.jpg)
နန်းထူးစံ (ကေအိုင်စီ) မှ...........
ဖာပွန်ခရိုင်၊ လူသောမြို့နယ်ရှိ သဒါးဒဲကျေးရွာကို ၀င်ရောက်မီးရှို့ဖျက်ဆီးခဲ့သည် နအဖတပ်များသည် ယနေ့ မွန်းလွဲပိုင်းတွင် အဆိုပါ ကျေးရွာမှ မထွက်ခွာခင် ရွာထဲတွင် မိုင်းဗုံးများ ထောင်ထားခဲ့သောကြောင့် ရွာသူရွာသားများ အိမ်ပြန်ရန် ထိတ်လန့်နေကြ သည်။
နအဖ စစ်ကွပ်ကဲရေးဌာနချုပ်-စကခ (၁၀) ဗျူဟာ(၂)သည် လူသောမြို့နယ်ရှိ သဒါးဒဲကျေးရွာကို ယမန်နေ့က လက်နက်ကြီးများ ဖြင့် ပစ်ခတ်ခဲ့ကာ ရွာထဲကိုဝင်ပြီး နေအိမ်များ၊ စာသင်ကျောင်းနှင့် ဘုရားကျောင်းတို့ကို မီးရှို့ဖျက်ဆီးခဲ့ပြီးနောက် ယနေ့ ၎င်းတို့ ပြန်မထွက်သွားခင်အချိန်တွင် မိုင်းဗုံးများ ထောင်ထားခဲ့ကြောင်း ဒေသခံတဦး ပြောသည်။
သူက “ဒီနေ့ ညနေပိုင်းမှာ နအဖ တပ်တွေက ရွာထဲကနေ လယ့်ခလိကျိုးဘက်ကို ထွက်သွားပြီ။ မထွက်ခင် ရွာထဲမှာ မိုင်းတွေ ထောင်ထားခဲ့တယ်။ ဒီညနေအထိ မိုင်းက ၃လုံးပေါက်နေပြီ။ လူတွေကို မထိပေမဲ့ အိမ်မွေး ၀က်နှစ်ကောင်နှင့် ဆိတ်တကောင် ထိ သွားတယ်။ ရွာသားတွေကတော့ ကြောက်နေကြတယ်။ ဘယ်သူမှ မပြန်ရဲကြသေးဘူး”ဟု ပြောသည်။
၎င်းနအဖတပ်များ ထိုကဲ့သို့ လက်နက်ကြီးများပစ်ခတ်ပြီး ၀င်ရောက်လှုပ်ရှားလာသည့်အတွက်ကြောင့် သဒါးဒဲရွာအပြင် တခေါ်တို့ ဘော၊ သေးမူဒဲ၊ ထီးဆီထာ့နှင့် သူးပိုခီးကျေးရွာတို့မှ ရွာသူရွာသားများသည် နီးစပ်ရာ ကျေးရွာများသို့ ထွက်ပြေးတိမ်းရှောင်နေကြ ရာ စုစုပေါင်း ရွာသူရွာသားဦးရေ ၁၀၀၀ကျော် ရှိသည်ဟု သိရသည်။
လက်ရှိအချိန်တွင် ထွက်ပြေးတိမ်းရှောင်သော ရွာသူရွာသားများ၏ နေထိုင်ရေး၊ စားနပ်ရိက္ခာများအတွက် အခက်အခဲရှိသည့်အ ပြင် ကျန်းမာရေးစောင့်ရှောက်မှုလည်း လိုအပ်သည်ဟု ထိုဒေသရှိ တာအိုဒဲဆေးခန်း တာဝန်ခံ စောညွန့်ဝင်းက ပြောသည်။
သူက “ရွာသားတွေကတော့ နီးစပ်ရာ တာအို့ဒဲကျေးရွာ အနီးတ၀ိုက်မှာ လိုက်နေကြတယ်။ သစ်ပင်၊ ၀ါးပင်အောက်မှာ တဲထိုးပြီး တော့လည်း နေကြတယ်။ စားတာ၊ သောက်တာက သူတို့နဲ့ ပါလာတဲ့ အစားအစာတွေကို ဝေမျှစားနေကြတယ်။ အခုချိန်မှာ မိုး တွင်းကာလလည်းဖြစ်တော့ ကျနော်တို့ တာအို့ဒဲဆေးခန်းမှာ လူနာတွေ အပြည့်ပဲ။ အများအားဖြင့်က အအေးမိပြီး ဖျားတာများ တယ်။ နောက် ငှက်ဖျား၊ တုပ်ကွေး၊ ၀မ်းလျှောတာလည်း ရှိတယ်”ဟု ပြောသည်။
၎င်းတို့အတွက် လိုအပ်သည့် ဆေးဝါးကုသမှုများကို သွားရောက်ကူညီရန် နယ်လှည့်ကျောပိုးအိတ် ကျန်းမာရေးလုပ်သားအဖွဲ့ (BPHWT)မှ အရေးကြီးသည့် ဆေးဝါးများကို ၀ယ်ယူပြီး အမြန်ဆုံး ပို့ဆောင်တော့မည်ဟု သိရသည်။
ထိုဒေသတွင် နအဖ လှုပ်ရှားတပ်များ ပြန်လည်ထွက်သွားပြီးဖြစ်သော်လည်း ရွာသူရွာသားများ၏ လုံခြုံရေးအတွက် စိတ်ချရသည့် အနေအထား မရှိသေးကြောင်းနှင့် ရွာသူရွာသားများ ပြန်လည်နေထိုင်နိုင်ရန်အတွက် နယ်မြေခံ ကေအဲန်အယ်လ်အေ တပ်ဖွဲ့ဝင် များက အဆိုပါ ကျေးရွာများသို့ မိုင်းရှင်းမရှင်း သွားရောက်စစ်ဆေးနေကြောင်း ကေအဲန်ယူ တပ်မဟာ(၅)မှ ဗိုလ်မှူးစောကလယ်ဒို က ပြောသည်။
.jpg)
လှုပ်ရှား စစ်တပ်က ရွာထဲတွင် မီးရှို့ပြီး မိုင်းဗုံးထောင်
မော်လမြိုင်ခရိုင်အတွင်း စစ်တပ် စစ်ရေးလှုပ်ရှားပြီး ရွာသားများအား ပေါ်တာဆွဲ
သတင်း - IMNA မှ..........
ကရင်ပြည်နယ်အတွင်း စစ်ရေးလှုပ်ရှားနေသော မြန်မာစစ်အစိုရးတပ်တို့သည် မွန်ပြည်သစ်ပါတီ လက်အောက်ရှိ မော်လမြိုင်ခရိုင်ဒေသတွင် ကရင်အမျိုးသားအစည်းအရုံးကို ထိုးစစ်ဆင်ရန်အတွက် ဒေသခံလယ်သမားနှင့် ရွာသားများကို ပေါ်တာဆွဲနေသည်။
ပဲခူးတိုင်း ပဲခူးမြို့ အခြေစိုက် အမှတ် (၇၇) ခြေမြန်တပ်မဌာနချုပ်နှင့် ဒီမိုကရက်တစ် ကရင်ဗုဒ္ဓဘာသာ တပ်မတော် (DKBA) ဒီကေဘီအေ တပ်ရင်း ၉၀၆၊ ၉၀၇ တို့ ပူးပေါင်းပြီး ကရင်အမျိုးသားအစည်းအရုံး (ကေအဲန်ယူ) ကို ထိုးစစ်ဆင်ရန်အတွက် ကရင်ပြည်နယ် ကြာအင်းဆိပ်ကြီးမြို့နယ်ရှိ မွန်ပြည်သစ်ပါတီ မော်လမြိုင်ခရိုင်ဒေသတွင် စစ်ရေးလှုပ်ရှားနေသည်။
“ခြေမြန်တပ်မ ၇၇ နဲ့ ဒီကေဘီအေ တပ်ရင်း ၉၀၆၊ ၉၀၇ တို့ပေါင်းပြီးတော့ အင်အား (၄၀၀) လောက်က မွန်ပြည်သစ်နယ်မြေ မော်လမြိုင် ခရိုင်အတွင်းမှာရှိတဲ့ ကျေးရွာ ၂၄ ရွာအတွင်းမှာ လှုပ်ရှားနေတယ်၊ စစ်ရေးဆင်ဖို့ရှိတယ်” ဟု မော်လမြိုင်ခရိုင်အတွင်းရှိ ဒေသခံတစ်ဦးက ပြောသည်။
စစ်ရေးလေ့လာသုံးသပ်သူတစ်ဦးက “စစ်အစိုးရတပ်တွေက ထိုးစစ်ဆင်ဖို့ မော်လမြိုင်ခရိုင်ဘက်မှာ စစ်ရေးလှုပ်ရှားနေတယ်၊ သူတို့ စစ်ရေးအရ ထုတ်ဖော်ပြောနေတာကတော့ ကေအန်ယူ တပ်မဟာ ၆ ကို ထိုးစစ်ဆင်ဖို့ပေါ့လေ ဒါပေမယ့် အခုက သူတို့ လှုပ်ရှားနေတာက မွန်ပြည်သစ်နယ်မြေ မော်လမြိုင်ခရိုင်ဘက်မှာ” ဟု ပြောသည်။
လက်ရှိအခြေအနေအရ မွန်ပြည်သစ်ပါတီအပေါ် မြန်မာစစ်တပ်တို့က တစုံတရာပြုလုပ်ခြင်းမရှိသေးပါ။ ရှေ့ဆက် ဘာဖြစ်လာနိုင်မလဲဆိုတာ စောင့်ကြည့်နေဆဲဖြစ်ကြောင်း အဆိုပါ စစ်ရေးလေ့လာသူက ပြောသည်။ ယခုကဲ့သို့ စစ်အစိုးရတပ်များ ထိုးစစ်ဆင်ရန် လှုပ်ရှားနေမှုအပေါ် မော်လမြိုင်ခရိုင်အတွင်းရှိ ဒေသခံများက ပေါ်တာဖမ်းမည်ကို စိုးရိမ်နေကြသည်။
“တကယ်လို့ ကေအဲန်ယူနဲ့ တိုက်ပွဲဖြစ်မယ်ဆိုရင် ဒေသခံတွေကို စစ်အစိုးတပ်တွေက ပေါ်တာခေါ်ဖို့ရှိတယ်၊ ခြေမြန်တပ်မ ၇၇ ဗျူဟာမှူးကနေ ဒီမော်လမြိုင်ခရိုင်ထဲက ကျေးရွာဥက္ကဌတွေကို ပြောထားတာရှိတယ် ပေါ်တာယူဖို့ကို” ဟု မော်လမြိုင်ခရိုင်ရှိ ရွာဥက္ကဌနှင့် နီးစပ်သူတစ်ဦးက ပြောသည်။
သို့သော်လည်း ကရင်ပြည်နယ် အနန်းကွင်း-ဘုရားသုံးဆူဒေသအကြား စစ်ရေးလှုပ်ရှားနေသည့် စစ်ဆင်ရေးကွပ်ကဲမှုဌာနချုပ် (စကခ ၈) လက်အောက် ခမရ ၄၀၉ တပ်ရင်း စစ်ကြောင်းသည် ကြာအင်းဆိပ်ကြီးမြို့နယ်ရှိ အနန်းကွင်းရွာသား လယ်သမား ၆ ဦးကို ပေါ်တာအဖြစ် ဖမ်းဆီးခဲ့သည်။
