KIC သတင်းမှ.........
ဒီကေဘီအေ တပ်ဖွဲ့ဝင်များ လှုပ်ရှားလျှက်ရှိသော ကရင်ပြည်နယ် ကော့ကရိတ်မြို့နယ် ထီးတပလယ်ကျေးရွာ အနီးတ၀ိုက် တွင် နအဖစစ်တပ်က နိုဝင်ဘာလ ၁၈ရက်နေ့ညကတည်းက နှစ်ညဆက်တိုက် လက်နက်ကြီး၊ လက်နက်ငယ်များဖြင့် လိုက်လံ ပစ်ခတ်လျှက်ရှိသည်ဟု ဒီကေဘီအေတပ်ဖွဲ့က ပြောသည်။
ဒီကေဘီအေ တပ်မဟာ(၅)မှူး ဗိုလ်မှူးချုပ် စောလားပွယ်က “ဒီလိုလိုက်ပစ်တာ နှစ်ညရှိပြီ။ နအဖစစ်တပ်က အကြောက်လွန် အားကြီးလို့ ပစ်ခတ်တာပဲ။ ဘာဖြစ်လို့လဲဆိုတော့ အဲဒီမှာရှိတဲ့ ကျနော့်လူတွေက ပြန်လည်ပစ်ခတ်တာတို့ ဘာတို့ တခုမှလုပ် တာ မရှိဘူး။”ဟု ပြောသည်။
ထီးတပလယ်ကျေးရွာ တောင်ကုန်းတွင် လှုပ်ရှားနေသော နအဖစစ်တပ် စကခ(၈)လက်အောက်ခံ ခလရ(၉၇)တပ်ရင်းသည် ပြီးခဲ့သည့် နိုဝင်ဘာလ (၁၈)ရက်နေ့ည ၉နာရီခန့်တွင် ဒီကေဘီအေ လှုပ်ရှားနိုင်သည့် နေရာများသို့ လက်နက်ကြီးငယ်များဖြင့် အချက်ပေါင်း ၄၀ခန့်ပစ်ခတ်ခဲ့သည့်အပြင် ယမန်နေ့ညနေ ၄နာရီခန့်ကလည်း လက်နက်ကြီးငယ်များဖြင့် အချက်ပေါင်း(၂၀)အ ထိ ပစ်ခတ်ခဲ့သည်ဟု သိရသည်။
သို့သော် ထိုပစ်ခတ်မှုကြောင့် မည်သူမျှ ထိခိုက်ဒဏ်ရာရခြင်း မရှိခဲ့ကြောင်း ဗိုလ်မှူးချုပ်စောလားပွယ်က ပြောသည်။
အင်အား (၂၀)ကျော်ရှိ အဆိုပါ နအဖတပ်ဖွဲ့သည် ပြီးခဲ့သည့် နိုဝင်ဘာလ ၈ရက်နေ့က ဒီကေဘီအေနှင့် နအဖစစ်တပ်တို့ကြား နှစ်ဘက်ပစ်ခတ်မှုဖြစ်ပွားခဲ့ပြီနောက်ပိုင်း ထီးတပယ်ကျေးရွာအတွင်းသို့ ၀င်ထွက်သွားလာမှုမရှိတော့ဘဲ ယနေ့အချိန်ထိ ၎င်းတို့ အခြေချရာ တပ်စခန်း၌သာ ခိုအောင်းနေကြသည်။
အလားတူပြီးခဲ့သည့် နိုဝင်ဘာလ ၁၆ရက်နေ့က အံဖကျေးရွာတွင် အခြေချသည့် နယ်ခြားစောင့်တပ် အမှတ်(၁၀၁၅)မှ ဗိုလ် ကြီးအကြည် ဦးဆောင်သည့်အဖွဲ့သည် အံဖကျေးရွာအတွင်းသို့ M-79 ၉လုံးနှင့် ၆၀-မမ ၁လုံးပစ်ခတ်ခဲ့သည့်အပြင် ၎င်းအဖွဲ့ သည် ညနေ ၂နာရီအချိန်တွင် နန်းရွှေမှုံကျေးရွာအတွင်းသို့ ၆၀-မမ ၃လုံး ထပ်မံ ပစ်ခတ်ခဲ့ရာ အသက်(၇၀)အရွယ်ရှိ ရွာသား ဦးနိုင်ဦးကို ထိမှန်သွားခဲ့သည်ဟု သိရသည်။
ယနေ့မနက် (၆)နာရီတွင်လည်း နအဖ ခမရ(၄၀၉)နှင့် ဒီကေဘီအေ တပ်မဟာ(၅) တပ်ဖွဲ့တို့နှင့် အူးကလေ့ထာတွင် ချုံခို တိုက်ပွဲတကြိမ်ဖြစ်ပွားခဲ့ရာ နအဖဘက်က ၁ဦး ကျဆုံးသွားခဲ့သည်။
Read More...
Summary only...
KIC သတင်းမှ....
ကရင်အမျိုးသားလွတ်မြောက်ရေးတပ်မတော်(ကေအဲန်အယ်လ်အေ)သည် ကရင်ပြည်နယ် ဘုရားသုံးဆူမြို့နယ်၊ အပလုံကျေး ရွာတွင် နအဖ စစ်တပ်၏ ရိက္ခာဆန်အိတ် ၅၀ကို ယမန်နေ့ညနေက ၀င်ရောက်သိမ်းဆည်းခဲ့သည်ဟု သိရသည်။
ကေအဲန်အယ်လ်အေ တပ်ရင်း(၁၆)မှ တပ်ခွဲ-၂ ဒု-ခွဲမှူး ဗိုလ်ကြီးဘူ့ဂေက “မနေ့က မနက် ညနေ ၅နာရီကျော်လောက်မှာ ကျနော်တို့တပ်ရင်း(၁၆) တပ်ခွဲ(၂)က ၀င်သိမ်းတာဖြစ်တယ်။ အပလုံကျေးရွာကနေ ဘုရားသုံးဆူကို စက်လှေနဲ့ တင်ပို့ဖို့်အ လုပ်မှာ ကျနော်တို့အဖွဲ့က ၀င်သိမ်းတာ။”ဟု အတည်ပြု ပြောဆိုသည်။
နအဖတပ်ဖွဲ့ဝင်များသည် ရှေ့မှ ကြိုသွားနှင့်ခဲ့သည့်အတွက် ကေအဲန်အယ်လ်အေနှင့် တိုက်ပွဲ တစုံတရာ ဖြစ်ပွားခြင်း မရှိ သော်လည်း ဘုရားသုံးဆူ အနောက်ဘက်ခြမ်းရှိ တမိချောင်းတွင် သွားလာနေသည့် စက်လှေများကို ၎င်းတို့၏ရိက္ခာများ သယ် ဆောင်ခိုင်းခဲ့ရာမှ ယင်းသို့ သိမ်းဆည်းခံရခြင်းဖြစ်သည်။
အဆိုပါ ဆန်အိတ်များသည် နအဖ စစ်တပ် နည်းဗျူဟာ(၁)နှင့် ခမရ(၄၀၂)တပ်ရင်းမှ ကေအဲန်ယူ တပ်မဟာ(၆)ကို ထိုးစစ် ဆင်ရန်အတွက် ကြိုတင်ပြင်ဆင်ထားသည့် ရိက္ခာများဖြစ်သောကြောင့် ထိုကဲ့သို့ ၀င်ရောက်သိမ်းဆည်းလိုက်ခြင်းဖြစ်သည်ဟု ဒု-ခွဲမှူးက ဆက်ပြောသည်။
ယင်းသို့ ဆန်အိတ်များ သိမ်းဆည်းခံရသောကြောင့် အဆိုပါ နည်းဗျူဟာ(၁)မှ ဗျူဟာမှူး ဗိုလ်မှူးကြီးသိန်းဇော်သည် အလွန် ဒေါသထွက်နေသော်လည်း အပလုံရွာသူရွာသားများအား ပြန်လျော်ခိုင်းခြင်းကိုမူ ယနေ့အချိန်ထိ ပြုလုပ်ခြင်းမရှိသေးကြောင်း ရွာခံတဦးက ပြောသည်။
ပြီးခဲ့သည့် နိုဝင်ဘာ ၁၅ရက်နေ့ကလည်း ၎င်းနအဖ နည်းဗျူဟာ(၁)တပ်ဖွဲ့အား ကေအဲန်အယ်လ်အေ တပ်ရင်း(၁၆)မှ အပလုံ ကျေးရွာ ရွာပြင်တနေရာတွင် ချုံခိုတိုက်ခိုက်ခဲ့ရာ နအဖဘက်မှ ၂ဦး ကျဆုံးခဲ့သည်။
Read More...
