.jpg)
အာဂ သတ္တိခဲတွေပဲ..........ရုရှားကစစ်ဗိုလ်အခြောက်တွေလည်း အဲလိုရှေ့တန်းထွက်ရရင် ဖိနပ်နဲ့တင်ပါးတစ်သားတည်း ကျအောင်ပြေးဦးမယ်နဲ့တူတယ်။ အခုတော့ အဝေးကနေပြီးတော့ ဟိုလိုက်ဟောင်ဒီလိုက်ဟောင် နဲ့.....သတ္တိရှိရင်ရှေ့တန်းကိုလာခဲ့.................
သျှမ်းသံတော်ဆင့်သတင်း မှ..........
၁၆ ရက်နေ့က ဖြစ်ပွားခဲ့သော နအဖနှင့်သျှမ်းပြည် တပ်မတော်ကြား နမ့်မ - မောက်တောင်းဂွင် တိုက်ပွဲတွင် လက်နက် ပစ်၍ ထွက် ပြေးကြသည့် နအဖ တပ်သားများလည်းရှိကြောင်း တိုက်ပွဲဝင် တပ်သားများ အသိုင်းအဝိုင်း ထံမှသိရသည်။
“နမ့်မ မောက်တောင်းဂွင်တိုက်ပွဲက ၂ နေရာဖြစ်တာ။ နမ့်မရွာ မှာတနေရာ။ တင်းဟိုင်းရွာ မှာတနေရာ နီးနီး လေးဘဲ။ ၁၆ ရက် ညနေ တိုက်ပွဲတုန်းကဗမာတပ်ဘက်ကဆုတ်ခိုင်းတဲ့အချိန် ဗမာစစ်သား ၄-၅ ယောက် သူများနဲ့အတူ လိုက် မဆုတ်ဘဲ လက်နက်တွေလွှင့်ပစ်ပြီး တခြားကိုထွက်ပြေးသွားတာတွေ့ရတာ” ဟုရှေ့တန်း တပ်မှူးများနှင့်နီးစပ်သည့် အသိုင်းအဝိုင်း က ပြောသည်။
ွှ
အဆိုပါ တိုက်ပွဲ ၂ နေရာစလုံး နအဖတပ်ဘက်မှ ၁၀ ယောက်ထက်မနည်းသေသည်ဟု လည်းသိရသည်။
“နမ့်မတိုက်ပွဲက ၃ နာရီ နီးပါးကြာတယ်။ ဗမာတပ်ဘက်က လက်နက်ကြီး နဲ့ဘဲထုတယ်။ တင်းဟိုင်းတပ်စခန်း မှာတော့ လက်နက် ကြီးရောလူရော တက်တိုက်တယ်။ တိုက်ပွဲ ၂ နေရာစလုံး ဗမာတပ်ဘက် ၁၃ ယောက်သေ တယ်။ ကျနော် တို့က တောင့် ခံ တိုက်ခိုက်တော့ ဗမာစစ်တပ်ကလွယ်လွယ်နဲ့ ဝင်လို့မရဘူး။ ကျနော်တို့ဘက်က တပ်သား ၅ ယောက် ထဲနဲ့ တညလုံး မနေ့က မနက် ၈ နာရီအထိ ခံချတာလေ” ဟု တိုက်ပွဲဝင် သျှမ်းတပ်မှူးငယ် တဦး ကပြောကြောင်း ၎င်းနှင့် နီးစပ် သည့်ပုဂ္ဂိုလ် တဦးကပြောပါသည်။
