05 March 2010 ဧရာဝတီ
ရုရှားနှင့် တရုတ် နိုင်ငံတို့က ၂၀၁၀ ခုနှစ်အတွင်း အရပ်ဘက်သုံး ခရီးသည်တင် လေယာဉ်နှင့် ကုန်တင် လေယာဉ်များ မြန်မာ နိုင်ငံသို့ ရောင်းချမည် ဖြစ်ကြောင်း သတင်း ဌာနများက ဖော်ပြသည်။
ရုရှားလုပ် Antonov-148 ခရီးသည်တင် လေယာဉ်နှင့် တရုတ် ကော်ပိုရေးရှင်းက MA 60 ကုန်တင် လေယာဉ်
ရုရှားမှ ယူနိုက်တက် လေယာဉ် ကော်ပိုရေးရှင်း (United Aircraft Corporation – UCA) က Antonov-148 (An-148) နှစ်စီးနှင့် တရုတ်အမျိုးသား လေကြောင်းနည်းပညာ သွင်းကုန် ထုတ်ကုန် ကော်ပိုရေးရှင်း (China National Aero-Technology Import and Export Corporation – CATIC) က MA 60 ကုန်တင် လေယာဉ် သုံးစီးတို့ကို ယခုနှစ်အတွင်း မြန်မာသို့ ရောင်းချမည်ဟု ရုရှားမှ အီတာတာစ် သတင်းဌာနှင့် Flightglobal ဝက်ဘ်ဆိုဒ်တို့က အသီးသီးဖော်ပြသည်။
An-148 သည် ခရီးတိုပြေးအမျိုးအစားဖြစ်ပြီး ခရီးသည် ၉၀ ဆံ့သည်။ အများဆုံး ပျံသန်းနိုင်သည့်နှုန်းမှာ ကီလိုမီတာ ၅,၀၀၀ ဖြစ်ပြီး အမြန်နှုန်းမှာ တနာရီလျှင် ၈၂၀ မှ ၈၇၀ ကီလိုမီတာ ဖြစ်သည်။ An-148 တစီး၏ ခန့်မှန်းတန်ဖိုးမှာ အမေရိကန်ဒေါ်လာ သန်း၂၀ ခန့် ဖြစ်သည်။ ထို ရုရှားကော်ပိုရေးရှင်းမှပင် အီရန်နှင့် ကျူးဘားတို့က An-148 များ မှာယူဖူးသည်။
၂၀၀၉ ခုနှစ်အတွင်း ရုရှားက မြန်မာသို့ ယူရိုသန်း ၄၀၀ (အမေရိကန်ဒေါ်လာ သန်း ၅၇၀) နီးပါး တန်ဖိုးရှိမည့် MiG-29 ဂျက်တိုက်လေယာဉ် အစီး ၂၀ ရောင်းချမည့် စာချုပ်တရပ် ချုပ်ဆိုခဲ့သည်။
ယခုနှစ် စက်တင်ဘာတွင် မြန်မာသည် တရုတ် ကော်ပိုရေးရှင်းမှ လေယာဉ်များ ရရှိမည်ဖြစ်ပြီး တရုတ်အစိုးရ၏ ချေးငွေ အစီအစဉ် အကူအညီဖြင့် ဝယ်ယူမည်ဖြစ်သည်ဟု Xi'an Aircraft Industrial Corporation ကို ကိုးကား၍ Flightglobal ဝက်ဘ်ဆိုဒ်က ဖော်ပြသည်။ မြန်မာနိုင်ငံတွင် အိုဟောင်းနေပြီဖြစ်သော ဖော်ကာ F27 များကို သုံးနေရဆဲ ဖြစ်ကြောင်းလည်း ဖော်ပြထားသည်။
Read More...
Summary only...
ရဲဘော်ဖိုးသံချောင်း (ခေတ်ပြိုင်မှ)
အခုတလော မြန်မာပြည်မှာ လူအများစိတ်ဝင်စားခြင်းခံနေရတဲ့ ကိစ္စတခုကတော့ နအဖဗိုလ်ချုပ်တွေဟာ
ပြည်တွင်း-ပြည်ပ ဘယ်သူ့ကိုမှ၊ ဘယ်ကိုမှ တရားဝင်ကြေညာအသိပေးခြင်းမရှိဘဲ နိုင်ငံပိုင်ဓနများကို ပုဂ္ဂလိကပိုင်အဖြစ်
ပြောင်းလဲပစ်နေတဲ့ ကိစ္စပဲဖြစ်ပါတယ်။ တနေ့ပြီးတနေ့ ဘယ်လုပ်ငန်းကိုဖြင့် ဘယ်သူဌေးလက်အပ်လိုက်ပြီ၊ အဲဒီ
သူဌေးက ဘယ်ဗိုလ်ချုပ်နဲ့နီးစပ်တယ်၊ ဘယ်ဗိုလ်ချုပ်ကိုယ်စားလုပ်နေတာ စတဲ့သတင်းမျိုးတွေကိုလည်း ဒင်းတို့ပါးစပ်က
ကြားရတာမဟုတ်ဘဲ ဟိုကတစ၊ ဒီကတစနဲ့ ဆက်တိုက်ကြားနေကြရပါတယ်။
ဘာဥပဒေနဲ့၊ ဘာကော်မရှင်ရဲ့ဦးစီးမှုနဲ့လုပ်တယ်ဆိုတာကိုလည်း ဘယ်သူကမှမပြောသလို၊ ဘယ်သူကမှလည်း
မသိရပါဘူး။ သူခိုးဓားပြတွေ တိုက်ရာပါပစ္စည်းခွဲယူကြသလို တကယ့်ကို လက်သိပ်ထိုးလုပ်နေကြတာဟာ ဗမာပြည်
သမိုင်းမှာ မဆလလက်ထက် ၁၉၆၄ ခုနှစ်တုန်းက ပြည်သူပိုင်သိမ်းတယ်ဆိုတာရဲ့နောက်မှာ အကြီးမားဆုံးပိုင်ဆိုင်မှု လက်ပြောင်းလက်လွှဲလုပ်မှုကြီးပဲ ဖြစ်ပါတယ်။
ဒီနေရာမှာ သမိုင်းရဲ့ ဟာသကွက်လိုဟာတခုကို ထောက်ပြလိုပါတယ်။ အဲဒါကတော့ မဆလစစ်အစိုးရဟာ ဆိုရှယ်လစ်စကားလုံးတွေ လေကြီးဟစ်ကျယ်ပြောပြီး “ပြည်သူပိုင်သိမ်းတယ်” ဆိုတဲ့ ပုဂ္ဂလိကပိုင်ဆိုင်တွေ၊ လုပ်ငန်းတွေကို စစ်
အုပ်စုပိုင်လုပ်ခဲ့ပါတယ်။ သူတို့အပြောက ဒါဟာဝိသမလောဘသမားတွေရဲ့ လက်ကနေ ဆိုရှယ်လစ်အရင်းအနှီးစုဆောင်းတာဖြစ်ပါသတဲ့။ ဒါပေမယ့် လက်တွေ့မှာတော့ တိုင်းပြည်ဟာ ကမ္ဘာ့အဆင်းရဲဆုံးနိုင်ငံစာရင်းဝင်သွားပြီး သူတို့တစုသာ ချမ်းသာသွား ကြပါတယ်။ သူတို့နေရာကိုဆက်ခံတဲ့ နအဖစစ်အုပ်စုကတော့ ဈေးကွက်စီးပွားရေး တည်ဆောက်တယ်ဆိုပြီး အရင်းအနှီးခွဲဝေတာတွေ လုပ်ပြန်ပါတယ်။ တိုင်းပြည်ဟာ မွဲသထက်မွဲ သူတို့နဲ့အပေါင်းပါတွေသာ ချမ်းသာသထက်ချမ်းသာလာတာကို မျက်မြင်တွေ့နေရပါတယ်။ တိုင်းပြည်မွဲရေးနဲ့ ကိုယ်ချမ်းသာရေးဆီကို ချီတက်ရာ လမ်းကြောင်းများ သိချင်ရင် မြန်မာပြည်က စစ်အာဏာရှင်များဆီသာ သွားမေးပေတော့လို့ ပြောရမလိုပါ။
ဒီအဖြစ်အပျက်တွေထဲကနေ သမိုင်းရဲ့ သင်ခန်းစာတခုဆွဲထုတ်ပါဆိုရင် စစ်အာဏာရှင်တွေဟာ သူတို့အိတ်ထဲကို ထည့်ဖို့ဆိုရင် ဘာကြွေးကြော်သံကိုမဆို ကြွေးကြော်မယ်၊ တဖက်လှည့်နဲ့ပြန်ပြောရရင် သူတို့တတွေဘယ်လိုပဲ ကြွေးကြော်-ကြွေးကြော် လက်တွေ့ကျတော့ တိုင်းပြည်ရဲ့ ဓနဥစ္စာတွေကို သူတို့အိတ်ထဲထည့်တာပဲလို့ ပြောရပါမယ်။ သူတို့ထဲက စိတ်မလုံတဲ့လူ တချို့ကတော့ သူတို့လို တိုင်းပြည်အတွက် လုပ်နေသူတွေအဖို့ အကျိုးကျေးဇူး တစုံတရာ ခံစားသင့်ပါတယ်လို့ ဆင်ခြေပေးကြပါတယ်။ သူတို့စားတာ စားသင့်ပါတယ်၊ ခိုးတာ ခိုးသင့်ပါတယ်လို့ တိုက်ရိုက်မပြောရုံ တမယ်ပါပဲ။
မဆလလက်ထက် စစ်အုပ်စုနည်း စစ်အုပ်စုဟန် ဆိုရှယ်လစ်စနစ်ကာလတုန်းကတော့ တရုတ်ကုလားနဲ့ ပြည်တွင်းပြည်ပ လုပ်ငန်းရှင်အားလုံးဟာ ၀ိသမလောဘသမား အရင်းရှင်တွေဖြစ်ခဲ့ပါတယ်။ ဒါကြောင့် လုပ်ငန်းမှန်သမျှ၊ ဆိုင်မှန်သမျှကို သိမ်းယူခဲ့ပါတယ်။ ဒါကြောင့်မို့ ဆင့်ဥစ္စာခွေးမချီနိုင်ဖြစ်ခဲ့တဲ့ ကိစ္စတွေ အများကြီးပေါ်ခဲ့ပါတယ်။
အခု နအဖနည်းနအဖဟန် ဒီမိုကရေစီနဲ့ ဈေးကွက်စီးပွားရေးမှာကျတော့ နအဖဗိုလ်ချုပ်တွေဟာ မဆလဗိုလ်ချုပ်တွေ
အတွေ့အကြုံနည်းလို့ ဒုက္ခရောက်ခဲ့တာတွေကို သင်ခန်းစာထုတ်ယူထားလိုက်ကြပါတယ်။ ကွမ်းယာဆိုင်ကို ပြည်သူပိုင်
သိမ်းလိုက်လို့ အလုပ်ရှုပ်ရတာမျိုး သူတို့က အဖြစ်မခံတော့ပါဘူး။ နောက်ပြီး ဗိုလ်နေ၀င်းတို့က ဆိုရှယ်လစ်စကားတွေ
ပြော၊ နယ်ချဲ့ဆန့်ကျင်ရေး မီးရှူးမီးပန်းတွေဖောက်လွှတ်နေလို့ ပြည်ပအရင်းအနှီးနဲ့ဝေးခဲ့တာမျိုးကိုလည်း သူတို့က ရှောင်ရှား
ပါတယ်။ ကောင်းတဲ့ အလားအလာရှိတဲ့လုပ်ငန်းကိုမှ ကိုယ့်အိတ်ထဲထည့်ပါတယ်။ မကောင်းရင် ပြည်သူပိုင်အဖြစ် ချန်
ထားပါတယ်။ နောက်ပြီး ကိုယ့်အတွက်သာအကျိုးရှိမယ်၊ စားကွက်ရှိမယ်ဆိုရင် န၀တ၊ နအဖစစ်ဗိုလ်တွေဟာ အရှေ့က
ဖြစ်ဖြစ်၊ အနောက်ကဖြစ်ဖြစ် ဘယ်ကမဆို အရင်းအနှီးမှန်သမျှကို လက်ခံပါတယ်။ အဓိကကျတာက သူတို့ထိပ်သီးတွေ
အတွက် ခံစားခွင့်ပါဖို့ပါပဲ။
ထောက်ပြသင့်တဲ့ စစ်အုပ်စုတွေရဲ့ အဓိက၀င်ငွေလမ်းကြောင်း နောက်တခုကတော့ နယ်စပ်တွေကလာတဲ့ဝင်ငွေ လမ်းကြောင်းပါ။ မြန်မာပြည်မှာ နယ်စပ်ဒေသကို စစ်တပ်ကချုပ်ကိုင်ခဲ့တာဟာ ၁၉၄၈ ခုနှစ်ကစလို့ အစဉ်အလာတခုလို
ဖြစ်နေခဲ့ပါတယ်။ ပြည်တွင်းစစ်ရှိနေတော့ သူတို့မှာ အကြောင်းပြလို့ ပိုကောင်းသလို ဖြစ်နေပါတယ်။ ဒီကြားထဲ တရုတ်ဖြူ ကူမင်တန်ကျူးကျော်မှုလိုဟာမျိုးကလည်း ဖြစ်ပေါ်ခဲ့တော့ နယ်စပ်ဒေသနဲ့ ပြည်နယ်တွေဟာ စစ်ဗိုလ်တွေရဲ့ စားကွက်ချည့်
ဖြစ်ခဲ့တယ်မဟုတ်ပါလား။ နောက်ပြီး အဲဒီစားကွက်တွေအတွက်ပဲ သူတို့ချင်း စားခွက်လုကြ၊ ဂိုဏ်းအုပ်စုဖွဲ့ကြတာတွေလည်း ပေါ်ခဲ့ပါတယ်။ ၁၉၅၀ စုနှစ်များရဲ့ နောက်ပိုင်းတုန်းက ရှမ်းပြည်နယ်ထဲမှာ ထောက်လှမ်းရေးဗိုလ်မှူးကိုင်နိုကို သတ်
ပစ်ခဲ့တာ၊ ၁၉၇၀ စုနှစ်များတုန်းက အိန္ဒိယ-မြန်မာနယ်စပ်မှာ တာဝန်ကျတဲ့ သူရညွန့်တင်ကို ရုံးတင်တရားစွဲတာ စတာတွေဟာ အဲဒီလိုဂိုဏ်းအုပ်စုနဲ့ စားခွက်ပြဿနာတွေကြောင့်ပါပဲ။ ဒီလိုနဲ့ အဲဒီတုန်းက တိုင်းမှူးတွေနဲ့ စစ်ဒေသထိပ်သီးတွေဟာ
နယ်ခံအာဏာရှိသူတွေနဲ့ လုံးမိကြတာလည်းရှိ၊ အညှိုးအတေးတွေ ပေါ်ပေါက်တာလည်းရှိ ဆိုတာမျိုး ဖြစ်ခဲ့ပါတယ်။ တဖက်မှာကျတော့ သူတို့တပ်တွေရဲ့လုပ်ရပ်တွေကြောင့် တိုင်းရင်းသားလူမျိုးစုတွေက လူမျိုးရေးအရ နာကြည်းတာတွေ
ဖြစ်ပေါ်လာခဲ့ပါတယ်။ ဒီလိုနဲ့ ဗိုလ်အောင်ကြီးတို့ လက်ထက်ကစလို့ စစ်အုပ်စုထိပ်သီးတွေနဲ့ နယ်စပ်က ဘိန်းရာဇာတွေ ရေစက်ဆုံခဲ့ကြတာပါပဲ။
ဒါပေမယ့် တရုတ်-မြန်မာနယ်စပ်မှာ ဗကပပေါ်လာတော့ စစ်အုပ်စုထိပ်သီးတွေအဖို့ စားကျက်တွေပျောက်ကုန်ကြပါတယ်။
သူတို့ရဲ့ ရောင်းရင်းအပေါင်းအသင်း နယ်ခံထိပ်သီးတွေ၊ ဘိန်းရာဇာတွေလည်း “လက်မဲ့တွေ” ဖြစ်ကုန်ကြပါတယ်။ ဒိနောက်
၁၉၈၉ ခုနှစ်မှာ ဗကပထဲက ခွဲထွက်မှုတွေပေါ်တော့မှ စစ်အုပ်စုထိပ်သီးတွေဟာ သူတို့ရဲ့စီးပွားရေး “အောင်မြေ” ကို ပြန်နင်း
နိုင်ခဲ့ပါတယ်။ မဆလထိပ်သီးတွေဆုံးရှုံးခဲ့တဲ့ အခွင့်အရေးတွေကို န၀တ၊ နအဖထိပ်သီးတွေရခဲ့ပါတယ်။ ရတာမှ အတိုးနဲ့
ရတာလို့တောင် ပြောနိုင်ပါတယ်။ ဒါတွေကို အားလုံးသိပြီးမို့ အထူးရေးဖို့မလိုတော့ပါဘူး။ ဒီနေ့ နယ်စပ်ဒေသက အပစ်ရပ်
အဖွဲ့တွေနဲ့ နယ်ခြားစောင့်တပ်လုပ်ရေးကိစ္စမှာ နအဖဗိုလ်ချုပ်တွေ စပ်ပူစပ်လောင်ဖြစ်နေကြတာမှာ ဒီစားကျက်ကြီး
ပြန်ပျောက်သွားမှာစိုးနေတဲ့ အကြောင်းရင်းလည်းပါပါတယ်။ သူတို့အဖို့က တကယ့်ကို အဆီနဲ့ဝင်းဝင်းပါ။
ကိုယ့်အတွက် အရင်းအနှီးစုဆောင်းရာမှာ နအဖနဲ့မဆလ မတူတဲ့ နောက်အချက်တချက်ကတော့ ဗိုလ်နေ၀င်းတို့ဟာ
အထက်မှာပြောခဲ့သလို ပြည်တွင်းကလုပ်ငန်းရှင်တွေ၊ ငွေရှင်ကြေးရှင်တွေကို ရန်လုပ် ဒုက္ခပေးခဲ့ပေမယ့် ဗိုလ်သန်းရွှေတို့
ကတော့ အဲဒီလိုလူတွေအထဲက သူတို့အသုံးချမယ့်လူတွေကို ရှာဖွေမွေးမြူပါတယ်။ ဒီဖြစ်စဉ်ထဲမှာပဲ ဗိုလ်ချုပ်တွေက
ဘိန်းဘုရင်တွေရဲ့ ငွေကိုခ၀ါချပေး။ တခါ ဘိန်းဘုရင်တွေက ဗိုလ်ချုပ်တွေရဲ့ ငွေတွေကို ပြန်ခ၀ါချပေးဆိုတာမျိုးတွေလည်း
ဖြတ်သန်းခဲ့ကြပါတယ်။ နောက်ပြီး ဗိုလ်ချုပ်တွေကိုယ်စား နာမည်ခံစီးပွားရေးလုပ်ငန်းထောင်ပေးမယ့် လူတွေကိုလည်း
စိစစ်မွေးမြူတာလုပ်ပါတယ်။ စစ်အုပ်စုရဲ့လက်ဝေခံလူတန်းစားတရပ် ထပ်မွေးယူတာပါ။ မွေးတာမှ လိုအပ်ရင် သမီးပေး၊
တူမပေးလို့တောင် မွေးယူကြပါတယ်။
အခု ရွေးကောက်ပွဲမတိုင်မီ ဗိုလ်သန်းရွှေတို့ထိပ်သီးတွေ အလုအယက်ဖြစ်နေကြတာဟာ ဆိုရှယ်လစ်စစ်ဗိုလ်အုပ်စု
က စခဲ့တဲ့ မြန်မာပြည်စစ်အုပ်စု အဆက်ဆက်တွေရဲ့ တွေးခေါ်လုပ်ကိုင်နည်းရဲ့ အဆက်တွေသာဖြစ်ပါတယ်။ ၁၉၅၈ ခုနှစ်
အာဏာသိမ်းမှုကနေ ပေါ်ထွက်ခဲ့တဲ့ ဗိုလ်မောင်မောင်၊ ဗိုလ်အောင်ကြီးတို့ရဲ့ဘီအီးဒီစီပိုင်ကြယ်ငါးပွင့်လိုင်းကို အခု နအဖရဲ့ ဦးပိုင်က ယူတော့မယ်လို့ သတင်းထွက်လာတာ ကြားရတော့ “ဟိုအရင် ပဒုမုတ္တရာဘုရားလက်ထက်က ---------------- ဟာ
ငါဘုရားလက်ထက်မှာ ဒေ၀ဒတ်ဖြစ်လာတယ်” ဆိုတဲ့ ဇာတ်ပေါင်းစကားမျိုးကို ပြန်ကြားလိုက်ရသလိုပါပဲ။
Read More...
Summary only...
