.jpg)
KIC သတင်းမှ....
ကရင်ပြည်နယ် တောင်ငူခရိုင်၊ သံတောင်ကြီးမြို့(ဘုရင့်နောင်တပ်မြို့) အခြေစိုက် နအဖ စစ်တပ်က အဆိုပါမြို့ရှိ ရပ်ကွက်(၅)ခု မှ ပြည်သူ ၅၀ဦးကို အောက်တိုဘာလ ၁၈ရက်နေ့က ပြည်သူ့စစ်သင်တန်းပေးနေသည်ဟု ကေအိုင်စီက စုံစမ်းသိရှိရသည်။
သံတောင်ကြီးမြို့တွင် နအဖ စစ်တပ် တောင်ပိုင်းတိုင်းစစ်ဌာနချုပ် လက်အောက်ခံတပ်ရင်း ခလရ(၁၂၄)နှင့် ခလရ(၆၀၃)တို့က အခြေစိုက်လျှက်ရှိပြီး ပြည်သူ့စစ်သင်တန်းပေးခြင်းနှင့် ပတ်သက်၍ အမည်မဖော်လိုသူ သံတောင်မြို့နယ် ဒေသခံတစ်ဦးက ကေအိုင်စီကို ယခုလို ပြောသည်။
သူက “သူတို့ကတော့ မြို့ကို ကာကွယ်ဖို့အတွက်တော့ ပြောတာပဲ။ သံတောင်ကြီးမြို့က ရပ်ကွက် ၁ကနေ ၅အထိပေါ့နော်။ တရပ်ကွက်ကို လူ ၁၀ ယောက်စီ။ မတက်ချင်လည်း တက်ရတယ်။ ဒါပေမဲ့ ကြောက်တာကိုး။ အရင်ကလည်း ဒီလို ပြည်သူ့စစ် သင်တန်းတွေပေးတာ ရှိခဲ့ပါတယ်။ အခုသင်တန်းက ဘယ်နှစ်ပတ် တက်ရမလဲတော့ ကျနော်လည်း မသိသေးဘူး။ အရင်သင် တန်းဆိုရင် တပတ်၊ နှစ်ပတ်၊ တလအထိ ရှိခဲ့ဖူးတယ်။”ဟု ပြောသည်။
တောင်ငူခရိုင်ရှိ နအဖ လှုပ်ရှားတပ်ဖွဲ့များသည် သံတောင်ကြီးမြို့၌ နှစ်စဉ် ပြည်သူ့စစ် ကောက်ခံမှုများရှိသည်ဟု တောင်ငူခရိုင် ကရင်အမျိုးသား လွတ်မြောက်ရေးတပ်မတော် (ကေအဲန်အယ်လ်အေ) တာဝန်ရှိသူတဦးက ယခုလို ပြောသည်။
သူက “ကျနော်တို့ သိသလောက်တော့ ပြည်သူ့စစ်ကောက်တာ နှစ်စဉ်ပါပဲ။ အနည်းဆုံး တယောက်ကို တနှစ် လုပ်ရတယ်။ အလှည့်ကျနဲ့သွားတယ်။ ဒီရွာမှာ သုံးယောက်ဆိုရင် နောက်နှစ်ဆိုရင် နောက်ထပ်သုံးယောက်ပေါ့။ ရွာကြီးရင်ကြီးသလို ငယ်ရင် ငယ်သလိုပေါ့။ ပြည်သူ့စစ် သင်တန်းမတက်ချင်ရင်တော့ ပိုက်ဆံနဲ့ငှားပေါ့။ တတ်နိုင်တဲ့ ရွာတွေက ပိုက်ဆံနဲ့ ပေးတာရှိတယ်။ တယောက်ကို နှစ်သိန်းသတ်မှတ်တော့ တရွာမှာ ၅ယောက်ဆိုရင် ၁၀သိန်းပေါ့။”ဟု ရှင်းပြသည်။
ဆက်လက်၍ သူက “ပြည်သူ့စစ်သင်တန်းဆင်းတဲ့ ရွာသားတွေကို သူတို့(နအဖ)လှုပ်ရှားတပ်ဖွဲ့ရဲ့ နောက်ကို လိုက်ရတယ်။ တပ်စိပ်တစိပ်အတွင်းမှာ နအဖ စစ်သား ၅ယောက်၊ ၆ယောက်ဆိုရင် ပြည်သူ့စစ်လည်း ၅ယောက်၊ ၆ယောက်ပဲ။ ရွာသားတွေ အသုံးချခံရတယ်။ ထန်းတပင်ဖက်က မြန်မာရွာသားတွေကတော့ ပြည်သူ့စစ်ထဲဝင်ရတာ၊ ၁၀နှစ်လောက်ရှိပြီ။ ဒီသံတောင်ကြီး မြို့မှာကျတော့ ၉၇နောက်ပိုင်းကနေ ခုထိပဲ။”ဟု ရှင်းပြသည်။
အိမ်ခြေ ၃,၀၀၀ရှိသည့် သံတောင်ကြီးမြို့ အနီးတ၀ိုက်တွင် ခ၀ယ်၊ ထီးတပူ၊ ခိုသေဒဲ၊ သူရယ်ဒဲ၊ ကသောပွယ်၊ လယ်ဂီခို့ (အ ထက်နှင့် အောက်ရွာ)၊ စဘားလော်ထီး၊ ခေါလောကား၊ ခယ်ဒဲကား၊ တဘာဖယ်(ရွာသစ်နဲ့ ရွာဟောင်း)၊ ကသွီးဒီး(ရွာသစ်နှင့် ရွာ ဟောင်း)၊ ကလယ်ပါခီး၊ ကရှီးခီး(အထက်နှင့်အောက်ရွာ)၊ ထီးပူခီး(အထက်နှင့်အောက်ရွာ)၊ အမီးလာခီးဆီး(မိုင်နှစ်ဆယ်)၊ အုတ်စစ်သုံးနှင့် ကလယ်မူဂါးရွာများ တည်ရှိသည်။
ဖော်ပြပါ ရွာများရှိရာဒေသ၌ လက်ရှိအချိန်တွင် နအဖ စစ်တပ်(စကခ) လက်အောက်ခံ တပ်ရင်းများ တပ်မဟာနှင့် ကေအဲန် အယ်လ်အေ တပ်မဟာ(၂)၏ တပ်ရင်း(၄)၊ (၅)နှင့် အထူးတပ်ရင်းများ ပုံမှန် လှုပ်ရှားသွားလာလျှက်ရှိသည်။
သံတောင်ကြီးမြို့သည် မေမြို့(ပြင်ဦးလွင်)ကဲ့သို့ တပ်မြို့တမြို့ဖြစ်ပြီး သင်တန်းကျောင်း လုံခြုံရေးနှင့် သံတောင်ကြီးမြို့၏ ဌာန ဆိုင်ရာရုံးများအတွက် လုံခြုံရေးအတွက် သီးသန့်စစ်တပ်များ အမြဲထားရှိသည်ဟု မြို့ခံများက ဆိုသည်။
နအဖ စစ်တပ်က ၁၉၉၇ခုနှစ်မှစ၍ သံတောင်ကြီးမြို့ကို ဘုရင့်နောင်တပ်မြို့အဖြစ် အမည်ပြောင်းလိုက်သည့်နောက် မြို့ကို စစ် သင်တန်းနယ်မြေတခုအဖြစ် အသုံးပြုလာကာ စစ်လေ့ကျင့်ရေးသင်တန်း၊ အကြပ်သင်တန်း၊ လက်နက်ကြီးသင်တန်း၊ အရာရှိ သင်တန်း(တပ်စုမှူး၊ တပ်ခွဲမှူး၊ တပ်ရင်းမှူးအဆင့် စသဖြင့်) ထားရှိသည့် နေရာဖြစ်သည့်အပြင် ရေဒါစခန်းလည်း ရှိသည်ဟု သိ ရသည်။
.jpg)
သံတောင်ကြီးမြို့ရှိ ပြည်သူ ၅၀ဦးကို စစ်တပ်က ပြည်သူ့စစ်သင်တန်း တက်ခိုင်း
ရန်ကုန်တိုင်းတွင် လုံခြုံရေး ပိုချထား
ခေတ်ပြိုင်မှ.......
ရန်ကုန်တိုင်းဒေသကြီး အတွင်းတွင် လုံခြုံရေး အတွင်းစည်း အပြင်စည်းများ ချထားကြောင်း ပြည်ထဲရေး (ရန်ကုန်ရုံး) မှ ရဲအရာထမ်းတဦးက ပြောသည်။
“အပြင်စည်း အတွင်းစည်း ဆိုတာကတော့ စစ်တပ်သုံးစကားပဲ။ အခုချတဲ့လုံခြုံရေးက ရဲရော၊ စစ်သားရော ချတာ။ အရင်ကဆို နေ့ဘက်မှာ ရဲလုံခြုံရေးချတာ။ အခုက ရွေးကောက်ပွဲမတိုင်ခင် ပြဿနာတွေဖြစ်မှာစိုးလို့ ရဲရော၊ စစ်သားရော လုံခြုံရေးချတာ။ တပ်မ(၇၇) ကလည်းပါတယ်” ဟု ၎င်းက ပြောသည်။
ညဘက်ထွက်သူများအား ယခင်ထက်စစ်ဆေးမှုများ ပြုလုပ်မည်ဖြစ်ကြောင်း၊ ပြီးခဲ့သည့်ရက်ပိုင်းအတွင်း၌ မြောက်ဥက္ကလာပမြို့နယ်တွင် ညမထွက်ရ အမိန့်များထုတ်ပြန်ထားပြီး ဧည့်စာရင်းကို တင်းကျပ်စွာစစ်ဆေးကြောင်း မြောက်ဥက္ကလာပမြို့နယ် ခေမာသီလမ်းနေ ပြည်သူတဦးက ပြောသည်။
ရန်ကုန်တိုင်းဒေသကြီးအတွင်း ရွှေပေါက္ကံမြို့နယ်၌ ပြီးခဲ့သည့် စက်တင်ဘာလအတွင်းက ရွေးကောက်ပွဲဆန့်ကျင်ရေး စာရွက်စာတမ်းများ ဖြန့်ဝေသည့်ကျောင်းသားများ အဖမ်းခံရပြီးသည့်နောက် မြောက်ဥက္ကလာပမြို့နယ်ကို ညမထွက်ရအမိန့် ထုတ်ခဲ့ခြင်း ဖြစ်သည်။
“ရွှေပေါက္ကံက မြောက်ဥက္ကလာပ အပိုင်ဖြစ်တယ်လေ၊ အဲဒါကြောင့် ဆက်စပ်ပြီးတော့ ညမထွက်ရဆိုတာ လုပ်လိုက်တာဖြစ်မယ်၊ ကျန်တဲ့ မြို့နယ်တွေတော့ ညမထွက်ရဘူးဆိုတာ မကြားမိဘူး” ဟု မြောက်ဥက္ကလာ (ည)ရပ်ကွက်သားတဦးက ပြောသည်။
ရန်ကုန်တိုင်းဒေသကြီးအတွင်း မြို့နယ်အလိုက် အဓိက လမ်းမကြီးများတွင် နေ့ဘက်၌ ရဲ အနည်းဆုံး (၂) ဦး မှ (၅) ဦးအထိ အစောင့်ချထားပြီး ညပိုင်း၌ လမ်းဆုံလမ်းခွများ၊ မီးပွိင့်များတွင် ယာဉ်အသွားအလာမှအစ လုံခြုံရေးအရ စစ်ဆေးမှုများ တင်းကျပ်စွာ လုပ်နေကြောင်း တက္ကစီယာဉ်မောင်းတဦးက ပြောသည်။
“ စီးပွားရှာရတာ မလွယ်ပါဘူးဗျာ။ မောင်းမကောင်းရတဲ့ကြားထဲ စစ်ဆေးရေးတွေက တမှောင့်ဖြစ်နေတယ်။ လမ်းတွေမှာ သံဆူးကြိုးတွေ ချပြီးတော့ (၄) လမ်းသွားဆိုရင် ဟိုဘက်တလမ်းပိတ် ဒီဘက်တလမ်းပိတ်ပြီးတော့ စစ်တယ်။ ဒါကြောင့် ယာဉ်ကြောကြပ်တယ်၊ ကြာတာပေါ့။ ခရီးမတွင်ဘူးလေဗျာ။ စစ်တာတွေကတော့ မီးသတ်ပါတယ်၊ အရပ်ဝတ်နဲ့ ရယက တွေပါတယ်၊ ရဲပါတယ်။ အခုတလော များလာတယ်ဗျ” ဟု တောင်ဥက္ကလာပမှ အငှားယာဉ်မောင်းတဦးက ပြောသည်။
နအဖ သည် ယခုနှစ်ရွေးကောက်ပွဲကို လာမည့်နိုဝင်ဘာ (၇) ရက်နေ့တွင် ကျင်းပမည်ဟု ကြေညာထားပြီး ရွေးကောက်ပွဲ မတိုင်မီ ဆူပူမှုများဖြစ်ပေါ်မည်ကို အလွန်စိုးရိမ်နေကြောင်း ရန်ကုန်တိုင်း အေးချမ်းသာယာရေးနှင့် ဖွံ့ဖြိုးရေးကောင်စီမှ အရာထမ်းတဦးထံမှ သိရသည်။
၎င်းက “အစိုးရအနေနဲ့ ၂၀၀၈ တုန်းကလည်း ဖွဲ့စည်းပုံအခြေခံဥပဒေကို အတည်ပြုတဲ့အခါ မဖြစ်မနေလုပ်သွားခဲ့တယ်။ အခုလည်း သူတို့ကရွေးကောက်ပွဲကို မဖြစ်မနေလုပ်မှာဖြစ်တဲ့အတွက် သူတို့အတွက် အပျက်ဖြစ်သွားမှာကို မလိုလားဘူး။ ဒါ့ကြောင့် အစစအရာရာ လုံခြုံရေးချထားတာဖြစ်တယ်။ ဒီလဆန်းက စပြီးတော့ အရင်ထက် လုံခြုံရေး တိုးလိုက်တယ်” ဟု ပြောသည်။
စစ်အစိုးရက နိုင်ငံတော်အလံအသစ် ပြောင်းလဲအသုံးပြု
ခေတ်ပြိုင်မှ............
