.jpg)
.jpg)
ပစ်ခတ်တိုက်ခိုက်ခံရ၍ ထိခိုက် ကျဆုံးသူများတွင် စစ်တပ်မှ အရာရှိတစ်ဦးပါဝင်
နန်းဖော့ဂေ (ကေအိုင်စီ)
မြ၀တီမြို့နယ်၊ တံတားကျိုးနေရာမရောက်ခင် တောင်ပေါ်ကား လမ်းကြောတနေရာတွင် ကော့ကရိတ်ဘက်မှ တက်လာသည့် စစ်တပ်ကားတစ်စီးမှာ ယမန်နေ့က ပစ်ခတ်တိုက်ခိုက်ခံရ၍ ကားပေါ်တွင် ပါလာသည့် အရာရှိတစ်ဦး အပါအ၀င် ၁၄ဦး ကျဆုံး သွားခဲ့သည်ဟု သိရသည်။
“မနေ့က ဆင်ဟုတ်နေရာမှာ နေ့လည် ၁၂နာရီနီးပါးလောက်မှာ အပစ်ခံရတာလေ။ အရာရှိပါလာတဲ့ကားကို အပေါ်ကနေမိုးပြီး အပိုင်ပစ်ခတ်တဲ့ပုံမျိုး။ တိုက်ပွဲက ၁၅မိနစ်လောက်ပဲ။ သိပ်မကြာဘူး။ အပစ်ခံရတဲ့စစ်ကားကတော့ မှန်တွေကွဲပြီး စစ်သားတွေ လည်း အတော် ထိခိုက်မှုရှိတယ်။ သေတဲ့အထဲမှာ အရာရှိတစ်ယောက်နဲ့ တပ်ကြပ်တစ်ယောက်လည်း ပါတယ်လို့ ပြောကြပေ မဲ့ ကျနော်တို့လည်း မမေးရဲဘူးလေ။”ဟု စစ်ကားတန်းနောက်မှ လိုက်တက်လာသည့် ကားသမားတစ်ဦးက ပြောသည်။
ပစ်ခတ်မှုမှာ မြ၀တီမြို့နယ်၊ သင်္ကန်းညီနောင်အလွန် တံတားကျိုးမရောက်ခင် တောင်တက်လမ်းတနေရာတွင်ဖြစ်ပြီး ယမန်နေ့ က ကော့ကရိတ်မှ မြ၀တီသို့ တက်လာသည့် စစ်ကားများအနက်မှ တစ်စီးကိုသာ တိုက်ခိုက်ခံရခြင်းဖြစ်ကြောင်း ခရီးသည် တစ်ဦးက ယခုလို ပြောသည်။
သူက “အမှန်တော့ ကားတန်းက အတက်နေ့လေ။ ဒါပေမဲ့ စစ်ကားတွေကတော့ အဆင်းရော၊ အတက်ရော သွားနေကြတာ။ မဖြစ်ခင်အချိန်မှာ စစ်ကားက ၄စီးတက်လာပေမဲ့ အကောင်(အရာရှိ)ပါတဲ့ကားကိုပဲ အဓိကထားပြီး ပစ်ခတ်လိုက်တာပဲ။ ဆွဲမိုင်း နဲ့လုပ်ပြီး သေနတ်ငယ်တွေနဲ့ အဝေးကနေ လှမ်းပစ်တာ။”ဟု ဆိုသည်။
တိုက်ခိုက်ခံရသည့် စစ်ကားကို ပစ်ခတ်သူများမှာ ဒီကေဘီအေမှဖြစ်သည်ဟု အရပ်သားများက ဝေဖန်ပြောဆိုနေကြပြီး ကေ အိုင်စီမှ ဒီကေဘီအေ တပ်ဖွဲ့ဝင်များထံ ဆက်သွယ်သော်လည်း ဖုန်းလိုင်းပြတ်တောက်နေခဲ့သည်။
သို့သော် ထိုနယ်မြေသည် ကေအဲန်ယူ တပ်မဟာ(၆) လက်အောက်ခံတပ်ဖွဲ့များ လှုပ်ရှားရာနေရာဖြစ်ပြီး ကျဆုံးသွားသူများ ထဲတွင် ဗိုလ်မှူးအဆင့် အရာရှိတစ်ဦး ပါဝင်သည်ဟု အမည်မဖော်လိုသူ ကေအဲန်ယူ စစ်ဖက်ဆိုင်ရာ အရာရှိတစ်ဦးက ပြော သည်။
သူက “အဲဒီနေရာကတော့ တံတားကျိုးနဲ့လည်း နီးတယ်။ တပ်မဟာ(၆)က ဗိုလ်လှမင်းတို့ လှုပ်ရှားတဲ့နယ်မြေဖြစ်ပေမဲ့ ဘယ်အ ဖွဲ့က လက်ချက်လဲဆိုတာ ကျနော်တို့ မသိရသေးဘူး။ ထိခိုက်မှုကတော့ နအဖဘက်က ဗိုလ်မှူးတစ်ယောက်၊ ဒုတပ်ကြပ်တ ယောက် အပါအ၀င် ၁၄ယောက် ကျပြီး ၄ယောက် ဒဏ်ရာရတယ်လို့ပဲ ကျနော်တို့ ကြားတယ်။”ဟု ကေအိုင်စီကို ပြောသည်။
ထိုနေ့ညနေတွင် မြ၀တီဆေးရုံသို့ လူနာ ၁၅ဦးခန့်ရောက်ရှိလာမည်ဟု သိရှိထားသော်လည်း ဒဏ်ရာပြင်းထန်သည့် စစ်တပ်မှ တပ်သားလူနာတစ်ဦးသာ ရောက်ရှိလာကြောင်း မျက်မြင်သက်သေအချို့က ပြောဆိုနေကြသလို တိုက်ခိုက်ခံရသည့် တပ်ဖွဲ့ မှာ တပ်မ(၂၂) လက်အောက်ခံ ခမရ(၂၀၃)မှ တပ်ဖွဲ့ဝင်များဖြစ်သည်ဟု အတည်မပြုနိုင်သည့် သတင်းများအရ သိရသည်။
တနင်္သာရီတိုင်းရှိ လှုပ်ရှားတပ်များ အား ဘာသာစကား သင်ကြားပို့ချ ပေးမည်
စောသိန်းမြင့် (ကေအိုင်စီ)
မြန်မာအစိုးရသည် တနင်္သာတိုင်း နယ်စပ်ဒေသတွင် လှုပ်ရှားနေသည့် ၎င်းတို့၏ စစ်တပ်များအတွက် ဘာသာစကား နားလည် တတ်ကျွမ်းမှုရှိရန် ကမ်းရိုးတန်းဒေသ စစ်ဌာနချုပ်(ကရခ) မြိတ်မြို့တွင် ဧပြီလ ၁၅ရက်နေ့မှ ဇွန်လ ၁၅ရက်နေ့အထိ ၂လတိတိ ဘာသာစကားသင်တန်း သင်ကြား ပို့ချပေးမည်ဖြစ်ကြောင်း စစ်တပ်အသိုင်းအ၀ိုင်းမှလာသည့် သတင်းများအရ သိရသည်။
တနင်္သာရီ နယ်စပ်ဒေသတွင် တာဝန်ထမ်းဆောင်ရာ၌ ဘာသာစကား တတ်ကျွမ်းနားလည်စေရန် ရည်ရွယ်သည့် အဆိုပါသင် တန်းတွင် ကရင်နှင့် ထိုင်းဘာသာစကားကို သင်ကြားမည်ဖြစ်ပြီး သင်တန်းတက်ရောက်ရန်အတွက် တနင်္သာရီတိုင်းတွင် လှုပ် ရှားနေသည့် စစ်ကွပ်ကဲရေးဌာနချုပ်(စကခ)နှင့် စစ်ဗျူဟာ(စဗဟ)လက်အောက်ခံ တပ်ရင်းအားလုံးမှ တပ်ရင်း ၁ရင်းကို ဒုဗိုလ် အဆင့်ရှိ အရာရှိ ၂ဦးစီ မပျက်မကွက် စေလွှတ်ရန် ကမ်းရိုးတန်းတိုင်းဒေသ စစ်ဌာနချုပ်(ကရခ)မှ ပြီးခဲ့သည့် ဧပြီလ ၁၀ရက် နေ့က ညွှန်ကြားလိုက်သည်ဟု စစ်တပ်သတင်းရပ်ကွက်အရ သိရသည်။
