ဒီကေဘီအေ တပ်ဖွဲ့ ကော့ကရိတ်မြို့နယ်တွင်း လူထုစည်းရုံးရေးနဲ့ ရန်ပုံငွေရရှိရေး လုပ်ငန်းများ လုပ်ဆောင်

နေ့သစ်မှ..........

၂၀၁၀ ခုနှစ် နိုဝင်ဘာလမှာ နအဖ စစ်အုပ်စုနဲ့ အပစ်ခတ်ရပ်တာတွေ ပျက်ပြားပြီး မြန်မာစစ်အုပ်စုကို ပြန်လည်တော်လှန် တိုက်ပွဲဝင်နေတဲ့ ဒီကေဘီအေ တပ်ဖွဲ့တွေဟာ မနေ့က နေ့လည်လောက်မှာ မြဝတီနဲ့ ကော့ကရိတ် ကားလမ်းပေါ်က ရန်ကုတ်ရွာအနီးမှာ ကျေးရွာပြည်သူတွေနဲ့ ခရီးသွားပြည်သူ၊ စီးပွားရေးလုပ်ငန်းရှင်များကို စုစည်းပြီး စည်းရုံးရေးလုပ်ငန်းနဲ့ တော်လှန်ရေးရန်ပုံငွေ ရရှိရေး လုပ်ငန်းများ လုပ်ဆောင်ခဲ့ကြောင်း ကြားသိရပါတယ်။

