.jpg)
KNU Media Advisory April 4 English
.jpg)
အစိုးရနှင့်ဒုတိယအကြိမ်တွေ့ဆုံရန် ဧပြီလ ၄ရက်နေ့နံနက်တွင် KNU ကိုယ်စားလှယ်အဖွဲ့စတင်ထွက်ခွာမည်
KIC
မြန်မာ အစိုးရ ပြည်ထောင်စု အဆင့် ကိုယ်စားလှယ်တို့နှင့် တွေ့ဆုံရန်အတွက် ကရင်အမျိုးသား အစည်းအရုံး(KNU)အဖွဲ့သည် လာမည့် ဧပြီလ ၄ရက်နေ့(မနက်ဖြန်)တွင် ထိုင်း-မြန်မာနယ်စပ်၊ မြ၀တီမှ တစ်ဆင့် စတင်ထွက်ခွာမည်ဖြစ်သည်။
KNU ကိုယ်စားလှယ်အဖွဲ့သည် ဧပြီလ ၄ရက်နေ့ နံနက်(၆)နာရီတွင် မြ၀တီမှ တစ်ဆင့် ဘားအံမြို့သို့ စတင်ခွာမည်ဖြစ်ပြီး မွန်းလွဲပိုင်းတွင် ဘားအံမြို့၌ ပြည်နယ်အစိုးရ အဆင့်တို့နှင့် တွေ့ဆုံဆွေးနွေးမည်ဖြစ်သည်။
ဧပြီလ ၅ရက်နေ့နံနက်တွင် ဘားအံမြို့အခြေစိုက် ကရင်ပြည်နယ် ကိုယ်စားပြု ကရင်ငြိမ်းချမ်းရေးကောင်စီ KPCအဖွဲ့တို့နှင့် တွေ့ဆုံမည်ဖြစ်ပြီး မွန်းလွဲပိုင်းတွင် ရန်ကုန်မြို့ ခရီးဆက်မည်ဖြစ်သည်။
ဧပြီလ ၆ရက်နေ့တွင် ရန်ကုန်မြို့၌ ရထားဝန်ကြီး ဦးအောင်မင်းဦးဆောင်သည့် အစိုးရ ကိုယ်စားလှယ်အဖွဲ့နှင့် တွေ့ဆုံနွေးမည်ဖြစ်ပြီး ဆွေးနွေးမှုအပြီးတွင် ရန်ကုန်မြို့၊ ဆီးဒိုးနားဟိုတယ်တွင် သတင်းစာရှင်းလင်းပွဲ ကျင်းပပြုလုပ်မည်ဖြစ်သည်။
ဧပြီလ ၇ရက်နေ့တွင် ရန်ကုန်မြို့၌ ကရင်အဖွဲ့အစည်းများနှင့် တွေ့ဆုံကြမည်ဖြစ်သည်။ (၈)ရက်နေ့တွင် အမျိုးသားဒီမိုကရေစီအဖွဲ့ NLD ဥက္ကဌ ဒေါ်အောင်ဆန်းစုကြည်အပါအ၀င် နိုင်ငံရေးပါတီများနှင့်လည်း တွေ့ဆုံမည်ဖြစ်သည်။
ဧပြီလ ၉ရက်နေ့တွင် ပဲခူးတိုင်း၊ ကျောက်ကြီးမြို့နယ်သို့ ခရီးဆက်မည်ဖြစ်ပြီး ၁၀ရက်နှင့် ၁၁ရက်နေ့တွင် နယ်စပ်ဒေသသို့ ပြန်လည်ရောက်မည်ဖြစ်သည်။
KNU၏ ယခု ခရီးစဉ်တွင် ပထမအကြိမ်တွေ့ဆုံမှုမှ သဘောတူညီထားသည့် ပဏာမ သဘောတူညီချက် ၁၁နှင့် KNUချမှတ်ထားသည့် လမ်းပြမြေပုံ (၄)ရပ်ကို အဓိကဆွေးနွေးသွားမည်ဟု သိရသည်။
အစိုးရနှင့် ဒုတိယအကြိမ် သွားရောက်တွေ့ဆုံ ဆွေးနွေးမည့် KNU ကိုယ်စားလှယ်စာရင်း
၁။ ။ နော်စီဖိုးရာစိန် (အဖွဲ့ခေါင်းဆောင်)
၂။ ။ ဗိုလ်ချုပ်ကြီးမူတူးစေးဖိုး (ဒု-အဖွဲ့ခေါင်းဆောင်)
၃။ ။ ပဒိုစောကွယ်ထူးဝင်း
၎။ ။ ပဒိုရွှေမောင်း
၅။ ။ ဗိုလ်မှူးချုပ် အဲကလူသိန်း (တပ်မဟာ-၃မှူး)
၆။ ။ ပဒိုစောအားတိုး
၇။ ။ ပဒိုစောရောဂျာခင်
၈။ ။ ဗိုလ်မှူးထူးထူးလေး
၉။ ။ ပဒိုစောသောသီဘွဲ (ရုံးတာဝန်ခံ)
၁၀။ ။ ပဒိုစောလှထွန်း (ရုံး ဒုတာဝန်ခံ)
၁၁။ ။ နော်ဘလူးမင်းနိုက်ဇန်
၁၂။ ။ နော်မေဦး
၁၃။ ။ နော်ထူးဖော (ရုံးအဖွဲ့)
၁၄။ ။ စောအောင်ဝင်းရွှေ
၁၅။ ။ ဗိုလ်မှူးကြီး မိုးဖြူ
၁၆။ ။ စောကြီး
၁၇။ ။ စောတာဒို့မူး
၁၈။ ။ စောဘောဘိုး
၁၉။ ။ စောဒူးဖလော်စိုး (ရုံးအဖွဲ့အကူ)
၂၀။ ။ နန်းဖော့ဂေ (သတင်းတာဝန်ခံ)
၂၁။ ။ စောအဲနာ (သတင်းအဖွဲ့)
KNU နှင့် ဒေါ်အောင်ဆန်းစုကြည် ရန်ကုန်တွင် တွေ့မည်
ဧရာဝတီ မှ...
ကရင်အမျိုးသား အစည်းအရုံး (KNU) ကိုယ်စားလှယ် အဖွဲ့သည် အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်နှင့် ရန်ကုန်မြို့တွင် ရက်ပိုင်းအတွင်းတွေ့ဆုံမည်ဖြစ်ကြောင်း KNU ဒုဥက္ကဋ္ဌ ပဒိုဒေးဗစ် သာကပေါက ယနေ့ ပြောလိုက်သည်
KNU ကိုယ်စားလှယ်အဖွဲ့သည် သောကြာနေ့တွင် ပြုလုပ်မည့် ငြိမ်းချမ်းရေး ဆွေးနွေးပွဲအတွက် ရန်ကုန်သို့ သွားရောက်မည့် ခရီးစဉ်အတွင်း ထိုသို့ တွေ့ဆုံရန် စီစဉ်ထားခြင်း ဖြစ်သည်ဟု ဆိုသည်။
“ဒေါ်စုနဲ့က ကျနော်တို့က အဆက်အသွယ်သာ တရားဝင်မရှိတာ နားလည်မှုက ရှိပြီးသား ဆိုတော့ အခြေခံခြင်းက တူတယ်။ တိုင်းပြည်ကို သူတို့တတ်နိုင်တဲ့ ငြိမ်းချမ်းရေးကိစ္စတွေကို ကူညီဖို့၊ တကယ့် ဒီမိုကရေစီ ဖြစ်ပွားရေး၊ တိုင်းရင်းသားတွေလည်း ဒီမိုကရေစီလိုတာပဲ၊ ငြိမ်းချမ်းရေးဖြစ်ပွားရေး အဲဒါတွေ ပြောဖြစ်ကြမှာပါ” ဟု ပဒို ဒေးဗစ် သာကပေါက ဧရာဝတီသို့ ပြောသည်။
ထိုသို့ တွေ့ဆုံခြင်းဖြင့် အပြုသဘော ဆွေးနွေးရေး၊ နှစ်ဖက် ရင်းနှီးမှု ရရှိရေးတို့ ဖြစ်ပေါ်လာမည်ဟု KNU က မျှော်လင့်ထားသည်။
ကြားဖြတ်ရွေးကောက်ပွဲတွင် ဒေါ်အောင်ဆန်းစုကြည် ခေါင်းဆောင်သော NLD ပါတီ ကိုယ်စားလှယ်လောင်းများ မဲအပြတ်သတ် အနိုင် ရရှိခဲ့ခြင်းအား KNU က ဂုဏ်ယူကြောင်း၊ သို့သော်လည်း ပြည်တွင်းငြိမ်းချမ်းရေး နှင့် ၂၀၀၈ အခြေခံ ဥပဒေ ပြင်ဆင်ရေး လုပ်ဆောင်ရန်မှာ ဒေါ်အောင်ဆန်းစုကြည်နှင့် NLD ပေါ်တွင်သာ မူတည်နေခြင်း မဟုတ်ဘဲ လွှတ်တော်ထဲတွင် နေရာ အများစု ရရှိထားသည့် ကြံ့ခိုင်ရေးပါတီကလည်း စိတ်ရင်း စေတနာမှန်နှင့် ပြောင်းလဲရန် လိုအပ်ကြောင်း သူကပြောသည်။
ဒေါ်အောင်ဆန်းစုကြည်နှင့် တွေ့ဆုံနိုင်ရန် အစိုးရ၏ ငြိမ်းချမ်းရေး ကော်မတီ ခေါင်းဆောင် မီးရထားဝန်ကြီး ဦးအောင်မင်းက စီစဉ်ပေးခြင်းဖြစ်သည်ဟု သိရသည်။
