.jpg)
နအဖ စစ်ခွေးတွေကတော့ယုတ်မာတဲ့နေရာမှာ ပြိုင်စံရှားပါပဲဗျာ.........စကောလောက်ဇောက်မနက်တဲ့
စစ်ခွေး နအဖတပ်ပါပဲ......မိုးကောင်းတုန်းရွာ ထားဦးပေါ့.....ကိုယ့်အလှည့်ကျရင်မနွဲ့စတမ်းပေ့ါကွာ...........
စောသိန်းမြင့် (ကေအိုင်စီ)
ကရင်ပြည်နယ်၊ သံတောင်မြို့ အရှေ့ဘက် ၄မိုင်ကွာတွင် လှုပ်ရှားနေသော အစိုးရစစ်တပ် စကခ(၉) လက်အောက်ခံ ခမရ (၃၇၄)တပ်ရင်းသည် ဒေသခံ ရွာသား ၂ဦးကို ယခုလ ၁၃ရက်နေ့က ဖမ်းဆီးကာ သတ်ဖြတ်ပစ်ခဲ့သည်ဟု သိရသည်။
စစ်ကွပ်ကဲရေးဌာနချုပ် စကခ(၉)လက်အောက်ခံ ဗိုလ်ကြီးစိုးစံမိုး ဦးစီးသည့် ခမရ(၃၇၄)တပ်ရင်းမှ တပ်ဖွဲ့ဝင်တချို့သည် မဲ့သင်္ခါလေးရွာသား စောအယ်ထူး ၄၈နှစ်နှင့် စောကလယ်ဖေါ ၃၃နှစ်တို့အား ပေါ်တာအထမ်းသမားများအဖြစ် ရွာထဲမှ ဖမ်းဆီး ပြီးနောက် သတ်ဖြတ်လိုက်ခြင်းဖြစ်သည်ဟု ရွာသားတစ်ဦးက ပြောဆိုသည်။
.jpg)
ရွာသား ၂ဦးကို အစိုးရစစ်တပ်မှ ဖမ်းဆီးသတ်ဖြတ်ခဲ့
စစ်တပ်၏ လမ်းပိတ်ဆို့မှုကြောင့် ရွာသားများ စားဝတ်နေရေး အခက်အခဲဖြစ်နေ
စောသိန်းမြင့် (ကေအိုင်စီ)
ကရင်ပြည်နယ်မြောက်ပိုင်း တောင်ငူခရိုင်တွင် လှုပ်ရှားနေသည့် အစိုးရစစ်တပ်များသည် ရွာသားများ၏ ၀င်ထွက်သွားလာမှု ကို ပိတ်ဆို့လိုက်သောကြောင့် ယခုအချိန်တွင် ရွာသားများသည် စားဝတ်နေရေး အခက်အခဲ ပြဿနာနှင့် ကြုံနေရသည်ဟု ထိုဒေသမှ လာသည့်သတင်းအရ သိရသည်။
ယခုလဆန်းပိုင်းမှစ၍ တောင်ငူခရိုင်၊ ထန်းတပင်နှင့် သံတောင်မြို့နယ်တွင် လှုပ်ရှားနေသော အစိုးရတပ် စစ်ကွပ်ကဲရေးဌာန ချုပ် စကခ(၉) လက်အောက်ခံ ခလရ(၇၃)၊ ခမရ(၅၃၉)တပ်ရင်းတို့သည် တိပ်ပု၊ ဘောကလိကြီး၊ ဘောဂလိလေးရှိ ဒေသခံ ရွာသားများ၏ တနေရာနှင့် တနေရာ ၀င်ထွက်သွားလာမှုကို တားမြစ်ပိတ်ပင်လိုက်သောကြောင့် ရွာသားများသည် စားနပ် ရိက္ခာ အခက်အခဲ ပြဿနာ အလွန်ကြုံနေရသည်ဟု ဒေသခံတစ်ဦးက ပြောသည်။
၎င်းက “ရွာသားတွေ သွားဝင်ထွက်သွားလာမှုကို ပိတ်ဆို့တယ်။ ဆန်တွေဘာတွေ သယ်ခွင့်မပြုဘူး။ နောက်ပြီးတော့ ရွာသား တွေ လယ်ယာ၊ တောင်ယာသွားတဲ့အချိန်မှာ ဆန်ကို နို့ဆီဗူး ၂လုံးထက် ပိုမသယ်ရဘူး။ သယ်တာတွေ့လို့ရှိရင် အရေးယူ မယ်။ အပြစ်ပေးမယ် ပြောထားတော့ ဒူးရင်းသီး၊ ဓညှင်းသီး၊ ကွမ်းရွက်တွေ အကုန်လုံး ပုပ်သွားတယ်။ အခု ရွာသားတွေ တော် တော်ဒုက္ခရောက်နေတယ်။”ဟု ပြောသည်။
ထိုကဲ့သို့ စစ်တပ်က သွားလာမှု ပိတ်ဆို့လိုက်သောကြောင့် ရွာသားများသည် စားနပ်ရိက္ခာများ ရရှိရန်အတွက် တောလမ်း တောင်ကြောများမှ လမ်းကြောင်းကွေ့ပတ်ကာ အသက်စွန့်ပြီး ဈေးဝယ်သွားနေရသည်ဟု အဆုိုပါဒေသခံက ပြောသည်။
၎င်းစားဝတ်နေရေး ပြဿနာနှင့် ရင်ဆိုင်နေရသော ဒေသခံရွာသားများအား ကရင်အမျိုးသားအစည်းအရုံး (ကေအဲန်ယူ) တပ် မဟာ(၂)မှ တာဝန်ရှိသူများက တတ်နိုင်သလောက် ကူညီပေးလျှက်ရှိသည်ဟု ကေအဲန်ယူ တပ်မဟာ(၂)မှ ပြောရေးဆိုခွင့်ရှိ သူ စောအယ်ဝါးက ယခုလို ပြောသည်။
“ကျနော်တုိ့ တာဝန်ရှိသူတွေအနေနဲ့က ရွာသားတွေလိုအပ်တဲ့ ဆန်လေးဘာလေးတော့ ပေးစားတယ်။ ဖျားနာတဲ့လူတွေကို တော့ တတ်နိုင်သလောက် ဆေးကုသပေးတယ်။ အဲလို အတိုင်းအတာပဲ ရှိတယ်။ အဓိကတော့ အသက်အန္တရာယ် လုံခြုံမှုအ တွက် ကာကွယ်ပေးတာပဲ။”ဟု စောအယ်ဝါးက ပြောသည်။
ထန်းတပင်နှင့် သံတောင်မြို့နယ်တွင် ယခင် ၀င်ရောက်လှုပ်ရှားခဲ့သည့် အစိုးရစစ်တပ်ကလည်း ဒေသခံရွာသားများအား KNU ကို ရိက္ခာထောက်ပံ့ပေးသည်ဟု အကြောင်းပြကာ အလားတူ ရွာသားများ ၀င်ထွက်သွားလာသည့် လမ်းများကို အကန့်အ သတ်မရှိ ပိတ်ပစ်ခဲ့သလို ရွာသားပိုင် တောင်ယာစပါးခင်းများကိုလည်း မီးရှို့ဖျက်ဆီးမှုများ ရှိခဲ့သည်။
DKBA အချင်းချင်း တိုက်ပွဲဖြစ်
ဧရာဝတီ သတင်းမှ...........
