စောသိန်းမြင့်(ကေအိုင်စီ)

ကရင်ပြည်နယ် ကော့ကရိတ်မြို့နယ် ထို့ကော်ကိုးကျေးရွာ အခြေစိုက် ဗိုလ်ချုပ်ထင်မောင်ဦးစီးသည့် ကရင်ငြိမ်းချမ်းရေးကောင် စီ (KPC)အဖွဲ့သည် တပတ်အတွင်း နယ်ခြားစောင့်တပ်အဖြစ် လက်မခံပါက မတရားအသင်းအဖြစ် ကြေညာမည်ဟု နအဖက သတိပေးလိုက်ကြောင်း KPC က ပြောသည်။
နအဖ စစ်ဖက်ရေးရာ လုံခြုံရေးအရာရှိချုပ်(စရဖ) ဒု-ဗိုလ်ချုပ်ကြီးရဲမြင့်၊ အရှေ့တောင်တိုင်းစစ်ဌာနချုပ် ဗိုလ်မှူးချုပ်သက်နိုင် ၀င်းနှင့် ကရင်ငြိမ်းချမ်းရေးကောင်စီအဖွဲ့မှ ကိုယ်စားလှယ်တချို့သည် သြဂုတ်လ ၂၄ရက်နေ့က မွန်ပြည်နယ်၊ မော်လမြိုင်မြို့ တိုင်းရုံးတွင် တွေ့ဆုံခဲ့ရာ၌ နအဖဘက်က ပြောဆိုလိုက်ခြင်းဖြစ်ကြောင်း KPC မှ နိုင်ငံခြားရေးရာ တာဝန်ခံ ဗိုလ်မှူးချုပ်ဒေါက် တာစောတီမသေက ပြောသည်။

၎င်းက “ဒီလ ၂၄ရက်နေ့မှာ မော်လမြိုင်မှာတွေ့ဖို့ နအဖက အဖူး(ဗိုလ်ထင်မောင်)ကို ဆင့်ခေါ်တယ်။ ဒါပေမယ့် အဖူးမသွား ဘူး။ တပ်ရင်းမှူးတချို့ကိုပဲ လွှတ်လိုက်တယ်။ အဲဒီမှာ ရဲမြင့်နဲ့ သက်နိုင်ဝင်းက ပြောတယ်။ ခင်ဗျားတို့အဖြေပေးရမယ်။ ဒီအ တိုင်း ဆက်နေလို့မရတော့ဘူး။ တပတ် ဒါမှမဟုတ် (၁၀)ရက်အတွင်းမှာ လက်မခံလို့ရှိရင် ခင်ဗျားတို့အဖွဲ့ တရားမ၀င်တဲ့အဖွဲ့ ဖြစ်သွားပြီတဲ့။ နောက် ခင်ဗျားတို့နေရာကိုလည်း လာဝိုင်းမယ်လို့ ခြိမ်းခြောက်တယ်။”ဟု ပြောသည်။

ထိုအခြေအနေပေါ်တွင် ဗိုလ်ချုပ်ထင်မောင်၏ သဘောထားမှာ နအဖ စစ်အစိုးရ၏နယ်ခြားစောင့်ကို လုံးဝ လက်မခံကြောင်း နှင့် နအဖဘက်က စစ်ရေးအရ ဖိအားပေးလာမည်ဆိုပါက မိမိတို့အနေဖြင့်လည်း စစ်ရေးအရ ပြန်လည်ခုခံ တိုက်ခိုက်ရမည်ဖြစ် ကြောင်း ဗိုလ်မှူးချုပ် ဒေါက်တာစောတီမသေက ထပ်လောင်း ပြောဆိုသည်။

ဗိုလ်ချုပ်ထင်မောင် ဦးစီးသည့် ကရင်ငြိမ်းချမ်းရေးကောင်စီသည် ယမန်နှစ် အောက်တိုဘာလ ၂၀ရက်နေ့က စစ်အစိုးရ၏ နယ် ခြားစောင့်တပ် အသွင်ပြောင်းရန် ဖိအားပေးမှုကို ငြင်းဆန်ခဲ့သလို ဧပြီလ ၇ရက်နေ့က မော်လမြိုင်၊ တောင်ဝိုင်းရှိ အရှေ့တောင် တိုင်း စစ်ဌာချုပ်ရုံးတွင် အစည်းအဝေးခေါ်ကာ ပြည်သူ့စစ်အဖြစ် အသွင်ပြောင်းရန် ဖိအားပေးခဲ့ခြင်းကိုလည်း ထပ်မံ ငြင်းဆန်ခဲ့ သည်။

ပြီးခဲ့သည့် ဧပြီလ ၂၂ရက်နေ့တွင် နေပြည်တော် စစ်ဖက်ရေးရာ လုံခြုံရေးအရာရှိချုပ် ဒုတိယဗိုလ်မှူးကြီးရဲမြင့်ထံ ပေးပို့သည့် ငြိမ်းချမ်းရေးကောင်စီ၏ ထုတ်ပြန်ကြေညာချက်ထဲတွင် ငြိမ်းချမ်းရေးကောင်စီသည် ငြိမ်းချမ်းရေးနှင့် ဖွံ့ဖြိုးတိုးတက်ရေးကိုသာ လိုလားပြီး လက်နက်ကိုင်တိုက်ပွဲကို မဖန်တီးလိုတော့ကြောင်း ပြန်လည်တုန့်ပြန်ခဲ့သည်။

ကေအဲန်ယူ ဒုဥက္ကဌ ပဒိုစောဒေးဗစ်သကဘောက “နအဖက အပစ်ရပ်လုပ်ခိုင်းတာ လက်နက်ချခိုင်းတာပဲ။ BGF ဆိုတာ စစ် ရေးအရ တော်လှန်ရေးအဖွဲ့ကို ပြန်တိုက်ခိုင်းတာ။ ဒါ ငြိမ်းချမ်းရေးလမ်းစဉ် မဟုတ်။ လူထုက ငြိမ်းချမ်းရေးအစစ်ကို လိုလား တာ။ ဒါပေမဲ့ ငြိမ်းချမ်းတဲ့နည်းနဲ့ ဖြေရှင်းရေးကို ဘယ်တော့မှ လုပ်မှာမဟုတ်ဘူး။ ဘာပဲဖြစ်ဖြစ် ဗိုလ်ထင်မောင်တို့အဖွဲ့ အမြင် မှန်ရလာပြီ ယူဆရမှာပေါ့။”ဟု ၎င်း၏အမြင်ကို ပြောဆိုသည်။

အလားတူ မွန်ပြည်သစ်ပါတီ (MSNP) သည်လည်း ပြီးခဲ့သည့် သြဂုတ်လ ၂၃ရက်နေ့က မော်လမြိုင်မြို့ တိုင်းရုံး၌ ဗိုလ်ချုပ် သက်နိုင်ဝင်းနှင့် သွားရောက်တွေ့ဆုံရာတွင် နယ်ခြားစောင့် (သို့မဟုတ်) ပြည်သူ့စစ်လုပ်ရန် လာမည့် စက်တင်ဘာလ ၁ရက် နေ့တွင် အဖြေမပေးပါက အပစ်အခတ် မရပ်စဲခင်ကာလ ၁၉၉၅ခုနှစ် အခြေအနေကို ပြန်ရောက်သွားနိုင်ကြောင်း တိုင်းမှူးက ဖိအားပေး ခြိမ်းခြောက်ပြောဆိုခဲ့သည်ဟု မွန်ပြည်သစ်ပါတီ၏ ပြောရေးဆိုခွင့်ရှိသူ နိုင်ခြေးမွန်က ကေအိုင်စီကို ပြောသည်။
၁၉၈၉ခုနှစ်မှစ၍ နအဖ စစ်အစိုးရနှင့် ပစ်ခတ်ရပ်စဲထားသော တိုင်းရင်းသားလက်နက်ကိုင်အဖွဲ့ ၁၇ဖွဲ့ရှိပြီး အပစ်ရပ်တပ်ဖွဲ့များ ကို နယ်ခြားစောင့်တပ် ပြောင်းလဲဖွဲ့စည်းရေးအတွက် ၂၀၀၉ခုနှစ် ဧပြီလကတည်းက စတင် ဖိအားပေးခဲ့သည်။

ယခုအချိန်ထိ ကချင်ပြည် ဒီမိုကရေစီအသစ် တပ်မတော် (NDA-K)၊ ကယားပြည်နယ် အထူးဒေသ-၂ (ကလလတ)၊ ကိုးကန့် အထူးဒေသ(၁)၊ တိုးတက်သောဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ)၊ ဟောင်သရောအထူးဒေသ ကရင် ငြိမ်းချမ်းရေးတပ်ဖွဲ့ (KPF)တို့သာ နယ်ခြားစောင့်တပ်အဖြစ် ပြောင်းလဲခဲ့ကြပြီး ကျန်အဖွဲ့များက ဆက်လက် ငြင်းဆန်နေဆဲ ဖြစ်သည်။

KPC သည် ၂၀၀၇ခုနှစ်၊ ဖေဖော်ဝါရီလ ၁၁ရက်နေ့ ကရင်အမျိုးသားနေ့တွင် ကေအဲန်ယူမှ ခွဲထွက်၍ ကေအဲန်ယူ-ကေအဲန် အယ်လ်အေ ငြိမ်းချမ်းရေးကောင်စီအမည်ဖြင့် နအဖ စစ်အစိုးရနှင့် ငြိမ်းချမ်းရေးယူခဲ့သည့် ကရင်ပြည်နယ်မှ နောက်ဆုံး ကရင် အပစ်ရပ်အဖွဲ့တဖွဲ့ ဖြစ်သည်။

Read More...

