.jpg)
မတ်လ ၃၁ရက်၊ စောသိန်းမြင့် (ကေအိုင်စီ)
ထိုးစစ်ကြောင့် ထိုင်းနယ်စပ်သို့ ထွက်ပြေးရောက်ရှိလာသည့် အူးသူးထာ့ကျေးရွာရှိ စစ်ပြေးဒုက္ခသည်များသည် ယနေ့ နေရပ် သို့ ပြန်ကြကုန်ပြီဟု ကေအိုင်စီက စုံစမ်းသိရှိရသည်။
ယနေ့မနက် ၅နာရီခန့်မှစ၍ စစ်ပြေးဒုက္ခသည် အိမ်ထောင်စုအချို့ နေအိမ်ရှင်းလင်းကာ ပြန်သွားကြပြီး စုစုပေါင်း အိမ်ထောင်စု (၁၂၀)မှ လူဦးရေ (၇၈၅)ဦးရှိ အဆိုပါ စစ်ပြေးဒုက္ခသည်များအတွက် ၃လစာ ရိက္ခာထောက်ပံ့ပေးပါက နေရပ်ပြန်မည့်အ ကြောင်း ပြီးခဲ့သည့် နှစ်ပတ်ခန့်က ထိုင်းအာဏာပိုင်များထံ သဘောတူ လက်မှတ်ရေးထိုးထားသည့်အတွက် ပြန်ရခြင်းဖြစ် ကြောင်း အူးသူးထာ့စခန်း တာဝန်ရှိသူတဦးက ပြောသည်။
၎င်းက “ဒီမှာနေလို့ မရဘူးဆိုတာ ထိုင်းကတော့ ပြောထားပြီးသားပါ။ ရွာသားတွေက ၃လလောက် ရိက္ခာ ဆက်လက်ထောက် ပံ့ပေးမယ်ဆိုလို့ရှိရင် သူတို့ရပ်ရွာကို ပြန်ပါ့မယ်။ ထိုင်းကလည်း တီဘီဘီစီနဲ့တိုင်ပင်ပြီး ထောက်ပံ့ပေးမယ်လို့ သဘောတူခဲ့ တယ်။ မနေ့က ရိက္ခာထုတ်ပြီးတော့ ဆက်လက်ထောက်ပံ့ပေးမယ်လို့ တီဘီဘီစီက ပြောတယ်။ အဲဒါနဲ့ ဒီမနက် ၅နာရီ လောက်မှာ တချို့အိမ်ထောင်စုတွေက တဲအိမ်လေးတွေ ရှင်းလင်းလိုက်ပြီး ပြန်နေကြပြီ။ ဒီနေ့ အကုန်ပြန်ရမယ်”ဟု ပြော သည်။
ဒုက္ခသည်များ ယခုပြန်သည့် အစီအစဉ်သည် တဦးတယောက်မှ တာဝန်ယူ ပြန်ပို့ခြင်းမဟုတ်ဘဲ မြန်မာပြည်ဘက်ခြမ်းသို့ သောင်ရင်းမြစ်ကို ဖြတ်ကူးကာ မိမိတို့ဖာသာ ကျေးရွာသို့ ပြန်သွားခြင်းဖြစ်သည်။ ၎င်းဒုက္ခသည်များသည် ထိုင်းနိုင်ငံတွင် ခိုလှုံနေစဉ်အတွင်း ထိုင်းနယ်စပ်လုံခြုံရေးတပ်များ၏ အနုနည်းဖြင့် နေ့စဉ် လာရောက် ဖိအားပေးမှုဒဏ်ကို မခံနိုင်သောကြောင့် ပြန်ရခြင်းဖြစ်သည်ဟု အူးသူးထာ့စခန်း ကော်မတီဝင်တဦးက ပြောသည်။
“အမှန်အတိုင်း ပြောရမယ်ဆိုရင် ရွာသားတွေ မပြန်ရဲကြသေးဘူး။ ထာ့ဟာဖန်း(ထိုင်းအာဏာပိုင်)တွေက စခန်းထဲကိုဝင်လာ ပြီး ဒါ ခင်ဗျားတို့နိုင်ငံမဟုတ်ဘူး။ ခင်ဗျားတို့ နေလို့မရဘူး။ နေ့တိုင်း ၀င်ပြောတယ်။ နေပူကျဲကျဲအောက်မှာ တာလပတ်နဲ့ နေရ တဲ့အပူက တမျိုး။ ထိုင်းက လာပြီး ဖိအားပေးတဲ့အပူက တဖုံဆိုတော့ ဒီအပူနှစ်ခုကြားမှာ ရွာသားတွေလည်း မခံနိုင်ဘူးလေ” ဟု ပြောသည်။
မဲ့လာအားထာ့ရွာသား စောယိုမူးက “ထိုင်းစစ်တပ်က အတင်းပြန်ခိုင်းနေတော့ ကြာကြာလာတော့ ကျနော်တို့လည်း မထူး တော့ဘူးဆိုပြီး သေသေရှင်ရှင် ပြန်တာ အကောင်းဆုံးပဲလို့ ဆုံးဖြတ်လိုက်တယ်။ သူတို့(ထိုင်း)ပြောတယ်။ ခင်ဗျားတို့ အခုပြန် တာ သူများမေးလာလို့ရှိရင် ကျနော်တို့ အတင်းပြန်ခိုင်းလို့ ပြန်ကြတာမဟုတ်ဘူးလို့ ပြောပါတဲ့။ အဲလို စကားတခွန်း ပါးလိုက် တယ်”ဟု ပြောသည်။
ပနွယ့်ပူရွာသူ နော်ထူးဝါးက ထိုင်းစစ်တပ် လာရောက်ပြောဆိုမှုကြောင့် မပြန်မဖြစ် ပြန်ရသော်လည်း မိမိကျေးရွာသို့ ပြန်နေ ထိုင်ရာတွင် မြေမြှုပ်မိုင်းဒဏ်ကြောင့် မည်ကဲ့သို့ လုပ်ကိုင်စားသောက်ရမည်ကို မသိသေးကြောင်း ပြောသည်။
အူးသူးထာ့ကျေးရွာမှ စစ်ပြေးဒုက္ခသည်များသည် ဖားအံခရိုင် ပိုင်ကျုံမြို့နယ်ရှိ ၀ါ့မီကလား၊ ပူးပေါ်လေး၊ ပနွယ့်ပူ၊ မဲ့လာအား ထာ့၊ မဲ့လာအားခီး၊ စေဖိုးခီးကျေးရွာများမှ ရွာသားများဖြစ်ကြသည်။
ထို့အပြင် နိုဘိုးကျေးရွာရှိ စစ်ပြေးဒုက္ခသည်စခန်း၌လည်း ယခုလဆန်းပိုင်းမှစ၍ ထိုင်းစစ်တပ်က ဒုက္ခသည်မိသားစုများကို ထိုင်းကျေးရွာများတွင် ဟိုတစု သည်တစု နေထိုင်စေခဲ့သည့်အတွက် လက်ရှိအချိန်တွင် အိမ်ထောင်စု (၂၀)ကျော်ခန့်သာ ကျန် ရှိသည်ဟု သိရသည်။
အဆိုပါ စစ်ပြေးဒုက္ခသည်များသည် ဖားအံခရိုင် လှိုင်းဘွဲနှင့် ပိုင်ကျုံမြို့နယ်မှ ကရင်ရွာသားများဖြစ်ကြပြီး လွန်ခဲ့သည့် ၂၀၀၉ခု နှစ် ဇွန်လဆန်းပိုင်းက နအဖနှင့် ဒီကေဘီအေ ပူးပေါင်းတပ်တို့ ကေအဲန်ယူ တပ်မဟာ(၇)ကို ထိုးစစ်ဆင်မှုကြောင့် ထိုင်းနိုင်ငံ တာ့ခ်ခရိုင်၊ ထာ့ဆောင်ယန်းမြို့နယ်သို့ လူဦးရေ ၄,၀၀၀ကျော် ထွက်ပြေးရောက်ရှိလာခဲ့ခြင်း ဖြစ်သည်။
.jpg)
အူးသူးထာ့စခန်းမှ စစ်ပြေးဒုက္ခသည်များ နေရပ်ပြန်ကုန်ပြီ
လုံခြုံရေးကြောင့် သွားလာရေး ပိတ်သည့်အတွက် တောင်ငူ ဒေသခံများ စီးပွားရေးထိခိုက်
မတ်လ ၃၁ရက်။ နန်းဖော့ဂေ (ကေအိုင်စီ)
ပဲခူးတိုင်း တောင်ငူခရိုင်အတွင်း၌ ပြီးခဲ့သည့်ရက်အနည်းငယ်က နယ်မြေခံ စစ်အစိုးရတပ်များ၏ ကားလမ်း သွားလာရေး ပိတ် ပင်ထားမှုကြောင့် ထိုဒေသရှိ ဥယျာဉ်ခြံစိုက်ပျိုးသူများမှာ စီးပွားရေး ထိခိုက်ရသည်ဟု ကေအိုင်စီက စုံစမ်းသိရှိရသည်။
တောင်ငူနယ်ခံတဦးက “စစ်တပ်တွေက သွားလာရေးပိတ်ထားတယ်လေ။ အဲဒီလိုပိတ်တော့ ကွမ်းစိုက်တောင်သူတွေက တောင်ငူမြို့မှာ သွားရောင်းချမဲ့ သူတို့ရဲ့ ကွမ်းရွက်တွေနဲ့ ခြံထွက်သီးနှံတွေဟာ ပျက်စီးကုန်တယ်လေ။ ကွမ်းရွက်ကလည်း မြို့ တက်ပြီး သွားမရောင်းခင် ကြိုတင်ခူးထားရတော့ အခုလို လမ်းပိတ်လိုက်တာ ရွာသားတွေရဲ့ဝင်ငွေကို အတော်လေး ထိခိုက် တယ်”ဟု ကေအိုင်စီကို ပြောသည်။
စစ်တပ်က မတ်လ ၂၅ရက်နေ့မှစ၍ ၂၉ရက်နေ့အထိ တောင်ငူ-ဘောဂလိကားလမ်းနှင့် တောင်ငူ-သံတောင်ကြီးကားလမ်းကို သွားလာခွင့် ပိတ်ထားသည့်အပြင် လူသွားလမ်းအချို့နှင့် ရွာဝင်ရွာထွက်နေရာများတွင်လည်း မသင်္ကာပါက စစ်ဆေးစိစစ်မှု များ ပိုမိုလုပ်ဆောင်လာသည်ဟုလည်း သိရသည်။
“အဲလိုကားလမ်းပိတ်ရတာက ဘာအတွက်ကြောင့်ဆိုတာ ကျနော်တို့ကို စစ်တပ်က တခါမှ မပြောဘူး။ ဒီရက်ပိုင်း သွားလာလို့ မရဘူး။ လမ်းပိတ်ထားတယ်။ အဲဒီလောက်ပဲ ပြောတယ်”ဟု အဆိုပါနယ်ခံက ပြောသည်။
ယင်းသို့ သွားလာရေးပိတ်ရခြင်းမှာ မတ်လ စတုတ္ထပတ်အတွင်း ပဲခူးတိုင်းသို့ နအဖ အကြီးအကဲများ လာရောက်သည့်အတွက် နယ်မြေခံတပ်များက ယခုလို လုံခြုံရေးချထားခြင်း ဖြစ်နိုင်သည်ဟု ကေအဲန်ယူ တပ်မဟာ(၂)မှ တပ်မှူးတဦးက ပြောသည်။
“ပြီးခဲ့တဲ့ ရက်တွေက တောင်ငူခရိုင်ဘက်ကို နအဖ စစ်ဗိုလ်ချုပ်ကြီးတွေ လာတယ်လို့ သတင်းရတယ်။ ဒီအတွက် သူတို့က လုံခြုံရေးဆိုပြီး ရွာသားတွေကို သွားလာရေး ပိတ်ထားတာဖြစ်မယ်”ဟု ပြောသည်။
ထိုရက်ပိုင်းအတွင်း ပဲခူးတိုင်း၊ တောင်ငူခရိုင်၌ (၆၅)နှစ်မြောက် တပ်မတော်နေ့ကို ဂုဏ်ပြုကြိုဆိုသောအားဖြင့် လမ်းသစ်ဖွင့်ပွဲ၊ ရေလွဲဆည်ဖွင့်ပွဲများ ပြုလုပ်ခဲ့ရာ ၎င်းဖွင့်ပွဲအခမ်းအနားများသို့ နအဖ ၀န်ကြီးချုပ် အပါအ၀င် ထိပ်ပိုင်းခေါင်းဆောင်အချို့ တက် ရောက်ခဲ့ကြသည်။
မတ်လ(၂၄)ရက်နေ့တွင် ပဲခူးတိုင်းရှိ ပြည်-ပေါက်ခေါင်း-တောင်ငူ ကားလမ်းကို ကတ္တရာလမ်းသစ်ဖွင့်ပွဲကို တောင်ငူခရိုင်၊ အုတ် တွင်းမြို့နယ်ရှိ ဗောဓိကုန်းကျေးရွာ၌ ကျင်းပရာ နအဖ ၀န်ကြီးချုပ် ဗိုလ်ချုပ်ကြီးသိန်းစိန်၊ ကာကွယ်ရေးဝန်ကြီးဌာနမှ ဒုတိယ ဗိုလ်ချုပ်ကြီးကိုကိုနှင့် ပဲခူးတိုင်း အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဌ တောင်ပိုင်းတိုင်း စစ်ဌာနချုပ်တိုင်းမှူး ဗိုလ် ချုပ်လှမင်းတို့ တက်ရောက်ခဲ့ကြသလို မတ်လ (၂၅)ရက်နေ့က ပြုလုပ်ကျင်းပသည့် ပဲခူးတိုင်း၊ ကျောက်တံခါးမြို့နယ်၊ ဆီဆုံ ကုန်းကျေးရွာရှိ ရဲနွယ်ရေလွဲဆည် ဖွင့်ပွဲအခမ်းအနားကို နအဖ ကာကွယ်ရေးဝန်ကြီးဌာနမှ ဒုဗိုလ်ချုပ်ကြီးကိုကို တက်ရောက်ခဲ့ သည်ဟု ပြည်တွင်းထုတ် ကြေးမုံသတင်းစာတွင် ဖော်ပြထားသည်။
