မေ လ ၁၃ရက် ၂၀၁၀ခုနှစ်
တပ်မဟာ(၁) သထုံခရိုင်။
- ၅.၅.၂၀၁၀ နေ့ ၁၄း၂၀အချိန် ဟတ်လေကျေးရွာအနီးတဝိုက်တွင် KNLA ပြောက်ကျားတပ်၏တိုက် ခိုက်မှုကြောင့် ရန်သူဘက်မှ ၁ဦးသေ ၁ဦးဒဏ်ရာရ။
- ၇.၅.၂၀၁၀နေ့ ၁၃း၀၀အချိန် DKBA တပ်ရင်း(၁) တပ်ခွဲ(၂)မှ တပ်ကြပ်စောဖားနီ ကိုယ်ပိုင်အမှတ် ၀၁၃၃၂၁ သည်အမြင်မှန်ရပြီး မိခင်KNUနှင့် ပြန်လည်ပူးပေါင်းတဲ့အပြင် AK ၁လက် ကျည်ကတ်တခု ကျည်ဆံ၈၉လုံးပါ ယူဆောင်ခဲ့သည်။
တပ်မဟာ(၆) ဒူပလာယာခရိုင်။
- ၁၀.၅.၂၀၁၀နေ့ တွင် စကခ(၁၂) ခလရ(၂၃၁)စစ်ကြောင်းမှူးမဲလုံးဦးစီးပြီးတော့ ကောက်နွယ်ကျေးရွာ သူ စိန်စိန်ဦး၏ဆန်များနှင့်ငွေကျပ်၂၀၀၀၀ကိုအတင်းအဓမ္မတောင်းယူပြီးတော့ တနီမူရွာသို့ပြန်လည် ထွက်ခွာသွား။
- ၁၁.၅.၂၀၁၀နေ့ ၁၆း၂၀အချိန် တနေမူး စကခ(၁၂)ခလရ(၂၃၁)မှမဲလုံးသည် DKBAများကိုခေါ်တွေ့ တာကို DKBA မှလာမတွေ့သဖြင့်၆၀မမ ဖြင့် ၂ချက် တတာကူးရွာသို့လှမ်းပစ်ခဲ့သည်။
ရင်ဆိုင်တိုက်ပွဲနှင့်လူမဆန်မှုသတင်း
သမ္မတအိုဘားမား စစ်အစိုးရအပေါ်ဒဏ်ခတ်မှု သက်တမ်းတိုး
VOA သတင်းမှ.....
မြန်မာစစ်အစိုးရအပေါ် စီးပွားရေးဒဏ်ခတ်ထားတာကို နောက်ထပ် တနှစ်သက်တမ်းတိုးဖို့ သမ္မတအိုဘားမား (Barack Obama) လက်မှတ် ရေးထိုးလိုက်တဲ့အကြောင်း မေလ ၁၄ရက်နေ့စွဲနဲ့ အိမ်ဖြူတော်က ကြေညာချက် ထုတ်ပြန်လိုက်ပါတယ်။
မြန်မာစစ်အစိုးရရဲ့လုပ်ရပ်တွေ၊ မူဝါဒတွေဟာ အမေရိကန်ပြည်ထောင်စုရဲ့ နိုင်ငံခြားရေးမူဝါဒနဲ့ အမျိုးသားလုံခြုံရေးကို ဖြစ်ရိုးဖြစ်စဉ်မဟုတ်ဘဲ ထူးထူးကဲကဲ ဆက်လက်အန္တရာယ်ပြု ခြိမ်းခြောက်နေတာကြောင့် ၁၉၉၇ ခုနှစ် မေလ ၂၀ရက်နေ့ က အမေရိကန်ပြည်ထောင်စု အမျိုးသားအရေးပေါ်ကြေညာချက် ထုတ်ပြန်ခဲ့ပါတယ်။ အဲဒီကြေညာချက်ကို ၂၀၀၃ ခုနှစ် ဇူလိုင်လ ၂၈ ရက်နေ့က သမ္မတရဲ့ အုပ်ချုပ်မှုအာဏာအရ အမိန့်ပြန်တမ်းအမှတ် ၁၃၃၁၀၊ ၂၀၀၇ ခုနှစ် အောက်တိုဘာ လ ၁၈ ရက်နေ့က အမိန့်ပြန်တမ်းအမှတ် ၁၃၄၄၈၊ ၂၀၀၈ ခုနှစ် ဧပြီလ ၃၀ ရက်နေ့က အမိန့်ပြန်တမ်းအမှတ် ၁၃၄၆၄ တို့နဲ့ အသီးသီးထုတ်ပြန်ခဲ့ပြီးဖြစ်ပါတယ်။ ဒီနှစ် ၂၀၁၀ ပြည့်နှစ် မေလ ၂၀ ရက်နေ့ကစပြီး ဆက်လက်အကျိုးသက် ရောက်မှုရှိအောင် နောက်ထပ် တနှစ်သက်တမ်းတိုးဖို့ သမ္မတအိုဘားမား ကိုယ်တိုင် ၂၀၁၀ပြည့်နှစ် မေလ ၁၃ ရက်နေ့ နေ့စွဲနဲ့ လက်မှတ်ထိုးလိုက်တဲ့အကြောင်း အိမ်ဖြူတော်က သောကြာနေ့ကကြေညာချက်ထုတ်ပြန်လိုက်ပါတယ်။
မြန်မာစစ်အစိုးရက ဒီမိုကရေစီရေး အတိုက်အခံတွေကို အကြီးအကျယ်ဖိနှိပ်၊ နှိပ်ကွပ်နေတာကြောင့် ၁၉၉၆ ခုနှစ် စက်တင်ဘာ ၃၀ ရက်နေ့နောက်ပိုင်း အမေရိကန်ပြည်ထောင်စုက ရင်းနှီးမြုပ်နှံမှု အသစ်တွေမလုပ်ဖို့ တားမြစ် ပိတ်ပင်တဲ့ ဥပဒေကို ကွန်ဂရက်လွှတ်တော်က အတည်ပြုခဲ့ပြီး ၁၉၉၇ ခုနှစ် မေလ ၂၀ ရက်နေ့ က သမ္မတအမိန့်ပြန်တမ်းနဲ့ ပြဌာန်းခဲ့ ပါတယ်။ အမေရိကန်သမ္မတရဲ့ နိုင်ငံတကာ စီးပွားရေးရာ အရေးပေါ် လုပ်ပိုင်ခွင့် အာဏာအရ မြန်မာစစ်အစိုးရရဲ့ လုပ်ရပ်တွေနဲ့ မူဝါဒတွေဟာ အမေရိကန်ပြည်ထောင်စုရဲ့ အမျိုးသားလုံခြုံရေးနဲ့ နိုင်ငံခြားရေးမူဝါဒအပေါ် အန္တရာယ်ပြု ခြိမ်းခြောက်နေတာကြောင့် ဒီအမိန့်ထုတ်ပြန်လိုက်တာဖြစ်ပါတယ်။
ကေအင်န်ယူ ပိတ်ဆို့ပစ်ခတ်မှုကြောင့် နအဖစစ်ကြောင်း ထိခိုက်ကျဆုံးမှုရှိ
တပ်မဟာ(၆) လက်စွမ်းပြပြီးဟေ့.......
သတင်း - Kaowao News ................
ယမန်နေ့နံနက် စောစောပိုင်းတွင် ကေအင်န်ယူ ပြောက်ကျားပစ်ခတ်မှုကြောင့် နအဖစစ်ကြောင်း တစ်ကြောင်း အထိအခိုက်အကျအဆုံးများစွာ ဖြစ်ပေါ်ခဲ့ရကြောင်း ကေအင်န်ယူ တပ်မဟာ (၆) ပြောခွင့်ရပုဂ္ဂိုလ် ဗဒိုစောထဲနေ ကောင်းဝါသို့ ပြောကြားပါသည်။
အဆိုပါတိုက်ပွဲသည် ကြာအင်းဆိပ်ကြီးမြို့နယ်ရှိ ကျုံခဝန်းရွာနှင့် တောင်ဒီရွာအကြား တိုက်ပွဲကြာချိန် ခြောက်နာရီထက်မနည်း ဖြစ်ပေါ်ခဲ့သည်ဟု သိရသည်။
“လောလောဆယ် တပ်ရင်း ၁၆ နဲ့ အဆက်အသွယ်ကောင်းကောင်းမရသေးလို့ ဘယ်လိုဖြစ်ခဲ့တာကို အတိအကျမပြောနိုင်သေးဘူး၊ ကျနော်သိရသလောက်တော့ နအဖက ၇ ယောက်ကျတယ်၊ ကေအင်န်ယူတစ်ယောက် ကျတယ်၊” ဟု အဆိုပါ ကေအင်န်ယူ တပ်မဟာ ၆ ပြောခွင့်ရပုဂ္ဂိုလ် ဆက်လက်ပြောကြားခဲ့သည်။
စစ်အစိုးရနှင့်နီးစပ်သူတစ်ဦးက အဆိုပါတိုက်ပွဲတွင် မြန်မာအရာရှိဗိုလ်ကြီးတစ်ဦး အပါအဝင် ထိခိုက်ဒဏ်ရာနှင့် ကျဆုံးမှုအများအပြားရှိခဲ့ပြီး အနည်းဆုံးလက်နက်(၇) လက် ကေအင်န်ယူသိမ်းဆည်းရမိသည်ဟု ဆိုပါသည်။
ယခုဖြစ်ရပ်သည် ဗိုလ်မှူးဖြိုးအောင်ခိုင် ဦးစီသော မြန်မာစစ်အစိုးရ ခမရ (၄၀၁) စစ်ကြောင်း (၂ )နှင့် KNLA တပ်ရင်း (၁၆) ၊ တပ်ခွဲ (၃) တို့ တိုက်ပွဲဖြစ်ပွားခဲ့ကြောင်း အခြားကေအင်န်ယူ သတင်းတစ်ရပ်တွင် ပြောဆိုပါသည်။
ထို့အပြင် ထိုင်းနယ်စပ် စစ်ရေးစောင့်ကြည့်သူများအဆိုအရ ယမန်နေ့နံနက်ပိုင်းတွင် ယင်းသို့ပိတ်ဆို့တိုက်ခိုက်ခံနေရသော မြန်မာစစ်အစိုးရ စစ်ကြောင်း အား ဘုရား သုံးဆူ-အနန်းကွင်းကြားလှုပ်ရှားနေသော ခမရ (၄၀၉) စစ်ကြောင်းမှ စစ်ကူမပေးနိုင် ဖြစ်ခဲ့ရသည်။
တဖန် မြန်မာစစ်အစိုးရစစ်ကြောင်းများတွင် အင်အားမလုံလောက်ခြင်းနှင့် တိုက်ပွဲဖြစ်ပေါ်လာလျှင် စစ်ကူမပေးနိုင်ကြသည်ကို တွေ့မြင်နေရကြောင်း စစ်ရေး အကဲခတ်များ သုံးသပ်နေကြသည်။
“နအဖတပ်တွေက ကလေးစစ်သားများပြီး တိုက်ရေခိုက်ရေလည်း မပြည့်ဝတော့ဘူး၊ ပထဝီနယ်မြေအနေအထားလည်း ကျွမ်းကျွမ်းကျင်ကျင်မရှိသလို စစ်ကူတွေလည်းမပေးနိုင်ကြဘူး၊ သူဖြစ်သူခံပဲ၊ ဒီတော့ တိုက်ပွဲဖြစ်လာရင် သူတို့ဖက်ကပဲ ခံရဖို့များတယ်၊” ဟု စစ်ရေး အကဲခတ်သူတစ်ဦး ပြောဆို ခဲ့သည်။
အဆိုပါ တိုက်ပွဲဖြစ်ပွားရာနှင့် ရတခဗျူဟာ(၃) ရုံးစိုက်ရာ အနန်းကွင်းစခန်းသည် ၁၀ မိုင်မျှသာ ဝေးကွာသည်ဟု သိရသည်။ ၂၀၁၀ ခုနှစ်အတွင်း တပ်မဟာ ၆ ဧရိယာ၌ နအဖနှင့်ကေအင်န်ယူအကြား ဖြစ်ပေါ်ခဲ့သောတိုက်ပွဲများအနက် ယခုတိုက်ပွဲသည် နအဖတပ်ဖွဲ့များ ပထမဆုံး အကြိမ် အထိနာဆုံး ဖြစ်ခဲ့ရသည်ဟု လေ့လာသိရှိရသည်။
၆နာရီကြာ တိုက်ပွဲတွင် ကေအဲန်အယ်လ်အေနှင့် နအဖ ထိခိုက်ကျဆုံးမှုရှိ
မေလ ၁၄ရက်။ စောသိန်းမြင့် (ကေအိုင်စီ)
ကရင်ပြည်နယ် ကြာအင်းဆိပ်ကြီးမြို့နယ် ဖါးပြဂွင်တွင် ယမန်နေ့မနက်က ကရင်အမျိုးသားလွတ်မြောက်ရေးတပ်မတော် (ကေ အဲန်အယ်လ်အေ)နှင့် နအဖစစ်တပ်တို့အကြား (၆)နာရီကြာ တိုက်ပွဲဖြစ်ပွားခဲ့ရာ နှစ်ဖက်ထိခိုက်သေဆုံးမှုရှိကြောင်း သိရှိ ရသည်။