Summary only...
KIC သတင်းမှ....
ကရင်ပြည်နယ် ဘုရားသုံးဆူမြို့နယ်ခွဲတွင် ယခုရက်ပိုင်းအတွင်း နအဖ စစ်တပ်များ အင်အား အလုံးအရင်းဖြင့် တိုးချဲ့လာပြီး ကေအဲန်ယူနှင့် တိုက်ပွဲဖြစ်ပွားလာနိုင်သည့်အရေးကို ရွာသားများ အလွန်စိုးရိမ်ထိတ်လန့်ကြသည်ဟု သိရသည်။
နိုဝင်ဘာလ ၁၄ရက်နေ့နှင့် ၁၅ရက်နေ့တွင် မြိုင်ကလေး၊ သက်ကယ်၊ ကျောက်ခွဲ၊ ကျောက်ပူ၊ တာ့ဒေး၊ အပလုံ စသည့်ကျေးရွာ များမှ ရွာသားတချို့သည် ရွာထဲတွင် တိုက်ပွဲ တစုံတရာဖြစ်ပွားပါက နအဖစစ်တပ်၏ ပေါ်တာချောဆွဲခံရမည်ကို စိုးရိမ်ကြ သဖြင့် တမိချောင်းတဘက်ကမ်းသို့ ယနေ့အထိ ကူးလာနေကြောင်း နယ်မြေခံ ကရင်ရဟန်းပျိုသမဂ္ဂအဖွဲ့ဝင်တပါးက မိန့်ကြား သည်။
၎င်းက “အဲဒီရွာတွေဟာ ဗမာစစ်သားတွေ တက်လာတဲ့လမ်းအတိုင်း ဖြစ်နေတယ်လေ။ တိုက်ပွဲဖြစ်ရင် သူတို့တွေပဲ အထိနာမှာ ဆိုတော့ သူတို့အတွက် လုံခြုံတယ်လို့ ထင်တဲ့နေရာတွေမှာ တိမ်းရှောင်သွားတာ အယောက်(၂၀၀)လောက် ရှိတယ်လို့ ပြော ကြတယ်။”ဟု မိန့်ကြားသည်။
ပြီးခဲ့သည့် နိုဝင်ဘာလဆန်းပိုင်းက ဒီကေဘီအေနှင့် နအဖစစ်တပ်တို့ ဘုရားသုံးဆူမြို့အတွင်း ဒီကေဘီအေနှင့် နအဖစစ်တပ် တို့ တိုက်ပွဲဖြစ်ပွားခဲ့ချိန်မှစ၍ ယခုအချိန်အထိ နအဖ စကခ(၈)နှင့် စကခ(၁၂)လက်အောက်ခံ တပ်ရင်း ၅ရင်းမှ စစ်သည်အင် အား ၅၀၀ကျော်တိုးလာသည်ဟု ကရင်အမျိုးသားလွတ်မြောက်ရေးတပ်မတော်(ကေအဲန်အယ်လ်အေ) တပ်ရင်း(၁၆)ကလည်း အတည်ပြု ပြောဆိုသည်။
ကေအဲန်အယ်လ်အေ တပ်ရင်း(၁၆) တပ်ခွဲ(၂) ဒုခွဲမှူး စောဘူ့ဂေက “ဘုရားသုံးဆူ ပစ်ခတ်မှုဖြစ်ပွားတဲ့အချိန်ကစပြီး နအဖက တော့ တဖြည်းဖြည်းချင်း အင်အားတိုးချဲ့လာတာ ကနေ့အထိပဲ။ အခုဆိုရင် စကခ(၈)က ခမရ(၄၀၁)၊ (၄၀၂)၊ (၄၀၅)၊ (၄၀၆) နဲ့ စကခ(၁၂)က ခလရ(၂၈၃)။ အဲဒီတပ်ရင်း (၅)ရင်းဆိုရင် အင်အား ၅၀၀ရှိပြီ။ ဒီနေ့လည်း စကခ(၈)က နည်းဗျူဟာ(၁)မှူး ဗိုလ်မှူးကြီးသိန်းဇော် ဘုရားသုံးဆူကို ရောက်လာပြီ။”ဟု ပြောသည်။
ယမန်နေ့က ဘုရားသုံးဆူဂွင်တနေရာတွင် ကေအဲန်အယ်လ်အေ တပ်ရင်း(၁၆) တပ်ရင်းမှူး ဒုဗိုလ်မှူးကြီးမန်းတင်လှိုင်က သက်ဆိုင်ရာ ရွာသူကြီးနှင့် သံဃာတော်များအား တွေ့ဆုံခဲ့ပြီး ထွက်ပြေးခဲ့ကြသည့် ရွာသားများအား ရွာအတွင်းသို့ ပြန်လည် နေထိုင်ခိုင်းရာတွင် ရွာသားအချို့မှာ ပြန်လည်နေထိုင်ခဲ့သော်လည်း အချို့မှာ တိမ်းရှောင်နေဆဲဖြစ်သည်ဟု သိရသည်။
ထို့အပြင် နအဖစစ်တပ်များ တပ်အင်အား တိုးချဲ့လာသည့်တချိန်တည်းတွင် စစ်ပစ္စည်းနှင့် တပ်ရိက္ခာများကို သယ်ယူပို့ဆောင် ရန်အတွက် ရွာသားများ၏ နွားလှည်းများကို ခေါ်ယူအသုံးပြုသည့်အပြင် ရွာသားကိုယ်တိုင်လည်း ပေါ်တာထမ်းပေးရကြောင်း ရွာခံတဦးက ပြောသည်။
“ပြီးခဲ့တဲ့ ၁၅ရက်နေ့က ဗမာစစ်သားတွေ ရွာထဲကိုဝင်လာတော့ ရွာမှာ ယောက်ျားတွေ အကုန် ထွက်ပြေးခဲ့ကြတယ်။ နအဖက ပြောတယ် ယောက်ျားတွေ ပြန်မလာလို့ရှိရင် အိမ်မှာကျန်တဲ့ မိန်းမတွေကိုပဲ ပေါ်တာခေါ်မယ်လို့ ပြောတော့ ယောက်ျားတွေ အကုန်ပြန်ပြီး ပေါ်တာထမ်းရတယ်။” ဟု ပြောသည်။
အဆိုပါ နအဖတပ်များသည် လက်ရှိအချိန်တွင် ဘုရာသုံးမြို့ပြင် ပတ်ပတ်လည်နှင့် ယခင် ဒီကေဘီအေတပ်ဖွဲ့များ၏ စခန်း၊ ဂိတ်များတွင် ၀င်ရောက်နေရာယူထားသော်လည်း ထူးခြားသည့် စစ်ရေးလှုပ်ရှားမှု တစုံတရာ လုပ်ဆောင်ခြင်းမရှိသေးပေ။
Read More...