ဇူလိုင်လ ၁၂ ရက်နေ့တွင် ခမရ ၄၀၉ ဗျူဟာမှူး (၂) ဗိုလ်မှူးကြီး မောင်မောင်ဦးသည် ဘုရားသုံးဆူဒေသ ကျွန်းချောင်းကျေးရွာအနီးတွင် မွန်ပြည်သစ်ပါတီ အရန်တပ်သား ၃ ဦး ပေါ်တာအဖြစ် ဖမ်းခဲ့သည်။
အဆိုပါ စစ်ကြောင်းသည် ဇူလိုင်လ ၁၈ ရက်နေ့တွင် ဘုရားသုံးဆူဒေသမှတဆင့် အနန်းကွင်းရွာသို့ရောက်ရှိရာ ရွာဥက္ကဌကိုခေါ်၍ ပေါ်တာအထမ်းသမားများ အလိုရှိသည်ကိုပြောကြားခဲ့ကြောင်း၊ သို့ရာတွင် ရွာဥက္ကဌမှ ပေါ်တာအထမ်းသမားများ မစီစဉ်ပေးနိုင်သည့်အတွက် လမ်း၌တွေ့သမျှ ဒေသခံယောက်ျားသားများကို ယခုကဲ့သို့ ဖမ်းဆီးနေသည်ဟု ကရင်အမျိုးသားအစည်းအရုံး (ကေအဲန်ယူ) အရာရှိတစ်ဦးက ပြောသည်။
အဆိုပါ ပေါ်တာဖမ်းဆီးခံသူ ၆ ဦးအပြင် အခြားရွာမှ လက်လုပ်လက်စား အလုပ်သမားများလည်း ပါဝင်သေးကြောင်း သက်ဆိုင်ရာ မိသားစု ဝင်များက စိုးရိမ်နေကြရသည်။ အနန်းကွင်းကျေးရွာ အနီးအနားတဝိုက်ရှိ အခြားကျေးရွာတွင်လည်း သတ်မှတ်ထားသည့် ပေါ်တာအထမ်းသမား အရေအတွက်ကို စစ်ကြောင်းထံ ပို့ပေးရန် ရွာဥက္ကဌများကို အကြောင်းကြားထားသည်။
အဖမ်းခံထားရသော ရွာသားများအတွက် လူသစ်အစားထိုးမပေးနိုင်လျှင် ပြန်မလွတ်ဟု ပေါ်တာအဖမ်းခံထားရမှ ပြန်လွတ်လာသူ နိုင်ရီအောင်က ပြောသည်။ ၄င်းက “ချောင်းဆုံရွာ မြောက်ဘက်ခြမ်း ခြံကနေခေါ်သွားတာ တောင်စွန်းရွာရောက်မှ ပြန်လွှတ်လာပေးတာ စစ်ပစ္စည်းတွေ ထမ်းထား ရတာ ကြောမှာ အနာပေါက်သွားသေးတယ်”။
မြန်မာစစ်ကြောင်းများ ယခုလိုမျိုး လှုပ်ရှားသွားလာနေရာမှာ ရွာအနီးအနားတစ်ဝိုက်သို့ ရောက်ရှိလာနေချိန်မှာ ဒေသခံရွာသားများ ရွာပြင်သို့ လုံးဝမထွက်ရဲကြကြောင်း ဒေသခံတို့၏ ပြောပြချက်အရ သိရသည်။
အဆိုပါစစ်ကြောင်းသည် ဘုရားသုံးဆူဒေသမှ စတင်ထွက်ခွာသည့် ဇူလိုင်လ ၁၂ ရက်နေ့မှစပြီး လမ်းခရီးတလျှောက် ပေါ်တာဖမ်းဆီးမှုများ ပြုလုပ်ခဲ့ပြီး၊ အနန်းကွင်းမှ တောင်စွန်းရွာဘက်သို့ စစ်ကြောင်း ပြန်လည်ထွက်ခွာသွားသည်ဟု အနန်းကွင်းရွာသားတစ်ဦးက ပြောသည်။ “သူတို့က ဒီလိုပဲ တွေ့တဲ့လူ လိုက်ဖမ်းနေတယ်ဆိုတော့ လယ်သမားတွေ လယ်ကွင်းတောင်မသွားရဲဘူးလေ၊ ဒီကလူတွေ အလုပ်တွေ အတော်ပျက်ကုန် ကြတယ်”။ ဘုရားသုံးဆူ- အနန်းကွင်းဒေသ၌ မွန်နှင့် ကရင်လူမျိုးအများစု နေထိုင်လျှက်ရှိပြီး၊ လယ်ယာ၊ ခြံလုပ်ငန်းဖြင့် သက်မွေးဝမ်းကျောင်း ပြုကြသည်။
ဖာပွန်ခရိုင်မှ သဒါးဒဲကျေးရွာ ရွာလုံးကျွတ် မီးရှို့ခံရ
နန်းထူးစံ (ကေအိုင်စီ)
ကရင်ပြည်နယ်မြောက်ပိုင်း ဖာပွန်ခရိုင်၊ လူသောမြို့နယ်အတွင်းရှိ သဒါးဒဲကျေးရွာတွင် ယနေ့မွန်းလွဲပိုင်း ၂း၃၀နာရီအချိန်၌ နအဖ စစ်ကြောင်းတကြောင်း ၀င်ရောက်လာပြီး ရွာလုံးကျွတ် မီးရှို့ဖျက်ဆီးလိုက်သည်ဟု နယ်ခံတဦးက ပြောသည်။
သူက “ဒီနေ့ ညနေပိုင်း ၂နာရီခွဲလောက်မှာ နအဖတပ်တွေက သဒါးဒဲရွာထဲမှာ ရောက်လာပြီး ရွာလုံးကျွတ်ကို မီးရှို့ဖျက်ဆီးလိုက် တယ်။ သူတို့(နအဖ) ရွာထဲကို မလာခင်မှာ မနေ့က လက်နက်ကြီးတွေနဲ့ ရွာထဲမှာ လှမ်းပစ်တယ်။ ရွာသားတွေကတော့ ရွာထဲမှာ လက်နက်ကြီးတွေ ကျလာတော့ ကိုယ်လွတ်ရုန်း ထွက်ပြေးကြတာပေါ့၊”ဟု ပြောသည်။
ယမန်နေ့က ထိုနယ်မြေအနီးတ၀ိုက်တွင် နအဖတပ်များနှင့် ကေအဲန်ယူ တပ်မဟာ(၅) လက်အောက်ခံတပ်များ ပြောက်ကျားတိုက် ပွဲ အနည်းငယ် ဖြစ်ပွားခဲ့ပြီးနောက်ပိုင်း ၎င်းတပ်များသည် သဒါးဒဲရွာထဲသို့ လက်နက်ကြီးများဖြင့် ပစ်ခတ်ခဲ့သည့်အတွက် ရွာသူ ရွာသားများမှာ ယမန်နေ့ကတည်းက ရွာကို စွန့်ခွာထွက်ပြေးခဲ့ကြရသည်ဟု ကေအဲန်ယူ တပ်မဟာ(၅)မှ ဗိုလ်မှူးစောကလယ်ဒိုက ယခုလို ပြောဆိုသည်။
“မနေ့ကတော့ အဲဒီနအဖတပ်ဟာ ကျနော်တို့တပ်တွေနဲ့ တိုက်ပွဲနည်းနည်း ပြောက်ကျားဖြစ်သေးတယ်။ နောက်တော့ သူတို့က သဒါးဒဲရွာကို လက်နက်ကြီးတွေနဲ့ လှမ်းပစ်တော့ ရွာသားတွေ အဲဒီအချိန်ကတည်းက တောထဲ ထွက်ပြေးတာ ရွာမှာ ဘယ်သူမှ မကျန်ကြတော့ဘူး။ ဒါကြောင့် နအဖစစ်ကြောင်းက ၀င်လာပြီး ရွာလုံးကျွတ် မီးရှို့လိုက်တာပဲ။”ဟု ကေအိုင်စီကို ပြောသည်။
ယင်းသို့ ၀င်ရောက်မီးရှို့သည့် နအဖ စစ်ကြောင်းမှာ မည်သည့်တပ်ရင်းကဆိုသည်ကို ယခုအချိန်တွင် အတိအကျ မသိရှိရသေး သော်လည်း ၎င်းနယ်မြေဒေသတွင် လှုပ်ရှားနေသည့် နအဖ စစ်ကွပ်ကဲရေးဌာနချုပ်(၂၁)၏ လက်အောက်ခံတပ်ရင်းများမှ ဖြစ်နိုင် သည်ဟု ဒေသခံများက ခန့်မှန်းပြောဆိုသည်။
ထိုဒေသရှိ နအဖတပ်များသည် ယခု လပိုင်းအတွင်း ပုံမှန်မဟုတ်သည့် အထူးစစ်ဆင်ရေးပုံစံမျိုး လှုပ်ရှားလျှက်ရှိရာ ယခုလို နအဖ တပ်များ ၀င်ရောက်မီးရှို့မှုမှာ ၎င်းစစ်ဆင်ရေးနှင့် ပတ်သက်နိုင်သည်ဟု ထိုဒေသမှ လုပ်သက်ရင့် ဆေးတာဝန်ခံတစ်ဦးက ပြော သည်။
လက်ရှိအချိန်တွင် သဒါးဒဲ ရွာသူရွာသားများမှာ တောထဲတောင်ထဲသို့ ထွက်ပြေးတိမ်းရှောင်နေကြရပြီး မိုးတွင်းကာလတွင် နေ ထိုင်၊ စားသောက်ရေး ခက်ခဲနေသည့် ၎င်းရွာသားများကို ဆေးဝါးများ သွားရောက်ကူညီရန် နယ်လှည့်ကျောပိုးအိတ်ကျန်းမာရေး လုပ်သားများအဖွဲ့(BPHWT)က စီစဉ်ပြင်ဆင်နေသည်ဟု သိရသည်။
သဒါးဒဲကျေးရွာသည် နအဖတပ်စခန်းနှင့် နီးသလို နအဖစစ်ကြောင်းများ လှုပ်ရှားသွားလာနေသည့် လမ်းကြောင်းတွင် တည်ရှိရာ သတင်းရရှိချိန် ယနေ့ညနေအထိ အဆိုပါ နအဖတပ်များမှာ ရွာထဲမှ ပြန်လည်ထွက်ခွာသွားခြင်း မရှိသေးကြောင်း သိရသည်။
ဖာပွန်မြို့မြောက်ဖက် မိုင် ၄၀ ၀န်းကျင် ကွာဝေးသည့် သဒါးဒဲကျေးရွာတွင် အိမ်ခြေ ၅၀၀န်းကျင်၊ ရွာသူရွာသားဦးရေ ၅၀၀နီးပါးရှိ ပြီး ၎င်းရွာရှိရာဒေသသည် ကေအဲန်ယူ ထိန်းချုပ်ထားသည့် နယ်မြေလည်းဖြစ်သလို နအဖ စစ်ကွပ်ကဲရေးဌာနချုပ်-စကခ(၂၁) လက်အောက်ခံတပ်ရင်းများလည်း လှုပ်ရှားလျှက်ရှိသည်။
လွန်ခဲ့သည့် ၂၀၀၆ခုနှစ်ကလည်း ရွာအနီး စပါးခင်းတွင် သဒါးဒဲရွာသား ၃ဦးကို နအဖတပ်များက အကြောင်းမဲ့ ပစ်သတ်ခဲ့သည်။
မြောက်ကိုရီးယား-မြန်မာ ဆက်သွယ်မှု အမေရိကန်သတိပေး
VOA သတင်းမှ...........
