ဧရာဝတီ သတင်းမှ..........

ကရင်ပြည်နယ် ဖာပွန် ခရိုင် လူသော မြို့နယ်ရှိ ရွာပေါင်း ၁၀၀ ကျော်မှ လူဦးရေ ၉၀၀၀ နီးပါး စားနပ် ရိက္ခာ အကျပ် အတည်း ကြုံတွေ့နေရကြောင်း ကရင် လူ့အခွင့်အရေး အဖွဲ့ (KHRG)က ပြောသည်။

ယင်း ကျေးရွာများ၌ စားနပ်ရိက္ခာ ပြတ်လပ်မှုနှင့် ကြုံတွေ့နေရခြင်းသည် လွန်ခဲ့သည့် နှစ်က မိုးခေါင်ခြင်း၊ အစိုးရစစ်တပ်များ စစ်အင်အားတိုးချဲ့လာသည့်အတွက် လယ်သမားများက စိုက်ပျိုးရေးလုပ်ငန်းများ မလုပ်ကိုင်ရဲခြင်းတို့ကြောင့် ဖြစ်ကြောင်း KHRG မှ ကွင်းဆင်း တာဝန်ခံ စောအဲလ်ဘတ်က ဧရာဝတီသို့ ပြောသည်။

“အခု လောလောဆယ် တချို့ မိသားစုတွေဆိုရင် အစားအစာတွေ မရှိတော့ဘူး၊ တခြားရှိတဲ့ လူတွေဆီက ချေးငှားစား၊ ၀ယ်စားနေ ကြရတယ်၊ အရင်ကဆို ထမင်း သုံးနပ် စားတယ်၊ အခုဆိုရင် တစ်နပ်ပဲ စားတော့တယ်၊ တခြား ဟင်းသီး ဟင်းရွက် တွေနဲ့ရော ပြီးတော့ ချက်စားတာတို့ အဲဒီလိုမျိုးတွေ ဖြစ်နေကြတယ်”ဟု ၎င်းက ဆိုသည်။

မိသားစုဝင်တချို့မှာမူ ၎င်းတို့၏ ကလေးငယ်များကိုသာ အစားအသောက်များ ကျွေးရပြီး မိဘများက အငတ်ခံနေရကြောင်း သိရသည်။

စောအယ်လ်ဘတ်က“မိသားစု တွေက အစာရေစာတွေ ပြတ်တောက်နေတယ် ဆိုတာရယ် နောက်နှစ် ရိတ်သိမ်းချိန်အထိ ရိက္ခာ တွေထားလို့ မရတော့ ဘူးဆိုတာတွေကို ကျနော့်တို့ အဖွဲ့အစည်းကို လာပြောကြတယ်”ဟု ပြောသည်။

“အစာရေစာ ပြဿနာက ရှောင်ပုန်းနေရတဲ့ ရွာသားတွေ အတွက် စိန်ခေါ်မှု တခုပါ”ဟု ၎င်းက ဆက်ပြောသည်။

ကရင် ဒုက္ခသည်များ ကူညီစောင့်ရှောက်ရေးနှင့် ဖွံ့ဖြိုးတိုးတက်ရေး အဖွဲ့(KORD) အတွင်းရေးမှူး ထူးခလိကမူ တချို့သော ရွာ များက အစာရေစာအတွက် တောထဲတွင် အမဲလိုက်ရကြောင်း၊ နေစဉ်ဘ၀ ရပ်တည်ရေးအတွက် အခြားသော ရွာများသို့ သွား ရောက်ကာ အလုပ်အကိုင်ရှာဖွေရကြောင်း ဆိုသည်။

စောအယ်လ်ဘတ်နှင့် အဖွဲ့သည် အချက်အလက် ရရှိရန် ၂၀၁၁ ဖေဖော်ဝါရီလမှ မတ်လ အထိ အစာရေစာရှားပါးနေသော ဒေ သ များ၌ အင်တာဗျူး အမြောက်အမြား ပြုလုပ်ခဲ့ပြီး မေလ ၁၁ ရက်က အစီရင်ခံစာ တစောင်လည်း ထုတ်ပြန်ထားသည်။

