသည်ကို တွေ့ရသည်။
“လမ်းဆုံလမ်းခွ၊ မီးပွိုင့်တွေမှာ ခရစ်ယာန်သာသနာပြု ပုဂ္ဂိုလ်တွေနဲ့အတူ ရိုက်ထားတဲ့ ဓာတ်ပုံတွေကို ပုံကြီးချဲ့ပြီး ကြော်ငြာဆိုင်းဘုတ်ထဲမှာ ထည့်သုံးထားတယ်။ ဓာတ်ပုံအပေါ်မှာ လူမျိုးဘာသာခြား အားလုံးနဲ့ တစိတ် တ၀မ်းတည်းရှိနေပြီး အားလုံး စိတ်ချမ်းသာရအောင် ကူညီနေတာ ဘယ်သူလဲဆိုတဲ့ စာသားကို ထင်ထင်ရှားရှား ရေးထားတယ်” ဟု မင်္ဂလာ တောင်ညွန့် မြို့နယ်မှ သတင်းထောက် တဦးက ပြောသည်။
ရန်ကုန်မြို့ပေါ်ရှိ ခရစ်ယာန်အသိုင်းအ၀န်းက ဦးအောင်ကြည်၏ လုပ်ရပ်အပေါ် စိတ်မချမ်းမသာ ဖြစ်နေကြပြီး ဘာသာရေးကို အသုံးချမဲဆွယ်သော လုပ်ရပ်အဖြစ် ရှုမြင်ကြကြောင်း သိရသည်။
“သာသနာ့ဝန်ထမ်းတွေ နိုင်ငံရေးလုပ်ခွင့်၊ မဲပေးခွင့်မရှိဘူးလို့ ရွေးကောက်ပွဲဥပဒေမှာ တရားဝင် ပြဌာန်းထားတယ်။ သာသနာ့ဝန်ထမ်းတွေထဲမှာ ဗုဒ္ဓဘာသာဝင်၊ ခရစ်ယာန်နဲ့ ဟိန္ဒူဘာသာဝင် သာသနာ့ဝန်ထမ်းတွေ ပါတယ်လို့ ဥပေဒမှာ ရေးထားတယ်။ ဦးအောင်ကြည် မလုပ်သင့်တဲ့လုပ်ရပ်ကို လုပ်လိုက်တာပဲ ” ဟု ရန်ကုန်အခြေစိုက် ကရင်နှစ်ခြင်း သင်းအုပ်ဆရာ တဦးက ပြောသည်။
မင်္ဂလာတောင်ညွန့် မြို့နယ်တွင် ဦးအောင်ကြည်နှင့်အပြိုင် ရွေးကောက်ပွဲဝင်မည့် ပြည်သူ့ လွှတ်တော် ကိုယ်စားလှယ်လောင်း တဦးဖြစ်သူ ဒီမိုကရက် တစ်ပါတီ (မြန်မာ) ၏ ဥက္ကဋ္ဌ ဦးသုဝေ ကလည်း ဦးအောင်ကြည်၏လုပ်ရပ်သည် ဘာသာရေးကို နိုင်ငံရေးအတွက် အသုံးချခြင်းဖြစ် သည်ဟု ဆိုသည်။
“ဒါ မဲရဖို့ ဘာသာရေးကို အလွဲသုံးစားလုပ်တာ” ဟု ဦးသုဝေက ပြောသည်။
တခြားသော နိုင်ငံရေးသမားတဦးကမူ ဘာသာရေးနှင့် နိုင်ငံရေး ပေါင်းစပ်ယှက်နွှယ်ခြင်းသည် အန္တရာယ်ကြီးသော လုပ်ရပ်တခုဖြစ်ပြီး နိုင်ငံရေးမတည်ငြိမ်မှုများ ဖြစ်လာနိုင်ကြောင်း သုံးသပ်သည်။
ကြံ့ဖွံ့ပါတီ၏ တောင်ဥက္ကလာပမြို့နယ် ပြည်သူ့လွှတ်တော် ကိုယ်စားလှယ်လောင်းအဖြစ် အရွေးချယ်ခံမည့် ရန်ကုန်မြို့တော်ဝန် ဦးအောင်သိန်းလင်းသည်လည်း ဘာသာရေးကို အသုံးချကာ မဲဆွယ်ခြင်းများ ပြုလုပ်ခဲ့သည်။
တောင်ဥက္ကလာပ ၇ ရပ်ကွက်၊ သီရိဇေယျာလမ်းရှိ ဆောက်လုပ်မှု ရပ်ဆိုင်းခံထားရသော ဗလီကြီးကို အစ္စလမ် ဘာသာဝင်များထံမှ ဆန္ဒမဲများ ရရှိရေးအတွက် ဦးအောင်သိန်းလင်းက ပြန်လည်ဆောက်ခွင့်ပေးခဲ့ရာ ဗုဒ္ဓဘာသာဝင်များနှင့် မစ္စလမ် ဘာသာဝင်များ အကြား တင်းမာမှုများဖြစ်ပေါ်ခဲ့သည်။
နိုင်ငံရေး ပါတီများ မှတ်ပုံတင်ခြင်းဥပဒေ အခန်း ၂၊ ပုဒ်မ ၆ (င) တွင် ဘာသာရေးကို နိုင်ငံရေးအတွက် အလွဲသုံးစား မပြုလုပ်ရဆိုသော စည်းကမ်းချက်ကို ထည့်သွင်းထားပြီး ရွေးကောက်ပွဲဥပဒေ အခန်း ၁၃၊ ပုဒ်မ ၅၈ (ဂ) တွင်
လူမျိုးရေး၊ ဘာသာရေးကို အကြောင်းပြ ဆန္ဒမဲပေးရန်၊ ဆန္ဒမဲမပေးရန်လည်းကောင်း ဟောပြော၊ ပြောဆို၊ ကြေညာချက် ထုတ်ပြန်ခြင်းနှင့် လှုံ့ဆော်ခြင်းများ ပြုလုပ်လျှင် တနှစ်ထက်မပိုသော ထောင်ဒဏ်၊ တသိန်းထက် မပိုသော ငွေဒဏ်နှင့် ဒဏ်နှစ်ရပ်စလုံး ချမှတ်နိုင်ကြောင်း တရားဝင်ပြဌာန်းထားသည်။
ဦးအောင်ကြည်သည် မင်္ဂလာတောင်ညွန့် မြို့နယ် နေရာအနှံ့အပြားတွင် ၎င်း၏ ဓာတ်ပုံများကို ပုံကြီးချဲ့ ထည့်သွင်း ရိုက်နှိပ်ထားသော ကြော်ငြာ ဆိုင်းဘုတ်မြောက်မြားစွာကို ချိတ်ဆွဲထားပြီး ရပ်ကွက်တိုင်းတွင် ဦးအောင်ကြည်၏ ကြော်ငြာ ဆိုင်းဘုတ်များ ရှိနေသည်ကို တွေ့ရသည်။
အလုပ်သမားဝန်ကြီးနှင့် ဆက်ဆံရေးဝန်ကြီးအဖြစ် တာဝန်ထမ်းဆောင်နေသော ဦးအောင်ကြည်သည် ဗိုလ်ချုပ်အောင်ကြည်၊ မင်းဗထူးဟူသော ကလောင်အမည်များဖြင့် စီမံခန့်ခွဲမှုနှင့် ခေါင်းဆောင်မှုဆိုင်ရာ စာအုပ် ၆ အုပ်ရေးသားထုတ်ဝေခဲ့ပြီး တူဒေးစာအုပ်တိုက်က ထုတ်ဝေသော CEO မဂ္ဂဇင်းတွင် စီမံခန့်ခွဲမှုဆိုင်ရာ ဆောင်းပါးများ ပုံမှန် ရေးသားနေသူဖြစ်သည်။
ဦးအောင်ကြည်သည် ကြံ့ဖွံ့ပါတီပြည်သူ့လွှတ်တော် ကိုယ်စားလှယ်လောင်းများ ဖြစ်ကြသည့် တခြားသော စစ်အစိုးရ ၀န်ကြီးများနှင့်မတူဘဲ မဲဆွယ်လှုပ်ရှားမှုများ ပြုလုပ်ရာတွင် အွန်လိုင်း ဝက်ဘ်ဆိုက် တခုလွှင့်တင်ထားပြီး မဲဆွယ်ဝက်ဘ်ဆိုက် ကို ၎င်း၏ ကလောင်ခွဲတခု ဖြစ်သော မင်းဗထူး အမည်ဖြင့် လွှင့်တင်ထားကြောင်း သိရသည်။
ဦးအောင်ကြည်၏ ဝက်ဘ်ဆိုက်မှာ www.minbahtoo.com ဖြစ်ပြီး အဆိုပါ ဝက်ဘ်ဆိုက်တွင် ဦးအောင်ကြည်၏ ကိုယ်ရေးအကျဉ်း၊ ခံယူချက်၊ ရေးသားပြီးစာအုပ်များ၊ လုပ်ဆောင်ချက် ဓာတ်ပုံများ၊ ဆက်သွယ်ရန် အီးမေးလ်လိပ်စာ အပါအဝင် ဦးအောင်ကြည်နှင့် ပတ်သက်သော အကြောင်းအရာများ အားလုံးကို ထည့်သွင်းဖော်ပြထားသည်။
မင်္ဂလာတောင်ညွန့်မြို့နယ်၏ ပြည်သူ့လွှတ်တော် ကိုယ်စားလှယ်နေရာအတွက် ကြံ့ဖွံ့ပါတီမှ ဦးအောင်ကြည်နှင့်အတူ ဒီမိုကရက်တစ်ပါတီ (မြန်မာ) ၏ ဥက္ကဋ္ဌဦးသုဝေ၊ တစ်သီးပုဂ္ဂလ ဦးလှမျိုးမြင့်၊ တိုင်းရင်းသား စည်းလုံးညီညွတ်ရေး ပါတီမှ ဦးခင်မောင်လွင်၊ အမျိုးသားဖွံ့ဖြိုး တိုးတက်ရေး ဒီမိုကရက်တစ်ပါတီမှ ဦးဇော်ဝင်း စုစုပေါင်း ၅ ဦး ၀င်ရောက် အရွေးချယ်ခံကြမည် ဖြစ်ကြောင်း သိရသည်။
နအဖတပ်နှင့် ဒီကေဘီအေအကြား တင်းမာမှု ဗိုလ်ချုပ်သက်နိုင်ဝင်း ဖြေရှင်းမည်
KIC သတင်းမှ............
