.jpg)
ဖေဖော်ဝါရီလ ၁၉ရက်။ စောထွန်းနိုင် (ကေအိုင်စီ)
ကရင်ပြည်နယ် ကော့ကရိတ်မြို့၌ ယနေ့ နေ့လည်ပိုင်းတွင် ဗုံးနှစ်လုံးပေါက်ကွဲမှုကြောင့် အရပ်သား ၉ဦး ဒဏ်ရာရရှိကာ ၂ဦး ပွဲချင်းပြီး သေဆုံးခဲ့သည်ဟု ကေအိုင်စီက စုံစမ်းသိရှိရသည်။
ထိုပေါက်ကွဲမှုနှင့်ပတ်သက်၍ ကော့ကရိတ်မြို့ခံတစ်ဦးက “ဒီနေ့ ကော့ကရိတ်မြို့ နာရီစင်အနီးမှာ ဗုံးတလုံး အရင် ပေါက်ကွဲ တာ အရပ်သား သုံးဦးဒဏ်ရာရရှိပြီး နှစ်ဦးကတော့ ပွဲချင်းပြီးသေဆုံးသွားတယ်။ အဲလိုပေါက်ကွဲပြီး နောက် ဆယ်မိနစ်ကြာ တော့ ရဲစခန်းအနီးမှာ ဗုံးနောက်တလုံး ထပ်မံပေါက်ကွဲသေးတယ်။ အဲဒီမှာတော့ သေဆုံးသူ မရှိပေမဲ့ ၆ဦးတော့ ဒဏ်ရာရသွား တယ်”ဟု ကေအိုင်စီကို ပြောသည်။
ပေါက်ကွဲမှုကြောင့် ထိခိုက်သေဆုံးသူများကို ကော့ကရိတ်ဆေးရုံသို့ ပို့ဆောင်ခဲ့ပြီး ၎င်းဗုံးပေါက်ကွဲမှုမှာ ကရင်အမျိုးသားအ စည်းအရုံး(ကေအဲန်ယူ)၏ လက်ချက်ဖြစ်သည်ဟု ကော့ကရိတ်ရှိ ရဲအသိုင်းအ၀ိုင်းက ပြောဆိုနေကြကြောင်း အဆိုပါ ကော့က ရိတ်မြို့ခံက ပြောသည်။
ကေအဲန်ယူ ဒူးပလာယာခရိုင် အတွင်းရေးမှူး စောလစ္စတန်က “ကရင်ပြည်နယ်မှာ ဗုံးပေါက်ကွဲတိုင်း နအဖက ကေအဲန်ယူကို စွပ်စွဲနေတာ သူတို့ လုပ်ရိုးလုပ်စဉ်ပဲ။ ဒီဖြစ်ပွားမှုဟာ ကျနော်တို့နဲ့ မဆိုင်ပါဘူး။ လူထုကို ထိခိုက်စေမယ့် အဲဒီလိုလုပ်ရပ်မျိုး လုံးဝ မလုပ်ဖို့ ကျနော်တို့ အောက်ခြေက လူတွေကို ညွှန်ကြားထားပြီးသားပါ”ဟု ကေအိုင်စီကို ပြောသည်။
လွန်ခဲ့သည့် ဇန်န၀ါရီလ ၂၆ရက်နေ့ ကရင်ပြည်နယ် ကျောက်ကြီးမြို့နယ်မှ ဗုံးပေါက်ကွဲမှုနှင့် လွန်ခဲ့သည့် ၂၀၀၉ ခုနှစ် ဒီဇင် ဘာလ ၁၆ရက်နေ့က ဖာပွန်မြို့ရှိ ကရင်နှစ်သစ်ကူးပွဲတော်အတွင်း ဗုံးပေါက်ကွဲမှုဖြစ်ပွားခဲ့ရာတွင် ကေအဲန်ယူ၏လက်ချက် ဖြစ်သည်ဟု နအဖက တဖက်သတ် စွပ်စွဲခဲ့သည်။
ယခုရက်ပိုင်းသည် ကုလသမဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ ကင်တားနား မြန်မာနိုင်ငံ ရောက်ရှိနေချိန်ဖြစ်သလို အလားတူ ၂၀၀၉ခုနှစ်၊ ဖေဖော်ဝါရီလ (၁၄)ရက်နေ့ကလည်း မစ္စတာကင်တားနား မြန်မာ့ခရီးစဉ်အ တွင်း ကရင်ပြည်နယ်သို့ လာရောက်ခဲ့စဉ်က မြ၀တီမြို့၌ လက်နက်ကြီးဖြင့် ပစ်ခတ်ခံရမှုမှာလည်း ကေအဲန်ယူ လက်ချက်ဖြစ် သည်ဟု နအဖက သတင်းထုတ်ပြန်ခဲ့သည်။
.jpg)
ကော့ကရိတ်မြို့ ဗုံးပေါက်ကွဲမှုကြောင့် အရပ်သား ၁၁ဦး ထိခိုက်သေဆုံး
ဖြေရှင်းပေပါရန်
မြိုင်ကြီးငူဆရာတော် ဦးသုမနသည် ထိုင်းနိူင်ငံမှာ ဆေးရုံတက်နေရတယ်လို့ သတင်းရရှိပါသည် လွန်စံလို့မရနိုင်တဲ့ သင်္ခါရသဘောတရားကို လူတိုင်းက ရင်ဆိုင်နေကြရတာမို့ သင်္ခါရဆိုတဲ့လမ်းမကြီးပေါ်သို့ မလျှောက်လှမ်းရသေးခင်မှာ D.ပြဿနာ K.ပြဿနာ B.ပြဿနာ A. ပြဿနာတွေကို ဖြေရှင်းထားခဲ့တော်မူပါရန်.......
D-တိုးတက်အောင်မြင်မှု့
K-ကရင်
B-ဗုဒ္ဓဘာသာ
A-အဖွဲ့အစည်း သို့မဟုတ် အမျိုးသား
အားလုံးစုပေါင်းလိုက်တော့ D.K.B.A-တိုးတက်သော ကရင်ဗုဒ္ဓဘာသာ အဖွဲ့အစီး သို့မဟုတ် အမျိုးသား ဆိုပြီး အဓိပ္ပါယ်ဖွင့်ဆိုကြတာ တွေ့ရပါသည်
၁- D.K.B.A ) D.K.B.A တွေကို နှစ်သက်ကြတဲ့ ကရင်လူမျိုးတွေ ၁၀၀-ရာခိုင်နှုန်းမှာ ၂၀-ရာခိုင်နှုန်းလောက် ရှိနိုင်တယ်လို့ထင်ပါရဲ့လား..? ကရင်လူမျိုးတွေက D.K.B.Aတွေကို ဘာလို့မုန်းတီးနေကြတာလဲ..?
၂- D-တိုးတက်အောင်မြင်မှု့ ) ဘာသာရေးနဲ့ပတ်သက်ပြီး ကရင်လူမျိုးတွေကို ဘာသာတရားတွေ ကောင်းကောင်းနားလည်သဘောပေါက်လာအောင် ဘာသာတရားတွေ တိုးတက်အောင်မြင်လာအောင် ဟောပေး ပြပေး သင်ပေးကြပါရဲ့လား..? ပညာရေးနဲ့ပတ်သက်ပြီး ကရင်လူမျိုးတွေ တိုးတက်အောင်မြင်လာအောင် လုပ်ပေးကြပါရဲ့လား...? စီးပွားရေးနဲ့ပတ်သက်ပြီး ကရင်လူမျိုးတွေ တိုးတက်အောင်မြင်လာအောင် လုပ်ပေးကြပါရဲ့လား...? ကိုယ့်ကိုယ်ကို တိုးတက်အောင်မြင်ဖို့သာ လုပ်ကြတာလား...?
၃- K-ကရင် ) D.K.B.Aကရင်တွေဟာ ကိုယ့်အမျိုးတွေကို ဆင်းရဲဒုက္ခတွေပြန်ပေးကြမည့် ကရင်တွေလား...? ကိုယ့်အမျိုးတွေကို တိုးတက်အောင်မြင်စေချင်ကြတဲ့ ကရင်တွေလား...? ကိုယ့်အမျိုးတွေကို ဘာဖြစ်လို့ရိုင်းရိုင်းစိုင်းစိုင်း ပြုမှုဆက်စံနေကြရတာလဲ...?
၎- B-ဗုဒ္ဓဘာသာ ) ဗုဒ္ဓဘာသာဆိုတာ ဘာလဲ...? မြိုင်ကြီးငူဆရာတော် ဦးသုမနနှင့် D.K.B.A တို့လုပ်ရပ်တွေဟာ ဗုဒ္ဓဘာသာတို့ရဲ့လုပ်ရပ်တွေလား...? အမှန်ကိုအမှန်အတိုင်း အဟုတ်ကိုအဟုတ်အတိုင်းပြောတာကို လက္မခံပဲ ရိုင်းရိုင်းစိုင်းစိုင်း ပြုမှုဆက်စံနေကြတာကို ဗုဒ္ဓဘာသာလား...?
၅- A-အဖွဲ့အစည်း သို့မဟုတ် အမျိုးသား ) ဒီအဖွဲ့အစည်းဟာ ဘာအဖွဲ့အစည်းတွေလဲ...?ဲ ကရင်လူမျိုးတွေကို ဆင်းရဲဒုက္ခတွေပြန်ပေးဖို့ လူမိုက်တွေကို ဖွဲ့စည်းထားတဲ့အဖွဲ့အစည်းလား...? ကရင်လူမျိုးတွေကွဲအောင်လုပ်ဖို့ ဖွဲ့စည်းထားတဲ့အဖွဲ့အစည်းလား...?
ဇွဲကပင်-အရှင်ဝါယမိန္ဒ
မှတ်ချက်။။။။အလှပိုင်ရှင်မိခင်ဇွဲကပင် ဘလော့မှကူးယူတင်ဆက်ထားသည်။
ကော့ကရိတ်တွင် ဗုံး ၂ လုံးကွဲ ၁ ဦးသေ
ပင်လုံမှာခွဲလို့ မဝသေးဘူးနဲ့တူတယ်....အခုလည်းကော့ကရိတ်မှာထပ်ပြီးခွဲ...ဒါပြီးရင် နေပြည်တော်ခွဲဖို့ပဲ ကျန်တော့တယ်။ နောက်ဆုံးခွဲစရာမရှိတော့ရင်ကိုယ့်ဘောကိုယ်ပြန်ခွဲပါတော့ စစ်ချုပ်ကြီးရေ..။
Friday, 19 February 2010 သန်းထိုက်ဦး (ဧရာဝတီ)
ကရင်ပြည်နယ် ကော့ကရိတ် မြို့နယ်ရှိ ဈေးထဲ၌ ယနေ့ နံနက်ပိုင်းက ဗုံး ၂ လုံး ပေါက်ကွဲ ခဲ့သဖြင့် ဒေသခံ ၁ ဦး သေဆုံး သွားကြောင်း သိရသည်။
“ဗုံးပေါက်တာ ဟုတ်ပါတယ်၊ ကော့ကရိတ် ဈေးထဲမှာ ဖြစ်တာ” ဟု ကော့ကရိတ် ဈေးအနီးတွင် နေထိုင်သူ အိမ်ရှင်မ တဦးက ပြောသည်။
ယင်းဗုံးပေါက်ကွဲမှုကြောင့် ယခုသေဆုံးသူသည် ဒဏ်ရာပြင်းထန်စွာဖြင့် ဘားအံဆေးရုံ၌ သေဆုံးသွားခြင်းဖြစ်ပြီး တခြားသော ဒဏ်ရာရရှိသူ ၂ ဦးခန့် ရှိကြောင်းလည်း သိရသည်။ ယင်း ပေါက်ကွဲမှုသည် မည်သူ့ လက်ချက်ဖြစ်ကြောင်းကိုမူ မသိရှိရသေးပေ။
တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA) တပ်ဖွဲ့ဝင် တဦးက“ဗုံးပေါက်တယ်လို့ ကြားတယ်၊ ဒါပေမယ့် ဘယ်လို ပေါက်ပုံ ပေါက်နည်း အတိအကျမသိသေးဘူး”ဟု ပြောသည်။
နအဖ စစ်အစိုးရက မြန်မာပြည်အတွင်း၌ ဗုံးပေါက်ကွဲမှုနှင့် ပစ်ခတ်မှုများ ဖြစ်ပွားခဲ့သည့် အကြိမ်တိုင်း နယ်စပ် အခြေစိုက် လက် နက်ကိုင်တပ်ဖွဲ့များ၏ လက်ချက်ဖြစ်ကြောင်း စွပ်စွဲလေ့ရှိသကဲ့သို့ ယင်း အဖွဲ့အစည်းများ ကလည်း ငြင်းဆိုလေ့ရှိကြသည်။
အလားတူပင် မကြာသေးမီက မိုင်းပေါက်ကွဲမှုများနှင့် ပတ်သက်ပြီး ထွက်ပြေး တိမ်းရှောင်နေသော ယခင် ကိုးကန့် ခေါင်းဆောင် ဦးဖုန်ကြားရှင် အသိုင်း အ၀န်းနှင့် ရှမ်းပြည် တပ်မတော် တောင်ပိုင်း (SSA -S) ရွက်ဆစ် အဖွဲ့တို့၏ လက်ချက်ဖြစ်ကြောင်း ယမန် နေ့ထုတ် စစ်အစိုးရ သတင်းစာများက စွပ်စွဲ ရေးသားထားသေးသည်။
ယင်း ပေါက်ကွဲမှုမှာ လတ်တလော တရုတ်နယ်စပ်ရှိ ၀ပြည် သွေးစည်း ညီညွတ်ရေး တပ်မတော်( UWSA ) အပါအ၀င် တိုင်းရင်းသား လက်နက်ကိုင် ငြိမ်း အဖွဲ့များကို စစ်အစိုးရက နယ်ခြားစောင့်တပ် အသွင်ပြောင်းရေး အတွက် ဆွေးနွေးရန် ကမ်းလှမ်းချိန်နှင့် တိုက်ဆိုင်နေသည်။
မြိုင်ကြီးငူဆရာတော် ဘန်ကောက်တွင် ဆေးကုသမှုခံယူ
ရဲရင့်/ ၁၉ ဖေဖော်ဝါရီ ၂ဝ၁ဝ (ခေတ်ပြိုင်)
