ကေအိုင်စီ မှ............

ကရင်ပြည်နယ်၊ လှိုင်းဘွဲမြို့နယ် ခလယ့်ဒေးကားလမ်းအတိုင်း တက်လာသည့် အစိုးရစစ်တပ်အား ယနေ့မွန်းလွဲပိုင်းတွင် ကရင်အမျိုးသားလွတ်မြောက်ရေးတပ်မတော် KNLA တပ်ဖွဲ့များက စောင့်ကြိုပစ်ခတ်ခဲ့ရာ အစိုးရတပ်ဘက်က တပ်ရင်းမှူး တစ်ဦး အပါအ၀င် ၂ဦး ကျဆုံးကာ ၄ဦးထိခိုက်ဒဏ်ရာရရှိခဲ့သည်ဟု KNLA ဘက်က ပြောသည်။

ယနေ့ မွန်းလွဲ ၁း၂၀နာရီအချိန်တွင် ခလယ့်ဒေးကျေးရွာ ကားလမ်းအတိုင်း ချီတက်လာသည့် အစိုးရ စစ်တပ် ခမရ(၅၄၇) စစ် ကြောင်း(၁)အား ကရင်အမျိုးသားလွတ်မြောက်ရေးတပ်မတော် KNLA တပ်မဟာ(၇)တပ်ဖွဲ့ဝင်များက စောင့်ကြိုပစ်ခတ်ခဲ့မှု ကြောင့် ယခုလို အစိုးရစစ်ဘက်က ထိခိုက်ကျဆုံးခြင်းဖြစ်သည်ဟု KNLA တပ်မဟာ(၇)၏ ရုံးထိုင်မှူး ဗိုလ်မှူးစောအယ်ဆဲဆဲ က ပြောသည်။

၎င်းက “ဒီနေ့မွန်းလွဲ ၁း၄၅နာရီအချိန်မှာ ခလယ့်ဒေးကားလမ်းအတိုင်း တက်လာတဲ့ ခမရ(၅၄၇)တပ်ရင်းကို ကျနော်တို့လူတွေ သွားစောင့်ပစ်တယ်။ အဲဒီမှာ ရန်သူ့ဘက်က ၂ဦးသေ၊ ၄ဦး ဒဏ်ရာရတယ်။ သေဆုံးသူ ၂ဦးထဲမှာ တပ်ရင်းမှူး ၁ဦးနဲ့ တပ်ခွဲမှူး ၁ဦးပါတယ်။ ဒဏ်ရာရရှိသူထဲမှာ တပ်ခွဲမှူး ၁ဦးနဲ့ တပ်ကြပ်ကြီး ၁ဦး ပါတယ်။ ဒဏ်ရာရတဲ့ တပ်ခွဲမှူးက လည်ပင်းမှာ ထိမှန်တဲ့ အတွက် အသည်းအသန်ပဲ။”ဟု ပြောသည်။

အဆိုပါ ပစ်ခတ်မှုမှာ မိနစ်ပိုင်းခန့်သာဖြစ်ပွားခဲ့ပြီး KNLA ဘက်က အပိုင်နေရာယူထားသောကြောင့် ထိခိုက်ကျဆုံးမှု တစုံတရာ မရှိကြောင်း ဗိုလ်မှူးစောအယ်ဆဲဆဲက ပြောသည်။

KNLA တပ်မဟာ(၇)တွင် ယခုလအတွင်း အစိုးရစစ်တပ်နှင့် ပထမဦးဆုံးအကြိမ် ပစ်ခတ်မှုဖြစ်ပွားခြင်းဖြစ်ပြီး ယခင် ပစ်ခတ်မှု များကလည်း ယခုကဲ့သို့ အစိုးရစစ်တပ်ဘက်မှ တပ်ရင်းမှူးအဆင့်ရှိ သေဆုံးမှုများ ရှိခဲ့သည်။

တဆက်တည်းတွင် ပြီးခဲ့သည့် ဇွန်လ ၂၉ရက်နေ့ည ၁၂နာရီအချိန်တွင် နယ်ခြားစောင့်တပ်(BGF) တပ်ရင်း(၁၀၁၂) တပ်ရင်း မှူး ဗိုလ်မှူးစောဘိ ဦးစီးသည့်တပ်ဖွဲ့များက ဖာပွန်မြို့နယ်၊ ကမမောင်းကျေးရွာရှိ အစိုးရစစ်တပ်အား ၀င်ရောက်ပစ်ခတ်ခဲ့သလို ဇွန်လ ၃၀ရက်နေ့ ညနေ ၄နာရီအချိန်တွင် လှိုင်းဘွဲမြို့နယ်၊ မြိုင်ကြီးရွာအနီးရှိ တခေါ့ဖိုးတွင် BGF တပ်ဖွဲ့ဝင် အချင်းချင်း ပစ် ခတ်မှု ဖြစ်ပွားခဲ့သည်။
၎င်းပစ်ခတ်မှုများကို ဖြေရှင်းရန်အတွက် ယနေ့မနက်တွင် BGF အကြံပေးပုဂ္ဂိုလ် စောချစ်သူ(ယခင် ဒီကေဘီအေ ၉၉၉ တပ်မ ဟာ ဗျူဟာမှူး)နှင့် BGF (၁၀၂၂) တပ်ရင်းမှူး ဗိုလ်မှူးမုတ်သုန်တို့သည် ကားအစီး ၂၀ကျော်ဖြင့် မြိုင်ကြီးငူဒေသဘက်သို့ ချီ တက်သွားသည်ဟု ကိုယ်တိုင်မြင်တွေ့သူများရှိသလို စစ်ဘက်ဆိုင်ရာ သတင်းရပ်ကွက်အရလည်း သိရသည်။

Read More...

Summary only...

ကေအိုင်စီ မှ........

