.jpg)
.jpg)
အခုတွေ့ရတဲ့ ရဲဘော်ရဲ့ ကိုယ်ထဲမှာ ကျည်ဆံဟာရှိနေတုန်းပါပဲ… ဒါပေမဲ့လည်း သူသည် ကရင်လူမျိုးနှင့် ကရင်အမျိုးသားလွတ်မြောက်ရေးအတွက် အခုထက် ထိရဲရဲဝံ့ဝံ့ဆက်ပြီးတိုက်ပွဲဝင် ပေးဆပ်နေတုန်းပါပဲ…
Freedom News Group မှ.....
မြောက်ပိုင်းတိုင်း စစ်ဌာနချု ပ် တပ်များအတွက်လက်နက် နှင့် ခဲယမ်းမီးကျောက်များ တပ်ဆင်သိုလှောင်လှောင်ရာ ဌာန ဖြစ်သည့် ကချင်ပြည်နယ်ဟိုပင် မြို့ နယ် အနီးမှ လက်နက်တိုက် တစ်ခုသည်တနင်္လာနေ့ ညက ပေါက်ကွဲ မှု ဖြစ်ပွား ပြီးနောက်ပြည်နယ် အတွက် အရေးပါသည့် လက်နက်များ အားလုံးနီးပါး ဆုံးရှုံးသွားရသည် ဟု မန္တလေး တိုင်း တံခွန် တိုင်မြို့ နယ်ရှိ သံချပ်ကာ ယန္တယား တပ်မှ အမည် မဖော်လို သည့်အရာရှိ တစ်ဦး က Freedom News Group သို့ ပြောသည်။
ထိုလက်နက် တိုက် ပေါက်ကွဲမှုကြောင့် အနည်းဆုံး စစ်သား ဦးရေ လေးဆယ်ကျော်သေဆုံးသည်ဟုသတင်းရရှိသည်။ ပေါက်ကွဲမှု ဖြစ်ပွား ပြီးနောက် ထိုနေရာ သို့ ကာကွယ်ရေး ၀န်ကြီးဌာန မှ ဗိုလ်ချုပ် သာအေး နှင့် မြောက်ပိုင်း တိုင်း စစ်ဌာနချုပ်တိုင်း မှုး ဗိုလ်ချုပ် စိုးဝင်း တို့ လာရောက် ကြည့် ရှုသည် ဟု သတင်းရရှိသည်။
လက်နက် တိုင် ပေါက်ကွဲမှု သတင်း ကို မြန်မာ စစ်အစိုးရ က သတင်း မထုတ် ပြန်သော် လည်း
မြစ်ကြီးနား ၊မိုးကောင်း ၊ မိုးညှင်း နှင့် ဟို ပင် ရှိ စစ်တပ်များ အား အရေး ပေါ် တပ်လှန့် ထား သည် ဟု သိရသည်။
ထိုလက်နက် တိုက် ပေါက်ကွဲ မှု သည် အပစ်ရပ် အဖွဲ့ များ ၏ လက်ချက် ဖြစ်သည် ဟု နေပြည်တော်ရှိ
လက်နက်နှင့် ခဲယမ်းမီးကျောက် ညွှန်ကြားမှု ဌာန မှ တာဝန် ရှိ သူ တစ်ဦး က ပြောသည်။၏
မြန်မာ စစ်တပ် တွင် မပခ လက်အောက်ခံ တပ်များ သည် တာဝန် လစ်ဟင်း မှု များ အများ ဆုံးဖြစ်ပြီး
တိုင်းမှုး ကိုယ်တိုင် အပစ် ရပ် အဖွဲ့ များ နှင့် ဂေါက် ရိုက်ကစား ခြင်း ၊တပ်တွင်း သို့  ဖိတ် ခေါ် ၍ စားသောက်
ပွဲများ ကျင်းပ ခြင်း တို့ ကို ပြု လုပ် သည် ဟု ဖားကန့် ဒေသတွင် စစ်တပ် အရာရှိ တစ်ဦး အဖြစ် တာဝန်
ထမ်းဆောင် ခဲဖူးသူ တစ်ဦး ကပြောသည်။
ပေါက်ကွဲ မှု ဖြစ်ပွား ခဲ့သည့် လက်နက် တိုက် အား နေပြည်တော် နှင့် မန္တလေး တိုင်း မှ တာဝန်ရှိသူများကသွားရောက် စစ်ဆေးရာ ဖောက်ခွဲဖျက်ဆီး ခံရခြင်း ဟု သတင်းရရှိသည်။
ထို လက်နက် တိုက် သည် ၁၉၇၈ ခုနှစ် တွင် ဗိုလ်မှုးချုပ် အယ်(လ)ခွန် ဖန် လက်ထက်ဉ် စတင်တည်ဆောက်ခဲ့ခြင်း ဖြစ်သည်။
ဧရာဝတီ မှ......
ဦးတေဇ၏ သားအကြီး ပြည့်ဖြိုးတေဇက သူ့အပေါ် ဥရောပသမဂ္ဂ၏ ဒဏ်ခတ် ပိတ်ဆို့ထားမှုကို ဖယ်ရှားပေးရန် တရားရုံးသို့ ဦးတိုက် လျှောက်ထား ခဲ့သော်လည်း ပယ်ချခံခဲ့ရကြောင်း သိရသည်။
စစ်အစိုးရနှင့် နီးစပ်သည့် စီးပွားရေး လုပ်ငန်းရှင်ကြီး၏ သားက လျှောက်ထားလာမှုကို တရားရုံးက မေလ ၁၉ ရက်နေ့တွင် ပယ်ချခဲ့ပြီး တရာရုံး ကုန်ကျစရိတ်ကို ဥရောပသမဂ္ဂ ကောင်စီသို့ ပေးချေရန် အမိန့်ချမှတ်လိုက်ကြောင်း သတင်းရရှိသည်။
ပြည့်ဖြိုးတေဇက သူသည် စစ်အစိုးရအဖွဲ့ဝင် မဟုတ်သကဲ့သို့ စစ်အစိုးရနှင့်လည်း ဆက်စပ်မှု မရှိကြောင်း၊ အစိုးရ စီမံအုပ်ချုပ်ရေး ယန္တရားမှလည်း မည်သည့် အကျိုးကျေးဇူးမျှ မရရှိကြောင်း ခုခံချေပ လျှောက်ထားခဲ့သည်။
လန်ဒန် အခြေစိုက် ဥပဒေအကျိုးဆောင် ကာတာ ရပ်က် (Carter-Ruck) အဖွဲ့မှ ရှေ့နေများက “ဦးတိုက်လျှောက်ထားသူ ပြည့်ဖြိုးတေဇ သို့မဟုတ် သူ၏ဖခင်သည် စစ်အစိုးရထံမှ မည်သည့် အကျိုးကျေးဇူးကိုမျှ မရရှိပါ” ဟု အခိုင်အမာ တင်ပြခဲ့ကြသည်။
သို့သာ် ဦးတေဇသည် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ အပါအ၀င် စစ်အစိုးရနှင့် နီးစပ်မှုကို အခြေခံ၍ ဒေါ်လာသန်း ထောင်ပေါင်းများစွာရှိသည့် စီးပွားရေးအင်ပါယာကြီးကို တည်ထောင်ထားသော စွယ်စုံ စီးပွားရေး လုပ်ငန်းရှင်ကြီးအဖြစ် လူသိများနေသူဖြစ်သည်။
အမှု၌ အားမပါလှသော ခုခံ ပြောဆိုချက်တခုတွင် ပြည့်ဖြိုးတေဇ၏ ရှေ့နေများက “စစ်အစိုးရနှင့် ကျေးဇူးခံကျေးဇူးစားရှိနေသည်ဟု ဥရောပသမဂ္ဂ ကောင်စီက သတ်မှတ်ထားသော ပုဂ္ဂိုလ်တယောက်၏ သားဖြစ်နေခြင်းသည် စစ်အစိုးရနှင့် ချိတ်ဆက်နေသည်ဟု မဆိုလို” ဟု ခုခံလျှောက်ထားခဲ့သည်။
ထို့အတူ ပြည့်ဖြိုးတေဇသည် စင်ကာပူရှိ ဖခင်၏ ကုမ္ပဏီ ၂ ခုတွင် အစုရှယ်ယာများကို ၂ နှစ်ကြာ ပိုင်ဆိုင်ခဲ့ဖူးသည်။ သို့သော် မြန်မာစစ်အစိုးရနှင့် ဆက်စပ်မှု ရှိကောင်းရှိနိုင်သည့် သူ့ဖခင်၏ ကုမ္ပဏီမှ အခွင့်ထူးများ ရခဲ့ကြောင်း ပြသနိုင်ခြင်း မရှိဟု ပြည့်ဖြိုးတေဇက အခိုင်အမာဆိုသည်။
ထိုသို့ ဦးတေဇ သို့မဟုတ် သားဖြစ်သူ ပြည့်ဖြိုးတေဇတို့က စစ်အစိုးရထံမှ အကျိုးအမြတ် မရဟူသောအချက်ကို တရားလို ရှေ့နေများက ခုခံချေပခဲ့သည်။
“ထိပ်တန်း စီးပွားရေးသမားများ၏ မိသားစုဝင်များ အနေဖြင့် စီးပွားရေးလုပ်ငန်းများမှ ရရှိသော အကျိုးကျေးဇူးများကို ခံစားနေသည်ဟု မှတ်ယူနိုင်သည်။ ထို့ကြောင့် အစိုးရ၏ စီးပွားရေးမူဝါဒမှ စီးပွားရေးလုပ်ငန်းရှင်များ၏ မိသားစုဝင်များလည်း အကျိုးကျေးဇူးခံစားနေရသည်ဟူသော အချက်ကို ခုခံကာကွယ်ရန် အကြောင်းမရှိ” ဟု တရားလို ရှေ့နေများက ပြန်လည် ချေပခဲ့သည်။
ပြည့်ဖြိုးတေဇက ဥရောပသမဂ္ဂ၏ ပြစ်ဒဏ်ချမှတ်မှုကို ဖယ်ရှားပစ်ရန် အားထုတ်မှုသည် ဦးတေဇအတွက် ဒဏ်ခတ်အရေးယူမှုကို ရှောင်းကွင်းစရာ နည်းလမ်းတခု ဖြစ်လာနိုင်၍ ဥရောပသမဂ္ဂ ကောင်စီက စိုးရိမ်မှုရှိကြောင်း သိရသည်။
“လျှောက်ထားလာသူသည် အဘယ်ကြောင့် သူ့အပေါ် ကန့်သတ်ချက်များ အထူးထားရှိသည်ကို သိပြီးဖြစ်သည်။ လျှောက်လွှာ အပိုဒ် ၃၇ တွင် ဖော်ပြချက်အရ ဖခင်ဖြစ်သူ ပိုင်ဆိုင်သော ငွေများကို တခြားမိသားစုများထံ လွှဲပြောင်းပေးခြင်းဖြင့် နောက်ကွယ်မှ ထိန်းချုပ်နိုင်သည့် အန္တရာယ်ကို တွေ့ရသည်” ဟု ဥရောပသမဂ္ဂ ကောင်စီက ဆိုသည်။
ပြည့်ဖြိုးတေဇက “သူသည် အမျိုးသား ပြန်လည်ရင်ကြားစေ့ရေး လုပ်ငန်းစဉ်အပေါ်တွင် စိတ်ပျက်မှု မရှိသကဲ့သို့ မြန်မာနိုင်ငံ၏ လူ့အခွင့်အရေး သို့မဟုတ် ဒီမိုကရေစီ ဖော်ဆောင်ရေးကိုလည်း လေးစားပါကြောင်း” နှင့် စစ်အစိုးရနှင့် နိုင်ငံရေးတွင်လည်း ပါဝင်ပတ်သက်ခြင်း မရှိကြောင်း ကောင်စီသို့ ထပ်လောင်း လျှောက်ထားခဲ့သည်။
ပြည့်ဖြိုးတေဇ၏ ညီဖြစ်သူ ထက်တေဇသည် စစ်အစိုးရအပေါ် အမေရိကန်အစိုးရ၏ ပြစ်ဒဏ်ခတ် အရေးယူမှု နှင့် ပတ်သက်၍ ၂၀၀၇ ခုနှစ်တွင် ရိုင်းပျသော အီးမေးလ်တစောင်ဖြင့် မထီမဲ့မြင်ပြုခဲ့သည်ဟု သိရသည်။
အီးမေးလ်ထဲတွင် “အမေရိကန်က ငါတို့ကို တားမြစ်ပိတ်ပင် ထားပါစေ။ ငါတို့က စင်ကာပူမှာ အေးအေးဆေးဆေးပဲ။ ငါတို့က မြန်မာတပြည်လုံးရဲ့ GDP (စုစုပေါင်း ပြည်တွင်း ထုတ်ကုန်) ပေါ်မှာ ထိုင်နေတာ။ ငါတို့မှာ စင်ကာပူတို့၊ တရုတ်တို့၊ ရုရှတို့လို နိုင်ငံမျိုးတွေကို ရောင်းဖို့ သစ်တွေ၊ ကျောက်တွေ၊ ဓာတ်ငွေ့တွေ ရှိတယ်” ဟု ရေးထားသည်။
ပြည့်ဖြိုးတေဇက မြန်မာနေရှင်လိဂ်တွင် ဝင်ရောက် ယှဉ်ပြိုင်နေသော ဦးတေဇပိုင် ရန်ကုန်ယူနိုက်တက် ဘောလုံးအသင်းတွင် ဥက္ကဋ္ဌအဖြစ် တာဝန်ယူထားသည်။
ဦးတေဇသည် သား ၂ ယောက်ဖြစ်သူ ပြည့်ဖြိုးတေဇနှင့် ထက်တေဇတို့ ၂ ဦး ကျောင်းတက်ခဲ့သော စင်ကာပူနိုင်ငံသို့ စီးပွားရေးကိစ္စများဖြင့် မကြာခဏ ခရီးသွားလေ့ရှိသည်။
စင်ကာပူနိုင်ငံ၏ ဘဏ်ကြီးနှစ်ခုဖြစ်သော OCBC နှင့် DBS တို့က ရတနာဓာတ်ငွေ့ပိုက်လိုင်း စီမံကိန်းမှ ရရှိသော ဒေါ်လာ သန်းထောင်ပေါင်းများစွာကို သိမ်းဆည်း ပေးထားသည် ဟူသော အချက်ကို ငြင်းဆန်ထားကြသည်။
“ဒီအမှုနဲ့ ရုံးတော်ရဲ့ ဆုံးဖြတ်ချက်က ဘာကိုပြနေသလဲဆိုတော့ ပိုပြီးအားကောင်းတဲ့၊ အတိအကျ ပစ်မှတ်ထားတဲ့ ပြစ်ဒဏ်ခတ် အရေးယူမှုတွေက သက်ရောက်မှု ရှိနိုင်တယ်ဆိုတာကို ပြနေတာပဲ” ဟု Burma Campaign UK မှ မာ့က် ဖာမန်နာက ဆိုခဲ့သည်။
သို့သော် တဆက်တည်းတွင် ပြုပြင်ပြောင်းလဲရေး လမ်းကြောင်းကို ဦးတည်စေသော မက်လုံးနှင့် စည်းရုံးသည့် နည်းကိုလည်း သုံးသင့်သည်ဟု ဖာမန်နာက ဆက်လက်ပြောသည်။
မြန်မာစစ်အစိုးရအပေါ် ဒဏ်ခတ်ပိတ်ဆို့ထားခြင်းကို သက်တမ်းတနှစ် ထပ်မံတိုးလိုက်ကြောင်း ပြီးခဲ့သည့် ဧပြီလတွင် ဥရောပသမဂ္ဂက ကြေညာခဲ့သည်။ သက်တမ်းတိုးကြောင်း ကြေညာရာတွင် ၂၀၁၀ ရွေးကောက်ပွဲ ဥပဒေသည် လွတ်လပ်ပြီး တရားမျှတသည့် ရွေးကောက်ပွဲ ဖြစ်မြောက်ရန် ရေးဆွဲထားခြင်းမဟုတ်ဟု ဖော်ပြခဲ့သည်။
ထိုသို့ အရေးယူ ဆောင်ရွက်မှုများသည် တချို့နေရာများတွင် အသေအချာ ပစ်မှတ်ထား ဆောင်ရွက်နိုင်သော်လည်း အားပျော့နေသေးကြောင်း၊ မလုံလောက်သေးကြောင်း ဝေဖန်မှုများ ရှိနေသည်ဟု သိရသည်။
တချို့ကမူ ပြစ်ဒဏ်ခတ်မှုသည် စစ်အစိုးရကို ပြုပြင်ပြောင်းလဲမှုများဆီသို့ မတွန်းပို့နိုင်သဖြင့် “ဆွေးနွေးညှိနှိုင်းမှု” နည်းလမ်းအသစ်ဖြင့် ဆောင်ရွက်ရန် လိုအပ်သည်ဟု ပြောဆိုနေကြကြောင်းလည်း သိရသည်။
ဒဏ်ခတ်အရေးယူမှုမှာ ပြဿနာမဟုတ်ကြောင်း၊ သို့ရာတွင် တရုတ်၊ အိန္ဒိယ၊ ထိုင်း၊ စင်ကာပူ နှင့် မလေးရှား ကဲ့သို့သော စစ်အစိုးရအား နိုင်ငံရေးနှင့် စီးပွားရေးအရ ကူညီထောက်ပံ့ပေးနေသည့် အစိုးရများ၊ စီးပွားရေးလုပ်ငန်းများ ကြောင့်သာလျှင် ဒဏ်ခတ်အရေးယူမှုမှာ အားနည်းနေရခြင်းဖြစ်ကြောင်း သုံးသပ်သူများလည်း ရှိသည်။
ဥရောပသမဂ္ဂသည် ပိတ်ဆို့ ဒဏ်ခတ်မှုကို ၁၉၉၆ ခုနှစ်က အစပြုခဲ့ခြင်း ဖြစ်ပြီး နှစ်စဉ် သက်တမ်းတိုးလေ့ ရှိသည်။
ဥရောပသမဂ္ဂ၏ ပိတ်ဆို့ အရေးယူမှုသည် စစ်ဗိုလ်ချုပ်များ၏ ခရီးသွားလာမှု ပိတ်ပင်ခြင်း၊ လက်နက်ရောင်းချမှု ပိတ်ပင်ခြင်း၊ သံတမန် ဆက်သွယ်ရေး ကန့်သတ်ခြင်း၊ နိုင်ငံခြားဘဏ် စာရင်း ပိတ်ဆို့ခြင်း၊ လူသားချင်း စာနာမှု ဆိုင်ရာ အကူအညီများ မဟုတ်သည့် အထောက် အပံ့များကို ဆိုင်းငံ့ခြင်း စသည်တို့ ပါဝင်သည်။
VOA သတင်းမှ...........