ပဲခူးတိုင်းအတွင်းရှိ တောင်ငူခရိုင်မှ ဒေသခံရွာသူရွာသားများသည် ဥယျာဉ်ခြံဖြင့် အသက်မွေးလုပ်ငန်း လုပ်ကိုင်ကြသူများ ဖြစ် ကြပြီး အဓိကအားဖြင့် ကွမ်းသီး၊ ကွမ်းရွက်၊ ဖာလာ၊ ဒူးရင်း၊ ဓညင်းနှင့် မင်းကွတ်ပင်များ စိုက်ပျိုးကာ မြို့ပေါ်မှ ဆန်၊ ဆီ၊ ဆား စသည့် မီးဖိုချောင်သုံးစားကုန်များနှင့် လဲလှယ်ဝယ်ယူရင်း အသက်ရှင် ရပ်တည်နေကြရသည်။
ရေသိုးကြီး-ဘောဂလိ-တောင်ငူကားလမ်းတွင် ယခင်က ကားများဖြင့် သွားလာမှုများခဲ့သော်လည်း ၂၀၀၆ခုနှစ်နောက်ပိုင်းတွင် ရွာသားများ၏ ကားများကို စစ်တပ်က ချောဆွဲမှုများနှင့် မိုင်းထိမှန်မှုကြောင့် ကားများ ပျက်စီးရသည့်အတွက် ယခုအချိန်တွင် ကားသွားလာမှု နည်းလာကာ ဒေသခံများမှာ ဆိုင်ကယ်ကိုသာ ပိုမိုအသုံးပြုလာကြသည်ဟုလည်း သိရသည်။
မြန်မာနိုင်ငံကို ဖိအားပေးဖို့ အမေရိကန် အမတ်များ တိုက်တွန်း
အမေရိကန် နိုင်ငံရေးလောကမှာ အရှိန်အ၀ါ ကြီးမားတဲ့ အထက်လွှတ်တော်အမတ် ၉ ဦးတို့က မြန်မာစစ်အစိုးရကို ပိုပြီး တင်းတင်းကျပ်ကျပ် ဖိအားပေးနိုင်အောင် မြန်မာနိုင်ငံဆိုင်ရာ အမေရိကန် အထူးကိုယ်စားလှယ်နဲ့ မူဝါဒ ညှိနှိုင်းရေးမှူး ခန့်ထားဖို့နဲ့ စစ်အစိုးရရဲ့ လက်ဝေခံ စီးပွားရေးသမားတွေကို ပိုမိုဖော်ထုတ် ဒဏ်ခတ်ဖို့အတွက် သမ္မတ အိုဘားမား (Obama) ဆီကို စာတစောင် ရေးသား တောင်းဆိုလိုက်ကြပါတယ်။
ရီပတ်ဘလီကန် အမတ်တွေ ဖြစ်ကြတဲ့ အထက်လွှတ်တော် လူနည်းစုခေါင်းဆောင် မစ်ခ်ျ မက်ကောနယ် (Mitch McConnell) နဲ့ သမ္မတ ရွေးကောက်ပွဲမှာ ယှဉ်ပြိုင်ခဲ့သူ ဂျွန် မက်ကိန်း (John McCain) တို့နဲ့အတူ ထင်ရှားတဲ့ ဒီမိုကရက်အမတ် ဘောက်ဆာ (Boxer) လည်း ပါဝင်ပြီး လက်မှတ်ရေးထိုးပါတယ်။ ဒီတောင်းဆိုချက်နဲ့ ပတ်သက်ပြီး ဘယ်လောက် အရေးပါသလဲဆိုတာ ဦးကျော်ဇံသာက တင်ပြပေးထားပါတယ်။
တကယ်တော့ ဒီ ဆီနိတ်တာ (Senator) တွေရဲ့ တောင်းဆိုချက်ဟာ သမ္မတဘုရှ် (Bush) လက်ထက် ၂၀၀၈ ခုနှစ်က ပြဋ္ဌာန်းခဲ့တဲ့ မြန်မာနိုင်ငံဆိုင်ရာ Jade Act လို့ခေါ်တဲ့ ကျောက်စိမ်းဥပဒေမှာ ပြဋ္ဌာန်းထားပေမဲ့ အကောင်အထည် မဖော်ရသေးတဲ့ အချက်တွေ ဖြစ်ပါတယ်။ သမ္မတ အိုဘားမား တက်လာတော့ မြန်မာနိုင်ငံဆိုင်ရာ အမေရိကန် မူဝါဒကို ပြန်လည်သုံးသပ်ပြီး ဒီမိုကရေစီရေး ရှေးရှုတဲ့ လုပ်ရပ်တွေကို စစ်အစိုးရဘက်က တကယ်လုပ်ရင် ဆက်ဆံရေး တိုးမြှင့်မယ်ဆိုတဲ့ မူအရ ဒါတွေကို ဆက်မလုပ်ဘဲ ရပ်ထားခဲ့တာ ဖြစ်ပါတယ်။
ဒါပေမဲ့ အခုအခါမှာ မမျှတတဲ့ ရွေးကောက်ပွဲ ဥပဒေ၊ အထူးသဖြင့် ဒေါ်အောင်ဆန်းစုကြည်နဲ့ နိုင်ငံရေးသမားတွေ၊ နိုင်ငံရေး အကျဉ်းသားတွေကို NLD ပါတီနဲ့ သက်ဆိုင်ရာပါတီက ဖယ်ထုတ်ရမယ်လို့ အတင်းအကျပ် လုပ်ထားတဲ့ ဥပဒေတွေကြောင့် ဒီကျောက်စိမ်းဥပဒေ အတိုင်း အတိအကျ အကောင်အထည်ဖော်ဖို့ အချိန်ကျရောက်လာပြီ ဆိုပြီး သမ္မတ အိုဘားမားကို ဆီနိတ်တာတွေက တောင်းဆိုကြတာ ဖြစ်ပါတယ်။
သူတို့တောင်းဆိုချက်တွေနဲ့ ပတ်သက်ပြီး USCB ခေါ် အမေရိကန် ပြည်ထောင်စု မြန်မာ့အရေး လှုပ်ရှားတဲ့အဖွဲ့က ကိုအောင်ဒင်က အခုလို ရှင်းပြပါတယ်။
“သူတို့အားလုံး တောင်းဆိုတာက ၂၀၀၈ ခုနှစ်ထဲက ချထားတဲ့ Tom Lantos Block Burma Jade Act ဆိုတာ ရှိတယ်။ အဲဒီမှာပါတဲ့ အချက်တွေကို ဖြည့်ဆည်းပေးဖို့ တောင်းဆိုတာပါ။ နံပါတ်တစ်အချက် မြန်မာနိုင်ငံဆိုင်ရာ Special Coordinator အထူးကိုယ်စားလှယ်နဲ့ Policy Coordinator ခန့်ဖို့ဆိုတာ ၂၀၀၈ ခုနှစ်ကတည်းက ဥပဒေ ပြဋ္ဌာန်းပြီးသား ဖြစ်တယ်။ အခု ၂၀၁၀ ရောက်ပြီ၊ သမ္မတ အိုဘားမားက တယောက်မှ အမည်စာရင်း တင်သွင်းတာတောင် မလုပ်ရသေးဘူး။
“အခုချိန်မှာ မြန်မာပြည် အရေးကိစ္စကို အမေရိကန် အစိုးရက လေးလေးနက်နက် ဆောင်ရွက်တယ် ဆိုတာကို ထင်ထင်ရှားရှား ပြချင်တယ်ဆိုရင် ဒီရာထူးကို အမြန်ဆုံးခန့်ဖို့ လိုအပ်တယ်။ အဲဒီလို ခန့်မှလည်း အမေရိကန် အစိုးရရဲ့ လက်ရှိ မူဝါဒတွေကို သတ်သတ်မှတ်မှတ် တာဝန်ပေးတဲ့ ပုဂ္ဂိုလ်က ပိုပြီးတော့ ထိထိရောက်ရောက် ကိုင်တွယ်နိုင်မှာပါ။ ဆိုတော့ အခုလို တောင်းဆိုတာ ဖြစ်ပါတယ်။
“ဒုတိယအချက်လည်း အတူတူပဲ၊ သမ္မတဘုရှ် လက်ထက်ကတည်းက မြန်မာစစ်အစိုးရရဲ့ အလိုတော်ရိ စီးပွားရေးသမားတွေ အပေါ်မှာ ပစ်မှတ်ထားတဲ့ စီးပွားရေးပိတ်ဆို့မှု လုပ်ခဲ့တာ ရှိတယ်။ အဲဒါကို သမ္မတဘုရှ် လက်ထက်ကတည်းက ချမှတ်ခဲ့တဲ့ ဥပဒေအရ ဆက်ပြီးတော့ အမေရိကန် ဘဏ္ဍာရေး ၀န်ကြီးဌာနက နအဖအလိုကျ စီးပွားရေး သမားတွေကို ရှာဖွေ ဖော်ထုတ်ပြီးတော့ စီးပွားရေးအရ အရေးယူ ဒဏ်ခတ်ရမှာ။ ဒါပေမဲ့ အဲဒါကိုလည်း မလုပ်ဖြစ်တာ ၂ နှစ်လောက် ရှိသွားပြီ။”
စစ်အစိုးရရဲ့ အလိုတော်ရိ စီးပွားရေးသမားတွေကို ဒဏ်ခတ် အရေးယူရေးဆိုတဲ့ ကိစ္စမှာ ဦးတေဇ၊ စတီဗင်လောနဲ့ ဦးပိုင်လီမိတက် စတဲ့ စီးပွားရေး လုပ်ငန်းရှင်တချို့၊ စီးပွားရေးလုပ်ငန်း တချို့ကို အရေးယူခဲ့တာ ရှိပေမဲ့ သမ္မတ အိုဘားမား တက်လာပြီးနောက် ထပ်ပြီး အလားတူ စီးပွားရေး လုပ်ငန်းတွေကို ရှာဖွေ ဖော်ထုတ် ဒဏ်ခတ်တာမျိုးကို ရပ်ဆိုင်းထားခဲ့တာ ဖြစ်ပါတယ်။
ဒီဟာ ဘယ်လောက် အရေးပါသလဲဆိုတော့ အချက် ၂ ချက် တွေ့ရပါမယ်။ ပထမတချက်က ဒီစာကို ရေးသား တောင်းဆိုတဲ့ ပုဂ္ဂိုလ်တွေဟာ အမေရိကန် နိုင်ငံရေးမှာ အင်မတန် သြဇာတိက္ကမ ကြီးမားတဲ့ ၀ါရင့် အထက်လွှတ်တော် အမတ်ကြီးတွေ ဖြစ်ပါတယ်။ အာဏာရပါတီရော အတိုက်အခံ ပါတီကပါ ပါဝင်ပြီး လက်မှတ်ရေးထိုးထားကြတာ ဖြစ်ပါတယ်။ နောက်တချက်က အိုဘားမားရဲ့ မူဝါဒသစ်အရ လုပ်ဆောင်နေတဲ့ စစ်အစိုးရနဲ့ ဆွေးနွေးမှုတွေဟာ အလားအလာ မရှိတော့ဘူးဆိုတာ ပြသလိုက်တဲ့ အချက်ပဲ ဖြစ်ပါတယ်ဆိုပြီး ကိုအောင်ဒင်က ရှင်းပြပါတယ်။
“အဓိကတော့ အမေရိကန် အစိုးရနဲ့ မြန်မာစစ်အစိုးရအကြား လုပ်နေတဲ့ ညှိနှိုင်းဆွေးနွေးမှုတွေ မအောင်မြင်ဘူး ဆိုတာကို အထင်အရှား ပြတာပဲလေ။ အဲဒီလို မအောင်မြင်တဲ့ အတွက်ကြောင့် အမေရိကန် အစိုးရနဲ့ တကမ္ဘာလုံးက တောင်းဆိုနေတဲ့ကြားက နအဖက တဖက်သတ် လုပ်ရပ်တွေ လုပ်နေတဲ့အခါမှာ အမေရိကန် အစိုးရက နအဖလုပ်တဲ့ လှုပ်ရှားမှုနဲ့ တန်းတူတဲ့ တုံ့ပြန်မှုပေါ့ဗျာ။ အမှန်တော့ ကောင်းတာလုပ်ရင် ကောင်းတဲ့အလျောက် တုံ့ပြန်ဖို့ အစီအစဉ် ရှိပြီးသား။ ကောင်းတာမလုပ်တဲ့ အတွက်ကြောင့် ပြင်းထန်တဲ့ တုံ့ပြန်မှုတွေ ပြန်လုပ်ဖို့။
“အဲဒါနဲ့ ပတ်သက်လို့ မြန်မာစစ်အစိုးရ အပေါ်မှာ အကျိုးသက်ရောက်မှု ဘယ်လောက်ရှိမယ်ဆိုတာ ကျနော်တို့ ပြောလို့မရနိုင်ဘူး။ ရှိတာကတော့ မြန်မာစစ်အစိုးရနဲ့ ပူးပေါင်းပြီး တိုင်းပြည်ကို ဆင်းရဲတွင်းထဲ ပို့နေတဲ့ စီးပွားရေး လုပ်ငန်းရှင်တွေ အတွက်တော့ ပြဿနာ ရှိနိုင်တယ်။ နောက် မြန်မာစစ်အစိုးရ ရွေးကောက်ပွဲကို ထောက်ခံဖို့ အာသီသ ပြင်းပြနေတဲ့ တချို့ နိုင်ငံတကာ အစိုးရတွေ အတွက်လည်း အမေရိကန် အစိုးရရဲ့ မကျေနပ်မှုနဲ့ အသိအမှတ် မပြုမှုက ဒီအတွက် အဟန့်အတား ဖြစ်စေနိုင်တယ်။”
အမေရိကန် အထက်လွှတ်တော်မှာ ဂျင်မ်ဝက်ဘ် (Jim Webb) လို စစ်အစိုးရနဲ့ သင့်မြတ်လိုတဲ့ သဘောထားရှိသူတွေ ရှိတယ်ဆိုပေမဲ့ သူတို့ရဲ့ အရှိန်အ၀ါဟာ အခု လက်မှတ်ရေးထိုးကြတဲ့ ပုဂ္ဂိုလ်တွေရဲ့ အရှိန်အ၀ါကို ထိုးဖောက်နိုင်လိမ့်မယ် မဟုတ်ဘူးလို့လည်း ကိုအောင်ဒင်က သုံးသပ်သွားပါတယ်။