Summary only...

အောင်ကျော်ခင်(ခေတ်ပြိုင်)

စစ်တပ်မှာ တာဝန်အရှိဆုံးဟာ စစ်ခေါင်းဆောင်ပိုင်းသာဖြစ်တယ်။ စစ်ခေါင်းဆောင်ပိုင်းက သူခိုးဓားပြဖြစ်နေရင် စစ်တပ် ပျက်စီးတာပဲ။ ဗမာစစ်တပ်ကို သူခိုးဓားပြဘ၀ရောက်အောင် ပို့ပေးရာမှာ တာဝန်အရှိဆုံးဟာ ဗိုလ်နေ၀င်းနဲ့ ဗိုလ်သန်းရွှေ ဖြစ်တယ်။ ဗိုလ်နေ၀င်းနဲ့ အပေါင်းအပါတွေကတော့ သေကုန်ပါပြီ။ ဗိုလ်သန်းရွှေနဲ့ အပေါင်းအသင်းကတော့ ရမ်းလို့ကြမ်းလို့ ကောင်းတုန်း။ သူတို့ကို အရေးယူမယ့်သူတွေ မရှိတဲ့အတွက် ရွေးကောက်ပွဲလုပ်ဖို့ ဇာတ်တိုက်နေပြန်ပြီ။ နောက်ဆုံးမှာ ဒီသူခိုးဓားပြအစိုးရကိုပဲ ကမ္ဘာက အသိအမှတ်ပြုရမလိုဖြစ်နေတယ်။ အာဏာရှိတုန်း အားရပါးရခိုးပြီး အနားယူတဲ့အခါမှာ တရားစွဲမခံရအောင် ၂၀၀၈ အခြေခံဥပဒေကို အတင်းအဓမ္မ ပြဋ္ဌာန်းလိုက်တယ်။ ၂၀၀၈ အခြေခံဥပဒေကို သူခိုးဓားပြ ကာကွယ်ရေးဥပဒေလို့ ခေါ်နိုင်တယ်။

အကြောင်းကတော့ ၂၀၀၈ အခြေခံဥပဒေ အခန်း (၁၄) ပုဒ်မ (၄၄၅) မှာ န၀တ၊ နအဖအစိုးရတွေ လက်ထက်မှာ တာဝန်ထမ်းဆောင်ခဲ့သူတွေကို ဘယ်သူကမှ အရေးယူခွင့်မရှိဘူးလို့ ရေးထားလို့ပဲ။ အတိအကျပြောရင် “…….ယင်းအဖွဲ့၊ သို့မဟုတ် အဖွဲ့ဝင်တဦးဦး၊ သို့မဟုတ် အစိုးရအဖွဲ့ဝင်တဦးဦး၏ တာဝန်အရ ဆောင်ရွက်ချက်များအပေါ် အကြောင်းပြုလျက် ယင်းတို့အား တရားစွဲဆိုခြင်း၊ အရေးယူခြင်း မရှိစေရ” လို့ ရေးထားတာမို့ တာဝန်ထမ်းဆောင်ရင်း ခိုးဝှက်သူ၊ မုဒိမ်းကျင့်သူနဲ့ အာဏာအလွဲသုံးစားလုပ်သူတွေကို နောက်တက်မယ့် အစိုးရက အရေးယူပိုင်ခွင့် မရှိဘူးလို့ ကာကွယ်လိုက်တာပဲ။

ဒါပေမယ့် အရပ်သားတွေကို အစုလိုက်အပြုံလိုက် သတ်ဖြတ်နေတဲ့ ဗမာစစ်ခေါင်းဆောင်မျိုးကို ပြည်တွင်းဥပဒေက အကာအကွယ်မပေးနိုင်ဘူးလို့ အပြည်ပြည်ဆိုင်ရာ ဥပဒေကဆိုကြောင်း နယူးရောက်အခြေစိုက် Transitional Justice အဖွဲ့က ၂၀၀၉ စက်တင်ဘာမှာ ထုတ်ဝေတဲ့ Impunity Prolonged: Burma and its 2008 Constitution ဆိုတဲ့ (၄၅) စာမျက်နှာ စာတမ်းမှာ ဖော်ပြထားတယ်။ ဒါကြောင့် ဗမာစစ်ခေါင်းဆောင်ပိုင်းကို နိုင်ငံတကာရာဇ၀တ်ခုံရုံးမှာ စုံစမ်းစစ်ဆေးအပြစ်ပေးဖို့ ဒီမိုကရေစီသမားတွေက လိုလားကြတယ်။ ဆူဒန်အစိုးရ ကျူးလွန်တဲ့ ရာဇ၀တ်မှုတွေကို စုံစမ်းပြီး အရေးယူဖို့ ကုလသမဂ္ဂလုံခြုံရေးကောင်စီက နိုင်ငံတကာရာဇ၀တ်ခုံရုံး International Criminal Court (ICC) ကို ၂၀၀၅ မတ်လမှာ ညွှန်းလိုက်တဲ့အခါမှာ (၄) နှစ် စုံစမ်းစစ်ဆေးပြီး ၂၀၀၉ မတ်လမှာ ဆူဒန်သမ္မတ အိုမာဘတ်ရှားကို ဖမ်းဆီးဖို့ ၀ရမ်းထုတ်လိုက်တယ်။ လက်ရှိ အစိုးရအကြီးအကဲကို ဖမ်းဝရမ်းထုတ်တာ ဒါဟာ ပထမဆုံးအကြိမ်ဖြစ်တယ်။