ကရင်ပြည်နယ် လှိုင်းဘွဲ့မြို့နယ် မြိုင်ကြီးငူ အထူးဒေသရှိ ထီးလာနဲရွာတွင် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်ဖွဲ့ဝင်များ အချင်းချင်း ယနေ့ နံနက်က တိုက်ပွဲဖြစ်ပွားခဲ့ကြောင်း သိရသည်။
နယ်ခြားစောင့်တပ်မှ ခွဲထွက်သွားသည့် DKBA တပ်ရင်း ၄ ရင်းကို ဦးဆောင်နေသူ တပ်ရင်းမှူး ဒု ဗိုလ်မှူးကြီး စောဘိ (ဗိုလ်ဘိ) ၏ တပ်ဖွဲ့ဝင်များအား DKBA ခေါင်းဆောင်ဟောင်း တဦးဖြစ်သည့် ဗိုလ်မှူးကြီး စောချစ်သူ (ဗိုလ်ချစ်သူ) တပ်ဖွဲ့ဝင်များက သွားရောက်တိုက်ခိုက်ခဲ့ကြောင်း ကရင်အမျိုးသား အစည်းအရုံး (KNU) ဘားအံခရိုင် ဥက္ကဋ္ဌ ဖဒို စောအောင်မော်အေးက ဧရာဝတီသို့ ပြောသည်။
အစိုးရကို သစ္စာခံထားသော နယ်ခြားစောင့်တပ် အမှတ် (၁၀၁၉) တပ်ရင်းမှူး စောလိုက်သိန့် ဦးဆောင်သော တပ်ဖွဲ့ဝင်များ အပါအ၀င် ဗိုလ်ဖားနွီးတပ်ဖွဲ့ဝင်များနှင့် ဗိုလ်ချစ်သူတပ်တို့ ပူးပေါင်း၍ သွားရောက် တိုက်ခိုက်ခဲ့ကြောင်း ၎င်းက ဆိုသည်။
တိုက်ပွဲတွင် နှစ်ဖက် စစ်သည်အင်အား ၄၀၀ ခန့် ရှိကြောင်း၊ သေဆုံး ထိခိုက် ဒဏ်ရာ ရသူများ၏ အခြေအနေများကို စုံစမ်းဆဲဖြစ်ကြောင်း စောအောင်မော်အေးက ဆက်ပြောသည်။
KNU တပ်မဟာ (၇) မှ ဗိုလ်မှူးချုပ် စောဂျော်နီက ယင်း တိုက်ပွဲအခြေအနေများနှင့် ပတ်သက်၍ ဆက်လက်ဖြစ်ပွား လာနိုင်ကြောင်း ပြောဆိုသည်။
ပြီးခဲ့သည့် မေလတွင် ခွဲထွက်သွားသော ဗိုလ်ဘိ ဦးဆောင်သည့် ကရင် နယ်ခြားစောင့် တပ်ရင်း ၄ ရင်းကို ပြည်လည်စည်းရုံးရန် ဗိုလ်ချစ်သူက ဇူလိုင်လဆန်းပိုင်းတွင် ကြိုးပမ်းပြီးနောက် နှစ်ဖက် စစ်ရေးတင်းမာ၍ မြိုင်ကြီးငူဒေသ အပြင်ဘက်တွင် နေရာယူထားခဲ့ကြ ခြင်းဖြစ်သည်။
လှိုင်းဘွဲ့မြို့နယ် ပိုင်ကျုံမြို့နယ်ခွဲတွင် ဇူလိုင်လ ၂၀ ရက်နေ့ကလည်း KNU တပ်ဖွဲ့ဝင်များနှင့် နယ်ခြားစောင့်တပ်ဖွဲ့ဝင်များ ရင်ဆိုင် တိုက်ပွဲ ဖြစ်ပွားခဲ့သေးကြောင်း သိရသည်။ ယင်း တိုက်ပွဲတွင် နယ်ခြားစောင့်တပ်ဖွဲ့ဝင်တဦး ကျဆုံးခဲ့ပြီး ၆၀ မမ လက်နက် အမျိုးအစား တလက်နှင့် လက်နက်ခဲယမ်းများကို သိမ်းဆည်းရမိကြောင်း စောအောင်မော်အေးက ပြောသည်။
ဇွန်လကုန်တွင် ဗိုလ်ဘိ၏ အဖွဲ့က မြိုင်ကြီးငူဒေသရှိ တခွက်ဖိုးရွာအနီး အခြေစိုက်သည့် နယ်ခြားစောင့်တပ် အမှတ် (၁၀၁၁) ကို တိုက်ခိုက်ခဲ့ရာ တပ်ရင်းမှူး ဒု ဗိုလ်မှူးကြီး စိုးနိုင် ကျဆုံးခဲ့သည်။
ကရင်ပြည်နယ်တွင် ဖြစ်ပွားသော တိုက်ပွဲ၊ မငြိမ်မသက်မှုများနှင့် ပတ်သက်ပြီး အစိုးရက သတင်းထုတ်ပြန်ခြင်း မရှိသေးပေ။
ယမန်နှစ် သြဂုတ်လတွင် နယ်ခြားစောင့်တပ် တပ်ဖွင့်ပွဲ အခမ်းအနားများကို လှိုင်းဘွဲ့မြို့နယ် မြိုင်ကြီးငူ ဒေသ၊ ပိုင်ကျုံမြို့နယ် ထန်းတပင်ကျေးရွာ၊ မြ၀တီမြို့နယ် မဲပလဲ့ဒေသ၊ ကော့ကရိတ်မြို့နယ် ထီးဟူးသံ ကျေးရွာနှင့် ကွင်းကလေးဒေသတို့တွင် စစ်အစိုးရက ဦးဆောင်၍ ကျင်းပခဲ့သည်။
DKBA သည် ၁၉၉၅ ခုနှစ်တွင် KNU မှ ခွဲထွက်ပြီးနောက် စစ်အစိုးရနှင့် အပစ်အခတ်ရပ်စဲကာ တဖြည်းဖြည်း အင်အားကြီးမားလာသည့် လက်နက်ကိုင် တပ်ဖွဲ့ တဖွဲ့ဖြစ်သည်။
