.jpg)
VOA သတင်းမှ.....(တပ်မှူးတပ်သားပြောစကား)
မကြာခင်ကမှ အသစ်ခန့်အပ်လိုက်တဲ့ မြန်မာ့တပ်မတော်က စစ်တိုင်းမှူးအသစ် အများစုနဲ့ ဗိုလ်သင်တန်းအပတ်စဉ်တူ ဖြစ်ပြီးတော့၊ စစ်တက္ကသိုလ် အပတ်စဉ်(၂၄)က၊ ကျောင်းဆင်းခဲ့ တဲ့၊ ရှစ်လေးလုံးလူထုအုံကြွမှု အရေးတော်ပုံကာလမှာ ပြည်သူ့ရင်ခွင်ခိုလှုံခဲ့သူ၊ ဗိုလ်ကြီးဟောင်းစိုင်းဝင်းကျော်ရဲ့ ပြောစကားတွေကို၊ ဒီသီတင်းပတ် “တပ်မှူးတပ်သား ပြောစကား” အ ပတ်စဉ်ကဏ္ဍမှာ၊ ဦးရော်နီညိမ်းက စီစဉ်တင် ဆက်ထားပါတယ်။
ဦးရော်နီညိမ်း။ ။ ဗိုလ်ကြီးအနေနဲ့က ကျနော်တို့ “ရှစ်လေးလုံး လူထုအုံကြွမှု အရေးတော်ပုံကြီး” အတွင်းမှာ ဆန္ဒပြပြည်သူတွေ ကျောင်းသားတွေကို ပစ်ခတ်နှိမ်နင်းဖို့အတွက် အမှတ် (၂၂)ခြေမြန်တပ်မ လက်အောက်ခံ ခမရ(၂၀၈)က ရန်ကုန်မှာလာပြီး တာဝန်ယူတဲ့အချိန်မှာ ဗိုလ်ကြီးလည်း တာဝန်အရ ပါလာရပြီးတော့မှ ဒီ ပစ်တာခတ်တာတွေအပေါ် ဗိုလ်ကြီးက မှားယွင်းတဲ့လုပ်ရပ်တစ်ခုလို့ မြင်တဲ့အတွက်ကြောင့် ပြည်သူ့ရင်ခွင်ဘက်ကို ကူးပြောင်းခဲ့တယ်ဆိုတဲ့အထိ ကျနော်တို့ သိရှိခဲ့ရပြီးပါပြီ။ အခုလိုမျိုးကူးပြောင်းတဲ့အခါမှာ ဗိုလ်ကြီးဘယ်လို အခက်အခဲရှိလဲ ခင်ဗျ။
ဗိုလ်ကြီးစိုင်းဝင်းကျော်။ ။ အဲဒီတုန်းက မဟာဝိဇယစေတီနားက အမှတ်(၁)ဆက်သွယ်ရေးတပ်ရင်းမှာ ကျနော်တို့ ခေတ္တ အခြေပြုနေရပါတယ်။ အဲဒီတုန်းက ကျနော် တာဝန်ထမ်း ဆောင်တာက “ကက(ကြည်း) အရံ အကူပစ်လက်နက်ကြီးတပ်ခွဲ စိန်ပြောင်းကြီးတပ်စုမှူး” ပေါ့နော်။ ကျနော် ထမ်းဆောင်တဲ့အချိန်မှာ သူတို့က စစ်အာဏာသိမ်းဖို့အတွက် အသင့်ပြင် ထားတာပေါ့ဗျာ။ ဒီရည်ရွယ်ချက်တွေတော့ ကျနော်တို့ မသိဘူးပေါ့ဗျာ။ ကျနော်တို့ထဲမှာ သတင်းတွေ ဖြန့်ထားတာကတော့ ရန်ကုန်မြို့ထဲမှာ တောတွင်းက လက်နက်ကိုင် အဖွဲ့အ စည်းတွေလည်း စိမ့်ဝင်နေတာတွေ ရှိတယ်၊ အချိန်မရွေး တိုက်ပွဲဖြစ်လာနိုင်တယ်၊ လိုအပ်ရင် မင်းတို့ကို ရဟတ်ယဉ်တွေဘာတွေနဲ့ ရွှေ့ရလိမ့်မယ် ဆိုတာမျိုး အသေးစိတ်တွေ သူတို့ ညွှန်ကြားထားတာ ရှိပါတယ်။
ဦးရော်နီညိမ်း။ ။ ဟုတ်ကဲ့ ဗိုလ်ကြီး ခင်ဗျ၊ အဲဒီအချိန်က ဒေါက်တာမောင်မောင်က စစ်အုပ်ချုပ်ရေး ရုတ်သိမ်းလိုက်ပါပြီလား ခင်ဗျ၊ စက်တင်ဘာလထဲ ရောက်သွားပါပြီလား ခင်ဗျ။
ဗိုလ်ကြီးစိုင်းဝင်းကျော်။ ။ ဟုတ်ကဲ့၊ အဲဒီအချိန်တုန်းက စစ်အုပ်ချုပ်ရေးကို ရုတ်သိမ်းလိုက်ပါပြီ။ ရုတ်သိမ်းပြီးတော့မှ “ဦးတင်အောင်ဟိန်း ဦးဆောင်တဲ့ စုံစမ်းရေးကော်မရှင်”ဖွဲ့ပြီး စုံစမ်း စစ်ဆေးတာတွေ သူလို့လုပ်ပါတယ်။ အဲဒီကာလမှာကိုက အာဏာသိမ်းဖို့အတွက် နောက်ဆုံးမှာ တပ်မတော်ကို အဆင်သင့် ပြင်ခိုင်းထားတာပါ။ အဲဒီ ရည်ရွယ်ချက်တွေကိုတော့ အောက်ခြေထိ ကျနော်တို့ မသိပါဘူး။ ဒါပေမယ့် ကျနော်နဲ့ အနီးကပ်နေတဲ့ ကျနော့်သူငယ်ချင်း တချို့တော့ ရှိပါတယ်။ သူတို့နဲ့ ကျနော် စကားပြောကြည့်တဲ့အခါမှာလည်း၊ သူတို့က လက်ရှိအခြေအနေတွေကို မနှစ်မြို့ကြပါဘူး။ ဘာဖြစ်လို့များ လူထုနဲ့ တပ်မတော်ကြား ဒီလောက်ထိ ဝေးကွာသွားကြသလဲ၊ ဒီလောက်ထိ နားလည်မှုလွဲသွားကြသလဲပေါ့၊ ဘယ်အခြေ နေထိ ရောက်သွားသလဲ ဆိုတာ၊ ကိုယ့်ကိုယ်ကို ဆန်းစစ်ဝေဖန်မှုတွေ အများကြီးရှိပါတယ်။ နောက်ပြီးတော့ အဲဒီတုန်းက ဦးအောင်ကြီးထုတ်ဝေတဲ့ ဗိုလ်ချုပ်ထံသို့ ပေးစာများ၊ အဲဒါ တွေက ကျနော်တို့တပ်ထဲမှာ အတိုင်းအတာတစ်ခုထိ ရိုက်ခတ်မှုတွေ ရှိပါတယ်။ အဲဒီစာ တချို့လည်း ကျနော်ဖတ်ရပါတယ်။ ဖတ်ရတဲ့ အခါကျတော့ ကျနော်တို့ဆီမှာ သို့လောသို့ လော အတွေးတွေ အများကြီး ပေါ်လာပါတယ်ခင်ဗျ။ နောက်ဆုံးမှာ ဦးတင်အောင်ဟိန်းရဲ့အစီရင်ခံစာ ထွက်လာပြီးတော့၊ မဆလ ဒေါက်တာမောင်မောင် ဦးဆောင်တဲ့ အစိုးရက “ပြည် သူ့ဆန္ဒခံယူပွဲ” ကျင်းပမယ်ဆိုပြီး ကြေညာတာ ရှိပါတယ်။ ဒါပေမယ့် လူထုရဲ့ကြွေးကြော်သံက ပြောင်းလဲသွားပါတယ်။ နောက်ဆုံးမှာ မဆလအစိုးရပြုတ်ကျရေးကို ဦးတည်တဲ့ တောင်း ဆိုမှုတွေ ဖြစ်ပေါ်လာပါတယ်။
(“ဦးတင်အောင်ဟိန်း ဦးဆောင်တဲ့ စုံစမ်းရေးကော်မရှင်” = မြန်မာနိုင်ငံတ၀န်း ရှစ်လေးလုံးလူထုအုံကြွမှုကြီး ဖြစ်ပေါ်ခဲ့သည့် ၁၉၈၈ သြဂုတ်လ(၈)ရက်နေ့ နောက်ပိုင်း၊ မြန်မာ့နိုင်ငံရေး စနစ်တွင် တပါတီစနစ် နှင့် ပါတီစုံစနစ် ရွေးချယ်ရေးအတွက် လူထုသဘောထားဆန္ဒကို စုံစမ်းလေ့လာသည့် ကော်မရှင်ဖွဲ့စည်းရန်၊ အာဏာရ မြန်မာ့ဆိုရှယ်လစ်လမ်းစဉ်ပါတီ၏ အရေး ပေါ်ပါတီညီလာခံ နှင့် ပြည်သူ့လွှတ်တော် အရေးပေါ်အစည်းအဝေးတို့မှ ဆုံးဖြတ်ခဲ့သည်။ ထိုဆုံးဖြတ်ချက်အရ ထိုစဉ်က တရားသူကြီးချုပ်ဦးတင်အောင်ဟိန်း ခေါင်းဆောင်သည့် စုံစမ်း ရေးကော်မရှင်ကို၊ အာဏာရ မြန်မာ့ဆိုရှယ်လစ်လမ်းစဉ်ပါတီ အစိုးရက “ရှစ်လေးလုံး လူထုအုံကြွမှု အရေးတော်ပုံကြီး” အတွင်းမှာ ဖွဲ့စည်းခဲ့သည်။)
ဦးရော်နီညိမ်း။ ။ ဟုတ်ကဲ့၊ ကြားဖြတ်အစိုးရ တောင်းဆိုတဲ့ ကိစ္စများလားခင်ဗျ။
ဗိုလ်ကြီးစိုင်းဝင်းကျော်။ ။ ဟုတ်ကဲ့၊ ကျနော်တို့ကိုယ်တိုင် ကျနော်တို့ မျက်စေ့ရှေ့မှာ လမ်းတွေပေါ်မှာ ကားတွေနဲ့ လူထုတွေက လိုက်ပါသွားပြီးတော့မှ နဖူးစည်းအနီတွေနဲ့ “ဒီမိုက ရေစီ ရရင်ရ၊ မရရင်ချ” ဆိုတဲ့ ကြွေးကြော်သံတွေလည်း ကြားရပါတယ်။ ကိုယ်တိုင်လည်း မြင်ရပါတယ်။ လူထုက နောက်ဆုံးတော့ ဒီမိုကရေစီတင် မကပါဘူး၊ အဓိက ကတော့ မဆလ အစိုးရပြုတ်ကျရေး၊ အစိုးရပြောင်းလဲရေး၊ မဆလ အစိုးရ ဆင်းပေးဖို့အတွက် သူတို့ အဓိက တောင်း ဆိုတာ ဖြစ်ပါတယ်။
ဦးရော်နီညိမ်း။ ။ တပ်မတော် အရာရှိအနေနဲ့ ဗိုလ်ကြီးကလည်း ရန်ကုန်မြို့က အခြေအနေတွေကို ထိန်းသိမ်းဖို့ တာဝန်နဲ့ ရောက်ရှိနေတဲ့အချိန်ခါမှာ၊ ဗိုလ်ကြီး ဘယ်လိုမြင်မိပါ သလဲ ခင်ဗျ၊ ဘယ်သူ့ဘက်က မှန်တယ်၊ ဘယ်သူ့ဘက် က မှားတယ်လို့။
ဗိုလ်ကြီးစိုင်းဝင်းကျော်။ ။ ကျနော်တို့ မျက်စေ့ရှေ့မှာပဲလေ၊ ဆန္ဒပြတဲ့လူအုပ်ကြီးတွေက အုပ်လိုက်အုပ်လိုက် သူတို့ မြို့တွင်းကိုချီတက်သွားကြတာ ကျနော်တို့ တွေ့တယ်လေ၊ ဒီ လောက်များပြားတဲ့လူတွေ ထောင်နဲ့သောင်းနဲ့ချီတဲ့လူတွေ ရန်ကုန်လမ်းပေါ်မှာ နေ့တိုင်းနေ့စဉ်လိုလို စီတန်းလှည့်လည်ဆန္ဒပြကြတာကို ဘာဖြစ်လို့များ ကျနော်တို့က သေနတ်တွေ အသင့်ကိုင်ပြီးတော့မှ လူထုနဲ့ ထိပ်တိုက်တွေ့နေသလဲပေါ့။ ကျနော်တို့ သိတာကတော့ ရန်သူဆိုတာ တောထဲမှာတိုက်ရတဲ့ လက်နက်ကိုင်အဖွဲ့အစည်းတွေပဲ ကျနော်တို့ တွေ့ဖူးတယ်။ ဒါပေမယ့် ဒီလိုမျိုး ကိုယ့်ပြည်သူတွေနဲ့ ရန်ကုန်မြို့လယ်ခေါင်လိုနေရာမျိုးမှာ ထိပ်တိုက်တွေ့လိမ့်မယ်လို့ ကျနော်လည်း တခါမှ မမျှော်လင့်ခဲ့ဘူး။ တနေရာရာမှာတော့ အကြီးကျယ်မှား နေပြီဆိုတဲ့သံသယတွေ ကျနော်တို့ ရှိပါတယ်။ သံသယတွေရဲ့နောက်ဆက်တွဲမှာ စဉ်းစားမိတာကတော့ “မဖြစ်တော့ဘူး” လို့ ကျနော်ဒီဘ၀မှာတော့ မပျော်ပိုက်တော့ဘူး ဆိုပြီးတော့မှ ဆုံးဖြတ်ပြီးတော့မှ ကျနော် လူထုဘက်ကို ကူးပြောင်းခဲ့တာဖြစ်ပါတယ်။
ဦးရော်နီညိမ်း။ ။ ဟုတ်ကဲ့ ခင်ဗျ၊ ခုနက ကျနော်မေးခဲ့တဲ့ မေးခွန်းလေးပဲ ထပ်ပြီးမေးပါရစေ ခင်ဗျ။ လူထုရဲ့ရင်ခွင်ကို ကူးပြောင်းတဲ့အခါမှာ ဗိုလ်ကြီး ဘယ်လိုအခက်အခဲများ ရှိပါ သေးလဲ ခင်ဗျ၊ ဘယ်သူတွေနဲ့ဆက်သွယ်ပြီးတော့၊ ခုနက ပြောသလို ယုံကြည်မှုအပိုင်းပေါ့၊ အဲဒီအချိန်က အရမ်းကို ပြင်းထန်နေတယ်၊ တစ်ဖက်နဲ့တစ်ဖက် မယုံကြည်နိုင်တဲ့ အနေအ ထားမှာ ဒီအခြေအနေကို ဗိုလ်ကြီး ဘယ်လိုများ ကျော်လွှားခဲ့ပါသလဲ ခင်ဗျ။
ဗိုလ်ကြီးစိုင်းဝင်းကျော်။ ။ မဟာဝိဇယစေတီကနေ ကျနော်ထွက်လာတဲ့အခါ အဲဒီတစ်ညလုံး ကျနော် စဉ်းစားပါတယ်။ အဲဒီမတိုင်ခင်လည်း ကျနော် စဉ်းစားပါတယ်။ နောက်ဆုံး ကျနော် သူတို့ထုတ်ပေးထားတဲ့ ကြီးကြပ်ကန့်သတ်ပစ္စည်းတွေပေါ့၊ လက်နက်ခဲယမ်းမီးကျောက်တွေကို စနစ်တကျသိမ်းဆည်းပြီး ကျနော် တာဝန်ထမ်းဆောင်ခဲ့တဲ့နေရာမှာ ထားပြီး တော့မှ ကျနော် ထွက်လာခဲ့ပါတယ်။ ကျနော့်အနေနဲ့ တပ်မတော်ကို လက်နက်ကိုင်ပြီး ပြန်လည်တိုက်ခိုက်ဖို့တော့ အဲဒီတုန်းကတည်းက ဆန္ဒမရှိပါဘူး။ နောက်ပြီးတော့ ကျနော် ထွက် လာတဲ့အချိန် မဟာဝိဇယစေတီနားမှာ ဆန္ဒပြတဲ့ ကားတစ်စီးနှစ်စီး ဖြတ်သွားတာရှိပါတယ်။ အဲဒီအချိန်မှာ ကျနော် လက်ပြပြီးတော့ သူတို့ကို ကျနော် အကူအညီ တောင်းပါတယ်။ ကျနော်ပြောတယ်၊ ကျနော့်ကို ဒေါ်အောင်ဆန်းစုကြည်ဆီ ပို့ပေးပါလို့ ကျနော်ပြောတဲ့အခါ၊ သူတို့က ပြည်သူ့ရင်ခွင့် ခိုဝင်တယ်ဆိုပြီးတော့မှ လူထုက ၀မ်းပန်းတသာနဲ့ ကျနော့်ကို ကြို ဆိုပြီး၊ အထူးသဖြင့် ကျောင်းသားတွေပေါ့၊ အဲဒီတုန်းက ဆန္ဒပြတဲ့ ကျောင်းသားတွေ အုပ်စုရှိပါတယ်၊ main (ရန်ကုန်တက္ကသိုလ် - ပင်မဆောင်)ထဲက ထွက်လာတာပါ။ အဲဒီကားက၊ သူတို့ ဘယ်အဖွဲ့စည်းလဲဆိုတာ ကျနော် မမှတ်မိတော့ပါဘူး။ သူတို့က ကျနော့်ကို ကားပေါ်တင်သွားပြီးတော့မှ၊ အဲဒီအခါ ကျနော် လူထုရဲ့မေတ္တာကို စပြီးခံစားရတာပေါ့ဗျာ။ အားလုံး က လူတွေမမြင်အောင် ၀ိုင်းအုပ်ပြီးတော့ ခေါ်သွားတာပါ။ အဲဒီတုန်းက စစ်သားဆိုရင် လူထုက အရမ်းကို နာကြည်းနေတာပါ ခင်ဗျ၊ အထူးသဖြင့် တပ်မ(၂၂) ဆိုရင် ပို နာကြည်းနေ တာပါ။ ဒါကြောင့် ကျနော့်ကို မမြင်အောင်ဖွက်သွားပြီးတော့မှ၊ တက္ကသိုလ်ရိပ်သာလမ်း အမှတ်(၅၄)၊ ဒေါ်အောင်ဆန်းစုကြည်ခြံထဲကို ကျနော့်ကို ပို့ပေးပါတယ်။ အဲဒီမှာ ဒေါ်အောင်ဆန်း စုကြည် နဲ့ ကျနော်တွေ့ပါတယ်။
ဦးရော်နီညိမ်း။ ။ ဟုတ်ကဲ့ ခင်ဗျ၊ အဲဒီတော့ ဒေါ်အောင်ဆန်းစုကြည်က ဗိုလ်ကြီးကို ဘယ်လိုများ အမှာစကား ပြောကြားခဲ့ပါသလဲ၊ ဗိုလ်ကြီးကလည်း ဘယ်လိုအကြောင်းအရာတွေ များ ဒေါ်အောင်ဆန်းစုကြည်ကို ဆွေးနွေးဖြစ်ပါသလဲ ခင်ဗျ။
