ဆောင်းပါး - Kachin News Group
ရေးသားသူ - ဆိုင်းဂျာ
မြန်မာ့ဒီမိုကရေစီ ဒေါ်အောင်ဆန်းစုကြည်ကို တကြိမ်တွေ့ဆုံရန် ကြိုးစားခဲ့တဲ့အတွက် သူ့ ဘ၀ တဆစ်ချိုး အခုလို ပြောင်းလဲ သွားခဲ့လိမ့်မယ်လို့ အသက် ၂၅ နှစ်အရွယ် ကိုဘောဂဖြိုး တယောက် ကြိုတင် မတွက်ဆထားခဲ့တာ အမှန်ပါ။
စစ်ကိုင်းတိုင်း၊ ရွှေဘိုမြို့မှာ မွေးဖွားကြီးပျင်းလာခဲ့သူဖြစ်သော်လည်း စီးပွားရေးဘာသာရပ်ကို မုံရွာတက္ကသိုလ်တခုမှာ တက်ရောက်သင်ကြားနေစဉ် ပထမနှစ် စာမေးပွဲ ဖြေဆိုပြီး၊ ရွှေဘိုက မိဘအိမ် ပြန်ရောက်တာ ပူပူနွေးနွေးပင် ရှိသေးသည်။ အရပ်ထဲမှာ “ဒေါ်အောင်ဆန်းစုကြည်လာတယ်” ဆိုတဲ့ အသံကြားရလို့ ပြေးတွေ့ လိုစိတ်က ပြင်းပြခဲ့သည်။
၂၀၀၃ ခုနှစ်၊ မေလမှာ၊ အမျိုးသားဒီမိုကရေစီအဖွဲ့ချုပ် - NLD က ဒေါ်အောင်ဆန်းစုကြည်အပါအ၀င် ဦးတင်ဦး တို့အဖွဲ့ မြန်မာပြည်အထက်ပိုင်း စည်းရုံးရေးခရီးစဉ် အတွင်း မုံရွာကို ရောက်ရှိလာမည်ဖြစ်သည်။ မုံရွာမြို့တွင်း လူထုအုံကြွမှုများ ဖြစ်လာမည်ဟုလည်း ဒေသခံအများအကြား သတင်းထွက်နေသည်။
“ငါအပြင်မှာ တစ်ခါမှ မမြင်ဖူးဘူး။ မြင်ဖူးချင်တယ်” ဆိုသည့် စကားမဆုံးခင်မှာပင်၊ အိမ်မှာအသင့်ရှိနေသည့် ဆိုင်ကယ် ၂ စီးဖြင့် ကျောင်းနေဖက်လည်းဖြစ် အရင်းနှီးဆုံး သူငယ်ချင်း ၂ ယောက်နှင့် မုံရွာကို အပြေးနှင်ကြသည်။
ဒေါ်အောင်ဆန်းစုကြည်နှင့် အဖွဲ့ကို ကြိုဆိုနေသူ ပြည်သူလူထုများ မုံရွာ ကားလမ်းမ တဖက်တချက်တွင် တွေ့မြင်ခဲ့ရသည်။
ညပိုင်း ၀၇း၀၀ နာရီခန့်တွင် မန္တလေးမှ ကျောင်းသားများကို တင်ဆောင်လာသည့် ကားတန်းများနှင့် အတူ ဒေါ်အောင်ဆန်းစုကြည်တို့ စီးနင်းလာတဲ့ ကားကို ၀န်းရံလာ သည့် ဆိုင်ကယ်တန်းက မြို့အ၀င် စက်မှုဇုံ အကွေ့ကို ၀င်လာသည်။
“လာပြီ၊ လာပြီ” ဟူသည့် အသံများနှင့်အတူ လူထုအကြား ကြိုဆိုလက်ခုပ်သံများက ဆူညံနေသည်။ ယာဉ်တန်းကြီး ၀င်လာပြီး ရုတ်တရက် လျှပ်စစ်မီး ပြတ်တောက် သွားပြီး အမှောင်ကျသွားသည်။ သို့သော် မကြာပါ ပရိတ်သတ်များက ဖယောင်းတိုင်မီး ကိုယ်စီဖြင့် လမ်းကြောကို ထင်သာမြင်သာသည့် အလင်းပေးထားပြန်သည်။
“လူတွေ ရုန်းရုန်းနဲ့ ပွဲသွားကြည့်သလိုပဲ” ဟု ကိုဘောဂဖြိုးက ဆိုသည်။ ဆက်ပြီး “ဟာ….ငါအဲဒီမှာ အရမ်းကြည်နူးတယ်ကွာ။ မျိုးစု.. မျိုးစု ဆိုတဲ့အသံလေးနဲ့ အရမ်း ပျော်သွားတယ်”။ ထိုစဉ်က သုံးယောက်သား မြို့အ၀င် စက်မှုဇုံအကွေ့တွင် ရပ်ကြည့်နေစဉ်က သူ၏ ခံစားချက်ကို ပြန်လည် ပြောပြနေသည်။
နောက်တနေ့တွင် ဒေါ်အောင်ဆန်းစုကြည်တို့အဖွဲ့ ဇောတိက မှ ရွာသစ်ကို ဆက်ဆင်းသွားသည်။ ရွာသစ်သည် ဒီပဲယင်းမြို့နှင့် ၂ မိုင်ခန့်သာ ကွာဝေးသည်။
သူတို့သုံးယောက် ဆိုင်ကယ်ဖြင့် ထိုဒေသကို ခရီးဆက်သည်။ မုံရွာမြို့တွင် လူထုဆန္ဒပြပွဲများ ဖြစ်လာမည်ကို ကြိုတင် သတင်းကြားသိထားသည့် မိဘများက သား၊ သမီးများကို မုံရွာဘက် ခြေဦးမလှည့်ရန် တားမြစ်ထားသည်။
ရွာသစ် ရွာက ဆည်မြောင်းနှင့် မနီးမဝေးတွင် တံတားတခု ရှိသည်။ ထိုတံတားတွင် သံဆူးကြိုးများ တားထားသည်။ မလှမ်းမကမ်းမှာတော့ လူထုများက အဖြူရောင် အကျီများ ၀တ်ဆင်ထားကြသည်။ တဖက်တွင်မူ ဒေါ်အောင်ဆန်းစုကြည်နှင့်အဖွဲ့ ရှိသည်။
စစ်အစိုးရ ကျောထောက်နောက်ခံပေးထားသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း (ကြံ့ဖွံ့) အဖွဲ့ဝင်များလည်း လူထုများအကြား ရောနှော နေရာယူ ထားသည်။ သံဆူးကြိုး တားထားသည့်အတွက် ရှေ့မတိုးနိုင်သည့် ဆိုင်ကယ်နှင့် လူစုများလည်း ရှိနေသည်။ အချိန်က ညနေ ၀၅း၀၀ နာရီခန့် ဖြစ်သည်။
ထိုအချိန်တွင် ကိုဘောဂဖြိုး သည် လူထုများ တန်းစီနေသည့် နေရာ၏ ၆ တန်းမြောက်တွင် ရှိနေသည်။ သူ၏ ဘေးတွင်မူ ဆိုင်ကယ်တစီးနှင့် လူတချို့ရှိနေသည်။ ရှေ့ဆုံးတန်းက သံဆူးကြိုးနှင့် သူရှိနေသည့်နေရာက ခြေလှမ်း သုံးလှမ်းသာသာ ကွာဝေးသည်။
“မျှော်လင့် မထားဘူး။ အဲဒီအချိန်မှာပဲ ဒု-ဗိုလ်မှူးအဆင့်ရှိတဲ့ သူက သူ့ဘေးမှာရှိတဲ့ သုံးရစ်ကောင်ရဲ့ စတင်းဂန်း ကိုဆွဲချလိုက်တယ်.. ရှေ့က တတန်း ပြုတ်ကျ သွားတယ်။ အဲအချိန်မှာပဲ ….. ဝုန်းဝုန်းဝုန်း နဲ့တုတ်တွေ ကိုင်ထားတဲ့ လူတွေ ဝင်ရိုက်လာတယ်။ သေနတ်တွေနဲ့ ချိန်ပစ်လာတော့တာပဲ” ဟု လွန်ခဲ့သည့် ၇ နှစ်က ဒီပဲယင်း လူသတ်ပွဲအကြောင်းကို စိတ်လှုပ်ရှားသည့် မျက်ဝန်းအစုံဖြင့် ပြန်လည် ပြောပြနေသည်။
ကိုဘောဂဖြိုး တယောက်၊ သေနတ်သံများ ဆူညံနေသည့်ကြားမှ ဆိုင်ကယ်ကို ဦးတည်ရာမဲ့ မောင်းထွက်ခဲ့သည်။ ရေခမ်းနေသည့် ချောင်းကို ဖြတ်ကျော်ခဲ့သည်။ မရေမတွက်နိုင်တဲ့ လယ်ကွင်းပြင်တွေကို လီဘာအရှိန်ပြင်းပြင်းဖြင့် ဖြတ်မောင်းလာခဲ့သည်။
ထိုမှတဆင့် အနီးအနားက အိမ်တအိမ်တွင် ၂ ရက်တိတိ ၀င်ရောက် ခိုအောင်း နေခဲ့သည်။
“ကျနော် အရမ်းခံစားရတယ်။ ကျနော့် သူငယ်ချင်း ပါသွားတယ်။ သူငယ်ချင်း မိဘတွေကလည်း ကျနော်တို့ ၂ ယောက်ကို ငါ့သားသေတာ မင်းတို့ကြောင့်လို့ ပြောတယ်” ဟု စိတ်ထိခိုက်စွာ သူပြောပြသည်။
ဒီပဲယင်း အရေးအခင်းကြောင့် NLD ပါတီအဖွဲ့ဝင်များနှင့် ပါတီထောက်ခံသူ လူထုများ စုစုပေါင်း ၇၀ ဦးထက်မနည်း သေဆုံးခဲ့ရသည်။ ပြီးခဲ့သည့် မေလ ၃၀ ရက်နေ့ ကပင် ဒီပဲယင်း လူသတ်ပွဲကြီး ၇ နှစ်တင်းတင်း ပြည့်ခဲ့ပြီ ဖြစ်သည်။
သို့သော် စစ်အစိုးရ က လူ ၄ ဦးသေဆုံးကာ၊ ၅၀ ခန့် ဒဏ်ရာ ရရှိသည်ဟု ထိုအချိန်က တရားဝင် သတင်းထုတ်ပြန်ခဲ့သေးသည်။
ယခုလို မျက်ဝါးထင်ထင် မြင်တွေ့ခဲ့ရသည့် ဒီပဲယင်း လူသတ်ပွဲ အဖြစ်ပျက်တွေကို ကိုဘောဂဖြိုး တဦးယောက်ကိုမှ ပြောမပြခဲ့ပါ။ ၆ နှစ်ကျော်ကြာ ရေငုံနှုတ်ပိတ် နေခဲ့သည်။ ပြန်လည်ပြောပြရန် ဆန္ဒရှိနေခဲ့သော်လည်း တစုံတရာ အကျိုးဆက်များ ဖြစ်လာမည်ကိုလည်း တဖက်က စိုးရိမ်နေခဲ့သည်။
ထိုဖြစ်စဉ်က ၎င်းတို့ ကျောင်းနေဖက် သူငယ်ချင်း ၂ ဦးကို သေခြင်းက တသက်တာ ကွဲကွာသွားစေခဲ့မည်ဟု မည်သူကမှ ကြိုတင် မသိခဲ့ပါ။ ယနေ့ထိတိုင် ကြေကွဲဖွယ် အတိတ်ရှိရာ ထိုအရပ်ကို သူ (ကိုဘောဂဖြိုး) ခြေဦးပင် မလှည့်တော့ပေ။
မိုးဦးရာသီ တက္ကသိုလ်၊ ကောလိပ်ကျောင်း၊ တွေ ပြန်ဖွင့်ချိန် ဒုတိယနှစ် တက်ရန် ကျောင်းအပ်သွားချိန်တွင်မူ ကျောင်းအပ်ခွင့် မရှိသည့် စာရင်းထဲတွင် သူ့နာမည် ပါနေသည့်အတွက် ကျောင်း သုံးနှစ် နားလိုက်ရသည်။
ထိုပညာသင်နှစ်တွင်၊ ၎င်းတို့တက္ကသိုလ်တွင် ပညာဆက်လက် သင်ယူခွင့် မရသည့် ဘ၀တူ ကျောင်းသူ၊ ကျောင်းသား စုစုပေါင်း ၆၀၀ ထက်မနည်း ရှိသည်။
“ကျနော် ဘာဆက်လုပ် ရမလဲ ဆိုတာ မသိတော့ဘူး။ တွေဝေသွားခဲ့တယ်။ အိမ်ကိုလည်း မပြောရဲဘူး” ဟု ပြောဆိုနေစဉ်မှာပင်၊ စကားလုံးတွေက တလုံးချင်းသာ ထွက်လာသည်။
သူမြင်ဖူးချင်ခဲ့တဲ့ ဒေါ်အောင်ဆန်းစုကြည်သည်လည်း ယခုအချိန်တွေ ရန်ကုန်မြို့၊ တက္ကသိုလ်ရိပ်သာလမ်းရှိ သူမ၏နေအိမ်တွင် နေအိမ်အကျယ်ချုပ် ကျခံနေရသည်။
ဒီပဲယင်းအရေးအခင်းကြောင့် NLD ပါတီအဖွဲ့ဝင်များနှင့် ပါတီထောက်ခံသူ လူထုများ ၇၀ ထက်မနည်း သေဆုံးခဲ့ရသည်။ အခုဆို မေ ၃၀ရက်နေ့တွင် ဒီပဲယင်း အရေးအခင်း ၇ နှစ် တင်းတင်းပြည့်သွားခဲ့ပါပြီ။
သူမြင်တွေ့လိုလှသည့် ဒေါ်အောင်ဆန်းစုကြည်ကို တွေ့ခွင့်ရခဲ့ပါသည်။ ထိုအတွက်တော့ သူကျေနပ်သည်။ အချစ်ဆုံး သူငယ်ချင်းတယောက်ကို ဆုံးရှုံးခဲ့သည့်အပြင်၊ ပညာသင်ခွင့် ၃ နှစ် ပိတ်ပင်ခံခဲ့ရသည်။
နိုင်ငံရေးလှုပ်ရှားမှုများတွင် ပါဝင်ခဲ့ခြင်း မရှိခဲ့သော်လည်း ဒေါ်အောင်ဆန်းစုကြည်ကို သွားကြည့်ခဲ့သည့်အတွက် ပညာသင်ကြားခွင့် ဆုံးရှုံးခဲ့ရသည့် သူ့အဖြစ်ကို ယနေ့ထိတိုင် ကိုဘောဂဖြိုး နားမလည်နိုင် ဖြစ်နေသည်။
သို့သော် သူ့ဘ၀ကို တဆစ်ချိုး ပြောင်းလဲစေခဲ့သည့် ထိုဒီပဲယင်း အရေးအခင်းအပြီး နောက်ပိုင်းမှာ လူထုအကျိုးပြုလုပ်ငန်းတခုတွင် ကိုဘောဂဖြိုးတယောက်၊ တက်ကြွစွာ ပါဝင်လုပ်ဆောင်နေဆဲ ဖြစ်သည်။
ဘ၀တဆစ်ချိုး ပြောင်းလဲစေခဲ့တဲ့ ဒီပဲယင်းလူသတ်ပွဲ
တရုတ် ရင်းနှီးမြှုပ်နှံမှု မြန်မာလူထုကို အကျိုးမပြု
VOA သတင်းမှ...............................
