Ka Nyaw Po: 4/25/10 - 5/2/10

ပဲခူးတိုင်း ကျောက်တံခါးမှာ ဗုံးပေါက်ကွဲ

ဗုံးတွေကတော့ ပေါက်ပြီးရင်းပေါက်....ဟိုနားပေါက် ဒီနားပေါက်နဲ့....တော်ကြာ ကိုယ်အိမ်နောက်ဖေးမှာ ဗုံးထပ်ပေါက်နေ ဦးမယ်.....အားလုံးသတိနဲ့ အိပ်စားသွားလာဖို့ ကျွန်တော် ကညောဖိုး မှသတိပေးလိုက်ပါတယ်...

(VOA သတင်းမှ)
ပဲခူးတိုင်း ကျောက်တံခါးမြို့ပေါ်က စက်မှုလယ်ယာဝင်းထဲမှာ သောကြာနေ့ညတုန်းက ဗုံးနှစ်လုံး ပေါက်ကွဲခဲ့ပါတယ်။ အခုချိန်ထိ လူအသေအပျောက် မရှိဘူးလို့ ဒေသခံတွေက ပြောပါတယ်။ အခုရက်ပိုင်းအတွင်း မြန်မာနိုင်ငံ နေရာအနှံ့မှာ ဗုံးပေါက်ကွဲမှုတွေ ဆက်တိုက်ဆိုသလို ဖြစ်ပေါ်နေတာတွေထဲက ဒါဟာ နောက်ဆုံးပေါက်ကွဲမှုလည်း ဖြစ်ပါတယ်။ ဒီအခြေအနေ အပြည့်အစုံကို စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

KNLA နှင့် နအဖတို့ တနာရီကြာ တိုက်ပွဲတွင် နှစ်ဖက်ထိခိုက်ကျဆုံး

စောသိန်းမြင့် (ကေအိုင်စီ)

ကရင်ပြည်နယ် ကော့ကရိတ်မြို့နယ် ဝေါ်လေဂွင်၌ ကရင်အမျိုးသားလွတ်မြောက်ရေးတပ်မတော် KNLA နှင့် နအဖစစ်တပ်တို့ ကြား ယနေ့မနက် တစ်နာရီကြာ တိုက်ပွဲဖြစ်ပွားခဲ့ရာ နှစ်ဘက်ထိခိုက်သေဆုံးမှုရှိကြောင်း သတင်းရရှိသည်။

(ကေအဲန်ယူ တပ်ရင်း-၂၀၁ တပ်ဖွဲ့ဝင်များ)

ယနေ့မနက် ၆နာရီတွင် ဝေါ်လေဂွင်ရှိ ကနဲလေးနှင့် မော်ဖိုးကလိုးရွာကြား၌ တပ်အင်အား (၃၀)ခန့်ရှိ နအဖစစ်တပ်မှ ခမရ (၄၀၅)တပ်ရင်းနှင့် KNLA တပ်ရင်း(၂၀၁)တပ်ဖွဲ့တို့ ထိပ်တိုက်တိုးကာ တိုက်ပွဲဖြစ်ပွားခြင်းဖြစ်သည်ဟု KNLA တပ်ရင်း (၂၀၁) ဒုတပ်ရင်းမှူး ဗိုလ်မှူးစောကြည်အောင်က ပြောသည်။

သူက “ဒီမနက် ၆း၄၀ ကနေ ၇း၄၀အထိ ဖြစ်ခဲ့တယ်။ ကျနော်တို့ဘက်က အရာခံဗိုလ်တယောက် အသက်ပေးလိုက်ရတယ်။ နအဖဘက်က တယောက်သေတယ်။ ၅ယောက် ဒဏ်ရာပြင်းထန်တယ်”ဟု ပြောသည်။

လက်နက်ကြီးငယ်များဖြင့် အပြန်အလှန်ပစ်ခတ်သောကြောင့် အဆိုပါတိုက်ပွဲမှာ ယနေ့မနက်တွင် ဆူညံသွားကြောင်း ဝေါ်လေ ဂွင်ရှိ ဒီကေဘီအေ တပ်ရင်း(၉၀၇)မှ တပ်မှူးတဦးက ပြောသည်။

အဆိုပါတပ်ရင်းနှစ်ဖက်သည် ယမန်နေ့ မွန်းလွဲ ၂နာရီခန့်တွင် (၅)မိနစ်ခန့် တိုက်ပွဲ ထပ်မံဖြစ်ပွားရာ နအဖဘက်မှ (၃)ဦး ထိ ခိုက်ဒဏ်ရာရပြီး ကေအဲန်အယ်လ်အေဘက်က ထိခိုက်မှုမရှိကြောင်း သိရသည်။

မဲဆောက်မြို့တောင်ဘက် (၁၂၀)ကီလိုမီတာ အကွာအဝေးရှိ ကေအဲန်ယူ တပ်မဟာ (၆)နယ်မြေ ဝေါ်လေဂွင်တွင် KNLA နှင့် နအဖတပ်ဖွဲ့ဝင်တို့ကြား ယခုနှစ်အတွင်း မကြာခဏ တိုက်ပွဲဖြစ်ပွားခဲ့ရာ နအဖဘက်မှ ထိခိုက်သေဆုံးမှုများ ရှိသော်လည်း ကေအဲန်ယူဘက်မှ ယခု ထိခိုက်သေဆုံးမှုမှာ ပထမဆုံးဖြစ်သည်။

တဆက်တည်းတွင် နအဖစစ်အစိုးရ၏ နယ်ခြားစောင့်တပ် အသွင်ကူးပြောင်းရေးကိစ္စကို လက်မခံသည့် ဗိုလ်မှူးကြီး စောလား ပွယ် (ဗိုလ်နှုတ်ခမ်းမွှေး)ဦးဆောင်သော ဒီကေဘီအေ တပ်မဟာ(၅)မှ တပ်ရင်း (၉၀၇)တပ်ဖွဲ့ဝင်များသည် ထိုဒေသတွင် စစ် ရေးပြင်ဆင်မှုများလုပ်ဆောင်နေသည်ဟု နီးစပ်သူများက ပြောသည်။