ယမန်နေ့မနက်တွင် ကြာအင်းဆိပ်ကြီးမှ ခလယ်တံခွန်တိုင်ဘက်သို့ တက်လာသည့် အင်အား (၄၀)ကျော်ရှိ နအဖ စစ်ကွပ်ကဲ ရေးဌာနချုပ်-စကခ(၈) လက်အောက်ခံ ခမရ(၄၀၁)တပ်ရင်းမှ စစ်ကြောင်း(၂)ကို ကျုံခွန်နှင့် တောင်ဒီးကျေးရွာစပ်ကြားတွင် ကေအဲန်အယ်လ်အေ တပ်ရင်း(၁၆)က ယနေ့မနက် ၄နာရီခန့်မှ ၁၀နာရီခွဲအထိ ခြုံခိုတိုက်ခိုက်ခဲ့ရာ နအဖဘက်မှ ၁၀ဦး ထိခိုက် သေဆုံးပြီး ကေအဲန်အယ်လ်အေမှ ၁ဦး ကျဆုံးခဲ့သည်ဟု ကေအဲန်အယ်လ်အေ တပ်ရင်း(၁၆)က ပြောသည်။
ကေအဲန်အယ်လ်အေ တပ်ရင်း (၁၆)မှူး ဒုဗိုလ်မှူးကြီးမန်းတင်လှိုင်က “ကျုံခွန်နဲ့ တောင်ဒီးကျေးရွာကြားမှာ မနက် ၄နာရီ လောက်ကနေ ၁၀နာရီခွဲအထိ ကျနော်တို့ အပြန်အလှန် ပစ်ခတ်ကြတယ်။ တိုက်ပွဲက ဆက်တိုက်တော့ မဟုတ်ဘူး။ ပြတ် တောင်းပြတ်တောင်း ပစ်ခတ်တာပါ။ ကျနော်တို့ဘက်ကလည်း အင်အား ၅၀နီးပါးပေါ့။ အလောင်းကောက်လို့ ရသလောက်က နအဖ ၇ယောက် သေတယ်။ ၃ယောက် ဒဏ်ရာပြင်းတယ်။ ကျနော်တို့ဘက်ကတော့ ရဲဘော်တစ်ယောက် ဒဏ်ရာနည်းနည်းရ တယ်”ဟု ဆိုသည်။
အဆိုပါ တိုက်ပွဲတွင် နအဖထံမှ လက်နက် (၄)လက် ကေအဲန်အယ်လ်အေ သိမ်းဆည်းမိပြီး တိုက်ပွဲကြောင့် ကြာအင်းဆိပ်ကြီး မှ အင်အား ၃၀၀ခန့်ရှိ စကခ(၈)လက်အောက်ခံ ခမရ(၄၀၄)၊ ခမရ(၄၀၉)၊ ခလရ(၆၂)တပ်ရင်းတို့ စစ်ကူတက်လာသလို လော လောဆယ်တွင် ကျုံခွန်၊ ခလယ်တံခွန်တိုင်၊ တောင်ဒီးကျေးရွာသူကြီးများကို အဆိုပါ နအဖတပ်များမှ ဆင့်ခေါ်ထားသည်ဟု သိရသည်။
ကြာအင်းဆိပ်ကြီးမြို့နယ်ရှိ ဒီကေဘီအေ တပ်မှူးတဦးက “တိုက်ပွဲဖြစ်တာ အတော်ကြာတယ်လို့ သိရတယ်။ နအဖ က တိုက် ပွဲဖြစ်တိုင်း တပ်သားကျဆုံးတဲ့အကြောင်းကို ပြောလေ့ပြောထမရှိဘူးလေ။ တနေရာမှာ သေရင် တခါတည်း တန်းမြှုပ်ပစ်တာပဲ။ ကော်သူးလေ (ကေအဲန်အယ်လ်အေ)ဘက်က အပိုင်နေရာယူထားတော့ သူတို့ပဲ သာမှာပါ”ဟု ပြောသည်။
ကေအဲန်ယူ တပ်မဟာ (၆)နယ်မြေတွင် ၂၀၀၇ခုနှစ်နောက်ပိုင်း နအဖနှင့် ကေအဲန်အယ်လ်အေ တပ်ဖွဲ့ဝင်တို့ မကြာခဏ တိုက် ပွဲဖြစ်ပွားလေ့ရှိသော်လည်း ယခုတကြိမ်သည် အချိန်ကြာမြင့်ပြီး နအဖဘက်က အများအပြား ထိခိုက်သေဆုံးမှုရှိသည်။
နအဖ ခမရ(၄၀၁)တပ်ရင်းသည် မွန်ပြည်သစ်ပါတီက နယ်ခြားစောင့်တပ်ကို ငြင်းပယ်လိုက်သည့်နောက်ပိုင်း ယခုတိုက်ပွဲဖြစ် ပွားသည့် နယ်မြေသို့ဝင်ရောက်လာသည့်အပေါ် ကေအဲန်အယ်လ်က စောင့်၍ တိုက်ခိုက်ခဲ့ခြင်းဖြစ်သည်။
ဖားပြကျေးရွာနှင့် (၇)မိုင်အကွာအဝေးရှိ အဆိုပါတိုက်ပွဲဖြစ်ပွားရာဒေသတွင် စကခ(၈) လက်အောက်ခံ တပ်ရင်းများဖြစ်သည့် ခမရ(၄၀၁)၊ (၄၀၉)နှင့် ခမရ(၄၀၄)က နယ်မြေခံတပ်များအဖြစ်လည်းကောင်း၊ အရှေ့တောင်တိုင်းစစ်ဌာနချုပ် လက်အောက်ခံ ခလရ(၂၈၄)၊ တပ်မ(၂၂)လက်အောက်ခံ ခလရ(၂၀၉)တပ်ရင်းများက ဧပြီလဆန်းပိုင်းကတည်းက စစ်ကူအဖြစ် ရောက်ရှိလာ ပြီး ကေအဲန်အဲလ်အေတပ်ရင်း (၁၆)နှင့် တိုက်ပွဲများ ဆက်လက် ဖြစ်ပွားနိုင်ကြောင်း ဒေသခံများက ထင်မြင်ယူဆနေကြသည်။
ရှမ်းမြောက်တပ်နှင့် စစ်အစိုးရအကြား တင်းမာမှုကြီးထွား
ဖနိဒါ။။ ချင်းမိုင် (မဇ္ဈိမ)........
ပြည်သူ့စစ် အသွင်ပြောင်းလဲရေး ငြင်းဆိုနေသည့် အပစ်ရပ် ရှမ်းပြည်တပ်မတော် (မြောက်ပိုင်း) SSA-N တပ်မဟာ ၁ နှင့် စစ်အစိုးရ တပ်များအကြား စစ်ရေး တင်းမာမှုများ ရှိနေကြောင်း သိရသည်။
SSA-N ၌ တပ်မဟာ ၁၊ ၃၊ ၇ နှင့် ဗဟို လုံခြုံရေးတပ် ရှိသည့်အနက် ရှမ်းပြည်မြောက်ပိုင်း သီပေါမြို့နယ် စိန်ကျော့ဒေသ ဌာနချုပ်မှ ဥက္ကဌ ဗိုလ်ချုပ်လွယ်မောဝ်း ဦးဆောင်သည့် တပ်မဟာ ၃၊ ၇ နှင့် ဗဟို လုံခြုံရေးတပ် စုစုပေါင်း အင်အား ၁၂၀၀ ကျော်သည် ပြည်သူ့စစ် အသွင်ပြောင်းရန် ယခင်လ က စာရင်းတင်ခဲ့သည်ဟု ဆိုသည်။
သို့သော် ရှမ်းပြည်မြောက်ပိုင်း ဝမ်ဟိုင်းဒေသ အခြေဆိုက် ဗိုလ်ချုပ်ပန်ဖ ဦးဆောင်သည့် အင်အား ၃၀၀၀ ကျော်ရှိ တပ်မဟာ ၁ အဖွဲ့က ဆက်လက် ငြင်းဆိုနေခြင်း ဖြစ်သည်။ စစ်အစိုးရ၏ နယ်ခြားစောင့်တပ် ပြောင်းရေး နောက်ဆုံး သတ်မှတ်ရက်မှာ မေ ၁၂ ရက်နေ့ ဖြစ်သည်။
တပ်မဟာ ၁ နယ်မြေ၏ အနောက်၊ မြောက်၊ တောင်ဘက်များရှိ မိန်းယိုင်း၊ မိန်းနောင်၊ တန့်ယန်းမြို့ နယ်များတွင် နအဖ တပ်အင်အားများ တိုးချဲ့လာနေခြင်းဖြစ်ပြီး ကူညီတိုက်ခိုက်ရန် ပြင်ဆင်ထားကြောင်း စစ်အစိုးရကို လက်နက်ကိုင် တိုက်နေဆဲဖြစ်သော ရှမ်းပြည် တပ်မတော် (တောင်ပိုင်း) SSA-S မှ ပြောရေးဆိုခွင့်ရှိသူ စိုင်းလောဝ်ဆိုင်က ပြောသည်။
“တချို့က တောပြန်ခိုဖို့ ရှိနေတယ်။ ဒီနေ့ဆိုရင် ကျော်လာပြီဖြစ်တဲ့အတွက် တပ်မဟာ ၁ ချ ထားတဲ့ ဒေသတဝိုက်မှာတော့ တဖြည်းဖြည်းနဲ့ တပ်ချဲ့ထားတယ်။ တပ်မဟာ ၁ က နအဖက တိုက် လာမယ်ဆိုရင် ပြန်တုန့်ပြန်ဖို့ အဆင်သင့် ဖြစ်ပြီလို့ ပြောတယ်” ဟု သူက မဇ္ဈိမကို ပြောသည်။
၁၉၈၉ ခု စက်တင်ဘာလတွင် နဝတ ကိုယ်စားလှယ်များနှင့် ဗိုလ်ချုပ်ဆေထင် ဦးဆောင်သော SSA-N ကိုယ်စားလှယ်များအကြား လားရှိုးမြို့၌ အပစ်ရပ် လက်မှတ်ထိုးစဉ်က နိုင်ငံရေးကိစ္စများကို နောင်လာမည့် အစိုးရဖြင့်သာ ဆွေးနွေးမည်ဟုလည်း သဘောတူခဲ့ကြသည်။
ရှမ်းပြည်နယ်အရေး လေ့လာနေသူ သျှမ်းသံတော်ဆင့် သတင်းဌာန လက်ထောက် အယ်ဒီတာ ဦးစိန်ကြည်ကလည်း “နအဖဘက်က စစ်အင်အားတွေ ထပ်ပို့တယ်။ တပ်မဟာ ၁ ဘက်ကလဲ သူတို့ရဲ့ တပ်မှူး တပ်သား၊ ဒေသခံတွေရဲ့ ခိုင်မာပြတ်သားတဲ့ ဆုံးဖြတ်ချက်ပဲ ဆိုပြီးတော့ လက်မခံဘူး” ဟု မဇ္ဈိမကို ပြောသည်။
SSA-N ၏ အဓိက စီးပွားရေး လုပ်ငန်းသည် သစ်နှင့် ကျောက် ရောင်းဝယ်ရေးတို့ဖြစ်ပြီး ဥက္ကဌ ဗိုလ်ချုပ် လွယ်မောဝ်း ဦးဆောင်သည့် တပ်ဖွဲ့များသည် ရှမ်းပြည်တောင်နှင့် မြောက်အကြားရှိ မိုင်းကိုင်၊ မန်းလောမ်၊ မိုင်းနောင်၊ မိုင်းရှူးမြို့နယ်များတွင် လတ်တလော လှုပ်ရှားနေသည်။
မိုင်းရှူးမြို့မှ ပုဂ္ဂလိက ကျောက်ကုမ္ပဏီများတွင် အခကြေးငွေဖြင့် လုံခြုံရေး ယူနေသော တပ်မဟာ ၁ တပ်ဖွဲ့ဝင်များသည် ကျောက်တွင်းများမှ ထွက်ခွာသွားနေသည်ဟု ဒေသခံများက ပြောသည်။
အခြားအပစ်ရပ် တိုင်းရင်းသားအဖွဲ့များဖြစ်သော မွန်ပြည်သစ်ပါတီ NMSP၊ ကချင်အမျိုးသား လွတ်မြောက်ရေးအဖွဲ့ KIO၊ ဝ’ ပြည်သွေးစည်းညီညွတ်ရေးတပ် UWSA တို့သည်လည်း ယနေ့ထိ ပြည်သူ့စစ်နှင့် နယ်ခြားစောင့်တပ် အသွင်ပြောင်းရေးကို ငြင်းဆိုနေကြဆဲ ဖြစ်သည်။
ယခုရက်ပိုင်းအတွင်း ရှမ်းပြည်နယ် တောင်ကြီးမြို့ဘက်မှ စစ်သားနှင့်လက်နက်အပြည့် တင်ဆောင် ထားသည့် နအဖ စစ်ကား ၃၇ စီးသည် ရှမ်းပြည်တောင်ပိုင်း UWSA ထိန်းချုပ်ထားရာ နမ်းစန်မြို့နှင့် သံလွင်မြစ် အနောက်ဖက် ကွန်ဟိန်းမြို့၊ မိုင်းပန်ဘက်သို့ ထွက်ခွာသွားသည်ဟု ဒေသခံများက ပြောသည်။
စောင့်ကြည့်သူတွေ လက်မခံတဲ့ စစ်အစိုးရ ရွေးကောက်ပွဲ ဖိလစ်ပိုင် ဝေဖန်
VOA သတင်းမှ.......