နိုင်ငံတကာရာဇ၀တ်ခုံရုံးရဲ့ အားနည်းချက်တခုက ၂၀၀၂ ဇူလိုင်လ (၁) ရက်နေ့မတိုင်မီက ကျူးလွန်ထားတဲ့ ရာဇ၀တ်မှုတွေကို အရေးမယူနိုင်တာပါပဲ။ ၂၀၀၂ ဇူလိုင်လ (၁) ရက်နေ့က စတင်ကျင့်သုံးတာမို့ အဲဒီနောက်ပိုင်းက အမှုတွေကိုသာ စစ်ဆေးပိုင်ခွင့်ရှိတယ်။ နောက်တချက်က တရားခံကိုဖမ်းမယ့် ရဲအဖွဲ့မရှိတာပါပဲ။ နိုင်ငံတကာရာဇ၀တ်ခုံရုံးကို တည်ထောင်တဲ့ ရောမစာချုပ်ဝင်နိုင်ငံတွေက ဖမ်းပေးမှပဲ ရုံးတင်နိုင်ပါတယ်။ ဖမ်းဝရမ်းထုတ်လိုက်လို့ ဘယ်လ်ဂျီယံနိုင်ငံမှာ ဇိမ်ယူနေတဲ့ ကွန်ဂိုသမ္မတဟောင်း ဘန်းဘား ၂၀၀၈ မေလမှာ အဖမ်းခံလိုက်ရတယ်။ နိုင်ငံတကာ ရာဇ၀တ်ခုံရုံးက အရေးယူခံရသူတွေဟာ နိုင်ငံခြားမှာ လွတ်လွတ်လပ်လပ်မသွားနိုင်တော့ဘူး။ တနည်းဆိုရင်တော့ ဒီလိုလူမျိုးတွေကို လူဆိုးအဖြစ် နိုင်ငံတကာရာဇ၀တ်ခုံရုံးက သတ်မှတ်လိုက်တာမို့ အပြည်ပြည်ဆိုင်ရာအသိုင်းအ၀ိုင်းမှာ ၀င်ဆံ့ဖို့ မလွယ်တော့ဘူးပေါ့။ သူခိုးက လူလူဟစ်လို့မရအောင် လုပ်လိုက်တဲ့သဘောပါပဲ။
တောင်အာဖရိက၊ အမေရိကန်၊ အင်္ဂလန်၊ မွန်ဂိုးလရားနဲ့ ဗင်နီဇွဲလား နိုင်ငံက တရားသူကြီးဟောင်း (၅) ယောက်ဟာ ကုလသမဂ္ဂထုတ်ပြန်တဲ့ စာရွက်စာတမ်းကိုချည်း လေ့လာပြီး ၂၀၀၉ မေလမှာ (၁၁၄) မျက်နှာ Crimes in Burma ဆိုတဲ့ အစီရင်ခံစာကို ထုတ်ပြန်တယ်။ ဟားဗတ်တက္ကသိုလ်ဥပဒေမဟာဌာနက ထုတ်ပြန်တာမို့ ဟားဗတ်အစီရင်ခံစာလို့ လူသိများတယ်။ မြန်မာပြည်မှာ ဗမာစစ်တပ်ကျူးလွန်နေတဲ့ ရာဇ၀တ်မှုမျိုးစုံအကြောင်း ကုလသမဂ္ဂဟာ အသိဆုံးဖြစ်တယ်။ ဒီရာဇ၀တ်မှုတွေဟာ ရောမစာချုပ်မှာ ဖော်ပြထားတဲ့ အရပ်သားထုအပေါ်မှာ ကျူးလွန်တဲ့ ရာဇ၀တ်မှုတွေ ဖြစ်တယ်။ ဒီလောက် ဆိုးဝါးတဲ့ ရာဇ၀တ်မှုတွေ ကျူးလွန်နေတာတောင် ကုလသမဂ္ဂဟာ ဘာမှ မလုပ်နိုင်ဘူးလို့ ဆိုတယ်။ ဒါကြောင့် မြန်မာ့ကိစ္စကို နိုင်ငံတကာ ရာဇ၀တ်ခုံရုံးကို အရေးယူခိုင်းဖို့ ကုလသမဂ္ဂလုံခြုံရေးကောင်စီက ဆောင်ရွက်သင့်တယ်လို့ တိုက်တွန်းထားတယ်။ နိုင်ငံတကာခုံရုံးကို ရည်ညွှန်းဖို့ ခက်နေရင်လည်း မြန်မာပြည်ဆိုင်ရာ အထူးခုံရုံး Special Tribunal ကို ဖွဲ့စည်းဖို့ အကြံပေးထားတယ်။ မြန်မာ့ကိစ္စမှာ ကုလသမဂ္ဂဟာ ဘာမှမလုပ်နိုင်ဘဲဖြစ်နေတာကို ရပ်ဆိုင်းဖို့ ကောင်းပြီလို့ တရားသူကြီးဟောင်း (၅) ဦးက ပြောလိုက်တာပါပဲ။

နအဖစစ်အစိုးရ ကျူးလွန်ထားတဲ့ ရာဇ၀တ်မှုတွေကို စုံစမ်းစစ်ဆေးပြီး နအဖကို လက်နက်မရောင်းဖို့ ပိတ်ပင်တားမြစ်ပါရန် နိုင်ငံပေါင်း (၂၉) နိုင်ငံမှ လွှတ်တော်အမတ် (၄၄၂) ဦး ကိုယ်စား ဂျပန်လွှတ်တော်အမတ် (၂) ဦးက ၂၀၀၉ ခုနှစ် ဒီဇင်ဘာ (၁၀) ရက်နေ့က ကုလသမဂ္ဂလုံခြုံရေးကောင်စီဥက္ကဋ္ဌနှင့် အထွေထွေအတွင်းရေးမှူးချုပ် ဘန်ကီမွန်းဆီကို စာရေးတင်ပြလိုက်တယ်။ မြန်မာနိုင်ငံမှာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုကြီးတွေ ဖြစ်ပွားနေတာကို ကုလသမဂ္ဂအေဂျင်စီတွေက မှတ်တမ်းတင်ထားပေမယ့် အရေးယူတာမျိုးမရှိခဲ့ကြောင်း၊ နအဖစစ်အစိုးရကို ရာဇ၀တ်ကြောင်းအရ အရေးယူသင့်တာ ကြာပြီဖြစ်ကြောင်း ဂျပန်လွှတ်တော်အမတ်တွေဖြစ်ကြတဲ့ အာဇူးမားကိုနိုနဲ့ တာဒါရှိအီနုဇူကာတို့က တင်ပြထားတာပါပဲ။ ၁၉၉၆ ကစပြီး မြန်မာပြည်အရှေ့ပိုင်းဒေသမှာ တိုင်းရင်းသားကျေးရွာ (၃,၅၀၀) ကျော်ကို နအဖစစ်တပ်က ဖျက်ဆီးခဲ့ကြောင်း၊ ၂၀၀၉ ခုနှစ်မှာ အိုးမဲ့အိမ်မဲ့ဖြစ်သွားသူ အနည်းဆုံး (၈၀,၀၀၀) ကျော်ရှိကြောင်းကိုလည်း ဖော်ပြထားတယ်။

နှစ်ပေါင်းများစွာ ဗမာစစ်အစိုးရဟာ လူ့အခွင့်အရေးအားလုံး ချိုးဖျက်နေတာမို့ ရာဇ၀တ်မှု ကျူးလွန်တာဟာ မူဝါဒလမ်းစဉ်လို့ ဖြစ်နေတယ်လို့ ကုလသမဂ္ဂလူ့အခွင့်အရေး အထူးကိုယ်စားလှယ် တောမတ်စ်ကင်တားနားက လွန်ခဲ့တဲ့ မတ်လအစီရင်ခံစာမှာ ဖော်ပြထားတယ်။ ဗမာစစ်တပ်ရဲ့ လူ့အခွင့်အရေးချိုးဖျက်မှုဟာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှု (သို့မဟုတ်) နိုင်ငံတကာရာဇ၀တ်ခုံရုံးက စစ်ဆေးနိုင်တဲ့ စစ်ရာဇ၀တ်မှုတွေလည်း ဖြစ်နိုင်တယ်လို့ အပိုဒ် (၁၂၁) မှာ ကင်တားနားက ဖော်ပြတယ်။ အနှစ် (၂၀) ကျော် လူ့အခွင့်အရေးချိုးဖျက်နေတာကို စုံစမ်းစစ်ဆေးအရေးယူဖို့ အစိုးရမှာ တာဝန်ရှိပေမယ့် အစိုးရကိုယ်တိုင်က လူ့အခွင့်အရေး ချိုးဖျက်နေတာကြောင့် တာဝန်ယူမယ့်သူမရှိဖြစ်နေကြောင်း၊ ဒီလို တာဝန်မဲ့နေတာကို ထောက်ပြီး မြန်မာပြည်က စစ်ရာဇ၀တ်မှုတွေကို ကုလသမဂ္ဂက ကော်မရှင်ဖွဲ့စုံစမ်းစစ်ဆေးနိုင်တယ်လို့ အစီရင်ခံစာအပိုဒ် (၁၂၂) မှာ မစ္စတာကင်တားနားက ဖော်ပြထားတယ်။

အမေရိကန်နိုင်ငံရေးပါတီကြီး (၂) ခုမှ ဆီးနိတ်လွှတ်တော်အမတ် (၃၃) ဦးကလည်း ဗမာစစ်အစိုးရ ကျူးလွန်တဲ့ ရာဇ၀တ်မှုတွေကို စုံစမ်းစစ်ဆေးဖို့ ကုလသမဂ္ဂကော်မရှင်ဖွဲ့သင့်ကြောင်း နိုင်ငံခြားရေးဝန်ကြီး Hilary Clinton ဆီကို လွန်ခဲ့တဲ့ ဇူလိုင်လက စာရေးတိုက်တွန်းပါတယ်။ အခုတခါ အိုဘားမားအစိုးရက ဗမာစစ်အစိုးရ ကျူးလွန်တဲ့ ရာဇ၀တ်မှုကြီးတွေကို ကော်မရှင်ဖွဲ့ပြီး စုံစမ်းအရေးယူဖို့ သဘောတူတယ်လို့ လွန်ခဲ့တဲ့အပတ်က ပြောလာပြန်တဲ့အတွက် ရွေးကောက်ပွဲလုပ်ပြီး မျက်လှည့်ပြဖို့ ကြံစည်နေတဲ့ ဗမာစစ်သူခိုးကို မီးမောင်းထိုးပြသလို ဖြစ်သွားပါတယ်။ ဗိုလ်သန်းရွှေ၊ ဗိုလ်မောင်အေးနဲ့ အပေါင်းပါတွေကို ရာဇ၀တ်ကောင်ဖြစ်ကြောင်း စီရင်ချက်ချဖို့ လိုတယ်။ ဗမာစစ်ခေါင်းဆောင်တွေဟာ ရာဇ၀တ်ကောင်ပါလား ဆိုတာကို ကမ္ဘာက လက်ခံလာဖို့လိုတယ်။ ရာဇ၀တ်ကောင်အဖြစ် ကမ္ဘာ့တရားရုံးက သတ်မှတ်ထားတာကြောင့် ဒီလူတွေ အာဏာလက်လွတ်ဖြစ်သွားမှာ မဟုတ်ပေမယ့် နောက်တက်လာမယ့် စစ်ဗိုလ်တွေ ထင်သလိုမလုပ်ရဲအောင် ဟန့်တားနိုင်လိမ့်မယ်လို့ ယူဆရတယ်။

Read More...