တရုတ်ဝန်ကြီးချုပ် ၀မ်ကျားပေါင် (Wen Jiabao) ရဲ့ မြန်မာနိုင်ငံ ခရီးစဉ်ကနေ မြန်မာနိုင်ငံတွင်း ရင်းနှီးမြှုပ်နှံမှုတွေ ထပ်မံ တိုးမြှင့်မှုနဲ့အတူ လူ့အခွင့်အရေး ချိုးဖောက်မှုတွေ တိုးလာမှာကို လူ့အခွင့်အရေး လှုပ်ရှားသူတွေက စိုးရိမ်မကင်း ဖြစ်နေကြတာလည်း ရှိပါတယ်။ Earth Rights International ခေါ် သဘာဝ ပတ်ဝန်းကျင် ထိန်းသိမ်းရေး အဖွဲ့က လက်ရှိ တရုတ်အစိုးရရဲ့ မြန်မာနိုင်ငံတွင်း ရင်းနှီးမြှုပ်နှံမှုတွေကြောင့် ဒေသခံတွေ ဒုက္ခ ခံစားနေရတယ်လို့ ဆိုပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
မြန်မာနိုင်ငံကို ဗုဒ္ဓဟူးနေ့မှာ ရောက်လာတဲ့ တရုတ်ဝန်ကြီးချုပ်ဟာ နယ်စပ်ဒေသ တည်ငြိမ်ရေးနဲ့ ရွေးကောက်ပွဲ ကိစ္စတွေ ဆွေးနွေးဖို့အပြင် စီးပွားရေးဆိုင်ရာ ရင်းနှီးမြှုပ်နှံမှု အသစ်တွေအတွက် သဘောတူ စာချုပ်တွေ လက်မှတ်ရေးထိုးဖို့ ရှိတယ်လို့ အများက တွက်ဆနေကြပါတယ်။ ဒီလို မြန်မာပြည်ထဲမှာ တရုတ်နိုင်ငံက စီးပွားရေးဆိုင်ရာတွေ တိုးမြှင့် လုပ်ဆောင်လာမှာကို စိုးရိမ်မကင်း ဖြစ်မိတယ်လို့ Earth Rights International သဘာဝ ပတ်ဝန်းကျင် ထိန်းသိမ်းရေးအဖွဲ့ရဲ့ မြန်မာနိုင်ငံဆိုင်ရာ တာဝန်ခံ ကိုနိုင်ထူးက ပြောပါတယ်။
“ကျနော်တို့ Earth Rights International အနေနဲ့ စိုးရိမ်မကင်း ဖြစ်ပါတယ်။ သူတို့လာပြီး ရင်းနှီးမြှုပ်နှံမှုတွေ ထပ်လုပ်လာမယ်ဆိုရင် ဒီက ဒေသခံတွေ ပိုပြီးခံရမှာကို ကျနော် စိုးရိမ်ပါတယ်။ အခုလက်ရှိ တရုတ်စီမံကိန်းတွေကြောင့် ဖြစ်ထားတဲ့ ပြဿနာတွေက အများကြီး ရှိနေသေးတယ်။ လတ်တလော ခံနေရတာလည်း အများကြီး ရှိနေသေးတယ်။ အခု လာရောက်လည်ပတ်ပြီး သူတို့ ထပ်လက်မှတ်ထိုးသွားမယ့် ဟာတွေ၊ စီမံကိန်းလုပ်သွားမယ့် ဟာတွေ ထပ်ပြီး လုပ်မယ်ဆိုရင် မြန်မာပြည်သားတွေ အကျိုးတခုမှ မရှိဘူးဆိုတာ ကျနော် ပြောချင်ပါတယ်။”
တခြားနိုင်ငံတွေမှာ နိုင်ငံရပ်ခြားက လာရောက် ရင်းနှီးမြှုပ်နှံမှုတွေကနေ ဒေသခံတွေအတွက် အလုပ်လက်မဲ့ ပြဿနာ ပြေလည်စေတာမျိုးတွေ၊ နည်းပညာ တိုးပွားမှုမျိုးတွေလို အကျိုးဖြစ်ထွန်းမှုတွေ တွေ့ရပေမဲ့ တရုတ်နိုင်ငံက မြန်မာနိုင်ငံတွင်း လာရောက် ရင်းနှီးမြှုပ်နှံမှုတွေမှာတော့ တရုတ်လုပ်သားတွေ သောင်းနဲ့ချီပြီး ၀င်လာတာမျိုးအပြင် ဒေသခံတွေအတွက် အကျိုးဖြစ်ထွန်းမှု မရှိဘဲ ဒုက္ခရောက်ရတာကိုသာ ERI အဖွဲ့က တွေ့ရှိခဲ့တယ်လို့လည်း ပြောပါတယ်။
“အခု မြန်မာပြည်မှာ ပြဿနာပေါင်းစုံ ဖြစ်နေတယ်ဆိုတာ တော်တော်များများက ရင်းနှီးမြှုပ်နှံမှုတွေကြောင့် ဖြစ်နေတာ။ ပြီးခဲ့တဲ့ တလောတုန်းက ကျနော်တို့ ထုတ်ခဲ့တဲ့ Research မှတ်တမ်းထဲမှာ တရုတ်ကုမ္ပဏီ အခု ၆၀ လောက်က မြန်မာပြည်ထဲမှာ ရေနံနဲ့ သဘာဝဓာတ်ငွေ့ပဲ ဖြစ်ဖြစ်၊ သတ္တုတူးဖော်ရေးပဲ ဖြစ်ဖြစ်၊ ရေကာတာ တည်ဆောက်တာပဲ ဖြစ်ဖြစ်၊ ရွှေတွေ ငွေတွေ တူးဖော်တာပဲ ဖြစ်ဖြစ် သူတို့ ၀င်ရောက်လုပ်နေတာတွေ အများကြီးပဲ။
“ဒီလိုလုပ်နေတဲ့ အများကြီးအောက်မှာ ချိုးဖောက်မှုတွေ တော်တော်များများ ဖြစ်နေတယ်၊ ပြည်သူပြည်သားတွေ ခံနေရတယ်၊ ဒီစီမံကိန်းတွေကြောင့်။ အခုလက်ရှိ စစ်အစိုးရအောက်မှာ စီးပွားရေး ရင်းနှီးမြှုပ်နှံမှုတွေက တော်တော်များများ လူ့အခွင့်အရေး ချိုးဖောက်မှုတွေနဲ့ ကြုံနေရတယ်။ ပြောရမယ်ဆိုရင်တော့ အများကြီးပဲ ရှိတာပေါ့။ အထူးသဖြင့် ကချင်ပြည်နယ်ထဲမှာ မြစ်ဆုံရေကာတာ တည်ဆောက်မယ့် အချိန်မှာ ရွာသူရွာသားတွေကို အတင်းအဓမ္မ ပြောင်းရွှေ့ခိုင်းတာတွေ ဖြစ်နေတယ်။ ပြီးတော့ ရွာသူရွာသားတွေကိုလည်း လက်မခံဘူး။ ဒါပေမဲ့ အဲဒီလို စီမံကိန်းတွေ ၀င်လာတော့ သူတို့မှာ အတင်းအဓမ္မ ပြောင်းရွှေ့မှုတွေ ပြုခံနေရတယ်။
“နောက် ရွှေသဘာဝဓာတ်ငွေ့ ပိုက်လိုင်းမှာ ဆိုရင်လည်း ပြည်သူပြည်သားတွေက သူတို့မှာ ဘာမှ မသိသေးဘူး၊ ဒီစီမံကိန်းနဲ့ ပတ်သက်တာတွေ။ ရခိုင်ပြည်ဘက်မှာ တချို့ဆိုရင် ပိုက်လိုင်းကြောင့် သူတို့ လယ်ယာတွေ၊ ခြံတွေ အသိမ်းခံရတာတွေ ဖြစ်နေပြီ။ ဒါတွေကလည်း တရုတ်ပြည်ကိုသွားမယ့် စီမံကိန်းတွေ အတွက်ကြောင့် ဖြစ်နေပါတယ်။”
ဒီလို ဒေသခံတွေ ဒုက္ခရောက်နေရတာမို့ မြန်မာနိုင်ငံထဲမှာ လာရောက် ရင်းနှီးမြှုပ်နှံမှုတွေ မလုပ်ဖို့အတွက် ERI အဖွဲ့က တောင်းဆိုလိုက်ပါတယ်။
“လတ်တလော အခြေအနေမှာ မြန်မာပြည်ထဲကိုလာပြီး ရင်းနှီးမြှုပ်နှံမှုတွေ မလုပ်သင့်ဘူးလို့ ကျနော်တို့ တောင်းဆိုချင်ပါတယ်။ ဘာဖြစ်လို့လဲဆိုတော့ စစ်အစိုးရက လူ့အခွင့်အရေးကို အရေးတယူ မထားဘဲနဲ့ လုပ်ဆောင်သွားတဲ့အတွက် ပြည်သူတွေကို အကျိုးမဖြစ်စေဘဲ ဆိုးကျိုးဖြစ်စေတယ်။ နောက်တချက်ကလည်း ကျနော်တို့ တောင်းဆိုချင်တာ သူတို့ဆီမှာရှိတဲ့ ပါဝါတွေ၊ အာဏာတွေ သုံးပြီးတော့ စစ်အစိုးရ ပြောင်းလဲလာဖို့အတွက် လုပ်ဆောင်နိုင်မယ် ဆိုရင်လည်း ကောင်းတယ်လို့ ကျနော်တို့ မြင်ပါတယ်။
“အထူးသဖြင့် မြန်မာပြည်ထဲမှာ ရင်းနှီးမြှုပ်နှံနေတဲ့ တရုတ်ကုမ္ပဏီတွေကို သူတို့လုပ်နေတဲ့ ဒေသတွေမှာ လူ့အခွင့်အရေးတွေ မချိုးဖောက်ဖို့ရယ်၊ ပြီးတော့ သဘာဝပတ်ဝန်းကျင် ပျက်စီးမှုတွေ မရှိအောင် လုပ်နိုင်မယ်ဆိုရင် ပိုကောင်းပါတယ်။ ဖြစ်နေတာက အခုလက်ရှိ စစ်အစိုးရအောက်မှာ ဖြစ်နေတာကိုး။ ကျနော်တို့ မြင်တာကတော့ လက်ရှိ စစ်အစိုးရ အုပ်ချုပ်မှုအောက်မှာ ရှိနေသရွေ့ကတော့ ဒီစီမံကိန်းတွေ ဆက်မသွားသင့်ဘူးလို့ မြင်တယ်။ ဆက်ပြီး ထပ်မံ ရင်းနှီးမြှုပ်နှံမှု မပြုလုပ်ဖို့ ကျနော်တို့ တောင်းဆိုချင်ပါတယ်။”