တနင်္သာရီတိုင်းမှ အစိုးရစစ်တပ်နှင့် နီးစပ်သူတဦးက “ကရခ အမိန့်နဲ့ ၁၄ရက်နေ့နောက်ဆုံး တိုင်းစစ်ဌာနချုပ်မြိတ်ကို အားလုံး အရောက်သွားရမယ်။ ရည်ရွယ်ချက်ကတော့ နယ်စပ်ဒေသမှာ ထိုင်းတွေနဲ့ ကိစ္စတခုခု ပေါ်လာလို့ရှိရင် တွေ့ဆုံဆွေးနွေးလို့ရ အောင်ရယ်။ ဒေသခံလူထုတွေကို စည်းရုံးဖို့အတွက်ပဲ ဖြစ်တယ်။”ဟု ပြောသည်။
အစိုးရစစ်တပ်မှ ထိုကဲ့သို့ လုပ်ဆောင်ခြင်းသည် ဆန့်ကျင်ဘက်အဖွဲ့အစည်းများကို စုံစမ်းထောက်လှမ်းရာတွင် ထိုင်းဘက်ခြမ်း ဖြစ်စေ၊ မြန်မာပြည်တွင်းက ကရင်လူထုများအကြားဖြစ်စေ ၎င်းတို့လူများကို မြှုပ်နှံထားနိုင်ရန်အတွက် လုပ်ဆောင်ခြင်းဖြစ် ကြောင်း ကရင်အမျိုးသားအစည်းအရုံး(ကေအဲန်ယူ) ဘိတ်/ထားဝယ်ခရိုင်၏အတွင်းရေးမှူး ပဒိုစောသောသီဖေက ပြောသည်။
“ကျနော်တို့ သိရတဲ့အတိုင်းဆိုလို့ရှိရင် ဒါတွေဟာ ထောက်လှမ်းရေးအသိုင်းအ၀ိုင်းက လာတဲ့လုပ်ဆောင်ချက်တွေ ဖြစ်တယ်။ ဆိုလိုချင်တာက ဆန့်ကျင်ဘက်အဖွဲ့အစည်းတွေကို စုံစမ်းဖော်ထုတ်နိုင်ဖို့အတွက် သူတို့လူတွေကို လူထုတွေအကြားမှာ မြှုပ် နှံထားဖို့ပါပဲ။”ဟု ၎င်းက ပြောသည်။
နယ်စပ်ဒေသနှင့် တိုင်းရင်းသားဒေသများတွင် လှုပ်ရှားနေသည့် စစ်တပ်များအား ဘာသာစကားသင်ကြားပို့ချမှုကို ယခင်က ရန်ကုန်မြို့ရှိ စစ်ဌာနချုပ်ရုံးများတွင် ဌာနဆိုင်ရာများမှ စုပေါင်း၍ သင်ကြားပို့ချပေးခဲ့သော်လည်း လွန်ခဲ့သည့် ၃နှစ်ကစပြီး သက်ဆိုင်ရာ ဒေသအလိုက် စတင် သင်ကြားပို့ချလာခဲ့ခြင်းဖြစ်သည်။
အထိနာမြန်မာတပ်ဖွဲ့ ရွာသားကိုပစ်ခတ်
ကောင်းဝါသတင်းမှ.....
မင်းချမ်း(ဧပြီ-၁၀)။ ။ ပြီးခဲ့သည့်ဧပြီလ ၇ ရက်နေ့ နံနက်ပိုင်း၌ ခလရ ၁၀၆ နှင့် ခမရ ၅၈၈ ပူးတွဲ လှုပ်ရှားစစ်ကြောင်း ပစ်ခတ်မှုကြောင့်ကရင် အမျိုးသား တစ်ဦး ပေါင်တွင်သေနတ်ထိမှန်ပြီး မော်လမြိုင် ဆေးရုံကြီး၌အရေးပေါ်လူနာအဖြစ် ကုသခံနေရသည်ဟုနီးစပ်သူဆွေမျိုးများပြောပြ ချက်အရ သိရသည်။
အဆိုပါသေနတ်ဒဏ်ရာထိမှန်ခံရသူမှာ မွန်ပြည်နယ်၊ လမိုင်းမြို့နယ်ခွဲ၊ ဘေးကလွဲရွာသား စောမောင်အုန်း ဖြစ်ကြောင်း ၄င်းဆွေမျိုးများက ပြောသည်။
“မနက်အစော မီးသွေးဖိုကိုအသွား ကင်းပုန်းစောင့်နေတဲ့ဗမာစစ်သားတွေက ပစ်ခတ်လိုက်တာဖြစ်တယ်၊ သပြေချောင်းက သူတို့ကင်းစခန်းတစ်ခုကျသွားလို့ အခုတလောဒီဘက်ကိုစစ်ကြောင်းတွေ ထိုးလာတာ”ဟု ၄င်းဆွေမျိုးက ဆက်ပြောသည်။
လွန်ခဲ့သည့် ဧပြီလ ၂ ရက်နေ့ နံနက်စောစောပိုင်း၌ သံဖြူဇရပ်မြို့နယ်နှင့် ရေးမြို့နယ်တို့ကိုဆက်သွယ်ထား သော သပြေချောင်းမီးရထားတံတားကင်းစခန်းကို ကေအဲန်ယူမှစီးနင်းပစ်ခတ်ရာတွင်မြန်မာအစိုးရတပ်ဖွဲ့မှ ထိခိုက်ကျဆုံးမှုများဖြစ်ပေါ်ခဲ့ကြောင်း တပ်မဟာ ၆ မှအရာရှိတစ်ဦးက ကောင်းဝါသို့ပြောကြားသည်။
အဆိုပါပစ်ခတ်မှုတွင် ကင်းစခန်း၌တာဝန်ကျနေသော ခလရ ၁၀၆ မှစစ်သား ၇ ဦးအနက် ၄ ယောက်သေ၊ တစ်ယာက်ဒဏ်ရာ၊ ၂ ယောက်ထွက်ပြေးလွတ်မြောက်သွားပြီး MA1 နှင့် MA2 သေနတ် ၂ လက်ကို ကေအဲန်ယူက သိမ်းဆည်းရမိသည်ဟု သိရသည်။
ကေအဲန်ယူတပ်မဟာ ၆ တပ်ရင်း ၁၆ တပ်ခွဲ ၄ မှတပ်ကြပ်ကြီးသန်းစိုး ဦးစီးအင်အား ၇ ယောက်တို့ ဝင် ရောက်ပစ်ခတ်ခဲ့ကြောင်း ကေအဲန်ယူတပ်မဟာ ၆ အရာရှိက အတည်ပြုပြောပါသည်။
“သပြေချောင်းကင်းစခန်းဆိုတာက ဂက်ပိုက်လိုင်းနဲ့တံတားကို အဓိကလုံခြုံရေးပေးတဲ့ ကင်းစခန်းတစ်ခုပေါ့၊ နောက်ပြီးတော့ ကင်းစခန်းကိုဖြတ်သန်းသွားလာနေရတဲ့ မော်တော်ကား၊ ဆိုင်ကယ်တွေကို ဗမာစစ်သားတွေ ဂိတ်ကြေးကောက်တဲ့နေရာလည်းဖြစ်တယ်၊ အခုဒီစခန်းကျသွားတော့ ဗမာစစ်ကြောင်းတွေ ကရင်ရွာတွေ ဖက်ကိုစစ်ကြောင်းတွေလိုက်ထိုးနေတယ်” သပြေချောင်းအနီးရှိ အနင်းရွာသားတစ်ဦးက ပြောသည်။
ယခုအခါ မွန်ပြည်နယ်တောင်ပိုင်းအခြေစိုက်မြန်မာအစိုးရတပ်များ ကရင်ပြည်နယ်အတွင်းထိုးစစ်ဆင်နေ ရသဖြင့် သံဖြူဇရပ်နှင့်ရေးမြို့နယ်ဒေသများ၌ မြန်မာတပ်ဖွဲ့လှုပ်ရှားမှုအင်အားသိသိသာသာကျဆင်းနေ ကြောင်း စစ်ရေးအကဲခတ်များက သုံးသပ်ကြသည်။
ဒုက္ခသည်တွေ ဖိအားပေးပြန်ခိုင်းမယ့်ကိစ္စ နိုင်ငံတကာ လက်မခံ
VOA သတင်းမှ.......