KHRG ကို ၁၉၉၂ ခုနှစ်တွင် ဖွဲ့စည်းခဲ့ပြီး ဝေးလံခေါင်းပါးသော ဒေသများရှိ မြို့ရွာများနှင့် ပတ်သက်၍ ဓာတ်ပုံ သက်သေ အထောက် အထားများဖြင့် မှတ်တမ်းတင်နေသော လွတ်လပ်သည့် အဖွဲ့အစည်း တခုဖြစ်သည်။

လတ်တလော ဒေသခံများ ကြုံတွေ့နေရသော စားနပ်ရိက္ခာ အတွက် နိုင်ငံတကာရှိ လူ့အခွင့်အရေး အဖွဲ့အစည်းများ အနေဖြင့် အကူအညီများ ရရှိရန် တောင်းဆိုပေးခြင်း ဖြစ်ကြောင်း KHRG က စောအဲလ်ဘတ်က ပြောသည်။

“အစာရေစာ ပြတ်လတ်နေတဲ့ ရွာသားတွေကို အရေးပေါ် အကူအညီ ပေးဖို့က အရေးကြီးဆုံးပါပဲ၊ မွေးရပ်မြေမှာ ဆက်ပြီး လုပ် ကိုင် စားသောက်ချင်တဲ့ သူတွေရှိသလို အစာရေစာ ရှာဖွေမရဘဲ တိုက်ပွဲတွေကြောင့် ဒုက္ခသည် ဖြစ်သွားနိုင်တဲ့ မိသားစုတွေ လည်း ရှိနေတယ်”ဟု ၎င်းက ဆိုသည်။

ကရင်ဒုက္ခသည်များ ကူညီ စောင့်ရှောက်ရေး ကော်မတီ (CIDKP)မှ စောစတိဗ်ကလည်း နေ့စဉ်နှင့်အမျှ တိုက်ပွဲများ ဖြစ်ပွားနေ သည့် ယခုနှစ်အတွင်း အစာရေစာ ပြတ်လပ်မှုများသည် ပြီးခဲ့သော နှစ်များထက် ပိုမိုဆိုးဝါးလာသည်ဟု ပြောသည်။

Read More...

Summary only...

မေလ ၁၁ရက်။ နန်းဖော့ဂေ (ကေအိုင်စီ)

ကရင်ပြည်နယ် ကော့ကရိတ်မြို့အနောက်ဘက်နားရှိ စကခ(၁၂) လက်အောက်ခံ ခမရ(၂၃၀)တပ်ရင်း အခြေစိုက်ရာနေရာကို ကေအဲန်ယူနှင့် ဒီကေဘီအေ တပ်ဖွဲ့ဝင်များက ယနေ့မနက်စောစောတွင် စတင် ၀င်ရောက်တိုက်ခိုက်ရာ အရာရှိတစ်ဦး ကျဆုံး ခဲ့သည်ဟု သိရသည်။
ယနေ့မနက် ၅နာရီခွဲကျော်၌ ကော့ကရိတ်မြို့ လှိုင်ဝဂိတ်မှ ၃မိုင်ခန့်ကွာဝေးသည့် တံတားကျိုးရွာအနီးရှိ ခမရ(၂၃၀) တပ်ဝင်း ကို ကရင်တပ်ဖွဲ့ဝင်များက ၀င်ရောက်တိုက်ခိုက်ခဲ့ခြင်းဖြစ်သည်ဟု မြို့ခံတစ်ဦးက ယခုလို ပြောသည်။

“ဖြစ်တာက မနက် ၅နာရီခွဲလောက်က။ ကော့ကရိတ်က ကျုံဒိုးကိုအသွားဆိုရင် လှိုင်ဝကအထွက် ကားလမ်းညာဘက်က ခမရ (၂၃၀)၀င်းထဲကို ကေအဲန်ယူတွေက ၀င်ပစ်တာလေ။ ကတုတ်ကျင်းထဲက ဒုဗိုလ်တစ်ယောက် သေသွားတယ်။ အဲဒီတပ်ဝင်း က ထို့ကော်ကိုးဘက်သွားမဲ့လမ်းဘက်မှာ ရှိတယ်။ လှိုင်ဝကထွက်ရင် စကခ(၁၂)၊ ခမရ(၂၃၁)၊ ပြီးရင် ခမရ(၂၃၀)တပ်ဆိုပြီး အစဉ်လိုက် ရှိနေကြတာလေ။”ဟု စစ်တပ်နှင့် နီးစပ်သူတစ်ဦးက ပြောသည်။

