ယခုလ ၂၁ရက်နေ့တွင် ၉နှစ်ပြည့်မြောက်ပြီဖြစ်သည့် ကလိုကွယ် တေးဂီတအဖွဲ့ကို ၂၀၀၁ခုနှစ်တွင် ရန်ကုန်မြို့ ကရင်နှစ်ခြင်းခရစ်ယန်လူငယ်အဖွဲ့မှ ဂီတ၀ါသနာရှင်များက စတင် တည်ထောင်ခဲ့သည်။ ကလိုကွယ်သည် ဘာသာရေးနှင့် ဂီတကို အခြေခံကာ ဖွဲ့တည်လာခဲ့သော်လည်း လူမျိုးရေးအတွက် ရပ် တည်ပေးနေခြင်းဖြစ်ပြီး အဖွဲ့ဝင်ပေါင်း ၄၀နီးပါးရှိသည်။ အဆိုပါအဖွဲ့သည် ဂီတလှုပ်ရှားမှုအပြင် မြန်မာနိုင်ငံအတွင်း၌ ပညာ ရေး၊ လူမှုရေးနှင့် ဘာသာရေးလုပ်ငန်းများတွင်လည်း ပါဝင်ဆောင်ရွက်မှုများ ရှိသည်ဟု သိရသည်။

ကျနော်က နဂိုကတည်းက Musician တယောက်အနေနဲ့ ရပ်တည်ခဲ့ပါ။ ဒီ ကလိုကွယ်တေးဂီတ စတည်ထောင်ကတည်းက ကျနော် ပါဝင်ခဲ့တာ အခုဆိုရင် ၉နှစ်ပြည့်နေပါပြီ။ ဒီကာလတလျှောက် အောင်မြင်မှုတွေတော့ အများကြီးရခဲ့ပါတယ်။ ကျနော် တို့တွေ ပေးဆပ်တဲ့ အတိုင်းအတာတခုအထိတော့ အောင်မြင်ပါတယ်။ ဒါပေမဲ့ ကမ္ဘာနဲ့ချီပြီး အောင်မြင်တဲ့ အတိုင်းအတာက တော့ မရှိသေးပါဘူး။
ဒီ ၉နှစ်အတွင်းမှာ အခက်အခဲတွေက လူတကိုယ် စိတ်တမျိုးဆိုတော့ ရှိတာပေါ့နော်။ ဒါပေမယ့် ကျနော်ကိုယ်၌က ကျနော့်လူ မျိုးအတွက် ဦးစားပေးတဲ့စိတ်တခုနဲ့တင် ဒီစိတ်ချမ်းသာမှုအပေါ်မှာပဲ ဆက်လုပ်သွားမှာပါ။ အဓိကတော့ ကရင်လူမျိုးအတွက် ကို ဦးစားပေးပြီး စိတ်ထဲမှာ ထည့်ထားတော့ အဲဒီအခက်အခဲတွေကို ခဏမေ့ပြီး လုပ်လာလိုက်တာပဲ။
ရှေ့ဆက်ပြီး ကျနော်တို့ရဲ့ Target ပေါ့နော်။ ကျနော်တို့ မျှော်လင့်ထားတာကတော့ ပျော်ပျော်ရွှင်ရွှင်နဲ့ပဲ မြင်ချင်ပါတယ်။ ဘယ် နေရာမှာတွေ့တဲ့ ကရင်လူမျိုးတွေပဲဖြစ်ဖြစ် ကျနော်တို့က အားလုံးကို ချစ်ခင်လိုတဲ့ စိတ်ဆန္ဒအမြဲရှိတယ်။ ကရင်လူမျိုးက လည်း တကမ္ဘာလုံးမှာရှိတဲ့အတွက် ကျနော်တို့က လူမျိုးရေးသီချင်းတွေ၊ ဘာသာရေးသီချင်းတွေနဲ့ အသက်ရှင်ရတဲ့အခါကျ တော့ ဒီ ကလိုကွယ်အနေနဲ့ အောင်မြင်ပါတယ်။ Music ဆိုတာက စိတ်နဲ့ပဲ အလုပ်လုပ်ရတယ်ဆိုတော့ စိတ်ချမ်းသာပြီး ကျနော်တို့ စိတ်အောင်မြင်မှုတော့ တော်တော်လေးကို ရှိပါတယ်။ ဒါကြောင့် ကရင်လူမျိုးတွေအားလုံး ညီညွှတ်တဲ့ စိတ်ခံစားမှု တခုနဲ့ အလုပ်လုပ်ကြပါလို့ ကျနော်ပြောချင်တယ်။

ကလိုကွယ် တေးဂီတမှာ ကျနော်က အသက်အငယ်ဆုံးဆိုတော့ Music အတွေ့အကြုံဆိုရင် ကျန်တဲ့အစ်ကိုကြီးတွေထက် နောက်ကျတာပေါ့နော်။ ကျနော်မှတ်မိသလောက် ကျနော်က ကလိုကွယ်မှာ ၂၀၀၂လောက်မှာ စပြီးတော့ ပါဝင်တာပါ။ ကလို ကွယ်ဆိုတာ ကျနော်တို့ အဖွဲ့ဝင်တွေချည်းပဲ မဟုတ်ဘူး။ ကရင်ပရိဿတ်တွေအားလုံးဟာ ကလိုကွယ်ချည်းပဲလို့ ကျနော်တို့ ခံ ယူထားတယ်။ ကလိုကွယ်က ကျနော်တို့ ကရင်လူမျိုးရဲ့ အထိမ်းအမှတ်ပဲ။
၂၀၀၃၊ နိုဝင်ဘာလတုန်းက ကျနော်တို့ ရန်ကုန်ကနေ ပုသိမ်။ ပုသိမ်ကနေ ချောင်းသာ၊ ချောင်းသာကနေ ၀က်သေကိုသွား တော့ ကျနော်တို့ သင်္ဘောက ပင်လယ်ထဲကို မြုပ်တယ်။ အဲဒီမှာ နော်စမောလယ်၊ အကြင်နာသောမတ်စ်၊ ဒေါက်တာရဟာ့ လင်းလင်း အပါအ၀င် ကလိုကွယ်အဖွဲ့အားလုံး (၁၂)ယောက်ပါတယ်။ သင်္ဘောက ကမ်းနဲ့ အဝေးကြီး။ ဘာမှမမြင်ရဘူး။ ကူး လို့လည်း မလွယ်ဘူး။ အဲဒီအချိန် ကျနော်တို့အားလုံး ဆုတောင်းကြတယ်။ ၅နာရီခွဲလောက်က စပြီးဖြစ်တာ ၈နာရီလောက်ကျ မှ ဘုရားသခင်ကျေးဇူးနဲ့ သင်္ဘောလေးတစီးက ကျနော်တို့ကို လာကြိုပေးတော့ ကျနော်တို့ ကုန်းပေါ်ကို ပြန်ရောက်တယ်။ ဒါ က ကလိုကွယ်ခရီးစဉ်မှာ ကျနော်တို့ရဲ့ အခက်အခဲတွေပေါ့။
နောက် အောင်မြင်မှုနဲ့ ပတ်သက်ပြောရမယ်ဆိုရင်တော့ ပြည်တွင်းပြည်ပက ကျနော်တို့ ကရင်တိုင်းရင်းသားတွေ ၀ိုင်းပြီးတော့ ပါဝင်လှုပ်ရှားကြတာပေါ့နော်။ ဘုရားသခင်ရဲ့ ကျေးဇူးတော်နဲ့ပဲ ပြည်ပခရီးစဉ်အဖြစ် ၂၀၀၅မှာ ကျနော်တို့ ထိုင်းနိုင်ငံ၊ ချင်းမိုင် မြို့ကို စသွားရတာပေါ့နော်။ အဲဒီနောက်ပိုင်းမှာ ကျနော်တို့ စင်္ကာပူ၊ မလေးရှား၊ သွားရတယ်။ ဒါ ကျနော်တို့ရဲ့ အောင်မြင်မှုတွေ ပေါ့နော်။ အနာဂတ်မှာတော့ ကျနော်တို့ တယောက်နဲ့တယောက် ချစ်ခြင်းမေတ္တာတွေ ရှိကြမယ်၊ (ပဟူးပပို)စည်းလုံးကြမယ်ဆို ရင် ဒီထက်မက အောင်မြင်မှာပဲ။ ကျနော်တို့ကတော့ ကမ္ဘာသိဖြစ်အောင် အောင်မြင်စေချင်တယ်။

ကျနော့်နာမည်က စောထူးစေးဖောပေါ့နော်။ ဒါပေမယ့် ဘိုတောက်လို့ပဲ အများက သိကြတယ်။ ကလိုကွယ်ထဲမှာ ဆရာတွေက ကျနော့်ကို ခေါ်တီးခိုင်းတော့ ကျနော်လည်း ၀မ်းသာတာပေါ့။ ကလိုကွယ်ထဲမှာ တီးတာက မဲဒီစေးရဲ့ ပထမဆုံး Album မှာပေါ့ နော်။ ကလိုကွယ်ဖွဲ့ကတည်းက ကျနော် ပါလာတာ။ လူကြီးတွေကလည်း ကျနော်တို့ကို ယုံကြည်တယ်။ ကိုယ့်လူမျိုးအတွက် တီးရတယ်ဆိုတော့ ကျနော်တို့လည်း ပျော်တာပေါ့။ ဒါကြောင့် ခုချိန်အထိ ပါလာခဲ့တာ။ ကျနော်ထင်တာကတော့ ကလိုကွယ် ဟာ ဘုရားသခင် အလိုရှိရာပဲ။ ဆရာတွေရဲ့ တည်ဆောက်မှုကလည်း ကောင်းတယ်။ အုပ်ချုပ်မှုနဲ့ ဗျူဟာလေးတွေ ရှိနေလို့၊ လူတွေကလည်း ကြိုးစားကြလို့ (၉)နှစ်ပြည့်တဲ့အထိကို ရောက်လာတာပဲ။ ကျနော် ငယ်ငယ်ကတည်းက ၀ါသနာပါတော့ စိတ် ကျေနပ်မှု ရှိတယ်။ ဘာဖြစ်လို့လဲဆိုတော့ ပြည်တွင်းမှာရော၊ ပြည်ပမှာရောရှိတဲ့ ကိုယ့်ကရင်တွေကို စိတ်ပျော်ရွှင်အောင် လုပ် ပေးနိုင်တယ်လေ။ သူတို့လည်း ကျနော်တို့ကို လက်ခံတယ်။ အဲဒီလိုဖြစ်တော့ ကျနော်တို့ လူမျိုးစုအတွက် Tradition ပေါ့။ ကျနော်တို့ တယောက်နဲ့တယောက် ချစ်ခြင်းမေတ္တာဟာ ကလိုကွယ်ပေါ်မှာ ကြီးလာတာကိုး။ နောက် တဖြည်းဖြည်း ဒါထက် အောင်မြင်တိုးတက်လာမယ်လို့ ကျနော်မြင်တယ်။
နားထောင်တဲ့သူတွေကတော့ ကျနော်တို့ Music တီးခေါက်တာကို သူတို့ လက်ခံတယ်။ ကျနော်တို့မှာလည်း တတ်သလောက် ကိုယ့်ဟာကိုယ်ပဲ ကြိုးစားပြီးတော့ ရှာခဲ့ရတာပေါ့။ မြင်ဆရာ၊ သင်ဆရာ လူကြီးတွေအနေနဲ့ ကိုဘွိုင်းတို့ ဘာတို့ဆိုရင် ဦး ဆောင်တဲ့ လူကြီးတွေ ကောင်းတဲ့အခါကျတော့ ကျနော်တို့လည်း ဒီလိုမျိုးရောက်တယ်။ ပရိဿတ်ကိုလည်း ကျေးဇူးတင်ရတာ ပေါ့။ ပြည်တွင်းပြည်ပမှာ ရှိတဲ့ ကျနော်တို့တိုင်းရင်းသားတွေ အကုန်လုံးကလည်း လက်ခံလို့ ကျနော်တို့ ဒီ ၉နှစ်ခရီးစဉ်ကို ရောက်လာတာပဲ။
ကျနော် ၁၂ နှစ်သားအရွယ် ပွဲတခုမှာ Drum တီးမှာကို အဖေ(စောဘွဲ့မှူး)က မပေးတီးဘူး။ ဘုရားကျောင်းမှာ ကျနော် Drum ခိုးတီးလာတာ အဖေ တခါမှ မတွေ့ဘူး။ အိမ်မှာလည်း သူမသိအောင် တီးနေတာကိုး။ သူ့သီချင်းက ကျနော်အကုန် အလွတ်ရ နေပြီဟာ။ တကယ်တီးဖြစ်တော့ သူများရှေ့မှာ ပေါက်ကရ တီးဖြစ်မိစိုးလို့ သူကိုယ်တိုင် လျှောက်လိုက်နေတယ်။ မီးမီးခဲကျ တော့ ၅နှစ်သမီးအရွယ်တုန်းက သီချင်းဆိုတာ သူ့အသံကို သဘောကျတော့ အဖေက ဘာမှမပြောဘူး။ အဖေက သူသာ ဆို တာ။ Control တော့ မလုပ်ဘူး။ ၀ါသနာပါရင် လုပ်။ မပါရင်လည်း ဘာမှမပြောဘူး။ ဒါပေမယ့် မျိုးရိုးပေါ့။ မျိုးရိုးလိုက်တာကိုး။

Read More...

Summary only...

ရွှေပြည်စိုး(မိုးမခ)
“သင်္ကြန်အကြတ်နေ့ X20 မဏ္ဍပ်ရှေ့မှာ ဖောက်ခွဲတဲ့ ရည်ရွယ်ချက်မှာ-

၁။ NLD နဲ့ အခြား ဒီမိုကရေစီ ပါတီတွေ၊ ဒီမိုကရေစီအင်အားစုတွေကို နာမည်ဖျက်ရေး

၂။ ငြိမ်းချမ်းရေး နိုဘယ်ဆုရှင် ပြည်သူ့အချစ်တော် ဒေါ်အောင်ဆန်းစုကြည်ရဲ့ အခန်းကဏ္ဍ မှေးမှိန်သွားရေး

၃။ ဒီမိုကရေစီ အင်အားစုများနဲ့ ပြည်သူများအကြား အထင်လွဲမှားစေရေး

၎။ ဒီမိုကရေစီ အင်အားစုများအပေါ် နိုင်ငံတကာက အကြမ်းဖက်သမားအဖြစ် အထင်လွဲမှားစေရေး…. တို့ဖြစ်ပါတယ်။ …”

နအဖလက်ချက်မှတပါး အခြားမရှိဆိုတာဟာ ၂၀၁၀- ၄ လ ၁၅ ရက် သင်္ကြန်အကြတ်နေ့ X20 မဏ္ဍပ်ရှေ့ ပေါက်ကွဲမှုအပါအ၀င် ရန်ကုန်နယ်နိမိတ်အတွင်း ပေါက်ကွဲမှုများဟာ နအဖ လက်ချက်သာ ဖြစ်တယ်လို့ ဆိုလိုခြင်း ဖြစ်ပါတယ်။

ယခင်ရန်ကုန်မြို့

ရန်ကုန်မြို့ဟာ ဟိုးနှစ်ပေါင်းများစွာ နိုင်ငံရေး အစိုးရအဆက်ဆက် ကတည်းက အလွန်စည်းကားသန့်ရှင်းသပ်ရပ်တဲ့ မြို့တော် ဖြစ်ပါတယ်။ ရန်ကုန်မြို့ဟာ အစိုးရရုံးစိုက်ရာ ကုလသမဂ္ဂရုံးစိုက်ရာ နိုင်ငံတကာ သံရုံးများစိုက်ရာ မြို့ဖြစ်တဲ့အပြင် ပြည်တွင်းပြည်ပကုန်သွယ်ရေးဆိုင်ရာ စီးပွားရေး အချက်အချာကျတဲ့ မြို့လည်း ဖြစ်ပါတယ်။

ပြည်သူအများထံမှ ကောက်ခံရရှိတဲ့ အခွန်တော်ငွေတွေနဲ့ ရှင်သန်နေရတဲ့ အစိုးရအဖွဲ့အစည်းများကလည်း ပြည်သူများရဲ့ အသက်အိုးအိမ် စည်းစိမ်များကို ကာကွယ်စောင့်ရှောက်ပေးရမယ့် တာဝန်ရှိသလို တာဝန်ကျေပွန်အောင်လည်း ထမ်းဆောင်ခဲ့ကြပါတယ်။ ပြည်ပရန်နဲ့ လက်နက်ကိုင်သောင်းကျန်းသူများရဲ့ ရန်ကို ကာကွယ်ပေးဖို့ အစိုးရက ဖွဲ့စည်းထားတဲ့ တပ်မတော်ကလည်း သူတို့တာဝန်ကို ကျေပွန်အောင် ထမ်းဆောင်ခဲ့လို့ အစိုးရနဲ့ပြည်သူ တပ်မတော်နဲ့ပြည်သူများဟာ အစဉ်ကြည်ဖြူလျက်ရှိကြပါတယ်။ ပူပင်ကြောင့်ကြမှုဆိုတာလည်း မရှိကြပါ။

ယခုရန်ကုန်မြို့

န၀တ၊ နအဖ ခေတ်ရောက်လာတဲ့အခါ ရန်ကုန်မြို့ဟာ မြို့အင်္ဂါရပ်နဲ့ မညီတော့ဘဲ တောရွာဇနပုဒ် အဆင့်လောက်သာ ရှိပါတော့တယ်။ အခုဆိုရင် ဒုစရိုက်မြို့လို ဖြစ်နေပါပြီ။

ရန်ကုန်မြို့နယ်အတွင်းရှိ မြို့နယ်တိုင်း ရပ်ကွက်တိုင်းမှာ ဒုစရိုက်မှုတွေ၊ရာဇ၀တ်မှုတွေဟာ နေ့စဉ်နဲ့အမျှ ဖြစ်ပွားလျက်ရှိပါတယ်။ ဒါ့အပြင် မကြာခဏ ဗုံးပေါက်ကွဲမှုတွေ ဖြစ်ပေါ်လျက်ရှိပါတယ်။ ဒါကြောင့် ရန်ကုန်သားတွေဟာ နေ့စဉ်နဲ့အမျှ ကြောင့်ကြပူပန်မှုတွေ စိုးရိမ်မှုတွေနဲ့ ရင်ဆိုင်နေကြရပါတယ်။

ရန်ကုန်မြို့တည်ရှိမှု

ရန်ကုန်မြို့ဟာ -

၁။ ထိုင်း အိန္ဒိယ၊ တရုတ်၊ ဘင်္ဂလားဒေ့ရှ် နိုင်ငံတွေနဲ့ ထိစပ်နေတဲ့ နယ်စပ်မြို့ မဟုတ်တာရယ်

၂။ ရန်ကုန်မြို့ဝင်ပေါက်တွေ အားလုံးကို လုံခြုံရေးတပ်ဖွဲ့တွေက နေ့ညမပြတ်စောင့်ကြပ်နေတာရယ်

၃။ ရန်ကုန်နယ်နိမိတ်အတွင်းရှိ မြို့နယ်တိုင်း ရပ်ကွက်တိုင်းမှာ ထောက်လှန်းရေး၊ ရဲ၊ မယက၊ ရယက၊ ကြံ့ဖွတ်၊ စွမ်းအားရှင်တွေက ရပ်ကွက်ထဲဝင်လာတဲ့ သူစိမ်းမှန်သမျှကို နေ့ညမလွတ်တမ်း စောင့်ဖမ်းနေတာရယ်….

စတာတွေကြောင့် ရန်ကုန်မြို့အတွင်းကို ဘယ်နယ်ခြား၊ပယ်ခြားက လူစိမ်းမှ မလာရောက်နိုင်သလို ဘာလက်နက်မှလည်း မ၀င်နိုင်ပါ။ ရန်ကုန်မြို့သူမြို့သားတွေမှာ ဓားမတိုမှလွဲလို့ ဘာလက်နက်မှ မရှိပါ။ ဗုံးတို့၊ သေနတ်တို့ဆိုတာတော့ ဝေလာဝေးပါ။

ရန်ကုန်မြို့နေလူထုဟာ နအဖရဲ့ လုံခြုံရေးတပ်တွေ ထူထပ်စွာ ချထားနေပါလျက် သူပုန်သူကန်တွေလည်း မ၀င်နိုင်ပါလျက် ရန်ကုန်မြို့သားတွေမှာလည်း ဘာလက်နက်မှ မရှိပါလျက်နဲ့ ဘာကို စိုးရိမ်ကြောင့်ကြ နေကြတာလဲလို့ ဆန်းစစ်ကြည့်တဲ့အခါ မကြာခဏ ပေါက်ကွဲလေ့ရှိတဲ့ ဗုံးတွေကြောင့် ဖြစ်ကြောင်း တွေ့ရှိရပါတယ်။

ရန်ကုန်နေလူထုမှာလည်း ဒီလှိုဗုံးမျိုးမရှိ၊ နယ်ခြားက ဘယ်သူကမှ ၀င်မလာနိုင်လို့ ဘာဗုံးမှလည်း မရှိ။ အဲဒီတော့ ရန်ကုန်မှာ မကြာခဏပေါက်နေတဲ့ ဗုံးတွေဟာ ဘယ်ကထွက်လာသလဲလို့ ဆန်းစစ်ကြည့်ရင် ‘ရွှေသမင်ဘယ်ကထွက်၊ မင်းကြီးတာကထွက်’ ဆိုတဲ့အတိုင်း နအဖဆီက ထွက်လာတဲ့ဗုံးတွေ ဖြစ်နေပြီဆိုတာ သေချာပေါက် တွက်လို့ရပါပြီ။ ဒီလိုဆိုရင် သင်္ကြန်အကြတ် ၂၀၁၀၊ ၄ လ ၁၅ ရက်နေ့က X20 မဏ္ဍပ်ရှေ့မှာ ပေါက်ကွဲတဲ့ ဗုံးသုံးလုံးဟာ နအဖခွဲတဲ့ ဗုံးတွေဖြစ်နေပြီဆိုတာ သေချာနေပါပြီ။ အဲဒီဗုံးခွဲမှုမှာ လူ ၁၀ ယောက်သေ၊ ၁၇၀ ကျော် ဒဏ်ရာရတဲ့ ရာဇ၀တ်မှု တရားခံဟာ နအဖပါပဲ။

ဒါကြောင့် ရန်ကုန်နယ်နိမိတ်အတွင်း ပေါက်ကွဲတဲ့ဗုံးတွေဟာ နအဖ လက်ချက်မှတပါး အခြားမရှိ ဖြစ်နေပါတယ်။

နအဖရဲ့ရည်ရွယ်ချက်က ဘာလဲ

နအဖရဲ့ တခုတည်းသော ရည်ရွယ်ချက်မှာ ရာသက်ပန် အကြွင်းမဲ့ အာဏာရှင်ဖြစ်ရေး ဖြစ်ပါတယ်။

နအဖ အာဏာရှင်တွေဟာ အကြွင်းမဲ့ အာဏာရှင် ဖြစ်ရေးအတွက် ၂၀၁၀ ရွေးကောက်ပွဲကို ဗန်းပြပြီး လုပ်နေတာဖြစ်တယ်။ ဥပမာ-

၁။ NLD အပါအ၀င်နိုင်ငံရေးပါတီတွေ တခုမကျန်ဖျက်သိမ်းရေး

၂။ တိုင်းရင်းသားလက်နက်ကိုင် အဖွဲ့အစည်းတွေ ပျက်သုဉ်းရေး

၃။ အဲလိုလုပ်ပြီးမှ ၂၀၁၀ ရွေးကောက်ပွဲနဲ့ အောင်ပွဲခံပြီး ရာသက်ပန် အာဏာတည်မြဲရေး ဖြစ်တယ်။

သင်္ကြန်အကြတ်နေ့ X20 မဏ္ဍပ်ရှေ့မှာ ဖောက်ခွဲတဲ့ ရည်ရွယ်ချက်မှာ-

၁။ NLD နဲ့ အခြား ဒီမိုကရေစီ ပါတီတွေ၊ ဒီမိုကရေစီအင်အားစုတွေကို နာမည်ဖျက်ရေး

၂။ ငြိမ်းချမ်းရေး နိုဘယ်ဆုရှင် ပြည်သူ့အချစ်တော် ဒေါ်အောင်ဆန်းစုကြည်ရဲ့ အခန်းကဏ္ဍ မှေးမှိန်သွားရေး

၃။ ဒီမိုကရေစီ အင်အားစုများနဲ့ ပြည်သူများအကြား အထင်လွဲမှားစေရေး

၎။ ဒီမိုကရေစီ အင်အားစုများအပေါ် နိုင်ငံတကာက အကြမ်းဖက်သမားအဖြစ် အထင်လွဲမှားစေရေး…. တို့ဖြစ်ပါတယ်။

နအဖရဲ့ သမားရိုးကျကောက်ကျစ်နည်း

(က) စစ်အာဏာရှင်တွေဟာ အာဏာတည်မြဲရေးအတွက် လိမ်ညာကောက်ကျစ်နည်းတွေကို ရေလဲ သုံးလေ့ရှိပါတယ်။ အထိမ်းအမှတ်ပွဲ တခုခု သို့မဟုတ် နှစ်စဉ်ကျင်းပမြဲ ပွဲတော်တခုခု ရောက်ခါနီးတိုင်း အဖျက်သမားရန်ကြောင့်ဟု အကြောင်းပြပြီး လုံခြုံရေးအင်အားတိုးမြှင့်ချထား၊ ပြီးတော့မှ သူတို့ဘာသာ ဗုံးခွဲပြီး ကေအန်ယူ၊ အေဘီအက်ဒီအက်ဖ်၊ အန်န် စီယူပီ၊ အန်စီဂျီယူပီ စတဲ့ အဖွဲ့တခုခုရဲ့ လက်ချက်လို့စွပ်စွဲ၊ တရားခံကို မကြာမီဖော်ထုတ်မယ်လို့ ယုတ္တိရှိအောင် လိမ်ညာကာ ကြေညာ၊အစွပ်စွဲခံရတဲ့ အဖွဲ့တွေက ပြန်ငြင်းဆို၊ မကြာမီ ဘယ်နှစ်ယောက် ဖမ်းမိထားပြီလို့သာ သတင်းစာမှာကြေညာပေမယ့် ဖမ်းမိတဲ့ တရားခံရဲ့ဓာတ်ပုံ ဖော်ပြခြင်းမရှိ၊ဓာတ်ပုံ မပါတာကို ထောက်တော့ နအဖက ကြီးမားတဲ့ အစဉ်အလာအတိုင်း လိမ်ညာနေပြီဆိုတာ ထင်ရှားပါတယ်။

နအဖလက်ချက်မှတပါး အခြားမရှိတဲ့ လူသတ်မှုကြီးများ

(က) အက်စ်တူး ဗိုလ်ချုပ်တင်ဦးကို လုပ်ကြံမှုများ

၁၉၉၆ ခု၊ ဒီဇင်ဘာလကုန်ပိုင်း ကမ္ဘာအေးစေတီအနီးရှိ ပန်းအိုးအတွင်းက ပေါက်တဲ့ဗုံးကို ကေအင်န်ယူနဲ့၊ အေဘီအက်စ်ဒီအက်ဖ် တို့လက်ချက်လို့ စွပ်စွဲတယ်။ အဲဒီနှစ်ဖွဲ့က သူတို့လုပ်တာ မဟုတ်ဘူးလို့ ငြင်းဆိုတယ်။ နောက်မကြာမီမှာပဲ ကမ္ဘာအေးစေတီအနီး အမှိုက်ပုံထဲမှာ တစ်ကြိမ် ဗုံးပေါက်တယ်။ အဲဒီ နှစ်ကြိမ်စလုံးဟာ အက်စ်တူး တင်ဦးထွက်ခွါသွားပြီးမှ ပေါက်ကွဲတဲ့ ဗုံးတွေ ဖြစ်တယ်။

၁၉၉၇ ဧပြီလဆန်းမှာ တတိယအကြိမ် အက်စ်တူး တင်ဦးအိမ်မှာ စာအိပ်ဗုံးပေါက်ကွဲစဉ်က ဗိုလ်တင်ဦးရဲ့သမီး လဲ့လဲ့ဦးဟာ ဓားစာခံအဖြစ် သေဆုံးခဲ့ရတယ်။ အဲဒီစာအိပ်ဗုံးကို စီအာဒီဘီက ဂျပန်နိုင်ငံကနေ ပို့တဲ့ဗုံးဖြစ်သယောင် လိမ်ညာစွပ်စွဲခဲ့တယ်။ ဒါပေမယ့် ဂျပန်စာတိုက်ဌာနက အဲဒီစာအိပ်ဗုံးဟာ သူတို့ဆီက ထွက်သွားတဲ့ စာအိပ်ဗုံးမဟုတ်ဘူးလို့ အခိုင်အမာ ငြင်းဆိ်ုတဲ့အတွက် နအဖ အရှက်ကွဲခဲ့ရတယ်။ အမှန်စင်စစ်က အက်စ်တူး တင်ဦးကို လုပ်ကြံဖို့ နအဖလက်ပါးစေတစ်ဦးက စာပို့သမားဟန်ဆောင်ပြီး စာအိပ်ဗုံးကို ဝေပေးသွားတာ ဖြစ်တယ်လို့ နောက်ပိုင်းတွင် သတင်းတွေ ထွက်ပေါ်လာတာ တွေ့ရပါတယ်။