VOA သတင်းမှ
NLD ဆုံးဖြတ်ချက်ကို အမေရိကန်နှင့် ကုလ အလေးထား
ဧရဝတီ သတင်းမှ
ရွေးကောက်ပွဲတွင် ပါဝင်ခြင်း မပြုရန် ဆုံးဖြတ် လိုက်သည့် အမျိုးသား ဒီမိုကရေစီ အဖွဲ့ချုပ် (NLD) ၏ ဆုံးဖြတ်ချက်ကို လေးစားကြောင်း အမေရိကန် အစိုးရနှင့် ကုလသမဂ္ဂတို့က တနင်္လာ နေ့တွင် ပြောကြား လိုက်ကြသည်။
ရွေးကောက်ပွဲနှင့် ပတ်သက်ပြီး ဒေါ်အောင်ဆန်း စုကြည်နှင့် သူ့ပါတီ၏ မည်သည့် ဆုံးဖြတ် ချက်ကို မဆို နိုင်ငံတကာ အသိုင်းအ၀န်းက လေးစားကြရန် လိုအပ်သည်ဟု ကုလသမဂ္ဂ အထွေထွေ အတွင်း ရေးမှူးချုပ် မစ္စတာ ဘန်ကီမွန်း၏ ပြောခွင့် ရပုဂ္ဂိုလ် မစ္စတာ မာတင်နီ ဆာကီက နယူးယောက်မြို့ ကုလသမဂ္ဂ ဌာနချုပ်တွင် ပြောကြား လိုက်သည်။ ပြီးခဲ့သည့် အပတ်က ထုတ်ပြန်ခဲ့သည့် မစ္စတာ ဘန်ကီမွန်း၏ ကြေညာချက်ကို ရည်ညွှန်းပြီး သတင်း ထောက်များကို ထိုသို့ ပြောလိုက်ခြင်း ဖြစ်သည်။သူ (မစ္စတာ ဘန်ကီမွန်း) ပြောခဲ့သလိုပါပဲ ဒီရွေးကောက်ပွဲက မျှတပြီး ယုံကြည်စိတ်ချရတယ်လို့ ယူဆနိုင်တယ်ဆိုရင် အများရဲ့ ပါဝင်နိုင်မှု ရှိနိုင်သမျှ ရှိဖို့ လိုအပ်ပါတယ်” ဟု ပြောခွင့်ရပုဂ္ဂိုလ်က ရှင်းပြသည်။
မစ္စတာ ဘန်ကီမွန်းက သူ၏ မြန်မာ့မိတ်ဆွေနိုင်ငံများအဖွဲ့နှင့် ပြီးခဲ့သည့် အပတ်က တွေ့ဆုံရာတွင် ထိုသို့ ထည့်သွင်းပြောကြားခဲ့သည်ဟု သိရသည်။
အမေရိကန် အစိုးရကလည်း NLD ၏ ဆုံးဖြတ်ချက်ကို လေးစားသည်ဟု အမေရိကန် နိုင်ငံခြားရေးဌာန၏ ပြည်သူ့ရေးရာဌာန အကြီးအကဲ မစ္စတာ ပီဂျေခရော်လေ က ပြောသည်။
“မြန်မာပြည် နိုင်ငံရေး ဖြစ်စဉ်မှာ လိုအပ်တယ်လို့ ကျနော်တို့ ယူဆထားတဲ့ ဒေါ်အောင်ဆန်းစုကြည်လို ပုဂ္ဂိုလ်မျိုးတွေ၊ တခြား အဖွဲ့တွေ၊ တိုင်းရင်းသားအဖွဲ့တွေနဲ့ အလေးအနက်ထားပြီး ဆွေးနွေးဖို့ မြန်မာအစိုးရက ဆန္ဒမရှိတဲ့အတွက်ကြောင့် NLD က ဒီလို ဆုံးဖြတ်လိုက်တာပဲ လို့ ကျနော်တို့ နားလည်မိပါတယ်” ဟု မစ္စတာ ပီဂျေခရော်လေ က ပြောသည်။
ပြီးခဲ့သည့်နှစ်ကစပြီး အမေရိကန်အစိုးရသည် မြန်မာစစ်အစိုးရနှင့် ဆက်ဆံရာတွင် ထိတွေ့ဆက်ဆံရေး၊ ဒဏ်ခတ်ပိတ်ဆို့ရေး နည်းလမ်းနှစ်သွယ်ကို တပြိုင်နက် ကျင့်သုံးခဲ့သည်။
“ရွေးကောက်ပွဲဥပဒေတွေနဲ့ ပတ်သက်ပြီး ကျနော်တို့ အမြင်ကို ပြောပြီးပါပြီ။ စိတ်ပျက်စရာ ဥပဒေတွေလို့ ကျနော်တို့ ထင်ပါတယ်။ ဒီလို ပြောပြီး နောက်ပိုင်းမှာတော့ မြန်မာအစိုးရနဲ့ တိုက်ရိုက် ဆွေးနွေးတာ မရှိသေးပါဘူး။ အနာဂတ်မှာ မရှိဘူးလို့တော့ မပြောနိုင်ပါဘူး။ သို့သော်လည်းပဲ မြန်မာပြည်မှာ ထုတ်ပြန်ခဲ့တဲ့ ရွေးကောက်ပွဲဥပဒေတွေက နည်းမှန် လမ်းမှန် မဟုတ်ပါဘူး” ဟု မစ္စတာ ပီဂျေခရော်လေ က ရှင်းပြသည်။
ဤအတောအတွင်း ၀ါရှင်တန်အခြေစိုက် US Campaign for Burma ခေါ် မြန်မာ့အရေး လှုပ်ရှားသည့် အဖွဲ့က NLD ၏ ဆုံးဖြတ်ချက်ကို ထောက်ခံကြောင်း ယမန်နေ့က ကြေညာချက် ထုတ်လိုက်သည်။
“NLD ခေါင်းဆောင်တွေက သတ္တိရှိရှိ ဆုံးဖြတ်လိုက်တာပါပဲ။ ဒီအတွက် ကျနော်တို့ အင်မတန် ဂုဏ်ယူပါတယ်” ဟု ထိုအဖွဲ့၏ ညွှန်ကြားရေးမှူး ကိုအောင်ဒင်က ပြောသည်။
စစ်အုပ်စုရဲ့ အတုအယောင် ရွေးကောက်ပွဲကို လက်မခံတဲ့ နည်းနဲ့ သူတို့အားလုံးက ဒေါ်အောင်ဆန်းစုကြည်၊ နိုင်ငံရေးအကျဉ်းသားတွေ၊ ပြီးတော့ ပြည်သူတွေ နဲ့အတူ ဆက်လက် ရပ်တည်ဖို့ ဆုံးဖြတ်လိုက်ကြတာပါပဲ” ဟု ကိုအောင်ဒင်က ဆိုသည်။
လူထုအပေါ် ဒီကေဘီအေ၏ အနိုင်ကျင့်မှု ပိုများလာ
မတ်လ ၃၀ရက်။ (ကေအိုင်စီ)
ကရင်ပြည်နယ် ကော့ကရိတ်မြို့နယ် ဝေါ်လေခီးဂွင်၌ အခြေချလှုပ်ရှားနေသည့် တိုးတက်သော ဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ)တပ်ဖွဲ့ဝင်များသည် ယခုနှစ်ဆန်းပိုင်းမှစ၍ လူထုအပေါ် အကြောင်းမဲ့ အနိုင်ကျင့်မှုများ ပို၍လုပ် ဆောင်လာသည်ဟု ဒေသခံရွာသားများက ပြောသည်။
အဆိုပါဂွင်တွင် လှုပ်ရှားနေသည့် ဒီကေဘီအေ တပ်မဟာ (၅)လက်အောက်ခံ (၉၀၇)တပ်ရင်းသည် တပ်ရင်းမှူး ဗိုလ်မှူးကြီး နှုတ်ခမ်းမွှေး၏အမိန့်ဖြင့် စေတီပုထိုးတည်၊ ကျောင်းဆောက်၊ လမ်းဖောက်၊ တံတားဆောက် လုပ်ဆောင်ရာတွင် ရွာသူရွာသား များကို အတင်းအဓမ္မ ခေါ်ယူခိုင်းစေသည့်အပြင် ငွေကြေးများကိုပါ ကောက်ခံလျှက်ရှိသည်ဟု ဝေါ်လေခီးဂွင်မှ ရွာသားတဦးက ပြောသည်။
သူက “ခေါင်းပေါင်းဝါ(ဒီကေဘီအေ)တပ်ဖွဲ့ဝင်တွေက လမ်းတွေဖောက်၊ တံတားတွေဆောက်လို့ရှိရင် ရွာသူရွာသားဆီကပဲ ပိုက်ဆံတောင်းတယ်။ လူကိုယ်တိုင်လည်း အလှည့်ကျ လုပ်အားပေးသွားရတယ်။ ပြီးခဲ့တဲ့ တရက်နှစ်ရက်တုန်းကပဲ စေတီ တည်တာ ဘိလပ်မြေ မလောက်လို့ဆိုပြီး ရွာသားတွေဆီက ဘိလပ်မြေအိတ် (၁၀၀) ထပ်တောင်းတယ်။ တချို့ရွာတွေက ပိုက်ဆံလုံးလုံးကို မရှိတဲ့အတွက် မပေးနိုင်ဘူးလေ။ ဒါကို ရွာထဲကို ၀င်ရောက်သောင်းကျန်းခြိမ်းခြောက်တာတွေ လုပ်နေတော့ ရွာသားတွေ ရတဲ့နည်းနဲ့ ပေးရတယ်။ စေတီစတည်ခဲ့တုန်းကလည်း တခေါက်ပေးခဲ့ပြီးပြီ”ဟု ပြောသည်။
၎င်းအပြင် မတ်လ ၂၃ရက်နေ့တွင်လည်း ဝေါ်လေခီးဂွင် ကော်ဆဲရွာသား ၄ဦးသည် အိမ်ဆောက်ရန် လိုအပ်သည့် ပျဉ်ပြားများ ကို ကားဖြင့်သယ်ဆောင်လာရာမှ သစ်ခိုးရောင်းသည်ဟု စွပ်စွဲကာ (၉၀၇) တပ်ရင်းမှ တပ်ခွဲမှူး စောချင်းလုံဆိုသူက ၎င်းရွာ သားများအား ရိုက်နှက်သောကြောင့် ရွာသားတဦး ဆေးရုံတင်လိုက်ရသည့်အပြင် လျှော်ကြေးပါ ပေးဆောင်ခဲ့ရသည်ဟု ကော် ဆဲရွာသူတဦးက ပြောသည်။
၎င်းက “ဒီလ ၂၃ရက်နေ့မှာ ကျမတို့ ရွာက ဖါးကော်လာ၊ တာအယ်၊ သန်းဌေးဦး၊ ထာ့ထူတို့လေးယောက် အိမ်အတွက် ပျဉ်ပြား ၂၉ချပ် တောထဲကနေ ကားနဲ့တင်လာတယ်။ မသွားခင်တုန်းကလည်း သူတို့(ဒီကေဘီအေ)ကို ကြိုအသိပေးပြီးပြီ။ အဲဒါနဲ့ ဗိုလ် ချင်းလုံက အရက်မူးမူးနဲ့ သူတို့လေးယောက်ကို လမ်းမှာဆုံပြီး ခင်ဗျားတို့ သစ်ခိုးရောင်းတယ်ဆိုပြီး ထိုးကြိတ်၊ ရိုက်နှက်တဲ့အခါ ကျတော့ ဖါးကော်လာကို ဆေးရုံတင်လိုက်တယ်။ အဲဒါနဲ့ မပြီးသေးဘူး။ သူတို့လေးယောက်ကို ဘတ်ငွေ ၅ထောင် ဒဏ်ငွေ ရိုက်တယ်။ ကားကျတော့ ဘတ်ငွေ ၆သောင်း ၅ထောင် ပြန်ရွေးလိုက်ရတယ်။ မရွေးရင် လုံးဝ ပြန်မပေးဘူး”ဟု ပြောသည်။
လက်ရှိအချိန်တွင် ကော်ဆဲကျေးရွာအပြင် တခြားရွာများ အပါအ၀င် ဒီကေဘီအေ ခွင့်ပြုချက်မရဘဲ ရွာသူရွာသားများ မိမိဆန္ဒ အရ သစ်ခုတ်ပါက ထိရောက်စွာ ဒဏ်ခတ်အရေးယူမည်ဖြစ်ကြောင်း ဒီကေဘီအေ တပ်မဟာ (၅)မှူးက အမိန့်ထုတ်ထား ကြောင်း ရွာသားများ၏ ပြောပြချက်အရ သိရသည်။
ထိုကိစ္စနှင့်ပတ်သက်၍ ဒီကေဘီအေ (၉၀၇)တပ်ရင်းမှ တပ်ခွဲမှူး စောချင်းလုံက “ကျနော်နဲ့ ဖြစ်တာ မဟုတ်ဘူး။ ပဋိပက္ခ ဖြစ် တာတော့ ကြားပါတယ်။ အနည်းအကျဉ်း ဖြစ်ပွားခဲ့တာပဲ။ ဘာအခက်အခဲမှ မရှိလောက်ပါဘူး”ဟု ကေအိုင်စီကို ပြောသည်။
ဝေါ်လေခီးဂွင်၌ ကော်ဆဲ၊ ကလော်ဝေါ်၊ ဖောဖိုးခီး၊ ဖောပလာထာ၊ ထီးဆဲလယ်၊ လယ်ဂေါ့၊ အူးဖိုးထာ့၊ ကနဲလေး၊ မောဖိုးကလိုး၊ မောခီး၊ ကွီးဆဲဖော၊ ဘလာတို စသည့်ကျေးရွာများ တည်ရှိသည်။
ဒီကေဘီအေ တပ်ဖွဲ့သည် ၁၉၉၄ခုနှစ်တွင် ကရင်အမျိုးသားအစည်းအရုံး (ကေအဲန်ယူ)မှ ခွဲထွက်ကာ နအဖ စစ်အစိုးရနှင့် သွားရောက်ပူးပေါင်းခဲ့ပြီး ၂၀၁၀ ရွေးကောက်ပွဲမတိုင်ခင် ယမန်နှစ် မေလက နအဖစစ်အစိုးရမှ ကမ်းလှမ်းထားသည့် နယ်ခြား စောင့်တပ် အသွင်ကူးပြောင်းရေးကို ဦးစွာ လက်ခံသည့် ကရင်အပစ်ရပ်အဖွဲ့ ဖြစ်သည်။