KNU မှ ခွဲထွက်သွားသည့် အဖွဲ့တခုဖြစ်သော KNU/KNLA ငြိမ်းချမ်းရေး ကောင်စီသည် ဖေဖော်ဝါရီလဆန်းပိုင်းက အစိုးရနှင့် ဆွေးနွေးမှု ခရီးစဉ်အတွင်း ဒေါ်အောင်ဆန်းစုကြည်ထံ သွားရောက်ပြီး ဆွေးနွေးခဲ့ကြသေးသည်။
အထွေထွေအတွင်းရေးမှူး နော်စီဖိုးရာစိန် ဦးဆောင်သော ၁၆ ဦးပါ KNU ငြိမ်းချမ်းရေးကိုယ်စားလှယ်အဖွဲ့သည် ကြာသပတေးနေ့တွင် ဘားအံမြို့၌ ပြည်နယ်အဆင့်၊ သောကြာနေ့တွင် ဦးအောင်မင်း ခေါင်းဆောင်သော ငြိမ်းချမ်းရေး ကော်မတီနှင့် ပြည်ထောင်စုအဆင့် ဆွေးနွေးကြမည်ဟု သိရသည်။
“ဆွေးနွေးမယ့် အဓိကအချက်က အပစ်ခတ်ရပ်စဲရေး ပိုပြီးတော့ ပိုခိုင်မာလာအောင်ပါပဲ။ အပစ်ခတ်ရပ်စဲရေးက အခုဟာက ဘာမှ သတ်မှတ်ချက်မရှိဘူး။ အပစ်ရပ်ကြ ဒါပဲရှိတယ်။ နောက်ပိုင်း အစိုးရတပ်တွေက ရိက္ခာပို့တာတွေ၊ တိုက်ပွဲက တနေရာ၊ နှစ်နေရာ ပြန်ဖြစ်တာတွေ၊ ရှိနေတယ်လေ။ အခု ဒါကြောင့် အပစ်ခတ်ရပ်စဲရေး ခိုင်မာအောင် နှစ်ဘက်လိုက်နာရမယ့် စည်းကမ်းတွေ ဆွေးနွေး မှာပေါ့” ဟု ပဒိုဒေးဗစ် သာကပေါက ပြောသည်။
KNU နယ်မြေအတွင်း တပ်စွဲထားသော အစိုးရတပ်များ ရွေ့ပြောင်းပေးရေး၊ နှစ်ဖက်တပ်များ ကူးသန်း သွားလာရန် နယ်မြေ သတ်မှတ်ရေး စသည့် ကိစ္စရပ်များကို တကြိမ်ထက်မက ဆွေးနွေးညှိနှိုင်းရဦးမည်ဟု သူက ဆက်ပြောသည်။
အပစ်အခတ် အမှန်တကယ် ရပ်စဲနိုင်ပါက နယ်မြေ သတ်မှတ်ရေး၊၊ နှစ်ဖက်တိုက်ပွဲများကြောင့် ကရင်ပြည်နယ် အတွင်း နှစ်ကာလများစွာ အိုးအိမ် စွန့်ခွာ ပုန်းရှောင်နေရသည့် ရွာပုန်း၊ ရွာရှောင် ဒုက္ခသည်များ၊ ထိုင်းနိုင်ငံသို့ ထွက်ပြေး နေရသော ဒုက္ခသည်များ ပြန်လည် နေရာချထားရေးတို့ကို ဆွေးနွေးသွားမည်ဟု သိရသည်။
KNU နှင့်ဆက်နွယ်၍ အကျဉ်းကျနေသူများအပါအဝင် နိုင်ငံရေးအကျဉ်းသားများလွတ်မြောက်ရေးအတွက် တောင်းဆိုထားပြီး ဖြစ်ကြောင်း၊ အစိုးရနှင့် ဆွေးနွေးမှုတွင် အများစု စိတ်ဝင်စားနေသော KNU ထိန်းချုပ်နယ်မြေများအတွင်းရှိ ဓာတ်သတ္ထုများ တူးဖေါ်ရေး နှင့် ထားဝယ်ရေနက်ဆိပ်ကမ်း စသည့် ကိစ္စများကို ဆွေးနွေးရန် အစီအစဉ် မရှိသေးကြောင်း ဒေးဗစ်သာကပေါက ပြောသည်။
အပစ်ခတ်ရပ်စဲရေးအတွက် ဇန်နဝါရီလ ၁၂ ရက်နေ့က ဘားအံမြို့တွင် တွေ့ဆုံ ဆွေးနွေး ခဲ့ကြပြီး အချက်၁၁ ချက် ပါရှိသော ပဏာမ သဘောတူညီချက် စာချုပ်အား သဘောတူ လက်မှတ်ရေးထိုးခဲ့ကြသည်။
ယခင်လ ၂၄ ရက်နေ့ကလည်း သမ္မတ အမိန့်ဖြင့် အင်းစိန်ထောင်မှ လွတ်မြောက်သွားသည့် KNU ဗဟိုကော်မတီဝင် ပဒိုမန်းငြိမ်းမောင်အား မဲဆောက်မြို့သို့ သွားရောက် ပို့ဆောင်ခဲ့ကြသည့် မီးရထားဝန်ကြီး ဦးအောင်မင်း၊ လူဝင်မှုကြီးကြပ်ရေးဝန်ကြီး ဦးခင်ရီတို့ ဦးဆောင်သည့် ကိုယ်စားလှယ်အဖွဲ့သည် KNU ခေါင်းဆောင်များနှင့် တွေ့ဆုံခဲ့ကြသေးသည်။
DKBA အား မိုင်းခွဲလုပ်ကြံရန် မရှိဟု KNU ငြင်းဆို
နန်းသူးလေ (ကေအိုင်စီ)
တိုးတက်သောဗုဒ္ဓဘာသာ ကရင်အမျိုးသားတပ်မတော်(DKBA) ထိပ်ပိုင်းခေါင်းဆောင်များအား မိုင်းခွဲတိုက်ခိုက်ရန် ကေအဲန်ယူ တပ်မ ဟာ(၇)က ကြိုးပမ်းနေသည်ဟု ပြောဆိုမှုများမှာ မှန်ကန်မှုမရှိကြောင်း ကရင်အမျိုးသားအစည်းအရုံး(KNU) က ယနေ့ငြင်းဆိုလိုက်သည်။
ရက်ပိုင်းအတွင်းက KNU တပ်မဟာ(၇)က တပ်မဟာစစ်ကြောင်းမှူး ဗိုလ်မှူးတာမလာနှင့် ဗိုလ်မှူးဒိကွယ်တို့သည် မဲသဝေါ-ကျုံထော်ကား လမ်းကြားတွင် DKBA ထိပ်ပိုင်းခေါင်းဆောင်များကို မိုင်းခွဲတိုက်ခိုက်ရန် ကြိုးပမ်းခဲ့သည်ဟု DKBA ၏ ထုတ်ပြန်ချက်အပေါ် ငြင်းဆိုလိုက် ခြင်း ဖြစ်သည်။
“အဲဒီလိုမျိုး မကောင်းကြံစည်ဖို့ ကျနော်တို့မှာ စိတ်လည်းမရှိဘူး။ လုပ်လည်းမလုပ်ပါဘူး။ ကျနော်တို့ အလိုရှိတာကတော့ အားလုံးရဲ့ စည်းလုံးညီညွှတ်မှုနဲ့ ငြိမ်းချမ်းရေးကိုပါပဲ။ ကျနော်တို့ မလုပ်တာကိုတော့ လုပ်ပါတယ် ဆိုပြီးတော့ ၀န် မခံနိုင်ပါဘူး။”ဟု KNU တပ်မဟာ (၇) ရုံးထိုင်မှူး ဗိုလ်မှူးစောအယ်ဆဲဆဲက ကေအိုင်စီသို့ ပြောသည်။
DKBA က ပြည်ပဆက်ဆံရေးတာဝန်ခံ ဗိုလ်မှူးစောလုံ့လုံကမူ “ဒီထုတ်ပြန်ချက်ကို DKBA က ထုတ်ပြန်လိုက်တာ မှန်ပါတယ်”ဟု ပြော သည်။
ယင်းထုတ်ပြန်ချက်တွင် DKBA ကလို့ထူးဘော တပ်ရင်းတပ်ဖွဲ့၏ လက်အောက်ခံ ကလို့ထူးလား ကွပ်ကဲရေးဌာနချုပ် အမှတ်(၉၀၄)တပ် ရင်း တပ်ရင်းမှူး ဒု-ဗိုလ်မှူးကြီးစောဖိုးလုံးထံသို့ KNU တပ်မဟာ(၇) ဖောက်ခွဲရေး နယ်မြေတာဝန်ခံ စောသန်းဦးဆိုသူက ယခုလ (၃)ရက် နေ့တွင် လာရောက်ပူးပေါင်းခဲ့သည်ဟု ပါရှိသည်။
ထို့နောက် စောသန်းဦးကိုယ်တိုင် ပြီးခဲ့သည့်လ (၂၈)နေ့တွင် မိုင်းများမြှပ်နှံထားပြီး DKBA ထိပ်ပိုင်းခေါင်းဆောင်များ ဖြတ်သန်းသွားလာ သည့်အချိန်တွင် အဝေးထိန်းစနစ်ဖြင့် ဖောက်ခွဲတိုက်ခိုက်ရန် ကြိုးစားခဲ့ကြောင်း ၀န်ခံပြောဆိုခဲ့သည်ဟု ယင်းထုတ်ပြန်ကြေညာချက်တွင် ဖော်ပြထားသည်။
DKBA အနေဖြင့် KNU အပေါ်တွင် ယင်းကဲ့သို့ စွပ်စွဲပြောဆိုခြင်းသည် အခြေအမြစ်မရှိကြောင်း ဗိုလ်မှူးစောအယ်ဆဲဆဲက ပြောသည်။
