.jpg)
၁၀.၀၄.၂၀၁၀
သထုံခရိုင်။
- ၇.၄.၂၀၁၀ နေ့၊ DKBAသောမနသည် သူ့လူစောဆာလားအား ပလောဖိုးတိုးရွာသား စောမောင်မြအောင်၏ကျွဲအားခိုးယူခိုင်းပြီး တမိုယာရွာ သို့သွား ရောင်းစားခဲ့သည်။ ကျွဲပိုင်ရှင်သည် DKBA၏လက်ချက်မှန်းသိသဖြင့် သွားပြန်မယူရဲ။
တောင်ငူခရိုင်။
- ထန်းတပင်မြို့နယ် ၂.၄.၂၀၁၀နေ့ ခမရ(၄၂၇) တပ်သည် ကော်သေးဒဲရွာသား စောမင်း နိုင်(ခ)တော်သူ အားအပြစ်မရှိပဲ ဖမ်းဆီးပြီး စကခ(၇)သို့ပို့ခဲ့သည်။ ရွာလူ ကြီးများ သွား ရောက်အာမခံဖို့အတွက်လုံးဝအခွင့်မပေးခဲ့။
- ထန်းတပင်မြို့နယ်၊ ၇.၄.၂၀၁၀နေ့ ခမရ(၄၂၇) သည် ကော်သေးဒဲရွာသား စောတာအူးအူး အား ပလဲဝတွင်ဖမ်းဆီးပြီး ချုပ်နှောင်နှိပ်စက်၊ ရေထဲထည့်ပြီး ညှင်းဆဲတဲ့ အပြင် ထိုဖမ်းဆီး ထားသော စောမင်းနိုင် နှင့် စောအူးအူး တို့၂ဦး အားနအဖတပ်မှဘာ တွေဆက်ပြီး လုပ်နေ လဲဆိုတာမည်သူမှမသိရှိသေးပါ။
- ထန်းတပင်မြို့နယ်၊ ၃.၄.၂၀၁၀နေ့ ခမရ(၄၂၁) နှင့် ခလရ(၂၅၀) တပ်အ ပြောင်းအလဲ လုပ်ချိန်တွင် မီးများရှို့ခဲ့သဖြင့် ကောစိုးခိုရွာသားများ၏ဖာလာခြံ များမီးလောင်ခံရ။ မီးလောင်ခံရသောဖာလာခြံပိုင်ရှင်များမှာ- စောမဲဘယ် ၏ ဖာလာ၂၀၀ပိသာတခြံ၊ စောမင်း လေး ၏ဖာလာ၁၀၀ပိသာတခြံ၊ စောကြီးဒို ၏ ဖာလာ၁၀၀ပိသာတခြံ၊ နော်မြသိန်း၏ ဖာလာ ၅၀ပိသာတခြံ၊ စောရော့ကက်၏ ဖာလာ၇၀ပိသာတခြံ တို့ဖြစ်သည်။
- ထန်းတပင်မြို့နယ်၊ ၄.၄.၂၀၁၀နေ့ ကလော်မီးဒဲရှိ နအဖတပ်သည်ကလော်မီး ဒဲရွာသား ၁၂ ဦးအား သူတို့၏ပစ္စည်းများကို လယ်ကလားဒဲမှကလော်မီးဒဲသို့ အတင်းသယ်ယူခိုင်း၊ ထိုတရက်ထဲမှာဘဲ သကွီးစိုးအရပ်တွင်လှုပ်ရှားသော နအဖတပ်သည် မီးများ လိုက်ရှို့သော ကြောင့် သကွီးစိုးရွာမီးလောင်ခံထိ။
- ထန်းတပင်မြို့နယ်၊ ၄.၄.၂၀၁၀နေ့ ၀၉း၅၀နာရီ ဃဲဒဲရွာသို့ပစ္စည်းများပြန်လာ ယူသော ရွာ သားများကို နအဖတပ်မှ ထီးဧိုလိုအရပ်တွင်ပစ်ခတ်ခဲ့။
- ၅.၄.၂၀၁၀နေ့ ၁၀း၀၀ နာရီ နအဖ တပ်သည်ဃဲဒဲရွာသားများအားထပ်မံပစ် ခတ်ရာ ရွာ သားများထွက်ပြေးလွတ်မြောက်ခဲ့၊ ဒဏ်ရာရရှိမှုမရှိ။
.jpg)
လူမဆန်မှုသတင်း
နအဖက ကရင်အပစ်ရပ်အဖွဲ့ကို ခြိမ်းခြောက်
ရဲရင့်/ ၉ ဧပြီ ၂ဝ၁ဝ
နအဖနှင့်ပူးပေါင်းထားသည့် ကရင်အဖွဲ့များအားလုံး ယခုနှစ်လည်မတိုင်မီ နယ်ခြားစောင့်တပ်အသွင်ပြောင်းမှုကို လက်မခံပါက အခြေအနေဆိုးများနှင့် ရင်ဆိုင်ရမည်ဟု နအဖက ပြောဆိုကြောင်း ကရင်အပစ်ရပ်အဖွဲ့တခု၏ အဆင့်မြင့်ခေါင်းဆောင်တဦးက ပြောသည်။
၎င်းက “လာမယ့် ဇွန်လကုန်မှာ ကရင်အဖွဲ့တွေကို နယ်ခြားစောင့်တပ်အဖြစ် အပြီးအသွင်ပြောင်းမှာ ဖြစ်တယ်။ ဒါကို လုံးဝလက်မခံနိုင်ဘူးလို့ ဗိုလ်ဌေးမောင်ဦးဆောင်တဲ့ ကေအန်ယူ၊ ကေအန်အယ်လ်အေ ငြိမ်းချမ်းရေးကောင်စီအဖွဲ့က တရားဝင် ကြေညာချက် ထုတ်ထားတာနဲ့ပတ်သက်ပြီးတော့ နအဖဘက်က ဒီအဖွဲ့ကို ခြိမ်းခြောက်ထားတယ်လို့ သိရတယ်။ ဗိုလ်ဌေးမောင်က အသာတကြည် လက်မခံလို့ကတော့ ဒီကိစ္စ သွေးမြေကျမှုတွေ အများကြီးဖြစ်ဖို့ရှိတယ်” ဟု ပြောသည်။
နအဖ၏ တပ်မတော်စစ်ဖက်ရေးရာ လုံခြုံရေးတပ်ဖွဲ့အရာရှိချုပ် ဒုတိယ ဗိုလ်ချုပ်ကြီးရဲမြင့်က အဆိုပါကိစ္စနှင့် ပတ်သက်၍ ဗိုလ်ဌေးမောင်ကို ယခုရက်ပိုင်းအတွင်း လာရောက်တွေ့ဆုံရန် ဆင့်ခေါ်သည်ကို ဗိုလ်ဌေးမောင်က လက်မခံဘဲ ကျန်းမာရေး အကြောင်းပြကာ ငြင်းပယ်ခဲ့သည့်အတွက် နအဖဘက်မှ ယခုကဲ့သို့ ခြိမ်းခြောက်မှု ပြုလုပ်လာခြင်းဖြစ်သည်ဟု အဆိုပါခေါင်းဆောင်က ဆက်ပြောသည်။
နအဖတာဝန်ရှိသူများနှင့် နယ်ခြားစောင့်တပ်ကိစ္စ ဆက်လက်ဆွေးနွေးရန် ဆန္ဒမရှိတော့သဖြင့် ဗိုလ်ဌေးမောင်သည် ၎င်း၏အဖွဲ့အခြေချရာ ကော့ကရိတ်မြို့နယ် ထော့ကိုကိုးရွာတွင် မနေတော့ဘဲ ယခင်နေထိုင်ခဲ့သည့် ထိုင်း-မြန်မာနယ်စပ် မျဉ်းအနီးရှိ မယ်လစခန်းတွင် ပြောင်းရွှေ့နေထိုင်လျက်ရှိသည်ဟု သိရသည်။
ဒီကေဘီအေ အပါအ၀င် ကရင်ခွဲထွက်အဖွဲ့ (၆) ဖွဲ့ရှိသည့်အနက် နယ်ခြားစောင့်တပ်အဖြစ် အသွင်ပြောင်းရန်ကိစ္စကို ဗိုလ်ဌေးမောင်၏ အဖွဲ့တဖွဲ့တည်းကသာ ငြင်းဆန်ခဲ့ပြီး ကျန်အဖွဲ့များက လက်ခံသဘောတူခဲ့ကြသည်။
ယမန်နှစ် နှစ်ကုန်ပိုင်းက နအဖထိပ်တန်းခေါင်းဆောင်များနှင့် ဗိုလ်ဌေးမောင်အဖွဲ့တို့ နယ်ခြားစောင့်တပ်အဖြစ် အသွင်ပြောင်းမည့်ကိစ္စ ဆွေးနွေးခဲ့ကြရာ ၎င်းတို့အနေဖြင့် လုံးဝလက်မခံနိုင်ကြောင်း အတိအလင်း ပြောကြားခဲ့ပြီးနောက် ကြေညာချက်တစောင် ထုတ်ပြန်ခဲ့သည်။
နအဖ၏ ၂၀၁၀ ရွေးကောက်ပွဲကို ၀င်ရောက်ရန် ကရင်ပါတီအဖွဲ့အချို့ ကမ်းလှမ်းမှုကို ငြင်းပယ်ခဲ့ပြီး နယ်ခြားစောင့်တပ်အဖြစ် အသွင်ပြောင်းမည့်ကိစ္စကိုလည်း ငြင်းပယ်ခဲ့သည့် ဗိုလ်ဌေးမောင်အဖွဲ့၏ ရှေ့အလားအလာများနှင့်ပတ်သက်၍ ကရင်ခွဲထွက်အဖွဲ့များနှင့် ပြည်တွင်းပြည်ပရှိ ကရင်အမျိုးသားထုအတွင်း အထူးစိတ်ဝင်စားလျက်ရှိသည်။
ကေအန်ယူ ဒု-ဥက္ကဋ္ဌ ပဒိုဒေးဗစ်သကဘောက “ကရင်ခွဲထွက်အဖွဲ့တွေအနေနဲ့ သဘောထားအမှန်နဲ့ ပြန်လာတဲ့ ဘယ်အဖွဲ့ကိုမဆို ကြိုဆိုပါတယ်” ဟု ခေတ်ပြိုင်သို့ ပြောသည်။
ဗိုလ်ဌေးမောင်နှင့်အဖွဲ့သည် ၂၀၀၇ ခုနှစ်က ကေအန်ယူမှခွဲထွက်ပြီး နအဖနှင့်ပူးပေါင်းကာ ကေအန်ယူ၊ ကေအန်အယ်လ်အေ ငြိမ်းချမ်းရေးကောင်စီအဖွဲ့ကို ဖွဲ့စည်းခဲ့ပြီး ကော့ကရိတ်မြို့နယ် ထော့ကိုကိုးရွာတွင် အခြေစိုက်နေထိုင်သည်။
ခေတ်ပြိုင် သတင်းမှ
ရန်ကုန်သင်္ကြန် အခွင့်ထူး ဖိုးလပြည့် ရမည်
ယခုနှစ် ရန်ကုန် သင်္ကြန်တွင် မဏ္ဍပ် ဆောက်လုပ်ခွင့်ကို ကန့်သတ် ထားသော်လည်း နှစ်သက်ရာ နေရာတွင် မဏ္ဍပ် ဆောက်နိုင်သည့် အခွင့်ထူး ရသူများထဲတွင် ဗိုလ်ချုပ်မှူးကြီး သန်းရွှေ၏မြေး ဖိုးလပြည့်လည်း ပါဝင်သည်။
ဖိုးလပြည့်ခေါ် နေရွှေသွေးအောင်သည် ထိုအခွင့်ထူး ရရုံသာမက အင်းလျား ကန်အနီး ပြည်လမ်းမ ပေါ်ရှိ ကိုယ်ပိုင် မဏ္ဍပ်တွင် ရန်ကုန် အာဏာပိုင်တို့ တားမြစ် ထားသည့် အနောက်တိုင်း ဂီတဖြင့် ရေကစား မည်ဟု သူနှင့် နီးစပ်သူ များက ပြောသည်။
“မြန်မာ့ ရိုးရာ ယဉ်ကျေးမှုနဲ့ ညီရမယ်တို့ ဆိုတာတွေ ကတော့ မဖြစ်နိုင် ဘူးလေ” ဟု ဖိုးလပြည့်နှင့် နီးစပ်သူ တဦးက ဧရာဝတီကို ပြောသည်။
ဖိုးလပြည့် မဏ္ဍပ်တွင် လူငယ်ကြိုက် ဂီတများဖြင့် ဖျော်ဖြေရန် ဒီဂျေစက်များ တပ်ဆင်မည် ဖြစ်ကြောင်း၊ တားမြစ် ချက်များကို လိုက်နာမည် မဟုတ်ကြောင်း သူက ဆက်ပြောသည်။
ရန်ကုန်မြို့ သင်္ကြန် မဏ္ဍပ်များနှင့် ပတ်သက်ပြီး “မြန်မာ့ ယဉ်ကျေးမှုနဲ့ ညီတဲ့ အ၀တ်အစားတွေ ၀တ်ရမယ်။ သရုပ်ပျက် အက အခုန်တွေ လုပ်လို့ မရဘူး။ ယိမ်းအကတွေ၊ မြန်မာဆန်ဆန် အကတွေနဲ့ပဲ ဖျော်ဖြေပေးရမယ်” ဟု ရန်ကုန်တိုင်း အာဏာပိုင် တဦးက ပြောကြားကြောင်း ရန်ကုန်မြို့ထုတ် 24/7 သတင်းဂျာနယ်တွင် မတ်လ ၂၁ ရက်နေ့က ရေးသားထားသည်။
သင်္ကြန်သည် လူငယ်တို့ လွတ်လပ်စွာ ပျော်ရွှင်ကြသည့် နှစ်သစ်ကူးပွဲတော် ဖြစ်ကြောင်း၊ စည်းကမ်းချက်များ တင်းကျပ်လွန်းခြင်းမှာ မသင့်လျော်ကြောင်း ရန်ကုန်မှ လူငယ်တချို့က ဧရာဝတီကို ပြောသည်။
“သင်္ကြန်မှာ လူငယ် သဘာဝအလျောက် လွတ်လွတ်လပ်လပ် ကဲချင်တာပဲလေ။ စည်းကမ်းတွေကတော့ ထုတ်ချင်သလို ထုတ်ပြီး သူတို့ သားသမီးတွေကျတော့ လိုက်နာမှာလား” ဟု ရန်ကင်းမြို့နယ်ရှိ လူငယ်တဦးက ပြောသည်။
“ပြောတော့ မဟာသင်္ကြန်မှာ ဒီဂျေတွေ ခွင့်မပြုဘူး ဆိုပြီး ဒီမဏ္ဍပ်မှာ ကျတော့ ခွင့်ပြုထားတယ်။ လူငယ်တွေ သူတို့ မဏ္ဍပ်ကို ကြည့်ပြီး မုဒိတာ ပွားရဦးမှာပေါ့” ဟု ကုမ္ပဏီဝန်ထမ်း တဦးက ဆိုသည်။
ဖိုးလပြည့်မဏ္ဍပ်ကဲ့သို့ပင် ဗိုလ်ချုပ်ကြီးများနှင့် နီးစပ်သူတို့၏ ရန်ကုန်မဏ္ဍပ်တချို့တွင် အနောက်တိုင်းဂီတဖြင့် ရေကစားခွင့် ရမည်ဟု သိရသည်။
၎င်းတို့နှင့် နီးစပ်သည့် လုပ်ငန်းရှင်ကြီးများက ရန်ကုန်မြို့ အင်းလျားလမ်းတွင် မဏ္ဍပ် ၄ ခု ဆောက်လုပ်ခွင့် ရမည်ဟု သိရသည်။
ယမန်နှစ်က ရန်ကုန်တွင် မဏ္ဍပ်ပေါင်း ၂၀၀ ကျော်ဖြင့် စည်ကားခဲ့သော်လည်း ယခုနှစ်တွင်မူ မဏ္ဍပ်ကြီး ၄၆ ခုသာ ခွင့်ပြုမည် ဖြစ်ကြောင်း ရန်ကုန်သင်္ကြန် မဏ္ဍပ်များ နေရာ ချထားပေးရေး ကော်မတီမှ တာဝန်ရှိသူတဦးက ပြောသည်။
အင်းလျားကန်အနီး မဏ္ဍပ် ဆောက်နေသော်လည်း ဖိုးလပြည့်က သင်္ကြန်အကျနေ့ တရက်တည်းသာ ရန်ကုန်တွင် ရှိမည်ဟု သိရသည်။ အကြတ်နေ့တွင် မန္တလေးသို့ သွားမည် ဖြစ်ပြီး အကြိုနေ့၊ အတက်နေ့တို့တွင် နေပြည်တော်သင်္ကြန်၌ ရှိမည်ဟု ဆိုသည်။
ရန်ကုန်မှလာသော သတင်းများအရ ဖိုးလပြည့်သည် ရန်ကုန်မြို့ရှိ နိုင်ငံခြား သံတမန်များ၏ ရေကစား မဏ္ဍပ်သို့လည်း သွားရောက်မည် ဖြစ်သည်။
အသက် ၁၉ နှစ် ရှိပြီ ဖြစ်သည့် ဖိုးလပြည့်သည် ဗိုလ်ချုပ်မှူးကြီး သန်းရွှေ၏ အချစ်ဆုံး မြေးဖြစ်သည်ဟု သိရသည်။
ဧရာဝတီ သတင်းမှ
ကေအဲန်ယူနှင့် သုံးရက်တိုက်ပွဲတွင် နအဖ ဗိုလ် ၂ဦး ကျဆုံး
ဧပြီလ ၉ရက်။ စောသိန်းမြင့်(ကေအိုင်စီ)
ကရင်ပြည်နယ် ဖားအံခရိုင်၊ လှိုင်းဘွဲမြို့နယ်အတွင်း ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ)နှင့် နအဖတပ်ဖွဲ့ဝင်တို့ကြား ဧပြီလ ၇ရက်နေ့မှစ၍ ယနေ့အထိ သုံးရက်ဆက်တိုက် တိုက်ပွဲဖြစ်ပွားခဲ့ရာ နအဖဘက်မှ ဗိုလ် (၂)ဦး အပါအ၀င် ၄ဦး ကျဆုံးခဲ့သည်ဟု ကေအဲန်ယူ တပ်မဟာ (၇)မှ ထိပ်တန်းအရာရှိတဦးက ကေအိုင်စီကို ပြောသည်။
ယခုလ ၇ရက်နှင့် ၈ရက်နေ့တွင် ကေအဲန်ယူ တပ်မဟာ (၇)နယ်မြေ ခလယ်ဒေးဂွင်၌ လှုပ်ရှားနေသော အင်အား (၈၀)ကျော်ရှိ နအဖ စကခ(၁၉) လက်အောက်ခံ ဒုဗိုလ်မှူးကြီးမြင့်တိုး ဦးဆောင်သည့် ခမရ(၅၈၈)တပ်ရင်းနှင့်တကြိမ် တိုက်ပွဲဖြစ်ပွားခဲ့ပြီး ယနေ့မနက်၌ အရှေ့တောင်တိုင်း စစ်ဌာနချုပ်-ရတခ လက်အောက်ခံ အင်အား (၁၀၀)ကျော်ရှိ ဒုဗိုလ်မှူးကြီးခင်မောင်ကို ဦးစီး သော ခလရ(၂၇၅)တပ်ရင်းနှင့်တကြိမ် ထိပ်တိုက် တိုက်ပွဲ ဖြစ်ပွားခဲ့သည်။
အဆိုပါတိုက်ပွဲနှစ်ရက်တွင် နအဖစစ်တပ်ဘက်မှ ဒုဗိုလ်တဦး အပါအ၀င် ၄ဦးသေဆုံးပြီး ၄ဦးမှာ ထိခိုက်ဒဏ်ရာရရှိခဲ့သည်ဟု ကေအဲန်အယ်လ်အေ တပ်မဟာ(၇) ရုံးထိုင်မှူး ဗိုလ်မှူးစောအယ်ဆဲဆဲက ပြောသည်။
၎င်းက “၇ရက်နေ့က ၀ိုင်းထော်နဲ့ ရှမ်းရွာသစ်ကြားမှာ ကျနော်တို့လှုပ်ရှားတပ်ဖွဲ့နဲ့ ခမရ(၅၈၈) တကြိမ်ဖြစ်တယ်။ အဲဒီမှာ နအဖ ဒုဗိုလ်တယောက် သေသွားတယ်။ တပ်သား (၂)ယောက် ဒဏ်ရာရတယ်။ ၈ရက်နေ့မှာ အဲဒီအဖွဲ့နဲ့ပဲ တကြိမ်ထပ်ဖြစ်တယ်။ နအဖဘက်က ဗိုလ်ကြီးတယောက် အပါအ၀င် (၃)ယောက်သေပြီး (၂)ယောက်ဒဏ်ရာရတယ်။ ဒီနေ့မနက် (၉)နာရီ (၁၅)မိ နစ်လောက် မယ်သဝေါကားလမ်းမှာ ရတခ ခလရ(၂၇၅)တပ်ဖွဲ့နဲ့ ခြောက်မိနစ်လောက် အပြန်အလှန် ပစ်ခတ်ကြပြီး ထိခိုက်မှု တော့ မသိရသေးဘူး။ ကျနော်တို့ဘက်က ထိခိုက်မှု တစုံတရာမှ မရှိဘူး”ဟု ပြောသည်။
ထိုဒေသတွင် အခြေချလှုပ်ရှားလျှက်ရှိသည့် တိုးတက်သော ဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ) တပ်မ ဟာ(၉၉၉) တပ်ရင်း(၇)မှ တပ်မှူးတဦးက အဆိုပါတိုက်ပွဲမှာ အမှန်တကယ် ဖြစ်ပွားခဲ့သည်ဟု အတည်ပြုပြောဆိုသည်။
ကေအဲန်ယူ တပ်မဟာ (၇)နယ်မြေတွင် ပြီးခဲ့သည့် ၂၀၀၉ခုနှစ်က ကေအဲန်အယ်လ်အေနှင့် နအဖစစ်တပ်ဖွဲ့ဝင်တို့ကြား တိုက် ပွဲဖြစ်ပွားမှုများရှိခဲ့ပြီး ၂၀၁၀ခုနှစ် ၃လကျော်အတွင်း ယနေ့အထိ လေးကြိမ် ဖြစ်ပွားခဲ့သည်ဟု သိရသည်။
အလားတူ ကေအဲန်ယူ တပ်မဟာ (၆)နယ်မြေ၌လည်း ပြီးခဲ့သည့် မတ်လ ၂၉ရက်နေ့တွင် ဒီကေဘီအေ တပ်မဟာ(၅) လက် အောက်ခံ တပ်ရင်း(၉၀၇)နှင့် နအဖစစ်တပ် စကခ(၁၂)လက်အောက်ခံ ခမရ (၉၀၄)ပူးပေါင်းတပ်နှင့် ကေအဲန်အယ်လ်အေ တပ်ရင်း(၂၀၁)တို့ကြား ၂၂မိနစ်ကြာ ရင်ဆိုင်တိုက်ပွဲဖြစ်ပွားခဲ့ရာ နအဖတပ်သား (၂)ဦးထိခိုက်ဒဏ်ရာရရှိပြီး ကေအဲန်အယ်လ် အေမှ ၁ဦး ထိခိုက်မှုရှိကြောင်း ၎င်းကေအဲန်အယ်လ်အေတပ်ရင်းမှ ဗိုလ်မှူးစောကြည်အောင်က ပြောသည်။
လက်ရှိအချိန်တွင် ဖားအံခရိုင်အတွင်း၌ နအဖ စကခ(၁၉)နှင့် အရှေ့တောင်တိုင်းစစ်ဌာနချုပ် လက်အောက်ခံတပ်ရင်းများ၊ ဒီ ကေဘီအေ တပ်မဟာ(၃၃၃)၊(၅၅၅)၊(၉၉၉)၊ လက်အောက်ခံတပ်ရင်းများနှင့် ကေအဲန်ယူ တပ်မဟာ(၇) လက်အောက်ခံတပ် ရင်းတို့ ပုံမှန်လှုပ်ရှားလျှက်ရှိသည်။
ရွေးကောက်ပွဲရက် စစ်အစိုးရ နိုင်ငံခြားရေးဝန်ကြီး မပြောနိုင်
(VOA သတင်းမှ)
