.jpg)
လူပါးဝပြီး လူမဆန်တဲ့ကောင် မျိုးမစစ်တဲ့ကောင်တွေကို သေအောင်သာချဟေ့.......
စောသိန်းမြင့် (ကေအိုင်စီ)
အစိုးရနှင့် ကရင်အမျိုးသားအစည်းအရုံး-ကေအဲန်ယူတို့ ပဏာမအဆင့် အပစ်အခတ် ရပ်စဲရေး သဘော တူညီနေချိန်တွင် ပြီးခဲ့သည့်ရက် ပိုင်းကေအဲန်ယူ လက်အောက် ခံတပ်ရင်းနှင့် အစိုးရ စစ်တပ်တို့အကြား ပစ်ခတ်မှု နှစ်ကြိမ်ဖြစ်ပွားခဲ့သည်ဟု သိရသည်။
ယခုလ ၈ရက်နေ့က ကေအဲန်ယူထိန်းချုပ်ရာနယ်မြေအတွင်း ကရင်ပြည်နယ်၊ လှိုင်းဘွဲမြို့နယ်ရှိ သံလွင် မြစ်ကမ်းနံဘေးတွင် တကြိမ်၊ (၉) ရက်နေ့ညပိုင်းက မွန်ပြည်နယ်၊ ဘီးလင်းမြို့နယ် ဘီးလင်းချောင်း ဘေးနားတွင် တကြိမ် ၎င်းတို့နှစ်ဖက်အကြား ပစ်ခတ်မှုဖြစ်ပွားခဲ့ခြင်းဖြစ်သည်ဟု ကေအဲန်ယူ တပ်မဟာ (၅)က ပြောသည်။
ကေအဲန်ယူ တပ်မဟာ(၅)မှ တာဝန်ရှိသူတစ်ဦးက “တပ်မဟာ(၅)နဲ့ (၇)ကြားမှာ တခါဖြစ်တယ်။ ဘီး လင်းချောင်းနားမှာ တခါဖြစ်တယ်။ အစိုးရဘက်က ဗိုလ် (၃)ယောက်သေတယ်။ သေတဲ့အထဲမှာ ဗိုလ်မှူး တစ်ယောက်ပါတယ်။ ရုံးသို့ အချက်အလက် စုံစုံလင်လင် မရောက်သေးတဲ့အတွက် လော လောဆယ် ဒီလောက်ပဲ ပြောနိုင်တယ်”ဟု ကေအိုင်စီသို့ အတည်ပြုပြောခဲ့သည်။
အစိုးရစစ်တပ်ဘက်က ကေအဲန်ယူ သတ်မှတ်ထားသည့် လမ်းကြောင်းအတိုင်း လိုက်နာမှု မရှိသော ကြောင့် ပစ်ခတ်မှု ဖြစ်ပွားရခြင်းဖြစ်ပြီး ၎င်းပစ်ခတ်မှုတွင် ကေအဲန်ယူဘက်က ထိခိုက်ကျဆုံးမှု မရှိ ကြောင်း ကေအဲန်ယူဘက်က ပြောသည်။
ယခင်လ ဇန်န၀ါရီ ၁၂ရက်နေ့က အစိုးရနှင့် ကေအဲန်ယူ ငြိမ်းချမ်းရေးဖော်ဆောင်ရေးကိုယ်စားလှယ်တို့ ဘားအံမြို့၌ ငြိမ်းချမ်းရေး ဆွေးနွေးရာတွင် မဏာမအဆင့် အပစ်အခတ်ရပ်ဆိုင်းရေး သဘောတူညီ လက်မှတ်ရေးထိုးခဲ့ပြီးနောက် ပထမ ဦးဆုံးအကြိမ် ပစ်ခတ်မှု ပြန်လည် ဖြစ်ပွားခြင်းလည်းဖြစ်သည်။
ယင်းတို့နှစ်ဖက် စစ်တပ်အကြား ပစ်ခတ်မှု ပြန်လည်ဖြစ်ပွားမှုကြောင့် ငြိမ်းချမ်းရေးဖော်ဆောင်ရေး လုပ်ငန်းစဉ်၌ သက်ရောက်မှု ရှိမရှိကို မပြောနိုင်သော်လည်း အစိုးရနှင့် နောက်တကြိမ်တွေ့ဆုံပါက စစ်ရေးကိစ္စနှင့် ပတ်သက်ပြီး အချေအတင် ဆွေးနွေးရမည့် အခြေအနေတွင် ရှိသည်ဟု ကေအဲန်ယူ ငြိမ်းချမ်းဖော်ဆောင်ရေးကော်မတီ အတွင်းရေးမှူး ပဒိုဒေးပစ်ထောက ပြောသည်။
ကေအဲန်ယူ တပ်မဟာ(၂)နယ်မြေ ပဲခူးတိုင်း၊ သံတောင်မြို့နယ်ဘက်တွင်လည်း ယခုလ ဆန်းပိုင်းတုန်း က ရိက္ခာပစ္စည်း သယ်ဆောင်လာသည့် အစိုးရစစ်တပ်များသည် ကေအဲန်ယူ တပ်ဖွဲ့ဝင်များ ထောင် ထားသည့် မြေမြုပ်မိုင်း တက်နင်းမိသဖြင့် သေဆုံးမှုများရှိခဲ့သည်။
ကေအဲန်ယူ တောင်ငူခရိုင် ဥက္ကဌ ပဒိုစောအယ်ဝါးက“ စစ်တပ်က လမ်းကြောင်းအတိုင်း မသွားပဲ ကား လမ်းနဲ့ ခပ်ခွါခွါ တောထဲကို လျှောက်သွားတဲ့အခါကျတော့ ရွာပုန်းရွာရှောင်တွေမှာ နေထိုင်ကြတဲ့ ကျ နော်တို့ ပြည်သူတွေအတွက် အများကြီး စိုးရိမ်ရတယ်။ ဒီပုံစံအတိုင်းဆိုရင် မလွယ်ဘူး။”ဟု ပြောသည်။
ထို့အပြင် ကေအဲန်ယူ တပ်မဟာ(၂)နယ်မြေတွင် လှုပ်ရှားနေသည့် အစိုးရစစ်တပ်များဘက်က ၎င်းတို့ စစ်ကြောင်း သွားသည့် လမ်းကြောင်း ကိုက် ၁၀၀ အကွာနှင့် ၎င်းတို့ တပ်စခန်းတည်ရှိရာ ကိုက် ၂,၀၀၀ အကွာအတွင်း ကေအဲန်ယူ တပ်ဖွဲ့ဝင်များဝင်လာပါက မိမိကိုယ်ကိုယ် ကာကွယ်သည့်အနေဖြင့် ပစ်ခတ်ရလိမ့်မည်ဟု တရားဝင်စာထုတ်ပြန်ထားကြောင်း ပဒိုစောအယ်ဝါးက ပြောသည်။
.jpg)
အပစ်အခတ်ရပ်ဆိုင်းရေးကာလ အစိုးရစစ်တပ်နှင့် ကေအဲန်ယူ တပ်ဖွဲ့အကြား ပစ်ခတ်မှုဖြစ်ပွား
ကေအဲန်ယူ တပ်မဟာ(၂)နယ်မြေအတွင်း အစိုးရစစ်တပ်မှ ရိက္ခာတင်ကား ၁၅၀စီး ထပ်မံရောက်ရှိ
စောသိန်းမြင့်(ကေအိုင်စီ)
ကရင်အမျိုးသားအစည်းအရုံး (KNU) တပ်မဟာ (၂) နယ်မြေရှိ ကရင်ပြည်နယ်၊ သံတောင်မြို့နယ် ဘောဂလိဒေသဘက်တွင် အစိုးရတပ်၏ ရိက္ခာတင်ကား ၁၅၀စီး ထပ်မံရောက်ရှိလာသည်ဟု သိရသည်။
ဗိုလ်မှူးချုပ်ဝင်းဘိုရွှေ ဦးဆောင်သည့် အစိုးရစစ်တပ် တပ်မ (၆၆)မှ စစ်ရိက္ခာတင်ကား ၇၀စီးသည် ဖေဖော်ဝါရီလ ၅ ရက်နေ့ နှင့် ၇ရက်နေ့တွင် တောင်ငူမြို့နယ်၊ ဘောဂလိဒေသသို့ ရောက်ရှိလာပြီး (၈)ရက်နေ့ ညနေတွင်လည်း ရိက္ခာတင်ကား ၈၀စီး ထပ်မံရောက်ရှိလာသည်ဟု ဒေသခံတစ်ဦးက ပြောသည်။
ဖေဖော်ဝါရီလ (၇)ရက်နေ့မှစပြီး ယနေ့အချိန်ထိ မြန်မာစစ်တပ်သည် ဘောဂလိကြီး၊ မောင်းတိုင်ကြီး၊ ဘူးဆာခီးရှိ ၎င်းတို့ အခြေစိုက်စခန်းများသို့ ရိက္ခာပို့ဆောင်ပေးရာတွင် ဒေသခံရွာသားများ၏ ဆိုင်ကယ်များအား ချောဆွဲနေကြသည်ဟု ဒေသခံ များ၏ ပြောပြချက်အရ သိရသည်။
ရိက္ခာ ပို့ဆောင်နေသည့် အစိုးရ စစ်ဗိုလ်တစ်ဦးက “ဒီနယ်မြေက စစ်ဆင်ရေးနယ်မြေ။ မင်းတို့ကို ငါတို့ခိုင်း ချင်သလို ခိုင်းလို့ရ တယ်။ အခု ကေအဲန်ယူနဲ့ ငါတို့ နားလည်မှုရထားတော့ ဒီလိုသယ်ခိုင်းဖို့ကိုလည်း ကေအဲန်ယူနဲ့ နားလည်မှု ရထားပြီးသား” ဟု ချောဆွဲခံရသည့် ရွာသားများအား ပြောကြားမှုကို ကိုးကား၍ ဒေသခံ တစ်ဦးက ပြန်ပြောသည်။
အစိုးရစစ်တပ် တပ်မ(၆၆)သည် ဘောဂလိဒေသတွင် ယခုလဆန်းပိုင်းတွင်လည်း ရာနှင့်ချီသည့် ရိက္ခာတင်ကားများ ပို့ဆောင် ရာတွင် ဒေသခံများဆိုင်ကယ်များကို ရိက္ခာသယ် ပို့ခိုင်းသည့်အပြင် မော်ချီး-တောင်ငူသွားသည့် ကားလမ်းတွင်လည်း တောမီး ရှို့ခြင်းများ လမ်းဘေးတစ်လျှောက် လုပ်ဆောင်နေသောကြောင့် ရွာသားများ၏ ဖာလာခြံ၊ ကွမ်းခြံ၊ အုန်းခြံ၊ ဒူးရင်းခြံ၊ မင်းကွတ် ခြံများမှာ မီးလောင်ကျွမ်းခံရသည်။
ဇန်န၀ါရီလ ၁၂ရက်နေ့က အစိုးရနှင့် ကေအဲန်ယူ ငြိမ်းချမ်းရေး ဖော်ဆောင်ရေးအဖွဲ့တို့ ကရင်ပြည်နယ်၊ ဘားအံမြို့တွင် ငြိမ်း ချမ်းရေး ဆွေးနွေးခဲ့ရာ ၎င်းတွေ့ဆုံဆွေးနွေးမှုတွင် နှစ်ဘက်ပစ်ခတ်မှုများရပ်ဆိုင်းရေး အပါအ၀င် ပြည်နယ်အဆင့် ပဏာမ သဘောတူညီချက် (၅)ချက်ဖြင့် လက်မှတ်ရေးထိုးခဲ့သည်။