ထိုင်းနိုင်ငံ ဒုက္ခသည်စခန်းတွေမှာရှိနေတဲ့ မြန်မာနိုင်ငံက ဒုက္ခသည်တွေ ကိုယ့်သဘောနဲ့ကိုယ် နေရပ်ပြန်တာမျိုး ဖြစ်စေချင်တယ်လို့ ထိုင်းအစိုးရ တာဝန်ရှိသူတဦးက ပြောပါတယ်။ ဒါ့အပြင် ဒုက္ခသည်တွေကို ထောက်ပံ့နေတဲ့ အဖွဲ့အစည်းတွေအနေနဲ့ ထောက်ပံ့နေတာတွေကို လျှော့ချစေချင်တယ်လို့ ထိုင်းနိုင်ငံ တပ်ခ်ခရိုင် အုပ်ချုပ်ရေးမှူးက မကြာသေးခင်ကပဲ ပြောလိုက်တာဖြစ်ပါတယ်။ ဒါပေမဲ့လည်း ဒုက္ခသည်တွေကို အကူအညီပေးနေသူတွေကတော့ မြန်မာနိုင်ငံဘက်က ဒုက္ခသည်တွေ နေရပ်ပြန်ဖို့အတွက် လုံခြုံစိတ်ချရတဲ့အခြေအနေမှာ မရှိသေးဘူးလို့ ပြောနေပါတယ်။ အပြည့်အစုံကို ဘန်ကောက်ကနေ စုံစမ်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။
မြန်မာနိုင်ငံမှာ တိုက်ခိုက်နေကြတဲ့အခြေအနေတွေ မရှိတော့တဲ့အတွက် ထိုင်းနိုင်ငံက ဒုက္ခသည်စခန်းတွေမှာ ရှိနေကြတဲ့ ဒုက္ခသည်တွေ ကိုယ့်သဘောနဲ့ကိုယ် အိမ်ပြန်ကြရေး ပြောဆိုဖို့ စပြီးစဉ်းစားသင့်ပြီလို့ ထိုင်းနိုင်ငံ၊ တပ်ခ်ခရိုင် အုပ်ချုပ်ရေးမှူး မစ္စတာ ဆာမာ့တ် လွိုင်ဖာ (Samard Loyfar) က မကြာသေးခင်ကပဲ ပြောလိုက်တာပါ။ ဒ့ါအပြင် စခန်းတွေမှာ နေထိုင်နေသူတွေ အိမ်ပြန်ရေး ဆွဲဆောင် စည်းရုံးဖို့ ဥရောသမဂ္ဂ EU နဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR တို့အနေနဲ့ ဒုက္ခသည်တွေအတွက် သုံးစွဲနေတာတွေကို စတင်လျှော့ချမယ်ဆိုရင် ဒီအဖွဲ့တွေနဲ့ သူ လက်တွဲ လုပ်ဆောင်ချင်ပါတယ်လို့လည်း မစ္စတာ ဆာမာ့တ် ကဆိုပါတယ်။
ထောက်ပံ့တာကို ဖြတ်တောက်ပြီးတော့ ဒုက္ခသည်တွေအပေါ် ဖိအားပေးပြီး ပြန်စေတာမျိုးဟာ ကိုယ့်သဘောနဲ့ကိုယ် ဆုံးဖြတ်ပြီး ပြန်ရတာမျိုး မဟုတ်တဲ့အကြောင်းနဲ့ UNHCR အနေနဲ့ ဒုက္ခသည်တွေ ကိုယ့်သဘောနဲ့ကိုယ် ပြန်တာမျိုးပဲ ဖြစ်စေချင်တဲ့အကြောင်း UNHCR ရဲ့ အာရှ-ပစိဖိတ်ဒေသဆိုင်ရာရုံးက အကြီးတန်း သတင်းပြန်ကြားရေးအရာရှိ မစ္စစ် ကစ်တီ မက်ကင်းဇီး (Kitty McKinsey) က ဗွီအိုအေကို ပြောပါတယ်။
“ထောက်ပံ့တာတွေကို လျှော့ချပြီးတော့ ဒုက္ခသည်တွေကိုဖိအားပေးတဲ့ဗျူဟာမျိုး လုံးဝမရှိဘူးလို့ ကျမပြောနိုင်မယ် ထင်ပါတယ်။ ဒါဟာ လူသားချင်းစာနာမှုဆိုင်ရာ အကူအညီပေးနေတဲ့အဖွဲ့အစည်းတွေ လုပ်ကိုင်တဲ့နည်းလမ်း မဟုတ်ပါဘူး၊ ကျမတို့ သုံးစွဲနေတာကို လျှော့ချပစ်ပြီးတော့ လူတွေကို ဖိအားပေးတာဟာ UNHCR က လုပ်ကိုင်ဆောင်ရွက်တဲ့နည်းလမ်း လုံးဝ မဟုတ်ပါဘူး။”
ဒုက္ခသည်တွေကို ကူညီထောက်ပံ့နေတဲ့ အလှူရှင်နိုင်ငံတွေအားလုံးက ထောက်ပံ့ငွေတွေကို စနစ်တကျနဲ့ အကျိုးရှိရှိ သုံးစေချင်ပါတယ်လို့ မစ္စစ် ကစ်တီ မက်ကင်းဇီးက ပြောပါတယ်။ ဒုက္ခသည်တွေအနေနဲ့ သူတို့ဖာသာသူတို့ရွေးချယ်ချက်နဲ့ မြန်မာနိုင်ငံကို ပြန်တဲ့အခါမှာဖြစ်စေ၊ တတိယနိုင်ငံတခုခုမှာ ရွှေ့ပြောင်းအခြေချနေထိုင်ဖို့ သွားသည်ဖြစ်စေ သူတို့ခြေထောက်ပေါ်မှာ သူတို့ ရပ်တည်နိုင်အောင်၊ သူတို့ရောက်တဲ့နိုင်ငံအတွက် တတ်နိုင်သလောက် မျှဝေ လုပ်ဆောင်နိုင်အောင် လိုအပ်တဲ့ ကျွမ်းကျင်မှုဆိုင်ရာ သင်တန်းတွေ ပေးတာမျိုးလို စီမံကိန်းတွေအပေါ် UNHCR နဲ့ တခြားအလှူရှင်နိုင်ငံတွေက မကြာသေးခင်နှစ်တွေအတွင်း ပို အာရုံစိုက် လုပ်ဆောင်လာခဲ့ကြပါတယ်။
လက်ရှိအချိန်မှာ ဒုက္ခသည်တွေ နေရပ်ရင်းပြန်ဖို့ဆိုတာက သူတို့ရပ်ရွာတွေရှိတဲ့ မြန်မာနိုင်ငံအရှေ့ပိုင်း နယ်စပ်ဒေသတွေမှာ အခြေအနေက အရမ်းကို မတည်မငြိမ်ဖြစ်နေတုန်းပဲလို့ ဒုက္ခသည်တွေကို အကူအညီပေးနေတဲ့ TBBC အဖွဲ့ရဲ့ ဒုတိယညွှန်ကြား ရေးမှူး မစ္စစ် ဆယ်လီ သွန်မ်ပ်ဆင်န် (Sally Thompson) က ပြောပါတယ်။
“စခန်းတွေထဲမှာရှိနေတဲ့ ဒုက္ခသည်တွေအနေနဲ့ အခုအချိန်မှာ အိမ်ပြန်ဖို့ မဖြစ်နိုင်သေးဘူးဆိုတာကို ထိုင်းအာဏာပိုင်တွေဘက်မှာ အစစ်အမှန် နားလည်မှုရှိထားတယ်လို့ ကျမထင်ပါတယ်။ ဒုက္ခသည်တွေရဲ့ အနာဂတ်အတွက် အဖြေမရှိဘဲနဲ့ သူတို့အတွက်ဝန်ဆောင်မှုတွေကို အလွယ်လေး လျှော့ချပစ်တာမျိုးဟာ တာဝန်မဲ့ရာကျပါလိမ့်မယ်။”