ဘန့်ဒုန်ယန်း ဒုက္ခသည်စခန်း လေပြင်းတိုက်၊ အိမ်ခြေ ၄၀ ကျော် ပျက်စီး
ဧရာဝတီ သတင်းမှ
ထိုင်း-မြန်မာ နယ်စပ် စံခလဘူရီ ခရိုင်ရှိ ဘန့်ဒုန်ယန်း ဒုက္ခသည် စခန်းတွင် ယမန်နေ့ မွန်းလွဲ ၂ နာရီခန့်က လေပြင်း မုန်တိုင်း တိုက်ခတ် မှုကြောင့် အိမ်ခြေ ၄၀ ကျော် ပျက်စီး သွားကြောင်း ဒုက္ခသည်စခန်းတွင် နေထိုင်သူများက ပြောသည်။
“မုန်တိုင်း ၀င်တဲ့ ပုံစံမျိုး၊ မိုးအရင် လာတယ်၊ ပြီးတော့ လေမုန်တိုင်းက နောက်ကနေ လိုက်လာတယ်၊ အချိန်ကတော့ နေ့လယ် ၂ နာရီ လောက်ရှိပြီ၊ စဖြစ်တဲ့ အချိန် အဲဒီမှာ မုန်တိုင်း လိုက်လာတော့ တချို့ သစ်ပင်တွေ လဲကျတယ်”ဟု ယင်း ဒုက္ခသည် စခန်းတွင် နေထိုင်သူ ဘထူးလေးက ဧရာဝတီသို့ ပြောသည်။
လေပြင်းကြောင့် ဒုက္ခသည် စခန်းတွင် အိမ်ခြေ ပျက်စီးမှုများ ရှိသော်လည်း အသေ အပျောက် မရှိကြောင်း၊ သို့သော် ထိခိုက် ဒဏ်ရာရရှိသူ ၃ ဦးခန့် ရှိကြောင်း ၎င်းက ဆိုသည်။
ယင်းလေပြင်း ဒဏ်ကြောင့် ကွန်ပျူတာ သင်တန်းဆောင်၊ စာသင်ကျောင်းနှင့် ဆေးရုံများလည်း ပျက်စီးသွားသည်ဟု ဒုက္ခသည် စခန်းတွင် နေထိုင်သူများက ပြောသည်။
လေပြင်း မုန်တိုင်းကြောင့် ပျက်စီးဆုံးရှုံးသွားသော အိမ်ခြေများကို ထိုင်း အာဏာပိုင်များနှင့် စခန်းတာဝန်ရှိသူများက ယနေ့ နံနက် က လာရောက် စစ်ဆေးမှုများ ပြုလုပ်ခဲ့ကြောင်း သိရသည်။
နေအိမ် မရှိသည့် ဒုက္ခသည်များမှာ နီးစပ်ရာ အသိမိတ်ဆွေများထံတွင် စုပေါင်း နေထိုင်ကြသည်ဟု ဘထူးလေးက ပြောသည်။
ယင်း ဒုက္ခသည် စခန်းအတွင်း မြန်မာနိုင်ငံမှ ထွက်ပြေးလာသော ဒုက္ခသည်ဦးရေ ၄၀၀၀ ကျော် ခိုလှုံနေသည်ဟုလည်း ဆိုသည်။
ထိုင်း-မြန်မာနယ်စပ်တွင် ဒုက္ခသည် စခန်း ၉ ခုရှိပြီး ဒုက္ခသည်ပေါင်း တသိန်း ခြောက်သောင်းခန့် ရှိကြောင်း သိရသည်။
မြန်မာစကား မပေါက်သော ရွာသားများ အရိုက်ခံရ
သတင်း - ကန္တာရ၀တီတိုင်း(မ်)
ကရင်နီပြည် ဖရူဆိုမြို့နယ် ဆွမ်စိဖိုရွာမှ ဒေသခံများသည် နအဖ စစ်တပ် ခမရ ၅၃၁နှင့် ၄၂၈ တပ်များမှ ရွာတွင်းသို့ ၀င်ရောက်လာပြီး ပြောဆိုဆက်ဆံရာတွင် စကား မပေါက်ကြဘဲ ရိုက်နှက်သောကြောင့် ရွာသားအချို့ရွာမှ ထွက်ပြေးကြသည်ဟု သိရသည်။
အိမ်ခြေ ၄ဝ ကျော် ရှိသော ဆွမ်စိဖိုရွာသို့ စစ်တပ်မှ မကြာခဏ ၀င်ရောက်လာပြီး ယခုလ အစောပိုင်းကစ၍ ရွာသားများ စတင် ထွက်ပြေးကြရာ အိမ်ခြေ ၃၅ အိမ်တို့သည် ဆွေမျိုးများ ရှိသည့် တခြားကျေးရွာဆီသို့ ထွက်ပြေးကြပြီး အချို့မှာ ထိုင်း-မြန်မာနယ်စပ် ဘက်သို့ မတ်လ ၁၈ ရက်နေ့က ထွက်ပြေးရောက်ရှိလာကြသည်။
“ဗမာစစ်တပ်တွေက ရွာကို ရောက်ရင် ကျနော်တို့ကို ဗမာစကားလို ပြောတယ်။ ဒါပေမယ့် ကျနော်တို့က ဗမာစကားမှ မတတ်တာ ကျနော်တို့က ကိုယ့်ဘာသာ စကားတခုပဲ တတ်တယ်လေ။ သူမေးတာတမျိုး ကိုယ်ဖြေသွားတာတခြား ဖြစ်သွားတော့ ကျနော်တို့ကို ရိုက်တယ်၊ နှိပ်စက်တယ်” ဟု ဆွမ်စိဖိုရွာမှ စကားမပေါက်၍ အရိုက်ခံရဖူးသော အိမ်ထောင်ဦးစီးတဦးက ပြောသည်။
နအဖ စစ်တပ်များသည် ရွာသို့ ရောက်တိုင်း ရွာတွင်းတွင် သေနတ်များ ဖောက်၍ ခြိမ်းခြောက်ခြင်း၊ လမ်းပြခိုင်းခြင်း၊ လမ်းမပြနိုင်လျင် စစ်ဆေးမေးမြန်းပြီး ရိုက်နှက်ခြင်းများ ပြုလုပ်သည့်အပြင် ရွာသားပိုင် အိမ်မွေးတိရိစ္ဆာန်များကို အဖိုးအခ မပေးဘဲ ပစ်သတ်စားသောက် ကြသည်ဟု ရွာသားများက ပြောပါသည်။
ဆွမ်စိဖိုရွာမှ ရွာသားတဦးက “ကျနော်တို့ ရွာမှာ ဗမာတပ်တွေ လာရင် စစ်ဆေးမေးမြန်းတယ်။ နှိပ်စက်တယ်။ လမ်းပြခေါ်သွားတော့ လုပ်ကိုင်စားသောက်ဖို့အတွက် အခက်အခဲ ရှိတယ်။ တပတ်ကျော်လောက် လိုက်သွားရပြီး သူတို့ စစ်ကြောင်း မပြန်ရင် အိမ်မပြန်ရ သေးဘူး။ အိမ်က ကြက်တို့၊ ၀က်တို့ အလကား ယူသတ်စားသွားတယ်” ဟု ပြောသည်။
NLD သပိတ်မှောက်မှု စစ်အစိုးရကို အမေရိကန် အပြစ်တင်
(VOA သတင်းမှ)
အမျိုးသားဒီမိုကရေစီ အဖွဲ့ချုပ် (NLD) ပါတီက ဒီနှစ်အတွင်း ကျင်းပမယ်ဆိုတဲ့ ရွေးကောက်ပွဲကို မ၀င်ဘူးလို့ မနေ့က ဆုံးဖြတ်ချက် ချလိုက်တာနဲ့ ပတ်သက်လို့ အမေရိကန် ပြည်ထောင်စုနဲ့ ကုလသမဂ္ဂတို့က ဘယ်လိုတုံ့ပြန်ချက်တွေ ပေးခဲ့ကြသလဲဆိုတာ ကိုကျော်အောင်လွင်က တင်ပြပေးထားပါတယ်။
NLD ပါတီက ရွေးကောက်ပွဲကို မ၀င်ဘူးလို့ ဆုံးဖြတ်လိုက်တာဟာ စစ်အစိုးရဘက်က နိုင်ငံရေးအရ တွေ့ဆုံဆွေးနွေးဖို့ ဆန္ဒမရှိဘူး ဆိုတာကို ထင်ဟပ် ပြသလိုက်တာ ဖြစ်တဲ့အကြောင်း အမေရိကန် နိုင်ငံခြားရေး ၀န်ကြီးဌာနက ပြောလိုက်ပါတယ်။ မနေ့က ကျင်းပခဲ့တဲ့ အမေရိကန် နိုင်ငံခြားရေး ၀န်ကြီးဌာနရဲ့ ပုံမှန် သတင်းစာ ရှင်းလင်းပွဲမှာ နိုင်ငံခြားရေး ၀န်ကြီးဌာနရဲ့ ပြောခွင့်ရပုဂ္ဂိုလ် ပီ.ဂျေ ခရော်လီ (P.J Crowley) က အခုလို ပြောခဲ့တာပါ။
“NLD ပါတီက အခုလို ဆုံးဖြတ်ချက် ချလိုက်တာဟာ မြန်မာနိုင်ငံမှာ ပွင့်လင်းတဲ့ နိုင်ငံရေး လုပ်ငန်းစဉ်တွေ အကောင်အထည်ဖော်ဖို့ မရှိမဖြစ် လိုအပ်တယ်လို့ ကျနော်တို့ လက်ခံ ယူဆထားတဲ့ ဒေါ်အောင်ဆန်းစုကြည် အပါအ၀င် အဓိက နိုင်ငံရေး အဖွဲ့အစည်းတွေ၊ တိုင်းရင်းသား အဖွဲ့အစည်းတွေနဲ့ အလေးအနက် ဆွေးနွေးလိုတဲ့ဆန္ဒ မြန်မာစစ်အစိုးရမှာ မရှိဘူးဆိုတာ ထင်ဟပ် ပြသလိုက်တာပါပဲ။ NLD ဘက်က အခုလို ဆုံးဖြတ်ရတာကို ကျနော်တို့ နားလည်ပါတယ်။
“ရွေးကောက်ပွဲ ဥပဒေတွေဟာ စိတ်ပျက်ဖို့ ကောင်းတယ်ဆိုတဲ့ အကြောင်း ကျနော်တို့ဘက်က သဘောထားကို ထုတ်ဖော် ပြောဆိုထားပါတယ်။ ဒီလို ထုတ်ဖော်ပြီးတဲ့ နောက်ပိုင်းမှာ မြန်မာစစ်အစိုးရနဲ့ တိုက်ရိုက် ဆွေးနွေးမှုတွေတော့ မရှိသေးပါဘူး။ ရှေ့မှာ ရှိကောင်း ရှိလာနိုင်ပါတယ်။ ဘာပဲဖြစ်ဖြစ် မြန်မာစစ်အစိုးရ ချမှတ်ထားတဲ့ ရွေးကောက်ပွဲဆိုင်ရာ ဥပဒေတွေဟာ နည်းမှန်လမ်းမှန် ချမှတ်ထားတာ မဟုတ်ဘူး။” လို့ မစ္စတာ ခရော်လီက ပြောသွားခဲ့ပါတယ်။
အမေရိကန် ပြည်ထောင်စု အနေနဲ့ မြန်မာစစ်အစိုးရနဲ့ ထိတွေ့ဆက်ဆံရေး မူဝါဒကို ဆက်လက် ကျင့်သုံးမှာဖြစ်ပြီး မြန်မာနိုင်ငံမှာ အပြောင်းအလဲတွေ ပေါ်လာအောင် ဆက်လက် တွန်းအားပေးမှာ ဖြစ်တဲ့အကြောင်း၊ စစ်အစိုးရ ခေါင်းဆောင်တွေနဲ့ နှစ်ခါ သုံးခါ တွေ့ဆုံ ဆွေးနွေးရုံနဲ့ ပြဿနာတွေ အားလုံး ပြေလည်သွားမယ်လို့ မျှော်လင့်မထားတဲ့အကြောင်းနဲံ့ မြန်မာ စစ်အစိုးရဘက်က အပြောင်းအလဲတွေ အမှန်တကယ် ဖေါ်ဆောင်ချင်တယ်ဆိုတာ သက်သေပြနိုင်တဲ့ အခွင့်အလမ်းကောင်းတခုကို ဆုံးရှုံးသွားတဲ့ အကြောင်းလည်း မစ္စတာ ပီ.ဂျေ ခရော်လီက ထည့်သွင်း ပြောဆိုပါတယ်။
မနေ့က ကျင်းပတဲ့ နယူးယောက်မြို့ ကုလသမဂ္ဂ ဌာနချုပ်က ပုံမှန် သတင်းစာ ရှင်းလင်းပွဲမှာလည်း သတင်းထောက်တွေက NLD ပါတီရဲ့ ဆုံးဖြတ်ချက်နဲ့ ပတ်သက်ပြီး ကုလသမဂ္ဂရဲ့ တုံ့ပြန်ချက်ကို မေးခဲ့ကြပါသေးတယ်။ ကုလသမဂ္ဂ အတွင်းရေးမှူးချုပ်ရဲ့ ပြောခွင့်ရပုဂ္ဂိုလ် မာတင် နီစာကီး (Martin Nesirky) ကတော့ ပြီးခဲ့တဲ့ အပတ်က ကုလသမဂ္ဂ မြန်မာ့မိတ်ဆွေ နိုင်ငံများနဲ့ မြန်မာပြည်ဆိုင်ရာ ကိစ္စတွေကို ဆွေးနွေးခဲ့ကြတုန်း အတွင်းရေးမှူးချုပ် ပြောခဲ့တဲ့ သူ့ရဲ့ သဘောထားကိုပဲ ပြန်ပြောခဲ့ပါတယ်။