ကမ္ဘာအေးစေတီမှာ ပေါက်ကွဲတဲ့ ဗုံးနှစ်လုံး၊ အက်စ်တူးတင်ဦးအိမ်မှာ ပေါက်ကွဲတဲ့ ဗုံးတစ်လုံး ပေါင်း ဗုံးသုံးလုံးဟာ နအဖအတွင်း အာဏာလွန်ဆွဲပွဲမှ အက်စ်တူးတင်ဦးကို မလိုလားတဲ့ဘက်က လုပ်ကြံတယ်ဆိုတာ ခုလောက်ဆို သိလောက်ပါပြီ။ ပိုထင်ရှားစေတဲ့ စတုတ္ထအကြိမ်လုပ်ကြံမှုက သက်သေပြနေပါတယ်။

၂၀၀၁- ၂- ၁၉ ရက်နေ့ မော်လမြိုင်က ဖားအံအသွား စစ်အရာရှိမောင်းတဲ့ ရုရှားလုပ် စစ်ရဟတ်ယာဉ် MI-17 Helicoptor ပေါ်မှာ အချင်းချင်း ပစ်ခတ်ရင်း အက်စ်တူး တင်ဦး သေဆုံးခြင်းက သက်သေခံနေပါတယ်။ စစ်အရာရှိကြီးငယ် ၂၀ ကျော် သေဆုံးတာဟာ နအဖချင်းရဲ့ လက်ချက်ဖြစ်ပေမယ့် စစ်အစိုးရက ရာသီဥတု ဆိုးဝါးမှုကြောင့် ရဟတ်ယာဉ်ပျက်ကျတာလို့ လိမ်ညာကာ ကြေညာခဲ့ပါတယ်။

(ခ) ဒီပဲယင်းလုပ်ကြံမှု

၂၀၀၃ ခု၊ မေလ ၃၀ ရက်နေ့ ညနေက ဖြစ်ပွားတဲ့ ဒီပဲယင်း သတ်ဖြတ်မှုဟာလည်း နအဖလက်ချက်ပါပဲ။ အဲဒီနေ့ညက ဒေါ်အောင်ဆန်းစုကြည်နဲ့ အတူသွားသူများထဲမှ လူအချို့နှင့် ဒေါ်စုကို လာကြိုသူ စုစုပေါင်း ၂၈၂ ယောက် အသတ်ခံရပြီး ရာနဲ့ချီပြီး ဒဏ်ရာရတဲ့ ဒီပဲယင်းလုပ်ကြံသတ်ဖြတ်မှုဟာ (ဒီပဲယင်းလုပ်ကြံမှု အရေးယူဆောင်ရွက်ရေးကော်မတီ၏ ဒုတိယအကြိမ် ပဏာမအစီအရင်ခံစာ) နအဖဥက္ကဋ္ဌ ဗိုလ်ချုပ်မှူးကြီး သန်းရွှေကိုယ်တိုင် လှို့ဝှက်ညွှန်ကြားပြီး ဗိုလ်ချုပ်စိုးဝင်း (ယခုကွယ်လွန်သူ ၀န်ကြီးချုပ် ဗိုလ်ချုပ်ကြီး စိုးဝင်း) က အနီးကပ် ကြီးကြပ်တဲ့ လူသတ်ပွဲကြီးဖြစ်တယ်။ ဒါပေမယ့် ဒေါ်စုကို ထောက်ခံသူများနဲ့ ဒေါ်စုကို ဆန့်ကျင်သူများအုပ်စု နှစ်ခု ခိုက်ရန်ဖြစ်ပွားတာလို့ စစ်အစိုးက လိမ်ညာကာ ကြေညာခဲ့ပါတယ်။

ဒါဟာလည်း နအဖလက်ချက်မှတပါး အခြားမရှိတဲ့ လူသတ်မှုကြီးပါပဲ။

(ဂ) တက္ကသိုလ်ရိပ်သာလမ်း ၅ လောင်းပြိုင်လူသတ်မှု

၂၀၀၈ ခု၊ မတ်လ ၃ ရက်နေ့ ညနေက ဖြစ်ပွားတဲ့ ရန်ကုန်မြို့ တက္ကသိုလ်ရိပ်သာလမ်းက ၅ လောင်းပြိုင်လူသတ်မှုဟာလည်း နအဖလက်ချက်ပါပဲ။ အသတ်ခံရတဲ့အိမ်ဟာ အစိုးရ စိမ်းလဲ့ကန်သာ ဧည့်ဂေဟာနဲ့ ဒေါ်အောင်ဆန်းစုကြည် အိမ်အကြားမှာဖြစ်ပြီး လက်နက်ကိုင် လုံခြုံရေးတွေ အမြဲ အပြည့်ချထားတဲ့ နေရာဖြစ်တယ်။ ဒီလမ်းဟာ ဘက်စ်ကားလိုင်းတွေ ဖြတ်သန်းသွားလာခွင့်ပိတ်ထားတဲ့လမ်း၊ ကိုယ်ပိုင်ကားတွေတောင် သွားချင်တိုင်း သွားလို့မရတဲ့လမ်း။ လက်နက်ပါသူမပြောနဲ့ လက်နက်မပါတဲ့ သာမန်လူတွေ သွားတာတောင်မှ စစ်ဆေးရေးဂိတ်တွေကို ဖြတ်ပြီးမှ သွားရတဲ့လမ်းဖြစ်လို့ ဒီ ၅ လောင်းပြိုင် သတ်တဲ့ တရားခံဟာ သာမန်အရပ်သူ၊ အရပ်သားတွေ မဖြစ်နိုင်သလို မိသားစု ၀င်တွေထဲကလည်း လုံးဝမဖြစ်နိုင်။ အဲဒီတော့ ဒီ ၅ လောင်းပြိုင် လူသတ်မှုဟာ နအဖလက်ချက်မှတပါး အခြား ဘယ်သူမှ မရှိပါ။

လူသတ်သမားတွေက အသံတိတ် (၉မမ) ပစ္စတိုသုံးပြီး သွေးအေးအေးနဲ့ ပစ်သတ်သွားတယ်လို့ ဆိုတယ်။ သေသူတွေကတော့ မြန်မာပြည်မှာ အချမ်းသာဆုံးစာရင်းဝင် ကျောက်သူဋ္ဌေးကြီး မိုးကုတ်ဦးမြမောင်ရဲ့ သမီး ဒေါ်စန်းစန်းမြမိသားစု ၅ ယောက် ဖြစ်ပါတယ်။

နအဖ သတင်းစာတွေမှာ ရာဇ၀တ်မှုတွေကို နေ့ချင်းညချင်းဖော်ထုတ်နိုင်တယ်၊ဖမ်းဆီးနိုင်တယ် လို့ မကြာခဏ ဖော်ပြပါတယ်။ ရဲချုပ် ဗိုလ်ချုပ်ခင်ရီကလည်း လူသတ်တရားခံအစစ်ကို မိဖို့ အသေအခြာ စစ်ဆေးနေပါတယ် လို့ ပြောပါတယ်။ (ဒီဗွီဘီ ၃၊ ဂျူလိုင်၊ ၂၀၀၈) ဒါပေမယ့် ဒီနေ့အထိ သုံးနှစ်ကျော်လာပြီ။ ဘာသဲလွန်စမှ မပေါ်သေးတာကို ထောက်တော့ ဒီ ငါးလောင်းပြိုင်လူသတ်မှုဟာ နအဖလက်ချက် ဖြစ်နေလို့ပေါ့။ သာမန်အမှုဆို နေ့ချင်းညချင်း ဖမ်းမိပါတယ်။

ပိုသေချာပြီ နအဖလက်ချက်

ယနေ့မြန်မာ (Burmatoday) ဆီဝင်လာတဲ့ “ငါးလောင်းပြိုင်လူသတ်မှုနဲ့ ပတ်သက်တဲ့ အီးမေးတစ်စောင်အရ- ငါးလောင်းပြိုင်လူသတ်မှုတရားခံတွေဟာ ထိုင်းလူမျိုး ခြောက်ဦးနဲ့ ၀လူမျိုး တစ်ဦးကို ဗိုလ်ချုပ်မှူးကြီး သန်းရွှေရဲ့သားက ငှါးရမ်းသတ်ဖြတ်ခိုင်းတာဖြစ်ကြောင်း၊ သတ်ရခြင်းရဲ့ အကြောင်းရင်းက ဗိုလ်သန်းရွှေရဲ့သမီး သန္တာရွှေရဲ့ မင်္ဂလာဆောင်မှာ (အသတ်ခံရသူ) ဒေါ်စန်းစန်းမြဆီက ငှါးရမ်းထားတဲ့ စိန်တွေကို ပြန်မပေးလို့ ဒေါ်ကြိုင်ကြိုင်နဲ့ စကားများရာက ဗိုလ်သန်းရွှေရဲ့သားက လူရမ်းကားတွေကို ငှါးရမ်း သတ်ဖြတ်ခိုင်းတာ ဖြစ်ကြောင်း ဖော်ပြထားတာ တွေ့ရပါတယ်။ (ယနေ့မြန်မာ ၉ - ၂၆ - ၂၀၀၈)

အဲဒီနောက် ဒီဗွီဘီက ရတယ်ဆိုတဲ့ အီးမေးတစ်ပုဒ်မှာလည်း- သေဆုံးသူမိသားစုဟာ ဗိုလ်ချုပ်မှူးကြီးသန်းရွှေရဲ့သမီး မင်္ဂလာဆောင်အတွက် စိန်လက်ဝတ်ရတနာတွေ ငှါးပြီးပြန်မပေးလို့တောင်းရာက အသတ်ခံရတာလို့လည်း ပါရှိပါတယ်။ (“ငါးလောင်းပြိုင်လူသတ်မှု ၁ နှစ်ခွဲကျော်ကြာသည်အထိ မပေါ်သေး” ဟူသောခေါင်းစဉ်ဖြင့် ဒီဗွီဘီ ၁၉ - ၁၀ - ၂၀၀၉ တွင် ဖော်ပြထားသည့် သတင်းဖြစ်ပါသည်။)

တဖန် ဒီဗွီဘီရဲ့ အခြားသတင်းတစ်ပုဒ်မှာ- ဒီအမှုမှာ ထိပ်ပိုင်း စစ်ဗိုလ်ချုပ် မိသားစုဝင်တွေ ပါဝင်ပတ်သက်နေတာမှို့ ပြည်ထဲရေးဝန်ကြီးကိုယ်တိုင် မဆုံးဖြတ်နိုင်ဘဲ ဗိုလ်ချုပ်မှူးကြီး သန်းရွှေထံ ပေးပို့လိုက်ရတယ်လို့လည်း ဆိုထားပါတယ်။ (ဒီဗွီဘီ ဂျူလိုင် ၃ - ၂၀၀၈)

ပိုသေချာတဲ့ စာပေစိစစ်ရေးရဲ့ညွှန်ကြားချက်

တက္ကသိုလ်ရိပ်သာလမ်း ငါးလောင်းပြိုင်လူသတ်မှုဟာ နအဖလက်ချက်ဆိုတာ တိကျမှန်ကန်အောင် စာပေစိစစ်ရေးရဲ့ ညွှန်ကြားချက်ကလည်း သက်သေပြနေပါတယ်။ ၎င်းညွှန်ကြားချက်အရ- ပြည်တွင်းပုဂ္ဂလိက ဂျာနယ်များအနေဖြင့် ယခုအမှုနှင့်ပတ်သက်၍ သတင်းရေးသားပါက အစိုးရပိုင် သတင်းစာများတွင် ရေးသားဖော်ပြသည်ထက် ပိုမိုဖော်ပြခြင်းမပြုရန် စာပေစိစစ်ရေးက ညွှန်ကြားထားတယ် လို့လည်း သိရပါတယ်။ (ခေတ်ပြိုင် ၁၄ - ၃ - ၂၀၀၈)

အထက်ဖော်ပြပါ ၂၀၁၀ - ၄ - ၁၅ သင်္ကြန်အကြတ်နေ့က ပေါက်ကွဲပြီး လူအများ သေကြေဒဏ်ရာရတဲ့ ရာဇ၀တ်မှုဟာ ရက်သတ္တ နှစ်ပတ်ပြည့်တော့မယ်။ ဘာသဲလွန်စမှ မပေါ်သေးပါ။ အရင်က ဖြစ်ပျက်ခဲ့တဲ့ နအဖ အက်စ်တူး ဗိုလ်ချုပ်တင်ဦးလုပ်ကြံခံရမှု၊ ဒီပဲယင်းမှာ လူပေါင်း ၂၈၂ ယောက် အသတ်ခံရမှု၊ တက္ကသိုလ်ရိပ်သာလမ်းက ငါးလောင်းပြိုင် လူသတ်မှု၊ စတဲ့ရာဇ၀တ်မှုတွေဟာ ဒီနေ့အထိ ဘာသဲလွန်စမှ မပေါ်သေးပါ။

သာမန်အားဖြင့် ရာဇ၀တ်မှုများကို နအဖက နေ့ချင်းညချင်း ဖော်ထုတ်နိုင်ခဲ့ပါတယ်။ ဒါပေမယ့် အထက်ဖော်ပြပါ လူသတ်မှုကြီးတွေဟာ ဒီနေ့အထိ် လက်သည် တရားခံမပေါ်သေးတာကို ထောက်တော့ ဒီပြစ်မှုကြီးတွေမှာ နအဖအာဏာရှင်ကြီးတွေကိုယ်တိုင် ကျူးလွန်၊ သို့မဟုတ် ပါဝင်ပတ်သက်နေတယ်ဆိုတာ ထင်ရှားနေပါပြီ။

ဒါကြောင့် လက်သည်တရားခံမပေါ်တဲ့ ရန်ကုန်နယ်နိမိတ်အတွင်းက ဖြစ်ပွားတဲ့ ရာဇ၀တ်မှုတွေဟာ နအဖလက်ချက်မှတပါး အခြားမရှိ ကြောင်း အများပြည်သူများ သိကြစေရန် တင်ပြအပ်ပါကြောင်း။

Read More...

Summary only...

VOA သတင်းမှ
အမေရိကန်ပြည်ထောင်စု ကယ်လီဖိုးနီးယားပြည်နယ်က ရီပါပလစ်ကန် ကွန်ဂရက်စ်လွှတ်တော်အမတ် ဒေနာ ရိုရာဘာကာ (Dana Rohrabacher) က အခုအချိန်ဟာ မြန်မာပြည်သူတွေ ဒီမိုကရေစီအင်အားစုတွေ၊ တိုင်းရင်းသားတွေနဲ့ မျိုးချစ် တပ်မတော်သားတွေ ညီညီညွတ်ညွတ်နဲ့ စစ်အာဏာရှင်စနစ်အောက်ကနေ ရုန်းထွက်ဖို့ အကောင်းဆုံး အချိန်ဖြစ်တယ်လို့ ပြောကြားလိုက်ပါတယ်။

မြန်မာအရေးနဲ့ပတ်သက်ပြီးတော့ ကွန်ဂရက်စ်လွှတ်တော်မှာ သူပြောကြားတဲ့မိန့်ခန်းနဲ့ပတ်သက်ပြီး ဗွီအိုအေ မြန်မာပိုင်းက ဆက်သွယ်မေးမြန်းချက်ကို ဖြေကြားရာမှာ သူက အခုလို ပြောကြားသွားတာဖြစ်ပါတယ်။ အထက်က ပြောကြားခဲ့သလိုပဲ မြန်မာပြည်သူတွေ၊ ဒီမိုကရေစီအင်အားစုတွေနဲ့ မျိုးချစ်တပ်မတော်သားတွေ ပူးပေါင်းကြရင် လျှပ်တပြတ်အတွင်းမှာ အောင်မြင်မယ်လို့ မစ္စတာ ရိုရာဘာကာ က ဆိုထားတဲ့အတွက် ဒါဟာ အပြောလွယ်သလောက် လုပ်ရခက်မယ့်ကိစ္စ၊ "easier said than done" ဖြစ်မနေဘူးလား ဆိုတဲ့ ဗွီအိုအေ မြန်မာပိုင်းရဲ့ အမေးကိုတော့ သူက အခုလို စပြီးတောဖြေပါတယ်။

"ကျနော့်အနေနဲ့ အမေရိကန်နိုင်ငံခြားရေး မူဝါဒချမှတ်ရာမှာ ထဲထဲဝင်ဝင် ပါဝင်ပတ်သက်လာခဲ့ပြီး မြန်မာ့အရေးကို မြန်မာပြည်သူတွေရဲ့ အကျပ်အတည်းကို သတိထားစောင့်ကြည့်လာခဲ့တဲ့ ၂၁ နှစ်အတွင်းမှာ အခုချိန်ဟာ မြန်မာပြည်သူတွေ သူတို့ကိုယ်သူတို့ လွတ်မြောက်အောင်လုပ်ဖို့၊ အာဏာရှင်စနစ်အောက်က လွတ်မြောက်အောင်လုပ်ဖို့အတွက်ရော၊ တရုတ်တို့ရဲ့ ကျွန်အဖြစ် ကျရောက်နိုင်တဲ့ အန္တရာယ်က လွတ်မြောက်အောင် လုပ်ဖို့အတွက်ပါ အခွင့်အလမ်း အကောင်းဆုံး အချိန် ဖြစ်ပါတယ်။"

အခုချိန်ဟာ အခွင့်အသာဆုံးလို့ဆိုရလောက်အောင် အရင်ကနဲ့ ဘာများကွာခြားနေလို့လဲ ဆိုတဲ့မေးခွန်းကိုတော့ လွှတ်တော်အမတ် ဒေနာရိုရာဘာကာ က အခုလို ဖြေကြားသွားပြန်ပါတယ်။

"ကျနော်တို့ဟာ အခု ပွင့်နေတဲ့တံခါးဝတခုကို ရောက်ရှိနေပါတယ်။ မင်းဆိုးမင်းညစ်စနစ်ကို ဆန့်ကျင်တဲ့ မြန်မာပြည်က အဖွဲ့အစည်းအမျိုးမျိုးတို့ဟာ ဒေါ်အောင်ဆန်းစုကြည်နဲ့ တခြားသူတွေ ဦးဆောင်တဲ့မြန်မာတွေ တိုင်းရင်းသားအုပ်စုတွေဟာ စည်းစည်းလုံးလုံး ညီညီညွတ်ညွတ်နဲ့ ပူးပေါင်းဆောင်ရွက်ရမယ့်အချိန်ပါ။ ပြည်သူတွေရဲ့ ဆင်းရဲဒုက္ခဟာ အခုလောက် ဘယ်တုန်းကမှ မဆိုးခဲ့ပါဘူး။ စစ်တပ်အတွင်းမှာရှိတဲ့ မျိုးချစ်တပ်မတော်သားတွေအနေနဲ့လည်း ချစားပျက်စီးနေတဲ့ အစိုးရ၊ တရုတ်လို ပြည်ပနိုင်ငံမျိုးရဲ့ လက်အောက်ခံလုပ်ချင်နေတဲ့ အစိုးရရဲ့ စစ်တပ်ဖြစ်နေတာထက် လူထုရဲ့ ချစ်ခင်လေးစားမှုကို ရရှိတဲ့ ပြည်သူ့ဝန်ထမ်း တပ်မတော်ဖြစ်မြောက်ရေးကို လိုလားတောင့်တနေကြပါတယ်။"

အမေရိကန်အောက်လွှတ်တော်အမတ် ဒေနာရိုရာ ဘာကာ ပြောသွားတာဖြစ်ပါတယ်။ ဒီဆက်သွယ်မေးမြန်းချက် အပြည့်စုံကို ဗုဒ္ဓဟူးနေ့မှာတင်ဆက်ပေးမယ့် မြန်မာ့အရေးသုံးသပ်ချက် အစီအစဉ်မှာ ဆက်ပြီးနားဆင်နိုင်ပါတယ်။

Read More...

Summary only...

ချင်းမိုင် (မဇ္ဈိမ)။ ။ နယ်ခြားစောင့်တပ် အသွင်ပြောင်းရန် ငြင်းဆိုနေသော မွန်ပြည်သစ်ပါတီ New Mon State Party (NMSP) က ပြည်သူ့စစ်အဖြစ် ပြောင်းလဲရေးကိုလည်း လက်မခံကြောင်း ပါတီတာဝန်ရှိသူက ယနေ့ ပြောဆိုလိုက်သည်။

ယခင်က နယ်ခြားစောင့်တပ်အဖြစ် အသွင်ပြောင်းရေး ဖိအားပေးနေရာမှ ယခုလ ၇ ရက်နေ့ ၌ စရဖ ဒုဗိုလ်ချုပ်ကြီး ရဲမြင့်က NMSP ဒုဥက္ကဌနိုင်ရော့စ ဦးဆောင်သည့် ကိုယ်စားလှယ်များနှင့် မော်လမြိုင် မြို့ အရှေ့တောင်တိုင်း စစ်ဌာနချုပ်၌ တွေ့ဆုံခဲ့စဉ် နယ်ခြားစောင့်တပ် မပြောင်းလိုပါက ပြည်သူ့စစ် အသွင်ပြောင်းရန် ပြောဆိုခဲ့သည်ဟု NMSP ပြောခွင့်ရ နိုင်ခြေးမွန်က ဆိုသည်။

ပြည်သူ့စစ် အသွင်ပြောင်းရန်ကိုလည်း ယနေ့ နောက်ဆုံးထား ဆုံးဖြတ်ရန် ရာဇသံပေးခဲ့ခြင်း ဖြစ်သည်။

သို့သော် NMSP ပါတီဌာနချုပ်ရှိရာ ရေးမြို့နယ် ရေးချောင်းဖျားဒေသတွင် ယခုလ ၂၁ ရက်နေ့က ဗဟိုအလုပ် အမှုဆောင် အရေးပေါ် အစည်းအဝေးမှ ပြည်သူ့စစ်အဖြစ် ပြောင်းလဲရန် လက်မခံနိုင်ကြောင်း ဆုံးဖြတ်ခဲ့ကြသည်။

ယင်းဆုံးဖြတ်ချက်အား NMSP မှ ကျန်းမာရေးဌာန တာဝန်ခံ ဗိုလ်မှူးနိုင်လှက အရှေ့တောင်တိုင်း တိုင်းမှူး ဗိုလ်ချုပ်သက်နိုင်ဝင်းထံ ယမန်နေ့ စာဖြင့် ပေးပို့ခဲ့ကြောင်း သိရသည်။

ပြည်သူ့စစ် အသွင်ပြောင်းရေးကို လက်မခံနိုင်ကြောင်း ထုတ်ပြန်သည့် သတင်းစာ ရှင်းလင်းပွဲ တရပ်ကို လည်း ထိုင်းနယ်စပ် တနေရာတွင် ယနေ့ ပြုလုပ်ခဲ့သည်။

နိုင်ခြေးမွန်က “အမျိုးသား အခွင့်အရေး ပြဿနာကို ပြေလည်အောင် မဖြေရှင်းပေးနိုင်ခင် တပ်ဖွဲ့များ အသွင်ပြောင်းရန် များစွာ အခက်အခဲ ရှိပါသည်။ မွန်ပြည်သစ်ပါတီနှင့် တပ်ဖွဲ့ဝင်များ၊ မွန်မျိုးချစ် ပြည်သူ များအနေဖြင့် ပြည်သူ့စစ်ကို လက်ခံလိုသော ဆန္ဒမရှိပါ” ဟု ယနေ့ သတင်းစာရှင်းပွဲ၌ ပြောသည်။

မွန်ပြည်သစ်ပါတီက ၁၉၉၅ ခု အပစ်ရပ်ဆဲစဉ်က စစ်အစိုးရ အကြီးအကဲများက သဘောထား ပေးထားသည့်အတိုင်း နိုင်ငံရေး ကိစ္စများကို နောင်တက်လာမည့် ဒီမိုကရေစီ အစိုးရသစ်နှင့်သာ ညှိနှိုင်းဆွေးနွေးမည်ဟုလည်း ဆိုသည်။

ထို့ပြင် လက်ရှိတိုင်းရင်းသား လက်နက်ကိုင်အဖွဲ့များကို သက်ဆိုင်ရာ ပြည်နယ်အစိုးရ၏ အုပ်ချုပ် ကွပ်ကဲမှုအောက်တွင် ထားရှိသင့်ကြောင်းလည်း ပြောသည်။

စစ်အစိုးရလက်အောက်သို့ သွတ်သွင်းမည့် နယ်ခြားစောင့်တပ် ဖွဲ့စည်းပုံအရ တပ်တခုတွင် အင်အား ၃၂၆ ဦး ပါဝင်ပြီး ထိုအထဲတွင် မြန်မာစစ်တပ်မှ အုပ်ချုပ်ရေးအပိုင်းမှ အရာရှိ ၃၀ ကို ထည့်သွင်းမည် ဖြစ်သည်။

ယနေ့တွင် ရေးချောင်းဖျား အရှေ့ဘက်ရှိ တပျို့ချောင်း Beeree Camp (မွန်ဘာသာဖြင့် တိုးဟပယောက်) ရှိ ဗဟိုကော်မတီ ဥက္ကဌ ဗိုလ်ချုပ် နိုင်ထောမော် နေထိုင်သော မွန်ပြည်သစ်ပါတီရုံးအနီးတွင် နအဖ စစ်သားများ ရောက်ရှိလာကြောင်း မဇ္ဈိမမှ စုံစမ်း သိရှိရသည်။

လက်နက်ကိုင် စစ်သည်အင်အား ၇၀၀ ခန့်ရှိ NMSP က ထိန်းချုပ်နယ်မြေ မော်လမြိင်ခရိုင်၊ ထားဝယ်ခရိုင်၊ သထုံခရိုင်၊ ရေးချောင်းဖျားရှိ ဗဟိုကွင်၊ ဘုရားသုံးဆူဒေသများ ဖြစ်သည်။

စစ်အစိုးရ၏ ၂၀၀၈ ဖွဲ့စည်းပုံ အခြေခံ ဥပဒေအရ ရွေးကောက်ပွဲပြုလုပ်သော်လည်း မြန်မာပြည် နိုင်ငံရေး ပြဿနာကို ဖြေရှင်းနိုင်မည့် နည်းလမ်း မဟုတ်ကြောင်းလည်း ထုတ်ဖော် ပြောဆိုထားသည်။

NMSP ပါတီသည် အမျိုးသားညီလာခံကို တက်ရောက်ခဲ့ပြီး ၂၀၀၅ ခုနှစ်တွင် အမျိုးသားညီလာခံ၏ လုပ်ထုံး လုပ်နည်းများအပေါ် သဘောမတူသဖြင့် အမျိုးသားညီလာခံမှ ပြန်ထွက်ကာ လေ့လာသူ အဖြစ်သာ ဆက်လက် တက်ရောက်ခဲ့သည်။

၁၉၅၈ ခုနှစ်အတွင်း တည်ထောင်ခဲ့သည့် NMSP သည် မွန်အမျိုးသားများ အပါအဝင် တိုင်းရင်းသားအားလုံး တန်းတူညီမျှရေးနှင့် ကိုယ်ပိုင်ပြဌာန်းခွင့်အတွက် လက်နက်ကိုင် လမ်းစဉ်ဖြင့် တိုက်ပွဲဝင်ခဲ့ရာမှ ၁၉၉၅ ခုနှစ်တွင် စစ်အစိုးရ နှင့် အပစ်အခတ်ရပ်စဲခဲ့သည်။

Read More...

Summary only...