တိုးတက်သောဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) အဖွဲ့ကို စတင်ဖွဲ့စည်းပေးခဲ့သည့် နာယကဆရာတော် ဦးသုဇနသည် အဆုတ်နှင့် အစာအိမ်တွင် အနာဖြစ်သောကြောင့် ဘန်ကောက်မြို့ဆူကွန်ဗစ် (၁) လမ်းရှိ ဘန်ရွန်ဂရတ် (Bumrungrad) ပုဂ္ဂလိကဆေးရုံတွင် ဆေးဝါးကုသမှုခံယူလျက်ရှိသည်။
ဆရာတော်ကို သွားရောက်ကြည့်ရှုခဲ့သည့် ဒကာတဦးက “ဘုန်းကြီးရောဂါက အတော်ဆိုးတယ်။ ရန်ကုန်မှာကုရင်တော့ မလွယ်ဘူး။ အစာအိမ်နဲ့အဆုတ်မှာရှိတဲ့ အနာတွေရဲ့သွေးပုပ်တွေကို စက်နဲ့စုပ်ပြီးထုတ်ရတယ်။ ဆရာတော်ကတော့ အခုကြပ်မတ်ဆောင်မှာပဲ နေရတယ်။ ရန်ကုန်မှာ ကုလို့မပျောက်တာက ပရောဂလို့ ပြောကြတယ်။ ကျနော်ထင်တာကတော့ နိုင်ငံရေး ပရောဂပါမယ်လို့ ထင်တယ်။ မင်္ဂလာဒုံစစ်ဆေးရုံမှာကုတာ ဘာရောဂါမှမရှိဘူးလို့ ပြောတယ်” ဟု ပြောသည်။
သက်တော် (၆၄) နှစ်ရှိ ဆရာတော် ဦးသုဇနသည် ယခုလ (၁၀) ရက်တွင် ဆေးရုံတက်ရောက်ခြင်းဖြစ်ပြီး အပါးတော်မြဲအဖြစ် (ဒီကေဘီအေ) တပ်မဟာ (၅) ကလို့ထူးဘောဗျူဟာမှူး စောမောသိုက လိုက်ပါစောင့်ရှောက်ပြီး ဆရာတော်၏ဝေဒနာမှာ သက်သာခြင်းမရှိသေးကြောင်း ပြောသည်။
ဆရာတော် ဘန်ကောက်တွင် ဆေးကုသရေးအတွက် ခရီးသွားလက်မှတ်ရရှိရန် မြန်မာအာဏာပိုင်များနှင့် အကြိတ်အနယ် ဆွေးနွေးခဲ့ရသည်ဟုလည်း ဆရာတော်၏ ဒကာရင်းတဦးက ပြောသည်။
ဆရာတော်အား သွားရောက်ဖူးမြော်သည့် ဒကာများကို တာဝန်ကျဆရာဝန်တဦးက စိုးရိမ်စရာမရှိပါဟု ယမန်နေ့က ပြောကြားသော်လည်း အနီးကပ်ဖူးမြော်ခွင့်ကို ပိတ်ပင်ထားပြီး အနည်းဆုံး ရက်သတ္တပတ် (၃) ပတ်ခန့် ဆေးရုံတွင်နေရမည်ဟု ပြောသည်။
၂၀၀၉ ခုနှစ်၊ အောက်တိုဘာလ (၁၅) ရက်တွင် ဆရာတော်သည် ဒီကေဘီအေ (၉၀၇) ကလို့ထူးဘော ဗျူဟာမှူး ဒု-ဗိုလ်မှူးကြီး စောမောသိုနှင့်အတူ ကရင်အမျိုးသားအစည်းအရုံး (ကေအန်ယူ) မှ စစ်ဦးစီးချုပ် ဗိုလ်ချုပ်ကြီး စောမူတူးစေးဖိုး ဦးဆောင်သည့် ကေအန်ယူခေါင်းဆောင် (၄) ဦးနှင့် မဲဆောက်မြို့တွင် လျှို့ဝှက်တွေ့ဆုံခဲ့ကြသည်။
ယခုကဲ့သို့ မြန်မာစစ်အုပ်စုနှင့် အဆင်ပြေသည့် ဒီကေဘီအေဆရာတော် ဘန်ကောက်တွင် ဆေးရုံလာတက်ရသည့် အနေအထားနှင့်ပတ်သက်၍ ပြည်တွင်းပြည်ပရှိ ကရင်များက နအဖ၏လုပ်ရပ်ကို နားမလည်နိုင်အောင်ဖြစ်ရသည်ဟု ကရင်ဘုန်းတော်ကြီးတပါးက မိန့်ကြားသည်။
ဒီကေဘီအေအဖွဲ့သည် ၁၉၉၅ ခုနှစ်က ကရင်အမျိုးသားအစည်းအရုံးမှ ခွဲထွက်ကာ စစ်အစိုးရနှင့် ပူးပေါင်းခဲ့သည့် အပစ်ရပ်အဖွဲ့ဖြစ်သည်။
ကျေးရွာမီးရှို့ပစ်မည်ဟု ခြိမ်းခြောက်သောကြောင့် ရွာသားများ ထွက်ပြေးတိမ်းရှောင်နေရ
ရေးသားသူ - ပါးရယ်
မြန်မာစစ်အစိုးရတပ်များသည် ကရင်နီပြည် ရှားတောမြို့နယ်ရှိ ဒေါတခူးကျေးရွာအား မီးရှို့ပစ်မည်ဟု ခြိမ်းခြောက်ထားသောကြာင့် ယခု ဆိုလျှင် ဒေသခံရွာသားများက ကြောက်ရွံ့၍ အခြားကျေးရွာများသို့ ထွက်ပြေးနေထိုင်ကြသည်ဟု သိရသည်။
ဒေါတခူးကျေးရွာတွင် ဒေသခံရွာသူရွာသား အိမ်ထောင်စု ၂၁ စု နေထိုင်လျက်ရှိသည်။ သို့သော် စစ်အစိုးရတပ်များ၏ ခြိမ်းခြောက်ထား မှုကြောင့် ၈ အိမ်ထောင်စုသည် ၎င်းတို့ ကျေးရွာမှ စွန့်ခွာပြီး အခြားကျေးရွာများ ဖြစ်သော ၀ါကော၊ ဒေါတနောနှင့် ဒေါမူးလဲသို့ ပြောင်းရွှေ့ နေထိုင်ကြကြောင်း ဆိုသည်။
“ရွာထဲမှာ တအားရှုပ်နေတယ်လို့ ပြောတယ်။ ရွာသူရွာသားတွေ ထွက်ပြေးကုန်ကြတယ်။ ဒါပေမဲ့ ဘယ်နှစ်ယောက်လောက် ထွက်ပြေး ပြီလဲဆိုတာ မသိရဘူး။ ရွာထဲက လူတွေက ဖရိုဖရဲ ထွက်ပြေးကုန်ကြပြီလေ” ဟု ကရင်နီသတင်းနှင့် ပြန်ကြားရေး တာဝန်ခံ ခူဒယ်နီ ယာက ပြောပါသည်။
ဗိုလ်မှူးကြီး ကျော်ဆန်းနှင့် ဗိုလ်မှူးကြီး ဇော်ဇော် ဦးဆောင်သော စစ်အစိုးရ ပူးပေါင်းတပ်ဖွဲ့များ ဖြစ်သည့် ခမရ ၉၉ နှင့် ၁၃၂ တို့သည် ယခင်လအတွင်းက လက်နက်ကိုင် တော်လှန်ရေး ကရင်နီတပ်ဖွဲ့တို့နှင့် တိုက်ပွဲ ဖြစ်ပွားခဲ့၍ ဒေသခံကျေးရွာအပေါ် လက်တုံ့ပြန်ခဲ့ခြင်း ဖြစ်သည်ဟု ဆိုသည်။
တိုက်ပွဲ ဖြစ်ပွားပြီးသည့်နောက် စစ်အစိုးရတပ်များသည် ဒေသခံကျေးရွာ ဖြစ်သော ဒေါတခူးရွာသားဖြစ်သူ အသက် ၁၉ နှစ်ရှိ ဘူးရယ် အား လက်နက်ကိုင် တော်လှန်ရေး တပ်ဖွဲ့ကို သတင်းပေးပို့သည့် စွပ်စွဲမှုဖြင့် ဖမ်းဆီးခေါ်ဆောင်သွားကာ ညှင်းပမ်းနှိပ်စက်ခဲ့သည်။
ခူဒယ်နီယာက “သူ့ကို ဖမ်းဆီးပြီး တကယ်နှိပ်စက်တယ်တဲ့။ သူ့ကို ရိုက်နှက်တယ်။ မီးနဲ့ ရှုံးဖို့ နှိပ်စက်တာတို့လည်း လုပ်နေတယ်လို့ ပြောတယ်။ မီးအပူနဲ့ နှိပ်စက် တယ်ပေါ့။ ဒါပေမဲ့ ညအချိန်မှာ သူက ပြန်ထွက်ပြေးလွတ်မြောက်လာတာ” ဟု ပြောသည်။
စစ်အစိုးရတပ်များသည် ဘူးရယ် ထွက်ပြေးလွတ်မြောက်လာသည်နှင့် ပတ်သက်၍ မကျေမနပ် ဖြစ်နေကာ သူ့ကို ရှာမတွေ့ပါက နောက် တခေါက် ကျေးရွာသို့ ပြန်ရောက်လာလျှင် ကျေးရွာအား မီးရှို့ပစ်လိုက်မည်ဟု ရွာသားများအား ခြိမ်ခြောက်ထားခဲ့ခြင်း ဖြစ်သည်။
ထို့အပြင် စစ်အစိုးရတပ်များသည် ကျေးရွာအတွင်းရှိ ဆိုင်ကို ဖောက်၍ ဆိုင်တွင်းရှိ ဘီယာ၊ ခေါင်ရည်နှင့် အရက်များကို ယူသောက်ခြင်း၊ အိမ်မွေးတိရိစ္ဆာန်များ ဖြစ်သော ၀က် ၃ကောင်နှင့် ကြက် ၅ ကောင်ကို သတ်စားခြင်းနှင့် ရွာသား၏ မြင်း ၄ ကောင် ဖမ်းဆွဲသွားခြင်း စသည့်များကို လက်လွတ်စပယ် ပြုလုပ်ခဲ့သည်။
အလားတူ ဒီးမော့ဆိုမြို့နယ် ဒေါတမကြီးကျေးရွာအုပ်စုအတွင်း၌ အခြေစိုက်သည့် ခလရ ၁၂သည် ရွာသားများကို လုပ်အားပေးများ ခိုင်းစေပြီး သတင်းပေါက်ကြားပါက ကျေးရွာများအား မီးရှို့ပစ်မည်ဟုလည်း ခြိမ်းခြောက်ထားကြောင်း ဒေသခံများက ပြောသည်။
“သူတို့ လာနေတဲ့ တပ်အားလုံးလိုလိုက ခြိမ်းခြောက်ပြီး ပြောတာပဲ။ တပ်တွင်း လုံခြုံရေး တစုံတရာ ထိခိုက်လာမယ်ဆိုရင် ခင်ဗျားတို့ရွာ မီးလောင်စေရမယ်။ ရွာမရှိစေရဘူး” ဟု ဒေါတမကြီးကျေးရွာအုပ်စုမှ ဒေသခံရွာသားတဦးက ပြောပါသည်။
ခလရ ၁၂သည် ဒီးမော့ဆိုမြို့နယ်အတွင်း၌ တပ်စွဲထားသော ခလရ ၂၉၅နှင့် ယခုနှစ်အတွင်းတွင် အစားထိုး ရောက်ရှိလာသည့် တပ်ရင်း ဖြစ်ပြီး ရွာသူရွာသားများကို သစ်၊ ၀ါးများ ခုတ်ခိုင်းခြင်း၊ ထင်းပို့ခိုင်းခြင်း၊ ရေခပ်ခိုင်းခြင်း၊ တပ်ခြံစည်းရိုး ကာခိုင်းခြင်း၊ ဆက်သွယ် ရေးမြောက် တူးခိုင်းခြင်း စသည့် လုပ်အားပေးများကို ခိုင်းစေလေ့ရှိကြောင်း ဒေသခံများက ဆိုသည်။
စစ်အစိုးရ စွပ်စွဲချက် SSA(S) ငြင်းဆို
သတင်း - သတင်းနှင့်မီဒီယာကွန်ယက်
ရေးသားသူ - ဇော်ကြီး
ကြာသပတေးနေ့၊ ဖေဖေါ်ဝါရီလ 18 ရက် 2010 ခုနှစ်
ရှမ်းပြည်တောင်ပိုင်း၊ ပင်လုံမြို့တွင် (၆၃)နှစ်မြောက် ပြည်ထောင်စုနေ့ကျင်းပခဲ့သည့် မြို့နယ် ဘော့လုံးကွင်း အတွင်း ပေါက်ကွဲမှု ဖြစ်ပွားရာတွင် ရှမ်းပြည် တပ်မတော် တောင်ပိုင်း (SSA-S) လက်ချက်ဟု စစ်အစိုးရက စွပ်စွဲလိုက်သည်။
ယခုလ(၁၆)ရက် အင်္ဂါနေ့က ည(၈)နာရီခွဲအချိန်က အောင်မာဃဇာတ်ရုံအနီး မီးစက်ရုံ၌ ပေါက်ကွဲခဲ့ရာ အရပ် သား(၄)ဦး ထိခိုက်ဒဏ်ရာရခဲ့သည်ဟု ယနေ့ထုတ် မြန်မာ့အလင်း သတင်းစာ၌ ပါရှိသည်။
ယင်းကိစ္စနှင့်ပတ်သက်၍ ပြည်သူလူထုအားတိုက်ခိုက်ခြင်းသည် အကျိုးမဲ့လုပ်ရပ်သာဖြစ်၍ စစ်အစိုးရမှ လုပ်ကြံ စွပ်စွဲခြင်းသာ ဖြစ်သည်ဟု ရှမ်းပြည်တပ်မတော်-တောင်ပိုင်း SSA(S) ပြောခွင့်ရပုဂ္ဂိုလ် ဗိုလ်မှူးလောင်ဝ်ဆိုင် က ယခုလိုပြောသည်။
“အပြစ်မဲ့တဲ့ပြည်သူတွေကို မိုင်းထောင်တာတို့ ဘာတို့ဆိုတာ ကျနော်တို့ဆီမှာ ပေါ်လစီ မရှိပါဘူး။ အဲ လိုမျိုးအဆင့်အထိ ကျနော်တို့ အရည်အချင်း လုပ်ရည်ကိုင်ရည် ရှိတယ်ဆိုရင် သူတို့ရဲ့ အချက်အချာ ကျတဲ့နေရာကိုပဲတိုက်မှာပေ့ါ။ ဘာဖြစ်လို့ပြည်သူတွေကို သွားတိုက်ရ မှာလဲ။ ဒီသတင်းဟာ သူတို့တမင် သက်သက် လုပ်ကြံတာပါ။”