စိုးမိုး/ ၅ မတ် ၂ဝ၁ဝ(ခေတ်ပြိုင်)
စစ်တပ်က မြန်မာအမျိုးသမီးများအပေါ် အကြမ်းဖက်မှုများကို ကုလသမဂ္ဂ လုံခြုံရေးကောင်စီမှတဆင့် နိုင်ငံတကာ ခုံရုံးတင် စစ်ဆေးနိုင်ရန် အမျိုးသမီးနိုဘယ်လ်ငြိမ်းချမ်းရေးဆုရှင်များနှင့် အမျိုးသမီးများအဖွဲ့ချုပ် (မြန်မာနိုင်ငံ) တို့က ကုလသမဂ္ဂ အတွင်းရေးမှူးချုပ် ဘန်ကီမွန်းထံ ယမန်နေ့က တင်ပြလိုက်သည်။
မြန်မာစစ်အစိုးရတပ်များက မြန်မာအမျိုးသမီးများအပေါ် အကြမ်းဖက်ကျူးလွန်မှုများကို ကာယကံရှင် အမျိုးသမီး (၁၂) ဦးတို့က ယခုလ (၂) ရက်တွင် သက်သေထွက်ဆိုခဲ့ကြပြီး နိုဘယ်လ်ငြိမ်းချမ်းရေးဆုရှင် အမျိုးသမီးများနှင့် အမျိုးသမီးများအဖွဲ့ချုပ် မြန်မာနိုင်ငံ (WLB) တို့က စစ်ဆေးကြားနာခဲ့ကြပြီးနောက် ယင်းတွေ့ရှိမှုများကို ကုလသမဂ္ဂအတွင်းရေးမှူးချုပ်ထံ တင်ပြခဲ့ကြခြင်းဖြစ်သည်။
“အကြမ်းဖက်မှုတွေကို သက်သေထွက်ဆိုတာ (၁၂) ယောက်ရှိတယ်။ သက်သေထွက်ဆိုတဲ့အထဲမှာ ကချင်၊ ကရင်၊ ရခိုင်၊ ကူကီး၊ ဗမာ၊ ချင်း လူမျိုးစုံပါပါတယ်။ WLB အဖွဲ့ဝင် အဖွဲ့အစည်း (၁၃) ဖွဲ့ရဲ့ ပံ့ပိုးမှုနဲ့ WLB က အကောင်အထည် ဖော်သွားတာပါ” ဟု WLB သဘာပတိအဖွဲ့ဝင် ဒေါ်တင်တင်ညိုက ပြောကြားသည်။
အမေရိကန်ပြည်ထောင်စု နယူးယောက်မြို့တွင် အမျိုးသမီးများအဖွဲ့ချုပ် မြန်မာနိုင်ငံ (WLB) နှင့် နိုဘယ်လ်အမျိုးသမီးများအဖွဲ့ (Nobel Women’s Initiative) တို့က စစ်အစိုးရ၏ အမျိုးသမီးများအပေါ် အကြမ်းဖက်ရာဇ၀တ်မှုများကို ကြားနာခဲ့ကြပြီး ယင်းကြားနာပွဲကို နိုဘယ်လ်ဆုရှင်များဖြစ်သော ဂျိုဒီဝီလီယံနှင့် အီရန်နိုင်ငံမှ Dr.Shirin Ebadi တို့က တရားသူကြီးများအဖြစ် ကြားနာခဲ့သည်။
ယခုကဲ့သို့ အမျိုးသမီးများအပေါ် စစ်တပ်၏ အကြမ်းဖက်မှုများကို ဖော်ထုတ်တင်ပြနိုင်ရန် ၂၀၀၈ ခုနှစ်ကတည်းက အဖွဲ့ဝင်အမျိုးသမီး (၁၃) ဖွဲ့ အကူအညီဖြင့် အချက်အလက်များ စုဆောင်းရယူခဲ့ခြင်း ဖြစ်သည်ဟု သိရသည်။
စစ်တပ်၏ အကြမ်းဖက်မှုလုပ်ရပ်များကို စိတ်ဆိုးမိကြောင်း၊ လုံခြုံရေးကောင်စီ အပါအ၀င် မြန်မာ့အရေးဆောင်ရွက်နေသည့် အဖွဲ့အစည်း အသီးသီးနှင့်လည်း တင်ပြဆွေးနွေးသွားမည်ဟု ကုလသမဂ္ဂ အတွင်းရေးမှူးချုပ်က တုံ့ပြန်ခဲ့သော်လည်း ကုလသမဂ္ဂအနေဖြင့် မြန်မာစစ်အစိုးရကို ချက်ချင်းအရေးယူဆောင်ရွက်နိုင်မည်မဟုတ်ကြောင်း သိရသည်။
“ကျမတို့အနေနဲ့ အများကြီးတော့ မျှော်လင့်လို့ မရဘူး။ ယူအန်အနေနဲ့ ချက်ချင်းအကောင်အထည်ဖော်၊ ချက်ချင်း တခုခု ထလုပ်မယ်လို့ မမျှော်လင့်ထားပါဘူး။ ဒါပေမယ့် သူ့အနေနဲ့ စိတ်ဝင်စားမှု ပြတယ်။ ဒီပေါ်မှာ ဆက်ပြီးမှ အကောင်အထည် ဖော်မယ်။ လုပ်ဆောင်သွားဖို့ ရှိတယ်” ဟု သူမက ပြောကြားသည်။
ကုလသမဂ္ဂ အတွင်းရေးမှူးချုပ် ဘန်ကီမွန်းက မြန်မာစစ်အစိုးရကို ကလေးစစ်သား အသုံးပြုမှုအတွက် ကုလသမဂ္ဂ လုံခြုံရေးကောင်စီမှ အရေးယူပေးရန် ပြီးခဲ့သည့်နှစ်က တိုက်တွန်းထားပြီး ယခုနှစ်တွင် အမျိုးသမီးများအရေးကို ထပ်မံ တင်ပြမည်ဟု ပြောကြားလိုက်ခြင်းဖြစ်သည်။
၂၀၀၇ ခုနှစ် စက်တင်ဘာ သံဃာ့အရေးအခင်းအပါအ၀င် မြန်မာ့အရေးကိစ္စများကို ကုလသမဂ္ဂ လုံခြုံရေးကောင်စီတွင် အရေးယူရန် ဆွေးနွေးခဲ့ဖူးသော်လည်း တရုတ်၊ ရုရှတို့က ကန့်ကွက်ခဲ့သဖြင့် မအောင်မြင်ဖြစ်ခဲ့သည်။
Read More...
Summary only...
မတ်လ ၅ရက်။ စောခါးစူးညား။ (ကေအိုင်စီ)
ကရင်ပြည်သူများအား ရန်သူသဖွယ် တိုက်ခိုက်နေသည့် နအဖ စစ်အစိုးရကို ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းအနေဖြင့် ဟန့်တားပေးပါရန် မေတ္တာရပ်ခံသည့် ကြေညာချက်စာတစောင် ကရင်အမျိုးသားအစည်းအရုံး (ကေအဲန်ယူ)က ယမန်နေ့၌ ထုတ်ပြန်လိုက်သည်။
စစ်အစိုးရ၏ တိုက်ခိုက်ခြင်းခံနေရသည့် ကရင်လူထုများကို နိုင်ငံတကာ အသိုင်းအ၀ိုင်းနှင့် ဒေသတွင်းလူထုများအနေ ဖြင့် ကိုယ့်အရေးလို သဘောထားကာ စာနာထောက်ထား ဖြေရှင်းပေးရန် ရည်ရွယ်၍ ကြေညာချက်ကို ထုတ်ပြန်ရခြင်း ဖြစ်သည်ဟု ကရင်အမျိုးသားအစည်းအရုံး(ကေအဲန်ယူ) တွဲဖက်အတွင်းရေးမှူး(၁) ဗိုလ်မှူး စောလှငွေက ကေအိုင်စီကို ယခုလို ပြောသည်။
“နအဖက ထိုးစစ်တွေပြုလုပ်ပြီး တိုင်းရင်းသားတွေကို ညှင်းပမ်းနှိပ်စက်တယ်။ အခု မြန်မာနိုင်ငံ ပြည်တွင်းထဲမှာ အိုင်ဒီပီ တွေကလည်း တောထဲမှာ ဒုက္ခရောက်နေကြတယ်။ ထိုင်း-မြန်မာနယ်စပ် ဒုက္ခသည် စခန်းထဲက ဒုက္ခသည်တွေဟာ လည်း သူတို့ရဲ့ဘ၀ရပ်တည်ချက်ဟာ မသေချာ မရေရာ စိုးရိမ်နေရတဲ့ အနေအ ထားမှာ ရှိတယ်။ ဒါတွေကို ကျနော်တို့ မီးမောင်းထွန်းပြချင်လို့ပါ။ ကုလအနေနဲ့လည်း ဒီထက် နအဖ စစ်အစိုးရကို ထိရောက်တဲ့ ဖိအားမှုတွေ ပေးသင့်တယ်”ဟု သူက ပြောသည်။
ဆက်လက်၍ သူက ကေအဲန်ယူသည် ဒီမိုကရက်တစ်အဖွဲ့အစည်းဖြစ်သည့်အတွက် မြန်မာ့နိုင်ငံရေးကို ဒီမိုကရေစီ နည်းကျကျ ဖြေရှင်းလိုကြောင်း၊ ကေအဲန်ယူသည် ပြည်သူအတွင်းမှ ပေါက်ဖွားလာသည့် တော်လှန်ရေးအဖွဲ့အစည်းဖြစ် သည့်အတွက် တော်လှန်းရေးကို ဆုံးခန်းတိုင် အောင်ပွဲရသည်အထိ ဆက်လက်ချီတက်သွားမည်ဖြစ်ကြောင်းနှင့် စစ် အစိုးရ အင်အားကြီးသည်ကို ကြောက်မနေဘဲ အမှန်တရားဘက်က မားမားမတ်မတ်ရပ်တည်သွားမည်ဖြစ်ကြောင်း ပြောဆိုသည်။
မြန်မာ့ပြည်တွင်းစစ် နှစ်(၆၀)ကျော်ကြာလာသည်နှင့်အမျှ အလားတူ မေတ္တာရပ်ခံချက်၊ ပန်ကြားချက်များ ကုလသမဂ္ဂသို့ အကြိမ်ကြိမ်တင်ပြခဲ့ပြီး ကုလသမဂ္ဂအနေဖြင့် စစ်အစိုးရအား တွေ့ဆုံဆွေးနွေးပွဲစားပွဲခုံသို့ ရောက်အောင် ဆက်လက်စွမ်း ဆောင်ပေးနိုင်ရန်ကိုလည်း ကေအဲန်ယူ ကြေညာချက်တွင် ရေးသားထားသည်။
ထို့အပြင် ကေအဲန်ယူက ကရင်ပြည်သူများကို စစ်အစိုးရတပ် တိုက်ခိုက်ခြင်းနှင့်ပတ်သက်၍ ယခု ရက်ပိုင်းအတွင်း မစ္စတာ ဘန်ကီမွန်း ထုတ်ဖော်ပြောကြားလိုက်သည့်အပေါ် ကြိုဆိုသော်လည်း ယင်းအကြောင်းတခုတည်းဖြင့် ပြည့်စုံလုံ လောက်လိမ့်မည် မဟုတ်သေးကြောင်း ထုတ်ပြန်ကြေညာချက်တွင် ပါရှိသည်။
Read More...
Summary only...
သတင်း - သတင်းနှင့်မီဒီယာကွန်ယက်
မတ်လ 04 ရက် 2010 ခုနှစ်
ထိုင်းမြန်မာနယ်စပ် အူးသူးထာ့ ယာယီဒုက္ခသည်စခန်းမှ ကရင်စစ်ပြေး ဒုက္ခသည် (၁၀၀)ခန့် ယနေ့နံနက်က နေရပ်သို့ ပြန်သွားကြသည်။
ကရင်ပြည်နယ်အတွင်း တိုက်ပွဲများကြောင့် ယမန်နှစ်ဇွန်လက နယ်စပ်သို့ ထွက်ပြေးလာသော ထောင်နှင့်ချီသည့် ဒုက္ခသည်များအား ထိုင်းအာဏာပိုင်တို့က နေရပ်သို့ အတင်းအကျပ် ပြန်ခိုင်းနေသဖြင့် ပြန်သွားကြခြင်း ဖြစ်သည် ဟု ဒုက္ခသည်တစ်ဦးက ယခုလိုပြောသည်။
“အိမ်ထောင်စု (၁၀) စုလောက်ရှိတယ်။ အခုထွက်နေတုန်းပဲ။ မဆုံးသေးဘူးပေ့ါ။ ဒါပေမယ့် လူဦးရေ ကတော့ ခန့်မှန်းခြေ (၁၀၀) ကျော်ရှိမယ်။”
လွန်ခဲ့သည့်နှစ်ပါတ်ခန့်က ထိုင်းနယ်စပ်စောင့်တပ်မှ ဓါတ်ပုံရိုက်ယူခဲ့ပြီး ရိက္ခာဖြတ်တောက် လိုက်သည့်အပြင် အ မျိုးမျိုး ဖိအားပေးခြိမ်းခြောက်ပြောဆိုခြင်း နေ့စဉ် ခံနေကြရသည်ဟု ၎င်းဆက်ပြောသည်။
“သူတို့ဘာဖြစ်လို့ထွက်ကြလဲဆိုတော့ လွန်ခဲ့တဲ့နှစ်ပတ်လောက်က ဓါတ်ပုံလာရိုက်တယ်။ ထိုင်းစစ်သား အင်္ကျီအမဲနဲ့အဖွဲ့တွေ။ သူတို့ ဓါတ်ပုံရိုက်ပြီးတဲ့ လူတွေ ဒီမှာနေလို့ မရတော့ဘူး။ ဒီမှာနေလို့ရှိရင် ဖမ်းမယ် ပေ့ါ။ ဒီမှာ နေထိုင်ခွင့် မရှိတော့ဘူးပေ့ါ။ အဲလို လာပြောသွားတယ်။ ဒီမနက်ပဲ အဲတာကြောင့်မို့ သူတို့လည်း မနေရဲတော့လို့ ပြန်သွားကြတယ်။”
ထိုင်းနယ်ခြားစောင့်တပ်မှ တာဝန်ရှိသူများက နေရပ်သို့ပြန်ရန် နေ့စဉ် လာပြောနေသည့် အပြင် ထုတ်ပေးသည့် ရိက္ခာ လုံလောက်မှုမရှိဟု ပြောသည်။
“မနေ့က ရိက္ခာလာထုတ်တာ အကုန်လုံးမရကြဘူး။ သူတို့စာရင်းအရ ၇၀၀ ကျော်ပဲ ပေးတယ်။ ကျ နော်တို့စာရင်းထဲမှာကျန်တာက ၁၁၃၀ ရှိတယ်။ တချို့လူက (၁၀) ယောက်ရှိတာ (၆) ယောက်ပဲရ တယ်။ လေးယောက်က ရိက္ခာမှမရတာ ဘယ်လိုလုပ် စားမလဲ။”
ပြန်သွားသူများမှာ မယ့်လာအားထာ့၊ မယ့်လာအားခီး၊ ဒေါ့ပနေ့ပူ စသည့်ကျေးရွာများမှ ဖြစ်ပြီး ယမန်နှစ်ဇွန်လက တိုးတက်သောကရင်ဗုဒ္ဓဘာသာတပ်မတော် DKBA နှင့် စစ်အစိုးရတို့ ပူးပေါင်း၍ ကရင်အမျိုးသားအစည်းအရုံး KNU တပ်စခန်းများအား ထိုးစစ်ဆင် တိုက်ခိုက်မှုကြောင့် တိုက်ပွဲများနှင့်ဝေးရာ ထိုင်းမြန်မာနယ်စပ်သို့ ထွက်ပြေး လာသူ များဖြစ်သည်။
ကရင်စစ်ပြေးဒုက္ခသည်များ နေရပ်ပြန်ပို့ရေးကို ရပ်ဆိုင်းပေးရန် ကရင်အမျိုးသမီး အစည်းအရုံး (KWO) နှင့် ထိုင်းရှေ့နေများကောင်စီ လူ့အခွင့်အရေး ဆပ်ကော်မတီအဖွဲ့တို့မှ ဖေဖော်ဝါရီလက ထိုင်းအစိုးရထံ မေတ္တာရပ်ခံ ထားသည်။
အမေရိကန်လွှတ်တော်အမတ် (၂၇) ဦးက ကရင်စစ်ပြေးဒုက္ခသည်များ နေရပ်ပြန်ပို့မည့်အရေးကို စိုးရိမ်မကင်း ဖြစ်ရကြောင်း၊ ကရင်ဒုက္ခသည်များအား ကာကွယ်ပေးစေလိုကြောင်း ထိုင်းဝန်ကြီးချုပ်ထံ ဖေဖော်ဝါရီလ (၄) ရက် နေ့က လက်မှတ်ရေးထိုး၍ စာရေးပေးပို့ခဲ့သည်။
တရားဝင်ပြန်ပို့ရေးကို ထိုင်းအစိုးရက ခေတ္တရပ်ဆိုင်းထားသော်လည်း ဖိအားပေးခြိမ်း ခြောက်ခြင်း၊ ရိက္ခာဖြတ် တောက်ခြင်း၊ စခန်းတွင်း အ၀င်အထွက်ကို အတင်းအကျပ် စစ်ဆေးခြင်းများကြောင့် စစ်ပြေးဒုက္ခသည်များ မ ကြာခန မြန်မာပြည်ဘက်သို့ ပြန်ဝင်ကြ သည်ဟု ဒုက္ခသည်များကို ကူညီပေးနေသည့် အဖွဲ့များက ပြောသည်။
Read More...
Summary only...
04 March 2010 VOA သတင်းမှ
မြောက်ကိုရီးယားနဲ့ စစ်ဘက်ဆိုင်ရာ ဆက်နွယ်မှုတွေ ရှိနေတဲ့ မြန်မာနိုင်ငံနဲ့ ပတ်သက်လို့ စိုးရိမ်မကင်း ဖြစ်ရတဲ့အကြောင်း အမေရိကန် အစိုးရ တာဝန်ရှိသူတဦးက ပြောဆိုလိုက်ပါတယ်။
အမေရိကန် သမ္မတ ဘရက်ခ် အိုဘားမား (Barack Obama) အစိုးရက မြောက်ကိုရီးယားနဲ့ ဆက်ဆံမှုတွေ ရှိနေတဲ့ မြန်မာနိုင်ငံက စစ်ဘက်ဆိုင်ရာ နည်းပညာတွေ ၀ယ်ယူဖို့ လုပ်နေတာတွေကို ဟန့်တားဖို့ ကြိုးပမ်းနေတယ်ဆိုတဲ့ သတင်းတွေ ထွက်ပေါ်လာတဲ့နောက် အမေရိကန် နိုင်ငံခြားရေးဌာန ပြောခွင့်ရပုဂ္ဂိုလ် ပီဂျေ ခရော်လီ (P J Crowley) က မနေ့တုန်းက ပြုလုပ်တဲ့ ပုံမှန် သတင်းစာရှင်းလင်းပွဲမှာ ပြောဆိုလိုက်တာပါ။
“မြန်မာအစိုးရနဲ့ မြောက်ကိုရီးယားနိုင်ငံ နှစ်နိုင်ငံ အဆက်အဆံ ရှိတာတွေနဲ့ ပတ်သက်ပြီးတော့ အမေရိကန် ပြည်ထောင်စုအနေနဲ့ စိုးရိမ်ပူပန်တဲ့အကြောင်း အကြိမ်ကြိမ် ပြောခဲ့ပြီးပါပြီ။ ဒီနှစ်နိုင်ငံဟာ နျူကလီးယားကိစ္စမှာ ပူးပေါင်း ဆောင်ရွက်နေကြသလားဆိုတာ စိုးရိမ်မိတာပါ။ ဒါကြောင့်လည်း မြောက်ကိုရီးယားနိုင်ငံနဲ့ ပတ်သက်ပြီးတော့ ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက် ၁၈၇၄ အတိုင်း နိုင်ငံတကာ အသိုင်းအ၀န်းက လိုက်နာကြဖို့၊ မြန်မာနိုင်ငံ ကိုယ်တိုင်လည်း ဒီဆုံးဖြတ်ချက်ကို လိုက်နာဆောင်ရွက်ဖို့ ကျနော်တို့ ဆွေးနွေးခဲ့တာတွေ ရှိပါတယ်။ မြန်မာနိုင်ငံနဲ့ကတော့ အပြန်အလှန် ဆွေးနွေး ဆောင်ရွက်နိုင်ဖို့ ကျနော်တို့ ဆက်လုပ်သွားမှာပါ။”
အမေရိကန် နိုင်ငံခြားရေးဌာနက ပြောခွင့်ရပုဂ္ဂိုလ် ပီဂျေ ခရော်လီ ပြောသွားတာ ဖြစ်ပါတယ်။
ပြီးခဲ့တဲ့နှစ်ထဲက မြောက်ကိုရီးယားက လက်နက်ရောင်းချမှုတွေကို တားမြစ်တဲ့ ကုလသမဂ္ဂ လုံခြုံရေးကောင်စီ ဆုံးဖြတ်ချက်ကို မြန်မာစစ်အစိုးရက ထောက်ခံခဲ့တာဟာ တိုးတက်မှုတခု ဖြစ်ပေမဲ့ ဒီအတိုင်း ဆက်လက် ရပ်တည်သွားဖို့ နှစ်ဘက်အကြား ဆွေးနွေးပွဲတွေမှာ ဆက်ပြီး တိုက်တွန်းသွားမှာ ဖြစ်တယ်လို့လည်း အမေရိကန် နိုင်ငံခြားရေးဌာန ပြောခွင့်ရသူက ပြောဆိုခဲ့တာပါ။
မြန်မာစစ်အစိုးရအပေါ် ပိတ်ဆို့ဒဏ်ခတ် အရေးယူမှုတွေ ချမှတ်ထားတဲ့ အမေရိကန် ပြည်ထောင်စုက ထိတွေ့ ဆက်ဆံမှုတွေ လုပ်သွားမယ့် မူဝါဒတွေကိုပါ ကျင့်သုံးသွားဖို့ ကြေညာပြီးနောက်ပိုင်း မြန်မာနိုင်ငံကို သွားရောက်ခဲ့တာ အပါအ၀င် ၂ နိုင်ငံကြား ဆက်ဆံမှုတွေ ၄ ကြိမ် ရှိခဲ့သလို မကြာခင် နောက်ထပ် တွေ့ဆုံဖို့ ရှိနေတယ်ဆိုတဲ့ သတင်းတွေလည်း ထွက်ပေါ်နေတာပါ။
ဒါပေမဲ့လည်း အမေရိကန် နိုင်ငံခြားရေးဌာန ပြောခွင့်ရသူကတော့ နောက်တကြိမ် တွေ့ဆုံမှုတွေနဲ့ ပတ်သက်လို့ အတိအကျ မပြောနိုင်သေးဘူးလို့ မနေ့တုန်းက သတင်းစာရှင်းလင်းပွဲမှာ ပြောဆိုခဲ့တာ ဖြစ်ပါတယ်။
Read More...
Summary only...