ကေအဲန်ယူနှင့် တိုက်ခိုက်မှုကြောင့် BGF တပ်ဖွဲ့ဝင် ၁ဦး ကျဆုံး
နန်းသူးလေ (ကေအိုင်စီ)
ကရင်ပြည်နယ် ပိုင်ကျုံမြို့နယ်အတွင်းရှိ ထီးပယ်ရွာအနားတွင် နယ်ခြားစောင့်တပ်(BGF)နှင့် ကရင်အမျိုးသားလွတ်မြောက်ရေး တပ်မတော်(KLNA)တို့ ယမန်နေ့က တိုက်ပွဲဖြစ်ပွားရာ BGF ဘက်မှ ၁ဦး ကျဆုံးသွားခဲ့သည်ဟု ကေအဲန်ယူဘက်က ပြော သည်။
ယမန်နေ့ နံနက် ၄နာရီတွင် KNLA တပ်မဟာ(၇) တပ်ရင်း(၂၁)၊ (၂၂)တပ်ဖွဲ့ဝင်များနှင့် BGF တပ်ရင်း(၁၀၁၅)တို့ ၁နာရီခွဲအ ကြာ တိုက်ပွဲဖြစ်ပွားခဲ့ပြီး BGF ဘက်မှ ၁ဦး ကျဆုံးကာ လက်နက်ခဲယမ်းအချို့ကို ကေအဲန်ယူဘက်မှ သိမ်းဆည်းရရှိခဲ့သည်ဟု KNU ဖားအံခရိုင် ဥက္ကဌ ပဒိုစောအောင်မော်အေးက ကေအိုင်စီကို ပြောသည်။
၎င်းက “မနေ့က နံနက် ၄နာရီအချိန် ကျနော်တို့ ကေအဲန်ယူ တပ်မဟာ(၇)တပ်ဖွဲ့နဲ့ နယ်ခြားစောင့်တပ်တို့ ထီးပယ်ရွာဘက်မှာ ၁နာရီကြာ တိုက်ပွဲဖြစ်ပြီး ရန်သူဘက်က ၁ယောက်ကျတယ်။ ပြီးတော့ ရန်သူ့ဆီက ၆၀-မမ တစ်လက်၊ RPG-7 ၆လက်၊ စကား ပြောစက် ၂လုံး သိမ်းဆည်းလိုက်တယ်။”ဟု ပြောသည်။
အဆိုပါတိုက်ပွဲမှာ BGF တပ်ဖွဲ့ဝင် ၂၀ဦးရှိသည့် စခန်းကို သိမ်းဆည်းသည့်တိုက်ပွဲဖြစ်ပြီး ၆၀-၄၄ ကျည် ၁၅လုံး၊ ရှေ့ထွက်မိုင်း ၄လုံး၊ ဆေးဝါးတအိတ်နှင့် အီကွင့်မန့် ၅ချပ်ကိုပါ သိမ်းဆည်းရရှိခြင်းဖြစ်ကြောင်း ကေအဲန်ယူ တပ်မဟာ(၇)မှူး ဗိုလ်မှူးချုပ်စော ဂျော်နီက ထပ်မံ ပြောဆိုသည်။
“ကျနော်တို့လူတွေက စောစောစီးစီး စခန်းတက်သိမ်းတဲ့ တိုက်ပွဲပါ။ အဲဒီမှာ နယ်ခြားစောင့်တပ်က ကျဆုံးသွားတဲ့ အလောင်း တစ်ခုတော့ တွေ့တယ်။ ဒဏ်ရာရတာက ၃ယောက်လို့ သိရပေမဲ့ အတည်မပြုနိုင်ဘူး။ စခန်းကိုတော့ မီးရှို့ပစ်လိုက်တာပေါ့။ ဒီ နယ်ခြားစောင့်တွေက အစိုးရစစ်တပ်နဲ့ ပူးပေါင်းတဲ့တပ်တွေလေ။”ဟု ဆိုသည်။
BGF (၁၀၁၅) တပ်ရင်းကို ဗိုလ်မှူးစောဝင်းနိုင်စိန်က တပ်ရင်းမှူးအဖြစ် ဦးစီးကာ ပိုင်ကျုံမြို့နယ်၊ ထန်းတပင်ကျေးရွာတွင် ၎င်း ၏တပ်ရင်းဌာနချုပ် ထားရှိကြောင်း ကေအဲန်အယ်လ်အေဘက်က ဆိုသည်။
အလားတူ ပြီးခဲ့သည့် ဇူလိုင်လ ၅ရက်နေ့က ကရင်ပြည်နယ်၊ မြ၀တီမြို့နယ် မဲ့ပလဲ့တိုဂွင်၌ လှုပ်ရှားနေသည့် နယ်ခြားစောင့်တပ် ဖွဲ့နှင့် ကရင်အမျိုးသားလွတ်မြောက်ရေးတပ်မတော် KNLA တပ်မဟာ(၇)တပ်ဖွဲ့များ တိုက်ပွဲများဖြစ်ပွားခဲ့ရာ BGF ဘက်မှ ၃ဦး ထိခိုက်ဒဏ်ရာရရှိခဲ့သည်ဟု သိရသည်။
DKBA လက်နက်ကြီးများဖြင့် အပစ်ခံရ
စောခါးစူးညါး (ကေအိုင်စီ)
ကရင်ပြည်နယ် မြ၀တီမြို့နယ် မေတ္တာလင်းမြိုင်ရွာ အနီးရှိ မြန်မာအစိုးရတပ်နှင့် ကရင်နယ်ခြားစောင့်တပ်ဖွဲ့များက တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA)ကို ယနေ့ နံနက် ၅နာရီခန့်တွင် လက်နက်ကြီးကျည်အလုံး ၂၀ခန့် ပစ်ခတ်ခဲ့သည် ဟု စုံစမ်းသိရှိရသည်။
မြန်မာအစိုးရတပ် စစ်ဆင်ရေးကွပ်ကဲမှု ဌာနချုပ်-စကခ(၁၂) လက်အောက်ခံ ခြေမြန်တပ်ရင်း-ခမရ(၃၅၇)နှင့် နယ်ခြားစောင့်တပ် (၁၀၂၂) တပ်ရင်း ပူးပေါင်းတပ်ဖွဲ့တို့က ၎င်းတို့ကို ၈၁ မမ လက်နက်ကြီးဖြင့် ပစ်ခတ်ခဲ့ခြင်းဖြစ်သည်ဟု DKBA (၉၀၇)၏ ဒုတပ်ရင်း မှူး ဗိုလ်မှူးစောကော်ဒို့စိုးက ကေအိုင်စီကို ပြောသည်။