ကရင်ပြည်နယ်စပ် မြ၀တီမြို့တွင် ဆက်လက်တင်းမာနေဆဲဖြစ်သည့် နအဖစစ်တပ်နှင့် ဒီကေဘီအေတို့ကြား ပြဿနာကို ကာ ကွယ်ရေးဝန်ကြီးဌာန စစ်ဆင်ရေးအထူးအဖွဲ့မှူး (ကစထ-၄) ဗိုလ်ချုပ်သက်နိုင်ဝင်းကိုယ်တိုင် လာရောက်ဖြေရှင်းမည်ဟု ဒီကေ ဘီအေဘက်က ပြောသည်။
နယ်ခြားစောင့်တပ် လက်မခံသည့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)တပ်မှူးတဦးက မြ၀တီမြို့အတွင်းရှိ ၎င်းတို့နှစ်ဖွဲ့၏ တင်းမာမှုကို ယခင် အရှေ့တောင်တိုင်း စစ်ဌာနချုပ် တိုင်းမှူးဖြစ်ခဲ့သူ ဗိုလ်ချုပ်သက်နိုင်ဝင်း လာရောက်ဖြေရှင်းမည်ဖြစ်ကြောင်း ယခုလို အတည်ပြုပြောဆိုသည်။
“မနက်ဖြန်ကျရင် သက်နိုင်ဝင်း တက်လာမယ်လို့ ကျနော်တို့ သတင်းရတယ်။ တက်လာတဲ့အကြောင်းအရင်းကတော့ တခြား ကိစ္စတွေပါသလို လက်ရှိ ဆက်လက်တင်းမာနေဆဲဖြစ်တဲ့ ကျနော်တို့တပ်ဖွဲ့နဲ့ နအဖတပ်ဖွဲ့တို့ကြားက ပြဿနာရယ်၊ နယ်ခြား စောင့်တပ်ကိစ္စနဲ့ ပတ်သက်ပြီးတော့ လာရောက်ဆွေးနွေးကြမယ်လို့ သိရပါတယ်။”ဟု ကေအိုင်စီကို ပြောသည်။
ပြီးခဲ့သည့်လက ဖြစ်ပွားခဲ့သည့် ဒုဗိုလ်မှူးကြီးစောကျော်သက် ဦးဆောင်သော ဒီကေဘီအေ တပ်ရင်း (၉၀၂)နှင့် မြ၀တီမြို့ရှိ နအဖစစ်တပ်အကြားမှ တင်းမာမှုပြဿနာမှာ ယခုအချိန်ထိ ညှိနှိုင်းအဖြေရှာခြင်း မရှိသေးဘဲ ဆက်လက်တင်းမာနေသည့်အ တွက် ဗိုလ်ချုပ်သက်နိုင်ဝင်းကိုယ်တိုင် လာရောက်ဖြေရှင်းခြင်းဖြစ်နိုင်ကြောင်း အမည်မဖော်လိုသည့် ဒီကေဘီအေနှင့် နီးစပ်သူ တဦးက ပြောသည်။
ဗိုလ်ချုပ်သက်နိုင်ဝင်း၏ ယခုခရီးစဉ်သည် နယ်ခြားစောင့်တပ်ပြောင်းရန် ငြင်းဆန်နေသည့် ဒီကေဘီအေ တပ်မဟာ(၅)မှူး ဗိုလ်မှူးကြီးစောလားပွယ်နှင့် ဗိုလ်မှူးချုပ်စောထင်မောင် ဦးစီးသည့် ကရင်ငြိမ်းချမ်းရေးကောင်စီကို နယ်ခြားစောင့်တပ်အဖြစ် အသွင်ပြောင်းရေးကိစ္စ လာရောက်ဆွေးနွေးရန်ရှိသည်ဟု ဒီကေဘီအေအသိုင်းအ၀ိုင်းနှင့် မြ၀တီမြို့ခံများက ပြောသည်။
မြ၀တီမြို့ခံတဦးက “မနက်ဖြန်ကျရင် တက်လာမယ်။ ၂၁ရက်နေ့အထိကြာမယ်လို့ကြားတယ်။ လာတဲ့ကိစ္စကတော့ နယ်စပ်မှာ ရှိတဲ့ တပ်မှူးတပ်သားတွေအခြေအနေကို လာရောက်လေ့လာတာရယ်။ နောက်ပြီး နယ်ခြားစောင့်တပ်ပြောင်းဖို့အတွက် ငြင်း ဆန်နေတဲ့ ဒီကေဘီအေ လက်ကျန်တွေ၊ ကရင်ငြိမ်းချမ်းရေးကောင်စီတပ်ဖွဲ့တွေကို လာဆွေးနွေးတာ ဖြစ်နိုင်တယ်။”ဟု ပြော သည်။
ပြီးခဲ့သည့် နှစ်ရက်ခန့်က မြ၀တီမြို့တွင်းရှိ ရဲစခန်းသို့သွားရာ လမ်းကြောကို ညဖက်တွင် လုံခြုံရေးများ ချထားသလို ဒီကေဘီ အေမှ ဒုဗိုလ်မှူးကြီးစောကျော်သက် ဦးဆောင်သည့် ဒီကေဘီအေ(၉၀၂)တပ်ရင်းသည်လည်း ယခင်အတိုင်း မြ၀တီမြို့အနှံ့ တွင် အင်အား ၃၀၀ခန့် တပ်ဖြန့်ထားဆဲဖြစ်သည်ဟု သိရသည်။
အောက်တိုဘာလ ၁၆ရက်နေ့ညက ကော့ကရိတ်မြို့အရှေ့ဖက် ရွှေနတ်တောင် ဘုန်းကြီးကျောင်းသို့သွားရာလမ်းရှိ သစ်သား တံတားပေါ်တွင် နအဖ စစ်ကားတစ်စီး ဆွဲမိုင်းထိမှန်ကာ ကားမှာပျက်စီးသွားပြီး စစ်သားအနည်းငယ် ဒဏ်ရာရရှိခဲ့ကြောင်း ကော့ကရိတ်မြို့ခံတစ်ဦးက ပြောသည်။
အဖွားအိုတစ်ဦးအား စစ်အစိုးရတပ် ဓားပြတိုက် သတ်ဖြတ်
လွတ်လပ်သော မွန်သတင်းအေဂျင်စီ မှ.........
တနင်္သာရီတိုင်း ရေဖြူမြို့နယ် ကလိန်အောင်မြို့နယ်ခွဲ ကျောက်ကဒင်ရွာမှ အဖွားအို တစ်ဦးအား စစ်အစိုးရ ခြေလျင်တပ်ရင်း (၁၀၃) မှ စစ်ဗိုလ်တစ်ဦးနှင့် တပ်သားများက ဓားပြတိုက် သတ်ဖြတ်ခဲ့သည်။
အသတ်ခံရသူမှာ အသက် (၆၈) နှစ် အရွယ်ရှိ မိကြည် ဖြစ်ပြီး ခလရ (၁၀၃) လှုပ်ရှားတပ်ရင်းမှ ဗိုလ်ကျော်ညွန့်နှင့် တပည့်တပ်သား သုံးဦးတို့က အောက်တိုဘာလ (၁) ရက်နေ့ ည (၁၁) နာရီအချိန်တွင် ဓားပြတိုက် သတ်ဖြတ်ခဲ့ခြင်း ဖြစ်ကြောင်း အသတ်ခံရသူနှင့် ဆွေမျိုးတော်စပ်သူ တစ်ဦးက ပြောသည်။
သူက “အဖွားဟာ မုဆိုးမ၊ သူ့အိမ်မှာဆို ၁၂ နှစ် အရွယ်လောက် ရှိတဲ့ မြေးမလေး တစ်ယောက်ပဲ ရှိတယ်၊ ကလေးက အဖွားနဲ့အတူ အိပ်တယ်။ ဓားပြတိုက်တဲ့ အချိန်မှာ မြေးမလေးက ကြောက်ပြီး ပုန်းနေတယ်၊ အော်လည်း မအော်ရဲဘူး” ဟု ပြောသည်။
အဖွားအိုအား အိမ်ပေါ်တွင် ရိုက်နှက်သတ်ဖြတ်ခဲ့ပြီး နားကပ်တစ်ရံ၊ လက်စွပ် နှစ်ကွင်းနှင့် ငွေ (၈၅၀၀) ကျပ် ပါသွားခဲ့ကြောင်း မြေးမလေးထံမှတဆင့် သိရှိရသည်ကို သူက ပြန်လည် ပြောပြသည်။
မိကြည် သေဆုံးပြီးနောက်တွင် မြေးမလေးထံမှတဆင့် သတင်းပေါက်ကြားခဲ့သဖြင့် လူကြီးရောဂါဖြင့် သေဆုံးကြောင်း သတင်းဖြန့်ရန် ၎င်းတပ်ရင်းက ကျေးရွာဥက္ကဌအား ခြိမ်းခြောက် အမိန့်ပေးခဲ့ကြောင်း ရွာသားများက ပြောသည်။
သေဆုံးသူအတွက် ရက်လည်ဆွမ်းကျွေးရန် ချက်ပြုပ်နေစဉ် အောက်တိုဘာလ (၉) ရက် ည (၈) နာရီခွဲခန့် အချိန်တွင်လည်း ၎င်း တပ်ရင်းမှ စစ်သားများက ၎င်းရွာရှိ မိအွန်း အိမ်သို့ တက်ရောက်ခဲ့ပြီး အိမ်ရှင်က ကြောက်လန့် အကူအညီ တောင်းရာမှ စစ်သားများ အိမ်မှာ ထွက်ခွာသွားခဲ့ကြောင်း ရွာသားများက ပြောသည်။