ERI အဖွဲ့က ကိုနိုင်ထူး ပြောပြသွားတာ ဖြစ်ပါတယ်။
တရုတ်၊ မြန်မာ နှစ်နိုင်ငံ ကုန်သွယ်ရေးဟာ ၂၀၀၉ ခုနှစ်ထဲမှာ အမေရိကန်ဒေါ်လာ ၃ ဘီလီယံ နီးပါးအထိ ရှိလာခဲ့တာမို့ အရင်နှစ်ကထက် ၁၀% တိုးလာခဲ့တာ ဖြစ်ပါတယ်။
ဗိုလ်မှူးကြီးစောနယ်ဒါးမြ ဥရောပနိုင်ငံသို့ ရောက်ရှိနေ
စောခါးစူးညား (ကေအိုင်စီ)
ကရင်အမျိုးသားအစည်းအရုံး(ကေအဲန်ယူ) ဥက္ကဌဟောင်း ဗိုလ်ချုပ်ကြီးစောဘိုမြ၏ သားဖြစ်သူ ဗိုလ်မှူးကြီးစောနယ်ဒါးမြသည် မိခင်အဖွဲ့အစည်း၏ ခွင့်ပြုချက်ဖြင့် လက်ရှိအချိန်တွင် ဥရောပနိုင်ငံတစ်ခုသို့ ရောက်ရှိနေသည်ဟု သိရသည်။
မိတ်ဆွေတစ်ဦး၏ ဖိတ်ကြားစီစဉ်ပေးချက်အရ ဗိုလ်မှူးကြီးစောနယ်ဒါးမြသည် မိခင်အဖွဲ့အစည်း ကေအဲန်ယူ၏ ခွင့်ပြုချက်ဖြင့် မေလ ၃၁ရက်နေ့တွင် ဥရောပခရီးစဉ်အဖြစ် နော်ဝေနိုင်ငံကို စတင်ရောက်ရှိခဲ့ပြီး ယခုဆိုလျှင် ၃ရက်မြောက်နေ့လည်း ဖြစ် သည်။
ဗိုလ်မှူးကြီးစောနယ်ဒါးမြ၏ အဆိုပါခရီးစဉ်နှင့်ပတ်သက်၍ ကေအဲန်ယူ အထွေထွေအတွင်းရေးချုပ် နော်စီဖိုးရာစိန်က ကေအိုင် စီကို ယခုလို အတည်ပြု ပြောဆိုခဲ့သည်။
“သူ ဥရောပခရီး သွားမယ်ဆိုတဲ့အကြောင်း မသွားခင် ခွင့်ပြုချက်လာယူတော့ ကေအဲန်ယူအနေနဲ့ သွားရင်ကောင်းမယ်လို့ ကျမတို့ သူ့ကို အကြံပေးတယ်။ ဟိုမှာရောက်ရင် တရားမျှတမှု မရှိတဲ့ စစ်အစိုးရရဲ့ ၂၀၁၀ ရွေးကောက်ပွဲအကြောင်း။ နောက် တိုင်းရင်းသားဒေသတွေမှာ အရပ်သားတွေကို ညှင်းပမ်းသတ်ဖြတ်ပြီး လူ့အခွင့်အရေးချိုးဖောက်နေတဲ့ စစ်အစိုးရရဲ့ လုပ်ရပ်အ ကြောင်း အဲဒီနှစ်ခုကို ဥရောပအစိုးရနဲ့ ဥရောပမှာရောက်နေတဲ့ ကရင်လူမျိုးတွေသိအောင် အဓိကထား ရှင်းပြပေးဖို့ပါ”ဟု ပြောသည်။
ဗိုလ်မှူးကြီးနယ်ဒါးမြသည် အစောပိုင်း၌ ဥရောပရှိ နော်ဝေတစ်နိုင်ငံတည်းသာ သွားရောက်မည်ဖြစ်သော်လည်း အီတလီနှင့် ဂျာမဏီနိုင်ငံများသို့ ခရီးစဉ်ဆက်သွားဦးမည်ဟု ယမန်နေ့က ကေအဲန်ယူကို ထပ်မံ ဆက်သွယ်အသိပေးခဲ့ကြောင်း နော်စီဖိုးရာ စိန်က ဆက်ပြောသည်။
၎င်း၏ ဥရောပခရီးစဉ်သည် အောင်မြင်ပြီး မြန်မာနိုင်ငံအခြေအနေ ပြောင်းလဲရေးအတွက် တစုံတရာ အထောက်အကူပြုလိမ့် မည်ဟု ယုံကြည်ကြောင်း ခရီးမထွက်ခွာမီ ဗိုလ်မှူးကြီးနယ်ဒါးမြက ဧရာဝတီသတင်းဌာနကို ယခုလို ပြောပြခဲ့သည်။
“ကျနော်တင်ပြမယ့် ကိစ္စတွေနဲ့ ပတ်သက်လို့ ကရင်ပြည်သူရဲ့ဒုက္ခတွေကို အများက စာနာထောက်ကြပြီးသားပါ။ ဒါကြောင့် အ နာဂတ် မြန်မာနိုင်ငံရဲ့ လျှို့ဝှက်စီမံကိန်းတွေကို ကျနော်ပြောတဲ့အခါ သူတို့(သက်ဆိုင်ရာနိုင်ငံအစိုးရ)က ကျနော့်ကို ထောက် ခံကြမယ်ဆိုတာ သေချာပါတယ်”ဟု သူက ဆိုသည်။
ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) ဌာနချုပ်တွင် အထူးတာဝန်ခံ(Officer on Special Duty) အဖြစ် တာဝန်ထမ်းဆောင်နေသည့် ဗိုလ်မှူးကြီးစောနယ်ဒါးမြသည် လွန်ခဲ့သည့်နှစ်အနည်းငယ်ခန့်က ဂျာမဏီနိုင်ငံသို့ အလားတူ ခရီးစဉ်မျိုး တစ်ခေါက် သွားရောက်ခဲ့ဖူးသည်။
နိုင်ငံပိုင် အဆောက် အအုံများ ရောင်းချ
ဧရာဝတီ သတင်းမှ........
မြို့ရွာနှင့် အိုးအိမ် ဖွံ့ဖြိုးရေး ဦးစီးဌာနမှ ထိန်းသိမ်း ထားသော ရန်ကုန်မြို့ရှိ နိုင်ငံပိုင် အဆောက်အအုံ ၂၀ ကျော် အနက် ၅ ခုကို ရောင်းချ လိုက်ကြောင်း ပုဂ္ဂလိကပိုင် ပြုလုပ်ရေး ကော်မတီနှင့် နီးစပ်သည့် အသိုင်းအဝိုင်းမှ သိရသည်။
အဆောက် အအုံ ၅ ခုမှာ ခြောက်ထပ်ရုံး၊ ပြည်သူ့ ကုန်တိုက်၊ MRTV-3 New Studio Complex၊ ရတနာပုံ ရုပ်ရှင်ရုံနှင့် အမျိုးသား စာကြည့်တိုက်တို့ ဖြစ်သည်။
၂၀၀၉ ခုနှစ် အကုန်ပိုင်း လောက်မှ စတင်၍ နိုင်ငံပိုင် စက်ရုံများ၊ ၀န်ကြီးဌာနများ၊ အလုပ်ရုံများ စသည့် နိုင်ငံပိုင် အဆောက် အအုံ ၁၄၇ ခု ကို ဈေးပြိုင် စနစ်နှင့် ရောင်းချ ခဲ့ကြောင်း ပုဂ္ဂလိကပိုင် ပြုလုပ်ရေး ကော်မတီမှ တာဝန်ရှိသူ တဦးက ပြောသည်။
“ပြန်ကြားရေးဝန်ကြီးဌာန မြန်မာ့အသံနှင့် ရုပ်မြင်သံကြား လက်အောက်ရှိ MRTV 3 New Studio Complex အဆောက် အဦး မြေနေရာကို ကျပ် သိန်းပေါင်း တသိန်း သုံးသောင်း နဲ့ ရောင်းချလိုက်ပြီ”ဟု သူက ပြောသည်။
ယင်း အဆောက်အအုံနှင့် မြေနေရာကို ရွှေတောင်ဖွံ့ဖြိုးတိုးတက်မှု ကုမ္ပဏီ လီမိတက်က ရရှိသွားသည်။ ယင်းကုမ္ပဏီ၏ အုပ်ချုပ်မှုဒါရိုက်တာ ၀ဏ္ဏကျော်ထင် ဦးအောင်ဇော်နိုင်သည် အာဏာပိုင်များနှင့် နီးစပ်သည့် အာရှဓန ဘဏ် လုပ်ငန်းရှင် ဦးအိုက်ထွန်း၏သား ဖြစ်သည်။
ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာဌာနမှ အရာရှိတဦးက“အာဏာပိုင်တွေကတော့ ပုဂ္ဂလိက ကို လွှဲပေးတယ်ဆိုတာ စီးပွားရေး လုပ်ငန်းရှင်တွေလည်း ပိုင်ဆိုင်မှုတခု ထပ်တိုးမယ်၊ ပြည်သူတွေလည်း သင်တင့်မျှတတဲ့ ဈေးနှုန်း နဲ့ သုံးစွဲခွင့်ရအောင်ဆိုတဲ့ ရည်ရွယ်ချက်နဲ့ လွှဲပေးနေတာ”ဟု ပြောသည်။
ပြန်ကြားရေး ၀န်ကြီးဌာန၏ မြန်မာ့ရုပ်ရှင်လုပ်ငန်းပိုင် ရန်ကုန်မြို့ ပြည်လမ်းမပေါ်ရှိ ရတနာပုံ ရုပ်ရှင်ရုံ မြေနေရာနှင့် အဆောက် အအုံကိုလည်း ပုဂ္ဂလိက လုပ်ငန်းရှင် တဦးအား ငွေကျပ် သိန်း ကိုးထောင့် နှစ်ရာ ကျော် ဖြင့် ရောင်းချခဲ့ပြီးဖြစ်ကြောင်း သိရသည်။