TBBC အဖွဲ့ဟာ နိုင်ငံ ၁၀ နိုင်ငံက အစိုးရမဟုတ်တဲ့ နိုင်ငံတကာ အဖွဲ့အစည်း ၁၂ ခု စုပေါင်းထားတဲ့အဖွဲ့ ဖြစ်ပြီး ဒုက္ခသည်တွေကို စားနပ်ရိက္ခာ၊ နေစရာနဲ့ စားနပ်ရိက္ခာမဟုတ်တဲ့ တခြားလိုအပ်ချက်တွေ ထောက်ပံ့ကူညီနေတဲ့အဖွဲ့ ဖြစ်ပါတယ်။
ဘယ်လိုအခြေအနေမျိုးနဲ့ ဒုက္ခသည်ပဲဖြစ်ဖြစ် အိမ်ပြန်နိုင်ဖို့ဆိုတာ တကမ္ဘာလုံးမှာ တပြေးညီ စံနှုန်း သတ်မှတ်ချက်ရှိပါတယ်လို့ UNHCR က မစ္စစ် ကစ်တီ မက်ကင်းဇီးက ပြောပါတယ်။ သူစကားပြောခဲ့ဖူးသမျှ အာဖရိကတိုက်ကပဲဖြစ်ဖြစ်၊ အာရှတိုက်ကပဲ ဖြစ်ဖြစ် ဒုက္ခသည်တွေအားလုံးဟာ အမြဲတမ်း အိမ်ပြန်ချင်နေ ကြသူတွေ ဖြစ်ပါတယ်လို့လည်း သူကဆိုပါတယ်။
“တကမ္ဘာလုံးမှာကျင့်သုံးတဲ့ ကျမတို့ရဲ့စံနှုန်းကတော့ အိမ်ပြန်သူတွေဟာ ကိုယ့်သဘောနဲ့ကိုယ် ပြန်တာမျိုးဖြစ်ဖို့၊ ဘေးကင်းလုံခြုံစွာနဲ့ ဂုဏ်သိက္ခာရှိစွာ ပြန်တာမျိုးဖြစ်ဖို့ဆိုတာပါ။ ဥပမာအားဖြင့် မြေမြှုပ်မိုင်းတွေမရှိရဘူး၊ ကျောင်းတွေရှိရမယ်၊ ရေရနိုင်တဲ့နေရာတွေရှိရမယ် ဆိုတာမျိုးတွေပါ။ အထူးသဖြင့်ကတော့ သူတို့ရဲ့ သာယာဝပြောမှုအခြေအနေကို စောင့်ကြပ် ကြည့်ရှုဖို့၊ သူတို့ရဲ့ လူ့အခွင့်အရေးတွေကို အသိအမှတ်ပြုလေးစားမှု ရှိမရှိဆိုတာ သိနိုင်ဖို့အတွက် UNHCR အဖွဲ့ကို နယ်စပ်ဖြတ်ကျော်ပြီး ၀င်ရောက်ခွင့်ပြုရပါမယ်။ ဒါပေမဲ့ အခုအချိန်မှာ မြန်မာနိုင်ငံထဲက UNHCR ရဲ့ လုပ်ငန်းစီမံကိန်းတွေရှိတဲ့ နေရာတွေဆီတောင် ကျမတို့ သွားခွင့်မရပါဘူး။ ဒါကြောင့် အခုအချိန်ဟာ ဒုက္ခသည်တွေ ကိုယ့်သဘောနဲ့ကိုယ် အိမ်ပြန်ကြဖို့ သင့်တော်တဲ့အချိန် ဖြစ်တယ်လို့ ကျမတို့ကတော့ မယူဆပါဘူး။”
ပြီးခဲ့တဲ့ မတ်လဒုတိယပတ်အတွင်း ဥရောပသမဂ္ဂ EU ရဲ့ လူသားချင်း စာနာထောက်ထားမှုဆိုင်ရာ ကော်မရှင်နာမင်းကြီး မစ္စစ် ခရစ္စတာလီနာ ဂေါ်ဂီအဲဗာ (Kristalina Georgieva) ဟာ မယ်လဒုက္ခသည် စခန်းကို သွားရောက် ကြည့်ရှုခဲ့သလို ထိုင်းနိုင်ငံဆိုင်ရာ အမေရိကန်သံအမတ်ကြီး မစ္စစ် ခရစ္စတီး ကန်းနီ (Kristie Kenney) ဟာလည်း မတ်လကုန်ပိုင်းမှာပဲ အဲဒီ မယ်လစခန်းကို သွားရောက်ခဲ့ပါသေးတယ်။ ဒုက္ခသည်တွေအိမ်ပြန်ရေးကိစ္စဟာ မြန်မာနိုင်ငံတွင်းအခြေအနေတွေ တည်ငြိမ်ပြီး လုံခြုံစိတ်ချရမှုရှိမှ ဖြစ်နိုင်မယ်လို့ သူတို့နှစ်ယောက်စလုံးက ပြောခဲ့ဖူးပါတယ်။
မြန်မာနိုင်ငံကဒုက္ခသည်တွေကို နေရပ်ရင်း အတင်းအကျပ်ပြန်ပို့တာမျိုး လုပ်မှာမဟုတ်ဘူးလို့တော့ ထိုင်းနိုင်ငံခြားရေးဝန်ကြီး ကဆစ် ပီရွန်မ် (Kasit Piromya) က အာမခံပြောခဲ့တယ်လို့ သူနဲ့တွေ့ဆုံ ဆွေးနွေးခဲ့တဲ့ EU ကော်မရှင်နာမင်းကြီးက ပြန်ပြောထားဖူးပါတယ်။
KNU Statement on New Military Government & Concerns of Ethnic Nationalities
KNU Statement on New Military Government & Concerns of Ethnic Nationalities
အစိုးရသစ်ကို ယုံကြည်မှုမရှိကြာင်း KNU ကြေညာချက်ထုတ်ပြန်
စောခါးစူးညား (ကေအိုင်စီ)
၂၀၀၈ ဖွဲ့စည်းပုံအခြေခံဥပဒေကို အခြေခံပြီး တိုင်းရင်းသားလူမျိုးစုများအတွက် အာမခံချက်မရှိသော ၂၀၁၀ ရွေးကောက်ပွဲ ကျင်းပပြီးသည့်နောက် ယခုတက်လာသည့် စစ်ယူနီဖောင်းချွတ် အစိုးရသစ်ကို ယုံကြည်လက်ခံမှုမရှိကြောင်း ကရင်အမျိုးသား အစည်းအရုံး(KNU)က ယနေ့ကြေညာချက်တစ်စောင် ထုတ်ပြန်လိုက်သည်။
အစိုးရသစ်သည် နအဖ ထိပ်ပိုင်းစစ်ခေါင်းဆောင်များ၏ ချုပ်ကိုင်မှုအောက်တွင် ဆက်လက်ရှိနေသေးသည့်အတွက် မြန်မာတ နိုင်ငံလုံး စစ်မှန်သည့် ဒီမိုကရေစီ အသွင်ကူးပြောင်းရေး၊ မဖြစ်မနေ လိုအပ်နေသည့် တိုင်းရင်းသား ပြန်လည်သင့်မြတ်ရေးနှင့် တည်ငြိမ်အေးချမ်းမှုတို့ကို တာဝန်ယူနိုင်မည်မဟုတ်ဟု ၎င်းကြေညာချက်တွင် ဖော်ပြထားသည်။
KNU တွဲဖက်အထွေထွေအတွင်းရေးမှူး(၁) ဗိုလ်မှူးစောလှငွေက “ဒီအစိုးရသစ် တက်လာတာ နိုင်ငံတကာက တချို့တိုင်းပြည် က မြန်မာနိုင်ငံ ပြောင်းလဲရေးအတွက် ခြေလှမ်းတရပ်လို့ မြင်ကြပေမဲ့ လက်ရှိ ဖြစ်ပျက်နေတဲ့ အခြေအနေကိုနှိုင်းကြည့်ရင် လက်မခံပါဘူး။ နိုင်ငံရေးအကျဉ်းသားတွေအားလုံး လွှတ်ပေးပြီး တိုင်းရင်းသား ဒေသတွေမှာ ထိုးစစ်ဆင်မှုရပ်၊ နောက် တတိုင်းပြည်လုံးအတိုင်းအတာနဲ့ ပစ်ခတ်ရပ်စဲရေးလုပ်ပြီး တိုင်းရင်းသားတရပ်လုံးနဲ့ တွေ့ဆုံဆွေးနွေးပွဲလုပ်မှသာ နိုင်ငံရေးပြ ဿနာက ဖြေလည်နိုင်မယ်ဆိုတဲ့ရည်ရွယ်ချက်နဲ့ ဒီကြေညာချက်ကို ထုတ်တာပါ။”ဟု ပြောသည်။