23 April 2010 (VOA သတင်းမှ)

အပစ်အခတ် ရပ်စဲထားတဲ့ ၀ပြည် သွေးစည်းညီညွတ်ရေးပါတီ (UWSA) က မြန်မာစစ်အစိုးရ တောင်းဆိုထားတဲ့အတိုင်း နယ်ခြားစောင့်တပ် ဖွဲ့စည်းဖို့ သဘောမတူတာကြောင့် တိုက်ပွဲတွေ ပြန်ဖြစ်လာမှာကို စိုးရိမ်ပြီး တောင်ပိုင်း ၀နယ်မြေမှာ နေထိုင်ကြတဲ့ အရပ်သားတွေဟာ ထိုင်း၊ မြန်မာ နယ်စပ်က တောတောင်တွေထဲကို ထွက်ပြေး ပုန်းရှောင်နေကြပါတယ်။ မြန်မာစစ်အစိုးရဘက်က ဒီလ ၂၂ ရက်နေ့ နောက်ဆုံးထားပြီး နယ်ခြားစောင့်တပ် ဖွဲ့စည်းဖို့ တောင်းဆိုထားတာကို အပစ်အခတ် ရပ်စဲရေး အဖွဲ့တွေက လက်မခံဘဲ စစ်ရေးအရ ပြင်ဆင်မှုတွေ ရှိနေတာ ဖြစ်ပါတယ်။ အပစ်ရပ်အဖွဲ့တွေနဲ့ မြန်မာစစ်အစိုးရအကြား လတ်တလော ဆက်ဆံရေး အခြေအနေကို ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

အပစ်ရပ် တိုင်းရင်းသား လက်နက်ကိုင် အဖွဲ့တွေကို နယ်ခြားစောင့်တပ်အဖြစ် ပြောင်းလဲဖွဲ့စည်းဖို့ မြန်မာစစ်အစိုးရ တောင်းဆိုထားတဲ့ နောက်ဆုံး သတ်မှတ်ရက်ဟာ မနေ့က ကုန်ဆုံးသွားပြီ ဖြစ်ပါတယ်။ အခုလကုန်ထိ နယ်ခြားစောင့်တပ် ဖွဲ့စည်းဖို့ သဘောမတူရင် မြန်မာစစ်အစိုးရက အပစ်အခတ် မရပ်စဲခင်က အခြေအနေအတိုင်း ပြန်လည် ဆက်ဆံသွားမယ်လို့ သတင်းတွေ ထွက်ပေါ်ခဲ့တာကြောင့် အပစ်ရပ်ဒေသမှာ နေထိုင်နေကြတဲ့ အရပ်သားတွေဟာ တိုက်ပွဲတွေ ပြန်ဖြစ်မှာကို စိုးရိမ်နေခဲ့ကြပါတယ်။

ဒီရက်ပိုင်းတွေ အတွင်းမှာဆို ထိုင်း၊ မြန်မာနယ်စပ် တောင်ပိုင်း ၀တပ်ဖွဲ့တွေ အခြေစိုက်ရာ မိုင်းတုံ၊ မိုင်းဆတ်နယ် အတွင်းက အရပ်သားတွေဟာ တောတောင်တွေ အတွင်းကို ထွက်ပြေးတိမ်းရှောင် နေကြတယ်လို့ ဒေသခံတယောက်က အခုလို ပြောပါတယ်။

“အခု နယ်စပ်မှာ တချို့ ပြည်သူတွေကလည်းပဲ ပြောင်းရွှေ့နေတယ်။ လူတွေကတော့ ထွက်ပြေးနေပြီ။ တောထဲမှာလေ၊ အမျိုးသမီးတွေ ကလေးတွေက ဟိုမှာ ရောက်နေပြီ။ နားကောင်းမူ့က လူတွေ၊ နိုင်ရုတ်က လူတွေ၊ နယ်စပ်မှာနေတဲ့ ရွာက လူတွေပေါ့။ ဒါပေမဲ့ တိုက်ပွဲကတော့ ဘယ်အချိန် တိုက်ကြမယ် ဆိုတာတော့ မသိသေးဘူး။ အဆင်သင့်ကတော့ လုပ်ထားပြီးပြီ လူတိုင်း။ ထွက်ပြေးတယ် ဆိုတာက တောထဲမှာ ပြေးနေတာ အခုက တိုက်ပွဲစပြီဆိုတော့ ထိုင်းဘက်ဝင်လာဖို့ အဲလို လုပ်ထားတယ်။”

ရှမ်းသံတော်ဆင့် သတင်းဌာနက အယ်ဒီတာ ဦးစိန်ကြည်ကတော့ ရှမ်းပြည်အရှေ့ပိုင်း တောင်ပိုင်း ၀နယ်မြေက ဒေသခံတွေဟာ သင်္ကြန်မတိုင်မီ ကတည်းက စတင် ထွက်ပြေးနေကြတာ ဖြစ်တယ်လို့ ပြောပါတယ်။

“ဒီ တောင်ပိုင်း ၀ကတော့လည်း ၀ရွာသားတွေ ဘာတွေက လွန်ခဲ့တဲ့ တပတ်လောက်က စပြီးမှ တော်တော် ရုတ်ရုတ်သဲသဲ ဖြစ်တယ်။ ထွက်ပြေးကြတယ်။ သူတို့ ရွာတွေကနေ ရှောင်နေကြတယ်၊ တိမ်းရှောင်နေကြတယ်။”

ရှမ်းသံတော်ဆင့် သတင်းဌာနကတော့ လူအင်အား ထောင်ချီပြီး ထွက်ပြေး တိမ်းရှောင်နေတယ်လို့ သတင်းထုတ်ပြန်ပါတယ်။

တချိန်တည်းမှာပဲ ၀ပြည် သွေးစည်းညီညွတ်ရေး တပ်မတော် (UWSA) ဘက်က စစ်ရေးအရ အသင့်အနေအထား ပြင်ဆင်ထားတယ်လို့ ၀တပ်ဖွဲ့နဲ့ နီးစပ်တဲ့ ဦးစိန်ကြည်က ဆက်ပြောပါတယ်။

“၀တပ်ကတော့ သူ့နေရာနဲ့ သူပေါ့။ ရှေ့တန်း နအဖနဲ့ မျက်နှာချင်းဆိုင် ရှေ့တန်းအသီးသီးမှာလည်း ကောင်းကောင်းမွန်မွန် အသင့်အနေအထားမှာ ပြင်ဆင်ထားတယ်တဲ့။ သတိရှိရှိ နေကြဖို့၊ အသင့်အနေအထားမှာ ရှိစေဖို့၊ ပေါ့လျော့ ပေါ့ဆမှုတွေ မလုပ်ဖို့ အဲဒါတွေ တပ်လှန့်ထားတယ်တဲ့။”

တရုတ်၊ မြန်မာ နယ်စပ်ဘက်က ၀ဌာနချုပ် ပန်ဆန်းနဲ့ မိုင်းလားဒေသ ဘက်မှာတော့ အခြေအနေက တည်တည်ငြိမ်ငြိမ်ပဲ ရှိနေတယ်လို့ သိရပါတယ်။

မြန်မာစစ်အစိုးရက အပစ်ရပ် တိုင်းရင်းသား လက်နက်ကိုင် အဖွဲ့တွေကို နယ်ခြားစောင့်တပ်နဲ့ ပြည်သူ့စစ်အဖြစ် အသွင်ပြောင်းလဲ ဖွဲ့စည်းဖို့ လွန်ခဲ့တဲ့နှစ် ဧပြီလ ၂၈ ရက်နေ့ကနေ စတင် တောင်းဆိုခဲ့တာ ဖြစ်ပါတယ်။

ဒီလို ပြောင်းလဲဖွဲ့စည်းမယ်ဆိုရင် အပစ်ရပ်အဖွဲ့တွေ အနေနဲ့ သူတို့ရဲ့ လက်ရှိအင်အားကို လျှော့ချပြီး မြန်မာတပ်မတော်ရဲ့ အုပ်ချုပ်မှုအောက်မှာ ထားရှိရမှာ ဖြစ်တာကြောင့် UWSA၊ KIA ကချင် လွတ်လပ်ရေး တပ်မတော်၊ မိုင်းလားအဖွဲ့၊ SSA ခေါ် ရှမ်းပြည်တပ်မတော် မြောက်ပိုင်းနဲ့ မွန်ပြည်သစ်ပါတီတို့က သဘောမတူခဲ့ကြပါဘူး။

ဒီအပစ်ရပ်အဖွဲ့တွေနဲ့ မြန်မာစစ်အစိုးရ အကြားမှာ အကြိမ်ကြိမ် တွေ့ဆုံဆွေးနွေးခဲ့ကြပေမဲ့ ဒီကနေ့အထိတော့ ပြီးပြတ်တဲ့ သဘောတူညီချက် မရသေးပါဘူး။

ဒီလ ၃ ရက်နေ့ကတော့ ၀တပ်ဖွဲ့ဘက်က အချက် ၈ ချက်ပါတဲ့ တောင်းဆိုချက် အသစ်တွေကို မြန်မာစစ်အစိုးရဘက်က ထပ်မံ တင်ပြခဲ့ပေမဲ့ မြန်မာစစ်အစိုးရက လက်မခံသလို ထပ်မံဆွေးနွေးတာလည်း မရှိသေးဘူးလို့ သိရပါတယ်။

KIA အဖွဲ့ကတော့ နယ်ခြားစောင့်တပ် အသွင်ပြောင်းရေးကို လက်မခံနိုင်ကြောင်း ဒီလ ၁၆ ရက်နေ့က ဌာနချုပ် လိုင်ဇာမှာ လူထုရှင်းလင်းပွဲ ကျင်းပပြီး သဘောထား ထုတ်ပြန်ခဲ့ပါတယ်။ ဒီလ ၂၂ ရက်နေ့မှာတော့ ဥက္ကဋ္ဌ ဦးဇောင်းဟရား ဦးဆောင်တဲ့ KIO ကိုယ်စားလှယ်အဖွဲ့ဟာ မြစ်ကြီးနားမြို့ကို သွားရောက်ပြီး မြောက်ပိုင်းတိုင်း တိုင်းမှူးနဲ့ ဆွေးနွေးနေတာ အခုချိန်ထိ ဌာနချုပ်ကို ပြန်မရောက်သေးပါဘူး။

နိုင်ငံရေး၊ စစ်ရေး လေ့လာသူတွေကတော့ နယ်ခြားစောင့်တပ် အသွင်ပြောင်းရေးကို လက်မခံတဲ့ အပစ်ရပ် အဖွဲ့တွေကို မြန်မာစစ်အစိုးရဘက်က လောလောဆယ်မှာ စစ်ရေးအရ အရေးယူမယ့် အခြေအနေမျိုးတော့ မတွေ့ရသေးဘူးလို့ သုံးသပ်ကြပါတယ်။

Read More...

Summary only...

ရဲရင့်/ ၂၃ ဧပြီ ၂ဝ၁ဝ
လာမည့် ဧပြီ (၂၄) တွင် တိုးတက်သော ဗုဒ္ဓဘာသာကရင်အမျိုးသားတပ်မတော် (ဒီကေဘီအေ) အဖွဲ့သည် နယ်ခြားစောင့်တပ် အဖြစ် အသွင်ပြောင်းမည်ကို တရားဝင် အသိပေးကြေညာတော့မည် ဖြစ်သောကြောင့် တပ်ဖွဲ့ဝင်များအတွင်း လက်ခံသူနှင့် လက်မခံသူတို့အကြား သွေးထွက်သံယိုမှုများ ဖြစ်ပွားနိုင်သည်ဟု အဖွဲ့ခေါင်းဆောင်တဦးက ပြောသည်။

အဆိုပါ ဒီကေဘီအေခေါင်းဆောင်က “အသွင်ပြောင်းရင်တော့ ပြဿနာက တက်ပြီ။ ကျနော်တို့မှာ လက်နက်လူသူအင်အား တပ်ဖွဲ့ဝင်(၅) ထောင် အနည်းဆုံးရှိတယ်။ နယ်ခြားစောင့်တပ်ကို တပ်ရင်း (၃) ရင်းအတွက် အများဆုံး တပ်ဖွဲ့ဝင်အင်အား (၁) ထောင်လောက်ပဲယူမယ်၊ ကျန်တဲ့လူတွေရဲ့လက်နက်တွေကို အစိုးရဆီ အကုန်အပ်ရမယ်ဆိုတော့ ဒီအပေါ်မှာ မကျေနပ်တဲ့ လူတွေက တပ်ရင်းတပ်ဖွဲ့နဲ့ကို ရှိတယ်ဆိုတော့ အနေအထားက အချိန်မရွေး ပေါက်ကွဲဖို့ရှိတယ်” ဟု ပြောသည်။

နအဖက ယခုအနေအထားသို့ ရောက်ရှိလာရန် ဒီကေဘီအေ ခေါင်းဆောင်ပိုင်း အများစုကို စီးပွားရေးမက်လုံးများဖြင့် သိမ်းသွင်းထားပြီး ဖြစ်သည့်အတွက် နအဖ အလိုကျ လက်ခံခြင်းမှလွဲ၍ အခြားနည်းလမ်းများ မရှိတော့ဟုလည်း ၎င်းက ပြောသည်။

“ခေါင်းဆောင်အများစုက ဘားအံ၊ မော်လမြိုင်၊ ရန်ကုန် လိုနေရာတွေမှာ တိုက်နဲ့ကားနဲ့ ပြီးတော့ စီးပွားရေးလုပ်ငန်းတွေနဲ့ ဆိုတော့ ဘယ်သူမှ ကိုယ်ကျိုးစွန့်ကြတော့မှာ မဟုတ်ဘူး။ အခုပြဿနာက အောက်လက်ငယ်သားတွေ ဒုက္ခရောက်ပြီး ဘ၀ပျက်ရမယ့် အနေအထားဖြစ်သွားပြီဆိုတော့ ဒီပွဲက အတော်ကြမ်းမယ့် သဘောရှိတယ်” ဟုလည်း ဒီကေဘီအေ ခေါင်းဆောင်က ဆက်ပြောသည်။

နယ်ခြားစောင့်တပ်အဖြစ် လက်မခံလိုသူများထဲတွင် အဆင့်မြင့်ခေါင်းဆောင်များနှင့် လူငယ်တပ်မှူးအများစု ပါဝင်ပြီး လက်နက်အပ်၍ အညံ့ခံရမည့်အစီအစဉ်ကို လက်မခံဘဲ တောပြန်ခိုမည့် တပ်ဖွဲ့ဝင်များလည်း ရှိသည်။

တပ်ဖွဲ့ဝင်တဦးက “တောထဲကနေ မြို့ပေါ်ပြန်ရောက်တာ (၁၅) နှစ်ရှိပြီ။ အမျိုးသားရေးအတွက် ဘာမှမလုပ်နိုင်ခဲ့ဘူး။ နောက်ဆုံးတော့ ပါလာတဲ့လက်နက်တောင် သူတို့ကိုပေးပြီး ကိုယ်က ကျွန်ဖြစ်ရမယ့်ဘ၀တော့ လက်မခံနိုင်ဘူး။ လာရာလမ်း ပြန်သင့်ရင် ပြန်ရမှာပဲ။ ဒီကေဘီအေမှာ လူတိုင်း အချောင်သမားမဟုတ်ဘူး” ဟု ပြောသည်။

လက်ရှိ အခြေအနေနှင့်ပတ်သက်၍ ဒီကေဘီအေဌာနချုပ်သို့ တယ်လီဖုန်းဖြင့် ခေတ်ပြိုင်မှ ဆက်သွယ်မေးမြန်းရာ ဖုန်းပိတ်ထားသဖြင့် ဆက်သွယ်၍မရရှိခဲ့ပေ။

ကရင်ပြည်နယ်၊ လှိုင်းဘွဲ့မြို့နယ်၊ ထိုင်းနယ်စပ်အနီးတွင် ရှေ့တန်းရောက်ရှိနေသည် ဒီကေဘီအေ (၉၉၉) တပ်မဟာမှ အရာရှိတဦးက “ဒီကိစ္စနဲ့ပတ်သက်ပြီး ကျနော်တို့ဆီကို ဘာညွှန်ကြားချက်မှ မလာသေးဘူး” ဟု ပြောသည်။

နအဖနှင့် အပစ်ရပ်ထားသည့် တိုင်းရင်းသား လက်နက်ကိုင်အဖွဲ့များကို နအဖအစီအမံဖြင့် နယ်ခြားစောင့်တပ်အဖြစ် အသွင်ပြောင်းမည့်ကိစ္စကို (ဒီကေဘီအေ) အဖွဲ့သည် ပထမဦးဆုံး လက်ခံခဲ့သည့်အဖွဲ့ဖြစ်သည်။

ကျန်အဖွဲ့များမှာ ယခုလ (၂၈) ရက် နောက်ဆုံးထား၍ အသွင်ပြောင်းပေးရမည်ဟု နအဖက အမိန့်ပေးထားပြီး လိုက်နာခြင်း မရှိသည့်အဖွဲ့များသည် မတရားအသင်းအဖြစ် ကြေညာခံရပြီး စစ်ရေးအရ အရေးယူခံရနိုင်သည်ဟု ယူဆနေကြသည်။

နအဖပြောင်းလဲဖွဲ့စည်းပေးမည့် နယ်ခြားစောင့်တပ်တွင် တပ်ရင်းတရင်း၌ တပ်ဖွဲ့ဝင်အင်အား (၃၂၆) ဦးဖြစ်ပြီး ၎င်းတပ်ဖွဲ့ဝင်များထဲမှ (၃၀) ဦးမှာ နအဖစစ်တပ်မှ အရာရှိအရာခံအကြပ်များ ပါဝင်မည်ဖြစ်သည်။

ယနေ့အထိ နယ်ခြားစောင့်တပ်အဖြစ် အသွင်ပြောင်းရန်ကိစ္စကို လက်မခံသည့်အပစ်ရပ်အဖွဲ့များမှာ မွန်၊ ၀၊ ကချင်၊ ကယန်း၊ ရှမ်းနှင့် မိုင်းလားအထူးဒေသ (၄) စသည့်အဖွဲ့များဖြစ်ပြီး အဆိုပါအဖွဲ့များကို နအဖက စစ်ရေးအရ တိုက်ခိုက်ခဲ့ပါက မြန်မာနိုင်ငံတွင် ကြီးမားသည့် ပြည်တွင်းစစ်ကြီးနှင့် ရင်ဆိုင်ကြုံတွေ့ရနိုင်သည်ဟု တိုင်းရင်းသားလက်နက်ကိုင် (၈) ဖွဲ့ဖြင့် ဖွဲ့စည်းထားသည့် အမျိုးသားဒီမိုကရေစီတပ်ပေါင်းစု (မဒတ) အဖွဲ့၏ အထွေထွေအတွင်းရေးမှူး မိုင်းဘုန်းကျော်က ခေတ်ပြိုင်သို့ ပြောကြားသည်။

Read More...

Summary only...

မောင်ဒိုင်းဘလော့ မှ....

ဤပုံကို ကြည့်ပါ။
စစ်တပ်၊ စစ်သားသည် စစ်သားလိုမနေ၊ စစ်သားလို မကျင့်။

သခင်အပါး၌ နေသော ကျွန်ကဲ့သို့ ကျင့်၏။

ပြောတော့ တိုင်းပြည်အတွက်တဲ့။

လုပ်တော့ စစ်ဖိနပ်တိုက်၊ ဖိနပ်ကြိုးချည်၊ ဖိနပ်သုတ်။

ဓာတ်ပုံ-DID

အရာရှိတဲ့။
ဖိနပ်သုတ်အဆင့်။
ဒါက ဘာကိုပြသလဲဆိုရင် စစ်တပ်ဟာ စည်းကမ်း၊ နည်းလမ်းနဲ့ မသွားဘဲ၊
အဖားကိစ္စတွေ၊ သာပေါင်းညာစား မရှက်တမ်းဖားနည်းတွေနဲ့

စခန်းသွားနေတယ်ဆိုတာပဲ။

စစ်တပ်ဘာအဆင့်ရှိလည်း ပြနေတာပဲ။
တို့ ပြည်သူတွေအတွက် တပ်မတော်လိုပါတယ်၊

နိုင်ငံအတွက် တပ်မတော်လိုပါတယ်။

ဒါပေမယ့် ဖိနပ်သုတ်တဲ့ ဗိုနဲ့၊

ထမီခေါက်ပြီး နောက်က ဖိနပ်လိုက်သိမ်းတဲ့ ဗိုမိန်းမတွေပါတဲ့ တပ်မတော်တော့ မဟုတ်ဘူး။

Read More...

Summary only...

Brokeback ဗိုလ်လောင်း(နောက်ကျောကို___နဲ့ထိုးခြင်း)

မောင်ဒိုင်းBlogမှကူးယူဖော်ပြသည်။

”….မေမြို့ စစ်တက္ကသိုလ် ဗိုလ်လောင်း အမှတ်စဉ် (၅၀)တွင် တက်ရောက်နေသော ဗိုလ်လောင်း (၂)ဦးသည် ၂၀၀၇ ဒီဇင်ဘာလတွင် လိင်တူချင်း ဆက်ဆံခဲ့ကြကြောင်း…”
”ထိုဗိုလ်လောင်းနှစ်ဦး၏ အမည်မှာ ဗိုလ်လောင်း သက်နိုင်ဦးး (တတိယနှစ်)နှင့် ဗိုလ်လောင်း ရဲရင့်ဇော် (ပထမနှစ်) တို့ဖြစ်ကြသည်။ …ဗိုလ်လောင်း သက်နိုင်ဦးသည် မေမြို့ စစ်တက္ကသိုလ် အနီးရှိ မိုးကြိုးပစ်ရွာသို့ သွား၍ အရက်ခိုးသောက်ပြီး အဆောင်သို့ ပြန်ရောက်ချိန်တွင် ပထမနှစ် ဗိုလ်လောင်းတက်နေသူ ဗိုလ်လောင်း ရဲရင့်ဇော်အား ရွေချည်ထိုး ဦးထုပ်တံဆိပ် ပေးမည်ဟု လိမ်ညာသွေးဆောင် ဖျားယောင်း၍ မနက် သုံးနာရီခန့်တွင် ခေါ်ယူပြီး ဗိုလ်လောင်းသက်နိုင်ဦး၏ အိပ်ရာပေါ်တွင် ဗိုလ်လောင်း ရဲရင့်ဇော်အား ယောက်ျားခြင်း မဖွယ်မရာ စတင်ပြုလုပ်ခဲ့….”

”…… ယောက်ျားခြင်း မဖွယ်မရာ ပြုလုပ်နေစဉ် သေးပေါက် အပေါ့သွားရန် နိုးထလာသော ဗိုလ်လောင်း တဦးမှ တွေ့ရှိသွားကာ ထိုကိစ္စအား သူတို့၏ တပ်ခွဲမှူးအား သွားရောက် တိုင်ကြားခဲ့သည်။ ….. နောက်ဆုံး ထိုကိစ္စသည် ကျောင်းအုပ်ကြီးထံသို့ရောက်ရှိသွားကာ ကျောင်းအုပ်ကြီးမှ ညအိပ် စည်းကမ်းထိမ်းသိမ်းရေး အရာရှိ ဗိုလ်ကြီး ရဲလင်းမောင် ကိုခေါ်ယူ သတိပေးဆုံးမ ကြိမ်းမောင်း ပြစ်တင်ဆူပူခဲ့ပြီး ပြစ်မှုကျူးလွန်သူ ဗိုလ်လောင်း (၂)ဦးအား စစ်စည်းကမ်းအရ အနည်းငယ်သာ အပြစ်ပေး၍ ဗိုလ်လောင်း သင်တန်းအား ဆက်လက်တက်ရောက် သင်ကြားစေခဲ့ကြောင်း….”

“….အထက်ပါ ကိစ္စများကဲ့သို့ ကျူးလွန်ခဲ့သော ဗိုလ်လောင်း (၂)ဦးကို လက်နက်တတ်ဆင်ပေး၍ တိုင်းရင်းသားလူမျိုးစု ဒေသများသို့စစ်ဆင်ရေး ပြုလုပ်ခိုင်းလိုက်မည်ဆိုပါက ခွေးကို ဂျိုတတ်ပေးသကဲ့သို့ ဖြစ်ချေတော့မည်။”

Source: ဥတ္တရ (http://ottara2008.blogspot.com/)

Read More...

Summary only...

၁၉၊ ၀၄၊ ၂၀၁၀ ရက်နေ့ တွင် နအဖ ဗမာစစ်တပ် ခမရ(၄၂၁) မှ တောင်ငူခရိုင် ထန်းတပင်မြို့ နယ် ရှားစီးဘို ရွာသားနှစ်ဦးဖြစ်သော စောမြ၀င်းနှင့် စောရှာပေါ တို့ အား အကြောင်းမဲ့ ပစ်သတ်လိုက်ကြောင်း သတင်းရရှိပါသည်။

၀၇၊ ၀၄၊ ၂၀၁၀ ရက်နေ့ တွင်လည်း ညောင်လေးပင်ခရိုင် ကျောက်ကြီးမြို့ နယ် အတွင်းလုပ်ရှားနေသော နအဖ ဗမာစစ်တပ်များသည် ပယာဆဲဒါး ရွာသားများအား ပယာဆဲဒါးရွာနှင့် ကနူထာ အကြားတွင် ပစ်ခတ်ရာ ရွာသူ နော်အားမွီ (၂၇)နှစ် ထိခိုက်ဒဏ်ရာ ရှိကြောင်းသတင်းရရှိပါသည်။

သောသီခို ဘလော့မှ ကူးယူထားသည်

Read More...

Summary only...

ချင်းမိုင် (မဇ္ဈိမ) ။ ။ စစ်အစိုးရရာဇသံ၏ နောက်ဆုံးရက်တွင် နယ်ခြားစောင့်တပ်အဖြစ် အသွင်ပြောင်းလဲရေးကို လက်မခံနိုင်ကြောင်း ကချင်လွတ်မြောက်ရေးအဖွဲ့ KIO က ထပ်လောင်း တုံ့ပြန်လိုက်သည်။

မြောက်ပိုင်းတိုင်းမှူး ဗိုလ်ချုပ် စိုးဝင်းနှင့် စစ်ဘက် ရေးရာ လုံခြုံရေးအဖွဲ့ (စရဖ)မှ ဗိုလ်မှူးကြီး သက်ပုံတို့ ဦးဆောင်သော ၄ ဦးပါအဖွဲ့နှင့် KIO ဥက္ကဌ ဦးလရောက် ဇောင်းဟရား၊ အထွေထွေ အတွင်းရေးမှူး ဒေါက်တာလဂျာ၊ ဒုစစ်ဦးစီးမှူး ဗိုလ်မှူးကြီး ဂွမ်းမော်တို့ပါဝင်သော ၈ ဦးပါအဖွဲ့ မြောက်ပိုင်းတိုင်း စစ်ဌာနချုပ်တွင် ယနေ့နံနက်က ၁ နာရီခွဲကြာ တွေ့ဆုံဆွေးနွေးကြစဉ် KIO ၏ လက်နက်ကိုင်တပ်များကို နယ်ခြားစောင့်အဖြစ် အသွင်မပြောင်းဟု ငြင်းဆန်လိုက်ခြင်း ဖြစ်သည်။

“ နယ်ခြားစောင့်တပ်ကို ဘယ်လိုမှ လက်မခံနိုင်ဘူးလို့ အဲဒါပဲ ပြောပြခဲ့တယ်။ ကျနော် တို့ အောက်ခြေလည်း လက်မခံဘူး။ ကချင်လူထုလည်း လက်မခံဘူး။ ” ဟု ဆွေးနွေးပွဲတွင်ပါဝင်ခဲ့သူ KIO ကိုယ်စားလှယ်တဦးက မဇ္ဈိမကို ပြောသည်။

ပြည်ထောင်စုတပ်မတော်တွင် ကချင်တပ်ရင်းများအဖြစ်သာ ပါဝင်လိုကြောင်း KIO က ဆက်လက် ဆွဲကိုင်ထားသည်။

ဗိုလ်ချုပ် စိုးဝင်းက KIO ၏ အဖြေကို နေပြည်တော်သို့ ဆက်လက်တင်ပြမည်ဟုသာ တုံ့ပြန်သွားကြောင်း သိရသည်။

ပြဿနာကို ငြိမ်းချမ်းစွာအဖြေရှာလိုကြောင်း KIO တွဲဖက် အထွေထွေ အတွင်းရေးမှူး ဗိုလ်မှူးကြီး ဆင်ဝါးက ပြောသည်။

“ အစိုးရအနေနဲ့ တိုက်ခိုက်လာမယ်၊ မလာဘူးဆိုတာက သူတို့ဘက်က အပိုင်းပါ။ ကျနော်တို့ဘက်က မပြောနိုင်ပါဘူး။ ကျနော်တို့ဘက်ကတော့ ငြိမ်းငြိမ်းချမ်းချမ်းပဲ လုပ်ဆောင်ချင်တယ်”ဟု သူက မဇ္ဈိမကို ပြောသည်။

လက်နက်ကိုင် အင်အား ၈ ထောင်ခန့်ရှိသော KIO က နအဖအနေဖြင့် စစ်တိုက်ပြီး ချေမှုန်းခြင်းမပြုရန် သတိပေးထားသည်။

တိုင်းရင်းသား ငြိမ်းအဖွဲ့များအား နယ်ခြားစောင့်တပ်အဖြစ် အသွင်ပြောင်းရန် ယခင်နှစ် ဧပြီလ ၂၈ ရက်မှ စတင်ကာ နောက်ဆုံးရက်များ သတ်မှတ်ကာ ရာဇသံပေးခဲ့သည်မှာ ၃ ခါပြည့်သွားပြီဖြစ်သည်။

ဝ ပြည်သွေးစည်းညီညွတ်ရေးတပ် UWSA ကိုလည်း နယ်ခြားစောင့်တပ်အသွင်ပြောင်းရေး ယနေ့ နောက်ဆုံးထား ဆုံးဖြတ်ရန် နအဖက ညွှန်ကြားထားသော်လည်း UWSA ကလည်း ငြင်းဆန်ထားသည်။

“ ဒီနေ့ နောက်ဆုံးဖြတ်ပေမဲ့ အဖြေမပေးဘူး။ သူတို့ပြောတာနဲ့ ကျနော်တို့လိုချင်တာ မတူဘူး။ ကျနော်တို့ တောင်းဆိုတဲ့ ၉ချက် ကနေ ၈ချက်ကိုလည်း ပယ်လိုက်တယ်လေ။ ကျနော်တို့ နယ်မြေဒေသ အခွင့်အရေးကို တောင်းတာကို ပယ်လိုက်တယ်ဆိုတော့ ပြောစရာမရှိတော့ဘူး။”ဟု UWSA အရာရှိတဦးက မဇ္ဈိမကို ပြောသည်။

ဒုဗိုလ်ချုပ်ကြီး ရဲမြင့်က ဝ တပ်ဖွဲ့နှင့် တန်ယန်းမြို့တွင် တွေ့ဆုံမည်ဟု သတင်းများ ထွက်ပေါ်နေသော်လည်း ဝ တပ်ဖွဲဌာနချုပ်သို့ အကြောင်းကြားလာခြင်း မရှိသေးဟု သူက ပြောသည်။

မွန်ပြည်သစ်ပါတီ NMSP ခေါင်းဆောင်များနှင့်လည်း စစ်အစိုးရကိုယ်စားလှယ်များ ယနေ့ တွေ့ဆုံမည်ဟု သိရသော်လည်း သတင်းပေးပို့ချိန်အထိ မွန်ပြည်သစ်ကို ဆက်သွယ်၍ မရဘဲ ရှိသည်။

(ကိုဝိုင်းတည်းဖြတ်သည်။)

Read More...