လားရှိုးတောင်ဖက်၊ လားရှိုး- မိုင်းရယ်ကားလမ်းအနောက်ဖက် နမ့်မ မောက်တောင်းဂွင်၌ဖြစ်ပွါးသောအဆိုပါ တိုက်ပွဲမှာ SSPP/SSA ၏ ဒုဗိုလ်မှူးကြီးငေါဝ်းဖှ ဦးဆောင်သော တပ်မဟာ ၁ လက်အောက်ခံတပ်ရင်း ၂၄၆ ဖြစ်သည်ဟုဆို၏။ တိုက်ပွဲ ဝင်တပ်မှူး တပ်သား များအား ရန်သူတယောက် ကျည်တတောင့်(မတွေ့လျင်မပစ်) ညွှန်ကြားထားသောကြောင့် လက် နက်ငယ် ကျည်ဆံ ၂၀၀ ကျော် ၄၀ မမ M 79 ၊ ဗုံးသီး ၁၀ လုံးကျော်သာ အသုံးပြုကြောင်း၊ ထို့ကြောင့်ရန်သူ အသေအပျောက်များရခြင်းဖြစ်ကြောင်း ၎င်းတပ်မှူးငယ်ကပြောသည်။
၁၃ ရက်မှ ၁၇ ရက်အထိ ၅ ရက်နေရာအသီးသီးတိုက်ပွဲများအတွင်း SSPP/SSA ဘက်မှ ၃ ဦးကျဆုံး၊ ၂၀ ကျော် ဒဏ်ရာ ရကာ နအဖ တပ်မှ ၁၅ ယောက်ထက်မနည်းသေ ၁၀၀ ခန့်ဒဏ်ရာရကြောင်းသီးခြားအတည်မပြု နိုင်သော ဆို့စ်တခု ကဆိုသည်။
ယနေ့တွင်လည်း စိန်ကျော့တဝိုက်ရှိ သျှမ်းပြည်တပ်မတော် SSPP/SSA ၏ အမှတ် ၉ မြို့နယ်စစ်ဒေသထိန်း ချုပ်နယ် မြေ စိန်ကျော့ အရှေ့ တောင် ဘက် ဝမ့်ဇန့်တိုက်နယ်အတွင်းတပ်စခန်းအချို့အား နအဖတပ်က ဝန်းရံထားသည် ဟုဆိုသည်။
“ ဒီတိုက်ပွဲမှာ ဗမာတပ်က စိန်ကျော့ပြည်သူ့စစ်တွေကိုပါ ခေါ်မယ်လို့ သတင်းကြားထားတယ်။ ငယ်ပေါင်း ကြီးဖော်တွေ ဒိုးတူဘောင် ဖက်တွေ အချင်းချင်းပြန်ချခိုင်းတော့မှာပေါ့။ နမ့်မတိုက်ပွဲတုန်းကလဲ မန့်ပန် ဌာနေပြည် သူ့စစ် ဗိုလ်မွန်းရဲ့ လူတွေပါတာတွေ့ရတယ် ” ဟု သျှမ်းပြည်မြောက်ပိုင်းစစ်ရေးလေ့လာသူတဦးက လည်းပြောသည်။
ယခုဖြစ်ပွါးခဲ့သော နအဖနှင်သျှမ်းတပ်ကြားတိုက်ပွဲနှင့်ပါတ်သက်၍ တောင်ကြီးအခြေစိုက်ရပခ တိုင်းရုံးမှ ဒုဗိုလ်တဦးက လည်း “ ဘယ်မှာလဲ သူတို့မဟာမိတ်တွေ၊ ဘယ်မှာလဲသူတို့သဘောတူညီချက်တွေ၊ စာရွက်ထဲမှာ ဘဲရှိတယ်။ ဘယ်အဖွဲ့မှ သူတို့ကို မကူနိုင်ပါ ဘူး” ဟု လှောင်ပြောင်ပြောဆိုခဲ့သေးသည်ဟု သိရသည်။
သျှမ်းပြည်တပ်မတော် SSPP/SSA သည် ဝ ပြည်သွေးစည်းရေးတပ်မတော် UWSA ၊ မိုင်းလားတပ်ဖွဲ့ NDAA – ESS အပြင် ကချင်လွတ်လပ်ရေးတပ်မတော် KIA တို့နှင့်လည်း မဟာမိတ်တပ်ဖွဲ့ဝင်ဖြစ်သည်။