မြန်မာနိုင်ငံတွင်း တိုင်းရင်းသား လူနည်းစု အရပ်သားတွေ အပေါ်မှာ စစ်တပ်က ပစ်မှတ်ထား တိုက်ခိုက်မှုတွေ ဆက်ရှိနေတုန်းပဲလို့ ဗြိတိန်နိုင်ငံက ကုလသမဂ္ဂ လုံခြုံရေးကောင်စီကို တင်ပြခဲ့ပါတယ်။ ကမ္ဘာအရပ်ရပ်က ဒုက္ခသည်တွေ ပြဿနာနဲ့ လူတွေ ဆင်းရဲဒုက္ခ ရောက်မှုကို အကာအကွယ် ပေးနိုင်ဖို့ အကောင်းဆုံးနည်းဟာ အရပ်သားတွေကို အကာအကွယ် ပေးသွားဖို့ ဖြစ်တယ်လို့လည်း ဗြိတိန်နိုင်ငံက ပြောခဲ့ပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။
မနေ့က ကျင်းပတဲ့ ကုလသမဂ္ဂ လုံခြုံရေးကောင်စီရဲ့ စစ်ပွဲနဲ့ ပဋိပက္ခတွေအတွင်း အရပ်သားတွေအပေါ် အကာအကွယ်ပေးမှု ဆိုင်ရာ ဆွေးနွေးပွဲ အတွင်းမှာ ဗြိတိန်နိုင်ငံက မြန်မာနိုင်ငံ အရေးကိုလည်း ထည့်သွင်း တင်ပြခဲ့တာ ဖြစ်ပါတယ်။ စစ်ပွဲတွေနဲ့ ပဋိပက္ခတွေကြောင့် မိမိတိုင်းပြည် အတွင်းမှာပဲ ရွာပုန်းရွာရှောင် ထွက်ပြေးနေရတဲ့ အရေအတွက်ဟာ ပိုပြီး များလာတဲ့အပေါ်မှာ စိုးရိမ်မိတယ်လို့ ကုလသမဂ္ဂဆိုင်ရာ ဗြိတိသျှနိုင်ငံ ဒုတိယ အမြဲတမ်း ကိုယ်စားလှယ် ဖိလစ် ပါဟမ်း (Phillip Parham) က လုံခြုံရေးကောင်စီကို တင်ပြခဲ့ပါတယ်။
၂၀၀၉ ခုနှစ် အတွင်းမှာပဲ တကမ္ဘာလုံး IDP အရေအတွက်ဟာ ၂၇ သန်းအထိ တိုးများလာတယ်လို့လည်း ထောက်ပြပါတယ်။ ဒီအခြေအနေမှာ မြန်မာနိုင်ငံကို ဥပမာပြပြီး အခုလို ဒုက္ခသည်တွေ လျော့ပါးသွားဖို့ရာ အရပ်သားတွေကို ထိထိရောက်ရောက် အကာအကွယ်ပေးနိုင်ဖို့ လိုမယ်လို့ ဗြိတိသျှ ကိုယ်စားလှယ်က ပြောပါတယ်။
“ဒါဟာ အတော်လေးကို စိုးရိမ်ရတဲ့ ပြဿနာပါ။ ဥပမာ မြန်မာနိုင်ငံကို ကြည့်ပါ။ မြန်မာနိုင်ငံနဲ့ ပတ်သက်လို့ အမျိုးသား ပြန်လည်သင့်မြတ်ရေး လုပ်ငန်းတွေ တိုးတက်မှု မရှိတဲ့ အပေါ်မှာ ဗြိတိန်အနေနဲ့ အင်မတန် စိုးရိမ်ပူပန်မိပါတယ်။ မြန်မာစစ်အစိုးရဟာ အရပ်သားတွေ၊ အထူးသဖြင့်ဆိုရင် တိုင်းရင်းသား လူနည်းစု ဒေသမှာရှိတဲ့ ပြည်သူတွေကို ပစ်မှတ်ထား တိုက်ခိုက်တာတွေ လုပ်နေတုန်းပါပဲ။
“အမျိုးသမီးတွေအပေါ် လိင်ပိုင်းဆိုင်ရာ စော်ကားမှုတွေဟာ စိုးရိမ်စရာ အခြေအနေမှာ ရှိနေတုန်းပါပဲ။ စစ်တပ်အတွက် ကလေးစစ်သားတွေ စုဆောင်းတာ၊ အတင်းအဓမ္မ လုပ်အားပေး ခိုင်းတာတွေ ရှိနေတုန်းပါ။ ရွှေ့ပြောင်းဒုက္ခသည်တွေနဲ့ ဆင်းရဲဒုက္ခ ရောက်မှုတွေကို အကာအကွယ် ပေးနိုင်မယ့် အကောင်းဆုံး နည်းလမ်းကတော့ ဘယ်သူ့ကိုမဆို၊ ဘယ်မှာမဆို၊ အရပ်သားတွေကို အကာအကွယ် ပေးသွားဖို့ပဲ ဖြစ်ပါတယ်။”
ကုလသမဂ္ဂဆိုင်ရာ ဗြိတိသျှနိုင်ငံ ဒုတိယ အမြဲတမ်း ကိုယ်စားလှယ် ဖိလစ် ပါဟမ်း ပြောပြသွားတာ ဖြစ်ပါတယ်။
မနေ့ကလုပ်တဲ့ ကုလသမဂ္ဂ လုံခြုံရေးကောင်စီမှာ တကမ္ဘာလုံးမှာ ဖြစ်နေတဲ့ စစ်ပွဲတွေနဲ့ ပဋိပက္ခတွေအတွင်း အရပ်သားတွေအပေါ် ပစ်မှတ်ထား အကြမ်းဖက်မှုတွေကိစ္စ ဘယ်လို ဖြေရှင်း ကိုင်တွယ်ကြမလဲဆိုတာ ဆွေးနွေးခဲ့ကြတဲ့ပွဲ ဖြစ်ပါတယ်။ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကိုယ်တိုင် တတ်ရောက်ခဲ့သလို လူ့အခွင့်အရေးဆိုင်ရာ ကုလသမဂ္ဂ မဟာမင်းကြီး နာဗီ ပီလေး (Navi Pillay) နဲ့ ကုလသမဂ္ဂ လူသားချင်း စာနာကူညီမှုရုံး အကြီးအကဲ မစ္စတာ ဂျွန်ဟုမ်း (John Holmes) တို့လည်း တက်ရောက် ဆွေးနွေးခဲ့ပါတယ်။
ကမ္ဘာအနှံ့ ဖြစ်နေတဲ့ လူ့အခွင့်အရေး ချိုးဖောက်မှုတွေကို လုံခြုံရေးကောင်စီက စုံစမ်းစစ်ဆေးနိုင်ဖို့ လုပ်ငန်း ဒါမှမဟုတ် စနစ်တခုကို ကုလသမဂ္ဂ ဖွဲ့စည်းမှုထဲမှာ ထားရှိဖို့ မစ္စတာဟုမ်းက အကြံပြုခဲ့ပါတယ်။ မစ်စ် ပီလေးကတော့ စစ်ပွဲတွေနဲ့ ပဋိပက္ခတွေအတွင်း အရပ်သားတွေကို အကာအကွယ်ပေးနိုင်ဖို့ ဆိုရင် ကျူးလွန်သူတွေကို ဖော်ထုတ် အရေးယူတာမျိုးဟာ အရေးကြီးတယ်လို့ ထောက်ပြပါတယ်။ ဒါကြောင့် အရပ်သားတွေ အကာအကွယ်ပေးနိုင်ဖို့ လုံခြုံရေးကောင်စီ အနေနဲ့ လူ့အခွင့်အရေး ချိုးဖောက်မှုတွေကို တိုက်ရိုက် စုံစမ်းစစ်ဆေးနိုင်မယ့် ကော်မရှင်တွေ ထားရှိဖို့ ကိစ္စကို မစ်စ် ပီလေးကလည်း သဘောတူခဲ့ပါတယ်။
တဘက်မှာလည်း အခုလို လူသားမျိုးနွယ်စုအပေါ် ကျူးလွန်တဲ့ ရာဇ၀တ်မှုတွေကို ကနဦး စုံစမ်းစစ်ဆေး အရေးယူ ကိုင်တွယ်ဖို့ရာ နိုင်ငံတွေမှာ အဓိက တာဝန်ရှိတယ်လို့လည်း ထောက်ပြပါတယ်။ ဒါကြောင့် နိုင်ငံအချို့က အရပ်သားတွေအပေါ် ကျူးလွန်ကြတဲ့ စစ်ရာဇ၀တ်မှုတွေကို မိမိဘာသာ စုံစမ်းရေး ကော်မရှင်တွေ ဖွဲ့ပြီး ကိုင်တွယ်တာကိုလည်း မစ်စ် ပီလေးက ချီးကျူးခဲ့ပါတယ်။
ဒီဆွေးနွေးပွဲမှာ အများစု ဆွေးနွေးကြတာကတော့ သီရိလင်္ကာ၊ ကွန်ဂို အခြေအနေတွေ များပါတယ်။ မြန်မာကိစ္စကိုတော့ ဗြိတိသျှ ကိုယ်စားလှယ်ကပဲ ဥပမာပေး ပြောခဲ့ပါတယ်။ မြန်မာနိုင်ငံတွင်း အခုလို လူသားမျိုးနွယ်တွေအပေါ် ကျူးလွန်တဲ့ ရာဇ၀တ်မှုတွေ၊ အရပ်သား ပြည်သူတွေအပေါ် အကြမ်းဖက်မှုတွေကို စုံစမ်းစစ်ဆေးရေး ကော်မရှင်တရပ် ဖွဲ့ဖို့ လုံခြုံရေးကောင်စီကို မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနား (Mr. Quintana) က အစီရင်ခံစာထဲမှာ ထည့်သွင်း အကြံပြုထားပါတယ်။ ဒီအကြံပြုချက်ကိုတော့ ဗြိတိန်၊ သြစတြေးလျ၊ ချက်၊ စလိုဗက်ကီးယား နိုင်ငံတို့က ထောက်ခံထားပြီး အမေရိကန် ပြည်ထောင်စု ဘက်ကတော့ ထည့်သွင်း စဉ်းစားနေတုန်းလို့ သိရပါတယ်။
ကေအိုင်စီ မှ..
