ဇန်နဝါရီလ ၂၉ရက်။ နန်းထူးစံ (ကေအိုင်စီ)
လာမည့် ရွေးကောက်ပွဲ ပျက်ပြားစေရန်အတွက် အကြမ်းဖက် ဗုံးခွဲမှုလုပ်ငန်းများ ကြံစည်လုပ်ဆောင်နေသည်ဟု စစ်အစိုးရ၏ စွပ်စွဲ ချက်အရ ၎င်းတို့၏ လမ်းစဉ်မဟုတ်ကြောင်း ကရင်အမျိုးသား အစည်းအရုံး(ကေအဲန်ယူ)က ပြောဆိုလိုက်သည်။
ပြီးခဲ့သည့် ဇန်န၀ါရီ ၂၆ရက်နေ့က ပဲခူးတိုင်း ကျောက်ကြီးမြို့နယ်၊ သိမ်တန်းရပ်ကွက်နှင့် မေတ္တာရပ်ကွက်တို့တွင် ကေအဲန်ယူ တပ် မဟာ(၃) လက်အောက်ခံ တပ်ဖွဲ့တဖွဲ့က မိုင်းထောင်ဖောက်ခွဲခဲ့ကြောင်း စစ်အစိုးရ၏ သတင်းစာပါ ရေးသားချက်များသည် မဟုတ် မှန်ကြောင်း ကေအဲန်ယူ ဒု-ဥက္ကဌ ပဒိုစောဒေးဗစ်သကဘောက ယနေ့တွင် ကေအိုင်စီကို ပြောသည်။
သူက “နအဖက ပြည်တွင်းမှာရှိတဲ့ ကရင်လူထုတွေ ကေအဲန်ယူအပေါ် အထင်မှားအမြင်မှားအောင် လုပ်ကြံပြောဆိုတာဖြစ်တယ်။ လွန်ခဲ့တဲ့ ဖာပွန်ဗုံးပေါက်မှု၊ အခု ကျောက်ကြီးမြို့နယ် ဗုံးပေါက်ကွဲမှုတွေဟာ ကေအဲန်ယူက လုပ်တာမဟုတ်ဘူး။ ကေအဲန်ယူနဲ့ ဘာ မှမဆိုင်ဘူး။ လမ်းစဉ်လည်း မရှိဘူး။ သူတို့ကိုယ်တိုင် မိုင်းထောင်ဖောက်ခွဲပြီးတော့ ကေအဲန်ယူအပေါ် အပြစ်လွဲချတာဖြစ်တယ်”ဟု ပြောသည်။
ဆက်လက်၍ ပဒိုစောဒေးဗစ်သကဘောက “နအဖက အခုပြုလုပ်မယ့် ရွေးကောက်ပွဲကို အရူးအမှူးဖြစ်နေတာ။ အဲဒီ ရွေးကောက်ပွဲ မှာ သူတို့ အနိုင်ရဖို့အတွက် သူတို့ကို ဆန့်ကျင်တဲ့အဖွဲ့တွေကို အကြမ်းဖက်အဖွဲ့တွေလို့ ပြည်သူတွေ အထင်မှားအောင် လုပ်တာဖြစ် တယ်။ နောက်တခုက ကျနော်တို့ ကေအဲန်ယူကို အကြမ်းဖက်အဖွဲ့ဆိုပြီးတော့ ကရင်ပြည်နယ်ကို ထိုးစစ်ဆင်ဖို့အတွက် ကြံစည် လုပ်ဆောင်တာဖြစ်တယ်”ဟု ပြောဆိုသွားသည်။
နအဖ စစ်အစိုးရ၏ သတင်းဖော်ပြချက်ထဲတွင် ပြီးခဲ့သောနှစ် ဒီဇင်ဘာ ၁၆ရက်နေ့က ကေအဲန်ယူ တပ်မဟာ (၅)လက်အောက်ခံ တပ်ဖွဲ့တဖွဲ့က ကရင်ပြည်နယ်၊ ဖာပွန်မြို့ ကရင်နှစ်သစ်ကူးပွဲအခမ်းအနားပြုလုပ်သည့် ကွင်းထဲတွင် မိုင်းထောင်ဖောက်ခွဲခဲ့မှုကြောင့် အရပ်သား ပြည်သူ ၇ဦးသေဆုံးခဲ့ပြီး ၁၂ဦးဒဏ်ရာ ရရှိခဲ့သည်။ ယခု ဇန်နဝါရီလ ၂၆ရက်နေ့က ပဲခူးတိုင်း၊ ကျောက်ကြီးမြို့နယ်တွင် ဖောက်ခွဲမှုများ လုပ်ဆောင်လာသောကြောင့် ပျက်ဆီးဆုံးရှုံးမှုများ ရှိခဲ့သည်ဟု ထပ်မံ ဖော်ပြထားပြန်သည်။
အလားတူ ကေအဲန်ပီပီအဖွဲ့ကလည်း ဇန်န၀ါရီလ ၉ရက်နေ့တွင် ရှမ်းပြည်နယ်၊ ဖယ်ခုံမြို့နယ်အတွင်းရှိ တာဝါ တိုင်အမှတ်(၁၉၉)နှင့် ဇန်န၀ါရီလ ၂၃ရက်နေ့တွင် ကယားပြည်နယ်၊ ဒီမောဆိုမြို့နယ်ရှိ တာဝါတိုင်အမှတ်(၁၃၄)ကို မိုင်းထောင်ဖောက်ခွဲကာ ဖျက်ဆီးခဲ့ သည်ဟု စစ်အစိုးရသတင်းစာထဲတွင် ပူးတွဲဖော်ပြထားသည်။
ထို့အပြင် ဇန်န၀ါရီလ (၂၂)ရက်တွင် မင်္ဂလာဒုံမြို့နယ်မှ ကျော်ဇေလင်း(ခ)ကိုဆိုင်း အပါအ၀င် ဖောက်ခွဲရေးသမား ၁၁ဦးကို ဒေသန္တ ရလုပ် ချိန်ကိုက်မိုင်း ၂လုံး၊ စပိန်နိုင်ငံလုပ် Astra ဒသမ ၃၂ ပစ်စတိုတလက်၊ ကျည်ကပ်တခုနှင့် ကျည် ၃၃တောင့်ကိုပါ ဖောက်ခွဲ ရေးကိရိယာများနှင့်အတူ ဖမ်းဆီးရရှိခဲ့သည်ဟုလည်း ထည့်သွင်းရေးသားဖော်ပြထားသည်။
သို့သော် အဆိုပါလုပ်ရပ်များသည် နအဖ စစ်အစိုးရ၏ လုပ်ရပ်များသာဖြစ်ကြောင်း ပြည်သူလူထုများကို ထိခိုက်စေမည့် အကြမ်း ဖက် ဖောက်ခွဲမှုလုပ်ငန်းများကို ကေအဲန်ယူ၏ မူလမ်းစဉ်များထဲတွင် ပြဌာန်းထားခြင်းမရှိကြောင်း ယမန်နေ့က ကေအဲန်ယူမှ ကြေ ညာချက် ထုတ်ပြန်ခဲ့သည်။
Read More...
Summary only...
ဗြောင်လိမ်ဗြောင်စား ခွေးသားနအဖ။ အသက်မပြည့်တဲ့ ကလေးတွေကို စစ်တပ်ထဲ ဆွဲသွင်းပြီး “ဘူး”ခံပြီးညင်းနေတယ်။ ဒါပေမဲ့ အမှန်တရားဆိုတာ ပုဂံပြားနဲ့ဖုံးထားလို့မရဘူး။ အချိန်တန်တော့ နွားပိန်ကန်ပြီး မှန်ကန်မှုတွေက သူ့ဟာသူပေါ်လာတာပဲ။ စောက်ရှက်လေး နဲနဲရှိပါ နအဖ ရာ။ ဧကန်ဏ ဒီစစ်ချုပ်တွေ မွေးတုန်းက ချက်ကျောနဲ့ အရှက်ကျောကိုမှားများ ဖြတ်ထားလေသလားမသိတော့ပါဘူး။ ဒါကြောင့် မျက်စိမှိတ်ပြီး လိမ်။ လူလိမ်လူညာတွေကတိုင်း ပြည်ကိုလည်းမတရားအုပ်ချုပ်နေတော့ ဘယ်လာပြီးကောင်းတော့မှာလဲ။
ကလေးငယ်တွေရဲ့ ဘဝ အနာဂတ် လှပဖို့အတွက်ဘာမှ မလုပ်ဆောင်ပဲနဲ့ စစ်ထဲအတင်းအဓမ္မဆွဲထဲ့ ရက်စက်ကြမ်းကြုတ်မှုတွေကို သင်ပေး၊ ဒီကလေးတွေရဲ့ဘဝကိုဖျက်စီး၊ စစ်ခွေးနအဖတွေရေ ယုတ်မာထား၊ တနေ့ မင်းတို့ ကောင်းကောင်းပြန်လည်ပေးဆပ်ရမယ်။ ဆွေစဉ်မျိုးဆက်များစွာတိုင်အောင်ပေးဆပ်ရမယ် ဆိုတာနှလုံးသွင်း မှတ်ထားပါ။
မြန်မာနိုင်ငံတွင် ကလေးစစ်သား စုဆောင်းခြင်း မရှိဟု စစ်အစိုးရက ပြောဆိုနေ သော်လည်း ကလေးစစ်သား အဖြစ် အဓမ္မ ခေါ်ဆောင်မှုများ ရှိနေသေးကြောင်း သိရသည်။
မကွေးတိုင်း တောင်တွင်းကြီးမြို့တွင် နေထိုင်သည့် အသက် ၁၄ နှစ်အရွယ် မောင်ကျော်မင်းထွန်းအား ဆင်ပေါင်ဝဲမြို့နယ် မိကျောင်းရဲမြို့ အခြေစိုက် ခလရ ၈၃ တပ်ရင်းမှ ဒုတပ်ကြပ် နိုင်ဝင်းဆိုသူက ဇန်န၀ါ ရီလ ၁၉ ရက်နေ့တွင် ခေါ်ဆောင် သွားကြောင်း မိခင်ဖြစ်သူ ဒေါ်စန္ဒာဝင်းက ဧရာဝတီသို့ ပြောသည်။
၂၀၀၉ ခုနှစ် ဧပြီလအတွင်းက ကရင်အမျိုးသား လွတ်မြောက်ရေး တပ်မတော် (KNLA) သို့ ဆက်သွယ် ခိုဝင်လာသော စစ်အစိုးရ စစ်တပ်မှ ကလေးစစ်သား တဦး (ဓာတ်ပုံ - FBR)
“လစာတွေ တိုးနေပြီ၊ ငါတို့တောင်မှ အခု လစာကနေ နှစ်ဆတိုးပြီလို့ ပြောပြီး ဆွယ်သွားတယ်”ဟု ၎င်းက ဆိုသည်။
ဒုတကြပ်နိုင်ဝင်းက လစာငွေ ကျပ် ၆၀၀၀၀ ရရှိမည်ဟု ပြောဆိုပြီး ၎င်း၏ စစ်ယူနီဖောင်းကို မောင်ကျော်မင်းထွန်းအား ၀တ်ဆင် ပေးကာ ခေါ်ဆောင်သွားခြင်း ဖြစ်ကြောင်း၊ မောင်ကျော်မင်းထွန်းသည် လက်တဘက် မသန်သည့် ဒုက္ခိတ တဦးဖြစ်ပြီး ကျန်းမာရေးလည်း မကောင်းကြောင်း မိခင်ဖြစ်သူက ပြောပြသည်။
ဒေါ်စန္ဒာဝင်းသည် သားဖြစ်သူအား ပြန်လည် ခေါ်ဆောင်ရန် အတွက် ၂ ရက်တိုင် ခလရ ၈၃ သို့ သွားသော်လည်း တာဝန်မှူးက တွေ့ဆုံခွင့် မပေးဘဲ ဆူပူကြိမ်းမောင်း၍ ပြန်လွှတ် လိုက်ကြောင်း သိရသည်။
ကလေးစစ်သား စုဆောင်းမှုနှင့် ပတ်သက်၍ မကြာသေးမီက စစ်အစိုးရနှင့် အပြည်ပြည်ဆိုင်ရာ အလုပ်သမား အဖွဲ့ချုပ် (ILO) အမှုဆောင် ညွှန်ကြားရေးမှူး ကယ်ရီ တာပီအိုလာ တို့ ကလေးစစ်သား စုဆောင်းမှုနှင့် ပတ်သက်သည့် သဘောတူညီမှု လက်မှတ် ရေးထိုးခဲ့ကြောင်း၊ သက်ဆိုင်ရာ အထက်လူကြီးများမှ သဘောတူညီ ထားသည့် စာချုပ်ကို အောက်ခြေ အရာရှိအရာခံ အကြပ် တပ်သားများက ဖျက်ဆီးနေခြင်း ဖြစ်ကြောင်း ကလေးစစ်သား စုဆောင်းမှုများ အတွက် လိုက်ပါဆောင်ရွက် နေသည့် ပဲခူးမြို့ မှ ရှေ့နေကြီး ဦအေးမြင့်က ပြောသည်။
“အမေနဲ့သား နှစ်ယောက်တည်းရှိပြီး ရောဂါသည်ကိုလည်း မရှောင်ဘူး ခေါ်သွားတယ်၊ မိသားစုဘ၀ကို ဖျက်ဆီးတာပဲ၊ အညာဒေသမှာ ကလေးစစ်သား စုဆောင်းမှုက ပြန်ပေးဆွဲသလို ဖြစ်နေတယ်”ဟု ၎င်းကဆို သည်။
ကလေးစစ်သားနှင့် ပတ်သက်၍ ၂၀၀၉ ခုနှစ်က အမှုပေါင်း ၁၂၁ မှုရှိကြောင်း၊ ယခုအမှုသည် ၂၀၁၀ ခုနှစ်အတွက် ဒုတိယ အကြိမ်မြောက် တိုင်ကြားသည့် အမှုဖြစ်ကြောင်း၊ ပြစ်မှုကျုးလွန်သူ များကို အရေးယူမှ သာလျှင် ကမ္ဘာ့အလယ်တွင် နာမည်ကောင်း ရမည်ဖြစ်သည်ဟု ဦးအေးမြင့်က ပြောသည်။
ပဲခူးတိုင်းအတွင်း ကလေးစစ်သား စုဆောင်းခံရမှုနှင့် ပတ်သက်၍ စစ်အစိုးရ၏ သက်ဆိုင်ရာ ၀န်ထမ်းများသာမက နိုင်ငံရေးအဖွဲ့ အစည်းဖြစ်သည့် အမျိုးသား ဒီမိုကရေစီ အဖွဲ့ချုပ် ကလည်း ၀ိုင်းဝန်းကူညီ ဆောင်ရွက် ပေးကြောင်း သိရသည်။
အဓမ္မကလေးစစ်သား စုဆောင်းမှုနှင့် ပတ်သက်၍ ILO သို့ တိုင်ကြားမှုသည် ၂၀၀၉ ခုနှစ် အတွင်းတွင် ပိုမိုများပြား လာကြောင်း ကယ်ရီ တာပီအိုလာ ကလည်း ဧရာဝတီသို့ ပြောသည်။
ပြီးခဲ့သည်နှစ် မတ်လက ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း မှ ကုလသမဂ္ဂ လုံခြုံရေး ကောင်စီသို့ ပေးပို့သည့် ကလေးသူငယ်များနှင့် လက်နက်ကိုင် ပဋိပက္ခဆိုသည့် အစီအရင် ခံစာတွင် နိုင်ငံတကာ အလုပ်သမား အဖွဲ့သည် မိမိသဘော ဆန္ဒမပါဘဲ စုဆောင်းခြင်း ခံထားရသည့် ကလေးသူငယ် ၂၃ ဦး လွတ်မြောက်ရေး အတွက် ဆောင်ရွက် နိုင်ခဲ့ကြောင်း၊ ထိုအထဲတွင် နိုင်ငံတကာ ကြက်ခြေနီ ကော်မတီနှင့် ပူးပေါင်းပြီး ကယ်တင်နိုင်ခဲ့သည့် ကလေး ၁၂ ဦးရှိကြောင်း သိရသည်။ တခြားသော ကလေး ၁၄ ဦးနှင့် ပတ်သက်ပြီး ဆက်လက် ဆောင်ရွက်ရန် အတွက် အစိုးရများထံမှ တုံ့ပြန်ချက်ကို စောင့်ဆိုင်း နေကြောင်းလည်း ပါရှိသည်။
Read More...