မနေ့က ရန်ကုတ်ရွာအနီးမှာ နေ့လည် ၁၁ နာရီကနေ ညနေ ၃ နာရီလောက်ထိ ရွာသားတွေနဲ့ ကုန်သည်၊ လုပ်ငန်းရှင် တွေကို ဒီကေဘီအေ ဗိုလ်မှူးကျော်သက် ဦးဆောင်တဲ့ တပ်ဖွဲ့မှ ဗိုလ်ဆန်းအောင် ဦးစီးကာ စည်းရုံးရေးတရားများ ဟောပြောသွားတယ်လို့ မြဝတီမြို့ ကုန်သည်အသိုင်းအဝိုင်းနဲ့ နီးစပ်သူတဦး ပြောပြတာက …
“ဟုတ်တယ် မနေ့က တောင်ပေါ်လမ်းမှာ အဆင်းကားတွေကို တားထားတာတဲ့။ ပထမတော့ ခရီးသည်တွေလည်း သေနတ်တွေနဲ့ဆိုတော့ ကြောက်နေကြတယ်တဲ့၊ ခဏကြာတော့မှ လူတွေစုပြီး စကားပြောတာတဲ့။ တော်လှန်ရေး ရန်ပုံငွေကိစ္စ ပြောတယ်။ လူထုတွေ လုပ်ငန်းရှင်တွေ အနေနဲ့ ပါဝင်ကူညီကြဖုိ့လိုအပ်တယ်လို့ ပြောသွားတယ်။ ပြော တာဆိုတာကတော့ အေးဆေးပါပဲ၊ အတင်းအဓမ္မ လုပ်တာမျိုး မဟုတ်ပါဘူး” လို့ ပြောပြသွားပါတယ်။
အခြေအနေ အပြည့်အစုံကိုသိရဖို့ ဒီကေဘီအေ တပ်ဖွဲ့ကို ဆက်သွယ်မေးမြန်းခဲ့ရာ ပြောရေးဆိုခွင့်ရှိသူ ဗိုလ်ဆန်းအောင် က …
“ကျနော်တို့ ပြည်သူတွေ အဖိနှိပ်ခံဘဝမှ လွတ်မြောက်ဖို့၊ စစ်မှန်တဲ့ ဒီမိုကရေစီရရှိရေးအတွက် တိုက်ပွဲဝင်နိုင်ဖို့ ကျနော်တို့ တိုက်ပွဲဝင်နေတယ်၊ ကျနော်တို့ကို ပြည်သူလူထုအနေနဲ့ စိတ်ဓါတ်အရ အားပေးတာကျေးဇူးတင်တယ်၊ ဒါပေမယ့် စိတ်ဓါတ်အရ အားပေးတာလောက်နဲ့ မလုံးလောက်ဘူး၊ လက်တွေ့လုပ်ပေးနိုင်တာတွေကို လုပ်ပေးနိုင်ရင် ပိုကောင်းမယ်။ တော်လှန်ရေးလုပ်တယ်ဆိုတာ ရန်ပုံငွေလိုအပ်ပါတယ်။ တော်လှန်ရေး ရဲဘော်တွေအတွက် ဝတ်စရာ စားစရာ လက်နက်ခဲယမ်း အဲဒါတွေအတွက် ငွေလိုအပ်ပါတယ်။ ကျနော်တို့ အဲဒီလို ပြောပြီး စည်းရုံးခဲ့တာပါ။ မနေ့က ကျနော်တို့ စည်းရုံးပြီး အကူအညီတောင်းခံခဲ့တာ ကျပ်ငွေ ၂၁ သိန်း ကျော်ကျော် လက်ခံရရှိပါတယ်။ နောက်ပိုင်းမှာ လုပ်ငန်းရှင်တွေအတွက် လုပ်ငန်းခွင့်ပြုလက်မှက် ပုံမှန်လုပ်ဖို့ကိုပါ နေရာသတ်မှတ်ပေးထားပါတယ်။ ကျနော်တို့ လက် ရှိ တော်လှန်ရေး လုပ်နေတယ်ဆိုတာ ပြည်သူတွေနဲ့ ပူးပေါင်းပြီး ရပ်တည်တဲ့ တော်လှန်ရေး ဖြစ်တယ်။ ကျနော်တို့ တဦးတယောက်ထဲ တမျိုးသားထဲအတွက် လုပ်တာမဟုတ်ဘူး။ ကျနော်တို့ ပြည်သူတွေအားလုံးနဲ့ ပူးပေါင်းလုပ်တဲ့ တော်လှန်ရေး ဖြစ်တယ်။ ကျနော်တို့ လိုအပ်တာကို ပြည်သူလူထုဆီက အကူအညီတောင်းတယ် ပြည်သူလူထုကို မှီခိုတယ်။ ပြည်သူလူထုကြားမှာပဲ တည်ဆောက်တယ်။” လို့ ပြောပြသွားပါတယ်။
ဒီကေဘီအေ တပ်ဖွဲ့တွေရဲ့ စည်းရုံးရေးလုပ်ငန်းလုပ်ဆောင်မှုမှာ အချိန် ၃ နာရီခန့် ကြာမြင့်ခဲ့ပါတယ်။ ညနေ ၅ နာရီ လောက်မှာ ကြံ့ဖွံ့အစိုးရ စစ်တပ်ဘက်မှ လက်နက်ကြီးများနဲ့ ၇ ချက်လှမ်းပစ်ခဲ့တယ်လို့ သိရှိရပါတယ်။
ပြီးခဲ့တဲ့ မေလ နောက်ဆုံးသတင်းပတ်တွေမှာ ယခင် ဒီကေဘီအေဌာနချုပ်ဖြစ်ခဲ့တဲ့ မြိုင်ကြီးငူစခန်းကို နယ်ခြားစောင့် တပ်ဖွဲ့စည်းရေးကို လက်မခံတဲ့ ဒီကေဘီအေတပ်တွေက ထိန်းချုပ်လိုက်ပြီးတဲ့နောက်ပိုင်းမှာ ဒီကေဘီအေ တပ်ဖွဲ့တွေ ရဲ့ တော်လှန်ရေးနယ်မြေ တိုးချဲရေးနဲ့ အုပ်ချုပ်ရေးနဲ့ စည်းရုံးရေးလုပ်ငန်းတွေ ပိုမိုလုပ်လာနိုင်တာ တွေ့ရှိရပါတယ်။

Read More...