စိုးမိုး/ ၄ မတ် ၂ဝ၁ဝ (ခေတ်ပြိုင် မှ)
ယခုလ (၁၀) ရက်မှ (၁၉) ရက်ထိ ကျင်းပပြုလုပ်မည့် တက္ကသိုလ်ဝင်တန်း စာမေးပွဲနီးကပ်လာသည့် ကာလတွင် မန္တလေးမြို့တော်၌ လျှပ်စစ်ရရှိမှု တိုးတက်မလာကြောင်း သိရသည်။
“မန္တလေးက မီးမလာလဲ နေလို့ရတဲ့မြို့လို့ အစိုးရက ထင်နေတာခင်ဗျ။ တိုးမရပါဘူးဗျာ။ တရုတ်တွေနေတဲ့ သူဌေးရပ်ကွက်တော့ မသိဘူး။ မြို့သစ်ကတော့ မရဘူးခင်ဗျ။ တခါတလေ ဘယ်အချိန် မီးလာသွားလဲ မသိဘူး” ဟု မန္တလေး မြို့သစ်နေသူတဦးက ပြောသည်။
ရာသီဥတု ပူပြင်းသည့် မန္တလေးမြို့တော်တွင် လျှပ်စစ်မရရှိသဖြင့် (၁၀) တန်း ဖြေဆိုရန် ပြင်ဆင်နေသည့် ကျောင်းသားများမှာ မီးစက်များ၊ ဖယောင်းတိုင်များ အသုံးပြုနေရပြီး နှစ်စဉ် ကြုံတွေ့နေကြ မီးဘေးအန္တရာယ်လည်း စိုးရိမ်နေရကြောင်း (၁၀) တန်း ကျောင်းသားများ နေထိုင်သည့် ဘော်ဒါဆောင် ပိုင်ရှင်က ပြောသည်။
ပြီးခဲ့သည့် ဖေဖော်ဝါရီလလယ်ပိုင်းအတွင်း ရန်ကုန်မြို့တော် အချို့မြို့နယ်များကို တရက်လျှင် လျှပ်စစ် (၁၈) နာရီထိ တိုးပေးသော်လည်း မန္တလေးတွင် လျှပ်စစ် ထပ်တိုးမရခြင်းဖြစ်သည်။
“တပတ်ကျော်လောက်ရှိပြီ။ အရင်က တရက်ကို တခါတလေ (၂) နာရီ (၃) နာရီလောက်ပဲလာတယ်။ အခု မနက်ပိုင်း (၆) နာရီ လာတယ်။ ညပိုင်းလာတယ်။ ဒါပေမယ့် တခြားရပ်ကွက်တွေ မလာဘူးလဲ ပြောနေတယ်” ဟု ရန်ကုန်တိုင်း လသာမြို့နယ်တွင် နေထိုင်သူတဦးက ပြောသည်။
ပြီးခဲ့သည့် ဖေဖော်ဝါရီ လလယ်ပိုင်းအတွင်း မန္တလေးတိုင်း ရဲရွာ ရေအားလျှပ်စစ်စက်ရုံ စတင်လည်ပတ်မှုကြောင့် ရန်ကုန်မြို့တော် အချို့မြို့နယ်များကို လျှပ်စစ်ပေးချိန် ပိုတိုးပေးနိုင်လာကြောင်း ရန်ကုန်မြို့တော် လျှပ်စစ်ဓာတ်အားပေးရေး အာဏာပိုင်အဖွဲ့ရုံးက ပြောကြားသည်။
Read More...
Summary only...
Thursday, 04 March 2010 ကိုထွေး (ဧရာဝတီ သတင်းမှ)
မြန်မာ စစ်အစိုးရက ကျူးလွန်ခဲ့သော ရာဇ၀တ်မှုများ အတွက် နိုင်ငံတကာက စုံစမ်းစစ်ဆေး ပေးရန်နှင့် ဒဏ်ခတ် အရေးယူပေးရန် နိုဗဲလ် ဆုရှင်များနှင့် နိုင်ငံတကာ ဥပဒေ ပညာရှင်များက တောင်းဆို လိုက်သည်။
အမေရိကန်နိုင်ငံ နယူးရောက်မြို့၌ မြန်မာနိုင်ငံမှ လူ့အခွင့်အရေး ချိုးဖောက်ခံခဲ့ရသော အမျိုးသမီး ၁၂ ဦးတို့၏ ဖြစ်ရပ်များနှင့် အတွေ့အကြုံ ထွက်ဆိုချက်များကို အင်္ဂါနေ့က ကြားနာခဲ့ပြီးနောက် Nobel Women's Initiativeအဖွဲ့က ကြေညာချက် တစောင် ထုတ်ပြန်၍ ယင်းသို့ တောင်းဆို လိုက်ခြင်းဖြစ်သည်။
သက်သေထွက်ဆိုရာနေရာကို ခုံရုံးကဲ့သို့ ပြင်ဆင်၍ နိုဗဲလ်ဆုရှင်များ ဖြစ်သော ဂျိုဒီဝီလီယံ၊ Shirin Ebadi၊ ထိုင်းနိုင်ငံ ချူလာ လောင်ကွန်း တက္ကသိုလ် ဥပဒေပညာရှင် ပါမောက္ခ Vitit Muntarbhornနှင့် တောင်ကိုရီးယားနိုင်ငံမှ ဒေါက်တာ Heisoo Shin တို့က တရားသူကြီး ၄ ဦးအဖြစ်ဆောင်ရွက်၍ ကြားနာခဲ့ကြောင်းသိရသည်။
“မြန်မာနိုင်ငံမှာ အမျိုးသမီးတွေကို အကြမ်းဖက်ဖိနှိပ်မှုတွေက ကာလအတော်ကြာပါပြီ၊ အဆုံးသတ်ဖို့သင့်ပါပြီ”ဟု
ဂျိုဒီဝီလီယံက ထုတ်ပြန်ချက်တွင် ဆိုသည်။
မြန်မာနိုင်ငံအတွင်းရှိ အမျိုးသမီးများအပေါ်ဖိနှိပ်မှုများကို မီးမောင်းထိုးပြ၍ မူဝါဒ ချမှတ်သူများနှင့် နိုင်ငံရေး ခေါင်းဆောင်များမှ အရေးယူ ဆောင်ရွက်မှုများလုပ်ဆောင်နိုင်ရန်အတွက် ရည်ရွယ်၍ ယခုကဲ့သို့ ဆောင်ရွက်ခြင်း ဖြစ်ကြောင်း သိရသည်။
သက်သေထွက်ဆိုခဲ့သော အမျိုးသမီးတဦးက ၈၈မျိုးဆက်ကျောင်းသား အဖွဲ့တွင် ပါဝင်ခဲ့မှုကြောင့် ၁၉၈၉ ခုနှစ်တွင် အဖမ်းခံခဲ့ရစဉ် ကိုယ်ဝန် ၅ လရှိပြီဖြစ်ကြောင်း၊ အဆိုပါ ကိုယ်ဝန်ကို အကျဉ်းထောင်အတွင်း၌ တစုံတရာ ဆေးဝါး ကုသမှုမခံရဘဲ မွေးဖွားရ ကြောင်း၊ ယခုအခါ သူမမှာ ကလေး ထပ်မံ မရနိုင်တော့ကြောင်း၊ အဖမ်းခံရစဉ်က ၁၂ ရက်ခန့် အစာမစားရကြောင်း၊ထောင်အတွင်း မသန့်ရှင်းသည့် ရေကို အတင်းသောက်သုံးခိုင်းသည့်အတွက် ယခုအခါသူမသည် အသည်းနှင့် သက်ဆိုင်သော ရောဂါကို ခံစား နေရကြောင်း ပြောသည်။
ယင်းထွက်ဆိုခဲ့သော အမျိုးသမီးများသည် ယခုအခါတွင် ထိုင်း၊ ဘင်္ဂလားဒေ့ရှ်၊ အမေရိကန်နှင့် ကနေဒါ တို့တွင် နေထိုင်လျက် ရှိကြောင်းလည်း ထုတ်ပြန်ချက်တွင်ပါရှိသည်။
“မြန်မာအစိုးရအနေနဲ့ နိုင်ငံအတွင်းမှာ ပြည်သူတွေကို လုပ်ချင်သလိုလုပ်လို့မရပါဘူး” ဟု နိုဗဲလ်ဆုရှင် Shirin Ebadi၏ ပြောဆို ချက်ကိုလည်း ယင်းထုတ်ပြန်ချက်တွင် ဖော်ပြထားသည်။
မြန်မာလူမျိုးများကို ကြီးစိုးမင်းမှုထားသည့် ဗိုလ်ချုပ်မှူးကြီး သန်းရွှေသည် စစ်၏ ရာဇ၀တ်သားကောင်ဖြစ်ပြီး နိုင်ငံတကာ အနေ ဖြင့်လည်း ဗိုလ်ချုပ်မှူးကြီး သန်းရွှေနှင့် နောက်လိုက်များ ကျူးလွန်ခဲ့ကြသည့် ရာဇ၀တ်မှုများအတွက် လက်ဆုပ်လက်ကိုင် မပြ နိုင်ကြောင်း၊ ဒေါ်အောင်ဆန်းစုကြည် လွတ်မြောက်ရေးအတွက် နိုင်ငံတကာမှ အကြိမ်ကြိမ် တောင်းဆိုခဲ့သော်လည်း အောင်မြင်မှု မရခဲ့ကြောင်းလည်း ထုတ်ပြန်ချက်က ဆိုသည်။
အဆိုပါ အစီအစဉ်ကို Nobel Women's Initiativeအဖွဲ့နှင့် အမျိုးသမီးများအဖွဲ့ချုပ် (မြန်မာနိုင်ငံ) ( WLB )တို့က ပူးပေါင်း ဆောင်ရွက်ခဲ့ခြင်း ဖြစ်သည်။
Nobel Women's Initiativeအဖွဲ့ကို ငြိမ်းချမ်းရေးနှင့် တူညီမျှတရေးကို ဆောင်ရွက်ရန်အတွက် နိုဗဲလ်ဆုရှင် ၆ ဦးက၂၀၀၆ ခုနှစ်တွင် ထူထောင်ခဲ့ခြင်း ဖြစ်သည်။
Read More...
Summary only...
မြန်မာနိုင်ငံ ဒီမိုကရေစီရေးနဲ့ လူ့အခွင့်အရေးဆိုင်ရာ လှုပ်ရှားသူ လူငယ်တဦးဖြစ်တဲ့ မဇိုယာဖန်းကို ကမ္ဘာ့စီးပွားရေး ဖိုရမ်ကနေ Young Global Leaders လို့ခေါ်တဲ့ ကမ္ဘာ့ လူငယ်ခေါင်းဆောင် တဦးအဖြစ် အသိအမှတ်ပြုပြီး ရွေးချယ်လိုက်ပါတယ်။ ရွေးချယ်ရေး လုပ်ငန်းစဉ် အဆင့်ဆင့်ကို ဖြတ်သန်းပြီး လူငယ်အများအပြားထဲကမှ အခုလို ဂုဏ်ပြုရွေးချယ်ခံခဲ့ရတဲ့ မဇိုယာဖန်းကို ကိုကျော်ကျော်သိန်းက ဆက်သွယ်မေးမြန်းပြီး တင်ပြပေးထားပါတယ်။
ကမ္ဘာ့ လူငယ်ခေါင်းဆောင် တဦးအဖြစ် ဂုဏ်ပြုရွေးချယ်ခံရတဲ့ စာရင်းထဲမှာ ပါဖို့ ပဏာမအဆင့်မှာ အသက် ၄၀ ကနေ အောက် လူငယ်ပေါင်း ၅,၀၀၀ လောက် အမည်စာရင်း တင်သွင်းခံခဲ့ရပြီး နောက်ဆုံး ဆန်ခါတင်အဖြစ် နိုင်ငံပေါင်း ၇၂ နိုင်ငံက လူငယ်ခေါင်းဆောင် ၁၉၇ ယောက်ထဲမှာ မဇိုယာဖန်း ပါဝင်ခဲ့တာပါ။
ရွေးချယ်တဲ့ လုပ်ငန်းစဉ် အဆင့်ဆင့်ကလည်း စည်းမျဉ်းစည်းကမ်း တင်းကျပ်လှပြီး အမည်စာရင်း တင်သွင်းခံရသူတွေကို အမေရိကန်နိုင်ငံက Heidrick & Struggles ဆိုတဲ့ သုတေသန ကုမ္ပဏီက ပထမအဆင့် အသေးစိတ် စိစစ်ပါတယ်။ ရွေးချယ်ရေး လုပ်ငန်းစဉ်ရဲ့ နောက်ဆုံးအဆင့်မှာ ဂျော်ဒန်ဘုရင်မ ရာနီယာ အယ်လ် အဗ္ဗဒူလာ (Rania Al Abdullah) ဥက္ကဋ္ဌအဖြစ် ဆောင်ရွက်ပြီး ကမ္ဘာတ၀န်း သတင်းမီဒီယာ လောကထဲက ထင်ရှားတဲ့ ခေါင်းဆောင်တွေ ပါဝင်တဲ့ ရွေးချယ်ရေးအဖွဲ့က ဆန်ခါတင် လူငယ်ခေါင်းဆောင်တွေကို ရွေးချယ်တာ ဖြစ်ပါတယ်။
ကမ္ဘာ့ဒေသကြီး ၇ ခုက လူငယ် ၂၀၀ နီးပါးနဲ့အတူ ကမ္ဘာ့ လူငယ်ခေါင်းဆောင် တဦးအဖြစ် မြန်မာနိုင်ငံကနေ ရွေးချယ်ခံရတဲ့အပေါ် သူခံစားရတဲ့ အဓိပ္ပာယ်ကို မဇိုယာဖန်းက အခုလို ပြောပြပါတယ်။
“အဓိက ကျမတို့ မြန်မာပြည်မှာ လှုပ်ရှားနေတဲ့ ဒီမိုကရေစီအရေးနဲ့ လူ့အခွင့်အရေး၊ ပြီးတော့ တိုင်းရင်းသား လူနည်းစုတွေ အားလုံး အရေးအတွက်ပေါ့နော်၊ အဲဒါ ဒီ ကမ္ဘာ့ စီးပွားရေး ခေါင်းဆောင်တွေက ကျမတို့ရဲ့ လှုပ်ရှားမှုတွေကို အသိအမှတ် ပြုတယ်လို့ ကျမက ယူဆပါတယ်။ နှစ်တိုင်း သူတို့ရွေးတာကတော့ ၂၀၀ လောက် ရွေးပါတယ်။ ဒီနှစ်ကျတော့ ၁၉၇ ယောက် ရွေးဖြစ်ပါတယ်။ နောက်ဆုံးရွေးတဲ့အချိန်မှာ ကျမလည်း ပါသွားတယ်ဆိုတော့ ကျမ အင်မတန်ကို ၀မ်းသာမိပါတယ်။”
ဒီလို ဂုဏ်ပြုရွေးချယ် ခံရတဲ့အတွက် မဇိုယာဖန်း ရှေ့ဆက်လုပ်သွားမယ့် လုပ်ငန်းတွေ၊ လှုပ်ရှားမှုတွေမှာ ဒီဆုရဲ့ အကျိုးသက်ရောက်မှု၊ အထောက်အပံ့ဖြစ်မှု ဘယ်လောက်ထိရှိမယ်လို့ မျှော်လင့်ထားပါလဲခင်ဗျ။
“ဟုတ်ကဲ့၊ ပထမအဆင့်ကတော့ မြန်မာပြည်အရေးကို မြန်မာပြည်အကြောင်း တခါမှ မသိဘူးတဲ့လူတွေ ပိုပြီးတော့ စိတ်ဝင်စားလာမယ်၊ ဒီ World Economic Forum ကနေ တဆင့်ပေါ့နော်။ ပြီးတော့ ဒုတိယအဆင့်ကျတော့ ကျမက ဒီ ကျန်တဲ့ အခြား လူငယ်ခေါင်းဆောင်တွေနဲ့ တွဲပြီးတော့ သူတို့လည်း မြန်မာပြည်အရေးကို ပိုမိုပြီးတော့ စိတ်ဝင်စားလာအောင် သူတို့ကဏ္ဍအနေနဲ့ တခုခု လှုပ်ရှားပေးနိုင်ဖို့ ကျမ ဆက်လက်ပြီးတော့ သူတို့နဲ့ တွဲပြီးတော့ လှုပ်ရှားမှုတွေ လုပ်ဆောင်သွားမယ်။
“ပြီးတော့ တဆက်တည်းမှာပဲ သူတို့ နှစ်တိုင်းလုပ်နေတဲ့၊ ကျင်းပနေတဲ့ သူတို့ရဲ့ အစည်းအဝေးကြီးတွေပေါ့နော်၊ ကျမ တက်ရောက်ပြီးတော့ မြန်မာပြည်အကြောင်းကိုလည်း ဆွေးနွေးခွင့်ရရင် ကျမ ဆက်လက်ပြီးတော့ အဲလိုမျိုးသွားပြီး မြန်မာပြည်အရေးကို တင်ပြမှာ ဖြစ်ပါတယ်။”
မဇိုယာဖန်းက လူငယ်တယောက်အနေနဲ့ အခုလို ကမ္ဘာ့ နိုင်ငံရေး၊ စီးပွားရေး၊ လူမှုရေး ခေါင်းဆောင်တွေက ဂုဏ်ပြု ရွေးချယ်လိုက်တဲ့အတွက် မြန်မာနိုင်ငံက လူငယ်ထုပေါ့နော်၊ မဇိုယာဖန်းလို လူငယ်တွေ ဒီလိုမျိုး ကမ္ဘာ့စင်မြင့်ပေါ်မှာ နောက်ပိုင်း ဂုဏ်ပြု ချီးမြှောက်ခံလာရနိုင်တဲ့ အလားအလာကိုရော မဇိုယာဖန်း ဘယ်လို သုံးသပ်မိပါလဲ။
“ဟုတ်ကဲ့၊ ကျမတို့ တိုင်းပြည်မှာက လူငယ်အမျိုးသမီးတွေ အများကြီး ရှိပါတယ်။ ပြီးတော့ ကျမတို့ လှုပ်ရှားမှုဘက်မှာ ကြည့်မယ်ဆိုရင် ထူးချွန်တဲ့ လူငယ်ပေါ့နော်၊ အဓိက အမျိုးသမီးတွေ တော်တော်များများ ရှိပါတယ်။ ဒါပေမဲ့ ကျမတို့ တိုင်းပြည်က အခုလက်ရှိ အခြေအနေပေါ်မှာ ကြည့်ရရင်တော့ နိုင်ငံတကာဘက်မှာ သူတို့ ဒီလိုမျိုး ဂုဏ်ပြုပြီးတော့ ဒီလိုမျိုး အသိအမှတ်ပြုတာတွေ နည်းသေးတယ်လို့ ကျမမြင်ပါတယ်။ တခြားနိုင်ငံထက် စာရင်ပေါ့နော်။ အဲဒါကြောင့် ကျမတို့ မြန်မာပြည်ကလာတဲ့ လူငယ်တွေ ဆက်လက်ပြီးတော့ ကြိုးစားရမယ်၊ ကျမတို့ ကြိုးစားပြီးတော့ လုပ်သလို အကျိုးသက်ရောက်မှုတွေလည်း ကျမ တဖြည်းဖြည်း မြင်လာရပါတယ်။
“အဲဒါကြောင့် ပြည်တွင်းထဲက ရှိတဲ့လူငယ်တွေ အားလုံး ကျမ အားပေးချင်ပါတယ်။ ကျမတို့ တိုင်းပြည်အတွက်ပေါ့နော်၊ ကျမတို့ တတ်နိုင်တဲ့ကဏ္ဍ ဖြစ်ဖြစ်ပေါ့နော်၊ ကျမတို့ ဆက်လက်ပြီးတော့ ဒီမိုကရေစီအရေးနဲ့ လူ့အခွင့်အရေး၊ ပြီးတော့ တိုင်းရင်းသားတွေ အားလုံး စစ်အာဏာရှင် စနစ်အောက်ကနေ လွတ်မြောက်နိုင်ဖို့ အတွက်ပေါ့နော်၊ ကျမတို့ အတူတူ ဆက်လက်ပြီးတော့ လုပ်ဆောင်သွားဖို့ ကျမ အမြဲတမ်း ကြိုးစားနေမှာ ဖြစ်ပါတယ်။”
၂၀၁၀ ပြည့်နှစ်အတွက် ကမ္ဘာ့စီးပွားရေးဖိုရမ်ရဲ့ ကမ္ဘာ့ လူငယ်ခေါင်းဆောင် တဦးအဖြစ် ရွေးချယ် ဂုဏ်ပြုခံခဲ့ရသူ မဇိုယာဖန်း ပြောပြသွားတာ ဖြစ်ပါတယ်။
ရွေးချယ်ခံရတဲ့ လူငယ်ခေါင်းဆောင်တွေဟာ နိုင်ငံရေး၊ စီးပွားရေး၊ အရပ်ဘက် လူမှုအဖွဲ့အစည်း၊ ပညာရှင်၊ ယဉ်ကျေးမှု၊ အနုပညာ စတဲ့ နယ်ပယ်စုံက ဖြစ်ပါတယ်။ မြန်မာနိုင်ငံ ပါဝင်တဲ့ အရှေ့အာရှ ဒေသကနေ ဒီနှစ်အတွက် ၄၃ ယောက် ရွေးချယ်ခံရပြီး ASEAN အရှေ့တောင်အာရှ နိုင်ငံတွေထဲက ဆိုရင်တော့ မြန်မာနိုင်ငံအပြင် ကမ္ဘောဒီးယား၊ အင်ဒိုနီးရှား၊ မလေးရှား၊ ဖိလစ်ပိုင်၊ စင်ကာပူ၊ ထိုင်းနဲ့ ဗီယက်နမ်နိုင်ငံတို့က လူငယ်တွေ ရွေးချယ်ခံရပါတယ်။ ဒီထဲမှာမှ စင်ကာပူနိုင်ငံက လူငယ် ၄ ယောက် ရွေးချယ်ခံရပြီး အများဆုံး ဖြစ်ပါတယ်။
မဇိုယာဖန်းဟာ လုပ်ကြံခံရလို့ ကွယ်လွန်သွားတဲ့ KNU ကရင်အမျိုးသား အစည်းအရုံး ခေါင်းဆောင်တဦးဖြစ်သူ ဖဒို မန်းရှာလဖန်းရဲ့ သမီးတဦးဖြစ်ပြီး လက်ရှိမှာတော့ ဗြိတိန်နိုင်ငံ အခြေစိုက် မြန်မာ့အရေး လှုပ်ရှားမှုအဖွဲ့ Burma Campaign UK မှာ မြန်မာနိုင်ငံ ဒီမိုကရေစီရေးနဲ့ လူ့အခွင့်အရေးဆိုင်ရာ လှုပ်ရှားမှုတွေကို လုပ်ဆောင်နေသူ ဖြစ်ပါတယ်။
VOA သတင်းမှကူးယူတင်ပြထားပါသည်။
Read More...
Summary only...