ထို့နောက် အစိုးရစစ်တပ်ဘက်မှ ကေအဲန်ယူ လှုပ်ရှားရာနယ်မြေများတွင် စစ်ရိက္ခာ ပို့ဆောင်မှုများနှင့်အတူ စစ်တပ်အင်အား တိုးချဲ့မှုများ ဆက်တိုက်လုပ်ဆောင်လျှက် ရှိသည်။
အစိုးရစစ်တပ်ဘက်မှ ယခုလို စစ်ရိက္ခာပို့ဆောင်များ အဆက်မပြတ်လုပ်ဆောင်ခြင်းသည် အစိုးရနှင့် ကေအဲန်ယူတို့အကြား ရရှိထားသည့် အပစ်အခတ်ရပ်စဲရေး ပဏာမ သဘောတူညီချက်သည် အချိန်မရွေး ပျက်ပြယ်သွားနိုင်ကြောင်း စစ်ရေးလေ့ လာသူများက သုံးသပ်ကြသည်။
ပဒိုမန်းငြိမ်းမောင်ကို အစိုးရက ထပ်မံ တရားစွဲ ရုံးထုတ်
စောခါးစူးညား (ကေအိုင်စီ)
အင်းစိန်ထောင်တွင် ထိန်းသိမ်းခံနေရသည့် ကရင်အမျိုးသား အစည်းအရုံး-KNU ဗဟိုကော်မတီ ခေါင်းဆောင် တဦးဖြစ်သူ ပဒို မန်းငြိမ်းမောင်ကို ထပ်မံ တရားစွဲဆိုရန် မြန်မာအစိုးရက ယနေ့မနက် ၁၁နာရီခွဲမှ ၁နာရီအထိ အင်းစိန်တရားရုံးတွင် ရုံးထုတ် စစ်ဆေးခဲ့သည်။
မြန်မာအစိုးရက ပဒိုမန်းငြိမ်းမောင်အား နိုင်ငံတော်ကို စစ်မက်ပြိုင်ဆိုင်တိုက်ခိုက်မှု ပုဒ်မ-၁၂၂(၁)နှင့် မတရား အသင်း ပုဒ်မ-၁၇တို့ဖြင့် စွဲချက်တင်ထားပြီးနောက်ပိုင်း ယခုလို တရားရုံးထုတ် စစ်ဆေးခဲ့ခြင်းဖြစ်သည်ဟု သူ၏အမှုကို လိုက်ပါဆောင်ရွက် ပေးနေသူ ရှေ့နေဦးကြီးမြင့်က ပြောသည်။
“အစိုးရက KNU နဲ့ လက်မှတ်ထိုးတဲ့အထိ ကူညီရင် တရားမစွဲတော့ဘူးလို့ သူ့ကို ပြောဆိုပြီးမှ အခုလို ရုံးတင်လိုက်တဲ့ကိစ္စဟာ မဖြစ်သင့်ဘူး”ဟု ပဒိုမန်းငြိမ်းမောင်က ပြောကြောင်း ၎င်းအတွက် ရှေ့နေလိုက်ပေး နေသူ ဦးကြီးမြင့်က ကေအိုင်စီသို့ ပြန် လည် ပြောဆိုသည်။
ပြီးခဲ့သည့်လ ဇန်န၀ါရီ ၁၂ရက်နေ့၌ မြန်မာအစိုးရသည် KNU ငြိမ်းချမ်းဖော်ဆောင်ရေးအဖွဲ့နှင့် ပဏာမ ပစ်ခတ် ရပ်ဆိုင်းရေး သဘောတူညီမှု လက်မှတ်ထိုးပြီးနောက် ပဒိုမန်းငြိမ်းမောင်အား ငြိမ်းချမ်းရေးလက်ဆောင်အဖြစ် လွှတ်ပေးမည်ဟု ကတိပေး ပြီးဖြစ်သော်လည်း မလွှတ်ပေးသေးသည့်အပြင် တရားရုံးထုတ် စွဲချက်တင်သည်အထိ ဖြစ်လာခဲ့ခြင်းလည်း ဖြစ်သည်။
အစိုးရက ပဒိုမန်းငြိမ်းမောင်အား ပုဒ်မ နှစ်ခုတပ်သော်လည်း တပြိုင်နက်တည်းပေါင်း၍ စွဲချက်မတင်ဘဲ တခုချင်းစီ စွဲချက်တင် ခဲ့သည်ဟု ရှေ့နေဦးကြီးမြင့်က ယခုလို ဝေဖန်ပြောဆိုသည်။
“ပုဒ်မ ၁၂၂ (၁)နဲ့ ပုဒ်မ ၁၇(၁) တပ်ပြီး သူ့ကို တခုစီ စွဲချက်တင်တယ်။ ပြစ်မှုဖြစ်ရင် တမှုစီ မစွဲသင့်ဘူး။ ပေါင်းပြီး စွဲရမယ်။ ဘာ ဖြစ်လို့လဲဆိုရင် လူသတ်မှုတခုဖြစ်တယ် ဆိုရင် ဓါးက တမှု၊ စွဲတာက တမှု၊ ရန်ဖြစ်တာက တမှုဆိုပြီးတော့ စွဲလို့မရဘူး။ ဥပဒေ အရလည်းပဲ ဖြစ်တဲ့အမှု တခုဆိုရင် တခုပဲ စွဲဆိုရမယ်လို့ ပြဌာန်းထားတယ်။”ဟု သူက ပြောသည်။
ထို့အပြင် ပုဒ်မ ၁၂၂ (၁) သည် သေဒဏ်မှ တစ်သက်တစ်ကျွန်းအထိ ချမှတ်နိုင်ပြီး ပုဒ်မ ၁၇(၁) သည် ထောင်ဒဏ် ၂နှစ်မှ ၃နှစ်အထိ ချမှတ်နိုင်ကြောင်း သိရသည်။
လာမည့် ဖေဖော်ဝါရီ ၁၃ရက်(တနင်္လာနေ့)တွင် ပဒိုမန်းငြိမ်းမောင်အား ထပ်မံ ရုံးထုတ်မည်ဖြစ်ပြီး ယခုလကုန်တွင် စီရင်ချက် ချမှတ်နိုင်ကြောင်းကို ရှေ့နေကြီးမြင့်က “ရုံးတင်တာကတော့ ၃ကြိမ်လောက်ပဲ စစ်ပြီးတော့ လျှောက်လဲချက်လာမယ်။ ပြီးရင် အမိန့်ချမှာပဲ။ ကျနော်အဲလိုပဲ ထင်တယ်။”ဟု ပြောသည်။
ပဒိုမန်းငြိမ်းမောင်အား စွဲချက်တင်ရာတွင် တရားသူကြီး ဦးလှဝင်းက ကြားနာစစ်ဆေးပြီး တရားလို သက်သေ နှစ်ဦး အပါအ၀င် သက်သေ ၆ဦးရှိကာ သက်သေအားလုံးမှာ ရဲဝန်ထမ်းများဖြစ်သည်ဟု သိရသည်။
၂၀၁၀ခုနှစ်၊ ဇူလိုင်လ ၂၄ရက်နေ့က မဟာမိတ်အဖွဲ့အချို့နှင့် သွားရောက်တွေ့ဆုံရန် ပဒိုမန်းငြိမ်းမောင်သည် ထိုင်းနိုင်ငံမှတ ဆင့် တရုတ်နိုင်ငံသို့ သွားရောက်ခဲ့သည့် ခရီးစဉ်တွင် မြန်မာနိုင်ငံသို့ ပြန်လည် ပို့ဆောင်ခံရကာ တရားမ၀င် နယ်စပ်ဖြတ်ကျော် မှု၊ တရားမ၀င် စာရွက်စာတမ်း ကိုင်ဆောင်မှု၊ မတရားအသင်းအက်ဥပဒေ ပုဒ်မ စသည်ဖြင့် အင်းစိန်ထောင်တွင် ထောင်ဒဏ် ၁၇နှစ် အကျဉ်းကျခံနေရခြင်း ဖြစ်သည်။
၎င်းသည် ကရင်အမျိုးသားအစည်းအရုံး(KNU)တွင် ဗဟိုကော်မတီဝင်တဦးဖြစ်သည့်အပြင် တိုင်းရင်းသား လက်နက်ကိုင်အဖွဲ့ (၁၂)ဖွဲ့ဖြင့် ပူးပေါင်းဖွဲ့စည်းထားသည့် ညီညွှတ်သော တိုင်းရင်းသားလူမျိုးများ ဖက်ဒရယ် ကောင်စီ(UNFC)တွင် ကော်မတီဝင် တစ်ဦးလည်း ဖြစ်သည်။
ရန်ကုန်လေဆိပ်ခြိမ်းခြောက်စာ ဘန်ကောက်သံရုံးရရှိ
VOA
ဒီနေ့ ဖေဖော်ဝါရီလ ၈ ရက်နဲ့ မနက်ဖြန် ၉ ရက်နေ့တွေမှာ ရန်ကုန်လေဆိပ်ကို တိုက်ခိုက်မှုလုပ်မယ် ဆိုတဲ့ ခြိမ်းခြောက်စာတစောင်ကို ထိုင်းနိုင်ငံ၊ ဘန်ကောက်မှာရှိတဲ့ မြန်မာသံရုံးက ရရှိခဲ့ပါတယ်။ ဒါပေမဲ့ အကြမ်းဖက်မှု တန်ပြန်ရေး ကျွမ်းကျင်သူတွေက အလာရဲ့သားတော်များလို့ဆိုတဲ့ဆီက စာဟာ ခြိမ်းခြောက်စာ အစစ်အမှန်မဟုတ်ဘူးလို့ ပြောပါတယ်။ အကြောင်းစုံကို ဘန်ကောက်ရုံးက မစုမြတ်မွန်က စုံစမ်းတင်ပြထားပါတယ်။
ဖေဖော်ဝါရီလ ၈ ရက် ဗုဒ္ဓဟူးနေ့နဲ့ ၉ ရက် ကြာသာပတေးနေ့တွေမှာ ရန်ကုန်လေဆိပ်ကို ဆိုက်ကပ်မယ့် မြန်မာ့လေကြောင်းလိုင်းကိုအသုံးပြုပြီး တိုက်ခိုက်မှုလုပ်မယ်ဆိုတဲ့ စာကို ဘန်ကောက်မှာရှိတဲ့ မြန်မာသံရုံးက လွန်ခဲ့တဲ့ တပတ်လောက်က ရရှိခဲ့တာပါ။
ပေးပို့သူတွေက သူတို့ကိုယ် သူတို့ Sons of Allah အလာရဲ့ သားတော်များလို့ ဆိုထားပါတယ်။ ဒီစာကို သက်ဆိုင်ရာနဲ့ နိုင်ငံတကာက အကြမ်းဖက်မှုတန်ပြန်ရေးဆိုင်ရာ ကျွမ်းကျင်သူတွေက စုံစမ်း စစ်ဆေးခဲ့ပြီးနောက်မှာ ဒီစာဟာ တကယ့်အကြမ်းဖက်သမားတွေဆီက ပေးပို့တဲ့စာ အစစ်အမှန် မဟုတ်ဘူးလို့ အသိပေးခဲ့တဲ့အကြောင်း အပြည်ပြည်ဆိုင်ရာမြန်မာ့လေကြောင်း MAI ဘန်ကောက်ရုံး အကြီးအကဲက VOA မြန်မာပိုင်းကို ပြောပြပါတယ်။
“သံရုံးကနေ ကျနော်တို့ကို Report လုပ်ထားတာကတော့ ဒါက သက်ဆိုင်ရာ အာဏာပိုင်နဲ့ US ambassary နဲ့ အစ္စရေး Ambassary က သူတို့ကို- သံရုံးကို အကြောင်းကြားထားတယ်၊ အဲဒီစာဟာ တကယ်တော့ မဟုတ်ဘူးဆိုတာ US ambassary နဲ့ အစ္စရေး Ambassary က အတည်ပြုပေးထားပါတယ်”
