Ka Nyaw Po: 7/11/10

စောသိန်းမြင့် (ကေအိုင်စီ)
ကရင်အမျိုးသားကာကွယ်ရေးတပ်ဖွဲ့ (ကေအဲန်ဒီအို)မှ ကြီးမှူး၍ ၂၀၁၀ခုနှစ် ဇူလိုင်လ ၁၆ရက်နေ့တွင် ကျရောက်သော ၆၃နှစ် မြောက် (ကေအဲန်ဒီအို)ဒေး အခမ်းအနားကို ထိုင်း-မြန်မာနယ်စပ်တနေရာတွင် ယနေ့ ကျင်းပပြုလုပ်ခဲ့ကြသည်။
အဆိုပါအခမ်းအနားကို ကေအဲန်ဒီအိုမှ ဖွင့်လှစ်သည့် ကော့သဘလေးကျောင်းတွင် ယနေ့နံနက် ()နာရီအချိန်တွင် ကျင်းပပြု လုပ်ခဲ့ကြပြီး ကေအဲန်ယူ၏ တွဲဖက်အတွင်းရေးမှူး(၁) ဗိုလ်မှူးစောလှငွေ တက်ရောက်ကာ ယခုလို အားပေးတိုက်တွန်းစကား ပြောကြားခဲ့သည်။

“ကမ္ဘာမြေပေါ်မှာ ကျနော်တို့ ကရင်လူမျိုး လုံးဝ မပျောက်ကွယ်သွားဖို့အတွက် မဟာလူမျိုးကြီး စစ်အာဏာရှင်အစိုးရရဲ့ ညှင်း ပန်းနှိပ်စက်၊ သတ်ဖြတ်သုတ်သင်မှု၊ ပိတ်ပင်တားဆီးမှု အမျိုးမျိုးကို အားကြိုးမာန်တက် ကြိုးပမ်းလုပ်ဆောင်နေပါတယ်။ ကျနော်တို့ ခေါင်းဆောင်ကြီးတွေရဲ့ မျိုးချစ်စိတ်ဓါတ်နဲ့ အမှန်တရားဘက်က ရပ်တည်ပြီး တွန်းလှန်ကာကွယ်တဲ့အတွက် ကြောင့် အခု မျက်မှောက်ကာလမှာ ကရင်လူမျိုးတမျိုးအနေနဲ့ အသက်ရှင် ရပ်တည်နိုင်တာဖြစ်ပါတယ်။ ဒါကြောင့် သူတို့တွေ ရဲ့ မပြီးဆုံးသေးတဲ့ လုပ်ဆောင်မှုတွေကို ကျနော်တို့ ကျောင်းသားလူငယ်တွေ ဆက်လက်တာဝန်ယူ ထမ်းဆောင်ဖို့လိုပါ တယ်”ဟု ဗိုလ်မှူးစောလှငွေက တိုက်တွန်းပြောကြားသည်။

ယနေ့ပြုလုပ်သည့် အခမ်းအနားတွင် ကရင်ကျောင်းသူကျောင်းသားနှင့် ဒေသခံ ရွာသူရွာသားများ အပါအ၀င် စုစုပေါင်း ပရိ ဿတ် ၁၀၀နီးပါး တက်ရောက်ခဲ့ကြပြီး ကေအဲန်ယူ ထိန်းချုပ်ရာ တပ်မဟာ(၇)ခုရှိ ကေအဲန်ဒီအိုတပ်ရင်းများ အခြေစိုက်ရာနေ ရာများတွင် ၆၃နှစ်မြောက် ကေအဲန်ဒီအိုနေ့အခမ်းအနားကို အလားတူ ကျင်းပလျှက်ရှိပြီး ကေအဲန်ယူဥက္ကဌ စောတာမလာ ဘော၏ မိန့်ခွန်းနှင့် ကေအဲန်ဒီအို ဗိုလ်ချုပ်မန်းကျော်ဖေ၏ မိန့်ခွန်းများကို ဖတ်ကြားခဲ့သည်။

ကရင်အမျိုးသားအစည်းအရုံး(ကေအဲန်ယူ) ဥက္ကဌ စောတာမလာဘော၏ မိန့်ခွန်းတွင် ကေအဲန်ဒီအိုအဖွဲ့အနေနှင့် မိမိအဖွဲ့ တည်ထောင်ခဲ့ရတဲ့ ရည်ရွယ်ချက်များနဲ့ တာဝန်ဝတ္တရားတွေကို ဒီနေ့ကာလမှာ ဆက်လက် အကောင်အထည်ဖော် လုပ်ဆောင် သွားကြရမှာ ဖြစ်သလို တိုင်းရင်းသားလူထုအပေါ် စစ်အာဏာရှင်များ၏ ဖိနှိပ်မှုများ ပို၍များပြားလာသည့်အပြင် ထိတ်လန့် သွေးပျက်ဖွယ်ရာ အကြမ်းဖက်မှု၊ အဓမ္မငွေကြေးကောက်နေမှု၊ လုယက်မှု။ လူထုများ၏ အိုးအိမ်၊ ဥယျာဉ်ခြံမြေနှင့် အသက်မွေး ၀မ်းကြောင်းလုပ်ငန်းများကို မီးရှို့ဖျက်ဆီးမှု၊ ဖမ်းဆီးနှိပ်စက်ညှင်းပမ်းမှု၊ အမျိုးသမီးများအပေါ် အဓမ္မပြုကျင့်စော်ကားမှု စသည် တို့ကို ကရင်ပြည်သူများက အဆက်မပြတ် တွေ့ကြုံခံစားခဲ့ရခြင်းကြောင့် ယင်းအကြမ်းဖက်ပြုမူမှုများကို ကာကွယ်ပေးနိုင်ရန် ကေအဲန်ဒီအိုအနေဖြင့် ပုခုံးထမ်းတာဝန် ကျေပြွန်သွားရဦးမည်ဖြစ်ကြောင်း ၎င်းက တိုက်တွန်းနှိုးဆော်သည်။
ကော့သဘလေးကျောင်းသား စောအုန်းလွင်က “ဒီနေ့ကျနော်တို့ ခေါင်းဆောင်တွေ ပြောသွားတဲ့စကားတွေဟာ ကျနော်တို့ ကျောင်းသားလူငယ်တွေအားလုံး ပခုံးပြောင်းတာဝန် ဆက်လက်ထမ်းဖို့အတွက် ခွန်အားဖြစ်စေပါတယ်။ တဆက်တည်းမှာပဲ ကရင့်တော်လှန်ရေးကို အတိမ်းအစောင်းမခံဘဲ နှစ်ပေါင်း (၆၀)ကျော်ကြာ တာဝန်ထမ်းဆောင်နေတဲ့ ခေါင်းဆောင်တွေကို အ ထူးပဲ ဂုဏ်ယူလေးစားမိပါတယ်။ ဒါကြောင့် ကျနော်တို့ ကရင်လူမျိုး မပျောက်ကွယ်မသွားဖို့အတွက် ကျနော်တို့ လူငယ်မောင် မယ်တွေအားလုံး ဆက်လက် တာဝန်ယူဖို့ လိုပါတယ်”ဟု ပြောသည်။

ကေအဲန်ဒီအိုသည် ကရင်အမျိုးသား ခုခံတော်လှန်စစ် မစတင်မှီ ၁၉၄၇ခုနှစ်၊ ဇူလိုင်လ ၁၆ရက်နေ့တွင် ကရင်ပြည်သူများ၏ လွတ်လပ်မှုနှင့် တရားသော ရပိုင်ခွင့်များအတွက် လှုပ်ရှားမှုအပေါ် မလိုမုန်းတီးစိတ်ဖြင့် တိုက်ခိုက်လာကြမည့် လက်နက်ကိုင် အုပ်စု၏အန္တရာယ်မှ မိမိကိုယ်ကို ခုခံကာကွယ်နိုင်ရန် ကေအဲန်ယူ၏ ဗဟိုအလုပ်မှုဆောင်ကော်မတီဝင်တဦးဖြစ်သူ ကာကွယ် ရေးဌာနတာဝန်ခံ မန်းဘဇံက စတင် ဦးဆောင် ဖွဲ့စည်းခဲ့သည်။

ကေအဲန်ဒီအို စတင်ဖွဲ့စည်းခဲ့စဉ်က ကရင်ပြည်သူများသည် ပိုမိုနိုးကြားတက်ကြွလာပြီး ကရင်လူထု၏ ထောက်ခံအားပေးမှုကို ရရှိခဲ့သော်လည်း ၁၉၅၆ခုနှစ် ဇူလိုင်လ (၅)ရက်နေ့ ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) ဖွဲ့ စည်းခဲ့ပြီးနောက်ပိုင်း ကေအဲန်ဒီအို၏ အခန်းကဏ္ဍမှာ တဖြည်းဖြည်း မှေးမိန်လာခဲ့သည်။

ပေါ်တာအဖမ်းဆီး ခံထားရသူ သုံးဦးအနက် တစ်ဦးထွက်ပြေး လွတ်မြောက်လာ

သတင်း - IMNA

ကရင်ပြည်နယ်၊ အနန်းကွင်း-ဘုးရားသုံးဆူဒေသအကြား လှုပ်ရှားနေသည့် ခမရ ၄၀၉ တပ်ရင်း စစ်ကြောင်းမှ ပေါ်တာအဖြစ် ဖမ်းဆီးထားသည့် မွန်ပြည်သစ်ပါတီ အရန်တပ်ဖွဲ့ဝင်သုံးဦးအနက် ယမန်နေ့က တစ်ဦးထွက်ပြေး လွတ်မြောက်လာသည်။

အဆိုပါ မွန်ပြည်သစ်ပါတီ အရန်တပ်ဖွဲ့ဝင်သုံးဦးကို ပြီးခဲ့သောဇူလိုင်လ (၁၂) ရက်နေ့၌ စောသဗျုရွာအနီးမှ ပေါ်တာအဖြစ် ခေါ်ဆောင်သွားခဲ့ပြီး အလွန်လေးလံသည့်ပစ္စည်းများဖြင့် အပလုံရွာအထိ ထမ်းခိုင်းကြောင်း လွတ်မြောက်လာသူ နိုင်ချမ်းလွန်က ပြောသည်။