Summary only...

တပ်မဟာ(၃) ညောင်လေးပင်ခရိုင်။
- မြောက်ဦးရှိနအဖတပ်နှင့်ပြည့်သူ့စစ်တို့ပူးပေါင်းပြီးပေါ်ပီဒဲ၊မြောက်ဦးဂွင်တွင်ဗိုလ်သန့်ဇင်ဦးဆောင်တဲ့ထိုအုပ်စုသည် ထိုအရပ်ဒေသရှိ ကရင်လူထုများ၏လုပ်ပိုင်ခွင့်တွေကိုအကြပ်ကိုင်ပိတ်ပင်တားဆီးရုံမကပဲ ဖမ်းဆီးချုပ် နှောင်တဲ့အထိလူမဆန်မှုတွေကိုကျူးလွန်နေကြောင်းသတင်းရရှိသည်။
- ၃၊ ၈၊ ၂၀၁၀ ရက်နေ့ တွင် နအဖ တပ်မှ ခမရ ၆၃၁ တပ်ဖွဲ ၀င်များသည် ညောင်လေးပင် ခရိုင်ရှိ မူသယ်ရွာသို့ဝင်ရောက်ပြီးတောင်ယာတဲတွင်နေထိုင်သောစောမော်သေ(၄၅နှစ်)၊နော်ဖေါမူဝါး(၄၃)နှစ် တို့ အားဖမ်းဆီးပြီး ပြင်းပြင်းထန်ထန် သေနတ်ဒင်ဖြင့် ထုထောင်းရိုက်နက်ပါသည်။ ဤကဲ့ သို့ထုထောင်းရိုက်နက်ပြီးအမျိူးသမီးအားရိုက်နက်သည့်နေရာမှထားခဲ့ကာအမျိူးသားအားခေါ် ဆောင်သွားပါသည်။ လမ်းခုလပ်တွင်စောမော်သေးအားပြန်လည်ပစ်ခဲ့သည်ဟုသတင်းရရှိပါသည်။

တပ်မဟာ(၆) ဒူးပလာယာခရိုင်။
- ၁၆.၀၈.၂၀၁၀နေ့တွင် KPF တပ်ရင်း၂ တပ်ခွဲ၎ မှလူများ မိမိတို့တပ်ရင်း၁၇နှင့်ပြန်လည်ပူးပေါင်းခဲ့ သည်။ ထိုပြန်လာသောသူများမှာ (၁) စောနီ အသက် ၂၃နှစ် ရာထူး-တပ်ကြပ်ကြီး (၂) စောဗီဒီယို အသက်၁၇နှစ် ရာထူး-တပ်သား (၄) စောတကယ် အသက်၁၈နှစ် ရာထူး-တပ်ကြပ်(၄)စောခူးနားတူအသက်၁၆နှစ် ရာထူး-တပ်သား စသည်တို့ဖြစ်သည်။ သူတို့နှင့်အတူ AK ၃လက် ကျည်ကပ်၃ကပ်နှင့် ကျည်ဆံ ၇ တောင့်တို့ပါရှိခဲ့သည်။

Read More...

Summary only...

VOA သတင်းမှ....

ဒီရက်ပိုင်းအတွင်း မြန်မာစစ်အစိုးရ သတင်းစာ မျက်နှာဖုံးတွေမှာ နယ်ခြားစောင့်တပ်အဖြစ် အသွင်ပြောင်း ဖွဲ့စည်းတဲ့ သတင်းတွေ ဆက်တိုက် ဖော်ပြနေချိန်မှာ ဗိုလ်ချုပ်ထိန်မောင် ခေါင်းဆောင်တဲ့ ကရင်ငြိမ်းချမ်းရေး ကောင်စီကတော့ အသွင်ပြောင်း ဖွဲ့စည်းရေးကို ထပ်မံ ငြင်းဆိုလိုက်ပါတယ်။ မြန်မာစစ်အစိုးရက ကရင်ငြိမ်းချမ်းရေး ကောင်စီကို တပတ်အတွင်း နယ်ခြားစောင့်တပ် ဒါမှမဟုတ် ပြည်သူ့စစ်အဖြစ် အသွင်ပြောင်းဖို့ တောင်းဆိုထားပြီး လက်မခံရင် စစ်ရေးအရ အရေးယူမယ်လို့ ဖိအားပေးတာတွေလည်း ရှိနေပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။

စစ်ဘက်ရေးရာ လုံခြုံရေးဌာန အကြီးအကဲ ဒုတိယဗိုလ်ချုပ်ကြီး ရဲမြင့်က ကရင်ငြိမ်းချမ်းရေး ကောင်စီက ကိုယ်စားလှယ်တွေကို မော်လမြိုင်မြို့က အရှေ့တောင်တိုင်း စစ်ဌာနချုပ်မှာ ခေါ်ယူပြီး တပတ်အတွင်း အသွင်ပြောင်းဖို့အတွက် ဖိအားပေး တောင်းဆိုခဲ့တာ ဖြစ်ပါတယ်။

ကရင်ငြိမ်းချမ်းရေး ကောင်စီကတော့ ဒီတောင်းဆိုချက်ကို လက်မခံနိုင်ဘူးလို့ အဖွဲ့ခေါင်းဆောင် တဦးဖြစ်တဲ့ ဗိုလ်မှူးရင်နုက အခုလို ပြောပါတယ်။

“တပတ်အတွင်း လုပ်ရင်လုပ်၊ မလုပ်ရင်တော့ သူက ဘယ်လိုလုပ်မလဲတော့ မပြောတတ်ဘူးလေ။ ဒါပေမဲ့ ကျနော်တို့ မလုပ်ဘူးလေ၊ ဘယ်လိုပဲ ပြောပြောပေါ့။ ပြည်သူ့စစ်လည်း မလုပ်ဘူးနော်။ နယ်ခြားစောင့်တပ်လည်း မလုပ်ဘူးပေါ့။”

မြန်မာစစ်အစိုးရဘက်က သူတို့ တောင်းဆိုတာကို လက်မခံရင် စစ်ရေးအရ ဖိအားပေးပြီး ကရင်ငြိမ်းချမ်းရေး ကောင်စီ အခြေစိုက်ရာ ထို့ကော်ကိုးကနေ မောင်းထုတ်ပစ်မယ်လို့ ခြိမ်းခြောက် ပြောဆိုတာတွေလည်း ရှိနေပါတယ်။ ဗိုလ်မှူးရင်နုက စစ်ရေးအရ အရေးယူလာရင် အလားတူ တုံ့ပြန်သွားမှာ ဖြစ်တယ်လို့ ပြောပါတယ်။

“စစ်ရေးအရ အရေးယူလာရင် ကျနော်တို့လည်း အဲဒါယူရမှာပေါ့။ မဟုတ်ဘူးလား။ ဒါလည်း တနည်းနည်းနဲ့ တုံ့ပြန်ရမှာပေါ့။ ကျနော်တို့ ဒီကိုပြန်လာတာကတော့၊ ငြိမ်းချမ်းရေး ပြန်လာလုပ်တာကတော့ ကျနော်တို့ ဟိုးအရင်က ခေါင်းဆောင်ကြီး စောဘဦးကြီး မူ ၄ ချက်နဲ့ ပြန်ယူလာတယ်လေ။ အဲဒါပဲ၊ အသေယူထားတာပေါ့၊ မဟုတ်ဘူးလား။”