Summary only...

ဧပြီ (၁၅) ရက် (သင်္ကြန်အကြတ်နေ့)၊ ကန်တော်ကြီးပတ်လမ်း X20 မဏ္ဍပ်ရှေ့ ဗုံးပေါက်ကွဲမှုတွင် အဓိကတာဝန်ရှိသူမှာ နအဖသာလျှင်ဖြစ်ကြောင်း မင်္ဂလာတောင်ညွန့်မြို့နယ်တွင် နေထိုင်သူတို့က ဝေဖန်ပြောဆိုကြသည်။

ထိုနေ့က သေဆုံးသူ (၈) ဦးတွင် မင်္ဂလာတောင်ညွန့်မြို့နယ်မှ (၅) ဦး ပါဝင်ပြီး ဒဏ်ရာရရှိသူများ၏ ထက်ဝက်ခန့်မှာ မင်္ဂလာတောင်ညွန့်မြို့နယ်တခုတည်းမှ ဖြစ်သည်ဟု ဒေသခံများက ပြောသည်။

“ကန်တော်ကြီးပတ်လမ်း မဏ္ဍပ်အားလုံးထဲမှာ X20 မဏ္ဍပ်က လုံခြုံရေး အများဆုံးပဲ။ ဗိုလ်ချုပ်မှူးကြီးရဲ့မြေး ဖိုးလပြည့် ရေကစားမယ်ဆိုလို့ ဗိုလ်ချုပ်ကြီး သူရရွှေမန်းအမိန့်နဲ့ အချိန်ပြည့် လုံခြုံရေးယူထားတယ်။ အဲဒီကြားထဲက ဗုံးပေါက်တာ” ဟု မျက်မြင်တို့က ပြောသည်။

မင်္ဂလာတောင်ညွန့်မြို့နယ်သည် အရှေ့ပိုင်းခရိုင် စစ်ဒေသမှူး၏ အုပ်ချုပ်မှုအောက်တွင် ရှိသော်လည်း ဗိုလ်ချုပ်ကြီး သူရရွှေမန်း၏ စီစဉ်ညွှန်ကြားမှုဖြင့် တောင်ပိုင်းခရိုင် အမှတ် (၄) စစ်ဒေသမှူး ဗိုလ်မှူးကြီး အုန်းချိုက လာရောက် တွဲဖက်လုပ်ဆောင်ရကြောင်း သိရသည်။

“စစ်ဒေသမှူးမှာ သား (၁) ယောက်၊ သမီး (၂) ယောက်ရှိတယ်။ သူက ဗုံးပေါက်ကွဲမယ့်သတင်း ကြိုရထားပုံရတယ်။ ကလေးတွေကို သင်္ကြန်တွင်း ဘယ်မှ ထွက်မလည်ကြဖို့ သူ့ဇနီးကို မှာတယ်” ဟူသော သတင်းစကားများ စစ်ဒေသမှူးနေထိုင်ရာ ဝေဠုဝန်အိမ်ရာတွင် ပျံ့နှံ့နေသည်။

စစ်ဒေသမှူးသည် အကြိုနေ့ကတည်းက X20 မဏ္ဍပ်လုံခြုံရေးကို အနီးကပ် ကြီးကြပ်နေခြင်းဖြစ်သည်ဟု မျက်မြင်များက ပြောသည်။

“စစ်ဒေသမှူးနဲ့ သူ့တပ်ဖွဲ့ အကြတ်နေ့ နံနက် (၁၀) နာရီမှာ X20 မဏ္ဍပ်ကို ရောက်လာတယ်။ နေ့လယ် (၁၂) နာရီမှာ အိမ်ပြန် ထမင်းစားတယ်။ ညနေ (၃) နာရီမှာ အရပ်ဝတ်နဲ့ ပြန်လာပြီး မဏ္ဍပ်နားအရောက် ဗုံးပေါက်ကွဲတာ” ဟု တာဝန်ကျ တပ်ကြပ်တဦးက ပြောသည်။

အဆိုပါ ဗုံးပေါက်ကွဲမှုကြောင့် စစ်ဒေသမှူး ဗိုလ်မှူးကြီး အုန်းချို၏ မျက်နှာကို ဗုံးစ ရှပ်၍ ထိမှန်ပြီး ၀မ်းဗိုက်၌ ကွမ်းသီးလုံးခန့် အပေါက်ဖြစ်သွားသည်ဟု သိရသည်။

“ဗိုလ်မှူးကြီးက ဗိုက်ကို လက်နဲ့ဖိပြီး အဘရေ ကျနော်တော့ ထိသွားပြီလို့ ဗိုလ်ချုပ်ကြီး သူရရွှေမန်းဆီ သတင်းပို့လိုက်သေးတယ်” ဟု ထိုစဉ်က အနီးရှိ ရဲဘော်တဦးက ပြောပြသည်။

အခင်းဖြစ်ပွားရာသို့ ဒုတိယဗိုလ်ချုပ်ကြီး မြင့်ဆွေ ရောက်ရှိလာပြီး စစ်ဒေသမှူးအား ဦးဝိစာရလမ်း၊ အမှတ် (၂) စစ်ဆေးရုံသို့ ပို့ဆောင်ကာ လိုအပ်သော ပြုစုကုသမှုများ ပြုလုပ်ပေးခဲ့သည်။

ဧပြီ (၂၀) ရက်တွင် မင်္ဂလာဒုံ အမှတ် (၁) စစ်ဆေးရုံသို့ ရွှေ့ပြောင်းပြီး ဗုံးစ၀င်သွားသော အသည်းအား ခွဲစိတ်ကုသမှု ပြုလုပ်ခဲ့ရာ အောင်မြင်သည်ဟု သိရသည်။

ထိုသို့ သင်္ကြန်ကာလ X2O မဏ္ဍပ်၌ ဗုံးဖောက်ခွဲမည်ကို ကြိုတင် သတင်းရရှိပါလျက် တာဝန်ရှိသူတို့မှ လုံခြုံရေး အပြည့်အ၀ မပေးနိုင်သည့်အပေါ် အချို့က အပြစ်မြင်နေကြသည်။

ထို့ပြင် သင်္ကြန်ကာလနှင့် ဆီလျော်မှုမရှိသော လူနာတင်ကား အသင့်ထားရှိခြင်း၊ ရန်ကုန်ဆေးရုံကြီး အတွင်းလူနာဆောင်အား ဖယ်ရှားရှင်းလင်းထားခြင်းတို့အပေါ် သံသယ၀င်ကာ နအဖ၏လုပ်ရပ်ဟု အများက ထင်မြင်ချက်ပေးနေကြသည်။

“ဗုံးခွဲမယ့်သတင်း ကြိုရထားရင် သင်္ကြန်မဏ္ဍပ်တွေ ပိတ်လိုက်ပေါ့။ ခုတော့ နအဖ ဂုဏ်သိက္ခာတည်ဆောက်နိုင်ဖို့ ပြည်သူတွေရဲ့ အသက်တွေကို ချကျွေးတာတော့ မလုပ်သင့်ဘူး” ဟု နိုင်ငံရေးအကဲဖြတ်များက ဆိုကြသည်။

ယနေ့အထိ သေဆုံးသူစုစုပေါင်း (၁၈) ဦးရှိနေပြီဟု ရန်ကုန်ဆေးရုံကြီးမှ သတင်းများထွက်ပေါ်နေသော်လည်း အတည်ပြုချက် မရသေးပေ။

ခေတ်ပြိုင် မှ

Read More...

Summary only...

မြစ်ကြီးနားမြို့ရှိ မြစ်ဆုံ ရေအားလျှပ်စစ် စီမံကိန်း ဒေသ၌ ပြီးခဲ့သည့် အပတ်က ဖြစ်ပွားခဲ့သည့် ဗုံးပေါက်ကွဲ မှုများနှင့် ပတ်သက်၍ တနင်္ဂနွေနေ့တွင် အာဏာပိုင်တို့က ဒေသခံ ၅ ဦးကို ဖမ်းဆီးကာ လုံခြုံရေး တင်းကျပ်ထားကြောင်း သိရသည်။

ဖမ်းဆီးခံရ သူများထဲတွင် ရာဘာခြံ ပိုင်ရှင်နှင့် အလုပ်သမားများ ပါဝင်ပြီး နောက်ပိုင်းတွင် ၂ ဦးကို ပြန်လွှတ် ပေးခဲ့သည်ဟု ထိုဒေသ အကြောင်း အထူးပြု လေ့လာနေသည့် စာနယ်ဇင်း သမားတဦးက ပြောသည်။

“ မြစ်ဆုံ စီမံကိန်း အတွက် စီမံကိန်းက လူတွေက မီးရှို့တုန်း ရာဘာခြံတွေ လောင်သွားတော့ အခု အဖမ်းခံထားရတဲ့ သူတွေက ကုမ္ပဏီကို လျော်ကြေး နည်းနည်း တောင်းထားတာ ရှိတယ်လေ” ဟု ထိုင်းနိုင်ငံ အခြေစိုက် ကချင် သတင်းစဉ် အယ်ဒီတာ ကိုနော်ဒင်းက ပြောသည်။

ဗုံးပေါက်ကွဲသည့် နေရာသည် ယခင်ကပင် လုံခြုံရေး ထူထပ်သဖြင့် အရပ်သားများ ၀င်ရောက်ရန် မလွယ်ကူကြောင်း၊ ယခုအခါ အစစ်အဆေးများ ပိုမို များပြားသည်ဟု သိရကြောင်း သူက ဆက်ပြောသည်။

ပေါက်ကွဲမှုနောက်ပိုင်း ဖမ်းဆီးမှုများနှင့် ပတ်သက်၍ မြစ်ကြီးနား အမှတ် ၁ ရဲစခန်းသို့ ဧရာဝတီက ဆက်သွယ် မေးမြန်းသော်လည်း လုံခြုံရေးအရ မဖြေဆိုနိုင်ကြောင်း တာဝန်ကျ ရဲအရာရှိက ပြောသည်။

ဧရာဝတီမြစ် အစပိုင်းရှိ အဆိုပါ ရေအားလျှပ်စစ် စီမံကိန်းဒေသ ပေါက်ကွဲမှုနောက်ပိုင်း ဖမ်းဆီးမှုများ ရှိသည်ဟု ထိုင်းနိုင်ငံ အခြေစိုက် ကချင်ဖွံ့ဖြိုးရေး ကွန်ရက် အမည်ရှိ အဖွဲ့မှ တာဝန်ခံတဦးဖြစ်သူ ကိုအောင်ဝါက ပြောသည်။

“မသင်္ကာတဲ့ နေရာတွေ အိမ်တွေဆို အရမ်း စစ်ဆေးနေတယ်၊ တချို့ဟာတွေ ဆိုရင် လူတွေကို စစ်ဆေးနေတဲ့ဟာမျိုး ဖြစ်တယ်” ဟု ကချင်ဒေသအရေး ဆောင်ရွက်နေသူ ကိုအောင်ဝါက ဧရာဝတီကို ရှင်းပြသည်။

“ဧရာဝတီမြစ်ပေါ်မှာ ဆောက်ထားတဲ့ ဗလမင်းထင်တံတားမှာလည်း လူတွေ အကုန်လုံးကို စစ်ဆေးနေတယ်၊ ပိုက်ဆံအိတ်က အစ အကုန် စစ်နေတယ်၊ အရင်က တံတားကို ၂၄ နာရီ ဖြတ်သွားလို့ရတယ် အခု ည ၇ နာရီဆိုဖြတ်လို့ မရတော့ဘူး၊ အေးရှားဝေါလ် ရုံးစိုက်တဲ့နေရာမှာလည်း အခု စစ်ဆေးရေး ဂိတ်က အစစ်အဆေး အရမ်း များပြီးတော့ ၆ နာရီ နောက်ပိုင်းဆို သွားလာဖို့ ခက်သွားပြီ” ဟု ကိုအောင်ဝါက ပြောသည်။

ဒေသခံများ၏အဆိုအရ မြစ်ဆုံ ရေအားလျှပ်စစ် စီမံကိန်း ဒေသတွင် အစိုးရ စစ်သားများကိုလည်း ယခင်ကထက် ပိုမိုများပြားစွာ တွေ့မြင်နေရသည်ဟု သိရသည်။ စစ်အစိုးရနှင့် ကချင်သူပုန်တို့ အပစ်အခတ် ရပ်စဲခြင်း မပြုရသေးသည့် ၁၉၉၄ ခုနှစ်မတိုင်မီ အခြေအနေနှင့် တူနေသဖြင့် စိုးရိမ်မိသည်ဟု ဒေသခံများက ဆိုသည်။

သင်္ကြန်အတွင်း ရန်ကုန်တွင် ဖြစ်ပွားခဲ့သော ပေါက်ကွဲမှုများ နှင့် မြစ်ဆုံဒေသ ပေါက်ကွဲမှုများသည် မည်သူ၏ လက်ချက် ဖြစ်ကြောင်းကို မသိရသေးပေ။

မေခ နှင့် မေလိခ မြစ်ဝှမ်း မြစ်ဆုံ ရေအားလျှပ်စစ် စီမံကိန်းဒေသ နေရာ ၄ ခုတွင် ပေါက်ကွဲမှုများ ဖြစ်ခဲ့ကြောင်း အစိုးရအာဘော် ကြေးမုံ သတင်းစာတွင် အင်္ဂါနေ့က ရေးထားသည်။ မိုင်း ၁၀ လုံး ပေါက်ကွဲခဲ့ပြီး မပေါက်ကွဲသေးသည့် မိုင်းအချို့ကို ဖော်ထုတ် ရှင်းလင်းခဲ့သည်ဟု ဆိုသည်။ ပေါက်ကွဲမှုကြောင့် အဆောက်အအုံ ၂ လုံး၊ ယာဉ် ၆ စီး တို့၏ အစိတ်အပိုင်း တချို့ ပျက်စီးခဲ့ပြီး လူ ၁ ဦး အနည်းငယ် ဒဏ်ရာရသွားသည်ဟု ရေးထားသည်။

စီမံကိန်းဒေသ ပေါက်ကွဲမှု အရေအတွက်မှာ အစိုးရ ကြေညာထားသည်ထက် များပြားသည်ဟု ထိုဒေသမှ လာသော သတင်းများက ဆိုသည်။

ရေအားလျှပ်စစ် စီမံကိန်းကို တရုတ် စွမ်းအင် ရင်းနှီး မြှုပ်နှံမှု ကုမ္ပဏီ (CPI) အဖွဲ့ နှင့် စစ်အစိုးရနှင့် နီးစပ်သည့် Asia World ကုမ္ပဏီတို့ ပူးပေါင်း တည်ဆောက်နေခြင်း ဖြစ်ပြီး စီမံကိန်း ပြီးစီးပါက ထွက်ပေါ်လာသော လျှပ်စစ် ဓာတ်အားကို တရုတ်နိုင်ငံသို့ ရောင်းချမည် ဖြစ်ကြောင်း သိရသည်။

စီမံကိန်းသည် ဒေသခံတို့ အတွက် ကောင်းကျိုး မရှိဘဲ ဆိုးကျိုးများသာ ရှိသည်ဟု လူ့အခွင့်အရေး အဖွဲ့များနှင့် သဘာဝ ပတ်ဝန်းကျင်အရေး ဆောင်ရွက်နေသူများက ဝေဖန်နေကြသည်။ စီမံကိန်းကြောင့် ဒေသခံ ၁၅၀၀၀ ခန့်မှာ နေရာ ပြောင်းရွှေခဲ့ရသည်ဟု ဆိုသည်။

ဧရာဝတီ သတင်းမှ

Read More...

Summary only...

ပယီၖသုးဖိစံၗဖျိးဘၗတၓဆှၔကဒါက့ၖ
ကွယ်ကလူသတင်းမှ

Read More...

Summary only...

VOA သတင်းမှ
မြန်မာစစ်အစိုးရနဲ့ ထိတွေ့ဆက်ဆံရေး မူဝါဒကို ရုတ်တရက် ပြောင်းလဲဖို့ အလားအလာ မရှိသေးဘူးလို့ အမေရိကန် အစိုးရက ပြောလိုက်ပါတယ်။ ဗုဒ္ဓဟူးနေ့ အမေရိကန် နိုင်ငံခြားရေးဌာနမှာ ပုံမှန်ပြုလုပ်တဲ့ သတင်းစာ ရှင်းလင်းပွဲမှာ အမေရိကန် နိုင်ငံခြားရေးရုံး ပြောခွင့်ရသူ ပီ.ဂျေ ခရော်လီ (P.J Crowley) က အခုလို ပြောလိုက်တာ ဖြစ်ပါတယ်။ တနှစ်အတွင်းမှာ ဖြစ်ပေါ်လာတာ မဟုတ်တဲ့ မြန်မာနိုင်ငံရဲ့ စိန်ခေါ်မှုတွေကိုလည်း တနှစ်တည်းမှာပဲ ဖြေရှင်းလို့ မရဘူးလို့ ပြောခဲ့တာနဲ့ ပတ်သက်လို့ ဦးကျော်ဇံသာက တင်ပြပေးထားပါတယ်။

မြောက်ကိုရီးယားဟာ မြန်မာနိုင်ငံကို ပြီးခဲ့တဲ့ အပတ်က လက်နက်တချို့ တင်ပို့ခဲ့တယ်ဆိုပြီး အစီရင်ခံစာတစောင် ပေါ်ထွက်လာပါတယ်။ အဲဒီကိစ္စကို သိပါသလားလို့ သတင်းထောက် တယောက်က မေးခဲ့တာ ဖြစ်ပါတယ်။ မစ္စတာ ခရော်လီကတော့ အဲဒီ အစီရင်ခံစာကို သေချာ မလေ့လာရသေးဘူးလို့ ဆိုပါတယ်။ အဲဒီအစီရင်ခံစာဆိုတာ ဘယ်ကထုတ်တဲ့ အစီရင်ခံစာလဲ၊ ဘာအစီရင်ခံစာလဲ ဆိုတာကိုတော့ မေးတဲ့ သတင်းထောက်ကလည်း မပြောသလို နိုင်ငံခြားရေးဌာန ပြောခွင့်ရပုဂ္ဂိုလ် မစ္စတာ ခရော်လီကလည်း ပြောကြားခြင်း မရှိပါဘူး။

သို့သော်လည်း မြောက်ကိုရီးယားနဲ့ မြန်မာနိုင်ငံတို့ဟာ လက်နက်အရောင်းအ၀ယ် ရှိနေတဲ့အတွက် စိုးရိမ်မကင်း ဖြစ်တယ်လို့တော့ မစ္စတာ ခရော်လီက အခုလို ပြောသွားခဲ့ပါတယ်။

“အဲဒီအစီရင်ခံစာကို ကျနော်တို့ ဆန်းစစ်လေ့လာခြင်း မရှိဘဲနဲ့တော့ ကျနော်တို့အနေနဲ့ ဒီအချက်ကို မှတ်သားထားရုံပဲ လုပ်နိုင်ပါလိမ့်မယ်။ ဒါပေမဲ့ သိကြတဲ့ အတိုင်းပါပဲ၊ မြန်မာနိုင်ငံ အပါအ၀င် နိုင်ငံတွေ အားလုံးဟာ မြောက်ကိုရီးယားနဲ့ ဆက်ဆံတဲ့အခါ အထူးသတိထားပြီး ပွင့်လင်း မြင်သာအောင် လုပ်ဆောင်ကြဖို့ တာဝန်ရှိပါတယ်။

“ပြီးတော့ မြောက်ကိုရီးယားနဲ့ မြန်မာ နှစ်နိုင်ငံအကြား စစ်ရေး ဆက်နွယ်မှုတွေ ရှိနေတာကိုလည်း ကျနော်တို့ စိုးရိမ်မကင်း ဖြစ်နေတာ အတော်ကြာခဲ့ပါပြီ။ မြန်မာအပါအ၀င် ကုလသမဂ္ဂ အဖွဲ့ဝင် နိုင်ငံတွေ အားလုံးဟာ လုံခြုံရေး ကောင်စီရဲ့ ဆုံးဖြတ်ချက် ၁၇၁၈ နဲ့ ၁၈၇၄ တို့ကို လိုက်နာ စောင့်ထိန်းကြဖို့လည်း မျှော်လင့်ပါတယ်။”

ကုလသမဂ္ဂ လုံခြုံရေးကောင်စီ ဆုံးဖြတ်ချက် အမှတ် ၁၇၁၈ နဲ့ ၁၈၇၄ ဆိုတာတွေဟာ စစ်လက်နက် ပစ္စည်းနဲ့ လောင်စာတွေကို မြောက်ကိုရီးယားကို မတင်ပို့ရဘူး၊ မြောက်ကိုရီးယားနဲ့ အရောင်းအ၀ယ် မလုပ်ရဘူး၊ ဒီပစ္စည်းတွေ တင်ဆောင်လာတယ်လို့ ယူဆရတဲ့ သင်္ဘောတွေကို တက်ရောက်ပြီး ရှာဖွေစစ်ဆေးခွင့် ရှိတယ်ဆိုပြီး ပြဋ္ဌာန်းထားတဲ့ ပြဋ္ဌာန်းချက်တွေ ဖြစ်ပါတယ်။

နောက်တခါ မြန်မာဘက်က ပြုပြင်ပြောင်းလဲမှုတွေ မလုပ်တဲ့အတွက် မြန်မာနိုင်ငံအပေါ် လက်ရှိကျင့်သုံးနေတဲ့ အမေရိကန် အစိုးရရဲ့ မူဝါဒကို ပြန်လည်သုံးသပ်ဖို့ အထက်လွှတ်တော် အမတ်တွေက နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကို မေတ္တာရပ်ခံ နေကြပါတယ်။ ဒီမူဝါဒသစ်ဟာ အလုပ်မဖြစ်တဲ့အတွက် သုံးသပ်ရမယ့်အချိန် ရောက်ပြီလား ဆိုတာနဲ့ ပတ်သက်လို့လည်း မစ္စတာ ခရော်လီက အခုလို ဖြေကြားသွားပါတယ်။

“ပြောရမယ်ဆိုရင်တော့ မြန်မာနိုင်ငံ ပြဿနာက တနှစ်အတွင်း ဖန်တီးခဲ့တဲ့ ပြဿနာ မဟုတ်ပါဘူး။ ဆိုတော့ တနှစ်တည်း ဖြေရှင်းလို့ ရနိုင်မှာလည်း မဟုတ်ပါဘူး။ ကျနော်တို့ဟာ မြန်မာနိုင်ငံဆိုင်ရာ မူဝါဒကို အနုလုံ ပဋိလုံ သုံးသပ်ပြီးမှ ထိတွေ့ဆက်ဆံရေး မူဝါဒကို ပြောင်းလဲ ကျင့်သုံးခဲ့တာပါ။ ဒီလို ပြောင်းလဲခဲ့ရတာဟာ ပွင့်ပွင့်လင်းလင်း ပြောရရင် ဒဏ်ခတ်အရေးယူမှု တခုတည်းနဲ့ ဘာရလဒ်မှ ပေါ်ထွက်မလာလို့ပါပဲ။

“ကျနော်တို့ဟာ မြန်မာအစိုးရနဲ့ အဆင့်မြင့် ဆွေးနွေးမှုတွေ လုပ်ပြီး အကျိုးစီးပွား ဖြစ်ထွန်းရေးနဲ့ စိုးရိမ်ပူပန်စရာတွေကို ကျယ်ကျယ်ပြန့်ပြန့်နဲ့ ရှည်ရှည်လျားလျား ဆွေးနွေးခဲ့ကြပါတယ်။ ဒီဆွေးနွေးမှုတွေကို ဆက်လက် လုပ်ကြရဦးမှာပါ။ ဒါပေမဲ့ ကျနော်တို့ ပြောခဲ့သလိုပါပဲ၊ မြန်မာအစိုးရရဲ့ မကြခင်က လုပ်ရပ်တချို့ကြောင့် ကျနော်တို့ စိတ်ပျက်ခဲ့ရပါတယ်။ အထူးသဖြင့် ရွေးကောက်ပွဲ ဥပဒေတွေနဲ့ ပတ်သက်ပြီး စိတ်ပျက်ခဲ့ရတာပါ။

“မြန်မာနိုင်ငံမှာ စိန်ခေါ်မှုတွေ အများကြီး ရှိနေပါတယ်။ ဒါတွေကို သူတို့ ပြည်တွင်းမှာ ဖြေရှင်းကြရပါလိမ့်မယ်။ မြန်မာ့လူ့အဖွဲ့အစည်း အစိတ်အပိုင်း အမျိုးမျိုးနဲ့ ကျယ်ကျယ်ပြန့်ပြန့် ဆွေးနွေးကြရပါလိမ့်မယ်။ နိုင်ငံရေး ဖြစ်စဉ်မှာ ပါဝင်ခွင့် ရှိသူတွေ၊ ပါဝင်နိုင်သူတွေ ပိုများလာအောင် ဖွင့်ပေးရပါလိမ့်မယ်။”

အမေရိကန် အထက်လွှတ်တော်က ရီပတ်ဘလီကန်အမတ်တွေ ဖြစ်တဲ့ ဂျက်ဂရက်တို့၊ မစ်ခ်ျ မက်ကော်နယ်လ်တို့လို ပုဂ္ဂိုလ်တွေက မြန်မာနိုင်ငံ အပေါ်မှာ အမေရိကန် အစိုးရ လက်ရှိကျင့်သုံးနေတဲ့ မူဝါဒကို ပြန်လည်သုံးသပ်သင့်ပြီ ဆိုပြီး မကြာခဏ မေတ္တာရပ်ခံနေကြတာလည်း ဖြစ်ပါတယ်။

Read More...

Summary only...