ဗိုလ်ကြီးစိုင်းဝင်းကျော်။ ။ ကျနော်နဲ့ ဒေါ်အောင်ဆန်းစုကြည် စကားပြောဆိုတဲ့အချိန်မှာတော့ ဒေါ်အောင်ဆန်းစုကြည်အနေနဲ့က ငြိမ်းချမ်းစွာ အသွင်ကူးပြောင်းရေးကိုပဲ သူ လိုလား ပါတယ် ခင်ဗျ၊ သူ့အနေနဲ့က တပ်မတော်ကို၊ တပ်မတော် အဓိကတော့ မဟုတ်ဘူးပေါ့၊ မဆလ တပါတီအာဏာရှင်ခေါင်းဆောင်တွေကလည်း မြန်မာပြည်ရဲ့ အသွင်ကူးပြောင်းရေး အ တွက် ငြိမ်းချမ်းတဲ့နည်းလမ်းတွေနဲ့ အားလုံးအဆင်ပြေပြေ ဖြစ်သွားလိမ့်မယ်လို့ အများကြီး မျှော်လင့်ထားပါတယ်။ အားလုံးကလည်း စိတ်ဓါတ်တက်ကြွနေကြတဲ့အချိန်မှာ အပြောင်းအ လဲက ညင်ညင်သာသာနဲ့ ချောချောမွေ့မွေ့ ဖြစ်လာမယ်ဆိုရင်၊ အားလုံးက နိုင်ငံသစ်တည်ထောင်ဖို့အတွက် စိတ်တူကိုယ်တူနဲ့ လက်တွဲလုပ်ဖို့ လိုအပ်တဲ့အကြောင်း ပြောဖြစ်ကြပါတယ်။ ကျနော့်အနေနဲ့ကလည်း တပ်မတော်ထဲမှာ အမှန်တရားကိုလိုလားတဲ့ အင်အားစုတွေ အများကြီးရှိပါတယ်။ လူထုဘ၀ကို စာနာနားလည်တဲ့အင်အားစုတွေ အများကြီးရှိပါတယ်။ သူတို့ ကိုယ်တိုင်လည်း ပြုပြင်ပြောင်းလဲမှုတွေကို လိုလားတယ်ဆိုတဲ့အကြောင်း ကျနော်ပြောဖြစ်ပါတယ် ခင်ဗျ။ အဲဒီနောက်ပိုင်းမှာ ဆန္ဒပြဘို့ထွက်လာတဲ့ တပ်မတော်သားတွေနဲ့ ကျနော် တွေ့ချင်ပါတယ်လို့ ကျနော် ခွင့်တောင်းတဲ့အခါကျတော့ သရက်တောကျောင်းတိုက်ကို ပို့ပေးပါတယ်ခင်ဗျ၊ သရက်တောကျောင်းတိုက်မှာ မှော်ဘီကနေ ထွက်လာတဲ့ ဆန္ဒပြတဲ့ရဲဘော် တွေနဲ့ ကျနော်တွေ့ပါတယ်။ နောက်ပြီး တချို့သော အရာရှိ နှစ်ယောက်သုံးယောက်လောက်နဲ့လည်း ကျနော် တွေ့ပါတယ်။ အဲဒီ သရက်တောကျောင်းတိုက်မှာပဲ ခေတ္တခဏ နေပြီး တော့ နောက်ပိုင်းမှာ ဗကသ (ဗမာနိုင်ငံလုံးဆိုင်ရာ ကျောင်းသားများသမဂ္ဂ)အကူအညီနဲ့ လသာအထက(၂)မှာ ကျနော် သတင်းစာရှင်းလင်းပွဲ ပြုလုပ်ဖြစ်ပါတယ် ခင်ဗျ။
ဦးရော်နီညိမ်း။ ။ ဟုတ်ကဲ့ ခင်ဗျ၊ သတင်းစာရှင်းလင်းပွဲ ပြုလုပ်ဖြစ်သွားတဲ့ အကြောင်းအရင်းနဲ့ နောက် အဲဒီနေ့က သတင်းစာရှင်းလင်းပွဲအတွေ့အကြုံတွေလည်း နောက်လူတွေ သိ ရှိအောင် ပြောပြပေးပါလား ခင်ဗျ။
ဗိုလ်ကြီးစိုင်းဝင်းကျော်။ ။ အဓိက ကျနော့်ကို အကူညီပေးတာကတော့ ကိုမိုးဟိန်း (ယခု အမေရိကန်ပြည်ထောင်စု၊ နယူးယောက်မြို့တွင်နေထိုင်သူ ရှစ်လေးလုံးကျောင်းသားခေါင်း ဆောင်တစ်ဦး) ပေါ့နော်၊ ကိုမိုးဟိန်းက ဗကသ ရိက္ခာတာဝန်ခံအနေနဲ့ ကျနော်တို့ ဆီလာပြီးတော့ အစားအသောက်တွေ ဝေငှတာ ရှိပါတယ်။ သရက်တောကျောင်းတိုက်မှာ ကိုမိုးဟိန်း နဲ့တွေ့တော့ “အစ်ကိုကြီး ကျနော် ဘာအကူညီ ပေးရမလဲ” မေးတဲ့အခါကျတော့၊ ကျနော်က သူ့ကိုပြောတယ်၊ “အေးကွာ၊ ငါတို့ရဲ့ အတွေ့အကြုံတွေ ငါတို့ရဲ့ အမြင်တွေကို လူထုကို တင်ပြချင်တယ်။ အဲဒါ မင်း စီစဉ်ပေးလို့ ရမလား”ဆိုတော့၊ “ရပါတယ် အစ်ကိုကြီး”ဆိုပြီး သူက ကျနော့်ကို စီစဉ်ပေးပါတယ် ခင်ဗျ။ အဲဒီလို သူ စီစဉ်ပေးပြီး နောက်ပိုင်းမှာ ဒီ သတင်းစာ ရှင်းလင်းပွဲက အထမြောက်သွားတာပါ။ သတင်းစာရှင်းလင်းပွဲ လုပ်ပြီးတဲ့အချိန်လောက်မှာလည်း ကိုမိုးသီးဇွန်(ကျောင်းသားခေါင်းဆောင်၊ ထိုစဉ်က “ဗမာနိုင်ငံလုံးဆိုင်ရာကျောင်းသား များသမဂ္ဂ”၏ အထွေထွေအတွင်းရေးမှူး) လာပြီးတော့မှ ကျနော်နဲ့ တွေ့ဆုံစကားပြောတာတွေ ရှိပါတယ် ခင်ဗျ။ သတင်းစာရှင်းလင်းပွဲလုပ်ရတဲ့ အဓိကရည်ရွယ်ချက်ကတော့ ကျနော် တို့အနေနဲ့ ရှစ်လေးလုံးအရေးတော်ပုံကြီးမှာ တပ်မတော်သားတွေဟာလည်း ပြည်သူလူထုနဲ့ တသားတည်းပါပဲ၊ ပြည်သူလူထုနဲ့အတူ တပါတီအာဏာရှင်စနစ်ကို ကျနော်တို့ မကြိုက်ပါ ဘူး၊ ဒီအာဏာရှင်စနစ်ရဲ့ ဖိနှိပ်ချုပ်ခြယ်မှုတွေကိုလည်း ကျနော်တို့တပ်မတော်သားတွေဟာ ပြည်သူနဲ့အတူ မျှဝေပြီးတော့မှ ခံစားရတာပါ။ အောက်ခြေအဆင့် တပ်မတော်သား အရာရှိ အကြပ်တပ်သားတွေအားလုံးကလည်း ဒီမိုကရေစီပြုပြင်ပြောင်းလဲရေးအတွက် လိုလားတယ်။ မဆလ တပါတီအာဏာရှင်စနစ်ကိုလည်း ကျနော်တို့ မလိုလားဘူး။ တပ်မတော်သား တွေကို မဆပါတီထဲ မ၀င်မနေရ အတင်းအကြပ်ဝင်ခိုင်းပြီးမှ အရံပါတီဝင်တွေ အနေနဲ့သော်လည်းကောင်း၊ တင်းပြည့်ပါတီဝင်တွေ အနေနဲ့သော်လည်းကောင်း စုစည်းပြီး၊ ပါတီတည် ဆောက်ထားတာကို ကျနော်တို့ မလိုလားဘူး။ ဗမာပြည်ရဲ့ နိုင်ငံရေးအကြပ်အတည်းတွေကို ငြိမ်းချမ်းတဲ့နည်းလမ်းနဲ့ ဖြေရှင်းစေချင်တယ်။ ပြည်သူလူထုအများစု သွေးထွက်သံယို ဖြစ် ပြီးတော့မှ အသက်များစွာဆုံးရှုံးပြီးတော့မှ ကိုယ့်အချင်းချင်း သတ်တာဖြတ်တာတွေ ဖြစ်ပြီးတော့မှ နိုင်ငံရေးပဋိပက္ခတွေ ဖြေရှင်းရတာမျိုးကို၊ ကျနော်တို့ မလိုလားဘူး။ အထူးသဖြင့် တပ်မတော်ကို နိုင်ငံရေးအကျပ်အတည်းမှာ တပါတီအာဏာရှင်စနစ်ရဲ့လက်ကိုင်ထုတ်အနေနဲ့ အသုံးချတာကို ကျနော်တို့ လုံးဝလက်သင့်မခံနိုင်ဘူး။ အဲဒီအတွက်ကြောင့် ပြုပြင်ပြောင်း လဲမှုတွေကို အမြန်ဆုံးနည်းလမ်း၊ အကောင်းဆုံးနည်းလမ်း၊ ငြိမ်းချမ်းတဲ့နည်းလမ်းတွေနဲ့ ဖြေရှင်းပေးပါ၊ တပ်မတော်သားအများစုကိုလည်း မဆလပါတီဝင်အဖြစ်ကနေ အမြန်ဆုံး ရုတ် သိမ်းပေးပါဆိုပြီးတော့ သတင်းစာရှင်းလင်းပွဲမှာ ကျနော် အတိအလင်း တောင်းဆိုပါတယ်ခင်ဗျ။ သတင်းစာရှင်းလင်းပွဲပြီးတဲ့ နောက်ပိုင်းမှာပဲ သိပ်မကြာပါဘူး၊ မဆလပါတီက အစည်း ဝေးလုပ်ပြီးတော့မှ ဦးအေးကို (မြန်မာ့ဆိုရှယ် လစ်လမ်းစဉ်ပါတီ အထွေထွေအတွင်းရေးမှူး နှင့် ဒုတိယသမ္မတ ဖြစ်ခဲ့သူ အငြိမ်းစား ဒုတိယဗိုလ်ချုပ်ကြီး ဦးအေးကို)ကိုယ်တိုင် လက်မှတ် ရေးထိုးပြီး တပ်မတော်သားတွေကို မဆလပါတီဝင်အဖြစ်ကနေရပ်စဲကြောင်း ကြေညာချက် ထွက်လာတာ ရှိပါတယ်ခင်ဗျ။
ဦးရော်နီညိမ်း။ ။ ဟုတ်ကဲ့ ခင်ဗျ။ ဗိုလ်ကြီးအနေနဲ့ အဲဒီလိုမျိုး တွေ့ကြုံရတဲ့အချိန်မှာ၊ ကျနော်တို့ အခု ပြန်မြင်ကြည့်တဲ့အခါကျတော့၊ တတိုင်းပြည်လုံး အုန်းအုန်းကျွက်ကျွက်နဲ့ ဗိုလ် ကြီးတို့လို ပြည်သူ့ရင်ခွင် ကူးပြောင်းလာတဲ့ အရာရှိတွေတင် မကဘူး၊ တပ်မတော်သားတွေလည်း ရှိတယ်။ နောက်တခါ ၀န်ထမ်းတွေ ပေါ့နော်၊ အပြောင်းအလဲတစ်ခုတော့ မကြာခင် ရောက်တော့မှာပဲလို့ ဖြစ်နေတဲ့အချိန်မှ၊ာ ဗိုလ်ကြီးက တပ်မတော်အရာရှိ အတွေ့အကြုံရှိ ပုဂ္ဂိုလ်တစ်ယောက်အနေနဲ့ အဲဒီအချိန်မှာ ဗိုလ်ကြီး ဘယ်လိုမြင်လဲခင်ဗျ၊ ဒီအရေးတော်ပုံကြီးက ဆန္ဒပြဆန့်ကျင် ကန့်ကွက်ပြီးတော့ ရင်ထဲက ဆန္ဒတွေ ထုတ်ဖော်ပြသရာကနေ၊ နောက်တစ်ဆင့်ဖြစ်တဲ့ အာဏာရှင်စနစ်ပြုတ်ကျရေးအထိကို အောင်မြင်သွားနိုင်တဲ့ အခြေနေရှိတယ်လို့ ဗိုလ်ကြီး အဲဒီအချိန်တုန်းက မြင်မိပါသလား၊ သို့မဟုတ် ဒီအတိုင်းကတော့ မအောင်မြင်နိုင်ဘူး၊ ဘာတွေလုပ်ဖို့ လိုသေးတယ် ဘယ်လိုဆက်သွားဖို့ သင့်တယ် စသည်ဖြင့် ဗိုလ်ကြီး မြင် ခဲ့တာတွေ ရှိပါသလား ခင်ဗျ။
ဗိုလ်ကြီးစိုင်းဝင်းကျော်။ ။ ရှိပါတယ် ခင်ဗျ၊ ကျနော်လည်း ကျနော့်လုံခြုံရေးအတွက်ပေါ့နော်၊ ကျောင်းသားတွေအကူအညီနဲ့ နေရာအနှံ့အပြားမှာ ကျနော်ရွှေ့ပြောင်းပြီးတော့ နေထိုင် ရတာတွေရှိပါတယ်။ အဲဒီနောက်ပိုင်းမှာ အာဏာသိမ်းမှု ဖြစ်လာပါတယ်ခင်ဗျ။ အာဏာသိမ်းမှုဖြစ်လာပြီးတဲ့နောက်ပိုင်းမှာ ဘယ်သူကမှ ကျနော်တို့ လုံခြုံရေးကို တာဝန်ယူနိုင်တဲ့ အခြေ အနေ မရှိပါဘူး၊ အဲဒီလိုပဲ ကျောင်းသားတွေ အများစုကပဲ ကူညီလုပ်ဆောင်ပေးလို့ ပြည်သူလူထုတွေကြား၊ ရပ်ကွက်တွေကြားထဲမှာပဲ၊ နေထိုင်ပုန်းအောင်းပြီးတာ့ ဖြတ်သန်းရတဲ့ ကာ လတွေ ရှိပါ တယ်။ အဲဒီတုန်းက ကျနော်မြင်တာကတော့ အဲဒီ အာဏာမသိမ်းခင်ကာလ၊ အာဏာသိမ်းပြီးတဲ့ နောက်ပိုင်းအထိလည်း လူထုရဲ့စိတ်ဓာတ်က တက်ကြွမှု တစုံတရာ ရှိပါ တယ် ခင်ဗျ။ ကျနော်တို့ “ ၁၉၈၈ လူထု အရေးတော်ပုံကြီး”ဟာ အမျိုးသားရေးဆိုင်ရာလှုပ်ရှားမှုကြီးပါ။ အမျိုးသားရေးဆိုင်ရာလှုပ်ရှားမှုကြီး ဖြစ်တဲ့အတွက်ကြောင့် လူထုအားလုံးက လည်း အပြောင်းအလဲကို လိုလားပါတယ် ခင်ဗျ။ ခေါင်းဆောင်တွေကလည်း အများကြီး ထွက်လာပါတယ်။ ဒေါ်အောင်ဆန်းစုကြည်တို့၊ အဘဦးတင်ဦးတို့၊ အဘ ဦးနုတို့ ၊ ဦးအောင် ကြီး တို့ကအစ အကုန်လုံး ထွက်လာပါတယ်။ ထွက်လာတဲ့အခါ ကျနော်မြင်တာကတော့၊ အဲဒီအချိန်ကသာ ပြုပြင်ပြောင်းလဲရေးကို တိတိလင်းလင်း တာဝန်ယူနိုင်တဲ့ ခေါင်းဆောင်တစ် ယောက်ကသာ ပြတ်ပြတ်သားသား လုပ်ခဲ့မယ်ဆိုရင် Do or Die ပေါ့နော်၊ စစ်စကားအရပြောမယ်ဆိုရင် “သေမလားရှင်မလား”ဆိုတဲ့ ပြဿနာမှာ ပြတ်ပြတ်သားသား ရွေးချယ်ပြီး တော့မှ၊ အာဏာသိမ်းဖို့ အစီစဉ်တစ်ခုကို အောင်မြင်အောင်ကြံဆောင်နိုင်မယ့် ခေါင်းဆောင်တစ်ယောက်သော်လည်းကောင်း၊ တစ်ဖွဲ့သော်လည်းကောင်း ရှိမယ်ဆိုရင်၊ ကျနော်ထင် တယ်၊ ဗမာပြည်နိုင်ငံရေးအကြပ်အတည်းက အချိန်တိုတိုအတွင်းမှာ အများကြီးပြောင်းလဲသွားနိုင်တဲ့ အခြေအနေရှိပါတယ်၊ ဒီလောက်ထိ နှစ်နဲ့ချီပြီးတော့မှ ဖြစ်လာစရာ အနေအထား မျိုးမရှိဘူးလို့ ကျနော်မြင်ပါတယ် ခင်ဗျ။
ဦးရော်နီညိမ်း။ ။ သောတရှင်များ ခင်ဗျာ၊ “ရှစ်လေးလုံး လူထုအုံကြွမှု အရေးတော်ပုံကြီး” ကာလမှာ လူထုကိုဖြိုခွင်းဖို့ တာဝန်ပေးအပ်ခြင်းခံခဲ့ရတဲ့ ခြေမြန်တပ်မ(၂၂)၊ ခမရ (၂၀၈) က တပ်ခွဲမှူးတစ်ဦးဖြစ်တဲ့ ဗိုလ်ကြီးစိုင်းဝင်းကျော်ရဲ့ ရှစ်လေးလုံး အလွန်ကာလမှာ သူဖြတ်သန်းခဲ့ရတဲ့ အတွေ့အကြုံတွေနဲ့ နိုင်ငံရေးအကျဉ်းသားဘ၀အထိ ရောက်ရှိသွားခဲ့ရတဲ့ အကြောင်းတွေကို နောက်သီတင်းပတ် အောက်တိုဘာလ (၂) ရက်၊ တနင်္ဂနွေနေ့ မနက်၊ “တပ်မှူးတပ်သား ပြောစကား” အပတ်စဉ်ကဏ္ဍမှာ ဆက်ပြီး တင်ဆက်ပေးသွားမှာ ဖြစ်ပါ တယ် ခင်ဗျာ။ စောင့်မျှော် နားဆင်ကြပါ။ ကျနော် ရော်နီညိမ်းပါ။
.jpg)
မီးလျှံကြားမှာ ပြည်သူ့ရင်ခွင် ခိုလှုံသူ ဗိုလ်ကြီးစိုင်းဝင်းကျော်
စစ်ပြေးတဦးရဲ့ စာ
မိုးမခ သတင်းမှ......
