.jpg)
ဗုံးတွေကတော့ ပေါက်ပြီးရင်းပေါက်....ဟိုနားပေါက် ဒီနားပေါက်နဲ့....တော်ကြာ ကိုယ်အိမ်နောက်ဖေးမှာ ဗုံးထပ်ပေါက်နေ ဦးမယ်.....အားလုံးသတိနဲ့ အိပ်စားသွားလာဖို့ ကျွန်တော် ကညောဖိုး မှသတိပေးလိုက်ပါတယ်...
(VOA သတင်းမှ)
ပဲခူးတိုင်း ကျောက်တံခါးမြို့ပေါ်က စက်မှုလယ်ယာဝင်းထဲမှာ သောကြာနေ့ညတုန်းက ဗုံးနှစ်လုံး ပေါက်ကွဲခဲ့ပါတယ်။ အခုချိန်ထိ လူအသေအပျောက် မရှိဘူးလို့ ဒေသခံတွေက ပြောပါတယ်။ အခုရက်ပိုင်းအတွင်း မြန်မာနိုင်ငံ နေရာအနှံ့မှာ ဗုံးပေါက်ကွဲမှုတွေ ဆက်တိုက်ဆိုသလို ဖြစ်ပေါ်နေတာတွေထဲက ဒါဟာ နောက်ဆုံးပေါက်ကွဲမှုလည်း ဖြစ်ပါတယ်။ ဒီအခြေအနေ အပြည့်အစုံကို စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။
ကျောက်တံခါး မြို့နယ် စက်မှုလယ်ယာဝင်းအတွင်း သောကြာနေ့ည ၁၀ နာရီလောက်မှာ ဗုံးပေါက်ကွဲမှု ဖြစ်ပွားခဲ့တဲ့အကြောင်း မြို့ခံတဦးက ဗွီအိုအေကို ပြောပြပါတယ်။
"မနေ့က ၃၀ ရက်နေ့ည ၁၀ နာရီခွဲလောက်မှာ ကျောက်တံခါးမြို့ရဲ့ မြောက်ဘက် အမှတ် (၇၀) စက်မှုလယ်ယာပေါ့။ စက်မှုလယ်ယာ ဆိုတာ လယ်ထွန်စက်စခန်းပါ။ အဲဒီစက်မှုလယ်ယာဝင်းထဲမှာ ရှိတဲ့ လယ်ထွန်စက်ကြီးအောက်မှာ ထောင်ထားတဲ့ ဗုံးကွဲတာ။ ၁၀ နာရီခွဲမှာ ကွဲတယ်။ ကွဲတော့ အချိန်က လူသွားလူလာလည်း မရှိတော့ဘူးလေ။ နောက်ပြီးတော့ ဒီဝင်းထဲမှာ စက်တွေပဲထားတာဆိုတော့ လူအထိအခိုက်တော့ မရှိဘူးပေါ့ဗျာ။ ဒီစက်ကြီးနဲ့ အပေါ်က အမိုးနဲ့တော့ ပျက်စီးသွားတာပေါ့။ အဲဒါပြီးတော့မှ နောက် အချိန်အတော်လေး ကြာပြီးသွားတော့ ခုနကဖြစ်သွားတဲ့နေရာနဲ့ ကိုက် ၇၀ ၀န်းကျင်လောက်မှာ မြေပြင်ပေါ်မှာပဲ နောက်တလုံး ထပ်ကွဲတယ်။ အဲဒါလည်း လူ အထိအခိုက်တော့ မရှိဘူးပေါ့ဗျာ။ ပေါက်ကွဲမှုဖြစ်သွားတဲ့ အနေအထားကိုပဲ သိရသေးတယ်လေ။ ကျန်တာကတော့ဗျာ ခေါ်ယူစစ်ဆေး မေးမြန်းမှုတို့ကတော့ အခုချိန်အထိတော့ မကြားသေးဘူးခင်ဗျ။"
အခုချိန်ထိတော့ ဒီပေါက်ကွဲမှုကြောင့် အသေအပျောက် ရှိတယ်လို့ မကြားရသေးဘူးလို့ ဆိုပါတယ်။ ဒီရက်ပိုင်းတွေအတွင်း မြန်မာနိုင်ငံအနှံ့အပြား ဗုံးပေါက်ကွဲမှုတွေ အနှံ့အပြား ဖြစ်ပေါ်နေတာမို့ လူထုအကြား ထင်ယောင်ထင်မှား ပြောဆိုမှုတွေ ကလည်း အမျိုးမျိုး ထွက်ပေါ်နေတယ်လို့ အဲဒီမြို့ခံကပဲ ဆက်ပြောပြပါတယ်။
"ကျနော်တို့ ပြည်သူတွေအနေနဲ့တော့ စဉ်စားကြည့်တာက ဒီအချိန်မှာ ကျနော်တို့က သတင်းဌာနတွေကလည်း ကြားနေရတယ်ဗျ။ အဲဒီလို ဗုံးကွဲတာတွေ ကြားနေရတယ်။ အချိန်ကလည်း တိုက်ဆိုင်နေတယ်လေ။ ၂၀၁၀ ရွေးကောက်ပွဲ လုပ်ဖို့ကြိုးစားနေတဲ့အချိန်၊ နောက်တခုက သောင်းကျန်းသူတွေနဲ့ ပတ်သက်ပြီးတော့လည်း လက်နက်ကိုင်အဖွဲ့တွေနဲ့ ပတ်သက်ပြီးတော့လည်း နယ်ခြားစောင့်တပ်ဖွဲ့ ညှိနှိုင်းမှုမရတဲ့အချိန် တင်းမာနေတဲ့အချိန်ပေါ့နော်။ ဒီလို အချိန်မျိုးတွေမှာ အခုလို ဒီနယ်ဘက်ပေါ့နော်။ ပဲခူးတိုင်း အရှေ့ခြမ်း ကျောက်တံခါးနယ်ဘက်မှာ ဗုံးကွဲတယ်ဆိုတော့ ဒီနယ်ဘက်က လူတွေကတော့ စိုးရိမ်တာပေါ့။ နောက်တခုက ဒီလို ဗုံးကွဲတယ်ဆိုရင် နီးစပ်ရာလူတွေကို ခေါ်ပြီးတော့ စစ်ဆေးတာတို့ ကလည်း ရှိတော့ မဆိုင်သူတွေအနေနဲ့လည်း စိတ်ညစ်ရတာပေါ့ဗျာ။"
အထူးသဖြင့်တော့ ရွေးကောက်ပွဲနဲ့ ပတ်သက်တဲ့ စည်းမျဉ်းစည်းကမ်းတွေ စစ်အစိုးရက ထုတ်ပြန်ပြီးနောက်ပိုင်း တိုက်တိုက်ဆိုင်ဆိုင် ဆိုသလို ဗုံးပေါက်ကွဲမှုတွေ ဆက်တိုက် ဖြစ်ပေါ်လာနေတာ ဖြစ်ပါတယ်။ ပြီးခဲ့တဲ့ သင်္ကြန် အကြတ်နေ့တုန်းက ရန်ကုန် ကန်တော်ကြီးမှာ ဖြစ်ပွားခဲ့တဲ့ ဗုံးပေါက်ကွဲမှုမှာတော့ လူ ၁၀ ယောက် သေဆုံးခဲ့တယ်လို့ စစ်အစိုးရက တရားဝင် ကြေညာခဲ့ပါတယ်။ ဒါကြောင့် ဒီပေါက်ကွဲမှုဟာ လူ အသေအပျောက် အများဆုံးလို့ ဆိုရမှာ ဖြစ်ပါတယ်။ ကယားပြည်နယ် လွိုင်ကော်မြို့က ရဲစခန်းအတွင်းမှာလည်း ပြီးခဲ့တဲ့ သီတင်းပတ်အတွင်း အသေခံဗုံးခွဲမှု ဖြစ်ပွားခဲ့တဲ့အတွက် ရဲအရာရှိတဦး သေဆုံးခဲ့တယ်လို့ ဆိုပါတယ်။
.jpg)
ပဲခူးတိုင်း ကျောက်တံခါးမှာ ဗုံးပေါက်ကွဲ
KNLA နှင့် နအဖတို့ တနာရီကြာ တိုက်ပွဲတွင် နှစ်ဖက်ထိခိုက်ကျဆုံး
စောသိန်းမြင့် (ကေအိုင်စီ)
ကရင်ပြည်နယ် ကော့ကရိတ်မြို့နယ် ဝေါ်လေဂွင်၌ ကရင်အမျိုးသားလွတ်မြောက်ရေးတပ်မတော် KNLA နှင့် နအဖစစ်တပ်တို့ ကြား ယနေ့မနက် တစ်နာရီကြာ တိုက်ပွဲဖြစ်ပွားခဲ့ရာ နှစ်ဘက်ထိခိုက်သေဆုံးမှုရှိကြောင်း သတင်းရရှိသည်။
ယနေ့မနက် ၆နာရီတွင် ဝေါ်လေဂွင်ရှိ ကနဲလေးနှင့် မော်ဖိုးကလိုးရွာကြား၌ တပ်အင်အား (၃၀)ခန့်ရှိ နအဖစစ်တပ်မှ ခမရ (၄၀၅)တပ်ရင်းနှင့် KNLA တပ်ရင်း(၂၀၁)တပ်ဖွဲ့တို့ ထိပ်တိုက်တိုးကာ တိုက်ပွဲဖြစ်ပွားခြင်းဖြစ်သည်ဟု KNLA တပ်ရင်း (၂၀၁) ဒုတပ်ရင်းမှူး ဗိုလ်မှူးစောကြည်အောင်က ပြောသည်။
သူက “ဒီမနက် ၆း၄၀ ကနေ ၇း၄၀အထိ ဖြစ်ခဲ့တယ်။ ကျနော်တို့ဘက်က အရာခံဗိုလ်တယောက် အသက်ပေးလိုက်ရတယ်။ နအဖဘက်က တယောက်သေတယ်။ ၅ယောက် ဒဏ်ရာပြင်းထန်တယ်”ဟု ပြောသည်။
လက်နက်ကြီးငယ်များဖြင့် အပြန်အလှန်ပစ်ခတ်သောကြောင့် အဆိုပါတိုက်ပွဲမှာ ယနေ့မနက်တွင် ဆူညံသွားကြောင်း ဝေါ်လေ ဂွင်ရှိ ဒီကေဘီအေ တပ်ရင်း(၉၀၇)မှ တပ်မှူးတဦးက ပြောသည်။
အဆိုပါတပ်ရင်းနှစ်ဖက်သည် ယမန်နေ့ မွန်းလွဲ ၂နာရီခန့်တွင် (၅)မိနစ်ခန့် တိုက်ပွဲ ထပ်မံဖြစ်ပွားရာ နအဖဘက်မှ (၃)ဦး ထိ ခိုက်ဒဏ်ရာရပြီး ကေအဲန်အယ်လ်အေဘက်က ထိခိုက်မှုမရှိကြောင်း သိရသည်။
မဲဆောက်မြို့တောင်ဘက် (၁၂၀)ကီလိုမီတာ အကွာအဝေးရှိ ကေအဲန်ယူ တပ်မဟာ (၆)နယ်မြေ ဝေါ်လေဂွင်တွင် KNLA နှင့် နအဖတပ်ဖွဲ့ဝင်တို့ကြား ယခုနှစ်အတွင်း မကြာခဏ တိုက်ပွဲဖြစ်ပွားခဲ့ရာ နအဖဘက်မှ ထိခိုက်သေဆုံးမှုများ ရှိသော်လည်း ကေအဲန်ယူဘက်မှ ယခု ထိခိုက်သေဆုံးမှုမှာ ပထမဆုံးဖြစ်သည်။
တဆက်တည်းတွင် နအဖစစ်အစိုးရ၏ နယ်ခြားစောင့်တပ် အသွင်ကူးပြောင်းရေးကိစ္စကို လက်မခံသည့် ဗိုလ်မှူးကြီး စောလား ပွယ် (ဗိုလ်နှုတ်ခမ်းမွှေး)ဦးဆောင်သော ဒီကေဘီအေ တပ်မဟာ(၅)မှ တပ်ရင်း (၉၀၇)တပ်ဖွဲ့ဝင်များသည် ထိုဒေသတွင် စစ် ရေးပြင်ဆင်မှုများလုပ်ဆောင်နေသည်ဟု နီးစပ်သူများက ပြောသည်။
ယင်းစစ်ရေးလှုပ်ရှားမှုများကြောင့် အကြီးအကျယ် ထိခိုက်မည်ကို စိုးရိမ်သဖြင့် ဒေသခံရွာသား ၃၀၀ကျော်မှာ ဧပြီလ ၂၇ရက် နေ့ညကတည်းက ထိုင်းနိုင်ငံဘက်ခြမ်းသို့ ထွက်ပြေးတိမ်းရှောင်လာခဲ့ကြောင်း ထိုင်း-မြန်မာအခြေစိုက် လူသားချင်းစာနာ ထောက်ထားသည့် အကူညီပေးရေးအဖွဲ့များက ပြောသည်။
ဝေါ်လေဂွင်တွင် နအဖ စစ်ကွပ်ကဲရေးဌာနချုပ်-စကခ(၈) လက်အောက်ခံ ခမရ(၄၀၅)တပ်ရင်း၊ ဒီကေဘီအေ တပ်မဟာ(၅) လက်အောက်ခံ (၉၀၇)တပ်ရင်းနှင့် ကေအဲန်အယ်လ်အေ (၂၀၁)တပ်ရင်းတို့ လှုပ်ရှားလျှက်ရှိသည်။
နအဖ ခမရ(၄၀၅)တပ်ရင်းသည် ပြီးခဲ့သည့် ဇန်န၀ါရီလကုန်မှစ၍ ယခင်တပ်ရင်း ခမရ(၄၀၉)နှင့် တပ်အပြောင်းအလဲလုပ်ကာ ၀င်ရောက်လှုပ်ရှားလာခဲ့ခြင်း ဖြစ်သည်။
သွေးချင်းတွေ သွေးချင်းချင်း ထပ်မနီစေချင်
မန်းကိုကို (သျှမ်းသံတော်ဆင့် မှ)
မြန်မာပြည်မှာ ကြီးနိုင်ငယ်ညှင်းပြီး အာဏာယစ်မူးတတ်ကြတဲ့ အလေ့အကျင့်တွေဟာ သက်ဦးဆံပိုင်စနစ်ကနေ မြစ်ဖျားခံခဲ့တယ်လို့ ယူဆနိုင်တယ်။ ဒီကနေ့အထိလဲ စဉ်ဆက်မပြတ်သက်ရောက်နေသေးတယ်။ လူတန်းစားအဆင့်ဆင့် တုံးအောက်ကဖားတွေလို ပြားနေကြရတာခံစားတတ်သူ့ ပုထုဇဉ်တိုင်းအတွက် စိတ်မကောင်းစရာပါ။
အသက်၊ သွေး၊ ချွေး နဲ့ မျက်ရည်ပင်လယ်တွေ ဝေနေခဲ့ကြရတာလဲ ထောင်စုနှစ်တစ်ခုပြည့်ဖို့ သိပ် မလိုတော့ပါဘူး။ ဝမ်းနည်းကြေကွဲစရာ၊ ခံပြင်းဒေါသထွက်စရာ၊ အံသြတုန်လှုပ်စရာတွေနဲ့ ရှက်ရွံ့ စရာတွေ မရေတွက်နိုင်လောက်အောင်ပဲ ဖြတ်သန်းခဲ့တယ်။ ဒါပေမယ့် မက်စရာ လုပ်ပိုင်ခွင့်အာဏာနဲ့ (လူထုဘဝမှာ အခရာကျတဲ့) သတင်းကဏ္ဍကို ချုပ်ကိုင် ချယ်လှယ်ပြီး “တိုင်းပြည်အတွက်” ဆိုတဲ့ မရိုးနိုင်တဲ့ ဓါတ်ပြားဟောင်းဆက်ဖွင့်ရင်း လိုရာဆက်ဆွဲ နေခဲ့ကြတာကြောင့် အဆုံးဆိုတာ မမြင်နိုင်လောက်အောင်ပါ။
“သောင်းကျန်းသူ၊ သူပုန်” တွေလို့ နာမည်တပ်ရပြီး မိသားစုတွေ အားလုံးပေါင်းမှ ၃-၄ ထောင် လောက်သာသာ အရေအတွက်ရှိတယ်လို့ ဆိုတဲ့တိုင်းရင်းသားအဖွဲ့တွေ ဒီကနေ့အထိ“အမြစ်ပြတ် ချေမှုန်း” ခံနေခဲ့ကြရတာတောင် လျှော့မသွားပဲ ပိုတိုးလာခဲ့ကြတာ “ဆန်းကျယ်တယ်” လို့များ ဆိုကြရလေမလား။ မဟုတ်ရင်လည်း ဝါဒဖြန့်ချီရေးရဲ့ မအောင်မြင်တဲ့လုပ်ဇာတ်တစ်ခု ဖုံးလို့မရ ဖိလို့မနိုင် ဖြစ်တာလား။
“ရဲသော်မသေ သေသော်ငရဲမလား” သံပြိုင်သီချင်းတွေဆိုပြီး အစီး ၃-၄၀ သော စစ်ကားတန်းတွေနဲ့ “တရားသောစစ်” ဆင်နွဲဖို့ ထွက်သွားရာက ၄-၅ စီးလောက်နဲ့ ချောက်ချက်ဖြစ်နေတဲ့ စစ်သည်တွေ ပြန်တင်လာတဲ့ အပြန်ခရီး။ မြို့ကြီးများမှာ အသွားတုံးက အောင်သပြေနဲ့ပန်းကုံးတွေ စွပ်ပေးခဲ့သူများ မမြင်မိကြတာလား၊ မဟုတ်ရင်လည်း မမြင်ချင်ကြတာလား။
နှစ်စဉ်ထောင်နဲ့ချီတဲ့ တိုက်ပွဲတွေကြား မရေတွက်နိုင်တဲ့ အသက်ဆုံးရှူံးမှုတွေဟာ တနိုင်ငံလုံး ဆင်းရဲ ချွတ်ခြုံကျမှုနဲ့ အမုန်းတွေပြည့်လျှံနေတဲ့ သောင်း၊ သိန်းမက စိတ်နှလုံးတွေကို မွေးထုတ်ပေးဖို့ အာမ ခံချက်တွေပါ။
“သူပုန်တွေက ဗမာစစ်သားတွေကို သေနတ်နဲ့တောင်မပစ်ပဲ လက်ဗလာနဲ့တင် တက်ဖမ်းကြတယ်” ဆိုတဲ့ သတင်းမျိုး တောင်ပေါ်တိုင်းရင်းသားတွေကြားဘယ်လောက်အထိ အမုန်းတရားတွေ လောင် မျိုက်အောင် အလုပ်ခံခဲ့ကြရသလဲဆိုတာ တွေးမိနိုင်ဖို့ အကြောင်းရင်းတွေဟာ အနာဂါတ်ငြိမ်းချမ်း ရေးအတွက် မျှော်လင့်ချက်သိပ်မရှိနိုင်ပါ။
မြို့ပေါ်မှာ လမ်းမတွေပေါ် ပင်ပင်ပန်းပန်း ဝမ်းစာဖွေရှာ စားနေကြရချိန်၊ တောထဲမှာလဲ ကျေးလက် မောင်နှမတွေဟာ အကြောက်တရားအပြည့်နဲ့ သစ်ဥသစ်ဖုတွေ ရှာဖွေစားနေကြရတာ သိစေလိုပါ တယ်။
ရပ်ကွက်ထဲ တချို့မိခင်တွေ သူတို့ရဲ့ စစ်ထွက်သားမောင်များအတွက် ဗျာပါဒရောက်သောကတွေ ဝေနေချိန်မှာ ဟိုအဝေး တောင်တန်းပြာပြာတောနက်လျှိုမြှောင် အမှောင်ထဲစမ်းတဝါးဝါး နဲ့ တစ် တီတူးများလို မလုံခြုံတဲ့စိတ်နဲ့ ပုန်းအောင်း အိပ်စက် နေရသူတွေ ဒုနဲ့ဒေးပါ။ ဆေးပေးခန်းရှေ့ စုတ်ပြဲ နေတဲ့ ငွေစက္ကူတွေနဲ့ လူတစ်ချို့တန်းစီစောင့်ဆိုင်းနေကြရ ချိန်မှာ စိမ့်စမ်းရေကိုဆေးလုပ်သောက် နေကြသူတွေလဲ မရေတွက်နိုင်လောက်အောင်ပါပဲ။
ဒါတွေဖြစ်အောင် ဖန်တီးခဲ့ကြသူတွေအတွက် သာယာယစ်မူးမှုတွေ ရှိနေကြပေမယ့် အဲ့ဒီအကျိုး ဆက်တွေကိုယ်တိုင်ခံစား နေရသူတွေအတွက်တော့ စက္ကန့်တိုင်း၊ မိနစ်တိုင်း လောကငရဲ အချိန် ကာလတွေပါ။
ခုချိန်မှာ တနိုင်ငံလုံး သံသယရှိစရာ ဗုံးတွေပေါက်နေတာ ကြားလာကြရပြန်ပါပြီ်။ စစ်ရေးပြင် တိုက်ပွဲ ခေါ်သံတွေဆိုတာ ထပ်ပြီးပြောပြစရာတောင် လိုတော့မယ် မထင်ပါ။
ပြတ်ပြတ်သားသား ပြောချင်တာကတော့ “ဒီရူးသွပ်မှုတွေကို ရပ်တန်းက ရပ်လိုက်ကြ ပါတော့” ဆိုတာပါပဲ။
မေတ္တာရပ်ခံ တောင်းပန်နေတာ မဟုတ်ပါ၊ မသိနိုင်လောက်အောင် အမြင်ပိတ်ပိန်းနေသူတွေ သတိဝင်စေဖို့နဲ့ ဒီဖြစ်စဉ်ကြီး ကို ရပ်တန့်အောင်လုပ်ဖို့ တတ်စွမ်းနိုင်သူများထံ တောင်းဆိုနေတာပါ။ သွေးချင်းတွေ သွေးချင်းချင်း ထပ်မနီပါစေနဲ့တော့။
၂၁ ရာစု ကရင်အမျိုးသမီးငယ်များသို့
အင်မတန်ပဲ တပါးအမျိုးသားများကို ယုံကြည်လွယ် တွယ်တာလွယ်တဲ့ ကျွန်တော့်ရဲ့ ကညောမူ များကို ကွယ်လွန်သွားခဲ့ သောတေးရေးဆရာလည်းဖြစ် တေးဆိုလည်းဖြစ်တဲ့ စောဘီးချယ် ရဲ့ဟိုးအရင်ကသီချင်းလေးတပိုဒ် နဲ့ပြန်လည်ပြီးတော့ သတိပေးနိုးဆော်ချင်ပါတယ်။ ဒါ့အပြင် ကရင်ယောက်ျားလေးတွေက အရက်ချည်းပဲသောက်တယ်လို့ ပြောပြောနေတဲ့က ညောမူများကိုလည်း အထူးအထူးသတိပေးချင်တဲ့ဆန္ဒလည်းပါ ပါတယ်။ နောက်ဆုံးပြောချင်တာက တို့ကရင်ယောက်ျား လေးတွေကအရက်ဘဲသောက်တာပါ...ဒါပေမဲ့ တပါးအမျိုးသားတွေလိုမျိုး ကညောမူ ကိုမဖျက်ဆီး မလိမ်ညာ မကောက် ကျစ် မဖြားယောင်းမသွေးဆောင်ဘူး ဆိုတာကိုတော့ ဦးဏှောက်ထဲမှာ မြဲနေအောင် မှတ်ထားပါလို့....နောက်တခုက တော့ တပါးအမျိုးသားများပတ်သက်ပြီးတော့ ပြသနာများပေါ်ခဲ့ပြီးရင် ကျွန်တော်တို့ အားလုံးရင်ထဲမှာမချိအောင်ခံနေရ လို့.... ဒီလိုသတိပေးနိုးဆော်ခြင်းဖြစ်ပါတယ်....