ဘန်ကောက်မြန်မာသံရုံးမှာ ခြိမ်းခြောက်စာ ရရှိခဲ့ပြီးတဲ့နောက်မှာ ဗုံးခွဲတိုက်ခိုက်မယ်ဆိုတဲ့ ခြိမ်းခြောက်မှုကြောင့် အဲဒီရက်တွေမှာ MAI လေကြောင်းလိုင်းက လေယဉ်တွေမစီးဖို့ ကုလသမဂ္ဂ လက်အောက်ခံအဖွဲ့အစည်းတွေက ဝန်ထမ်းတွေကို ကုလသမဂ္ဂက ရုံးတွင်းအကြောင်းကြားစာ ထုတ်ပြန်ခဲ့ပါတယ်။ ဒါပေမဲ့ MAI ဘန်ကောက်ရုံး အကြီးအကဲကတော့ လုပ်ကြံခြိမ်းခြောက်စာထဲမှာ အဓိက ရန်ကုန်လေဆိပ်ကို တိုက်ခိုက်မယ်လို့ ပြောထားတာလို့ ခုလို ရှင်းပါတယ်။
“ကျနော်ပြောနိုင်တာ အဲဒီစာထဲမှာ ရေးထားတဲ့ဟာကတော့ ရန်ကုန်လေဆိပ်ကို attack လုပ်မယ် (တိုက်ခိုက်မယ်) ဆိုပြီးတော့ပဲ ပြောတာပါ။ Myanmar Airway International လို့ မပါဘူး။ ဒါပါပဲ။ အဲဒီဟာကို မြန်မာ အဲယားဝေး ကော်မာရှယ် ဖလိုက် (Myanmar Airway Commercial Flight) နဲ့ သယ်သွားမယ် ဆိုပြီး ရေးထားတယ်။ ဘယ်ကသယ်မယ်လို့လည်း မရေးထားဘူး၊ ဘယ်က လာမယ်လို့လည်း မရေးထားဘူး။ ဘာမှလည်း မပါတဲ့ဟာ တခုပေါ့နော်- ရက်ကတော့ ၈ ရက်နဲ့ ၉ ရက်လို့ ပြောထားတယ်”
မြန်မာသံရုံးကရရှိတဲ့ ခြိမ်းခြောက်စာနဲ့ ပတ်သက်ပြီး ထိုင်းနိုင်ငံခြားရေးဝန်ကြီးဌာနနဲ့ ထိုင်းစီအိုင်ဒီ (CID) ရဲဌာနကို သံရုံးက အကြောင်းကြားထားတယ်လို့ သံရုံးနဲ့ နီးစပ်တဲ့သတင်းရပ်ကွက်ကနေ သိရပါတယ်။ ဒီစာဟာ အစစ်အမှန်မဟုတ်တဲ့အတွက် စိုးရိမ်စရာမဟုတ်ဘူးလို့ ကျွမ်းကျင်သူတွေက အခုနောက်ဆုံး အသိပေးထားတယ်ဆိုပေမယ့် မြန်မာနိုင်ငံမှာ တိုက်ခိုက်မှုလုပ်မယ်ဆိုတဲ့ ခြိမ်းခြောက်စာ ရရှိတာဟာ ဦးသိန်းစိန် အစိုးရလက်ထက်မှာ သိရသလောက် ပထမဆုံးဖြစ်ပါတယ်။
ရိက္ခာပို့၊ တပ်အင်အားတိုးလာသည့် အစိုးရတပ်များ မိုင်းထိမှန်၍ သေဆုံးဒဏ်ရာရ
စောခါးစူးညား (ကေအိုင်စီ)
ကရင်ပြည်နယ် သံတောင်မြို့နယ်၊ ဘောဂလိဒေသ၌ ယခုရက်ပိုင်းအတွင်း ရိက္ခာပို့ဆောင်ပြီး တပ်အင်အား တိုးချဲ့လာသည့် မြန် မာအစိုးရတပ်များသည် ကရင်အမျိုးသားအစည်းအရုံး-KNU လက်အောက်ခံတပ်များ၏ မြေမြုပ်မိုင်းထိ၍ ၆ဦး သေဆုံးပြီး ၇ဦး ဒဏ် ရာရရှိခဲ့သည်ဟု သိရသည်။
ယခင်လ ဇန်န၀ါရီ ၂၉ရက်နေ့က ဘောဂလိဒေသတွင် တပ်အင်အားတိုးချဲ့၍ ရိက္ခာပို့နေသော အစိုးရတပ် တပ်မ(၆၆) လက် အောက်ခံ ခလရ(၈၀)တပ်ရင်းသည် KNU လက်အောက်ခံ ကရင်အမျိုးသားလွတ်မြောက်ရေး တပ်မတော်-KNLA ၏ မိုင်းနှင့် ထိမှန်ခဲ့ခြင်းဖြစ်ကြောင်း KNU တောင်ငူခရိုင်၊ တပ်မဟာ(၂)မှ စစ်ဖက်ဆိုင်ရာ သတင်းအရ သိရသည်။
KNU တွဲဖက်အတွင်းရေးမှူး(၁) ဗိုလ်မှူးစောလှငွေက “ငြိမ်းချမ်းရေး တည်ဆောက်နေတဲ့ကာလမှာ ပြဿနာ မဖြစ်အောင် နှစ်ဦးနှစ် ဖက် ထိန်းသိမ်းတာပဲ။ ဒါပေမယ့် အဲဒီဒေသက မိုင်းဟောင်းတွေ ရှင်းလင်းရသေးတာ မဟုတ်ဘူး။ သူတို့ကိုလည်း သွားလာတာလုပ် ရင် လမ်းမကြီးအတိုင်းပဲ သွားဖို့ပြောထားတယ်။ လမ်းမကြီးအတိုင်း မသွားတော့ မိုင်းထိတာပေါ့။”ဟု ပြောဆိုသည်။
မိုင်းထိ၍ သေဆုံးသွားသည့် မြန်မာစစ်တပ်များထဲတွင် ခလရ(၈၀) တပ်ရင်းမှူး ဒုဗိုလ်မှူးကြီး မျိုးမင်းသန့်လည်း ပါဝင်သည်ဟု KNU ဘက်က ပြောသည်။
မြန်မာအစိုးရသည် KNU နှင့် ပြည်နယ်အဆင့် ပဏာမ အပစ်အခတ် ရပ်ဆိုင်းရေး သဘောတူညီမှု ရရှိခဲ့သော်လည်း KNU ထိန်း ချုပ်နယ်မြေများအတွင်း တပ်အင်အားများ တိုးချဲ့လာသကဲ့သို့ ရိက္ခာများ ပိုမို ပို့ဆောင်လာစဉ် ယခုလို မြေမြုပ်မိုင်း ထိမှန်ခဲ့ခြင်း ဖြစ်သည်။
ဘောဂလိရွာသား ကရင်အမျိုးသားတစ်ဦးက “ဗမာစစ်တပ်က လမ်းမပေါ်ကနေ မသွားဘဲ ရွာထဲ၊ တောထဲတွေက လိုက်သွားတော့ ကျနော်တို့ရွာသားတွေလည်း ခြံထဲမသွားရဲ၊ အပြင်မထွက်ရဲဘဲ ကြောက်နေကြတယ်လေ။”ဟု ဖေဖော်ဝါရီလ ၄ရက်နေ့က ကေအိုင် စီသို့ ပြောသည်။
ထို့အပြင် အင်အားတိုးချဲ့နေသည့် အစိုးရတပ်သည် တောင်ငူမှတဆင့် ဘောဂလိဒေသကို ဖြတ်ကာ ၎င်းတို့ တပ်စခန်းရှိရာ ဘူဆာ ခီးသို့ ရိက္ခာပို့ဆောင်ရန် ထိုဒေသရှိ ဘောဂလိရွာသားများကို လုပ်အားပေး ခေါ်ယူခိုင်းစေလျှက်ရှိသည်ဟုလည်း ဒေသခံများက ပြောသည်။
မြန်မာအစိုးရနှင့် KNU တို့ ဇန်န၀ါရီလ ၁၂ရက်နေ့က ပဏာမ အပစ်အခတ် ရပ်ဆိုင်းရေး သဘောတူ လက်မှတ်ရေးထိုးမှုနောက် ပိုင်းမှ ယခုအချိန်ထိ KNU ထိန်းချုပ်နယ်မြေများဖြစ်သည့် တပ်မဟာ(၁)၊ (၂)၊ (၃)၊ (၅)နှင့် (၆)တို့တွင် မြန်မာစစ်တပ်ဘက်မှ ရိက္ခာ နှင့် တပ်အင်အားများကို တိုးချဲ့လျှက်ရှိသည်။
KNU နဲ့ အစိုးရ ငြိမ်းချမ်းရေးဆွေးနွေးမှုဆိုင်ရာ ၂၀၁၁-၂၀၁၂ (ကရင်လူထုအားလုံးထံသို့ ကျမရဲ့ တတိယပို့စာ )
နော်ဝါးဝါးဖိုး ၊ဖေဖော်ဝါရီလ ၅ ရက်၊ ၂၀၁၂ ခုနှစ်။
ကျမရဲ့ ပထမပေးစာနဲ့ ဒုတိယပေးစာကို ပြန်ဖတ်ကြည့်မယ်ဆိုရင် လက်ရှိလုပ်နေတဲ့ ကရင်အမျိုးသားအစည်းအရုံး (ကေအဲန် ယူ)ရဲ့ ကမ္ဘာသိငြိမ်းချမ်းရေး ကို နောက်ပြန်ဆုတ်ဖို့ (ဒါမှမဟုတ်) ရပ်တန်းက ရပ်ဖို့ အငြင်းပွား အပြစ်ဆိုနေကြမယ့်အစား ကိုယ့် ဘက်က နစ်နာမှုတွေ မရှိအောင် အားလုံးအတူတကွ ၀ိုင်းဝန်း နည်းလမ်းရှာပေးကြဖို့၊ အားပေးကြဖို့ တိုက်တွန်းထားတာ တွေ့ရ မှာပါ။ ကမ္ဘာ့အသိုင်းအ၀ိုင်းမှာ ကရင်အမျိုးသားတွေဟာ သွေးဆူနေတဲ့ စစ်သွေးကြွတွေ မဟုတ်ဘူးဆိုတာကို ဒီဆွေးနွေးပွဲက နေ ပြသလိုက်တာပါဘဲ။
အစိုးရဘက်က သူတို့တွေဟာ ပြောင်းလဲမှုလုပ်ချင်တဲ့ ဆန္ဒရှိကြောင်း၊ ငြိမ်းချမ်းရေးကို မြတ်နိုး ကြောင်း မီဒီယာကတဆင့် နိုင်ငံတကာသိအောင် ကြိုးစားပြီး ကမ္ဘာ့ထောက်ခံမှု ယူနေတဲ့ နိုင်ငံရေးကစားပွဲမှာ ကျမတို့မပါရင် ကျမတို့အမျိုးသားတွေကို သွေးဆူနေတဲ့ စစ်သွေးကြွတွေလို့ သူတို့ ခေါင်းစဉ်တပ်မှာမလွဲပါဘဲ။ အဲဒီအခါမှာ ကမ္ဘာ့ အသိုင်းအ ၀ိုင်းကလည်း ထင်ယောင်ထင်မှားတွေ ဖြစ်ကောင်းဖြစ်လာနိုင်ပါတယ်။ အခုလို ကမ္ဘာ့ရွာခေတ်ကြီးမှာ ကမ္ဘာ့အသိုင်းအ၀ိုင်းရဲ့ အရေးပါမှုကို ကျမတို့ အမြဲထည့်သွင်း စဉ်းစားရမှာပါ။