ပြီးခဲ့သည့်အပတ်က ကရင်ပြည်နယ်၊ ကြာအင်းဆိပ်ကြီးမြို့နယ်တွင် ဓါးစာခံအဖြစ် ဖမ်းဆီးထိန်းသိမ်းခံခဲ့ရသော အဇင်းရွာသား ၁၀၀ကျော်ကို အစိုးရစစ်တပ်က ယမန်နေ့တွင် ပြန်လွှတ်ပေးလိုက်ပြီဟု သိရသည်။

ထိုဒေသရှိ ကရင်တပ်ဖွဲ့များက ၎င်းတို့ အရှင်ဖမ်းဆီးရမိသည့် စစ်တပ်မှ ဒုတပ်ကြပ်တဦးအား ယမန်နေ့က ပြန်လွှတ်ပေးလိုက်ပြီး နောက် စစ်တပ်ဘက်မှလည်း ဓါးစာခံအဖြစ် ၎င်းတို့ ဖမ်းဆီးထိန်းသိမ်းထားသည့် ရွာသားများကို ယခုလို ပြန်လွှတ်ပေးလိုက်ခြင်း ဖြစ်ကြောင်း ဒေသခံများက ပြောသည်။

ယင်းသို့ ရွာသားများ ပြန်လည် လွတ်မြောက်လာသော်လည်း ရွာပြင်ရှိ ၎င်းတို့၏ လုပ်ငန်းခွင်သို့သွားပါက ယခင်လို ညအိပ်သွားလာ ခွင့်မရှိတော့ဘဲ နေ့ချင်းပြန်ဖြင့်သာ သွားလာခွင့်ရှိသည်ဟု ကရင်လူ့အခွင့်အရေးအဖွဲ့(ကေအိတ်ခ်ျအာရ်ဂျီ)၏ ပြောခွင့်ရ စောအဲလ် ဘတ်က ပြောသည်။

“စစ်တပ်က သုံးလေးရက် ထိန်းသိမ်းထားပြီးတော့ အခု ပြန်လွှတ်လိုက်ပြီလို့ ကျနော်တို့ သိရတယ်။ ဒါပေမယ့် အလုပ်ခွင်ကိုသွား ရင် ညအိပ်သွားလို့ မရဘူး။ နေ့ချင်းပြန်ပဲ သွားခွင့်ရှိတယ်။”ဟု ပြောသည်။

ဒီကေဘီအေတပ်ဖွဲ့များ အစိုးရကို ပြန်လည် တိုက်ခိုက်ပြီးနောက်ပိုင်း အဇင်းကျေးရွာတွင် ပစ်ခတ်မှုများ မကြာခဏ ဖြစ်ပွားလျှက် ရှိပြီး ပြီးခဲ့သည့် ဧပြီလကလည်း အစိုးရစစ်တပ်နှင့် ကရင်တပ်ဖွဲ့များအကြား ဆက်တိုက် ဖြစ်ပွားခဲ့သည့် တိုက်ပွဲများကြောင့် ရာနှင့် ချီသည့် ရွာသားများ ထိုင်းနိုင်ငံနယ်စပ်၊ အုန်းဖန်မြို့နယ်သို့ ခေတ္တ ထွက်ပြေးခိုလှုံခဲ့ရသည်။

Read More...

Summary only...

ဧရာဝတီ သတင်းမှ...........

ကရင် နယ်ခြားစောင့်တပ်ဖွဲ့ချင်း ယမန်နေ့က တိုက်ပွဲဖြစ်ပွားသောကြောင့် နယ်ခြားစောင့်တပ်ရင်းမှူး တဦး ကျဆုံးသွားသည်။
ကရင်ပြည်နယ် လှိုင်းဘွဲ့မြို့နယ် မြိုင်ကြီးငူရွာအနီးရှိ တခွက်ဖိုးရွာ တွင် အစိုးရကို သစ္စာခံသည့် ကရင် နယ်ခြားစောင့်တပ်နှင့် သစ္စာမခံသည့်တပ်များ ယမန်နေ့ညနေ ၄ နာရီခန့်က စတင်ဖြစ်ပွားသည့်တိုက်ပွဲတွင် ကရင်နယ်ခြားစောင့်တပ် အမှတ် ၁၀၁၁ ၏ တပ်ရင်းမှူး ဒု ဗိုလ်မှူးကြီး စိုးနိုင် ကျဆုံးသွားခြင်း ဖြစ်သည်။

ထိုဒေသတွင် တိုးတက်သော ဗုဒ္ဓဘာသာ ကရင် အမျိုးသား တပ်မတော်(DKBA)ဗဟိုမှ အသွင်ပြောင်းထားသည့် နယ်ခြားစောင့် တပ်ရင်း ၁၀၁၁၊ ၁၀၁၂၊ ၁၀၁၃၊ ၁၀၁၄ စသည့် တပ်ရင်းများအခြေစိုက်ပြီး လက်ရှိအစိုးရ၏ အုပ်ချုပ်မှုအောက်တွင် ဆက်မနေလိုသဖြင့်၊ တပ်ရင်း ၁၀၁၁ မှလွဲ၍ ကျန်တပ်ရင်း ၃ ရင်းမှာ ယခင်လကစ၍ DKBA အဖြစ် ဘက်တံဆိပ်များကိုပြန်လည် တပ်ဆင်ခဲ့ကြပြီး မကျေနပ်မှုများကို အရေးဆိုခဲ့ကြသည်။

အစိုးရကို သစ္စာမခံသည့် နယ်ခြားစောင့်တပ်ရင်း ၃ ရင်းကိုဦးဆောင်သည့် တပ်ရင်း ၁၀၁၂ တပ်ရင်းမှူး ဒု ဗိုလ်မှူးကြီး စောဘိ (ဗိုလ်ဘိ)က ယမန်နေ့ညနေတွင် တခွက်ဖိုးရွာ အနီး အခြေစိုက်သည့် တပ်ရင်းမှူး ဒု ဗိုလ်မှူးကြီး စိုးနိုင်၏ တပ်ရင်း ၁၀၁၁ ကို ၀င်ရောက် တိုက်ခိုက်ရာ ဒု ဗိုလ်မှူးကြီး စိုးနိုင် ကျဆုံးသွားရခြင်း ဖြစ်သည်။

၂ နာရီနီးပါးကြာသည့် အဆိုပါတိုက်ပွဲတွင် ဗိုလ်ဘိ ဦးဆောင်သည့်တပ်ဖွဲ့က စစ်ရေးအရ အချက်အခြာကျသည့် မီးဆိုင်းရွာတံတား၊ လက်ခတ်ရွာ တံတားနှင့် အခြား တံတားတစင်းတို့ကို ဖျက်ဆီးလိုက်သည်ဟု ဗိုလ်ဘိအဖွဲ့က ပြောသည်။

တံတား ၃ စင်းဖျက်ဆီးလိုက်သည့် သတင်းနှင့်ပတ်သက်၍ ဧရာဝတီက သီးခြားအတည်ပြုချက်ရယူနိုင်ခြင်း မရှိသေးပါ။

တိုက်ပွဲဖြစ်စဉ်နှင့်ပတ်သက်၍ ကရင်အမျိုးသား လွတ်မြောက်ရေး တပ်မတော်(KNLA)တပ်ရင်း ၁၀၁ ၏ တပ်ရင်းမှူး ဒု ဗိုလ်မှူး ကြီးဖောဒိုက“မနေ့ညနေ ၄ နာရီကနေ ၆ နာရီအထိဖြစ်တာ စိုးနိုင်က မြန်မာအစိုးရကိုသစ္စာခံပြီး ကိုယ့်အချင်းချင်းပြန်တိုက်ဖို့လုပ်လို့ ဗိုလ်ဘိအဖွဲ့က သွားတိုက်တာ၊ တိုက်ပွဲမှာစိုးနိုင်ကျသွားတယ်၊ အဲဒီ ဒေသမှာ စစ်ရေးအရ လုံးဝတင်းမာသွားပြီ” ဟုဧရာဝတီသို့ ပြောသည်။