.jpg)
တိုက်ပွဲအတွင်း နအဖတပ်သားများ လက်နက်ပစ် ထွက်ပြေး
ပြောက်ကျားတိုက်ပွဲကြောင့် နအဖ အရာရှိများပါ ထိခိုက်
ကေအိုင်စီ
ကရင်အမျိုးသားအစည်းအရုံး (ကေအဲန်ယူ) တပ်မဟာ(၇)နယ်မြေရှိ ကလို့ယော်ထာ့တွင် ကေအဲန်အယ်အေ တပ်ဖွဲ့ဝင်များက နအဖတပ်ဖွဲ့ကို မတ်လ ၁၅ရက်နေ့က ပြောက်ကျားတိုက်ခိုက်ရာ နအဖဘက်မှ တပ်ရင်းမှူး အပါအ၀င် ၃ဦး ထိခိုက်သွားခဲ့ သည်ဟု ကေအဲန်အယ်လ်အေဘက်က ပြောသည်။
ထိုနေ့မနက် ၅း၃၀နာရီတွင် စစ်ကွပ်ကဲရေးဌာနချုပ် စကခ(၁၂) လက်အောက်ခံ ခမရ(၅၄၆)တပ်ကို ကရင်အမျိုးသားလွတ် မြောက်တပ်ဖွဲ့(ကေအဲန်အယ်လ်အေ) တပ်မဟာ(၇)လက်အောက်ခံတပ်ရင်းများ ပြောက်ကျားတိုက်ခိုက်မှုကြောင့် တပ်ရင်းမှူး နှင့် တပ်ကြပ် ၂ဦး ဒဏ်ရာရရှိသွားခဲ့သည်ဟု ကေအဲန်အယ်လ်အေ တပ်မဟာ(၇)မှူး ဗိုလ်မှူးချုပ်စောဂျော်နီက အတည်ပြု ပြောဆိုသည်။
သူက “မနက် ၅နာရီခွဲလောက်မှာ ပစ်ခတ်မှုဖြစ်တာ ခဏလေးပါပဲ။ နအဖဘက်က တက်လာတော့ ကျနော်တို့ဘက် တပ်ရင်း (၁၉)နဲ့ တပ်ရင်း(၂၁)က ရဲဘော်တွေနဲ့ ပစ်ခတ်မှုဖြစ်တယ်လေ။ အဲဒီမှာ ကျနော်တို့ သိရသလောက်က ခမရ(၅၄၆) တပ်ရင်းမှူး နဲ့ တပ်ကြပ်နှစ်ယောက် ထိခိုက်တယ်။ အဲဒီထဲမှာ တပ်ကြပ်တယောက်က ဒဏ်ရာပြင်းတယ်လို့ သိရတယ်။”ဟု ဆိုသည်။
ထိုနေ့မတိုင်ခင် မတ်လ ၁၄ရက် မွန်းလွဲ ၁နာရီခန့်ကလည်း ကော့ကရိတ်မြို့အထွက် ကြောင်လျှာကုန်းနှင့် အနီးတ၀ိုက်တွင် ဒီကေဘီအေမှ နအဖ၊ ဗိုလ်မှူးမုတ်သုန်၏ နယ်ခြားစောင့်တပ်များနှင့် တိုက်ပွဲဖြစ်ပွားရာတွင် နအဖ၊ နယ်ခြားစောင့်တပ်ဘက်မှ ထိခိုက်ကျဆုံးမှု အနည်းငယ်ရှိသည်ဟု သိရသော်လည်း အတိအကျကိုမူ မသိရှိရပေ။
နအဖတပ်မှ ကရင်ရွာသားတစ်ဦးကို ပစ်သတ်
ဘယ်တော့မှမေ့သွားမယ်လို့မထင်နဲ့.....မင်းတို့စစ်ခွေးတွေ
တို့ကရင်လူမျိုးကိုနှိပ်ကွပ်ရက်စက်သတ်ဖြတ်တာတွေကို ကမ္ဘာမကြေဘူး..
