မြန်မာ့ရွေးကောက်ပွဲ နိုင်ငံတကာ လက်မခံ

VOA သတင်းမှ.....

မြန်မာနိုင်ငံမှာ နိုဝင်ဘာလ ၇ ရက်နေ့ကျင်းပမယ့် ရွေးကောက်ပွဲတွေဟာ ဖိနှိပ်အုပ်ချုပ်ခံထားရတဲ့ အခြေအနေအောက်မှာ ကျင်းပ မှာဖြစ်တဲ့အတွက် ကနေဒါနိုင်ငံအနေနဲ့ အထူးစိုးရိမ်မိတဲ့အကြောင်း ကနေဒါနိုင်ငံခြားရေးဝန်ကြီး လောရင့်စ် ကန်နွန်န် (Lawrence Cannon) က ပြောလိုက်ပါတယ်။
ရွေးကောက်ပွဲတွေကျင်းပဖို့ နှစ်ရက်အလို နိုဝင်ဘာလ ၅ ရက်နေ့မှာ ကနေဒါနိုင်ငံခြားရေးဝန်ကြီးက ကြေညာချက်တစောင် ထုတ်ပြန်ပြီး ပြောဆိုလိုက်တာဖြစ်ပါတယ်။

ရွေးကောက်ပွဲတွေမှာ ခုချိန်ထိဆိုရင် အားလုံးပါဝင်ခွင့်မရှိတာ၊ ပွင့်လင်းမြင်သာမှုမရှိတာတွေအပေါ် မိမိတို့ရဲ့စိုးရိမ်ချက်ကို ကနေဒါ နိုင်ငံက အစဉ်တစိုက် ပြောဆိုလာခဲ့ကြောင်း၊ ဥပမာတွေထဲမှာဆိုရင် ဒီမိုကရေစီခေါင်းဆောင်တွေ ရွေးကောက်ပွဲဝင်ခွင့်မရအောင် ပိတ်ပင် ကန့်သတ်ထားတဲ့ ရွေးကောက်ပွဲဥပဒေကို ပြဌာန်းခဲ့တာ၊ နိုင်ငံရေးအကျဉ်းသား ၂,၁၀၀ ကျော်ကို ဆက်ပြီး အကျဉ်းချထားတာ၊ နိုင်ငံတကာက ရွေးကောက်ပွဲလေ့လာသူတွေနဲ့ ပြည်ပသတင်းထောက်တွေကို ခွင့်မပြုတာတွေပါဝင်တယ်လို့ ဆိုထားပါတယ်။ ဒါ့အပြင် လူမျိုးစုတိုင်းရင်းသားတွေ အများစုနေထိုင်တဲ့ ဒေသအများအပြားမှာ မဲပေးခွင့်မရတာအတွက်လည်း မိမိတို့ စိတ်ပျက်ရတယ်လို့ ပြောပါတယ်။
ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေအားလုံးကို ချက်ခြင်းနဲ့ ချွင်းချက်မရှိ ပြန်လွှတ်ပေးပြီး ဒီမိုကရေစီရေး အင်အားစုတွေ၊ တိုင်းရင်းသားလူမျိုးစုတွေနဲ့ စစ်မှန်တဲ့တွေ့ဆုံဆွေးနွေးပွဲတွေ လုပ်ဆောင်ဖို့ ရွေးကောက်ပွဲတွေမကျင်းပခင်မှာ မြန်မာစစ်အစိုးရကို မိမိတို့ ထပ်ပြီး တောင်းဆိုပါတယ်လို့ ကနေဒါနိုင်ငံခြားရေးဝန်ကြီး လောရင့်စ် ကန်နွန်န်ရဲ့ ထုတ်ပြန်ချက်ထဲမှာ ဖော်ပြထားပါတယ်။
တခါ မြန်မာစစ်အစိုးရက ရွေးကောက်ပွဲကျင်းပနေတာတွေကို လိုက်ပြီးကြည့်ဖို့ ရန်ကုန်မြို့အခြေစိုက် သံတမန်တွေကို ဖိတ်ခေါ် တာမှာ အမေရိကန်နဲ့ ဥရောပသမဂ္ဂ (EU) တို့က လက်မခံဘဲ ပယ်ချလိုက်ပါတယ်။ ရွေးကောက်ပွဲကို စစ်စစ်မှန်မှန် စောင့်ကြည့် အကဲဖြတ်ခွင့်ရတာ မဟုတ်တဲ့အတွက် လက်မခံတာဖြစ်တယ်လို့ အမေရိကန်နိုင်ငံခြားရေးဌာန၊ တာဝန်ရှိသူတဦးက ဗွီအိုအေကို ပြောပါတယ်။
သြစတြေးလျအခြေစိုက် မြန်မာ့ဒီမိုကရေစီရေးလှုပ်ရှားသူတွေကလည်း ရွေးကောက်ပွဲတွေဟာ ယုံကြည်နိုင်လောက်စရာ မရှိသလို တရားမ၀င်မှုလည်းမရှိဘူးလို့ပြောပြီး ကန်ဘာရာမြို့က မြန်မာသံရုံးရှေ့မှာ သောကြာနေ့က ဆန္ဒပြကန့်ကွက်ပွဲတခု လုပ်ခဲ့ကြပါတယ်။

Read More...

တိုင်းရင်းသား လက်နက်ကိုင်အဖွဲ့များ စစ်ရေး မဟာမိတ်ဖွဲ့

ဧရာဝတီ သတင်းမှ....