“ဒေါ်အောင်ဆန်းစုကြည်နဲ့ NLD ပါတီဘက်က ရွေးကောက်ပွဲနဲ့ ပတ်သက်ပြီး ဘယ်လိုဆုံးဖြတ်ချက်မျိုးပဲ ချခဲ့ချခဲ့ နိုင်ငံတကာ အသိုင်းအ၀ိုင်းက လေးစားဖို့ လိုလိမ့်မယ်လို့ အတွင်းရေးမှူးချုပ်က ရှင်းရှင်းလင်းလင်း ပြောထားပါတယ်။ နောက်ပြီး ရွေးကောက်ပွဲတွေဟာ ယုံကြည်စိတ်ချရဖို့ လိုတယ်၊ မျှမျှတတ ဖြစ်ဖို့လိုတယ်၊ တတ်နိုင်သမျှ နိုင်ငံရေးမှာ ပါဝင်သင့်တဲ့ အဖွဲ့အစည်းတွေ ပါနိုင်သမျှ ပါဖို့ လိုအပ်တယ်။” လို့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) က ပြောဆိုခဲ့တာကို သူ့ရဲ့ ပြောရေးဆိုခွင့်ရှိသူ မာတင် နီစာကီးက ရှင်းပြခဲ့ပါတယ်။
NLD ပါတီ မှတ်ပုံမတင်ရေး ဆုံးဖြတ်ချက်အပေါ် ပြည်တွင်းပြည်ပ အမြင်အမျိုးမျိုး
(VOA မှ)
မြန်မာစစ်အစိုးရရဲ့ ရွေးကောက်ပွဲ ဥပဒေအတိုင်း ပါတီမှတ်ပုံတင်ရေး၊ မတင်ရေးနဲ့ ပတ်သက်လို့ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့နဲ့ ပြည်နယ်နဲ့ တိုင်း ဗဟိုဦးစီး အဖွဲ့ဝင်တွေ အစည်းအဝေးက မှတ်ပုံမတင်ဘို့ ဆုံးဖြတ်လိုက်တယ်လို့ သိရပါတယ်။ အခုလို ဆုံးဖြတ်ချက်အပေါ် ပြည်တွင်းပြည်ပ နိုင်ငံရေး လှုပ်ရှားသူတွေကို မေးမြန်းထားတဲ့ ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြပေးထားပါတယ်။
NLD ဌာနချုပ်မှာ ဒီကနေ့ ပြုလုပ်တဲ့ အစည်းအဝေးက ပါတီမှတ်ပုံမတင်ဘို့ကို အများသဘောတူ ဆုံးဖြတ်လိုက်တယ်လို့ သိရပြီး ဒီကိစ္စနဲ့ ပတ်သက်လို့ NLD ကတော့ တရားဝင် ကြေညာချက် မထုတ်ပြန်သေးပါဘူး။ CRPP ပြည်သူ့လွှတ်တော် ကိုယ်စားပြု ကော်မတီ အတွင်းရေးမှူး ဦးအေးသာအောင်က အခုဆုံးဖြတ်ချက်ဟာ လုပ်သင့်လုပ်ထိုက်တာကို လုပ်တာလို့ ဆိုပါတယ်။
“လိုအပ်လို့ ချမှတ်လာပြီဆိုရင် ဒီမူတွေကို လိုက်နာရမယ်၊ စောင့်ထိန်းရမယ်။ မူဝါဒတခုဟာ ပြုလွယ်၊ ပြင်လွယ်၊ ပြောင်းလွယ် ဖြစ်ရမယ် ဆိုပေမဲ့ အခြေခံမဲ့၊ အကြောင်းမဲ့တော့ မူတွေကို မစွန့်လွှတ်သင့်ဘူး။ အခုလည်းပဲ အမျိုးသားဒီမိုကရေစီ အဖွဲ့ချုပ် အပါအ၀င် CRPP မှာ ချမှတ်ထားတဲ့ မူဝါဒတွေ ရှိပါတယ်။ မူလ စထောင်ကတည်းက ၉၀ ရလဒ် အကောင်ထည် ဖော်ရေး၊ နောက်ဆုံးမှာတော့ ရွှေဂုံတိုင် ကြေညာစာတမ်း ဆိုတာလည်းပဲ တနည်းအားဖြင့် ပြောမယ်ဆိုရင် CRPP ပါ သဘောတူထားတဲ့ ဆုံးဖြတ်ချက် မူဝါဒတခု ဖြစ်ပါတယ်။ ဒါတွေကို စွဲစွဲမြဲမြဲ ကိုင်စွဲဖို့ လိုတယ်။ အခုတော့ အမျိုးသားဒီမိုကရေစီ အဖွဲ့ချုပ်ဟာ ဒီမူဝါဒတွေက မသွေဖည်ဘူး၊ ဒီမူဝါဒတွေကိုပဲ စွဲစွဲမြဲမြဲ ရပ်တည်ထားတယ် ဆိုတဲ့သတင်းကို ကြားရတဲ့အတွက် CRPP အနေနဲ့ လုပ်သင့်လုပ်ထိုက်တဲ့ အလုပ်ကို လုပ်တယ်လို့ မြင်ပါတယ်။”
ဒါပေမဲ့ ၂၀၁၀ ရွေးကောက်ပွဲဝင်ဖို့ ပြင်ဆင်နေတဲ့ ဒီမိုကရက်တစ်ပါတီ ဗဟိုအမှုဆောင် ဒေါ်ချိုချိုကျော်ငြိမ်းကတော့ အခွင့်အလမ်းတခု ဆုံးရှုံးသွားတယ်လို့ မြင်ပါတယ်။
“တကယ်လို့ NLD မပါလို့ အန်တီတို့လည်း မပါတော့ဘူး ဆိုပြီးတော့ ငုတ်တုတ်ထိုင်နေကြရင် အချိန်တန်လာရင် ဒီမဲက သိပ်တန်ဖိုးရှိတာနော်။ တိုင်းပြည်ကောင်းအောင်လည်း လုပ်နိုင်တယ်၊ ဆိုးအောင်လည်း အလှည့်အပြောင်း လုပ်နိုင်တယ်။ တန်ဖိုးရှိတဲ့မဲကို ပြည်သူတွေက အဲလောက် နားမလည်သေးဘူး။ အဲဒီ မဲပြားကြီး ကိုင်ပြီး ဘယ်ဗိုလ်ချုပ်ကို ပေးမှာလဲ၊ နိုင်ငံရေးသမား မဟုတ်လည်း ဘယ်သူပဲဖြစ်ဖြစ် ကိုယ်ကြိုက်ရင် ပေးနိုင်တယ်၊ အဲဒီ အခွင့်အရေးကို ရစေချင်ပါတယ်။”
စစ်အစိုးရရဲ့ ရွေးကောက်ပွဲ ဥပဒေအရ လာမယ့် မေလ ၈ ရက်နေ့ နောက်ဆုံးထားပြီး မှတ်ပုံတင်ရမှာ ဖြစ်ပါတယ်။ KNU ဒု-ဥက္ကဋ္ဌ ဒေးဗစ်သာကပေါကတော့ ရွေးကောက်ပွဲဆိုတာ အပြောင်းအလဲတခု မဟုတ်တဲ့အတွက် အခုလို ဆုံးဖြတ်တာ မှန်ကန်တယ်လို့ ဆိုပါတယ်။
“ဒါ သင့်တင့်လျောက်ပတ်တဲ့ ဆုံးဖြတ်ချက်ပဲ။ ဘာလို့လဲဆိုတော့ အပြောင်းအလဲကို မဟုတ်ဘူး။ ဒီ နအဖ စစ်အစိုးရ တည်မြဲရေး၊ စစ်အာဏာရှင်စနစ် တည်မြဲရေး လုပ်နေတာ။ အပြောင်းအလဲ ရှိရင်တော့ တမျိုးပေါ့ဗျာ။ အခုဟာက အပြောင်းအလဲ မရှိတဲ့ အခါကျတော့ ဥပဒေဘောင်တွင်းတို့၊ နိုင်ငံရေးပါတီအဖြစ် ဆက်လှုပ်ရှားလို့ ဘာထူးတော့မလဲ။ အဲလို ဆက်လှုပ်ရှားမယ်ဆိုရင် မှတ်ပုံတင်လိုက်တာနဲ့ သူ့ဥပဒေအရက လိုအပ်တဲ့ ခေါင်းဆောင်တွေ၊ လိုအပ်တဲ့ အဖွဲ့ဝင်တွေဟာ အကုန်လုံး ထုတ်ပစ်ရမယ်။ ဆိုတဲ့အခါကျတော့ ဒီဟာ နအဖရဲ့ ဥပဒေကို ထောက်ခံတာမျိုး ဖြစ်သွားမယ်။ နအဖရဲ့ အစီအစဉ်ကို ထောက်ခံတာမျိုး ဖြစ်သွားမယ်။ အဲဒါကြောင့် ပြတ်ပြတ်ပဲ၊ မှတ်ပုံမတင်ဘူး၊ ရွေးကောက်ပွဲလည်း မ၀င်ဘူး။ အဲဒါ ပြီးတာပဲ။”
အခုဆုံးဖြတ်ချက်ကို ပြည်နယ်နဲ့တိုင်း စည်းရုံးရေး ကော်မတီ အများစုနဲ့ ဗဟိုအလုပ်အမှုဆောင် အများစုက သဘောတူခဲ့ကြတယ်လို့ သိရပါတယ်။ ပြည်ပအခြေစိုက် လူ့ဘောင်သစ် ဒီမိုကရက်တစ်ပါတီ ဥက္ကဋ္ဌ ကိုအောင်မိုးဇော်က ဒါဟာ ပြည်သူ့သဘောထားပဲလို့ ဆိုပါတယ်။
“ဒီကိစ္စဟာ ပြည်သူလူထု သဘောထားနဲ့ ကိုက်ညီတယ်။ အမျိုးသားဒီမိုကရေစီ အဖွဲ့ချုပ်ဟာ သမိုင်းမှာ မှတ်ကျောက်တင်ခံရတဲ့ နိုင်ငံရေးပါတီကြီး တရပ်အဖြစ် ရပ်တည်နိုင်လိုက်ပြီ ဖြစ်တယ်လို့ ပြောချင်တယ်။ ပါတီရှိတာ မရှိတာ၊ ပါတီဖျက်ပစ်တာ မဖျက်ပစ်တာ သူတို့ကိစ္စဖြစ်တယ်။ ဒေါ်အောင်ဆန်းစုကြည်ရဲ့ စကားကို အမှတ်ရစေချင်တယ်။ ပါတီဖျက်တာက သူတို့ဖျက်တာ ဖြစ်တယ်၊ ပါတီ မပျက်ဖို့လိုတယ်၊ ဒါ အဓိကဖြစ်တယ်။
“ဒုတိယတချက် ပြောချင်တာကတော့ နအဖ စစ်အုပ်စုက အမျိုးသားဒီမိုကရေစီ အဖွဲ့ချုပ်ကို ဖျက်သိမ်းသည်ဖြစ်စေ၊ မဖျက်သိမ်းသည်ဖြစ်စေ၊ အမျိုးသားဒီမိုကရေစီ အဖွဲ့ချုပ်က ပျက်မှာမဟုတ်ဘူး။ ပြည်သူလူထုထဲမှာ အမြဲတမ်း တည်ရှိနေမှာ ဖြစ်တယ်။ တတိုင်းပြည်လုံး အမျိုးသားဒီမိုကရေစီ အဖွဲ့ချုပ် အဖွဲ့ဝင်တွေ ဖြစ်သွားမှာ ဖြစ်တယ်။
“အနှစ် ၂၀ လုံးလုံး အမျိုးသားဒီမိုကရေစီ အဖွဲ့ချုပ်ဟာ တိုင်းပြည်အတွက် ငြိမ်းချမ်းရာ ငြိမ်းချမ်းကြောင်း၊ ပြေလည်ရာ ပြေလည်ကြောင်းတွေကို တစိုက်မတ်မတ် တောင်းဆိုခဲ့တယ်။ တွေ့ဆုံဆွေးနွေးမှုကို တစိုက်မတ်မတ် တောင်းဆိုခဲ့တယ်။ အမျိုးသား ပြန်လည်သင့်မြတ်ရေးကို တစိုက်မတ်မတ် တောင်းဆိုခဲ့တယ်။ ဒါကို မတုံ့ပြန်တာ နအဖအစိုးရ ဖြစ်တယ် ဆိုတဲ့အကြောင်းကို ပြည်သူလူထုကို တင်ပြ ပြောဆိုသင့်တယ်၊ ပန်ကြားချက်တစောင် ထုတ်ပြန်သင့်တယ်လို့ ကျနော်ထင်တယ်။”
ဒါကတော့ NLD ပါတီ မှတ်ပုံမတင်ဘို့ ဆုံးဖြတ်လိုက်မှုအပေါ် ပြည်တွင်းပြည်ပက နိုင်ငံရေး လှုပ်ရှားသူတွေရဲ့ အမြင်တွေ ဖြစ်ပါတယ်။
ရွေးကောက်ပွဲကျားကွက်နှင့် တိုင်းရင်းသားတစ်ယောက်အမြင်
မန်းကိုကို (KIC မှ)
မြင်မိတာကို ပွင့်ပွင့်လင်းလင်းပြောရရင် ပထမဆုံးအနေနဲ့ ကောင်းတာမကောင်းတာ အပထား
ရွေးကောက်ပွဲရဲ့ရုပ်လုံးဟာ တဖြည်းဖြည်းနဲ့ပေါ်စပြုလာပြီလို့ ပြောလို့ရမယ်ထင်ပါတယ်။
အပြေးအလွား မှတ်ပုံတင်ကြမယ့်ပါတီတွေထဲမှာ လက်တစ်ဆုပ်စာပါတီကြီးတွေကလွဲရင် ခွေးလေးခုန် လို့ ဖုန်မထပေမယ့် ခုန်ကိုခုန်လိုက်ရမှ ကျေနပ်နိုင်မယ်ဆိုသူတွေလည်း အတော်လေးများနေတာ တွေ့ လိုက်ရလို့ ဒီစာကိုရေးလိုက်ရတာပါ။
၁၉၉၀ ရွေးကောက်ပွဲတုန်းက ရုပ်မြင်သံကြားကနေ ပါတီတွေကို အချိန်နည်းနည်းစီပေးပြီး အခွင့်အရေး ပေးသလိုလိုနဲ့ လွတ်ပေးလိုက်တာ ပေးသမျှအချိန် မိနစ်ပိုင်းလေးမှာ အနှစ် ၃၀နီးပါး ကင်းကွာခဲ့ကြတဲ့ နိုင်ငံရေးစကားတွေကို အမြီးအမောက် မတည့်တာတွေပြော၊ လူပျက်တွေလို အသုံးခံခဲ့ကြရတာ လူငယ် တွေကလွဲပြီး အများစုက သတိရကြမယ် ထင်ပါတယ်။