ယင်းစစ်ရေးလှုပ်ရှားမှုများကြောင့် အကြီးအကျယ် ထိခိုက်မည်ကို စိုးရိမ်သဖြင့် ဒေသခံရွာသား ၃၀၀ကျော်မှာ ဧပြီလ ၂၇ရက် နေ့ညကတည်းက ထိုင်းနိုင်ငံဘက်ခြမ်းသို့ ထွက်ပြေးတိမ်းရှောင်လာခဲ့ကြောင်း ထိုင်း-မြန်မာအခြေစိုက် လူသားချင်းစာနာ ထောက်ထားသည့် အကူညီပေးရေးအဖွဲ့များက ပြောသည်။

ဝေါ်လေဂွင်တွင် နအဖ စစ်ကွပ်ကဲရေးဌာနချုပ်-စကခ(၈) လက်အောက်ခံ ခမရ(၄၀၅)တပ်ရင်း၊ ဒီကေဘီအေ တပ်မဟာ(၅) လက်အောက်ခံ (၉၀၇)တပ်ရင်းနှင့် ကေအဲန်အယ်လ်အေ (၂၀၁)တပ်ရင်းတို့ လှုပ်ရှားလျှက်ရှိသည်။

နအဖ ခမရ(၄၀၅)တပ်ရင်းသည် ပြီးခဲ့သည့် ဇန်န၀ါရီလကုန်မှစ၍ ယခင်တပ်ရင်း ခမရ(၄၀၉)နှင့် တပ်အပြောင်းအလဲလုပ်ကာ ၀င်ရောက်လှုပ်ရှားလာခဲ့ခြင်း ဖြစ်သည်။

သွေးချင်းတွေ သွေးချင်းချင်း ထပ်မနီစေချင်

မန်းကိုကို (သျှမ်းသံတော်ဆင့် မှ)
မြန်မာပြည်မှာ ကြီးနိုင်ငယ်ညှင်းပြီး အာဏာယစ်မူးတတ်ကြတဲ့ အလေ့အကျင့်တွေဟာ သက်ဦးဆံပိုင်စနစ်ကနေ မြစ်ဖျားခံခဲ့တယ်လို့ ယူဆနိုင်တယ်။ ဒီကနေ့အထိလဲ စဉ်ဆက်မပြတ်သက်ရောက်နေသေးတယ်။ လူတန်းစားအဆင့်ဆင့် တုံးအောက်ကဖားတွေလို ပြားနေကြရတာခံစားတတ်သူ့ ပုထုဇဉ်တိုင်းအတွက် စိတ်မကောင်းစရာပါ။

၂၁ ရာစု ကရင်အမျိုးသမီးငယ်များသို့

အင်မတန်ပဲ တပါးအမျိုးသားများကို ယုံကြည်လွယ် တွယ်တာလွယ်တဲ့ ကျွန်တော့်ရဲ့ ကညောမူ များကို ကွယ်လွန်သွားခဲ့ သောတေးရေးဆရာလည်းဖြစ် တေးဆိုလည်းဖြစ်တဲ့ စောဘီးချယ် ရဲ့ဟိုးအရင်ကသီချင်းလေးတပိုဒ် နဲ့ပြန်လည်ပြီးတော့ သတိပေးနိုးဆော်ချင်ပါတယ်။ ဒါ့အပြင် ကရင်ယောက်ျားလေးတွေက အရက်ချည်းပဲသောက်တယ်လို့ ပြောပြောနေတဲ့က ညောမူများကိုလည်း အထူးအထူးသတိပေးချင်တဲ့ဆန္ဒလည်းပါ ပါတယ်။ နောက်ဆုံးပြောချင်တာက တို့ကရင်ယောက်ျား လေးတွေကအရက်ဘဲသောက်တာပါ...ဒါပေမဲ့ တပါးအမျိုးသားတွေလိုမျိုး ကညောမူ ကိုမဖျက်ဆီး မလိမ်ညာ မကောက် ကျစ် မဖြားယောင်းမသွေးဆောင်ဘူး ဆိုတာကိုတော့ ဦးဏှောက်ထဲမှာ မြဲနေအောင် မှတ်ထားပါလို့....နောက်တခုက တော့ တပါးအမျိုးသားများပတ်သက်ပြီးတော့ ပြသနာများပေါ်ခဲ့ပြီးရင် ကျွန်တော်တို့ အားလုံးရင်ထဲမှာမချိအောင်ခံနေရ လို့.... ဒီလိုသတိပေးနိုးဆော်ခြင်းဖြစ်ပါတယ်....

မြန်မာစစ်အစိုးရနှင့် ပူးပေါင်းဆောင်ရွက်ရန် KNU/ KNLA ငြိမ်းချမ်းရေး ကောင်စီမှ တုံ့ပြန်ချက် (နိဂုံးပိုင်း)