ယခု တက်လာသည့် အစိုးရသစ်သည် ယခင်အစိုးရအတိုင်း မူမပြောင်းလျှင် တိုင်းပြည်မှာ ချွတ်ခြုံကျလာပြီး မကျေနပ်မှုများ ကြောင့် တပ်မတော်အတွင်း၌ပင် အောက်ခြေထုတပ်သားများ၏ ဆန့်ကျင်မှုများ ပေါ်လာနိုင်သလို တပ်မတော်အတွင်း ဒီမိုက ရေစီ လိုလားသူများနှင့် အာဏာရှိသူများအကြား အကွဲအပြဲဖြစ်ကာ တိုင်းပြည် မငြိမ်မသက် ဖြစ်လာနိုင်ကြောင်း ဗိုလ်မှူးစော လှငွေက ဆက်လက် သုံးသပ်ပြောဆိုသည်။
မြန်မာစစ်တပ်သည် ရွေးကောက်ပွဲအပြီး အပြစ်မဲ့အရပ်သားများကို မတရား ဖမ်းဆီးထိန်းသိမ်းမှု၊ ညှင်းပမ်းနှိပ်စက် သတ်ဖြတ်မှု၊ အတင်းအဓမ္မ ခိုင်းစေမှုနှင့် အကာအကွယ်အဖြစ် အရပ်သားများကို ရှေ့တန်း၌ အသုံးပြုသည့်အပြင် တိုင်းရင်းသားလူမျိုးစု အရပ်သားပြည်သူများက လေးလံသည့် တပ်ရိက္ခာနှင့် ခဲယမ်းမီးကျောက်များကို နေ့စဉ်နှင့်အမျှ သယ်ပေးနေရကာ ကုန်တင် ကား၊ မော်တော်ဆိုင်ကယ်နှင့် နွားလှည်းများမကျန် လုပ်အားပေးခိုင်းရသည်ဟု ကြေညာချက်တွင် ထောက်ပြရေးသားထား သည်။
စစ်အစိုးရသည် လက်ရှိ မြန်မာနိုင်ငံအတွင်း အရပ်သားပြည်သူများ၏ လုံခြုံရေးနှင့် အသက်ရှင်ရပ်တည်ရေးအတွက် ပထမခြေ လှမ်းအနေဖြင့် တိုင်းရင်းသားဒေသအတွင်းရှိ ထိုးစစ်ဆင်မှုကို ရုပ်သိမ်း၍ ပစ်ခတ်ရပ်စဲရေး ပြုလုပ်ပြီး နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းကာ တွေ့ဆုံဆွေးနွေးပွဲ စတင်ရန် ကေအဲန်ယူက တောင်းဆိုထားသည်။
၎င်းအပြင် စစ်အစိုးရတပ်များ၏ အရပ်သားပြည်သူများအား လုပ်အားပေးခိုင်းစေမှု၊ ပစ်မှတ်ထား တိုက်ခိုက်မှုနှင့် အဓမ္မ ပစ္စည်း သိမ်းယူမှု စသည့်လူ့အခွင့်အရေးချိုးဖောက်မှုများကို ရပ်တန့်စေပြီး တွေ့ဆုံဆွေးနွေးပွဲများ အမြန်ဆုံး လုပ်ဆောင်ရန် ကမ္ဘာ့ ကုလသမဂ္ဂ အပါအ၀င် နိုင်ငံတကာအသိုင်းအ၀ိုင်းမှ တိုက်တွန်းရန်လည်း နှိုးဆော်ထားသည်။
ကေအဲန်ယူသည် ၁၉၄၉ခုနှစ်မှစ၍ မြန်မာစစ်အာဏာရှင် အဆက်ဆက်ကို ယခုအချိန်ထိ တော်လှန်တိုက်ခိုက်နေသည့် တိုင်း ရင်းသားလက်နက်ကိုင် အဖွဲ့အစည်းတခုဖြစ်ပြီး ၂၀၁၀ ရွေးကောက်ပွဲအပြီး ယခင်လ မတ်လ ၃၀ရက်နေ့က အစိုးရသစ် သမ္မတ ဦးသိန်းစိန် ကျမ်းသစ္စာကျိန်ဆိုပြီးနောက် ပထမဆုံးအကြိမ် ကြေညာချက်ထုတ်ပြန်သည့် လက်နက်ကိုင်အဖွဲ့ဖြစ်သည်။
ဝေါ်လေဒေသတိုက်ပွဲ ဆက်လက် ဖြစ်ပွားနေဆဲ
နန်းထူးစံ (ကေအိုင်စီ)
ကရင်ပြည်နယ်၊ မြ၀တီမြို့နယ်တောင်ပိုင်း ဝေါ်လေဂွင်တွင် ယနေ့ နေ့လည်ဘက်တွင် စစ်ကွပ်ကဲရေးဌာနချုပ်(၅) လက်အောက်ခံ တပ်များကို ကေအဲန်ယူ တပ်ဖွဲ့များက အလစ်ဝင်ရောက် တိုက်ခိုက်ခဲ့ရာ စစ်တပ်ဘက်မှ ၁ဦး ကျဆုံးပြီး ၂ဦး ဒဏ်ရာရရှိသွား ကြောင်း ကေအဲန်ယူ၏ လက်နက်ကိုင်အဖွဲ့ ကေအဲန်အယ်လ်အေဘက်က ပြောသည်။
ယနေ့နေ့လယ် ၁၁း၃၃အချိန်၌ ဝေါ်လေဒေသရှိ ထီးသဲလယ်နဲ့ မောခီးတွင် လှုပ်ရှားနေသည့် စကခ(၅)လက်အောက်ခံ ခမရ(၃၇၂)၊ (၅၄၄)တပ်ဖွဲ့ကို အလစ်ဝင်တိုက်ခိုက်ခဲ့ရာ မြန်မာစစ်တပ်ဘက်မှ ယင်းသို့ ကျဆုံးထိခိုက်ခြင်းဖြစ်သည်။
ဝေါ်လေဒေသအခြေစိုက် ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း (၂၀၁)မှ ဗိုလ်မှူးတဦးက “ဒီနေ့ ထီးသဲ လယ်၊ တေ့တေ့ဝေကျိုးဒေသမှာ ခမရ(၃၇၂)၊ (၅၄၄) တပ်ဖွဲ့နဲ့ ကျနော်တို့လူတွေ တစ်ပွဲဖြစ်တယ်။ မိနစ်ပိုင်းလောက်ပါပဲ။ မနေ့က လည်း တိုက်ပွဲတယ်၊ ပြီးခဲ့တဲ့ ၂ရက်နေ့ကလည်း ဖြစ်သေးတယ်။”ဟု ပြောသည်။
ဧပြီလ ၃ရက်နေ့က ထိုအစိုးရတပ်ဖွဲ့နှင့် KNLA (၂၀၁)တပ်ဖွဲ့တို့အကြား တိုက်ပွဲ နှစ်ကြိမ်ဖြစ်ပွားခဲ့ရာတွင် အစိုးရတပ်ဘက်က ၃ဦး ကျဆုံးကာ ၃ဦး ဒဏ်ရာရရှိခဲ့သလို ၂ရက်နေ့တွင်လည်း ဝေါ်လေဒေသတွင်းရှိ ဘုရင့်နောင်ကုန်းတွင် တိုက်ပွဲတစ်ကြိမ်ဖြစ်ခဲ့ပြီး မြန် မာတပ်ဖွဲ့ဘက်မှ တပ်ကြပ်ကြီး ၁ဦးသေဆုံးခဲ့ပြီး တပ်သား ၂ဦး ဒဏ်ရာရရှိခဲ့သည်ဟု ကေအဲန်အယ်လ်အေမှ ဗိုလ်မှူးစောကြည် အောင်က ပြောသည်။
အဆိုပါ တိုက်ပွဲများသည် ပြောက်ကျားတိုက်ပွဲများသာဖြစ်၍ KNLA တပ်ဖွဲ့ဘက်မှ ထိခိုက်ကျဆုံးမှု မရှိခဲ့ပေ။
စစ်ခွေးဂိုဏ်းချုပ် ရာထူးက အနားယူ
VOA သတင်းမှ.............