M.ထက်ခေါင်
(၁)
အမြဲလိုလို တစ်ဆို့ဆို့ဖြင့် အသက်ရှူမ၀၊ မောနေတတ်သော ကျနော့်ကျန်းမာရေးအခြေအနေမှာ ယခုရက်ပိုင်းအတွင်း အတော် ပင် တိုးတက် ကောင်းမွန်လာသည်။ အင်ဟေလာ (အသက်ရှူဗူး) အကူအညီမပါပဲ ရက်အတန်ကြာ ကောင်းမွန်စွာ အသက်ရှူ နေထိုင်နိုင်လာသည်။ လေကို ရှူရှိုက်ရသည့်မှာလည်း သန့်ရှင်းလတ်ဆတ်နေကာ စိတ်နှလုံးကို ကြည်လင်လန်းဆန်းစေလေ သည်။ ကေအဲန်ယူ၏ ကျက်သရေပြည့်ဝသော အောင်ပွဲရတိုက်ပွဲသတင်းများကို နေ့စဉ်ရက်ဆက်ဆိုသလို ကြားလာရ၍ ဖြစ်၏။
စိတ်ထဲမှာ အလွန်ပင် လှိုက်လှိုက်လှဲလှဲ နှစ်ထောင်းအားရ ဖြစ်ရသည်။ တိုက်ပွဲဝင်ရဲဘော်များကိုလည်း ပြည်သူတရပ်လုံးကိုယ် စား အထူးပင် ကျေးဇူးတင်ရသည်။ နှစ်ကာလ ကြာမြင့်စွာကပင် မျှော်မှန်းတောင့်တခဲ့သော သေနတ်သံများကို ကြားလိုက်ရ သည့် ပြည်သူတို့အနေဖြင့်လည်း ၎င်းတို့မုန်းတီးနာကျည်းနေသည့် စစ်ဓားပြအုပ်စုအား ပညာပေးတိုက်ပွဲများ ဆင်နွှဲလာသည့် တော်လှန်ရေးသမားတို့ကို ၀မ်းပန်းတသာ နွေးထွေးလှိုက်လှဲစွာ ကြိုဆိုကြ ဖြစ်လေသည်။
ရန်သူသည် မိမိနယ်မြေတ၀ှမ်း လူထုအပေါ် စိုးမိုးဖိစီးကာ မိမိနယ်မြေတွင်း မြေပေါ်မြေအောက် သယံဇာတများကို တစိမ့်စိမ့် ထုတ်ယူနေသည်မှာ နှစ်ပရိစ္ဆေဒ အတန်ပင် ကြာခဲ့ချေပြီ။ မိမိတို့ နယ်မြေများကို တစထက်တစ အင်အားသုံး ကျူးကျော် သိမ်း ပိုက်လာခဲ့သည့်အဖြစ်အား ဒေသခံလူထုတရပ်လုံး ကြိတ်မှိတ် ခါးစည်းခံခဲ့ကြရသည်။
ရန်သူ၏ ဖိနှိပ်မှုကို တနှစ်ထက်တနှစ် တိုး၍တိုး၍ ကြုံလာခဲ့ရသော ဒေသခံ ပြည်သူများအနေဖြင့် တော်လှန်ရေးအဖွဲ့အစည်း အပေါ် အားကိုးလိုစိတ်များ တဖြည်းဖြည်း လျော့ပါးလာခဲ့သည်ကို အပြစ်ဆိုဖွယ်မရှိ။ လက်နက်ကြီးဖြင့် အဝေးမှ ပစ်ခတ်ထုချေ ပြီးမှ တက်လာရဲသော ရန်သူ့ ထိုးစစ်များကို ရပ်ရွာလူထုထိခိုက်နစ်နာမည်စိုး၍ ဘေးလွတ်ရာ ရှောင်တိမ်းခိုင်းကာ မိမိတို့ကိုယ် တိုင်လည်း ရန်သူသိမ်းပိုက်ပြီးခါမှ ရံဖန်ရံခါ ပြောက်ကျားပြန်လည် ပစ်ခတ်သောနည်းများသာ သုံးလာခဲ့ကြသည်။
ထိုနည်းကို ကြုံခဲ့ရပေါင်းများပြီးဖြစ်သော ရန်သူမှာ အနည်းငယ်မျှပင် မဖြုံတော့။ ပြောက်ကျားအဖွဲ့ကလေးများ လာရောက်ပစ် ခတ်သည်ကို ခံကြရပြီးတိုင်း ကျေးရွာလူထုကို ပြဿနာရှာတတ်သည်။ စစ်ကြောမေးမြန်းနှိပ်စက် သတ်ဖြတ်တတ်သည်။ ၎င်း တို့ဆုံးရှုံးခဲ့ရသည့် အသက်များ လက်နက်ခဲယမ်းများအတွက် လူထုထံက လျော်ကြေးတောင်းတတ်သည်။ ထို့ကြောင့် လူထုနစ် နာထိခိုက်မည်ကို မလိုလားသော ပြောက်ကျားသမားများအနေဖြင့် ရွာများအနီး ရန်သူနှင့် တိုက်ပွဲဖြစ်မည့်ကိစ္စကို အတော်ပင် ဆင်ခြင်ရသည်။ ရန်သူက ကျူးကျော်လွန်းမက ကျူးကျော်လာမှသာ ပစ်ခတ်တတ်ကြသည်။
ရန်သူ၏ နှိပ်စက်ဖိစီးမှုကို တနေ့တခြား ကြုံလာရသည့် လူထုအနေဖြင့် မကြာမီမှာပင် ရန်သူ့ထံ ပြည်သူ့စစ်များအဖြစ် ဒူး ထောက်လျှိုဝင်ရတော့မည့် အခြေအနေရှိလာသည်။ ရန်သူသည် အပစ်အရပ်အဖွဲ့များအား ချုပ်ကိုင်အသုံးချနိုင်မည့် နယ်ခြား စောင့်တပ်ဖွဲ့စည်းရေး ဖိအားပေး စိုင်းပြင်းလာကာ တော်လှန်ရေးအဖွဲ့အစည်းများကိုလည်း အပြတ်ချေမှုန်းရန် ထိုးစစ်ကြီး ဆင် လာခဲ့ပြန်သည်။
ယခုစစ်မှာ ရန်သူ၏ ထိုးစစ်ကို ရိုက်ချိုး ရုံမျှသာမဟုတ်၊ ရန်သူကို အမြစ်မကျန်ဖြိုလှဲရန် အားထုတ်လိုက်သည့် တိုက်စစ်ဆင် ထိုးနှက်ရေး စစ်ပွဲ ဖြစ်သည်။ ရန်သူ့စစ်ကြောင်းမလာမီ ရိက္ခာသယ်ပို့လာသော ထော်လာဂျီများကို စီးနင်းသိမ်းပိုက်လိုက်ကာ ရန်သူ့အစီအစဉ်များကို ကမောက်ကမ ဖြစ်စေခဲ့သည်။ ရန်သူတို့ တက်လာသည့်ကားတန်းကို ကြို၍စောင့်ဆိုင်းကာ ပစ်ခတ် လိုက်သောကြောင့် ရန်သူများ ဆယ့်လေးငါးယောက်သေပြီး နှစ်ဆယ်ကျော် ဒဏ်ရာတွေ ရခဲ့သည်။ ရှောင်တခင်တိုက်ပွဲ၊ ၆နာ ရီကျော်ကြာတိုက်ပွဲ၊ ချုံခိုတိုက်ပွဲတို့ဖြင့် ရန်သူတွေကို အထိနာစေခဲ့သည်မှာ အလွန်ပင် အားရဖွယ်ကောင်းသော သတင်းများ ဖြစ်သည်။
(၂)
စစ်အုပ်စု၏ မကောင်းကြောင်းတွေကတော့ ပြောမဆုံးပေါင် တောသုံးထောင်ပင် ဖြစ်၏။ လူထုဆန္ဒဖြင့် ရွေးကောက်ထား ခြင်းခံရသည့် ကိုယ်စားလှယ် မဟုတ်သူများပီပီ ၎င်းတို့သည် လူထုအပေါ် စေတနာမရှိ။ တိုင်းပြည်ကို ချုပ်ကိုင်ထားသော အစိုး ရတရပ်အနေဖြင့် လူထုအကျိုးအတွက် ဘာတခုမျှ မဆောင်ရွက်ပေးဘဲ လူထုကို ဖွတ်သထက်ညစ်သည့် ဘ၀ဆိုးသို့ တွန်းပို့ခဲ့ ကြသည်။ ကျန်းမာရေး၊ ပညာရေး၊ ဘာသာရေး၊ လူမှုရေး၊ ကိစ္စအ၀ ဘာတခုမျှတာဝန်ယူ ဆောင်ရွက်မပေးပဲ၊ လူထုကို ချွတ်ခြုံ ကျအောင် ပြုလုပ်ပြီး ပြည်ပသို့ သဘာဝဓါတ်ငွေ့နှင့် စွမ်းအင်များ ရောင်းစားကာ ပြည်တွင်းလူထုအား ရေ မီး မလောက်င မပြည့်စုံမှုများကို ဖြစ်စေခဲ့သည်။ ပြည်တွင်း၌ အခမဲ့ကုသိုလ်ဖြစ် ဆေးရုံများ၊ ကျောင်းများကို အစိုးရတရပ်အနေဖြင့် ထူထောင် ဖွင့်လှစ်မှုမရှိတော့ဘဲ ဓနရှင်ကျောင်းများ၊ အရင်းရှင်ဆေးရုံများ၊ အဿပြာဆရာဝန်များ၊ အဿပြာဆရာမများကို မွေးထုတ်ခဲ့ သည်။ ငွေကြေးမတတ်နိုင်သော တောသူတောင်သားများ လက်လုပ်လက်စားရပ်သူရွာသားများမှာ အခက်တွေ့ကြရသည်။ မတရားသဖြင့် ချမ်းသာသူတွေက ပို၍ချမ်းသာလာကာ ဆင်းရဲသူတွေမှာတော့ ပို၍ ချွတ်ခြုံကျကြရသည်။ တောင်သူလယ်သ မားများ၏ လယ်မြေများကို တာတမံဆောက်၊ လမ်းဖောက်၊ တပ်စခန်းဝင်း၊ တပိုင်မြေ စသည်တို့အတွက် သိမ်းယူကာ ဘ၀ ပျက်အောင် လုပ်ခဲ့ကြသည်။ တိုင်းပြည်တွင်း ပြည့်တန်ဆာ၊ သူတောင်းစားနှင့် ကလေကချေများ ပို၍ များလာသည်။ သူတော် ချင်းချင်း သတင်းလွေ့လွေ့ ပေါင်းဖက်တွေ့ကြသည့်အတိုင်း မြောက်ကိုးရီးယားလို စိတ်စေတနာဆိုးယုတ်သူများနှင့် ပေါင်းကာ နျူးကလီးယားလက်နက် ထုတ်လုပ်နိုင်ရေး စိုင်းပြင်းနေမှုများမှာလည်း ဗူးပေါ်သလို ပေါ်လာခဲ့သည်။
စစ်အုပ်စုသည် လူထုကောင်းကျိုးဘာမျှမလုပ်ဘဲ ၎င်းတို့ ဆက်လက်၍ ဗိုလ်ကျစိုးမိုးနိုင်ရေး စစ်ရေးပြင်ဆင်မှုများ၊ ဗမာပြည် သူလူထုကို နျူကလီးယားလက်နက်ဖြင့် မီးလောင်တိုက်သွင်းပြီး ၎င်းတို့ကတော့ ရိက္ခာအပြည့်အစုံနှင့် ဘေးလွတ်ရာ မြေကျင်း အောင်း ဇိမ်ယူမည့် စီမံချက်များ၊ မြောက်ကိုးရီးယားမှ မီစိုင်းဒုံးလက်နက်များဖြင့် တိုင်းရင်းသားတို့အပေါ် လူမျိုးတုန်းစစ်ဆင်ရန် ခြိမ်းခြောက်ပြင်ဆင်မှုများ လုပ်လျက်ရှိသည်။ ထိုပြင်ဆင်မှုများကို ဂရုမထားဘဲ လူထုရန်သူ စစ်အုပ်စု၏ မိမိနယ်မြေတွင်း စစ် ရေးအစီအစဉ် ကိုဦးချိုးလိုက်သည့် တိုက်ပွဲခေါ်သံများမှာ သုတိသာယာ မင်္ဂလာအပေါင်းပြည့်ဝ ခညောင်းလျက်နေပေသည်။
(၃)
၁၉၉၀ပြည့် ရွေးကောက်ပွဲရလဒ်ကို အဓမ္မဖျက်သိမ်း၊ ငြင်းပယ်ခဲ့သည့် စစ်အုပ်စုအား လာမည့်ရွေးကောက်ပွဲတွင်လည်း တရား မျှတစွာ တည်ကြည်လေးနက် သိက္ခာရှိစွာ လုပ်ဆောင်လိမ့်မည်ဟု မည်သည့်အမျိုးသားကောင်းသားကမျှ ယုံကြည်နိုင်မည် မ ဟုတ်ချေ။ ကြံ့ဖွံ့ကို လူမှုရေးအသင်းအဖွဲ့အဖြစ် ဖွဲ့စည်းခဲ့ပြီးနောက် ယခုတော့ ဇွတ်အတင်းပင် နိုင်ငံရေးပါတီအဖြစ် အသွင် ပြောင်းကာ ရွေးကောက်ပွဲတွင် ၎င်းတို့ချည်းကြီးစိုးရန် မျက်နှာပြောင်စွာ လုပ်ဆောင်လာသည်ကိုလည်း တွေ့မြင်ကြရပြီ ဖြစ်၏။ ကြံ့ဖွံပါတီ၌ ပါတီဝင်အင်အား သန်း၂၀ကျော်ရှိကြောင်းလည်း ကြေညာထားပြီး မဲဆွယ်စည်းရုံးမှုများကို ထုံးစံအတိုင်း မသမာမှု မျိုးစုံ သုံးလျက် လုပ်ဆောင်နေ၏။
ပါလီမန်တွင် စစ်ဗိုလ်တမတ်သား ပါရုံမျှမက၊ ကြံ့ဖွံနှင့် အခြားအမည်မဖော်ပြလိုကြသော စစ်အုပ်စု လက်ကိုင်တုတ်ပါတီများက ရွေးကောက်ပွဲတွင် အမတ်နေရာများစွာဖြင့် လွှတ်တော်ကို အပိုင်စီးနိုင်ကြပြီး၊ အချိန်မရွေးစစ်တပ်က အာဏာသိမ်းနိုင်ခွင့်၊ စစ် ရေးအတွေ့အကြုံရှိသူသာ သမတဖြစ်နိုင်ခွင့်၊ စသည့် မည်သည့်နိုင်ငံတွင်မျှ မကျင့်သုံးသော ဥပဒေများကို ဦးထိပ်ထားလျက် ဆောင်ရွက်မည့် အစိုးရအဖွဲ့သည် စစ်အုပ်စု၏ အကျိုးစီးပွားကို ကာကွယ်စောင့်ရှောက် မြှင့်တင်ပေးသော စစ်အုပ်စု လက်ကိုင် တုတ်အစိုးရသာ ဖြစ်ဘို့ရှိလေသည်။
သူခိုးဓါးပြ လူလိမ်များ ကြီးစိုးသော စစ်အုပ်စု၏ ချုပ်ကိုင်မှုအောက် ဗမာပြည်ကြီးမှာ ကျွှန်နိုင်ငံ၊ ဖာနိုင်ငံ၊ သူတောင်းစားနိုင်ငံ တနှစ်ထက်တနှစ် ဆင်းရဲတွင်းနက် ချွတ်ခြုံကျခဲ့ရ၏။ အလုပ်သမားလယ်သမား ပြည်သူလူထုကြီး၏ ညည်းတွားသံ၊ အံကြိတ် သံများမှာ တစထက်တစ ကျယ်လောင်လာနေပြီး ဖြစ်၏။ မကြာမီ ပေါက်ကွဲတော့မည့် လူထုအုံကြွမှုကြီးကို စစ်အုပ်စုတို့ မြေ ကြီးလက်ခတ်မလွဲ တွေ့ကြုံကြရပေလိမ့်မည်။
(၄)
စစ်ဖြစ်မည်ဆိုလျှင် လူတွေသေကြေကြေကြမည် ဖြစ်သည်။ သေရမည့်အဖြစ်ကို လူတိုင်းပင် ကြောက်တတ်ကြသည်။ သို့ရာ တွင် အဘယ်ကြောင့် စစ်တိုက်ကြရသနည်း။ ကျူးကျော်စော် ကားဖိနှိပ်မှုများကို မခံမရပ်နိုင်၍ ဖြစ်သည်။ အလဟသ အသက် ဆုံးပါးမခံနိုင်သောကြောင့်၎င်း၊ လူချင်းအတူတူ သူချင်းမျှမျှ ဂုဏ်သိက္ခာရှိစွာ ရပ်တည်နိုင်ရေးအတွက်၎င်း၊ စစ်ကျွန်ဘ၀မှ လွတ် မြောက်ရန် စွန့်စားတိုက်ခိုက်ကြခြင်းဖြစ်လေသည်။