မြန်မာနိုင်ငံမှာ နှစ်ပေါင်း ၂၀ အတွင်း ပထမဆုံးအကြိမ် ကျင်းပမယ့် စစ်အစိုးရရဲ့ ရွေးကောက်ပွဲဟာ စစ်မှန်တဲ့ ရွေးကောက်ပွဲ မဟုတ်ဘူးလို့ ဖိလစ်ပိုင် နိုင်ငံခြားရေးဝန်ကြီးက ပြင်းပြင်းထန်ထန် ဝေဖန် ပြောဆိုလိုက်ပါတယ်။ ပြည်တွင်းရေး ၀င်ရောက် မစွက်ဖက်ရေးမူကို ဆုပ်ကိုင်ထားတဲ့ အာဆီယံအသင်းရဲ့ အစဉ်အလာကို ချိုးဖောက်ပြီး ဖိလစ်ပိုင် နိုင်ငံခြားရေးဝန်ကြီးက မြန်မာစစ်အစိုးရကို အခုလို ပြင်းပြင်းထန်ထန် ဝေဖန်လိုက်တာပါ။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တကွ သက်ဆိုင်သူ အားလုံး ပါဝင်ခွင့်မရအောင် တားမြစ်ထားတဲ့ ရွေးကောက်ပွဲဟာ စစ်မှန်တဲ့ ရွေးကောက်ပွဲ ဖြစ်မှာမဟုတ်ဘူး၊ လေ့လာသူတွေ စေလွှတ်ရင်လည်း အပိုသာဖြစ်လိမ့်မယ်၊ စစ်အစိုးရရဲ့ လုပ်ဆောင်ချက်တွေဟာ ကလေးကစားသလို ဖြစ်နေတယ်လို့ ဖိလစ်ပိုင် နိုင်ငံခြားရေးဝန်ကြီး အယ်လ်ဘာတို ရိုမူလို (Alberto Romulo) က ဒီနေ့ ဖိလစ်ပိုင်နိုင်ငံ မနီလာမြို့တော်မှာ သတင်းထောက်တွေနဲ့ တွေ့ဆုံစဉ် အခုလို ပြင်းပြင်းထန်ထန် ဝေဖန် ပြောဆိုလိုက်တာပါ။
စစ်အစိုးရက အခုနှစ်အတွင်း ကျင်းပဖို့ စီစဉ်နေတဲ့ ရွေးကောက်ပွဲအတွက် သူတို့မှာ ရွေးကောက်ပွဲ အတွေ့အကြုံတွေ ရှိပြီးသား၊ နိုင်ငံတကာက လေ့လာသူတွေ မလိုအပ်ဘူးလို့ ပြောဆိုလိုက်တဲ့အပေါ် ဖိလစ်ပိုင် နိုင်ငံခြားရေးဝန်ကြီး ရိုမူလိုက အခုလို တုံ့ပြန် ပြောဆိုလိုက်တာပါ။
အကွီလီနို နေနေး ပီမန်းတဲလ် (Aquilino Nene Pimentel) ဟာ ဖိလစ်ပိုင် အထက်လွှတ်တော်အမတ် ဖြစ်ပြီး IPU နိုင်ငံတကာ လွှတ်တော်အမတ်များ သမဂ္ဂရဲ့ လူ့အခွင့်အရေး ကော်မတီ ဥက္ကဋ္ဌလည်း ဖြစ်ပါတယ်။ သူက နိုင်ငံခြားရေးဝန်ကြီး ရိုမူလို အခုလို ဝေဖန်ပြောဆိုလိုက်တဲ့အပေါ် သူ့အနေနဲ့ ထောက်ခံတယ်လို့ ဆိုပါတယ်။
“နိုင်ငံခြားရေးဝန်ကြီး ရိုမူလို အခုလို ပြောလိုက်တဲ့အပေါ် ကျနော့်အနေနဲ့ သဘောတူပါတယ်။ ဒါပေမဲ့ ဒါဟာ နိုင်ငံတကာ လေ့လာရေးအဖွဲ့တွေ လာရောက်ခွင့် ပြုတာတင် မကပါဘူး၊ စစ်အစိုးရကို ဆန့်ကျင်သူ အားလုံးကို အစိတ်စိတ် အမြွှာမြွှာဖြစ်အောင် လုပ်ဆောင်ထားပြီး ရွေးကောက်ပွဲမှာ ပါဝင်ခွင့် မပြုတဲ့အတွက် ဒီရွေးကောက်ပွဲဟာ စစ်မှန်တဲ့ ရွေးကောက်ပွဲ မဟုတ်ဘူးဆိုတာ ထင်ရှားနေပါတယ်။”
ဒီရွေးကောက်ပွဲဟာ ပြည်တွင်း ပြည်ပက ထင်မြင် ယူဆထားသလိုပဲ စစ်အာဏာရှင်တွေ သက်ဆိုးရှည်အောင် လုပ်ဆောင်တဲ့ ရွေးကောက်ပွဲ ဖြစ်တယ်လို့ အထက်လွှတ်တော်အမတ် ပီမန်းတဲလ်က ဆက်ပြောပါတယ်။
“စစ်မှန်ပြီး တရားမျှတတဲ့ ရွေးကောက်ပွဲတခု ဆိုပြီး တမင်တကာ လုပ်ကြံဖန်တီးပြီး ကျင်းပမယ့် ဒီရွေးကောက်ပွဲဟာ စစ်အာဏာရှင်တွေ တရားဝင်ဖြစ်အောင် လုပ်ဆောင်တဲ့ အတုအယောင် ရွေးကောက်ပွဲသာ ဖြစ်ပါတယ်။”
မကြာခင် ရက်ပိုင်းအတွင်းကပဲ ဖိလစ်ပိုင်နိုင်ငံမှာ အထွေထွေ ရွေးကောက်ပွဲကြီး ကျင်းပပြီးစီးပြီး ဘန်နစ်နို အကွီနို (Benigno Aquino) ဦးဆောင်တဲ့ အစိုးရသစ် တက်လာတော့မှာပါ။ ဘန်နစ်နို အကွီနိုဟာ ဖိလစ်ပိုင်ပြည်သူတွေ အာဏာရှင် မားကို့စ် လက်အောက်က လွတ်မြောက်အောင် စွမ်းဆောင်ခဲ့သူတဦး ဖြစ်သလို မြန်မာနိုင်ငံမှာ စစ်မှန်တဲ့ ဒီမိုကရေစီ ထွန်းကားရေး လိုလားတဲ့ ကွယ်လွန်သူ ဖိလစ်ပိုင် သမ္မတဟောင်း ကိုရာဇန် အကွီနို (Corazon Aquino) ရဲ့ သားဖြစ်ပါတယ်။
ဒါကြောင့် ဘန်နစ်နို အကွီနို အနေနဲ့လည်း မိခင်ခြေရာကို နင်းပြီး မြန်မာ့အရေးကို လက်ရှိ ဖိလစ်ပိုင် အစိုးရလိုပဲ ဖိဖိစီးစီး လုပ်ဆောင်သွားလိမ့်မယ်လို့ သူယုံကြည်တဲ့အကြောင်း မစ္စတာ ပီမန်းတဲလ်က ပြောပါတယ်။
“တက်လာမယ့် အစိုးရသစ် အနေနဲ့လည်း လက်ရှိအစိုးရထက် မပိုရင်တောင် သူတို့လောက်တော့ မြန်မာစစ်အစိုးရအပေါ် ဝေဖန် ပြောဆိုမှုတွေ လုပ်ဆောင်ပါလိမ့်မယ်။ ဘာဖြစ်လို့လဲဆိုတော့ နောက်တက်လာမယ့် သမ္မသစ်ဟာ သူမ အသက်မသေခင်တုန်းက လက်ရှိစစ်အစိုးရကို အမြဲတမ်း ဝေဖန် ပြောဆိုလေ့ရှိတဲ့ ကိုရီ အကွီနိုရဲ့သား ဘန်နစ်နို အကွီနို ဖြစ်နေလို့ပါ။ သူ သမ္မတဖြစ်လာတာနဲ့ စစ်အစိုးရရဲ့ ရွေးကောက်ပွဲကို မဆိုင်းမတွ ဝေဖန် ပြောဆိုလိမ့်မယ်ဆိုတာ ကျနော် ယုံကြည်ပါတယ်။”
မြန်မာစစ်အစိုးရက အခုနှစ်အတွင်း ကျင်းပဖို့ စီစဉ်နေတဲ့ ရွေးကောက်ပွဲအတွက် အရှေ့တောင်အာရှ အာဆီယံ နိုင်ငံတွေ အပါအ၀င် နိုင်ငံတကာက လေ့လာ စောင့်ကြည့်သူတွေ မလိုအပ်ဘူးလို့ ပြောဆိုနေပေမဲ့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကတော့ လေ့လာစောင့်ကြည့်သူတွေကို ဖိတ်ကြားဖို့ မနေ့က ဗုဒ္ဓဟူးနေ့မှာပဲ စစ်အစိုးရကို တောင်းဆိုလိုက်ပါတယ်။
ကယားပြည်နယ်တွင် ကေပီပီ အရွေးခံရန် ကေအဲန်ပီပီ ကန့်ကွက်
သတင်း - ကေအိုင်စီ
ရေးသားသူ - စောခါးစူးညား
ကြာသပတေးနေ့၊ မေလ 13 ရက် 2010 ခုနှစ်
ကရင်ပြည်သူ့ပါတီ(ကေပီပီ)က ကယားပြည်နယ်အတွင်းရှိ မဲဆန္ဒနယ်မြေ (၂)ခုတွင် ပါဝင်ယှဉ်ပြိုင် အရွေးခံသွားမည်ကို လက်ခံမည် မဟုတ်ဟု ကရင်နီ အမျိုးသားတိုးတက်ရေးပါတီ(ကေအဲန်ပီပီ)က မေလ ၁၁ရက်နေ့တွင် ကြေညာချက်အမှတ် ၀၁/၂၀၁၀ဖြင့် သဘောထား ထုတ်ပြန်ခဲ့သည်။
ကေပီပီသည် လူမျိုးရေးကို အခြေခံ၍ ဖွဲ့စည်းထားသည့် နိုင်ငံရေးပါတီဖြစ်သောကြောင့် ကယားပြည်နယ်၊ မဲဆန္ဒနယ်မြေ တွင် ပါဝင်ယှဉ်ပြိုင်ပါက ပြည်သူလူထုအတွင်း အမြင်သဘောထား ကွဲလွဲမည်ကို စိုးရိမ်သည့်အတွက် ယခုလို ကြေညာချက် ထုတ်ပြန်ရခြင်းဖြစ်သည်ဟု ကေအဲန်ပီပီ အတွင်းရေးမှူး(၁) ခူးဦးရယ်က ကေအိုင်စီကို ယနေ့ ပြောသည်။