ဗီယက်နမ်နိုင်ငံ၊ ဟနွိုင်းမြို့မှာ ဧပြီလ ၈ ရက် ကြာသပတေးနေ့က စတင်ကျင်းပတဲ့ နှစ်ရက်ကြာ အရှေ့တောင်အာရှ နိုင်ငံများအဖွဲ့ (ASEAN) ထိပ်သီး အစည်းအဝေးအတွင်း မြန်မာနိုင်ငံမှာ ကျင်းပမယ်ဆိုတဲ့ ရွေးကောက်ပွဲတွေ ကိစ္စနဲ့ ပတ်သက်လို့ ပြောဆို ဆွေးနွေးခဲ့ကြတာတွေ ရှိပါတယ်။ ဒါပေမဲ့ အာဆီယံအဖွဲ့ဝင် နိုင်ငံတွေက ထူးထူးခြားခြား ဝေဖန်ပြောဆိုတာတွေ၊ ဆုံးဖြတ်ချက် ချမှတ်တာတွေတော့ မတွေ့ရသေးပါဘူး။ အပြည့်အစုံကို ကိုကျော်ကျော်သိန်းက တင်ပြပေးထားပါတယ်။
အာဆီယံအဖွဲ့ဟာ ၂၀၁၅ ခုနှစ်မှာ နိုင်ငံရေးနဲ့ စီးပွားရေး အသိုက်အ၀န်း ဆိုတာကို တည်ထောင်ဖို့ ရည်မှန်းချက် ချမှတ်ထားပြီး အခု ထိပ်သီး အစည်းအဝေးမှာ ဒီရည်မှန်းချက်ကို လက်တွေ့ အကောင်အထည် ဖော်နိုင်မယ့် လုပ်ငန်း ဖြစ်လာဖို့ ရည်ရွယ်ထားကြပါတယ်။
ဒါပေမဲ့လည်း မြန်မာနိုင်ငံမှာ ဒီနှစ်အတွင်း ရွေးကောက်ပွဲတွေ ကျင်းပမယ်ဆိုပြီး မြန်မာစစ်အစိုးရက ထုတ်ပြန်လိုက်တဲ့ ရွေးကောက်ပွဲ ဥပဒေတွေဟာ မြန်မာ့နိုင်ငံရေး ပြောင်းလဲမှု ဖြစ်စဉ်မှာ သက်ဆိုင်သူတွေ အားလုံး ပါဝင်နိုင်ခွင့်ကို ပိတ်ပင် ကန့်သတ်ထားတာမျိုးတွေ ပါနေတဲ့အတွက် အာဆီယံရဲ့ အဲဒီရည်မှန်းချက်ကို ဘယ်လောက် လက်တွေ့ကျကျ အကောင်အထည် ဖော်နိုင်မှာလဲ ဆိုတာ မေးခွန်းထုတ်စရာ ဖြစ်လာပါတယ်။
မြန်မာနိုင်ငံမှာ ကျင်းပမယ့် ရွေးကောက်ပွဲတွေနဲ့ ပတ်သက်ပြီး ထိပ်သီး အစည်းအဝေး မတိုင်ခင်တုန်းက သံသယစွက်တဲ့ လေသံနဲ့ ခပ်ထန်ထန် ဝေဖန်ပြောဆိုခဲ့ဖူးတဲ့ အာဆီယံအဖွဲ့ဝင် နိုင်ငံတချို့ဟာ အစည်းအဝေးအတွင်းမှာ တကယ်တမ်း ပြောဆိုကြပြီးတဲ့ အခါမှာတော့ အရင်က လေသံတွေတောင်မှ ပြောင်းသွားတာကို တွေ့ရပါတယ်။
ထိုင်းနိုင်ငံခြားရေးဝန်ကြီး ကဆစ် ပီရွမ် (Kasit Piromya) က မြန်မာနိုင်ငံရဲ့ လူ့အခွင့်အရေး အခြေအနေတင် မဟုတ်ဘဲ အာဆီယံ ဒေသတခုလုံးက လူ့အခွင့်အရေး အခြေအနေတွေကိုလည်း မေးခွန်းထုတ်ရမှာ ဖြစ်တယ်လို့ ဆိုပါတယ်။
“မြန်မာနိုင်ငံရဲ့ လူ့အခွင့်အရေး အခြေအနေသက်သက် မဟုတ်ဘူးလို့ ကျနော်ထင်ပါတယ်။ အာဆီယံ ၁၀ နိုင်ငံစလုံးက လူ့အခွင့်အရေး အခြေအနေ အားလုံးကိုက မေးခွန်းထုတ်စရာ ဖြစ်နေတာပါ။ ဘာ့ကြောင့်လဲဆိုတော့ ကျနော်တို့ အားလုံးဟာ ပြည့်ဝတဲ့ ဒီမိုကရေစီ လူ့အဖွဲ့အစည်းတွေ မဟုတ်ကြသေးပါဘူး။ လုပ်စရာတွေ အများကြီး ရှိနေပါသေးတယ်။”
ထိပ်သီး အစည်းအဝေး မစခင်လေးတင် မြန်မာနိုင်ငံကို သွားခဲ့၊ မြန်မာစစ်ခေါင်းဆောင်တွေနဲ့ ဆွေးနွေးပြောဆိုတာတွေ လုပ်ခဲ့ပြီး မြန်မာ့ဒီမိုကရေစီ အသွင်ကူးပြောင်းမှုဟာ အချိန်ယူရနိုင်တယ်လို့ ပြောဆိုခဲ့ဖူးတဲ့ အင်ဒိုနီးရှား နိုင်ငံခြားရေးဝန်ကြီး မာရ်တီ နာတာလ်ဂါဝါ (Marty Natalegawa) ကတော့ ရွေးကောက်ပွဲနဲ့ ပတ်သက်လို့ မြန်မာစစ်အစိုးရဘက်က ပြောတာကို နားထောင်ခဲ့ရပါတယ်လို့ ဆိုပါတယ်။
“လွတ်လပ်ပြီး တရားမျှတတဲ့၊ ဒီမိုကရေစီနည်းလမ်း တကျနဲ့ လက်ခံ ယုံကြည်နိုင်လောက်တဲ့ ရွေးကောက်ပွဲတွေ ဖြစ်ရပါမယ်လို့ မြန်မာစစ်အစိုးရက ပြောတာကို ကျနော်တို့ ကြားခဲ့ရပြီးပါပြီ။ ဒါကြောင့် အဲဒီအတိုင်း ဖြစ်တာကို ကျနော်တို့ မြင်ချင်ပါတယ်။”
အစည်းအဝေးထဲမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ ပတ်သက်လို့ ဘာမှ ပြောဆိုခဲ့ကြပုံတော့ မရှိပါဘူး။ ဒေါ်အောင်ဆန်းစုကြည်နဲ့ ပတ်သက်လို့ အင်ဒိုနီးရှားနိုင်ငံရဲ့ ရပ်တည်ချက်ကတော့ တကယ့်ကို ရှင်းလင်းပြီး သူ့ကို လွှတ်ပေးသင့်တယ်ဆိုတာ သိသာပါတယ်လို့ အင်ဒိုနီးရှား နိုင်ငံခြားရေးဝန်ကြီးက ပြောပါတယ်။
မြန်မာစစ်အစိုးရက ရွေးကောက်ပွဲ ဥပဒေတွေကို ထုတ်ပြန်ကြေညာထားပြီး ရွေးကောက်ပွဲဝင်မယ့် နိုင်ငံရေးပါတီတွေ မှတ်ပုံတင်ရမယ့် ကာလ ကန့်သတ်ချက်ကို တိတိကျကျ ပြောထားပေမဲ့ ရွေးကောက်ပွဲကို ဘယ်တော့ ကျင်းပမယ် ဆိုတာတော့ ခုချိန်ထိ တိတိကျကျ မကြေညာသေးပါဘူး။ ဒါ့ကြောင့်လဲ ဒီကိစ္စဟာ အများက စိတ်ဝင်တစား ရှိနေကြတဲ့ မေးခွန်း ဖြစ်ပါတယ်။ ဒီမေးခွန်းကို မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်းက ရှောင်လွှဲပြီး ဖြေသွားခဲ့ပါတယ်။
“ဒီကိစ္စက ရွေးကောက်ပွဲ ကော်မရှင်ပေါ်မှာ မူတည်ပါတယ်။ ကျနော်က နိုင်ငံခြားရေးဝန်ကြီး သက်သက်ပါ။ ရွေးကောက်ပွဲရက်ကို ကျနော်ဆုံးဖြတ်မှာ မဟုတ်ပါဘူး။ ကော်မရှင်က ဆုံးဖြတ်မှာ ဖြစ်ပါတယ်။”
အာဆီယံ အစည်းအဝေးတွေ ကျင်းပတိုင်းမှာ မြန်မာနိုင်ငံ အရေးကိစ္စဟာ အမြဲတမ်း အသံ ကျယ်ကျယ်လောင်လောင် ကြားရလေ့ရှိတဲ့ ကိစ္စ ဖြစ်ပါတယ်။ မြန်မာ့အရေးနဲ့ ပတ်သက်ပြီး အာဆီယံအဖွဲ့ကနေ မကြာခဏ ကြေညာချက်တွေ ထုတ်ပြန်ခဲ့ဖူးတာလည်း ရှိပါတယ်။
ကုလသမဂ္ဂနဲ့ တခြား အနောက်နိုင်ငံတွေကလည်း မြန်မာနိုင်ငံက ပြဿနာတွေ ဖြေရှင်းရေးမှာ အာဆီယံအဖွဲ့ အနေနဲ့ အဓိကကျတဲ့ အခန်းကဏ္ဍကနေ ပါဝင်ဖို့ တိုက်တွန်း ပြောဆိုခဲ့ဖူးတာတွေ ရှိပါတယ်။ ဒါပေမဲ့လည်း အာဆီယံအဖွဲ့ ကိုယ်နှိုက်ကတော့ သူတို့ဟာ မြန်မာ့ပြဿနာကို ထိထိရောက်ရောက် ကိုင်တွယ် ဖြေရှင်းနိုင်တဲ့ အနေအထားမှာ မရှိဘူးလို့ တရားဝင်ရော၊ အလွတ်သဘောပါ အကြိမ်ကြိမ် ပြောထားဖူးပါတယ်။
မိမိတို့ဟာ မြန်မာနိုင်ငံကို အပြစ်ပေး ဒဏ်ခတ်နိုင်တဲ့ အနေအထားမှာ မရှိကြောင်း၊ တရုတ်နဲ့ အိန္ဒိယတို့က မြန်မာနိုင်ငံနဲ့ ဆက်ပြီး ထိတွေ့ ဆက်ဆံနေတယ်ဆိုရင် မိမိတို့လည်း ဆက်ဆံရမှာပဲ ဖြစ်ကြောင်း အစည်းအဝေး ပထမနေ့ အပြီးမှာ စင်ကာပူ နိုင်ငံခြားရေးဝန်ကြီး ဂျော့ဂ်ျ ယို (George Yeo) က ပြောခဲ့ပါတယ်။
ထိုးစစ်များကြောင့် ကလေးငယ် နှစ်သိန်း နီးပါး ခိုလှုံရာမဲ့
ဘစောတင် (ဧရာဝတီ မှ)
စစ်အစိုးရ၏ ထိုးစစ်များကြောင့် လွန်ခဲ့သည့် ၇ နှစ်တာ အတွင်း အိုးအိမ် စွန့်ခွာ ထွက်ပြေး နေကြရသူ များတွင် ကလေးငယ် တသိန်း ကိုးသောင်းကျော် ပါဝင်ကြောင်း အစီရင်ခံစာ တစောင်က ဖော်ပြသည်။
Free Burma Rangers (FBR) နှင့် Partners Relief & Development တို့ ပူးတွဲပြုစု ထုတ်ဝေ လိုက်သည့် “ခိုလှုံရာမဲ့ ကလေး သူငယ်များ ဘဝ” (Displaced Childhoods) တွင် စစ်မက် ဖြစ်ပွားရာ ဒေသများရှိ ထွက်ပြေး ပုန်းရှောင် နေရသော ကလေး ငယ်များ၏ လူ့အခွင့် အရေး ချိုးဖောက် ခံရမှုများ၊ မလုံခြုံသော ဘဝများကို မီးမောင်းထိုး ဖော်ပြ ထားသည်။
“နအဖ စစ်အစိုးရ အနေနဲ့ ကလေး အခွင့်အရေး ဆိုတာကို သိကို သိသင့်တယ်။ ဘာလို့လဲ ဆိုရင် မြန်မာနိုင်ငံ အတွင်းမှာ ခိုကိုးရာ မဲ့နေတဲ့ ကလေးတွေ အများကြီး ရှိနေတယ်။ ဒီအပြစ်မဲ့ ကလေး တွေဟာ မိမိတိုင်းပြည် ထဲမှာပဲ နေထိုင်စရာ မရှိတဲ့ အပြင် စိုးရိမ် ထိတ်လန့်စွာနဲ့ပဲ နေထိုင်ကြရပါတယ်။ ကလေးအခွင့်အရေးဆိုတာ နည်းနည်းလေးမှ မရဘဲနဲ့ ချိုးဖောက်ခံနေရတယ် ဆိုတာကို ပြင်းပြင်းထန်ထန် သတိပေးလိုပါတယ်” ဟု FBR မှ ပြောခွင့်ရပုဂ္ဂိုလ် Richard Chilvers က ဧရာဝတီသို့ ပြောသည်။
မြန်မာနိုင်ငံ အရှေ့ဘက်ခြမ်းတွင် ထိုးစစ်များကြောင့် ၂၀၀၂ မှ ၂၀၀၉ အတွင်း နေအိမ် စွန့်ခွာ ထွက်ပြေးနေရ သည့် ဒေသခံ အရပ်သား ၅၈၀၀၀၀ ကျော် အနက် ကလေးငယ် ၁၉၀၀၀၀ ကျော် ပါကြောင်း၊ ၂၀၀၉ တနှစ် တည်းတွင်ပင် စစ်အစိုးရကြောင့် တနည်းနည်းဖြင့် ရွှေ့ပြောင်းသွားရသည့် ကျေးရွာ ၁၁၀၀၀၀ ကျော် ရှိသည် ဟု အစီရင်ခံစာက ဖော်ပြသည်။
Partners မှ အမှုဆောင် အရာရှိချုပ် Steve Gumaer က “ကလေးတွေဟာ နေ့စဉ်နဲ့ အမျှ နှိပ်စက် ညှဉ်းပန်း သတ်ဖြတ် ခံနေကြရတယ်။ မတော်မတရား ဖမ်းဆီးနေတာတွေ၊ အရွယ်မရောက်သေးဘဲ မုဒိမ်းကျင့်ခံရတာတွေ၊ လိင်ပိုင်းဆိုင်ရာ စော်ကားခံရတာတွေ၊ အဓမ္မ လုပ်အားပေး စေခိုင်းခံရတာတွေ၊ စစ်တပ်ထဲ အတင်း ဆွဲသွင်းကာ ကလေးစစ်သားအဖြစ် စုဆောင်း ခံရတာတွေ၊ အခြေခံ လူ့အခွင့်အရေးလေးကိုတောင်မှ မရဘဲ တင်းတင်းကျပ်ကျပ် ချုပ်ချယ်ထားတာတွေဟာ မြန်မာပြည် နယ်စပ်တလျှောက်မှာ တကယ် ဖြစ်ပျက်နေတာပါ” ဟု ပြောသည်။
FBR အဖွဲ့မှ စောမန်းကီးက “ကျနော်တို့ အဓိက သွားလာလှုပ်ရှားတဲ့ နေရာတွေကတော့ နအဖက အနီရောင်နယ်မြေ၊ အနက်ရောက် နယ်မြေရယ်လို့ သတ်မှတ်ထားတဲ့ နေရာတွေပါ။ စစ်ပွဲကြောင့် ဒဏ်ရာရသူတွေကို ကျနော်တို့ အဖွဲ့က ဆေးကုပေးတယ်၊ စားစရာ သောက်စရာတွေ အဝတ်အစားတွေ ဝေငှပေးတယ်” ဟု ပြောသည်။
Free Burma Rangers သည် နယ်စပ်အသီးသီးတွင် ဒုက္ခရောက်နေကြသော ပြည်တွင်းတွင် အခြေမဲ့ ပြောင်းရွှေ့ ပြေးလွှားနေကြရသည့် ဒုက္ခသည်များ (IDPs)၊ ကလေးငယ်များကို အကူအညီ ပေးနေသော အဖွဲ့ဖြစ်သည်။ အဆိုပါ အဖွဲ့တွင် တိုင်းရင်းသား ၁၀ မျိုးပါဝင်သော အဖွဲ့ပေါင်း ၅၂ ဖွဲ့ ပါပြီး ၁၉၉၇ တွင် တည်ထောင်သည်။
“ကျနော်တို့ဟာ လုပ်သင့်လုပ်ထိုက်တာကို စွန့်စားပြီး လုပ်နေကြရတာပါ။ ဒီလို စွန့်စား လုပ်လို့ တချို့ မသေသင့်တဲ့သူတွေ မသေဘဲ အသက်ကို ကယ်တင်နိုင်ခဲ့သလို သူတို့ မသိတာတွေကိုလည်း သိအောင် လုပ်ပေးနိုင်တာပေါ့” ဟု စောမန်းကီးက ဆိုသည်။ အစီရင်ခံစာ ထုတ်ဝေသည့် သတင်းစာ ရှင်းလင်းပွဲကို ဧပြီ ၇ ရက်နေ့တွင် ဘန်ကောက်မြို့ရှိ နိုင်ငံခြား သတင်းထောက်များ ကလပ် (FCCT) တွင် ပြုလုပ်ခဲ့ပြီး ဓာတ်ပုံနှင့် ဗီဒီယို မှတ်တမ်းများလည်း ပြသခဲ့ကြောင်း သိရသည်။
ထိုင်း-မြန်မာ နယ်စပ်တလျှောက်တွင် ၂၀၀၉ ခုနှစ် ဇွန်လမှ ဒီဇင်ဘာလအတွင်း ရခိုင်၊ ချင်း၊ ကချင်၊ ကရင်၊ ကရင်နီ၊ မွန် နှင့် ရှမ်း ပြည်နယ်မှ မိဘများ၊ ကလေးသူငယ်များနှင့် တွေ့ဆုံ မေးမြန်းချက်များ အပေါ် အခြေခံ၍ ယင်း အစီအရင်ခံစာကို ပြုစုခဲ့ခြင်း ဖြစ်သည်။
IDPs ကလေးငယ်များ ခိုလှုံရာကင်းမဲ့နေ
ဧပြီလ ၈ရက်။ စောသိန်းမြင့် (ကေအိုင်စီ)
စစ်အစိုးရမှ သတ်မှတ်ခံရထားသော အနက်ရောင်နယ်မြေအတွင်းရှိ ဌာနေမဲ့ ပြည်သူ(အိုင်ဒီပီ) ကလေးငယ်များသည် အကူအညီ ကင်းမဲ့လျှက်ရှိကြောင်း Free Burma Rangers နှင့် Partners အဖွဲ့က ထုတ်ဖော်ပြောဆိုလိုက်သည်။
ယမန်နေ့က ထိုင်းနိုင်ငံ ဘန်ကောက်မြို့၌ နိုင်ငံခြားသတင်းထောက်များကလပ်တွင် Free Burma Rangers နှင့် Partners တို့ ပူးတွဲထုတ်ဝေသည့် “ခိုလှုံရာမဲ့ကလေးများ( Launch of Displaced Childhoods)”အမည်ရှိ အစီရင်ခံစာကို သတင်းစာရှင်းလင်းပွဲ ပြုလုပ်ရာတွင် ယင်းသို့ ပြောဆိုခဲ့ခြင်း ဖြစ်သည်။
အဆိုပါ အစီရင်ခံစာထုတ်ဝေရခြင်းနှင့် ပတ်သက်၍ Partners အဖွဲ့မှ တာဝန်ရှိသူတဦးဖြစ်သူ Mrs. Sonyaက “ဒီအစီရင်ခံစာကို ထုတ်ပြန်ရတာက အိုင်စီပီဒေသတွေမှာရှိတဲ့ မြန်မာတိုင်းရင်းသား ကလေးငယ်တွေ ကြုံတွေ့နေရတဲ့ ခိုကိုးရာမဲ့ဘ၀တွေကို နိုင်ငံတ ကာ သိရှိဖို့ရယ်။ ဒီအကြောင်းအရာတွေကို သိရှိပြီးတော့ ကုလသမဂ္ဂနဲ့ နိုင်ငံတကာမိသားစုတွေက မြန်မာစစ်အစိုးရကို နိုင်ငံရေး အရ ပိုမိုဖိအားပေးရန်ရည်ရွယ်ပြီး ထုတ်ပြန်ရတာဖြစ်တယ်”ဟု ပြောသည်။
အစီရင်ခံစာ ဖြစ်မြောက်ရေးအတွက် သတင်းအချက်အလက်များ ကိုယ်တိုင်ကောက်ခံခဲ့သူ Free Burma Ranger မှ တာဝန်ရှိသူ စောမန်းကီးက “ကလေးတွေ အကူအညီကင်းမဲ့မှုဟာ မြန်မာတပြည်လုံးမှာ ရှိနေပါတယ်။ အထူးသဖြင့် မြန်မာပြည်အရှေ့ဖက်ခြမ်း အနက်ရောင်နယ်မြေလို့ သတ်မှတ်ခံရတဲ့ တိုင်းရင်းသားဒေသတွေမှာ ကလေးတွေဟာ နအဖစစ်တပ်တွေရဲ့ အဓမ္မခိုင်းစေတဲ့အပြင် တိုက်ပွားဖြစ်ပွားနေတဲ့နေရာတွေမှာဆိုရင် လူကြီးတွေလို အသက်ကို စတေးပစ်ခဲ့ရတယ်”ဟု ပြောသည်။
အင်္ဂလိပ်ဘာသာဖြင့် ထုတ်ဝေသော စာမျက်နှာ (၁၀၇)မျက်နှာရှိ ထိုအစီရင်ခံစာတွင် ကလေးသူငယ်များအား သတ်ဖြတ်မှုများ၊ ဖိနှိပ်ညှင်းပမ်းမှုများ၊ ဖမ်းဆီးထောင်သွင်းအကျဉ်းချမှုများ၊ လိင်ပိုင်းဆိုင်ရာ အကြမ်းဖက်မှုများ၊ ကျောင်းနေအရွယ် ကျောင်းမနေရမှု များ၊ ကျန်းမာရေးချို့တဲ့မှုများအပြင် ကလေးများ ဘ၀လုံခြုံမှုမရှိခြင်းနှင့် အကူအညီကင်းမဲ့ခြင်းတို့ ကြုံနေရသည်ဟု ဖော်ပြထား သည်။
အဆိုပါ အစီရင်ခံစာကို FBR နှင့် Partners အဖွဲ့ဝင်များက ၂၀၀၂ခုနှစ်မှစ၍ ၂၀၁၀ခုနှစ် ဇန်န၀ါရီလအထိ ရခိုင်၊ ချင်း၊ ကချင်၊ ကရင်၊ ကရင်နီ၊ မွန်နှင့် ရှမ်းပြည်နယ်တို့တွင် အချက်အလက်များကို ကိုယ်တိုင်သွားရောက်ကောက်ယူသည့်အပြင် ယင်းဒေသများ မှ ကလေးငယ် ၁၇၅ဦးကို တွေ့ဆုံမေးမြန်း၍ ဓါတ်ပုံ၊ ဗွီဒီယိုများဖြင့် မှတ်တမ်းရယူပြီး ထုတ်ပြန်လိုက်ခြင်းဖြစ်သည်။
လွန်ခဲ့သည့်ရက်သတ္တပတ်က အိုင်ဒီပီများ၏နေရာသို့ သွားရောက်ခဲ့သူ Partners အဖွဲ့ဝင် စောကချေးဝါးက “ပြီးခဲ့တဲ့ ဖေဖော်ဝါရီ လ ၃ရက်နေ့က ကျောက်ကြီးမြို့နယ်မှာရှိတဲ့ ကေအဲန်အယ်လ်အေနေရာကို နအဖစစ်တပ်မှ ၀င်ရောက်တိုက်ခိုက်တဲ့အချိန်မှာ ပြည် သူတွေလည်း ထွက်ပြေးနေရတယ်။ အဲဒီအထဲမှာ အများစုက ကလေးငယ်တွေဖြစ်ကြပါတယ်။ အဲဒီဒေသက အရမ်းအေးတော့ ကလေးတွေလည်း ရာသီဥတုဒဏ် မခံနိုင်ဘူး။ ဖျားနာနေကြတယ်။ ကျနော်တို့အဖွဲ့လည်း အန္တရာယ်ကြားကနေ စွန့်စားပြီး ဆေး လိုက်ကုရတယ်”ဟု ပြောသည်။