ဒါပေမယ့် ကစားပွဲဟာ မျှမျှတတမရှိဘဲ ကျမတို့ဘက်ကချည်း အလျော့ပေး လိုက်လျောနေရတဲ့ ပုံစံမျိုးတော့ မဖြစ်သင့်ပါဘူး။ ကရင်လူထုအတွက် မျှတမှုမရှိ၊ စစ်မှန်တဲ့ ငြိမ်းချမ်းရေး မရနိုင်တဲ့ အခြေအနေမျိုးကို ရောက်လာတဲ့အခါကျရင် ကျမတို့ ဒီပွဲက နေ ထွက်ပြီဖြစ်ကြောင်း ပြတ်ပြတ်သားသားနဲ့ ကရင့်အသိုင်းအ၀ိုင်း၊ နိုင်ငံတကာအသိုင်းအ၀ိုင်းကို အသိပေးကြေငြာရမှာပါ။ ဒါဟာ ကရင်တွေရဲ့ ရိုးဖြောင့်တဲ့ သဘောထားကို ကရင့်အသိုင်းအ၀ိုင်းနဲ့ နိုင်ငံတကာကို အရိုးရှင်းဆုံး ပြသလိုက်တာပါဘဲ။ ငြိမ်းချမ်းရေးရဖို့ အတတ်နိုင်ဆုံး ကြိုးစား တည်ဆောက်နေတာပါ။ ဒါပေမယ့် ကျမတို့ကရင်တွေ နှစ် ၆၀ကျော် တိုက်ယူလာတဲ့ ပေးဆပ်ခဲ့တဲ့ ကရင့်သွေးတွေနဲ့ အခု တည်ဆောက်ပြီးသလောက် ငြိမ်းချမ်းရေးဟာ တန်ဖိုးညီမျှနေပြီလို့တော့ ဆိုလိုတာ မဟုတ်ပါဘူးနော်။ အများကြီးကို ကျမတို့ ကြိုးစားသွားရဦးမှာပါ။ ကျမနဲ့နည်းတူ ကျမတို့ ကရင်တိုင်းရင်းသားအားလုံးလည်းပဲ ကရင်တွေညီညွှတ်ပြီး တိုးတက်လာမှာကိုပဲ မျှော်လင့်နေကြမယ်ဆိုတာ ကျမ လုံးဝ ပြောရဲပါတယ်။
ကျမတို့လူမျိုးကြားက ပူးပေါင်းဆောင်ရွက်မှုတခုကို မကြာသေးခင်ကဘဲ တွေ့မြင်ခဲ့ရပါတယ်။ ဒါကတော့ ကရင်အမျိုးသမီးအ စည်းအရုံး (KWO) က အစိုးရနဲ့ပြုလုပ်မယ့် နောင်လာမယ့် ဆွေးနွေးပွဲတွေမှာ ကရင်အမျိုးသားအစည်းအရုံး (KNU) နဲ့အတူ ပူးပေါင်းပါဝင်သွားမယ်ဆိုတာပါဘဲ။ အစိုးရနဲ့ KNU ကြား အပစ်အခတ်ရပ်စဲရေး ပဏာမလက်မှတ်ရေးထိုးပြီးနောက်ပိုင်းမှာ KWO ဟာ KNU ကို ပြင်းထန်တဲ့ ကန့်ကွက်စာတစောင်ရေးသားပေးပို့ခဲ့တာ အများလည်း သိရှိပြီးသားဖြစ်မှာပါ။ အခုအဲဒါနဲ့ ဆန့်ကျင်ဘက် ဆွေးနွေးမှုထဲ ပူးပေါင်းဆောင်ရွက်သွားမယ်ဆိုပြီး ထုတ်ပြန်ကြေငြာခဲ့တဲ့ KWO ကို ကျမအနေနဲ့ ထောက်ခံပါ တယ်။ ဘာဖြစ်လို့လဲဆိုတော့ အခုချိန်မှာ လိုအပ်နေတဲ့ အပြုသဘောဆောင်တဲ့လုပ်ရပ်ကို KWO က လုပ်လိုက်လို့ပါပဲ။ အခုလို သူတို့ ပါဝင်ခြင်းအားဖြင့် နယ်စပ်ကျေးရွာတွေမှာ အစိုးရတပ်တွေရဲ့ လိင်ပိုင်းဆိုင်ရာ အနိုင်ကျင့်မှုတွေ အပါအ၀င် မတရားမှု အမျိုးမျိုးကို တွေ့ကြုံခံစားနေရတဲ့ ကျမတို့ ကရင်အမျိုးသမီးတွေအရေးကို သူတို့ ထည့်သွင်းဆွေးနွေးခွင့်ရှိတော့မှာပါ။
ဆွေးနွေးပွဲတွေဟာ ငြိမ်းချမ်းရေးပန်းတိုင်ကို ရောက်ဖို့အတွက် အရေးပါတဲ့ ပထမခြေလှမ်းဆိုရင် မမှားပါဘူး။ စစ်မှန်တဲ့ ငြိမ်းချမ်းရေးဆီရောက်ဖို့အတွက် ပထမခြေလှမ်းဟာ အရေးကြီးသလို၊ ဒုတိယခြေလှမ်း၊ တတိယခြေလှမ်း စသဖြင့် ခြေလှမ်း တိုင်းဟာ အရေးပါလှပါတယ်။ ခြေလှမ်းတိုင်းကို ဂရုမစိုက်ရင် လှမ်းလျောက်ရင်း လမ်းပျောက်သွားတတ်ပါတယ်။ အစိုးရက ၀ါဒဖြန့်ခဲ့တဲ့ ငြိမ်းချမ်းရေးဆိုတဲ့ ခေါင်းစဉ်အောက်မှာ လမ်းလျောက်ရင်းလမ်းပျောက်လို့ ကရင်လူထုလိုချင်တဲ့ ငြိမ်းချမ်းရေးအ ဆင့်ကို မရောက်ခဲ့တဲ့ အဖွဲ့တွေကိုလည်း ကျမတို့ တွေ့ခဲ့ဖူးပါပြီ။
၁၉၉၄ ခုနှစ်မှာ KNU ကနေ ခွဲထွက်ပြီး အစိုးရနဲ့ အပစ်အခတ်ရပ်စဲရေးလုပ်ခဲ့တဲ့ တိုးတက်သော ကရင်ဗုဒ္ဓဘာသာ တပ်မတော် (DKBA) အဖွဲ့ရဲ့ အဖြစ်အပျက်ကို အထင်ရှားဆုံး ဥပမာ အနေနဲ့ အတိုချုပ် ပြောပြချင်ပါတယ်။ အပစ်အခတ်ရပ်စဲရေး လုပ်ပြီး နောက်ပိုင်းမှာ DKBA အဖွဲ့ဟာ အစိုးရနဲ့ သဘောတူ သတ်မှတ်ခဲ့တဲ့ နယ်မြေတချို့မှာ အထိုက်အလျောက် လွတ်လပ်စွာ လှုပ်ရှားသွားလာခွင့်ရခဲ့ပါတယ်။ ဖားအံ ကနေ မြ၀တီတလျောက် သူတို့လက်နက် သူတို့ကိုင်ပြီးတော့ အဖွဲ့အစည်း ခေါင်းစဉ် အောက်မှာ စီးပွားရေးတွေ လုပ်ခဲ့ကြပါတယ်။ ကျွဲကူးရေပါဆိုသလို အဲဒီဒေသတ၀ိုက်က လူတွေရဲ့ ဘ၀လည်း အတန်အသင့် တိုးတက်ခဲ့တာ တွေ့ရပါတယ်။ ဒါပေမယ့် အဲဒါတွေဟာ ကျမတို့လိုချင်တဲ့ တန်းတူရေးလား၊ ကျယ်ပြန့်တဲ့ ငြိမ်းချမ်းရေးလားဆို တော့ မဟုတ်သေးပါဘူး။
ကရင်ပြည်နယ်ထဲမှာရှိတဲ့ ကရင်တွေအပါဝင် မွန်ပြည်နယ်၊ ပဲခူးတိုင်း၊ ရန်ကုန်တိုင်း၊ တနင်္သာရီတိုင်းနဲ့ ဧရာဝတီတိုင်းမှာရှိတဲ့ ကရင်တွေအဖို့ DKBA လုပ်ခဲ့တဲ့ ငြိမ်းချမ်းရေးနဲ့ အလှမ်းဝေးခဲ့ကြပါတယ်။ DKBA ရယူခဲ့တဲ့ ငြိမ်းချမ်းရေးဟာ ကန့်သတ်ခံ ငြိမ်းချမ်းရေးလို့ဘဲ ကျမပြောချင်ပါတယ်။ အစိုးရနဲ့ DKBA အဖွဲ့ကြား သေနတ်ပြောင်း တယောက်နဲ့ တယောက် မချိန်ကြဖို့ သဘောတူခဲ့တဲ့ ငြိမ်းချမ်းရေးသာဖြစ်ပါတယ်။ အလားတူဘဲ တခြား KNU ခွဲထွက် ငြိမ်းချမ်းရေးအဖွဲ့တွေဖြစ်တဲ့ ဖဒိုအောင်ဆန်း ဦးဆောင်တဲ့ အဖွဲ့အပါဝင် တပ်မဟာ(၇) မှူးဟောင်း ဗိုလ်မှူးချုပ်ထင်မောင် ဦးဆောင်တဲ့ အဖွဲ့တွေဟာ နယ်မြေတကွက်စာ ငြိမ်းချမ်းရေးကိုဘဲ ယူနိုင်ခဲ့ကြတာတွေ့ရပါတယ်။
ဒါကြောင့် ကရင်လူထုကြီးဟာ လွန်ခဲ့တဲ့ နှစ် ၆၀ က တောင်းဆိုခဲ့တဲ့ ကရင်တကျပ်၊ ဗမာတကျပ် ဆိုတဲ့ တန်းတူအခွင့်အရေးနဲ့ အလှမ်းဝေးလျက် ရှိနေပါသေးတယ်။ ကျေးလက်နေပြည်သူတွေလည်း အစိုးရတပ်ရဲ့ အနိုင်ကျင့်ဗိုလ်ကျမှုကစလို့ သတ်ဖြတ်မှု တွေအဆုံး လည်စင်းပြီး ခံနေရတုန်းဖြစ်ပါတယ်။ အဲဒီ ကရင်ပြည်သူတွေ အေးအေးချမ်းချမ်းနဲ့ လုပ်ကိုင်စားသောက်နိုင်ဖို့၊ တန်းတူအခွင့်အရေး ရဖို့အတွက် အခုလို အစိုးရနဲ့ ဆွေးနွေးနေတဲ့ KNU အပေါ် ကျမတို့ မျှော်လင့်ချက်ထားမိတာ ဆန်းတော့ မဆန်းပါဘူး။ KNU အဖွဲ့အစည်းကလည်း ပြည်သူတွေရဲ့ ဆန္ဒကို ရှေ့တန်းတင်ပေးရမှာ ဖြစ်ပါတယ်။ အပစ်အခတ်ရပ်စဲရေးအ တွက် ပဏာမ စာချုပ် ချုပ်ဆိုပြီးတဲ့ နောက်မှာလည်း ကျမတို့ ကရင်လူထုကြားမှာ သဘောမတူမူတွေ များလာတာကိုလည်း တွေ့ရှိခဲ့ရတဲ့အတွက် နောက်ထပ် ကျမတို့ ကရင်အသိုင်းအ၀ိုင်းကြားမှာ သဘောထားကောက်ခံမှုကို အလေးအနက်ထား လုပ်ဆောင်မယ်ဆိုရင် အင်မတန်မှ ကောင်းမွန်မှာပါ။ လူထုသဘောထားတွေကို အခြေခံပြီးတော့ ဆွေးနွေးသွားသင့်ပါတယ်။ KNU ခွဲထွက်အဖွဲ့တွေ ရခဲ့တဲ့ ငြိမ်းချမ်းရေးလိုမျိုးကိုဘဲ အခွံပြောင်းပြီးပေးလာမယ်ဆိုရင် မိခင်အစည်းအရုံးဖြစ်တဲ့ KNU အနေနဲ့ လက်ခံသွားမယ်လို့တော့ မထင်ပါဘူး။ ကရင်ပြည်နယ် အလုံးစုံ ငြိမ်းချမ်းတဲ့ ပန်းတိုင်ကို ရောက်ဖို့အတွက် ကျမတို့ ခေါင်းဆောင်တွေ ခြေလှမ်းတွေ အများကြီးလှမ်းရဦးမှာပါ။