နန်းထူးစံ (ကေအိုင်စီ)
ကရင်ပြည်နယ်၊ ဖာပွန်မြို့နယ်တွင် လက်ရှိ လှုပ်ရှားနေသည့် နအဖ ခြေမြန်တပ်မ ဌာနချုပ်- တမခ (၁၁)လက်အောက်ခံ တပ် ရင်းမှ ကျွဲအရောင်းအ၀ယ်လုပ်နေသည့် ရွာသားများကို သွားရောက်ပစ်ခတ်ခဲ့သည့်အတွက်ကြောင့် ခေးထာ့ရွာသားတစ်ဦး ပွဲ ချင်းပြီး သေဆုံးသွားခဲ့သည်ဟု ဒေသခံတဦးက ကေအိုင်စီကို ပြောသည်။
သေဆုံးသွားခဲ့သည့် အသက် ၃၉နှစ်အရွယ် ဖားမော့လောသည် ခေးထာ့ရွာမှနေ၍ ကျိုးခိုဒဲရှိ ကျွဲများကိုဝယ်ယူရန် ကျွဲပိုင်ရှင် နှင့် ဆွေးနွေးပြောဆိုနေစဉ် တမခ(၁၁)လက်အောက်ခံ ခမရ(၂၁၄)မှ ဗိုလ်ပြုံးမောင်မောင် ဦးစီးသောအဖွဲ့က တမင်သွားရောက် ပစ်ခတ်ခဲ့ခြင်းဖြစ်သည်ဟု ၎င်းဒေသခံက ပြောသည်။
သူက “စစ်တပ်က ရွာသားတွေ ကျွဲအရောင်းအ၀ယ်လုပ်တာကို ကြိုသိထားလို့ဖြစ်မယ်။ လာပြီးပစ်တာ။ ကျွဲရောင်းတဲ့လူတွေ ထွက်ပြေးလွတ်မြောက်ပေမဲ့ ဖားမော့လောက ထိသွားတယ်။ အဲဒီမှာပဲ သေဆုံးသွားတယ်။ သူ့မှာပါလာတဲ့ ထိုင်းဘတ်ငွေ သုံး သောင်းကိုလည်း စစ်တပ်က အကုန်ယူလိုက်တယ်။”ဟု ပြောသည်။
ယင်းသို့ ဖားမော့လော သေဆုံးသွားသည့်အတွက် ၎င်းအား မှီခိုနေရသူ ဇနီးသည်နှင့် သားသမီး ၃ဦးတို့သည် ယခုအချိန်တွင် စိတ်သောကရောက်နေရကြောင်း သိရသည်။
လက်ရှိ ဖာပွန်ဒေသရှိ် နအဖတပ်များသည် တပ်ရိက္ခာ ပို့ဆောင်နေဆဲဖြစ်ပြီး ရိက္ခာပို့ဆောင်ရေးအတွက် ဗိုလ်ပြုံးမောင်မောင် နှင့်အဖွဲ့သည် ခေါပူနှင့် ဆာ့ညာ့ကျေးနယ်အကြားတွင် လုံခြုံရေးတာဝန်ယူကာ လှုပ်ရှားနေကြောင်း ဖာပွန်ခရိုင်အတွင်းရှိ KNU တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ပြောသည်။
ဖာပွန်ဒေသတွင် နအဖ တပ်များမှ ပစ်သတ်၊ သတ်ဖြတ်မှုကြောင့် ၂၀၁၀ခုနှစ်အတွင်းတွင် ရွာသူရွာသား ၅ဦး သေဆုံးခဲ့ပြီး ယခု ၂၀၁၁ခုနှစ်တွင် ဖားမော့လောသည် ပထမဦးဆုံး ပစ်သတ်ခံရသည့် ရွာသားတဦးဖြစ်သည်ဟု သိရသည်။
စာမေးပွဲအပြီး မြ၀တီရှိ အစိုးရဌာနများကို ၀င်တိုက်မည့်သတင်းကြောင့် မြို့ခံများ ထိတ်လန့်နေ
စောခါးစူးညား (ကေအိုင်စီ)
ကရင်ပြည်နယ် နယ်စပ်မြို့ဖြစ်သည့် မြ၀တီမြို့ရှိ စစ်အစိုးရဌာနဆိုင်ရာ ရုံးများကို တိုးတက်သောဗုဒ္ဓဘာသာ ကရင်အမျိုး သားတပ်မတော်(DKBA)တပ်ဖွဲ့က ဆယ်တန်းစာမေးပွဲအပြီး ၀င်တိုက်မည်ဟု သတင်းထွက်ပေါ်သောကြောင့် အထိတ်တ လန့် ဖြစ်နေကြရကြောင်း မြ၀တီမြို့ခံများက ပြောဆိုနေကြသည်။
ယနေ့သည် ဆယ်တန်းစားမေးပွဲနောက်ဆုံးရက်ဖြစ်သဖြင့် မနက်ပိုင်းကတည်းက မြို့လယ်ခေါင်ရှိ ဘုရင့်နောင်လမ်းမတစ် လျှောက်ရှိ စတိုးဆိုင်ကြီးများ၊ အထည်ဆိုင်နှင့် ရွှေဆိုင်အတော်များများမှာ ပိတ်ထားကြောင်း အမည်မဖော်လိုသူ မြို့ခံအ အမျိုးသမီးတစ်ဦးက ကေအိုင်စီကို ပြောသည်။