“ကျွန်တော်တို့ကို ရိုက်နှက်တာတွေ မလုပ်ပေမယ့် အသက်အန္တရာယ်နဲ့ အင်မတန်နီးတာမို့ သိပ်ကြောက်တယ်၊ တိုက်ပွဲတွေ အချိန်မရွေး ဖြစ်လာနိုင်တယ်၊ ဒါကြောင့် နေ့လည် ၁၂ နာရီလောက်မှာ ထွက်ပြေးလာတာ ညနေမိုးချူပ်မှ အိမ်ပြန်ရောက်တယ်” ဟု ၄င်းက ပြောသည်။

ထို့အတူ ပေါ်တာအဖြစ်ထပ်မံဖမ်းဆီးခံရထားသော တဒိင်ရွာသားနှစ်ဦးအနက် သူနှင့်အတူ တစ်ဦးထွက်ပြေးလွတ်မြောက်ခဲ့သည်ဟု နိုင်ချမ်းလွန်က ပြောပြသည်။
အဆိုပါပြန်လွတ်လာသူများကို ဘုရားသုံးဆူမြို့ရှိ သက်ဆိုင်ရာမွန်ပြည်သစ်ပါတီအရာရှိတို့က တွေ့ဆုံမေးမြန်းခဲ့ပြီး ဖြစ်စဉ်ကို ခလရ ၃၂ တပ်ရင်းမှူးထံ ဆက်လက်တင်ပြခဲ့ရာ ကျန်သူအားလုံးကိုလည်း ပြန်လွှတ်ပေးပြီးဟု ပြောကြားခဲ့ကြောင်း မွန်ပြည်သစ်အရန်တပ်ဖွဲ့ဝင် ဥက္ကဌက ပြောသည်။

“သူတို့တပ်ရင်းမှူးပြောတော့ ပြန်လွှတ်ပေးလိုက်ပြီး လိမ်ပြောတာလား ဘာလားတော့ မသိဘူးလေ ပြန်ရောက် မရောက်ကိုတော့ ဆက်စုံစမ်း ကြည့်ဦးမယ်” ဟု ၄င်းက ပြောသည်။

အဆိုပါ ခမရ ၄၀၉ စစ်ကြောင်းသည် ယခုအခါ ကရင်ပြည်နယ်၊ တောင်စွန်းအနီးရှိ မယ်ဇလီရွာတွင်ရောက်ရှိနေသည်ဟု သိရသည်။

ဒု-ဗိုလ်မှူးကြီး ကျော်စိုးလွင်ဦးစီးသော ခမရ ၄၀၉ တပ်ရင်းသည် စစ်ကြောင်းအင်အား အရေအတွက် ၄၀ နီးပါးရှိကြောင်း လွတ်မြောက်လာသူက ပြောသည်။

မွန်ပြည်သစ်ပါတီနှင့် စစ်အစိုးရအပစ်ခတ်ရပ်စဲသဘောတူညီချက်တစ်ရပ်တွင် မည်သည့်တပ်ဖွဲ့မှပေါ်တာဖမ်းဆီးခြင်း မပြုရဟု သဘောတူညီမှု ရှိခဲ့သည်။

ခြုံခိုတိုက်ခိုက်မှုက စီးပွားရေးသမားများအတွက် အခက်ကြုံနိုင်

သတင်း - IMNA

မြန်မာစစ်အစိုးရတပ်ရင်းနှင့် ကေအန်ယူတပ်တို့၏ မငြိမ်သက်သည့် ခြုံခိုတိုက်ခိုက်မှုကြောင့် ပြည်တွင်းမှ နယ်စပ်ဒေသသို့ ကုန်သွယ်မှုနှင့် လုံခြုံရေးများ အခက်ကြုံနိုင်သည်ဟု ကုန်သည် အသိုင်းအဝန်းမှ သိရသည်။

ဘုရားသုံးဆူမြို့မှ သံဖြူဇရပ်မြို့သို့ သွားသည့်မော်တော်ကားလမ်းတွင် ကမ်းရိုးတန်းစစ်ဌာနချုပ်မှ တပ်ရင်း ခမရ -၄၀၉ နှင့် ကေအန်ယူ (KNU) တပ်မဟာ (၆) မှ တပ်ရင်း ၁၆ နှင့် တပ်ရင်း ၁၇ တို့ ခြုံခိုတိုက်ခိုက်မှုများ ဖြစ်နေသောကြောင့် ဘုရားသုံးဆူမြို့အတွင်းရှိ ကုန်သည်များ ကူးသန်းရောင်းဝယ်ရေးများ ရပ်ဆိုင်းထားရသည်ဟု ကုန်သည်ပွဲစားများထံမှ သိရသည်။

ဇွန်လ တတိယအပတ်မှ စတင်၍ ပွဲရုံများမှ နယ်စပ်ဒေသသို့ တင်ပို့သည့်ကုန်ပစ္စည်းများကို ၄င်းခြုံခိုတိုက်ခိုက်မှုကြောင့် ကုန်သည်များက ရပ်နားခဲ့သည်။ တချို့ကုန်သည်များက ရေလမ်း ကုန်းလမ်း ဆက်သွယ်ရေး ခက်ခဲမှုကြောင့် ရပ်နားသူများလည်းရှိသည်။

လွန်ခဲ့သည့် ဇွန်လ ၁၀ ရက်နေ့တွင် ၄င်းလမ်းကြား၌ တိုက်ခိုက်မှု ၃ ကြိမ်ဖြစ်ပွားခဲ့ပြီး ဇူလိုင်လ ၁၁ ရက်နေ့ ညနေ ၃ နာရီတွင်လည်း နောက်ထပ်တစ်ကြိမ် ဖြစ်ပွားခဲ့သည်။ ထိုစစ်အစိုးရတပ်နှင့် KNU တပ်တို့၏ ခြုံခိုတိုက်ခိုက်မှုတစ်လျှောက်တွင် မြန်မာစစ်တပ်များ ၃၀ ဦးခန့် ကျဆုံးသွားသည်ဟု KNU စစ်တပ်အသိုင်းအဝန်းမှ သိရသည်။

“ကေအန်ယူနဲ့ ဗမာစစ်တပ်တွေ ခဏခဏ တိုက်ခိုက်နေမယ်ဆိုရင် အဲဒီလမ်းဖြတ်ဖို့ ကျနော်တို့အတွက် လုံခြုံရေးမရှိတော့ဘူး၊ ကျနော်တို့ ဖြတ်သွားတဲ့အချိန်နဲ့ သူတို့ တိုက်တဲ့အချိန် ကိုက်သွားရင် ကျနော်တို့အတွက် အန္တရယ်တွေဖြစ်စေမယ်၊ ပြီးတော့ သူတို့ဘက်က မပေးသွားဘဲ ရပ်ထားခိုင်းရင် ကျတော်တို့ ပစ္စည်းတွေလည်း နယ်စပ်ရောက်ဖို့ နှောင့်နှေးစေလိမ့်မယ်” ဟု သံဖြူဇရပ်မြို့မှ ဘုရားသုံးဆူမြို့အတွင်းသို့ ကုန်ခြောက်များ ကူးသန်းရောင်းဝယ်နေသည့် ကုန်သည်တစ်ဦးက ပြောသည်။

၎င်းကုန်သည်၏အဆိုရ ထိုင်းငွေ ၁၀ သိန်းကျော် ရင်းနှီးမြှပ်နှံထားသည့် ၄င်းတို့စက်ရုံတွင် တစ်နေ့ အမြတ် ဘတ်ငွေ ၃ ထောင်နှင့် ၄ ထောင် နီးပါးရှိနေသည်။ ယခုအခြေအနေကြောင့် ပွဲရုံသို့ ပစ္စည်းမမှာယူရဲကြပေ။

“ကုန်မကူးရတော့ ဝင်ငွေလည်းမရှိ၊ ပုံမှန်လည်ပတ်နေတဲ့ အလုပ်ကလည်း နားထားရတယ်၊ အခုချိန်မှာ အမြတ်ရဖို့နေနေသာသာ အရင်းကိုပဲ ထိုင်စားနေရတယ်၊ ပိုက်ဆံမဝင်တော့ အိမ်ကမိန်းမလည်း မကြည်တော့ဘူးဗျ”ဟု ဘုရားသုံဆူမြို့ရှိ ကုန်သည်ကြီးတစ်ဦးက ပြောသည်။

ကုန်သည်များ၏ လုပ်ငန်းလည်ပတ်ခြင်းများထက် ၄င်းတို့၏ ကုန်စည်များအပေါ် မှီခိုနေသည့် ဘုရားသုံးဆူမြို့ပေါ်ရှိ ပြည်သူများအတွက် စားဝတ်နေရေး ပိုမို ကယက်ရိုက်ခတ်နိုင်သည်ဟု ၄င်းက ပြောသည်။

“မြို့ပေါ်က ကုန်ပစ္စည်းတွေ သွင်းလို့မရတော့ဘူးဆိုရင် နေ့စဉ် အဲဒီကုန်ပစ္စည်းတွေကို မှီခိုနေတဲ့သူတွေအတွက် စားဝတ်နေရေး အခက်အခဲတွေ ဖြစ်မယ်၊ ပြီးတော့ ပစ္စည်းမဝင်ရင် ကုန်ဈေးနှုန်းတွေလည်း တက်လာလိမ့်မယ်၊ ကျတော်တို့အနေနဲ့ကတော့ ဒီလမ်းမရရင် အဆင်ပြေမယ့် လမ်းကိုရှာပြီး ကုန်ကူးဖို့တော့ အစီစဉ်ရှိတယ်၊ အခြေအနေ ကြည့်ရဦးမယ်” ဟု ၄င်းက ဆက်ပြောသည်။