စိုင်းဇွမ်ဆိုင်း | ဗုဒ္ဓဟူးနေ့၊ မတ်လ ၀၃ ရက် ၂၀၁၀ ခုနှစ်
ချင်းမိုင် (မဇ္ဈိမ) ။ ။ စစ်အစိုးရ၏ ရာဇဝတ်မှုများကို နိုင်ငံတကာ ရာဇဝတ်မှုခုံရုံး အဆင့်မှ အရေးယူနိုင်ရေး အတွက် ရည်ရွယ်၍ မြန်မာအမျိုးသမီး ၁၂ ဦးက ကိုယ်တိုင်ကြုံတွေ့မှုများကို အမေရိကန်နိုင်ငံတွင် ပြောဆိုခဲ့ကြသည်။
နယူးယောက်မြို့တွင် အမျိုးသမီးများအဖွဲ့ချုပ် မြန်မာနိုင်ငံ (Women’s League of Burma) နှင့် နိုဘယ် အမျိုးသမီးများအဖွဲ့ (Nobel Women’s Initiative) တို့၏ နိုင်ငံတကာ ရာဇဝတ်မှုခုံရုံးနှင့် သဏ္ဍာန်တူ ပြုလုပ်ထားသော ခုံရုံး၌ ယမန်နေ့က ဖွင့်ချခဲ့ကြခြင်း ဖြစ်သည်။
နိုဘယ်ဆုရှင်များဖြစ်ကြသော အီရန်နိုင်ငံမှ Dr. Shirin Ebadi ၊ အမေရိကန်မှ Jody Williams တို့အပါ အဝင် တောင်ကိုးရီးယားနိုင်ငံနှင့် ထိုင်းနိုင်ငံတို့မှ ပါမောက္ခနှစ်ဦးက ခုံရုံး တရားသူကြီးများ အဖြစ်ဆောင်ရွက် ခဲ့ကြသည်။
၂ဝဝ၃ ခု ဒေါ်အောင်ဆန်းစုကြည်၏ ကားတန်းကို ဝိုင်းရိုက်ကြသည့် ဒီပဲယင်း အကြမ်းဖက်မှုသည် ကြိုတင်ကြံစည်မှု ဖြစ်ကြောင်း ကိုယ်တိုင်ကြုံတွေ့ခဲ့သူ မန္တလေးတိုင်း အန်အယ်ဒီမှ ဒေါ်ညွန့်ညွန့်က ထွက်ဆိုသွားသည်။
မြန်မာနိုင်ငံ အနောက်ခြမ်းမှ ကူကီးလူမျိုး မငိုင်းငိုင် ကလည်း “ကျမထွက်ဆိုခဲ့တဲ့ အကြောင်းအရာက ၁၉၉၃ ခုနှစ်တုန်းက တမူးမြို့နယ်မှာ နအဖ စစ်သားထွက်ပြေးသွားတဲ့ ကိစ္စနဲ့ပတ်သက်ပြီး ရွာသားတွေနဲ့ ပေါင်းပါတယ်ဆိုပြီးမှ ရွာသားလေးဦး သတ်ခံရတယ်။ အမျိုးသမီး တဦးအပါအဝင် လူငါးယောက်လောက် ကို အဓမ္မစွပ်စွဲပြီး ထောင်ချခဲ့တဲ့အမှုပါ” ဟု ပြောသည်။
ယခုခုံရုံးသည် တရားမဝင်သော်လည်း နိုင်ငံတကာ အသိုင်းအဝိုင်း၏ အာရုံစိုက်မှုကိုရယူပြီး မြန်မာ စစ်အစိုးရ၏ ရာဇဝတ်မှုများအတွက် နိုင်ငံတကာ ရာဇဝတ်မှုခုံရုံး (International Criminal Court) အထိ စွဲချက်တင်နိုင်ရန် ကာယကံရှင် အမျိုးသမီးများက မျှော်လင့်ထားကြသည်။
နိုဘယ်အမျိုးသမီးများအဖွဲ့မှ သတင်းပြန်ကြား မန်နေဂျာ Ms. Rachel Vincent က “ဒီသဏ္ဍာန်တူ ခုံရုံးမှာ မြန်မာနိုင်ငံက အမျိုးသမီးတွေ ကိုယ်တိုင်ကြုံတွေ့ခဲ့ရတဲ့ မုဒိမ်းမှုတွေ၊ ညှဉ်းပန်းနှိပ်စက်မှုတွေ၊ အတင်းအဓမ္မ ပေါ်တာထမ်းခိုင်းတာတွေကို သက်သေထွက်ဆိုသွားခဲ့ပါတယ်” ဟု ပြောသည်။
နိုဘယ်အမျိုးသမီးများအဖွဲ့နှင့် အမျိုးသမီးများအဖွဲ့ချုပ် (မြန်မာနိုင်ငံ) တို့ပူးပေါင်း၍ သတင်းစာရှင်းလင်းပွဲ တရပ်ကိုလည်း နယူးယောက်မြို့တွင် ပြုလုပ်ရန် အစီအစဉ်ရှိပြီး ကာယကံရှင် အမျိုးသမီး ၁၂ ဦး၏ ထွက်ဆိုမှုများကို အခြေခံ၍ ယခုလ ၄ ရက်နေ့တွင် ကုလသမဂ္ဂ အထွေထွေအတွင်းရေးမှုး မစ္စတာ ဘန်ကီမွန်းနှင့် တွေ့ဆုံဆွေးနွေးမည်ဖြစ်ကြောင်းလည်း စုံစမ်းသိရှိရသည်။
ယခုကျင်းပခဲ့သည့် သဏ္ဍာန်တူခုံရုံးကို တရားဝင်ခုံရုံးတခု ဖြစ်လာစေရန် ကုလသမဂ္ဂ အထွေထွေ အတွင်းရေးမှုးအား တင်ပြသွားမည်ဟု ဆိုသည်။
သဏ္ဍာန်တူခုံရုံးတွင် သက်သေထွက်ဆိုချက်များကို တက်ရောက်နားထောင်သူ ၁၅ဝ ခန့် ရှိပြီး သက်သေ ထွက်ဆိုခဲ့ကြသည့် အမျိုးသမီးများနှင့်ပတ်သက်၍ ရုပ်သံမှတ်တမ်းများ၊ ဇာတ်လမ်းရုပ်ရှင်များ ရိုက်ကူး သွားရန် အစီအစဉ်လည်းရှိကြောင်း နိုဘယ်အမျိုးသမီးအဖွဲ့မှ Ms. Rachel Vincent ကပြောသည်။
(ကိုဝိုင်းတည်းဖြတ်သည်)
Read More...
Summary only...
သျှမ်းသံတော်ဆင့် မှ
နအဖ နှင့် ၀ တပ်ဖွဲ့ တွေ့ဆုံဆွေးနွေးရေး မချေမတင်ဖြစ်ပြီးနောက်ပိုင်း ၀ နယ်ခြားတလျှောက် တရုတ်ပြည်လုံခြုံရေး တပ်များ အင်အားထောင်ချီ ဖြည့်တင်းထားသည်ဟု စုံစမ်းသိရှိရပါသည်။
“တရုတ်တပ်တွေ နယ်ခြားဘက် ရောက်နေတာ နအဖ တပ်မ ၂ ခု သျှမ်းပြည် အရှေ့မြောက်ဘက် တက်လာ တယ် ဆိုတဲ့အချိန်ကတည်းကဘဲ” - ဟု တရုတ်နယ်စပ်နေထိုင်သူ တဦးက ပြောပါသည်။
ဂျန္န၀ါရီ လလယ်ပိုင်းကတည်းက တရုတ်တပ်များ နယ်စပ်မျဉ်းတလျှောက် အင်အားဖြည့်ထားခြင်းဖြစ်၏။
တဖက်တွင်လည်း ၀ ပြည်သွေးစည်းရေးတပ်မတော်အား ဆွေးနွေးရန် နအဖကမ်းလှမ်းစဉ် ကျန်းမာရေးကြောင့် လားရှိုးသို့သွားရောက်ဆွေးနွေးရန်မဖြစ်နိုင်ကြောင်း ၀ ခေါင်းဆောင်အကြောင်းပြန်ခြင်း၊ ၀ နယ်ခြားတလျှောက် နအဖ တပ်များစစ်ရေးလေ့ကျင့် ပြင်ဆင်မှုပြုလုပ်လာခြင်းစသည့်အခြေအနေများကြောင့် တရုတ်တပ်များပိုမိုအင်အားဖြည့် တပ်ချ ရာ ယနေ့အထိဖြစ်သည်။
“၀ ဌာနချုပ် မျက်နှာချင်းဆိုင် မိုင်းလျဲမ်းမှာ တရုတ် စစ်အင်အား ၄၀၀-၅၀၀ က အခု ၂၀၀၀ ကျော်တယ်။ လေ ယာဉ်ပစ် လက်နက်ကြီးတွေလဲ ထပ်ချထားတယ်၊ နအဖဘက်ကလဲ မိုင်းလားအဖွဲ့နဲ့ဆွေးနွေးတဲ့ အပတ်တုံးက ဆို ကျိုင်းတုံမှာ MIG 29 ရုရှားတိုက်လေယာဉ် အပြင်းအထန်လေ့ကျင့်ပျံသန်းတယ်။ ပန်ဆန်းမြို့ အရှေ့တောင် ဘက်မှော်ဖဒေသမှာ ဆိုလဲ ဗမာ့တပ်အင်အား ၇၀ လောက်ကနေ အခု ၅၀၀ ထက်မနည်းတိုးလာတယ်” - ဟု နယ်စပ်တလွှားသွားလာသူ တဦးက သျှမ်းသံတော်ဆင့်သို့ ပြောပြပါသည်။
သျှမ်းပြည်အရေးစောင့်ကြည့်လေ့လာသူတဦးက “ နအဖ က အင်အားသုံးတိုက်ခိုက်မှုမလိုလားသလို အပစ်ရပ်အနေနဲ့ လဲ မလိုလားဘူး။ အခုစစ်ရေးတင်းမာမှု အခြေအနေဟာ ဖဲရိုက်တဲ့သူနဲ့သူတယ်ဗျ၊ ကိုယ့်ဖဲမကောင်းလဲ ကောင်း သယောင်နဲ့ ပိုက်ဆံတိုးလောင်းပြီး တဘက်ကို ခြိမ်းခြောက်၊ ဖဲကွက်ကစားလို့ တဘက်သားရှုံးအောင် လုပ်သလိုပေါ့” - ဟု သုံးသပ်ပြောဆိုပါသည်။
နအဖဘက်က MIG 29 ရုရှားတိုက်လေယာဉ် စမ်းသပ်ပျံသန်းမှုကြောင့် တရုတ်တို့ကလည်း လေယာဉ်ပစ် လက်နက် ထပ်ချထားခြင်းဖြစ်နိုင်သည်ဟု လည်း ပြောဆိုပါသည်။
နယ်စပ်လုံခြုံရေးအရ ၀ နယ်ထဲ တပ်မ နှစ်ခု စေလွတ်မည်ဟု စစ်အစိုးရပြောဆိုချိန်မှစ၍ ၀ ပြည်သွေးစည်းရေး တပ်မတော်ကလည်း ၂၅ ရက်နေ့ တန့်ယန်းဆွေးနွေးပွဲအပြီး ပန်ဆန်းဌာချုပ်အစည်းအဝေး၌ - ‘ပြည်ထောင်စုမှ ခွဲထွက်ဖို့ အစီအစဉ် မရှိသလို ဗမာ့တပ်မတော်ဘက်သေနတ်ပြောင်းလှည့်ပြီး အရင်တိုက်ခိုက်ဖို့လဲ အစီအစဉ် မရှိ၊ သို့သော် မည်သည့်တပ်ဖွဲ့မဆို ၀ နယ်ထဲခြေတလှမ်းကျွံဝင်လာပါကပစ်ခတ်ဖို့ ၊ မိမိကိုယ်မိမိ ခုခံကာကွယ်ဖို့ တိုက်ပွဲ စ ရမယ်’ ဟု ဆုံးဖြတ်ချက်ချထားကြောင်း အမည်မဖေါ်လိုသည့် ၀ စစ်ဘက်ရေးရာ အရာရှိတဦးက ပြောပါသည်။
ဝ နယ်ခြားမျဉ်းတလျှောက် (မြောက်ပိုင်း) ကွန်လုံ-ဟိုပန် ဘက်တွင် (ကိုးကန့်အရေးအခင်းချိန်မှစ၍) တပ်မ ၉၉ ၊ ၃၃ တို့တပ်စွဲထားကြောင်း၊ ဂျန္န၀ါရီ လလယ်ပိုင်းတွင် ၀ နယ် အနောက်ဘက်တလွှား (အပစ်ရပ် သျှမ်းပြည် တပ်မတော်) နယ်မြေအတွင်းတွင် တပ် ၅၅ က ထိုးဖေါက်တပ်စွဲထားကြောင်း စောင့်ကြည့် လေ့လာသူများက ပြောဆိုနေကြပါသည်။
Read More...
Summary only...
သတင်း - IMNA
မြန်မာစစ်အစိုးရတပ်များ လက်နက်ကြီးနှင့်တကွ မွန်ပြည်သစ်ပါတီ ထိန်းချုပ်ရာ နယ်မြေနှင့် ကရင်အမျိုးသား အစည်းအရုံး ထိန်းချုပ်ရာ နယ်မြေအတွင်းသို့ ချီတက် ဝင်ရောက်လာနေကြောင်း သိရသည်။
လွန်ခဲ့သည့် ဖေဖော်ဝါရီလ ၂၄ ရက်နေ့၊ ညနေ ၅ နာရီခန့်တွင် စစ်အစိုးရတပ်သား ၂၀၀ ကျော်သည် ကရင်ပြည်နယ်၊ ကြာအင်းဆိပ်ကြီးမြို့နယ်၊ ချောင်းနှစ်ခွကျေးရွာမှ ကြာအင်းဆိပ်ကြီးမြို့သို့ ချီတက်လာနေကြောင်း ဘုရားသုံးဆူမြို့သို့ တက်လာသည့် မျက်မြင်ခရီးသည်တစ်ဦးက ပြောသည်။
“ဗမာစစ်သားတွေ ဇက်နဲ့ ချောင်းနှစ်ခွရွာဘက်ကမ်းကို ကူးနေကြတာ တွေ့တယ်၊ လက်နက်ကြီးတွေလည်း ပါတယ်” ဟု သူက ပြောသည်။
“ဘယ်တပ်ဖွဲ့ကလည်းဆိုတာတော့ အတိကျမသိသေးပါဘူး၊ ဒါပေမယ့် ဒီတပ်သားတွေက အရှေ့တောင်တိုင်း ထိန်းချုပ်မှုအောက်က တပ်သားတွေပဲ” ဟု KNU တပ်ဖွဲ့ဝင်တစ်ဦးက ပြောသည်။
စစ်ရေးကျွမ်းကျင်သူတစ်ဦးက “ဗမာစစ်တပ်တွေ တက်လာတယ်ဆိုတာ ကျနော်ယုံကြည်တယ်၊ သူတို့တက်လာတာလည်း တစ်လမ်းတည်းတော့ မဖြစ်နိုင်ဘူး၊ တပ်ရင်းပေါင်းစုံနဲ့ လမ်းပေါင်းစုံကနေ သူတို့တက်လာမှာပဲ အင်အားနှစ်ရာကျော်လည်း ဖြစ်နိုင်တယ်” ဟု သုံးသပ်ပြောဆိုသည်။
တိုးတက်သောကရင်ဗုဒ္ဓဘာသာ (DKBA) တပ်ဖွဲ့တို့က မြန်မာစစ်အစိုးရတပ် ခလရ ၇၇ တို့နှင့် ပူးပေါင်းပြီး (KNU) တပ်မဟာ ၆ နယ်မြေအတွင်းသို့ ချီတက်လာနေသည်ဟု ကရင်ငြိမ်းချမ်းရေးကောင်စီ (KPC) တပ်ဖွဲ့ဝင်တစ်ဦးက ပြောသည်။
“ဗမာစစ်တပ်တွေက သူတို့ကျင်းပမယ့် ရွေးကောက်ပွဲ မပြီးမချင်း ဒီလိုပဲ တက်လာမှာပဲ၊ ရွေးကောက်ပြီးမှ ဒါတွေ ရပ်တန့်သွားနိုင်တယ်” ဟု သူက ပြောသည်။
မြန်မာစစ်အစိုးရတို့သည် ၂၀၁၀ ရွေးကောက်ပွဲကို ကျင်းပရန် စီစဉ်လျက်ရှိပြီး၊ ၄င်းတို့အာဏာ တည်မြဲရန်အတွက် စစ်အုပ်ချုပ်မှုဖြင့် ဆက်လက်အုပ်ချုပ်သွားလိုသည်။
(KPC) တပ်ဖွဲ့တို့သည် လွန်ခဲ့သည့် ၂၀၀၇ ခုနှစ် ဖေဖော်ဝါရီလတွင် လည်းကောင်း၊ (DKBA) တပ်ဖွဲ့တို့သည် ၁၉၉၄ ခုနှစ် ဒီဇင်ဘာလတွင်လည်းကောင်း (KNU) တပ်ဖွဲ့တို့မှ အသီးသီးခွဲထွက်ခဲ့ကြပြီး မြန်မာစစ်အစိုးရတို့နှင့် ပူးပေါင်းခဲ့ကြသည်။
မြန်မာစစ်တပ်၊ ဒီကေဘီအေတပ်နှင့် မွန်ခွဲထွက်ရေး နိုင်အောင်နိုင်အဖွဲ့တို့ ပူးပေါင်းပြီး မွန်ပြည်သစ်ပါတီ ထိန်းချုပ်နယ်မြေ ကရင်ပြည်နယ်၊ ကြာအင်းဆိပ်ကြီးမြို့နယ် ဝေသာလီကျေးရွာအနီးတဝိုက်တွင် လှုပ်ရှားနေကြကြောင်းလည်း ဒေသခံတစ်ဦးက ပြောသည်။
မွန်ပြည်သစ်ပါတီအနေဖြင့် မြန်မာစစ်အစိုးရတို့၏ နယ်ခြားစောင့်တပ်ကမ်းလှမ်းချက်ကို လက်မခံကြောင်း အကြောင်းပြန်ထားပြီးနောက် စစ်အစိုးရဘက်မှ ထပ်မံဖိအားပေးလာခြင်းမျိုး တစုံတရာမရှိခဲ့ပေ။ မြန်မာစစ်အစိုးရနှင့် အပစ်အခတ်ရပ်စဲထားသည့် တိုင်းရင်းသားတပ်ဖွဲ့တချို့တို့က စစ်အစိုးရ၏ကမ်းလှမ်းချက်ကို ပြတ်ပြတ်သားသား ငြင်းဆိုမှုမရှိသည့်အတွက် စစ်အစိုးရတို့၏ ဖိအားပေးခြင်းကို ခံနေရသည်။ မည်သည့်တိုင်းရင်းသားအဖွဲ့အစည်းမှ နယ်ခြားစောင့်တပ်ကို လက်မခံကြကြောင်း နိုင်ငံရေးသုံးသပ်သူတစ်ဦးက ပြောသည်။
“တိုင်းရင်းသားအချင်းချင်း သွေးခွဲဖို့ သူတို့က ကြံနေမှာပဲ၊ စစ်အစိုးရနဲ့ ပေါင်းပြီးတော့ လူမျိုးအပေါ် ရေရှည်အကျိုးရှိလာတဲ့ အဖွဲ့အစည်းဆိုလို့ မတွေ့သေးပါဘူး၊ သူတို့နဲ့ပေါင်းပြီး အစပိုင်းမှာ အကျိုးရှိပုံပေါ်ပေမယ့်လည်း နောက်ပိုင်းမှာ အကျိုးမရှိတဲ့အပြင် အကျိုးပါယုတ်သွားနိုင်တယ်” ဟု ၄င်းက ပြောသည်။
Read More...
Summary only...