KNLA တပ်မဟာ ၇ ၏ တပ်မဟာမှူး ဗိုလ်မှူးချုပ် ဂျော်နီကလည်း ယမန်နေ့က ဖြစ်ပွားခဲ့သည့်တိုက်ပွဲကို အတည်ပြုပြောကြား ပြီး အသေးစိပ် အခြေအနေများကို မသိရှိရသေးကြောင်း ပြောဆိုသည်။

ဗိုလ်ဘိ ဦးဆောင်သောအဖွဲ့သည် လွန်ခဲ့သည့် ဗုဒ္ဓဟူးနေ့ညကလည်း ကမမောင်းရွာရှိ အစိုးရ စစ်တပ် ၏ တပ်စခန်းတခုကို ၀င်ရောက်တိုက်ခိုက်ရာ ဒေသခံရွာသားတဦး သေဆုံးပြီး တံတားတစင်း ပျက်စီးခဲ့သည်ဟု ဒေသ ခံရွာသားများက ပြောသည်။

ဘားအံမြို့ခံ ကရင်နိုင်ငံရေးပါတီတခု၏ တာဝန်ရှိသူတဦးက ဘားအံမြို့မှတဆင့် အစိုးရစစ်တပ်များ လှိုင်းဘွဲ့မြို့နယ်ဘက် သို့ ကုန်းလမ်း ရေလမ်းများမှတဆင့် လက်နက် ခဲယမ်းများနှင့် အင်အားတိုးမြှင့်ပို့ဆောင်မှုများ ရှိနေသဖြင့် ကရင်ပြည်နယ် အတွင်း မကြာမီ စစ်မီး တောက်လောင်နိုင်သည်ဟု သုံးသပ်ပြောကြားသည်။

ဗိုလ်ဘိ ဦးဆောင်သည့်အဖွဲ့ကို ပြန်လည်စည်းရုံး၍နားချပေးရန် ကရင်ပြည်နယ်အစိုးရအဖွဲ့ က DKBA နာယက ဆရာတော် နှင့် အကြံပေးအဖွဲ့များကို စေလွှတ်ခဲ့သော်လည်း ဗိုလ်ဘိ ခွဲထွက်အဖွဲ့က လုံးဝလက်ခံခြင်းမရှိဟုလည်း ၎င်းကပြောသည်။

DKBA သည် ယခင် နအဖ စစ်အစိုးရ ကမ်းလှမ်းသည့် နယ်ခြားစောင့်တပ်အဖြစ် ၂၀၁၀ ပြည့်နှစ် သြဂုတ်လ ၁၈ ရက်နေ့မှ စတင် အသွင်ပြောင်းခဲ့ပြီး လက်ရှိတွင် တပ်ရင်း ၁၀ ရင်းရှိရာ အင်အား၂၀၀၀ ၀န်းကျင်ရှိကြောင်း DKBA တာဝန်ရှိသူများက ပြောဆိုထားသည်။

ဗိုလ်မှူးကြီး စောလားပွယ် ဦးဆောင်သည့် DKBA တပ်မဟာ ၅ တပ်ဖွဲ့သည် နယ်ခြားစောင့်တပ်ဖွဲ့စည်းရေးကို လက်မခံဘဲရွေး ကောက်ပွဲ ကျင်းပနေသည့်၂၀၁၀ နိုဝင်ဘာ ၇ ရက်နှင့် ၈ ရက်နေ့များမှစတင်၍ ကရင်ပြည်နယ်အတွင်းရှိ အစိုးရတပ်များကို တိုက်ပွဲများ ဆင်နွှဲခဲ့သည်။

DKBA သည် ၁၉၉၄ ခုနှစ်တွင် KNU မှ ခွဲထွက်၍ ယခင် စစ်အစိုးရနှင့် ငြိမ်းချမ်းရေးယူခဲ့သော တိုင်းရင်းသား လက်နက်ကိုင် အဖွဲ့ ဖြစ်သည်။

Read More...

Summary only...

ကေအိုင်စီ

နယ်ခြားစောင့်တပ်ရင်း (၁၀၁၂)မှ ဗိုလ်မှူးစောဘိ၏ တပ်ဖွဲ့ဝင်များနှင့် ကေအဲန်အယ်လ်အေ တပ်ဖွဲ့ဝင်များသည် ယနေ့ညနေ တွင် ကရင်ပြည်နယ်၊ ဖာပွန်မြို့နယ်အတွင်းရှိ တံတား ၃စင်းကို ဖျက်ဆီးပစ်ခဲ့သည်ဟု သိရသည်။

ကမမောင်းနှင့် ရွှေဂွန်းကျေးရွာကြားရှိ တခေါ့ဖိုးနေရာမှ တံတား ၂စင်းနှင့် မင်းဇီကျေးရွာရှိ တံတား ၁စင်းကို ဖျက်ဆီးပစ်ခဲ့ ကြောင်း ဗိုလ်မှူးစောဘိက ဆက်သွယ်ပြောဆိုလာသည်ဟု ကေအဲန်အယ်လ်အေ တပ်ဖွဲ့ဝင်များက ပြောသည်။

ကေအဲန်ယူ တပ်မဟာ(၇)မှ တပ်မှူးတစ်ဦးက “ဗိုလ်ဘိ ပြောပြတာက တခေါ့ဖိုးမှာ ကျနော်တို့ KNLA အဖွဲ့ဝင်တွေနဲ့ သူတို့အ ဖွဲ့တွေ ပူးပေါင်းတဲ့အဖွဲ့ဟာ ဗမာစစ်တပ်နဲ့ မနေ့ည ၁၀နာရီလောက်ကတည်းက ဆက်တိုက် တိုက်ပွဲဖြစ်တယ်။ ဒီညနေ ၄နာရီ လောက်မှာတော့ ကရင်အဖွဲ့တွေက မင်းဇီရွာက တံတားတစင်း၊ လာ့ခါးတံတားနဲ့ ထီးညာ့ဆားတံတားတွေကို ဖျက်ဆီးလိုက် တယ်လို့ အကြောင်းကြားလာတယ်။”ဟု ပြောသည်။

ယမန်နေ့ကတည်းက ယခုအချိန်ထိ ဖြစ်ပွားနေသည့် အဆိုပါတိုက်ပွဲတွင် ကရင်တပ်ဖွဲ့များဘက်မှ ထိခိုက်မှုမရှိဘဲ မြန်မာတပ် ဖွဲ့ဝင်များဘက်မှ ထိခိုက်ကျဆုံးမှုရှိပြီး အရေအတွက် အတိအကျကိုမူ မသိရှိရသေးပေ။

Read More...