Summary only...
မဇ္ဈိမ သတင်းမှ.....
နယ်ခြားစောင့်တပ် မပြောင်းလိုသော တိုးတက်သော ဗုဒ္ဓဘာသာ ကရင်အမျိုးသား တပ်မတော် အင်အားအချို့ ကရင်အမျိုးသားအစည်းအရုံးနှင့် မနေ့ မနက်က ပူးပေါင်းလိုက်ကြောင်း နှစ်ဖက်ခေါင်းဆောင်များက ပြောသည်။
ဗိုလ်မှူးကြီးစောလားပွယ် (ခေါ်) ဗိုလ်နှုတ်ခမ်းမွှေး လက်အောက်ခံ ဝေါလေ အခြေစိုက် တပ်ရင်း ၉ဝ၉ တပ်ရင်းမှူး စောစတီးလ်၊ ဗဟိုလုံခြုံရေး တပ်ခွဲမှူး စောရွှေဝါးနှင့် တပ်သား ၃၈ ဦး ဗုဒ္ဓဟူးနေ့မနက် ၉ နာရီက သွားရောက် ပူးပေါင်းသည် ဆိုသည်။
၉ဝ၉ တပ်ရင်းမှူး စောစတီးလ်(ဘယ်)နှင့် ဗိုလ်မှူးကြီး နယ်ဒါးမြ (ညာ)တို့အား တွေ့ရစဉ်
“နအဖ စစ်အစိုးရဒဏ်ကို မခံနိုင်လို့၊ နအဖ စစ်အစိုးရက ကျနော်တို့ကို BGF (နယ်ခြားစောင့်တပ်) အလုပ်ခိုင်းတာ မလုပ်ချင်လုိ့၊ နောက် သူတို့ရွေးထားတဲ့မဲဟာ မရိုးသားတဲ့မဲ မသေချာတဲ့ မဲမှန်း သိသွားတဲ့ အခါကျတော့ ကျနော်တို့ ဒီ KNU ခေါင်းဆောင်ကြီးတွေနဲ့ ပြန်လာပူးပေါင်းရပါတယ်” ဟု တပ်ရင်းမှူး စောစတီးလ်က ပြောသည်။
အေကေ- ၄၇၊ အမ်-၁၆ သေနတ်များ၊ အာပီဂျီ လောင်ချာများနှင့် ၆ဝမမ စိန်ပြောင်းတို့ပါ ယူဆောင်လာသော DKBA များကို ကရင်အမျိုးသား လွတ်မြောက်ရေးတပ် ဗိုလ်မှူးကြီး နယ်ဒါးမြနှင့် နယ်မြေ စစ်ဘက်အရာရှိများက မနေ့က ကြိုဆိုပွဲလုပ်ခဲ့သည် ဆိုသည်။
“ကျနော်တို့ တအားဝမ်းသာပါတယ်။ အခု ကျနော်တို့ညီအကိုတွေ ပြန်တွေ့ပြီး နောက်ပိုင်းမှာ ရည်မှန်းချက် တူပြီ။ ကျနော်တို့ အတူတူ ဆက်လုပ်မယ်” ဟု ဗိုလ်မှူးကြီး နယ်ဒါးမြက ပြောသည်။
DKBA တပ်ရင်း ၉ဝ၉ တွင် ပုံမှန်အင်အား မည်မျှရှိသည်ကို ရှင်းရှင်းလင်းလင်း မသိရသေးသော်လည်း ကျန်ရစ်သူများ ရှိသေးသည်ဟု KNU သတင်းရပ်ကွက်က ပြောသည်။
နအဖ စစ်ဆင်ရေး ကွပ်ကဲမှု ဌာနချုပ် ၈ နည်းဗျူဟာ ၃ မှ စစ်ဦးစီး-တတိယတန်း ဗိုလ်ကြီးသက်နိုင်ကို DKBA တပ်ရင်း ၉ဝ၉ က မြဝတီအနီးတွင် နိုဝင်ဘာ ၈ ရက်က ၅ ရက်ကြာ ဖမ်းထားပြီး ပြန်လွှတ်ပေးခဲ့သည်ဟု DKBA က သတင်းထုတ်ပြန်ခဲ့ဘူးသည်။
ပြန်လည် ဘက်ပြောင်းလာသည့် DKBA တပ်များကို ကရင်ပြည်နယ် ကြာအင်းဆိပ်ကြီးအနီးတွင် လက်ခံထားကြောင်း KNLA တပ်ရင်းမှူးတဦးက ပြောသည်။
နယ်ခြားစောင့်တပ် တပ်ရင်း ၁ဝ၁၂၊ ၁ဝ၁၃ နှင့် ၁ဝ၁၄ တို့ကိုလည်း DKBA အဖြစ် ပြန်ကြေညာရန် အဖွဲ့နာယက မြိုင်ကြီးငူဆရာတော်က မကြာခင်က ကြိုးစားခဲ့သော်လည်း အရှေ့တောင်တိုင်း စစ်ဌာနချုပ်က တားဆီး၍ အထမမြောက်ခဲ့ရဟု နယ်ခြားစောင့်တပ် အရာရှိတဦးက ပြောသည်။ သြဂုတ်လ ၁၈ ရက်က နယ်ခြားစောင့်တပ် မပြောင်းမီ DKBA တွင် အင်အား ၆ ထောင် အနည်းဆုံးရှိသည်ဟု DKBA ဘက်က ထုတ်ပြန်ဖူးသည်။
ထိုင်း-မြန်မာနယ်စပ် နေရာအချို့ကို KNU လက်မှသိမ်းပြီး ထိန်းချုပ်ထားခဲ့သော DKBA များကို နေပြည်တော်က နယ်ခြားစောင့်တပ် ပြောင်းလဲရန် ဖိအားပေး ခံရစဉ်ကတည်းက DKBA တပ်အချို့ KNU နှင့် ပြန်ပူးပေါင်းလိုကြောင်း ပြသခဲ့ကြသည်။
၁၉၉၅ က မြန်မာစစ်အစိုးရနှင့် အပစ်ခတ်ရပ် စာချုပ်ချုပ်ခဲ့သော DKBA များ စစ်အစိုးရတပ်များနှင့် ပူးပေါင်းပြီး KNU ကို ပြန်တိုက်ခဲ့ဖူးသည်။
Read More...