နေ့စဉ် ပြည်တွင်းမှ တင်သွင်းနေသည့် ကုန်ပစ္စည်များမှာ များသောအားဖြင့် စားသုံးကုန်များဖြစ်ပြီး အိမ်သုံးပစ္စည်းများနှင့် အလှကုန်များမှာ ထိုင်းနိုင်ငံမှ တင်သွင်းနေသည်ဟု ကုန်သည်ကြီးက ဆက်ပြောသည်။
“မြို့နယ်ဘက်မှာ လူဦးရေ ၁ သိန်းနီးပါးနဲ့ ဒီမြို့ပေါ်မှာက ခန့်မှန်းခြေအားဖြင့် ၅ သောင်းလောက်က နေ့စဉ်သုံးဆွဲနေတဲ့ ကုန်ပစ္စည်းတွေကို မှီခိုနေရတယ်” ဟု ၄င်းကပြောသည်။
ယခု ၂၀၁၀ ခုနှစ်အတွင်း မြန်မာစစ်တပ်နှင့် KNU တပ်တို့ နောက်ထပ်တိုက်ခိုက်မှုများ ဖြစ်ပွားဖွယ်အလားလာ ရှိသေးသည်ဟု အမည်မဖော် လိုသည့် ဘုရားသုံးဆူမှ စစ်ရေးလေ့လာသူတစ်ဦးက ပြောသည်။

“ရွေးကောက်ပွဲဖြစ်မြောက်ဖို့အတွက် စစ်အစိုးရကတော့ သူ့ရဲ့ရှေ့မှာ ရှုပ်နေတဲ့ပြဿနာမှန်သမျှ ရှင်းနေဦးမှာပဲ၊ ဒီလို ခြုံခိုတိုက်ခိုက်မှုကတော့ ထပ်ဖြစ်ဖို့ အလားလာရှိသေးတယ်၊ အဲဒီလိုဖြစ်လာလိုရင် စီးပွားရေးလုပ်တဲ့သူတွေ အခက်အခဲအကြပ်အတည်းတွေနဲ့ ရင်ဆိုင်ရဦးမှာဖြစ်တယ်” ဟု ၄င်းက ပြောသည်။

KNU တပ်မှာ စစ်အစိုးရကျင်းပမည့် ရွေးကောက်ပွဲကို ဖျက်သိမ်းလိုခြင်း နှင့် ၄င်းတို့၏ ဧရိယာနယ်နိမိတ်ကို ကိုယ်တိုင်အုပ်ချုပ်နိုင်ကြောင်း ပြသခြင်းဖြစ်သောကြောင့် ယခုကဲ့သို့ တိုက်ခိုက်နေခြင်းဖြစ်နိုင်သည်ဟု မွန်ပြည်သစ်ပါတီမှ ဗိုလ်မှုးဟောင်း နိုင်ကောတလရော့ က သုံးသပ် ထားသည်။

ကေအဲန်ယူ ၀င်ထွက်မှုကြောင့် ရွာသားများ ဒဏ်ငွေရိုက်ခံရ

စောသိန်းမြင့် (ကေအိုင်စီ)သတင်းမှ.......

ကရင်ပြည်နယ် ကော့ကရိတ်မြို့နယ် တောင်ဘက်ခြမ်း (၂)မိုင်အကွာအဝေးရှိ တမိုင်ကုန်း ကျေးရွာအုပ်စုတွင် လှုပ်ရှားနေသော ဒီကေဘီအေတပ်ဖွဲ့များသည် ကေအဲန်ယူတပ်ဖွဲ့ဝင်များ ၀င်ထွက်သွားလာမှုကို ၎င်းတို့အား အသိမပေးဟုဆိုကာ တရွာလျှင် ကျပ်ငွေ ငါးသောင်းစီ ဒဏ်ငွေဆောင်ခိုင်းကြောင်း ကေအိုင်စီက စုံစမ်းသိရှိရသည်။

ပြီးခဲ့သည့် ဇူလိုင်လ ၉ရက်နေ့က ဗိုလ်အကြည် ဦးဆောင်သော ဒီကေဘီအေ (၉၉၉)တပ်မဟာ တပ်ရင်း(၃)မှ တပ်ဖွဲ့ဝင်များ သည် အဆိုပါကျေးရွာအုပ်စုအတွင်း ကေအဲန်ယူတပ်ဖွဲ့ဝင်များ ၀င်ထွက်သွားလာမှုကို ၎င်းတို့အား အကြောင်းမကြားရကောင်း လားဆိုပြီး ထိုဒေသရှိ ရွာတန်းရှည်၊ နောင်နိုင်း၊ နန်းရွှေမုံ၊ ဒေါက်ပလန်၊ ဘော်ဒိုင်း၊ နွန်းတကော်(ကြာအင်း) စသည့်ရွာ(၆)ရွာကို ကျပ်ငွေ ၅၀၀၀၀စီ ဒဏ်ငွေပေးဆောင်ခိုင်းခြင်းဖြစ်သည်ဟု ဒေသခံများက ပြောသည်။

ထိုကိစ္စနှင့် ပတ်သက်ပြီး ကေအိုင်စီမှ နန်းရွှေမုံရွာသားတစ်ဦးအား ဆက်သွယ်မေးမြန်းရာတွင် ၎င်းက “ကျနော်မပြောရဲဘူး။ နောက်မှ ပြန်ဆက်သွယ်ပါနော်”ဟု တုန့်ပြန်ပြောဆိုခဲ့သည်။ အဆိုပါ ဒီကေဘီအေတပ်ဖွဲ့သည် ဒဏ်ငွေအပြင် ၎င်းတို့၏တပ် ရိက္ခာအတွက်ဆိုကာ ထိုကျေးရွာ(၆)ရွာမှ (၄၀၀၀၀)ကျပ်ကိုလည်း လစဉ် ပေးဆောင်ခိုင်းသေးကြောင်း သိရသည်။

လတ်တလောအခြေအနေတွင် ဒီကေဘီအေတပ်ဖွဲ့များသည် ယခင်ကလို စီပွားရေးလုပ်ပိုင်ခွင့်များ မရှိတော့ဘဲ ကိုယ်ပိုင်ရပ် တည်ရေး ကြပ်တည်းလာသည့်အတွက် ယခုလို ရွာသားများထံမှ ငွေကြေး အတင်းအဓမ္မ တောင်းခံခြင်းဖြစ်သည်ဟု ကေအဲန် ယူ တွဲဘက်အတွင်းရေးမှူး (၁)ဗိုလ်မှူးစောလှငွေက ပြောသည်။

၎င်းက “လောလောဆယ်မှာ သူတို့(ဒီကေဘီအေ)တွေဟာ ခါတိုင်းတွေလို စီးပွားရှာလို့ မလွယ်တော့ဘူး။ ရပ်တည်ရေးက သူ တို့က မလွယ်တော့ဘူး။ ဒီကေဘီအေ နာမည်နဲ့ ပြေးဆွဲနေတဲ့ ၀စ်သောက်(လိုင်စင်မဲ့)ကားတွေ ပြေးလို့မရတော့တဲ့ အနေအ ထားမှာရှိလာတယ်။ နောက်တခုက ခါတိုင်းတွေလို ကြိုက်သလို ဂိတ်တွေဖွင့်ပြီးတော့ လုပ်လို့မရတော့တဲ့အပေါ်မှာ ရွာသား တွေကို ၀န်ထုပ်ဝန်ပိုး ပိလာအောင် ငွေတောင်းတာပဲ”ဟု ပြောသည်။

ဒီကေဘီအေ တပ်မဟာ(၅)မှ တပ်မှူးတဦးက “ဒီကောင်တွေ ဆေးလိပ်ဖိုးမရှိတော့လို့ လုပ်တာပါ။ ဘာဖြစ်လို့လဲဆိုတော့ အခု ချိန်မှာ ဘာဝင်ငွေမှ မရှိတော့တဲ့အချိန်လေ”ဟု ကေအိုင်စီကို ပြောသည်။

ယခင်က ထိုဒေသရှိ ကျေးရွာအနီးတ၀ိုက်တွင် ဒီကေဘီအေနှင့် ကေအဲန်ယူတပ်ဖွဲ့ဝင်များအကြား တိုက်ပွဲဖြစ်ပွားခဲ့ပါက ဒီကေ ဘီအေမှ ရွာသူရွာသားများအား ဒဏ်ငွေရိုက်သည့်အပြင် ၎င်းတို့တပ်ဖွဲ့ဝင်များ ကေအဲန်ယူထံ လက်နက်ခဲယမ်းနှင့်အတူ သွား ရောက်ပူးပေါင်းခဲ့လျှင်လည်း ဒေသခံရွာသားများကပင် လျော်ကြေးပေးဆောင်ရလေ့ရှိသည်။

ဒီကေဘီအေတပ်ဖွဲ့သည် လက်ရှိအချိန်တွင် တပ်အင်အား ၄၀၀၀ကျော်ရှိသည့်အနက်မှ တပ်မဟာ(၉၉၉)သည် တပ်အင်အား အတောင့်တင်းဆုံးအဖွဲ့ဖြစ်သလို နအဖ စစ်အစိုးရ ချမှတ်ထားသော နယ်ခြားစောင့်တပ် အသွင်ကူးပြောင်းရေးလမ်းစဉ်ကို လက်ခံခဲ့သည့် တပ်မဟာအဆင့် ဒီကေဘီအေအစုအဖွဲ့တစ်ခု ဖြစ်သည်။

ငသန်းရွှေ၏ မြေး ယာဉ်မတော် တဆဖြစ်

တခါတည်းပွဲချင်းပြီး သေသင့်တယ်........