အာဆီယံနိုင်ငံ ဆယ်နိုင်ငံနဲ့ မဟာမိတ်နိုင်ငံတွေ တက်ရောက်ကြတဲ့ ဟနွိုင်းမြို့ တော်မှာ ဒီကနေ့စတင်မယ့် ၁၇ ကြိမ်မြောက် ARF ခေါ် အာဆီယံဒေသတွင်း လုံခြုံရေးဆိုင်ရာ ညီလာခံမှာ မြောက်ကိုရီးယားနဲ့ မြန်မာနိုင်ငံကိစ္စတွေကို ဦးစားပေးဆွေးနွေးကြဖို့ရှိပါတယ်။ အထူးသဖြင့် မကြာသေးမီက မြောက်ကိုရီးယား သင်္ဘောတစီး မြန်မာနိုင်ငံဆီကို လက်နက်ပစ္စည်း ပို့ဆောင်ခဲ့ တယ်ဆိုတဲ့သတင်းနဲ့ ပတ်သက်လို့ အမေရိကန်နိုင်ငံခြားရေးဝန်ကြီး ဟီလာရီ ကလင်တန်က စိုးရိမ်မကင်းဖြစ်တဲ့အကြောင်း ဇူလိုင်လ ၂၂ ရက်နေ့ သတင်းစာ ရှင်းလင်းပွဲမှာ ပြောကြားသွားခဲ့ပါတယ်။ အကြောင်းစုံကို ဒေါ်လှလှသန်းက တင်ပြထားပါတယ်။
ARF ခေါ် အာဆီယံဒေသတွင်းညီလာခံကို တက်ရောက်ဖို့ ဟနွိုင်းကို ရောက်ရှိ နေတဲ့ အမေရိကန်နိုင်ငံခြားရေးဝန်ကြီး ဟီလာရီ ကလင်တန်က ဗီယက်နမ် ဒုတိယ၀န်ကြီးချုပ်လည်းဖြစ်၊ နိုင်ငံခြားရေးဝန်ကြီးလည်းဖြစ်တဲ့ Pham Gia Khiem နဲ့ ဇူလိုင်လ ၂၂ ရက်နေ့က ဒေသတွင်းလုံခြုံရေးရဲ့ အကဲစမ်းမှုတွေနဲ့ ပတ်သက်လို့ နှစ်နိုင်ငံကြား ဆွေးနွေးခဲ့ရာမှာ မြန်မာ၊ မြောက်ကိုရီးယားနဲ့ ပတ်သက်လို့ နှစ်နိုင်ငံ စိုးရိမ်မကင်းဖြစ်မှုတွေကို မျှဝေခဲ့တယ်လို့ ဆိုပါတယ်။
အထူးသဖြင့် မြန်မာနိုင်ငံနဲ့ပတ်သက်လို့ မြန်မာနိုင်ငံရဲ့ ပြဿနာတွေဟာ မြန်မာ ပြည်သူလူထုအပေါ်မှာသာမက အိမ်နီးနားခြင်းနိုင်ငံတွေကိုပါ သွားရောက် ထိခိုက်စေတယ်လို့လည်း ၀န်ကြီးကလင်တန်က ပြောခဲ့ပါတယ်။
ဒါ့အပြင် ဘယ်တော့ကျင်းပမယ်ဆိုတဲ့ အသေးစိတ် အချက်အလက်တွေ မသိရ သေးတဲ့ ၂၀၁၀ ရွေးကောက်ပွဲများအရေးနဲ့ ပတ်သက်လို့လည်း စိုးရိမ်မကင်းဖြစ် မှုတွေရှိသလို မြောက်ကိုရီးယားထံက စစ်လက်နက်ပစ္စည်းတွေ မြန်မာနိုင်ငံကို ပို့ဆောင်နေတယ်ဆိုတဲ့ အချက်နဲ့ပတ်သက်လို့လည်း ဗီယက်နမ်ဝန်ကြီးနဲ့ စိုးရိမ် မကင်းဖြစ်မှုကို မျှဝေခဲ့တယ်လို့ ၀န်ကြီးကလင်တန်က သတင်းစာရှင်းလင်းပွဲမှာ ပြောခဲ့ပါတယ်။
“မြောက်ကိုရီးယားက စစ်လက်နက်ပစ္စည်းနဲ့ ကိရိယာတွေကို မြန်မာနိုင်ငံကို တင်ပို့နေတာနဲ့ပတ်သက်လို့ စိုးရိမ်မကင်းဖြစ်မှုတွေကို ဗီယက်နမ်ဝန်ကြီးနဲ့အတူ ကျမတို့ ထုတ်ဖော်ပြောဆိုဖြစ်ပါတယ်။ မြောက်ကိုရီးယားက သင်္ဘောတစီးဟာ မကြာသေးမီတုန်းက မြန်မာနိုင်ငံကို စစ်ပစ္စည်းတွေ ပို့ဆောင်ခဲ့တယ်ဆိုတာကို လည်း ကျမတို့သိထားပါတယ်။
“ဒါ့အပြင် မြန်မာနိုင်ငံက မြောက်ကိုရီးယားဆီကနေ နျူကလီးယားအစီအစဉ်နဲ့ ပတ်သက်ပြီး အကူအညီရယူဖို့ ကြိုးပမ်းနေတယ်ဆိုတဲ့ သတင်းတွေကြောင့် လည်း ကျမတို့ ဆက်ပြီး စိုးရိမ်မကင်းဖြစ်မိပါတယ်။”
ဝန်ကြီးကလင်တန် ကိုးကားခဲ့သလို မြောက်ကိုရီးယားထံက လက်နက်ဝယ်ယူမှု ရှိခဲ့ရင် မြန်မာနိုင်ငံဟာ လုံခြုံရေးကောင်စီက မြောက်ကိုရီးယားအပေါ် ချမှတ် ထားတဲ့ ဆုံးဖြတ်ချက်အမှတ် ၁၈၇၄ နဲ့ ငြိစွန်းရာ ရောက်နိုင်ပါတယ်။
ခုလို မြန်မာနိုင်ငံကို မြောက်ကိုရီးယားထံက လတ်တလောအကျဆုံး လက်နက် တင်ပို့မှုဟာ သင်္ကြန်တွင်းကာလက ဖြစ်နိုင်တယ်လို့ ၀ါရှင်တန်ရှိ မြန်မာစစ်သံမှူး ဟောင်း ဗိုလ်မှူးအောင်လင်းထွဋ်က ဗွီအိုအေကိုပြောခဲ့ပါတယ်။
“ကျနော် အတွင်းထဲကရတဲ့ သတင်းတွေအရ သိသလောက် သင်္ကြန်မှာ ဗုံးကွဲပါ တယ်။ ဒီ သင်္ကြန်ဗုံးကွဲတာဟာ တဘက်က ဗုံးကွဲတဲ့အခါမှာ နိုင်ငံတကာကကော၊ ပြည်တွင်းကကော အာရုံက ဒီဗုံးကွဲတဲ့ဆီကို ရောက်သွားတဲ့အခါမှာ မြောက်ကို ရီးယား လက်နက်တင်လာတဲ့သင်္ဘောဟာ ရန်ကုန်ဆိပ်ကမ်းပေါ့လေ၊ အထူးသဖြင့်တော့ သီလ၀ါဘက်မှာ ကပ်တာများပါတယ်၊ အသာလေးကပ်ပြီး တော့ ညဘက်မှာ ပစ္စည်းတွေသယ်သွားတာရှိပါတယ်။
“အဲဒီတော့ ခိုးပြီးတော့မှ ပို့ခဲ့တယ်ပေါ့ဗျာ။ ကျနော် အတွင်းကရတဲ့ သတင်းအရ ဘယ်လိုမှ ဖုံးလို့ဖိလို့ မရပါဘူး။ အခုနောက်ပိုင်းတော့ အဲဒီလိုခိုးပို့လို့ သိပ်မလွယ် တော့ဘူး။ ဒီလို မလွယ်တဲ့အခါမှာ အခု မြောက်ကိုရီးယားနိုင်ငံခြားရေးဝန်ကြီးနဲ့ မြန်မာအစိုးရတို့ တိုင်ပင်ရပါလိမ့်မယ်။ အဲဒီအတွက်ကို မြောက်ကိုရီးယား နိုင်ငံခြားရေးဝန်ကြီးကိုယ်တိုင် မြန်မာပြည်ကို ရောက်လာတဲ့ အနေအထားမျိုး ရှိတယ်လို့ ကျနော်သုံးသပ်ပါတယ်ခင်ဗျ။”
ဗြိတိန်ထုတ် Jane’s ထောက်လှမ်းရေးမဂ္ဂဇင်းကလည်း အင်္ဂါနေ့ကဖော်ပြခဲ့တဲ့ ဆောင်းပါးတခုမှာ မြန်မာနိုင်ငံကနေ ပြည်ပကိုထွက်ပြေးခဲ့ပြီး မြန်မာစစ်အစိုးရ အနေနဲ့ နျူကလီးယားလက်နက်ထုတ်လုပ်ဖို့ ကြိုးပမ်းလိုတဲ့ဆန္ဒရှိတဲ့အကြောင်း ဓာတ်ပုံအထောက်အထားတို့ကို (နော်ဝေးနိုင်ငံ) အော်စလိုမြို့အခြေစိ်ုက် DVB ဒီမိုကရက်တစ်မြန်မာ့အသံနဲ့ အယ်လ်ဂျာဇီးရားရုပ်သံလွှင့်ဌာနကို သတင်းပေး ခဲ့သူ ဗိုလ်မှူးဟောင်းစိုင်းသိန်းဝင်း ပြောပြခဲ့တဲ့အချက်အလက်တွေကို နောက်ဆုံး ရရှိတဲ့ ဆက်သွယ်ရေးဂြိုဟ်တုကတဆင့် ရိုက်ကူးတဲ့ ဓာတ်ပုံအသစ်တွေက ပိုပြီး ခိုင်လုံစေတယ်လို့လည်း မဂ္ဂဇင်းမှာ ဖော်ပြထားပါတယ်။
အမေရိကန်နိုင်ငံခြားရေးဌာန ပြောခွင့်ရပုဂ္ဂိုလ် P. J. Crowley ကတော့ မြောက်ကိုရီးယားနဲ့ ဆက်ဆံမှုမှန်သမျှကို နီးနီးကပ်ကပ် စောင့်ကြည့်နေတယ်လို့ သတင်းစာရှင်းလင်းပွဲမှာ ပြောခဲ့ပါတယ်။