ပြီးခဲ့တဲ့လဆန်းပိုင်း ငြိမ်းချမ်းရေးခရီးစဉ်မှာ KNU ကရင်ခေါင်းဆောင်တွေနဲ့ ဘားအံဒေသမှာရှိတဲ့ ကရင်လူထုတွေရဲ့ ပထမဆုံး အကြိမ် တွေ့ဆုံမူရဲ့ ဗီဒီယိုမှတ်တမ်းကို တွေ့တော့ ကျမအတော်လေးကို ပီတိ ဖြစ်ရပါတယ်။ ဒီလိုပဲ ကျမတို့ ကရင်ကြားမှာရှိတဲ့ နွေးထွေးတဲ့ ချစ်ချင်းကိုပြန်လည်ပြီး ယူရမှာပဲလေ။ တစ်ယောက်နဲ့ တစ်ယောက်၊ တဖွဲ့ နဲ့ တဖွဲ့လည်း အစတော့ စိမ်းနေကြမှာ ပေါ့။ နောက်တော့ သွေးက စကားပြောလာမှာပါ။ အမှန်တကယ်တော့ ကရင်ပြည်မှာ ကရင်ခေါင်းဆောင်နဲ့ ကရင်လူထုတွေ က မိခင် နဲ့ သားသမီးတွေလိုပါဘဲ။ အခုတော့ ကရင်ခေါင်းဆောင်တွေက ကရင်ပြည်မှာ ဧည့်သည်ပြန်လုပ်နေရတဲ့ဘဝကို ရောက်နေကြပါတယ်။ ကရင်ပြည်သူ အားလုံးကလည်း ကရင့်ခေါင်းဆောင်တွေရဲ့ အုပ်ချုပ်မူအောက်မှာပဲ နေချင်ကြမယ်ဆို တာ ကျမ ယုံကြည်ပါတယ်။ ကရင်ခေါင်းဆောင်တွေဟာ ပြည်သူအတွက်၊ ပြီးခဲ့တဲ့ နှစ် ၆၀ကျော်က အစပြုခဲ့တဲ့ တော်လှန်ရေး အတွက်နဲ့ ယုံကြည်ချက်ကို အရင်းပြုပြီး အနှစ်နှစ်အလလ တောတောင်ထဲမှာပဲနေခဲ့ရတာရှိသလို အိမ်နီးချင်းနိုင်ငံမှာ ကပ်ပြီး နေခဲ့ရတာတွေလည်း ရှိပါတယ်။ အစိုးရကတော့ သူပုန်၊ သောင်းကျန်းသူ၊ အဖျက်သမား၊ ငပွေးတွေဆိုပြီး နှစ် ၆၀လုံးလုံး KNU ခေါင်းဆောင်တွေကို သတ်မှတ်ခေါ်ဝေါ်ခဲ့တာပါ။ အဲဒီလို တစ်ဦးနဲ့တစ်ဦးလည်း တွေ့ဆုံခွင့်မရတဲ့ အခြေအနေတွေကြားမှာ ကျမတို့ ကရင်အားလုံး ဖြတ်သန်းလာခဲ့ရတာပါလား။
ကျမတို့တွေ စည်းလုံးဖို့ အချိန်တန်ပါပြီ။ DKBA, KNU/KNLA Peace Council ဆိုတဲ့ အဖွဲ့တွေကလည်း လက်ရှိ KNU က အကောင်အထည်ဖော်နေတဲ့ ငြိမ်းချမ်းရေးကို တတ်နိုင်တဲ့ဖက်ကနေ ၀ိုင်းဝန်း ကူညီအကြံပေးသွားကြပါ။ KNU အနေနဲ့လည်း တကွက်စာ ငြိမ်းချမ်းရေး၊ တဖွဲ့စာ အကျိုးစီးပွားနဲ့ စီးပွားရေးစီမံကိန်းလုပ်ပိုင်ခွင့်တွေကို မကြည့်ဘဲ ကရင်လူထုတရပ်လုံး အကျိုးရှိမယ့် တန်းတူခွင့်နဲ့ စစ်မှန်တဲ့ ငြိမ်းချမ်းရေးကို ရတဲ့အထိ အစိုးရနဲ့ အကျေအလည် ဆွေးနွေးသွားသင့်ပါတယ်။ ဆွေးနွေးပွဲရဲ့ အရေးပါတဲ့ နောက်ဆုံးရလဒ်ကို လက်မှတ်ရေးထိုးတဲ့အခါမှာလည်း ကမ္ဘာ့အတိုင်းအတာနဲ့ အများလေးစားခံရ၊ နာမည်ရှိနေတဲ့ UN၊ ILO ၊ ICRC တို့လိုမျိုး အဖွဲ့တွေကို သက်သေထားသင့်ပါတယ်။ ဒါမှလည်း အစိုးရက လွယ်လွယ်ကူကူနဲ့ ကတိဖျက်လို့မရမှာပါ။
သဘောတူညီချက်တွေ အပြီးမှာလည်း ကရင်နယ်မြေတွေထဲကို ဆူနာမီလှိုင်းလုံးလို အရှိန်အဟုန်နဲ့ လိမ့်တက်လာမယ့် စီးပွား ရေးစီမံကိန်းတွေကို KNU အနေနဲ့ အလျင်စလို သဘောတူ အကောင်အထည်ဖော်မယ့်အစား ဒေသ တည်ငြိမ်မှုရှိအောင်၊ လူ့စွမ်းအားအရည်အချင်းတွေ ဖွံ့ဖြိုးတိုးတက်လာအောင်၊ အများနေချင်စဖွယ် လူ့အခွင့်အရေး ပြည့်ဝတဲ့ ဒေသတရပ်ဖြစ်အောင် အရင်ဆုံး ကြိုးပမ်းလုပ်ဆောင်သွားသင့်ပါတယ်။ ဒါမှလည်း ဒေသခံ ကရင်လူထုတွေဟာ သူတို့ဒေသမှာ ၀င်ရောက်လာတဲ့ ဖွံ့ဖြိုးရေးစီမံကိန်းနဲ့ စီးပွားရေးလုပ်ငန်းတွေမှာ အများနဲ့အတူရင်ပေါင်တန်းပြီး အလိုက်သင့် ၀င်ရောက်လုပ်ကိုင်သွားနိုင်ကြမှာ ဖြစ်ပါတယ်။ ဒီလိုမှ မဟုတ်ဘဲ လက်ရှိအတိုင်းသာ စီးပွားရေးလုပ်ငန်းတွေ ၀င်ရောက်လုပ်ကိုင်ခွင့်ပြုလိုက်မယ်ဆိုရင် နှစ်ပေါင်း ၆၀လောက် ပညာရေး၊ စီးပွားရေးလို အစစအရာရာ နောက်တန်းကျနေတဲ့ ရိုးသားတဲ့ ကျမတို့ ဒေသခံ ကရင်ပြည်သူတွေဟာ ခေတ်နဲ့အညီ အံ့ဝင်ခွင်ကျမဖြစ်တော့ဘဲ အများခိုင်းဘက်ပဲ ဖြစ်သွားမှာ ကျမ အင်မတန် စိုးရိမ်မိပါတယ်။
ကျမတို့ ကရင်ပြည်သူလူထုတွေလည်း သူတပါးရဲ့ အသုံးပြုခြင်းခံနေရတဲ့ ပြည်သူတွေမဟုတ်ပဲ ကိုယ့်ကြမ္မာကိုယ် ဖန်တီးကြပါ လို့ တိုက်တွန်းချင်ပါတယ်။ လာမယ့်ငြိမ်းချမ်းရေးဆွေးနွေးပွဲမှာ ကျမတို့တတွေ စစ်မှန်တဲ့ငြိမ်းချမ်းရေးရချင်မှရမှာပါ။ မရရင် လည်း KNU ဥက္ကဌ ဗိုလ်ချူပ်တာမလာဘောပြောသလို ကြိုတင်ပြင်ဆင်မူတွေ ရှိထားသင့်ပါတယ်။ စစ်ရေး၊ နိုင်ငံရေး၊ စည်းရုံး ရေး အစစအရာရာပေါ့။
အခုလို တနိုင်ငံလုံးအတိုင်းအတာနဲ့ စစ်မှန်တဲ့ ငြိမ်းချမ်းရေး မရရှိသေးတဲ့ အချိန်အခါမှာ ကရင် ငြိမ်းချမ်းရေးအဖွဲ့တွေကလည်း အစိုးရနဲ့ သူ့အပေါင်းအဖော် စီးပွားရေးသမားတွေ သွားရည်ယိုနေတဲ့ ကရင်မြေက သယံဇာတတွေကို အတတ်နိုင်ဆုံး ကာကွယ်ကြပါ။ စစ်မှန်တဲ့ တန်းတူ နိုင်ငံရေး၊စီးပွားရေး၊ ပညာရေး၊ ဘာသာရေးလုပ်ပိုင်ခွင့်တွေ ရတဲ့အခါကျမှသာ ကရင်ပြည် ရဲ့ သယံဇာတကို ဒေသခံတွေရဲ့ ပြန်လည်ထူထောင်ရေးလုပ်ငန်းတွေအတွက် ထုတ်ယူသုံးစွဲဖို့ ရေရှည်စီမံချက်တစ်ခုလုပ်ဖို့ လိုအပ်နေပါပြီလို့ အကြံပြုရင်း………………
နော်ဝါးဝါးဖိုး
ကျမရေးတဲ့စာတွေနဲ့ ပတ်သက်ပြီး တိုက်ရိုက်ဝေဖန်အကြံပြုချင်တယ်ဆိုရင်တော့ nawwahwahpoe@gmail.com ကို ပေးပို့ကြပါလို့ ဖိတ်ခေါ်ပါတယ်။
(၆၃)နှစ်မြောက် ကရင့်တော်လှန်ရေးနေ့ KNU ထိန်းချုပ်နယ်မြေများတွင် ကျင်းပ
စောသိန်းမြင့် (ကေအိုင်စီ)
ယနေ့ကျရောက်သည့် ၆၃နှစ်မြောက် ကရင့်အမျိုးသား တော်လှန်ရေးနေ့ အခမ်းအနားကို ကရင်ပြည်နယ် ကရင်အမျိုးသားအ စည်းအရုံး(KNU)၏ ထိန်းချုပ်ရာနယ်မြေတချို့တွင် ကျင်းပြုလုပ်ကြသည်ဟု သိရသည်။
ကရင်ပြည်နယ်မြောက်ပိုင်း KNU တပ်မဟာ( ၅)နယ်မြေတွင် ကျင်းပပြုလုပ်သည့် ကရင့်တော်လှန်ရေးနေ့ အခမ်းအနားတွင် လူထုပရိဿတ် ၂,၀၀၀ဦးခန့် တက်ရောက်ခဲ့ကြပြီး အခမ်းအနားကို အစီအစဉ်နှစ်မျိုးဖြင့် ပြုလုပ်ခဲ့ကြသည်ဟု သိရသည်။
ကေအဲန်ယူ တပ်မဟာ(၅) ပြောခွင့်ရ ဗိုလ်မှူးကလယ်ဒို့က “ပထမ အဆင့်ကတော့ တော်လှန်ရေးနေ့ကို ဂုဏ်ပြုတဲ့ အစီအစဉ် တွေအဖြစ် စစ်ရေးပြ၊ ဥက္ကဌမိန့်ခွန်းနဲ့၊ KWO, KYO, KSNG တို့ သ၀ဏ်လွှာတွေကို ဖတ်ကြားတယ်။ ဒုတိယအဆင့်ကတော့ ကျနော်တို့ မိခင်အစည်းအရုံးနဲ့ အစိုးရတို့ ငြိမ်းချမ်းရေးဆွေးနွေးတဲ့အကြောင်း တက်ရောက်လာတဲ့ ပြည်သူတွေကို ရှင်းလင်းပွဲ လုပ်တယ်”ဟု ဆိုသည်။