မန်ဇူး(ဘာသာပြန်သည်)
နေ့သစ် မှကူးယူတင်ပြသည်။

၅။ ထိုင်း နိုင်ငံနှင့် ဆက်ဆံခြင်းမပြုလုပ်ရ (သို့) ယုံကြည်ကိုးစားခြင်းမပြုရ

KNU/ KNLA ငြိမ်းချမ်းရေး ကောင်စီမှာ ကျဉ်းမြောင်းသည့် အတွေးအခေါ် အယူအဆမျိုးမရှိခဲ့ဘူး။ ထိုင်းနိုင်ငံနဲ့ ကူးလူးဆက်ဆံတာ ကျနော်တို့ အဖွဲ့အစည်းတရပ်တည်း မဟုတ်ပါဘူး။ ကုန်ကူးသန်းရောင်းဝယ်သူ အများစုနဲ့ တခြားသော အကြောင်းချင်း ကိစ္စရပ်တွေ လည်းရှိနေပါသေးတယ်။ အိမ်နီးချင်းနိုင်ငံနဲ့ ဆက်ဆံရေး (သို့) ဒီကမ္ဘာကြီးအတွင်းမှာရှိတဲ့ နိုင်ငံတွေနဲ့ ဆက်ဆံရေးပိုင်းဆိုင်ရာ တည် ဆောက်မှုတွေကို တားဆီးပိတ်ပင်လို့ မရပါဘူး။ ကျနော်တို့အပေါ် မည်သူတဦးတယောက်မျှ အမိန့်ပေးပြီး ဘယ်သူနဲ့ ဆက်ဆံရမယ် မဆက်ဆံရဘူးဆိုတာ အမိန့်ပေးပြောဆိုလိုမရပါဘူး။ KNU/ KNLA ငြိမ်းချမ်းရေးကောင်စီ ခေါင်းဆောင်ပိုင်းတွေရဲ့ အသိပညာကြွယ် ဝရင့်ကျက်မှု၊ ကျင့်ဝတ်သိက္ခာပိုင်းဆိုင်ရာအရ ကျယ်ပြန့်သည့် အမြင်သဘောထားရှိခြင်းတို့ကြောင့် ပြည်တွင်းသာမက ပြည်ပနိုင်ငံများ နှင့် ဆက်ဆံခြင်း မဆက်ဆံခြင်းဆိုတာ ပိုင်းခြားဆုံးဖြတ်နိုင်စွမ်းရှိတယ်။ ကျနော်တို့ရဲ့ဆက်ဆံရေးဟာ ကရင်ပြည်နယ်အတွင်းမှာရှိ သည့် ပြည်သူလူထုအတွက် အပြန်အလှန် အကျိုးစီးပွားနဲ့ အပြန်အလှန် ယုံကြည်မှုအပေါ် အခြေခံတည်ဆောက်ထားခြင်း ဖြစ်တယ်။ တိုင်းပြည်ငြိမ်းချမ်း လုံခြုံရေးကိုသာ အခြေပြုတည်ဆောက်ခြင်းမဟုတ်သလို အနာဂတ် ကရင်ပြည်နယ် ဖွံ့ဖြိုးတိုးတက်ရေးအတွက် အ သိ ပညာရပ်ဆိုင်ရာ ဖလှယ်ခြင်းနှင့် ကုန်ကူးသန်းရောင်းဝယ်ရေးတို့ပါ သက်ဆိုင်အကျုံးဝင်ခြင်းရှိတယ်လို့ ဆိုရမယ်။ အကောင်းအဆိုး ဒွန်တွဲနေတဲ့ လူထုဆိုတာ ထိုင်း၊ ဗမာနိုင်ငံတို့သာမက နိုင်ငံတိုင်းလိုလိုမှာရှိတယ်လို့ဆိုရမှာပဲ။ အလုပ်သဘောအရ ကျနော်တို့နဲ့ ဆက် ဆံတဲ့ လူထုဟာ ကျနော်တို့အပေါ် ကောင်းမွန်စွာ ဆက်ဆံခဲ့သလို တဦးတယောက် ကောင်းစားရေးအတွက် တကိုယ်ကောင်းဆန် သည့် လုပ်ဆောင်ချက်မျိုး မရှိခဲ့ပါဘူး။

လူမဆန်မှုသတင်း

April 2010,
သထုံခရိုင်။
- ဖားအံ့မြို့နယ်၊ ၂၀.၄.၂၀၁၀နေ့ တပ်ပေါစခန်းရှိ ခမရ(၇၀၃)နအဖတပ်သည် ဟတ်တ ရယ်ကျေးရွာအုပ်စု တွင်းရှိ ရွာများမှ တအိမ်လျှင် ဝါး၅ချောင်းနှင့် အင်ဖက်၅ခက်နှုန်းဖြင့် အောက်ပါရွာများကိုမပေးမနေရအတင်းအကျပ်တောင်းဆိုသည်။
(၁) ဟတ်တရယ် (၂) ကျူးစီး (၃) ဖျာဂေါ် (၄) တာသူးခီး (၅) ထီးကျူ (၆) ပို (၇) နိုလော် ပလော (၈) နိုအော်လာတို့ဖြစ်သည်။ ဒီ့အပြင် တပ်ပေါစခန်းသို့ ၂၅.၄.၂၀၁၀နေ့အ ရောက်ပို့ခိုင်းသည်။

KNU နယ်မြေအတွင်း လှုပ်ရှားနေသော နအဖတပ်များ

သျှမ်းသံတော်ဆင့် မှ
ကရင်အမျိုးသား လွတ်မြောက်ရေး တပ်မတော် (KNLA) နယ်မြေအတွင်း၌ လက်ရှိအချိန်တွင် မြန်မာစစ်တပ်မှ တိုက်ခိုက် ရေး တပ်ရင်း တစ်ရာကျော်ခန့် နေရာယူလှုပ်ရှားနေကြောင်း မကြာသေးမီကရရှိသည့် စစ်ရေးအစီရင်ခံစာတစ်စောင်အရ သိရသည်။