သူမက “ဒီနေ့လည် ၁၂နာရီမှာ စာမေးပွဲက ပြီးပြီလေ။ ဒါကြောင့် ဒီမနက် မြို့ကလူတွေက အပြင်ထွက်တာ သိပ်မတွေ့ရ သလို ဘုရင့်နောင်လမ်းမပေါ်က ကိုယ်ပိုင်အိမ်ဆိုင်တွေဖြစ်တဲ့ စတိုးလ်ဆိုင်၊ ကုန်စုံဆိုင်၊ အထည်ဆိုင်နဲ့ ရွှေဆိုင်တွေ ပိတ် ထားတယ်။ ရဲတွေကတော့ ဟိုး မနေ့က ပိတ်ခိုင်းထားတာ။ နောက် ဒီနေ့ ချစ်ကြည်ရေးတံတားထိပ်က Taxi ဆိုင်ကယ်နဲ့ ဆိုက်ကားအကြုံအပို့တွေလည်း တစီးမှမရှိဘူး။ တိုက်ပွဲဖြစ်မှာကို လူတွေ တော်တော်ထိတ်လန့်နေကြတယ်။”ဟု ပြော သည်။
ဒီကေဘီအေအနေဖြင့် မြ၀တီမြို့ကို တိုက်ခိုက်ရန်နှင့် စစ်အစိုးရရုံးများကို မီးရှို့ရန် ပြီးခဲ့သည့်အပတ်က မြ၀တီအာဏာပိုင် များထံ စာပို့ခဲ့သည့်အတွက် မြို့ခံလူထုအား အပြင်မထွက်ရန် အာဏာပိုင်များက သက်ဆိုင်ရာ ပညာရေး၊ ကျန်းမာရေး၊ ဆောက်လုပ်ရေး၊ စည်ပင်၊ ပို့ဆက်(ကား၊ ဆိုင်ကယ် လိုင်စင်ရုံး)၊ အခွန်ဦးစီး၊ ငွေစာရင်း၊ သမ၀ါယမ၊ စီမံကိန်းနှင့် မွေးမြူ ရေး စသည့်ဌာန၀န်ထမ်းများကို ယမန်နေ့က သောင်ရင်းခမ်းမတွင် အစည်းအဝေးခေါ်ယူကာ အသိပေးထားခဲ့သည်။
ဒီကေဘီအေအနေဖြင့် ၎င်းစာကို ပြီးခဲ့သည့် ရက်သတ္တပတ်ကတည်းက မြ၀တီအာဏာပိုင်များထံ ပေးပို့ထားခြင်းဖြစ် ကြောင်း DKBA တပ်မဟာ(၅) တပ်မဟာမှူး ဗိုလ်မှူးချုပ်စောလားပွယ် (ဗိုလ်နှုတ်ခမ်းမွှေး)က အတည်ပြု ပြောဆိုသည်။
ဗိုလ်မှူးချုပ်စောလားပွယ်က “ကျနော်တို့ အခုလို သူတို့(နအဖ)ရဲ့ ဌာနဆိုင်ရာရုံးကို တရားဝင်စာပို့ထားတဲ့အတွက် ဘာမှ ထွေထွေထူးထူး ပြောစရာ မရှိပါဘူး။ သူတို့တွေ ကျနော်တို့ရဲ့ နေရာအတော်များများကို လာဖျက်ဆီးပြီးပြီ။ ဒါကြောင့် ကျနော်တို့ဘက်က လုပ်သင့်တာကို ပြန်လည်တုံ့ပြန်သွားဖို့ အခြေအနေကို ကြည့်ပြီးလုပ်သွားမယ်။”ဟု ပြောသည်။
ယနေ့ ဆယ်တန်းစာမေးပွဲ ဖြေဆိုအပြီး မွန်းလွဲ ၃နာရီခန့်တွင် မြ၀တီမြို့ဘက်၌ လက်နက်ကြီးပေါက်ကွဲသံ ကြားရကြောင်း မြ၀တီမြို့ခံတဦးက “ဒီနေ့ ၃နာရီလောက်မှာ လက်နက်ကြီးအသံ သုံးလေးချက်လောက် ကြားရတယ်။ မြို့ထဲမှာတော့ မဟုတ်ဘူး။ အသံက မင်းလက်ပံရွာဘက်ကလို့ ထင်တာပဲ။”ဟု ပြောဆိုသည်။
မင်းလက်ပံ၊ ဖလူး၊ ဝေါ်လေကျေးရွာများသည် မြ၀တီမြို့၏ တောင်ဘက်ခြမ်းတွင်ရှိပြီး ၂၀၁၀ ရွေးကောက်ပွဲကို ဆန့်ကျင် ကာ နအဖ စစ်အစိုးရကို ပြန်လည်တိုက်ခိုက်နေသည့် ဒီကေဘီအေအဖွဲ့ ယခင်အခြေစိုက်ရာဖြစ်သော်လည်း ယခုအချိန် တွင် စစ်အစိုးရတပ်များက ၀င်ရောက်နေရာယူထားသဖြင့် ဒီကေဘီအေမှ စစ်အစိုးရဌာနဆိုင်ရာရုံးများကို တိုက်ခိုက်ရန် ယခုလို တရားဝင်စာ ပေးပို့ခဲ့ခြင်းဖြစ်သည်။
မြ၀တီ ကို လက်နက်ကြီး ကျ
FreedomNewsGroup မှ.......