စောက်ချိုး ကမျောက်လိုးမဲ့ရုပ်မျိုးနဲ့ မသေခင် စောက်ကမြင်းကျောထထားပါ။

ဧရာဝတီ သတင်းမှ
မကြာသေးခင်က ကျင်းပခဲ့သော ရန်ကုန် သင်္ကြန်ပွဲတွင် နာမည်ကြီး စီးပွားရေး လုပ်ငန်းရှင် ဦးတေဇ၏ Air Bagan (အဲပုဂံ) မဏ္ဍပ်၌ ဒီဂျေနှင့် အနောက်အတိုင်း အကများ ဖျော်ဖြေသည့် နိုင်ငံခြားသားများ၊ နောက်ဆုံးပေါ်ကားများဖြင့်မဏ္ဍပ်လာ ထိုင်သူများနှင့် ကျပ် သိန်းပေါင်း များစွာ အကုန်အကျခံ၍ ပျော်ရွှင်စွာ ဆင်နွှဲခဲ့ကြကြောင်း သိရသည်။

ယင်း Air Bagan မဏ္ဍပ်တွင် ဦးတေဇ၏ သားများက အပေါင်းအပါများဖြင့် ပျော်ပါးနေကြသည့် ဓာတ်ပုံများမှာလည်း အင်တာနက် ပေါ်တွင် ပျံ့နှံ့လျက်ရှိသည်။

၎င်းဓာတ်ပုံများကို နာမည်ကြီး ဘလော့တခုဖြစ်သည့် နစ်နေမန်းဘလော့တွင် ဖော်ပြထားသည်။

Air Bagan မဏ္ဍပ်တွင် ယခင်နှစ်များက စိုင်းစိုင်းခမ်းလှိုင်နှင့် ဒီဂျေ သော်သော်အား ပင်တိုင်ထားရှိသော်လည်း ယခုနှစ်တွင် ဒီဂျေနှင့် အနောက်တိုင်းအကများဖြင့်ဖျော်ဖြေသူများမှာ နိုင်ငံခြားသားများဖြစ်ကြောင်း၊ နာမည်ကြီး အဆိုတော်များနှင့် သရုပ်ဆောင်များ မပါဝင်ဘဲ သီချင်းတက်ဆိုသူများမှာ အင်္ဂလိပ် သီချင်းကို ပိုင်ပိုင်နိုင်နိုင် သီဆိုနိုင်သူများဖြစ်ကြောင်း သိရသည်။

“အရင်နှစ်တွေက ဒီဂျေသော်သော်ကိုငှားနေကျလေ။ ဒီနှစ်ကို မငှားတော့ဘူးဆိုတော့ အံ့သြနေတာ။ နောက်တော့မှ သြစတြေးလျ က ဒီဂျေလို့သိရတယ်။ နောက်ပြီး မဏ္ဍပ်မှာ ရေပက်တဲ့သူတွေထဲမှာလည်း နိုင်ငံခြားသားတွေပါတယ်"ဟု Air Bagan ၀န်ထမ်းတဦး က ဧရာဝတီသို့ ပြောသည်။

အဆိုပါ မဏ္ဍပ်တွင် ရေကစားသည့် လူငယ်တဦးကလည်း“မဏ္ဍပ်မှာ သူတို့ အသိုင်းအ၀ိုင်းတွေပဲများတယ်။ အဲပုဂံက ၀န်ထမ်းတွေ ရယ်၊ နောက် ဦးတေဇပိုင်တဲ့ကုမ္ပဏီက လူတွေများတယ်။ အပြင်လူကနည်းတယ်"ဟု ဆိုသည်။

၎င်းမဏ္ဍပ်သို့ လာရောက် ရေကစားကြသည့် လူငယ်များမှာ နောက်ဆုံးပေါ်ကားများဖြင့် အပြိုင်အဆိုင် လာရောက်ကြခြင်း ဖြစ်ကြောင်းသိရသည်။

“ကားနံပါတ်တွေက နောက်ဆုံးပေါ် နံပါတ်တွေနဲ့ မှန်တွေကလည်း နေကာမှန် အမည်း တွေတပ်ထားတဲ့ကားမျိုးတွေနဲ့ မဏ္ဍပ် လာထိုင်ကြတာ"ဟု Air Bagan မဏ္ဍပ်ကို သွားရောက်ကြည့်ရှုခဲ့သည့် ရန်ကုန်မြို့ခံတဦးကဆိုသည်။

အဆိုပါ Air Bagan မဏ္ဍပ်တွင် အပြင်လူများအနေဖြင့် သင်္ကြန်အကျနေ့မှ အတက်နေ့အထိ သုံးရက်ရေကစားမည်ဆိုလျှင် ကျပ် ၃၀၀၀၀ ပေးရပြီး မဏ္ဍပ်၏ အပြင်အဆင်နှင့် အသုံးပြုထားသော စက်ပစ္စည်းများမှာ အလွန်ကောင်းမွန်ကြောင်း၊ မဏ္ဍပ်၏ အကျယ် အ၀န်းမှာ ပေ ၁၀၀ ခန့်ကျယ်ဝန်းကြောင်း နီးစပ်သည့် အသိုင်းအ၀ိုင်းမှ ကြားသိရသည်။

မဏ္ဍပ်၏ ကုန်ကျစရိတ်အား အတိအကျမသိရသော်လည်း နစ်နေမန်းဘလော့တွင် သိန်း ၅၀၀ ခန့် အကုန်အကျခံ ဆောက်လုပ် ထားခြင်းဖြစ်သည်ဟု ရေးသားထားသည်။

ရန်ကုန်မြို့ရှိရေကစားမဏ္ဍပ်များ၏ မဏ္ဍပ်ထိုင်ခ နှုန်းထားများမှာ ၄ ရက်လျှင် ကျပ် ၄ သောင်းခန့်ရှိပြီး တချို့မဏ္ဍပ်များမှာ ကျပ် ၅ သောင်း အထိရှိကြောင်းသိရသည်။

ကမ္ဘာအေးဘုရားလမ်းပေါ်ရှိ အင်လျားကန်စောင်းအား ကျောပေး ဆောက်လုပ်ထားသော မဏ္ဍပ်များထဲမှ မဏ္ဍပ် ၆ ခုမှာ ဗိုလ်ချုပ်မှူးကြီး သန်းရွှေ၏ မြေး ဖိုးလပြည့်နှင့် စီးပွားရေးလုပ်ငန်းရှင် ဦးတေဇ တို့၏ အသိုင်းအ၀ိုင်းများထဲမှ ၎င်းတို့၏ အမည် ကိုအသုံးပြုကာဆောက်လုပ်ထားခြင်းဖြစ်သည်။ ထိုမဏ္ဍပ်များသည် အင်လျားကန်ထဲမှ ရေသွယ်ယူခဲ့ကြောင်း၊ မဏ္ဍပ်၏ အနောက်ဘက်တွင် အခန်းများပြုလုပ်ထားကာ ညအိပ် တည်းခိုနိုင်ရန် စီစဉ်ထားကြောင်း ၎င်းတို့နှင့်နီးစပ်သည့် အသိုင်းအ၀ိုင်းမှ ကြားသိရသည်။

“အဲ့ဒီမှာ ဆလိုက်မီးတွေအများကြီး သုံးထားတယ်။ ညဘက်မှာ နိုက်ကလပ်လို ပုံစံမျိုးနေလို့ရအောင် လုပ်ထားတယ်။ မဏ္ဍပ် ကုန်ကျငွေက အနည်းဆုံး ကျပ်သိန်း ၁၀၀ အထက်မှာရှိတယ်"ဟု အဆိုပါ မဏ္ဍပ်တွင် ရေကစားသည့် လူငယ်တဦးက ပြော သည်။

အာဏာပိုင်များက၂၀၁၀ သင်္ကြန် မဏ္ဍပ်များ၏ နောက်ခံအပြင်အဆင်များကို မြန်မာ့ရိုးရာ ပန်းချီဒီဇိုင်းများနှင့် ပြုလုပ်ရန်၊ သင်္ကြန် မဏ္ဍပ် အမည်များကို မြန်မာဆန်ဆန် ပေးကြရန်၊ မြန်မာ့ရိုးရာ ယဉ်ကျေးမှုနှင့်မအပ်စပ်သော ၀တ်စားဆင်ယင်မှု ကခုန်မှု သရုပ်ပျက်မှုများအား လုံးဝ ခွင့်မပြုရန်၊ မဏ္ဍပ်တွင် မြန်မာ့ရိုးရာ အစားအစာဖြင့်သာ ဧည့်ခံကျွေးမွေးရန် စသည်ဖြင့် သင်္ကြန်မတိုင်ခင် စည်းကမ်းချက်များ ထုတ်ပြန်ထားသည်။

သို့သော် ရန်ကုန်မြို့ ကန်တော်ကြီးကန်ပတ်လမ်းတွင်ရှိသည့် ရေကစားမဏ္ဍပ်များအား ပေးထားသည့် အမည်များမှာ မြန်မာဆန် သည့် အမည်များမဟုတ်ကြောင်းလည်း သိရသည်။

“ပြောတော့သာ မြန်မာဆန်တဲ့ အမည်ပေးရမယ်ဆိုပြီး တချို့ဆို ငရဲပြည် လို့တောင် ပေးထားသေးတယ်။ ကျမအထင် သူတို့တွေ စည်ပင်ကိုတင်တော့ မြန်မာနာမည်နဲ့တင်ပြီး နောက်မှ သူတို့ပေးချင်တဲ့ နာမည်ပေးလိုက်တာလို့ထင်တယ်"ဟု ရန်ကုန်မြို့ခံတဦးက ပြောသည်။

ထို့အပြင် အဆိုပါ ကန်တော်ကြီး ကန်ပတ်လမ်းမှ မဏ္ဍပ်များကို အမည်းရောင်များဖြင့် တန်ဆာဆင်ထားသဖြင့် အတိတ်နိမိတ် မကောင်းကာ ၀မ်းနည်းဖွယ်ရာ အဖြစ်အပျက်များနှင့် ကြုံတွေ့ကြရခြင်းဖြစ်သည်ဟုလည်း ရန်ကုန်မြို့ခံများက ဝေဖန်ပြောဆို နေကြသည်။

ပြီးခဲ့သည့် သင်္ကြန်အကြတ်နေ့က ရန်ကုန် ကန်တော်ကြီး ပတ်လမ်းရှိ X2O ရေကစား မဏ္ဍပ်အနီး ဗုံး ၃ လုံးဆက်တိုက် ပေါက်ကွဲ မှုကြောင့် လူ ၈ ဦး သေဆုံး၍ ထိခိုက်ဒဏ်ရာရရှိသူ စုစုပေါင်း ၁၇၀ ရှိကြောင်း အစိုးရက တရားဝင် ထုတ်ပြန်ထားသည်။

ယခုနှစ် သင်္ကြန်ရေသဘင်ပွဲကို မြန်မာနိုင်ငံတွင် ဧပြီလ ၁၃ ရက်နေ့မှ ၁၆ ရက်နေ့ အထိ ကျင်းပခြင်းဖြစ်သည်။

Read More...

Summary only...

၂၀၀၈ အခြေခံ ဥပဒေကို ပြန်လည် မသုံးသပ်သည့် အပြင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားများကို လွှတ်ပေးခြင်း မရှိဘဲ ကျင်းပမည့် ရွေးကောက်ပွဲကို အသိအမှတ်ပြုမည် မဟုတ်ဟု သြစတြေးလျနိုင်ငံ၊ နယူးဆောက်ဝေး (New South Wales) ပြည်နယ်လွှတ်တော်တွင် ယမန်နေ့က ကန့်ကွက်သူ မရှိ ဆုံးဖြတ်လိုက်သည်။

မြန်မာအစိုးရက ကျင်းပရန် ပြင်ဆင်နေသည့် ၂၀၁၀ ရွေးကောက်ပွဲနှင့် ပတ်သက်ပြီး ထိုလွှတ်တော်တွင် တခဲနက် ဆန့်ကျင်လိုက် ခြင်းကြောင့် ကျေနပ်မိ သည်ဟု သြစတြေးလျရောက် ဒီမိုကရေစီအရေး ဆောင်ရွက်သူ ဒေါက်တာ မြင့်ချိုက ပြောသည်။

“နအဖအနေနဲ့ ကျင်းပမယ့် ရွေးကောက်ပွဲ ဟာ နိုင်ငံတကာ အသိအမှတ်ပြုမှုကို မရနိုင်တော့ဘူး ဆိုတဲ့ စဉ်းစားချက်မျိုးတွေ ရှိလာမယ်” ဟု Burma Campaign Australia (BCA) ခေါ် မြန်မာ့အရေး လှုပ်ရှားမှုအဖွဲ့မှ ဒေါက်တာမြင့်ချိုက ပြောသည်။

လွှတ်တော်တွင် ထိုသို့ ဆုံးဖြတ်နိုင်ရန် အဆိုတင်သွင်းခဲ့သူ Dr. John Kaye နှင့် ၎င်းတို့ အဖွဲ့ လက်တွဲ၍ သြစတြေးလျ အစိုးရ တရပ်လုံးကို ဆက်လက် စည်းရုံးမည်ဟု ဆိုသည်။

သြစတြေးလျ၏ တခြားသော ပြည်နယ်များရှိ လွှတ်တော်များက ၂၀၁၀ ရွေးကောက်ပွဲနှင့် ပတ်သက်ပြီး ဆွေးနွေးဆုံးဖြတ်ခြင်း မရှိသေးပေ။

သြစတြေးလျ အစိုးရသည် ၁၉၈၈ ခုနှစ်မှ စတင်၍ မြန်မာအစိုးရ ခေါင်းဆောင်များ၊ အစိုးရနှင့် နီးစပ်သူများကို ပြည်ဝင်ခွင့် ပိတ်ပင်ထားသည်။ ၁၉၉၁ တွင် စစ်လက်နက် ပစ္စည်း ရောင်းချခြင်းကို ပိတ်ပင်လိုက်သည်။ မြန်မာအစိုးရနှင့် ပတ်သက်သည့် လုပ်ငန်းရှင်များ၏ ပြည်ပရှိ ငွေကြေးများ ထိန်းချုပ်နိုင်မည့် ဥပဒေတရပ်ကို ၂၀၀၇တွင် ပြဋ္ဌာန်းခဲ့သည်။

မြန်မာအစိုးရအပေါ် ၀ိုင်းဝန်း ဖိအားပေးကြရန် သြစတြေးလျရောက် မြန်မာ့အရေးလှုပ်ရှားသူများက လှုံ့ဆော်လျက်ရှိသည်။

ဒေသတွင်း နိုင်ငံတခုဖြစ်သည့် နယူးဇီလန်တွင်လည်း မြန်မာ့အရေးလှုပ်ရှားသူများက အလားတူ လှုံ့ဆော်နေကြသည်။

မြန်မာစစ်အစိုးရ၏ လူသားမျိုးနွယ်အပေါ် ကျူးလွန်သည့် ရာဇ၀တ်မှုကို ကုလသမဂ္ဂတွင် အရေးယူရေးအတွက် ကူညီရန် နယူးဇီလန် အစိုးရကို တိုက်တွန်းနေကြောင်း နယူးဇီလန်ရောက် မြန်မာ့အရေး လှုံ့ဆော်သူတဦးက ပြောသည်။

“ကုလသမဂ္ဂ လုံခြုံရေး ကောင်စီမှာ မြန်မာကိစ္စ ဆွေးနွေးရင် နယူးဇီလန်နိုင်ငံက ပါဝင် ထောက်ခံပေးဖို့ နယူးဇီလန် အစိုးရကို မေတ္တာ ရပ်ခံနေပါတယ်” ဟု ပြည်ထောင်စု မြန်မာနိုင်ငံ အမျိုးသား ကောင်စီ (NCUB) ၏ ကိုယ်စားလှယ် တဦးဖြစ်သူ ကိုနိုင်ကိုကိုက ဧရာဝတီကို ပြောသည်။

နယူးဇီလန် ၀န်ကြီးဟောင်း Maryan Street အပါအ၀င် ပါလီမန် အဖွဲ့ဝင် ၆ ဦးကို ယမန့်နေက တွေ့ဆုံ ခဲ့ကြောင်း၊ ၎င်းတို့က မြန်မာပြည် ဒီမိုကရေစီရေးအတွက် ဖြစ်နိုင်ခြေရှိသည့် ကိစ္စရပ်များ၊ အမျိုးသား ဒီမိုကရေစီ အဖွဲ့ချုပ် ရွေးကောက်ပွဲ မ၀င်သည့် အပေါ် သဘောထားများကို အပြန်အလှန် ဆွေးနွေးခဲ့ကြောင်း ကိုနိုင်ကိုကိုက ပြောသည်။

Maryan Streetသည် မြန်မာပြည်အရေးကို ကူညီ ဆောင်ရွက်နေသူ တဦး ဖြစ်သည်ဟု သိရသည်။

ဧရာဝတီ မှ

Read More...

Summary only...

စစ်အစိုးရနှင့် နယ်ခြားစောင့်တပ် အသွင်ပြောင်းရေး ဆွေးနွေးပွဲ ပျက်ပြားခဲ့ပါက ထိပ်ပိုင်း ခေါင်းဆောင် တချို့ အပါအ၀င် မွန်ပြည်သစ် ပါတီဝင်များ တောတွင်း အခြေစိုက် စခန်းသို့ ပြန်ရန် လျှို့ဝှက်နှုတ်ဆက်ပွဲများ ကျင်းပနေကြကြောင်း သိရသည်။

ဗိုလ်ချုပ်ကြီး ရဲမြင့်နှင့် မွန်ပြည်သစ် ပါတီ (NMSP) တို့ တွေ့ဆုံ ဆွေးနွေးမှု မတိုင်ခင် ပါတီဝင် ခေါင်းဆောင်များ၊ အရာရှိများနှင့် စစ်သည်များက တောတွင်း အခြေစိုက် စခန်းသို့ ပြောင်းရွှေ့ နေကြခြင်း ဖြစ်ကြောင်း မွန်ပြည်နယ် မော်လမြိုင် မြို့ရှိ ပါတီနှင့် နီးစပ်သူ တဦးက ဧရာဝတီသို့ ပြောသည်။

“ကျနော့် သူငယ်ချင်းကတော့ သူ တောထဲကို ပြန်သွား တော့မယ်လို့ ပြောတယ်။ သူ့ကလေး တွေကို ကြည့်ရှု စောင့်ရှောက်ဖို့ မှာတယ်။ ခင်လာတာ ကြာပြီဆိုတော့ စိတ်မကောင်း ဖြစ်ပါတယ်”ဟု ယင်းက ဆိုသည်။

ထိုင်း-မြန်မာ နယ်စပ် ဘုရားသုံးဆူတောင်ကြားလမ်းမှ NMSP ပါတီဝင်တချို့က နယ်ခြားစောင့် တပ်ဖွဲ့ အသွင်ပြောင်းရေး အတွက် နောက်တကြိမ် ဆွေးနွေးမှုမှာ ဧပြီ ၂၂ ရက်နေ့ဖြစ်ကြောင်း၊ အကယ်၍ ဆွေးနွေးညှိနှိုင်းမှုပျက်ပြားပြီး စစ်ကို မရှောင် လွှဲ နိုင်ပါက နေအိမ်များစွန့်ခွာပြီး တောတွင်းသို့ ပြန်ဝင်ကြရန် ခေါင်းဆောင်များက မှာကြားထားကြောင်း ပြောသည်။

NMSP ၏ တရားဝင် စာရင်းများအရ အဖွဲ့ဝင် ၃၅၀၀ ရှိသော်လည်း လက်ရှိတွင် တာဝန်ထမ်းဆောင်နေသူမှာ ၇၀၀ ခန့် သာ ရှိကြောင်း သိရသည်။

အကယ်၍ စစ်ဖြစ်ပွားရန် အကြောင်းပေါ်လာပါက တပ်ဖွဲ့ဝင်များ ပြန်လာဖွယ်ရှိကြောင်း၊ အစပိုင်းတွင်မှု အခက်အခဲ ရှိမည်ဖြစ်ကြောင်း NMSP အတွင်းရေးမှူး နိုင်ဟံသာက ပြောသည်။

သို့သော် အပစ်ရပ်ထားသည့် ဆယ်စုနှစ်တခုကျော်ကြာအတွင်း မြို့ပေါ်၌ စီးပွားရေးလုပ်ငန်းများနှင့် အခြေကျနေသည့် ပါတီ အဖွဲ့ဝင်များအဖို့ လက်ရှိအခြေအနေကို စွန့်လွှတ်၍ NMSP နှင့် တောတွင်းသို့ လိုက်ပါပူးပေါင်းရန် အခက်အခဲရှိမည်ဟု မွန် နိုင်ငံရေး လေ့လာအကဲခတ်သူများက ဆိုသည်။

NMSP ဗဟိုအလုပ်အမှုဆောင်ဟောင်း နိုင်တင်အောင်ကမူ မြန်မာစစ်တပ်အနေဖြင့် ၎င်းတို့ကို တိုက်ခိုက်လိမ့်မည်ဟု မထင်ကြောင်း ပြောသည်။

“မွန်ပြည်သစ်ပါတီကို တိုက်မယ်ဆိုရင် နိုင်ငံရေးအရ ထိခိုက်မှု ရှိနိုင်တယ်၊ မွန်ပြည်သစ်ပါတီကို နယ်ခြားစောင့်တပ်ဖွဲ့ဖို့ ဖိအားပေးရုံသက်သက်ပါပဲ”ဟု နိုင်တင်အောင်က ဆိုသည်။

နယ်ခြားစောင့် တပ် ဖွဲ့စည်းရေးအတွက် ဗိုလ်ချုပ်ကြီးရဲမြင့်နှင့် NMSP မှ ဗဟိုအလုပ်မှုဆောင် ၄ ဦးတို့ ဧပြီလ ၇ ရက်နေ့တွင် မော်လမြိုင်မြို့ရှိ အရှေ့တောင်တိုင်း စစ်ဌာနချုပ်၌ တွေ့ဆုံဆွေးနွေးခဲ့ကြသည်။

ယင်းဆွေးနွေးပွဲ၌ NMSP သည် နယ်ခြားစောင့်တပ် မဖွဲ့လိုပါက ပြည်သူ့စစ်အဖြစ် ရပ်တည်ရေး စဉ်းစားပေးရန် ဗိုလ်ချုပ်ကြီး ရဲမြင့်က ပြောကြောင်း NMSP ပြောခွင့်ရပုဂ္ဂိုလ် နိုင်ချေးမွန်က ဧရာဝတီသို့ ပြောသည်။

“ပါတီခေါင်းဆောင်တွေ ဒီနေ့ ဗဟိုဌာနချုပ်မှာ အစည်းအဝေးလုပ်တယ်၊ လက်ခံမယ် မခံဘူးဆိုတာအဲဒီ အစည်းအဝေးမှာ ဆွေးနွေးမယ်၊ လာမယ့် ဧပြီ ၂၂ ရက်နေ့မှာ ဗိုလ်ချုပ်ရဲမြင့်နဲ့တွေ့ဖို့ရှိတယ်”ဟု နိုင်ချေးမွန်က ဆိုသည်။

ယမန်နှစ်က နယ်ခြားစောင့်တပ် ဖွဲ့ရန် NMSP က ငြင်းဆန်ပြီးနောက် စစ်အစိုးရနှင့် ဆက်ဆံရေး တင်းမာခဲ့သည်။

ပြီးခဲ့သည့် မတ်လက NMSP သည် လက်နက်စုဆောင်းရေးဌာန အပါအဝင် ဌာနတချို့ကို နေရာရွှေ့ပြောင်းခဲ့ကြောင်း ယင်းအဖွဲ့နှင့် နီးစပ်သူများက ဆိုသည်။

အကယ်၍ တိုက်ပွဲ ပြန်ဖြစ်ခဲ့လျှင် ပြောက်ကျား နည်းဖြင့် ပြန်လည် ခုခံမည် ဖြစ်ကြောင်း NMSP ခေါင်းဆောင်များက ပြော သည်။

အပစ်အခတ်မရပ်စဲခင်က မွန်ဒေသတွင် စစ်အစိုးရ တပ်ရင်း ၁၀ ရင်းသာ တပ်စွဲထားခဲ့သော်လည်း ၁၅ နှစ်ကြာ ကာလအတွင်း တပ်စွဲထားသည့် တပ်ရင်း ၃၀ ခန့် ရှိကြောင်း သိရသည်။

အပစ်ရပ်အဖွဲ့များအနေနှင့် ဧပြီ ၂၈ ရက်နေ့ မတိုင်မီ နယ်ခြားစောင့်တပ် အသွင် မပြောင်းပါက စစ်အစိုးက မတရားအသင်း အဖြစ် ကြေညာမည်ဟု သတင်းများလည်း ထွက်ပေါ်နေသည်။

ဧရာဝတီ သတင်းမှ

Read More...

Summary only...

ရဲဘော်……..
ဇွဲကောင်းလိုက်ကြတာ
မွန်ဂို သဲချောင်းကလာကြတယ်
နယ်မြေတွေ ရေကြည်ရာမြက်နုရာ
ရှာဖွေ လာလမ်းတလျောက်
သံပေါက် ကဗျာများထားခဲ့ကြတယ်
ဇွဲကပင်တောင်က သက်သေပေါ့ကွယ်။

ရဲဘော်……..
ကိုးမြစ်ဝှမ်းဆင်း၊ သံလွင်မင်းအပြင်
တနင်္သာ၊ ဧရာ
ဥဿာပဲခူး(ဂိုး)၊ ဒီစည်းရိုးဟာ
ကိုးဒီသွေးများကမ္ဘာ
ဒီမြေနေရာ တို့သာသခင်
အမှန်မြင်တတ်ကြစေ။

ရဲဘော်……..
မတရားတဲ့ ပဒေသရာဇ်
မတရားတဲ့အခြေအမြစ်မဲ့တွေ
မတရားတဲ့ မဟာရူးတွေကြောင့်
သမိုင်းနှောင့်သမိုင်းပျောက်
မီးတောက်တွေ ဝေနေကြတုန်း။

ရဲဘော်……..
ငါတို့မရိုင်းဘူး မရိုင်းဘူး
သမိုင်းအရပြောတာပါ။
ခေတ်အဆက်ဆက် တုံ့မပြန်ခဲ့
ခေတ်အဆက်ဆက် ငုံ့ခံခဲ့ကြတာ
စာနာမှု ရှေ့တန်းတင်
ညှာတာမှု ရှေ့တန်းတင်
ညီအစ်ကိုပင် သဘောထားခဲ့ကြလဲ။

ရဲဘော်……..
စုတ်လေ စုတ်လေ ငတ်မပြေ
ဖုတ်တစ္ဆေအာဏာရူးများ
လူပါးဝ နအဖငမိုက်ငပေ
အမြင်မှန်တွေဆိုက်စေဖို့
သခင်ခြံတဝိုက် ကရင်အလံပြန်စိုက်မယ်။
သခင်ခြံတဝိုက် ကရင်အလံပြန်စိုက်မယ်။
သခင်ခြံတဝိုက် ကရင်အလံပြန်စိုက်မယ်။
(လင်္ကာဒီပ)

မှတ်ချက်။ ။ မှန်ကန်သော ကရင့်သမိုင်း၊ ပျောက်လုနီးပါး ကျန်နေသေးသော သမိုင်းအချက်အလက်အချို့ကို ပြန်လည်သိမ်းဆည်းရင်း ကရင်တမျိုးသားလုံး၏ ဘဝ ရပ်တည်မှုတွေအတွက် သက်စွန့်ဆံဖျားကြိုးစား တာဝန်ထမ်းဆောင်နေကြသော တော၊ တောင၊် အတွင်း၊ အပြင် အရပ်ရပ်မှ ကရင့်တော်လှန်ရေးသမားများအား ဤကဗျာလေးဖြင့် ချီးကျူးဂုဏ်ပြု မှတ်တမ်းတင်အပ်ပါသည်။

စောကျော်ခွီး ဘလော့မှ

Read More...

Summary only...

