.jpg)
စောသိန်းမြင့် (ကေအိုင်စီ)
မြန်မာအစိုးရက အပစ်အခတ်ရပ်စဲရေးအတွက် ကရင်အမျိုးသားအစည်း (ကေအဲန်ယူ)အား ငြိမ်းချမ်းရေး ကမ်းလှမ်းဆွေးနွေးမှု များ လုပ်ဆောင်နေသော်လည်း ယခုတလော ကရင်ပြည်နယ်အတွင်း လူ့အခွင့်အရေးချိုးဖောက်မှုများ ဖြစ်ပွားနေဆဲ ဖြစ်သည် ဟု ကေအဲန်ယူဘက်က ပြောသည်။
ပြီးခဲ့သည့် နိုဝင်ဘာလတွင် အစိုးရနှင့် ကေအဲန်ယူ နှစ်ဖက်ငြိမ်းချမ်းရေး ကိုယ်စားလှယ်များ တွေ့ဆုံဆွေးနွေး ပြောဆိုခဲ့ကြ သော်လည်း ကရင်ပြည်နယ်၊ ကော့ကရိတ်၊ လှိုင်းဘွဲနှင့် တောင်ငူမြို့နယ်များတွင် အစိုးရစစ်တပ်မှ ကရင်လူထုကို သတ်ဖြတ် ခြင်း၊ လူနေအိမ်များဖျက်ဆီးခြင်းနှင့် လုပ်အားခိုင်းစေခြင်းများ လုပ်ဆောင်ဆဲဖြစ်ကြောင်း ကေအဲန်ယူက ဆိုသည်။
ကေအဲန်ယူ တွဲဖက်အတွင်းရေးမှူး(၁) ဗိုလ်မှူးစောလှငွေက “အခု အစိုးရက အပစ်အခတ်ရပ်စဲရေး ဖိတ်ခေါ်တယ်။ တပ်အင် အားလည်း မလျှော့ဘူး။ စစ်မြေပြင်မှာ တိုက်ပွဲသံက မစဲဘူး။ လူသတ်မှုတွေနဲ့ လူနေအိမ်တွေ မီးရှို့ဖျက်ဆီးမှုတွေ ရှိနေတုန်းပါ ပဲ”ဟု ပြောသည်။
ကော့ကရိတ်အခြေစိုက် မြန်မာအစိုးရ စစ်တပ် စကခ(၁၂) လက်အောက်ခံ ခမရ(၂၃၀)တပ်ရင်းသည် ပြီးခဲ့သည့် အောက်တို ဘာလ ၂၉ရက်နေ့တွင် လှိုင်းဘွဲမြို့နယ်၊ ထီးမကျုခီးကျေးရွာသို့ ၀င်ရောက်ကာ အသက် ၃၆နှစ်အရွယ် ရွာသူကြီးဖြစ်သူ စော ဖားကော့ဆဲအား ပစ်သတ်ပြီး နားကပ်၊ လက်စွပ်နှင့် ထိုင်းဘတ်ငွေအချို့ကို သိမ်းယူခဲ့သည်ဟု ရွာသားများ၏ ပြောပြချက်အရ သိရသည်။
ပြီးခဲ့သည့် အောက်တိုဘာလ ၁၂ရက်နေ့ကလည်း တောင်ငူခရိုင် သံတောင်မြို့တွင် လှုပ်ရှားသည့် အစိုးရစစ်တပ် ခမရ(၉၀၃) နှင့် ခလရ(၉၂)တပ်ရင်းတို့သည် ကရင်အမျိုးသားလွတ်မြောက်ရေး တပ်မတော်(ကေအဲန်အယ်လ်အေ)နှင့် မိနစ် ၃၀ကျော်ကြာ တိုက်ပွဲဖြစ်ပွားခဲ့ပြီးနောက် ရွာတရွာသို့ ၀င်ရောက်ကာ လူနေအိမ်နှင့် ဘုရားဝတ်ပြုကျောင်းများကို လက်နက်ကြီးငယ်များဖြင့် ပစ်ခတ်ခဲ့ကြောင်းလည်း ကရင်လူ့အခွင့်အရေးအဖွဲ့ KHRG က နိုဝင်ဘာလ ၂၅ရက်နေ့တွင် သတင်းထုတ်ပြန်ခဲ့သည်။
၎င်းအစိုးရစစ်တပ်များသည် ရွာသားများပိုင်ဆိုင်သော ပစ္စည်း၊ စားနပ်ရိက္ခာ၊ အိုးခွက်ပန်းကန်များကိုလည်း ဖျက်ဆီးပစ်ခဲ့သလို ရွာသားများမှာလည်း လွတ်မြောက်ရာသို့ ထွက်ပြေးတိမ်းရှောင်ခဲ့ရသည်ဟု ကရင်လူ့အခွင့်အရေးအဖွဲ့ KHRG က ဆိုသည်။
ကရင်လူ့အခွင့်အရေးအဖွဲ့မှ စောအဲလ်ဘတ်က “အစိုးရနဲ့ ကေအဲန်ယူ အပစ်အခတ်ရပ်စဲရေးအတွက် တွေ့ဆုံတာ ငြိမ်းချမ်း ရေးအတွက်ပဲဆိုတော့ ကောင်းပါတယ်။ တွေ့ဆုံကြပေမယ့်လို့ လူ့အခွင့်အရေးရှုထောင့်ဘက်မှာ ကြည့်မယ်ဆိုရင် လူ့အခွင့်အ ရေးချိုးဖောက်မှုတွေ အကုန်လုံး ရပ်မသွားသေးပါဘူး။”ဟု ကေအိုင်စီသို့ ပြောသည်။
ထို့အပြင် အစိုးရနှင့် ကေအဲန်ယူ အပစ်အခတ်ရပ်စဲရေး သဘောတူညီသွားပါက လက်နက်ကိုင်ပဋိပက္ခမှ ဖြစ်ပေါ်လာသည့် လူ့ အခွင့်အရေးချိုးဖောက်မှုများ လျော့သွားနိုင်သော်လည်း ဖွံ့ဖြိုးရေးလုပ်ငန်းများဖြစ်ကြသည့် ရေကာတာတည်ဆောက်မှု၊ လမ်း ဖောက်လုပ်မှု၊ ရွှေတူးဖော်မှုများမှ လူ့အခွင့်အရေးချိုးဖောက်မှု ဆက်လက် ဖြစ်ပွားနေဦးမည်ဖြစ်ကြောင်း KHRG ကပြောသည်။
ပြီးခဲ့သည့်ရက်ပိုင်းက ကရင်ပြည်နယ်၊ ကော့ကရိတ်မြို့နယ် နောင်ကိုင်းကျေးရွာတွင် လှုပ်ရှားနေသည့် အစိုးရစစ်တပ် လက် အောက်ခံ နယ်ခြားစောင့်တပ် (၁၀၁၇)တပ်ရင်းသည် ကေအဲန်ယူနှင့် ပစ်ခတ်မှုဖြစ်ပွားပြီး ဒေသခံရွာသူရွာသား ၁၀ဦးစီအား ၃ရက်တကြိမ် အလှည့်ကျစနစ်ဖြင့် အဓမ္မလုပ်အားပေးခေါ်ယူလျှက်ရှိသည်ဟု ဒေသခံများ၏ ပြောပြချက်အရ သိရသည်။
အလားတူ ယခုရက်ပိုင်းအတွင်း ကေအဲန်ယူ တပ်မဟာ(၆)နှင့် တပ်မဟာ(၄)နယ်မြေများတွင်လည်း အစိုးရစစ်တပ်နှင့် ကေ အဲန်ယူ တပ်ဖွဲ့ဝင်များအကြား တိုက်ပွဲများ ဖြစ်ပွားနေသည်ဟု သိရသည်။
.jpg)
ငြိမ်းချမ်းရေးဖိတ်ခေါ်နေသော်လည်း အစိုးရက လူ့အခွင့်အရေး ချိုးဖောက်နေဆဲ
အဂတိလိုက်စားမှု မြန်မာထိပ်ဆုံးစာရင်းဝင်
VOA သတင်းမှ........
မြန်မာနိုင်ငံဟာ ကမ္ဘာပေါ်က နိုင်ငံပေါင်း ၁၈၃ နိုင်ငံထဲမှာ အကျင့်ပျက်ခြစားမှုအများဆုံး နိုင်ငံတခုအဖြစ် အဆင့် ၁၈၀ မှာ ရှိနေတယ်ဆိုတာကို မကြာသေးခင်က ထုတ်ပြန်လိုက်တဲ့ အကျင့်ပျက်ခြစားမှုဆိုင်ရာ အညွှန်းကိန်း အစီရင်ခံစာတခုမှာ ဖော်ပြထားပါတယ်။
Transparency International လို့ခေါ်တဲ့ အကျင့်ပျက်ခြစားမှု လေ့လာစောင့်ကြည့်တဲ့ နိုင်ငံတကာအဖွဲ့က ပြုစုထုတ်ပြန်တဲ့ ၂၀၁၁ ခုနှစ်အတွက် ကမ္ဘာလုံးဆိုင်ရာ အကျင့်ပျက်ခြစားမှု အညွှန်းကိန်းထဲမှာ အဲဒီလို ဖော်ပြထားတာပါ။
အကျင့်ပျက်ခြစားမှု အဆိုးရွားဆုံး ၄ နိုင်ငံထဲမှာ မြန်မာနိုင်ငံနဲ့အတူ အာဖဂန်နစ္စတန်၊ မြောက်ကိုရီးယားနဲ့ ဆိုမာလီယာနိုင်ငံ တွေပါဝင်ပါတယ်။
၂၀၁၀ ပြည့်နှစ် နိုဝင်ဘာလမှာကျင်းပတဲ့ ရွေးကောက်ပွဲတွေပြီးတဲ့နောက် သမ္မတဦးသိန်းစိန်ဦးဆောင်တဲ့ အစိုးရအဖွဲ့တက်လာပြီး ကောင်းမွန်တဲ့အုပ်ချုပ်ရေး၊ သန့်ရှင်းတဲ့အစိုးရဖြစ်အောင် လုပ်ဆောင်သွားမယ်လို့ ကတိပြု ပြောဆိုခဲ့ပါတယ်။ ဒါပေမဲ့လည်း မြန်မာနိုင်ငံက တာဝန်ရှိသူအဆင့်အသီးသီးမှာ အကျင့်ပျက် ခြစားတာတွေက သိသိသာသာ လျော့ကျမသွားသေးဘဲ ဆက်ရှိ နေတုန်းပါပဲ။
မြန်မာ့အိမ်နီးချင်း တရုတ်နိုင်ငံမှာလည်း တာဝန်ရှိသူတွေက အကျင့်ပျက်ခြစားတာကို တိုက်ဖျက်ဖို့ ကြိုးပမ်းလုပ်ဆောင်နေပေမဲ့ အကျင့်ပျက်ခြစားမှု ရှိနေဆဲနိုင်ငံတခုဖြစ်တယ်လို့ အစီရင်ခံစာက ဖော်ပြထားပါတယ်။
အကျင့်ပျက်ခြစားမှုအနည်းဆုံးနိုင်ငံတွေထဲမှာ နယူးဇီလန်က ထိပ်ဆုံးမှာရှိပြီး အဲဒီနောက်မှာ နော်ဝေ၊ ဒိန်းမတ်၊ ဆွီဒင်နဲ့ ဖင်လန်နိုင်ငံတွေရှိပါတယ်။ အမေရိကန်နိုင်ငံကတော့ အဆင့် ၂၄ မှာရှိပါတယ်။
ကန္တရ၀တီတိုင်း - သတင်းရုပ်သံ
ဒီလိုဖြစ်ရပ်မှန်တွေနဲ့ သက်သေသာဓကပြည့်ပြည့်စုံစုံ ဖော်ပြထားလည်း တချို့သောဦးဏှောက်မရှိသူ စစ်ခွေး၏အကြွင်းအကျန်များကို စားသောက် ပြီးမှ ဗိုက်ဝနေရတဲ့ ဘလော့ တကာလှည့်ပြီးပတ်ဆဲနေတဲ့အဆင့်မရှိတဲ့ကောင်တွေကတော့ ဘာလာဆဲဦးမလဲ ကြည့်ကြသေးတာပေါ့..
ဆွဲမိုင်းတိုက်ပွဲကြောင့်အစိုးရ စစ်သည်၉ဦး ထိခိုက်သေဆုံး
KIC သတင်းမှ........
တနင်္သာရီတိုင်း၊ မြစ်တန်းမြို့နယ်တွင် လှုပ်ရှားနေသည့် အစိုးရစစ်တပ်အား ကေအဲန်ယူ တပ်မဟာ(၄)တပ်ဖွဲ့၏ ဆွဲမိုင်းများဖြင့် တိုက်ခိုက်မှုကြောင့် ၃ဦးသေဆုံးပြီး ၆ဦး ဒဏ်ရာရရှိခဲ့သည်ဟု ထိုဒေသမှလာသည့် သတင်းအရ သိရသည်။
အစိုးရစစ်တပ် စစ်ကွပ်ကဲရေးဌာနချုပ်-စကခ(၈)မှ နည်းဗျူဟာ(၂)လက်အောက်ခံ ခမရ(၄၀၇)မှ အင်အား ၁၂၀ဦးပါ ဗိုလ်မှူး မင်းဌေးဦးစီးတပ်ဖွဲ့သည် နိုဝင်ဘာလ ၂၆ရက်နေ့ မနက် ၉နာရီခွဲတွင် ဆင်ဖြူဒိုင်ရွာမှ မေတ္တာရွာဘက်သို့ ချီတက်လာစဉ် ကေ အဲန်ယူ တပ်မဟာ(၄)မှ စောင့်ကြိုပစ်ခတ်ခဲ့ခြင်းဖြစ်သည်ဟု စစ်တပ်နှင့် နီးစပ်သူတစ်ဦးက ပြောသည်။
၎င်း “၉နာရီခွဲလောက်မှာ အော်လော်ချောင်းဖျား အာစီယံကားလမ်မကြီးဘေးနားမှာ အင်အား ၂၀ပါတဲ့ တပ်ဖွဲ့က ဆွဲမိုင်း၊ လက်နက်ကြီး၊ လက်နက်ငယ်တွေနဲ့ စောင့်ကြိုပစ်ခတ်တာ ဖြစ်တယ်။”ဟု ပြောသည်။
ထိုပစ်ခတ်မှုတွင် အစိုးရဘက်မှ တပ်ကြပ် အပါအ၀င် တပ်သား ၂ဦးသေဆုံးပြီး တပ်သား ၄ဦးနှင့် တပ်ကြပ် ၂ဦး ထိခိုက်ဒဏ် ရာရရှိသော်လည်း ကေအဲန်ယူဘက်က ထိခိုက်မှုမရှိကြောင်း ၎င်းစစ်တပ်နှင့်နီးစပ်သူက ပြောသည်။
ပြီးခဲ့သည့် နိုဝင်ဘာလ ၂၁ရက်နေ့တွင်လည်း အဆိုပါ ခမရ(၄၀၇)မှ စစ်သည် ၃ဦးသည် ဆင်ဖြူဒိုင်မှ မေတ္တာသို့ အရပ်သား ကားဖြင့် ကားကြုံလိုက်ပါသွားစဉ် အမည်မသိ လူတစ်စုမှ အလစ်ဝင်ရောက် ရိုက်နှက်သတ်ပစ်ခဲ့သည်ဟု အဆိုပါပုဂ္ဂိုလ်က ပြောသည်။
ကေအဲန်ယူ တပ်မဟာ(၄) ဘိတ်ထားဝယ်ခရိုင် ဥက္ကဌ ပဒိုကွယ်ထူးဝင်းက တိုက်ပွဲကို အတည်ပြု ပြောဆိုသော်လည်း အစိုးရ တပ်သား အသတ်ခံရမှုအပေါ် မဖြစ်နိုင်ကြောင်း ယခုလို ပြောဆိုသည်။
“တိုက်ပွဲဖြစ်တာကတော့ မှန်ပါတယ်။ ဒါပေမယ့် ဗမာစစ်သား သုံးယောက် အသတ်ခံရတဲ့ကိစ္စက အဲဒီမှာရှိတဲ့ ကျနော်တို့တပ် ဖွဲ့တွေ သတင်းပို့လာတာ မတွေ့သေးဘူး။ သေနတ်ကိုင်ထားတဲ့စစ်သားက ရိုက်သတ်ခံရတယ်ဆိုတာ မဖြစ်နိုင်တဲ့ကိစ္စပါ။ ရမ်းကားချင်တိုင်း ရမ်းလို့ရအောင် အထက်ကို တင်ပြတာပဲ ဖြစ်နိုင်ပါတယ်။”ဟု ပြောသည်။
ယခုအချိန်တွင် ၎င်းဒေသ၌ လှုပ်ရှားနေသည့် အစိုးရစစ်တပ်များက ချုံခိုတိုက်ခိုက်ခံရမှု၊ သတ်ဖြတ်ခံရမှုနှင့် စပ်လျဉ်း၍ ဒေသခံ ရွာသားများအား အကြပ်ကိုင်၊ ခြိမ်းခြောက်မှုများ လုပ်ဆောင်လျှက်ရှိသည်ဟု နယ်မြေခံ ကေအဲန်ယူဘက်မှ ပြောဆိုသည်။
တနင်္သာရီချောင်း၏ အနောက်ဘက်ခြမ်း ၁မိုင်အကွာရှိ အဆိုပါဒေသတွင် အစိုးရစစ်တပ်ဘက်မှ တပ်ရင်း ၆ရင်းထက်မနည်း လှုပ်ရှားနေသကဲ့သို့ ကေအဲန်ယူ တပ်မဟာ(၄)တပ်ဖွဲ့တို့ အခြေချလှုပ်ရှားရာ နယ်မြေလည်းဖြစ်သောကြောင့် ပစ်ခတ်မှု၊ လူ သတ်မှုများ မကြာခဏ ဖြစ်ပွားလေ့ရှိသည်။
KNLA တိုက်ခိုက်မှုကြောင့် အစိုးရစစ်သည် ၆ဦး ထိခိုက်သေဆုံး
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့နယ်ခွဲတွင် ယမန်နေ့က တပ်အကြိုအပို့ လုပ်နေသည့် အစိုးရစစ် တပ်အား ကရင်အမျိုးသားလွတ်မြောက်ရေးတပ်မတော်(KNLA)မှ အလစ်ဝင်ရောက်ပစ်ခတ်မှုကြောင့် စုစုပေါင်း ၆ဦးထိခိုက်ကျ ဆုံးခဲ့သည်။
နောက်တန်းသို့ စစ်သင်တန်းပြန်တက်မည့် စစ်သည်များကို ပြန်ပို့သည့် ဘုရားသုံးဆူမြို့အခြေစိုက် အစိုးရတပ် ခမရ (၅၄၃) တပ်ရင်းအား KNLA တပ်ရင်း(၁၆)တပ်ဖွဲ့ဝင်တချို့က ယမန်နေ့ နံနက် ၁၀နာရီကျော်၌ တာဒေ့နှင့် မြိုင်သာယာကျေးရွာကြား တွင် ၇မိနစ်ခန့် တိုက်ခိုက်ခဲ့ခြင်းဖြစ်သည်။
တိုက်ပွဲဖြစ်ပွားရာ အနီးတွင် လှုပ်ရှားသည့် ဒီကေဘီအေ တပ်မှူးတစ်ဦးက “နေပြည်တော်မှာ သင်တန်းပြန်တက်ရမယ့် တပ် သားတွေကို ပြန်ပို့တဲ့ ဗမာတပ်ဖွဲ့ကို KNLA တပ်ရင်း(၁၆)က အလစ်ဝင်တိုက်တော့ ၂ယောက် သေတယ်။ ၄ယောက်ဒဏ်ရာရ သွားတယ်”ဟု ကေအိုင်စီသို့ ပြောသည်။
KNLA တပ်ရင်း(၁၆) တပ်ခွဲ(၃) ဒုခွဲမှူး ဗိုလ်ကြီးဘူ့ဂေက ၎င်းတိုက်ပွဲနှင့် ပတ်သက်၍ အတည်ပြုပြောကြားခဲ့သော်လည်း ထိခိုက်သေဆုံးမှု အခြေအနေကိုမူ မသိရသေးကြောင်း ယခုလို ပြောဆိုသည်။
“ကျနော်တို့လူတွေ သွားတိုက်တာ မှန်ပါတယ်။ ဒါပေမယ့် သွားတဲ့လူနဲ့ အဆက်အသွယ်ပြတ်သွားတော့ ထိခိုက်သေဆုံးမှု အခြေအနေ မသိရသေးဘူး။ ကျနော်တို့ဘက်ကတော့ အခြေအနေကောင်းတယ်”ဟု သူက ပြောသည်။
အဆိုပါ တိုက်ပွဲနေရာမှာ ဘုရားသုံးဆူမြို့၏ အနောက်တောင်ဘက် ၁၀မိုင်ခန့် ကွာဝေးပြီး တိုးတက်သော ဗုဒ္ဓဘာသာ ကရင် အမျိုးသားတပ်မတော်(DKBA)နှင့် မြန်မာအစိုးရတို့ ယာယီ အပစ်အခတ်ရပ်စဲရေး မယူခင်က KNLA နှင့် DKBA တို့ပူးပေါင်း၍ အစိုးရစစ်တပ်အား မကြာခဏ ချုံခိုတိုက်ခိုက်ရာ နေရာဖြစ်သည်။
၆ရက် ဆက်တိုက် တိုက်ပွဲတွင် အစိုးရစစ်သား၂၀ကျော် ထိခိုက်သေဆုံး
စောဖိုးမူး (ကေအိုင်စီ)
ကရင်ပြည်နယ်၊ ကော့ကရိတ်မြို့နယ်တွင် အစိုးရစစ်တပ်နှင့် ကရင်အမျိုးသားလွတ်မြောက်ရေး တပ်မတော် (KNLA)တို့ တိုက် ပွဲငယ်များ ၆ရက် ဆက်တိုက် ဖြစ်ပွားခဲ့ရာ အစိုးရစစ်တပ်ဘက်က ၂၀ဦးကျော် သေဆုံးခဲ့သည်ဟု KNLA ဘက်က ပြောသည်။
ကော့ကရိတ်မြို့ တောင်ဘက် ၁၀မိုင်ကျော်အကွာတွင် လှုပ်ရှားနေသည့် အစိုးရစစ်တပ် ခလရ(၂၀၂)၊ ခမရ(၃၅၇) တပ်ရင်း တို့အား လမ်းဖား၊ အစွန်း၊ နန်းရွှေမှုန်၊ ဆောပလာ စသည့်ကျေးရွာများ၌ KNLA တပ်ရင်း(၁၈)နှင့် တပ်ရင်း(၂၀၁) ပူးပေါင်းကာ ယခုလ ၈ရက်နေ့မှ ၁၄ရက်နေ့အထိ ဆက်တိုက် ချုံခိုတိုက်ခိုက်ခဲ့ခြင်းဖြစ်သည်။
ကေအဲန်ယူ ကော့ကရိတ်မြို့နယ် ပြန်ကြားရေးတာဝန်ခံတစ်ဦးက “၈ရက်ကနေ ၁၄နေ့အထိ နေ့တိုင်းပဲ တိုက်ပွဲဖြစ်တယ်။ ပြောက်ကျားစစ်ဆိုတော့ လေး၊ ငါးမိနစ်လောက်ပဲ ကြာမယ်။ ကျနော်တို့ စာရင်းအရ ရန်သူ ၁၄ယောက်သေတယ်။ ၈ယောက် ဒဏ်ရာရတယ်။”ဟု ကေအိုင်စီသို့ ပြောသည်။
၎င်းပစ်ခတ်မှုများအတွင်း အစိုးရစစ်တပ်ဘက်က သေဆုံးသူများထဲတွင် တပ်ကြပ်ကြီး ၂ဦး ပါဝင်သကဲ့သို့ ဒဏ်ရာရရှိသူများထဲ တွင် တပ်ရင်းမှူးတစ်ဦး ပါဝင်ခဲ့ပြီး KNLA ဘက်က ထိခိုက်သေဆုံးမှုမရှိကြောင်း သူက ဆက်ပြောသည်။
ဗိုလ်မှူးချုပ်စောလားပွယ် ဦးဆောင်သည့် တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA)တပ်ဖွဲ့နှင့် အစိုးရ ငြိမ်းချမ်းရေး ဖော်ဆောင်ရေးအဖွဲ့တို့ အပစ်အခတ်ရပ်စဲရေး သဘောတူခဲ့ပြီးနောက်ပိုင်း တိုက်ပွဲဖြစ်ပွားရာ ဒေသဘက်တွင် အစိုးရစစ်တပ်ဘက်မှ တပ်အင်အား တိုးချဲ့မှုများ လုပ်ဆောင်လာလျှက်ရှိသည်ဟု ဒေသခံများ၏ ပြောပြချက်အရ သိရသည်။
ယခု တိုက်ပွဲဖြစ်ပွားရာ ဒေသတွင် အစိုးရစစ်တပ် တပ်မ(၂၂)နှင့် စစ်ကွပ်ကဲရေးဌာနချုပ်-စကခ(၁၂) လက်အောက်ခံ တပ်ရင်း များ လှုပ်ရှားသကဲ့သို့ DKBA၊ KNLA တပ်ရင်းတပ်ဖွဲ့များ လှုပ်ရှားလျှက်ရှိသည်။
ရိက္ခာပို့ရာလမ်းတွင်မော်တာဖြင့် ပစ်ခတ်မှုကြောင့် ဒေသခံများ ထိတ်လန့်
နန်းသူးလေ (ကေအိုင်စီ)
ပဲခူးတိုင်း-ကျောက်ကြီးမြို့နယ်မှ ၎င်းတို့ရှေ့တန်းတပ်စခန်းချရာ ကရင်ပြည်နယ်၊ ဖာပွန်ခရိုင်နှင့် ထိုင်း-မြန်မာနယ်စပ်သို့ ရိက္ခာ ပို့ဆောင်ပေးနေသည့် မြန်မာအစိုးရ စစ်တပ်များသည် ၎င်းတို့ရိက္ခာပို့ဆောင်ရာ လမ်းတလျှောက်ရှိ မသင်္ကာဖွယ်ရာ နေရာများ ကို မော်တာဖြင့် ပစ်ခတ်သောကြောင့် ဒေသခံများ ထိတ်လန့်နေကြသည်ဟု သိရသည်။
၎င်းမော်တာလက်နက်ကြီးများကို မြန်မာအစိုးရတပ် တပ်မ(၁၀၁) လက်အောက်ခံတပ်ရင်း(၆)ရင်းတို့က အလျဉ်းသင့်သလို ပစ် ခတ်ခဲ့ခြင်းဖြစ်သော်လည်း ယခင်နှစ်ထက် ပိုမိုဆိုးရွားကြောင်း ဖာပွန်မြို့နယ်ရှိ ရာပလိုဒဲ ရွာခံတဦးက ကေအိုင်စီသို့ ပြောသည်။
၎င်းက “ကားလမ်းတလျှောက်လုံး စစ်တပ်ချထားတာ။ သူတို့(အစိုးရတပ်) မသင်္ကာတဲ့ ကားလမ်းနံဘေးနဲ့ မနီးမဝေး တောင် ယာမှန်သမျှ လက်နက်ကြီးနဲ့ လှမ်းထုတာပဲ။ တောင်ယာလုပ်တဲ့သူတွေလဲ ကြောက်ကြလို့ တချို့ဆိုတောင်ယာတွေကို မရိတ် သိမ်းနိုင်တော့ဘူး။ လက်နက်ကြီးတွေ သူတို့ရွာတွေကို လာထိမှာစိုးလို့ မသွားရဲမလာရဲ ဖြစ်နေကြတယ်။”ဟု ပြောသည်။
ပြီးခဲ့သည့် အောက်တိုဘာလဆန်းပိုင်းမှ စတင်ပြီး အစိုးရစစ်တပ် ခြေလျင်တပ်ရင်း ခလရ(၂၃၅)၊ (၂၅၄)၊ (၂၅၈)၊ (၂၅၅)၊ (၂၅၉)နှင့် ခြေမြန်တပ်ရင်း ခမရ(၄၃၉)တို့က ၎င်းတို့စခန်းချရာ နေရာများသို့ ဆန်၊ ဆား၊ ပဲ၊ နို့ဆီ စသည့်ရိက္ခာများကို ကား၊ မြင်းများဖြင့် တာဝန်ယူ ပို့ဆောင်ခဲ့ခြင်းဖြစ်သည်။
အစိုးရ ရိက္ခာပို့ဆောင်နေသည့် တပ်စခန်းများမှာ ကျောက်ကြီးမြို့နယ်ရှိ ဘင်းပြာ၊ ကာတယ်၊ ဆောမီလူ၊ ခိုဖလလေးခို၊ မူသယ် စခန်းများနှင့် ဖာပွန်မြို့နယ်ရှိ ကစယ်တကွီး၊ ပေါ်ခေးခို၊ ဖလာ့ခို၊ ကူခွါးခို၊ ကော်သွေးစိုး၊ မော်ဖူး၊ လယ်ကလေးစိုး၊ ဆောထာ့ စသည့်စခန်းဖြစ်သည်ဟု သိရသည်။
အစိုးရတပ်သည် တပ်ရိက္ခာများ ပို့ဆောင်သည့်ကာလအတွင်း လက်နက်ကြီးများ ပစ်ခတ်မှု ပြုလုပ်လာသည့်နေ့မှစ၍ ဖာပွန် မြို့နယ်ရှိ စာသင်ကျောင်းအချို့ကိုလည်း ဖွင့်လိုက်ပိတ်လိုက်လုပ်နေကြရပြီး ကလေးငယ်များမှာ ကောင်းမွန်စွာ စာသင်ကြား နိုင်ခြင်း မရှိကြောင်း ဖာပွန်ဒေသတွင် လှုပ်ရှားနေသည့် ကရင်ကျောင်းဆရာလုပ်သားများအဖွဲ့-Karen Teacher Working Group(KTWG) က ပြောသည်။
KTWG မှ စောအယ်ဒိုဝါးက “အခု ရိက္ခာသယ်တာလည်း မပြီးသေးဘူး။ ဘယ်တော့ပြီးမလဲ အတိအကျ မသိနိုင်သေးဘူး။ လောလောဆယ် သူတို့ ရိက္ခာပို့တဲ့ ကားလမ်းဘေးက ရွာက စာသင်ကျောင်းတွေ ဖွင့်လိုက် ပိတ်လိုက် လုပ်နေရတယ်။ ဘယ် နှစ်ကျောင်းလဲဆိုတာတော့ ကျနော်တို့ စုံစမ်းနေဆဲပဲ။”ဟု ပြောဆိုသည်။
ကျောက်ကြီးမြို့နယ်မှ ကျွဲခြံ၊ ချောမီလူ၊ အောင်စိုး မိုး၊ မူသယ်(ရွာပျက်)၊ ဖွာ့ဝေါ်(ရွာပျက်)နှင့် ဖာပွန်မြို့နယ်မှ ယူဝါးဒဲ၊ ဖယ် လယ်ဒဲ၊ သူးဘီးဒဲ၊ သာသွီးဒဲ၊ ဝေနော်ဒဲ၊ ဟီဖိုးဒဲ၊ တာအိုဒဲ၊ ပတေဒဲ၊ ပဒဲဒဲ၊ တေးမူဒဲ၊ ကော်ဝဲဒဲ၊ ဘောလိုဒဲ၊ ကူဒေး၊ သဒါးဒဲ၊ တခေါ့ တိုဘော၊ ၀ါလော်မူဒဲ၊ လာအဲဒဲ၊ ယာပလိုဒဲ၊ ပေါမူဒဲ၊ သက်ထီး စသည့်ရွာများမှာ အစိုးရတပ် ရိက္ခာပို့ရာ ကားလမ်းဘေးတစ် လျှောက်ရှိ ကျေးရွာများ ဖြစ်သည်။
ဗိုလ်မှူးစောဘိ၏ DKBA တပ်ဖွဲ့ ကေအဲန်ယူအဖြစ်သာ ရပ်တည်သွားမည်
KIC သတင်းမှ.....