ထို့အတူ ကရင်ပြည်နယ်၊ မြ၀တီမြို့နယ်၊ နို့ဖိုးကျေးရွာတွင်လည်း ယနေ့နံနက် (၇)နာရီမှ (၉း၃၀)အထိ ကျင်းပပြုလုပ်သည့် ၆၃နှစ်မြောက် ကရင်အမျိုးသား တော်လှန်ရေးနေ့ အခမ်းအနားတွင်လည်း ကရင်ပြည်သူ ၁,၀၀၀ကျော် တက်ရောက်ဂုဏ်ပြုခဲ့ ကြသည်။
အခမ်းအနားသို့ တက်ရောက်ခဲ့သူ ရွာသူကြီးတစ်ဦးက “ ဒီမနက်ဟာ ကျနော်တို့ ကရင်တမျိုးသားလုံးရဲ့ အထွဋ်အမြတ်ထားတဲ့ နေ့တစ်နေ့ဆိုတော့ ကျက်သရေရှိလှပါတယ်။ အခုလို ကျနော်တို့တတွေ စုစုစည်းစည်းနဲ့ ဂုဏ်ပြုခွင့်ရတာ ၀မ်းမြောက်ဂုဏ်ယူပါ တယ်။ နောက်ပြီး ပရိဿတ် ထောင်နဲ့ချီ တက်ရောက်ဂုဏ်ပြုတာ တွေ့ရတော့ အထူးပဲ ၀မ်းမြောက်မိတယ်။”ဟု ပြောသည်။
ထိုအခမ်းအနားတွင် KNLA တပ်မှူးတပ်သားများ၊ ကျေးရွာ (၅)ရွာမှ ကရင်ပြည်သူများ၊ ထိုင်းနယ်စပ်မှ ကရင်ပြည်သူများနှင့် ကရင်ငြိမ်းအဖွဲ့မှ အောက်ခြေတပ်မှူး တပ်သားတချို့နှင့် နယ်စပ်ထိုင်းအာဏာပိုင်တချို့လည်း တက်ရောက်ကြပြီး စစ်ရေးပြ အစီအစဉ်၊ KNU ဥက္ကဌ ဗိုလ်ချုပ်ကြီးတာမလာဘော၏ မိန့်ခွန်းနှင့် သ၀ဏ်လွှာများ ဖိတ်ကြားခြင်း၊ တက်ရောက်လာသည့် ခေါင်းဆောင်များက မိန့်ခွန်းပြောဆိုခြင်းအပြင် ကိုယ်အင်္ဂါများ ပေးဆပ်ခဲ့သည့် တပ်မှူးတပ်သားများကို ဂုဏ်ပြုခဲ့ကြသည်။
မြ၀တီမြို့တောင်ဘက် အူးကလေးခီးစခန်း၌ KNLA တပ်ရင်း(၁၀၃)မှ မနက် ၇နာရီကျော်က ကျင်းပသည့် အလားတူ အခမ်းအ နားတွင်လည်း လူထု ၃၀၀ဦးနီးပါး လာရောက်ဂုဏ်ပြုခဲ့ကြသည်။
ယနေ့ကျရောက်သည့် (၆၃)နှစ်မြောက် ကရင့်တော်လှန်ရေးနေ့တွင် ပေးပို့သည့် KNU ဥက္ကဌ ဗိုလ်ချုပ်ကြီးတာမလာဘော၏ မိန့်ခွန်း၌ “ကရင့်တော်လှန်ရေးဟာ နှစ်ပေါင်း ၆၃နှစ်တိုင် ကြာမြင့်ခဲ့ပြီး ဖြစ်သော်လည်း ကရင်တမျိုးသားလုံး မျှော်လင့်ချက်ပန်း တိုင်သို့ မရောက်ရှိသေးတဲ့အတွက် ကရင်တမျိုးသားလုံး လိုလားတဲ့ လွတ်လပ်ငြိမ်းချမ်းပြီး ကိုယ်ပိုင်ပြဌာန်းခွင့်ရှိတဲ့ ကရင်ပြည် ရရှိရေးကို ဆက်လက် တိုက်ပွဲဝင်ရဦးမှာ ဖြစ်ပါတယ်။”ဟု ပြောကြားခဲ့သည်။
ထို့အပြင် KNU ၏ လမ်းညွှန်မှုအောက်မှ ကရင်လူထုနှင့် ကရင်တပ်မတော်သားများအနေဖြင့် မတရားမှုမှန်သမျှကို ကျော်လွှား နိုင်ရန် ခိုင်မာသောသတ္တိ၊ မှန်ကန်သော အမျိုးသားစိတ်ဓာတ်ဖြင့် ဥက္ကဌကြီး၏ မူ ၄ချက်နှင့် ရပ်တည်ပြီး ဘ၀တူ အဖိနှိပ်ခံ တိုင်းရင်းသားများ၊ ဒီမိုကရေစီအင်အားစုများနှင့် လက်တွဲကာ အာဏာရှင်စနစ် ချုပ်ငြိမ်းသွားရေး ဘက်ပေါင်းစုံ ဆက်လက် တိုက်ပွဲဝင်သွားရန် တိုက်တွန်းခဲ့သည်။
အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ရရေးအတွက် ဖွဲ့စည်းခဲ့သည့် ကရင်အမျိုးသားအစည်းအရုံး(KNU)နှင့် ကရင်အ မျိုးသား ကာကွယ်ရေးတပ်ဖွဲ့ KNDOတို့ကို ၁၉၄၉ခုနှစ် ဇန်န၀ါရီလ ၃၀ရက်နေ့တွင် ထိုစဉ် အုပ်ချုပ်သူ ဦးနုအစိုးရက မတရား အသင်းအဖြစ် ကြေညာခဲ့ပြီးနောက် ဇန်န၀ါရီလ ၃၁ရက်နေ့တွင် ရန်ကုန်ရှိ KNDO ဌာနချုပ်ကို ဦးနု ဦးဆောင်သည့် ၀ိုင်းဝန်း တိုက်ခိုက်ခဲ့သဖြင့် တပြည်လုံးရှိ ကရင်လူမျိုးများက ပြန်လည် ခုခံတိုက်ခိုက်ရာမှ ကရင့်လက်နက်ကိုင်တော်လှန်ရေး စတင် ဖြစ်ပေါ်ခဲ့သည်။
Address of KNU President Saw Tamla Baw on 63rd Anniversary of Karen National Revolution
Dear All Karen Nationals,
Officers and Men of Karen National Liberation Army (KNLA),
Firstly, on this January 31, 2012 day, which is the 63rd Anniversary of Karen National Revolutionary Resistance and in the auspicious time of the New Year, I would like to extend my best wishes for health and happiness to the officers and men, and all the Karen people.
Men and women comrades of the KNLA, who are protecting the entire Karen people while fighting against oppressive regimes in succession, since the time the Karen armed resistance started on January 31, 1949, are heroes, and the lives, blood, sweat and tears of the Karen people are invaluable sacrifices. The pillar of just truth laid down as foundation by the thousands of martyred heroes is a guarantee for victory. If this just truth has not been established, there would be no Karen life, soul and nationality. I would like to remind you to take note especially of words of Karen people’s enemy, who said that Karen people would be seen only in the museum, one day.
Leaders of the KNU have the custom of patience, broad mindedness and farsightedness. They have made the effort consistently to resolve political problem by political means. However, the regimes in power, bent on using the violence of military conquest, persistently push us to enter the legal fold, lay down arms, in the end. They close down talks, launch massive military offensives, and try to wipe out the Karen revolution forever. Having the habit of reticence, the Karen people have to suffer losses and the World knows that they have to swim in a sea of misery, up to this day. At this point, I would like to urge all to remember the words of well-known historian, Toynbee, who said that ‘those who fail to learn lessons from history are bound to repeat the past mistakes’.