"လူထုတွေ အမြင်မကြည်လင်မှု အသွင်သဏ္ဍာန်ဆောင်မယ့် ကိစ္စတွေကို ရှောင်ရှားတဲ့အနေနဲ့ ကျနော်တို့ သဘောမတူဘူး ဆိုတာ ဆုံးဖြတ်ခဲ့ရတာပါ။ တကယ်လို့များ နိုင်ငံရေးရည်ရွယ်ချက် တခုတည်းသက်သက်နဲ့ သွားတယ်ဆိုရင် ပြောစရာ တော့ မရှိဘူးပေါ့ဗျာ။ ဒါပေမယ့် ကေပီပီကျတော့ ကရင်လူမျိုးကို အခြေခံတဲ့အတွက်ကြောင့် လူမျိုးရေးအရ ရေရှည်မှာ ပြဿနာဖြစ်လာမှာကို ကြိုတင်တားဆီးတဲ့အနေနဲ့ ကန့်ကွက်ရတာပါ"ဟု ပြောသည်။
ကေပီပီအနေဖြင့် ကယားပြည်နယ်အတွင်း မည်သည့် မဲဆန္ဒနယ်မြေတွင်မဆို ပါဝင်ယှဉ်ပြိုင်သွားခြင်းကို လက်ခံမည် မ ဟုတ်ကြောင်းနှင့် ကေပီပီ ၀င်ရောက်ပြိုင်မည့် မဲဆန္ဒနယ်မြေရှိ မဲဆန္ဒရှင်များမှ မဲမထည့်ကြရန် ကေအဲန်ပီပီ၏ ကြေညာ ချက်တွင် အသိပေးထားသည်။
သို့သော် ကေပီပီက ၎င်းတို့ ၀င်ရောက်ယှဉ်ပြိုင်မည့် မဲဆန္ဒနယ်မြေကို အတိအကျ ဖော်ပြထားခြင်း မရှိသေးသည့်အတွက် မည်သည့်နယ်မြေဖြစ်သည်ကိုမူ မပြောနိုင်သေးကြောင်း ကေအဲန်ပီပီက ဆိုသည်။
အဆိုပါကိစ္စနှင့် ပတ်သက်၍ ကေအိုင်စီက ကေပီပီ ဥက္ကဌ အငြိမ်းစား ဒုဗိုလ်မှူးကြီးစောထွန်းအောင်မြင့်ကို မေးမြန်းရန် တယ်လီဖုန်းဖြင့် ယနေ့ ကြိုးစားဆက်သွယ် ခဲ့သော်လည်း ဖုန်းကိုင်ဖြေဆိုသူ မရှိပေ။
စစ်အစိုးရက နိုင်ငံရေးပါတီများ မှတ်ပုံတင်ခြင်းနှင့် ရွေးကောက်ပွဲဆိုင်ရာ ဥပဒေများကို မတ်လ ၈ရက်နေ့တွင် ထုတ်ပြန်ခဲ့ပြီး နောက် ကရင်ပြည်သူ့ပါတီ(ကေပီပီ)သည် မတ်လ ၃၁ရက်နေ့တွင် ပြည်ထောင်စု ရွေးကောက်ပွဲကော်မရှင်ထံ ပါတီမှတ်ပုံ တင်လျှောက်ခဲ့သည်။
ကရင်အမျိုးသားတိုးတက်ရေးပါတီ(ကေအဲန်ပီပီ)သည် ၁၉၅၇ ခုနှစ်တွင် စတင်ဖွဲ့စည်းခဲ့ပြီး လက်ရှိအချိန်ထိ စစ်အစိုးရကို တော်လှန်တိုက်ခိုက်နေသည့် တိုင်းရင်းသားလက်နက်ကိုင်အဖွဲ့အစည်း ဖြစ်သည်။
ကရင်ပါတီများကို စစ်အာဏာရှင်ဒေါက်တိုင်များဟု ကေအန်ယူ ပြောကြား
ရဲရင့် (ခေတ်ပြိုင်)
ကရင်ပြည်နယ်ကို ၎င်းတို့ပါတီ၏ ဦးစားပေးပြည်နယ်အဖြစ် ၀င်ရောက်ယှဉ်ပြိုင်မည်မဟုတ်ဟု ကရင်ပြည်သူ့ပါတီ (ကေပီပီ) အထွေထွေအတွင်းရေးမှူး၏ ပြောဆိုချက်သည် စစ်အာဏာရှင် သက်ဆိုးရှည်ရေးအတွက် အဆိပ်ပင်ရေလောင်းနေခြင်းသာ ဖြစ်သည်ဟု ကေအန်ယူက ပြောဆိုလိုက်သည်။
ကရင်အမျိုးသားအစည်းအရုံး (ကေအန်ယူ) ၏ တွဲဖက်အထွေထွေအတွင်းရေးမှူး (၁) ပဒိုစောလှငွေက ကရင်ပြည်သူ့ပါတီ၏ သဘောထားထုတ်ပြန်ချက်နှင့်ပတ်သက်၍ ခေတ်ပြိုင်သို့ ပြောကြားခြင်းဖြစ်သည်။
ကရင်ပြည်သူ့ပါတီသည် ကရင်ပြည်နယ်ကို ၎င်းတို့ပါတီ၏ ဦးစားပေးပြည်နယ်အဖြစ် ၀င်ရောက်ယှဉ်ပြိုင်မည်မဟုတ်ဟု ယင်းပါတီ၏ အထွေထွေအတွင်းရေးမှူး စောစေးဝါးက ယခုလ (၇) ရက်ထုတ် ပြည်တွင်းသတင်းဂျာနယ်တစောင်ဖြစ်သည့် လျှပ်တပြက်ဂျာနယ်၏ တွေ့ဆုံမေးမြန်းခန်းတွင် ပြောကြားခဲ့ခြင်းဖြစ်ပြီး ၎င်းတို့ပါတီ အဓိက၀င်ရောက်ယှဉ်ပြိုင်မည့် ဒေသများမှာ ဧရာဝတီ၊ မွန်၊ တနင်္သာရီ၊ ရန်ကုန်၊ ပဲခူး စသည့်ဒေသများဖြစ်သည်ဟု ဆိုသည်။
ထိုသို့ပြောဆိုချက်ကို ပဒိုစောလှငွေက ၂၀၁၀ ရွေးကောက်ပွဲဝင်ရောက်မည့် ကရင်ပါတီများသည် ကရင်ပြည်နယ်နှင့် ကရင်အမျိုးသားများကို ကိုယ်စားပြုသည်ဖြစ်စေ၊ မပြုသည်ဖြစ်စေ ၎င်းတို့ပါတီများ၏ အဓိကရည်မှန်းချက်များမှာ စစ်အာဏာရှင်စနစ် မပြိုလဲသွားရန် ကြားခံပေးမည့် ဒေါက်တိုင်များသာဖြစ်သည်ဟု ပြောဆိုသည်။
၎င်းက “ဒီရွေးကောက်ပွဲနဲ့ ပတ်သက်လို့ ဘာမှ ခေါင်းထဲထည့်စရာမလိုဘူး။ သူတို့ထင်သလို ဒီရွေးကောက်ပွဲဟာ ဘယ်ပြည်နယ်အတွက်၊ ဘယ်ကရင်အတွက်၊ ဘယ်အတန်းအစားအတွက်မှ ဖြစ်မှာမဟုတ်ဘူး။ ကရင်ပြည်နယ်ဆိုတာကလည်း နဂိုကတည်းက ဘာမှရှိတာ မဟုတ်ဘူး။ ကရင်အမျိုးသားတွေရဲ့ လိုလားချက်တွေနဲ့ အမျိုးသားတွေရဲ့ကိုယ်ပိုင်ပြဋ္ဌာန်းခွင့်တွေ ဒီမိုကရေစီရေးတွေ ဘာမှမရှိခဲ့ဘူး၊ ရှေ့ဆက် ဒီထက်ဆိုးဖို့ပဲ ရှိမယ်” ဟု ပြောသည်။
၂၀၀၈ ဖွဲ့စည်းပုံအခြေခံဥပဒေအောက်တွင် အမျိုးသားများ၏ ကိုယ်ပိုင်ပြဋ္ဌာန်းခွင့်များ ညီညွတ်သည့်ပြည်ထောင်စုနှင့် အမျိုးသားစည်းလုံးညီညွတ်မှုများကို လုံးဝ တည်ဆောက်နိုင်မည်မဟုတ်ဟု ကေအန်ယူက ပြောသည်။
“အခု ရွေးကောက်ပွဲဝင်မယ့် ကရင်ပါတီဝင်တွေဟာ တချိန်မှာ သမိုင်းရဲ့တရားခံတွေဖြစ်မယ်။ ဒါကြောင့် ကရင်ပြည်သူတွေကို ဆန့်ကျင်သပိတ်မှောက် တိုက်ပွဲဝင်ကြဖို့ တိုက်တွန်းချင်တယ်” ဟု ပဒိုစောလှငွေက ပြောသည်။
ကရင်ပြည်သူ့ပါတီ ရွေးကောက်ပွဲဝင်ရသည့် အဓိကအကြောင်းရင်းမှာ နိုင်ငံတော်တည်ဆောက်ရေးတွင် တတ်အားသရွေ့ ကာယ၊ ဉာဏ၊ စွမ်းအားရှိသလောက် ပါဝင်ချင်သောကြောင့်၊ ပါဝင်နိုင်မည်ဟု ယုံကြည်သည့်အတွက်ကြောင့်ဖြစ်ကြောင်း စောစေးဝါးက ပြောသည်။
ကရင်ပြည်သူ့ပါတီတွင် ဥက္ကဋ္ဌ စောထွန်းအောင်မြင့်၊ ဒု-ဥက္ကဋ္ဌ စောအေးကို၊ အထွေထွေအတွင်းရေးမှူး စောစေးဝါးတို့မှာ ပါတီပြောခွင့်ရပုဂ္ဂိုလ်များဖြစ်ပြီး အငြိမ်းစားယူထားသည့် မြန်မာစစ်တပ်အရာရှိဟောင်းများ ဖြစ်ကြသည်။
၂၀၁၀ ရွေးကောက်ပွဲဝင်ရောက်နိုင်ရန် ကရင်ပါတီ (၃) ခုဖြစ်သည့် ကရင်ပြည်သူ့ပါတီ (ကေပီပီ)၊ ပြည်ထောင်စု ကရင်အမျိုးသားများအဖွဲ့ချုပ် (ယူကေအယ်လ်) နှင့် ဖလုံ-စဝေါ် ဒီမိုကရက်တစ်ပါတီတို့ နိုင်ငံရေးပါတီတည်ထောင်ခွင့် လျှောက်ထားခဲ့ရာတွင် (ကေပီပီ) နှင့် ဖလုံ-စဝေါ်ဒီမိုကရက်တစ်ပါတီ (၂) ခုသာ ပါတီတည်ထောင်ခွင့်ရရှိသေးသည်။
ယခုလ (၈) ရက်နေ့အထိ ရရှိထားသည့်စာရင်းများအရ ရွေးကောက်ပွဲကော်မရှင်ထံတွင် နိုင်ငံရေးပါတီတည်ထောင်ခွင့် လျှောက်ထားသည့်ပါတီပေါင်း (၃၁) ခုရှိသည့်အနက် ပါတီ (၂၇) ခုမှာ ပါတီတည်ထောင်ခွင့် ရရှိပြီးဖြစ်သည်ဟု သိရသည်။
ငြိမ်းအဖွဲ့များ၏ စစ်ရေးကိစ္စများ အပေါ် နအဖ ကန့်သတ် တော့မည်လော
သျှမ်းသံတော်ဆင့်မှ....