ရန်ကုန်မြို့ မင်္ဂလာတောင်ညွန့်မြို့နယ် ကန်တော်ကြီး ကန်ပတ်လမ်းရှိ X2O ရေကစား မဏ္ဍပ် ရှေ့၌ သင်္ကြန် အကြတ်နေ့ ဧပြီ (၁၅)ရက်၊ မွန်းလွဲ ၃ နာရီ ခန့်တွင် ဗုံးသုံးလုံး ဆက်တိုက် ပေါက်ကွဲမှု ဖြစ်ပွား ခဲ့မှုကြောင့် ရန်ကုန်တိုင်း စစ်ဌာနချုပ် ၊ အမှတ် (၄)စစ်ဒေသမှူး ၊ ဗိုလ်မှူးကြီး အုန်းချို သည် မျက်နှာ နှင့် ၀မ်းဗိုက် တို့တွင် ပြင်းထန်စွာ ဒဏ်ရာ ရရှိခဲ့ပြီး စိုးရိမ်ရသော အခြေ အနေတွင် ရှိကြောင်း အမှတ် (၁) တပ်မတော် ဆေးရုံကြီး ၊ ကုတင် (၁၀၀၀) မှ အမည် မဖော်လိုသူ အရာရှိကြီး တစ်ဦး ထံမှ စုံစမ်း သိရှိ ရပါသည်။

အမှတ် (၁) တမ်မတော် ဆေးရုံကြီး ၊ ကုတင် (၁၀၀၀) မှ တာဝန်ကျ အရာရှိ တစ်ဦးကတော့ ဗုံးပေါက်ကွဲမှု ဖြစ်ပွားပြီး အမှတ် (၄) စစ်ဒေသမှူး ၊ ဗိုလ်မှူးကြီး အုန်ချို ဆေးရုံကို ရောက်ရှိလာပုံကို အခုလို ပြောပြ ပါတယ် ။ မွန်းလွဲ ၃ နာရီ ၃၀ လောက်မှာ ဗိုလ်မှူးကြီး အုန်းချို ကျွန်တော်တို့ တပ်မတော် ဆေးရုံကြီး ကုတင် (၁၀၀၀) ကို ဒဏ်ရာ တွေနဲ့ ရောက်လာ ပါတယ် ၊ ဗိုလ်မှူးကြီး အုန်းချိုကို ခွဲစိတ်ပါရဂူကြီး ဗိုလ်မှူးကြီး အုန်းမောင်မောင်နဲ့ အကူ အရာရှိတွေ အချိန် (၃)နာရီကြာ ခက်ခက် ခဲခဲ ဗုံးစတွေကို ခွဲထုတ် ရပါတယ် ။ မျက်နှာမှာ ကတော့ ဒဏ်ရာ သိပ်မပြင်းပါဘူး ၊ ဒဏ်ရာပြင်းတာက ၀မ်းဗိုက်မှာပါ ၊ အသဲ နဲ့ အူမကြီးကို ဗုံးစတွေ တော်တော် ထိသွားပါတယ် ၊ အခု ဗိုလ်မှူးကြီး အုန်းချိုကို ကျွန်တော်တို့ အမှတ် (၁) တပ်မတော် ဆေးရုံကြီး ကုတင် (၁၀၀၀) အထူး ကြပ်မတ်ဆောင်မှာ ထားပါတယ်။ ကျွန်တော် သိရ သလောက်တော့ အခြေအနေက မကောင်း ဘူးလို့ သိရ ပါတယ်။

တိုင်းမှူး တို့ ကျမ်းမာရေး ၀န်ကြီးတို့တော့ ဗိုလ်မှူးကြီး အုန်းချိုကို လာကြည့်ကြတယ်။ ဗိုလ်မှူးကြီး အုန်းချို မိသားစုတွေ ကတော့ ဒီမှာ အခြေအနေ မကောင်းတဲ့ အတွက် အရင်က နိုင်ငံတော် ၀န်ကြီးချုပ် ဗိုလ်ချုပ်ကြီး စိုးဝင်း သွားကုတဲ့ စင်ကာပူက ဆေးရုံကို သွားကုဖို့ ကြိုးစားနေကြတယ် ဟု ဗိုလ်မှူးကြီး အုန်းချို မိသားစု နှင့် နီးစပ်သော အသိုင်း အ၀ိုင်း ထံမှ သိရှိ ရပါသည်။

နောက်ဆုံး ရရှိသော သတင်း အရ ဗိုလ်မှူးကြီး အုန်းချိုကတော်မှ တိုင်းမှူးကတော်ကြီး မှ တဆင့် တိုင်းမှူး အား အသနားခံပြီး ဗိုလ်မှူးကြီး အုန်းချိုအား စင်ကာပူ ဆေးရုံတွင် သွားရောက်ဆေးကုသခွင့် ရရှိရန် ကြိုးစားနေကြောင်း သတင်း ရရှိပါသည်။

ဟံသာဝတီ သတင်းမှ

Read More...

Summary only...

ဝပြည် သွေးစည်း ညီညွတ်ရေး တပ်မတော် (UWSA) က စစ်ရေး ပြင်ဆင်မှုများ အပါအ၀င် မဟာမိတ်များနှင့် နီးကပ်စွာ ဆက်ဆံမှုများကို ယခု ရက်ပိုင်း အတွင်း ပိုမို ပြုလုပ် လာသည်။
လာမည့် ဧပြီလ ၂၂ ရက်နေ့တွင် UWSA က နယ်ခြားစောင့် တပ်အသွင် ပြောင်းခြင်းနှင့် ပတ်သက်ပြီး ဆုံးဖြတ်ချက်ကို စစ်အစိုးရအား ပေးရမည် ဖြစ်သည်။

စစ်အစိုးရက နယ်ခြားစောင့်တပ် ဖွဲ့စည်းရေး အတွက် ၀ ခေါင်းဆောင်များနှင့် ထပ်မံ ဆွေးနွေးရန် ကမ်းလှမ်းမှုများ မရှိသကဲ့သို့ စစ်အစိုးရ၏ အစီအစဉ်ကို လက်မခံ နိုင်သည့် UWSA ခေါင်းဆောင်များ၏ သဘောထား သည်လည်း ပြောင်းလဲမှု မရှိကြောင်း UWSA နှင့် နီးစပ်သော သတင်းများ အရ သိရသည်။

UWSA ကလည်း နယ်ခြားစောင့်တပ်ဖွဲ့စည်းရေး အတွက် ၂၀၀၉ ခုနှစ် ဧပြီလကတည်းက ငြင်းပယ်နေခြင်းဖြစ်ပြီး နိုင်ငံရေး အရ ငြိမ်းချမ်းစွာ ဖြေရှင်းရန် ပြောဆိုခဲ့ပြီး အဆိုးဆုံး အခြေအနေကို ရင်ဆိုင်ရန် အတွက် ပြင်ဆင်ထားကာ တပ်များကိုလည်း အသင့်အနေအထားရှိရန် သတိပေးထားခဲ့သည်။

ထိုင်းနိုင်ငံ အခြေစိုက် ရှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းက နိုဝင်ဘာနှင့် ဧပြီလအတွင်းတွင် ဥက္ကဋ္ဌ ပေါက်ယူချန်းက နအဖထံသို့ စာ ၂ စောင် ရေးသား ပေးပို့ခဲ့သော်လည်း ပယ်ချခဲ့သဖြင့် ယခုအခြေအနေတွင် အလျှော့ပေးရန် မဖြစ်နိုင်ကြောင်း ဆိုသည်။

“အခုလောလောဆယ်ကတော့ နအဖက တိုက်မယ်တကဲကဲပုံစံလုပ်ပြီးတော့မှ အလျှော့ပေးစေချင်တဲ့ ပုံစံဖြစ်တယ်၊ နအဖ ကလည်းသိတယ်၊ ၀ ဘက်က ထွက်မတိုက်ချင်ဘူး မတိုက်ချင်တဲ့သူပိုများတယ်ဆိုတာ၊ အခြေအနေကတော့ နအဖဘက်မှာပဲ မှုတည်မှာပါ” ဟု ဦးခွန်စိုင်းကဆိုသည်။

ဖိအားကို လိုတာထက်ပိုပြီး ပေးသွားပါက စစ်ပွဲ ဖြစ်လာနိုင်ကြောင်း၊ စစ်ပွဲဖြစ်လာပါက ဒေသကန့်သတ်ထားသည့် အခြေအနေ လောက်သာ မဟုတ်ဘဲ ရှမ်းပြည်နယ်နှင့် ကချင်ပြည်နယ်တို့တွင် ပါဖြစ်လာနိုင်သည့်အတွက် ရွေးကောက်ပွဲကို ထိခိုက် လာနိုင် သည်ဟု စစ်အစိုးရက တွက်ထားပုံရကြောင်းလည်း ၎င်းက ဆိုသည်။

UWSA အနေဖြင့် နယ်ခြားစောင့်တပ်အဖြစ်လက်မခံပါက ၅ ရက်ကြာ စစ်ဆင်ရေး တရပ်ကို ပြုလုပ်သွားမည်ဟု မှုဆယ်ရှိ စစ်အစိုးရ ထောက်လှမ်းရေးများက ၀ါဒဖြန့်ချိနေကြောင်း တရုတ်-မြန်မာ နယ်စပ်အရေးကို လေ့လာ စောင့်ကြည့်နေသူ ဦးအောင်ကျော်ဇောက ဧရာဝတီသို့ ပြောသည်။

“ဒါကတကယ်တမ်းကျတော့ ၀ တပ်ဖွဲတွေကို ခြိမ်းခြောက်တာပါ၊ တရုတ်နဲ့ ဆက်ဆံရေးကို ထိခိုက်နိုင်လို့ စစ်ပွဲဖြစ်လာဖို့ကတော့ မလွယ်ပါဘူး” ဟု ဦးအောင်ကျော်ဇောက ဆိုသည်။

စစ်အစိုးရသည် ယခုနှစ်တွင် ကျင်းပ ပြုလုပ်မည်ဟု ကြေညာထားသည့် ရွေးကောက်ပွဲ မတိုင်မီ အပစ်ရပ် အဖွဲ့များကို နယ်ခြားစောင့်တပ် အသွင်ပြောင်းလဲရေးအတွက် လိုလားနေကြောင်း သိရသည်။ ဤအတောအတွင်း တပ်မတော် ခေါင်းဆောင်များက အပစ်ရပ် အဖွဲ့များနှင့် ဆက်တိုက် တွေ့ဆုံနေကြသည်။

“ရွေးကောက်ပွဲ အပြီးတွင် အစစအရာရာ သူ့လက်ထဲမှာရှိဖို့ စီစဉ်ထားသော်လည်းပဲ ဒီအနာဂတ်ဆိုတာ မှန်းဆလို့ မရတော့ မထင် မှတ်တာပေါ်လာနိုင်တယ်လို့ သူတို့မှတ်ပုံရတယ်။ ဒါကြောင့် ရွေးကောက်ပွဲ မပြီးခင် ကြိုတင်ပြီး အာဏာရှိနေတုန်း လုပ်ထားချင် ပုံရတယ်” ဟု ဦးခွန်စိုင်းက ဆက်ပြောသည်။

ယင်းအပြင် အတည်မပြုနိုင်သေးသော သတင်းများအရ စစ်အစိုးရက လက်နက်ကြီးများနှင့် သံချပ်ကာကားများကို ရှမ်းပြည်အရှေ့ပိုင်းသို့ ပို့ဆောင် နေကြောင်းလည်း သိရသည်။

UWSA သည် ဗမာပြည် ကွန်မြူနစ် ပါတီ၏ လက်နက်ကိုင် အင်အားစု အဖြစ်မှ ၁၉၈၉ ခုနှစ်တွင် ခွဲထွက်ခဲ့ပြီး၊ ယခုနှစ် ဧပြီလ ၁၇ တွင် တည်ထောင်သည့် နှစ် ၂၁ နှစ်ပြည့်မြောက်ပြီဖြစ်သည်။ ယခင်က ပန်ဆိုင်းတွင် နှစ်ပတ်လည်အခမ်းအနားကို အကြီးအကျယ် ကျင်းပသော်လည်း ယခုနှစ်တွင်မှု ကျင်းပခြင်း မရှိကြောင်းလည်း သိရသည်။

ယခုအခါ စစ်သည်အင်အား နှစ်သောင်း မှ နှစ်သောင်းခွဲကြားတွင် ရှိသည်ဟု သိရသည်။ UWSA သည် ရှမ်းပြည်နယ် အရှေ့ပိုင်း ဒေသတွင် အခြေစိုက် လှုပ်ရှားလျက်ရှိသည်။ စစ်အစိုးရ၏ အခြေခံ ဥပဒေ တွင်လည်း ဝ ဒေသကို ကိုယ်ပိုင် အုပ်ချုပ်ခွင့်ရ ဒေသအဖြစ် ထည့်သွင်း ပြဋ္ဌာန်းထားပြီး ဖြစ်သည်။

အခြေခံဥပဒေတွင် ရှမ်းပြည်နယ်ရှိ ဟိုပန်၊ မိုင်းမော၊ ပန်ဝိုင်၊ နားဖန်း၊ မက်မန်း၊ ပန်ဆန်း (ပန်းခမ်း) စသည့် မြို့နယ်များကို ခရိုင် ၂ ခရိုင် ဖွဲ့ပြီး “ဝ” ကိုယ်ပိုင်အုပ်ချုပ်ခွင့်ရတိုင်း” အဖြစ် ဖော်ပြထားသည်။ သံလွင်မြစ် အရှေ့ဘက်ခြမ်းမှ ထို မြို့နယ် ၆ ခုမှာ တရုတ် မြန်မာ နယ်စပ်တွင် တည်ရှိသည်။

ယခု အချိန်အထိ အပစ်ရပ် အဖွဲ့ ၃ ဖွဲ့က နယ်ခြားစောင့် တပ်ဖွဲ့အသွင်ပြောင်းပြီး ဖြစ်သည်။

အစိုးရနှင့် အပစ်အခတ် ရပ်စဲထားသော တိုင်းရင်းသား လက်နက်ကိုင် အဖွဲ့ပေါင်း ၁၇ ဖွဲ့ ရှိသည်။

ဧရာဝတီ သတင်းမှ

Read More...

Summary only...

ဧပြီလ ၂၀ရက်။ စောသိန်းမြင့်(ကေအိုင်စီ)
စစ်အစိုးရ၏ တာဝန်မဲ့မှု၊ ပညာရေးဆိုင်ရာ အခွင့်အလမ်း ကင်းမဲ့နေမှုများကြောင့် တအာင်း(ပလောင်) ပြည်သူတို့၏ ဘ၀များ လည်း အလင်းကင်းမဲ့နေကြောင်း တအာင်း ကျောင်းသားနှင့် လူငယ်များအစည်းအရုံး (TSYO)က ယနေ့ပြုလုပ်သည့် “အလင်းမဲ့ဘ၀” အစီရင်ခံစာ သတင်းစာရှင်းလင်းပွဲတွင် ထုတ်ဖော်ပြောကြားလိုက်သည်။

ထိုအစီရင်ခံစာတွင် ပလောင်ဒေသအတွင်းရှိ လူငယ်များအတွက် ပညာရေးစနစ်ကို ဖော်ထုတ်တင်ပြရန်နှင့် စစ်အစိုးရ၏ ဆုတ် ယုတ်နေသော ပညာရေးစနစ်အကြောင်းကို နိုင်ငံတကာအသိုင်းအ၀ိုင်းအား တင်ပြနိုင်ရန်၊ ပညာရေးအတွက် ကူညီပံ့ပိုးမှုများ ရရှိနိုင်ရန်နှင့် ၎င်းပညာရေးစနစ်ကို ပြန်လည်သုံးသပ်လာစေသည်အထိ ဆက်လက်ဖိအားပေးနိုင်ရန် ရည်ရွယ်ထုတ်ပြန်ရခြင်း ဖြစ်သည်ဟု တအာင်း ကျောင်းသားနှင့် လူငယ်များအစည်းအရုံး အတွင်းရေးမှူး မိုင်းအောင်ကိုက ပြောသည်။

သူက “ကနေ့ ကျနော်တို့ပလောင်ဒေသမှာ စစ်အုပ်စုရဲ့တာဝန်မဲ့မှုကြောင့် ပညာရေးဟာ တိုးတက်မှုမရှိဘဲ ကျနော်တို့ပြည်သူ တွေလည်း အလင်းမဲ့ဘ၀ကို ကျရောက်ခဲ့ရတယ်။ ဒါကြောင့် တအာင်းနယ်မြေက ပညာရေးစနစ်ပိုပြီးတော့ တိုးတက်လာဖို့ ဆိုး ကျိုးတွေကို ဖော်ထုတ်ဖို့အတွက်ရယ်၊ နောက်တခုက စစ်အစိုးရရဲ့ မှားယွင်းတဲ့ ပညာရေးစနစ်တွေကို နိုင်ငံတကာတွေ သိ အောင်ရယ်၊ ကျနော်တို့ဒေသမှာ ဖြစ်နေတဲ့ ပညာရေးအခြေအနေတွေကို အကူအညီပံ့ပိုးမှုရအောင်နဲ့ စစ်အစိုးရကနေပြီး ပညာ ရေးအဆင့်အတန်းကို ပြန်လည်သုံးသပ်နိုင်ဖို့ ရည်ရွယ်ထုတ်ပြန်တာ ဖြစ်တယ်”ဟု ဆိုသည်။

အဆိုပါ အစီရင်ခံစာပါ အချက်အလက်များမှာ ၂၀၀၆ခုနှစ်မှ ၂၀၀၉ခုနှစ်အထိ ရှမ်းပြည်နယ်မြောက်ပိုင်း တအာင်းလူမျိုးအများ စု နေထိုင်သည့် နမ့်ခမ်း၊ မန်တုံ၊ နမ့်ဆမ်မြို့နယ်အတွင်းရှိ ကျေးရွာပေါင်း ၆၁ရွာမှ လူထု ၁၇၅ဦးထံမှ ကောက်ယူစုဆောင်းကာ ထုတ်ပြန်ခဲ့ခြင်းဖြစ်သည်ဟု သိရသည်။

၎င်းအစီရင်ခံစာအတွက် ကိုယ်တိုင်ကွင်းဆင်း စစ်တမ်းကောက်ယူခဲ့သူ TSYO အစည်းအရုံးမှ ပညာရေးတာဝန်ခံ မိုင်းမောဝ် ဒါင်းက “ကျနော်တို့ စစ်တမ်းကောက်ယူချက်အရ ၂၀၀၆မှာ ကျောင်းတက်နိုင်တဲ့ ကလေးတွေဟာ ၇၅ရာခိုင်နှုန်းလောက်ရှိ တယ်။ ဒီ ၂၀၀၉ခုနှစ်မှာဆိုရင် ၅၅ရာနှုန်းခန့်သာ ကျောင်းတက်နိုင်တော့တယ်။ ဒါတွေဟာ စစ်အစိုးရရဲ့ လွဲမှားနေတဲ့ စီမံခန့်ခွဲ မှုကြောင့် ဖြစ်တယ်”ဟု ပြောသည်။

အဆိုပါမြို့နယ်သုံးခုတွင် ကျောင်းနေအရွယ် ကလေးဦးရေ ၂သောင်းကျော်ရှိသော်လည်း ကျောင်းတက်နိုင်သည့် ကျောင်းသူ ကျောင်းသား ကလေးငယ်ဦးရေမှာ ၉,၀၀၀ခန့်သာရှိသည်ဟု မိုင်းမောဝ်ဒါင်းက ဆက်လက်ပြောဆိုသည်။

တဆက်တည်းတွင် စစ်အစိုးရအနေဖြင့် ပညာရေးကဏ္ဍနှင့်ပတ်သက်၍ အသုံးစရိတ်ကို (၁.၄)ရာခုိုင်နှုန်းအောက် လျော့နည်း နေသည့် အနေအထားမှ နိုင်ငံတကာနှင့် ဒေသဆိုင်ရာ စံနှုန်းများအရ (၆)ရာခိုင်နှုန်းအထိမြှင့်တင်ပေးရန်၊ ကျောင်းသင်ခန်းစာ များတွင် ဒေသခံတအာင်း တိုင်းရင်းသားလူမျိုးတို့၏ ဘာသာစကားနှင့် စာပေကို လေ့လာသင်ကြားနိုင်ရေး မြှင့်တင်အားပေး ရန်နှင့် ပညာရေးစနစ် ဆုတ်ယုတ်နိမ့်ကျနေမှုများကို ပြင်ဆင်နိုင်စေရန် စသည့် အချက် ၅ချက်ဖြင့် စစ်အစိုးရကို TSYO က အကြံပြု တောင်းဆိုထားသည်။
စာမျက်နှာ(၇၈)မျက်နှာပါ အလင်းမဲ့ဘ၀ အစီရင်ခံစာကို အင်္ဂလိပ်ဘာသာဖြင့် ထုတ်ဝေထားခြင်းဖြစ်ပြီး TSYO ၏ တောင်းဆို ချက်များအတိုင်း စစ်အစိုးရ လိုက်နာပါက ထိရောက်သည့် အကျိုးသက်ရောက်မှုများ ရရှိနိုင်မည်ဟု မိုင်းအောင်ကိုက ပြော သည်။

တအာင်းကျောင်းသားနှင့် လူငယ်များအစည်းအရုံးကို ၁၉၉၈ခုနှစ်၊ ဒီဇင်ဘာလ ၂၇ရက်နေ့တွင် စတင်တည်ထောင်ခဲ့ပြီး ၂၀၀၇ ခုနှစ်တွင် စစ်ဖိနပ်အောက်က ရွှေလီမြစ်၊ ၂၀၀၈ခုနှစ်၌ လူထုဆန္ဒ ဆန့်ကျင်သည့် မဲပြားများ၊ ၂၀၀၉ခုနှစ်တွင် လက်ဖက်ဖျက်ပိုး နှင့် ယခုနှစ် အလင်းမဲ့ဘ၀ အစီရင်ခံစာ (၄)အုပ်ကို ထုတ်ဝေခဲ့သည်။

Read More...

Summary only...

နအဖစစ်အစိုးရသည် လူ (၈) ဦး သေဆုံးပြီး (၁၇ဝ) ကျော် ဒဏ်ရာရခဲ့သည့် ဧပြီ (၁၅) သင်္ကြန်ဗုံးကွဲမှု သတင်းကို ကျယ်ပြန့်သည်ထက် ကျယ်ပြန့်အောင် လုပ်ဆောင်နေပြီး ယင်းကဲ့သို့ လုပ်ဆောင်ချက် နောက်ကွယ်တွင် ရည်ရွယ်ချက် တစုံတရာ ရှိနိုင်ကြောင်း ပြည်တွင်း စာနယ်ဇင်းအသိုင်းအဝိုင်းနှင့် ရန်ကုန်မြို့ခံများက သုံးသပ်နေကြသည်။

ပြည်တွင်းဂျာနယ် အယ်ဒီတာတဦးက “ကျနော်တို့ ဂျာနယ်က သင်္ကြန်မတိုင်ခင်ကတည်းက စာမူတဝက်ကို တင်ထားရတယ်။ ကျန်တာကို ဒီရက်ပိုင်း တင်ရမယ်။ အဲဒါ ဂျာနယ်တိုက်ကို စာပေစိစစ်ရေးရုံးက အကြောင်းကြားတယ်။ နောက်ထပ်တင်မယ့် စာမူတွေအပြင် ဗုံးကွဲတဲ့သတင်းတွေ ထည့်ချင်တယ်ဆိုရင် စာမျက်နှာတိုးပြီး ခွင့်ပြုပေးမယ်။ နောက် အချိန်မီ စိစစ်ပေးမယ်။ မျက်နှာဖုံးမှာ တင်ချင်ရင်လည်း ခွင့်ပြုပေးမယ်ဆိုပြီး ပြောတယ်၊ ဒီလို အကြောင်းကြားတာ။ သင်္ကြန်အပြီး ထွက်မယ့် ဂျာနယ် အားလုံးလိုလိုလောက်ကိုပဲ။ ကြည့်ရတာ ဂျာနယ်တိုင်းလိုလိုမှာ ဗုံးကွဲတဲ့သတင်းကို ပါစေချင်ပုံရတယ်။ ဒါဟာ အထက် စစ်အာဏာပိုင်တွေက ညွှန်ကြားတာဖြစ်ပြီး နောက်ကွယ်မှာ ရည်ရွယ်ချက်တခုခု ရှိပုံရတယ်” ဟု ပြောသည်။

အလားတူ အခြားဂျာနယ် အယ်ဒီတာတဦးကလည်း သင်္ကြန်အပြီး လက်ရှိအချိန်ထိ မြန်မာတိုင်းမ်၊ လျှပ်တစ်ပြက်၊ ဝီးကလီးအလဲဗင်း၊ ပေါ်ပြူလာ စသည့်သတင်းဂျာနယ် (၄) စောင်ထွက်ပြီး (၃) စောင်၏မျက်နှာဖုံးမှာ ဗုံးကွဲသည့်သတင်းဖြစ်ကာ လျှပ်တစ်ပြက်ဂျာနယ်တွင်မူ ထူးထူးခြားခြား သေဆုံး၊ ဒဏ်ရာရသည့် လုံခြုံရေးဝန်ထမ်းများကို နာမည်နှင့်တကွ ဖော်ပြထားကာ ၎င်းတို့အနက် အမှတ် (၄) စစ်ဒေသ စစ်ဒေသမှူးကြီး အုံးချို၏နာမည်ကို ဖော်ပြထားခြင်းသည် အလွန်ထူးခြားသည်ဟု ပြောကြားသည်။

ပြီးခဲ့သည့် အနှစ် (၂ဝ) ကျော် ၈၈ အရေးအခင်းကာလတွင် တပ်မတော် ထိပ်ပိုင်းခေါင်းဆောင်များ၏ တာဝန်ပေးချက်အရ သတင်းစုဆောင်းရေးနှင့် အဖျက်အမှောက်လုပ်ငန်းကို ကိုယ်တိုင်လုပ်ကိုင်ခဲ့သူ ယခု အသက် (၆ဝ) ကျော်အရွယ် ဗိုလ်မှူးဟောင်းတဦးက အကယ်၍ ယခု ဗုံးကွဲမှုကို စစ်အစိုးရကသာ အကောင်အထည် ဖော်သည်ဆိုပါက အောက်ခြေအဆင့် အာဏာပိုင်များ မဆိုထားနှင့် တိုင်းမှူးအဆင့်လောက်ကပင် မသိနိုင်ကြောင်း ပြောဆိုသည်။

၎င်းက “အခု ဗုံးကွဲမှုမှာ လုံခြုံရေးအဖွဲ့ဝင်တွေ သေကြေ ထိခိုက်ဒဏ်ရာရတာကို ဖုံးကွယ်မထားဘဲ ကျယ်ကျယ်ပြန့်ပြန့် ၀ါဒဖြန့်နေတာကို ကြည့်ရင် အစိုးရထိပ်ပိုင်းခေါင်းဆောင်တွေက အခုဗုံးကွဲ ကျူးလွန်သူတွေဟာ သူတို့အစိုးရကို မလိုလားတဲ့ သူတွေအဖြစ် ပုံပေါ်စေချင်တာ ထင်ရှားတယ်။ မကြာခင် ဆန့်ကျင်ဘက် အင်အားစုတွေကို စွပ်စွဲ၊ ဖမ်းဆီး၊ အရေးယူတာတွေ လုပ်လာနိုင်တယ်” ဟု ပြောသည်။

စစ်အစိုးရ အာဏာပိုင်များသည် ဗုံးကွဲသတင်းကို ဂျာနယ်များတွင် ဖော်ပြခွင့်ပေးနေသကဲ့သို့ မသင်္ကာသူ ဖမ်းဆီးရမိရန် ကူညီနိုင်ပါက ဆုငွေ ကျပ် (၁ဝ) သိန်းပေးမည့် ကြော်ငြာစာရွက်များကို ရန်ကုန်မြို့လယ် လမ်းဆုံလမ်းခွများတွင် လိုက်လံကပ်ထားကြောင်း မြို့ခံများက ပြောသည်။

Read More...

Summary only...