Summary only...
နအဖ တပ်မတော် (လေ)
စကတည်းက တော်တော်ကြီးလွဲသွားခဲ့တဲ့ မြန်မာ့တပ်မတော်တွင်း ကိစ္စလေးတခုအကြောင်းပါ။ သူများကို မခံချင်လို့ ထသတ်ပါတယ်၊ ဒါပေမယ့် ကိုယ်ကအောက်ကပဲဆိုတဲ့ အဖြစ်မျိုးနဲ့ကြုံပြီး နအဖတို့ နှစ်ထပ်ကွမ်း အရှက်ရသွားခဲ့ပုံတွေပါ။ ၂၀၀၁ ခုနှစ် ထိုင်း-မြန်မာနယ်စပ်ပြဿနာမှာ ထိုင်းဘက်က အမေရိကန်လုပ် F 16 တိုက်လေယာဉ်တွေနဲ့ မြန်မာ့နယ်နိမိတ်ကို ဖြတ်ကျော်ပျံသန်းခြိမ်းခြောက်တာကို နအဖတို့ ခံခဲ့ရပါတယ်။
အဲဒီနောက်ပိုင်း အင်အားတောင့်တင်းတဲ့ ခေတ်မီတပ်မတော်ကြီး တည်ဆောက်ရေးဆိုပြီး စစ်တပ်တွေထဲမှာ နအဖတို့ အရှက်ပြေလေသံတွေ ပစ်ခဲ့ကြပြန်ပါတယ်။ F 16 လေယာဉ်တွေတင် မဟုတ်ပါဘူး၊ ထိုင်းတပ်တွေဘက်ကနေ GPS စနစ်ကိုသုံးပြီး ပစ်ခတ်လိုက်တဲ့ အမြောက်ဆန်တွေကြောင့် နအဖတို့တင်မက တာချီလိတ်မြို့ခံတွေတောင် ထိတ်လန့်သွား ပါသတဲ့။ ဒီကစလို့ ခေတ်မီတပ်မတော်ဆိုတဲ့ စကားလုံးတွေပဲ နအဖဗိုလ်ချုပ်တွေ နေ့စဉ်နဲ့အမျှ တောက်လျှောက် ရွတ်ဖတ်နေ ကြပါတော့တယ်။ စစ်လက်နက်ခေတ်မီရေးကိစ္စမှာ နအဖတို့အနေနဲ့ ဘယ်လိုများ ဆက်စွမ်းဆောင်နိုင်ခဲ့ကြသလဲဆိုတဲ့ အကြောင်းတွေကို ထပ်မိတ်ဆက်ပေးချင်ပါသေးတယ်။
မူးတင်းပဲတင်း ငြင်းမနေနဲ့ အလကားရ မြန်မာ့လေတပ်မတော်
မြန်မာ့လေတပ်မတော်ကို ၁၉၄၇ ခုနှစ် ဇန်န၀ါရီလ (၁၆) ရက်နေ့မှာ စတင်ဖွဲ့စည်းခဲ့ပါတယ်။ လွတ်လပ်ရေးရပြီး နောက်ထပ် (၁) နှစ်နီးပါး အင်္ဂလိပ်တို့ပဲ မြန်မာ့လေတပ်မတော်ကို ဆက်ပြီး ကွပ်ကဲ၊ ထောက်ပံ့၊ လေ့ကျင့်ပေးခဲ့ပါတယ်။ ဒုတိယကမ္ဘာစစ် လက်ကျန် အင်္ဂလိပ်၊ အမေရိကန်လုပ် လေယာဉ်တွေနဲ့ အခြားနိုင်ငံတချို့က ၀ယ်ယူထားတဲ့ လေယာဉ်အချို့ပဲ လေတပ်မှာ ရှိခဲ့ပါတယ်။ တိုက်ဂါးမောက် (tiger moths)၊ စပစ်ဖိုင်းယား (spit fires) နဲ့ အော်တာ (otter)၊ ဒါကိုတာ (dakota) စတဲ့ ကမ္ဘာစစ်သုံးလေယာဉ်ပေါင်း (၆၃) စီးနဲ့ ဗမာ့လေတပ်မတော်ကို စဖွင့်ခဲ့တာပါ။ စွမ်းရည်ကျနေတဲ့ လေယာဉ်တွေဖြစ်တာမို့လည်း ၁၉၄၉ ခုနှစ် တနှစ်ထဲမှာ လေယာဉ်ပျက်ကျမှု (၂၄) ကြိမ် ဖြစ်ပွားခဲ့ပါတယ်။ ၁၉၆၄ ခုနှစ်ရောက်တော့ မြန်မာလေတပ်မှာ အရာရှိ (၂၃၂) ဦး၊ အခြားအဆင့် (၅,၆၇၇) ဦးအထိ အင်အားတိုးလာခဲ့ပါတယ်။
မူလ မင်္ဂလာဒုံ (ပင်မတိုက်ခိုက်ရေး) လေတပ်စခန်းနဲ့ မိတ္ထီလာ (ထောက်ပို့) လေတပ်စခန်းတို့အပြင် နောက်ထပ် လေယာဉ်အုပ်၊ ရေဒါအုပ်တွေကို ဆက်တိုးချဲ့ခဲ့သလို အရာရှိ (၂၆) ဦးနဲ့ စစ်သည် (၇၅၀) ဦးပါ လေထီးတပ်လို့ခေါ်တဲ့ လေကြောင်းချီတပ် တခုကိုလည်း မဆလတို့ခေတ်မှာ တိုးချဲ့ဖွဲ့စည်းနိုင်ခဲ့ပါသေးတယ်။ ၁၉၈၄ နဲ့ ၁၉၈၆ ခုနှစ်တွေမှာ မူးယစ်ဆေးဝါးတိုက်ဖျက်ရေး ကိစ္စအတွက် ဗီယက်နမ်စစ်ပွဲကျ ရဟတ်ယာဉ် စုစုပေါင်း (၂၁) စီးကို အမေရိကန်ဆီက အလကားရပြီး တပ်မတော်လေရဲ့ ပြည်တွင်းသောင်းကျန်းသူ စစ်ဆင်ရေးကိစ္စတွေမှာ အသုံးပြုခဲ့ပါတယ်။ ဒါကြောင့် မြန်မာ့လွတ်လပ်ရေးရပြီးနောက် တလျှောက်လုံး အလကားရတဲ့ စစ်လက်နက်တွေနဲ့ ခေတ်မီအောင် မြန်မာ့လေတပ်မတော်ကို မဆလအစိုးရတို့ တည်ဆောက်ခဲ့ပါတယ်လို့ ပြောရမှာပါ။
၁၉၈၈ ခုနှစ်နောက်ပိုင်း လူ့အခွင့်အရေးချိုးဖောက်မှုတွေကြောင့် မြန်မာစစ်အစိုးရကို နိုင်ငံတကာက ၀ိုင်းဝန်းပိတ်ဆို့ခဲ့ပါတယ်။ ဒီပိတ်ဆို့မှုတွေထဲမှာ စစ်လက်နက်ဝယ်ယူခွင့်တွေအပြင် လေယာဉ်နဲ့ ရဟတ်ယာဉ် အင်ဂျင်ပစ္စတင်တွေမှာသုံးတဲ့ အေဗီဂက် (avgas) တွေပါ ၀ယ်မရတာကြောင့် အရင်မဆလခေတ်က တစီးစ နှစ်စီးစ ဟန်ပြအဖြစ် ၀ယ်ထားတဲ့ အနောက်နိုင်ငံလုပ် လေယာဉ်တွေ ပျံတက်ဖို့ မဖြစ်နိုင်တော့ပါဘူး။ ဘဲလ် (bells)၊ အော်တာ (otters)၊ ချက်မောက် အမျိုးစားလေယာဉ်တွေကို ကနေဒါ၊ သြစတြေးလျနဲ့ အမေရိကန်နိုင်ငံသား ပုဂ္ဂလိကလေယာဉ်မောင်းသမားတွေဆီကို လျှော့ဈေးနဲ့ ပြန်ရောင်းပစ်ခဲ့ရပါတယ်။ ၁၉၇၅ ကနေ ၁၉၈၈ ခုနှစ်အထိ အီတလီ၊ ဆွစ်ဇာလန်၊ ယူဂိုစလပ်လုပ် လေယာဉ် (၅၇) စီးဟာ ဆက်အလုပ်မဖြစ်နိုင်တဲ့အခြေကို ဆိုက်သွားပါတယ်။ မပျံနိုင်တဲ့ အနောက်အုပ်စု လေယာဉ်တွေနေရာမှာ တရုတ်၊ ရုရှနိုင်ငံလုပ် လေယာဉ်တွေနဲ့ အစားထိုးဖို့ နအဖတို့ထပ်ပြီး စဉ်းစားလာရပါတော့တယ်။
အာရှဒေသတွင်း ဒုတိယစစ်အင်အားအကြီးဆုံး တပ်မတော်တခုဖြစ်အောင် တည်ဆောက်ရာမှာ ကြည်းတပ်၊ ရေတပ်တို့လို ခေတ်မီလေတပ်ကြီးဖြစ်လာအောင် နောက်ဆုံးပေါ်လေယာဉ်တွေ အများကြီးလိုပါတယ်။ အရင် မဆလခေတ်တုန်းက လေတပ်မှာ လေယာဉ်နဲ့ ရဟတ်ယာဉ်ပေါင်း (၁၃၁) စီး ရှိရာကနေ ၁၉၈၈ ခုနှစ်ကနေ ၂၀၀၆ ခုနှစ်အတွင်း နောက်ထပ် အစီး (၁၀၀) တိုးပြီး စုစုပေါင်း အစီး (၂၃၁) ရှိလာပါပြီ။ မြန်မာ့အိမ်နီးချင်း ထိုင်းနိုင်ငံက လေယာဉ်ပေါင်း (၃၁၅) စီး၊ ဘင်္ဂလားဒေ့ရ်ှက (၂၀၀) စီးစီ အသီးသီးရှိကြပေမယ့် အဆင့်မြင့်လေယာဉ်တွေ အများစုဖြစ်ပါတယ်။
နိုင်ငံတကာရဲ့ ပိတ်ဆို့ခံထားရတာကြောင့် စစ်လက်နက်ဝယ်ယူရေးမှာ ‘တရားအားထုတ် တရုတ်အားထား’ ဆိုသလို နအဖအစိုးရအဖို့ တရုတ်ကလွဲရင် ဘယ်ကမှ အားကိုးရာ မရခဲ့ပါဘူး။ ၁၉၉၀ ခုနှစ်တုန်းက အမေရိကန်ဒေါ်လာ (၂) ဘီလီယံဖိုး တရုတ်လုပ် လေယာဉ်တွေ နအဖတို့ ၀ယ်ယူခဲ့ပါတယ်။ ၂၀၀၁ ခုနှစ် တရုတ်ဘက်က မှာယူတဲ့ စစ်လက်နက်ပစ္စည်းတွေနဲ့အတူ ရုရှလုပ် MiG 21 လေယာဉ်ကိုတုပြီး တည်ထွင်ထားတဲ့ တရုတ်လုပ် J အမျိုးစား တိုက်လေယာဉ် (၁၂) စီးကို ၀ယ်ယူခဲ့ကြောင်း သိရပါတယ်။ နိုင်ငံစုံကနေ ၀ယ်ထားတဲ့ စုစုပေါင်းလေယာဉ် (၂၃၁) စီးအနက် ထက်ဝက်နီးပါးပမာဏရှိတဲ့ တရုတ်လေယာဉ် (၁၂၀) စီး ယနေ့မြန်မာ့လေတပ်မှာ ရှိနေပါပြီ။
အမျိုးအစားအားဖြင့် ...