ဖေဖော်ဝါရီလ(၇) ရက်နေ့တွင်ကျရောက်သော ရှမ်းပြည်အမျိုးသားနေ့၌ SSA(S) ခေါင်းဆောင် ဒုတိယ ဗိုလ်ချုပ် ကြီး စ၀်ယွက်ဆစ်(Yawd Serk) ကလည်း ရှမ်းပြည်တိုင်းရင်းသားများစည်းလုံး ညီညွတ်စွာဖြင့် ရှမ်းပြည်ပြန်လည် ရရှိရေးအတွက် တိုက်ပွဲဝင်သွားမည်ဟု ပြောကြားခဲ့သည်။
လက်ရှိဖြစ်ပေါ်နေသည့် နိုင်ငံရေးပြဿနာများအား နိုင်ငံရေးနည်းလမ်းဖြင့် အဖြေရှာခြင်းသာ အကောင်းဆုံးဖြစ်၍ ၎င်းတို့အနေနှင့် ထိုအချက်အား လက်ကမ်း ကြိုဆိုသည်ဟု ဗိုလ်မှူး လောင်ဝ်ဆိုင်က ဆက်ပြောသည်။
“အခုလောလောဆယ်ကျနော်တို့မှာ ဒီစစ်ရေးအရနဲ့ သူတို့ကို တိုက်မယ့်အစား ဒီနိုင်ငံရေး ပြဿနာကို နိုင်ငံရေးနည်းလမ်းနဲ့ အဖြေရှာဖို့ပဲ ကျနော်တို့မှာ အာရုံစူးစိုက်နေပါတယ်။ ဒီတော့ ပြည်သူကိုတိုက် ခိုက် နေယုံနဲ့ ပြဿနာတွေကို ဖြေရှင်းလို့ရမယ်လို့ ကျနော်မထင်ဘူးလေ။ နောက်နိုင်ငံရေး ပြဿနာကို နိုင်ငံရေးနည်းနဲ့ဖြေရှင်းဖို့ ကျနော်တို့လည်း အမြဲကမ်းလမ်းထား တယ်ဆိုတော့ အဲဒီပေါ်လစီနဲ့ပဲ ကျ နော်တို့ဆက်သွားမှာပါ။”
ပင်လုံမြို့ ပေါက်ကွဲမှုနှင့်ပတ်သက်၍ မည်သူမည်ဝါ၏လက်ချက်ဟု အတိအကျမပြောနိုင် သော်လည်း ဒေသခံအာ ဏာပိုင်များတရားဝင်ဖွင့်ထားသည့် လောင်းကစားဝိုင်းများကြောင့် ဖြစ်နိုင်သည်ဟု ရှမ်းသံတော်ဆင့်သတင်း အယ်ဒီတာချုပ် ဦးခွန်ဆိုင်းက ယခုလိုသုံးသပ် ပြောဆိုသည်။
“ဒီလ(၃)ရက်နေ့ကနေစပြီးတော့မှသူတို့ နှစ်ပါတ်တိတိလောင်းကစားဝိုင်းတွေကျင်းပတာကိုးဗျ ဒီလို လောင်းကစားဝိုင်းတွေကျင်းပတဲ့ခါကျတော့ မကျေနပ်တဲ့သူတွေ၊ ရှုံးတဲ့သူတွေ ရှုံးလို့ ဒေါသထွက်တဲ့ သူတွေကလည်းတော်တော်များတာကိုးဗျ။ အဲဒီတော့ ဒီဥစ္စာဟာ ဒီလောင်းကစား ၀ိုင်းတွေကြောင့် ဖြစ်လာတာလို့ ပြောလို့ရတယ်။”
ထို့အပြင် ရှမ်းပြည်မြောက်ပိုင်း ကိုးကန့်ဒေသ၊ လောက်ကိုင်မြို့ ဈေးဟောင်းနေရာ၌ ယမန်နေ့နံနက်ပိုင်းက ဗုံးနှစ် လုံးပေါက်ကွဲခဲ့ပြီး မပေါက်ကွဲသေးသည့် မိုင်းလေးလုံးအား ထပ်မံတွေ့ရှိခဲ့သည်ဟု သတင်းစာ၌ဖော်ပြပါရှိသည်။
ထိုကိစ္စနှင့်ပတ်သက်၍ ၂၀၀၉ ခုနှစ် သြဂုတ်လက စစ်အစိုးရနှင့်တိုက်ပွဲများဖြစ်ပွားပြီး အပစ်ခတ်ရပ်စဲရေး ပျက် သုံးသွားသည့် ဦးဖုန်ကျားရှင် ဦးဆောင်သော မြန်မာပြည်အမျိုးသား ဒီမိုကရေစီမဟာမိတ်တပ်မတော် (ကိုးကန့် အဖွဲ့)၏ လက်ချက်ဖြစ်ပြီး တရားခံတစ်ဦးကို ဖမ်းမိထားသည်ဟု သတင်း၌ဖော်ပြသည်။
သို့သော် ဖမ်းမိထားသူမှာ ဦးဖုန်ကျားရှင်အဖွဲ့က မဟုတ်ဘဲ အသစ်ပြန်လည်ဖွဲ့စည်းခဲ့သည့် ဦးပိုင်စုန်ချိန်အဖွဲ့မှ တပ်ပြေးတစ်ဦးဖြစ်သည်ဟု တရုတ်နယ်စပ်သတင်းများကဆိုသည်။
ပင်လုံဗုံးကွဲ လေးဦးဒဏ်ရာရ
ကိုကိုနအဖကတော့ထပ်ပြီးလုပ်ချလိုက်ပြန်ပြီး။
တိုင်းရင်းသားတွေကိုနိုင်ငံရေးလူမျိုးရေးမျက်လှည့်ပြချင်ပေမဲ့လည်းပြကွက်တွေကသွားပြီးတူနေတယ်။ ဟော...ခုလည်းကြည့်ပင်လုံမှာဗုံးကွဲလို့လေးဦးသေပြန်ပြီးတဲ့...ဟိုတလောကဖာပွန်မှာဗုံးကွဲလို့ကရင်တွေသေ...ခုတော့ရှမ်းပြည်မှာဗုံးကွဲလို့ရှမ်းတွေသေ....
နောက်ဆိုနေပြည်တော်မှာဗုံးကွဲလို့ဘယ်သူတွေသေဦးမလဲမသိဘူးနော်။တော်တော်ရီစရာကောင်းပြီးကလေးဆန်တဲ့လုပ်ရပ်တွေပါလားဗျား။ဧကန်ဏနအဖစစ်ချုပ်ကြီးသူငယ်ပြန်ပြီးဘာလုပ်ရမှန်းမသိကြံရာမရအရူးမီးဝိုင်းသလိုဖြစ်ပြီးတော့သူညှိယူလို့
မရတဲ့တိုင်းရင်းသားအဖွဲ့တွေကိုဒီလိုဘဲကလေးအထာ(ကုလားအထေ)တွေနဲ့မဟုတ်တာတွေစွပ်စွဲဦးမှာပါလား..
ဒါ့အပြင်ဦးဏှောက်မရှိတဲ့ဘလော့ဂါတွေကလည်းတင်ကြဦးမှာမြင်ယောင်သေးတယ်။တော်တော်ရီစရာကောင်းတဲ့နအဖ..ပြကွက်လှည့်ကွက်တွေကိုလည်းပြောင်းပါဦးဗျား။မဟုတ်ရင်ခင်ဗျားကိုထောက်ခံတဲ့ဘလော့တွေဘယ်လိုလိမ်ရမှန်းမသိပြောရမှန်းမသိဖြစ်နေပြီးဗျ။
ပြည်ထောင်စုနေ့ အထိမ်းအမှတ်ပွဲ ကျင်းပနေစဉ် မြို့နယ်ဘောလုံးကွင်းအတွင်း အောင်မာဃဇာတ်ရုံအနီး ပေါက်ကွဲမှုကြောင့် ဒဏ်ရာရသူများမှာ မြို့နယ်ဆေးရုံတွင် ကုသမှု ခံယူနေရသည်။
ဗိုလ်မှူးကြီး ယွက်ဆစ်ဦးဆောင်သည့် ရှမ်းပြည်တပ်မတော် (တောင်ပိုင်း) SSA-S အဖွဲ့၏ လက်ချက်ဟု စစ်အစိုးရ၏ စွပ်စွဲချက်ကို ယနေ့ထုတ် မြန်မာ့အလင်း သတင်းစာတွင် ဖော်ပြထားသည်။
ပင်လုံမြို့သည် ဗမာနှင့် တိုင်းရင်းသားများအကြား ပထမဆုံး နိုင်ငံရေးယုံကြည်မှု တည်ဆောက်နိုင်သော နေရာဖြစ်ပြီး ဗြိတိသျှ ကိုလိုနီလက်အောက်မှ အတူတကွ လွတ်လပ်ရေးရယူမည်ဟု ၁၉၄၇ ခု ဖေဖော်ဝါရီ ၁၂ ရက်နေ့က သဘောတူ လက်မှတ်ရေးထိုးခဲ့သည့် နေရာလည်း ဖြစ်သည်။ ယင်းနေ့ကို ပြည်ထောင်စုနေ့အဖြစ် သတ်မှတ်ခဲ့သည်။
SSA-S ကမူ ၎င်းတို့၏ လက်ချက်မဟုတ်ကြောင်း ငြင်းဆိုလိုက်ပြီး၊ တိုင်းရင်းသားအချင်းချင်း ယုံကြည်မှု ကွဲပြားစေရန် ရည်ရွယ်၍ လီဆယ်ခြင်းသာဖြစ်သည်ဟု တုန့်ပြန် ပြောကြားလိုက်သည်။
“နအဖ စစ်အာဏာရှင်တွေကို လက်နက်ကိုင် ဆန့်ကျင်နေတာမှန်ပေမယ့် မပြေလည်သေးတဲ့ နိုင်ငံရေး ပြဿနာတွေကို နိုင်ငံရေးနည်းလမ်းနဲ့ ငြိမ်းချမ်းစွာပဲ လုပ်ချင်ပါတယ်။ ဒီလိုမျိုးလုပ်ရပ်နဲ့ ဘယ်တော့မှ မလုပ်ပါဘူး” ဟု ပြောရေးဆိုခွင့်ရှိသူ ဗိုလ်မှူး စိုင်လောဝ်ဆိုင်းက မဇ္ဈိမကို ပြောသည်။
စစ်အစိုးရ၏ ၂၀၀၈ ဖွဲ့စည်းပုံနှင့် ၂၀၁၀ ရွေးကောက်ပွဲတို့ဖြင့် နိုင်ငံရေး ပြဿနာများကို ဖြေရှင်းပေးနိုင်မည် မဟုတ်ဟုဆိုကာ SSA-S က ကန့်ကွက်ထားသည်။
အလားတူပင် ရှမ်းပြည်နယ် မြောက်ပိုင်း လောက်ကိုင်မြို့၌ ယခုလ ၁၅ ရက်နေ့နှင့် ၁၇ ရက်နေ့များက ဖြစ်ပွားသော ဗုံးပေါက်ကွဲမှုများနှင့်ပတ်သက်၍လည်း သတင်းစာက “တရားခံပြေးများဖြစ်သော ဖုန်ကျားရှင်၊ ဖုန်ကျားဖူး၊ ဖုန်တာ့ရွှင်၊ ဖုန်တာ့လီ တို့၏ ယခင်မြန်မာပြည်အမျိုးသား ဒီမိုကရေစီ မဟာမိတ် တပ်မတော် (ကိုးကန့်အဖွဲ့)” လက်ချက် ဖြစ်သည်ဟု စွပ်စွဲထားသည်။
လောက်ကိုင် ဗုံးပေါက်ကွဲမှုကြောင့် လူသေဆုံးမှုမရှိဘဲ တရုတ်လူမျိုး (၃) ဦး အပါအဝင် ၉ ဦး ဒဏ်ရာရရှိကြောင်း မြန်မာ့အလင်းက ဖော်ပြထားသည်။
သို့သော်လည်း တရုတ်-မြန်မာနယ်စပ်မှ စစ်ရေးအကဲခတ် ဦးအောင်ကျော်ဇောက တရုတ်နိုင်ငံသားတဦး သေဆုံးကာ ၁၀ ဦးကျော် ဒဏ်ရာရသွားသည်ဟု ပြောသည်။
“တရုတ် အမျိုးသားတွေရဲ့ အထွဋ်အမြတ်ပွဲ ကာလမှာ (ဖုန်) ဦးဖုန်ကျားရှင်ကလုပ်လို့ တရုတ် တယောက် သေတယ်ဖြစ်အောင် လုပ်တာပေါ့ဗျာ။ တချို့အဖမ်းခံရပြီး နှိပ်စက်လို့ ဝန်ခံရတဲ့သူတွေဆိုရင် ဗုံးခွဲဖို့မပြောနဲ့ သေနက်သံတောင် ကြားဖူးတာ မဟုတ်ဘူး။ သူတို့ထည့်ချင်ရင် ဆွဲထည့်တာ” ဟု ဦးအောင်ကျော်ဇောက ပြောသည်။
ယမန်နေ့ မနက် အစောပိုင်းက ယင်းရပ်ကွက်ရှိ ဈေးဟောင်းနေရာ၌ မိုင်း ၂ လုံး ပေါက်ကွဲခဲ့ သော်လည်း ထိခိုက်ဒဏ်ရာ မရှိကြောင်း မြန်မာ့အလင်းက ဖော်ပြထားသည်။
တရုတ်နယ်စပ်အနီးရှိ ရှမ်းပြည်မြောက်ပိုင်း အထူးဒေသ (၁) (ကိုးကန့်အဖွဲ့) ဥက္ကဋ္ဌ ဦးဖုန်ကျားရှင် ခေါင်းဆောင်သော အဖွဲ့အား မူးယစ်ဆေး ထုတ်လုပ်မှု၊ လက်နက်စက်ရုံတည်ရှိမှုကို အကြောင်းပြ၍ ၂ဝဝ၉ ခုနှစ် သြဂုတ်လကုန်ပိုင်းတွင် မြန်မာစစ်တပ်က တိုက်ခိုက်ခဲ့သည်။
ဦးဖုန်ကျားရှင်အဖွဲ့ စစ်ရှုံး၍ တရုတ်နိုင်ငံဘက် ခိုလှုံသွားပြီးနောက် စစ်အစိုးရတပ်က ၎င်းတို့ထံ သစ္စာခံပြီး ကိုးကန့်ခွဲထွက် ဦးပိုင်စုံချိန်အား ခေါင်းဆောင်အဖြစ် ခန့်အပ်ခဲ့ပြီး ၂ဝဝ၉ ခုနှစ် နှစ်ကုန်ပိုင်း၌ နယ်ခြားစောင့်တပ်အဖြစ် အသွင်ပြောင်းစေခဲ့သည်။