“မြောက်ကိုရီးယားရဲ့ အရင်ကမှတ်တမ်းတွေအရ ဒါဟာ အနီးကပ်စောင့်ကြည့်ရ မယ့် ကိစ္စတခုဖြစ်ပါတယ်။ နိုင်ငံတနိုင်ငံနဲ့ မြောက်ကိုရီးယားနဲ့ ဘယ်လိုမျိုး ဆက်ဆံရေးပဲဖြစ်ဖြစ်၊ ကုန်သွယ်ရေးအရ ဆက်ဆံရေးပဲဖြစ်ဖြစ် အန္တရာယ်ပြုနိုင် မယ့် အလားအလာ ရှိနေတာပါပဲ။
“မြန်မာနိုင်ငံအနေနဲ့ နိုင်ငံတကာရဲ့ စည်းမျဉ်းစည်းကမ်းတွေနဲ့အညီ လိုက်နာဖို့ လိုအပ်တယ်ဆိုတာကို ကျနော်တို့ အလေးအနက် ဆက်ပြောနေပါတယ်။”
မြန်မာနိုင်ငံခြားရေးဝန်ကြီး ဦးဉာဏ်ဝင်းကတော့ မြန်မာနိုင်ငံအနေနဲ့ နျူကလီးယားအစီအစဉ် ဖော်ဆောင်ဖို့ စိတ်ဝင်စားမှုမရှိဘူးလို့ ညီလာခံမှာ ငြင်းဆိုခဲ့ပါတယ်။
ဝန်ကြီးကလင်တန် ဒီကနေ့တက်ရောက်မယ့် ARF ညီလာခံမှာ မြောက်ကိုရီးယား နိုင်ငံခြားရေးဝန်ကြီး Pak Ui Chun လည်း တက်ရောက်ဖို့ရှိပါတယ်။ အဲဒီ မြောက်ကိုရီးယား နိုင်ငံခြားရေးဝန်ကြီးအနေနဲ့ ARF ညီလာခံအပြီးမှာတော့ မြန်မာနိုင်ငံကို သွားရောက်လည်ပတ်ဖို့ရှိတယ်လို့လည်း သိရပါတယ်။
ကြားဖြတ်သတင်း
DKBAမှမိသားစုလက်နက်ခဲယမ်းများနဲ့အတူKNUနှင့်ပြန်လည်ပူးပေါင်းသတင်းရရှိပါသည်။ DKBA တပ်ရင်း၉၀၇ မှ တပ်ကြပ်ကြီး စောဒါးညိုနှင့် မိသားစုသည် ဇူလိုင်လ၁၈ရက်နေ့၂၀၁၀ခုနှစ်တွင်KNUတပ်ရင်း၂၀၁ဆီသို့လက်နက်များနှင့်အတူ ပြန်လည်ခိုလှုံကြောင်း KNU သတင်းရပ်ကွက်မှဖော် ပြထားသည်။ ထိုတပ်ကြပ်ကြီးမိသားစုနှင့်အတူပြန်ပါလာသောလက်နက်များမှာကာဘိုင်၃လက်AK ၂လက်၊ K3 မော်တာ ၁လက်နှင့် ကျည်ဆံခဲယမ်းမီး တောက်များအပြင် စကားပြောစက်အသေး၂လုံးနှင့်သံလိုက်အိမ်မြှောင်၁ခုလည်းပါရှိကြောင်းသိရ သည်။
ကွယ်ကလူသတင်းကိုဘာသာပြန်ဆိုထားသည်။
ဗိုလ်ချုပ်ရဲမြင့် ကမ်းလှမ်းချက် ဒီကေဘီအေ ဗိုလ်နှုတ်ခမ်းမွှေး ငြင်းဆန်
စောသိန်းမြင့်(ကေအိုင်စီ)
နယ်ခြားစောင့်တပ် ဖွဲ့စည်းရေးနှင့်ပတ်သက်၍ တွေ့ဆုံဆွေးနွေးရန် နအဖမှ စစ်ဖက်ရေးရာလုံခြုံရေး ညွှန်ကြားရေးမှူးချုပ် ဗိုလ်ချုပ်ကြီးရဲမြင့်၏ ကမ်းလှမ်းချက်အား ဒီကေဘီအေ တပ်မဟာ(၅)မှ တပ်မဟာမှူး ဗိုလ်မှူးကြီးစောလားပွယ် (ဗိုလ်နှုတ်ခမ်း မွှေး)က ငြင်းဆန်လိုက်သည်ဟု ၎င်း၏ လက်အောက်ခံ တပ်မှူးများ၏ ပြောပြချက်အရ သိရသည်။
အမည်မဖော်လိုသူ တပ်မှူးတစ်ဦးက “မနေ့က ညနေ ၄နာရီကျော်ကျော်လောက်မှာ ဗိုလ်ချုပ်ရဲမြင့်ကိုယ်တိုင်က အဖိုး (စော လားပွယ်)ဆီကို တိုက်ရိုက်ဖုန်းဆက်လာတယ်။ အကြောင်းက နယ်ခြားစောင့်တပ်ကူးပြောင်းရေးကိစ္စနဲ့ ပတ်သက်ပြီးတော့ မြိုင်ကြီးငူမှာ ဒီနေ့ တွေ့ဆုံဆွေးနွေးဖို့ ကမ်းလှမ်းတာပါ။ ဒါပေမယ့် အဖိုးကြီးကတော့ လုံးဝ မသွားဘူး။ သွားဖို့လည်း အ ကြောင်းမရှိဘူးလို့ပဲ တုန့်ပြန်ဖြေကြားလိုက်တယ်”ဟု ကေအိုင်စီကို ပြောသည်။
ပြီးခဲ့သည့်အပတ်က ဒီကေဘီအေ စစ်ဦးစီးချုပ် ဗိုလ်ချုပ်ကျော်သန်းကိုယ်တိုင် နယ်ခြားစောင့်တပ် အသွင်ကူးပြောင်းရေးကိစ္စ နှင့် ပတ်သက်၍ ဗိုလ်လားပွယ် စခန်းရှိရာ ကော့ကရိတ်မြို့နယ်၊ ဝေါ်လေဂွင်သို့ လာရောက်၍ နားချဆွေးနွေးခဲ့သော်လည်း မ အောင်မြင်ခဲ့သည့်အတွက် ယခုလို ဗိုလ်ချုပ်ရဲမြင့်ကိုယ်တိုင်က ကမ်းလှမ်းလာခြင်းဖြစ်နိုင်ကြောင်း ၎င်းတပ်မှူးက ပြောသည်။
ယခုအချိန်တွင် ဒီကေဘီအေ တပ်မဟာ(၅) ကလို့ထူးဘောဗျူဟာမှလွဲ၍ ဗဟိုအလုပ်မှုဆောင်များ အပါအ၀င် ကျန်တပ်မဟာ အားလုံးသည် နယ်ခြားစောင့်တပ်အသွင်ကူးပြောင်းရေးကို သဘောတူ လက်မှတ်ရေးထိုးခဲ့ကြပြီး လက်မှတ်ရေးထိုးရန် အကြိမ် ကြိမ် ငြင်းဆန်နေသော ဗိုလ်လားပွယ်၏ တပ်ဖွဲ့အား စစ်ရေးအရ ခြိမ်းခြောက်မှုများ လုပ်ဆောင်နေသည်ဟု သိရသည်။
“ဗဟိုက လူကြီးတွေရယ်။ ကျန်တဲ့ တပ်မဟာ၊ တပ်ရင်းတွေ အကုန်လုံးက အဆင်ပြေနေပြီ။ အခု ကျနော်တို့ ကလို့ထူးဘော ဗျူဟာပဲ လက်မခံတဲ့အတွက် နအဖက တပ်မ ၂ခုလောက် လွှတ်ပေးရမလား၊ ဘာညာ ခြိမ်းခြောက်လာတယ်။ ရွာသားတွေကို လည်း တိမ်းရှောင်ပေးဖို့ ပြောလာတာရှိတယ်”ဟု အမည်မဖော်လိုသည့် ဒီကေဘီအေ တပ်မဟာ(၅)မှ ထိပ်ပိုင်းအရာရှိတစ်ဦး က ပြောသည်။
အဆိုပါ စစ်ရေးခြိမ်းခြောက်မှုများကြောင့် ဒီကေဘီအေ တပ်မဟာ(၅)တပ်ဖွဲ့အနေဖြင့်လည်း တန်ပြန် စစ်ရေးပြင်ဆင်မှုများ လုပ်ဆောင်ရန်အတွက် မြေပြန့်ဒေသရှိ တပ်ဖွဲ့ဝင်များကို ကုန်းမြင့်နေရာ၌ ပြောင်းရွှေ့ကာ ခြေကုပ်နေရာယူထားလျှက်ရှိပြီ ဖြစ်ကြောင်း ဒီကေဘီအေ (၉၀၇)တပ်ရင်းမှ အောက်ခြေတပ်မှူးတစ်ဦးက ယခုလို ပြောသည်။
သူက “သတိဝီရိယ အမြဲတမ်းရှိဖို့ တပ်မဟာမှူးက ကျနော်တို့ကို ညွှန်ကြားထားပါတယ်။ စစ်တပ်က သူတို့တပ်တွေ မလွှတ်ဘဲ အခြားဒီကေဘီအေတပ်တွေကိုလည်း လွှတ်လာနိုင်တာပဲ။”ဟု ကေအိုင်စီကို ပြောသည်။
ဒီကေဘီအေ တပ်မဟာ(၅)မှ ထိပ်ပိုင်းခေါင်းဆောင်များ၏ ပြောပြချက်အရ ဗိုလ်မှူးကြီးစောလားပွယ်၏ သဘောထားသည် နယ်ခြားစောင့်တပ်ကို လက်မခံဘဲ ဒီကေဘီအေအနေဖြင့်သာ ရပ်တည်လိုကြောင်း၊ ပြည်သူ့လုပ်အားဖြင့် ၀ယ်ယူခဲ့သည့် စစ် လက်နက်ပစ္စည်းများကို နအဖစစ်တပ်ထံ မအပ်လိုကြောင်း ပြောခဲ့သည်ဟု ဆိုသည်။
နအဖ၏ နယ်ခြားစောင့်တပ်အသွင်ပြောင်းလဲရေးကို လက်မခံသည့် ဗိုလ်မှူးကြီး စောလားပွယ် (ဗိုလ်နှုတ်ခမ်းမွှေး) ဦးဆောင် သည့် ဒီကေဘီအေ တပ်မဟာ(၅) လက်အောက်တွင် ကလိုထူးဘောဗျူဟာ(၁)နှင့် တပ်ရင်း (၅)ရင်းတို့ရှိပြီး တပ်အင်အား ၁,၂၀၀ကျော်ဖြင့် ကရင်ပြည်နယ် ကြာအင်းဆိပ်ကြီးနှင့် ကော့ကရိတ်မြို့နယ်တွင် အခြေစိုက်လျှက်ရှိသည်။
တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ)သည် ၁၉၉၄ ခုနှစ်တွင် ကေအဲန်ယူမှ ခွဲထွက်ကာ စစ် အစိုးရနှင့် ပူးပေါင်းခဲ့ပြီး လက်ရှိအချိန်တွင် အင်အား ၄,၀၀၀ကျော်ရှိသည့်အနက် (၉၉၉)တပ်မဟာပြီးလျှင် တပ်မဟာ(၅)သည် ဒုတိယ အင်အားအတောင့်တင်းဆုံး ဖြစ်သည်။
နအဖ တပ်မှ ကရင်လူထုများကိုအတင်းအဓမ္မဖမ်းဆီးပြီး ခိုင်းစေ
ဘိုညဏ်ဝင်း ဦးဆောင်တဲ့ နအဖ ခြေမြန်တပ်ရင်း၄၀၉ စစ်ကြောင်း၂ သည် ဒူးပလာယာခရိုင် ရေးမြို့နယ်မှ ခိုးခေါရွာသား ၁၆ဦးအားအတင်း အဓမ္မဖမ်းဆီးပြီး စစ်တပ်ပစ္စည်းများကို ခိုးခေါရွာမှ ပနောကလဲခီး အထိ သယ်ယူစေခဲ့သောအကြောင်းကို KNU တပ်မဟာ၆သတင်း ရပ်ကွက် မှဖော်ပြထားပါသည်။
ထိုရွာသား၁၆ ဦးအားစစ်တပ်မစ္စည်းများ သယ်ဆောင်မှုများလုပ်ခိုင်း တဲ့အပြင်ကို ရွာသား၃ဦးအားထိုးနှက်ကန်ကျောက်မှုများကိုလည်း ကျူး လွန်ခဲ့သေးသည်။ ရွာသားစောတာကဝယ် ကိုသေနတ်ဒင်ဖြင့် ၂ချက် ထုနှက်တဲ့အပြင်စောတဲလဲခီးနှင့်စောထွန်းဖေတို့၂ဦးကိုထိုးနှက်ခဲ့ သည်။
ခိုးခေါရွာနှင့်ပနောကလဲခီး တို့၏အကွာအဝေးမှ ၄မိုင်ခန့်သာဝေးပေမဲ့ လည်း နအဖတပ်သည် KNU၏တိုက်ခိုက်မှုကိုသေမတတ်အောင် ကြောက်သဖြင့်တခြားသောလမ်းကိုရွေးသွားခဲ့ကြောင်းသိရှိရသေး သည်။
ကွယ်ကလူသတင်းကိုအကျဉ်းချုပ်ဘာသာပြန်ထားသည်။
တပ်တွင်းလက်နက်တိုက် ပေါက်ကွဲမှု ဒေသခံများ ဖမ်းဆီးခံနေရ
ခေတ်ပြိုင် မှ.........
ကချင်ပြည်နယ် ဟိုပင်မြို့အနောက်ဘက် (၄) မိုင်အကွာတွင် တည်ရှိသည့် ခလရ (၃၈၉) ၏ လက်နက်တိုက် ပေါက်ကွဲမှုနှင့် ပတ်သက်၍ တပ်အနီးရှိ ဒေသခံများအား မသင်္ကာမှုဖြင့် စစ်တပ်က ဖမ်းဆီးထားသည်။
ပြီးခဲ့သည့် ဇွန် (၃၀) ရက်၊ ညနေ (၃) နာရီဝန်းကျင်တွင် ခလရ (၃၈၉) ဗဟိုကင်းစခန်း၏ အနောက်ဘက် လက်နက်တိုက်တွင် ဖြစ်ပွားခဲ့သည့် ပေါက်ကွဲမှုနှင့်ပတ်သက်၍ မြောက်ပိုင်းတိုင်း စစ်ဌာနချုပ်မှ အထူးစစ်ဆေးရေးအဖွဲ့များ လာရောက် စစ်ဆေးပြီးနောက်ပိုင်း တပ်အနီးရှိ နူံးချိုနှင့် ရွာသစ်ကြီးကျေးရွာရှိ ကျေးရွာသား (၁ဝ) ဦးကျော်ကို ဖမ်းဆီးထားကြောင်း ရွာသစ်ကြီးကျေးရွာသားတဦးက ပြောသည်။
၎င်းက “သူတို့တပ်ထဲ ဖြစ်တဲ့ကိစ္စကို ဘာမှမဆိုင်တဲ့ ကျေးရွာသားတွေက ခံနေရတာ။ ကေအိုင်အေ (ကချင်ပြည် လွတ်လပ်ရေးအဖွဲ့၏ လက်နက်ကိုင်တပ်မတော်) ကနေ ထွက်ထားတဲ့သူတွေ၊ ဓားပြမှုတို့နဲ့ ထောင်ကျဖူးတဲ့သူတွေကို ဖမ်းထားတယ်။ သူတို့မိသားစုတွေကိုကျတော့ အကျယ်ချုပ်လို ထားတယ်။ သွားတာ၊ လာတာကို ပိတ်ထားတယ်။ အရေးကြီးလို့သွားချင်ရင် ရွာဥက္ကဋ္ဌတွေဆီကတဆင့် စစ်ဗိုလ်တွေဆီမှာ ဝန်ခံလက်မှတ် ထိုးပေးနေရတယ်။ ကျနော် တို့ရွာသားတွေ ဟိုပင်ကို ဈေးသွားဝယ်ဖို့တောင် အတော်ခက်သွားတယ်။ စစ်ဆေးတာတွေ ပိုလုပ်လာတယ်” ဟု ပြောသည်။
ခလရ (၃၈၉) သည် ၁၉၉ဝ ခုနှစ်ဝန်းကျင်ကတည်းက ဟိုပင်မြို့အနောက်ဘက် နူံးချိုကျေးရွာနှင့် ရွာသစ်ကြီး ကျေးရွာအကြားရှိ ကချင်တိုင်းရင်းသားများနေထိုင်သည့် မလီဇွပ်ကျေးရွာအား ဖယ်ရှားကာ တပ်တည်ထောင်ခဲ့သည်။
အဆိုပါ တပ်ရင်းသစ်အတွက် နေအိမ်နှင့်လယ်ယာမြေများ အသိမ်းခံကြရသည့် ကျေးရွာသားများအကြားတွင် မကျေနပ်မှုများ ရှိခဲ့သော်လည်း လုံခြုံရေးချထားသည့် စစ်တပ်အတွင်း ယခုကဲ့သို့ တိုက်ခိုက်ရန်ဆိုသည်မှာ မလွယ်ကူကြောင်း ဟိုပင်ဒေသခံတဦးက ပြောသည်။
၎င်းက “မလီဇွပ်ရွာဆိုတာက ကေအိုင်အေ အမြဲ ဝင်ထွက်သွားလာတဲ့နေရာ။ သူတို့ကို ထောက်ခံနေတဲ့ ကျေးရွာ မျိုးဖြစ်နေတယ်။ ဟိုပင်-အင်းတော်ကြီး ကားလမ်းပေါ်မှာရှိတဲ့ ရွာလည်းဖြစ်တယ်။ ဒါကြောင့် နဝတ တက်လာပြီး နောက်ပိုင်း ၁၉၉၁-၉၂ လောက်မှာ မလီဇွပ်ရွာကို သိမ်းပြီး တပ်တည်ခဲ့တာ။ တကယ်တမ်း စစ်တပ်ကို မကျေနပ်လို့ တိုက်မယ်ဆိုရင် အဲဒီတုန်းက ကေအိုင်အေလည်း ငြိမ်းချမ်းရေး မယူသေးဘူး။ ဒါပေမယ့် မတိုက်ခဲ့ပါဘူး။ အခုလည်း အဲလို ဗုံးခွဲဖို့မပြောနဲ့ တပ်ထဲတောင် အလုပ်ကိစ္စမရှိဘဲ ဝင်လို့ မရဘူး။ ရွာသားတွေအနေနဲ့ ဘယ်လိုမှ ပတ်သက်စရာလည်း မရှိဘူး” ဟု ပြောသည်။
အဆိုပါ လက်နက်တိုက်ပေါက်ကွဲသည့် တပ်ရင်းနှင့် တမိုင်ကျော်အကွာရှိ ဝပြည်သွေးစည်းညီညွတ်ရေး တပ်မတော် (UWSA) မှ ဝအရာရှိတဦး၏ ရာဘာခြံအား စစ်တပ်က ဝင်ရောက်ရှာဖွေခဲ့ရာတွင် အမဲလိုက်သည့် တူမီးသေနတ်တလက် သိမ်းဆည်းရမိသည့်အတွက် ဟိုပင်မြို့ရှိ အဆိုပါ ဝအရာရှိအိမ်ကို ရှာဖွေမှုများ ပြုလုပ်ပြီး ကားများကို သိမ်းယူသွားကြောင်း ဟိုပင်ဒေသခံတဦးက ပြောသည်။
၎င်းက “ဝအရာရှိက ဦးအိုက်ထွန်းတဲ့၊ သူ့မိန်းမက ဟိုပင်ကပဲ။ ပေါက်ကွဲမှုမဖြစ်ခင် အစောပိုင်းမှာ သူ့မိန်းမက တရုတ်ပြည်ဘက် ဆေးသွားကုတာ သူလည်း ပါသွားတယ်။ အဲလိုအချိန်မှာ ပေါက်ကွဲမှုဖြစ်ရော၊ ဦးအိုက်ထွန်း မရှိတော့ တိမ်းရှောင်သွားသလိုလို ဘာလိုလို သတင်းတွေ ထွက်နေတာ၊ အမှန်က သူနဲ့လည်း ဘာမှမပတ်သက်ဘူး။ သူ့ရာဘာခြံထဲက တူမီးသေနတ် တွေ့ရာကနေ ဟိုပင်က အိမ်ကို စစ်ပြီး ကားတွေ သိမ်းသွားတာ” ဟု ပြောသည်။
ယခုအချိန်အထိ ပေါက်ကွဲရသည့်အကြောင်းရင်းနှင့် ထိခိုက်သေကျေမှုအခြေအနေများကို ရှင်းရှင်းလင်းလင်း မသိရှိရသေးပေ။
မဗေဒါ88(ဟစ်တိုင်) သို့အိတ်ဖွင့်ပေးစာ....