တာမွေမြို့နယ် အနောက်မြင်းပြိုင်ကွင်းလမ်းနှင့် လေးထောင့်ကန်လမ်းထောင့်ရှိ အမျိုးသား စာကြည့်တိုက်အား ကျပ် သိန်းပေါင်း တစ်ထောင် ကျော်ဖြင့် ရောင်းချလိုက်ခြင်းဖြစ်ကြောင်း အာဏာပိုင်နှင့် နီးစပ်သော စီးပွားရေးလုပ်ငန်းရှင်တဦးက ပြောသည်။
“နေပြည်တော်မှာရှိတဲ့ အဆောက်အဦးတွေကို ဦးစားပေးဆောက်နေတော့ ဒီအတွက် ကုန်ကျစရိတ်နဲ့ ရွေးကောက်ပွဲအတွက် သုံးဖို့ ငွေကြေးအများအပြားက လိုလာပြီဆိုတော့ အခုလို တဖြည်းဖြည်းချင်း ထပ်ရောင်းထုတ်နေတာ”ဟု သူက ပြောသည်။
ယခုကဲ့သို့ တမျိုးသားလုံးနှင့် သက်ဆိုင်သည့် စာကြည့်တိုက်နေရာအား ရောင်းချလိုက်ခြင်းမှာ အာဏာပိုင်များအနေနှင့် အမှန် တကယ် စာပေပြန့်ပွားမှုကို လုပ်ဆောင်မည်ဆိုသည်နှင့် ကိုက်ညီမှုမရှိကြောင်း စီးပွားရေး တက္ကသိုလ်မှ အငြိမ်းစား ပါမောက္ခ တဦးက သုံးသပ်ပြောဆိုသည်။
ထိန်းသိမ်းထားသည့် အဆောက်အဦးပေါင်း၂၀ ကျော်တွင် အမှတ် (၁) စက်မှု ၀န်ကြီးဌာန၊ လယ်ယာ စိုက်ပျိုးရေးနှင့် ဆည် မြောင်း ၀န်ကြီးဌာန၊ ကျန်းမာရေးဝန်ကြီးဌာန၊ ရန်ကုန်တိုင်း ကျန်းမာရေး ဦးစီးဌာန၊ ပို့ဆောင်ရေး ၀န်ကြီးဌာန၊ စွမ်းအင်ဝန်ကြီး ဌာန၊ သမ၀ါယမ၀န်ကြီးဌာန စသည့် ၀န်ကြီးဌာနများမှ ရုံးများ၊ အဆောက်အဦးများ ပါဝင်ကြောင်း သိရသည်။
မီးရှို့ခံရ၍ ပျက်စီးဆုံးရှုံး သွားသည့် ဥယျာဉ်ခြံ ဧက ၅၀၀ ၀န်းကျင်ရှိကြောင်း ခန့်မှန်း
စောခါးစူးညား (ကေအိုင်စီ)
ကရင်ပြည်နယ်မြောက်ပိုင်း၊ တောင်ငူခရိုင်၊ ထန်းတပင်နှင့် သံတောင်မြို့နယ်တို့တွင် နအဖ လှုပ်ရှားတပ်များ၏ လိုက်လံမီးရှို့မှု ကြောင့် ၂၀၁၀ခုနှစ်အတွင်း ဒေသခံပြည်သူ ဥယျာဉ်ခြံ ဧက ၅၀၀ ၀န်းကျင် ပျက်စီးဆုံးရှုံးမှုရှိသည်ဟု ခန့်မှန်းရကြောင်း ပြည် တွင်းဌာနေမဲ့ကရင်ဒုက္ခသည်များဆိုင်ရာကော်မတီ (စီအိုင်ဒီကေပီ) အဖွဲ့ဝင်တဦးက ကေအိုင်စီကို ယနေ့ ပြောသည်။
မီးရှို့ခံရသည့် ဥယျာဉ်ခြံများမှာ ဒူးရင်းခြံ၊ လက်ဖက်ခြံ၊ ဖာလာခြံ၊ ကွမ်းခြံ၊ ကွမ်းသီးခြံနှင့် ဓညင်းခြံများဖြစ်ပြီး ယခုနှစ်အတွင်း သုံး ကြိမ် မီးရှို့ခံခဲ့ရသည်ဟု တောင်ငူဒေသခံတစ်ဦးဖြစ်သူ စီအိုင်စီကေပီ အဖွဲ့ဝင် စောအယ်ဝါးက ယခုလို ပြောသည်။
“ဖေဖော်ဝါရီလမှာ တကြိမ်။ မတ်လမှာ တကြိမ်။ အခု ဧပြီလအကုန်ကနေ မေလ ၁၇ရက်နေ့အထိ တကြိမ်ပေါ့နော်။ ဒီနောက် ဆုံးတကြိမ်မှာတော့ ဧက ၃၀၀ကျော် ရှိမယ်။ အများဆုံးပဲ။ သုံးကြိမ်လုံး ပေါင်းလိုက်ရင် ဧက ၅၀၀ ၀န်းကျင်လောက်ရှိတယ်ဆို တာ ကျနော်တို့ အခိုင်အမာ ပြောနိုင်တယ်။ ဒါတောင် ကျနော်တို့ စာရင်းတွေ အကုန်မကောက်နိုင်သေးဘူး”ဟု ဆိုသည်။
၎င်းဒေသအတွင်း လက်ရှိ လှုပ်ရှားနေသည့် စစ်ကွပ်ကဲရေးဌာနချုပ် (စကခ-၇) လက်အောက်ခံ ခမရ(၄၂၄)၊ ခမရ(၄၂၆) တပ် ရင်းတို့သည် ဘောဂလိ-ဘူဆာခီးလမ်း ကားလမ်းဝန်းကျင်တလျှောက်ရှိ ဒေသခံပြည်သူများ၏ ဥယျာဉ်ခြံများကို ယခုလို မီးရှို့ ပျက်စီးခဲ့ခြင်းဖြစ်သည်ဟု တောင်ငူခရိုင် ကေအဲန်အယ်လ်အေ တပ်ဘက်အရာရှိတစ်ဦးက ပြောသည်။
အမည်မဖော်လိုသူ ဒေသခံ ပြည်သူတစ်ဦးကလည်း ၎င်းတို့ ဆုံးရှုံးသွားသည့် ဥယျာဉ်များသည် မြေတန်ဖိုးအရ တွက်ချက်ပါက ကျပ်ငွေသိန်းထောင်ပေါင်းများစွာနှင့် ညီမျှပြီး အပင်များကို ပြန်လည်စိုက်ပျိုးမည်ဆိုပါက အနည်းဆုံး ၄၊ ၅နှစ်ခန့် စောင့်ရမည် ဖြစ်သည့်အတွက် စားဝတ်နေရေးအတွက် များစွာထိခိုက်နိုင်သည်ဟု ဆိုသည်။
၎င်းအပြင် သူက “ဒီဆုံးရှုံးသွားတဲ့ ဥယျာဉ်ရဲ့ တန်ဖိုးတွေကို ကြည့်မယ်ဆိုရင် အခု ကွမ်းသီးတပိဿာ ကာလပေါက်ဈေး ကျပ် ငွေ သုံးထောင်နဲ့ လေးထောင်ကြားမှာရှိတယ်။ ကွမ်းသီးတခြံကို ပိဿာ ၅၀ထွက်တော့ အကြမ်းဖျင်းအားဖြင့် မြန်မာငွေကျပ် နှစ် သိန်းလောက်ရတာပေါ့။ ခြံတစ်ရာလောက်ဆိုရင် ဘယ်လောက်အထိ နစ်နာသလဲ။ ဖာလာဆိုရင် ကာလပေါက်ဈေးအရ တစ်ပိ ဿာကို တစ်သောင်းလောက် ရှိတယ်။ တခြံမှာ ပိဿာ တစ်ဆယ်၊ နှစ်ဆယ်လောက်ထွက်ရင် ငွေက မနည်းဘူး။ ဒါ အနိမ့်ဆုံး အဆင့်လောက်ပဲ တွက်ကြည့်တာ”ဟု ရှင်းပြသည်။
ယခင်နှစ်များအတွင်း ယခုလို မိုးဦးချိန် မေလနှင့် ဇွန်လ၌ ကွမ်းသီး၊ ဓညင်းသီးကို ခူးရောင်း၍ ရသည့်ငွေကို ဆန်နှင့် အခြားစား နပ်ရိက္ခာများကို ၀ယ်ယူနိုင်သော်လည်း ယခုနှစ်တွင် မ၀ယ်နိုင်တော့ဟု အဆိုပါဒေသခံက ဆက်ပြောသည်။
တောင်ငူခရိုင်အတွင်း နေထိုင်သူများသည် ဥယျာဉ်ခြံဖြင့် အသက်မွေး ရပ်တည်နိုင်ကြပြီး ထိုဝင်ငွေဖြင့် ကရင်အမျိုးသားအစည်း အရုံး(ကေအဲန်ယူ) လက်အောက်ခံတပ်များကို ထောက်ပံ့နေခြင်းဖြစ်သည်ဟု နအဖ က ယူဆကာ ပြီးခဲ့သည့် ၂၀၀၉ခုနှစ်မှစ၍ တိုင်းမှူးက ထိုဂွင်၌ လှုပ်ရှားနေသည့် စကခ(၇)လက်အောက်ခံတပ်များကို နွေရာသီ၌ ဥယျာဉ်ခြံများကို မီးလိုက်ရှို့ရန် ညွှန် ကြားထားကြောင်း တောင်ငူခရိုင် ကေအဲန်အယ်လ်အေ တပ်ဘက်အရှိတစ်ဦးက ပြောသည်။
လက်ရှိအချိန်တွင် တောင်ငူခရိုင်၌ နအဖ စကခ(၇) လက်အောက်ခံ ခမရ(၄၂၄)၊ (၄၂၆)၊ (၄၂၇)၊ (၃၆၆)၊ ခလရ(၂၅၀)၊ (၂၅၁) (၁၀၂)နှင့် ကေအဲန်အယ်လ်အေ တပ်မဟာ(၂) လက်အောက်ခံ တပ်မဟာ စစ်ဆင်ရေးတပ်ဖွဲ့၊ တပ်ရင်း(၆)တို့ ပုံမှန် လှုပ်ရှား လျှက်ရှိသည်။
တိုင်းရင်းသားအဖွဲ့ ၅ဖွဲ့ စစ်ရေး၊ နိုင်ငံရေး ဆွေးနွေးခဲ့
ကေအိုင်စီ သတင်းမှ...............