(ကိုဝိုင်း တည်းဖြတ်သည်)
KNU နဲ့ အစိုးရ တိုက်ပွဲတွေ ရပ်ဆိုင်းဖို့ ဘန်ကီမွန်း တောင်းဆို
18 February 2010(VOA)
မကြာခင်က ကရင်အရပ်သားတွေ နေထိုင်တဲ့ ရွာတွေကို မြန်မာစစ်အစိုးရ တပ်တွေက စစ်အင်အားသုံး တိုက်ခိုက်ဖျက်ဆီးခဲ့တာတွေနဲ့ ပတ်သက်ပြီး ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) က စိုးရိမ်မကင်း ဖြစ်ကြောင်း၊ အခုလို ထိုးနှက်မှုတွေကို ရပ်တန်းက ရပ်ဖို့ကိုလည်း တိုက်တွန်းလိုက်တဲ့ အကြောင်းနဲ့ အဲဒီ့အပေါ် ဘယ်လိုတုံ့ပြန်မှုတွေ ရှိသလဲဆိုတာကို နော်ရှိုးက တင်ပြပေးထားပါတယ်။
၂၀၁၀ နှစ်သစ်အ၀င်ကစလို့ ကရင်ပြည်နယ်နဲ့ ပဲခူးတိုင်းတို့မှာရှိတဲ့ ကရင်ရွာတွေကို မြန်မာစစ်အစိုးရ တပ်တွေက တိုးမြှင့်တိုက်ခိုက် နှိမ်နင်းမှုတွေ ရှိနေတဲ့ အပေါ်မှာ စိုးရိမ်မကင်း ဖြစ်ကြောင်းနဲ့ အဲဒီလို တိုက်ခိုက်မှုတွေကို ရပ်တန်းက ရပ်ဖို့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက မြန်မာစစ်အစိုးရကို တိုက်တွန်းခဲ့တယ်လို့ အတွင်းရေးမှူးချုပ်ရဲ့ ပြောခွင့်ရသူ မစ်စ် မာရီး အိုကာဘဲ (Ms. Marie Okabe) ကလည်း မနေ့က ကုလသမဂ္ဂ သတင်းစာရှင်းလင်းပွဲ တခုမှာ ပြောခဲ့ပါတယ်။
“မကြာခင်က ကရင်တိုင်းရင်းသားတွေ တိုက်ခိုက်ခံခဲ့ရတဲ့ အကြောင်းကို ကုလသမဂ္ဂ အတွင်းရေးမှူးချုပ် သိရှိပြီး ဖြစ်ပါတယ်။ ဆက်ပြီး တိုက်ခိုက်ခံနေရတဲ့ အပြစ်မဲ့တဲ့ ကရင်အရပ်သားတွေရဲ့ အနာဂတ်အတွက် အတွင်းရေးမှူးချုပ်က စိုးရိမ်မကင်း ဖြစ်နေပါတယ်။ သက်ဆိုင်တဲ့သူတွေ တာဝန်ရှိရှိ လုပ်ဆောင်ဖို့ အရေးကြီးတယ်လို့လည်း ပြောခဲ့ပါတယ်။ သူအကြိမ်ကြိမ် ပြောခဲ့သလိုပဲ အဲဒီလို ထိုးနှက်မှုတွေကို ချက်ချင်း ရပ်တန်းက ရပ်ဖို့နဲ့ ငြိမ်းချမ်းတဲ့နည်းနဲ့ ဖြေရှင်းဖို့ အတွင်းရေးမှူးချုပ်က တိုက်တွန်းလိုက်ပါတယ်။ မြန်မာနိုင်ငံကို သူသွားခဲ့တုန်းကလည်း အဲဒီလို ပြောခဲ့ပါသေးတယ်။”
အခုလို ကရင်တိုင်းရင်းသား ရွာတွေအပေါ် စစ်အစိုးရဘက်က တိုးမြှင့်တိုက်ခိုက်လာတဲ့ အကြောင်းကို စစ်အစိုးရနဲ့ အပစ်အခတ် မယူသေးတဲ့ အကြီးဆုံး လက်နက်ကိုင်အဖွဲ့ဖြစ်တဲ့ ကရင်အမျိုးသား အစည်းအရုံး (KNU) ရဲ့ ဂျာမဏီနိုင်ငံ အခြေစိုက် ကိုယ်စားလှယ် မန်းအောင်လွင်က ဗွီအိုအေကို အခုလို ပြောပါတယ်။
“လောလောဆယ် နအဖကနေပြီး ၂၀၁၀ ရွေးကောက်ပွဲ နီးတဲ့အခါမှာ အတိုက်အခံ ခေါင်းဆောင်တွေကို နည်းမျိုးစုံနဲ့ အကြောင်းရှာပြီး ဖမ်းဆီး ထောင်ချနေတယ်။ ပြီးတော့ နယ်စပ်ဒေသတွေမှာ၊ ဥပမာ KNU လိုမျိုးပေါ့ စစ်မှန်တဲ့ ဖက်ဒရယ်စနစ်အတွက် မားမားမတ်မတ် ရပ်တည်တဲ့ အဖွဲ့အစည်းတွေကို ပြင်းထန်စွာ ထိုးစစ်ဆင် တိုက်ခိုက်နေတာ တွေ့ရတယ်။ ဒါပေမဲ့ ထူးဆန်းတာက ဒီတခေါက်က တကယ်ပဲ အပြစ်မဲ့တဲ့ ကရင်ရွာသူ ရွာသားများကို တိုက်ခိုက်တာ တွေ့ရပါတယ်။
“ဥပမာ တွယ်လွယ်ထူး၊ ညောင်လေးပင်၊ မူထရော၊ ဖာပွန်၊ ကျောက်ကြီး အစရှိတဲ့ ဒေသမှာရှိတဲ့ ကရင်ရွာတွေကို နအဖက တိုက်ခိုက်တဲ့နေရာမှာ အဲဒီမှာ လက်နက်ကိုင် ကရင်အဖွဲ့အစည်းတွေ မရှိပါဘူး။ တကယ်ပဲ ရိုးသားဖြူစင်ပြီး အေးအေးဆေးဆေး ငြိမ်းချမ်းစွာ နေထိုင်တဲ့ ကရင် ရွာသူရွာသားတွေ ဖြစ်ပါတယ်။ အဲဒီမှာ ရွာတွေကို မီးရှို့တယ်၊ အမျိုးသမီးတွေကို မုဒိမ်းကျင့်တယ်၊ ပစ္စည်းတွေကို လုယက်တာ တွေ့ရပါတယ်။
“အဲဒါ ဘာကိုတွေ့ရလဲဆိုတော့ နအဖက လာမယ့်ရွေးကောက်ပွဲမှာ ဒီနယ် ဒီဒေသတွေက တချိန်တခါက NLD အတိုက်အခံကို မဲထည့်တဲ့ နေရာတွေ ဖြစ်တယ်။ ဒါကြောင့် မဲမပေးနိုင်အောင် တနည်းအားဖြင့် ရွေးကောက်ပွဲမတိုင်မီ သူတို့ကို မောင်းထုတ်တဲ့ သဘောမျိုးလည်း ဖြစ်ပါတယ်။ နောက်တချက်က တနင်္သာရီဘက်မှာလည်း ဒီအတိုင်းပါပဲ။”
ဆက်လက်ပြီး မန်းအောင်လွင်က မြန်မာပြည်တွင်း ငြိမ်းချမ်းရေးအတွက် နိုင်ငံတကာရဲ့ ဖိအားပေးမှုဟာ အရေးကြီးသလို တချိန်တည်းမှာပဲ ပြည်တွင်းက တိုင်းရင်းသား အားလုံးကလည်း တာဝန်သိသိ လက်တွဲပြီး ပူးပေါင်းလုပ်ဆောင်ဖို့ အရေးကြီးတယ်လို့ ပြောခဲ့ပါတယ်။
“တကယ်တော့ နိုင်ငံတကာ ဖိအားပေးမှုဟာ အလွန်ပဲ အရေးကြီးပါတယ်။ ဒါပေမဲ့ လောလောဆယ် ကရင်ပြည်နယ်မှာ ဖြစ်နေတဲ့ ကရင်ရွာသူ ရွာသားတွေကို နအဖက အခုလို ရက်စက်ယုတ်မာစွာ သတ်ဖြတ်နေတာကို ရပ်တန်းကရပ်အောင် လုပ်ဖို့ကတော့ ပြည်တွင်းမှာရှိသော ကရင်တမျိုးသားလုံးနဲ့ တခြား တိုင်းရင်းသား အားလုံးတို့ရဲ့ သမိုင်းပေးတာဝန်တခု ဖြစ်ပါတယ်။ နအဖက ကရင်လူမျိုးတွေကို ငွေအားဖြင့် လည်းကောင်း၊ ရာထူးအားဖြင့် လည်းကောင်း၊ ဘာသာရေးအားဖြင့် လည်းကောင်း သွေးခွဲပြီး အိုးမည်းသုတ် အချင်းချင်း တိုက်ခိုက်ခိုင်းနေတာကို ၀မ်းနည်းဖွယ်ရာ တွေ့ရှိရပါတယ်။
“ဒီတော့ ဒီအချိန်မှာ ကရင်လူမျိုး အားလုံးဟာ သွေးစည်းညီညွတ်ရမယ့်အချိန် ဖြစ်ပါတယ်။ လောလောဆယ် ဗမာပြည်မှာ ဖြစ်နေတဲ့ ပြဿနာက ၆၂ ခုနှစ်ကစပြီး ဗိုလ်ချုပ်ကြီးနေ၀င်းက တိုင်းပြည်ရဲ့ အာဏာကို မတရားသိမ်းယူပြီး စစ်တပ်က စစ်သားအလုပ် မဟုတ်တဲ့ နိုင်ငံအုပ်ချုပ်ရေးနဲ့ အခြားသော နိုင်ငံရေးရာ ကိစ္စတွေမှာ ၀င်ရောက်ချယ်လှယ်တဲ့ အတွက် ဗမာပြည်ကြီးဟာ သယံဇာတပစ္စည်း ပေါကြွယ်ဝရဲ့သားနဲ့ အခုဆိုရင် ကမ္ဘာမှာ အဆင်းရဲဆုံးစာရင်း ၀င်ခဲ့ရခြင်း ဖြစ်ပါတယ်။
“ဒီတော့ ကျနော်တို့အနေနဲ့ ဗိုလ်ချုပ်မှူးကြီးသန်းရွှေနဲ့ အပေါင်းအပါ တစုကို လူထုဟာ ငြိမ်းချမ်းသောနည်းနဲ့ အနာဂတ်မှာ တိုက်ပွဲဝင် ဆန္ဒပြတဲ့အခါ ပြည်သူကို ချစ်မြတ်နိုးသော စစ်တပ်မှ အရာရှိ ခေါင်းဆောင်များနဲ့ ရဲဘော်များဟာ ပြည်သူနဲ့အတူ လက်တွဲပြီး ပြည်သူချစ်တဲ့ တပ်မတော်တခု ပေါ်ပေါက်ဖို့နဲ့ ပြည်သူနဲ့အတူ၊ တိုင်းရင်းသား အားလုံးတို့နဲ့အတူ ဗမာပြည် ငြိမ်းချမ်းရေးနဲ့ ဖွံ့ဖြိုးရေးကို လက်တွေ့ လုပ်ဆောင်ရမယ့်အချိန် ဖြစ်ပါတယ်။”
မြန်မာစစ်အစိုးရက အခုနှစ်အတွင်း ကျင်းပမယ့် ရွေးကောက်ပွဲကို လွတ်လပ်ပြီး တရားမျှတစေရမယ်လို့ ပြောနေပေမဲ့ နိုင်ငံရေး တက်ကြွလှုပ်ရှားသူတွေ၊ သတင်းသမားတွေကို ဆက်လက်ဖမ်းဆီး အကျဉ်းချမှုတွေ ရှိနေသလို အရပ်သားတွေ နေထိုင်ရာ ဒေသတွေမှာလည်း စစ်အင်အားသုံးပြီး ထိုးနှက်မှုတွေ ရှိနေတာပါ။ အဲဒါကြောင့်လည်း တနေ့က Amnesty International နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက ရွေးကောက်ပွဲ မတိုင်မီ တိုင်းရင်းသား ကျေးရွာတွေအပေါ် အင်အားသုံး နှိမ်နင်းမှုတွေကို ရပ်တန်းကရပ်ဖို့ အစီရင်ခံစာတရပ် ထုတ်ပြန်ပြီး တိုက်တွန်းခဲ့တာလည်း ဖြစ်ပါတယ်။
မိုင်းကြောင့် တောတောင်ထဲ မသွားရန် ရွာသားများ တားမြစ်ခံရ
ဖေဖော်ဝါရီလ ၁၇ရက်။ စောခါးစူးညား (ကေအိုင်စီ)
ဖာပွန်ခရိုင်၊ ဒွယ့်လိုးမြို့နယ်အတွင်း လှုပ်ရှားနေသည့် ဒီကေဘီအေတပ်ဖွဲ့ဝင်များသည် မိုင်းဗုံးကြောင့် တောတောင်ထဲ သွား ရောက်ခြင်းမပြုရန် ဒေသခံ ရွာသူရွာသားများကို ယခင်လကတည်းက တားမြစ်ထားကြောင်း ဒေသခံများ၏ ပြောပြချက်အရ သိရသည်။
ယင်းသို့ တောထဲမသွားရန် ပိတ်ပင်ထားခံရသည့် ရွာများမှာ ဒွယ့်လိုးမြို့နယ်အတွင်းရှိ ၀င်းမောင်း(၀ါမူ)၊ ကျွန်းပင်ဝင်း(ဖို့ခဲထာ့)၊ မိချောင်းဝင်း(ကွီးတမာ့)၊ သရက်ပင်ဆိပ်(ညာ့ဆာ့ဂေါ်ထာ့)၊ မဲပူ(မဲ့ပူထာ့)၊ ဝေါ်လေ၊ ပဒါဒေါင်၊ ခေါ်ကလား စသည့်ကျေးရွာများ ဖြစ်သည်။