နာမည်ဆိုး ကြံ့ဖွံ့ ရွေးကောက်ပွဲ ၀င်ရန် ပါတီ အဖြစ်မှတ်ပုံတင်

freedom news group မှ
ဒီပဲယင်း အရေးအခင်းတွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နှင့် ဒီမိုကရေစီ
လိုလားသူများအား သတ်ဖြတ်ရန်စီစဉ်ခဲ့သည်ဟု နာမည်ဆိုးဖြင့် ကျော်ကြားသည့် ကြံဖွံ့ က ရွေးကောက်
ပွဲ ၀င် ရန် အတွက် ပါတီ အဖြစ်မှတ်ပုံတင် လိုက်ပြီ ဖြစ်ကြောင်း ယနေ့ ထုတ် ကြေးမုံ သတင်းစာတွင် ဖော်
ပြထားသည်။နိုင်ငံရေး ပါတီ အဖြစ်အသွင်ပြောင်းမည့်  ရွေးကောက်ပွဲ မှတ်ပုံတင် ကြံဖွတ်အား အရပ်သားအဖြစ် အသွင်
ပြောင်းထားသည့် ၀န်ကြီးချုပ် ဗိုလ်ချုပ်ကြီး သိန်းစိန် နှင့် အခြားဝန်ကြီး ၂၅ ဦးတို့ က ဦးဆောင်သွားမှာ ဖြစ်
ကြောင်း ယမန်နေ့ ညက ရုပ်မြင်သံကြား သတင်းတွင် ထုတ်လွှင့်သွားခဲ့သည်။

ဘာသာရေး လွတ်လပ်ခွင့် ချိုးဖောက်ရာမှာ မြန်မာ ထိပ်ဆုံးက ပါဝင်

VOA မှ
စစ်အစိုးရ အုပ်ချုပ်နေတဲ့ မြန်မာနိုင်ငံဟာ ကမ္ဘာပေါ်မှာ လူ့အခွင့်အရေး အပြင်းထန်ဆုံး ချိုးဖောက်တဲ့ နိုင်ငံတခုအဖြစ် ဆက်လက် တည်ရှိနေဆဲ၊ ဘာသာရေး နှိပ်ကွပ်မှုတွေ ပြင်းပြင်းထန်ထန် ပြုလုပ်နေဆဲ ဖြစ်တယ်လို့ အမေရိကန် ပြည်ထောင်စု နိုင်ငံတကာ ဘာသာရေး လွတ်လပ်ခွင့် ကော်မရှင် (USCIRF) က ပြောကြားလိုက်ပါတယ်။ ၂၀၀၉ ခုနှစ် ဧပြီလ ၁ ရက်နေ့ကနေ ၂၀၁၀ မတ်လ ၃၁ ရက်နေ့အထိ အကျုံးဝင်တဲ့ ၂၀၁၀ ပြည့် နှစ်ချုပ်အစီရင်ခံစာထဲမှာ အဲဒီလို ဖော်ပြထားတာ ဖြစ်ပါတယ်။

DKBA နှင့် အစိုးရ ဆက်ဆံရေး တင်းမာ

သန်းထိုက်ဦး Thursday, April 29, 2010 (ဧရာဝတီ)
စစ်အစိုးရနှင့် သူ၏ မဟာမိတ် အဖွဲ့ဖြစ်သော DKBA ခေါ် တိုးတက်သော ဗုဒ္ဓဘာသာ ကရင် အမျိုးသား တပ်မတော်သည် ယခုချိန်အထိ နယ်ခြားစောင့်တပ် အသွင် ပြောင်းရေး အစီအစဉ်အတွက် သဘောတူနိုင်ခြင်း မရှိသေးသဖြင့် နှစ်ဘက် တင်းမာနေကြသည်။

မြန်မာ့ရေတပ် အဓမ္မ စီးပွားရှာ

မိုးစက် Thursday, April 29, 2010 (ဧရာဝတီ)
မြန်မာနိုင်ငံ တောင်ပိုင်း မြိတ်မြို့ရှိ ငါးဖမ်းစက်လှေ များထံမှ မြိတ်အခြေစိုက် တနင်္သာရီ ရေတပ်စခန်း ဌာနချုပ် အရာရှိများနှင့် တပ်သားများက စက်သုံးဆီ ဒီဇယ်များကို အဓမ္မ တောင်းယူ စီးပွားရှာ နေကြောင်း သိရသည်။

ကရင်ဒုက္ခသည် ၁သောင်းခန့် ထိုင်းနိုင်ငံသို့ ဦးတည် ထွက်ပြေးလာနိုင်

ဧပြီလ ၂၉ရက်။ ကေအိုင်စီ
စစ်အစိုးရ၏ နယ်ခြားစောင့်တပ်ကို လက်မခံနိုင်သည့် အချို့ဒီမိုကရက်တစ် တိုးတက်သော ဗုဒ္ဓဘာသာ ကရင်အမျိုးသားတပ်မ တော် (DKBA)နှင့် စစ်အစိုးရအကြား တိုက်ပွဲ ဖြစ်လာမည်ကို စိုးရိမ်သည့်အတွက် ကရင်ရွာသား ၁သောင်းခန့် ထိုင်းနယ်စပ်သို့ ထွက်ပြေးလာနိုင်သည်ဟု လူသားချင်းစာနာထောက်ထားသည့် အကူအညီပေးရေးအဖွဲ့များက ခန့်မှန်းပြောဆိုသည်။

နယ်ခြားစောင့်တပ်ဖွဲ့ရန် ဒီကေဘီအေက ယေဘုယျ သဘောတူထား

ဧပြီလ ၂၈ရက်။ နန်းထူးစံ (ကေအိုင်စီ)
နအဖ စစ်အစိုးရတို့ ကမ်းလှမ်းထားသည့် အပစ်ရပ်အဖွဲ့များ နယ်ခြားစောင့်တပ်ဖွဲ့စည်းရေးကို တိုးတက်သော ဗုဒ္ဓဘာသာ ကရင်အ မျိုးသား တပ်မတော် (ဒီကေဘီအေ)က ယေဘုယျအားဖြင့် သဘောတူထားကြောင်း သိရသည်။