ရွေးကောက်ပွဲ အလွန်တွင် စစ်အစိုးရက တိုက်ခိုက်လာ နိုင်သည်ဟု ယူဆပြီး တိုင်းရင်းသား လက်နက်ကိုင် အဖွဲ့များ ပူးပေါင်း ၍ စစ်ရေး၊ နိုင်ငံရေး မဟာမိတ် ကော်မတီတရပ်ကို ယမန်နေ့က ဖွဲ့စည်းခဲ့ကြောင်း သတင်းရရှိသည်။

ယင်းကော်မတီကို ဖက်ဒရယ်ပြည်ထောင်စုပေါ်ထွန်းရေးကော်မတီ ဟု အမည်ပေးထားပြီး ကော်မတီ ဥက္ကဋ္ဌအဖြစ် ကရင် အမျိုးသား အစည်းအရုံး(KNU) မှ ဗိုလ်ချုပ် မူတူးစေးဖိုး၊ ဒု- ဥက္ကဋ္ဌအဖြစ် ကချင်လွတ်လပ်ရေးတပ်မတော် (KIA) မှ လည်းကောင်း၊ မွန်ပြည်သစ် ပါတီ(NMSP) မှ နိုင်ဟံသာက အတွင်းရေးမှူး - ၁ အဖြစ်လည်းကောင်း အစည်းအဝေး ကျင်းပပြီး တာဝန်ခန့်အပ်ခဲ့သည်ဟု အစည်းအဝေး တက်ရောက်ခဲ့သူ တဦးထံမှ သိရှိရသည်။

ယင်း မဟာမိတ်အဖွဲ့တွင် အပစ်ရပ် တိုင်းရင်းသားအဖွဲ့များဖြစ်သည့် ကချင်လွတ်လပ်ရေးအဖွဲ့ (KIO) ၊ ရှမ်းပြည်တပ်မတော် (မြောက်ပိုင်း) (SSA- N) ၊ မွန်ပြည်သစ်ပါတီ (NMSP) တို့အပြင် အပစ် မရပ်သေးသည့် ကရင်အမျိုးသား အစည်းအရုံး (KNU) ၊ ကရင်နီတိုးတက်ရေးပါတီ (KNPP) နှင့် ချင်းအမျိုးသားတပ်ဦး (CNF) တို့ ပါဝင်ကြောင်း သိရှိရသည်။

အစည်းအဝေးကို ပြီးခဲ့သည့် အင်္ဂါနေ့တွင် ထိုင်းနိုင်ငံ မြောက်ပိုင်း မယ်ဟောင်ဆောင်၌ စတင်ကျင်းပခဲ့ပြီး NMSP မှ နိုင်ဟံသာ ကို ယင်းကော်မတီ ခေါင်းဆောင်အဖြစ် ခန့်အပ်ခဲ့ခြင်းဖြစ်သည်။

KNU အထွေထွေအတွင်းရေးမှူး နော်စီဖိုးရာစိန်က ရွေးကောက်ပွဲအပြီးတွင် တိုင်းရင်းသား လက်နက်ကိုင် တပ်ဖွဲ့များအပေါ် စစ်အစိုးရ တိုက်ခိုက်လာပါက တိုင်းရင်းသား လက်နက်ကိုင်တပ်ဖွဲ့များ ကြား စစ်ရေးအရကူညီရန် မျှော်မှန်းထားသည်ဟု ပြောဆိုသည်။

ရွေးကောက်ပွဲအပြီးတွင် စစ်အစိုးရက တိုင်းရင်းသားလက်နက်ကိုင် တပ်ဖွဲ့များ ကိစ္စကို ဆွေးနွေးလိမ့်မည်ဟု အစည်းအဝေး တက်ရောက်သူ တိုင်းရင်းသားအဖွဲ့များက ပြောဆိုကြောင်း၊ သို့သော် ၎င်းတို့အနေဖြင့် ညီညွတ်သော မဟာမိတ်တပ်ပေါင်း စု တစု ဖွဲ့စည်းပြီးမှတွေ့ဆုံလျှင် ပိုမိုသင့်လျှော်မည်ဖြစ်သည်ဟု ပြောဆိုကြကြောင်း၊ အမည်မဖော်လိုသူ အစည်းအဝေး တက်ရောက်ခဲ့သူက ဧရာဝတီသို့ပြောသည်။

NMSP နှင့် နီးစပ်သူတဦးက ပြီးခဲ့သည့် သြဂုတ်လ ၄ ရက်နေ့တွင် ထိုင်းနိုင်ငံမြောက်ပိုင်း ချင်းမိုင်မြို့၌ အမေရိကန် ကွန်ဂရက် အမတ်များနှင့် တိုင်းရင်းသား လက်နက်ကိုင်အဖွဲ့တချို့ တွေ့ဆုံခဲ့သည်ဟု ပြောသည်။

အစည်းအဝေးတက်ရောက်ခဲ့သူက“မိမိတို့သည် အကြမ်းဖက် အဖွဲ့အစည်းများမဟုတ်၊ မိမိတို့၏ လက်နက်ကိုင် တော်လှန် ရေး သည် မိမိတို့ လူမျိုးကို စစ်အစိုးရလက်အောက် ရောက်မသွားစေရန် ကာကွယ်ခြင်းသာဖြစ်သည်”ဟု ပြောဆိုကြောင်း သိရှိရသည်။

ဧရာဝတီမှ ရရှိခဲ့သော NMSP ၏ မှတ်တမ်းများအရ တိုင်းရင်းသား လက်နက်ကိုင်အဖွဲ့များသည် ရွေးကောက်ပွဲအပြီးတွင် စစ်အစိုးရက ၎င်းတို့ကို တိုက်ခိုက်လာနိုင်သည်၊ ထို့ကြောင့် ကိုယ့်ကိုယ်ကိုယ် ကာကွယ်ရန် စစ်လက်နက် အထောက်အပံ့ များနှင့် စစ်ဘက်ဆိုင်ရာ သင်တန်းများလိုအပ်သည် ဟု ပါရှိသည်။

စစ်အစိုးရသည် အပစ်ရပ်တိုင်းရင်းသား လက်နက်ကိုင် တပ်ဖွဲ့များကို နယ်ခြားစောင့်တပ်အဖြစ် ပြောင်းလဲဖွဲ့စည်းရန် ၂၀၀၉ ခုနှစ် ဧပြီလကတည်းက စတင်ဖိအားပေးခဲ့ပြီး ဖွဲ့စည်းရန် ငြင်းဆန်သည့် ကချင်လွတ်လပ်ရေးတပ်မတော် (KIA)၊ SSA- N နှင့် UWSA တို့ကို ရွေးကောက်ပွဲအပြီးတွင် တိုက်ခိုက် ချေမှုန်းဖွယ်ရှိသည်ဟု စစ်ရေးလေ့လာသူများက ပြောဆိုသည်။