တန်ပြန်တော်လှန်မှုသာ ဒီကေဘီအေ၏ အနာဂတ်ပန်းတိုင်

KIC (ခေါင်ဆူလိုင့်)

သမ္မတ ဦးသိန်းစိန်၏ အရပ်သားအစိုးရသစ် ပေါ်ထွန်းလာခဲ့သော်လည်း ကရင်ပြည်နယ်အတွင်းမှာတော့ ဧပြီလမကုန်ခင်အ တွင်း လှိုင်းဘွဲမြို့နယ် မြိုင်ကြီးငူဒေသတွင် ဒီကေဘီအေမှ နယ်ခြားစောင့်တပ် ပြောင်းလဲဖွဲ့စည်းလိုက်သည့် အဖွဲ့အချင်းချင်း ပစ်ခတ်မှုများ ဖြစ်ပွားခဲ့သည်။ အလားတူ ကြာအင်းဆိပ်ကြီးမြို့နယ် ကျိုက်ဒုံရွာကြီးတ၀ိုက်တွင်လည်း သေနတ်သံများ ဆူညံ ကာ ဒေသခံ ရွာသူရွာသားများမှာ နေ့နေ့ညည ကျင်းပုန်းထဲ ရှောင်တိမ်းနေရသည်။

ကျိုက်ဒုံကျေးနယ် မိတန်ရွာသူတစ်ဦးက “တိုက်ပွဲဖြစ်တဲ့အသံတွေကတော့ အခုပိုပိုကြားလာရတယ်။ ဒီလပိုင်း၊ ရက်ပိုင်းထဲမှာ ဗုံးကျင်းထဲ ပုန်းနေရတာပိုများနေတယ်။ ရွာပြင်ထွက်စရာရှိရင်တောင် စစ်တပ်တွေ မရှိတဲ့ဘက်ကို ရှောင်ကွင်းသွားလာနေရ တယ်။”ဟု ဆိုသည်။

၎င်းတိုက်ပွဲများမှာ အစိုးရ၏ စစ်တပ်နှင့် နယ်ခြားစောင့်တပ် ပြောင်းလဲဖွဲ့စည်းရန်ကို လက်မခံခဲ့သည့် ဒီကေဘီအေတပ်ဖွဲ့အ ကြား ဖြစ်ပွားနေသည့် နယ်စပ်ဒေသ စစ်ရေးပဋိပက္ခ နောက်ဆက်တွဲပင် ဖြစ်သည်။

မြန်မာစစ်တပ်သည် နှစ်ပေါင်း ၂၀အတွင်း ပထမဆုံးအကြိမ်အဖြစ် ပြုလုပ်သည့် ရွေးကောက်ပွဲမတိုင်ခင် ၁၉၉၅ခုနှစ်ကတည်း က အပစ်ရပ်ခဲ့သည့် တိုင်းရင်းသားလက်နက်ကိုင် အဖွဲ့အစည်းများကို နယ်ခြားစောင့်တပ်အသွင် ပြောင်းလဲဖွဲ့စည်းရန် ၂၀၀၉ ခုနှစ်ဆန်းပိုင်းမှစ၍ ဖိအားပေးလာခဲ့သည်။

ထို့ကြောင့် ခန့်မှန်းခြေ တပ်ဖွဲ့ဝင်အင်အား ၁,၂၀၀ခန့်ရှိ ဗိုလ်မှူးကြီးစောလားပွယ် (ဗိုလ်နှုတ်ခမ်းမွှေး) ဦးစီးသော ဒီကေဘီအေ တပ်မဟာ(၅)အဖွဲ့မှာ နယ်ခြားစောင့်တပ်ကို လက်မခံဘဲ ငြင်းဆန်ခဲ့ပြီး ရွေးကောက်ပွဲရက်အတွင်း ကရင်ပြည်နယ်စပ် မြ၀တီ မြို့ရှိ နေရာအချို့ကို သိမ်းယူထားပြီး နောက်တစ်ရက်တွင် စစ်တပ်နှင့် မြို့ပြတိုက်ပွဲ ဖြစ်ပွားခဲ့သည်။