(အခုအချိန်အထိ) အရေးအပါဆုံးနဲ့ တိုင်းပြည်ရဲ့အနာဂါတ်ကိုပုံဖေါ်နိုင်တဲ့ အင်အားစုလို့ ယုံကြည်မိတဲ့ NLD ကိုပဲ ဦးတည်ပြီးနည်းနည်း ပြောချင်ပါတယ်။ စိတ်ဆိုးချင်လဲဆိုး လိုရင်းကို တည့်တည့်ပြောမှ အကျိုးများမယ်ထင်လို့ အားမနာပါးမနာဘဲ ပြောပါရစေ။
အဓိကအနေနဲ့က သုံးချက်ရှိပါတယ်၊
၁။ ဒေါ်အောင်ဆန်းစုကြည်ကို မဏ္ဍိုင်ပြုထားတဲ့ NLD ရဲ့ရပ်တည်မှု၊
၂။ ပါတီအနေနဲ့ရော၊ နိုင်ငံရေးနိုးကြားမှုဘက်မှာပါ ရေသေနီးပါးဖြစ်နေမှု၊
၃။ လူထုအတွင်းနဲ့ ပါတီအတွင်းမှာပါ လှုပ်ရှားမှုနဲ့ ရှေ့လုပ်ငန်းစဉ်တွေချမှတ် အကောင်အထည်
ဖေါ် ဦးဆောင်ရာမှာ (အထွေထွေ) လိုအပ်ချက်တွေနဲ့ ပြည့်နေမှုတွေပါ။
ပထမ ဒေါ်အောင်ဆန်းစုကြည်ရဲ့ကဏ္ဍကိုကြည့်ပါ၊ သူမရှိရင် NLD မှာ ရေနည်းငါးလို ဆန့်ငင်ဆန့်ငင်ဖြစ် နေတတ်တဲ့ အားနည်းချက်ကို တစ်နည်းတစ်ဖုံ ပြင်ဆင်မှုတွေ လုပ်ထားသင့်ပြီလို့ ထင်ပါတယ်။
ဒုတိယအချက်အနေနဲ့ NLD ရဲ့ ကျယ်ပြန့်တဲ့ လှုပ်ရှားမှုတွေကို မမြင်ရတဲ့အချိန်က အများစုလို့ မြင်မိ တယ်။ အားမလို အားမရလို့ ပြဿနာတွေအဖြစ်နဲ့ အောက်ခြေက ရိုက်ခတ်လာတာတွေကိုလည်း အခွင့်အရေးတွေလို့မြင်ပြီး လမ်းညွှန်ပျိုးထောင်ပေးခဲ့တာမျိုး အင်မတန်နည်းတယ်လို့လည်း ယေဘုယျ မြင်နေကြရတယ်။
တတိယအချက်ကတော့ ကျယ်ပြန့်လွန်းလို့ နမူနာတစ်ခုပဲ ပြောလိုပါတယ်။ သံဃာ့အရေးအခင်းတုန်းက NLD ရဲ့ အင်မတန်နောက်ကျတဲ့ တုံ့ပြန်မှုဟာ ပြည်သူတွေအတွက် မချင့်မရဲဖြစ်စရာပါ။ အခက်အခဲတွေ ရှိတာကို နားလည်ပေးနိုင်ပေမယ့် ဒီကနေ့လို “ပညာ ဗဟုသုတ” ခေတ်ကြီးမှာ ပြည်သူတွေအတွက် အကောင်းဆုံးဝန်ဆောင်မှုအနေနဲ့ အမြန်ဆုံး၊ အမှန်ဆုံး ဆုံးဖြတ်ချက်တွေသုံးပြီး ဦးဆောင်မှုအခန်း ကဏ္ဍကို ပေးဖို့လိုပါတယ်။ အထူးသဖြင့် အခုလို ပြည်သူတွေထဲမှာ အတော်များများ ဇဝေဇဝါ ဖြစ်နေတဲ့ အချိန်ဟာ NLD အတွက် အထူးပဲအရေးကြီးပါတယ်။
(ရွေးကောက်ပွဲနဲ့ပတ်သက်လို့ တရားစွဲတာမျိုး စည်းဘောင်ထဲကလုပ်တာတော့ မှန်တယ်ထင်ပါတယ်။)
ဒီအချိန်မှာ တိုင်းပြည်အတွက် အင်မတန်အရေးကြီးတဲ့ လမ်းဆုံလမ်းခွကိုရောက်နေပါတယ်။
NLD ဘာလုပ်မလဲ။ ရွေးစရာလမ်းတွေရှိပါတယ်။ အနည်းဆုံးတော့ –
- ပြည်သူ့အင်အား၊ ပါတီအင်အားကို ယုံကြည်စိတ်အပြည့်ထားပြီး လုံးဝအရှော့မပေးပဲ တင်းခံထားလို့ ရပါတယ်။ ပြည်တွင်းပြည်ပမှာ ရှက်စရာကောင်းလောက်အောင် မအောင်မမြင်ဖြစ်တဲ့ ရွေးကောက်ပွဲ တစ်ခုအဖြစ် အဓိပ္ပါယ်သက်ရောက်အောင်လုပ်နိုင်ခဲ့ရင် လက်ရှိအစိုးရက ကမ်းလှမ်းမှုတွေ မလွဲမသွေ လုပ်လာရပါမယ်။ “မလုပ်လာဘူးဆိုရင်ကော” လို့လဲကြိုတွေး၊ ကြိုပြင် ရပါမယ်။ လက်ရှိအနေအထားကို တိုက်ပွဲလို့ သဘောထားလိုသူများအတွက် ဒါဟာလည်း တိုက်ပွဲအသွင်တစ်မျိုးပါပဲ။
- နိုင်ငံရေးကစားတတ်ရင် ပါတီကိုနှစ်ခြမ်းခွဲပြီး တစ်ခြမ်းက (နာမည်ပြောင်းပြီးဖြစ်ဖြစ်) ရွေးကောက်ပွဲဝင် ခြေကုတ်တစ်လှမ်းယူထားမယ် ဆိုရင်လည်းရပါတယ်။ မလုပ်တတ်ရင်တော့ ဆေးစားမှားသလို ဖြစ် သွားနိုင်ပါတယ်။
- ပါတီမှာ လုံလောက်တဲ့အင်အား၊ အစီအစဉ်၊ အထောက်အပံ့နဲ့ စိတ်ဓာတ်တွေရှိနေကြတယ်လို့ ယုံ ကြည်သလား။ ဒါဆိုရင်လည်း ရွေးကောက်ပွဲဥပဒေနဲ့ ညီနိုင်အောင်ညှိပြီး ရွေးကောက်ပွဲဝင်ရင်လည်း ရပါတယ်။ သတိထားစရာက ရှူံးမယ်သေချာရင် ညစ်မယ့်၊ ပွဲဖျက်မယ့် စစ်အစိုးရရဲ့ ခန့်မှန်းရခက်ပြီး ယုံကြည်ဖို့ရာကလည်း အစဉ်အလာမကောင်းတဲ့ ရှေ့ကလုပ်ဆောင်ချက်တွေ ရှိပါတယ်။
ဒီနေရာမှာ –
- ပါတီရဲ့ ဂုဏ်သိက္ခာနဲ့ ပြည်သူတွေရဲ့ အနာဂါတ်အရေး၊
- ရွှေဂုံတိုင် ကြေငြာစာတန်းရဲ့ ကဏ္ဍ၊
- ဒေါ်စုနဲ့ အတက်ကြွဆုံး၊ အရည်အချင်းရှိပြီး အနစ်နာခံနေကြတဲ့ ရာ၊ ထောင်နဲ့ချီတဲ့ နိုင်ငံရေး
အကျဉ်းသားတွေရဲ့ ကဏ္ဍ၊
- ပါတီဝင်နဲ့ ပြည်သူတွေရဲ့ ဆန္ဒသဘောထား၊
- မြင်နိုင်တာကော မမြင်နိုင်တာတွေကော ပြည့်နှက်နေတဲ့ စစ်အစိုးရရဲ့ ထောင်ချောက်တွေကို
လည်း လစ်လျူရှုလို့ မရနိုင်ပါဘူး။
အထူးသဖြင့် အခုလိုအခြေနေမျိုးမှာ NLD ရဲ့ခြေလှမ်းတိုင်းကို စောင့်ကြည့်ခံနေရမှာတော့ အမှန်ပဲ။
အခုပဲ ပါတီမှတ်ပုံတင်ရေးဆိုပြီး NLD ကို သွေးတိုး စစမ်းနေပါပြီ။ NLD ကနေ ဒီကိစ္စကိုအစောကြီး
ဆုံးဖြတ်ရင် သူတို့ပိုတောင်ကြိုက်ပါလိမ့်မယ်။ အခုထိ ကြံ့ဖွတ်တွေနာမည်ကြိုထွက်ထားသလောက်
လှုပ်ရှာမှု သိသိသာသာမရှိပဲ ငြိမ်ကုပ်ပြီးနေတာတွေ့နိုင်ပါတယ်။ ပိုင်ပြီဆိုမှ သူတို့ရဲ့ ဝှက်ဖဲတွေကို
စထုတ်နိုင်ပါတယ်။ ဒေါ်စုကို လွတ်ပေးတာမျိုး၊ သတ်မှတ်ရက် ၆၀ ပြည့်ခါနီး NLD ဆုံးဖြတ်ချက်
တွေ ပြန်ပြင်ရလဲခက်ခက် အခြေအနေမျိုးတွေကို သူတို့စောင်ြ့ပီးဖန်တီးနိုင်ပါတယ်။
တစ်ခါ ပါတီအဖျက်ခံရင်၊ မတရားအသင်းကြေငြာခံရရင်ဆိုပြီး စိုးရိမ်သူတွေရှိနိုင်ပါတယ်။
လက်ရှိမြင်ရသမျှကတော့ NLD ဟာ မတရားအသင်းကြေငြာပြီး ဖျက်သိမ်းခံထားရတဲ့အနေအထား
ထက်ပိုကောင်းနေတယ်လို့ မြင်နိုင်စရာကိုက မရှိပါဘူး။ သန်းခေါင်ထက်ညဥ့်နက်အုံးမယ်တောမထင်
ပါ။ NLD အနေနဲ့ တရားဝင်မြေအောက်လှုပ်ရှားမှုအင်အားစုဘဝရောက်ရောက်၊ အသိအမှတ်ပြုဘဝနဲ့
ဆက်နေနေ ဦးဝင်းတင်ပြောသလိုပဲ နိုင်ငံရေးရှိဖို့ပဲလိုတယ်လို့ အကြံပြုလိုပါတယ်။
ဒါ့ပြင် လူအတော်များများအတွက် အနှောင့်အယှက်ပေးခံရမှာ၊ ထောင်ကျမှာ အင်မတန် တွေးပူစရာတ ချက် ဖြစ်ပါတယ်။ တွေးစရာတစ်ချက်ရှိပါတယ်၊ တစ်ကယ်လို့ လူအားလုံးမဟုတ်ရင်တောင် အများစုက တစ်နည်းတစ်ဖုံနဲ့ အစိုးရကိုဆန့်ကျင်နေကြရင်ဖြစ်စေ၊ ဆန့်ကျင်နေသူတွေကို ကူညီနေကြရင်ဖြစ်စေ စစ် အစိုးရက (ထားပါတော့) နိုင်ငံရဲ့ ဆယ်ပုံတစ်ပုံကိုပဲ ဖမ်းပြီးထောင်ထဲထည့်ထားနိုင်မှာလား။ NLD အနေနဲ့ ပြည်သူတွေကို နိုးကြားအောင်၊ သိသင့်တာတွေသိလာအောင်၊ ဒီမိုကရေစီဘက်တော်သားတွေ အကူအညီရအောင်၊ အစိုးရကိုနည်းမှန်လမ်းမှန် စနစ်တကျ ဆန့်ကျင်အောင်၊ စစ်အစိုးရရဲ့ တိုက်ကွက် တွေကို ပါးပါးနပ်နပ်နဲ့ စုပေါင်းအင်အားကို အသုံးပြုပြီး ဘယ်လိုရှောင်တိမ်းတတ်အောင် ပြည်သူတွေကို ဘယ်လိုစည်ရုံးပညာပေးမလဲလို့ပဲ မေးစရာရှိပါတော့တယ်။
တစ်ဖက်မှာလည်း ရွေးကောက်ပွဲဝင်လိုသူတွေရဲ့ သဘောထားတွေကိုကြည့်လိုက်ရင် –
(က) (နေ့ပြောနောက်ကြည့်ဆိုသလို) အတတ်နိုင်ဆုံး ထိန်းသိမ်းပြောကြတာတွေ့ရမယ်၊ ဘယ်အရာ
မှ မရေရာတာ သူတို့အားလုံး ကောင်းကောင်းသဘောပေါက်ကြတယ်။
(ခ) အများစုမှာ စိတ်စေတနာကောင်းတွေ ဖေါ်ပြနေကြပေမယ့် နိုင်ငံရေးကို ကြေကြေညက်ညက်
နားလည်တဲ့ အရိပ်လက္ခဏာတွေ မတွေ့ရဘူး၊ မဟာဗျူဟာ၊ နည်းဗျူဟာ ဆိုတာတွေကတော့
ဝေးရော၊ ဒီလိုပြောရတာ အထူးသဖြင့် အသက်ကြီးသူတွေကို အားလည်းနာတယ်။
ဒီတော့ ဒီလိုအမတ်များကနေ လွှတ်တော်မှာ (ကြိုးစားပေမယ့်) နေရာကြိုယူ၊ တစ်ချက်လွှတ် ဗစ်တို
အာဏာကိုင်ထားသူစစ်ဗိုလ်တွေနဲ့ယှဉ်ပြီး ထိရောက်အောင်ဘာတွေများ လုပ်နိုင်ကြမလဲ၊ မျှော်လင့်ရ
မလဲ။ မျှော်လင့်ချက်ကတော့ NLD လို ပါတီကြီးတွေမှာပဲ ရှိတော့တယ်။
အနှစ်ချုပ်အနေနဲ့ NLD အတွက် အဓိက ရွေးစရာနှစ်လမ်းရှိတယ်လို့ မြင်ပါတယ်။
၁။ အကျိုးအင်မတန်များမယ်၊ ဗိုလ်ချုပ်တွေမညစ်ဖူးလို့ယုံတယ်၊ ပိုင်တယ်ထင်ရင် တစ်နည်းနည်းသုံးပြီး