ချင်ဒူး (Chengdu) F 7 (၆၀) စီး
ရှင်ယန်း (Shenyang) J (၆) စီး
နန်ချန် (Nanchang) Q 5 (၃၆) စီး
ရှန်စီ (Shaanxi) Y 8 D 2 (၆) စီး
ဟုန်ဒူး (Hongdu) K 8 (၁၂) စီး
… ပေါင်း (၁၂၀) စီး ဖြစ်ပါတယ်။
မြန်မာအစိုးရ၀ယ်ယူခဲ့သမျှ စစ်လက်နက်ပစ္စည်းအားလုံးရဲ့ (၉၀) ရာခိုင်နှုန်းဟာ တရုတ်ဆီကပါပဲ။ ၁၉၈၉ ခုနှစ် နအဖ တက်လာကတည်းက အမေရိကန်ဒေါ်လာ (၁.၂) ဘီလီယံဖိုး လက်နက်တွေကို တရုတ်က ထောက်ပံ့ပေးခဲ့ပြီး ၁၉၉၀ နောက်ပိုင်း အလတ်စားနဲ့ အပေါ့စားတင့်ကား အစီး (၂၀၀)၊ သံချပ်ကာယာဉ် (၂၅၀)၊ ဒုံးပစ်စနစ်များနဲ့ အမြောက်ကြီး၊ လေယာဉ်ပစ် အမြောက်တွေ၊ မြေပြင်ဝေဟင်ပစ်ဒုံးတွေ၊ ကင်းလှည့်ရေယာဉ်တွေ၊ ဒုံးကျည်တပ် အမြန်တိုက်ရေယာဉ်တွေ၊ ကင်းလှည့်တိုက်ရေယာဉ် … စတာတွေအပြင် တရုတ်ဘက်က သင်တန်းဆရာတွေပါ ကူညီပေးခဲ့ပါတယ်။
ဒုတိယအသုတ် ဒေါ်လာသန်း (၄၀၀) ဖိုးရှိ လက်နက်တွေကို ရောင်းချပေးရာမှာ ရေတပ်ကင်းလှည့်သင်္ဘောတွေ၊ အမြောက်တင်သင်္ဘောနဲ့ ရဟတ်ယာဉ်များစွာ ပါဝင်ခဲ့ပါတယ်။ အင်အား (၄) သိန်းကနေ (၅) သိန်းရှိတဲ့ ဒီကနေ့အခြေအနေထိ အင်အားတောင့်တင်းလာအောင် မြန်မာ့တပ်မတော်ကို အဓိက ကူညီပံ့ပိုးပေးခဲ့တာ တရုတ်ပါပဲ။ ဒါကြောင့် မြန်မာပြည်နေရာအနှံ့မှာ လူသုံးတရုတ်ကုန်ပစ္စည်းတွေတင်သာမက မြန်မာစစ်တပ်ထဲ ရှိရှိသမျှ စစ်လက်နက်ပစ္စည်းတိုင်းဟာ တရုတ်ဖြစ်တွေ အများစုပါ။ ၀ယ်ယူပြီး တရက်အတွင်းမှာ ကံမကောင်းရင် အစုတ်ဖြစ်သွားတတ်တဲ့ တရုတ်စက်တွေရဲ့သဘောအတိုင်း နအဖတပ်ထဲက စစ်လက်နက်ပစ္စည်းတွေအားလုံး ဘာတခုမှ ရေရှည်အာမခံချက်မရှိကြပါဘူး။ အခုရောင်းထားတဲ့ တရုတ်လုပ်လေယာဉ်တွေအားလုံး ရုရှလေယာဉ်ဒီဇိုင်းကို တုပထားပြီး ၁၉၉၀ ခုနှစ်ထုတ် မော်ဒယ်တွေသာ အများစုပါ။
ဒါကြောင့် ၂၀၀၇ ဒီဇင်ဘာ (၁၈) ရက်နေ့က ပျက်ကျခဲ့တဲ့ တရုတ်လုပ် နန်ချန် Q 5 တစီးဟာ ၁၉၉၄ ခုနှစ်မှာ ၀ယ်ခဲ့တာဖြစ်ပြီး အဲဒီဝယ်ခဲ့တဲ့ လေယာဉ်အားလုံးကို (၅) နှစ်သက်တမ်း အာမခံချက်ပဲ တရုတ်ကုမ္ပဏီတွေက ပေးထားပါတယ်။ ဒါကြောင့် တရုတ်လုပ်လေယာဉ်တွေ စီးဖို့ကို လေသူရဲတိုင်း ထိတ်လန့်နေကြတဲ့အဖြစ် ရောက်နေရပါပြီ။ လေတပ်ထဲက သက်သာဆိုင်တွေမှာ စစ်ဆင်ရေးရှိရင် ဖယောင်းတိုင်တွေ သိပ်ပြီးရောင်းကောင်းကြပါတယ်။ လေယာဉ်ပျက်မကျအောင် လေယာဉ်မှူးတွေ ဆုတောင်းဖို့ပါတဲ့။
တပ်မတော်တရပ်ကို အခြေခံကစပြီး ခေတ်မီအောင် မတည်ဆောက်ဘဲ ပေါချောင်ကောင်း ဟန်ရေးပြကောင်းလောက်ရုံ အဆင့်သာရှိတဲ့ တပတ်ရစ် စစ်လက်နက်တွေကို ၀ယ်ယူတပ်ဆင်ခဲ့တာကြောင့် အလွဲလွဲအမှားမှားတွေဖြစ်ပြီး နအဖတို့ ခေတ်နောက်ကျ ကျန်ရစ်ခဲ့ပုံကို ၂၀၀၁ ခုနှစ် ထိုင်းနယ်စပ်ဖြစ်ရပ်တွေက မီးမောင်းထိုးပြခဲ့ပြီးပါပြီ။ ၂၀၀၁ ခုနှစ် ထိုင်း-မြန်မာနယ်စပ်အရေးပြီးတဲ့နောက် အရေးပေါ်အဖြစ် ရုရှလုပ် MIG 21 လေယာဉ် (၁၂) စီးနဲ့အတူ အမေရိကန် F 16 တိုက်လေယာဉ်ကို တုပထားတဲ့ တရုတ်လုပ်လေယာဉ်တွေကို နအဖတို့ ၀ယ်ယူခဲ့ပါတယ်။
အခုလည်း မြန်မာ့တပ်မတော် (လေ) က တရုတ်ပြည်လုပ် J အမျိုးစား ရှင်ယန်း တိုက်လေယာဉ်တစင်း ၂၀၀၉ ခုနှစ် ဒီဇင်ဘာ (၃) ရက်နေ့မှာ မှော်ဘီလေတပ်စခန်းကနေ ပျံသန်းလေ့ကျင့်စဉ် ကြံခင်းမြို့အနီး ပျက်ကျသွားပြန်ပါတယ်။ ၀ နယ်စပ်မှာ စစ်ပွဲတွေဖြစ်လာခဲ့ရင် အသင့်ရှိနေအောင် အမှတ်စဉ် (၁၃) ဦးမြောက် လေချုပ်ကြီး ဗိုလ်ချုပ်မြတ်ဟိန်း အမိန့်အရ အခုလို ပျံသန်းခဲ့ခြင်းဖြစ်ပါတယ်တဲ့။ ၁၉၈၈ ခုနှစ်ကနေ ၂၀၀၇ ခုနှစ်အထိ လေယာဉ်ပျက်ကျမှု ပေါင်း (၉) ကြိမ်ဖြစ်ခဲ့ပြီး ပျမ်းမျှ တနှစ်ကို တစင်းလောက် ပျက်ကျနေတယ်လို့ ဆိုရမှာပါ။ လေယာဉ်တွေက အဆင့်နိမ့်သလို လေသူရဲတွေခမျာလည်း ကျွမ်းကျင်မှု နည်းကြပါတယ်။ လိုအပ်သလို အမြဲတမ်း လေ့ကျင့်ပျံသန်းနိုင်ခွင့်လည်း လေယာဉ်မှူးတွေ မရကြပါဘူး။
သင်တန်းဆင်း ရဟတ်ယာဉ်မှူးကောင်းတယောက်အဆင့်ရောက်အောင် ပျံသန်းလေ့ကျင့်ချိန် နာရီ (၅၀) လောက်သာ ခွင့်ပြုပေးထားပါတယ်။ ကျန်အချိန်တွေမှာလည်း နေပြည်တော်က အမိန့်ပေးလာမှ လေယာဉ်ပေါ်တက် လေ့ကျင့်ပျံသန်းခွင့် ရှိကြပါတယ်။ လေ့ကျင့်ပျံသန်းစဉ် စစ်လက်နက်၊ ဗုံးသီး၊ မြေပြင်ဝေဟင်ပစ်ဒုံးတွေကို တပ်ဆင်မောင်းနှင်ခွင့် လုံးဝမရှိ်ဘူးလို့ သိရပါတယ်။ တဘက်ကလည်း လေယာဉ်တခါပျံတက်ရင် တနာရီမှာ လေယာဉ်ဆီ PC 7 အတွက် (၃၄) ဂါလန်၊ Mi2 ရဟတ်ယာဉ်အတွက်ဆို (၆၈) ဂါလန်၊ A 5 လေယာဉ်များအတွက် (၆၂) ဂါလန်လောက်စီ ကုန်ပါတယ်။ လေယာဉ်ဆီ အလွန်ကုန်ကျတာကြောင့်မို့လည်း လေယာဉ်တွေကို အမြဲတမ်း ပျံတက်လေ့ကျင့်ပေးမနေနိုင်ပါဘူး။ မြေပြင်မှာ စက်နှိုးစမ်းသပ်ရုံလေးနဲ့ကို တစီးကို လေယာဉ်ဆီ နေ့စဉ် (၁၀) ဂါလန်ကျော် ကုန်ကျပါတယ်။ ဒါကြောင့် မြေပေါ်မှာပဲ (၁၀) မိနစ်လောက် စက်ကိုပူအောင် စက်နှိုးပြီး မြေပြင်စမ်းသပ်ပျံသန်းခြင်းတွေကိုသာ နေ့တိုင်းနေ့တိုင်း လုပ်နေကြရပါတယ်။
မပျံဘဲ အပျံစာရင်းပြပြီး လေယာဉ်ဆီထုတ်ရောင်းစားတဲ့ ဖြစ်ရပ်မျိုးတွေကလည်း လေတပ်စခန်းတိုင်းမှာ တပုံကြီးပါ။ ပစ္စည်းတွေက ခေတ်မမီ၊ စစ်သည်တွေက စားဝတ်နေရေးမပြေလည်တော့ ဆီခိုးရောင်းစား အကျင့်ပျက်ကြ၊ ပြုပြင်ထိန်းသိမ်း လေ့ကျင့်ဖို့ နေနေသာသာ လေယာဉ်ဆီဖိုးနဲ့ လေ့ကျင့်ပျံသန်းစရိတ်ကိုတောင် တပ်မတော်လေမှာ လုံလောက်အောင် ချထားမပေးပါဘူး။ မြန်မာ့ဝေဟင်ကို စိုးမိုးမယ့် တပ်မတော်လေ လေယာဉ်တွေ မြေပေါ်မှာ နေ့တိုင်း အပျံကျင့်ပေးနေရတယ်လို့ လေတပ်ပြုပြင်ထိန်းသိမ်းရေးအုပ်က စစ်သည်တွေကိုယ်တိုင် ပြောစမှတ်တွင်နေလေတော့ မခက်ပါလား၊၊
လွဲတာကတော့ အတော့်ကို လွဲနေကြတာပါ။ လေယာဉ်ကို စက်နှိုးပြီး နွားလှည်းလို မြေပြင်မှာ ပျံခိုင်းနေတဲ့ တပ်မတော်ကို ဒါမှ မြန်မာ့ခေတ်မီတပ်မတော် စစ်စစ်ပါလို့ ပြန်ပြင်ပြီး ခေါ်ရတော့မလိုပါပဲ။ စစ်ဆင်ရေးရှိလို့ ပျံကြရပြီဆိုရင်လည်း ဘုရားတပြီး လေယာဉ်တွေ မောင်းနေကြရတဲ့အဖြစ်မျိုး။ တနှစ်တယောက် ကံဆိုးသူမောင်ရှင်စာရင်းထဲ ပါသွားတဲ့ အဖြစ်ဆိုးနဲ့ တပ်မတော်လေက အရာရှိတွေ ရင်ဆိုင်နေရပါတယ်။
Read More...
Summary only...
ဇန်န၀ါရီလ ၂၈ရက်။ စောသိန်းမြင့် (ကေအိုင်စီ)
ထိုင်းနိုင်ငံ၊ တာ့ခ်ခရိုင်၊ ထာ့ဆောင်ယန်းမြို့နယ်ရှိ ကရင်စစ်ပြေးဒုက္ခသည်များကို နေရပ်ပြန်ပို့ရန် ထိုင်းစစ်တပ်မှ တပ်ဗိုလ်တပ် မှူးအချို့သည် မြန်မာဘက်ကမ်းရှိ ဒုက္ခသည်နေရာများကို ယနေ့ သွားရောက်ကြည့်ရှုခဲ့သည်ဟု သိရသည်။
ထိုင်းအာဏာပိုင်များက ဒုက္ခသည်များ ပြန်ထားမည့် မြန်မာပြည်ဘက်ခြမ်းသို့ သွားရောက်ကြည့်ရှုရာတွင် နိုဘိုးကျးရွာတွင် ရှိသည့် စစ်ပြေးဒုက္ခသည် (၅၀)ကျော်ကို ၎င်းတို့နှင့်အတူ ခေါ်ဆောင်သွားခဲ့သည်ဟု ကေအဲန်ယူ ဖားအံခရိုင် ဥက္ကဌ ပဒိုစော အောင်မော်အေးက ပြောသည်။
“ဒီမနက် ၉နာရီလောက်မှာ ထိုင်းစစ်တပ်ကနေပြီး ဒုက္ခသည် အယောက် ၅၀ကျော်ကို ခေါ်သွားပြီးတော့ အရင်က ရွာသားတွေ နေတဲ့ ကရင်ဒုက္ခသည်စခန်းဖြစ်တဲ့ လယ်ပေါ်ဟဲနေရာ သွားကြည့်တယ်။ ဒီကေဘီအေတွေလည်း လာကြိုတယ်။ သူများ (ထိုင်းစစ်တပ်)က အတင်းအဓမ္မ ပြန်ကြည့်ခိုင်းတော့ ဒုက္ခသည်တွေလည်း လိုက်သွားရတာပေါ့။ တရက် တရက် သုံးလေးငါးခါ လောက် သွားပြီး ဖိအားပေးပြောဆိုနေတော့ ဒုက္ခသည်တွေလည်း ဆုပ်လည်းဆူး၊ စားလည်းရူး ဘ၀အခြေအနေမျိုးဖြစ်နေ တယ်လေ”ဟု စောအောင်မော်အေးက ပြောသည်။
ယင်းသို့ သွားရောက်ကြည့်ရှုရာတွင် ထိုင်းစစ်တပ်နှင့် ဒုက္ခသည်ရွာသားများအား ဒီကေဘီအေက လမ်းပြခေါ်ဆောင်သွားခြင်း ဖြစ်ပြီး ထိုနေရာသည် မိုင်းဗုံး အများအပြားရှိသောကြောင့် ပြန်လည်နေထိုင်မည်ဆိုပါက ၎င်းတို့အတွက် လုံခြုံမှု လုံးဝ မရှိ ကြောင်း ထိုင်းစစ်တပ်၏ ခေါ်ဆောင်ရာနောက် ပါသွားခဲ့သူ နိုဘိုးဒုက္ခသည်တဦးက ပြောသည်။
သူက “ကျနော်တို့ ဒီနေ့သွားတာ ဒီကေဘီအေ လမ်းပြတဲ့အတိုင်းပဲ လိုက်သွားရတယ်။ မိုင်းဗုံးအန္တရာယ်ကိုတော့ သူတို့ တာဝန် မယူဘူးတဲ့။ ဒီအခြေအနေနဲ့ဆို မိသားစုလိုက် ပြန်နေလို့ မရဲဘူး။ ကလေးအတွက်လည်း ကြည့်ရသေးတယ်လေ။ ရွာထဲမှာ ဗုံးမရှိဘူးလို့ ပြောလို့ မရဘူး။ ကျနော် ဘာမှတောင် မစဉ်းစားတတ်တော့ဘူး။ တော်တော်ဆိုးတဲ့ အခြေအနေပဲ”ဟု ဆိုသည်။
၎င်းစစ်ပြေးဒုက္ခသည်များ နေရပ်ပြန်ပို့မည့်ကိစ္စတွင် ဒီကေဘီအေအနေဖြင့် နအဖ စစ်တပ်မှ ရွာသားများကို အကြမ်းဖက်မှု၊ အတင်းအဓမ္မ ခိုင်းစေမှုများ မရှိရန် တာဝန်ယူနိုင်သော်လည်း မိုင်းကိစ္စကို တာဝန်မယူရဲကြောင်း ဒီကေဘီအေ တပ်မဟာ (၉၉၉) တပ်ရင်း (၇)ဒုတပ်ရင်းမှူး ဗိုလ်မှူး စောကြည်လင်က ကေအိုင်စီကို ယခုလို ပြောသည်။
“လူထုတွေကို ပြန်လာပါလို့လည်း ကျနော်တို့ အတင်းမခေါ်ပါဘူး။ သူတို့ဆန္ဒရှိရင် ပြန်လာလို့ရပါတယ်။ ကျနော်တို့ ရှိနေသမျှ ကာလပတ်လုံးမှာ ရွာသားတွေကို နအဖကနေပြီးတော့ အနိုင်ကျင့်တာတို့၊ အကြမ်းဖက်တာတို့ လုံးဝမရှိစေရဘူးဆိုတာ ကျနော် အာမခံရဲပါတယ်။ ဒါပေမယ့် ကော်သူးလေ(ကေအဲန်ယူ)တွေထောင်ထားတဲ့ မိုင်းဗုံးကိုတော့ ကျနော်တို့ တာဝန်မယူရဲ ဘူးဆိုတာကို ဟိုနေ့က အစည်းအဝေးမှာ ကျနော် ပြတ်ပြတ်သားသားပဲ ပြောခဲ့ပြီးသားပါ”ဟု ပြောသည်။
ယမန်နေ့က ပြုလုပ်သည့် ထိုင်းလွှတ်တော်များအစည်းအဝေးတွင် ၎င်းစစ်ပြေးဒုက္ခသည်များအား နေရပ်ပြန်ပို့မည့် ထိုင်းအစိုးရ ဆုံးဖြတ်ချက်ကို ထိုင်းအထက်လွှတ်တော် လူ့အခွင့်အရေးဆိုင်ရာ ကော်မရှင်က ကန့်ကွက်လိုက်သည်ဟု ဘီဘီစီသတင်းဌာန တွင် ဖော်ပြခဲ့သည်။
ပြီးခဲ့သည့် ဇန်န၀ါရီလ ၂၆ရက်နေ့က နိုဘိုးကျေးရွာတွင် သက်ဆိုင်ရာ ထိုင်းအာဏာပိုင်များ အပါအ၀င် UNHCR, TBBC၊ ကေ အဲန်ယူ တပ်မဟာ (၇)ခေါင်းဆောင်တချို့နှင့် ဒီကေဘီအေ တပ်မဟာ (၉၉၉) တပ်ရင်း(၇)မှ ခေါင်းဆောင်တချို့တို့ တွေ့ဆုံခဲ့ ပြီး ဒုက္ခသည်များ နေရပ်ပြန်ထားမည်ဟု ဆုံးဖြတ်ကာ ယခုလို မြန်မာဘက်ခြမ်းသို့ သွားရောက်ကြည့်ရှုခဲ့ကြခြင်း ဖြစ်သည်။
အဆိုပါဒုက္ခသည်များသည် ယမန်နှစ်က နအဖနှင့် ဒီကေဘီအေတို့ ပူးပေါင်းကာ ကေအဲန်ယူအား ထိုးစစ်ဆင်မှုကြောင့် ထွက် ပြေးရောက်ရှိလာကြသည့် ဖားအံခရိုင်မှ ကရင်ရွာသူရွာသားများဖြစ်ကြပြီး ထိုင်းအာဏာပိုင်များ၏ ဖိအားပေးမှုများကြောင့် ယခင် ဒုက္ခသည်ဦးရေ ၄,၀၀၀ကျော်ထဲမှ အချို့မှာ နေရပ်သို့ ပြန်သွားခဲ့သဖြင့် လက်ရှိတွင် ဒုက္ခသည် ၁,၀၀၀ကျော်သာ ကျန်ရှိ သည်ဟု သိရသည်။
တဆက်တည်းတွင် ထိုင်းအမှတ်(၃)စစ်တိုင်းမှူး နိုင်ထနွန်ဆာ့အဖိလာ့ယူထီက နိုဘိုးကျေးရွာရှိ ယာယီဒုက္ခသည်စခန်းသို့ လာ ရောက်ကာ ဒုက္ခသည်များအနေဖြင့် နေရပ်သို့ ပြန်သင့်ကြောင်း လာရောက်ပြောကြားခဲ့သည်ဟု သိရသည်။
(အမှတ်-၃ စစ်တိုင်းမှူး နိုင်ထနွန်ဆာ့ အဖိလာ့ယူထီ နိုဘိုးကျေးရွာရှိ ဒုက္ခသည်များထံ ယနေ့ လာရောက်စဉ်)
(ဇန်န၀ါရီ ၂၆ရက်နေ့က ထိုင်း၊ ယူအဲန် အပါအ၀င် အဖွဲ့စုံ ယခုလို ဆွေးနွေးခဲ့ကြသည်)
Read More...