၎င်းည (၁၀) နာရီခွဲခန့်တွင်ပင် စစ်သားများက အခြားမုဆိုးမတစ်ဦး ဖြစ်သည့် မိမြင့် အိမ်သို့ တဖန်တက်ရောက်ခဲ့ပြီး အိမ်ရှင်က အော်ဟစ် အကူအညီ တောင်းရာမှ အိမ်အနီးရှိ တူတော်စပ်သူ နိုင်မွန်ထောက လာရောက် ကူညီခဲ့ကြောင်း၊ စစ်သားများက နိုင်မွန်ထောအား ဖမ်းဆီးရိုက်နှက်ခဲ့သဖြင့် ဦးခေါင်းကွဲပြီး ထွက်ပြေးသွားခဲ့ကြောင်း၊ ထွက်ပြေးချိန်တွင် စစ်သားများက သေနတ် လေးချက် ပစ်ခတ်ခဲ့ကြောင်း၊ သို့သော်လည်း နိုင်မွန်ထောမှာ ဒဏ်ရာ မရဘဲ လွတ်မြောက်သွားခဲ့ကြောင်း ရွာသားများက ပြောသည်။
ယခုအချိန်တွင် နိုင်မွန်ထောမှာ ကြောက်လန့်ပြီး ရွာမှ တိမ်းရှောင်နေရကြောင်း သိရသည်။ (၂ဝ၁ဝ) နှစ်ဆန်းပိုင်း ဖေဖေါ်ဝါရီလ အတွင်း၌ ကျေးရွာပြည်သူ့စစ် ဖွဲ့စည်းရေးကို လက်မခံသည့် ရေဖြူမြို့နယ် အလယ်စခန်းရွာသား (၄) ယောက်ကို ခမရ (၂၈၂) တပ်ရင်းမှ ဖမ်းဆီးခဲ့ပြီး ရွာသားတစ်ယောက်ကို သတ်ဖြတ်ခဲ့သည်။
ရေး-ထားဝယ် ကားလမ်းနဘေးရှိ ကျောက်ကဒင်ရွာတွင် အိမ်ခြေ (၃၀၀) ခန့် ရှိပြီး မွန်ပြည်သစ်ပါတီမှ ခွဲထွက်အဖွဲ့များ လှုပ်ရှားရာ အရပ်နှင့် စစ်အစိုးရ လှုပ်ရှားတပ်ရင်းများ အခြေချရာလည်း ဖြစ်သည်။ ခလရ (၁၀၃) သည် ကမ်းရိုးတန်းတိုင်း စစ်ဌာနချုပ် လက်အောက်ခံ တပ်ရင်း ဖြစ်ပြီး မိခင်တပ်ရင်းမှာ မြိတ်မြို့တွင် အခြေချထားသည်။
ထန်းတပင်မြို့နယ်တွင် ဒေသခံရွာသားများအား အဆက်မပြတ် လုပ်အားခိုင်းစေခံရ
KIC သတင်းမှ.....
ကရင်ပြည်နယ်၊ သံတောင်မြို့နယ် တောင်ဘက်ခြမ်း၊ ထန်းတပင်မြို့၏ အရှေ့တောင်ဘက် (၂၀) မိုင် အကွာအဝေးရှိ တိပ်ပုကျေးရွာ အုပ်စုတွင် ယခုလဆန်းပိုင်းအတွင်း နအဖစစ်တပ်များက ဒေသခံရွာသားများအား အဆက်မပြတ် အဓမ္မ ခေါ်ယူကာ လုပ်အားပေး ခိုင်းစေလျှက် ရှိသည်ဟု သိရှိရသည်။
ထန်းတပင်မြို့နယ် တိပ်ပုဂွင်တွင် အခြေချလှုပ်ရှားနေသော စစ်ကွပ်ကဲရေးဌာနချုပ်-စကခ (၇) လက်အောက်ခံ တပ်ရင်း ခလရ (၁၀၂)က ၎င်းတို့ တပ်ရိက္ခာပစ္စည်းများ ထမ်းပို့ရန်အတွက် ယခုလ ၁၂ ရက်နေ့တွင် တိပ်ပုကျေးရွာအုပ်စုရှိ ရွာလေးရွာမှ ရွာသူရွာသား ၃၈ ဦး ခေါ်ယူခိုင်းစေခဲ့သည်ဟု ပြည်တွင်းဌာနေမဲ့ ကရင်ဒုက္ခသည်များ ဆိုင်ရာကော်မတီ (CIDKP)၏ မြောက်ပိုင်းတာဝန်ခံ စောအယ်ဝါးက ပြောသည်။
၎င်းက “ဒီလ ၁၂ ရက်နေ့မှာ တိပ်ပုရွာမှာ ရှိတဲ့ ခလရ (၁၀၂)က တိပ်ပုတပ်စခန်းကနေ သပြေညွှန့် တပ်စခန်းအထိ ရိက္ခာပစ္စည်းတွေ ထမ်းဖို့အတွက် ဆိုပြီး တိပ်ပုရွာက အမျိုးသား ၉ ယောက်၊ အမျိုးသမီး ၃ ယောက်၊ မျောက်ချောင်းရွာက အမျိုးသား ၈ ယောက်၊ အမျိုးသမီး ၇ ယောက်၊ ဟန်တိုရွာက အမျိုးသား ၆ ယောက်၊ အမျိုးသမီး ၆ ယောက်နဲ့ ကန်ပဲ့မြောင်ရွာက အမျိုးသား ၆ ယောက်၊ အမျိုးသမီး ၃ ယောက်ကို ခေါ်ယူခိုင်းစေတယ်လေ” ဟု ကေအိုင်စီကို ပြောသည်။
ထို့အပြင် အောက်တိုဘာလ ၁၂ ရက်တည်း၌ပင် တိပ်ပုဂွင်ရှိ ရေတံခွန် (ကလော်မီဒဲ)ကျေးရွာတွင် အခြေစိုက်သည့် ၎င်းခလရ (၁၀၂) တပ်ရင်းမှ တခြားတပ်ဖွဲ့ဝင်များသည် ရေတံခွန်ကျေးရွာမှ ပလက်ဝတပ်စခန်းအထိ စစ်ရိက္ခာထမ်းပို့ရန်အတွက် ရွာသူရွာသား ၃၀ ဦးကို ခေါ်ယူခိုင်းစေခဲ့သည်ဟုလည်း စောအယ်ဝါးက ဆက်ပြောသည်။
ယခုလို နအဖစစ်တပ်များက ရွာသူရွာသားများအား အတင်းအဓမ္မ ခေါ်ယူခိုင်းစေမှုသည် ရွာသူရွာသားများ လုံးဝလုပ်စားကိုင်စား၍ မရအောင် တမင်တကာ ခေါ်ယူခိုင်းစေခြင်း ဖြစ်ကြောင်းနှင့် ရွာသူရွာသားများအား တမင်ညှင်းပန်းနှိပ်စက်ခြင်းလည်း ဖြစ်သည်ဟု ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) တပ်မဟာ (၂) မှ တပ်မှူး တဦးက ပြောသည်။
၎င်းက “နအဖက တမင်သက်သက် ရွာသားတွေကို အလုပ်မရှိ ရှိအောင် ခိုင်းတယ်။ ဘာဖြစ်လို့လဲဆိုတော့ သူ့ရိက္ခာသူ ထိုင်စားရင် ပြီးတာပဲ။ ဟောင်းဟောင်းသစ်သစ်ပေါ့၊ အခု အဲလိုမဟုတ်ဘူး။ ရိက္ခာအဟောင်းတွေကို ပြန်ပို့ခိုင်းတယ်။ အဲဒါ့အပြင် ခြင်း၊ တောင်းတို့၊ ရွာသားတွေဆီက သိမ်းဆည်းလို့ ရတဲ့ ကွမ်းသီးတို့၊ ဖာလာတို့ ပြန်ရောင်းစားဖို့အတွက်လည်း ရွာသားတွေကို ခေါ်ထမ်းခိုင်းတယ်။ ရွာသူရွာသားတွေ လုံးဝ လုပ်ကိုင်စားလို့ မရအောင် တမင်သက်သက်ခိုင်းတာပဲ” ဟု ပြောသည်။
အလားတူ ပြီးခဲ့သည့် အောက်တိုဘာလ ၉ ရက်နေ့တွင်လည်း အဆိုပါ နအဖစစ်တပ်က ဗာရာဏသီရှိ တပ်ရိက္ခာပစ္စည်းများကို တိပ်ပုတပ်စခန်း၌ ပြန်လာထမ်းပို့ရန်အတွက် တိပ်ပုရွာသား ၆ ဦးနှင့် ရွာသူ ၄ ဦးကို ခေါ်ယူခိုင်းစေသည့်အပြင် ပြီးခဲ့သည့် အောက်တိုဘာလ ၁၁ ရက်နေ့ကလည်း ရှားဇီးဘိုစခန်း အခြေစိုက် တောင်ပိုင်းတိုင်းလက်အောက်ခံ ခလရ (၇၃) တပ်ရင်းက ဇီး ဖြူကုန်းရွာသားများအား သစ်လုံး ၈ လုံးနှင့် ၀ါးအလုံးပေါင်း ၃၅၀ ကို ခုတ်ခိုင်းခဲ့သည်ဟု သိရသည်။
အဆိုပါ နအဖစစ်တပ်များသည် ဒေသခံရွာသားများအား အမြဲတမ်းလိုလို အဓမ္မ တပ်ရိက္ခာပစ္စည်းများ သယ်ယူပို့ဆောင်ခိုင်းသည့်အပြင် ၂၀၀၆ ခုနှစ်မှ စ၍ ယခုအချိန်ထိ တရက်လျှင် ရွာသား ၄ ဦးစီ ထင်းခွေ၊ စာပို့၊ ဟင်းသီးဟင်းရွက်ရှာ စသည့် အလုပ်များကို အလှည့်ကျ နေ့စဉ် လုပ်ဆောင်ခိုင်းခဲ့ပြီး လုပ်ငန်းခွင်သို့ သွားသည့် ရွာသားများကိုလည်း နည်းမျိုးစုံဖြင့် နှောက်ယှက်ဟန့်တားမှုများ လုပ်ဆောင် လျှက်ရှိသည်ဟု ဒေသခံများက ပြောသည်။
စစ်တပ်နဲ့ DKBA မြ၀တီမှာ ထိပ်တိုက်တွေ့
VOA သတင်းမှ.......................