၂၀၀၂ခုနှစ်မှ ၂၀၀၉ခုနှစ်ကုန်အထိ မြန်မာပြည်အရှေ့ဘက်ခြမ်းရှိ ဒေသခံရွာသား ၅၈၀,၀၀၀ဦးအထဲမှ ကလေးငယ် ၁၉၀,၀၀၀ ကျော်သည် ပြည်တွင်းဒုက္ခသည် (အိုင်ဒီပီ)အဖြစ် အတင်းအဓမ္မ သွတ်သွင်းခံရသည်ဟု အဆိုပါအစီရင်ခံစာတွင် ဖော်ပြထားပြီး ကုလသမဂ္ဂအနေဖြင့် ကော်မရှင်တရပ် ဖွဲ့စည်းကာ မြန်မာနိုင်ငံ၌ အုပ်စိုးသူ စစ်အစိုးရကျူးလွန်နေသော နိုင်ငံတကာရာဇ၀တ်မှုများ ကို တရားဝင် ၀င်ရောက်စစ်ဆေးမှုများ ပြုလုပ်ရန် ယခုအစီရင်ခံစာကို ထုတ်ဝေသည့် အဖွဲ့နှစ်ဖွဲ့က ပူးတွဲတောင်းဆိုလိုက်သည်။
Partners အဖွဲ့သည် ထိုင်း-မြန်မာနယ်စပ်ရှိ ကလေးငယ်များကို ကူညီစောင့်ရှောက်ရန် ၁၉၉၅ခုနှစ်တွင် စတင်ဖွဲ့စည်းခဲ့ပြီး FBR အဖွဲ့သည် တိုင်းရင်းသားနယ်မြေအသီးသီးရှိ တိုက်ပွဲဖြစ်ပွားရာဒေသများတွင် ပြည်သူများ ကြုံတွေ့နေသော အခက်အခဲအမျိုးမျိုး ကို ကူညီပေးရန် ရည်ရွယ်ကာ ကချင်၊ ကရင်၊ ကရင်နီ၊ ရှမ်း၊ ရခိုင်၊ ပအိုဝ်း၊ ချင်း၊ လားဟူ အပါအ၀င် လူမျိုးပေါင်း (၁၀)ခုဖြင့် ၁၉၉၇ ခုနှစ်တွင် ဖွဲ့စည်းတည်ထောင်ခဲ့သည်။
Partners နှင့် Free Burma Rangers သည် လူ့အခွင့်ချိုးဖောက်မှုနှင့်ပတ်သက်၍ ပြီးခဲ့သည့်နှစ်များက အစီရင်ခံစာများ အလျင်း သင့်သလို ထုတ်ဝေခဲ့သော်လည်း ကလေးငယ်များနှင့် ပတ်သက်သည့် ယခု ခိုကိုးရာမဲ့ကလေးများ အစီရင်ခံစာမှာ ပထမဦးဆုံး ဖြစ် သည်။
လူသေအလောင်းများ ပျက်စီးမှု သန်လျင်တွင် ဖြစ်ပွားနေ
ဧပြီ ၈ရက်။ ကေအိုင်စီ
သန်လျင်မြို့ ပြည်သူ့ဆေးရုံ ရင်ခွဲတိုက်ရှိ ရုပ်အလောင်းများမှာ ပြီးခဲ့သည့် ရက်ပိုင်းအတွင်း ကိုယ်လက်အင်္ဂါများ ပျက်စီးသည့် အနေအထားမျိုး ထူးခြားဖြစ်စဉ်တခု ဖြစ်ပွားနေသည်ဟု ပြည်တွင်းမှလာသည့် သတင်းတခုအရ သိရသည်။
ယင်းကိစ္စနှင့်ပတ်သက်၍ ရန်ကုန်မြို့ခံတဦးက သန်လျင်သို့ ဆက်သွယ်မေးမြန်းရာတွင် တကယ်ဖြစ်ပျက်သည်မှာ မှန်ကန် ကြောင်း ကေအိုင်စီကို အတည်ပြု ပြောဆိုခဲ့သည်။
အဆိုပါသတင်းအရ လက်ရှိအချိန်တွင် အလောင်း ၁၈လောင်းခန့်မှာ လက်များ၊ ပေါင်များတွင် ကုတ်ဖဲ့စားသောက်ထားသည့် အနေအထားမျိုးဖြင့် ပျက်စီးနေသည်ကို တွေ့ရသည့်အတွက် တာဝန်ရှိသူများက အထူးစောင့်ကြပ်နေသော်လည်း ဆက်လက် ဖြစ်ပွားလျှက်ရှိသည်ဟု သိရသည်။
ယခုလ ၄ရက်နေ့ညတွင်လည်း အလောင်းနှစ်လောင်းကို ထားရှိရာ တလောင်းမှာ နားရွက်တဖက် ပျက်စီးနေပြီး ကျန်တစ် လောင်းမှာ ပေါင်သားများ ပျက်စီးနေသဖြင့် ထိုသို့ ပျက်စီးသွားသော ရုပ်အလောင်းအချို့၏ ပိုင်ရှင်များက ဆေးရုံအုပ်ချုပ်သူ များကို တရားစွဲဆိုထားသည်။
ထိုအဖြစ်အပျက်ကြောင့် ဧပြီလ ၅ရက်နေ့ နံနက်ပိုင်းတွင် တိုင်းအဆင့်ရှိ တာဝန်ရှိသူများက သန်လျင်ဆေးရုံကြီးသို့ ရောက်ရှိ လာပြီး ၎င်းအမှုကို အမြန်ဖော်ထုတ်ပေးရန် မြို့နယ်တာဝန်ခံများကို ဆူပူကြိမ်းမောင်းခဲ့သည်ဟု မျက်မြင်တဦးက ပြောသည်။ ထိုနေ့ည၌ မြို့နယ်ရဲတပ်ဖွဲ့မှ ညပိုင်းတွင် အထူးဂရုစိုက် စောင့်ကြပ်နေသော်လည်း အလားတူ အဖြစ်အပျက် ထပ်မံကြုံတွေ့ရ သည့်အတွက် လူများအကြား ထိတ်လန့်ဖွယ်ရာတခုဖြစ်နေကြောင်း မြို့ခံများက ပြောသည်။
ထိုကဲ့သို့ ဖြစ်ပျက်မှုမျိုးသည် ယခင်ကလည်း ရန်ကုန်မြို့၊ မြောက်ဥက္ကလာ၊ ကြည့်မြင်တိုင် ကလေးဆေးရုံများတွင်လည်း မြေ ကြွက်ကြီးများ သောင်းကျန်းမှုကြောင့် မကြာခဏ ဖြစ်လေ့ရှိသည်ဟု ထူးခြားမှုမရှိဟု အချို့မြို့ခံများက ပြောသည်။
စိတ်ကူးယဉ်မနေနဲ့ တိုက်ပွဲဝင်ဖို့ အသင့်ပြင်
ကျော်ဗလ (သုံးသပ်ချက်) ခေတ်ပြိုင် မှ
အခုအခါမှာ ၂၀၁၀ ရွေးကောက်ပွဲ ၀င်ရေး/မ၀င်ရေးဆိုတဲ့ ပြဿနာကို မြန်မာ့နိုင်ငံရေးအင်အားစုအားလုံး စဉ်းစားကြရမှာ ဖြစ်သလို အန်အယ်လ်ဒီအနေနဲ့လည်း အဆုံးအဖြတ်ပေးရတော့မှာဖြစ်ပါတယ်။ အန်အယ်လ်ဒီအနေနဲ့ အဓိကရွေးချယ်ရမှာက ရွှေဂုံတိုင်ကြေညာချက်အတိုင်း ရပ်ခံမယ်ဆိုတဲ့ ပိုင်းဖြတ်ချက်ချထားနိုင်ဖို့ပါပဲ။ ဒါ နိုင်ငံရေးပါတီတိုင်း အရေးကြီးတဲ့ နိုင်ငံရေးအချိုးအကွေ့တွေမှာ ကြုံရတတ်တဲ့ ပါတီတွင်း အတွေးအခေါ် (၂) ရပ်၊ လမ်းစဉ် (၂) ရပ် တိုက်ပွဲသာဖြစ်ပါတယ်။
ဒီအတွေးအခေါ် (၂) ရပ်၊ လမ်းစဉ် (၂) ရပ် တိုက်ပွဲအတွင်းမှာ အပြုသဘောဆောင်တဲ့ ဒီမိုကရေစီနည်းကျ ဆွေးနွေးငြင်းခုန်ကြရင်း ပါတီအတွက် လမ်းစဉ် လုပ်ငန်းစဉ်တွေ ပီပြင်စွာချမှတ်နိုင်ရင် ရှေ့လုပ်ငန်းစဉ်တွေပါ ထွက်ပေါ်လာပါလိမ့်မယ်။ ဒါပေမယ့် ပါတီတွင်း လမ်းစဉ်နှစ်ရပ်တိုက်ပွဲကို ဒီမိုကရေစီနည်းကျစွာ စည်းလုံးမှုရှိစွာ ဆင်နွှဲနိုင်မှ ပါတီတွင်းညီညွတ်ရေးကို တဆင့်တိုး တည်ဆောက်နိုင်ကြမှာဖြစ်ပါတယ်။ ပါတီစည်းလုံးညီညွတ်မှုရှိမှလည်း ရှေ့မှာရင်ဆိုင်ရမယ့် အခက်အခဲတွေကို ကျော်လွှားနိုင်မှာဖြစ်ပါတယ်။
အန်အယ်လ်ဒီပါတီထဲမှာ အခုလို လမ်းစဉ်ဆိုင်ရာ အမြင်ကွဲလွဲမှုတွေ ဘာကြောင့်ရှိလာတာလဲ၊ ဘယ်လိုသဘောထားနဲ့ ကျော်လွှားကြမှာလဲ။ ခြုံပြောရရင် အမြင်ကွဲလွဲမှုတွေ ရှိလာတာဟာ နအဖက သွေးခွဲသပ်လျှိုရေးသဘောထားကို ကျင့်သုံးပြီး နိုင်ငံရေးအရ ထိုးနှက်မှုနဲ့ စည်းရုံးရေးအရ ဖြိုခွဲမှုတွေ လုပ်ဆောင်လာတာကြောင့်လို့ အဓိက ကောက်ချက်ချကြရမှာပါ။ ဘယ်လိုအကြောင်းကြောင့်ပဲဖြစ်ဖြစ် နအဖရဲ့လုပ်ရပ်တွေကြောင့် ပါတီတွင်းမှာ ဖြစ်ပေါ်လာနေတဲ့ နိုင်ငံရေးအရ တွေဝေယိမ်းယိုင်မှုတွေ၊ စိတ်ကူးယဉ်မှုတွေကိုတော့ ပြတ်ပြတ်သားသား တွေးခေါ်မှုတိုက်ပွဲ ဆင်နွှဲသွားကြရပါလိမ့်မယ်။
အန်အယ်လ်ဒီပါတီထဲမှာ ဒီကနေ့ ဖြစ်ပေါ်နေတဲ့ အတွေးအခေါ်တိုက်ပွဲကတော့ ပါတီရပ်တည်ရေးဆိုတာအတွက် နအဖရဲ့ ၂၀၁၀ ရွေးကောက်ပွဲဝင်ရေးဆိုတဲ့ အမြင်နဲ့ ဒီမိုကရေစီလည်းမကျ တရားမျှတမှုလည်းမရှိတဲ့ ရွေးကောက်ပွဲကို မ၀င်ရောက်ရေးဆိုတဲ့ အမြင် (၂) ရပ်တိုက်ပွဲပါပဲ။ ဒီအမြင် (၂) ရပ်ရဲ့ အမှားအမှန်ကို ပိုင်းခြားဆုံးဖြတ်နိုင်ဖို့ နအဖက ထုတ်ပြန်တဲ့ အမိန့်ဥပဒေ ပြဋ္ဌာန်းချက်တွေကို သုံးသပ်စိတ်ဖြာပြရုံနဲ့တော့ မလုံလောက်ပါဘူး။ အန်အယ်လ်ဒီပါတီ ဖြတ်သန်းခဲ့တဲ့ အနှစ် (၂၀) ခရီးကိုပါ ပြန်ပြောင်းသုံးသပ် အကဲဖြတ်ဖို့ လိုပါလိမ့်မယ်။
တကယ်တော့ အန်အယ်လ်ဒီပါတီဟာ အနှစ် (၂၀) ဖြတ်သန်းခဲ့ရတယ်ဆိုပေမယ့် ပါတီတရပ်အနေနဲ့ လွတ်လွတ်လပ်လပ် လှုပ်ရှားခွင့်ရခဲ့တာ ၉၀ ပြည့်နှစ် ရွေးကောက်ပွဲကာလ ပတ်ဝန်းကျင်လေးလောက်ပဲ ရှိခဲ့ပါတယ်။ ၉၀ ရွေးကောက်ပွဲမှာ အနိုင်ရပြီးချိန်ကတည်းက န၀တဟာ ဥပဒေအမိန့်အမျိုးမျိုးထုတ်ပြီး အန်အယ်လ်ဒီပါတီကို ဖျက်ဆီးချေမှုန်းဖို့ တလျှောက်လုံး လုံးပန်းတိုက်ခိုက်ခဲ့တာပါ။ န၀တရဲ့ အဓိက ဦးတည်ချက်က အန်အယ်လ်ဒီခေါင်းဆောင်မှုကို ဖြိုခွဲဖို့ပါ။ အဓိက ပစ်ကွင်းကတော့ တတ်သိပညာရှင်များအင်အားစု ဖြစ်ပါတယ်။
ဒါကြောင့်လည်း တတ်သိပညာရှင်များအဖွဲ့ထဲက ဒေါ်အောင်ဆန်းစုကြည်ကအစ ဦးဝင်းတင်တို့အထိ ပုဒ်ထီးပုဒ်မတပ်ပြီး နှစ်ရှည်ဖမ်းဆီးချုပ်နှောင်ထားခဲ့ကြတယ်။ ဆရာမောင်သော်ကတို့လို ညှဉ်းပန်းနှိပ်စက်ခံရပြီး အာဇာနည်ဖြစ်သွားသူတွေလည်း မနည်းလှဘူး။ ဒီမိုကရေစီနဲ့ တရားမျှတမှုအတွက် ကိုယ်ကျိုးစွန့်ဖို့ ဆုံးဖြတ်ထားခဲ့တဲ့ ဦးတင်ဦး၊ ဦးကြည်မောင်တို့လို မျိုးချစ်ပုဂ္ဂိုလ်တွေကိုလည်း တတ်သိအင်အားစုတွေလိုပဲ ဖမ်းဆီးနှိပ်စက် ကာလရှည်ထောင်ချခဲ့ကြတာပါပဲ။ အန်အယ်လ်ဒီ အဖွဲ့ထဲမှာ န၀တအပေါ် ခြေသုတ်ပုဆိုး မြွေစွယ်ကျိုးသဖွယ် ရိုကျိုးမယ်ဆိုတဲ့ ယူနီဖောင်းချွတ်တချို့နဲ့ နိုင်ငံရေးဇာတ်ပျက်တချို့ပဲ ခေါင်းဆောင်အဖြစ် ကျန်ရစ်ခဲ့ပါတော့တယ်။
ဒါကြောင့် ခြုံပြောရရင် အန်အယ်လ်ဒီပါတီမှာ ဆိုင်းဘုတ်သာရှိပြီး နိုင်ငံရေးမရှိတော့တာ ကြာခဲ့ပါပြီ။ ပြီးခဲ့တဲ့ ကာလ တလျှောက်လုံး အန်အယ်လ်ဒီပါတီရဲ့ လှုပ်ရှားမှုဆိုတာ နအဖရဲ့ ဥပဒေ၊ အမိန့် ညွှန်ကြားချက်တွေကို အကောင်အထည် ဖော်ပေးခဲ့ရတာပဲ များပါတယ်။ နအဖ အလိုမကျ မျက်မာန်တော်ရှပြီဆိုရင် ဆုတောင်းပွဲလုပ်နေတဲ့ နော်အုံးလှတို့လို ပါတီဝင်တွေကအစ အန်အယ်လ်ဒီခေါင်းဆောင်များက သိမ်းကျုံးထုတ်ပစ်တတ်ကြပါတယ်။ ဒါလည်း သိပ်တော့မဆန်းလှပါဘူး။ နအဖ ကျင်းပတဲ့ အမျိုးသားညီလာခံ တက်ခွင့်ရချင်တော့ ဦးတင်ဦးနဲ့ ဒေါ်အောင်ဆန်းစုကြည်လို ပုဂ္ဂိုလ်မျိုးတွေကိုတောင် ပါတီက ထုတ်ပစ်တဲ့ ခေါင်းဆောင်ကြီးတွေပဲ၊ ဒါလောက်တော့ ရှိမှာပေါ့။
ပိုဆိုးတာကတော့ ဦးတင်ဦးနဲ့ ဒေါ်အောင်ဆန်းစုကြည်တို့ကို ဒီပဲယင်းအရေးအခင်းနဲ့ လုပ်ကြံဖို့ ကြိုးစားပြီးနောက်ပိုင်းမှာ နအဖက ပါတီဆိုင်းဘုတ်တွေဖြုတ်ဖို့ ညွှန်ကြားတာကို တစုံတရာ မဆန့်ကျင် မတွန်းလှန်ဘဲ အလွယ်တကူ လက်ခံလိုက်ကြတာပါပဲ။ အဲဒီအချိန်မှာ နအဖက ဆိုင်းဘုတ်ပဲ ဖြုတ်ခိုင်းတာပါ။ အန်အယ်လ်ဒီခေါင်းဆောင်တွေက တပြည်လုံးမှာရှိတဲ့ ပါတီအဖွဲ့အစည်းတွေရဲ့ လှုပ်ရှားမှုတွေကို ရပ်ဆိုင်းထားခဲ့တာ ၂၀၀၉ ခုနှစ် ရွှေဂုံတိုင်အစည်းအဝေးအထိပါပဲ။ ဒီတော့လည်း အန်အယ်လ်ဒီပါတီရဲ့ လှုပ်ရှားမှုဆိုတာ အခါကြီး ရက်ကြီးတွေရောက်ရင် အုတ်လမ်းမှတ်တိုင်က ရုံးမှာ လူလေးငါးဆယ်လောက် အခမ်းအနား ပြင်ဆင်ကြ၊ မိန့်ခွန်းပြောကြ၊ ကြေညာချက်ထုတ်ကြတာလောက်ပဲ ရှိပါတော့တယ်။ ဒါကြောင့်လည်း ပြည်ထဲရေးဝန်ကြီး ဗိုလ်ချုပ်မောင်ဦးက သူ့ရဲ့မိန့်ခွန်းတခုမှာ “အန်အယ်လ်ဒီပါတီကို ကြောက်စရာမရှိသလို ဂရုစိုက်စရာလည်း မလိုပါဘူး။ ဒါပေမယ့် သူ့နောက်မှာ အမေရိကန်နဲ့ ဥရောပသမဂ္ဂရှိနေလို့သာ သတိထားနေရတာ” လို့ မှတ်ချက်ချထားတာ ဖြစ်ပါလိမ့်မယ်။ နအဖအနေနဲ့ကတော့ အန်အယ်လ်ဒီကို အဆိပ်မရှိတော့တဲ့ ရေမြွေလို သဘောထားနေခဲ့ပုံရပါတယ်။
တကယ်တော့ မြန်မာ့ဒီမိုကရေစီရေးအတွက် အန်အယ်လ်ဒီပါတီအပေါ် မျှော်လင့်ချက်ထားနေကြတာ အုတ်လမ်းမှတ်တိုင်မှာ ရုံးထိုင်နေကြတဲ့ နိုင်ငံရေး ခေါင်းဖြူစွယ်ကျိုး ခေါင်းဆောင်တွေအပေါ် ယုံကြည်အားထားနေကြလို့ မဟုတ်ပါဘူး။ အန်အယ်လ်ဒီပါတီအတွက် သဏ္ဌာန်အမျိုးမျိုးနဲ့ ဆက်လက်တိုက်ပွဲဝင်နေကြတဲ့ အောက်ခြေက အပယ်ခံတွေ ပါတီဝင်တွေ၊ ထောင်ထဲမှာ စွန့်လွှတ်ပေးဆပ်နေကြတဲ့ ရဲဘော်တွေ၊ ပြည်ပက အသွင်အမျိုးမျိုးနဲ့ ထောက်ခံအားပေးနေကြတဲ့ နိုင်ငံရေးအင်အားစုတွေရဲ့ လှုပ်ရှားမှုတွေကြောင့်သာ မြွေဟာ ခေါင်းကျိုးနေပေမယ့် ခန္ဓကိုယ်က လူးလွန့်လှုပ်ရှားနေခြင်း ဖြစ်ပါတယ်။ ဘယ်လိုပဲဖြစ်ဖြစ် ခေါင်းကျိုးနေမှတော့ နိုင်ငံရေးခန္ဓာအိမ်ဟာ တွန့်လိမ်နေတာကလွဲလို့ လိုရာကို မရောက်နိုင်တော့ပါဘူး။
၂၀၀၇ ခုနှစ် သံဃာအရေးအခင်းမှာဆို ပွဲကြည့်ပရိသတ်လုပ်နေကြတဲ့ နိုင်ငံရေးခေါက်ရိုးကျိုး သက်ကြားအိုကြီးတွေကို ‘ခေတ်သစ်နီရိုး’ တွေလို့တောင် ဆန္ဒပြတိုက်ပွဲဝင်ခဲ့ကြသူများက စိတ်နာနာနဲ့ နာမည်ပေးခဲ့ကြပါသေးတယ်။ ဒါကြောင့်လည်း ၂၀၀၈ ခုနှစ်နောက်ပိုင်းမှာ အန်အယ်လ်ဒီခေါင်းဆောင်မှု ဖြုတ်ချရေး၊ ကွဲအက်ရေး၊ ခွဲထွက်ရေးလေသံတွေ ပါတီတွင်းမှာ ဆူညံစွာ ထွက်ပေါ်ခဲ့ခြင်းဖြစ်ပါတယ်။ သဘာဝကျစွာ ထွက်ပေါ်တဲ့ ဒီအသံတွေကို ဆူညံတယ်ဆိုပြီး အဓမ္မဖိအားသုံး ပိတ်ပင်ထားမယ်ဆိုရင် ပေါက်ကွဲလွင့်စင်သွားနိုင်ပါတယ်။ ဒီမိုကရေစီ နည်းကျစွာ စည်းရုံးရေးဘောင်အတွင်းမှာ အတွေးအခေါ် (၂) ရပ်၊ လမ်းစဉ် (၂) ရပ်တိုက်ပွဲကို စနစ်တကျ ဆင်နွှဲသွားဖို့သာ လိုပါလိမ့်မယ်။
တကယ်တော့ ယက်တောအမှုဆိုတာ ဒီပဲယင်းအရေးအခင်းလိုပါပဲ။ ဒေါ်အောင်ဆန်းစုကြည် ၂၀၁၀ ရွေးကောက်ပွဲမှာ ပါဝင်ခွင့်မရအောင် စီမံထားတဲ့ နိုင်ငံရေးလုပ်ကြံမှုတခုပါပဲ။ ဒါပေမယ့် ဒီကိစ္စဆိုးထဲကပဲ အကျိုးရှိတဲ့ ကိစ္စကောင်းတချို့ ထွက်ပေါ်လာခဲ့ပါတယ်။ အနည်းဆုံး ဒီအမှုကိစ္စကို အကြောင်းပြုပြီး ဒေါ်အောင်ဆန်းစုကြည်နဲ့ နိုင်ငံရေးအရ တစုံတရာ ဆက်သွယ်ညှိနှိုင်းခွင့်တွေ ရလာခဲ့ကြပါတယ်။ ဒါ့အပြင် ဒေါ်အောင်ဆန်းစုကြည်ကို လွှတ်ပေးဖို့ တောင်းဆိုနေတဲ့ နိုင်ငံတကာဖိအားတွေကို လျှော့ချနိုင်ဖို့ ဦးဝင်းတင်နဲ့ အန်အယ်လ်ဒီပါတီဝင်အချို့ကို ထောင်က လွှတ်ပေးလိုက်ရတယ်။ နောက်ပိုင်းမှာ အချုပ်ရက်စေ့နေတဲ့ ဦးတင်ဦးကိုလည်း လွှတ်ပေးရပြန်တယ်။ ဒီလိုအကြောင်းအချက်တွေအောက်မှာ အန်အယ်လ်ဒီပါတီရဲ့ နိုင်ငံရေး ပြန်လည်ရှင်သန်ထမြောက်ရေးလှုပ်ရှားမှုတွေ နိုးကြားအားကောင်းလာခဲ့တယ်။ တိုင်းစည်း၊ မြို့နယ်စည်းတွေ ပါဝင်တဲ့ အစည်းအဝေးတရပ် ကျင်းပပြီး ‘ရွှေဂုံတိုင်ကြေညာစာတမ်းကြီး’ ကို ထုတ်ပြန်နိုင်ခဲ့တယ်။