ဒေါ်အောင်ဆန်းစုကြည်၏ စကားကလေးမှာ မှတ်သားဖွယ်ကောင်း၏။
“ဒီအချိန်မှာ သတ္တိရှိရှိနဲ့ လုပ်လိုက်လို့ဆိုရင် နောင်ကျရင် ကျမတို့ဟာ မကြောက်ရတဲ့ခေတ်ကို ရောက်သွားနိုင်တယ်။ ဒီအချိန် မှာ ကြောက်ပြီးတော့ လုပ်သင့်သလောက် မလုပ်ခဲ့လို့ဆိုရင် နောက်ဆက်ပြီးတော့ ကြောက်နေရတဲ့စနစ်ကို ရှင်သန်အောင် လုပ်ပေးသလို ဖြစ်သွားပါမယ်။ လူတယောက်အနေနဲ့လည်း အများကြီး ဂုဏ်သိက္ခာကျပါတယ်။ ဒီတော့ အားလုံးက မှန်တာ လုပ်လို့ဆိုရင် ကြောက်လည်းလုပ်ရမှာပါ”
အမှန်တရားကို လိုလားသူတိုင်း၊ ကောင်းရာကောင်းကျိုး လုပ်ဆောင်လိုသည့် စေတနာရှိသူတိုင်း၊ မိမိတို့ ဂုဏ်သိက္ခာကို ထိန်း သိမ်းမြှင့်တင်လိုသူတိုင်းပင် မိမိတို့စိတ်အတွင်း နက်ရှိုင်းစွာ စူးဝင်နေသော အကြောက်တရားကို မဖယ်ရှားနိုင်သည့်တိုင် လုပ် စရာရှိသည့်အလုပ်ကို အကောင်အထည်ပေါ်အောင် လုပ်ကြရမည်သာ ဖြစ်သည်။
ဤစာစောင်ပါ ဆောင်းပါးတပုဒ်၌ ကေအဲန်ယူ ပဲခူးရိုးမတိုင်း တပ်မဟာမှူး ဗိုလ်မှူးချုပ်လောကွားနှင့် ဗမာပြည်ကွန်မြူနစ်ပါတီမှ ဗိုလ်ရဲမောင် အကြောင်းအနည်းငယ်ကို အလျဉ်းသင့်၍ ဖော်ပြခဲ့ဖူးသည်။ ဗိုလ်မှူးချုပ်ဖူးလောကွားမှာ ကြောက်စိတ်ကို ပီပီပြင် ပြင် အသုံးချတတ်သူဖြစ်၏။ ရန်သူများထိုးစစ်ဆင်လာမည့်သတင်းကိုကြားလျှင် သူ့မျက်နှာအနေအထားကော သူ့လေသံပါ စိုးရိမ်ပူပန်မှုကို ဖုံးကွယ်၍မရ။ စကားကိုခပ်တိုးတိုးပြောပြီး ရဲဘော် တပ်မှူးတပ်သားများ အလေးအနက်ထား အာရုံစိုက်လာ အောင် သူ့လိုပင် ပူပန်လာတတ်အောင် ဖူးလောကွားပြောဆိုတတ်၏။ ရန်သူ့ထိုးစစ်ဒဏ်ကြောင့် စစ်ရှုံးပြီးထွက် ပြေးရပါက မိမိ တို့ကိုယ်တိုင် သိက္ခာကျရုံသာမဟုတ်။ မိမိ၏ဇနီးသားသမီးများပါ ရန်သူ့ ပြုကျင့် စော်ကားမှုများကို ခံရမည်။ ရန်သူ့နှိပ်စက်မှုကို ခံရသည့် မိမိ၏လူထုကလည်း မိမိတို့အပေါ် ယုံကြည်အားကိုးနိုင်တော့မည်မဟုတ်။ ရန်သူကိုအနိုင်မတိုက်နိုင်သည့် မိမိတို့၏ သြဇာအာဏာမှာ လူထုအပေါ်အနိုင်ကျင့်တတ်သည့် လူရယ်စရာ အာဏာအပဲ့အရွဲ့သာဖြစ်လိမ့်မည်။ ရှေ့မှာဟန်လုပ် ရိုသေခံ ရသော်လည်း နောက်ကွယ်မှာ ကဲ့ရက်ခံရပြီး အများတံထွေးခွက်ထဲ ပက်လက်မျောရမည့်အဖြစ်မျိုးကို ဖူးလောကွား အလွန် ကြောက်၏။ ရန်သူ့လာအတိုက် ကို ရင်တထိတ်ထိတ်စောင့်ကာ ဟိုပြေးဒီရှောင်လုပ်ရမည့်ထက် ရန်သူကိုဦးအောင် တိုက်ခိုက် ချေမှုန်းရင်း အသက်စွန့်လွှတ်ရသည်က သာ၍မြတ်မည်ဟု ဖူးလောကွားတွက်၏။ ထို့ကြောင့် ရန်သူ့ကို ထိုးစစ်ဆင်ကျူးကျော် လာခွင့်မပေး။ ပထမ မိမိနယ်မြေကို ရန်သူလာတော့မည်ဟု သတင်းရသည်နှင့် ကျင်းများ ညှောင့်များဖြင့် ပြင်ဆင်စောင့်စား ကာ ရန်သူကိုကြို၍ တိုက်သည်။ ဖူးလောကွား၏ တပ်မှူးတပ်သားအားလုံး စစ်ကြိုတတ်၊ စစ်မြူတတ်၊ ခွင်သွင်း ချေမှုန်းတတ် လာသည်။ နောက်ပိုင်းမှာတော့ ရန်သူကိုနယ်မြေအတွင်း အ၀င်မခံဘဲ ရန်သူ့တပ်များ ၎င်းတို့၏တပ်ရင်းများမှ ထွက်လာပြီးဆို သည်နှင့် လမ်းခုလတ်မှ အပိုင်စောင့်ကာ ဖရိုဖရဲဖြစ်အောင် တိုက်ခိုက်တတ်လေသည်။
ကမ္ဘာ့ဟဲဗီးဝိတ်လက်ဝှေ့ ချန်ပီယံဟောင်း မိုဟာမက်အလီအကြောင်း ရေးသားထားသည့် အကြီးကျယ်ဆုံးဟူသော မိုဟာမက် အလီနှင့်အတူ စားစားသွားသွားနေထိုင်ရင်း အနီးကပ်လေ့လာနေသည့် စာရေးဆရာက မိုဟာမက်အလီ ပွဲတိုင်း အနိုင်ရရှိ အောင် ဘာတွေလုပ်သလဲ။ ကြိုးဝိုင်းထဲမ၀င်ခင် ဘာတွေပြင်ဆင်ထားသလဲ။ ဘယ်လိုဆုတောင်းသလဲ စသဖြင့် မေးမြန်းသည်။ မိုဟာမက်အလီ စဉ်းစဉ်းစားစား ဖြေလိုက်သော အဖြေမှာ အလွန်ပင် ရိုးစင်း၏။ “ကြိုးဝိုင်းထဲ ၀င်ခါနီးတိုင်း ကျနော် သေရမှာကို အရမ်းကြောက်နေမိတယ်။”
ဤစကား၌ မိုစာမက်အလီ ပြောလိုသော စကားလုံးအဓိပ္ပါယ်တွေ အားလုံးစုံ ပါဝင်နေလေသည်။ ပြိုင်ဖက်ကို အရှုံးပေးလိုက်ရ လျှင် သူ၏မိဘ ညီကိုမောင်နှမ၊ ဇနီးသားသမီးနှင့် သူ၏လုပ်ဖော်ကိုင်ဖက်များအားလုံးပါ ဆုံးရှုံးမှုကြီးနှင့် ကြုံရလိမ့်မည်၏။ သူ ၏ အိုးအိမ် မြေ၊ ကား၊ ဥစ္စာစီးပွားများလည်း ပျက်ယွင်းကာ လူသူပရိသတ်အကြား ကျက်သရေမဲ့သော မျက်နှာဖြင့်မသွားနိုင်၊ မလာနိုင်၊ ခေါင်းမဖော်နိုင် ဖြစ်လျက် ပြောဆိုသမျှ ပေါက်ရောက်တွင်ကျယ်မှု မရှိနိုင်သောဘ၀၊ အလှောင်ပြောင်သရော်ခံ ဘ၀ သို့ တမဟုတ်ချင်း ရောက်သွားရတော့မည် ဖြစ်၏။ ထိုအခါတွင် သူ့ဘ၀သည်သေခြင်းနှင့်မခြား။ မိဘဆွေမျိုး၊ သားချင်း၊ မိသား စုအရင်းအခြာများ၏နစ်နာဆုံးရှုံးမှုများကိုပါ ထည့်တွက်ပါက သူ့ဘ၀မှာ တကယ်တမ်းသေသွားသည့်အဖြစ်ထက်ပင် ပို၍ဆိုး လိမ့်မည်ဖြစ်သည်။ ၀ိုင်းထဲမှာသေချင် သေသွားပါစေ။ အရှုံးခံ၍မဖြစ်။ အရှုံးပေးလိုက်ရမည့် အရေးကို သေရမည်ထက် သူ ကြောက်သည်။ ထို့ကြောင့် အင်အားကြီးသော ပြိုင်ဘက်အား အင်အားသုံးအမိုက်ခံပြီး မယှဉ်ပြိုင်။ အရှောင်အတိမ်းများဖြစ် လိပ်ပြာလေးလို ပျံဝဲပြီး လျင်မြန်သော လက်သီးချက်များဖြင့် ပျားပိတုန်းလိုတုတ်၏။ ပြိုင်ဘက်အပေါ် လက်ဦးမှုယှု၏။ သူ့ ကြောက်စိတ်ကို သူ မှန်ကန်စွာ အသုံးချလိုက်ခြင်းပင် ဖြစ်လေသည်။
(ဆက်လက်ဖော်ပြမည်)
ကေအင်ဂျီ သတင်းမှ........
မြန်မာစစ်စိုးရ ၀န်ကြီးချုပ် ဗိုလ်ချူပ်ကြီး သိန်းစိန် သည် ယခုနှစ် အစောပိုင်း ကချင်ပြည်နယ် ပူတာအိုခရိုင် သို့ အလည်အပတ်ရောက်ရှိစဉ် ကချင်အမျိူးသားများအကြား ရန်လို မုန်းတီး သတ်ဖြတ်ကြရန် သွေးထိုး ခဲ့သည်။
ဗိုလ်ချုပ်ကြီး သိန်းစိန် သည် ပြီးခဲ့သည့် ဧပြီလက ၎င်း၏ နိုင်ငံတော်ဝန်ကြီးချုပ်ရာထူးမှနှုတ်ထွက်ပြီး စစ်အစိုးရ၏နိုင်ငံရေးပါတီဖြစ်သည့် ကြံ့ခိုင်ရေးနှင့် ဖွံ့ဖြိုးရေးပါတီ (USDP) ၏ ဥက္ကဌ တာဝန်ကို ထမ်းဆောင်နေသူဖြစ်သည်။
သူက ဖေဖော်ဝါရီ ၂၅ ရက်နေ့မှာ ပူတာအိုမြို့တွင် ပြုလုပ်သည့်အစည်းဝေးတွင် ဌာနေ ရ၀မ် နှင့် လီဆူး အကြီးအကဲများကို လျို့ဝှက်စွာစုစည်းခေါ်ယူပြီး အဓိက မေးခွန်း နှစ်ခု မေးခဲ့သည်။
ပထမ မေးခွန်းကတော့ “မင်းတို့ ရ၀မ်တွေကို ဂျိန်းဖေါ့ (KIO သို့ ရည်ညွှန်းခြင်း) တွေ ဘယ်လောက် သတ်ခဲ့ပြီလဲ” ဆိုသည့် မေးခွန်းကို ရ၀မ် နှင့် လီဆူး အကြီးအကဲ များကို ပြန်ပြောခိုင်းကြောင်း အစည်းဝေးတက်ရောက်သူများမှ သိရသည်။
၎င်း မေးခွန်းကို ရ၀မ် နှင့် လီဆူး နှစ်ဖက်မှ ခေါင်းဆာင်တစ်ဦးစီက တစ်ယောက်ပြီး တစ်ယောက် ဖြေကြားခဲ့ရသည်ဟု သိရသည်။
ရ၀မ်ဖက်မှ ခေါင်လန်ဖူး အခြေစိုက် ရ၀မ်သီးသန့် ပြည်သူ့စစ်အဖွဲ့ (ယခင် သောင်းကျန်းသူ ဆန့်ကျင်ရေးအဖွဲ့) ခေါင်းဆောင် နှင့် စီးပွါးရေးသမားလည်းဖြစ်သူ တန်ကူးတန် (ခ) အတန် မှ ဖြေကြားကြောင်း သိရသည်။
၎င်းနောက် ၀န်ကြီးချုပ် သိန်းစိန် မှ မေးသည့် ဒုတိယ မေးခွန်းကတော့ “မင်းတို့ ဂျိန်းဖေါ့ (KIO) တွေကို ပြန်သတ်မယ်မဟုတ်လား။ ဒါဆို လက်နက်ထုတ်ပေးမယ်” ဆိုတာဖြစ်ကြောင်း အစည်းဝေးတက်ရောက်သူများမှတဆင့် သိရသည်။
ယင်း ၀န်ကြီးချုပ်၏ကန်းလှမ်းချက်ကို လီဆူးဖက်က ရှင်းရှင်းလင်းလင်း ဖြေကြားခြင်းမရှိသော်လည်း ရ၀မ်ဖက်မှ လက်ခံခဲ့ကြောင်း သိရသည်။
ပြီးနောက် ၀န်ကြီးချုပ် သည် ရ၀မ်လူမျိုးများ အဓိကနေထိုင်သည့် နောင်မွန်းမြို့သို့လည်းသွား ရောက်ပြီး ပူတာအိုမှာပြုလုပ်သည့်အတိုင်း ဒေသခံ ရ၀မ်များအကြီးအကဲ များနှင့် တွေ့ဆုံပြီး ယခင်ကလို KIO အား ပြန်တိုက်ရန် မီးမွှေးပေးခဲ့ကြောင်းသိရသည်။
မြန်မာနိုင်ငံကို စစ်အာဏာရှင် ဗိုလ်ချူပ်ကြီးနေ၀င်း အုပ်ချူပ်စဉ်ကာလ ၎င်းအစိုးရ၏သွေးထိုးပေးမှုအရ ၁၉၇၀ နောက်ပိုင်း ရ၀မ်နှင့် ကချင်လွတ်မြောက်ရေးအဖွဲ့ (KIO) အကြား အချင်းချင်းသတ်ဖြတ်မှု ပဋိပက္ခများ ဖြစ်ပွါးခဲ့ဖူးပါသည်။
၎င်း သမိုင်းကို ကိုင်စွဲပြီး အကယ်၍ စစ်အစိုးရ နှင့် KIO ကြား ပြည်တွင်းစစ်ပြန်ဖြစ်လာရင် ကချင်အမျိုးသားများကြား အချင်းချင်း ရန်လိုသတ်ဖြတ်ကြစေရန် အခုလို စစ်အစိုးရအကြီးအကဲမှ အသစ်တဖန် သွေးထိုး မီးမွှေးပေးခြင်းဖြစ်သည်။
အခြားတဖက်တွင်လည်း KIO က မြန်မာစစ်အစိုးရလိုလားသည့် ၎င်း၏စစ်တပ်လက်အောက်ခံတွင် ထားရှိမည့် နယ်ခြားစောင့်တပ်ဖွဲ့ ကို လက်မခံသည့်အတွက် ဖိအားပေးမှု တစ်ရပ် ဖြစ်သည်။
တဆက်ထဲမှာပဲ KIO ပေါ် ဖိအားပေးခြင်းဖြင့် ၎င်းအဖွဲ့မှ အရာရှိဟောင်းများ ဦးဆောင်သည့် ကချင်ပြည်နယ်တိုးတက်ရေးပါတီ (KSPP) ၏ ရွေးကောက်ပွဲဝင်နိုင်ရေး နေပြည်တော် ရွေးကောက်ပွဲကော်မရှင် သို့ လျှောက်ထားချက်ကိုလည်း ယခုချိန်ထိ အသိအမှတ် မပြုပေးသေးပါ။
Freedom News Group မှ....