စစ်အစိုးရ၏ နယ်ခြားစောင့်တပ် အသွင်ပြောင်းရေး ဖိအားများနှင့် သတ်မှတ်ရက်ကုန်ဆုံးပြီးနောက် စစ်ရေး၊ နိုင်ငံရေး အခြေ အနေများကို တိုင်းရင်းသားအဖွဲ့ ၅ဖွဲ့က မေလ ၂၂ရက်နေ့မှ ၂၃ရက်နေ့အထိ သုံးရက်ကြာ ဆွေးနွေးခဲ့ကြသည်ဟု သိရသည်။
စစ်အစိုးရကို တော်လှန်တိုက်ခိုက်နေသော တိုင်းရင်းသားလက်နက်ကိုင်အဖွဲ့များဖြစ်သည့် ကရင်အမျိုးသားအစည်းအရုံး (ကေ အဲန်ယူ)၊ ချင်းအမျိုးသားတပ်မတော်(စီအဲန်အက်ဖ်)၊ ကရင်နီအမျိုးသားတိုးတက်ရေးပါတီ(ကေအဲန်ပီပီ)နှင့် လက်ရှိ အပစ်ရပ် အဖွဲ့များဖြစ်သည့် မွန်ပြည်သစ်ပါတီ၊ ကချင်ပြည်လွတ်မြောက်ရေးအဖွဲ့ (ကေအိုင်အို)တို့မှ စစ်ရေး၊ နိုင်ငံရေးခေါင်းဆောင်များက ဆွေးနွေးခဲ့ကြခြင်း ဖြစ်သည်။
အဆိုပါ ဆွေးနွေးပွဲကို ၂၀၁၀ခုနှစ်တွင် ပထမဆုံး ပြုလုပ်ခဲ့ခြင်းဖြစ်ပြီး နအဖ စစ်အစိုးရ၏ နယ်ခြားစောင့်တပ်ကိစ္စ နောက်ပိုင်း တွင် ပြုလုပ်ခဲ့သည့် အစည်းအဝေးတစ်ရပ်ဖြစ်ပြီး စစ်ရေးအရ လုပ်ဆောင်မည်ဆိုပါက တပြိုင်နက်ဖြစ်ရန် ဆုံးဖြတ်ခဲ့ကြသည်ဟု အမည်မဖော်လိုသူ ကေအဲန်ယူ ခေါင်းဆောင်တစ်ဦးက ပြောသည်။
“ဒီဆွေးနွေးပွဲမှာ ကျနော်တို့အားလုံးက နိုင်ငံရေးကို ငြိမ်းချမ်းစွာ အဖြေရှာဖို့ သဘောတူခဲ့ကြတယ်။ သို့ပေမဲ့ နအဖက တိုင်းရင်း သားနယ်မြေတွေကို ထိုးစစ်ဆင်လာမယ်ဆိုရင် တက်ညီလက်ညီနဲ့ တပြိုင်နက်ဖြစ်ဖို့ ဆုံးဖြတ်ခဲ့ကြတယ်”ဟု ၎င်းက ဆိုသည်။
၎င်းအပြင် ဆွေးနွေးပွဲတွင် နအဖ၏ ၂၀၀၈ ဖွဲ့စည်းပုံအခြေခံဥပဒေနှင့် ၂၀၁၀ ရွေးကောက်ပွဲကိစ္စကိုလည်း ဆွေးနွေးဖြစ်ခဲ့ကြ သည်ဟု အဆိုပါ ကေအဲန်ယူခေါင်းဆောင်က ဆက်ပြောသည်။ သူက “အခု လာတဲ့ ကိုယ်စားလှယ်တွေအားလုံးက ၂၀၀၈ခု နှစ် ဖွဲ့စည်းပုံအခြေခံဥပဒေကို လက်မခံနိုင်တဲ့ သဘောတူညီမှုတွေ ရှိကြပေမဲ့ ရွေးကောက်ပွဲနဲ့ ပတ်သက်လို့ ကေအိုင်အိုက သူတို့အထဲမှာ ၀င်သူတွေရှိသလို၊ မပါဝင်သူတွေလည်း ရှိနေတယ်”ဟု ပြောသည်။
ကေအိုင်အိုသည် နယ်ခြားစောင့်တပ်ကို လက်မခံသော်လည်း ပင်လုံစာချုပ်မှ သဘောတူညီချက်အတိုင်း အသိအမှတ်ပြုပြီး ဤအခြေခံအပေါ် တိုင်းရင်းသားများအရေးကို ဖြေရှင်းသွားရန် သဘောထားရှိကြောင်း နအဖထံ အကြောင်းပြန်ကြားထားပြီး ဖြစ်သည်။
ဆွေးနွေးပွဲတွင် ပြည်နယ်ကို အခြေခံသည့် တိုင်းရင်းသားအဖွဲ့များမှ ကိုယ်စားလှယ်များ တက်ရောက်ခဲ့ကြသော်လည်း ရှမ်း ပြည်တောင်ပိုင်းတပ်မတော်(အက်စ်အက်စ်အေ) မတက်ရောက်နိုင်ခဲ့ပေ။
မော်တော်ကား တိမ်းမှောက်မှု ကြောင့် ရန်ကုန်မြို့ တော်ဝန် ၏ မြေးဖြစ်သူ သေဆုံး
င်္Freedom News Group သတင်းမှ..........
နေပြည်တော်အစည်း အဝေးသို့ သွားရောက် ပြီး ရန်ကုန် မြို့ သို့ ပြန်အလာ ရန်ကုန် မြို့ အမှတ် ၃ လမ်းမကြီး
နွယ်ခွေရွာ အနီးတွင် စနေနေ့ မနက်ပိုင်းက မော်တော်ကား တိမ်းမှောက်မှု ကြောင့် ရန်ကုန် မြို့ တော်ဝန် ဗိုလ်
မှုးချုပ် အောင်သိန်းလင်း မှာ ဒဏ်ရာ ရရှိပြီး မင်္ဂလာဒုံ စစ်ဆေးရုံ တွင် တက်ရောက် ကုသခံရသည်
ဟု သတင်းရရှိသည်။ ထိုကားပေါ်တွင် အတူ ပါလာသည့် မြို့ တော်ဝန် ၏ မြေးဖြစ်သူ အသက် ၁ နှစ် နှင့် လေး
လ အရွယ် မောင်ဆက် နိုင်လင်း ခေါ် ဖိုးလုံးတီး မှာ ထိုနေ ည ၇ နာရီ အချိန် ခန့် တွင် မင်္ဂလာ ဒုံ စစ်ဆေးရုံ
ကြီး ဉ် ကွယ်လွန် သည် ဟု သတင်း ရရှိသည်။
မောင်ဖိုးလုံး တီးမှာ မော်တော်ကား တိမ်းမှောက် ချိန် တွင် ရရှိခဲ့သော ဒဏ်ရာများ ဖြင့် သေဆုံးခဲ့ခြင်း ဖြစ်
သည် ။ ရန်ကုန် မြို့တော်ဝန် စီးနင်လားသည့် မော်တော်ကားမှာ တိုယိုတာ ဆိုင်ဂနပ်စ် အနက် ရောင် (၂၀၀၈)ဖြစ်သည် ဟု ရန်ကုန် မြို့ တော် စည်ပင် သာယာဝန်ထမ်း တစ်ဦးက Freedom News Group သို့ 
ပြောသည်။
ရန်ကုန် မြို့ တော်ဝန် သည် မေလ ၂၄ ရက်နေ့ က ရန်ကုန် မြို့ မင်္ဂလာတောင်ညွှန့် ရှိ မင်္ဂလာ ဈေးမီးလာင်
မှု၊သီရိမင်္ဂလာ ဈေး ရွေ့ ပြောင်း နေရာချထားမှု ၊နှစ် ခြောက်ဆယ် မြေဂရမ် များ ပြန်လည် စီစစ်ရန် အတွက်
နေပြည်တော် သို့ သွားရောက် အစီခံရင် စာတင်ရန် နှင့် ရွေးကောက်ပွဲ မဲဆွယ် မှု ကိစ္စများ အတွက် ဗိုလ်
ချုပ် ဌေးဦး နှင့် တွေ့ ဆုံအပြီး(လေးလပတ် အစည်းအဝေး) ပြန်အလာ တွင် မော်တော်ကား တိမ်းမှောက် ခြင်း ဖြစ်သည် ဟု အမည်မဖော်လိုသည့် စည်ပင် အရာရှိ တစ်ဦး ကပြောသည်။
မော်တော်ကား တိမ်းမှောက် မှု ဖြစ်စဉ် တွင် ထိုတိမ်းမှောက်ရာနေ ရာဉ် လက်ကိုင်ဖုန်းများ မှ ဆက်
သွယ်မှု ဧရိယာ ပြင် ပရောက်ရှိ နေခြင်း ၊ စတစ်ကာ ကပ်ထားသော မော်တော် ကား ဖြစ်၍ ရွာသားများက
ချက်ခြင်း အနားကပ် ပြီး ကူညီ ကယ်ဆယ် မှု ပြုခြင်း တို့ ကို မလုပ်ရဲ ဟု သိရသည်။
မြို့ တော်ဝန် ၏ မော်တော်ကား ရန်ကုန် မြို့ ထဲ ၀င်လာ ချိန် တွင် ရန်ကုန် မြို့ ဉ် မိုးသည်းထန် စွာရွာသွန်း
နေချိန် ဖြစ်သည်။ဦးအောင်သိန်းလင်းမှာ သင်္ဃန်းကျွန်းဈေး မီးလောင်မှု တွင် ၎င်းကိုယ်တိုင် မီးရှို့ ခိုင်းသည်
ဆိုသည့် ဂယက် များကြောင့် ဈေးသူ၊ဈေးသား များ က ညှိုငြင်ခြင်း ကိုခံနေရသည်။
ပြီးခဲ့သည့် ကြာသပတေးနေ့ က သီရိမင်္ဂလာ ဈေး ပြောင်းရွှေ့ မှု တွင် စည်ပင် ရဲ နှင့် ဈေးသူဈေးသား
တို့ ပြဿနာ ဖြစ်ရာ ဈေးသည် တစ်ဦးက နင် တို့ တွေ အသေဆိုး နဲ့ သေပါစေ ဟု ဆုတောင်းခဲ့သည်
ဟု ဆိုသည်။
သေဆုံးသွားသည့် ရန်ကုန်မြို့ တော်ဝန် ၏ မြေးဖြစ်သူ မောင် ဆက်နိုင်လင်း အား ယနေ့ ၁၂ နာရီ တွင်
ရန်ကုန် မြို့ ဉ် သဂြိုလ် မည် ဖြစ်သည်။
လိင်တူ ထိမ်းမြားခြင်း
Karen United မှပြန်လည်ကူးယူဖော်ပြထားသည်။
ဧရာဝတီသတင်းဌာန၏ ဧပြီလ ၂၉ရက်၊ ၂၀၁၀ နေ့စွဲဖြင့် ရေးသားသော အမျိုးသားချင်း လက်ထပ်သူ လူမှုရေးအဖွဲ့မှ အထုတ်ခံရ သတင်းနှင့်အတူ စာဖတ်ပုရိတ်သတ်များ၏မှတ်ချက် များကို စိတ်ဝင်စားစွာ ဖတ်လိုက်မိတော့ ကျွန်တော်၏ အမြင်သဘောထားကိုလူ့အခွင့်အရေး ရှု့တောင့် မှ ရေးသားလိုစိတ်ဖြစ်လာပါတယ်။ ဖြစ်စဉ်အကျဉ်းမှာ ကရင်အသိုင်းအ၀ိုင်းမှ လူငယ်အဆိုတော် ယူးရီ ကို အမျိုးသားခြင်းလက်ထပ် မှု့ နှင့် ကလိုနှင့်ကွယ် (Klo & Kwe) တေးဂီတအဖွဲ့မှ ထုတ်ပယ်ခဲ့ခြင်းဖြစ်ပါတယ်။ လိင်တူထိမ်းမြားခြင်း ကို ရှု့တောင့်သုံးခုဖြင့် ကြည့်ရှု့ သုံးသပ်ချင်ပါတယ်။ ဘာသာရေးရှု့ တောင့်၊ အမျိုးသားယဉ်ကျေးမှု့ရှု့တောင့် နှင့် လူ့အခွင့်အရေးရှု့တောင့် များဖြင့် မျှတစွာသုံးသပ်ဖို့ အရေးကြီးပါသည်။
မြန်မာနိုင်ငံတွင်နေထိုင်သောလူမျိုးများအနေဖြင့်အများစုမှာဗုဒ္ဓဘာသာင်များဖြစ်ကြပြီးအခြားဘာသာများမှာခရစ်ယာန်၊ မူစလင် နှင့် ရိုးရာနတ်ကိုးကွယ် ခြင်းများဖြစ်ပါတယ်။၎င်း