၎င်းက “သူတို့(မြန်မာအစိုးရတပ်)က ကျနော်တို့ကို ၈၁-မမ နဲ့လှမ်းပစ်တာ အချက် ၂၀လောက် ရှိတယ်။ ၁၀လုံးကျော်လောက်ပဲ ပေါက်ကွဲတယ်။ ကျနော်တို့ ရှိတဲ့နေရာကိုတော့ တစ်လုံးမှ ကျတာမရှိဘူး။”ဟု ပြောဆိုသည်။
ယင်းသို့ လက်နက်ကြီးဖြင့် ပစ်ခတ်မှုများကြောင့် တိုက်ပွဲများ ပြင်းထန်လာမည်ကို ဒေသခံများက စိုးရိမ်လျက်ရှိကြောင်း သိရသည်။
မြ၀တီမြို့ခံ အမျိုးသမီးတစ်ဦးက “မြန်မာစစ်တပ်က ဒီလို လက်နက်ကြီးနဲ့ တောကလူ(DKBA နှင့် KNU)တွေကိုပစ်တာ။ အခု ၂ပတ် အတွင်းဆိုရင် ၃ခါရှိပြီ။ နှစ်ဖက်ထိခိုက်မှုတော့ မကြားရသေးဘူး။ ဒေသခံလူထုက အရင်လို တိုက်ပွဲအပြင်းအထန် ပြန်ဖြစ်မှာကို စိုး ရိမ်နေတယ်။”ဟု ပြောသည်။
ယခု ပစ်ခတ်မှုဖြစ်သည့် နေရာနှင့် အနီးဝန်းကျင်ဒေသတွင် မေတ္တာလင်းမြိုင်၊ မောထော်တလေး၊ အိမ်ကြီးမြိုင်၊ မင်းလက်ပံ၊ ဖလူး ကြီး၊ ဖလူးလေး၊ ပွင့်လင်းအေးမြိုင်၊ ဆယ်အိမ်စု၊ ဖားကျလော၊ မဲ့ကနဲ၊ ဒူးခို့ခီးနှင့် ဘားထာ့ စသည့်ရွာများ တည်ရှိပြီး DKBA နှင့် KNU (ကရင်အမျိုးသားအစည်းအရုံး) ကရင်ပူးပေါင်းတပ်ဖွဲ့နှင့် မြန်မာစစ်တပ်အကြား နေ့စဉ်ရက်ဆက်နီးပါး တိုက်ပွဲများ ဖြစ်ပွား လျက်ရှိသည်ဟု DKBA က ပြောဆိုသည်။
ပြီးခဲ့သည့် ဇူလိုင်လ ၁၉ရက်နေ့ ညနေကလည်း မြ၀တီမြို့အရှေ့တောင်ဘက် ၃မိုင်ခန့်အကွာ ကျောက်တောင်ရွာအနီးရှိ အဆိုပါ မြန်မာအစိုးရတပ် ခမရ-၃၅၇နှင့် နယ်ခြားစောင့်တပ်ရင်း(၁၉၂၂) ပူးပေါင်းတပ်ဖွဲ့တို့သည် ၎င်းတို့တပ်ဖွဲ့ကို လက်နက်ကြီးဖြင့် ပစ် ခတ်ခဲ့ရာ ထိခိုက်မှုများ မရှိခဲ့ကြောင်း ဗိုလ်မှူးစောကော်ဒို့စိုးက ပြောသည်။
ကရင်ပူးပေါင်းတပ်ဖွဲ့တို့က မြ၀တီမြို့ကို ၀င်တိုက်မည်ဟု သတင်းများထွက်ပေါ်နေသည့်အတွက် ယခုလ ၇ရက်နေ့မှစ၍ မြန်မာ စစ်တပ်ဘက်က မြ၀တီမြို့တွင်း မြို့ပြင်နေရာများတွင် လုံခြုံရေးတင်းကြပ်နေသည်ဟု မြို့ခံများက ပြောဆိုကြသည်။
အကျဉ်းကျ စစ်ထောက်လှမ်းရေး အကြီးအကဲဟောင်း ၅ ဦး မြန်မာအစိုးရ ပြန်လွှတ်ပေး
VOA သတင်းမှ.........
မြန်မာနိုင်ငံက အကျဉ်းထောင်တွေတွင်း နှစ်ရှည် အကျဉ်းချခံထားရတဲ့ အရင် စစ်ထောက်လှမ်းရေး အကြီးတန်း အရာရှိ ၅ ဦးကို ပြန်လွှတ်ပေးလိုက်တာဟာ အခု မြန်မာအစိုးရ စစ်တပ်နဲ့ တိုင်းရင်းသား ဒေသတွေမှာ ဖြစ်နေတဲ့ ပြဿနာမှာ နောက်ကွယ်ကနေ အသုံးချဖို့ ဖြစ်တယ်လို့ သုံးသပ်ချက်တွေ ရှိနေပါတယ်။ အကြောင်းကတော့ အခုလွှတ်ပေးလိုက်တဲ့ အထဲမှာ အရင် စစ်ထောက်လှမ်းရေးအဖွဲ့က တိုင်းရင်းသားရေးရာ ဒုတိယတာဝန်ခံ ဗိုလ်မှူးကြီးဟောင်း စန်းပွင့်နဲ့အတူ ဒု-ဗိုလ်မှူးကြီးဟောင်း သက်တင်စိန်တို့ဟာ အရင် စစ်အစိုးရလက်ထက်က တိုင်းရင်းသားရေးရာ ကိစ္စတွေမှာ အရေးပါတဲ့ ကဏ္ဍတွေက ပါဝင်ခဲ့တာကြောင့် ဖြစ်တယ်လို့လည်း ပြောပါတယ်။ ဒီသုံးသပ်ချက် အပြည့်အစုံကို မသင်းသီရိက တင်ပြပေးထားပါတယ်။