ကရင်ခေါင်းဆောင် စောဘဦးကြီးမူ ၄ ချက်ကတော့ လက်နက်ချစကား အလျင်းမပြောရ။ ကရင့်လက်နက် ကရင့်လက်ထဲမှာ ရှိရမည်။ ကရင့်ကံကြမ္မာ ကရင်ဖန်တီးရမည်။ ကရင်ပြည် အသိအမှတ်ပြုခြင်း ပြီးပြည့်စုံရမည် ဆိုတာ ဖြစ်ပါတယ်။

ကရင်အမျိုးသား အစည်းအရုံး (KNU) က တွဲဖက်အတွင်းရေးမှူး ပဒိုစောလှငွေကလည်း ကရင်ငြိမ်းချမ်းရေး ကောင်စီကို စစ်ရေးအရ အရေးယူလာရင် အခြေအနေအရ သူတို့နဲ့အတူ ပူးပေါင်းတိုက်ခိုက်မှာ ဖြစ်တယ်လို့ ပြောပါတယ်။

မကြာမီမှာ ကျင်းပမယ့် ရွေးကောက်ပွဲအပေါ် ကရင်ငြိမ်းချမ်းရေး ကောင်စီရဲ့ သဘောထားကိုတော့ ခေါင်းဆောင်တဦးဖြစ်တဲ့ ဦးတင်မိုသီက အခုလို ပြောဆိုပါတယ်။

“အခုရွေးကောက်ပွဲက လူထုရဲ့ ၁၉၉၀ ရွေးကောက်ပွဲမှာ ရထားတဲ့မဲကို သူတို့ စော်ကားတာပဲ။ NLD ကို အာဏာမအပ်ဘူး။ မအပ်ဘဲ အခုတခါ ထပ်လာပြီးတော့ ရွေးကောက်ပွဲ ပြန်လုပ်မယ်။ ရွေးကောက်ပွဲ ဘယ်ဟုတ်မလဲ၊ ရွေးချယ်ပြီးသွားပြီပဲဟာ။ ဘယ်လို ရွေးကောက်ပွဲ ထပ်လုပ်မလဲ။ ရွေးကောက်ပွဲဆိုတာ သူတို့ ကမ္ဘာကို မျက်လှည့်ပြတာ၊ ဒါပဲရှိတယ်။

“အဲတော့ အခု တိုင်းရင်းသား ခေါင်းဆောင်တွေရော ကျနော်တို့ရော ဘာပြန်လုပ်မလဲဆိုရင် ဒီရွေးကောက်ပွဲ တို့မလိုဘူး။ တို့လိုတာက အရင်ရွေးကောက်ပွဲကို အသိအမှတ်ပြုပြီးတော့ နိုင်တဲ့ပါတီကို အာဏာအပ်ဖို့၊ ဒါပဲရှိတယ်။”

ဒီနှစ် ဧပြီလ ၇ ရက်နေ့ကလည်း ဒု-ဗိုလ်ချုပ်ကြီးရဲမြင့်က ကရင်ငြိမ်းချမ်းရေး ကောင်စီကို အသွင်ပြောင်း ဖွဲ့စည်းဖို့အတွက် အလားတူ တောင်းဆိုခဲ့ဖူးပါတယ်။ ဒါကို ဧပြီလ ၂၂ ရက်နေ့မှာ ဗိုလ်ချုပ်ထိန်မောင်က လက်မခံနိုင်ကြောင်း စာရေးသား ပေးပို့ပြီး ငြင်းဆိုထားခဲ့တာလည်း ဖြစ်ပါတယ်။

KNU/KNLA Peace Council ခေါ် ကရင်ငြိမ်းချမ်းရေး ကောင်စီဟာ ၂၀၀၇ ခုနှစ်မှာ KNU ကနေ ခွဲထွက်ပြီး မြန်မာစစ်အစိုးရနဲ့ ငြိမ်းချမ်းရေး ရယူခဲ့တဲ့အဖွဲ့ ဖြစ်ပါတယ်။ ကရင်ငြိမ်းချမ်းရေး ကောင်စီက မြန်မာစစ်အစိုးရ ကမ်းလှမ်းတဲ့ နယ်ခြားစောင့်တပ် ဒါမှမဟုတ် ပြည်သူ့စစ် ဖွဲ့စည်းရေးကို အရင်ကလည်း အကြိမ်ကြိမ် ငြင်းဆိုထားတာ ဖြစ်ပါတယ်။

လာမယ့် ၂၈ ရက်နေ့မှာတော့ ကရင်ငြိမ်းချမ်းရေး ကောင်စီက အရေးပေါ် အစည်းအဝေးတရပ် ခေါ်ယူထားပြီး မြန်မာစစ်အစိုးရရဲ့ တောင်းဆိုချက် အပေါ်မှာ အပြီးသတ် ဆုံးဖြတ်မယ်လို့ သိရပါတယ်။

မြန်မာစစ်အစိုးရဟာ ရွေးကောက်ပွဲ မတိုင်မီမှာ အပစ်ရပ် တိုင်းရင်းသား လက်နက်ကိုင် တပ်ဖွဲ့တွေကို နယ်ခြားစောင့်တပ်အဖြစ် အသွင်ပြောင်းဖို့ ဒီရက်ပိုင်းတွေ အတွင်းမှာ ဖိအားပေး တောင်းဆိုနေပါတယ်။ ဒါပေမဲ့ ၀ပြည် သွေးစည်းညီညွတ်ရေး တပ်မတော် (UWSA)၊ မိုင်းလားအဖွဲ့နဲ့ မွန်ပြည်သစ်ပါတီတို့က အသွင်ပြောင်းရေးကို လက်မခံကြောင်း တုံ့ပြန်ထားပါတယ်။

ဒီရက်ပိုင်းတွေ အတွင်းမှာ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) နဲ့ ဟောင်သရောဒေသ ကရင်ငြိမ်းချမ်းရေးတပ်ဖွဲ့က နယ်ခြားစောင့်တပ်အဖြစ် အသွင်ပြောင်းတဲ့ သတင်းတွေကို မြန်မာစစ်အစိုးရထုတ် သတင်းစာ မျက်နှာဖုံးတွေမှာ ဦးစားပေး ဖော်ပြထားပါတယ်။

Read More...

Summary only...

KIC သတင်းမှ.......

ကော့ကရိတ်-မြ၀တီကားလမ်းပေါ်ရှိ နအဖ တောင်ပြတ်စခန်းတွင် ကင်းစောင့်သည့် တပ်သားနှစ်ဦးသည် ယနေ့မနက်ပိုင်းတွင် ဆွဲမိုင်းထိကာ ဒဏ်ရာရရှိသွားခဲ့သည်ဟု သိရသည်။
အဆိုပါ တပ်စခန်းတွင် မနက် ၈နာရီဝန်းကျင်၌ စစ်သားများမှာ ကင်းစောင့်ရန် စခန်းမှ ဆင်းလာနေကျဖြစ်ပြီး ထိုအချိန်နှင့် ကိုက်ညီစွာ ဆွဲမိုင်းထောင်ထားခြင်းဖြစ်ကြောင်း ကော့ကရိတ်မှ ခရီးသည်တစ်ဦးက ယခုလို ပြောသည်။

၎င်းက “မနက်က ကြောင်လျှာကုန်းမရောက်ခင် ကားလမ်းညာဖက်က တောင်ပြတ်စခန်းမှာ ဆွဲမိုင်းထိတာလေ။ ရဲဘော်တွေက တော့ မနက် ၈နာရီလောက်ဆို ကင်းစောင့်ဖို့ ဆင်းလာနေကျလေ။ အဲဒါ ဒီမနက်ကျတော့ ဆွဲမိုင်းထိပြီး အခု ကော့ကရိတ် ဆေးရုံကို ပို့ထားရတယ်။”ဟု ဆိုသည်။

ယင်းတိုက်ခိုက်မှုတွင် အခြားပစ်ခတ်မှုများ မရှိဘဲ ဆွဲမိုင်းတခုသာဖြစ်သည်ဟု သိရသည်။

ထိုဒေသသည် ကေအဲန်ယူ တပ်မဟာ(၆)၏ တပ်မဟာစစ်ကြောင်းနှင့် တပ်ရင်း(၁၈) လှုပ်ရှားရာ နယ်မြေဖြစ်ပြီး ယခုလို တိုက် ခိုက်မှုမှာ နအဖတပ်အပေါ် ကေအဲန်ယူ၏ ပြောက်ကျားစစ်ဆင်မှုဖြစ်နိုင်ကြောင်း ဒေသခံများက ခန့်မှန်းပြောဆိုနေကြသည်။

Read More...

Summary only...

ချင်းမိုင် (မဇ္ဈိမ) မှ...