တပ်မတော် (လေ) တပ်ကြပ်ကြီးတဦး၊ ပုသိမ်လေတပ်စခန်း
ကျနော်ဟာ တပ်မတော်(လေ) မှာ စစ်မှုထမ်းဆောင်ခဲ့တာ အနှစ် ၂၀ ရှိခဲ့ပါပြီ။ တပ်မတော်မှာ အနှစ် ၂၀ တာဝန် ထမ်းဆောင်ခဲ့သော်လည်း ဘာမှပြောင်းလဲတိုးတက်မှု မရှိခဲ့ပါ။ အခုဆိုရင် ကျနော်ဟာ ကလေး (၄) ယောက် နှင့် ဒုက္ခတွေ ရောက်ပြီး အုပ်ခွဲတပ်ကြပ်ကြီး အဆင့်ဖြင့် စစ်ပြေးဘ၀ကို ရောက်ရှိနေပါပြီ။
ကျနော် ဒုက္ခရောက်ပြီး စစ်ပြေးဘ၀ကို ရောက်ရှိခဲ့ရတာကတော့ ပုသိမ် - လေတပ်စခန်းဌာနချုပ် မှ အုပ်ချုပ်ရေးတပ်မှုး ဒု-ဗိုလ်မှူးကြီး လှညွန့်ရဲ့ ညှင်းပန်းနှိပ်စက်မှုကြောင့် စစ်သက် ၂၀၊ အုပ်ခွဲတပ်ကြပ်ကြီးအဆင့်ဖြင့် စစ်ပြေး ဖြစ်ခဲ့ရပါတယ်။ သူတို့ဟာ ကျနော့်ကို ဓါတ်ဆီ/ဒီဇယ်ဆီ များကို ကိုင်တွယ်ခိုင်းပြီး တပ်မှုးတယောက် သုံးစွဲပိုင်ခွင့်ထက် ပိုမိုသုံးစွဲခဲ့သည့်အပြင် သူတို့ရဲ့ ကိုယ်ပိုင်အရပ်ကားကိုလည်း ဆီအပြည့် ဖြည့်ပေးခဲ့ရပါတယ်။
ဒီလိုနဲ့ ကျနော်ဟာ လကုန်ရင် မိမိရဲ့လစာကို မိသားစုအတွက် မသုံးစွဲရဘဲ၊ အပြင်က ဓါတ်ဆီ / ဒီဇယ်ဆီ များကို ၀ယ်ယူပြီး စာရင်းဇယား ကိုက်ညီအောင် ပြန်လည် ဖြည့်ဆီးပေးခဲ့ရပါတယ်။ ဒီလိုဝယ်ယူပြီး ဖြည့်ပေးခဲ့ရတဲ့အတွက် ဒုဗိုလ်မှုးကြီးလှညွန့်နှင် အလိုတူအလိုပါ ငွေစာရင်းအရာရှိ ဗိုလ်ကြီးဇော်လင်းဦးထံတွင် လစာများကို ကြိုတင်ရောင်းချပြီး ငွေအတိုးကိုလည်း ၂၀ ကျပ် တိုးဖြင့် ဗိုလ်ကြီးဇော်လင်းဦးထံမှ ချေးယူပြီး၊ စာရင်းဇယားကိုက်ညီအောင် လုပ်ပေးခဲ့ရပါတယ်။
ဒီလိုမျိုးမလုပ်ရင် မဖြစ်အောင် သူတို့အရာရှိတွေက အမျိုးမျိုး ဖိအားပေးပြီး ထွက်ပေါက်မရှိအောင် လုပ်ထားပါတယ်။ ကျနော်ဟာ မိမိရဲ့ချွေးနဲစာလစာကို မသုံးစွဲရတဲ့ဘ၀နဲ့ အတိုးငွေသံသရာထဲမှာ မိသားစု ၄ ယောက်ရဲ့ စားဝတ်နေရေးအတွက် ငွေတိုးပေး၊ ချေးယူသုံးစွဲခဲ့ရတဲ့အတွက် အခုဆိုရင် ငွေ ၃၄ သိန်း အကြွေးတင်ခဲ့ရပါတယ်။ လကုန်ရက်ကို ရောက်လာပြီ ဆိုရင်လည်း ဗိုလ်ကြီးဇော်လင်းဦးမှ ကျနော့်ရဲ့ လစာကိုထုတ်ယူပြီးသည့်အပြင် (၂၀ိ-ကျပ်) နှုန်း အတိုးဖြင့်  ချေးငွေကိုလည်း ပြန်လည်တောင်းရမ်းမှာကို မပေးဆပ်နိုင်သဖြင့် စစ်သက် ၂၀ နှစ် ရောက်မှ၊ အုပ်ခွဲ တပ်ကြပ်ကြီးအဆင့်ဖြင့် မိသားစုနှင့် ကလေး ၄ ယောက်ကို မငဲ့ကွက်နိုင်ဘဲ၊ စစ်တပ်မှ ထွက်ပြေးခဲ့ရတဲ့အဖြစ်ဟာ အဲဒီကောင်တွေရဲ့ ယုတ်မာ ရက်စက်မှုကြောင့်ဖြစ်ပါတယ်။
ဒုဗိုလ်မှူးကြီးလှညွန့် နှင့် အလိုတူ အလိုပါ ဗိုလ်ကြီးဇော်လင်းဦး ဟာလည်း စစ်သည်မိသားစုတွေရဲ့ ရိက္ခာငွေများကို ၁ လ ကြိုတင် ထုတ်မပေးဘဲ သိန်း ၆၀ ကျော် လောက်ကို ဘောလုံးတွေလောင်းပြီး အလွဲသုံးစား ပြုလုပ်ခဲ့ကြပါတယ်။
ပုသိမ်လေတပ်စခန်း ဌာနချုပ်မှာ အဲဒီတပ်မှူးနှင့် သူ၏တပည့်ဗိုလ်ကြီးဇော်လင်းဦးတို့၏ ဖိနှိပ်ညှင်းပန်းမှုကြောင့် ဒုက္ခတွေ ရောက်ပြီး စစ်တပ်မှ ထွက်ပြေးကြတဲ့ စစ်သားဟာ ၃ နှစ် အတွင်းမှာ စစ်ပြေး ၁၀၀ နီးပါး ရှိနေပါပြီ။
အထက်အကြောင်းအရာပါ အချင်းဖြစ်ပွားခဲ့ပုံတွေကို စစ်ဘက်မှ အကြီးအကဲများ သိရှိအောင်၊ တပ်မှူးရဲ့ ယုတ်မာပက်စက်မှုတွေကို အမှန်တရားအတိုင်း သိစေချင်လို့ စစ်သည်ရဲဘော်မိသားစုများရဲ့ ကိုယ်စား တင်ပြရခြင်း ဖြစ်ပါတယ်။
ဖြည့်စွက်ပြီး ပြောရရင် တပ်မှူးဟာ လမ်းလျှောက်တာ ခြေသံကျယ်သွားရင်တောင် လှမ်းခေါ်ပြီး ခါးပတ်နဲ့ ရိုက်ပါတယ်။ ။
အမေရိကန် အောက်လွှတ်တော် မြန်မာ့ရွေးကောက်ပွဲကို ရှုတ်ချ
VOA သတင်းမှ......
စက်တင်ဘာလ ၂၉ ရက်နေ့က အမေရိကန် အောက်လွှတ်တော်မှာ ရီပတ်ဘလီကန်နဲ့ ဒီမိုကရက် ပါတီနှစ်ရပ် ပူးတွဲ အောက်လွှတ်တော် အမတ်အဖွဲ့ တဖွဲ့က လာမယ့် နိုဝင်ဘာလ ၇ ရက်နေ့ မြန်မာနိုင်ငံမှာ လုပ်မယ့် ရွေးကောက်ပွဲကို ပြစ်တင် ရှုတ်ချကြောင်း အဆိုတရပ် တင်သွင်းလိုက်ပါတယ်။ တကယ်လို့ ဒီအဆိုကို အောက်လွှတ်တော်က အတည်ပြုပြီး ဆုံးဖြတ်ချက်အဖြစ် ချမှတ်လိုက်လို့ အထက်လွှတ်တော်မှာ ထပ်ပြီး အတည်ပြုဖို့ မဲခွဲဆုံးဖြတ်တဲ့ အခါမှာ မြန်မာစစ်အစိုးရနဲ့ ပူးပေါင်းဆောင်ရွက်ချင်တဲ့ အထက်လွှတ်တော်အမတ် ဂျင်မ်ဝက်ဘ် (Jim Webb) လို ပုဂ္ဂိုလ်ကတောင် ရွေးကောက်ပွဲကို ပြစ်တင်ရှုတ်ချတဲ့ ဒီအဆိုကို ထောက်ခံလာနိုင်တယ်လို့ အမေရိကန် အခြေစိုက် မြန်မာ့အရေး လှုပ်ရှားမှုအဖွဲ့ US Campaign for Burma က ဆိုပါတယ်။ အပြည့်အစုံကို ကိုရော်နီညိမ်းက တင်ပြပေးထားပါတယ်။
အမေရိကန် ကွန်ဂရက်စ်ရဲ့ အောက်လွှတ်တော်မှာ စက်တင်ဘာလ ၂၉ ရက်နေ့က အီလီနွိုင်းပြည်နယ် ကိုယ်စားပြု ရီပတ်ဘလီကန်အမတ် ဒေါ်နယ် မန်ဇူးလို (Donald Manzullo) ဦးဆောင်ပြီး ဒီအဆိုကို တင်သွင်းခဲ့တာ ဖြစ်ပါတယ်။ သူနဲ့တကွ အောက်လွှတ်တော်ရဲ့ နိုင်ငံခြားရေးရာ ကော်မတီ ဥက္ကဋ္ဌဖြစ်တဲ့ ကယ်လီဖိုးနီးယားပြည်နယ် ကိုယ်စားပြု ဒီမိုကရက် အမတ် ဟောင်းဝပ် ဘားမန်း (Howard Berman)၊ အဲဒီကော်မတီရဲ့ အဖွဲ့ဝင် ဖလော်ရီဒါပြည်နယ် ကိုယ်စားပြု ရီပတ်ဘလီကန်အမတ် မစ်စ် အီလီနာ ရော့စ် လက်တီနန် (Ms. Ileana Ros-Lehtinen)၊ စတဲ့ ကွန်ဂရက်စ် လွှတ်တော်မှာ သြဇာတိက္ကမ ရှိသူတွေ အပါအ၀င် စုစုပေါင်း အောက်လွှတ်တော်အမတ် ၁၀ ဦးပါဝင်တဲ့ အဖွဲ့က ဒီအဆိုကို တင်သွင်းခဲ့ တာ ဖြစ်ပါတယ်။
နိုဝင်ဘာလ ၇ ရက်နေ့ မြန်မာနိုင်ငံမှာ ပြုလုပ်မယ့် ရွေးကောက်ပွဲကို ပြစ်တင်ရှုတ်ချတဲ့ အောက်လွှတ်တော်ရဲ့ အဆိုတင်သွင်းမှု အမှတ် ၁၆၇၇ (House Resolution H. Res 1677) ဖြစ်တဲ့ ဒီအဆိုမှာ မြန်မာနိုင်ငံက နိုင်ငံတော် အေးချမ်းသာယာရေးနဲ့ ဖွံ့ဖြိုးရေးကောင်စီဟာ ဒီမိုကရေစီ နည်းမကျ၊ တရားမ၀င်တဲ့လုပ်နည်းလုပ်ဟန်တွေ၊ အပြစ်အနာအဆာရှိတဲ့ လုပ်ငန်းစဉ်တွေနဲ့ ရွေးကောက်ပွဲကို ပြုလုပ်မှာ ဖြစ်တယ်၊ ဒီရွေးကောက်ပွဲဟာ စစ်အုပ်ချုပ်ရေးကို တရားဝင်အောင် တဖက်သတ် လုပ်ဆောင်ဖို့ နည်းလမ်းရှာမှု တခုသာ ဖြစ်တယ်လို့ ဖော်ပြထားပါတယ်။
ဝါရှင်တန်ဒီစီမြို့တော် အခြေစိုက် မြန်မာ့ဒီမိုကရေစီအရေး ဆောင်ရွက်နေတဲ့ US Campaign for Burma အဖွဲ့က အမှုဆောင် ညွှန်ကြားရေးမှူး ဦးအောင်ဒင်က အခု အမေရိကန် ကွန်ဂရက်စ် လွှတ်တော်ရဲ့ အောက်လွှတ်တော်က အဆိုပြုချက်အမှတ် ၁၆၇၇ ကို တင်သွင်းခဲ့တာဟာ အချိန်အခါနဲ့ ကိုက်ညီတယ်လို့ အခုလို ဆိုပါတယ်။
“အချိန်ကတော့ အချိန်ကိုက်လို့ ပြောလို့ရတာပေါ့။ ဘာဖြစ်လို့လဲဆိုတော့ ရွေးကောက်ပွဲက ၆ ပတ်လောက်ပဲ လိုတော့တဲ့ အချိန်မှာ အမေရိကန် အစိုးရ အပါအ၀င် နိုင်ငံတကာ အသိုင်းအ၀ိုင်းမှာကျတော့ အခုထိ ရွေးကောက်ပွဲ အပေါ်မှာ တစုံတရာ မျှော်လင့်နေတာ ရှိတယ်။ ပြီးခဲ့တဲ့ ကုလသမဂ္ဂမှာ လုပ်ခဲ့တဲ့ အစည်းအဝေးမှာ ကြည့်မယ်ဆိုရင်လည်း ရွေးကောက်ပွဲကို သန့်ရှင်းအောင်၊ မျှတအောင် လုပ်ဖို့ ဆိုတာကို ဇောင်းပေးပြီး ပြောသွားတာ ရှိတယ်။ ဒီရွေးကောက်ပွဲ အပေါ်မှာ အာရုံစိုက်နေတဲ့ အစိုးရတွေ အပေါ်မှာ အမေရိကန် ကွန်ဂရက်စ် လွှတ်တော်ကနေ သတိပေးလိုက်တဲ့ သဘောပေါ့။”
အောက်လွှတ်တော်မှာ ဒီအဆိုကို အတည်ပြုပြီးသွားပြီဆိုရင် ဒီအဆိုက အထက်လွှတ်တော်ကို ဆက်သွားဦးမှာပေါ့။ အထက်ရော အောက်ရော အတည်ပြုပြီးသွားပြီဆိုရင် ဒီဥစ္စာကို JADE (Junta's Anti-Democratic Effort) Act တို့လို Tom Lantos Act တို့လို ဥပဒေအဖြစ်ရော ပြဋ္ဌာန်းဖို့ အလားအလာ ရှိပါသလားခင်ဗျ။
“အဲဒါက အောက်လွှတ်တော်မှာ မဲခွဲပြီးနောက် အထက်လွှတ်တော်က ဘယ်လိုကိုင်တွယ်မလဲ ဆိုတဲ့အပေါ်မှာ မူတည်ပါတယ်။ လွှတ်တော်တရပ်က ဥပဒေတခုကို အတည်ပြုပြီးပြီဆို ရင် ဒါက သမ္မတ ကြိုက်သည်ဖြစ်စေ၊ မကြိုက်သည်ဖြစ်စေ ဥပဒေ ဖြစ်လာတာပဲ။ အဓိကတော့ အောက်လွှတ်တော် အမတ်များက အမေရိကန်အစိုးရ အဖွဲ့ကို သတိပေးလိုက်တာပါပဲ။
“အမေရိကန် အစိုးရအဖွဲ့ အနေနဲ့ တစ်အချက် ဒီရွေးကောက်ပွဲ ရလဒ်ကို အသိအမှတ်မပြုဖို့၊ နှစ်အချက် လိုအပ်တဲ့ ဖိအားပေးမှုတွေကို စိုက်လိုက်မတ်တပ် လုပ်ဖို့၊ လုပ်တဲ့နေရာမှာ Tom Lantos Block Burma Jade Act မှာ ပါတဲ့အတိုင်း မြန်မာနိုင်ငံဆိုင်ရာ မူဝါဒရေးရာ ညှိနှိုင်းဆွေးနွေးသူ တယောက်ကို အမြန်ဆုံး ခန့်အပ်ဖို့နဲ့ နအဖစစ်အုပ်စုနဲ့ စီးပွားရေး လုပ်ငန်းရှင်တွေ အပေါ်မှာ ပစ်မှတ်ထားတဲ့ စီးပွားရေး ပိတ်ဆို့မှုတွေကို ပိုပြီး တိုးချဲ့ အရေးယူဖို့၊ ပြီးတော့ ကုလသမဂ္ဂရဲ့ စုံစမ်းစစ်ဆေးရေး ကော်မရှင်တရပ် ဖွဲ့စည်းရေးမှာ ဦးဆောင်ဦးရွက်ပြုပြီး ဆောင်ရွက်ဖို့၊ စတာတွေကို တောင်းဆိုထားတာပါပဲ။”