နယ်ခြားစောင့်တပ်မှ ခွဲထွက်ကာ ဒီကေဘီအေအဖြစ် ရပ်တည်ခဲ့သည့် ကရင်ပြည်နယ် မြိုင်ကြီးငူဒေသမှ ဗိုလ်မှူးစောဘိ ဦးစီးသည့်တပ်ဖွဲ့သည် ကရင်အမျိုးသားအစည်းအရုံး(KNU) အဖြစ်သာ ဆက်လက် ရပ်တည်သွားမည်ဟု ယမန်နေ့က ဆွေးနွေးခဲ့ကြသည်။
ကေအဲန်ယူ၏ ထိန်းချုပ်နယ်မြေတနေရာတွင် KNU ဖားအံခရိုင်၊ သထုံခရိုင် ဥက္ကဌများ၊ တပ်မဟာ(၁)နှင့် တပ်မဟာ(၇)မှူးများ နှင့် ဒီကေဘီအေ ဗိုလ်မှူးစောဘိတို့ မနက် ၉နာရီမှစ၍ နှစ်နာရီကြာ တွေ့ဆုံဆွေးနွေးခဲ့ကြရာမှ ဆုံးဖြတ်ခဲ့ကြခြင်းဖြစ်သည်ဟု ကေအဲန်ယူ တပ်မဟာ(၇) ရုံးထိုင်မှူး ဗိုလ်မှူးအယ်ဆဲဆဲက ယခုလို ပြောသည်။
“ဗိုလ်ဘိအနေနဲ့ BGF သို့မဟုတ် DKBA သို့မဟုတ် KNU အဲဒီအနေအထားထဲမှာ ဘယ်လိုရပ်တည်မလဲဆိုတာ အားမနာတမ်း ပွင့်ပွင့်လင်းလင်း ဆွေးနွေးခဲ့ကြတယ်။ ဗိုလ်ဘိကတော့ အစိုးရနဲ့လည်း ပြန်မပေါင်းချင်ဘူး။ ဒီကေဘီအေအနေနဲ့ ရပ်တည်ဖို့က လည်း ဆရာတော်(ဦးသုဇန)ကို အားကိုးလို့ မဖြစ်တော့ဘူး။ ဒါကြောင့် ရှေ့ဆက်ပြီး ကေအဲန်ယူရဲ့ ညွှန်ကြားချက်အောက်မှာပဲ ရပ်တည် လုပ်ဆောင်သွားတော့မယ်လို့ ပြောတယ်။”ဟု ဆိုသည်။
ပြီးခဲ့သည့် သြဂုတ်လ ၁၄ရက်နေ့က ဒီကေဘီအေသည် ၎င်းတို့ထိန်းချုပ်နယ်မြေတွင် တပ်မှူးညီလာခံတစ်ခု ပြုလုပ်ခဲ့ပြီး ဗိုလ်မှူး ချုပ်စောလားပွယ် ဦးစီးသော ဒီကေဘီအေ ကလို့ထူးဘော ဌာနချုပ်အောက်တွင် ဗိုလ်မှူးကျော်သက်နှင့် ဗိုလ်မှူးစောဘိတို့ကို ကလို့ထူးဝါးနှင့် ကလို့ထူးလား ဗျူဟာမှူးများအဖြစ် တာဝန်ပေးအပ်ခဲ့သည်ဟု ဒီကေဘီအေက ထုတ်ဖော်ပြောဆိုခဲ့သည်။
လှိုင်းဘွဲမြို့နယ်၊ မြိုင်ကြီးငူဒေသတွင် အခြေစိုက်ခဲ့သည့် နယ်ခြားစောင့်-BGF (၁၀၁၂) တပ်ရင်းမှူးဖြစ်ခဲ့သူ ဗိုလ်မှူးစောဘိသည် ယခုနှစ် မေလလောက်ကတည်းက အစိုးရကို ပြန်လည် တိုက်ခိုက်ခဲ့ပြီး လက်ရှိအချိန်တွင် ကေအဲန်ယူ တပ်မဟာ(၁)နှင့် တပ်မ ဟာ(၇)ဒေသများတွင် ၎င်း၏တပ်ဖွဲ့ဝင် အင်အား ၁၀၀ကျော်ဖြင့် လှုပ်ရှားလျှက်ရှိသည်။
ယမန်နေ့က ဆွေးနွေးခဲ့ကြသည့်အထဲတွင် ကေအဲန်ယူ တပ်မဟာ(၁)မှူး ဗိုလ်မှူးချုပ်ကျော်လင်း၊ တပ်မဟာ(၇)မှူး ဗိုလ်မှူးချုပ် ဂျော်နီ၊ သထုံခရိုင် ဥက္ကဌ ပဒိုစောပန်းနု၊ ဖားအံခရိုင် ဥက္ကဌ ပဒိုစောအောင်မော်အေးနှင့် ဒီကေဘီအေမှ ဗိုလ်မှူးစောဘိတို့ ပါဝင် ခဲ့ကြသည်။
ဗိုလ်မှူးစောဘိက ၎င်းအနေဖြင့် ကေအဲန်ယူမှ ပေးအပ်သည့် မည်သည့်တာဝန်ကိုမဆို တပ်ခွဲမှူးဖြစ်စေ၊ တပ်ရင်းမှူးဖြစ်စေ လုပ်ဆောင်သွားမည် ဖြစ်ကြောင်း ယမန်နေ့က ဆွေးနွေးချပြ ရှင်းလင်းခဲ့သည်ဟုလည်း သိရသည်။
သို့သော် ကေအဲန်ယူ၏ တပ်ဖက်ဆိုင်ရာ စစ်ရုံးချုပ်က ဗိုလ်မှူးစောဘိအား မည်သည့်တာဝန် ပေးအပ်မည်ကို လောလောဆယ် မသတ်မှတ်ရသေးကြောင်း အမည်မဖော်လိုသူ ကေအဲန်အယ်လ်အေ ထိပ်တန်းအရာရှိတစ်ဦးက ကေအိုင်စီကို ပြောသည်။
လက်ရှိအချိန်တွင် ဗိုလ်မှူးစောဘိက ၎င်း၏တပ်ဖွဲ့ဝင်များကို ပြန်လည်စုစည်းကာ နယ်မြေသတ်မှတ် လှုပ်ရှားရေးအတွက် ဆက်လက် လုပ်ဆောင်သွားမည်ဖြစ်ကြောင်း သိရသည်။
ဒီကေဘီအေ ကလို့ထူးဘောတပ်ဖွဲ့မှ ဗိုလ်မှူးကြီးမိုရှေး ဦးဆောင်သော ငြိမ်းချမ်းရေးဖော်ဆောင်မှုအဖွဲ့သည် ယခုလ ၃ရက် နေ့က ကရင်ပြည်နယ် အစိုးရ၏ ငြိမ်းချမ်းရေးဖော်ဆောင်မှုအဖွဲ့နှင့် အပစ်အခတ်ရပ်စဲရေး သဘောတူ လက်မှတ်ရေးထိုးခဲ့ကြ သော်လည်း အစိုးရအနေဖြင့် ဗိုလ်မှူးစောဘိအဖွဲ့ကိုမူ လက်ခံခြင်းမရှိသေးကြောင်း အတည်မပြုနိုင်သည့် သတင်းများအရ သိရသည်။
မြန်မာအစိုးရသစ် နှင့်တွ့ဆုံဆွေးနွေးရန်ကေအဲန်ယူ ပြင်ဆင်
စောခါးစူးညား (ကေအိုင်စီ)
မြန်မာအစိုးရသစ်၏ ဗဟိုအဆင့် ငြိမ်းချမ်းရေးဆွေးနွေးရေးကမ်းလှမ်းမှုကို လက်ခံသောအားဖြင့် ကြိုတင်ပြင်ဆင်မှုများ လုပ်ဆောင်နေသည်ဟု ကရင်အမျိုးသားအစည်းအရုံး-ကေအဲန်ယူက ယနေ့ ပြောကြားလိုက်သည်။
နှစ်ဦးနှစ်ဘက် တွေ့ဆုံဆွေးနွေးမည့် ရက်အတိအကျ သတ်မှတ်ထားခြင်းမရှိသေးသော်လည်း ကေအဲန်ယူဘက်က အစိုးရနှင့် တွေ့ဆုံဆွေးနွေးရန် အဖွဲ့ဝင်ခေါင်းဆောင် ၇ဦးပါဝင်သည့် ငြိမ်းချမ်းရေး ဖော်ဆောင်ရေးကော်မတီကို ပြီးခဲ့သည့်အပတ်က ဖွဲ့စည်းခဲ့ပြီး ဖြစ်သည်။
အဆိုပါ ငြိမ်းချမ်းရေးကော်မတီတွင် ပါဝင်သည့် ကေအဲန်ယူ အထွေထွေအတွင်းရေးမှူးချုပ် နော်စီဖိုးရာစိန်က “ကျမတို့ ကော်မ တီ ဖွဲ့ထားတာက အစိုးရနဲ့ သွားတွေ့ဖို့တော့ မဟုတ်ဘူး။ ကြိုတင်ပြင်ဆင်မှုအနေနဲ့ပါ။ အစိုးရသစ်ဖြစ်ဖြစ်၊ စစ်အစိုးရပဲဖြစ်ဖြစ် နိုင်ငံရေး ပဋိပက္ခကို နိုင်ငံရေးအရ တွေ့ဆုံအဖြေရှာဖို့ဆိုရင် ကေအဲန်ယူကတော့ ပြင်ဆင်မှုလုပ်ထားတယ်။ တံခါးဖွင့်ထား တယ်။”ဟု ကေအိုင်စီသို့ ပြောသည်။
ခေတ်အဆက်ဆက် မြန်မာနိုင်ငံ၏ နိုင်ငံရေး ပဋိပက္ခနှင့် ပတ်သက်၍ ဖြေရှင်းရာတွင် အာဏာရ အစိုးရနှင့် တွေ့ဆုံစကားပြော ရန် ကေအဲန်ယူ ကွန်ဂရက်၏ ဆုံးဖြတ်ချက်အရ မူဝါဒများ ချမှတ်ထားရှိပြီးသားဖြစ်သည်ဟု သူမက ဆက်လက် ပြောဆိုသည်။
ထို့အပြင် ကေအဲန်ယူသည် ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ-UNFC ၏ အဖွဲ့ဝင်လည်း ဖြစ်သည့်အ တွက် အစိုးရနှင့် တွေ့ဆုံပါက တနိုင်ငံလုံးအတိုင်းအတာဖြင့် တိုင်းရင်းသားလက်နက်ကိုင်အဖွဲ့များ အပစ်ခတ်ရပ်စဲရေးဖြစ်ရန် အရေးကြီးသကဲ့သို့ နိုင်ငံရေး ပဋိပက္ခကို နိုင်ငံရေးနည်းဖြင့် အဖြေရှာကြရန် ဆွေးနွေးမည်ဟု ကေအဲန်ယူဘက်က ပြောသည်။
လက်တလော အခြေအနေအရ မြန်မာအစိုးရသစ်သည် တွေ့ဆုံဆွေးနွေးရေး ဖြစ်မြောက်ရေးအတွက် ကေအဲန်ယူအား ပုံမှန် အဆက်အသွယ် လုပ်နေသည်ဟု သိရသည်။
တဆက်တည်းပင် မြန်မာအစိုးရသစ်သည် တိုးတက်သော ဗုဒ္ဓဘာသာ ကရင်အမျိုးသားတပ်မတော်-ဒီကေဘီအေနှင့် နှစ်ကြိမ် တွေ့ဆုံဆွေးနွေးမှုပြုလုပ်ကာ ယခုလ နိုဝင်ဘာလ ၃ရက်နေ့က ယာယီ ပစ်ခတ်ရပ်စဲရေး အပါအ၀င် အချက် ၅ချက်ပါသည့် နှစ်ဘက် သဘောတူညီချက်တစ်ခုကို လက်မှတ်ရေးထိုးခဲ့ကြသည်။
ထိုသဘောတူညီချက်နှင့် ပတ်သက်၍ နော်စီဖိုးရာစိန်က “တကယ်ဆိုရင် ဒီကေဘီအေဟာ ကေအဲန်ယူနဲ့ ပြန်လာပူးပေါင်းတာ နားလည်မှု ရနေပြီ။ ဒီလိုအခြေအနေမှာ သူတို့(အစိုးရ)က ခွဲပြီး တွေ့ဆုံဆွေးနွေးမှုလုပ်တာမျိုးတော့ မဖြစ်သင့်ဘူး။ ဒါ ကရင်အ ချင်းချင်း သွေးခွဲတာဖြစ်တယ်။ နိုင်ငံရေးဖြစ်စေ၊ ငြိမ်းချမ်းရေးအတွက်ဖြစ် စကားပြောမယ်ဆိုရင် ကရင်တမျိုးသားအတွက် ဖြစ်ဖို့ လိုတယ်။”ဟု နော်စီဖိုးရာစိန်က ဖြည့်စွက်ပြောဆိုသည်။
ကေအဲန်ယူသည် အစိုးရသစ်နှင့် တွေ့ဆုံရန် ကြိုတင်ပြင်ဆင်သည့်အနေဖြင့် ယခုလ နိုဝင်ဘာလ ၈ရက်နေ့မှ ၁၁ရက်နေ့အထိ အရေးပေါ် အစည်းအဝေးပြုလုပ်ခဲ့ပြီး ငြိမ်းချမ်းဖော်ဆောင်ရေးကော်မတီ ဖွဲ့စည်းခဲ့ခြင်း ဖြစ်သည်။
အဆိုပါ ကော်မတီတွင် ဥက္ကဌအဖြစ် KNU ဒုဥက္ကဌ ပဒိုစောဒေးဗစ်သကဘော၊ ဒုဥက္ကဌအဖြစ် စစ်ဦးစီးချုပ် ဗိုလ်ချုပ်ကြီး မူတူး စေးဖိုး၊ အတွင်းရေးမှူးအဖြစ် ပဒိုစောဒေးဗစ်ထောတို့ဖြစ်ကြပြီး အဖွဲ့ဝင်များအဖြစ် အထွေထွေ အတွင်းရေးမှူးချုပ် နော်စီဖိုးရာ စိန်၊ ကျန်းမာရေးတာဝန်ခံ ဗိုလ်မှူးရောဂျာခင်၊ သစ်တောတာဝန်ခံ ပဒိုစောအားတိုးနှင့် ဖားအံခရိုင် ဥက္ကဌ ပဒိုစောအောင်မော် အေးတို့ ဖြစ်သည်။
ဘုရားသုံးဆူရှိ ဒီကေဘီအေတပ်ဖွဲ့များ လက်နက်ချရန် တောင်းဆိုခံရ
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသတွင် လှုပ်ရှားနေသော တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)တပ်ဖွဲ့ဝင်များအား လက်နက်အပ်နှံရန် အစိုးရစစ်တပ်၏ တောင်းဆိုခြင်းခံခဲ့ရသည်ဟု ဒီကေဘီအေဘက်က ပြောသည်။
ပြီးခဲ့သည့် ရက်ပိုင်းက ဘုရားသုံးဆူမြို့ရှိ အစိုးရစစ်တပ် ခလရ(၂၁) တပ်ရင်းမှူး ဒုဗိုလ်မှူးကြီးအောင်ဝင်းခိုင်က ဘုရားသုံးဆူ ဒေသတွင် လှုပ်ရှားနေသည့် ဗိုလ်ကြီးအေ၀မ်း ဦးစီးသော ဒီကေဘီအေ တပ်ခွဲ(၃)မှ တပ်ဖွဲ့ဝင်များအား လက်နက်အပ်နှံပြီး မြို့ တွင်းသို့ ပြန်လည်နေထိုင်ရန် ဒီကေဘီအေ အသိုင်းအ၀ိုင်းနှင့် နီးစပ်သူများထံမှ တောင်းဆိုခြင်းဖြစ်သည်ဟု ဗိုလ်ကြီးအေ၀မ်း က ပြောသည်။
၎င်းက “ဘုရားသုံးဆူနယ်မြေဟာ ဝေါ်လေဒေသနဲ့မတူဘူး ပြောတယ်။ ခင်ဗျားတို့ လက်နက်အပ်ပြီးတော့ မြို့ထဲ ပြန်လာနေ ပါ။ စီးပွားရေး ပြန်လာလုပ်စားပါတဲ့။ ကျနော်ကလည်း ဒီကေဘီအေက ဝေါ်လေဒေသ တစ်ခုတည်း သတ်မှတ်ပြီးတော့ အပစ် အခတ်ရပ်စဲတာ မဟုတ်ဘူး။ ကရင်ပြည်နယ်တခုလုံး အတိုင်းအတာနဲ့လုပ်တာ။ ကျနော်တို့ လက်နက်အပ်နှံဖို့ အပစ်အခတ် ရပ်စဲတာ မဟုတ်ဘူးလို့ ပြန်ပြောခိုင်းလိုက်တယ်။”ဟု ပြောသည်။
ထိုကိစ္စနှင့်ပတ်သက်၍ ဒီကေဘီအေ ဗဟိုအဆင့်သို့ တိုင်ကြားထားကြောင်း အကယ်၍ အစိုးရစစ်တပ်ဘက်မှ ယခုလို ပုံစံအ တိုင်း ခွဲခြားဆက်ဆံမှုများ ဆက်လက် ပြုလုပ်လာပါက ၎င်းတို့အနေဖြင့် စစ်ရေးအရ တုန့်ပြန်ရလိမ့်မည်ဟု ဗိုလ်ကြီးအေ၀မ်းက ကေအိုင်စီကို ပြောသည်။
ဘုရားသုံးဆူဒေသတွင် လှုပ်ရှားနေသည့် တပ်အင်အား ၃၀ကျော်ရှိ ဗိုလ်ကြီးအေ၀မ်း ဦးဆောင်သည့် ဒီကေဘီအေ တပ်ရင်း (၉၀၂) တပ်ခွဲ(၃)သည် လက်ရှိအချိန်တွင် ကေအဲန်အယ်လ်အေ တပ်ဖွဲ့နှင့်အတူ လက်တွဲထားဆဲဖြစ်သည်ဟု ဒီကေဘီအေက ပြောသည်။
ဒီကေဘီအေ ပြည်ပဆက်ဆံရေး တာဝန်ခံ ဗိုလ်မှူးစောလုံ့လုံက “ကျနော်တို့ သွားရောက်တွေ့ဆုံတဲ့ ၀န်ကြီးအဖွဲ့က ရှေ့တန်း တပ်မှူးတပ်သားတွေကို အသိပေး အကြောင်းကြားမှု မရှိသေးတာ ဖြစ်နိုင်တယ်။ ဟိုဖက်ခြမ်းမှာရှိတဲ့ ကျနော်တို့ တပ်ဖွဲ့ဝင်တွေ ကိုလည်း စိတ်ရှည်သီးခံဖို့ ပြောထားသလို ဒီကိစ္စကို အစိုးရဖက်ကိုလည်း ၀င်ရောက်ဖြေရှင်းပေးဖို့ အကြောင်းကြားထားပါ တယ်။ ပြဿနာက ဒီလောက် မကြီးကျယ်လောက်ဘူးလို့ ထင်တာပဲ။”ဟု ပြောသည်။
ဗိုလ်မှူးချုပ်စောလားပွယ် ဦးဆောင်သည့် ဒီကေဘီအေတပ်ဖွဲ့မှ ကိုယ်စားလှယ်အချို့သည် နိုဝင်ဘာလ ၃ရက်နေ့က မြန်မာ အစိုးရ၏ ငြိမ်းချမ်းရေးဖော်ဆောင်မှုအဖွဲ့နှင့် ဘားအံမြို့တွင် တွေ့ဆုံခဲ့ပြီး နှစ်ဘက် အပစ်အခတ်ရပ်စဲရေးအတွက် သဘောတူ လက်မှတ်ရေးထိုးခဲ့ကြသည်။
ထို့နောက် မြ၀တီမြို့တောင်ဘက် ဝေါ်လေဒေသ တာအူထာ့နေရာ၌ အပစ်အခတ် ရပ်စဲရသည့် အကြောင်းနှင့် ပတ်သက်၍ နိုဝင်ဘာလ ၈ရက်တွင် တပ်အစည်းအဝေးနှင့် ၁၁ရက်နေ့တွင် လူထုရှင်းလင်းပွဲများ ပြုလုပ်ခဲ့သည်။
ဒီကေဘီအေသည် ၁၉၉၄ခုနှစ်တွင် ကရင်အမျိုးသားအစည်းအရုံး(ကေအဲန်ယူ)မှ ခွဲထွက်ကာ မြန်မာအစိုးရနှင့် ပူးပေါင်းခဲ့ပြီး ၂၀၁၀ ရွေးကောက်ပွဲတွင် စစ်အုပ်စုကို ပြန်လည် တိုက်ခိုက်ခဲ့ရာမှ ယခု အပစ်အခတ် ရပ်စဲလိုက်သည့်အပေါ် သံသယ၀င် နေသူများလည်း ရှိသည်။
ရွာတွင်းဝင်သည့် အစိုးရစစ်တပ် လူသတ်၊ ပစ္စည်းသိမ်းယူခဲ့
စောခါးစူးညား (ကေအိုင်စီ)
ကရင်ပြည်နယ် လှိုင်းဘွဲမြို့နယ်ရှိ ခလယ့်ဒေးစခန်းအခြေစိုက် မြန်မာအစိုးရ စစ်တပ် စကခ(၁၂)လက်အောက်ခံ ခမရ(၂၃၀) တပ်ရင်းသည် ပြီးခဲ့သည့်အပတ်က ထိုဒေသရှိ ရွာသူကြီးတဦးကို ပစ်သတ်ကာ အရပ်သားပိုင် ပစ္စည်းများကိုလည်း အဓမ္မသိမ်း ယူမှုများ ပြုလုပ်ခဲ့သည်။
ဗိုလ်မှူးကြီးသန်းထိုက်စိုး ဦးဆောင်သည့် အဆိုပါတပ်ရင်းသည် ပြီးခဲ့သည့် အောက်တိုဘာလ ၂၉ရက်နေ့က ထီးမကျုခီးရွာမှ အသက် ၃၆နှစ်အရွယ် ရွာသူကြီးဖြစ်သူ စောဖါးကော့ဆဲကို ပစ်သတ်ပြီး နားကပ်၊ လက်စွပ်နှင့်အတူ ထိုင်းဘတ်ငွေအချို့ကို သိမ်းယူခဲ့သည်။ ၎င်းအပြင် ကလေ့မိုခီးရွာမှ ရွာသားအချို့ကို ခိုင်းစေသည့်အပြင် ထိုင်းဘတ်ငွေ၊ ဆန်၊ စောင်၊ အချိုရည်၊ ငါးဗူး၊ လက်ကိုင်ဖုန်း စသည့်ပစ္စည်းများကိုလည်း သိမ်းယူခဲ့သည်ဟု ရွာခံအမျိုးသားတဦးက ကေအိုင်စီကို ပြောသည်။
“သူတို့(အစိုးရတပ်) ထီးမကျုခီးရွာထဲ ၀င်ပြီးပစ်တာ လက်နက်ကြီးပါ ပါတယ်။ ရွာသူကြီးသေပြီး ကျွဲတကောင်လည်း ဒဏ်ရာရ သွားတယ်။ အဲဒီရွာအပြင်ထွက်တဲ့အခါ KNU တပ်တွေ စောင့်ပစ်တော့ အနီးအနား ကလေ့မိုခီးရွာက လူတွေကို ခေါ်ပြီး ပစ္စည်း ထမ်းခိုင်းပြီး အရှေ့သွားခိုင်းတယ်။ အဲဒီရွာသားတွေရဲ့ ပစ္စည်းအချို့ကိုလည်း သိမ်းသွားတယ်။”ဟု ၎င်းက ပြောသည်။
ထိုနေ့တွင်ပင် ကရင်အမျိုးသားလွတ်မြောက်ရေးတပ်မတော်-KNLA ဗိုလ်ဒိငါး ဦးဆောင်သည့် တပ်ရင်း(၂၂)မှ အစိုးရစစ်တပ် ကို တိုက်ခိုက်ခဲ့ရာ အစိုးရတပ်မှ ၂ဦး ကျဆုံးပြီး ၁၂ဦး ဒဏ်ရာရရှိခဲ့သည်။
မြန်မာအစိုးရ စစ်တပ်သည် ပစ်သတ်ခံရသူ ရွာသား၏ နေအိမ်မှ ရွှေနားကပ် ၆စုံ၊ ရွှေလက်စွပ် ၁ကွင်းနှင့်အတူ ထိုင်းငွေ ဘတ် တစ်သောင်းကို သိမ်းယူခဲ့ပြီး ကလေ့မိုခွီးရွာမှ ရွာသားများ၏ ထိုင်းဘတ်ငွေ ၇ထောင်ကျော်၊ အိမ်သုံးပစ္စည်းနှင့် အစားအစာများ ကို အဓမ္မသိမ်းယူခဲ့သည်ဟုလည်း အဆိုပါဒေသခံရွာသားက ထပ်မံ ပြောဆိုသည်။
၎င်းအပြင် ထီးမကျုခွီးရွာသားကို ပစ်သတ်ခဲ့ပြီးနောက် ထိုရွာရှိ လူနေအိမ်များမှ ၀ါး ပျဉ်ပြားအခင်းများ၊ ထမင်းအိုးများ၊ ၀ါးကျည် တောင့် စသည့်အိမ်တွင်းပစ္စည်းများကို ပြန်အသုံးပြု၍ မရအောင် အစိုးရစစ်တပ်မှ ထိုးဖောက်ဖျက်ဆီးခဲ့သည်ဟု သိရသည်။
ကလေ့မိုခီးရွာမှ အစိုးရတပ်၏ အဓမ္မပစ္စည်း အသိမ်းခံရသူများမှာ နော်မုပရီး ၇၀နှစ်၊ နော်ဖီးအဲ့ ၅၂နှစ်၊ စောတေ့လယ့် ၄၁နှစ်၊ နော်မုထူး ၃၈နှစ်၊ နော်မခင်ရွှေ ၄၀နှစ်၊ နော်မရွေ ၃၈နှစ်၊ နော်တုတူး ၄၀နှစ်၊ နော်ဟဲလှ ၄၀နှစ်၊ စောထုဟဲ ၃၆နှစ်၊ စောဖါးနိုး ၃၅နှစ်၊ နော်မုအောင် ၂၈နှစ်၊ နော်ဖောခု ၂၉နှစ်၊ စောပွယ်ဖိုး ၄၀နှစ်၊ နော်မြဖော ၃၅နှစ်၊ နော်မုခူး ၆၀နှစ်နှင့် စောဖါးဒါးဖိုး ၂၆နှစ်တို့ ဖြစ်သည်။
ကလယ့်ဒေးအခြေစိုက် မြန်မာအစိုးရတပ်ဖွဲ့ဝင်များသည် ထိုဒေသရှိ ထီးမကျုခီး၊ ငါးကြပ်ကွင်း၊ ထီးတိုကော်၊ ကလေ့မိုးခီး၊ ကလေ့မိုထာ့ စသည့်ကျေးရွာများတွင် သွားလာလှုပ်ရှားလျှက်ရှိသည်ဟု သိရသည်။
KNU ထိန်းချုပ်နယ်မြေ ထားဝယ်၌ အစိုးရတပ် အင်အားတိုးချဲ့
တနင်္သာရီတိုင်း ထားဝယ်မြို့နယ်အတွင်းရှိ ကရင်အမျိုးသား အစည်းအရုံး (KNU) တပ်မဟာ (၄) ထိန်းချုပ် ဒေသကို မြန်မာ အစိုးရက တပ်အင်အားများစွာတိုးချဲ့ထားသည်။ယင်းဒေသတွင် အစိုးရ တပ်ရင်း ၃ ရင်း လှုပ်ရှားနေသည့် အပြင် တပ်ရင်း ၈ ရင်းခန့် ထပ်မံ တိုးချဲ့ထားသောကြောင့် စစ်သည် အင်အား ၈၀၀ ခန့် ရှိနိုင်ကြောင်း သိရသည်။
အောက်တိုဘာ လဆန်းပိုင်းမှ စတင်၍ တိုးချဲ့ချထားခြင်း ဖြစ်ပြီး တပ် အင်အား တိုးချဲ့ရခြင်း အကြောင်းရင်းကို မသိရသေး ဟု KNU တပ်မဟာ ၄ ဒေသ မှ စောကွယ်ထူးဝင်း က ဧရာဝတီသို့ ပြောကြားသည်။
ထိုင်းနိုင်ငံ ကန်ချနဘူရီ ခရိုင်နှင့် တနင်္သာရီတိုင်း ထားဝယ်မြို့ကို ဆက်သွယ်သောကားလမ်းကို KNU တပ်မဟာ ၄ လှုပ်ရှားနေ သည့် ဒေသတွင် Italian-Thai Development (ITD) ကုမ္ပဏီက ဖောက်လုပ်နေပြီး ၀န်ထမ်းများ၊ မော်တော်ယာဉ်များ သွားလာခြင်း မပြုနိုင်ရန် KNU က ပိတ်ဆို့ထားကြောင်း သိရသည်။
သို့သော်လည်း စီမံကိန်းဒေသ အလုပ်သမားများ အတွက် ရိက္ခာသယ်ပို့ပေးသည့် မော်တော်ယာဉ် တချို့ကို KNUက သွားလာ ခွင့်ပြုထားသည်။
ဤသို့ အစိုးရ စစ်သည် အင်အား တိုးချဲ့နေခြင်းသည် ထားဝယ် ရေနက်ဆိပ်ကမ်း စီမံကိန်း လမ်းလုံခြုံရေးအတွက် KNU တပ် ဖွဲ့ဝင်များအား ဖိအားပေးနေခြင်းနှင့် ဆက်စပ်မှု ရှိနိုင်သည်ဟု KNU တပ်ဖွဲ့ဝင်ဟောင်းများက သုံးသပ်သည်။
ကွယ်ကလူ ကရင် သတင်းဌာနမှ အယ်ဒီတာ ကိုအယ်နာက ကန်ချနဘူရီ ထားဝယ် အဝေးပြေးကားလမ်း လုံခြုံရေးအတွက် ထားဝယ်ဒေသရှိ KNU တပ်ဖွဲ့ဝင်များကို ထိုးစစ်ဆင်ရန် နေပြည်တော်က အမိန့်ပေးထားသည်ဟု သတင်းရရှိကြောင်း
ဧရာဝတီ ကို ပြောသည်။
“အဝေးပြေးလမ်းမ ဖောက်နေတာကို အနှောင့်အယှက် ပေးသူတွေကို ရှင်းပစ်ဖို့ အမိန့်ပေးထားတယ်လို့ ကြားတယ်၊ လာမယ့် ပွင့်လင်းရာသီမှာ ထိုးစစ်ဆင်မယ်လို့ ထင်ပါတယ်”ဟု ၎င်းက ဆိုသည်။
ထားဝယ် ရေနက်ဆိပ်ကမ်းစီမံကိန်းသည် စတုရန်းမိုင် ၁၀၀ ခန့် (၂၅၀ စတုရန်း ကီလိုမီတာ) အကျယ်အ၀န်းရှိကြောင်း စီမံ ကိန်း ဆောက်လုပ်ခွင့်ရ ITD ကုမ္ပဏီ၏ မှတ်တမ်းများအရ သိရသည်။
မြန်မာအစိုးရ သတင်းစာများတွင် ဖော်ပြထားချက်အရ ထားဝယ်ရေနက်ဆိပ်ကမ်းတွင် ကုန်တင် သင်္ဘောကြီး ၂၅ စင်းတပြိုင် တည်း ဆိုက်ကပ်နိုင်ပြီး တနှစ်လျှင် ကုန်ပစ္စည်း မက်ထရစ် တန်ချိန် သန်း ၁၀၀ နီးပါး အတင်အချ ပြုလုပ်နိုင်မည်ဟု သိရ သည်။
ဥရောပနှင့် အင်ဒိုချိုင်းနားကို ဆက်သွယ်ရန် ဖြတ်လမ်းဖြစ်လာပြီး စင်ကာပူထက်သာမည်ဟု ဆိုထားသော ထားဝယ် ရေနက် ဆိပ်ကမ်း စီမံကိန်း၏ အရေးပါပုံ၊ စီမံကိန်းကြောင့် နိုင်ငံ၏စီးပွားရေး တိုးတက်လာနိုင်ပုံတို့ကို မြန်မာစာနယ်ဇင်းများတွင် ဖော်ပြ ခဲ့ပြီးဖြစ်သည်။
ငါတို့၏ကျဆုံးရာကား
E-Mail မှတဆင့် ရရှိလိုက်တဲ့စာတစ်စောင်ကို လက်ဆင့်ကမ်းလိုက်ပါတယ်.......