The Karen people at home and abroad must have seen and learnt from the media that on January 12, 2012, the KNU delegation led by some members of the KNU Committee for Emergence of Peace met in Pa-an town with the delegation representing President Thein Sein to talk at the State level and the Union level, and signed two preliminary agreements. The agreements were small initial steps in the march towards ceasefire, internal peace, national reconciliation, amendment of the 2008 constitution and establishment of a genuine union. We still have to take thousands of steps more. The success depends very much on broadmindedness of U Thein Sein government and the irreversible achievement made in the march to democracy by it. I would like to remind you all to maintain a critical mind and hope for the best without suspicion and desire to revenge, and at the same time be prepared for the worst.
The release of a considerable number of political prisoners on January 13 delighted us, but the detention still of those, who should be free, makes us quite unhappy. In one mind with the entire people, we call on U Thein Sein government to release again political prisoners to the last man, unconditionally.
Though the Karen revolution has been going on for 63 years, we still must struggle on, as we still have not achieved the goal desired by the entire Karen people, which is a Karen country with freedom, peace and self-determination.
For that reason and in conclusion, I would like to urge the Karen people and members of the Karen National Liberation Army to continue fighting on all sides, under the guidance of the KNU, with firm courage and correct patriotic spirit and in accordance with the Four Principles of Saw Ba U Gyi to overcome the unjust oppression and attacks and this, being the duty of the entire nation, to join hands with fellow oppressed ethnic nationalities and the democratic forces until the dictatorship of the military clique is terminated.
January 31, 2012
ကေအဲန်ယူ တပ်မဟာ(၄) ဘက်တွင် အစိုးရစစ်တပ်များ တိုးချဲ့ကာ ရိက္ခာပို့နေ
အပစ်အခတ်ရပ်စဲတာကို အခွင့်အရေးယူပြီးတော့ ဘာကြောင့် တပ်ကိုတိုးချဲ့ ရိက္ခာ ကိုပို့နေရတာလဲ ကြံ့ဖွတ် သိန်းစိန် အစိုးရရေ.....။
ဒါကိုပဲကြည့်တော့....KNUကခေါင်းဆောင်များ လစ်ရင်ခံရမှာကို မမေ့ပါနဲ့....ဒီစစ်အုပ်စု ကြံ့ဖွတ်အဖွဲ့တွေကိုလျှော့မတွက်
ပါနဲ့........။
စောသိန်းမြင့် (ကေအိုင်စီ)
ကရင်အမျိုးသားအစည်းအရုံး(ကေအဲန်ယူ)၏ တပ်မဟာ(၄)နယ်မြေဖြစ်သည့် တနင်္သာရီတိုင်း၊ တနင်္သာရီမြို့နယ်၊ မေတ္တာမြို့ နယ်ခွဲတွင် ယခုရက်ပိုင်းအတွင်း အစိုးရစစ်တပ်မှ တပ်အင်အားတိုးချဲ့မှုများနှင့်အတူ ရိက္ခာပို့ဆောင်မှုများ ဆက်တိုက် လုပ် ဆောင်လျှက်ရှိသည်ဟု သိရသည်။
တပ်အင်အား ၁,၀၀၀ကျော်ရှိသည့် စစ်ကွပ်ကဲရေးဌာနချုပ် အမှတ်(၂၀)နှင့် နည်းဗျူဟာ(၁)၊ (၃)တို့မှ တပ်ရင်း ၇ရင်းသည် စစ် ကား ၅၀စီးဖြင့် စစ်ဗျူဟာ(၁)ဌာနချုပ် ရေဖြူရွာသို့ ယခုလ ၂၉ရက်နေ့က ရောက်ရှိခဲ့သကဲ့သို့ စစ်ဗျူဟာ(၂)မှလည်း ရိက္ခာပို့ ကား (၂၀)စီးသည် ထားဝယ်မှ အိုင်ဝိုင်းစခန်းသို့ ရိက္ခာပို့ဆောင်ရန်အတွက် မေတ္တာစခန်းသို့ ရောက်ရှိခဲ့ပြီဟု စစ်ဘက်ဆိုင်ရာ သတင်းအရ သိရသည်။
ကေအဲန်ယူ တပ်မဟာ(၄)မှ အမည်မဖော်လိုသူ တပ်ဘက်အရာရှိတစ်ဦးက “အခု စကခ (၂၀) ရောက်လာပြီ။ စကခ(၁၃)၊ (၈)တို့ အခုထိ ပြန်မဆင်းဘူး။ ပြောတာက တပ်ချိန်းတယ်ဆိုပေမယ့် ဒါဟာ တပ်အပြောင်းအလဲ လုပ်ဆောင်တယ်လို့ ပြောလို့ မရဘူး။ တပ်အင်အား ထပ်ဖြည့်တယ်လို့ ပြောရမှာ။”ဟု ပြောသည်။
သို့သော် ကေအဲန်ယူ ဘိတ်ထားဝယ်ခရိုင် ဥက္ကဌ ပဒိုစောကွယ်ထူးဝင်းကတော့ အစိုးရစစ်တပ်၏ နှစ်စဉ်ပုံမှန် တပ်အပြောင်းအ လဲ လုပ်ဆောင်ခြင်းဖြစ်ပြီး ကေအဲန်ယူနှင့် အစိုးရတို့ ငြိမ်းချမ်းရေး တွေ့ဆုံဆွေးနွေးမှုကို ပျက်ပြယ်နိုင်သည့် အခြေအနေတွင် မရှိကြောင်း ပြောသည်။
၎င်းက “စကခ(၂၀)နဲ့ စကခ(၁၃)တို့ တနှစ်တကြိမ် ပုံမှန် တပ်အပြောင်းအလဲ လုပ်ဆောင်တာပါ။ ထူးခြားတဲ့ လှုပ်ရှားမှုတွေ မတွေ့ရပါဘူး။ အစိုးရနှင့် ကျနော်တို့ ငြိမ်းချမ်းရေးဆွေးနွေးရေး အခြေအနေ ပျက်ပြယ်နိုင်လောက်တဲ့ အခြေအနေမျိုးထိတော့ သူတို့ (အစိုးရတပ်)ဘက်က လုပ်ဆောင်မှာ မဟုတ်ပါဘူး။”ဟု ပြောသည်။
ထို့အပြင် ကမ်းရိုးတန်းတိုင်း စစ်ဌာနချုပ်၏ ညွှန်ကြားချက်အရ ယခုလ ၂၀ရက်နေ့တွင်လည်း မေတ္တာမြို့နယ်ခွဲအတွင်းရှိ မေတ္တာကျေးရွာအုပ်စု၊ မြင်းခံဘော်ကျေးရွာအုပ်စု၊ ဖောင်းတော်ကျေးရွာအုပ်စုတို့ ရွာ ၆ရွာမှ စက်လှေ ၈၅စီးအား မေတ္တာစခန်းမှ (ကျောက်ထုံးသို့) ရိက္ခာပို့ဆောင်ရန် လုပ်အားပေး ခေါ်ယူခိုင်းစေခဲ့ကြောင်း ဒေသခံများက ပြောဆိုသည်။
၎င်းရိက္ခာများ သယ်ယူပို့ဆောင်ရာတွင် လမ်းကြောင်းလုံခြုံရေးအား ဒုဗိုလ်မှူးကြီး အောင်ကျော်ဝင်း ဦးစီးသည့် ခြေလျင်တပ် ခလရ(၁၀၄)တပ်ရင်းနှင့် ဗိုလ်မှူးဇေယျဟန် ဦးစီးသည့် ခြေမြန်တပ်ရင်း-ခမရ(၅၆၀) တပ်ရင်းတို့က တာဝန်ယူပေးလျှက်ရှိ သည်ဟု သိရသည်။
အလားတူ KNU တပ်မဟာ(၁)၊ (၂)၊ (၃)၊ (၅)နှင့် (၆)နယ်မြေများဘက်တွင်လည်း နှစ်ဖက် အပစ်အခတ်ရပ်ဆိုင်းရေး ပဏာမ သဘောတူလက်မှတ် မရေးထိုးခင်ကတည်းက ယခုအချိန်ထိ အစိုးရစစ်တပ်ဘက်မှ တပ်အပြောင်းအလဲနှင့် ရိက္ခာပစ္စည်းပို့ ဆောင်မှုများ လုပ်ဆောင်လာခဲ့သည်။
ယခုလ ၁၂ရက်နေ့က ကရင်ပြည်နယ်၊ ဘားအံမြို့တွင် ပြုလုပ်သည့် ကေအဲန်ယူ ငြိမ်းချမ်းရေး ဖော်ဆောင်ရေးအဖွဲ့နှင့် အစိုးရ ၏ငြိမ်းချမ်းရေး ဖော်ဆောင်ရေးအဖွဲ့တို့ တွေ့ဆုံဆွေးနွေးပွဲတွင် အပစ်အခတ်ရပ်ဆိုင်းရေး အပါအ၀င် ပဏာမ သဘောတူညီမှု ကို ပြည်နယ်အဆင့် လက်မှတ်ရေးခဲ့ကြသည်။
ထိုသဘောတူညီချက်အရ ၄၅ရက်အတွင်း ပြည်ထောင်စု အစိုးရအဖွဲ့နှင့် နောက်တကြိမ် ထပ်မံ တွေ့ဆုံရမည်ဖြစ်ပြီး ဇန်န၀ါရီ လ ၂၃ရက်နေ့မှ ၂၅ရက်နေ့အထိ ကေအဲန်ယူ၏ ဒုတိယအကြိမ် အရေးပေါ် ဗဟိုကော်မတီ အစည်းအဝေး၏ ထုတ်ပြန်ကြေ ညာချက်တွင် အပစ်အခတ်ရပ်စဲရေးအတွက် ယုံကြည်မှု တည်ဆောက်နိုင်ရန် ကေအဲန်ယူ နယ်မြေအတွင်း မြန်မာအစိုးရမှ ၎င်းတို့တပ်များကို လျှော့ချပေးခြင်း၊ ရုတ်သိမ်းပေးခြင်းကိစ္စနှင့် တပ်နေရာယူထားသည့်ကိစ္စများကို နောက်တကြိမ် တွေ့ဆုံမှု တွင် ညှိနှိုင်းဆွေးနွေးသွားမည်ဖြစ်ကြောင်း ဖော်ပြထားသည်။
တရားမ၀င်ကုန်သွယ်မှုနှုန်းမြှင့် တက်ကြောင်းမြန်မာအစိုးရ၏ပြော ဆိုချက် KNU ငြင်းဆို
KIC သတင်းမှ.......