အောက်လွှတ်တော်က ဒီအဆိုကို အတည်ပြုခဲ့လို့ အထက်လွှတ်တော်မှာ ဆက်ပြီး မဲခွဲတဲ့အခါ အထက်လွှတ်တော်အမတ် အများစုက ထောက်ခံရင်တောင်မှ မြန်မာစစ်အစိုးရနဲ့ နီးစပ်တဲ့ ဗာဂျီးနီးယားပြည်နယ် ကိုယ်စားပြု အမတ် ဂျင်မ်ဝက်ဘ်လို ပုဂ္ဂိုလ်ကတော့ ထောက်ခံပါ့မလားလို့ ဦးအောင်ဒင်ကို ဆက်ပြီး မေးကြည့်ပါတယ်။
“ဂျင်မ်ဝက်ဘ်နဲ့ ပတ်သက်လို့တော့ သူတောင်မှ အခုနောက်ပိုင်း သဘောထား ပြောင်းတယ်လို့ ပြောလို့ရပါတယ်။ ပြီးခဲ့တဲ့လပိုင်းက မြန်မာနိုင်ငံဆိုင်ရာ စီးပွားရေး ပိတ်ဆို့မှုကို သက်တမ်းတိုးတုန်းကဆိုရင် ဆီးနိတ် အထက်လွှတ်တော်မှာ ၉၉ မဲ၊ ၁ မဲနဲ့ သက်တမ်းတိုးခဲ့တာကိုး။ အဲဒီ ထောက်ခံမဲ ၉၉ မဲထဲမှာ ဆီနိတ်တာ ဂျင်မ်ဝက်ဘ် ကိုယ်တိုင် ပါတယ်လေ။ အဲတော့ ဂျင်မ်ဝက်ဘ် ကိုယ်တိုင်လည်း တချိန်တုန်းကတော့ မြန်မာစစ်အစိုးရ အပေါ်မှာ ဖျောင်းဖျလို့ ရမလားလို့ ကြိုးစားခဲ့ဖူးပါတယ်။ နောက်ပိုင်းမှာ မြန်မာစစ်အစိုးရနဲ့ မြောက်ကိုရီးယားရဲ့ လျှို့ဝှက် ပတ်သက်မှုတွေ သူ သေချာသိမြင်လာတဲ့ အချိန်မှာ သူကိုယ်နှိုက်က မြန်မာစစ်အစိုးရ အပေါ်မှာ စွန့်လွှတ်လိုက်တဲ့သဘော ရှိပါတယ်။
“ကျနော်တို့ကတော့ အထက်လွှတ်တော်ကို ရောက်သွားတဲ့ အခါမှာ ထောက်ခံမဲ အများစု ရဖို့ဆိုတာကို စိုးရိမ်စိတ် မရှိပါဘူး။ နောက်ဆုံး သူ မထောက်ခံလို့ ကန့်ကွက်ရင်လည်း သူ့ရဲ့ ကန့်ကွက်မဲက အနည်းစုပဲ ဖြစ်ပါလိမ့်မယ်။”
ဒါ့အပြင် အမျိုးသား ဒီမိုကရေစီ အဖွဲ့ချုပ်ကို နိုင်ငံရေးပါတီ အဖြစ်မှ ပယ်ဖျက်ကြောင်း မြန်မာစစ်အစိုးရရဲ့ ကြေညာခဲ့မှုကိုလည်း အဲဒီ အဆိုတင်သွင်းမှု အမှတ် ၁၆၇၇ ထဲမှာ အမေရိကန် အောက်လွှတ်တော် အမတ်တွေက ပြစ်တင်ရှုတ်ချလိုက်ပြီး ဒေါ်အောင်ဆန်းစုကြည်၊ အမျိုးသား ဒီမိုကရေစီ အဖွဲ့ချုပ်နဲ့ စစ်မှန်တဲ့ တိုင်းရင်းသား လူမျိုးစု ကိုယ်စားလှယ်တွေ မပါဝင်တဲ့ မြန်မာနိုင်ငံက ဘယ်အစိုးရမျိုးမဆို ဒီမိုကရေစီ အစိုးရတရပ် သို့မဟုတ် တရားဝင်တဲ့ အစိုးရတရပ်အဖြစ် စဉ်းစားခြင်း ခံရမှာ မဟုတ်ဘူးလို့လည်း ဖော်ပြထားပါတယ်။
အမျိုးသား ဒီမိုကရေစီ အဖွဲ့ချုပ်ရဲ့ ဗဟိုအလုပ်အမှုဆောင် ကော်မတီဝင် သတင်းစာ ဆရာကြီး ဦးဝင်းတင်ကလည်း စက်တင်ဘာ ၃၀ ရက် နေ့စွဲနဲ့ The International Herald Tribune သတင်းစာကြီးနဲ့ The New York Times သတင်းစာကြီးတွေထဲမှာ " အားပေး ထောက်ခံဖို့ရာ မထိုက်တန်တဲ့ ရွေးကောက်ပွဲ တစ်ပွဲ"(An Election Not Worthy Of Support) ဆိုတဲ့ ခေါင်းစဉ်နဲ့ ဆောင်းပါးတပုဒ် ရေးသားထားပါတယ်။ အကယ်၍ နိုင်ငံတကာ မိသားစုက တကယ်ပဲ အလေးအနက်ထားပြီး မြန်မာစစ်အစိုးရ အပေါ်မှာ ပြင်းပြင်းထန် ထန် ဖိအားတွေ ပေးနေမယ်ဆိုရင် အဲဒီလို ပြင်ပကလာတဲ့ ဖိအားတွေနဲ့ ပြည်တွင်းက ငြိမ်းချမ်းစွာ ဆန့်ကျင် တွန်းလှန်မှုတွေကို ပေါင်းစပ်နိုင်မှသာလျှင် မြန်မာစစ်အစိုးရကို တွေ့ဆုံ ဆွေးနွေးရေး စားပွဲဝိုင်းကို ရောက်လာအောင် တွန်းပို့နိုင်မှာ ဖြစ်တယ်လို့ ဆရာဦးဝင်းတင်က ရေးသားထားပါတယ်။
KNU နှင့် နအဖတပ် ထပ်မံ တိုက်ပွဲဖြစ်
ဧရာဝတီ သတင်းမှ......
နအဖ တပ်ဖွဲ့များကို ကရင်အမျိုးသား အစည်းအရုံး (KNU) တပ်ဖွဲ့ဝင်များက ယမန်နေ့တွင် ခြုံခို တိုက်ခိုက်ခဲ့ရာ နအဖ စစ်တပ် ဘက်မှ ၁ ဦး ကျဆုံးကြောင်း သိရသည်။
ကရင်ပြည်နယ် ကြာအင်း ဆိပ်ကြီးမြို့နယ် အနီးတ၀ိုက်တွင် KNU တပ်ရင်း (၁၆) မှ တပ်ဖွဲ့များနှင့် နအဖ၏ အရှေ့တောင်တိုင်း စစ်ဌာနချုပ် စစ်ဗျူဟာ (၃) မှ ခြေလျင်တပ်ရင်း (ခလရ) ၂၈၃ နှင့် ခလရ ၄၀၅ တပ်ရင်းတို့နှင့် ဖြစ်ပွားခဲ့ခြင်း ဖြစ်သည်။
နအဖ တပ်များက ယင်းဒေသ၌ တပ်အပြောင်းအလဲ ပြုလုပ်နေစဉ် KNU ပြောက်ကျားတပ်များက ခြုံခိုတိုက်ခိုက်ခြင်း ဖြစ်ကြောင်း KNUတပ်မဟာ (၆) မှ ပြန်ကြားရေး တာဝန်ခံ ဗိုလ်ကြီး ဖဒို စောထဲနေက ဧရာဝတီသို့ ပြောသည်။
တိုက်ပွဲ ဖြစ်ပွားချိန်တွင် နအဖဘက်မှ စစ်သည်အင်အား ၂၀၀ ခန့် ရှိပြီး အစီအစဉ် တခုခုကြောင့် တပ်ပြောင်းလာခြင်းဖြစ် ကြောင်း ၎င်းက ဆိုသည်။
ပြီးခဲ့သော တပတ်ကလည်း လှိုင်းဘွဲ့မြို့နယ် သရီးဖိုးကွီး ကျေးရွာအနီး၌ နအဖ၏ စစ်ဆင်ရေး ကွပ်ကဲမှု ဌာနချုပ် (စကခ) ၁၉ လက်အောက်ခံ ခြေမြန်တပ်ရင်း (ခမရ) ၃၄၃ နှင့် KNU တိုက်ပွဲ ဖြစ်ပွားရာ နအဖတပ်ဘက်မှ ၄ ဦး ကျဆုံးပြီး ၇ ဦး ဒဏ်ရာ ရရှိခဲ့ကြောင်း သိရသည်။
ယင်းဒေသတွင် စစ်အစိုးရတပ် အပါအ၀င် DKBA ၊ အပစ် အခတ်ရပ်စဲထားသော ဟောင်သရော အထူးဒေသ အဖွဲ့၊ ဗိုလ်မှူးချုပ် ထိန်မောင် ဦးဆောင်သော ကရင်ငြိမ်းချမ်းရေး ကောင်စီ (KNU/ KNLA) အဖွဲ့နှင့် မွန်ပြည်သစ်ပါတီ အဖွဲ့များလည်း လှုပ်ရှား လျက် ရှိကြောင်း သိရသည်။
ယင်း တိုက်ပွဲနှင့် ပတ်သက်၍ စစ်အစိုးရ သတင်းစာများတွင် ယနေ့အထိ ဖော်ပြခြင်း မရှိသေးပေ။
လူမဆန်မှုသတင်း
တပ်မဟာ(၂) တောင်ငူခရိုင်။
ဒေါဖခိုမြို့ နယ်၊ ထီးသာစောရှိ ခလရ(၃၀)ဗိုလ်ကြီးမျိုးမင်းအောင်ဦးစီးသောအုပ်စုသည် ၂၇.၀၉.၂၀၁၀နေ့ တွင် ဟိုသောပလို၊ ထီးသာစော အုပ်စုရှိ ရွာသူကြီးများကိုဆင့်ခေါ်ပြီး သန်းခေါင်စာရင်းကောက်ရန်မှာကြားခဲ့သည်။ တဆက်တည်းမှာပဲ သီသောခို၊ မယ်သောဖိုလီ၊ ထာယယ်ဖလိုစသည့် နေ ရာများတွင်အဆောက်အအုံဆောက်ဖို့ အတွက်ပြောပြီး တအိမ်တယောက်ပေါ်တာထမ်းရန်အတွက်တောင်းဆိုခဲ့သည်။
ထန်းတပင်မြို့ နယ်၊ ဘောဂလိမြို့နယ်ခွဲ မြို့ နယ်မှူးသည်၂၈.၀၉.၂၀၁၀နေ့ တွင် ကလော်မီးဒဲရွာအားဆေးပေးခန်းတလုံးဆောက်ရန်မှာကြား ပြီး ဆရာဝန်တဦးနှင့် ဆရာမတဦးပေးမည်ဟုပြောခဲ့သည်။ ဒါပေမဲ့ သူတို့၏အစီအစဉ်များနောက်ပိုင်းဘယ်လိုဖြစ်လာမလဲ ဆိုတာကိုရွာသူရွာသားများ ဆက်လက်စောင့်ကြည့်ဦးမည် ဆိုတဲ့အကြောင်းသတင်းရရှိသည်။
ထန်းတပင်မြို့ နယ်၊ ခလရ(၃၉)အုပ်စုသည် ၁၉.၉.၂၀၁၀နေ့ တွင်စွားလိုရွာမှ ရွာသား စောပိုထူး အားစွားလိုအုပ်စု ယေနာပူတွင်လာရောက်ဖမ်းဆီး ပြီး သူတို့ ၏စစ်စခန်းသို့ ပြန်ဖမ်းသွားသည်။ ဘာအကြောင်းကြောင့် ဖမ်းသည်ကိုမသိရတဲ့အပြင်၊ ယခုထက်တိုင်ပြန်မလွတ်သေးကြောင်းသတင်းရရှိ သည်။
ဒေါ်အောင်ဆန်းစုကြည် ကို နိုဝင်ဘာလတွင် ပြန်လွှတ်ပေးမည် ဟု စစ်အစိုးရပြော
Freedom News Group မှ.......
နေအိမ် အကျယ်ချုပ်ချမှတ် ထားခြင်းခံရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို သူမရဲ့ အကျယ်ချုပ်သက်တမ်း ပြည့်မြောက်တဲ့ နိုဝင်ဘာလ အတွင်းမှာ ပြန်လည် ပြန်လွှတ်ပေးမှာ
ဖြစ်တယ်လို့  မြန်မာ စစ်အစိုးရ က ဒီကနေ့ ထုတ်ဖော်ပြောကြားလိုက် ပါတယ်။ပြီးခဲ့တဲ့ သီတင်းပတ်က သူတို့ ရဲ့ သတင်း ထုတ်ပြန်ချက် တစ်ခု ဖြစ်တဲ့ နိုဝင်ဘာ ၇ ရက်ရွေးကောက်ပွဲမှာ ဒေါ်အောင်ဆန်းစုကြည် မဲပေးခွင့်ရှိတယ် လို့ ကြေငြာအပြီး မရှေးမနှောင်းမှာ ပဲ ဒီသတင်း ထွက်ပေါ်လာတာ ဖြစ်ပါတယ်။
ဒေါ်အောင်ဆန်းစုကြည် အား ပြန်လည် လွှတ်ပေး မည် ဟု စစ်အစိုးရ က ထုတ်ပြန်ကြေငြာခြင်း သည်ရွေးကောက်ပွဲ ကာလ အတွင်း ပေါ်ပေါက်လာချေရှိသည် လူထု အုံကြမှု များ ကို ရှောင်လွှဲလိုခြင်းကြောင့်ဖြစ်သည် ဟု နိုင်ငံရေး အကဲခတ် တို့ က သုံးသပ်သည်။
စစ်အစိုးရ ၏ ၂၀၁၀ ရွေးကောက်ပွဲ သည် ဒေါ်အောင်ဆန်းစုကြည် နေအိမ် အကျယ်ချုပ်သက်တမ်း မပြည့်ခင် အချိန် ရက်ပိုင်း အလိုတွင် ကျင်းပခြင်းဖြစ်သည်။သူ မ အားရွေးကောက် ပွဲပြီးမှ သာ စစ်အစိုးရက ပြန်လည်လွှတ်ပေးမည် ဖြစ်သည်။
အသက် ၆၅ နှစ် အရွယ်ရှိ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် သည် ၂၀၀၉ ခုနှစ် မေလအတွင်းက အိမ်အတွင်း သို့ ဝင်ရောက်လာသည့် အမေရိကန် နိုင်ငံသား ဂျွန်ဝီလျှံယက်တော အား လူသားချင်းစာနာသောအားဖြင့်လက်ခံထားမှုကြောင့် ၂၀၀၉ ခုနှစ် သြဂုတ်လအတွင်း အင်းစိန်ထောင်တွင်းတရားရုံးက ဆိုင်းငံ့ပြစ်ဒဏ် ၁၈ လဖြင့် နေအိမ်အကျယ်ချုပ်ချမှတ်ခြင်းခံ ခဲ့သည့်
ထောင်ဒဏ်ချမှတ်ပြီးနောက် မြန်မာစစ်ခေါင်းဆောင် ဗိုလ်ချုပ်မှုးကြီးသန်းရွှေက မြန်မာ့တပ်မတော် ၏ ဖခင်ဗိုလ်ချုပ် အောင်ဆန်း၏ သမီးဖြစ်သောကြာင့် ဟု ဆိုကာ ထောင်ဒဏ် တစ်ဝက် ကိုလျှော့ချကာ ကျန် တစ်ဝက်အား နေအိမ်အကျယ်ချုပ် သက်တမ်း ပြောင်းလဲပေးခဲ့သည်။
ဒေါ်အောင်ဆန်းစုကြည် သည် မြန်မာ့ ဒီမိုကရေစီ ရေး အတွက် ယုံကြည်ချက်ဖြင့် တိုက်ပွဲဝင်နေစဉ် အတောအတွင်းပြီးခဲ့သော နှစ်နှစ်ဆယ် ကာလတွင် ၁၅ နှစ် ကျော် ထိန်းသိမ်းခံ ဘ၀ ဖြင့်နေထိုင်ခဲ့ရသည်။
ဒေါ်အောင်ဆန်းစုကြည် အားမဲပေးပိုင်ခွင့်ရှိသည် ဟု သတင်း ထုတ်ပြန်ချက်မှာ ကုလသမဂ္ဂ အထွေထွေညီလာခံကျင်းပနေ ချိန် တိုက်ဆိုင်စွာ ထွက်ပေါ်လာခြင်းဖြစ်သည်။ကနဦး ရွေးကောက် ပွဲ မဲပေးခွင့် ရှိသူများ စာရင်း ကို ကြေငြာရာတွင် ဒေါ်အောင်ဆန်းစုကြည် မပါရှိ ဟု သိရသည်။
နယ်ခြားစောင့်တပ်စုတစု ဒီကေဘီအေ တပ်မဟာ(၅)ထံ ဘက်ပြောင်းလာ
KIC သတင်းမှ......