UWSA မှ အမည်မဖော်လိုသူ အရာရှိတဦးက ၎င်းတို့က စစ်ကို မလိုလားကြောင်း၊ သို့သော်လည်း စစ်အစိုးရက ၎င်းတို့ကို တိုက်ခိုက်မှုများပြုလုပ်လာပါက တုံ့ပြန်သွားမည်ဖြစ်ကြောင်း ယမန်နေ့က ဧရာဝတီသို့ပြောသည်။

နယ်ခြားစောင့်တပ် ဖွဲ့စည်းရန် ငြင်းဆန်နေဆဲဖြစ်သည့် တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA) မှ တပ်မဟာ (၅) ဗျူဟာမှူး ဗိုလ်မှူးကြီး စောလားပွယ်(ခေါ်) နှုတ်ခမ်းမွေးလည်း စစ်ရေး မဟာမိတ် ဖွဲ့စည်းသည့် အစည်း အဝေး သို့ တက်ရောက်ခဲ့သည်ဟု နီးစပ်သူတဦးက ပြောဆိုသည်။

Read More...

ဒီကေဘီအေ ဗိုလ်မှူးချုပ် စောလားပွယ်ကို ကရင်အမျိုးသား ဒီမိုကရေစီသူရဲကောင်းဆုချီးမြှင့်

KIC သတင်းမှ.....

နော်ဝေနိုင်ငံ အခြေစိုက် ဘက်မလိုက် လွတ်လပ်သော ကရင်လူမှုအဖွဲ့အစည်းက နအဖ၏ နယ်ခြားစောင့်တပ်ကို လက်မခံသော တိုးတက်သောဗုဒ္ဓဘာသာ ကရင်အမျိုးသားတပ်မတော်(DKBA) တပ်မဟာ(၅)မှူး ဗိုလ်မှူးချုပ်စောလားပွယ်(ဗိုလ်နှုတ်ခမ်းမွှေး) အား ကရင်အမျိုးသား ဒီမိုကရေစီသူရဲကောင်းဆုကို ချီးမြှင့်မည်ဖြစ်ကြောင်း ယမန်နေ့က ထုတ်ပြန်ကြေညာခဲ့သည်။

ဆုရွေးချယ်ရေးအဖွဲ့၏ ဥက္ကဌဖြစ်သူ စောဒယ်နီယယ်က “ကျနော်တို့ သူ့ကိုပေးတာက အချက် ၇ချက်ကို ကြည့်ပြီး ပေးခဲ့တာပါ။ ပြီး ခဲ့တဲ့ နယ်ခြားစောင့်တပ်ဖွဲ့ဖို့ နအဖက သူ့ကို စည်းရုံးတဲ့အခါမှာ သူ့အတွက် အကျိုးဖြစ်ထွန်းစေမယ့် စီးပွားရေးလာဘ်လာဘတွေ အများကြီး ဖွင့်ပေးခဲ့ပေမယ့် ဒါကို လက်မခံခဲ့ဘဲ ပြည်သူ့ဘက်က ရပ်တည်ပြီး အဲဒီကိစ္စကို ငြင်းပယ်ခဲ့တယ်။ အဓိက သူဟာ ကိုယ် ကျိုးမဖက်တဲ့အတွက် ဖြစ်တယ်။”ဟု ကေအိုင်စီကို ပြောသည်။

ဗိုလ်မှူးချုပ်စောလားပွယ်သည် ကိုယ်ကျိုးမဖက်ဘဲ အမျိုးသားရေးကို အဓိက ဦးထိပ်ထားသူ၊ ကိုယ်ကျိုးစွန့် အနစ်နာခံသူ၊ အမျိုး သားပြန်လည်ရင်ကြားစေ့ရေးကို လိုလားသူ၊ မြန်မာနိုင်ငံအတွင်းရှိ တိုင်းရင်းသားအားလုံးနှင့် တန်းတူရည်တူ ဆက်ဆံနေထိုင်သူ၊ ဒီမိုကရေစီစနစ်ကို လေးစားမြတ်နိုးသူ၊ မတရားမှုကို ရဲဝံ့စွာ တော်လှန်သူ၊ ကရင်အမျိုးသားခေါင်းဆောင်ကြီးများ ချမှတ်ထားသော မူဝါဒကို လေးစားမြတ်နိုးသူ စသည့် ဂုဏ်အင်္ဂါရပ်နှင့် ကိုက်ညီသည့်လုပ်ဆောင်ချက်များကြောင့် ဆုနှင့် ထိုက်တန်ကြောင်း ဆုပေး အပ်ရေးအဖွဲ့က ယုံကြည်ယူဆသည်ဟု ကြေညာချက်၌ ပါရှိသည်။

၎င်းဆုပေးအပ်ပွဲ အခမ်းအနားကို လာမည့် ဒီဇင်ဘာလ ၄ရက်နေ့တွင် နော်ဝေနိုင်ငံ၊ အော်စလိုမြို့၌ ကျင်းပမည်ဖြစ်ကြောင်း ဆု ပေးအပ်သည့်အဖွဲ့၏ ကြေညာချက်တွင် ဖော်ပြထားသည်။

ဆုချီးမြှင့်ခံရသည့်အပေါ် ဒီကေဘီအေ တပ်မဟာ(၅)မှူး ဗိုလ်မှူးချုပ်စောလားပွယ်က “ဒီဆုဟာ ကလို့ထူးဘောက DKBA ရဲဘော် ရဲဘက်တွေအပြင် တိုင်းရင်းသားပြည်သူလူထု အားလုံးအတွက် ဖြစ်ပါတယ်။ ရှေ့ဆက် မြန်မာနိုင်ငံ ဒီမိုကရေစီနဲ့ ငြိမ်းချမ်းရေး ရရှိ တဲ့အထိ ကျနော်တို့ ကြိုးပမ်းသွားရမယ်။”ဟု ကေအိုင်စီကို ပြောသည်။

စောဒန်နရယ်က “ကျနော်တို့ပေးမယ့် ဆုအမျိုးအစားကတော့ ကရင်လူမျိုးရဲ့ တန်ဖိုးထား အမြတ်တနိုးထားတဲ့ အမှတ်အသားတ ခုခုပဲ။ နောက် ဒီဆုက ပထမဆုံးအကြိမ်ပေါ့နော်။ ကရင်အမျိုးသားအတွက် အကျိုးပြုတဲ့သူတွေကို နောက် နှစ်စဉ် ရွေးချယ်ချီးမြှင့် သွားဖို့ ရှိတယ်။”ဟု ဆက်လက် ပြောဆိုသည်။