ထိုပစ်ခတ်မှုကြောင့် ကော့ကရိတ်မြို့ပေါ် ရပ်ကွက်များတွင်လည်း လက်နက်ကြီး အတော်များများ ကျရောက်ခဲ့သော်လည်း အရပ်သားများကို ထိခိုက်မှုများ မရှိကြောင်း မြို့တွင်းနေထိုင်သူများက ပြောဆိုသည်။

ကော့ကရိတ်မြို့နေ အမျိုးသမီးတစ်ဦးက “တိုက်ပွဲဖြစ်တာက တစ်နေရာထဲ မဟုတ်ဘူး။ နေရာအတော်များတယ်။ လက်နက် ကြီးနဲ့ ပစ်ထဲ့တာ ၂၄လုံးလောက်ရှိတယ်။ မြို့အရှေ့ဘက် ချက်ပွိုင့်နားက ခင်နိမ်းမူ သချိုင်္င်းနေရာမှာလည်း ကျတယ်။ မြို့ထဲက ခလရ(၉၇)၀င်းထဲက တိုက်ဝါအနားမှာလည်း တစ်လုံးကျတယ်။ ၀င်းကြီးရပ်ကွက်မှာလည်း ကျတယ်လေ။ လူတွေကိုတော့ မထိပါဘူး။”ဟု ကေအိုင်စီကို ပြောသည်။

မြန်မာစစ်တပ်ကို ၀င်ရောက်တိုက်ခိုက်သည့် ကရင်တပ်ဖွဲ့ဝင်များ၏ အင်အားမှာ ၃၀၀နီးပါးရှိနိုင်ကြောင်း ကေအဲန်ယူ လက် အောက်ခံ ကေအဲန်အယ်လ်အေ (၁၀၁)တပ်ရင်းမှူး ဒုဗိုလ်မှူးကြီးစောဖောဒိုက ခန့်မှန်းပြောဆိုခဲ့သော်လည်း ထိခိုက်ကျဆုံးမှု အသေးစိတ်ကိုမူ ၎င်းအနေဖြင့် မသိရှိရသေးကြောင်း ပြောဆိုသည်။

တိုက်ပွဲကြောင့် ထိခိုက်ဒဏ်ရာရလူနာများ အခြေအနေ သိရှိရန် ကော့ကရိတ်ဆေးရုံသို့ ကေအိုင်စီက ဆက်သွယ်မေးမြန်းရာ ပြန်လည်ဖြေဆိုခြင်းမရှိဘဲ ဖုန်းချသွားခဲ့သည်။

ကော့ကရိတ်မြို့၏ အရှေ့ဘက်နှင့် အနောက်ဘက်တွင် ဖြစ်ပွားနေသည့် အဆိုပါတိုက်ပွဲမှာ မနက် ၁၀နာရီခန့်တွင် ခေတ္တ ရပ် နားခဲ့ပြီး ထပ်မံ၍ မွန်းလွဲပိုင်းတွင် ကြိုကြားကြိုကြား ဆက်လက် ဖြစ်ပွားနေဆဲဖြစ်ကြောင်း မြို့ခံများက ပြောသည်။

Read More...

Summary only...

တပ်မဟာ ၄ အထူးတပ်ဖွဲ့ နှင့် နအဖတပ် တပ်ရင်းမှူး မျိုးမြင့်နိုင် ဦးဆောင်သောအင်အား၃၅ယောက်ရှိ ခြေမြန်တပ်၅၅၈တို့သည် မေလ ၇ ရက်နေ့မွန်းလွဲ ၂နာရီခွဲ အချိန်တွင် အမိုနှင့်မယ်သမီထါ အကြားတွင်ရင်ဆိုင်တိုက်ပွဲဖြစ်ရာ နအဖ ဘက်မှ တပ်ကြပ်ကြီး၁ဦး နှင့် တပ်သား၁ဦးဒဏ်ရာရ ကြောင်း KNU တပ်မဟာ၎ သတင်းရပ်ကွက်မှ သိရှိရသည်။

ကွယ်ကလူ သတင်းကိုအကျဉ်းချုပ်ဘာသာထားသည်။

Read More...