ဒီကေဘီအေ (၃၃၃)နှင့် (၉၉၉)တပ်မဟာ လက်အောက်ခံ တပ်ရင်းများသည် တောထဲ မသွားရန် ယင်းသို့ အမိန့်ထုတ်လိုက်ပြီး နောက်ပိုင်း ၀င်းမောင်းဂွင်အတွင်းရှိ ရွာသူရွာသားများမှာ လုပ်ကိုင်စားသောက်ရန် အခက်ကြုံရသည်ဟု ၀င်းမောင်းရွာသားတ ဦးက ကေအိုင်စီကို ပြောသည်။
၎င်းက “သူတို့(ဒီကေဘီအေ)ကတော့ မိုင်းဗုံးထောင်ထားတဲ့အတွက် ၀င်းမောင်းကျေးရွာအုပ်စုထဲက မဲကလယ်ချောင်းကနေ ကျွန်းပင်ဝင်း အနောက်ကစပြီး သွားခွင့်မပေးဘူး။ တောတောင်ထဲမှာ သွားနေတဲ့ ရွာသားတွေဆို ရွာထဲကို အားလုံး ပြန်လာ ကုန်ပြီ။ တောထဲမှာ ကျန်တဲ့ ဆန်၊ စပါး စတဲ့ ရိက္ခာတွေကို သွားပြန်ယူ မရဲကြတော့ဘူး။ အခုအခြေအနေက အရင်ထက် ပိုဆိုး နေတယ်”ဟု ဆိုသည်။
ကျွန်းပင်ဝင်းရွာသားတဦးက “အခု တောင်ယာခုတ်ရမယ့်အချိန်မှာ မခုတ်ရဘူး။ ထင်းသွားခွေလည်း မရဘူး။ သစ်၊ ၀ါးခုတ်လို့ လည်း မရဘူး။ ဒီအတိုင်းပဲ ဆက်ရှိနေမယ်ဆိုရင် တောင်ယာနဲ့ လုပ်ကိုင်စားသောက်တဲ့သူတွေတော့ တော်တော် ဒုက္ခရောက် တော့မယ်။ အခုတောင် မိုးတွင်းအတွက် ကျနော် ထင်းတချောင်းမှ မရှာရသေးဘူး”ဟု ပြောသည်။
ထိုကိစ္စနှင့် ပတ်သက်၍ ကေအိုင်စီက ဒီကေဘီအေတပ်ဖွဲ့ကို ဆက်သွယ်ရန် ကြိုးစားသော်လည်း အခက်အခဲရှိနေသည်။
ကေအဲန်ယူ ဖာပွန်ခရိုင်မှ တာဝန်ခံတဦးဖြစ်သူ စောထာ့ကညောက “သူတို့က အဲဒီဒေသခံ ပြည်သူတွေကို ကာကွယ်ဖို့၊ ကျေး ရွာဖွံ့ဖြိုးတိုးတက်ဖို့ လာလုပ်တာ မဟုတ်ဘူး။ သူတို့ကိုယ်ကျိုးအတွက် ရွှေလာတူးပြီး သူတို့ရဲ့ လုံခြုံရေးအတွက် မိုင်းဗုံးတွေ လည်း ထောင်တယ်။ ပြီးတော့ တောထဲ မသွားဖို့ တားမြစ်တယ်။ ပြည်သူကတော့ ခံရသက်သက်ပေါ့”ဟု ဆိုသည်။
အဆိုပါကျေးရွာများသည် ၁၉၉၇ခုနှစ်က တောင်ပြိုကျမှုကြောင့် လယ်ဧက ထောင်ပေါင်းများစွာ ပျက်စီးဆုံးရှုံးခဲ့ပြီးနောက် ၎င်း ဒေသခံ အများစုမှာ တောင်ယာလုပ်ငန်းကို ပိုမိုအားထားကာ လုပ်ကိုင်စားသောက်လာရသည်။
အင်အား ၆၀၀ခန့်ရှိ တိုးတက်သောဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ) တပ်မဟာ (၉၉၉)၊ (၃၃၃)နှင့် (၆၆၆) လက်အောက်ခံ တပ်ရင်းများသည် ပြီးခဲ့သည့်နှစ် အောက်တိုဘာလမှစ၍ ရွှေတူးဖော်ရန်နှင့် သစ်ထုတ်လုပ်ရန်အတွက် ဖာပွန်ခရိုင်၊ ဒွယ့်လိုးမြို့နယ်အတွင်းသို့ ရောက်ရှိလာပြီး လေးလအကြာတွင် ယခုလို တောထဲမသွားရန် ပထမဆုံး အမိန့်ထုတ် လိုက်ခြင်းဖြစ်သည်။
ထိုင်းရွာသားတဦး ပစ်သတ်ခံရ
ဖေဖော်ဝါရီလ ၁၇ရက်။ (ကေအိုင်စီ)
ထိုင်းနိုင်ငံ၊ ထာ့ဆောင်ယန်းမြို့နယ်ရှိ နိုဘိုး(နောင်ဘွား)ရွာသားတဦးကို ယနေ့ မွန်းလွဲပိုင်းအချိန်တွင် မြန်မာဘက်ခြမ်းရှိ ဒီ ကေဘီအေ တပ်ဖွဲ့ဝင်တဦးက ဝင်ရောက်ပစ်သတ်ခဲ့ကြောင်း ဒေသခံများ၏ ပြောပြချက်အရ သိရသည်။
ပစ်သတ်ခံရသူ နိုဘိုးရွာသား စောဖားဒါးဖိုး၏ နေအိမ်၌ ယနေ့မွန်းလွဲ (၁၂)နာရီခွဲအချိန်တွင် မြန်မာပြည်ဘက်ခြမ်းရှိ ကရင် ပြည်နယ်၊ ကေအဲန်ယူ တပ်မဟာ(၇)နယ်မြေအတွင်း လှုပ်ရှားလျှက်ရှိသော ဒီကေဘီအေ တပ်မဟာ (၉၉၉)မှ တပ်ရင်း(၇) တပ်ဖွဲ့ဝင်တဦးဖြစ်သူ ဖားဒိဟူ ရောက်ရှိလာပြီး စောဖားဒါးဖိုးအား ခေါ်ယူပစ်သတ်ခဲ့ခြင်းဖြစ်သည်ဟု သေဆုံးသူ၏ ဆွေမျိုး တော်စပ်သူတဦးက ကေအိုင်စီကို ယခုလို ပြောသည်။
“ဒီနေ့လယ်မှာ ဒီကေဘီအေတယောက် ဖားဒါးဖိုးအိမ်ကို ရောက်လာပြီး အရက်တောင်းသောက်တယ်။ ဖားဒါးဖိုးက ပိုက်ဆံ ပေးပြီး သူ့ကို သွားဝယ်ခိုင်းတော့ မသွားနိုင်ဘူးတဲ့။ ကလေးတွေကို သွားဝယ်ခိုင်းမယ်ဆိုလည်း မရဘူး။ နင်ကိုယ်တိုင်သွားဝယ် ပေးဆိုပြီး ဖားဒါးဖိုးလည်း သူ့နောက်ကို လိုက်အသွား ခြံဝင်းထဲမှာပဲ ဖားဒါးဖိုးကို သေနတ်နဲ့ သုံးချက်ပစ်သတ်လိုက်တယ်”ဟု သူက ပြောသည်။
အသက် ၃၈နှစ်ရှိသူ စောဖားဒါးဖိုးမှာ ယင်းသို့ ပစ်သတ်မှုကြောင့် ဦးခေါင်းတွင် တချက်၊ ရင်ဘတ်တွင် နှစ်ချက် ထိမှန်ကာ ပွဲ ချင်းပြီး သေဆုံးသွားခဲ့ပြီး ပစ်သတ်သူ ဒီကေဘီအေမှာ တဘက်ကမ်းသို့ ပြန်လည်ထွက်ပြေးသွားခဲ့သည်ဟု သိရသည်။
သေဆုံးသူမှာ ထိုင်းနိုင်ငံ၊ နိုဘိုးကျေးရွာသားဖြစ်သော်လည်း ကရင်ပြည်နယ်ဘက်ခြမ်းတွင် လယ်ယာနှင့် ပြောင်းခြံများရှိပြီး ဒုဗိုလ်မှူးကြီးလိုက်သိမ့် ဦးစီးသော ဒီကေဘီအေတပ်ဖွဲ့ဝင်များနှင့် ရင်းနှီးနေသဖြင့် ၎င်းတို့အကြား ပြဿနာ တစုံတရာရှိ၍ ယခု လို အသတ်ခံရခြင်းဖြစ်နိုင်သည်ဟု ရွာသားများက ကောက်ချက်ချကြသည်။
၎င်းတို့နှင့် နီးစပ်သူတဦးက “စောဒါးဖိုးဟာ ကရင်ပြည်ဘက်ခြမ်းက သူ့လယ်တွေ၊ ပြောင်းခြံတွေရှိတော့ အဲဒီမှာ အလုပ်သွား လုပ်တယ်။ သူ့လယ်တဲမှာလည်း ဒီကေဘီအေအဖွဲ့တွေ သွားနေတယ်။ ပြီးတော့ ဒီကေဘီအေတွေက သူ့တဲနှစ်လုံးကို မီးရှို့ လိုက်ကြတယ်။ အဲဒီအပေါ်မှာ သူတို့ အချင်းများတာ ရှိကောင်းရှိနိုင်တယ်။ ဒါကြောင့် သူ့ကို မကျေနပ်လို့ ပစ်သတ်တာလည်း ဖြစ်နိုင်တယ်”ဟု ကေအိုင်စီကို ပြောသည်။
လက်ရှိအချိန်တွင် အခင်းဖြစ်ပွားခဲ့ရာ စောဒါးဖိုးနေအိမ်တွင် ထိုင်းရဲနှင့် နယ်စပ်လုံခြုံရေးတပ်ဖွဲ့ဝင်များက သွားရောက်ကာ စစ် ဆေးမေးမြန်းမှုများ လုပ်ဆောင်နေကြောင်း သိရသည်။
အဆိုပါ ဒီကေဘီအေ တပ်ဖွဲ့ဝင် ဖားဒိဟူသည် သောင်ရင်းမြစ်တွင် လှေမောင်းကာ ဖြတ်သန်းသွားလာသည့် ရွာသူရွာသားများ ထံမှ ငွေကောက်ခံနေသူတဦးဖြစ်ပြီး စောဒါးဖိုးမိသားစုနှင့် ရင်းနှီးကာ ၎င်းတို့၏အိမ်သို့ ရံဖန်ရံခါ ဝင်ထွက်နေသူတဦးလည်း ဖြစ်သည်။
ထိုကိစ္စနှင့် ပတ်သက်၍ ဒီကေဘီအေ တပ်ရင်း(၇)မှူး ဒုဗိုလ်မှူးကြီးလိုက်သိမ့်က “အဲဒီဖြစ်ပွားမှုဟာ ကျနော်တို့တပ်ဖွဲ့နဲ့ မဆိုင် ဘူး။ သူတို့ရွာသားတွေ အချင်းချင်း ဖြစ်တဲ့ဟာကို ကျနော်တို့ကိုပဲ နာမည်ပျက်အောင် အပြစ်ပုံချတာပဲ”ဟု ကေအိုင်စီကို ပြော သည်။
လွန်ခဲ့သည့် ၂၀၀၉ခုနှစ်၊ ဇွန်လ ၂၃ရက်နေ့က ထိုင်းနိုင်ငံ ထာ့ဆောင်ယန်းမြို့နယ်ရှိ မဲ့တရီဂွင်တွင် နေထိုင်သူ ရွာသားနှစ်ဦးကို အမည်မသိ သေနတ်သမားများ လာရောက်ပစ်သတ်မှုတခု ဖြစ်ပွားခဲ့သည်။
ဒုက္ခသည်များအရေး မြေမြှုပ်မိုင်းအဖွဲ့ သတိပေး
Wednesday, 17 February 2010 (ဧရာဝတီ)
မိုင်းထောင် ထားဖွယ် ရှိသော ဒေသသို့ ကရင် ဒုက္ခသည်များ ပြန်သွားရမည့် အရေးကို စိုးရိမ်မိကြောင်း နိုင်ငံတကာ မြေမြှုပ်မိုင်း တားဆီးရေး လှုပ်ရှားမှု အဖွဲ့ (International Campaign to Ban Landmines - ICBL) က တနင်္လာ နေ့တွင် ပြောဆို လိုက်သည်။
ကရင် ပြည်နယ်က မြို့နယ်တိုင်းမှာ မြေမြှုပ်မိုင်း ပြဿနာ အနည်းနဲ့ အများ ရှိပါတယ်၊ ဒါကြောင့် မိုင်းနဲ့ ပတ်သက်လို့ စစ်တမ်း စနစ်တကျ ကောက်ယူ ပြီးချိန် အထိ ဒုက္ခသည်တွေကို ပြန်မပို့ သင့်ပါဘူး” ဟု ICBL ၏ သုတေသီ တဦးဖြစ်သူ ရေရှုဝမိုစာပူအန်စူဝမ်က ဧရာဝတီကို ပြောသည်။
ထိုင်း တပ်မတော်က ထိုင်းနိုင်ငံ ထဆောင်ယန်း မြို့နယ်ရှိ စခန်း တခုတွင် ယာယီခိုလှုံ နေကြသော ဒုက္ခသည် ၃၀၀၀ ခန့်ကို ယခုလ ၁၅ ရက်နေ့ နောက်ဆုံး ထား၍ မြန်မာနိုင်ငံ ဘက်သို့ ပြန်ပို့ရန် စီစဉ်ခဲ့သည်။ သို့ရာတွင် လူ့အခွင့်အရေး အဖွဲ့များနှင့် နိုင်ငံတကာက ပြစ်တင် ဝေဖန် သဖြင့် ထိုအစီအစဉ်ကို ရွှေ့ဆိုင်း ထားသည်။
“ကရင် ဒုက္ခသည်တွေ မြေမြှုပ်မိုင်း နင်းမိပြီး ဒဏ်ရာ ရသွားနိုင်တယ်” ဟု မိုစာပူအန်စူဝမ်က ပြောဆိုသည်။
ဖေဖော်ဝါရီလ ၅ ရက်နေ့က ကရင်မိသားစု ၃ စုသည် နေရပ်ရင်း ကရင်ပြည်နယ် တောင်ပိုင်းရှိ လယ်ပယ်ဟဲ ကျေးရွာသို့ ပြန်ပို့ခံရသည်။ သို့သော်လည်း ရွာတွင် နေထိုင်ရသည်မှာ လုံခြုံမှု မရှိဟု ခံစားရသဖြင့် ထိုင်းနိုင်ငံ ဘက်သို့ ပြန်ရောက် လာသည်၊ မြေမြှုပ်မိုင်း အန္တရာယ်ကိုလည်း ကြောက်ရွံ့ကြောင်း ၎င်းတို့က ပြောဆိုကြသည်။