နိုင်ငံရေးတွင် ၀င်ရောက်မစွက်ဖက်သည့် ဘက်မလိုက် လွတ်လပ်သော ကရင်လူမှုအဖွဲ့အစည်းကို နော်ဝေနိုင်ငံရောက် ကရင်အ မျိုးသားများက ဘက်မလိုက်ဘဲ အမျိုးသားရေးအတွက် ကိုယ်ကျိုးမဖက် ဆောင်ရွက်သူများကို ဂုဏ်ပြုမှတ်တမ်းတင်သွားမည့် ရည်ရွယ်ချက်ဖြင့် ၂၀၁၀ခုနှစ်၊ သြဂုတ်လတွင် စတင် တည်ထောင်ခဲ့သည်။

Read More...

လူမဆန်မှုသတင်း

4.11.2010 News

Read More...

ထိုင်း-မြန်မာ နယ်စပ် လုံခြုံရေး တိုးမြှင့်

ဧရာဝတီ သတင်းမှ...

ရွေးကောက်ပွဲ အကြိုကာလ၌ ထိုင်း-မြန်မာ နယ်စပ်ရှိ တာချီလိတ်၊ မြဝတီနှင့် ကော့သောင်း မြို့များတွင် လုံခြုံရေး တိုးမြှင့်ချထားကြောင်း သတင်းရရှိသည်။

“ရွေးကောက်ပွဲ မဲပေးတဲ့နေ့မှာ ဗုံးခွဲတာတို့ ဘာတို့ ဖြစ်မှာစိုးလို့ လုံခြုံရေးတွေ တိုးထားတယ်။ အဓိကကတော့ ထိုင်း-မြန်မာ ချစ်ကြည်ရေးတံတားနားမှာ ပိုများတယ်”ဟု ရှမ်းပြည်နယ် အရှေ့ပိုင်း တာချီလိတ် မြို့ခံတဦးက ဧရာဝတီသို့ ပြောသည်။
လုံခြုံရေး တိုးမြှင့်ခြင်းကို တာချီလိတ် အခြေစိုက် စစ်တပ်က တာဝန်ယူထားခြင်းဖြစ်ပြီး မသင်္ကာပါက သယ်ဆောင် လာသည့် ပစ္စည်းများကို ဖွင့်လှစ်၍ ရှာဖွေစစ်ဆေးမှုများ ပြုလုပ်နေကြောင်း၊ ယခင်က ယင်းကဲ့သို့ စစ်ဆေးမှုမျိုး မရှိကြောင်း တာချီလိတ်ဒေသခံများထံမှ သိရသည်။

တနင်္သာရီတိုင်း ကော့သောင်းမြို့တွင်လည်း အလားတူ လုံခြုံရေးတိုးမြှင့်ထားမှုများရှိသည်ဟု ထိုင်းနိုင်ငံဘက်အခြမ်း ရနောင်းမြို့ရှိ မြန်မာနိုင်ငံသားများက ဆိုသည်။

ဒေသခံတဦးက “အခုတလောမှာ နယ်စပ်ဂိတ် ပိတ်မယ်လို့ ကောလာဟလတွေ ထွက်နေတယ်။ ဒါပေမယ့် ရွှေ့ပြောင်း အလုပ်သမားတွေက ယာယီနိုင်ငံကူးလက်မှတ်တွေ လာလုပ်ကြတော့ ပိတ်လို့ မရသေးဘူးနဲ့တူတယ်။ အခုထိတော့ ဖွင့်ထားဆဲပဲ”ဟု ပြောသည်။
ကော့သောင်းမြို့မှ ကာရာအိုကေဆိုင်များနှင့် နိုက်ကလပ်များကို ည ၁၁ နာရီတွင် ပိတ်ရန် ဒေသအာဏာပိုင်များက ညွှန်ကြားထားပြီး၊ မြို့ခံများကိုလည်း ခရီးမထွက်ရန် တားမြစ်ထားကြောင်း သိရသည်။

ကရင်ပြည်နယ် ဘားအံမြို့အခြေစိုက် တပ်မ ၂၂ မှ တပ်များ ယခင်သီတင်းပတ်မှစ၍ ကော့သောင်းမြို့သို့ ရောက်ရှိ လာပြီး ကော့သောင်းမြို့ အဝင်အထွက် လုံခြုံရေးကို တာဝန်ယူထားသည်ဟု သိရှိရသည်။

ကရင်ပြည်နယ် မြဝတီမြို့၊ ဘုရားသုံးဆူ နယ်စပ်တွင်လည်း ရဲနှင့်စစ်သားများ ပါဝင်သည့် ပူးပေါင်းလုံခြုံရေးအဖွဲ့များ တိုးမြှင့်ချထားကြောင်း၊ အဆိုပါပူးပေါင်းအဖွဲ့များက ကင်းလှည့်စစ်ဆေးမှုများ ပြုလုပ်ကြောင်း တိုးတက်သော ဗုဒ္ဓ ဘာသာ ကရင်အမျိုးသား တပ်မတော် (DKBA) တပ်ဖွဲ့ဝင်တဦးက ဧရာဝတီသို့ ပြောသည်။

ထိုင်းနိုင်ငံ မဲဆောက်မြို့နှင့် မြဝတီမြို့ကို ဆက်သွယ်ထားသည့် ချစ်ကြည်ရေးတံတား ပိတ်ထားဆဲဖြစ်သော်လည်း လုံခြုံရေး တိုးမြှင့်ထားကြောင်း သိရှိရသည်။

မဲဆောက်မြို့မှ မြန်မာနိုင်ငံသားတဦးက “ရွေးကောက်ပွဲ နီးလာပြီဆိုတော့လည်း အစိုးရ လုပ်နေကျအတိုင်း စစ်သားတွေနဲ့ လုံခြုံရေး ထပ်တိုးထားတာပေါ့။ အရင်တုန်းက ပြောခဲ့သလို ရွေးကောက်ပွဲပြီးရင် တံတားပြန်ဖွင့်မယ်ဆိုတာ မသေချာသေးဘူး။ ရွေးကောက်ပွဲအပြီးမှာ နောက်ထပ် ၆ လလောက် ထပ်ပိတ်ထားဦးမယ်လို့ ကြားတယ်” ဟု ပြောသည်။