“နအဖရဲ့ ဒီရွေးကောက်ပွဲက မမှန်ကန်ဘူး။ လူထုအပေါ်လည်း မှန်ကန်မှုမရှိဘူး။ ကရင်လူမျိုးတွေအားလုံး ပပျောက်သွား အောင် လုပ်နေတာ။ နအဖတွေက ကျနော်တို့ ကရင်လူမျိုးတွေရဲ့ တိုးတက်မှု၊ ပညာရေးအားလုံးကို ဖျက်ဆီးပစ်တယ်။ ကရင် လူမျိုးတွေ အသက်ရှည်ပေမဲ့ အသက်မရှိသလိုမျိုးဖြစ်အောင် လုပ်နေတာ။ ကျနော်တို့က မှန်ကန်တဲ့နည်းလမ်းကို ပေါ်လွင် အောင် လုပ်မယ်။ နအဖပေးထားတဲ့ (BGF)တံဆိပ်ကို အားလုံး မီးရှို့ဖျက်ဆီးပစ်တယ်။ ကျနော်တို့လုပ်နေတာ ကျနော်တို့လူ မျိုးအတွက်ဆိုတော့ ဆက်လုပ်ရအုံးမယ်လေ။”ဟု ရွေးကောက်ပွဲရက်က ကေအိုင်စီကို ပြောဆိုခဲ့သည်။

ဒီကေဘီအေသည် နအဖ၏ ရွေးကောက်ပွဲရက်အပြီး ၂၀၁၀ခုနှစ်၊ နိုဝင်ဘာလ ၈ရက်နေ့မှစ၍ ယခုအချိန်ထိတိုင် စစ်တပ်နှင့် ဆက်တိုက်ဖြစ်ပွားခဲ့သည့် တိုက်ပွဲများကြောင့် ဗိုလ်နှုတ်ခမ်းမွှေး အခြေစိုက်ရာ မြ၀တီတောင်ဘက်ရှိ ဝေါ်လေ၊ ဖလူးဒေသများမှ သောင်းနှင့်ချီသည့် ရွာသူရွာသားများမှာ စစ်ပြေးဒုက္ခသည်များအဖြစ် ထိုင်းဘက်ခြမ်းသို့ ကစဥ့်ကလျား ရှောင်တိမ်းခိုလှုံနေထိုင် ခဲ့ရသည်။

သို့သော် ပြည်တွင်းရှိ ကရင်လူထုအများစုက ဒီကေဘီအေအဖွဲ့၏ လုပ်ရပ်မှာ မှန်ကန်သင့်လျော်ကြောင်း ထောက်ခံခဲ့ကြသလို ပြည်ပရောက် ကရင်များကလည်း ငွေကြေးအားဖြင့် ထောက်ပံ့ကူညီ အားပေးခဲ့ကြသည်။

မြ၀တီမြို့နယ် ရွှေကုက္ကိုကျေးရွာမှ ရွာသူတစ်ဦးက “ဗမာတွေဟာ ကရင်အဖွဲ့တွေကို တဖွဲ့ပြီးတဖွဲ့ ခွဲထုတ်တယ်။ အခုဆို ဒီကေဘီအေဟာလည်း နှစ်ဖွဲ့ကွဲထွက်သွားတယ်။ ဒါပေမဲ့ ဗမာစစ်တပ်နဲ့ ပြန်ပေါင်းတာထက် ဗိုလ်နှုတ်ခမ်းမွှေးတို့လို ပြန်တိုက် တာက ပိုကောင်းတယ်လေ။ စစ်တပ်နဲ့ပေါင်းနေလည်း သူတို့ခွင့်ပြုချက်အောက်ကပဲ လုပ်နေရတာပဲ။ ကိုယ့်အမျိုးသားအတွက် ဘာမှလုပ်ပေးနိုင်တာလည်း မဟုတ်ဘူးလေ။”ဟု ဆိုသည်။