နယ်ခြားစောင့်တပ် မပြောင်းဘဲ တင်းခံနေသော ဗိုလ်နှုတ်ခမ်းမွှေး ဦးစီးသည့် တိုးတက်သော ဗုဒ္ဓဘာသာ ကရင်အမျိုးသား တပ်မတော်တွင် အင်အား တထောင်ခန့် ကျန်သေးကြောင်း ဒီကေဘီအေ အရာရှိများက ပြောသည်။

ဗိုလ်နှုတ်ခမ်းမွှေး လက်အောက်ရှိ ကော့ကရိတ် အခြေစိုက်တပ်များဖြစ်သော ဗိုလ်မှူးဉာဏ်မင်း ဦးစီးသော ၉ဝ၆ တပ်ရင်း၊ ဗိုလ်မှူးကျော်ကျော်၏ အမှတ် ၉ဝ၅ တပ်ရင်း၊ ဗိုလ်မှူးကျော်သက်၏ အမှတ် ၉ဝ၄ တပ်ရင်းနှင့် ဗိုလ်မှူးချင်းလုံ၏ ဗျူဟာတပ်ခွဲ ၁ နှင့် ၂ တို့က နေပြည်တော်၏ ဒီကေဘီအေတပ်များ နယ်ခြားစောင့် အသွင်ပြောင်းရေးကို လက်မခံသေးဘဲရှိနေသည်။

ဗိုလ်နှုတ်ခမ်းမွှေး ခေါ် ဗိုလ်မှူးကြီးစောလားပွယ်လက်အောက်တွင် တပ်ရင်း ၄ ခုရှိခဲ့ရာက ဗိုလ်မုတ်သုံနှင့် ဗိုလ်စောဘီလူးတို့ဦးစီးသောတပ်ရင်းများမှ အင်အား ၃ဝဝ နယ်ခြားစောင့်တပ်အဖြစ် သြဂုတ် ၂၁ ရက်က ပြောင်းသွားပြီးဖြစ်သည်။

“ဒီတပ်ရင်းတွေမှာ ခေါင်းဆောင်ဖြစ်နေတဲ့ တပ်ရင်းမှူးတွေက ဘားအံ-ကော့ကရိတ်-မြဝတီတို့မှာ လုပ်ငန်းတွေရှိတော့ မဝင်လို့မဖြစ်တော့ ဝင်ကြတာပေါ့လေ။ တကယ်တိုက်ရည်ခိုက်ရည်ရှိတဲ့ ဒုတပ်ရင်းမှူး အရာရှိတွေကတော့ လိုက်မသွားပါ ဘူး။ ကျနော်တို့နဲ့ လာပေါင်းနေပါတယ်”ဟု ဗိုလ်မှူးချင်းလုံက မဇ္ဈိမကိုပြောသည်။

ကရင်ပြည်နယ် မြဝတီမြို့နယ် ကွင်းကလေးနှင့် ပိုင်ကျုံမြို့နယ် ဖာသိမ်ကျေးရွာတို့တွင် နယ်ခြားစောင့်တပ် ပြောင်းသော အခမ်းအနားများ တပြိုင်နက်ပြုလုပ်ခဲ့ကြသည်။

အခမ်းအနားသို့ ဒီကေဘီအေမှ ဒုဥက္ကဋ္ဌ ဗိုလ်ချုပ်ကျော်သန်း၊ အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် သက်နိုင်ဝင်းတို့ တက်ရောက်ခဲ့ကြသည်။

ယခုလ ၁၈ ရက်ကလည်း ဒီကေဘီအေ ဥက္ကဋ္ဌ စောသာထူးကျော်၊ ဒုဥက္ကဋ္ဌ ဗိုလ်ချုပ်ကျော်သန်း၊ ဗိုလ်မှူးကြီး စောချစ်သူတို့ လက်အောက်ခံတပ်ရင်းများ မြိုင်ကြီးငူတွင် နယ်ခြားစောင့်တပ်အဖြစ် ပြောင်းလဲလိုက်ကြပြီး ဖြစ်သည်။

“ကျနော်ကတော့ လစာတသိန်းကျော်ရတယ်။ ရာထူးဘယ်အဆင့်ထိလျော့တယ်ဆိုတာတော့ မပြောတော့ဘူး။ ကျနော်တို့က ကရင်တွေပါ။ တံဆိပ်သာပြောင်းသွားတာ နှလုံးသားကတော့ ကရင်ပါပဲ။ နယ်ခြားစောင့်တပ်ဖြစ်သွားတဲ့ အတွက် လှုပ်ရှားမှုတွေက အရင်ပုံစံမျိုးဖြစ်တော့မှာ မဟုတ်ဘူး” ဒီကေဘီအေမှ နယ်ခြားစောင့်တပ်ပြောင်းသွားခဲ့သည့် စောထွန်းမြင့်က မဇ္ဈိမကို ပြောသည်။

ဒီကေဘီအေဟောင်းများ ယခုနှစ်ရွေးကောက်ပွဲ တွင်ဝင်ရောက်မည်ဟု သတင်းများထွက်ပေါ်နေသော်လည်း တပ်မှူးအဆင့်ပင် မသိဘဲ ဖြစ်နေကြသည်။

Read More...

Summary only...

VOA သတင်းမှ....
မြန်မာနိုင်ငံမှာ နိုဝင်ဘာလ ၇ ရက်နေ့ ရွေးကောက်ပွဲ နီးကပ်လာတာနဲ့အမျှ နိုင်ငံရေးအရ မတည်ငြိမ်မှုတွေ ရှိလာနိုင်တာကြောင့် မြန်မာနိုင်ငံအတွင်း ခရီးသွားလာရေးမှာ သတိထားကြဖို့အတွက် အမေရိကန် နိုင်ငံခြားရေး ၀န်ကြီးဌာနက အမေရိကန် နိုင်ငံသားတွေကို သတိပေးချက် ထုတ်ပြန်လိုက်ပါတယ်။

အထူးသဖြင့် အများပြည်သူနေရာတွေ သွားလာရာမှာ မသင်္ကာဖွယ် ပစ္စည်းတွေ၊ ပိုင်ရှင်မဲ့ အထုပ်ပစ္စည်းတွေ တွေ့ရင် သတိတကြီးနဲ့နေဖို့ သတိပေးလိုက်ပါတယ်။

ဒါ့အပြင် လူစုလူဝေးရှိတဲ့နေရာ၊ ဆန္ဒပြပွဲတွေ ဖြစ်တဲ့နေရာ၊ အစိုးရ လုံခြုံရေးတပ်တွေ ပိတ်ဆို့ထားတဲ့ နေရာတွေကို ရှောင်ဖို့လည်း သတိပေးထားပါတယ်။ စစ်တပ်နဲ့ ရဲတပ်ဖွဲ့ လုံခြုံရေး အာဏာပိုင်တွေကို ဓာတ်ပုံရိုက်တာ၊ ဗွီဒီယို ရိုက်တာမျိုးတွေကိုလည်း မလုပ်ဖို့ သတိပေးထားပါတယ်။

မြန်မာနိုင်ငံထဲမှာ ရှိနေစဉ်အတွင်း အများပြည်သူအတွက် သတင်းမီဒီယာတွေရဲ့ ထုတ်ပြန်ချက်တွေကိုလည်း စောင့်ကြည့် နားထောင်နေဖို့ မှာကြားထားပါတယ်။

ဒါ့အပြင် ရန်ကုန်လေဆိပ်နဲ့ တခြား နိုင်ငံတကာကနေ ၀င်ရောက်နိုင်တဲ့ နေရာတွေမှာ ဆိုက်ရောက်ဗီဇာ ထုတ်ပေးတာကိုလည်း လာမယ့် စက်တင်ဘာလ ၁ ရက်နေ့ကစပြီး ယာယီ ရပ်ဆိုင်းထားတယ်လို့ မြန်မာစစ်အစိုးရက ရန်ကုန်မှာရှိတဲ့ အမေရိကန်သံရုံးကို အကြောင်းကြားထားတယ်လို့လည်း သိရပါတယ်။

မြန်မာနိုင်ငံအတွင်းမှာ နေထိုင်နေကြတဲ့ အမေရိကန် နိုင်ငံသားတွေရော၊ ခရီးသွားလာ လည်ပတ်ကြမယ့် အမေရိကန် နိုင်ငံသားတွေ အတွက်ပါ ရန်ကုန်မှာရှိတဲ့ အမေရိကန်သံရုံးကို မိမိ ဘယ်နေရာမှာရှိတယ် ဆိုတာကို အကြောင်းကြား ဆက်သွယ်ထားဖို့ကိုလည်း သတိပေးထားပါတယ်။