ကရင်ငြိမ်းချမ်းရေးကောင်စီ စခန်းအနီး နအဖတပ်များ စစ်ရေးပြ

ရဲရင့် (ခေတ်ပြိုင်)
နယ်ခြားစောင့်တပ်အသွင်ပြောင်းရန် လက်မခံသည့် ကေအန်ယူ-ကေအန်အယ်လ်အေ ငြိမ်းချမ်းရေးကောင်စီအဖွဲ့ အခြေစိုက်ရာ ကော့ကရိတ်မြို့နယ် ထော့ကိုကိုးရွာရှိ ဌာနချုပ်ကို နအဖတပ်ဖွဲ့များက အင်အားအလုံးအရင်းဖြင့် ၀င် ရောက်ချေမှုန်းရန် စစ်ရေးပြမှုများ လုပ်ဆောင်နေသဖြင့် တပ်ဖွဲ့ဝင်များ စခန်းမှ စတင်ဆုတ်ခွာနေသည်ဟု တပ်မှူးတဦးက ပြောသည်။

ပြည်တွင်းစစ်ဖြစ်လာနိုင်သည်ဟု SSA ခေါင်းဆောင် စ၀်ယွက်စစ်ပြော

သျှမ်းသံတော်ဆင့် မှ
လက်နက်ကိုင်အပစ်ရပ်တပ်ဖွဲ့များအားလုံး အသွင်ပြောင်းရမည်ဆိုသည့် နအဖ၏ တဘက်သတ် အစီအစဉ်ကြောင့် ပြည်တွင်းစစ် တကျော့ပြန်ဖြစ်လာနိုင်သည်ဟု လွယ်တိုင်းလျဲန်းအခြေစိုက် SSA ခေါင်းဆောင် စ၀်ယွက်စစ်က ပြောကြား လိုက်ပါသည်။

ပေါ်တာဆွဲရန် အာဏာပိုင်များ ကြိုတင်စီစဉ်

သျှမ်းသံတော်ဆင့်မှ
နယ်ခြားစောင့်တပ် သတ်မှတ်ရက် နောက်ပိုင်း ဖြစ်ပေါ်လာနိူင်သည့် စစ်ပွဲများအတွက် ကြိုတင်ပြင်ဆင်သည့် အနေဖြင့် အထမ်းသမားခေါ်ရန်ကိစ္စကို သျှမ်းပြည် (မြောက်ပိုင်း) မူဆယ်ခရိုင် ကြူကုတ်(ပန်ဆိုင်း) မြို့နယ် မုံးပေါ်ကျေးရွာအုပ်စု အာဏာပိုင်များအတွင်း ဆွေးနွေးထားကြောင်း သတင်းရရှိသည်။

စစ်အစိုးရ ရာဇသံကို ငြိမ်းချမ်းရေးကောင်စီ ငြင်းဆန်

မဇ္ဈိမသတင်းဌာန

ချင်းမိုင် (မဇ္ဈိမ) ။ ။အပစ်ရပ် ကရင်အမျိုးသား အစည်းအရုံး/ကရင်အမျိုးသား လွတ်မြောက်ရေး တပ်မတော် - ငြိမ်းချမ်းရေး ကောင်စီက စစ်အစိုးရ၏ ရာဇသံဖြစ်သော နယ်ခြားစောင့်တပ်အဖြစ် အသွင်ပြောင်းရေး အဆိုပြုချက်အား ငြင်းဆန်လိုက်ပြီး၊ စစ်အစိုးရသည် အပစ်အခတ်ရပ် သဘောတူညီချက်များကို လိုက်နာခြင်းမရှိဟု ပြောဆိုလိုက်သည်။

ငြိမ်းအဖွဲ့တွေBGFနောက်ဆုံးရက်ရောက်ပြီ

ဒီကေဘီအေနှင့် နအဖ ထိပ်တိုက်တွေ့နယ်မြေမကျော်ရန် သတိပေးထား

ရဲရင့် (ခေတ်ပြိုင်)
နယ်ခြားစောင့်တပ်အသွင်ပြောင်းရန် နအဖနှင့်သဘောတူညီမှု ရရှိထားသည့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) အဖွဲ့နှင့် နအဖတပ်တို့သည် ယမန်နေ့က ကော့ကရိတ်မြို့နယ်အတွင်း ထိပ်တိုက်ရင်ဆိုင် တင်းမာမှုတရပ် ဖြစ်ပွားခဲ့သည်။

မြန်မာစစ်အစိုးရနှင့် ပူးပေါင်းဆောင်ရွက်ရန် KNU/ KNLA ငြိမ်းချမ်းရေး ကောင်စီမှ တုံ့ပြန်ချက် (အပိုင်း၁)

မန်ဇူး(ဘာသာပြန်သည်) နေ့သစ်မှကူးယူသည်။

KNU/ KNLA ငြိမ်းချမ်းရေး ကောင်စီ ဌာနချုပ်
ထိုးကော်ကိုး၊ ကရင်ပြည်နယ်

ဗိုလ်မှူးချုပ် ရဲမြင့်
စစ်ထောက်လှမ်းရေးချုပ်
နေပြည်တော်

မြန်မာစစ်အစိုးရနှင့် ပူးပေါင်းဆောင်ရွက်ရန် KNU/ KNLA ငြိမ်းချမ်းရေး ကောင်စီမှ တုံ့ပြန်ချက်