ရန်ကုန်မြို့ လှည်းတန်းလမ်းဆုံ ၊ ကမ္ဘာ အေးစေတီ လမ်း နှင့် မြို့ ထဲ တ၀ိုက် တွင် ကျောင်းသား သမဂ္ဂ
ပေါ်ပေါက်ရေး လှုံဆော်စာများ နှင့် စစ်အာဏာရှင် စနစ် ဆန့် ကျင် ရေး စာများ ကို ဝေငှ သွားသည် ဟု
ကမာရွတ် လှည်းတန်း တွင် နေထိုင်သူ တစ်ဦး က Freedom News Group သို့ ပြောသည်။
ယနေ့ မနက် ၁၁ နာရီခန့် က ရန်ကုန် မြို့ တွင်း နေရာ အချို ဉ် အာဏာရှင်ဆန့် ကျင်ရေး စာရွက်စာတမ်း
များ ဝေငှခဲ့ကြခြင်း ဖြစ်သည် ။ လှည်းတန်း ဈေး အနီး တွင် နေ ထိုင်သူ တစ်ဦးက “ဒီမနက် ရွှေ ခြင်္သေ့မှာ
ညက ဘော လုံး ပွဲ အကြောင်း ဆွေးနွေး ကြတာ လေ .ခဏနေ တော့ လူငယ်လေး တွေ က စာတွေကို
ကား လမ်း တစ်လျှောက် လိုက်ဝေပြီး စံရိပ် ငြိမ် ဘက် ကို ထွက် သွား ကြတာ အုပ် စု လိုက်ပဲ ဟု ထိုသူက
ပြောသည်။
ရန်ကုန် မြို့ လယ် တစ် ၀ိုက် တွင် လှုံဆော်စာ များ ဝှေငှ သွား ရာ ဉ် ထိုစာ များတွင် ကျောင်းသား သမဂ္ဂ
ပေါ်ပေါက်ရေး ၊ အတု အယောင် ရွေးကောက် ပွဲ ဆန့် ကျင်ရေး နှင့် စစ်အာဏာရှင် စနစ် ဆန့် ကျင်ရေး
တို့ ကို ဖော် ပြထားသည်။
ယုဇန ပလာ ဇာ အနီး ဖြန့် ဝေခဲ့သည့် စာ များ တွင် မူ ၁၉၇၂ ခုနှစ် ဇူလိုင် လ ရ ရက် နေ့ ဗိုလ်ချုပ်နေ၀င်း
အစိုး မှ ဖြိုချခဲ့သည့် ကျောင်းသား သမဂ္ဂ အဆောက် အဦ အား ပြန်လည် တည် ဆောက်ပေးရန် နှင့် 7 July
သမိုင်း ကြောင်း တို့ ပါရှိ သည် ဟု သိရသည်။
ပဲခူးမြို့ ဉ် လည်း ယနေ့ မနက် ၁၂ နာရီ ခန့် က အလား တူ စစ်အစိုး ရ ဆန့် ကျင်ရေး စာ များ ဝေငှသွား
သည်။
ယခင် လ ကလည်း အခြေခံပညာ ကျောင်းသား များ မှ ကျောင်းတွင်းငွေ ကြေး မတရား ကောက်ခံ
နေမှု များ အတွက် လှုံဆော်စာ များ ဝေငှသွား ခဲ့ သည်။
နောက် ဆုံးကြား သည့် ရသည့် သတင်းများ အရ စာ ရွက် များ ဝှေငှ သွားသည့် နေရာများ တွင် ရဲ၊ကြံဖွတ်
နှင့် အရပ်ဝတ် လုံခြုံရေး များ ချထား သည် ဟု သတင်းရရှိသည်။
ယနေ့ သည် ရန်ကုန် တက္ကသိုလ် ၀င်းထဲ ရှိ တကသ အဆောက် အဦ အား ဖြိုချခဲ့သည့် နှစ်ပတ်လည်
နေ့  လည်း ဖြစ်သည်။
Kaowao News မှ.......
ရေးသားသူ - နော်ဘွေဝါး
အင်္ဂါနေ့၊ ဂျူလိုင်လ 06 ရက် 2010 ခုနှစ်
မြန်မာနိုင်ငံတွင် ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်း အစရှိသော တိုင်းရင်းသား လူမျိုးတို့သည် ရှေးနှစ်ပေါင်း များစွာကတည်းက အတူတကွ နေထိုင်ခဲ့ကြ ပေသည်။ ထိုသို့ နေထိုင်ခဲ့ကြသော တိုင်းရင်းသားလူမျိုးစု အသီးသီးတို့တွင် ဘိုးဘွားအစဉ်အဆက် လက်ဆင့်ကမ်း ယူဆောင်လာခြဲ့ကသည့် ဆိုင်ရာ ရိုးရာယဉ်ကျေးမှု နှင့် ဓလေ့ထုံးတမ်းစဉ်လာများလည်း ရှိနေသည်။
ကရင်အမျိုးသားများ အမြတ်တနိုးထားရာ ရိုးရာယဉ်ကျေးမှုအမွေအနှစ်များထဲတွင် ‘ဖားစည်’ သည် ထိပ်ဆုံးက ပါဝင်နေသည်။ ဘိုးဘွားအစဉ်အဆက် လေးစား၊ တန်ဘိုးထား လာကြသည့် ထိုဖားစည်၏ အစဉ်အလာကြီးမှုကို ကရင်လူမျိုးနှင့် ဖားစည် ခွဲခြားမရကြောင်း သမိုင်းအစဉ်အလာက သက်သေထူနေသည်။
ဖားစည်က နေထိုင်ရာဒေသတခုထဲတွင်ပင် အလှမ်းဝေးကွာ နေသည့် ကရင်လူမျိုးများကို အနေနီးစေရန် စုစည်းပေးခဲ့သည်။ ရန်သူဘေးကြုံသည့်အခါဖြစ်စေ၊ ဒေသ အတွင်း အရေးပေါ်ကိစ္စများ ပေါ်ပေါ်လာသည့်အခါ ဖြစ်စေ ဖားစည်သံဖြင့် အချက်ပေးကာ သတိအနေအထား ဖြစ်စေခဲ့ကြောင်း အသက် (၇၀) ကျော်အရွယ်ရှိ၊ ကရင်ယဉ်ကျေးမှုအဖွဲ့၏ အဖွဲ့ဝင်တဦးက ယခုလို အလေးအနက်ထား ပြောဆိုလာသည်။
“ရှေးတုန်းကဆိုရင် တောတောင်အတွင်းမှာ ရွာတည်ပြီး နေကြတဲ့ ကရင်လူမျိူးတွေဟာ တအိမ်နဲ့တအိမ် တရွာနဲ့တရွာ၊ ရွာသူရွာသားတွေ စုဝေးစေချင်တဲ့အခါ ဖားစည်ကို ရိုးရိုးတီးခတ် အသံပေးပြီး စုရုံးစေကြတယ်။ အရေးကြီး ကိစ္စပေါ်လာလို့ပဲ ဖြစ်ဖြစ်၊ ရန်သူ့ဘေးနဲ့ကြုံရလို့ပဲ ဖြစ်ဖြစ် ဖားစည်ကို အမှတ်အသားအနေနဲ့ တီးခတ်ကြပြီး လူစုကြတယ်” ဟု ဆိုသည်။
သူက “ရွာသူရွာသားတွေဟာ အချက်ပေး အမှတ်အသားနဲ့ တီးခတ်တဲ့ ဖားစည်သံကို နားထောင်ပြီး၊ ကိစ္စအကြောင်းအရင်းကို နားလည်သဘောပေါက်ကြပါတယ်။ ဖားစည်ရဲ့ စူးစူးရှရှမြည်ဟီးတဲ့ အသံဟာ ရွာမှာရှိတဲ့ ရောဂါဘယတွေကို ပျောက်ကင်းစေနိုင်ပြီး၊ မကောင်းဆိုးဝါးတွေ ကြောက်လန့် ရှောင်ပြေးကြရတယ်လို့ ယုံကြည် ခဲ့ကြပါတယ်။ ဖားစည်ဟာ အထွဋ်အမြတ်ထားတဲ့ ပစ္စည်းဖြစ်တဲ့ အတွက် အတိတ်နိမိတ်များလည်း ပြတတ်ပါတယ်” ဟု ပြောသည်။
ဖားစည်မြည်ဟီးသံကို တစ်ယူဇနာ (၁၂.၇၂ မိုင်) အကွာအဝေး အထိ ကြားနိုင်ကြောင်းလည်း ရှေးလူကြီးများ ပြောစကားကို မှတ်သားဖူးသည်။
ကရင်ဖားစည်တွင် မင်္ဂလာဖားစည် နှင့် အမင်္ဂလာ ဖားစည် ဟူ၍ နှစ်မျိုးခွဲခြားထားသည်။ မင်္ဂလာဖားစည်တွင် ရေးဆွဲထားသည့် ဖားရုပ်များမှာ တကောင်နှင့် တကောင် ရှေ့နောက် ထပ်ကြပ်မကွာ နောက်လိုက်နေသည့် အနေအထားရှိသည့်အတွက် ထိုဖားစည်ကို မင်္ဂလာရှိသော နေ့ထူးနေ့မြတ်များဖြစ်သည့် ကောက်ဦးစားပွဲ၊ အိမ်သစ်တက် မင်္ဂလာ၊ ကရင်နှစ်သစ်ကူးပွဲတော်၊ ထိမ်းမြှားလက်ထပ် မင်္ဂလာပွဲ၊ ဧည့်ခံပွဲများအပြင်၊ စစ်ချီတိုက်ပွဲနှင့် စစ်အောင်နိုင်ပွဲနေ့များတွင် အထိမ်းအမှတ်အဖြစ်လည် တီးခတ်လေ့ရှိသည်။
အမင်္ဂလာ ဖားစည်တွင်မူ ဖားရုပ်များ တကောင်နှင့် တကောင် မျက်နှာချင်းဆိုင် ရန်ထောင်နေပြီး သွေးကွဲနေသည့် အသွင်ဆောင်နေသည့်အတွက် အသုဘကိစ္စများ အပြင် ထိုအချိန်က အကျင့်သီလဖေါက်ပြန်သူများကို ရွာပြင်ပ နှင်ထုတ်ဒဏ်ပေးသည့် အခါများတွင် တီးခတ်ကြလေ့ရှိသည်။
မင်္ဂလာဖားစည်ကို “ဖားစည်အအေး” ဟုခေါ်ဆိုပြီး၊ အမင်္ဂလာ ဖားစည်ကိုမူ “ဖားစည်အပူ” ဟု ခေါ်ဝေါ်သမုတ်ကြသည်။
ထို့အပြင် ဖားစည်ကို ကရင့်အမျိုးသားအလံတွင်လည်း နေခြည်ဖြာ အနီရောင် (၉) သွယ်၏ အလယ်တွင် ထင်ထင်ရှားရှား တွေ့မြင်နိုင်သည်။ ထို့ကြောင့် ဖားစည်သည် ကရင်တမျိုးသားလုံးအတွက် ထင်ရှား သော အမျိုးသားလက္ခဏာ အမှတ်အသား တခုပင် ဖြစ်သည်။
ယခုခေတ်ကာလတွင် ကယားပြည်နယ်တွင် ဖားစည်သွန်းလုပ်သည့် လုပ်ငန်းမှာ အများဆုံးဖြစ်သည်။
သို့သော် ဖားစည်ကို နေရာတိုင်း အချိန်တိုင်းတွင် သွန်းလောင်းလေ့မရှိပေ။ ပျော်ပွဲရွှင်ပွဲ၊ မင်္ဂလာဆောင် အခန်းအနား၊ အိမ်ဦးတက်မင်္ဂလာယူချိန်၊ နှစ်ကူးနေ့ နေမွန်း တည့်ချိန် တို့တွင်သာ သွန်းလောင်းသည့် အလေ့အထ ရှိသည်။
ဖားစည်ပုံစံ မျက်နှာပြင်မှာ အပိတ်ဖြစ်နေပြီး၊ အောက်ပိုင်းအခြမ်းကိုမူ ဖွင့်ထားသည်။ ၎င်း၏ ကိုယ်ထည်မှာ ခပ်သွယ်သွယ် အနေအထားရှိပြီး၊ သိမ်သည့်သဏ္ဍာန်ရှိကာ အောက်ပိုင်းတွင် အနည်းငယ်စွင့်ကားသည်။
ဖားစည်တီးခတ်မည်ဆိုပါက လက်နှစ်ဖက်ကို အသုံးပြုကာ တီးခတ်ရသည်။ ညာလက်ဖြင့် ဖားစည်၏မျက်နှာပြင်ကိုထုကာ တီးရပြီး၊ ဘယ်လက်က ဒုတ်ပါးပါးလေး တချောင်း(သို့မဟုတ်) နှီးစည်းဖြင့်ဖြစ်စေ ဖားစည်ထဲသို့လျှိုသွင်း၍ တီးခတ်ရသည်။
ထူးခြားသည်မှာ ဖားစည်၏ မျက်နှာပြင်အလယ်တွင် နေမင်းအလင်းရောင်သဏ္ဍာန် ဖျာထွက်နေသော အသံလှိုင်းတို့အား တုန်ခါစေနိုင်သော အမှတ်အသားများ ပါရှိသည်။ ရောင်ခြည်မှာ (၆) သွယ်မှ (၁၂) သွယ်အထိရှိပြီး၊ အချို့တွင်မူ (၁၈) သွယ်အထိ ရှိသည်။ ရောင်ခြည်ဖြာသန်းနေသည့် အပေါ်ဖက်တွင် စက်ဝိုင်း အရစ်များ ပါရှိပါသည်။ စက်ဝိုင်းအရစ်များမှာ (၆) ခုမှ (၉) ခု အထိ ရှိသည်။