နအဖစစ်ရုံးချုပ်က နယ်ခြားစောင့်တပ် (သို့မဟုတ်) ပြည်သူ့စစ်ဖွဲ့စည်းရေး အာခံနေသည့် ငြိမ်းချမ်းရေးအဖွဲ့များ၏ စစ်ရေး ကိစ္စများနှင့် နယ်မြေအတွင်းသွားလာမှုများ အပေါ် ကန့်သတ်ရန်အတွက် လက်အောက်ခံ စစ်တိုင်းဋ္ဌာနချုပ်များသို့ ဧပြီလ ကုန်ပိုင်းက ညွန်ကြားချက် ထုတ်ပြန်ထားကြောင်း စစ်ဘက်သတင်းရပ်ကွက်များ အဆိုအရ သိရသည်။
ဥပဒေဘောင်အတွင်း ၀င်ရောက်လာသည်ဟု ဆိုသော ငြိမ်းအဖွဲ့များသည် ငြိမ်းချမ်းရေးမူများကို ချိုးဖေါက်နေသောကြောင့် ထိုသို့မဖြစ်စေရန် စစ်တိုင်းများက ကြပ်မတ်ရမည်ဟု ညွန်ကြားချက်က ဆိုသည်။
လူသစ်စုဆောင်းခြင်း၊ သင်တန်းဖွင့်လှစ်ခြင်း၊ စစ်ရေးလေ့ကျင့်ခြင်းနှင့် လက်နက်ခဲယမ်း တိုးချဲ့တပ်ဆင်ခြင်း စသည့် စစ်ရေးကိစ္စများအား ငြိမ်းချမ်းရေးလက်နက်ကိုင်အဖွဲ့များ မပြုလုပ်စေရန် စစ်တိုင်းများက ကြပ်မတ်ရမည် ဟုဆိုသည်။
ထို့အပြင် အဆိုပါအဖွဲ့များ နယ်မြေအတွင်း ခရီးသွားလာရာတွင် လက်နက်ကိုင်ဆောင်သွားလာခွင့်မပြုရန်နှင့် သက်ဆိုင်ရာ နအဖတပ်စခန်းများသို့ သတင်းပို့ပြီးမှသာ သွားလာရမည်ဟု ဆိုသည်။
နအဖစစ်ရုံးချုပ်၏ ယခု ညွန်ကြားချက်သည် အသစ်အဆန်း မဟုတ်သော်လည်း လက်ရှိအချိန်အခါ အရ နယ်ခြားစောင့် တပ် (သို့) ပြည်သူ့စစ်အသွင်ပြောင်းရေးကို အာခံနေသည့် ငြိမ်းအဖွဲ့များအပေါ် ကန့်သတ်မှုများ တိုးမြှင့် လုပ်ဆောင်လို သည့် သဘောထားဖြစ်ကြောင်း အပစ်ရပ်အဖွဲ့များနှင့်နီးစပ်သူတစ်ဦးက ဆိုသည်။
ယခင်စစ်ထောက်လှမ်းရေး အကြီးအကဲ ဗိုလ်ချုပ်ကြီးခင်ညွန့် ရာထူးမှ ဖယ်ရှားခံရပြီးနောက် နအဖစစ်တပ်က ငြိမ်းအဖွဲ့ များအပေါ် ကန့်သတ်ချက်များ တိုးမြှင့်လုပ်ဆောင်ခဲ့ရာ နယ်ခြားစောင့်တပ် အသွင်ပြောင်းဖွဲ့စည်းရေး အဆိုပြုပြီး တစ်နှစ် တာ ကာလအတွင်း ထပ်မံတင်းကြပ်လာသည့် အနေအထားဖြစ်သည်။
စစ်ထောက်လှမ်းရေးကြီးစိုးစဉ်ကာလက ငြိမ်းအဖွဲ့များအနေဖြင့် ဒေသအတွင်းသာမက ရန်ကုန် မန္တလေးမြို့များအထိ လက်နက်ကိုင်ဆောင်သွားလာခဲ့ကြသည်ဟု ဆိုသည်။
ယခုနောက်ပိုင်းကာလများတွင် အထိမ်းအမှတ်ပွဲများ တက်ရောက်ရာ၌ပင် ငြိမ်းအဖွဲ့များ၏ လက်နက်ခဲယမ်းယူဆောင်ခွင့် နှင့် ယူနီဖေါင်း ၀တ်ခွင့်များကို ကန့်သတ်မှုများ ပြုလုပ်လာခြင်းဖြစ်သည်။
နအဖစစ်တပ်နှင့် လက်နက်ကိုင်အဖွဲ့များ ငြိမ်းချမ်းရေးရယူခဲ့သည့် နှစ် ၂၀ကျော်ကာလအတွင်း နှစ်ဘက်စစ်ရေး ပြင်ဆင် လာခဲ့ရာ သျှမ်းပြည်(မြောက်ပိုင်း)ရှိ ၀ပြည်သွေးစည်းရေးပါတီသည် လက်နက်ကိုင်အင်အား ၃၀၀၀၀ ကျော်ခန့် ရှိနေပြီး ကချင်ပြည် လွတ်လပ်ရေးအဖွဲ့တွင် လက်နက်ကိုင် ၁၀၀၀၀ ခန့်ရှိလာကြောင်း ကျွမ်းကျင်သူ များက ခန့်မှန်းသည်။
နအဖစစ်တပ်က တိုင်းရင်းသား ငြိမ်းချမ်းရေးလက်နက်ကိုင်အဖွဲ့များ၏ စစ်ရေးကိစ္စရပ်များကို ကန့်သတ်နေသည့် တစ်ချိန် တည်းတွင် ၄င်းတို့ဘက်မှ တရုတ် ရုရှား မြောက်ကိုးရီးယားနိုင်ငံများမှ ခေတ်မှီ စစ်လက်နက်ပစ္စည်းများ ၀ယ်ယူဖြည့်တင်း လျှက်ရှိသည်။
ကေအဲန်အယ်လ်အေနှင့် ဒီကေဘီအေကြား ပစ်ခတ်မှုကြောင့် အရပ်သားများ ထိခိုက်ဒဏ်ရာရခဲ့
စောသိန်းမြင့်(ကေအိုင်စီ)....
ကရင်ပြည်နယ် ကော့ကရိတ်မြို့နယ် ဝေါ်လေဂွင်တွင် ယမန်နေ့က ကရင်အမျိုးသားလွတ်မြောက်ရေး တပ်မတော် (ကေအဲန်အယ်လ်အေ)နှင့် တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ) တပ်ဖွဲ့ဝင်တို့ ကြား ပစ်ခတ်မှုတခုဖြစ်ပွားမှုကြောင့် အရပ်သားများ ထိခိုက်သေဆုံးမှုရှိသည်ဟု သိရသည်။
ယမန်နေ့ မွန်းလွဲ ၂နာရီခန့်တွင် ဒီကေဘီအေ တပ်မဟာ (၅)လက်အောက်ခံ တပ်ရင်း (၉၀၂)မှ တပ်ရင်းမှူး ဒုဗိုလ် မှူးကြီး စောကျော်သက် အပါအ၀င် ၎င်း၏ မိသားစုနှင့်အတူ လူ (၁၀)ဦးခန့် စီးနင်းလိုက်ပါလာသော ကားတစ်စီးကို ကေအဲန်အယ်လ်အေ တပ်ရင်း (၁၀၃)မှ တပ်ဖွဲ့ဝင်များက ဆွဲမိုင်းဖြင့် စောင့်ဆွဲသည့်အပြင် ငါးမိနစ်ကြာ ပစ်ခတ်ခဲ့မှု ကြောင့် ရဲဘော်တဦး သေဆုံးခဲ့ကာ အမျိုးသမီးနှင့် ကလေး အပါအ၀င် ၃ဦး ဒဏ်ရာရှိခဲ့သည်ဟု ဒီကေဘီအေနှင့် နီးစပ်သူတဦးက ပြောသည်။
သူက “ဝေါ်လေကို တက်လာတဲ့ ဗိုလ်ကျော်သက်ကားကို ဘလယ့်ဒို့နဲ့ ကျောက်ခက်ကြားမှာ ကေအဲန်အယ်လ်အေ က ဆွဲမိုင်းနဲ့စောင့်ဆွဲတဲ့အပြင် ငါးမိနစ်လောက် ပစ်ခတ်မှု ဖြစ်ပွားခဲ့တယ်။ ကားထဲမှာရှိတဲ့ ဗိုလ်ကျော်သက် မိန်းမ နဲ့ကလေး ဒဏ်ရာရသွားတယ်။ ကလေးကတော့ လက်တဖက်ကျိုးသွားတယ်။ ရဲဘော်တယောက်သေဆုံးသွား တယ်။ နောက်ရဲဘော်တယောက် ဒဏ်ရာရတယ်။ ကေအဲန်အယ်လ်ဘက်ကတော့ တယောက်မှ မထိဘူး”ဟု ပြောသည်။
အဆိုပါ ဖြစ်ပွားမှုသည် ကေအဲန်အယ်လ်အေ တပ်ရင်း (၁၀၃)ဘက်က နအဖစစ်တပ်နှင့် မှားယွင်းပစ်ခတ်ခြင်းဖြစ် ကြောင်း ပြောဆိုခဲ့သော်လည်း ယင်းပစ်ခတ်မှုသည် တမင်သက်သက် ပစ်ခတ်ခြင်းဖြစ်ကြောင်း ဒီကေဘီအေ တပ် မဟာ(၅)မှ တပ်မှူးတဦးက ကေအိုင်စီကို ပြောသည်။
၎င်းက “နအဖစစ်တပ်နဲ့ မှားပစ်ဖို့အကြောင်း လုံးဝမရှိဘူး။ ဗိုလ်ကျော်သက် တက်လာမယ်ဆိုတာ သူတို့(ကေ အဲန်အယ်လ်အေ)ကို ကြိုပြီးအကြောင်းကြားပြီးသားပါ။ ကရင်အမျိုးသားလွတ်မြောက်ရေးတပ်မတော်ဆိုတာ တမျိုး သားလုံးကို ကိုယ်စားပြုတဲ့ တပ်မတော်ဖြစ်တဲ့အတွက် တပ်မတော်ရဲ့ စည်းကမ်းကို လိုက်နာသင့်ပါတယ်။ အခုချိန် မှာ ကျနော်တို့ အချင်းချင်း ပစ်ခတ်ကြရမယ့်အချိန်မဟုတ်ဘူး။ သွေးနီးရမယ့်အချိန်ဖြစ်တယ်”ဟု ပြောသည်။
ကေအဲန်ယူ တပ်မဟာ (၆)နယ်မြေတွင် ယခင်က ထိုပစ်ခတ်မှုမျိုး မကြာခဏဖြစ်ပွားလျှက်ရှိပြီး ယခုပစ်ခတ်မှုသည် (၉၀၂)တပ်ရင်းမှူးအဖွဲ့နှင့် မိသားစုတို့ အထိနာသောကြောင့် ဒီကေဘီအေဘက်က အလွန် မကျေမနပ်ဖြစ်နေကြ သည်ဟု အဆိုပါ တပ်မှူးက ပြောသည်။
ကေအဲန်ယူ တွဲဘက်အတွင်းရေးမှူး(၁) ဗိုလ်မှူးစောလှငွေက “ နအဖတက်လာမယ်ဆိုလို့ ဒီကသတင်းရတာက နေပြီးတော့ ဖြစ်နိုင်ခြေအပေါ်မှာ သူတို့တွက်ပြီး စောင့်ပစ်တဲ့ သဘောမျိုးဖြစ်တယ်။ စောင့်ပစ်တဲ့အပေါ်မှာ ဒီကေဘီ အေ ကားဖြစ်သွားတယ်။ ကျနော်တို့ ရတဲ့သတင်းအရကတော့ နအဖတက်လာတယ်။ တနေရာရောက်တော့ နအ ဖက တက်မလာတော့ဘူး။ အောက်က ရဲဘော်တွေကတော့ ကားတက်လာမယ်။ တက်လာမယ့်ကားကို ကြုံးမယ်။ ဘာကောင် ညာကောင်လဲဆိုတာ သူတို့လည်း ဘယ်သိမလဲ”ဟု ပြောသည်။
ပြီးခဲ့သည့် ရက်အနည်းငယ်က ဒီကေဘီအေ တပ်မဟာ (၅) တပ်မဟာမှူး ဗိုလ်မှူးချုပ် စောလားပွယ်(ဗိုလ်နှုတ် ခမ်းမွှေး)က နယ်ခြားစောင့် အသွင်ကူးပြောင်းရေးကိစ္စကို တိတ်တဆိတ် လက်မှတ်ရေးထိုးခဲ့သည်ဟု သတင်း ထွက်ပေါ်သောကြောင့် ကေအဲန်အယ်လ်အေနှင့် ဒီကေဘီအေတို့ကြား စစ်ရေးအခြေအနေ တင်းမာလာနိုင်ကြောင်း ထိုင်းနယ်စပ်ရှိ ကရင်ပြည်သူများက သုံးသပ်ပြောဆိုကြသည်။
EU ကိုယ်စားလှယ် မြန်မာနိုင်ငံကို သွားဖို့ပြင်
VOA သတင်းမှ...