၎င်းက “တပ်မဟာ(၇)နဲ့ ပတ်သက်လို့ အရာရှိ၊ အရာခံ၊ အကြပ်၊ တပ်သား အားလုံးရဲ့ နာမည်စာရင်းက ကျနော် အလွတ်မရရုံတမယ်ပဲ။ အားလုံးရဲ့စာရင်းက ကျနော်တို့ဆီမှာ ရှိပြီးသားပဲ။ ဒါပေမယ့် စောသန်းဦးဆိုတဲ့ နာမည်တော့ တစ်ခါမှ မကြားဖူးသေးဘူး”ဟု ပြောသည်။
DKBA သည် ၁၉၉၄ခုနှစ်တွင် KNU က ခွဲထွက်ကာ (၁၅)နှစ်ကျော်ကြာ အစိုးရနှင့် ပူးပေါင်းခဲ့ပြီး ၂၀၁၀ခုနှစ်၊ သြဂုတ်လတွင် ၎င်း၏ တပ် ရင်းအများစုက အစိုးရတပ် လက်အောက်ခံ နယ်ခြားစောင့်တပ်အသွင်သို့ ကူးပြောင်းသွားသည်။
သို့သော် ဗိုလ်မှူးချုပ်စောလားပွယ် ဦးစီးသည့် DKBA တပ်ဖွဲ့က နယ်ခြားစောင့်တပ်ကူးပြောင်းရေး အစီအစဉ်ကို လက်မခံဘဲ ၂၀၁၀ခုနှစ်၊ နိုဝင်ဘာလ (၈)ရက်နေ့မှစ၍ တနှစ်နီးပါး အစိုးရကို ပြန်လည်ခုခံတော်လှန်ခဲ့ပြီး ယမန်နှစ် ဒီဇင်ဘာလ (၁၁)ရက်နေ့တွင် အစိုးရနှင့် အပစ် အခတ်ရပ်စဲရေး သဘောတူလက်မှတ်ရေးထိုးခဲ့သည်။
ကရင်လက်နက်ကိုင်အဖွဲ့အချင်းချင်း ဆက်ဆံရေး ခိုင်မာစေရန် ရည်ရွယ်၍ တိုးတက်သော ဗုဒ္ဓဘာသာကရင်အမျိုးသားတပ်မတော် (DKB A) နှင့် ကရင်အမျိုးသားအစည်းအရုံး (KNU)မှ ထိပ်ပိုင်းခေါင်းဆောင်အချို့သည် မြ၀တီမြို့နယ် ဆုံဆည်းမြိုင်ကျေးရွာတွင် မတ်လ (၈) ရက်နေ့က တွေ့ဆုံခဲ့သည်။
တမျိုးသားလုံး၏ သမိုင်းတရားခံ မဖြစ်ရန် KNU သတိပြုသင့်ကြောင်း KPC ပြောဆို
ကရင်အမျိုးသားအစည်းအရုံး(KNU)အနေဖြင့် ငြိမ်းချမ်းရေး ဖော်ဆောင်ရာတွင် ကရင်တမျိုးသားလုံး၏ သမိုင်းတရားခံ မဖြစ်ရန် သတိပြု သင့်ကြောင်း ကရင်ငြိမ်းချမ်းရေးကော်မတီ- KPC ခေါင်းဆောင်များက မတ်လ ၂၀ရက်နေ့က ဆွေးနွေးပြောဆိုခဲ့ကြသည်။
ထိုနေ့ညနေတွင် ကရင်ပြည်နယ် ဘားအံမြို့၊ တောင်ကလေးဘုန်းတော်ကြီးကျောင်း၌ ကျင်းပပြုလုပ်သည့် KPC ဆရာတော်များ၏ အထူး အစည်းအဝေးတွင် KNU ဖော်ဆောင်သော ငြိမ်းချမ်းရေးကို အပြုသဘော ကြိုဆိုသော်လည်း KNU အနေဖြင့် သမိုင်းစာမျက်နှာ၌ တစ်မျိုး သားလုံး၏ သမိုင်းတရားခံ မဖြစ်ရန် သတိပြုသင့်သည်ဟု ဆွေးနွေးခဲ့ကြခြင်း ဖြစ်သည်။
ထိုအစည်းအဝေးတွင် တောင်ပတ်ဆရာတော်၊ တောင်ကလေးဆရာတော်၊ ဘီးရှော့ဖိုးရေ၊ ဘီးရှော့ ဒီဝှိုက်ကျင်း၊ သိက္ခာတော်ရ ဆရာ တော် ဒေါက်တာဂျိမ်း(စ်) ကေဘန်တို့ စသည့် KPC ၏ ဦးဆောင်ဆရာတော် ၅ပါး ပါဝင်ခဲ့ကြသည်။
ကရင့်အရေးသည် ကရင်အမျိုးသားတစ်ရပ်လုံးနှင့် သက်ဆိုင်သည့်အတွက် ကရင်လူထုအင်အား တစ်ရပ်လုံး မပါဘဲ ဖော်ဆောင်သော ငြိမ်းချမ်းရေးသည် ရေရှည်တည်တံ့သော ငြိမ်းချမ်းရေးဖြစ်မည်မဟုတ်ကြောင်း ခံယူသကဲ့သို့ အမှန်တရားကို အခြေမခံသော ငြိမ်းချမ်းရေး သည် ထာဝရ ငြိမ်းချမ်းရေး မည်သို့မျှ မဖြစ်နိုင်ဟု KPC ဆရာတော်များက ရှုမြင်သုံးသပ်ကြသည်။
၎င်းအပြင် ကရင်အမျိုးသား၏ စီးပွားကို ပျက်ပြားစေမည့် ငြိမ်းချမ်းရေးမျိုးမဖြစ်စေရန်နှင့် တစ်ပါးသူတို့၏ ချယ်လှယ်သော ငြိမ်းချမ်းရေး ဖော်ဆောင်မှုမျိုး မဖြစ်စေရန် အထူးသတိပြုသင့်သည့်အတွက် KNU အနေဖြင့် အစိုးရနှင့် ထပ်မံ တွေ့ဆုံရာတွင် ကရင်ပြည်သူအားလုံး၏ အကြံဉာဏ်များကို ရယူသွားမည်ဟု KPC ၏ အစည်းအဝေး မှတ်တမ်းတွင် ဖော်ပြပါရှိသည်။
KNU ၏ ဒု ဥက္ကဌ ပဒိုစောဒေးဗစ်သကဘောက “ဒါ တစ်မျိုးသားလုံးကိစ္စဆိုတော့ အားလုံးရဲ့ အကြံအဉာဏ်တွေကို ယူမှာပါ။ ကရင်ပြည် နယ်တင်မကဘူး။ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ တနင်္သာရီတိုင်းမှာရှိ ကရင်ပြည်သူတွေရဲ့ အကြံဉာဏ်တွေ ယူမယ်။ နောက် တစ်ခေါက်သွားရင်ပေါ့လေ”ဟု ပြောသည်။
ပြီးခဲ့သည့် ဇန်န၀ါရီလက အစိုးရ ငြိမ်းချမ်းရေးဖော်ဆောင်ရေး ကိုယ်စားလှယ်တို့နှင့် သွားရောက်ဆွေးနွေးခဲ့သော KNU ကိုယ်စားလှယ်အ ဖွဲ့သည် အကြောင်းအမျိုးမျိုးကြောင့် KPC ကို သီးသန့် သွားရောက် တွေ့ဆုံနိုင်ခြင်းမရှိသော်လည်း နောက်တစ်ခေါက် ခရီးစဉ်တွင် မဖြစ် ဖြစ်အောင် သွားရောက်တွေ့ဆုံမည်ဟု KNU ဘက်က ပြောဆိုသည်။
နှစ်ပေါင်း (၆၀)ကျော်ကြာ တိုက်ပွဲဝင်ခဲ့သည့် KNU အဖွဲ့သည် မီးရထားဝန်ကြီး ဦးအောင်မင်း ဦးဆောင်သည့် အစိုးရ ငြိမ်းချမ်းရေးဖော် ဆောင်ရေးအဖွဲ့နှင့် ပြည်နယ်အဆင့် ပဏာမ အပစ်အခတ် ရပ်စဲရေး သဘောတူညီစာချုပ်ကို ယခုနှစ် ဇန်န၀ါရီလ ၁၂ရက်နေ့က ချုပ်ဆိုခဲ့ သည်။
ထိုကာလနောက်ပိုင်း KNU အဖွဲ့သည် ပြည်တွင်းပြည်ပရှိ ကရင်လူမှုအဖွဲ့အစည်းများ၊ တတ်သိပညာရှင်များနှင့် ခရိုင်၊ တပ်မဟာ ခေါင်း ဆောင်များက အပြန်အလှန် ဆွေးနွေးခဲ့ကြပြီး လာမည့် ဧပြီလဆန်းပိုင်းတွင် အစိုးရနှင့် ဒုတိယအကြိမ် သွားရောက်တွေ့ဆုံနိုင်ရန်အ တွက် ပြင်ဆင်ထားသည်ဟုလည်း ပဒိုဒေးဗစ်သကဘောက ဆက်ပြောသည်။