Summary only...

စောသိန်းမြင့် (ကေအိုင်စီ)

နယ်ခြားစောင့်တပ် (BGF) မဖွဲ့စည်းခင် အသက်အရွယ်ကြောင့် အငြိမ်းစားယူခဲ့သည့် တိုးတက်သော ဗုဒ္ဓဘာသာ ကရင်အမျိုးသား တပ်မတော် DKBA တပ်ဖွဲ့ဝင်ဟောင်းများသည် ယခုအချိန်တွင် အသက်အန္တရာယ် ခြိမ်းခြောက်မှုများ ကြုံတွေ့နေရကြောင်း လွတ် မြောက်နယ်မြေသို့ ယနေ့ ထွက်ပြေးရောက်ရှိလာသည့် DKBA တပ်မှူးဟောင်းတစ်ဦးက ပြောသည်။

ယခင် DKBA တပ်မဟာ(၉၉၉) လက်အောက်ခံ တပ်ရင်း(၃)မှ ဗိုလ်မှူးဟောင်း စောမုဆိုး (ခေါ်) ထာကလယ်က နယ်ခြားစောင့် တပ် ပြောင်းလဲဖွဲ့စည်းပြီးနောက်ပိုင်း သတ်မှတ်ထားသည့်အရွယ်ကျော်လွန်ကာ အနားယူခဲ့သည့် တပ်မှူးတပ်သားများနှင့် ကိုယ် လက်အင်္ဂါချို့တဲ့သူများမှာ လက်ရှိ BGF တပ်မှူးအချို့၏ မယုံသင်္ကာမှုဖြင့် စောင့်ကြည့်ခံရသည့်အပြင် အသက်အန္တရာယ်ကိုပါ ခြိမ်း ခြောက်သည်အထိ ကိုယ်တိုင် ကြုံတွေ့ခဲ့ရကြောင်း ကေအိုင်စီကို ယခုလို ပြောသည်။

၎င်းက “ကျနော်တို့တွေ အသက်ပြည့်လို့ အနားယူကြပေမယ့် သူတို့တွေ မယုံကြည်ကြဘူး။ ဗိုလ်နှုတ်ခမ်းမွှေးအဖွဲ့ထဲကို သွားမ လား။ KNU နဲ့ သွားပေါင်းမလားပေါ့။ အမြဲတမ်း စောင့်ကြည့်ခံရတယ်။ ဒါတောင်မကဘူး။ လူကိုယ်တိုင်လာပြီး ခင်ဗျားတို့ ကောင်း ကောင်းနေကြနော်။ ကောင်းကောင်းမနေရင် တွေ့ပြီးသာမှတ်ဆိုပြီး လာခြိမ်းခြောက်တယ်။ အခန့်မသင့်ရင် သတ်တဲ့အထိလုပ် ကြတော့ ကျနော်လည်း ဒီဘက်ကို ထွက်ပြေးလိုက်တယ်ပေါ့။”ဟု ပြောသည်။

အဆိုပါ ဗိုလ်မှူးဟောင်း ရည်ညွှန်းသည့် တပ်မှူးများမှာ ယခင် DKBA တပ်မဟာ(၉၉၉)အောက်မှ တပ်ရင်းမှူးအချို့ဖြစ်ပြီး ၎င်းနှင့် နီးစပ်ခဲ့သည့် လက်ရှိ နယ်ခြားစောင့်(၁၀၁၆) တပ်ရင်းမှူးဖြစ်သူ ဗိုလ်မှူးမြတ်ခိုင်မှာလည်း သူ၏တပ်ဖွဲ့ဝင်များ ကေအဲန်ယူ (သို့မ ဟုတ်) ဗိုလ်မှူးချုပ်စောလားပွယ်၏တပ်ဖွဲ့ထံသို့ သွားရောက်ပူးပေါင်းခဲ့ပါက ထိုသူများ ပိုင်ဆိုင်ရာပစ္စည်းများကို သိမ်းဆည်းသည့် အပြင် ဦးစီးကွပ်ကဲသူကိုပါ သတ်ပစ်သည်ဟု စောမုဆိုးက ပြောသည်။