နှစ်ရှည်ထောင်ဒဏ်တွေနဲ့ အကျဉ်းကျနေတဲ့ အကြီးတန်း စစ်ထောက်လှမ်းရေး အရာရှိ ၅ ဦးကို ပြီးခဲ့တဲ့ ဇွန်လကုန်လောက်က ပြန်လွှတ်ပေးလိုက်တယ်လို့ အရင် တန်ပြန် စစ်ထောက်လှမ်းရေး အရာရှိဟောင်း တဦးလည်းဖြစ်၊ ၀ါရှင်တန်ဒီစီ မြန်မာသံရုံးမှာ လက်ထောက် သံရုံးတာဝန်ခံ အဖြစ်လည်း တာဝန်ထမ်းဆောင်ခဲ့ဖူးတဲ့ ဗိုလ်မှူးဟောင်း အောင်လင်းထွဋ်က ပြောပါတယ်။
“ဗိုလ်မှူးကြီး စန်းပွင့်ရယ်၊ ဒုတိယဗိုလ်မှူးကြီး သက်တင်စိန်ရယ်၊ ဗိုလ်မှူး စည်သူရယ်၊ ဗိုလ်မှူး ညီညီလွင်ရယ်၊ ဗိုလ်မှူး ထွန်းအောင်စိုးရယ် ဆိုပြီးတော့ ၅ ယောက် လွတ်တယ်ဆိုတာ သိရပါတယ်။ ဗိုလ်မှူးကြီး စန်းပွင့်နဲ့ ဗိုလ်မှူးကြီး သက်တင်စိန်တို့ကတော့ ကျနော်နဲ့လည်း ဌာနတခုထဲမှာ လုပ်ခဲ့တဲ့သူတွေ ဖြစ်ပါတယ်။
“ဗိုလ်မှူး စည်သူကတော့ ထောက်လှမ်းရေး ၆ တပ်မှူးပါ။ ရန်ကုန် ထောက်လှမ်းရေး ၆ ကပါ။ ဗိုလ်မှူး စည်သူက ဗိုလ်ချုပ်ကြီး ခင်ညွန့် နေတဲ့အိမ် ပတ်ဝန်းကျင်ပေါ့၊ အဲဒီနယ်မြေကို တာဝန်ယူရတဲ့သူပါ။ ဗိုလ်မှူး ညီညီလွင်ကတော့ တချိန်က ဗိုလ်ချုပ်ကြီး ခင်ညွန့်ရဲ့ အနီးကပ် လုံခြုံရေး လုပ်ရတဲ့၊ တာဝန်ထမ်းဆောင်ရတဲ့သူပါ။ ဗိုလ်မှူး ထွန်းအောင်စိုးကတော့ ဗိုလ်ကြီးဘ၀တုန်းက တန်ပြန် ထောက်လှမ်းရေးဌာန၊ ဗိုလ်မှူးချုပ် သန်းထွန်းတို့ ဌာနမှာ လုပ်တဲ့ ပုဂ္ဂိုလ်တွေပါ။”
အခု ပြန်လွတ်လာတယ်ဆိုတဲ့ စစ်ထောက်လှမ်းရေး အရာရှိဟောင်း ၅ ဦးထဲက ဗိုလ်မှူးကြီးဟောင်း စန်းပွင့်နဲ့ ဒု-ဗိုလ်မှူးကြီးဟောင်း သက်တင်စိန်တို့က အရင် စစ်ထောက်လှမ်းရေး အကြီးအကဲ ဗိုလ်ချုပ်ကြီးဟောင်း ခင်ညွန့်ရဲ့ အထူး အရေးပါသူတွေ ဖြစ်ပါတယ်။ အထူးသဖြင့် သူတို့ ၂ ဦးဟာ ဗိုလ်ချုပ်ကြီးဟောင်း ခင်ညွန့် လက်ထက်မှာ လုပ်ခဲ့တဲ့ တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ် ရပ်စဲရေး ဆွေးနွေးပွဲတွေမှာ အဓိက အခန်းကဏ္ဍက ပါဝင်ခဲ့သူတွေ ဖြစ်တယ်လို့ ဗိုလ်မှူးဟောင်း အောင်လင်းထွဋ်က ပြောပါတယ်။
အခု မြန်မာအစိုးရ စစ်တပ်နဲ့ ကချင်ပြည်နယ်နဲ့ ရှမ်းပြည်နယ်တွင်း ဖြစ်ပွားနေတဲ့ တိုက်ပွဲတွေရဲ့ ပြဿနာဟာ လက်ရှိ မြန်မာအစိုးရအတွက် အတော် ခေါင်းခဲစရာ ဖြစ်နေတာပါ။ ဒါ့ကြောင့် အရင် တိုင်းရင်းသား ကိစ္စတွေမှာ အတွေ့အကြုံရှိခဲ့တဲ့ စစ်ထောက်လှမ်းရေး အရာရှိဟောင်းတွေကို ပြန်ပြီး အသုံးချဖို့အတွက် အခုလို လွှတ်ပေးတာ ဖြစ်နိုင်တယ်လို့ ရန်ကုန်က စာရေးဆရာတဦးက သုံးသပ်ပါတယ်။
“ထောက်လှမ်းရေးတွေကို ဘာကြောင့် လွှတ်လိုက်လဲဆို သူတို့က အခု လူမျိုးစုတွေနဲ့ တိုက်နေတဲ့ စစ်ပွဲတွေမှာ ပြန်ပြီးတော့ သူတို့ကို ကြားအဖြစ်နဲ့ အသုံးချချင်လို့လားလို့ စဉ်းစားစရာရှိတယ်။ အဲဒီတော့ အထူးသဖြင့် အခုပြဿနာက ပိုပြီး ထိပ်တိုက်ဖြစ်နေတာက ကချင်တပ်၊ KIO နဲ့ ဖြစ်နေတဲ့ ပြဿနာက သူတို့အတွက် တော်တော်အရေးကြီးတဲ့ကိစ္စ။ ရှမ်းလောက်ကိုတော့ သူတို့က ကြီးကျယ်တယ်လို့ မပြောဘူး။ KIO ကိုတော့ သူတို့က ဖြိုဖို့ သိပ်မလွယ်လှဘူး။ အဲတော့ အဲဒီမှာ အသုံးချဖို့များ ဗိုလ်မှူးကြီး စန်းပွင့်တို့ကို နောက်ကွယ်က အကြံတောင်းပြီးတော့၊ သို့မဟုတ် နောက်ကွယ်ကနေ တဖက်လှည့်နဲ့ပဲ သူတို့ အသုံးချလိမ့်မယ် ထင်ပါတယ်။”