ဒီလို နိုင်ငံရေးအရ ပြန်လည်ရှင်သန်ထမြောက်လာမှုနဲ့အတူ ပါတီစည်းရုံးရေးဘ၀ကိုလည်း ပြန်လည်စုစည်း တည်ဆောက်လာနိုင်ခဲ့တယ်။ အန်အယ်လ်ဒီပါတီရဲ့ စီအီးစီကို ပြန်လည်တိုးချဲ့ဖွဲ့စည်းနိုင်ရုံမျှမက တိုင်းအသီးသီး ကိုယ်စားလှယ် (၁၂၀) ပါဝင်တဲ့ ဗဟိုဦးစီးကော်မတီကိုပင်လျှင် အသစ်ဖွဲ့စည်းနိုင်ခဲ့တယ်။ ဒီလို နိုင်ငံရေးအရ ပြန်လည်ရှင်သန် ထမြောက်လာခြင်းဟာ ‘ရွှေဂုံတိုင်ကြေညာစာတမ်း’ ပါ မှန်ကန်တဲ့ နိုင်ငံရေးသဘောထားတွေအောက်မှာ အသက်ဝင် ရှင်သန်လာခဲ့ခြင်းသာဖြစ်ပါတယ်။ ဒါကြောင့် ‘နိုင်ငံရေးသေနေရင် ပါတီလည်း သေလိမ့်မယ်’၊ ‘နိုင်ငံရေးရှင်သန်ရင် ပါတီလည်း ရှင်သန်လှုပ်ရှားနေလိမ့်မယ်’ လို့ ကောက်ချက်ဆွဲခဲ့ကြခြင်းဖြစ်ပါတယ်။
ဒီလို အန်အယ်လ်ဒီပါတီ နိုင်ငံရေးအရ ပြန်လည်နိုးကြား အားကောင်းလာမှုကို ထိုးဖောက်ဖြိုခွဲဖို့ နအဖကလည်း ရွေးကောက်ပွဲဥပဒေဆိုတဲ့ ချိန်ကိုက်ဗုံးတလုံးကို ဖောက်ခွဲလိုက်ပုံရပါတယ်။ နအဖရဲ့ ရည်ရွယ်ချက်ဟာ တစုံတရာ ထိရောက်တယ်လို့ ဆိုရမလိုပါပဲ။ ‘ရွေးကောက်ပွဲ’ ဆိုတဲ့ အသံကြားလိုက်တာနဲ့ စင်ထိုးပေးရင် ကွေးနေအောင် တက်ပြီး ကချင်တဲ့ နိုင်ငံရေး ကျားအို ကျားသေတွေ၊ အပေါက်ကောင်းကို ချောင်းနေတဲ့ အခွင့်အရေးသမားတွေ အုံကျင်းဖွဲ့ပြီး ထွက်လာခဲ့ကြပါပြီ။ ဒီလို စည်သံ၊ ဗျောသံတွေကြားမှာ ခေါင်းပေါင်းစ တလူလူနဲ့ ညီလာခံဝင်ဖို့ တောင်ရှည်ပုဆိုးပြင်နေတုန်း၊ ဗြုန်းဆို အင်းစိန်တောရထဲ ၀င်သွားခဲ့ကြရတဲ့ ပုဂ္ဂိုလ်တချို့လည်း အမတ်ဖြစ်ချင်စိတ်တွေ တလိပ်လိပ် တက်လာနေကြမှာ အသေအချာပါပဲ။ တကယ်တော့ ဒီစိတ်ကူးတွေဟာ ‘မသာကုတင်ကို ရာဇပလ္လင်’ ထင်နေကြတဲ့ နိုင်ငံရေး နလပိန်းတုံးတွေရဲ့ အရူးအိပ်မက်တွေပါ။
၂၀၁၀ ရွေးကောက်ပွဲကို ၁၉၉၀ ရွေးကောက်ပွဲလို ဖြစ်မယ်လို့ ထင်နေကြတာ အရူးချီးပန်း စိတ်ကူးယဉ်နေကြတာပါ။ နအဖက ၂၀၁၀ ရွေးကောက်ပွဲကို ဘယ်တော့မှ ၁၉၉၀ လို အဖြစ်ခံမှာ မဟုတ်ပါဘူး။ ဒါကြောင့်လည်း စစ်အာဏာရှင်စနစ် အဓွန့်ရှည်စေမယ့် ၂၀၀၈ ဖွဲ့စည်းပုံကို (၁၅) နှစ်ကြာအောင် အသေးစိတ် အချိန်ယူ ရေးဆွဲခဲ့တာဖြစ်ပါတယ်။ ဒီ ၂၀၀၈ ဖွဲ့စည်းပုံအရ ကျင်းပမယ့် ရွေးကောက်ပွဲမှာလည်း ယူနီဖောင်းဝတ်၊ ယူနီဖောင်းချွတ်နဲ့ ဖိနပ်ကိုင်တွေ သေချာပေါက် အနိုင်ရအောင် အာဏာ၊ အသပြာ၊ စည်းရုံးရေးနဲ့ မက်လုံးမျိုးစုံပေးပြီး ပြင်ဆင်လာခဲ့တာ (၃) နှစ်လောက် ရှိခဲ့ပါပြီ။ ‘နိုင်လည်း နိုင်ရမယ်၊ ရှုံးရင်လည်း နိုင်ရမယ်’ ဆိုတဲ့ ၁၉၆၁ ခုနှစ်က တည်မြဲဖဆပလရဲ့ ကြွေးကြော်သံဟာ လေလုံးထွားရုံလောက်ပါ။ ၂၀၁၀ ရွေးကောက်ပွဲမှာတော့ နအဖက ‘မနိုင်လည်း နိုင်အောင်’ လုပ်မှာ ရာနှုန်းပြည့်သေချာပါတယ်။ ဒါကြောင့် အမတ်ဖြစ်ဖို့ စိတ်ကူးယဉ်နေတဲ့ ပုဂ္ဂိုလ်မှန်သမျှ ၂၀၁၀ နိုင်ငံရေးသတ်ကွင်းထဲမှာ ကားစင်တင် တံကျင်လျှိုခံရပါလိမ့်မယ်။ စိတ်ကူးယဉ်စရာ ဘာမှမရှိပါဘူး။ တပြည်လုံး ‘ဘွိုင်းကောက်ဋီကာ’ ရွတ်ပြီး No ဟစ်ကာ ဆန့်ကျင်ကန့်ကွက် တိုက်ပွဲဝင်ကြဖို့ပဲလိုပါတယ်။ ။
သံလွင်အရှေ့ခြမ်း နအဖစစ်တပ် ဂိတ်စခန်းတိုးချ ခရီးသွားများအား တားဆီးစစ်ဆေး
သျှမ်းသံတော်ဆင့် သတင်းမှ
သံလွင်အရှေ့ခြမ်း တာချီလိတ် - မိုင်းဆတ် လမ်းမပေါ် နအဖ စစ်တပ် ကင်းစခန်းများတိုးချထားပြီး ခရီးသွားများအား တားဆီးစစ်ဆေးမှု ပြုလုပ်နေသည်ဟု ခရီးသွားများပြောပြချက်အရ သိရပါသည်။
မတ်ခ်ျ ၂၇ ရက် ဖက်ဆစ်ဂျပန်တော်လှန်ရေး (နအဖတို့၏ တပ်မတော်နေ့) နှောင်းပိုင်း တာချီလိတ်အခြေစိုက် နအဖ စစ်ဗျူဟာမှူး ဗိုလ်မှူးကြီး ခင်မောင်စိုးကိုယ်တိုင်လည်း နယ်လှည့်စစ်ဆေးမှု ပြုလုပ်နေသည်ဟု စုံစမ်းသိရှိရပါသည်။
“ဗျူဟာမှူးကိုယ်တိုင်လည်း ကွင်းဆင်းစစ်ဆေးတယ်။ အခု မိုင်းဆတ်နဲ့ တာချီလိတ်ကြား ၆၃ မိုင်/၁၁၀ ကီလိုမီ တာကို လမ်းကင်း နေရာ ၂၀ မက ချထားတယ်၊ အရမ်းစစ်ဆေးတယ်။”- ဟု တာချီလိတ်နေကုန်သည်တဦးက ပြောပါသည်။
ယခင်က တာချီလိတ် - မိုင်းဆတ် လမ်းပိုင်းတွင် ပုန်းထွန်၊ လွယ်တော်ခမ်း၊ မိုင်းတွန်း(မိုင်းတုန်း)၊ လွယ်ဆမ်ဆုံ၊ နမ့်ခုတ် (တံတား) နှင့် မိုင်းဆတ်အ၀င် ဂိတ်တို့သာရှိပြီး ယခုအဆိုပါဂိတ်များကြား၌ လမ်းကင်းတဲအများအပြား ချ၍ စစ်ဆေး သောကြောင့် ခရီးသွားများအတွက် အနှောင့်အယှက်ဖြစ်စေကြောင်းဆက် ပြောပြသည်။
သီးခြားအတည်မြုပနိုင်သေးသည့် သတင်းများအရ သျှမ်းပြည်အပစ်ရပ်နယ်မြေသို့ ချဉ်းကပ်ရောက်ရှိနေသည့် တပ်မ ၃၃၊ ၅၅ ၊ ၇၇ ၊ ၉၉ အပြင် ကရင်ပြည် ဘားအံမြို့ အခြေစိုက် တပ်မ ၂၂ လည်း တက်လာနေကြောင်း ဆို၏။
“အခုဟာက ကျနော်တို့ ၀ တပ်ဖွဲ့တွေဆို ပိုစစ်တယ်။ ဘယ်နှစ်ယောက်လဲ၊ ဘယ်သွားမှာလဲ၊ဘာတွေပါလဲ၊ခေါင်းဆောင် ဘယ် သူလဲ စသဖြင့်မေးမြန်းတယ်” - အမည်မဖေါ်လိုသည့် တောင်ပိုင်း ၀ တပ်မှူးတဦးနှင့် နီးစပ်သူ တဦးက ပြောပါသည်။
ဧပြီ ၁ ရက်နေ့ ၀ ခေါင်းဆောင်နှင့် ဒုဗိုလ်ချုပ်ကြီးရဲမြင့်တို့ တန့်ယန်း၌ တွေ့ဆုံပြီးနောက်ပိုင်း တောင်ပိုင်း ၀ တပ်ဖွဲ့များ မြောက်ပိုင်းဌာနချုပ်တို့ အစည်းအဝေးသွားနေရကြောင်း၊ တန့်ယန်းတွေ့ဆုံပွဲ၌ ၀ တပ်ဖွဲ့ အား ယခုလ ၂၂ ရက်နေ့ နောက်ဆုံးထားပြီး အသွင်ပြောင်းမည့် တပ်ရင်းအင်အားစာရင်းပေးရမည်ဟု နအဖက ပြောကြောင်း၊ ပေးပို့/ မပေးပို့ မည့်အချက် ဆုံးဖြတ်ရန် ၀ ဘက်က အသည်းအသန်အစည်းဝေထိုင်နေကြောင်း၊ ၀ တပ်ဖွဲ့၏ထပ်မံတောင်းဆိုချက်တို့မှာ သဘောထားပျော့ပြောင်းလာသောကြောင့် စစ်အစိုးရအနေဖြင့်လိုက်လျော သဘောတူသင့်ကြောင်း၊ နောက်ဆုံးဖိအား အထမြောက်စေရန် ယခုကဲ့သို့ လုံခြုံရေးတင်းကြပ်လာခြင်းလည်း ဖြစ်နိုင်ကြောင်း အဆိုပါသတင်းရပ်ကွက်ကပြော၏။
အာဆီယံ ထိပ်သီးညီလာခံမှာ မြန်မာ့အရေး ဆွေးနွေးဖို့ လွှတ်တော်အမတ် ၁၀၀ ကျော် ဖိအားပေး
(VOA သတင်းမှ)
07 April 2010
မနက်ဖြန် ဗီယက်နမ်နိုင်ငံမှာ ကျင်းပမယ့် ၁၆ ကြိမ်မြောက် အာဆီယံ ထိပ်သီး ဆွေးနွေးပွဲမှာ ဒေသတွင်း နိုင်ငံတွေအကြား ပူးပေါင်းဆောင်ရွက်မှုတွေ တိုးမြှင့်ဖို့အပြင် မြန်မာ့နိုင်ငံရေး အခြေအနေကို ဆွေးနွေးပြီး အာဆီယံ အသင်းကြီး အနေနဲ့ ထိရောက်တဲ့ အရေးယူ ကိုင်တွယ်မှုမျိုး လုပ်ဖို့ တောင်းဆိုမှုတွေ ပေါ်ထွက်လာပါတယ်။ မြန်မာစစ်အစိုးရဟာ အာဆီယံ အသင်းကြီးကို ပေးထားတဲ့ ကတိက၀တ်တွေ ချိုးဖောက်ခဲ့တယ်လို့ AIPMC ခေါ် မြန်မာ့အရေး အာဆီယံ လွှတ်တော်အမတ်များ အဖွဲ့ကလည်း ပြောပါတယ်။ မြန်မာ့အရေး လှုပ်ရှားသူတွေကလည်း အာဆီယံက မြန်မာ့အရေးကို ကိုင်တွယ် ဆောင်ရွက်ဖို့ တောင်းဆိုလိုက်တာ ဖြစ်ပါတယ်။ အကြောင်းစုံကို စုံစမ်း မေးမြန်းထားတဲ့ ကိုသားညွန့်ဦးက တင်ပြပေးထားပါတယ်။
အာဆီယံ အဖွဲ့ကြီးရဲ့ မြန်မာနိုင်ငံအပေါ် ထားတဲ့ အပြုသဘော ဆက်ဆံရေးဟာ အောင်မြင်မှု မရတာကြောင့် မြန်မာ့နိုင်ငံရေး တိုးတက်လာဖို့ရာ အာဆီယံ အသင်းကြီး အနေနဲ့ ထိထိရောက်ရောက် အမြန်ဆုံး အရေးယူ ကိုင်တွယ်သွားဖို့ အာဆီယံနိုင်ငံတွင်း လွှတ်တော်အမတ် ၁၀၀ ကျော်က ၁၆ ကြိမ်မြောက် အာဆီယံ ထိပ်သီး ဆွေးနွေးပွဲကို တက်ရောက်မယ့် အာဆီယံခေါင်းဆောင် အားလုံးကို လက်မှတ်ရေးထိုး တောင်းဆိုထားတာပါ။
မြန်မာနိုင်ငံရဲ့ ၂၀၀၈ ခုနှစ် ဖွဲ့စည်းပုံထဲမှာ အားနည်းချက်တွေ ရှိသလို ရွေးကောက်ပွဲ ဥပဒေမှာလည်း ဒီမိုကရေစီ နည်းမကျတာတွေ ပါဝင်တဲ့အတွက် အခု ရွေးကောက်ပွဲ ရလဒ်ကို အာဆီယံအနေနဲ့ နိုင်ငံရေးအရရော သိက္ခာကျင့်ဝတ် အရပါ လက်ခံလို့ မဖြစ်နိုင်ဘူးလို့ အာဆီယံ လွှတ်တော်အမတ်တွေက ထောက်ပြထားပါတယ်။
ဒီအတွက်ကြောင့် အာဆီယံ လွှတ်တော်အမတ်တွေ အနေနဲ့ အာဆီယံထဲမှာ မြန်မာနိုင်ငံ ဆက်ပြီး ရှိနေတဲ့အပေါ်မှာ စိတ်မသက်မသာ ဖြစ်ရတယ်လို့ မြန်မာ့အရေး အာဆီယံ လွှတ်တော်အမတ်များ အဖွဲ့ AIPMC ရဲ့ အတွင်းရေးမှူး၊ မလေးရှားနိုင်ငံ လွှတ်တော်အမတ် မစ်စ် ထရီဆာ ကော့ခ် (Ms. Teresa Kok) က ဗွီအိုအေကို ပြောပါတယ်။
“မြန်မာနိုင်ငံဟာ အာဆီယံအဖွဲ့ဝင် ဖြစ်ပြီးကတည်းက တိုင်းပြည်အတွင်း လူ့အခွင့်အရေး တိုးတက်လာအောင် ဆောင်ရွက်ပါ့မယ်ဆိုတာ ပြောခဲ့တဲ့ ကတိအတိုင်း လိုက်နာဆောင်ရွက်ခဲ့တာ မရှိပါဘူး။ အခုဆို မြန်မာနိုင်ငံမှာ ရွေးကောက်ပွဲ မကြာခင် လုပ်ပါတော့မယ်။ ဒါပေမဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ NLD ခေါင်းဆောင်တွေ ဒီရွေးကောက်ပွဲမှာ ပါဝင်ခွင့် မရကြပါဘူး။
“ဒါဟာ ဒီမိုကရေစီနဲ့ လူ့အခွင့်အရေး တန်ဖိုးတရားတွေနဲ့ လုံးဝ မကိုက်ညီပါဘူး။ ရွေးကောက်ပွဲကိစ္စ အပြင် မြန်မာနိုင်ငံတွင်းမှာ အခြား အခြေအနေ အကြောင်းရပ်တွေ ပြောစရာ ဆိုစရာလည်း အတော်များများ ရှိပါတယ်။ ဒီအတွက် အာဆီယံထဲမှာ မြန်မာနိုင်ငံ ဆက်ပြီး ပါဝင်နေတာကို အာဆီယံ လွှတ်တော်အမတ်တွေ အတွက် မသက်မသာ ဖြစ်ရပါတယ်။”
အာဆီယံအသင်း အနေနဲ့ မြန်မာနိုင်ငံတွင်း အမျိုးသား ပြန်လည်သင့်မြတ်ရေးနဲ့ ဒီမိုကရေစီ ဖြစ်ထွန်းရေးအတွက် ဆုံးဖြတ်ချက်တွေ၊ တောင်းဆိုချက်တွေ မကြာခဏ ချမှတ်ခဲ့ပါတယ်။ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို လွှတ်ပေးပြီး အခုလုပ်နေတဲ့ နိုင်ငံရေး လုပ်ငန်းစဉ်တွေမှာ ပါဝင်ပတ်သက်ခွင့် ပေးဖို့ တောင်းဆိုထားပါတယ်။
မြန်မာနိုင်ငံအနေနဲ့ အာဆီယံ အသင်းကြီးရဲ့ တောင်းဆိုချက်၊ ဖျောင်းဖျမှုတွေအပေါ် တောက်လျှောက်လိုလို လျစ်လျူရှု နေတာတွေကို ကြည့်ခြင်းအားဖြင့် အာဆီယံ အသင်းကြီးရဲ့ မြန်မာနိုင်ငံအပေါ် ထားတဲ့ အပြုသဘော ဆက်ဆံရေး မူဝါဒ မအောင်မြင်ဘူးဆိုတာ ထင်ရှားတယ်လို့ အင်ဒိုနီးရှား၊ မလေးရှား၊ ဖိလစ်ပိုင်၊ ကမ္ဘောဒီးယားနဲ့ စင်ကာပူက လွှတ်တော် အမတ် ၁၀၀ ကျော်က ထောက်ပြပါတယ်။ အထူးသဖြင့်တော့ အာဆီယံ အသင်းကြီးကို ပေးထားတဲ့ ကတိက၀တ်တွေကိုပင် ဖောက်ဖျက်တာ ဖြစ်တယ်လို့ မစ်စ် ထရီဆာ ကော့ခ်က ပြောပါတယ်။
“မြန်မာနိုင်ငံဟာ ဒီမိုကရေစီ လမ်းပြမြေပုံနဲ့ သွားနေပါတယ်လို့ ပြောတာဆိုတာ ဆယ်စုနှစ်တခု ကျော်ပါပြီ။ ဒါပေမဲ့ အခုဖြစ်လာတာက ဒီမိုကရေစီ လုံးဝမကျတဲ့ ရွေးကောက်ပွဲလုပ်ဖို့ အဖြေပဲ ပေါ်လာပါတယ်။ ဒါဟာ အာဆီယံ ခေါင်းဆောင်တွေ၊ အာဆီယံ တိုင်းပြည်တွေနဲ့ နိုင်ငံတကာ မိသားစုကို သူတို့ပေးထားတဲ့ ကတိက၀တ်အတိုင်း မလုပ်ဘူး၊ ဆန့်ကျင်တယ်ဆိုတာ ပြနေတာပါ။ ဒီအခြေအနေကြီးကို လုံးဝ လက်ခံလို့ မရပါဘူး။”
အခုလို AIPMC အပါအ၀င် ဒေသတွင်း လူ့အခွင့်အရေး အဖွဲ့အစည်းတွေက အာဆီယံ အနေနဲ့ မြန်မာနိုင်ငံအပေါ် လက်တွေ့ကျကျ ထိရောက်တဲ့ အရေးယူမှုမျိုးတွေ လုပ်ဖို့ တိုက်တွန်းနေသလို မြန်မာနိုင်ငံတွင်းက ၈၈ မျိုးဆက် ကျောင်းသားများအဖွဲ့၊ သံဃာ့တပ်ပေါင်းစုနဲ့ ဗကသ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်တို့ကလည်း အာဆီယံ အတွင်းရေးမှူးချုပ်ဆီကို မြန်မာ့အရေး ကိုင်တွယ်ဖို့ တိုက်တွန်းစာတစောင် ပေးပို့ခဲ့ပါတယ်။ စာပါ ကိစ္စတွေနဲ့ ပတ်သက်လို့ ဗကသများ အဖွဲ့ချုပ် ပြောခွင့်ရသူ ကိုဇာနည်ကို မေးမြန်းထားပါတယ်။
“တကယ် ဖိအားပေးစေချင်တယ်။ တနိုင်ငံနဲ့ တနိုင်ငံ ဆက်စပ်နေတယ်။ တနိုင်ငံရဲ့ အကျိုးသက်ရောက်မှုက နောက်တနိုင်ငံမှာ သွားပြီး ထိခိုက်စေတယ်။ အဲဒီအခါမျိုးကျတော့ ဒီဟာတွေက ဘယ်လိုပဲဖြစ်နေနေ ကျနော်တို့ အနေနဲ့ ၀ိုင်းဝန်းကူညီ ပံ့ပိုးဖို့ တာဝန်ရှိပါတယ်။ တကယ်လို့ ကျနော်တို့နိုင်ငံက မဟုတ်ဘဲနဲ့ အာဆီယံ တနိုင်ငံက ဒီလိုမျိုး ဖြစ်ခဲ့မယ် ဆိုရင်လည်း ကျနော်တို့ နိုင်ငံက ၀ိုင်းဝန်း ပံ့ပိုးပေးရမယ့် အနေအထားမျိုးတွေ ရှိပါတယ်။”
အကယ်၍ မြန်မာနိုင်ငံဘက်က ဒီလိုဆောင်ရွက်မှု မရှိလို့ရှိရင် အာဆီယံထဲက မြန်မာနိုင်ငံကို ထုတ်ပစ်ဖို့ ဆိုတဲ့ဟာလည်း တွေ့ပါတယ်၊ ကိုဇာနည်တို့ စာထဲမှာ။ တကယ်တမ်း ဒါက ထိရောက်မယ့် နည်းလမ်းလို့ ယူဆလို့ ရပါ့မလား၊ ကိုဇာနည် ဘယ်လိုထင်ပါသလဲ။ ဘာဖြစ်လို့လဲဆိုတော့ ထုတ်ပစ်လိုက်ရင် အာဆီယံနဲ့ ပို မဝေးသွားနိုင်ဘူးလား၊ နိုင်ငံတကာနဲ့ ပိုပြီး မဝေးသွားနိုင်ဘူးလား။
“ဒီဟာက သံခင်းတမန်ခင်း နည်းလမ်းတွေကို အသုံးပြုတာ ကြာခဲ့ပါပြီ။ အဲဒီတော့ သံခင်း တမန်ခင်း နည်းက ဒီလိုပဲ ကျနော်တို့ကို နားလှည့်ပါးရိုက်နဲ့ ဖြေရှင်းခဲ့တာ ကြာပြီလေ။ အဲတော့ ဒီဥစ္စာနဲ့ ပတ်သက်ပြီး ကျနော်တို့က ပြတ်ပြတ်သားသား အရေးယူ ဆောင်ရွက်မှုမျိုးကို လုပ်စေချင်တာပါ။”