နိုင်ငံတော်အလံသစ်ကို အစိုးရဌာနများနှင့် အခြားအဖွဲ့အစည်းများတွင် ယနေ့ ပြောင်းလဲတပ်ဆင်ကြပြီ ဖြစ်သည်။
၂၀၀၈ ဖွဲ့စည်းပုံအခြေခံဥပဒေ၌ အတည်ပြုထားသော နိုင်ငံတော်အလံသစ် လွှင့်တင်ပွဲကို မြို့တော်ဝန် ဦးအောင်သိန်းလင်း ကိုယ်တိုင် တက်ရောက်၍ စစ်တီးဝိုင်း ဘင်ခရာအဖွဲ့များဖြင့် နိုင်ငံတော်သီချင်း တီးမှုတ်ကာ အခမ်းအနားဖြင့် ယနေ့ ညနေ (၃) နာရီကျော်တွင် ကျင်းပခဲ့ကြောင်း စည်ပင်သာယာ ဝန်ထမ်းတဦးက ပြောသည်။
မြို့တော်ခန်းမရှေ့တွင် အလံသစ်ကို လာရောက်ကြည့်ရှုသူတဦးက “အလံတော် အသစ်တင်တာတဲ့၊ မမြင်ဖူးလို့ ကြည့်တာပါ” ဟု ပြောသည်။
ပြောင်းလဲ အသုံးပြုသည့် နိုင်ငံတော်အလံသစ်တွင် သုံးရောင်ခြယ် အ၀ါ၊ အစိမ်းရင့်၊ အနီရောင် အလယ်၌ ကြယ်ဖြူတစ်လုံး ပါရှိသည်။
နိုဝင်ဘာ (၇) ရက် ရွေးကောက်ပွဲ မတိုင်ခင် ဖွဲ့စည်းပုံအခြေခံဥပဒေကို စတင် အသက်သွင်းရန် ကြိုတင်ပြင်ဆင်မှုတရပ်အနေဖြင့် နိုင်ငံတော်အလံ အပြင် နိုင်ငံတော်အထိမ်းအမှတ် တံဆိပ်နှင့် နိုင်ငံတော်သီချင်းတို့ကိုလည်း ၂၀၀၈ ဖွဲ့စည်းပုံ အခြေခံဥပဒေပါ ဖော်ပြချက်အတိုင်း စတင်အသုံးပြုသွားမည် ဖြစ်ကြောင်း ယနေ့ မွန်းလွဲပိုင်း စစ်အစိုးရရေဒီယိုမှ ကြေညာသွားသည်။
တံဆိပ်အသစ်နှင့် နိုင်ငံတော်သီချင်းကို မည်သည့်နေ့ရက်တွင် စတင် အသုံးပြုမည်ကိုမူ ထုတ်ဖော်ပြောကြားခြင်း မရှိသေးချေ။
၂၀၀၈ခု ဖွဲ့စည်းပုံ အခြေခံဥပဒေသည် ၂၀၁၀ ရွေးကောက်ပွဲနောက်ပိုင်း ပေါ်ပေါက်လာမည့် ပြည်ထောင်စုလွှတ်တော်၏ ပထမအကြိမ် အစည်းအဝေး ကျင်းပချိန်မှသာ စတင်၍ အသက်ဝင်မည်ဖြစ်ရာ ယခုလုပ်ရပ်သည် လုပ်ပိုင်ခွင့် ချိုးဖောက်ခြင်းသာ ဖြစ်ကြောင်း ပြည်တွင်းမှ ဥပဒေဆိုင်ရာ ပညာပေးရေးသားနေသူ စာရေးဆရာကြီးတဦးက ဝေဖန်သည်။
"၂၀၀၈ အခြေခံဥပဒေက အာဏာစတည်တဲ့နေ့မှ စသုံးလို့ရမှာပေါ့။ အခုလုပ်ရပ်က တရားဥပဒေကို အာဏာနဲ့ မတရားမှု ကျူးလွန်လိုက်တာ၊ လုပ်ပိုင်ခွင့် ချိုးဖောက်လိုက်တာ ဖြစ်တယ်။ အသက်မဝင်သေးတဲ့ ဥပဒေပါ ဖော်ပြချက်တွေကို အသုံးပြုတာ ကြားလို့လည်း မကောင်းပါဘူး။ ဒါက လဲလိုက်လည်း တရားမဝင်ဘူး။ နိုင်ငံတော်အလံဆိုတာ ဥပဒေအတိုင်း မလုပ်ဘဲ အာဏာနဲ့ အတင်းပြောင်းခိုင်းလို့ရတဲ့ အလုပ်လည်း မဟုတ်ဘူးလေ” ဟု အဆိုပါ စာရေးဆရာက ပြောကြားသည်။
မြန်မာ့ဆိုရှယ်လစ် လမ်းစဉ်ပါတီ လက်ထက်က ၁၉၇၄ ခုနှစ် ဇန်နဝါရီ (၃) ရက်နေ့၌ စတင် အသုံးပြုလာခဲ့သော အနီအောက်ခံ၊ ညာဘက်ထိပ် အပြာရောင်လေးထောင့်တွင်းမှ ကြယ်ဖြူ (၁၄) လုံး ဝိုင်းရံထားသော စပါးနှံ ပါရှိသည့် နိုင်ငံတော်အလံအစား အသစ်ပြောင်းလဲ အသုံးပြုလိုက်ခြင်း ဖြစ်သည်။
အဆိုပါ နိုင်ငံတော်အလံအသစ်ကို နိုင်ငံတဝန်းလုံးရှိ အစိုးရဝန်ကြီးဌာန အပါအဝင် သက်ဆိုင်ရာနေရာအားလုံး အောက်တိုဘာ (၂၁) ရက်နေ့ မွန်းလွဲပိုင်း (၃) နာရီအချိန်တွင် လဲလှယ်အသုံးပြုသွားရန် ညွှန်ကြားထားကြောင်း ဟိုတယ်နှင့်ခရီးသွားလာရေးဝန်ကြီးဌာနမှ ဝန်ထမ်းတဦးက ပြောသည်။
၎င်းက “ဟိုတယ်တွေ၊ အစိုးရအဆောက်အဦတွေ အားလုံး ကိုယ့်ရဲ့ဌာနဆိုင်ရာ ရုံးတွေမှာ အလံသွားထုတ်ယူဖို့နဲ့ ဒီနေ့ ညနေ (၃) နာရီနောက်ပိုင်း အလံသစ်ကို လဲဖို့ ဒီမနက်ကပဲ ညွှန်ကြားချက် ထွက်လာတာ။ အခု ကျမ သိသလောက်က အားလုံး လဲပြီးနေပါပြီ” ဟု ခေတ်ပြိုင်သို့ ပြောကြားသည်။
မြဝတီနှင့် ဘုရားသုံးဆူကဲ့သို့ ထိုင်း-မြန်မာနယ်စပ်မြို့များရှိ အစိုးရအဆောက်အဦများတွင်လည်း နိုင်ငံတော်အလံသစ်ကို လဲလှယ်လွှင့်တင်ထားပြီ ဖြစ်ကြောင်း မြို့ခံတို့က ပြောသည်။
မြန်မာနိုင်ငံ လွတ်လပ်ရေး ရခဲ့သည့် ၁၉၄၈ ခု ဇန်နဝါရီ (၄) ရက်နေ့မှစ၍ ယနေ့လဲလိုက်သည့် နိုင်ငံတော်အလံ အပါအဝင် အလံ (၃) မျိုးရှိပြီဖြစ်သည်။
ယနေ့ စတင် အသုံးပြုလိုက်သည့် နိုင်ငံတော်အလံသစ်ကို နယ်ခြားစောင့် အသွင်ပြောင်းခဲ့သော တပ်ဖွဲ့တို့၏ စစ်ဝတ်စုံ လက်မောင်းတံဆိပ်၌လည်း မြန်မာ စစ်အစိုးရက ထပ်တူ အသုံးပြုခဲ့ပြီး ဖြစ်သည်။
ရွေးကောက်ပွဲအပြီး တိုင်းပြည် အခြေအနေ ကောင်းလာဖွယ်မရှိ
VOA သတင်းမှ...........