မြ၀တီနဲ့ အနီးတ၀ိုက်မှာ တပ်စွဲထားတဲ့ DKBA ၉၀၂ တပ်ရင်းနဲ့ စစ်အစိုးရတပ်တွေ အချိန်မရွေး တိုက်ပွဲဖြစ်လာနိုင်တဲ့ အခြေအနေ ရောက်နေပါတယ်။ အပစ်ရပ် ငြိမ်းချမ်းရေး အဖွဲ့တွေထဲက နယ်ခြားစောင့်တပ်ဖွဲ့အဖြစ် အသွင်ပြောင်းဖို့ လက်မခံတဲ့ တပ်တွေကို မြန်မာစစ်အစိုးရတပ်က ဖိအားပေးနေတာမှာ အခုလို တိုက်ပွဲ ဖြစ်လာနိုင်တဲ့ အခြေအနေထိ ရောက်လာနေတာပါ။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြပေးထားပါတယ်။
ထိုင်းနိုင်ငံက တင်သွင်းလာတဲ့ လိုင်စင်မဲ့ကားတွေ ဖမ်းဆီမှုကြောင့် ပြီးခဲ့တဲ့လကစပြီး လက်နက်ကိုင် တင်းမာမှု စခဲ့တဲ့ DKBA ၉၀၂ တပ်ရင်းကို လုံခြုံရေး ပိုတင်းကျပ်လိုက်တယ်လို့ ၉၀၂ တပ်ရင်း အရာရှိတယောက်က ပြောပါတယ်။
နှစ်ဘက်တပ်တွေအကြား မနေ့ကစပြီး ပိုမို တင်းမာလာတာကို သူက အခုလို ရှင်းပြပါတယ်။
“ဟုတ်တယ်၊ ဟုတ်တယ်၊ ဒါပေမယ့် မပစ်ကြသေးဘူး၊ သေနတ်တော့ မောင်းတင်ထားပြီးသားပဲ။ များတယ် အခု၊ ဒီနေ့ကစပြီးတော့ ပိုပြီးတင်းမာတယ်။ သူတို့ကလည်း လာဝိုင်းတယ်လေ၊ လာဝိုင်းလည်း သေနတ်မောင်းတင်ထားတာပေါ့။ လက်ညှိုးကွေးဖို့ပဲ လိုတော့တယ်။ အခု မြို့တွင်းမှာပဲ၊ မြို့ပတ်ပတ်လည်ပဲ။ ကျနော်တို့လည်း မြို့တွင်းမှာ၊ မြို့အပြင် မထွက်ဘူး။ ရပ်ကွက်ထဲမှာ အစောင့်တွေ စီစဉ်ထားတာပေါ့။ သူတို့လည်း ကျင်းတွေ တူးထားတယ်။”
အခုလို ၂ ဘက်အကြား တင်းမာမှု ဖြစ်နေတာကို မြို့ခံတချို့က သဲသဲကွဲကွဲ မသိကြသေးပေမဲ့ လုံခြုံရေး တိုးမြှင့်လာတာကိုတော့ သတိထားမိတယ်လို့ မြို့ခံတယောက်က ပြောပါတယ်။
“အရင်ကတော့ ဘာမှမဟုတ်ဘူးလေ။ အခုဟာ ဗိုလ်ကျော်သက်နေတဲ့ အိမ်တွေ၊ လမ်းမတန်း ရပ်ကွက်တွေ၊ ရဲတွေ ညည ကင်းတွေ လိုက်လှည့်နေတယ်။ မြို့ထဲကလူတွေက သိကြတယ်။ အခု တအံ့တသြကြီးနဲ့ မြို့ထဲက လူတွေကတော့။ စစ်တပ်တွေက ဒီလိုမျိုး ဘာလို့သွားနေလဲဆိုတာ၊ အဲလိုမျိုး။”
DKBA တပ်တွေဟာ အရင်က မြ၀တီမြို့ထဲ လက်နက်ကိုင်ပြီး ၀င်ထွက်ခွင့် ရှိပေမဲ့ လက်ရှိမှာ မြို့ထဲ သွားလာခွင့် မပြုတော့ပါဘူး။ မြ၀တီ ပတ်ဝန်းကျင်က DKBA ၉၀၂ တပ်ဖွဲ့အင်အားကို စစ်ဘက်ရေးရာ လုံခြုံရေးအဖွဲ့ (စရဖ) က စုံစမ်းနေတယ်လို့ အဆိုပါ အရာရှိက ဆက်ပြောပါတယ်။
“အခု သူတို့ ညက ဘယ်လိုပြောလဲ၊ သူတို့အောက်က တပ်ခွဲတွေ အကုန်လုံး၊ ရဲဘော်တွေ နေတဲ့နေရာ အကုန်လုံး လိုက်စုံစမ်းခိုင်းတယ်။ စရဖက လိုက်စုံစမ်းခိုင်းတာလေ။ ဗိုလ်ကျော်သက်တို့ ဘယ်လောက်ရှိသလဲ၊ နောက် ဟိုနေရာက ဘယ်လောက်လဲ၊ ဒီလိုမျိုး။ ကျနော်တို့က ၃၀၀ နီးပါး ရှိတယ်၊ သူတို့က ၈၀ လောက်ပဲ ရှိတယ်။ ကျနော်တို့က မြို့ကို ဖြန့်ထားပြီးနေတာ။ ဘယ်လိုပြောမလဲ ကျနော်တို့ကို သူတို့က ပိတ်ထားတဲ့သဘောပေါ့။”
မြ၀တီ စရဖ တာဝန်ရှိသူ တယောက်ကတော့ ပုံမှန် ကင်းလှည့်နေကျထက် အင်အားတိုးလိုက်တာဖြစ်ပြီး တင်းမာမှု မရှိဘူးလို့ ဗွီအိုအေကို ပြောပါတယ်။ ကရင်သတင်း အယ်ဒီတာ နန်းဖောဂေကတော့ ပြဿနာ ပိုကြီးလာတာဟာ နယ်ခြားစောင့်တပ် လက်မခံမှုကြောင့်လို့ ဆိုပါတယ်။
“အဓိကအချက်က ကျမထင်တာက နယ်ခြားစောင့်တပ် လက်မခံလို့ပဲ။ နအဖဘက်က ဖုန်းနဲ့ဖြစ်ဖြစ်၊ စာနဲ့ဖြစ်ဖြစ် ရေးလာတာ ရှိတာပေါ့လေ၊ သူတို့ဘက်ကို ပူးပေါင်းပါဝင်ဖို့ လုပ်ပါဦးပေါ့။ ခွဲခြားခွဲခြား မနေဖို့ အပျော့ဆွဲနဲ့ စာရေးလာတာရှိတယ်။ အဲဒါကိုလည်း လက်မခံဘူး၊ နောက်တခုက လက်ရှိ DKBA အဖွဲ့တွေက၊ နယ်ခြားစောင့် လက်မခံတဲ့ အဖွဲ့တွေက နဂိုစီးပွားရေးကိုပဲ လုပ်နေတုန်းဆိုတော့ ဒီမြ၀တီလမ်းကြောက without car တွေ ချတာမျိုး ပြဿနာကို ဆွဲကျပ်လာတာ ရှိတာပေါ့။
“ဒါကြောင့်မို့ ကားတွေဖမ်းတယ်၊ ဒီမှာ ဗိုလ်ကျော်သက်တို့ ကားတွေ ပါပြီးတော့ ပြဿနာက ရဲစခန်းသွားဝိုင်းတဲ့ အဆင့်ထိ ဖြစ်သွားတာလေ။ အဲဒီကစပြီး တဘက်နဲ့တဘက် အစာမကြေဘဲ ကြည့်နေကြတာပေါ့။ တကွက် အမှားမခံတဲ့ ပုံစံ ရှိနေတာပေါ့။”
နယ်ခြားစောင့်တပ်ပြောင်းဖို့ အချိန်ကန့်သတ်ပြီး မရှေးမနှောင်း ပြီးခဲ့တဲ့ မေလကနေ ဒီလ အစောပိုင်းထိ မြ၀တီမှာ လက်သည်မပေါ်တဲ့ မိုင်းကွဲမှုတွေ မကြာခဏ ဖြစ်ပွားလာပါတယ်။ ဗိုလ်မှူးကြီး စောလားပွယ် ဦးဆောင်တဲ့ DKBA တပ်မဟာ ၅ ဟာ နယ်ခြားစောင့်တပ် ပြောင်းလဲဖို့ ငြင်းဆိုထားဆဲ ဖြစ်ပါတယ်။ ပြီးခဲ့တဲ့ ဇူလိုင်လကုန်ပိုင်းမှာ အရှေ့တောင်တိုင်း စစ်ဌာနချုပ် တိုင်းမှူးက အသွင်ပြောင်းရေးအတွက် အခက်အခဲ ရှိတာတွေ ကူညီဖြေရှင်းပေးမယ် ဆိုတဲ့စာကို ဗိုလ်မှူးကြီး စောလားပွယ်ထံ ပို့ပေးခဲ့ပေမဲ့ ငြင်းဆန်နေဆဲ ဖြစ်ပါတယ်။
ဘယ်လို လဲ ကိုတရုတ်ကြီး နေလို့ မှ ကောင်း ရဲ့ လား ၊ အိပ်လို့ ပျော်ပါစေ
Freedom News Froup မှ...........