ဘားအံမြို့အခြေစိုက် Karen Peace Committee-KPC ကို ကရင်လူမျိုးများအချင်းချင်း စည်းလုံးညီညွှတ်ရေးနှင့် မြန်မာပြည်ငြိမ်းချမ်းရေး အတွက် ၂၀၀၄ခုနှစ်က ကရင်ပြည်နယ်၊ ဘားအံမြို့၌ ဗုဒ္ဓဘာသာ သံဃာတော် ၅ပါးနှင့် ခရစ်ယာန်ဆရာတော် ၄ပါးဖြင့် စတင် ဖွဲ့စည်းခဲ့ သည်။
အစိုးရနှင့် KNU တို့ ပဏာမ ငြိမ်းချမ်းရေးသဘောတူ လက်မှတ်မထိုးခင် ဒီဇင်ဘာလ ၇ရက်နေ့တွင် KPC ၏ ဦးဆောင်အဖွဲ့ဝင် ၃ဦးသည် ထိုင်း-မြန်မာနယ်စပ်တစ်နေရာ၌ KNU ဗဟိုကော်မတီဝင်တချို့နှင့် လာရောက်တွေ့ဆုံခဲ့ဖူးသည်။
အစိုးရစစ်တပ်၏ ပစ်ခတ်မှုတွင် ရွာသားတစ်ဦးသေဆုံး၊ တစ်ဦးဒဏ်ရာရရှိ
မတ်လ ၂၀ရက်၊ ၂၀၁၂ခုနှစ်။ စောသိန်းမြင့် (ကေအိုင်စီ)
ကရင်ပြည်နယ်မြောက်ပိုင်း၊ တောင်ငူနှင့် ဖာပွန်ခရိုင်စပ်ကြားတွင် အခြေစိုက်လှုပ်ရှားနေသည့် အစိုးရစစ်တပ်များ၏ ပစ်ခတ်မှုကြောင့် ဒေသခံ ရွာသားတစ်ဦးသေဆုံးပြီး တစ်ဦးဒဏ်ရာရရှိခဲ့သည်ဟု Free Burma Ranger (FBR)အဖွဲ့မှ ယခုလ ၁၈ရက်နေ့က အစီရင်ခံစာ ထုတ်ပြန်ခဲ့သည်။
တောင်ငူခရိုင်၏ တောင်ဘက်ခြမ်းနှင့် ဖာပွန်ခရိုင်မြောက်ဘက်ခြမ်းရှိ ဘူဆာခီးနှင့် ခေးပူကားလမ်းကြား စီဒေးဧရိယာ ကသေးထာ့နေရာ တွင် မတ်လ ၉ရက်နေ့က ကားလမ်းဖြတ်သွားမည့် ရွာသားတစ်စုအတွက် လုံခြုံရေးအခြေအနေ ကြိုတင်သွားရောက်လေ့လာခဲ့သူ ရွာ သားနှစ်ဦးကို စစ်ကွပ်ကဲရေးဌာနချုပ်-စကခ(၉)မှ ပစ်ခတ်ခဲ့ရာ စောလေးလာသော ၂၃နှစ်သေဆုံးပြီး အခြားရွာသားတစ်ဦးမှာ ဒဏ်ရာရရှိ ခဲ့သည်ဟု ဆိုသည်။
FBR သတင်းနှင့် ပြန်ကြားရေးတာဝန်ခံ စောအယ်ဖောက “ပြဿနာက ဒီလိုပါ။ ပြီးခဲ့တဲ့ မတ်လ ၂ရက်နေ့တုန်းက ကေအဲန်ယူတပ်ဖွဲ့က နေပြီးတော့ အစိုးရတပ်ရဲ့ ရိက္ခာတင်ကားတွေကို သွားပစ်တယ်။ နောက်ဆက်တွဲအနေနဲ့ ၉ရက်နေ့မှာတော့ ကားလမ်းကိုဖြတ်သွားမယ့် ရွာသားတွေကို လုံခြုံရေးယူထားတဲ့ စစ်တပ်က ပြန်ပြီး ပစ်ခတ်တာ ကေအဲန်ယူ စစ်သားမဟုတ်ဘဲ ရွာသားတွေကို သွားထိတယ်။”ဟု ပြောသည်။
ဘူဆာခီးမှ ခေးပူအထိ ဖောက်လုပ်ထားသော အဆိုပါကားလမ်းကို လုံခြုံရေးယူပေးနေသည့် အစိုးရစစ်တပ် စကခ(၉)နှင့် တပ်မ (၆၆) လက်အောက်ခံ တပ်ရင်းများသည် ရွာသားများ၏ ဖြတ်သန်းသွားလာမှုကို ယခင်လကုန်ပိုင်းမှစ၍ ယနေ့အထိ ပိတ်ပင်လိုက်ပြီး ၎င်းတို့ တပ်ဖွဲ့အခြေစိုက်သည့် ကိုက် ၂၀၀အတွင်း တွေ့ရှိပါက မည်သူ့ကိုမဆို ပစ်ခတ်မည်ဟု အမိန့်ထုတ်ပြန်ထားခဲ့သည်။
အစိုးရစစ်တပ်၏ ကားလမ်းပိတ်ထားမှုကြောင့် ဒေသခံ ရွာသားများ လုပ်ကိုင်စားသောက်ရန် ခက်ခဲနေရကြောင်း ကေအဲန်ယူ၏ တောင်ငူ ခရိုင် ဥက္ကဌ ပဒိုစောအယ်ဝါးက ယခုလို ပြောသည်။ “သူတို့တပ်တွေကို ကားလမ်းပေါ်မှာ တောက်လျှောက်ချထားတယ်။ ဒါကြောင့် ရွာသားတွေ ဟိုဖက်ဒီဖက်ကူးပြီး အလုပ်လုပ်ဖို့၊ စားနပ်ရိက္ခာသယ်ဖို့ အခက်အခဲဖြစ်တယ်။ ရွာသားတွေက ဖြတ်သွားတဲ့အချိန်မှာ တခါတ လေ စစ်တပ်ရဲ့ ပစ်ခတ်မှုလည်း ကြုံတွေ့နေရသေးတယ်”ဟု ပြောသည်။
လက်ရှိ ဖောက်လုပ်ထားသော ဘူဆာခီး-ခေးပူ ကားလမ်းကို လွန်ခဲ့သည့် ၂၀၀၇မှ ၂၀၀၈ခုနှစ်အထိ အစိုးရတပ်များက အဆက်မပြတ် လမ်းဖောက်လုပ်ခဲ့သော်လည်း ကေအဲန်ယူတပ်ဖွဲ့ဝင်များ ၀င်ရောက်ပစ်ခတ်မှုများကြောင့် လမ်းဖောက်လုပ်ရေး အစီအစဉ်မှာ ၂၀၀၉မှ ၂၀၁၁အထိ ရပ်ဆိုင်းခဲ့ရသည်။
သို့သော် ပြီးခဲ့သည့် ဇန်န၀ါရီလ ၁၂ရက်နေ့က အစိုးရနှင့် ကေအဲန်ယူတို့ ပဏာမ အပစ်အခတ်ရပ်စဲရေး လက်မှတ်ရေးထိုးမှုကို အကြောင်း ပြကာ ဇန်န၀ါရီလလယ်ပိုင်းမှစ၍ ၎င်းကားလမ်းဖောက်လုပ်ရေးအစီအစဉ်ကို ပြန်လည်လုပ်ဆောင်လာခဲ့ပြီး ဆက်လက်၍ တောင်ငူမြို့အ ဖောက်လုပ်သွားမည့် အစီအစဉ်လည်း ရှိသေးကြောင်း နယ်မြေခံ ကေအဲန်ယူဘက်က ပြောသည်။
အစိုးရတပ်များသည် ကေအဲန်ယူနှင့် ပဏာမ သဘောတူညီမှု ရရှိသည့်နောက်ပိုင်း ကားလမ်းပြုပြင်ဖောက်လုပ်မှုကို လုပ်ဆောင်လာသည့် အပြင် တောင်ငူခရိုင်၊ ဘောဂလိကြီးဒေသရှိ ၎င်းတို့တပ်စခန်းများသို့ ရိက္ခာနှင့် လက်နက်ခဲယမ်းများကို ပို့ဆောင်ရာတွင် ဒေသခံ ရွာသား များ၏ ဆိုင်ကယ်များကို ချောဆွဲ ခိုင်းစေလျှက်ရှိသည်ဟု FBR က ဆိုသည်။
အစိုးရစစ်တပ်သည် ၎င်းတို့၏ တပ်ရိက္ခာများ ပို့ဆောင်ရာတွင် နယ်မြေခံ ကေအဲန်ယူတပ်များနှင့် ပစ်ခတ်မှု တစုံတရာ မရှိသော်လည်း ယခင်က ကေအဲန်ယူတပ်ဖွဲ့များ ထောင်ထားသည့် မြေမြှုပ်မိုင်းများကို နင်းမိကာ သေဆုံးမှုများ ရှိခဲ့သည်။
FBR ၏ မတ်လ ၅ရက်နေ့ထုတ် အစီရင်ခံစာတွင် အစိုးရနှင့် ကေအဲန်ယူတို့ အပစ်အခတ်ရပ်စဲရေး လက်မှတ်ရေးထိုးခဲ့သည့် ဇန်န၀ါရီလ လယ်ပိုင်းမှစ၍ အစိုးရစစ်တပ်များမှ ကေအဲန်ယူ တပ်မဟာ (၂)၊ (၃) (၄)၊ (၅)၊ (၆) (၇)နယ်မြေတို့တွင် အဓမ္မ လုပ်အားခိုင်းစေမှုများ ဆက်တိုက် ကျူးလွန်လျှက်ရှိသည်ဟု ဖော်ပြထားသည်။
မြန်မာပြည်တွင်းဒုက္ခသည်များကို ကူညီပေးနေသည့် FBR အဖွဲ့ကို ၁၉၉၇ခုနှစ်က စတင် တည်ထောင်ခဲ့ပြီး ကချင်၊ ကရင်၊ ကရင်နီ၊ ချင်း၊ ကယန်း၊ မွန်၊ ရခိုင်၊ သျှမ်း၊ လားဟူ၊ နာဂနှင့် ပအိုဝ်း တိုင်းရင်းသား အဖွဲ့ (၁၁)ခုဖြင့် ဖွဲ့စည်းထားကာ ကရင်ပြည်နယ် အပါအ၀င် ကချင် နှင့် ကယားပြည်နယ်များ၌ အစိုးရတပ်၏ လူ့အခွင့်အရေးချိုးဖောက်မှုများကို အလျင်းသင့်သလို အစီရင်ခံစာ ထုတ်ပြန်လေ့ရှိသည်။