မှတ်ချက်။ ။ ။ ။
မိတ်ဆွေ တစ်ယောက်ဆီကရရှိလိုက်တဲ့ စာလေးကိုမျှဝေပေးလိုက်ပါတယ်...အဲ့ဒီ မိတ်ဆွေက ဟစ်တိုင်ကိုပေးပို့ပေမဲ့ လည်း ယခုထက်ထိဖော်ပြတင်ဆက်ပေးတာမတွေ့ရသေးလို့ ကျွန်တော် ကညောဖိုး မှတင်ဆက်ပေးလိုက်ပါတယ်။
To Mabaydar
မဲဆောက်-မြ၀တီ တံတားဖြတ်သန်းမှု ရပ်တန့်
ခေတ်ပြိုင် မှ.......
မဲဆောက်-မြ၀တီ ချစ်ကြည်ရေးတံတားကို (နေပြည်တော်) မှ တိုက်ရိုက်ညွှန်ကြားချက်အရ အကန့်အသတ်မရှိ ပိတ်လိုက်ခြင်းဖြစ်သည်ဟု မြ၀တီခရိုင် အာဏာပိုင်များက ပြောကြားသည်။
ယခုလဆန်းမှစတင်ကာ မြ၀တီခရိုင်အာဏာပိုင်များက (၄) ကြိမ်ထက်မနည်း ဖွင့်ချီပိတ်ချီ ပြုလုပ်နေသည့် ချစ်ကြည်ရေးတံတားကို ပြီးခဲ့သည့်တနင်္ဂနွေနေ့ နံနက်မှစ၍ အကြမ်းဖက်မှုအန္တရာယ်ရှိသည်ဟု အကြောင်းပြကာ မြန်မာဘက်မှ တံတားကို ထပ်မံပိတ်လိုက်ခြင်းဖြစ်သည်။
အဆိုပါကိစ္စနှင့်ပတ်သက်၍ မဲဆောက်မြို့ပိုင် နိုင်ကိတ္တိစာတိုမိုစာက “အကြမ်းဖက်မှုအန္တရာယ်ရှိလို့ နေပြည်တော်က ပိတ်ခိုင်းတာလို့ မြ၀တီခရိုင် အာဏာပိုင်တွေက ပြောတယ်။ ပြန်ဖွင့်မယ့်ရက်ကိုတော့ သူတို့လည်းမသိဘူး။ နေပြည်တော်က အမိန့်ပေးမှပဲ ဖွင့်လို့ရမယ်လို့ပြောတယ်” ဟု ဒေသခံသတင်းထောက်များကို ပြောကြားသည်။
အကြမ်းဖက်မှုအန္တရာယ်ရှိသည်ဟု ပြောဆိုသော်လည်း မည်သည့်နေရာဒေသဆိုသည်ကိုမူ မြန်မာဘက်က ရှင်းရှင်းလင်းလင်း ပြောကြားခြင်းမရှိဟု မဲဆောက်မြို့ပိုင်က ပြောသည်။
ချစ်ကြည်ရေးတံတားအပြင် တံတားဘေးဝဲယာရှိ မြန်မာဘက်သို့ ကုန်ပစ္စည်းပို့သည့် လှေဆိပ် (၁၇) ခုကိုလည်း မြန်မာဘက်က ပိတ်လိုက်သဖြင့် မဲဆောက်-မြ၀တီ နယ်စပ်ကုန်သွယ်ရေး လုံးဝပြတ်တောက်သွားသည်ဟု နှစ်ဖက်ကုန်သည်များက ပြောသည်။
မြန်မာကုန်သည်တဦးက “ထိုင်းပစ္စည်းလည်း မ၀င်ဘူး။ မြန်မာပစ္စည်းလည်း ထွက်လို့မရဘူး။ အောက်မှာ ထိုင်းပစ္စည်းတွေ ဈေးစတက်နေပြီ။ အထူးသဖြင့် ဆီနဲ့စားသောက်ကုန်တွေ။ နောက် တပတ်လောက် ကြာမယ်ဆိုရင်တော့ ထိုင်းပစ္စည်းဈေးတွေ အဆမတန်တက်ဖို့ ရှိတယ်” ဟု ပြောသည်။
ထိုင်းနိုင်ငံအတွင်းပိုင်း မြို့များသို့ မြန်မာစားသောက်ကုန်များ တင်ပို့သည့် မဲဆောက်ဈေးမှ ထိုင်းလုပ်ငန်းရှင်တဦးက “အခုမြန်မာကုန်တွေ မ၀င်တာတပတ်ရှိပြီ။ အခုကုန်လက်ကျန်ပဲ ပို့နေတယ်။ နောက်တပတ်မှ မြန်မာကုန် မ၀င်ဘူးဆိုရင်တော့ ဈေးနှုန်းတွေတက်မယ့်အပြင် ပစ္စည်းပြတ်လပ်မှုတွေလည်း ဖြစ်မယ်” ဟု ပြောသည်။
တံတားပိတ်လိုက်သည့်အတွက် မြန်မာနိုင်ငံ မြ၀တီဘက်မှ မဲဆောက်သို့ နေ့ချင်းပြန်အလုပ်လာလုပ်သူ (၁,၅၀၀) ခန့်မှာ အလုပ်ရပ်နားထားကြရသည်။ ထိုင်းနိုင်ငံအတွင်းပိုင်းသို့ ရောက်ရှိနေပြီး ယာယီနိုင်ငံကူး လက်မှတ်များပြုလုပ်ရန် နေ့စဉ် မြ၀တီသို့လာရောက်ကြသည့် မြန်မာအလုပ်သမား (၂၀၀) ခန့်မှာလည်း တံတားပိတ်မှုကြောင့် လာရောက်ခွင့်မရသည့်အတွက် အဆိုပါလုပ်ငန်းကို ရပ်နားထားရသည်ဟု ထိုင်းအကျိုးဆောင်လုပ်ငန်းတခု၏ ပိုင်ရှင်တဦးက ပြောသည်။
ထိုင်းဘက်မှ နှစ်နိုင်ငံနယ်စပ်မျဉ်း သောင်းရင်းမြစ်တွင် ကမ်းထိန်းနံရံတည်ဆောက်ခဲ့သည်ကို ကန့်ကွက်သည့်အနေဖြင့် မြန်မာဘက်က ထိုင်းကုန်ပစ္စည်းတင်သွင်းမှုကို ယခုလ (၁၁) ရက်မှ စတင်ကာ ပိတ်ပင်ခဲ့သည်။
ထိုအချိန်က ထိုင်းကုန်ပစ္စည်း တင်သွင်းခွင့်ကို ပိတ်ပင်ထားသော်လည်း ချစ်ကြည်ရေးတံတားမှတဆင့် နှစ်နိုင်ငံပြည်သူများ အပြန်အလှန် သွားလာဝင်ထွက်ခွင့်ကိုမူ နှစ်ဖက်အာဏာပိုင်များက ခွင့်ပြုထားသည်။
ထိုသို့ ခွင့်ပြုထားခဲ့ရာမှ ပြီးခဲ့သည့် တနင်္ဂနွေနေ့နံနက်မှစ၍ မြန်မာဘက်မှ မည်သည့်သွားလာခွင့်ကိုမှ ခွင့်မပြုတော့ဘဲ ချစ်ကြည်ရေးတံတားကို လုံးဝ ပိတ်လိုက်ခြင်းဖြစ်သည်။
မြ၀တီမြို့ခံ ၀န်ထမ်းတဦးက “ဘယ်သူ့ကိုမှ ကူးခွင့်မပေးဘူး။ ကမ်းနားတလျှောက်လုံးမှာ စစ်သားတွေချထားတယ်။ ကျနော်တို့ ကြားရသလောက်ကတော့ လိုင်စင်မဲ့ကားတွေကို မြ၀တီခရိုင်မှာ အပြတ်ဖမ်းဖို့အတွက်လို့ သိရတယ်။ ဒီအနေအထားမျိုး မြ၀တီမှာ အရင်ကမရှိခဲ့ဘူး” ဟု ပြောသည်။
ထိုင်း-မြန်မာနယ်စပ်တလျှောက် ကုန်သွယ်ရေးတွင် ကုန်စည်စီးဆင်းမှု အများဆုံးလမ်းကြောဖြစ်သည့် မဲဆောက်-မြ၀တီ ကုန်သွယ်ရေးလမ်းကြောမှတဆင့် မြန်မာဘက်သို့ လစဉ် လူသုံးကုန်၊ စားသုံးကုန်ပစ္စည်း ဘတ်သန်း (၄) ထောင်ခန့် တရားဝင်တင်ပို့လျက်ရှိသည်ဟု တာ့ခ်ခရိုင် ကုန်သည်ကြီးများအသင်း၏ မှတ်တမ်းများအရ သိရသည်။
ထိုင်း-မြန်မာနှစ်နိုင်ငံ ကုန်သွယ်မှုပမာဏမှာ ၂၀၀၉-၂၀၁၀ ဘဏ္ဍာရေးနှစ်တွင် ဇန်န၀ါရီလအထိ စာရင်းဇယားများအရ အမေရိကန်ဒေါ်လာ (၂.၄) ဘီလီယံအထိ ရှိခဲ့သည်။
ထိုင်းသို့ မြန်မာပို့ကုန်တန်ဖိုးမှာ အမေရိကန်ဒေါ်လာ (၂.၁) ဘီလီယံအထိရှိခဲ့ပြီး သွင်းကုန်ပမာဏမှာ အမေရိကန်ဒေါ်လာ သန်း (၃၀၀) ရှိသည်ဟု နယ်စပ်ကုန်သွယ်ရေးဌာန၏ တရားဝင်ထုတ်ပြန်ထားသော စာရင်းများတွင် ဖော်ပြထားသည်။
နိုင်ငံရေးစာအုပ် တွေ့ရှိမှုဖြင့် ကလေးငယ်တဦး အဖမ်းခံရ
ဧရာဝတီ မှ......