ဧပြီလ ၇ ရက် မွန်းလွဲပိုင်း ၁၂ နာရီ မော်လမြိုင်မြို့မှာ KNU/ KNLA ဗဟိုအလုပ်မှုဆောင်ကော်မတီဝင်တချို့နဲ့ တွေ့ဆုံဆွေးနွေးခဲ့သည့် အစီရင်ခံစာ တင်ပြချက်တွေအရ မြန်မာစစ်အစိုးရ အဖွဲ့တွင်းသို့ဝင်ရောက်ရန် ဖိအားပေး တောင်းဆိုသည့် အဆိုပြုချက်ကို လက်ခံရရှိ ခဲ့သည်။ နယ်ခြားစောင့်တပ်အဖြစ်သို့ ပြောင်းလဲရန် နောက်ဆုံးအကြိမ် ဖိအားပေးတောင်းဆိုခဲ့ပြီး ယခုတဖန် အမည်သစ် ပြောင်းလဲ ခေါ်ဆိုထားသည့် Burma Army Militia Group လက်အောက်သို့ ဝင်ရောက်ရန် ထပ်မံဖိအားပေး တောင်းဆိုလာပြန်တယ်။ ရိုးရှင်းဆုံး ပြောဆိုချင်တာက မည်သို့သော အမည်နာမတွေ ခေါ်ဝေါ်ပြောင်းလဲ သတ်မှတ်ပါစေ၊ ကျနော်တို့အနေနဲ့ သဘောတူလက်ခံခြင်း သို့ တည်းမဟုတ် ကရင်လူမျိုးတွေရဲ့ ငြိမ်းချမ်း၊လုံခြုံရေးကို အနှောက်အယှက်ဖြစ်စေနိုင်သည့် မည်သို့သော စစ်အုပ်စု၏ လုပ်ဆောင်ချက် များကို တုံ့ပြန်သွားမှာဖြစ်သည်။ ဒီ့ထက်မက ပြောရရင် မြန်မာစစ်အစိုးရပိုင် ရုပ်သံလွှင့်အစီအစဉ်နှင့် အလုံးစုံသော ဂျာနယ်အသီး သီးမှာ ဖော်ပြပါရှိချက်တွေအရ မူဝါဒပိုင်းဆိုင်ရာနှင့် ဝါဒဖြန့်ချိမှုတွေနဲ့ ဆီလျော်ကိုက်ညီခြင်း မရှိဘူး။

မြန်မာအစိုးရ ကမ်းလှမ်းချက် ကရင် ငြိမ်းချမ်းရေးကောင်စီ လက်မခံ

VOA သတင်းမှ
ဗိုလ်ချုပ်ထိန်မောင် ခေါင်းဆောင်တဲ့ ကရင် ငြိမ်းချမ်းရေးကောင်စီက မြန်မာစစ်အစိုးရ ကမ်းလှမ်းထားတဲ့ နယ်ခြားစောင့်တပ်နဲ့ ပြည်သူ့စစ်အဖြစ် အသွင်ပြောင်း ဖွဲ့စည်းဖို့ကို ငြင်းဆိုလိုက်ပါတယ်။ မြန်မာစစ်အစိုးရက အသွင်ပြောင်းရေးကို ဒီလ ၂၂ ရက်နေ့ အကြောင်းပြန်ဖို့ တောင်းဆိုထားရာမှာ ဗိုလ်ချုပ်ထိန်မောင်က စာရေးသား အကြောင်းပြန်တာ ဖြစ်တယ်လို့ ကရင် ငြိမ်းချမ်းရေးကောင်စီ တာဝန်ရှိသူ တယောက်က ပြောပါတယ်။ အပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။

တိုက်ဆိုင်လှတဲ့ ပေါက်ကွဲမှုတွေ

ရဲဘော်ဖိုးသံချောင်း(ခေတ်ပြိုင်)
နအဖရဲ့ ၂၀၁၀ ခုနှစ် ရွေးကောက်ပွဲဟာ မြန်မာပြည်နိုင်ငံရေးမှာ အပြောင်းအလဲတွေ ဖြစ်ပေါ်စေမယ်လို့ တွက်ခဲ့ကြ၊
တွက်ထားကြသူတွေ မနည်းပါဘူး။ အခုတော့ ဖြစ်ပေါ်လာတဲ့ အပြောင်းအလဲတွေဟာ မြန်လည်းမြန်၊ ပုံသဏ္ဌာန်တွေလည်းစုံ၊ စိတ်ဝင်စားစရာကောင်းလှပါတယ်။ နအဖဟာ နယ်စပ်တွေကို ဖိအားပေးနေတုန်း ရန်ကုန်မြို့လယ်ခေါင်မှာ ဗုံးတွေကွဲပါတယ်။ မြန်မာပြည်ရဲ့ အရှေ့ဖျားဆုံး တရုတ်-မြန်မာ၊ ထိုင်း-မြန်မာနယ်စပ်တွေကို တပ်တွေပို့နေတုန်း အနောက်ဖျားက ရခိုင်ပြည်နယ်မှာ ဗုံးတွေကွဲပြန်ပါတယ်။ ဒီဗုံးကွဲမှုတွေရဲ့ အနှံ့အပြားဖြစ်မှုနဲ့ အရေအတွက်ဟာ သိပ်ထူးခြားနေပါတယ်။ အချိန်ကာလအရပြောရရင်လည်း မြန်မာပြည်နိုင်ငံရေးရဲ့ တကယ့်အကွေ့အချိုးကာလ၊ အရေးကြီးကာလဖြစ်နေပါတယ်။

ဒီကေဘီအေနှင့် နအဖ တင်းမာမှုဖြစ်

သတင်း - ကေအိုင်စီ
ကရင်ပြည်နယ်၊ ကော့ကရိတ်မြို့နယ်အတွင်းရှိ ဖလူးကျေးရွာအနီးတွင် တိုးတက်သော ဗုဒ္ဓဘာသာ ကရင်အမျိုးသားတပ်မ တော်(ဒီကေဘီအေ)နှင့် နအဖ တပ်ဖွဲ့ဝင်များ ယနေ့မနက်ပိုင်းတွင် တင်းမာမှု အနည်းငယ်ဖြစ်ပွားခဲ့သည်ဟု သိရသည်။