Summary only...
ကျော်ခ | ကြာသပတေးနေ့၊ ဇန်နဝါရီလ ၂၈ ရက် ၂၀၁၀ ခုနှစ်
ချင်းမိုင် (မဇ္ဈိမ)။ ။ ထိုင်းနိုင်ငံ တာ့ခ်ခရိုင် ထာ့ဆောင်ယန်းရှိ ယာယီ ဒုက္ခသည်စခန်း နှစ်ခုမှ ကရင် ဒုက္ခသည်များကို ပြန်ပို့လျှင် လုံခြုံရေး တာဝန်မယူနိုင်ကြောင်း တိုးတက်သော ဗုဒ္ဓဘာသာကရင် တပ်မတော် - DKBA က ပြောသည်။
နို့ဘိုးနှင့် အူးသူးထ စခန်းနှစ်ခုရှိ ဒုက္ခသည် ၂ဝဝဝ ကျော်အား ပြန်လက်ခံနိုင်သော်လည်း ပြန်လည် နေရာချထားမည့် နယ်မြေအတွင်း၌ ထောင်ထားသော မြေမြှုပ်မိုင်း အန္တရာယ်မှ အကာအကွယ် မပေးနိုင်ခြင်း ဖြစ်ကြောင်း DKBA မှ တပ်မှူးတဦးက ပြောဆိုခြင်း ဖြစ်သည်။
“နေဖို့တခုထဲဆိုရင်တော့ ကျနော်တို့အနေနဲ့ ကာကွယ် ပေးနိုင်ပါ တယ်ခင်ဗျ။ တကယ်လို့ တောင်ယာ ခုတ်မယ်၊ လယ်လုပ်မယ်၊ သစ်ဖုသစ်ဥ တူးစားမယ်ဆိုရင်တော့ နယ်မြေ လုံခြုံရေးအတွက် အရင် စစ်ဆင်ရေးတွေကတည်းက ထောင်ခဲ့တဲ့ မိုင်းအလုံးပေါင်း ထောင်နဲ့ရှိတယ်ခင်ဗျ” ဟု DKBA ဗိုလ်မှူး ကြည်လင်က မဇ္ဈိမကို ပြောသည်။
ယင်းဒုက္ခများသည် ပြီးခဲ့သည့်နှစ် ဇွန်လပိုင်းက နအဖနှင့် DKBA ပူးတွဲထိုးစစ်ကြောင့် ကရင် အမျိုးသား အစည်းအရုံး -KNU တပ်မဟာ ၇ ပိုင် ဘားအံ ခရိုင်အတွင်းမှ ထွက်ပြေးသည့် ကရင်ရွာသားများ ဖြစ်သည်။ သူတို့သည် ထာ့ဆောင်ယန်းမြို့နယ်ရှိ မဲ့သရီ၊ သလေထာ့၊ အူသူးထ၊ နို့ဘိုး စသည့် ယာယီစခန်းများ၌ ခိုလှုံနေကြရခြင်း ဖြစ်သည်။
သလေထာ့ရှိ လူဦးရေကို မသိရသေးသော်လည်း နိုဘိုးတွင် ၉၄၆ ဦး၊ အူးသူးထတွင် ၁၄၆ဝ ဦး၊ မဲ့သရီတွင် ၆၉၄ ဦး ရှိသည်။
ဒုက္ခသည်များကို ပြန်ပို့ရေးကိစ္စကို ယခုလ ၂၆ ရက်နေ့က နိုဘိုးစခန်းတွင် ထိုင်းနိုင်ငံ တာ့ခ်ခရိုင် အာဏာပိုင်များ၊ ကုလသမဂ္ဂ ဒုက္ခသည်ရုံး UNHCR၊ ဒုက္ခသည်များကို ကူညီပေးနေသည့် TBBC ၊ DKBA နှင့် KNU တို့ ဆွေးနွေးခဲ့ကြသည်။
KNU တပ်မဟာ ၇ မှ ၁ဝ၁ တပ်ရင်းမှူး စောဖောဒို၊ ပဒိုမြမောင်၊ ပဒိုလေးစော၊ DKBA ဘက်မှ တပ်မ ၉၉၉ လက်အောက်ခံ တပ်ရင်း ၇ မှ ဗိုလ်မှူးကြည်လင်နှင့် ပဒိုပွဲကေ့တို့ တက်ရောက်ခဲ့သည်။
ယင်းဒုက္ခသည်များကို DKBA ထိန်းချုပ်နယ်မြေ ဘားအံခရိုင် ပိုင်ကျုံမြို့နယ် မဲအုစုနှင့် လယ်ပေါ်ဟဲ ရွာတို့တွင် ပြန်လည်နေရာချထားပေးနိုင်မည်ဟု သိရသော်လည်း အိုးအိမ်နှင့် အစားအစာအဆင်သင့် မဖြစ်သေးသည့်အပြင် မိုင်းအန္တရာယ် အကာကွယ်မပေးနိုင်ကြောင်း DKBA တပ်မှူးက ပြောဆိုခဲ့ခြင်း ဖြစ်သည်။
သို့သော် ယခုလ ၂၆ ရက်နေ့က တွေ့ဆုံဆွေးနွေးပွဲမှ ဒုက္ခသည်များကိုပြန်ပို့ရန် တိကျပြတ်သားသည့် အဖြေမထွက်ခဲ့ကြောင်း ယင်းအစည်းအဝေးသို့ တက်ရောက်ခဲ့သူ ဒုက္ခသည်စခန်း တာဝန်ရှိသူတဦးထံမှ သိရသည်။
“ထိုင်းဘက်ကလည်း ပြန်ခိုင်းမယ်ဆိုတာကိုလည်း ထင်ထင်ရှားရှား မပြောပြဘူးပေါ့နော်။ UNHCR ကလည်း ဘာမှ အဆုံးအဖြတ် မပေးနိုင်ဘူး။ DKBA ကလည်း ပြည့်ပြည့်ဝဝ လက်ခံရဲပါတယ်ဆိုတာကိုလည်း အာမမခံရဲဘူးဆိုတော့ အဲဒါ အစည်းအဝေးမှာ အဖြေမပေါ်ဘဲနဲ့ အပြင်မှာတော့ သတင်းကြားတာပေါ့နော” ဟု သူက မဇ္ဈိမကို ပြောသည်။
ယင်းဆွေးနွေးပွဲသို့ KNU ခေါင်းဆောင်အချို့ တက်ရောက်ခြင်းသည် ဗဟို၏ သဘောထားဖြစ်သော်လည်း မိုင်းအန္တရာယ်ကြောင့် ပြန်မပို့သင့်သေးကြောင်း ဆွေးနွေးရန်သာဖြစ်သည်ဟု KNU ဒုဥက္ကဋ္ဌ ဒေးဗစ် သာကပေါက ပြောသည်။
“ထောင်ထားတဲ့ မိုင်းတွေကရှိတော့ အပြင်ထွက် အလုပ်မလုပ်ရဲတဲ့ အခြေအနေတွေနဲ့ ရင်ဆိုင်နေရမှာကိုး။ ကျနော်တို့အနေနဲ့လည်း ဘယ်လိုမှ အကူအညီမပေးနိုင်ဘူး။ တခြားဒုက္ခသည်တွေလို နေနိုင်ဖို့အတွက် ဒီဘက်မှာ စီစဉ်ပေးနိုင်ရင်တော့ ကောင်းတာပေါ့ဗျာ” ဟု သူက မဇ္ဈိမကို ပြောသည်။
ယခု ဒုက္ခသည်များသည် နအဖ စစ်တပ်မှ အတင်းအဓမ္မ လုပ်အားပေးခိုင်းခြင်း၊ ပေါ်တာဆွဲခြင်း၊ ရှေ့တန်း၌ လမ်းရှင်းခိုင်းခြင်းတို့ကို ခံခဲ့ရသူများဖြစ်ကြောင်းနှင့် ပြန်ပို့ပါက လုံခြုံမှုမရှိကြောင်း ကရင် လူ့အခွင့်အရေးအဖွဲ့ KHRG မှ အတွင်းရေးမှူး Albert က မဇ္ဈိမကို ပြောသည်။
Read More...
Summary only...
ရဲရင့်/ ၂၈ ဇန်န၀ါရီ ၂ဝ၁ဝ
ထိုင်းအထက်လွှတ်တော် လူ့အခွင့်အရေးကော်မရှင်အဖွဲ့က ကန့်ကွက်နေသည့်ကြားမှ ထိုင်း-မြန်မာ နယ်စပ် ထာ့ဆောင်ယန်းမြို့နယ်အတွင်း ခိုလှုံနေသည့် ကရင်စစ်ပြေးဒုက္ခသည် (၁,၆၃၃) ဦးကို ယခုရက်ပိုင်းအတွင်း အမြန်ဆုံး နေရပ်ပြန်ပို့မည်ဟု ထိုင်းအမှတ် (၃) စစ်တိုင်းမှူးက ပြောကြား လိုက်သည်။
စစ်ပြေးဒုက္ခသည်အချို့ ခိုလှုံနေသည့် နောင်ဘိုးယာယီဒုက္ခသည်စခန်းသို့ ယနေ့ရောက်ရှိလာသည့် ထိုင်းအမှတ် (၃) စစ်တိုင်းမှူး ဒုဗိုလ်ချုပ်ထနွန်စာ အဖိရတ်ယိုထင်က ဒေသခံသတင်းထောက်များကို ပြောကြားခြင်းဖြစ်သည်။
တိုင်းမှူးက “ဒီလူတွေ ထိုင်းဘက်မှာနေတာ (၈) လနီးပါးရှိပြီ၊ မြန်မာဘက်မှာ တိုက်ပွဲတွေလည်း မရှိတော့ဘူး အေးချမ်းသွားပါပြီ၊ ဒီအချိန်မှာသူတို့ပြန်ဖို့လည်း သင့်တော်ပါပြီ။ တိုက်ပွဲရှိတဲ့အခါ ပြေးလာ မရှိတဲ့အခါတော့ ကိုယ့်နေရာကိုယ် ပြန်နေကြရမှာ ဖြစ်တယ်။ ဒီမှာနေရင် ဒီကပေးတဲ့ ရိက္ခာတမျိုးပဲရမယ်၊ ကိုယ့်မြေကိုယ့်ရေမှာဆိုရင် လုပ်စားကိုင်စားဖို့ ပိုပြီးအဆင်ပြေမယ်” ဟု ပြောသည်။
ထိုင်းဘက်မှစစ်ပြေးဒုက္ခသည်များကို ပြန်ပို့မည့်အစီအစဉ်နှင့်ပတ်သက်၍ ထိုင်းအထက်လွှတ်တော် လူ့အခွင့်အရေးဆိုင်ရာ ကော်မရှင်က ကန့်ကွက်လိုက်ပြီး လုံခြုံရေးအာမခံချက် အနေအထား မည်မျှရှိသည်ကို မသိရသည့်ဒေသသို့ ပြန်ပို့မည့်အစား နီးစပ်ရာတရားဝင်ဒုက္ခသည်စခန်းများတွင် ပြောင်းရွှေ့ပေးသင့်သည်ဟု ပြောသည်။
အာဏာပိုင်များ၏ခွင့်ပြုချက်ဖြင့် မြန်မာဘက်ခြမ်းရှိ ၎င်းတို့နေအိမ်များအား ယနေ့နံနက် သွားရောက်ကြည့်ရှုခဲ့သည့် ကရင်စစ်ပြေးဒုက္ခသည်များတွင် ပါဝင်သူတဦးက “ဒီကေဘီအေတပ်ဖွဲ့က မင်းတို့ အိမ်မှာပဲ နေရမယ်၊ အိမ်ပြင်ထွက်ရင် မိုင်းကိစ္စ ငါတို့တာဝန်မယူဘူးဆိုတော့ အကျယ်ချုပ်လိုပဲ နေရမယ့်သဘောဖြစ်နေတယ်။ ရိက္ခာလည်းမပေးဘူး၊ အရင်ပြန်တဲ့လူတွေလည်း တလတခါ ထိုင်းဘက်ခြမ်းမှာပဲ ရိက္ခာလာထုတ်ကြတယ်။ ဒီပုံနဲ့ပြန်လို့တော့ မဖြစ်ဘူး၊ သူတို့အတင်းဖမ်းပြီး ပြန်ပို့ရင်တော့ ပြန်ရမယ်၊ မပြန်လို့ ဘယ်လိုလုပ်မှာလဲ” ဟု ပြောသည်။
နေရပ်ပြန်မည့် ကရင်စစ်ပြေးဒုက္ခသည်များအတွက် လုံခြုံရေးကို တာဝန်ယူသော်လည်း မြေမြုပ်မိုင်းကိစ္စနှင့်ပတ်သက်၍ တာဝန်မယူနိုင်ကြောင်း ဒေသအခြေစိုက် ဒီကေဘီအေ (၉၉၉) အခြေချစစ်ဗျူဟာ တပ်ရင်း (၇) ၏ ဒုရင်းမှူး ဗိုလ်ကြည်လင်က ထိုင်းအခြေစိုက် သတင်းထောက်များကို အင်္ဂါနေ့က ပြောကြားခဲ့သည်။
၎င်းက “ရွာသားတွေပြန်ရင် လုံခြုံရေးအတွက် အာမခံပေမယ့် မြေမြုပ်မိုင်းကိုတော့ အာမမခံနိုင်ဘူး။ ကျနော်တို့နယ်မှာရှိတဲ့ မိုင်းတွေဟာ ကေအန်ယူက ထောင်ထားတာတွေဖြစ်တယ်” ဟု ပြောသည်။
စစ်ပြေးဒုက္ခသည်အရေး ဆောင်ရွက်နေသူတဦးက “ဒုက္ခသည်အားလုံးရဲ့ဆန္ဒကတော့ လက်ရှိအနေအထားမျိုးနဲ့ ဘယ်သူမှ မပြန်ချင်ကြဘူး။ ဒါပေမယ့် သူတို့ရဲ့ကံကြမ္မာကတော့ ထိုင်းအာဏာပိုင်တွေအပေါ်မှာပဲ မူတည်တယ်” ဟု ပြောသည်။
အဆိုပါဒုက္ခသည်များသည် ယမန်နှစ် ဇွန်လ ဒီကေဘီအေ၊ နအဖ ပူးပေါင်းတပ်ဖွဲ့နှင့် ကေအန်ယူတပ်ဖွဲ့တို့အကြား ဖြစ်ပွားခဲ့သည့် ရက်ရှည်တိုက်ပွဲကာလအတွင်း ထိုင်းနိုင်ငံ ထာ့ဆောင်ရမ်းမြို့နယ်ဘက်သို့ ထွက်ပြေးလာသူများဖြစ်သည်။
မကြာမီပြန်ပို့ခံရမည့် ဒုက္ခသည်အများစုမှာ ကရင်ပြည်နယ်၊ လှိုင်းဘွဲ့မြို့နယ်မှဖြစ်ပြီး ထိုင်းဘက်မှ ယာယီဖွင့်ထားပေးသည့် နောင်ဘိုးစခန်းအနီးပတ်ဝန်းကျင်တွင် ခိုလှုံနေသူများဖြစ်သည်။
Read More...