မြန်မာစစ်အစိုးရက ရှေ့လထဲ ကျင်းပဖို့ စီစဉ်ထားတဲ့ ရွေးကောက်ပွဲက တိုင်းပြည်မှာ ကြုံနေရတဲ့ ပြဿနာတွေကို ဖြေရှင်းနိုင်မှာ မဟုတ်ဘူးလို့ မြန်မာ့အရေး ကျွမ်းကျင်သူတွေ၊ လူ့အခွင့်အရေး လှုပ်ရှားသူတွေက ပြောဆိုလိုက်ကြပါတယ်။ ဒီမိုကရေစီရေး လိုလားတဲ့ နိုင်ငံရေး အင်အားစုတွေ ပါဝင်ခွင့် မရှိဘဲ ဖြစ်နေရသလို တိုင်းရင်းသား လူမျိုးစုတွေနဲ့ တင်းမာမှုတွေ ကြီးထွားလာနေတာ၊ လူ့အခွင့်အရေး ပြဿနာတွေ ရှိနေဆဲ အခြေအနေတွေဟာ ရွေးကောက်ပွဲ လုပ်ပြီးလို့ အစိုးရအသစ်တရပ် ပေါ်လာရင်တောင် တိုးတက်မယ့် အရိပ်အယောင် မမြင်ရဘူးလို့ အမေရိကန် ပြည်ထောင်စု ၀ါရှင်တန်မြို့တော်က နှီးနှောဖလှယ်ပွဲအတွင်း ပြောဆိုခဲ့ကြတာပါ။ အကြောင်းစုံကိုတော့ ဂျွန် ဟော့ပ်ကင်းစ် (John Hopkins) တက္ကသိုလ် နိုင်ငံတကာ အဆင့်မြင့် လေ့လာရေးဌာနမှာ ပြုလုပ်ခဲ့တဲ့ ဆွေးနွေးပွဲကို သွားရောက် သတင်းယူခဲ့တဲ့ ကိုအောင်လွင်ဦးက တင်ပြပေးထားပါတယ်။
ရွေးကောက်ပွဲလွန်ကာလ ရောက်တဲ့အခါ နိုင်ငံရေး၊ လူ့အခွင့်အရေး စတဲ့ အခြေအနေတွေ ပြောင်းလဲနိုင်တဲ့ အလားအလာတွေ ရှိမရှိ ဆိုတာကို ‘အရပ်သား အုပ်ချုပ်ရေး ပြန်ရောက်မှာလား’ ဆိုတဲ့ ခေါင်းစဉ်နဲ့ ဆွေးနွေးကြရာမှာ များများစားစား မျှော်လင့်နိုင်မှာ မဟုတ်ကြောင်း မြန်မာ့အရေး ကျွမ်းကျင်သူတွေ၊ လူ့အခွင့်အရေး လှုပ်ရှားသူတွေက ပြောဆိုခဲ့ကြတာပါ။ မြန်မာစစ်အစိုးရက ရွေးကောက်ပွဲကို လွတ်လပ်ပြီး တရားမျှတမယ့် အခြေအနေတွေ အောက်မှာ ကျင်းပပေးမှာ မဟုတ်သလို လွှမ်းမိုးနေဆဲဖြစ်တဲ့ နိုင်ငံရေး၊ လူ့အခွင့်အရေး ပြဿနာတွေဟာလည်း နောက်အစိုးရ ပေါ်လာရင်တောင် ဆက်လက် ခြိမ်းခြောက်နေဦးမှာ ဖြစ်တယ်လို့ ဆိုခဲ့ကြတာပါ။
ရွေးကောက်ပွဲက မျှော်လင့်ချက်တွေ ဆောင်ကြဉ်း မပေးနိုင်ဘူးလို့ ဆိုသူတွေထဲ ၁၉၉၈ ခုနှစ် စီးပွားရေး နိုဘယ်လ်ဆုရှင် အမ်မာတီယာ စန် (Amartya Sen) လည်း တဦးအပါအ၀င် ဖြစ်ပါတယ်။
“မြန်မာနိုင်ငံက ၀ါဒဖြန့်ချိမှုတွေအပေါ် အချေအတင် ဖြစ်ရတာတွေ၊ လေးနက်တဲ့ အဓိပ္ပာယ်တွေကြောင့် ဒီအတုအယောင် ရွေးကောက်ပွဲကို ထောက်ခံသူတွေ အနေနဲ့လည်း အကြီးအကျယ် စိတ်ရှုပ်စရာ ဖြစ်ကြရပါတယ်။ စစ်အစိုးရက အနိုင်ရဖို့ ကြိုတင်စီစဉ်ထားတဲ့ ရွေးကောက်ပွဲကလည်း ဒီကနေ့ ဒီအချိန် မြန်မာနိုင်ငံမှာ ကြုံနေရတဲ့ စိတ်ပျက်စရာ ရှုပ်ထွေးမှုတွေသာ ထပ်ဖြစ်လာမှာပါ။”
ငယ်စဉ်ဘ၀က မြန်မာနိုင်ငံမှာလည်း နေထိုင်ဖူးသူ နိုဘယ်လ်ဆုရှင် အမ်မာတီယာ စန်က မကြာခင် ကျင်းပမယ့် ရွေးကောက်ပွဲဟာ အာဏာပိုင်တွေက ဆိုနေသလိုမျိုး အပြောင်းအလဲတွေကို ဦးတည်စေမှာ မဟုတ်တဲ့အပြင် ဒီမိုကရေစီ ထွန်းကားရေးအတွက် အဟန့်အတားသာ ဖြစ်လိမ့်မယ်လို့လည်း ဆိုခဲ့တာပါ။ ဒီလို အခြေအနေမျိုးမှာ ရှေ့လကျင်းပမယ့် ရွေးကောက်ပွဲကနေ ဘာမှ မျှော်လင့်လို့ မရနိုင်ဘူးဆိုတာ သေချာတယ်လို့ ဆိုခဲ့သူ တဦးကတော့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ်အဖြစ် တာဝန်ယူခဲ့ဖူးသူ ပါမောက္ခ ပေါ်လို ဆာဂျီယို ပီညဲရိုး (Paulo Sergio Pinheiro) ပဲ ဖြစ်ပါတယ်။
“ဒီရွေးကောက်ပွဲဟာ အတုအယောင် အဖြစ်ပဲ ကျနော်ကတော့ သဘောထားပါတယ်။ ရွေးကောက်ပွဲအပြီး ဘာတွေ ဖြစ်လာလေမလဲ စောင့်ကြည့်ဦးမယ်ဆိုရင် ဒါဟာ အင်မတန် မှားယွင်းလိမ့်မယ်လို့လည်း ကျနော် ထင်ပါတယ်။ ကျနော်ကတော့ ရွေးကောက်ပွဲအပြီးမှာ ဘာတွေ ဖြစ်လာမလဲ ကြိုမြင်ပါတယ်။ အာဏာရှင် အုပ်ချုပ်မှု အောက်ကနေ စစ်မှန်တဲ့ အပြောင်းအလဲ ဘာတခုမှ ဖြစ်လာမှာ မဟုတ်ပါဘူး။”
စစ်အစိုးရက ရွေးကောက်ပွဲတွေ ကျင်းပတော့မယ် ဆိုနေပေမဲ့လည်း နိုင်ငံရေး အင်အားစုတွေ ကျယ်ကျယ်ပြန့်ပြန့် မပါဝင်နိုင်တာ၊ ရွေးကောက်ပွဲ ကျင်းပဖို့ ရက်ပိုင်းလောက်သာ ကျန်တော့တဲ့ အချိန်မှာပဲ တိုင်းရင်းသား လက်နက်ကိုင် အဖွဲ့အစည်းတွေနဲ့ တင်းမာမှုတွေ ကြီးထွားလာနေတာ တွေကလည်း ရွေးကောက်ပွဲ နောက်ပိုင်းမှာ အလားအလာ ကောင်းတွေတော့ မဟုတ်လှဘူးလို့ အကဲခတ်တွေ၊ ကျွမ်းကျင်သူတွေက ထောက်ပြကြပါတယ်။
ဗြိတိန်နိုင်ငံမှာ အခြေစိုက်ပြီး မြန်မာ့အရေး လှုပ်ရှားနေတဲ့ Burma Campaign UK အဖွဲ့က ဇိုယာဖန်းကတော့ ပြဿနာတွေဟာ အဆိုးဘက်ကိုတောင် ဦးတည်သွားစေနိုင်တယ်လို့ မြင်ပါတယ်။
“အခု ကျမတို့တိုင်းပြည် အခြေအနေကတော့ တော်တော်လေး ဆိုးဝါးနေတယ်လို့ ပြောလို့ရပါတယ်။ အခြေအနေကတော့ တိုးတက်မှု လုံးဝမရှိပါဘူး။ ဒီစစ်အာဏာရှင်တွေ လုပ်နေတဲ့ ရွေးကောက်ပွဲကလည်း ဒီပြဿနာတွေကို လုံးဝ ဖြေရှင်းနိုင်မှာ မဟုတ်ဘူး။ သူတို့လုပ်နေတဲ့ ရွေးကောက်ပွဲက ဒီပြဿနာကို ပိုပြီးတော့ ကြီးထွားလာနိုင်တယ်။
“ဘာဖြစ်လို့လဲဆိုတော့ သူတို့ရဲ့ အခြေခံဥပဒေကို ကြည့်တဲ့အချိန်မှာ တိုင်းရင်းသား အခွင့်အရေးတွေကို ဘာမှ သူတို့ အာမခံချက် မပေးပါဘူး။ တိုင်းရင်းသား လူမျိုးစုတွေ၊ အလားတူ အခြား အတိုက်အခံ အင်အားစုတွေကိုလည်း သူတို့ လုပ်ထားတယ်၊ ဖိနှိပ်မှုတွေကိုလည်း သူတို့ ဆက်လက်ပြီး လုပ်နေမယ်။ အဲဒါကြောင့် ကျမအမြင်မှာတော့ လာမယ့် ရက်ပိုင်းအတွင်း၊ လပိုင်းအတွင်းမှာဆိုရင် ပဋိပက္ခတွေ ပိုများလာမယ်။ ပြီးတော့ လူ့အခွင့်အရေး ချိုးဖောက်မှုတွေလည်း ပိုများလာမယ်။”
မြန်မာစစ်အစိုးရက နှစ်ပေါင်း ၂၀ အတွင်း ပထမဆုံးအကြိမ် ကျင်းပဖို့ စီစဉ်ထားတဲ့ ရွေးကောက်ပွဲဟာ တိုင်းပြည်မှာ အရေးပါတဲ့ လုပ်ငန်းစဉ်တရပ် အဖြစ်နဲ့ ဆွေးနွေးသူတွေက ယေဘုယျ လက်ခံကြတာမို့ ဒါကို မျက်ခြည်ပြတ်လို့ မဖြစ်နိုင်ဘူးလို့လည်း ဆိုကြတာပါ။ မြန်မာစစ်အစိုးရကတော့ တနင်္လာနေ့တုန်းကပဲ ရွေးကောက်ပွဲမှာ ပြည်ပက လေ့လာ အကဲခတ်သူတွေ၊ သတင်းမီဒီယာတွေ လာဖို့မလိုဘူးလို့ ပြောဆိုလိုက်ပါတယ်။ ဒီအတွက်လည်း ကုလသမဂ္ဂနဲ့ အမေရိကန် ပြည်ထောင်စု အပါအ၀င် နိုင်ငံတကာ အသိုင်းအ၀န်းက သံသယ ရှိနှင့်ပြီးသား ဖြစ်နေတဲ့ ရွေးကောက်ပွဲအပေါ် လက်ခံယုံကြည်နိုင်ဖို့ ခက်ခဲစရာ ပိုပြီးဖြစ်ရကြောင်း ပြောဆိုခဲ့ကြတာ ဖြစ်ပါတယ်။
တိုင်းရင်းဒေသ လူထုကျန်းမာရေး အခြေအနေ ဆိုးရွား
VOA သတင်းမှ.........