ပဒိုမန်းငြိမ်းမောင် ပြန်လွှတ်လာပြီ
မတ်လ ၁၉ရက်၊ ၂၀၁၂။ (ကေအိုင်စီ)
ပြစ်ဒဏ်တစ်သက်တစ်ကျွန်းနှင့် ထောင်ဒဏ် ၃နှစ် စီရင်ချက် ချမှတ်ခံရသည့် ကရင်အမျိုးသားအစည်းအရုံး(KNU) ဗဟိုကော်မတီဝင် ပဒိုမန်းငြိမ်းမောင်ကို အစိုးရက ယနေ့မနက်တွင် ပြန်လည် လွှတ်ပေးလိုက်ပြီဟု ကေအိုင်စီမှ စုံစမ်းသိရှိရသည်။
KNU အထွေထွေ အတွင်းရေးမှူးချုပ် နော်စီဖိုးရာစိန်က “ပဒိုမန်းငြိမ်းမောင် ပြန်လွှတ်လာပြီလို့ ဒီမနက် ၁၀နာရီလောက်မှာ ကျမကို ဆက် သွယ်လာတယ်။ သူကိုယ်တိုင်(မန်းငြိမ်း)နဲ့လည်း ကျမ ခန ဖုန်းပြောရတယ်။ ပြန်လွှတ်လာပြီလား။ ဒါဆို ကျမတို့ ၀မ်းသာတာပေါ့လို့ ပြော လိုက်ပါတယ်”ဟု ကေအိုင်စီသို့ ပြောသည်။
သို့သော် ပြန်လည် လွတ်မြောက်လာသည့် ပဒိုမန်းငြိမ်းမောင်မှာ ပြည်တွင်း ကရင်အသိုင်းအ၀ိုင်းမှ ရပ်မိရပ်ဖများနှင့် ယနေ့ နေ့လည်ပိုင်း အထိ တွေ့ဆုံခြင်း မရှိသေးကြောင်း အမည်မဖော်လိုသူ ရန်ကုန်ရှိ ကရင်အမျိုးသားတစ်ဦးက ပြောသည်။
“ကျနော်တို့က သူ လွှတ်လာပြီကြားလို့ အင်းစိန်ထောင်ကိုသွားတော့ သူ ထောင်မှာ မရှိတော့ဘူး။ ဒါပေမဲ့ ဘယ်သူနဲ့အတူ ရှိနေလဲ မသိ သေးဘူး။ ကျနော်တို့နဲ့လည်း မဆုံသေးဘူးလေ”ဟု ၎င်းက ဆိုသည်။
လက်ရှိအချိန်တွင် ပြန်လည်လွတ်မြောက်လာသည့် ပဒိုမန်းငြိမ်းမောင်နှင့် တိုက်ရိုက် ဆက်သွယ်မှုရရှိရန် ကေအိုင်စီက ကြိုးစားနေဆဲ ဖြစ် သည်။
ပဒိုမန်းငြိမ်းမောင်ကို အင်းစိန်မြောက်ပိုင်းခရိုင် တရားရုံးတွင် တရားသူကြီး ဦးလှဝင်းမှ မတ်လ ၁၃ရက်နေ့တွင် ပုဒ်မ ၁၇(၁)နှင့် ပုဒ်မ ၁၂၂(၁)ဖြင့် ပြစ်မှုနှစ်မှုပေါင်း တစ်သက်တကျွန်းနှင့် ထောင်ဒဏ် ၃နှစ် စီရင်ချက် ချခဲ့သည်။
နယ်ခြားစောင့်တပ် အချင်းချင်း ပစ်ခတ်မှုတွင်တပ်ခွဲမှူးတစ်ဦး သေဆုံး
မတ်လ ၁၇ရက်၊ ၂၀၁၂။ စောသိန်းမြင့် (ကေအိုင်စီ)
ကရင်ပြည်နယ်၊ လှိုင်းဘွဲမြို့နယ်၊ မြိုင်ကြီးငူ အထူးဒေသတစ်နေရာတွင် ယမန်နေ့အစောပိုင်းက နယ်ခြားစောင့်တပ် (BGF)အချင်းချင်း ပစ်ခတ်မှုဖြစ်ပွားခဲ့ရာ BGF ဘက်က တပ်ခွဲမှူးတစ်ဦး သေဆုံးခဲ့သည်ဟု သိရသည်။
ယမန်နေ့ မနက် ၄နာရီခန့်တွင် မြိုင်ကြီးငူအထူးဒေသရှိ ရင်းပိုင်းတံတား(ယော်ပိုတို)နေရာတွင် BGF တပ်ရင်း(၁၀၁၁)တပ်ရင်းမှ တပ်ခွဲမှူး ဗိုလ်ကြီးတင်ညွှန့် စီးနင်းလာသည့် ကားတစ်စီးကို BGF တပ်ရင်း(၁၀၁၂)မှ တပ်ဖွဲ့ဝင်များ၏ ပစ်ခတ်ခဲ့ခြင်းဖြစ်သည်ဟု BGF နှင့် နီးစပ်သူ တစ်ဦးက ပြောသည်။
၎င်းက “၁၆ရက်နေ့ မနက် ၄နာရီခွဲလောက်မှာ ဗိုလ်တင်ညွှန့်နဲ့ သူ့ညီ နှစ်ယောက် မြိုင်ကြီးငူကနေ ရေတံခွန်ကို သွားဖို့ ရင်းပိုင်းတံတားအ ရောက်မှာ (၁၀၁၂)တပ်ရင်းက ဗိုလ်ဒေါဘိုးရဲ့လူတွေ စနိုက်ပါနဲ့ ပစ်ထည့်လိုက်တော့ ဗိုလ်တင်ညွှန့် ပွဲချင်းပြီးပဲ သေသွားတယ်။ သူ့ညီ ဒရိုင်ဘာကတော့ ဘာမှ မဖြစ်ဘူး”ဟု ပြောသည်။
၁၀၁၂တပ်ဖွဲ့ဝင်များ ယခုလို ပစ်ခတ်ရခြင်းမှာ ဗိုလ်တင်ညွန့်မှ ဒီကေဘီအေ ၉၀၅၏ ကားကို စီးနင်းလာသည့်ကားသည့်အတွက်ကြောင့် မှားယွင်းပစ်ခတ်မိခြင်း ဖြစ်နိုင်သည်ဟု မြ၀တီရှိ ဒီကေဘီအေ ဆက်ဆံရေးရုံးမှ ဗိုလ်ကြီးတစ်ဦးက ကေအိုင်စီသို့ ပြောသည်။
သူက “ကားက ကျနော်တို့ ၉၀၅က တပ်ရင်းမှူးကားပေါ့နော်။ အဲဒီကားကို ဗိုလ်တင်ညွှန့်ညီက ပြင်ပေးဖို့ ယူလာတာ။ အဲဒီကားနဲ့ သူ (ဗိုလ် တင်ညွှန့်)က ကားကြုံအဖြစ် စီးလာတာ။ အဲဒါကို DKBA ထင်လို့ သူတို့ (၁၀၁၂) ပစ်လိုက်တာထင်တယ်”ဟု ပြောသည်။
၎င်းပစ်ခတ်မှုနှင့်စပ်လျဉ်း၍ KNLA တပ်မဟာ (၇)မှ ရုံးထိုင်မှူး ဗိုလ်မှူးအယ်ဆဲဆဲက “စည်းကမ်းလည်းမရှိ၊ ပေါ်လစီလည်းမရှိ တစ်ဗိုလ် တစ်မင်း၊ ကိုယ့်မင်းကိုယ့်ချင်းပုံစံနဲ့ နေတဲ့ပုံစံဆိုတော့ အချင်းချင်း မကျေမနပ်ဖြစ်လို့ ပစ်ခတ်တာလည်း ဖြစ်နိုင်ပါတယ်။ ကျနော်တို့အနေနဲ့ ကတော့ ဘာမှ မပြောတတ်ပါဘူး”ဟု ပြောသည်။
ယခု အခင်းဖြစ်ပွားရာ နေရာတွင် DKBA နှင့် KNLA တပ်ဖွဲ့ဝင်များ လှုပ်ရှားမှုမရှိဘဲ BGF (၁၀၁၁)နှင့် (၁၀၁၂)တပ်ဖွဲ့ဝင်များသာ အခြေချ လှုပ်ရှားရာ နေရာဖြစ်သည်ဟု နယ်မြေခံများ၏ ပြောပြချက်အရ သိရသည်။ နယ်ခြားစောင့်တပ် (၁၀၁၁)တပ်ရင်း၏ တပ်ရင်းမှူးမှာ ဗိုလ်မှူး စိုးနိုင်ဖြစ်ပြီး (၁၀၁၂)တပ်ရင်း၏ တပ်ရင်းမှူးမှာ ဗိုလ်မှူးအောင်လင်း ဖြစ်သည်။
ပြီးခဲ့သည့် ဖေဖော်ဝါရီလ ၁၉ရက်နေ့တွင် မြိုင်ကြီးအထူးဒေသ၌ BGF တပ်ဖွဲ့ဝင်များမှ ဗိုလ်မှူးစောဘိ ဦးစီးသည့် DKBA တပ်ဖွဲ့ဝင်များ၏ လက်နက် ၂၀ကျော် သိမ်းဆည်းခဲ့ရာမှ အပြန်အလှန် ပစ်ခတ်မှုများ ဖြစ်ပွားခဲ့ဖူးသော်လည်း BGF တပ်ဖွဲ့ဝင် အချင်းချင်း ပစ်ခတ်မှုမှာ တနှစ်ကျော်အကြာတွင် ပထမဦးဆုံး ဖြစ်သည်။