“ပြီးခဲ့တဲ့လတုန်းက မြတ်ခိုင်ရဲ့အဖွဲ့ တပ်ခွဲ(၃)က လူတွေ တပ်ခွဲတစ်ခွဲလုံးနီးပါး ကော်သူးလေဆီကို လက်နက်တွေနဲ့ သွားပူးပေါင်း တယ်။ ဒါနဲ့ ကိုယ့်လူကိုယ်မထိန်းရကောင်းလားဆိုပြီး တပ်ခွဲ(၃) တပ်ခွဲမှူးသိန်းရွှေကို သတ်ပစ်လိုက်တယ်။ ထွက်ပြေးသွားတဲ့သူ တွေနဲ့ နီးစပ်တဲ့သူတွေကိုလည်း လက်နက်သိမ်းပစ်လိုက်တယ်။”ဟု ပြောသည်။

အသက် ၅၃နှစ်ရှိ စောမုဆိုး (ခေါ်) ထာကလယ်သည် ယခင်က ဒီကေဘီအေ တပ်မဟာ ၉၉၉မှ တပ်ရင်း(၃)တွင် ဒုရင်းမှူးအဖြစ် တာဝန်ယူခဲ့ပြီး နယ်ခြားစောင့်တပ် မပြောင်းခင်ကတည်းက တာဝန်မှ အနားယူခဲ့သည့်နောက်ပိုင်း ၎င်းကိုယ်တိုင်လည်း ဗိုလ်မှူး မြတ်ခိုင်၏ ကြံစည်သတ်ဖြတ်မှုကို မကြာခဏ ကြုံတွေ့ခဲ့ရသည်ဟု ပြောသည်။

နယ်ခြားစောင့်တပ်ဖွဲ့ဝင်များ၏ အသက်အန္တရာယ် ခြိမ်းခြောက်ခံရမှု၊ ခက်ခဲကြပ်တည်းမှုကြောင့် ထွက်ပြေးရောက်ရှိလာသည့် ဒီကေဘီအေ တပ်မှူးတပ်သားများကို အမြဲကြိုဆိုကြောင်း ကရင်အမျိုးသားလွတ်မြောက်ရေးတပ်မတော် KNLA တပ်ရင်း(၁၀၁) တပ်ရင်းမှူး ဒုဗိုလ်မှူးကြီးစောဖောဒိုက ထုတ်ဖော်ပြောဆိုသည်။

DKBA တပ်ဖွဲ့ဝင်များသည် ပြီးခဲ့သည့် ၂၀၁၀ခုနှစ် သြဂုတ်လအတွင်း နယ်ခြားစောင့်တပ် ပြောင်းလဲဖွဲ့စည်းသူများ၊ အနားယူသွားခဲ့ သည့် သက်ကြီးရွယ်အိုများနှင့် ကိုယ်လက်အင်္ဂါပျက်စီးသွားသူများ၊ နိုင်ငံရေးပါတီတွင်း ပါဝင်သွားသူများအပြင် စစ်တပ်ကို ပြန် လည်တိုက်ခိုက်နေသည့် ကလို့ထူးဘော အခြေစိုက် ဒီကေဘီအေတပ်ဖွဲ့ဟူ၍ ကွဲပြားသွားခဲ့သည်။

Read More...

Summary only...