မြန်မာနိုင်ငံ အရှေ့ဘက်ခြမ်း တိုင်းရင်းသား လူမျိုးစု ဒေသတွေမှာ ကျန်းမာရေး ပြဿနာ အဆိုးဝါးဆုံး ရင်ဆိုင်နေရပြီး အမျိုးသမီးနဲ့ ကလေးတွေအကြား ကူးစက်ရောဂါ ဖြစ်ပွားနှုန်း ကမ္ဘာမှာ အမြင့်မားဆုံး ရောက်နေတဲ့အကြောင်း နယ်စပ်အခြေပြု လူထုကျန်းမာရေး အဖွဲ့အစည်းတွေက အစီရင်ခံစာ ထုတ်ပြန်လိုက်ပါတယ်။ အမျိုးသမီးနဲ့ ကလေးငယ်တွေ အများအပြား ကာကွယ် ကုသနိုင်တဲ့ ရောဂါတွေနဲ့ သေဆုံးနေပြီး အဲဒီလို ကျန်းမာရေး စောင့်ရှောက်ဖို့ ပျက်ကွက်တာဟာ လူသားဆိုင်ရာ ရာဇ၀တ်မှု ကျူးလွန်တာလို့လည်း အစီရင်ခံစာမှာ ဖော်ပြထားပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။
မြန်မာနိုင်ငံ အရှေ့ဘက်ခြမ်းမှာရှိတဲ့ လူထုကျန်းမာရေး အဖွဲ့အစည်းတွေက လူဦးရေ ၂၇,၀၀၀ ကျော်အပေါ် စစ်တမ်းကောက်ယူပြီး အရှေ့ဘက်ခြမ်းဒေသ တိုင်းရင်းသား နယ်မြေတွေဖြစ်တဲ့ ကရင်၊ ကယား၊ မွန် စတဲ့ ဒေသတွေမှာ လူတွေက ကျန်းမာရေး ပြဿနာတွေ ဆိုးဆိုးဝါးဝါး ခံစားနေရတဲ့အကြောင်း စစ်တမ်း ထုတ်ပြန်ခဲ့တာပါ။
အစီရင်ခံစာအရ အဲဒီဒေသမှာရှိတဲ့ ကလေးငယ်တွေရဲ့ ၄၀% က အာဟာရ ချို့တဲ့နေပြီး ကလေးတွေ သေဆုံးရခြင်း အကြောင်းရင်းရဲ့ ၆၀% က ကာကွယ် ကုသလို့ရတဲ့ ရောဂါတွေကြောင့် သေဆုံးနေတာလို့ ဖော်ပြပါတယ်။ ဒီနေ့ ထိုင်းနိုင်ငံ နိုင်ငံခြား သတင်းစာဆရာများ အသင်းမှာ ကျင်းပတဲ့ ဒီအစီရင်ခံစာ ထုတ်ပြန်တဲ့ အခမ်းအနားမှာ ထိုင်း၊ မြန်မာနယ်စပ် မယ်တော်ဆေးခန်းက ဆရာမ ဒေါက်တာ စင်သီယာမောင်က အခုလို ပြောပါတယ်။
“ဒီအစီရင်ခံစာဟာ စစ်နဲ့ ပဋိပက္ခတွေ ဖြစ်ပွားနေတဲ့ မြန်မာနိုင်ငံ အရှေ့ဘက်ခြမ်းက ပြည်သူတွေရဲ့ ကျန်းမာရေး အခြေအနေကို ထုတ်ဖော် ပြသလိုက်တာ ဖြစ်တဲ့အကြောင်း၊ အထူးသဖြင့် အမျိုးသမီးနဲ့ ကလေးငယ်တွေက ကျန်းမာရေး အခြေအနေ ဆိုးဆိုးဝါးဝါး ခံစားနေရပြီး ကမ္ဘာပေါ်မှာ အဆိုးဝါးဆုံး ရင်ဆိုင်နေရတဲ့အကြောင်း။” ဒေါက်တာ စင်သီယာမောင် ပြောသွားတာ ဖြစ်ပါတယ်။
အဲဒီ အရှေ့ဘက်ခြမ်း ဒေသမှာ စစ်အစိုးရဘက်က ကျန်းမာရေး အသုံးစရိတ် လျော့နည်းလာတာ၊ ပဋိပက္ခတွေ ကာလ ကြာနေတာနဲ့ လူတွေရဲ့ လူ့အခွင့်အရေး ချိုးဖောက်ခံရမှုတွေကြောင့် ကျန်းမာရေး အဆင့်အတန်းတွေ နိမ့်ကျနေရတာ ဖြစ်တယ်လို့ ဒေါက်တာ စင်သီယာမောင်က ပြောပါတယ်။
မြန်မာနိုင်ငံ အရှေ့ဘက်ခြမ်း ဒေသတွေမှာ အမျိုးသမီး ၁၄ ယောက်အနက် တယောက်နှုန်း ငှက်ဖျားရောဂါ ကူးစက်ခံရပြီး ကမ္ဘာပေါ်မှာ ကူးစက်ရောဂါ ဖြစ်ပွားမှု အမြင့်မားဆုံး အခြေအနေမှာ ရှိတဲ့အကြောင်း အစီရင်ခံစာက ထုတ်ဖော်ပါတယ်။
ကာကွယ် ကုသလို့ ရနိုင်တဲ့ ရောဂါတွေနဲ့ လူတွေ အသက်ပေါင်းများစွာ ဆုံးရှုံးနေရတာက လူသားဆိုင်ရာ ရာဇ၀တ်မှု ကျူးလွန်ခြင်းဖြစ်တယ် ဆိုပြီး မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေကို ကုလသမဂ္ဂက စုံစမ်းစစ်ဆေးရေး ကော်မရှင်တရပ် အရေးတကြီး ဖွဲ့စည်းဖို့ လိုအပ်တဲ့ အကြောင်းလည်း အစီရင်ခံစာက တောင်းဆိုပါတယ်။
လာမယ့် နိုဝင်ဘာလ ၇ ရက်နေ့ မြန်မာနိုင်ငံမှာ ရွေးကောက်ပွဲ ကျင်းပဖို့ ပြင်ဆင်နေတာကြောင့် အရပ်သား အစိုးရတရပ် ပြောင်းလဲသွားခဲ့မယ်ဆိုရင် ကျန်းမာရေး စောင့်ရှောက်မှု အခြေအနေတွေ ပိုပြီးတော့ တိုးတက် ကောင်းမွန်လာမယ်လို့ မျှော်လင့်ပါသလားဆိုပြီး သတင်းစာ ရှင်းလင်းပွဲမှာ မေးခွန်းထုတ်မှုတွေလည်း ရှိပါတယ်။ ရှမ်းအမျိုးသမီးရေးရာ အဖွဲ့က နန်းချမ်တောင်းက ဒီကိစ္စကို အခုလို ဖြေပါတယ်။
“မြန်မာနိုင်ငံ အရှေ့ဘက်ခြမ်း တိုင်းရင်းသား ဒေသတွေမှာ ပဋိပက္ခတွေ လျော့နည်းသွားမယ်ဆိုတဲ့ လက္ခဏာတွေ မတွေ့ရဘဲ စစ်အစိုးရက အပစ်အခတ် ရပ်စဲထားတဲ့ တိုင်းရင်းသား အဖွဲ့တွေကို နယ်ခြားစောင့်တပ်အဖြစ် အသွင်ပြောင်းဖို့ ဖိအားတွေ ပေးနေပြီး အဲဒီဒေသတွေမှာ ထိုးစစ်တွေဆင်ဖို့ ပြင်ဆင်နေတဲ့အတွက် လူ့အခွင့်အရေး ချိုးဖောက်မှုတွေ ဆက်ရှိနေဦးမှာဖြစ်ပြီး တိုင်းရင်းသားတွေအပေါ် ကျန်းမာရေး စောင့်ရှောက်မှု ကိစ္စကလည်း တိုးတက်လာဦးမှာ မဟုတ်တဲ့အကြောင်း။” နန်းချမ်တောင်းက ဖြေကြားသွားပါတယ်။
မကြာသေးခင်တုန်းက ဗွီအိုအေ မြန်မာပိုင်းက တွေ့ဆုံ မေးမြန်းရာမှာ ဒေါက်တာ စင်သီယာမောင်က တကယ်လို့ ရွေးကောက်ပွဲအပြီး အစိုးရတရပ် ပြောင်းလဲလာမယ် ဆိုရင်လည်း လူတွေရဲ့ လူမှုဘ၀ ဖူလုံရေးကို ဦးစားပေးမယ့် အစိုးရတရပ်ဖြစ်ဖို့ လိုတဲ့အကြောင်း အခုလို ပြောကြားခဲ့ပါတယ်။
“ကျန်းမာရေး ကောင်းမွန်လာမယ်၊ ပညာရေး ကောင်းမွန်လာမယ် ဆိုတာကတော့ ကျန်းမာရေး၊ ပညာရေးကဏ္ဍ တခုတည်း မဟုတ်တော့ဘဲ အထူးသဖြင့် ကျမတို့ လူထုတွေရဲ့ လူမှုဘ၀ လုံခြုံရေးပေါ့၊ စားနပ်ရိက္ခာ၊ ရေ၊ အိမ်သာ၊ ပြီးတော့ လိုအပ်တဲ့ တခြားသော နည်းပညာပိုင်း ဆိုင်ရာပဲဖြစ်ဖြစ်၊ သူတို့ရဲ့ ပူးပေါင်း လှုပ်ရှားမှုတွေပဲ ဖြစ်ဖြစ်၊ လွတ်လွတ်လပ်လပ်နဲ့ ပါဝင် ဆောင်ရွက်နိုင်တဲ့ အခြေအနေရှိမယ်၊ သူ့ဒေသအလိုက်မှာ ရှိနေတဲ့ တိုင်းရင်းသားတွေက ဖြစ်စေ၊ လူမှု အဖွဲ့အစည်းတွေက ဖြစ်စေ၊ ကိုယ့်ဒေသရဲ့ ပညာရေး၊ ကျန်းမာရေး စနစ်ကို ပါဝင်ပြီးတော့ ပူးပေါင်း ဆောင်ရွက်နိုင်တဲ့ အခွင့်အလမ်းတွေ အများကြီး ရှိမှသာလျှင် တိုးတက် ပြောင်းလဲမှာ ဖြစ်ပါတယ်။”
မြန်မာနိုင်ငံ အရှေ့ဘက်ခြမ်း ဒေသတွေမှာ အတင်းအဓမ္မ လုပ်အားပေး ခိုင်းစေမှုနဲ့ အဓမ္မ ပြောင်းရွှေ့ခံရမှုတွေ ဆက်ရှိနေဆဲဖြစ်ပြီး အဓမ္မ ပြောင်းရွှေ့ခံရတဲ့ မိသားစု ကလေးတွေမှာ အာဟာရချို့တဲ့မှု ၃ ဆဖြစ်ဖို့ အလားအလာ ရှိတဲ့အပြင် ၀မ်းရောဂါ ဖြစ်နိုင်တဲ့ အလားအလာလည်း ၆၀% ကျော် ပိုပြီးရှိတဲ့ အကြောင်းနဲ့ အဓမ္မ လုပ်အားပေး ခိုင်းစေခံရတဲ့ မိသားစုတွေမှာ တနှစ်အောက် ကလေးတွေရဲ့ သေဆုံးမှုနှုန်းကလည်း ၂ ဆခွဲ ပိုပြီး မြင့်မားနေတဲ့အကြောင်း အစီရင်ခံစာမှာ ဖော်ပြထားပါတယ်။
ကရင်နီနှင့် စစ်အစိုးရတပ် တိုက်ပွဲ စစ်တပ်မှ ၂ ဦး သေဆုံး
ကန္တာရ၀တီတိုင်း(မ်) မှ.....