မြန်မာနိုင်ငံမှာ ဒီနှစ်အတွင်း ကျင်းပမယ်ဆိုတဲ့ ရွေးကောက်ပွဲတွေကို စောင့်ကြည့် လေ့လာဖို့ ကိုယ်စားလှယ်အဖွဲ့ စေလွှတ်နိုင်ရေးနဲ့ ပတ်သက်ပြီး ဥရောပသမဂ္ဂရဲ့ မြန်မာနိုင်ငံဆိုင်ရာ အထူးသံတမန် ပီယာရို ဖက်ဆီနို (Pierro Fassino) နဲ့အဖွဲ့ မြန်မာနိုင်ငံကို သွားဖို့ ပြင်ဆင်နေတယ်လို့ မစ္စတာ ဖက်ဆီနိုရဲ့ ပြောခွင့်ရပုဂ္ဂိုလ်က ဗွီအိုအေ မြန်မာပိုင်းကို ပြောပါတယ်။ ဒီအကြောင်း အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။
EU အနေနဲ့ မြန်မာနိုင်ငံမှာ ဒီနှစ်အတွင်း စစ်အစိုးရက ကျင်းပဖို့ စီစဉ်နေတဲ့ ရွေးကောက်ပွဲအတွက် မြန်မာနိုင်ငံဆိုင်ရာ EU အထူးသံတမန် မစ္စတာ ပီယာရို ဖက်ဆီနို ပါဝင်တဲ့ လေ့လာရေး ကိုယ်စားလှယ်အဖွဲ့ စေလွှတ်လိုတဲ့အကြောင်း ပြီးခဲ့တဲ့ ဧပြီလ ၂၇ ရက်နေ့က EU နိုင်ငံခြားရေး ကောင်စီကနေ တရားဝင် ဆုံးဖြတ်ချက် ချလိုက်တာပါ။
အခုချိန်မှာတော့ EU နဲ့ မြန်မာစစ်အစိုးရအကြား ဒီခရီးစဉ်အတွက် ဆွေးနွေးမှုတွေ ပြုလုပ်နေတယ်လို့ မစ္စတာ ဖက်ဆီနိုရဲ့ ပြောခွင့်ရပုဂ္ဂိုလ် မစ္စတာ ဘာတိုရယ်လီ (Mr. Bartorelli) က ဗွီအိုအေကို ပြောပြပါတယ်။
“ဒီခရီးစဉ် ဖြစ်မြောက်ရေးအတွက် အခုမှ ပြင်ဆင်တုန်း အဆင့်ပဲ ရှိပါသေးတယ်။ မကြာခင်မှာ မြန်မာနိုင်ငံကို သွားနိုင်လိမ့်မယ်လို့ မျှော်လင့်ပါတယ်။ ပြီးခဲ့တဲ့ ဧပြီလ ၂၇ ရက်နေ့က ဥရောပကောင်စီက ထုတ်ပြန်ခဲ့တဲ့ ကြေညာချက်ကိုလည်း ခင်ဗျားတို့ တွေ့ပြီးလောက်ပါပြီ။ ဒါကြောင့် ဒီခရီးစဉ်ဟာ တရားဝင် ခရီးစဉ် ဖြစ်ပါတယ်။ နှစ်ဘက် ဆက်ဆံရေးတွေ တိုးတက် ကောင်းမွန်လာအောင်လို့ EU က ကိုယ်စားလှယ်အဖွဲ့ကို စေလွှတ်ဖို့ အဆင်သင့် ဖြစ်နေပါပြီ။”
ဒီခရီးစဉ်ဟာ မစ္စတာ ဖက်ဆီနို တယောက်တည်းသွားမယ့် ခရီး မဟုတ်ဘူးလို့ မစ္စတာ ဘာတိုရယ်လီက ပြောပါတယ်။
“ဒီခရီးစဉ်ဟာ EU အဖွဲ့ကြီး တခုလုံးရဲ့ ခရီးစဉ် ဖြစ်ပါတယ်။ မစ္စတာ ဖက်ဆီနိုလည်း ဒီခရီးစဉ်မှာ လိုက်ပါသွားမှာ ဖြစ်ပါတယ်။ သူတယောက်တည်း သွားမယ့် ခရီးစဉ်တော့ မဟုတ်ပါဘူး။ ကျနော်ပြောခဲ့သလိုပဲ အခုမှ ပြင်ဆင်မှုတွေ လုပ်နေတုန်းမို့ မြန်မာစစ်အစိုးရ အပေါ်မှာလည်း အများကြီး မူတည်ပါတယ်။”
ပြီးခဲ့တဲ့ မေလ ၉ ရက်နဲ့ ၁၀ ရက်နေ့တွေတုန်းက အရှေ့အာရှနဲ့ ပစိဖိတ်ရေးရာ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ့်ပ်ဘဲလ် (Kurt Campbell) မြန်မာနိုင်ငံကို သွားပြီး စစ်အစိုးရ အရာရှိတွေနဲ့ တွေ့တုန်းက ရွေးကောက်ပွဲအတွက် နိုင်ငံတကာက လေ့လာ စောင့်ကြည့်သူတွေကို ဖိတ်ခေါ်ဖို့ ရှိမရှိ မေးခဲ့တာကိုတော့ ဒီကိစ္စအတွက် ရွေးကောက်ပွဲ ကော်မရှင်ကသာ ဆုံးဖြတ်မယ်လို့ ပြန်ကြားရေးဝန်ကြီး ဦးကျော်ဆန်းက ပြန်လည် ဖြေကြားခဲ့ပါတယ်။
ဒါပေမဲ့ အဲဒီသတင်းတပုဒ်ထဲမှာပဲ တခြားနေရာ တခုမှာတော့ ဒီနှစ်အတွင်း ကျင်းပမယ့် ရွေးကောက်ပွဲအတွက် နိုင်ငံတကာက လေ့လာ စောင့်ကြည့်သူတွေ လာဖို့မလိုဘူး ဆိုပြီး ရေးသားထားပြန်ပါတယ်။ ဒါကြောင့် မြန်မာနိုင်ငံမှာ ကျင်းပမယ့် ရွေးကောက်ပွဲကို လေ့လာ စောင့်ကြည့်ဖို့ EU က ကိုယ်စားလှယ် စေလွှတ်ဖို့ စီစဉ်နေတာကို စစ်အစိုးရက တဘက်လှည့်နဲ့ ပယ်ချလိုက်တာလား ဆိုတာ မေးခွန်းထုတ်စရာ ဖြစ်နေပါတယ်။
EU ကတော့ သူတို့ဘက်က ကိုယ်စားလှယ် စေလွှတ်ဖို့အတွက် စစ်အစိုးရနဲ့ စကားပြောနေတဲ့အကြောင်း ပြောနေပေမဲ့ သူတို့အနေနဲ့ မြန်မာနိုင်ငံကို ဘယ်အချိန်မှာ သွားခွင့်ရမယ် ဆိုတာတော့ မသိရသေးပါဘူး။
ဒေါ်အောင်ဆန်းစုကြည်နဲ့တကွ သက်ဆိုင်သူ အားလုံး ပါဝင်ခွင့် မရှိအောင် ကန့်သတ် ချုပ်ချယ်ထားတဲ့ ရွေးကောက်ပွဲဆိုင်ရာ စည်းမျဉ်း ဥပဒေတွေကို စစ်အစိုးရက ထုတ်ပြန်ပြီးတဲ့နောက် အဲဒီကန့်သတ်ချက်တွေကို EU ဥရောပသမဂ္ဂက ကန့်ကွက် ရှုတ်ချထားပြီး ဖြစ်ပါတယ်။
စစ်ရေးတင်းမာမှုကြောင့် အပစ်ရပ် SSA တပ်ဖွဲ့များ မိုင်းရှုးမှထွက်ခွာ
သျှမ်းသံတော်ဆင့် မှ...
မြန်မာစစ်တပ်နှင့် ပြည်သူ့စစ်အသွင်ပြောင်း ဖွဲ့စည်းရေး လက်မခံသေးသည့် အပစ်ရပ် သျှမ်းပြည်တပ်မတော်(SSA) လက် အောက်ခံ တပ်မဟာ ၁ တပ်ဖွဲ့ တို့ကြား လတ်တလော စစ်ရေးတင်းမာမှုများ ဖြစ်ပေါ်နေသောကြောင့် မေလဆန်းပိုင်းမှစ၍ တပ်မဟာ ၁ တပ်ဖွဲ့များ မိုင်းရှုးမြို့နယ် ကျောက်တွင်းများမှ ထွက်ခွာနေသည်။
ပုဂ္ဂလိကကျောက်တူးကုမ္ပဏီများအတွက် အခကြေးငွေဖြင့် လုံခြုံရေးယူနေသော တပ်မဟာ ၁ အဖွဲ့များ သျှမ်းပြည်(တောင် ပိုင်း)မိုင်းရှုးမြို့နယ် ကျောက်တွင်းများမှ ပြန်လည်ထွက်ခွာသွားရာ ကျောက်တွင်းများတွင်စိုးရိမ်မှုအရှိန်မြင့်တက် နေ ကြောင်း မိုင်းရှုးမြို့ရှိ ကျောက်ကုမ္ပဏီဝန်ထမ်းတစ်ဦးက သျှမ်းသံတော်ဆင့်သို့ ပြောသည်။
“ဒီတစ်ပတ်အတွင်း အခြေအနေက တော်တော်ကိုတင်းမာလာတယ် ကျောက်တွင်းတွေမှာ လုံခြုံရေးယူထားတဲ့ သျှမ်းအဖွဲ့ တွေ ပြန်ရုပ်သွားပြီ မိုင်းရှုးကနေ ၁၈ မိုင်လောက်ဝေးတဲ့နေရာမှာ သျှမ်းတပ်ဖွဲ့စခန်းတစ်ခုရှိတယ် အဲဒီစခန်းမှာလည်း ရုံး အစောင့်ပဲထားတော့တယ် အားလုံးတောထဲပြန်ဝင်သွားတဲ့ သဘောရှိတယ် ” ဟု သူက ပြောသည်။
အပစ်ရပ်အက်အက်အေ တပ်မဟာ ၁ ဋ္ဌာနချုပ်ရှိရာ ၀မ်ဟိုင်းဒေသအနီးသို့ မြန်မာစစ်တပ်များ ချဉ်းကပ်နေရာယူထားပြီး စ၀်ယွက်ဆစ် ခေါင်းဆောင်သည့် သျှမ်းပြည်တပ်မတော် (တောင်ပိုင်း) အဖွဲ့များလည်း အဆိုပါဒေသသို့ ထိုးဖေါက်ရောက်ရှိ နေကြောင်း သိရသည်။
“သျှမ်းတပ်ဖွဲ့တွေကို လုံခြုံရေးယူဖို့ငှားတာက ကုမ္ပဏီတွေက လစာပေးပြီးငှားတာပေါ့ သူတို့ရှိတော့ ကျောက်ခိုးတာတို့ ဗမာပြည်ကလာတဲ့ အလုပ်သမားတွေကို ထိန်းရတာပိုပြီး အဆင်ပြေတာပေါ့” ဟု သူက ပြောသည်။
၂၀၀၈ ခုနှစ်အတွင်း ဖြစ်ပွားခဲ့သည့် ကမ္ဘာ့ဘဏ္ဍာငွေကြေး အကြပ်အတည်း ကာလမှစ၍ မိုင်းရှုးကျောက်ဈေးကွက် ယိုင်နဲ့ နေပြီး စစ်တပ်နှင့်ဆက်နွယ်သည့် ကြံ့ဖွံ့ သျှမ်းရိုးမ စီးပွားရေးဦးပိုင်လိမိတက် စသည့်ကျောက်တူး ကုမ္ပဏီများမှလွဲ၍ ကျန် ပုဂ္ဂလိကကုမ္ပဏီအများအပြား လုပ်ငန်းရပ်ဆိုင်းခဲ့ရကြောင်းသိရသည်။
ထို့အပြင် မြန်မာစစ်တပ်နှင့် သျှမ်းပြည်(မြောက်ပိုင်း) ကိုးကန့်အထူးဒေသ (၁) တပ်ဖွဲ့တို့ စစ်ပွဲဖြစ်ပွားပြီးနောက်ပိုင်းကိုးကန့် နှင့် ၀ ကျောက်ကုမ္ပဏီများလည်း လုပ်ငန်းရပ်ဆိုင်းခဲ့ပြီး ယခုစစ်ရေးတင်းမာလာချိန်တွင် မိုင်းရူးကျောက်နယ်မြေ အတွင်း ပိုမို ခြောက်ကပ်လာသည်ဟု သိရသည်။
ဧပြီလကုန်ပိုင်းက စိန်ကျော့အခြေဆိုက် ဦးလွယ်မောဝ်းဦးဆောင်သည့် အပစ်ရပ်သျှမ်းပြည်တပ်မတော် တပ်ဖွဲ့ဝင်များ မြန်မာစစ်တပ်၏ ပြည်သူ့စစ်အသွင်ပြောင်းဖွဲ့စည်းရေးကို လက်ခံခဲ့သော်လည်း လက်နက်ကိုင်အင်အားတောင့်တင်းသည့် ၀မ်ဟိုင်းအခြေဆိုက် ဗိုလ်ချုပ်ပန်ဖ ဦးစီးသည့် တပ်မဟာ ၁ အဖွဲ့မှာမူ ဆက်လက်ငြင်းဆန်နေဆဲ ဖြစ်သည်။
ကရင်ပြည်သူ့ပါတီ (KAYIN PEOPLES PARTY) အထွေထွေ အတွင်းရေးမှူး စောစေးဝါးနှင့် တွေ့ဆုံခြင်း
ဖတ်ကြည့်ပြီးတော့ ဒီလိုလူတွေရဲ့ လူမျိုးအပေါ်ထားတဲ့စိတ်ဓာတ်..ခံယူချက်တွေကို ကိုယ့်ဟာကိုယ်စဉ်းစားဆုံးဖြတ်..ပြီးတော့ ဘယ်လိုမြင်လဲဆိုတာ အားရင် comment ထားခဲ့ပါ.........