ဒေါ်အောင်ဆန်းစုကြည် ရေးသားခဲ့သော “Freedom From Fear” စာအုပ်နှင့် ဦးဝင်းတင်၏ “ဘာလဲဟဲ့ လူ့ငရဲ” စာအုပ်တို့ကို လက်ဝယ်တွေ့ရှိမှုဖြင့် အသက် ၁၄ နှစ်အရွယ်ရှိ ကလေး တဦးကို အာဏာပိုင်များက ယမန်နေ့တွင် ဖမ်းဆီးထားကြောင်း သိရသည်။
ရန်ကုန်မြို့ တာမွေမြို့နယ်မှ ဦးစံသိန်း၏သား မောင်နေလင်းသည် အဆိုပါ စာအုပ်များကို မန္တလေးတိုင်း ကျောက်ပန်းတောင်း မြို့သို့ ပါဆယ်ဖြင့် ပို့ရန် အသွားတွင် တောင်ဥက္ကလာပမြို့နယ်ရှိ ပါရမီ ရွှေမန်းသူကားဂိတ်၌ အဖမ်းခံရခြင်း ဖြစ်ကြောင်း အမည် မဖော်လိုသူ လူငယ်တဦးက ဧရာဝတီသို့ ပြောသည်။
“ဦးဝင်းတင် ရေးတဲ့ ဘာလဲဟဲ့ လူ့ငရဲ စာအုပ်က ၆ အုပ်၊ နောက် ဒေါ်အောင်ဆန်းစုကြည် ရေးတဲ့ Freedom From Fear ဆိုတဲ့ စာအုပ်က ၅ အုပ်၊ အဲဒါတွေကို မိလို့ ကလေးကို ဖမ်းထားတယ်”ဟု ၎င်းက ဆိုသည်။
ဖမ်းဆီး ခံထားရသော ကလေးငယ်ကို မည်သည့် နေရာတွင် ထိန်းသိမ်း ထားကြောင်း မသိရဘဲ ယခုအထိ ပြန်လည် လွတ်မြောက်လာခြင်း မရှိသေးကြောင်း ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) တွဲဖက် အတွင်းရေးမှူး ဦးဘိုကြည်က ဧရာဝတီသို့ ပြောသည်။
“ပြန်လွတ်လာတယ်လို့ မကြားသေးဘူး။ သူတို့က ဒီကလေးကို နှိပ်စက်ညှဉ်းပန်းပြီးတော့ နောက် ဆက်တွဲ သတင်းတွေကို စုံစမ်းစစ်ဆေးမှာကို စိုးရိမ်တယ်”ဟု ၎င်းက ပြောဆိုသည်။
“Freedom From Fear” စာအုပ်ကို ဒေါ်အောင်ဆန်းစုကြည်က အင်္ဂလိပ်ဘာသာဖြင့် ရေးသားခဲ့ပြီး ခင်ပွန်းဖြစ်သူ ဒေါက်တာ မိုက်ကယ် အဲရစ်က တည်းဖြတ်၍ ၁၉၉၁ ခုနှစ်တွင် ထုတ်ဝေသည်။ “ကြောက်ရွံ့ခြင်းမှ လွတ်ကင်းရေး” အမည်ဖြင့် ဒေါက်တာ အောင်ခင်က မြန်မာပြန်ဆိုခဲ့သည်။
“ဘာလဲဟဲ့ လူ့ငရဲ” စာအုပ်ကို ဟံသာဝတီ ဦးဝင်းတင်၏ အသက် ၈၀ ပြည့် အထိမ်း အမှတ် အဖြစ် ယခုနှစ် မတ်လ ၁၂ ရက်နေ့တွင် စတင်ထုတ်ဝေခဲ့သည်။
ထိုစာအုပ်တွင် အနှစ် ၂၀ ကာလ အတွင်း ဦးဝင်းတင်ခံစား ခဲ့ရသော ကာယဒုက္ခ၊ စိတ္တဒုက္ခများကို ဖော်ပြထားပြီး ထောင်တွင်း မတရားမှုများ၊ အာခံမှုများ၊ အကျဉ်းသား အချင်းချင်း ရိုင်းပင်း ကူညီမှုများ၊ ထောင်တွင်း နိုင်ငံရေး လှုပ်ရှားမှုများ၊ ထောင်ကျဖော်များ အကြောင်းနှင့် ထောင်တွင်း အမြင်မတော်မှုများကို ရေးသားထားသည်။
“ဘာလဲဟဲ့ လူ့ငရဲ” ကို ဒီမိုကရက်တစ် မြန်မာ့ အသံ က ထုတ်ဝေပြီး AAPP က ဖြန့်ချိပေးခြင်းဖြစ်သည်။
ဒီကေဘီအေ တပ်ကြပ်ကြီးတဦး လက်နက်ခဲယမ်းများနှင့်အတူ ကေအဲန်ယူထံ ပူးပေါင်း
ကေအိုင်စီ မှ........
တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) ကလိုထူးဘောဗျူဟာမှ တပ်ကြပ်ကြီးတစ်ဦးသည် လက်နက်ခဲယမ်းများနှင့်အတူ ကော့ကရိတ်မြို့နယ်၊ ဝေါ်လေဂွင်အခြေစိုက် ကရင်အမျိုးသား လွတ်မြောက်ရေးတပ်မတော် (ကေအဲန်အယ်လ်အေ) တပ်ရင်း (၂၀၁)ထံသို့ ယမန်နေ့က လာရောက်ပူးပေါင်းခဲ့ကြောင်း သိရသည်။
ဗိုလ်မှူးကြီး စောလားပွယ်ဦးစီးသော ဒီကေဘီအေ ကလိုထူးဘောဗျူဟာတွင် တပ်ကြပ်ကြီးအဆင့်ထိ တာဝန်ထမ်းဆောင် ခဲ့သူ အသက် (၁၉)နှစ်အရွယ်ရှိ စောဒါးညွန့်သည် နအဖစစ်အစိုးရ၏ နယ်ခြားစောင့်တပ် အသွင်ပြောင်းရေး အစီအစဉ် ကြောင့် ဒီကေဘီအေတပ်အတွင်း မနေလိုသဖြင့် ကေအဲန်အယ်လ်အေနှင့် လာရောက်ပူးပေါင်းခြင်းဖြစ်သည်ဟု ကေအဲန် အယ်လ်အေ (၂၀၁)တပ်ရင်းမှူး ဒုဗိုလ်မှူးကြီး စောဘူးဖောက ပြောသည်။
ဒုဗိုလ်မှူးကြီး စောဘူးဖောက “သူတို့တပ်အတွင်းမှာ အခက်အခဲတွေ ရှိနေတယ်။ နယ်ခြားစောင့်တပ်နဲ့ ပတ်သက်ပြီးတော့ သူတို့တပ်အနေနဲ့ စိုးရိမ်စရာတွေ ရှိတယ်။ ရှေ့ဆက် ဘ၀ရပ်တည်ဖို့က အာမခံချက် မရှိတဲ့အတွက် ကျနော်တို့နဲ့ လာပူး ပေါင်းတာ ဖြစ်တယ်”ဟု ကေအိုင်စီကို ပြောသည်။
၎င်းနှင့်အတူ ပါလာသည့် လက်နက်များမှာ ကာဘိုင် ၃လက်၊ ကျည်ဆံအလုံး ၅၀နှင့် မက္ကဇင်း ၃ခု၊ AK ၃လက်၊ ကျည်ဆံအ လုံး ၆၀နှင့် မက္ကဇင်း ၂ခု၊ K-3 မော်တာ ၁လက်၊ ကျည်ဆံ ၁၀၆လုံး၊ M-79 ကျည်ဆံ ၂၄လုံး၊ စကားပြောစက်အသေး ၂လုံးနှင့် သံလိုက်အိမ်မြှောင် ၁လုံးတို့ ဖြစ်သည်။
အလားတူ ယခုလ ၁၁ရက်နေ့က ကရင်ပြည်နယ်၊ လှိုင်းဘွဲမြို့နယ်အတွင်းရှိ ဒီကေဘီအေ တပ်မဟာ(၉၉၉) အထူးတပ်ရင်း မှ အဖွဲ့ဝင် ၇ဦးပါရှိသော တပ်စုတစုသည် လက်နက်အပြည့်အစုံဖြင့်လည်းကောင်း၊ ယခုလ ၁၄ရက်နေ့ကလည်း ဒီကေဘီ အေ တပ်မဟာ(၉၉၉)မှ တပ်ရင်း(၅)၊ တပ်ခွဲ(၄)မှ တပ်သားတဦးတို့သည် ကေအဲန်ယူ တပ်မဟာ (၇)ထံသို့ လာရောက်ပူး ပေါင်းခဲ့သည်။
နအဖစစ်တပ် ရွာသားများကို အကြောင်းမဲ့ဖမ်းဆီး
ကေအိုင်စီ မှ.............