ကရင်နီပြည် ဒီးမော့ဆိုမြို့နယ်တွင် အောတိုဘာလ ၁၆ ရက်နေ့က ကရင်နီတပ်မတော်နှင့် မြန်မာစစ်အစိုးရတပ်တို့အကြား တိုက်ပွဲ ဖြစ်ပွားခဲ့၍ စစ်အစိုးရတပ်ဘက်မှ တပ်ကြပ်ကြီး တဦးနှင့် တပ်သားတဦး ကျဆုံးခဲ့သည်။
ဗိုလ်ကြီး ဖဲဘူး ဦးဆောင်သော တပ်ရင်း ၂၊ တပ်ခွဲ ၂မှ ကရင်နီတပ်ဖွဲ့နှင့် ဗိုလ်ကြီး ဖြိုးမင်းဝင် ဦးဆောင်သော စစ်အစိုးရတပ် ခြေလျင် တပ်ရင်း (ခလရ) ၂၄၇ တို့သည် ဒီးမော့ဆိုမြို့နယ် ဒေါတမကျေးရွာအနီးတွင် နှစ်ဦးနှစ်ဘက် တွေ့ဆုံ၍ ပစ်ခတ်ခဲ့ကြခြင်း ဖြစ်သည်။
“ကျနော်တို့ ကရင်နီတပ်က နအဖတပ်ရဲ့ လက်နက် တလက်ကို သိမ်းဆည်းရမိခဲ့တယ်။ အဲဒီလက်နက်က ခုနှစ်ဆယ်ကိုးနဲ့ အမ်အေ တွဲထားတယ်” ဟု ကရင်နီတပ်မတော် ဗျူဟာမှူး ဗိုလ်မှူးကြီး ဘျားရယ်က ပြောသည်။
ဒေါတမကျေးရွာ အနီး၌ တပ်စွဲထားသော ခလရ ၂၄၇ သည် ၎င်းတို့၏ တပ်စခန်းမှ ထွက်ခွာသွားစဉ် ကရင်နီတပ်မတော်ဘက်မှ အလျင် တွေ့ဆုံကာ ပစ်ခတ်ခဲ့မှုကြောင့် ကရင်နီတပ်ဘက်မှ ထိခိုက်သေဆုံးမှု မရှိခဲ့ကြောင်း ကရင်နီ သတင်းနှင့် ပြန်ကြားရေးကော်မီတီ အဖွဲ့ဝင် တဦးက ပြောသည်။
၎င်းက “ရွာသူ၊သားတွေကိုတော့ ထိခိုက်မှု မရှိပါဘူး။ ဒါပေမဲ့ သူတို့ ပစ်ကြတဲ့ နေရာက စစ်တပ် တပ်စခန်းနဲ့ ရွာက နီးနီးလေးပဲလေ။ တိုက်ပွဲ ပြီးတဲ့အချိန်မှာ တိုက်ပွဲ ဖြစ်တဲ့ နေရာကို စစ်တပ် တပ်စခန်းမှ လှမ်းပစ်တော့ နေအိမ် နှစ်လုံးကို ထိသွားတယ်” ဟု ပြောသည်။
အောတိုဘာလ ၁ ရက်နေ့တွင်လည်း ရှားတောမြို့နယ်အတွင်း၌ စစ်အစိုးရတပ်နှင့် ကရင်နီတပ်မတော်တို့ ရင်ဆိုင်တိုက်ပွဲကြောင့် စစ်အစိုးရတပ်ဘက်မှ ၂ ဦး သေဆုံးပြီး ၃ ဦး ဒဏ်ရာရှိခဲ့သည်ဟု သိရသည်။
နှစ်ရက်အတွင်း တိုက်ပွဲ နှစ်ကြိမ်ဖြစ် နအဖ စစ်အရာရှိ သေဆုံး
သျှမ်းသံတော်ဆင့်သတင်း မှ....
ယခုလလယ်ပိုင်းက ကျေးသီးမြို့နယ် မိုင်းနောင်မြို့နယ်ခွဲ၌ နအဖစစ်တပ်နှင့် သျှမ်းပြည်တပ်မတော်အကြား တိုက်ပွဲ နှစ်ကြိမ် ဖြစ်ပွား ခဲ့ရာ ဗမာစစ်တပ်နှင့် ရဲတပ်ဖွဲ့ အနည်းဆုံး သုံးယောက် သေဆုံးကြောင်း စုံစမ်းသိရှိရပါသည်။
၁၇ ရက်နေ့က သျှမ်းစစ်သားလို့ ယူဆရတဲ့ နွားကျောင်းသား ဟန်ဆောင် လူတစုက ဗမာပုလိပ်စောင့်တဲ့ လမ်းကင်းဂိတ် စခန်းကို ၀င်တိုက်တယ်။ အဲဒီမှာ ပုလိပ် တယောက် သေတယ်” ဟု ဒေသခံဝန်ထမ်း တဦးက ပြောပါသည်။
အဆိုပါ ဂိတ်စောင့် ပုလိပ်တို့သည် အ၀င်အထွက် ယာဉ်ကြီး ယာဉ်ငယ်၊ ဆိုင်ကယ်၊ စက်ဘီး ခြေကျင်လျှောက်သူများ ပါမကျန် ပိုက်ဆံ တောင်းယူသဖြင့် ထိုကဲ့သို့ ပစ်ခတ်ခြင်း ခံရသည်ဟုလည်း ရွာသာများ ပြောကြသည်။
ယခုလ ၁၆ ရက်၌လည်း မိုင်းနောင်မြို့နယ်ခွဲ နမ့်မွန်း အခြေစိုက် ခလရ ၂၈၆ မှ ဗိုလ်ကြီးစည်သူနှင့် တပ်ကြပ်ကြီး မျိုးထွန်းက လူထုထံမှ မော်တော်ဆိုင်ကယ်တစီး ချောဆွဲမောင်းနင်ကာ မိုင်းနောင်မြို့ မြောက်ဘက် မိုင့်ဟိုင်းစဲန် သင်္ချိုင်းကုန်း အနီးအရောက် အင်အား ၅ ယောက်ပါ အဖွဲ့တဖွဲ့က အဲမ်ဘွတ်ရှ် ခြုံခိုတိုက်ခိုက်ခဲ့ကြောင်း သိရ၏။
“ဗိုလ်ကြီး စည်သူက ပွဲချင်းပြီး သေတယ်။ တပ်ကြပ်ကြီး မျိုးထွန်းတော့ ဒဏ်ရာအပြင်းအထန်နဲ့ ဆေးရုံ အသွားလမ်းမှာ သေသွားတယ်။ သူတို့ရဲ့ ၉ မမ တလက်၊ စကားပြောစက်တလုံး ပါသွားတယ်” မိုင်းနောင် ဒေသခံ တဦးက ပြောပြ၏။
လွယ်တိုင်းလျဲန်း အခြေစိုက် သျှမ်းပြည်တပ်မတော် ပြောခွင့်ရပုဂ္ဂိုလ် ဗိုလ်မှူး လောဝ်ဆိုင်ကမူ အဆိုပါ တိုက်ပွဲနှင့် ပတ်သက်၍ စိစစ်နေ တုန်းဟု သျှမ်းသံတော်ဆင့်သို့ ဖြေကြားပါသည်။
နောက်တရက် ၁၇ ရက်နေ့၌လည်း ကျေးသီးမြို့နယ် မိုင်းနောင်မြို့နယ်ခွဲတောင်ဘက် (၀မ့်စိမ်း-မိုင်းနောင်ကြား လက်နက်ကိုင်လူ ၄ ယောက် နွားကျောင်းသား ဟန်ဆောင်၍ ၄ ယောက်ခန့်ရှိ နအဖပုလိပ်စောင့် လမ်းကင်းဂိတ်ကို ၇၅ ကိုက် အကွာမှ တိုက်ခိုက်ခဲ့၏။ နှစ်မိနစ်ကြာ ပစ်ခတ်ပြီး အဆိုပါ လက်နက်ကိုင် နွားကျောင်းသားတို့ တပ်ဆုတ်သွားသဖြင့် ၎င်းတို့ဘက် အခြေအနေ မသိရကြောင်း၊ ဗမာပုလိပ် ၁ ယောက် သေဆုံးကြောင်း နအဖရဲတပ်ဖွဲ့နှင့် နီးစပ်သည့် အသိုင်းအ၀ိုင်းက ပြောပြပါသည်။
လူထုကို ကြံ့ခိုင်ရေးပါတီ မဲမပေးရေး စစ်သားတွေက တိတ်တဆိတ် တိုက်တွန်း
ခိုနူမ်းထုန် သတင်းဌာန
ချင်းပြည်နယ်မြောက်ပိုင်း ဖလမ်းမြို့၌ အခြေချတပ်စွဲသော ခလရ (၂၆၈) တပ်ရင်းရှိ စစ်သားတွေက ကြံ့ခိုင်ရေးပါတီကို မဲမပေးရန် ချင်းပြည်သူလူထုကို တိတ်တဆိတ် တိုက်တွန်းနေကြောင်း သိရသည်။
အခုလို စစ်သားများက ကြံ့ခိုင်ရေးပါတီကို မဲမပေးရန် တိုက်တွန်းရခြင်းမှာ စစ်အုပ်ချုပ်ရေးကို စစ်တပ် ကိုယ်တိုင် မလိုလား တော့ သောကြောင့် ဖြစ်ကြောင်း သိရသည်။
” ယခုလ ပထမပတ်က စစ်သားခုနှစ်ဦးနဲ့ ကျတော်တို့ ၅ ဦး လမ်းမှာဆုံတော့ ကျတော်တို့ကို ခဏထိုင်ခိုင်းတယ်၊ တပ်ကြပ်ကြီး က ကြံ့ဖွံ့ကို မဲပေးယင် စစ်တပ်ပဲ ပြန်အုပ်ချုပ်မှာ၊ လက်အောက်ငယ်သားစစ်သားတွေကလည်း ဒီကြံ့ဖွံ့ပါတီ ကို မဲမပေးဘို့ဆုံးဖြတ်ကြတယ်ကွ၊ ခင်ဗျားတို့ ချင်းပြည်သူတွေ လည်း အဲဒါသတိထားကြလို့ ပြောတယ်” ဟု ခရီးသွား ဧည့်သည်တဦးက ပြောသည်။
ဖလမ်းမြို့နယ် ဒေသခံတဦးက “ ကျနော်တို့ လမ်းမှာ တပ်ကြပ်ကြီးတဦးမှဦးဆောင်တဲ့ နယ်လှဲ့စစ်သား ခုနှစ်ဦးနဲ့ တွေ့ ဆုံခဲ့တယ်၊ စစ်သားများက ကျနော်တို့ကို ခဏထိုင်ပါအုံးဆိုလို့ ကျနော်တို့ ခရီးသည် ၅ ဦးတို့သည် စစ်သားတွေနဲ့ အတူ ထိုင်တော့၊ တပ်ကြပ်ကြီးက ကြံ့ခိုင်ရေးပါတီကို မဲမပေးပါနဲ့၊ သူတိုပါတီက အနိုင်ရရင်တော့ ဘယ်တော့မှအာ ဏာလက် လွတ်မှာ မဟုတ်ဘူး၊ သတိထားပါ ကျနော်တို့ အောက်တန်းကျတဲ့ စစ်သားများကလည်း ကြံ့ခိုင်ရေးပါတီကို မဲမပေးရန် ဆုံးဖြတ် ကြောင်း ကျနော်တို့ကို ပြောပြတယ်” ဟု ခိုနှုမ်းသုန်ကို ပြောသည်။
ဆက်လက်၍ တပ်ကြပ်ကြီးက “ ကျနော်တို့က မြန်မာလူမျိုးတွေဖြစ်တဲ့အတွက်ကြောင့် ရွေးကောက်ပွဲမှာ ဘယ်လိုအစိုးရ ဘဲတက်လာတက်လာ ကိစ္စမရှိဘူး၊ ကြံ့ခိုင်ရေးပါတီသာ အနိုင်ရရင်တော့ မင်းတို့ချင်းလူမျိုးတွေဟာ အခုအခြေအနေ ထက် ပိုဆိုးမယ်၊ ဒါကြောင့် ချင်းပါတီတခုခုကို မဲပေးကြပါ
ဆိုပြီးပြောသွားတယ်” ဟု ထပ်မှန်ပြောပြသည်။
ပြည်သူ့ရဲများ နှင့် အစိုးရဝန်ထမ်းမိသားစုများသည် ကြံ့ခိုင်ရေးပါတီကို မဲမပေးရန် တိတ်တဆိတ် အချင်းချင်း စည်းရုံးနေ ကြ ကြောင်းလည်း သတင်းရရှိ သည်။
ယခုလို စစ်သားများ၊ ပြည်သူ့ရဲများ၊ အစိုးရဝန်ထမ်းများ ကြံ့ခိုင်ရေးပါတီကို မဲမပေးလိုခြင်းမှာ တနှစ်ထက်တနှစ် ဝန်ထမ်း များ စားဝက်နေရေး ပိုမိုကြပ်တည်းလာခြင်း၊ လုပ်ငန်းခွင်အတွင်း ကျဉ်းကျပ်ပြီး လွတ်လပ်မှုမရှိခြင်းများကြောင့် ဖြစ်သည်ဟု သိရသည်။
” တလ ကျပ်ငွေ ၃ သောင်းကျော်ရတယ်၊ လစဉ် အနည်းဆုံး ၅ ထောင်အဖြတ်ခံရတယ်၊ ကျန်တဲ့ ငွေက ဒေသဆန် ၂ ပုံး စာ ပဲကျန်တယ်” ဟု သားသမီး ၅ ဦးအမေဖြစ်သူ မတူပီမြို့နယ်မှ မူလတန်း ကျောင်းဆရာမ တဦးက ပြောသည်။
ရွေးကောက်ပွဲ အကဲခတ်သူတွေ လာခွင့်မပြုတဲ့အပေါ် အမေရိကန်နဲ့ ကုလ ဝေဖန်
VOA သတင်းမှ...........