Summary only...
KIC သတင်းမှ.....
ကရင်ပြည်နယ် နယ်စပ်တနေရာဖြစ်သည့် ဝေါ်လေဒေသတွင် နအဖ စစ်တပ်နှင့် ဒီကေဘီအေတပ်ဖွဲ့ဝင်များ ယမန်နေ့ညက တိုက်ပွဲနှစ်ကြိမ် ဖြစ်ပွားခဲ့ရာ ၎င်းဒေသရှိ ရွာသူရွာသား ၄၀၀နီးပါးမှာ ဒုက္ခသည်များအဖြစ် ထိုင်းဘက်ခြမ်းသို့ ထွက်ပြေးရောက် ရှိလာခဲ့သည်ဟု သိရသည်။
ထိုင်းရွာသားတစ်ဦးက “မနေ့ညက ဟိုဘက်ကမ်းမှာ တိုက်ပွဲဖြစ်တော့ ရွာသားတွေ ထွက်ပြေးလာတာ မနေ့ကတင် ၄၀၀နီးပါး လောက် ရှိပြီ။”ဟု ဆိုသည်။
ယမန်နေ့ည ၆နာရီကျော်တွင် ဒီကေဘီအေ အခြေစိုက်ရာ ဝေါ်လေရှိ သံမဏိကုန်းတွင် လာရောက်နေရာယူတပ်စွဲထားသည့် နအဖ စကခ(၈) လက်အောက်ခံ နည်းဗျူဟာ(၃)စစ်ကြောင်းနှင့် ဒီကေဘီအေ(၉၀၇)တပ်ဖွဲ့တို့ ထိပ်တိုက်ရင်ဆိုင်မိကြပြီး တိုက် ပွဲ ၁၀မိနစ်နီးပါးခန့် ဖြစ်ပွားခဲ့သည်ဟု ထိုဒေသတွင် လှုပ်ရှားနေသည့် ကေအဲန်အယ်လ်အေ တပ်ရင်း(၂၀၁)မှ ဗိုလ်မှူးစော ကြည်အောင်က ယခုလို ပြောသည်။
ဒီကေဘီအေ(၉၀၇) တပ်မဟာ လုံခြုံရေးအဖွဲ့က သူတို့နေရာကို ခဏပြန်ကြည့်တာ အဲဒီမှာ နအဖ တပ်တွေက ဗိုလ်ရွှေဝနဲ့ ဗိုလ်နှုတ်ခမ်းမွှေးနေရာကို ၀င်ထိုင်နေတယ်လေ။ အဲဒါကို မသိလိုက်တော့ ပြန်အသွားမှာ ထိပ်တိုက်ဖြစ်သွားတဲ့သဘောပေါ့။ တိုက်ပွဲဖြစ်တာက ၈မိနစ်၊ ၁၀မိနစ်လောက်ပါပဲ။ ကျနော်တို့ သိရသလောက် နအဖဘက်က ၁ယောက်သေ၊ ၁ယောက် ဒဏ်ရာ ရတယ်။”ဟု ဆိုသည်။
အလားတူ အင်အား ၁၀၀ကျော်ရှိ ကနဲလေးဒေသမှ နအဖ နယ်မြေခံတပ် ခလရ(၉၇)နှင့် ထပ်မံ ရောက်ရှိလာသည့် ခမရ (၄၀၄)တပ်ဖွဲ့ကို ဒီကေဘီအေ တပ်များက ယမန်နေ့ည ၇နာရီခွဲအချိန်ခန့်တွင် ၁၀မိနစ်ကျော် အနီးကပ် သွားရောက်ပစ်ခတ်ခဲ့ ရာ နအဖဘက်မှ ထိခိုက်ကျဆုံးမှုကို မသိရသော်လည်း ဒီကေဘီအေဘက်မှ ၁ဦး ဒဏ်ရာရရှိခဲ့ပြီး ရွာသား ၂ဦး ထိခိုက်မှုရှိခဲ့ သည်ဟု ဒီကေဘီအေဘက်က ပြောဆိုသည်။
ဒီကေဘီအေ တပ်မှူးတစ်ဦးက “ဒီအနီးကပ်တိုက်ပွဲမှာ ကျနော်တို့ဘက်က တယောက် ထိတယ်။ နအဖဘက်ကတော့ မသိ ဘူး။ နအဖပစ်တဲ့ လက်နက်ကြီးတွေဟာ ရွာထဲကိုပဲ ကျနေတော့ ရွာသား ၂ယောက် ဒဏ်ရာရသွားတာပေါ့။”ဟု ပြောသည်။
လက်ရှိအချိန်တွင် ယခင်အပတ်က ရောက်ရှိနေသည့် ဒုက္ခသည်များနှင့် စုပေါင်းလိုက်လျှင် ထိုင်းဘက်ခြမ်း၊ ဖုတ်ဖရမြို့နယ်ရှိ ဝေါ်လေကျေးရွာတွင် စစ်ပြေးဒုက္ခသည် ၆၀၀ကျော်ရှိပြီး ၎င်းတို့ကို နွားကုန်သည်များ နွားထားရာ ကွင်းတွင် ယာယီစီစဉ်ထား ပေးကာ ကရင်လူမှုအဖွဲ့အစည်းများနှင့် ဒေသခံကျန်းမာရေးအဖွဲ့များက ကူညီပေးထားသည်ဟု သိရသည်။
ယနေ့မွန်းလွဲပိုင်း၌လည်း မြ၀တီမြို့တွင် ခမရ(၄၀၁)၊ (၄၀၂)နှင့် (၄၀၃)တပ်များ ထပ်မံ ရောက်ရှိလာသည်ဟု နယ်စပ်သတင်း အရ သိရသည်။
Read More...
Summary only...
ဆုံဆည်းရာ မှ...