ပြီးခဲ့တဲ့ နှစ်တွေအတွင်း အမေရိကန်နိုင်ငံသား တချို့ဟာ ဒီမိုကရေစီနဲ့ ပတ်သက်တဲ့ အရေးအသား စာစောင်တွေ ဖြန့်ဝေတာ၊ ဒီမိုကရေစီ ခေါင်းဆောင်တွေရဲ့ နေအိမ်တွေ၊ ရုံးတွေကို သွားရောက် လည်ပတ်တာကြောင့် ဖမ်းဆီးခံရတာ၊ တရားရုံးတင် စွဲချက်တင်ခံရတာတွေ ရှိခဲ့တယ်လို့ အဲဒီ ထုတ်ပြန်ချက်မှာ ဖော်ပြထားပါတယ်။

ပြီးခဲ့တဲ့ နှစ်တုန်းကတော့ အမေရိကန်နိုင်ငံသား တချို့ဟာ မန္တလေးနဲ့ မြန်မာနိုင်ငံ အထက်ပိုင်းမှာ သင်တန်းတချို့နဲ့ ပတ်သက်လို့ ပြည်နှင်ဒဏ် ပေးခံရတာမျိုးတွေလည်း ရှိခဲ့တယ်လို့ ဖော်ပြထားပါတယ်။

ဒါ့အပြင် ပြီးခဲ့တဲ့ ၂၀၀၇ ခုနှစ် စက်တင်ဘာ သံဃာ့အရေးအခင်းအတွင်း လုံခြုံရေးတပ်တွေရဲ့ နှိမ်နင်းမှုကြောင့် ဂျပန်သတင်းထောက်တဦး ပစ်သတ်ခံရတာကိုလည်း ပြန်လည် ဖော်ပြထားပါတယ်။

Read More...

Summary only...

KIC မှ......

မွန်ပြည်နယ်နှင့် ကရင်ပြည်နယ်စပ် ဘုရားသုံးဆူမြို့၌ ယနေ့ညနေ ၅နာရီခန့်တွင် ချိန်ကိုက်ဗုံး တစ်လုံး ပေါက်ကွဲခဲ့ရာ နအဖနှင့် ဒီကေဘီအေတပ်ဖွဲ့ဝင် ၅ဦး ထိခိုက်ဒဏ်ရာရရှိခဲ့သည်ဟု ကိုယ်တိုင်မြင်တွေ့ခဲ့သူတစ်ဦးက ကေအိုင်စီကို ပြောသည်။
၎င်းက “ဒီနေ့ ကရင်လက်ချည်ပွဲ အခမ်းအနားရှိတယ်လေ။ ဗုံးကိုထောင်ထားတာက နေ့လည်အချိန်လောက်က ဖြစ်မယ်။ အ ခမ်းအနားပြီးမှ ဗုံးကို ရပ်ကွက်(၂)က လမ်းဘေးမှာ တွေ့တာ။ ဗုံးကို ဖယ်ရှားဖို့ သက်ဆိုင်ရာအာဏာပိုင်တွေ သွားကြည့်တဲ့အ ချိန်မှာ ဗုံးက ပေါက်ကွဲသွားတယ်။ ငါးယောက် ဒဏ်ရာရတယ်။ အဲဒီအထဲမှာ နအဖ တပ်သား ၂ယောက်နဲ့ ဒီကေဘီအေ တပ် သား ၁ယောက် ဒဏ်ရာ အပြင်းအထန်ရတယ်။”ဟု ပြောသည်။

RPG M-79 ထိပ်ဖူးဖြင့် ပြုလုပ်ထားသည့် ၎င်းချိန်ကိုက်ဗုံး ပေါက်ကွဲမှုတွင် ထိခိုက်ဒဏ်ရာ ရရှိသူများအနက် ခလရ(၃၂) တပ် ရင်းမှူး ဒုဗိုလ်မှူးကြီးအောင်ဝင်းခိုင် အပါအ၀င် ဒီကေဘီအေ တပ်မဟာ (၅)မှ ဗိုလ်အေ၀မ်းလည်း ပါဝင်သည်ဟု သိရှိရသည်။ ဒဏ်ရာ အပြင်းအထန် ရရှိသည့် နအဖတပ်ဖွဲ့ဝင်နှစ်ဦးအား ထိုင်းနိုင်ငံ၊ ကန်ဘူရီဆေးရုံသို့ ပို့ဆောင်လိုက်ပြီဟု သိရသည်။

ဒီကေဘီအေ တပ်မဟာ(၅)မှ တပ်မှူးတစ်ဦးက “အခုအချိန်မှာ ရှုတ်ရှုတ်ယှက်ယှက် အချိန်မှာဆိုတော့ ဘယ်သူဘယ်ဝါ လက် ချက်ဆိုတာက ပြောရခက်တယ်။ တခုပြောနိုင်တာကတော့ ကျနော်တို့ နအဖနဲ့ နီးနီးကပ်ကပ်နေတာကို အမြင်မရှင်းတဲ့လူတွေ ရဲ့လက်ချက် ဖြစ်နိုင်ပါတယ်။”ဟု ခန့်မှန်းပြောဆိုသည်။

၎င်းအပြင် ဘုရားသုံးဆူ၌ ယနေ့ ကျင်းပပြုလုပ်သည့် ကရင့်လက်ချည်ပွဲအခမ်းအနားတွင် နအဖမှ ခလရ(၃၂) တပ်ရင်းမှူး ကိုယ်တိုင် တက်ရောက်သောကြောင့် တပ်ရင်းမှူးကို လုပ်ကြံရန် ထောင်ထားသည့် ဗုံးလည်းဖြစ်နိုင်ကြောင်း သုံးသပ်ပြောဆိုသူ များလည်း ရှိသည်။

ဘုရားသုံးဆူမြို့တွင် သြဂုတ်လအတွင်း ယခုအကြိမ် အပါအ၀င် ချိန်ကိုက်ဗုံး (၃)ကြိမ် ပေါက်ကွဲပြီး ယခင်ပေါက်ကွဲမှုများက လည်း ထိခိုက်သေဆုံးမှုရှိသည်ဟု ဘုရားသုံးဆူရှိ ဒီကေဘီအေ အသိုင်းအ၀ိုင်း၏ ပြောပြချက်အရ သိရသည်။

Read More...

Summary only...

တပ်မဟာ(၂) တောင်ငူခရိုင်။
- ထန်းတပင်မြို့၊ ၁၉.၀၈.၂၀၁၀နေ့တွင် ဇရပ်ကြီးတွင်ရှိသော နအဖတပ် ခလရ(၇၃) အုပ်စုသည် မာလာကုန်းရွာ သို့ဝင်ပြီး ထိုရွာမှ ရွာသား (၁) စောမူးသော အသက်(၂၂)နှစ် အဖေနာမည် စောမူးရာ (၂) စောခိုကလယ်ထူး အသက်(၁၉)နှစ် အဖေနာမည် စောမူးရာ…ထိုညီအစ်ကို၂ယောက်အား အပြစ်မရှိ အကြောင်းမဲ့ဖမ်းဆီးသွားခဲ့သည်။ထို့အပြင်ဘယ်ကိုခေါ်သွားချုပ်နှောင်ထားသည်ကိုလည်းယခုထက်ထိမသိရှိရသေးပါ။
- ၂၃.၀၈.၂၀၁၀နေ့တွင် ကလော်မီးဒဲရှိ စကခ(၇) ခမရ(၁၀၂)တပ်သည် ကလော်မီးဒဲရွာသူ(၁၄)ယောက် ရွာသား(၁၆)ယောက် စုစုပေါင်း (၃၀)ယောက်တို့ကို ကလော်မီးဒဲစစ်စခန်းမှ ပလဲဝထိ သူတို့၏ပစ္စည်း ရိက္ခာများကို ပေါ်တာအဖြစ်အတင်းအကြပ်သယ်ယူခိုင်းခဲ့ကြောင်းသတင်းရရှိသည်။

Read More...

Summary only...