Summary only...
ဇန်နဝါရီလ ၂၀၁၀ခုနှစ်။
တပ်မဟာ ၂ တောင်ငူခရိုင်။
- ၂၃.၁.၂၀၁၀ နေ့ ၀၆း၃၀ အချိန် ကလောမီးဒဲအရပ်တွင် KNU၏ ပျောက်ကျားပစ်ခတ်မှု ကြောင့်ရန်သူ၁ ယောက်ဒဏ်ရာရ။
- ၂၄.၁.၂၀၁၀ နေ့ ၁၇း၃၀ အချိန် သအေးထာတိုထအရပ် ပျောက်ကျားပစ်ခတ်မှု ကြောင့်ရန်သူ၁ ယောက်ဒဏ်ရာရ။ တရက်ထဲမှာဘဲ ၂၃း၅၀ အချိန် လီသွိအရပ်တွင် ၂ကြိမ်ပစ်ခတ်ရာ ရန်သူ၂ ယောက်ဒဏ်ရာရပြီး ၁၃း၃၀ အချိန် ကော်သေးဒဲအရပ်တွင် ရန်သူ၁ ယောက်ဒဏ်ရာရ။
- ၂၅.၁.၂၀၁၀ နေ့ ကလော်မီးဒါးရွာရှိ စကခ(၇) ခမရ(၄၂၁) စစ်တပ်သည် ကလော်မီးဒါးရွာ သား များအား အရှည်(၈)တောင်ရှည်တဲ့ ဝါးအရေအတွက်(၇၀)ချောင်းကိုသူတို့၏နေရာများကိုပြန်လည် ပြုပြင်ဖို့အတင်းအကျပ်ခုတ်ပြီးပို့ဆောင်ခိုင်း။ ဒါ့အပြင် အဆိုပါစစ်တပ်သည် ကလော်မီးဒါး၊ ဟူမူဒါး နှင့် လယ်ခလားဒါး ရွာသားများရွာပြင်ထွက်အလုပ်လုပ်ချင်လျှင် ထောက်ခံစာယူပြီး ညနေ တွင်အ ကုန် လုံးရွာသို့ပြန်လာအိပ်ရန် နှင့် အဆိုပါစည်းကမ်းသတ်မှတ်ချက်ကိုမလိုက်နာပါက ပစ်သတ် မည်ဟု ခြိမ်းခြောက်ပြောဆိုထားသည်။
တပ်မဟာ(၅) ဖာပွန်ခရိုင်။
- ၂၊ ၀၁၊ ၂၀၁၀ ရက်နေ့ စကခ(၂၁) ခမရ (၂၃၇) မှ တပ်သား ဆန်းလင်းကို(ကိုယ်ပိုင်အမှတ်- တ/၄၁၉၃၈၄) သည် ကေအဲန်အယ်အေ တပ်မဟာ(၅)တပ်ဖွဲ့ များထံသို့  MA-1 တစ်လက်၊ ကျည်ထောင့် ၁၃၈ ထောင့်၊ ခွင်းဗုံးတလုံး ဖြင့် လက်နက်ချ ၀င်ရောက်လာ ကြောင်းသတင်းရရှိ။
- ၂၀.၁.၂၀၁၀ နေ့ ဒူးအော်ဆောဒေးအရပ်တွင် ပျောက်ကျားတိုက်ခိုက်မှုကြောင့်ရန်သူ၁ ယောက် ဒဏ်ရာရ။ အဲဒီတရက်ထဲမှာဘဲ ဖောနာကျိုးအရပ်တွင် ရန်သူ၂ယောက်ဒဏ်ရာထပ်ရ။ အဆိုပါတ ရက်မှာဘဲ ဒိုခိုဝါးနှင့်ကျော်တကော် အရပ်ကြားတွင် DKBA နှင့်တိုက်ပွဲဖြစ်ရာ DKBA ၂ဦးသေပြီး မျိုးချစ်ရဲဘော်များ AR ၂ လက်သိမ်းစည်းရမိ။ အဲဒီတရက်ထဲမှာဘဲကွီးနော်ထအရပ်တွင်ထပ်မံပစ် ခတ်ရာ ရန်သူ ၁ ယောက်ဒဏ်ရာရ။
- ၂၃.၁.၂၀၁၀ နေ့ ကော်ထယ်ဒဲရွာအနီးတွင် ပျောက်ကျားပစ်ခတ်မှုကြောင့် ရန်သူ၁ယောက်ဒဏ် ရာရ။ အဲဒီတရက်ထဲမှာဘဲ ဒူးအော်ဆောဒေးအရပ်တွင် ရန်သူ၃ယောက်နှင့်မြင်း၁ကောင်ဒဏ်ရာရ။
တပ်မဟာ(၆) ဒူးပလာယားခရိုင်။
- ၂၂.၁.၂၀၁၀ နေ့ နအဖ စစ်တပ် ခမရ (၄၀၇) တပ်ခွဲ ၃ မျိူးကျော်သူ ဦးစီးတပ်မှ တပ်သား အောင်ဝင်းနိုင်(ကိုယ်ပိုင်အမှတ်-တ/၂၈၈၃၃၂) သည် MA2 တစ်လက်၊ ကျည်ထောင့် ၁၀၂ ထောင့်၊ ကျည်ကပ် ၃ချပ်၊ ခွင်းဗုံးတလုံး ဖြင့် တပ်မဟာ ၆ ထံသို့ လက်နက်ချဝင်ရောက် ကြောင်းသိရှိရ။
- ၂၄.၁.၂၀၁၀ နေ့တွင် ကေအဲန်အယ်အေ တပ်မဟာ(၆) တပ်ရင်း(၁၈)တပ်ဖွဲ့ များနှင့် နအဖ ခမရ ၄၀၄ တပ်များ ထောနောခီးလေးဒေးတွင် တိုက်ပွဲဖြစ်ပွားရာ နအဖ တပ်မှ ၂ ဦးကျဆုံးပြီး ပြင်းထန် စွာတစ်ဦးဒဏ်ရာရကာ သေဆုံးသူ နှစ်ဦးထဲမှာ တဦးသည် စစ်ကြောင်းမှူး တစ်ဦးဖြစ်ကြောင်း သ တင်းရရှိပါသည်။
Read More...
Summary only...
ချင်းမိုင် (မဇ္ဈိမ)။ ။ ကရင်ရွာများကို မီးရှို့ဖျက်ဆီးပြီး ရွာသားတွေကို သတ်ဖြတ်နေခြင်းသည် နယ်မြေ စိုးမိုးလိုခြင်းနှင့် ၂ဝ၁ဝ ရွေးကောက်ပွဲကို အာရုံမစိုက်နိုင်အောင် ရည်ရွယ်ခြင်းဖြစ်ကြောင်း ကရင်အမျိုးသားအစည်းအရုံး KNU က ပြောသည်။
ယခုလ ၁၇ ရက်နေ့က ပဲခူးတိုင်းအရှေ့ပိုင်း ညောင်လေးပင်ခရိုင် ကျောက်ကြီးမြို့နယ်တွင်းရှိ ခဲဒဲကျေးရွာတွင် စစ်ကြောင်း ကွပ်ကဲရေးဌာနချုပ် (စကခ) လက်အောက်ခံတပ်ရင်း ခမရ ၃၆၇ မှ နေအိမ် ၁၃ လုံး မီးရှို့ဖျက်ဆီးခဲ့ပြီး ရွာသား ၂ ဦးကို ပစ်သတ်ခဲ့သည့်လုပ်ရပ်ကို KNU က သုံးသပ်ပြောဆိုခြင်း ဖြစ်သည်။
“KNU ကတော့ ၂ဝဝ၈ ဖွဲ့စည်းပုံနဲ့ ၂ဝ၁ဝ ရွေးကောက်ပွဲကို သပိတ်မှောက်ထားတယ်။ မဖြစ်အောင်လည်း ကြိုးစားလုပ်ဆောင်ဖို့အတွက် ကျနော်တို့မှာ တာဝန်ရှိတယ်။ သူတို့ (နအဖ) ကလည်း အဲလိုမျိုး မလုပ်နိုင်အောင် လူထုပြဿနာတွေနဲ့ပဲ အလုပ်ရှုပ်နေအောင် လုပ်တဲ့သဘောပဲ” ဟု KNU အတွင်းရေးမှူး (၁) ဗိုလ်မှူး စောလှငွေက မဇ္ဈိမကို ပြောသည်။
ခဲဒဲရွာ အပါအဝင် ခေါ်တော့ခီး၊ တီကော့ဒဲ၊ သောဝါးဒဲ၊ ခေါ်ထာ့၊ လယ်တော်လု၊ ဒေးဘော်ခီး၊ မူခီး၊ ထီးကော်ခီး၊ ခိုးလု စသည့် ကျေးရွာ ၁ဝ ရွာမှ ကရင်ရွာသား တထောင်ကျော်သည် တောထဲ၌ ပုန်းအောင်းနေရသည်ဟု သူက ပြောဆိုသည်။
ညောင်လေးပင်ခရိုင်တွင်းမှ ကရင်ဒုက္ခသည်များမှာ တောတောင်များထဲတွင် ပြန့်ကျဲပုန်းအောင်းနေပြီး ထွက်ပြေးကြစဉ်က အဝတ်တထည် ကိုယ်တခုနှင့်သာ ဖြစ်သောကြောင့် အခက်အခဲများရှိကြောင်း ယင်းနယ်မြေအတွင်း လှုပ်ရှားကူညီနေသော Free Burma Ranger (FBR) အဖွဲ့က ပြောသည်။
“နေရေး၊ စားရေးနဲ့ ကျန်းမာရေးကတော့ တော်တော်ဆိုးတယ်။ အခု FBR (Free Burma Ranger) က ကူညီတာလောက်ပဲ ရှိတယ်။ ဒါပေမဲ့ အဲဒီလောက်အရေအတွက်နဲ့ဆိုတော့ အကူအညီက ဆင့်ပါးစပ်နဲ့ နှမ်းစေ့လောက်ပဲ ရမှာပေါ့” ဟု FBR မှ အဖွဲ့ဝင် ကိုဘောဖိုးက မဇ္ဈိမကို ပြောသည်။
ယခု ရွာပုန်းရွာရှောင် ကရင်ဒုက္ခသည်များကို FBR နှင့်အတူ ပူးပေါင်းကူညီသွားမည်ဖြစ်ပြီး အိမ်မီးရှို့ခံရသူများကို ဦးစားပေးသွားမည်ဟု ကရင်ဒုက္ခသည်များအရေး ဆောင်ရွက်ပေးသည့် THE COMMITTEE FOR INTERNALLY DISPLACED KAREN PEOPLE (CIDKP) မှ အဖွဲ့ဝင် စောစတိဗ်က မဇ္ဈိမကို ပြောသည်။
ညောင်လေးပင်ခရိုင်အတွင်းရှိ ယင်းဒေသများတွင် စစ်အစိုးရတပ်များ၊ တိုးတက်သော ဗုဒ္ဓဘာသာ ကရင်တပ်မတော် - DKBA နှင့် ကရင်အမျိုးသား လွတ်မြောက်ရေး တပ်မတော် - KNLA တပ်များ လှုပ်ရှားနေပြီး စစ်အစိုးတပ်များက ကျေးရွာများသို့ မကြာခဏ ဝင်ရောက်ကာ အနိုင်ကျင့်လေ့ရှိကြောင်း KNU က ပြောသည်။
ယခုကဲ့သို့ ပစ်ခတ်မှုဖြစ်ပွားရာ အဆိုပါ ခရိုင်အတွင်းမှ ကျောက်ကြီးမြို့နယ်၌ ခမရ ၃၆၃ နှင့် ၃၆၇ တို့ လှုပ်ရှားနေပြီး၊ မုန်းမြို့နယ်တဝိုက်တွင် ခမရ ၃၇ဝ နှင့် ၃၆၅ တို့ လှုပ်ရှားနေကြကြောင်း သိရသည်။
ပြီးခဲ့သည့်နှစ် ဇွန်လပိုင်းကလည်း နအဖနှင့် DKBA တို့၏ ပူးတွဲထိုးစစ်ကြောင့် KNU တပ်မဟာ ၇ နယ်မြေ ဘားအံခ ရိုင်အတွင်းမှ စစ်ပြေးဒုက္ခသည် ၄ဝဝဝ ခန့် ထွက်ပြေးလာပြီး ထိုင်းနိုင်ငံ တာ့ခ်ခရိုင် ထာ့ဆောင်ယန်းမြို့နယ်ရှိ မဲ့သရီ၊ သလေထာ့၊ အူသူးထ၊ နို့ဘိုး စသည့် ယာယီစခန်းများ၌ ခိုလှုံနေကြရသည်။
(ကိုဝိုင်း တည်းဖြတ်သည်။)
Read More...
Summary only...
မိတ်ဆွေ တကယ်ပဲကိုယ့်လူမျိုးကိုချစ်တယ်ဆိုရင်အခုအချိန်သည်ဒုက္ခရောက်နေတဲ့ကရင်လူမျိုးများကိုကူညီဖို့အတွက် အကောင်းဆုံးအချိန်ပါပဲ။ ရရှိတဲ့အခွင့်အရေးကိုလက်လွတ်မခံပဲ ပေးလှူကြပါလို့တိုက်တွန်းချင်ပါတယ်။
Doc 1
မိတ်ဆွေတစ်ယောက်ပို့ပေးသော e-mail ကိုဘာသာပြန်ထားသည်
Read More...
Summary only...