ဒေါ်အောင်ဆန်းစုကြည်က အမျိုးသား ရင်ကြားစေ့ရေး ဆက်လုပ်မယ်ဟု ပြောဆိုလိုက်ချိန်မှာ ဒီကေဘီအေမှ ဗိုလ်မှူးချုပ်စောလားဘွယ်က ဒေါ်အောင်ဆန်းစုကြည်ကို လေးစား ယုံကြည် တယ်လို့ ပြောဆိုလိုက်ပါတယ်။
ယခုလတ်တတော့ တိုက်ပွဲအခြေအနေ၊ တိုင်းရင်းသားအရေး၊ နိုင်ငံရေးအခြေအနေကို တွေကို ဗိုလ်မှူးချုပ် စောလားဘွယ်က ယခုလို ပြောဆို လိုက်ပါတယ်။
“ဒေါ်အောင်ဆန်းစုကြည်ကို ကျွန်တော် ချစ်ခင်လေးစားတယ်။ ယုံကြည်တယ်။ ဒီမိုကရေစီကို ကျွန်တော် ကြိုက်တယ်။ ဒီမိုကရေစီကို အရင်ရအောင် မလုပ်ပဲနဲ့ တိုင်းရင်းသားတွေကို ကိုယ်ပိုင်ပြဒါန်းခွင့်တို့၊ ကိုယ်ပိုင်အုပ်ချုပ်ခွင့်တို့၊ တန်းတူ အခွင့်ရေးတို့ဆိုတာ မရနိုင်ဘူး။ အားလုံး ဒီမိုကရေစီ ခေါင်းစဉ်အောက်မှာ ညီညီညွတ်ညွတ်နဲ့လုပ်ရင် အောင်မြင်မူပန်းတိုင် ရကို ရရမယ်။ တိုင်းရင်းသားတွေ ညီညွတ်ပြီး တိုက်ရင် ကောင်းတယ် ။
မြ၀တီကို ကျွန်တော်တို့ တိုက်တုံးက နအဖ အင်အားက ၈၀ လောက်ပဲရှိတယ်။ ကျွန်တော်တို့က သူတို့ထက် အင်အားများတယ်။ တိုက်ပွဲစ ဖြစ်တာနဲ့ ကျွန်တော်တို့က လက်နက်ငယ်တွေနဲ့ သူတို့ကိုပဲ ထိအောင်ပစ်တာ၊ သူတို့က လက်နက်ကြီးတွေနဲ့ ထင်သလိုပစ်တာ လူထုတွေထိကုန်တယ်။ ကျွန်တော် တော်တော် စိတ်မကောင်းဘူး။ ထိုင်းဖက်ကိုလဲ သူတိုပဲ ပစ်တာ။ ဆက်ပြီး မြ၀တီ ကိုထိန်းထားရင် ရပင်မဲ့ လူထုထိမှာကြောင့်လို့ ကျွန်တော်တို့ အစီစဉ် ရှိရှိနဲ့ပဲ ဆုတ်ခွာပေးလိုက်တာပါ။ သေဆုံးသွားတဲ့ မြ၀တီက လူထုတွေအတွက် ကျွန်တော် စိတ်မကောင်းပါဘူး။ အခုလဲ မြ၀တီကို ဆုတ်ပေးလိုက်ပင်မဲ့ ကျန်တဲ့နေရာတွေမှာ တိုက်ပွဲတွေ ဆက်ဖေါ်သွားမယ် ဆက်တိုက်သွားပါ့မယ်။ နေ့စဉ်လိုလို ဘုရားသုံးဆူ၊ ဝေလေ နဲ့ ကြားခံနေရာတွေမှာ တိုက်ပွဲတွေ ရှိနေပါသေးတယ်။ တိုင်းရင်းသားတွေ တပ်ပေါင်းစုတွေလဲ ညီညီညာညာနဲ့ ၀ိုင်းတိုက်ကြပါ အတွင်းအပြင် စည်းစည်းလုံးလုံး ရှိကြရင်ကောင်းမယ်။ ကျွန်တော်တို့ကို တတ်နိုင်တဲ့ ဖက်က ၀ိုင်းကူညီ ကြပါ။
ကျွန်တော် ငတ်ပျက်နေတဲ့ ပြည်သူလူထုကို စာနာတယ်။ နအဖ ရဲဘော်လေးတွေကိုလဲ သနားတယ်။ တပ်မှာ ဘာမှ မရှိကြဘူး။ တချို့ဆို ဘောင်းဘီတိုလေးတွေနဲ့ ကျွန်တော်သူတို့ကိုပါ ယူနီဖောင်းတွေ ထုတ်ပေးတယ်။ သူတို့ အရာရဲရှိ တချို့ကိုတော့ ကြိုက်ဘူး။ ကျွန်တော်တို့အပေါ် နားလည်တဲ့ အရာရှိတွေလဲ ရှိတယ်။ အခု တက်လာတဲ့ တိုင်းမှူးက ကျွန်တော်ဆီကို ဖုန်းဆက်တော့ ဟေ့ကောင် ဘာညာနဲ့ သိပ်မိုက်ရိုင်းတယ်။ မင်းဘာတွေ လုပ်တာလဲ ဘာညာနဲ့ ဒါနဲ့ ကျွန်တော်ဖုန်း လုံးဝမဖွင့်တော့ဘူး။ ကျွန်တော် ဘာလုပ်လဲ မေးဖို့ထက်။ သူတို့ မှားနေတယ် ဆိုတာကို သူတို့ သိသင့်တယ်။ ၁၅ နှစ်တောင် သူတို့နဲ့ တွဲလုပ်ခဲတာ ကျွန်တော်တို့ သိပြီ ၊ သူတို့တွေ မရိုးသားဘူး။ သိပ် လူလည်ကျတယ်။
နအဖ က ကျွန်တော်တို့အပေါ်ပေးတဲ့ နိုင်ငံရေး အခွင့်အရေးဆိုတာ အသက်ရှူ ခွင့်ပဲ ပေးတာပါ ။ အသက်ရှည်ခွင့်ပေးတာ မဟုတ်ဘူး။ အခု နယ်ခြားစောင့်တပ် လုပ်လိုက်ရင် အသက်ရှူခွင့်တောင် သေချာမှာ မဟုတ်ပါဘူး။ ကျွန်တော်တို့ လူထုအတွက် ကောင်းရာကောင်းကျိုး ဘာမှ လုပ်ခွင့်ရှိတော့မှာ မဟုတ်ဖူး။
Read More...
Summary only...
VOA သတင်းမှ....
မြန်မာနိုင်ငံမှာ ဒီမိုကရေစီ ရရှိရေးအတွက် သူတယောက်တည်း လုပ်လို့မရဘူးလို့ ဒေါ်အောင်ဆန်းစုကြည်က ပြောလိုက်ပါတယ်။ ဘယ်ပါတီ ဘယ်အဖွဲ့အစည်းပဲဖြစ်ဖြစ် ဒီမိုကရေစီ လိုလားတယ်ဆိုရင် အားလုံးနဲ့ လက်တွဲလုပ်သွားမယ်လို့ တနင်္ဂနွေနေ့က လုပ်ခဲ့တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က ပြောခဲ့တာ ဖြစ်ပါတယ်။ နိုင်ငံရေး အကျဉ်းသားတွေအရေး၊ NLD ရဲ့ ရှေ့ရေး၊ ပိတ်ဆို့အရေးယူမှု ဖယ်ရှားရေး၊ တွေ့ဆုံဆွေးနွေးရေး စတဲ့ အကြောင်းအရာတွေ အပါအဝင် ရွေးကောက်ပွဲမှာ မဲပေးခဲ့သူတွေအပေါ် သူ့အမြင်တွေကို ဖြေကြားခဲ့တဲ့ သတင်းစာ ရှင်းလင်းပွဲ အကြောင်းကို မစုမြတ်မွန်က စုစည်းတင်ပြပေးထားပါတယ်။