ပဒိုမန်းငြိမ်းမောင် စီရင်ချက်အပေါ် ကရင့်အသိုင်းအ၀ိုင်းက ဝေဖန်တုံ့ပြန်
နန်းသူးလေ (ကေအိုင်စီ)
အစိုးရနှင့် ကရင်အမျိုးသားအစည်းအရုံး(KNU) တို့ ငြိမ်းချမ်းရေးလုပ်ငန်းစဉ် ဆောင်ရွက်နေစဉ်အတွင်း KNU ဗဟိုကော်မတီဝင် ပဒိုမန်း ငြိမ်းမောင်အား ထောင်ဒဏ် တစ်သက်တစ်ကျွန်း ချမှတ်လိုက်ခြင်းကြောင့် အစိုးရအပေါ် ယုံကြည်ချက် လျော့နည်းလာကြောင်း ကရင်လူ မှုရေးအသိုင်းအ၀ိုင်းတွင် ပြောဆိုနေကြသည်။
ဖားအံခရိုင် ကရင်လူငယ်အစည်းအရုံး (KYO) ဥက္ကဌ စောအယ်ထီးကော်က “ဒါကတော့ အစိုးရက ကလိမ်ကကျစ်ဆင်တဲ့ ကစားကွက် တစ်ခုပဲ။ တိုင်းရင်းသားတွေအပေါ်မှာ အမြဲတမ်း ကောက်ကျစ်တဲ့စိတ် ရှိနေတယ်ဆိုတာ ဒီလို တိုင်းရင်းသားခေါင်းဆောင်တစ်ယောက်ကို ပြစ်ဒဏ်ချမှတ်လိုက်ခြင်းအားဖြင့် သူတို့အပေါ်မှာ ယုံကြည်မှု တည်ဆောက်လို့ မရဘူးဆိုတာ ပေါ်လွင်သွားတာပေါ့။”ဟု ပြောသည်။
လက်ရှိ ဦးသိန်းစိန်အစိုးရသည် KNU နှင့် အပစ်ခတ်ရပ်စဲရေး၊ ငြိမ်းချမ်းရေးကို ဖော်ဆောင်နေဆဲအချိန်တွင်ပင် ပဒိုမန်းငြိမ်းမောင်အား လွှတ်ပေးမည်ဟု နှစ်ဖက် အပစ်ခတ်ရပ်စဲရေး ဆွေးနွေးစဉ်က ပြောကြားခဲ့သော်လည်း လက်တွေ့တွင် ကြီးမားသည့်ပြစ်ဒဏ်ကို ချမှတ်ခဲ့ ခြင်းဖြစ်သည်။
ပဒိုမန်းငြိမ်းမောင်အပေါ် နိုင်ငံရေးအမှုများဖြင့် တရားစွဲခဲ့ပြီးနောက် ယခုလို တစ်သက်တစ်ကျွန်းချမှတ်လိုက်ခြင်းသည် အစိုးရက KNU အ ပေါ် မတရားအသင်း သတ်မှတ်ထားချက်ကို ပယ်ဖျက်ချင်ပုံ မရသေးကြောင်းနှင့် ရှေ့ဆက်မည့် ငြိမ်းချမ်းရေးခရီးစဉ်အတွက် အဟန့်အ တား ဖြစ်နိုင်သည်ဟုလည်း ကော်လားဖလင်သတင်းဌာနမှ အယ်ဒီတာချုပ် စောအယ်ဒို့ဝါးက ဆိုသည်။
၎င်းက “သူတို့(အစိုးရ)က တကယ်ပဲ ပြည်တွင်းငြိမ်းချမ်းရေးကို လိုချင်တယ်၊ ယုံကြည်မှုကို တည်ဆောက်ချင်တယ် ဆိုရင်တော့ သူ့(မန်း ငြိမ်းမောင်)ကို လွှတ်ပေးရမှာပဲ။ မလွှတ်ပေးဘူးဆိုရင်တော့ သူတို့က စစ်မှန်တဲ့ ငြိမ်းချမ်းရေးကို မလိုချင်လို့ပဲ။”ဟု ပြောသည်။
မြန်မာနိုင်ငံကျောင်းသားလူငယ်များကွန်ဂရက် (SYCB)က အထွေထွေ အတွင်းရေးမှူး နော်ဆန်းက ငြိမ်းချမ်းရေး တည်ဆောက်ရာတွင် ယုံကြည်မှုအတွက် အပြောမဟုတ်ဘဲ လက်တွေ့အနေအထားအရ တိုင်းရင်းသားလူမျိုးစုများ၏ ယုံကြည်မှုရရှိအောင် လုပ်ဆောင်သင့် သည်ဟု ပြောသည်။
“အစိုးရအနေနဲ့ အခုလုပ်နေတာက တစ်မျိုး ပြောတာကတစ်မျိုး တော်တော်လေးကို ကွာနေတယ်။ ငြိမ်းချမ်းရေး တည်ဆောက်နေတဲ့ အချိန်မျိုးမှာ ပဒိုမန်းငြိမ်းမောင်ကို ဒီလိုမျိုး ချလိုက်တာဟာ သူ့ရဲ့ဂုဏ်သိက္ခာအပြင် ကျနော်တို့ ကရင်တမျိုးသားလုံးအပေါ် ချိုးနှိမ်ထားသ လိုမျိုး ဖြစ်တယ်”ဟု ၎င်းက ပြောသည်။
အမေရိကန်ရောက်ကရင်လူမျိုး တစ်ယောက်ဖြစ်သည့် စောအယ်မူးကလည်း “ကရင်လူမျိုးတွေ လေးစားတဲ့ခေါင်းဆောင်တယောက်ကို အခုလို တသက်တကျွန်းချမှတ်လိုက်တာကို ကြည့်ရင် ကျနော့်အနေနဲ့ပြောရရင်တော့ မတရားဘူးလို့ သတ်မှတ်ပါတယ်”ဟု ဆိုသည်။
သြစတြေးလျားနိုင်ငံ၊ ပါ့သ်မြို့မှ နမ့်ဝါ၀ါစိုးသိန်းက “ကိုယ့်ခေါင်းဆောင်တစ်ယောက်ကို အဲလို စီရင်ချက်လိုက်မှတော့ ကေအဲန်ယူအနေနဲ့ ဆက်ဆွေးနွေးစရာလည်း မလိုတော့ဘူး ထင်တယ်။”ဟု ပြောသည်။
ပဒိုမန်းငြိမ်းမောင်အား အင်းစိန်အကျဉ်းထောင်ရှိ အင်းစိန်မြောက်ပိုင်းခရိုင် အထူးတရားရုံးတွင် နိုင်ငံတော် ပုန်ကန်မှု ဥပဒေ-ပုဒ်မ ၁၂၂(၁) အရ ထောင်ဒဏ်တစ်သက်တစ်ကျွန်းနှင့် မတရားအသင်း ပုဒ်မ (၁၇) အရ ထောင်ဒဏ် သုံးနှစ်တို့ကို တစ်ပေါင်းတည်း ကျခံရန် တရားသူ ကြီးမှ ယနေ့ အမိန့်ချမှတ်ခဲ့သည်။
ဦးသိန်းစိန်အစိုးရ၏ ငြိမ်းချမ်းရေးဖော်ဆောင်မှုနှင့် လုပ်ငန်းများအား KNUနှင့် အခြားတိုင်းရင်းသားအဖွဲ့များအနေဖြင့် အမြဲ သတိဝီရိယ ထား၍ လုပ်ဆောင်ကြရန် လိုအပ်ကြောင်း ကရင်လူမှုရေးအသိုင်းအ၀ိုင်းတွင် ပြောဆိုနေကြသည်။
ယခုနှစ် ဇန်န၀ါရီလ (၁၂)ရက်နေ့ကတည်းက ကရင်အမျိုးသားအစည်းအရုံး(KNU)သည် အစိုးရနှင့် ပြည်နယ်အဆင့် အပစ်အခတ် ရပ်စဲ ထားပြီး ဖြစ်သည်။
သံတောင်နယ် ကရင်ဒေသခံများ လူ့အခွင့်အရေး ဆက်တိုက် ချိုးဖောက်ခံရ
စောခါးစူးညား (ကေအိုင်စီ)
ကရင်ပြည်နယ်သံတောင်မြို့နယ်အတွင်းရှိ ဒေသခံ ကရင်လူထုများကို မြန်မာအစိုးရတပ်က ၎င်းတို့၏ တပ်ရိက္ခာသယ်ပေးရန် လုပ်အားပေးခိုင်းစေမှုများ ဆက်တိုက်ပြုလုပ်နေသလို တောမီးရှို့မှုများလည်း ဆက်တိုက် လုပ်ဆောင်နေ သည်ဟု ဒေသခံရွာသားများက ပြောသည်။
ထိုဒေသအတွင်း လှုပ်ရှားနေသည့် မြန်မာအစိုးရစစ်တပ် တပ်မ(၆၆)လက်အောက်ခံတပ်ရင်းများသည် ယခင် အပတ်က ကျီခဲဒဲနှင့် ဘူးဆာခီးရွာဘက်တွင် တောမီးရှို့မှုများ ပြုလုပ်နေသလို ကော်သေးဒဲရွာမှ ရွာသား(၇) ဦး အား ကိုယ်ပိုင်ဆိုင်ကယ်နှင့်အတူ ချောဆွဲကာ ရော်ဆာလိုစခန်းသို့ တပ်ရိက္ခာ ပို့ဆောင်ခိုင်းစေခဲ့သည်ဟု အမည်မဖော်လိုသူ ဒေသခံတဦးက ပြောသည်။