ဇန်န၀ါရီလ ၂၆ရက်။ စောသိန်းမြင့် (ကေအိုင်စီ)
ပြီးခဲ့သောနှစ်က ထိုးစစ်ကြောင့် ထိုင်းနယ်စပ်သို့ ထွက်ပြေးရောက်ရှိလာသည့် စစ်ပြေးကရင်ဒုက္ခသည်များကို မြန်မာပြည်ဘက် ခြမ်းသို့ ပြန်ထားမည်ဟု ထိုင်းအာဏာပိုင်များက ယနေ့တွင် ဆုံးဖြတ်လိုက်သည်ဟု သိရသည်။
အဆိုပါ ဒုက္ခသည်ကိစ္စများနှင့် ပတ်သက်၍ သက်ဆိုင်ရာ ထိုင်းအာဏာပိုင်များ အပါအ၀င် UNHCR, TBBC, ကေအဲန်ယူ ဖားအံခရိုင်တာဝန်ရှိသူများနှင့် ဒီကေဘီအေ တပ်မဟာ (၉၉၉) တပ်ရင်း(၇) တာဝန်ရှိသူများက ယနေ့တွင် ထိုင်းနိုင်ငံဘက် ခြမ်းရှိ နိုဘိုးကျေးရွာမှာ ၂နာရီကျော်ကြာ တွေ့ဆုံဆွေးနွေးကာ အပြန်အလှန် ညှိနှိုင်းခဲ့ကြပြီး ဆုံးဖြတ်ခဲ့ခြင်းဖြစ်သည်ဟု နိုဘိုး ဒုက္ခသည်စခန်းမှ တာဝန်ရှိသူတဦးက ဆိုသည်။
သူက “နိုဘိုး၊ အူးသူးထာ့မှာရှိတဲ့ ဒုက္ခသည်တွေကို မြန်မာပြည်ဘက်ခြမ်းမှာ အကုန်ပြန်နေရမယ်လို့ သူတို့(ထိုင်းအာဏာ ပိုင်)က ပြောတယ်။ နေ့ရက်၊ နေရာအတိအကျတော့ မသတ်မှတ်သေးဘူး။ ထိုင်းအာဏာပိုင်တွေ ပြောတာကတော့ စားနပ် ရိက္ခာအတွက် စီစဉ်ပေးမယ်။ ဒုက္ခသည်တွေနဲ့ သင့်တော်မယ့်နေရာကိုလည်း ဒီကေဘီအေဘက်မှာသွားပြီး ရှာပေးမယ်။ သွား ကြည့်ပြီးမှပဲ ဘယ်ရက် ဘယ်နေ့ ပြန်ရမယ်ဆိုတာကို ဆုံးဖြတ်မယ်”ဟု ပြောသည်။
ဒုက္ခသည်များအနေဖြင့် မြန်မာပြည်ဘက်ခြမ်းတွင် ပြန်နေရမည်ဆိုပါက ၎င်းတို့အတွက် လုံခြုံမှု မရှိသောကြောင့် ကြောက်ရွံ့ ထိတ်လန့်နေကြသည်ဟု သိရသည်။
နိုဘိုးဒုက္ခသည်စခန်းတွင် နေထိုင်သူ ဒုက္ခသည်တဦးက “ကျနော် ပြန်ရမှာတော်တော်ကြောက်တယ်ဗျာ။ ဘာဖြစ်လို့လဲဆိုတော့ ကျနော် အဲဒီမှာ ပြန်နေရလို့ရှိရင် ကိုယ်နေမယ့် မြေကွက်တကွက်စာပဲ နေလို့ရမယ်။ ဘယ်နေရာကိုမှ သွားလာလို့ ရဲမှာ မ ဟုတ်ဘူး။ နောက်တခုက အတိုင်းအတာတခုနဲ့ ရိက္ခာထောက်ပံ့မှု ရတယ်ထားအုံး။ ရှေ့ဆက် ဘယ်လိုလုပ်စားကိုင်စားရမလဲ။ လုံခြုံရေးအတွက်ကော ဘယ်သူလာယူပေးမှာလဲ” ဟု ပြောသည်။
အလားတူ အူးသူးထာ့ ဒုက္ခသည်စခန်းမှ ဒုက္ခသည်တဦးကလည်း “ကျနော်လည်း မပြန်ရဲဘူး၊ ဘာဖြစ်လို့လဲဆိုတော့ ဒီကေ ဘီအေကော၊ ကေအဲန်ယူကော ဗုံးထောင်တာ နေရာတကာပဲ။ ပြီးခဲ့တဲ့ တရက်နှစ်ရက်တုန်းကပဲ ကိုယ်ဝန်ဆောင်တဲ့ အမျိုး သမီးတယောက် ဗုံးတက်နင်းမိသေးတယ်။ နေ့တိုင်းလိုလို ဗုံးပေါက်ကွဲသံကြားနေရတယ်။ ဒါကြောင့် ပြန်လို့မရဲဘူး”ဟု ပြော သည်။
အဆိုပါ ယာယီဒုက္ခသည်များသည် ကရင်ပြည်နယ် ဖားအံခရိုင်အတွင်းရှိ ရွာသူရွာသားများဖြစ်ကြပြီး လွန်ခဲ့သည့် ၂၀၀၉ခုနှစ် ဇွန်လဆန်းပိုင်းတုန်းက နအဖနှင့် ဒီကေဘီအေ ပူးပေါင်းထိုးစစ်ဆင်မှုကြောင့် လူဦးရေ ၄,၀၀၀ကျော် ထိုင်းနိုင်ငံ တာ့ခ်ခရိုင်၊ ထာ့ဆောင်ယန်းမြို့နယ်သို့ ထွက်ပြေးခိုလှုံခဲ့ရသူများဖြစ်သည်။
၎င်းတို့အား ထိုင်း-မြန်မာနယ်စပ် ဒုက္ခသည်များ ကူညီစောင့်ရှောက်ရေးအသင်း(TBBC)က အခြေခံအစားအစာများကို ထောက် ပံ့ပေးပြီး ကျန်းမာရေး ပြုစုစောင့်ရှောက်မှုများအပြင် တခြားလိုအပ်သည်များကို ကော်သူးလေကျန်းမာရေးနှင့် ကယ်ဆယ်ရေး အဖွဲ့ (KDHW)နှင့် ADRA, COERR, ICR, SOLIDILTY စသည့် အဲန်ဂျီအို ကူညီစောင့်ရှောက်လျှက်ရှိသည်။
Read More...
Summary only...
ဇန်နဝါရီ ၂၆ရက်။ နန်းထူးစံ (ကေအိုင်စီ)
ကရင်ပြည်နယ်မြောက်ပိုင်းရှိ တောင်ငူဒေသတွင် နအဖ စစ်ကြောင်းများ၏ လှုပ်ရှားမှုကြောင့် ပုန်းအောင်းနေထိုင်ကြရသည့် ဒေသ ခံ ရွာသူရွာများသည် ဝမ်းစာအတွက် အလုပ်လုပ်ကြရပြီး သတ်ဖြတ်ခံရသည်အထိ အသက်အန္တရာယ် ကြုံနေရသည်ဟု သိရသည်။
ယခုလ ၁၉ရက်နေ့က ထန်းတပင်မြို့နယ်မှ အသက်(၃၇)နှစ်အရွယ် ဟောတူရွာသား စောထူးနေဝါးသည် ၎င်း၏ကွမ်းသီးခြံထဲတွင် အလုပ်လုပ်နေစဉ် နအဖ စကခ(၇)၏ လက်အောက်ခံတပ်ရင်း ခမရ (၄၂၇)တပ်ရင်းက ခြံထဲသို့ ဝင်လာပြီး အပြစ်မရှိဘဲ ပစ်သတ် ကာ ဦးခေါင်းကို ဖြတ်သွားခဲ့သည်ဟု ဒေသခံတဦးက ကေအိုင်စီကို ပြောသည်။
သူက “ဒီလ ၁၉ရက်နေ့ နေ့လယ် ၁နာရီလောက်မှာ ခမရ(၄၂၇)တပ်ရင်းက မောင်းတိုင်ကြီးကျေးရွာအောက်ပိုင်း ဟောတူရွာက ကွမ်းသီးခြံထဲမှာ ရွာသူရွာသားတွေ အလုပ်လုပ်နေတဲ့အချိန်မှာ သူတို့(နအဖ)ဝင်လာတော့ ရွာသားတွေက ပြေးကြတာပေါ့။ စော ထူးနေဝါးကို မိသွားပြီးတော ခေါင်းဖြတ်သတ်တာ။ စစ်တပ်ပြန်သွားလို့ ရွာသားတွေ ပြန်သွားတာ အသတ်ခံရတဲ့ရွာသားရဲ့ ခေါင်းမပါ တဲ့ ခန္ဓာကိုယ်ကိုပဲ တွေ့တော့တယ်”ဟု ပြောသည်။
ထိုဒေသရှိ ဌာနေမဲ့ ပြည်တွင်းကရင်ဒုက္ခသည်များဆိုင်ရာ ကော်မတီ၏ တာဝန်ခံတဦးက “ရွာသားတွေကတော့ နအဖတပ်တွေ ဝင် လာတိုင်း ပြေးရတယ်။ လုပ်စားကိုင်စားဖို့ အချိန်မရဘူး။ မလုပ်ရဲကြဘူး။ တောင်ယာတွေ၊ ခြံတွေလုပ်လိုက်၊ နအဖတပ်တွေက ဝင် ဖျက်ဆီးလိုက်နဲ့။ အခုက ကွမ်းသီးလုပ်တဲ့အချိန် သုံးစရာ ငွေလေးနည်းနည်းပါးပါးရဖို့ ကိုယ့်ခြံထဲက ကွမ်းသီးတွေ သွားခူးကြတာ။ စစ်တပ်ကို ကြောက်ပေမဲ့ ဝမ်းစာက ရှိသေးတာကိုး”ဟု ဆိုသည်။
၎င်းတပ်ရင်းသည် ဟောတူရွာသားကို ပစ်သတ်ခဲ့ပြီးနောက် ရွာအတွင်းသို့ဝင်ရောက်ကာ ရွာသူရွာသားများ၏ စပါးများကိုလည်း မီး ရှို့ဖျက်ဆီးသွားခဲ့သည်။ အဆိုပါတပ်ရင်းသည် မောင်းတိုင်ကြီးစခန်းတွင် အခြေချပြီး မောင်းတိုင်ကြီးအောက်ပိုင်းတွင် ဟောတူ အပါ အ၀င် ရွာပုန်းရွာရှောင်များဖြစ်ရာ ဘောဂလိ-ဘူဆာခီးကားလမ်းနှင့် မနီးမဝေးတွင် တည်ရှိသည်။
အလားတူ ပြီးခဲ့သည့်နှစ် နိုဝင်ဘာလ ၅ရက်နေ့ကလည်း တောင်ငူခရိုင်၊ သံတောင်မြို့နယ် သောက်ရေခပ် အရှေ့ခြမ်းရှိ ရွာပုန်းရွာ ရှောင်များ နေထိုင်ရာဒေသအတွင်း ဝင်ရောက်လှုပ်ရှားလာသော တောင်ပိုင်းတိုင်းစစ်ဌာနချုပ် လက်အောက်ခံ ခလရ(၄၈)တပ်ရင်း က ကွမ်းခြံအတွင်း အလုပ်လုပ်နေသူ ရွာသား ၃ဦးကို ပစ်သတ်ခဲ့သည့်အပြင် ရွာသူရွာသားများ၏ တဲများ၊ ခြံအတွင်းရှိ ကွမ်းရွက်၊ ကွမ်းသီး၊ ဖာလာစေ့များကိုပါ မီးရှို့ဖျက်ဆီးခဲ့သည်။
ကေအဲန်ယူ တောင်ငူခရိုင်ရှိ ထန်းတပင်နှင့် သံတောင်မြို့နယ်တွင် နအဖ တပ်များ ပိုမိုလှုပ်ရှားလာသည့် ၂၀၀၆ခုနှစ်မှစ၍ ယခုအ ချိန်အထိ ထွက်ပြေးတိမ်းရှောင်နေကြရသည့် ရွာသူရွာသားပေါင်း ၉,၀၀၀ခန့်ရှိပြီး ၎င်းတို့သည် လုပ်ငန်းကို ကောင်းမွန်စွာ မလုပ် ကိုင်နိုင်သည့်အတွက် ဆန်စပါး ရှားပါးလာမှု၊ အဝတ်အထည်နှင့် ဆေးဝါး မလုံလောက်မှုများကို ရင်ဆိုင်ကြုံတွေ့နေရသည်။
တောင်ငူခရိုင်အတွင်း ယခင်က အခြေစိုက် လှုပ်ရှားခဲ့သည့် အမှတ်(၅) စစ်ကွပ်ကဲရေးဌာနချုပ်သည် ပြီးခဲ့သည့် ဒီဇင်ဘာလအကုန် တွင် အပြီးတိုင် ပြောင်းရွှေ့သွားခဲ့ပြီး ယခုနှစ်မှစ၍ အမှတ်(၇) စစ်ကွပ်ကဲရေးဌာနချုပ်၏ လက်အောက်ခံတပ်ရင်း(၈)ရင်းက ၀င် ရောက်လှုပ်ရှားလျှက်ရှိသည်ဟု သိရသည်။
Read More...
Summary only...
DKBA မှစစ်သား၂ဦး အမြင်မှန်ရပြီးမိခင် KNU နှင့် ပြန်လည်ဝင်ရောက်ပူးပေါင်း ကြောင်း KNU သတင်းဌာနမှဖော်ပြခဲ့ပါသည်။ ဇန်နဝါရီလ ၂၃ရက်နေ့တွင် ထီးဝါဘလောထီးလော်သိ တွင်ရှိသော DKBA မှ ဗိုလ်တစ်ဦးနှင့် တပ်သားတစ်ဦး တို့သည် စနိုက်ဖာ ၁လက်၊ .၄၅ လက်နက်ငယ် ၁လက်တို့ကိုယူဆောင်ပြီး ပြန်လည်ပူးပေါင်းခဲ့ပါသည်။
အဆိုပါသတင်းထုတ်ပြန်ချက်အရ ပြန်လာပူးပေါင်းသော DKBA မှစစ်သားများသည် နယ်ခြားစောင့်တပ်အဖြစ်ပြောင်းလဲတာကိုမကြိုက်မနှစ်သက်သောကြောင့်ပြန်လာခဲ့ ခြင်းဖြစ်ကြောင်းသိရှိရပါသည်။
Read More...
Summary only...