Summary only...

စောသိန်းမြင့် (ကေအိုင်စီ)

ကရင်ပြည်နယ်၊ ဖာပွန်မြို့နယ် ကမမောင်းကျေးရွာရှိ အစိုးရစစ်တပ်စခန်းတခုအား ဗိုလ်မှူးစောဘိဦးသည့် နယ်ခြားစောင့်တပ် (ဘီ ဂျီအက်ဖ်)တပ်ဖွဲ့များက ယမန်နေ့ည ၁၂နာရီအချိန်တွင် ၀င်ရောက်ပစ်ခတ်ခဲ့သည်ဟု သိရသည်။

လက်နက်ကြီး၊ လက်နက်ငယ်များဖြင့် မိနစ် ၃၀ကြာ နှစ်ဖက် အပြန်အလှန် ပစ်ခတ်မှုတွင် လူနေအိမ်တစ်လုံး မီးလောင်ကျွမ်းသွား သလို တံတားတစင်း ပျက်စီးသွားသည်ဟု ကမမောင်းရွာသူတဦးက ယခုလို ပြောသည်။

“ပစ်ခတ်မှုဖြစ်တာ မိနစ်သုံးဆယ်လောက် ကြာတယ်။ လက်နက်ကြီးလက်နက်ငယ် အသံတွေ ဆူညံနေတာပဲ။ အိမ်တလုံး မီး လောင်သွားတယ်။ တံတားတစင်း ပျက်သွားတယ်။ တံတားနားမှာနေတဲ့ လူတယောက် သေသွားတယ်။ ကလေးတွေလည်း ကြောက်လန့်ပြီးတော့ တညလုံးငိုတယ်။ ခွေးတွေလည်း တညလုံးဟောင်တယ်။”ဟု ကေအိုင်စီကို ပြောသည်။

ထိုပစ်ခတ်မှုအပြီး မနက်မိုးလင်းအချိန်တွင် အစိုးရစစ်တပ်မှ ရွာတွင်းရှိ အမျိုးသားများကို ပေါ်တာလိုက်လံဖမ်းဆီးမှုကြောင့် ရွာတွင်း ရှိ အမျိုးသားများသည် လွတ်မြောက်ရာသို့ ထွက်ပြေးတိမ်းရှောင်ကြသလို အမျိုးသမီးများသည်လည်း ကြောက်လန့်ကြသည့်အ တွက် အိမ်ထဲကနေ အိမ်ပြင်မထွက်ရဲကြကြောင်း အဆိုပါရွာသူက ပြောသည်။

ကရင်အမျိုးသား လွတ်မြောက်ရေးတပ်မတော် (KNLA) တပ်ရင်း(၁၀၁)မှ တပ်ရင်းမှူး ဒုဗိုလ်မှူးကြီးစောဖောဒိုက “ဗိုလ်ဘိအဖွဲ့က ၀င်ပြီး ပစ်ခတ်တာကတော့ မှန်တယ်။ ဒါပေမဲ့ ရန်သူ့တပ်ရင်းနံပါတ် အတိအကျနဲ့ နှစ်ဖက်ထိခိုက်မှုကိုကျတော့ ကျနော်တို့ အသေး စိတ် မသိရသေးဘူး။”ဟု ပြောသည်။

ထို့အပြင် ဗိုလ်မှူးစောဘိက နယ်စပ်ဒေသရှိ ၎င်း၏လက်အောက်ခံ BGF တပ်ဖွဲ့ဝင်များအားလုံးကို စစ်ရေးပြင်ဆင်မှု အသင့်အနေ အထားတွင် လုပ်ဆောင်ထားရန် ညွှန်ကြားလိုက်သည်ဟု နယ်စပ်ဒေသမှ စစ်ဘက်ဆိုင်ရာ သတင်းရပ်ကွက်အရ သိရသည်။

ဗိုလ်မှူးစောဘိ ဦးဆောင်သည့် နယ်ခြားစောင့်တပ်(BGF) တပ်ရင်း(၁၀၁၁)၊ (၁၀၁၂)၊ (၁၀၁၃)နှင့် (၁၀၁၄)များမှ အင်အား ၁,၀၀၀ ကျော်သည် မေလအတွင်း မြိုင်ကြီးငူဒေသကို ၀င်ရောက်စီးနင်းသိမ်းပိုက်ခဲ့ပြီးနောက် မေလ ၂၄ရက်နေ့မှစ၍ ဒီကေဘီအေတံဆိပ် ကို ပြန်လည် တပ်ဆင်လိုက်သလို ကေအဲန်အယ်လ်အေ တပ်မဟာ(၇)တို့နှင့် ပြန်လည် လက်တွဲခဲ့ပြီးဖြစ်ကြောင်း ကေအဲန်အယ်လ် အေ တပ်မဟာ(၇)မှူး ဗိုလ်မှူးချုပ်စောဂျော်နီက ကေအိုင်စီကို ပြောခဲ့သည်။

နောက်ဆုံးရရှိသည့် သတင်းအရ ယနေ့မနက် ၉နာရီအချိန်တွင် ရတခတိုင်းမှူး ဗိုလ်မှူးချုပ်ထွန်းနေလင်းက အရှေ့တောင်တိုင်းစစ် ဌာနချုပ် ကွပ်ကဲမှုအောက်ရှိ ရှေ့တန်း၊ နောက်တန်းမှ တပ်ရင်းတပ်ဖွဲ့များအားလုံးကို တပ်လှန့်ထားပြီး လက်နက်ကြီး ၂လက်ပါ တပ်စိတ်အင်အား ၂၀ကျော် ထုတ်ယူကာ နောက်တန်းကျန် စစ်သည်အင်အားများကိုလည်း တပ်ရင်းမှူးများကိုယ်တိုင် ပေးပို့တင်ပြ ရန် ညွှန်ကြားထားသည်ဟု စစ်ဘက်ဆိုင်ရာ သတင်းရပ်ကွက်အရ သိရသည်။

Read More...

Summary only...

မဇ္ဈိမ သတင်းမှ.........