နအဖ အမှတ်(၉) စစ်ကွပ်ကဲရေးဌာနချုပ် လက်အောက်ခံ ခလရ(၁၀၆)တပ်ဖွဲ့သည် အဆိုပါကျေးရွာသားများအား သေနတ် ဖြင့် လာရောက်ခြိမ်းခြောက်မှုများ ပြုလုပ်သည့်အပေါ် ဒီကေဘီအေနှင့် နအဖတပ်များ ပစ်ခတ်မှုဖြစ်လုနီးပါး တင်းမာသွားခဲ့ သည်ဟု တပ်မဟာ(၅)မှူး ဗိုလ်မှူးကြီးစောလားပွယ်(နှုတ်ခမ်းမွှေး)က ကေအိုင်စီကို ယခုလို ပြောသည်။

စစ်ဗိုလ်ချုပ်တွေ အရပ်ဝတ်လဲပြီ

VOA မှ
ဝန်ကြီးချုပ် ဗိုလ်ချုပ်ကြီး သိန်းစိန်နဲ့ ၀န်ကြီး အနည်းဆုံး ၁၇ ယောက်တို့ဟာ စစ်ရာထူးတွေကနေ အနားယူလိုက်ကြပြီ ဖြစ်ပါတယ်။ အခုလို စစ်ရာထူးက အနားယူလိုက်တာဟာ လာမယ့် ရွေးကောက်ပွဲမှာ ပါဝင်ယှဉ်ပြိုင်ကြမယ့် ခြေလှမ်း ဖြစ်တယ်လို့ စစ်တပ် သတင်းရပ်ကွက်က ပြောပါတယ်။ အနားယူကြတဲ့ အထဲမှာ ဗိုလ်ချုပ်ဌေးဦးလည်း ပါဝင်ပါတယ်။

ကျိုင်းတုံစစ်ဒေသ သျှမ်းပြည်တပ်မတော် နှင့် နအဖတပ် ဆက်တိုက် တိုက်ပွဲဖြစ်

စ၀်ယွက်စစ်ဦးဆောင်သည့် သျှမ်းပြည်တပ်မတော် ကျိုင်းတုံစစ်ဒေသ နှင့် တြိဂံတိုင်းလက်အောက်ခံ စကခ ၁၈ နှင့် စကခ ၁၄ တို့အကြား ယခုလအတွင်းတိုက်ပွဲနှစ်ကြိမ်ဖြစ်ပွားခဲ့သည်ဟု စုံစမ်းသိရှိရပါသည်။

“လဆန်းပိုင်းက ဖြစ်တဲ့တိုက်ပွဲက နအဖ ဘက် သေကြေဒဏ်ရာရတဲ့သူတော်တော်များမယ်၊ ခမရ ၃၂၉ နဲ့ ခလရ ၂၄၄ တို့ စစ်ကူဖြည့်ပြီး ကား ၂ - ၃ စီးနဲ့ ဒဏ်ရာရသူတွေ အလောင်းတွေ ပြန်တင်လာတာ တွေ့ရ တယ်” - အမည် မဖေါ်လိုသည့် ဒေသခံ တဦးကပြောပါသည်။

ဗိုလ်ချုပ်မှူးကြီး ဆင်ဖြူတော်စီး

အောင်သက်ဝိုင်း (ဧရာဝတီ မှ)
ဗိုလ်ချုပ်မှူးကြီးသန်းရွှေ အပါအ၀င် ထိပ်တန်းစစ်ခေါင်းဆောင် ၅ ဦး အသုံးပြုသည့် သီးသန့် လေယာဉ် ၂ စီးကို ဗေဒင်အရ “ဆင်ဖြူတော်” ဟု အမည်သတ်မှတ် ခေါ်ဝေါ်နေရကြောင်း သတင်းရရှိသည်။

“လေယာဉ် ၂ စီးစလုံးကို ဆင်ဖြူတော် ဆိုတဲ့ နာမည်သုံးဖို့ ဗိုလ်ချုပ်မှူးကြီးကိုယ်တိုင် အမိန့်ပေး ထားတာလို့ သိရတယ်။ ဒီလေယာဉ်တွေက ခေါင်းဆောင် ၅ ဦးနဲ့ ဗိုလ်ချုပ်မှူးကြီး မိသားစု ခရီးထွက်ဖို့ပဲ သုံးရတဲ့ လေယာဉ် အသစ်တွေပါ” ဟု မင်္ဂလာဒုံလေတပ်နယ်မှ စစ်အရာရှိကြီးများနှင့် နီးစပ်သူတဦးက ဆိုသည်။

အဆိုပါ လေယာဉ်များကို ပို့ဆောင်ရေးဝန်ကြီးဌာန၊ မြန်မာ့လေကြောင်းက တာဝန်ခံ ၀ယ်ယူ ပေးထားရပြီး မင်္ဂလာဒုံလေတပ် အထူးလေယာဉ် ထိန်းသိမ်းဆောင်တွင် လုံခြုံရေး တင်းကျပ်စွာဖြင့် ထိန်းသိမ်းစောင့်ရှောက် ထားရကြောင်း သိရသည်။

၂၀၀၉ ခုနှစ် နိုဝင်ဘာလအတွင်းက ဗိုလ်ချုပ်မှူးကြီး သန်းရွှေ သီရိလင်္ကာနိုင်ငံသို့ သွားရောက်စဉ်ကမူ မြန်မာ့လေကြောင်းလိုင်းပိုင် MAI လေယာဉ်ဖြင့် သွားခဲ့ကြောင်း ဓာတ်ပုံမှတ်တမ်းများအရ တွေ့ရသည်။