စောသိန်းမြင့် (ကေအိုင်စီ)
ပဲခူးတိုင်းအရှေ့ဘက်ခြမ်း ညောင်လေးပိုင်ခရိုင် ရွှေကျင်မြို့နယ်တွင် စစ်အစိုးရပိုင်ကုမ္ပဏီများက ကျောက်နဂါး ရေကာတာ ဆောက်လုပ်မှုကြောင့် ရွှေကျင်ချောင်းအနီးတ၀ိုက်ရှိ ကျေးရွာပေါင်း ၂၀ကျော်နှင့် ဥယျာဉ်ခြံပေါင်း ၆၀၀ကျော် ရေလွှမ်းမိုးခံနေရ သည်ဟု သိရသည်။
အဆိုပါ ရေကာတာမှာ ရွှေကျင်ချောင်းကို အမှီပြုထားခြင်းဖြစ်ပြီး အဆိုပါ ချောင်းတ၀ိုက်ရှိ လယ့်ဝါး၊ ထီးဆဲထာ့၊ လယ့်ပေါ့်ချာ့၊ လယ့်ထာကွီး၊ ကဆောဝါးကွီး၊ ဒူးသော၊ မယ့်လော်လာ၊ ညာ့လူ့ကွီး၊ ကဲဟဲခို့၊ တနေးထာ့၊ စူးမူ့ထာ့၊ ပိုလူး၊ ထီးကေးထာ့ စသည့် ရွာများမှ လူနေအိမ်များနှင့် ရှောက်ခြံပေါင်း ၆၀၀ကျော် ရေလွှမ်းမိုးခံရပြီး ရွာသားများမှာ ဘေးလွတ်ရာသို့ ပြောင်းရွှေ့နေထိုင်ခဲ့ ရသည်ဟု ကိုယ်တိုင်မြင်တွေ့ခဲ့ရသူ ကရင်မြစ်ချောင်းများစောင့်ကြည့်ရေးအဖွဲ့(ကေအာရ်ဒဗလျူ)မှ အဖွဲ့ဝင်တဦးက ပြော သည်။
သူမက “လောလောဆယ်တော့ ရေက တဖြည်းဖြည်း တက်လာပြီး အခု အဲဒီဒေသက ရွာပေါင်း ၂၃ရွာ၊ ရှောက်ခြံပေါင်း ၆၀၀ ကျော် ရေဖုံးလွှမ်းခံရနေပြီ။ တချို့ရွာက ရွာသားတွေဟာ မြေပြန့်ဘက်ကို ပြောင်းရွှေ့သွားသလို တချို့ကတော့ တောင်ပေါ်ကို ပြောင်းရွှေ့နေထိုင်ကြတယ်။ ရှောက်ခြံတွေကတော့ ဘာမှ လုပ်စားလို့မရတော့ဘူးပေါ့”ဟု ပြောသည်။
ရေအားလျှပ်စစ် (၇၅)မဂ္ဂါဝပ် ထုတ်လုပ်မည့် ကျောက်နဂါးရေကာတာသည် အမြင့် ၁၈၅ပေ၊ အနံ ၃၆၀ပေနှင့် ဧရိယာ စတု ရန်းမိုင် ၄၄ ပတ်လည်ရှိပြီး ရွှေကျင်ချောင်းတွင် ၂၀၀၀ခုနှစ်ကတည်းက စတင် အကောင်အထည်ဖော် ဆောက်လုပ်ခဲ့သည့် ကျောက်နဂါးရေကာတာကို ယခုနှစ်၊ ဧပြီလတွင် ဖွင့်လှစ်တော့မည်ဟု စစ်အစိုးရက ထုတ်ပြန်ကြေညာခဲ့ကြောင်း သိရသည်။
ထိုဒေသရှိ ရွာသားအများစုသည် ရှောက်ခြံကို မှီခိုအားထားကာ အသက်မွေးဝမ်းကျောင်းပြုကြသူများ ဖြစ်သောကြောင့် ယင်း သို့ ဥယျာဉ်ခြံ မြောက်များစွာ ဆုံးရှုံးခဲ့ပြီး မည်သည့်လျော်ကြေးမှ မရရှိသည့်အပေါ် လက်ရှိအချိန်တွင် ဘ၀ရပ်တည်ရေးအ တွက် အခက်ကြုံနေကြရသည်ဟု ကော်သူးလေအလုပ်သမားသမဂ္ဂများ အဖွဲ့ချုပ် ဥက္ကဌ စောဒေါ့လေးမူက ပြောသည်။
“တန်ရာတန်ကြေး တစုံတရာ မပေးဘဲ ဒီလို ရှောက်ခြံတွေ အများကြီး တခါတည်း ပျက်စီးဆုံးရှုံးခံရတော့ ရှောက်ခြံနဲ့ အဓိက အသက်မွေးဝမ်းကျောင်းပြုကြတဲ့ ရွာသားတွေအတွက် တော်တော်လေး အထိနာတယ်ပေါ့နော်။ စစ်အစိုးရအနေနဲ့ ပြောင်းရွှေ့ ခံရတဲ့ ရွာသားတွေအတွက် နစ်နာကြေးတော့ နည်းနည်းပါးပါး ပေးသင့်ပါတယ်။ အခုဟာက ဘာမှမပေးတော့ အခြားနေရာကို ပြောင်းရွှေ့ရတဲ့ ရွာသားတွေလည်း အခက်အခဲတွေ အများကြီးတွေ့နေရတယ်”ဟု ဆိုသည်။
ကျောက်နဂါးရေကာတာကို စစ်အစိုးရပိုင် ကုမ္ပဏီများနှင့် အကျိုးတူ စီးပွားရေးသမားများက တာဝန်ယူဆောက်လုပ်ခြင်းဖြစ်ပြီး ယခင်က တရုတ်နှင့် ဂျပန်နိုင်ငံမှ ရေကာတာဆောက်လုပ်ရေး ပညာရှင်များ လာရောက်ကြည့်ရှုခဲ့သော်လည်း ပထ၀ီအနေအ ထားနှင့် မြေသားတည်ဆောက်မှု အခြေအနေကြောင့် ၎င်းပညာရှင်များ တာဝန်ယူ ဆောက်လုပ်ခြင်း မရှိခဲ့ပေ။
အလားတူ ရွှေကျင်နှင့် ကျောက်ကြီးမြို့နယ်ကို ဖြတ်သန်းနေသည့် ဘောကထာ့ချောင်းကို အမှီပြု၍ ရေကာတာတခု ထပ်မံ ဆောက်လုပ်ရန်အတွက် နအဖစစ်အစိုးရပိုင် ကုမ္ပဏီများက စတင်လုပ်ဆောင်လျှက်ရှိသည့်အပြင် သံလွင်မြစ်ကို အမှီပြုမည့် ဟတ်ကြီးရေကာတာကိုလည်း ဆက်လက်ဆောက်လုပ်သွားမည်ဟု ထိုင်းစွမ်းအင်ဝန်ကြီးဌာနမှ ယခင်လက သတင်းထုတ်ပြန် ခဲ့သည်။
ကရင်ပြည်နယ်တွင် ဟတ်ကြီး၊ ၀ဲကြီး၊ ဒါးခွင်၊ ကျောက်နဂါးနှင့် ဘောကထာ့ ရေကာတာ (၅)ခု ဆောက်လုပ်ရန် စစ်အစိုးရ ကုမ္ပဏီများက လျာထားခဲ့သော်လည်း လက်ရှိအချိန်တွင် ကျောက်နဂါးရေကာတာ တခုတည်းသာ တည်ဆောက်ပြီးစီးခဲ့သည်။
Read More...
Summary only...
ရန်ပိုင်(ဧရာဝတီ)
ဝပြည် သွေးစည်း ညီညွတ်ရေး တပ်မတော် (UWSA) က နယ်ခြားစောင့်တပ် ပြောင်းလဲဖွဲ့စည်းရေးနှင့် ပတ်သက်၍ ယခု မတ်လ ကုန်အထိ အချိန်ထပ်မံ တိုးပေးရန် စစ်အစိုးရထံ တောင်းဆို ထားကြောင်း သိရသည်။
ပြီးခဲ့သည့် စနေနေ့က UWSA အဖွဲ့ဗဟို ကော်မတီဝင်များ အကြား ဆွေးနွေးပွဲ ပြုလုပ်ပြီးနောက် ထိုသို့ တောင်းဆိုခြင်း ဖြစ်သည်ဟု သျှမ်းသံတော်ဆင့် သတင်းစဉ် အယ်ဒီတာ ဦးစိန်ကြည်က ပြောသည်။
“၀ဘက် နယ်ခြားစောင့် တပ်ကိစ္စနဲ့ ပတ်သက်ပြီး မူလက တောင်းဆိုထားတဲ့ အချက် ၉ ချက်ကို စဉ်းစားပေးဖို့နဲ့ အချိန်ထပ်တိုးပေးဖို့ တောင်းထားတယ်”ဟု ၎င်းက ဆိုသည်။
UWSA တပ်ဖွဲ့ဝင်များ (ဓာတ်ပုံ - အေအက်ဖ်ပီ)
UWSA ၏ တောင်းဆိုချက် ၉ ချက်တွင်၂၀၀၈ခုနှစ် ရေးဆွဲခဲ့သည့် အခြေခံဥပဒေတွင် ပါရှိသည့် ကိုယ်ပိုင်အုပ်ချုပ်ခွင့်ရ ၀ပြည်နယ် တွင် မိုင်းပေါက်၊ မိုင်းဖျံမြို့များကို ထည့် သွင်းပေးရန်၊ ထိုင်းမြန်မာနယ်စပ်ရှိ ၀မ်ဟုန်ဒေသကို ကိုယ်ပိုင်အုပ်ချုပ်ခွင့်ရ ဒေသအဖြစ် သတ်မှတ်ပေးရန်၊ စစ်ဒေသမှူးနှင့် စစ်ဦး စီးမှူးများကို UWSA တပ်ဖွဲ့မှ တာဝန်ယူပြီး ဒုတိယစစ်ဦးစီးများကို စစ်အစိုးရ ဘက်မှ တာဝန်ယူရန်၊ ၀ မိဘမဲ့ကလေးများကို စစ်အစိုးရက တာဝန်ယူရန်၊ ကျန်းမာရေးတွင် စစ်အစိုးရက တာဝန်ယူရန် စသည့် အချက်များ ပါဝင်သည်ဟု သိရသည်။
ယနေ့တွင် UWSA အဖွဲ့၏ ရှေ့လုပ်ငန်းစဉ်များနှင့် ပတ်သက်၍ ဗဟိုကော်မတီအစည်းအဝေး ခေါ်ယူထားပြီး စစ်ရေးပြင်ဆင် မှုများကို ပြုလုပ်ထားကြောင်းလည်း ဦးစိန်ကြည်က ပြောသည်။
စစ်အစိုးရကိုယ်စားလှယ် စစ်ဖက်ဆိုင်ရာ လုံခြုံရေးအရာရှိချုပ် ဒုတိယဗိုလ်ချုပ်ကြီး ရဲမြင့် နှင့် UWSA အဖွဲ့ ဥက္ကဋ္ဌ ဦးပေါက်ယူချန်း တို့ ပြီးခဲ့သည့် ကြာသပတေးနေ့က တန့်ယန်းမြို့တွင် တွေ့ဆုံခြင်းဖြစ်ပြီး တရုတ်နိုင်ငံတော် လုံခြုံရေးအဖွဲ့၊ ယူနန်ပြည်နယ် ကူမင်း စစ်ဒေသကိုယ်စားလှယ်၊ မြန်မာနိုင်ငံရှိ တရုတ်သံရုံးမှ ကိုယ်စားလှယ်များလည်း တက်ရောက်ခဲ့သည်။
စစ်အစိုးရအနေဖြင့် တိုင်းရင်းသားလက်နက်ကိုင် အဖွဲ့အစည်းများကို ရွေးကောက်ပွဲ မတိုင်မီ နယ်ခြားစောင့်တပ် အသွင် ပြောင်းလဲ ရန် တရုတ်အစိုးရ၏ အကူအညီကို ယူနေရကြောင်း၊ အပြန်အလှန်အားဖြင့်စစ်အစိုးရက မြန်မာပြည်မှ စီးပွားရေးလုပ်ငန်း လုပ်ပိုင် ခွင့် များကို တရုတ်နိုင်ငံအား ပေးအပ်နေရသည်မှာ ထင်ရှားကြောင်း၊ နောက်ဆုံးတွင် တရုတ်နိုင်ငံသည်သာ အကျိုးအမြတ် ပိုမိုရရှိ မည် ဖြစ်ကြောင်း ဦးစိန်ကြည်က သုံးသပ်သည်။
ယခုရက်ပိုင်းအတွင်း တရုတ်အစိုးရက နယ်စပ်ဒေသ တလျှောက်တွင် တပ်များပိုမိုဖြန့်ချထားကြောင်း အတည်မပြုနိုင်သော နယ်စပ်သတင်းများ အရသိရသည်။
စစ်အစိုးရကအပစ်ရပ်တိုင်းရင်းသား လက်နက်ကိုင်တပ်ဖွဲ့များကို ပြီးခဲ့သည့် ဖေဖော်ဝါရီလနောက်ဆုံးထား၍ နယ်ခြားစောင့်တပ် အသွင်ပြောင်းရန် သတ်မှတ်ထားသည်။
ရှမ်းပြည်နယ်အတွင်းရှိ ဦးစိုင်းလင်း ဦးဆောင်သည့် မိုင်းလားအထူးဒေသ (၄) အဖွဲ့ကိုလည်း တြိဂံတိုင်းစစ်ဋ္ဌာနချုပ် တိုင်းမှူး ဗိုလ်ချုပ်ကျော်ဖြိုးက တွေ့ဆုံရန် ခေါ်ယူခဲ့ကြောင်း၊ သို့သော်လည်း မိုင်းလား အဖွဲ့ ဒုတိယဥက္ကဋ္ဌနှင့် အဖွဲ့သာလာရောက် သည့် အတွက် တိုင်းမှူးက လက်ခံတွေ့ဆုံခြင်း မပြုခဲ့ကြောင်း သျှမ်းသံတော်ဆင့် သတင်းစဉ်တွင် ဖော်ပြထားသည်။
တခြားသော တိုင်းရင်းသား အပစ်ရပ်အဖွဲ့ဖြစ်သည့် ကချင်လွတ်လပ်ရေးအဖွဲ့(KIO)မှ ဗဟိုကော်မတီဝင်များသည် နယ်ခြားစောင့် တပ်ပြောင်းလဲဖွဲ့စည်းရေးနှင့် ပတ်သက်၍ ယနေ့တွင် ကချင် လွတ်လပ်ရေး တပ်မတော် (KIA) ဌာနချုပ်ရှိရာ လိုင်ဇာမြို့တွင် အစည်းအဝေးပြုလုပ်နေကြောင်း ကချင်သတင်းစဉ်မှ ကိုနော်ဒင်းက ပြောသည်။
“နှစ်ဦးနှစ်ဘက် အလျှော့ပေးညှိနှိုင်းဖို့၊ အပေးအယူလုပ်ဖို့ အတွက် ဆုံးဖြတ်လိမ့်မယ်ထင်တယ်”ဟု ၎င်းကဆိုသည်။
စစ်အစိုးရသည် လာမည့်ရွေးကောက်ပွဲမတိုင်မီ အပစ်ရပ်လက်နက်ကိုင်အဖွဲ့များကို နယ်ခြားစောင့်တပ်အသွင်ပြောင်းလဲစေချင် ကြောင်း၊ KIO အနေဖြင့်မူ ရွေးကောက်ပွဲတွင် စစ်အစိုးရအား ထောက်ခံမည်ဖြစ်ပြီး အပြန်အလှန်အားဖြင့် နယ်ခြားစောင့်တပ် ဖွဲ့စည်းရေးကို ရွေးကောက်ပွဲအပြီး ဖွဲ့စည်းမည့် အစိုးရအသစ်ဖြင့်သာ ဆွေးနွေးလိုကြောင်း၊ စစ်အစိုးရနှင့် တတ်နိုင်သမျှ အပေး အယူလုပ်လိုသည်ဟု ထင်မြင်ကြောင်း ကိုနော်ဒင်းက ရှင်းပြသည်။
ပြီးခဲ့သည့် ဇန်န၀ါရီလ ကလည်း ဒုတိယဗိုလ်ချုပ်ကြီး ရြဲမင့်က ကချင်လွတ်လပ်ရေး တပ်မတော်(KIA) ခေါင်းဆောင်များကို မြစ်ကြီးနား မြို့တွင် ခေါ်ယူတွေ့ဆုံခဲ့သည်။
KIA အဖွဲ့က ၁၉၄၇ ခုနှစ်က ချုပ်ဆိုခဲ့သည့် ပင်လုံစာချုပ်တွင် ပါဝင်သည့် အချက်အလက်များအတိုင်း ဖက်ဒရယ် ပြည်ထောင်စု တည်ထောင်မည်ဆိုလျှင် နယ်ခြားစောင့်တပ် ဖွဲ့စည်းရေးကို လက်ခံမည်ဟု စစ်အစိုးရကို တုံ့ပြန်ထားသည်။
Read More...
Summary only...
မတ်လ ၂ရက်။ ကေအိုင်စီ
တောင်ငူခရိုင်၊ ထန်းတပင်မြို့နယ်အတွင်း၌ ဖေဖော်ဝါရီလ ၂၄ရက်နေ့ ညနေပိုင်းတွင် အိမ်ခြေ ၂၀၀နီးပါးရှိသော ရေသိုးကြီး ကျေးရွာထဲသို့ နအဖ ခမရ(၄၂၇)တပ်ရင်းက လက်နက်ကြီးများဖြင့် ပစ်ခတ်ခဲ့ရာ လူနေအိမ်ခြေ အနည်းငယ် ထိခိုက်ပျက်စီး သွားခဲ့သည်ဟု ဒေသသတင်းများအရ သိရသည်။
ဗိုလ်မှူးချုပ်ကျော်အေး ဦးစီးသည့် စစ်ကွပ်ကဲရေးဌာနချုပ်(၇) လက်အောက်ခံတပ်ရင်းဖြစ်သည့် ခမရ(၄၂၇)တပ်ဖွဲ့သည် ၎င်းတို့ တပ်စွဲထားရာ ရေသိုးကြီးစခန်းမှ ရေသိုးကြီးရွာတွင်းသို့ လက်နက်ကြီးများဖြင့် လှမ်း၍ ပစ်ခတ်ခဲ့ပြီး နောက်တနေ့တွင် အဆိုပါ တပ်ဖွဲ့က ရွာထဲသို့ ၀င်ရောက်ကာ ဓာတ်ပုံမှတ်တမ်းများ ရိုက်ယူ၍ ရွာသူရွာသားများအား ကေအဲန်ယူက ပစ်ခတ်ခြင်းဖြစ် ကြောင်း အတင်းအကြပ် ထွက်ဆိုခိုင်းခဲ့သည်ဟု ဒေသခံတဦးက ယခုလို ပြောသည်။
“အဲဒီညနေ ၄နာရီဝန်းကျင်လောက်မှာ ခမရ(၄၂၇)က သူတို့ရဲ့ ရေသိုးကြီးစခန်းကနေပြီး ရေသိုးကြီးရွာထဲကို လက်နက်ကြီးနဲ့ ၁၀လုံးလောက် လှမ်းပစ်တယ်။ ရွာသားတွေက ဗုံးကျင်းတွေထဲ ၀င်ပုန်းတော့ လူကို မထိခိုက်ပေမဲ့ အိမ် ၄လုံး လက်နက်ကြီးထိ လို့ ပျက်သွားတယ်။ နောက်တနေ့မှာ စစ်တပ်က ရွာထဲဝင်လာပြီး ပျက်စီးတာတွေကို ဓာတ်ပုံရိုက်ယူတယ်။ နောက်ပြီး ကေအဲန် ယူက လာပစ်တာလို့ ရွာသားတွေကို ပြောခိုင်းတယ်”ဟု ကေအိုင်စီကို ပြောသည်။
ထိုကိစ္စနှင့် ပတ်သက်၍ ကေအဲန်ယူ တပ်မဟာ(၂)မှ တပ်ဖက်အရာရှိတဦးက “အခု လက်နက်ကြီး ပစ်ချခံရတဲ့ ကျေးရွာက နအဖ ထိန်းချုပ်ထားတဲ့ နယ်မြေတွေပဲ။ ကေအဲန်ယူမှ မသွားနိုင်တာ။ ရွာသားတွေကတော့ သူတို့ခိုင်းရင် ခေါင်းညိတ်ရတာပဲ။ ဒါနဲ့ပဲ သူတို့(နအဖ)က သတင်းမီဒီယာတွေမှာ လုပ်ကြံအမြတ်ထုတ်မှာပေါ့”ဟု ဆိုသည်။
၎င်းအပြင် ယခုလ (၂၃)နှင့် (၂၅)ရက်နေ့ကလည်း နအဖ ခလရ(၂၆၁)တပ်ဖွဲ့က ထန်းတပင်မြို့နယ်အတွင်းရှိ တိပ်ပု၊ ဇင်းဘို (ဆော်မူဒဲ)အပြင် ရေသိုးကြီးအရှေ့ခြမ်းရှိ ရွာပုန်းရွာရှောင်နေရာများနှင့် တောင်ငူ-ကတိုင်တိ ကားလမ်းတလျှောက် လက်နက် ကြီးများဖြင့် ပစ်ခတ်ခဲ့သည်။
နအဖတပ်များ ယင်းသို့ လက်နက်ကြီးဖြင့် ပစ်ခတ်ရခြင်းမှာ ၎င်းတို့၏ နယ်မြေစိုးမိုးရေး စီမံချက်တခုဖြစ်ပြီး နွေရာသီတွင် ဒေသ ခံများ၏ စိုက်ခင်းနှင့် ဥယျာဉ်ခြံများကို မီးရှို့ဖျက်ဆီးမှုများ ပြုလုပ်လေ့ရှိသလို ၂၀၀၉ခုနှစ်၊ ဖေဖော်ဝါရီလကလည်း အလားတူ ပစ်ခတ်မှုကြောင့် အမျိုးသမီးနှင့် ကလေးသူငယ်အချို့ ဒဏ်ရာရရှိသွားခဲ့သည်ဟု သိရသည်။
အလားတူ ဇန်န၀ါရီလ ၁၉ရက်နေ့ကလည်း ဖာပွန်ခရိုင်၊ ခေးပူဂွင်တွင် စကခ(၂၁)မှ ခမရ(၃၈၇)၏ ပစ်ခတ်မှုကြောင့် ကျောင်း သားငယ် တဦး သေဆုံးကာ နှစ်ဦး ဒဏ်ရာရရှိခဲ့သည်။
ကရင်ပြည်နယ်၊ တောင်ငူခရိုင်တွင် ယခင်က ဗိုလ်မှူးချုပ်ခင်မောင်ဆင့် ဦးစီးသည့် စကခ(၅) လက်အောက်ခံတပ်များ လှုပ်ရှား ခဲ့သော်လည်း ပြီးခဲ့သည့် ဒီဇင်ဘာလမှစ၍ ဗိုလ်မှူးချုပ်ကျော်အေး ဦးဆောင်သည့် စကခ(၇) လက်အောက်ခံ တပ်ရင်းများက ပြောင်းရွှေ့ဝင်ရောက်လာခဲ့သည်။
Read More...
Summary only...