မိမိဘာသာကိုသော်၎င်း၊ တခြားဘာသာတရားကိုသော်၎င်းလေ့လာခြင်းအားနည်းမှု၊ တရားဟောဆရာ ပြောတိုင်းဟုတ်၊ ဘုန်းကြီးဟောတိုင်းမှန် ပင်ကိုယ်ဆင်ခြင်တုံတရားအားနည်းမှု၊ အသုံးမပြုမှုသည် ကရင်အမျိုးသားများကြားဖြစ်ပွားနေသော ဘာသာရေးအစွန်းရောက်မှု၊ တခြားသောဘာသာအားမသိ၊ မလေးစားမှု ၏အခြေခံအရင်းအမြစ်ဖြစ်သည်။
ကရင်လူမျိုးများအကြား၌ ဘာသာရေး အမြင်ကျဉ်းမြောင်းမှု၊ ငါ့ဘာသာ၊သူ့ဘာသာခွဲခြားမှု သည် အရှိတရားတခုဖြစ်၍ အငြင်းမပွားနိုင်ပါ။ ယင်းကြောင့်ပင် အချင်းချင်းစစ်ပြိုင်သတ်ဖြတ်ကြသည်မှာ မပြေးသော်လည်းကန်ရာရှိ ၍ ကရင့်သမိုင်းတွင်ဝမ်းနည်းဖွယ် အမည်းစက်တင်ကျန်ခဲ့ပါသည်။နိုဝင်္ဘာလ ၁၇ ရက်တွင် အဲခေါင်သောင့် ဘလော့၌ တင်ထားသည့် မီးလောင်သွားသော ဗုဒ္ဓဘာသာ ဘုန်းကြီးကျောင်း ဗီဒီယိုခလစ်ပ်သည် အင်မတန်မှ ၀မ်းနည်းစရာကောင်းပြီး သင်္ခန်းစာ ယူသင့်သော ဖြစ်ရပ်များစွာထဲမှ တခုဖြစ်ပါသည်။ အမျိုးသားရေးနှင့် ဘာသာရေးမကွဲပြားခြင်း၊ မခွဲခြားနိုင်ခြင်း၊ ဘာသာရေးအစွန်းရောက်ခြင်းများက ကရင်လူမျိုးတို့၏ အမျိုးသားရေး၊ နိုင်ငံရေး ပျော့ကွက်တခုဖြစ်သည်မှာ ငြင်းကွယ်၍ မရနိုင်သောအမှန်တရားတခုဖြစ်ပါသည်။
ကရင်အမျိုးသားတို့၏ ဘာသာရေး၊ အမျိုးသားရေး၊ နိုင်ငံရေးနှင့်ပတ်သက်၍ ဘလော့ပိုင်ရှင် အဲခေါင်သောင့်၏ အမြင်၊ သဘောထားကို စာရေးသူအနေဖြင့် များစွာနှစ်သက်၍ သဘောတူလှပါသည်။ သို့သော် ဤဗီဒီယိုကလစ်ပ် နှင့်ပတ်သက်၍ ရင်မှာဖြစ်လာသောမေးခွန်းများစွာကိုလည်းဆွေးနွေးလိုပါသည်။ ဤဖြစ်ရပ်သည် ၂၀၀၅ ခုနှစ် ဧပြီလ ၃၀ ရက်နေ့တွင်ဖြစ်ပွားခဲ့ကြောင်းသိရပါသည်။ သို့သော် ဘယ်နေရာ၊ ဘယ်သို့ဖြစ်သည်။ ဘာကြောင့်ဖြစ်သည်၊ ဘယ်သူ၊ဘယ်တပ်ကပြုလုပ်သွားသနည်း၊ တမင်ပစ်မှတ်ထား မီးရှို့သွားသည်လား၊ လုပ်ကြံဇာတ်လမ်းအခုလား ဟူသည်ကားယနေ့ထိ တိကျသေချာမသိရပါ။ မည်သည်ကြောင့်ဖြစ်သည် ဖြစ်စေ၊ ၀မ်းနည်းဖွယ် ဆိုသည် ကိုကား ငြင်းဖွယ်ရာမရှိပါ။
၂၀၀၅ ခုနှစ်ဝန်းကျင်တ၀ိုက်သည် ဒီကေဘီအေ အင်အားတန်ခိုးအာဏာကြီးထွားနေဆဲ အချိန်ကာလဖြစ်ပါသည်။ ကေအဲန်ယူနှင့် စစ်အစိုးရငြိမ်းချမ်းရေးဆွေးနွေးနေသော အချိန်လည်းဖြစ်ပါသည်။ ဗိုလ်ကျော်သန်း၏အဆိုအရ “ယင်းကဲ့သို့သောဖြစ်ရပ်များရှိပါလျက် မိမိတို့မှာ ကေအဲန်ယူကို မကောင်းဝါဒဖြန့်ခြင်းမလုပ်ခဲ့ဟုဆိုပါသည်။ ယင်းသို့ပြုလုပ်ပါက မိဘအားမကောင်းပြောရာ ရောက်မည်စိုးသောကြောင့်ဟုဆိုပါသည်။” သို့သော် ဗီဒီယိုခလစ်ပ် တခုလုံးတွင် ကေအဲန်ယူအားစက်ဆုပ်စွာ အပြစ်တင်ခြင်းကိုသာ ကမ္ဘာချီ အစအဆုံး ပြောနေခဲ့သည်။ ၄င်းပြောသကဲ့သို့ ကရင်လူမျိုးစည်းလုံး ညီညွတ်ရေးကို ရင်ထဲမှလိုလားခဲ့သည်မှန်ကန်ခဲ့ပါက ၂၀၀၅ ခုနှစ်မှ ရိုက်ကူးခဲ့သောယခုဗီဒီယို သည် ဘာကြောင့် ၂၀၁၁ ခုနှစ် ယခုလိုအချိန်မျိုးမှာမှ မီဒီယာပေါ် (တကျော့ပြန်)ရောက်လာရ သနည်း။ စဉ်းစားစရာဖြစ်လာပါသည်။ တချိန်ကပြိုကွဲ၊ လမ်းခွဲခဲ့သော ဒီကေဘီအေနှင့် ကေအဲန်ယူကရင် လက်နက်ကိုင်တပ်များ ပြန်လည်ပူးပေါင်းလာချိန်၊ နားလည်ကျေအေးလာချိန်၊ လက်တွဲညီညွတ်လာချိန်မှာမှ ဘာကြောင့်အချိန်ကိုက်ပေါ်လာရသနည်း။ တွေးဆဆင်ခြင်စရာဖြစ်ပါသည်။
ကေအဲန်ယူ ၏ဦးဆောင်မှုအောက်တွင် ကရင်အမျိုးသားများ ညီညွတ်ခဲ့စဉ် မြန်မာပြည်၌အင်အားကောင်းသော တော်လှန်ရေးအင်စားစုတခုအဖြစ်ဂုဏ်ယူဖွယ်ရပ်တည်ခဲ့သည်မှာသမိုင်းဖြစ်ရပ်မှန်ဖြစ်ပါသည်။ သို့သော် ချိနဲ့ အားနည်းသောအုပ်ချုပ်မှု၊ ဘာသာရေးမညီညွတ် မမျှတမှု၊ မြုံနေသောဘာသာရေး အစာမကျေမှုများအား လစ်လျူရှုထားမှု၊ အမျိုးသားရေးအသိရှိသော်ငြား နိုင်ငံရေးအသိ အားနည်းမှု စသော စသော အားနည်းမှု များကြောင့် ရန်သူစစ်အစိုးရမှ ငါးကြင်းဆီနှင့်ငါးကြင်းကြော်၍ ကရင့်တော်လှန်ရေး ကိုဖြိုခွဲနိုင်ခဲ့ပါသည်။ ကရင်တော်လှန်ရေးနှင့် ကရင်တမျိုးသားလုံးအတွက် ဆိုးရွားအထိနာခဲ့သော သမိုင်းသင်္ခါန်းစာဖြစ်ပါသည်။
ဘာသာရေးအစွန်းရောက်သောကေအဲန်ယူခေါင်းဆောင်အချို့ကြောင့် ကရင်ဗုဒ္ဓဘာသာဝင်များ နစ်နာခံစားခဲ့ရသလို ဒီကေဘီအေတခေတ်တွင် ဘာသာရေးအစွန်းရောက်သောဒီကေဘီအေအချို့ကြောင့် ခရစ်ယာန်ဘုရားကျောင်းများစွာဖျက်ဆီးခံခဲ့ရပါသည်။ ခရစ်ယာန်ဘုန်းတော်ကြီးအချို့ ညှဉ်းပမ်း သတ်ဖြတ် ခံခဲ့ရပါသည်။ ဗုဒ္ဓဘာသာထဲသို့ကူးပြောင်းရန်ငြင်းဆိုသဖြင့် လူနည်းစုခရစ်ယာန်နှင့် မိရိုးဖလာကိုးကွယ်သူအချို့ ဆရာတော်အမိန့်ဟုဆိုကာ မ်ိမိအိမ်နှင့်ရွာမှ အဓ္ဓမစွန့်ခွါ ရွှေ့ပြောင်းစေခဲ့မှုများ ရှိခဲ့ပါသည်။ ဆိုလိုသည်မှာ ဘာသာရေးအစွန်းရောက် အချို့သော ပုဂ္ဂိုလ်များ၊ အမည်ခံအမျိုးသားခေါင်းဆောင်များ၊ အရေခြုံ ဘာသာရေး ခေါင်းဆောင်များကြောင့် ကရင်လူမျိုးများစွာ ဒုက္ခပင်လယ်ဝေခဲ့၊ ငိုကြွေးပူဆွေးခဲ့ရပါသည်။ ညှဉ်းပမ်းနှိပ်စက် သတ်ဖြတ်ခံခဲ့ရပါသည်။
ထို့ကြောင့်ဒီကေဘီအေ၊ ကေအဲန်ယူဆိုပြီး လုပ်ရပ်တခု၊ အဖြစ်အပျက်တခုကို ဥပမာပေး၍ ဘာသာရေးနှိပ်ကွပ်မှုရှိကြောင်း၊ နားလည်မှု၊ ညီညွတ်မှုရှိရန်လိုအပ်ကြောင်း တင်ပြလာခြင်းသည် စေတနာ မှန်ခဲ့သော်ငြား ကောင်းကျိုးထက်ဆိုးကျိုးသာသက်ရောက်ဖြစ်ပေါ်စေပါမည်။ ဆင်ခြင်ခြင်းတရားထက် နာကျင်ခံစားအညှိုးထားစိတ်သာဖြစ်စေပါမည်။ တခြားသောဘာသာဝင် တဦးဦးက မိမိတို့ ခံစားနစ်နာခဲ့ရမှုကို ဓာတ်ပုံ၊ ဗီဒီယိုဖြင့် ယခုကဲ့သို့ပြန်လည်တင်ပြလာပါက ဤဇာတ်လမ်းဘယ်မှာဆုံးတော့မည်နည်း။ အပြန်အလှန်စွပ်စွဲခြင်း၊ လက်ညှိုးထိုးခြင်း၊ မဆုံးနိုင်သောသံသရာထဲတွင် ကရင်လူမျိုးများမည်သည့်တိုင်အောင် ဘ၀မေ့ပျော်မွေ့နေဦးမည်နည်း။ ကျွန်ုပ်တို့ ခံခဲ့ရသမျှ၊ နာကျင်ဆုံးရှုံးခဲ့ရသမျှ တဦးအပေါ်တဦးလက်ညှိုးထိုးနေ၍ မည်သို့သောအဖြေမှရနိုင်မည်မဟုတ်ပါ။ ကျွန်ုပ်တို့၏ အားနည်းမှု၊ မသိနားမလည်မှုသည်သာ ကျွန်ုပ်တို့၏ ဆုံးရှုံးရာ၊ ကျဆုံးရာဖြစ်သည်။ ကရင်အားလုံး ငါ၊ ငါ့ဘာသာ၊ ငါ့အဖွဲ့အစည်း ဆိုသောအတ္တစိတ်ကိုဖယ်ရှားနိုင်၍ ခိုင်မာမှန်ကန်သောအမျိုးသားရေးအသိ၊ အမျိုးသား ရေးသတိဖြင့် ရှေ့ဆက်လက်တွဲ၍ အမျိုးသားရေးကို ဆောင်ရွက်နိုင်ပါစေ။
ရဲရဲတွေး
“ဘုန်းကြီးကျောင်း မီးရှို့ခံရတဲ့ မှတ်တမ်းဟောင်း တခုနဲ့ ကျနော့ရဲ့ အမြင်” နှင့်ပါတ်သက်၍ ကျွန်တော့်သိသမျှ
ကျတော်နယ်စပ်မှာနေတုန်းက ဒီဗီဒီယိုဖိုင်ကို ကြည့်ဖူးပါတယ်။ အခြေအနေမှန်တွေကို လည်း အတိုင်းတာတစ်ခုထိ သိခွင့်ရခဲ့ပါတယ်။ အဲဒီဗီဒီယိုဖိုင်ကို သေချာကြည့်ရင် အရေးပါတဲ့ အချက်နှစ်ခု တွေ့ ရပါမယ်။ တစ်အချက်က ကေအဲန်ယူ ရန်ကုန်ဆင်းပြီး ငြိမ်းချမ်းရေး ဆွေးနွေးတဲ့ အချိန်ဖြစ်တယ်။ နှစ်အချက်က ဗိုလ်ချူပ်ကျော်သန်းပြောဒါတွေဟာ နိုင်ငံတကာမှာ ရောက်နေတဲ့ လူတွေကို အသိပေးချင်လို့ အလေးပေးပြောကြားနေဒါကို တွေ့ ရပါမယ်။
ပို့ စ် ရေးသူ အဲခေါင်သောင့်လည်း ရေးထားပါတယ်။ ကေအဲန်ယူပဒိုတစ်ယောက်ပြောကြားချက်အရ တိမသေ ၀ါဒဖြန့် တဲ့ခွေ ဆိုပြီး ရေးထားဒါ တွေ့ ရပါတယ်။ ဒီကိစ္စကို ကေအဲန်ယူထဲမှာတောင် လူကြီးတော်တော်များများမသိကြပါဘူး…
ဒီလိုဆိုရင် အားလုံးကို ခြုံကြည့်ပြီး စဉ်းစားကြည့်ရအောင်.. အခင်းဖြစ်တဲ့နေရာက တပ်မဟာ (၁)နဲ့ (၃)နယ်စပ်ကြားဒေသလို့ ကြားသိခဲ့ရပါတယ်။ တပ်မဟာ(၂)တော့လုံးဝမဖြစ်နိုင်ပါ။ တပ်မဟာ(၂)နယ်မြေမှာ ကရင်ဗုဓဘာသာ ရွာမရှိဘူး.. ခရစ်ယန်နဲ့ နတ်စားကရင်အနည်းငယ်ပဲရှိပါတယ်။
ဘာကြောင့် ဆရာတိမသေ နာမည် ပါလာရသလည်းဆိုဒါ အကြောင်းရှိပါတယ်။ ဆရာတိမသေဟာ ကေအဲန်ယူ ဗဟိုကော်မတီကနေ အဖြူတ်ခံရပြီးနောက် ကေအဲန်ယူကို လုံးဝမကြေနပ်ခဲ့ဘူး.. အဲဒီနောက်ပိုင်းမှာ ဆရာတိမသေက ဒီကေဘီအေရဲ့ နိုင်ငံခြားရေးတာဝန်ခံလုပ်နေတယ်ဆိုပြီး သတင်းထွက်ခဲ့တဲ့အချိန်ဖြစ်တယ်. သူ ကေအဲန်ယူဗဟိုကောင်မတီဝင်တစ်ဦးမဖြစ်ခဲ့လို့  ရန်ကုန်ကို ကေအဲန်ယူ သွားဆွေးနွေးတဲ့အချိန်မှာ သူမပါခဲ့ပါဘူး.. အဲဒီနောက်ပိုင်းမှာ နိုင်ငံတကာကို လှည့်ပြီး ကေအဲန်ယူကို စတင်တိုက်ခိုက်ခဲတယ်။ အဲဒီအချိန်က ယခုလို ကရင်တွေ နိုင်ငံခြားမှာ အများကြီးမရောက်သေးပါဘူး.. အဲဒါကတပိုင်း
နောက်တစ်ခုက ကေအဲန်ယူ ရန်ကုန်ဆင်းပြီး ဗမာနဲ့ ဆွေးနွေးချိန်မှာ (၂၀၀၅ - ၄- ၃၀) ဒီကိစ္စပေါ်လာဒါ သိပ်စိတ်ဝင်စားစရာကောင်းပါတယ်။ တိုက်ဆိုင်မှုတော့လုံးဝမဖြစ်နိုင်သလို ထိုဒေသတွေမှာ ကေအဲန်ယူနဲ့ ဒီကေဘီတို့ ရောယှက်ပြီး တပ်မဟာ ၇ နဲ ၆ တွေနေရာမျိူးမှာ မကြာခဏ ထိပ်တိုက်တွေ့ တဲ့နေရာမဟုတ်ပါ။ ဘာရန်ငြိုးလည်းမရှိတဲ့နေရာဖြစ်တယ်။ ငြိမ်းချမ်းရေးအတွက် ရန်သူကြားမှာ သွားဆွေးနွေးချိန်မှာ မဟာဗမာတွေထဲမှာ ကရင်နဲ့ ငြိမ်းချမ်းရေးမဖြစ်စေချင်တဲ့အုပ်စုရှိတယ်။ အကယ်၍ ဗမာနဲ့ ကေအဲန်ယူ ငြိမ်းချမ်းရေးရသည့်တိုင်အောင် ကရင်တွေ အချင်းချင်း ကမ္ဘာမကြေ အချင်းချင်းစိတ်ဝမ်းကွဲအောင် ဖန်းတီးထားခဲ့တယ်လို့  လူလတ်ပိုင်း ခေါင်းဆောင်တစ်ဦးက ကျတော့်ကို ပြောဖူးပါတယ်။ အခင်းဖြစ်တဲ့နေရာက တပ်မဟာ (၃)ဖြစ်ဖို့ များတယ်။ အခင်းဖြစ်တဲ့အချိန်က ညသန်းခေါင်ယံလို့ ပြောတယ်။ ဘယ်သူဘယ်ဝါ ၀င်ရှိူ့ ဒါ ဘယ်သူမှ သက်သက်ကွဲကွဲ မသိရဘူး.. နောက်ဆုံးနာမည်ထွက်လာဒါ ကေအဲန်ယူဖြစ်တယ်။ တပ်မဟာသုံး သက်ဆိုင်သူတွေကို မေးကြည့်တော့ သူတို့ လူတွေမဟုတ်ဘူးလို့ ပြောတယ် လို့ ကျတော်နဲ့ ရင်နီးတဲ့ ပဒိုလူလတ်ပိုင်းက ကျတော့်ကို ပြောဖူးပါတယ်။
- ဘုန်းကြီးကြောင်းမီးရှို့ ခံရဒါ ကေအဲန်ယူ ရန်ကုန်ဆင်းပြီး ရန်သူနဲ့ ဆွေးနွေးတဲ့အချိန်
- တိမသေ ကေအဲန်ယူ ဗဟိုကနေ ပြုတ်သွားတဲ့နောက်ပိုင်း အဲဒီနောက်မှာ ထိုအချိန်က တိမသေ ဒီကေဘီအေရဲ့ နိုင်ငံခြားရေးတာဝန်ခံ လုပ်နေတယ်ဆိုပြီး သတင်းထွက်နေတဲ့အချိန်
- ဗိုလ်ကျော်သန်းက ဗီဒီယိုထဲမှာ နိုင်ငံခြားရောက် ကရင်တွေကို ပဲ focus ပြီး ပြောသွားခြင်း
စတဲ့ ဒီအချက်ကြီးသုံးချက်ကို ခြုံပြီး သုံးသပ်ကြည့်မယ်ဆိုရင် ရန်သူရဲ့လက်ကွက်ဖြစ်ကြောင်း မပေါ်လွင်နေဘူးလား ဆိုဒါ ကျနော်တွေးမိခဲ့ပါတယ်။။
ဘာပဲဖြစ်ဖြစ် အဲခေါင်သောင့်မှ အကြံပေးပါလို့ ပြောထားတဲ့အတွက် ကျတော်သိခဲ့ရဒါတွေကို ပို့ ပေးလိုက်ပါတယ်။
စည်းလုံးညီညာစွာဖြင့်
အားလုံးကို လေးစားလျက်
စိုးဒို
၇-၁၁-၂၀၁၁
တပ်သားအချင်းချင်း ပစ်ခတ်မှုဖြစ်
ကေအိုင်စီ
မြ၀တီမြို့၊ အမှတ်(၄)ရပ်ကွက်ရှိ အစိုးရတပ် ရှေ့တန်းရုံးမှ တပ်သား နှစ်ဦးတို့သည် ယမန်နေ့က ခိုက်ရန်ဖြစ်ပွားကာ အချင်း ချင်း ပစ်ခတ်မှုကြောင့် တစ်ဦးမှာ သေနတ်ထိမှန်သွားခဲ့သည်။
၎င်းနေ့လည်ဘက်တွင် ဖြစ်ပွားခဲ့သည့် ပစ်ခတ်မှုကြောင့် သေနတ်ဒဏ်ရာရရှိသွားသူ တပ်သားကို မြ၀တီဆေးရုံ၌ ခွဲစိတ်ကုသ ခဲ့ရသည်ဟု မြို့ခံတစ်ဦးက ပြောသည်။
“ရှေ့တန်းရုံးက ရဲဘော် နှစ်ယောက် အချင်းချင်း စကားများပြီး ပစ်ကြတာပဲ။ ဒါပေမဲ့ တယောက်ပဲ သေနတ်ထိတယ်။ အဲဒီရဲ ဘော်က အသည်းကိုထိတော့ ခွဲစိတ်လိုက်ရတယ်။ မွန်းလွဲ ၂နာရီလောက်မှ ခွဲစိတ်မှုက ပြီးတာလေ။”ဟု ၎င်းမြို့ခံက ဆိုသည်။
အလားတူ ထိုနေ့ည ၇နာရီမှစ၍ မြ၀တီအာဏာပိုင်များသည် မြစန္ဒီပန်းခြံတွင်းရှိ ခမ်းမဆောင်၌ အစိုးရသစ် တနှစ်ပြည့် နှစ် ပတ်လည် အခမ်းအနားကို ကျင်းပပြုလုပ်ခဲ့ကြသည်ဟုလည်း နီးစပ်သူများက ပြောသည်။
အဆိုပါ အခမ်းအနားသို့ စစ်ကွပ်ကဲရေးဌာနချုပ်-စကခ(၁၂)မှူး၊ ဗျူဟာမှူး၊ ခယက/မယက ဥက္ကဌ၊ ရဲမှူး၊ ဌာနဆိုင်ရာ ၀န်ကြီးများ နှင့် ဗိုလ်မှူးမုတ်သုန် ပါဝင်သည့် နယ်ခြားစောင့်တပ်များလည်း တက်ရောက်ခဲ့ကြသည်ဟု သိရသည်။
ကိုယ်တိုင် မြင်တွေ့ခဲ့သူတစ်ဦးက “သူတို့ လူကြီးတွေကတော့ ပျော်ပျော်နေ၊ ကောင်းကောင်းစားပဲ။ သာမန်လူထုတွေကတော့ ငတ်နေကြတယ်လေ။”ဟု သူမ၏အမြင်ကို ပြောသည်။
နယ်လှည့်ကျောပိုးအိတ်ကျန်းမာရေး အဖွဲ့ ၂ဦးကို အစိုးရစစ်တပ် ဖမ်းဆီး
နန်းသူးလေ (ကေအိုင်စီ)
ကရင်ပြည်နယ်၊ ဖာပွန်မြို့နယ် မာထောကျေးရွာအုပ်စုအတွင်း သွားရောက် ဆေးကုသပေးခဲ့သည့် နယ်လှည့်ကျောပိုးအိတ် ကျန်းမာရေးလုပ်သားအဖွဲ့(BPHWT) ၀န်ထမ်းနှစ်ဦးကို မြန်မာအစိုးရစစ်တပ်က ဖမ်းဆီးခဲ့သည်ဟု သိရသည်။
၎င်းဆေးဝန်ထမ်း အမျိုးသမီးနှင့် အမျိုးသားတို့သည် ယခင်လ ၂၉ရက်နေ့က ထိုဒေသရှိ ကိုးခီးတွင် လူနာတစ်ဦးအား ဆေးကု သပေးနေစဉ် အစိုးရတပ် တပ်မ(၁၁) လက်အောက်ခံ ခမရ(၂၁၂)တပ်ရင်း ရောက်ရှိလာပြီး ဖမ်းဆီးခေါ်ဆောင်သွားခြင်းဖြစ် သည်ဟု ကရင်အမျိုးသား လွတ်မြောက်ရေးတပ်မတော်-KNLA တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ပြောသည်။
“ကိုးခီးဒေသမှာ လူနာတစ်ယောက်က နေမကောင်းလို့ဆိုပြီး သူတို့က လူနာအလုပ်လုပ်တဲ့ ကွမ်းသီးခြံမှာပဲ ဆေးသွားကုပေး တယ်လေ။ အဲ့ဒါသူတို့က လူနာကို ဆေးကုနေတုန်းပဲ စစ်တပ်က ရောက်လာပြီး သူတို့နှစ်ယောက်စလုံးကို ဖမ်းခေါ်သွားတာ။” ဟု ပြောသည်။
ဖမ်းဆီးခံရသူ အမျိုးသားမှာ အသက် ၂၅နှစ်အရွယ် စောဖားစေးချိုးဖြစ်ပြီး အမျိုးသမီးမှာ အသက် ၂၄နှစ်အရွယ် နော်ကမွီးခုတို့ ဖြစ်သည်ဟု သူက ဆက်ပြောသည်။
လက်ရှိ နောက်ဆုံးအခြေအနေရ ဖမ်းဆီးခေါ်ဆောင်ခြင်းခံရသည့် ဆေးဝန်ထမ်းအမျိုးသမီးမှာ ဖာပွန်မြို့နယ်ရှိ စစ်ဗျုဟာဌာန ချုပ်-စဗခ(၁) ဗျူဟာရုံးသို့ ပို့ဆောင်ခံရပြီး အမျိုးသားမှာမူ မည်သည့်သတင်းမှ မရရှိကြောင်းလည်း ၎င်းက ရှင်းပြသည်။
ဖာပွန်မြို့၏ အရှေ့ဘက်တွင် စစ်ဗျူဟာအခြေစိုက် ခလရ(၁၉)၊ ခမရ(၃၄၀)၊ ခမရ(၃၄၁)နှင့် ခမရ(၄၃၄) တပ်ရင်းတို့ အခြေ စိုက် လှုပ်ရှားလျှက်ရှိသည်။
ယခင်လ ၁၇ရက်နေ့ကလည်း ထိုင်း-မြန်မာနယ်စပ် လှိုင်းဘွဲမြို့နယ် သောင်ရင်းမြစ်တွင် အစိုးရစစ်တပ်တို့က ထိုင်းဘက်ခြမ်း ကူးကာ မြစ်တစ်ဖက်ကမ်းရှိ ကရင်တပ်ဖွဲ့ဝင်များအား ၀င်ရောက်ပစ်ခတ်ခဲ့ရာတွင် KNLA ဆေးမှူးတစ်ဦး ဖမ်းဆီးခံခဲ့ရသည်။
စစ်တပ်မှ အမျိုးသမီးငယ် ၃ဦးကို အဓမ္မကျင့်သတ်ဖြတ်
နော်ဆဲကလယ် (ကေအိုင်စီ)
ရှမ်းပြည်မြောက်ပိုင်း မူဆယ်မြို့နယ် နမ့်ဖဲပါရွာမှ အမျိုးသမီးငယ် ၃ဦးအား ခလရ(၂၉၀) တပ်ရင်မှူး လက်အောက်ခံတပ်များမှ ပြီးခဲ့သည့်အပတ်က မုဒိမ်းကျင့် သတ်ဖြတ်ခဲ့သည်ဟု ဒေသခံ တစ်ဦးက ကေအိုင်စီကို ပြောသည်။
“ရွာက တရုတ်ရွာဗျ။ အသတ်ခံရတာကလည်း တရုတ်အမျိုးသမီးလေးတွေပါ။ မုဒိမ်းကျင့်ထားတဲ့ လက္ခဏာလည်း တွေ့ရ တယ်လေ။ ရွာကလူတွေက ဖြစ်ဖြစ်ချင်း ရဲစခန်းတိုင်ဖို့ လုပ်ကြသေးတယ်။ တိုင်ရင် စစ်တပ်က လာနှိပ်စက်ဦးမယ်ဆိုပြီး မတိုင် ဖြစ်တော့ဘူး။”ဟု ၎င်းဒေသခံက ဆက်ပြောသည်။
အသတ်ခံရသော အမျိုးသမီးလေးများမှာ အသက် ၁၇နှစ်အရွယ်သာ ရှိသေးကြောင်းလည်း သိရသည်။
၎င်းစစ်တပ်သည် ၂၅ရက်နေ့က ထိုနမ့်ဖဲရွာ မရောက်မှီ စစ်ကြောင်းချီရာ လမ်းပေါ်ရှိ နမ့်တောင်နှင့် မုန်းပေါ်ရွာကြားရှိ ကောင်း ခါးရွာကိုလည်း ၀င်ရောက်ကာ ရွာထဲရှိ ကြက်များကို ယူဆောင်သွားကြောင်း သိရသည်။
“အိမ်တိုင်းကိုဝင်ပြီး မွေးထားတဲ့အကောင်တွေ ယူတာ။ အိမ်တအိမ်ကတော့ မီးဖွားပြီးစ အမျိုးသမီးတစ်ယောက်ထဲနေတာ။ ကြက်မွေးထားတာ မရှိဘူးလို့ပြောတော့ တံခါးအတင်းဖွင့်ပြီး အိမ်ထဲက ပစ္စည်းတွေယူ သွားတာပဲလေ။”ဟု ရွာခံတစ်ဦးက ပြော သည်။
ပြီးခဲ့သည့် အောက်တိုဘာလကလည်း မြစ်ကြီးနား-ဗန်းမော်သွား ကားလမ်းအနောက်ဖက်ခြမ်း ရှဒပါရွာတွင် တရုတ်အမျိုးသမီး ၃ဦးအား အစိုးရစစ်သားများက အဓမ္မပြုကျင့်ခဲ့ကြသည်။
စက်တင်ဘာလမှစ၍ ထိုးစစ်များကြောင့် လားရှိုး၊ ကွတ်ခိုင်၊ မူဆယ်ဒေသများရှိ ဒေသခံများမှာ လူ့အခွင့်အရေး ချိုးဖောက်မှုများ ကို ခံနေကြရသည်။
ကရင်မိန်းကလေးငယ် ၃ဦး လုယက်ခံ
(ကေအိုင်စီ)
ထိုင်းနိုင်ငံတောင်ပိုင်း ရတ်ခ်ျဘူရီခရိုင်မှ ကရင်မိန်းကလေးငယ် ၃ဦးကို ထိုင်းလူမျိုး အငှားဆိုင်ကယ်သမားသုံးဦးက ငွေလိမ် လည် လုယက်မှုတခု ယမန်နေ့က ဖြစ်ပွားခဲ့သည်။
ယမန်နေ့ မနက် ၇နာရီကျော်တွင် ရတ်ခ်ျဘူရီခရိုင်၊ ဘန့်ပို(Banh Bho)မြို့တွင် အလုပ်လုပ်ကိုင်သူ အသက် ၁၆-၁၈နှစ်အရွယ် ရှိ ကရင်လူမျိုး မိန်းကလေး ၃ဦးမှာ တိုင်းရင်းသားမှတ်ပုံတင် ပြန်ယူရန် မိမိတို့ ကျေးရွာသို့အပြန် ဆိုင်ကယ်သမား ၃ဦးမှ ဘတ် ငွေ ၃,၀၀၀ လိမ်လည်တောင်းယူခဲ့ခြင်း ဖြစ်သည်ဟု လုယက်ခံရသူများနှင့် နီးစပ်သူတစ်ဦးက ယခုလို ပြောသည်။
သူမက “မနေ့မနက်က ဘန့်ပိုမှာ အလုပ်လုပ်တဲ့ ကလေးမ ၃ယောက်ကို ထိုင်းဆိုင်ကယ်သမား အမျိုးသမီးတယောက်နဲ့ အမျိုး သားနှစ်ယောက်က လိုင်းကားမရှိတော့ဘူးလို့ လိမ်ပြီး ဆိုင်ကယ်နဲ့ လိုက်ပို့တယ်။ သူတို့သုံးယောက်ဆီက ဘတ်ငွေတွေ ယူ လိုက်ပြီး ပါဝိုင်မြို့(Baway)ရဲ့ ဆေးရုံရှေ့မှာ ထားခဲ့လိုက်တယ်။”ဟု ပြောဆိုသည်။
၎င်းမိန်းကလေးများမှာ ရတ်ချဘူရီခရိုင် စွန်ဖုဒေသရှိ ထိုင်းကရင်ကျေးရွာ တကော်လာ့ရွာသူများဖြစ်ကြပြီး သွားလာခွင့် လက် မှတ်ရှိကြသော်လည်း ဆိုင်ကယ်သမားများက ခြိမ်းခြောက်ကာ လုယက်ပစ်ထားခဲ့ခြင်းဖြစ်ကြောင်း အသက် ၁၈နှစ်အရွယ် လု ယက်ခံရသူ မိန်းကလေးက ကေအိုင်စီသို့ ပြောသည်။
“ကျမတို့က သွားလာနေကျဆို ကားခက ဘတ် ၈၀ပဲလေ။ ကျမတို့ကို တဦးစီ ခွဲတင်သွားတာ။ ကျမက လမ်းမှားနေပြီဆိုတော့ နင်တို့မှာ လက်မှတ်ရှိလား၊ ငွေရှိလားမေးတယ်။ နောက် ဆိုင်ကယ်သမားက ကျမမှာ ငွေမပါမှန်းသိတော့ သူ့အဖော်တွေကို ဖုန်းလှမ်းဆက်တယ်။ နောက် ကျမတို့သုံးယောက်ဆုံတော့ ငွေရှိတဲ့ ကျမအစ်မ၀မ်းကွဲဆီက ငွေ ၂၅၀၀ဘတ်ယူပြီး ရောက်ပြီဆို ပြီး ထွက်သွားလိုက်ကြတယ်လေ။”ဟု ဆိုသည်။
ယင်းသို့ လုယက်ခံရသူ မိန်းကလေးများမှာ မျက်နှာချင်းဆိုင် ဈေးဆိုင်မှ ကရင်အလုပ်သမား လင်မယားနှစ်ဦးကို မေးမြန်းမှသာ မိမိတို့ရောက်ရှိနေသည်မှာ ပါဝိုင်မြို့ဖြစ်ကြောင်း သိရှိခဲ့ပြီး မိဘဆွေမျိုးများထံ ဖုန်းဆက်အကြောင်းကြားခဲ့သော်လည်း လုယက် မှုကို ထိုင်းအာဏာပိုင်များထံ တိုင်ကြားခြင်း မရှိခဲ့ပေ။
ထိုဒေသတွင် နေထိုင်သူ ကရင်အမျိုးသားတစ်ဦးက “ဒီနယ်တွေမှာက ဥပဒေစိုးမိုးမှု မရှိဘူးလေ။ အရင်ကဆို မုဒိမ်းကျင့်လိုက် တာတွေလည်း ရဲတွေက ဘာမှကိုင်တွယ်ဖြေရှင်းတာ မရှိဘူး။ တိုင်လည်း ထိရောက်တဲ့ အရေးယူဆောင်ရွက်မှုတွေ လုပ် ဆောင်ပေးခဲ့ရိုး ထုံးစံမှ မရှိတာ။ ဒီတော့ အလုခံရတာကို တိုင်မနေတော့ဘူးလည်း ဖြစ်မှာပါ။”ဟု သူ၏ အတွေ့အကြုံကို ပြော ပြသည်။
လွန်ခဲ့သည့် နှစ်အတန်ကြာက ထိုင်းနိုင်ငံတောင်ပိုင်းရှိ ရတ်ချဘူရီဆေးရုံ ၀င်ရောက်စီးနင်းခံရမှုများ၊ ဘုရားသခင်တပ်ဖွဲ့(God Army) ကိစ္စများအပြင် ထိုင်းနိုင်ငံသားများ၏ ခိုးဆိုးလုယက်မှုများ မကြာခဏ ဖြစ်ပွားခဲ့သည်။
မြန်မာအစိုးရကို ဖိအားပေးဖို့ ကုလကို KNU တောင်းဆို
VOA သတင်းမှ....