တောင်ငူမြို့တွင် ဗုဒ္ဓဟူးနေ့ မွန်းလွဲပိုင်းကအင်အားပြင်းထန်သောဗုံးတလုံးပေါက်ကွဲမှု ဖြစ်ပွားခဲ့သော်လည်းလူအသေအပျောက် မရှိကြောင်းသိရသည်။

ပဲခူးတိုင်းအရှေ့ပိုင်းတောင်ငူခရိုင်တောင်ငူမြို့ ၂ဝရပ်ကွက်မိတ္တဗလလမ်းပေါ် မြက်ခင်းတွင်မွန်းလွဲ၁နာရီခန့်ကပေါက်ကွဲမှု ဖြစ်ပွားခဲ့ပြီးချိန်ကိုက်ဗုံးဟု တောင်ငူခရိုင် ရဲတပ်ဖွဲ့က ပြောသည်။

“ ဗုံးကတော့ ချိန်ကိုက်ဗုံးလို့ ယူဆရပါတယ်။ ပြင်းအားကတော့ တော့်တော့ကို ပြင်းပုံရတယ်။ ဗုန်း ဆို တမြို့လုံးကို ဟီးသွားတာပဲ။ သတင်းရပြီး သွားကြည့်တော့ မြက်ခင်းပဲ စုတ်ပြတ်သွားတာ အဲဒီနားမှာ အဆောက်အဦးကလည်း ကပ်လျက် မရှိဘူးလေ။” ဟု ဗုံးကွဲသည့် နေရာအား သွားရောက် သတင်းကောက်ယူခဲ့သူ တောင်ငူမြို့နယ် စည်ပင်သာယာ ဌာန အရာရှိတဦးက မဇ္ဈိမကို ပြောသည်။

Read More...

Summary only...

နေ့သစ်မှ.......

မကြာမီရုံတင်တော့မယ့် ဒေါ်အောင်ဆန်းစုကြည်အကြောင်း ရိုက်ထားတဲ့ ရုပ်ရှင်မှာ ဒေါ်အောင်ဆန်းစုကြည်အဖြစ် သရုပ် ဆောင်ထားတဲ့ ဟောလီးဝုဒ် နာမည်ကြီး ရုပ်ရှင်မင်းသမီး မစ်ရှဲယိုကို ကြံ့ဖွတ်အစိုးရတဖြစ်လဲ မြန်မာစစ် အစိုးရက လေဆိပ်ကနေ မောင်းထုတ်လိုက်ပြီး နာမည်ပျက်စာရင်း (ဘလက်လစ်စ်) သွင်းလိုက်တယ်လို့ အရာရှိ တဦးက အင်္ဂါနေ့က ပြောပါတယ်။

“သူမအနေနဲ့ ဗမာပြည်ကို ထပ်ပြီး ၀င်ခွင့်မရခဲ့ပါဘူး၊ ရန်ကုန်အပြည်ပြည်ဆိုင်ရာလေဆိပ်ကို ရောက်ပြီး ပထမဆုံး လေ ယာဉ်နဲ့ပဲ သူမကို ချက်ချင်း ပြန်ပို့လိုက်ပါတယ်” လို့ အမည်မဖော်လိုသူတဦးက အေအက်ဖ်ပီ သတင်းဌာနကို ပြောပါ တယ်။ “ အခု သူမဟာ စစ်အစိုးရရဲ့ ရန်သူတော်စာရင်းထဲမှာ ပါသွားပါပြီ” လို့ ဒုတိယတန်းအရာရှိတဦးက ပြောဆို လိုက်ပြီး၊ ဘာကြောင့်လဲဆိုတာတော့ ပြောဖို့ငြင်းပါတယ်။ မလေးရှားမှာမွေးပြီး ဂျိစ်းဘွန်းရုပ်ရှင်ကားနဲ့ ကမ္ဘာကျော်လာ တဲ့ မင်းသမီးဟာ ထိုင်းနိုင်ငံမှာ ပြင်သစ်ဒါရိုက်တာ လပ်ဘက်စန်နဲ့ ရိုက်ကွင်းတချို့ ရိုက်အပြီး ဒီဇင်ဘာလက နိုဘယ် ဆုရှင် ဒေါ်အောင်ဆန်းစုကြည်နဲ့ ရန်ကုန်က နေအိမ်မှာ တွေ့ဆုံခဲ့ပါတယ်။
ဒီရုပ်ရှင်ကားကို ဒီနှစ်နောက်ပိုင်းမှာ ရုံတင်ပြသမယ်လို့ ခန့်မှန်းရပါတယ်။ ဒေါ်အောင်ဆန်းစုကြည်ဟာ ၇ နှစ် တောက် လျှောက် နေအိမ်အကျယ်ချုပ်ကျခံရအပြီး ရွေးကောက်ပွဲကျင်းပပြီး တပတ်မပြည့်ခင် နိုဝင်ဘာလက လွတ်မြောက် လာပါတယ်။ ရွေးကောက်ပွဲဆိုတာ ဗမာပြည်မှာ အရပ်သားမျက်နှာဖုံးနောက်ကွယ်မှာ စစ်တပ်စိုးမိုးမှုကို ဆက်လက် ထိန်း သိမ်းထားဖို့ ရည်ရွယ်တဲ့ မပိမယိ လိမ်ညာမှုတခုသာ ဖြစ်တယ်။ လို့ ဝေဖန်ရေးသမားတွေက ပြောဆိုကြပါတယ်။
ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်ပါတီဟာ ၁၉၉၀ခုနှစ် ရွေးကောက်ပွဲမှာ အပြတ် အသတ် အနိုင်ရခဲ့ပြီး ဒီရွေးကောက်ပွဲရလဒ်ကိုတော့ စစ်အစိုးရ ဘယ်တုန်းကမှ အသိအမှတ်မပြုခဲ့ပါဘူး။ ဒါကြောင့် သူမက ပြီးခဲ့တဲ့နှစ် ရွေးကောက်ပွဲကို စည်းမျဉ်းဥပဒေတွေဟာ မရားဘူးလို့ ပြောဆိုခဲ့ပြီး သပိတ်မှောက်ခဲ့ပါတယ်။ အသက် ၄၈ နှစ်ရှိပြီဖြစ်တဲ့ မစ်ရှဲယိုဟာ အရင်က မလေးရှားမယ် ဖြစ်ဖူးပြီး ၁၉၉၇ခုနှစ်မှာ “Tomorrow Never Dies” ဆိုတဲ့ ဂျိမ်းစ်ဘွန်းရုပ်ရှင်ကားမှာ ပီရာ့စ်ဘရော့စ်နန်နဲ့ တွဲဖက်ပြီး တရုပ်သူသျှိုတဦးအဖြစ် သရုပ်ဆောင်ခဲ့ချိန်က နိုင်ငံ တကာမှာ ကျော်ကြားလာခဲ့ပါတယ်။ ဒါ့ပြင် တရုပ်စကားပြော သိုင်ကားတကားဖြစ်တဲ့ “Crouching Tiger, Hidden Dragon” မှာလည်း ကမ္ဘာကျော်ခဲ့ပြီး စာရေးဆရာ Arthur Golden ရဲ့ အရောင်းရဆုံး ၀တ္ထုကို အခြေခံရိုက်ကူးထား တဲ့ “Memoirs of a Geisha” မှာလည် နာမည်ကျော်ခဲ့သူ တဦး ဖြစ်ပါတယ်။

Read More...