တပ်မဟာ (၅) ဖာပွန်ခရိုင်
၁၇/၁/၂၀၁၀- DKBA ၏နိပ်ဆက်မူ့ကို မခံနိုင်သော ကွီးနိုထာ ရွာသားများစုစုပေါင်း
၁၁၃ ယောက်၊ ကျား ၅၄ယောက်၊ မ ၅၉ ယောက်၊ အိမ်ထောင်စု ၁၈ စု တို့သည်
တပ်မဟာ (၃) နယ်မြေသို့ (၄) အုပ်စု၊ တပ်မဟာ (၁) နယ်မြေသို့ (၃) အုပ်စု၊
တပ်မဟာ (၅) နယ်မြေ တွင် (၁၁) အုပ်စု နေခဲ့၊ ၄င်း(၁၁) အုပ်စုသည် မလေး
လယ်ကျေးရွာအုပ်စု၊ သရိခို ရွာသစ်တွင် သွားနေ။
တပ်မဟာ (၁) ဒူးသထူ ခရိုင်
@ ဘားအံမြို့နယ်၊ ၇/၂/၂၀၁၀- DKBA မှ ဖားဒဲ နှင့် ခမရ (၂၀၆) ပူးပေါင်းပြီး
အီးဟဲ ရွာကြီး သို့ဝင်ပြီး ၀က်တစ်ကောင် တန်ဖိုး ၅၀၀၀၀ ကျပ်၊ ဆီ ၄ ပိသာ၊
တန်ဖိုး ၁၆၀၀၀ ကျပ်၊ ဆိတ်တစ်ကောင် ၂၀၀၀၀ ကျပ်၊ ဘီယာ ၄ ဖာ တန်ဖိုး
၈၀၀၀၀ ကျပ်၊ တို့ကို ငွေမပေးဘဲ တောင်းယူသွားပြီး ရွာသား များကို ကျသင့်
ငွေ ပေးစေပါသည်။
@ ဘီးလင်းမြို့နယ်၊ ၉/၂/၂၀၁၀- နအဖ စကခ (၄) ခမရ (၇၀၇) ဗျုဟာ (၁) မူး
စံဝင်း သည် တပ်ရိက္ခာ များကို ထမ်းပေးရန် အတင်းအဓမ္မ စေခိုင်းခဲ့ပါသည်။
စေခိုင်းခံရသော ရွာများမှာ ဝေါ အနောက်ဖက် မယ်ပရေးခီးဒဲ ကျေးရွာအုပ်စုမှ
(၁) ပဒါဒို (၄၀) အိတ်၊ (၂) စီကိုး (၁၂) အိတ်၊ (၃) ညာစူထာ (၁၀)အိတ်၊ (၄)
တောင်ကလေး (၈) အိတ် စုစုပေါင်း (၇၀) အိတ်။
@ ဘီးလင်းမြို့နယ်၊ ၁၃/၂/၂၀၁၀- ခလရ (၉၆) က ဝေါမူ မှ ခူသူးထာ နှင့် မဲဝေသို့
ရိက္ခာပို့ရန်တွက် နတ်ကြီးတွင် လှည်းအစင်း (၈၀) အတင်းအဓမ္မ ခေါ်ယူစေခိုင်း၊
အစင်း (၄၀) ထွက်ပြေးတိမ်းရှောင် သဖြင့် ထွက်ပြေးလှည်း တစ်စင်းအတွက် ငေီ
ကျပ် ၁၀၀၀၀၀ ဆီတောင်းယူ။ ငွေမပေးနိုင်က လှည်းပိုင်ရှင်၏ မိန်းမ ကို ထိတ်တုံး
ခတ်မည်ဟု ခြိမ်းခြောက်။
@ သထုံမြို့နယ်၊ ၁၄/၂/၂၀၁၀- တပ်မ (၂၂) ခမရ (၂၀၆) တပ်ရင်းမူး နိုင်မင်း သည်
ဝါပူ ရွာသား ထံမှ တန်ဖိုး ၈၀၀၀၀ ကျပ် ရှိ ၀က် တစ်ကောင်ကို တောင်းစားသွား။
“ရပ်ရွာ အေးချမ်းသာယာရေး ၀ိုင်းဝန်းကူညီစောင့်ထိန်းပေး”
@ ဘားအံမြို့နယ်၊ ၁၆/၂/၂၀၁၀- နတ်ကြီးတွင် စခန်းထိုင်သော ခမရ (၃) တပ်ခွဲ (၃)
မှ ကိုယ်ပိုင်နံပတ် ( ၁၄၀၄၆၃၃) တပ်သား သိန်းကျော် သည် MA-1 တစ်လက်၊
ကျည်ကတ်တစ်ကတ်၊ ကျည်ဆံ (၃၀) နှင့် အတူ မိမိတပ်ဖွဲ့ထံတွင် လာရောက်အပ်
နှံပူးပေါင်း။
@ ဘီးလင်းမြို့နယ်၊ ၁၆/၂/၂၀၁၀- DKBA 999 တပ်ရင်း (၉၀၃) တပ်ခွဲ (၂) မှ တပ်
ကြပ် စောဥက္ကာ သည် ကာဘိုင် တစ်လက်နှင့် အတူ မိမိတပ်ဖွဲ့ထံ လာရောက်ပူး
ပေါင်း။
@ ဘီးလင်းမြို့နယ်၊ ၁၆/၂/၂၀၁၀- ၂၁၀၀ နာရီချိန် ခမရ (၇၀၃) စစ်ကြောင်း (၂) မူး
သိန်းထွန်းအောင် သည် ထီးချေညခီးအရပ် လယ်ခလော်ရွာသား များအားပစ်ခတ်
သဖြင့် စောမောင်ချစ် (၂၅) နှစ်မှာ ရင်ဘတ်တွင်ကျပ်၎င်း၊ မောင်ကျော်ကိုင် (၂၅)
နှစ် မှာတင်ပဆုံ တွင်၎င်း ထိမှန်ခဲ့ပါသည်။
@ ဘားအံမြို့နယ်၊ ၁၈/၂/၂၀၁၀- ခမရ (၂၀၆) မှ ဗိုလ်မူးအေးထိုက် သည် ဘောဒိကိုး
ရွာသား ထံမှ ကြက်တစ်ပိသာ ကို ငွေမပေးဘဲ တောင်းစားသွား။
(ဘောဒိကိုရွာသား က နအဖ ဗိုလ်မူး ထက် ချမ်းသာတဲ့ ပုံဘဲ)
တပ်မဟာ (၂) တောင်ငူခရိုင်
@ တပ်ရင်း(၇) ၇/၂/၂၀၁၀ တွင် တပ်ရင်း (၉) သို့ ၀င်ရောက်လာသော နအဖ တပ်
အား (၇) ကြိမ် ပျောက်ကြားစစ်ဆင်တိုက်ခိုက်ရာ နအဖ မှ (၇) ဦးဒဏ်ရာရ၊
နောက်ထပ် (၂) ကြိမ်တိုက်ခိုက်ရာ (၇) ဦးထပ်မံ ဒဏ်ရာရ၊ မိမိဖက်မှ နယ်မြေ
တက်ရောက်ရှင်းလင်းရာ၊ မသယ်နိုင်ဘဲထားခဲ့သောရန်သူအလောင်း (၃) လောင်း
ကို တွေ့ရှိ။
@ တပ်ရင်း(၇) ၁၂/၂/၂၀၁၀- ခမရ (၃၅၀) နှင့် ရင်ဆိုင်တိုက်ပွဲဖြစ်ရာ နအဖ မှ (၂)ဦး
ဒဏ်ရာရ။
@ တပ်ရင်း(၉) ၁၅/၂/၂၀၁၀- မောင်စိုးခို တွင် ရန်သူ နှင့် ရင်ဆိုင်ပစ်ခတ်ရာ နအဖ
ဖက်မှ (၁)ဦးသေ၊ (၁) ဦးဒဏ်ရာ ရ။
@ ၁၅/၂/၂၀၁၀- ခမရ (၄၃၈) မှ တပ်သား (၂) ဦး MA-1 နှစ်လက်၊ ကျည် (၂၄၀)
နှင့်အတူ မိမိတပ်ဖွဲ့ထံတွင် လာရောက်ပူးပေါင်း။
@ ၂၁/၂၆၂၀၁၀- ကလိုစိုး တွင် ခမရ (၃၆၆) နှင့် ရင်ဆိုင်တိုက်ပွဲဖြစ်၊ ရန်သူဖက်မှ
(၁) ဦးဒဏ်ရာရ။
@ ၂၃/၂/၂၀၁၀- မိမိဖက်မှ ခမရ (၃၆၃) ကို ပစ်ခတ်ရာ ရန်သူဖက်မှ (၁) ဦးဒဏ်ရာရ
@ ၂၄/၂/၂၀၁၀- မိမိတပ်ရင်း (၉) မှ ရန်သူ စကခ (၁၀) ခမရ (၃၆၅) နှင့် စောမီလူ
နှင့် ကုန်းဖျံ လှည်းလမ်းထိတ်တွင် ရင်ဆိုင်ပစ်ခတ်ရာ ရန်သူဖက်မှ (၅)ဦးသေ၊
(၇)ဦး ဒဏ်ရာရ၊ ရန်သူထံမှ MA-1 နှစ်လက်၊ MA-4 တစ်လက်၊ MA ကျည် (၁၂)
တောင့်၊ ကျည်ကတ် (၅)ခု၊ M-79 ဗုံးသီး (၁၃) လုံး၊ လက်ပစ်ဗုံး (၁)လုံး၊ မိမိဖက်
မှ (၁)ဦး တိုင်းပြည်နှင့်လူမျိုးတွက်အသက်ပေးလှုသွား၊ (၆) ဦးဒဏ်ရာ ရသည့်ထဲ
တွင် (၁)ဦးမှာ ဒဏ်ရာ ပြင်းထန်။
တပ်မဟာ (၄) မြိတ် ထားဝယ်ခရိုင်
@ ၁၃/၂/၂၀၁၀- ၁၃း၂၅ ချိန်၊ ရန်သူတပ်ရင်း (၁၇) ကို မနိုရိုး ရွာနားတွင် စောင့်
ပစ်ရာ ရန်သူ (၂) ဦးသေ၊ (၁) ဦးဒဏ်ရာရ၊ မိမိ ဖက်မှ (၁) ဦး တိုင်းပြည်နှင့်
လူမျိုးတွက် အသက်ပေးလှုသွား။
တပ်မဟာ (၅) ဖာပွန်ခရိုင်
@ ၄/၂/၂၀၁၀-၀၈း၂၀ ချိန်၊ ရိက္ခာပို့ ၇န်သူများကို စောဘွောဒဲဂွင်၊ နာအူးကွင်းတွင်
မိမိဖက်မှ ပစ်ခတ်ခဲ့သဖြင့် ရန်သူ (၁) ဦးသေ။
@ ၇/၃/၂၀၁၀= တပယ်တူတွင် ၇န်သူကို ပစ်ခတ်ခဲ့သဖြင့် ရန်သူ (၁) ဦးသေ။
@ ၈/၃/၂၀၁၀- DKBA 666 မှ တပ်ရင်းမူး ဖားနာဒိ၊ လုံခြုံရေးတပ်ရင်းမူး မောင်ချစ်
နှင့် ဖားဆဲတို တို့သည် ၀ါကျုခို ရွာသို့ လာပြီး ရွာသူကြီး ကိုဖမ်းဆီးပြီး သေနတ်
ဒင်ဖြင့် ဦးခေါင်းကို ၃ ချက်ထိုး၊ ပုခုံးကို ၃ ချက်ကန်၊ မျက်နှာ ကိုထိုးကြိတ်၊ မေး
မြန်းစဉ်တွင် မိုးပေါ်ကို သေနတ်ပစ်ဖေါက်ခြိမ်းခြောက်၊ တစ်ချိန်တည်း ရွာသား
စောထွန်းအောင် ၏မျက်နှာအား ၃ ချက်ထိုးကြိတ်ပြီး သူတို့နေထိုင်ရာ မယ်မွဲထာ
စခန်းကို ပြန်သွား၊
@ ၉/၃/၂၀၁၀- ခေးပူအရပ်၊ ဆာလော်ကြိုးတွင် ရန်သူ နှင့်ရင်ဆိုင် ပစ်ခတ်၊ ရန်သူ
ဖက်မှ (၂) ဦးဒဏ်ရာရ၊ တစ်ရက်တည်း လယ်မူတရောတွင် ရန်သူကိုတိုက်ခိုက်
ရာ ရန်သူ (၅) ဦး ဒဏ်ရာရ၊ တစ်ရက်တည်း စီဒေး တွင် ရန်သူ ကို ထပ်မံ ပစ်
ခတ်ရာ ရန်သူ (၅) ဦး ထပ်မံဒဏ်ရာရ၊ တစ်ရက်တည်း ရန်သူကို တမေးထာ နှင့်
ဘောလေ တွင် တိုက်ခိုက်ရာ မြင်း (၁၅) ကောင်ဒဏ်ရာရ၊ ဆက်ပြီး ၀ါကာခို
တွင် ရန်သူ ကို တိုက်ခိုက်ရာ ရန်သူ (၇) ဦးဒဏ်ရာရ၊ တစ်ရက်တည်း ရန်သူကို
ထီးကိုကွီးဆိမူဟဲဒဲ ဂိင်တွင် ပစ်ခတ်သဖြင့် ရန်သူ (၁) ဦးဒဏ်ရာရ။
@ ၁၀/၂/၂၀၁၀- မူနွယ်ဒေး တွင် ရန်သူကို ချောင်းပစ်၊ ရန်သူ (၃) ဦးဒဏ်ရာရ။
@ ၁၂/၂/၂၀၁၀- နအဖ၏ မဲပရေခီးစခန်းနေ ခမရ (၇၀၄) မှ စစ်ကြောင်းမူး
သန်းထွန်းဝင်း သည် တပ်ရိက္ခာ ကို ဝေါမူ မှ မဲပရေ စခန်းထိ ရွာသားများအား
လုပ်အားခ မပေးဘဲ အတင်းအဓမ္မ ထမ်းပို့ခိုင်း။ ရိက္ခာ ထမ်းပို့ခဲ့ရသော ရွာများ
မှာ ဝေါမူ၊ ဆန် ၆၀၀ အိတ်။ ဖိုဃဲထာ-ဆန် ၂၀၀ အိတ်၊ မက်ပူထာ-ဆန် ၃၀၀
အိတ်၊ မဲပူခီး-ဆန် ၁၀၀ အိတ်၊
( သင်္ကြန်တွင် ဗိုလ်မူးကတော်ပန်ရန် စိန်နားကပ် နှင့် ရွှေဆွဲကြိုးလိုနေပါသဖြင့် လုပ်အားခ
မပေးနိုင်သေးပါကြောင်း)
@ ၁၂/၂/၂၀၁၀- ဖွေးတော နှင့် ဖျာဟဲထာ နားတွင် ရန်သူကို တိုက်ခိုက်ရာ
ရန်သူ (၄) ဦးသေ။ တရက်တည်း ပါဟဲ ဂွင်တွင်ရန်သူကို ပစ်ခတ်ရာ ရန်သူ (၁)
ဦးဒဏ်ရာရ၊ တစ်ရက်တည်း တာကျော်ဖိုးထာ တွင် ရန်သူ ကို ပစ်ရာ (၃) ဦးဒဏ်
ရာရ။
@ ၁၃/၂/၂၀၁၀- ရက်တွင် ၇န်သူ နှင့် ကျောက်ညှပ်တွင် ရင်ဆိုင်တိုက်ပွဲဖြစ်၊ ရန်
သူ (၁) ဦးသေ။
@ ၁၅/၂/၂၀၁၀- နအဖ ကျန်းမာရေးဌာနမှ မထောက်ကျေးရွာ အုပ်စုသို့ အောက်
အောက်ပါအတိုင်း ခြင်ထောင်များ ကိုပေးလှုခဲ့ပါသည်။ မီးသွေးချောင်းရွာ(၅၀)ခု၊
တာဟူလို (၂၁)လုံး၊ သန်မကျုလော (၁၈) လုံး၊ အုန်းတော (၂၁) လုံး၊ မထောက်
(၆၀) လုံး၊ ပိုဘောခို (၅၀) လုံး၊ ကူးဆိပ် (၃၆) လုံး၊ တဒွီးခို (၂၆)လုံး။
(ဟဲဟဲ.. NGO ကလှုတာမဟုတ်ပါဘူး။ ပြီးရင် ထောက်ခံမဲလေး ထည့်သွားပါအုံး
It is also called " divide and rule")
@ ၁၆/၂/၂၀၁၀- DKBA 333 မှခေါင်းဆောင် ဖားဘီးခို သည် ရွာသားများကို ဖွေး
တောမှ ဒိုခိုဝါး ရွာထိ ရိက္ခာများ ကို အတင်းအဓမ္မထမ်းပို့ခိုင်း၊ ရွာသားများမှာ
မော်ထာ မှ (၃) ဦး၊ ဒိုခိုဝါးမှ (၅) ဦးဖြစ်ပါသည်။
@ ၁၉/၂/၂၀၁၀- ဆာလော်ကြီး၊ ခေးပူရွာတွင်နေသော နအဖ တပ်သည် ၀၉း၄၇
ချိန်တွင် တရူထာ သို့ လက်နက်ကြီးဖြင့် ပစ်ခတ်ရာ စာသင်ကျောင်း တွင်ကျ
ရောက်ပေါက်ကွဲသဖြင့် ကျောင်းသား (၃) ဦးကို ထိမှန်၊ စောရိုးဘီမူး (၁၅) နှစ်
၂၁/၂/၂၀၁၀ နံနက်၃း၁၅ ချိန် တွင် သေဆုံး၊ စောဆာကပြူထူး (၈) နှစ် လက်
မောင်းတွင် ဒဏ်ရာရ၊ စောအယ်ကော်တော (၈) နှစ် ပေါင်တွင် ဒဏ်ရခဲ့။
တပ်မဟာ (၆) ဒူးပလာယာခရိုင်
@ ၉/၃/၂၀၁၀- ရက်နေ့ ၉း၀၀ ချိန်၊ ဘုရားငုတိတိုစခန်း နေ ခမရ (၄၀၉) မှ
ရဲဘော် (၃) ဦး မိမိတပ်ရင်း (၁၇) ထံ လာရောက်ပုးပေါင်း။ MA-1 (၃) လက်၊
ကျည်ကပ် (၇)ခု၊ ကျည်ဆံ (၄၉၀) တောင့်၊ အပ်နှံ။ ရဲဘော်များမှာ (၁) ခိုင်
လင်းထက်၊ (၂) မိုးမြတ်ကို၊ (၃) ကျော်မင်းထက်။
(ခမရ (၄၀၉) မှ တပ်ရင်းမှုးခင်ဗျား ရဲဘော် (၃) ဦး ရဲ့ လစာ နှင့် ရိက္ခာခွဲတမ်းကို လုပ်ထုံး
လုပ်နည်းအတိုင်း ဆက်လုပ်လိုက်ပါခင်ဗျား
မှတ်ချက်၊ KNU ရုံးမှသတင်းထုတ်ပြန်ချက်ကို ဘာသာပြန်ထားခြင်းဖြစ်ပါသည်။
အနီရောင်စာလုံးသည် ဘာသာပြန်သူ၏ အာဘော်သာဖြစ်ပါသည်။
KarenUnited မှပြန်လည်ကူးယူတင်ပြထားသည်။
Read More...
Summary only...