မေး။ ။ ဆရာတို့ ပါတီရဲ့ အလံ အကြောင်းလေး ပြောပါဦး။
ဖြေ။ ။ ပါတီ အလံက အခုထက်ထိ တရားဝင် မတင်ရသေး ဘူးလေ။ စီအီးစီ အတွင်းမှာပဲ စိစစ်တဲ့ အဆင့်ပဲ ရှိသေးတယ်။ မကြာခင် တရားဝင် တင်တော့ မှာပါ။ ရွေးချယ် ထားတဲ့ အလံက ကရင် အမျိုးသား အလံနဲ့ ဘာမှ မဆိုင်ဘူး။ ဘာမှ မပတ်သက်ဘူး။ ဆင်တူ ရိုးမားလည်း မရှိဘူး။ တစ်ခု ရှိတာက ကရင် အမျိုးသားကို ကိုယ်စားပြုတဲ့ ဖားစည်ကို အလယ်မှာ ထားတယ်။ နောက်တစ်ခါ အရောင်ကျတော့ အဖြူရယ်၊ အနီရယ်၊ အပြာရယ်။ သုံးရောင်ခြယ် ပါတာပေါ့။ ဒါပဲရှိတယ်။ ကရင် အမျိုးသားအလံနဲ့ ဘာမှဆက်စပ်မှုမရှိဘူး။ ဆင်တူရိုးမားလည်းမဖြစ်ဘူး။ အဲဒါကြောင့် ပေါ်လာတဲ့သတင်းတွေက တို့နဲ့ ဘာမှ မပတ်သက်ဘူး။ အဲဒါပဲ ပြောလို့ ရမယ်။
မေး။ ။ ၂ဝ၁ဝ ရွေးကောက်ပွဲကို ဝင်ရတဲ့ ကရင်ပြည်သူ့ပါတီရဲ့ အဓိက အကြောင်းရင်းကို ပြောပြပေးပါဦး။
ဖြေ။ ။ အဓိကကတော့ နိုင်ငံတော် တည်ဆောက်ရေးမှာ တို့လည်း တတ်အား သရွေ့ ကာယ၊ ဥာဏ၊ စွမ်းအားရှိ သလောက် ပါဝင်ချင်တယ်။ ပါဝင်နိုင်မယ်လို့ ယုံကြည်တဲ့အတွက် ဝင်ရခြင်းဖြစ်တယ်။ အားလုံးက ဒီလိုပဲယုံကြည်တယ်။ ကိုယ် တတ်နိုင်တဲ့ အခန်းကဏ္ဍကနေပြီးတော့ ဝိုင်းဝန်းပြီး တည်ဆောက်ကြရမယ်။ အဲဒီလို ဝိုင်းဝန်းတည်ဆောက်ကြမှသာလျှင် ဒီနိုင်ငံ ကြီး ဖွံ့ဖြိုးတိုးတက်မယ်လို့ ယုံကြည်တယ်။
မေး။ ။ ဒါဆို ၂ဝဝ၈ ဖွဲ့စည်းပုံ အခြေခံ ဥပဒေ ကလည်း ဆရာတို့ အတွက် ဘာပြဿနာမှ မရှိဘူးပေါ့။
ဖြေ။ ။ ဒါနဲ့ ပတ်သက် လို့လည်း တို့မှာ ဘာ ပြဿနာမှ မရှိဘူး။ လျှောက်လွှာတင် ပြီးကတည်းက အားလုံးက ပါပြီး သားပါ။ ဒီ ၂ဝဝ၈ ဖွဲ့စည်းပုံ အခြေခံ ဥပဒေကို လက်ခံတယ်။ ယုံကြည်တယ်လို့ ပါပြီးသား ဖြစ်တဲ့ အတွက် ဒီကိစ္စနဲ့ ပတ်သက်လို့ တို့ ဘာမှ မပြောလိုဘူး။
မေး။ ။ ၂ဝ၁ဝ ရွေးကောက်ပွဲ ဝင်မယ့် လူတွေက ပြောနြေ ကတယ်။ ၂ဝဝ၈ ဖွဲ့စည်းပုံ အခြေခံဥပဒေကို လတ်တလော လက်ခံ လိုက်မယ်။ ပြီးရင် လွှတ်တော်ထဲ ရောက်ရင် ပြင်ခွင့်ရရင် ပြင်မယ်။ အန်ကယ်တို့ သဘောထား ကကော ဘယ်လိုရှိလဲ။
ဖြေ။ ။ ဒီမိုကရေစီကို တဖြည်းဖြည်းနဲ့ ချဉ်းကပ်ကြရမှာ မဟုတ်လား။ တို့ပါတီရဲ့ အခြေခံမူထဲမှာလည်း ပါပါတယ်။ အစိုးရအပြောင်းအလဲတစ်ခုကို ပြည်သူ လူထုက လိုလားနေပြီလို့ ယူဆတယ်။ တို့တွေကိုယ်တိုင်လည်း ဒီလိုပဲ ခံယူတယ်။
မေး။ ။ ဆရာတို့ အဖွဲ့ထဲမှာ ကေအင်န်ယူနဲ့ စေ့စပ် ဆွေးနွေး ပေးခဲ့တဲ့ သူတွေ ပါတယ်လို့ ကြားရတယ် ဟုတ်ပါသလား။
ဖြေ။ ။ ဒေါက်တာ စောဆိုင်မွန်သာ တို့ကတော့ ဟိုတုန်းက ပါခဲ့ ဖူးတယ်လေ။
မေး။ ။ ကရင် ပြည်သူ့ ပါတီကို အဓိက ငွေကြေး ထောက်ပံ့တဲ့ သူက ဘယ်သူတွေလဲ ဆရာ။
ဖြေ။ ။ ပထမကတော့ တို့ပါတီထဲက အမာခံ (၁၅) ယောက် ပေါ့ကွာ။ စီအီးစီ တွေပေါ့။ နောက် ပြည်သူ လူထုပေါ့။ နောက် တို့ပါတီကို အားပေးတဲ့၊ ထောက်ခံတဲ့ ငွေရှင် ကြေးရှင် တွေပေါ့။ သိပ်များများ စားစားလည်း မဟုတ်ပါဘူး။ တတ်နိုင် သရွေ့၊ စေတနာ ရှိသရွေ့ပါ။
မေး။ ။ ဆရာတို့ ပါတီက ဘယ်နယ် တွေကို အခြေခံပြီး အရွေး ခံမှာလဲ။
ဖြေ။ ။ ဘယ်နယ်တွေလဲဆိုတော့ လူမျိုးစု လွှတ်တော်က ဘယ်နှစ် နေရာ ရမလဲ ဆိုတော့ နေရာ (၅) ခုပေါ့။ ဧရာဝတီ၊ မွန်၊ တနင်္သာရီ၊ ပဲခူး၊ ရန်ကုန် အဲဒီနေရာ တွေကို မလွဲမသွေ ရအောင် လုပ်မယ်။ နောက် တိုင်းနဲ့ပြည်နယ် လွှတ်တော်။ အဲဒီလွှတ်တော် နေရာတွေ အတွက်လည်း အခြေ အနေ ပေးသ လောက် ဝင်မယ်။
မေး။ ။ ဆရာတို့ ပါတီရဲ့ ရည်ရွယ်ချက်က ဆရာတို့ လူမျိုးစုတွေ အများစု ရှိတဲ့ နေရာတွေ ကနေ အဓိကထား ဝင်မယ်ပေါ့။
ဖြေ။ ။ ဒီသဘောပါပဲ။ နောက်တစ်ချက်က တို့နဲ့ ရည်မှန်းချက်တူ၊ သဘောထား တူတဲ့ တခြား တိုင်းရင်းသားတွေ၊ ဗမာ အမျိုးသားတွေ ထောက်ခံမှု ရှိနိုင်တဲ့ နေရာတွေမှာ ဝင်မှာပေါ့။
မေး။ ။ သေချာတဲ့ နေရာတွေ ကနေ ဝင်ပြိုင်မယ် ဆိုတဲ့ သဘောလား။
ဖြေ။ ။ သေချာတဲ့နေရာတွေကိုပဲ ဦးစားပေး ရမှာပေါ့။ တို့က အခုမှ ပါတီအသစ် ဖြစ်တဲ့ အတွက် ရန်ပုံငွေ အပို သိပ် မရှိဘူးလေ။ သေချာတဲ့ နေရာတွေကိုပဲ အဓိက ထားရမယ့် သဘော ရှိပါတယ်။ ဒါပေမယ့် အားပေး ထောက်ခံမှု များလာရင်တော့ အများကြီး တိုးချဲ့ပြီး ဝင်မယ့် သဘောတော့ ရှိပါတယ်။
မေး။ ။ ဆရာတို့ ပါတီမှာ ပါတဲ့ စီအီးစီ (၁၅) ယောက် လုံးက ရန်ကုန်က ပဲလား။
ဖြေ။ ။ ဧရာဝတီ၊ ရန်ကုန်၊ မွန်ပြည်နယ်တွေကပါ။
မေး။ ။ ဆရာက ဝန်ထမ်း လုပ်ခြဲ့ ပီးတော့ အခုမှ နိုင်ငံရေးေ လာကထဲ ဘယ်လို ရောက်လာ တာလဲ။
ဖြေ။ ။ တို့က နိုင်ငံရေးသမား မဟုတ်ဘူး။ တစ်သက်လုံး ဝန်ထမ်းပဲ လုပ်ခဲ့တာ။ နိုင်ငံတော်ရဲ့ အခြေအနေကို ကြည့်ပြီးတော့ အခွင့် အရေး တစ်ရပ် ပေါ်ပေါက် လာတယ်လို့ ယူဆတယ်။ အဲဒါကြောင့် နိုင်ငံတော် တည်ဆောက်တဲ့ အပိုင်းမှာ ဝန်ထမ်းဟောင်းတွေ၊ ပင်စင်စားတွေ အနေနဲ့ တစ်ခန်း တစ်ကဏ္ဍ လုပ်ပေး နိုင်မယ်လို့ မျှော် လင့်တဲ့ အတွက် ဝင်လာ ရခြင်း ဖြစ်တယ်။
မေး။ ။ ၂ဝ၁ဝ ရွေးကောက်ပွဲ ဆိုင်ရာ ဥပဒေတွေ ထဲမှာ ဘာတွေ ထူးခြားချက်တွေ ပါလဲဆရာ။ ဆရာ လေ့လာထား သလောက် ပြောပြ ပါလား။
ဖြေ။ ။ ထူးခြား ချက်တွေက အများကြီးပါပဲ။ အများကြီး စိတ်ဝင်စားစရာကောင်းတဲ့ အချက်အလက်တွေပါပါတယ်။ အနှစ်သာရတွေ အများကြီးပါ။
မေး။ ။ ဆရာတို့ ပါတီ စီးအီးစီ ထဲမှာက ဝန်ထမ်းေ တွလဲ ပါတယ်။ စီးပွားရေး လုပ်ငန်းရှင် တွေလဲ ပါတယ်။ ဘယ်သူ တွေက ပါတီထဲကို ငွေးကြေး ဘယ်လို ထည့်ဝင် ထားကြလဲ။ ပြောလို့ ရရင် ပြောပြပေးပါ။