ကုလသမဂ္ဂ၊ အထွေထွေအတွင်းရေးမှူးချုပ်ရဲ့ မြန်မာနိုင်ငံ အထူးအကြံပေး မစ္စတာ ဗီဂျေး နမ်ဘီးယား မြန်မာပြည်ကို ရောက်ရှိနေတဲ့အချိန်မှာပဲ တိုင်းရင်းသားလူမျိုးစု လက်နက်ကိုင်အဖွဲ့တခုဖြစ်တဲ့ ကရင်အမျိုးသားအစည်းအရုံး KNU က မြန်မာအစိုးရအနေနဲ့ တိုင်းရင်းသားလူမျိုးစုတွေ အပေါ် တိုးမြှင့် တိုက်ခိုက်နေတာတွေကို ဟန့်တားပေးဖို့ နိုင်ငံတကာ အဖွဲ့အစည်းတွေကို တောင်းဆိုလိုက်ပါတယ်။
ဒီအကြောင်းစုံကိုတော့ ဆက်သွယ်မေးမြန်းထားတဲ့ ဦးစံမိုးဝေက အပြည့်အစုံ တင်ပြပေးထားပါတယ်။
ကုသမဂ္ဂအပါဝင် နိုင်ငံတကာအဖွဲ့အစည်းတွေအနေနဲ့ မြန်မာအစိုးရက လူမျိုးစု တိုင်းရင်းသားလက်နက်ကိုင် အဖွဲ့တွေအပေါ် ထိုးစစ်ဆင် တိုက်ခိုက်နေတာကို ရပ်တန့်သွားအောင် ဖိအားပေးပေးဖို့ ကရင်အမျိုးသား အစည်းရုံး KNU အဖွဲ့က ကြေညာချက်ထုတ်ပြီး တောင်းဆိုလိုက်တာဖြစ်ပါတယ်။
အစိုးရစစ်တပ်က တိုက်ပွဲဖြစ်ပွားနေတဲ့ အရပ်ဒေသတွေမှာ လက်နက်ကိုင် တိုက်ခိုက်နေသူ အချင်းချင်းသာမကဘဲ အပြစ်မဲ့ ရွာသူရွာသားတွေကိုပါ သတ်ဖြတ်နေတာတွေ ကြုံတွေ့နေရတယ်၊ လူတွေဒုက္ခရောက်နေကြတယ်၊ ဒါကြောင့် နိုင်ငံတကာကို အကူညီတောင်းခံရတာ ဖြစ်တယ်လို့ KNU အဖွဲ့ရဲ့ အမေရိကန်ပြည်ထောင်စု ကိုယ်စားလှယ် မိုင်ရာ ဒါဂေးဖေါ ကပြောပါတယ်။
“International Community ကိုအကူညီတောင်းမယ် ဥပမာ UN တို့ US တို့ EU တို့ပေါ့နော်။ တခုရှိတာကတော့ အစိုးရကို ဖိအားပေးပါ။ အဲဒီအပစ်အခတ် ရပ်စဲရေးကိုလုပ်ကို လုပ်သင့်ရမယ်။ အခုသူတို့ရန်သူကို သူတို့သတ်ပစ်မှာမှမဟုတ်ပဲ၊ အဲဒီမှာ ရွာသားတွေက ရွာသားတွေက သူတို့ရန်သူ မဟုတ်ဘဲနဲ့ အသတ်ခံရတယ်။ အဲဒါကြောင့် ဘာပဲဖြစ်ဖြစ် International Community ကတော့ အစိုးရကို ဖိအားပေးတာ လုပ်ပေးရမယ်၊ အပစ်အခတ်ရပ်စဲတာ ရှိကိုရှိရမယ်”
အခုအချိန်မှာ ကရင်လူမျိုးစုနဲ့သာမကဘဲ ကချင်၊ ရှမ်းအစရှိတဲ့ လူမျိုးစုဒေသတွေမှာပါ တိုက်ပွဲတွေ ဖြစ်ပွားနေပြီး စစ်ကြောင့် အတိဒုက္ခရောက်နေတဲ့ ပြည်သူလူထု အရေအတွက်ဟာ ၂၀,၀၀၀ ကျော် ရှိနေပြီး ခိုကိုးရာမဲ့ အကူညီမဲ့ ဖြစ်နေကြရှာတယ်လို့လည်း သူကပြောပါတယ်။
“အခုကတော့ ဒို့ကရင်ပြည်နယ် တပြည်နယ်ထဲ မဟုတ်ပဲနဲ့ ကချင်ပြည်နယ်တို့ ရှမ်းပြည်နယ် တောင်ပိုင်းတို့ မှာလည်း တော်တော် များများ ရှိတယ်။ ပြီးတော့ internally displace တွေလည်း တော်တော်များလာတယ်၊ ပြီးတော့ အဲဒီရင်ဆိုင်နေရတဲ့လူတွေမှာ ဒုက္ခသည်စခန်းထဲ ၀င်ရအောင်လည်း နေရာမရှိ၊ ပြီးတော့ အစားအသောက်တွေရဖို့ လမ်းတွေဘာတွေကလည်းမရှိ၊ အဲဒီလိုမျိုးကြောင့် ကျမတို့လည်း သူတို့ကိစ္စ စိတ်ပူတာပေါ့နော်”
စစ်ဘေးဒဏ်ခံနေရတဲ့အရပ်မှာ လူသားတွေကို အကာအကွယ်အဖြစ် အသုံးချတာ၊ အတင်းအဓမ္မ အလုပ်စေခိုင်းတာ အဓမ္မပြုကျင့်တာ အစရှိတဲ့ လူ့အခွင့်အရေး ချိုးဖောက်မှုတွေ ကြုံနေကြရတယ်လို့ ဆိုပါတယ်။ ငြိမ်းငြိမ်းချမ်းချမ်းနေချင်တဲ့ တိုင်းရင်းသားတွေ လူနည်းစုတွေ အတွက် အမျိုးသားရင်ကြားစေ့ရေး ဆွေးနွေးပွဲဖြစ်မြောက်အောင် ဖိအားပေးကြဖို့လည်း တောင်းဆိုပါတယ်။
“နောက်တခုကတော့နော် ငြိမ်းငြိမ်းချမ်းချမ်းနေထိုင်ချင်လို့ ethnic reconciliation မလုပ်ဘူးဆိုရင် ဘာပဲဖြစ်ဖြစ် မြန်မာပြည် နောက်ဆက်တွဲအတွက် ငြိမ်းချမ်းရေးလည်းမရှိနိုင်ဘူး၊ အဲဒါကြောင့် political အနေနဲ့ ထိုင်ပြီးတော့ ဆွေးနွေးကြပါ၊ အဲလိုမျိုးလည်းသူတို့ မလုပ်ချင်ဘူး။ ဒါပေမယ့် အဲဒီလို national reconciliation လုပ်ကို လုပ်သင့်တယ်။ အဲဒါကြောင့် အဲဒီတခုကိုလည်း မြန်မာပြည်အစိုးရကို ကျေးဇူးပြုပြီး ဖိအားပေးပါလို့ အဲဒါလည်း တောင်းဆိုချင်ပါတယ်”
KNU ရဲ့ ကိုယ်စားလှယ် မိုင်ရာ ဒါဂေးဖေါ ပြောသွားတာပါ။
တိုင်းရင်းသားလူမျိုးစု လက်နက်ကိုင်အဖွဲ့တွေဟာ ပြီးခဲ့တဲ့ ဇူလိုင်လတုန်းက သမ္မတကြီး ဦးသိန်းစိန် ထံကို ငြိမ်းချမ်းရေး စကားပြောဆိုဖို့ ကမ်းလှမ်းတောင်းဆိုခဲ့ပါတယ်။ ဒါပေမယ့် ငြိမ်းချမ်းရေးစကား ပြောဆိုဖို့ ကမ်းလှမ်းတာကို လူမျိုးစု တိုင်းရင်းသား လက်နက်ကိုင်တွေ အပေါ် အရှိန်ဟုန်မြှင့်ပြီး ထိုးစစ်ဆင်တိုက်ခိုက်မှုနဲ့ တုံ့ပြန်ခဲ့တယ်လို့ ကရင်အမျိုးသား အစည်းအရုံး KNU အဖွဲ့ကပြောပါတယ်။
စစ်တပ်၏ ပစ်ခတ်မှုကြောင့် ရွာသူရွာသားများ ထွက်ပြေး တိမ်းရှောင်နေရ
ကရင်ပြည်နယ်၊ သံတောင်မြို့နယ် သောက်ရေခပ်ချောင်း အရှေ့ဘက်ခြမ်းရှိ ခေါသခေါရွာကို မြန်မာအစိုးရတပ်က လက်နက် ကြီးငယ်ဖြင့် ပစ်ခတ်ခဲ့၍ ရွာသူရွာသားများက အိမ်ကိုစွန့်ပြီး လွတ်မြောက်ရာသို့ ထွက်ပြေးတိမ်းရှောင်ခဲ့ကြသည်ဟု ဌာနေမဲ့ ပြည်တွင်းကရင်ဒုက္ခသည်များဆိုင်ရာ ကော်မတီ (CIDKP) က ပြောသည်။
ပြီးခဲ့သည့် အောက်တိုဘာလ ၁၂ရက်နေ့က ထိုဒေသရှိ လှုပ်ရှားနေသည့် မြန်မာစစ်တပ် ခြေလျင်တပ်ရင်း ခလရ(၉၂)နှင့် ခြေ မြန်တပ်ရင်း ခမရ(၆၀၃)တို့သည် ကရင်အမျိုးသားလွတ်မြောက်ရေးတပ်မတော်(KNLA)နှင့် ခေါသခေါရွာ၏ အရှေ့ဘက် ၆ဖာ လုံအကွာတွင် တိုက်ပွဲဖြစ်ပွားပြီးနောက် ရွာကို ပစ်ခတ်ခြင်းဖြစ်သည်ဟု ထိုဒေသခံ CIDKP အဖွဲ့ဝင်တစ်ဦးက ပြောသည်။
၎င်းက “အဲဒီနေ့မှာ မိုးလည်းရွာတော့ ထွက်ပြေးတဲ့ရွာသားတွေဟာ စားစရာမပါသလို အ၀တ်အထည်၊ စောင်၊ အမိုးအကာ အသုံးအဆောင်လည်း မပါတော့ တောထဲမှာ ဖြစ်သလိုပဲ နေရတယ်။ တချို့ဖျားနာသူလည်း ရှိတယ်။”ဟု ကေအိုင်စီသို့ ပြော သည်။
မြန်မာစစ်တပ်သည် ပစ်ခတ်မှုပြုလုပ်ခဲ့ပြီးနောက် ထိုရွာတွင်းရှိ နေအိမ်များသို့ ၀င်ရောက်မွှေနှောက်မှု ပြုလုပ်ကာ ရွာသားများ ပိုင်ဆိုင်သော ကျပ်သိန်းပေါင်းများစွာ ယူဆောင်သွားသည့်အပြင် နေအိမ်အမိုး၊ အကာ၊ အခင်းများနှင့် ကျေးရွာ ဘုရားရှိခိုး ကျောင်းကိုလည်း ပစ်ခတ်ဖျက်ဆီးခဲ့သည်ဟု ၎င်းက ရှင်းပြသည်။
မြန်မာစစ်တပ်သည် ရွာအတွင်း အိမ်များရှိ ဆန်၊ ဆား၊ ငါးပိ စသည့် စားစရာများကို ၎င်းတို့ရိက္ခာအဖြစ် ယူဆောင်သွားခဲ့ပြီး မသယ်ပိုးနိုင်သည်များကို ဖျက်ဆီးခဲ့သည်ဟုလည်း အဆိုပါရွာသားတစ်ဦးကလည်း ပြောသည်။
သူက “အခုအချိန်မှာ ရွာသားတွေ အလုပ်များတဲ့အချိန် ဖာလာခူး၊ ကွမ်းသီးခူးနဲ့ စပါးရိတ်သိမ်းချိန် ဖြစ်တယ်။ ဒီနှစ်လည်း မိုး ဆက်တိုက်ရွာလို့ အလုပ်လုပ်ရတာ အဆင်မပြေတဲ့အချိန်မှာ ဗမာစစ်တပ်ကလည်း အခုလိုလုပ်တော့ လာမယ့်ရာသီမှာ ဘာနဲ့ စားရမလဲ။”ဟု ပြောသည်။
ရွာပေါင်း ၃၀ကျော်ရှိသည့် သောက်ရေခပ်ချောင်းအရှေ့ဘက်တွင် မြန်မာစစ်တပ်များ၏ သွားလာလှုပ်ရှားမှုကြောင့် ရွာ ၉ရွာမှ လူဦးရေ ၁,၆၀၀ကျော်မှာ သွားလာရေး အခက်အခဲနှင့် ရင်ဆိုင်နေကြရသည်ဟု CIDKP က ပြောသည်။
သို့သော် ထွက်ပြေးနေရသည့် ရွာသူရွာသားများမှာ ယခုအချိန်တွင် မိမိနေရပ်ရွာသို့ ပြန်လည် နေထိုင်ခြင်း ရှိမရှိကိုမူ မသိရ သေးပေ။
အလစ်ဝင်ရောက် ပစ်ခတ်မှုကြောင့် အစိုးရတပ်ဖွဲ့ဝင် ၃ဦး ကျဆုံး
စာသိန်းမြင့် (ကေအိုင်စီ)
မြ၀တီမြို့တောင်ပိုင်းရှိ ဝေါ်လေဒေသ ဘုရင့်နောင်ကုန်းတွင် အခြေချလှုပ်ရှားသည့် အစိုးရစစ်တပ်အား ကရင်အမျိုးသားလွတ် မြောက်ရေးတပ်မတော်(KNLA)တို့က ယနေ့နံနက်တွင် သွားရောက် ပစ်ခတ်ခဲ့ရာ ၃ဦး သေဆုံးခဲ့သည်ဟု KNLA ဘက်က ပြော သည်။
KNLA (၂၀၁) တပ်မှူးတစ်ဦးက “ဒီမနက် ၇နာရီကျော် ဘုရင့်နောင်ကုန်းစခန်းမှာရှိတဲ့ ခမရ(၃၇၂) စစ်ကြောင်း(၁)ကို ကျနော် တို့ ကေအဲန်အယ်လ်အေ တပ်ရင်း(၂၀၁) တပ်ဖွဲ့ဝင်တချို့က သွားချောင်းပစ်တော့ ၃ယောက် သေတယ်။”ဟု ပြောသည်။
၎င်းတိုက်ခိုက်မှုအပြီးတွင် အစိုးရတပ်ဘက်မှ KNLA တပ်များကို လက်နက်ကြီး၊ လက်နက်ငယ်များဖြင့် ၆မိနစ်ခန့် လိုက်လံပစ် ခတ်ခဲ့သည်။ သို့သော် ကေအဲန်အယ်လ်အေဘက်က ထိခိုက်မှုမရှိကြောင်း အဆိုပါတပ်မှူးက ပြောသည်။
“ဒီမနက် ၇နာရီကျော်လောက်ပေါ့နော်။ မောခီးဘက်မှာ လက်နက်ကြီးသံ ၂ချက်ကြားလိုက်တယ်။ တအောင့်လောက်ကြာ တော့ နောက်တစ်လုံး ထပ်ကြားတယ်။”ဟု ဝေါ်လေရွာသားတစ်ဦးက ပြောသည်။
မြ၀တီမြို့တောင်ဘက် ၅၀ကီလိုမီတာခန့် ကွာဝေးသည့် ဝေါ်လေဒေသတွင် အခြေချလှုပ်ရှားနေသည့် အစိုးရစစ်တပ်များနှင့် ကော့ကရိတ်မြို့နယ်တွင် လှုပ်ရှားနေသည့် အစိုးရတပ်များမှာ ကရင်တပ်ဖွဲ့တို့၏ မကြာခဏ ပစ်ခတ်မှုများကြောင့် ထိခိုက်ကျ ဆုံးမှု များပြားလျှက်ရှိသည်။
ပြီးခဲ့သည့် စက်တင်ဘာလအတွင်း ကေအဲန်ယူနှင့် အစိုးရတပ်များ တိုက်ပွဲပေါင်း ၇၁ကြိမ် ဖြစ်ပွားခဲ့ပြီး ကေအဲန်ယူဘက်မှ တဦး ကျ၊ တဦးထိခိုက်ကာ အစိုးရတပ်ဘက်မှ ၅၄ဦးကျ၊ ၁၅ဦး ထိခိုက်ဒဏ်ရာ ရရှိသွားခဲ့သည်ဟု ကေအဲန်ယူ၏ တိုက်ပွဲသတင်း ထုတ်ပြန်ချက်အရ သိရသည်။
ကရင်ပြည်နယ် နယ်ခြားစောင့်တပ်မှ တပ်သား အောင်အောင် ဒီကေဘီအေ ထံ လာရောက်ပူးပေါင်း
နေ့သစ်မှ.......