အောင်စေရာပြည့်၊ ၊တရုတ် ကိုပြီးခဲ့တဲ့ တစ်လ ကျော်လောက်ကပဲ နိုင်ငံတကာစီးပွားရေးအင်
အားစု တွေ က ကမ္ဘာ့ ဒုတိယ အင်အား အကြီးဆုံး စီးပွားရေး နိုင်ငံကြီး အဖြစ် သတ်မှတ် ခဲ့ကြပါတယ်။
တရုတ် ကစီးပွား တက်လာပြီးထုတ်ကုန် တွေ ကို နိုင်ငံခြား တိုင်းပြည်တွေ ကို များများ ပို့ လာ နိုင်တယ်
ဆိုတဲ့ သဘောပေါ့။ ကမ္ဘာမှာနိုင်ငံရေး အရ လည်း ဗီတို အာဏာ ကိုင်ထားတဲ့ နိုင်ငံ စီးပွားရေး အရ လည်း
အင်အားကြီး ၊သူဌေးပေါက်စလေးလည်း ဖြစ်နေတော့ ကျုပ်တို့ ဆီက ဗိုလ်သန်းရွှေ အလည်လာတော့
အမ်ပေါင်းပေး တဲ့ အနေနဲ့ ဒေါ်လာ လေးဘီလျှံ ကျော်ကို တောင် မုန့် ဖိုးပေး လိုက်ပါသေးတယ်။
ဒီလို အပေးအကမ်း ရက်ရော တာ က ကမ္ဘာ မှာ ဒုက္ခရောက် နေတဲ့ နိုင်ငံတွေ တိုင်း ကို မဟုတ်ပါဘူး။သူ့ 
ကို ဆရာတင် တဲ့ ဗိုလ်သန်းရွှေ တို့ လို သာပေါင်းညာစား တွေ လို လူတွေ ကိုပါ။(အမှန် က ဗိုလ်သန်းရွှေက
အမေရိကန် ကို ဆရာတင်ပြီး မားကိုစ် တို့ လို လက်ယာ အစွန်းရောက် လုပ်ချင်သူပါ) ငွေယား လေးရှိနေတဲ့
တရုတ် က နိုင်ငံရေး မှာ လူဝင်ချင်လာတော့ အာဖရိက နိုင်ငံတွေ ကို လည်း ကူညီမယ်။ ဆိုမာလီ ပင်လယ်
ဓားပြ တွေ ကို ချေမှုန်း ဖို့ ရေတပ်လွှတ်မယ် ၊ ဒုံးပျံတင်မယ် ၊ နိုင်ငံတကာ ရေပိုင် နက်မှာ တရုတ်ရေတပ် က
ကမ္ဘာ့ လုံခြုံရေး တို့ အတွက် ရှိနေတယ် လို့ ထကြွှေးကျော် ပါရော။
ပြီးခဲ့တဲ့ လက ကုလသမဂ္ဂ အစည်း အဝေးမှာ ဆရာတရုတ် က ပြင်သစ် တို့ အမေရိကန် တို့ ရဲ့ လူ့ အခွင့်
အရေး ကိစ္စတွေ ကို တောင် ဝေဖန် လိုက်ပါသေးတယ်။ ရိုမန် (ဂျစ်ပစီ) လူမျိုး တွေ ကို နိုင်ငံတွင်းက မောင်း
ထုတ်တဲ့ ကိစ္စ ဟာ အကြီး အကျယ် လူ့ အခွင့်အရေး ချိုးဖောက်တာ တို့  ဘာတို့ ပေါ့ ..
စီးပွားရေး အင်အားကြီး လာရင် ပြည်တွင်း နိုင်ငံရေး ကို အသာလေး ဖုံးဖိ ထားလို့ ရတယ် ထင်တဲ့ တရုတ်ကို
အရှိုက် ထိသွားစေတာ က တော့ နော်ဝေ နိုင်ငံ အော်စလို မြို့ က နိုဘဲလ် ဆုရွေးချယ် ချီးမြှင့်ရေး ကော်မတီက
နေ ၂၀၁၀ အတွက် ငြိမ်းချမ်းရေး ဆု ကို တိန့် အန်မင်း ခေါင်းဆောင် ဟောင်း နဲ့  ချာတာ ၀၈ ဦးဆောင်သူ လျှု
ရှောင်ဘို ကို ပေး လိုက် တော့ တရုတ် အစိုးရ ဖင်ကြား ခဲခု ဖြစ်သွားတယ်။
အဖြစ်မျိုး လေး ကြုံသွား တဲ့ တရုတ် ဟာ နိုဘဲလ် ဆုပေးတဲ့ အဖွဲ့ ကို နင်ပဲငဆ ပြောပါလေရော။ နော်ဝေ
ဝန်ကြီး ခရီးစဉ် ကို လက်မခံ တာတွေ က စလို့  လျှုရှောက် ဘို ကို လည်း ရာဇ၀တ် မှု နဲ့ ထောင်ချခံထား
ရတဲ့ လူလို့ ပြောလို ပြော၊ အင်တာနက် မှာ သူ့ နာမည် နဲ့ ရှာဖွေမှု တွေ ပိတ်ဆို့ တာတို့ စတာတွေ ဖြစ်ကုန် တော့တာပဲ။
လျှုရှောက်ဘို ကို နိုဘဲလ် ငြိမ်းချမ်း ရေး ဆု ပေးရ တဲ့ ရည်ရွယ်ချက် က သူ့ ရဲ့ စွတ်လွှတ်စွန့် စားမှု တွေ}ကို
ဂုဏ်ပြုတာရယ် ၊ တရုတ် အစိုးရရဲ့  နိုင်ငံရေး လွတ်လပ်ခွင့် မရှိ တဲ့ အချက် တွေ ကို မီးမောင်း ထိုး ပြတာပါ
ပဲ။ လျှုရှောက် ဘို ကို နိုဘဲလ် ဆုပေး လိုက်တာ ဟာ တရုတ် အစိုးရ အနေနဲ့ ကတော့ တီ ကို ဆား နဲ့ ပက်
လိုက် သလို့ ခံရခက်ပါတယ်။
ချမ်းသာကာစ ဆိုတော့ လူရာဝင်ချင်တာ ကို အော်စလို နဲ့ အပေါင်းအပါ တွေ က ခြေထိုးခံတယ်ရယ် လို့ 
ကွန်မြုနစ် တွေး….တွေးတာ ပေါ့ ဒီတော့ တောပြောတောင်ပြော တွေ အားမရဘူး ခင်ပွန်းဖြစ်သူကို ထောင်
ဝင်စာ တွေ့ ပြီးပြန် လာတဲ့ လျှုရှောက် ဘို ရဲ့ ဇနီး ကို ဗိုလ်သန်း ရွှေ စတိုင်လ် နေအိမ် အကျယ်
ချုပ် တို့ ဘာ တို့ လုပ် လိုက် တာ တစ်ရှက် က နှစ်ရှက် က သုံး ရှက် ဖြစ်လာတာ ကို ရှက်ကြောပြတ် ကွန်
မြူနစ် တွေ ဆို တော့ သတိမထား မိပြန်ပါဘူး။
ပီကင်း ပြန် ဗိုလ်သန်းရွှေ က လည်း သူ့ ကို ကွမ်းဖိုးဆေးဖိုးလေး ပူပူနွေးနွေး ပေးထားတဲ့ဆရာ ကို ကျေး
ဇူးဆပ် တဲ့ အနေနဲ့  ဂျာနယ်တွေ ၊မဂဇင်း တွေ မှာ လျှုရှောက် ဘို သတင်း ကို မထည့် ခိုင်းပြန်ပါဘူး။
ဗိုလ်သန်းရွှေ တို့ တုန်းကတော့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည် ကို နိုဘဲလ်
ဆုပေး တော့ သူတောင်းစား ထမင်းစား ၀တဲ့ အဆင့် က မတက်သေးတော့ ပေါက်ဖော်ကြီး တို့ လောက်
နာရကောင်းမှန်း မသိဘူး ၊ ပေါက်ဖော်ကြီး ကျတော့ လူချမ်းသာ ဆိုတော့ နိုင်ငံရေး ဆင်း ရဲ တာ ကို တစ်
သက် လုံး ဖုံးထားသမျှ ကုန်းကာ မှပေါ် ဆိုတော့ တော်တော်လး နာသာခံခက် ဖြစ်တယ် ဆိုပဲ။
ဘယ်လောက်တောင် နာသာ ခံခက် ဖြစ်သလဲ ဆိုရင် ပီကင်း နဲ့  တခြား မြို့ တွေ မှာ နိုဘဲလ် လို့ နာမည်ပေး
ထား တဲ့ စီးပွား ရေး လုပ်ငန်း တွေ ၊ ဈေးဆိုင် တွေ ကို နာမည် ပြောင်းခိုင်းတဲ့ အထိ ဆတ်ဆတ် ခါသွား
တယ် ဆိုပဲ။
ဘယ်လို လဲ ကိုတရုတ်ကြီး နေလို့ မှ ကောင်း ရဲ့ လား ၊ အိပ်လို့ ပျော်ပါစေ ဒါ သင်ခန်းစာ အမှတ် ၁ ပဲရှိ
သေးတယ် နော် ချမ်းသာခါစ လူတွေ တို့ ၊ နိုင်ငံ တွေ တို့ မှာ ဖြစ်တတ်တဲ့ သဘောသဘာ ၀ပေါ့။
လူမဆန်မှုသတင်း
တပ်မဟာ(၂) တောင်ငူခရိုင်။
ထန်းတပင်မြို့ နယ်၊ ၉.၁၀.၂၀၁၀နေ့တွင် ပြင်စလိုရှိ နအဖတပ်ခလရ(၁၀၂) သည်ပြင်စလိုရွာသား(၆)ယောက် ရွာသူ(၄)ယောက်တို့ ကိုပေါ်တာ အဖြစ်သူတို့ ၏အသုံးဆောင်စားသောက်စရာများကို ဗာရာနသီ မှပြင်စလိုစခန်းသို့ အတင်းအကြပ်သယ်ယူခိုင်းကြောင်းသတင်းရရှိသည်။
၁၁.၁၀.၂၀၁၀နေ့ တွင်ရှားစီးဘိုရှိ ခလရ(၇၃)တပ်သည်ဇီးဖြူကုန်းရွာအား ဝါး၃၅၀ချောင်း အပြင် သစ်များကိုလည်း အတင်းအကြပ်ခုတ်ခိုင်းပြီးသူတို့ စခန်းသို့ ပို့ဆောင်စေကြောင်းသိရှိရသည်။
နအဖနှင့် ဒီကေဘီအေ နှစ်ဘက် အခြေအနေ ပိုမိုတင်းမာလာ
KIC သတင်းမှ......