ဧရာဝတီမှ...
စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ၏မြေး နေရွှေသွေးအောင် ခေါ် ဖိုးလပြည့်သည် လွန်ခဲ့သည့် တပတ်က ၎င်း၏ နေအိမ် အနီးတွင် ယာဉ် မတော်တဆမှု ဖြစ်ပွားခဲ့ကြောင်း သိရသည်။

ဖိုးလပြည့်သည် သူငယ်ချင်းများနှင့် နိုက်ကလပ်က အပြန် ၎င်း၏ နေအိမ်ခြံရှေ့ မရောက်ခင် လမ်း အကွေ့ တနေရာ၌ ကားမတော်တဆမှု ဖြစ်ပွားခဲ့သော်လည်း တစုံတရာ ထိခိုက်ခြင်း မရှိကြောင်း စစ်အစိုးရ ဗိုလ်ချုပ် သားသမီး များနှင့် နီး စပ်သူ တဦးက ပြောသည်။

ကား မတော်တဆ ဖြစ်ပွားခြင်းနှင့် ပတ်သက်၍ ဗိုလ်ချုပ် သားသမီးများနှင့် နီးစပ်သူက အတည်ပြု သော်လည်း အသေးစိတ် အချက် အလက်များ ကိုမူ မသိရှိရ သေးကြောင်း ဆိုသည်။

တချို့ သတင်း ရပ်ကွက် များကမူ ဖိုးလပြည့်သည် ၎င်း၏ သူငယ်ချင်းများနှင့် ကားပြိုင် မောင်းရင်း ကားမှောက် ခဲ့ကြောင်း၊ ဒဏ်ရာ အနည်းငယ် ရသောကြောင့် ကျောင်းမတက် နိုင်သည်မှာ ၁၀ ရက်ခန့် ရှိပြီ ဖြစ်ကြောင်း ပြောသည်။

မြန်မာနိုင်ငံတွင် အာဏာပိုင် အသိုင်းအ၀န်းမှ သားသမီးများနှင့် ငွေကြေးတတ်နိုင်သော အသိုင်းအ၀န်းမှ သားသမီးအများစုမှာ ကား အကောင်းစားများကို စိတ်ဝင်စားကြပြီး အပြိုင် အဆိုင်စီးကြသော အလေ့အထရှိသည်ဟု သိရသည်။

ဖိုးလပြည့်သည် ပြိုင်ကားများကို အလှဆင်ရာတွင် ၀ါသနာပါသူ တဦးဖြစ်ကြောင်း ၎င်းနှင့် နီးစပ်သည့် အသိုင်းအဝန်းက ဆိုသည်။

ယခု လက်ရှိတွင် ဖိုးလပြည့်သည် ဥက္ကာဦးသာ (ဒီဂျေ) နှင့် သီချင်း တိုက်နေကြောင်းလည်း ဂီတအသိုင်းအ၀န်းနှင့် နီးစပ်သူများက ပြောဆိုနေကြသည်။

အမေရိကန် အောက်လွှတ်တော် စစ်အစိုးရကို ဒဏ်ခတ်မှု သက်တမ်းတိုးရေး အတည်ပြု

VOA မှ....

အမေရိကန်ပြည်ထောင်စုရဲ့ ၂၀၀၃ ခုနှစ် မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေကို သက်တမ်းတိုးဖို့ အောက်လွှတ်တော်ကနေ ကန့်ကွက်သူမရှိ အတည်ပြုလိုက်ပါပြီ။ မြန်မာနိုင်ငံတွင်းမှာ နိုင်ငံရေး တိုးတက်ပြောင်းလဲမှု ဘာမှ မတွေ့ရတဲ့အပြင် လူ့အခွင့်အရေး ချိုးဖောက်မှုတွေ ပိုမို ဆိုးဝါးလာတာကြောင့် မြန်မာနိုင်ငံအပေါ် နိုင်ငံတကာ ဖိအားတွေ ဒီထက်ပိုပေးဖို့ လိုမယ်လို့လည်း လွှတ်တော်အမတ်တွေက ပြောပါတယ်။ အကြောင်းစုံကို ကိုသားညွန့်ဦးက တင်ပြပေးထားပါတယ်။

ဒီမိုကရက်တစ် အောက်လွှတ်တော်အမတ် ဂျိုးဇက် ခရော်လီ (Joseph Crowley) ဦးဆောင်ပြီး အောက်လွှတ်တော်အမတ် ၂၀ ကျော်ဟာ အခု ဒီဥပဒေ သက်တမ်းတိုးရေးအတွက် အဆိုပြုခဲ့ပါတယ်။ ဒီအပေါ်မှာ ကန့်ကွက်သူ မရှိဘဲ အောက်လွှတ်တော် တရပ်လုံးက မနေ့က အတည်ပြုလိုက်ပါတယ်။ ဒီဥပဒေဟာ မြန်မာ့ဒီမိုကရေစီရေးအတွက် အင်မတန် အရေးကြီးတယ်လို့ အဆိုတင်သွင်းတဲ့ အောက်လွှတ်တော်အမတ် ဂျိုးဇက် ခရော်လီက အဆိုတင်သွင်းစဉ်မှာ ပြောခဲ့ပါတယ်။

“ဒီဥပဒေကို သက်တမ်း ထပ်တိုးလိုက်တာဟာ မြန်မာနိုင်ငံ လူ့အခွင့်အရေးနဲ့ ဒီမိုကရေစီ လှုပ်ရှားမှုအတွက် အလွန်တရာ အရေးကြီးပါတယ်။ အခု ဒီဥပဒေ အပါအ၀င် မြန်မာနိုင်ငံအပေါ် ပိတ်ဆို့ အရေးယူမှုတွေကြောင့် ဥပဒေမဲ့ လုပ်ရပ်တွေ ပံ့ပိုးရာရောက်မယ့် အမေရိကန်ဒေါ်လာ သန်းပေါင်းများစွာကို မြန်မာစစ်အစိုးရလက်ထဲ မရောက်အောင် တားဆီးလိုက်နိုင်ပါတယ်။ သိပ်ကို ထူးကဲလွန်းတဲ့ အမျိုးသမီးတဦးကြောင့် ဒီဥပဒေတွေ ဖြစ်ပေါ်လာတာပါ။ သူကတော့ နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည် ဖြစ်ပါတယ်။ သူဟာ တဦးတည်းသော အကျဉ်းကျခံနေရတဲ့ ကမ္ဘာ့ နိုဘယ်လ် ငြိမ်းချမ်းရေးဆုရှင် ဖြစ်ပါတယ်။”

မြန်မာနိုင်ငံတွင်း စစ်အစိုးရရဲ့ မြန်မာလူထုအပေါ် ကျူးလွန်မှုတွေဟာ သာမန် လူ့အခွင့်အရေး ချိုးဖောက်မှု မဟုတ်တော့ဘဲ လူသားမျိုးနွယ်စုအပေါ် ကျူးလွန်တဲ့ ရာဇ၀တ်မှု မြောက်တယ်လို့လည်း အောက်လွှတ်တော်အမတ် ဂျိုးဇက် ခရော်လီက ပြောပါတယ်။

“မြန်မာစစ်အစိုးရဟာ တိုင်းရင်းသား ကျေးရွာပေါင်း ၃,၅၀၀ ကျော်ကို ဖျက်ဆီးခဲ့ပါတယ်။ ကျေးရွာသားပေါင်း သိန်းနဲ့ချီ အိုးအိမ်တွေ စွန့်ခွာ ထွက်ပြေးကြရပါတယ်။ ဒုက္ခသည် သန်းနဲ့ချီ အိမ်နီးချင်းနိုင်ငံတွေမှာ ခိုအောင်းနေရပါတယ်။ အပြစ်မရှိတဲ့ မြန်မာအမျိုးသမီးတွေကို လိင်ပိုင်းဆိုင်ရာ စော်ကား အဓမ္မပြုကျင့်တာကို စစ်လက်နက်သဖွယ် အသုံးပြုနေပါတယ်။ နိုင်ငံရေး အကျဉ်းသားပေါင်း ၂,၀၀၀ ကျော်ဟာ အကျဉ်းထောင်တွေထဲမှာ ရှိနေပါတယ်။ ဒါတွေဟာ လူ့အခွင့်အရေး ချိုးဖောက်မှု သက်သက် မဟုတ်တော့ပါဘူး။ လူသားမျိုးနွယ်စုအပေါ်မှာ ကျူးလွန်တဲ့ ရာဇ၀တ်မှုတွေ ဖြစ်ပါတယ်။”

ရီပတ်ဘလီကန် အောက်လွှတ်တော် အမတ်တဦးဖြစ်တဲ့ ချားလ်စ် ဘော်စ်တာနီ (Charles Boustany) ကတော့ အခုလို စီးပွားရေး ပိတ်ဆို့မှုမျိုးရဲ့ ထိရောက်မှုတွေကို စောင့်ကြည့် အကဲခတ်နေတုန်း ဆိုပေမဲ့လည်း မြန်မာနိုင်ငံအပေါ် အရေးယူမှုကို ထောက်ခံခဲ့ပါတယ်။ ဒါပေမဲ့ မြန်မာနိုင်ငံ အပြောင်းအလဲအတွက် နိုင်ငံတကာက ၀ိုင်းဝန်းဆောင်ရွက်မှ ရမယ်လို့ သူက ယုံကြည်ပါတယ်။ ဒါကြောင့် မြန်မာ့အိမ်နီးချင်း တရုတ်နဲ့ အာဆီယံတို့က စီးပွားရေးအရ ဖိအားပေးသင့်တယ်လို့ သူက ယူဆပါတယ်။

“မြန်မာစစ်အစိုးရနဲ့ သူ့အပေါင်းပါတွေကို တိုက်ရိုက် ပစ်မှတ်ထားတဲ့ စီးပွားရေးအရ ပိတ်ဆို့ဒဏ်ခတ်မှုတွေ ချမှတ်ရေး ကုလသမဂ္ဂနဲ့ အခြား ကုန်သွယ်ဘက် နိုင်ငံတွေကို တိုက်တွန်းသွားဖို့ အမေရိကန် အစိုးရကို ကျနော် အပြင်းအထန် တိုက်တွန်းပါတယ်။ ကုလသမဂ္ဂ၊ အာဆီယံ အရှေ့တောင်အာရှ နိုင်ငံများ အသင်းနဲ့ တရုတ်နိုင်ငံတို့ အနေနဲ့လည်း မြန်မာအစိုးရနဲ့ ထိစပ်ဆွေးနွေးမှုတွေ အတော်လေး မြှင့်တင်ဆောင်ရွက်သွားဖို့ တိုက်တွန်းလိုပါတယ်။”