မြန်မာစစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ စစ်တပ်အကြီးအကဲ တာဝန်က အနားယူသွားပြီလို့ စစ်တပ်နဲ့ နီးစပ်တဲ့ အသိုင်းအ၀ိုင်းက ပြောပါတယ်။ အစိုးရသစ်ကို ပြီးခဲ့တဲ့လကုန်က အာဏာ လွှဲပြောင်းလိုက်တဲ့နောက် အခုလို ရာထူးက ထွက်လိုက်တယ် ဆိုပေမဲ့လည်း ဒါဟာ အာဏာကို စွန့်လွှတ်ဖို့ ရည်ရွယ်ထားတာလို့တော့ အကဲခတ်တွေက မယူဆကြပါဘူး။ အကြောင်းစုံကို ဆက်သွယ် စုံစမ်းထားတဲ့ ကိုဝင်းမင်းက တင်ပြပေးထားပါတယ်။
ဗိုလ်ချုပ်မှူးကြီး သန်းရွှေ အနေနဲ့ မြန်မာစစ်တပ်ရဲ့ အကြီးဆုံးတာဝန်ဖြစ်တဲ့ ကာကွယ်ရေး ဦးစီးချုပ် နေရာက အနားယူသွားခဲ့ပါပြီ။ ၁၉၉၂ ခုနှစ်ကတည်းက ဒီတာဝန်ကို သူယူခဲ့တာမို့ နှစ်ပေါင်း ၂၀ နီးပါး ဒီတာဝန်ကို ယူခဲ့တာ ဖြစ်ပါတယ်။ ပြီးခဲ့တဲ့ အပတ်က သမ္မတသစ် ဦးသိန်းစိန် ဦးဆောင်တဲ့ စစ်ဗိုလ်ချုပ်ဟောင်းတွေ အများစုပါတဲ့ အရပ်သား အစိုးရကို အာဏာလွှဲအပြီးမှာ အခုလို အနားယူလိုက်တာ ဖြစ်ပါတယ်။
အခုလို အနားယူပြီးမှ ကာကွယ်ရေး ဦးစီးချုပ် အသစ်အဖြစ် ဗိုလ်ချုပ်မှူးကြီး သန်းရွှေထက် အသက် ၂၀ ကျော်ငယ်တဲ့ ဗိုလ်ချုပ်ကြီး မင်းအောင်လှိုင်ကို ခန့်အပ်လိုက်ပါပြီ။ အလားတူ ဒု-ကာကွယ်ရေး ဦးစီးချုပ် ဒု-ဗိုလ်ချုပ်မှူးကြီး မောင်အေးလည်း အနားယူသွားပြီး သူ့နေရာကို ဗိုလ်ချုပ်စိုးဝင်းကို အသစ် ခန့်အပ်လိုက်ပါပြီ။ အခုလို စစ်တပ်ထိပ်ပိုင်းက ဗိုလ်ချုပ်မှူးကြီးနဲ့ ဒု-ဗိုလ်ချုပ်မှူးကြီး ၂ ဦးစလုံး အနားယူသွားတာ ဘာကြောင့် အခုချိန်မှာ ဖြစ်ရပါလဲ ဆိုတာကို ဒီမိုကရေစီနဲ့ ဖွံ့ဖြိုးရေး အင်အားစု အဖွဲ့က သုတေသနမှူး ဦးဌေးအောင်ကို မေးမြန်းကြည့်ရာမှာ အသက်အရွယ် ကြီးရင့်လာပြီး ကျန်းမာရေး အခြေအနေကြောင့် ဖြစ်နိုင်တယ်လို့ ဆိုပါတယ်။
“တကယ် တပ်မတော်ရဲ့ ထုတ်ပြန်ထားတဲ့ ဥပဒေကိုသာ တိတိကျကျ လိုက်နာမယ်ဆိုရင် ဗိုလ်ချုပ်မှူးကြီး သန်းရွှေ အနေနဲ့ ကာကွယ်ရေး ဦးစီးချုပ် ရာထူးကနေ စွန့်လွှတ်ပြီး အနားယူသင့်တာ ကြာပါပြီ။ ဘာဖြစ်လို့လဲဆိုတော့ တပ်မတော်မှာ တကယ် ပြဋ္ဌာန်းထားတာက အသက် ၆၀ ပြည့်ရင် တပ်မတော်ကနေ နှုတ်ထွက် အနားယူရမယ် ဆိုတာမျိုး ပြဋ္ဌာန်းထားတာ ရှိတယ်။ တခြား ကာကွယ်ရေး ဦးစီးချုပ် အဆင့်ဆင့်ပေါ့၊ စစ်အာဏာရှင်ဟောင်း ဖြစ်တဲ့ ဗိုလ်ချုပ်ကြီး နေ၀င်းတောင်မှ အသက် ၆၀ ပြည့်တဲ့ အချိန်တုန်းက စစ်တပ်ကနေ အနားယူခဲ့တာ ရှိတယ်။
“ဒါပေမဲ့ သူကတော့ အခုအချိန်မှာ စစ်အာဏာသိမ်းတဲ့ ခေါင်းဆောင်ပီပီ အကြောင်းအမျိုးမျိုး ပြပြီးတော့၊ သူက အခုဆိုရင် အသက် ၇၈ နှစ်တောင် ဖြစ်နေပြီ။ အဲတော့ တွက်ကြည့်မယ်ဆိုရင် ၁၈ နှစ်လောက် အနားယူသင့်နေပြီပေါ့။ အနားယူရမယ့် ကာလထက် အများကြီး ကျော်လွန်နေတာကြောင့် အနားယူလိုက်တယ်လို့ပဲ ကျနော် ထင်ပါတယ်။”
အခုလို အနားယူပြီးတဲ့အခါမှာ ဗိုလ်ချုပ်မှူးကြီး သန်းရွှေ အနေနဲ့၊ အခုတော့ ဗိုလ်ချုပ်မှူးကြီးဟောင်း သန်းရွှေလို့ ခေါ်ကြမှာပေါ့၊ ဘာဆက်လုပ်မယ် ထင်လဲဆရာ။
“ဗိုလ်ချုပ်မှူးကြီး သန်းရွှေ အနေနဲ့ အများအမြင်မှာတော့ သူက နောက်မှာ အေးအေးဆေးဆေး သာမန် အရပ်သား ဘ၀နဲ့ပဲ နေမယ်လို့ ယူဆနိုင်ပေမဲ့ လက်တွေ့မှာတော့ ဗိုလ်ချုပ်မှူးကြီး သန်းရွှေ အနေနဲ့ သူဟာ အာဏာကို တကယ်စွန့်လွှတ်ရဲမယ့် အနေအထား မရှိသေးဘူးလို့ပဲ ထင်ပါတယ်။ ဘာဖြစ်လို့လဲဆိုတော့ သူ့ရဲ့ အရင် အာဏာကို စွန့်လွှတ်သွားခဲ့ရတဲ့ စစ်အာဏာရှင်ဟောင်းကြီး ဗိုလ်ချုပ်ကြီး နေ၀င်းတုန်းကလည်း နောက်ဆုံး ဇာတ်သိမ်း မကောင်းခဲ့ဘူး ဆိုတာကို သူကိုယ်တိုင် သိခဲ့ မြင်ခဲ့တာတွေရှိတယ်။