မြန်မာနိုင်ငံတွင်း လာမယ့် ရွေးကောက်ပွဲဟာ လွတ်လပ်ပြီး မျှတမှု ရှိစေဖို့ ဆိုပြီး အာဆီယံအတွင်းက အင်ဒိုနီးရှား၊ စင်ကာပူ၊ ထိုင်း အစိုးရတွေက သူတို့ စိုးရိမ်ချက်တွေကို ဒီမတိုင်ခင် ထုတ်ပြောခဲ့ကြပါတယ်။ ဒါပေမဲ့ ယခင် အာဆီယံ အသင်း အစည်းအဝေးတိုင်းလိုလိုမှာ တကယ်တမ်း ခေါင်းဆောင်တွေ ထိပ်တိုက်တွေ့ကြပြီ ဆိုရင်တော့ သံတမန်ရေး ဆန်ဆန်ပဲ ပြောတာဆိုတာ များပါတယ်။ အာဆီယံအနေနဲ့ လက်တွေ့ အရေးယူ ကိုင်တွယ်နိုင်ဖို့ ဆိုတဲ့ အခြေအနေတော့ မတွေ့ရဘူးလို့ လေ့လာသူတွေက သုံးသပ်ပါတယ်။
လတ်တလောအားဖြင့် လူ့အခွင့်အရေး စံနှုန်းစံထား တစိတ်တပိုင်း ဖော်ပြထားတဲ့ အာဆီယံ ပဋိညာဉ် ရှိနေတာမို့ မြန်မာ့အရေး ဆွေးနွေးမှုမှာ အားရစရာရှိပေမဲ့လည်း တကယ်တမ်း အာဆီယံ ပဋိညာဉ်ပါ အခြေအနေတွေကို အကောင်အထည် ဖော်ဖို့ကို အာဆီယံ အတွင်းမှာပဲ အခက်အခဲမျိုးစုံ ရှိနေတယ်လို့ ပြောရမှာ ဖြစ်ပါတယ်။
အထူးအယူခံ တင်ရေး ဒေါ်စုနဲ့ ရှေ့နေတွေ ဆွေးနွေး
(VOA သတင်းမှ)
နေအိမ်မှာ ဖမ်းဆီး ထိန်းသိမ်းခံနေရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ သူ့ရဲ့ ဥပဒေ အကျိုးဆောင်တွေနဲ့ ဒီနေ့ တွေ့ဆုံပြီး ဆက်လက် ဖမ်းဆီးခံထားရတဲ့ အမှုနဲ့ ပတ်သက်လို့ ဆွေးနွေးတိုင်ပင်မှုတွေ လုပ်ခဲ့ပါတယ်။ နေအိမ်အကျယ်ချုပ် နောက်ထပ် တနှစ်ခွဲ ကျခံနေရတဲ့ အမှုအတွက် အထူးအယူခံ တင်သွင်းဖို့ သူ့ရဲ့ ရှေ့နေ ၂ ဦးဖြစ်တဲ့ ဦးဉာဏ်ဝင်း၊ ဦးကြည်ဝင်းတို့နဲ့ တိုင်ပင်ခဲ့ပါတယ်။ ဒီနေ့ ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ ရှေ့နေတဦးဖြစ်သူ ဦးကြည်ဝင်းကို ဒေါ်ခင်မျိုးသက်က ဆက်သွယ်မေးမြန်းရာ ဒီနေ့ တွေ့ဆုံဆွေးနွေးမှုတွေနဲ့ ပတ်သက်ပြီး ဦးကြည်ဝင်းက အခုလို စပြောပြပါတယ်။
“အထူးအယူခံ တက်ဖို့ ကိစ္စ ဆွေးနွေးတယ်။ ဟိုတလောတုန်းက နှစ်ပါးထိုင်က ပယ်လိုက်တော့ ကျနော်တို့ ဆက်ပြီးတော့ အထူးအယူခံ တက်ရမယ်။ အဲဒီမှာ တချို့ points တွေ discuss လုပ်စရာ တော်တော်လေး နက်နက်နဲနဲနဲ့ ကျယ်ကျယ်ပြန့်ပြန့်ဖြစ်အောင် တင်ပြဖို့ ဆွေးနွေးကြတယ်။ သို့သော် တချို့ဟာတွေကျတော့ decision ကို ထပ်ပြီးတော့ တင်ပြရမယ်။
“နောက်တပတ် ကျနော်ရယ်၊ ဦးဉာဏ်ဝင်းရယ်၊ အဲဒါက တတွဲပေါ့၊ ဟိုဘက်က ခင်ခင်ဝင်းတို့ ၀င်းမမတို့အတွက်က ခင်ဌေးကြွယ်နဲ့ ကိုလှမျိုးမြင့်တို့ အထူးအယူခံကတော့ ရေးနေကြပြီ။ ကျနော်နဲ့ ဦးဉာဏ်ဝင်းက ဒီဘက်က ဒေါ်စုအတွက် ရေးနေကြပြီ။ ဒါတွေအကုန်လုံး ပေါင်းပြီးတော့မှ တင်ပြမယ်။”
အမှုသွား အမှုလာ အခြေအနေ ဘယ်လိုရှိပါသလဲ အန်ကယ်။
“ဒါ ရှင်းပါတယ်။ ၁၉၇၄ ဖွဲ့စည်းပုံ အခြေခံဥပဒေဟာ ရပ်ဆိုင်းသွားခဲ့ပြီ။ အဲဒီ ရပ်ဆိုင်းသွားတဲ့ အခြေခံ ဥပဒေထဲက ပုဒ်မ ၅ ခု၊ ပုဒ်မ ၁၄၈(ဂ)၊ ၁၅၇၊ ၁၅၈၊ ၁၅၉(က)(ခ)၊ ၁၆၀၊ အဲဒီပုဒ်မတွေကို ရပ်ဆိုင်းသွားပြီဆိုတဲ့ ဖွဲ့စည်းပုံ အခြေခံဥပဒေထဲက ဆွဲထုတ်ပြီးတော့ ကန့်သတ်မိန့်ထဲထည့်၊ ဒေါ်စုရဲ့ မူလ အခွင့်အရေးတွေကို ကန့်သတ်ပေးတယ်။ ဗိုလ်ချုပ်မှူးကြီးသန်းရွှေ ကိုယ်တိုင်က ကြေညာချက်အမှတ် ၇/၂၀၀၈၊ ၂၉-၅-၂၀၀၈ ရက်စွဲနဲ့ အတည်ပြု ပြဋ္ဌာန်းလိုက်သည်ဆိုတဲ့ ကြေညာချက်ဗျ။
“ဒီ ရပ်ဆိုင်းပြီဆိုတဲ့ ဖွဲ့စည်းပုံထဲက ပုဒ်မကို ထုတ်သုံးတော့ ဗဟိုအဖွဲ့ဖြစ်ဖြစ်၊ ဗဟိုအဖွဲ့ရဲ့ အထက်အဖွဲ့ဖြစ်ဖြစ်၊ ဒီ သေနေပါပြီဆိုတဲ့ ဖွဲ့စည်းပုံ အခြေခံဥပဒေ၊ အဲဒီထဲက သေနေတဲ့ ပုဒ်မတွေပဲ၊ ဒါကို ထုတ်သုံးတာ တရားဝင်မလား။ ရှင်းတယ်။ အဲတော့ ကျနော်တို့ကတော့ ဂိတ်ဆုံးကျရင် အဖြေမှန်ကို တွေ့လိမ့်မယ်လို့ ယုံကြည်တယ်။”
မနေ့တုန်းက ဒေါ်အောင်ဆန်းစုကြည် နေအိမ် ပြင်ဆင်မှုအတွက် ဦးအောင်ဆန်းဦးဘက်က တားဝရမ်း ထုတ်ပေးဖို့ တင်သွင်းတာကို တရားရုံးက ပယ်ချတယ်လို့ ကြားပါတယ်။ အဲဒီကိစ္စနဲ့ ပတ်သက်ပြီးတော့ရော။
“အဲဒါနဲ့ မနေ့က သူတို့က အိမ်ပြင်တာကို တားဝရမ်း ထုတ်ပေးပါဆိုပြီး လျှောက်တာကိုး။ အောင်ဆန်းဦးနဲ့ သူ့ရဲ့ရှေ့နေ ကိုအံ့ထူးတို့က လျှောက်ကြတယ်။ လျှောက်တော့ ဒါကို ကျနော်တို့ဘက်ကလည်း ပြန်ပြီးတော့ တားဝရမ်း မထုတ်သင့်ပါဘူး ဆိုပြီးတော့ ကျနော်တို့ကလည်း ပြန်ပြီးတော့ လျှောက်လဲတင်ပြတယ်။ အိမ်က ပြင်တာဗျ၊ ဖျက်တာ မဟုတ်ဘူး။ အိမ်ပြင်တဲ့ကိစ္စကို တားပေးပါဆိုတော့ သဘာဝ မကျဘူးပေါ့ဗျာ။ တရားရုံးကလည်း အဲဒီမှာ သဘာဝကျကျ ဆုံးဖြတ်ချက်ပါ။ ဦးအောင်ဆန်းဦးတို့ လျှောက်လွှာကို ပယ်လိုက်တယ်။”
ဒေါ်အောင်ဆန်းစုကြည်ရဲ့ ရှေ့နေတဦးဖြစ်တဲ့ ဦးကြည်ဝင်း ပြောပြခဲ့တာ ဖြစ်ပါတယ်။
မြန်မာနိုင်ငံ နျူကလီးယား စွမ်းအင်နှင့် မထိုက်တန်
(VOA သတင်းမှ)
ဖွံ့ဖြိုးဆဲနိုင်ငံတွေ တော်တော်များများမှာ စွမ်းအင်လိုအပ်ချက်တွေ အတွက် နျူကလီးယား စွမ်းအင်ကို အသုံးပြုဖို့ ကြိုးပမ်းနေကြတာ မှန်ပေမဲ့ မြန်မာနိုင်ငံအတွက် နျူကလီးယား စွမ်းအင် ရှာဖွေတဲ့နည်းဟာ အဖြေမဟုတ်တဲ့အကြောင်း အမေရိကန် ပြည်ထောင်စု နျူကလီးယား နည်းပညာနဲ့ လုံခြုံရေးဆိုင်ရာ ကျွမ်းကျင်သူ ပညာရှင်တဦးက ထောက်ပြ ပြောဆိုပါတယ်။ ဟားဗာ့ဒ် (Harvard) တက္ကသိုလ် နျူကလီးယား လုံခြုံရေးနဲ့ လက်နက် မပြန့်ပွားရေးဆိုင်ရာ ကျွမ်းကျင်သူ ပူးတွဲ ပါမောက္ခ မက်သယူး ဘန်း (Matthew Bunn) က ဗွီအိုအေ အမေရိကန်အသံမှာ မနေ့က သတင်းစာ ရှင်းလင်းပွဲ ကျင်းပရင်း မြန်မာနိုင်ငံအကြောင်း ထည့်သွင်း ပြောဆိုသွားတာ ဖြစ်ပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။
ရှေ့သီတင်းပတ် ၀ါရှင်တန်မြို့တော်မှာ ကမ္ဘာ့ နိုင်ငံခေါင်းဆောင်တွေ အိမ်ဖြူတော် နျူကလီးယား ထိပ်သီးဆွေးနွေးပွဲကို တက်ရောက်ပြီး ကမ္ဘာတ၀န်း နျူကလီးယးလက်နက် ဘေးကင်းလုံခြုံရေးနဲ့ ပတ်သက်လို့ ဆွေးနွေးဖို့ ပြင်ဆင်နေတဲ့အချိန် ဒေါက်တာ မက်သယူး ဘန်းက နျူကလီးယား နည်းပညာနဲ့ အန္တရာယ်အကြောင်း မနေ့က ဗွီအိုအေ အမေရိကန်အသံမှာ သတင်းစာရှင်းလင်းပွဲ ပြောဆိုသွားတာပါ။ မြန်မာနိုင်ငံမှာ နျူကလီးယား ဓာတ်ပေါင်းဖို တည်ဆောက်နိုင်ဖို့ စစ်အစိုးရက ကြိုးပမ်းနေပြီး ဒီလို နျူကလီးယားစွမ်းအင် ပိုင်ဆိုင်မှုဟာ အရပ်ဖက် သုတေသနသုံးအတွက် ရည်ရွယ်တယ်လို့ စစ်အစိုးရဘက်က ပြောဆိုထားပါတယ်။
ဒါကြောင့်လည်း စွမ်းအင်လိုအပ်ချက်တွေ ရှိနေတဲ့ နိုင်ငံတခု အနေနဲ့ ဒီလို နျူကလီးယားစွမ်းအင် ပိုင်ဆိုင်ဖို့ ကြိုးစားမှုဟာ တကယ်လို့ သူတို့ပြောသလို ငြိမ်းချမ်းတဲ့နည်းနဲ့ အသုံးပြုဖို့ ဖြစ်တယ်၊ တခြား စစ်ရေးရည်မှန်းချက်အတွက် သုံးတာမျိုး မဟုတ်ရင် မဖြစ်သင့်ဘူးလားလို့ ဒေါက်တာ မက်သယူး ဘန်းရဲ့ အမြင်ကို ဗွီအိုအေက မေးခဲ့ပါတယ်။
“စွမ်းအင်အတွက် နျူကလီးယား စွမ်းအင်ကို အသုံးပြုမှုတွေ ဒီနေ့ ရှိနေပါတယ်။ ဒီစွမ်းအင်ကို ဘေးကင်း လုံခြုံအောင် ထိန်းသိမ်းဖို့ဆိုတာ ရှုပ်ထွေး နက်နဲတဲ့ နည်းလမ်းတွေကို သုံးပြီး အထူးအလေးထား စောင့်ရှောက်ရတာပါ။ တကယ်လို့ ခေတ်မီ တိုးတက်တဲ့ အခြေခံ အဆောက်အဦးတွေ မရှိဘူး၊ စည်းမျဉ်းစည်းကမ်း သတ်မှတ်ချက်တွေကလည်း အားနည်းနေမယ်ဆိုရင် ဒီ နျူကလီးယားစွမ်းအင် သုံးစွဲမှုက လိုအပ်တဲ့ သင့်လျော်တဲ့ ရွေးချယ်မှုတခု မဟုတ်ပါဘူး။”
ပြီးခဲ့တဲ့ ၅ နှစ်ကနေ ၈ နှစ်နဲ့စာရင် နျူကလီးယားစွမ်းအင် ထုတ်လုပ်နိုင်ဖို့ ကုန်ကျစရိတ်ဟာ အကြမ်းဖျင်းအားဖြင့် ၂ ဆ ပိုများလာခဲ့ပါတယ်။ ဒါကြောင့်လည်း နျူကလီးယား ဓာတ်ပေါင်းဖိုတွေ တည်ဆောက်ပြီး စွမ်းအင်ထုတ်လုပ်ဖို့ ကြိုးစားတဲ့နည်းက စီးပွားရေးအရလည်း တွက်ခြေကိုက်တဲ့ ရွေးချယ်မှုတခု မဟုတ်ပါဘူးဆိုပြီး မက်သယူး ဘန်းက ပြောပါတယ်။ မြန်မာနိုင်ငံရဲ့ နျူကလီးယား ရည်မှန်းချက်တွေဟာ အာရုံစူးစိုက်ရမယ့် အနေအထားမှာ ရှိပေမဲ့ စိုးရိမ်ရမယ့် အခြေအနေမှာတော့ မရှိဘူးလို့လည်း သူက ပြောပါတယ်။
“မြန်မာနိုင်ငံကိစ္စက အခုအချိန်အထိ တိတိကျကျ ဘယ်အတိုင်းအတာအထိ လုပ်နိုင်ပြီလဲဆိုတာ ဘယ်သူမှ တိတိကျကျ မသိရသေးပါဘူး။ အခုအချိန်အထိ သုတေသနသုံး နျူကလီးယား ဓာတ်ပေါင်းဖို ဆောက်နိုင်နေပြီလား၊ နျူကလီးယား ထုတ်လုပ်ဖို့ ပြင်ဆင်နိုင်ပြီလား၊ ဘာမှ ရေရေရာရာ မရှိသေးပါဘူး။ စောင့်ကြည့်လေလာဖို့၊ အာရုံစိုက်ဖို့ လိုပါတယ်။ ဒါပေမဲ့ စိုးရိမ်ထိတ်လန့်ရမယ့် အဆင့်တော့ မရောက်သေးပါဘူး။”
ဟားဗာ့ဒ်တက္ကသိုလ် နျူကလီးယား လုံခြုံရေးနဲ့ လက်နက်မပြန့်ပွားရေး ဆိုင်ရာ ကျွမ်းကျင်သူ ပူးတွဲ ပါမောက္ခ မက်သယူး ဘန်း ပြောဆိုသွားတာ ဖြစ်ပါတယ်။
၂၀၀၁ ခုနှစ်မှာ မြန်မာစစ်အစိုးရက သုတေသနသုံး နျူကလီးယား ဓာတ်ပေါင်းဖို တည်ဆောက်ရေး ရုရှားနိုင်ငံကနေ နည်းပညာနဲ့ လိုအပ်တဲ့ ပစ္စည်းတွေ ၀ယ်ယူဖို့ သဘောတူခဲ့ပါတယ်။ ၂၀၀၇ ခုနှစ်မှာ မြန်မာစစ်အစိုးရနဲ့ မြောက်ကိုရီးယား နှစ်နိုင်ငံ တရားဝင် သံတမန် ဆက်ဆံရေး ထူထောင်လိုက်တဲ့အတွက် မြန်မာနိုင်ငံရဲ့ နျူကလီးယား ရည်မှန်းချက်တွေ နိုင်ငံတကာက အာရုံစူးစိုက်လာခဲ့ပါတယ်။
မြန်မာစစ်အစိုးရက ရုရှားနိုင်ငံကို စစ်အရာရှိ ၁,၀၀၀ လောက် စေလွှတ်ပြီး သင်တန်းတက်ခိုင်းခဲ့တယ် ဆိုတဲ့ သတင်းတွေနဲ့ မြောက်ကိုရီးယားရဲ့ အကူအညီနဲ့ မြေအောက်လိုဏ်ခေါင်းတွေ တည်ဆောက်နေတဲ့ မှတ်တမ်းဓာတ်ပုံတွေ ထွက်လာတဲ့ အတွက်လည်း မြန်မာနိုင်ငံရဲ့ နျူကလီးယား ရည်မှန်းချက်ကို အာရုံစိုက်လာတဲ့ အဆင့်ကနေ နိုင်ငံတကာက စိုးရိမ်ခဲ့ကြတာ ဖြစ်ပါတယ်။
မကြာသေးခင်က ထုတ်ပြန်တဲ့ အမေရိကန် ပြည်ထောင်စု အခြေစိုက် ISIS သိပ္ပံနဲ့ နိုင်ငံတကာ လုံခြုံရေး အဖွဲ့ကြီးရဲ့ အစီရင်ခံစာမှာတော့ မြန်မာနိုင်ငံမှာ တည်ဆောက်နေတဲ့ မြေအောက်လိုဏ်ဂူတွေဟာ နျူကလီးယားစွမ်းအင် ထုတ်လုပ်ဖို့ တည်ဆောက်တာ ဟုတ်မဟုတ် အသေအချာ မပြောနိုင်သေးတဲ့အကြောင်း၊ ဒါပေမဲ့လည်း ပြီးခဲ့တဲ့ နှစ်ပိုင်းတွေအတွင်း မြန်မာနိုင်ငံနေ ကွန်ပျူတာစနစ်သုံး စစ်ဘက်၊ အရပ်ဘက် အသေးစိတ် တီထွင်ထုတ်လုပ်နိုင်တဲ့ အကြီးစား စက်ကိရိယာတွေ ဆွစ်ဇာလန်၊ ဂျာမဏီနဲ့ ဂျပန်နိုင်ငံတွေက မှာယူခဲ့တာ၊ ပြင်ဦးလွင်နဲ့ ၁၀ မိုင်လောက် ဝေးတဲ့နေရာနဲ့ မန္တလေး အနောက်ဘက် မိုင် ၈၀ အကွာ လူနေအိမ်ရာတွေနဲ့ ဝေးတဲ့နေရာတွေက အမိုးပြာနဲ့ အဆောက်အဦးကြီးနှစ်ခု ဓာတ်ပုံတွေကို Goggle Map ဂြိုဟ်တုဆက်သွယ်ရေး ဓာတ်ပုံတွေကို ထုတ်ပြပြီး မြန်မာနိုင်ငံမှာ မြောက်ကိုရီးယား ကျွမ်းကျင်ဝန်ထမ်းတွေ ကိုယ်တိုင် ပါဝင်တဲ့ လက်နက်အကြီးတွေ ထုတ်လုပ်တဲ့ စက်ရုံတွေ ရှိနေနိုင်တဲ့အကြောင်း နိုင်ငံတကာရဲ့ စိုးရိမ်မှုနဲ့ ခန့်မှန်းချက်တွေကို ထည့်သွင်း ရေးသားထားပါတယ်။
မြန်မာရွေးကောက်ပွဲ ဥပဒေကို ဂျပန်အစိုးရ ဝေဖန်ပြစ်တင်
(VOA သတင်းမှ)
မြန်မာစစ်အစိုးရက မတ်လ ပထမပတ်မှာ ထုတ်ပြန်ခဲ့တဲ့ ရွေးကောက်ပွဲ ဥပဒေတွေနဲ့ ပတ်သက်ပြီး၊ အထူးသဖြင့် နိုင်ငံရေးပါတီတွေ မှတ်ပုံတင်ရေး ဥပဒေအရ ကုလသမဂ္ဂနဲ့ နိုင်ငံတကာက တိုက်တွန်းခဲ့သလို လွတ်လပ်ပြီး တရားမျှတဖို့အပြင် သက်ဆိုင်တဲ့ အုပ်စုတွေ အားလုံး ပါဝင်ဖို့ မဖြစ်နိုင်တော့တဲ့အတွက် ဂျပန်အစိုးရ အနေနဲ့ စိတ်ပျက်မိတယ်လို့ ဒီလအတွက် ကုလသမဂ္ဂ လုံခြုံရေးကောင်စီ အလှည့်ကျ ဥက္ကဋ္ဌအဖြစ် တာဝန်ယူထားတဲ့ ဂျပန် သံအမတ်ကြီးက သတင်းစာ ရှင်းလင်းပွဲမှာ ပြောကြားလိုက်ပါတယ်။ အပြည့်အစုံကို ဒေါ်လှလှသန်းက တင်ပြပေးထားပါတယ်။
ကုလသမဂ္ဂ လုံခြုံရေးကောင်စီရဲ့ ဧပြီလ အလှည့်ကျ ဥက္ကဋ္ဌအဖြစ် တာဝန်ယူမယ့် ကုလသမဂ္ဂဆိုင်ရာ ဂျပန် သံအမတ်ကြီး ယူကီအို တကဆု (Yukio Takasu) က မြန်မာနိုင်ငံမှာ ဒီနှစ်ကျင်းပမယ့် ရွေးကောက်ပွဲတွေဟာ ဒီမိုကရေစီ ဖော်ဆောင်မှုအတွက် အရေးကြီးပေမဲ့ မြန်မာစစ်အစိုးရက မတ်လ ၈ ရက်နေ့က စတင်ပြီး ကြေညာခဲ့တဲ့ ရွေးကောက်ပွဲ အက်ဥပဒေပါ ကန့်သတ်ချက်တွေကို ပြစ်တင် ဝေဖန်သွားပါတယ်။
“ရွေးကောက်ပွဲ ဥပဒေကို ထုတ်ပြန်ခဲ့ပြီးနောက်ပိုင်း တွေ့ရတာက အဲဒီအထဲမှာ အကျဉ်းကျနေသူ၊ နေအိမ်အကျယ်ချုပ် ကျခံနေရသူ၊ စသည်ဖြင့် ရွေးကောက်ပွဲမှာ ပါဝင်ခွင့် မရှိဘူးလို့ ကန့်သတ် ချုပ်ချယ်မှုတွေ တွေ့နေရပါတယ်။ ဒါကြောင့် ဒီရွေးကောက်ပွဲဟာ အုပ်စုအားလုံးတို့ ပါဝင်နိုင်မယ့် ရွေးကောက်ပွဲ မဟုတ်သလို နိုင်ငံတကာက လက်ခံနိုင်မယ့် အနေအထားလည်း မရှိပါဘူး။”