မြန်မာစစ်အစိုးရနှင့် ပူးပေါင်းဆောင်ရွက်ရန် KNU/ KNLA ငြိမ်းချမ်းရေး ကောင်စီမှ တုံ့ပြန်ချက် (နိဂုံးပိုင်း)
မန်ဇူး(ဘာသာပြန်သည်)
နေ့သစ် မှကူးယူတင်ပြသည်။
၅။ ထိုင်း နိုင်ငံနှင့် ဆက်ဆံခြင်းမပြုလုပ်ရ (သို့) ယုံကြည်ကိုးစားခြင်းမပြုရ
KNU/ KNLA ငြိမ်းချမ်းရေး ကောင်စီမှာ ကျဉ်းမြောင်းသည့် အတွေးအခေါ် အယူအဆမျိုးမရှိခဲ့ဘူး။ ထိုင်းနိုင်ငံနဲ့ ကူးလူးဆက်ဆံတာ ကျနော်တို့ အဖွဲ့အစည်းတရပ်တည်း မဟုတ်ပါဘူး။ ကုန်ကူးသန်းရောင်းဝယ်သူ အများစုနဲ့ တခြားသော အကြောင်းချင်း ကိစ္စရပ်တွေ လည်းရှိနေပါသေးတယ်။ အိမ်နီးချင်းနိုင်ငံနဲ့ ဆက်ဆံရေး (သို့) ဒီကမ္ဘာကြီးအတွင်းမှာရှိတဲ့ နိုင်ငံတွေနဲ့ ဆက်ဆံရေးပိုင်းဆိုင်ရာ တည် ဆောက်မှုတွေကို တားဆီးပိတ်ပင်လို့ မရပါဘူး။ ကျနော်တို့အပေါ် မည်သူတဦးတယောက်မျှ အမိန့်ပေးပြီး ဘယ်သူနဲ့ ဆက်ဆံရမယ် မဆက်ဆံရဘူးဆိုတာ အမိန့်ပေးပြောဆိုလိုမရပါဘူး။ KNU/ KNLA ငြိမ်းချမ်းရေးကောင်စီ ခေါင်းဆောင်ပိုင်းတွေရဲ့ အသိပညာကြွယ် ဝရင့်ကျက်မှု၊ ကျင့်ဝတ်သိက္ခာပိုင်းဆိုင်ရာအရ ကျယ်ပြန့်သည့် အမြင်သဘောထားရှိခြင်းတို့ကြောင့် ပြည်တွင်းသာမက ပြည်ပနိုင်ငံများ နှင့် ဆက်ဆံခြင်း မဆက်ဆံခြင်းဆိုတာ ပိုင်းခြားဆုံးဖြတ်နိုင်စွမ်းရှိတယ်။ ကျနော်တို့ရဲ့ဆက်ဆံရေးဟာ ကရင်ပြည်နယ်အတွင်းမှာရှိ သည့် ပြည်သူလူထုအတွက် အပြန်အလှန် အကျိုးစီးပွားနဲ့ အပြန်အလှန် ယုံကြည်မှုအပေါ် အခြေခံတည်ဆောက်ထားခြင်း ဖြစ်တယ်။ တိုင်းပြည်ငြိမ်းချမ်း လုံခြုံရေးကိုသာ အခြေပြုတည်ဆောက်ခြင်းမဟုတ်သလို အနာဂတ် ကရင်ပြည်နယ် ဖွံ့ဖြိုးတိုးတက်ရေးအတွက် အ သိ ပညာရပ်ဆိုင်ရာ ဖလှယ်ခြင်းနှင့် ကုန်ကူးသန်းရောင်းဝယ်ရေးတို့ပါ သက်ဆိုင်အကျုံးဝင်ခြင်းရှိတယ်လို့ ဆိုရမယ်။ အကောင်းအဆိုး ဒွန်တွဲနေတဲ့ လူထုဆိုတာ ထိုင်း၊ ဗမာနိုင်ငံတို့သာမက နိုင်ငံတိုင်းလိုလိုမှာရှိတယ်လို့ဆိုရမှာပဲ။ အလုပ်သဘောအရ ကျနော်တို့နဲ့ ဆက် ဆံတဲ့ လူထုဟာ ကျနော်တို့အပေါ် ကောင်းမွန်စွာ ဆက်ဆံခဲ့သလို တဦးတယောက် ကောင်းစားရေးအတွက် တကိုယ်ကောင်းဆန် သည့် လုပ်ဆောင်ချက်မျိုး မရှိခဲ့ပါဘူး။
ကရင်ပြည်နယ်သာမက အမျိုးသား လုံခြုံရေးကို ထိပါးခြိမ်းခြောက်လာခြင်း (သို့) ငြိမ်းချမ်းစွာ မှီတင်းနေထိုင်သည့် ကရင်တိုင်းရင်း သားတွေကို ဖျက်လိုဖျက်ဆီး နှောက်ယှက်လာပါက ကျနော်တို့အနေနဲ့ ရိုးသားပွင့်လင်းစွာ တင်ပြပြောဆိုရလိမ့်မည်။ အထက်ဖော်ပြပါ ကျနော်တို့ရဲ့တုံ့ပြန်ဖြေရှင်းချက်တွေဟာ စိတ်ပျက်အားလျော့အောင် ရည်ရွယ်တင်ပြခြင်း မဟုတ်သလို (သို့) မြန်မာစစ်အစိုးရနှင့် ပဋိပ က္ခဖြစ်ပွားအောင် ဖန်တီးတည်ဆောက်ယူနေခြင်း မဟုတ်သော်ငြား တနိုင်ငံလုံး အတိုင်းအတာအနေနဲ့ရော ကရင်ပြည်နယ် အပါအဝင် အနာဂတ် ဖွံ့ဖြိုးတိုးတက်ကောင်းစားရေးအတွက် KNU/KNLA ငြိမ်းချမ်းရေးကောင်စီ သဓိဋ္ဌာန်ချပြီး ခိုင်မာစွာ ယုံကြည်ရပ်ခံထားတယ်။ ကျနော်တို့ပြောချင်တဲ့ ယုံကြည်ရပ်ခံထားချက်ဆိုတာ ကရင်ပြည်နယ်နှင့် တတိုင်းပြည်လုံးအပါအဝင် သွေးစည်းညီညွတ်ခြင်း၊ လွတ် လပ်ခြင်းနှင့် ပေါများကြွယ်ဝခြင်း အစရှိသော အကြောင်းချင်းရပ်ကိစ္စကိုသာ ရှေ့အနာဂတ်မှာ မြင်တွေ့လိုခြင်းကို ဆိုလိုခြင်းဖြစ်တယ်။ တစုံတယောက်က ဖန်တီးယူလို့ ထွက်ပေါ်လာတဲ့ ဆိုးကျိုးရလဒ်တွေဖြစ်တဲ့ လူသတ်အကြမ်းဖက်ခြင်း၊ အမုန်းတရားတွေကြောင့်ဖြစ် ပေါ်လာတဲ့ ပဋိပက္ခတွေ၊ အစွဲအလမ်းဥပဒါန်တွေအပေါ်မှာ ကျနော်တို့နဲ့ လုံးလုံးလျားလျားမှ မသက်ဆိုင်သည့်အတွက် တာဝန်ယူမှာ မ ဟုတ်ပေမယ့်လို့ တဦးတယောက်ရဲ့ ဖိအားပေးခိုင်းစေသည့် အမိန့်ဖြစ်သည့် စစ်ဖက်ဆိုင်ရာအရေးကိစ္စရပ်တွေဆိုလျှင်တော့ တိုင်း ပြည်ချွတ်ခြုံကျ ယိုယွင်းပျက်ဆီးသွားမှာ အမှန်ပဲဖြစ်တယ်။ ဒီ့အရင်မတိုင်မီတွေကကော ဗမာပြည်တွင်းသာမက နိုင်ငံတကာ အဝန်းအ ဝိုင်းနယ်ပယ်မှာပါ တာဝန်ယူလုပ်ဆောင်မှုနဲ့ တရားမျှတမှုကို ဘယ်သူတွေက ဆောင်ကျဉ်းယူလာတာလဲ။ ကျနော်သိသလောက်တော့ ဗမာ စစ်တပ်အတွင်းရှိ စစ်ဗိုလ်ချုပ်အများစု သဘောဆန္ဒတွေမှာ တိုင်းပြည်သွေးစည်းညီညွတ်ပြီး ပေါများကြွယ်ဝမှုကိုပဲ မြင်တွေ့ချင် ကြပါလိမ့်မယ်။ ဗမာပြည်တွင်းရှိ မှီတင်းနေထိုင်သူ တိုင်းသူပြည်သားအားလုံးကို လုံခြုံမှုနဲ့ ပျော်ရွှင်ချမ်းမြေ့မှုတွေပေးစွမ်းနိုင်မယ့် အနာ ဂတ်ကို အတူလျှောက်လှမ်းကြပါစို့။
စစ်အစိုးရ လက်အောက်ခံဖြစ်သော နယ်ခြားစောင့်တပ်ဆိုင်ရာ သဘောတူညီထားချက်တွေကို လက်မခံနိုင်ရခြင်း အကြောင်းရပ်တွေ ကတော့…
၁။ စစ်အစိုးရ အစီအမံတွေအတိုင်း ပူးပေါင်းလိုက်နာဆောင်ရွက်ခဲ့မယ်ဆိုရင် ၉ဝ ရာခိုင်နှုန်းသော ကရင်လူမျိုးတွေဟာ တည်ငြိမ်မှု ကင်းမဲ့စွာဖြင့် ခြိမ်းခြောက်မှုတွေကို ခံစားနေရမှာဖြစ်တယ်။ အစောပိုင်းကာလတွေမှာဖြစ်ပွားခဲ့သည့် ကရင်၊ ဗမာ ပဋိပက္ခတွေဟာ လူ ထုကြား ယခုထက်တိုင် အသစ်သဖွယ်ဖြစ်တည်နေတုန်းပဲ။
၂။ ကျယ်ပြန့်လာတဲ့ အကျင့်ပျက်ခြစားမှုနဲ့ လုံခြုံရေးပိုင်းဆိုင်ရာ ခြိမ်းခြောက်ခံရမှုတွေဟာ နယ်မြေဒေသတွေအတွင်း စဉ်ဆက်မပြတ် ဆိုသလို ဖြစ်ပွားလာခြင်း၊
၃။ တွေ့ဆုံဆွေးနွေးအတည်ပြုထားသည့် ငြိမ်းချမ်းရေးကာလအလွန် အတည်ပြုထားရှိသည့်ကရင်ပြည်နယ် ဒေသအတွင်းရှိ လူထု တိုးတက်ဖွံ့ဖြိုးရေးအတွက် ကတိကဝတ်ပြု ထားရှိချက်တွေဟာ အစစ်အမှန်သဘောအသွင်မဆောင်ဘူး၊
၎။ စစ်အစိုးရ အခြေပြုလုပ်ဆောင်ချက်တွေဟာ အမိန့်အာဏာအပေါ် မတည်သင့်ဘူး (သို့) ယုံကြည်မှုတည်ဆောက်ယူရာတွင် အချိန် ကာလတခုကို အခြေပြုတည်ဆောက်ယူမှသာ ကောင်းမွန်သည့် အကျိုးရလဒ်တွေကို ပြည်သူလူထုအနေဖြင့် ထိတွေ့ခံစားနိုင်မှာဖြစ် သည်၊
၅။ မျက်မှောက်ကာလ စစ်အစိုးရ တင်သွင်းသည့် အဆိုပြုချက်တွေသည် ဆန့်ကျင်ဖက် သဘောတရား အသွင်ဆောင်ပြီ်း ဒီမိုကရေစီ ဖြစ်စဉ်သို့ ကူးပြောင်းရာဝယ် အဆင်ပြေချောမွေ့ပြီး တရားမျှတမှုတွေကို ဘုရားသခင်သာလျှင် ဆောင်ကျဉ်းပေးပါလော့။ တရားမျှတ မှုနှင့် အမှန်တရားကို လိုက်နာကျင့်သုံးဆောင်ရွက်မည်ဆိုလျှင် အတူရပ်တည်မည်ဖြစ်သော်ငြား အပြစ်မဲ့လူထုအပေါ် မှားယွင်းစွာပြုမူ ဆက်ဆံမှုအပေါ် ကျနော်တို့အနေဖြင့် တုန့်ဆိုင်းခြင်းမရှိပဲ တန်ပြန်ပြောဆိုလုပ်ဆောင်သွားမှာဖြစ်တယ်။ ဒီအကြောင်းဖြစ်ရပ်နဲ့ ပတ် သက်လို့ အကောင်ထည်ဖော်လုပ်ဆောင်မည့် အမျိုးသားရေးဆိုင်ရာ မူဝါဒတွေ လမ်းလွဲသွေဖယ်မှုရှိနေတယ်ဆိုတာကိုက ကျိန်းသေ ပေါက်ပြောရဲတယ်။ သတင်းစာတွေပါ ဝါဒဖြန့်ချိရေးတွေမှာ ရည်ညွှန်းပြောဆိုထားတာတွေကို မျက်ကွယ်ပြုနေတာလား။ ပြည်သူ့သ ဘောထားတည်ငြိမ်အေးချမ်းပြီး ဖွံ့ဖြိုးတိုးတက်ရေး၊ အကြမ်းဖက် ဆူပူအုံကြွမှုကို ဆန့်ကျင်တိုက်ဖျက်ရေး။ ဒီကမ္ဘာမြေ လောကအ တွင်းမှ ကျနော်ထွက်ခွာမသွားခင်ဖြစ်ချင်တဲ့ စိတ်ကူးအိပ်မက်တွေထဲမှာ ကရင်ပြည်နယ်တွင်းရှိ စစ်တပ် (သို့) ပြည်သူ့စစ်မှ စစ်သား တွေ နဲ့ လူထုကြား တသားတည်းဖြစ်နေတာကိုမြင်တွေ့ခြင်တာ။ ငြိမ်းချမ်းရေးတပ်တွေဖြစ်တဲ့ ကျနော်တို့အပါအဝင်ပေါ့။ ထိပ်လန့် ကြောက်ရွံ့မှု အရိပ်ဆိုးအောက်မှာ နေထိုင်ရတဲ့ ပြည်သူလူထုဟာ အတော့်ကို နွမ်းလျချွတ်ခြုံကျနေပြီလို့ဆိုရမယ်။ တရားမျှတရေး၊ ဥ ပဒေအပေါ် လူထုလေးစားလိုက်နာရေး၊ အပြန်အလှန် ချစ်ကြည်ရင်းနှီးမှု တည်ဆောက်ရေး၊ ရိုးရာအမွေအနှစ်တွေကို ထိန်းသိမ်းစောင့် ရှောက်ပြီး ငြိမ်းချမ်းစွာ ရပ်တည်နိုင်ရေးတို့ကို မြင်တွေ့လိုတယ်။ တရားမျှတမှုကို ကျနော်တို့ထံမှောက်သို့ သိပ်မကြာခင်ရက်ပိုင်းမှာ ဆောင်ကျဉ်းယူလာမယ်လို့ အားလုံး စောင့်စားနေကြတယ်၊ စစ်အစိုးရအနေနဲ့ ဘုရားသခင်အပေါ် ယုံကြည်သက်ဝင်ခြင်းရှိ မရှိဆိုတာ တော့မသိဘူး။ ကျနော်တို့ လုပ်ဆောင်ခဲ့တာတွေအတွက် ကျနော်တို့ တာဝန်ယူကြရလိမ့်မယ်။
တိုင်းပြည်နဲ့ လူထုအတွက် မှန်ကန်ပြီး တရားမျှတစွာ ပြုမူဆက်ဆံမှသာ မှန်ကန်သည့်လုပ်ဆောင်ချက်တွေဖြစ်တယ်။ လူထုလိုအပ် ချက်တွေဖြစ်တဲ့ တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး၊ ဒီမိုကရေစီစနစ်သို့ ငြိမ်းချမ်းစွာ အသွင်ကူးပြောင်းနိုင်ရေးတို့သာလျှင် တိုင်းပြည်နှင့် လူထုအတွက် ပိုမိုအဓိကအရေးပါလှပြီး စစ်အစိုးရ စီမံလုပ်ဆောင်ချက်တွေသည်။ တိုင်းပြည်နှင့် တိုင်းရင်းသား လူမျိုးစု အားလုံးအတွက် ချွတ်ခြုံကျ ယိုယွင်းပျက်စီးမှုလမ်းကြောင်းသို့သာ ဦးတည်စေတယ်။ လက်ရှိအုပ်စိုးနေသူ စစ်အစိုးရကိုယ်တိုင် နိုင်ငံ တော်အေးချမ်းသာယာရေးနှင့် ဖွံ့ဖြိုးတိုးတက်ရေးကောင်စီလို့ အမည်ပေးခေါ်ဆိုထားသည် မဟုတ်ပါလား။ တိုင်းရင်းသား လူမျိုးစု ခေါင်းဆောင်တွေနဲ့ အမျိုးသားပြန်လည်သင့်မြတ်ရေး လမ်းကြောင်းကိုဖော်ဆောင်ဖို့ရာ စစ်အစိုးရအနေဖြင့် ရည်ရှည်လျှောက်လှမ်းရ မှာဖြစ်သလို မည်သည့်အစိုးရမှ အကောင်အထည်ဖော် အောင်မြင်အောင် လုပ်ဆောင်နိုင်စွမ်းမရှိခဲ့ဘူး။ အမိန့်ထုတ်ပြန်လုပ်ဆောင် သည့် အတင်းအကျပ်ဖိအားပေး လုပ်ဆောင်သည့် အစီအမံတွေထက်စာလျှင် နှစ်ဦးနှစ်ဖက် တွေ့ဆုံဆွေးနွေးပြီး ငြိမ်းချမ်းစွာ အဖြေရှာ ထုတ်ဖို့ရာ ဘာအကြောင်းကြောင့် မဖြစ်နိုင်ရတာလဲ။ မည်သည့် အုပ်ချုပ်သူ အစိုးရမှ အတိတ်ကာလတွေမှာ နိုင်ငံရေး (သို့) စစ်ရေး၊ လူမှုရေး (သို့) စီးပွာရေးတွေမှာ တိုင်းရင်းသား လူမျိုးစုတွေနှင့် ငြိမ်းချမ်းစွာ တွေ့ဆုံဆွေးနွေး အဖြေရှာပြီး အကူအညီထောက်ပံ့ လုပ် ဆောင်ပေးခဲ့ခြင်းမျိုးမှ မရှိခဲ့ဘူး။ စစ်အစိုးရ အစ်ီအမံလုပ်ဆောင်ချက်တွေမှသည် စစ်ပွဲ၊ ပဋိပက္ခနှင့် အမုန်းတရားတွေသာလျှင် မွေး ထုတ်ပေးခဲ့တယ်။ အုပ်ချုပ်သူ စစ်အစိုးရ လိုချင်သည့်အောင်မြင်ဖြစ်ထွန်းမှုတွေမှသည် ဆန့်ကျင်ဖက်ရလဒ်ဆိုးတွေသာ ထွက်ပေါ်လာ ခဲ့တယ်။ သမိုင်းကြောင်းဆိုင်ရာ အထောက်အထားတွေ ဖော်ပြချက်အရဆိုရင် စစ်အင်အားကြီးထွားလာခြင်းကြောင့် လက်နက်ပိုင် ဆိုင်မှုတွေအပေါ် ဂုဏ်ယူဝင့်ကြွားလာခြင်းဟာ တိုင်းပြည်လုံခြုံမှုကို ပေးစွမ်းနိုင်စွမ်းမရှိဘူးဆိုတာ ဂျာမဏီ၊ ဂျပန်၊ ဆိုဗီယက် ယူနီယံ၊ အင်္ဂလန်တို့အပြင် ယနေ့မျက်မြင်ရင်ဆိုင်ကြုံတွေ့နေရသည့် အမေရိကန်နိုင်ငံတို့သည် ပြဿနာပေါင်းစုံဖြင့် ရင်ဆိုင်နေကြရသလို တိုင်းပြည်လုံခြုံမှုကို ပေးစွမ်းနိုင်စွမ်းရှိတာက ပြည်သူလူထုအပေါ် စေတနာအမှန်ဖြင့် အလုပ်အကျွေးပြုစုပြီး မှန်ကန်မှုကိုပေးစွမ်းနိုင် သည့် ကောင်းမွန်သည့် ခေါင်းဆောင်မှုတွေသည်သာလျင်ဖြစ်တယ်။ ထက်မြက်သည့် ခေါင်းဆောင်မှု၊ အတ္တစိတ်ကင်းမဲ့မှု (သို့) အာ ဏာလက်မလွတ်စတမ်း ဆုတ်ကိုင်မထားမှုတွေသည် တိုင်းပြည်လုံခြုံရေး၊ ပေါများကြွယ်ဝရေးတို့အတွက် ငြိမ်းချမ်းစွာ အဖြေရှာဖွေရေး လမ်းကြောင်းဆီသို့ ဦးတည်စေတာဖြစ်တယ်။
ငြိမ်းချမ်းမှုရှိရှိ သဟဇာတဖြစ်ရေးထက် ဘယ်အရာကမှ သင့်မြတ်လျော်ကန်ခြင်း မရှိဘူး။ လူမျိုးရေး ခွဲခြားဆက်ဆံမှုတွေကို အဆုံး သတ်လိုက်ကြပါစို့။
မြန်မာပြည်အနှံ့အပြား ခရီးသွားလာကြည့်ခဲ့ရသလောက် တိုင်းပြည်သံယံဇာတ ပေါများကြွယ်ဝသလောက် မြန်မာပြည်သူလူထု ကြုံ တွေ့နေရသည့် အခက်အခဲအကျပ်အတည်း ပြဿနာရပ်တွေနှင့် နာကျင်ဆိုးဝါးမှုတွေသာ တွေ့မြင်ခဲ့ရတယ်။ ပြည်သူလူထုအနေဖြင့် ကောင်းမွန်သည့် ဘဝအခြေအနေတွေနှင့်သာ ထိုက်တန်တယ်။ ဗြိတိသျှ ကိုလိုနီလက်အောက် ဘဝမှ လွတ်လပ်ရေးရပြီးကတည်းက မြန်မာနိုင်ငံသည် စစ်မှန်သည့် တည်ငြိမ်အေးချမ်းမှုကို မရရှိခဲ့ပါဘူး။ ဒါဟာ ကျနော်တို့အားလုံးအတွက် စိန်ခေါ်မှုတွေဖြစ်သလို ကျနော် တို့ ဘဝသက်တမ်းတလျှောက် ဘာတွေပြုမူဆောင်ရွက်ကြမလဲ။ တိုင်းပြည်ဆိုးဝါးချွတ်ခြုံကျအောင်လုပ်ဆောင်မှာလား(သို့) ကောင်း မွန်အောင်လား။ အဆုံးသတ်ကာလတွေမှာ ပျော်ရွှင်မှု သို့ ဝမ်းနည်းမှုတွေ ချန်ထားရစ်ခဲ့မှာလား။ ကျနော်တို့ အားလုံးအပေါ်မှာ မူတည် နေတယ်။
စစ်အစိုးရ အစီအမံဆောင်ရွက်ချက်တွေအပေါ် လိုက်နာဆောင်ရွက်ခြင်းမရှိပဲ ငြင်းဆန်ခဲ့မယ်ဆိုရင် နောက်ဆက်တွဲဖြစ်လာမှာက တ ရားမဝင် အဖွဲ့အစည်းလို့ စွပ်စွဲခေါ်ဆိုပြီး စစ်ဆင်နွှဲခြင်း၊ ပါတီတရပ်တည်းရဲ့ပြဿနာရပ်ကိုသာ ရင်ဆိုင်ကြုံတွေ့ရမှာ မဟုတ်သလို မြန် မာပြည် နေရာအနှံ့အပြားမှာရှိနေတဲ့ တိုင်းရင်းသား လူမျိုးစုအားလုံးနဲ့ ထိပ်တိုက်တိုးရင်ဆိုင်ရမှာဖြစ်တယ်။ တိုင်းပြည်အေးချမ်းစွာဖြင့် တည်ငြိမ်ရေးကို နှောက်ယှက်ဖျက်ဆီးနေတာ တကမ္ဘာလုံးက သိရှိနေကြပြီ။ တိုင်းပြည်သွေးစည်းည်ီညွတ်ရေးနဲ့ အပြစ်မဲ့ ပြည်သူလူ ထုရဲ့ အနာဂတ် ဖွံ့ဖြိုးတိုးတက်ရေးအတွက် မှားယွင်းသည့် စီမံလုပ်ဆောင်ချက်တွေကို စွန့်လွှတ်လိုက်ပါတော့လို့ တောင်းဆုပြုပါ တယ်။
စစ်မှန်သော စေတနာဖြင့် ...
ဗိုလ်ချုပ် ဌေးမောင်
ဥက္ကဌ
KNU/ KNLA ငြိမ်းချမ်းရေး ကောင်စီ
ထို့ကော်ကိုး၊ ကရင်ပြည်နယ်
လူမဆန်မှုသတင်း
April 2010,
သထုံခရိုင်။
- ဖားအံ့မြို့နယ်၊ ၂၀.၄.၂၀၁၀နေ့ တပ်ပေါစခန်းရှိ ခမရ(၇၀၃)နအဖတပ်သည် ဟတ်တ ရယ်ကျေးရွာအုပ်စု တွင်းရှိ ရွာများမှ တအိမ်လျှင် ဝါး၅ချောင်းနှင့် အင်ဖက်၅ခက်နှုန်းဖြင့် အောက်ပါရွာများကိုမပေးမနေရအတင်းအကျပ်တောင်းဆိုသည်။
(၁) ဟတ်တရယ် (၂) ကျူးစီး (၃) ဖျာဂေါ် (၄) တာသူးခီး (၅) ထီးကျူ (၆) ပို (၇) နိုလော် ပလော (၈) နိုအော်လာတို့ဖြစ်သည်။ ဒီ့အပြင် တပ်ပေါစခန်းသို့ ၂၅.၄.၂၀၁၀နေ့အ ရောက်ပို့ခိုင်းသည်။
- ဖားအံ့မြို့နယ်၊ DKBA မှ ဂူကျိုးနှင့် မိုဒဲဦးဆောင်တဲ့အဖွဲ့သည်ဘောတပြုကျေးရွာသူရွာသား များ၏ငွေများကိုအတင်းအကျပ်တောင်းဆိုခဲ့သည်။
တောင်ငူခရိုင်။
- ဒေါဖခိုမြို့နယ်။ ၁၈.၄.၂၀၁၀နေ့ စကခ(၇)လက်အောက်ခံ ခမရ(၄၂၃) စစ်ကြောင်း မှူး ဝေဖြိုး အောင်ဦးစီးတဲ့အဖွဲ့၏လိုက်လံမီးရှို့မှုကြောင့် ဂါဒဲကျေးရွာအုပ်စုနှင့် ကိုးဒေးကျေးရွာအုပ်စု ရှိရွာသူရွာသားများ၏ပစ္စည်းဥစ္စာလယ်ယာခြံမြေများမီးလောင်ခံရ။ ဒါ့အပြင်ယခုထက်တိုင် မီးမငြိမ်းသေးပါ။
- ၂၃.၄.၂၀၁၀နေ့ သအေးထာစခန်းရှိခမရ(၄၂၃)၏မီးရှို့မှုကြောင့် သအေးထာမှစ၍ကိုဒေး အထိ ဟတ်ထိုးပယ်၊ ဆောဝါဒဲအုပ်စုတွေပါမကျန် ရွာသားများ၏လယ်ယာစိုက်ပျိုးခင်းများ များစွာမီးလောင်ခံရ။
- ဒေါဖခိုမြို့နယ်။ ၂၄.၄.၂၀၁၀နေ့ စကခ(၇)လက်အောက်ခံ ခမရ(၄၂၃) စစ်ကြောင်း မှူးမျိုး ထွန်းဦးဆောင်တဲ့ နအဖတပ်သည် မော်ကိုးဒဲရွာသားများအား ဝါးကြီး ၂၀၀ချောင်း၊ ဝါးငယ် ၁၀၀ချောင်းနှင့် တယ်ဒိုကျေးရွာသားများအား ဝါးကြီး ၁၅၀ချောင်းနှင့် ဝါးငယ်၅၀ချောင်း၊ နော်သေးဒဲရွာအားဝါးကြီး၅၀ချောင်းတို့ကိုအတင်းအဓမ္မခုတ်ခိုင်းသည်။
- ၂၅.၄.၂၀၁၀နေ့ ဘုရားရွာရှိနအဖတပ်သည် တောကူးရွာသား၁ဦးအားအကြောင်းမဲ့က စယ်ဒိုဘက်သို့လျှောက်ခေါ်ဆောင်သွား။
- ထန်းတပင်မြို့နယ်။ ၂၇.၄.၂၀၁၀နေ့ ကစယ်ဒိုရှိနအဖတပ်သည် ရေရှာရွာအားအင်ဖက် ၄၀၀ခက်နှင့်လှည်းတစီး၊ ပြင်ကားရွာအားအင်ဖက်၄၀၀ခက်နှင့်လှည်းတစီး တို့ကိုကစယ် ဒိုစခန်းသို့အတင်းအဓမ္မပို့ဆောင်ခိုင်း။
ဒူးပလာယာခရိုင်။
- ၃.၄.၂၀၁၀နေ့။ လားတကောရဲစခန်းပြန်လည်ဆောက်ဖို့အတွက် ရဲစခန်းမှူးအောင် အောင်ဦး သည် ကော့ဖော၊နိုသလာ၂၀၀၀ခက်၊ ရော်ကဲ၊ဖားကျ၊တမို့ခူးသူတို့ကို ဝါး၊သစ် ၂၀၀၀ခုတ်ခိုင်းပြီး ဧပြီလကုန်အရောက်ပို့ခိုင်း။
- ၂၀.၄.၂၀၁၀နေ့စခန်းမှူးအောင်အောင်ဦးသည် ရွာသူကြီးများခေါ်တွေ့ပြီး ဧပြီလမကုန်ခင် သစ်၊ဝါးများကိုအတင်းအကျပ်ပို့ဆောင်ခိုင်း။
KNU နယ်မြေအတွင်း လှုပ်ရှားနေသော နအဖတပ်များ
သျှမ်းသံတော်ဆင့် မှ
ကရင်အမျိုးသား လွတ်မြောက်ရေး တပ်မတော် (KNLA) နယ်မြေအတွင်း၌ လက်ရှိအချိန်တွင် မြန်မာစစ်တပ်မှ တိုက်ခိုက် ရေး တပ်ရင်း တစ်ရာကျော်ခန့် နေရာယူလှုပ်ရှားနေကြောင်း မကြာသေးမီကရရှိသည့် စစ်ရေးအစီရင်ခံစာတစ်စောင်အရ သိရသည်။
ကရင်လက်နက်ကိုင်တပ်များရှိရာ မြန်မာနိုင်ငံ အရှေ့တောင်ဘက်ရှိ ကရင်နှင့် မွန်ပြည်နယ် ၊ ပဲခူးနှင့် သနင်္သာရီတိုင်း အတွင်းရှိ နယ်မြေများတွင် မြန်မာစစ်တပ်၏ ပင်မ မြေပြင် တိုက်ခိုက်ရေး တပ်မ၂ ခု နှင့် စကခ (ခေါ်) စစ်ဆင်ရေး ကွပ်ကဲမှု ဋ္ဌာနချုပ် (၈)ခုတို့ ပုံမှန်လှုပ်ရှားကြောင်း သိရသည်။