ရွေးကောက်ပွဲကို ဆန့်ကျင်ကာ စစ်တပ်ကို ပြန်လည်တော်လှန်ကာ ဦးဆောင်တိုက်ခိုက်ခဲ့သည့် ဗိုလ်မှူးချုပ်စောလားပွယ်ကို နော်ဝေအခြေစိုက် ဘက်မလိုက် လွတ်လပ်သော ကရင်လူမှုအဖွဲ့အစည်းက ၂၀၁၀ခုနှစ်၊ ဒီဇင်ဘာလ ၄ရက်နေ့က ကရင်အမျိုး သား ဒီမိုကရေစီသူရဲကောင်းဆု ပေးအပ်ခဲ့သည်။

ထိုဆုနှင့်ပတ်သက်၍ ဗိုလ်မှူးချုပ်စောလားပွယ်က “ဒီဆုဟာ ကလို့ထူးဘောက DKBA ရဲဘော်ရဲဘက်တွေအပြင် တိုင်းရင်း သား ပြည်သူလူထုအားလုံးအတွက် ဖြစ်ပါတယ်။ ရှေ့ဆက် မြန်မာနိုင်ငံ ဒီမိုကရေစီနဲ့ ငြိမ်းချမ်းရေးရရှိတဲ့အထိ ကျနော်တို့ ကြိုး ပမ်းသွားမယ်။”ဟု ကေအိုင်စီကို ပြောဆိုခဲ့သည်။

ဆုချီးမြှင့်သည့်အဖွဲ့၏ ပြောရေးဆိုခွင့်ရှိသူ စောမောသို ၅၈နှစ်က “ဗိုလ်နှုတ်ခမ်းမွှေးက စောဘဦးကြီး မူလေးချက်အရ နအဖ (စစ်တပ်)ကို ပြန်တိုက်မှာပဲ။ သူ့ကို ကေအဲန်ယူနဲ့ ရာသက်ပန်ပြန်ပေါင်းဖို့အတွက် ကျနော်တို့အဖွဲ့အနေနဲ့ ဆုချီးမြှင့်ထားတာပဲ။ ဒီတော့ ရှေ့ဆက် သူ့ကိုယ်ကျိုးထက် အမျိုးသားရေးအကျိုးကို ရပ်တည်စေချင်ပါတယ်။”ဟု ပြောသည်။

ဒီကေဘီအေ၏ လက်ရှိ ရပ်တည်ချက်နှင့် လုပ်ဆောင်ချက်သည် ကေအဲန်ယူနှင့် တစ်ထပ်တည်း ဖြစ်သည့်အတွက် ရှေ့ဆက် လက်တွဲလုပ်ဆောင်လိုပါက ကြိုဆိုလျှက်ရှိကြောင်း ကေအဲန်ယူ ဒုဥက္ကဌ ပဒိုစောဒေးဗစ်သကဘောက ပြောသည်။

“ဒီကေဘီအေကတော့ မာနယ်ပလောကျရင် ကရင်ပြည်နယ်ရဲ့ အစိုးရပဲ ဖြစ်တော့မလိုလို အပြောတွေနဲ့ နအဖရဲ့ အလိမ်ခံခဲ့ရ တယ်။ အရင်ကတော့ စစ်အာဏာရှင်။ အခုက သိန်းစိန် အာဏာရှင်အစိုးရပါပဲ။ လက်ရှိမှာ ဒီကေဘီအေက အာဏာရှင် ပြုတ် ကျရေး၊ ဒီမိုကရေစီနဲ့ ငြိမ်းချမ်းရေးအတွက် တိုက်ပွဲဝင်နေတယ်ဆိုတော့ ကေအဲန်ယူနဲ့ ရည်မှန်းချက်ချင်း တူနေတယ်။ ဒီအ တွက် နောက်ဆို ကေအဲန်ယူနဲ့ ပူးပေါင်းဖို့ဆန္ဒရှိရင် ကျနော်တို့က ကြိုဆိုနေတာပါပဲ။”ဟု စောဒေးဗစ်သကဘောက ဆိုသည်။