မြန်မာစစ်အစိုးရက ဒီနှစ်အတွင်းလုပ်မယ့် ရွေးကောက်ပွဲဟာ လက်ရှိ စစ်အုပ်စု အာဏာ ပိုမိုချုပ်ကိုင်လာနိုင်မယ့် အခြေအနေပဲ ရှိတယ်လို့ အောက်လွှတ်တော်အမတ် ဂျိုးဇက် ခရော်လီက မြင်ပါတယ်။ မြန်မာနိုင်ငံမှာ အပြောင်းအလဲတွေဖြစ်ဖို့ အမေရိကန် အစိုးရက ကြိုးပမ်းနေတာကို နားလည်ပေမဲ့ မြန်မာစစ်အစိုးရဘက်ကတော့ အပြောင်းအလဲတွေ လုပ်ဖို့ လုံးဝ ငြင်းပယ်ထားတယ်လို့ မစ္စတာ ခရော်လီက ပြောပါတယ်။ ဒီအခြေအနေပေါ်မှာ စစ်အစိုးရကို နိုင်ငံတကာ ဖိအားတွေ တိုးမြှင့်မပေးနိုင်တဲ့ အခြေအနေ အပေါ်မှာလည်း စိတ်ပျက်တယ်လို့ ပြောပါတယ်။ ဒါကြောင့် မြန်မာအစိုးရရဲ့ လုပ်ရပ်တွေကို စောင့်ကြည့်တာထက် ပိုပြီး ဖိအားပေးရမယ်လို့ မစ္စတာ ခရော်လီက ပြောပါတယ်။

“ကျနော်တို့မှာ စောင့်ဖို့ အချိန်မရှိပါဘူး။ မြန်မာအစိုးရဟာ အခုနှစ်အတွင်းမှာ ရှက်ဖွယ်ကောင်းတဲ့ ရွေးကောက်ပွဲတခု လုပ်ဖို့ ပြင်နေပါတယ်။ ဒီကနေ သိုးရေခြုံတဲ့ ၀ံပုလွေတကောင်လို အစိုးရတရပ် ဖြစ်လာပါလိမ့်မယ်။ ဒါဟာ မြန်မာလူထုရဲ့ ဆန္ဒကို ဆန့်ကျင်ပြီး သူတို့လိုရာကို မရိုးမသား မရမကလုပ်ဖို့ ကြံစည်နေပါတယ်။ ရွေးကောက်ပွဲပြီးရင်လည်း အခုလို စစ်ခေါင်းဆောင်မျိုးတွေပဲ အာဏာရလာမှာပါ။ ဒီရွေးကောက်ပွဲ ရလဒ်ကို ကြိုပြင်ထားတာပါ။ ဒေါ်အောင်ဆန်းစုကြည်ကိုလည်း ပါဝင်ခွင့် မပေးပါဘူး။”

၂၀၀၃ ခုနှစ် မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ သူမကို ထောက်ခံသူတွေ မြန်မာနိုင်ငံ အထက်ပိုင်း ဒီပဲယင်းအနီးမှာ အကြမ်းဖက် တိုက်ခိုက်ခံရအပြီး ထွက်လာတာပါ။ ဒေါ်အောင်ဆန်းစုကြည်ဟာလည်း အဲဒီကတည်းက အထိန်းသိမ်း ခံခဲ့ရတာပါ။ ဒီဥပဒေရဲ့ အဓိက အချက်ကတော့ မြန်မာနိုင်ငံတွင်းက သွင်းကုန်တွေကို ပိတ်ပင်မှုပါ။ အမေရိကန် ပြည်ထောင်စုဘက်က သွင်းကုန် ပိတ်ပင်မှုကြောင့် မြန်မာနိုင်ငံတွင်း အထည်ချုပ်စက်ရုံအချို့ ပိတ်လိုက်ရပြီး ဒီဥပဒေကြောင့် မြန်မာလူထုကိုလည်း ထိခိုက်မှု ရှိတယ်လို့ ဝေဖန်မှုအချို့တော့ ရှိပါတယ်။

ဒါပေမဲ့လည်း ဒီဥပဒေကြောင့် စစ်အစိုးရနဲ့ နီးစပ်တဲ့ စီးပွားရေး လုပ်ငန်းရှင်တွေ ပိုပြီး အထိနာစေတယ်လို့ အမေရိကန် ပိတ်ဆို့မှုကို ထောက်ခံသူတွေက ပြောပါတယ်။ စစ်အစိုးရနဲ့ သူနဲ့နီးစပ်တဲ့ စီးပွားရေး လုပ်ငန်းရှင်တွေကို ပိုပြီး ပစ်မှတ်ထား၊ ပိုပြီး ထိရောက်တဲ့ အမေရိကန် ပိတ်ဆို့မှုကတော့ နောက်ဆုံး ချမှတ်ခဲ့တဲ့ JADE ACT လို့ အမည်တွင်တဲ့ စီးပွားရေး ပိတ်ဆို့မှု ဥပဒေ ဖြစ်တယ်လို့ လေ့လာသူတွေက ယူဆကြပါတယ်။ အခု ၂၀၀၃ မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေကို သက်တမ်းတိုးမှု အတည်ဖြစ်ဖို့ ဆိုရင်တော့ အထက်လွှတ်တော်က အတည်ပြုပြီး သမ္မတက လက်မှတ်ထိုးရမှာ ဖြစ်ပါတယ်။

ခိုးမှုကျူးလွန်သည့် တပ်ကြပ်ကြီးအား ရဲက ဖမ်းပြီးပြန်လွတ်

သျှမ်းသံတော်ဆင့်မှ.........

ကချင်ပြည်နယ် ဗန်းမော်မြို့ မြို့မရပ်ကွက်တွင် ဇူလိုင်လ ၁၂ ရက်နေ့ ည ၉ နာရီခန့်က မြန်မာစစ်တပ်မှ တပ်ကြပ်ကြီး တစ်ဦးဆိုင်ကယ်ခိုးယူနေစဉ် ဖမ်းမိပြီး ရဲစခန်းအပ်နှံခဲ့သော်လည်း ရဲက အရေးယူခြင်းမရှိပဲ ပြန်လွတ်ပေးခဲ့ကြောင်း သိရသည်။
ပြစ်မှုကျူးလွန်သူသည် ဗန်းမော်အခြေဆိုက် ခလရ ၂၃၆ မှ တပ်ကြပ်ကြီး ထွန်းထွန်းဝင်း ဆိုသူဖြစ်ပြီး ၎င်းည က မြို့မရပ်ကွက်အတွင်းရှိ ဆန်းဒေးလက်ဖက်ရည်ဆိုင် အတွင်းထားရှိသည့် ဆိုင်ကယ်တစ်စီးအား ခိုးယူ၍ လမ်း၌ တွန်းသွားနေစဉ် ဖမ်းမိကာ ရဲလက်အပ်လိုက်ခြင်းဖြစ်သည်။

ရဲစခန်းတွင် ဆိုင်ကယ်ခိုးသူမှာ ခလရ ၂၃၆ မှ တပ်ကြပ်ကြီး တစ်ဦးဖြစ်ကြောင်း သိရပြီးနောက် ဆိုင်ကယ်ပိုင် ရှင် ဦးအောင် ကိုကိုက အမှုကျေအေးလိုက်ကာ ဆိုင်ကယ်ခိုးသူအား ခလရ ၂၃၆ မှ တပ်ရေး ဗိုလ်ကြီးဆန်း ထွန်းအောင်က ရဲစခန်းမှ ပြန်လည်ခေါ်ထုတ်သွားကြောင်း သိရသည်။

“ဆိုင်ကယ်ကို လက်ဖက်ရည်ဆိုင် ထဲထည့်ထားတာ ပိုင်ရှင်က ဦးအောင်ကိုကို ခိုးပြီးတွန်းခဲ့တဲ့အချိန် လမ်း မှာ ဖမ်းမိတော့ ရဲစခန်းခေါ်သွားတာ ပိုင်ရှင်က ပစ္စည်းလည်းပြန်ရပြီဆိုတော့ ဘာမှအရေးမယူတော့ဘူး ဆိုပြီး ကျေအေးလိုက်တာပေါ့ စစ်တပ်က တပ်ရေးဗိုလ်ကြီးဆန်းထွန်းအောင်က လာပြီးခေါ်ထုတ်သွားတယ်” ဟု ဆိုင်ကယ်ပိုင်ရှင်နှင့်နီးစပ်သူတစ်ဦးက ပြောသည်။

အဆိုပါဖြစ်စဉ်တွင် တည်ဆဲဥပဒေအရ ရာဇ၀တ်မှုကျူးလွန်သည့် စစ်တပ်အဖွဲ့အစည်းအပေါ် အရေးယူရန် ခက်ခဲပြီး လက် ရှိတွင် အတိုက်အခံ နိူင်ငံရေးလှုပ်ရှားသူများအပေါ် ဥပဒေနှင့်မညီပဲ မတရား ပြစ်ဒဏ်များ ချမှတ်ထားသည်ဟု ဥပဒေအသိုင်းအ၀ိုင်း ကထောက်ပြသည်။

“လက်ရှိ နအဖတရားရုံးတွေမှာ သာမန်အရပ်သားတွေ နိုင်ငံရေးသမားတွေဆိုရင် ကျေအေးချင်တိုင်း ကျေအေးလို့မရဘူး အရပ်သားက ငွေပေးမှ ကျေအေး လို့ရတာ လင်မယား နှစ်ဦး စလုံးက တရားရုံးမှာ ကွာရှင်းဖို့ သဘောတူတာတောင်မှ ငွေ မပေး ရင်ကွဲခွင့်မရှိဘူး ” ဟု မူစယ် တရားရုံးရှေ့နေနှင့်နီးစပ်သူတစ်ဦးက ဆိုသည်။

မြန်မာနိုင်ငံတွင် ခိုးမှုကျူးလွန်သူသည် ပြစ်မှုဆိုင်ရာဥပဒေအရ ထောင်ဒဏ် ၆ လ မှ ၃ နှစ်အထိ ချမှတ်နိုင် ကြောင်း သိရသည်။

ဘက်ပြောင်း DKBA တပ်ဖွဲ့ဝင် မိသားစုများ နှိပ်စက်ခံရ

ဧရာဝတီ မှ.........