ကရင်ပြည်နယ်မြောက်ပိုင်း တောင်ငူခရိုင်၊ ထန်းတပင်မြို့နယ်တွင် လှုပ်ရှားနေသော နအဖစစ်တပ်များသည် ဒေသခံရွာသား များကို အကြောင်းမဲ့ ဖမ်းဆီးခေါ်ဆောင်မှုများ ယခုရက်သတ္တပတ်အတွင်း ဆက်တိုက်လုပ်ဆောင်ခဲ့သည်ဟု သိရှိရသည်။
ယခုလ ဇူလိုင်လ ၁၅ရက်နေ့တွင် စကခ(၇) လက်အောက်ခံ ခလရ(၁၀၂) တပ်ရင်းက ထန်းတပင်မြို့နယ်ရှိ ဟူးမုဒဲရွာသား များဖြစ်သော စောဘေးဘေ့ထူနှင့် စောဟဲကရေ့တို့နှစ်ဦးအား ဖမ်းဆီးခေါ်ဆောင်သွားခဲ့ပြီး တရက်တည်းတွင် ခလရ(၇၃) တပ်ရင်းက ရှားဇီးဘိုရွာသား စောစေးထယ်ကို ရှားဇီးဘိုတပ်စခန်းသို့ ခေါ်ဆောင်သွားခဲ့ရာ ယနေ့အချိန်ထိ ပြန်လွှတ်ပေး ခြင်း မရှိသေးကြောင်း မြန်မာပြည်လွတ်မြောက်ရေးအဖွဲ့ (Free Burma Ranger-FBR)က ပြောသည်။
(FBR) အဖွဲ့ဝင် စောမန်းကီးက“ရွာသားတွေကို လာဖမ်းသွားတာက ဘာအကြောင်းကြောင့် ဖမ်းသလဲဆိုတာ ကျနော်တို့ လည်း မသိဘူး။ ဖမ်းတာက လေးငါးရက်ရှိပြီဆိုပေမယ့် အခုထိ မလွှတ်သေးဘူးလို့ ကျနော်တို့ သိရတယ်”ဟု ပြောသည်။
ထို့အပြင် ယခုလ ဇူလိုင်လ ၁၃ရက်နေ့တွင် ထန်းတပင်မြို့နယ်တွင် လှုပ်ရှားနေသော နအဖ စစ်တပ် ခလရ(၇၃) တပ်ရင်း သည် ပယ်တော်ဒေးရွာသား စောတာမလာဒိုနှင့် စောဝါးနေစေးတို့နှစ်ဦးအား ဖမ်းဆီးခေါ်ဆောင်သွားခဲ့ပြီး ယနေ့အချိန်ထိ ပြန်လွှတ်ပေးခြင်း မရှိကြောင်း သိရသည်။
အဆိုပါ ဒေသခံရွာသား ၅ဦးအား မည်သည့်အကြောင်းကြောင့် ဖမ်းဆီးခေါ်ဆောင်သွားခြင်းကို ဒေသခံ ရွာသူရွာသားများက နားမလည်သည့်အပြင် ဖမ်းဆီးခေါ်ဆောင်ခဲ့သည်မှာ ရက်သတ္တပတ်ရှိပြီဖြစ်သဖြင့် ကျန်ရစ်သူ မိဘဆွေမျိုးများက အလွန်စိုး ရိမ်နေကြကြောင်း စောမန်းကီးက ပြောသည်။
ထိုဒေသများ၌ လှုပ်ရှားနေသော နအဖစစ်တပ်များသည် ယခင်ကလည်း ဒေသခံရွာသားများကို အလားတူ ဖမ်းဆီးခေါ် ဆောင်မှုများ လုပ်ဆောင်ခဲ့ရာတွင် သက်ဆိုင်ရာ သူကြီးများ၏ ထောက်ခံမှုဖြင့် ပြန်လွှတ်လိုက်ခြင်းရှိသလို တချို့မှာ မြင် တွေ့သည့်နေရာ၌ပင် တန်းပြီး ပစ်သတ်မှုများလည်း ရှိခဲ့သည်ဟု သိရသည်။
ပြီးခဲ့သည့် ဇူလိုင်လ ၁၃ရက်နေ့၌ တိပ်ပုဂွင်ရှိ စကခ(၇)မှ နည်းဗျူဟာ-နဗဟ(၂)မှူးက တိပ်ပုနှင့် ရေသိုးကြီးကျေးရွာအတွင်း ရွာသူရွာသားများနှင့် သူစိမ်းလူများ ၀င်ထွက်သွားလာခြင်း မပြုရဟု အမိန့်ထုတ်ထားကြောင်း သိရသည်။
၂၀၁၀ ရွေးကောက်ပွဲ မြန်မာ့လူထုဆန္ဒ မဖော်ပြနိုင်ဟု ဗြိတိန် ဝေဖန်
VOA သတင်းမှ........
မြန်မာနိုင်ငံမှာ လာမယ့် ၂၀၁၀ ရွေးကောက်ပွဲဟာ မြန်မာပြည်သူတွေရဲ့ ဆန္ဒကို ထပ်ဟပ်မှု မရှိတာကြောင့် ဒီလို ရွေးကောက်ပွဲ အခြေအနေကို ဗြိတိသျှအစိုးရ အနေနဲ့ လက်ခံမှာ မဟုတ်ဘူးလို့ ပြောပါတယ်။ ထိုင်းနိုင်ငံကို ၂ ရက်ကြာ ရောက်ရှိနေတဲ့ ဗြိတိသျှ နိုင်ငံခြားရေး ၀န်ကြီးဌာန အငယ်တန်းဝန်ကြီး ဂျရယ်မီ ဘရောင်း (Jeremy Browne) က ထိုင်းနိုင်ငံခြားရေးဝန်ကြီး ကဆစ် ပီရွန်း (Kasit Piromya) နဲ့ တွေ့ဆုံအပြီး ဘန်ကောက်မှာ သတင်းထောက်တွေကို မြန်မာနိုင်ငံအကြောင်း ပြောသွားခဲ့တာပါ။
မြန်မာနိုင်ငံတွင်း နိုင်ငံရေး အကျဉ်းသားပေါင်း ၂,၀၀၀ ကျော် ရှိနေတာကြောင့် ဒီလို အခြေအနေမျိုးတွေနဲ့တော့ အဓိပ္ပာယ် ပြည့်ဝတဲ့ ရွေးကောက်ပွဲတရပ် ဖြစ်မလာနိုင်ဘူးလို့ သူက ထောက်ပြပါတယ်။ ဗြိတိသျှအစိုးရ အနေနဲ့ကတော့ မြန်မာအစိုးရဘက်ရဲ့ ပြီးခဲ့တဲ့ လုပ်ရပ်တွေ အပေါ်မှာ စိတ်ပျက်မိတယ်လို့ မစ္စတာ ဂျရယ်မီ ဘရောင်းက ပြောသွားပါတယ်။
“မြန်မာနိုင်ငံမှာ အခုလုပ်တော့မယ့် ရွေးကောက်ပွဲဟာ အများပြည်သူလူထု အမြင်ကို ထင်ဟပ်တဲ့ တရားဝင် ဖော်ပြချက်တရပ်လို့ ကျနော်တို့ မမြင်ပါဘူး။ ဒါကြောင့်လည်း မြန်မာနိုင်ငံမှာ အခုလက်ရှိ အခြေအနေကို လက်ခံလို့ မရဘူးလို့ ကျနော်တို့မှာ ခိုင်မာတဲ့အမြင် ရှိထားပါတယ်။”
မစ္စတာဘရောင်းဟာ အခုလအတွင်းမှာပဲ ဗြိတိသျှ ပါလီမန်မှာ မြန်မာနိုင်ငံ ရွေးကောက်ပွဲနဲ့ ပတ်သက်လို့ အယုံအကြည် မရှိတဲ့သဘော ပြောခဲ့ပါသေးတယ်။ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ ဖမ်းဆီးထိန်းသိမ်း ခံနေရသရွေ့ အခု ရွေးကောက်ပွဲဟာ တရားမျှတမှု ရှိနိုင်မှာ မဟုတ်ဘူးလို့ ဗြိတိသျှ ပါလီမန်ကို ပြောခဲ့ပါတယ်။
အခုနောက်ပိုင်း နိုင်ငံတကာက အထူးစိုးရိမ်လာနေတဲ့ မြန်မာ၊ မြောက်ကိုရီးယား နျူကလီးယား ဆက်ဆံရေးနဲ့ ပတ်သက်လို့လည်း စိုးရိမ်ကြောင်း မစ္စတာဘရောင်းက သတင်းထောက်တွေကို ပြောခဲ့ပါသေးတယ်။
“ဒါဟာ နိုင်ငံတကာ ဥပဒေကို ချိုးဖောက်မှုပါပဲ။ အခုလို ပုံစံမျိုးနဲ့ နျူကလီးယားလက်နက် ပြန့်ပွားတာ လက်မခံနိုင်ဘူးဆိုတာ ကျနော်တို့မှာ ပြတ်ပြတ်သားသား ပြင်းထန်တဲ့ သဘောထား ရှိပါတယ်။ ဒါကြောင့် နိုင်ငံတကာအဆင့်မှာ ဒီကိစ္စကို အပြင်းထန်ဆုံး ကန့်ကွက် ပြောဆိုသွားမှာပါ။”
ကုလသမဂ္ဂ လုံခြုံရေးကောင်စီ အနေနဲ့ မြောက်ကိုရီးယားဆိုင်ရာ ဆုံးဖြတ်ချက်မှာ မြောက်ကိုရီးယားနိုင်ငံ နျူကလီးယားနဲ့ ဒုံးလက်နက်ဆိုင်ရာ ပြင်ပ အဆက်အဆံ မလုပ်ဖို့ ပြင်းပြင်းထန်ထန် တားမြစ်ထားပါတယ်။ ဒါကြောင့်လည်း မြောက်ကိုရီးယားဟာ မြန်မာနိုင်ငံရဲ့ နျူကလီးယားနဲ့ ဒုံးလက်နက်ဆိုင်ရာ အစီအစဉ်တွေမှာ ပတ်သက်နေတယ်လို့ စွပ်စွဲချက်တွေ ပေါ်ခဲ့ပြီး ဒီကိစ္စ မှန်ခဲ့ရင် လုံခြုံရေးကောင်စီ ဆုံးဖြတ်ချက်ကို ချိုးဖောက်တာပဲ ဆိုပြီး နိုင်ငံတကာက ပြစ်တင် ဝေဖန်ထားပါတယ်။ ဒါပေမဲ့ ဒီစွပ်စွဲချက်နဲ့ ပတ်သက်လို့ တရားဝင် နိုင်ငံတကာ စုံစမ်းမှုမျိုးတော့ မရှိသေးပါဘူး။