ကရင်ပြည်နယ် နယ်ခြားစောင့်တပ်မှ တပ်သား အောင်အောင် အသက် ၂၁ နှစ်ဟာ ၂၀၁၁ ခုနှစ် အောက်တိုဘာလ ၁၇ ရက်နေ့က ဒီကေဘီအေ တပ်ဖွဲ့မှ ဗိုလ်ကော်ဒိုစိုး ထံ လာရောက် ပူးပေါင်းခဲ့ပါတယ်။
နယ်ခြားစောင့်တပ်မှ တာဝန်ထမ်းခံစဉ်က သူရဲ့ အတွေ့အကြုံတွေ ခံစားချက်များကို မေမြန်းခဲ့ရာ …
“အခုက ရာထူးတွေ လခတွေ သတ်မှတ်ထားလိုက်တော့ ကျနော်တို့တွေဟာ အရင်ကလို ညီအစ်ကိုစိတ်ဓါတ်တွေ နည်း လာတာတွေ့ရတယ်။ လခကြတော့ ရဲဘော်အဆင့် ၃၆၀၀၀ ကျပ် ရတယ်။ တရစ်ဆိုရင် ၆၀၀၀ ပိုရတယ်။ စစ်အစိုးရဆီ က လခယူထားတော့ သူတို့ ခိုင်းတာတွေ လျောက်လုပ်ရတော့တာပေါ့။ စစ်ဆင်ရေးရှိလို့ လမ်းပြခိုင်းတာမျိုး၊ သူတို့နဲ့ တွဲ ပြီး စစ်ဆင်ရေးလုပ်ခိုင်းတာမျိုး တွေပေါ့။ ကြာရင်တော့ နယ်ခြားစောင့် တပ်အချင်းချင်းလည်းကွဲပြဲတာတွေ ဖြစ်လာမယ် လို့ ထင်တာပဲ၊ ခုကြည့်လေ စီးပွားရေးလုပ်ပိုင်ခွင့်တွေအကုန်လုံး ချစ်သူ လက်ထဲ စုပြီးထဲ့ထားတာ၊ ဒါ ကျနော်တို့ အချင်း ချင်းသွေးကွဲဖို့ လုပ်လိုက်တာပဲ မဟုတ်လား။ နောက်တခုက ဗိုလ်မုတ်သုန် တပ်ရင်းကို ဗိုလ်ချစ်သူ တပ် လက်အောက်ကို ပြောင်းပစ်မယ် ကြားနေရပြန်တယ်။ စစ်အုပ်စုကို အားကိုပြီး ကပ်နေရင်တော့ တချိန်မှာ တစစီဖြစ်ပြီး ပြောက်သွားမှာပဲ၊ အခုလဲ တိုင်းရင်းသားအဖွဲ့တွေကို ငြိမ်း ချမ်းရေးစကားတွေ ပြောမယ်လဲ ပြောသေးတယ်၊ လက်တွေ့ကြတော့ ထိုးစစ်တွေ လုပ်နေတယ်၊ အပြောနဲ့ လက်တွေ့မကိုက်ဘူး” လို့ ပြောပြသွားပါတယ်။
ကရင်ပြည်နယ်တွင်း ငြိမ်းချမ်းရေးတည်းဆောက်ရေးလုပ်ဖို့ ကြံ့ဖွံ့စစ်အစိုးရဘက်က ကိုယ်စားလှယ်တွေ စေလွှတ်ပြီး တိုင်း ရင်းသား တော်လှန်ရေးအဖွဲ့တွေနဲ့ စကားပြောဆွေးနွေးတာတွေ ရှိသလို၊ တပြိုင်နက်တည်းမှာပဲ ကရင်ပြည်နယ်အတွင်း က တော်လှန်ရေးအဖွဲ့အစည်းတွေကို သဲကြီးမဲကြီး ထိုးစစ်ဆင် ချေမှုန်းဖို့ကြိုးစားတာတွေလည်း ရှိနေပါတယ်။
အစိုးရတပ်များ ဆွဲမိုင်းဖြင့် အဆက်မပြတ် တိုက်ခိုက်ခံရ
စောခါးစူးညား (ကေအိုင်စီ)
ကရင်ပြည်နယ် ကော့ကရိတ်မြို့နယ် တံတားကျိုးရွာအနီးတွင် လှုပ်ရှားနေသည့် မြန်မာအစိုးရတပ် စကခ(၁၂)လက်အောက်ခံ တပ်ရင်းကို ယမန်နေ့ နေ့လည်အချိန်တွင် ကရင်ပူးပေါင်းတပ်များက ဆွဲမိုင်းဖြင့် တိုက်ခိုက်ခဲ့ရာ ၄ဦးကျဆုံးကာ ၇ဦး ဒဏ်ရရှိခဲ့ သည်။
အဆိုပါ တိုက်ခိုက်မှုကို တိုးတက်သောဗုဒ္ဓဘာသာ ကရင်အမျိုးသားတပ်မတော်-DKBA ကလို့ထူးဝါးဗျူဟာနှင့် ကရင်အမျိုး သားလွတ်မြောက်ရေးတပ်မတော်-KNLA ပူးပေါင်းတပ်များက ပြောက်ကျားစစ်ဖြင့် သွားရောက်တိုက်ခိုက်ခဲ့ခြင်းဖြစ်သည်ဟု DKBA ၏ ပြန်ကြားရေး တာဝန်ခံ ဗိုလ်မှူးစောလိုးလိုက ပြောသည်။
၎င်းက “ကျနော်တို့ ပူးပေါင်းတပ်ဘက်က သူတို့(အစိုးရတပ်)ကို ရုတ်တရက် ဆွဲမိုင်းနဲ့ ၀င်တိုက်လို့ အထိနာတာ။ သေနတ် ကျည် သိပ်အကုန်မခံဘူး။ ဆွဲပြီး တစ်အောင့် ခံပစ် နောက်ဆုတ်တာပဲ။ ကျနော်တို့ဘက်က အထိအခိုက် မရှိဘူး။”ဟု ကေအိုင် စီသို့ ပြောသည်။
ယခုတိုက်ခိုက်မှု ဖြစ်ပွားသည့် မြန်မာစစ်တပ်နေရာသည် ကျုံဒိုးသို့သွားရန် ကော့ကရိတ်မြို့မှအထွက် လမ်းကြောတစ်နေရာ တွင် တည်ရှိသည်။
ကချင်ပြည်နယ်တွင် ကချင်လွတ်မြောက်ရေးတပ်မတော်-KIA ကို မြန်မာအစိုးရတပ်က ထိုးစစ်ဆင်နေချိန်တွင် ကရင်ပူးပေါင်း တပ်များလည်း ကရင်ပြည်နယ်အတွင်းရှိ အစိုးရတပ်ကို အဆက်မပြတ် တိုက်ခိုက်နေကြောင်းလည်း DKBA က ပြောသည်။
ယခုလအတွင်း အစိုးရတပ်နှင့် ကရင်ပူးပေါင်းတပ်တို့ကြား တိုက်ပွဲများမှာ နေ့စဉ်ရက်ဆက်ဆိုသလို ဖြစ်ပွားနေသလို ယမန်နေ့ က မြ၀တီမြို့၊ အမှတ်-၄ ရပ်ကွက်ရှိ ကြံ့ခိုင်ရေးရုံးရှေ့တွင် ဗုံးတလုံးပေါက်ကွဲခဲ့ရာ သံဃာတစ်ပါး ဒဏ်ရာရရှိခဲ့သည်။
အစိုးရသတင်းစာ၏ စွပ်စွဲချက် KNU ငြင်းဆို
နန်းသူးလေ (ကေအိုင်စီ)
ကရင်အမျိုးသားအစည်းအရုံး (KNU) ထောင်ထားသည့်မိုင်းများ နင်းမိသဖြင့် ပဲခူးတိုင်းဒေသရှိ ရွာများမှ အပြစ်မဲ့ ပြည်သူနှစ်ဦး ဒဏ်ရာရရှိပြီး နှစ်ဦးသေဆုံးခဲ့သည်ဟု ယနေ့ထုတ် အစိုးရပိုင် ကြေးမုံသတင်းစာ၏ ဖော်ပြထားခြင်းမှာ မဟုတ်မှန်ကြောင်း KNU က ငြင်းဆိုလိုက်သည်။
KNU တွဲဖက် အတွင်းရေးမှူး(၁) ဗိုလ်မှူးစောလှငွေက “ပဲခူးတိုင်းဘက်မှာ အစိုးရတပ်စခန်းတွေပဲ အခြေစိုက်တယ်။ ရံဖန်ရံခါ နယ်မြေရှင်းတဲ့ နွေရာသီအချိန်မျိုးမှာ သွားလာလှုပ်ရှားတာတော့ ရှိတယ်။ ကျနော်တို့ တပ်လုံခြုံရေးနဲ့ လူထုကာကွယ်ရေးအ တွက်ဆိုပြီး မိုင်းထောင်တာမျိုး လုံးဝ မရှိပါဘူး။”ဟု ကေအိုင်စီကို ပြောသည်။
ပဲခူးတိုင်းဒေသရှိ နယ်မြေများတွင် ကရင်လက်နက်ကိုင်တပ်များ ခေတ္တခဏ လှုပ်ရှားမှုမျိုးသာ ရှိသည်ဟု ၎င်းက ဆက်ပြော သည်။
ယခုလ ၂၀ရက်နေ့တွင် KNU ၏ မိုင်းကြောင့် ကနစိုးပင်ရွာမှ တောခုတ်သွားသော ရွာသားတစ်ဦး ဒဏ်ရာရရှိခဲ့ပြီး ၂၁ရက်နေ့ ကလည်း မူသဲရွာမှ ဟင်းသီးဟင်းရွက် ရှာဖွေရန် ထွက်သွားသော ဒေသခံတစ်ဦး ဒဏ်ရာရကာ နှစ်ဦး သေဆုံးခဲ့သည်ဟု ကြေးမုံသတင်းတွင် ဖော်ပြထားခြင်းဖြစ်သည်။
ထိုသို့ စွပ်စွဲမှုများမှာ ယခင် စစ်အစိုးရ လက်ထက်ကတည်းကဖြစ်ပြီး လက်ရှိ အစိုးရသစ်ကလည်း အပစ်ခတ်ရပ်စဲအဖွဲ့များကို ထိုးစစ်ဆင်နေသည်ကိုကြည့်လျှင် ၎င်းတို့၏ သဘောထား ပြောင်းလဲခြင်းမရှိသည်မှာ ပေါ်လွင်ကြောင်း ဗိုလ်မှူးစောလှငွေက ထပ်မံ ပြောဆိုသည်။
အလားတူ သြဂုတ်လ ၈ရက်နေ့ထုတ် အစိုးရပိုင် သတင်းစာများတွင် KNU တပ်ဖွဲ့ဝင်များ၏ ပစ်ခတ်မှုကြောင့် ကရင်ပြည်နယ်ရှိ ကျေးရွာတရွာမှ ကလေးငယ်နှစ်ဦး ဒဏ်ရာရရှိခဲ့သည်ဟု စွပ်စွဲဖော်ပြထားသည်။
မြန်မာနိုင်ငံတွင် နေ့စဉ်ထုတ် ကြေးမုံနှင့် မြန်မာ့အလင်း သတင်းစာများမှာ ယခင် စစ်အစိုးရမှ ယခု အစိုးရသစ်တိုင် နိုင်ငံတော် အစိုးရပိုင် သတင်းစာအဖြစ် ရပ်တည်နေဆဲ ဖြစ်သည်။
ဖမ်းဆီးခံရသည့် KNLA ဆေးမှူး ထွက်ပြေးလွတ်မြောက်
စောသိန်းမြင့်(ကေအိုင်စီ)
ပြီးခဲ့သည့်အပတ်က ထိုင်း-မြန်မာနယ်စပ် လှိုင်းဘွဲမြို့နယ် သောင်ရင်းမြစ်တွင် အစိုးရစစ်တပ်နှင့် BGF တပ်ဖွဲ့တို့၏ ဖမ်းဆီးမှု ကို ခံခဲ့ရသည့် KNLA ဆေးမှူးမှာ ယမန်နေ့က ထွက်ပြေးလွတ်မြောက်လာသည်ဟု KNLA က ပြောသည်။
ပြီးခဲ့သည့် အောက်တိုဘာလ ၁၈ရက်နေ့မနက်က မဲ့သဝေါဂွင်ရှိ အစိုးရစစ်တပ်နှင့် BGF တပ်တို့ ထိုင်းဘက်ခြမ်းကူးကာ သောင်ရင်းမြစ်တစ်ဖက်ကမ်းရှိ KNLA တပ်ဖွဲ့ဝင်များအား ၀င်ရောက်ပစ်ခတ်ချိန် မြစ်အတွင်း ပိုက်ထောင်နေသည့် ၎င်းဆေးမှူး စောစေးလယ်ထူး ၃၇နှစ်အား ဖမ်းဆီးလိုက်ခြင်း ဖြစ်သည်။
စောစေးလယ်ထူး၏ မိတ်ဆွေတစ်ဦးက “သူ့ကို သတ်ပစ်ဖို့အတွက် ဗမာစစ်တပ်က ပြောဆိုနေသံကို သူ ကြားမိသွားလို့ နောက်နေ့မနက်စောစောမှာ ကိုယ်လွတ်ရုန်းပြီး ထွက်ပြေးလွတ်မြောက်သွားတာပါ။ သူပြေးတဲ့အချိန်မှာ ဗမာစစ်သားတွေက နောက်ကနေ သေနတ်နဲ့ လိုက်ပစ်သေးတယ်လို့ ပြောတယ်။”ဟု ဆိုသည်။
ထိုသို့ထွက်ပြေးလာရာ တောလမ်းတနေရာတွင် ထောင်ထားသည့် မြေမြှုပ်မိုင်းတစ်လုံးကို နင်းမိကာ ညာဘက်ခြေဖနောင့်မှာ အနည်းငယ် ပွန်းပဲ့ဒဏ်ရာ ရရှိခဲ့သည်ဟု သိရသည်။
အစိုးရစစ်တပ်နှင့် BGF ပူးပေါင်းတပ်ဖွဲ့သည် စောစေးလယ်ထူးအား ဖမ်းဆီးခဲ့စဉ်က ထိုးကြိတ်၊ ရိုက်နှက်ကာ စစ်ဆေးမေးမြန်း ခဲ့သည်ဟု ၎င်းအား ကိုယ်တိုင်သွားရောက် တွေ့ဆုံခဲ့သူတစ်ဦးက “သူ့ဦးခေါင်းနောက်စေ့ကို သေနတ်ဒင်နဲ့ အထုခံရတယ်။ နောက်ပြီး သူ့လက်နှစ်ဖက်ကို လက်ပြန်ကြိုးတုတ်ထားတော့ လက်နှစ်ဖက်က ကြိုးချည်ရာတွေ အခုထိ ထင်းထင်းကြီးပဲ ပေါ် နေတယ်။”ဟု ပြောသည်။
အစိုးရစစ်တပ်က ၎င်းတို့ ဖမ်းဆီးရမိသော စစ်သုံ့ပန်းများကို ယင်းသို့ ညှင်းပမ်းနှိပ်စက်ခြင်းသည် နိုင်ငံတကာ စစ်သုံ့ပန်း ဥပဒေ ချိုးကို ချိုးဖောက်ရာရောက်သည်ဟု ကေအဲန်ယူ၏ ဒုဥက္ကဌ ပဒိုဒေးဗစ်သကဘောက ဝေဖန်ပြောဆိုလိုက်သည်။
BGF မှ ရွာသားများအား အလှည့်ကျစနစ်ဖြင့် ခေါ်ယူခိုင်းစေ
စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီမြို့နယ် မဲ့ပလဲ့ဂွင်တွင် အခြေချလှုပ်ရှားနေသည့် နယ်ခြားစောင့်တပ် (BGF) တပ်ဖွဲ့သည် ပြီးခဲ့သည့်အ ပတ်မှစ၍ ဒေသခံရွာသားများအား အလှည့်ကျစနစ်ဖြင့် ခေါ်ယူခိုင်းစေလျှက်ရှိကြောင်း ရွာခံလူထုက ပြောဆိုနေကြသည်။
မြ၀တီမြို့နယ်၊ မဲ့ပလဲ့ဂွင်၊ ထီးဝါပလောနှင့် ဟွေ့ရှမ်းကြားရှိ ဇရပ်ဖြူကုန်းစခန်းတွင် အခြေချသည့် BGF (၁၀၁၇)တပ်ရင်းမှူး ဗိုလ်မှူးဒိဒိက ယခုလ ၂၃ရက်နေ့မှစ၍ ကယ့်ဝေါ်ကျေးရွာ ရွာသားများအား မသွားမနေရ စနစ်ဖြင့် ခေါ်ယူခိုင်းစေနေခြင်းဖြစ် သည်ဟု ကယ့်ဝေါ်ရွာသားတစ်ဦးက ပြောသည်။
အမည်မဖော်လိုသူ ၎င်းရွာသားက “၂၃ရက်နေ့မှာ စသွားပြီ။ ၅ရက်တစ်ခါ ချိန်းရမယ်။ တခေါက်သွားရင် အယောက် ၃၀၊ ယောက်ျားတွေချည်းပဲ။ မသွားမနေရ အလှည့်ကျစနစ်နဲ့ ညအိပ်သွားရတယ်။ ဘာတွေ သွားလုပ်ရမလဲတော့ ဘယ်သူမှ တိတိ ကျကျ မသိကြဘူး။”ဟု ပြောသည်။
ယခုကဲ့သို့ ခေါ်ယူခိုင်းစေမှုကို တစ်လကြာ သတ်မှတ်ထားသော်လည်း မည်သည့်အလုပ်မျိုး သွားလုပ်ရမည်ကို BGF တပ်ဖွဲ့မှ ပြောဆိုထားခြင်း မရှိသည့်အတွက် ရွာသားများက ကြောက်လန့်နေကြသည်။
သို့သော် အလှည့်ကျ၍ မသွားသည့် ရွာသားများကို အစိုးရစစ်တပ် အကူအညီဖြင့် ရွာတွင်းသို့ ၀င်ရောက်ဖမ်းဆီးမည်ဖြစ် ကြောင်း ဗိုလ်မှူးဒိဒိက ခြိမ်းခြောက်ထားသည်ဟုလည်း အဆိုပါရွာသားက ဆက်ပြောသည်။
ကယ့်ဝေါ်ရွာအနီး လှုပ်ရှားနေသည့် ကရင်အမျိုးသား လွတ်မြောက်ရေး တပ်မတော် KNLA တပ်ရင်း (၁၀၁)မှ ဒုဆေးမှူး ဆရာ လေးက “BGF တွေ ပြောတာကတော့ စခန်းဆောက်၊ ထမင်းချက်၊ ရေခပ်၊ ထင်းခွေဖို့ လုပ်အားပေး ခေါ်တာပဲလို့ ပြောသံကြား တယ်။ ကျနော်တို့ သတင်းရတာကတော့ သူတို့တွေ ထိုးစစ်ဆင်ဖို့ အစီအစဉ်ရှိတယ်။”ဟု ဆိုသည်။
မြ၀တီမြို့မြောက်ဘက် ၄မိုင်ခန့် ကွာဝေးသည့် မဲ့ပလဲ့ဂွင်တွင် ပေါဘောခို၊ ပနောကလဲခီး၊ ထီးဝါပလော၊ ထီးလော်သေ့၊ ကျော်ခို၊ ကွီးလေး၊ ကယ့်ဝေါ်နှင့် ထီးချားရာ ကျေးရွာများ တည်ရှိပြီး ကယ့်ဝေါ်ကျေးရွာပြီးလျှင် ကျန်ကျေးရွာများကို အလှည့်ကျ ဆက် လက် ခေါ်ယူခိုင်းစေသွားမည်ဟု သိရသည်။၎င်းနယ်ခြားစောင့်တပ်များသည် ပြီးခဲ့သည့် လအနည်းငယ်မှစ၍ ယခုအချိန်ထိ ၎င်းတို့စခန်းအနီးရှိ ထီးဝါ့ပလောရွာမှ ရွာသား ၅ဦးစီကိုလည်း နေ့စဉ် ခေါ်ယူခိုင်းစေလျှက်ရှိသည်ဟု ဒေသခံရွာသားများ၏ ပြောပြချက်အရ သိရသည်။
ကချင်အမျိုးသမီး ၉ဦး သတ်ဖြတ်ခံရ
နော်ဆဲကလယ် (ကေအိုင်စီ)
ရှမ်းပြည်မြောက်ပိုင်း ကွတ်ခိုင်မြို့အနီး နမ့်လောင်ဟော်ရွာတွင် ပြီးခဲ့သည့် စက်တင်ဘာလ ၂၁ရက်နေ့က အစိုးရစစ်တပ်၏ ကွတ် ခိုင်ဗျူဟာ လက်အောက်ခံ တပ်ဖွဲ့ဝင်များမှ ရွာသူ ကချင်အမျိုးသမီး ၉ဦးအား ခေါ်ဆောင်သွားပြီး ဓားဖြင့် ခုတ်ကာ သတ်ပစ်ခဲ့သည် ဟု ဒေသခံရွာသားတစ်ဦးက ကေအိုင်စီကို ပြောသည်။
မျက်မြင်တစ်ဦးက “ခေါ်သွားတာ တွေ့ပါတယ်။ အထမ်းထမ်းခိုင်းဖို့ ခေါ်သွားမယ်။ ပြီးရင် ပြန်ရောက်လာမယ် ထင်တာပါ။ နောက် နေ့မနက်ရောက်တော့ တောထဲမှာ သေနေတာပဲ တွေ့ရတယ်။ တစ်နေရာစီမှာ ဓားနဲ့ခုတ်ပိုင်း သတ်ထားတာ မြင်မကောင်းဘူး။ ၉ယောက်စလုံးပဲဗျ။”ဟု ပြောသည်။
သေဆုံးသွားသူ အမျိုးသမီးများမှာ အဓမ္မပြုကျင့်ခံရပြီးမှ သတ်ဖြတ်ခံရသည့် အနေအထားများ ဖြစ်နေကြောင်းလည်း အဆိုပါရွာ သားက ပြောဆိုသည်။
စစ်ဘေးဒဏ်ခံနေရသော ကချင်စစ်ပြေးဒုက္ခသည်များအား ကူညီပေးနေသည့်အဖွဲ့မှ အမျိုးသမီးဝန်ထမ်းတစ်ဦးက “ဒုက္ခသည် စခန်းထဲကို မုဒိမ်းကျင့်ခံရပြီး ရောက်လာတဲ့ အမျိုးသမီးတွေ တွေ့ရပါတယ်။၊ သူတို့ပြောတာက ငါတို့ကို ဘုရားသခင် မတာပဲတဲ့။ အများအားဖြင့် ဖြစ်နေတာက မုဒိမ်းကျင့်ပြီးရင် သတ်ပစ်တာကိုး။”ဟု ပြောသည်။
အဆိုပါဖြစ်စဉ်နှင့် ပတ်သက်ပြီး ထိုင်းနိုင်ငံအခြေစိုက် ကချင်အမျိုးသမီးအစည်းအရုံး(KWAT)ကို မေးမြန်းရာ ထိုအဖွဲ့၏ ပြောရေးဆို ခွင့်ရှိသူ မမွန်းနေလီက ၎င်းတို့အနေဖြင့် ထိုသတင်းကို ကြားသော်လည်း ခိုင်လုံသော အချက်အလက် မရရှိသေးပါဟု ကေအိုင်စီ ကို ပြန်လည် ဖြေကြားသည်။
၎င်းအစိုးရတပ်များသည် ထိုနေ့တစ်ရက်ထဲ၌ပင် နမ့်လောင်ဟော်ရွာရှိ လူနေအိမ်များမှ အိမ်သုံးပစ္စည်းများကို ပိုင်ရှင်မသိဘဲ ယူ ဆောင်သွားခဲ့ကြောင်းလည်း ရွာသားတစ်ဦးက ပြောသည်။
သူက “စစ်တပ်ရွာထဲဝင်ရင် ရွာကလူတွေ အကုန် ထွက်ပြေးကြတာ။ အိမ်တွေက လူမရှိဘူးလေ။ သူတို့စိတ်ကြိုက် လုပ်လို့ရတာ ပေါ့။ သူတို့ကြိုက်တဲ့အိမ်ဝင်ပြီး လိုချင်တာတွေ အကုန်ယူသွားကြတာလေ။”ဟု ဆိုသည်။
နမ့်လောင်ဟော်ကျေးရွာသည် ရှမ်းပြည်နယ် မြောက်ပိုင်းဒေသအတွင်း တည်ရှိသော်လည်း ကချင်လူမျိုးများသာ နေထိုင်ကြသည့် ရွာတစ်ရွာ ဖြစ်သည်။
ထိုသို့ ဒေသခံ အမျိုးသမီးများကို အဓမ္မကျင့်ကာ သတ်ဖြတ်ခဲ့သည့် အစိုးရတပ်ရင်းနံပါတ်ကို ဒေသခံများက မသိရှိရသော်လည်း ကွတ်ခိုင်မြို့နယ်တွင် အစိုးရစစ်တပ်၏ ကွတ်ခိုင်ဗျူဟာ လက်အောက်ခံတပ်ရင်းများဖြစ်သည့် ခလရ(၄၅)၊ ခလရ(၆၇)၊ ခလရ(၆၈)၊ ခလရ(၁၄၁)နှင့် ခလရ(၁၄၂)တို့က ထိုးစစ်လှုပ်ရှားရာ နယ်မြေ ဖြစ်သည်။
ရှေ့ထွက်မိုင်းကြောင့် အစိုးရစစ်တပ် ၁၂ဦး သေဆုံး
စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီမြို့နယ် ဝေါ်လေဒေသတွင် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) တပ်ဖွဲ့များ၏ ရှေ့ထွက်မိုင်းဖြင့် ယမန်နေ့က တိုက်ခိုက်မှုကြောင့် အစိုးရစစ်တပ် ၁၂ဦးသေဆုံးပြီး ၅ဦး ဒဏ်ရာရရှိခဲ့သည်ဟု ဒီကေဘီအေက ပြောသည်။
ယခင်ရက် တိုက်ပွဲများမှ စစ်သည်လူနာများကို တာအုထာ့မှ သေ့ဘောဘိုး(မော်လီချိုင်း)ကျေးရွာသို့ ပြန်သယ်ဆောင်လာ သည့် အစိုးရ တပ်မ(၂၂) လက်အောက်ခံ ခလရ(၂၀၅)တပ်ရင်းအား ယမန်နေ့ည ၇နာရီခွဲကျော်အချိန်တွင် ဒီကေဘီအေတပ် ဖွဲ့မှ သေ့ဘောဘိုးနှင့် ကျောက်ခက်ကျေးရွာကြား၌ ရှေ့ထွက်မိုင်းများဖြင့် နှစ်ကြိမ် တိုက်ခိုက်ခဲ့ခြင်းဖြစ်ကြောင်း ဒီကေဘီအေမှ ဗိုလ်မှူးဆန်းအောင်က ပြောသည်။
၎င်းက “ပြီးခဲ့တဲ့ ရက်ပိုင်းက ပစ်ခတ်မှုမှာ ဒဏ်ရာရရှိခဲ့တဲ့ စစ်သားတွေကို ပြန်လာပို့တဲ့ ရန်သူ့တပ်ကို ကျနော်တို့ ဒီကေဘီအေ က ဦးကြိုတိုက်ခိုက်တာပါ။ ပစ်ခတ်မှုက မိနစ်ပိုင်းပဲ ကြာတယ်ဆိုပေမယ့် ဆွဲမိုင်းနဲ့ဆိုတော့ ရန်သူဘက်က တော်တော်အထိနာ တယ်။”ဟု ပြောသည်။
ဒီကေဘီအေ ကလို့ထူးဘောဗျူဟာမှ ဗိုလ်ကြာနီ၊ တောနော်ဖော၊ မင်းဇော်ဦးတို့ ဦးဆောင်သည့် အဆိုပါ ပစ်ခတ်မှုများတွင် အစိုးရတပ်မှ ဗိုလ်ကြီးတစ်ဦး၊ ဗိုလ်တစ်ဦး၊ တပ်ကြပ်ကြီး ၂ဦး သေဆုံးခဲ့သလို လူနာများ တင်ဆောင်လာသည့် ထော်လာဂျီ ယာဉ်မောင်းသူ သေ့ဘောဘိုးရွာသား ၂ဦးလည်း ဒဏ်ရာအပြင်းအထန် ရရှိခဲ့သည်ဟု ကရင်တပ်ဖွဲ့ဘက်က ပြောသည်။
ကေအဲန်အယ်လ်အေ တပ်အရာရှိတစ်ဦးက “ဒဏ်ရာရတဲ့ ရွာသားတွေကတော့ မောင်ကျောင်းပျော် ၄၇နှစ် ဦးခေါင်း ချော်ထိ သွားတယ်။ နောက်တစ်ယောက်က အားမင်း ၄၅နှစ်။ ရင်ဘတ်ကို ထိမှန်ခဲ့တယ်။ ဖြစ်ဖြစ်ချင်းမှာပဲ မဲဆောက်ဆေးရုံကို ပို့လိုက် တယ်။”ဟု ပြောသည်။
ယခုရက်ပိုင်းအတွင်း အစိုးရစစ်တပ်နှင့် ကရင်တပ်ဖွဲ့များအကြား နေ့စဉ်ဆိုသလို တိုက်ပွဲဖြစ်ပွားလျှက်ရှိရာ အစိုးရတပ်ဘက်မှ ထိခိုက်သေဆုံးမှု များပြားနေသော်လည်း ကရင်တပ်ဖွဲ့ဘက်က ထိခိုက်သေဆုံးမှုမရှိကြောင်း ပြောသည်။
၎င်းအစိုးရတပ်သည် တာအူးထာ့မှ သေ့ဘောဘိုးကျေးရွာသို့အပြန် လမ်းတစ်လျှောက်တွင် ဒီကေဘီအေနှင့် ကေအဲန်အယ်လ် အေများ၏ မကြာခဏ ချုံခိုတိုက်ခိုက်မှုများကြောင့် တပ်အင်အား အလွန်လျော့နည်းလာသလို စိတ်ဓာတ်ကျဆင်းမှုများလည်း ရှိနေသည်ဟု ဗိုလ်မှူးဆန်းအောင်က ပြောသည်။
ကရင်ပြည်နယ်အတွင်း တိုက်ပွဲဆက်ဖြစ်နေဆဲ
စောခါးစူးညား/စောဖိုးမူး (ကေအိုင်စီ)
ကရင်ပြည်နယ်၊ မြ၀တီမြို့နယ်တွင် ယခုရက်ပိုင်းအတွင်း တိုးတက်သော ဗုဒ္ဓဘာသာ ကရင်အမျိုးသားတပ်မတော်-DKBA နှင့် မြန်မာအစိုးရ တပ်ဖွဲ့တို့အကြား နေ့စဉ်ရက်ဆက် တိုက်ပွဲဖြစ်ပွားလျှက်ရှိသည်။
ယနေ့မနက် ၈နာရီကျော်အချိန်၌ ၀ါ့မီထာ့၌ လှုပ်ရှားနေသည့် တပ်မ(၂၂)လက်အောက်ခံ ခလရ(၂၄၅) တပ်ရင်းကို DKBA ၏ ကလို့ထူးဘောဗျူဟာက တိုက်ခိုက်ခဲ့သည်။ နှစ်ဘက်ထိခိုက်မှုနှင့် ပတ်သက်၍ ကေအိုင်စီက ယခုထိ အတည်မပြုနိုင်သေးပေ။
ယမန်နေ့ကလည်း ကွီးတာအုတွင် DKBA တပ်ဖွဲ့က မြန်မာစစ်တပ် ခလရ(၂၀၃)၊ (၂၀၄) တပ်ရင်းကို ဆွဲမိုင်းဖြင့် တိုက်ခိုက်ခဲ့ ရာ တပ်ဗိုလ်တစ်ဦးနှင့် တပ်သားတစ်ဦး ထိခိုက်ဒဏ်ရာ ရရှိခဲ့သည်ဟု DKBA မှ ဗိုလ်မှူးဆန်းအောင်က ကေအိုင်စီသို့ ပြော သည်။
သူက “မနေ့က ကျနော်တို့ဘက်က ဆွဲမိုင်းနဲ့ ဆွဲတော့ နှစ်ပွင့်ဗိုလ်တဦးနဲ့ တပ်သားတစ်ဦး ထိတယ်လို့ သိရတယ်။ သေ မသေ တော့ ကျနော်တို့ စုံစမ်းဆဲပဲ။”ဟု ပြောသည်။
တဆက်တည်းပင် ယမန်နေ့ ညနေ၌ DKBA က မြ၀တီမြို့နယ်၊ ကွီးလယ်ဆုတွင် လှုပ်ရှားနေသည့် ခလရ(၂၀၃)ကို စနိုက်ဘာ သေနတ်ဖြင့် ပစ်ခတ်ခဲ့ရာ တစ်ဦး သေဆုံးပြီး တစ်ဦးမှာ မြေမြှုပ်မိုင်းထိကာ ဘယ်ခြေတစ်ဖက် ဖြတ်သွားသည်ဟု သူက ဆို သည်။
မြန်မာအစိုးရတပ်ကို ပြောက်ကျားစနစ်သုံး၍ တိုက်ခိုက်သဖြင့် လတ်တလော ဖြစ်ပွားသည့် တိုက်ပွဲတွင် ၎င်းတို့ဘက်မှ ထိခိုက် ဒဏ်ရာရမှု မရှိကြောင်း DKBA ဘက်က ပြောသည်။
ကရင်ပြည်နယ်အတွင်း၌ ယခုလို မိုးရာသီအကုန် ပွင့်လင်းရာသီ၌ မြန်မာအစိုးရတပ်ဘက်မှ စစ်ရေးလှုပ်ရှားမှု များလာသည်နှင့် အမျှ တိုက်ပွဲလည်း မကြာခဏ ဖြစ်ပွားလေ့ရှိသည်။
မိုင်းစစ်ဆင်ရေးကြောင့် အစိုးရတပ်ကြပ်ကြီး ၁ဦး ကျဆုံးကာ ၅ဦးဒဏ်ရာရရှိ
နန်းသူးလေ (ကေအိုင်စီ)
ကရင်ပြည်နယ် မြ၀တီမြို့နယ် သေ့ဘောဘိုးဒေသရှိ လေးဝေါ်(တောင်နီ)ရွာအနီးရှိ ခမရ(၂၀၃) တပ်ရင်းအား တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA)မှ ယမန်နေ့ညနေက မိုင်းစစ်ဆင်ရေးဖြင့် တိုက်ခိုက်ခဲ့ရာ အစိုးရတပ်ဘက်မှ တပ်ကြပ်ကြီး ၁ဦး ကျဆုံးကာ ၅ဦးမှာ ဒဏ်ရာရရှိခဲ့သည်။
DKBA ကလို့ထူးဝါးဗျူဟာမှ ဒုဗိုလ်စောအဆောင် ဦးဆောင်သည့် တပ်ရင်း(၉၀၇) တပ်ဖွဲ့ဝင်များက ယမန်နေ့ညနေ ၅နာရီ ကျော်အချိန်တွင် လေးဝေါ်ရွာ တံတားထိပ်၌ ခြင်းခတ်နေကြသည့် အစိုးရတပ်ဖွဲ့ဝင်တချို့ကို ဆွဲမိုင်းဖြင့် တိုက်ခိုက်ခဲ့သည်ဟု ကလို့ထူးဝါးဗျူဟာမှ ဗိုလ်ကြီးသရီးတူးက ယခုလို ပြောသည်။
၎င်းက “မနေ့ညနေပိုင်းအချိန်လောက် လေးဝေါ်တံတားထိပ်မှာ ရေချိုးဖို့လုပ်ရင်း ခြင်းခတ်နေကြတဲ့ ခမရ(၂၀၃) တပ်ဖွဲ့ဝင်တွေ ကို ကျနော်တို့ကတွေ့လို့ ဆွဲမိုင်းနဲ့တိုက်ခိုက်ခဲ့တယ်။ အဲဒါ ရန်သူဘက်က ဒုတပ်ကြပ်၊ တပ်ကြပ် အပါအ၀င် ၅ယောက် ဒဏ် ရာရသွားပြီး တပ်ကြပ်ကြီး ၁ဦး သေဆုံးသွားတယ်လို့ မြင်တွေ့လိုက်သူတွေကတဆင့် ကျနော်တို့ ပြန်သိရတယ်။”ဟု ဆိုသည်။
ထိုတိုက်ခိုက်မှုကြောင်း အစိုးရတပ်ဘက်မှ လက်နက်ကြီးငယ်များဖြင့် နာရီဝက်ခန့် ပြန်လည် ပစ်ခတ်ခဲ့သော်လည်း DKBA တပ် ဖွဲ့ဝင်များဘက်မှ ထိခိုက်ကျဆုံးမှု တစုံတရာ မရှိကြောင်း DKBA ဘက်က ပြောသည်။
သို့သော် ၎င်းဆွဲမိုင်း တိုက်ခိုက်မှုကြောင့် သေ့ဘောဘိုးရွာသားတစ်ဦး ဒဏ်ရာရရှိသွားကာ ထိုင်းနိုင်ငံ၊ တာ့ခ်ခရိုင် ဖုတ်ဖရမြို့ နယ်ဆေးရုံသို့ ရွာသူရွာသားများက သွားရောက် ပို့ဆောင်ခဲ့သည်ဟု ကြားသိရသော်လည်း ယခုထိ အတည်မပြုနိုင်သေးပေ။
လေးဝေါ်ဂွင်တ၀ိုက်တွင် တပ်မ(၂၂) လက်အောက်ခံ ခမရ(၂၀၃)၊ (၂၀၄)နှင့် အရှေ့တောင်တိုင်းစစ်ဌာနချုပ်(ရတခ) လက် အောက်ခံ ခမရ(၃၁၀)တို့ လှုပ်ရှားလျှက်ရှိပြီး ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း(၁၀၃)နှင့် DKBA တပ်ရင်း(၉၀၇)တို့ အခြေစိုက် လှုပ်ရှားနေကြသည်။
အလားတူ ပြီးခဲ့သည့် အောက်တိုဘာလ ၁၄ရက်နေ့၊ မနက် ၁၀နာရီမှ ၁၁နာရီအထိ လှိုင်းဘွဲမြို့နယ်အတွင်းရှိ အစိုးရစစ်တပ် နှင့် နယ်ခြားစောင့်တပ်များကို ကေအဲန်အယ်လ်အေ တပ်မဟာ(၇) လုံခြုံရေးတပ်ဖွဲ့ဝင်များက ပြောက်ကျားသုံးကြိမ် တိုက်ခိုက် ခဲ့သည်ဟု တပ်မဟာ(၇)ရုံးထိုင်မှူး ဗိုလ်မှူးအဲ့ဆဲဆဲက ပြောသည်။
သူက “အဲဒီနေ့မှာ ကျနော်တို့လူတွေက မဲ့ပေါ်ပလောကွင်းမှာ တက်လာတဲ့ ခမရ(၅၄၅)စစ်ကြောင်းကို ပထမတကြိမ် ချုံခိုတိုက် တယ်။ ဒုတိယအခေါက်က ထီးသေ့ဟီးနေရာမှာ နယ်ခြားစောင့်(၁၀၁၄)အဖွဲ့ကို တိုက်တယ်။ နောက်ဆုံးတကြိမ်က အဲဒီ မဲ့ပေါ် ပလောမှာပဲ ခမရ(၃၃၈)နဲ့ဖြစ်တယ်။”ဟု ကေအိုင်စီသို့ ပြောသည်။
၎င်းတိုက်ခိုက်မှုများတွင် ခမရ(၅၄၅)မှ ၄ဦးကျဆုံးကာ ၅ဦးဒဏ်ရာရရှိပြီး နယ်ခြားစောင့်တပ်ဖွဲ့မှ ဒဏ်ရာရရှိသည့် ၄ဦးမှာ စိုးရိမ် ရသည့် အခြေအနေတွင် ရှိခဲ့ကြောင်း သိရသည်။
ကေအဲန်ယူ တပ်မဟာ(၇)မှ ချုံခိုတိုက်ခိုက်ခဲ့သည့် ခမရ(၅၄၅)မှာ စစ်ကွပ်ကဲရေးဌာနချုပ်-စကခ(၁၂)လက်အောက်ခံဖြစ်ပြီး ခမရ(၃၃၈)မှာ ရတခ လက်အောက်ခံ တပ်ရင်းများ ဖြစ်သည်။
KNLA ကို အစိုးရတပ် ထိုင်းနယ်ဘက်က ၀င်တိုက်
ဧရာဝတီ သတင်းမှ........