နိုင်ငံရေးပါတီ မှတ်ပုံတင်ရေး ဥပဒေအရ အကျဉ်းကျ ခံနေရသူ၊ ပြစ်မှုထင်ရှား တွေ့ရှိထားသူနဲ့ အမှုအယူခံ ၀င်ထားဆဲရှိသူတွေ အနေနဲ့ ရွေးကောက်ပွဲမှာ ပါဝင်ယှဉ်ပြိုင်ခွင့် မရှိသလို မှတ်ပုံတင်မယ့် နိုင်ငံရေးပါတီတွေ အနေနဲ့လည်း အကျဉ်းကျ ခံနေရသူတွေကို နိုင်ငံရေး ပါတီဝင်တွေ အဖြစ်မှ ထုတ်ပယ်ရမှာ ဖြစ်ပါတယ်။
ဒီဥပဒေဟာ နေအိမ်အကျယ်ချုပ် ကျခံနေရတဲ့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို အထူးသဖြင့် ပစ်မှတ်ထားတယ်လို့ အများက ထောက်ပြခဲ့ကြပါတယ်။
အလားတူပဲ ဂျပန်အစိုးရ အနေနဲ့လည်း ဒီဥပဒေနဲ့ ပတ်သက်လို့ စိတ်ပျက်မိတယ်လို့ သံအမတ်ကြီးက ပြောပါတယ်။
“ဂျပန်အစိုးရရဲ့ သဘောထားကတော့ အခုလို ကြေညာချက်ကြောင့် သိပ်ကို စိတ်ပျက်ရပါတယ်။ ကျနော်တို့ အစိုးရ အနေနဲ့ မြန်မာစစ်အစိုးရ အဆင့်မြင့်ပိုင်းနဲ့ နီးနီးကပ်ကပ် စကားပြောဆိုခဲ့တာ ဖြစ်ပြီးတော့ လာမယ့် ရွေးကောက်ပွဲကြီးဟာ လွတ်လပ်ပြီး တရားမျှတရုံမက အုပ်စုအားလုံးတို့ ပါဝင်နိုင်လိမ့်မယ်လို့ မျှော်လင့်ထားတာ ဖြစ်ပါတယ်။
“ရွေးကောက်ပွဲမှာ ပါဝင်မယ်၊ မပါဝင်ဘူး ဆိုတာက နိုင်ငံသားတွေရဲ့ ရွေးချယ်ပိုင်ခွင့်ပါ။ ဒါပေမဲ့ အခု စည်းကမ်းသတ်မှတ်ချက်တွေ အရ ၀င်ပြီး ပါချင်တောင်မှ ပါခွင့် မရကြတော့ပါဘူး။ ဒါကြောင့် အုပ်စုအားလုံးတို့ ပါဝင်ခွင့်ရတယ်လို့ မဆိုနိုင်ပါဘူး။ ဂျပန်အစိုးရ အနေနဲ့ ဒါကို သိပ်စိတ်ပျက်ရပါတယ်။”
ရွေးကောက်ပွဲမှာ အုပ်စုအားလုံးတို့ ပါဝင်ခွင့်ရဖို့ မြန်မာစစ်အစိုးရကို ကုလသမဂ္ဂ အပါအ၀င် နိုင်ငံတကာရဲ့ တိုက်တွန်းချက် အနှစ်သာရနဲ့ ပတ်သက်လို့လည်း သံအမတ်ကြီးက အခုလို ရှင်းပြခဲ့ပါတယ်။
“အုပ်စုအားလုံးတို့ ပါဝင်ခွင့်ရတယ် ဆိုတာက ပါဝင်လိုသူတွေကို ရွေးကောက်ပွဲမှာ ပါဝင်ခွင့် ပေးရပါမယ်။ ဒေါ်အောင်ဆန်းစုကြည်ကိုပဲ ဖြစ်ဖြစ်၊ ဘယ် တခြား မြန်မာနိုင်ငံသားကိုပဲ ဖြစ်ဖြစ်၊ သူတို့ ၀င်ပြီး ရွေးချယ်ခံမယ်၊ ရွေးချယ်မခံဘူး ဆိုတာက သူတို့ရဲ့ ကိုယ်ပိုင်ဆုံးဖြတ်ခွင့် ဖြစ်သင့်ပါတယ်။ လွတ်လပ်မှုလည်း ရှိရပါမယ်။ ဒါပေမဲ့လည်း ဥပဒေနဲ့ ငြိစွန်းနေတယ်ဆိုတဲ့ သတ်မှတ်ချက်ကြောင့် သူတို့ ရွေးကောက်ပွဲကို ၀င်ချင်တောင်မှ ၀င်ခွင့် မရကြပါဘူး။ ဒါကြောင့် ဒီရွေးကောက်ပွဲမှာ အုပ်စုအားလုံးတို့ ပါဝင်ခွင့် ရကြတယ်လို့ မဆိုနိုင်ပါဘူး။ ဒါကြောင့် ဂျပန်အစိုးရ အနေနဲ့ သိပ်ကို စိတ်ပျက်ရပါတယ်။”
တချိန်တည်းမှာပဲ နိုင်ငံရေးပါတီတွေ မှတ်ပုံတင်ခြင်းဆိုင်ရာ ဥပဒေပါ မတရားတဲ့ အချက်အလက်တွေကို မြန်မာစစ်အစိုးရဘက်က ပြင်ဆင် ညှိနှိုင်းပေးဖို့ သံအမတ်ကြီး ယူကီအို တကဆုက ဂျပန်နိုင်ငံ အနေနဲ့ ဖိအားပေးဆဲ ရှိတယ်လို့ ပြောပါတယ်။
“NLD ရွေးကောက်ပွဲမှာ မပါဝင်ဖို့ ဆုံးဖြတ်ခဲ့ပါတယ်။ နိုင်ငံရေး ပါတီတွေ မှတ်ပုံတင်ဖို့ အချိန်ကာလ ရက်တွေ ကျန်နေပါသေးတယ်။ မေလဆန်းပိုင်း အထိပါ။ ဒါကြောင့် ဂျပန်အစိုးရဘက်က မြန်မာစစ်အစိုးရကို ဆက်ပြီး ဖိအားပေးနေဆဲ ဖြစ်ပါတယ်။ အုပ်စုအားလုံးတို့ ပါဝင်ခွင့် ရနိုင်မယ့် အခြေအနေ အာမခံချက်တွေ ရရှိအောင် လုပ်ဆောင်ပေးဖို့ တိုက်တွန်းနေဆဲပါ။ ပါတီတွေ မှတ်ပုံတင်ဖို့ ရက်တွေက ကျန်နေပါသေးတယ်။”
ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါ (Katsuya Okada) အနေနဲ့ မြန်မာစစ်အစိုးရ အဆင့်မြင့်ပိုင်းနဲ့ရော၊ ကုလသမဂ္ဂနဲ့ရော ဂျပန်နိုင်ငံရဲ့ သဘောထားကို ထုတ်ဖော် အသိပေးခဲ့ပြီး ဖြစ်တယ်လို့လည်း သံအမတ်ကြီးက ပြောပါတယ်။ ဒါ့အပြင် ဒေါ်အောင်ဆန်းစုကြည် အပါအ၀င် တခြား ပါဝင်ယှဉ်ပြိုင်လိုသူတွေကို မြန်မာစစ်အစိုးရက ရွေးကောက်ပွဲမှာ ပါဝင်ခွင့် မပြုဘူးဆိုရင် မြန်မာနိုင်ငံကို ပေးနေတဲ့ ငွေကြေး အထောက်အကူတွေကိုလည်း ထပ်မပေးတော့ဘူးလို့ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါက ဂျပန်နိုင်ငံဆိုင်ရာ မြန်မာသံအမတ်ကြီး ဦးလှမြင့်အပြင် သတင်းမီဒီယာတွေကိုလည်း ပြောပြခဲ့တာ ဖြစ်ပါတယ်။
လုံခြုံရေးကောင်စီ အနေနဲ့ကတော့ မတ်လတုန်းက မြန်မာနိုင်ငံရေး ပြဿနာကို အဖြေရှာဖို့ အလွတ်သဘော ဆွေးနွေးခဲ့သလို အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) ရဲ့ မြန်မာ့အရေး မိတ်ဆွေများ တံခါးပိတ် အစည်းအဝေးပွဲကိုလည်း ကျင်းပခဲ့တာ ဖြစ်ပါတယ်။ ဒါပေမဲ့ ဒီလ လုံခြုံရေးကောင်စီမှာတော့ မြန်မာ့အရေး ဆွေးနွေးဖို့ အစီအစဉ် မရှိသေးဘူးလို့ သံအမတ်ကြီး တကဆုက ပြောပါတယ်။
ထိုင်းသစ်ကုန်သည်ကြီးများ ငွေမချပေးသဖြင့် သစ်လုပ်ငန်းရှင်တချို့ အလုပ်ရပ်ဆိုင်းလိုက်ရပြီ
စောသိန်းမြင့် (ကေအိုင်စီ)
ထိုင်း-မြန်မာနယ်စပ် ဘုရားသုံးဆူမြို့နယ်တ၀ိုက်မှ သစ်လုပ်ငန်းရှင်တချို့သည် ထိုင်းသစ်ကုန်သည်ကြီးက ငွေမချပေးသဖြင့် သစ်ထုတ်လုပ်မှု ရပ်ဆိုင်းနေရသည်မှာ နှစ်လနီးပါးရှိနေပြီဖြစ်ကြောင်း သစ်လုပ်ငန်းရှင်များက ပြောသည်။
ဘုရားသုံးဆူမြို့ရှိ သစ်လုပ်ငန်းရှင်တဦးကလည်း “သူဌေးကြီးက ငွေမချပေးတာ တလ နှစ်လနီးပါးလောက် ရှိပြီ။ အခုဆိုရင် သစ် လုပ်ငန်းရှင်ကြီး တယောက်နှစ်ယောက်လောက်ပဲ ကျန်မယ်။ လုပ်ငန်းရှင်အငယ်တွေဆို တစ်ကားနှစ်ကောင်းရောင်းပြီး လုပ်ငန်းရပ် လိုက်ပြီ။ ဒီကေဘီအေနဲ့ ကေပီအက်ဖ်အဖွဲ့လည်း သူတို့ဖာသာ သူတို့ ထလုပ်ကြတယ်။ ကေအဲန်ယူရဲ့ မိသားဝင်အချို့လည်း ကား နဲ့ လေး၊ ငါး၊ ဆယ်စီးစာ ရောင်းလို့ ဆီဖိုး၊ ဆားဖို့ရရင် သူတို့ နားလိုက်တယ်။ အဲလိုပဲ လုပ်နေကြတယ်”ဟု ပြောသည်။၎င်းအပြင် ထိုဒေသရှိ သစ်တောကြိုးဝိုင်းထဲကို ကြာအင်းဆိပ်ကြီးမြို့ရှိ မြန်မာသစ်ကုန်သည်ကြီးများက ၎င်းတို့အစီအစဉ်ဖြင့် သွား ရောက်လုပ်ကိုင်နေကြသော်လည်း အခုချိန်တွင် အလုပ်ရပ်ဆိုင်းလိုက်ရပြီဟု အဆိုပါ သစ်လုပ်ငန်းရှင်က ပြောသည်။
အလားတူ အမည်မဖော်လိုသူ တခြားသစ်လုပ်ငန်းရှင်တဦးကလည်း “ထိုင်းသူဌေးကြီးတွေက ငွေမချပေးတဲ့အခါကျတော့ သူ့အ ဆက်နဲ့ သူ့အဆက်နဲ့ ဘုရားသုံးဆူမှာရှိတဲ့ ပရိဘောဂဆိုင်တွေထဲမှာ နည်းနည်းပါးပါး လိုက်လည်နေရတာပေါ့”ဟု ကေအိုင်စီကို ပြောသည်။
ဘုရားသုံးဆူမြို့၌ သစ်လာဝယ်သော (စီယာဟုတ်) ထိုင်းသစ်ကုမ္ပဏီကြီးသည် လွန်ခဲ့သည့် ၂လခန့်က ထိုင်းနယ်စပ် မဲဆောက်မြို့ တွင် ဒီကေဘီအေ၏ အကျိုးတူစီးပွားဖက်တို့နှင့် သစ်လုပ်ငန်း တွဲလုပ်ရာမှ ငွေမြောက်များစွာ ရှုံးနိမ့်သောကြောင့် ငွေမချပေးနိုင် ခြင်းဖြစ်ကြောင်း ဘုရားသုံးဆူမှ သစ်လုပ်ငန်းရှင်ကြီးများက ပြောသည်။
ဘုရားသုံးဆူနယ်မြေတွင် ပိတောက်နှင့် ပျဉ်းကတိုးသစ်များကို သစ်လုပ်ငန်းရှင်တို့က အဓိက ထုတ်လုပ်ရောင်းဝယ်လျှက်ရှိပြီး ယခင်က သစ်မာတစ်တန်လျှင် ထိုင်းဘတ် တစ်သောင်းကျော်ရှိခဲ့သော်လည်း လက်ရှိအချိန်တွင် ထိုင်းဘတ် (၉)ထောင်ခန့်သာ ရှိသည်ဟု သစ်လုပ်ငန်းရှင်များက ပြောသည်။
လွန်ခဲ့သည့် ၂၀၀၉ခုနှစ် ဒီဇင်ဘာလတွင် ဘုရားသုံးဆူမြို့နယ်ခွဲ မဲ့ကသာဂွင်၌ သစ်ထုတ်လုပ်နေသော သစ်လုပ်ငန်းရှင်များသည် နယ်စပ်ရှိ လက်နက်ကိုင်အဖွဲ့အချို့၏ အခွန်တိုးတောင်းလာမှုတို့ကြောင့် အမြတ်အစွန်းမရှိဘဲ ဖြစ်ခဲ့သည်။
ဘုရားသုံးဆူဂွင်တွင် လွန်ခဲ့သည့် နှစ်အတော်များများကပင် သစ်လုပ်ငန်းနှင့် ရာဘာလုပ်ငန်းကို အဓိက စီးပွားရေးလုပ်ငန်းအဖြစ် ဒေသခံများနှင့် အခြားဒေသမှ ကုမ္ပဏီအချို့က လုပ်ကိုင်ခဲ့ခြင်းဖြစ်သည်။
တောင်းဆိုချက်အသစ်ဖြင့် ဗိုလ်ချုပ်ရဲမြင့်ထံ ၀ ခေါင်းဆောင်ထပ်မံစာရေး
(သျှမ်းသံတော်ဆင့် သတင်းမှ)
၂၀၀၉ နိုဝင်ဘာ ၁၀ ရက် နေ့ရက်စွဲဖြင့် နအဖထံတောင်းဆိုထားသည့် အချက် ၉ ချက်အားပယ်ဖျက်ပြီးနယ်ခြားစောင့် တပ်အသွင်ရေးဆိုင်ရာ အဓိကအကြောင်းအရာ ၈ ချက်ပါ တောင်းဆိုချက်အသစ်ဖြင့် မတ်ခ်ျ ၃၁ ရက်နေ့ က ၀ ခေါင်းဆောင် ပေါက်ယူချမ်းမှ ထပ်မံ စာရေးတောင်းဆိုခဲ့သည်ဟု စုံစမ်းသိရှိရပါသည်။
“အခုအသစ်ထပ်မံတောင်းဆိုတာက ထူးခြားတယ်၊ ၀ ဘက်ကတော်တော့်ကိုလိုက်လျှောထားတာတွေ့ရတယ်။ နယ်ခြား စောင့်တပ်ရင်းမှူးနေရာမှာ နအဖ အရာရှိပါဝင်ဖို့ဆိုတဲ့အချက် သဘောတူထားတာတွေ့ရတယ်” - ဟု အမည်မဖေါ်လို သည့် သုံးသပ်သူတဦးကပြော၏။
ဧပြီ ၁ ရက်နေ့ ၀ ပြည်သွေးစည်းရေးပါတီ UWSP ဒု-ဥက္ကဌ ကျောက်ဝမ်ကွမ်း ဦးဆောင်သည့် ၀ အဆင့်မြင့် ကိုယ်စားလှယ် အဖွဲ့က စရဖ အရာရှိချုပ် ဒုဗိုလ်ချုပ်ကြီးရဲမြင့်နှင့် တန့်ယန်း၌ တွေ့ဆုံခဲ့ကြစဉ် ၀ ခေါင်းဆောင် ပေါက်ယူချမ်း၏ အိပ်ဖွင့်ပေးစာကိုလည်း ဗိုလ်ချုပ်ရဲမြင့်ထံ ပေးလိုက်သည်ဟု ဆို၏။
“အဲဒီပေးစာအပေါ် တစုံတရာပြောဆိုတာမရှိဘူး၊ ဗိုလ်ရဲမြင့်က ၀ တွေကို ဒီလ ၂၂ ရက်နေ့ နောက်ဆုံး အသွင်ပြောင်းမယ့် တပ်ရင်းတပ်ဖွဲ့ စာရင်းပေးပို့ရမယ်၊ နို့မို့ဆို ၂၈ ရက်နေ့ရောက်ရင် မတရားအသင်းဖြစ်သွားမယ် ဆိုတဲ့ဟာတော့ပြော သွားတယ်” ဟု ခိုင်လုံသည့် သတင်းက သျှမ်းသံတော်ဆင့်သို့ ပြောပြသည်။
ဝ ပြည်သွေးစည်းရေးပါတီ UWSP ဥက္ကဌ ပေါက်ယူချမ်း၏ ပေးစာပါ အဓိက အကြောင်းအရာများမှာ -
၁။ မိုင်းပေါက်ဒေသအား လက်ရှိဝဒေသ ပိုင်နယ်မြေအတိုင်း ဆက်လက်ထားရှိရန်။
၂။ နယ်ခြားစောင့်တပ်အသွင်ပြောင်းရာတွင် သက်ကြီးပိုင်းအရာရှိများ အသက် ၆၀ အထိ တာဝန် ထမ်းဆောင်ခွင့်ပေးရန်၊ မြောက်ပိုင်း ၀ နယ်ရှိ နယ်ခြားစောင့်တပ်ရင်း ၁၀ ရင်းအား ရမခ လက်အောက်ခံ အဖြစ်ထားရှိပြီး၊ တပ်ရင်းမှူးရာထူးအား နအဖ အရာရှိက တာဝန်ယူရန်။
၃။ နယ်ခြားစောင့်တပ်ရင်းအတွက် (မြောက်ပိုင်း ၀ တပ်ဖွဲ့) စစ်သင်တန်းအား ပန်ဆန်း၊ မိုင်းပေါက် နှင့် မိုင်မော (မိုင်းမိုင်) တွင်ထားရှိရန်။
၎။ ၀ နယ် ပြည်သူ့ရဲတပ်ဖွဲ့၊ အုပ်ချုပ်ရေးယန္တရားဆိုင်ရာများ လက်ရှိအတိုင်းထားရှိပြီး၊ ပင်စင်စား ပုဂ္ဂိုလ်များအတွက်၊ သျှမ်းပြည်တပ်မတော်နှင့် တိုက်ပွဲဖြစ်ပွားစဉ် ကျဆုံးသွားသည့် ၀ ရဲဘော်များ၏ ကလေးများ (မိဘမဲ့ကလေးများတာဝန်) အတွက် နအဖ မှ တာဝန်ယူဖြေရှင်းရန်။
၅။ ၀ ပြည်သူများအတွက် နိုင်ငံသားစိစစ်ရေးကဒ်ပြား/အမျိုးသားမှတ်ပုံတင်ထုတ်ပေးရန်။ ၀ ပိုင်ကား များအားလုံး လိုင်စင်ထုတ်ပေးရန်။
၆။ တောင်ပိုင်း ၀ တပ်ဖွဲ့အတွက်လည်း တြိဂံတိုင်းစစ်ဒေသ လက်အောက်ခံ နယ်ခြားစောင့်တပ်ရင်း ၁၀ ရင်းထားရှိပြီး၊ ဆိုင်ရာ စစ်သင်တန်းကို တောင်ပိုင်း ၀ ဌာနချုပ် ဟွေ့အော့ နှင့် ၀မ့်ဟုန့် တွင်ထားရှိရန်။
၇။ တောင်ပိုင်းရှိ ၀ ပြည်သူတို့သည် စိုက်ပျိုးရေးလုပ်ငန်း၊ မွေးမြူရေးလုပ်ငန်း အမြောက်အများ ရင်းနှီး မြှုပ်နှံ ထားသောကြောင့် မြောက်ပိုင်း ၀ နယ်သို့ ရွှေ့ပြောင်းခြင်းမရှိဘဲ၊ မြေပိုင်ဆိုင်ခွင့် (မြေဂရန်) ထုတ်ပေးပြီး နေထိုင်ခွင့်ပြုရန်။
၈။ ၀ ပိုင်စီးပွားရေးလုပ်ငန်းများ၊ ဖက်စပ်လုပ်ငန်း လုပ်ကိုင်နေသည့် နိုင်ငံခြားသားများအားလုံး နဂိုအတိုင်းထားရှိရန် - စသဖြင့် ပါရှိသည်ဟု သိရသည်။
ဧပြီ ၁ ရက်က ၀ အဆင့်မြင့်ကိုယ်စားလှယ်များအားလည်းကောင်း၊ မတ် ၂၈ ရက်က မိုင်းလားတပ်ဖွဲ့အား လည်းကောင်း၊ ဧပြီ ၂ ရက်နေ့က အပစ်ရပ် သျှမ်းပြည်တပ်မတော်တို့အားလည်းကောင်း - “နယ်ခြားစောင့် တပ်အသွင်ပြောင်းရေး အတွက် ယခုလ ၂၂ ရက် နောက်ဆုံးထားစာရင်းပေးပို့ရန်၊ မပေးပို့ပါက ၂၈ ရက် နေ့ နောက်ပိုင်း မတရားအသင်း ဖြစ်သွားမည်”- ဟု ဒုတိယ ဗိုလ်ချုပ်ကြီးရဲမြင့်က အပစ်ရပ်တပ်ဖွဲ့ အသီးသီးနှင့် တွေ့ဆုံစဉ်ပြောကြားခဲ့သည်။
နိုဝင်ဘာလ ၀ တပ်ဖွဲ့၏ တောင်းဆိုချက် ၉ ချက်ကို နအဖ က အကြွင်းမဲ့ပယ်ချပြီးနောက်ပြီး ၀ ခေါင်းဆောင် ပေါက်ယူချမ်း နှင့် ထပ်မံတွေ့ဆုံသော်လည်း ဆွေးနွေးမှုသဘောတူညီချက်မရဘဲ နှစ်ဘက်စစ်ရေးအပြိုင်တိုးချဲ့ ချထားခဲ့သည်။
ထို့အပြင် ၀ နယ်ရှိ နအဖ၏ နတလ ၀န်ထမ်းများ၊ NGO ၀န်ထမ်းများ ၀ နယ်မှ ထွက်ခွာကြရန် နအဖ အာဏာပိုင်တို့ ညွှန်ကြားခဲ့သည့်အထိ တင်းမာခဲ့သည်။ ထို့အတူ မတ်လ ၂၇ တပ်မတော်နေ့က ယနေ့တိုင် တာချီလိတ် အထွက်မှ တောင်ပိုင်း ၀ နယ်အထိ တာချီလိတ်အခြေစိုက် နအဖ စစ်ဗျူဟာမှူး ကိုယ်တိုင် ကွင်းဆင်း စစ်ဆေးပြီး စစ်အင်အားပိုမို တိုးချဲ့ ချထားသည်ဟု တောင်ပိုင်း ၀ တပ်ဖွဲ့ကလည်း ပြောပါသည်။
၂၀၁၀ ရွေးကောက်ပွဲကို တိုက်ဖျက်ရန် လူထုတိုက်ပွဲကော်မတီ ဖွဲ့စည်း
ရဲရင့် (ခေတ်ပြိုင် မှ)
နအဖစစ်အစိုးရ၏ ၂၀၀၈ ဖွဲ့စည်းပုံအခြေခံဥပဒေနှင့် ၂၀၁၀ ရွေးကောက်ပွဲကို တိုက်ဖျက်ရန် လူထုတိုက်ပွဲအပါအ၀င် တိုက်ပွဲနည်းလမ်းပေါင်းစုံဖြင့် လှုပ်ရှားနေပြီဖြစ်သောကြောင့် လူထုတရပ်လုံး ပါဝင်ဆန့်ကျင်ကြရန် နယ်စပ်တွင် ဖွဲ့စည်းလိုက်သည့် လူထုတိုက်ပွဲကော်မတီ-၂၀၁၀ က ယနေ့ပြောကြားသည်။