မြန်မာအစိုးရနှင့် ကရင်အမျိုးသားအစည်းအရုံး-KNU တို့အကြား ယခုလဆန်းပိုင်းက အပစ်အခတ်ရပ်စဲရေးဆိုင် ရာသဘောတူ လက်မှတ်ရေးထိုးပြီးနောက်ပိုင်း ထိုင်း-မြန်မာနယ်စပ် မဲဆောက်-မြ၀တီလမ်းကြောင်း၏ တရားမ၀င် ကုန်သွယ် မှုနှုန်း မြှင့်တက်လာခဲ့ကြောင်း ကရင်ပြည်နယ်အစိုးရ စီးပွားရေးဝန်ကြီး၏ ပြောဆိုချက်မှာ အခြေအမြစ်မရှိဟု KNUက တုံ့ပြန်ပြောကြားလိုက်သည်။
ယခုလ ၂၃ရက်နေ့က နေပြည်တော်တွင် ပြုလုပ်သည့် တရားမ၀င်မှောင်ခို ပစ္စည်းတင်သွင်း မှုကို အရေးယူမည့် ထုတ်လုပ်မှုနှင့် ကုန်သွယ်မှုမြှင့်တင်ရေး ဆွေးနွေးပွဲတွင် ကရင်ပြည် နယ်အစိုးရ စီမံကိန်းနှင့် စီးပွားရေးဝန်ကြီး ဦးနိုင်မင်းစိုးသိန်း၏ ပြောဆိုချက်ကို KNU ဒုဥက္ကဌ ပဒိုဒေးဗစ်သကဘောက တုံ့ပြန်ပြောဆိုခြင်းဖြစ်သည်။
၎င်းက “ကျနော်တို့ အပစ်ခတ်ရပ်စဲရေးကလည်း ဘာမှ တိတိကျကျသေသေချာချာ ဆောင် ရွက်ထားတာ မရှိသေးဘူး။ ဒီအပစ်ခတ်ရပ်စဲရေး အတွက်ကိုပဲ အများကြီး ဆက်လက်ဆွေး နွေးရအုံးမယ်။ ဒီမှောင်ခို ကိစ္စကတော့ KNUနဲ့လည်း မပတ်သက်ဘူး။ ကျနော်တို့ ကရင် လူမျိုးတွေလည်း မပတ်သက်ဘူး။ ဒီတရားမ၀င် ကုန်သွယ်ရေး ကိစ္စက အစကတည်းကရှိ နေတာဖြစ်တယ်။”ဟု ပြောသည်။
မြန်မာအစိုးရနှင့် KNUတို့အကြား ယခုလ ၁၂ရက်နေ့က ဘားအံမြို့တွင် နှစ်ဖက်အပစ် အခတ်ရပ်စဲရေးအတွက် ပဏာမ သဘောတူ လက်မှတ်ရေးထိုးခဲ့ကြသော်လည်း အပစ် ခတ်ရပ်စဲရေးဆိုင်ရာ ကိစ္စရပ်များနှင့် နိုင်ငံရေးဆိုင်ရာ ကိစ္စရပ်များကို ဆက်လက်ဆွေးနွေး သွားရန်ရှိပြီး ဆွေးနွေးပွဲ ကာလအတွင်း စီးပွားရေးလုပ်ငန်းနှင့် အခြားဆက်စပ်လုပ်ငန်း များကို လုပ်ကိုင်ရန် လုံးဝအစီအစဉ်မရှိဟု KNUဘက်က ပြောသည်။
သို့သော် မြန်မာကုန်သည်ကြီး တစ်ဦးဖြစ်သည့် ဦးအောင်ဝင်းက မြန်မာနိုင်ငံ၏ ဒုတိယ အကြီးဆုံး နယ်စပ်ကုန်သွယ်ရေး လမ်းကြောင်းဖြစ်သည့် မဲဆောက်-မြ၀တီတွင် တရား မ၀င် မှောင်ခိုပစ္စည်း အပြန်အလှန် တင်ပို့မှုမှာ လွန်ခဲ့သည့် နှစ် ၂၀ခန့်က စတင်ခဲ့သည်ဟု ပြောသည်။
၎င်းက “ဒီလမ်းကြောင်းမှာ လုပ်တဲ့နယ်စပ်ကုန်သွယ်ရေးက တရားဝင်နဲ့ တရားမ၀င်တဲ့ နည်းတွေကို တွဲပြီး သုံးနေရတယ်။ ဒါက နှစ်ဖက် တာဝန်ရှိသူတွေရဲ့ ကုန်သွယ်မှုဆိုင်ရာ လုပ်ထုံးလုပ်နည်းတွေ အားနည်းလို့ ဖြစ်တယ်။ အထူးသဖြင့် မြန်မာဘက်က ကုန်သွယ်မှု လုပ်ငန်းဆိုင်ရာ ပြဌာန်းချက်တွေကို လျော့ပေါ့ပြီး စဉ်းစားပေးမယ်ဆိုရင် ဒီတရားမ၀င် ကုန်သွယ်မှုဟာ လျော့နည်းသွားမှာ ဖြစ်တယ်။”ဟု ဆိုသည်။
ထို့အပြင် စီးပွားရေးနှင့် ကူးသန်းရောင်းဝယ်ရေး ပြည်ထောင်စုဝန်ကြီး ဦးဝင်းမြင့်ကလည်း မြန်မာနိုင်ငံအတွင်း တရားမ၀င်မှောင်ခို ပစ္စည်းများ တင်သွင်းမှုကို ၃လ အတွင်း ကန့်သတ် အရေးယူမှုများ ပြုလုပ်မည်ဟု ယခုလ ၂၃ရက်နေ့က နေပြည်တော်တွင် ပြုလုပ်သည့် ထုတ်လုပ်မှုနှင့် ကုန်သွယ်မှုမြှင့်တင်ရေး ဆွေးနွေးပွဲ၌ ပြောကြားခဲ့သည်။
ကရင်ပြည်နယ် အခြေစိုက် နိုင်ငံရေးပါတီတခုမှ ခေါင်းဆောင်တစ်ဦးက “အစိုးရနဲ့ KNU ကြားမှာ ပြုလုပ်နေတဲ့ ငြိမ်းချမ်းရေး လုပ်ငန်းစဉ်က အစပဲရှိသေးတယ်။ နှစ်ဖက်တာဝန်ရှိ သူတွေအနေနဲ့ အပြောအဆိုတွေကို ထိန်းထိန်းသိမ်းသိမ်း ပြောဖို့လိုအပ်ပါတယ်။ အခု ကရင်ပြည်နယ်ဝန်ကြီး ပြောပုံအရဆိုရင် KNUက တရားမ၀င် မှောင်ခိုပစ္စည်း တင်ပို့မှုတွေ လုပ်နေတယ်ဆိုတဲ့ သဘောသက်ရောက်နေတယ်။”ဟု ဝေဖန်ပြောဆိုခဲ့သည်။
ထိုင်း-မြန်မာနယ်စပ် ကုန်သွယ်ရေးတွင် မဲဆောက်ဘက်မှ မြ၀တီ ဘက်သို့ တရားဝင် တင်ပို့နေသည့် ထိုင်းထုတ်ကုန်များမှာ တလလျှင် ထိုင်းဘတ်ငွေ သန်း ၃,၀၀၀ ခန့်ရှိပြီး တရားမ၀င်တင်ပို့မှုမှာလည်း ဆတူနီးပါးခန့် ရှိသည်ဟု ထိုင်းကုန်သည်ကြီးများက ပြောသည်။
တဆက်တည်း၌ပင် လက်ရှိ မြန်မာနိုင်ငံ ပြည်တွင်းဈေးကွက်တွင် ရောင်းချနေသည့် တရားမ၀င် မှောင်ခို ပစ္စည်းအများစုမှာ ထိုင်း-မြန်မာနယ်စပ် မြ၀တီနှင့် တရုတ်-မြန်မာနယ်စပ် မူဆယ်လမ်း ကြောင်းများမှတဆင့် ၀င်ရောက်လာသည့် ပစ္စည်းများ ဖြစ်သည်ဟု မြန်မာကုန်သည်ကြီးများကလည်း ပြောဆိုနေကြသည်။
ညီညွတ်ရေး၊ ငြိမ်းချမ်းရေးမှ သည်လွတ်မြောက်ရေးဆီသို့....
အီးမေးလ် ကလက်ခံ ရရှိလိုက်တဲ့ စာလေးတစ်စောင်ကိုမျှဝေပေးလိုက်ပါတယ်။
To "KNU"
ဒီမိုကရေစီ ရေးလှုပ်ရှား သူများ အား နှိပ်စက် သတ်ဖြတ် ရာတွင် အဓိက တရားခံ ဖြစ်သူ ဦးခင်ညွန့် အား လုပ်ကြံ မည့် သတင်း များထွက်ပေါ်
Freedomnewsgroup မှ.........
၁၉၈၈ ခုနှစ် ဒီမိုကရေစီအရေး တော်ပုံတွင်ပါဝင်ခဲ့သည့် ကျောင်းသား၊ ကျောင်းသူများနှင့်အပြစ်မဲ့ ပြည်သူများအား နှိပ်စက်ညှင်းပန်း ပြီးသတ်ဖြတ် ခြင်း၊ ထောင်သွင်းအကျဉ်းချခြင်းတို့  အပြင် ၎င်း အာဏာ ရှိစဉ် ၁၉၈၈ခုနှစ် မှ ၂၀၀၄ခုနှစ် အောက်တိုဘာလ အတွင်း၌တက်ကြွလှုပ်ရှားသူများ နှင့်ဒီမိုကရေစီ ရေးကြိုးပမ်းခဲ့သူတို့ ကိုရက်ရက်စက်စက် နှိပ်ကွပ်ခဲ့သည့် မြန်မာအစိုးရ ၀န်ကြီးချုပ် ဟောင်း နှင့် ထောက်လှမ်းရေးအကြီးအကဲ ဟောင်း ဖြစ်သူဗိုလ်ချုပ် ကြီး ခင်ညွန့်  အား လက်စား ချေလုပ်ကြံသတ် ဖြတ်မည့်သတင်းများထွက် ပေါ်နေသည် ဟု သတင်း ရရှိသည်။
အဆိုပါ လုပ်ကြံသတ် ဖြတ်မှုများကို ၎င်းအာဏာရှိစဉ်ကအပြင်း အထန် နှိပ်ကွပ်မှုကို ခံရသည့် ဒီမိုကရေစီ ရေးလှုပ်ရှားသူများက ပြုလုပ်ရန်စီစဉ် ခြင်းမဟုတ်ဘဲစစ်ထောက်လှမ်း ရေး မိသားစုများ ကြောင့် စီးပွားဥစ္စာ ဓန နှင့် ဘ၀ ပါဆုံးရှုံး ခဲ့ရသည့် မိတ်ဆွေများကွန်ယက် ကပြုလုပ်ရန်စီစဉ် ခြင်း ဟု FNG မှသိရှိရသည်။
ဗိုလ်ချုပ် ခင်ညွန့် အားလုပ်ကြံသတ် ဖြတ် ရန် သူအာဏာရှိစဉ်ကတည်းကစီစဉ်ထားရှိခဲ့မှုများ ရှိသည်ဟု သတင်းရရှိ ပြီးနောက်ပိုင်း အဖမ်းခံရ ချိန်တွင် ဆိုင်းငံ့ ထားခဲ့ခြင်းဖြစ် နိုင်ကြောင်း နှင့်ယခု ပြန်လည်စတင်ခြင်းဖြစ် နိုင်ကြောင်းယခင် ရွှေတိဂုံဘုရားလမ်းရှိ ကာကွယ်ရေးဝန်ကြီးဌာနမှ အရာရှိတစ်ဦး က ပြော သည်။
ဗိုလ်ချုပ်ကြီး ခင်ညွန့်  အာဏာရှိစဉ်က စီးပွားပျက်၊ဘ၀ပျက်မှုခံခဲ့ရသူများတွင် စီးပွားရေး နှင့် လူမှုရေး လုပ်ငန်းလုပ်ကိုင် နေသူများပါ ပါဝင် သည်။