ကရင် အမျိုးသား လွတ်မြောက်ရေး တပ်မတော် (KNLA) တပ်မဟာ ၇ အခြေစိုက်စခန်းတခု ဖြစ်သည့် မယ်ပေါ်ထာ့ စခန်းကို အစိုးရ စစ်တပ်ကယနေ့ ထိုင်းနိုင်ငံဘက်မှ ၀င်ရောက် တိုက်ခိုက်ခဲ့သည်ဟု KNLA ကရင် တပ်မှူးတဦးက ပြောသည်။
ကရင်ပြည်နယ် လှိုင်းဘွဲမြို့နယ်အတွင်း တည်ရှိသည့် မယ်ပေါ်ထာ့ စခန်းကို ယနေ့နံနက် ၆ နာရီခန့်က လှိုင်းဘွဲ အခြေစိုက် အစိုးရတပ် ခြေမြန်တပ်ရင်း(ခမရ) ၃၃၉ နှင့် နယ်ခြားစောင့်တပ် အမှတ် ၁၀၁၂ ပူးပေါင်းအင်အား ၄၀ ခန့်က ၀င်ရောက်တိုက် ခိုက်ခဲ့ခြင်းဖြစ်သည်။
KNLA တပ်မဟာ ၇ အခြေစိုက် မယ်ပေါ်ထာ့စခန်းသည် ထိုင်းနိုင်ငံ တာ့ခ်ခရိုင် ထာ့ဆောင်ရမ်းမြို့နယ်ရှိ နယ်ခြားသောင်ရင်းမြစ် ၏ မြန်မာနိုင်ငံဘက်တွင် တည်ရှိသည်။
KNLA တပ်မဟာ ၇ နှင့် ပူးတွဲတိုက်ပွဲဝင်နေသည့် တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA) ကလို့ထူးလား စစ်ဗျူဟာမှ ဗိုလ်မှူး တာ့ကော် က“ဒီမနက် ၆ နာရီ ၂၀ မှာ သူတို့ ထိုင်းနိုင်ငံ မဲ့သဝေါ ရွာဘက်ကနေ လှေနဲ့ကူးလာပြီး ကျနော်တို့စခန်းကိုလာတိုက်တယ်၊ ကျနော်တို့ဘက်က ပြန်တိုက်တာ ၁၀ မိနစ်လောက်ပဲကြာတယ်၊ သူတို့ပြန်ဆုတ်သွားတယ်” ဟု ဧရာဝတီသို့ ပြောသည်။
ကရင်ပူးပေါင်းတပ်ဖွဲ့မှ ဖမ်းယူရရှိသည့် ကြားဖြတ်ဆက်သွယ်ရေးကြေးနန်းအရ တိုက်ခိုက်မှုတွင် မြန်မာပူးပေါင်းတပ်ဖွဲ့မှ စစ် သည် ၂ ဦး ဒဏ်ရာရရှိသွားသည်ဟုလည်း ဗိုလ်မှူးတာ့ကော် က ဆိုသည်။
တိုက်ပွဲဖြစ်ပွားသည့် လှိုင်းဘွဲမြို့နယ်၏ နယ်စပ်သောင်ရင်းမြစ်၏ မြန်မာဘက် ကမ်းနားတလျှောက်၌ KNLA ၊ DKBA နှင့် အစိုးရ စစ်တပ်များက စစ်အခြေစိုက်စခန်းများ ဖွင့်လှစ်ထားသည်။
တပ်မဟာ ၇ ဌာနချုပ်ကို ၁၉၈၀ ပြည့်နှစ်ဝန်းကျင် ကာလကလည်း အစိုးရတပ်များက ၀င်ရောက်တိုက်ခိုက်ခဲ့ရာတွင် ထိုင်းနိုင်ငံ ဘက်မှ အင်အား အလုံးအရင်းနှင့် ၀င်ရောက်တိုက်ခိုက်မှုများ ရှိခဲ့သည်ဟု တိုက်ပွဲတွင်ပါဝင်ခဲ့သည့် ကရင်တပ်မှူးဟောင်း တဦး က ပြောပြသည်။
ယနေ့ အစိုးစစ်တပ်က ကရင်အမျိုးသား အစည်းအရုံး(KNU) လက်အောက်ခံ KNLAတပ်မဟာ ၇ ဒေသကို ထိုင်းနိုင်ငံဘက်မှဝင်ရောက် တိုက်ခိုက်မှုနှင့် ပတ်သက်၍ သီးခြားအတည်ပြုချက် ရယူနိုင်ခြင်း မရှိသေးပါ။
KNU သည် မြန်မာ အစိုးရကို ဆန့်ကျင်တိုက်ပွဲဝင်နေသည်မှာ နှစ်ပေါင်း ၆၀ ကျော်ရှိပြီ ဖြစ်သည်။
ရွာသားကို သူလျှိူဟု စွပ်စွဲကာ ဖမ်းဆီးနှိပ်စက်
နော်ဆဲကလယ် (ကေအိုင်စီ)
သျှမ်းပြည်နယ်၊ မူဆယ်မြို့နယ် မုန်းပေါ်ရွာအနီး မန်ဂွတ်ရွာ၌ စစ်စိမ်းရောင်ခါးပတ် ပတ်ထားသော ရွာသားတစ်ဦးအား သူလျှိုဟု စွပ်စွဲကာ ခမရ(၅၂၂)မှ ကွတ်ခိုင်ဗျူဟာမှူး ဗိုလ်မှူးကြီးစောကျော်သူ၏ လက်အောက်ခံ တပ်သားများက ယမန်နေ့မနက် ၈နာရီတွင် ဖမ်းဆီးခေါ်ဆောင်သွားခဲ့သည်။
ကိုယ်တိုင်မြင်တွေ့ခဲ့သူ ရွာသားတစ်ဦးက “နှစ်ယောက်ကို ကြိုးတုတ်ဖမ်းတာဗျ။ တစ်ယောက်က သူ့ဖာသာ အိမ်ထဲနေနေတာ။ တစ်ယောက်ကတော့ စစ်စိမ်းရောင်ခါးပတ်ကို ပတ်ထားလို့ သူလျှိုလို့ ပြောပြီးဖမ်းတာ။ နှစ်ယောက်စလုံးက အိမ်ထောင်သည် ကလေးအဖေတွေပါ။”ဟု ကေအိုင်စီသို့ ပြောသည်။
အဆိုပါ ခမရ(၅၂၂)တပ်ရင်းရှိ တပ်ဖွဲ့ဝင် ၁၂၀ဦးမှာ ရွာတွင်းသို့ တပ်သား ၆၀စီ နှစ်ဖွဲ့ခွဲကာ ၀င်ရောက်လာပြီး ၎င်းရွာသားနှစ်ဦး ကို ရှေ့တန်းစစ်မြေပြင် မုန်းကိုးဒေသဘက်သို့ ခေါ်ဆောင်သွားကြောင်းလည်း ထိုရွာသားက ဆက်လက် ပြောသည်။
ထို့အပြင် ရွာသား ၄ဦးကိုလည်း စစ်ကြောင်းနှင့်အတူ ပေါ်တာအဖြစ် ခေါ်ဆောင်သွားခဲ့သည့်အပြင် ရွာတွင်းရှိ အိမ်မွေးတိရိစ္ဆာန် ကြက်၊ ၀က်နှင့် အမျိုးသမီးထဘီများကိုပါ ယူဆောင်သွားကြောင်းလည်း ဒေသခံတစ်ဦးက ဆိုသည်။
အလားတူ ကချင်ပြည်နယ် မြစ်ကြီးနားမြို့၌လည်း ယင်းသို့ စစ်စိမ်းရောင် အသုံးအဆောင်များနှင့် ပတ်သက်၍ ခလရ(၂၉)က စစ် ဆေးမေးမြန်းမှုများ ရှိနေကြောင်း မြို့ခံဖြစ်သူ ကျန်းမာရေးဆိုင်ရာ အဲန်ဂျီအိုအဖွဲ့ Artsen Zonder Grenzen (AZG) မှ ၀န်ထမ်း တစ်ဦးက ပြောသည်။
“ခုဆို စီတာပူက ကျနော့်မိတ်ဆွေတွေဆို စစ်ရောင် အ၀တ်အစားတွေ၊ ပစ္စည်းတွေ ၀ှက်ထားရတယ်။ လွှင့်ပစ်ကြတယ်။ စစ်အင်္ကျီ က ခြံအလုပ်အတွက် အဆင်ပြေတယ်လေ။ ဒါပေမဲ့ သူတို့(စစ်တပ်)က မပြောနိုင်ဘူး။ မထင်ရင် မထင်သလို လုပ်မှာလေ။”ဟု ၎င်း က ပြောသည်။
စီတာပူရွာသည် မြစ်ကြီးနားမြို့၏ မြောက်ဖက်တွင်တည်ရှိပြီး စိုက်ပျိုးရေးဖြင့် အသက်မွေးလုပ်ကိုင်ကြသူများမှာ များသောအားဖြင့် အကြမ်းခံသော စစ်ရောင်အကျီင်္များကိုသာ လုပ်ငန်းခွင်တွင် ၀တ်ဆင်လေ့ရှိကြသည်။
လက်ရှိအချိန်တွင် သျှမ်းနှင့် ကချင်ပြည်နယ်ရှိ ပြည်သူများမှာ စစ်စိမ်းရောင် အသုံးအဆောင်များကြောင့် စစ်တပ်၏ ဖမ်းဆီးအရေး ယူခံရမည်ကို စိုးရိမ်ထိတ်လန့်နေကြသည်ဟု ဒေသခံများက ပြောဆိုနေကြသည်။
အစိုးရတပ် ရိက္ခာ အသိမ်းခံရ
စောခါးစူး (ကေအိုင်စီ)
ကော့ကရိတ်မြို့နယ်ရှိ ဆုံဆည်းမြိုင်နှင့် အူးကလေ့ထာ့ရွာအကြား၌ အစိုးရတပ်မှ ထော်လာဂျီကား ၂စီးဖြင့် သယ်ဆောင်လာ သော တပ်ရိက္ခာကို လက်နက်ကိုင် မဟာမိတ်တပ်များက ယနေ့ နေ့လည်တွင် သိမ်းဆည်းခဲ့သည်ဟု သိရသည်။
တိုးတက်သောဗုဒ္ဓဘာသာ ကရင်အမျိုးသားတပ်မတော်-DKBA၊ ရခိုင်လွတ်မြောက်ရေးပါတီ-ALP နှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး-ABSDF တို့ ပါဝင်သည့် မဟာမိတ်ပူးပေါင်းတပ်ဖွဲ့တို့က အစိုးရတပ်ဘက်မှ သယ်လာ သော ဆန်၊ ပဲနှင့် အမဲဗူးတို့ကို သိမ်းဆည်းခဲ့ခြင်း ဖြစ်သည်။
DKBA မှ ဗိုလ်မှူးစောဆန်းအောင်က “ကျနော်တို့ သိမ်းဆည်းရတဲ့အချိန်မှာ အစိုးရတပ်က စစ်သားတွေ တစ်ယောက်မှ မတွေ့ ဘူး။ ကျနော်တို့အဖွဲ့တွေ လာတာသိလို့ ထွက်ပြေးတာ ဖြစ်မယ်။ ကားထဲမှာ ပစ္စည်းအပြည့်ပဲ။”ဟု ပြောသည်။
အစိုးရတပ်မှ ၎င်းတို့ တပ်ရိက္ခာ သယ်ဆောင်လာသည့် ထော်လဂျီကားမှာ ထိုဒေသရှိ ရွာသူရွာသားများ ကားဖြစ်သည်ဟု သိရ သည်။
ရိက္ခာ သိမ်းဆည်းခံရသည့် အစိုးရတပ်မှာ တပ်မ(၂၂) လက်အောက်ခံတပ်ဖွဲ့များ ဖြစ်သည်ဟု မဟာမိတ် ပူးပေါင်းတပ်များက ပြောသည်။
တဆက်တည်းမှာပင် ကော့ကရိတ်မြို့နယ်အတွင်း တာအုထာ့ရွာဘက်မှာလည်း DKBA နှင့် အစိုးရတပ်တို့အကြား ယနေ့ ပစ် ခတ်မှု ဖြစ်ပွားခဲ့ရာ အစိုးရဘက်မှ တစ်ဦး ကျဆုံးခဲ့သည်ဟု ဗိုလ်မှူးစောဆန်းအောင်က ပြောသည်။
ပစ်ခတ်ခံရ၍ အစိုးရစစ်တပ်မှ ၆ဦး ကျဆုံး
စောသိန်းမြင့် (ကေအိုင်စီ)
တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ)တပ်ဖွဲ့တို့၏ ယမန်နေ့က ပစ်ခတ်မှုကြောင့် ကရင်ပြည် နယ်၊ မြ၀တီမြို့တောင်ဘက် ဝေါ်လေဒေသတွင် လှုပ်ရှားနေသည့် အစိုးရစစ်တပ်မှ တပ်ဖွဲ့ဝင် ၆ဦး ကျဆုံးပြီး ၁ဦး ဒဏ်ရာရှိခဲ့ သည်။
ယမန်နေ့ မွန်းလွဲ ၂နာရီခွဲအချိန်တွင် ဝေါ်လေဒေသ တာအူထာ့ကျေးရွာ စာသင်ကျောင်းဝင်းရှိ ၁၀၀ကျော်ပါ အစိုးရစစ်တပ် ခမရ(၄၀၄)၊ (၄၀၃)နှင့် (၃၁၀) ပူးပေါင်းတပ်ရင်းများအား ဗိုလ်မှူးချစ်သဲ ဦးစီးသော ဒီကေဘီအေ ကလို့ထူးဘောဗျူဟာမှ မိနစ် ၂၀ကျော်ကြာ ၀င်ရောက်ပစ်ခတ်ရာမှ အစိုးရတပ်များ ယခုလို ထိခိုက်ကျဆုံးရခြင်းဖြစ်သည်ဟု ဒီကေဘီအေမှ ဗိုလ်မှူးဆန်း အောင်က ပြောသည်။
၎င်းက “ကျနော်တို့လူတွေ ၀င်ပစ်လို့ ပထမ ၃ယောက် ပွဲချင်းပြီး သေတယ်။ ၄ယောက် ဒဏ်ရာရတယ်။ သယ်ယူပို့ဆောင်ရေး အခက်အခဲကြောင့် ဒဏ်ရာရသူထဲက နောက်ထပ် ၃ယောက် ထပ်သေတယ်။”ဟု ကေအိုင်စီသို့ ပြောသည်။
ဒဏ်ရာရရှိသည့် လူနာများအား သယ်ဆောင်ရန်အတွက် ပေါ်တာအထမ်းသမားများ ဖမ်းဆီးသည့်အပြင် ပစ်ခတ်မှုကြောင့် ဒေသခံရွာသားတချို့သည် လွတ်မြောက်ရာသို့ ထွက်ပြေးတိမ်းရှောင်နေရသည်။
ထို့အပြင် ကျန်ရှိသည့် ရွာသူရွာသားအားလုံးကို ရွာတွင်းဘုန်းကြီးကျောင်းတွင် ယနေ့အချိန်ထိ ခေါ်ယူဖမ်းဆီး ချုပ်နှောင်ထား သည်ဟု ကရင်အမျိုးသားလွတ်မြောက်ရေးတပ်ဖွဲ့-KNLA (၂၀၁)တပ်ရင်း၏ ဒုရင်းမှူး ဗိုလ်မှူးကြည်အောင်က ပြောသည်။
ဗိုလ်မှူးကြည်အောင်က “ရွာသားတွေ ပြောပြချက်အရတော့ ပေါ်တာဖမ်းလို့ ပြေးတဲ့သူက ပြေးပြီး ကျန်တဲ့ရွာသားတွေကို ရွာ က ဘုန်းကြီးကျောင်းမှာ အကုန်လုံးခေါ်ထားလိုက်တယ်။ အခုချိန်ထိပဲ။”ဟု ပြောသည်။
အဆိုပါပစ်ခတ်မှုတွင် ဒီကေဘီအေဘက်က ထိခိုက်မှုမရှိကြောင်း ကရင်တပ်ဘက်က ပြောဆိုသော်လည်း ကေအိုင်စီအနေဖြင့် အခြားသီးသန့် အတည်ပြုချက် မရရှိပေ။
ကရင်ပြည်နယ် ကြာအင်းဆိပ်ကြီး၊ ကော့ကရိတ်၊ မြ၀တီမြို့နယ်များတွင် ယခုရက်ပိုင်းအတွင်း အစိုးရစစ်တပ်နှင့် ကရင်တပ်ဖွဲ့ များအကြား နေ့စဉ်ရက်ဆက် ဆိုသလို တိုက်ပွဲဖြစ်ပွားလျှက်ရှိသည်။
၁၃နှစ် ကလေးတစ်ဦးအား စစ်သားနှင့် ရဲများက ၀ိုင်းရိုက်နှက်
နော်ဆဲကလယ် (ကေအိုင်စီ)
ရှမ်းပြည်နယ်မြောက်ပိုင်း မူဆယ်မြို့နယ် မုံးရူးဒေသတွင် အသက် ၁၃နှစ်အရွယ် ကလေးတစ်ဦးအား ပြီးခဲ့သည့် အောက်တိုဘာ ၂ ရက်နေ့တွင် ရဲနှင့် စစ်သားများက သူလျှိုဟု စွပ်စွဲကာ ၀ိုင်းဝန်းရိုက်နှက်ခဲ့ခြင်းကြောင့် ယခုအချိန်တွင် ဆေးမကုသနိုင်ဘဲ ဖြစ်နေရ သည်ဟု ဒေသခံရွာသားတစ်ဦးက ပြောသည်။
၎င်းက “ကောင်လေးက နွားကျောင်းသားလေးပါ။ နွားကျောင်းပြီး ပြန်လာချိန် စစ်ကားတွေ သူ့ဘေးက ဖြတ်လာတယ်။ ခနနေ တော့ ကားပေါ်က စစ်သားနဲ့ ရဲတွေ ဆင်းလာပြီး ၀ိုင်းရိုက်ကြတာပဲ။ ၁၀ယောက်လောက်ရှိမယ်။ KIA ကို သတင်းပေးတဲ့သူ ဆိုပြီး တော့ပေါ့။ ပန်ဆိုင်းသွားတဲ့ ကားလမ်းပေါ်မှာ ဖြစ်တာပါ၊”ဟု ပြောသည်။
အခင်းဖြစ်သည့်အချိန်မှာ နေ့လည်ပိုင်းဖြစ်ပြီး ရွာသူကြီးနှင့် မိဘများက ၀င်ရောက်ရှင်းပြ တားဆီးသော်လည်း မရခဲ့ပေ။ လက်ရှိအ ချိန်တွင် ကလေးငယ်မှာ အရိုက်ခံရသည့်ဒဏ်ကြောင့် အိပ်ယာထဲမှ မထနိုင်ဘဲ ၎င်း၏မိဘများမှာ ဆင်းရဲ၍ ဆေးမကုနိုင် ဖြစ်နေရ သည်ဟု ရွာသားတစ်ဦးက ပြောသည်။
ယင်းသို့ ကလေးငယ်အား ရိုက်နှက်ခဲ့သည့် အစိုးရ တပ်သားများမှာ မုန်ကိုးဒေသ ထိုးစစ်အတွက် စစ်ကြောင်းဆင်းလာသည့် ခလရ (၂၉၀) တပ်ဖွဲ့ဝင်များဖြစ်ပြီး ရဲများမှာ လုံခြုံရေးအတွက် လိုက်ပါလာသူများဖြစ်သည်။
ထိုင်းနိုင်ငံ အခြေစိုက် လူ့အခွင့်အရေး ပညာပေးအဖွဲ့၏ ဒါရိုက်တာ ဦးအောင်မျိုးမင်းက ယခု အဖြစ်အပျက်မှာ ကလေးသူငယ်များ အခွင့်အရေးဆိုင်ရာ သဘောတူစာချုပ်- CRC ကို ချိုးဖောက်ရုံမက လုံခြုံရေးကောင်စီမှ ချမှတ်ထားသည့် ဆုံးဖြတ်ချက်အမှတ် ၁၆/၁၂ကိုလည်း ချိုးဖောက်ပြီးသား ဖြစ်နေသည်ဟု ဆိုသည်။
“ခုဖြစ်တာဟာ လက်နက်ကိုင် ပဋိပက္ခအတွင်းမှာ ဖြစ်လို့ပိုပြီး ဆိုးပါတယ်။ လက်နက်ကိုင် ပဋိပက္ခဖြစ်လို့ ဒုက္ခရောက်ရင် အဆိုးဆုံး က အမျိုးသမီးနဲ့ ကလေးတွေပါ။ ကာကွယ်ပေးရမယ့် ပထမဆုံးတာဝန်ရှိသူကတော့ အစိုးရပဲ ဖြစ်ပါတယ်။”ဟု ဦးအောင်မျိုးမင်းက ပြောသည်။
ပြီးခဲ့သည့် ဇူလိုင်မှစ၍ အစိုးရတပ်နှင့် KIA သည့် တိုက်ပွဲများ ဖြစ်ပွားနေခဲ့ပြီး မုံးရူးသည် ဆက်သွယ်ရေးအတွက် အချက်အချာကျ သောလမ်းတွင် တည်ရှိသည်။
KNDO ဒုတိယ စစ်ဦးစီးချုပ် ဗိုလ်မှူးကြီးဆာ့ကလယ်မူး ဈာပနပြီးစီး
စောသိန်းမြင့် (ကေအိုင်စီ)
ကရင်အမျိုးသား ကာကွယ်ရေးတပ်ဖွဲ့(KNDO)၏ ဒုတိယစစ်ဦးစီးချုပ် ဗိုလ်မှူးကြီးဆာ့ကလယ်မူး ၆၃နှစ်သည် အောက်တိုဘာ လ ၇ရက်နေ့ညက နှလုံးရောဂါဖြင့် ကွယ်လွန်သွားခဲ့ပြီး ၎င်း၏ဈာပနကို ထိုင်း-မြန်မာ နယ်စပ်တနေရာတွင် ယမန်နေ့က ပြု လုပ်ပြီးစီးခဲ့သည်။
၎င်း၏ဈာပန အခမ်းအနားကို အောက်တိုဘာလ ၁၀ရက်နေ့ မွန်းလွဲ ၂နာရီအချိန်တွင် နှစ်ခြင်းခရစ်ယာန်၏ အစဉ်အလာအရ ကျင်းပပြုလုပ်ခဲ့ရာ ကေအဲန်ဒီအိုခေါင်းဆောင်များ၊ ကေအဲန်ယူခေါင်းဆောင်များ၊ မဟာမိတ်ခေါင်းဆောင်တချို့ အပါအ၀င် လူ ပရိဿတ် ၅၀၀ခန့် တက်ရောက် ဂါရ၀ပြုကြသည်ဟု ကေအဲန်ဒီအို အသိုင်းအ၀ိုင်းက ပြောသည်။
စောဆာ့ကလယ်မူ့သည် ပဲခူးတိုင်း ညောင်လေးပင်ခရိုင်၊ ကျောက်ကြီးမြို့နယ်၊ မူသယ်ကျေးရွာတွင် စကော်ဖိုးလှနှင့် နော်ဂေဖီ တို့မှ ၁၉၄၈ခုနှစ်က မွေးဖွားခဲ့ပြီး မွေးချင်းမောင်နှမ ၆ဦးအနက် စတုတ္ထမြောက်သား ဖြစ်သည်။
သူသည် ညောင်လေးပင်ခရိုင်တွင် အစိုးရ အထက်တန်းကျောင်း သတ္တမတန်း အောင်မြင်ပြီးနောက် အသက် ၁၅နှစ်အရွယ် တွင် ကေအဲန်ယူ တပ်မဟာ(၃)နယ်မြေ၌ စတင် စစ်မှုထမ်းခဲ့သည်။ ၂၀၀၅ခုနှစ်၊ ဧပြီလ ၂၃ရက်နေ့တွင် KNDO ၏ ဒုတိယ စစ် ဦးစီးချုပ်တာဝန်ကို ကွယ်လွန်ချိန်အထိ ထမ်းဆောင်ခဲ့သည်။
KNDO ဒုတိယ စစ်ဦးစီးချုပ် ဗိုလ်မှူးကြီးဆာ့ကလယ်မူး ကွယ်လွန်သွားသောကြောင့် KNDO တပ်ဖွဲ့သာမက ကရင့်တော်လှန် ရေးအတွက် ဆုံးရှုံးမှုတစ်ရပ်ဖြစ်သည်ဟု နှစ်ပေါင်းများစွာ တွဲလုပ်ခဲ့သည့် KNDO ရုံးထိုင်မှူး ဗိုလ်မှူးရစ်ချတ်က ပြောသည်။
“ခေါင်းဆောင်တစ်ယောက် ကွယ်လွန်ပြီဆိုရင် အဖွဲ့အစည်းတခုကိုကော တော်လှန်ရေးတစ်ခုလုံးအတွက်ပါ အများကြီး ဆုံးရှုံး နစ်နာမှုတစ်ခုပါ။ အခု သူက ကျနော်တို့ KNDO ရဲ့ ဒုတိယစစ်ဦးစီးချုပ် တာဝန်ယူထားတဲ့အတွက် သူ့ကို နှမြောပေမယ့် မတတ်နိုင်ဘူး။ အမျိုးသားအတွက် သူ တာဝန်ကျေပွန်သွားပြီ။”ဟု ပြောသည်။
သို့သော် မပြီးဆုံးသေးသည့် အမျိုးသားရေးတာဝန်ကို ကျန်ရှိနေသော ခေါင်းဆောင်များနှင့် ရဲဘော်ရဲဘက်များက ကိုယ်စွမ်း ဥာဏ်စွမ်းရှိသမျှ ဆက်လက် ထမ်းဆောင်ရအုံးမည်ဟုလည်း ၎င်းက ဆက်လက် ပြောဆိုသည်။
KNDO ၏ ဗဟိုလုံခြုံရေးမှူး ဗိုလ်မှူးရှဲကလူက “အဘိုး ဆာ့ကလယ့်မူးဟာ ရုံးလုပ်ငန်းနဲ့ ပတ်သက်တာတွေအားလုံးကို ရုံးထိုင် မှူးနဲ့ လက်တွဲပြီး တစိုက်မတ်မတ် လုပ်ဆောင်ခဲ့သူပါ။ အဲဒါကြောင့် အခု သူ ဆုံးသွားတဲ့အပေါ်မှာ ကျနော်တို့ KNDO အဖွဲ့ အားနည်းသွားသလို စိတ်ဓာတ်ပိုင်းဆိုင်ရာ ကျဆင်းမှုလည်း အများကြီးဖြစ်စေတယ်။”ဟု ပြောသည်။
ဗိုလ်မှူးကြီးဆာ့ကလယ်မူး ကွယ်လွန်ချိန်တွင် ဇနီးနှင့် သမီး ၄ဦး၊ သား ၂ဦး ကျန်ရစ်ခဲ့သည်။
တိုင်းထွာပြီး မြေဧက ၂၀၀ကို နယ်ခြားစောင့်တပ် အဓမ္မ ရောင်းချနေ
စောခါးစူး (ကေအိုင်စီ)
ကရင်ပြည်နယ်၊ ကော့ကရိတ်မြို့နယ်ရှိ ထီးဝါ့ခယ်ရွာအနီးမှ ဧက ၂၀၀ရှိ မြေလွတ်မြေရိုင်းကို နယ်ခြားစောင့်တပ်-BGF (၁၀၂၁) တပ်ရင်းမှ တိုင်းထွာပြီး မ၀ယ်မနေရ စနစ်ဖြင့် ရွာသူရွာသား များအား ရောင်းချပေးနေကြောင်း ဒေသခံများက ပြောသည်။
အဆိုပါ နယ်ခြားစောင့်တပ်ရင်းမှ တပ်ခွဲမှူး ဗိုလ်ကြီးစောဋ္ဌေးနိုင်သည် ယခုလ ၂ရက်နေ့တွင် မြေများကို တိုင်းထွာကာ တဧက လျှင် ကျပ်ငွေ ၄သောင်းနှုန်းဖြင့် အနီးတ၀ိုက်ရှိ ရွာများထံသို့ ရောင်းပေးနေခြင်းဖြစ်ကြောင်း အမည်မဖော်လိုသူ ဒေသခံတစ်ဦး က ကေအိုင်စီသို့ ပြောသည်။
၎င်းက “သူတို့(BGF) ဘာမှမပြောဘဲ လာတိုင်းထွာနေတာ။ ဒီမြေတွေဟာ သစ်တောကျွန်းဝိုင်းဖြစ်တဲ့အတွက် ဒေသခံတွေ မ၀ယ်ရဲကြဘူး။ ၀ယ်ရင် လုပ်ခွင့်ပဲရပြီး ပိုင်ဆိုင်ခွင့် မရမှာစိုးတယ်။ တချို့ကျတော့လည်း ၀ယ်ဖို့ပိုက်ဆံ မရှိဘူး။”ဟု ပြောသည်။
သို့သော် ကော့ကရိတ်မြို့နယ်၊ မွန်လူမျိုးများ နေထိုင်သည့် ကော့ဘိန်းရွာမှ ဒေသခံများက ရာဘာပင်စိုက်ရန် BGF ရောင်း သည့် မြေလွတ်မြေရိုင်းကို သွားရောက်ဝယ်ယူသူများ အချို့ရှိသည်ဟု ၎င်းက ဆက်ပြောသည်။
BGF တိုင်းထွာထားသည် မြေလွတ်မြေရိုင်းတွင် အင်ပင်အများဆုံး ရှိသည့်အတွက် ယခုလို ရောင်းချပြီး ရာဘာပင် အစားထိုး စိုက်ပျိုးပါက ဒေသခံများ အိမ်နှင့် တဲခေါင်မိုးများကို မိုးရန်အတွက် အင်ဖက်များ ရှားပါးလာနိုင်သည်ဟု ဒေသခံတဦးက ပြော ဆိုသည်။
“ဒီမြေလွတ်မြေရိုင်းဟာ ကြိုးဝိုင်းသစ်တောပဲလေ။ အင်ပင်တွေ အများဆုံးရှိတယ်။ အင်ပင်တွေ မရှိတော့ရင် ကျနော်တို့ အိမ် ခေါင်မိုးမယ့်ဖက် ဘယ်မှာ သွားရှာရမလဲ မသိတော့ဘူး။ နောက် မီးစိုက်ဖို့ ထင်းလည်း ရှားပါးလာမယ်။”ဟု ပြောသည်။
ထီးဝါ့ခယ်ရွာ အနီးတ၀ိုက်တွင် မဲ့ကဝေါ့ခီး၊ ထီးကလေ့၊ ဒို့လယ်နှင့် ကူးကွဲ အပါအ၀င် ရွာပေါင်း ၂၀ရွာခန့် ရှိပြီး ရွာများ၏ အိမ် ခြေများမှာ ၄၀မှ ၃၀၀အထိ ရှိသည်။
ဒို့လယ်ကျေးရွာတွင် အခြေစိုက် လှုပ်ရှားသည့် BGF (၁၀၂၁)တပ်ရင်းကို ဗိုလ်မှူးစောဘီလူးက ဦးဆောင်လျှက်ရှိသည်။
ပြီးခဲ့သည့် ၄နှစ်ကလည်း BGF အဖြစ် မပြောင်းလဲသေးသည့် တိုးတက်သောဗုဒ္ဓဘာသာ ကရင်အမျိုးသားတပ်မတော်-DKBA လက်ထက်ကလည်း ထိုဒေသအနီးတ၀ိုက်ရှိ မြေလွတ်မြေရိုင်းများကို တိုင်းတာကာ ရွာသားများကို ပြန်လည်ရောင်းချခဲ့သည်။
အစိုးရတပ်နှင့် ဒီကေဘီအေကြား တရက်တည်း တိုက်ပွဲ ၃ကြိမ်ဖြစ်ပွား
စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီမြို့ တောင်ဘက်ခြမ်းရှိ ဝေါ်လေဒေသတွင် ယမန်နေ့က အစိုးရစစ်တပ်နှင့် တိုးတက်သောဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ)တပ်ဖွဲ့တို့ တိုက်ပွဲငယ် ၃ကြိမ် ဖြစ်ပွားခဲ့သည်။
ဝေါ်လေဒေသ တာအူထာ့ကျေးရွာ အနီးတ၀ိုက်တွင် ယမန်နေ့က ဒီကေဘီအေ ကလို့ထူးဘောဗျူဟာ၏ ခေါင်းဆောင် ဗိုလ် ချုပ်စောလားပွယ်(နှုတ်ခမ်းမွှေး)ကိုယ်တိုင် အနီးကပ် ညွှန်ကြားမှုဖြင့် အစိုးရတပ် ခလရ(၂၀၃)၊ (၂၀၄) ပူးပေါင်းတပ်ရင်းနှင့် ရင် ဆိုင်တိုက်ပွဲ ဖြစ်ပွားခဲ့သည်ဟု ဒီကေဘီအေမှ ဗိုလ်မှူးဆန်းအောင်က ပြောသည်။
၎င်းက “မနက် ၁၁နာရီခွဲမှာ သွားရင်းနဲ့ တိုးပြီး ပစ်ခတ်မှုဖြစ်တယ်။ တခါ ပြန်ဆုတ်ရင်းနဲ့ တခါပြန်တိုးတယ်။ နေရာတက်ရှင်း တယ်ဆိုပြီး နောက်တခါ ပစ်ခတ်မှု ထပ်ဖြစ်တယ်။ ပစ်လိုက်ရပ်လိုက်နဲ့ ၁၂ခွဲအထိပဲ။ တောင်ကြားမှာ ဖြစ်တယ်ဆိုတော့ ရန်သူ ရဲ့ ထိခိုက်ကျဆုံးမှု အခြေအနေကို မသိရသေးဘူး။”ဟု ပြောသည်။