စက်ဝိုင်းတခုနှင့် တခုအကြားတွင် ဖားပြုပ်ရုပ်၊ ငါးရုပ်၊ ငှက်ရုပ် အပြင် ပန်းပွင့်အရုပ်များနှင့် ပုံဖော်အလှဆင်ထားသည်။ ဖားပြုပ်အရုပ်တို့သည် တကောင်နောက် တကောင် နီးကပ်စွာ ရှိနေသည်။ ထို့အပြင်၊ ဖားတကောင်ထပ်၊ နှစ်ကောင်ထပ်၊ သုံးကောင်ထပ်လိုက်နေသော ဖားစည် များလည်း ရှိသည်။
ဖားပြုပ်ရုပ်ကို ထူးဆန်းနက်နဲသော အဓိပ္ပါယ်ရှိသည်ဟု ယူဆကြသည်။ ဖားပြုပ်သည် ဖားဘုရင်လည်းဖြစ်သကဲ့သို့ သူတပါးကိုရန်မူလေ့မရှိ၊ ရန်ငြိမ်းစေသည့် သတ္တဝါ ဖြစ်ပြီး၊ အန္တာရယ်ပြုလာသော သတ္တဝါများကိုမူ ၎င်း၏အရေခွံထဲမှ အဆိပ်တမျိုးကို ထုတ်လွှတ်ခြင်းဖြင့် တဖက်ရန်သူကို သေစေနိုင်သည့် အစွမ်းအာနိသင် ရှိသည်။
ဖားပြုပ်တို့သည်ရန်မူခြင်းကို လက်ဦးပြုလေ့မရှိပေ။ သဘာဝအရ တည်ငြိမ်အေးဆေးမှု ရှိသော်လည်း အန္တာရယ် တစုံတရာနှင့် ကြုံတွေ့လာပါကလည်း ပြန်လည် ခုခံနိုင်သည့် သဘာဝကို ကရင်လူမျိုးတို့၏ ရိုးသားဖြူစင်ပြီး၊ အေးချမ်းစွာနေထိုင်လိုသော စရိုက်လက္ခဏာနှင့် နှိုင်းယှဉ်ထားသည်။
ဒဏ္ဍါရီဆန်သည့် ကရင်ရိုးရာပုံပြင် တခုအဆိုအရ၊...တနေ့တွင် တောင်ယာလုပ်ပြီး အသက်မွေးဝမ်းကျောင်းပြုနေသူ ဖူးမော်တော် ဟု ခေါ်သည့် ကရင်အဘိုးအိုတဦး ရှိသည်။ တနေ့တွင် သူသည် တောင်ယာသွားကြည့်သောအခါ လူရိုင်းတစုက သူ၏ တောင်ယာထွက် စပါးအသီးအနှံများကို ၀င်ရောက်ဖျက်ဆီးနေသည်ကို အဝေးက လှမ်းမြင်နေရသည်။
ထိုသို့ ၀င်ရောက်ဖျက်ဆီးမှုမျိုး နောက်ထပ်မဖြစ်ရန် ဖူးမော်တော်က အကြံတခု ထုတ်လိုက်သည်။ ထိုအကြံမှာ တောင်ယာခင်းထဲတွင် လူသေကဲ့သို့ ဟန်ဆောင် လှဲလျောင်းကာ ထိုလူရိုင်းတစုကို စောင့်နေရန်ပင် ဖြစ်သည်။ ထိုအချိန်တွင် လူရိုင်းများက ဖူးမော်တော် သေပြီဟု မှတ်ယူကာ အသုဘအခမ်းအနားအတွက် အုပ်စုထဲမှ လူရိုင်းများကို အိမ်ပြန်စေကာ စည်ယူခိုင်းစေသည်။
လူရိုင်းများက ဖားစည် ၃ မျိုးဖြစ်သည့် ရွှေရောင်၊ ငွေရောင်နှင့် အဖြူရောင် ဖားစည်များကို ယူဆောင်လာကြကာ စတင်တီးခတ်ကြသည်။ ထိုစဉ်ခဏ သေလူဟန်ဆောင်ထားသူ ဖူးမော်တော်မှာ ရုတ်တရက် ထထိုင်လိုက်သည့်အတွက် ဖားစည်တီးခတ်သူ လူရိုင်းများ လန့်ဖြန့် ထွက်ပြေးကုန်တော့သည်။ ထိုအချိန်တွင် အဖြူရောင်ဖားစည်မှာ ရေထဲသို့ပြုတ်ကျသွားသည်။ ကျန်ရှိနေသေးသည့် ဖားစည်များကို ဖူးမော်တော်က ကရင်လူမျိုးများထံ ယူဆောင်လာပြီး၊ ထိုအချိန်မှစတင်ကာ ၎င်းတို့သည် ကရင်လူမျိုးတို့ အမြတ်နိုးဆုံး အရာများ ဖြစ်သွားကြသည်။
လူရိုင်းတစုမှာ လူသူပေါက်ရောက်နည်းသော တောတောင်တို့တွင် နေထိုင်ကြသည့် အရိုင်းကရင်မျိုးနွယ်စုများသာ ဖြစ်သည်။
ခေတ်ကာလပြောင်းလာသည်နှင့်အမျှ ဖားစည်ပြုလုပ်ရာတွင် အသုံးပြုသည့် ပစ္စည်းများလည်း ရှားပါးလာနေသည့်အတွက် ဖားစည်မြည်ဟီးသံ အရည်အသွေးမှာလည်း တဖြည်းဖြည်း ကျဆင်းလာနေကြောင်း ကရင်ရိုးရာ ကျွမ်းကျင်သူ ဖထွေးဖူးဂယ်က ယခုလို ပြောဆိုလိုက်သည်။
“အရင်ခေတ်ဖားစည်က အသံတော်တော်ကောင်းပါတယ်။ ယခုဖားစည်အသံကသိပ်မကောင်းတော့ဘူး။ သွန်းလုပ်တာလည်း ပစ္စည်းတွေရှားပါးလာတယ်။ အရင်က ဖားစည်တလုံးဟာ တန်ဖိုးမြင့်မားစွာရောင်း လို့ရတယ်။ ယခုဖားစည်က ပစ္စည်းတွေမစုံတော့ တလုံးကို ကျပ် (၅) သိန်းလောက်ပဲ ရောင်းလို့ရပါတယ်” ဟု ဆိုသည်။
လက်ရှိ မြင်တွေ့နေရသည့် ဖားစည်အမျိုးအစားကို ပိုးကရင်တို့နေထိုင်ရာ ဒေသများတွင် အများဆုံးတွေ့မြင်နိုင်သော်လည်း စကောကရင်ရွာတို့တွင် အနည်းအကျဉ်းသာ တွေ့မြင်ရတော့သည်။ ထို့အတူ ယခုခေတ်လူငယ်များက ဖားစည် အမည်ကိုသာ ရင်းနှီးကြပြီး ဖားစည်အကြောင်း တစေ့တစောင်း သိသူမှာ နည်းပါးလာနေကြောင်း ရှေ့မီနောက်မီ လူကြီးများက မှတ်ချက်ပေး သုံးသပ်ပြောဆိုနေကြသည်။
ကရင်ရိုးရာ တူရိယာတမျိုးလည်းဖြစ်၊ အမျိုးသား အထိမ်းအမှတ်လည်းဖြစ်သည့် ဖားစည်သည် ယခုအခါ တဖြည်းဖြည်း ပျောက်ကွက်လုနီးပါး အန္တာရယ်နှင့် တွေ့ကြုံနေရ သည်ဟုလည်း ပြောဆိုနေကြသည်။
ဖားစည်ကို ဘိုးဘွားများလက်ထက်က မင်္ဂလာကြေးတင်တောင်းခြင်း၊ တရားစီရင်ခြင်းတို့တွင် လျှော်ကြေး အဖြစ် တန်ဘိုးထား သတ်မှတ် အသုံးပြုလာခဲ့သော်လည်း ယခုအခါတွင် ကရင်လူမျိုးများ နေထိုင်ရာ ဒေသများတွင် ဖားစည်ကို ရှာတွေ့ရန်ပင် ခက်ခဲနေသည်။
ထို့ကြောင့် ယခုခေတ် ကရင်လူငယ်များအပါအ၀င် အမျိုးသားတရပ်လုံးက မိမိတို့၏လူမျိုး၊ ရိုးရာယဉ်ကျေးမှု အမွေအနှစ်များထဲက အမျိုးသားရေး အမှတ်လက္ခဏာ တခုလည်း ဖြစ်သည့် ဖားစည်ကို ထိန်းသိမ်းစောင့်ရှောက်ခြင်းနှင့်အတူ ဖားစည်သွန်းလုပ်ခြင်း အတတ်ပညာများကို လက်ဆင့်ကမ်း သင်ကြားကာ ရှေးအမွေအနှစ်ကို မပျောက်မပျက် ဆက်လက် ထိန်းသိမ်းရန် လိုအပ်နေပြီဖြစ်ကြောင်း ကရင်ယဉ်ကျေးမှုဆိုင်ရာ ကျွမ်းကျင်ပညာရှင်များက သုံးသပ်ပြောဆိုကြသည်။
မဇ္ဈိမ မှ........
တိုးတက်သော ဗုဒ္ဓဘာသာ ကရင်တပ်မတော် DKBA မှ တပ်မဟာ ၉၉၉ ဗျူဟာမှူး ဗိုလ်မှူးကြီး စောချစ်သူက ကရင် အချင်းချင်း တိုက်ခိုက်ခြင်းများ မပြုလုပ်တော့ဟု ပြောဆိုမှုသည် စစ်ရေးလှည့်ကွက်သာဖြစ်ကြောင်း ကရင်အမျိုးသားအစည်းအရုံး KNU က တုံ့ပြန်ပြောဆိုလိုက်သည်။
ခေတ်ပြိုင် မှ........
စစ်တွေတွင် နည်းပညာကောလိပ်ကျောင်းသား (၃၀၀) ကျော်တို့က ဇူလိုင် (၅) ရက်၊ ယမန်နေ့၌ ဆန္ဒပြခဲ့ကြကြောင်း စစ်တွေ မြို့ခံတဦးက ပြောသည်။
ကျောင်းသားများက ကားခဈေးပိုတောင်းသည်ကို မကျေနပ်သည့်အတွက် ပြည်နယ် အေးချမ်းသာယာရေးနှင့် ဖွဲ့ဖြိုးရေး ကောင်စီရုံးသို့ ချီတက်ဆန္ဒပြခဲ့ကြသည်။
“စစ်တွေကျောင်းသားတွေ မလွယ်ဘူး၊ ထစ်ကနဲဆိုရင် ဆန္ဒပြချင်ကြတာ။ သူတို့က အနာတွေနဲ့လေ၊ အခုလို ကိစ္စမျိုးပေါ့။ ကျောင်းကားကို လုံလုံလောက်လောက် မပေးနိုင်ဘူး။ အခြားကားတွေကလည်း ဈေးတင်တောင်းတယ်ဆိုတာမျိုးကို ကျောင်းသားတွေက လုံးဝမနှစ်သက်ကြဘူး။ ဒီလိုမျိုးဆိုရင် နောင်လည်း ဖြစ်နေဦးမှာပါ” ဟု စစ်တွေ ဘောက်သီးစုရပ်ကွက်မှ ပြည်သူတဦးက ပြောသည်။
ကျောင်းသားများအတွက် စီစဉ်ပေးသော ကျောင်းကားများ ထွက်သည့်အရေအတွက် နည်းသည့်အတွက် အခြားကားများကလည်း ကားခ ပိုတောင်းမှုအပေါ် ကျောင်းသားများက ဒေါသထွက်ရာမှ ဆန္ဒပြမှု ပေါ်ပေါက်လာခြင်းဖြစ်သည်။
“စစ်တွေက လူတွေကလည်း ကျောင်းသားတွေကို အားပေးတယ်။ သွားကြည့်သူနဲ့ ဆန္ဒပြသူတွေ လူအုပ်ကြီးက ထောင်ဂဏန်း နီးပါး ဖြစ်သွားတယ်” ဟု ကမ်းနားလမ်းတွင် ကုန်မျိုးစုံ ဖွင့်လှစ်ထားသော စစ်တွေမြို့ခံတဦးက ပြောသည်။
ကျောင်းသားများဆန္ဒပြခြင်းကို ဆရာဆရာမများက အပြစ်တင်ကြောင်း၊ ယင်းသို့ မလုပ်ဆောင်သင့်ကြောင်း၊ ကျောင်းသားများအား အစိုးရက နှိပ်ကွပ်မည်ကို ဆရာများက စိုးရိမ်ကြောင်း ပြောသည်ဟု ဆန္ဒပြရာတွင် ပါဝင်ခဲ့သော
ကျောင်းသားတဦးက ပြောသည်။
“ကျနော်တို့ ကျောင်းသားတွေ ဘ၀ကတော့ ဆုပ်လည်းစူး စားလည်းရူးပေါ့။ မကျေနပ်တာကို ဆန္ဒပြပြန်တော့လည်း အစိုးရက ဖမ်းမယ်ဆိုတာမျိုးပေါ့။ ဒါကြောင့် လူတွေ ဒီဘ၀ကနေ မတိုးတက်တော့ဘူး။ ကျနော်တို့အတွက် ကျောင်းကားကို သေသေချာချာ မစီစဉ်ပေးရင် နောင်လည်း ဒီလိုဖြစ်ဦးမှာပဲ” ဟု ၎င်းက ပြောသည်။
ကျောင်းသားများ ဆန္ဒပြမှုကို ဆရာဆရာမများက မကျေနပ်သော်လည်း လတ်တလော ဖြစ်ပေါ်နေသည့်ပြဿနာကို ကျောင်းသားများဘက်မှ ရပ်တည်ကာ ကားခကို (၁၀၀) ကျပ် ကောက်ရန် သတ်မှတ်တောင်းဆို ဖြေရှင်းပေးလိုက်သည်ဟု သိရသည်။
VOA မှ........