မြန်မာနိုင်ငံရှိဘာသာအားလုံးသည်လိင်တူထိမ်းများခြင်းနှင့်ပတ်သက်ပြီးအသိအမှတ်ပြုထားခြင်းမရှိဘဲတားမြစ်ထား ကြောင်းတွေ့ရှိရသဖြင့်အကျယ်တင့်ရေးစရာမလိုတော့ပါ။မြန်မာနိုင်ငံရှိလူမျိုးများအားလုံး၏ရိုးရာယဉ်ကျေးမှု့များတွင်လည်းလိင်တူဆက်ဆံခြင်း၊ထိမ်းများခြင်း၊အတူနေထိုင်ခြင်းသည်ရွံရှာဖွယ်တစ်ခုအဖြစ်သတ်မှတ်လက်ခံထားပါတယ်။ထိမ်း များလက်ထပ်ခြင်းနှင့်ပတ်သက်ပြီးမြန်မာနိုင်ငံ၏ ဥပဒေ ပြဌာန်းချက်မှာ ထိမ်းများလိုသူ ကာယကံရှင် များ၏ ယုံကြည် ကိုးကွယ်ရာ ဘာသာ ထုံးတမ်းစဉ်လာကိုသာတရားဝင်သိမှတ်ပြုလက်ခံထားပါတယ်။
တတိယရှု့တောင့်ဖြစ်သော လူ့အခွင့်အရေး ရှု့တောင့်ဖြင့် ဆက်လက် ဆွေးနွေးတင်ပြခြင် ပါတယ်။
မိန်းမလျှာ နှင့် ယောက်ျားလျှာတို့ သည် မူလခန္ဓာဗေဒ ဖွဲ့စည်းပုံတွင် ဟိုမုန်းဓါတ်မညီမျှခြင်းမှ ဖြစ်ပေါ်လာသဖြင့် ကာယကံရှင်များတွင် အပြစ်မရှိသလို လူ့အသိုင်းအ၀ိုင်းတွင်ခွဲခြားမဆက်ဆံသင့်ပါ။
ယောက်ျားမပီသခြင်း (မိန်းမလျှာ) ဖြစ်ရသည့် အခြားအကြောင်း ရင်း များ ရှိကြောင်း လေ့လာသိရှိရပါတယ်။ ၄င်းအကြောင်းအရင်းများမှာ-
၁။ သာမာန်ထက်ပိုသော လိင်စိတ်ပြင်းထန်ခြင်း
၂။ စိတ်ရောဂါကြောင့် ယောက်ျားမပီသခြင်း
၃။ ပတ်ဝန်းကျင် အသိုင်းအ၀ိုင်းကြောင့် ယောက်ျားမပီသခြင်း များဖြစ်ပြီး ၄င်းတို့ကိုပါထည့်
သွင်းစဉ်းစားသင့် ပါသည်။
၎င်းအထက်ပါအချက်များသည် ဆေးပညာဖြင့် အတိုင်းတာတစ်ခုထိ ကုသ ၍ ရနိုင်သဖြင့် မွေးရာပါ မိန်းမလျှာများ နှင့် ခြားနားပါသည်။ ကုသ ၍ရသော ကျန်းမာရေး ချို့တဲ့မှု့များကိုဆေးကုသမှု ခံယူရန် ကာယကံ ရှင်များ တွင်တာန်ရှိသလို မိသားစု နှင့်လူမှု့ ၏အသိုင်းအ၀ိုင်းမှ ၀ိုင်းဝန်းကူညီသင့်ပါသည်။
မြန်မာနိုင်ငံရှိပြည်သူများ သည် ဒီမိုကရေစီကို လိုလား သူများဖြစ်သလို ဆုံးရှုံးနေ သောလူ့အခွင့်အရေးများကို ပြန်လည်ရရှိလိုသဖြင့်ဒီမိုကရေစီနှင့်လူ့အခွင့်အရေးများကိုမရသေးသော်လည်းရရှိလာသောအခါလက်ခံကျင့်သုံးတတ်ရန်အဆင်သင့်ဖြစ်နေသင့်ပါသည်။ ထိုကဲ့သို့ လက်ခံကျင့်သုံးတတ်ရန် ဒီမိုကရေစီ ထွန်းကားသော နိူင်ငံ များကို လေ့လာပြီး ဆိုး ကျိုးထက်ကောင်းကျိုးများ ကို ယူတတ်ရန်အရေးကြီးပါတယ်။
ယနေ့ထိ လိင်တူထိမ်းမြားခြင်းကို ဥပဒေဖြင့် တရားဝင်အသိမှတ်ပြုထားသော နိုင်ငံများမှာ-ကနေဒါ၊ ဘယ်ဂျီယံ၊ နယ်သာလန်၊ နော်ဝေး၊ ပေါ်တူကီ၊ တောင်အဖရိက၊ စပိန် နှင့် ဆွီဒင် တို့ဖြစ်ပါတယ်။ ကမ္ဘာပေါ်တွင် ပထမဆုံး လိင်တူထိမ်းမြားခြင်းကို ဥပဒေဖြင့်တရားဝင် အ တည် ပြုသော နိုင်ငံမှာ နယ်သာလန် ဖြစ်ပြီး သတ်မှတ်ခဲ့သည့်နေ့ မှာ ဧပြီလ၁ရက်၊၂၀၀၁ခုနှစ်ဖြစ်ပါသည်။
နှစ်ပေါင်းများစွာ ဒီမိုကရေစီထွန်းကားခဲ့ပြီး လိင်တူထိမ်းမြားချင်းကို အသိအမှတ်မပြုသောနိုင်ငံများစွာ ရှိသေးကြောင်း ဒီမိုကရေစီလိုလားသော မြန်မာပြည်သူများ သတိထားသင့် ပါတယ်။
သြစထြေးလျ နိုင်ငံသည် လိင်တူဆက်ဆံခြင်းကိုအသိအမှတ်ပြုသော်လည်းလိင်တူထိမ်းမြားခြင်းကိုအသိအမှတ်မပြုပါ။ တရားဝင်ဖြစ်ရန် လွှတ်တော်တွင်အကြိမ်ကြိမ်တင်သော်လည်း မအောင်မြင်သေးပါ။ အမေရိကန်ပြည် ထောင်စု ဖယ်ဒရယ်အစိုးရသည် လိင်တူထိမ်းမြားခြင်းကို အသိအမှတ်မပြု သော်လည်း ပြည်နယ် (၅)ခုတွင်မူပြည်နယ်အစိုးရက တရား ၀င်အသိမှတ်ပြု ထားပါသည်။ အမေရိကန်သမ္မတ George W Bush နှင့် Barack Obamသည်လူ့အခွင့်အရေး ကို ကြိုးစား မြှင့်တင်သော်လည်း လိင်တူထိမ်းမြားချင်းကိုဆန့်ကျင်သူများဖြစ်ပါ သည်။ ဘာကြောင့်နည်း?
ထိုင်းနိုင်ငံ တွင်ပင် လိင်အင်္ဂါပြောင်းခြင်း၊လိင်တူဆက်ဆံခြင်းကိုတရားင်အသိမှတ်ပြုသော်လည်းလိင်တူထိမ်းမြားခြင်းကို ဥပဒေဖြင့် တရားဝင်အသိမှတ်ပြုခြင်း မရှိပါ။ ထို့ကြောင့်ယူးရီတို့၏လူသိရှင်ကြား ထိုင်းနိုင်ငံတွင် ထိမ်းမြားခြင်းသည် ဥပဒေကို ချိုးဖေါက်ရာ ရောက်ပါသည်။
မြန်မာနိုင်ငံ တွင် လိင်တူထိမ်းမြားခြင်း ကို တရားမ၀င် သတ်မှတ်ထားသလိုနှစ်ရှည်လများဒီမိုကရေစီကိုကျင့်သုံးခဲ့သော ကမ္ဘာ့ထိပ်တန်း နိုင်ငံများမှပင် လက်မခံသေးသော အရာ ကိုရရှိရန်မြန်မာပြည်သားများအနေဖြင့်မကြိုးစားသင့်သေးပါ။
ကျွန်တော်တို့သည် ဒီမိုကရေစီ နှင့် လူ့အခွင့်အရေးကို အလိုရှိသော်လည်း ၄င်း၏အဓိပ္ပါယ်သည် “ကိုယ်လုပ်ချင်ရာလုပ် ၍ ရသည်” ဟု ဆွဲပြော ၍မရပါ။ မိမိပျော်ရွင်မှု့အတွက်သူတစ်ပါးကို ထိခိုက် ၍ မရသလို မိမိပျော်ရွှင် ရန်တွက်၊ အဖွဲ့အစည်း၊ လူနေမူ့အသိုင်းအ၀ိုင်းမှ ထောက်ခံရမည်ဟု တစ်သမတ်တည်း တွက် ၍မရပါ။ မိမိကြောင့် ဒီမိုကရေစီ အနှစ်သာရ မထိခိုက် မပျက်ဆီးရန် တာဝန်ရှိသလို ဒီမိုကရေစီ ရရှိရန်အတွက် ကြိုးစားဖေါ်ဆောင်နေ သည့်အင်အား ကို အနှောင့်အယှက်၊ အတားအဆီး မဖြစ်စေရန် သတိထားသင့်ပါသည်။
မြန်မာနိုင်ငံအပါအင်ကမ္ဘာ့ထိပ်တန်းနိုင်ငံများ၊နိုင်ငံအများစုမှလက်မခံနိုင်သောအရာတစ်ခုအားကလိုနှင့်ကွယ်တေးဂီတအဖွဲ့ (Klo & Kwe ) မှ လက်မခံနိုင်ခြင်း ကို နားလည် သင့်ပါတယ်။
ဖူးဒို
မေလ ၂၅ ရက်၊ ၂၀၁၀
နအဖတပ်မှ အသက်၁၃နှစ်အရွယ် လူငယ်များကိုပေါ်တာအဖြစ်အတင်းအကြပ်ခိုင်း
မေလ ၂၀ရက်နေ့ ၂၀၁၀ခုနှစ်၊ ဘိတ်ထားဝယ်၊ တနသာင်္ရီ ခရိုင်၊ ကေဟော်အရပ်ဒေသမှ တာဝန်ရှိသူဖော်ပြချက်အရ…..နအဖတပ်ရင်း ၅၉၂သည် ခြေလျင်တပ်ရင်း ၅၉၇ နှင့်တပ်ပြောင်း လဲရန်အတွက် ပေါ်တာများစုစုပေါင်း ၁၉ယောက်အတင်းအဓမ္မခေါ်ခိုင်းခဲ့သည်။ ထိုခေါ်ယူခဲ့သော ၁၉ဦးထဲတွင် အသက်၁၃နှစ်အရွယ် ကလေးသူငယ်များလည်းပါဝင်ကြောင်း တနသာင်္ရီခရိုင် ကေဟော်အရပ်ဒေသမှ တာဝန်ရှိသူ ဆရာဘာဘလု ကပြောပြခဲ့ပါတယ်။
ထိုကေဟော်အရပ်ဒေသမှ လူထုများသည် အမြဲပဲ နအဖ စစ်တပ်အတွက် ပေါ်တာလိုက် ထမ်းပေးနေရပါတယ်။ မေလ၁၈ရက်နေ့တွင် ဗိုလ်စိုးတင့် ဦးစီးတဲ့ နအဖခြေလျင်တပ်၅၉၂သည် လဲဆိကျေးရွာ မဲ့ဝါးကျေးရွာ မှရွာသား၁၉ဦးအားသူတို့၏ရိက္ခာပစ္စည်းများကိုပေါ်တာထမ်းခိုင်းခဲ့ပါ တယ်။ ဒီကိစ္စနဲ့ပတ်သက်လို့ အခုလိုပေါ်တာထမ်းဖို့အတွက် လူများစီစဉ်ပေးရာမှာ အဆိုပါရွာ များမှ ရွာသူကြီးများ၏အစီအစဉ်မဟုတ်ကြောင်း ပဒိုတာအယ်ဂေ ကပြောကြားခဲ့ပါတယ်။ ဒီပေါ် တာထမ်းဖို့အတွက်ရွာသား၁၉ဦးကို တခြားမှာအလုပ်သွားလုပ်ဖို့အတွက် သက်သေခံစာရွက်စာ တမ်းများသွားရောက်တောင်းဆိုတဲ့အချိန်မှာ တခါတည်းဖမ်းပြီး အတင်းအကြပ်ပေါ်တာထမ်းခိုင်းတာဖြစ်ပါတယ်။
ဒါတင်မကသေးပါဘူး ထိုကိစ္စနှင့်ပတ်သက်လို့ မဲ့ဝါးဘုန်းတော်ကြီးတပါးကလည်းယခုလို မိန့်ပါတယ်။ ထိုဒေသကိုရောက်လာတဲ့ နအဖတပ်တိုင်းဟာ ပေါ်တာလိုချင်လျှင် သူ့ကိုလျှောက် ကြောင်း..ဒါပေမဲ့အခုအဖွဲ့သည် သူတို့ဘာသာသူတို့လုပ်ကြောင်း မိန့်ပါတယ်။ အဆိုးဆုံးက တော့အခုလိုအသက်၁၃နှစ်အရွယ်လူငယ်လေးများကို မတရားသဖြင့် ပေါ်တာအနေနဲ့အတင်း အကြပ်ခိုင်းတာဟာ လူ့အခွင့်အရေးကိုချိုးဖောက်တဲ့လုပ်ရပ်ဖြစ်ပါတယ်….လို့ပြောပါသေးတယ်။
ကွယ်ကလူသတင်းကို ကညောဖိုးအကျဉ်းချုပ်ဘာသာပြန်ထားသည်။
စစ် အာဏာပိုင် အသိုင်းအဝန်းတို့ ဂိုဏ်းဖွဲ့၍ လိုင်စင်မဲ့ကားများ တင်သွင်းနေ
အောင်သက်ဝိုင် (ဧရာဝတီ မှ.......)