ဖြေ။ ။ ရပါတယ်။ တို့က မူလ ကတည်းက စီမံချက် ရေးဆွဲထား တယ်။ ပါတီ စထောင် ကတည်းကလေ။ တတ်နိုင်တဲ့ ဗဟို ကော်မတီဝင်တွေက ၅ သိန်း ထည့်တဲ့သူ ရှိတယ်။ တချို့က(၁ဝ)သိန်း ထည့်တဲ့သူ ရှိတယ်။ ငွေစာရင်း သုံးစွဲ မှုလည်း စနစ် တကျ ထားရှိတယ်။ အဲဒါနဲ့ ပထမဆုံး မတည် ထားတာပေါ့။ သိန်း(၅ဝ) ပတ်ဝန်းကျင် လောက်တော့ ရှိတာပေါ့။
မေး။ ။ ကရင်ပြည်သူ့ပါတီ အနေနဲ့ အလှူခံမယ့် အစီအစဉ်ကော ရှိလား။
ဖြေ။ ။ လုပ်ရမှာပေါ့။ ရှိတယ်။ တို့ကို ပေးနိုင်မယ့်ပုဂ္ဂိုလ်၊ ထောက်ခံမယ့်ပုဂ္ဂိုလ် တွေဆီကပဲ မေတ္တာရပ်ခံရမှာပေါ့။
မေး။ ။ နောက် ကရင်ပါတီ တစ်ခုရှိတယ်။ ဆရာတို့နဲ့ ပတ်သက် ဆပ်စပ်မှု ရှိလား။
ဖြေ။ ။ ဘာမှ ပတ်သက်ဘူး။ သူ့ဘာသူ သွားနေ တာပါ။
မေး။ ။ ဆရာတို့ ပါတီဝင် အင်အား ဘယ်လောက်လောက် ရှိနေ ပြီလဲ။
ဖြေ။ ။ လောလောဆယ် (၅ဝဝဝ) ကျော် လောက်တော့ ရှိနေ ပါပြီ။
မေး။ ။ ကရင်ပြည်သူ့ပါတီ အနေနဲ့ ဆရာခုနက ပြောသွားတဲ့ ထဲမှာ လှုပ်ရှားမယ့် နယ်မြေထဲ သတိထားကြည့် မိတာ ကရင်ပြည်နယ် မပါဘူး။ အဲဒီဘက်ခြမ်း ကိုကော ဘယ်လို လုပ်ထားလဲ။
ဖြေ။ ။ လုံးဝမပါတာ မဟုတ်ဘူး။ ပါပါတယ်။ ရှင်းရှင်းပြောရရင် ကရင်ပြည်နယ်မှာ ရှိတဲ့ သူ့ရဲ့ အခြေ အနေကို မူတည် ပြီးတော့ လုပ်ရ မှာလေ။ သိပ် ဦးစားတော့ မပေးဘူး။ လိုတဲ့ နေရာတွေတော့ ဖြည့်ပေး မှာပါ။
မေး။ ။ ဆရာတို့ ပါတီမှာ နိုင်ငံရေး သမားတွေ ဘယ်သူတွေပါသေးလဲ။
ဖြေ။ ။ တစ်ယောက်မှ မပါဘူး။ အားလုံးက ဝန်ထမ်းတွေ၊ စီးပွားရေးသမားတွေပါ။
မေး။ ။ ကရင်ပြည်သူ့ပါတီက အစိုးရရဲ့ စည်းရုံးမှုနဲ့ ရွေးကောက်ပွဲ ဝင်တာလား။
ဖြေ။ ။ လုံးဝ မဟုတ်ပါဘူးဗျာ။
မေး။ ။ ဆရာတို့ရွေးကောက်ပွဲဝင်မယ့် အဓိကကြွေးကြော်သံက ဘာလဲ။
ဖြေ။ ။ အများကြီးပေါ့ဗျာ။
လာမယ့် အနာဂတ် ပိုမို တိုးတက် သာယာရေး။
အမှန်တရားက အမြဲတမ်း အောင်မြင်ရမည်။
စည်းရုံးရေးသည် အင်အား။
ပြည်သူ့ အစိုးရသို့။ ဒါပဲ။ ဒါတွေက တို့ရဲ့ကြွေးကြော်သံတွေပဲ။
မေး။ ။ ဆရာက ဘယ်နေရာကနေ အရွေးခံမှာလဲ။
ဖြေ။ ။ တောင်ငူက အရွေးခံရမှာပါ။
မေး။ ။ မဲထည့်မယ့် ပြည်သူလူထုကို ဆရာဘာပြောချင်လဲ။
ဖြေ။ ။ ပြည်သူ လူထု ကတော့ အမှန် တရားကို မြတ်နိုး ကြတယ်လေ။ ငြိမ်းချမ်းမှုကို မြတ်နိုးကြတယ်။ နောက်တစ်ခါ အပြောင်း အလဲ တစ်ခု ကိုလည်း လိုချင် နေကြတယ်။ အားလုံး ပြည်သူ လူထုရဲ့ ဆန္ဒ အတိုင်း ဖြစ်သွား မှာပါ။
မေး။ ။ လွှတ်တော် သုံးရပ်စလုံးမှာ ဆရာတို့ ပါတီ အနေနဲ့ အမတ်နေရာ ရာခိုင်နှုန်း ဘယ်လောက်လောက် ရမယ်လို့ မှန်းဆထားလဲ။
ဖြေ။ ။ ၁ဝ ရာခိုင်နှုန်းေ လာက်တော့ ရမယ်လို့ မျှော်မှန်း ထားတယ်။ အားလုံးတော့ ရမှာ မဟုတ်ဘူးလေ။ နိုင်ငံတော် အာဏာ အထိ ကိုတော့ မမျှော်မှန်း ထားပါဘူး။ အမျိုးသားရေး ကိစ္စတွေကို အရင် လုပ်မှာပါ။ အခြေ အနေပေးရင် ပေးသလို လုပ်ရမှာပေါ့။
[ ကညောဖိုး အနေဖြင့် ဤ အင်တာဗျူး ကို ထောက်ခံခြင်း ၊ မထောက်ခံခြင်း ကို ကိုယ်စားမပြုဘဲ စာဖတ် ပရိတ် သတ်များ သတိ ပြုမိ သိစေလို ၍ ကူးယူ ဖော်ပြ ပေးခြင်းသာ ဖြစ်ပါသည်။
၁၂ . ၅ . ၂၀၁၀ | မင်းအောင်အောင် | လျှပ်တပြက်ဂျာနယ် ]
ဒီကေဘီအေ တပ်ဖွဲ့ဝင်အားလုံး နယ်ခြားစောင့်တပ် အသွင်ပြောင်း
ရဲရင့် (ခေတ်ပြိုင်မှ)
နယ်ခြားစောင့်တပ်အသွင်ပြောင်းရေးကို ဒီကေဘီအေအဖွဲ့အတွင်းမှ လက်မခံဘဲ ငြင်းဆန်နေသည့် တပ်မဟာ (၅) သည် ယမန်နေ့က နယ်ခြားစောင့်တပ်အဖြစ် သဘောတူလက်ခံလိုက်ပြီဖြစ်သည်။
ဒီကေဘီအေဗဟိုနှင့် လက်အောက်ခံတပ်မဟာ (၅) တို့အကြား နယ်ခြားစောင့်တပ် အသွင်ပြောင်းရေးကိစ္စနှင့်ပတ်သက်၍ ဖြစ်ပေါ်နေသည့် တင်းမာမှုများသည် ပြီးဆုံးသွားပြီ ဖြစ်သည်ဟု ဒီကေဘီအေ အဆင့်မြင့်အရာရှိ်တဦးက ပြောသည်။
နယ်ခြားစောင့်တပ်အဖြစ် အသွင်ပြောင်းရန် ငြင်းဆန်နေသည့် တိုးတက်သောဗုဒ္ဓဘာသာကရင်အမျိုးသားတပ်မတော် (ဒီကေဘီအေ) တပ်မဟာ (၅) မှ တပ်မဟာမှူး စောလားပွယ် (နှုတ်ခမ်းမွှေး) ဦးဆောင်သောအဖွဲ့သည် နယ်ခြားစောင့်တပ်အဖြစ် သဘောတူလက်ခံလိုက်သည့်အတွက် ဒီကေဘီအေဗဟိုနှင့် လက်အောက်ခံတပ်မဟာ (၅) တို့အကြား ဖြစ်ပေါ်နေသည့် တင်းမာမှု ပြီးဆုံးသွားပြီဖြစ်သည်။
ဒီကေဘီအေ တပ်မဟာ (၅) မှ ဗိုလ်မှူးချုပ်စောလားပွယ်နှင့် လက်အောက်ခံတပ်ရင်းမှူးများသည် မြ၀တီမြို့တွင် အရှေ့တောင်တိုင်း ဒု-တိုင်းမှူး ဗိုလ်မှူးချုပ်ဇော်မင်းနှင့် အဖွဲ့ဝင်များထံတွင် နယ်ခြားစောင့်တပ်အဖြစ် အသွင်ပြောင်းရန် ယမန်နေ့က သဘောတူ လက်မှတ်ရေးထိုးခဲ့သည်။
ယခင်လက ဒီကေဘီအေအဖွဲ့အတွင်း နယ်ခြားစောင့်တပ် အသွင်ပြောင်းမည့်ကိစ္စ ဆွေးနွေးညှိနှိုင်းရေးအတွက် မြိုင်ကြီးငူဌာနချုပ်သို့ ပြန်လာရန် ဗဟိုမှဆင့်ခေါ်မှုကို စောလားပွယ်နှင့်အဖွဲ့က သွားရောက်ရန် ငြင်းဆန်ခဲ့သည့်နောက်ပိုင်း တင်းမာမှုများ ဖြစ်ပွားခဲ့ခြင်းဖြစ်သည်။
ဒီကေဘီအေ တပ်မဟာ (၅) မှလွဲ၍ ဗဟိုနှင့်လက်အောက်ခံတပ်မဟာနှင့် တပ်ရင်းတပ်ဖွဲ့များက ယခင်လအတွင်းက နယ်ခြားစောင့်တပ်အဖြစ် ပြောင်းရန် သဘောတူ လက်မှတ်ရေးထိုးခဲ့ကြသည်ဟု ဒီကေဘီအေ (၉၉၉) တပ်မဟာမှ တပ်မှူးတဦးက ပြောသည်။
ဗိုလ်မှူးချုပ်စောလားပွယ် (နှုတ်ခမ်းမွှေး) ဦးဆောင်သည့် ဒီကေဘီအေ တပ်မဟာ (၅) လက်အောက်တွင် တပ်မဟာ(၅) ဗျူဟာ (၁) ခုနှင့် လက်အောက်ခံတပ်ရင်း (၅) ရင်းရှိပြီး စစ်သည်အင်အား (၁,၀၀၀) ခန့်ရှိသည်ဟု သိရသည်။
ဒီကေဘီအေသည် နယ်ခြားစောင့်တပ်အဖြစ် ပြောင်းလဲရာတွင် ၎င်းတို့၏တပ်ဖွဲ့ဝင် အင်အား (၅,၀၀၀) ကျော်ကို (၁,၀၀၀) အထိ လျှော့ချရမည်ဟုလည်း သဘောတူညီချက်တွင် ပါရှိသည်ဟု ယင်းတပ်မှူးက ပြောသည်။
တိုးတက်သောဗုဒ္ဓဘာသာကရင်အမျိုးသားတပ်မတော် (ဒီကေဘီအေ) သည် ၁၉၉၄ ခုနှစ်တွင် ကေအန်ယူမှခွဲထွက်ခဲ့ပြီး နအဖနှင့် ပူးပေါင်းခဲ့သည့်အဖွဲ့ဖြစ်သည်။