အဆိုပါ တပ်များတွင် တပ်မ ၂၂ ၊ ၄၄ နှင့် စကခ ၂ ၊ ၄ ၊ ၅ ၊ ၇ ၊ ၈ ၊ ၁၀ ၊၁၉ ၊ ၂၁ စသည့် ကွပ်ကဲမှုတပ်များပါဝင်ပြီး တပ်ရင်းပေါင်း တစ်ရာကျော်ခန့်ရှိကြောင်း သိရသည်။
ကရင်လက်နက်ကိုင်များနှင့်ရင်ဆိုင်နေသည့် လက်ရှိ မြန်မာစစ်တပ်၏ အင်အားသည် ယခင်ထက်စာလျှင် တပ်မ ၂ ခုခန့် လျှော့နည်း နေကြောင်း တရုတ်နယ်စပ်ရှိ စစ်ရေးနိုင်ငံရေးအကဲခတ် ဦးအောင်ကျော်ဇောက သုံးသပ်သည်။
“ကရင်နယ်မြေဘက်မှာ အဓိကကတော့ စကခတွေပဲများတယ် တပ်မ ၂၂ နဲ့ ၄၄ က ပုံမှန်ရှိတယ် တစ်ခုက ခါတိုင်းရှိတဲ့ တပ်မ ၆၆ နဲ့ ၇၇ ကတော့မပါဘူး ထုတ်ထားတဲ့သဘောရှိတာပေါ့ ခါတိုင်းထက် တပ်မ ၂ခုလောက်လျှော့နေတဲ့ သဘောပေါ့ ”
“တရုတ်နယ်စပ်ဘက် လိုရင်လည်းသုံးရအောင်ပေါ့ အရင်ဘင်္ဂလားနယ်စပ်ပြဿနာပေါ်ကတည်းက ထုတ်ထားတာလေ အဲဒီကတည်းက ပြန်မသွင်းတာ တစ်ခုလုံးလိုအပ်ချက်အရ ထုတ်ထားတာဖြစ်နိုင်တယ် ” လို့ သူက ပြောသည်။
လွန်ခဲ့သည့်နှစ်အတွင်းက သျှမ်းပြည်(မြောက်ပိုင်း) ကိုးကန့်အထူးဒေသ (၁) တပ်ဖွဲ့အား ထိုးစစ်ဆင် တိုက်ခိုက်ချိန်မှစ၍ အဆိုပါ ဒေသလုံခြုံရေးအတွက် မြန်မာစစ်တပ်က တပ်မ ၃၃ နှင့် ၉၉ ကို ကိုးကန့်ဒေသတစ်ဝိုက်တွင် အမြဲတမ်းတပ်စွဲထား ရသည်။
မြန်မာစစ်တပ်၌ ပင်မမြေပြင်တိုက်ခိုက်ရေး တပ်မ ၁၀ ခုခန့် ရှိသည့်အနက် နောက်ထပ်ပြောင်းရွှေ့လှုပ်ရှားနိုင်သည့် တပ်မ အနေဖြင့် ၅ ခုခန့်သာရှိကြောင်း သိရသည်။
ကရင်အမျိုးသားလွတ်မြောက်ရေးတပ်မတော်သည် ကရင့်အမျိုးသားအစည်းအရုံး (KNU) လက်အောက်ခံ လက်နက်ကိုင် တပ်ဖြစ်ပြီး ကရင်အမျိုးသားရပိုင်ခွင့်အတွက် နှစ်ပေါင်း ၆၀ ကျော်ကြာ လက်နက်ကိုင်တိုက်ခိုက်နေသည့် အဖွဲ့ဖြစ်သည်။
နာမည်ဆိုး ကြံ့ဖွံ့ ရွေးကောက်ပွဲ ၀င်ရန် ပါတီ အဖြစ်မှတ်ပုံတင်
freedom news group မှ
ဒီပဲယင်း အရေးအခင်းတွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နှင့် ဒီမိုကရေစီ
လိုလားသူများအား သတ်ဖြတ်ရန်စီစဉ်ခဲ့သည်ဟု နာမည်ဆိုးဖြင့် ကျော်ကြားသည့် ကြံဖွံ့ က ရွေးကောက်
ပွဲ ၀င် ရန် အတွက် ပါတီ အဖြစ်မှတ်ပုံတင် လိုက်ပြီ ဖြစ်ကြောင်း ယနေ့ ထုတ် ကြေးမုံ သတင်းစာတွင် ဖော်
ပြထားသည်။နိုင်ငံရေး ပါတီ အဖြစ်အသွင်ပြောင်းမည့်  ရွေးကောက်ပွဲ မှတ်ပုံတင် ကြံဖွတ်အား အရပ်သားအဖြစ် အသွင်
ပြောင်းထားသည့် ၀န်ကြီးချုပ် ဗိုလ်ချုပ်ကြီး သိန်းစိန် နှင့် အခြားဝန်ကြီး ၂၅ ဦးတို့ က ဦးဆောင်သွားမှာ ဖြစ်
ကြောင်း ယမန်နေ့ ညက ရုပ်မြင်သံကြား သတင်းတွင် ထုတ်လွှင့်သွားခဲ့သည်။
စစ်တပ်ဦးဆောင်သည့် ကြံဖွတ် ရွေးကောက် ပွဲ ၀င်ခြင်းသည် မြန်မာစစ်အစိုးရ၏ ရွေးကောက်ပွဲ လုံးဝ တရားမျှတမှု
ရှိမှာ မဟုတ်ခြင်း ကိုပြသခြင်း ဖြစ်သည် ဟု နိုင်ငံရေး အကျဉ်းသားဟောင်း တစ်ဦးက ပြောသည်။
ရွေးကောက်ပွဲတွင် ကြံဖွတ် ပါဝင်ခြင်း အားဖြင့် နိုင်ငံရေး ဂယက် များ ဖြစ်ပေါ်လာ နိုင်သည် ဟု တတိယ အင်
အားစု ၀င် တစ်ဦး ကသုံးသပ် သည်။
စစ်အာဏာရှင်များက လွှတ်တော်တွင် စစ်သားများများ ပါဝင် ရေး အတွက် ကြိုးပမ်းခြင်းသည် စစ်အာဏာရှင်
စနစ် သက်ဆိုးရှည်ရန် နည်းမျိုးစုံဖြင့် ပုံဖော်ခြင်း ဖြစ်သည် ။
ဘန်ကောက် အခြေစိုက် မြန်မာ အရေး လေ့လာသူ တစ်ဦးဖြစ်သည့် ဦး ကျော်လင်းဦး က အခုလို စစ်ဗိုလ်ချုပ်ကြီးတွေ
ဘောင်ဘီချွတ်ပြီး ပါတီထောင်တာ သိပ်တော့ ထူးဆန်းတဲ့ကိစ္စမဟုတ်ပါဘူး။ ကျနော်တို့အားလုံး မျှော်လင့်ပြီးသားပဲ။ ဒီလို
စစ်ဗိုလ်ချုပ် ကြီးတွေကို ဘောင်ဘီချွတ်ခိုင်းပြီး ရွေးကောက်ပွဲဝင်ခိုင်းတာ အချက် ၂ ချက်ရှိပါတယ်။ လက်ရှိ ရာထူးယူထားတဲ့
ဝန်ကြီးတွေကို ရွေးကောက်ပွဲ ၀င်ခိုင်းခြင်းအားဖြင့် ရွေးကောက်ပွဲစရိတ်မကုန်တော့ဘူး။ ၀န်ကြီးစရိတ်နဲ့ မဲဆွယ်စည်းရုံးရေးတွေ
ဆင်းနိုင်အောင်လို့ လက်ရှိ အစိုးရအဖွဲ့ဝင် ၀န်ကြီးတွေကို ဘောင်ဘီချွတ်ပြီး ရွေး ကောက်ပွဲဝင်ခိုင်းတာပါ။ ဒုတိယအချက်ကတော့
ဒီလူတွေဟာ ရွေးကောက်ပွဲပြီးသွားယင် လွှတ်တော်ထဲမှာ လွှတ်တော်အမတ်တွေအဖြစ်နဲ့ပဲ အစိုးရကို ထောက်ခံ ရတဲ့ တာဝန်ကိုယူ
ရတော့မှာဖြစ်ပါတယ်။ ဆိုလိုတာက သူတို့ဟာ နောက်အစိုးရမှာ ပါလာစရာအကြောင်းမရှိတော့ပါဘူး။ လက်ရှိဖွဲ့စည်းပုံအခြေခံဥ
ပဒေအရ လွှတ် တော်အမတ်တစ်ယောက်ကို ၀န်ကြီးရထူးပေးမယ်ဆိုယင် လွှတ်တော်အမတ်အဖြစ်ကနေ နှုတ်ထွက်ရမှာ
ဖြစ်ပါတယ်။ ဒါဆိုတော့ နောက်ထပ်ကြားရွေးကောက်ပွဲ တွေ ထပ်လုပ်ရဦးမှာပါ။ စစ်အစိုးရက အဲလောက်အထိ အ
လုပ်ရှုပ်ခံမှာမဟုတ်ပါဘူး။ ဒါကြောင့် အခု လက်ရှိ ရွေးကောက်ပွဲဝင်ခိုင်းတာကို ခံရတဲ့သူတွေ ဟာ နောက်
တက်လာမယ့် ဗဟိုအစိုးရမှာ ပါလာစရာအကြောင်းမရှိတော့ပါဘူး။
ဘာသာရေး လွတ်လပ်ခွင့် ချိုးဖောက်ရာမှာ မြန်မာ ထိပ်ဆုံးက ပါဝင်
VOA မှ
စစ်အစိုးရ အုပ်ချုပ်နေတဲ့ မြန်မာနိုင်ငံဟာ ကမ္ဘာပေါ်မှာ လူ့အခွင့်အရေး အပြင်းထန်ဆုံး ချိုးဖောက်တဲ့ နိုင်ငံတခုအဖြစ် ဆက်လက် တည်ရှိနေဆဲ၊ ဘာသာရေး နှိပ်ကွပ်မှုတွေ ပြင်းပြင်းထန်ထန် ပြုလုပ်နေဆဲ ဖြစ်တယ်လို့ အမေရိကန် ပြည်ထောင်စု နိုင်ငံတကာ ဘာသာရေး လွတ်လပ်ခွင့် ကော်မရှင် (USCIRF) က ပြောကြားလိုက်ပါတယ်။ ၂၀၀၉ ခုနှစ် ဧပြီလ ၁ ရက်နေ့ကနေ ၂၀၁၀ မတ်လ ၃၁ ရက်နေ့အထိ အကျုံးဝင်တဲ့ ၂၀၁၀ ပြည့် နှစ်ချုပ်အစီရင်ခံစာထဲမှာ အဲဒီလို ဖော်ပြထားတာ ဖြစ်ပါတယ်။
ဒီအစီရင်ခံစာ ပြုစုရာမှာ အဓိက တာဝန်ယူခဲ့တဲ့ USCIRF ရဲ့ အရှေ့အာရှဆိုင်ရာ မူဝါဒရေးရာ ညွှန်ကြားရေးမှူး စကော့ ဖိလစ်ဆီ (Scott Felipse) ကို ဦးကျော်ဇံသာက ဆက်သွယ်မေးမြန်း ထားပါတယ်။ ဒီအစီရင်ခံစာမှာ မြန်မာပြည် Burma ဆိုတာကို ထိပ်ဆုံးမှာ ဖော်ပြထားတာဟာ အခြေအနေ အဆိုးဝါးဆုံးနိုင်ငံ ဖြစ်နေလို့ မဟုတ်ဘဲ အက္ခရာစဉ်အရ ထိပ်ဆုံးမှာ ဖော်ပြထားတာလို့ သူက ဆိုပါတယ်။ ဒါ့အပြင် ကျန်နိုင်ငံတွေနဲ့ ယှဉ်ရင် မြန်မာနိုင်ငံရဲ့ အခြေအနေ ဘယ်လိုရှိနေသလဲ ဆိုတော့ သူက အခုလို စပြီး ဖြေကြားပါတယ်။
“မြန်မာနိုင်ငံဟာ လူ့အခွင့်အရေး အခြေအနေ အဆိုးဝါးဆုံး နိုင်ငံတခုအဖြစ် ဆက်ရှိနေဆဲဆိုတာ ကျနော်တို့ တွေ့ရပါတယ်။ ဘာသာရေး လွတ်လပ်ခွင့်ကို တားဆီး ပိတ်ပင်ရာမှာလည်း အပြင်းထန်ဆုံး ဖြစ်နေပါတယ်။”
ဒါဟာ မြန်မာ့ လူ့အဖွဲ့အစည်းမှာကို အခြေခံနေတဲ့ ချိုးဖောက်မှုတွေလား၊ ဒါမှမဟုတ် အစိုးရ မူဝါဒအရ ချိုးဖောက်တာလား၊ အထူးသဖြင့် ရွှေဝါရောင်အပြီးမှာ ဖြစ်လာတဲ့ အခြေအနေများလားခင်ဗျ။
“ရွှေဝါရောင် တော်လှန်ရေးမှာတော့ အစိုးရရဲ့ ဘာသာရေး နှိပ်ကွပ်မှုတွေက အပေါ်လွင်ဆုံး ဖြစ်ခဲ့ပါတယ်။ ဒါပေမဲ့ ဘာသာရေး ဖိနှိပ်မှု ပြဿနာ အများစုကတော့ ၂၀၀၇ ခုနှစ် မတိုင်ခင် ဟိုးအဝေးကြီး ကတည်းက ရှိနေခဲ့တာပါ။ မွတ်ဆလင် ဘာသာဝင်တွေ အပေါ်မှာရော ခရစ်ယာန် ဘာသာဝင်တွေ အပေါ်မှာပါ နှိပ်ကွပ်လာခဲ့တာပါ။ အလားတူပဲ သူတို့နဲ့ အယူအဆ မတူတဲ့ ဗုဒ္ဓဘာသာဝင်တွေ အပေါ်မှာလည်း နှိပ်ကွပ်ခဲ့တာပါ။”
ရွှေဝါရောင် တော်လှန်ရေး တုန်းကတော့ စစ်အစိုးရကို နိုင်ငံရေးအရ စိန်ခေါ်မှု ရှိခဲ့တယ်လို့ ဆိုပါတော့ခင်ဗျာ။ ဒါပေမဲ့ ကျန်တဲ့အချိန်တွေမှာ ကျတော့ရော ဘာသာရေး အဖွဲ့အစည်းတွေ၊ ဘာသာရေး အသိုင်းအ၀ိုင်းတွေဟာ နိုင်ငံရေးအရ သူတို့အာဏာ တည်မြဲရေးကို စိန်ခေါ်တာလည်း မရှိဘဲနဲ့ ဘာကြောင့် နှိပ်ကွပ်ရတယ်လို့ ယူဆပါသလဲ ခင်ဗျ။
“ကျနော့်အထင်ကတော့ ဗိုလ်ချုပ်တွေရဲ့ အနေအထားက အားပျော့နေပါတယ်။ ဒါကြောင့်လည်း ဘာသာရေး လွတ်လပ်ခွင့်နဲ့အတူ ပြည်သူတွေရဲ့ လွတ်လပ်ခွင့်တွေကိုပါ ချုပ်ချယ်ထားတာပါ။ ဒီလို အခြေအနေမျိုးမှာ ရွှေဝါရောင် တော်လှန်ရေးကြ သံဃာတော်တွေက လူထုကို ဦးဆောင်လာကြတော့ သူတို့ ပိုပြီးတော့ စိုးရိမ်လာကြပါတယ်။ သံဃာတော်တွေရဲ့ ငြိမ်းချမ်းတဲ့ လှုပ်ရှားမှုကို လူထုက တခဲနက် ထောက်ခံခဲ့ကြတာပါ။”
လွတ်လပ်စွာ ဘာသာကိုးကွယ်ခွင့်ကို ကျင့်သုံးလို့ အဖမ်းအဆီး ခံနေရတဲ့ လူတွေကို လွှတ်ပေးဖို့ ဆိုတာလည်း ဒီအစီရင်ခံစာထဲမှာ ဖော်ပြထားတာ တွေ့ရပါတယ်။ တကယ်ပဲ ယုံကြည်ကိုးကွယ်မှု သက်သက်ကြောင့် ဖမ်းဆီးခံနေရသူ ဆိုတာရော မြန်မာပြည်မှာ ရှိနေပါသလား။
“သံဃာတော် တော်တော်များများဟာ ဆန္ဒပြလို့၊ ဒါမှမဟုတ် အစိုးရကို ဝေဖန်လို့ ထောင်ဒဏ် ကျခံနေရတာတွေ ရှိပါတယ်။ မျှတတဲ့ တရားစီရင်မှု မရှိဘဲ ခုခံကာကွယ်ပိုင်ခွင့် မရှိဘဲ ကျခံနေရတာပါ။ ညှဉ်းပန်းနှိပ်စက်မှုတွေလည်း ခံကြရပါတယ်။ ပြီးတော့ ရွှေဝါရောင် တော်လှန်ရေး ဆိုတာကလည်း ဓာတ်ဆီဈေးနဲ့ ကုန်ဈေးနှုန်း ကိစ္စချည်း မဟုတ်ဘဲ ဘာသာရေး လွတ်လပ်ခွင့် တောင်းဆိုတဲ့ပွဲလို့လည်း ကျနော်တို့ တွေ့မြင်ရပါတယ်။”
ဒီလိုဆိုရင် စစ်အစိုးရရဲ့ ဘာသာရေး ဖိနှိပ်မှုတွေဟာ ကြောက်စိတ်၊ တနည်းအားဖြင့် စိုးရိမ်စိတ် လွန်ကဲပြီး လုပ်နေတယ်ဆိုတဲ့ သဘောမျိုး ဆိုပါတော့ခင်ဗျာ။ ဆိုတော့ စိုးရိမ်စိတ်ကြောင့် ဖြစ်နေတဲ့ ကိစ္စကို ကုစားတဲ့နေရာမှာ ဖိအားပေး ခြောက်လှန့်တဲ့နည်းထက် အားပေး ကုသရေးနည်းက ပိုပြီးတော့ မသင့်လျော်ပေဘူးလား ခင်ဗျ။ အခု ခင်ဗျားတို့ အစီရင်ခံစာထဲမှာ ပိုပြီး ဖိအားပေး အရေးယူဖို့သာ တောင်းဆိုထားတာ တွေ့ရပါတယ်။
“ကုလသမဂ္ဂရော အမေရိကန် ပြည်ထောင်စုကပါ ဒဏ်ခတ် အရေးယူပြီးတော့ သိသာထင်ရှားတဲ့ တိုးတက်မှုတွေ လုပ်အောင် ဖိအားပေးဖို့ ဆုံးဖြတ်ထားကြတာပါ။ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်ပေးဖို့ ဆိုတာမျိုးပါ။ ကျနော်တို့ကလည်း ဒီအတိုင်းပဲ လိုက်ပါ တောင်းဆိုနေပါတယ်။ ဒီတောင်းဆိုချက်တွေဟာ ဒဏ်ခတ် အရေးယူဖို့ သက်သက် မဟုတ်ဘဲ ထိတွေ့ဆက်ဆံရေးနဲ့ ဖိအားပေးမှု နှစ်ချက်စလုံး ပါဝင်တယ်လို့ ထင်ပါတယ်။ ဒါဟာ အသင့်လျော်ဆုံး မူဝါဒပါ။”
အမေရိကန် ပြည်ထောင်စု နိုင်ငံတကာ ဘာသာရေး လွတ်လပ်ခွင့် ကော်မရှင် (USCIRF) က အရှေ့အာရှဆိုင်ရာ မူဝါဒရေးရာ ညွှန်ကြားရေးမှူး စကော့ ဖိလစ်ဆီကို ဦးကျော်ဇံသာ ဆက်သွယ်မေးမြန်းခဲ့တာ ဖြစ်ပါတယ်။
USCIRF ရဲ့ ဒီအစီရင်ခံစာထဲမှာ မြန်မာနိုင်ငံနဲ့ ပတ်သက်ပြီး အမေရိကန်အစိုးရ အနေနဲ့ ဘာတွေလုပ်သင့်တယ် ဆိုတဲ့ ထောက်ခံ တင်ပြချက်တွေလည်း ထည့်သွင်းထားပါတယ်။ အဲဒီထဲမှာ အမေရိကန်ရဲ့ မြန်မာနိုင်ငံဆိုင်ရာ မူဝါဒကို ကျန် မဟာမိတ် နိုင်ငံတွေနဲ့ပါ ညှိနှိုင်းဖို့၊ ဘာသာရေး လွတ်လပ်ခွင့်အပေါ် အလွဲသုံးစား လုပ်သူတွေကို ချက်ချင်း ရပ်ဆိုင်းသွားအောင် ဖိအားပေးဖို့၊ ကုလသမဂ္ဂရဲ့ သံတမန်ရေး အားထုတ်မှုတွေကို ပံ့ပိုးပေးဖို့၊ မြန်မာ အရပ်သား အဖွဲ့အစည်းတွေရဲ့ စုပေါင်းဆောင်ရွက်မှု၊ အားထုတ်မှုတွေကို ပိုပြီးတော့ အားဖြည့်တင်းပေးဖို့ ဆိုတာတွေ ပါဝင်ပါတယ်။
DKBA နှင့် အစိုးရ ဆက်ဆံရေး တင်းမာ
သန်းထိုက်ဦး Thursday, April 29, 2010 (ဧရာဝတီ)
စစ်အစိုးရနှင့် သူ၏ မဟာမိတ် အဖွဲ့ဖြစ်သော DKBA ခေါ် တိုးတက်သော ဗုဒ္ဓဘာသာ ကရင် အမျိုးသား တပ်မတော်သည် ယခုချိန်အထိ နယ်ခြားစောင့်တပ် အသွင် ပြောင်းရေး အစီအစဉ်အတွက် သဘောတူနိုင်ခြင်း မရှိသေးသဖြင့် နှစ်ဘက် တင်းမာနေကြသည်။
DKBA ကို ဦးဆောင်သူ မြိုင်ကြီးငူ ဆရာတော် ဦးသုဇနက နယ်ခြား စောင့်တပ် အစီအစဉ်ကို လက်မခံ သောကြောင့် DKBA တပ်ဖွဲ့ ၀င်များကို ၎င်းတို့၏ နေရာများ၌ ပြန်နေကြရန် မိန့်ကြား ထားကြောင်း DKBA နှင့် နီးစပ်သူ တဦးက ပြောသည်။
အောက်ခြေ တပ်မှူး တပ်သားများတွင် အယူအဆ အမျိုးမျိုး ဖြစ်နေသည်ဟု ဆိုသည်။
ကရင်ပြည်နယ် ဘုရားသုံးဆူ မြို့နယ်ရှိ DKBA အရာရှိ တဦးကမူ “ကရင် လူထု အပေါ်မှာ ကျောခိုင်း ပြီးတော့ ဘယ်တော့မှ သစ္စာ မဖောက်ဘူး၊ စောဘဦးကြီး မူအရ ကိုယ့်လက်နက်က ကိုယ့်လက် ထဲမှာပဲ ရှိရမယ်၊ ဒီမူကို ကိုင်ဆောင် ပြီးတော့ ရှေ့ဆက် တိုက်ပွဲ ၀င်သွားမယ်” ဟု ပြောသည်။
သို့သော်လည်း DKBA စစ်ဦးစီးချုပ် ဗိုလ်ချုပ် ကျော်သန်းနှင့် ထင်ရှားသည့် ခေါင်းဆောင် တဦး ဖြစ်သည့် ဗိုလ်မှူးကြီး စောချစ်သူတို့က တပ်အသွင်ပြောင်းရေးကို လက်ခံကြောင်း အတည်မပြုနိုင်သော သတင်းများအရ သိရသည်။
DKBA သည် ၁၉၉၅ ခုနှစ်တွင် KNU မှ ခွဲထွက်ပြီးနောက် တဖြည်းဖြည်း အင်အား ကြီးမားလာသည့် လက်နက်ကိုင် အဖွဲ့ ဖြစ်သည်။
ကရင်ပြည်နယ်ရှိ လက်နက်ကိုင် အဖွဲ့များအနက် ဗိုလ်မှူးချုပ် ထိန်မောင် ဦးဆောင်သော KNU/ KNLA ငြိမ်းချမ်းရေး ကောင်စီ အမည်ရှိ အဖွဲ့ကလည်း နယ်ခြားစောင့်တပ် အစီအစဉ်ကို လက်မခံကြောင်း ထိုင်းမြန်မာ နယ်စပ်မှ လာသော သတင်းများအရ သိရသည်။
ငြိမ်းချမ်းရေး ယူထားသည့် ယခင် သူပုန်အဖွဲ့များ အားလုံး နယ်ခြားစောင့် တပ်ဖွဲ့များ အဖြစ် အသွင် ပြောင်းရန် စစ်အစိုးရက သတ်မှတ်ထားသည့် နောက်ဆုံးအချိန်မှာ ယမန်နေ့ကပင် ကုန်ဆုံးသွားပြီဖြစ်သည်။
အသွင်ပြောင်းခြင်း မပြုသည့်အဖွဲ့သည် စစ်ရေးအရ အရေးယူမှုနှင့် ကြုံတွေ့ရနိုင်သည်ဟု အကဲခတ်တချို့က ခန့်မှန်းကြသည်။
၁၉၈၉ ခုနှစ်မှ စတင်၍ အစိုးရနှင့် အပစ်အခတ် ရပ်ထားသော တိုင်းရင်းသား လက်နက်ကိုင် အဖွဲ့ပေါင်း ၁၇ ဖွဲ့ ရှိသည်။
ရွေးကောက်ပွဲ ပြုလုပ်ရန် ပြင်ဆင်နေသည့် စစ်အစိုးရက နယ်ခြားစောင့်တပ်ဖွဲ့ အစီအစဉ်ကို ၂၀၀၉ ခုနှစ် ဧပြီလကတည်းက စတင်ခဲ့သည်။
ယခုအချိန်အထိ အသွင်ပြောင်းပြီးသည့် အဖွဲ့ ၃ ဖွဲ့ ရှိပြီ ဖြစ်သည်။
မြန်မာ့ရေတပ် အဓမ္မ စီးပွားရှာ
မိုးစက် Thursday, April 29, 2010 (ဧရာဝတီ)
မြန်မာနိုင်ငံ တောင်ပိုင်း မြိတ်မြို့ရှိ ငါးဖမ်းစက်လှေ များထံမှ မြိတ်အခြေစိုက် တနင်္သာရီ ရေတပ်စခန်း ဌာနချုပ် အရာရှိများနှင့် တပ်သားများက စက်သုံးဆီ ဒီဇယ်များကို အဓမ္မ တောင်းယူ စီးပွားရှာ နေကြောင်း သိရသည်။
ဒေသခံ ပြည်သူများ၏ ပြောဆိုချက်အရ လှေငယ်လျှင် ဒီဇယ် ၅ ဂါလံမှ ၂၀ ဂါလံ အထိ တောင်းခံပြီး ၀ါလတ် စက်လှေ ကြီးများထံမှ ဆီတပီပါ (ဂါလန် ၅၀)၊ ၀ါတန် စက်လှေ ကြီးများထံမှ ဆီ ၂ ပီပါ (ဂါလန် ၁၀၀) အထိ တောင်းယူ နေကြောင်း ငါးဖမ်း စက်လှေ သမားများက ပြောသည်။
ရေတပ် အရာရှိနှင့် တပ်သားများသည် ငါးဖမ်း စက်လှေကို မြင်သည်နှင့် တာဝန်ကျရာ ကျွန်းမှ စက်လှေနှင့် ရောက်ရှိလာကာ ဒီဇယ်များကို တောင်းခံပြီး ပြန်လည် ရောင်းစား ကြကြောင်း၊ ဒီဇယ် မပေးပါက ငါးပုံးထဲမှ ဈေးကောင်းသည့် ငါးများကို နှိုက်ယူသွား ကြကြောင်း ငါးဖမ်း စက်လှေဖြင့် အသက် မွေးနေသူ မြိတ်မြို့သား တဦးက ပြောသည်။
“ဘယ်ငါး ဈေးကောင်းတယ် ဆိုတာကို သူတို့က သိတယ်လေ။ ကတ်ကူရံ ငါးဆို တကီလိုကို သောင်းချီ ရနေတာ။ မပေးရင် တခါတလေ လူကိုပါ ပြဿနာရှာတယ်၊ ရိုက်သွားတာမျိုးတွေ၊ ခြိမ်းခြောက်တာ မျိုးတွေရှိတယ်။ မြိတ်ဘက်ကိုရောက်လာတဲ့ ရေတပ်စစ်သားတွေက ကြမ်းတယ်” ဟု သူက ဆိုသည်။
အမှတ် ၄၉ ရေတပ်ကို မလိကျွန်းတွင် ရှေ့တန်းအဖြစ် စခန်းချထားပြီး အနီးပတ်ဝန်းကျင်ဖြစ်သော သင်္ကန်းအော်၊ မွန်တုံးကြီး၊ လင်းလွန်း၊ ကန်မွန် အစရှိသည့် ရွာများတွင်လည်း ရှေ့တန်းရေတပ်စခန်းများ ချထားကာ အဆိုပါ ရွာများ အနားသို့ကပ်လာသော ငါးဖမ်းလှေများကို မြင်လျှင် နောက်မှလိုက်၍ စက်သုံးဆီ တောင်းကြသည်ဟု ဒေသခံများက ပြောပြသည်။
ပုဂ္ဂလိက ငါးဖမ်းစက်လှေများထံမှ တောင်းယူပြီးသော စက်သုံးဆီများကို မြိတ်မြို့တွင်းရှိ လုပ်ငန်းရှင် များထံ ပြန်လည် ရောင်းချလေ့ရှိကြောင်းလည်း သိရသည်။
မြိတ်မြို့အခြေစိုက် လုပ်ငန်းရှင်များနှင့် ရေတပ်သားများသည် စီးပွားရေးအရ ဆက်ဆံမှုများရှိနေပြီး ငါးဖမ်း စက်လှေများကို ဆီလိုက်လံတောင်းခံရန် စက်လှေများကိုလည်း အဆိုပါ လုပ်ငန်းရှင်များထံမှ တလ ကျပ် ၅ သိန်းဖြင့် ငှားသုံးကြကြောင်း ငါးဖမ်း လုပ်ငန်းရှင် တဦးကပြောသည်။
“မြိတ် ရေတပ်စခန်းမှာ ၆ လတခါလောက် ဗိုလ်တွေ အလှည့်ကျ ပြောင်းကြတယ်။ ဗိုလ်တစ်ဗိုလ် ပြောင်းတိုင်း မြိတ်ကနေ ကျပ် သိန်းတထောင်လောက် လုပ်ကျွေးလိုက်တယ်လေ။ လက်အောက် ငယ်သား လိုက်တောင်း ပေးတဲ့ စစ်သားတွေကို ရှင်းပြီးတာတောင် အဲဒီလောက် ကျန်တယ်ဗျာ” ဟု သူကဆိုသည်။
မြိတ်မြို့ဒေသခံများ၏ အဆိုအရ မြိတ်မြို့တဘက်ရှိ ဇလိုင်ကျွန်းတွင် ရေတပ်အမြောက်တပ် တပ်ခွဲရှိပြီး ရေရေရာရာ အလုပ်မရှိသော ထိုအမြောက်တပ် တပ်သားများသည် လှေငှားသုံးကာ ဆီတောင်းခံခြင်းတွင် အကြမ်းဆုံးဟုသိရသည်။