“သူ့အနေနဲ့ကတော့ ဒီအသက်အရွယ်အရ တပ်မတော်ကို နုပျိုနေအောင် လုပ်မယ်ဆိုတဲ့ သူ့ရဲ့ ပြောစကားနဲ့အညီ သူ တပ်မတော်က အနားယူပြတယ် ဆိုပေမဲ့ နောက်ကွယ်မှာတော့ တနည်းနည်းနဲ့ တပ်မတော်ကို ဆက်ကိုင်တွယ်ထားနိုင်တဲ့ နေရာမှာ ရှိနေဦးမယ်လို့ ကျနော်ထင်ပါတယ်။ တကယ် တပ်ကို ကိုင်ထားနိုင်မှသာလျှင် အာဏာဟာ သူ့လက်ထဲမှာ ရှိမယ်ဆိုတာကို သိတဲ့အတွက်ကြောင့် တပ်ကိုတော့ တနည်းနည်းနဲ့ ဆက်ပြီးတော့ ကိုင်ထားနိုင်ဖို့ ကြိုးစားမှာကတော့ သေချာတယ်လို့ ကျနော် ယူဆပါတယ်။”
အဲတော့ ဘယ်လိုနေရာမျိုးကနေ ဘယ်လိုပုံစံမျိုးနဲ့ ကိုင်တွယ်မယ်လို့ ဆရာယူဆလဲ။
“အဲဒါကိုတော့ ဗမာ့တပ်မတော်မှာ ပြောရတာ ခက်တယ်။ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေအရ ဆိုရင်တော့ ဗိုလ်ချုပ်မှူးကြီး သန်းရွှေအတွက် နေရာမရှိတော့ဘူးလို့ ပြောလို့ရပါတယ်။ ဒါပေမဲ့လည်း သူတို့ စစ်တပ်ထဲမှာ၊ သူတို့ အတွင်းစည်းမှာ ဗိုလ်ချုပ်တွေ အချင်းချင်း နားလည်မှုတွေအရ သူ့အနေနဲ့က ကြံ့ဖွံ့အဖွဲ့မှာပဲဖြစ်ဖြစ် နာယကကြီး အနေနဲ့လည်း ဆက်နေနိုင်တယ်။ အလားတူ စစ်တပ်ရဲ့ နောက်ကွယ်မှာ စစ်ကော်မရှင်လိုဟာမျိုး ဖွဲ့စည်းပြီးတော့လည်း နောက်ကွယ်က ကြိုးကိုင်ထားနိုင်တဲ့ အနေအထားတွေ ရှိတယ်လို့ ထင်ပါတယ်။”
မကြာသေးခင်က အားလုံး စစ်မှုမထမ်းမနေရ ဥပဒေထဲမှာ တခုပါတာက စစ်တပ်က အနားယူပြီးရင် ၅ နှစ်အတွင်းမှာ လိုအပ်ရင် စစ်တပ်က ပြန်ပြီး ခေါ်နိုင်တယ်၊ ဆိုလိုတာကတော့ ဗိုလ်ချုပ်မှူးကြီး အနေနဲ့ တကယ်လို့သာ စစ်တပ်ထဲ ပြန်လာချင်ရင်လည်း ပြန်လာလို့ရအောင် လုပ်နိုင်တယ်ဆိုတဲ့ အနေအထားမျိုးပေါ့၊ အဲဒါကို သုံးပြီးတော့ ဗိုလ်ချုပ်မှူးကြီး အနေနဲ့ ပြန်ဝင်လာနိုင်ဖို့ အလားအလာရော ရှိနိုင်လား။
“ကျနော်တို့လည်း အဲဒါကို သံသယ ရှိပါတယ်။ အဲဒါတွေကလည်း အခုလက်ရှိ တပ်မတော်က အနားယူသွားပြီဆိုတဲ့ ဗိုလ်ချုပ်မှူးကြီး ၂ ယောက်အတွက် နောက်ကွယ်မှာ စစ်ရာထူး အဆင့်အတန်းတွေနဲ့ ဆက်ပြီးတော့ ရပ်တည်နေနိုင်အောင် တမင် သူတို့ ကပ်ပြီး ဖန်တီးထားတယ်လို့ပဲ ကျနော် ထင်ပါတယ်။”
နောက်တခုက ဘယ်အကြောင်းအရာတွေမှာ ဗိုလ်ချုပ်မှူးကြီးက အဓိက နောက်က ကြိုးကိုင်သွားမယ် ထင်လဲဆရာ။
“အခုလက်ရှိ ဖွဲ့စည်းအုပ်ချုပ်ပုံ အခြေခံဥပဒေအရကလည်း အာဏာခွဲဝေမှု အပိုင်းတွေမှာ ရှုပ်ထွေးနေတာတွေ၊ အတွင်းမှာ အချင်းချင်း အားပြိုင်နိုင်တဲ့ အနေအထားတွေ ရှိနေသေးတယ်။ အဲတော့ အဲဒါတွေကို ဗိုလ်ချုပ်မှူးကြီး သန်းရွှေ အနေနဲ့ စိုးရိမ်စိတ် ရှိနေတဲ့ အနေအထားတွေ ကျနော်တို့ တွေ့ရတာ ရှိပါတယ်။ အဲဒီတော့ အဲဒီအနေအထားတွေကို သူ့အနေနဲ့ တည်ငြိမ်သွားအောင် အရပ်ဝတ် အစိုးရ ဆက်ပြီးတော့ တည်တည်ငြိမ်ငြိမ်နဲ့ အုပ်ချုပ်နိုင်တဲ့ အနေအထားအထိ သူကတော့ နောက်ကွယ်ကနေ စစ်တပ်ကို ချုပ်ကိုင်ရင်းနဲ့ စောင့်ကြည့်နေမယ့် အနေအထားမျိုး ရှိမယ်လို့ ထင်ပါတယ်။”
ဒီမိုကရေစီနဲ့ ဖွံ့ဖြိုးရေး အင်အားစု အဖွဲ့က သုတေသနမှူး ဦးဌေးအောင် ပြောပြခဲ့တာ ဖြစ်ပါတယ်။
KNU တပ်မဟာ(၆)၏ ပစ်ခတ်မှုကြောင့် နအဖ ဗိုလ်ကြီးတဦး ကျဆုံး
အမျှ....ဝေပေးလိုက်ပါတယ်.....ကောင်းရာသုဂတိလါးစီးပါစေ....အဲ..ဟုတ်ပါဘူး...လါးပါစေ...
ရဲဘော်မသေ...သေသော်အဝီစိလါးမည်.........