ဇူလိုင်လ ၁၈ ရပ်နေ့မှ စတင် ပိတ်ထားခဲ့သော မြဝတီ-မဲဆောက် တံတား ပိတ်ထားသဖြင့် ယင်းလမ်းကြောင်းမှ ထိုင်း-မြန်မာ ကုန်စည်စီးဆင်းမှုများ ရပ်တန့်ခဲ့ပြီး ခန့်မှန်းခြေ ထိုင်းဘတ် သန်းပေါင်း ၇၂၀၀ ခန့် ဆုံးရှုံးနစ်နာမှုများ ရှိသည်ဟု တာ့ခ်ခရိုင် ကုန်သည်ကြီးများအသင်းမှ ပြောဆိုခဲ့သည်။

၂၀၀၇ ရွှေဝါရောင်တော်လှန်ရေးကို အကြမ်းဖက်ဖြိုခွဲရာတွင် အဓိက ပါဝင်ခဲ့သည့် တပ်မ ၆၆ နှင့် တပ်မ ၇၇ တို့ကို ရန်ကုန်တိုင်း တောင်ဒဂုံ၊ မြောက်ဥက္ကလာပနှင့် တောင်ဥက္ကလာပ မြို့နယ်များတွင် လုံခြုံရေးတာဝန်ချထားကြောင်း ဒေသခံများထံမှ သိရှိရသည်။

Read More...

လူမဆန်မှုသတင်း

3.11.2010 News

Read More...

ဒုက္ခိတ အဆောင်အတွက် ပြည်သူများ စစ်တပ်ထံ အချိန်မီ ငွေပို့ခဲ့ရ

KIC သတင်းမှ.....

ကရင်ပြည်နယ် အနောက်မြောက်ပိုင်း ညောင်လေးပင်ခရိုင်၊ ကျောက်ကြီးမြို့နယ် အခြေစိုက် တောင်ပိုင်းတိုင်းစစ်ဌာနချုပ်လက် အောက်ခံ နအဖ ခလရ(၆၀)က ဒုက္ခိတအဆောက်အအုံတည်ဆောက်ရေးအတွက် ကုန်ကျသည့်ငွေများကို အဆိုပါဒေသရှိ ကျေးရွာအုပ်စု(၁၂)ခုမှ ရွာသားများထံ ကျပ်ငွေ(၁)သန်းကျော် အဓမ္မတောင်းယူခဲ့သဖြင့် အောက်တိုဘာလ ၃၀ရက်နေ့က အချိန်မီ ပို့ပေးခဲ့ရသည်ဟု စုံစမ်းသိရှိရသည်။

ကျောက်ကြီးမြို့နယ်ရှိ နံ့သာကွင်း၊ ကျောက်စရိတ်၊ ဒေါင်းမု၊ ဂမုန်းအိုင်၊ အင်းနက်၊ ၀က်လာတော၊ ပတ္တလား၊ နို့ဝေါ်၊ တခေါ်ပွာ၊ ဝေ့သွဲ၊ ကိုနီ၊ နို့ညာ့လာ့စသည့် ကျေးရွာအုပ်စုတို့မှ အိမ်တအိမ်လျှင် ၁၂,၀၀၀ကျပ်စီ ပေးရကာ ကျပ်ငွေ (၁၄,၄၀၀,၀၀၀)ကို ပြီးခဲ့သည့် အောက်တိုဘာလ ၇ရက်နေ့က စစ်တပ်က တောင်းယူခဲ့ခြင်းဖြစ်သည်။

ပြည်သူများထံ ယခု တောင်းခံသည့် ငွေသည် ယခင်တောင်းဆိုခဲ့ဖူးသည်ထက် အလွန်များပြားနေသည့်အတွက် ပြည်တွင်းဌာ နေမဲ့ ကရင်ဒုက္ခသည်များဆိုင်ရာ ကော်မတီ (CIDKP) အဖွဲ့ဝင်တဦးဖြစ်သူ စောဘယ်ထူးက “သူတို့ ပြောတာက ဒဏ်ရာရတဲ့ ခြေပြတ်လက်ပြတ် ရဲဘော်တွေကို ဒီဒုက္ခိအဆောက်အအုံမှာ ထားမယ်လို့ ပြောတာပဲ။ ဒါ သူတို့စစ်တပ်ရဲ့ကိစ္စကို ကိုယ်တိုင် မရှင်းဘဲ ပြည်သူတွေကို ဒုက္ခပေးတဲ့သဘောပဲ။”ဟု ကေအိုင်စီကို ပြောသည်

ကျောက်ကြီးမြို့အတွင်းတွင် ဒုက္ခိတအဆောက်အဦး(၄)လုံး တည်ဆောက်ရေးအတွက် လိုအပ်သည့် ငွေများကို ကျောက်ကြီး မြို့နယ် ဥက္ကဌ (နအဖ ဘက်) ဦးဇော်မျိုးညွှန့်က မပေးမနေရစနစ်ဖြင့် တာဝန်ယူ ကောက်ခံပေးခဲ့သည်ဟု ဒေသခံ ပြည်သူတဦး က ကေအိုင်စီကို ယခုလို ပြောသည်။

သူက “သူက ကောက်ပေးတာပေါ့နော်။ သူတို့(နအဖ)တွေ သေနတ်တွေ ကိုင်ထားတယ်ဆိုတော့ မပေးနိုင်လည်း ပေးရတာပဲ။ နှိပ်စက်တဲ့အထိ မရှိပေမဲ့ ကြောက်လို့ ပေးရတဲ့သူတွေချည်းအါပဲ။ တချို့သူတွေဆိုရင် ကျွဲ၊ နွား စတဲ့ ကိုယ်ပိုင်ဆိုင်တဲ့ အရာတချို့ကို ပစ္စည်းတမျိုးမျိုး ရောင်းပြီးမှ ပေးရတာတွေလည်း ရှိတယ်။ ”ဟု ကေအိုင်စီကို ပြောသည်။