ဧပြီ ၂၂ ရက် နောက်ဆုံးထားပြီး နယ်ခြားစောင့်တပ်အသွင်ပြောင်းမည့်တပ်ရင်းတပ်ဖွဲ့ စာရင်းပေးပို့ရန် နအဖ ပြောသည့် အတိုင်း အဖြေမပေးနိုင်ဟု ၀ တပ်မှူးတဦးကပြောကြောင်း - ခိုင်လုံသည့် ပန်ဆန်းမြို့သတင်းရပ်ကွက် က ပြောပါသည်။

“ နအဖ သတိပေးထားတဲ့အတိုင်း အသွင်ပြောင်းမယ့် စာရင်းပေးပို့ဖို့ အစီအစဉ်မရှိဘူး၊ သင်္ကြန်ပြီးလို့ အစည်းအဝေး ထပ်ထိုင်မယ်ဆိုတဲ့အကြောင်းလဲ မသိရသေးဘူး၊ အဖြေပေးဖို့ ရက်ပိုင်းလေးဘဲလိုပေမယ့် လက်ရှိ ၀ တပ်ဖွဲ့ရပ်တည်ချက် က ၃ ရက်နေ့ပေးပို့တဲ့စာက အတည်ဘဲ” - ဟု အမည်မဖေါ်လိုသည့် ၀ တပ်မှူးတဦး ကပြောကြောင်း ပန်ဆန်းမြို့ခံ တဦး ကပြောပါ သည်။
ယခုလ ၁၇ ရက် ကျရောက်သည့် ၀ ပြည်ငြိမ်းချမ်းရေး ထူထောင်ခြင်း ၂၁ နှစ်ပြည့် အခမ်း အနားအတွက်လည်း အထူး အစီအစဉ်မရှိကြောင်း၊ စစ်ဘေးစစ်ဒဏ်ကြောင့် ဒုက္ခိတပုဂ္ဂိုလ်များ၊ မိဘမဲ့ကလေး များအား ၀ ခေါင်းဆောင်များ သွား ရောက်ကြည့်ရှုအားပေးခြင်းမှတပါး အခြားထူးခြားသည့် အစီအစဉ်မရှိဟု ဆို၏။

ဝ တို့၏ တောင်းဆိုချက် ၈ ချက်အား ရမခ၊ တြိဂံတိုင်း G.1 ဦးစီးအရာရှိပထမတန်း(လုံခြုံရေးဌာန) နှင့် ကိုယ်စားလှယ် အဖွဲ့က ဧပြီလ ၉ ရက်နေ့ ပန်ဆန်း၌ တွေ့ဆုံစဉ် ပယ်ချထာပြီးဖြစ်သည်။

“နှစ်ပတ်လည် အခမ်းအနားမလုပ်တာကလဲ နအဖ နဲ့ နိုင်ငံရေး စစ်ရေးတင်းမာမှုကြောင့်လဲဆိုင်တယ်။ နှစ် ၂၀ ပြည့် တုန်းက ဆို တော်တော့်ကို ခမ်းခမ်းနားနားလုပ်တယ်လေ”- တခြားမြို့ခံတဦးကပြော၏။

မနှစ်ကအခမ်းအနားတွင် ၀ တပ်သား ၃,၀၀၀ နီးပါး စစ်ရေးပြချီတက်ပြီး၊ ဥက္ကဌကြီးပေါက်ယူချန်းကိုယ်တိုင် မိန့် ခွန်းပြော ကြားခဲ့၏။ ငြိမ်းအဖွဲ့နှင့် အခြားဧည့်သည် ၃,၀၀၀ ကျော်အပါအ၀င် ပွဲတက်ပရိသတ် ၃၀,၀၀၀ ကျော် တက်ရောက် ပါသည်။

၂၀၀၉ ခုနှစ် ၀ ပြည်ငြိမ်းချမ်းရေး ထူထောင်ခြင်း နှစ် ၂၀ ပြည့်အခမ်းအနားတွင် UWSP /UWSA ဥက္ကဌ ပေါက်ယူ ချန်း က ၀ဒေသသည် မူးယစ်ကင်းစင်သည့်ဒေသဖြစ်ကြောင်း၊ ၀ပြည်ငြိမ်းချမ်းသာယာဝပြောရေးနှင့် ဖွံ့ဖြိုးတိုး တက်ရေးအတွက် တစိုက်မတ်မတ်ဆောင်ရွက်သွားမည်ဖြစ်ကြောင်း၊ အမျိုးသားအချင်းချင်း စည်းစည်းလုံးလုံးနှင့် လက်တွဲဆောင်ရွက်သွား မည်ဖြစ်ကြောင်း၊ စစ်အစိုးရနှင့် မတူသည့်သဘောထားများကို ငြိမ်းချမ်းသော နည်း လမ်း နှင့်ညှိနှိုင်းဆောင်ရွက်သွားမည် ဖြစ်ကြောင်း၊ တခြားအဖွဲ့အစည်း များနှင့် သွားလာဝင်ထွက် ပေါင်းသင်း ဆက်ဆံလိုပြီး မည်သူနှင့်မှ ရန်သူသဖွယ် မဆက် ဆံလိုကြောင်းပြောပါသည်။

ဝ တပ်ဖွဲ့သည် ဗမာပြည်ကွန်မြူနစ်ပါတီကို ဆန့်ကျင်တော်လှန်ပြီး စစ်အစိုးရနှင့် အပစ်ရပ်ကာ ၀ ပြည်သွေး စည်းရေး ပါတီ/၀ ပြည်သွေးစည်းရေးတပ်မတော် ဖွဲ့စည်းထူထောင်ခဲ့၏။ နယ်မြေကိုလည်း အထူးဒေသ ၂ အဖြစ် နှစ် ၂၀ ကျော် သည့်တိုင် ဖွံ့ဖြိုးတိုးတက်ရေးလုပ်ငန်းများ စွမ်းစွမ်းတမြုံပလုပ်ခဲ့သည်ဟု ဆိုသည်။

သျှမ်းသံတော်ဆင့် သတင်းမှ

Read More...

Summary only...

ပြီးခဲ့သည့်စနေနေ့က ဧရာဝတီမြစ်ဆုံ ဗုံးပေါက်ကွဲမှုတွင် နအဖ ကိုယ်တိုင် လုပ်ကြံစီစဉ်ခြင်းဖြစ် နိုင်သည်ဟုအမည်မဖေါ် လိုသည့် KIA တပ်မှူးတဦးက ပြောပါသည်။

“၁၆ ရက်နေ့က KIO ဦးစီးကျင်းပတဲ့ လူထုတွေ့ဆုံဆွေးနွေးပွဲမှာ KIO ရဲ့ရပ်တည်ချက်ကို လူထုကထောက်ခံ တယ်။ ဆို တော့ နအဖက မကျေနပ်လို့ တမင်လုပ်ကြံတာဘဲဖြစ်နိုင်တယ်။ ကျနော်တို့လက်ချက်တော့ လုံးဝ မဟုတ်ဘူး” - ဟု KIA တပ်မှူးတဦးပြောကြားခဲ့သည်။

စနေနေ့မနက်အစောပိုင်း ၀၂း၄၀ တွင် ဧရာဝတီ မြစ်ဆုံရေကာတာစီမံကိန်း သတ်မှတ် ဧရိယာ အတွင်း ဗုံးဆက် တိုက် ပေါက်ကွဲခဲ့သည်။ ထောင်ထားသည့် ဗုံး ၃၇ လုံး ရှိပြီး ၂၅ လုံး ပေါက်ကွဲခဲ့သည်ဟု တရုတ်နယ်စပ်သတင်း က ပြောပါ သည်။
“ဗုံးပေါက်ကွဲမှုကြောင့် အေးရှားဝေါလ် ပိုင်ကား ၄ စီး၊ တရုတ်ပိုင် မိုးလေ၀သ နဲ့ ဇလဗေဒ တိုင်းထွာရေး ဌာန ရဲ့ကား ၃ စီး မီးလောင်ပျက်စီးတယ်။ အေးရှားဝေါလ်ကုမ္ပဏီရဲ့ရုံးခန်းနဲ့ အလုပ်ရုံ - ၄ လုံး ပျက်စီးတယ်”- ဟု ဒေသခံများကပြော ပါသည်။

ပေါက်ကွဲမှုဖြစ်ပွားသည့်နေရာများတွင် - ၁။ မြစ်ဆုံရေကာတာ တည်ဆောက်စီမံကိန်းအနီး ကျိန်ခန် ရှိ အေးရှား ဝေါလ် ကုမ္ပဏီ၊ ၂။ တရုတ်ပြည် မိုးလေ၀သ ဇလဗေဒတိုင်းထွာရေးရုံး (မြစ်ဆုံနှင့် ၉ မိုင်အကွာ)၊ ၃။ ရေကာတာ ကြောင့်(ဧရာဝတီ မြစ် လက်တက်) လုံကာချောင်းဝ အနီးသို့ပြောင်းရွှေ့ခိုင်းခြင်းခံရသည့် အိမ်ခြေ ၅၀၀ အတွက်တည်ဆောက်ဆဲ ရွာသစ် စီမံကိန်း (ဒုက္ခသည် စခန်းစီမံကိန်း) မြစ်ဆုံအောက်ဘက် ၈ မိုင် အကွာ တို့ဖြစ်သည်။

“ရေကာတာကြောင့် ပြောင်းရွှေ့ခိုင်းတာက အိမ်ခြေက ၅၀၀ လောက်ရှိတယ်၊ သူတို့ဆောက်လုပ်ပေးထားတာ က ၄၀၀ လောက်ပဲ၊ အခုထိ မပြီးသေးဘူး၊ ဆောက်လုပ်နေတုန်း”- ဟု အဆိုပါဒေသခံက ပြော၏။

ကချင်သတင်းဌာန KNG က ဗုံးပေါက်ကွဲမှုတွင် လူ ၄ ယောက်သေဆုံးပြီး ၁၂ ဦးဒဏ်ရာရရှိကာ ရေကာတည် ဆောက် ရေး တရုတ်ဝန်ထမ်း အယောက် ၃၀၀ ခန့်က မြစ်ကြီးနားမြို့သို့ ဘတ်စ်ကား ၄ စီးဖြင့် ပြောင်းရွေ့သွားသည် ဟုဆိုသည်။

ဗုံးပေါက်ကွဲမှုကြောင့် KIA/KIO ခေါင်းဆောင်များ မြစ်ကြီးနားသို့ဆင့်ခေါ်ခံရ၍ မပခ (မြောက်ပိုင်းတိုင်း စစ်ဌာနချုပ်) တိုင်းမှူးက စုံစမ်းမေးမြန်းနေ သည်ဟုလည်း သိရှိရပါသည်။

ဧရာဝတီမြစ်ဆုံ (မေခ နှင့် မလိခဆုံဆည်းရာ) တွင် ရေကာတာတည်ဆောက်ရန် နအဖက တရုတ် နှင့် အေးရှား ဝေါလ်ကုမ္ပဏီ ဖက်စပ်လုပ်ကိုင်ခွင့်ပေးထားပြီး စီမံကိန်းပြီးဆုံးပါက လျှပ်စစ်ဓါတ်အား ၃၀၀ kw ထုတ်လုပ်နိုင်မည် ဟု ခန့်မှန်းထားသည်။

၎င်းစီမံကိန်းအား ကချင်လူမှုအဖွဲ့အစည်းများ၊ သဘာဝပတ်ဝန်းကျင်ထိန်းသိမ်းရေးအဖွဲ့များက (လုံးဝ) တည် ဆောက်ခြင်း မပြုလုပ်ရန် အကြိမ်ကြိမ်ဆန္ဒပြ ကန့်ကွက်ခဲ့သည်။ လက်သည်မပေါ်သည့် ဗုံးပေါက်ကွဲမှု ဖြစ်ပွား ခဲ့သော်လည်း စီမံကိန်း ရပ်နားမည်မဟုတ်ဘဲ ဆက်လက်တည်ဆောက်သွားမည်ဟု နအဖ အာဏာပိုင်များ ကပြောသည်။

သျှမ်းသံတော်ဆင့် သတင်းမှ

Read More...

Summary only...

သင်္ကြန် အကြတ်နေ့ ဗုံးပေါက်ကွဲမှုမှာ ဖိုးလပြည့်နှင့် အာဏာပိုင်များကို ရည်ရွယ်ဟန် ရှိကြောင်း သတင်းများ ထွက်ပေါ် နေသည်ဟု သိရသည်။
ဗုံးပေါက်ကွဲမှု မဖြစ်ခင် သင်္ကြန်အကျနေ့က ရန်ကုန် ကန်တော်ကြီး ကန်ပတ်လမ်းထဲသို့ ဗိုလ်ချုပ်မှူးကြီး သန်းရွှေ၏မြေး နေရွှေသွေးအောင် (ခေါ်) ဖိုးလပြည့် လာရောက် လည်ပတ်သွားသည်ဆိုသည့် သတင်း ထွက်ပေါ်ခဲ့ကြောင်း ရန်ကုန်တိုင်း စစ်ဌာနချုပ် အသိုင်းအ၀န်းမှ သိရသည်။

သင်္ကြန် အကြတ်နေ့ တွင်လည်း ဖိုးလပြည့် ကန်တော်ကြီးသို့ ထပ်မံ လာရောက် မည်ဟု သတင်း ထွက်ပေါ်ခဲ့ရာ ရန်ကုန်မြို့တော် မဟာသင်္ကြန် စည်းကမ်း ထိန်းသိမ်းရေး ကော်မတီက မဏ္ဍပ်များအား စစ်ဆေး နေချိန်တွင် ပေါက်ကွဲမှု ဖြစ်ပေါ်ခဲ့သည်ဟု ရန်ကုန်တိုင်း စစ်ဌာနချုပ်မှ အရာရှိကြီး တဦးက ပြောဆိုသည်။

“အခု သေတဲ့ထဲမှာ လူကြီး သားသမီး၊ မြေးတယောက်မှ မပါဘူး။ သာမန် အရပ်သူ အရပ်သား တွေပါပဲ။ ဒါပေမယ့် ဒဏ်ရာ ပြင်းပြင်း ထန်ထန် ရထားတဲ့ အထဲမှာတော့ လုံခြုံရေး တပ်ဖွဲ့ဝင်တွေ ပါတယ်။ စည်ပင်က အုပ်ချုပ်ရေးမှူး ဦးသန့်ဇင်သိန်း ကတော့ ပွဲချင်းပြီးပဲ” ဟု အခင်း ဖြစ်ပွားသည့် နေရာတွင် ရှိနေခဲ့သည့် မျက်မြင် တဦးက ဆိုသည်။

မဟာသင်္ကြန်မဏ္ဍပ် စစ်ဆေးရေးအဖွဲ့များ လာချိန်တွင် အချိန်ကိုက် ပေါက်ကွဲမှုဖြစ်ခဲ့သောကြောင့် လုံခြုံရေးအဖွဲ့ဝင် အများ အပြား ဒဏ်ရာရရှိခဲ့သည်။

ကန်တော်ကြီး ကန်ပတ်လမ်းရှိ မဏ္ဍပ်များသည် နံနက် ၈ နာရီခန့်မှ စတင် ရေကစားပြီး နေ့လည် ၁ နာရီခန့်တွင် ခဏတာ အနားယူကာ ညနေ ၃ နာရီတွင် ပြန်လည် ကစားကြသည်။

“ဖိုးလပြည့်က ကမ္ဘာအေးဘုရားလမ်း ရှစ်မိုင်မြိုင်ဟေ၀န်ပန်းခြံနဲ့ မျက်စောင်းထိုး စစ်ရုံးရှေ့မှာ ရေကစားမဏ္ဍပ်ဆောက်ပြီး ရေကစားပြီးတော့ ကန်တော်ကြီးကန်ပတ်လမ်းကို ကားနဲ့လှည့်ကြည့်ခဲ့တယ်” ဟု စစ်ဘက် လုံခြုံရေးဆိုင်ရာ တာဝန်ရှိသူ တဦးက ပြောသည်။

လူစုလူဝေးဖြစ်နေသည့် နေရာတွင် ဗုံးဖောက်ခွဲခဲ့သည့်အတွက် ရန်ကုန်တိုင်း စစ်ဌာနချုပ်နှင့် စစ်ဘက်လုံခြုံရေးအဖွဲ့များမှာ ထိတ်လန့်သွားခဲ့ကြကြောင်း ၎င်းက ဆိုသည်။

“ဖိုးလပြည့် တကယ်ပဲ ကန်ပတ်လမ်းကို လာခဲ့သလား ဆိုတာ မသေချာပေမယ့် စစ်ဒေသမှူး ဦးဆောင်တဲ့အဖွဲ့ မဏ္ဍပ်ရှေ့ ရောက်ချိန်မှာ အဲဒီမဏ္ဍပ်က စီးကရက်တွေ ဝေတယ်။ အဲဒီအချိန်မှာ လူတွေ တော်တော် ရှုပ်ထွေးသွားခဲ့တယ် ” ဟု မဏ္ဍပ်အနီး လုံခြုံရေးတာဝန်ကျသူ တဦးကပြောသည်။

ချိန်ကိုက်ဗုံးမဟုတ်ဘဲ စီးကရက်ဗူးအရွယ် လက်ပစ်ဗုံးဖြစ်သောကြောင့် စီးကရက် ဝေသည်ကို အကြောင်းပြုကာ လက်ပစ်ဗုံးများ ခွဲခဲ့ခြင်း ဖြစ်နိုင်သည်ဟု စစ်ဘက်လုံခြုံရေးဆိုင်ရာ အရာရှိကြီးတဦးက သုံးသပ်သည်။

စစ်ဆေးရေးအဖွဲ့နောက်တွင် ဖိုးလပြည့်၏ ကားပါလာသည်ဟု ရန်ကုန်တိုင်းရဲတပ်ဖွဲ့နှင့် နီးစပ်သည့် အသိုင်းအဝန်းက ဆိုသည်။

“အာဏာပိုင်တွေ များများစားစား ထိတယ် ဆိုကတည်းကိုက သူတို့ကို ရည်ရွယ်တာ သိပ်သေချာတယ်။ စီးကရက်သာ မဝေခဲ့ဘူးဆိုရင် ပြည်သူတွေ တော်တော်များများ မသေဘူး၊ မထိခုိုက်နိုင်ဘူး” ဟု ရဲ အရာရှိ တဦးကသုံးသပ်ပြောဆိုသည်။

နောက်ဆုံး သိရသောစာရင်းအရ ဗုံးကွဲမှုတွင် ဒဏ်ရာရရှိသူ အမျိုးသား ၈၆ ဦး၊ အမျိုးသမီး ၂၉ ဦး ရန်ကုန်ဆေးရုံကြီး၌ ဆက်လက် ဆေးကုသမှု ခံယူနေရပြီး ဒဏ်ရာပြင်းထန်စွာ ရရှိသူ ၂၀ ရှိနေသေးကြောင်း သိရသည်။

ဧရာဝတီ မှ

Read More...

Summary only...

ဧပြီလ ၁၉ရက်။ စောခါးစူးညား (ကေအိုင်စီ)
တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ) တပ်မဟာ(၉၉၉) လက်အောက်ခံ တပ်ရင်း(၇) လှုပ် ရှားတပ်သည် ၎င်းတို့၏ စေဖိုးလူတပ်စခန်းသစ် ဆောက်လုပ်ရေးအတွက ဖားအံခရိုင်၊ ပိုင်ကျုံမြို့နယ်အတွင်းရှိ မယ်ကဲရွာသား များကို ယနေ့ အတင်းအဓမ္မ လုပ်အားပေးခိုင်းနေကြောင်း ကေအိုင်စီက စုံစမ်းသိရှိရသည်။

အဆိုပါ ဒီကေဘီအေ တပ်ရင်း(၇)မှ တပ်ခွဲမှူး ဗိုလ်ကြီးစောကျော်ရွှေ ဦးဆောင်၍ မယ်ကဲရွာမှ တအိမ်လျှင် အရှည် ၅တောင်ရှိ ၀ါးအခြမ်း ၂၀၀နှင့် အရှည် ၁၀တောင်ရှိ ၀ါးလုံး ၅ချောင်းစီ ခုတ်ခိုင်းပြီး ယနေ့ ညနေ ၄း၀၀နာရီတွင် ၎င်းတို့တပ်စခန်းသို့ အရောက်ပို့ပေးရမည်ဖြစ်ကြောင်း ထိုနယ်မြေအတွင်း လှုပ်ရှားနေသည့် ကရင်အမျိုးသားလွတ်မြောက်ရေးတပ်မတော် (ကေ အဲန်အယ်လ်အေ) တပ်မှူးတဦးက ပြောသည်။

ကေအဲန်အယ်လ်အေ အမှတ်(၂)ဂွင် ရုံးထိုင်မှူး စောဝေ့က “ဒီကေဘီအေတွေကတော့ ရွာသားတွေကို ဒီလိုမျိုး ခိုင်းနေကျပဲ လေ။ လောလောဆယ်တော့ ၀ါးခုတ်ခိုင်းတာပဲ ရှိတယ်။ စခန်းကိုတော့ ဘယ်အချိန်မှ ဆောက်ခိုင်းဦးမလဲတော့ မသိဘူး။ ရွာ သားတွေက သူတို့ ဒီလို အခိုင်းခံရတဲ့အတွက် သူတို့ကိုယ်ပိုင်အလုပ်တွေ အတော်ထိခိုက်တယ်လို့ ကျနော်တို့ သိရတယ်”ဟု ဆိုသည်။

၎င်းဒီကေဘီအေ တပ်ဖွဲ့အနေဖြင့် စေဖိုးလူ တပ်စခန်းသစ်ကို ယခုလအတွင်း စတင် တည်ဆောက်သွားမည်ဟု သိရသော် လည်း ဒီကေဘီအေ တပ်မဟာ(၉၉၉) တပ်ရင်း(၇)မှ ဗိုလ်မှူးတဦးကို ကေအိုင်စီက ဆက်သွယ်မေးမြန်းရာ တစုံတရာ မသိရ ကြောင်း တုန့်ပြန်ပြောဆိုခဲ့သည်။

မယ်ကဲရွာသည် ပိုပေါ့လေး၊ မယ်လာ့အားခီး၊ မယ်လာ့အားထာ့ရွာများနှင့် နီးကပ်လျှက်ရှိပြီး အသစ်ဆောက်လုပ်မည့် စေဖိုးလူ စခန်းနှင့် ခြေလျင်ခရီးသွားလျှင် (၁)နာရီကျော် ကြာမြင့်သည်ဟု သိရသည်။

ပိုင်ကျုံမြို့နယ်၊ ၀ါ့မီကလားကျေးရွာအုပ်စုတွင် ပါဝင်သည့် အိမ်ခြေ ၃၀ခန့်ရှိ မယ်ကဲရွာသည် ပြီးခဲ့သည့် ၂၀၀၉ခုနှစ်၊ ဇွန်လ၌ နအဖနှင့် ဒီကေဘီအေ ပူးပေါင်းတပ်များက ကေအဲန်ယူထိန်းချုပ်နယ်မြေ တပ်မဟာ(၇)ကို လာရောက်တိုက်ခိုက်ခဲ့စဉ်ကလည်း အလားတူ လုပ်ရပ်မျိုး ခိုင်းစေခံခဲ့ရသည်ဟု သိရသည်။

ကရင်ပြည်နယ်၊ ဖားအံခရိုင်အတွင်း၌ ဒီကေဘီအေ တပ်မဟာ(၃၃၃)၊ (၅၅၅)၊ (၉၉၉)၊ လက်အောက်ခံတပ်ရင်းများနှင့် ကေအဲန်ယူ တပ်မဟာ(၇) လက်အောက်ခံတပ်ရင်းများအပြင် နအဖ စကခ(၁၉)နှင့် အရှေ့တောင်တိုင်းစစ်ဌာနချုပ် လက် အောက်ခံတပ်ရင်းများ လှုပ်ရှားလျှက်ရှိသည်။

Read More...

Summary only...

ဗုံးပေါက်ကွဲမှု ဖြစ်စဉ်ကြောင့် ကွယ်လွန်သူ ဦးခင်မောင်လေး ၆၁ နှစ် ၏ မိသားစုဝင် တစ်ဦး
'အဖေက ရပ်ကွက်ထဲက ရာအိမ်မှူးပါ၊ သင်္ကြန် အကြတ် နေ့က ဆရာဝန် အသင်း မဏ္ဍပ်မှာ တာဝန်ကျ ပါတယ်။ မနက် ၇ နာရီက သွားပြီး မွန်းလွဲ ၁၂ နာရီ ခွဲမှာ ခဏ လာနားတယ်။ ပြီးတော့ ၂ နာရီ လောက်မှာ ပြန်သွားတယ်။ ၃ နာရီ ၀န်းကျင် လောက်မှာ အိမ်ကနေ အသံ ကျယ်ကြီး နှစ်သံ ကြားလိုက်ရပါတယ်။ နောက် သိပ်မကြာခင်မှာ တစ်သံ ထပ်ကြား ရတယ်။ ကျွန်မရဲ့ အဖေ ဗုံးမှန်လို့ ဒဏ်ရာ ရသွားတယ် ဆိုတာကို မိတ်ဆွေ တစ်ယောက် လာပြော တယ်။ ဖြစ်တဲ့ အခါမှာ အဖေက ခွေကနဲ လဲကျ သွားတယ်။ အဲဒီ အချိန် တုန်းက နှလုံးခုန်နေ သေးတယ်။ ဒါပေမယ့် မျက်လုံး ကတော့ မပွင့် တော့ဘူး။ တူလေးက အလုပ်သမား ဆေးရုံကြီးကို ခေါ်သွားတယ်။ ဆေးရုံ အရောက်မှာတော့ အသက် မရှိတော့ ပါဘူးလို့ တူလေးက ပြန်ပြောပြ ပါတယ်။ သင်္ကြန် အတက် နေ့မှာ သက်ဆိုင်ရာ တာဝန် ရှိသူ တွေက မနက် ၆ နာရီကနေ ၈ နာရီအတွင်း အလောင်း ထုတ်ပေးမယ် ဆိုလို့ အရောက် သွားတယ်။ မွန်းလွဲ ၁ နာရီခွဲမှာ ရေဝေး သုသာန်မှာပဲ ကျွန်မတို့ အစ္စလာမ် ဘာသာဝင်ရဲ့ ထုံးစံ အတိုင်း သဂြုင်္ိဟ်ခဲ့ ပါတယ်' ဟု ဗုံးပေါက်ကွဲ မှုဖြင့် ကွယ်လွန် သွားခဲ့သူ မင်္ဂလာတောင်ညွန့် မြို့နယ်နေ ဦးခင်မောင်လေး ၏ သမီးဖြစ်သူ မတင်မာလတ်က ပြောပြ ပါသည်။

ဗုံးပေါက်ကွဲမှု ဖြစ်စဉ်ကြောင့် ကွယ်လွန်သူ ကိုစိုးဝင်း ၂၄ နှစ်၏ မိသားစုဝင် တစ်ဦး
'ကျွန်တော် တို့က မော်လမြိုင်က ပြောင်းလာ တာပါ။ သားက မွန်းလွဲ ၂ နာရီခွဲ အချိန်လောက် မှာ ကန်တော်ကြီး ပတ်လမ်း မဏ္ဍပ် တွေမှာ သီချင်း နားထောင်မယ် ဆိုပြီး ကျွန်တော့်သားနဲ့ အတူ ညီ တစ်ယောက်ရယ်၊ သူငယ်ချင်း တစ်ယောက်ရယ် သွားပါတယ်။ ညနေ ၃ နာရီ ၀န်းကျင် လောက်မှာ လမ်းထဲကို ဆိုက်ကား တွေနဲ့ အမျိုးသမီးတွေ၊ အမျိုးသားတွေ ဒဏ်ရာတွေနဲ့ ပြန်လာတာ တွေ့တော့ အိမ်ပေါ်က ဆင်းပြီး စုံစမ်း လိုက်တော့ ကန်တော်ကြီး ပတ်လမ်း မှာ ဗုံးပေါက် တယ်လို့ သိလိုက် ရတယ်။ ကျွန်တော့် သားကလည်း အဲဒီကို သွားတော့ အရမ်း စိတ်ပူ သွားတယ်။ သားနဲ့ အတူ ပါသွားတဲ့သူ့ရဲ့ ညီလေး တစ်ယောက်က လမ်းကွဲ သွားပြီး ပြန်ရှာလို့ မတွေ့တော့ဘူး ပြောတယ်။ ညနေ ၆ နာရီလောက်မှာ ဆေးရုံကြီးကို လိုက်သွားပြီး ဒဏ်ရာရ လူနာ စာရင်းကိုကြည့်တော့ သားရဲ့ နာမည် မပါဘူး။ အတူပါ သွားတဲ့ သူငယ်ချင်း ကတော့ ခြေထောက်နဲ့ ဗိုက်မှာ ဒဏ်ရာ ပြင်းပြင်း ထန်ထန် ရထား တယ်လို့ သိရတယ်။ နောက် ပွဲချင်းပြီး သေဆုံးတဲ့ သူတွေကို ရန်ကုန် ပြည်သူ့ဆေးရုံကြီး ရေခဲ တိုက်မှာ ထားတယ် ဆိုလို့ သင်္ကြန် အတက်နေ့ မနက် ပိုင်းမှာ ဓာတ်ပုံ ယူသွားပြီး သွားကြည့်တော့ အဲဒီမှာ တွေ့လိုက် ရတယ်။ မွန်းလွဲ ၁ နာရီမှာ ရေဝေး သုသာန်မှာ သဂြုင်္ိဟ် လိုက်ပါတယ်' ဟု ဗုံးပေါက်ကွဲမှုဖြင့် ကွယ်လွန် သွားသူ မင်္ဂလာတောင်ညွန့်မြို့နယ်နေ ကိုစိုးဝင်း ၏ ဖခင်ဖြစ်သူ ဦးတင်စိုးက ဆိုပါသည်။

ဗုံးပေါက်ကွဲမှု ဖြစ်စဉ်ကြောင့် ကွယ်လွန်သူ ဦးကြင်အောင် ၃၇ နှစ်၏ မိသားစုဝင် တစ်ဦး

'အဲဒီ နေ့က ကျွန်မတို့ အိမ်ရှေ့မှာ သာကူ ကျိုတယ်၊ မုန့်လုံး ရေပေါ် လုံးပြီး အလှူ ဒါန လုပ်တယ်။ ၂ နာရီခွဲ လောက်မှာ အလှူက ပြီးတယ်။ ကျွန်မရဲ့ အမျိုးသားက သူ့ဦးလေးရယ်၊ တူလေးရယ် စုစုပေါင်း သုံးယောက်က စတိတ်ရှိုးကို ကြည့်မယ် ဆိုပြီးတော့ ကန်တော်ကြီး ပတ်လမ်းကို သွားတယ်။ ၄ နာရီ လောက်မှာ အိမ်ကို သူ့ဦးလေးနဲ့ တူရယ်ပဲ ပြန်ရောက် လာတယ်။ ကျွန်မရဲ့ အမျိုးသား က ပါမလာ တော့ဘူး။ အဲဒီတော့ ကျွန်မ တို့က ချက်ချင်းပဲ ဆေးရုံတွေမှာ လိုက်ရှာ ကြတယ်။ သင်္ကြန် အတက်နေ့ နံနက် ပိုင်းမှာ ရန်ကုန် ပြည်သူ့ ဆေးရုံကြီး ရေခဲ တိုက်ကို သွားရှာတော့ တွေ့ရတယ်။ သူဆုံး သွားတော့ ကျွန်မနဲ့အတူ အသက် ၁၀ နှစ် အရွယ် ရှိတဲ့ သမီးလေး တစ်ယောက်ပဲ ရှိတော့တယ်' ဟု ဗုံးပေါက် ကွဲမှုဖြင့် ကွယ်လွန် သွားခဲ့သူ ဗဟန်းမြို့နယ်နေ ဦးကြင်အောင် ၏ ဇနီးဖြစ်သူက ပြောပြခဲ့သည်။

ဗုံးပေါက်ကွဲမှု ဖြစ်စဉ်ကြောင့် ကွယ်လွန်သူ ဒေါ်နီနီသိန်း ၆၇ နှစ်၏ မိသားစုဝင် တစ်ဦး

'အမေက နေ့လယ်မှာ အိပ်နေတာ။ တူမလေးက သွားလည် ရအောင် ဆိုပြီး နှိုးလို့ ၂ နာရီ ကျော်ကျော် လောက်မှာ အမေရယ်၊ ညီမရယ်၊ တူမလေးရယ် သုံးယောက် ထွက်သွား ကြတယ်။ မဏ္ဍပ်ရဲ့ ဒီဘက်က ၁၂၅ လမ်း ထိပ်မှာပဲ ရပ်ကြည့် နေတုန်း ပေါက်ကွဲမှု ဖြစ်တယ်။ အမေက တူမလေး အပေါ် အုပ်ပြီး လဲကျ သွားတယ်။ ပြီးတော့ အလုပ် သမား ဆေးရုံကြီးကို ခေါ်သွားကြတယ်။ အဲဒီကမှ တစ်ဆင့် ရန်ကုန် ပြည်သူ့ဆေးရုံကြီးကို ပို့လိုက်တယ်။ အမေက ဖြစ်တဲ့ နေရာမှာပဲ အသက် မရှိတော့ဘူးလို့ ညီမက ပြန် ပြောပြ တယ်။ အမေကိုတော့ သင်္ကြန် အတက် နေ့မှာ ရေဝေး သုသာန်မှာ ၃ နာရီခွဲက သဂြုင်္ိဟ် လိုက်ပါပြီ။ ဒီကိစ္စနဲ့ ပတ်သက်ပြီးတော့ အမေရဲ့ ကံကြမ္မာက ဒီလောက်ပဲ လို့ပဲ တရားနဲ့ ဖြေနေရ တော့တယ်။ ညီမက ခြေထောက် နဲ့ တင်ပါးကို ထိသွားတယ်။ အခု ရန်ကုန် ပြည်သူ့ဆေးရုံကြီး အရေးပေါ် ဌာန ၅-၆ မှာ ကျောက်ပတ်တီးစည်း ထားရတယ်။ တူမလေး ကတော့ ဆီးခုံရိုး ကျိုးသွားပြီး အူနဲ့ ခါးမှာလည်း ထိသွားတယ်။ အခု ကလေး ဆေးရုံကြီး အရေးပေါ် ဌာနမှာ အူဖြတ်ပြီး ပြန်ဆက်ထား ရတယ်။ နှလုံးခုန်သံ ကတော့ ပုံမှန်ပြန် မဖြစ်သေးဘူး။ တူမလေးက နှစ်နှစ်ခွဲပဲ ရှိသေးတော့ ကလေး အတွက် လူနဲ့ ဒဏ်ရာနဲ့က မမျဘူး ဖြစ်နေတယ်'ဟု ဗုံးပေါက်ကွဲမှုကြောင့် သေဆုံးသူ ဒေါ်နီနီသိန်း နှင့် ဒဏ်ရာရရှိသူ မသဇင်မြင့် နှင့် မရတီစိုး တို့၏ မိသားစုဝင် တစ်ဦးက ပြောပါသည်။

ဟံသာဝတီ သတင်းမှ

Read More...