အမျိုးသား ဒီမိုကရေစီ အဖွဲ့ချုပ် ရုံးချုပ်မှာ တနင်္ဂနွေနေ့က လုပ်ခဲ့တဲ့ သတင်းစာ ရှင်းလင်းပွဲမှာတော့ ဒေါ်အောင်ဆန်းစုကြည်က တော်တော်လေး အော်ဟစ် ဖြေကြားခဲ့ရတယ်လို့ ပြောရမှာပါ။ သူ့ကိုမေးကြတဲ့ ပြည်တွင်း ပြည်ပက သတင်းထောက်တွေကလည်း သူ့ထက်ငါ အလုအယက်ကို မေးခဲ့ကြပါတယ်။ သူ့ရဲ့ လွတ်မြောက်မှုနဲ့ ပတ်သက်ပြီး သတင်းထောက် တယောက်က မေးတော့ ဒေါ်အောင်ဆန်းစုကြည်က…
“ကျမရဲ့ ပြည်သူတွေ မလွတ်မြောက်သေးသရွေ့ ကျမ လွတ်မြောက်တယ်လို့ ဘယ်ပြောနိုင်ပါ့မလဲ။ အားလုံးအတူ မလွတ်မြောက်သရွေ့ ဘယ်သူမှ မလွတ်လပ်သေးပါဘူး။ တယောက်နဲ့တယောက် ကူညီပြီး လွတ်လပ်မှုနဲ့ ဒီမိုကရေစီရအောင် လုပ်သွားရမယ်။” လို့ ဖြေသွားပါတယ်။
မြန်မာနိုင်ငံမှာ ဒီမိုကရေစီ ရရှိအောင် လုပ်ဖို့အတွက်ကိုလည်း အားလုံးနဲ့ လက်တွဲ လုပ်သွားမယ်လို့ ပြောပါတယ်။
“ကျမတို့က အမြဲ တံခါးဖွင့်ထားပါတယ်။ ကျမတို့နဲ့ ဒီမိုကရေစီ လိုလားတဲ့ အုပ်စုအဖွဲ့တွေနဲ့ အားလုံး လက်တွဲပြီး ဆောင်ရွက်ဖို့ အဆင်သင့်ပဲ။ ကျမတို့ရဲ့ အရင်တုန်းက မူဝါဒကလည်း ဒီအတိုင်းပဲ။ အခုလည်း ဒီမူဝါဒအတိုင်းပဲ။”
လောလောဆယ်မှာတော့ ဘယ်ပါတီနဲ့မှ ဆွေးနွေးဖို့ အစီအစဉ် မရှိသေးပါဘူးလို့လည်း သတင်းစာ ရှင်းလင်းပွဲမှာ ပြောသွားပါတယ်။ ရွေးကောက်ပွဲဝင်တာ၊ မဝင်တာကို သူ့အနေနဲ့ ဘာမှ မပြောလိုပါဘူးလို့လည်း ဒေါ်အောင်ဆန်းစုကြည်က ပြောပါတယ်။ ရွေးကောက်ပွဲမှာ မဲထည့်ခဲ့သူတွေနဲ့ ပတ်သက်တဲ့ သူ့ရဲ့သဘောထားကို ပြောတာကတော့…
“ဒါကတော့ ဘယ်လိုကြောင့် မဲပေးတာလဲဆိုတော့ အန်တီတို့ အနေနဲ့ ကိုယ့်ရဲ့ဆန္ဒအရ၊ တကယ်ပဲ လွတ်လပ်တဲ့ ဆန္ဒအရ၊ အဓိပ္ပာယ်ရှိတဲ့ ဆန္ဒအရ၊ တကယ်ပဲ အခြေအနေကိုသိလို့ ကြိုက်လို့ ပေးတယ်ဆိုရင် ဘယ်သူ့ပေးပေးပါ၊ အန်တီတို့အနေနဲ့ ကန့်ကွက်စရာအကြောင်း မရှိဘူး။ ဒါပေမဲ့ ကိုယ် အလုပ်တခုလုပ်ရင် ဘာဖြစ်လို့ လုပ်တာလဲဆိုတာ သိရမယ်။ အခု မဲပေးတယ်၊ ဘာအတွက် မဲပေးလဲ၊ ဘာရည်ရွယ်ချက်နဲ့ ပေးလဲ၊ ဘာဖြစ်လို့ လက်ခံတာလဲ၊ သေချာစဉ်းစားပြီး ကြိုက်လို့ ပေးရင် အန်တီတို့က ဘာမှပြောစရာအကြောင်း မရှိပါဘူး။”
မြန်မာ့နိုင်ငံရေးမှာ ပေါ်ထွက်လာတဲ့ အင်အားစုတွေ အနေနဲ့ အားလုံး ပေါင်းစုပြီး လုပ်သင့်တာကိုလည်း သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က အလေးပေး ဖြေကြားသွားပါတယ်။
“တတိယ အင်အားစုတို့၊ စတုတ္ထ အင်အားစုတို့၊ ပဉ္စမ အင်အားစုတို့၊ အဲဒါတွေက အရေးမကြီးပါဘူး။ တကယ် အရေးကြီးတာက ဒီမိုကရေစီအတွက် တကယ်လုပ်ပေးချင်တဲ့အဖွဲ့၊ တချို့အဖွဲ့တွေက ဘယ်လို ပေါင်းစုပြီးတော့ ပြည်သူအတွက် ထိရောက်အောင် လုပ်ပေးနိုင်မလဲ ဆိုတာပဲ အရေးကြီးပါတယ်။ ဒုတိယ အင်အားစုတို့၊ တတိယ အင်အားစုတို့ဆိုတာ နာမည်တွေပဲ ဖြစ်ပါတယ်။ ဒီနာမည်ဆိုတာ တကယ်ပဲ ထိရောက်တဲ့ နာမည်လား ဘာလားဆိုတာ ကျမတို့ သိမှာမဟုတ်ပါဘူး။”
ရွေးကောက်ပွဲမှာ NLD ပါတီ အရွေးမခံတဲ့အတွက် ပါတီရဲ့ ရှေ့ရပ်တည်မှု ဘယ်လိုဖြစ်မှာလဲဆိုတဲ့ နိုင်ငံခြား သတင်းထောက်ရဲ့ အမေးကို ဖြေရာမှာတော့…
“အမျိုးသား ဒီမိုကရေစီ အဖွဲ့ချုပ်ကို ပါတီတခု အနေနဲ့ ရပ်တည်ဖို့ တည်ထောင်ခဲ့တာ မဟုတ်ပါဘူး။ ဒီမိုကရေစီ ရရှိအောင် လှုပ်ရှားဆောင်ရွက်မယ့် အဖွဲ့တခု အနေနဲ့ တည်ထောင်ခဲ့တာပါ။ မြန်မာနိုင်ငံမှာ ပြည်သူတွေဟာ ဒီမိုကရေစီကို လိုလားနေသရွေ့၊ အာဏာပိုင်တွေက တရားဝင်တယ်ပဲပြောပြော၊ တရားမဝင်ဘူးပဲပြောပြော၊ အမျိုးသား ဒီမိုကရေစီ အဖွဲ့ချုပ်ကတော့ ဆက်လက် ရှိနေမှာပဲ။” လို့ ဖြေကြားခဲ့တာ ဖြစ်ပါတယ်။