နေရွှေသွေးအောင် (ခ) ဖိုးလပြည့်နဲ့  တွဲပြီး မည်သူ့ ကိုမျှ ဂရုမစိုက်ဘဲ နှစ်ယောက်ပေါင်းကာ ထင်ရာစိုင်းနေသောသူ တစ်ဦးမှာ ဆေးဝန်ထမ်း ညွှန်ချူပ် ဗိုလ်ချူပ် သန်းအောင်ရဲ့  သမက်ဖြစ်သူ ချိုလေးဆိုသူ ဖြစ်ပါတယ်၊၊နေရွှေသွေးအောင်နဲ့ ချိုလေးတို့ ဟာ သန်းရွှေရဲ့ အရှိန်အ၀ါ၊ မိဘဖြစ်သူတွေရဲ့  အရှိန်အ၀ါကို သုံးပြီး မြန်မာပြည်မှာ သောင်းကျန်းဆိုးရွားနေသူတွေ ဖြစ်ပါတယ်။ အထူးသဖြင့် ချိုလေးဟာ နေရွှေသွေးအောင်ကို အမှီပြုပြီး သူလုပ်ချင်တာတွေကို လုပ်ချင်သလို လုပ်ပါတယ်။ သူနဲ့ အတူ နေရွှေသွေးအောင်ကလည်း တွဲချက်ညီညီ ထင်ရာစိုင်းပါတယ်။ချိုလေးဟာ လိုင်စင်မဲ့ကားတွေကို လိုင်စင်ရအောင်လုပ်ဖို့ အတွက် နေရွှေသွေးအောင်ကို အသုံးချပါတယ်။ ဒီလိုလုပ်လို့ ရတဲ့အတွက် နေရွှေသွေးအောင်ကိုလည်း ကဲချင်တိုင်းကဲဖို့ အတွက် အတူတူ သွားလာကြပါတယ်။ သူတို့ နှစ်ယောက် အတူတူ တစ်တွဲတွဲ သွားလာတဲ့အခါမှာ မော်ဒယ်ဂဲလ် (Model Girls) တွေနဲ့  ချိန်းချက်ပြီး သွားလာကြတယ်။ သူတို့ သွားတဲ့ ကားတွေပေါါ်မှာလည်း အချက်ပြမီးလုံးကို ကားပေါ်တင်ပြီး အထူးကား (VIP car) အနေနဲ့ သိသာအောင် ပြပြီး ကြွားဝါ လုပ်ပြလေ့ ရှိကြောင်းကိုလည်း သိရှိရပါတယ်။ ဒီလို ချိုလေးရဲ့  ကပ်ဖားပြီး ပေါင်းသင်းမှုကို နေရွှေသွေားအောင်ကလည်း နဂိုကမှ သန်းရွှေရဲ့  မြေးဆိုပြီး ထင်ရာစိုင်းနေသူပီပီ အနှစ်ခြိုက်ကြီး ကြိုက်နှစ်သက်ကာ ကဲချင်တိုင်း ကဲနေပါတယ်။နေရွှေသွေးအောင်နဲ့  ချိုလေးတို့  ညတိုင်းနီးပါး သွားရောက်လေ့ရှိတာကတော့ မြရိပ်ညို ဖြစ်ပါတယ်။
သောက်ကျက်သရေမရှိသော စစ်ခွေးချုပ်ရဲ့မြေး
သူတို့ နှစ်ဦးသွားတဲ့အခါတိုင်း သူတို့ နဲ့  ချိန်းချက်ထားတဲ့ မော်ဒယ်ဂဲလ်တစ်ချို့ ပါ ပါရှိပါတယ်။ နေရွှေသွေးအောင်၊ ချိုလေးတို့ နဲ့ အတူ အပေါင်းအပါတွေကတော့ ဒဂုံအင်တာနေရှင်နယ် ကုမ္ပဏီအုပ်စုပိုင်ရှင်ဖြစ်သူ ၀င်းအောင်ရဲ့ သားရယ်၊ နအဖ၀န်ကြီး စိုးသာရဲ့ သား အောင်စိုးသာတို့ ပါ ပါပါတယ်။ကဲချင်တိုင်းကဲကြတဲ့အခါမှာ မူးယစ်ဆေးဝါးသုံးစွဲတာတွေ မိန်ကလေးတွေနဲ့  အတူအိပ်တာတွေ လုပ်ကြပါတယ်။ သူတို့ က အစပြုပြီး အနှိပ်ခန်းတွေကို သွား၊ ကလပ်တွေကိုသွားပြီး သောင်းကျန်းတာမို့  နောက်ဆုံး ဒီအနှိပ်ခန်းတွေ ကလပ်တွေ ထင်ပေါ်ကျော်ကြားလာပြီး မသိနားမလည်တဲ့ အသက်အရွယ် မပြည့်သေးသူလေးတွေပါ သွားရောက်တာတွေ ဖြစ်လာကာ လူသိရှင်ကြားဖြစ်လာလို့  တစ်လောကမှသာ နေ့ ခင်းဖွင့်တဲ့ ဒေးကလပ် (Day Club) တွေ ပိတ်ပြလိုက်တာ ဖြစ်ခဲ့ရပါတယ်။ ဒါပေမယ့် တိတ်တိတ်ပုံး ရှိနေသေးတဲ့ နေရွှေသွေးအောင်တို့ လို ပျက်စီးချင်တိုင်းပျက်စီး ထင်ရာစိုင်းချင်တိုင်း ထင်ရာစိုင်းနေတဲ့ အပေါင်းအပါ လူငယ်တွေ ဆုံတွေ့ ရာ နေရာတွေ ရှိနေပါသေးတယ်။ ဒီနေရာတွေမှာ မူးယစ်ဆေးဝါးသုံးစွဲပြီး မိန်းကလေးများနဲ့  ဖြစ်ချင်တိုင်း ဖြစ်နေတာတွေ ရှိနေပါတယ်။ နေရွှေသွေးအောင်တို့  အုပ်စုရဲ့ အတွင်းမှာဘဲ အချင်းချင်း ဂွင်လုကြလို့  နောက်ဆုံး နေရွှေသွေးအောင်ရဲ့  ယုတ်မာတဲ့ စနက်ကြောင့် တင်အောင်မြင့်ဦးရဲ့  သားဖြစ်သူ (ဗိုလ်ကြီးဟောင်း) နိုင်လင်းဦး (တေဇာစောဦး) ပိုင်ဆိုင်တဲ့ ရန်ကုန် ကမ္ဘာအေး ဘုရားလမ်းမပေါ်ရှိ အနုပညာ ဦးစီးဌာနပိုင် မြေနေရာပေါ်မှာ ရှိတဲ့ “7 Lekker” ကဖေးဆိုင် ဖျက်ဆီးခံလိုက်ရတာပါဘဲ။ နိုင်ငံတော်မြေနေရာကွက်ပေါ်မှာ ခွင့်ပြုချက်မရှိဘဲ ကိုယ်ပိုင်စီးပွားရေးလုပ်လို့ ရမလားဆိုပြီး မသိတဲ့သူတွေ အထင်ကြီးရအောင် အကြောင်းပြချက်နဲ့  နေရွှေသွေးအောင်က ပြောဆိုဖျက်ဆီးပြလိုက်ပေမယ့် တကယ်တော့ နေရွှေသွေးအောင်ရဲ့  အချင်းချင်းအပေါ် ကောက်ကျစ်ယုတ်မာမှုဘဲ ဖြစ်ပါတယ်။ ဒီအကြောင်းကို အတွင်းသိ အစင်းသိကြသူတွေက သိကြပါတယ်။ ဒါကြောင့် သန်းရွှေ သေရင် နေရွှေသွေးအောင်တော့ သတိသာထားပေတော့လို့  ကြိမ်းဝါးနေကြပါတယ်။ ထို့ အတူ စစ်တပ်အတွင်းက ဗိုလ်ချူပ် အတော်များများဟာလည်း နေရွှေသွေးအောင်ကို မကျေမနပ်ဖြစ်နေတယ်လို့  သိရှိရပါတယ်။နေရွှေသွေးအောင်ကနေ နိုင်လင်းဦးရဲ့  ကဖေးဆိုင်ကို ဖျက်ပြစ်လိုက်တဲ့ အဓိက အကြောင်းရင်းကတော့ နေရွှေသွေးအောင်က အဲ့ဒီနေရာမှာ သူတို့ အပေါင်းအပါတွေ ကဲလို့ ရအောင် သီးသန့် ကလပ် (VIP club) တစ်ခုလုပ်ချင်လို့  ပြောဆိုရာကနေ ပြဿနာ စဖြစ်တာပါဘဲ။ ဒါကို နိုင်လင်းဦးက လက်မခံတဲ့ အတွက် နေရွှေသွေးအောင်က ချိုလေးရဲ့  မြှောက်ပင့်မှု၊ ကဖေးဆိုင် အစုရှယ်ယာပါတဲ့ အောင်စိုးသာရဲ့  ဘက်လိုက်မှုတွေကြောင့် ဒီလို အချင်းချင်း ဆော်ထည့်လိုက်တာ ဖြစ်ပါတယ်။ဒီလိုမျိုး နေရွေသွေးအောင်ကို အနီးကပ် မြှောက်ပင့်သွေးထိုးနေသူ ချိုလေးနဲ့  နဂိုကမှ ဘယ်သူကိုမှ ဗိုလ်မထားချင်တဲ့ နေရွှေသွေးအောင်တို့  ရဲ့  စနက်ဖြစ်ပါတယ်။ချိုလေးဟာ နေရွှေသွေးအောင်ကို မျောက်ပြဆန်တောင်းသလို လုပ်ပြီး စီးပွားရေးသောင်းကျန်းလာလို့  မသမာသော ငွေကြေးများနဲ့  ပြည့်စုံလာနေပါတယ်။ ချိုလေးဟာ အရပ် (၆) ပေ (၁) လက်မခန့် ရှိပြီး ကိုယ်ပေါ်မှာ ဆေးမှင်ကြောင်တွေ ထိုးထားပါတယ်။ သူ့ မှာ ဆရာဝန်မတစ်ဦးနဲ့  အိမ်ထောင်ကျပြီး သမီး နှစ်ယောက်ရှိပေမယ့် သမီးချင်း နှမချင်း မစာနာဘဲ မိန်းကလေးတွေကို နေရွှေသွေးအောင်နဲ့  ပေါင်းပြီး ဖျက်ဆီးသောင်းကျန်းနေသူ ဖြစ်ပါတယ်၊၊နေရွှေသွေးအောင်ရယ် ချိုလေးရယ် အောင်စိုးသာတို့ ရယ်ဟာ ဂိုဏ်းအုပ်စုဖွဲ့ ထားပြီး ဂိုဏ်းအုပ်စုနာမည်ကို “ဆင်စွယ်” လို့  သတ်မှတ်ထားကြောင်းနဲ့  သူတို့ သွားလာသောင်းကျန်းတဲ့ နေရာတွေမှာ ဒီနာမည်ကို အသုံးပြုကြောင်း သိရှိရပါတယ်။ယခင် မဆလတစ်ပါတီ အာဏာရှင်နေ၀င်းရဲ့  မြေးတွေ သောင်းကျန်းပြီး ဂိုဏ်းဖွဲ့ ထားတဲ့ စကော်ပီယံ “Scorpion” ဂိုဏ်းထက် ပိုဆိုးတဲ့ သန်းရွှေရဲ့ မြေး နေရွှေသွေးအောင်ရဲ့  ဂိုဏ်းအုပ်စုကြောင့် သူတို့ အချင်းချင်း ဇတ်တူသားစား ဆော်ကြနှက်ကြတာအပြင် သူတို့ ရဲ့  အစပြုလုပ်ရပ်များကြောင့် အခြားသော မသိ နားမလည်သည့် အချို့ သော လူငယ်လူရွယ် ယောင်္ကျာလေး မိန်းကလေးများပါ ပျက်စီးမှု လမ်းကြောင်းပေါ်ရောက်ရှိနေတာ တွေ့ ရှိနေရပါတယ်။တင်အောင်မြင့်ဦးရဲ့  သား နိုင်လင်းဦးကို နေရွှေသွေးအောင် လူကြားကောင်းအောင် ပြောခဲ့တဲ့ “နိုင်ငံတော်မြေနေရာကွက်ပေါ်မှာ ခွင့်ပြုချက်မရှိဘဲ ကိုယ်ပိုင်စီးပွားရေးလုပ်လို့ ရမလား” ဆိုတဲ့စကားအတိုင်း ပြောကြေးဆိုရင် “ပြည်သူတွေ ပိုင်ဆိုင်တဲ့ မြန်မာပြည်မြေပေါ်မှာ ဒီလို ထင်ရာစိုင်းလို့  ရသလား” ဆိုတာပါ။
co2zenith.blogspot မှကူးယူတင်ပြထားသည်။
Read More...
Summary only...
ရဲရင့်/ ၁ မတ် ၂ဝ၁ဝ (ခေတ်ပြိုင်)
အဓမ္မလုပ်အား ခိုင်းစေခြင်းခံရသည့် တောင်ငူခရိုင်မှ ရွာသား (၄၇၀) တို့က ၎င်းတို့ အဓမ္မစေခိုင်းခံရမှုကို စုံစမ်း အရေးယူမှုပြုလုပ်ပေးရန် အပြည်ပြည်ဆိုင်ရာ အလုပ်သမားရေးရာအဖွဲ့ (အိုင်အယ်လ်အို) သို့ ယနေ့တိုင်ကြားစာ ပေးပို့လိုက်သည်။
ထိုသို့ အစီရင်ခံစာ ပေးပို့မှုနှင့်ပတ်သက်၍ မြန်မာနိုင်ငံအလုပ်သမားသမဂ္ဂများ အဖွဲ့ချုပ် (အက်ဖ်တီယူဘီ) နှင့် ကော်သူးလေအလုပ်သမားသမဂ္ဂများအဖွဲ့ချုပ် (အက်ဖ်တီယူကေ) တို့မှ တာဝန်ရှိသူများက ထိုင်း-မြန်မာနယ်စပ်တွင် သတင်းစာရှင်းလင်းပွဲတရပ် ယမန်နေ့ညနေက ကျင်းပခဲ့သည်။
မြန်မာနိုင်ငံတွင် အိုင်အယ်လ်အိုက ရုံးဖွင့်လှစ်ထားသော်လည်း အဓမ္မလုပ်အားခိုင်းစေမှုနှင့်ပတ်သက်၍ ထိရောက်သည့် အရေးယူမှု မပြုလုပ်နိုင်သည့်အတွက် အချိန်ကြာလာသည်နှင့်အမျှ လူထုမှာ ပိုမိုဒုက္ခရောက်နေသဖြင့် ၎င်းတို့ကိုယ်စား အိုင်အယ်လ်အိုမှတဆင့် တင်ပြပေးခြင်းဖြစ်သည်ဟု အက်ဖ်တီယူကေအဖွဲ့က ပြောသည်။
အက်ဖ်တီယူကေမှ နော်ဖောဂေက “ဒေသခံလူထုတွေရဲ့နစ်နာဆုံးရှုံးမှုတွေကို နိုင်ငံတကာက သိရှိဖို့နဲ့ ပြစ်မှုကျူးလွန်တဲ့ အဖွဲ့အစည်းတွေကို အရေးယူပေးနိုင်ဖို့ဖြစ်တယ်။ နအဖနဲ့ အိုင်အယ်လ်အို ဒီကိစ္စတွေ ပပျောက်ဖို့ သဘောတူလက်မှတ် ရေးထိုးထားပေမယ့် ကျမတို့ ကရင်ဒေသမှာတော့ အဓမ္မလုပ်အားစေခိုင်းမှုက နေ့စဉ်ရှိနေပါတယ်။ ရွာသား (၄၇၀) က သည်းမခံနိုင်တော့လို့ လက်မှတ်ရေးထိုးပြီး ဒီအစီရင်ခံစာကို ပေးပို့တိုင်ကြားတာဖြစ်တယ်” ဟု ဒေသခံသတင်းထောက်များအား ပြောသည်။
လက်မှတ်ထိုး တိုင်ကြားသူများမှာ တောင်ငူခရိုင် ထန်းတပင်မြို့နယ်အတွင်းရှိ ကော့ဒေးဒဲရွာ၊ ဖလဲလားရွာ အပါအ၀င် အခြားရွာများမှဖြစ်ပြီး ၎င်းတို့အဆိုအရ မြန်မာစစ်တပ်အတွက် ရွာသားများမှာ နေ့စဉ် မိမိအစီအစဉ်ဖြင့် သယ်ယူပို့ဆောင်ရေး၊ တပ်စခန်းဆောက်လုပ်ရေး၊ လမ်းရှင်း၊ ကင်းစောင့်နှင့် သစ်ခုတ်ဝါးခုတ် အလုပ်များ စေခိုင်းခံရပြီး ဆင့်ခေါ်ရာတွင် လာရောက်ရန် ပျက်ကွက်သူများမှာ အပြစ်ပေးခံကြရသည်ဟု ၎င်းက ပြောသည်။
အဓမ္မလုပ်အားခိုင်းစေမှုကို အိုင်အယ်လ်အိုတွင် တိုင်ကြားနိုင်သည်ကို အက်ဖ်တီယူကေအဖွဲ့ဝင်များပြောပြ၍ သိရှိပြီး လက်မှတ်ထိုး တိုင်ကြားခြင်းဖြစ်ကြောင်း၊ တိုင်ကြားသူ (၄၇၀) တွင် လက်မှတ်ရေးထိုးနိုင်သူ (၄၀) ကျော်သာရှိပြီး ကျန်လူများမှာ စာမတတ်၍ လက်ဗွေနှိပ်ကြရကြောင်း၊ တိုင်ကြားသူများကို မြန်မာစစ်တပ်က လိုက်လံဖမ်းဆီးမည်ကို သိကြောင်း၊ မိမိတို့မှာ အားကိုးအားထား မရှိတော့သဖြင့် အရဲစွန့်တိုင်ကြားရခြင်းဖြစ်ကြောင်း ရွာသားတဦးက ပြောသည်။
ယခု အစီရင်ခံစာကို အက်ဖ်တီယူဘီမှတဆင့် ပေးပို့တိုင်ကြားခြင်းဖြစ်ပြီး ယခုကဲ့သို့ အခြေခံလူ့အခွင့်အရေးများကို ချိုးဖောက်နေသည့် နအဖစစ်အုပ်စုအား လျင်မြန်စွာ အရေးယူနိုင်ရန်အတွက် အိုင်အယ်လ်အို၊ အပြည်ပြည်ဆိုင်ရာ အလုပ်သမားသမဂ္ဂများအဖွဲ့ချုပ် (အိုင်တီယူစီ)နှင့် အဖွဲ့ဝင်များ၊ အပြည်ပြည်ဆိုင်ရာတရားရုံး (အိုင်စီဂျေ) တို့ထံ ပေးပို့သွားမည်ဖြစ်သည်။
အက်ဖ်တီယူဘီ၏ အထွေထွေအတွင်းရေးမှူး ဦးမောင်မာင်က “ကရင်ပြည်နယ် တိုင်းရင်းသားဒေသတွေမှာ အဓမ္မလုပ်အား ပေးမှုတွေ ဆက်ပြီးရှိနေတယ်။ မနှစ်ကဆိုရင် တောင်ငူခရိုင်ထဲမှာ မှတ်တမ်းပြုထားတာ အမှုပေါင်း (၄၉၀) ကျော် ရှိတယ်။ အဓမ္မလုပ်အားပေးမှု ပပျောက်ဖို့ကိစ္စကတော့ အခုလို နအဖနဲ့ အိုင်အယ်လ်အို သဘောတူညီချက်တွေ ပြောရုံနဲ့မရသေးဘူး။ အိုင်အယ်လ်အိုအနေနဲ့ ပြင်းပြင်းထန်ထန် လုပ်ဖို့တောင်းဆိုပါတယ်” ဟု ပြောသည်။
ယနေ့ပေးပို့သည့် တိုင်ကြားစာကို အိုင်အယ်လ်အိုရုံးချုပ်နှင့် ရန်ကုန်ရှိ အိုင်အယ်လ်အို ရုံးခွဲသို့ ပေးပို့ထားပြီး ၎င်းကိစ္စနှင့် ပတ်သက်၍ ယခုလအတွင်း ကျင်းပမည့် အိုင်အယ်လ်အို ညီလာခံတွင် ဆွေးနွေးကြမည်ဟု သိရသည်။
Read More...
Summary only...
စိုးမိုး/ ၁ မတ် ၂ဝ၁ဝ (ခေတ်ပြိုင်)
စစ်သားစုဆောင်းရေးတပ်မှ စစ်သားများအပါအ၀င် တပ်ကြပ်အဆင့်အထက်တို့က နယ်ဒေသသို့ဆင်းပြီး ကလေးများအား လိမ်လည်ကာ စစ်သားအဖြစ် စုဆောင်းနေကြောင်း ကလေးစစ်သားတဦးထံမှ သိရသည်။
အပြည်ပြည်ဆိုင်ရာ အလုပ်သမားရေးရာအဖွဲ့ (အိုင်အယ်လ်အို) မှ ကလေးစစ်သားစုဆောင်းခံရမှု တိုင်ကြားချက်များကို လက်ခံဆောင်ရွက်ပေးနေသော်လည်း ဆင်းရဲချို့တဲ့သည့် ကလေးငယ်များကို စစ်တပ်က လစာဝင်ငွေ ကောင်းစွာရရှိပြီး မိသားစုကို ထောက်ပံ့နိုင်သည်ဟုဆိုကာ လိမ်လည်ဖြားယောင်းပြီး စစ်သားအဖြစ် စုဆောင်းနေကြောင်း သိရသည်။
“သားကျောင်းတက်နေတဲ့အချိန်မှာ မိဘတွေလည်း သိပ်အဆင်မပြေတာလည်း ပါတာပေါ့။ တပ်ထဲကို လိုက်သွားရင် အဆင်ပြေသွားမယ်ထင်လို့။ သူတို့ပြောတဲ့ပုံစံက အဆင်ပြေသွားမယ့် ပုံစံကြီးဗျ” ဟု စစ်သားစုဆောင်းရေးတပ်မှ အိုင်အယ်လ်အို အကူအညီဖြင့် လတ်တလော လွတ်မြောက်လာသည့် ကလေးစစ်သားက ပြောကြားသည်။
အဆိုပါ ကလေးစစ်သားဖြစ်သူမှာ ဧရာဝတီတိုင်း အမာမြို့မှ (၁၀) တန်း တက်နေဆဲ (၁၆) နှစ်အရွယ် ကျောင်းသားတဦးဖြစ်ပြီး ၎င်းအား အမှတ် (၆၀၅) ခြေမြန်တပ်ရင်းမှ တပ်ကြပ်ကြီးတဦးက လေ့ကျင့်ရေးတပ်တွင် နေထိုင်လေ့ကျင့်ပြီးနောက် စစ်သား၊ ထို့နောက် တပ်ကြပ်ကြီးအဆင့်အထိ လစာဝင်ငွေ ခံစားခွင့် တလလျှင် ကျပ် (၁) သိန်းခွဲခန့် ရရှိပြီး နေစရာ အိမ်ရာလည်း ရမည် ဖြစ်သဖြင့် မိသားစုကို ခေါ်ယူထားနိုင်မည်ဟုဆိုကာ သိမ်းသွင်းခေါ်ယူ စုဆောင်းခဲ့ခြင်းဖြစ်သည်။
“တပ်ထဲမှာ (၂) လကြာတာပေါ့။ ပထမတော့ ကျနော့်ကို ခေါ်သွားတဲ့ အမှတ် (၆၀၅) ခြေမြန်တပ်ရင်းမှာ (၁) လ နေရတယ်။ နောက်တော့ ရေနီ လေ့ကျင့်ရေးတပ်မှာ (၁) လ။ နောက် ရေဒီယိုမှာ ကျနော် ပျောက်ကြောင်း ပါလာပြီးတော့ တပ်က လေ့ကျင့်ရေး သိပ်မလုပ်ခိုင်းတော့ဘူး” ဟု အဆိုပါ ကလေးစစ်သားက ဆက်ပြောသည်။
နာဂစ်မုန်တိုင်း နောက်ပိုင်း မိဘမဲ့ဖြစ်သွားသော ကလေးငယ်များနှင့် မိသားစု ဆင်းရဲချို့တဲ့သော ကလေးငယ်များကို စစ်သားများက နယ်လှည့်ပြီး စစ်သားအဖြစ် စုဆောင်းလာခြင်းဖြစ်သည်။
“တပ်ထဲမှာ ကျနော့်လို လူငယ်တွေ ရှိနေပါသေးတယ်။ ကျနော် ရှိနေတုန်းတောင် ထွက်ပြေးတာတွေ ရှိနေတယ်။ အုပ်စုဖွဲ့ပြီး ထွက်ပြေးတာတွေ။ ကျနော် တပ်ထဲရှိနေတုန်းတောင် ကျနော့်လို ကလေးတွေ (၆) ယောက် တခါ ထွက်ပြေးတယ်။ ပြန်မိတယ်” ဟု လွတ်မြောက်လာသူ အဆိုပါကလေးစစ်သားက တပ်တွင်းအတွေ့အကြုံကို ပြောကြားသည်။
ကလေးစစ်သားအရေး ဆောင်ရွက်နေသူများ အကူအညီဖြင့် မိဘရှိသူများက စစ်သားစုဆောင်းရေး တပ်တွင်း ရောက်ရှိသွားသည့် ကလေးငယ်များကို အိုင်အယ်လ်အို အကူအညီဖြင့် ပြန်လည်ကယ်တင်နိုင်ခဲ့သည်။
မိဘမဲ့ဖြစ်နေသော ကလေးစစ်သားများနှင့် ဆင်းရဲနွမ်းပါး မိဘများ၏ ကလေးငယ်များကိုမူ စစ်တပ်မှ မကယ်တင်နိုင်သေးကြောင်း ကလေးစစ်သားအရေး ကူညီဆောင်ရွက်ပေးနေသော လမ်းပြကြယ်အဖွဲ့မှ ရှေ့နေကြီး ဦးအေးမြင့်က ပြောကြားသည်။
Read More...
Summary only...