အလားတူ ပြီးခဲ့သည့် အောက်တိုဘာလ ၇ရက်နေ့တွင် အဆိုပါ ဒေသရှိ နအဖ စစ်တပ် ခလရ (၆၀)သည် ပတ္တလား၊ နို့ဝေါ်နှင့် အင်းနက် ကျေးရွာအုပ်စုအတွင်းရှိ စပါးကြိတ်စက်ရှိသူ ရွာသားများထံမှ ဆန်စက်တလုံးလျှင် ကျပ်ငွေ ၅ထောင်ကျပ် တောင်းခံခဲ့ သည့်အတွက် စုစုပေါင်း စပါးကြိတ် စက် ၁၀လုံးအတွက် ကျပ်ငွေ ၅သောင်း ကောက်ခံရရှိခဲ့သည် သိရသည်။

နအဖ စစ်တပ်များသည် ရွာသားများထံ ယခုလို ငွေများ မကြာခဏ တောင်းခံခြင်းသည် ၎င်းတို့၏ တပ်ရင်းများအတွက် အသုံး ပြုရန် ဖြစ်သည်ဟု အကြောင်းပြလေ့ရှိကြောင်း ဒေသခံပြည်သူများက ဆိုသည်။

ကျောက်ကြီးမြို့နယ်အတွင်းတွင် တောင်ပိုင်းတိုင်း စစ်ဌာနချုပ် လက်အောက်ခံတပ်ရင်း ခလရ(၆၀)၊ ခလရ(၄၈)၊ ခလရ(၅၃) ခမရ(၃၅၁)၊ ခမရ(၅၉၉)၊ ခမရ(၅၉၀)၊ ခမရ(၇၃)နှင့် ကေအဲန်အယ်လ်အေ တပ်ရင်း(၉)၊ ကေအဲန်ဒီအိုတပ်အချို့ ပုံမှန် လှုပ်ရှား လျှက်ရှိသည်။

Read More...

စစ်တပ်မှ လမ်းသွား ရွာသူရွာသား များကို ခေါ်ယူခိုင်းစေ

KIC သတင်းမှ........

ကရင်ပြည်နယ်၊ သံတောင်မြို့နယ်အတွင်းရှိ ဘောဂလိကြီးနှင့် နောစိုးကျေးရွာသို့ သွားသည့်ကားလမ်းကို ပြုပြင်ရန် ယခုရက် ပိုင်းတွင် နအဖစစ်တပ်မှ သွားလာနေသည့် ရွာသူရွာသားများကို ခေါ်ယူခိုင်းစေနေသည်ဟု ထိုဒေသမှ လာသည့်သတင်းအရ သိရသည်။

ဘောဂလိကြီးတွင် အခြေစိုသည့် စစ်ကွက်ကဲရေးဌာနချုပ်-စကခ(၇)လက်အောက်ခံတပ်များက ယခု ပွင့်လင်းရာသီ ရောက် လာသည့်အတွက် ကရင်ပြည်နယ် တောင်ငူဒေသအတွင်း လှုပ်ရှားနေသည့် ၎င်းတို့တပ်ရင်းများအတွက် လိုအပ်သည့် ရိက္ခာ၊ အသုံးအဆောင်ပစ္စည်းများကို ပို့ဆောင်ရန် အောက်တိုဘာလ ၃၀ရက်နေ့မှစ၍ လမ်းများ စတင်ပြုပြင်လျှက်ရှိရာ ဒေသခံများ ကိုလည်း ခေါ်ယူခိုင်းစေနေသည်ဟု ဒေသခံတဦးက ကေအိုင်စီကို ပြောသည်။

“နအဖ တပ်တွေက တနှစ်တခါ သူတို့တပ်တွေ ရိက္ခာပို့ဖို့အတွက် အရင်ဆုံး လမ်းပြင်တယ်။ အခု သူတို့ မြေတူးတဲ့ကားတွေ ဘောဂလိနဲ့ ရေသိုးကြီးကြားမှာ ရောက်နေပြီ။ တရွာနဲ့တရွာ သွားလာနေတဲ့ ရွာသူရွာသားတွေကိုလည်း ဖမ်းထားတယ်။ လမ်း ပြင်ခိုင်းတယ်။ ချုံတွေ ရှင်းခိုင်းတယ်။ မနေ့က တနင်္ဂနွေနေ့လည်း မရှောင်ဘူး။ တွေ့သမျှလူတွေ ဖမ်းတာပဲ။ အခုချိန်ထိ ပြန်မ လွှတ်သေးဘူး။”ဟု ဆိုသည်။

ထို့အပြင် တောင်ငူမြို့မှ ဘောဂလိသို့ သွားလာနေသည့် လမ်းကိုလည်း အောက်တိုဘာ ၃၀ရက်နေ့က စတင် ပိတ်လိုက်သည့် အတွက် တောင်ပေါ်မှ ကုန်ပစ္စည်းများကို မြို့ပေါ်သို့ ယူသွင်းသည့် ကုန်တင်ကားများအတွက် အခက်အခဲဖြစ်ရသည်ဟု ထို နယ်ခံက ဆိုသည်။

သူက “တောင်ငူကနေပြီးတော့ တောင်ပေါ်ဒေသ ဘောဂလိတို့ဘက်မှာ ကုန်တင်ကုန်သွင်း လုပ်နေတဲ့လူတချို့က အဲဒီနောစိုး၊ ဘောဂလိမှာ ကားရော၊ လူပါ တစ်နေတယ်။ ပြန်လာလို့ မရဘူး။ အခု ရွေးကောက်ပွဲရက်နီးလာတော့ တောင်ငူမြို့ပေါ်က ရပ် ကွက်လူကြီးတွေကလည်း အဝေးမှာ ရောက်နေတဲ့သူတွေကို ပြန်လာဖို့မှာတယ်။ အခု ကားလမ်းတွေပိတ်တော့ ပြန်ရခက်သွား တာပေါ့။”ဟု ဆိုသည်။

ပြီးခဲ့သည့် အောက်တိုဘာ ၁၇ရက်နေ့ကလည်း ကရင်ပြည်နယ် ညောင်လေးပင်ခရိုင်တွင် အခြေစိုက်သည့် စကခ(၆) လက် အောက်ခံ ခမရ(၅၆၇)တပ်ရင်းသည် မုသဲရွာသူ ၂၆ဦးနှင့် ရွာသား ၅၀ဦးကို ခေါ်ယူပြီး ကားလမ်းပြုပြင် ရှင်းလင်းခိုင်းခဲ့သည်ဟု ကေအဲန်ယူ၏ သတင်းထုတ်ပြန်ချက်တွင် ဖော်ပြထားသည်။

Read More...