ရွေးကောက်ပွဲအတွက်ပြင်ဆင်
၂။ မပိုင်လောက်ဘူးထင်ရင် ရွေးကောက်ပွဲကိုဘေးဖယ်၊ သိက္ခာရှိမယ့် (အင်အားဖြည့်၊ ခံတပ်ဆောက်၊
ပြည်လုံးကျွတ် ပျောက်ကျားစစ်ဆင်ရေး) နည်းလမ်းကိုရွေးရုံပါ။
ချွင်းချက်တစ်ခုထဲရှိပါတယ်။
နိုင်ငံရေးလှုပ်ရှားမှုမရှိရင်တော့ ဘာရွေးစရာလမ်းမှမရှိဘူးဆိုတာပဲ။
NLD ရွေးကောက်ပွဲ မ၀င်
ဧရာဝတီ မှ
နိုင်ငံ တ၀န်းလုံးရှိ အမျိုးသား ဒီမိုကရေစီ အဖွဲ့ချုပ် (NLD) ကိုယ်စားလှယ် များသည် လာမည့် ရွေးကောက်ပွဲတွင် ပါတီမှတ်ပုံ မတင်ရန် ဆုံးဖြတ်ချက်ကို ယနေ့ ချမှတ် လိုက်သည်။
ရန်ကုန်မြို့ ရွှေဂုံတိုင်ရှိ NLD ရုံးချုပ်၌ ကျင်းပသော မှတ်ပုံတင်ရေး မတင်ရေး ဆွေးနွေးပွဲတွင် နိုင်ငံတ၀န်းရှိ NLD ကိုယ်စားလှယ် ၁၁၃ ဦးတို့က ကန့်ကွက်သူမရှိ မှတ်ပုံမတင်ရန် ဆုံးဖြတ်လိုက်ခြင်းဖြစ်သည်။
NLD ပြန်ကြားရေး အဖွဲ့ဝင် ဦးအုန်းကြိုင်က “ဗဟို ဦးစီး အဖွဲ့ဝင်များရဲ့ ဆွေးနွေး ချက်များအရ နအဖက ထုတ်ပြန် ထားသော ၂၀၁၀ ခုနှစ် ရွေးကောက်ပွဲ ဆိုင်ရာ ဥပဒေ များသည် လုံးဝ မျှတမှု မရှိတော့ပါသဖြင့် NLD ကို ထပ်မံ မှတ်ပုံတင် တော့မည် မဟုတ်ကြောင်း အများ သဘောတူ ကန့်ကွက်သူ မရှိ ဆုံးဖြတ်သည်” ဟု ပြောသည်။
ဒေါ်အောင်ဆန်း စုကြည် အပါအ၀င် ဖမ်းဆီး ထားသော အကျဉ်းသား အားလုံး လွှတ်ပေးရန် တောင်းဆိုသည့် ဆုံးဖြတ်ချက် ကိုလည်း ချမှတ် လိုက်ကြောင်း ၎င်းက ဆက်ပြောသည်။
ဥက္ကဋ္ဌ ဦးအောင်ရွှေကကျန်းမာရေး အရ အစည်းအဝေးသို့ တက်ရောက်ခြင်း မရှိသော်လည်း ပါတီခေါင်းဆောင် ဒေါ်အောင်ဆန်း စုကြည် ဆုံးဖြတ်ချက် အတိုင်း လိုက်နာမည်ဖြစ်ကြောင်း စာတစောင် ပေးပို့ခဲ့ကြောင်း သိရသည်။
ဆွေးနွေးပွဲ မစတင်မီ ဦးအောင်ရွှေ၏စာနှင့် ဒေါ်အောင်ဆန်းစုကြည်က ပေးပို့ခဲ့သော ၎င်း၏ သဘောထား ရေးသားထားသည့် စာကို ဦးဉာဏ်ဝင်းက ဖတ်ပြခဲ့ပြီး မဲခွဲ ဆုံးဖြတ်မှုများ စတင် ကြောင်းသိရသည်။
ဒေါ်အောင်ဆန်းစုကြည်၏ စာတွင် ဖွဲ့စည်းပုံအခြေခံဥပဒေကို လက်မခံနိုင်သည့်အတွက် ရွှေဂုံတိုင် စာတမ်းကို ဆက်လက် ကိုင်ဆွဲထားဆဲ ဖြစ်ကြောင်း၊ မတရားသည့် ရွေးကောက်ပွဲ ဥပဒေဖြစ်သောကြောင့် NLD အနေဖြင့် မှတ်ပုံတင်ရန် လက်မခံ နိုင်ကြောင်း၊ NLDသည် ၎င်း၏ ကိုယ်ပိုင်မဟုတ်သကဲ့သို့ မည်သူ တဦး တယောက် ပိုင်မျှ မဟုတ်ကြာင်း ပါရှိသည်။
ယင်းအပြင် ပါတီအတွင်း အုပ်စုဖွဲ့သည့် လုပ်ရပ်ကို လုံးဝမကြိုက်သကဲ့သို့ လက်မခံနိုင်ကြောင်း၊ ပြည်သူလူထုကိုလည်း ဒီမိုကရေစီ ရရှိရန် ဆက်လက်ကြိုးပမ်းမည်ဖြစ်ကြောင်း၊ ပါတီဖျက်သိမ်းခံရရုံနှင့် ပါတီပျက်စီးသွားခြင်း မဟုတ်ကြောင်း ထည့်သွင်းရေးသား ထားသည်။
ဒေါ်အောင်ဆန်းစုကြည်က တရားမျှတမှုမရှိသည့် ရွေးကောက်ပွဲ ဥပဒေအောက်တွင် ပါတီ မှတ်ပုံတင်ရေး အတွက် စဉ်းစားခဲ့ခြင်း လုံးဝမရှိကြောင်း ပြောကြားခဲ့ပြီး ၆ ရက်အကြာ ယခု ဆွေးနွေးပွဲကို ကျင်းပခြင်း ဖြစ်သည်။
အကျဉ်းကျခံနေသော NLD ခေါင်းဆောင်များ ရွေးကောက်ပွဲတွင် ပါဝင်ယှဉ်ပြိုင်ခွင့် မရှိစေရန် ပါတီများမှတ်ပုံတင်ခြင်း ဥပဒေက တားမြစ် ထားသည့် အပြင် NLD အနေဖြင့် မေလ ၇ ရက်နေ့တွင် ရွေးကောက်ပွဲ ကော်မတီထံသို့ မှတ်ပုံတင်ခြင်း မပြုပါက တရားဝင် ပါတီ အဖြစ်မှ ဖျက်သိမ်းခံရမည်ဖြစ်သည်။
ပြီးခဲ့သည့် ရက်ပိုင်းအတွင်း NLD အဖွဲ့ဝင်များအကြား ပါတီမှတ်ပုံတင်ရေး မတင်ရေးနှင့် ပတ်သက်၍ အငြင်းပွားခဲ့ကြသည်။ NLD လူငယ် ခေါင်းဆောင်များက ပါတီမှတ်ပုံမတင်ရန် ဆုံးဖြတ်ချက်ချမှတ်ခဲ့သည်။
အဖွဲ့ချုပ်ဝင်လူငယ် ၅၀ ကျော်ခန့်ကNLDအဖွဲ့ချုပ်ရုံးရှေ့တွင် နိုးအမှတ်တံဆိပ်ပါ တီရှပ်အဖြူရောင် ဆင်တူဝတ်ဆင်ထားကြပြီး
ပြည်နယ်နှင့်တိုင်းအသီးသီးမှ တက်ရောက်လာကြသော ကိုယ်စားလှယ်များကို စံပယ် ပန်းကုံးများနှင့် အောင်သပြေပန်းများ ကမ်း၍ ကြိုဆိုခဲ့ကြသည်။
“အခြေခံဥပဒေဟာ လုံးဝ လက်ခံနိုင်စရာမရှိတဲ့အတွက် မှတ်ပုံမတင်ပါဘူး” ဟု တနင်္သာရီတိုင်း ရေဖြူ မြို့နယ် ကိုယ်စားလှယ် ဦးတိုးပိုး က ဆိုသည်။
ဦးတိုးပိုးကဲ့သို့ပင် ကချင်ပြည်နယ်မှ ဦးမြသိန်း၊ ကရင်ပြည်နယ်မှ ဒေါ်နန်းခင်ထွေးမြင့်၊ ချင်းပြည်နယ်မှ ဦးအောင်သာ၊ ပဲခူးတိုင်း မှ ဦးအောင်စိုးမြင့်၊ ရှမ်းပြည်နယ်မှ ဒေါ်ခင်မိုးမိုးတို့က ဖွဲ့စည်းပုံအခြေခံ ဥပဒေကို လက်သင့်မခံကြောင်း၊ ရွှေဂုံတိုင် ကြေညာစာတမ်း ကိုသာ ကိုင်ဆွဲထား၍ မှတ်ပုံမတင်ကြောင်း ပြောဆိုသည်။ သို့သော်လည်း ကချင်ပြည်နယ်မှ ဦးတင်ဝယ်က မှတ်ပုံတင်သင့်ကြောင်း ပြောဆိုသည်။
NLDရုံး အနီးရှိ လက်ဖက်ရည်ဆိုင်တွင် အရပ်ဝတ်ရဲများနှင့် ထောက်လှမ်းရေး ၅၀ ကျော်ခန့်က ဗီဒီယိုကင်မရာများဖြင့် မှတ်တမ်း တင်လျက်ရှိသကဲသို့ စွမ်းအားရှင် (၂၀၀) ကျော်ခန့် ပါဝင်သော ဒိုင်နာကား ၆ စီး ကလည်း နံနက် ၈ နာရီ မထိုးမီကတည်းက ရောက်ရှိနေကြောင်း သိရှိရသည်။
NLD ပါတီသည် ၁၉၈၈ ခုနှစ်တွင် စတင် တည်ထောင်ခဲ့ပြီး ၁၉၉၀ ပြည့်နှစ် ရွေးကောက်ပွဲတွင် လူထုထောက်ခံမဲ အများဆုံးဖြင့် အနိုင် ရရှိခဲ့သည်။
ဤသတင်းကို ရန်ကုန် အခြေစိုက် ဧရာဝတီ သတင်းထောက် ခိုင်သွယ်က ပူးပေါင်းရေးသားသည်။
လုံထိန်းတပ်ဖွဲ့ဝင်များကို ရဟန်းတော်များက တိုင်တွင်ကြိုးဖြင့် ချည်နှောင်ပြီး ဆိုဆုံးမ
သတင်း - နိရဉ္စရာ
ရခိုင်ပြည်နယ် မောင်တောမြို့ (၃) မိုင် ကျေးရွာတွင် ယမန်နေ့က စတင် ပြုလုပ်သော အပါး ၁၀၀ ရှင်ပြုပွဲတွင် လုံးထိန်း တပ်ဖွဲ့ တဖွဲ့မှ အရက်သေစာ သောက်စား မူးယစ်ပြီး လူထုကို စော်ကားသဖြင့် ရဟန်းတော်များက ၀ိုင်းဝန်းရိုက်နှက်ကာ လုံထိန်း ၂ ဦးကို လူမိုက်တိုင်တွင် ချည်နှောင် ထားခဲ့သည်ဟု အမည်မဖေါ်လိုသူ မျက်မြင် တဦးက ပြောသည်။
“လုံထိန်းတွေက အရက်သေစာ မူးယစ်သောက်စားပြီး ဇာတ်ပွဲရှေ့မှာ လာသောင်းကျန်းတော့ ရဟန်းတော်တွေက ၀ိုင်းရိုက်ပီး အဲဒီထဲက လုံထိန်း နှစ်ဦးကို လူမိုက် လူရမ်းကားတွေကို ချည်နှောင်ဖို့ ပြုလုပ်ထားတဲ့ တိုင်မှာ ချည်နှောင်ထားခဲ့ပါတယ်။ ကျန်တဲ့ လုံထိန်းတွေကတော့ ဦးဇင်းတွေ ရိုက်တော့ ကြောက်ပီး စခန်းကို ပြန်ပြေး သွားကြပါတယ်” ဟု သူက ပြောသည်။
အဆိုပါ ရှင်ပြုပွဲတွင် ရွှေရတနာ ဇာတ်အဖွဲ့မှ လာရောက် ဖြေဖျော်ရာ လုံထိန်းများက အရက်သေစာ မူးယစ်ကာ လူထုကို စော်ကားသဖြင့် ရဟန်းတော်များက ၀ိုင်းဝန်း ရိုက်နှက်ပြီး ယခုကဲ့သို့ ချည်နှောင်ထားခဲ့ရခြင်း ဖြစ်သည်။
“ရဟန်းတော်တွေက အပါး ၂၀၀ လောက်ရှိမယ် ထင်ပါတယ်။ တမြို့နယ်လုံးက ပင့်ထားတော့ ရဟန်းတော်တွေ ကွင်းမှာ အပြည့်ဘဲ။ လုံထိန်းတွေစော်ကားတာကို မြင်တော့ ရဟန်းတော်တွေက သည်းမခံနိုင်ဘဲ ရိုက်ပုတ်ပီး နှစ်ဦးကို ကြိုးနဲ့ ချည်နှောင်ပြီး ထားခဲ့ရပါတယ် ” ဟု သူက ပြောသည်။
ရှင်ပြုပွဲသို့ လာရောက်လာသူ အရှင် ဦးသောဘိတက “ ဦးဇင်းတွေမှာ အပြစ်မရှိဘူး။ အပြစ်ရှိတာက လုံထိန်းတွေပါ။ သူတို့က သိပ်ကို ရမ်းကားလွန်းတော့ ဦးဇင်းတွေက နည်းနည်းပါးပါး ဆိုဆုံးမလိုက်တာ ဖြစ်ပါတယ်။ နံနက် မလင်းမှီ ဆရာတော်ကြီးတွေက အဲဒီ လုံထိန်းနှစ်ဦးကို ရဲတာဝန်ရှိသူတွေ လက်ထဲ အပ်လိုက်ပါတယ်” ဟု ပြောသည်။