“ဆီမပေးလို့ကတော့ တန်ဖိုးရှိတာအကုန်သိမ်းတယ်။ ကင်းမွန်ဖမ်းတဲ့ စက်လှေဆို အနည်းဆုံး ဂါလံ ၈၀ ပေးရတယ်၊ မပေးချင်ရင် သူတို့ကိုမြင်တာနဲ့ လွတ်အောင်ပြေးရတယ်။ အခုနောက်ပိုင်းတော့ လှေငယ်တွေထက် ကင်းမွန် စက်လှေကြီးတွေကို တောင်းတာပိုများတယ်” ဟု စက်လှေ ရေလုပ်သား တဦးက ဆိုသည်။
မြိတ်မြို့သည် ရေလုပ်ငန်းအဓိကကျသော ဒေသဖြစ်ပြီး နိုင်ငံခြားသို့ ရေထွက်ပစ္စည်းအများဆုံး တင်ပို့ရာ နေရာလည်းဖြစ်သည်။
ထိုဒေသရှိ ဒေသခံအများစုမှာ ရေလုပ်ငန်းဖြင့် အသက်မွေးကြပြီး ငါးဖမ်းစက်လှေငယ်များ ပိုင်ဆိုင်ကြသည်။ အစဉ်အဆက် ရေလုပ်ငန်းဖြင့် အသက်မွေးနေသူများလည်းဖြစ်သောကြောင့် ငါးဖမ်းစက်လှေ အများစုမှာ လုပ်ငန်း မထိခိုက်စေရေးအတွက် မြိတ်ရေတပ်မှ တောင်းဆိုသမျှကို လိုက်လျောရသည်ဟု သိရသည်။
ကရင်ဒုက္ခသည် ၁သောင်းခန့် ထိုင်းနိုင်ငံသို့ ဦးတည် ထွက်ပြေးလာနိုင်
ဧပြီလ ၂၉ရက်။ ကေအိုင်စီ
စစ်အစိုးရ၏ နယ်ခြားစောင့်တပ်ကို လက်မခံနိုင်သည့် အချို့ဒီမိုကရက်တစ် တိုးတက်သော ဗုဒ္ဓဘာသာ ကရင်အမျိုးသားတပ်မ တော် (DKBA)နှင့် စစ်အစိုးရအကြား တိုက်ပွဲ ဖြစ်လာမည်ကို စိုးရိမ်သည့်အတွက် ကရင်ရွာသား ၁သောင်းခန့် ထိုင်းနယ်စပ်သို့ ထွက်ပြေးလာနိုင်သည်ဟု လူသားချင်းစာနာထောက်ထားသည့် အကူအညီပေးရေးအဖွဲ့များက ခန့်မှန်းပြောဆိုသည်။
ဧပြီလ ၂၇ရက်နေ့ညမှ ၂၈ရက်နေ့အထိ ကရင်ပြည်နယ်ဘက်ခြမ်းမှ ရွာသား ၃၀၀ကျော်သည် ထိုင်းနိုင်ငံနယ်စပ်၊ မဲဆောက်မြို့ တောင်ပိုင်းရှိ ဝေါ်လေကျေးရွာဘက်သို့ ထွက်ပြေးတိမ်းရှောင်လာခဲ့ကြောင်း ထိုင်း-မြန်မာအခြေစိုက် အဆိုပါ လူသားချင်းစာနာ ထောက်ထားသည့် အကူညီပေးရေးအဖွဲ့များက ပြောသည်။
ယနေ့သည် စစ်အစိုးရက ၎င်းတို့နှင့် အပစ်ရပ်ထားသည့် DKBA ကို နယ်ခြားစောင့်တပ် အသွင်ကူးပြောင်းရေး သတ်မှတ်ရက် နောက်ဆုံးဖြစ်သည့်အတွက် DKBA ခေါင်းဆောင်များအတွင်း သဘောထားကွဲလွဲမှုများရှိနေပြီး အသွင်ကူးပြောင်းရေးကို လက် ခံသည့် ခေါင်းဆောင်တချို့၏ ဆုံးဖြတ်ချက်ကြောင့် ပဋိပက္ခ တိုးပွားမည်ကိုလည်း ဒေသခံများက စိုးရိမ်နေကြသည်။
စစ်တပ်၏ကြိုးကိုင်မှုအောက်တွင် ပြန်လည်ဖွဲ့စည်းမည့် DKBA တပ်ကို နယ်ခြားစောင့်တပ်အသွင်ဖွဲ့စည်းရန် လက်ခံသဘော တူမည်ကို ဒေသခံများက စိုးရိမ်နေကြပြီး ထိုသဘောတူညီမှု၏ နောက်ဆက်တွဲအဖြစ် ဒေသခံရွာသားများကို အဓမ္မ စစ်သားစု ဆောင်းမှုများ ပြုလုပ်လာမည်ကိုလည်း ရွာသားများက စိုးရိမ်နေကြသည်ဟု သိရသည်။
ယခုလို အငြင်းပွားဖွယ်ရာ နယ်ခြားစောင့်တပ်(BGF)ကို လက်ခံမည့် DKBA ခေါင်းဆောင်တချို့၏ ဆုံးဖြတ်ချက်အပေါ် ၎င်းတို့ အဖွဲ့မှ ကျန်ထိပ်ပိုင်းခေါင်းဆောင်များနှင့် တပ်သားများကလည်း ကျေနပ်မှုမရှိဟု သိရသည်။
စစ်တပ်က ၎င်းတို့လိုလားသည့် BGF အသွင်ပြောင်းရေးကို သေချာမှုရှိစေရန် DKBA နယ်မြေတွင် စစ်တပ်က အင်အားပြသည့် အနေဖြင့် တပ်ရင်း ၁၀ခုကို ဧပြီ ၂၇ရက်နေ့ညနေက ထပ်မံ ပို့ဆောင်ထားကြောင်း နယ်စပ်သတင်းများအရ သိရသည်။
ယခုလို BGF အသွင်ပြောင်းရေး ဆုံးဖြတ်ချက်အပေါ် စိတ်ပျက်သည့်အပြင် DKBA အဖွဲ့အတွင်း ၂ ဖွဲ့ဖြစ်နေသည့် အနေအထား ရှိနေပြီး ၎င်းတို့အတွင်း ပဋိပက္ခဖြစ်ရန် သေချာနေကြောင်း DKBA အဖွဲ့မှ ဗိုလ်ကြီးတဦးက ကေအိုင်စီကို ယခုလို ပြောသည်။
“DKBA အဖွဲ့ထဲမှာ အော်တိုမက်တစ် ၂ခြမ်းကွဲလာနိုင်တယ်။ နယ်ခြားစောင့်တပ်ကို လက်ခံတဲ့အဖွဲ့တွေက ကျနော်တို့ BGF ကို လက်မခံရင် သူတို့နဲ့ တိုက်ပွဲတွေ ဖြစ်နိုင်တယ်။ လက်ခံသူတွေက ကရင်လူထုတွေ ပိုပြီးဒုက္ခပိုမိုခံစားမယ်လို့ အငြင်းပွား ပြော နေကြတယ်။ ဒါပေမယ့် ကျနော်တို့ ကရင်လူထုတွေက ဒုက္ခခံစားနေကြပြီးသားပါ”ဟု ပြောသည်။
ယခုသတင်းကို ရေးသားနေချိန်တွင်ပင် လူသားချင်း စာနာကူညီပေးရေးအဖွဲ့၊ ဆေးဝန်ထမ်းများနှင့် ကရင်ခေါင်းဆောင်များ သည် ထိုင်းနယ်စပ်ကို လတ်တလော ရောက်ရှိလာနိုင်သည့် ဒုက္ခသည် ၁သောင်းခန့်ကို ၀န်ဆောင်ပေးကြရမည်ဟု ပြောဆိုခဲ့ ကြသည်။
နယ်ခြားစောင့်တပ်ဖွဲ့ရန် ဒီကေဘီအေက ယေဘုယျ သဘောတူထား
ဧပြီလ ၂၈ရက်။ နန်းထူးစံ (ကေအိုင်စီ)
နအဖ စစ်အစိုးရတို့ ကမ်းလှမ်းထားသည့် အပစ်ရပ်အဖွဲ့များ နယ်ခြားစောင့်တပ်ဖွဲ့စည်းရေးကို တိုးတက်သော ဗုဒ္ဓဘာသာ ကရင်အ မျိုးသား တပ်မတော် (ဒီကေဘီအေ)က ယေဘုယျအားဖြင့် သဘောတူထားကြောင်း သိရသည်။
ယမန်နေ့က ဒီကေဘီအေ ဌာနချုပ်တည်ရှိရာ မြိုင်ကြီးငူအထူးဒေသတွင် ဒီကေဘီအေ အရာရှိကြီးများနှင့် နအဖ အရှေ့တောင် တိုင်း စစ်ဌာနချုပ်မှ ဒုတိုင်းမှူး ဗိုလ်မှူးချုပ်ဇော်မင်း ဦးဆောင်သောအဖွဲ့ တွေ့ဆုံဆွေးနွေးခဲ့ရာမှ ယင်းသို့ သဘောတူထားခြင်းဖြစ် သည်ဟု အစည်းအဝေးကို တက်ရောက်ခဲ့သူ ဒီကေဘီအေ တပ်မဟာ (၉၉၉)မှ တပ်ရင်းမှူးတဦးက ယခုလို ပြောဆိုသည်။
သူက “မနေ့က အစည်းအဝေးမှာ ဘုန်းကြီး မပါပေမယ့် ဒီကေဘီအေ ခေါင်းဆောင်အားလုံးနီးပါး ပါတယ်။ နအဖ ဘက်ကတော့ ဒု တိုင်းမှူးနဲ့အဖွဲ့ ပါတယ်။ ကျနော်တို့ ဆွေးနွေးပြီး သဘောတူကြတာဖြစ်တယ်။ ဒီလိုဆွေးနွေးရာမှာ ကျနော်တို့ ဌာနချုပ်ကို ဘယ်နေ ရာမှာ ထားမလဲ။ တပ်တွေကို ဘယ်လိုနေရာယူရမလဲ စတာတွေကိုလည်း ဆွေးနွေးခဲ့ပါတယ်”ဟု ကေအိုင်စီကို ယနေ့ ပြောဆို သည်။
ယနေ့သည် စစ်အစိုးရက အပစ်ရပ်တိုင်းရင်းသားအဖွဲ့များအား နယ်ခြားစောင့်တပ်အဖြစ် ပြောင်းလဲဖွဲ့စည်းရန် သတ်မှတ်ထားသည့် အတွက် အဆိုပါအစည်းအဝေးသို့ တက်ရောက်သည့် ဒီကေဘီအေခေါင်းဆောင်များက သဘောတူလိုက်ခြင်းဖြစ်ပြီး ဒီကေဘီအေ မှ ၎င်းတို့၏လုပ်ပိုင်ခွင့်အချို့ကို နအဖဘက်မှ မဆုံးဖြတ်ပေးနိုင်သေးသဖြင့် ဗိုလ်ချုပ်ရဲမြင့်နှင့် ပြောဆိုရမည်ဟု တပ်မှူးတဦးက ပြော သည်။
သို့သော်လည်း ထိုနယ်ခြားစောင့်တပ် အသွင်ပြောင်းရေးအစီအစဉ်ကို သဘောမတူသည့် ဒီကေဘီအေ အဖွဲ့ဝင်များလည်းရှိပြီး ဒီ ကေဘီအေ တပ်မဟာ (၅)မှူး ဗိုလ်မှူးကြီးစောလားပွယ်နှင့် ကလိုထူးဘော ဗျူဟာမှူး ဒုဗိုလ်မှူးကြီး စောမုတ်သုန်တို့က ယမန်နေ့ အစည်းအဝေးသို့ တက်ရောက်ခြင်းမရှိကြောင်း နီးစပ်သူများ၏ ပြောပြချက်အရ သိရသည်။
အပစ်ရပ်အဖွဲ့များအား နယ်ခြားစောင့်တပ် အသွင်ပြောင်းရေးကို ဒီကေဘီအေက လက်ခံသဘောတူလိုက်သော်လည်း ၂၀၀၇ခုနှစ် က စစ်အစိုးရနှင့် ငြိမ်းချမ်းရေးယူခဲ့သည့် ကေအဲန်ယူ-ကေအဲန်အယ်လ်အေ ငြိမ်းချမ်းရေးကောင်စီက လုံးဝ လက်မခံနိုင်ကြောင်း ယခုလ ၂၂ရက်နေ့က နအဖ ဗိုလ်ချုပ်ရဲမြင့်ထံသို့ စာရေးသားပေးပို့ခဲ့သည်ဟု သိရသည်။
ကရင်ငြိမ်းချမ်းရေးကောင်စီ စခန်းအနီး နအဖတပ်များ စစ်ရေးပြ
ရဲရင့် (ခေတ်ပြိုင်)
နယ်ခြားစောင့်တပ်အသွင်ပြောင်းရန် လက်မခံသည့် ကေအန်ယူ-ကေအန်အယ်လ်အေ ငြိမ်းချမ်းရေးကောင်စီအဖွဲ့ အခြေစိုက်ရာ ကော့ကရိတ်မြို့နယ် ထော့ကိုကိုးရွာရှိ ဌာနချုပ်ကို နအဖတပ်ဖွဲ့များက အင်အားအလုံးအရင်းဖြင့် ၀င် ရောက်ချေမှုန်းရန် စစ်ရေးပြမှုများ လုပ်ဆောင်နေသဖြင့် တပ်ဖွဲ့ဝင်များ စခန်းမှ စတင်ဆုတ်ခွာနေသည်ဟု တပ်မှူးတဦးက ပြောသည်။
အပစ်ရပ်အဖွဲ့များ နယ်ခြားစောင့်တပ်အဖြစ် အသွင်ပြောင်းရန် နအဖ၏ နောက်ဆုံးသတ်မှတ်ရက်ဖြစ်သည့် ယနေ့တွင် နအဖတပ်များက ယခုကဲ့သို့ စစ်ရေးပြခြိမ်းခြောက်မှုများ ပြုလုပ်ခြင်းဖြစ်သည်ဟု ငြိမ်းချမ်းရေးကောင်စီအဖွဲ့မှ အဆိုပါတပ်မှူးက ပြောသည်။
အဖွဲ့၏ဥက္ကဋ္ဌ စောဌေးမောင်အပါအ၀င် တပ်ဖွဲ့ဝင်အများစုမှာ ယမန်နေ့မှ စတင်ကာ ၎င်းတို့၏ ယခင်တပ်စခန်းဟောင်းရှိရာ ထိုင်းနယ်စပ်သို့ ပြန်လည်ဆုတ်ခွာသွားပြီဟု သိရသည်။
ကရင်ငြိမ်းချမ်းရေးကောင်စီအဖွဲ့က နယ်ခြားစောင့်တပ် အသွင်ပြောင်းမည့်ကိစ္စကို လက်မခံနိုင်ကြောင်း ယခုလ (၂၂) ရက်တွင် နအဖ စစ်ဖက်ရေးရာအရာရှိချုပ် ဒု-ဗိုလ်ချုပ်ကြီး ရဲမြင့်ထံ စာပေးပို့ခဲ့သည်။
အဆိုပါစာထဲတွင် အသွင်ပြောင်းမည့်ကိစ္စ လက်မခံနိုင်သည့် အကြောင်းများကို အသေးစိတ်ရေးသားထားပြီး ကရင်အမျိုးသားထုအတွင်း စစ်မှန်သည့်ငြိမ်းချမ်းရေး တည်ဆောက်၍မရဘဲ အချင်းချင်းတိုက်ခိုက် သတ်ဖြတ်နေမှုများသည် နအဖစစ်အုပ်စု၏ သပ်လျှိုဖြိုခွဲမှုများကြောင့်ဖြစ်ကြောင်း၊ ၎င်းတို့အနေဖြင့် နယ်ခြားစောင့်တပ်ဖြစ်စေ၊ ဌာနေပြည်သူ့စစ် တပ်ဖွဲ့ဖြစ်စေ၊ မည်သည့်အသွင်ပြောင်းလဲမှုကိုမှ လက်ခံမည်မဟုတ်ကြောင်း ဖော်ပြထားသည်။
နအဖဘက်မှမူ သတ်မှတ်ရက်အတွင်း အသွင်ပြောင်းရမည်ဖြစ်ပြီး လက်နက်များကို အပ်နှံရမည်ဖြစ်ကြောင်း၊ အမိန့်မလိုက်နာသည့် အဖွဲ့များသည် မတရားအသင်းအဖြစ် သတ်မှတ်ခံရမည်ဖြစ်ကြောင်း၊ ကျေနပ်မှုမရှိပါက ယခင်လာ လမ်းအတိုင်း ပြန်သွားနိုင်ကြောင်း အကြောင်းပြန်ခဲ့သည်ဟု သိရသည်။
နအဖဘက်မှ ဒေသတွင်း တပ်အင်အားများ ပိုမိုတိုးမြှင့်ကာ တပ်လှန့်ထားသဖြင့် ကရင်ငြိမ်းချမ်းရေးကောင်စီအဖွဲ့နှင့် အချိန်မရွေး တိုက်ခိုက်မှုများ ဖြစ်ပွားနိုင်သည်ဟု ကေအန်အယ်လ်အေမှ တပ်မှူးတဦးက ပြောသည်။
မြ၀တီမြို့ခံတဦးက “ဒီနေ့ မြ၀တီမှာ အောက်ကစစ်တပ်တွေ တက်လာတာ အတော်များတယ်။ မြ၀တီ ခလရ (၂၇၅) နားက အမြောက်တပ်မှာလည်း (၁၂၀) အမြောက်နဲ့ အခြားလက်နက်ကြီးတွေ ဆင်ထားတယ်။ အမြောက်တပ်ကလူတွေ ပြောတာကတော့ တပ်လှန့်ထားတယ်တဲ့” ဟု ပြောသည်။
ဒီကေဘီအေမှ တပ်မှူးတဦးက “ဒီကေဘီအေဗဟိုက နယ်ခြားစောင့်တပ်လုပ်ဖို့ သဘောတူလိုက်ပေမယ့် တပ်မဟာ (၅) က ဗိုလ်လားပွယ်တို့ရဲ့ တပ်ရင်း (၉၀၆) နဲ့ (၉၀၇) ဆိုရင် လုံးဝလက်မခံဘူး။ ဒီကေဘီအေ (၅၅၅) တပ်မဟာကလည်း သူတို့ လုံးဝ လက်မခံဘူးလို့ ပြောတယ်။ ဒီတပ်တွေရှိတဲ့ နေရာတွေမှာ အခြေအနေက မကောင်းတော့ဘူး။ မြ၀တီမြို့ရဲ့ တောင်ဘက် မိုင် (၂၀) လောက်မှာရှိတဲ့ တပ်မဟာ (၅) အနားမှာ မြန်မာစစ်တပ်တွေချထားပြီး ဒီကေဘီအေကော သူတို့ကော တောင်ကုန်းတွေမှာ လက်နက်ကြီးတွေ ဆင်ထားကြပြီ။ ကြည့်ရတာ မကြာခင်မှာ သေနတ်ပေါက်ဖို့ရှိတယ်” ဟု ပြောသည်။
အဆိုပါဒေသအတွင်း စစ်ရေးတင်းမာမှုများကြောင့် ထိုင်းဘက်သို့ ရွာသားအချို့ ယနေ့စတင် တိမ်းရှောင်လျက်ရှိပြီး ထိုင်းဘက်ခြမ်း နယ်စပ်မျဉ်းတလျှောက်တွင် လုံခြုံရေးတပ်ဖွဲ့ဝင်များ တိုးမြှင့်ချထားသည်။
ပြည်တွင်းစစ်ဖြစ်လာနိုင်သည်ဟု SSA ခေါင်းဆောင် စ၀်ယွက်စစ်ပြော
သျှမ်းသံတော်ဆင့် မှ
လက်နက်ကိုင်အပစ်ရပ်တပ်ဖွဲ့များအားလုံး အသွင်ပြောင်းရမည်ဆိုသည့် နအဖ၏ တဘက်သတ် အစီအစဉ်ကြောင့် ပြည်တွင်းစစ် တကျော့ပြန်ဖြစ်လာနိုင်သည်ဟု လွယ်တိုင်းလျဲန်းအခြေစိုက် SSA ခေါင်းဆောင် စ၀်ယွက်စစ်က ပြောကြား လိုက်ပါသည်။
“အပစ်ရပ်တွေက နိုင်ငံရေးပြဿနာကို နိုင်ငံရေးနည်းလမ်းနဲ့ဖြေရှင်းဖို့ရည်ရွယ်ချက်နဲ့ အပစ်ရပ်ခဲ့တာ နှစ်ပေါင်း ၂၀ ကျော်ပြီ၊ နိုင်ငံရေးစကားဝိုင်းမရောက်ဘဲ ပြည်သူ့စစ်တပ်ဖွဲ့၊ နယ်ခြားစောင့်တပ်ဖွဲ့၊ အသွင်ပြောင်းဖို့ဘဲ နအဖက တဘက် သတ်ပြောနေတာ။ လက်မခံရင် အင်အားသုံးမယ်လို့တောင် အကြိမ်ကြိမ်ပြောခဲ့တယ်။ ဒီအတိုင်းဆက်သွားမယ် ဆိုရင် တော့ ကျနော်တို့ တိုင်းပြည်မှာ ပြည်တွင်းစစ်ဖြစ်လာမှာမလွဲဘူး” - ဟု SSA ခေါင်းဆောင် စ၀်ယွက်စစ် ကပြောပါသည်။
နအဖ သည် နိုင်ငံရေးပြဿနာကို နိုင်ငံရေးနည်းလမ်းဖြင့် မဖြေရှင်းလိုဘဲ စစ်အင်အားသုံး၍ တိုင်းရင်းသား လက်နက် ကိုင် တပ်ဖွဲ့များအား အမြစ်ပြတ် ခြေမှုန်းလိုသောကြောင့် နိုင်ငံရေးပြဿနာဖြေရှင်းသည့် နည်းလမ်းကောင်း မဟုတ် သဖြင့် တိုင်းပြည်ပြဿနာ ပိုမိုရှုပ်ထွေးလာစေမည်သာဖြစ်ကြောင်း - စ၀်ယွက်စစ်က သျှမ်းသံတော်ဆင့်သို့ပြော၏။
“နအဖ က သူ့မဟာဗျူဟာအတိုင်းသူလုပ်မှာဘဲ၊ ပြည်သူအရေးစဉ်းစားမှာမဟုတ်ဘူး၊ တိုင်းရင်းသား ပြည်သူလူထု တိုးတက်ကြီးပွားမှာ၊ တိုင်းပြည်သာယာစိုပြေမှာကို သူမလိုလားဘူး၊ မိမိမွေးရပ်ကနေစွန့်ခွါကြလေ သူကကြိက်လေဘဲ၊ တိုင်းရင်းသားပိုင်ရေမြေတွေကို အပိုင်ရဖို့က စစ်အုပ်စုရဲ့ အဓိကမဟာဗျူဟာဘဲ” - ဟု စ၀်ယွက်စစ်က ဆက်ပြော ပါသည်။
တိုင်းရင်းသားများ စည်းရုံးညီညွတ်မှုရမည်ကို နအဖ အင်မတန်စိုးရိမ်နေကြောင်း၊ မိမိအမျိုးသားကောင်းစားရေးအတွက် သာကြည့်ပြီး နအဖ ဖျားယောင်းသွေးဆောင်မှုနောက် လိုက်မည်ဆိုပါက အားလုံးရေတိမ်နစ်မည်မှာ မလွဲကြောင်း၊ စည်းရုံးညီညွတ်မှုဖြင့် လက်တွဲအဖြေရှာကာ စစ်အုပ်စု၏ ဖိနှိပ်မှုရန် တွန်းလှန်မှသာလျှင် တိုင်းရင်းသားလူမျိုးစုတိုင်း တန်းတူအခွင့်အရေးရရှိနိုင်မည်၊ တိုင်းရင်းသားများ၏ စည်းလုံးညီညွတ်မှုကို နအဖ သတိမူစေရမည်ဟု ပြောကြားခဲ့ပါသေး သည်။
ထို့အတူ SSA ခေါင်းဆောင်စ၀်ယွက်စစ်က တိုင်းရင်းသားလူမျိုးစုများအားလုံး နေရပ်မှ စွန့်ခွါခြင်းသည် ပြဿနာဖြေရှင်း သည့် နည်းလမ်းမှန်မဟုတ်သည့်အပြင် စစ်အုပ်စုအသိုင်းအ၀ိုင်းတို့ အစားထိုးနေရန် ရှောင်တိမ်းပေးသကဲ့သို့ဖြစ်နေ ကြောင်း၊ ထို့ကြောင့်မွေးရပ်မြေမှစွန့်ခွာခြင်းမပြုဘဲ သေတူ ရှင်မကွဲ ရရာလက်နက်စွဲကိုင်ပြီး လွတ်မြောက်ရေးတိုက်ပွဲ ၀င်ကြဖို့ရန် ပြောကြားခဲ့ပါသေးသည်။
SSA ခေါင်းဆောင် စ၀်ယွက်စစ်သည် သျှမ်းပြည်ပြန်လည်ထူထောင်ရေးကောင်စီ ဥက္ကဌဖြစ်၏။ ထို့ပြင် သျှမ်းပြည်တိုင်းရင်း သားများတန်းတူအခွင့်အရေးအတွက်ရှေ့တန်းတင်ပြီး သျှမ်း၊ ပအိုဝ်း၊ ၀ ၊ အခါ၊ လားဟူ နှင့် အခြားတိုင်းရင်းသားများပါ ၀င်သည့် သျှမ်းပြည်ကွန်ဂရက် ဖွဲ့စည်းစဉ်ကလည်း ဦးဆောင်သည့်အခန်းကဏ္ဍမှ ပါဝင်သည်။
ပေါ်တာဆွဲရန် အာဏာပိုင်များ ကြိုတင်စီစဉ်
သျှမ်းသံတော်ဆင့်မှ
နယ်ခြားစောင့်တပ် သတ်မှတ်ရက် နောက်ပိုင်း ဖြစ်ပေါ်လာနိူင်သည့် စစ်ပွဲများအတွက် ကြိုတင်ပြင်ဆင်သည့် အနေဖြင့် အထမ်းသမားခေါ်ရန်ကိစ္စကို သျှမ်းပြည် (မြောက်ပိုင်း) မူဆယ်ခရိုင် ကြူကုတ်(ပန်ဆိုင်း) မြို့နယ် မုံးပေါ်ကျေးရွာအုပ်စု အာဏာပိုင်များအတွင်း ဆွေးနွေးထားကြောင်း သတင်းရရှိသည်။
ဧပြီလ ၂၇ ရက်နေ့ နံနက်ပိုင်းက မုံးပေါ်ရွာ၌ ပြုလုပ်သည့် အစည်းအဝေးတွင် မုံးပေါ်ကျေးရွာအုပ်စုမှ ရဲစခန်း မှူး ဦးဆန်း လွင် ဋ္ဌာနေပြည်သူ့စစ်ခေါင်းဆောင် ဦးမိုက်ကယ်တို့ တက်ရောက်ခဲ့ပြီး အထမ်းသမား ခေါ်ရန်ကိ စ္စ ဆွေးနွေးခဲ့သဖြင့် ဒေသခံ တချို့ ထွက်ပြေး တိမ်းရှောင်မှုရှိခဲ့ကြောင်း သိရသည်။
အဆိုပါ အစည်းအဝေးအပြီးတွင် မုံးပေါ်ပြည်သူ့စစ်အင်အား ၂၀ ခန့်သည် မုံးပေါ်ကျေးရွာမှ ကားဖြင့် တစ်နာ ရီကျော်ခန့် သွားရသည့် ကချင်ပြည်လွတ်လပ်ရေး တပ်မတော်(KIA) တပ်မဟာ(၄)လက်အောက်ခံ တပ်စ ခန်းရှိရာ လွယ်ကန်ဒေသသို့ ထွက်ခွာသွားကြောင်း အာဏာပိုင်များနှင့်နီးစပ်သည့် ဒေသခံတစ်ဦးက သျှမ်း သံတော်ဆင့်သို့ ပြောသည်။
“သူတို့က (အာဏာပိုင်) နယ်ခြားစောင့်တပ်လက်မခံလို့ တိုက်မယ်ဆိုရင် ဒေသခံတွေကို ပေါ်တာဆွဲဖို့လို တယ် လို့ အဲဒီ အစည်းအဝေးမှာ ပြောတယ် မနေ့က မနက် ၈ နာရီလောက်မှာ ပြည်သူ့စစ်အဖွဲ့တွေ မထွက် ခင် ပေါ်တာဆွဲမယ်ဆိုပြီး ရွာ မှာ သတင်းထွက်လာတော့ ရွာသားတချို့တော့ ရှောင်သွားကြတယ် ပေါ်တာ ဆွဲတာတော့မရှိပါဘူး” ဟု နီးစပ်သူက ပြောသည်။
ယနေ့နေ့လည်ပိုင်းအထိ တစ်စုံတစ်ရာ ထူးခြားမှုမရှိပဲ ထွက်ခွာသွားသည့် ပြည်သူ့စစ်တပ်ဖွဲ့ဝင်များ ယနေ့နံနက်ပိုင်းတွင် ပြန်လည်ရောက်ရှိလာကြောင်း သူကဆိုသည်။
ဧပြီလ ၁၉ ရက်နေ့ခန့်က မြန်မာစစ်တပ် လှုပ်ရှားစစ်ကြောင်းများ ကြူကုတ်(ပန်ဆိုင်း) မြို့နယ် ၀မ့်အင်နှင့် ကျိန်းယန်း ကျေးရွာများတွင် တပ်စွဲလှုပ်ရှားလျှက်ရှိပြီး ပန်ဆိုင်းတစ်ဘက်ကမ်း တရုတ်ခြမ်း ၀မ်တိန်မြို့ဘက် တွင် တရုတ်စစ်တပ်များ တိုးချဲ့နေရာယူနေကြောင်း သိရသည်။
စစ်အစိုးရ ရာဇသံကို ငြိမ်းချမ်းရေးကောင်စီ ငြင်းဆန်
မဇ္ဈိမသတင်းဌာန
ချင်းမိုင် (မဇ္ဈိမ) ။ ။အပစ်ရပ် ကရင်အမျိုးသား အစည်းအရုံး/ကရင်အမျိုးသား လွတ်မြောက်ရေး တပ်မတော် - ငြိမ်းချမ်းရေး ကောင်စီက စစ်အစိုးရ၏ ရာဇသံဖြစ်သော နယ်ခြားစောင့်တပ်အဖြစ် အသွင်ပြောင်းရေး အဆိုပြုချက်အား ငြင်းဆန်လိုက်ပြီး၊ စစ်အစိုးရသည် အပစ်အခတ်ရပ် သဘောတူညီချက်များကို လိုက်နာခြင်းမရှိဟု ပြောဆိုလိုက်သည်။