၂၀၁၀ရွေးကောက်ပွဲအား ဆန့်ကျင် သည့် ဆန္ဒပြပွဲ နှစ်ရက် ဆက်တိုက်ဖြစ်ပွား

KIC သတင်းမှ....

ကရင်ပြည်နယ်နှင့် မွန်ပြည်နယ် နယ်စပ်ဒေသများတွင် နအဖ စစ်အစိုးရ ဦးစီးကျင်းပမည့် ၂၀၁၀ ရွေးကောက်ပွဲကို ဆန့်ကျင် သည့် လူထုဆန္ဒပြပွဲ နှစ်ရက် ဆက်တိုက်ဖြစ်ပွားခဲ့သည်ဟု ဒေသခံများ၏ ပြောကြားချက်များအရ သိရသည်။

ယနေ့မနက်တွင် ကရင်ပြည်နယ် ကြာအင်းဆိပ်ကြီးမြို့နယ်ရှိ ကျေးရွာပေါင်း ၅ရွာမှ ဒေသခံ လူထု ၂၀၀ကျော်က မကြာခင် ကျင်းပမည့် ရွေးကောက်ပွဲကို မလိုလားသည့် ဆန္ဒထုတ်ဖော်ချက် ဆိုင်းပုဒ်များကို ကိုင်ဆောင်ကာ တစ်နာရီခန့် ငြိမ်းချမ်းစွာ စု ပေါင်းဆန္ဒပြခဲ့ကြခြင်းဖြစ်သည်ဟု ကိုယ်တိုင်ဦးဆောင်ခဲ့သူ စောတာပစဲက ယခုလို ပြောသည်။

သူက “ဒီနေ့မနက် ၉နာရီကနေ ၁၀နာရီအထိ ကျနော်တို့ ရွာငါးရွာက ရွာသူကြီး အပါအ၀င် ရွာသူရွာသား ၂၀၀ကျော် စုပေါင်း ပြီးတော့ ဆိုင်းပုဒ်တွေ ကိုင်ဆောင်ပြီး ငြိမ်းချမ်းစွာနဲ့ပဲ ဆန္ဒပြပွဲတရပ်ပြုလုပ်တယ်။ ဆိုင်းပုဒ်တွေမှာတော့ တရားမျှတမှု မရှိတဲ့ ၂၀၁၀ ရွေးကောက်ပွဲ အလိုမရှိ၊ တိုင်းရင်းသား ပြည်သူလူထု အားလုံးမဲပေးနိုင်ရေး၊ စစ်မှန်သောပြည်ထောင်စု ဖြစ်ပေါ်လာရေး၊ စစ်မှန်သော ရွေးကောက်ပွဲ ဖြစ်ပေါ်လာရေးဆိုပြီး ရေးထားတဲ့ ဆိုင်းပုဒ်တွေနဲ့ ဆန္ဒပြကြတာပါ။ ရည်ရွယ်ချက်ကတော့ ၂၀၁၀ ရွေးကောက်ပွဲကို လုံးဝ အလိုမရှိတဲ့အကြောင်း ထုတ်ဖော်ဆန္ဒပြတာပါ။”ဟု ကေအိုင်စီကို ပြောသည်။

၎င်းဆန္ဒပြပွဲကို သူးလေကုန်းနှင့် တခါ့ချောင်းကျေးရွာစပ်ကြား နအဖ ခလရ(၂၈၄)တပ်စခန်းနှင့် (၂)မိုင်အကွာအဝေးတွင် ပြု လုပ်ခဲ့ခြင်းဖြစ်ပြီး သူးလေကုန်းကျေးရွာ အထက်နှင့် အောက်(တခါ့ခီး)၊ တခါ့ချောင်း(တခါ့ကလိုး)၊ မီးလောင်ချောင်း (ပိုပေါ်က လိုး)၊ တကေး(တကုခီး)နှင့် ကြာအင်းရွာကြီးတို့ ပါဝင်သည်ဟု စုံစမ်းသိရှိရသည်။

ယမန်နေ့မနက်ကလည်း မွန်ပြည်နယ် သံဖြူဇရပ်နှင့် ရေးမြို့နယ်ကြားတွင် ရွာပေါင်း ၁၀ရွာမှ ဒေသခံ လူထု ၅၀၀ကျော်က ဆိုင်းပုဒ်နှင့် ပိုစတာစာရွက်များ ကိုင်ဆောင်ပြီး နံနက် ၇နာရီခွဲမှ ၉နာရီခွဲအထိ အလားတူ စုပေါင်းဆန္ဒပြခဲ့ကြကြောင်း ဆန္ဒပြပွဲ ဖြစ်မြောက်ရေးအတွက် ဦးဆောင်ခဲ့သည့် အမည်မဖော်လိုသူ ဒေသခံတစ်ဦးက ယခုလို ပြောသည်။

“မနေ့က လုပ်တဲ့ ဆန္ဒပြပွဲမှာ လူထု ၅၀၀ကျော် ပူးပေါင်းပါဝင်တယ်။ ဆိုင်းပုဒ်မှာ ၂၀၁၀ရွေးကောက်ပွဲကို တိုက်ဖျက်ရေးဆိုတဲ့ ခေါင်းစဉ်ကြီးကြီးနဲ့ စာတန်း ရေးထားတယ်။ နောက်ပြီးတော့ ပိုစတာတွေမှာကျတော့ သုံးပွင့်ဆိုင် တွေ့ဆုံဆွေးနွေးရေး၊ ညီ ညွှတ်သော ဒီမိုကရေစီ တည်ဆောက်ရေး၊ စစ်အာဏာရှင် တိုက်ဖျက်ရေးဆိုတဲ့ ပိုစတာတွေ ကိုင်ဆောင်ပြီးတော့ ငြိမ်းချမ်းစွာ လမ်းလျှောက်ဆန္ဒပြခဲ့ကြတယ်။”ဟု ပြောသည်။