အဆိုပါအဖွဲ့၏ တာဝန်ရှိသူတဦးဖြစ်သည့် ၈၈ ကျောင်းသားခေါင်းဆောင်ဟောင်းတဦးဖြစ်သူ ကိုမိုးသီးဇွန်က “ဒီမှာရှိတဲ့ ဒီမိုကရေစီအင်အားစုတွေ စုစည်းပြီးတော့ လှုပ်ရှားမှုတွေ လုပ်မှာဖြစ်တယ်။ ပြည်တွင်းထဲမှာ လူထုအစိုးရတရပ် ပေါ်ပေါက်အောင် ကျနော်တို့ ၀ိုင်းဝန်းကြိုးပမ်းပေးမယ်၊ လူထုတိုက်ပွဲတွေ ဖော်ထုတ်ပေးဖို့လည်း ဒီအဖွဲ့ကို ဖွဲ့တာဖြစ်တယ်။ အဓိက လုပ်ငန်းစဉ်တွေကတော့ နိုင်ငံရေးအရ တပြည်လုံးမှာ ကျောင်းသားတွေ၊ အလုပ်သမားတွေ၊ သံဃာတော်တွေ၊ အကုန်လုံးကို ဖြန့်ကြက်စည်းရုံးပြီး လုပ်ဆောင်နေပါတယ်” ဟု ပြောသည်။
ယခုလှုပ်ရှားမှုကော်မတီသည် အခြားအဖွဲ့အစည်းများ၏ လှုပ်ရှားမှုများနှင့် ပုံစံတူမည်မဟုတ်ဘဲ ပြည်တွင်းလူထု လှုပ်ရှားမှုကြီးကိုသာ အဓိကထား၍ လုပ်ရှားသွားမည်ဟုလည်း ကိုမိုးသီးဇွန်က ပြောသည်။
၎င်းက “အဓိက လူထုလုပ်ရှားမှုကြီးကိုပဲ အာရုံစိုက်ပြီး လုပ်ဆောင်သွားမယ်။ ပြည်တွင်းမှာ ဆက်သွယ်ရေးလမ်းကြောင်းတွေ ပြန်ဖွင့်မယ်။ ရက် (၆၀) အတွင်းမှာ လူထုလှုပ်ရှားမှုတွေ စတင်လုပ်ဆောင်ဖို့ စီစဉ်ထားတယ်။ အတွင်းမှာရှိတဲ့ အင်အားစုတွေက အခုဆိုရင် ရွေးကောက်ပွဲကို လက်မခံတဲ့စာတွေ ထုတ်တယ်။ ဓာတ်ပုံ ပိုစတာ ဝေတာတွေကို ဆက်တိုက်လုပ်နေတယ်။ တအိမ်တက်ဆင်း ဒီရွေးကောက်ပွဲကို သပိတ်မှောက်ဖို့ဆိုတဲ့ လှုပ်ရှားမှုတွေ စလုပ်နေပြီဖြစ်တယ်” ဟု ခေတ်ပြိုင်သို့ ပြောသည်။
လက်ရှိ နိုင်ငံရေးအခြေအနေ လိုအပ်ချက်အရ ယခုကော်မတီကို ဖွဲ့စည်းရခြင်းဖြစ်သည်ဟု လူထုတိုက်ပွဲကော်မတီ-၂၀၁၀ ၏ အဖွဲ့ဝင်တဦးဖြစ်သည့် နိုင်ငံရေးအကျဉ်းသားဟောင်း ကိုယဉ်ထွေးက ပြောသည်။
၎င်းက “ပါတီတွေမှတ်ပုံတင်ရမယ့် သတ်မှတ်ရက်မတိုင်ခင်မှာ နအဖကို အမြန်ဆုံးပြန်လည်တွန်းလှန်ဖို့နဲ့ လူထုနဲ့အတူ ၂၀၁၀ ရွေးကောက်ပွဲကို ဆန့်ကျင်ကန့်ကွက် တိုက်ပွဲဝင်သွားမယ့် လှုပ်ရှားမှုတွေကို အကောင်အထည်ဖော်နေပါတယ်” ဟု ပြောသည်။
လူထုတိုက်ပွဲကော်မတီ-၂၀၁၀ ဖွဲ့စည်းခြင်းနှင့်ပတ်သက်၍ နယ်စပ်ဒေသအခြေစိုက် မြန်မာ့ဒီမိုကရေစီအရေး ဆောင်ရွက်နေသည့် ၀ါရင့်အဖွဲ့အစည်းများ၏ အမြင်သဘောထားများကို မေးမြန်းရာတွင် ယခုကိစ္စနှင့်ပတ်သက်၍ တစုံတရာ မှတ်ချက်မပေးလိုကြောင်း ခေတ်ပြိုင်သို့ ပြောကြားသည်။
အဆိုပါကော်မတီကို ပြီးခဲ့သည့်စနေနေ့၌ ထိုင်း-မြန်မာနယ်စပ်တွင် ၂၀၁၀ ရွေးကောက်ပွဲကို တိုက်ဖျက်ရန် လူထုလှုပ်ရှားမှုတိုက်ပွဲ ဖော်ဆောင်ရေးနှင့် ပြည်သူ့အစိုးရတရပ် ပေါ်ပေါက်နိုင်ရေးအတွက် ရည်ရွယ်၍ လုပ်ငန်းကော်မတီ (၂၁) ဦး၊ အဖွဲ့ဝင် (၄၂) ဦးတို့ဖြင့် ဖွဲ့စည်းခဲ့သည်။
လူထုတိုက်ပွဲ ၂၀၁၀ ကော်မတီအဖွဲ့တွင် သံဃာ့ခေါင်းဆောင်များ၊ ကျောင်းသားခေါင်းဆောင်ဟောင်းများ အစရှိသည့် ပြည်တွင်းပြည်ပ ဒီမိုကရေစီလှုပ်ရှားသူများနှင့် တိုင်းရင်းသားများပါရှိသည်ဟု ကော်မတီ၏ ယနေ့ထုတ်ပြန်သည့် ကြေညာချက်တွင် ဖော်ပြထားသည်။
ဗိုလ်ချုပ်ကြီး သိန်းစိန် ပါတီ ခေါင်းဆောင် လုပ်မည်ဟုဆို
သောက်ရူးကြီးက ဘာတွေထပ်ပြီးလုပ်ဦးမလဲ။ အရူးထပြီးရင်းထ..တိုင်းသူပြည်သားတွေကတော့ ဒီအရူးအုပ်စုကြားထဲမှာ ဘဝပျက်ပြီး အဖတ်ဆယ်လို့မရတော့ဘူး။ အောက်ကသတင်းကိုဆက်လက်ဖတ်ရှု့ကြပါတော့ဗျာ။
(ဧရာဝတီ သတင်းမှ)
ဝန်ကြီးချုပ် ဗိုလ်ချုပ်ကြီး သိန်းစိန်သည် ရာထူးမှ နုတ်ထွက်ပြီး ပြည်ထောင်စု ကြံ့ခိုင်ရေးနှင့် ဖွံဖြိုးရေး အသင်း (ကြံ့ဖွံ့) က တည်ထောင်မည့် ပါတီကို ခေါင်းဆောင် ရမည်ဟု စစ်အစိုးရ အသိုင်းအ၀န်း ကြားတွင် ပြောဆိုနေကြကြောင်း သိရသည်။
ဗိုလ်ချုပ်ကြီး သိန်းစိန်က လက်ရှိ နေထိုင် နေသည့် အိမ်နှင့် တခြားသော ပိုင်ဆိုင် မှုများကို အစိုးရထံတွင် ပြန်လည် အပ်နှံကြောင်း၊ ပါတီ ခေါင်းဆောင် အဖြစ် ပြောင်းလဲ သွားမည့် သူများထဲတွင် ဗိုလ်ချုပ်ကြီး သူရရွှေမန်း၊ လယ်ယာ စိုက်ပျိုးရေးနှင့် ဆည်မြောင်း ၀န်ကြီး ဗိုလ်ချုပ် ဌေးဦးတို့လည်း ပါဝင်မည်ဟု အစိုးရနှင့် နီးစပ်သူများထံမှ သိရသည်။
ရွေးကောက်ပွဲပြီးလျှင် ထိပ်တန်း စစ်ခေါင်းဆောင်များ ဖြစ်သည့် ဗိုလ်ချုပ်ကြီး မြင့်ဆွေ၊ အလယ်ပိုင်းတိုင်း တိုင်းမှူး ဗိုလ်ချုပ်တင်ငွေ တို့သည် တပ်မတော်တွင် ဆက်လက် တာဝန် ယူမည်ဖြစ်ကြောင်း၊ ၎င်းတို့ ၂ ဦးသည် ဗိုလ်ချုပ်မှူးကြီး သန်းရွှေ ၏ ယုံကြည် အားထားမှုကို ရရှိထားသူများ ဖြစ်ကြောင်း နေပြည်တော်မှ လာသော သတင်းများအရ သိရသည်။
ယခုနှစ်တွင် ပြုလုပ်မည်ဟု အကြိမ်ကြိမ် ကြေညာထားသည့် ရွေးကောက်ပွဲတွင် ပါတီ ခေါင်းဆောင်များအဖြစ် အသွင်ပြောင်းမည်ဟု ဆိုသည့် ဗိုလ်ချုပ်ကြီး ၃ ဦး မည်သို့ ပါဝင်မည်ကို အတိအကျ မသိရသေးပေ။ ကြံ့ဖွံ့အသင်းက ဖွဲ့စည်းမည့် ပါတီကို ကိုယ်စားပြုပြီး ရွေးကောက်ပွဲ ၀င်ရောက်နိုင် သကဲ့သို့ ရွေးကောက်ပွဲ မ၀င်လျှင်လည်း လွှတ်တော်တွင် စစ်အရာရှိများ အတွက် သတ်မှတ်ထားသည့် ၂၅ ရာခိုင်နှုန်းသော ကိုယ်စားလှယ်များ နေရာတွင် ထိုဗိုလ်ချုပ်ကြီးများ ပါဝင်နိုင်ကြောင်း သိရသည်။
ဗိုလ်ချုပ်ဌေးဦးသည် ကြံ့ဖွံ့အဖွဲ့ကြီးတွင် အထွေထွေ အတွင်းရေးမှူး ဖြစ်သည်။ ကြံ့ဖွံ့ အဖွဲ့ကြီးကို နိုင်ငံရေးပါတီ အဖြစ် ပြောင်းလဲမည်ဟု ၂၀၀၅ ခုနှစ် နိုဝင်ဘာလတွင် ဗိုလ်ချုပ်ဌေးဦးက ပြောကြားခဲ့သေးသည်။
ကြံ့ဖွံ့ အသင်းသည် ဗိုလ်ချုပ်မှူးကြီး သန်းရွှေ ကာကွယ်ရေးဦးစီးချုပ် ဖြစ်လာပြီး နောက်တနှစ် ၁၉၉၃ ခုနှစ်တွင် ပေါ်ပေါက်လာခြင်း ဖြစ်သည်။ တရားဝင် ထုတ်ပြန်ချက်များအရ အသင်းဝင် ၂၄ သန်း ရှိသည်ဟု ဆိုသည်။ စစ်ခေါင်းဆောင်များသည် အသင်းကြီး၏ နာယက အဖွဲ့ဝင်များ ဖြစ်ကြသည်။
အသင်းကို လူမှုရေး လုပ်ငန်းများအတွက် တည်ထောင်ခဲ့ခြင်း ဖြစ်သည်ဟု အစိုးရက ကြေညာခဲ့သော်လည်း ဒီမိုကရေစီ အင်အားစုများကို တိုက်ခိုက်ရာတွင် ကြံ့ဖွံ့အသင်းက တက်တက်ကြွကြွ ပါဝင်ကြောင်း သတင်းများ ထွက်ပေါ်ခဲ့ဖူးသည်။ ဤအတောအတွင်း အသင်း၏ လူမှုရေး လုပ်ငန်း ဆောင်ရွက်မှု သတင်းများကို စစ်အစိုးရ၏ မီဒီယာများတွင် ဦးစားပေး ဖော်ပြလျက်ရှိရာ ရွေးကောက်ပွဲအတွက် မဲဆွယ်မှု လုပ်ငန်းများအဖြစ် အများက ရှုမြင်ခဲ့ကြသည်။
အနီရောင်စာသားသည် Blogger ၏ပေါက်ကွဲမှုဖြစ်သည်။
အမျိုးသားဒီမိုကရေစီ အဖွဲ့ချုပ် ပြည်သူကို တောင်းပန်
06 April 2010 (VOA သတင်းမှ)
အမျိုးသားဒီမိုကရေစီ အဖွဲ့ချုပ် (NLD) က မူလရည်မှန်းချက်တွေ အတိုင်း ဒီမိုကရေစီရေးနဲ့ လူ့အခွင့်အရေးအတွက် ကြိုးပမ်းခဲ့ပေမဲ့ အာဏာပိုင်တွေဘက်က တုံ့ပြန်မှု မရှိတဲ့အတွက် အောင်မြင်မှု မရရှိခဲ့တာကို ဒီနေ့ ပြည်သူထံကို ပန်ကြားချက်တစောင် ထုတ်ပြန်ပြီး တောင်းပန်လိုက်ပါတယ်။ ဒါ့အပြင် ဘယ်လို အခြေအနေမျိုးကိုပဲ ရောက်ရောက် ဒီမိုကရေစီရေးအတွက် ဆက်လက် ကြိုးပမ်းသွားမယ်လို့လည်း ပြည်သူကို အသိပေးလိုက်ပါတယ်။ အဖွဲ့ချုပ်ရဲ့ ပြောခွင့်ရပုဂ္ဂိုလ် ဦးဉာဏ်ဝင်းကို ဒေါ်ခင်မျိုးသက်က ဆက်သွယ် မေးမြန်းတဲ့အခါ အချက် ၇ ချက် ပါဝင်တဲ့ ပန်ကြားချက်ရဲ့ အနှစ်ချုပ်ကို အခုလို စရှင်းပြပါတယ်။
“အမျိုးသားဒီမိုကရေစီ အဖွဲ့ချုပ်ဟာ စတင် ဖွဲ့စည်းစဉ်ကတည်းက ဒီမိုကရေစီရေး၊ လူ့အခွင့်အရေးနဲ့ အာဏာရှင် မဟုတ်သော အစိုးရများ တက်ရောက်ရေးအတွက် တစိုက်မတ်မတ် ကြိုးပမ်းလာတယ်။ အဲဒီလို ကြိုးပမ်းလာတာမှာ ပါတီခေါင်းဆောင်တွေ၊ ပါတီအဖွဲ့ဝင်တွေဟာ ထိခိုက်နစ်နာမှု အမျိုးမျိုးကို ခံစားရတယ်။ ဒေါ်အောင်ဆန်းစုကြည် ကိုယ်တိုင်လည်း ဒီပဲယင်းမှာ အသက်ဘေးက သီသီလေး လွတ်လာတယ်။
“ဒါပေမဲ့ ဘယ်လိုပဲဖြစ်ဖြစ် အဖွဲ့ချုပ် အနေနဲ့က အမျိုးသား ရင်ကြားစေ့ရေးကို အမြဲတမ်း တောင်းဆိုခဲ့တယ်။ နောက်ဆုံး ဒေါ်အောင်ဆန်းစုကြည် ကိုယ်တိုင် ဗိုလ်ချုပ်မှူးကြီးဆီ ရေးတဲ့ စာမှာလည်း စီးပွားရေး ပိတ်ဆို့မှုတွေနဲ့ ပတ်သက်ပြီး တိုက်ရိုက် တွေ့ဆုံ ပြောကြားလိုတယ်လို့လည်း ပြောတယ်။
“ဒီလို နှစ်ပေါင်းများစွာ တစိုက်မတ်မတ် ကြိုးစားခဲ့သော်လည်း တဘက်က တုံ့ပြန်မှု မရတဲ့အတွက် မအောင်မမြင် ဖြစ်ခဲ့ရတာကိုလည်း ပြည်သူလူထုကို တောင်းပန်တယ်။ အဲဒီလို တောင်းပန်ရင်းနဲ့ ဘယ်လိုပဲဖြစ်ဖြစ် ဒီလမ်းစဉ်အတိုင်း အကြမ်းမဖက်တဲ့နည်းနဲ့ အမျိုးသား ရင်ကြားစေ့ရေးကို ဆက်လက် ကြိုးပမ်းသွားပါမယ်လို့ ပြည်သူလူထုကို အမှာစကား ပြောကြားလိုက်တာ ဖြစ်ပါတယ်။”
အဲဒီလိုမျိုး ကြိုးပမ်းတဲ့အခါမှာ ဘယ်လိုပုံစံနဲ့ ကြိုးပမ်းသွားမှာလဲ။ ဥပမာ အန်ကယ်တို့ကလည်း မှတ်ပုံမတင်တဲ့အခါမှာ ရက်ပေါင်း ၆၀ ပြည့်တဲ့အခါ သူတို့က ပါတီကို အသိအမှတ် မပြုဘူး၊ ဖျက်သိမ်းမယ်ဆိုရင် အန်ကယ်တို့အနေနဲ့ အဖွဲ့အစည်းတခု အနေနဲ့ မရှိဘဲနဲ့ ဘယ်လိုရပ်တည်သွားမယ်၊ ဘယ်လို ရှေ့ဆက်ပြီး လုပ်ကိုင်သွားမယ်လို့ ဆုံးဖြတ်ထားလဲ။
“နိုင်ငံရေးလုပ်တဲ့ လုပ်နည်းလုပ်ဟန် မျိုးစုံကို လုပ်မှာပဲ။ ကျနော်တို့ ပါတီအဖွဲ့အစည်း မရှိတဲ့အတွက် ဘယ်ပုံစံပဲလို့ ထုတ်ပြောလို့ မဖြစ်သလို ကျနော်တို့လုပ်မယ့် အလုပ်မှန်သမျှကလည်း ဥပဒေဘောင်အတွင်းက တရားဥပဒေနဲ့ ညီညွတ်တဲ့ နည်းလမ်းနဲ့ လုပ်နည်းလုပ်ဟန် မျိုးစုံနဲ့လုပ်မယ်။ ပါတီမရှိတဲ့အတွက် မူဝါဒတို့ ဘာတို့ ညာတို့ ဒီလိုပြောခွင့်မရှိတော့ ကျနော်တို့လည်း မပြောဘူး။ ဒါပေမဲ့ နိုင်ငံရေးကိုတော့၊ ဒီမိုကရေစီနဲ့ လူ့အခွင့်အရေးကိုတော့ တစိုက်မတ်မတ် ဆက်လက် ဆောင်ရွက်မယ်လို့ ဒီလိုပြောတာပါ။”
ပထမတော့ ကြားတာ နိုင်ငံရေး လုပ်ခွင့်မရတဲ့အတွက် မလုပ်ဘဲနဲ့ လူထုအတွက်ပဲ အဓိကထားပြီး NGO ပုံစံမျိုးနဲ့ ကူညီမှုတွေ လုပ်သွားမယ်လို့ သိနေလို့ပါ။ ဆိုတော့ အဲဒီလိုမျိုး လုပ်လို့ရှိရင်ရော နယ်တွေမှာရှိတဲ့ NLD အဖွဲ့ဝင်ဟောင်းတွေနဲ့ ဘယ်လိုဆက်သွယ်ပြီး ဆောင်ရွက်ဖို့ စီစဉ်ထားပါသလဲ။
“ကျနော်တို့ အရင်တုန်းက ဆက်သွယ်ပုံက Vertical Communication လို့ ပြောရင်ရမယ်။ အထက်အောက်ပေါ့။ အပေါ်မှာ ဥက္ကဋ္ဌ၊ ဗဟိုအလုပ်အမှုဆောင် အဖွဲ့၊ နောက် CC၊ အောက်ကို ဆင်းသွားတာပါ။ အခု ဆက်ဆံရေး Communication ကတော့ တိုက်ရိုက်ဆက်သွယ်ရေး၊ Horizontal ဆက်သွယ်ရေး၊ ဒီလိုသဘောမျိုး ဖြစ်ပါမယ်။
“ခုနပြောတဲ့ လူမှုအဖွဲ့အစည်း NGO နဲ့ လုပ်မယ်ဆိုတာက CEC ရဲ့ ဆုံးဖြတ်ချက်တော့ မဟုတ်ပါဘူး။ တဦးချင်းက အကောင်းဆုံးကို တွေးပြီးတော့ ပြောတာမျိုးပါ။ ကျနော်တို့ မဟုတ်ဘူးလည်း မပြောဘူး၊ ဟုတ်တယ်လို့လည်း မပြောနိုင်ပါဘူး။ လောလောဆယ်မှာတော့ ကျနော်ပြောနိုင်တာက လူမှုရေး ဆိုတာလည်း နိုင်ငံရေးပါပဲလို့တော့ ပြောချင်ပါတယ်။”
လွတ်လပ် မျှတတဲ့ ရွေးကောက်ပွဲဖြစ်ရေး ဗီယက်နမ် တိုက်တွန်း
(VOA သတင်း)
နှစ်ပေါင်း ၂၀ အတွင်း မြန်မာနိုင်ငံမှာ ပထမဆုံး ပြုလုပ်မယ့် ရွေးကောက်ပွဲကို လွတ်လပ်မျှတအောင် အသေအချာလုပ်ဖို့ ဗီယက်နမ် ဝန်ကြီးချုပ်က မြန်မာကို တိုက်တွန်းလိုက်ပါတယ်။
မြန်မာနိုင်ငံကို ၃ ရက်ကြာ သွားခဲ့တဲ့ ဗီယက်နမ် ဝန်ကြီးချုပ် ငုယင် တန်ဇွန်း (Nguyan Tan Dung) က မြန်မာစစ်အစိုးရကို အခုလို ပြောခဲ့တာ ဖြစ်ပါတယ်။
သူ့ရဲ့ မြန်မာနိုင်ငံ ခရီးစဉ် နောက်ဆုံးရက်ဖြစ်တဲ့ တနင်္ဂနွေနေ့မှာ ၂ နိုင်ငံ ပူးတွဲကြေညာချက် ထုတ်ပြန်တာမှာ ၂၀၁၀ ရွေးကောက်ပွဲကို လွတ်လပ် မျှတစေရေး ပိုမိုအားထုတ် လုပ်ဆောင်သွားဖို့ မစ္စတာ ငုယင်က အားပေးခဲ့တယ်လို့ ဖော်ပြထားပါတယ်။
ဒီမိုကရေစီစနစ် ပြန်လည်ဖော်ဆောင်ရေး စစ်အစိုးရ လုပ်နေတဲ့ အစီအစဉ်တွေကို အားပေးပြီး မြန်မာနိုင်ငံရဲ့ ရှုပ်ထွေးတဲ့ အခြေအနေတွေကိုလည်း သူနားလည်ပါတယ်လို့ ကြေညာချက်ထဲမှာ ဗီယက်နမ် ဝန်ကြီးချုပ်က ပြောထားပါတယ်။
ဒီမိုကရေစီ ဖော်ဆောင်ရေး လမ်းပြမြေပုံကို အကောင်အထည် ဖော်တဲ့နေရာမှာ လတ်တလော တိုးတက်မှုတွေကိုလည်း မြန်မာဝန်ကြီးချုပ် ဗိုလ်ချုပ်ကြီးသိန်းစိန်က ဗီယက်နမ် ဝန်ကြီးချုပ်ကို ပြောပြခဲ့တယ်လို့ ဆိုပါတယ်။
မြန်မာစစ်အစိုးရက အခုလို ပြောနေပေမဲ့ မကြာခင်က ထုတ်ပြန်ခဲ့တဲ့ ရွေးကောက်ပွဲဆိုင်ရာ ဥပဒေတွေထဲမှာ လက်မခံနိုင်စရာ အချက်တွေ ပါနေတဲ့အတွက် အဓိက အတိုက်အခံ ပါတီကြီးဖြစ်တဲ့ NLD အမျိုးသား ဒီမိုကရေစီ အဖွဲ့ချုပ်က ရွေးကောက်ပွဲ မဝင်ဘူးလို့ ဆုံးဖြတ်ခဲ့ပါတယ်။
ဒီကေဘီအေနှင့် ငြိမ်းချမ်းရေးအဖွဲ့များသို့စောကျော်ခွီး၏ပေးစာ
ညီအစ်ကို ရဲဘော်တို့......