အဆိုပါတိုက်ပွဲများတွင် ဒီကေဘီအေတပ်ဖွဲ့နှင့်အတူ ကရင်အမျိုးသားလွတ်မြောက်ရေးတပ်မတော်-KNLA တပ်ရင်း (၁၀၃)၊ ရခိုင်တပ်ဖွဲ့နှင့် ကျောင်းသားတပ်မတော်တို့မှ တပ်ဖွဲ့တချို့ ပူးပေါင်းပါဝင်ခဲ့ပြီး ၎င်းတို့ဘက်မှ ထိခိုက်မှုမရှိဟု ဗိုလ်မှူးဆန်း အောင်က ပြောသည်။
နယ်စပ်သို့ စားနပ်ရိက္ခာ လာရောက်ဝယ်ယူသည့် တာအူထာ့ရွာသားက “မနေ့က နှစ်ခေါက်သုံးခေါက်လောက် လက်နက်ကြီး၊ လက်နက်ငယ် အသံတွေ ကြားနေရတယ်။ ရွာနဲ့ နည်းနည်းတော့ အလှမ်းဝေးတယ်။ ဒီကေဘီအေနဲ့ ဗမာစစ်တပ်ဖြစ်တယ်လို့ ပြောကြတာပဲ။”ဟု ပြောသည်။
ယခု တိုက်ပွဲဖြစ်ပွားသည့်နေရာတွင် အစိုးရစစ်တပ် တပ်မ(၂၂) လက်အောက်ခံတပ်ရင်းများဖြစ်ကြသည့် ခလရ(၂၀၃)၊ (၂၀၄)၊ ဒီကေဘီအေ ကလို့ထူးဘောဗျူဟာ၊ ကေအဲန်အယ်လ်အေ တပ်ရင်း(၁၀၃)၊ ရခိုင်တပ်ဖွဲ့နှင့် ကျောင်းသားတပ်မတော်တို့ လှုပ် ရှားလျှက်ရှိသည်။
၎င်းအပြင် ကေအဲန်ယူ တပ်မဟာ(၇)နယ်မြေဖြစ်သည့် ပိုင်ကျုံမြို့နယ်၊ ခလယ့်ဒေးအခြေစိုက် အစိုးရတပ် စကခ(၁၂) ခလရ (၂၃၀)၊ (၂၃၁)နှင့် ခမရ(၅၄၆)တပ်များသည်လည်း ယမန်နေ့က ကေအဲန်ယူတပ်ဖွဲ့ဝင်များရှိရာဘက်သို့ အနည်းငယ် တိုးလာ သည်ဟု နယ်စပ်သတင်းများအရ သိရသည်။
ရွာသားများအား စစ်တပ်လမ်းပြ အဖြစ် ခေါ်ယူအသုံးပြုနေ
စောသိန်းမြင့် (ကေအိုင်စီ)
ကရင်ပြည်နယ်၊ ဘုရားသုံးဆူဒေသတွင် ယမန်နေ့က ချုံခိုတိုက်ခိုက်ခံခဲ့ရသည့် အစိုးရစစ်တပ်သည် ယနေ့မနက်တွင် ဒေသခံ ရွာသား ၁၆ဦးအား လမ်းပြအဖြစ် ခေါ်ယူအသုံးပြုနေသည်ဟု ဒေသခံများက ပြောသည်။
ဘုရားသုံးဆူ အခြေစိုက် အမြောက်တပ်ဖွဲ့နှင့် ခမရ(၅၄၃)တပ်ရင်းတို့သည် ယမန်နေ့က တပ်အပြောင်းအလဲ ပြုလုပ်ခဲ့ပြီး နို့ချိုး နှင့် ဗျူဟာသို့အပြန် တာဒေ့နှင့် ကျောက်ဂူကျေးရွာကြားတွင် ကရင်တပ်ဖွဲ့များ၏ ချုံခိုတိုက်ခိုက်မှုခံခဲ့ရပြီးနောက် ယနေ့ ညနေ တွင် ခရီးဆက်ရန် ရွာ ၃ရွာမှ ရွာသားများအား လမ်းပြအဖြစ် ယခုလို ခေါ်ယူအသုံးပြုခြင်းဖြစ်သည်။
ထိုသို့ လမ်းပြအဖြစ် အသုံးပြုရာတွင် ကျောက်ကွဲ(မြိုင်သာယာ)ရွာ အမျိုးသား ၄ဦး၊ အပလုံကျေးရွာမှ အမျိုးသား ၇ဦး၊ ကျောက်ဂူကျေးရွာမှ အမျိုးသား ၅ဦးတို့အား ရွာသူကြီးများမှတဆင့် ခေါ်ယူခြင်းဖြစ်သည်ဟု ဒေသခံတစ်ဦးက ပြောသည်။
ရွာသူကြီးနှင့် နီးစပ်သည့် ဒေသခံတစ်ဦးက “သက်ဆိုင်ရာ ရွာသူကြီးတွေကနေတဆင့် ခေါ်တယ်။ သူတို့ နောက်ထပ် အပစ်မခံ ရအောင် ရွာသားတွေကို အကာအဖြစ် ခေါ်ယူတာ ဖြစ်နိုင်တယ်။ ဒီညနေ သူတို့ စထွက်မယ်လို့ ပြောတယ်။”ဟု ပြောသည်။
၎င်းအစိုးရစစ်တပ်များ ပြန်မည့်လမ်းကြောင်းကို ကရင်လက်နက်ကိုင်တပ်ဖွဲ့များက အဆင့်ဆင့် ကြိုတင်စောင့်ဆိုင်းလေ့ရှိသ ဖြင့် ယခုအပြန်လမ်းတွင်လည်း အချိန်မရွေး ပစ်ခတ်မှု ဖြစ်ပွားနိုင်ကြောင်း အဆိုပါဒေသခံက ပြောသည်။
ချောင်းဆုံကျေးရွာ၏ တောင်ဘက်ခြမ်း ၄မိုင်အကွာရှိ အဆိုပါရွာများတွင် ယခင်ကလည်း အစိုးရ စစ်တပ်များအား ကရင်တပ်ဖွဲ့ များမှ မကြာခဏ ချုံခိုတိုက်ခိုက်ခဲ့ပြီး အစိုးရစစ်တပ်က ရွာသားများအား လမ်းပြအဖြစ် ခေါ်ယူအသုံးပြုမှုများ အလျင်းသင့်သလို လုပ်ဆောင်လေ့ရှိသည်ဟု ဒေသခံရွာသားများ၏ ပြောပြချက်အရ သိရသည်။
ယမန်နေ့က ကရင်တပ်များ၏ ချုံခိုတိုက်ခိုက်မှုတွင် အစိုးရစစ်တပ်သား ၂ဦးသေဆုံးပြီး ၂ဦးဒဏ်ရာရရှိကာ လမ်းပြရွာသားတစ် ဦးမှာ ဆွဲမိုင်းထိမှန်ကာ ခြေတစ်ဖက် ပြတ်သွားခဲ့သည်။
ဘုရားသုံးဆူနဲ့ ကော့ကရိတ် အနီးဝန်းကျင်းက တိုက်ပွဲ ၂ ပွဲ
ဘုရားသုံးဆူဒေသ တာ့ဒိန်ရွာနဲ့ သံဖြူဇရပ်အကြားရှိ တဒိန်းရွာချောင်းနေရာမှာ ကြံ့ဖွတ်အစိုးရစစ်တပ် စကခ ၅ လက် အောက်ခံ ခမရ ၅၄၃ တပ်ရင်းကို ဒီကေဘီအေ ၉၀၂ တပ်ရင်းမှ တပ်ခွဲမှူး ဗိုလ်ကြီးအေဝမ်း ဦးစီးတဲ့ တပ်ဖွဲ့တွေက ဒီက နေ့ အောက်တိုဘာလ ၆ ရက်နေ့ မနက် ၉ နာရီလောက်မှာ စောင့်ကြိုတိုက်ခိုက်ခဲ့ပါတယ်။ တိုက်ပွဲဖြစ်ပွားချိန် မိနစ် ၂၀ လောက်ကြာခဲ့ပြီး ကြံ့ဖွတ်အစိုးရ စစ်တပ်ဘက်မှ ၂ ယောက် ဒဏ်ရာရပြီး ၂ ယောက် သေဆုံးတယ်လို့ သိရှိရတယ်။
အလားတူ ဒီကနေ့ နေ့လည် ၁၁ နာရီဝန်ကျင်လောက်က ကော့ကရိတ်မြို့အနီး နန်ရွှေမိတ်ရွာနဲ့ မဲဖာလဲ့ရွာကြားမှာ ကြံ့ ဖွတ်အစိုးရစစ်တပ်နဲ့ ဒီကေဘီအေ ကလိုထူးဝါးဗျူဟာမှ ဗိုလ်ကျော်သက် ဦးစီးတဲ့ တပ်ဖွဲ့တွေ အချိန်တနာရီလောက်ကြာ တဲ့အထိ တိုက်ပွဲဖြစ်ပွားခဲ့ပြီး ဒီတိုက်ပွဲရဲ့ ထိခိုက်သေဆုံးတာတွေကိုတော့ မသိရှိရသေးပါ။
တပ်ပြောင်းလဲချိန် အစိုးရစစ်တပ် ချုံခိုတိုက်ခိုက်ခံရ
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသ၌ ယနေ့နံနက်တွင် တပ်အပြောင်းအလဲ ပြုလုပ်နေသော အစိုးရ စစ်တပ်အား ကရင်ပူးပေါင်းတပ်ဖွဲ့မှ ချုံခိုတိုက်ခိုက်ခဲ့ရာ အစိုးရစစ်သား ၂ဦးသေဆုံးကာ ၂ဦးမှာ ထိခိုက်ဒဏ်ရာရရှိခဲ့သည်ဟု သိရသည်။
ယနေ့နံနက် ၉နာရီ ၁၀မိနစ်ခန့်တွင် ဘုရားသုံးဆူရှိ အမြောက်တပ်ဖွဲ့ကို ပြန်ပို့ဆောင်နေသည့် စစ်ကွပ်ကဲရေးဌာနချုပ် စကခ (၅) လက်အောက်ခံ ခမရ(၅၄၃)တပ်ရင်း စစ်ကြောင်း(၂)အား တိုးတက်သောဗုဒ္ဓဘာသာ ကရင်အမျိုးသားတပ်မတော် ဒီကေ ဘီအေ (၉၀၂)တပ်ရင်းမှ တပ်ဖွဲ့ဝင်တချို့နှင့် ကရင်အမျိုးသားလွတ်မြောက်ရေးတပ်မတော်(ကေအဲန်အယ်လ်အေ) တပ်ရင်း (၁၆)တို့က တာဒေ့နှင့် ကျောက်ဂူကျေးရွာကြားတွင် ချုံခိုတိုက်ခိုက်ခဲ့ခြင်းဖြစ်သည်။
ဒီကေဘီအေ ၉၀၂တပ်ရင်း တပ်ခွဲ(၃) တပ်ခွဲမှူး ဗိုလ်ကြီးစောအေ၀မ်းက “နို့ချိုးနဲ့ဗျူဟာကို ပြန်မယ့် အမြောက်တပ်ကို ပြန်ပို့တဲ့ ဗိုလ်မှူးဖြိုးသန့်ဇော် ဦးစီးတဲ့ စစ်ကြောင်း(၂)ကို ဒီနေ့မနက် ကျနော်တို့လူတွေ ချုံခိုတိုက်ခိုက်ခဲ့တယ်။ ပစ်ခတ်မှုဖြစ်တာ ၆မိနစ် လောက်ပဲကြာမယ်။ အစိုးရတပ်ဘက်က ၂ယောက်သေ၊ ၂ယောက်ဒဏ်ရာရတယ်။ ပြောက်ကျားဆိုတော့ ကျနော်ဘက်က ထိ တာ မရှိဘူး။”ဟု ပြောသည်။
အဆိုပါပစ်ခတ်မှုအတွင်း အစိုးရစစ်တပ်ဘက်မှ ရှေ့သွားလမ်းပြအဖြစ် ခေါ်ဆောင်ခဲ့သည့် တာဒေ့ရွာသား ဦးမြသိန်းမှာ ဘယ် ခြေထောက် ပြတ်ထွက်သွားပြီး ၎င်းအား ဘုရားသုံးဆူမှတဆင့် ထိုင်းနိုင်ငံ စံခလဆေးရုံသို့ ပို့ဆောင်ခဲ့သည်ဟု ဘာသာရေး ခေါင်းဆောင်တစ်ဦးက ပြောသည်။
ယနေ့ နေ့လည် ၁၁နာရီအချိန်တွင်လည်း ကော့ကရိတ်မြို့နယ်ရှိ နန်းရွှေမိတ်နှင့် မာဖာလယ့်ကျေးရွာကြားတွင် အစိုးရစစ်တပ် ခမရ(၅၄၆)၊ ခမရ(၅၄၇)တပ်ရင်းနှင့် ဒီကေဘီအေ ကလို့ထူးဝါးဗျူဟာ၊ ကေအဲန်အယ်လ်အေ(၁၀၁)တပ်ရင်း ပူးပေါင်းတပ်ဖွဲ့ များ တနာရီနီးပါးကြာ တိုက်ပွဲဖြစ်ပွားခဲ့ပြီး နှစ်ဖက်ထိခိုက်ကျဆုံးမှုကို မသိရှိရသေးကြောင်း ဒီကေဘီအေ ပြောခွင့်ရသူ ဗိုလ်မှူး စောဆန်းအောင်က ပြောသည်။
ပြီးခဲ့သည့် စက်တင်ဘာလကုန်ပိုင်းက ကရင်ပြည်နယ် အစိုးရ ဖွဲ့စည်းလိုက်သော ငြိမ်းချမ်းရေး စေ့စပ်ညှိနှိုင်းရေးအဖွဲ့မှ ငြိမ်း ချမ်းရေးစကားပြောဆိုရန် ကရင်အမျိုးသားအစည်းအရုံး(ကေအဲန်ယူ)အား လာရောက်ကမ်းလှမ်းခဲ့သော်လည်း ကရင်ပြည်နယ် အတွင်း အစိုးရစစ်တပ်နှင့် ကရင်တပ်ဖွဲ့များအကြား ပစ်ခတ်မှုများမှာ ယခုအချိန်ထိ ဆက်လက် ဖြစ်ပွားနေဆဲဖြစ်သည်။
ခမရ(၂၀၂) တပ်ဖွဲ့ဝင် ၁၀ဦးနီးပါး ကျဆုံး
စောဖိုးမူး (ကေအိုင်စီ)
ကရင်ပြည်နယ်၊ ကော့ကရိတ်မြို့နယ်အတွင်း တိုးတက်သော ဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ) တပ်ဖွဲ့ ၀င်များ၏ အဆက်မပြတ်သည့် ပြောက်ကျားတိုက်ခိုက်မှုများကြောင့် မြန်မာစစ်တပ် ခမရ(၂၀၂)တပ်ရင်းမှ တပ်သား ၄ဦး ကျဆုံးကာ ၃ဦးမှာ ထိခိုက်ဒဏ်ရာရရှိခဲ့သည်။
ယနေ့နံနက် ၄နာရီအချိန် ကော့ကရိတ်မြို့အကျော် တောင်ပေါ်လမ်းတွင် တာဝန်ကျနေသော ခမရ(၂၀၂)တပ်ရင်းအား ဒီကေ ဘီအေမှ ပြောက်ကျားတိုက်ခိုက်ခဲ့ရာ အစိုးရတပ်ဘက်က တပ်သား ၁ဦးပွဲချင်းသေဆုံးပြီး ဒဏ်ရာပြင်းထန်သည့် တပ်သား ၃ ဦးကို ဘားအံမြို့ရှိ တောင်ကလေး ကုတင်တစ်ရာဆံ့ စစ်ဆေးရုံသို့ ပို့ဆောင်ကုသခဲ့သည်ဟု တပ်တွင်းမိသားစုများက ပြော သည်။
ဒဏ်ရာရ တပ်သားတစ်ဦး၏ ဇနီးက “အဒေါ်တို့ စစ်တပ်မှာ ကိုယ့်မိသားစု စားဖို့ မလောက်ဘူး။ ဒါကြောင့် အဒေါ်တို့ အပြင် ထွက်ပြီး ဈေးလိုက်ရောင်းနေရတယ်။ ဒါတောင် အနိုင်နိုင်ပဲ။ အခုလိုမျိုးဖြစ်တော့ ဘာလုပ်ရ ဘာကိုင်ရမှန်းတောင် မသိတော့ ဘူး။”ဟု ပြောသည်။
တောင်ကလေး စစ်ဆေးရုံသို့ ရောက်ရှိလာသည့် ဒဏ်ရာရ တပ်သား ၃ဦးအနက် တစ်ဦးမှာ ရင်ဘတ်တွင် ကျည် ၅ချက်ထိ မှန်ကာ ဒဏ်ရာပြင်းထန်သည့်အတွက် အသက်ရှင်ရန် အခွင့်အလမ်းနည်းပါးကြောင်း ဆေးရုံဝန်ထမ်းများက ပြောဆိုနေကြ သည်။
သို့သော်လည်း ၎င်းတို့တပ်ဖွဲ့ကို လာရောက်ပစ်ခတ်ခဲ့သည့် ဒီကေဘီအေ တပ်ရင်းနံပါတ်ကိုမူ အတိအကျ မသိရှိရသေးပေ။
အလားတူ ယမန်နေ့ကလည်း ကေအဲန်အယ်လ်အေ (၁၀၁)တပ်ရင်းနှင့် ဒီကေဘီအေ ကလို့ထူးဝါဗျူဟာတို့ ပူးပေါင်း၍ အဆိုပါ ခမရ(၂၀၂)အား အောက်ဘိုတဲနေရာတွင် ၀င်ရောက်တိုက်ခိုက်ခဲ့ရာ အစိုးရစစ်တပ်ဘက်မှ ၆ဦးကျဆုံးပြီး ၁ဦးဒဏ်ရာ ရရှိကာ ကရင်တပ်ဖွဲ့ဘက်က ထိခိုက်မှုမရှိကြောင်း ဗိုလ်မှူးစောဆန်းအောင် ပြောသည်။
“မနေ့ နေ့လည်လောက်ကဖြစ်တဲ့ တိုက်ပွဲက တစ်နာရီခွဲလောက်တော့ ကြာတယ်။ အစိုးရတပ်က ၆ယောက်သေတယ်။ ၁ယောက်က ဒဏ်ရာရပေမဲ့ ကျနော်တို့ ပူးပေါင်းတပ်ဖွဲ့ဘက်က ထိခိုက်မှု တစုံတရာ မရှိပါဘူး။”ဟု ဗိုလ်မှူးစောဆန်းအောင်က ဆိုသည်။
ယခုလို ထိခိုက်ကျဆုံးမှု များပြားသည့် ခမရ(၂၀၂)တပ်ရင်းမှာ ဘားအံမြို့ အခြေစိုက် တပ်မ(၂၂)၏ လက်အောက်ခံ တပ်ရင်း တစ်ရင်းဖြစ်သည်။
တစ်ဖွဲ့တည်းဖြင့် ငြိမ်းချမ်းရေးစကား မဆွေးနွေးလိုဟု KNU ပြောဆို
စောသိန်းမြင့် (ကေအိုင်စီ)
ကရင်ပြည်နယ် အစိုးရအဖွဲ့မှ ရွေးချယ်စေလွှတ်သည့် ဘာသာရေးပုဂ္ဂိုလ်များ ပါဝင်သော ငြိမ်းချမ်းရေး ကိုယ်စားလှယ်အဖွဲ့ ကရင်အမျိုးသားအစည်းအရုံး(KNU)နှင့် ငြိမ်းချမ်းရေးကိစ္စ လာရောက်တွေ့ဆုံသော်လည်း မိမိတို့တဖွဲ့တည်းဖြင့် မတွေ့ဆုံလို ကြောင်း KNU က တုန့်ပြန်ပြောဆိုလိုက်သည်။
KNU ဒုဥက္ကဌ စောဒေးဗစ်သကဘောက “ပြည်နယ်အဆင့်က သူတို့ ဘာအာဏာမှ မပေးထားဘူးလေ။ တွေ့လည်း အလကား ပဲ။ ကျနော်တို့ဘက်က အဓိကတော့ UNFC အနေနဲ့ တွေ့ချင်တယ်။ တဖွဲ့ချင်းဆိုတာကလည်း အဓိပ္ပာယ်မရှိဘူး။ မှန်ကန်တဲ့ နည်းလမ်းမဟုတ်ဘူး။”ဟု ပြောသည်။
စက်တင်ဘာလ ၂၈ရက်နေ့က ကရင်ပြည်နယ်မှ ခရစ်ယာန်နှင့် ဗုဒ္ဓဘာသာ သံဃာတော်များ ပါဝင်သည့် ငြိမ်းချမ်းရေး ကိုယ် စားလှယ်အဖွဲ့တဖွဲ့မှ ငြိမ်းချမ်းရေး လာရောက်ကမ်းလှမ်းခဲ့သော်လည်း KNU ထိပ်ပိုင်းခေါင်းဆောင်များ လက်ခံတွေ့ဆုံခြင်း မရှိဟုလည်း KNU ဘက်မှ ပြောဆိုသည်။
ယခင်က ပြုလုပ်ခဲ့သည့် တဖွဲ့ချင်းစီ တွေ့ဆုံမှုများတွင် မည်သည့် ငြိမ်းချမ်းရေးနှင့် အပစ်အခတ်ရပ်စဲရေး သဘောတူညီချက် မှ မရရှိကြသလို အချင်းချင်း နားလည်မှု လွဲမှားမှုသာ အဖတ်တင်သည်ဟု စောဒေးဗစ်သကဘောက ပြောသည်။
ကရင်ပြည်နယ် အစိုးရအဖွဲ့မှ ရွေးချယ်တာဝန်ပေးထားသော ငြိမ်းချမ်းရေး ကိုယ်စားလှယ်အဖွဲ့တွင် ဦးစောဖိုးနီ ၇၄နှစ်၊ သိက္ခာ တော်ရ ဆရာတော် စောရင်မြရွှေ သက်တော် ၇၀နှစ်၊ အရှင်ခေမာဝုဓ သက်တော် ၆၅နှစ်၊ ဦးစောဗစ်တာ အသက် ၆၄နှစ်၊ ဦး တင်အေး ၆၄နှစ်၊ ဦးအယ်ဝါး ၄၂နှစ်တို့ဖြစ်ကြောင်း ပြည်နယ်အစိုးရအဖွဲ့၏စာတွင် ဖော်ပြထားသည်။
ငြိမ်းချမ်းရေးဆွေးနွေးရန် KNU ကို လာရောက်ကမ်းလှမ်းသည့် ပုဂ္ဂိုလ်များသည် လူကြီးလူကောင်းများဖြစ်ကြသော်လည်း ဦး သိန်းစိန်အစိုးရ၏ ခိုင်းစေမှုခံကို မလွန်ဆန်နိုင်သောကြောင့် လာရောက်ရခြင်းဖြစ်သည်ဟု စောဒေးဗစ်သကဘောက ထောက် ပြပြောဆိုသည်။
သမ္မတဦးသိန်းစိန် အစိုးရ တက်လာပြီးနောက်ပိုင်း လက်နက်ကိုင် တိုင်းရင်းသားအဖွဲ့များနှင့် ငြိမ်းချမ်းရေးဆွေးနွေးရန်အတွက် ကြေညာချက်အမှတ်(၁/၂၀၁၁)အား ၂၀၁၁ခုနှစ်၊ သြဂုတ်လ ၁၈ရက် နေ့စွဲဖြင့် တရားဝင် ထုတ်ပြန်ကြေညာခဲ့သော်လည်း ကရင်ပြည်နယ်အတွင်း ကရင်တပ်ဖွဲ့နှင့် အစိုးရတပ်များ၏ တိုက်ပွဲငယ်များမှာ ယနေ့အထိ အဆက်မပြတ် ဖြစ်ပွားလျှက်ရှိ သည်။
KNU သည် တိုင်းရင်းသား လက်နက်ကိုင်အဖွဲ့ ၁၂ဖွဲ့ဖြင့် ဖွဲ့စည်းထားသည့် ညီညွှတ်သော တိုင်းရင်းသား ဖယ်ဒရယ်ကောင်စီ (UNFC)၏ အဖွဲ့ဝင်ထဲတွင် ပါဝင်ပြီး ၁၉၄၉ခုနှစ်မှ ယနေ့အချိန်ထိ မြန်မာအစိုးရ အဆက်ဆက်နှင့် အကြိမ်ကြိမ် တွေ့ဆုံဆွေး နွေးမှုများ ပြုလုပ်ခဲ့သော်လည်း မအောင်မြင်ခဲ့ပေ။
ကရင်တပ်ဖွဲ့လက်ချက်ဖြင့် အစိုးရစစ်သည် ၄ဦးကျဆုံးသလို မှန်လုံကားတစီး မီးလောင်
စောသိန်းမြင့်(ကေအိုင်စီ)
ကရင်ပြည်နယ်၊ မြ၀တီမြို့နယ်တွင် ယမန်နေ့က ကရင်တပ်ပူးပေါင်းတပ်ဖွဲ့များသည် ကြောင်လျှာကုန်းရှိ အစိုးရ စစ်တပ်များ အား ၀င်ရောက်ပစ်ခတ်ခဲ့ရာ အစိုးရတပ်ဘက်က ၄ဦးသေဆုံးခဲ့သည်ဟု ကရင်တပ်ဖွဲ့ဘက်က ပြောသည်။
စက်တင်ဘာလ ၂၅ရက်နေ့ မွန်းလွဲ ၁နာရီခန့်တွင် ကရင်ပူးပေါင်းတပ်ဖွဲ့များဖြစ်ကြသည့် တိုးတက်သော ဗုဒ္ဓဘာသာ ကရင်အ မျိုးသား တပ်မတော်(ဒီကေဘီအေ) ကလို့ထူးဝါးဗျူဟာနှင့် ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ် အေ)တို့ပူးပေါင်းပြီး ကြောင်လျှာကုန်းစခန်းရှိ အစိုးရစစ်တပ် ခလရ(၉၇)နှင့် ခမရ(၃၅၇)တပ်ရင်းအား တစ်နာရီဝန်းကျင်ခန့် ၀င် ရောက်ပစ်ခတ်ခဲ့သည်ဟု ဒီကေဘီအေ၏ ပြောခွင့်ရသူ ဗိုလ်မှူးဆန်းအောင်က ပြောသည်။
“မနေ့က ၁နာရီအချိန်မှာ ကြောင်လျှာကုန်းမှာရှိတဲ့ ရန်သူ့တပ် ရတခ (အရှေ့တောင်တိုင်းစစ်ဌာနချုပ် လက်အောက်ခံ) ခလရ ၉၇နဲ့ တပ်မ(၂၂)က ခမရ(၃၅၇)တပ်ရင်းတွေကို ကျနော်တို့ ကလိုထူးဝါးဗျူဟာမှူး ဗိုလ်မှူးကျော်သက် ဦးစီးပြီး ၀င်ရောက်ပစ် ခတ်တယ်။ ရန်သူ့ဘက်က ၄ဦး သေတယ်။ ကျနော်တို့ဘက်ကတော့ တယောက်မှ မထိဘူး။”ဟု ပြောသည်။
ထို့အပြင် ထိုနေ့မွန်းလွဲ ၃နာရီအချိန်တွင် ကော့ကရိတ်မြို့၏ အရှေ့မြောက်ဘက်ခြမ်း (၂၅)ကီလိုမီတာ အကွာအဝေးရှိ အောက်ဘိုတဲနေရာတွင် အဆိုပါပူးပေါင်းတပ်ဖွဲ့က ကော့ကရိတ်-မြ၀တီကားလမ်းတွင် ပြေးဆွဲနေသော မှန်လုံကားတစ်စီးကို မီးရှို့ဖျက်ဆီးခဲ့သည်ဟု သိရသည်။
၎င်းကိစ္စနှင့်ပတ်သက်၍ ကေအိုင်စီမှ ဗိုလ်မှူးစောဆန်းအောင်အား မေးမြန်းရာ “ကြံ့ဖွံ့အစိုးရနဲ့ ကိုယ်ကျိုးကြည့်နေတဲ့ လက် နက်ကိုင်အဖွဲ့တွေ ပူးပေါင်းပြီး စီးပွားရှာနေတဲ့ ကားမှန်သမျှကို လုပ်နိုင်သလောက် လုပ်ပါလို့ ကျနော်တို့ ဗိုလ်ချုပ်စောလား ပွယ်က ညွှန်ကြားထားပါတယ်။ သာမန်အရပ်သားဥစ္စာက လွဲရင်ပေါ့။ ဒါကြောင့် ကျနော်တို့လုပ်တာဖြစ်တယ်။”ဟု ပြန်လည် ဖြေကြားသည်။
ကားသမားများနှင့် ရင်းနှီးသူတစ်ဦးက “အခုမီးရှို့ခံလိုက်ရတဲ့ ကားသမားက အပြောမတတ်တာလည်း ပါတယ်။ ဟိုက တောင်း တာက ၂သိန်း။ အဲဒါကို ကားသမားက ၆သောင်းပဲပါတယ်။ ယူချင်ယူ မယူချင်နေဆိုတော့ လူတွေကို ဆင်းခိုင်းပြီး ကားကို မီး ရှို့ပစ်လိုက်တာပေါ့။ ကားပိုင်ရှင်က ဖြေရှင်းဖို့လိုက်ပါသေးတယ်။ ဒါပေမဲ့ မမှီတော့ဘူးလေ။ ကားမောင်းသူက ဘယ်ရှုံးမလဲ။ ကားအုံနာပဲ နစ်နာတာပေါ့။”ဟု ဆိုသည်။
အဆိုပါ မှန်လုံကားကြီး မီးရှို့သည့်အချိန်တွင် ကော့ကရိတ်မြို့ နေပူခံကုန်းရှိ အစိုးရစစ်တပ်၏ လက်နက်ကြီးတပ်ဖွဲ့မှ လက် နက်ကြီးများဖြင့် လှမ်း၍ပစ်ခတ်မှုများ အချိန်အတော်ကြာ လုပ်ခဲ့သေးသည်ဟု ဗိုလ်မှူးစောဆန်းအောင်က ဆက်ပြောသည်။
ပြီးခဲ့သည့် ရက်သတ္တပတ်ကလည်း နယ်ခြားစောင့်တပ်မှ ဗိုလ်ချစ်သူ လက်မှတ်ပါသည့် ဟိုင်းလက်ကားတစ်စီးကိုလည်း ဒီကေ ဘီအေ အဖွဲ့မှ မီးရှို့ခဲ့သေးသည်ဟုလည်း ကုန်သည်များနှင့် ကားသမားများက ပြောဆိုနေကြသည်။
ဗိုလ်မှူးချုပ်စောလားပွယ် ဦးစီးသည့် ဒီကေဘီအေ အဖွဲ့သည် ယခုနှစ် ဖေဖော်ဝါရီလက မြ၀တီ-ကော့ကရိတ် တောင်ပေါ်ကား လမ်းတွင် သွားလာနေသည့် ကားကြီးကားငယ်များကို တနှစ်စာ အခွန်ပေးဆောင်ရန် စာထုတ်ထားပြီးနောက် ကားသမားများ ထံမှ ငွေကောက်ခံနေခြင်းဖြစ်သည်။
အလားတူ စက်တင်ဘာလ ၂၄ရက်နေ့ ညနေ ၆နာရီကျော်အချိန်တွင် ဒီကေဘီအေ ကလို့ထူးဘောဌာနချုပ်စစ်ကြောင်းနှင့် ကေအဲန်အယ်လ်အေ(၂၀၁)တပ်ရင်းတို့ပူးပေါင်း၍ မြ၀တီမြို့၏ တောင်ဘက်ခြမ်း ဝေါ်လေဒေသ၊ ဗျူဟာကုန်းရှိ ဗိုလ်မှူးကြီး ရဲမင်း ဦးစီးသည့် နည်းဗျူဟာ(၂)ကို ဆယ်မိနစ်ကျော် ၀င်ရောက်ပစ်ခတ်ခဲ့သော်လည်း ထိခိုက်ကျဆုံးမှုကို မသိရှိရကြောင်း ကေအဲန်အယ်လ်အေဘက်က ပြောသည်။
နယ်ခြားစောင့်တပ် စီးပွားရေးလုပ်ငန်းပိုင် ကားတစီး မီးရှို့ခံရ
ကရင်ပြည်နယ် ကော့ကရိတ်မြို့အထွက် ကြောင်ရှာကုန်းမှာ ကြံ့ဖွံ့စစ်အစိုးရ စစ်တပ် ခလရ ၉၇ တပ်ရင်းကို ဒီကေဘီအေ အဖွဲ့မှ ဗိုလ်မှူး ကျော်သက် ဦးစီးတဲ့ တပ်ဖွဲ့တွေဟာ ဒီကနေ့ ၁ နာရီခွဲလောက်မှာ ပြောက်ကျားတိုက်ခိုက်ခဲ့တယ်။ ကြံ့ဖွံ့အ စိုးရဘက်မှ တပ်သားတဦး ကျဆုံးခဲ့တယ်လို့ သိရှိရပါတယ်။
တဆက်တည်းမှာပဲ မြဝတီ ကော့ကရိတ် ကုန်သည်ကားလမ်းပေါ်က အောက်ဗိုလ်တဲနေရာမှာ ညနေ ၃ နာရီလောက်က ကရင်ပြည်နယ် နယ်ခြားစောင့်တပ်မှ ဗိုလ်ချစ်သူ ဦးစီးလုပ်ကိုင်နေတဲ့ မြဝတီ ဘားအံ သယ်ယူပို့ဆောင်းရေးလုပ်ငန်းမှ မှန်လုံကားကြီးတစီးကို ဒီကေဘီအေ တပ်ဖွဲ့ဝင်တွေက မီးရှို့ပစ်ခဲ့တယ်လို့ သိရှိရပါတယ်။
အောက်ဗိုလ်တဲ့မှာ ဒီကနေ့ ဖြစ်ပျက်ခဲ့တဲ့ အခြေအနေနဲ့ ပတ်သက်လို့ ဒီကေဘီအေ ပြောရေးဆိုခွင့်ရှိသူ ဗိုလ်မှူး ဆန်းအောင် က ခုလို့ ရှင်းပြပါတယ်..