နအဖ စစ်အစိုးရ ဦးစီးကျင်းပမည့် ၂၀၁၀ ရွေးကောက်ပွဲအား ဆန့်ကျင်ဆန္ဒပြသည့်ရွာသားများ

အဆိုပါ ဆန္ဒပြပွဲနှစ်ခုစလုံးတွင် သက်ဆိုင်ရာ ဒေသအာဏာပိုင်များနှင့် အလှမ်းဝေးသောကြောင့် အကြမ်းဖက်နှိမ်နင်းမှုများ မခံ ရသော်လည်း ဆန္ဒပြမှုအပြီးတွင် နအဖ စစ်တပ်များ တက်ရောက်လာသည့် သတင်းကြောင့် ဆန္ဒပြသူတချို့ လွတ်မြောက်ရာ သို့ ထွက်ပြေးတိမ်းရှောင်ခဲ့ရသည်ဟု ဆန္ဒပြသူများက ပြောသည်။
ကြာအင်းဆိပ်ကြီးမြို့နယ်တွင် ယခင်လ ၂၂ရက်နေ့က ကြာအင်းဆိပ်ကြီးမြို့နှင့် ကျေးရွာအချို့ရှိ အစိုးရဌာနဆိုင်ရာရုံးများ၊ ဆေး ရုံ၊ စာသင်ကျောင်းများရှေ့တွင် ၂၀၁၀ ရွေးကောက်ပွဲကို ဆန့်ကျင်သည့် စာရွက်စာတမ်း ဖြန့်ဝေသည့် လုပ်ဆောင်မှုများ ရှိခဲ့သလို ၂၀၀၈ခုနှစ် ပြည်သူ့ဆန္ဒခံယူပွဲတွင် အလားတူ ဆန္ဒပြပွဲပြုလုပ်ခဲ့ရာ အာဏာပိုင်စစ်တပ်များ၏ ၀င်ရောက်ဖြိုခွင်းမည့် သတင်းကြောင့် ဆန္ဒပြပွဲနေချိန်အတွင်းပင် လူစုခွဲခဲ့ရသည်။

Read More...

လူမဆန်မှုသတင်း

30-10-2010 နေ့တွင် ကလေဆိုးခီးမှာရှိသော နအဖစစ်သားများသည် ရွာသူ/သား (၁၀)ယောက်ကို ကလေဆိုးခီးမှ မုဒေးရွာအထိ ကားလမ်းမတစ်လျှောက်ကို အတင်း အဓမ္မ ခုတ်ထွင်ရှင်းလင်းစေခဲ့သည်။

၇-၁၀-၂၀၁၀ နေ့တွင် နအဖစစ်တပ် ခလရ(၆၀)မှ တပ်ရင်းမှူးသည် ပါ့တလာ့၊ ၀ါးလတော၊ နို့ဂေါ်၊ အင်းနက်ကျေးရွာရှိ စပါးကြိတ်စက်(ဟာလာ)စက်ပိုင်ရှင်တစ်ဦးလျှင်
(5000)ကျပ်ကောက်ခံပြီး၊ စပါးကြိတ်စက်(၁၀)လုံးစာအတွက် (50000)ကျပ်ကို အတင်းအကြပ် ကောက်ခံခဲ့သည်။

တစ်ဆက်တည်းမှာပင် ရန်သူခလရ(၆၀)သည်၎င်းဒေသရှိ ရွာသူရွာသားများကို ကင်းစောင့်ရန်အတွက် လယ်တဲတစ်လုံးကိုလည်း ဆောက်ခိုင်းပြန်ပါသည်။

ထို့ပြင် နံ့သာကွင်းရှိကျေးရွာအုပ်စု(4)စု၊ ကျောက်ကြီးမှကျေးရွာအုပ်စု(4)စု၊ မူးကဝေါ်ရှိ ကျေးရွာအုပ်စု(4)စု၊ စုစုပေါင်းကျေးရွာအုပ်စု(12)စုကို ၊ အိမ်ထောင်တစ်စုလျှင် (12000) ကျပ်ဖြင့် စုစုပေါင်းငွေ (14400000)ကျပ်ကို 30-10-2010 နေ့အရောက် ပို့ပေးရမည်ဟု ညွန်ကြားကောက်ခံခဲ့ပါသည်။

17-10-2010နေ့တွင် နအဖ၏ စကခ(၆)လက်အောက်ခံ ဖြစ်သော ထဲထူ့ကျေးရွာရှိ ခမ၇(၅၆၇)စစ်ကြောင်းသည် မိမိတို့စစ်စခန်းကို လုံခြုံစိတ်ချသည့်အထိ ပြင်ဆင်နေဆဲမှာပင် စယဖ တပ်ကြပ်ကြီးမျိုးမင်းဦးသည် အပြစ်မရှိအပြစ်ရှာကာ ကိုမော်ခိုနှင့် ကိုတင်အောင်မိုးအား ပဒဲကောရွာတွင်နေစဉ် KNU နှင့် ဆက်သွယ်ခဲ့သည်ဟု စွပ်စွဲအရေးယူပြီး အတင်းအဓမ္မ ဒဏ်ငွေအဖြစ် (1000000)ကျပ် ဆောင်ခိုင်းသော်လည်း ၄င်းတို့က (500000)ကျပ်သာ ပေးဆာင်ခဲ့သည်။

ထို့ပြင် ထို့နေ့မှာပင် ရန်သူ နအဖစစ်တပ်သည် မူသယ်ရွာရှိ အမျိုးသမီး(၂၆)ယောက်နှင့် အမျိုးသား(၅၀)ယောက်ကို ကားလမ်းမကြီး၏ ဘေးဘီဝဲယာ ကိုက်(၅၀)ပတ်လည်ကို ခုတ်ထွင် ရှင်းလင်းစေခဲ့သည်။

31.10.2010 News

မြန်မာဘာသာကို သောသီခိုမှကူးယူဖော်ပြသည်။

Read More...