စောသိန်းမြင့် (ကေအိုင်စီ)

ကရင်ပြည်နယ်၊ မြ၀တီခရိုင်၊ ဝေါ်လေဒေသတွင် လှုပ်ရှားနေသည့် အစိုးရစစ်တပ်အား ယမန်နေ့က ကရင်အမျိုးသားလွတ်မြောက် ရေးတပ်မတော်(ကေအဲန်အယ်လ်အေ)က ပစ်ခတ်တိုက်ခိုက်ရာ အစိုးရစစ်တပ်ဘက်က ၆ဦးကျဆုံးပြီး ၇ဦး ထိခိုက်ဒဏ်ရာရရှိခဲ့ သည်ဟု KNLA ဘက်က ပြောသည်။

ယမန်နေ့က မွန်းလွဲ ၂နာရီကျော်တွင် KNLA (၂၀၁)တပ်ရင်းက အစိုးရစစ်တပ် စစ်ကွပ်ကဲရေးဌာနချုပ်-စကခ(၅) လက်အောက်ခံ ခမရ(၃၇၂)တပ်ရင်းအား ဝေါ်လေဒေသ ဖောမုဘောထာ့ကျေးရွာအနီးတွင် မိနစ် ၂၀ကျော်ကြာ ၀င်ရောက်တိုက်ခိုက်ရာမှ ယခုလို အစိုးရဘက်က ထိခိုက်ကျဆုံးခြင်းဖြစ်ကြောင်း တိုက်ပွဲတွင် ကိုယ်တိုင်ပါဝင်ခဲ့သူ (၂၀၁) ဒုတပ်ရင်းမှူး ဗိုလ်မှူးစောကြည်အောင်က ပြောသည်။

“မနေ့က မွန်းလွဲ ၂နာရီခွဲမှာ ကနဲလေးလှုပ်ရှားတပ် (၃၇၂)တပ်ရင်းကို ဝေါ်လေနဲ့ ကနဲလေးကြား ဖောမုဘောထာ့မှာ ကျနော်တို့လူ တွေဝင်ပစ်တော့ ရန်သူဘက်က ၆ဦး သေတယ်။ ၇ဦး ဒဏ်ရာရတယ်ဆိုပေမယ့် လက်နက်တလက်မှ မရလိုက်ဘူး။ ကျနော်တို့ ဘက်က ထိတာတော့လည်း မရှိဘူး။”ဟု ၎င်းက ပြောသည်။

အဆိုပါတိုက်ပွဲ ဖြစ်ပွားရာဒေသတွင် လွန်ခဲ့သည့် ၆လက နယ်ခြားစောင့်တပ်ဖွဲ့စည်းရေးကို ငြင်းဆန်ခဲ့သည့် တိုးတက်သော ဗုဒ္ဓ ဘာသာ ကရင်အမျိုးသားတပ်မတော်(DKBA) တပ်မဟာ(၅)နှင့် အစိုးရစစ်တပ်တို့ကြား ဖြစ်ပွားခဲ့သည့်တိုက်ပွဲကြောင့် ထောင်နှင့်ချီ သည့် ဒေသခံရွာသူရွာသားများသည် ထိုင်းနယ်စပ် ဖုတ်ဖရမြို့နယ်အတွင်းသို့ ထွက်ပြေးခိုလှုံခဲ့ရသည်။

ယင်းသို့ထွက်ပြေးခိုလှုံခဲ့ကြသည့် ဒေသခံရွာသူရွာသားများအနက် တချို့သည် ယခုအချိန်တွင် မိမိနေရပ်ရင်းသို့ ပြန်လည်အခြေချ နေထိုင်ကြသော်လည်း အချို့မှာ နယ်စပ်တွင်သာ အဆင်ပြေသလို ခိုလှုံနေထိုင်နေဆဲ ဖြစ်သည်။

မြ၀တီမြို့တောင်ဘက် မိုင် ၂၀ကျော် ကွာဝေးသည့် ဝေါ်လေဒေသ၌ ဗိုလ်မှူးချုပ်စောလားပွယ် ဦးဆောင်သည့် DKBA တပ်မဟာ (၅)တပ်ဖွဲ့၊ KNLA (၂၀၁)တပ်ရင်းနှင့် အစိုးရစစ်တပ် စကခ(၅)လက်အောက်ခံ ခမရ(၅၄၄)၊ ခမရ(၃၇၂) လှုပ်ရှားတပ်ရင်းများနှင့် ခလရ(၅၄၃)၊ ခလရ(၃၁၀) အခြေစိုက်တပ်များ စခန်းထိုင်လျှက်ရှိသည်။

Read More...