မြန်မာစစ်အစိုးရက ရှေ့လထဲ ကျင်းပဖို့ စီစဉ်ထားတဲ့ ရွေးကောက်ပွဲကို ပြည်ပက သတင်းမီဒီယာတွေ လာရောက် သတင်းယူ အကဲခတ်ခွင့် မပေးဖို့ ကြေညာလိုက်တဲ့အတွက် အများက လက်ခံနိုင်စရာတွေ ပိုလို့သာ ကင်းမဲ့စရာတွေ ဖြစ်ရကြောင်း အမေရိကန် ပြည်ထောင်စုနဲ့ ကုလသမဂ္ဂတို့က ပြောဆိုလိုက်ကြပါတယ်။ နိုဝင်ဘာ ၇ ရက်နေ့ ရွေးကောက်ပွဲတွေဟာ ပွင့်လင်း လွတ်လပ်မှု ရှိပါ့မလား စိုးရိမ်မကင်း ဖြစ်နေချိန်မှာ စစ်အစိုးရ အာဏာပိုင်တွေက အခုလို ကန့်သတ်မှုတွေ လုပ်ဖို့ ဆုံးဖြတ်လိုက်တာမို့ ပြစ်တင် ဝေဖန်သံတွေ နောက်ထပ် ထွက်ပေါ်လာတာလည်း ဖြစ်ပါတယ်။ အပြည့်အစုံကို ကိုအောင်လွင်ဦးက တင်ပြပေးထားပါတယ်။
မြန်မာနိုင်ငံဟာ ရွေးကောက်ပွဲနဲ့ ပတ်သက်လို့ အတွေ့အကြုံ အများအပြား ရှိပြီးဖြစ်တာမို့ ကျွမ်းကျင်သူတွေ၊ စောင့်ကြည့်သူတွေ မလိုပါဘူးလို့ အာဏာပိုင်တွေက ပြောလိုက်ပေမဲ့ နိုင်ငံတကာ အသိုင်းအ၀န်းကတော့ ဒါကို လက်မခံနိုင်ကြောင်း တုံ့ပြန်လိုက်ကြပါတယ်။ ပြည်ပက သတင်းမီဒီယာ သမားတွေ၊ အကဲခတ် လေ့လာသူတွေ စောင့်ကြည့်စရာ မလိုလောက်အောင် နိုင်ငံတကာ သံတမန်တွေ မျက်စေ့ရှေ့မှောက်မှာ ကျင်းပသွားမှာ ဖြစ်တယ်လို့ ရွေးကောက်ပွဲ ကော်မရှင် ဥက္ကဋ္ဌ ဦးသိန်းစိုးက နေပြည်တော်မှာ တနင်္လာနေ့က ကျင်းပတဲ့ သတင်းစာ ရှင်းလင်းပွဲအတွင်း ပြောခဲ့တာပါ။
ဒါပေမဲ့လည်း နိုင်ငံရေး အင်အားစုတွေ ကျယ်ကျယ်ပြန့်ပြန့် မပါဝင်နိုင်တာမ်ို့ ရွေးကောက်ပွဲဟာ လွတ်လပ်မှု မရှိနိုင်ဘူးလို့ ရှုမြင်ထားတဲ့ အမေရိကန် ပြည်ထောင်စု အနေနဲ့ကတော့ ဒီလုပ်ရပ်ကြောင့် ယုံကြည်မှုတွေ ပိုလို့သာ လျော့ပါးစေနိုင်တဲ့အကြောင်း နိုင်ငံခြားရေးဌာန ပြောခွင့်ရပုဂ္ဂိုလ် ပီဂျေ ခရော်လီ (P J Crowley) က တနင်္လာနေ့ သတင်းစာ ရှင်းလင်းပွဲအတွင်း ပြောလိုက်ပါတယ်။
“ဒါက ကံမကောင်း အကြောင်းမလှတဲ့ ကိစ္စတခု ဆိုပေမဲ့ ဒီရွေးကောက်ပွဲ အစီအစဉ်တွေနဲ့ ပတ်သက်လို့ တွေ့ရတဲ့ အခြေအနေတွေ တလျှောက်လုံးကို ကြည့်မယ်ဆိုရင် အံ့သြစရာတော့လည်း မရှိပါဘူး။ ဒီလုပ်ငန်းစဉ်ရဲ့ တစိတ်တပိုင်း အဖြစ်နဲ့ ပြင်ပက အကဲခတ်တွေကို လမ်းဖွင့်မပေးဘူးဆိုရင် ဒါဟာ အများလက်ခံ ယုံကြည်နိုင်စရာ ရှိလိမ့်မယ်လို့ ကျနော်တို့အနေနဲ့ ယူဆနိုင်မှာ မဟုတ်ဘူး ဆိုတာကိုလည်း ပြောထားပြီးသား ဖြစ်ပါတယ်။”
နိုဝင်ဘာ ၇ ရက် ရွေးကောက်ပွဲကို လွတ်လပ်ပြီး တရားမျှတတဲ့ အခြေအနေ ရှိမရှိ အကဲခတ်လိုတဲ့ သဘောထားတွေကို အရှေ့တောင်အာရှ နိုင်ငံများအသင်း (အာဆီယံ) နဲ့ ကုလသမဂ္ဂတို့လို ဒေသတွင်းနဲ့ နိုင်ငံတကာ အဖွဲ့အစည်းတွေက ပြောဆိုထားကြတာပါ။ ဒါပေမဲ့လည်း အခုအခါ ဒီလိုအခြေအနေမျိုး တွေ့ရမှာ မဟုတ်တာမို့ ဒါဟာ စိုးရိမ်ပူပန်စရာတွေ ဖြစ်လာလိမ့်မယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ရဲ့ ပြောခွင့်ရသူ တဦးဖြစ်တဲ့ ဖာဟန် ဟပ်က် (Farhan Haq) က နယူးယောက်မြို့ သတင်းစာ ရှင်းလင်းပွဲမှာ တနင်္လာနေ့ကပဲ ပြောခဲ့ပါတယ်။
“အတွင်းရေးမှူးချုပ် အနေနဲ့ ရွေးကောက်ပွဲကို အားလုံး ပါဝင်ခွင့်ရှိပြီး ပွင့်လင်းမြင်သာမှု ရှိရမယ်၊ လွတ်လပ် တရားမျှတရမယ်လို့ ပြောထားပြီးသားပါ။ ဒါကို ဆန့်ကျင်တဲ့ ကိစ္စမှန်သမျှဟာ စိုးရိမ်စရာ အကြောင်းတွေပဲ ဖြစ်ပါတယ်။”
မြန်မာနိုင်ငံက မဖြေရှင်းနိုင်သေးတဲ့ နိုင်ငံရေး ပြဿနာနဲ့ လက်နက်ကိုင် ပဋိပက္ခတွေဟာ အဓိက စိုးရိမ်စရာ ပြဿနာတွေ အဖြစ်နဲ့လည်း အတွင်းရေးမှူးချုပ်က အရင်တပတ်ထဲ ကုလသမဂ္ဂ အထွေထွေ ညီလာခံကို တင်သွင်းတဲ့ သူ့ရဲ့ အစီရင်ခံစာမှာ ဖော်ပြခဲ့တာပါ။
မြန်မာနိုင်ငံမှာ နှစ်ပေါင်း ၂၀ အတွင်း ရွေးကောက်ပွဲတွေ ပထမဆုံးအကြိမ်အဖြစ် ကျင်းပမယ်လို့ ကြေညာပြီး နိုင်ငံရေး ပါတီတွေကို မှတ်ပုံတင်ခွင့်ပေး၊ ပါဝင်ခွင့် ပြုခဲ့ပေမဲ့ ပြဋ္ဌာန်းထားတဲ့ ဥပဒေတွေ၊ အစီအမံတွေဟာ တရားမျှတမှု မရှိဘူးဆိုပြီး အဓိက အတိုက်အခံ နိုင်ငံရေးပါတီ တခုဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီက မှတ်ပုံတင် ယှဉ်ပြိုင်တာတွေ မလုပ်ဖို့ ဆုံးဖြတ်ထားတာ ဖြစ်ပါတယ်။
အမေရိကန် ပြည်ထောင်စု အနေနဲ့ကတော့ စေ့စပ်ညှိနှိုင်းနိုင်တဲ့ လမ်းစတွေ ရှိနေဆဲလို့ ယုံကြည်ထားကြောင်း နိုင်ငံခြားရေးဌာန ပြောခွင့်ရသူ ပီဂျေ ခရော်လီက ပြောခဲ့တာပါ။
“ကျနော်တို့ ဖြစ်စေချင်တာကတော့ လွတ်လပ်ပွင့်လင်းတဲ့ ရွေးကောက်ပွဲ ဖြစ်စေဖို့နဲ့ ဒီလုပ်ငန်းစဉ်ရဲ့ တစိတ်တပိုင်းအဖြစ် မြန်မာ့လူ့ဘောင် အသိုင်းအ၀ိုင်းထဲမှာ ဆွေးနွေးပြောဆိုမှုတွေကို တိုးပြီး လုပ်ဆောင်တာတွေလို အခွင့်အလမ်းမျိုးတွေကို အရယူစေချင်ပါတယ်။”
မကြာခင် ကျင်းပမယ့် ရွေးကောက်ပွဲမှာတော့ တသီးပုဂ္ဂလ ၈၂ ယောက် အပါအ၀င် ကိုယ်စားလှယ်လောင်း ၃,၁၅၃ ယောက်က မဲဆန္ဒနယ်မြေပေါင်း ၁,၁၅၈ ခုမှာ ယှဉ်ပြိုင်ကြမှာ ဖြစ်တယ်လို့ ကော်မရှင် ဥက္ကဋ္ဌ ဦးသိန်းစိုးက ပြောပါတယ်။ မဲပေးခွင့်ရှိသူ ၂၉ သန်းကျော် အနေနဲ့ နိုင်ငံတ၀န်းက မဲရုံပေါင်း ၄၀,၀၀၀ မှာ ဆန္ဒအလျောက် မဲပေးနိုင်ကြမှာ ဖြစ်တယ်လို့လည်း ဆိုခဲ့တာပါ။
ဒါပေမဲ့လည်း ရွေးကောက်ပွဲတွေ ကျင်းပဖို့ သီတင်း ၃ ပတ်လောက်သာ လိုတော့တဲ့ အချိန်မှာ ပြင်ပက အကဲခတ် စောင့်ကြည့်သူတွေ၊ သတင်းမီဒီယာတွေကို လက်မခံဖို့ ငြင်းဆန်လိုက်တာဟာ လွတ်လပ်ပြီး မျှမျှတတ ဆောင်ရွက်သွားဖို့ ဆန္ဒမရှိကြောင်း ပြသလိုက်တာသာ ဖြစ်တယ်လို့ နိုင်ငံတကာ သတင်းလွတ်လပ်ခွင့်ကို စောင့်ကြည့် အကဲခတ်နေတဲ့ ပြင်သစ်နိုင်ငံ အခြေစိုက် နယ်စည်းမခြား သတင်းသမားများအဖွဲ့ (RSF) ကလည်း ပြောဆိုခဲ့တာ ဖြစ်ပါတယ်။
ခရစ်ယာန်သာသနာပြုများကို အသုံးချ၍ ကြံ့ဖွံ့မဲဆွယ်
ဧရာဝတီ သတင်းမှ..............