Summary only...

စောသိန်းမြင့် (ကေအိုင်စီ)

ပဲခူးတိုင်း၊ ကျောက်ကြီးမြို့နယ်ရှိ ဒေသခံရွာသား ၂၀၀ကျော်သည် ဇွန်လဆန်းပိုင်းမှစ၍ ယနေ့အချိန်ထိ အစိုးရတပ်များ၏ လုပ် အားပေး ခိုင်းစေမှုကို နေ့စဉ် ရင်ဆိုင်နေရသည်ဟု ဒေသခံများ၏ ပြောပြချက်အရ သိရသည်။

ကျောက်ကြီးမြို့ အနောက်ဘက် (၆)မိုင်အကွာအဝေးရှိ ၀က်လာတော၊ ပတ္တလား၊ အေးနယ်၊ သာလဲ စသည့် ကျေးရွာအုပ်စု များမှ ဒေသခံရွာသူရွာသား ၂၉၀ဦးကို ဘုရားကုန်းရှိ အစိုးရတပ် စစ်ကွပ်ကဲရေးဌာနချုပ် စကခ(၁၂) လက်အောက်ခံ ခမရ (၃၄၅)တပ်ရင်းက ဇွန်လ ၁၉ရက်နေ့မှ ယနေ့အထိ နေ့စဉ် လုပ်အားခိုင်းစေနေကြောင်း ဒေသခံတစ်ဦးက ယခုလို ပြောသည်။

ဒေသခံတဦးက “၀က်လာတောကျေးရွာအုပ်စုက အယောက် ၇၀၊ ပတ္တလားကျေးရွာအုပ်စုက ၁၅၀၊ အေးနယ်က ၁၀၀၊ သာလဲ က အယောက် ၇၀။ ဒီလ ၁၉ရက်ကနေစပြီးတော့ ဒီကနေ့အထိ ဘုရားကုန်းက ခမရ(၃၄၅) တပ်ရင်းအတွက် တပ်စခန်း ဆောက်၊ မြက်ခုတ်၊ သစ်ခုတ်၊ ၀ါးခုတ် နေ့တိုင်းပဲ သွားလုပ်ပေးနေရတယ်။ တစ်ရက်ပြီးတစ်ရက် မပြီးတတ်တဲ့အခါကျတော့ ရွာ သားတွေလည်း မခံနိုင်တော့ဘူး။”ဟု ဆိုသည်။

လုပ်အားပေး ခိုင်းစေခံရသူ ဒေသခံ ရွာသူရွာသားများမှာ တပ်စခန်းဆောက်၊ လမ်းရှင်းလင်းရေးအတွက် လိုအပ်သည့် ပစ္စည်း များအပြင် စားသောက်ရန် ထမင်းထုပ်ကိုလည်း မိမိတို့ဖာသာ ယူဆောင်သွားရသည်ဟု ၎င်းက ဆက်လက်ပြောဆိုသည်။

ထို့အပြင် မနက် ၈နာရီအချိန်မှစ၍ ညနေမိုးချုပ်သည့်အထိ သွားရောက် လုပ်ကိုင်ပေးရပြီး စခန်းတွင် ခံတုတ်ကျင်း ဆောက် လုပ်ရန်အတွက် ၀က်လာတော၊ နို့ဝေါ်၊ ပတ္တလား၊ သူးကဘီး၊ အေးနယ် စသည့်ကျေးရွာအုပ်စုများမှ ဆန်အိတ်အလွတ် အလုံး ၂,၀၀၀ ရှာဖွေပေးရသည်ဟု သိရသည်။

ယခုလို အစိုးရစစ်တပ်၏ နေ့စဉ် လုပ်အားခိုင်းစေမှုကို ဒေသခံများမှာ ဆက်လက် လုပ်ဆောင်နိုင်စွမ်း မရှိတော့သည့်အဆုံး ကရင်အမျိုးသားအစည်းအရုံး(ကေအဲန်ယူ)ထံသို့ လာရောက်တင်ပြကြသည်ဟု ကေအဲန်ယူ ကျောက်ကြီးမြို့နယ် ဥက္ကဌ ပဒိုနဲ ထူးဗျိုင်းက ပြောသည်။
“အဲဒီဒေသမှာရှိတဲ့ ရွာသားတွေအားလုံးက လယ်၊ ကိုင်း၊ ကျဘမ်းအလုပ်တွေ လုပ်ကြတာ များတယ်။ အခု နေ့တိုင်း လုပ်အား ပေးသွားရတဲ့အခါကျတော့ သူတို့ စားဝတ်နေရေးအတွက် အများကြီးနစ်နာတယ်။ ဒီလို စေခိုင်းမှုတွေကို မခံနိုင်တော့လို့ ကျနော်တို့ဆီကို လာရောက် ပြောဆိုတင်ပြတာတွေ လုပ်လာကြတယ်။”ဟု ကေအိုင်စီကို ပြောသည်။

လုပ်အားခိုင်းစေခံရသည့် ကျောက်ကြီးမြို့နယ်မှ ကျေးရွာအုပ်စုများသည် အစိုးရစစ်တပ်များ၏ ထိန်းချုပ်နယ်မြေတစ်ခုဖြစ်ပြီး ကေအဲန်ယူ ညောင်လေးပင်ခရိုင်၊ တပ်မဟာ(၃) လက်အောက်ခံ တပ်ရင်းတပ်ဖွဲ့ဝင်များလည်း လှုပ်ရှားသွားလာနေသည့် နယ် မြေတစ်ခုဖြစ်သည်။

ထိုဒေသသည် ယခင်ကလည်း စစ်တပ်၏ အလားတူ လုပ်အားခိုင်းစေမှု မကြာခဏ ကြုံခဲ့ရပြီး ရွာသူရွာသားများအနေဖြင့် အစိုး ရအာဏာပိုင်များကို တိုင်ကြားမှု ရှိခဲ့ဘူးသော်လည်း ထိရောက်မှုမရှိကြောင်း သိရသည်။

Read More...

Summary only...

VOA သတင်းမှ.........