ကရင်အမျိုးသား အစည်းအရုံး (KNU) ထံသို့ ပူးပေါင်းသွားသည့် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) မှ တပ်ဖွဲ့ဝင်များ လက်နက် ပြန်အပ်နှံရန် ဖိအားပေးသည့် အနေဖြင့် ကျန်ရစ်သော မိသားစုဝင်များကို DKBA က နှိပ်စက် ညှဉ်းပန်းမှုများ ပြုလုပ်ကြောင်း သတင်းရရှိသည်။
လက်နက်များ ပြန်လည် မအပ်နှံပါက ထွက်ပြေး သွားသော တပ်ဖွဲ့ဝင် များ၏ မိသားစုများကို ပြင်းပြင်း ထန်ထန် အရေးယူ မည်ဟု DKBA က ခြိမ်းခြောက် နေကြောင်း ကရင် လူငယ် အစည်းအရုံး (KYO) မှ တာဝန်ရှိသူ တဦးက ပြောသည်။

“ကျနော်တို့ ဘက်ကို ထွက်ပြေး လာကြတဲ့ ဒုဗိုလ် မျိုးမျိုးနဲ့ သူ့တပ်ဖွဲ့ဝင် တွေရဲ့ မိသားစုတွေ နှိပ်စက်ခံ နေရတယ်။ ၂ နှစ် ၃ နှစ်အရွယ် ကလေး ငယ်က စပြီး ဇနီး မယားတွေ မိအို ဘအိုတွေ အားလုံးကို လက်ထိပ် ခတ်ပြီး စစ်ဆေး မေးမြန်း ရိုက်နှက် တာတွေ လုပ်နေတယ်။ လက်နက် တွေကို ပြန်မအပ်ရင် ဒီထက်ပိုပြီး ပြင်းပြင်း ထန်ထန် အရေး ယူတာကို ခံရမယ်လို့ ကြိမ်းမောင်း နေတယ်” ဟု KYO မှ ကိုစောမိုရှေးက ဧရာဝတီသို့ ပြောသည်။

ဘက်ပြောင်းလာသူ တပ်ကြပ်ကြီး အောင်သိန်းက “ကျနော်တို့ KNU ဘက်ကို ရောက်သွားတယ်လို့ သိတာနဲ့ တပြိုင် နက် ကျနော့်မိန်းမနဲ့ ကလေး ၂ ယောက်ကို အချုပ်ခန်းထဲတည့်ပြီး ခြိမ်းခြောက်တာတွေ နှိပ်စက်တာတွေ လုပ်နေ တယ်”ဟု ဆိုသည်။

တပ်ကြပ်ကြီး အောင်သိန်း၏ ကလေးများမှာ အသက် ၂ နှစ်နှင့် ၅ နှစ်အရွယ် ရှိကြသည်ဟု သိရသည်။ ဖမ်းဆီးနှိပ်စက် ခံနေရသူများမှာ အနည်းဆုံး ၁၅ ဦးနှင့် အထက်ရှိမည်ဟု ၎င်းက ပြောသည်။

၎င်းတို့၏ မိသားစုဝင်များမှ ကလေးများကိုပါ လက်ထိပ်ခတ်ကာ စစ်ဆေးမေးမြန်းနေသည်ဟု DKBA နှင့် နီးစပ်သူများ ကလည်း ပြောသည်။

ဘက်ပြောင်းလာကြသော DKBA တပ်ဖွဲ့ဝင်များသည် ကရင်ပြည်နယ် လှိုင်းဘွဲ့မြို့နယ်အတွင်းရှိ စခန်းတခုတွင် တာဝန် ထမ်းဆောင်နေကြသော (၉၉၉) တပ်မှ ဖြစ်သည်။

ဒုဗိုလ် မျိုးမျိုး၊ တပ်ကြပ်ကြီး အောင်သိန်း၊ တပ်ကြပ် စောဝင်းနေ၊ တပ်သား မိုးခူး၊ တပ်သား စိုးလယ်ဖိုး၊ တပ်သား အောင်စိန် နှင့် တပ်သား စိုးထိုက် တို့သည် ဇူလိုင်လ ၁၂ ရက်နေ့က KNU/ KLA တပ်မဟာ (၇) သို့ လာရောက် လက်နက်ချ ပူးပေါင်းခဲ့ကြသည်။

၎င်းတို့ နှင့်အတူ AK 47 သေနတ် ၃ လက်၊ M.16 သေနတ် ၂ လက်၊ ကာဘိုင် သေနတ် ၁ လက်၊ 9 mm ပစ္စတို ၁ လက်နှင့် ကျည်ဆန်များ ပါလာခဲ့သည်။ M-79 လောင်ချာ တလက်မှာမူ လမ်းခရီးတွင် ရေထဲသို့ ပြုတ်ကျ ကျန်ရစ်ခဲ့ သည်ဟု သိရသည်။
KNU တွဲဖက် အတွင်းရေးမှူး (၁) ဗိုလ်မှူး ဖဒို စောလှငွေက “မလုပ်သင့်ဘူးလို့ ပြောချင်တယ်။ ပြီးတော့ သူတို့တွေက ကရင်အချင်းချင်း မတိုက်တာ့ပါဘူး၊ မသတ်ဖြတ်တော့ပါဘူးဆိုပြီး ငြိမ်းချမ်းရေးစကားတွေလည်း ပြောတယ်။ သူတို့ ဆီ မှာ မနေချင်တော့လို့  ဘက်ပြောင်းလာတဲ့ သူတွေရဲ့ မိသားစုဝင်တွေကို နှိပ်စက် ညှဉ်းပန်းတာကတော့ အင်မတန် ဆိုးရွားတဲ့ လုပ်ရပ်လို့ ကျနော် ပြောချင်တယ်” ဟု ဆိုသည်။

ယခင်ကလည်း DKBA မှ ဘက်ပြောင်းသွားသူများတွင် လက်နက်ခဲယမ်းများ ပါလာပါက ကျန်ရစ်သည့် မိဘ၊ မိသားစု ဝင် များထံ၌ ကျပ်ငွေ သိန်း ၂၀၊ ၃၀ စသည့်ဖြင့် DKBA က အလျော်တောင်းခြင်းမျိုး ရှိခဲ့ကြောင်း၊ ဤသို့ ပြုလုပ်ခြင်း သည် နအဖ နည်းကို အတုခိုးခြင်းဖြစ်ကြောင်း၊ နအဖ စစ်တပ်မှ တပ်ပြေးများ ပြန်မိလျှင် ထောင်ချခြင်း၊ လက်နက် ပါသွားပါက လိုက်လံ သတ်ဖြတ်ခြင်းအထိ ရှိကြောင်း ဗိုလ်မှူး စောလှငွေက ဆက်လက်ပြောသည်။

DKBA တပ်ဖွဲ့ဝင်များအတွင်း နယ်ခြားစောင့်တပ်ကိစ္စ သဘောကွဲလွဲမှုများ၊ အထက်အရာရှိများက ပြေလည်နေကြ သော်လည်း လက်အောက်ငယ်သားများက ရိက္ခာပင် မလုံလောက်သဖြင့် စိတ်ဝမ်းကွဲမှုများ ဖြစ်ပေါ်နေခြင်းကြောင့် KNU ဘက်သို့  မကြာခဏ ထွက်ပြေးနေခြင်း ဖြစ်သည်ဟု သိရသည်။

DKBA သည် ၁၉၉၅ ခုနှစ်တွင် KNU မှ ခွဲထွက်ပြီးနောက် စစ်အစိုးရနှင့် အပစ်အခတ်ရပ်စဲကာ တဖြည်းဖြည်း အင်အား ကြီးမားလာသည့် လက်နက်ကိုင် အဖွဲ့ဖြစ်သည်။

အမေရိကန်နဲ့ ဆက်ဆံရေး ကောင်းလိုရင် မြန်မာ့နိုင်ငံရေး ပြောင်းလဲရမည်

VOA မှ..........

မြန်မာစစ်အစိုးရ အနေနဲ့ အမေရိကန် ပြည်ထောင်စုနဲ့ ဆက်ဆံရေး ပြန်လည်ကောင်းမွန်ချင်ရင် မြန်မာနိုင်ငံတွင်း နိုင်ငံရေး ပြုပြင်ပြောင်းလဲမှုတွေ ရှိဖို့ လိုမယ်လို့ အမေရိကန် ပြည်ထောင်စုက ပြောလိုက်ပါတယ်။ လက်ရှိအားဖြင့် ရွေးကောက်ပွဲ လုပ်ငန်းစဉ် အပါအ၀င် မြန်မာ့နိုင်ငံရေး အခြေအနေတွေ အပေါ်မှာ အမေရိကန် ပြည်ထောင်စုဘက်က စိတ်ပျက်နေပါတယ်။ အသေးစိတ်ကို ကိုသားညွန့်ဦးက တင်ပြပေးထားပါတယ်။

မြန်မာနိုင်ငံအပေါ် အထီးကျန် ပိတ်ဆို့ထားတာမျိုး သက်သက်နဲ့တော့ အလုပ်မဖြစ်နိုင်ဘူးလို့ အမေရိကန် နိုင်ငံခြားရေးဌာန ပြောခွင့်ရသူ ပီ.ဂျေ ခရော်လီ (P.J Crowley) က မနေ့က သတင်းစာ ရှင်းလင်းပွဲမှာ ပြောသွားခဲ့တာပါ။ ဒါပေမဲ့လည်း မြန်မာစစ်အစိုးရနဲ့ တိုက်ရိုက်ဆက်ဆံ ဆွေးနွေးသွားဖို့ ဆိုတဲ့ မြန်မာနိုင်ငံဆိုင်ရာ အမေရိကန် မူဝါဒအသစ်ဟာ အဓိက ဆိုလိုရင်းကတော့ မြန်မာနိုင်ငံတွင်း အပြောင်းအလဲ ဖြစ်ရေးပဲလို့ သူက ပြောသွားပါတယ်။