စက်တင်ဘာ၃၀။ စောသိန်းမြင့် (ကေအိုင်စီ)
ကရင်ပြည်နယ်၊ ကော့ကရိတ်မြို့နယ် အခြေစိုက် ကရင်နယ်ခြားစောင့်တပ်(BGF) တပ်စုတစု ဒီကေဘီအေ တပ်မဟာ(၅)ထံသို့ ပြီးခဲ့သည့်အပတ်က ဘက်ပြောင်းရောက်ရှိလာသည်ဟု ကေအိုင်စီက စုံစမ်းသိရှိရသည်။
တပ်စုမှူးစောအောင်ထူး ဦးဆောင်သည့် နယ်ခြားစောင့်တပ် တပ်ရင်း (၁၀၂၂)မှ တပ်ဖွဲ့ဝင် ၈ဦးသည် ဘုရားသုံးဆူအခြေစိုက် ဗိုလ် ကြီးစောအေ၀မ်းဦးဆောင်သည့် ဒီကေဘီအေ တပ်မဟာ(၅) အထူးတပ်ခွဲထံသို့ လက်နက်ခဲယမ်း အပြည့်အစုံနှင့် လာရောက်ပူး ပေါင်းခြင်းဖြစ်သည်ဟု ဒီကေဘီအေ တပ်မဟာ(၅)မှ တပ်မှူးတဦးက ပြောသည်။
သူက “အရင်တုန်းက ကျနော်တို့ တပ်ခွဲတခွဲတည်း အတူနေတဲ့လူတွေပဲ။ သူတို့တွေ နယ်ခြားစောင့်တပ်လက်ခံခဲ့ပြီး ဆက်မလုပ်ချင် တဲ့အတွက်ကြောင့် အခုလို ကျနော်တို့ဆီကို ပြန်လာပူးးပေါင်းတာဖြစ်တယ်။ လက်နက်အပြည့်အစုံနဲ့ပဲ ပြန်လာကြတယ်။”ဟု ကေ အိုင်စီကို ပြောသည်။
ဘက်ပြောင်းလာသည့် နယ်ခြားစောင့်တပ်ဖွဲ့ဝင်များမှာ ဆက်သွယ်ရေး ဧရိယာ ပြင်ပသို့ရောက်ရှိနေသည့်အတွက် ဆက်သွယ်၍ မရသော်လည်း ၎င်းတို့နှင့်အတူ M-79 ၁လက်၊ M-16 ၁လက်၊ AK ၆လက်၊ 9MM ၁လက်နှင့် ခဲယမ်းမီးကျောက်တချို့ ပါရှိသည်ဟု အဆိုပါ ဒီကေဘီအေတပ်မှူးက ဆက်ပြောသည်။
အလားတူ နယ်ခြားစောင့်တပ်၊ ပြည်သူ့စစ်ဖွဲ့ရန် အကြိမ်ကြိမ် ဖိအားပေးခြင်းခံရသည့် ဗိုလ်မှူးချုပ်စောထင်မောင် ဦးဆောင်သော ကရင်ငြိမ်းချမ်းရေးကောင်စီမှ တပ်ဖွဲ့ဝင်တချို့သည်လည်း ဒီကေဘီအေ တပ်မဟာ(၅)ထံသို့ ဘက်ပြောင်းလာရန်ရှိသည်ဟုလည်း ဒီကေဘီအေ အသိုင်းအ၀ိုင်းက ဆိုသည်။
ပြီးခဲ့သည့် သြဂုတ်လကုန်ပိုင်းတွင် သုမုဟဲဦးစီးသော ဟောင်သရော ငြိမ်းချမ်းရေးအဖွဲ့မှ တပ်ရင်း ၁ရင်း အပါအ၀င် တိုးတက် သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)မှ တပ်ရင်း ၁၂ ရင်း နယ်ခြားစောင့် တပ်ပြောင်းခဲ့သည်။
အဆိုပါ နယ်ခြားစောင့်တပ်မှ တပ်ဗိုလ်တပ်သားများသည် စက်တင်ဘာလ ၂၇ရက်နေ့စ၍ မွန်ပြည်နယ်၊ သံဖြူဇရပ်မြို့နယ် ၀ဲကလိ ကျေးရွာတွင် တပ်ရင်း ၇ရင်းနှင့် သထုံမြို့နယ်တွင် တပ်ရင်း ၆ရင်း အုပ်စုနှစ်စုခွဲကာ စစ်သင်တန်းတက်ရောက်နေပြီဖြစ်သည်။
နယ်ခြားစောင့်တပ်ပြောင်းခဲ့သည့် ဒီကေဘီအေတပ်ဖွဲ့ဝင်များသည် နယ်ခြားစောင့်တပ် လက်မခံသည့် ဒီကေဘီအေ တပ်မဟာ(၅) ထံ ဘက်ပြောင်းလာပြီး ၎င်းတို့၏ လူဦးရေကို အတိအကျ မသိရှိရသော်လည်း ကရင်အမျိုးသား အစည်းအရုံး (ကေအဲန်ယူ)ထံ ဘက်ပြောင်းလာသူများမှ ၅၀ဦးနီးပါးရှိသည်ဟု ကေအဲန်ယူက ပြောသည်။
တပ်မဟာ (၇) ဒေသတွင် တပ်လှန့်ထား
ခေတ်ပြိုင် မှ........
ကရင်အမျိုးသား လွတ်မြောက်ရေးတပ်မတော် (ကေအန်အယ်လ်အေ) တပ်မဟာ (၇) ဒေသအတွင်း နအဖလက်အောက်ခံတပ်ရင်း (၂) ရင်း လာရောက်တပ်စွဲကာ စစ်ရေးပြင်ဆင်မှုများ ပြုလုပ်နေသဖြင့် အရေးပေါ်တပ်လှန့်ထားသည်ဟု တပ်မဟာမှူး ဗိုလ်မှူးချုပ် ဂျော်နီက ပြောသည်။
၎င်းက “ဒီလ (၂၄) ရက်နေ့ကစပြီး တပ်မ (၂၂) လက်အောက်ခံ ခမရ (၂၁၀) နဲ့ (၂၀၃) တပ်ရင်းတွေ ကျနော်တို့နယ်ထဲမှာလာပြီး တပ်စွဲထားတယ်။ ဒီတပ်တွေရဲ့ လှုပ်ရှားမှုတွေကို ကျနော်တို့ မျက်ခြည်မပြတ် စောင့်ကြည့်နေပါတယ်။ ကျနော်တို့တပ်တွေကိုလည်း အရေးပေါ် တပ်လှန့်ထားပါတယ်” ဟု ပြောသည်။
နအဖတပ်ရင်း (၂) ရင်း လာရောက်တပ်စွဲထားသည့် ဒေသမှာ ကရင်ပြည်နယ် လှိုင်းဘွဲ့နှင့် ဘားအံမြို့နယ်အတွင်းရှိ တပ်မဟာ (၇) ဒေသ မဲ့စလေနှင့်လယ်ပေါ်ဟဲအရပ်တွင် ဖြစ်သည်ဟု တပ်မဟာမှူးက ပြောသည်။
အဆိုပါဒေသတွင် နအဖတပ်များ၊ နယ်ခြားစောင့်တပ်များ၊ ဒီကေဘီအေနှင့် ကေအန်အယ်လ်အေ တပ်ဖွဲ့များ စစ်ရေးလှုပ်ရှားလျက်ရှိပြီး ကရင်နယ်ခြားစောင့်တပ်ရင်းများသည် မွန်ပြည်နယ် သံဖြူဇရပ်မြို့ ၀ဲကလိကျေးရွာရှိ လေ့ကျင့်ရေးကျောင်းတွင် မွန်းမံသင်တန်း တက်နေသဖြင့် ထိုတပ်ရင်း (၂) ရင်းက ယာယီလုံခြုံရေးယူထားခြင်း ဖြစ်သည်ဟု နယ်ခြားစောင့်တပ်မှ အရာရှိတဦးက ခေတ်ပြိုင်သို့ ပြောသည်။
ထိုင်းနယ်ခြားစောင့်တပ်မှ အရာရှိတဦးကမူ “ဗမာဘက် ကမ်းနဖူးမှာ ဗမာတပ်ရင်း (၂) ရင်းက တပ်စခန်းတွေ၊ ကတုတ်ကျင်းတွေ၊ ဘန်ကာတွေ အခိုင်အခန့် ဆောက်နေတာဆိုတော့ သူတို့ဒီနေရာမှာ အမြဲတပ်စွဲမယ့် အနေအထားရှိတယ်။ ဒီဒေသမှာ မကြာခင် တိုက်ပွဲကြီးတွေ ပြန်ဖြစ်နိုင်တယ်” ဟု ပြောသည်။
ဗိုလ်မှူးချုပ် ဂျော်နီက “နအဖ၊ ဒီကေဘီအေ၊ ကရင်နယ်ခြားစောင့်တပ်၊ ဘယ်တပ်ပဲဖြစ်ဖြစ် ကျနော်တို့ဘက်ကတော့ အရင်သွားမတိုက်ဘူး၊ သူတို့က လာတိုက်ရင်တော့ လုံးဝသည်းခံမှာ မဟုတ်ဘူး။ ကျနော်တို့ဘက်မှာ စစ်ရေးပြင်ဆင်မှုတွေ အရန်သင့်ပဲ” ဟု ပြောသည်။
ယခင်လ (၁၈) ရက်မှစ၍ ကရင်နယ်ခြားစောင့်တပ်များ ဖွဲ့စည်းပြီးသည့်နောက်ပိုင်း ကေအန်အယ်လ်အေ တပ်မဟာ (၇) သို့ ကရင်နယ်ခြားစောင့်တပ်မှ အရာရှိအရာခံ အကြပ်တပ်သားများနှင့် မိသားစုဝင် (၁၅၀) ခန့် လက်နက်ခဲယမ်းမီးကျောက် အလက် (၈၀) ခန့်နှင့်အတူ လာရောက်ပူးပေါင်းခဲ့ကြောင်း ၎င်းက ပြောသည်။
ကေအန်အယ်လ်အေ တပ်မဟာ (၇) ဒေသ၌ ပျှမ်းမျှတလလျှင် တိုက်ပွဲကြီးငယ် (၅) ကြိမ်ခန့် ဖြစ်ပွားလျက်ရှိပြီး နှစ်ဖက် ထိခိုက်ကျဆုံးမှု ရှိသည့် ဒေသဖြစ်သည်ဟု သိရသည်။
ဘုရားသုံးဆူ နယ်စပ်သို့ တက်လာသော စစ်ကြောင်း အပစ်ခတ်ခံရ
ကောင်းဝါသတင်းမှ.....
ဗျုဟာမှူးတစ်ဦး အပါအဝင် ဘုရားသုံးဆူ နယ်စပ်သို့ တက်လာသော စစ်ကြောင်း တပ်ရင်း နှစ်ရင်းအား ယနေ့နံနက်ပိုင်း၌ မိမိတို့ ပြောက်ကျားပစ်ခတ်ခဲ့ကြောင်း KNU က ပြောသည်။
“အထိအခိုက် စာရင်းတွေ အတည်မပြုနိုင်သေးပါ၊ ကျနော်တို့ တပ်ဖွဲ့ ပစ်ခတ်တာကတော့ သေချာတယ်” ဟု တပ်မဟာ (၆) ပြန်ကြားရေးဌာန တာဝန်ခံ ဗိုလ်ကြီး စောထဲနေ ပြောပါသည်။
ဘုရားသုံးဆူမြို့မှ (၁၈) မိုင်ခန့် ဝေးကွာသော အပလုံရွာနှင့် မြိုင်သာယာရွာ အကြားတွင် ယင်းကဲ့သို့ ပစ်ခတ်မှု ဖြစ်ပေါ်ခဲ့သည်ဟု သိရသည်။
တဖန် ဗိုလ်ကြီး စောထဲနေက “အဲဒီကနေ နှစ်မိုင်လောက် ဝေးတဲ့ နေရာမှာလည်း မနက် (၁၁) နာရီမှာ လက်နက်ကြီးသံတွေ ငါးမိနစ်လောက် ထပ်ကြားရပြန်တယ်၊ ဒါပေမယ့် ကျနော်တို့ အဖွဲ့တော့ အဲဒီမှာ မရှိတော့ဘူး” ဟု ပြောသည်။
ဒေသခံ မွန်ပြည်သစ်ပါတီ အရာရှိ တစ်ဦးက အဆိုပါ သေနတ်သံများ ကြားရသော်လည်း မွန်ပြည်သစ် တပ်ဖွဲ့များနှင့် ပစ်ခတ်မှု မရှိခဲ့ဟု ဆက်သွယ်မေးမြန်းချက်အရ သိရသည်။
ထို့အတူ ယခုလ (၂၄) ရက်နေ့တွင်လည်း အဆိုပါ စစ်ကြောင်းအား လေးဖိုးရွာ အနီးတွင် KNU မှ ခြောင်းမြောင်း ပစ်ခတ်ခဲ့ရာ နအဖဖက်မှ တစ်ဦးထိမှန်ဒဏ်ရာရရှိခဲ့သည်ဟု တပ်မဟာ (၆)မှ ပြောသည်။
ထိုသို့ အပစ်ခတ်ခံရပြီးနောက် ၎င်းနအဖစစ်ကြောင်းသည် ကားလမ်းအတိုင်း ခြေလျှင် မလာတော့ဘဲ တောင်ကြောများပေါ်မှတဆင့် ဆက်လက်ချီတက်ခဲ့ပြန်ရာ လွယ်လွယ်နှင့် ခရီးမတွင် ဖြစ်နေသည်။
အရှေ့တောင်တိုင်းစစ်ဌာနချုပ်၊ ရှေ့တန်းစစ်ဗျူဟာ (၃)မှ ဗိုလ်မှူးကြီး တင်မောင်ထွန်းနှင့်အတူ ခလရ (၂၈၃)၊ ခမရ (၄၀၅) တပ်ရင်း နှစ်ရင်း ပါရှိလာသည်။
“နှစ်ရက်ခရီးကို တစ်ပတ်နီးပါးလောက် အချိန်ယူပြီး လာရကတည်းက လမ်းမှာ လုံခြုံရေးတွေ တော်တော်သတိထားနေရလို့ပါ” ဟု နယ်စပ်စစ်ရေး စောင့်ကြည့်လေ့လာသူတစ်ဦး အကဲခတ်ပြောဆိုသည်။
အဆိုပါ ခလရ (၂၈၃) သည် လက်ရှိ ဘုရားသုံးဆူ အခြေစိုက် ခလရ (၃၂) တပ်ရင်း နေရာတွင် အစားထိုး ဝင်ရောက်လာမည်ဟု စုံစမ်းသိရှိရသည်။
သတင်းမှတ်တမ်းများအရ ယင်းရတခတိုင်းစစ်ဗျူဟာမှူးများသည် ဘုရားသုံးဆူ နယ်စပ်မြို့သို့ မလာရောက်နိုင်သည်မှာ (၂) နှစ်ခန့် ရှိပြီး ဖြစ်သည်။
ထိုသို့ တိုင်းရှေ့တန်းစစ်ဗျူဟာမှူးတစ်ဦး ယခုအချိန် လာရောက်ခြင်းသည် ထူးခြားမှု တစ်ရပ်ဟု စစ်ရေးစောင့်ကြည့်သူများ အကဲခတ် နေကြသည်။
ဖမ်းဆီးထားသည့် ကားများကို နေပြည်တော်ပို့ရန် စစ်တပ်မှ အင်အားအပြည့်နှင့် လုံခြုံရေးယူ
KIC သတင်းမှ.......