“ဟုတ်တယ် ဒီကနေ့ ကျနော်တို့ တပ်ဖွဲ့တွေ ကုန်းသည်ကားလမ်းပေါ်မှာပဲ လှုပ်ရှားမှု ၂ ခု လုပ်ခဲ့တယ်။ ကြောင်ရှာကုန်း မှာ တပွဲ၊ အောက်ဗိုလ်တဲ့မှာကတော့ ကြံ့ဖွံ့စစ်စိုးရနဲ့ ပတ်သက်ပြီး စီးပွားရေးလုပ်နေတဲ့ မှန်လုံကားကြီးတစီးကို မီးရှို့လိုက် တယ်။ ကျနော်တို့ ခေါင်းဆောင်း ဗိုလ်စောလားပွယ်က ကျနော်တို့ အားလုံးကို ညွှန်ကြားထားပါတယ်။ ရိုးရိုးသားသား စီးပွားရှာနေတဲ့ ပြည်သူတွေကို စောင့်ရှောက်ရမယ်။ ကြံ့ဖွံ့အစိုးရနဲ့ ပတ်သက်တဲ့ စီးပွားရေးလုပ်ငန်း၊ နယ်ခြားစောင့်တပ်နဲ့ ပတ်သက်တဲ့ စီးပွားရေးလုပ်ငန်းတွေကို ချေမှုန်းပစ်ရမယ်လို့ ညွှန်ကြားထားတယ်။ ဒါတွေနဲ့ ပတ်သက်ပြီးတော့လဲ ဒေသခံ ပြည်သူတွေကို အသိပေးထားပြီးဖြစ်တယ်။” လို့ ပြောပြသွားပါတယ်။
ကရင်ပြည်နယ်အတွင်း ကြံ့ဖွံ့စစ်အစိုးရရဲ့ ငြိမ်းချမ်းရေးနေ့ ထိုးစစ်
နေ့သစ် မှ........
ကရင်ပြည်နယ် မြဝတီနဲ့ ကော့ကရိတ်ကြား ကောင်းမှုရွာအနီးမှာ ကြံ့ဖွံ့အ စိုးရစစ်တပ် ခမရ ၂၀၂ နဲ့ ဒီကေဘီကေ ၉၀၁ တပ်ဖွဲ့တို့ ဒီကနေ့ ညနေ ၄ နာရီခွဲလောက်မှာ ရင်ဆိုင်တိုက်ပွဲ ဖြစ်ပွားခဲ့တယ်။ တိုက်ပွဲဖြစ်ပွားချိန် ၄၅ မိနစ်လောက် ကြာမြင့်ခဲ့တယ်။
ဒီရက်ပိုင်းတွေအတွင်းမှာ KNU နဲ့ ဒီကေဘီအေ တပ်ဖွဲ့တွေ လှုပ်ရှားတဲ့ နယ်မြေတွေကို ထိုးစစ်ဆင်တိုက် ခိုက်ဖို့အတွက် အရှေ့တောင်တိုင်း စစ်ဌာနချုပ်မှ ဒုတိုင်းမှူး မြဝတီကို ရောက်ရှိလာကာ နယ်ခြားစောင့်တပ် တွေကို စစ်ဆင်ရေးမှာ ပါဝင်ဖို့ ညှိနှိုင်းခဲ့ပြီး ကမ္ဘာ့ငြိမ်းချမ်းရေးနေ့မှာပဲ ကြံ့ဖွံ့အစိုးရဘက်က ထိုးစစ်တွေကို စတင်ခဲ့ပါတယ်။
ကရင်ပြည်နယ်အတွင်းက ကော့ကရိတ်နဲ့ ထိစပ်နေတဲ့ ကေအန်ယူ တပ်မ ဟာ ၇ ဒေသကို စကခ(၁၂) လက်အောက်ခံ ခမရ (၃၅၇) (၂၀၂) နှင့် BGF တပ်ရင်း (၁၀၁၇) နယ်မြေခံ နဘူးအခြေစိုက် တပ်ရင် ၃ ရင်းနဲ့ ထိုးစစ်ဆင်နေပြီး။ မြဝတီ မြို့တောင်ဘက် သေဘောပိုး၊ ဝေါ်လေ ဒေသကိုတော့ တပ်မ ၂၂ လက်အောက်ခံ တပ်ရင်းတချို့နဲ့ ထိုးစစ်ဆင် တိုက် ခိုက်နေပါတယ်။
ဒီနေ့ ညနေ ၃ နာရီခန့်မှာ သေ့ဘောပိုးရွာ အနောက်ဘက် တောင်နီတောင်တန်းပေါ်က ကွီးလရှုတောင်ကုန်းမှာ ဒီကေ ဘီအေ တပ်ဖွဲ့တွေနဲ့ ကြံ့ဖွံ့အစိုးရတပ် ခမရ ၂၀၄ တို့ တိုက်ပွဲတွေ ဖြစ်ပွားခဲ့ပြီး၊ ယမန်နေ့ည ၁၀ နာရီလောက်မှာလည်း ၎င်းနေရာမှာပဲ တိုက်ပွဲ ၁ နာရီကျော်ကြာ ဖြစ်ပွားခဲ့တယ်လို့ သိရှိရပါတယ်။
စက်တင်ဘာ ၂၀ ရက်နေ့တုန်းက ကော့ကရိတ်မြို့အနီး ကြောင်ရှာကုန်းမှာ စစ်တပ်ယာဉ်တန်း ရှေ့ပြေးလမ်းရှင်းကားကို ဒီအေဘီအေမှာ ဆီးကြိုတိုက်ခိုက်ခဲ့တယ်။
စက်တင်ဘာ ၂၁ ရက်မှာလည်း ကေအန်ယူ တပ်မဟာ (၇) ဒေသ ထိလော်သေ့ခီး နေရာမှာ ကေအန်ယူ ၁၀၁ တပ်ရင်း နဲ့ ကြံ့ဖွံ့အစိုးရ စစ်တပ်တို့ မနက်ပိုင်းမှ နေ့လည်ပိုင်းအထိ တိုက်ပွဲ ပြင်းထန်စွာဖြစ်ပွားခဲ့တယ်။ ဒီတိုက်ပွဲမှာ ကေအန်ယူ ဘက်က ၂ ယောက်ကျဆုံးခဲ့ပြီး။ ကြံ့ဖွံ့အစိုးရ တပ်ဘက်မှ ထိခိုက်သေဆုံးမှုကို မသိရှိရသေးပါ။
ထိုင်းမြန်မာနယ်စပ်နဲ့ နီးကပ်နေတဲ့ သေ့ဘောပိုးနဲ့ ဝေါ်လေ အနောက်ဘက်က တောင်နီတောင်းတန်းမှာ ဖြစ်ပွားနေတဲ့ တိုက်ပွဲတွေမှာတော့ ကြံ့ဖွံ့အစိုးရတပ်ဘက် ထိခိုက်မှုတွေ ရှိတယ်ခဲ့လို့ ဒီကေဘီအေ သတင်းရပ်ကွက်အဆိုအရ သိရှိရပါ တယ်။ ထိုဒေသမှာ ယခုဖြစ်ပွားနေတဲ့ တိုက်ပွဲတွေမှာ နယ်မြေခံ မဟာမိတ် ကေအန်ယူ၊ ဒီကေဘီအေ တပ်ဖွဲ့တွေအပြင် ကျောင်းသားတပ်မတော်၊ ရခိုင်ကျောင်းသားလူငယ်အဖွဲ့၊ ဇိုမီးတိုင်းရင်းသား ကျောင်းသားလူငယ် တပ်ဖွဲ့တွေပါ လက်တွဲတိုက်ပွဲဝင်နေတယ်လို့ သိရှိရပါတယ်။
မိနစ် ၂၀ကြာ တိုက်ပွဲကြောင့် နှစ်ဖက်တပ်များ ထိခိုက်ဒဏ်ရာရခဲ့
စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီမြို့တောင်ပိုင်းရှိ ဝေါ်လေဒေသ တစ်နေရာတွင် ခြေကုပ်နေရာယူထားသည့် ကရင်ပူးပေါင်းတပ်ဖွဲ့များ အား ယမန်နေ့က အစိုးရစစ်တပ်မှ တိုက်ခိုက်ရာ နှစ်ဖက်တပ်ဖွဲ့ဝင်များမှာ ဒဏ်ရာရရှိခဲ့သည်ဟု ကရင်အမျိုးသားလွတ်မြောက် ရေးတပ်မတော်(KNLA) က ပြောသည်။
ဝေါ်လေဒေသ၊ မယ်ကလာ့ချောင်းအနီးရှိ KNLA တပ်ရင်း(၁၀၃)နှင့် တိုးတက်သောဗုဒ္ဓဘာသာ ကရင်အမျိုးသား တပ်မတော် (DKBA) တပ်ရင်း(၉၀၇)တို့အား အစိုးရစစ်တပ် တပ်မ(၂၂)လက်အောက်ခံ ခမရ(၂၀၄) စစ်ကြောင်း(၁)က လက်နက်ကြီး၊ လက်နက်ငယ်များဖြင့် မိနစ် ၂၀ကြာ ၀င်ရောက်ပစ်ခတ်ခဲ့ရာမှ ဒဏ်ရာရသွားခြင်းဖြစ်ကြောင်း KNLA (၁၀၃)တပ်ရင်းမှူး ဒုဗိုလ် မှူးကြီး စောနေ့စေးက ပြောသည်။
“ဖြစ်တဲ့နေရာက မယ်ကလာ့ချောင်းတံတားအနီး သေ့ဂေထာ့ကုန်းမှာ။ ၃နာရီ ၅မိနစ်အချိန်မှာ အင်အား ၅၀ကျော်ရှိတဲ့ ရန်သူ တပ်က ကျနော်တို့တပ်ဖွဲ့ကို ၀င်တိုက်တယ်။ မိနစ် ၂၀ကြာတယ်။ ဒီကေဘီအေတပ်သား ၁ဦးနဲ့ ကျနော်တို့ဘက်က ၁ဦး ထိ သွားတယ်။ စိုးရိမ်ရတဲ့ အခြေအနေထိတော့ မရှိဘူး။ ရန်သူ့ဘက်လည်း ၁ဦးသေ၊ ၁ဦးဒဏ်ရာရတယ်လို့ သိရတယ်။”ဟု အ တည်ပြု ပြောဆိုသည်။
ခမရ(၂၀၄)သည် ကရင်ပူးပေါင်းတပ်ဖွဲ့အား တိုက်ထုတ်ရန်အတွက် လွန်ခဲ့သည့် ၂ရက်ကတည်းက ၀င်ရောက်နေရာယူထားခဲ့ သလို ရှေ့ဆက်လည်း ကရင်တပ်ဖွဲ့များ လှုပ်ရှားနေသည့်နေရာများကို ရှင်းလင်းရန် အစီအစဉ်ရှိသေးကြောင်း ၎င်းတပ်ရင်းမှူး က ဆက်ပြောသည်။
အဆိုပါ တိုက်ပွဲဖြစ်ပွားသည့် နေရာတွင် အစိုးရတပ် တပ်မ(၂၂)လက်အောက်ခံ ခမရ(၂၀၄)တပ်ရင်း၊ ကေအဲန်အယ်လ်အေ (၁၀၃)တပ်ရင်းနှင့် ဒီကေဘီအေ(၉၀၇)တပ်ရင်းတို့ စစ်ရေးလှုပ်ရှားလျှက်ရှိသည်။
ကရင်အမျိုးသားအစည်းအရုံး(ကေအဲန်ယူ)က ပြီးခဲ့သည့် စက်တင်ဘာလ ၂၁ရက်၊ နိုင်ငံတကာငြိမ်းချမ်းရေးနေ့တွင် တရက် တာ တစ်ဖက်သတ် အပစ်အခတ်ရပ်စဲခဲ့သော်လည်း အစိုးရစစ်တပ်ဘက်က ထိုးစစ်ဆင်တိုက်ခိုက်မှုများ နေ့စဉ်လိုလို ဆက် တိုက် လုပ်ဆောင်လျှက်ရှိသည်။
ိနိုင်ငံတကာ ငြိမ်းချမ်းရေးနေ့တွင် KNU လက်နက်ကြီးဖြင့် အပစ်ခံရ
စောခါးစူး (ကေအိုင်စီ)
ယနေ့ကျရောက်သည့် နိုင်ငံတကာ ငြိမ်းချမ်းရေးနေ့ နံနက်ပိုင်းတွင် မြန်မာစစ်တပ်နှင့် ကရင်နယ်ခြားစောင့်တပ်-BGF ပူးပေါင်းကာ ကရင်အမျိုးသားလွတ်မြောက်ရေးတပ်မတော်-KNLA တပ်ရှိရာ နေရာများကို လက်နက်ကြီးဖြင့် ပစ်ခတ်ခဲ့သည်။
နိုင်ငံတကာ ငြိမ်းချမ်းရေးနေ့တွင် တစ်ရက်တာ အပစ်အခတ် ရပ်စဲရန် KNU က စက်တင်ဘာလ ၁၅ရက်နေ့၌ ကြေ ညာချက် ထုတ်ပြန်ထားသော်လည်း မြ၀တီမြို့နယ်အတွင်း လှုပ်ရှားနေသည့် မြန်မာစစ်တပ်နှင့် BGF ပူးပေါင်းတပ် တို့က ထီးဝါ့ဘလောကျေးနယ်အတွင်းရှိ KNLA တပ်ရင်း(၁၀၁)ကို ပစ်ခတ်ခဲ့ခြင်း ဖြစ်သည်။
KNLA တပ်မဟာ(၇)၏ ရုံးထိုင်မှူး ဗိုလ်မှူးကြီးစောအယ်ဆဲဆဲက “သူတို့(အစိုးရနဲ့ BGF တပ်ဖွဲ့)က ကျနော်တို့ကို လက်နက်ကြီးသက်သက်ပဲ ပစ်တာ။ ကျနော်တို့ ဘက်တော့ ပြန်ပစ်ခတ်တာ မလုပ်ဘူး။ ထိခိုက်မှုလည်း ဘာမှ မရှိ ပါဘူး။”ဟု ကေအိုင်စီသို့ ပြောသည်။
မြန်မာစစ်တပ်၏ စစ်ကွပ်ကဲရေးဌာနချုပ်-စကခ(၁၂) လက်အောက်ခံ ခမရ(၃၅၇)နှင့် BGF တပ်ရင်း(၁၀၁၇)တို့က ထီးဝါ့ဘလောရွာအနီး တောင်ခြေမှနေ၍ ၎င်းတို့ကို နံနက် ၈နာရီကျော်မှ ၁၁နာရီအထိ ပစ်ခတ်ခဲ့ခြင်း ဖြစ်သည်ဟု ၎င်းက ဆက်ပြောသည်။
နိုင်ငံတကာ ငြိမ်းချမ်းရေးနေ့ မတိုင်မီ စောစီးစွာ ထုတ်ပြန်ခဲ့သည့် KNU ၏ ထုတ်ပြန်ချက်ထဲတွင် တိုင်းရင်းသားပြည် နယ်များတွင် ထိုးစစ်ဆင်နေသည့် အစိုးရစစ်တပ်များ အားလုံး ရုပ်သိမ်းပေးရန်လည်း ပါဝင်သည်။
KNU ၏ ဒု-ဥက္ကဌ ပဒိုစောဒေးဗစ်သာကပေါက “ငြိမ်းချမ်းရေးနေ့မှာ ကျနော်တို့ KNLA တပ်တွေကို ပစ်ခတ်တာဟာ သူတို့(အစိုးရနှင့် BGF တပ်ဖွဲ့)တွေ နိုင်ငံတကာ ဥပဒေနဲ့ စည်းမျဉ်းစည်းကမ်းကို မလေးစားတာကို ပြတာပဲ။”ဟု ပြောသည်။
ယခင် ၂၀၁၀ခုနှစ် နိုင်ငံတကာ ငြိမ်းချမ်းရေးနေ့ကလည်း KNU သည် အစိုးရတပ်များနှင့် တစ်ရက်တာ အပစ်အ ခတ် ရပ်စဲမှု ပြုလုပ်ရန် အလားတူ ထုတ်ပြန်ခဲ့သော်လည်း စစ်အစိုးရတပ်များက KNU တပ်မဟာ(၄)နှင့် တိုက်ခိုက် ခဲ့မှု ဖြစ်ပွားခဲ့သေးသည်။
အစိုးရ ဒု-တိုင်းမှူးနှင့် BGF ဆွေးနွေးမှု ကရင်တပ်များကို ထိုးစစ်ဆင်ရေးအတွက်လား
စောခါးစူး (ကေအိုင်စီ)
မြန်မာအစိုးရ အရှေ့တောင်တိုင်းစစ်ဌာနချုပ်၊ ဒု တိုင်းမှူး ဗိုလ်မှူးချုပ်ဇော်မင်းသည် စက်တင်ဘာ ၁၇ရက်နေ့က ကရင်ပြည်နယ် ကော့ကရိတ်မြို့တွင် ကရင်နယ်ခြားစောင့်တပ်-BGF ခေါင်းဆောင်တချို့နှင့် တွေ့ဆုံဆွေးနွေးခဲ့ကြောင်း သိရသည်။
ထိုဆွေးနွေးမှုသည် အစိုးရစစ်တပ်က နယ်မြေစိုးမိုးနိုင်ရေးအတွက် ထိုးစစ်ဆင်ရန် BGF ကို လာရောက် စည်းရုံးခြင်းဖြစ်နိုင် သည်ဟု တိုးတက်သော ဗုဒ္ဓဘာသာ ကရင်အမျိုးသားတပ်မတော်-DKBA ပြန်ကြားရေးတာဝန်ခံ ဗိုလ်မှူးစောလိုးလိုက ကေအိုင် စီသို့ ပြောသည်။
“သူတို့(အစိုးရ)က မြ၀တီမြို့နယ်မှာရှိတဲ့ ချူကလီးကို မြို့နယ်ခွဲအဖြစ် လုပ်နေတဲ့အခါကျတော့ (သူတို့မှာ) နယ်မြေစိုးမိုးမှုရှိဖို့ လိုအပ်တယ်။ ထိုးစစ်လုပ်မယ်ဆိုရင် အဲဒီကိစ္စကြောင့် ဖြစ်နိုင်တယ်။”ဟု သူက ဆက်ပြောသည်။ ကရင်ပြည်နယ် မြ၀တီမြို့နယ် အတွင်းရှိ ချူကလီးဒေသကို မြို့နယ်ခွဲအဖြစ် အဆင့်တိုးမြှင့်တည်ထောင်ရန် ယခင် စစ်အစိုးရလက်ထက် ၂၀၁၀ပြည့်နှစ်က တည်းက စတင် စီစဉ်ခဲ့ခြင်း ဖြစ်သည်။
ဒုတိုင်းမှူး၏ ခရီးစဉ်နှင့်ပတ်သက်၍ ကရင်အမျိုးသားအစည်းအရုံး-KNU ဒု ဥက္ကဌ ပဒို စောဒေးဗစ်သာကဘောကလည်း “သူတို့ (အစိုးရ)က ကရင်အချင်းချင်း ပြန်တိုက်ဖို့အတွက် လာဆွေးနွေးတာပဲ။ ကျနော်တို့ ကရင်အချင်းချင်းကို သူတို့ အမျိုးမျိုးနဲ့ သွေး ခွဲတဲ့သဘော ဖြစ်တယ်။”ဟု သုံးသပ်သည်။
မြန်မာအစိုးရသည် လာမည့်နှစ် ဖေဖော်ဝါရီလတွင် ကေအဲန်ယူ ထိန်းချုပ်ထားသည့် တပ်မဟာနယ်မြေများကို ထိုးစစ်ဆင်မည် ဆိုသည့်သတင်းများ ရထားကြောင်းလည်း သူက ဆက်ပြောသည်။
လက်ရှိအခြေအနေအရ ကရင်ပြည်နယ်၊ မြ၀တီနှင့် ကော့ကရိတ်မြို့နယ်များအတွင်း လှုပ်ရှားနေသည့် အစိုးရတပ်များနှင့် နယ် မြေခံ KNU၊ DKBA တပ်များအကြား တိုက်ပွဲငယ်များ မကြာခဏ ဖြစ်ပွားနေသော်လည်း အစိုးရဘက်က ထိုးစစ်တရပ် ချက် ချင်း ဆင်နွဲမည့် အရိပ်လက္ခဏာများ မတွေ့ရသေးဟု DKBA က ပြောသည်။
မြန်မာအစိုးရတပ်များသည် မိုးရာသီအကုန် ပွင့်လင်းရာသီဖြစ်သည့် နိုဝင်ဘာလမှ မေလအထိ KNU ထိန်းချုပ်နယ်မြေများကို ထိုးစစ်ဆင်လေ့ရှိသည်။
မြ၀တီနှင့် ကော့ကရိတ်မြို့နယ်အတွင်း၌ အစိုးရ စစ်ဆင်ရေးကွပ်ကဲမှု ဌာနချုပ်-စကခ(၁၂)လက်အောက်ခံ အမြောက်တပ် တပ်ရင်းတစ်ရင်း အပါအ၀င် ခြေလျင်တပ်ရင်း ခလရ(၉၇)၊ (၂၃၀)၊ (၂၃၁)၊ (၃၅၅)နှင့် (၄၅၆)တပ်ရင်းများ လှုပ်ရှားလျက်ရှိ သည်။
မြဝတီကုန်သည်ကားလမ်းပေါ်မှာ အမည်မသိ လက်နက်ကိုင်တပ်ဖွဲ့က BGF ၁၁၂၁ တပ်ရင်းကို တိုက်ခိုက်
နေ့သစ်မှ...
ကရင်ပြည်နယ် မြဝတီနဲ့ ကော့ကရိတ် မြို့၂မြို့ကြားက အဝေးပြေးကားလမ်းပေါ်မှာ အမည်မသိ လက်နက်ကိုင် တပ်ဖွဲ့တ ဖွဲ့က နယ်ခြားစောင့်တပ်(BGF) တပ်ရင်း (၁၁၂၁) ကို စက်တင်ဘာလ ၁၇ နေ့ မနက် ၉ နာရီဝန်ကျင်းက တိုက်ခိုက်လိုက် တဲ့အတွက် နယ်ခြားစောင့်တပ်မှ တပ်သား ၂ ယောက် ဒဏ်ရာရခဲ့တယ်လို့ သတင်းကြားသိရပါတယ်။
တိုက်ပွဲဖြစ်ပွားတဲ့ နေရာကတော့ ကြံ့ဖွံ့အစိုးရ စစ်တပ် ၃၅၅ နဲ့ ၃၅၆ တပ်စခန်း ၂ခု ကြားမှာဖြစ်တယ်။ တိုက်ပွဲဖြစ်ပွားပုံမှာ ရှေ့ထွက်မိုင်းနဲ့ ဆီးကြိုတိုက်ခိုက်ခံရတာဖြစ်ပြီ လက်နှက်ငယ်များနဲ့ ပစ်ခတ်တိုက်ခိုက်တာတွေ၊ လက်နက်ကြီးတွေနဲ့ တိုက်ပွဲဖြစ်တဲ့နေရာပတ်ဝန်းကျင်ကို အနီးက ကြံ့ဖွံ့စစ်တပ်တွေက ပစ်ကူရှင်းပေးတဲ့ အခြေအနေမျိုးတွေ ဖြစ်ခဲ့တယ်လို့ နယ်ခြားစောင့်တပ် (BGF) သတင်းရပ်ကွက်က သတင်းတွေအရ သိရှိရပါတယ်။
ယမန်နေ့က မြဝတီ ကော့ကရိတ် အဝေးပြေး ကားလမ်းပေါ်က တိုက်ပွဲဖြစ်ပွားမှုနဲ့ ပတ်သက်လို့ ဒီဒေသမှာ တိုက်ပွဲဝင်နေ တဲ့ ဒီကေဘီအေ အဖွဲ့မှ ဗိုလ်မှူးကျော်သက် ကို ဆက်သွယ်မေးမြန်ခဲ့ရာ . . .
“ဟုတ်တယ် မနေ့က တိုက်ပွဲတွေ ဖြစ်ခဲ့တယ် သတင်းလည်းရတယ် လက်နက်ကြီးသံတွေလည်းကြားရတယ်။ ဒီတိုက် ပွဲက ကျနော်တို့တပ်ဖွဲ့တွေနဲ့ ဖြစ်တာမဟုတ်ဘူး။ တခြား ကေအန်ယူ တပ်ဖွဲ့တွေလည်း ဆက်မေးမြန်းကြည့်တယ် သူတို့နဲ့ လည်း ဖြစ်တာမဟုတ်ဘူးလို့ ပြန်ပြောတယ်။ ကြံ့ဖွံ့အစိုးရ စစ်တပ်က ကျနော်တို့ ဒေသကို စစ်ဆင်ရေးလုပ်မယ်ဆိုတဲ့ အသံတွေလည်းကြားတယ်၊ စက်တင်ဘာလ ၁၂ ရက် ၁၃ ရက်နေ့တွေက ဒုတိုင်းမှူး မြဝတီကို ရောက်လာတယ်။ BGF တပ်ကို ဒီစစ်ဆင်ရေးမှာပါဝင်ဖို့ ညှိတယ်လို့လည်းကြားတယ်၊ BGF တပ်ကလည်း ကိုယ့်အချင်းချင်း မတိုက်ချင်းလို့ စစ် ဆင်ရေးမှာ ကြံ့ဖွံ့စစ်တပ်နဲ့ ပူးပေါင်းဖို့ ခက်နေတယ်လို့ ကြားတယ်။ ကရင်နယ်ခြားစောင့် ဗိုလ်မှူးချစ်သူ ကိုတော့ မြဝတီ ကားလမ်းကို ဦးစီးဖို့ ကြံ့ဖွံ့အစိုးရက လုပ်ပိုင်ခွင့်ပေးထားတယ်” လို့ ပြောပြသွားပါတယ်။
မြဝတီကားလမ်းအခြေအနေနဲ့ ပတ်သက်ပြီး မြဝတီကားလမ်းမှာ ကုန်ကားမောင်းတဲ့ ကားသမားတဦး ပြောပြတာက တော့ …
“မြဝတီ ဘားအံ ကုန်သည်လမ်းမှာ သွားလာနေတဲ့ ကားတွေအားလုံး ဒီလမ်းကို သွားလာမယ်ဆိုရင် နယ်ခြားစောင့်တပ် ဗိုလ်ချစ်သူ တို့ ဆီမှာ ခွင့်ပြုလက်မှတ်ယူရမယ်။ လိုင်းဝင်တဲ့ သဘောပဲ။ အဲဒါ တပတ်လောက်ကြာပြီ။ အရင်း တုန်းက အစိုးရ နာမည်ခံထားတဲ့ ကားကြီးတွေလည်း ဗိုလ်ချစ်သူတို့ လွှဲပြောင်းတာဝန်ယူလိုက်ကြပြီ။ သူတို့ဆီမှာ လိုင်းဝင်ထားတဲ့ လက်မှတ်မပါရင် ကားတွေရော ကုန်ပစ္စည်းတွေပါ ဘားအံမြို့အဝင်မှာ BGF ဗိုလ်ချစ်သူအဖွဲ့က စစ်ဆေးရေးဂိတ်ဖွင့်ပြီး သိမ်းပစ်မယ်လို့လည်း ပြောတယ်” လို့ ပြောပြပါတယ်။