သူက “အစိုးရတပ်တွေ မီးလိုက်ရှို့တာ အဆက်မပြတ်ပဲလေ။ အခုလ ၁၀ရက်နေ့ က ကျီခဲဒဲဘက်မှာ ရှို့တယ်။ လုပ်အားပေးလည်း ဆက်တိုက်ပဲ။ အခုလ ၈ရက်တုန်းက ရိက္ခာသယ်ဖို့ဆိုပြီး ကော်သေးဒဲရွာက ရွာသား ၇ယောက်ကို ချောဆွဲတယ်လေ။”ဟု ကေအိုင်စီ သို့ ပြောသည်။
အဆိုပါဒေသရှိ အစိုးရစစ်တပ်များသည် ၎င်းတို့ ရှေ့တန်းစခန်းသို့ ဆန်၊ ဆီ၊ ဆား၊ အချိုမှုန့်၊ ပဲ၊ နို့ဆီ စသည့် ရိက္ခာအစားအစာများကို သယ်ဆောင်ရာတွင် ဒေသခံများကို ပုံမှန်ခိုင်းစေနေသည်ဟု သူက ဆက်ပြောသည်။
၎င်းအပြင် မြန်မာအစိုးရတပ်များသည် ကျီခဲဒဲ၊ ကလိုးမူဒဲ၊ တအေးခီး၊ ဘူခီး၊ မယ်ဒေါခို၊ ခေါသူဖိုးနှင့် ကော်သေးဒဲ စသည့် ကျေးရွာများဝန်းကျင်တွင် တောမီးများ အဆက်အပြတ် လိုက်ရှို့မှုကြောင့် ဒေသခံ၏ ဖာလာ၊ ကွမ်းပင်၊ ဒညှင်း စသည့် ဥယျဉ်ခြံပျက်ဆီးမှုများလည်း ရှိသည်ဟု သိရသည်။
လက်ရှိအချိန်၌ သံတောင်မြို့နယ်အတွင်းတွင် မြန်မာအစိုးရတပ် တပ်မ(၆၆)လက်အောက်တပ်ရင်းများဖြစ် သည့် ခြေလျင်တပ်ရင်း-ခလရ(၈၀၊ ၁၊ ၃၅)၊ ခြေမြန်တပ်ရင်း-ခမရ(၁၀၈၊ ၁၀၊ ၆၊ ၄)နှင့် စစ်ဆင်ကွပ်ကဲရေး ဌာနချုပ်(စကခ-၉)လက်အောက်ခံ ခမရ(၃၈၀၊ ၃၇၅၊ ၃၇၆၊ ၅၄၁)တပ်ရင်းတို့ လှုပ်ရှားလျှက်ရှိသည်။
သံတောင်မြို့နယ်သည် KNU ထိန်းချုပ်နေမြေ တောင်ငူခရိုင်၊ တပ်မဟာ(၂)တွင် တည်ရှိနေခြင်းဖြစ်သည်။
KNU ၏ တောင်ငူခရိုင် ဥက္ကဌ ပဒို စောအယ်ဝါးက “ဒီလို လူ့အခွင့်အရေးချိုးဖောက်တာတွေ အပစ်အခတ် ရပ်ဆိုင်းရေးနဲ့ ဘာမှ မဆိုင်ဘူး။ ဟိုးအရင်က(အပစ်ရပ်ရေး မလုပ်ခင်)လည်း သူတို့(အစိုးရတပ်) ဒီလိုပဲ တောမီး လိုက်ရှို့တာပဲ။”ဟု ပြောသည်။
ပဏာမ အပစ်အခတ်ရပ်စဲရေးကာလဖြစ်သော်လည်း အစိုးရသည် ၎င်းတို့ တပ်မဟာ(၂)ဒေသအတွင်း ယခင်ကဲ့သို့ လူ့အခွင့်အရေးချိုးဖောက်မှုများ ဆက်လက်ဖြစ်ပေါ်နေခြင်းသည် အစိုးရအထက်ခေါင်းဆောင်များ ၏ စီစဉ်ချမှတ်ထားသည့် လမ်းကြောင်းအတိုင်းသာ ဖြစ်သည်ဟု သူက ဝေဖန်ပြောကြားလိုက်သည်။
ကရင်လူ့အခွင့်အရေးအဖွဲ့-KHRG မှလည်း အစိုးရ၏ အဆက်မပြတ် လုပ်အားပေးခိုင်းစေ၍ လူ့အခွင့်အရေးချိုး ဖောက်ခဲ့ခြင်းများကို ထောက်ပြသည့် အနေဖြင့် ယမန်နေ့၌ အစီရင်ခံစာတစောင်ထုတ်ပြန်ခဲ့သည်။
အစီရင်ခံစာအရ ၂၀၁၁ခုနှစ် နိုဝင်ဘာလမှ ယခုအချိန်အထိ KNU ၏ တောင်ငူခရိုင်ရှိ သံတောင်နှင့် ထန်းတပင်မြို့နယ်အတွင်းတွင် လှုပ်ရှားနေသည့် အစိုးရတပ်များသည် ၎င်းတို့ ရှေ့တန်းစခန်းများသို့ ရိက္ခာသယ်ရာတွင် ဒေသခံကရင်ရွာများဖြစ်သည့် ကလယ့်လာ့၊ ကော်သေးဒဲ၊ ကေသိုးခီး၊ ကလေ့စိုးခီးနှင့် ပယ်ကော်ဒေး(ဒဲ)မှ ရွာသူရွာသားများ၏ ကားနှင့် ဆိုင်ကယ်များအား ချောဆွဲခဲ့ခြင်းအကြောင်းကို ထည့်သွင်းဖော်ပြထားသည်။
မြန်မာအစိုးရသည် KNU နှင့် ပဏာမ အပစ်အခတ်ရပ်ဆိုင်းရေး သဘောတူညီမှု လက်မှတ်သည့်နောက်ပိုင်း သံတောင်မြို့နယ်အတွင်းရှိ ၎င်းတို့ အစိုးရစစ်တပ်များအခြေစိုက်ရာ စခန်းများသို့ ရိက္ခာပို့ဆောင်မှုများ ကျယ်ကျယ်ပြန့်ပြန့် ပိုမိုလုပ်ဆောင်လာခဲ့သည်။
မန်းငြိမ်းမောင်ကို တသက်တကျွန်းနှင့် ၃ နှစ် အမိန့်ချ
ဧရာဝတီ မှ...
နိုင်ငံတော် ပုန်ကန်မှု ဥပဒေ ပုဒ်မ ၁၂၂/၁ အရ တသက်တကျွန်း၊ မတရားအသင်း ပုဒ်မ ၁၇/၁ အရ ထောင်ဒဏ် ၃ နှစ်ချမှတ်ခြင်း ဖြစ်ပြီး ပြစ်ဒဏ်များကို တပေါင်းတည်း ကျခံစေရမည်ဟု အမိန့်ချမှတ်ကြောင်း မန်းငြိမ်းမောင် ၏ ရှေ့နေ ဦးကြီးမြင့်က ဧရာဝတီသို့ ပြောသည်။
“အခုလို အစိုးရ တာဝန်ရှိသူတွေက တရားမစွဲဘူး ပြောပြီး တသက် တကျွန်းချတော့ စိတ်ထိခိုက်တဲ့ အမူအယာတွေ တွေ့ရတယ်”ဟု ၎င်းကဆိုသည်။
KNU ဗဟိုကော်မတီဝင်တဦးဖြစ်သည့် ဖဒိုမန်းငြိမ်းမောင်သည် စိတ်ပိုင်းဆိုင်ရာ ကျန်းမာရေးလည်း ချို့ယွင်းမှု အနည်းငယ်ရှိသူ ဖြစ် ကြောင်း၊ ဆေးကုသမှု ခံယူရန် လိုအပ်ကြောင်းလည်း ဦးကြီးမြင့်က ပြောပြသည်။
“သူက အခုနောက်ပိုင်း ဘာပဲမေးလိုက်မေးလိုက် ဟုတ်တယ် ဟုတ်တယ်ချည်းပဲပြောနေတယ်၊ စိတ်ခံစားမှု မရှိတော့ဘူး”ဟု ၎င်းက ဆက်ပြောသည်။
ဦးကြီးမြင့်က ဖဒိုမန်းငြိမ်းမောင်နှင့် ထပ်မံတွေ့ဆုံကာ ရက်ပေါင်း ၆၀ အတွင်း အယူခံတင်သွင်းနိုင်ရန် ဆက်လက်ကြိုးပမ်းမည်ဖြစ် သည်ဟုလည်း ဆိုသည်။
မန်းငြိမ်းမောင်သည် ပြီးခဲ့သည့်နှစ် ဇူလိုင်လအတွင်း တရုတ်ပြည် ကူမင်းလေဆိပ်မှ မြန်မာနိုင်ငံ ရန်ကုန်လေဆိပ်သို့ ပို့ဆောင်ခံရပြီး လူဝင်မှုကြီးကြပ်ရေး ဥပဒေ၊ တရားမ၀င် စာရွက်စာတမ်း ကိုင်ဆောင်မှု၊ မတရား အသင်း ဆက်သွယ်မှုများဖြင့် ဖမ်းဆီး အရေးယူ ခံခဲ့ ရသည်။
ထို့နောက်၂၀၁၁ ခုနှစ် စက်တင်ဘာလ ၂ရက်နေ့တွင် ပြစ်မှုဆိုင်ရာ ဥပဒေပုဒ်မ ၄၆၈ နှင့် လူဝင်မှုကြီးကြပ်ရေး အက်ဥပဒေ ပုဒ်မ ၁၃/၁ တို့အရ ထောင်ဒဏ် ၆ လစီကို တပေါင်းတည်းကျခံစေရန် ရန်ကုန်တိုင်း မင်္ဂလာဒုံ မြို့နယ် တရားရုံးက ပြစ်ဒဏ် ချမှတ်ခဲ့ သည်။