ဒီလို သုံးသပ်ချက်တွေကြောင့် ထောင်ဒဏ် နှစ် ၄၀ ကျော်နဲ့ ပြစ်ဒဏ်ချခံထားရပြီး နေအိမ်မှာ ထိန်းသိမ်းခံထားရတဲ့ ဗိုလ်ချုပ်ကြီးဟောင်း ခင်ညွန့်ဟာ အခု ဇူလိုင်လထဲမှာဆိုရင် နေအိမ်အကျယ်ချုပ် သက်တမ်း ၆ နှစ်ရှိပါပြီ။ ဒါ့ကြောင့် အရင် တိုင်းရင်းသား ကိစ္စတွေမှာ ဆောင်ရွက်ခဲ့ဖူးတဲ့ ဗိုလ်ချုပ်ကြီးဟောင်း ခင်ညွန့် လွတ်လာနိုင်စရာ ရှိပါသလား၊ ဗိုလ်မှူးဟောင်း ဦးအောင်လင်းထွဋ်ရဲ့ အမြင်ကတော့…
“ကျနော်ထင်တယ်ခင်ဗျ၊ ဗိုလ်ချုပ် ခင်ညွန့်ကိုလည်း သူတို့ ၂၀၀၉ ပတ်ဝန်းကျင်လောက်က ဗိုလ်ချုပ်ကြီး မြင့်ဆွေတို့ သွားပြီး တွေ့ခဲ့တဲ့ ဖြစ်စဉ်တွေ ရှိခဲ့ပါတယ်။ ဗိုလ်ချုပ်ကြီး ခင်ညွန့် အနေနဲ့ကတော့ အစိုးရအဖွဲ့ကိုပေါ့၊ အဲဒီအချိန်တုန်းကတော့ ဗိုလ်ချုပ်မှူးကြီး သန်းရွှေတို့ အပေါ်မှာ တော်တော်လေး စိတ်ပျက်တဲ့ အနေအထားမျိုး ရှိပါတယ်။”
အရင် တန်ပြန် စစ်ထောက်လှမ်းရေး အရာရှိဟောင်း ဦးအောင်လင်းထွဋ် ပြောပြသွားတာ ဖြစ်ပါတယ်။
နှစ်ရှည်ထောင်ဒဏ်တွေ ချခံထားရတဲ့ စစ်ထောက်လှမ်းရေး အရာရှိဟောင်းတွေ ပြန်လွတ်လာတဲ့အတွက် နိုင်ငံရေး တက်ကြွလှုပ်ရှားမှုတွေကြောင့် နှစ်ရှည်ထောင်ဒဏ်တွေနဲ့ အဖမ်းခံထားရတဲ့ ၈၈ မျိုးဆက် ကျောင်းသားတွေ၊ တခြား နိုင်ငံရေးအကျဉ်းသား အားလုံးအတွက် မျှော်လင့်စရာ ပိုပြီး လမ်းစရလာတယ်လို့ ရန်ကုန်က စာရေးဆရာက သုံးသပ်ပါတယ်။
“အရပ်သား အစိုးရ ဆိုပြီးတော့ ယူနီဖောင်း ပြောင်းထားတဲ့ အစိုးရအဖွဲ့ အနေနဲ့က ပီပီပြင်ပြင် အရပ်သား အစိုးရလည်း မဟုတ်သေးသလို အရင်အရိပ်ကနေ လွတ်သေးတာလည်း မဟုတ်တဲ့အတွက် အခုဟာက အရင် စစ်အစိုးရကာလလို သိပ်ပြီးတော့ လက်သိပ်ထိုးလုပ်လို့ သိပ်မရဘူး။ မရတဲ့အခါကျတော့ သူတို့ လွှတ်တော်တို့ ဘာတို့မှာ ဒီဟာတွေက ပြဿနာတွေ အမေးအဖြေတွေ ဖြစ်လာနိုင်တယ်။
“ကောင်းတာက အဲဒီလို လွတ်လာတယ် ဆိုတဲ့ဟာ ကောင်းတယ်။ သူတို့ကို လွှတ်လိုက်တဲ့အတွက် ကျန်တဲ့ ရိုက်ခတ်ချက်တွေပါ အများကြီး ဖြစ်လာနိုင်တယ်။ နိုင်ငံရေး အကျဉ်းသားတွေကို လွှတ်ရေး၊ မလွှတ်ရေးကအစ၊ သူတို့အနေနဲ့ကလည်း အခု ရက် ၁၀၀ ကာလအတွင်းမှာ ထိရောက်တဲ့ဟာ ဘာမှ မလုပ်နိုင်ဘူး။ သူတို့ နည်းတခုခုတော့ ကြံလိမ့်မယ်လို့ ထင်ပါတယ်။ အခုဟာက သူတို့ ၂၀၁၄ အာဆီယံဥက္ကဋ္ဌ လုပ်ဖို့ကအစ နိုင်ငံရေး အကျဉ်းသား လွှတ်ပေးရေး၊ မလွှတ်ပေးရေးက ထိပ်တန်းပြဿနာ ဖြစ်နေတာကိုး။ အဲဒါကြောင့် အခုကတည်းက စပြီးတော့ သူတို့အတွက် လုံခြုံမှုအတွက်ရော၊ ထောက်လှမ်းရေးသမားတွေကို အသုံးချတာလည်း ဖြစ်နိုင်တယ်။”
ရန်ကုန်က စာရေးဆရာ သုံးသပ်ခဲ့တာ ဖြစ်ပါတယ်။
ပြီးခဲ့တဲ့ ၂၀၀၄ အောက်တိုဘာလမှာ စစ်ထောက်လှမ်းရေးတွေကို ဖမ်းဆီး အပြစ်ပေးခဲ့တဲ့အထဲ ဗိုလ်ချုပ်ကြီးဟောင်း ခင်ညွန့်နဲ့အတူ သူ့ရဲ့ အရာရှိ ၃၀ ကျော်ကို နှစ်ရှည်ထောင်ဒဏ်တွေနဲ့ ဖမ်းဆီး အပြစ်ပေးခဲ့သလို သူတို့နဲ့ ပတ်သက်သူတွေ၊ သူတို့ရဲ့ မိသားစုဝင်တွေကိုပါ ဖမ်းဆီး ထောင်ချထားတာ ဖြစ်ပါတယ်။
ဦးခင်ညွန့် ပြန်လွတ်တော့မည်လော
ဧရာဝတီ သတင်းမှ..............