ပြီးခဲ့သည့် ဧပြီလ ၂၁ရက်နေ့က ကေအဲန်အယ်လ်အေ တပ်မဟာ(၇)ထံသို့ ထွက်ပြေးရောက်ရှိလာသည့် နယ်ခြားစောင့်တပ် (၁၀၁၆)မှ တပ်ကြပ် စောကံကောင်းက ဗိုလ်မှူးချုပ်စောလားပွယ်၏လုပ်ရပ် မှန်ကန်သည့်အပေါ် မိမိတို့အနေဖြင့် ထောက်ခံ ကြောင်း ယခုလို ပြောသည်။

တပ်ကြပ်စောကံကောင်းက “ဖူးနှုတ်ခမ်းမွှေး(စောလားပွယ်)လုပ်ရပ်ဟာ မှန်ကန်ပြီး အကောင်းဆုံးပါပဲ။ ဒါပေမဲ့ ကျနော်တို့ ခေါင်းဆောင်တွေ နယ်ခြားစောင့်တပ် လက်ခံလိုက်တဲ့အပေါ် အောက်ခြေတပ်သားအဖြစ် ကျနော်တို့က သူတို့နဲ့ လိုက်ပါခဲ့ရ တာပေါ့။ တကယ်တော့ ကျနော်တို့စိတ်တွေကလည်း ဖူးနှုတ်ခမ်းမွှေးတို့ဆီမှာပဲ ရှိပါတယ်။”ဟု ဆိုသည်။

လက်ရှိအချိန်တွင် နယ်ခြားစောင့်တပ်ကို လက်ခံခဲ့သည့် ယခင် ဒီကေဘီအေတပ်ဖွဲ့ဝင်များမှာ တင်းကြပ်သည့် စစ်စည်းကမ်း သတ်မှတ်ချက်များကြောင့် လစာ၊ ရိက္ခာရရှိသည့်တိုင် အခက်အခဲရှိနေကြသည်။ ၎င်းအပြင် နယ်ခြားစောင့်တပ်ဖွဲ့ဝင်များ၏ သွားလာရေးသည်လည်း မိမိတပ်ရင်းမှူး၏ လက်မှတ်အပြင် စစ်ဖက်ရေးရာ အထူးလုံခြုံရေးအဖွဲ့(စအဖ)၏ ထောက်ခံချက်ပါ ရရှိမှသာ သွားလာနိုင်သည့်အပေါ် ဒီကေဘီအေအနေဖြင့် ရပ်တည်မှုထက် စိတ်ကျဉ်းကြပ်ရကြောင်း နယ်ခြားစောင့်တပ်မှူး တစ်ဦးက ပြောပြသည်။

အင်အားကြီးမားသည့် အစိုးရစစ်တပ်ကို ပြောက်ကျားတိုက်ပွဲများဖြင့် တော်လှန်တိုက်ခိုက်နေရသည့် ဒီကေဘီအေအနေဖြင့် လက်နက်ခဲယမ်းနှင့် စားနပ်ရိက္ခာများအတွက် ရန်ပုံငွေရရှိရန် ၎င်းတို့ပြောက်ကျားလှုပ်ရှားရာ နယ်မြေများတွင် အခွန်ငွေများ ကောက်ခံသည့် ကြေညာချက်ကို ယခုနှစ်ဆန်းပိုင်းက ထုတ်ပြန်ထားခဲ့သည်။

၎င်းအပြင် ဗိုလ်မှူးချုပ်စောလားပွယ်သည် ယခင်က မူးယစ်ဆေးဝါး ထုတ်လုပ်ရောင်းဝယ်သည်ဟု သတင်းများ ထွက်ပေါ်ခဲ့ သည့်အပေါ် လက်ရှိ လုပ်ရပ်အတွက် ယုံကြည်မှု မည်မျှရှိနိုင်မည်ကို သူနှင့် လက်တွဲတိုက်ပွဲဝင်ခဲ့ဖူးသူ အမေရိကန်ရောက် ကေအဲန်အယ်လ်အေ တပ်မှူးဟောင်းတစ်ဦးက ယခုလို ပြောဆိုသည်။