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (ကြံ့ဖွံ့ပါတီ) ၏ မင်္ဂလာတောင်ညွန့် မြို့နယ် ပြည်သူ့ လွှတ်တော် ကိုယ်စားလှယ်လောင်း အဖြစ် ရွေးကောက်ပွဲဝင်မည့် အလုပ်သမားဝန်ကြီး ဦးအောင်ကြည် သည် ခရစ်ယာန် သာသနာပြုများကို အသုံးချပြီး မဲဆွယ်နေသည်ဟု သိရှိရသည်။
ဦးအောင်ကြည်သည် ခရစ်ယာန်သာသနာပြု ဂေဟာတခုသို့ သွားရောက်လည်ပတ်စဉ် သာသနာပြု ပုဂ္ဂိုလ်များနှင့်အတူ ရိုက်ကူးထားသော ဓာတ်ပုံများကို ၎င်း၏ မဲဆွယ်လှုပ်ရှားမှု ကြော်ငြာဆိုင်းဘုတ်များတွင် ထည့်သွင်းထားခြင်းဖြင့် ဘာသာရေးကို အသုံးချကာ ခရစ်ယာန်ဘာသာဝင်များ စိတ်ဝင်စားလာစေရန် မဲဆွယ်နေသည်ကို တွေ့ရသည်။
“လမ်းဆုံလမ်းခွ၊ မီးပွိုင့်တွေမှာ ခရစ်ယာန်သာသနာပြု ပုဂ္ဂိုလ်တွေနဲ့အတူ ရိုက်ထားတဲ့ ဓာတ်ပုံတွေကို ပုံကြီးချဲ့ပြီး ကြော်ငြာဆိုင်းဘုတ်ထဲမှာ ထည့်သုံးထားတယ်။ ဓာတ်ပုံအပေါ်မှာ လူမျိုးဘာသာခြား အားလုံးနဲ့ တစိတ် တ၀မ်းတည်းရှိနေပြီး အားလုံး စိတ်ချမ်းသာရအောင် ကူညီနေတာ ဘယ်သူလဲဆိုတဲ့ စာသားကို ထင်ထင်ရှားရှား ရေးထားတယ်” ဟု မင်္ဂလာ တောင်ညွန့် မြို့နယ်မှ သတင်းထောက် တဦးက ပြောသည်။
ရန်ကုန်မြို့ပေါ်ရှိ ခရစ်ယာန်အသိုင်းအ၀န်းက ဦးအောင်ကြည်၏ လုပ်ရပ်အပေါ် စိတ်မချမ်းမသာ ဖြစ်နေကြပြီး ဘာသာရေးကို အသုံးချမဲဆွယ်သော လုပ်ရပ်အဖြစ် ရှုမြင်ကြကြောင်း သိရသည်။
“သာသနာ့ဝန်ထမ်းတွေ နိုင်ငံရေးလုပ်ခွင့်၊ မဲပေးခွင့်မရှိဘူးလို့ ရွေးကောက်ပွဲဥပဒေမှာ တရားဝင် ပြဌာန်းထားတယ်။ သာသနာ့ဝန်ထမ်းတွေထဲမှာ ဗုဒ္ဓဘာသာဝင်၊ ခရစ်ယာန်နဲ့ ဟိန္ဒူဘာသာဝင် သာသနာ့ဝန်ထမ်းတွေ ပါတယ်လို့ ဥပေဒမှာ ရေးထားတယ်။ ဦးအောင်ကြည် မလုပ်သင့်တဲ့လုပ်ရပ်ကို လုပ်လိုက်တာပဲ ” ဟု ရန်ကုန်အခြေစိုက် ကရင်နှစ်ခြင်း သင်းအုပ်ဆရာ တဦးက ပြောသည်။
မင်္ဂလာတောင်ညွန့် မြို့နယ်တွင် ဦးအောင်ကြည်နှင့်အပြိုင် ရွေးကောက်ပွဲဝင်မည့် ပြည်သူ့ လွှတ်တော် ကိုယ်စားလှယ်လောင်း တဦးဖြစ်သူ ဒီမိုကရက် တစ်ပါတီ (မြန်မာ) ၏ ဥက္ကဋ္ဌ ဦးသုဝေ ကလည်း ဦးအောင်ကြည်၏လုပ်ရပ်သည် ဘာသာရေးကို နိုင်ငံရေးအတွက် အသုံးချခြင်းဖြစ် သည်ဟု ဆိုသည်။
“ဒါ မဲရဖို့ ဘာသာရေးကို အလွဲသုံးစားလုပ်တာ” ဟု ဦးသုဝေက ပြောသည်။
တခြားသော နိုင်ငံရေးသမားတဦးကမူ ဘာသာရေးနှင့် နိုင်ငံရေး ပေါင်းစပ်ယှက်နွှယ်ခြင်းသည် အန္တရာယ်ကြီးသော လုပ်ရပ်တခုဖြစ်ပြီး နိုင်ငံရေးမတည်ငြိမ်မှုများ ဖြစ်လာနိုင်ကြောင်း သုံးသပ်သည်။
ကြံ့ဖွံ့ပါတီ၏ တောင်ဥက္ကလာပမြို့နယ် ပြည်သူ့လွှတ်တော် ကိုယ်စားလှယ်လောင်းအဖြစ် အရွေးချယ်ခံမည့် ရန်ကုန်မြို့တော်ဝန် ဦးအောင်သိန်းလင်းသည်လည်း ဘာသာရေးကို အသုံးချကာ မဲဆွယ်ခြင်းများ ပြုလုပ်ခဲ့သည်။
တောင်ဥက္ကလာပ ၇ ရပ်ကွက်၊ သီရိဇေယျာလမ်းရှိ ဆောက်လုပ်မှု ရပ်ဆိုင်းခံထားရသော ဗလီကြီးကို အစ္စလမ် ဘာသာဝင်များထံမှ ဆန္ဒမဲများ ရရှိရေးအတွက် ဦးအောင်သိန်းလင်းက ပြန်လည်ဆောက်ခွင့်ပေးခဲ့ရာ ဗုဒ္ဓဘာသာဝင်များနှင့် မစ္စလမ် ဘာသာဝင်များ အကြား တင်းမာမှုများဖြစ်ပေါ်ခဲ့သည်။
နိုင်ငံရေး ပါတီများ မှတ်ပုံတင်ခြင်းဥပဒေ အခန်း ၂၊ ပုဒ်မ ၆ (င) တွင် ဘာသာရေးကို နိုင်ငံရေးအတွက် အလွဲသုံးစား မပြုလုပ်ရဆိုသော စည်းကမ်းချက်ကို ထည့်သွင်းထားပြီး ရွေးကောက်ပွဲဥပဒေ အခန်း ၁၃၊ ပုဒ်မ ၅၈ (ဂ) တွင်
လူမျိုးရေး၊ ဘာသာရေးကို အကြောင်းပြ ဆန္ဒမဲပေးရန်၊ ဆန္ဒမဲမပေးရန်လည်းကောင်း ဟောပြော၊ ပြောဆို၊ ကြေညာချက် ထုတ်ပြန်ခြင်းနှင့် လှုံ့ဆော်ခြင်းများ ပြုလုပ်လျှင် တနှစ်ထက်မပိုသော ထောင်ဒဏ်၊ တသိန်းထက် မပိုသော ငွေဒဏ်နှင့် ဒဏ်နှစ်ရပ်စလုံး ချမှတ်နိုင်ကြောင်း တရားဝင်ပြဌာန်းထားသည်။
ဦးအောင်ကြည်သည် မင်္ဂလာတောင်ညွန့် မြို့နယ် နေရာအနှံ့အပြားတွင် ၎င်း၏ ဓာတ်ပုံများကို ပုံကြီးချဲ့ ထည့်သွင်း ရိုက်နှိပ်ထားသော ကြော်ငြာ ဆိုင်းဘုတ်မြောက်မြားစွာကို ချိတ်ဆွဲထားပြီး ရပ်ကွက်တိုင်းတွင် ဦးအောင်ကြည်၏ ကြော်ငြာ ဆိုင်းဘုတ်များ ရှိနေသည်ကို တွေ့ရသည်။
အလုပ်သမားဝန်ကြီးနှင့် ဆက်ဆံရေးဝန်ကြီးအဖြစ် တာဝန်ထမ်းဆောင်နေသော ဦးအောင်ကြည်သည် ဗိုလ်ချုပ်အောင်ကြည်၊ မင်းဗထူးဟူသော ကလောင်အမည်များဖြင့် စီမံခန့်ခွဲမှုနှင့် ခေါင်းဆောင်မှုဆိုင်ရာ စာအုပ် ၆ အုပ်ရေးသားထုတ်ဝေခဲ့ပြီး တူဒေးစာအုပ်တိုက်က ထုတ်ဝေသော CEO မဂ္ဂဇင်းတွင် စီမံခန့်ခွဲမှုဆိုင်ရာ ဆောင်းပါးများ ပုံမှန် ရေးသားနေသူဖြစ်သည်။
ဦးအောင်ကြည်သည် ကြံ့ဖွံ့ပါတီပြည်သူ့လွှတ်တော် ကိုယ်စားလှယ်လောင်းများ ဖြစ်ကြသည့် တခြားသော စစ်အစိုးရ ၀န်ကြီးများနှင့်မတူဘဲ မဲဆွယ်လှုပ်ရှားမှုများ ပြုလုပ်ရာတွင် အွန်လိုင်း ဝက်ဘ်ဆိုက် တခုလွှင့်တင်ထားပြီး မဲဆွယ်ဝက်ဘ်ဆိုက် ကို ၎င်း၏ ကလောင်ခွဲတခု ဖြစ်သော မင်းဗထူး အမည်ဖြင့် လွှင့်တင်ထားကြောင်း သိရသည်။
ဦးအောင်ကြည်၏ ဝက်ဘ်ဆိုက်မှာ www.minbahtoo.com ဖြစ်ပြီး အဆိုပါ ဝက်ဘ်ဆိုက်တွင် ဦးအောင်ကြည်၏ ကိုယ်ရေးအကျဉ်း၊ ခံယူချက်၊ ရေးသားပြီးစာအုပ်များ၊ လုပ်ဆောင်ချက် ဓာတ်ပုံများ၊ ဆက်သွယ်ရန် အီးမေးလ်လိပ်စာ အပါအဝင် ဦးအောင်ကြည်နှင့် ပတ်သက်သော အကြောင်းအရာများ အားလုံးကို ထည့်သွင်းဖော်ပြထားသည်။
မင်္ဂလာတောင်ညွန့်မြို့နယ်၏ ပြည်သူ့လွှတ်တော် ကိုယ်စားလှယ်နေရာအတွက် ကြံ့ဖွံ့ပါတီမှ ဦးအောင်ကြည်နှင့်အတူ ဒီမိုကရက်တစ်ပါတီ (မြန်မာ) ၏ ဥက္ကဋ္ဌဦးသုဝေ၊ တစ်သီးပုဂ္ဂလ ဦးလှမျိုးမြင့်၊ တိုင်းရင်းသား စည်းလုံးညီညွတ်ရေး ပါတီမှ ဦးခင်မောင်လွင်၊ အမျိုးသားဖွံ့ဖြိုး တိုးတက်ရေး ဒီမိုကရက်တစ်ပါတီမှ ဦးဇော်ဝင်း စုစုပေါင်း ၅ ဦး ၀င်ရောက် အရွေးချယ်ခံကြမည် ဖြစ်ကြောင်း သိရသည်။
နအဖတပ်နှင့် ဒီကေဘီအေအကြား တင်းမာမှု ဗိုလ်ချုပ်သက်နိုင်ဝင်း ဖြေရှင်းမည်
KIC သတင်းမှ............