စစ်ဘက်ဆိုင်ရာ လုံခြုံရေးတပ်ဖွဲ့ အကြီးအကဲ ဒုဗိုလ်ချုပ်ကြီးရဲမြင့် ထံသို့ ပေးပို့သော စာတွင် (KNU/KNLA) Peace Council ငြိမ်းချမ်းရေး ကောင်စီ ဥက္ကဋ္ဌ ဗိုလ်ချုပ်ဋ္ဌေးမောင်က ၎င်းတို့အင်အားစုသည် မြန်မာစစ်တပ် လက်အောက်ခံ နယ်ခြားစောင့်တပ် အသွင်ပြောင်းရေးကို လက်မခံကြောင်း ရေးသားထားသည်။
မဇ္ဈိမက လက်ခံရရှိသည့် အဆိုပါ ပေးစာမိတ္ထူတွင် ယခုလ ၇ ရက်နေ့က မွန်ပြည်နယ် မော်လမြိုင်မြို့တွင် နှစ်ဖက်ဆွေးနွေးခဲ့စဉ်က ဒုဗိုလ်ချုပ်ကြီးရဲမြင့် တောင်းဆိုခဲ့သော နယ်ခြားစောင့်တပ် အသွင်ပြောင်းရေးအား ပယ်ချခဲ့ကြောင်း ရေးသားထားသည်။
ဒုဗိုလ်ချုပ်ကြီးရဲမြင့်သည် (KNU/KNLA) Peace Council မှ ကိုယ်စားလှယ်များနှင့် ယခုလ ၇ ရက်နေ့က တွေ့ဆုံဆွေးနွေးခဲ့ကြောင်းနှင့် အဖွဲ့အား အသွင်ပြောင်းရန် အဆိုပြုခဲ့ကာ တုံ့ပြန်ဖြေကြားရမည့် နောက်ဆုံးရက်ကို ယခုလ ၂၂ ရက်နေ့ဟု သတ်မှတ်ထားခဲ့ကြောင်း ပေးစာမိတ္ထူအရ သိရသည်။
(KNU/KNLA) Peace Council သည် စစ်အစိုးရအား နှစ်ပေါင်း ၆ဝ ခန့် တိုက်ခိုက်ခဲ့သည့် ကရင်လက်နက်ကိုင် KNU အဖွဲ့၏ တပ်မဟာ ၇ မှ ဖြစ်ပြီး၊ ၂ဝဝ၇ ခုနှစ် ဖေဖော်ဝါရီလတွင် စစ်အစိုးရနှင့် ငြိမ်းချမ်းရေးစာချုပ် ချုပ်ဆိုကာ KNU မှ ခွဲထွက်ခဲ့သည်။ ယခုအခါ ဗိုလ်ချုပ်ဋ္ဌေးမောင်က စစ်အစိုးရသည် သဘောတူညီချက်များအား လိုက်နာရန် ပျက်ကွက်ခဲ့ကြောင်း ပြောဆိုသည်။
ဗိုလ်ချုပ်ဌေးမောင်က ၎င်းတို့သည် စစ်ရေးနှင့်ပတ်သက်သော အစီအစဉ်မှန်သမျှကို ဆန့်ကျင်ကြောင်း ပြောကြားခဲ့ပြီး ကရင်ပြည်နယ်အတွင်း ငြိမ်းချမ်းရေးနှင့် တည်ငြိမ်ရေးကို ထိန်းသိမ်းလိုကြောင်း ပြောသည်။ ထို့နောက် စစ်အစိုးရသည် ငြိမ်းချမ်းရေး သဘောတူညီချက်များအား ချိုးဖောက်ကာ စစ်ရေးနှင့်ပတ်သက်သော ဆောင်ရွက်ချက်များ ဆက်လက်၍ တိုးမြှင့်လုပ်ဆောင်နေသည်ဟုလည်း စွပ်စွဲလိုက်သည်။
ငြိမ်းချမ်းရေးစာချုပ်ထဲတွင် နှစ်ဖက်လုံးမှ စစ်ရေးနှင့်ပတ်သက်သော လှုပ်ရှားမှုများအား တိုးမြှင့်လုပ်ဆောင်ခြင်း မပြုလုပ်ရဟု ပါရှိသော်လည်း ငြိမ်းချမ်းရေးယူပြီး ၃ နှစ်အတွင်း ကရင်လူမျိုးများအပေါ် မိမိဒေသတွင် နေထိုင်ရရုံအတွက် အိမ်ယာများ ဆောက်လုပ်ပေးခြင်းနှင့် လမ်းဖောက်လုပ်ပေးခြင်းမှအပ စာချုပ်ပါ အချက်များအား စစ်အစိုးရက မလိုက်နာကြောင်း ဗိုလ်ချုပ်ဋ္ဌေးမောင်၏ ပေးစာထဲတွင် ဆိုထားသည်။
ဗိုလ်ဋ္ဌေးမောင်အဖွဲ့နှင့် တိုက်ရိုက်ဆက်သွယ်၍ မရသဖြင့် ယခုပေးစာအား အစစ်အမှန် ဟုတ်မဟုတ် မသိရသော်လည်း နီးစပ်သူများက အစစ်အမှန် ဖြစ်လောက်သည်ဟု ပြောဆိုကြသည်။
မော်လမြိုင် ဆွေးနွေးပွဲတွင် စစ်အစိုးရဘက်က (KNU/KNLA) Peace Council အား ယခုလ ၂၂ ရက်နေ့ နောက်ဆုံးထား၍ ၎င်းတို့၏ အဆိုပြုချက်အား တုံ့ပြန်ဖြေကြားခြင်း မပြုခဲ့လျှင် မတရားအသင်း ကြေညာမည်ဟု ခြိမ်းခြောက်ပြောဆိုခဲ့ကြောင်း သိရသည်။
ဒုဗိုလ်ချုပ်ကြီးရဲမြင့်သည် စစ်အင်အား မတိုးချဲ့ရန်၊ မည်သည့် တိုင်းရင်းသား အင်အားစုနှင့်မှ မဆက်သွယ်ရန်၊ KNU နှင့် တွေ့ဆုံဆွေးနွေးခြင်း မပြုရန်၊ ထိုင်းနိုင်ငံနှင့် အဆက်အသွယ် မှန်သမျှ ဖြတ်တောက်ရန်နှင့် ထိုအဖွဲ့အစည်းများအား မယုံကြည်ရန် သတိပေးခဲ့သေးသည်။
ဗိုလ်ချုပ်ဋ္ဌေးမောင်က ဖြေကြားရာတွင် “ကရင်လူမျိုးတွေရဲ့ ဘဝလုံခြုံရေးနဲ့ ငြိမ်းချမ်းရေးကို ထိခိုက်စေမယ့် စစ်ရေးနဲ့ပတ်သက်တဲ့ လုပ်ဆောင်မှုမျိုးဆိုရင် ဘယ်နာမည်နဲ့ပဲ လာလာ ကျနော်တို့ သဘောတူမှာ မဟုတ်ပါဘူး” ဟု တုံ့ပြန်ဖြေကြားခဲ့သည်။
(KNU/KNLA) Peace Council အနေနှင့် ငြိမ်းချမ်းရေး သဘောတူညီချက်များကို လိုက်နာခဲ့သော်လည်း စစ်အစိုးရဘက်ကမူ လွန်ခဲ့သော ၃ နှစ်အတွင်း လိုက်နာခြင်း မရှိဘဲ ကရင်လူမျိုးအချင်းချင်း စိတ်ဝမ်းကွဲ၍ အချင်းချင်း သတ်ဖြတ်ကာ ထောင်နှင့်ချီ၍ သေဆုံးစေမည့် သွေးထိုးမှုမျိုး၊ စစ်ရေးနှင့်ပတ်သက်သော လှုပ်ရှားမှုမျိုးကိုသာ တိုးမြှင့်လုပ်ဆောင်ခဲ့သည်ဟု ပြောကြားခဲ့သည်။
လူအများအပြားသည် စစ်အစိုးရ၏ စစ်ရေးနှင့်ပတ်သက်သော အစီအစဉ်များကို စိုးရိမ်ထိတ်လန့်ကာ မလုံမခြုံ ခံစားလာရသဖြင့် ၎င်းတို့လုံခြုံရေးအတွက် (KNU/KNLA) Peace Council ထံသို့ လာရောက်ပူးပေါင်းရန် စိတ်ကူးလာကြသည်ဟု ဆက်လက်ပြောကြားခဲ့သည်။
“တကယ်လို့ ဒီလိုအခြေအနေတွေကြောင့် ကျနော်တို့ တပ်ဖွဲ့အင်အား ကောင်းလာတယ်ဆိုရင်တောင် ကျနော်တို့ကြောင့် မဟုတ်ပါဘူး။ ခင်ဗျားတို့ (စစ်အစိုးရ) ရဲ့ စစ်ရေး အစီအစဉ်တွေကြောင့်ပဲ ဖြစ်လိမ့်မယ်” ဟု ဗိုလ်ချုပ်ဋ္ဌေးမောင်က ပြောဆိုခဲ့သည်။
KNU နှင့် တွေ့ဆုံဆွေးနွေးမှု မပြုလုပ်ရန် စစ်အစိုးရ၏ ဖိအားပေးမှုနှင့်ပတ်သက်၍ တုံ့ပြန်ရာတွင်မူ “ကျနော်တို့ ကရင်အားလုံးဟာ မိသားစုတခုလိုပါပဲ။ KNU ဆိုတဲ့ ထီးရိပ်ရဲ့အောက်မှာ ကရင်လူမျိုးတွေ စည်လုံးညီညွတ်ရေးဟာ အရေးအကြီးဆုံးပါ။ ကျနော်တို့ အချင်းချင်းကြားမှာ စည်းလုံးညီညွတ်ခြင်းကသာ တနိုင်ငံလုံး စည်းလုံးညီညွတ်ရေးကို ဦးတည်စေမှာပါ။ ကျနော်တို့အဖွဲ့မှာ ရန်သူမရှိပါဘူး” ဟု ဆိုသည်။
အစောပိုင်းကတည်းက နယ်ခြားစောင့်တပ် အသွင်ပြောင်းရန် စစ်အစိုးရက ဖိအားပေးခဲ့သော်လည်း ငြိမ်းချမ်းရေး ကောင်စီကမူ ငြင်းဆန်နေခဲ့သည်။
KNU သည် ကိုယ်ပိုင်အုပ်ချုပ်ခွင့် ရရှိရန် တိုက်ပွဲဝင်နေသည့် ကရင်တိုင်းရင်းသားများအား ကိုယ်စားပြုသော လက်နက်ကိုင်အဖွဲ့ဖြစ်ပြီး၊ မြန်မာနိုင်ငံတွင် သက်တမ်းအရင့်ဆုံး အစိုးရဆန့်ကျင်ရေး လက်နက်ကိုင် အဖွဲ့လည်း ဖြစ်သည်။ သို့သော် တိုးတက်သော ဒီမိုကရက်တစ် ကရင် ဗုဒ္ဓဘာသာ အစည်းအရုံး - DKBA သည် ၁၉၉၄ ခုနှစ်တွင် KNU မှ ခွဲထွက်ကာ စစ်အစိုးရနှင့် ငြိမ်းချမ်းရေး ယူသွားခဲ့သဖြင့် KNU အတွက် အထိနာခဲ့ရသည်။
ထို့နောက်ပိုင်း ဗိုလ်ချုပ်ဋ္ဌေးမောင် ဦးစီးသည့် (KNU/KNLA) Peace Council သည် KNU မှ ထပ်မံ ခွဲထွက်သွားသဖြင့် KNU မှာ ပိုမို၍ပင် အင်အားနည်းသွားခဲ့ရသည်။
စစ်အစိုးရသည် လွန်ခဲ့သော နှစ်များကတည်းက အပစ်ရပ် ငြိမ်းချမ်းရေးအဖွဲ့များအား မြန်မာစစ်တပ်၏ လက်အောက်ခံ နယ်ခြားစောင့်တပ်များအဖြစ် အသွင်ပြောင်းရန် ဖိအားပေးခဲ့ပြီး၊ ထိုအင်အားစုများအား ယခုနှစ်ထဲတွင် ကျင်းပမည့် ရွေးကောက်ပွဲ၌ ပါဝင်ရန်လည်း တိုက်တွန်းခဲ့သည်။
အင်အားအနည်းငယ်သာရှိသည့် DKBA က စစ်အစိုးရ၏ ကမ်းလှမ်းအဆိုပြုချက်ကို သဘောတူညီခဲ့သော်လည်း ကချင် လွတ်မြောက်ရေး တပ်မတော် - KIA ၊ ဝ' ပြည် သွေးစည်းညီညွတ်ရေး တပ်မတော် - UWSA နှင့် KNU/KNLA Peace Council စသည့် အဓိက အပစ်ရပ်အဖွဲ့များက ပယ်ချခဲ့ကြသည်။
ဗိုလ်ချုပ်ဋ္ဌေးမောင်က ဒုဗိုလ်ချုပ်ကြီးရဲမြင့်ထံသို့ ပေးပို့သောစာတွင် ယနေ့ မြန်မာနိုင်ငံ၌ လိုအပ်နေသည်မှာ နောက်ထပ် စစ်ရေးလုပ်ဆောင်မှုများ မဟုတ်ဘဲ၊ ငြိမ်းချမ်းရေးနှင့် ဖွံ့ဖြိုးတိုးတက်မှုများကိုသာ အဓိက လိုအပ်နေကြောင်းနှင့် လာမည့်ရွေးကောက်ပွဲကိုလည်း အလုံးစုံပါဝင်နိုင်သည့် ရွေးကောက်ပွဲ ဖြစ်လာစေရန် တိုက်တွန်းထားသည်။
ဗိုလ်ချုပ်ဋ္ဌေးမောင်က အကယ်၍ ၎င်းတို့အနေနှင့် စစ်အစိုးရ ကမ်းလှမ်းချက်ကို ပယ်ချသဖြင့် မတရားအသင်း ကြေညာခံရလျှင် စစ်ကြေညာသကဲ့သို့ ဖြစ်သွားကာ စစ်အစိုးရအနေဖြင့် ၎င်းတို့တဖွဲ့တည်းနှင့် ရင်ဆိုင်ရခြင်းမျိုး မဟုတ်ဘဲ မြန်မာနိုင်ငံ၏ နေရာဒေသပေါင်းစုံမှ တိုင်းရင်းသား ပေါင်းစုံနှင့် ရင်ဆိုင်ရလိမ့်မည်ဟု ပြောကြားခဲ့သည်။
“ကျနော့် စကားကို မှတ်ထားပါ။ ဘယ်သူက နိုင်ငံရဲ့ ငြိမ်းချမ်းရေးနဲ့ တည်ငြိမ်မှုကို ဖျက်ဆီးနေတာလဲဆိုတာ တကမ္ဘာလုံးက သိပါလိမ့်မယ်။ ခင်ဗျားတို့ကသာ စစ်ကို ဖိတ်ခေါ်နေတဲ့သူတွေ ဖြစ်သွားလိမ့်မယ်” ဟု ဗိုလ်ချုပ်ဋ္ဌေးမောင်က ပြောသည်။
ဒီကေဘီအေနှင့် နအဖ ထိပ်တိုက်တွေ့နယ်မြေမကျော်ရန် သတိပေးထား
ရဲရင့် (ခေတ်ပြိုင်)
နယ်ခြားစောင့်တပ်အသွင်ပြောင်းရန် နအဖနှင့်သဘောတူညီမှု ရရှိထားသည့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) အဖွဲ့နှင့် နအဖတပ်တို့သည် ယမန်နေ့က ကော့ကရိတ်မြို့နယ်အတွင်း ထိပ်တိုက်ရင်ဆိုင် တင်းမာမှုတရပ် ဖြစ်ပွားခဲ့သည်။
ကရင်ပြည်နယ်၊ ကော့ကရိတ်မြို့နယ် ထိုင်းနယ်စပ်အနီးရှိ ဖလူးကျေးရွာတွင် ယမန်နေ့နံနက်၌ နအဖအမှတ် (၉) ကွပ်ကဲရေး ဌာနချုပ် လက်အောက်ခံ ခလရ (၁၀၆) တပ်ဖွဲ့သည် ရွာသားများအား လက်နက်များဖြင့် ချိန်ရွယ်ကာ ခြိမ်းခြောက်မှုများ ပြုလုပ်သောကြောင့် ၎င်းတို့တပ်ဖွဲ့ဝင်များနှင့် နှစ်ဖက်ပစ်ခတ်လုနီးပါး ဖြစ်ပွားခဲ့သည်ဟု ဒေသအခြေစိုက် ဒီကေဘီအေ အမှတ် (၅) တပ်မဟာမှူး စောလားပွယ် (ဗိုလ်နှုတ်ခမ်းမွှေး) က ပြောသည်။
၎င်းက “မနေ့မနက် (၈) နာရီခွဲလောက်မှာ နအဖတပ်တွေက ရွာထဲဝင်လာပြီး ရွာသားတွေကို သေနတ်နဲ့လာပြီး ချိန်တာတွေ ဘာတွေ လုပ်တယ်။ ဒါမျိုးလုပ်တာ ကျနော်တို့ မကြိုက်ဘူး။ ဖလူးကြီးနဲ့ ဖလူးလေးရွာကြားက မေတ္တာလမ်းမတံတားနားမှာ ကျနော်တို့ တပ်နဲ့ နအဖတပ်နဲ့ တင်းမာမှုတွေ ဖြစ်ပွားခဲ့တယ်” ဟုပြောသည်။
အဆိုပါ ဖြစ်ရပ်နှင့်ပတ်သက်၍ နအဖဘက်မှ ဒီကေဘီအေဘက်သို့ ဖုန်းဆက်၍ တောင်းပန်ခဲ့ပြီး လက်ရှိအချိန်တွင် တဖက်နှင့်တဖက် ရန်စခြင်း၊ နယ်မြေကျူးကျော်ခြင်းများ မလုပ်ရန် သတိပေးထားကြောင်း ၎င်းက ပြောသည်။
ပြည်နယ်ကရင်စာပေနှင့် ယဉ်ကျေးမှုအဖွဲ့ဝင်တဦးက “ဒီကေဘီအေက နယ်ခြားစောင့်တပ်လုပ်ဖို့ကိစ္စကို အစိုးရနဲ့ သဘောတူပြီးသွားပြီ။ ဥက္ကဋ္ဌ ဦးသာထူးကျော်၊ စစ်ဦးစီးချုပ် ကျော်သန်းနဲ့ အဖွဲ့နာယက မြိုင်ကြီးငူ ဘုန်းကြီး ဦးသုဇနတို့ရဲ့ အစီအစဉ်တွေပဲ။ တချို့တပ်တွေက သဘောမတူတာတွေ လက်မခံတာတွေ ရှိနေတုန်းပဲ။ ပြောရရင်တော့ ဒီကေဘီအေထဲမှာလည်း အခြေအနေက သိတ်တော့ မကောင်းဘူး” ဟု ပြောသည်။
နယ်ခြားစောင့်တပ် အသွင်ပြောင်းရေးအတွက် ဒီကေဘီအေတပ်ရင်း တပ်ဖွဲ့အသီးသီးကို ယခုလ (၂၄) မတိုင်မီ နောက်ဆုံးထား၍ လက်နက်နှင့် တပ်ဖွဲ့ဝင်စာရင်း ပေးပို့ရန် ဗဟိုမှ အမိန့်ပေးထားသော်လည်း စာရင်းမပေးသည့် တပ်အချို့ရှိနေသည်ဟုလည်း သိရသည်။
ဒီကေဘီအေမှ တပ်မှူးတဦးက “အသွင်ပြောင်းမယ့်ကိစ္စကို ဗဟိုက သဘောတူ လက်ခံလိုက်ပေမယ့် လူတိုင်းရဲ့သဘောတော့ မဖြစ်ပါဘူး။ ဒီလ (၂၈) ရက်နေ့ ကျော်ရင်တော့ ကျနော်တို့ဆီမှာ အဖြူ အမည်း ကွဲမှာပါ” ဟု ပြောသည်။
ဒီကေဘီအေအပါအ၀င် နအဖနှင့်ပူးပေါင်းသွားသည့် ကရင်ခွဲထွက်အဖွဲ့ (၆) ဖွဲ့ရှိသည့်အနက် စောဌေးမောင်ဦးဆောင်သည့် ကေအန်ယူ-ကေအန်အယ်လ်အေ ငြိမ်းချမ်းရေးကောင်စီတဖွဲ့တည်းသာ နယ်ခြားစောင့်တပ် အသွင်ပြောင်းမည့်ကိစ္စကို လက်မခံနိုင်ကြောင်း အတိအလင်း ကြေညာထားသည်။
နယ်ခြားစောင့်တပ်အဖြစ် အသွင်ပြောင်းရန် ကျန်ရှိနေသည့် တိုင်းရင်းသားအပစ်ရပ်အဖွဲ့များကို ယခုလ (၂၈) ရက်တွင် နောက်ဆုံးထား၍ အသွင်ပြောင်းပေးရမည်ဟု အမိန့်ထုတ်ထားပြီး လက်မခံသည့် အဖွဲ့အစည်းများကို မတရားအသင်းအဖြစ် ကြေညာသွားမည်ဖြစ်ကြောင်း နအဖစစ်ဖက်ရေးရာ လုံခြုံရေးအရာရှိချုပ် ဒု-ဗိုလ်ချုပ်ကြီး ရဲမြင့်က ပြောဆိုထားသည်ဟု အပစ်ရပ်အဖွဲ့များက ပြောသည်။
မြန်မာစစ်အစိုးရနှင့် ပူးပေါင်းဆောင်ရွက်ရန် KNU/ KNLA ငြိမ်းချမ်းရေး ကောင်စီမှ တုံ့ပြန်ချက် (အပိုင်း၁)
မန်ဇူး(ဘာသာပြန်သည်) နေ့သစ်မှကူးယူသည်။
KNU/ KNLA ငြိမ်းချမ်းရေး ကောင်စီ ဌာနချုပ်
ထိုးကော်ကိုး၊ ကရင်ပြည်နယ်
ဗိုလ်မှူးချုပ် ရဲမြင့်
စစ်ထောက်လှမ်းရေးချုပ်
နေပြည်တော်
မြန်မာစစ်အစိုးရနှင့် ပူးပေါင်းဆောင်ရွက်ရန် KNU/ KNLA ငြိမ်းချမ်းရေး ကောင်စီမှ တုံ့ပြန်ချက်
ဧပြီလ ၇ ရက် မွန်းလွဲပိုင်း ၁၂ နာရီ မော်လမြိုင်မြို့မှာ KNU/ KNLA ဗဟိုအလုပ်မှုဆောင်ကော်မတီဝင်တချို့နဲ့ တွေ့ဆုံဆွေးနွေးခဲ့သည့် အစီရင်ခံစာ တင်ပြချက်တွေအရ မြန်မာစစ်အစိုးရ အဖွဲ့တွင်းသို့ဝင်ရောက်ရန် ဖိအားပေး တောင်းဆိုသည့် အဆိုပြုချက်ကို လက်ခံရရှိ ခဲ့သည်။ နယ်ခြားစောင့်တပ်အဖြစ်သို့ ပြောင်းလဲရန် နောက်ဆုံးအကြိမ် ဖိအားပေးတောင်းဆိုခဲ့ပြီး ယခုတဖန် အမည်သစ် ပြောင်းလဲ ခေါ်ဆိုထားသည့် Burma Army Militia Group လက်အောက်သို့ ဝင်ရောက်ရန် ထပ်မံဖိအားပေး တောင်းဆိုလာပြန်တယ်။ ရိုးရှင်းဆုံး ပြောဆိုချင်တာက မည်သို့သော အမည်နာမတွေ ခေါ်ဝေါ်ပြောင်းလဲ သတ်မှတ်ပါစေ၊ ကျနော်တို့အနေနဲ့ သဘောတူလက်ခံခြင်း သို့ တည်းမဟုတ် ကရင်လူမျိုးတွေရဲ့ ငြိမ်းချမ်း၊လုံခြုံရေးကို အနှောက်အယှက်ဖြစ်စေနိုင်သည့် မည်သို့သော စစ်အုပ်စု၏ လုပ်ဆောင်ချက် များကို တုံ့ပြန်သွားမှာဖြစ်သည်။ ဒီ့ထက်မက ပြောရရင် မြန်မာစစ်အစိုးရပိုင် ရုပ်သံလွှင့်အစီအစဉ်နှင့် အလုံးစုံသော ဂျာနယ်အသီး သီးမှာ ဖော်ပြပါရှိချက်တွေအရ မူဝါဒပိုင်းဆိုင်ရာနှင့် ဝါဒဖြန့်ချိမှုတွေနဲ့ ဆီလျော်ကိုက်ညီခြင်း မရှိဘူး။
တိုင်းပြည်တွင်း တည်ငြိမ်အေးချမ်းပြီး ဖွံ့ဖြိုးတိုးတက်ရန်၊
တည်ငြိမ်အေးချမ်းမှုမှသည် ဒီမိုကရက်တိုက်ဇေးရှင်း ဖြစ်စဉ်သို့ အောင်မြင်စွာ အရောက်လှမ်းရန်၊
အဆိုပြုတင်သွင်းချက်နဲ့ မူဝါဒပိုင်းဆိုင်ရာ တလွဲဆိုသလိုဖြစ်နေတယ်။ အစောပိုင်းနှစ်ကာလတွင်း နယ်စားစောင့်တပ်အဖြစ် ကမ်းလှမ်း ခဲ့ပြီး ခလောက်ဆန် မွှေနှောက်ခဲ့သည့်အတွက် ထွက်ပေါ်လာသည့် ပြဿနာရပ်ပေါင်းစုံတို့ရဲ့ နောက်ဆက်တွဲကြောင့် ယနေ့ကာလ ကျနော်တို့ နယ်မြေအတွင်းမှာရှိတဲ့ အပြစ်မဲ့ ကရင်လူမျိုးတွေခုထိတိုင် ဆိုးရွားမှုတွေကြုံတွေ့နေရတုန်းပဲ။ နယ်ခြားစောင့်တပ် အဆိုပြု ကမ်းလှမ်းချက်ကို လက်ခံလိုက်တဲ့ တချို့သော လက်နက်ကိုင် အဖွဲ့အစည်းတွေဟာ တပ်သားသစ် စုဆောင်းဖို့ရာအတွက် ကျေးရွာတ ရွာမှာ ယောက်ျား ၅ ဦးမှ ၁ဝ ဦးအထိ စုဆောင်းရှာဖွေပေးကြရတယ်။ စစ်သားအဖြစ်သို့သွတ်သွင်းခြင်းကို ရှောင်ဖယ်လိုသည့် မိသား စုဝင်တွေဟာ ဒဏ်ကြေးအဖြစ် မြန်မာငွေ ၁ဝ သိန်းပေးဆောင်ရမှာဖြစ်တယ်။ ရှိသမျှ ပိုင်ဆိုင်မှု ပစ္စည်းဥစ္စာတွေကို ရောင်းချပေးလိုက် ရသည့်အတွက် မိသားစုဝင် အများစုဟာ ဆင်းရဲတွင်းမှ ရုန်းထွက်နိုင်စွမ်း မရှိကြတော့ဘူး။ မိသားစုဝင် တစုမှာ ဆိတ်တကောင်သာ ပိုင်ဆိုင်ကြခြင်း၊ တချို့သော မိသားစုဝင်တွေဟာ စပါးကျီ သို့တည်းမဟုတ် ကျွဲ၊ နွား တိရစ္ဆာန် အစရှိသည့် သူတို့ရဲ့ပိုင်ဆိုင်မှုတွေကို အတင်းအကျပ် ရောင်းချဖို့ရာအတွက် ဖိအားပေးတောင်းဆိုလာသည့်အတွက် နယ်ခြားစောင့် အမည်မသွင်တော့ဘူးလို့ ဆိုရတော့မှာ ပဲ။
မြန်မာစစ်အစိုးရ နယ်ခြားစောင့်တပ်ဆိုတဲ့ စီမံကိန်းကြောင့် ကျေးလက်ဒေသနေထိုင်သူအများစုကြား စိုးရိမ်ကြောင့်ကြခြင်း၊ ဆင်းရဲ နွမ်းပါးခြင်း၊ လုံခြုံမှုကင်းမဲ့ခြင်း၊ နာကျင် ဝမ်းနည်းရခြင်း အစရှိသည်တို့အပြင် လူထုရဲ့တည်ငြိမ်အေးချမ်းသည့် ဘဝတွေကိုပါ နှောက် ယှက်ဖျက်ဆီးပစ်သလိုဖြစ်နေသည့်အတွက် ပြဿနာရပ်ပေါင်းစုံကို ဖန်တီးတည်ဆောက်ယူသလိုကို ဖြစ်နေတော့တယ်။ နေ့စဉ် ထုတ် လွှင့်ပြသသည့် ရုပ်သံလွှင့် အစီအစဉ်နဲ့ အစိုးရပိုင် သတင်းစာတွေထဲပါ မူဝါဒပိုင်းဆိုင်ရာ ထုတ်နှုတ်ဖော်ပြချက်တွေအရ တိုင်းပြည် တွင်းရှေ့ဆက်သွားမည့် လမ်းစဉ်တွေကို ခွင့်ပြုထားသယောင် လုပ်ဆောင်ထားတယ်။
ရှေ့ဆက်ဆွေးနွေးတိုင်ပင်ခြင်း မပြုလုပ်ခင် အခြေခံကျလှတဲ့ အောက်ဖော်ပြပါ မေးခွန်းသုံးရပ် အဖြေကိုသိချင်တယ်။
၁။ ကရင်ပြည်နယ်အတွင်းရှိ ထောင်ပေါင်းများစွာသော ကျေးလက်ဒေသတွေမှ ဗိုလ်မှူးချုပ် ရဲမြင့်နှင့် အပေါင်းအပါစစ်အုပ်စုတွေ စု ဆောင်းသိမ်းယူထားသည့် ငွေကြေးတွေ ဘယ်မှာလဲ။
၂။ သတင်းမီဒီယာတွေမှာ ဖော်ပြပါရှိထားသည့် မူဝါဒပိုင်းဆိုင်ရာနဲ့ စစ်အုပ်စု အစီအမံတွေကြား ကွဲလွဲခြားနားချက်တွေကို ဘယ်ပုံ နည်းလမ်းနဲ့ ရှင်းချက်ထုတ်မှာလဲ။
၃။ ၂ဝဝ၇ ခုနှစ် ဖေဖော်ဝါရီလ ၁၁ ရက်နေ့ ငြိမ်းချမ်းရေး သဘောတူညီချက် စာချုပ်ပါ အနာဂတ် ကရင်ပြည်နယ်တွင်းရှိ ကရင်လူမျိုး တွေ ဖွံ့ဖြိုးတိုးတက်ရေးအတွက် စစ်အစိုးရမှ ကူညီထောက်ပံ့မှုပေးမည်ဆိုသည့် ကတိကဝတ်ကို ဘယ်ပုံနည်းလမ်းနဲ့ ဖြည့်စွမ်းပေးမှာ လဲ။