“နှစ်ပေါင်းများစွာ အတွေ့အကြုံတွေအရ အထီးကျန် ဖြတ်တောက်ထားတာကလည်း အလုပ်မဖြစ်နိုင်ပါဘူး။ ဒါကြောင့် မြန်မာတာဝန်ရှိသူတွေနဲ့ တိုက်ရိုက်ဆက်ဆံ ဆွေးနွေးနေတာ ဖြစ်ပါတယ်။ ဆွေးနွေးပွဲတွေ ဘယ်တော့ ထပ်ဖြစ်မလဲ ဆိုတာတော့ မခန့်မှန်းနိုင်သေးပါဘူး။ ဒါပေမဲ့ အခုအချိန်အထိ စစ်အစိုးရ တုံ့ပြန်မှုတွေမှာတော့ ဒီမိုကရေစီရေးနဲ့ ပတ်သက်လို့ စိတ်ပျက်စရာတွေပါပဲ။ ဒါဟာ အခွင့်အလမ်းကောင်းတွေ ဆုံးရှုံးသွားတာပါ။ ဒါပေမဲ့ ကျနော်တို့ ဆက်ပြီး ဆွေးနွေးသွားမှာပါ။ အမေရိကန် ပြည်ထောင်စုနဲ့ ဆက်ဆံရေးမှာ အပြောင်းအလဲ တခုခုဖြစ်ဖို့ မျှော်မှန်းတယ်ဆိုရင် ပြည်တွင်းမှာ ပြုပြင်ပြောင်းလဲမှုတွေ လုပ်ရမယ် ဆိုတာကို ရှင်းရှင်းလင်းလင်း ဖြစ်စေဖို့ ဆွေးနွေးသွားမှာပါ။”

အထူးသဖြင့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို လွှတ်ပေးပြီး ပြည်တွင်း အဓိက နိုင်ငံရေး အင်အားစုတွေနဲ့ စစ်အစိုးရက ဆွေးနွေးသွားဖို့ အမေရိကန် ပြည်ထောင်စုဘက်က အမြဲ တိုက်တွန်း နားချနေတယ်လို့လည်း ပီ.ဂျေ ခရော်လီက ပြောပါတယ်။

“မြန်မာအစိုးရနဲ့ ထိစပ် ဆက်ဆံမှုတွေ ဆက်လုပ်သွားမှာပါ။ ဒီအတွက် ကျနော်တို့ စိတ်ဝင်တစား ရှိတာကြောင့်ပါ။ ဒါပေမဲ့ ဒေါ်အောင်ဆန်းစုကြည်ကို ပြန်လွှတ်ပေးပြီး အဓိပ္ပာယ်ပြည့်ဝတဲ့ နိုင်ငံရေး လုပ်ငန်းစဉ်တွေ ဖြစ်လာစေဖို့ ကိုယ့်နိုင်ငံတွင်းက အဓိက အုပ်စုတွေကို လမ်းဖွင့်ပေးပြီး ပိုပြီး ထိစပ် ဆွေးနွေးတာမျိုး ပိုလုပ်သင့်တယ်လို့ မြန်မာတာဝန်ရှိသူတွေနဲ့ တွေ့တိုင်း ဒီကိစ္စကို ကျနော်တို့ ဆက်ပြီး ပြောသွားမှာပါ။”

အခုလို မြန်မာစစ်အစိုးရနဲ့ တိုက်ရိုက်ဆက်ဆံ ဆွေးနွေးသွားနိုင်ဖို့ အမေရိကန် ပြည်ထောင်စုက ကြိုးပမ်းနေချိန်မှာပဲ တဘက်မှာ အမေရိကန် ပြည်ထောင်စုဟာ မြန်မာနိုင်ငံအပေါ် ပိတ်ဆို့ အရေးယူမှုတွေကို သက်တမ်းတိုး ချမှတ်နေတုန်းပါ။ မြန်မာနိုင်ငံမှာ မကြာခင် ကျင်းပမယ့် ရွေးကောက်ပွဲနဲ့ ပတ်သက်လို့လည်း အများက လက်ခံယုံကြည်နိုင်မှု မရှိတဲ့အပေါ် စိုးရိမ်တယ်လို့ အမေရိကန် ပြည်ထောင်စုက ထုတ်ဖော် ပြောခဲ့ပါတယ်။ အမျိုးသား ဒီမိုကရေစီ အဖွဲ့ချုပ် အဖွဲဝင်အချို့ အခုရွေးကောက်ပွဲမှာ ပါဝင်ယှဉ်ပြိုင်ဖို့ ပါတီထောင်တဲ့ ဆုံးဖြတ်ချက် အပေါ်မှာ လေးစား အသိအမှတ်ပြုပေမဲ့ ရွေးကောက်ပွဲနဲ့ ပတ်သက်လို့ အမေရိကန် ပြည်ထောင်စုရဲ့ သဘောထားကတော့ မပြောင်းလဲပါဘူး။

“ရွေးကောက်ပွဲ လုပ်ငန်းစဉ်နဲ့ ပတ်သက်လို့ ကျနော်တို့ စိုးရိမ်ပူပန်မှုတွေက မပြောင်းလဲပါဘူး။ ဒီရွေးကောက်ပွဲ လုပ်ငန်းစဉ်မှာ ချို့ယွင်း အားနည်းမှုတွေ ရှိပါတယ်။ အမျိုးသား ဒီမိုကရေစီ အဖွဲ့ဝင်ဟောင်းတွေ အခုလို ရွေးကောက်ပွဲဝင်ဖို့ အဆုံးအဖြတ်ကိုလည်း အသိအမှတ် ပြုပါတယ်။ ဒါပေမဲ့လည်း အခု မြန်မာနိုင်ငံမှာ လုပ်မယ့် ဒီလုပ်ငန်းစဉ်တွေဟာ နည်းနည်းလေးတောင် လွတ်လပ်မျှတပြီး လက်ခံယုံကြည်နိုင်တဲ့ တရားဝင်မှု ရလဒ် ဖြစ်လာမယ်လို့တော့ ကျနော်တို့ မျှော်လင့်မထားပါဘူး။”

အမေရိကန် ပြည်ထောင်စု လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) ဟာ မြန်မာနိုင်ငံကို နှစ်ကြိမ်သွားရောက်ခဲ့ပြီး မြန်မာအာဏာပိုင်တွေ၊ အတိုက်အခံ ခေါင်းဆောင်တွေကို တွေ့ဆုံ ဆွေးနွေးခဲ့ပါတယ်။ ဒါပေမဲ့လည်း မြန်မာနိုင်ငံမှာ နိုင်ငံရေးအရ တိုးတက်ပြောင်းလဲတဲ့ လက္ခဏာတော့ မတွေ့ရဘူးလို့ မှတ်ချက်ပေးခဲ့ပါတယ်။

ဒါ့အပြင် အမေရိကန် ပြည်ထောင်စုဘက်က မြန်မာနိုင်ငံနဲ့ ပတ်သက်လို့ နောက်ထပ် စိုးရိမ်ပူပန်နေတဲ့ အချက်က မြောက်ကိုရီးယားနိုင်ငံနဲ့ ဆက်ဆံနေတဲ့ ကိစ္စပါ။ မြောက်ကိုရီးယားနိုင်ငံဟာ စစ်လက်နက်ပစ္စည်းတွေ၊ အထူးသဖြင့် နျူကလီးယားနဲ့ ဒုံးကျည်ဆိုင်ရာ နည်းပညာ ပစ္စည်းတွေ မြန်မာနိုင်ငံကို လျှို့ဝှက် ရောင်းချနေတယ်လို့ နိုင်ငံတကာမှာ သံသယ ဖြစ်နေကြပါတယ်။ အကယ်၍ အဲဒီလို ဆက်ဆံမှုမျိုးရှိရင် ဒါဟာ မြောက်ကိုရီးယားနဲ့ ပတ်သက်လို့ ကုလသမဂ္ဂ လုံခြုံရေးကောင်စီ ဆုံးဖြတ်ချက်ကို ချိုးဖောက်တာ ဖြစ်လိမ့်မယ်လို့ အမေရိကန်ပြည်ထောင်စု ဘက်ကတော့ မြန်မာနိုင်ငံကို သတိပေးထားပါတယ်။

ဒါကြောင့်လည်း မြန်မာနဲ့ မြောက်ကိုရီးယား ဆက်ဆံရေးကို အထူးဂရုပြု အနီးကပ် စောင့်ကြည့်နေတယ်လို့ နိုင်ငံခြားရေး ၀န်ကြီးဌာန ပြောခွင့်ရသူ ပီ.ဂျေ ခရော်လီက မနေ့က သတင်းစာရှင်းလင်းပွဲမှာ ထပ်မံ ပြောခဲ့ပါတယ်။ မြန်မာနိုင်ငံနဲ့ ပတ်သက်လို့ အမေရိကန် ပြည်ထောင်စုရဲ့ အထူးကိုယ်စားလှယ်ထားရေး ကိစ္စကတော့ အခုအချိန်အထိ မကြေညာနိုင်သေးဘူးလို့လည်း နိုင်ငံခြားရေးဌာန ပြောခွင့်ရသူက သတင်းထောက်တွေကို ဖြေဆိုခဲ့ပါတယ်။

ကရင်ငြိမ်းချမ်းရေးကောင်စီမှ တပ်စုမှူးတဦး ရိုက်သတ်ခံရ

ခေတ်ပြိုင် မှ.............