NLD ပါတီကို ဖျက်သိမ်းတာနဲ့ ပတ်သက်လို့ တရားဆိုင်နေဆဲဖြစ်လို့ တရားမဝင်ပါတီလို့ ပြောလို့ မရတာကိုလည်း ဒေါ်အောင်ဆန်းစုကြည်က သတင်းစာ ရှင်းလင်းပွဲမှာ ထောက်ပြသွားပါတယ်။
“အခုက NLD ဟာ ဖျက်ပိုင်ခွင့် ရှိမရှိဆိုတာ တရားရုံးမှာ ရောက်နေတယ်။ ၁၈ ရက်နေ့မှာ တရားရုံးက ကြားနာမယ်။ အဲဒါပြီးမှ အဖြေထွက်မယ်။ ဒါပေမဲ့ ဒါဟာ တရားရုံးကချတဲ့ အဖြေသာဖြစ်တယ်။ NLD ဆက်လက် တည်ရှိလား၊ မတည်ရှိဘူးလားဆိုတဲ့ အဖြေမှန်ကတော့ ပြည်သူလူထုရဲ့ နှလုံးသားထဲမှာပဲ ရှိတယ်။”
အမျိုးသား ဒီမိုကရေစီ အဖွဲ့ချုပ်က NGO အဖွဲ့အနေနဲ့ လုပ်မှာမဟုတ်ဘူး ဆိုတာကိုလည်း ရှင်းပြပါတယ်။
“ဒီအဖွဲ့ချုပ်က နိုင်ငံရေးအဖွဲ့ပဲ။ အဲဒီတော့ အန်တီတို့ အနေနဲ့ NGO ဖွဲ့မယ်လို့လည်း တခါမှ မပြောခဲ့ဘူး။ အန်တီတို့ ပြောတာက လူမှုဝန်ထမ်း အလုပ်တွေ လုပ်ရမယ်။ လူမှုဝန်ထမ်း အလုပ် လုပ်တယ်ဆိုတာ၊ လူမှုဝန်ထမ်းဆိုတာ နိုင်ငံရေးနဲ့ ခွဲခြားလို့ မရဘူး။ အခုအချိန်မှာ အန်တီတို့ ပြည်သူတွေက အင်မတန်မှ လိုအပ်နေတယ်။ ဆင်းရဲနေတယ်၊ ဒုက္ခရောက်နေတယ်၊ အကူအညီ လိုနေတယ်။ အဲဒီ လိုချင်တဲ့၊ လိုနေတဲ့ အကူအညီတွေကို ပေးနိုင်သလောက် ပေးဖို့ပဲ။ အဲဒါလည်း အခုမှလုပ်တာ မဟုတ်ပါဘူး။ အခုမှပြောတာ ဆိုပေမဲ့ တကယ်တော့ ၁၉၉၅ ခုနှစ်ကတည်းက စပြီးတော့ ဒီလို လူမှုဝန်ထမ်း အလုပ်တွေကို လုပ်ခဲ့တာပဲ။”
မြန်မာနိုင်ငံအပေါ်မှာ နိုင်ငံတကာရဲ့ ပိတ်ဆို့ အရေးယူမှုတွေ ဖယ်ရှားရေးနဲ့ ပတ်သက်လို့ မေးခွန်းမေးတာကိုတော့ NLD အလုပ်အမှုဆောင်တွေနဲ့ မဆွေးနွေးရသေးတဲ့အတွက် အတိအကျ မပြောနိုင်သေးပေမဲ့ ပြည်သူတွေရဲ့ ဆန္ဒအတိုင်း ဖြစ်ရမယ်လို့ ဒေါ်အောင်ဆန်းစုကြည်က ပြန်ဖြေပါတယ်။
“ပြည်သူတွေက ခိုင်မာတဲ့ အကြောင်းအချက်တွေနဲ့ Sanction ကို ဖျက်စေချင်ပါတယ်ဆိုရင် ဖျက်မယ်။ ခိုင်မာတဲ့ အကြောင်းရပ်တွေ ဖြစ်ရမယ်။”
သတင်းစာ ရှင်းလင်းပွဲမှာ တယောက်က ဒေါ်အောင်ဆန်းစုကြည် လွတ်လာတဲ့ အပေါ်မှာ ဗိုလ်ချုပ်မှူးကြီး သန်းရွှေကို ဘာပြောချင်ပါလဲလို့ မေးတာကိုတော့ ဒေါ်အောင်ဆန်းစုကြည်က…
“ဘာပြောချင်လဲဆိုတော့ ဘာပဲဖြစ်ဖြစ် ပြောခွင့်ရရင် ကောင်းမှာပဲ။ ပြောကြစို့ ဆိုတာပဲ ပြောချင်ပါတယ်။”
မကြာခင်က ကလေးမြို့မှာ ဒုတိယ ပင်လုံညီလာခံ ခေါ်ဖို့နဲ့ ပတ်သက်တဲ့ ကလေးမြို့ ကြေညာစာတမ်း ထုတ်ပြန်ခဲ့တဲ့အပေါ် သူ့ရဲ့ သဘောထားကိုလည်း အခုလို ပြောသွားပါတယ်။
“ဒုတိယပင်လုံ ဆိုတာက ကျမ ၈၉ ခုနှစ်တုန်းက ပြောခဲ့ဖူးတဲ့ ကိစ္စပဲ။ အခုအချိန်မှာတော့ ၂၁ ရာစုနဲ့ ကိုက်ညီတဲ့ ပင်လုံစိတ်ဓာတ် ထူထောင်ဖို့ ပင်လုံညီလာခံတခု လိုတယ် ဆိုတာကိုပဲ ပြောလိုပါတယ်။”
မြန်မာနိုင်ငံမှာ တိုက်ပွဲတွေနဲ့ ပြဿနာကို ဖြေရှင်းတာဟာ စိတ်မကောင်းစရာလို့လည်း ဒေါ်အောင်ဆန်းစုကြည်က မြင်ပါတယ်။
“တိုင်းရင်းသားတွေနဲ့ တိုက်ပွဲဖြစ်တာကတော့ ဘာများ စိတ်ချမ်းသာစရာရှိလဲ၊ တိုင်းရင်းသားတွေနဲ့ တိုက်ပွဲဖြစ်တာ ကျမတို့ အားလုံးအတွက် စိုးရိမ်စရာပေါ့၊ စိတ်မကောင်းစရာပေါ့။ ဒီလိုဟာမျိုးတွေ မဖြစ်သင့်ဘူး။ ဒါကို ကျမတို့က ငြိမ်းချမ်းတဲ့နည်းနဲ့ မတူကွဲပြားတဲ့ အတွေးအမြင်တွေကို ဖြေရှင်းမယ်ဆိုတဲ့ အယူအဆကို ကိုင်စွဲထားတဲ့သူတွေ ဆိုတော့ ဒီလို တိုက်ပွဲတွေနဲ့ ဖြေရှင်းရမယ်ဆိုတဲ့ ကိစ္စက ကျမတို့အတွက် အများကြီး ၀မ်းနည်းစရာပဲ။”
မြန်မာနိုင်ငံမှာ အကျဉ်းကျနေဆဲဖြစ်တဲ့ နိုင်ငံရေး အကျဉ်းသားတွေ အရေးကိုလည်း မမေ့ပါဘူး ဆိုတာကို သတင်းစာ ရှင်းလင်းပွဲမှာ ပြောသွားပါသေးတယ်။
“နိုင်ငံရေး အကျဉ်းသားတွေလည်း တောင့်ထားလို့ ပြောရမှာပဲ။ ဘယ်တော့မှ မမေ့ဘူး။ ကျမတို့စိတ်ထဲမှာ တချိန်လုံးရှိနေတဲ့ ကိစ္စပဲ။”
မြန်မာပြည်သူတွေ ပညာရေးပိုင်း အားနည်းတာ၊ နိုင်ငံရေးအသိ အားနည်းတာနဲ့ ပတ်သက်တဲ့ အမေးကို ဖြေတာမှာလည်း…