မြန်မာ စစ်အစိုးရ နယ်ခြားစောင့်တပ် စီမံဆောင်ရွက်ချက် နောက်ဆက်တွဲ အကျိုးရလဒ်ကြောင့် ထွက်ပေါ်လာသည့် အထက်ဖော်ပြပါ ပြဿနာရပ်ပေါင်းစုံတွေ ကြုံတွေခံစားခဲ့ရသည့် ကရင်ကျေးလက်ဒေသနေ ကရင်လူမျိုး အများစု ကျနော့်ထံသို့ ရောက်ရှိလာကြပြီး စုံ စမ်းမေးမြန်း အကူအညီတောင်းဆိုလာကြတယ်။ KNU/ KNLA ငြိမ်းချမ်းရေး ကောင်စီတာဝန်ယူဆောင်ရွက်ရမည့် ကိစ္စဖြစ်သည့်အ တွက် သက်ဆိုင်ရာ အာဏာပိုင်တွေ အထူးသဖြင့် လက်နက်ကိုင် မဟာမိတ်အဖွဲ့ဖြစ်သော သင်တို့အနေဖြင့် ခြိမ်းခြောက်ခြင်း မပြုလုပ် ရန် (သို့) ကျေးလက်ဒေသနေ လူထု ဒုက္ခမရောက်စေရန် ကြားဝင်ပြောဆိုရခြင်းဖြစ်သည်။ ငြိမ်းချမ်းရေးလမ်းကြောင်းကို အနှောက်အ ယှက်ဖြစ်စေသည့် လုပ်ရပ်ကြောင့် ကျေးလက်ဒေသတွင်း နေထိုင်သူ အများအပြား ထိုင်းနိုင်ငံတွင်းသို့ ဒုက္ခသည်အဖြစ် ဝင်ရောက်ခို လှုံခဲ့ကြသည့်အတွက် ဒီပြဿနာရပ်ကို ဖြေရှင်းနိုင်ဖို့ ကြိုးစားခဲ့ခြင်းဟာ ကောင်းမွန်သည့် လုပ်ရပ်လို့ ခံယူရပ်ခံထားတယ်။ ယနေ့ မျက်မှောက်ကာလတွင်း စစ်အစိုးရအနေဖြင့် များပြားလှတဲ့ အစီအမံတွေ မလိုအပ်သေးဘူးလို့ဆိုရမှာပဲ။ တိုင်းပြည်တွင်း တကယ် လက်ရှိ လိုအပ်နေတာက တည်ငြိမ်အေးချမ်းစွာနဲ့ ဖွံ့ဖြိုးတိုးတက်ပြီး ဒီမိုကရေစီစနစ်သို့ ငြိမ်းချမ်းစွာ ကူးပြောင်းသွားနိုင်ရေးပဲဖြစ်တယ်။ ကောင်းမွန်စွာ အကြံပြုပြောဆိုရသော် ရွေးကောက်ပွဲကို မရွေးချယ်သင့်ဘူး။ လူထုတွေအတွက်လူထုကသာ ရွေးကောက်တင်မြှောက် ရမှာဖြစ်တယ်။ ရွေးကောက်ပွဲ ဖော်ဆောင်ကျင်းပဖို့ ရွေးချယ်ခဲ့မယ်ဆိုရင် ပြည်နယ်တွေအတွင်း များမြောင်လှတဲ့ ပြဿနာရပ်တွေအ ပြင် စည်းလုံးညီညွတ်မှု ပြိုကွဲခြင်းနှင့် နေရာအနှံ့ စိမ့်ဝင်နေတဲ့ အကျင့်ပျက်ခြစားမှုတွေ တိုင်းပြည်တွင်း ဖြစ်ပေါ်လာနိုင်သည့်အတွက် ကြောင့် ပြိုလဲပျက်စီးသွားမှာကို အလွန်တရာမှကို စိုးရိမ်ပူပန်မိပါတယ်။ တိုင်းရင်းသား လူမျိုးစုအားလုံး စစ်အစိုးရ ခေါင်းဆောင်မှုအ ပေါ် သက်ဝင်ယုံကြည်ခြင်း အလျဉ်းမရှိခဲ့ကြပါဘူး။ ဗမာပြည် နေရာအနှံ့အတွင်း ကိုယ်စားပြုမယ့် အစိုးရ ကိုယ်စားလှယ်တွေ စစ်အစိုး ရ အနေဖြင့် ရွေးချယ်ခဲ့ပြီးပြီလို့ နားလည်ထားသော်ငြား အတိုက်အခံအင်အားစု ပါတီတွေကို ခွဲခြားခြင်းမရှိပဲ လွတ်လပ်စွာ ရွေး ကောက်ပွဲအတွင်း ဝင်ရောက်ယှဉ်ပြိုင်ခွင့်ပြုမှသာ ပြည်သူလူထုအနေနဲ့ ရွေးချယ်ဆုံးဖြတ်နိုင်မှာဖြစ်တယ်။ ၂ဝဝ၇ ခုနှစ် ဧပြီလ ၇ ရက် နေ့ PC ကိုယ်စားလှယ်တွေနဲ့ တွေ့ဆုံဆွေးနွေးပွဲမှာ ဖော်ပြခဲ့သည့် အကြောင်းချင်းရာ ၅ ချက်မှာ …
၁။ လက်နက်ကိုင် အဖွဲ့အစည်းတရပ်အနေဖြင့် မြန်မာ စစ်တပ်ထိန်းချုပ် ကွပ်ကဲမှုအောက်သို့ ကျရောက်ခြင်းအပေါ် ၂ဝ၁ဝ ခုနှစ် ဧပြီ လ ၂၂ ရက် နောက်ဆုံးထား၍ အကြောင်းပြန်ကြားရန်၊ အငြင်းသဘောဆောင်သည့် တုံ့ပြန်ချက်ဆိုလျှင် တရားမဝင် အဖွဲ့အစည်း အ ဖြစ် ခြိမ်းခြောက်ခြင်းခံရမည်။
၂။ စစ်အင်အားတိုးချဲ့ခြင်း မပြုလုပ်ရ။
၃။ အခြားသော တိုင်းရင်းသား အင်အားစုတွေနဲ့ အဆက်အသွယ်ပြုလုပ်ခြင်း တားမြစ်ပိတ်ပင်ထားသည်။
၎။ KNU နှင့်တွေ့ဆုံခြင်း မပြုရ။
၅။ ထိုင်းနိုင်ငံနှင့် ဆက်ဆံရေး မထူထောင်ရ (သို့) ယုံကြည်လက်ခံခြင်းမပြုလုပ်ရ။
သင်တို့ရဲ့တောင်းဆိုချက်တွေကို တချက်ခြင်း အချက်ကျကျ ရှင်းလင်းစွာ ဖြေရှင်းလိုသည်။
၁။ မြန်မာ စစ်တပ် ထိန်းချုပ်ကွပ်ကဲမှုအောက်သို့ ကျရောက်သွားသော လက်နက်ကိုင် အဖွဲ့အစည်းတရပ်
ပြည်သူ့စစ်သို့ အသွင်မပြောင်းသလို (သို့) လက်နက်ကိုင် အဖွဲ့အစည်းတရပ် အသွင်ဖြင့် အကြမ်းဖက် လုပ်ဆောင်ခြင်း၊ ဆူပူအုံကြွ ခြင်း၊ လုံခြုံမှုမရှိခြင်း (သို့) ခြိမ်းခြောက်ခြင်း (သို့) စစ်အင်အားကို အလွဲသုံးစားပြုလုပ်၍ ငွေကြေးပိုင်းဆိုင်ရာ အကျင့်ပျက်လာဘ်စား ခြင်း၊ မင်းဆိုးမင်းညစ်တို့ကြောင့် တိုင်းပြည်ချွတ်ခြုံကျစေမည့် မည်သည့် နိုင်ငံရေးပါဝါကိုမျှ ထောက်ခံခြင်း အလျှင်းမရှိကြောင်း KNU/ KNLA ငြိမ်းချမ်းရေးကောင်စီမှ ကြေငြာချက်ထုတ်ပြန်သည်။ စစ်အစိုးရ ထုတ်လွှင့်သည့် နိုင်ငံပိုင် သတင်းမီဒီယာတွေပါ မူဝါဒပိုင်းဆိုင် ရာနှင့် ဝါဒဖြန့်ချိမှုတွေမှာ ဖော်ပြပါရှိထားသည့် တည်ငြိမ်အေးချမ်းစွာ ဖွံ့ဖြိုးတိုးတက်ခြင်း၊ အမျိုးသားသွေးစည်းညီညွတ်ရေး၊ ကရင် ပြည်နယ်တွင်း လွတ်လပ်ပြီး သာယာဝပြောရေး အစရှိသည်တို့ကို KNU/ KNLA ငြိမ်းချမ်းရေးကောင်စီမှ ထောက်ခံအတည်ပြုပါသည်။ ကရင်ပြည်နယ်တွင်းရှိ လူထု ငြိမ်းချမ်းစွာ တည်ရှိရေး (သို့) တိုင်းပြည်ငြိမ်းချမ်း တည်ငြိမ်ရေးကို ခြိမ်းခြောက်သည့် လုပ်ဆောင်ချက်မျိုး မည်သည့်အခါမှ ပြုလုပ်မည် မဟုတ်ကြောင်း ရိုးရှင်းစွာတင်ပြလိုခြင်းဖြစ်သည်။ ကရင်ပြည်နယ်အတွင်းရှိ အပြစ်မဲ့ ကရင်လူထု လူ့အဖွဲ့ အစည်းတွေ ထိခိုက်နာကျင်မည့် ခြိမ်းခြောက် လုပ်ဆောင်မှုမျိုး (သို့) လူထု အသက်အိုးအိမ် စည်းစိမ်ကို ဥပဒေဘောင်အတွင်းမှကာ ကွယ်လုံခြုံမှုပေးမည်ဆိုသည်ကို အမြဲတမ်းဆိုသလို KNU/KNLA ငြိမ်းချမ်းရေးကောင်စီနှင့် ငြိမ်းချမ်းရေးတပ်တွေ အစဉ်အမြဲဆိုသလို တာဝန်ယူလုပ်ဆောင်မှာဖြစ်တယ်။ မည်သို့သော ထိခိုက်နာကျင်စေမည့် အလွဲသုံးစား လုပ်ဆောင်ချက် (သို့) ဥပဒေဘောင်ပြင်ပ (သို့) နှောက်ယှက်ဖျက်ဆီးမည့် မည်သို့သော လုပ်ဆောင်ချက် (သို့) ကရင်ပြည်နယ်အတွင်းရှိ လူထုပိုင်ဆိုင်သည့် ပစ္စည်းဥစ္စာကို လုယူ ခြင်း၊ ကရင်ပြည်နယ်အတွင်းရှိ သဘာဝ သံယံဇာတ ရင်းမြစ်တွေသည် ကရင်လူထုအတွက်သာလျှင် ဦးစားပေးလုပ်ဆောင်ရမည်ဖြစ် သည့် အတွက် ကာကွယ်စောင့်ရှောက်ခြင်းနှင့် သဘာဝပတ်ဝန်းကျင်ဆိုင်ရာ ထိန်းသိမ်းစောင့်ရှောက်ခြင်းသည် ကျွန်ုပ်တို့ ကရင်လူမျိုး အကျိုး စီးပွားသာလျှင် ဖြစ်သည်။ ကရင်နဲ့ဗမာတို့ရဲ့ နှစ်ခြောက်ဆယ်ကြာ ပဋိပက္ခအဆုံးသတ်ဖို့ အချိန်ကျရောက်ပြီ ဖြစ်ကြောင်းနဲ့ နောက် ထပ်နှစ် ၁ဝဝ ခန့် အငြင်းပွား ပဋိပက္ခဖြစ်ခြင်းမျိုး ထပ်မံမကြုံတွေ့ချင်တော့သည့် အကြောင်းရင်းက ကျွန်ုပ်တို့ လူထုကိုသာ ထိခိုက် ခြင်းမဟုတ်ပဲ တတိုင်းပြည်လုံးသို့ လာရောက်ဆက်နွယ် ပတ်သက်သည့်အတွက်ကြောင့်သာလျှင် ဖြစ်တယ်။ တိုင်းပြည်ငြိမ်းချမ်းရေး အတွက် သဟဇာတဖြစ်စေမယ့် လမ်းကြောင်းကိုရွေးချယ်ခြင်းသည်သာ ကျွန်ုပ်တို့ရဲ့လိုလားချက် ပန်းတိုင်ဖြစ်တယ်။ တိုင်းပြည်မူဝါဒ ဆိုင်ရာ ဆုံးဖြတ်ချက် အစီအမံတွေကို အတင်းအကျပ် ပုံဖော်ဖန်တီး တည်ဆောက်မယူပါနဲ့။
၂။ စစ်အင်အား တိုးချဲ့ခြင်းမပြုရ။
KNU/ KNLA ငြိမ်းချမ်းရေး ကောင်စီအနေဖြင့် အစိုးရ စစ်တပ်နှင့် ယှဉ်ပြိုင်၍ အင်အားတိုးချဲ့တည်ဆောက်ယူခြင်းမျိုး လုပ်ဆောင်ခဲ့ ခြင်း အလျဉ်းမရှိခဲ့သလို အဲဒီလို မူဝါဒမျိုး ပုံဖော်တည်ဆောက်ခဲ့ခြင်းမရှိပါဘူး။ နှစ်ဦးနှစ်ဖက် လက်ခံထားခဲ့သည့် ငြိမ်းချမ်းရေးဆိုင်ရာ သဘောတူညီချက် တစိတ်တဒေသကို ထုတ်နှုတ်ဖော်ပြရသော် နှစ်ဦးနှစ်ဖက်စလုံး စစ်ရေးလှုပ်ရှားမှု တိုးချဲ့လုပ်ဆောင်ခြင်း မပြုလုပ် ရလို့ဆိုထားသော်ငြား ငြိမ်းချမ်းရေးရပြီး သုံးနှစ်အတွင်း ကရင်ပြည်နယ်အတွင်း ဖွံ့ဖြိုးတိုးတက်ရေးဆိုင်ရာ ရှေ့ရှုသည့် လုပ်ဆောင်ချက် များတွင် စစ်တပ်အနေဖြင့် ငွေကြေးကို ခွဲတမ်းချသုံးစွဲခွင့်ပြုထားခဲ့ပေမယ့်လို့ ကရင်လူထုအတွက် လက်တွေ့အကောင်အထည်ဖော်ပြ စရာ အကျိုးဖြစ်ထွန်းမှုဆိုလို့ မရှိခဲ့ပေမယ့် ချွင်းချက်လုပ်ဆောင်ချက်တွေဖြစ်တဲ့ အိုးအိမ်တည်ဆောက်ရေှးနှင့် လမ်းတံတား ဖောက် လုပ်ရေး လုပ်ငန်းတွေတော့ရှိပါတယ်။ ဒီကြိုးပမ်းအားထုတ် လုပ်ဆောင်ချက်တွေကို အသိအမှတ်ပြု တန်ဖိုးထားတယ်ဆိုပေမယ့်လို့ ခြိမ်းခြောက်ခံဘဝနဲ့ ဆင်းရဲတွင်းထဲက သန်းပေါင်းများစွာသော လူထုတွေအတွက် ဒါဟာ ကောင်းမွန်သည့် ရည်မှန်းချက် ပန်းတိုင်မ ဟုတ်နိုင်ဘူး။ စစ်ရေးအမြင်သဘောထားဆိုင်ရာ အယူအဆတွေနဲ့ ငြိမ်းချမ်းရေးကို တည်ဆောက်ယူနိုင်မယ်ဆိုတဲ့ မဟာမိတ် လက် နက်ကိုင် အင်အားစုတွေနဲ့ စစ်အစိုးရတို့ကြောင့် ကရင်လူမျိုးတွေကြား ပဋိပက္ခတွေ ဖန်တီးတည်ဆောက်ယူမှုကြောင့် အစောပိုင်းနှစ် ကာလတွေအတွင်း ကရင်လူမျိုးအချင်းချင်းကြား သတ်ဖြတ်မှုတွေ ဖြစ်ပေါ်လာရတော့တာပေါ့။ ဒါတင်မကသေးဘဲ စစ်အစိုးရ နောက် လိုက် လက်နက်ကိုင် အဖွဲ့အစည်းတွေကို အထူးအခွင့်အရေးတွေပေးပြီး စစ်အစိုးရကိုယ်တိုင် သစ်ရောင်းဝယ်ရေးလုပ်ငန်းအတွက် သစ်တောတွေ ပြုန်းတီးဖျက်ဆီးခြင်း၊ မူးယစ်ဆေးဝါး မှောင်ခိုကုန်ကူးရောင်းဝယ်ခြင်းနှင့် နေ့စဉ်ဆိုသလို ထောင်ပေါင်းများစွာသော လူ တွေကို လူးလားခေါက်ပြန် တဦးကျလျင် ဘတ်ငွေ ၁၅ဝဝ ဖြင့် လူကုန်ကူးသန်းရောင်းဝယ်ခြင်းနှင့် ထိုင်းနိုင်ငံနဲ့ အိမ်နီးချင်းဝန်းကျင် အ နီးတဝိုက်နိုင်ငံတွေမှာ အလုပ်အကိုင် ရှာဖွေပေးရေးအတွက် တဦးကျလျင် ဘတ်ငွေ ၅ဝဝဝဝ တောင်းခံရယူခြင်းတွေ လုပ်ကိုင်ပြုမူ ဆောင်ရွက်လျက်ရှိသည်။ နယ်မြေအတွင်းမှာရှိတဲ့ စစ်ဖက်ဆိုင်ရာ အရာရှိတွေနဲ့ ထိုင်း-ဗမာ နယ်စပ်တလျှောက်မှာရှိတဲ့ တချို့သော ထိုင်း မာဖီးယားဂိုဏ်းသားတွေဆီသို့ ဒီများပြားလှသည့် ငွေကြေးအမြောက်အများ စီးဆင်းဖြတ်သန်းသွားပြီး ကြားခံအဖြစ် အသုံးချခံ ရတာကတော့ ကရင်လက်နက်ကိုင် အဖွဲ့အစည်းတွေပဲဖြစ်တယ်။ စစ်အစိုးရအမိန့်အာဏာ တည်တံ့အောင် အားပေးအားမြှောက်ပြုနေ တဲ့ လက်နက်ကိုင် အဖွဲ့အစည်းတွေကို နယ်စပ်မျဉ်းတလျှောက်မှာရှိတဲ့ သဘာဝ သံယံဇာတရင်းမြစ်ဆိုတဲ့ အခွင့်အလမ်းတွေပေးခြင်း၊ ကရင်ပြည်နယ်တွင်းရှိ နေထိုင်သူ ကရင်၊ ဗမာ၊ အိန္ဒိယ၊ တရုတ်နဲ့ လူမျိုးအသီးသီးကို နည်းမျိုးစုံ ခြိမ်းခြောက်မှုတွေသုံးပြီး ညှင်းပန်းနှိပ် စက်ခြင်းတို့ကြောင့် ကျယ်ပြန့်လာကြီးထွားလာတဲ့ အကျင့်ပျက်ခြစားမှု အစရှိသည့် ခက်ခဲလှသော ဘက်ပေါင်းစုံ အထွေထွေ အကျပ် အတည်းကြီးနဲ့ မလွဲမသွေ ရင်ဆိုင်ကြုံတွေ့ကြရတော့တာပဲ။
လုံခြုံမှုကင်းမဲ့စွာ ခြိမ်းခြောက်ခြင်းကို ကြုံတွေ့ခံစားနေရတဲ့ လူထုကြား ပုံဖော်ချမှတ်ပေးတဲ့ နယ်ခြားစောင့်တပ်နဲ့ အခြားသော များပြား လှတဲ့ စစ်ဖက်ဆိုင်ရာ စီမံကိန်းချလုပ်ဆောင်ချက်တွေအရ KNU/ KNLA ငြိမ်းချမ်းရေးကောင်စီ ငြိမ်းချမ်းရေးတပ်တွေကို ကာကွယ်နိုင် စွမ်းရှိသော်ငြား လုပ်ဆောင်ချက်တွေကတော့ စိတ်ပျက်ဖွယ်ရာ အပြည့်လို့ဆိုရမှာပဲ။ ငြိမ်းချမ်းရေးတပ်တွေအနေနဲ့ လူထု လုံခြုံရေးနဲ့ နယ်မြေတွင်း တည်ငြိမ်ရေးကို အကောင်းဘက်က လုပ်ဆောင်နိုင်ခဲ့ပေမယ့်လို့ အခြားတဖက်ကကြည့်ရင်တော့ ကရင်လူမျိုး တဦးချင်း စီနဲ့ ဗမာပြည်သား တချို့အတွက်တော့ ဝရုန်းသုန်းကား နိုင်လှတယ်လို့ဆိုရလိမ့်မယ်။
စစ်အစိုးရ စီမံကိန်းချ လုပ်ဆောင်ချက်တွေအပေါ် သဘောထားကိုက်ညီခြင်း မရှိသည့်အတွက်ကြောင့် ဝင်ငွေနဲ့ ဆက်ဆံရေးထူထောင် မည့် လုပ်ဆောင်ချက်မှန်သမျှကို စစ်အစိုးရနဲ့ အပေါင်းအပါ ဒေသဆိုင်ရာ အာဏာပိုင်တွေ နည်းလမ်းအသွယ်သွယ်ဖြင့် ဖိအားပေး တားမြစ်ပိတ်ပင်ထားကြတယ်။ စစ်အစိုးရ စီမံလုပ်ဆောင်ချက်တွေအပေါ် သဘောတူညီထားသူတွေကို အထူးအခွင့်အရေး အနေဖြင့် သဘာဝ သံယံဇာတရင်းမြစ်တွေပေးခြင်း အကျိုးဆက်အနေဖြင့် ဒီလက်နက်ကိုင် အဖွဲ့အစည်းတွေ စစ်အင်အား ခိုင်မာကြီးထွားလာပြီး ကရင်ပြည်နယ်အတွင်းရှိ နေထိုင်သူ တိုင်းသူပြည်သားအပေါင်းဟာ လူ့အခွင့်အရေးဆိုင်ရာ အလွဲသုံးစား ချိုးဖောက် ခြိမ်းခြောက်ခံရ ခြင်းဟာ နောက်ဆက်တွဲ ထွက်ပေါ်လာတဲ့ ရလဒ်ဆိုးကျိုးတွေဖြစ်ပြီး ဒီရလဒ်ဆိုးတွေကို ကျနော်တို့လည်း အထိုက်အ လျောက်ဆိုသလို ကြုံတွေ့ခဲ့ကြသည့်အတွက် ယနေ့မျက်မှောက်ကာလ ကျနော်တို့ရဲ့ ဦးတည်ရည်မှန်းချက်က ကုန်ကူးသန်းရောင်း ဝယ်ရေးဆိုင်ရာ အောင်မြင်ဖြစ်ထွန်းခြင်း၊ စိုက်ပျိုးရေး ဆည်မြောင်း ရေသွယ်ပေးခြင်း၊ သဘာဝပတ်ဝန်းကျင်ဆိုင်ရာ ရင်းမြစ်ဖြစ်သည့် သစ်ပင်ပန်း မန်တွေကို ကာကွယ်စောင့်ရှောက်ခြင်းတို့အပြင် ဆန်ရေစပါး ပေါကြွယ်ဖူလုံရေးနှင့် အဓိကပင်မအဖြစ် KNU/ KNLA ငြိမ်းချမ်းရေး ကောင်စီအဖွဲ့အစည်းကိုယ်တိုင် ပြည့်ကြွယ်လုံပြီး ကျနော်တို့ နယ်မြေဒေသအတွင်း လူထုအပေါ် သြဇာသက်ရောက် လွှမ်းမိုး နိုင်ရေးတို့ ဖြစ်တယ်။
၃။ မည်သည့် တိုင်းရင်းသား လူမျိုးစုတွေနှင့်မှ ဆက်ဆံခြင်း သို့ မဟာမိတ်ဖွဲ့ခြင်း မပြုလုပ်ရ
စစ်အစိုးရနှင့် စေ့စပ်ညှိနှိုင်းခြင်း မပြုလုပ်မီကာလတည်းက ဗမာလူမျိုးတွေအပါအဝင် တိုင်းရင်းသား လူမျိုးစုပေါင်းစုံတို့နှင့် ဆက်ဆံ ရေးတည်ဆောက်ထားသည့်အတွက်ကြောင့် ဖြတ်တောက်ပစ်ဖို့ရာ ဘယ်လိုမှ ဖြစ်နိုင်ချေမရှိဘူး။ နိုင်ငံတနိုင်ငံအတွင်း အတူတကွ မှီ တင်း နေထိုင်ကြသည့်အတွက် ညီအစ်ကို မောင်နှမသဖွယ် သွေးစည်းညီညွတ်နေပြီဖြစ်တယ်။ အကိုင်းအခက်အလက်ခက်ဖြာရာ မတူ ကွဲပြားကြသော်လည်း ပင်မတခုတည်းဖြစ်သည့်အတွက် သွေးစည်းညီညွတ်ပြီး ကွဲလွဲမှုမရှိပဲ အများသဘောညီ ဘုံရည်မှန်းချက်ကို ဖော်ဆောင်နိုင်မှသာ အနာဂတ်မှာ အားလုံးအတွက် အကျိုးဖြစ်ထွန်းအောင်မြင်မှာဖြစ်တယ်။ ဗြိတိသျှ ကိုလိုနီ နယ်ချဲ့စနစ် အမွေဆိုး ဖြစ်တဲ့ သွေးခွဲအုပ်ချုပ်ရေး မူဝါဒတွေနဲ့ တိုင်းရင်းသား ညီရင်းမောင်နှမတွေကြား သွေးခွဲဖို့ရာ ကြံစည်လုပ်ဆောင်ချက်တွေကို ကာ ကွယ်ဖို့ရာ အခွင့်အရေး ကျနော်တို့အားလုံးမှာရှိတယ်။ မောက်မာဝင့်ကြွား ထည်ဝါခြင်းမရှိပဲ ဗမာပြည်တွင်းရှိ တိုင်းရင်းသား လူမျိုးစု အားလုံးကို ညီရင်းမောင်နှမသဖွယ် ဆက်ဆံပြီး တန်းတူညီမျှစွာ အခွင့်အရေးပေးမယ်ဆိုရင် ကြောက်ရွံ့ထိပ်လန့်နေစရာ အကြောင်း ဘာမှမရှိဘူး။ အမျိုးသား သွေးစည်းညီညွတ်ရေးလမ်းကြောင်းကို သွေဖယ်စေသည့် အတွေးအခေါ် အယူအဆရှိသူတွေကလွဲလို့ မည် သူ တဦးတယောက်ကိုမှ ရန်သူအဖြစ် သတ်မှတ်သဘောထားခြင်း မရှိခဲ့ပါဘူး။ လူမျိုးစုအားလုံး စစ်မှန်သည့် ငြိမ်းချမ်းရေးနှင့် သက် ဆိုင်ရာနယ်မြေ ဖွံ့ဖြိုးတိုးတက်ရေး လိုလားကြသူတွေပါပဲ။ အငြင်းပွားဖွယ်ရာ ပဋိပက္ခတွေ လိုလားနှစ်သက်ခြင်း အလျဉ်းမရှိကြဘူး။ ပြု မူဆက်ဆံ သဘောထားချက်အပေါ်မှာသာ ပြန်လည်တုံ့ပြန်ကြခြင်းဖြစ်တယ်။ ကျနော်တို့ ယနေ့ကြုံတွေ့နေရသလောက်တော့ တိုင်း ရင်းသား လူမျိုးစုတွေရဲ့ နယ်မြေဒေသတွင်းရှိ သဘာဝ သံယံဇာတ ရင်းမြစ်တွေဟာ အကျင့်ပျက်ခြစားသည့် အာဏာပိုင်တွေနဲ့ သူတို့ ရဲ့ အပေါင်းအပါ စီးပွားရေးသမားတစုရဲ့ လက်ဝယ်ကျရောက်သွားသည့်အတွက် တိုင်းရင်းသား လူမျိုးစုတွေရဲ့အကျိုးစီးပွားဆိုလို့ ဘာ တခုမျှမရှိတော့သလောက်ပါပဲ။ တိုင်းရင်းသား မျိုးနွယ်စုတွေ ဖွံ့ဖြိုးတိုးတက်ရေး စီမံကိန်းဆိုတာကလည်း ပြည်နယ် ဖွံ့ဖြိုးတိုးတက်ရေး ကို လိုလားသည့် တိုင်းရင်းသား ခေါင်းဆောင်တွေလက်ဝယ်အတွင်း ရှိနေတာမဟုတ်ပဲ အိမ်နီးချင်းနိုင်ငံရပ်ခြား ကုမဏီတွေ လက်ထဲ သို့ ရောင်းထုတ်ထားခြင်းဖြစ်တယ်။ ဒီကြုံတွေ့နေရသည့် ပြဿနာရပ်အလုံးစုံကို ကြုံတွေ့ခံစားနေရတဲ့ ကျနော်တို့အနေနဲ့ စစ်အစိုးရ စီမံကိန်းတွေကို ရှေ့ဆက်ဘယ်လို ယုံကြည်လေးစားရမှာလဲ။ ကျနော်တို့ အပါအဝင် တိုင်းရင်းသား လူမျိုးစုအားလုံးက ငြိမ်းချမ်းစွာနဲ့ ဒီမိုကရေစီစနစ်သို့ ကူးပြောင်းခြင်းကိုပဲ လိုလားနှစ်ခြိုက်ကြတယ်။ စစ်အစိုးရအနေနဲ့ အတင်းအကျပ် ဖိအားပေးပြီး စီမံကိန်းတွေကို အ ကောင်အထည်ဖော်နေရတာလဲ။ ဒီမိုကရေစီ ကူးပြောင်းရေးဖြစ်စဉ်အတွက် နှောင့်နှေးကြန့်ကြာစေမည့် စီမံကိန်းတွေမှ သွေဖယ်ရှောင် ရှားသင့်နေပြီ။ ဗမာပြည်တွင်းရှိ အတိုက်အခံ နိုင်ငံရေးပါတီအားလုံး ဒီရွေးကောက်ပွဲမှာ အစိုးရကိုယ်စားလှယ်တွေနဲ့အတူ ဝင်ရောက် ယှဉ်ပြိုင်ဖို့ရာ ခွင့်ပြုမှသာ တိုင်းရင်းသား လူမျိုးစုတွေရဲ့ ယုံကြည်လေးစားမှုကိုရရှိပြီး ဒီမိုကရေစီစနစ်သို့ ငြိမ်းချမ်းစွာကူးပြောင်းနိုင်မှာ ဖြစ်တယ်။ နိုင်ငံရေး မတည်ငြိမ်မှုနဲ့ ပဋိပက္ခပြဿနာရပ်တွေကြား ဗမာပြည် လုံထွေးပြီး နစ်နာဆုံးရှုံးမှုရှိတာ နှစ်ရှည်လများကြာမြင့်လှ ပြီ။ ကျနော်တို့ မြင်တွေ့လိုတဲ့လာမည့် အနာဂတ်မှာ နိုင်ငံသူနိုင်ငံသားအားလုံး ချမ်းသာသုခနဲ့ ပြီးပြည့်စုံ လုံခြုံတာကိုပဲ မြင်တွေ့ချင် ကြတာပါ။
၎။ KNU နဲ့ တွေ့ဆုံခြင်းမပြုရ