တပ်မဟာ(၁) သထုံခရိုင်။
- ၂၂.၀၈.၂၀၁၀နေ့ တွင် DKBAတပ်ရင်း(၂)မှ မောင်လှဦး/စောအယ်ထူး တို့သည် တပ်မဟာ (၁)သို့ပြန်လည်ဝင်ရောက်ခဲ့သည်။ သူတို့နှင့်အတူ AR ၂လက် ကျည်ဆံ၁၄၈တောင့်၊ AK ၁လက် ကျည်ဆံ (၁၇)တောင့်တို့ပြန်ပါလာခဲ့သည်။

တပ်မဟာ(၂) တောင်ငူခရိုင်။
- ထန်းတပင်မြို့နယ်၊၁၀.၀၈.၂၀၁၀နေ့တွင်စကခ(၇)ခမရ(၄၂၆)ဒုရင်းမှူးဗိုလ်မှူးစိုးလှိုင်သည်ခလယ်လာရွာ ကောသေးဒဲရွာမှရွာသူရွာသားများအားဖမ်းဆီးအကြပ်ကိုင်ပြီးထိုရွာများအနီးတဝိုက်တွင်တိုက်ပွဲများဖြစ်ပွားမှာကိုကြောက်သဖြင့်သူပြောတဲ့အတိုင်းလုပ်ရမည်ဟုပြောဆို ခြိမ်းခြောက်ခဲ့သည်။ သူပြောတဲ့အတိုင်းမလုပ် ပဲတိုက်ပွဲများဖြစ်ပွားခဲ့လျှင် တောင်ယာတောထဲသွားရေးလာရေး၊လုပ်ကိုင်မှုများကိုပိတ်ပင်မည့်အပြင်ရွာထဲ မှရွာပြင်ထွက်ခွင့်ကိုပါပိတ်မည်ဟုခြိမ်းခြောက်သည်။

- ၂၀.၀၈.၂၀၁၀နေ့မှစပြီး ပလဲဝ၊ကလောမီးဒဲ၊ဖြင်စလိုမှာရှိတဲ့ စကခ(၇)နှင့်အပြင်စစ်ကြောင်းတွင်ရှိသော တပခ တပ်တို့သည်ထိုရွာမှ ရွာသားများအား ရွာပြင်ထွက်ပြီး တောင်ယာလုပ်ကိုင်ခွင့်ကိုပိတ်ပင်တဲ့အပြင် ခြိမ်းခြောက်ပြောဆိုမှုများကြောင့် ရွာသူရွာသားများ ကြောက်လန့်စွာနဲ့နေထိုင်ကြရသည်။ ထို့အပြင်စား ရေးသောက်ရေးအခက်အခဲငွေရေးကြေးရေးအခက်အခဲများကြုံတွေ့နေကြရသည်။

တပ်မဟာ(၇) ဖားအံ့ခရိုင်။
- ၂၂.၀၈.၂၀၁၀နေ့တွင် DKBA ၅၅၅ တပ်ရင်း၃မှ စောဒါးအယ်အသက်(၁၅)နှစ်စောခူမူအသက်(၁၄)နှစ်တို့ သည်တပ်မဟာ(၇)သို့ပြန်လည်ခိုလှုံခဲ့သည်။ သူတို့နှင့်အတူ AR ၂လက် ကျည်ကပ်၇ကပ် ကျည်ဆံ ၁၇၆ တောင့် တို့ပါလာခဲ့ကြောင်းသတင်းရရှိသည်။

Read More...

Summary only...

From_BurmaToday

Read More...

Summary only...

သထုံခရိုင်၊ တပ်မဟာ(၁)။

- ဒီကေဘီအေ ၉၉၉ တပ်ရင်း(၂)မှ တပ်သား ရွှေထီး သည် ၆၀ မမ တစ်လက်၊ ဗုံးသီး လေးလုံးနှင့်အတူ KNLA တပ်မဟာ(၁) လက်အောက်ခံတပ်များသို့ ၁၉၊ ၀၈၊ ၂၀၁၀ ရက်နေ့ တွင်လည်းကောင်း၊ DKBA ၉၉၉ မှ တပ်စုမှူး စောသန်းစိုး၊ တပ်သား စောအောင်ကိုလတ်၊ စောကိုကို၊ စောဖြူကျော် တို့ သည် AK47 (၄ လက်)၊ ကျည်ကပ် ၆ ချပ်၊ ကျည်တောင့် ၅၄ တောင့်၊ ကာဘိုင်တစ်လက်၊ ကျည်ကပ်တချပ်၊ ကျည်တောင့် ၁၆ တောင့်၊ M 16 တစ်လက်၊ ကျည်ကပ် နှစ်ချပ်၊ ကျည်တောင့် ၅၀၊ စကားပြောစက် YAESU တစ်လုံး၊ ကျောပိုးအိတ် လေးလုံး၊ အီကွင့်မက် နှစ်စုံ နှင့်အတူ ၂၁၊ ၀၈၊ ၂၀၁၀ ရက်နေ့ တွင် လည်းကောင်း၊ အသီးသီး လက်နက်ချ ၀င်ရောက်လာကြောင်း သတင်းရရှိပါသည်။
- ဘီးလင်းမြို့နယ်၊ DKBA (333)မှ ဒါးဝင်းသည် ၁၅၀၈၂၀၁၀ နေ့တွင်မယ်ပရိခီး၊ကစယ်ဖိုး၊ညာဆူထာ၊ဇီးကုန်း၊ ပဒတ်ဒေါ၊ဘောဝေါထာ၊ဝေါလေ ရွာများကို အိမ်ထောင်စုစာရင်းတောင်းယူပြီး ထိုရွာများရှိတစ်အိမ်လျှင် ဝါးရိုင်း ၂၀ချောင်းစီ အတင်းအဓမ္မတောင်းယူခဲ့သည်။

ဖာပွန်ခရိုင်၊ တပ်မဟာ(၅)။

- DKBA ကဆောဝါးတပ်ရင်းနှင့်နအဖမှ (၄)ဦးတို့သည်ဖောထီးခူတွင်တွေ့ဆုံကြပြီးထိုတပ်ရင်းလူဦးရေ အရေ အတွက်ကိုကောက်ယူပြီး နယ်ခြားစောင့်တပ်ဖွဲ့ပြီးလျှင် လစာများပေးရန်အတွက် ဓာတ်ပုံများရိုက်ယူကြောင်း သိရှိရသည်။
- ၁၅.၀၈.၂၀၁၀ နေ့တွင် ကတဲထိစကခမှူးသည်ကျေးရွာလူကြီးများအားစစ်စာရင်းနှင့် လယ်မြေပိုင်ဆိုင်မှုဧက အပြင်ပိုင်ဆိုင်သူ၏အမည်နာမ များကိုကောက်ယူခဲ့သည်။
- ၁၂.၀၈.၂၀၁၀နေ့၊ နအဖတပ်သည် ခေါတော်ပူတွင်ဝင်ရောက်တပ်စွဲပြီး ထိုဒေသတွင်လှုပ်ရှားသောDKBA၏အ လံကိုဖြုတ်ချပြီး သူတို့၏အလံကိုတင်ထားကြောင်းသတင်းရရှိသည်။
- ၁၁.၀၈.၂၀၁၀နေ့၊ ကုန်းဆက်တွင်ရှိသော DKBAကဆောဝါးတပ်သည် ခေါတော်ပူ သို့အကုန်ပြန်ဆင်းသွား ကြောင်းသိရပြီး ဘာကြောင့်ပြန်ဆင်းကြောင်းမသိရသေးပေ။

ဒူးပလာယာခရိုင်၊ တပ်မဟာ(၆)။

- ၁၅.၀၈.၂၀၁၀နေ့၊ခလရ(၂၈၃)စစ်ကြောင်းမှူး(၂)သက်မြင့်နိုင်သည်DKBAနယ်ခြားစောင့်တပ်ဖွဲ့ပွဲအခမ်းအနားကိုကျင်းပရန် အတွက် ကျူးကွဲအုပ်စုမှ ရွာများကိုတာဝန်ယူခိုင်းတဲ့အပြင် သစ်များကိုလည်းအလုံအလောက် တောင်းဆိုခဲ့သည်။ ထို့အပြင်ဖာသေအုပ်စုပ်မှရွာများကိုလည်းဝါးအလုံအလောက်တောင်းဆိုပြီး တစ်အိမ်၁ ယောက်နှုန်းဖြင့် သွားရောက်လုပ်ကိုင်ခိုင်းခဲ့ကြောင်းသိရှိရသည်။

Read More...

Summary only...

BBC Burmese - မြန်မာ့ရေးရာ ..

Read More...

Summary only...

တပ်မဟာ(၇) ဖားအံ့ခရိုင်။


၁၉.၀၈.၂၀၁၀နေ့ ၂၃း၀၀အချိန်တွင် DKBA အထူးတပ်ရင်းမှ တပ်ကြပ်စိန်တင်ဝင်းသည် မိခင်KNU/KNLA သို့ပြန်လည်ခိုလှုံခဲ့သည်။ သူနှင့်အတူ RPG-7 တလက်၊ ဒုံးကျည်၎လုံးနှင့် စကားပြောစက်အသေး၁လုံးပါယူဆောင် ခဲ့သည်။

Read More...

Summary only...