စောသိန်းမြင့် (ကေအိုင်စီ)
မွန်-ကရင်နယ်စပ် ဘုရားသုံးဆူမြို့နယ်တွင် သွားလာလှုပ်ရှားနေသည့် နအဖစစ်တပ်အား ပြီးခဲ့တဲ့ရက်ပိုင်းက KNU တပ်မဟာ (၆)တပ်ဖွဲ့ဝင်များ၏ ပစ်ခတ်မှုကြောင့် နအဖဘက်က ဗိုလ်ကြီး ၁ဦး သေဆုံးပြီး တပ်သား ၃ဦး ထိခိုက် ဒဏ်ရာရရှိခဲ့သည်ဟု ကေအဲန်ယူဘက်က ပြောသည်။
ပြီးခဲ့သည့် မတ်လ ၂၉ရက်နေ့နှင့် ၃၀ရက်နေ့က နအဖစစ်တပ် အနောက်ပိုင်းတိုင်းစစ်ဌာချုပ်-နပခ လက်အောက်ခံ ခမရ (၃၇၃)တပ်ရင်းကို ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း(၁၆)မှ ဘုရားသုံးဆူမြို့နယ်ရှိ မြိုင်သာယာ နှင့် အပလုံကျေးရွာစပ်ကြားတွင်တစ်ကြိမ်၊ ကျောက်ပူနှင့် တာဒေ့ကျေးရွာကြားတွင်တစ်ကြိမ် ချုံခိုတိုက်ခိုက်ခဲ့သည်ဟု KNLA တပ်ရင်း(၁၆)မှ အရာရှိတဦးက ပြောသည်။
၎င်းက “မတ်လ ၂၉ရက်နေ့ မနက်ပစ်ခတ်မှုမှာ နအဖ ခမရ(၃၇၃) စစ်ကြောင်း(၂)က တပ်ခွဲမှူး ဗိုလ်ကြီးဘိုဘိုမောင် ကျသွား တယ်။ ၃၀ရက်နေ့ မနက် ၉နာရီအချိန်မှာလည်း အဲဒီ နအဖတပ်ရင်းကို နောက်တကြိမ် ထပ်ပစ်တယ်။ နအဖဘက်က တပ် သားချည်းပဲ ၃ယောက် ဒဏ်ရာထပ်ရတယ်။”ဟု ပြောသည်။
အဆိုပါတိုက်ပွဲတွင် ကေအဲန်အယ်လ်အေဘက်မှ ထိခိုက်ကျဆုံးမှု မရှိဟု ကေအဲန်ယူဘက်က ပြောဆိုသည်။
၎င်းနအဖတပ်ရင်းသည် ကေအဲန်ယူတပ်ဖွဲ့ဝင်များ၏ ချုံခိုတိုက်ခိုက်ခံရပြီး ထိခိုက်သေဆုံးမှုများရှိခဲ့သော်လည်း ဒေသခံရွာသား များကို အကြပ်ကိုင်၊ အပြစ်ရှာမှုများ တစုံတရာ လုပ်ဆောင်ခြင်းမရှိကြောင်း ဒေသခံတစ်ဦးက ပြောသည်။
ကော့ကရိတ်မြို့ရှိ နအဖတပ်ရင်း အား ကရင်တပ်ဖွဲ့များ ၀င်ရောက် ပစ်ခတ်ရာ ၆ဦး ထိခိုက်သေဆုံး
စောသိန်းမြင့် (ကေအိုင်စီ)
ကရင်ပြည်နယ်၊ ကော့ရိတ်မြို့နယ်ရှိ နအဖ တပ်ရင်းအား ယမန်နေ့က ကရင်ပူးပေါင်းတပ်ဖွဲ့တို့ ၀င်ရောက်ပစ်ခတ်ခဲ့ရာ အရပ် သားတဦး အပါအ၀င် ၆ဦး ထိခိုက်သေဆုံးခဲ့သည်ဟု ကရင်တပ်ဖွဲ့ဘက်က ပြောသည်။
ကော့ကရိတ်-မြ၀တီအထွက်ဂိတ် ချက်ပွိုင့်အနီးရှိ နအဖစစ်တပ် အရှေ့တောင်တိုင်းစစ်ဌာန(ရတခ)ချုပ် လက်အောက်ခံ ခလရ(၃၁၀)အား ယမန်နေ့ နေ့လည် ၁၂ခွဲအချိန်တွင် ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း(၁၈)နှင့် တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA) တပ်မဟာ(၅) ပူးပေါင်းပြီး လက်နက်ကြီးငယ်များဖြင့် ၀င် ရောက်ပစ်ခတ်ခဲ့ခြင်းဖြစ်ကြောင်း KNLA တပ်မှူးတဦးက အတည်ပြု ပြောဆိုသည်။
၎င်းက “ချက်ပွိုင့်နားမှာရှိတဲ့ ခလရ(၃၁၀)ကို ကျနော်တို့လူတွေ အရင်သွားချောင်းပစ်တယ်။ တဆက်တည်းမှာပဲ ၆၀-မမနဲ့ ထပ်ပစ်တယ်။ နအဖဘက်က ၄ယောက် ပွဲချင်းပြီး သေတယ်။ ၁ယောက် ဒဏ်ရာရသွားတယ်။ ဒါပေမဲ့ ချက်ပွိုင့်ဘေးနားမှာ ကွမ်းယာရောင်းတဲ့ ဈေးသည်တယောက် မှန်သွားတယ်။ လက်နက်ကြီးလက်နက်ငယ်တွေနဲ့ နာရီဝက်နီးပါးလောက် အပြန်အ လှန် ပစ်ခတ်ကြပေမယ့် ကျနော်တို့ဘက်ကတော့ ထိတာမရှိဘူး။”ဟု ပြောသည်။
ကော့ကရိတ်-မြ၀တီလမ်းကြောင်းတွင် သွားလာနေသည့် ကုန်သည်တဦးကလည်း “ဟုတ်တယ် မနေ့က တောထဲက လူတွေ ချက်ပွိုင့်နားမှာ လာပစ်သွားတယ်။ ရဲစခန်းနားမှာရှိတဲ့ ဗေဒင်ဆရာတယောက် မှန်သွားတယ်လို့ ပြောကြပေမဲ့ အတိအကျ တော့ မသိဘူး။”ဟု ပြောသည်။
ဗိုလ်မှူးချုပ်စောလားပွယ် ဦးဆောင်၏ ဒီကေဘီအေ တပ်မဟာ(၅)တပ်ဖွဲ့သည် စစ်အစိုးရ၏ ၂၀၁၀ ရွေးကောက်ပွဲကို ဆန့် ကျင်လာခဲ့ပြီး ကော့ကရိတ်မြို့ရှိ နအဖတပ်များကို ယနေ့အချိန်ထိ မကြာခဏ ၀င်ရောက်ပစ်ခတ်လျှက်ရှိသည်။
၎င်းအပြင် အဆိုပါ ဒီကေဘီအေတပ်ဖွဲ့သည် ပြီးခဲ့သည့် ဖေဖော်ဝါရီလ ၂၄ရက်နေ့က ကော့ကရိတ်-မြ၀တီ တောင်ပေါ်ကား လမ်းတစ်လျှောက် သွားလာနေသည့် ကုန်တင်ကားများ၊ ခရီးသည်တင်ကားများကို ကားအကြီးအငယ်အလိုက် ဒီကေဘီအေ ထံ တနှစ်စာအခွန်ပေးဆောင်ရန် စာထုတ်ပြန်ထားခဲ့သလို ၎င်းတို့နယ်မြေများကို နအဖစစ်တပ်က သိမ်းပိုက်ထားခဲ့သည့်အ တွက် မြ၀တီမြို့ရှိ စစ်အစိုးရ၏ ဌာနဆိုင်ရာရုံးများကို ၀င်ရောက်မီးရှို့ဖျက်ဆီးမည်ဖြစ်ကြောင်းလည်း ပြီးခဲ့သည့် ရက်သတ္တပတ် က မြို့နယ်အာဏာပိုင်များထံ စာပေးပို့ခဲ့ပြီးဖြစ်သည်ဟု ဒီကေဘီအေဘက်က ပြောသည်။