ကရင်လူမျိုးမဟုတ်သည့် သူတချို့ကနော်တို့ထံ ရောက်လာပြီး ကိုယ့်တိုင်းရင်းသား ကရင်လူမျိုးတွေနဲ့ မတွေ့ဆုံဖြစ်ဖို့ပြောတာ အ တော့်ကို အံ့အားသင့်ဖွယ်ရာပဲ။ တွေ့ဆုံဖို့ရာ ရွေးချယ်ဆုံးဖြတ်ခဲ့မယ်ဆိုရင် ဒီ့နောက်ဆက်တွဲကနေ ကောင်းမွန်တဲ့ အကျိုးရလဒ်တွေ ထွက်ပေါ်လာမှာဖြစ်တယ်။ ကရင်တိုင်းရင်းသား လူမျိုးတွေဖြစ်တဲ့ ကျနော်တို့ဟာ တအူတုံဆင်းမောင်နှမရင်းချာတွေပါ။ KNU ထီးရိပ် အောက်မှာရှိတဲ့ ကရင်တိုင်းရင်းသားတွေရဲ့ အဓိကဦးစားပေးအရာက သွေးစည်းညီညွတ်ရေးဖြစ်တယ်။ ကျနော်တို့ကြားမှာရှိတဲ့ သွေး စည်းညီညွတ်မှုအဟုန်နဲ့အတူ တတိုင်းပြည်လုံး သွေးစည်းညီညွတ်မှုကို လိုလားနှစ်ခြိုက်တယ်။ KNU/ KNLA ငြိမ်းချမ်းရေး ကောင်စီမှာ ရန်သူဆိုတာ မရှိပါဘူး။ ငြိမ်းချမ်းရေးနဲ့ သဟဇာတဖြစ်မှုကိုပဲ လိုလားနှစ်ခြိုက်ပါတယ်။ အတိတ်ကာလတုန်းက သင့်အကြံပြုချက် အ တိုင်း ငြိမ်းချမ်းရေးကို ဆောင်ကျဉ်းဖော်ဆောင်နိုင်မယ် မှတ်ထင်ခဲ့လို့ သမက်ဖြစ်သူအပါအဝင်၊ ကရင်တပ်မှူး အများစုနဲ့ အပြစ်မဲ့ပြည် သူလူထုရဲ့အသက်တွေ ဆုံးရှုံးစတေးခဲ့ကြရတယ်။ စိုးရွံ့ထိပ်လန့်ဖွယ်ရာ မှားယွင်းသည့် လွဲချော်မှုတွေကြောင့် အချင်းချင်း သတ်ဖြတ် ခဲ့ကြတယ်။ သင့် အကြံပေးလုပ်ဆောင်ချက်တွေကြောင့် ကရင်လူမျိုးအချင်းချင်းကြား ပိုမိုပဋိပက္ခတွေ ကြီးထွားလာခဲ့ကြရတယ်။ သင့် အမိန့်အာဏာနောက်ပါးလိုက်ရင်း ဆုံးရှုံးခဲ့ရတဲ့ ကရင်လူမျိုး အရေအတွက် ဘယ်လောက်ရှိမယ်ဆိုတာ ကျနော်တို့ကိုယ်တိုင်လည်း မ သိဘူး။ သမိုင်းကြောင်းအရကို ကိုလိုနီအုပ်စိုးစဉ်ကာလတည်းကနေ ယနေ့ထိတိုင် ကရင်လူမျိုးတွေဟာ စစ်ရေး (သို့) နိုင်ငံရေးရာကိစ္စ တွေမှာ အလွဲသုံးစား အသုံးချခြင်းကို ခံခဲ့ကြရတယ်။ ကျနော်တို့ ကရင်လူမျိုးတွေကြား သွေးစည်းညီညွတ်မှုကို ပျက်ပြားစေမည့် ပဋိ ပက္ခတွေ ဖန်တီးဖြစ်ပေါ်လာစေမည့်တခြားသော အတွေးအခေါ်အယူအဆတွေနောက်မလိုက်ဖို့ရာ များပြားလှတဲ့ သမိုင်းကြောင်း ဆိုင် ရာ လေ့လာသင်ကြားမှုတွေခံခဲ့ကြရတယ်။ ဒီအကြောင်းရင်းချက်တွေကြောင့် အဓိကမဏ္ဍိုင်ဖြစ်တဲ့ သွေးစည်းညီညွတ်ရေးကို ဦးစား ပေးဆောင်ရွက်မှသာ ကျနော်တို့ ကရင်လူမျိုးတွေအတွက် ကောင်းမွန်တဲ့ ရလဒ်ကောင်းတွေ ထွက်ပေါ်လာမှာဖြစ်တယ်။
ဆက်ရန် …
မြန်မာအစိုးရ ကမ်းလှမ်းချက် ကရင် ငြိမ်းချမ်းရေးကောင်စီ လက်မခံ
VOA သတင်းမှ
ဗိုလ်ချုပ်ထိန်မောင် ခေါင်းဆောင်တဲ့ ကရင် ငြိမ်းချမ်းရေးကောင်စီက မြန်မာစစ်အစိုးရ ကမ်းလှမ်းထားတဲ့ နယ်ခြားစောင့်တပ်နဲ့ ပြည်သူ့စစ်အဖြစ် အသွင်ပြောင်း ဖွဲ့စည်းဖို့ကို ငြင်းဆိုလိုက်ပါတယ်။ မြန်မာစစ်အစိုးရက အသွင်ပြောင်းရေးကို ဒီလ ၂၂ ရက်နေ့ အကြောင်းပြန်ဖို့ တောင်းဆိုထားရာမှာ ဗိုလ်ချုပ်ထိန်မောင်က စာရေးသား အကြောင်းပြန်တာ ဖြစ်တယ်လို့ ကရင် ငြိမ်းချမ်းရေးကောင်စီ တာဝန်ရှိသူ တယောက်က ပြောပါတယ်။ အပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။
ဗိုလ်ချုပ်ထိန်မောင်ခေါ် ဗိုလ်ချုပ်ဌေးမောင်ဟာ အရင်က ကရင်အမျိုးသား အစည်းအရုံး (KNU) လက်အောက်ခံ ကရင်အမျိုးသား လွတ်မြောက်ရေး တပ်မတော် (KNLA) တပ်မဟာ ၇ ရဲ့ တပ်မဟာမှူးဖြစ်ပြီး ၂၀၀၇ ခုနှစ်မှာ KNU ကနေ ခွဲထွက်ပြီး မြန်မာစစ်အစိုးရနဲ့ ငြိမ်းချမ်းရေး ရယူခဲ့တာ ဖြစ်ပါတယ်။ အဲဒီနောက်မှာ ကရင် ငြိမ်းချမ်းရေးကောင်စီ (KNU/ KNLA Peace Council) အမည်နဲ့ ကရင်ပြည်နယ် ကော့ကရိတ်မြို့နယ် ထိုးကော့ကိုး ကျေးရွာမှာ အခြေစိုက်ပြီး ဒေသဖွံ့ဖြိုးရေး လုပ်ငန်းတွေကို ဆောင်ရွက်နေခဲ့ပါတယ်။
ပြီးခဲ့တဲ့နှစ်ကတော့ မြန်မာစစ်အစိုးရဘက်က တခြား အပစ်ရပ် တိုင်းရင်းသား လက်နက်ကိုင် အဖွဲ့တွေနည်းတူ ကရင် ငြိမ်းချမ်းရေးကောင်စီကို နယ်ခြားစောင့်တပ် အသွင်ပြောင်းဖို့ ကမ်းလှမ်းတာတွေ ရှိခဲ့ပေမဲ့ သူတို့ဘက်က လက်မခံခဲ့ပါဘူး။ ဒီလ ၇ ရက်နေ့မှာတော့ နယ်ခြားစောင့်တပ်အဖြစ် မပြောင်းလဲရင် ပြည်သူ့စစ်အဖြစ် ပြောင်းလဲဖွဲ့စည်းဖို့ မြန်မာစစ်အစိုးရက ထပ်မံ တိုက်တွန်းခဲ့ပေမဲ့ ဗိုလ်ချုပ်ထိန်မောင်က လက်မခံခဲ့ဘူးလို့ ကရင် ငြိမ်းချမ်းရေးကောင်စီက တာဝန်ရှိသူ တယောက်က အခုလို ပြောပါတယ်။
“ကျနော်က ထိုးကော့ကိုး အဖွဲ့အစည်းပဲ၊ အဖိုးထိန်မောင် အဖွဲ့အစည်းပဲ။ ဟိုးအရင်ကတည်းက သူတို့ပြောတာက နယ်ခြားစောင့်တပ် လုပ်ပေါ့။ အဖိုးပြောတာတော့ မလုပ်ဘူး။ ဟို ကြိုးကြားကြိုးကြားတော့ အဖိုးကို မှာတယ်။ အဲဒီမှာလေ၊ အဖိုးတော့ မလာဘူး။ သွားတာတော့ အဖိုး ရင်နုရယ်၊ ဖိုးထော်လေးရယ်၊ ဖိုးနွမ်းမူရယ်၊ တပ်ရင်းမှူးတို့ ပါတယ်၊ တယောက် နှစ်ယောက်။ အားလုံး ၇ ယောက်မှာတယ်။
“သွားတော့ သူပြောတာက နင်တို့ နယ်ခြားစောင့်တပ် မလုပ်ရင် ပြည်သူ့စစ် ပြန်လုပ်ရမယ်။ အဖိုးထော်လေးက ပြောတာပေါ့။ ဒီကိစ္စက ကျနော်တို့နဲ့ချည်း မပြီးဘူး။ အဖိုးထိန်မောင်ကို ပြန်မေးရမယ်။ သူပြောတာက ၂၁ ရက်လား၊ ၂၂ ရက်လား သတင်းလာပို့ပါ။ အဖိုးတော့ စာရေးတာပေါ့။ ငါ နယ်ခြားစောင့်တပ်လည်း မလုပ်ဘူး၊ ပြည်သူ့စစ်လည်း မလုပ်ဘူး။ ကျနော်တို့ ဒီလိုပဲ နေမယ်။ တိုက်လည်း မတိုက်ဘူးပေါ့။ အဖိုးကလည်း လယ်ပဲ ၀ါသနာပါတယ်။ ပြောပြောနေတာ လယ်သွားမယ်တဲ့ အဖိုးထိန်မောင်လေ။”
ကရင် ငြိမ်းချမ်းရေးကောင်စီက ကိုယ်စားလှယ်တွေဟာ ဒီလ ၇ ရက်နေ့က စစ်ဘက်ရေးရာ လုံခြုံရေးဌာန အကြီးအကဲ ဒု-ဗိုလ်ချုပ်ကြီးရဲမြင့်နဲ့ မော်လမြိုင်မြို့မှာ တွေ့ဆုံခဲ့တာ ဖြစ်ပါတယ်။
ကရင် ငြိမ်းချမ်းရေးကောင်စီက ၂၂ ရက်နေ့က ဒု-ဗိုလ်ချုပ်ကြီးရဲမြင့်ဆီ တပ်အသွင်ပြောင်းရေးကို လက်မခံကြောင်း စာရေး အကြောင်းပြန်ခဲ့ပါတယ်။ အဲဒီစာမှာတော့ နယ်ခြားစောင့်တပ် ဖွဲ့စည်းဖို့ လက်ခံတဲ့ တချို့တပ်ဖွဲ့တွေက ရွာတရွာကို လူ ၅ ယောက်ကနေ ၁၀ ယောက်အထိ စစ်သားသစ် စုဆောင်းနေတယ်၊ စစ်မှုမထမ်းလိုသူတွေကို ဒဏ်ငွေ သိန်းချီ ရိုက်နေတာကြောင့် ဒေသခံ ကရင်ပြည်သူတွေ လယ်ယာမြေနဲ့ ကျွဲနွားတွေ ရောင်းချပေးနေရလို့ ပိုမို ဒုက္ခရောက်နေရကြောင်း ဖော်ပြထားပါတယ်။
အခြား ကရင် ငြိမ်းချမ်းရေးကောင်စီ အဖွဲ့ဝင် တယောက်ကတော့ အခုလို ငြင်းဆိုလိုက်တာကြောင့် မြန်မာစစ်အစိုးရဘက်က ဖိအားပေးတာတော့ မရှိသေးကြောင်း ပြောပါတယ်။
“အဲလိုတော့ ကျနော်တို့ကို အတင်းအကျပ် ဖိအားပေးထားတာတော့ မရှိသေးဘူးခင်ဗျ။ ကျနော်တို့ ဒီပြန်လာကတည်းက ငြိမ်းချမ်းရေး ယူထားတာ နယ်ခြားစောင့်နဲ့ ပြည်သူ့စစ် ဖွဲ့ဖို့လည်း မပါဘူးလေ။ ကျနော်တို့ ဒီမူအတိုင်းပဲ ဆက်ပြီးတော့ ရပ်တည်မှာပဲခင်ဗျ။ ဖိအားတော့ ကျနော်တို့ကို လောလောဆယ်တော့ မပေးထားဘူးပေါ့နော်။ ဒီမှာ ကျနော်တို့ အထက်အောက် လူကြီးတွေကိုပဲ ညှိနှိုင်းခိုင်းထားတာပဲ ရှိတယ်။ ကျနော်တို့ အတတ်နိုင်ဆုံးတော့ ညှိနှိုင်းကြည့်မှာပေါ့နော်။ ဒီလိုပဲ ညှိနှိုင်းကြည့်ရမှာပေါ့။”
မနေ့ကတော့ ဌာနချုပ်ဖြစ်တဲ့ ထိုးကော်ကိုးမှာ ကရင် ငြိမ်းချမ်းရေးကောင်စီက ခေါင်းဆောင်တွေနဲ့ တပ်မှူးတွေ အစည်းအဝေး လုပ်ခဲ့ပါတယ်။ အဲဒီ အစည်းအဝေးမှာလည်း နယ်ခြားစောင့်နဲ့ ပြည်သူ့စစ် ဖွဲ့စည်းတာကို လက်မခံကြောင်း၊ အခြား အပစ်ရပ် အဖွဲ့တွေရဲ့ အခြေအနေကို စောင့်ကြည့်သွားဖို့ လိုအပ်ကြောင်း ဆုံးဖြတ်ခဲ့တယ်လို့ သိရပါတယ်။
ကရင် ငြိမ်းချမ်းရေးကောင်စီဟာ လောလောဆယ် လူအင်အား ၇၀၀ လောက်ရှိပြီး လက်နက်ကိုင်အင်အား ၂၀၀ လောက် ရှိတယ်လို့ KNU ခေါင်းဆောင်တွေက ခန့်မှန်းထားပါတယ်။
မြန်မာစစ်အစိုးရက လွန်ခဲ့တဲ့နှစ် ဧပြီလကုန်က အပစ်ရပ် တိုင်းရင်းသား လက်နက်ကိုင် အဖွဲ့တွေကို နယ်ခြားစောင့်တပ်နဲ့ ပြည်သူ့စစ်အဖြစ် အသွင်ပြောင်း ဖွဲ့စည်းဖို့ တောင်းဆိုခဲ့ပြီး ၀၊ ကချင်၊ မွန်နဲ့ မိုင်းလားအဖွဲ့တွေက ဒီနေ့အထိ လက်မခံသေးပါဘူး။ လွန်ခဲ့တဲ့အပတ် အတွင်းကတော့ ရှမ်းပြည်တပ်မတော် (မြောက်ပိုင်း) က အင်အားစုတချို့ဟာ ပြည်သူ့စစ်အဖြစ် အသွင်ပြောင်း ဖွဲ့စည်းဖို့ သဘောတူခဲ့ပါတယ်။
တိုက်ဆိုင်လှတဲ့ ပေါက်ကွဲမှုတွေ
ရဲဘော်ဖိုးသံချောင်း(ခေတ်ပြိုင်)
နအဖရဲ့ ၂၀၁၀ ခုနှစ် ရွေးကောက်ပွဲဟာ မြန်မာပြည်နိုင်ငံရေးမှာ အပြောင်းအလဲတွေ ဖြစ်ပေါ်စေမယ်လို့ တွက်ခဲ့ကြ၊
တွက်ထားကြသူတွေ မနည်းပါဘူး။ အခုတော့ ဖြစ်ပေါ်လာတဲ့ အပြောင်းအလဲတွေဟာ မြန်လည်းမြန်၊ ပုံသဏ္ဌာန်တွေလည်းစုံ၊ စိတ်ဝင်စားစရာကောင်းလှပါတယ်။ နအဖဟာ နယ်စပ်တွေကို ဖိအားပေးနေတုန်း ရန်ကုန်မြို့လယ်ခေါင်မှာ ဗုံးတွေကွဲပါတယ်။ မြန်မာပြည်ရဲ့ အရှေ့ဖျားဆုံး တရုတ်-မြန်မာ၊ ထိုင်း-မြန်မာနယ်စပ်တွေကို တပ်တွေပို့နေတုန်း အနောက်ဖျားက ရခိုင်ပြည်နယ်မှာ ဗုံးတွေကွဲပြန်ပါတယ်။ ဒီဗုံးကွဲမှုတွေရဲ့ အနှံ့အပြားဖြစ်မှုနဲ့ အရေအတွက်ဟာ သိပ်ထူးခြားနေပါတယ်။ အချိန်ကာလအရပြောရရင်လည်း မြန်မာပြည်နိုင်ငံရေးရဲ့ တကယ့်အကွေ့အချိုးကာလ၊ အရေးကြီးကာလဖြစ်နေပါတယ်။
နောက်ထူးခြားတာတချက်က ဘယ်မှာမှ လက်သည်မပေါ်၊ သဲလွန်စလေးတောင်မှ မရတာပါ။ နအဖရဲ့ အုပ်ချုပ်ရေး
ယန္တရားနဲ့ ထောက်လှမ်းရေးအဖွဲ့မျိုးစုံတို့ဟာ ရွေးကောက်ပွဲအတွက် အလုပ်ရှုပ်နေကြလို့လား၊ အမျိုးသားဒီမိုကရေစီ
အဖွဲ့ချုပ်နဲ့ အပစ်ရပ်အဖွဲ့တွေအပေါ် ဆင်နွှဲတော့မယ့် နောက်ဆုံးနှိပ်ကွပ်ပွဲကြီးအတွက် အသားကုန်လုံးပန်းနေကြလို့လား။
ဘာကြောင့်ပဲဖြစ်ဖြစ် နအဖအစိုးရ အုပ်စိုးမှုယန္တရားရဲ့ ယိုပေါက် ဟာကွက်တွေကို အထင်အရှားမြင်တွေ့နေရတာကတော့
အမှန်ပါပဲ။ လာမယ့်ရွေးကောက်ပွဲအမီ နအဖကို အပြတ်ဖားနေကြရတဲ့ “ဆောင်းပါးရှင်” ဆိုသူတွေမှာတော့ ဒီပေါက်ကွဲမှုတွေနဲ့ ပတ်သက်ပြီး ဘယ်သူ့ဘယ်လို တွယ်ရမယ်မှန်းမသိဖြစ်နေပြီး အသားလွတ် ရမ်းသမ်းချနေရတဲ့အခြေအနေ
ဆိုက်နေပါတယ်။
တချို့ကတော့လည်း “သူခိုးလိမ္မာမျက်နှာကြီးမို့” လက်သည်မပေါ်တာ၊ ရဲတွေက တက်တက်ကြွကြွ မရှာဖွေတာလို့ ပြောနေကြပါတယ်။ ဘာမဆိုဖြစ်နိုင်တဲ့ အနေအထားမို့ ဒါလည်း စဉ်းစားစရာအဖြစ် သတ်မှတ်သင့်ပါတယ်။
တကယ်တော့ နအဖကို ဆန့်ကျင်တာပဲဖြစ်ဖြစ်၊ အချင်းချင်းတွယ်ကြတာပဲဖြစ်ဖြစ်၊ ပြည်သူလူထုကို ထိခိုက်သေကျေ
စေတဲ့အထိ ဖြစ်တာကတော့ မကောင်းတာအမှန်ပါပဲ။ ဒါမျိုးကို တော်လှန်ရေးမဆန်တဲ့ လုပ်ရပ်လို့ပဲ သတ်မှတ်ရမှာပါ။ အားမပေးသင့်ပါဘူး။
ဒါပေမယ့် ရက်စက်ရှည်ကြာတဲ့ အုပ်စိုးမှုတခုကို မခံနိုင်လွန်းလို့ ဖြစ်တဲ့နည်းနဲ့ဆန့်ကျင်တဲ့လူတွေကိုတော့ နားလည်ဖို့ လိုပါတယ်။ နိုင်ငံတိုင်းလိုလိုမှာ အမျိုးသားတော်လှန်ရေး၊ လူတန်းစားတော်လှန်ရေး စတာတွေ ဖြစ်လာတယ်ဆိုရင်၊ အထူးသဖြင့် အစပိုင်းမှာ ဒီလိုပဲ တဦးချင်းစွန့်စား လုပ်ကြတဲ့၊ မဆိုင်သူတွေကို ထိခိုက်စေတဲ့ လုပ်ရပ်တွေ ပေါ်လာလေ့ရှိကြတယ်ဆိုတာကို သတိပြုဖို့လိုပါတယ်။ အယူအဆ မကြည်လင်တာကြောင့်မို့ မင်းလောင်းပုံစံနဲ့ အင်္ဂလိပ်ကို ထ’ချကြတာကို မြန်မာပြည်ရဲ့ မဝေးလှတဲ့ သမိုင်းမှာ လှမ်းတွေ့နိုင်ပါတယ်။ ကျေးလက်တွေမှာ ဓားပြဂိုဏ်းလိုလို၊ သူပုန်အဖွဲ့လိုလိုဆိုတာတွေကလည်း ဒီသဘောပါပဲ။ မြန်မာပြည်က ‘ရော်ဘင်ဟု’ တွေဟာ ခေတ်မီနိုင်ငံရေး အတွေးအခေါ် မတပ်ဆင်နိုင်တဲ့ လယ်သမား သူပုန်တွေသာ ဖြစ်ပါတယ်။ သူတို့ရဲ့လုပ်ရပ်တွေမှာ လွန်ကျွံတယ်လို့ ထင်မြင်စရာရှိတာ၊ မဆိုင်သူကို ထိခိုက်တာတွေ ပါလာတတ်ပါတယ်။ နိုင်ငံရေးအားနည်းသေးလို့သာ ဖြစ်ပါတယ်။
ရုရှနိုင်ငံမှာ ဘော်ရှီဗစ်တွေရဲ့ တော်လှန်ရေးမတိုင်မီ အနားခစ္စလို့ခေါ်တဲ့ လုပ်ကြံရေးဂိုဏ်းက အရင်ပေါ်လာတာပါ။ လီနင်ရဲ့အစ်ကိုကိုယ်တိုင် အဲဒီအထဲမှာပါခဲ့ပြီး ဖမ်းမိလို့ ကွပ်မျက်တာလည်း ခံခဲ့ရပါတယ်။
မြန်မာပြည်မှာတော့ ၁၃၀၀ ပြည့် အရေးတော်ပုံနောက်ပိုင်းမှာကိုပဲ နဂါးနက်ဂိုဏ်းဆိုတာ ပေါ်ခဲ့ပါတယ်။ အဲဒီဂိုဏ်းဟာ ပေါ်ကာစတုန်းက လုပ်ကြံရေးဂိုဏ်းတမျိုးသာဖြစ်ပါတယ်။ ဒါပေမယ့် အဲဒီဂိုဏ်းသားတွေဟာ နောက်ပိုင်းမှာ တော်လှန်တဲ့ အတွေးအခေါ်တွေ၊ အသိတွေနဲ့ ပေါင်းစပ်မိတော့ ရာသက်ပန်တော်လှန်ရေးသမားတွေဖြစ်လာပြီး တော်လှန်ရေးထဲမှာပဲ ကျဆုံးသွားကြပါတယ်။ အလားတူပဲ လက်နက်ကိုင်တော်လှန်ရေး ထဲကို ပြောင်းလဲပါဝင်လာကြတဲ့ ဓားပြတွေ၊ ‘ရော်ဘင်ဟု’ တွေ အများကြီးရှိခဲ့ပါတယ်။ ဒီနေ့လို တိုင်းပြည်ရဲ့ စီးပွားရေးက အောက်ဆုံးရောက်နေ၊ ကြံ့ဖွံ့လို နအဖရဲ့ လူမိုက်တွေက နေရာတကာမှာ ရမ်းကားအနိုင်ကျင့်နေ၊ ဒီကြားထဲမှာ နအဖရဲ့ ဒီမိုကရေစီကြောင့် မှန်ကန်တဲ့နိုင်ငံရေး အတွေးအခေါ်တွေကို ဖြန့်ချိခွင့်မရဖြစ်နေတဲ့ အခြေအနေမှာ နည်းမျိုးပေါင်းစုံသော ဆန့်ကျင်မှုတွေ ပေါ်ပေါက်လာတာဟာ သဘာဝကျတယ်လို့ပဲ ဆိုရမှာပါ။
ဒီလိုနာကြည်းပေါက်ကွဲမှုတွေကို နည်းမှန်လမ်းမှန်ရောက်အောင် တည့်မတ်ပေးဖို့ဟာ အင်မတန်မှအရေးကြီးတယ်ဆိုတာကို အထူးပြောနေစရာမလိုပါဘူး။ သူတို့လုပ်တဲ့နည်းဟာ မအောင်မြင်နိုင်ဘူး၊ မကောင်းတဲ့ဆိုးကျိုးတွေ ဖြစ်စေ နိုင်တယ်ဆိုတာတွေ ထောက်ပြရပါမယ်။ နအဖကို ရွံမုန်းနာကြည်းတယ်၊ ဖြုတ်ချရမယ်ဆိုတဲ့ သာမန်စဉ်းစားတွေးခေါ်နည်းလောက်နဲ့ မလုံလောက်တော့ဘူးဆိုတာ ရှင်းနေပါတယ်။ မှန်ကန်တဲ့အတွေးအခေါ်ကို လူထုဆီ ပို့ဖို့ဆိုတာဟာ အပြောလွယ်သလောက် လက်တွေ့မှာ မလွယ်လှပါဘူး။ အထူးသဖြင့် မြန်မာပြည်လူဦးရေရဲ့ (၈၀) ရာခိုင်နှုန်းကျော်ဖြစ်တဲ့ ကျေးလက်လူထုဆီကို ပို့ဖို့ဖြစ်ပါတယ်။
တကယ်က ဒီအရေးတော်ပုံမှာ လယ်သမားတွေပါလာဖို့ဟာ အင်မတန်မှ အခရာကျပါတယ်။ သူတို့ပါလာမှ ပွဲက
ပြတ်မှာပါ။ ဒါပေမယ့် ဒီနေ့အခြေအနေမှာ လယ်သမားတွေကို စည်းရုံးဖို့ဆိုတာ တယ်လွယ်လှတာ မဟုတ်ပါဘူး။ သူတို့ဆီကိုကားစီးသွား ပြောချင်တာပြော၊ တောထမင်း တောဟင်းစားပြီး ပြန်လာရုံနဲ့ မရပါဘူး။ အချိန်ယူလုပ်ရမယ့်အလုပ်ဖြစ်ပါတယ်။ သူတို့အကြားမှာ အကြာကြီးနေလို့ရအောင် ဘယ်လိုလုပ်မလဲ။ ရအဖတွေ၊ ကြံ့ဖွံ့တွေမသိအောင် ဘယ်လိုဝပ်မလဲ စတဲ့လက်တွေ့ပြဿနာတွေကို ဖြေရှင်းရပါမယ်။ မြို့ပြနဲ့ ကျေးလက်ပေါင်းစည်းတဲ့ လှုပ်ရှားမှုတွေ ဘယ်လိုဖော်ထုတ်မလဲ စဉ်းစာအဖြေရှာကြရပါမယ်။ ဒါဆိုရင် တိုက်ပွဲခွင်လည်းကျယ်လာ၊ နည်းသဏ္ဌာန်တွေလည်းစုံလာ၊ လူထုထောက်ခံမှုလည်း ပိုရလာမှာ ဖြစ်ပါတယ်။
နောက်ပြီး လယ်သမားသားသမီးအများစုဖြစ်တဲ့ သံဃာတွေ၊ စစ်သားတွေရဲ့အသည်းနှလုံးကိုလည်း ဖမ်းစားနိုင်မှာဖြစ်
ပါတယ်။
ဒီကေဘီအေနှင့် နအဖ တင်းမာမှုဖြစ်
သတင်း - ကေအိုင်စီ
ကရင်ပြည်နယ်၊ ကော့ကရိတ်မြို့နယ်အတွင်းရှိ ဖလူးကျေးရွာအနီးတွင် တိုးတက်သော ဗုဒ္ဓဘာသာ ကရင်အမျိုးသားတပ်မ တော်(ဒီကေဘီအေ)နှင့် နအဖ တပ်ဖွဲ့ဝင်များ ယနေ့မနက်ပိုင်းတွင် တင်းမာမှု အနည်းငယ်ဖြစ်ပွားခဲ့သည်ဟု သိရသည်။
နအဖ အမှတ်(၉) စစ်ကွပ်ကဲရေးဌာနချုပ် လက်အောက်ခံ ခလရ(၁၀၆)တပ်ဖွဲ့သည် အဆိုပါကျေးရွာသားများအား သေနတ် ဖြင့် လာရောက်ခြိမ်းခြောက်မှုများ ပြုလုပ်သည့်အပေါ် ဒီကေဘီအေနှင့် နအဖတပ်များ ပစ်ခတ်မှုဖြစ်လုနီးပါး တင်းမာသွားခဲ့ သည်ဟု တပ်မဟာ(၅)မှူး ဗိုလ်မှူးကြီးစောလားပွယ်(နှုတ်ခမ်းမွှေး)က ကေအိုင်စီကို ယခုလို ပြောသည်။
“ဒီနေ့မနက် ၈နာရီခွဲလောက်မှာ နအဖတပ်တွေက ရွာထဲဝင်လာပြီး ရွာသားတွေကို သေနတ်နဲ့လာပြီး ချိန်တာတွေ ဘာတွေ လုပ်တယ်။ ဒါမျိုးလုပ်တာ ကျနော်တို့ မကြိုက်ဘူး။ ဖလူးကြီးနဲ့ ဖလူးလေးရွာကြားက မေတ္တာလမ်းမတံတားနားမှာ ကျနော်တို့ တပ်နဲ့ နအဖတပ်နဲ့ အခြေအနေ တင်းမာမှုနည်းနည်းဖြစ်သွားတယ်”ဟု ဆိုသည်။
ယင်းဖြစ်ပွားမှုမှာ ပစ်ခတ်မှုအထိ မရှိခဲ့သော်လည်း နအဖ တပ်ဖက်မှ ဖုန်းဆက်တောင်းပန်ခဲ့ကြောင်းနှင့် လက်ရှိအချိန်တွင် တဖက်နှင့်တဖက် မကျူးကျော်ကြရန် သတိပေး ပြောဆိုထားခဲ့ကြသည်ဟု သိရသည်။
ထိုအခြေအနေနှင့် ပတ်သက်၍ အမည်မဖော်လိုသူ ရွာသားတဦးက “ကျနော် သိသလောက် နအဖဟာ နယ်ခြားစောင့်တပ်အ တွက် ဒီကေဘီအေကို ၂၄ရက်နေ့က လက်နက်အပ်ခိုင်းတာ မအပ်လို့ သိပ်မကျေနပ်ဘူး။ ခုအခြေအနေက သူတို့တွေ တဖက် နဲ့တဖက် အလစ်မပေးဘဲ စောင့်ကြည့်နေကြတဲ့ အနေအထားမှာရှိတယ်”ဟု ပြောသည်။