ယမန်နှစ် ဇွန်လက ကရင်ပြည်နယ်တွင် တိုက်ပွဲများ ဖြစ်ပွားစဉ် မြန်မာ့ တပ်မတော်နှင့် တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့ (DKBA) တို့၏ ပူးပေါင်း တပ်ဖွဲ့များက မြေမြှုပ်မိုင်း အများအပြား ထောင်ခဲ့ ကြကြောင်း၊ ကရင် အမျိုးသား လွတ်မြောက်ရေး တပ်မတော် (KNLA) ကလည်း မိုင်းထောင်ကြောင်း မြန်မာ-ထိုင်း နယ်စပ်ရှိ ကရင်သတင်း ရပ်ကွက်များက ပြောသည်။
ကရင် လူ့အခွင့် အရေးအဖွဲ့ (KHRG) ၏ အဆိုအရ ၂၀၀၉ ဇွန်လ မှ ယခုအချိန်ထိ မြေမြှုပ်မိုင်းကြောင့် အနည်းဆုံး လူ ၅ ဦး ထိခိုက် ဒဏ်ရာရ သို့မဟုတ် သေဆုံး ခဲ့ကြောင်း သိရသည်။ ထိုအထဲတွင် ၁၃ နှစ် အရွယ် ယောက်ျားလေး တဦး၊ ကိုယ်ဝန် အရင့်အမာနှင့် အမျိုး သမီးတဦး ပါဝင်သည်။
ကမ္ဘာတွင် လူသတ်မိုင်း ထုတ်လုပ် နေသော နိုင်ငံ အနည်းငယ်သာ ရှိရာ မြန်မာ နိုင်ငံလည်း ပါဝင်သည်။ ICBL ၏ ၁၉၉၇ မိုင်း တားဆီးရေး စာချုပ်ကို ၁၅၆ နိုင်ငံက သဘောတူ လက်မှတ် ထိုးထားသည်။ မြန်မာပြည်က သဘောတူခြင်း မရှိသေးပါ။
တပ်မတော်နှင့် တိုင်းရင်းသား လက်နက်ကိုင် အင်အားစုတို့ အကြား စစ်မက် ဖြစ်ပွားနေမှု များကြောင့် မြန်မာ ပြည်တွင် မိုင်းအန္တရာယ် ပိုမို ကြီးမား လာသည်။ နိုင်ငံရေး အခြေအနေ များကြောင့် မည်သည့် မိုင်းရှင်းလင်းရေး စီမံကိန်းမျှ အကောင် အထည် ဖော်၍ မရသေးကြောင်း ICBL ၏ အစီရင် ခံစာတွင် ထောက်ပြ ထားသည်။
ဆွစ်ဇာလန် နိုင်ငံ အခြေစိုက် ICBL သည် မြေမြှုပ်မိုင်း တားဆီးရေး လှုပ်ရှားမှု များကြောင့် ၁၉၉၇ တွင် နိုဗဲလ် ငြိမ်းချမ်းရေးဆု ရရှိခဲ့သည်။
ICBL ၏ မြေမြှုပ်မိုင်း အစီရင် ခံစာတွင် ၁၉၉၉ မှ ၂၀၀၈ ခုနှစ် အတွင်း မြန်မာနိုင်ငံ၌ မြေမြှုပ် မိုင်းဒဏ် ခံရသူ စုစုပေါင်း ၂၃၀၀ ဦး ရှိကြောင်း ဖော်ပြထားသည်။ ထိုအထဲတွင် သေဆုံးသူ အရေ အတွက်မှာ ၁၇၅ ဦး ဖြစ်သည်။
မိုင်းဒဏ် ခံရသူများ ရရှိသည့် အကူအညီက မဖြစ်စလောက် နည်းပါးနေ သေးကြောင်းလည်း အစီရင်ခံစာက ဆိုသည်။ မြန်မာ အာဏာပိုင်များက ကျန်းမာရေး စောင့်ရှောက်မှု ကဏ္ဍကို နှစ်ပေါင်းများစွာ လျစ်လျူရှု ထားခြင်းကြောင့် ဖြစ်သည်ဟု သိရသည်။
မြန်မာ့ တပ်မတော်သာမက တိုင်းရင်းသား အဖွဲ့များလည်း လူသတ်မိုင်းများကို အသုံးပြုကြောင်း၊ သို့ရာတွင် ၂၀၀၃ နှင့် ၂၀၀၇ အတွင်း တိုင်းရင်းသား လက်နက်ကိုင် အဖွဲ့ ၆ ဖွဲ့က မြေမြှုပ်မိုင်း အသုံးပြုမှု ရပ်စဲသည်ဟု ကြေညာ ခဲ့ကြကြောင်း အစီရင်ခံစာက ဆိုသည်။
မြန်မာနိုင်ငံ၌ မိုင်းရှင်းလင်းရေး လုပ်ငန်းများ ပေါ်ပေါက်ရန် အလွန် ဖြစ်နိုင်ချေ ရှိသော်လည်း အချိန်ပေးရမည့် လုပ်ငန်းစဉ်တခု ဖြစ်မည်ဟု မိုစာပူအန်စူဝမ်က ဆိုသည်။
မြန်မာ စစ်အစိုးအရနှင့် လက်နက်ကိုင် တိုင်းရင်းသား အဖွဲ့များ အကြား စစ်မှန်သော အပစ်အခတ် ရပ်စဲမှု မရှိသရွေ့ မြေမြှုပ်မိုင်း ပြဿနာ ပြေလည်မည် မဟုတ် ကြောင်းလည်း ၎င်းက ဖြည့်စွက် ပြောကြားသည်။
လက်နက်ကိုင် တိုင်းရင်းသား အဖွဲ့များသည် လူလုပ် ဖောက်ခွဲ ပစ္စည်းများ၊ အစိုးရတပ်ထံမှ သိမ်းဆီးရမိသော မြေမြှုပ်မိုင်း များကို အများဆုံး အသုံးပြု ကြသည်။ ထိုင်းနှင့် ကမ္ဘောဒီးယားရှိ လက်နက် မှောင်ခို ဈေးကွက်မှလည်း ၀ယ်ယူ အသုံးပြုကြောင်း သိရသည်။
စစ်ဘက်ဆိုင်ရာ သတင်း ရပ်ကွက်များ အဆိုအရ မြန်မာအစိုးရ အသုံးပြုသော မြေမြှုပ်မိုင်း များသည် ရုရှား၊ တရုတ်၊ အိန္ဒိယ၊ စင်ကာပူ နိုင်ငံတို့မှ တင်သွင်းသည်ဟု သိရသည်။ ထိုနိုင်ငံများသည် ၁၉၉၇ မိုင်းတားဆီးရေး စာချုပ်ကို လက်မှတ် ရေးထိုးခြင်း မပြုရသေးပေ။
မိုင်းရှာ ကိရိယာဖြင့် ရှာဖွေ၍ မရနိုင်သော မြေမြှုပ်မိုင်းများ၊ ပေါက်ကွဲအား ပြင်းထန်သည့် ဗုံးများကို ပဲခူးတိုင်းရှိ မြန်မာ့ ကာကွယ်ရေး ပစ္စည်း စက်ရုံ (ကပစ) တွင် ထုတ်လုပ်ကြောင်း ICBL က ဆိုသည်။
ကရင်ဒုက္ခသည် ၉၀၀ ကျော် မြန်မာပြည် ပြန်သွား
ချင်းမိုင် (မဇ္ဈိမ) ။ ။ ထိုင်း-မြန်မာနယ်စပ် တာ့ခရိုင် ထာ့ဆောင်ယန်းမြို့နယ်ရှိ အူးသူးထ ယာယီ ဒုက္ခသည် စခန်းမှ မြန်မာနိုင်ငံသို့ ပြန်သွားကြသည့် ကရင်ဒုက္ခသည် ၉၀၀ ကျော်ပြီဖြစ်ကြောင်း စခန်း တာဝန်ရှိသူ တဦးက ပြောသည်။
ယင်းမြို့နယ်အတွင်းရှိ နို့ဘိုးနှင့် အူးသူးထ စခန်းမှ ကရင် ဒုက္ခသည်များကို ထိုင်းဒေသခံ အာဏာပိုင်များက ယခုလဆန်းပိုင်းက ပြန်ပို့ရန် စီစဉ်ခဲ့သော်လည်း ဒုက္ခသည်များ၏ လုံခြုံရေး စိုးရိမ်ရကြောင်း လူ့အခွင့်အရေး အဖွဲ့များက ထောက်ပြ ကန့်ကွက်မှုများရှိသဖြင့် ခေတ္တရပ်ဆိုင်းထားခဲ့သည်။
သို့သော် ထိုင်းစစ်တပ်က အူးသူးထ စခန်းအတွင်း စည်းကမ်း တင်းကျပ်လိုက်ပြီး ဌာနေပြန်ရန် ဖိအားပေး ပြောဆိုမှုများကြောင့် ယခုလဆန်းမှ စ၍ တဖွဲဖွဲ ပြန်နေကြကြောင်း စခန်းတာဝန်ရှိသူထံမှ သိရသည်။
“ဒါ နင်တို့နိုင်ငံ မဟုတ်ဘူး။ နင်တို့ရွာတွေဘက်မှာလည်း တိုက်ပွဲတွေ ဘာတွေ မရှိတော့ဘူး ဆိုပြီး သူတို့ လာလာပြီး ပြောတယ်လေ။ စခန်းထဲက လူတွေလည်း တို့စရာတောင် သွားရှာလို့ မရဘူးလေ။ အခု စခန်းမှာ (လုံခြုံရေးတပ်ဖွဲ့ဝင်) အယောက် ၄၀ ကျော် ချထားတယ်” ဟု သူက မဇ္ဈိမကို ပြောသည်။
အူးသူးထ စခန်းတွင် ဒုက္ခသည် အိမ်ထောင်စု ၃၀၄ စုရှိပြီး လူဦးရေ ၁၉၉၈ ဦးရှိကာ ယခုလ ၁၂ ရက်နေ့ တွင် စာရင်းပြန်စီစစ်ရာ ၁၀၇၀ ဦးသာ ကျန်ရှိတော့သည်ဟု ဆိုသည်။
ယခုလ ၈ ရက်နေ့က အိမ်ထောင်စု ၂၉ စု တပြိုင်တည်း ပြန်သွားကြပြီး အများစုသည် ဘားအံခရိုင်တွင်းရှိ ဝါ့မီကလား၊ တာအူးကေထ၊ ပို့ဖေါ်လေး၊ ပနွဲ့ပူ စသည့်ရွာများမှ ဖြစ်သည်။ ယင်းမှ ဝါ့မီကလားရွာသို့ ပြန်သူ လူဦးရေ ၄၀၀ ကျော်ရှိကြောင်း သိရသည်။
ထာ့ဆောင်ယန်း မြို့နယ်အတွင်းရှိ ဒုက္ခသည်များကို ပြန်ပို့ရန် ယခင် ၂၆ ရက်နေ့က နိုဘိုးစခန်း၌ တာ့ခ်ခရိုင် အာဏာပိုင်များ၊ ကုလသမဂ္ဂ ဒုက္ခသည်ရုံး၊ အန်ဂျီအိုများ၊ ကရင့်အမျိုးသား အစည်းအရုံး -KNU နှင့် တိုးတက်သော ကရင်ဗုဒ္ဓဘာသာတပ် DKBA တို့ ဆွေးနွေးခဲ့သေးသည်။
KNU နှင့် DKBA တာဝန်ရှိသူတို့က ဒုက္ခသည်များ ပြန်ကြမည့် နယ်မြေများတွင် မြေမြုပ်မိုင်းများရှိသဖြင့် လုံခြုံရေး စိုးရိမ်ရကြောင်း ယင်းဆွေးနွေးပွဲအပြီး ပြောဆိုခဲ့ကြသည်။
DKBA တပ်မဟာ ၉၉၉ လက်အောက်ခံ တပ်ရင်း ၇ မှ အရာရှိတဦးက “ကျနော်တို့က ပြောပြီးပြီ ဒီနယ်မြေ၊ ဒီဂွင်တွေမှာ KNU စစ်တပ်နဲ့ ကျနော်တို့တွေ နယ်မြေလုံခြုံရေးအတွက် ထောင်ထားတဲ့ မိုင်းတွေရှိတယ်။ ဘယ်နေရာမှာ မြုပ်ထားတယ်ဆိုတာ မြင်နိုင်တာ မဟုတ်ဘူးလေ” ဟု မဇ္ဈိမကို ယနေ့ ထပ်မံ ပြောဆိုသည်။
ယင်းဒုက္ခများသည် ပြီးခဲ့သည့်နှစ် ဇွန်လပိုင်းက နအဖနှင့် DKBA ပူးတွဲ ထိုးစစ်ကြောင့် ကရင် အမျိုးသား အစည်းအရုံး -KNU တပ်မဟာ ၇ ပိုင် ဘားအံခရိုင်၊ ပိုင်ကျုံနှင့် လှိုင်းဘွဲ့မြို့နယ်များမှ မဲ့လာအားခီး၊ မဲ့လာအားထာ၊ ဝါ့မီကလား၊ ထီးကဟော အစရှိသည့် ကျေးရွားများမှ ဒေသခံ ကရင်တိုင်းရင်းသားများ ဖြစ်ကြသည်။
သူတို့သည် ထာ့ဆောင်ယန်းမြို့နယ်ရှိ မဲ့သရီ၊ သလေထာ့၊ အူသူးထ၊ နို့ဘိုး စသည့် ယာယီစခန်းများ၌ ခိုလှုံနေကြရခြင်း ဖြစ်သည်။
(ကိုဝိုင်း တည်းဖြတ်သည်)
ကိုးကန့်ဒေသတွင် ဗုံးကွဲ၊ တဦးသေဆုံး
Tuesday, 16 February 2010 18:39 ရန်ပိုင်(ဧရာဝတီ)