မြ၀တီမြို့ တွင်ယနေ့ မနက်ပိုင်းမှာပစ်ခတ်သံများကြားရပြီးလက်နက်ကြီးပေါက်ကွဲမှုသံများလည်းဆူညံနေသည်ဟုမြ၀တီမြို့ ခံတစ်ဦးကFreedom News Group သို့ ပြောသည်။
ယနေ့မတ်လ၁၇ရက်နေ့ နေ့လည် ၂နာရီခွဲအချိန်ခန့်တွင်မြဝတီမြို့ပြင်တံတားကျိုးဘက်လက်နက်ကြီးသွများကြားရပြီး၊လက်နက်ကြီး၎လုံးခန့်ပေါက်ကွဲသံကြားရကြောင်းမြဝတီမြိုခံကပြောသည်။ဗိုလ်မှုးချုပ်စောလားပွယ်ဦးဆောင်သောDKBAတပ်များသည်နအဖ၏ရွေးကောက်ပွဲ နှင့်နယ်ခြားစောင့်တပ်အဖြစ် ပြောင်းလဲခြင်းကိုလက်မခံဘဲ ပြီးခဲသည့်နိုဝင်င်္ဘာလကတည်းကတိုက်ခိုက်လာခဲ့သည်။
ကရင်ပြည်နယ်အတွင်းတွင်တိုက်ပွဲများ ဖြစ်ပွားစဉ်ကာလအတွင်းနအဖစစ်တပ်မှာပြောက်ကျားစစ်ဆင်ရေးများကြောင့်အထိခိုက်အကျဆုံးများပြားခဲ့ရသည်။
တက္ကသိုလ်ဝင်တန်းစာမေးပွဲများ ဖြေဆိုပြီးချိန်တွင်DKBA နှင့်KNUတို့မှနအဖစစ်တပ်ကိုပြောက်ကျားစစ်ဆင်ရေးများအရှိန်တိုးမြင့် တိုက်ခိုက်မည်ဟု သတင်းများကြားနေရကြောင်းကို မြ၀တီ-ကော့ကရိတ် ဆိုင်ကယ်ပြေးဆွဲနေသူယာဉ်မောင်းတဦးက FNG ကိုပြောပြခဲ့ပါသည်။
မတ်လ၁၆ရက်နေ့ညကတည်းက မြဝတီမြို့တွင်နေထိုင်သူများသည်အချို့မှာတိုက်ပွဲများဖြစ်ပွားလာပါကဘေးကင်းရာထွက်ပြေးနိုင်ရန်အထုပ်အပိုးများအဆင့်သင့်ပြင်ထားကြပြီး၊အချို့မှာမိမိတို့နေထိုင်ရာအိမ်ဝင်းအတွင်းတွင်ကတုတ်ကျင်းများတူးထားကြကြောင်းသိရ သည်။ ယနေ့တွင်မြဝတီဈေးနှင့် ရပ်ကွက်အတွင်းဈေးဆိုင်များပိတ်ထားကြကြောင်းသတင်းရရှိပါသည်။
မြ၀တီမြို့ ထဲတွင်စစ်တပ်အင်အားမြောက်များစွာချထားပြီး ဒေသခံများသည်ပေါ်တာနှင့်ချောအဆွဲခံရမည်ကိုထိတ်လန့် နေကြသည်။
မြ၀တီ မြို့ သည် မြန်မာ နိုင်ငံနယ်စပ်ဒေသ၏ အဓိကျသောကုန်သွယ်ရေး မြို့ ဖြစ်သည်။
တိုက်ပွဲနည်းလာသော်လည်း နအဖတပ်ဖွဲ့ဝင်များ ဆက်လက် မိုင်းထိမှန်နေ