စစ်အာဏာပိုင်များ၏ သားသမီး၊ ဆွေမျိုးသားများ၊ ၎င်းတို့နှင့် နီးစပ်သော စီးပွားရေး လုပ်ငန်းရှင်များ ပူးပေါင်းကာ ပြည်တွင်းသို့ လိုင်စင်မဲ့ကားများ တရားမ၀င် တင်သွင်းသည့် လုပ်ငန်းကို ဂိုဏ်းပုံစံ အုပ်စုဖွဲ့ လုပ်ကိုင်လာကြကြောင်း သတင်းရရှိသည်။
အိမ်နီးချင်း ထိုင်းနိုင်ငံနှင့် တရုတ်နိုင်ငံမှ လိုင်စင်မဲ့ကားများကို အုပ်စုဂိုဏ်းဖွဲ့ တင်သွင်းကြခြင်း ဖြစ်ပြီး အဆိုပါဂိုဏ်းများသည် နယ်စပ် ကုန်သွယ်ရေးလုပ်ငန်းများကို ထိန်းချုပ်ထားသည့် စစ်ဘက်၊ အရပ်ဘက် အရာရှိများနှင့် ချိတ်ဆက် လုပ်ကိုင် ကြခြင်း ဖြစ်သည်ဟု စုံစမ်းသိရှိရသည်။
“အခု လိုင်စင်မဲ့ကား တင်သွင်းတဲ့ပုံစံက တဦးတယောက်တည်း မဟုတ်ဘူး။ ဗိုလ်ချုပ်၊ ဗိုလ်မှူးချုပ်၊ ဗိုလ်မှူးကြီးတွေလို စစ်အရာရှိ၊ လူကြီး ဆွေမျိုး သားသမီးတွေနဲ့ စီးပွားရေးသမားတွေ ပေါင်းလုပ်ကြတယ်။ ဂိုဏ်းဖွဲ့လုပ်တော့ လုပ်နိုင်အားရော၊ လုပ်ပိုင်ခွင့်ရော ပိုကြီးသွားတယ်” ဟု စက်မှုဇုန်ကား ထုတ်လုပ်ရေး လုပ်ငန်းရှင်တဦးက ပြောသည်။
လိုင်စင်မဲ့ ကားတင်သွင်းသည့် ဂိုဏ်းများတွင် ဗိုလ်ချုပ်၊ ဗိုလ်မှူးချုပ်တို့၏ သားသမီး၊ ဆွေမျိုးများက ဦးဆောင်ပြီး စီးပွားရေး သမားများနှင့် နယ်မြေခံ အာဏာပိုင်များပါ ပူးပေါင်းပါဝင်နေခြင်းကြောင့် ဥပဒေကို အလွယ်တကူရှောင်လွှဲပြီး တရားမ၀င် လိုင်စင်မဲ့ ကားများကို တရားဝင်ကားများအဖြစ် အမြတ်အစွန်း များစွာဖြင့် ပြောင်းလဲ ရောင်းချကြသည်ဟု ရန်ကုန်ကားဈေးကွက်မှ
သိရသည်။
“လိုင်စင်မဲ့ ကားသွင်းတဲ့ အုပ်စုတွေက အနည်းဆုံး စစ်တိုင်းမှူး အဆင့်လောက်ထိ ပေါက်ပေါက်ရောက် ရောက်ရှိကြတဲ့ သူတွေ” ဟု ရန်ကုန် ကားပွဲစားကြီးတဦးက ဆိုသည်။
လိုင်စင်မဲ့ကား အရောင်းအ၀ယ်တွင် ရောင်းဝယ်သည့် ကားအမျိုးအစားကိုလိုက်ပြီး ငွေကျပ် သိန်းရာ၊ ထောင်ချီ အမြတ် ကျန်သည်ဟု စုံစမ်းသိရသည်။
လိုင်စင်မဲ့ ကားအများစုသည် တရားဝင် လမ်းကြောင်းများကို လာဘ်ပေးသည့် စနစ်ဖြင့် ဖြတ်ကျော်ကာ ပြည်တွင်းသို့
သယ်ဆောင် လာခြင်း ဖြစ်ပြီး ဈေးကွက်ထဲတွင် ပုံစံအမျိုးမျိုးဖြင့် ရောင်းဝယ်သည်ဟု သိရှိရသည်။
“Without (လိုင်စင်မဲ့) ကားတွေက တရားဝင်လမ်းကပဲ ၀င်တာ။ အကောက်ခွန်၊ ရဲ၊ နယ်စပ် ကုန်သွယ်ရေး၊ စစ်တပ်၊ အားလုံးကို ပေးကမ်းပြီး ၀င်လာတာ။ အားလုံးချိတ်ဆက် လုပ်ကြတာဆိုတော့ တောလမ်း၊ တောင်လမ်းတွေဖြတ်စရာမလိုဘူး။ အစိုးရ ခင်းထားတဲ့ ကတ္တရာလမ်း ပေါ်ကနေ တရားဝင် အိနြေ္ဒရှိရှိနဲ့ ၀င်လာရုံပဲ” ဟု မြ၀တီ နယ်စပ် ကုန်သည်တဦးက ပြောသည်။
ဈေးကွက်တွင် လိုင်စင်မဲ့ကားများ ရောင်းဝယ်ကြရာ၌ အစိုးရ လေလံကားများနှင့် လိုင်စင်မဲ့ ကားများ လဲလှယ်စီးနင်း ကြသည့် အရောင်းအ၀ယ်ပုံစံ၊ လိုင်စင်မဲ့ ကားများကို ပြည်တွင်း စက်မှုဇုန်ထုတ် ကားများအဖြစ် ပြောင်းလဲရောင်းဝယ် သည့်ပုံစံ၊
စီးနင်းနေသော မော်ဒယ်နိမ့်ကားကို လိုင်စင်မဲ့ကားဖြင့် လဲလှယ်စီးနင်းရန် ရောင်းဝယ် သည့်ပုံစံများရှိကြောင်း သိရသည်။
“အစိုးရလေလံပစ်တဲ့ ကားဝယ်ထားတဲ့သူတွေက လိုင်စင်မဲ့ကားနဲ့ လဲစီးလို့ရတယ်။ ဥပမာ၊ အစိုးရလေလံပစ်လိုက်တဲ့ တိုယိုတာ မတ်တူးကားအစုတ် ၀ယ်ထားသူက လိုင်စင်မဲ့ တိုယိုတာ မတ်တူး ကားအကောင်းနဲ့ လဲစီးတာမျိုး” ဟု ရန်ကုန်ကားပွဲစား တဦးကပြောသည်။
မော်တော်ယာဉ် ထုတ်လုပ်ရေး လုပ်ငန်းများသည် လိုင်စင်မဲ့ကားများကို ပြည်တွင်း စက်မှုဇုန်ထုတ် ကားများအဖြစ် ပြောင်းလဲ တပ်ဆင် ရောင်းချခြင်းများ ရှိကြောင်းလည်း သိရသည်။
“လိုင်စင်မဲ့ကားကို ပုံစံလေးပြောင်းပြီး ထုတ်ထားတဲ စက်မှုဇုန်ထုတ်ကားတွေက ဈေးကြီးတယ်” ဟု ကား ထုတ်လုပ်ရေး လုပ်ငန်းရှင်တဦးက ပြောဆိုသည်။
ထိုသို့ လိုင်စင်မဲ့ကားမှ စက်မှုဇုန်ထုတ်ကားအဖြစ် ပြောင်းလဲထားသော ကားများသည် ၈ဂ၊ ၈ဃ၊ ၈င၊ ၈စ စသော နောက်ဆုံးပေါ် အက္ခရာ နံပါတ်များရရှိကာ ရန်ကုန်၊ မန္တလေး အပါအ၀င် မြို့ပြဒေသ လမ်းမကြီးများပေါ်တွင် မောင်းနှင်နေကြသည်ဟု သိရသည်။
စစ်အစိုးရက ၂၀၁၀ ပြည့်နှစ်၊ ဇန်န၀ါရီ ၁ ရက်နေ့မှစပြီး လုပ်ငန်းသုံး၊ ခရီးသည်တင်ယာဉ်နှင့် စက်ယန္တရား ယာဉ်ကြီးများကို ကန့်သတ်ချက် များဖြင့် စီးပွားရေး လုပ်ငန်းရှင်များကို လွတ်လပ်စွာ တရားဝင်တင်သွင်းခွင့် ပေးထားသော်လည်း အိမ်စီးဇိမ်ခံကား တင်သွင်းခွင့်ကိုမူ တင်းကျပ်စွာ ချုပ်ကိုင်ထားဆဲ ဖြစ်သည်။
လူထု မြေယာများကို သိမ်းဆည်း၍ အစိုးရအမှုထမ်းများထံ ပြန်လည်ရောင်းချ
ကန္တာရ၀တီတိုင်း(မ်)
ရေးသားသူ - နှောင်းလှိုင်
မတရားသိမ်းဆည်းခြင်း ခံထားရသည့် မြေယာများကို ကရင်နီပြည် လွိုင်ကော်မြို့တွင် တာဝန်ကျနေသော အစိုးရအမှုထမ်းများထံ ပြန်လည် ရောင်းချ နေကြောင်း သိရသည်။
“မြို့ထဲမှာ နေတဲ့လူနဲ့ ပြန်ရောင်းပေးတယ် သီးသန့် နေတဲ့လူတွေ၊ အဆင်မပြေတဲ့လူတွေလည်း သွားနေကြတယ်။ အစိုးရ၀န်ထမ်းတွေပဲ ရုံးမှာ အလုပ် လုပ်တဲ့ သူတွေပဲ” ဟု လွိုင်ကော်မြို့ခံတဦးက ပြောသည်။
ထိုမြေနေရာသည် လွိုင်ကော်လေယာဉ်ကွင်းရှေ့ရှိ ရဲဘော်ဒုက္ခိတများနှင့် စစ်မှုထမ်းပြီး ကျဆုံးသွားသည့် ရဲဘော်များ၏ အိမ်ယာမြေနေရာ လွတ်များ ကို ဒကစမှူးက မြို့ပေါ်နေလူတန်းစားများနှင့် အစိုးရအမှုထန်းများ ထံပြန်လှည်ရောင်းချ ခြင်းဖြစ်သည်။
အစိုးရဌာနများမှ ၀န်ထန်းများကို သိမ်းဆည်းထားသောမြေယာ တဧကကို ၅သိန်းဖြင့်ရောင်းချပေးသည်။
၂၀၀၈ ခုနှစ်တွင် ချိကယ်ကျေးရွာမှ လူထုအချို့ ပိုင်ဆိုင်ထားသည့် မြေနေရာ နှစ်ခုကို စစ်အစိုးရက သိမ်းပိုက်လိုက်ပြီး ပိုင်ရှင်အချို့က လျှော်ကြေး အနည်းငယ် ပြန်ရသော်လည်း တချို့မှာ လျှော်ကြေးမရခဲ့ပါ။
ထိုနေရာမှ မြေဧက ၈၀၀ ခန့်ရှိသည့် ကွန်ပြူတာ တက္ကသိုလ်ကျောင်းဆောင်နှင့် ကျဆုံးသွားသည့် ရဲဘော်များ၏ ကျန်ရစ်သူ သားမယားများ၊ ရဲဘော် ဒုက္ခိတများနှင့် စစ်မှုထမ်းဟောင်းများ အတွက် သိမ်းပိုက်ထားသည့် မြေနေရာ ဖြစ်သည်။
မြစ်ဆုံဒေသမှ ကျေးရွာအား အဓမ္မပြောင်းရွှေ့
ခိုင်လင်း (ခေတ်ပြိုင် မှ........)