မြန်မာနိုင်ငံမှာဖြစ်နေတဲ့ လူ့အခွင့်အရေးချိုးဖောက်မှုတွေကို အရေးယူနိုင်ရေးအတွက် အလေးအနက်ထား ဆောင်ရွက်ပါတယ် လို့ အမေရိကန်ပြည်ထောင်စုက ပြောကြားလိုက်ပါတယ်။ လူသားမျိုးနွယ်တို့ အပေါ်ကျူးလွန်တဲ့ ပြစ်မှုတွေ မြန်မာနိုင်ငံမှာ ရှိမရှိဆိုတာကို စုံစမ်းဖော်ထုတ်နိုင်မယ့် နိုင်ငံတကာ​ကော်မရှင် ပေါ်ပေါက်လာစေဖို့ အမေရိကန်က သံန္နိဋ္ဌာန်ချဆောင်ရွက်နေပါတယ် ဆိုတာကို အမေရိကန်နိုင်ငံခြားရေးဌာနက စနေနေ့က ကြေညာချက်ထုတ်ပြန် အသိပေးလိုက်တာ ဖြစ်ပါတယ်။
ကုလသမဂ္ဂစုံစမ်းစစ်ဆေးရေးကော်မရှင် ပေါ်ပေါက်လာဖို့လိုအပ်တယ်လို့ မြန်မာ့ဒီမိုကရေစီ ခေါင်းဆောင်က ပန်ကြားခဲ့ပြီး မကြာခင်မှာပဲ အမေရိကန်အစိုးရက ခုလို တုံ့ပြန် ပြောကြားခဲ့တဲ့ အကြောင်း အပြည့်အစုံကို မစုမြတ်မွန်က ပြောပြပါမယ်။