စနေနေ့တွင် နေအိမ်အကျယ်ချုပ် သက်တမ်း ၆ နှစ် ပြည့်တော့မည့် စစ်ထောက်လှမ်းရေး ဗိုလ်ချုပ်ကြီးဟောင်း ခင်ညွန့်၏ အမှုအား အစိုးရသစ်က မည်သို့ ဆက်လက် ကိုင်တွယ်မည်ကို နိုင်ငံရေးလေ့လာသူများက စိတ်ဝင်စားနေကြသည်။
ဗိုလ်ချုပ်ကြီးဟောင်း ခင်ညွန့်ကို ယခင် စစ်အစိုးရက နိုင်ငံတော်အာဏာ အလွဲသုံးစားမှု၊ အဂတိလိုက်စားမှု တို့ဖြင့် ထောင်ဒဏ် ၄၄ နှစ် ဆိုင်းငံ့ပြစ်ဒဏ်ချခဲ့ပြီးနောက် နေအိမ်အကျယ်ချုပ် ချမှတ်ထားခဲ့ခြင်း ဖြစ်သည်။ “ဆိုင်းငံ့ပြစ်ဒဏ်ဆိုတာက အပြင်မှာထားလည်း ရတယ်။ ပုဒ်မ ၁၀ (ခ) သဘောအရ ပြည်ထဲရေး ဗဟိုအဖွဲ့ ကနေ ၆ လ တကြိမ် သက်တမ်းတိုးလို့ရတယ် ဆိုတာ ရှိတယ်။ ဗိုလ်ချုပ်ခင်ညွန့်ကိုတော့ အစိုးရက သူတို့ လွှတ်ပေးချင်ရင် ပုဒ်မ ၄၀၁ အရလည်း လွှတ်ပေးနိုင်တယ်”ဟု ရန်ကုန်မြို့မှ ရှေ့နေကြီး ဦးအောင်သိန်းက ဧရာဝတီကို ပြောသည်။
ပြီးခဲ့သည့်လက ဗိုလ်မှူးကြီးဟောင်း စန်းပွင့်၊ ဒု ဗိုလ်မှူးကြီးဟောင်း သက်တင်စိန် အပါအ၀င် နှစ်ရှည် ထောင်ဒဏ်ကျခံနေကြသော စစ်ထောက်လှမ်းရေးအရာရှိဟောင်းတချို့ကို ဦးသိန်းစိန် အစိုးရသစ်က ပြန်လွှတ်ပေးခဲ့သည်။ ဗိုလ်ချုပ်ကြီးဟောင်း ခင်ညွန့်၏ လက်ရုံးများဖြစ်သော ထိုပုဂ္ဂိုလ်တို့သည် တိုင်းရင်းသားအဖွဲ့များနှင့် ညှိနှိုင်းရာတွင် အတွေ့အကြုံများသည်ဟု သိရသည်။
၎င်းတို့ လွတ်မြောက်လာခြင်းသည် ဗိုလ်ချုပ်ကြီးဟောင်း ခင်ညွန့် နေအိမ် အကျယ်ချုပ် ၆ နှစ် ပြည့်သဖြင့် သူ့အား ပြန်လွှတ် ပေးတော့မည်လော ဆိုသည့် သုံးသပ်ချက်များ ထွက်ပေါ်နေချိန်နှင့် တိုက်ဆိုင်နေသည်။
ဝါရင့်နိုင်ငံရေး သမားကြီး သခင်ချန်ထွန်းကလည်း “ဗိုလ်ခင်ညွှန့်ကို အာဏာ ဘာမှ မရှိတော့အောင် သူ့လက်ရင်းတွေကို အကုန် ရှင်းပြီးသားဆိုတော့ ဘာမှ အန္တရာယ် မရှိတော့ဘူးလို့ အခု ဦးသိန်းစိန်အစိုးရက သတ်မှတ်ပြီး ပြန်လွှတ်ပေးကောင်း ပေးနိုင်တယ်” ဟု ဧရာဝတီကို ပြောသည်။
တိုင်းရင်းသား လက်နက်ကိုင် အဖွဲ့များအရေးကို အစိုးရက ကိုင်တွယ်ရာတွင် ဗိုလ်ချုပ်ကြီးဟောင်း ခင်ညွန့်အား တာဝန်ပေးမည်မဟုတ်ဘဲ အကြံပြုချက် တောင်းဆိုမှုသာ ရှိနိုင်သည်ဟု သခင်ချန်ထွန်းက သုံးသပ်သည်။
ဗိုလ်ချုပ်ကြီးခင်ညွန့် တာဝန်မှ ဖယ်ရှားခံလိုက်ရပြီး နောက်ပိုင်းတွင် အာဏာပိုင်တို့သည် နိုင်ငံတကာတွင် လည်းကောင်း၊ အပစ်ရပ် တိုင်းရင်းသား လက်နက်ကိုင် အဖွဲ့များနှင့် ဆက်ဆံရာတွင်လည်းကောင်း တင်းမာမှုများ ပေါ်ပေါက်ခဲ့သည်။
၂၀၀၉ ခုနှစ်က စစ်ဆင်ရေး အထူးအဖွဲ့ အမှတ် ၅ ၏ တပ်မှူး ဒု ဗိုလ်ချုပ်ကြီး မြင့်ဆွေက နေအိမ်အကျယ်ချုပ် ကျနေသော သူ့ကို သွားရောက် တွေ့ဆုံခဲ့သည်ဟုလည်း သိရသည်။
ပြီးခဲ့သည့် နှစ်ကုန်ပိုင်းက သူ နှင့် ဇနီးသည်တို့ကို နေအိမ်မှ အင်းစိန်ထောင်သို့ ပို့ဆောင်ပုံကို ရိုက်ကူးထားသည်ဟု ယူဆရသည့် မှတ်တမ်းဗွီဒီယို အင်တာနက်တွင် ထွက်ပေါ်လာစဉ်ကလည်း စိတ်ဝင်စားသူ များပြားခဲ့သည်။
သူ၏ စစ်ထောက်လှမ်းရေးအဖွဲ့ကို အစားထိုးရန် အာဏာပိုင်တို့က စစ်ဖက်ရေးရာ လုံခြုံရေးအဖွဲ့ (စရဖ) ကို တည်ထောင်ထားသည်။ ဦးသိန်းစိန်အစိုးရလက်ထက်တွင် စရဖ အကြီးအကဲအဖြစ် ဗိုလ်မှူးချုပ်စိုးရှိန် တာဝန်ယူပြီးနောက် စစ်ထောက်လှမ်းရေး အရာရှိဟောင်းတချို့ လွတ်မြောက်လာခြင်း၊ ဦးခင်ညွန့်၏ အကျယ်ချုပ် ကာလ ၆နှစ်ပြည့်မြောက်ခြင်း တို့ကို လေ့လာသူများက စိတ်ဝင်စားနေကြသည်။