“ပွင့်ပွင့်လင်းလင်း ပြောရရင် အန်တီတို့ ပြည်သူတွေအနေနဲ့ Education အပိုင်းမှာ တော်တော့်ကို အားနည်းပါတယ်။ ပြည်သူတွေရဲ့ ပညာရေးကို ပိုပြီးတော့ မြှင့်တင်ဖို့လိုတယ်။ ပညာရေး စနစ်ကြီးကိုက အားနည်းနေမှတော့ နိုင်ငံရေး အသိပညာလည်း အားနည်းမှာပေါ့။”
နှစ်ပေါင်းများစွာ မိသားစုအရေးထက် မြန်မာပြည်သူတွေ အရေးကို ဆောင်ရွက်နေတဲ့အတွက် သူ့ကို အနစ်နာခံတယ်လို့ ပြောကြတာကိုလည်း ဒေါ်အောင်ဆန်းစုကြည် ပြန်ပြောတာက သူကတော့ အဲဒီလို မယူဆပါဘူးတဲ့။
“အနစ်နာခံတယ်လို့တော့ အမေ လုံးဝ စိတ်ထဲမှာ မထားဘူး။ အမေ့ကို အနစ်နာခံတယ်၊ အနစ်နာခံတယ်လို့ ပြောရင်လည်း ဒါ တကယ့်ကို မျက်နှာပူစရာ ကိစ္စပဲ။ ဒါ အမေ လျှောက်ချင်တဲ့လမ်းကို အမေ့ဘာသာ ရွေးပြီးတော့ လျှောက်တာ။ အနစ်နာခံတယ်လို့ လုံးဝ မထားဘူး။ စိတ်ထဲမှာ အနစ်နာခံတယ် ဆိုတာက အကြွေးတောင်းတဲ့ သဘောပဲ။ ဒါကြောင့် ကိုယ့်ကိုယ်ကို အနစ်နာခံတယ်လို့ လုံးလုံး မထင်ဘူး။ ကိုယ်ရွေးတဲ့လမ်းကို ကိုယ်လျှောက်တယ်၊ ကိုယ်ကြိုက်လို့ ကိုယ်လျှောက်တယ်။ ခံစရာရှိရင် ကိုယ်ခံမယ်။ ဘယ်သူ့ကိုမှလည်း အကြွေးလာမတောင်းဘူး။”
ဒေါ်အောင်ဆန်းစုကြည်ကို နုပျိုနေအောင် ဘယ်လိုနေပါသလဲလို့ တယောက်ကလည်း မေးပါတယ်။ အဲဒါကိုတော့ အရွှန်းဖောက်ပြီး ဒေါ်အောင်ဆန်းစုကြည် ပြန်ဖြေတာက…
“အလုပ်လိုအပ်ချက်အရ ဒီမိုကရေစီ မရမချင်း ကျန်းကျန်းမာမာနဲ့ ခိုင်ခိုင်မာမာ နေရမယ်။ ဒီမိုကရေစီ မြန်မြန်ရရင်တော့ ကောင်းကောင်းမွန်မွန်၊ အေးအေးဆေးဆေး အဖွားကြီးလို သွားမယ်။”
သူ့ရဲ့အင်အားဟာ ပြည်သူတွေရဲ့အင်အား ဖြစ်တယ် ဆိုတာကိုလည်း ဒေါ်အောင်ဆန်းစုကြည်က ပြောပြီး အားလုံး လက်တွဲလုပ်သွားရမယ့် အကြောင်းကို အလေးပေး ပြောသွားပါသေးတယ်။
“ပြည်သူတွေရဲ့ အားက အန်တီ့အားပဲ။ အန်တီ့အားဖြစ်အောင် အားရှိရှိနဲ့ နေရမှာပေါ့။ အန်တီက တယောက်တည်း လုပ်လို့ရလို့လား။ စောစောကလည်း ပြောပြီးပြီ၊ လူတယောက်တည်း ဒီမိုကရေစီ လုပ်လို့ရရင် ဒီလောက်များ လွယ်မယ် ထင်လို့လား။ တန်ဖိုး အတော်ရှိတဲ့ကိစ္စနော်၊ တန်ဖိုးရှိတဲ့ ကိစ္စတခုအတွက်ဆိုရင် အများကြီး ပေးဆပ်ရတယ်။ တယောက်တည်း လုပ်လို့လည်း မရဘူး။ တယောက်တည်း လုပ်လို့ရတယ်လို့ ထင်ရင်လည်း ဒီမိုကရေစီစိတ်ဓာတ်ကို မဟုတ်တော့ဘူး။ အဲတော့ ပြည်သူက ဒီမိုကရေစီ လိုချင်ပါတယ်၊ ဒေါ်အောင်ဆန်းစုကြည် လုပ်ပေးဆိုရင် ဒီမိုကရေစီရမှာ မဟုတ်ဘူး၊ ဒေါ်အောင်ဆန်းစုကြည်ဆိုတဲ့ အာဏာရှင် တယောက်ပဲ ပေါ်လာမှာပဲ။ အဲတော့ ပြည်သူက ၀ိုင်းပြီးလုပ်ရမယ်။”
အခုလို မေးကြ ပြောကြတာတွေကို ပြည်တွင်း သတင်းမီဒီယာတွေမှာ ရေးသားခွင့်မရရင် ဘာပြောမလဲလို့ ပြည်တွင်းသတင်းထောက် တယောက်က မေးတော့…
“အဲဒီလိုဆိုရင်တော့ ရွေးကောက်ပွဲပြီးတော့ ဘာမှလည်း မထူးခြားပါလားလို့ ပြောရမှာပဲ။”
တနင်္ဂနွေနေ့က အမျိုးသား ဒီမိုကရေစီ ရုံးချုပ်မှာ လုပ်ခဲ့တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်ရဲ့ ပြောကြားသွားချက်တွေ ဖြစ်ပါတယ်။ သတင်းစာ ရှင်းလင်းပွဲမှာ ပြည်တွင်း ပြည်ပက သတင်းထောက်တွေနဲ့ ပြည့်နှက်နေတာကို တွေ့ရပါတယ်။
မြန်မာနိုင်ငံမှာ ဒီမိုကရေစီရဖို့ နီးပြီလားလို့ နိုင်ငံခြား သတင်းထောက် တယောက်က မေးတာကို ဒေါ်အောင်ဆန်းစုကြည်က သူ့အနေနဲ့ ရှေ့ကို ကြိုမမြင်နိုင်လို့ ဘယ်တော့ မြန်မြန်ရမယ် ဆိုတာကိုတော့ မပြောနိုင်ပါဘူး၊ အမြန်ဆုံး ရအောင်အတွက် ကြိုးစားသွားပါ့မယ်၊ ဒီမိုကရေစီ ရရှိရေး ကြိုးပမ်းမှုဟာ ပြည်သူတွေဆီက ထောက်ခံမှု ဘယ်လောက်ရသလဲ ဆိုတဲ့အပေါ်မှာ အများကြီး မူတည်နေပါတယ်လို့ ဒေါ်အောင်ဆန်းစုကြည်က ဖြေသွားပါတယ်။
Read More...
Summary only...
.jpg)
.jpg)