ကချင်ပြည်နယ် မေခနှင့်မလိခ မြစ်နှစ်သွယ်ဆုံရာဒေသရှိ မဇွပ်ကျေးရွာအား မြစ်ကြီးနားမြို့နယ်အတွင်း ရပ်ကွက်များမှ ဆင့်ခေါ်ထားသည့် လုပ်အားပေးများဖြင့် ယနေ့ စတင်ပြောင်းရွှေ့ခဲ့သည်။
ယမန်နေ့ ညနေပိုင်းက မြစ်ကြီးနားအခြေစိုက် မြောက်ပိုင်းတိုင်း စစ်ဌာနချုပ် လက်အောက်ခံ စစ်ဗျူဟာမှူး ဗိုလ်မှူးကြီး မြတ်ကျော် အပါအဝင် မြို့နယ် မယက အာဏာပိုင်အဖွဲ့က ဦးဆောင်ပြီး လုပ်အားပေးအင်အား (၃ဝ) ဖြင့် မြစ်ဆုံအနီး တန်ဖရဲကျေးရွာတွင် ညအိပ်ခဲ့ကြောင်း၊ ယနေ့နံနက်ပိုင်းတွင် ထပ်မံရောက်ရှိလာသော လုပ်အားပေး အဖွဲ့များနှင့်အတူ တန်ဖရဲကျေးရွာ တဖက်ကမ်း မေခနှင့်မလိခ မြစ်နှစ်ခုဆုံရာ တောင်စွယ်ပေါ်ရှိ မဇွပ်ကျေးရွာသို့ သွားရောက်ကာ ပြောင်းရွှေ့ရေးလုပ်ခဲ့ကြောင်း တန်ဖရဲကျေးရွာသားက ပြောသည်။
၎င်းက “တန်ဖရဲ ရွာကနေ ဟိုဘက်ကမ်းကို စက်လှေတွေနဲ့ ဒီမနက်စောစော ကူးသွားတယ်။ နေ့လယ်ကျတော့ စက်လှေတွေပေါ်မှာ ရွာသားတွေ တင်ခေါ်လာတယ်၊ အထုပ်အပိုးပစ္စည်းတွေပါ ပါလာတယ်။ ဒီဘက်မှာ ရှိနေတဲ့ ကားတွေပေါ်ကို တင်တယ်။ ပြီးရင် လုံဂါဇွပ် ရွာဘက်ကို ဆက်ပြီး ထွက်တယ်၊ ဒီမှာ ကြာကြာမနားရဘူး” ဟု ပြောသည်။
မဇွပ်ကျေးရွာတွင် အိမ်ခြေ (၆၃) လုံးရှိပြီး လူဦးရေ (၂ဝဝ) ကျော်ရှိရာ ယနေ့ပြောင်းရွှေ့ရန် လိုက်ပါလာသူပေါင်း (၁ဝဝ) ဝန်းကျင်ရှိပြီး သက်ကြီးရွယ်အိုများနှင့် ကလေး အများဆုံးပါဝင်ကာ လူလတ်ပိုင်း ယောက်ျားများကို မတွေ့မြင်ရတော့ကြောင်း တန်ဖရဲကျေးရွာသားက ပြောသည်၊
၎င်းက “မြစ်ဆုံ ဗုံးကွဲတဲ့ ကိစ္စနဲ့ ခေါ်ပြီး စစ်ဆေးနေလို့ရယ်၊ တချို့လည်း ထွက်ပြေးတိမ်းရှောင်နေလို့ရယ် လူလတ်ပိုင်း မတွေ့ရဘူး။ အဘိုးကြီး၊ အဘွားကြီးတွေနဲ့ ကလေးတွေ အများဆုံးပဲ။ နှစ်ပေါင်း (၄ဝ၊ ၅ဝ) မက လုပ်ကိုင်စားသောက်လာခဲ့တဲ့ အဲဒီနေရာကနေ အဓမ္မပြောင်းရွှေ့ခံရတယ်ဆိုတော့ အားလုံးက စိတ်မကောင်းဖြစ်နေကြတယ်။ တချို့ဆို မျက်ရည်တွေကျလို့၊ ငိုနေကြတာပေါ့။ ကျနော်တို့ မြင်ရတဲ့သူလည်း စိတ်မကောင်းဖြစ်ရတယ်” ဟု ပြောသည်။
မြစ်ဆုံဒေသရှိ ကျေးရွာများ ပြောင်းရွှေ့ရန်အတွက် မြစ်ကြီးနားမြို့နယ်အတွင်းရှိ ရပ်ကွက်ပေါင်း (၅၈) ခုမှ တရပ်ကွက်လျှင် အနည်းဆုံး လူ (၁ဝ) ဦးကျဖြင့် ရက်အကန့်အသတ်မရှိ လုပ်အားပေးလိုက်ရန်အတွက် ရဲ၊ ပြည်သူ့စစ်နှင့် ကချင်အထူးဒေသ (၁) နယ်ခြားစောင့်တပ်ဖွဲ့များက လုံခြုံရေးယူပေးရန် ကချင်ပြည်နယ် အေးချမ်းသာယာရေးနှင့် ဖွံ့ဖြိုးရေးကောင်စီက ယခုလ (၁) ရက် နေ့စွဲဖြင့် အမိန့်ထုတ်ထားခဲ့သည်။
မြစ်ကြီးနားမြို့မှ မိုင် (၂ဝ) ကျော်အကွာ ကျိန်ခရန်ရွာနှင့် လုံဂါဇွပ်ရွာအနီးတွင် အေးရှားဝေါလ်ကုမ္ပဏီက တန်ဖိုးနည်း အိမ်ရာများ ဆောက်လုပ်ထားပြီး ယနေ့ မဇွပ်ကျေးရွာမှ ပြောင်းလာသူများကို အဆိုပါ ပြန်လည်နေရာချထားရေးနေရာတွင် ထားရှိသည်ဟု လုံဂါဇွပ် ကျေးရွာသားတဦးက ပြောသည်။
၎င်းက “အိမ်တွေကတော့ အလုံး (၂ဝဝ၊ ၃ဝဝ) လောက် ဆောက်ပြီးနေပြီ။ ဒီမှာရှိတဲ့ ဒေသခံတွေက တောင်ယာလုပ်မယ်၊ ဥယျာဉ်ခြံစိုက်ပျိုးရေးလုပ်မယ်၊ ဒါပဲ စီးပွားရေးလုပ်တတ်တာ။ အခုပြောင်းလာတဲ့နေရာမှာ အဲဒါတွေ လုပ်လို့မရဘူး။ စားဝတ်နေရေး အခက်ခဲဖြစ်မှာ။ ဒါကြောင့်မို့ အိမ်တွေကို ဘယ်လိုပဲ ဆောက်ထားပေးပေး နှစ်ပေါင်းများစွာ နေလာခဲ့တဲ့ ကိုယ့်ရွာ ကိုယ်ဒေသကနေ ဘယ်သူမှ မပြောင်းချင်ကြဘူး” ဟု ပြောသည်။
မြစ်ဆုံအပါအဝင် မေခနှင့်မလိခမြစ်ပေါ်တွင် ရေကာတာများတည်ဆောက်ကာ လျှပ်စစ်ထုတ်ယူမည့် စီမံကိန်းကြောင့် ကျေးရွာ (၆ဝ)၊ လူဦးရေ (၁၅,ဝဝဝ) ကျော် ပြောင်းရွှေ့ပေးရမည်ဖြစ်သည်။
ရင်ဆိုင်တိုက်ပွဲသတင်း
တပ်မဟာ(၇) ဖားအံ့ခရိုင်။
- ၂၄.၅.၂၀၁၀နေ့ ၁၅း၀၀ DKBA 999 မောင်လာဝါးဦးဆောင်တဲ့အဖွဲ့နှင့် မိမိတို့KNU/KNLA အဖွဲ့နှင့် ၁၅မိနစ်ကြာတိုက်ပွဲ ထီးပယ်အရပ်မှာ ဖြစ်ပွားရာ DKBA မှ ၃ဦးသေ ၅ဦးဒဏ်ရာရ။
- ၂၅.၅.၂၀၁၀နေ့ DKBA 999 တပ်ရင်း(၇) မှ တပ်ကြပ်အဆင့်ရှိ ဒါးဘူး ၂၈နှစ်သည် မိခင် KNU/KNLAနှင့် ပြန်လည်ပေါင်းစည်းခဲ့။
- ထိုတရက်ထဲမှာဘဲ ၁၆း၀၀နာရီ အချိန်တွင် DKBA999 မှ ဖားတကီးဦးဆောင်ပြီး နအဖ တို့နှင့်အတူစုပေါင်းပြီး ထီးသဘလူထာနှင့် ဃောသူးခီးအရပ်မှာ လာရောက်တိုက်ခိုက်ခဲ့။ မိမိတို့ဘက်ထိခိုက်မှုမရှိခဲ့ပါ။
တပ်မဟာ(၃) နှင့် တပ်မဟာ(၅) တို့၏နအဖတပ်ကိုဆုံးမမှုသတင်းအကျဉ်း
နောင်တရိပ်သာ Blog မှပြန်လည်ကူးယူဖော်ပြထားသည်။
- တပ်မဟာ(၃) နှင့် နအဖတို့ဖြစ်ပွားခဲ့သောတိုက်ပွဲတွင် နအဖဘက်မှ သေဆုံးသူနှင့်ဒဏ်ရာရ သူစုစုပေါင်း ၂၀ ယောက်နီးပါးရှိခဲ့သည်။
- မေလ၁ရက်နေ့မှစပြီး၂၀ရက်နေ့ထိ တပ်မဟာ၃၏တပ်ရင်း(၇)(၈)နှင့်(၉)တို့သည်ရန်သူနအဖနှင့်နေရာ (၅)နေရာတိုက်ပွဲဖြစ်ပွားခဲ့ရာ နအဖဘက်မှ (၈)ယောက်သေ၊ (၈)ယောက်ဒဏ်ရာရခဲ့သည်။
- မေလ ၂၀ရက်နေ့တွင် တပ်ရင်း(၇)နှင့်နအဖတို့ထီးဘလားအရပ်မှာ ၁၅မိနစ်ကြာတိုက်ပွဲဖြစ်ပွားရာ နအဖ ဘက်မှ ဗိုလ်ကြီး၁ဦး တပ်ကြပ်ကြီး၂ဦး တပ်ကြပ်၁ဦး နှင့်တပ်သား ၄ဦးသေဆုံးခဲ့သည်။ တပ်ရင်း(၇)မှ MA11 ၂လက် ကျည်ကတ်၃ကတ် ကျည်၂၅တောင့်ရရှိခဲ့သည်။
- မေလ ၁၁ရက်နေ့နှင့် ၁၃ရက်မှာ တပ်ရင်း(၈)နှင့် ရန်သူနအဖတို့ရင်ဆိုင်တိုက်ပွဲဖြစ်ပွားရာ နအဖဘက်မှ ၁ ဦးသေ ၄ဦးဒဏ်ရာရခဲ့သည်။
- မေလ၁ရက်နေ့နှင့် ၁၄ရက်နေ့ မှာ တပ်ရင်း(၉)နှင့် ရန်သူနအဖတို့ ကျောက်ကြီးမြို့နယ်၊ ပဟီပယ်ခိုအရပ် မှာ ရင်ဆိုင်တိုက်ပွဲဖြစ်ခဲ့ရာ နအဖဘက်၎ဦး ဒဏ်ရာရခဲ့သည်။ KNU/KNLA ဘက်မှထိခိုက်မှုမရှိကြောင်းသ တင်းရရှိသည်။
- တပ်မဟာ(၅) နှင့် နအဖတို့ဖြစ်ပွားခဲ့သောတိုက်ပွဲမှာလည်း နအဖဘက်မှ သေဆုံးသူနှင့်ဒဏ်ရာရ သူစုစု ပေါင်း ၂၀ ယောက်ကျော်ကျော်ရှိခဲ့သည်။
- မေလ၅ရက်နေ့မှ ၁၄ရက်နေ့ထိ တပ်မဟာ(၅)၏နအဖတပ်ကိုပြောက်ကျားတိုက်ခိုက်မှု ၁၅နေရာဆင်နွှဲခဲ့ သည်။ တိုက်ပွဲဖြစ်ပွားခဲ့သောနေရာများမှာ- သောဃဲလို၊ မယ်ပိုးထာ၊ ပွေးပွာ၊ ကေကော်၊ ဦးတူးကလိုး၊ မောဖိုး ကျိုး၊ သောဖိုးကျိုးအရပ်၊ ကုန်းဆိ၊ အောင်လော့ကလိုး၊ တာကျော်ဖိုးထာ၊ လယ်တိုးအရပ်၊ မောသားလို၊ လယ် ထောဒေးဆိုးပယ်ဟော်အရပ်၊ ပယော်ဖားသွာခိုနာဒဲအရပ်နှင့် ထောထာ အရပ်တို့ဖြစ်သည်။
- ထိုတိုက်ပွဲများကြောင့် နအဖဘက်မှ စုစုပေါင်း သေသူ ဒဏ်ရာရသူ ၂၂ယောက်ရှိပြီး KNU/KNLA ဘက်မှ ထိခိုက်မှုမရှိကြောင့် တပ်မဟာ(၅)သတင်းရပ်ကွက်မှ ဖော်ပြထားသည်။
ကွယ်ကလူသတင်းကိုအကျဉ်းချုပ်ဘာသာပြန်ထားသည်။