ပြီးခဲ့သည့် ၂၄ရက်နေ့က ဒီကေဘီအေတပ်များ နယ်ခြားစောင့်တပ်အဖြစ် နအဖတပ်ထံ လက်နက်အပ်နှံမည်ဟု ကြားသိရ သော်လည်း တပ်မဟာ(၉၉၉)မှ တပ်ရင်းမှူး တဦးက ၎င်းတို့အနေဖြင့် တပ်အင်အားစာရင်းကို ထိုနေ့တွင်ပင် အထက်သို့ ပို့ ဆောင်လိုက်ပြီဟု ပြောဆိုခဲ့သည်။
ယခုလ ၂၂ရက်နေ့က ဒီကေဘီအေ ဌာနချုပ်တည်ရှိရာ မြိုင်ကြီးငူရှိ ရွှေဂွန်းကျေးရွာအနီးတွင် နအဖတပ်များနှင့် ဒီကေဘီအေ တပ်များ ပစ်ခတ်မှုဖြစ်ပွားခဲ့ပြီး နအဖ ဘက်မှ လူမှား၍ ပစ်ခတ်မိခြင်းဖြစ်ကြောင်း အကြောင်းပြပြောဆိုခဲ့သည်ဟု ကြားသိခဲ့ရ သော်လည်း အတည်ပြုချက် မရရှိခဲ့ပေ။
ယင်းသို့ နအဖ တပ်များ၏ လူထုအပေါ် ပြုမူမှုများသည် နယ်ခြားစောင့်တပ်အသွင်ပြောင်းရေးနှင့် သက်ဆိုင်နိုင်သည်ဟု ခန့် မှန်းရပြီး အခြေအနေကြည့်ကာ လှုပ်ရှား ရပ်တည်သွားရမည်ဟု ဗိုလ်မှူးကြီးစောလားပွယ်က ယခုလို ပြောဆိုသည်။
သူက “နအဖတွေ လူထုကို ဒီလိုလုပ်တာဟာ နယ်ခြားစောင့်တပ်ကိစ္စနဲ့လည်း ဆိုင်နိုင်တယ်။ သူတို့ အေးအေးဆေးဆေးလုပ် ရင် ကျနော်တို့လည်း အေးအေး ဆေးဆေး ပဲ။ ၂၈ရက်နေ့ကျရင်တော့ စောင့်ကြည့်ရမှာပေါ့”ဟု ပြောသည်။
နအဖ စစ်အစိုးရသည် လာမည့် ဧပြီ ၂၈ရက်နေ့တွင် တိုင်းရင်းသားအပစ်ရပ်အဖွဲ့များအား နယ်ခြားစောင့်တပ်အဖြစ် အပြီး ပြောင်းလဲရမည်ဟု သတ်မှတ်ညွှန်ကြား ထားခဲ့သည်။
စစ်ဗိုလ်ချုပ်တွေ အရပ်ဝတ်လဲပြီ
VOA မှ
ဝန်ကြီးချုပ် ဗိုလ်ချုပ်ကြီး သိန်းစိန်နဲ့ ၀န်ကြီး အနည်းဆုံး ၁၇ ယောက်တို့ဟာ စစ်ရာထူးတွေကနေ အနားယူလိုက်ကြပြီ ဖြစ်ပါတယ်။ အခုလို စစ်ရာထူးက အနားယူလိုက်တာဟာ လာမယ့် ရွေးကောက်ပွဲမှာ ပါဝင်ယှဉ်ပြိုင်ကြမယ့် ခြေလှမ်း ဖြစ်တယ်လို့ စစ်တပ် သတင်းရပ်ကွက်က ပြောပါတယ်။ အနားယူကြတဲ့ အထဲမှာ ဗိုလ်ချုပ်ဌေးဦးလည်း ပါဝင်ပါတယ်။
စစ်ယူနီဖောင်းကနေ အရပ်ဝတ် ပြောင်းဝတ်တာသာဖြစ်ပြီး အခု အစိုးရအဖွဲ့ ရာထူးတွေကတော့ ဒီအတိုင်းပဲ ဖြစ်ပါတယ်လို့ အမည်မဖော်လိုသူ အစိုးရ အရာရှိတယောက်က ပြောပါတယ်။
အစိုးရ သတင်းမီဒီယာတွေကတော့ ဒီသတင်းကို အတည်ပြု ဖော်ပြတာ မတွေ့ရသေးပါဘူး။ စစ်ရာထူးတွေကနေ အနားယူတဲ့ သတင်းတွေ လာပါဦးမယ်၊ ဒါက ပထမအသုတ် ဖြစ်ပါတယ်လို့ သတင်းပေးသူက ဆိုပါတယ်။
စစ်ထွက် ပုဂ္ဂိုလ်တွေနဲ့ ဖွဲ့စည်းထားတဲ့ နိုင်ငံရေးပါတီ တရပ်ကို မကြာမီ မှတ်ပုံတင်မယ်လို့ အများက မျှော်လင့်ထားကြပါတယ်။
စစ်တပ်လိုလားတဲ့ အစိုးရတရပ်ဟာ ရွေးကောက်ပွဲနဲ့ ထွက်ပေါ်လာပြီး ဗိုလ်ချုပ်ကြီးတွေရဲ့ အာဏာချုပ်ကိုင်မှုကို ပိုမို ခိုင်မာစေလိမ့်မယ်လို့ ရွေးကောက်ပွဲကို ဝေဖန်သူတွေက ပြောကြပါတယ်။
ဒီနှစ်နှောင်းပိုင်းမှာ ကျင်းပမယ်လို့ ယူဆရတဲ့ ရွေးကောက်ပွဲတွေမှာ ဒေါ်အောင်ဆန်းစုကြည်ကို ပါဝင်ခွင့် မပေးတဲ့အတွက် နိုင်ငံတကာ အသိုက်အ၀န်းကလည်း စစ်အစိုးရကို ဝေဖန်နေကြပါတယ်။
တကယ်လို့ အမျိုးသား ဒီမိုကရေစီ အဖွဲ့ချုပ် အနေနဲ့ ရွေးကောက်ပွဲဝင်ဖို့ ပါတီမှတ်ပုံတင်မယ် ဆိုရင် ခေါင်းဆောင် ဒေါ်အောင်ဆန်းစုကြည်ကို ထုတ်ပစ်ရမယ်လို့ ရွေးကောက်ပွဲ ဥပဒေတွေက ပြဋ္ဌာန်းထားပါတယ်။ ဒါကြောင့် NLD ပါတီက ပါတီအဖြစ် မှတ်ပုံမတင်တော့ဘဲ ရွေးကောက်ပွဲကို သပိတ်မှောက်မယ်လို့ ပြောပါတယ်။
ကျိုင်းတုံစစ်ဒေသ သျှမ်းပြည်တပ်မတော် နှင့် နအဖတပ် ဆက်တိုက် တိုက်ပွဲဖြစ်
စ၀်ယွက်စစ်ဦးဆောင်သည့် သျှမ်းပြည်တပ်မတော် ကျိုင်းတုံစစ်ဒေသ နှင့် တြိဂံတိုင်းလက်အောက်ခံ စကခ ၁၈ နှင့် စကခ ၁၄ တို့အကြား ယခုလအတွင်းတိုက်ပွဲနှစ်ကြိမ်ဖြစ်ပွားခဲ့သည်ဟု စုံစမ်းသိရှိရပါသည်။
“လဆန်းပိုင်းက ဖြစ်တဲ့တိုက်ပွဲက နအဖ ဘက် သေကြေဒဏ်ရာရတဲ့သူတော်တော်များမယ်၊ ခမရ ၃၂၉ နဲ့ ခလရ ၂၄၄ တို့ စစ်ကူဖြည့်ပြီး ကား ၂ - ၃ စီးနဲ့ ဒဏ်ရာရသူတွေ အလောင်းတွေ ပြန်တင်လာတာ တွေ့ရ တယ်” - အမည် မဖေါ်လိုသည့် ဒေသခံ တဦးကပြောပါသည်။
ဧပြီ ၂၁ ရက်နေ့ မနက် ၇ နာရီ မှ ၈ နာရီ အထိ မိုင်းဖြတ်အခြေစိုက် စကခ ၁၈ လက်အောက်ခံတပ်ရင်းနှင့် မိုင်းဆတ် အခြေစိုက် စကခ ၁၄ လက်အောက်ခံ တပ်ရင်း ၃-၄ ရင်း ပူးပေါင်းပြီး လားဟူပြည်သူ့စစ်နှင့်အတူရှေ့တန်း ထွက်ချိန် မိုင်းဆတ်မြို့မြောက်ဘက် ကီလိုမီတာ ၃၀ ကျော် မိုင်းကုတ်ကျေးရွာအုပ်စုအတွင်း သျှမ်းပြည်တပ်မတော် နှင့် တိုက်ပွဲ တနာရီကြာဖြစ်ပွားခဲ့၏။
“တိုက်ပွဲဖြစ်တဲ့ နှစ်နေရာစလုံးက မြေပြန့်လေ၊ တိုက်ပွဲပြီးတော့လဲ ၀င်ရောက်စစ်ဆေးဖို့က မလွယ်ဘူး၊ ပစ်ခတ် နေချိန် နအဖဘက်က လဲကျတာတွေ အများကြီးတွေ့ရတယ်၊ ဘယ်လောက်သေကြေလဲတော့မသိဘူး၊ ကျနော် တို့လူတယောက် ကျဆုံးတယ်၊ သိမ်းဆည်းရတဲ့ပစ္စည်းမရှိသလို ဆုံးရှုံးတာလဲမရှိဘူး”- ဟု SSA အရာရှိတဦးက သျှမ်းသံတော်ဆင့်သို့ ပြောပြပသည်။
ထို့အတူ ဧပြီ ၄ ရက်နေ့ မွန်းတည့်ချိန်မှ မွန်းလွဲ ၁၄း၄၅ နာရီအထိ တိုက်ပွဲ ၂ နာရီကျော်ကြာ ဖြစ်ပွားခဲ့ကြောင်း၊ နအဖ စစ်တပ်ဘက် သေကြေဒဏ်ရာရသူ ဦးရေအတိအကျမသိရှိရသော်လည်း တိုက်ပွဲနှစ်ခုစလုံး ၇-၈ ယောက် ထက်မနည်း (သို့မဟုတ်) ဆယ်ယောက်ကျော် ဒဏ်ရာရဖွယ်ရှိကြောင်း၊ သျှမ်းပြည်မတော်မတာ် (ကျိုင်းတုံစစ် ဒေသ) အမှတ် ၁ စစ်ဒေသ မှ တဦး ကျဆုံးကြောင်း အမည်မဖေါ်လိုသည့် အဆိုပါအရာရှိက အတည်ပြုပါသည်။
“နအဖ ဘက်က ခမရ ၃၂၈ ဗိုလ်ကြီးဖြိုးအောင် ဦးဆောင်တယ်၊ လားဟူ (မိုင်းဖြတ် - နမ့်ယုံး) ဂျဆေးဘို ပြည် သူ့စစ်က ဂျလားနဲ့ဂျဆီတို့ဦးဆောင် (ပူးပေါင်း) အင်အား ၆၀ ကျော်က နှစ်ဖွဲ့ခွဲပြီး SSA နယ်လှည့်တပ်ဖွဲ့ နောက်ယောင်ခံလိုက်လို့ တိုက်ပွဲဖြစ်တာ၊ တိုက်ပွဲ ၂ နာရီကျော်ကြာတယ်ဆိုတော့ နအဖဘက်လဲအများကြီး သေ ကြေဒဏ်ရာရတယ်”- ဟု ဒေသခံ ရွာသားနောက်တဦးကပြောပါသည်။
တိုက်ပွဲနှစ်ခုစလုံး၌ နအဖ စစ်တပ်ဘက်မှ ၈၁ မမ လက်နက်ကြီးများဖြင့် ဆက်တိုက်ပစ်ခတ်ခဲ့သည်ဟုလည်း သျှမ်းပြည် တပ်မတော် ကျိုင်းတုံစစ်ဒေသ တပ်မှူး တဦးကပြောပါသည်။
အသွင်ပြောင်းရေး တနှစ်ပြည့်သည့်နေ့၌ ၀ တပ်ဖွဲ့လူအင်အားစာရင်းပေးပို့ရန် ဒက်လိုင်းပေးထားသည့်အတိုင်း နအဖက ဖိအားအကြိမ်ကြိမ်ပေးခဲ့သော်လည်း လက်မခံသော တောင်ပိုင်း ၀ တပ်ဖွဲ့အား ဖြတ်လေးဖြတ်ဖြင့် ဖြတ်တောက်ရန် ကြိုးပမ်း နေချိန် သျှမ်းပြည်တပ်မတော်နှင့် တိုက်ပွဲဖြစ်ပွားခဲ့ခြင်းဖြစ်သည်။
သျှမ်းသံတော်ဆင့် မှ
ဗိုလ်ချုပ်မှူးကြီး ဆင်ဖြူတော်စီး
အောင်သက်ဝိုင်း (ဧရာဝတီ မှ)
ဗိုလ်ချုပ်မှူးကြီးသန်းရွှေ အပါအ၀င် ထိပ်တန်းစစ်ခေါင်းဆောင် ၅ ဦး အသုံးပြုသည့် သီးသန့် လေယာဉ် ၂ စီးကို ဗေဒင်အရ “ဆင်ဖြူတော်” ဟု အမည်သတ်မှတ် ခေါ်ဝေါ်နေရကြောင်း သတင်းရရှိသည်။
အဆိုပါ လေယာဉ် ၂ စီးကို ဆေးအဖြူရောင် ခြယ်ထားပြီး ATR 72-500 အမျိုးအစား လေယာဉ်များ ဖြစ်ကြောင်း၊ ထိုလေယာဉ် ၂ စီးကို ဗိုလ်ချုပ်မှူးကြီးသန်းရွှေ၊ ဒုတိယဗိုလ်ချုပ်မှူးကြီးမောင်အေး၊ ဗိုလ်ချုပ်ကြီးသူရရွှေမန်း၊ ၀န်ကြီးချုပ် ဗိုလ်ချုပ်ကြီးသိန်းစိန်နှင့် အတွင်းရေးမှူး ၁ ဗိုလ်ချုပ်ကြီး သီဟသူရတင်အောင်မြင့်ဦးတို့ ၅ ဦးသာ စီးနင်းခွင့်ရကြောင်း ပို့ဆောင်ရေးဝန်ကြီးဌာနမှ သိရသည်။
“လေယာဉ် ၂ စီးစလုံးကို ဆင်ဖြူတော် ဆိုတဲ့ နာမည်သုံးဖို့ ဗိုလ်ချုပ်မှူးကြီးကိုယ်တိုင် အမိန့်ပေး ထားတာလို့ သိရတယ်။ ဒီလေယာဉ်တွေက ခေါင်းဆောင် ၅ ဦးနဲ့ ဗိုလ်ချုပ်မှူးကြီး မိသားစု ခရီးထွက်ဖို့ပဲ သုံးရတဲ့ လေယာဉ် အသစ်တွေပါ” ဟု မင်္ဂလာဒုံလေတပ်နယ်မှ စစ်အရာရှိကြီးများနှင့် နီးစပ်သူတဦးက ဆိုသည်။
အဆိုပါ လေယာဉ်များကို ပို့ဆောင်ရေးဝန်ကြီးဌာန၊ မြန်မာ့လေကြောင်းက တာဝန်ခံ ၀ယ်ယူ ပေးထားရပြီး မင်္ဂလာဒုံလေတပ် အထူးလေယာဉ် ထိန်းသိမ်းဆောင်တွင် လုံခြုံရေး တင်းကျပ်စွာဖြင့် ထိန်းသိမ်းစောင့်ရှောက် ထားရကြောင်း သိရသည်။
၂၀၀၉ ခုနှစ် နိုဝင်ဘာလအတွင်းက ဗိုလ်ချုပ်မှူးကြီး သန်းရွှေ သီရိလင်္ကာနိုင်ငံသို့ သွားရောက်စဉ်ကမူ မြန်မာ့လေကြောင်းလိုင်းပိုင် MAI လေယာဉ်ဖြင့် သွားခဲ့ကြောင်း ဓာတ်ပုံမှတ်တမ်းများအရ တွေ့ရသည်။
လေယာဉ်များကို “ဆင်ဖြူတော်” ဟု ခေါ်ဝေါ်သုံးစွဲရခြင်းသည် ယတြာချေခြင်းဖြစ်ပြီး အတိုက်အခံ ရန်စွယ် အပေါင်းကို အောင်နိုင်စေခြင်း အတိတ်ဖြင့် ခေါ်ဝေါ်အသုံးပြု ခြင်းဖြစ်သည်ဟု ရန်ကုန်ရှိ နာမည်ကျော် ဗေဒင်ဆရာတဦးက သုံးသပ်သည်။
“ရှေးမြန်မာ ဘုရင်မင်းတွေ ဘုန်းတန်ခိုးကြီးလာရင် ဆင်ဖြူတော် အလိုလိုပေါ်ရတယ်။ ဒါမှမဟုတ် အိမ်နီးချင်းတိုင်းပြည်တွေက ဆင်ဖြူတော် ဆက်သရတယ်။ ဆင်ဖြူတော် စီးရတဲ့ ဘုရင်တွေက ရန်စွယ်အပေါင်းကို အောင်နိုင်တယ် ဆိုတဲ့ သက်သေ သာဓကတွေ မြန်မာရာဇ၀င် သမိုင်းတွေမှာ အထင်အရှားရှိတယ်။ ဒါကြောင့် ဒီနာမည်ကို ဗေဒင်သဘောနဲ့ ပေးထားတာ” ဟု ၎င်းက ပြောသည်။
ဗိုလ်ချုပ်မှူးကြီးသန်းရွှေ မိသားစုသည် နက္ခတ်ဗေဒင်လက္ခဏာ ယုံကြည်မှုလွန်ကဲရုံမက မိသားစု ဆွေမျိုးများအကြား ထီးသုံး၊ နန်းသုံးစကားများကို ပြောဆို ခေါ်ဝေါ်သုံးစွဲကြသည်ဆိုသော သတင်းများလည်း ထွက်ပေါ်လျက်ရှိသည်။
စစ်အစိုးရက ၂၀၀၉ ခုနှစ်အတွင်းတွင် ငါးထောင်တန်ငွေစက္ကူအသစ် ထုတ်ဝေခဲ့ရာ “ဆင်ဖြူ တော်” တံဆိပ်ကို ငွေစက္ကူသစ်၏ အမှတ်အသား အဖြစ်သုံးစွဲခဲ့ခြင်း၊ ၂၀၀၅ ခုနှစ်တွင် စစ်အစိုးရ အုပ်ချုပ်ရေးယန္တရားကို ပျဉ်းမနား၊ ကြပ်ပြေးသို့ ပြောင်းရွှေ့ အခြေစိုက်ခဲ့ရာ၌ မြို့တော်သစ်ကို နေပြည်တော် ဟု တရားဝင် သတ်မှတ် သုံးစွဲစေခဲ့ခြင်းများတွင် ဗေဒင်နက္ခတ် သဘောတရားများ အဓိက ပါဝင်နေသည်ကို တွေ့မြင်နိုင်ကြောင်း ရန်ကုန် ဗေဒင်ဆရာ အသိုင်းအဝန်းက သုံးသပ်သည်။
စစ်အစိုးရ ခေါင်းဆောင်ကြီးများသည် ဗေဒင်နက္ခတ်ကျွမ်းကျင်သည့် ပုဏ္ဏားများကို ၎င်းတို့၏ နေအိမ်များသို့ခေါ်၍ အပတ်စဉ် ဗေဒင်တွက်ချက် ယတြာချေခိုင်းကြောင်း နေပြည်တော် စစ်ဘက်အသိုင်းအ၀န်းမှ သတင်းရရှိသည်။
ထောက်လှမ်းရေး ခေါင်းဆောင်ဟောင်း ဗိုလ်ချုပ်ကြီးခင်ညွန့် အာဏာရှိစဉ်ကလည်း ဆင်ဖြူတော် ရှာဖွေကာ ဘွဲ့များ ပေးအပ်ပြီး အင်းစိန်မြို့နယ် မင်းဓမ္မကုန်းတော်ပေါ်တွင် တည်ထားသော လောကချမ်းသာ အဘယလာဘမုနိ ဘုရားကြီး ဘေးတွင် အဆောင် ဆောက်လုပ် မွေးမြူခဲ့သည်။
နိုင်ငံရေးမှုဖြင့် လူငယ် ၇ ဦးကို ရဲက ဖမ်းဆီး
ချင်းမိုင် (မဇ္ဈိမ)။ ။ ရန်ကုန်မြို့ လှည်းတန်း ဘူတာအနီးရှိ တိုက်ခန်းတခုထဲနေ လူငယ် ၇ ဦးကို နိုင်ငံရေး လှုပ်ရှားသည်ဟု သံသယဖြင့် ရဲက ဖမ်းဆီးသွားသလို နောက်ထပ် ဖမ်းဆီးမှုများလုပ်ရန် ရှာဖွေနေသေးသည်ဟု အိမ်နီးချင်းများ အပြောအရ သိရသည်။
အမှတ် ၂၉ ၊ မြေညီထပ်၊ ၁ လမ်း၊ ကွမ်းခြံမြောက်ပိုင်း ၄ ရပ်ကွက်ကို သောကြာနေ့အလွန် စနေနေ့ နေ့ကူးပြီခါစ အချိန်တွင် ရဲများက လာရောက် ဖမ်းဆီးသွားခြင်း ဖြစ်သည်။
လက်နက် တပ်ဆင်ထားသော ရဲ ၆၀ ခန့် ဖမ်းဆီးမှုတွင် ပါဝင်ပြီး မိုဘိုင်းတယ်လီဖုန်း ၃ လုံးကို သိမ်းယူသွားကာ အခန်းကိုလည်း ချိတ်ပိတ်လိုက်ကြသည်။
ရန်ကုန်တိုင်း ရဲနှင့် ကမာရွတ် မြို့နယ် ရဲစခန်းတို့က နိုင်ငံရေးမှုကြောင့် ဖမ်းဆီးရပါသည်ဟု အတည်ပြု ပြောကြားသော်လည်း အထက်လူကြီးများ အမှုကို ကိုင်တွယ်နေမှုနှင့် သတင်းထုတ်ပြန်ခွင့်မရှိ ဟုဆိုကာ အသေးစိတ် ဖြေကြားရန် ငြင်းဆန်သည်။
”အိပ်နေတဲ့ အချိန်ဆိုတော့ တချို့ကလည်း စွတ်ကျယ်နဲ့၊ တချို့ကလည်း ဘောင်းဘီတိုတွေနဲ့ ပါသွားတယ်” ဟု အိမ်နီးချင်း တဦးက မဇ္ဈိမသို့ ပြောသည်။
အဖမ်းခံရသူများမှာ ကိုဗိုလ်ဗိုလ်သိန်း၊ ကိုသောင်းထိုက်ဦး၊ ကိုတင်ထွန်း၊ ကိုစိုးမိုးကျော်၊ ကိုစောယဉ်ရှင်၊ ကိုသော်ဇင်နှင့် ကိုအောင်အောင်တို့ ဖြစ်ကြသည်။
ရဲက နောက်ထပ် လူဖမ်းပွဲအတွက် စုံစမ်းစစ်ဆေးမှုများ ဆက်လက်ပြုနေရာ အနည်းဆုံး တဦးကို သဲကြီးမဲကြီး ရှာနေသည်ဟု သိရသည်။ ရဲက ရှာဖွေနေသူတွင် ကိုကျော်မောင်ဦးဆိုသူ ပါဝင်သည်ဟု သိရသည်။
ရပ်ကွက် အာဏာပိုင်များနှင့် နီးစပ်သော အိမ်နီးချင်းများ ပြန်ပြောပြချက်အရ အဖမ်းခံရသူများမှာ အသက် ၂၀ ကျော်များနှင့် အသက် ၃၀ ပတ်ဝန်းကျင်များဖြစ်ကြပြီး ယခင် သီတင်းပတ်ကတည်းက ရဲက စောင့်ကြည့်မှုများ ပြုလုပ်ခဲ့သည်ဟု ဆိုသည်။
”သူတို့ ဒီရပ်ကွက်ထဲ နေတာကြာပြီး၊ ရပ်ကွကထဲ ခိုက်ရန် ဖြစ်ပွားတာတော့ မကြားဖူးဘူး”ဟု အိမ်နီးချင်းတဦးက ပြောသည်။
သင်္ကြန်တွင်း ရန်ကုန်မြို့ ကန်တော်ကြီး X2O ရေကစားမဏ္ဍပ်ရှေ့ ပေါက်ကွဲမှုသုံးခု ဆက်တိုက် ဖြစ်ပွားပြီးနောက် ရဲ၏ ခေါ်ယူစစ်ဆေးမှုများနှင့် ဖမ်းဆီးမှုသတင်းများ ထွက်ပေါ်လာနေသည်။
သတင်းထောက် ဦးဇေယျနှင့် သူ၏သားဖြစ်သူ ကိုစည်သူဇေယျတို့ကို ပေါက်ကွဲမှု ဖြစ်ပွားသော နေရာများကို ဓာတ်ပုံရိုက်မှုဖြင့် ဧပြီ ၁၇ ရက်နေ့က ဖမ်းဆီးခဲ့သည်။
စုံစမ်း စစ်ဆေးမှုများ ပြုလုပ်ရာတွင် ပါဝင်ခဲ့သော စစ်အင်ဂျင်နီယာ တဦး အပြောအရ လူအုပ်ထဲ လက်ပစ်ဗုံး သုံးလုံး ပစ်သွင်းခံခဲ့ရခြင်း ဖြစ်သည်ဟု ဆိုသော ပေါက်ကွဲမှုများကြောင့် စစ်ဘက် အရာရှိများနှင့် ပြည်ထဲရေးအောက်ရှိ ရဲနှင့် လုံခြုံရေးဝန်ထမ်းများ၊ ကြံ့ခိုင်ဖွံ့ဖြိုးရေး အသင်းဝင်များ အပါအဝင် လူ ၁၀ ဦးသေဆုံးကာ ၁၇၀ ခန့် ဒဏ်ရာ ရရှိခဲ့သည်။
သျှမ်းပြည်တပ်မတော်ဟုဆိုကာ တောင်ပိုင်း ၀ တပ်ဖွဲ့အား နအဖ စတင်တိုက်ခိုက်
သျှမ်းသံတော်ဆင့် မှ(Saturday, 24 April 2010 22:00)
တောင်ပိုင်း ၀ ပြည်သူများ တိုက်ပွဲသတင်းနှင့်ပါတ်သက်၍ စိုးရိမ်ထိပ်လန့်ရှောင်တိမ်းနေချိန် ၀ တပ်ဖွဲ့အား သျှမ်းပြည် တပ်မတော်တပ်ဖွဲ့ဟုဆိုကာ နအဖဘက်မှ တိုက်ပွဲနှစ်ကြိမ် စတင်တိုက်ခိုက်သည်ဟု စုံစမ်းသိရှိရ ပါသည်။
“နအဖ က အရင် စပစ်လို့ ကျနော်တို့ပြန်တိုက်ရတယ်။ နှစ်ကြိမ်စလုံး နအဖ က စပစ်တာ၊ ကျနော်တို့ဘက် သေကြေ ဒဏ်ရာရတာမရှိဘူး” - ဟု အမည်မဖေါ်လိုသည့် ၀ အရာရှိငယ်တဦး က ပြောပါသည်။
ဧပြီ ၂၃ ရက် ညနေပိုင်း မိုင်းဆတ်မြို့ အရှေ့ဘက် မိုင်းတုန်း (တွမ်း) တောင်ကြောတွင်လည်းကောင်း၊ ၂၄ ရက်နေ့ မနက် ၁၀ နာရီ ထိုင်းနိုင်ငံ ဖှန်မြို့မျက်နှာချင်းဆိုင် မိုင်းဆတ်မြို့တောင်ဘက် လွယ်ဖါဟုံဘုတ် တောင်ကြောတွင် လည်းကောင်း ၀ တပ်ဖွဲ့အား နအဖ က စတင်တိုက်ခိုက်ခြင်းဖြစ်သည်ဟု ဆိုသည်။
“မနေ့က ညနေပိုင်း ၁၅ မိနစ်လောက်တိုက်ပွဲဖြစ်တယ်။ ဒီနေ့မနက်တော့ ၁၀ မိနစ်လောက်ဘဲ၊ ကျနော်တို့က ၀စကားနဲ့ အော်ပြောပြီး ပြန်တိုက်တော့ သူတို့က ရပ်သွားတယ်” -အမည်မဖေါ်လိုသည့် ၀ တပ်မှူး တဦးက ပြောပါသည်။
တောင်ပိုင်း ၀ တပ်ဖွဲ့အား နအဖစစ်တပ်က ဒုဗိုလ်ချုပ်ကြီးယွက်စစ်ဦးဆောင်သည့် သျှမ်းပြည် တပ်မတော်လှုပ်ရှား စစ်ကြောင်း ဟု ထင်မှတ်ပြီးတိုက်ခိုက်ခဲ့ခြင်းဖြစ်ကြောင်း မျက်နှာပြောင်တိုက် ဟန်ပြတောင်းပန်ခဲ့သည်ဟု အဆိုပါ ၀ တပ်မှူးကပြော၏။
ဝ တပ်ဖွဲ့အရာရှိများကတော့ နှစ်ကြိမ်စလုံး မှားပစ်တိုက်ခိုက်ခြင်း မဖြစ်နိုင်ကြောင်း၊ အရင်ကတည်းက ထိုဒေသ အတွင်း ၀ တပ်ဖွဲ့သာ သွားလာလှုပ်ရှားလေ့ရှိကြောင်း ရှင်းပြ၏။
ယခုကိစ္စသည် နအဖ မှ တမင်ရန်စ တိုက်ခိုက်ခြင်းဖြစ်သဖြင့် ၎င်းင်းတို့လုပ်ရပ်အား သုံးသပ်ကြည့်ပါက တိုက်ပွဲကြီး အတွက် ရှောင်လွဲရန် မဖြစ်နိုင်တော့ကြောင်း ၀ တပ်ဖွဲ့အရာရှိများက သျှမ်းသံတော်ဆင့်သို့ သုံးသပ်ပြပါသည်။
နယ်ခြားစောင့်တပ်အသွင်ပြောင်းရန် ၂၂ ရက်နေ့နောက်ဆုံးသတ်မှတ်ရက်နှင့် ပတ်သက်၍လည်း မိမိတို့တောင်းဆိုချက် အတိုင်း ဆက်လက်ရပ်တည်သွားမည်ဟု မြောက်ပိုင်း ၀ တပ်မှူးတို့ဆုံးဖြတ်ချက်ချချိန် တောင်ပိုင်း ၀တပ်ဖွဲ့ခေါင်းဆောင် များနှင့် ဆွေးနွေးရန် မိုင်းဆတ်အခြေစိုက် စကခ ၁၈ စစ်ဒေသမှူးကြီးက အစည်းဝေးဆင့် ခေါ်ခဲ့သေးသည်ဟုဆို၏။
“မိုင်းဆတ်သွားတာက ဟိုပန်၊ ဟိုရွက်၊ မိုင်းယွန်း၊ ဟွေ့အော့ က ကိုယ်စားလှယ်တွေပါတယ်၊ ဒါပေမယ့် မိုင်း ဆတ် စကခ ဌာနချုပ်မရောက်ဘဲ နောက်ပြန်လှည့်ကြတယ်၊ သွားသွားမသွားသွားမထူးဘူး ဆိုတဲ့သဘောပေါ့” - အမည်မဖေါ်လိုသည့် ၀ အရာရှိ တဦးကလည်း အတည်ပြုပြောဆိုပါသည်။
ထိုအစည်းအဝေးသို့ တောင်ပိုင်း ၀ တပ်ဖွဲ့ခေါင်းဆောင်မသွားသည့်အပြင် ကိုယ်စားလှယ်အဖွဲ့လည်း မိုင်းဆတ်မြို့ အနီးရောက်ရှိပြီး ပြန်လှည့်လာခဲ့ကြောင်း၊ ၀မ့်ဟုန့်ရှိ ၀ တပ်ဖွဲ့များနှင့် အချင်းချင်း အစည်းအဝေးထိုင်ပြီးမိမိဌာနချုပ် အသီးသီး ပြန်သွားကြသည်ဟု ဆက်ပြောပြပါသည်။