ထိုင်း-မြန်မာနယ်စပ် မြ၀တီမြို့တွင် နယ်ခြားစောင့်တပ်ဖွဲ့ရေးကို ငြင်းဆန်နေသည့် ဒီကေဘီအေတပ်ဖွဲ့နှင့် နအဖ အာဏာပိုင် တို့ကြား နှစ်ဘက်တင်းမာမှုအခြေအနေ ယခင်ထက် ပိုမိုတင်းမာလာကြောင်း ကေအိုင်စီက စုံစမ်းသိရှိရသည်။
လွန်ခဲ့သည့်လက စတင် တင်းမာလာသည့် ဒုဗိုလ်မှူးကြီးကျော်သက်ဦးစီးသော ဒီကေဘီအေ တပ်ရင်း(၉၀၂)တပ်ဖွဲ့နှင့် နအဖ စစ် တပ်တို့သည် ယမန်နေ့က နှစ်ဘက်စစ်ရေးပြင်ဆင်မှုများ အကြီးအကျယ် လုပ်ဆောင်လာပြီး ပစ်ခတ်မှုဖြစ်လုနီးပါး ဖြစ်ပွားခဲ့သည် ဟု ဒီကေဘီအေ (၉၀၂)မှ တပ်မှူးတဦးက ကေအိုင်စီကို ပြောသည်။
“လက်ရှိအခြေအနေကတော့ မနေ့တနေ့ကလို အခြေအနေအတိုင်းပဲ ပြောလို့ရတယ်။ ပြီးခဲ့တဲ့ ၁၀ရက်နေ့နဲ့ မနေ့က အခြေအနေ ဆိုရင် သူတို့(နအဖ)က ပြောတယ်။ ခင်ဗျားတို့ကို ပစ်ရလိမ့်မယ်။ ကျနော်တို့လည်း ပြန်ပစ်ဖို့ ပြင်ဆင်ထားပါတယ်။ သူတို့ဘက်က ပစ်လာရင် ကျနော်တို့ဘက်က ပစ်ရမှာပဲ။ မနေ့ကဆိုရင် ဟေမာန်ဦး ဘုန်းကြီးကျောင်းဘက်မှာ နအဖက ကတုတ်ကျင်းတွေဘာ တွေ တော်တော်များများ လိုက်တူးထားတယ်။”ဟု ပြောသည်။
ထို့အပြင် ဒုဗိုလ်မှူးကြီးကျော်သက်တို့အဖွဲ့အား မြ၀တီမြို့ကနေ ထွက်ခွာသွားရန် နအဖစစ်တပ်က ဆက်တိုက် ဖိအားပေးမှုများ လုပ်ဆောင်ခဲ့သလို နှစ်ဖက်အကြား ပစ်ခတ်မှုတစုံတရာဖြစ်ပွားလာပါက စစ်ကူအတွက် ဝေါ်လေဒေသရှိ ၎င်းတို့ ဒီကေဘီအေတပ် ဖွဲ့ဝင်များနှင့် အချိတ်အဆက် ယူထားပြီးဖြစ်ကြောင်း အဆိုပါတပ်မှူးက ဆက်ပြောသည်။
လက်ရှိအချိန်တွင် နှစ်ဘက်တင်းမာမှုအခြေအနေကို ညှိနှိုင်းအဖြေရှာခြင်း တစုံတရာမလုပ်ဘဲ တစ်ဘက်နှင့်တစ်ဘက် လှုပ်ရှားမှု အခြေအနေကို စောင့်ကြည့်နေဆဲဖြစ်သလို အချိန်မရွေး တိုက်ပွဲဖြစ်ပွားနိုင်သည်ဟု မြ၀တီမြို့ခံများနှင့် ဒီကေဘီအေ အသိုင်းအ ၀ိုင်းများက ပြောသည်။
ထိုကဲ့သို့ တင်းမာလာမှု အခြေအနေနှင့် ပတ်သက်ပြီး မြ၀တီမြို့ခံတဦးက “မနေ့တုန်းက အစိုးရတပ်တွေက သူတို့(ဗိုလ်ကျော် သက်)တို့ဘက် ချီတက်သွားတယ်။ ဒီမနက်လည်း တပ်အင်အားတွေ တက်သွားတာ တွေ့ရတယ်။ နောက် သူတို့စခန်းတွေ အ ကုန်လုံးကို ပြင်ဆင်ဖို့အတွက်လည်း ဗျူဟာကနေပြီးတော့ အဆင်သင့် နေရာယူထားဖို့က မှာကြားထားတယ်။”ဟု ပြောသည်။
ထိုကိစ္စနှင့်ပတ်သက်၍ မြ၀တီခရိုင် ထောက်လှမ်းရေးမှူး ဗိုလ်ကြီးညီညီလွင်အား ကေအိုင်စီက ဆက်သွယ်မေးမြန်းရာတွင် “မ ဟုတ်ပါဘူး။ ဘာမှမဖြစ်ပါဘူး။ အားလုံး အေးဆေးပါပဲ။”ဟု တုန့်ပြန်ဖြေကြားသည်။
ယင်းသို့ နှစ်ဘက်တင်းမာမှု အခြေအနေမှ တိုက်ပွဲ တစုံတရာ ဖြစ်ပွားမည်ဆိုပါက လက်ရှိ နအဖဘက်က ပိတ်ထားဆဲဖြစ်သည့် နှစ်နိုင်ငံ နယ်စပ်ဂိတ်အပေါ် များစွာ သက်ရောက်နိုင်ကြောင်း မြ၀တီမြို့မှ ကုန်သည်တဦးက ယခုလို ပြောသည်။
၎င်းက “ပြေလည်ရာ ပြေလည်ကြောင်း ညှိနှိုင်းမယ်ဆိုရင်တော့ ပိုကောင်းတာပေါ့။ ဖြစ်သွားပြီးဆိုရင် မဆိုင်တဲ့ ပြည်သူလူထုတွေ ကို ကြားထဲကနေပြီးတော့ ဖမ်းဆီးတာတို့၊ အသွားအလာ အနှောက်အယှက်ဖြစ်တာတို့အပြင် ပိတ်နေတဲ့နယ်စပ်ဂိတ်တွေလည်း တော်တော်နဲ့ ပြန်ဖွင့်ဖို့တော့ မလွယ်ဘူး ထင်ပါတယ်။ ဆက်ပိတ်ထားမယ်ဆိုရင် မြ၀တီနယ်ခံလူတွေအနေနဲ့က လုပ်ကိုင်စား သောက်ဖို့အတွက်ကတော့ ပိုပြီးကြပ်တည်းလာမယ်။”ဟု ပြောသည်။
ယခုတင်းမာမှုသည် ပြီးခဲ့သည့် စက်တင်ဘာလ၂၁ရက်နေ့က မြ၀တီမြို့ အမှတ်(၄)ရဲစခန်း၌ ဒီကေဘီအေ (၉၀၂)တပ်ရင်းနှင့် ရဲ၊ နအဖ စစ်တပ်တို့အကြား ဖြစ်ပွားခဲ့သော တင်းမာမှု၏ နောက်ဆက်တွဲ ပြဿနာဖြစ်သော်လည်း အဆိုပါ ဒီကေဘီအေတပ်ဖွဲ့အ နေဖြင့် နယ်ခြားစောင့်တပ် အသွင်ပြောင်းရေးကို လက်မခံသောကြောင့် ယခုလို အခြေအနေ ပိုမို ပြင်းထန်လာခြင်းဖြစ်သည်ဟု (၉၀၂)တပ်ရင်းမှ တခြားတပ်မှူးတဦးက ပြောသည်။
နယ်စပ်ဂိတ်၊ အခွန်ကြီးမြင့်မှုနှင့် ဖမ်းဆီးမှုများကြောင့် ကုန်သည်များအခက်ကြုံ
KIC သတင်းမှ.....