လွတ်မြောက်ရန်၂၂ ရက်အလို ပြီးခဲ့သည့် ဇန်န၀ါရီ၂ ရက်နေ့တွင် မတရားအသင်း ကြေညာထားသည့် KNU ဗဟိုကော်မတီဝင် ဖြစ် သည်ဟူသော အကြောင်းပြချက်ဖြင့် နိုင်ငံတော်ပုန်ကန်မှု ဥပဒေ ပုဒ်မ ၁၂၂/၁ နှင့် မတရားအသင်း ပုဒ်မ ၁၇/၁ တို့ဖြင့်ထပ်မံစွဲချက် တင် တရားစွဲခဲ့ခြင်းဖြစ်သည်။
အစိုးရက ဖဒိုမန်းငြိမ်းမောင်အား စစ်ဆေးနေစဉ်ကာလအတွင်း ပြည်တွင်းငြိမ်းချမ်းရေးနှင့် ပတ်သက်ပြီးကူညီရန် မီးရထား ၀န်ကြီး ဦးအောင်မင်းက လာရောက် အကူအညီတောင်းခံခဲ့ကြောင်း၊ ထိုသို့ ကူညီလျှင် တရားစွဲဆိုခြင်း ပြုမည်မဟုတ်ဟုလည်း ပြောကြားမှုရှိကြောင်း၊ ထိုကြောင့် KNU နှင့် ပြုလုပ်သည့် ငြိမ်းချမ်းရေးဆွေးနွေးပွဲများ အောင်မြင်စေရန် ကူညီခဲ့ကြောင်းသိရသည်။
အဆိုပါ အမှုနှင့်ပတ်သက်၍ ဧရာဝတီက KNUအဖွဲ့သို့ ဆက်သွယ်မေးမြန်းရာ ဒု ဥက္ကဋ္ဌ ဒေးဗစ်သာကပေါက“သူတို့ ထောင်ချ လိုက် ပြီ ဆိုပေမယ့် သမ္မတ လွတ်ငြိမ်းချမ်းသာခွင့်နဲ့ လွှတ်ပေးမယ်လို့ ပြောထားတာကို စောင့်ကြည့်ရမယ်၊ ကျနော်တို့နဲ့ အစိုးရနဲ့ ပြော ထားပြီးသား ရှိတယ်”ဟု ပြောဆိုသည်။
ထို့အပြင် ဖဒိုမန်းငြိမ်းမောင်အား လွှတ်ပေးမှသာလျှင် KNUနှင့် အစိုးရ အကြား ငြိမ်းချမ်းရေးတည်ဆောက်မှုများ အောင်မြင်မည်ဖြစ် ကြောင်း၊ လွှတ်မပေးလျှင် နှစ်ဦးနှစ်ဘက်အကြား ငြိမ်းချမ်းရေးအတွက် ယုံကြည်မှုတည်ဆောက်၍ ရတော့မည်မဟုတ်ကြောင်း လည်း ဒေးဗစ်သာကပေါက ပြောသည်။
KNU နှင့် မြန်မာစစ်တပ်ကြား တိုက်ပွဲဖြစ်၍နှစ်ဦး နှစ်ဖက်ထိခိုက်သေဆုံး
စောခါးစူးညား (ကေအိုင်စီ)
ကရင်ပြည်နယ်၊ ဖာပွန်မြို့နယ်အတွင်း ကရင်အမျိုးသားအစည်းအရုံး-KNU ထိန်းချုပ်နယ်မြေ တပ်မဟာ(၅)တွင် KNU နှင့် မြန်မာအစိုးရ စစ်တပ်အကြား ယခုရက်ပိုင်းတွင် တိုက်ပွဲဖြစ်ပွား၍ နှစ်ဖက်တပ်ဖွဲ့မှ တစ်ဦးစီ ကျဆုံးသွားခဲ့သည်။
ထိုဒေသရှိ မြန်မာအစိုးရ၏ တပ်မ(၆၆)လက်အောက်ခံတပ်ရင်းများသည် ၎င်းတို့ရှေ့တန်းစခန်း ခေါ့သောခို့သို့ ရိက္ခာပို့ဆောင်ရာတွင် KNU သတ်မှတ်နယ်မြေထက် ကျော်လွန်သွားလာသောကြောင့် ခေးပူကျေးနယ်အုပ်စုအတွင်း မတ်လ ၄ရက်နေ့၊ မနက် ၇နာရီတွင် ရင်ဆိုင် တိုက်ပွဲ ဖြစ်ပွားခဲ့ ပြီး မတ်လ ၉ရက်နေ့၊ မနက် ၉း၄၅နာရီတွင် အစိုးရတပ်မှ ကေအဲန်ယူကို လာရောက်ပစ်ခတ်ခဲ့ခြင်း ဖြစ်သည်။
KNU တပ်မဟာ(၅) ရုံးထိုင်မှူး ဗိုလ်မှူးကလယ်ဒို့က “မတ်လ ၄ရက်နေ့မှာ မြန်မာစစ်တပ်က တယောက်သေတယ်။ သူတို့ရဲ့ MA-1 သေနတ်တစ်လက် ကျနော်တို့ ရတယ်။ ၉ရက်နေ့မှာတော့ ကျနော်တို့ဘက်က တယောက်သေ၊ တယောက် ဒဏ်ရာရပြီး ကျနော်တို့ သိမ်း ခဲ့တဲ့ MA-1 သေနတ်တလက်ကို သူတို့ ပြန်ရသွားတယ်။”ဟု ကေအိုင်စီသို့ ပြောသည်။
မြန်မာအစိုးရတပ်နှင့် KNU လက်အောက်ခံတပ်တို့အကြား ဖြစ်ပွားခဲ့သည့် တိုက်ပွဲနေရာသည် ခေါ့သောခို့ မြန်မာတပ်စခန်းနှင့် ကိုက် ၂၀၀ အကွာတွင် တည်ရှိပြီး အစိုးရတပ်အနေဖြင့် တပ်ရိက္ခာပို့ဆောင်ရာတွင် ကားလမ်းမကြီး၏ တဖက်တချက် ကိုက် ၂၀၀ထက် မကျော်လွန် ရန် ကေအဲန်ယူမှ ထုတ်ပြန်ထားပြီးဖြစ်သည်။
မြန်မာအစိုးရသစ်သက်တမ်း တနှစ်ပြည့် မတ်လ ၁ရက်နေ့တွင် သမ္မတဦးသိန်းစိန်က ၎င်းတို့အစိုးရအနေဖြင့် ထာဝရငြိမ်းချမ်းရေးပန်းတိုင် ကို လျှောက်လှမ်းနေသည့် ခရီးလမ်းတွင် ပရိယာယ် မရှိကြောင်း၊ တိုင်းရင်းသားခေါင်းဆောင်များနှင့် ထိတွေ့ဆက်ဆံမှုများ ရှိလာပြီး နောက် ယုံကြည်ချက်များ ပို၍ ခိုင်မာလာပြီဟု မိန့်ခွန်းပြောဆိုခဲ့သော်လည်း အပစ်အခတ်ရပ်စဲရေး သဘောတူ လက်မှတ်ထိုးထားသည့် KNU၊ သျှမ်းပြည်တပ်မတော်(တောင်ပိုင်း)-SSAS တို့နှင့် တိုက်ပွဲများ မကြာခဏ ပြန်လည် ဖြစ်ပွားလျှက်ရှိသည်။
အစိုးရတပ်မှ ခေါ့သောခို့စခန်းသို့ ပို့ဆောင်သည့် တပ်ရိက္ခာများမှာ KNU တောင်ငူခရိုင်၊ တပ်မဟာ(၂)ရှိ ၎င်းတို့၏ ဘူဆာခီးတပ်စခန်းမှ တဆင့်သယ်ဆောင်လာခြင်း ဖြစ်ပြီး ၎င်းတပ်ရိက္ခာများထဲတွင် လက်နက်ခဲယမ်းများပါ ပါဝင်သည်ဟု KNU ဘက်က ပြောဆိုသည်။
ထိုဒေသတွင် တပ်မ(၆၆) လက်အောက်ခံ ခြေမြန်တပ်ရင်း-ခမရ(၁၀၈)နှင့် ခြေလျင်တပ်ရင်း-ခလရ(၈၀)တို့ လှုပ်ရှားနေသော်လည်း KNU တပ်မဟာ(၅)အနေဖြင့် ၎င်းတို့နှင့် မိနစ်ပိုင်းအနည်းငယ်ကြာ တိုက်ပွဲဖြစ်ပွားနေသည့် အစိုးရတပ်သည် မည်သည့်တပ်ရင်းဖြစ်သည်ကို အတိအကျ မသိရသေးပေ။
KNU နှင့် မြန်မာအစိုးရတို့ ပြည်နယ်အဆင့် ပဏာမ အပစ်အခတ်ရပ်ဆိုင်းရေး သဘောတူညီမှု လက်မှတ်ထိုးပြီးနောက်ပိုင်း KNU ထိန်း ချုပ်နယ်မြေ တပ်မဟာ(၅)တွင် စုစုပေါင်း တိုက်ပွဲ ၄ကြိမ် ဖြစ်ပွားခဲ့ပြီဟု KNU တပ်မဟာ (၅)၏ လစဉ်တိုက်ပွဲမှတ်တမ်းအရ သိရသည်။
၎င်းအပြင် ကေအဲန်ယူ တပ်မဟာ(၁)၊ တပ်မဟာ(၂) ဒေသများတွင်လည်း အစိုးရတပ်မှ တပ်အပြောင်းအလဲ အကြောင်းပြကာ အင်အား တိုးချဲ့လာပြီး နယ်မြေခံတပ်များနှင့် လှုပ်ရှားလျှက်ရှိသည်။