မြန်မာနိုင်ငံမှာ ဖြစ်ခဲ့တဲ့လူ့အခွင့်အရေးချိုးဖောက်မှုတွေအတွက် တာဝန်ရှိသူတွေကို ဖော်ထုတ် နိုင်ရေးကို အမေရိကန်အစိုးရက ကုလသမဂ္ဂအဖွဲ့ဝင် မိတ်ဆွေနိုင်ငံတွေနဲ့ အနီးကပ် တိုင်ပင် ဆွေးနွေးနေပါတယ်လို့ အမေရိကန် နိုင်ငံခြားရေးဌာနက စနေနေ့က ကြေညာချက် ထုတ်ပြန်ပါတယ်။ မြန်မာပြည်မှာ ဖြစ်ခဲ့တဲ့ လူ့အခွင့်အရေးချိုးဖောက်မှုတွေကို စုံစမ်းဖော်ထုတ်ရမယ် ဆိုတဲ့ သံန္နိဋ္ဌာန် အမေရိကန်က ချထားတာနဲ့အတူ နိုင်ငံတကာပါဝင်တဲ့ စုံစမ်းစစ်ဆေးရေး ကော်မရှင်တခု ဖွဲ့နိုင်ရေးကို ​ဆောင်ရွက်နေပါတယ်လို့ ကြေညာချက်ထဲမှာ ဖော်ပြထားပါတယ်။
မြန်မာနိုင်ငံမှာ ဘယ်လို လူ့အခွင့်အရေးချိုးဖောက်မှုတွေ ဖြစ်နေသလဲဆိုတာကို စုံစမ်းနိုင်ဖို့ ကုလသမဂ္ဂက စုံစမ်းစစ်ဆေးရေး ကော်မရှင်တရပ်ဖွဲ့ဖို့ လိုအပ်တယ်လို့ ပြီးခဲ့တဲ့ သီတင်းပတ်ကပဲ အမေရိကန်​အောက်လွှတ်တော် မြန်မာ့အရေးကြားနာပွဲမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ဗွီဒီယိုကနေတဆင့် ပြောကြားခဲ့တာဖြစ်ပါတယ်။
ဒေါ်အောင်ဆန်းစုကြည်ပြောသွားတာက- မြန်မာနိုင်ငံကလူ့အခွင့်အရေးချိုးဖောက်မှုတွေကို စုံစမ်းဖို့ ကော်မရှင်တရပ် လိုအပ်နေတယ်ဆိုတာကို မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် Mr. Quintana က ပြောကြားထားပါတယ်တဲ့။ စုံစမ်းရေးကော်မရှင်ဖွဲ့နိုင်ဖို့ Mr. Quintana ရဲ့တောင်းဆိုမှုကို သူ့အနေနဲ့လည်း ထောက်ခံတယ်လို့ ဒေါ်အောင်ဆန်းစုကြည်က ပြောပါတယ်။ စုံစမ်းရေးကော်မရှင်ဆိုတာ တရားစွဲဆိုစစ်ဆေးတဲ့ခုံရုံးကို ဆိုလိုတာမဟုတ်ဘူး လို့လည်း ဒေါ်အောင်ဆန်းစုကြည်က ရှင်းထားပါတယ်။
စုံစမ်းရေးကော်မရှင်ကနေ ဘယ်လို လူ့အခွင့်အရေး ချိုးဖောက်မှုတွေဖြစ်ခဲ့သလဲဆိုတာကို စုံစမ်း ဖော်ထုတ်ပြီး အနာဂတ်မှာ အလားတူ လူ့အခွင့်အရေး ချိုးဖောက်မှုတွေ ထပ်မဖြစ်အောင် ဘာလုပ်နိုင်မလဲဆိုတာ အဖြေရှာဖို့ဖြစ်ပါတယ်လို့ ဒေါ်အောင်ဆန်းစုကြည်က အမေရိကန် အောက်လွှတ်တော် ကြားနာပွဲမှာ June လ ၂၂ ရက်နေ့က ပြောခဲ့တာဖြစ်ပါတယ်။
လက်ရှိမြန်မာနိုင်ငံမှာဖြစ်နေတဲ့အခြေအနေတွေကြောင့် စုံစမ်းရေးကော်မရှင်တရပ် အရေးတကြီး လိုအပ်နေတယ်ဆိုတာကို အမေရိကန် အခြေစိုက် မြန်မာ့အရေး လှုပ်ရှားဆောင်ရွက်နေတဲ့ US Campaign for Burma က အမှုဆောင်အရာရှိ ဦးအောင်ဒင်ကလည်း ကြားနာပွဲမှာ ထွက်ဆို သွားခဲ့ပါတယ်။ ဦးအောင်ဒင်က VOA မြန်မာပိုင်းနဲ့ သီးသန့်မေးမြန်းခန်းမှာ ဘာကြောင့် လိုအပ်နေသလဲ ဆိုတာကို ခုလို ပြောပြသွားပါတယ်။
“မတရားမှုတွေ၊ လူ့အခွင့်အရေးချိုးဖောက်မှုတွေ ရပ်တန့်သွားအောင်လုပ်ရမယ်။ အခုဆိုရင် ပြည်တွင်းစစ်က ပြန်ဖြစ်ပြီ။ ပြည်တွင်းစစ်ဖြစ်တာနဲ့ တပြိုင်တည်း လူ့အခွင့်အရေးချိုးဖောက်မှုတွေက ဆက်ပြီးတော့ ပါလာတယ်။ စစ်တပ်တွေ စစ်ကြောင်းချီတဲ့နေရာမှာ အဓမ္မလုပ်အားပေး ပေါ်တာဆွဲတယ်။ ပုဂ္ဂလိကပိုင်ကားတွေကို အတင်းအဓမ္မသိမ်းပိုက်ပြီးတော့မှ စစ်ကြောင်းတွေ ချီတက်ရာမှာ သုံးတယ်။ နောက် လူတွေကို မိုင်းရှင်းဖို့အတွက် သုံးတယ်။ နောက်တခါ အမျိုးသမီးတွေကို မုဒိန်းကျင့်တယ်။ ဒါတွေအားလုံးက ဆက်တိုက် ဆက်တိုက်ဖြစ်နေတာ။ ဆိုတော့… ဒါတွေကို ဟန့်တားဖို့အတွက် နိုင်ငံတကာကနေပြီး ထိရောက်တဲ့ ယန္တရားတခုလိုတယ်။ အဲဒါကဘာလဲ ဆိုတော့ ကုလသမဂ္ဂက ဦးဆောင်ဖွဲ့စည်းမယ့် commission inquiry ပေါ့။ စုံစမ်းစစ်ဆေးရေး ကော်မရှင်ပေါ့။ မြန်မာနိုင်ငံမှာဖြစ်ပေါ်နေတဲ့ လူ့အခွင့်အရေးချိုးဖောက်မှုတွေကို စုံစမ်းစစ်ဆေးဖို့ ကော်မရှင်ပေါ့။ အဲဒါက အရေးတကြီးလိုအပ်တယ်။ အဲဒါရှိမှပဲ မြန်မာစစ်အုပ်စုက ဆက်ပြီးတော့ လူ့အခွင့်အရေးချိုးဖောက်မှုတွေကို ဆက်လက်မကျူးလွန်အောင်၊ ရပ်တန့်သွားအောင် တားနိုင်မယ့် အတိုင်းအတာရှိတယ်။ ဆိုတော့..ဒါကိုလုပ်ဖို့အတွက် ကျနော်တို့က အမေရိကန်အစိုးရကို အဓိကတိုက်တွန်းပါတယ်”
US Campaign for Burma က အမှုဆောင်အရာရှိ ဦးအောင်ဒင်ဖြစ်ပါတယ်။ အမေရိကန် အပါအဝင် နိုင်ငံပေါင်း ၁၅ နိုင်ငံထက်မနည်းက ခုလို ကုလသမဂ္ဂ စုံစမ်းရေးကော်မရှင်ဖွဲ့ရေးကို ထောက်ခံ အားပေးနေပေမဲ့ နောက်ထပ် နိုင်ငံတွေရဲ့ ထောက်ခံမှုရလာဖို့ကိုလည်း မြန်မာအရေး ဆောင်ရွက်နေတဲ့ အဖွဲ့တွေက ကြိုးစားနေကြပါတယ်။ မြန်မာနိုင်ငံမှာ အရပ်သားအစိုးရ အုပ်ချုပ်နေတာ မှန်ပေမဲ့ ပြည်သူတွေရဲ့ ဘဝတွေ လုံခြုံစိတ်ချမှုရှိစေဖို့အတွက် ပွင့်လင်းလွတ်လပ်တဲ့ တရားစီရင်ရေးစနစ် ပေါ်ပေါက်လာဖို့ လိုအပ်နေသေးတာကိုလည်း ဒေါ်အောင်ဆန်းစုကြည်က ထောက်ပြခဲ့ပါသေးတယ်။
လွတ်လပ်တဲ့တရားစီရင်ရေးစနစ်ဟာ မြန်မာနိုင်ငံမှာ ဒီကနေ့ အရေးတကြီးကိုလိုအပ်နေပါတယ်တဲ့။ လွတ်လပ်တဲ့ တရားစီရင်ရေးစနစ်မရှိရင် တရားဥပဒေစိုးမိုးမှုလည်း မရှိနိုင်ပါဘူး။ တရားဥပဒေစိုးမိုးမှု မရှိတဲ့အတွက် ပြည်သူတဦးတယောက်မှ လုံခြုံမှုရှိနိုင်မှာမဟုတ်ဘဲ ဒီမိုကရေစီစနစ် ပေါ်ပေါက်လာရေး အတွက် စစ်မှန်တဲ့ တိုးတက်မှုရှိမှာလည်း မဟုတ်ပါဘူးလို့ ဒေါ်အောင်ဆန်းစုကြည်က ပြောသွားတာပါ။
အခုအစိုးရက ဒီမိုကရေစီစနစ်ပေါ်ပေါက်အောင်ဆောင်ရွက်နေပါတယ်လို့ ပြောတဲ့အတိုင်း စစ်မှန်တဲ့ ဆန္ဒရှိရင် ယုံကြည်ချက်ကြောင့် အကျဉ်းကျနေတဲ့သူတွေ တယောက်မှ မြန်မာနိုင်ငံမှာ ရှိမနေသင့်ပါ ဘူး။ လူတိုင်းမှာ ကိုယ့်ယုံကြည်ချက်နဲ့ကိုယ် ရှိသင့်တာဟာ ဒီမိုကရေစီဖြစ်ပါတယ်လို့ ဒေါ်အောင်ဆန်းစုကြည်က Video ကတဆင့် အမေရိကန်အောက်လွှတ်တော်မှာ ပြောကြားသွားခဲ့တာ ဖြစ်ပါတယ်။
ခုလို လွတ်လပ်တဲ့ တရားစီရင်ရေးစနစ် ပေါ်ပေါက်လာရေးအပါအဝင် ကုလသမဂ္ဂ လူ့အခွင့်အရေး ကောင်စီရဲ့ ဆုံးဖြတ်ချက်တွေအတိုင်း ကျယ်ကျယ်ပြန့်ပြန့် အကောင်အထည်ဖော်နိုင်ဖို့ အမေရိကန် ပြည်ထောင်စုအနေနဲ့ တတ်နိုင်သမျှလုပ်ပေးဖို့ ဒေါ်အောင်ဆန်းစုကြည်က ပန်ကြားခဲ့တာဖြစ်ပါတယ်။ စနေနေ့မှာ ထုတ်ပြန်တဲ့ အမေရိကန်အစိုးရရဲ့ ကြေညာချက်ထဲမှာတော့ ကုလသမဂ္ဂ လူ့အခွင့်အရေး ကောင်စီမှာ Mr. Quintana အကြံပြုထားတဲ့ ကုလသမဂ္ဂ စုံစမ်းရေး ကော်မရှင်ဖွဲ့နိုင်ရေးကို အမေရိကန်က သန္နိဋ္ဌာန်ချ ဆောင်ရွက်နေပါတယ်လို့ ပြောကြားထားပါတယ်ရှင်။

Read More...

Summary only...