Summary only...

ဧရာဝတီ သတင်းမှ.....

ကရင်ပြည်နယ် ကော့ကရိတ်မြို့နယ် အတွင်း ယခုရက်ပိုင်းတွင် ဖြစ်ပွားခဲ့သည့် ကရင်ပူးပေါင်းတပ်များနှင့် မြန်မာအစိုးရ စစ်တပ်တို့၏ တိုက်ပွဲများကြောင့် နှစ်ဘက်ထိခိုက် သေကျေမှုများ ရှိသည်ဟု ကရင် တပ်မှူး များက ပြောသည်။


ယမန်နေ့ မွန်းလွဲ ၂ နာရီခန့်က ကော့ကရိတ်မြို့နယ် ဝေါ်လေဒေသ ဖောမူ့ဘောထာ့ရွာတွင် ကရင် အမျိုးသား လွတ်မြောက်ရေးတပ်မတော် (KNLA) တပ်ရင်း ၂၀၁ နှင့် ကနဲလေးရွာ အခြေစိုက် မြန်မာ အစိုးရ၏ ခြေမြန်တပ်ရင်း (ခမရ - ၃၇၂) တို့ တိုက်ပွဲဖြစ်ပွားခဲ့ရာ မြန်မာစစ်တပ်ဘက်က တပ်ဖွဲ့ဝင် ၆ ဦး သေဆုံးပြီး ၇ ဦး ဒဏ်ရာ ရရှိခဲ့ကြောင်း သိရသည်။

KNLA တပ်ရင်း ၂၀၁ မှ ဗိုလ်ခုဝါးက “မနေ့က ကျနော်တို့ ပြောက်ကျားနည်းနဲ့ သွားတိုက်တာ သူတို့ဘက်က အကျအဆုံး များတယ်။ အားလုံး ၆ ယောက်ကျတယ်။ လက်နက်၊ လူသူနဲ့ အင်အားခြင်းက ကွာတော့ ကျနော်တို့ ဒီနည်းကိုပဲ သုံးတယ်” ဟု ပြောသည်။

ယခုရက်ပိုင်း အတွင်း ကရင်ပြည်နယ် ကော့ကရိတ်မြို့နယ် ချူးကလိဒေသတွင် ဖြစ်ပွားခဲ့သည့် တိုက်ပွဲ တွင်လည်း KNLA ဘက်မှ တပ်ဖွဲ့ဝင်တချို့ ဒဏ်ရာရရှိခဲ့ရာ တပ်ဖွဲ့ဝင် ၂ ဦး မှာ ထိုင်း - မြန်မာနယ်စပ်တွင် ဆေးဝါးကုသမှု ခံယူလျှက် ရှိသည်ဟု သိရသည်။

မေ လဆန်းပိုင်းကစ၍ ကရင်ပြည်နယ် ကြာအင်းဆိပ်ကြီးမြို့နယ် ကျိုက်ဒုံဒေသတွင် ရက်သတ္တ ၁ ပတ်ခန့် ကြာသည်အထိ ဖြစ်ပွားခဲ့သော တိုက်ပွဲ၌ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်မဟာ ၅ အဖွဲ့မှ တပ်ဖွဲ့ဝင် ၂ ဦးကျဆုံးပြီး တချို့ ဒဏ်ရာရရှိခဲ့သည်ဟု ဒေသခံတဦးက ပြောသည်။

၎င်း တိုက်ပွဲကြောင့် ကျိုက်ဒုံဒေသခံ ရွာသား ၁၀၀၀ ကျော် ထိုင်းဘက်ခြမ်းရှိ အုန်းဖန်မြို့နယ် အတွင်း ထွက်ပြေး ရောက်ရှိလာခဲ့ပြီး တိုက်ပွဲများအပြီးတွင် ထိုင်းအာဏာပိုင်များက နေရပ်သို့ ပြန်ပို့ခဲ့သည်ဟု သိရသည်။

Read More...

Summary only...