မြန်မာစစ်အစိုးရနှင့် အပစ်အခတ်ရပ်စဲရေးယူထားသော ကရင်ငြိမ်းချမ်းရေးကောင်စီ (KNU/KNLA–PC) မှ တပ်စုမှူးတဦးသည် အမည်မသိ လူသတ်သမားများ၏ ရိုက်နှက်မှုကြောင့် သေဆုံးသွားကြောင်း သိရသည်။

ထိုင်းနိုင်ငံ ကန်ချနဘူရီခရိုင်၊ စံခရဘူရီမြို့နှင့် နယ်စပ်ချင်းကပ်လျက်ရှိသော မြန်မာဘက်အခြမ်း ဘုရားသုံးဆူမြို့၊ ရပ်ကွက် (၂) ရှိ ဥဒေါင်းကန်ဘေးတွင် “ဆွိုင်း” အမည်ဖြင့် စားသောက်ဆိုင် ဖွင့်လှစ်ထားရှိသော ကရင်ငြိမ်းချမ်းရေးကောင်စီမှ တပ်စုမှူးအဆင့်ရှိ စောသန်းအောင် အသက် (၃၇) နှစ်၏ အလောင်းကို ယနေ့နံနက်က ကန်၏အခြားဘက်အခြမ်းတွင် ဒေသခံများက တွေ့ရှိခြင်းဖြစ်သည်။

တွေ့ရှိရသော အလောင်းမှာ လက်ကိုနောက်ပြန်ကြိုးတုပ်ထားပြီး ပါးစပ်ကို ဝါယာကြိုးဖြင့် စည်းနှောင်ထားကာ လည်ပင်းတွင်လည်း ကြိုးကွင်းစွပ်၍ ခြေထောက်ခြေချင်းဝတ်တွင် တွဲ၍ ထားကြောင်း၊ စိမ်ပြေနပြေ ရိုက်သတ်ခံရသည်ဟု ယူဆရပြီး တကိုယ်လုံးရှိ အရိုးအဆစ်များမှာ ပျော့ခွေနေကြောင်း မြန်မာအစိုးရဝန်ထမ်းတဦးက ပြောကြားသည်။

၎င်းက “သူ့မိန်းမပြောတာက ည (၉) နာရီလောက် ဖုန်းလာလို့ ထထွက်သွားတာ၊ မနက်မှ အသတ်ခံရမှန်းသိတယ်လို့ ပြောတယ်” ဟု ဆိုသည်။

ဘုရားသုံးဆူဒေသသည် မူးယစ်ဆေးဝါး ရောင်းဝယ်ဖောက်ကားမှု၊ လူကုန်ကူးမှုများ အပါအဝင် ရာဇဝတ်မှုခင်းများလည်း ဖြစ်ပွားလေ့ရှိသည်။ ထို့အပြင် အပစ်ရပ်အဖွဲ့များဖြစ်သော DKBA, KPF, NMSP KNU/KNLA-PC အဖွဲ့များလည်း တည်ရှိကြပြီး ပြီးခဲ့သည့် မေလ (၉) ရက်နေ့ညကလည်း ဗုံးဖောက်ခွဲရန်လာသူ (၂) ဦးသည် ၎င်းတို့လက်ထဲတွင်ပင် ချိန်ကိုက်ဗုံးပေါက်ကွဲ၍ ဒဏ်ရာဖြင့် အဖမ်းဆီးခံခဲ့ရသည်။

ဒီကေဘီအေ တပ်စုတစု ကေအဲန်ယူထံ လာရောက်ပူးပေါင်း

စောသိန်းမြင့် (ကေအိုင်စီ)

ကရင်ပြည်နယ် ဖားအံခရိုင်၊ လှိုင်းဘွဲမြို့နယ် မဲ့စရီဂွင်အတွင်း လှုပ်ရှားနေသည့် တိုးတက်သောဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ) တပ်မဟာ(၉၉၉) အထူးတပ်ရင်းမှ တပ်စုတစုသည် လက်နက်အပြည့်အစုံနှင့်အတူ ကေအဲန်ယူ တပ်မဟာ(၇)ထံ ယမန်နေ့က လာရောက်ပူးပေါင်းခဲ့သည်။

ကေအဲန်ယူထံ လာရောက်ပူးပေါင်းသော ဒီကေဘီအေတပ်ဖွဲ့ဝင်များ (ဓါတ်ပုံ - ကေအိုင်စီ)

အဆိုပါ ဒီကေဘီအေ တပ်ရင်း၊ တပ်ခွဲ(၁)မှ တပ်စုမှူး ဒုဗိုလ်စောမျိုးမျိုး ဦးဆောင်သော တပ်ဖွဲ့ဝင် ၇ဦးသည် ထိုင်းနိုင်ငံ မဲဆောက်မြို့မြောက်ဘက် (၁၁၃)ကီလိုမီတာအကွာရှိ မဲ့စရီကျေးရွာတစ်ဘက်ကမ်း ကလေ့ထာ့တွင် အခြေစိုက်လှုပ်ရှားလျှက် ရှိပြီး ရှေ့တန်း၌ တပ်ရိက္ခာထောက်ပံ့မှု မပြည့်စုံခြင်းနှင့် နယ်ခြားစောင့်တပ် လက်မခံနိုင်ခြင်းတို့ကြောင့် ယခုလို ကေအဲန်အယ် လ်အေ တပ်မဟာ(၇) တပ်ရင်း(၁၀၁)ထံ လာရောက်ပူးပေါင်းရခြင်းဖြစ်သည်ဟု တပ်စုမှူး ဒုဗိုလ်စောမျိုးမျိုးက ပြောသည်။

သူက “ရှေ့တန်းမှာနေတာ လကတော့ကုန်ပြီ။ ရိက္ခာသွားထုတ်ခွင့်မရသေးဘူး။ သွားထုတ်တော့လည်း အပြည့်အ၀ မရဘူး။ သားငါးတကီလိုလောက် ၀ယ်စားဖို့အတွက် ရဲဘော်တွေ မီးသွေးဖုတ် ရောင်းရတဲ့အဖြစ်ဆိုတော့ တပ်စုမှူးတစ်ယောက်အနေနဲ့ မခံစားနိုင်ဘူး။ နောက်တစ်ခုက ဗမာ့တပ်မတော်တံဆိပ်တပ်ပြီး ဗမာစစ်သားသွားလုပ်ရမဲ့ဥစ္စာကို ကျနော်တို့ လုံးဝ သဘောမတူဘူး။ အဲဒါကြောင့် ဒီက ဆရာသမား၊ ညီအစ်ကိုတွေဆီ ပြန်လာတာ အကောင်းဆုံးနည်းလမ်းပဲလေ”ဟု ပြောသည်။

အဆိုပါ လာရောက်ပူးပေါင်းကြသူများမှာ ဒုဗိုလ်စောမျိုးမျိုး ၂၉နှစ်၊ တပ်ကြပ်ကြီး စောကလော်ဟီး ၅၄နှစ်၊ တပ်ကြပ် မောင်ဝင်း နေ ၂၆နှစ်၊ တပ်သားအောင်စိန် ၂၇နှစ်၊ တပ်သားမိုးကြိုး ၂၅နှစ်၊ တပ်သားစိုးလင်း ၂၀နှစ်နှင့် တပ်သားစောလားဖိုး ၁၈နှစ်တို့ ဖြစ်ပြီး ၎င်းတို့နှင့်အတူ 9-MM တစ်လက်၊ M-79 တစ်လက်၊ Carbine တစ်လက်၊ AK သုံးလက်၊ M-16 နှစ်လက်နှင့် ကျည်ဆံ တချို့ ပါဝင်သည်ဟု သိရသည်။

ကေအဲန်ယူထံလာရောက်ပူးပေါင်းမှုကြောင့် ဒီကေဘီအေ တပ်စုမှူးဒုဗိုလ်စောမျိုးမျိုးနှင့် တပ်ကြပ်ကြီး စောကလော်ဟီးတို့၏ မိသားစုများကို ဒီကေဘီအေ တပ်မဟာ(၉၉၉)အထူးတပ်ရင်းမှ ဖမ်းဆီးချုပ်နှောင်ထားကာ ညှင်းပမ်းနှိပ်စက်မှုများ ပြုလုပ်နေ ကြောင်း သိရသည်။

တပ်ကြပ်ကြီး စောကလော်ဟီးက “ကျနော်တို့ ဒီဘက်ကို ရောက်ရောက်ချင်းမှာပဲ သူတို့တွေ ကျနော့်မိန်းမနဲ့ ကလေး ၂ ယောက်ကို အချုပ်ခန်းထဲကို ဖမ်းထည့်ပြီး ခြိမ်းခြောက်အကြပ်ကိုင်တာတွေ လုပ်နေတယ်လို့ သိရတယ်။ ကလေးက ၂နှစ်နဲ့ ၅နှစ်ပဲ ရှိသေးတယ်၊ ဘာမှသိတာမဟုတ်ဘူး။ ဒီလုပ်ရပ်တွေဟာ တိရိစ္ဆာန်ထက်တောင် ပိုဆိုးတယ်”ဟု ပြောသည်။

ဒီကေဘီအေတွင် (၂)လသာ တာဝန်ထမ်းဆောင်ရသေးသူ တပ်သားအောင်စိန်ကလည်း “မိန်းမနဲ့ ကလေးတွေကို စိုးရိမ်လွန်း လို့ ကျနော် ငိုခဲ့ရတာ အကြိမ်ပေါင်း မနည်းတော့ဘူး။ အခု ကျနော့် မိန်းမနဲ့ကလေးတွေကလည်း အချုပ်ခန်းထဲမှာပဲလား မသိဘူး။ တယောက်က နို့စို့အရွယ်ပဲရှိသေးတော့ အရမ်း စိုးရိမ်တာပေါ့။”ဟု ပြောသည်။

ထိုကိစ္စနှင့်ပတ်သက်၍ ဒီကေဘီအေ တပ်မဟာ(၉၉၉)မှ အထူးတပ်ရင်းမှူး ဒုဗိုလ်မှူးကြီးစောမောင်ဝင်းကို ကေအိုင်စီက ယနေ့ ဆက်သွယ်မေးမြန်းရာ ဖုန်းလိုင်းမရရှိခဲ့ပေ။

ယခုပြန်လည်ရောက်ရှိလာကြသူများထဲတွင် ယခင်က ကေအဲန် ယူတွင် တာဝန်ထမ်းဆောင်ခဲ့ဖူးကြသူများ ပါဝင်သလို အတင်း အဓမ္မ စစ်သားစုဆောင်းခံရသူများလည်း ပါဝင်ပြီး အချို့မှာ ကေအဲန်ယူနှင့်လက်တွဲကာ တိုက်ပွဲဝင်မည့်သူများရှိသလို သာမန် အရပ်သားအဖြစ် နေထိုင်သွားမည့်သူများလည်းရှိသည့်အတွက် ၎င်းတို့၏ဆန္ဒအတိုင်း စီစဉ်လိုက်လျောသွားမည်ဟု ကေအဲန် အယ်လ်အေ တပ်ရင်း (၁၀၁)တပ်ရင်းမှူး ဒုဗိုလ်မှူးကြီး စောဖောဒိုက ပြောသည်။

လက်ရှိအချိန်တွင် အင်အား ၄၀၀၀ကျော်ရှိသည့် ဒီကေဘီအေတပ်ဖွဲ့တွင် (၉၉၉)တပ်မဟာသည် အင်အားအများဆုံး ဖြစ် သည်။