ပေါက်ပေါက်/ ၁ မတ် ၂ဝ၁ဝ(ခေတ်ပြိုင်)
ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့က ၎င်းတို့၏တောင်းဆိုချက် (၉) ချက်ကို နအဖက ပယ်ချနေသည့်ကြားကပင် လိုက်လျောပေးရန် ယမန်နေ့က ထပ်မံတောင်းဆိုလိုက်သည်။
နယ်ခြားစောင့်တပ်ဖွဲ့စည်းရေးအတွက် အကြောင်းပြန်ရန် နောက်ဆုံးသတ်မှတ်ရက်ဖြစ်သည့် ယမန်နေ့၌ ဝတပ်ဖွဲ့က ယင်းသို့ တောင်းဆိုလိုက်ခြင်းဖြစ်သည်။
နယ်ခြားစောင့်တပ်ဖွဲ့စည်းရေးကို မူအားဖြင့် လက်ခံကြောင်း၊ သို့သော် ဒေသငြိမ်းချမ်းရေးနှင့် ဖွံ့ဖြိုးတိုးတက်ရေး အကျိုးစီးပွားအတွက် ယမန်နှစ်၊ နိုဝင်ဘာ (၁၄) ရက်က တန့်ယန်းမြို့တွင် တင်ပြထားသည့် တောင်းဆိုချက် (၉) ချက်ကို လိုက်လျောပေးပါက နယ်ခြားစောင့်တပ်ကို လက်ခံသွားမည်ဖြစ်ကြောင်း ဝတပ်ဖွဲ့က အကြောင်းပြန်ခဲ့သည်ဟု ဝခေါင်းဆောင်များနှင့် နီးစပ်သူတဦးက ပြောသည်။
၎င်းက “ပြီးခဲ့တဲ့ နိုဝင်ဘာ တန့်ယန်းမှာ တောင်းဆိုထားတဲ့ (၉) ချက်ကိုပဲ ကြိုက်သည်ဖြစ်စေ၊ မကြိုက်သည်ဖြစ်စေ ထပ်ပြီးတောင်းဆိုရမယ်ဆိုတဲ့ ဆုံးဖြတ်ချက်အတိုင်း နေပြည်တော်ကို တင်လိုက်တယ်၊ ဟိုကတော့ ဘာမှမပြောဘူး။ ဘာဖြစ်လာမလဲ စောင့်ကြည့်ရမှာပေါ့” ဟု ပြောသည်။
မိုင်းပေါက်နှင့် မိုင်းဖြန်အား မိုင်းပေါက်မြို့နယ်အဖြစ် သတ်မှတ်ကာ ဝကိုယ်ပိုင်အုပ်ချုပ်ခွင့်ရ တိုင်းဒေသကြီးအတွင်း (၆) မြို့နယ် အစား (၇) မြို့နယ်အဖြစ် ဖွဲ့စည်းသွားရေး၊ ထိုင်း-မြန်မာနယ်စပ်ရှိ ဝတပ်ဖွဲ့များအခြေစိုက်ရာ ဝမ်ဟုန်စစ်ဒေသအား ဝအုပ်ချုပ်ခွင့်ရဒေသ ဖွဲ့စည်းရေး၊ ဝမ်ဟုန်နှင့် ပန်ဆန်းဟူ၍ စစ်ဒေသခွဲ (၂) ခု သတ်မှတ်ကာ စစ်ဒေသမှူးနှင့် စစ်ဦးစီးမှူးကို ဝတပ်ဖွဲ့က တာဝန်ယူရေး၊ ဒု-စစ်ဒေသမှူးနှင့် ဒု-စစ်ဦးစီးမှူးဟူ၍ (၂) ဦးစီ ထားရှိမည်ဖြစ်ပြီး (၁) ဦးစီကို နအဖဘက်က တာဝန်ယူရေး၊ တပ်ရင်းအဆင့်တွင် ဝတပ်ဖွဲ့ဝင်များဖြင့်သာ ဖွဲ့စည်းရေးဟူ၍ တောင်းဆိုထားသည်။
ထို့အပြင် ကျန်းမာရေး၊ သင်တန်းနှင့် ထောက်ပံ့ရေးကိစ္စအား နအဖဘက်က တာဝန်ယူရေး၊ နယ်ခြားစောင့်တပ်ဖွဲ့တွင် မပါဝင်တော့သည့် တပ်ဖွဲ့ဝင်များအား ပင်စင်လစာ (၅) နှစ်စာအတွက် တလုံးတခဲတည်း ပေးရေး၊ မိဘမဲ့ကလေးများနှင့် စစ်ပွဲများကြောင့် ကိုယ်လက်အင်္ဂါ ဆုံးရှုံးခဲ့ရသည့် ဒုက္ခိတများအား နအဖဘက်က ကူညီထောက်ပံ့ရေး၊ အသွင်ကူးပြောင်းပြီး နောက်ပိုင်း တရားဥပဒေချိုးဖောက်ခြင်း မရှိတော့လျှင် ယခင်က ဥပဒေချိုးဖောက်ခဲ့သူများနှင့် မည်သည့်အဖွဲ့တွင် ပါဝင်ခဲ့သူများကိုမဆို လွတ်ငြိမ်းချမ်းသာခွင့်နှင့် ၎င်းတို့၏အသက်အိုးအိမ်စည်းစိမ်ကို လုံခြုံမှုအာမခံချက်ပေးရန် စသည့်အချက်များကို ထည့်သွင်းတောင်းဆိုထားသည်။
၂ဝဝ၈ ဖွဲ့စည်းပုံအခြေခံဥပဒေအရ ဝတပ်ဖွဲ့၏ နယ်မြေများတောင်းဆိုမှုမှာ မဖြစ်နိုင်တော့ကြောင်း ယမန်နှစ် နိုဝင်ဘာနှင့် ယခုနှစ် ဖေဖော်ဝါရီတွင် တွေ့ဆုံစဉ်၌ နအဖဘက်က ပြောဆိုထားခဲ့သည်ဟု အဆိုပါ ဝခေါင်းဆောင်များနှင့် နီးစပ်သူက ပြောသည်။
၎င်းက “၂ဝဝ၈ ဖွဲ့စည်းပုံကို မြန်မာတပြည်လုံးက တခဲနက်ထောက်ခံထားပြီးသားပေါ့။ ဖွဲ့စည်းပုံကို ပြန်ပြင်လို့ မရတော့ဘူး ဆိုတဲ့အချက်နဲ့ ပယ်ချထားပြီးသား။ အဲဒါကို ထပ်တောင်းတယ်ဆိုတော့ ဝအနေနဲ့ နယ်ခြားစောင့်တပ်လုပ်ဖို့ အဆင်သင့် မဖြစ်သေးဘူးဆိုတာ ပြန်ပြောလိုက်တဲ့သဘောပဲ” ဟု ပြောသည်။
ဝတပ်ဖွဲ့ခေါင်းဆောင် ပေါက်ယူချန်အား တွေ့ဆုံဆွေးနွေးလိုကြောင်း နအဖဘက်က အကြိမ်ကြိမ် ကမ်းလှမ်းမှုကို ပယ်ချခဲ့ရာမှ ပြီးခဲ့သည့် ဖေဖော်ဝါရီ (၂၆) ရက်တွင် ရှမ်းပြည်မြောက်ပိုင်း၊ တန့်ယန်းမြို့၌ ပေါက်ယူချန်း ဦးဆောင်သည့် ဝကိုယ်စားလှယ်အဖွဲ့နှင့် စစ်ဘက်ရေးရာ လုံခြုံရေးအဖွဲ့အရာရှိချုပ် ဒု-ဗိုလ်ချုပ်ကြီး ရဲမြင့်တို့ တွေ့ဆုံစဉ် ဝ၏တောင်းဆိုမှုကို နအဖဘက်က ငြင်းပယ်ပြီးနောက် ယခုကဲ့သို့ ပြန်လည်တုံ့ပြန်လိုက်ခြင်းဖြစ်သည်။
Read More...
Summary only...
မင်းအောင်နိုင်(မဇ္ဈိမ)
ဝဋ်ဆိုသည် လည်တတ်၏။ မကြုံဖူးတုန်းကတော့ မယုံ။ ခုတော့ဖြင့် ကိုယ်တွေ့ကြုံသောအခါ ယုံရလေပြီ။ ကိုယ်တိုင်ကြုံတွေ့ ဝဋ်လည်ခံနေရသည်က ရန်ကုန်လူထု ဖြစ်လေသည်။ ၂ဝဝ၅ ခုနှစ် မတိုင်ခင်က အထိ ရန်ကုန်သားတို့ အခြားမြို့သား နယ်ကလူများအပေါ် မော်ကြွားခဲ့လေသမျှ ခုတော့ ဝဋ်ပြန်ခံနေရလေပြီ။
ရွှေမြို့တော်ကြီးသားဟု သွေးနားထင် ရောက်ကာ နယ်က တောသားများအပေါ် အထင်အမြင်သေးခဲ့သမျှ ဗိုလ်ဂျုတ်ကြီးလုပ်လိုက်မှ ခံရချက်နာကြလေပြီ။ ဗိုလ်ဂျူတ်ကြီးဟူသည်ကား တိုင်းပြည်ဘဏ္ဍာတော်များကို ရိတ်ရာတွင် နာမည်ကျော်သူ သက်ကြားအိုပင် ဖြစ်တော့သည်။ သူ၏ အစွမ်းကား ရန်ကုန်သားတို့ ဝဋ်လည်အောင် လုပ်နိုင်စွမ်း ရှိ၏။ ယခုပင်ကြည့် နေပြည်တော်ဟု အမည်သညာတွင်လေသော မြို့တော်သစ်ကြီး ပေါ်ထွန်းလာသည်မှ စတင်ကာ မြို့ရန်ကုန်သည် ဇနပုဒ်လုံးလုံး ဖြစ်ချေပြီ။ မီးမလာ၊ ရေမရ နိမ့်ကျလာသည့် လူမှုဘဝများက နေပြည်တော် ပျဉ်းမနားသားတို့၏ ဘဝများထက် နောက်ဆုံးသို့ ရောက်သွားရသကဲ့သို့ ဖြစ်ပေသည်။
တချိန်က မြို့ရန်ကုန်သို့ နယ်မှလူများ ရောက်လာပါက အံ့ချီးဘနန်း ရင်သပ်ရှုမော အထင်ကြီးခဲ့ရလေသမျှ ခုများတော့ နေပြည်တော်ကြီးက အဆတရာမက သာသွားလေပြီ။ ဝန်ကြီးဌာနများ မြို့ရန်ကုန်ကို ကျောခိုင်းနှုတ်ဆက် ထွက်သွားသည့်နောက် ဟိုတချိန်က ရွှေမြို့တော်ကြီးသည် တနေ့ထက်တနေ့ အဆင့်နိမ့်ကျလာခဲ့သည်မှာ ရန်ကုန်သူ၊ ရန်ကုန်သားတို့ ခံရချက်နာလှပေ၏။
လွန်ခဲ့ပြီးလေသော နှစ်များက အခြေအနေ မဆိုးလှသည့် လျှပ်စစ်မီးသည် ဌာနဆိုင်ရာများ သုံးစွဲမှုလျော့ကျသွားသည်တောင်မှ ကောင်းမလာဘဲ၊ ဆိုးသထက် ဆိုးလာသည်မှာ နားမလည်နိုင် ဖြစ်ကြရသည်။ သည်ရက်ပိုင်းအခြေအနေက အဆိုးဆုံးဖြစ်နေသည်။ ပို၍လည်း ဆိုးလာဦးမည်ဟု သိရပြန်သည်။ ဂက်စ်လိုင်းပေါက်သည်လည်း မကြား။ မိမိတို့ စစ်အစိုးရလက်ထက်တွင် ငြိမ်းချမ်းသာယာ ဝပြောလှပါပြီဆိုသည့် အကြားက သောင်းကျန်းသူဟု အမည်သညာ တပ်ခံရသူများကလည်း ဓာတ်အားတိုင်နားတောင် လာနိုင်ဟန် မတူသည့် အခြေအနေ ဖြစ်ပါလျက် ကိုယ်ရွှေလျှပ်စစ်မီးက မလာ။ လာပြန်ရင်လည်း ခဏ။ ဖြစ်ဟယ်၊ ပျက်ဟယ်၊ ပျက်ဟယ်နှင့် သံဝေဂတရားကို ထိုင်ရာမထ ရှုတတ်လျှင် ရအောင် စွမ်းသည်။
ဟိုတုန်းက မန္တလာသားတို့ကို “ချမ်းအေးပူအိုက်၊ ဖုန်ထူခြင်ကိုက်မြို့” ဟု ရန်ကုန်သားတို့ နှိမ့်ချပြောခဲ့လေသမျှ ခု ဝဋ်ပြန်လည်ခံနေရပြီ။ ရန်ကုန်သည်လည်း မီးနေသည် ရွှေပေါင်းဖို့ အဆင်သင့်လုပ်ထားပေးသလို ဖြစ်နေပြီ။ လမ်းများလည်း ဇရာထောင်း၊ “ပျက်မပြင် စည်ပင်ခင်ဗျ” ဟု ပြောရမလို မြို့တော်ဝန်ကြီးလည်း ဘယ်ဆီမှန်း မသိသော ရွေးကောက်ပွဲအတွက်သာ လုံးပမ်းနေတော့ဟန် ရှိသည်။ ရေသည်ပြဇာတ်ထဲမှ မိန်းမ၏ ထမီလို အပေါက်ဗရပွပေါ်က ကားများ ဖြတ်မောင်းလေသော ဖုန်တထောင်းထောင်း ထနေသော ရန်ကုန်လမ်းမများကား သန်းထွန်းလေး၏ မွေးဌာနီကို ကွက်ကွက်ကွင်းကွင်း မြင်ယောင်မိပေတော့သည်။
ရန်ကုန်မြို့တော်စည်ပင်သာ ယာရေးကော်မတီ ဆိုသည်ကြီးကလည်း အခွန်ကောက်ရာတွင် ဘတ်စ်ကားပေါ်က ခါးပိုက်နှိုက်လက်လို မြန်လှသော်လည်း ပြန်လည်ဆောင်ရွက်ပေးရန် ရှိသည်များကျတော့ ကျောက်ရုပ်ကို အဖေခေါ်ရမည့်နှယ် မတုန်မလှုပ် အိနြေ္ဒရလှသည်။
ရန်ကုန်က ရသမျှအခွန်အခတို့က ရန်ကုန်မြို့အတွက် ပြန်မသုံးရဘဲ ဗိုလ်ဂျုတ်ကြီး နန်းတည်လေရာ နေပူတော်မြို့ ခန့်သထက်ခန့်ငြား၊ ထည်သထက်ထည်ဝါစေရေး ပံ့ပိုးပေးရသည်ဟု ကြားသိရပေ၏။
“ကိုယ်ထူကိုယ်ထ” ဆိုသော အသုံးကို မည်သည့်ပညာရှိ ထွင်သွားသည် မသိသော်လည်း ရန်ကုန်သားတို့ကတော့ ကိုယ်ထူကိုယ်ထစနစ်ဖြင့် ယဉ်ပါးကာနေသည်မှာ ကြာကြာချေပြီ။ မီးမလာ ရေမရလျှင်လည်း ကိုယ့်ဘာသာကြံဆ၊ ရေမရလည်း ကိုယ့်ဘာသာကြံဆ၊ လမ်းပျက်လျှင်လည်း ကိုယ့်ဘာသာကြံဆဖြင့် စခန်းသွားနေကြရသည်မှာ ကြာမြင့်လှပေပြီ။
လျှပ်စစ်မီးပျက်ချိန် များလာ၍ မီးစက်ကြီးများ အပြိုင်အဆိုင် နှိုးကြရပုံများကဖြင့် အီရတ်စစ်ပွဲထဲ ရောက်နေသလို အာဖဂန်မှာ တာလီဘန်နှင့် သူနိုင်ကိုယ်နိုင် ကြဲနေသလိုပင် ဆူပွက်လှ၏။ နားများပင် လေးလာသည်ဟု မိမိကိုယ်တိုင် ခံစားမိ၏။ လေထုညစ်ညမ်းမှုကတော့ ဘယ်လိုတိုင်းထွာရမှန်းပင် မသိသောကြောင့် ရန်ကုန်သားတို့ စိတ်မပူလှ။ အက်ဆစ်မိုး ရွာသွန်းရင်ဖြင့် ဇော်ဝင်းထွဋ် နိမိတ်ဖတ်သည်ဟူ၍ အာဏာပိုင်တို့က လမ်းလွှဲချဦးမည့်ဟန် ကြိုမြင်ရလေသည်။
အက်ဆစ်မိုး လာမလာ မသေချာသော်လည်း ရန်ကုန်သားများအကြား အဆုတ်နာကတော့ တိုးပွားလာနေသည်ကြောင့် 3D Fund လည်း အပြေးအလွှား ဝင်ရောက်လာရသည်ကတော့ သေချာလှသည်။
ရန်ကုန် ဘဝပျက်နေသော်လည်း နေပူတော်မြို့မှာကတော့ မနာလိုစရာ ကောင်းလောက်အောင် အလျှံတညီးညီးနှင့် ငရဲမီးများအလား ဝင်းဝင်းပပ၊ ထိန်ထိန်ပြောင်နေသည်။ ဗိုလ်ဂျူတ်ကြီး သေလွန်သော သွားရာလမ်းအတွက် ကြိုတင်ပြင်ဆင်ပြီး လျှပ်စစ်မီးနှင့် အပူချိန်ခံနိုင်အောင် ကျင့်ကြံအားထုတ်နေဟန်ရှိသည်။
မြို့တော်ဟောင်း ရန်ကုန်တွင် တချိန်က ချမ်းသာခဲ့သမျှကိုလည်း ရွှေမြို့တော်သစ် နေပြည်တော်သို့ ပုံပေးလိုက်ရသဖြင့် ရန်ကုန်မြို့မှာ အခွံဗလာချည်းသာ ကျန်ပေတော့သည်။ မြန်မာ့ကျောက်မျက်ရတနာ ပြတိုက်၊ အမျိုးသားယဉ်ကျေးမှု ပြတိုက်များမှ ပစ္စည်းအဖုံဖုံနှင့် နေပြည်တော် တိရစ္ဆာန်ရုံတို့အတွက် ရန်ကုန်တိရစ္ဆာန်ဥယျာဉ်က အကောင်မျိုးစုံတို့အပြင် ရွှေ့ပြောင်းနိုင်သမျှ နေပြည်တော်သို့ သယ်မသွားကြလေသည်။ ရန်ကုန်မြို့မှ ရှေးဟောင်း အမွေအနှစ်လက်ရာ အဆောက်အအုံဟောင်းများကိုလည်း ထိန်းသိမ်းထားရမည်ကို လက်ညှိုးထိုး ရောင်းစားပစ်လေသည်မှာ မည်သူတွေ သပိတ်ဝင်အိတ်ဝင် ရသွားလေသည် မသိပေ။
ဗိုလ်ဂျုတ်ကြီးသည် မြို့တော်ဟောင်း ရန်ကုန်အပေါ် မည်သည့်အတွက်ကြောင့် အငြှိုးကြီးစွာ နှိပ်ကွပ်နေသည် မပြောတတ်တော့ပေ။ သူစိတ်ဆိုးရလေသည်ဟု ယူဆရလေသော အချက်မှာ ရန်ကုန်မြို့သားတို့က အာဏာရှင် စစ်အစိုးရ ဆင်းပေးရေး ဆန္ဒ ၄-၅ ခါလောက် ပြဖူးသည်သာ ရှိပါသည်။ ရန်ကုန်မြို့ကို စုတ်သထက် စုတ်၊ နိမ့်ကျသထက် နိမ့်ကျအောင် လုပ်ကာ နေပြည်တော် ရွှေမြို့တော်ကို ပြောင်းနေချင်စိတ် ပေါက်အောင်များ စနစ်တကျ အကွက်ချစီမံနေသည်လား မပြောတတ်တော့ပေ။ နေပြည်တော် ဒေသဖွံ့ဖြိုးရေး ဗိုလ်ဂျူတ်ကြီး မားကတ်တင်း ဆင်းပုံကတော့ ပြောပြရင် အောချလောက်ပါသည်။ လမ်းနာမည် နှစ်ခု ဆက်တိုက်ကို မှန်မှန်ကန်ကန် ရွတ်ရခက်လောက်လေသော ပဝေသနီဗာရာဏသီခေတ်က အမည်နာမများဖြင့် မြို့ကွက်သစ်များ ထပ်မံဖော်ထုတ်ကာ မြို့တော်သစ် နေပြည်တော်ကို ဝန်းရံစေပြန်သည်။
ရွှေမြို့တော်သစ် နေပြည်တော်ကြီး စည်သထက် စည်ကား၊ ဖွံ့ဖြိုးသထက် ဖွံ့ဖြိုးလာအောင် ဘက်ပေါင်းစုံက မြှင့်တင်ပေးကြရသည့် လုပ်ငန်းရှင်များဘဝကလည်း အရှုံးတော့ ရှိနိုင်မည် မဟုတ်ပါ။ နေပြည်တော် ရေပန်းဥယျာဉ်၊ နေပြည်တော် တိရစ္ဆာန်ရုံ၊ နေပြည်တော် အပန်းဖြေ စခန်းသာယာ၊ ရွှေတိဂုံပုံတူ စေတီတော်ကြီးနှင့် မကြာခင်ကမှ ဖွင့်ပြီးလေသော တိုင်းနှင့် ပြည်နယ်အနှံ့ရှိ အထင်ကရ နေရာအထိမ်းအမှတ် ပြကွက်များဖြင့် နေပြည်တော် Land Mark အပန်းဖြေဥယျာဉ်ကြီးတို့က ရန်ကုန်သားတို့အတွက် အလှမ်းဝေးသွားပေပြီ။
ရန်ကုန်သူ၊ ရန်ကုန်သားတို့ကို ယနေ့အချိန်တွင် “နယ်က လူတွေ” ဟု ကြပ်ပြေးနေပူတော်သားတို့က နှိမ့်ချခေါ်ဝေါ်နေလေပြီ။ သူတို့၏ နေပြည်တော် ရွှေမြို့တော်ကြီးမှာ ကမ္ဘာ့အလယ်တွင် မကောင်းသတင်းများနှင့် ပိုနာမည်ကျော်လေသော မြန်မာပြည်ကြီး၏ မြို့တော်ကြီး ဖြစ်လေသောကြောင့်ပင်။
နေပြည်တော်တွင် ခေတ်မီနိုင်ငံတကာ လေဆိပ်ကြီးလည်း ဆောက်နေပြန်ရာ ပြီးစီးပြီဆိုလျှင်ဖြင့် နိုင်ငံခြားခရီးသွားမည့်သူများ အဆိုပါလေဆိပ်ကနေများ ထွက်ရလေမည်လား မပြောတတ်။ မှန်းရခက်သော ဗိုလ်ဂျူတ်ကြီး၏ စိတ်က ထင်ရာမြင်ရာ စွတ်လုပ်တတ်၍ ဖြစ်မလာဘူး မပြောနိုင်။ နေပြည်တော်ထိ တူးမြောင်းဖောက်ကာ နိုင်ငံတကာ ဆိပ်ကမ်းတခုတော့ မတည်ဆောက်လောက်ဟုတော့ တွေးထင်မိပါသည်။ နေပျော်၊ သေပျော်စရာ ကောင်းလောက်အောင်တော့ နေပြည်တော်ကြီးကို ဖန်တီးတည်ဆောက်နေသည်မှာ မြင်သာလှပေ၏။ ရန်ကုန်မှာ မွေး၊ ရန်ကုန်မှာ လူဖြစ်ခဲ့သမျှ သူတွေမှာတော့ ခုအခါ လူဖြစ်ရှုံးသော ဘဝနှင့် ရင်ဆိုင်နေကြရပေပြီ။
တချိန်က မော်ကြွားခဲ့လေသမျှ ရန်ကုန်သားတို့ ခံစားနေရလေပြီ။ ဝဋ်ဆိုသည် လည်တတ်၏။
Read More...
Summary only...
.jpg)
.jpg)