တရုတ် နှစ်သစ်ကူး ပွဲတော် ကျင်းပနေသည့် ကိုးကန့်ဒေသ လောက်ကိုင်မြို့တွင် ယမန်နေ့ နံနက် ၇ နာရီခွဲခန့်က ချိန်ကိုက်ဗုံး တလုံး ပေါက်ကွဲခဲ့သည့် အတွက် တရုတ် နိုင်ငံသားတဦး သေဆုံးပြီး လူအများ အပြား ဒဏ်ရာရရှိသွားကြောင်း ဒေသခံများက ပြောသည်။
လောက်ကိုင်မြို့ မူးယစ်ဆေးဝါးပြတိုက်ရှေ့ရှိ အမှိုက်ပုံးအတွင်း ပေါက်ကွဲခဲ့ခြင်း ဖြစ်သည်ဟု ဆိုသည်။
“နှစ်သစ်ကူး မတိုင်ခင်ကတည်းက လုံခြုံရေးကို တင်းကျပ်ထားတယ်။ ဒီကြားထဲက ပေါက်ကွဲတာ ဖြစ်တယ်” ဟု တရုတ်မြန်မာ နယ်စပ်မှ ဒေသခံတဦးက ပြောသည်။
ယခုပေါက်ကွဲမှုမှာ တရုတ်မြန်မာနယ်စပ်ရှိ လက်နက်ကိုင် လူမျိုးစုတပ်ဖွဲ့များကို နယ်ခြားစောင့်တပ်အဖြစ် ယခုလကုန် နောက်ဆုံးထားပြီး အသွင် ပြောင်းလဲရန် အစိုးရက သတ်မှတ်ထားချိန်နှင့်လည်း တိုက်ဆိုင်နေသည်။
ပြီးခဲ့သည့် အောက်တိုဘာလကလည်း ထိုဒေသတွင် ဗုံး ၁၄ လုံးခန့် ပေါက်ကွဲခဲ့သည်။ ထို ပေါက်ကွဲမှုနှင့် ပတ်သက်၍ စစ်အစိုးရက ယခင် မြန်မာနိုင်ငံ လူမျိုးစုများ ဒီမိုကရေစီ မဟာမိတ် တပ်ပေါင်းစု တပ်မတော် (MNDAA) ဟု ခေါ်သော ကိုးကန့်တပ်ဖွဲ့ ခေါင်းဆောင်ဟောင်း ဦးဖုန်ကြားရှင်တို့၏ လက်ချက်ဖြစ်သည်ဟု စွပ်စွဲ ပြောဆိုခဲ့သည်။
စစ်အစိုးရနှင့် အပစ်ရပ်ထားသည့် တိုင်းရင်းသား လက်နက်ကိုင် အဖွဲ့များစွာ အခြေစိုက်သည့် တရုတ်မြန်မာနယ်စပ်တွင် စစ်ရေး၊ နိုင်ငံရေး အခြေအနေများ တင်းမာလျက်ရှိသည်။
အမျိုးသား ဒီမိုကရေစီ မဟာမိတ် တပ်မတော် - NDAA (National Democracy Alliance Army) ခေါ် မိုင်းလား တပ်ဖွဲ့မှ အတွင်းရေးမှူး ဦးမင်းအိမ်သည် ပြီးခဲ့သည့်လက လုပ်ကြံခံရသည်။
နယ်ခြားစောင့်တပ် အသွင်ပြောင်းရေး အစီအစဉ်သည်လည်း အောင်မြင်မှု မရသေးပေ။
စစ်အစိုးရက နယ်ခြားစောင့်တပ် အသွင်ပြောင်းရေး ဆွေးနွေးရန် ၀ပြည် သွေးစည်း ညီညွတ်ရေး တပ်မတော် (UWSA)ကို လားရှိုးမြို့သို့ ဖိတ်ကြားခဲ့သော်လည်း ဦးပေါက်ယူချမ်းက ကျန်းမာရေး အကြောင်းပြချက်ဖြင့် ငြင်းပယ်ခဲ့သည်။ စစ်အစိုးရ ကိုယ်စားလှယ်ကို ၀နယ်မြေရှိ ပန်ဆန်းမြို့သို့ လာရောက်ရန်သာ ပြန်လည် ဖိတ်ကြားခဲ့သည်ဟု သိရသည်။
မြစ်ဖြတ်ကူးခ ဒီကေဘီအေ ကောက်ခံနေ
ဖေဖော်ဝါရီလ ၁၆ရက်။ စောခါးစူးညား (ကေအိုင်စီ)
ထိုင်း-မြန်မာနယ်စပ် ထာ့ဆောင်ယန်းမြို့နယ်ရှိ သောင်ရင်းမြစ်ကို ဖြတ်သန်းသွားလာသူ၊ ဖြတ်ကူးသူများအား ပြီးခဲ့သည့် ရက်သတ္တပတ်မှစ၍ ဒီကေဘီအေတပ်ဖွဲ့က မြစ်ဖြတ်ကူးခ ကောက်ခံလျှက်ရှိသည်ဟု ကေအိုင်စီက စုံစမ်းသိရှိရသည်။
သောင်ရင်းမြစ်ကမ်း တဖက်တချက်ကို စက်လှေဖြင့်သော်လည်းကောင်း၊ ရေတိမ်သည့်နေရာတွင် လူကိုယ်တိုင် ဖြတ်ကူး၍ သော်လည်းကောင်း သွားလာပါက မည်သူမဆို တဦးလျှင် ထိုင်းငွေ ၅ဘတ်မှ ၁၀ဘတ်အထိ ပေးဆောင်ရန် ကလေ့မိုထာ့ စခန်း အခြေစိုက် ဒီကေဘီအေ တပ်မဟာ(၉၉၉)လက်အောက်ခံ တပ်ရင်း(၇)က ကောက်ခံနေခြင်းဖြစ်ကြောင်း ထိုင်းဘက် ကမ်းရှိ နိုဘိုးရွာသားတဦးက ပြောသည်။
ထိုင်းနိုင်ငံဘက်ခြမ်းရှိ နိုဘိုးရွာသူရွာသားများသည် အများအားဖြင့် ၎င်းတို့၏ ကောက်ပဲသီးနှံများနှင့် ဆေးရွက်ကြီးကို မြန် မာဘက်ခြမ်း၌ သွားရောက်စိုက်ပျိုးကြပြီး ယခုလို သီးနှံပေါ်ချိန်၊ ဆေးရွက်ကြီးခူးသည့်အချိန်၌ သွားရောက်ခူးဆွတ်ရန် သောင်ရင်းမြစ်ကို ဖြတ်ကူးသွားရာတွင် ကူးခ နေ့စဉ် ပေးနေရသည်ဟု အဆိုပါ နိုဘိုးကျေးရွာသားတဦးက ပြောသည်။
“နိုဘိုးရွာသားတွေက ပိုက်ထောင်ငါးရှာတာပဲဖြစ်ဖြစ်၊ စိုက်ပျိုးခြံသွားတာပဲဖြစ်ဖြစ်၊ ထင်းသွားခွေတာပဲဖြစ်ဖြစ် သောင်ရင်း မြစ်ကို ဖြတ်ကူးရတယ်လေ။ အရင်က ကေအဲန်ယူ ရှိတုန်းကဆိုရင် ကျနော်တို့ လွတ်လွတ်လပ်လပ် သွားလာလို့ရတယ်။ အခုဆို ဒီကေဘီအေက အသွား ၅ဘတ်၊ အပြန် ၅ဘတ် တောင်းတယ်။ စိုက်ခင်းမှာ ညအိပ်သွားလည်း မရတော့ မနက် သွား ညပြန် နေ့တိုင်း ပေးရတော့ ကျနော်တို့ လုပ်ကိုင်စားသောက်ရတာ အတော်ဒုက္ခရောက်တယ်”ဟု သူက ဆိုသည်။
အလားတူ မြန်မာဘက်ခြမ်းရှိ ကလေ့ဖိုးကလိုးရွာသူရွာသားများကလည်း ဆန်၊ ဆီ၊ ဆား၊ ငရုပ်သီး၊ ငါးပိ စသည့် ရိက္ခာ အစားအစာများကို ထိုင်းနိုင်ငံဘက်ခြမ်းသို့ လာရောက်ဝယ်ယူရာတွင် ကလေ့မိုထာ့ဂိတ်၌ ဖြတ်သန်းခ ပေးဆောင်ရသည့် အပြင် ၎င်းတို့လွယ်လာသည့် အိတ်၊ ပလိုင်းများအတွင်း ဒီကေဘီအေက မွေနှောက်စစ်ဆေးမှုများ ပြုလုပ်သည်ဟု ကလေ့ ဖိုးကလိုးရွာသားတဦးက ပြောသည်။
ဒီကေဘီအေတပ်ဖွဲ့ဝင်များသည် ၎င်းတို့ကောက်ခံသည့် မြစ်ကူးခ မပေးဘဲ သောင်ရင်းမြစ်ကို ခိုး၍ ဖြတ်ကူးသူများအား တွေ့ရှိပါက ဒဏ်ငွေအဖြစ် ထိုင်းဘတ်ငွေ ရာဂဏန်းအထိ ပေးဆောင်ခိုင်းမည်ဟု ပြောဆိုကြောင်း နိုဘိုးရွာသားများက ပြောသည်။
သို့သော် အဆိုပါကိစ္စနှင့် ပတ်သက်၍ ကလေ့မိုထာ့စခန်းမှ ဒီကေဘီအေ တာဝန်ရှိသူတဦးကို ကေအိုင်စီက ဆက်သွယ်မေး မြန်းရာ ၎င်းတို့အနေဖြင့် ယခင်ကအတိုင်းပင် မည်သည့်ဖြတ်ကူးခမျှ ကောက်ခံခြင်းမရှိကြောင်း ပြန်လည်ဖြေကြားခဲ့သည်။
ဒီကေဘီအေတပ်များသည် ယင်းသို့ မြစ်ဖြတ်ကူးခပေးရန်အတွက် ပြီးခဲ့သည့် ဇန်န၀ါရီလမှစ၍ အမိန့်ထုတ်ပြီးနောက်ပိုင်း သောင်ရင်းမြစ်အတွင်း ငါးရှာရန် ပိုက်သွားထောင်သည့် နိုဘိုးရွာသားတဦးကို ဒီကေဘီအေက 79 သေနတ်ဖြင့် သုံးချက် ခြိမ်းခြောက်ပစ်ခတ်ခဲ့သေးသည်။
မျှဝေခံစားတတ်ပါစေလို့မျှော်လင့်ပါတယ်။
ကျေးဇူးပြုပြီး သင့်ရဲ့အချိန် ၅ မိနစ်ကိုဖဲ့ယူပြီး ကျွန်တော်တို့ရဲ့ကရင်လူမျိူးများ ဒုက္ခတွေကိုဘယ်လိုခံစားရင် ဆိုင်ကြုံတွေ့နေ ရလဲဆိုတာကို သေသေချာချာ စဉ်းစားပြီးသူ့တို့ရဲ့နေရာမှာ ခဏလေး ဝင်ရောက်ခံ စား ကြည့်လိုက်ပါ မိတ်ဆွေ...။
သင့်ရဲ့ကောင်းမွန်ထည်ဝါပြီး စားသောက်ဖွယ်ရာများနှင့်ပြည့်နေတဲ့စားပွဲရှေ့ထိုင်ပြီး သင်မစားသောက်ခင် သူတို့တွေဘယ် လိုစားသောက်ရှင်သန်နေရလဲဆိုတာကိုခဏလေးတွေးကြည့်လိုက်ပါဗျာ.....။
စစ်ခွေးနအဖရဲ့ ရက်စက်သတ်ဖြတ်မှု နှိပ်စက်အနိုင်ကျင့်မှု လူမဆန်မှုတွေကို လူသားအားလုံးမြင်တွေ့နိုင်ပါစေ။
မြိုင်ကြီးငူဆရာတော် ဘန်ကောက်ဆေးရုံတွင် ကုသမှုခံနေ
ဖေဖော်ဝါရီလ ၁၅ရက်။ ကေအိုင်စီ
သက်တော် ၆၄နှစ်ရှိပြီဖြစ်သည့် မြိုင်ကြီးငူဆရာတော် ဦးသုဇနသည် ကျန်းမာရေးဆိုးရွားကာ လက်ရှိအချိန်တွင် ဘန်ကောက် မြို့ရှိ ဘန်ရွန်ရပ်ဆေးရုံ၌ ကျန်းမာရေးကုသမှု လာရောက်ခံယူနေကြောင်း ဘန်ကောက်ရှိ ကရင် လူမှု အသိုင်းအ၀ိုင်းများက ပြောသည်။
ဆရာတော်ဦးသုဇနသည် လွန်ခဲ့သည့် ၅ရက်ကတည်းက ဘန်ကောက်သို့ရောက်ရှိလာကာ ဆေးကုသ ခဲ့ ခြင်းဖြစ်ပြီး ယမန်နှစ်၊ နှစ်ကုန်ပိုင်းကလည်း ဖားအံဆေးရုံ၌ ယခုလိုပင် အောက်စီ ဂျင်ပိုက်သွင်းကာ လေး ရက်ကြာ တက်ရောက်ကုသခဲ့ရသေးသည်။
ဆရာတော် ဦးသုဇနသည် ကရင်ပြည်နယ်အတွင်း အင်အားအများဆုံး အပစ်ရပ်အဖွဲ့ဖြစ်သည့် တိုးတက် သောဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ)၏ နာယကဆရာတော်တဦးလည်း ဖြစ်သည်။
၂၀၀၉ခုနှစ်၊ အောက်တိုဘာလ (၁၅)ရက်နေ့က ဆရာတော်သည် ဒီကေဘီအေ (၉၀၇) ကလို့ထူးဘော ဗျူဟာမှူး ဒုဗိုလ်မှူး ကြီးစောမုတ်သုန်နှင့်အတူ ကရင်အမျိုးသားအစည်းအရုံး(ကေအဲန်ယူမှစစ်ဦးစီးချုပ်ဗိုလ်ချုပ်ကြီးစောမူတူးစေးဖိုး ဦးဆောင် သည့် ကေအဲန်ယူခေါင်းဆောင် လေးဦးနှင့် မဲဆောက်မြို့တွင် လျှို့ဝှက်တွေ့ဆုံခဲ့ကြသည်ဟု သိရသည်။