စက်တင်ဘာလ ၂၉ရက်။ စောခါးစူးညား (ကေအိုင်စီ)
မြ၀တီမြို့နယ် ရဲစခန်းတွင် သိမ်းဆည်းရပ်တန့်ထားသည့် လိုင်စင်မဲ့ကားများကို ယနေ့မနက်တွင် နေပြည်တော်သို့ ပို့ ဆောင်ရန်အတွက် သင်္ကန်းညီနောင် အခြေစိုက် စကခ(၁၉) လက်အောက်ခံ တပ်ရင်းများက ကား ဆယ်စီးကျော်ဖြင့် လုံခြုံရေးယူကာ လိုက်ပါပို့ဆောင်သည်ဟု မြ၀တီမြို့ခံတစ်ဦးက ကေအိုင်စီကို ပြောသည်။
စစ်တပ်နှင့် နီးစပ်သူတစ်ဦးက “ဒီနေ့မနက်မှာ ဟိုတနေ့က စစ်တပ်က ဖမ်းထားတဲ့ကားတွေကို နေပြည်တော်ကိုပို့တယ် လေ။ အဲဒီအတွက် စစ်တပ်က လက်နက်အပြည့်အစုံနဲ့ ရဲဘော်တွေအများကြီး မြို့ထဲမှာ သွားလာနေပြီး လမ်းမှာလည်း လုံခြုံရေးယူပေးပြီး ပြန်လိုက်ပို့ပေးတာ။ ကြည့်ရတာ ဖားအံအထိတော့ ပြန်လိုက်ပို့ရမယ် ထင်တယ်။”ဟု ဆိုသည်။
ယနေ့မနက် ယနေ့မနက် ၉နာရီဝန်းကျင်အချိန်က မြ၀တီမြို့ထဲတွင် စစ်ကား၊ ဟိုင်းလက်ကားများဖြင့် စစ်ဝတ်စုံ၊ လက် နက်အပြည့်အစုံပါသည့် စစ်သားများကို တင်ဆောင်ကာ ရဲစခန်းအနီးတွင် ရှိနေခဲ့ပြီးနောက် မြို့တွင်းလှည့်ပတ် မောင်း နှင်နေသည့်အတွက် မြို့ခံလူထုမှာ အထိတ်တလန့် ဖြစ်ရကြောင်း ကုန်သည်အမျိုးသမီးတစ်ဦးက ယခုလို ပြောသည်။
“မနက်ပိုင်းက စစ်သားတွေ အတော်များများဟာ ကားပေါ်မှာ စက်လက် ၄-၅-၆လက်ကို ကားပေါ်မှာ ထောင်တင်ထား ပြီး သွားလာနေတော့ တခုခုဖြစ်တော့မလားဆိုပြီး ကျမတို့လည်း လန့်နေတာပေါ့။ အရင်က စစ်တပ်ဟာ တပ်ချိန်းတာ လောက်ပဲ သွားလာတာ။ အခုလို လက်နက်တွေ ပြောင်တင်ဆောင်ပြီး သွားတာ တခါမှ မတွေ့ဖူးဘူး။”ဟု ဆိုသည်။
မြ၀တီမြို့ခံ အမျိုးသမီးတဦးကလည်း “သူတို့(နအဖ) ကားနဲ့ရောက်တဲ့အချိန်မှာ ဘင်ခရာပါမှုတ်တဲ့အတွက် ကျမတို့ တော်တော်လန့်သွားတယ်။ ဗိုလ်ကျော်သက်ကိစ္စပြီးတဲ့နောက် ညဖက်မှာ စစ်တပ်က လုံခြုံရေး လာချတာလောက်ပဲ ရှိ တယ်။ အခုက ဖိုးဝီးနဲ့ ဒိုင်နာကားတို့နဲ့ မြို့ထဲမှာ ၀င်လာတော့ ထူးဆန်းတာပေါ့။ ကားက ၁၄စီးလောက်ရှိမယ်။ လူရော၊ လက်နက်တွေရော ကားထဲမှာ အပြည့်အစုံပဲ။ တကယ့် အင်္ဂလိပ်ဇာတ်ကားထဲက အတိုင်းပဲ။”ဟု ကေအိုင်စီကို ပြော သည်။
ပြီးခဲ့သည့် စက်တင်ဘာလ၂၁ရက်နေ့က မြ၀တီမြို့ အမှတ်(၄)ရဲစခန်း၌ ဒီကေဘီအေ(၉၀၂)တပ်ရင်းနှင့် ရဲ၊ နအဖ စစ်တပ်ကြား ပစ်ခတ်မှုဖြစ်လုနီးပါးအထိ တင်းမာမှု ဖြစ်ပွားပြီးသည့်နောက် မြ၀တီမြို့တွင် နေ့နေ့ညည လုံခြုံရေး တင်း ကြပ်လာခြင်းဖြစ်သည်ဟု သိရသည်။
နအဖ စစ်တပ်က မြ၀တီမြို့တွင်းသို့ ယခုလို ကားများဖြင့် လာရောက်ခြင်းသည် အင်အားလာပြခြင်းနှင့် ၎င်းတို့ကို ခြိမ်း ခြောက်ခြင်းဖြစ်ပြီး ပြည်သူများအနေဖြင့် မကြောက်လန့်ကြရန် ပြောလိုကြောင်း ဒီကေဘီအေ(၉၀၂)တပ်ရင်းမှ အရာခံ ဗိုလ်ဖြစ်သူ စောသာ့ခူးက ကေအိုင်စီကို ပြောသည်။
“ပြည်သူတွေ ဘာမှ စိုးရိမ်စရာမလိုပါဘူး။ အစိုးရက မလုပ်ရင် ကျနော်တို့ ဘယ်တော့မှ ပြန်မလုပ်ပါဘူး။ နောက် ဒီမနက် အင်အား(၇၀)ကျော်နဲ့ ကျနော်တို့ကို လာခြိမ်းခြောက်တယ်။ ဒီလိုလုပ်လည်း မကြောက်ပါဘူး။ မြို့ကနေ ထွက် ခွာခိုင်းလည်း မထွက်နိုင်ဘူး။ ကိုယ့်နေရာမှာ ကိုယ်ဆက်နေမယ်။ သူတို့က အရင်တိုက်လာရင်တော့ ကျနော်တို့က ကိုယ့်ကိုယ်ကို ကာကွယ်တဲ့အနေနဲ့ ပြန်တိုက်ရမှာပဲ။”ဟု သူက ပြောသည်။
ဆက်လက်၍ သူက နအဖ စစ်တပ်က ကားများဖြင့် အင်အား လာပြပြီးနောက် ၎င်းတို့လည်း ကား ၅စီး၊ လူအင်အား ၅၀ဦးကျော်ဖြင့် မြ၀တီမြို့တွင် လှည့်လည်ကာ ပြန်လည်အင်အားပြခဲ့သည်ဟု သူက ဆက်ပြောသည်။
ထို့အပြင် မြ၀တီမြို့ ဘုရင့်နောင်လမ်းမပေါ်ရှိ ရဲစခန်းတွင် သိမ်းဆည်းထားသည့် လိုင်စင်မဲ့ကားအစီး ၆၀အနက် ၃၈စီး သည် ၎င်းတို့ ဒီကေဘီအေ(၉၀၂)တပ်ရင်းမှ ကားများဖြစ်ပြီး အဆိုပါကားများကို မကြာမီ လိုင်စင်လုပ်ရန်အတွက် ကား တန်းအဆင်းတွင် မောင်းနှင်သွားရင်း မြ၀တီမြို့၊ ကုန်သွယ်ရေးဇုံအလွန် တံတားကျိုးဂိတ်တွင် စက်တင်ဘာလ ၁၈ရက် နေ့က စစ်တပ်မှ သိမ်းဆည်းသွားခဲ့ခြင်းဖြစ်သည်ဟု သူက ပြောသည်။
၎င်းက “ဒီကားတွေ လိုင်စင်လုပ်မယ်ဆိုတာ စီစဉ်ထားပြီးသား။ သူတို့က ညစ်ပတ်တာပါ။ စက်တင်ဘာလလယ် လောက်က မြ၀တီ-ကော့ကရိတ် ကားတန်းအဆင်းမှာ ကျနော်တို့ကားကို မဖမ်းဖို့ ဗိုလ်ချုပ်ရဲမြင့်ကို ကျနော်တို့ အ ကြောင်းထားပြီးသား။ ဒါပေမဲ့ ကျနော်တို့ ဆင်းတော့ ကျနော်တို့ကားတွေကို သိမ်းတော့တာပဲ။ ဒီကားတွေဟာ ပြည်သူ တွေရဲ့ကားတွေပါ။”ဟု ရှင်းပြသည်။
စက်တင်ဘာလ ၂၁ရက်နေ့က သိမ်းဆည်ထားသည့် ၎င်းတို့၏ကားကို ပြန်ပေးရန် မြ၀တီမြို့ အမှတ်(၄)ရပ်ကွက်ရှိ ရဲ စခန်း၌ သွားရောက်တောင်းယူရာမှ စစ်တပ်များပါ ရောက်ရှိလာကာ ပစ်ခတ်မှုဖြစ်လုနီးပါး တင်းမာသွားခဲ့သည်။ အခင်း ဖြစ်ပြီး နောက်နေ့တွင် ကား(၆)စီး ပြန်လည်မောင်းလာခဲ့သော်လည်း စက်တင်ဘာလ ၂၃ရက်နေ့တွင် ဒုရဲအုပ်စိုးနိုင်ဝင်း မှ ၎င်းတို့အား အမှုဖွင့်ထားပြီး ရဲအုပ်စခန်းမှူးအောင်မျိုးလွင်က စစ်ဆေးဆောင်ရွက်လျှက်ရှိကြောင်း ဒီကေဘီအေ (၉၀၂)တပ်ရင်းက ပြောသည်။
ထိုအမှုနှင့် ပတ်သက်၍ ဒုဗိုလ်မှူးကြီး စောကျော်သက် ဦးဆောင်သည့် (၉၀၂)တပ်ရင်းက အသိမ်းခံရသည့် မိမိတို့၏ ကားများကို ပြန်ပေးရန် နေပြည်တော်သို့ အသနားခံစာ တင်ထားသည်ဟုလည်း သိရသည်။ ၎င်းတပ်ဖွဲ့သည် နယ်ခြား စောင့်တပ်ကို လက်မခံသည့် ဒီကေဘီအေ တပ်မဟာ(၅)၏ လက်အောက်ခံတပ်ရင်း ဖြစ်သည်။
မြ၀တီခရိုင်၊ သင်္ဃန်းညီနောင်တွင် စကခ (၁၉)လက်အောက်ခံ ခမရ(၅၄၅)၊ (၅၄၆)၊ (၅၄၇) တပ်ရင်းများ အခြေစိုက် လျှက်ရှိကြောင်း သိရသည်။
တိုင်းရင်းသားတပ်များ စစ်ရေးပူးပေါင်းရန် ဆွေးနွေး
ဧရာဝတီ သတင်းမှ............
စစ်အစိုးရကို တိုက်ခိုက်ဆဲ လက်နက်ကိုင် အဖွဲ့များနှင့် အပစ်ရပ် တိုင်းရင်းသား လက်နက်ကိုင် တပ်ဖွဲ့များသည် စစ်ရေး စွမ်းရည် မြှင့်တင်ရန်နှင့် နအဖ စစ်တပ်မှ တိုက်ခိုက်လာပါက အချင်းချင်း ကူညီရန် ထိုင်းနိုင်ငံမြောက်ပိုင်း ချင်းမိုင်မြို့ တနေရာတွင် တွေ့ဆုံဆွေးနွေးခဲ့ကြောင်း သတင်းရရှိသည်။
ဆွေးနွေးပွဲတွင် အပစ်အခတ် ရပ်စဲထားသော ကချင် လွတ်မြောက်ရေး အဖွဲ့ (KIO)၊ မွန်ပြည်သစ် ပါတီ (NMSP)၊ ရှမ်းပြည် တပ်မတော် မြောက်ပိုင်း (SSA-N)၊ ကရင်အမျိုးသား အစည်းအရုံး (KNU)၊ ချင်းအမျိုးသား တပ်ဦး (CNF) နှင့် ကရင်နီ အမျိုးသား တိုးတက်ရေးပါတီ (KNPP) တို့ ပါဝင်ကြောင်း သိရသည်။
စက်တင်ဘာလ ၂၄ ရက်နေ့မှ စတင်၍ ၃ ရက်ကြာ ကျင်းပသော အဆိုပါ အစည်းအဝေးကို တိုင်းရင်းသား လူမျိုးများ ကောင်စီ (ENC) က ဦးဆောင် ကျင်းပ ပေးကြောင်း သိရှိရပြီး ဧရာဝတီက ဆက်သွယ် မေးမြန်းရန် ကြိုးစား သော်လည်း မရခဲ့ချေ။
“KNU နဲ့ MNSP တို့ စစ်အစိုးရတပ်က တိုက်လာရင် ပူးပေါင်း ကူညီဖို့ သဘောတူညီချက် ရခဲ့ပါတယ်” ဟု အမည် မဖော်လိုသူတဦးက ဧရာဝတီသို့ ပြောသည်။
အစည်းအဝေးသို့ MNSP မှ ပါတီဥက္ကဋ္ဌ နိုင်ထောမွန်၊ စစ်ဘက်ဆိုင်ရာခေါင်းဆောင် နိုင်ဇေယျ အပါအဝင် ၄ ဦး တက်ရောက် ကြောင်း သိရသည်။
ထိုင်းနိုင်ငံ အခြေစိုက် The Nation သတင်းစာနှင့် အင်တာဗျူးတွင် KNPP မှ စစ်ဦးစီးချုပ် ဗိုလ်ချုပ် ဘီထူးက ယခုအခါတွင် ၎င်းတို့ အနေဖြင့် စစ်ရေး၊ နိုင်ငံရေး ကိစ္စရပ်များကို အတူ ပူးပေါင်းဆောင်ရွက်လျက်ရှိကြောင်း၊ ယခုနှစ် အတွင်းတွင်လည်း SSA တာဝန်ရှိသူများနှင့် ၃ ကြိမ်ခန့် ပုဂ္ဂိုလ်ရေးအရ တွေ့ဆုံခဲ့ကြောင်း၊ KNU နှင့်လည်း ပူးပေါင်းဖလှယ်ရေး ကော်မတီအဖွဲ့တခု ရှိကြောင်း ဖော်ပြထားသည်။
“အတူတကွ ပူးပေါင်းဆောင်ရွက် တိုက်ခိုက်ဖို့ကလွဲပြီး တခြားနည်းလမ်းဘာမှ မရှိဘူးလို့ ကျနော်ထင်တယ်။ အဖွဲ့တွေ အားလုံးမှာ ဘုံရန်သူ တခုပဲရှိတယ်လို့တော့ သိသင့်တယ်” ဟုလည်း ၎င်းက ဆက်ပြောသည်။
အလားတူ အစည်းအဝေးတခုကို ပြီးခဲ့သည့် မေလက ချင်းမိုင်တွင် ကျင်းပခဲ့ပြီး ၎င်းအစည်းအဝေးတွင်လည်း တိုင်းရင်းသား လက်နက်ကိုင် အဖွဲ့များအကြား အတူတကွ ပူးပေါင်းဆောင်ရွက်ရေး ကိစ္စများကို ဆွေးနွေးခဲ့ကြောင်း သိရသည်။
ယခု အစည်းအဝေးသည် အစိုးရနှင့် အပစ်အခတ် ရပ်စဲထားသော တိုင်းရင်းသား အဖွဲ့ အစည်းများကို နယ်ခြားစောင့်တပ် အဖြစ် အသွင်ကူးပြောင်းရေးအတွက် ဖိအားပေးသည့် အချိန်နှင့်လည်း တိုက်ဆိုင်နေသည်။
စက်တင်ဘာလ အစောပိုင်းတွင်လည်း KIO ခေါင်းဆောင်များသည် တရုတ်နိုင်ငံဘက်သို့ သွားရောက်ပြီး အကယ်၍ KIO ၏ စစ်ရေးတောင်ပံဖြစ်သော ကချင်လွတ်မြောက်ရေး တပ်မတော် (KIA) နှင့် နအဖတပ်တို့ တိုက်ပွဲ ဖြစ်ပွားပါက တရုတ်အနေဖြင့် ကချင်ဒုက္ခသည်များကို လက်ခံပေးရန် မေတ္တာရပ်ခံခဲ့ကြောင်း KIO နှင့် နီးစပ်သူများထံမှ သိရသည်။
KIO ထိန်းချုပ် နယ်မြေများတွင် နေထိုင်သော မိသားစုဝင်များကိုလည်း တိုက်ပွဲများ ဖြစ်ပွားလာပါက KIO စစ်သားများကို ကူညီရန် စည်းရုံးမှုများ ပြုလုပ်ထားကြောင်း၊ မြန်မာစစ်သားများကိုလည်း KIO ထိန်းချုပ်နယ်မြေအတွင်း ဝင်ရောက်ခြင်း မပြုရန် သတိပေးထားကြောင်း၊ ဒေသခံလူထုကိုလည်း ၎င်းတို့အိမ်သို့ မြန်မာ မိတ်ဆွေ သူငယ်ချင်းများ အလည်အပတ် ခေါ်ဆောင်ခြင်းကို တားမြစ်ထားကြောင်း သိရှိရသည်။
ပြီးခဲ့သော တပတ်ကလည်း KIO ထိန်းချုပ်ထားသည့် ကချင်ပြည်နယ် မြစ်ကြီးနား၊ လိုင်ဇာဌာနချုပ် နယ်မြေအတွင်းသို့ ပျံသန်း ဝင်ရောက်လာသော နအဖ အစိုးရ၏ ရဟတ်ယာဉ်တစင်းကို KIO တပ်ဖွဲ့ဝင်များက သတိပေးပစ်ခတ်ခဲ့သည်။
မြန်မာ စစ်အစိုးရသည် ၂၀၁၀ ရွေးကောက်ပွဲ မတိုင်မီ လက်နက်ကိုင် တိုင်းရင်းသား အဖွဲ့တချို့ကို နယ်ခြားစောင့်တပ်ဖွဲ့ အသွင်ကူး ပြောင်းရေး အတွက် ကြိုးပမ်းလျက်ရှိရာ KIO အပါအ၀င် SSA-N နှင့် ဝ ပြည် သွေးစည်းညီညွတ်ရေး တပ်မတော် (UWSA) အဖွဲ့များက လက်မခံသဖြင့် စစ်ရေးအရ တင်းမာနေကြောင်း သိရသည်။
Myanmar refugees arrive in Japan for resettlement
NHK သတင်းမှ......
Eighteen Myanmar refugees from a Thai camp have arrived in Japan for resettlement.
They are the first accepted by Japan under its program to support refugees fleeing conflict or persecution at home who have settled in a third country.
The 3 families were living in a camp in northwestern Thailand, after fleeing Myanmar to escape oppression by the country's military government.
At Narita airport near Tokyo on Tuesday, they first appeared surprised at moving walkways and other facilities. They smiled with relief when they were welcomed by many people including their compatriots already living in Japan.
A woman said that she is pleased that her children can go to school in Japan.
The refugees will take part in a 6-month training program to learn the language and other skills they need to live in the country. They then plan to look for houses and jobs.
The Japanese government will accept a total 90 refugees from Myanmar over the next 3 years.
ရဲမွန်မှ တပ်ရင်းမှုးများကို ထောင်ဒဏ်ချမှတ်၊စစ်တပ်အရာရှိငယ် နှစ်ရာကျော်ကို ရာထူးများမှအနားပေး
Freedom News Group မှ..........