စောခါးစူးညား (ကေအိုင်စီ)
ကရင်ပြည်နယ်၊ လှိုင်းဘွဲမြို့နယ်ရှိ KNU ထိန်းချုပ်နယ်မြေ တပ်မဟာ(၇)နယ်မြေတွင် တိုက်ပွဲဖြစ်ပွားမှု နည်းပါးလာသော် လည်း ယခုရက်ပိုင်းအတွင်း မြေမြှုပ်မိုင်းကြောင့် နအဖ တပ်ဖွဲ့ဝင်များ ထိခိုက်မှုများ ဆက်လက် ရှိနေဆဲဖြစ်သည်ဟု သိရ သည်။
ကရင်ပြည်နယ်အတွင်း နအဖ လှုပ်ရှားတပ်ဖြစ်သည့် စစ်ကွပ်ကဲရေးဌာနချုပ်-စကခ(၁၂)လက်အောက်ခံ ခမရ(၅၄၆)တပ် ရင်းသည် မတ်လ ၁၁ရက်နှင့် ၁၂ရက်နေ့၌ လှိုင်းဘွဲမြို့နယ်၊ ကလို့ယိုချောင်း အနောက်ဘက်ခြမ်း ကလို့ယိုထာ့တွင် ကရင် အမျိုးသားအစည်းအရုံး(KNU)၏ မြေမြှုပ်မိုင်းထိမှန်၍ ၄ဦး ဒဏ်ရာရရှိခဲ့သည်ဟု KNU တပ်မဟာ(၇)ရုံးထိုင်မှူး ဗိုလ်မှူးစော အဲ့ဆဲဆဲက ကေအိုင်စီကို ယခုလို ပြောသည်။
“နအဖတပ်တွေ မတ်လ ၁၁ရက်နေ့က ကျနော်တို့ ဗုံးနဲ့ ၂ယောက်ထိတယ်။ တပ်ကြပ်တယောက်ပါတယ်။ တပ်ကြပ်က တော့ ခြေနှစ်ဖက်စလုံး ပြတ်သွားတယ်။ ၁၂ရက်နေ့မှာ ၂ယောက် ထပ်ထိတယ်။ ဗိုလ်တယောက် ပါတယ်။ ရဲဘော် ၁ ယောက် ပါတယ်။”ဟု ပြောသည်။
ထိုဒေသရှိ နအဖ လှုပ်ရှားတပ်များသည် ၎င်းတို့နောက်လိုက်နေသည့် BGF တပ်များ၏ရှေ့မှ လမ်းပြအဖြစ် သွားခဲ့သည့်အ တွက် ယခုလို မိုင်းထိမှန်ကာ ဒဏ်ရာရရှိခြင်းဖြစ်ကြောင်း နယ်ခြားစောင့်တပ်-BGF နှင့် နီးစပ်သူတဦးက ပြောသည်။
“အဲဒီနယ်မှာ လက်ရှိ လှုပ်ရှားနေတဲ့ စစ်တပ်က နယ်ခြားစောင့်တွေကို ရှေ့ပြေးလမ်းပြခိုင်းတယ်။ ဒါပေမဲ့ သွားမဲ့သူမရှိလို့ သူတို့ပဲသွားတော့ မိုင်းထိတာပေါ့။”ဟု ဆိုသည်။
ကရင်ပြည်နယ်အတွင်း KNU တပ်မဟာ(၆)၌လည်း မတ်လ ၁၀ရက်နေ့က ဝေါ်လေဒေသရှိ ကနဲလေးစခန်းအနီးတွင် နအဖ တပ်ဖွဲ့ဝင်များနှင့် ကရင်တပ်ဖွဲ့ဝင်များအကြား တိုက်ပွဲဖြစ်ပွားခဲ့ရာ နအဖ တပ်ဘက်မှ ဒုဗိုလ်တဦး အပါအဝင် ၅ဦးသေ ဆုံးခဲ့ပြီး ၃ဦး ဒဏ်ရာရရှိခဲ့သည်။