“ကရင့်တော်လှန်ရေး အစပိုင်းကလည်း ဓားပြတိုက်တာပဲ။ ရန်ပုံငွေပိုက်ဆံမရှိလို့ ဓားပြတိုက်ပြီး သေနတ်ဝယ်တယ်။ ဒါ ကရင့် တော်လှန်ရေးဖြစ်စဉ်။ သူတို့(ဗိုလ်နှုတ်ခမ်းမွေး)လည်း ငြိမ်းချမ်းရေးလုပ်နေတဲ့ကာလမှာ ပိုက်ဆံမရှိလို့ မူးယစ်ဆေးဝါး လုပ်ချင် လည်းလုပ်မှာပဲ။ အဲဒီတော့ မူးယစ်ဆေးဝါးလုပ်လို့ရတဲ့ငွေတွေနဲ့ ကျည်ဆံဝယ်ပြီး သူတို့ ပြန်ချမယ်။ မူးယစ်ဆေးဝါးနဲ့ကင်းတဲ့ ဗမာပြည်ရဲ့ တော်လှန်ရေးအဖွဲ့ကတော့ အတော်နည်းမယ် ထင်တယ်။ ဆိုတာက အပြစ်ကိုမရှာကြနဲ့။ အဓိကတိုက်ရမှာက ရန်သူဖြစ်ရမယ်။ ဒီတော့ ရန်သူရဲ့ရန်သူဟာ မိတ်ဆွေဖြစ်တယ်ဆိုတဲ့ ဒဿနအတိုင်း ကျနော်တို့ ကျင့်သုံးရမှာပဲ။”ဟု ဗိုလ်မှူး ဟောင်းမန်းကီးဒိုဇန်က ပြောသည်။

ယခုနှစ် မတ်လတွင် စစ်တပ်နောက်ခံသည့် နအဖ ဗိုလ်ချုပ်မှူးဟောင်းများ ပါဝင်သည့် ပြည်ထောင်စု ကြံ့ခိုင်ဖွံ့ဖြိုးရေးပါတီမှ အစိုးရသစ်အဖြစ် နိုင်ငံကို အုပ်ချုပ်သွားမည့်အပေါ် ဒီကေဘီအေအနေဖြင့်လည်း တော်လှန်သည့် ပြောက်ကျားတိုက်ပွဲများကို သာ ဆက်လက် ဆင်နွဲသွားမည်ဖြစ်ကြောင်း ကလို့ထူးဘော အခြေစိုက် G2 စစ်ဆင်ရေးမှူး ဗိုလ်မှူးစောဆန်းအောင်က ကေ အိုင်စီကို ပြောဆိုခဲ့သည်။

ပြည်ပရောက် ကရင်ပြည်သူတစ်ဦးက “ဗိုလ်နှုတ်ခမ်းမွှေးတို့နဲ့ ပတ်သက်လာရင် ရန်သူကို ပြန်တိုက်နေတယ်ဆိုတော့ ကျနော် တို့က သိပ်ကြိုဆိုတာပေါ့။ ရန်သူကို တိုက်နေသမျှ ကာလပတ်လုံး ကရင်ပြည်သူတွေကလည်း ထောက်ခံတယ်။ နိုင်ငံတကာ ရောက် ကရင်တွေကလည်း တမျိုးသားလုံးရဲ့ရန်သူကို ဆန့်ကျင်နေရင်တော့ ထောက်ခံရုံတင်မကဘူး ၀ိုင်းဝန်းပံ့ပိုးမယ်ဆိုတဲ့ သဘောထားရှိတယ်။ ကရင့်ရဲဘော်တွေဟာ ပြည်သူ့ရဲဘော်တွေပဲ။ တစ်နေ့ ကရင်အလံတစ်ခုတည်းအောက်မှာ၊ အဖွဲ့တစ်ခု တည်းအောက်မှာ အတူလက်တွဲတိုက်ရမှာဖြစ်တယ်လို့ ကျနော်က အကြွင်းမဲ့ ယုံကြည်ထားပါတယ်။”ဟု ပြောသည်။

Read More...