ရဲမွန် တပ်မြို့  ရှိ တပ်ရင်းများ မှ ရှောင်တစ်ခင် အလစ်အငိုက် ဖမ်းဆီးထားသော တပ်ရင်းမှုးနှင့် ဗျူဟာမှုး ရှစ်ဦးအား နေပြည်တော် တွင် စစ်ခုံရုံး တင်ကာ စစ်ဆေးနေသည်ဟု သတင်းများ ထွက်ပေါ်ပြီးနောက် ပိုင်းတွင် အမိန့် မနာခံမှု ၊ ငွေကြေး အလွဲသုံးစားလုပ်မှု များ ဖြင့်ထောင်ဒဏ် နှစ်နှစ်ဆယ်စီ ချလိုက်သည် ဟု Freedom News မှ စုံစမ်းသိရှိရသည်။
စစ်သား စုဆောင်း လစာငွေ ထုတ်မပေးမှုကြောင့် အခြား အဆင့် တပ်သားများ ၏ ဆန္ဒ ထုတ်ဖော်မှုတွင် ဂရုဏာ သက်မိသည့် တပ်ရင်းမှုး နှင့် ဗျူဟာမှုး ၈ ဦး အား လွန်ခဲ့သည့် သီတင်း နှစ်ပတ်ခန့် ကအလစ်အငိုက်ဝင်ရောက်ဖမ်းဆီးပြီး နောက် ချက်ခြင်းပင် ပြစ်ဒဏ်များ ချမှတ် ခဲ့ခြင်းဖြစ်သည်။အဆိုပါတပ်ရင်းမှုးများ အား နေပြည်တော် ရှိ စစ်ဥပဒေ ချုပ် ရုံး ၏ တပ်တွင်းပြစ်မှု များ ဆိုင်ရာ စစ်ခုံရုံးမှ ထောင်ဒဏ်အသီးသီးချမှတ် ခဲ့ခြင်း ဖြစ်ပြီး ထောင်ဒဏ် အပြစ်ပေးမှု အား အင်းစိန် ထောင်တွင် ဆက်လက်ကျခံရမည် ဟု သိရသည်။ဖမ်းဆီးထား ခံထားရသည့် တပ်ရင်းမှုး များ မှာ ၎င်းတို့ ၏ မိသားစု နှင့် တွေ့ ခွင့်မရဘဲစစ်ကြောမေးမြန်း နေစဉ် အတောအတွင်း ပုလင်းကွဲများ ပေါ်တွင် လေးဘက်ထောက် လမ်းလျှောက်ခိုင်းပြီးခွေး လို အူခိုင်း ကာ ကျွန်တော် တို့ နိုင်ငံတော် နဲ့  ဗိုလ်ချူပ်မှုးကြီး သန်းရွှေ ကို ဘယ်တော့ မှ သစ္စာ မဖောက်တော့ ပါဘူး ဟု အော်ခိုင်းသည် ဟု သိရသည်။
Freedom News နှင့် အဆက်အသွယ် ရှိသည့် နေပြည်တော်မှ စစ်ဘက်ဆိုင်ရာ ထိပ်တန်း အရာရှိ တစ်ဦးကမူ သူတို့ ကို ဘယ်လို နှိပ်စက်လို ဆိုတာ ဗီဒီယို ရိုက်ထား တယ် ဒါတွေ ကို စစ်သင်တန်း ကျောင်း တွေဖြစ်တဲ့DSA တို့ OTS တို့ မှာ ပြမှာ ဟု FNG သို့ ပြောသည်။
ရဲမွန် အခြေစိုက် တပ်ရင်းများ မှ တပ်သားနှင့် အရာရှိ များ အားအရေးယူသော် လည်း စက်တင်ဘာလ ၄ရက်နေ့ က ပဲခူးမြို့  ဇိုင်ဂနိုင်း ရပ်တွင် လူငယ် နှစ်ဦး အား ပစ်သတ် ခဲ့သည့် ခလ၇ (၅၉) မှ တာဝန်ရှိသူများ ကို အရေး ယူမှု မရှိသေး ဟု သိရသည်။
ထိုသတင်း နှင့်ပတ်သက်၍ တစ်ဆက်စပ် တည်း သိရသည် မှာ ဗိုလ်ကြီး နှင့် ဗိုလ်မှုး အဆင့် အရာရှိ နှစ်ရာကျော် ကို လည်း နယ်ဘက် ရာထူး များ သို့  ပြောင်းလဲတာဝန် ထမ်းဆောင် စေခြင်း မဟုတ် ဘဲ လက်ရှိရာထူးများ မှ အနား ပေးလိုက် သည် ဟု သိရသည်။ ထို အနား ပေးခံရသည့်  အရာရှိငယ်များ မှာ လူမျိုးခြား စပ်သူများ၊ ပြည်ပ တွင် ရောက်ရှိ နေကာ ဒီမိုကရေစီ အင်အားစု များ နှင့် အဆက်အသွယ်ရှိ သည့် စစ်တပ်အရာရှိများ၏ သူငယ်ချင်း များ ရှမ်း နှင့် ကချင် လူမျိုး များ အပါအ၀င် အင်တာနက် ကြည့်ပြီး စာဖတ် များ သည့် စစ်ဗိုလ်များ ဟု သိရှိရသည်။
နယ်ခြားစောင့်တပ်နေရာတွင် နအဖ တပ်ရင်း ၅ရင်း ရောက်ရှိနေရာယူနေ
KIC သတင်းမှ......
ကရင်ပြည်နယ်အတွင်းရှိ နယ်ခြားစောင့်တပ်များသည် စစ်သင်တန်းတက်မည့် ကာလအတွင်း ၎င်းတို့ထိန်းချုပ်ထားသည့် နယ်စပ် ဒေသနေရာများကို လက်ရှိအချိန်တွင် နအဖ တပ်ရင်း (၅)ရင်း ရောက်ရှိလာကာ လုံခြုံရေးအတွက် နေရာဝင်ယူပေးနေသည်ဟု နယ်စပ်သတင်းများအရ သိရသည်။
အဆိုပါ နအဖ တပ်များသည် နယ်ခြားစောင့်တပ်များတည်ရှိရာ မြိုင်ကြီးငူဒေသများ၌ တပ်ရင်း ၃ရင်းနှင့် ကေအဲန်ယူ တပ်မဟာ (၇)ထိန်းချုပ်ခဲ့ရာ သောင်ရင်းမြစ်ကမ်းနေရာများတွင် တပ်ရင်း ၂ရင်းဖြင့် ၀င်ရောက်နေရာယူနေခြင်းဖြစ်ပြီး ၎င်းမှာ ယာယီ နေပေး ခြင်းသာဖြစ်ကြောင်း အမည်မဖော်လိုသူ နယ်ခြားစောင့်တပ် တပ်ရင်းမှူးတစ်ဦးက ယခုလို အတည်ပြု ပြောဆိုသည်။
သူက “စစ်တပ်တွေ ၀င်လာတယ်ဆိုတာ ဟုတ်တယ်။ မြိုင်ကြီးငူဒေသက ၃ရင်း၊ ကျနော်တို့နေတဲ့ တပ်မဟာ(၇)၊ မဲ့တရီတို့ဘက် ကို ၂ရင်း၊ အားလုံး ၅ရင်းပေါ့။ ကျနော်တို့ သင်တန်းတက်ရမယ်လေ။ သင်တန်းတက်တဲ့အချိန်မှာ ယာယီ လာနေပေးတာပဲ။ ကျနော်တို့ သင်တန်းပြီးရင် သူတို့ ပြန်သွားမှာပါ။”ဟု ကေအိုင်စီကို ပြောသည်။
နအဖ တပ်မ(၂၂) လက်အောက်ခံ တပ်ရင်းများဖြစ်သော ခမရ(၂၁၀)နှင့် (၂၀၃)တပ်ရင်းများသည် သောင်ရင်းမြစ်ကမ်းနံဘေးမှ နယ်ခြားစောင့်တပ်များ၏ နေရာများတွင် လုံခြုံရေးယူပေးရန် ပြီးခဲ့သော စက်တင်ဘာ ၂၄ရက်နေ့က ရောက်ရှိနေရာယူနေကြောင်း ကေအဲန်အယ်လ်အေ တပ်မဟာ(၇)၏ ရုံးထိုင်မှူး ဗိုလ်မှူးစောအယ်ဆဲဆဲက ယခုလို ပြောသည်။
သူက “ကျနော်တို့ သိရသလောက်က သူတို့(နယ်ခြားစောင့်တပ်)က သင်တန်းတက်ဖို့ သူတို့နေရာတွေမှာ လုံခြုံရေးယူပေးဖို့ နအဖ ခမရ(၂၁၀)၊ (၂၀၃)တို့ ရောက်လာတယ်။ ဒီမဲ့တရီဂွင်တို့၊ လယ်ဘော်ဟဲဂွင်တို့မှာပေါ့။ အင်အား ဘယ်လောက်ရှိမယ်ဆိုတာ တော့ မသိသေးဘူး။ အခုလောလောဆယ် ထူးထူးခြားခြား လှုပ်ရှားတာ မတွေ့သေးဘူး။ ရှေ့ဆက် သူတို့ ဘာအစီအစဉ်တွေ ရှိမ လဲဆိုတာတော့ စောင့်ကြည့်ရဦးမယ်။”ဟု ပြောသည်။
လက်ရှိအချိန်တွင် နယ်ခြားစောင့်တပ်ဖွဲ့ဝင်အချို့ သင်တန်းရှိရာ မွန်ပြည်နယ်၊ သံဖြူဇရပ်မြို့နယ် ၀ဲကလိကျေးရွာရှိ စစ်လေ့ကျင့် ရေးစခန်းသို့ သွားနေပြီဟု ဗိုလ်မှူးစောအယ်ဆဲဆဲက ဆိုသည်။
သင်တန်းကာလ သုံးပတ်ခန့် ကြာမြင့်မည်ဖြစ်သည့် အဆိုပါစစ်သင်တန်းကို ယနေ့တွင် စတင် ပြုလုပ်နေပြီဖြစ်ပြီး မွန်ပြည်နယ်၊ သံဖြူဇရပ်မြို့နယ် ၀ဲကလိကျေးရွာရှိ စစ်လေ့ကျင်းရေးစခန်းတွင် နယ်ခြားစောင့်တပ် တပ်ရင်း ၇ရင်းနှင့် သထုံမြို့တွင် တပ်ရင်း ၆ရင်းဖြင့် အုပ်စုနှစ်စုခွဲပြီး တက်ရောက်ရသည်ဖြစ်ကြောင်း သိရသည်။
စစ်အစိုးရတပ် တပ်မ(၂၂)၏ လက်အောက်တွင် ခမရ(၂၀၁)မှ ခမရ(၂၁၀)အထိ တပ်ရင်း ဆယ်ရင်းရှိသည်။
ပြည်ပအခြေစိုက် မြန်မာ သတင်းဌာနများ၏ အင်တာနက်စာမျက်နှာများ တိုက်ခိုက်ခံရ
Freedom News Group မှ........
ထိုင်း နိုင်ငံချင်းမိုင် မြို့ တွင် အခြေစိုက်သော မြန်မာ သတင်းဌာန တစ်ခုဖြစ်သည့် ဧရာဝတီ သတင်းဌာန နှင့် နော်ဝေ နိုင်ငံအခြေစိုက် ဒီမိုကရက်တစ် မြန်မာ့ အသံ သတင်းဌာန အင်တာနက်စာမျက်နှာများမှာDDoS စနစ်ဖြင့် တိုက်ခိုက်မှု ခံရသည် ဟု သတင်းရရှိသည်။
ထိုသို့ တိုက်ခိုက်ခံရမှု များကြောင့် ဧရာဝတီ သတင်းဌာန ၏ မြန်မာ ဘာသာနှင့် အင်္ဂလိပ် ဘာသာဖြင့် သတင်းတင်ဆက်ထားသည့် စာမျက်နှာများမှာကြည့်ရှု ၍ မရဖြစ်ခဲ့သည်။ ယခု တိုက်ခိုက်မှု နှင့်ပတ်သက်၍ ဧရာဝတီ သတင်းဌာန ၏ တည်ထောင်သူ နှင့် အယ်ဒီတာချုပ် ဖြစ်သူဦးအောင်ဇော်က ယခုတိုက်ခိုက်ခံရမှု မှာ ၂၀၀၈ ခုနှစ်နောက် ပိုင်းတွင် ဒုတိယမြောက် အကြီးမားဆုံးဖြစ်ပြီး ပို၍ လည်းစွမ်းအား ပြင်းထန် လာသည် ဟု Freedom News Group သို့ ပြောသည်။
မြန်မာ စစ်အစိုးရကိုယ်တိုင် ဆိုင်ဘာရာဇ၀တ်မှု များတွင် ကျွမ်းကျင်မှု များရှိလာကာ ၎င်းတို့ ကိုယ်တိုင် ဆိုင်ဘာနယ်ထဲ ၀င်လာသည် ဟု ထင်ရကြောင်း ယခင်က ဆိုင်ဘာ နယ်တွင် သူငယ်တန်း အဆင့်သာ
ရှိသည့် မြန်မာ စစ်အစိုးရ မှာ ထိုလုပ်ငန်း များ တွင် ပို၍ ကျွမ်းကျင်ပြီး လက်ပွန်းတတီးဖြစ်လာပုံရကြောင်း
Web Master များက သုံးသပ်ပြောကြားသည်။
မဇ္ဈိမ သတင်းဌာန ၏ မြန်မာ ဘာသာနှင့် အင်္ဂလိပ် ဘာသာဖြင့် သတင်းတင်ဆက်ထားသည့် စာမျက်နှာများမှာလည်း ယမန် နေ့ ကတည်းက ကြည့်ရှုမရ ဖြစ်နေသည်။
ပြည်ပ သတင်းဌာန များ ၏ အင်တာနက် စာမျက်နှာ များ အားယခု တိုက်ခိုက်မှု မှာ ၂၀၀၇ ရွေဝါရောင်
တော်လှန်ရေး နောက်ပိုင်းတွင် နှစ်ကြိမ် ထက်မနည်းရှိသွားကာ တိုက်ခိုက်မှု အသေးများမှာ မရေမတွက်
နိုင်အောင် ရှိသည်ပြီးလွန်ခဲ့သည့် သတင်း ပတ်များ အတွင်း Burmese Hackers အမည်ဖြင့် ဧရာဝတီ ၏ အွန်လိုင်း ရင်းမြစ် တစ်ခု သို့ ဝင်ရောက် ကာ သတိပေး အမှာစကားထားခဲ့သည် ဟု ဦးအောင်ဇော်က ပြောသည်။
တိုက်ခိုက်မှုများ အား ကျွမ်းကျင် သူများ နှင့် စစ်ဆေးနေပြီး မည်သူမည်ဝါ၏ လက်ချက်ဖြစ်သည်ကို ဧရာဝတီ သတင်းဌာန ၏ မိတ်ဆွေများ က စုံစမ်းနေသည် ဟု သိရသည်။ဧရာဝတီ အပါအ၀င်အခြား မြန်မာ သတင်းဌာန များ မှာ စာဖတ်သူများ အတွက် လတ်တလော အင်တာနက်စာမျက်နှာများ ဖြင့် သတင်းတင်ဆက်မှု များ မပြတ်လပ်ရအောင် စီစဉ် ထားပြီး အချိန် တိုအတွင်းမူလ စာမျက်နှာ ကို ပုံမှန် အတိုင်း ပြန်လည် စီစဉ် တင်ဆက်မည် ဟု ပြောသည်။
မြန်မာစစ်အစိုးရ ၏ သတင်းအမှောင်ချမှု များကြောင့် သတင်း ငတ်မွတ်နေသည့် မြန်မာပြည်သူ လူထုမှာ သတင်းဌာနများ ၏ အင်တာနက်စာမျက်နှာများ ကြည့်ရှုမရခြင်း အား ဖြစ်နိုင်သည့်နည်းပေါင်းစုံဖြစ်ကျော်လွှား မည် ဟု ဆိုသည်။
နေ့ စဉ် အင်တာ နက် ပုံမှန် သုံးဆွဲ သူ တစ်ဦးက စနေနေ့ လောက်ကတည်းက ဘယ်ဝဘ်ဆိုတ်မှ ကြည့်လို့ မရတော့ ဘူး သတင်းဌာန တွေ အကုန် ပဲ၊ ဒီနေ့ တော့ ဆိုင်ရှင် က ပြောတယ် အခုရက်ပိုင်းအတွင်း ပြည်ပ သတင်းဆိုတ်တွေ မကြည့်ပါနဲ့  သူတို့ လာ စစ်တာရှိမယ် လို့ ကျွန်တော့်ကို သတိပေး
တယ်၊အခု ကျွန်တော် လဲ မကြည့်ရဲ သေးဘူး မေးထဲ ရောက်လာတဲ့ သတင်းတွေ လောက်ပဲ ဖတ်တယ်။ပရောက်စီ သုံးပြီး ကြည့်ရင်တော့ ရတယ် ဟု ပြောသည်။
ပြည်ပ အခြေစိုက် သတင်းဌာနများ ၏အင်တာ နက်စာမျက်နှာ များ ကိုအင်တာနက် ဆိုင်များတွင်ကြည့်ရှုပါ က ကြံ့ဖွံ့ နှင့် စွမ်းအားရှင် များ က စောင့်ဖမ်းမည် ဆိုသည့် သတင်းများ ထွက်ပေါ်နေကြောင်း ရန်ကုန်မြို့  ရေကျော်မှ အင်တာနက် ကဖေး ဖွင့်ထားသူ တစ်ဦးက Freedom News Groupသို့ ပြောသည်။
အီရန် နိုင်ငံတွင်မူ တစ်နိုင်ငံလုံးနီးပါး Stuxnet အမည်ရှိ ကွန်ပျူတာ ဗိုင်းရပ်(စ်) တိုက်ခိုက်မှုကြုံတွေ့ နေ ရသည် ။
DKBA တပ်ဖွဲ့ဝင်ပိုင်အိမ်ကို ချိတ်ပိတ်သိမ်းမှုကြောင့် တိုက်ပွဲများဖြစ်ပေါ်လာမှာကို ဒေသခံတို့ စိုးရိမ်
Freedom News Group မှ......