၂၀၀၄ ခုနှစ်တွင် ယခင် အစိုးရ ဗိုလ်ချုပ်ကြီးတို့က ဦးခင်ညွန့်ကို အာဏာမှ ဖယ်ရှားလိုက်သော်လည်း ယခုအခါ သက်ညှာစွာ စဉ်းစားပေးမှုများ ရှိကောင်း ရှိနိုင်သည်ဟု အမျိုးသား ဒီမိုကရေစီ အဖွဲ့ချုပ် ခေါင်းဆောင်တဦးဖြစ်သူ တပ်မတော်အရာရှိဟောင်း ဦးဝင်းထိန်က ပြောသည်။
“ကျနော်တို့ ခံရသလို သူလည်း အခု ခံနေရတာပဲ။ ပုဂ္ဂိုလ်အရ ကရုဏာသက်မိပါတယ်။ ဒါပေမယ့် သူတို့ အချင်းချင်းက အထာတွေ ရှိမှာပဲ” ဟု ဦးဝင်းထိန်းက ဧရာဝတီကို ပြောသည်။
အာဏာအလွဲသုံးစား ပြုခဲ့သော နာမည်ကျော် စစ်ထောက်လှမ်းရေးတပ်ဖွဲ့၏ အရာရှိများကို ဦးသိန်းစိန်အစိုးရက လွှတ်ပေးမည် ဆိုပါက တရားမျှတမည်မဟုတ်ဟု ရန်ကုန်မှ နိုင်ငံရေးအကျဉ်းသားမိသားစုဝင်တဦးက ဆိုသည်။
“နိုင်ငံအတွက် ကောင်းအောင် လုပ်ပြီး ထောင်ကျခံနေရတဲ့ နိုင်ငံရေးအကျဉ်းသားတွေကို ပထမ ဦးစားပေး လွှတ်ပေးသင့်တာ” ဟု သူက ပြောသည်။
မဲ့ကသာကျေးရွာအတွင်း၌ စာသင်ကျောင်း မဖွင့်နိုင်သေး
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသရှိ မဲ့ကသာရွာတွင် တိုက်ပွဲများကြာင့် ထွက်ပြေးတိမ်းရှောင်ခဲ့ကြ သည့် ရွာသူရွာသားများမှာ ယခုအချိန်၌ ရွာတွင် ပြန်လည် နေထိုင်နိုင်ကြပြီဖြစ်သော်လည်း စာသင်ကျောင်းကိုမူ ဖွင့်လှစ်နိုင် ခြင်း မရှိသေးကြောင်း ကေအိုင်စီက စုံစမ်းသိရှိရသည်။
၎င်းရွာရှိ ဘာသာရေးခေါင်းဆောင်တဦးက “ရွာသားတွေ ပြန်နေထိုင်တာ ၁၀ရက်ကျော်သွားပြီ။ အကုန်လုံးတော့ မဟုတ်သေး ပေမဲ့ ထက်ဝက်ကျော်လောက်ရှိပြီ။ ဒါပေမယ့် ပိတ်ထားတဲ့စာသင်ကျောင်းကိုတော့ အခုထက်ထိ ပြန်မဖွင့်နိုင်သေးတဲ့အတွက် ကလေးတွေလည်း မိဘတွေနဲ့အတူ နေ့စားသွားလုပ်တဲ့လူကလုပ်၊ ကျောင်းထွက်ပြီး တခြားရွာကို ပြောင်းသွားတာလည်း ရှိ တယ်။”ဟု ပြောသည်။
ပြီးခဲ့သည့် ဇွန်လ ၁၀ရက်နေ့တွင် မဲ့ကသာကျေးရွာ ဘုန်းကြီးကျောင်းရှိ အစိုးရစစ်တပ် စစ်ကွပ်ကဲရေးဌာနချုပ် (စကခ-၁၉) လက်အောက်ခံ ခမရ(၅၆၃)တပ်ရင်းအား ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) တပ်ရင်း(၁၆) လက်အောက်ခံ တပ်ဖွဲ့ဝင်တချို့က ၀င်ရောက်ပစ်ခတ်ရာ ရွာသားများအားလုံးနီးပါး အခြားကျေးရွာများသို့ ထွက်ပြေးတိမ်း ရှောင်ခဲ့ရသည်။
အိမ်ခြေ ၉၀ခန့်ရှိ မဲ့ကသာကျေးရွာမှ အိမ်ထောင်စု အများစုမှာ ယခုအချိန်တွင် ရွာတွင်း ပြန်လည်နေထိုင်ကြပြီဖြစ်သော်လည်း အချို့မှာ ကျေးရွာတွင် ထိုဒေသရှိ မိုင်းတွင်းလုပ်ငန်းတွင် နေ့စားအလုပ်လုပ်ကာ နေထိုင်ရပ်တည်ကြသည်။
အမည်မဖော်လိုသူ မဲ့ကသာရွာမှ လူကြီးတဦးက “ကျနော်တို့လူကြီးတွေက ကော်သူးလေကိုလည်း မထိန်းချုပ်နိုင်ဘူး။ အစိုးရ တပ်ကိုလည်း ထိန်းချုပ်နိုင်တာ မဟုတ်ဘူး။ ဒါကြောင့် ဒီစာသင်ကျောင်း ဘယ်အချိန် ပြန်ဖွင့်နိုင်မလဲဆိုတာတော့ တပ်အပ် မပြောနိုင်ဘူး။ နစ်နာတာက ကလေးတွေပဲ။” ပြောသည်။
ခမရ(၅၆၃)တပ်ရင်းသည် မဲ့ကသာကျေးရွာ ဘုန်းကြီးကျောင်းကို အကာအကွယ်လုပ်ကာ ခြေကုပ်နေရာယူထားသဖြင့် ပြီးခဲ့ သည့် ဇွန်လ ၆ရက်နေ့နှင့် ၁၀ရက်နေ့က ကေအဲန်အယ်လ်အေတပ်ဖွဲ့ဝင်များ ၀င်ရောက်ပစ်ခတ်မှုကို ခံရပြီး ဘုန်းကြီးကျောင်း ခေါင်မိုးကိုထိမှန်ကာ အနည်းငယ် ပျက်စီးသွားခဲ့သည်။
ကိုယ်ထူကိုယ်ထ စာသင်ကျောင်းဖြစ်သည့် မဲ့ကသာ မူလတန်းကျောင်းတွင် ကျောင်းဆရာ ၃ဦးနှင့် ကျောင်းသူကျောင်းသား ၄၀ဦးကျော် ပညာသင်ကြားနေသလို ယခင်ကလည်း အလားတူ ပစ်ခတ်မှုများကြောင့် မကြာခဏ ကျောင်းပိတ်ပစ်ခဲ့ရသည်ဟု ရွာသားများက ပြောသည်။