ယခုကဲသို့ ရဟန်းတော်များက လုံထိန်း တပ်ဖွဲ့ဝင်များကို ၀ိုင်းဝန်းရိုက်နှက်မူကြောင့် ဇာတ်ပွဲ ကြည့်နေသူ လူအုပ်မှာ ဖရိုဖရဲ ဖြစ်သွားသော်လည်း ဆရာတော်များက ပွဲစောင့် ရဲအဖွဲ့၏ အကူအညီကို ယူကာ ပြန်လည် ငြိမ်ဝပ်အောင် ထိန်းသိမ်းခဲ့ရသည်ဟု ဆရာတော်က ပြောသည်။
ယခုကဲ့သို့ လုံထိန်းများကို ရိုက်နှက်ပြီး တိုင်တွင် ချည်နှောင်ကာ ရဟန်းတော်များက ဆိုဆုံးမခဲ့ခြင်း အပေါ် ပွဲကြည့်ရန် လာရောက်သည့် ပရိသတ်များက သောင်းသောင်းဖျဖျ အားပေးခဲ့ကြသည်ဟု သိရသည်။
ယနေ့ညဉ့်တွင်လည်း ရွှေရတနာ ဇာတ်အဖွဲ့မှ စဉ်လာမပျက် ပုံမှန် တင်ဆက်ကပြရန် အစီအစဉ် ရှိနေကြောင်း သတင်း ရရှိသည်။
ရွေးကောက်ပွဲ ဒေါ်စုပါဝင်ခွင့် မရှိရင် ဂျပန်က စီးပွားရေးကူညီမှု ရပ်ဆိုင်းမည်
28 March 2010(VOA သတင်းမှ)
ဒေါ်အောင်ဆန်းစုကြည်နဲ့ တခြား ပါဝင်ယှဉ်ပြိုင်ထိုက်တဲ့ သူတွေ ပါဝင်ခွင့် မပေးဘူးဆိုရင် မြန်မာနိုင်ငံကို ပေးနေတဲ့ အကူအညီငွေတွေ ထပ်ပေးတော့မှာ မဟုတ်ဘူးလို့ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါ (Katsuya Okada) က ပြောခဲ့ပါတယ်။ ဂျပန်အစိုးရက မြန်မာစစ်အစိုးရနဲ့ ဆက်ဆံရာမှာ အကူအညီပေးမယ်၊ မပေးဘူးဆိုပြီး ချော့တလှည့်၊ ခြောက်တလှည့် ဆက်ဆံလေ့ ရှိတာမို့ အခုလို ပြောလိုက်တာဟာ ပြီးခဲ့တဲ့ ဩဂုတ်လကမှ အာဏာရလာတဲ့ လက်ရှိ ဂျပန်အစိုးရ အနေနဲ့ မြန်မာ့ဒီမိုကရေစီ အရေးအတွက် တကယ်ပဲ အလေးအနက်ထား ပြောဆိုတယ်လို့ ပြောနိုင်ပါသလား။ အကြောင်းစုံကို နော်ရှိုးက တင်ပြပေးထားပါတယ်။
ဒေါ်အောင်ဆန်းစုကြည် အပါအ၀င် တခြား ပါသင့်ပါထိုက်သူတွေကို ရွေးကောက်ပွဲမှာ ပါဝင်ယှဉ်ပြိုင်ခွင့် မပေးဘူးဆိုရင် လက်ရှိ မြန်မာနိုင်ငံကို ပေးနေတဲ့ အကူအညီတွေကို ဆက်ပေးတော့မှာ မဟုတ်ဘူးလို့ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါက ဂျပန်နိုင်ငံဆိုင်ရာ မြန်မာသံအမတ်ကြီး ဦးလှမြင့် အပြင် တခြား သတင်းထောက်တွေကို ပြီးခဲ့တဲ့ သောကြာနေ့က ပြောခဲ့တယ်လို့ ကျိုတို သတင်းဌာနမှာ ရေးသားထားတာပါ။ နောက်အပတ် ကနေဒါနိုင်ငံမှာ ကျင်းပမယ့် G-8 စက်မှုအင်အားကြီး ၈ နိုင်ငံ အစည်းအဝေးမှာလည်း မြန်မာ့အရေးကို တင်ပြ ဆွေးနွေးသွားမယ်လို့ ပြောခဲ့ပါတယ်။
အရင်နှစ် နိုဝင်ဘာတုန်းကလည်း လက်ရှိ ဂျပန်ဝန်ကြီးချုပ် အာကီယို ဟတိုယာမ (Akio Hatoyama) က အာဏာရပြီး ၂ လ အကြာမှာပဲ ၂၀၁၀ ခုနှစ် ရွေးကောက်ပွဲ မတိုင်မီ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ အားလုံးကို ပြန်လွှတ်ပေးမယ်ဆိုရင် မြန်မာနိုင်ငံကို အကူအညီတွေ ပိုပေးမယ်လို့ ပြောခဲ့ဖူးပါတယ်။ ၂၀၀၇ ခုနှစ် သံဃာ့လှုပ်ရှားမှုတုန်းကလည်း ဂျပန် သတင်းထောက်တဦး နအဖ စစ်သားတွေရဲ့ ပစ်သတ်ခြင်းကို ခံခဲ့ရပြီးနောက် ဂျပန် အစိုးရက မြန်မာနိုင်ငံကို အကူအညီ ပေးတာတွေ ရပ်ဆိုင်းမယ်ဆိုပြီး ခြိမ်းခြောက်ခဲ့ဖူးပါတယ်။
ဒီတော့ အာဏာရ ဂျပန်အစိုးရ အဆက်ဆက် အနေနဲ့ ပြီးခဲ့တဲ့ ၁၀ နှစ်တာ ကာလတွင်းမှာ အခုလို မြန်မာစစ်ခေါင်းဆောင်တွေနဲ့ ဆက်ဆံတဲ့အခါမှာ အကူအညီတွေ တိုးပေးမယ်၊ မတိုးပေးတော့ဘူးဆိုပြီး ချော့တလှည့်၊ ခြောက်တလှည့် ပြောလာတာကတော့ အဆန်းမဟုတ်ပါဘူး။ ဒါပေမဲ့ လက်ရှိ အစိုးရသစ်တွင်းမှာ ဦးဆောင်နေသူတွေက အရင်ကတည်းက မြန်မာ့ဒီမိုကရေစီ အရေးအတွက် စိတ်အားထက်သန်သူတွေ ဖြစ်တာကြောင့် မြန်မာစစ်ခေါင်းဆောင်တွေနဲ့ ဆက်ဆံတဲ့နေရာမှာ အရင် ဂျပန်အစိုးရတွေထက် ပိုပြီး ပြတ်ပြတ်သားသား ရှိလိမ့်မယ်လို့ မျှော်လင့်ကြောင်း ဂျပန်နိုင်ငံ အခြေစိုက် NCUB ပြည်ထောင်စု မြန်မာနိုင်ငံ အမျိုးသားကောင်စီက ဒေါက်တာမင်းညိုက သုံးသပ်ပါတယ်။
“အခု လက်ရှိ အစိုးရက ဒီမိုကရက်ပါတီက တက်လာတာကြောင့်မို့ အရင်တုန်းက လစ်ဘရယ် ဒီမိုကရက်ပါတီထက် စာရင် ပိုပြီးတော့ ပြတ်ပြတ်သားသား ရှိလာလိမ့်မယ်လို့ မျှော်လင့်ပြီး တောင့်တနေခဲ့ပါတယ်။ ဘာဖြစ်လို့လဲဆိုတော့ အခု ကျနော်တို့တွေ လုပ်ကိုင်နေတဲ့ ဂျပန်မှာရှိတဲ့ ဂျပန် အလုပ်သမားသမဂ္ဂများက နေပြီး အဓိက ကူညီထောက်ပံ့တဲ့ ဒီမိုကရက်ပါတီက အာဏာရလာတာကြောင့်၊ ပြောရရင် လက်ရှိဝန်ကြီးချုပ် မစ္စတာ ဟတိုယာမ ဆိုတာက မြန်မာပြည် ဒီမိုကရေစီ ရရှိရေးကို အကူအညီပေးတဲ့ အမတ်သမဂ္ဂများမှာ သူက ဒုတိယဥက္ကဋ္ဌလည်း လုပ်ခဲ့တယ်၊ နောက်တခါ နာယကလည်း လုပ်ခဲ့ဖူးပါတယ်။ ပြီးတော့ ဒေါ်အောင်ဆန်းစုကြည်နဲ့လည်း တယ်လီဖုန်းနဲ့ စကားပြောဆိုခဲ့ဖူးတာ ရှိတာကြောင့်မို့ ဒေါ်အောင်ဆန်းစုကြည်နဲ့ NLD ကို အပြည့်အ၀ ထောက်ခံတဲ့ ၀န်ကြီးချုပ် ဖြစ်တယ်။
“ပြီးတော့ သူတို့တွေက မနှစ် သြဂုတ်လမှာ တက်လာပြီးနောက်ပိုင်း မြန်မာပြည်က ၀န်ကြီးချုပ်နဲ့ တွေ့ကြတဲ့အချိန်မှာ အရင်တုန်းက ၀န်ကြီးချုပ်တွေ ပြောတဲ့ စကားနဲ့စာရင် တော်တော် ပြင်းပြင်းထန်ထန် ပြောတယ်လို့ ကျနော်တို့ ယူဆတယ်။ ဘာဖြစ်လို့လဲဆိုတော့ အရင်တုန်းကတော့ ဒီမိုကရေစီ လုပ်ပါ၊ ဒီမိုကရေစီ လုပ်တယ်ဆိုရင် ခင်ဗျားတို့ကို အကူအညီပေးမယ်၊ မလုပ်ဘူးဆိုရင်တော့ ကျနော်တို့ ဖြတ်လိမ့်မယ်။ ဖြတ်လိမ့်မယ်လို့ပဲ ပြောတယ်။ မပေးနိုင်ဘူးဆိုတာ မပြောကြဘူး။
“နောက်ပြီးတော့လည်း မြန်မာပြည်မှာ ဖြစ်တဲ့ အတွင်းရေး ကိစ္စတွေကို သူတို့မှာ ပြောဆိုပိုင်ခွင့် မရှိဘူး ဆိုပြီးတော့၊ ပြောရင်တော့ နှုတ်ဆိတ်ပြီး နေတဲ့ ဓလေ့ရှိတယ်။ ဒါပေမဲ့ အခု မစ္စတာ ဟတိုယာမ တက်လာပြီး နောက်ပိုင်းမှာ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ လွှတ်ပေးဖို့ ပြောတာတင် မကဘဲနဲ့ နယ်မှာရှိတဲ့ NLD ရုံးအဖွဲ့တွေကို ဖွင့်ပေးဖို့၊ ဒီမိုကရေစီ နည်းကျကျ လုပ်ကိုင်ပေးဖို့ တောင်းဆိုခဲ့တာ တွေ့သလို အခု နိုင်ငံခြားရေးဝန်ကြီး ဖြစ်တာလည်း သူက အရင်တုန်းက ဒီမိုကရက်ပါတီက ဥက္ကဋ္ဌဟောင်းလည်း ဖြစ်ခဲ့ဖူးတဲ့ ပုဂ္ဂိုလ်ဖြစ်တယ်၊ ပြီးတော့ ထင်ရှားတဲ့ ခေါင်းဆောင်တဦးလည်း ဖြစ်တာကြောင့်မို့ သူကလည်း ဒီမိုကရေစီနဲ့ ပတ်သက်ရင် ပွင့်ပွင့်လင်းလင်း မြန်မာပြည် အရေးကို ထောက်ခံတဲ့ပုဂ္ဂိုလ် ဖြစ်နေတာကြောင့် ပြောရရင်တော့ ပိုပြီးတော့ ပွင့်ပွင့်လင်းလင်း လုပ်လိမ့်မယ်လို့ ကျနော်တို့ ထင်တယ်။”
မြန်မာစစ်အစိုးရရဲ့ ရွေးကောက်ပွဲ ဥပဒေ ထွက်မလာခင်တုန်းကလည်း လက်ရှိဝန်ကြီးချုပ် ဟတိုယာမက မြန်မာနိုင်ငံနဲ့ ပတ်သက်ပြီး ထားရှိတဲ့ ဂျပန်အစိုးရရဲ့ မူကို လိုအပ်ရင် ပြန်လည် သုံးသပ်ရလိမ့်မယ်လို့ ပြောခဲ့တဲ့အကြောင်းကိုလည်း ဒေါက်တာမင်းညိုက ထောက်ပြပါတယ်။
“ရွေးကောက်ပွဲ ဥပဒေ ထွက်မလာခင်ကလေးမှာ အဆာဟိ သတင်းစာနဲ့ အင်တာဗျူးလုပ်တဲ့ အချိန်မှာ သူက ဘယ်လိုပြောခဲ့လဲဆိုတော့ အားလုံးပါလို့ မပါနိုင်တဲ့ အနေအထားမျိုး ရောက်မယ်၊ ဒေါ်အောင်ဆန်းစုကြည်ကို မပါနိုင်အောင် လုပ်မယ်ဆိုရင်တော့ သူတို့တွေ အခုလက်ရှိ လုပ်ကိုင်နေတဲ့ မြန်မာပြည်အပေါ်မှာ ထားခဲ့တဲ့ ပေါ်လစီကို သူတို့ စဉ်းစားရလိမ့်မယ်ဆိုပြီး သတင်းစာထဲမှာ တရားဝင် ပါထားတယ်။ ပါထားတာကို သောကြာနေ့မှာ သူက ဒါကို ပိုပြီးတော့ တရားဝင် ပြောလိုက်တာပဲ။”
ဒေါက်တာမင်းညို ပြောပြသွားတာ ဖြစ်ပါတယ်။
မြန်မာနိုင်ငံမှာ ၂၀၀၃ ခုနှစ် ဒီပဲယင်း အရေးအခင်းအပြီး ဂျပန်အစိုးရက မြန်မာနိုင်ငံကို ပေးနေတဲ့ စီးပွားရေး အကူအညီတွေကို ရပ်ဆိုင်းခဲ့ပြီး လူသားချင်း စာနာထောက်ထားတဲ့ အကူအညီတွေကိုပဲ ဆက်ပေးနေခဲ့တာ ဖြစ်ပါတယ်။