ကရင်ပြည်နယ်စပ် မြ၀တီမြို့တွင် ဆက်လက်တင်းမာနေဆဲဖြစ်သည့် နအဖစစ်တပ်နှင့် ဒီကေဘီအေတို့ကြား ပြဿနာကို ကာ ကွယ်ရေးဝန်ကြီးဌာန စစ်ဆင်ရေးအထူးအဖွဲ့မှူး (ကစထ-၄) ဗိုလ်ချုပ်သက်နိုင်ဝင်းကိုယ်တိုင် လာရောက်ဖြေရှင်းမည်ဟု ဒီကေ ဘီအေဘက်က ပြောသည်။
နယ်ခြားစောင့်တပ် လက်မခံသည့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)တပ်မှူးတဦးက မြ၀တီမြို့အတွင်းရှိ ၎င်းတို့နှစ်ဖွဲ့၏ တင်းမာမှုကို ယခင် အရှေ့တောင်တိုင်း စစ်ဌာနချုပ် တိုင်းမှူးဖြစ်ခဲ့သူ ဗိုလ်ချုပ်သက်နိုင်ဝင်း လာရောက်ဖြေရှင်းမည်ဖြစ်ကြောင်း ယခုလို အတည်ပြုပြောဆိုသည်။
“မနက်ဖြန်ကျရင် သက်နိုင်ဝင်း တက်လာမယ်လို့ ကျနော်တို့ သတင်းရတယ်။ တက်လာတဲ့အကြောင်းအရင်းကတော့ တခြား ကိစ္စတွေပါသလို လက်ရှိ ဆက်လက်တင်းမာနေဆဲဖြစ်တဲ့ ကျနော်တို့တပ်ဖွဲ့နဲ့ နအဖတပ်ဖွဲ့တို့ကြားက ပြဿနာရယ်၊ နယ်ခြား စောင့်တပ်ကိစ္စနဲ့ ပတ်သက်ပြီးတော့ လာရောက်ဆွေးနွေးကြမယ်လို့ သိရပါတယ်။”ဟု ကေအိုင်စီကို ပြောသည်။
ပြီးခဲ့သည့်လက ဖြစ်ပွားခဲ့သည့် ဒုဗိုလ်မှူးကြီးစောကျော်သက် ဦးဆောင်သော ဒီကေဘီအေ တပ်ရင်း (၉၀၂)နှင့် မြ၀တီမြို့ရှိ နအဖစစ်တပ်အကြားမှ တင်းမာမှုပြဿနာမှာ ယခုအချိန်ထိ ညှိနှိုင်းအဖြေရှာခြင်း မရှိသေးဘဲ ဆက်လက်တင်းမာနေသည့်အ တွက် ဗိုလ်ချုပ်သက်နိုင်ဝင်းကိုယ်တိုင် လာရောက်ဖြေရှင်းခြင်းဖြစ်နိုင်ကြောင်း အမည်မဖော်လိုသည့် ဒီကေဘီအေနှင့် နီးစပ်သူ တဦးက ပြောသည်။
ဗိုလ်ချုပ်သက်နိုင်ဝင်း၏ ယခုခရီးစဉ်သည် နယ်ခြားစောင့်တပ်ပြောင်းရန် ငြင်းဆန်နေသည့် ဒီကေဘီအေ တပ်မဟာ(၅)မှူး ဗိုလ်မှူးကြီးစောလားပွယ်နှင့် ဗိုလ်မှူးချုပ်စောထင်မောင် ဦးစီးသည့် ကရင်ငြိမ်းချမ်းရေးကောင်စီကို နယ်ခြားစောင့်တပ်အဖြစ် အသွင်ပြောင်းရေးကိစ္စ လာရောက်ဆွေးနွေးရန်ရှိသည်ဟု ဒီကေဘီအေအသိုင်းအ၀ိုင်းနှင့် မြ၀တီမြို့ခံများက ပြောသည်။
မြ၀တီမြို့ခံတဦးက “မနက်ဖြန်ကျရင် တက်လာမယ်။ ၂၁ရက်နေ့အထိကြာမယ်လို့ကြားတယ်။ လာတဲ့ကိစ္စကတော့ နယ်စပ်မှာ ရှိတဲ့ တပ်မှူးတပ်သားတွေအခြေအနေကို လာရောက်လေ့လာတာရယ်။ နောက်ပြီး နယ်ခြားစောင့်တပ်ပြောင်းဖို့အတွက် ငြင်း ဆန်နေတဲ့ ဒီကေဘီအေ လက်ကျန်တွေ၊ ကရင်ငြိမ်းချမ်းရေးကောင်စီတပ်ဖွဲ့တွေကို လာဆွေးနွေးတာ ဖြစ်နိုင်တယ်။”ဟု ပြော သည်။
ပြီးခဲ့သည့် နှစ်ရက်ခန့်က မြ၀တီမြို့တွင်းရှိ ရဲစခန်းသို့သွားရာ လမ်းကြောကို ညဖက်တွင် လုံခြုံရေးများ ချထားသလို ဒီကေဘီ အေမှ ဒုဗိုလ်မှူးကြီးစောကျော်သက် ဦးဆောင်သည့် ဒီကေဘီအေ(၉၀၂)တပ်ရင်းသည်လည်း ယခင်အတိုင်း မြ၀တီမြို့အနှံ့ တွင် အင်အား ၃၀၀ခန့် တပ်ဖြန့်ထားဆဲဖြစ်သည်ဟု သိရသည်။
အောက်တိုဘာလ ၁၆ရက်နေ့ညက ကော့ကရိတ်မြို့အရှေ့ဖက် ရွှေနတ်တောင် ဘုန်းကြီးကျောင်းသို့သွားရာလမ်းရှိ သစ်သား တံတားပေါ်တွင် နအဖ စစ်ကားတစ်စီး ဆွဲမိုင်းထိမှန်ကာ ကားမှာပျက်စီးသွားပြီး စစ်သားအနည်းငယ် ဒဏ်ရာရရှိခဲ့ကြောင်း ကော့ကရိတ်မြို့ခံတစ်ဦးက ပြောသည်။
အဖွားအိုတစ်ဦးအား စစ်အစိုးရတပ် ဓားပြတိုက် သတ်ဖြတ်
လွတ်လပ်သော မွန်သတင်းအေဂျင်စီ မှ.........
တနင်္သာရီတိုင်း ရေဖြူမြို့နယ် ကလိန်အောင်မြို့နယ်ခွဲ ကျောက်ကဒင်ရွာမှ အဖွားအို တစ်ဦးအား စစ်အစိုးရ ခြေလျင်တပ်ရင်း (၁၀၃) မှ စစ်ဗိုလ်တစ်ဦးနှင့် တပ်သားများက ဓားပြတိုက် သတ်ဖြတ်ခဲ့သည်။
အသတ်ခံရသူမှာ အသက် (၆၈) နှစ် အရွယ်ရှိ မိကြည် ဖြစ်ပြီး ခလရ (၁၀၃) လှုပ်ရှားတပ်ရင်းမှ ဗိုလ်ကျော်ညွန့်နှင့် တပည့်တပ်သား သုံးဦးတို့က အောက်တိုဘာလ (၁) ရက်နေ့ ည (၁၁) နာရီအချိန်တွင် ဓားပြတိုက် သတ်ဖြတ်ခဲ့ခြင်း ဖြစ်ကြောင်း အသတ်ခံရသူနှင့် ဆွေမျိုးတော်စပ်သူ တစ်ဦးက ပြောသည်။
သူက “အဖွားဟာ မုဆိုးမ၊ သူ့အိမ်မှာဆို ၁၂ နှစ် အရွယ်လောက် ရှိတဲ့ မြေးမလေး တစ်ယောက်ပဲ ရှိတယ်၊ ကလေးက အဖွားနဲ့အတူ အိပ်တယ်။ ဓားပြတိုက်တဲ့ အချိန်မှာ မြေးမလေးက ကြောက်ပြီး ပုန်းနေတယ်၊ အော်လည်း မအော်ရဲဘူး” ဟု ပြောသည်။
အဖွားအိုအား အိမ်ပေါ်တွင် ရိုက်နှက်သတ်ဖြတ်ခဲ့ပြီး နားကပ်တစ်ရံ၊ လက်စွပ် နှစ်ကွင်းနှင့် ငွေ (၈၅၀၀) ကျပ် ပါသွားခဲ့ကြောင်း မြေးမလေးထံမှတဆင့် သိရှိရသည်ကို သူက ပြန်လည် ပြောပြသည်။
မိကြည် သေဆုံးပြီးနောက်တွင် မြေးမလေးထံမှတဆင့် သတင်းပေါက်ကြားခဲ့သဖြင့် လူကြီးရောဂါဖြင့် သေဆုံးကြောင်း သတင်းဖြန့်ရန် ၎င်းတပ်ရင်းက ကျေးရွာဥက္ကဌအား ခြိမ်းခြောက် အမိန့်ပေးခဲ့ကြောင်း ရွာသားများက ပြောသည်။
သေဆုံးသူအတွက် ရက်လည်ဆွမ်းကျွေးရန် ချက်ပြုပ်နေစဉ် အောက်တိုဘာလ (၉) ရက် ည (၈) နာရီခွဲခန့် အချိန်တွင်လည်း ၎င်း တပ်ရင်းမှ စစ်သားများက ၎င်းရွာရှိ မိအွန်း အိမ်သို့ တက်ရောက်ခဲ့ပြီး အိမ်ရှင်က ကြောက်လန့် အကူအညီ တောင်းရာမှ စစ်သားများ အိမ်မှာ ထွက်ခွာသွားခဲ့ကြောင်း ရွာသားများက ပြောသည်။
၎င်းည (၁၀) နာရီခွဲခန့်တွင်ပင် စစ်သားများက အခြားမုဆိုးမတစ်ဦး ဖြစ်သည့် မိမြင့် အိမ်သို့ တဖန်တက်ရောက်ခဲ့ပြီး အိမ်ရှင်က အော်ဟစ် အကူအညီ တောင်းရာမှ အိမ်အနီးရှိ တူတော်စပ်သူ နိုင်မွန်ထောက လာရောက် ကူညီခဲ့ကြောင်း၊ စစ်သားများက နိုင်မွန်ထောအား ဖမ်းဆီးရိုက်နှက်ခဲ့သဖြင့် ဦးခေါင်းကွဲပြီး ထွက်ပြေးသွားခဲ့ကြောင်း၊ ထွက်ပြေးချိန်တွင် စစ်သားများက သေနတ် လေးချက် ပစ်ခတ်ခဲ့ကြောင်း၊ သို့သော်လည်း နိုင်မွန်ထောမှာ ဒဏ်ရာ မရဘဲ လွတ်မြောက်သွားခဲ့ကြောင်း ရွာသားများက ပြောသည်။
ယခုအချိန်တွင် နိုင်မွန်ထောမှာ ကြောက်လန့်ပြီး ရွာမှ တိမ်းရှောင်နေရကြောင်း သိရသည်။ (၂ဝ၁ဝ) နှစ်ဆန်းပိုင်း ဖေဖေါ်ဝါရီလ အတွင်း၌ ကျေးရွာပြည်သူ့စစ် ဖွဲ့စည်းရေးကို လက်မခံသည့် ရေဖြူမြို့နယ် အလယ်စခန်းရွာသား (၄) ယောက်ကို ခမရ (၂၈၂) တပ်ရင်းမှ ဖမ်းဆီးခဲ့ပြီး ရွာသားတစ်ယောက်ကို သတ်ဖြတ်ခဲ့သည်။
ရေး-ထားဝယ် ကားလမ်းနဘေးရှိ ကျောက်ကဒင်ရွာတွင် အိမ်ခြေ (၃၀၀) ခန့် ရှိပြီး မွန်ပြည်သစ်ပါတီမှ ခွဲထွက်အဖွဲ့များ လှုပ်ရှားရာ အရပ်နှင့် စစ်အစိုးရ လှုပ်ရှားတပ်ရင်းများ အခြေချရာလည်း ဖြစ်သည်။ ခလရ (၁၀၃) သည် ကမ်းရိုးတန်းတိုင်း စစ်ဌာနချုပ် လက်အောက်ခံ တပ်ရင်း ဖြစ်ပြီး မိခင်တပ်ရင်းမှာ မြိတ်မြို့တွင် အခြေချထားသည်။