ထိုင်း - မြန်မာ နယ်စပ်၊ နို့ဖိုး ဒုက္ခသည် စခန်းတွင် ယာယီ ခိုလှုံခွင့် ပေးထားသော ကရင် ဒုက္ခသည် ၃၀၀၀ ခန့်အား ထိုင်း အာဏာပိုင်များက ဖိအားပေး ပြန်ပို့မည်ကို ကရင် လူ့အခွင့်အရေး ဆောင်ရွက်နေသူများက စိုးရိမ်နေကြသည်။ ယာယီ ခိုလှုံခွင့် ပေးထားသော ဒုက္ခသည်များက မပြန်ချင် သော်လည်း ထိုင်း အာဏာပိုင်များက အတင်းအကျပ် ပြန်ပို့မည်ကို စိုးရိမ်ရသည်ဟု မယ်လ ဒုက္ခသည် စခန်းကော်မတီ ဒု ဥက္ကဌ ကိုထွန်းထွန်းက ဧရာဝတီသို့ ပြောသည်။
“ထိုင်းက စခန်း အသစ်ဖွင့်ဖို့လည်း ပေါ်လစီ မရှိဘူး၊ စခန်းထဲဝင်ဖို့ အစီအစဉ်လည်း မလုပ်ပေးဘူး။ နောက်တခု၊ ထိုင်းအစိုးရရဲ့ သဘောထား ကလည်း သူတို့ကို ပြန်စေချင်တယ်။ ဒုက္ခသည်တွေက မပြန်ချင်ဘဲနဲ့ နောက်ဆုံး ပြန်ရမယ့် အခြေအနေဆိုရင် သူတို့ အတွက် အခက်အခဲတွေ အများကြီး ကြုံရမှာကို စိုးရိမ်ရတယ်” ဟု သူက ပြောသည်။
ယခုအခါ မြန်မာ စစ်တပ်များနှင့် တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့ (DKBA) တပ်များက ဤဒေသများကို ထိန်းချုပ်ထားပြီ ဖြစ်သောကြောင့် DKBA တပ်သားအဖြစ် စုဆောင်းခြင်း၊ အဓမ္မ လုပ်အားခိုင်းစေခြင်း စသည့် အန္တရာယ်များ ကြုံတွေ့နိုင်သေးကြောင်း လူ့အခွင့်အရေး ဆောင်ရွက်နေသူများက ဆိုသည်။
ထိုင်း အစိုးရ အနေဖြင့် မြန်မာနိုင်ငံ ဘက်ခြမ်းတွင် တိုက်ပွဲများကြောင့် ထွက်ပြေးလာသော စစ်ပြေး ကရင် ဒုက္ခသည်များကို နယ်စပ် ဖြတ်ကျော်ခွင့်ပေးထားသော်လည်း ၎င်းတိုက်ပွဲများ ရပ်ဆိုင်းသွားသည့် အချိန်တွင် ဒုက္ခသည်များကို မြန်မာနိုင်ငံဘက်သို့ ပြန်ခိုင်းလေ့ရှိသည်။
ထိုင်း - မြန်မာ နယ်စပ်တလျှောက် ကူညီ စောင့်ရှောက်ရေး ညွန့်ပေါင်းအဖွဲ့ (TBBC) ၏ ဒုတိယ တာဝန်ခံ ဆယ်လီ သွန်မဆင်က ကရင်ဒုက္ခသည်များကို မြန်မာဘက်ကမ်းသို့ ပြန်ရန် ထိုင်း အာဏာပိုင်များက နေ့စဉ် ဖိအားပေးနေကြောင်း ပြောသည်။
“တကယ်လို့ ဒီဒုက္ခသည်တွေ မြန်မာပြည်ထဲကို ပြန်ရရင် သူတို့ အခြေချမယ့် နေရာတွေမှာ မြေမြှုပ်မိုင်းတွေ ရှိနေတယ်၊ အဲဒီတော့ သူတို့ အတွက် လုံခြုံမှု မရှိဘူး။ တကယ်လို့ ပြန်ရရင်လည်း သူတို့ ဘာသာ သူတို့ ဆုံးဖြတ်ပိုင်ခွင့်ရှိရမယ်”ဟု ၎င်းက ဆိုသည်။
TBBC အဖွဲ့သည် ဒုက္ခသည်များကို ကူညီရန်အတွက် လူသားချင်း စာနာမှု အကူအညီများပေးနေသော အစိုးရမဟုတ်သည့် အဖွဲ့ များ စုစည်းထားသည့် အဖွဲ့တဖွဲ့ဖြစ်သည်။ ထို့အပြင် ဒုက္ခသည်များကို အခြေခံ ရိက္ခာများဖြစ်သည့် ဆန်၊ ပဲ၊ ငါးပိ၊ ဆား အစရှိသည်တို့ကို ထောက်ပံ့ပေးနေပြီး ပြင်သစ် NGO လူမှုအဖွဲ့အစည်းများက ရေနှင့် သန့်ရှင်းရေး ပစ္စည်းများ ထောက်ပံ့ ပေးလျက်ရှိသည်။
၂၀၀၉ ခုနှစ် ဇွန်လဆန်းပိုင်းက စ၍ ကရင်ပြည်နယ် ဘားအံခရိုင်အတွင်း မြန်မာစစ်အစိုးရတပ်နှင့် DKBA ပူးပေါင်းတပ်များက ကရင် အမျိုးသား အစည်းအရုံး (KNU) လက်အောက်ခံ ကရင်အမျိုးသား လွတ်မြောက်ရေး တပ်မတော် (KNLA) တပ်မဟာ (၇) မှ တပ်စခန်းများကို ထိုးစစ်ဆင်မှုကြောင့် ကရင်ဒုက္ခသည်များ ထိုင်းနိုင်ငံသို့ ထွက်ပြေးလာကြခြင်းဖြစ်သည်။
ဒုက္ခသည် အများစုမှာ ကရင်ပြည်နယ် လှိုင်းဘွဲ့မြို့နယ်အတွင်းရှိ ကျေးရွာများမှဖြစ်ကြောင်း သိရသည်။
အဆိုပါ ဒုက္ခသည်များအား ပြန်ပို့ရန် စီစဉ်နေချိန်၌ ပဲခူးတိုင်း ညောင်လေးပင် ခရိုင်အတွင်းရှိ ကျေးရွာများတွင် နေထိုင်သော ရွာသား ၁၀၀၀ ကျော်သည် လတ်တလော မြန်မာစစ်အစိုးရ၏ ထိုးစစ်များကြောင့် တောထဲတွင် ထွက်ပြေးပုန်း အောင်းနေကြရ သည်ဟု ကယ်ဆယ်ရေး အဖွဲ့များ ကပြောဆိုသည်။
တချို့သော အိုးအိမ်စွန့်ခွာထွက်ပြေးခဲ့ရသူများတွင် လသားအရွယ် ကလေးငယ်များ ပါဝင်ပြီး တောထဲတွင် အအေးဒဏ်ကိုလည်း ခံနေရသည်ဟု ထိုင်းနိုင်ငံ အခြေစိုက် ရွှေ့ပြောင်း ကရင်ဒုက္ခသည်များ ကူညီကယ်ဆယ်ရေးအဖွဲ့ တဖွဲ့ဖြစ်သည့် Committee for Internally Displaced Karen People (CIDKP)မှ စောစတိဗ်က ဧရာဝတီသို့ ပြောသည်။
“တောထဲမှာ ပုန်းအောင်းနေကြရတဲ့ ရွာသူ ရွာသားတွေဟာ အခု အအေးဒဏ်ကို အရမ်းခံနေတယ်၊ အအေးဒဏ်ကို ကာကွယ်ဖို့ အတွက် မီးတောင် မဖိုရဲကြဘူး” ဟု ၎င်းက ဆိုသည်။
ရွာသားများသည် တောထဲ၌ ဆက်လက်၍ ထွက်ပြေး ပုန်းအောင်းနေရပါက စားနပ်ရိက္ခာ ပြတ်လပ်မှုနှင့် ရင်ဆိုင်ရဖွယ်ရှိ ကြောင်းလည်း သိရသည်။
စစ်အစိုးရတပ်ဖြစ်သော စစ်ဒေသ ကွပ်ကဲရေး ဌာနချုပ် (စကခ) လက်အောက်ခံ ခြေမြန်တပ်ရင်း (ခမရ) ၃၆၇ တပ်ဖွဲ့ဝင်များက ယင်းကျေးရွာများကို မီးရှို့ခြင်းနှင့် ဒေသခံများကို သတ်ဖြတ်မှုတို့ကြောင့် တောထဲသို့ ထွက်ပြေးပုန်းအောင်း နေကြရခြင်း ဖြစ်သည်။
စစ်အစိုးရက ကျေးရွာများကို ၀င်ရောက်တိုက်ခိုက်မှုကြောင့် အသက် ၄၇ နှစ်အရွယ် စောမြကော်ထူး အမည်ရှိ ရွာသား တဦး ပစ်သတ်ခံရပြီး စာသင်ကျောင်း တကျောင်းနှင့် နေအိမ် ၁၁ လုံးခန့်ကိုလည်း မီးရှို့ ဖျက်ဆီးခဲ့ကြောင်း ကရင်ကယ်ဆယ်ရေးနှင့် လူ့အခွင့်အရေး အဖွဲ့များက ဆိုသည်။
Read More...
Summary only...
ဇန်န၀ါရီလ (၂၅)ရက်။ စောခါးစူးညား (ကေအိုင်စီ)။
ကရင်ပြည်နယ် ညောင်လေးပင်ခရိုင်၊ ကျောက်ကြီးမြို့နယ်တွင် နအဖ စစ်တပ်များ စစ်ရေးလှည့်လည်လှုပ်ရှားလာသည့် ယခုလဆန်း ပိုင်းမှစ၍ ဒေသခံရွာသူရွာသားများ ထွက်ပြေးတိမ်းရှောင်နေရသဖြင့် စာသင်ကျောင်း(၅)ကျောင်းကို ပိတ်ထားလိုက်ရသည်ဟု ထိုဒေသ မှ လာသည့်သတင်းအရ သိရသည်။
ပြီးခဲ့သည့် ဇန်န၀ါရီလ (၁၇)ရက်နေ့၌ ကျောက်ကြီးမြို့နယ်ရှိ ခဲဒဲရွာကျေးရွာအတွင်း ဝင်ရောက်လာသည့် နအဖ-ခမရ(၃၆၇)က ရွာသားများကို ပစ်သတ်၊ ရွာကိုပါ မီးရှို့ဖျက်ဆီးခဲ့သည်အထိ လုပ်ဆောင်လာသောကြောင့် ထိုဒေသရှိ ရွာသူရွာသားများသည် ထွက်ပြေးပုန်းရှောင်နေရသဖြင့် စာသင်ကျောင်းများကို ပိတ်လိုက်ရခြင်းဖြစ်သည်ဟု ကျောက်ကြီးမြို့နယ် ဥက္ကဌ စောနဲထူးဗျိုင်းက ကေအိုင်စီကို ပြောသည်။
သူက “သူတို့(နအဖ)တွေက ရွာသားတွေကို တွေ့ရင် ဖမ်းဆီးတာ၊ သတ်ဖြတ်တာတွေ လုပ်တဲ့အတွက် ရွာသားတွေ တောထဲကိုထွက် ပြေးပုန်းအောင်းရတယ်လေ။ ဒါကြောင့် စာသင်ကျောင်းလည်း ပိတ်ပစ်လိုက်ရတာပေါ့”ဟု သူက ဆိုသည်။
ပိတ်လိုက်ရသည့် အဆိုပါ စာသင်ကျောင်းများမှာ ခဲဒဲကျေးရွာအုပ်စုအတွင်းမှ မူခီးနှင့် ခဲဒဲကျေးရွာရှိ အလယ်တန်းကျောင်း ၂ကျောင်းနှင့် တူဝေါ်စိုး၊ ကော်ငဲဒဲနှင့် တကော်ဒဲကျေးရွာတွင်ရှိ မူလတန်းကျောင်း ၃ကျောင်းတို့ဖြစ်ကြပြီး ကျောင်းသူကျောင်းသားဦးရေ စုစုပေါင်း ၂၀၀ဦးရှိသည်။
တောထဲသို့ ထွက်ပြေးတိမ်ရှောင်နေရသော ခဲဒဲကျေးရွာအုပ်စုရှိ ရွာပေါင်း ၁၀ရွာကျော်မှ ရွာသူရွာသားပေါင်း ၁၀၀၀ကျော်သည် နေရေး ထိုင်ရေး၊ စားရေးသောက်ရေးနှင့် ကျန်းမာရေး အခက်အခဲများ ရှိနေသောကြောင့် တချို့သောရွာသူရွာသားများသည် လက်ရှိအချိန်တွင် ၎င်းတို့ကျေးရွာအတွင်းသို့ ပြန်လည်နေထိုင်နေပြီဖြစ်သော်လည်း လုံခြုံစိတ်ချရသည့်အတိုင်းအတာတခုအထိတော့ မဟုတ်သေးဘူးဟု ကျောက်ကြီးမြို့နယ် ဥက္ကဌက ကေအိုင်စီကို ယနေ့ ပြောသည်။
သူက “လက်ရှိအချိန်မှာ နအဖ တပ်တွေက အဲဒီဒေသမှ နည်းနည်းလေး နောက်ဆုတ်နေတဲ့ အနေအထားမှာ တချို့ရွာသူရွာသားတွေ က သူတို့ရွာတွေမှာ ပြန်နေတာရှိတယ်။ ဒါပေမဲ့ သူတို့အတွက် လုံခြုံမှုရှိတယ်လို့ တော့မဟုတ်သေးဘူး။ တောထဲမှာ နေထိုင်၊ စား သောက်ရတာ ခက်ခဲတယ်။ အထူးသဖြင့် ကျန်းမာရေးပေါ့၊ အခု အေးတဲ့ရာသီမှာ စောင်မပါ၊ အနွေးထည်မပါနဲ့ဆို စိုးရိမ်ရတဲ့ အနေအထားမျိုးမဟုတ်ပေမဲ့ ဖျားနာနေတဲ့လူတွေ ရှိတယ်။ မိခင်နဲ့ ကလေးတွေက ပိုပြီး ဒုက္ခရောက်တယ်”ဟု ပြောဆိုသွားသည်။
ညောင်လေးပင်ခရိုင်၌ လက်ရှိအချိန်တွင် နအဖ စစ်ကွပ်ကဲရေးဌာနချုပ်(၁၀)၏ လက်အောက်ခံတပ်ရင်းများဖြစ်သော ခမရ (၃၆၃)၊ (၃၆၇)က ကျောက်ကြီးမြို့နယ်တွင်လည်းကောင်း၊ ခမရ(၃၆၅)၊ (၃၆၉)နှင့် (၃၇၀) တပ်ရင်းများက မုံးမြို့နယ်တွင်လည်းကောင်း လှုပ်ရှား လျှက်ရှိသည်။
Read More...
Summary only...
ဇန်နဝါရီလ ၂၄ရက် ၂ဝ၁ဝခုနှစ်။
တပ်မဟာ(၅) ဖာပွန် ခရိုင။်
၁၈.၁.၂၀၁၀နေ့ ခလယ်ခိုဒေါ ကော်ထယ်ဒဲအရပ်တွင်KNU၏တိုက်ခိုက် မှုကြောင့် ရန်သူ ၁ယောက်သေ။
၂၀.၁.၂၀၁၀ နေ့ ဒူးအော်ဆောဒေးတွင် ရန်သူ ၃ယောက်ဒဏ်ရာရ။
၂၁.၁.၂၀၁၀ နေ့ ကျော်ပါလိုအရပ်တွင် KNU ၏တိုက်ခိုက်မှုကြောင့် ရန်သူ ၂ယောက်ဒဏ်ရာရပြီး ရိက္ခာသယ်မြင်း ၂ကောင်ပါဒဏ်ရာရ၊ အဲဒီတရက်ထဲ ၁၀း၃၀ အချိန် ထီးဘွေးဒေးလေး ဂေါ်ဟော်အရပ်တွင် ရန်သူ ၁ယောက်သေ၊ အဆိုပါတရက် ထဲ ၁၃း၃၀ အချိန် ဆာလော်ဘူ ခေးပူဟော်အရပ်မှာ တိုက်ခိုက်ခဲ့ရာ ရန်သူ ၃ယောက်သေ။
တပ်မဟာ(၇) ဖားအံ့ခရိုင်။
၂၃.၁.၂၀၁၀ နေ့၁၅း၀၀ အချိန် တွင် DKBA မှရဲဘော် ၂ယောက် KNU နှင့်ပြန် လည်ပူးပေါင်းပြီး စနိုက်ဖာ ၁လက် နှင့် .၄၅ တစ်လက်ပါရှိ။
Read More...
Summary only...
Monday, 25 January 2010 10:03 ဗထူး
စစ်အစိုးရအနေဖြင့် တပ်တွင်းပြောင်းလဲမှု အကြီးမားဆုံး လုပ်ရတော့မည်ဟု စစ်အရာရှိတဦးက ပြောသည်။
“၂၀၀၈ ပြီးပြီ၊ ကျနော်တို့အနေနဲ့ လေးလပတ်မှာ ဘာဖြစ်လာမလဲတော့ ကြည့်နေတာပါ။ အပြောင်းအလဲ ကြီးမယ်။ နားမှာလားဆိုတဲ့ ကိစ္စတွေပါ၊ ပုံမှန်အားဖြင့် လေးလပတ်မှာ အဖြေထွက်ရမယ်၊ အလယ်အလတ်တွေဆိုတော့ ပြောရတာ ခက်တယ်၊ အရပ်ဖက်ရောက်မလားတော့ မသိသေးဘူး” ဟု ပြောသည်။
စစ်အစိုးရအနေဖြင့် ၂၀၁၀ ရွေးကောက်ပွဲ ပြင်ဆင်ချိန် တပ်တွင်းပြင်ဆင်မှုများကို တပ်တွင်းအရာရှိများလည်း စိတ်ဝင်စားလျှက်ရှိသည်။
“အပေါ်က အဘတို့တောင် သိဖို့ခက်တာနဲ့ ကျနော်တို့လို အဆင့်တွေ သိဖို့ခက်ခဲ့တယ်၊ ဒါပေမဲ့ တခုတော့ ပြောနိုင်တယ်၊ တပ်ပြောင်းလဲရတော့မယ်၊ တပ်ချုပ်ကအစ သူတို့ဂတိအတိုင်း နားပေါ့ဗျာ” ဟု ဆက်လက်ပြောသည်။
စစ်အစိုးရအနေဖြင့် အတည်ပြုခဲ့သည့် ၂၀၀၈ ဥပဒေအရ အသက်ပြည့်ပြီးသူအားလုံး နားရမည်ဟု သတ်မှတ်ထားသည့်အတွက် နားမလားစောင့်ကြည့်နေကြောင်း ပြောသွားခဲ့သည်။
လာမည့် ရွေးကောက်ပွဲကို ဗိုလ်ချုပ်ကြီး သူရရွှေမန်း ဦးဆောင်သည့် တပ်မတော်စည်းရုံးရေးကော်မတီက ဦးစီးကျင်းပသွားမည်ဖြစ်ကြောင်း တပ်မတော်အရာရှိတဦးက ပြောသည်။
Read More...
Summary only...