ကရင်ပြည်နယ်၊ မြ၀တီမြို့မှတဆင့် မြန်မာပြည်အတွင်းပိုင်းသို့ တင်ပို့သော ထိုင်းနိုင်ငံထွက် ကုန်ပစ္စည်းများကို စက်တင်ဘာလ ကုန်ပိုင်းမှစ၍ အာဏာပိုင်များ ဖမ်းဆီးမှုကြောင့် ကုန်သယ်ယူပို့ဆောင်ရေးတွင် အချိန်ကြန့်ကြာမှုများနှင့် အခွန်အကောက်များ လာကာ ကုန်သည်များမှာ အရောင်းအ၀ယ် ခက်ခဲနေသည်ဟု သိရသည်။
မြန်မာအာဏာပိုင်များသည် ပြီးခဲ့သည့် ဇူလိုင်လကတည်းက ထိုင်း-မြန်မာနယ်စပ် ချစ်ကြည်ရေးတံတား အပါအ၀င် တရားမ၀င် ဂိတ်များအားလုံးကို ဖြတ်သန်းသွားလာမှု ပိတ်ပင်ခဲ့ပြီးနောက်ပိုင်း ထိုင်းနိုင်ငံဘက်မှ ကူးယူတင်ပို့သည့် ကုန်ပစ္စည်းအားလုံးကို ဖမ်းဆီးမှုများ ရှိလာခဲ့သည်။
၎င်းတရားမ၀င်ဂိတ် အများစုမှာ အပစ်ရပ်အဖွဲ့များ ပိုင်ဆိုင်ခြင်းဖြစ်ပြီး ယခင် နေ့ခင်းဘက် သယ်ယူတင်ပို့နေသည့် နှစ်နိုင်ငံ ထုတ်ကုန်ပစ္စည်းများကို ယခုဆိုလျှင် ညအချိန်ကျမှသာ အခြေအနေကြည့်ကာ နှစ်ဖက် သယ်ယူပို့ဆောင်ရသည်ဟု အမည်မ ဖော်လိုသူ ဂိတ်တာဝန်ခံတစ်ဦးက ယခုလို ပြောသည်။
“မြန်မာဘက်က ပစ္စည်းတွေကတော့ ယူသွင်းနေကြတာပဲ။ ထိုင်းဘက်က ပစ္စည်းကလည်း ယူသွင်းလို့တော့ရတယ်။ ဒါပေမဲ့ မြ၀တီအထိပဲလေ။ အောက်ဖက်ကို ယူဆင်းလို့မှမရတာ။ တံတားပိတ်ပြီးကတည်းကပဲ။ အချို့ကလည်း နားလည်မှုနဲ့ ပေးပြီး ယူဆင်းနေကြတာပေါ့။ ဒါပေမဲ့ မိရင်လည်း မလွယ်ဘူး။”ဟု ဆိုသည်။
ဒေသခံ အာဏာပိုင်များသည် တရားမ၀င် ကုန်သွယ်မှုကို အတိုင်းအတာတစ်ခုထိ နားလည်မှုပေးထားသော်လည်း ရှောင်တခင် ဖမ်းဆီးမှုများကိုမူ ပြုလုပ်လေ့ရှိသည်။
စက်တင်ဘာလ ၁၈ရက်နေ့က အဖွဲ့ပေါင်းစုံ စုထိုင်နေသည့် အဆိုပါတံတားကျိုးဂိတ်တွင် တရားမ၀င်ကားအစီး ၆၀ကျော်ကို စစ်တပ်မှ ပိတ်ပင်ဖမ်းဆီးခဲ့သလို အောက်တိုဘာလဆန်းပိုင်းကလည်း မြ၀တီလမ်းမှ ယူဆင်းသွားသည့် ကုန်ပစ္စည်းတင်ကား များကို သထုံနှင့် ဘီးလင်းမြို့ရှိ ဂိတ်များတွင် ကေတီကုမ္ပဏီမှ ကား ၄စီး အဖမ်းဆီးခံခဲ့ရကြောင်း သိရသည်။
မြ၀တီ-ဖားအံ ကားလမ်းတွင် ထိုင်းကုန်ပစ္စည်းများကို ဆယ်ဘီး၊ ဆယ့်နှစ်ဘီးကားကြီးများဖြင့် သယ်ယူခြင်းကို စက်တင်ဘာလ ၁၀ရက်နေ့က ပိတ်ပင်လိုက်သည့်နောက်ပိုင်း ကုန်သည်များမှာ ဟိုင်းလက်၊ မှန်လုံကားများဖြင့်သာ သယ်ယူပို့ဆောင်နေရသ လို ကုန်ပစ္စည်းများကိုလည်း ထင်ထင်ပေါ်ပေါ်မဖြစ်အောင် သယ်ယူနေရသည်ဟု ဆီ၊ အချိုမှုန့်များ ကုန်ကူးနေသည့် အမျိုးသ မီးတစ်ဦးက ပြောသည်။
“ကျမတို့ ဆယ့်နှစ်ဘီးကားတွေ သွားလို့မရတော့ ဒတ်ဆန်းကားနဲ့ပဲ သယ်ချရတယ်လေ။ ကုန်ယူဆင်းတဲ့ကားတိုင်းက ကုန် သွယ်ရေးဇုံကို တောလမ်းကနေ ပတ်ပြီးယူသွားပေမဲ့ တံတားကျိုးဂိတ်မှာ ကားတစ်စီးစာကို သိန်း ၃၀ပေးရတယ်လေ။ ဒါ့အပြင် ရှေ့မှာလည်း ဂိတ်တွေက တစ်ပုံကြီး တောက်လျှောက် ပေးသွားရသေးတာဆိုတော့ အရင်ကထက် ကုန်ကျမှုစရိတ် ပိုများလာ တယ်။ ဆီဆိုရင်လည်း ကျမတို့က အရင်လို ပုံးနဲ့မယူတော့ဘဲ ၁လီတာ၊ ၂လီတာ၊ ၅လီတာဗူးတွေကို တစ်ဖာစီ ယူချနေရ တယ်လေ။ အမြတ်ကတော့ အရင်လို မကျန်ပါဘူး။ နယ်စပ်မှာလည်း ဒီလိုမှမလုပ်ရင် လုပ်စရာမှ မရှိတာ။”ဟု ဆိုသည်။
အောက်တိုဘာလ ၅ရက်နေ့က နေပြည်တော်စုံစမ်းစစ်ဆေးရေးအဖွဲ့မှ မြ၀တီမြို့သို့ရောက်ရှိလာပြီး နယ်စပ်ကုန်သွယ်ရေးနှင့် ကုန်စီးဆင်းမှုများကို လာရောက်စစ်ဆေးခဲ့ကြောင်း ငွေလွဲလုပ်ငန်းလုပ်ဆောင်နေသည့် မြို့ခံတစ်ဦးက ပြောသည်။
“ကုန်သွယ်ရေးဇုံ ပိတ်ထားပေမဲ့ ကုန်တွေက ဆင်းနေတုန်းလေ။ အင်းတိုင်ဘက်မှာလည်း မှန်လုံကားတွေကို မိတာဆိုတော့ နေပြည်တော် စသုံးလုံးက ကိုယ်တိုင်လာစစ်တာလေ။ နကသ(နယ်စပ်ကုန်သွယ်ရေး)ညွှန်မှူးအသစ် ဦးဝင်းမြင့်ကတော့ ပြဿ နာတက်တာပေါ့။”ဟု ဆိုသည်။
အဆိုပါထိုင်းနိုင်ငံမှ ပစ္စည်းများကို မြ၀တီတောင်ပေါ်ကားလမ်းရှိ တံတားကျိုးနှင့် အလယ်ဘိုတဲဂိတ်များ၊ မော်လမြိုင်နှင့် သထုံ ဂိတ်များ၌ ကုန်ဖမ်းဆီးမှုများသည့်ရက်များတွင် ကုန်သည်များမှာ ၎င်းတို့၏ကုန်ပစ္စည်းများကို လုံခြုံသည့်နေရာတွင် သိုလှောင် သိမ်းဆည်းထားရသဖြင့် ငွေကြေးလည်ပတ်မှု နှောင့်နှေးနေကြောင်း ညီးညူပြောဆိုနေကြသည်။
ထိုင်းနိုင်ငံမှ ဆီ၊ အချိုမှုန့်၊ မာမားခေါက်ဆွဲ၊ သကြားလုံး၊ အချိုရည်၊ ငါးသေတ္တာ၊ ကော်ဖီမစ်၊ သစ်သီး စသည့် ကုန်ပစ္စည်းအ တော်များများကို ကော့ကရိတ်၊ ဖားအံ၊ မော်လမြိုင်မှတဆင့် ပဲခူးနှင့် ရန်ကုန်အထိ သယ်ပို့နေသလို မြန်မာဘက်မှ ရေထွက် ပစ္စည်းများ၊ စားသောက်ကုန်များနှင့် တိုင်းရင်းဆေးများကိုလည်း မြ၀တီမှ မဲဆောက်ဘက်သို့ သယ်ယူနေသည်ဟု သိရသည်။
ယင်းသို့ ထိုင်းနိုင်ငံမှ ကုန်ပစ္စည်း လွတ်လပ်စွာ တင်သွင်းရ ခက်ခဲနေမှုကြောင့် ပစ္စည်းပြတ်လပ်မှု မရှိသေးသော်လည်း ဈေးနှုန်း မှာမူ ယခင်ကထက် အဆမတန် မြင့်မားလျှက်ရှိကြောင်း ဖားအံမြို့ရှိ အိမ်ရှင်မတစ်ဦးက ကေအိုင်စီကို ယခုလို ပြောသည်။
သူမက “ပုဇွန်နှစ်ကောင် စားသုံးဆီတပုံးဆိုရင် အရင်က ၁၉,၀၀၀ကျပ်လောက်ကနေ အခု ၂၃,၅၀၀ကျပ်ဖြစ်သွားတယ်။ မာ မားခေါက်ဆွဲ အထုပ်သေးက ကျပ် ၁၀၀ကျော်ကနေ အခု ၂၀၀ကျော်ဖြစ်သွားတယ်။ အချိုရည်ဆို ဗူးသေးတစ်ဗူးကို ကျပ် ၅၀၀ကနေ အခု ၈၀၀အထိ ဈေးတက်တယ်။ နှစ်ကီလို အချိုမှုန့်ထုပ်ဆိုရင် ၂၀၀၀ကျပ်ကနေ အခု ၂၈၀၀အထိ တက်သွားတယ် လေ။ အဖမ်းအဆီးရှိနေပေမဲ့ မဖြစ်ဖြစ်တဲ့နည်းနဲ့ တင်သွင်းနေကြတော့ ထိုင်းပစ္စည်းက လုံးဝ မပြတ်ပါဘူး။”ဟု ဆိုသည်။
ထိုင်း-မြန်မာနယ်စပ်တွင် ၁၇ဂိတ် အပါအ၀င် ဂိတ်အချို့မှာ ကုန်ပစ္စည်းများ သယ်ယူတင်ပို့နေပြီး အချို့ဂိတ်များမှာ ဆိုင်ကယ် များနှင့် ဂျပန်နိုင်ငံထုတ်ကားများကို ညနက်ပိုင်းတွင် အဆင်ပြေသလို ယူသွင်းတင်ပို့နေကြကြောင်း သိရသည်။
ရွာသားများ သွားလာမှု ကန့်သတ်ခံရခြင်းနှင့် အဓမ္မကောက်ခံငွေ ပေးဆောင်နေရ
KIC သတင်းမှ......