ထိုအချိန်မတိုင်ခင်က ဆရာတော်သည် နယ်စပ်တလျှောက်တွင် တိုက်ခိုက်နေကြသည့် ကေအဲန်ယူနှင့် ဒီကေဘီအေ အဖွဲ့များ အား အပစ်အခတ်ရပ်စဲကြရန် မေတ္တာရပ်ခံစာ ထုတ်ပြန်ခဲ့သလို နအဖ ဗိုလ်ချုပ်မှူးကြီးသန်းရွှေထံသို့လည်း ၂၀၀၉ခုနှစ်၊ အောက်တိုဘာလ (၁)ရက်နေ့စွဲဖြင့် ဒီကေဘီအေတပ်ဖွဲ့ကို အပ်နှံသည့်အကြောင်း စာရေးသားပေးပို့ခဲ့သည်။
ဒီကေဘီအေတပ်ဖွဲ့သည် ၁၉၉၅ခုနှစ်က ကရင်အမျိုးသားအစည်းအရုံး(ကေအဲန်ယူ)မှ ခွဲထွက်ကာ စစ်အစိုးရနှင့် ပြန်လည်ပူး ပေါင်းခဲ့သည့် လက်နက်ကိုင်အပစ်ရပ်အဖွဲ့ဖြစ်သည်။
နအဖ၏ ထပ်မံကမ်းလှမ်းချက် ဝခေါင်းဆောင် ပယ်ချပြန်
ပေါက်ပေါက်/၁၅ ဖေဖော်ဝါရီ ၂ဝ၁ဝ(ခေတ်ပြိုင်)
ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့ ဥက္ကဋ္ဌ ပေါက်ယူချန်းအား ရှမ်းပြည်မြောက်ပိုင်း၊ စစ်ဘက်ရေးရာလုံခြုံရေးအရာရှိချုပ် ဒု-ဗိုလ်ချုပ်ကြီး ရဲမြင့်နှင့် ယခုလ (၁၄) ရက်တွင် လားရှိုးမြို့၌် တွေ့ဆုံရန် ကမ်းလှမ်းမှုအား ဝတပ်ဖွဲ့က ထပ်မံပယ်ချလိုက်သည်။
ယခုလ (၁၁) ရက်နေ့က နေပြည်တော်၊ စစ်ဘက်ရေးရာလုံခြုံရေးဌာန (စရဖ) ရုံးချုပ်မှ ဝတပ်ဖွဲ့ထံ ဖုန်းဖြင့် ဆက်သွယ်ခဲ့ပြီး ယခုလ (၁၄) ရက်တွင် ဝတပ်ဖွဲ့ ဥက္ကဋ္ဌ ပေါက်ယူချန်းအနေဖြင့် လားရှိုးမြို့သို့ လာရောက်ရန် ကမ်းလှမ်းခဲ့မှုကို ဝတပ်ဖွဲ့က ပယ်ချခဲ့ခြင်းဖြစ်သည်ဟု ဝတပ်ဖွဲ့ခေါင်းဆောင်များနှင့် နီးစပ်သူတဦးက ပြောသည်။
၎င်းက “သူတို့ပြောတဲ့နေ့ဟာ တရုတ် နှစ်သစ်ကူးနေ့လည်း ဖြစ်တယ်၊ နောက်တခုက ဥက္ကဋ္ဌက ကျန်းမာရေးလည်း မကောင်းဘူး။ အဲဒါကြောင့် အခုလ (၂ဝ) ရက်နေ့ ပန်ဆန်းကို ဗိုလ်ရဲမြင့် ကိုယ်တိုင်လာဖို့၊ တကယ်လို့ ပန်ဆန်းလာမယ်ဆိုရင် အဆင်သင့် ပြင်ထားမယ်၊ အစစအရာရာ တာဝန်ယူမယ်ဆိုပြီး အကြောင်းပြန်လိုက်တယ်။ အဲဒါနဲ့ ပတ်သက်လို့ သူတို့ဘက်ကတော့ ဘာမှ အကြောင်းမပြန်လာသေးဘူး” ဟု ပြောသည်။
ယခုကဲ့သို့ ဝတပ်ဖွဲ့က ငြင်းဆိုမှုအပေါ် နေပြည်တော်၊ စရဖရုံးချုပ်မှ မကျေမနပ်ဖြစ်သွားခဲ့သည်ဟု အဆိုပါ ဝတပ်ဖွဲ့ ခေါင်းဆောင်များနှင့် နီးစပ်သူက ပြောသည်။
၎င်းက “တရုတ်နှစ်သစ်ကူးက မြန်မာပြည်က ဝတွေနဲ့ ဘာဆိုင်လို့လဲ။ ပေါက်ယူချန်းက လားရှိုးကိုတော့ မလာနိုင်ဘူး။ တရုတ်ပြည်၊ ကူမင်းတော့ သွားနိုင်တယ်ဆိုပြီး စကားနာထိုးသွားတယ်တဲ့။ အမှန်ကတော့ဗျာ တရုတ်နယ်စပ်မှာရှိနေတဲ့ အဖွဲ့အစည်းဆိုတော့ စီးပွားရေး၊ လူမှုရေးအရ ဟိုဘက် ဒီဘက် ကူးလူးဆက်ဆံရတာ ရှိတယ်။ နှစ်သစ်ကူးကာလမှာ အပြန်အလှန် လည်ပတ် စားသောက်ကြတာရှိတယ်။ ဒါကြောင့် လာမယ့် (၂ဝ) ရက်နေ့မှ လာဖို့ ချိန်းလိုက်တာ။ နယ်ခြားစောင့်တပ်ကိစ္စ ဆွေးနွေးချင်တယ်ဆိုရင် သူကိုယ်တိုင် လာတွေ့လို့ ရတာပဲ။ ဗိုလ်ရဲမြင့် ပန်ဆန်းကို လာဖူးသေးတာပဲ။ (၃) ည လာအိပ်သွားသေး တာပဲ” ဟု ပြောသည်။
ဇန်နဝါရီ (၅) ရက်နှင့် ယခုလ (၆) ရက်ကလည်း လားရှိုးမြို့သို့ လာရောက်ရန် ဝတပ်ဖွဲ့ဥက္ကဋ္ဌ ပေါက်ယူချန်းအား ကမ်းလှမ်းခဲ့ပြီး ဝတပ်ဖွဲ့ကမူ ပေါက်ယူချန်း ကျန်းမာရေးမကောင်းသဖြင့် မလာရောက်နိုင်ကြောင်း ငြင်းဆိုခဲ့သည်။
ဥက္ကဋ္ဌ ပေါက်ယူချန်းအား ဆက်တိုက်ဆိုသလို လာရောက်ရန် ကမ်းလှမ်းနေမှုမှာ နယ်ခြားစောင့်တပ် ဖွဲ့စည်းရေးကိစ္စ ဆွေးနွေးရန်မျိုး မဟုတ်တော့ဘဲ အခြားအကြောင်းများလည်း ရှိနိုင်ကြောင်း စစ်ရေးအကဲခတ်တဦးက ခန့်မှန်းသည်။
၎င်းက “ကိုးကန့်အဖွဲ့က ဖုန်ကျားရှင် မိသားစုကို လားရှိုးရဲစခန်းက ဆင့်ခေါ်သလိုမျိုး ဝ ကို သွားလုပ်လို့မရဘူး။ လားရှိုးသွားလိုက်လို့ တကယ်လို့ ပေါက်ယူချန်းကို ဖမ်းထားလိုက်ရင် နအဖ အသာစီးရပြီ။ အမေရိကန်က မူးယစ်ဆေးဝါးကိစ္စနဲ့ ဝရမ်းထုတ်ထားတာလည်း ရှိတော့ အမေရိကန်နဲ့ ဆက်ဆံရေးပြေလည်ချင်လို့ ထိုးအပ်လိုက်ရင် ဘယ်သူတွေက ကန့်ကွက်ကြမလဲ။ ဟိုတချိန် လိုအပ်နေတုန်းကတော့ ဖုန်းကျားရှင်ကို တိုင်းရင်းသား ခေါင်းဆောင်ဆိုပြီး ကင်ပွန်းတပ်ထားရာ ကနေ မလိုအပ်တော့ မူးယစ်ဆေးဝါး တရားခံပြေးဆိုပြီး တံဆိပ်ကပ်ခဲ့သေးတာပဲ။ အခုအချိန်မှာ တိုင်းရင်းသားခေါင်းဆောင် ဆိုတာမျိုး နအဖက မလိုအပ်လို့လည်း သူတို့အောက်မှာ နယ်ခြားစောင့်တပ် လာလုပ်ခိုင်းနေတာ” ဟု ပြောသည်။
ဝတပ်ဖွဲ့ကို နယ်ခြားစောင့်တပ် အသွင်ပြောင်းရန် နအဖက ဖိအားပေးပြောဆိုနေပြီး ဝတပ်ဖွဲ့ ဒု-ဥက္ကဋ္ဌ ဦးရှောက်မီလျှံ ဦးဆောင်သည့် ဝကိုယ်စားလှယ်များနှင့် နအဖကိုယ်စားလှယ်များအကြား တွေ့ဆုံဆွေးနွေးမှု အကြိမ်ကြိမ်ရှိခဲ့သော်လည်း အဆင်မပြေနိုင်ဘဲ ဖြစ်နေချိန်တွင် ယခုကဲ့သို့ ဝခေါင်းဆောင် ပေါက်ယူချန်းအား ဆက်တိုက်ဆိုသလို ကမ်းလှမ်းနေခြင်းဖြစ်သည်။
ကုလအထူးသံ ကွင်တားနား မြန်မာနိုင်ငံသို့ ရောက်ရှိ
စိုင်းဇွမ်ဆိုင်း | တနင်္လာနေ့၊ ဖေဖေါ်ဝါရီလ ၁၅ ရက် ၂၀၁၀ ခုနှစ်(မဇ္ဈိမ)
ချင်းမိုင် (မဇ္ဈိမ) ။ ။ မြန်မာနိုင်ငံဆိုင်ရာကုလသမဂ္ဂလူ့အခွင့်အရေးအထူးသံတမန် မစ္စတာသောမတ်စ်ကွင်တားနားသည်ယနေ့ နံနက်တွင် မြန်မာနိုင်ငံသို့ ရောက်ရှိပြီဟု ရန်ကုန် ကုလသမဂ္ဂရုံးမှ အတည်ပြု ပြောကြားခဲ့သည်။
မစ္စတာ ကွင်တားနားသည် ယနေ့နံနက် ၉ နာရီတွင် မင်္ဂလာဒုံ အပြည်ပြည်ဆိုင်ရာ လေဆိပ်သို့ ရောက်ရှိခဲ့ပြီး ရန်ကုန် ကုလသ မဂ္ဂရုံးမှတာဝန်ရှိသူအချို့က သွားရောက် ကြိုဆိုခဲ့ကြသည်။
ကုလသမဂ္ဂ အထူးကိုယ်စားလှယ်သည် ရန်ကုန်မြို့ရှိ UNDP ရုံးတွင် ကုလသမဂ္ဂဝန်ထမ်းများနှင့် လတ်တလောတွေ့ဆုံဆွေးနွေးနေ ကြောင်း ကုလသမဂ္ဂရုံး၊ ပြန်ကြားရေးဌာနမှ မဇ္ဈိမကို ပြောသည်။
မစ္စတာကွင်တားနား၏ခရီးစဉ်သည်၁၉ရက်နေ့အထိဖြစ်ပြီးဒေါ်အောင်ဆန်းစုကြည်နှင့်တွေ့ဆုံလိုကြောင်းနှင့်ရခိုင်ပြည်နယ်မြောက်ပိုင်းသို့သွားရောက်လိုကြောင်း ပြောဆိုထားသည်။
ပဒိုမန်းရှာ ကျဆုံးခြင်း (၂) နှစ်ပြည့် ဆွမ်းကပ်အလှူပွဲပြုလုပ်
Sunday, 14 February 2010 ရိုးမ ၃
ကရင့်အမျိုးသားခေါင်းဆောင် ပဒိုမန်းရှာလားဖန်း ကျဆုံးခြင်း (၂) နှစ်ပြည့် အထိမ်းအမှတ်ပွဲကို ထိုင်း-မြန်မာနယ်စပ်တွင် ယနေ့ နံနက်ပိုင်းက ကျင်းပပြုလုပ်ခဲ့သည်။
အခမ်းအနားကို အမျိုးသားဒီမိုကရေစီတပ်ပေါင်းစု (မဒတ)အဖွဲ့က ဦးဆောင်၍ သံဃာတော်များကို နေ့ဆွမ်းကပ်လှူပြီး မဟာမိတ် အဖွဲ့အစည်းအသီးသီးမှ ဧည့်သည် (၅၀) ခန့်တက်ရောက်ခဲ့ကြသည်။
ကရင့်အမျိုးသားအစည်းအရုံး အထွေထွေအတွင်းရေးမှူး ပဒိုမန်းရှာလားဖန်းကို ၂၀၀၈ ခုနှစ် ဖော်ဝါရီလ ၁၄ ရက်နေ့ ညနေတွင် အမည်မသိ သေနတ်သမားနှစ်ဦးက ၎င်းနေထိုင်ရာနေအိမ်တွင် လာရောက်ပစ်ခတ်သဖြင့် ကျဆုံးသွားခဲ့ခြင်းဖြစ်သည်။
ပဒိုမန်းရှာသည် ၁၉၆၂ ခုနှစ် ဇူလိုင်(၇)ရက် ကျောင်းသားလှုပ်ရှားမှုတွင် ပါဝင်ခဲ့ပြီး ၁၉၆၆ ခုနှစ်တွင် ရန်ကုန်တက္ကသိုလ်မှ ဝိဇ္ဇာတန်းကို သမိုင်းဘာသာအဓိကဖြင့် ဘွဲ့ရရှိခဲ့သည်။
၁၉၆၃ ခုနှစ်မှ ၁၉၆၆ ခုနှစ်ထိ ကရင့်အမျိုးသားအစည်းအရုံး (KNU) မြေအောက်လုပ်ငန်းများကို လုပ်ကိုင်ခဲ့ပြီး ၁၉၆၇ ခုနှစ်မှ စတင်ကာ(KNU)သို့ ဝင်ရောက်ပြီး တာဝန်အဆင့်ဆင့်ကို ထမ်းဆောင်ခဲ့၍ ကျဆုံးချိန်တွင် အထွေထွေအတွင်းရေးမှူးတာဝန်ကို ထမ်းဆောင်နေဆဲဖြစ်သည်။
ပဒိုမန်းရှာကို ဧရာဝတီတိုင်း၊ ပန်းတနော်မြို့နယ်၊ တောကျောင်းကျေးရွာတွင် အဖမန်းဘသော်နှင့် အမိ ဂါ့နန်းတင်တို့က ၁၉၄၃ ခုနှစ် ဇူလိုင်လ (၅) ရက်နေ့တွင် မွေးဖွားခဲ့သည်။
ယနေ့ကျရောက်သည့် ပဒိုမန်းရှာ ကျဆုံးခြင်းအထိမ်းအမှတ်အခမ်းအနားကို မြန်မာဒီမိုကရေစီရေးတိုက်ပွဲဝင် အဖွဲ့အစည်းများ၊ နယ်စပ်ဒေသရှိ မြန်မာစာသင်ကျောင်းများတွင် အသီးသီးကျင်းပ ပြုလုပ်ခဲ့ကြသည်။