လက်နက်ကိုင် ကရင်အဖွဲ့ ၂ ခုကြားမှာ အပစ်အခတ် ရပ်စဲကြဖို့အတွက် ဒီရက်ပိုင်းအတွင်းမှာပဲ နှစ်ဘက် အောက်ခြေတပ်တွေကြားမှာ ဆွေးနွေးမှုတွေ စတင်နေပါတယ်။ ဗဟိုရဲ့ ညွှန်ကြားချက်နဲ့ အောက်ခြေတပ်တွေ စတင်ဆွေးနွေးတာ ဖြစ်ပါတယ်။ အပစ်အခတ် ရပ်စဲရေး သဘောတူနိုင်ခဲ့ရင် ကရင်အမျိုးသားတွေအတွက် အကျိုးများလာနိုင်တယ်လို့ သုံးသပ်သူတွေက ပြောနေကြပေမဲ့ လက်တွေ့မှာ သဘောတူညီမှု ရနိုင်ဖို့ ဘယ်လောက် ဖြစ်နိုင်ပါသလဲ။ အပြည့်အစုံကို ထိုင်းအခြေစိုက် သတင်းထောက် ကိုနိုင်ကွန်းအိန်က တင်ပြပေးထားပါတယ်။
KNU ခေါ် ကရင်အမျိုးသား အစည်းအရုံးနဲ့ DKBA ခေါ် တိုးတက်သော ကရင်ဗုဒ္ဓဘာသာ ဒီမိုကရက်တစ် အဖွဲ့တို့ဟာ ဇွန်လ နောက်ဆုံးပတ် ထိုင်းနယ်စပ် တနေရာမှာ အပစ်အခတ် ရပ်စဲရေးအတွက် တွေ့ဆုံဆွေးနွေးခဲ့တယ်လို့ KNU ခေါင်းဆောင်တဦးက ပြောပါတယ်။ အဲဒီဆွေးနွေးမှုဟာဆိုရင် KNU ဗဟိုဌာနချုပ်ရဲ့ လမ်းညွှန်ချက်အရ အောက်ခြေတပ်များကနေ ဆွေးနွေးခဲ့တယ်လို့ ကရင်အမျိုးသား အစည်းအရုံးရဲ့ ဒု-ဥက္ကဋ္ဌဖြစ်သူ ပဒို ဒေးဗစ်သာကပေါက အခုလို အတည်ပြု ပြောပြခဲ့ပါတယ်။
“ဒါ အောက်ခြေအဆင့်ပဲ၊ လျှို့ဝှက်ပြီး လုပ်နေတယ်လို့ထင်တယ်။ ဗဟိုက လမ်းညွှန်ပေးထားတယ်လေ။ အဲဒါ အကျိုးရှိမယ်၊ တကယ်တမ်း တိုးတက်မှုရှိမယ်ဆိုမှ ဗဟိုက ဝင်ကိုင်ပါမယ်။ ကျနော်တို့ စောင့်ကြည့်ရမယ့် အခြေအနေမှာပဲ ရှိပါတယ်။”
အလားတူ DKBA အဖွဲ့က တာဝန်ရှိသူများကို ဆက်သွယ်မေးမြန်းခဲ့ပေမဲ့ ဖြေကြားခြင်း မပြုခဲ့ပါဘူး။ KNU အဖွဲ့နဲ့ DKBA အဖွဲ့တို့ အနေနဲ့ အခုလို အပစ်အခတ် ရပ်စဲရေး ဆွေးနွေးတာဟာ ကရင်တမျိုးသားလုံးအတွက် အကျိုးရှိနိုင်မယ်လို့ ကရင့်အရေး လှုပ်ရှားသူ ဆရာထူးဂလိက အခုလို ပြောပါတယ်။
“အပစ်အခတ် ရပ်စဲနိုင်မယ် ဆိုတော့ ကျနော့်အနေနဲ့ ဝမ်းသာစရာ တခုပဲပေါ့။ ဘာဖြစ်လို့လဲဆိုတော့ ကျနော်တို့ ပြည်သူတွေအတွက် ပြေလည်မှု ရှိတာပေါ့ခင်ဗျာ။ ကျနော်တို့ ပိုပြီးတော့ အင်အားကြီးတာပေါ့၊ တော်လှန်ရေးအတွက်။ ကျနော့်ရဲ့ အမြင်ပေါ့လေ။”
၂ဝ၁ဝ နှစ်ဆန်းပိုင်းတုန်းကလည်း မြိုင်ကြီးငူ ဆရာတော် ဦးသုဇန ဦးဆောင်ပြီး KNU နဲ့ DKBA အဖွဲ့တို့ တွေ့ဆုံ ဆွေးနွေးခဲ့ပါသေးတယ်။ ဒါပေမဲ့ အဲဒီဆွေးနွေးပွဲကို အပြီးမသတ်နိုင်ခဲ့ဘူးလို့ KNU တပ်မဟာ ၆ ဒေသမှ စစ်ဘက်အရာရှိတဦးက ပြောပါတယ်။
DKBA တပ်ဖွဲ့ဟာ ၁၉၉၅ ခုနှစ် ဇန်နဝါရီလလောက်မှာ ဘာသာရေး ခွဲခြားမှုကို အကြောင်းပြပြီး KNU ကနေ ခွဲထွက်ခဲ့ပါတယ်။ မြန်မာစစ်အစိုးရနဲ့ ပူးပေါင်းပြီးတော့ KNU နဲ့ လက်နက်ကိုင် ပဋိပက္ခ ပြင်းထန်စွာ ဖြစ်ပွားခဲ့ပါတယ်။ နှစ်ဘက်လုံးမှာ ထိခိုက် ကျဆုံးတာတွေ များပြားခဲ့တယ်လို့လည်း KNU အရာရှိတဦးက ပြောပါတယ်။
အခုလို KNU နဲ့ DKBA တို့ အောက်ခြေအဆင့်ကနေပြီး တဖွဲ့နဲ့တဖွဲ့ နားလည်မှု ရှိလာတဲ့အပေါ်မှာ စစ်အစိုးရက ဘယ်လိုသဘောထားဦးမယ် ဆိုတာ မသိသေးဘူးလို့ အမည်မဖော်လိုသူ ကရင်အမျိုးသားအရေး လှုပ်ရှားသူတဦးက ဆိုပါတယ်။
အခုလို တဖွဲ့နဲ့တဖွဲ့ နားလည်မှု ရှိလာတာဟာ ကောင်းမွန်တဲ့ အသွင်လက္ခဏာ ဆောင်လာတယ်လို့ ဆိုပေမဲ့ စစ်အစိုးရကနေ ကြိုးကိုင်ထားတဲ့ DKBA က ထိပ်ပိုင်းခေါင်းဆောင်တွေ အနေနဲ့ စစ်အစိုးရရဲ့ ဆန္ဒတွေကို ငြင်းဆန် ပယ်ရှားဖို့တော့ အချိန်ယူရမှာဖြစ်ပြီး ညီညွတ်ရေး တည်ဆောက်နိုင်ဖို့ကတော့ မရေရာမှုတွေနဲ့ ပြည့်နေဆဲပဲလို့ ကရင်အမျိုးသားအရေး လှုပ်ရှားသူများက သုံးသပ်ထားပါတယ်။
ခေတ်ပြိုင်မှ............
၂၀၁၀ ဧပြီ ၂၈ ရက်နေ့ နောက်ဆုံးထားပြီး BGF ၊ HGF ၊ ဌာနေပြည်သူ့စစ်တပ်ဖွဲ့များအဖြစ် အသွင်ပြောင်းဖွဲ့စည်းကြရန် အပစ်ရပ်အဖွဲ့များ (KIO ၊ UWSP ၊ SSA –N ၊ မိုင်းလားအဖွဲ့နှင့် မွန်ပြည်သစ်ပါတီ) အား နအဖက ရာဇသံပေးခဲ့ဖူးတယ်။
ထိုအပစ်ရပ်အဖွဲ့တိုင်းက မိမိတို့နဲ့သက်ဆိုင်တဲ့ နိုင်ငံရေးသဘောထား ရပ်တည်ချက်များကို သတ်မှတ်ရက် မတိုင်မီကတည်းက ရှင်းရှင်းလင်းလင်း ထုတ်ဖော်ပြောဆိုခဲ့ကြတယ်။ အသွင်ပြောင်းရေးစီမံချက်ကို လက်မခံသည့် အပစ်ရပ်အဖွဲ့အစည်းအများစုဟာ မူလနိုင်ငံရေး ရပ်တည်ချက်တွေကိုပဲ ဆက်လက်ဆုပ်ကိုင်ထားလိုက်တယ်။ နအဖရဲ့ရာဇာသံကို အာခံလိုက်သလို ဖြစ်သွားခဲ့တယ်။ နအဖအတွက် နိုင်ငံရေးအရ အရှက်ကွဲစရာတခု ထပ်မံရရှိလာခဲ့ပြန်ပြီ။ ဒါကလည်း နအဖက ရှက်တတ်ဦးမှပါ။ ရှက်ရမ်းရမ်းပြီ မာန်ဖီလာမယ်၊ အာဃာတတွေ ကြီးထွားလာမယ်ဆိုရင် အပစ်ရပ်နိုင်ငံရေးပြဿနာ ဖြေရှင်းရေးဟာ လွယ်မယောင်နဲ့ခက်၊ တိမ်မယောင်နဲ့ နက်တဲ့ဘက်ကို ဦးတည်ရွေ့လျားသွားမယ့် အလားအလာရှိနေတယ်။
အခုတော့ နအဖနိုင်ငံတော်ရဲ့ သဘောထားအမှန်နဲ့ အပစ်ရပ်အဖွဲ့တခုခြင်းစီရဲ့ အကျိုးစီးပွား တထပ်တည်းမကျတော့ဘူး။ တကယ်ဆိုရင် အပစ်ရပ်အဖွဲ့တွေရဲ့ တုံ့ပြန်ပြောဆိုချက်တွေဟာ နအဖနဲ့ နိုင်ငံရေးအရ ဆက်ဆံခဲ့စဉ်က ရရှိခဲ့တဲ့ ကိုယ်ပိုင်အတွေ့အကြုံများအပေါ် အခြေခံပြီး တင်ပြတောင်းဆိုချက်များသာ ဖြစ်တယ်။ အပစ်ရပ်အဖွဲ့များရဲ့ တုံ့ပြန် တောင်းဆိုချက်တွေအပေါ် နအဖကလည်း ဘ၀င်မကျတော့ဘူး။ ဧပြီ (၂၈) နောက်ပိုင်းရက်တွေမှာ နအဖနဲ့ အပစ်ရပ် အဖွဲ့များကြားက အေးစက်လာတဲ့ ဆက်ဆံရေးတွေကို ကြည့်လိုက်ရင် သိသာတယ်။ တယောက်ခြေလှမ်း တယောက်က မျက်ခြည်မပြတ် စောင့်ကြည့်နေရတဲ့ အခြေအနေထိတောင် ရောက်နေလို့ပါပဲ။
ဒီရက်ပိုင်းအတွင်း အပစ်ရပ်ဒေသများတွင် ငြိမ်းချမ်းရေးတေးသံတွေ တိုးတိမ်လာနေသလိုပဲ။ အဲဒီအစား နအဖ စစ်ကားတွေ၊ စစ်သားတွေရဲ့လှုပ်ရှားသံတွေက အသံပိုကျယ်လာနေတယ်။ ဘယ်နေရာ၊ ဘယ်အချိန်မှာ အပစ်ရပ်နိုင်ငံရေး အခြေအနေ ပျက်စီးပျောက်ကွယ်သွားမလဲဆိုတဲ့ စိုးရိမ်စိတ်ကလည်း အပစ်ရပ်ဒေသမှ ပြည်သူတွေရဲ့ နေ့စဉ်ဘဝတွေထဲအထိ ခြိမ်းခြောက်လာနေပြီ။
နအဖစစ်အစိုးရဟာ ဧပြီ (၂၈) ရက်နေ့ နောက်ဆုံး ရာဇာသံပေးပြီးနောက် အပစ်ရပ်များရဲ့ တောင်းဆိုချက်တွေကို မဆိုင်းမတွ ပယ်ချခဲ့တယ်။ အဲဒီနောက် အပစ်ရပ်အဖွဲ့များအား နိုင်ငံရေး၊ စစ်ရေးနည်းများဖြင့် ဖိအားပေးအကြပ်ကိုင်ကာ နအဖရဲ့ အသွင်ပြောင်းရေးစီမံချက်ကို ထပ်မံအကောင်အထည်ဖော်နေပါတယ်။ ဒီတကြိမ် အကောင်အထည်ဖော်မှုကို ကြည့်လိုက်ရင် ကုန်လွန်ခဲ့တဲ့ တနှစ်ကလိုမျိုး လက်နက်အင်အား၊ လူအင်အားတောင့်တဲ့ အဖွဲ့ကြီးတွေနဲ့ ထိတွေ့တာမျိုး မလုပ်သေးဘဲ နားထားလိုက်တယ်။ အတော်အတန် အင်အားရှိပြီး အဖွဲ့အတွင်း တွယ်ဆက်မှု အားနည်းမယ်ထင်ရတဲ့ အဖွဲ့တွေဆီကို ပစ်မှတ်ရွေ့ လှုပ်ရှားနေတာ တွေ့ရတယ်။ မေလအတွင်း နအဖနှင့် အပစ်ရပ်များ ထိတွေ့ဆက်ဆံရေးကို လေ့လာ ကြည့်တဲ့အခါ…
မေလ တတိယအပတ်ထိ နအဖက အထိတွေ့အများဆုံး အဖွဲ့ကတော့ SSA-N (ရှမ်းပြည်တပ်မတော် မြောက်ပိုင်း) အဖွဲ့ဖြစ်ပါတယ်။ အထိအတွေ့များရတဲ့ အကြောင်းမှာ SSA-N အဖွဲ့အစည်းထဲက အတွင်းပိုင်းညီညွတ်ရေး အားနည်းချက်ကို ချက်ကောင်းယူပြီး နအဖဟာ သူရဲ့ နိုင်ငံရေးလိုအပ်ချက်ကို ဖြည့်ဆည်းဖို့ ကြံစည်နေလို့ပါပဲ။
SSA-N အတွင်း ဧပြီ (၂၈) နောက်ပိုင်း နိုင်ငံရေးသဘောထားကွဲလွဲမှုကြောင့် အုပ်စု (၂) ခု သိသိသာသာပေါ်ပေါက်ခဲ့တယ်။ နအဖရဲ့ နယ်မြေစောင့်ပြည်သူ့စစ် (HGF) အသွင်ပြောင်းရေးစီမံချက်ကို လက်ခံသည့်အုပ်စုနှင့် လက်မခံသည့်အုပ်စုအဖြစ် ကွဲထွက်လာခဲ့ခြင်းဖြစ်တယ်။ HGF အသွင်ပြောင်းရေးကို လက်ခံတဲ့အုပ်စုကတော့ ဥက္ကဋ္ဌ၊ ဒု-ဥက္ကဋ္ဌ နဲ့ တပ်မဟာ (၃) တပ်မဟာ (၇) တို့ဖြစ်တယ်။ လက်မခံသည့်အဖွဲ့ကတော့ တပ်မဟာ (၁) မှ ဗိုလ်ချုပ်ပန်ဖတို့ဖြစ်တယ်။
ဒီနေရာမှာ ထူးခြားတာတခုက HGF ကို လက်ခံသည့် အုပ်စုအား ချက်ချင်း အသွင်ပြောင်းတပ်ဖွဲ့ ဖွဲ့တာမျိုး မလုပ်သေးဘဲ သဘောမတူတဲ့ အုပ်စုအား စည်းရုံးသိမ်းသွင်းရန် နအဖက တာဝန်ပေးလုပ်ခိုင်းနေတယ်။ ငါးကြင်းဆီနဲ့ ငါးကြင်းကျော်တဲ့ နည်းပါ။ ဒါဟာ အချင်းချင်း ပဋိပက္ခဖြစ်စေဖို့ ဖန်တီးထားတာမျိုးအဖြစ် ယူဆနိုင်တယ်။ ဒီပဋိပက္ခကို အသုံးချပြီး နအဖ လုပ်နေကျ ကြက်လည်းမောစေ၊ ယာလည်း ညက်စေ ပေါ်လစီအတိုင်း၊ ကိုးကန့်ပြဿနာမျိုး ဖန်တီးနိုင်တယ်လို့ တွက်ဆ သူတွေလည်း ရှိနေကြပါတယ်။