ဘုရားသုံးဆူ စခန်းထိုင်တပ် တိုက်ခိုက်ခံရ

နေ့သစ် မှ.......

ကရင်ပြည်နယ် မြဝတီမြို့ အနီး ကော့ကရိတ်၊ ဝေါ်လေ နဲ့ မြိုင်ကြီးငူ ဒေသတွေမှာ ဒီကေဘီအေ၊ ကေအန်ယူ ပူးပေါင်းတပ်ဖွဲ့တွေနဲ့ ကြံ့ဖွံ့အစိုးရ စစ်တပ်အပြင် နယ်ခြားစောင့်ကို လက်ခံတဲ့ လက်နက်ကိုင်တပ်ဖွဲ့တွေ အပြန်အလှန်တိုက်ခိုက်မှုတွေဟာ ဒီရက်ပိုင်းထဲမှာ ပိုမိုများလာတာကို ပြည်ပ သတင်းဌာနတွေမှာ တွေ့မြင်နေရပါတယ်။
မွန်၊ ကရင် ပူတွဲဒေသတခုဖြစ်တဲ့ ဘုရာသုံးမှာ ဒီကနေ့မနက်ကပဲ ဘုရားသုံးဆူ စခန်းထိုင် ကြံ့ဖွံ့အစိုးရ စစ်တပ် ခလရ ၂၈၄ တပ်စခန်းကို ကေအန်ယူ တပ်မဟာ ၆၊ တပ်ရင်း ၁၆ တပ်ဖွဲ့ဝင်တွေက ဝင်ရောက်တိုက်ခဲ့ပါတယ်။ တိုက်ပွဲပြီးဆုံးချိန်မှာ ကြံ့ဖွံ့အစိုးရ တပ်ဆီက လက်နက်ငယ်တလက် သိမ်းဆီးရရှိခဲ့ပြီး၊ ထိခိုက်ကျဆုံးမှုကိုတော့ မသိရှိရသေးပါ။
ဘုရားသုံးဆူဒေသဟာ ဒီကေဘီအေနဲ့ နအဖ စစ်အစိုးရတို့ အပစ်ခတ်ရပ်စဲရေးတွေ ပျက်ပြားပြီး ၂၀၁၀ နိုင်ဝင်ဘာလအတွင်းက တိုက်ပွဲတွေ ပြန်လည်ဖြစ်ပွားခဲ့တဲ့ ဒေသတွေထဲက တခုအပါအဝင် ဖြစ်ပါတယ်။

Read More...

သစ်ခြောက်ပင် စခန်းကို ဒီအေဘီအေ တပ်ဖွဲ့ တိုက်ခိုက်

နေ့သစ်မှ........


ကရင်ပြည်နယ် မြဝတီမြို့နဲ့ ကော့ကရိတ်မြို့ အကြားက ကြံ့ဖွတ်အစိုးရ စစ်တပ်ထိုင်တဲ့ သစ်ခြောက်ပင် စခန်းကို ဗိုလ်ကျော်သက် ဦးစီးတဲ့ ဒီကေဘီအေ စစ်ကြောင်းမှ မေလ ၂၈ ရက် ညနေ ၄ နာရီခွဲမှာ ဝင်ရောက်တိုက်ခိုက်ခဲ့ပြီး တိုက်ပွဲဖြစ်ပွားချိန် နာရီဝက် ကြာမြင့်ခဲ့ပါတယ်။
သစ်ခြောက်ပင် စခန်းဟာ တောင်သုံးလုံးနဲ့ တောင်ပြတ်ကြားက မြဝတီနဲ့ ကော့ကရိတ် ကုန်သည်ကားလမ်းပေါ်မှာ ရှိပြီး စကခ ၁၂ လက်အောက်ခံ ခမရ ၅၄၁ တာဝန်ယူထားတဲ့ နေရာ ဖြစ်ပါတယ်

Read More...