လွန်ခဲ့သည့်စက်တင်ဘာ၂၁ရက်ညနေပိုင်းကDKBAမှဗိုလ်စောကျော်သက်သက်နှင့်အဖွဲ့သည် မြ၀တီရဲစခန်းကိုလက်နက်နှင့်ဝိုင်းပြီး DKBA ၉၀၁တပ်ရင်းနှင့် ကရင်ငြိမ်းချမ်းရေးအဖွဲ့ ၆၆၉ တပ်ရင်းပိုင် တရားမ၀င်လိုင်စင်မဲ့ကားများပြန်တောင်းမှုဖြစ်ခဲ့ပြီး အရှေ့တောင်တိုင်းစစ်ဌာနချုပ်တိုင်းမှုးမှ ဗိုလ်စောကျော်သက်နှင့် အဖွဲ့အားဖမ်းဆီးမိန့်ထုတ်ခဲ့သည်။
မြ၀တီရဲစခန်းမှလည်း စက်တင်ဘာလ(၂၃) ရက်နေ့တွင် ဒုရဲအုပ်စိုးနိုင်ဝင်းမှ တိုင်တန်းသဖြင့် မြ၀တီရဲစခန်း၌အမှုဖွင့်လှစ်ပြီး“ဥပဒေနှင့်အညီသိမ်းဆည်းထားသော မော်တော်ယာဉ်များကို လက်နက်များဖြင့်ချိန်ရွယ်လုယက်ခြင်း၊ လက်နက်များဖြင့် အများပြည်သူအထိတ်တလန့် ဖြစ်အောင်ပြုလုပ်ခြင်းစတဲ့ပုဒ်မများဖြင့်ရဲအုပ် စခန်းမှူးအောင်မျိုးလွင် စစ်ဆေးဆောင်ရွက်လျှက်ရှိသည်ဟု Kaowao သတင်းဝက်ဆိုဒ်တွင်ဖေါ်ပြထားသည်။
ဗိုလ်စောကျော်သက်နှင့်အဖွဲ့ မှာ အရှေ့တောင်တိုင်းစစ်ဌာနချုပ်ထံအယူခံဝင်သော်လည်း လက်မခံသောကြောင့်အခြေစိုက်စခန်းမှ ရှောင်တိမ်းသွားကြသည်ဟုသိရသည်။
စက်တင်ဘာ ၂၆ရက်နေ့ညနေပိုင်းတွင် သင်္ကံန်းညီနောင်အခြေစိုက် စစ်ဗျူဟာမှုး ဗိုလ်ကြီးကျော်နိုင်ဦး ဦးဆောင်ပြီး စရဖအဖွဲ့ဝင်များမှ ကရင်ပြည်နယ်၊မြတီမြို့ အမှတ် ( ၄ )ရပ်ကွက်ရှိ DKBA ဗိုလ်စောကျော်သက် ပိုင်ဆိုင်သော အိမ်အား ချိတ်ပိတ်သွားကြောင်း ၄င်းရပ်ကွက်နေထိုင်သူတဦးက Freedom News Group သို့ပြောပြခဲ့သည်။ ထိုသို့ စစ်တပ်မှ ချိတ်ပိတ်အပြီး နာရီအနည်းငယ်အကြာ ည ( ၈ )နာရီခန့်အချိန်တွင် DKBA တပ်ရင်း ၉၀၁ နှင့် ကရင်ငြိမ်းချမ်းရေး တပ်ရင်း ၆၆၉ မှ တပ်ဖွဲ့ဝင်များရောက်ရှိလာပြီး အမှတ် ( ၄ )ရပ်ကွက် ရာအိမ်မှုး အငယ်လေးဆိုသူအား ခေါ်ပြီး၊ ဗိုလ်စောကျော်သက်၏ အိမ်သော့တောင်းရာမှာ မရသောကြောင့် သေနတ်ဒင်များဖြင့် ထုရိုက်ခံခဲ့ရသည်။ အငယ်လေးအား မြ၀တီဆေးရုံသို့ရပ်ကွက်မှပို့ဆောင်ခဲ့သည်။
အငယ်လေးသည် သေနတ်ဒင်နှင့် ထုရိုက်ခံရသောကြောင့် နှာခေါင်းရိုးကျိုး၊နောက်စိဦးခေါင်းကွဲပြီး ဦးဏှောက်ထိခိုက်မှုကြောင့် အခြေအနေဆိုးရိမ်ရကြောင်း မြ၀တီဆေးရုံမှ တာဝန်ကျဆရာမတဦးကပြောပြပါသည်။
ထိုသို့ နယ်ခြားစောင့် တပ်အသွင်မပြောင်းသေးသော တပ်ရင်းတပ်ဖွဲ့များနှင့် စစ်အစိုးရတပ်ဖွဲ့များအကြား စီးပွားရေးကိစ္စမပြေလည် မှုများကြောင့် မကြာခင် စစ်ပွဲများဖြစ်လာနိုင်သည်ကို စိုးရိမ်နေကြကြောင်း မြ၀တီမြို့ရှိ စီးပွားရေးသမားတဦးကပြောပြပါသည်။
၎င်းက ထိုသို့ စစ်ပွဲများဖြစ်လာနိုင်သလို ကရင်အဖွဲ့တွေ ပူးပေါင်းပြီးပြန်လည် တိုက်ခိုက်လာနိုင်မှုတွေကြောင့် မြ၀တီဒေသခံများမှာ ရွေးကောက်ပွဲမဲပေးခွင့်လည်း မရှိတော့ကြောင်း၊နယ်စပ်ကုန်သွယ်ရေးမှာလည်း တံတားပြန်လည်မဖွင့်ပေးတဲ့အပြင် တိုက်ပွဲများကြောင့် ကုန်သွယ်ရေးဆိုးဝါးသွားနိုင်ကြောင်းများ ပြောပြခဲ့သည်။
ခဝဲခြံ က မျက်မမြင်တွေ အတွက် သင့်မျက်လုံး ကို ခေတ္တ ငှားပေးလိုက် ပါလား
ဟံသာဝတီ သတင်းမှ......
မြန်မာပြည်သား များဟာ အလှူ အတန်း ရက်ရော တာကတော့ ထင်ရှား ပါတယ်။ ဒါကြောင့် ထူးဆန်းတဲ့ အလှူ ဒါန တစ်ခု အကြောင်း ပြောပြပါ ရစေ။ အဲဒီ အလှူက ငွေကုန်ကြေး ကျလည်း မရှိဘူး။ ကိုယ့်ရဲ့ အားလပ် ချိန်မှာ တတ်နိုင် သမျှလေး လုပ်သွား ပေးရုံပဲ ဖြစ်ပါတယ်။ အချိန် ကလေး နည်းနည်းလေး ပေးဖို့ပဲ လိုအပ် တာပါ။ အဲဒီ အလှူ ကတော့ ရန်ကုန်၊ မျက်မမြင်ကျောင်း (ခဝဲခြံ) က မျက်မမြင်တွေ အတွက် အသံ အလှူဒါနပဲ ဖြစ်ပါတယ်။ ရန်ကုန်၊ မျက်မမြင်ကျောင်း (ခဝဲခြံ) မှာ ဒီနှစ် မူလတန်း ကနေ အထက်တန်း အဆင့် အထိ ကျောင်းသားပေါင်း (၇၉) ဦး၊ အသက်မွေး ဝမ်းကျောင်း လက်မှု ပညာ သင်ကြား နေတဲ့ ကျောင်းသား (၇၉) ဦး ရှိပါတယ်။ အဲဒီ မျက်မမြင် ကျောင်းသား တွေကို စာဖတ် နိုင်အောင်လို့ စီမံထားတဲ့ မျက်မမြင် စာအုပ် ဆိုတာတွေက ရှိပေမဲ့ စာအုပ်တွေက အထူကြီး တွေပါ။ လုံးချင်း ဝတ္ထုတွေလို စာအုပ် မျိုးတွေ ဆိုတော့ မျက်မမြင် စာအုပ် ထုထ်ဖို့ အခက် အခဲတွေ ရှိနေပါတယ်။ အဲဒီအတွက် စကားပြော စာအုပ် (Talking Book) အဖြစ်နဲ့ ထုတ်ဝေဖို့ စီစဉ်ထား ပါတယ်။
လစဉ်ထုတ် မဂ္ဂဇင်းတွေ၊ စာစောင်တွေ၊ သုတရသ စာအုပ်တွေ မျက်မမြင် ကျောင်းသားတွေ အတွက် Talking Book အဖြစ် ပြောင်းလဲ ထုတ်ပေးနေပြီ ဖြစ်ပါတယ်။ အဲဒီလို Talking Book တွေ ထုတ်ပေး နေတဲ့ နေရာမှာ ကျောင်းရှိ ဝန်ထမ်း အင်အားနဲ့ မလုံလောက်တဲ့ အတွက် အသံ အလှူရှင်တွေ ဖိတ်ခေါ်နေ ပါတယ်။ အသံ လှူချင်သူများ အနေနဲ့ ကိုယ်ပေး နိုင်တဲ့ အချိန်ပေါ်မှာ မူတည်ပြီး မျက်မမြင် ကျောင်းမှာ ရှိတဲ့ အသံသွင်း ခန်းမမှာ သွားရောက်ပြီး အသံဒါန ပြုနိုင်ကြပါတယ်။
Talking Book ပြောင်းလဲပေး ရမယ့် စာအုပ် တွေလည်း မျက်မမြင် ကျောင်းမှာ အဆင်သင့် ရှိနေပြီး သားပါ။ အသံ အလှူရှင်က ကိုယ်တတ်နိုင်တဲ့ အချိန်ပေါ် မူတည်ပြီး ဆောင်းပါး တစ်ပုဒ်ချင်း၊ ဝတ္ထု တစ်ပုဒ်ချင်းက စပြီး လုံးချင်း စာအုပ်တွေ အထိ ဖတ်ပေးနိုင် ကြပါတယ်။ မျက်မမြင်ကျောင်းကို မသွားရောက်နိုင်တဲ့ အလှူရှင်တွေ အနေနဲ့ မိမိ အစီအစဉ်ဖြင့် သွင်းပြီး အသံဖိုင် ကိုလည်း လှူဒါန်းနိုင် ကြပါတယ်။
အဲဒီလို အသံသွင်းပြီး လှူမယ် ဆိုရင်တော့ အသံ အရည် အသွေး ကောင်းမွန်ဖို့ကို ဂရုစိုက် ကြရမှာ ဖြစ်ပါတယ်။ ဒီလိုမျိုး ကိုယ့် မျက်လုံးနဲ့ ဖတ်ပြီး မမြင်ရတဲ့ သူတွေ အတွက် အသံ ဒါနကို ပြုချင်တယ်။ အသေးစိတ် အကြောင်းအရာကို သိချင်တယ် ဆိုရင် ရန်ကုန် မျက်မမြင်ကျောင်း (ခဝဲခြံ) ၊ အမှတ် (၁၆၅) ဗဟိုလမ်း၊ (၂) ရပ်ကွက် ၊ မရမ်းကုန်းမြို့နယ်၊ ရန်ကုန်မြို့၊ ဖုန်း (ဝ၁-၆၆၁၆၈၉ ၊ ၆၆၂ဝ၃၄)၊ Email: mcfb@mptmail.net.mm သို့ ဆက်သွယ် စုံစမ်းနိုင် ပြီး ခဝဲခြံ မျက်မမြင်ကျောင်း၏ ဝက်ဘ်ဆိုက် www.mcfblind.com တွင်လည်း ကြည့်ရှု နိုင်ကြောင်း သိရှိရ ပါသည်။
ရွေးကောက်ပွဲပြီးလျှင် နအဖအနေဖြင့် မတရားမှုများ ပိုလုပ်လာမည်ဟုပြော
ရိုးမ ၃ သတင်းမှ.......
စစ်အစိုးရအနေဖြင့် ရွေးကောက်ပွဲပြီးလျှင် မတရားမှုများကို တရားဝင် ပိုမိုလုပ်ဆောင်လာမည် ဖြစ်သည့်အတွက် ၂၀၁၀ ရွေးကောက်ပွဲကို ဆန့်ကျင်ရန်လိုအပ်ကြောင်း အပြည်ပြည်ဆိုင်ရာ မြန်မာရဟန်းတော်များအဖွဲ့ မဲဆောက်ရုံးတာဝန်ခံ ဦးဇဝနက ပြောသည်။ထိုင်း-မြန်မာနယ်စပ်တွင် ယနေ့နံနက်ပိုင်းက ကျင်းပပြုလုပ်ခဲ့သည့် စက်တင်ဘာ သံဃာ့လှုပ်ရှားမှု ရွှေဝါရောင်တော်လှန်ရေး ၃ နှစ်ပြည့်အထိမ်းအမှတ် အခမ်းအနားတွင် ပြောဆိုခြင်းဖြစ်သည်။
“နအဖ စစ်အစိုးရဟာ တရားဝင် အစိုးရမဟုတ်ပါဘူး၊ အဲဒီလို တရားဝင် မဟုတ်တာတောင် မြန်မာပြည်သူလူထုအပေါ် နှိပ်စက်မှုတွေဟာ တနေ့ထက်တနေ့ ဆိုးလာပါတယ်၊ ၂၀၁၀ ရွေးကောက်ပွဲပြီးလို့ တရားဝင်အစိုးရအဖြစ် ကမ္ဘာက လက်ခံလိုက်ရင် ဒီထက်မက မကောင်းမှုတွေကို ကျူးလွန်မှာဖြစ်တဲ့အတွက် တတိုင်းပြည်လုံးက သတ္တိရှိရှိနဲ့ ၂၀၁၀ ရွေးကောက်ပွဲကြီးကို ဆန့်ကျင်ကြပါလို့ ပြောချင်ပါတယ်” ဟု ဦးဇဝနက ပြောသည်။
ယနေ့ကာလတွင် သံဃာတော်များအနေဖြင့် ရန်ကုန်၊ မန္တလေးမြို့ကြီးများတွင် ၂၀၁၀ ရွေးကောက်ပွဲဆန့်ကျင်ရေး ကိစ္စရပ်များကို အားကျိုးမာန်တက် လုပ်ဆောင်နေလျှက်ရှိကြောင်း ၎င်းက ဆက်ပြောသည်။
ထို့အပြင် အခမ်းအနားကျင်းပရခြင်းနှင့်ပတ်သက်၍ “သံဃာတော်များဟာ ပြည်သူလူထုတွေ ဒုက္ခရောက်လာတိုင်းမှာ လူထုဘက်က မားမားမတ်မတ်ရပ်တည်ပြီးတော့ သမိုင်းအဆက်ဆက် ဆောင်ရွက်ခဲ့တယ်၊ ၂၀၀၇ တုန်းကလဲ အဲလိုထွက်ခဲ့ကြလို့ မြန်မာပြည်မှာ ဖြစ်ပျက်နေတဲ့အခြေအနေတွေကို ကမ္ဘာကြီးက တအံ့တသြ တွေ့ရှိခဲ့ကြတဲ့ အဖြစ်အပျက်ကို တကမ္ဘာလုံးက မမေ့မပျောက်အောင်ဆိုတဲ့ ရည်ရွယ်ချက်ကြောင့် အခုလို ကျင်းပတာဖြစ်တယ်” ဟု ဦးဇဝနက ပြောသည်။
မြန်မာပြည်ဒီမိုကရေစီအရေးတွက် သံဃာတော်များ ကျောင်းသားလူငယ်များနှင့် လှည်းနေလှေအောင်းမကျန် ပြည်သူများပါဝင်သည့် ဆန္ဒပြပွဲများဖြစ်ပေါ်လာရေးအတွက် သံဃာ့တော်များအနေဖြင့် လုပ်ဆောင်နေလျှက်ရှိကြောင်းကို မြန်မာနိုင်ငံလုံးဆိုင်ရာ သံဃာ့တပ်ပေါင်းစု နိုင်ငံခြားရေးတာဝန်ခံ အရှင်ဣသရိယက ပြောသည်။
“အခုဆိုရင် ပြည်တွင်းထဲမှာ သံဃာ့သမဂ္ဂီအဖွဲ့တွေ၊ ရဟန်းပျိုသမဂ္ဂအဖွဲ့တွေ၊ သောတုဇနဘိက္ခူအဖွဲ့တွေ ပြန်လည်ဖွဲ့စည်းပြီးတော့ မြန်မာပြည်ဒီမိုကရေစီရေးအတွက် လှုပ်ရှားမှုကြီးကို ကျောင်းသားပြည်သူတွေ ပါဝင်ပြီး ဖြစ်ရမယ်ဆိုပြီး စုပေါင်းဆောင်ရွက်နေကြပါတယ်၊ ၂၀၁၀ ရွေးကောက်ပွဲကို သံဃာတော်တွေက လက်ခံခြင်းမရှိတဲ့အတွက် နည်းအမျိုးမျိုးဖြင့် လုပ်ဆောင်နေပါတယ်” ဟု ဆက်ပြောသည်။
ယနေ့သည် ၂၀၀၇ ခုနှစ် သံဃာတော်များဦးဆောင်သည့် ရွှေဝါရောင် သံဃာ့လှုပ်ရှားမှုကို စစ်အစိုးရက အကြမ်းဖက်ဖြိုခွဲခဲ့သည်မှာ ၃ နှစ်ပြည့်မြောက်သည့်နေဖြစ်ပြီး အထိမ်းအမှတ်အခမ်းအနားများကို အုန်းဖျန်ဒုက္ခသည် စခန်းတွင်လည်းကျင်းပပြုလုပ်ပြီး အဆိုပါအခမ်းအနားသို့ သံဃာတော်အပါး (၁၀၀) နီးပါးတက်ရောက်ခဲ့သည်။