ကရင်ပြည်နယ် မြောက်ပိုင်း တောင်ငူခရိုင်၊ ထန်းတပင်မြို့နယ်၊ တိပ်ပုဂွင်ရှိ ရွာသူရွာသားများသည် အလုပ်ခွင်သို့သွားပါက သက် ဆိုင်ရာ နအဖ စစ်တပ်အာဏာပိုင်များထံ လက်မှတ်ရေးပြီးမှ သွားခွင့်ရကြောင်း သိရသည်။
ပြီးခဲ့သည့် အောက်တိုဘာလ ၆ရက်နေ့မှစ၍ ယနေ့အချိန်ထိ တိပ်ပုဂွင်တွင် ခြေချလှုပ်ရှားလျှက်ရှိသော ခလရ (၁၀၂)တပ်ရင်းက ဒေသခံရွာသူရွာသားများအနေဖြင့် ကွမ်းသီးခြံ၊ ဖာလာခြံ၊ တောင်ယာလုပ်ငန်းခွင်သို့ သွားပါက ပုံမှန် ထောက်ခံစာရေးရမည်ဟု အမိန့်ထုတ်ထားသည်ဟု ကေအဲန်ယူ တပ်မဟာ(၂)က သတင်းထုတ်ပြန်ခဲ့သည်။
ယခုလ အောက်တိုဘာလ ၄ရက်နေ့ကလည်း တိပ်ပုရွာသားတဦးအား ကျေးရွာအစွန်ဖျားတွင် အဆိုပါ ခလရ(၁၀၂)က ဖမ်းဆီးပြီး ကြိုးတုပ်ကာ ရိုက်နှက်၊ ကန်ကျောက်စစ်ဆေးမေးမြန်းပြီးမှ အောက်တိုဘာလ ၅ရက်နေ့ ညနေ ၄နာရီမှသာ ပြန်လွှတ်ပေးခဲ့ကြောင်း သိရသည်။
ခလရ(၁၀၂)တပ်ရင်းသည် ရွာသားများ အမျိုးမျိုး ချုပ်ချယ်သည်သာမက ဒေသခံ ရွာသူရွာသားများ အမြဲလိုလို လုပ်အားပေး၊ ပေါ် တာခေါ်မှုများ လုပ်ဆောင်လျှက်ရှိသည်ဟု ဒေသခံများက ပေးပို့လာသည့် သတင်းများအရ သိရသည်။
အလားတူ အောက်တိုဘာလ ၉ရက်နေ့က နယ်ခြားစောင့်တပ်ရင်း(၁၀၁၅)မှ တပ်ခွဲမှူး ဗိုလ်ကြီးတီတူဘောသည် လှိုင်းဘွဲမြို့နယ်၊ ထီးဖားရယ်ကျေးရွာအုပ်စုရှိ ဟောသူးခီး၊ ထီးမိုခီး၊ ၀ါ့မီကလားနှင့် ထီးဖားရယ်ရွာများကို အကြောင်းပြချက် တစုံတရာ မရှိဘဲ တရွာ လျှင် ငွေ ၂၂၅,၀၀၀ကျပ်စီ ဒဏ်ငွေပေးဆောင်ခိုင်းခဲ့ကြောင်း ဒေသခံတစ်ဦးက ပြောသည်။
“၉ရက်နေ့က ဒီကေဘီအေကနေ ဗမာစစ်တပ်ဖြစ်သွားတဲ့ တပ်ရင်း(၁၀၁၅)က တီတူဘောဟာ ထီးဖားရယ်ကျေးနယ်က ရွာလေးရွာ ကို တရွာ ငွေ ၂သိန်း၂သောင်း၅ထောင်ပေးခိုင်းတယ်လေ။ ငွေတောင်းတာလည်း ဒဏ်ငွေလို့ပြောပေမဲ့ ဘာအတွက် ဒဏ်ငွေမှန်း လည်း ရွာသားတွေ မသိရဘူး။ အဲဒီတောင်းတဲ့ရက်မှာပဲ ရွာသားတွေက ရှာပေးလိုက်ရတယ်လေ။”ဟု ဆိုသည်။
နအဖ လက်နက်ခဲယမ်း သိုလှောင်ရုံ မီးလောင်ပေါက်ကွဲ
သျှမ်းသံတော်ဆင့် မှ...
ယမန်နေ့မနက်က သျှမ်းပြည် အရှေ့ပိုင်း မိုင်းဆတ်မြို့ စစ်လက်နက်ပစ္စည်း သိုလှောင်ရုံ မီးလောင်ပေါက်ကွဲသဖြင့် ပျက်စီးဆုံးရှုံးမှု များပြားကြောင်း ဒေသခံလူထုများ ပြောပြချက်အရ သိရပါသည်။
မီးစွဲလောင်မှုကြောင့် ၈၁ မမ၊ ၁၂၀ မမ ဗုံးသီးများ အပါအ၀င် လက်နက်ကြီးများ သိုလှောင်ထားသော မြေအောက်ခန်းပါ ဂိုဒေါင် ၂ ရုံ ပြာကျကုန်သည်ဟု နယ်စပ်ရောက် မိုင်းဆတ် ဒေသခံတဦးက ပြော၏။
“ပေါက်ကွဲပြီး မီးလောင်တာ။ လက်နက်ရုံရော ပါတ်ဝန်းကျင်က အဆောက်အအုံတွေပါ လောင်ကုန်တာ။ စစ်တပ်သတင်းအရ ဆိုရင်တော့ ၀ သို့မဟုတ် သျှမ်းတပ်တို့ရဲ့လက်ချက်လို့ စွပ်စွဲတယ်။ ရပ်ကွက်သတင်းအရ ဆိုရင်တော့ စစ်တပ်ထဲက လူကဘဲ ပြန်လုပ်တာလို့ ထွက်တယ်။ အဖြစ်နိုင်ဆုံးကတော့ လျှပ်စစ်မီးဝါယာရှော့ခ် ကြောင့်လို့ ခန့်မှန်းကြတာပေါ့” ဟု အဆိုပါ နီးစပ်သည့် မိုင်းဆတ် ဒေသခံက ပြောပါသည်။
ထိခိုက်ရှနာနှင့် အသေအပျောက် မရှိဟု သတင်းထွက်နေသော်လည်း မတည်မပြုနိုင်သေးသည့် သတင်းအရ ၃ ယောက် သေဆုံးကာ ၁ ယောက် ဒဏ်ရာရသည်ဟု ဆိုသည်။
နအဖတပ်တွင်း ပေါက်ကွဲမှု ဖြစ်ပွါးသောကြောင့် ၀ (သို့မဟုတ်) SSA တပ်ဖွဲ့ လက်ချက် လုံးဝ မဖြစ်နိုင်ကြောင်း သျှမ်းပြည် နိုင်ငံရေး၊ စစ်ရေးစောင့်ကြည့်လေ့လာသူ ထိုင်းနယ်စပ်နေ အသက် ၅၀ ကျော် သျှမ်းအမျိုးသား တဦးက သုံးသပ်၏။
“အသွင်ပြောင်းရေး ငြင်းဆန်တဲ့ အပစ်ရပ်တွေနဲ့ နအဖကြား တင်းမာနေတဲ့ အခြေအနေမှာ အခုလို လက်နက် သိုလှောင်ရုံ ဗုံးပေါက်ကွဲမှု ဖြစ်လိုက်တဲ့အပေါ် လူထုက အာရုံစိုက်နေကြတယ်။ တကယ်လို့ အခု တိုက်ကြမယ်ဟေ့ ဆိုရင်တောင်မှ တခြားက အကူအညီတွေရမှ တိုက်နိုင်မှာ” ဟု လည်းဆက် ပြော၏။
အောက်တိုဘာ ၁၁ ရက် ယနေ့နံနက်ခင်းက ဖြစ်ပွါးသော အဆိုပါ ပေါက်ကွဲမှုမှာ မိုင်းဆတ်မြို့အထွက် အနောက်တောင်ဘက် ၁ မိုင်ခန့်အကွာ၊ မိုင်းဆတ်-မိုင်းတုံကား လမ်းတောင်ဘက်ခြမ်း၊ နမ့်ဆွမ်ချောင်း မြောက်ဘက်ခြမ်း နမ့်ခုတ်နှင့် နမ့်ဆွမ်ချောင်းဆုံ အနီး ခမရ ၅၂၇ နှင့် အမြောက်တပ် အကြား၌ ဖြစ်၏။ ကျိုင်းတုံ အခြေစိုက် တြိဂံစစ်တိုင်းမှူး ဗိုလ်မှူးချုပ် သန်းထွန်းဦး မိုင်းဆတ်မှ မိုင်းတုံသို့ ထွက်သွားပြီး မကြာမီ ၀၇း၀၀ နာရီခန့်၌ ပေါက်ကွဲခဲ့ခြင်း ဖြစ်သည်ဟု သိရသည်။