တဖက်ကလည်း HGF ကို လက်မခံသည့်အဖွဲ့ကို စစ်ရေးအရ ခြိမ်းခြောက် ဖိအားပေးတာမျိုးတွေရှိနေတယ်။ ဖိအားပေးတာကလည်း ရွေးကောက်ပွဲမတိုင်ခင် သေနတ်သံပြန်မပေါက်စေဖို့ ဟန့်တားချင်တဲ့ သဘောမျိုးလည်း တွေ့ရတယ်။ ဘယ်လိုပဲဖြစ်ဖြစ် နအဖဟာ ၂၀၁၀ နိုင်ငံရေးလိုအပ်ချက် (စစ်အာဏာရှင်စနစ် သက်ဆိုးရှည်ရေး) ပြည့်မီဖို့ လိုနေတယ်။ ဒါကြောင့် အပစ်ရပ် နိုင်ငံရေးအင်အားစုတွေကို သူရေးဆွဲထားတဲ့ ပုံစံခွက်ထဲရောက်အောင် နည်းလမ်းပေါင်းစုံ အသုံးပြုပြီး လုံးပန်းအားထုတ်နေမယ်ဆိုတာ ယုံမှားဖွယ်မရှိ။
အသွင်ကူးပြောင်းစီမံကိန်းက ရှေ့တိုးမရ ဖြစ်နေတဲ့အချိန်မှာ နအဖဟာ နိုင်ငံတကာနဲ့ ပြည်တွင်းကို လှည့်စားဖို့ ခြံထဲက ကြက် ထုတ်ပြီး ရိုက်ပြရတဲ့အဖြစ်မျိုး ပေါ်လာခဲ့တယ်။ မဆလခေတ်ကတည်းက နအဖခေတ်အထိ တော်လှန်ရေးတွေကို ဆန့်ကျင်ဖို့ လူအုပ်စုများကို စုဝေးစေပြီး ပြည်သူစစ်အမည်နဲ့ စုဖွဲ့ပေးခဲ့တယ်။ နိုင်ငံရေးအရ လိုအပ်လာရင် အဲဒီလူအုပ်စုကို လူမျိုးစု နာမည်တခုတတ်ပြီး အသုံးချလာတတ်တယ်။
ဥပမာတခုအနေနဲ့ပြောရရင် ၂၀၀၇ ခုနှစ် နိုဝင်ဘာ (၈) ရက်နေ့တွင် ဒေါ်အောင်ဆန်းစုကြည်က နအဖအား ဝေဖန်သည့် ထုတ်ပြန်ကြေညာချက်တစောင်ကို စင်ကာပူနိုင်ငံမှနေပြီး ထုတ်ပြန်ခဲ့ဖူးတယ်။ ဒီနိုင်ငံရေး ထုတ်ပြန်ကြေညာချက်ကို ဆန့်ကျင် ကြောင်း နအဖဟာ အဖွဲ့အစည်းပေါင်း (၇၀) ကျော်ကို ဇွတ်အတင်း ဆွဲထုတ်ပြီး နအဖပိုင် သတင်းစာများမှာ ဖော်ပြခဲ့တယ်။ အဖွဲ့ (၇၀) ထဲမှာ နအဖ မွေးမြူထားတဲ့ ပြည်သူစစ်တွေက (၁၀) ဖွဲ့ ပါရှိပါတယ်။ အခုလည်း အမှတ် (၁၀၀၇), (၁၀၀၈), (၁၀၀၉), (၁၀၁၀) နယ်ခြားစောင့်တပ်ဖွဲ့ဆိုတဲ့ အမည်ဖြင့် မတ်လ (၃၀) ရက်၊ မေ (၁၈၊ ၂၀) ရက်များက ပွဲထုတ်လာတယ်။ အသွင်ကူးပြောင်းရေးစီမံချက်ကို လူကြိုက်များလာအောင် မီဒီယာအားကိုးနဲ့ နိုင်ငံရေးကြော်ငြာအဖြစ် ရှိုးပြလိုက်ခြင်းသာ ဖြစ်ပါတယ်။ မျက်စိလည်စရာမရှိပါ။
ဒါပေမယ့် အဲဒါတွေရဲ့ ဆိုးကျိုးဂယက်ကတော့ သက်ဆိုင်ရာဒေသတွေမှာ လူမျိုးရေးအမြင် ရှုပ်ထွေးမှုတွေ ဖြစ်ပေါ်လာနိုင်တယ်။ ရေရှည်မှာ လူမျိုးရေးပဋိပက္ခအသွင်ဆောင်တဲ့ ပြဿနာတွေအထိ တိုးပွားမလာရင်ဘဲ တော်လှပြီ။ နအဖဟာ ရှင်းနေတာကို ရှုပ်အောင်လုပ်တတ်တယ်။ ရှုပ်နေတာကို ရှင်းမရအောင်လုပ်တတ်တဲ့ အကျင့်အတိုင်း အပစ်ရပ်နိုင်ငံရေး ပြဿနာတွေကို ကိုင်တွယ်ဖြေရှင်းနေတာဖြစ်တယ်။ ဒါကိုလည်း နအဖနဲ့ နိုင်ငံရေးအရ ထိတွေ့ဆက်ဆံခဲ့ဖူးတဲ့ အပစ်ရပ် အဖွဲ့တိုင်းက သတိပြုမိကြလိမ့်မယ်ထင်ပါတယ်။
လွန်ခဲ့တဲ့ နှစ် (၂၀) က န၀တရဲ့ နိုင်ငံရေးလိုအပ်ချက်အရ အပစ်ရပ်အဖွဲ့တွေ ဖြစ်ပေါ်လာစေခဲ့တယ်။ အခုတော့ နအဖရဲ့ နိုင်ငံရေး လိုအပ်ချက်အရ အပစ်ရပ်အဖွဲ့တွေ ပျောက်ကွယ်ဖို့ လိုအပ်နေပြီ။ ဒါပေမယ့် ထင်သလိုဖြစ်မလာဘူး။ မထွေးနိုင်၊ မ အန်နိုင် အလုံးကြီးတခုကို မျိုဆို့ထားရသလိုဖြစ်နေပြီ။ နအဖ ဖြေရှင်းနေရတဲ့ လတ်တလောပြဿနာတွေထဲက တခုအဖြစ် ထင်ထင်ရှားရှား တွေ့မြင်နိုင်ပါတယ်။
ဒီပြဿနာပြေလည်ချင်ရင်တော့ နအဖဟာ ရူးမိုက်စွာ စဉ်းစားရေးဆွဲထားတဲ့ အသွင်ကူးပြောင်းရေး စီမံချက်ကို ဖျက်သိမ်း ပစ်ရပါလိမ့်မယ်။ အပစ်ရပ်အဖွဲ့များရဲ့ နိုင်ငံရေးတောင်းဆိုချက်တွေကို လေးစားလိုက်နာရလိမ့်မယ်။ မပြေမလည်ဖြစ်နေတဲ့ အပစ်ရပ်နိုင်ငံရေးပြဿနာများကို နိုင်ငံရေးနည်းဖြင့် ဖြေရှင်းရဲတဲ့ သတ္တိတော့ မွေးမြူထားရလိမ့်မယ်။
ဒီလိုမဟုတ်ဘဲ အပစ်ရပ်နိုင်ငံရေးပြဿနာများကို လက်စမသတ်နိုင်တော့တဲ့ နအဖစစ်အစိုးရဟာ အရေခွံလဲပြီး ရွေးကောက်ပွဲမှာ အနိုင်ရအောင်လုပ်မယ်။ ပြီးတော့ နိုင်ငံရေးအာဏာချုပ်ကိုင်ထားမယ့် အသွင်ပြောင်းစစ်အစိုးရအဖြစ်နဲ့ ဆက်လက်ဖြေရှင်းဖို့ ကြံစည်နေတာမျိုးလည်းဖြစ်နိုင်တယ်။ ဒါကတော့ ဘယ်လက်ကနေ၊ ညာလက်ပြောင်းကိုင်တဲ့ နည်းပါ။ ဘယ်လိုအခြေအနေပဲဖြစ်ပါစေ တက်လာမယ့်အစိုးရနဲ့ လူမျိုးပေါင်းစုံပြည်သူတွေရဲ့ နိုင်ငံရေးပြဿနာကတော့ ဆက်လက်တည်ရှိကာ ကြီးထွားလာနေဦးမှာပါ။
သို့သော် ထိုပြဿနာအား အခုပဲရှင်းရှင်း၊ နောက်မှပဲရှင်းရှင်း ဖြေရှင်းဖို့တာဝန်ရှိသူတိုင်းဟာ “တန်းတူရေး၊ ကိုယ်ပိုင် ပြဋ္ဌာန်းခွင့်ရရှိရေး၊ အတူတကွ စည်ပင်ဝပြောရေး” ဆိုတဲ့ အခြေခံမူကို ဘေးဖယ်ထားမယ်။ ပြီးတော့ ယခင်အစိုးရ အဆက်ဆက်တွေလို နည်းလမ်းဟောင်းဖြင့် ဖြေရှင်းကြမယ်ဆိုရင်တော့ ဒီတိုင်းပြည်ဟာ အပြင်းစားနိုင်ငံရေးပဋိပက္ခတွေရဲ့ ပေါက်ကွဲသံတွေနဲ့ ညံစီနေမယ်ဆိုတာ တွေးကြည့်ရင်း စိတ်မောမိပါတော့တယ်။
ဧရာဝတီ မှ..........
အင်းစိန် ထောင်တွင်း အကျဉ်းကျခံ နေရသော နာမကျန်း ဖြစ်နေသည့် နိုင်ငံရေး အကျဉ်းသားများကို ထောင်အာဏာပိုင် များက ဆေးကုသခွင့် မပေး၍ ကျန်းမာရေး အတွက် စိုးရိမ်နေရသည်ဟု မိသားစုဝင်များက ပြောဆိုသည်။
ရန်ကုန်တိုင်း တွံတေး မြို့နယ် အမျိုးသား ဒီမိုကရေစီ အဖွဲ့ချုပ် (NLD) မြို့နယ် စည်းရုံးရေး အဖွဲ့ဝင် ကိုဇော်မင်းထွန်းနှင့် မစန္ဒာတို့ ဇနီးမောင်နှံ နှစ်ဦးသည် အစာအိမ် ရောဂါနှင့် အသည်းရောဂါ၊ နှလုံးရောဂါတို့ ခံစားနေရ၍ ဆေးကုသခွင့် တောင်းထား သော်လည်း ယနေ့အထိ ခွင့်မပြု သေးကြောင်း သိရသည်။
“ကျနော့်အမေ မစန္ဒာက အသည်း ရောဂါရှိတယ်။ နှလုံးရောဂါလည်း ဖြစ်နေတယ်။ ဆီးချို သွေးချို၊ လေးဘက်နာလည်း ဖြစ်နေတာ၊ အသည်း အသန်ဖြစ်ရင် ဆရာဝန် သွားခေါ်တာ ၂ နာရီ လောက်နေမှ ထဘီပြာဝတ် ဆရာမက လာပြီး အိပ် ဆေး တွေပဲ ပေးတယ်။ ဆေးကုဖို့ စာတင်တာလည်း အခုထိ မရသေးဘူး”ဟု သားဖြစ် သူ ကိုဟိန်းမင်းလတ်က ပြော ပြသည်။
ထို့အတူ အစာအိမ်ရောဂါဖြစ်နေသော ကိုဇော်မင်းထွန်းသည် ထမင်းစား၍ မရသောကြောင့် ဆေးဝါးနှင့် လိုအပ်သော ပစ္စည်းများကို ပေးပို့ခွင့်မရဖြစ်နေသည်ဟုလည်း ၎င်းကဆိုသည်။
“သူက အစာအိမ်ရောဂါဖြစ်နေတော့ ထမင်းစားလို့မရဘူး၊ ကော်ဖီပဲသောက်နေရတော့ ရေနွေး အတွက် ဓာတ်ဘူး သွင်းဖို့ စာတင်တာ အခုထိမရသေးဘူး”ဟု ကိုဟိန်းမင်းလတ် ကပြောသည်။
ဆရာဝန်နှင့် ဆေးကုသခွင့်ရလိုကြောင်း ပြောပြသည့်အခါတွင် ပေးထားသည့်ဆေးကို သောက်ရန်သာ ပြောကြားပြီး ဆေးစစ်ဆေးမှုနှင့် ကုသခွင့် တစုံတရာ မပေး၍ ပြည်ထဲရေးဝန်ကြီးထံသို့ တိုက်ရိုက် တောင်းဆိုမည်ဟုလည်း ၎င်းက ပြောဆိုသည်။
သူက ဆက်လက်ပြီး“စာတင်ထားပါတယ်ခင်ဗျ။ ဒါပေမယ့် အရေးတယူကုသတာ မရှိဘူး။ ဒီဆေးနဲ့ပဲ ရပါတယ် ဆိုပြီး တော့ ဆေးစာ မထုတ်ပေးဘူး။ သူတို့ကျန်းမာရေးအတွက် ကျနော်တို့ တအားစိတ်ပူပါတယ်။ ဒါကို ပြည်ထဲရေးဝန်ကြီး ဆီကို စာတင်တောင်းဆိုမယ်”ဟု ပြောသည်။
ကိုဇော်မင်းထွန်းနှင့် မစန္ဒာတို့သည် တွံတေးမြို့နယ်အတွင်း လူ့အခွင့်ရေး ချိုးဖောက်မှုများနှင့်ပတ်သက်၍ လိုက်လံ ကူညီပေးနေသူများဖြစ်ပြီး ၂၀၀၉ ခုနှစ် နိုဝင်ဘာလက တွံတေးမြို့နယ်တွင်း ယာဉ်တိုက်မှုတခုကို ကူညီပေးစဉ် ၀တ္တရား နှောင့်ယှက်မှုဖြင့် မြို့နယ် ဆရာဝန် ဒေါက်တာ ကြူကြူခိုင် ဆိုသူက တရားလိုပြု တရားစွဲဆိုခြင်း ခံခဲ့ရသည်။
ထိုအမှုဖြင့် တွံတေးမြို့နယ်တရားရုံးမှ ကိုဇော်မင်းထွန်းကို ထောင်ဒဏ် ၁ နှစ်၊ မစန္ဒာကို ထောင်ဒဏ် ၁ နှစ်ခွဲ အသီးသီး ချမှတ်ခဲ့သည်။
ထို့အတူ ၂၀၀၇ စက်တင်ဘာ လှုပ်ရှားမှုအပြီးတွင် ဖမ်းဆီးခံခဲ့ရသည့် ရန်ကုန်တိုင်း ခရမ်းမြို့နယ်မှ သံဃာတော် ဦးဆန္ဒာဓိ က ခေါ် ညီညီအောင် သည်လည်း အူကျရောဂါ၊ အစာအိမ်ရောဂါတို့ဖြင့် ခွဲစိတ်ကုသမှုခံယူထားရာ ချုပ်ရိုး မကျက်သောကြောင့် ပြည်ယိုသည့် ဝေဒနာခံစားနေရသည်ကို ဆေးကုသခွင့်မပေးကြောင်း သိရသည်။
“အတွင်းချုပ်ရိုးက ပြေသွားတာတဲ့။ ဗိုက်ကြီးက စူနေတယ်။ ခွဲထားတဲ့ ချုပ်ရိုးကလည်း မကျက်လို့ ပြည်ယိုနေတာ ထောင် ဆရာဝန်ကို သွားပြတော့ အင်းစိန်ဆေးရုံကို သွားပြဖို့ စာထုတ်ပေးတာ ထောင်အာဏာပိုင်တွေက မလွှတ်ဘူး။ ဆေးတွေပေးတာကိုလည်း အာဏာပိုင်တွေက မပေးဘူး။ ထောင်ဝင်စာတွေ့မယ့်သူလည်း မရှိတော့ ခက်နေတယ်”ဟု မကြာသေးခင်က ထောင်မှ လွတ်လာသည့် အကျဉ်းသားတဦးက ဧရာဝတီသို့ ပြောသည်။
ဦးဆန္ဒာဓိက သည် မတရားအသင်းဆက်သွယ်မှု ပုဒ်မ အပါအ၀င် နိုင်ငံရေး ပုဒ်မများဖြင့် ထောင်ဒဏ် ၂ နှစ် ကျခံနေရ သူ ဖြစ်သည်။
အင်းစိန်ထောင်တွင်းရှိ တချို့သော သံဃာတော်များမှာလည်း ထောင်ဝင်စာ တွေ့မည့်သူမရှိသောကြောင့် အစား အစာ နှင့် ဆေးဝါးရရှိရေး အခက်အခဲများ ရှိနေကြောင်းလည်း မကြာသေးခင်က ထောင်မှ လွတ်လာသည့် အကျဉ်းသားက ပြောပြသည်။
မြန်မာနိုင်ငံ အကျဉ်းထောင်များအတွင်း ယုံကြည်ချက်ကြောင့် အကျဉ်းကျခံနေရသော နိုင်ငံရေး အကျဉ်းသား ၂၁၅၇ ဦး ရှိကြောင်း ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း(AAPP)က ထုတ်ပြန်ထား သည်။