ပဲခူးတိုင်း တောင်ငူခရိုင် ထန်းတပင်မြို့ နယ်ရှိ နအဖ ဗမာ့တပ် စကခ(၇) ခမရ (၂၁၆) ဖလေးဆာလိုအခြေစိုက် စစ်စခန်းမှ တပ်များသည် ဖလေးဆာလို ရွာသားများ ကျား(၂၄ ဦး) မ (၁၁ ဦး)၊ ယာလိုရွာ ကျား (၅ ဦး)၊ မ (၂ ဦး)၊ ဘလောမူဒါးရွာ ကျား ၅ ဦး မ ၄ ဦးအား ပေါ်ထာအဖြစ် အတင်းခိုင်းစေပြီး ယူလို နယ်မြေမှ ဖလေးဆာလို စစ်စခန်းစီသို့ ၁၅၊ ၀၁၊ ၂၀၁၀ ရက်နေ့ တွင် စစ်တပ်ရိတ္ခာများကို သယ်ပို့  ခိုင်းကြောင်း သတင်းရရှိပါသည်။
ယခုလ ၁၉ ရက်နေ့ တွင်လည်း စကခ(၇) ခမရ (၄၂၇) နောစိုး အခြေစိုက်စစ်စခန်း မှ ဗမာ့တပ်များသည် ခေါတူရွာကို ၀င်ရောက်ပစ်ခတ်ပြီး ရွာသားဖြစ်သော စောထူးနေ၀ါး(၃၀နှစ်) အဘမည် စောမောင်ရွှေခင်အား အကြောင်းမဲပစ်သတ်ပြီး ဦးခေါင်းကိုဖြတ်ပစ်ကာ ထိုဦးခေါင်းကို သူတို့ စစ်စခန်းသို့ ယူသွားသည်ဟု ၂၃၊၀၁၊ ၂၀၁၀ ရက်နေ့ ထုတ်ပြန်သော ကေအဲန်ယူ ကြေးနန်းသတင်းထုတ်ပြန်ချက် တွင်ဖေါ်ပြထားပါသည်။ သည့်ပြင် ၄င်းတပ်သည် ရွာသားတစ်ဦးဖြစ်သော နော်လေးကေး ၏ စပါး (၁၀)တင်းကိုမီးရှိူ့ ဖျက်ဆီးလိုက်သည်ဟု သတင်းရရှိပါသည်။
ယခုလ ၂၃ ရက်နေ့ တွင်လည်း စကခ(၇) မှ ကလေစိုးခီးရွာသား(၁၀၀)ဦးအား ဆန်၊ဆီ အစသဖြင့် ရိက္ခာများကို နအဖ တပ် သအေးထာ စစ်စခန်းသို့ ပို့ ဆောင်ခိုင်းပါသည်။
ယခုရက်ပိုင်းအတောအတွင်း နအဖ စစ်တပ်များသည် ကရင်လူထု အပေါ် အညိုးကြီးစွာ ဖြင့်လူမဆန်စွာ ညှင်းပမ်းနိုပ်စက်မှုများ၊ သတ်ဖြတ်မှုများ၊ လုပ်ဆောင်နေသည်သာမက ကရင်အမျိူးသမီးများကို လည်းမုဒိန်းကျင့်ဖျက်ဆီးနေသည်ကို သတင်းများတွင် ဖေါ်ပြထားပါသည်။
ညောင်လေးပင် ခရိုင် ယခုလ ၁၈ ရက်နေ့ ၃း၃၀ နာရီ ခမရ ၅၉၉ ဗိုလ်ကြီး တင်ဘိုအောင် ဦးစီး တပ်မှ တပ်ကြပ်တစ်ဦး က ကျောက်စရစ်ရွာသူ မမြမြ (၃၄နှစ်)အားအတင်းအကျပ် မုဒိန်းကျင့်ပြီးယုံမက သူမ၏ လက်စွပ်နှင့် ငွေ (၃၀၀၀)ကျပ်ကိုပါယူသွားသည်ဟုသတင်းရရှိပါသည်။ ၁၉ရက် ဇန၀ါရီလ တွင်လည်း စကခ(၁၀) ခမရ ၃၆၇ ဗမာစစ်တပ်မှ ခဲဒါးရွာအား မီးရှိူ့ ဖျက်ဆီးပြီး ၁၂း၃၀ နာရီ၌ အူခယ်ခီးရွာကို ၀င်ရောက်ပစ်ခတ်ပြီး ရွာသားစောအယ်မူးကို ပစ်သတ်သွားပါသည်။ အပစ်သတ်ခံရသော စောအယ်မူး တွင် ကလေးငယ်(၆)ဦးရှိပြီး ကျန်ရစ်သူ ဇနီးသည်နှင့် ထိုကလေးများဒုက္ခများစွာကြုံတွေ့ နေရသည် ဟု သိရှိရပါသည်။
Read More...
Summary only...
ညီညွတ်ခြင်း ပုံဆောင်သည့် ကရင်အမျိုးသားအလံတော်
အလံဆိုသည်မှာ အဖွဲ့အစည်းတခုကို ကိုယ်စားပြုသည်သာမက အမျိုးသားတခုလုံးကို ကိုယ်စားပြုသည့် သမိုင်းဝင် သင်္ကေတအမှတ်အသား တစ်ခုပင် ဖြစ်သည်။ ကရင်အမျိုးသားတခုလုံးကို ကိုယ်စားပြုသည့် အမျိုးသား အလံတော်သည် လူမျိုးစု အတွက် မရှိမဖြစ် အလွန်အရေးပါသည့် ကဏ္ဍတခုအဖြစ် ရပ်တည်နေသည်သာမက၊ သမိုင်းအစဉ်အလာကြီးသည့် ထိုအလံတော်အတွက် ကရင်အမျိုးသားထု ဂုဏ်ယူစရာပင် ဖြစ်ပေသည်။
၁၈၈၁ ခုနှစ်မှစတင်ကာ ကရင်အမျိုးသားဆိုင်ရာ အဖွဲ့အစည်းတခုကို ဒေါက်တာ တီသံပြာ ဦးဆောင် ဖွဲ့စည်းခဲ့ပြီးနောက် ဆရာစံဘော်အပါအ၀င် ကရင်အမျိုးသားခေါင်းဆောင်များက ကရင်အမျိုးသားအလံ၊ ကရင်နှစ်သစ်ကူးနေ့ ကျင်းပရေးနှင့် ကရင်အမျိုးသား သီချင်း ဖြစ်ပေါ်လာရေးအတွက် ဦးဆောင် လှုပ်ရှားခဲ့ကြသည်။
၁၉၃၅ ခုနှစ်၊ လွှတ်တော်အစည်းအဝေးတွင် ကရင်လူထုကို ကိုယ်စားပြုမည့် အမျိုးသားအလံ သတ်မှတ်နိုင်ရေးအတွက် မဲခွဲ ဆုံးဖြတ်ခဲ့ကြသည်။ ထို့အတွက် ကရင်အလံတော် ရေးဆွဲကြရန် လူထုကို ဆော်သြကာ၊ ပြိုင်ပွဲတခု အဖြစ်သတ်မှတ်ပြီး ထိုက်ထိုက်တန်တန် ဆုပေး ရွေးချယ်ကြရန် သတ်မှတ်နိုင်ခဲ့သည်။
ပြိုင်ပွဲဝင်သူများထံမှ ကရင်အလံ ပုံစံ စုစုပေါင်း ၁၀၀ ကျော်ကို လက်ခံရရှိခဲ့ရာ၊ ၁၂ ခုကို ဇကာတင် ရွေးချယ်လိုက်ပြီးနောက်၊ ထိုအထဲမှ ၃ ခုကို နောက်ဆုံး ဇကာတင်ကာ ဆုပေး ရွေးချယ်ခဲ့သည်။ ပထမဆုကို ကရင်အမျိုးသားအဖွဲ့မှ စာရေးဆရာတဦးဖြစ်သည့် ကွယ်လွန်သူ မန်းဘခင် (ဘီအေ) ကို ဆုချီးမြှင့်ခဲ့သည်။ သူရေးဆွဲခဲ့သည့် အလံ တွင် ကရင်လူမျိုးများ အထွတ်အမြတ်ထားသည့် ဖားစည်ပုံကို ဖော်ပြထားပြီး၊ အဓိပ္ပါယ်ကို ယခုလို မှတ်တမ်းတင်ထားသည်။
“ကရင်လူမျိုးများက ဖားစည်ကို အသက်သမျှ တန်ဘိုးထားကြသည်သာမက၊ ရှေးယခင်က ၎င်းတို့အိမ်တွင် လက်နက်သဖွယ် ဆောင်ထားကြသည်” ဟု သိရသည်။
ဒုတိယဆုရရှိသူ ပဲခူးတိုင်း၊ တောင်ငူမြို့နယ်က ဆရာမိုးလို (ကွယ်လွန်) ရေးဆွဲခဲ့သည့် ကရင်အလံတွင်မူ တက်သစ်စနေ၀န်း အမှတ်အသားတခုကို ဖော်ပြထားကာ ကရင်လူမျိုးများကို တိုးတက်ထွန်းလင်း တောက်ပစေရန် ရည်ရွယ် ဖော်ပြခဲ့သည်။ ထို့အပြင် ကြောက်စိတ်ကို ဖယ်ရှားပေးသည့် အမှတ်အသား တခုအဖြစ်လည်း ဖော်ညွန်းသည်။
ဆင်ဖြူတော်အရုပ်ပါ အလံကို ရေးဆွဲသူ ဒေါက်တာ ဘစောဒွေး (ကွယ်လွန်) ကို တတိယဆု ချီးမြှင့်ခဲ့သည်။ ထိုဆင်ဖြူတော်အရုပ် အမှတ်အသားကို ယခုအခါ ဖားစည်ပေါ်တွင် တွေ့ရှိနေရသည်။ အဓိပ္ပါယ်မှာ ဆင်ဖြူတော်သည် တန်ဘိုးရှိကာ မြင့်မြတ်သည့် ရတနာတခု ဖြစ်ကြောင်း ဖော်ညွှန်းခြင်း ဖြစ်သည်။
ကရင်အစည်းအရုံး၏ အတွင်းရေးမှူးဟောင်း ဖြစ်သူ မန်းဘခင် ဦးဆောင်ကာ အလံပုံစံ ၃ ခုကို တခုအဖြစ် စုပေါင်း အတည်ပြုသတ်မှတ်ခဲ့ပြီးနောက် ကရင်အမျိုးသားအဖွဲ့ထံ တင်သွင်းခဲ့သည်။ အတည်ပြုပြီးခဲ့သည့် ကရင်အမျိုးသား အလံတွင် ထင်ရှားသည့် အရောင် သုံးမျိုး ဖြစ်သည့် အနီ၊ အဖြူ၊ အပြာရောင်နှင့်အတူ နေခြည်အလင်းတန်း ၉ ခုလည်း ပါရှိသည်။ အရောင်များ၏ အဓိပ္ပါယ်က ကရင်လူမျိုးများကို ကိုယ်စားပြု ဖော်ညွှန်းနေသည်။
အနီရောင်သည် ရဲရင့်ပြတ်သားခြင်း၊ သတ္တိရှိခြင်း၊ ဇွဲရှိခြင်း ကို ကိုယ်စားပြုပြီး၊ အဖြူရောင်မှာ ဖြူစင်ခြင်းနှင့် သန့်ရှင်း စင်ကြယ်ခြင်းကို ဖော်ညွှန်းသည်။ အပြာရောင်သည် ဖြောင့်မတ်တည်ကြည်ခြင်းနှင့် ငြိမ်းချမ်းသာယာခြင်းကို ခေါ်ဆိုသည်။ ထို့အပြင် တက်သစ်စ နေ၀န်းမှ ဖြာထွက်နေသည့် ရောင်ခြည်ကိုးသွယ်သည် ကရင်လူမျိုးများ နေထိုင် ဆင်းသက်ခဲ့သည့် ဒေသကိုးခု (ဒီကိုးဒီ) ကိုဖော်ညွှန်းပြီး၊ ကရင်လူမျိုးတို့ ဘ၀ တိုးတက်မှုနှင့် သာယာငြိမ်းချမ်းမှု တို့ကို ဖော်ပြနေသည်။
ဖားစည် အမှတ်အသားကိုမူ စည်းလုံးညီညွတ်မှုနှင့် တန်ဖိုးမဖြတ်နိုင်သည့် ရိုးရာယဉ်ကျေးမှု အမွေအနစ် ပိုင်ဆိုင်ခြင်းကို ဖော်ညွန်း နေသည်။ ၁၉၃၇ ခုနှစ်၊ မြန်မာပြည်လွတ်လပ်ရေး မတိုင်မီ၊ ပထမဦးဆုံး ကရင်နှစ်သစ်ကူးကို ရန်ကုန်တွင် ကျင်းပ ပြုလုပ်နိုင်ခဲ့သည်။ ထိုနေ့မှာပင် ကရင်အလံတော်ကို ထည်ထည်ဝါ၀ါ တပါတည်း လွှင့်တင်နိုင်ခဲ့သည်။
ထိုနေ့တွင် ကရင်တမျိုးသားလုံးက စည်းလုံးညီညွတ်သည့် အဓိပ္ပါယ်ကို ဖော်ဆောင်သည့်အနေဖြင့် ဦးညွတ်ကာ တညီတညွတ်တည်း အလေးပြုခဲ့ကြသည်။ ၁၉၃၈ ခုနှစ်၊ အင်္ဂလိပ် ကိုလိုနီ အုပ်ချုပ်သည့် ကာလတွင် ကရင်နှစ်ကူးကို အများပြည်သူ ရုံးပိတ်ရက်အဖြစ် အသိမှတ်ပြု သတ်မှတ်ခဲ့သည်။
၁၉၄၈ ခုနှစ်၊ မြန်မာပြည် လွတ်လပ်ရေး ရရှိပြီးနောက် သီးခြားလွတ်လပ်သည့် ကရင်ပြည်နယ် ရရှိရေးအတွက် အစိုးရကို တောင်းဆို တိုက်ပွဲဝင်ခဲ့ရာ ၁၉၄၉ ခုနှစ်၊ ဇန်န၀ါရီလ ၃၁ ရက်နေ့တွင် ကရင်လက်နက်ကိုင် တော်လှန်ရေး ပေါ်ပေါက်ခဲ့သည်။
ထို့နောက် ကရင်အမျိုးသားအလံတော်ကို တောတွင်း ကရင်လက်နက်ကိုင် အလံဟု ဖက်ဆစ်ဆန့်ကျင်ရေး ပြည်သူ့လွတ်လပ်ရေး - ဖဆပလ အဖွဲ့က စွတ်စွဲပြောဆိုခဲ့ပြီးနောက် ကရင်အမျိုးသားအလံကို လူထုအကြား သုံးစွဲခွင့် ပိတ်ပင်ခဲ့သည်။
မည်သို့ပင် ပိတ်ပင်ခဲ့သော်လည်း မျိုးချစ် ခေါင်းဆောင်များဖြစ်ကြသည့် ဆရာသာထို၊ ဆရာမန်းဂျိမ်းအောင်၊ စောဘဲလေ တို့က နှစ်စဉ် ရန်ကုန်မြို့တွင် ပြုလုပ်လေ့ရှိသည့် ကရင်နှစ်သစ်ကူးနေ့တွင် ကရင်အမျိုးသားအလံကို မကြောက်မ၀ံ့ ရဲရဲဝံ့ဝံ့ ပြန်လည် လွှင့်ထူနိုင်ခဲ့ကြလေသည်။
ယခုအခါတွင် ကရင်တမျိုးသားတခုလုံးကို ကိုယ်စားပြုနေသည့် အမျိုးသားအလံကို ကရင်ရိုးရာ နေ့ထူးနေ့မြတ် ပွဲတော်များဖြစ်သည့် ကရင်နှစ်သစ်ကူး အပါအ၀င်၊ ချည်ဖြူဖွဲ့ပွဲ၊ နှစ်သစ်ကောက်သစ် စားပွဲ၊ အစည်းအဝေး တို့တွင် အမျိုးသားအလံတော်ကို ယနေ့တိုင် အလေးထား လွှင့်ထူနေကြဆဲ ဖြစ်သည်။
Read More...
Summary only...
.jpg)
.jpg)