Summary only...

နယူးဒေလီ (မဇ္ဈိမ)။ ။ ရန်ကုန်မြို့ ကန်တော်ကြီးရှိ X2O ရေပက်မဏ္ဍပ်တွင် ယခုလ ၁၅ ရက်နေ့ (သင်္ကြန်အကြတ်နေ့) က ဗုံး ၃ လုံး ဆက်တိုက်ပေါက်ကွဲမှုတွင် တိုင်းစစ်ဒေသမှူးတဦး ပြင်းထန်စွာ ဒဏ်ရာရရှိခဲ့ကြောင်း သိရသည်။

ရန်ကုန်တိုင်း အမှတ် ၄ စစ်ဒေသမှူး ဗိုလ်မှုးကြီးပြုံးချိုသည် လုံခြုံရေးအရ မဏ္ဍပ်များကို လိုက်လံစစ်ဆေးနေစဉ် X2O မဏ္ဍပ်အရောက် ဒုတိယဗုံး ပေါက်ကွဲသဖြင့် ဝမ်းဗိုက်တွင် ဗုံးဆံများ ထိမှန်သွားရာ မင်္ဂလာဒုံ စစ်ဆေးရုံတွင် ကုသမှု ခံယူနေရသည်။ ဒဏ်ရာပြင်းထန်မှုရှိသည်ဟု မဇ္ဈိမက စုံစမ်းသိရှိရသည်။

ပေါက်ကွဲမှုများကြောင့် လူ ၈ ဦး သေဆုံးပြီး လူဦးရေ ၁၇ဝ ခန့် ဒဏ်ရာရရှိခဲ့ကြောင်း စစ်အစိုးရက အစောပိုင်းက ထုတ်ပြန်ကြေညာခဲ့သော်လည်း သေဆုံးသူဦးရေ တိုးလာသည်ဟု ရဲအချို့က ပြောသည်။

ရဲမှူးကြီးတဦးနှင့် ဒုရဲအုပ်အဆင့်ရှိသူတဦးတို့လည်း သေဆုံးသွားပြီး မင်္ဂလာတောင်ညွန့်မြို့နယ် မယက ဥက္ကဋ္ဌမှာမူ ပြင်းထန်စွာ ဒဏ်ရာရရှိခဲ့သည်။

ယခုအခါ ရန်ကုန်ဆေးရုံကြီးတွင် ဒဏ်ရာရရှိသူများအနက် ၄၄ ဦးသည် ဆက်လက်၍ ဆေးဝါးကုသမှု ခံယူနေရကာ၊ ဒဏ်ရာပြင်းထန်သူမှာ ဦးရေ ၂ဝ ခန့် ရှိနေသေးကြောင်း သိရသည်။

ဗုံးကွဲအပြီး ၂ ရက်အကြာတွင် စာရေးဆရာ လင်းယုန်မောင်မောင် (ကွယ်လွန်) ၏ သားဖြစ်သူ ဦးဇေယျနှင့် သူ၏ သားဖြစ်သူ စည်သူဇေယျအား ရဲက မေးမြန်းရန် ခေါ်ဆောင်သွားကြောင်း မိသားစုဝင်များနှင့် နီးစပ်သူတဦးက ပြောသည်။

“နှစ်ဆန်းတရက်နေ့က ညနေပိုင်းက သူတို့ သားအဖ နှစ်ယောက်ကို လာခေါ်သွားတယ်။ ရပ်ကွက်လူကြီးနဲ့ SB တွေ စုစုပေါင်း ၁ဝ ဦးလောက် ပါတယ်။ မေးစရာရှိလို့ဆိုပြီး ခေါ်သွားတယ်။ ဘာကြောင့် ခေါ်သွားတယ် ဆိုတာကိုတော့ ပြောမသွားဘူး” ဟု အမည်မဖော်လိုသူ မိသားစုဝင် တဦးက ပြောသည်။

အခင်းဖြစ်ပွားသောနေရာကို ဓာတ်ပုံရိုက်သည်ဟု ရဲက သံသယရှိမှုနှင့် ပတ်သက်ဖွယ်ရှိသည်ဟု ရန်ကုန်စာပေအသိုင်းအဝိုင်းက ယူဆနေကြသည်။

မြို့နယ်ရပ်ကွက်ရုံးအချို့တွင် ဗုံးပေါက်ကွဲမှုနှင့် ပတ်သက်၍ မသင်္ကာသူများအား ဖမ်းဆီးရန်အတွက် ကူညီသတင်းပေးသူကို ဆုငွေအဖြစ် ကျပ် ၁၀ သိန်း ပေးမည်ဟု အာဏာပိုင်များက ကြေညာထားသည်။

Read More...

Summary only...

Freedom News Group မှ။

ဧပြီလ ၁၅ ရက်နေ့ ညနေ သုံးနာရီ ရန်ကုန် မြို့ ကန်တော်ကြီး အနီးရှိ သင်္ကြန်ရေကစား နေသည့်
မဏ္ဍပ် တစ်ခု အနီးတွင် ဗုံးပေါက်ကွဲမှုသည် နယ်စပ် အခြေစိုက် အမျိုးသား ဒီမိုကရေစီအဖွဲ့ ချုပ်လွတ်
မြောက်နယ်မြေ ၊NCUB ၊မြန်မာ နိုင်ငံလုံးဆိုင်ရာ ကျောင်းသားများ ဒီမိုကရတ်တစ် တပ်ဦး(ABSDF)
နှင့် အမျိုးသား ညွှန့် ပေါင်းအစိုးရ တို့ ဖြစ်ကြောင်း ယနေ့ ထုတ် ကြေးမုံ သတင်းစာ တွင် စွပ်ဆွဲ ဖော်
ပြထားသည်။

သင်္ကြန် ဗုံးပေါက်ကွဲမှု အတွက် အမျိုးသားညွှန့် ပေါင်းအစိုးရ ၀န်ကြီးချုပ် ဒေါက်တာစိန်ဝင်းက ငွေကြေး
စိုက်ထုတ်ပေးခြင်းဖြစ်ပြီး NLD ဗဟို အလုပ်အမှု ဆောင် ဦးညွှန့် ဝေ ၏ သား ဦးမောင်မောင်က စီစဉ်ခြင်း
ဖြစ်သည် ဟု ဆောင်းပါးရှင် ဦးပြေကျော် ကရေးသားထားသည်။

ထိုကဲ့သို့  အမျိုးသား ဒီမိုကရေစီ အဖွဲ့ ချုပ် နှင့် ဆက်စပ်နေသည့် ပြည်ပ အဖွဲ့ အစည်း များကို လူကိုးဦး
သေဆုံးသည့် ဗုံးတရားခံ ဟု စွပ်ဆွဲထားခြင်းသည် မတ်လ ၂၉ ရက်နေ့ က အမျိုးသား ဒီမိုကရေစီ အဖွဲ့ 
ချုပ် ၏ ရွေးကောက် ပွဲ မ၀င်ရန် ဆုံးဖြတ်ချက် ကို နအဖ မှ အညှိုးထားပြီး ပါတီ အား သိက္ခာချ ရန် ရည်ရွယ်
ကြောင်း အဖွဲ့ ချုပ် အဖွဲ့ ဝင် တစ်ဦးက Freedom News Group သို့ ပြောသည်။

နအဖ စစ်အစိုးရ အာဘော် သတင်းစာ မှ စွပ်ဆွဲ ထားသလို သင်္ကြန် ဗုံးပေါက်ကွဲ မှုများသည် ထို အဖွဲ့ အစည်း
များ၏ လက်ချက် မဟုတ်ကြောင်း သက်ဆိုင်ရာ အဖွဲ့ များ မှ တာဝန် ရှိသူ များက ပြန်လည် တုံ့ ပြန်ကြသည်။

အဆိုပါ ဗုံးဖောက်ခွဲ မှု ၏ အဓိက တရားခံ မှာ စစ်အစိုးရ သည် ဖြစ်သည် ဟု ပြည်သူများကလည်း ယူဆကြသည်။
နအဖ သတင်းစာ ပါ စွပ်ဆွဲ ချက် များ သည် ကျိုးကြောင်း ဆီလျှော် မှု မရှိ သည့် ပြင် အမြစ်လည်း မရှိဟု
ဝါရင့် နိုင်ငံရေးသမား တစ်ဦးက ပြောသည်။

Read More...

Summary only...

ကလန်သံဗျင်
မီဒီယာ၊ ၊ဒီနှစ် ကျမှ မဏ္ဍပ် တွေ ကို ထူးထူးခြားခြား အင်းလျှားလမ်းကနေ ဘာဖြစ်လို့ 
ကန်တော်ကြီးကိုပြောင်းလိုက်ရတာလဲ။

ဗိုလ်ချုပ်မှုးကြီး၊ ၊အော်ဒါ လား ။အဖြေက ရှင်းပါတယ် ၊ကျုပ်က စစ်သားဆိုတော့ အမြဲတမ်း စစ်ရေးအမြင်နဲ့  ပဲကြည့်တယ်လေဗုံးခွဲမယ့် ကား ၀င်လို့ ထွက်လို့ လွယ်အောင်ပါ။
အဲ.. မဟုတ်ပါဘူး။ခင်ဗျားကလဲ ဘာတွေ လျှောက်မေးမှန်းမသိဘူး ။အင်းလျှားကန် ရေ
က PH7 ပဲရှိတယ် ။ကန်တော်ကြီးရေက PH 10 အနည်းဆုံးရှိတယ် ။ပြည်သူတွေ ကျန်းမာရေး နဲ့ ညီညွှတ်
အောင် လို့ လေ။နောက် ကျူပ်က လူငယ်တွေ ဆိုစေတနာထားတယ်လေ ရေမပက်ချင်တဲ့ အတွဲ တွေ ဆို
မျှော်စင်ကျွန်း တို့  ၊ မြေပဒေသာ ထဲ တို့ သွား နှပ် လို့ ရတယ် ။အင်းလျှားမှာ ဆို လူငယ်တွေ ဒါမျိုးအခွင့်အရေး
ဘယ်ရပါ့ မလဲ ။မဏ္ဍပ် အောက် ၀င်တိုးရတာ …ဟိ ဟိ

မီဒီယာ၊ ၊အမျှော်အမြင်ကြီးပါပေ့ ဗိုလ်ချုပ်မှုးကြီးရယ်။ဒါနဲ့ စကားမစပ် ။X2O မဏ္ဍပ် မှာမှ ရွေးပြီးဗုံးပေါက်တာ ဗိုလ်ချုပ်မှုးကြီးရဲ့ ယတြာ အစီရင် လို့ ပြောကြတဲ့ စကားတွေ နဲ့ ပတ်သက်ပြီးတော့ရော။

ဗိုလ်ချုပ်မှုးကြီး၊ ၊ခင်ဗျားကလဲ မီဒီယာ သမားလို့ မပြောရဘူး ကောလ ဟာလ တကယ်ယုံတာပဲ ။အမှန်က
နိုင်ငံရဲ့  စီးပွားရေး ကို ကျုပ်က ကယ်တင်လိုက်တာပါဗျာ။ဒေါက်တာဂျိုးဇက်စတိုင် ဂလု လာတုန်းက က သင်္ကြန် မဏ္ဍပ် တွေ က တိုင်းပြည်ရဲ့  GDP ကို နစ်နာတယ်လို့ အကြံပေးသွားလို့ ကျုပ် က နဲနဲ လှန့်  လိုက်တာပါ။ နောက်နှစ် ဆိုလူငယ်တွေ မဏ္ဍပ်ထိုင်ရဲမှာ မဟုတ်တော့ဘူး ။ဟိုတယ်ပဲ သွားတော့မှာ ။

ပြောကောင်းကောင်းနဲ့ လျှောက်ပြောနေ လိုက်တာ နိုင်ငံရဲ့ စီးပွားရေး တို့ စတိုင်း ဂလု တို့ …………အမှန်တော့ဘယ် သူမှ မသေပါဘူး။ကျုပ်လူ လို ဖြစ်နေတဲ့ နိုင်ငံခြား သတင်းဌာန က တစ်ယောက် နှစ်ယောက်နဲ့ ဘလောက်ဂါ လေး တစ်ယောက် နှစ် ယောက် လို ခေါ်ပြီး ရုပ်ရှင်တွေ ထဲ က လို သွေးတုတွေ ၊ဘာတွေ နဲ့ လုပ်လိုက်တာပေါ့ ။ထွက်လာတဲ့ ဓာတ်ပုံတွေ ပဲ ကြည့်ပါလား။ဘယ်မှာ သေတဲ့ လူတွေ တွေ့ ရ လို့ တုန်း အော်စကာဆုရ တဲ့ The Hurt Locker ထဲကဇာတ်ဝင်ခန်းတွေ နဲမတူဘူးလား။မီဒီယာသမားဖြစ်ပြီးဒါလေးတောင်မရိပ်မိဘူးလား။ဘယ်မှာ သေနေတဲ့ လူတွေ တွေ့ ရလို့ တုန်း
သေတဲ့လူတွေကပြည်သူတွေ ဆို ခင်ဗျားတို့  ပြည်ပ မီဒီယာတွေက လျှောက်ပြီး ဖုန်းတွေ လျှောက်ဆက် လျှောက်မေးလုပ်ကြအုံးမှာ လေ အခုသေတာ စပ်တပ် နဲ့ ရဲ အရာရှိတွေ ဆိုတော့ ဘယ်သူမှ မမေးတော့ ဘူးလေ။တစ်ချက်ခုတ် နှစ်ချက်ပြတ်ပေါ့ ။ကိုးယောက်သေတယ် ဆိုတာ ကတော့ ကျုပ်က ကိုးဂဏန်း ကို ခရဇီဖြစ် လို့ ဘိုလို ပြောရင် Crazy in Number Nine ပေါ့ဗျာ။

အနောက်က ဇီးတော်ဖီ ဆရာကြီး.အဲ ..စီးပွားရေး ဆရာကြီးရဲ့ အကြံဥာဏ် ကို ကျုပ်က ဦးလည်မသုန် အကောင်အထည်ဖော်လို့ ပီဂျေ ထော်လီ လား ပီဂျေ ဂေါ်လီ ဆိုလားပဲ စောစော စီးစီး စာနာတယ်လို့ ဝမ်း နည်းတယ်လို့ ထုတ်ပြောတာပေါ့။ ကိုလ့် လူက လဲ ဂျာနယ်လစ်ဖြစ်ပြီး အုံး မသုံးဘူး။

မီဒီယာ၊ ၊ဗိုလ်ချုပ်မှုးကြီးက ဗုံးတွေ ပေါက်ပြီးရင် ဘာဖြစ် လို့ ပြည်ပ က အဖွဲ့ အစည်းတွေရဲ့ လက်ချက် လို့ စွပ်ဆွဲ ရတာလဲ ။

ဗိုလ်ချုပ်မှုးကြီး၊ ၊ဒါက ဘာရယ် မဟုတ်ပါဘူး၊အရင် မောင်ခင်ညွှန့် လုပ်ခဲ့တာလေ။ကျုပ်လဲ
ဒီအတိုင်းပဲလိုက်လုပ်ရတာပေါ့ ။ပြည်တွင်းကျတော့ မျက်နှာတွေ က မြင်နေတွေ့ နေရတာ ဆိုတော့ အားနာဖို့ ကောင်းတယ်လေ ။ ပြည်ပကတော့ ကျုပ်က စွပ်ဆွဲ လိုက်ရင် အရမ်းပျော်ပြီး ဒင်နာတွေပေး ပါတီတွေ ပေး နဲ့  ကလေးကင်ပွန်းတပ်တွေ တောင်ပေးကြတယ်ဆိုပဲ ။ကျုပ်က မစွပ်ဆွဲ တဲ့ အဖွဲ့ ဆို ခင်ဗျားတို့ ဆီမှာအိပ်လို့ တောင် မပျော်ဘူးဆို ။အခုတောင် ကျုပ်က နာမည်နဲ့ တကွထုတ် မပြောသေးလို့  မကျေနပ်ကြဘူး၏ဖြစ်နေတယ် ဆိုပဲ။ ကျုပ်ကို စွပ်ဆွဲတာ ကြန့် ကြာမှု နဲ့  နိုင်ငံတကာ တရားရုံးမှာ တောင် တရားစွဲ ဖို့  ခင်ဗျားတို့ ဆီက အတိုက်အခံတွေ ဒီနေ့ ညဈေး မှာ အစည်းအဝေးထိုင်မယ် ဆိုလားပဲ…….

မီဒီယာ ၊ ၊ကားမောင်းသင်တန်းနားမှာ ဗုံးပေါက်တော့ ပြည်သူတွေက ထိတ်လန့် ကြပေမယ့်ဗိုလ်ချုပ်မှုးကြီး ရဲ့ မြေး ဖိုးလပြွှတ် ဆိုလား ဖိုးလပြည့် ဆိုတာ ရေကစားတောင် မပျက်ဘူးဆို။

ဗိုလ်ချုပ်မှုးကြီး၊ ၊သြော်ဒါက ကျုပ်ကြိုပြောထားလို့ ……..မဟုတ်ပါဘူး။ကဲဟာ……ဒီပါးစပ်ကလဲ ယောင်ပြန်ပြီ
ဒီလို လေ သူက တစ်ချိန်မှာ တိုင်းပြည်ခေါင်းဆောင် ရမယ့် လူဆိုတော့ ရာဇအိနြေ္ဒ ရှိတယ့် သဘောပေါ့ ။

မီဒီယာ၊ ၊ဒါဆို ဗိုလ်ချုပ်မှုးကြီးက ရွေးကောက်ပွဲ ပြီးရင် အောင်လင်းသိန်းတို့ ဦးဝေသု တို သိမ်းမင်းဖြိုးဒေါ်ချွတ်ခြုံကျ ငြိမ်းကျော် တို့ ကို အာဏာ လွှဲပေးမှာ မဟုတ်ဘူးလား။

ဗိုလ်ချုပ်မှုးကြီး၊ ၊ဘယ်ကလာ ဒီလူတွေ အလုပ်မရှိဘူးဆိုတာနဲ့ ကျုပ်က နေ့ တွက်ကလေး နဲနဲပါးပါးပေးပြီး
လူစည်အောင် လုပ်ခိုင်းထားတာပါ။

မီဒီယာ၊ ၊ဗုံးကွဲ လို့ သေသွားတဲ့သူတွေ နဲ့ ပတ်သက်ပြီး ဗိုလ်ချုပ်မှုးကြီးက ၀မ်းနည်းစကားတွေပြောမိတာ မကြားဘူးနော်။

ဗိုလ်ချုပ်မှုးကြီး၊ ၊မကြားဆို ..သေမှ မသေ ဘဲ ဟာ ကျုပ်က ဘယ်လို ပြောရမှာတုန်း။အတက်နေ့ က ရေဝေး
ကခေါင်းတွေ ကိုသွားကြည့်ပါလား အလွတ်တွေချဉ်းပဲ။ ဘန်ကောက် မှာ ရှပ်နီ တွေ ခေါင်းထမ်းပြီး တိုင်းခန်းလှည့်လည်တာတီဗွီမှာ တွေ့ ရ လို့ ကျုပ်လဲ အားကျပြီး လုပ်မိတာ ပါဗျာ။ ပြည်ပ သတင်းဌာနတွေက သင်္ကြန် ဆို အမြဲနား ပြီး ချင်းမိုင် မှာ သွားသွား လန်း နေကြလို့ ကျုပ်က အလုပ်ရှုပ်အောင် လုပ်လိုက်တာ။ ကျုပ်အကြံ
မပိုင်ဘူးလား …………..ခင်ဗျားတို့ လည်း သတင်းရ ၊ပြည်သူတွေ လဲ အပျော်အပါးတွေ လျှော့ ၊ကျုပ်လဲဝါ သနာပါရင် လုံခြုံရေး အကြောင်းပြပြီး ရွေးကောက်ပွဲတောင် မလုပ်လို့ ရသေး။အခု ဆိုကြည့် လေ ဒေါက်တာ ချိန်ဝင်း တို့  ၊ လွတ်ပြောင် နယ်မြေ တို့ ဦးညောင်ညောင် တို့ ကို ဗုံးခွဲဖို့ ထောက်ပံ့ထားတယ်လေသံပစ်
ထားတော့ အထဲ က မ၀င်ဘူး၊၀င်မယ်ဆိုတာ တွေ ဆွဲထိန်း လို့ ရတာပေါ့ ။မဟတ်ဘူးလား ..(ကျော်ဟိန်း စင်တင်ပေးသည့် မင်းသမီး များ အိုင်တင်ဖြင့်)

မီဒီယာ ၊ ၊ဗိုလ်ချုပ်မှုးကြီး ဒီလို အိုင်ဒီယာမျိုးတွေ ဘယ်ကနေ ဘယ်လိုရတာလဲ ။
ဗိုလ်ချုပ်မှုးကြီး၊ ၊ဒီလို အိုင်ဒီယာမျိုး ရဖို့ က လွယ်ပါတယ်။ ဒေါက်တာ ဇော်ဂနီ တို့ ၊ဒေါက်တာ နေ၀န်းပြောင်ပြောင် တို့ ဆိုရင် တပင်တပန်းသောမတ် ကြက်ဥ ဟဖ် ရိုက် တို့  ဖရန်ဆစ် ဖူဂျီယာမ တို့ အယ်(လ)ဗင် တော်ဖီ တို့ ရဲ့ စာအုပ် တွေ လျှောက်ဖတ် ဆံပင်တွေအဖြူခံပြီး နိုင်ငံခြားက ဘွဲ့ တွေ ရအောင် ယူကြရသေးတယ်။ကျုပ်က သိုင်းဝတ္ထု တွေ၊တရုတ် သိုင်းကား တွေ ထဲက ယူလိုက်တာပဲ။
တစ်ချက်ခုတ် တာ ဆယ်ချက်လောက်တောင်ပြတ် တဲ့ သိုင်းဝတ္ထုတွေ ဖတ်ထားတယ်လေ။
တယ်။ကျုပ် က အဲလို မျိုးတွေ ကနေ အိုင်ဒီယာ ယူထား………တာ…….။(ထိုစကား အရောက်တွင် ထက်ထက်မိုးဦး ဇီးထုပ်ကြော်ငြာသည့် အိုင်တင်ဖြင့်လက်ချောင်း ကလေးများ ကို နောက်ပြန် ချိန်ဆက်ပြီး ကနွဲ့ ကလျှ ဝှေ့ လျှက်)

မီဒီယာ၊ ၊ဒါနဲ့ စကားမစပ် ၊ဗုံးကွဲတော့ ဗိုလ်ချုပ်မှုးကြီးကိုယ်တိုင် ဒေါက်တာ သင်္ဘောကျင်း ရဲ့  CBOXမှာ
မစ္စစ္စပီ သတင်းဌာနက အယ်ချုပ်ကြီး အမည်ခံပြီး မဟုတ်က ဟုတ်က တွေ ရှောက်ရေးတယ်
ဆို။

ဗိုလ်ချုပ်မှုးကြီး၊ ၊ရာရာစစဗျာ….ကျုပ်လို နေ့ မအားည မအားတိုင်းပြည် တာဝန် ထမ်းဆောင် သူက CBOX
မှာဘယ်ရေး ချိန်ရပါ့ မတုန်း ။ မော်စကို က ကလေးတွေ ထင်ပါတယ်။သူတို့ လဲ သင်္ကြန်
တွင်း ဆိုတော့ ပျင်းတာ နဲ့ လျှောက်ရေးကြတာနေ မှာပေါ့။ဒီကလေးတွေ လဲ ကျုပ် ကိုယ်
တိုင် ဆိုင်ကော်လောဂျီကယ် ၀ဲဖဲ တွေ ၀ယ်ထရိန်း (သတင်းထောက် ၏ မျက်နှာ သို့ ဗိုလ်
ချုပ်မှုးကြီး ၏ တံတွေး အနည်းငယ် စင်သွားသည်) လုပ်ထားတော့ လက်သွေးကြည့်တာနေ
မှာပေါ့ ။ကျုပ် ရဲ့ အယူအဆ က တိုင်းပြည် ရဲ့ စတ္ထု မဏ္ဍိုင် မယိမ်းယိမ် အောင် CBOX မှ တစ်ဆင့်
တည်ဆောက် မည် လို့ ခံယူထားတာကို ။

ဤ စာစု သည် သိုးဆောင်းစကားအရ (Satire) ခေါ် သရော်စာအမျိုးအစားဖြစ်ပါသည်။အချက်အလက်အမှန် ၊
သတင်းမှန်များ ၊ဖြစ်ရပ်မှန်များ နှင့် အပေါ် အခြေခံထားခြင်းမရှိ သလို မည်သူကို မျှ လည်းသာစေ နာစေလို စိတ် မရှိသည်. စိတ်ကူးချယ်မှုန်းမှု တစ်ခု သက်သက် မျှ သာဖြစ်ပါသည်။

မြန်မာ နှစ်သစ်မှာ ကလန် သံဗျင် ရဲ့ မိတ်ဟောင်း မိတ်သစ် အားလုံး ပျော်ရွှင် နိုင်ကြပါစေ။

ကျွန်တော် ကလန် သံဗျင်ပါ။

Freedom News Group မှ

Read More...

Summary only...