မင်းတို့ အထင်ကြီးလေးစားနေတဲ့ ဗမာစစ်ရာဇဝတ်ကောင်တွေဟာ ဘယ်အချိန်၊ ဘယ်အခါမှကတိတည်တဲ့ အတန်းအစားတွေ မဟုတ် ဖူးဆိုတာ မင်းတို့သဘောပေါက်သင့်တယ်။ တို့ ကရင်တွေကို စည်းလုံးညီညွတ် မှု ပျက်ပြားအောင် သွေးထိုးလှုပ်ဆော်၊ ရာထူးဌာနတွေနဲ့မျှား၊ ငွေကြေးမက်လုံးတွေနဲ့မျှား၊ ဘာသာရေး နဲ့ ခွဲထုတ်၊ စီးပွားရေး လုပ်ကွက် တွေနဲ့ဘမ်းပြပြီး ငါတို့ ကရင်တွေကို အယုံသွင်းပျက်စီးစေနေတာ ငါ့ညီ အစ်ကို ဒီကေဘီအေနဲ့ ငြိမ်းချမ်းရေးအဖွဲ့တွေလဲ အသိပါ။ မသိရင် ထပ်ပြောပြမယ်။
တို့ကရင်တွေဟာရိုးသားကြတယ်၊ သစ္စာရှိကြတယ်။ လိမ္မာပါးနပ်မှုမရှိကြဘူး။ ဗမာမဟာလူမျိုးကြီး စစ်အုပ်စုတွေကျတော့ ကောက်ကျစ်တယ်၊ စဉ်းလဲတယ်၊ နောက်ဆုံးပြောမယ် ရေခပ်ရင်တောင် အနည်မထဘူး။ အဲလို ဥာဏ်နီ၊ ဥာဏ်နက်နဲ့လိမ္မာပါးနပ်လွန်းတဲ့အပြင် သူများဘာသာမပြောနဲ့
မိမိယုံကြည်သက်ဝင်တဲ့ ဘာသာကိုတောင် ဖျက်ဆီးနေတဲ့သူတွေကို ဘယ်လို နည်းနဲ့မှ မင်းတို့ တွေ ဆည်းကပ်မှီတွယ်နေစရာမလိုဘူး။
သူတို့တွေဟာ မိစ္ဆာဒိဌိတွေဖြစ်တဲ့အပြင် သူတို့အတွက်လိုအပ်လာရင် ဘယ်လူမျိုး၊ ဘယ်အရာ၊ ဘယ်ပုဂိုလ်မဆို အစားထိုး ချကျွေးရင်းပစ်မဲ့ သွေးကြောင်၊ သွေးပျက်နေတဲ့လားရာမကောင်းနိုင်တော့တဲ့သူ တွေဖြစ်တယ်။ အဲဒီလိုလူမျိုးတွေရဲ့နောက်လိုက်လုပ်နေသရွေ့ တို့ကရင်တွေရဲ့ဘဝတွေဟာ အင်မတန်မှ အဖတ်ဆည်မရဖြစ်နေလိမ့်မယ်။
ကရင်တွေရဲ့အောက်ခြေလူတန်းစားဘဝတွေထဲပြန်ဆင်းကြည့်ပါအုံးရဲဘော်တို့။ဗျာပါသောကအပူမီးတွေနဲ့အနှစ်နှစ်အလလ မျှော်လင့်ချက်မဲ့၊ ခိုကိုးရာမဲ့၊ ကျန်းမာရေး၊ ပညာရေး အဖက်ဖက်က ချွတ်ခြုံကျနေရတဲ့ မင်းတို့လူမျိုးတွေ၊ ငါတို့လူမျိုးတွေရဲ့ဘဝတွေကို သေချာပြန်လည်ကြည့်လှည့်ပါအုံးကွာ။
ဗမာ နအဖတွေကို ကြောက်ရ၊ မင်းတို့ကိုပါ တဖန်အားကိုးဖော်မရဘဲ ပြန်ကြောက် နေရတဲ့ အိုးပစ်၊ အိမ်ပစ် ထွက်ပြေးနေရတဲ့ မင်းတို့ရဲ့ ကရင်အမျိုးအနွယ်တွေရဲ့ ထိန့်လန့်ငိုကြွေးနေတဲ့မျက်နှာကို ပြန်လည် မြင် ယောင်စမ်းပါအုံးကွာ။ မင်းညီမတွေ၊ မင်းအစ်မတွေ မှုဒိန်းကျင့်ခံနေရတာ မင်းပျော်နေသလား ရဲဘော်။ မင်းရဲ့အဖေ၊ အမေ၊ ညီအစ်ကိုတွေ အသတ်ခံနေရတာ မင်းကြည့်ရက်သလားရဲဘော်။
သူတို့တွေမှာ ထမင်းတစ်လုပ်စားဖို့အတွက်အခက်အခဲတွေကြုံနေရတဲ့အပြင် အဲဒီထမင်းလေးကို ဝေမျှစားရင်းနဲ့ဘဲ သူတို့ဘယ်တော့ အသတ်ခံရမလဲဆိုတာစိုးရိမ်ထိန့် လန့်နေကြရတယ်။ သေဖို့ရက်တွေကို မဝရေစာ ထမင်းလေးစားရင်း အကြောက်တရား တွေနဲ့စောင့်နေကြရတယ်။ အဲဒီလူတွေကလဲ မင်းတို့ချစ်တဲ့ မင်းတို့ကရင်မိသားစုတွေလေ။ ညီအစ်ကို အချင်းချင်းရန်တိုက်ပေးပြီး သူခိုင်းတာကို ရွပ်ရွပ်ချွန်ချွန် တာဝန်ထမ်းဆောင် ပေးခဲ့လို့ မသထာရေစာ ပေးကမ်းချီးမြောက်လိုက်တာက အိမ်ကြီးခရိုင်တဲ့လား။
သူများမြှောက်လို့ ဂွေးတက်အောင်ထကနေတဲ့ အဲဒီ ကျောက်ရူးကလဲတမှောင့်။ အဲဒီမှာ မင်းတို့တွေ စံပျော်ခွင့်မရှိပါဘူး။ “ချစ်သူ”တို့ နလဘိန်းတုံးဇနီးမောင်နှံနဲ့ဆွေမျိုးနီးစပ် သူတွေသာသာသာယာ ခွင့်ရှိကြမဲ့နေရာဖြစ်တယ်။ နအဖစစ်အုပ်စုတွေကလဲ မလိုရင် မလိုသလို အချိန်မရွေးဖျက်ဆီးပြစ်နိုင်တာကို "ချစ်သူ"တို့ သဘောပေါက်သင့်ပါတယ်။
နအဖစစ်အုပ်စုက သူ့အတွက် လုံခြုံမှု၊ အကာအကွယ်၊ ရပိုင်ခွင့်တွေအပြည့်ပါတဲ့ မတ ရားသဖြင့် ရေးဆွဲ ထားတဲ့ (၂၀၀၈) အခြေခံဥပဒေနဲ့ သူတို့တွေ သီးသန့်ရွေးချယ်ထားတဲ့ လက်ညိုးထောင် ခေါင်းညှိမ့် အရိုးရင်းမျှော်ပါတီလေးတွေနဲ့စုပေါင်းကျင်းပမဲ့အတုအယောင်(၂၀၁၀)ရွေးကောက်ပွဲကိုဆန့်ကျင်ကန့် ကွက် ကြဖို့လိုအပ်တယ်။ ရွေးကောက်ပွဲကိုဆန့်ကျင်မှာစိုးလို့မင်းတို့ကိုနယ်ခြားလေးခေတ္တစောင့်ခိုင်းထား
တာပါ။ တကယ်တော့ မင်းတို့အတွက် ဘာမှ လုံခြုံမှု မရှိဘူးဆိုတာ နားလည်ရမယ်။
ညီအစ်ကိုရဲဘော်တို့......
ကိုယ်ပိုင်ပြဌာန်းခွင့်နဲ့ တန်းတူရေးတွေအတွက် တို့ကရင်တွေတောင်းဆိုတိုက်ပွဲဝင်လာတာနှစ်(၆၀)တောင် ကျော်ခဲ့ပြီဘဲ။ အုပ်စိုးသူ မဟာဗမာလူမျိုးကြီးတွေကြောင့် မင်းတို့၊ ငါတို့တွေဟာ ဒီလက်နက်ကိုင် တော်လှန်ရေးလမ်းကိုမရွေးချင်ဘဲရွေးလိုက်ကြရတယ်။တို့ကရင့်အမျိုးသားခေါင်းဆောင်စောဘဦးကြီးပြောခဲ့သလို ဒီလက် နက်ကိုင် တော်လှန်ရေးဟာ ပထမနဲ့ နောက်ဆုံးဖြစ်စေရမယ်။ ပန်းတိုင်မရောက်မချင်း
တို့တွေဟာ မဆုတ်မနစ် ချီတက်နေရမယ်။
ကရင်ပြည်သူတွေကို မနှိမ့်စက်ပါနဲ့၊ မူးယစ်ဆေးဝါးတွေ မလုပ်ပါနဲ့၊ နအဖခိုင်းတာ တွေကို မလုပ်ဘဲ မင်းတို့ စွန့်ခွာခဲ့တဲ့ မိခင် ကရင်ရင်ခွင်ထဲ ပြန်လာခဲ့ပါလား။ တို့မှာ မိသားစုစိတ်ဓါတ်တွေရှိတယ်၊ အမျိုးချစ်တဲ့စိတ်တွေရှိတယ်။အဲဒီစိတ်ဓါတ်တွေကမင်းတို့တွေအတွက်လုံခြုံမှုတွေတွေ၊အေးမြမှုတွေပေးနိုင်ပါတယ်။တို့ရဲ့အမျိုးသားတာဝန်၊သမိုင်းပေးတာဝန်တွေအတွက်တို့တွေအတူတကွပြန်လည်လက်တွဲပြီးလုပ်ကြရအောင်လို့ လက်ကမ်းဖိတ်ခေါ်ပါရစေ။
ညီညွတ်ရေးအတွက် အမြဲတမ်းနွေးထွေးစွာနဲ့ကြိုဆိုနေမယ်ဆိုတာမျိုးချစ်တဲ့နှလုံးသားထဲကပြောနေပါရစေ။ မိမိကောင်းစားရေးထက် မိမိလူမျိုး မိမိရင်သွေး သားငယ်၊ သမီးငယ်တွေ လူတန်းစေ့ရေး၊ လူသားတိုင်းလို လူ့ဂုဏ်သိက္ခာတွေ ရရှိပိုင်ဆိုင် ထိန်းသိမ်းနိုင်ကြရေးတွေအတွက် မင်းတို့ငါတို့တွေတာဝန်ရှိကြတယ်။
အနာဂတ်မဲ့နေတဲ့ ကရင့်ရင်သွေးများအရေး၊ ကရင်တွေ ပြတိုက်ထဲတွန်းပို့မခံရရေး၊
မိမိလူမျိုးကို ချစ်တတ်နိုင်ကြစေရေး စဉ်းစားပေးကြဖို့ပြောကြားလိုက်ပါရစေ။
တချိန်တခါက ညီအစ်ကိုအချင်းချင်း မှားယွင်းဖြစ်ပျက်ခဲ့တာတွေ၊ ရန်ငြိုးအာဃာတ
တွေကို သင်ပုန်းခြေ ပြင်ဆင်ကြပြီး တစ်ဦးနဲ့တစ်ဦး သံသယကင်းစွာ အမျိုးအတွက်
အဓိပ္ပါယ်ရှိတဲ့ ပေးဆပ်ခြင်းမျိုးနဲ့ ဆထက်တံဘိုး ပေးဆပ်ထမ်းရွက်ကြပါစို့။
ပြည်ပရောက် မြန်မာများ ပြည်တော်ပြန်လျှင် ထောင် ၁၀ နှစ် ကျနိုင်
မိုးမခတောထဲက သတင်းအပိုင်းအစများ
ပြည်ပရောက် မြန်မာတွေ မြန်မာပြည်ပြန်ရင် ဧည့်စာရင်းတိုင်ကြပါ၊ မတိုင်ရင် ထောင် ၁၀ နှစ် ကျနိုင်ပါတယ်။
မတ်လ ၂၃ ရက်နေ့ထုတ် FLOWER NEWS ဂျာနယ်မှာ သြစတြေးလျမှာ နိုင်ငံသား ခံယူထားသူ မသူဇာအကြောင်း သတင်းတပုဒ် တွေ့ရတယ်။ သူက ရန်ကုန်ပြန်တော့ သာကေတမြို့နယ်မှာ ရှိတဲ့ သူ့ညီမ မနီလာအိမ်မှာ တည်းသတဲ့။ ဧည့်စာရင်းမတိုင်ဘဲ ၃၆ ရက် တည်းတဲ့အတွက် အရေးယူခံရတယ်လို့ ဆိုပါတယ်။
သူက တခြားနိုင်ငံတခုမှာ နိုင်ငံသား ခံယူလိုက်တဲ့အတွက် မြန်မာနိုင်ငံသား မဟုတ်တော့ဘူး ဆိုပဲ။ အင်း - သတိထားစရာပေပ။
“မသူဇာဟာ ၁၉၈၂ ပြည်သူ့လွှတ်တော် ဥပဒေ အမှတ် (၄)၊ မြန်မာနိုင်ငံသား ဥပဒေ ပုဒ်မ (၁၆) အရ နိုင်ငံသား အဖြစ်မှ ရပ်စဲလိုက်ပြီး ဖြစ်တဲ့အတွက် နိုင်ငံခြားသားတွေ အနေနဲ့ သတ်မှတ်ထားတဲ့ စည်းကမ်း စည်းမျဉ်းနဲ့အညီသာ နေထိုင်ရမှာ ဖြစ်ပါတယ်” ဆိုတဲ့ ရန်ကုန်တိုင်း လ၀က အရာရှိ တယောက်က ဆိုပါသတဲ့။
ဒီဥပဒေအကြောင်းကို ညီအစ်မ၂ဦး မသိဘူး ဆိုတာကို လ၀က အရာရှိတွေက ယုံကြည်တဲ့အတွက် ဒဏ်ငွေ ကျပ်သုံးသောင်းပဲ ချခဲ့တယ်၊ “တကယ်ဆိုရင် ဒီလို ပြစ်မှုကျူးလွန်ရင် ထောင်ဒဏ် ၁၀ နှစ်” ပေးနိုင်တယ်လို့လည်း လ၀က အရာရှိမင်းက ဆိုပါတယ်။ သြော် - တော်သေးတာပေါ့ ဒဏ်ငွေနဲ့ ပြီးသွားပေလို့။
မေးစရာ မေးခွန်းတချို့ ထွက်လာပါတယ်။
၁။ ဒဏ်ငွေနဲ့ပဲ ပြီးသွားဖို့ အရာရှိတွေကို ဘယ်လောက် လာဘ်ထိုးလိုက်ရသလဲ။ (မကန့်ကွက်ပါဘူး၊ အရာရှိတွေက လာဘ်စားရမှာပေါ့၊ နိုင်ငံတော်က ပေးထားတဲ့ လခ ဆိုတာ အရက် တ၀ိုင်းစာပဲ ရှိတာ မဟုတ်လား)
၂။ မသူဇာ အဲဒီမှာ တည်းတယ် ဆိုတာ အာဏာပိုင်တို့က ဘယ်လို သိသွားတာလဲ။ တာဝန်သိ လုပ်သားပြည်သူတဦးက သတင်းချက်အရ သိသွားတာ ဖြစ်မယ် ထင်တယ်း)
၃။ မသူဇာ မဟုတ်ဘဲ ဒီမိုကရေစီအရေး လုပ်ဆောင်သူ တယောက်ယောက် ဆိုရင်တော့ ကံကောင်းနိုင်မလား။ အင်း - ဒီလို ပုဂ္ဂိုလ်တွေ ဆိုရင်တော့ ၁၀ နှစ်ပေါ့ဗျာ။
၎။ စည်းကမ်းရှိတဲ့ ဒီမိုကရေစီ ဆိုတာကို ဖော်ဆောင်ပြီးသွားတဲ့အခါမှာ ဧည့်စာရင်းမတိုင်ခြင်းဟာ ပြစ်မှုမြောက်တယ် ဆိုတဲ့ ပေါက်ကရ ဥပဒေမျိုး ဆက်ပြီး ပြဋ္ဌာန်းဦးမလား။ အင်း - ပြဋ္ဌာန်းရမယ် ထင်တာပဲ။ စည်းကမ်းရှိတဲ့ဒီမိုကရေစီ ဆိုမှတော့ စည်းကမ်းရှိဖို့ လိုအပ်တယ်လေး) ဧည့်စာရင်း တိုင်တယ် ဆိုတာလည်း မြန်မာပြည်မှာပဲ ရှိတယ် ဆိုတော့ မြန်မာ့နည်း မြန်မာ့ဟန်လေးကို ထိန်းသိမ်းဖို့ လိုပြန်ရော မဟုတ်လား။
မဲခေါင်မြစ် ထိမ်းသိမ်းရေး လှုပ်ရှား သူများ တရုတ် သံရုံး ရှေ့တွင် ဆန္ဒပြ
ဟံသာဝတီ သတင်းမှ
အနှစ် ၄၀ အတွင်း မဲခေါင်မြစ် ရေမျက်နှာပြင် အနိမ့်ဆုံး ဖြစ်လာကြောင်း လှုပ်ရှား သူများက ဆိုသည်။ ရေစီးနှုန်း အထူး နှေးကွေး လာသဖြင့် မြစ်ရေများ ကောလာပြီး ၊ မြေနု ကျွန်းများ၊ သန္တာ ကျောက်တန်း များမှာ မြေပေါ်တွင် ပေါ်နေပြီး ဖြစ်သည်။ ရေအောက် နေသည့် ငါး ၊ ပုစွန်များ နေစရာ မရှိသဖြင့် ငါးများ အထူး ရှားပါး သဖြင့် ငါးဖမ်း လုပ်ငန်းဖြင့် အသက် မွေးဝမ်းကျောင်း ပြုသော တံငါသည် များမှာ ရပ်တည်ရေး အထူး ခက်ခဲ လာသည်ဟု ဆိုသည်။ မြစ်ရေမှာ အထူး နည်းပါး သဖြင့် မိုးခေါင် ခြင်းများကြောင့် မြစ် ပတ်ဝန်းကျင်များ ပျက်စီး လာပြီး စိုက်ပျိုး မရ ဖြစ်လာကြောင်း ပြောသည်။
မဲခေါင်မြစ် အထက်ပိုင်းမှာ နေထိုင်သော တရုတ် နိုင်ငံက ဆည်ကြီးများ တည်ဆောက် ထားသောကြောင့် မြစ်အောက်ပိုင်းမှာ နေသော ထိုင်း နဲ့ လာအိုနိုင်ငံက လယ်သမားများ တံငါ သည်တွေ ဘ၀ ရပ်တည်ရေး ခက်ခဲ ကျပ်တည်း လာကြောင်း လှုပ်ရှား သူတွေက ပြောသည်။ ထိုင်း လယ်သမား တစ်ဦးက “ ကျနော်တို့ စိုက်ခင်းကို မိုးရောနွေပါ ရေမရောက် တော့ဘူး၊ ဟို .. မြစ်အောက်ပိုင်း ကရေကို အဝေးကနေ တင်ရတော့ စက်မောင်းဆီဖို့း မတတ် နိုင်တော့ဘူး ၊ ဒီ အတိုင်း ဆိုရင် ကျနော်တို့ အကုန် ဒုက္ခ ရောက်လာမယ်” ဟုပြောသည်။ ထို့အပြင် ရှားပါး အပင်များ၊ သားငါး မျိုးစိပ်များ၊ အမျိုးပါ ပျောက်ကွယ် သွားပြီး သဘာဝများ ပြောင်းလဲ ကုန်ကြောင်း ပြောသည်။
ဆန္ဒပြ ခေါင်းဆောင် နှင့် တရုတ် သံရုံး တာဝန်ခံတို့  ဘာသာပြန်မှ တဆင့် အပြန် အလှန် ပြောဆို ကြပြီး ဆန္ဒပြသူများ ပေးသော ပေးစာကို တရုတ် အစိုးရ ထံသို့ အမြန်ဆုံး ပေးပို့ မည်ဟု ကတိ ပြုသည်။ ယနေ့ ဆန္ဒပြ သူများက အလို အလျှောက် သေသွားသည့် ၀ါးမြစ် များကို ပိတ်စမျာ နှင့် ပါတ်ပြီး တရုတ် သံရုံး ရှေ့ တွင် ၀ိုင်းဖွဲ့ တီးခတ် ကခုန် ကြသည်။ နဂါးခေါင်း တံဆိပ် ရိုက်ထားသော တီရှပ် အဖြူ များကို ၀တ်ဆင်ထား ကြပြီး မိုးပြာရောင် အလံငယ်များ ကိုယ်စီ ကိုင်ဆောင်ပြီး ဆောင်းဘောက်မျာ ဖွင့်ကာ ကခုန် ဆန္ဒပြ ကြသည်။
မဲခေါင်မြစ်ဝှန်း တွင် မြန်မာ၊ လာအို၊ ကမ္ဘောဒီယား ၊ ထိုင်းနိုင်ငံ နဲ့ ဗီယင်နာမ် နိုင်ငံတို့ မှီတင်း နေထိုင် ကြသည်။ တရုတ် နိုင်ငံသည် ၁၉၉၆ ခုနှစ်မှကစပြီး၂၀၀၈ အထိ မဲခေါင်မြစ် အထက် ပိုင်းတွင် ရေကာတာ ၄ လုံး တည်ဆောက်ပြီး ဖြစ်ကြောင်း ယနေ့ ပေးပို့သော စာတွင် ရေးသား ထားးသည်။ နောက်ထပ်လည်း ရေကာတွေ တည်ဆောက်ရန် ပြင်ဆင် နေခြင်းများအား ရပ်တန့်ရန် တောင်းဆို ခဲ့ကြသည်။ ဆန္ဒပြသူ တစ်ရာ ၀န်းကျင်းခန့်  ရှိပြီး ဆန္ဒပြပွဲကို အောင်မြင်စွာ ရုပ်သိမ်း ခဲ့ကြပါတယ်။