လေယာဉ်များကို “ဆင်ဖြူတော်” ဟု ခေါ်ဝေါ်သုံးစွဲရခြင်းသည် ယတြာချေခြင်းဖြစ်ပြီး အတိုက်အခံ ရန်စွယ် အပေါင်းကို အောင်နိုင်စေခြင်း အတိတ်ဖြင့် ခေါ်ဝေါ်အသုံးပြု ခြင်းဖြစ်သည်ဟု ရန်ကုန်ရှိ နာမည်ကျော် ဗေဒင်ဆရာတဦးက သုံးသပ်သည်။

“ရှေးမြန်မာ ဘုရင်မင်းတွေ ဘုန်းတန်ခိုးကြီးလာရင် ဆင်ဖြူတော် အလိုလိုပေါ်ရတယ်။ ဒါမှမဟုတ် အိမ်နီးချင်းတိုင်းပြည်တွေက ဆင်ဖြူတော် ဆက်သရတယ်။ ဆင်ဖြူတော် စီးရတဲ့ ဘုရင်တွေက ရန်စွယ်အပေါင်းကို အောင်နိုင်တယ် ဆိုတဲ့ သက်သေ သာဓကတွေ မြန်မာရာဇ၀င် သမိုင်းတွေမှာ အထင်အရှားရှိတယ်။ ဒါကြောင့် ဒီနာမည်ကို ဗေဒင်သဘောနဲ့ ပေးထားတာ” ဟု ၎င်းက ပြောသည်။

ဗိုလ်ချုပ်မှူးကြီးသန်းရွှေ မိသားစုသည် နက္ခတ်ဗေဒင်လက္ခဏာ ယုံကြည်မှုလွန်ကဲရုံမက မိသားစု ဆွေမျိုးများအကြား ထီးသုံး၊ နန်းသုံးစကားများကို ပြောဆို ခေါ်ဝေါ်သုံးစွဲကြသည်ဆိုသော သတင်းများလည်း ထွက်ပေါ်လျက်ရှိသည်။

စစ်အစိုးရက ၂၀၀၉ ခုနှစ်အတွင်းတွင် ငါးထောင်တန်ငွေစက္ကူအသစ် ထုတ်ဝေခဲ့ရာ “ဆင်ဖြူ တော်” တံဆိပ်ကို ငွေစက္ကူသစ်၏ အမှတ်အသား အဖြစ်သုံးစွဲခဲ့ခြင်း၊ ၂၀၀၅ ခုနှစ်တွင် စစ်အစိုးရ အုပ်ချုပ်ရေးယန္တရားကို ပျဉ်းမနား၊ ကြပ်ပြေးသို့ ပြောင်းရွှေ့ အခြေစိုက်ခဲ့ရာ၌ မြို့တော်သစ်ကို နေပြည်တော် ဟု တရားဝင် သတ်မှတ် သုံးစွဲစေခဲ့ခြင်းများတွင် ဗေဒင်နက္ခတ် သဘောတရားများ အဓိက ပါဝင်နေသည်ကို တွေ့မြင်နိုင်ကြောင်း ရန်ကုန် ဗေဒင်ဆရာ အသိုင်းအဝန်းက သုံးသပ်သည်။

စစ်အစိုးရ ခေါင်းဆောင်ကြီးများသည် ဗေဒင်နက္ခတ်ကျွမ်းကျင်သည့် ပုဏ္ဏားများကို ၎င်းတို့၏ နေအိမ်များသို့ခေါ်၍ အပတ်စဉ် ဗေဒင်တွက်ချက် ယတြာချေခိုင်းကြောင်း နေပြည်တော် စစ်ဘက်အသိုင်းအ၀န်းမှ သတင်းရရှိသည်။

ထောက်လှမ်းရေး ခေါင်းဆောင်ဟောင်း ဗိုလ်ချုပ်ကြီးခင်ညွန့် အာဏာရှိစဉ်ကလည်း ဆင်ဖြူတော် ရှာဖွေကာ ဘွဲ့များ ပေးအပ်ပြီး အင်းစိန်မြို့နယ် မင်းဓမ္မကုန်းတော်ပေါ်တွင် တည်ထားသော လောကချမ်းသာ အဘယလာဘမုနိ ဘုရားကြီး ဘေးတွင် အဆောင် ဆောက်လုပ် မွေးမြူခဲ့သည်။

နိုင်ငံရေးမှုဖြင့် လူငယ် ၇ ဦးကို ရဲက ဖမ်းဆီး

ချင်းမိုင် (မဇ္ဈိမ)။ ။ ရန်ကုန်မြို့ လှည်းတန်း ဘူတာအနီးရှိ တိုက်ခန်းတခုထဲနေ လူငယ် ၇ ဦးကို နိုင်ငံရေး လှုပ်ရှားသည်ဟု သံသယဖြင့် ရဲက ဖမ်းဆီးသွားသလို နောက်ထပ် ဖမ်းဆီးမှုများလုပ်ရန် ရှာဖွေနေသေးသည်ဟု အိမ်နီးချင်းများ အပြောအရ သိရသည်။

သျှမ်းပြည်တပ်မတော်ဟုဆိုကာ တောင်ပိုင်း ၀ တပ်ဖွဲ့အား နအဖ စတင်တိုက်ခိုက်

သျှမ်းသံတော်ဆင့် မှ(Saturday, 24 April 2010 22:00)
တောင်ပိုင်း ၀ ပြည်သူများ တိုက်ပွဲသတင်းနှင့်ပါတ်သက်၍ စိုးရိမ်ထိပ်လန့်ရှောင်တိမ်းနေချိန် ၀ တပ်ဖွဲ့အား သျှမ်းပြည် တပ်မတော်တပ်ဖွဲ့ဟုဆိုကာ နအဖဘက်မှ တိုက်ပွဲနှစ်ကြိမ် စတင်တိုက်ခိုက်သည်ဟု စုံစမ်းသိရှိရ ပါသည်။