နေ့သစ်မှ.........

ကရင်ပြည်နယ် ကြာအင်းဆိပ်ကြီးမြို့နယ်ရှိ အဇင်းနဲ့ ကျိုက်ဒုံ သွားတဲ့ လမ်းပေါ် မိနအပ်ရွာကို သြဂုတ်လ ၃၁ ရက်နေ့က လက်နက်ကြီးများနဲ့ ပစ်ခတ်တိုက်ခိုက်တဲ့အတွက် ရွာသားအိမ် သုံးလုံး လက်နက်ကြီးထိမှန် ပျက်စီးသွားခဲ့တယ်လို့ သိရှိ ရပါတယ်။
သြဂုတ်လ ၃၁ ရက်နေ့က အဇင်းနဲ့ ကျိုက်ဒုံလမ်းပေါ်ရှိ မိနအပ်ရွာအနီးမှာ ကြံ့ဖွံ့အစိုးရ စစ်တပ် တပ်မ ၂၂ လက် အောက်ခံ စစ်ကြောင်းကို ဒီကေဘီအေ ၉၀၂ တပ်ဖွဲ့ဝင်တွေက ပြောက်ကျားတိုက်ခိုက်မှုတခု ဖြစ်ပွားခဲ့ပါတယ်။ ဒီတိုက်ပွဲ ဖြစ်ပွားပြီးနောက် ကြံ့ဖွံ့အစိုးရ စစ်တပ်က အနီးအနားရှိ မိနအပ်ရွာထဲကို လက်နက်ကြီးတွေနဲ့ ပစ်ခတ်သွားခဲ့ပါတယ်။

မိနအပ်ရွာအတွင်း ထိခိုက်မှုအခြေအနေကို ရွာသားတဦး ပြောပြတာက ..
“အိမ်သုံးလုံးတော့ ပျက်စီးသွားတယ်။ လူတွေတော့ ဘာမှမဖြစ်ကြပါဘူး။ ကျနော်တို့ ရွာတွေက အိမ်တိုင်းမှာ ဗုံးကျင်း ရှိတယ်လေ။ အဲဒီနေ့က တိုက်ပွဲဖြစ်သံကြားကတည်းက အကုန်းလုံး ကျင်းထဲရောက်နေတာ” လို့ ပြောပြသွားပါတယ်။
မိနအပ်ရွာကို ကြံ့ဖွံ့အစိုးရ စစ်တပ်တွေ ပစ်ခတ်သွားတာနဲ့ ပတ်သက်ပြီး DKBA မှ ပြောရေးဆိုခွင့်ရှိသူ ဗိုလ်မှူး ဆန်းအောင် ကို မေးမြန်းကြည့်ရာ …
“အဲဒီနေ့က ကျနော်တို့ တပ်ဖွဲ့နဲ့ တိုက်ပွဲဖြစ်တယ်။ တိုက်ပွဲပြီးတော့ အနားက ရွာကို လက်နက်ကြီးနဲ့ ပစ်ထဲ့တယ်။ ရှင်းရှင်း ပြောရရင်တော့ ကုလားမနိုင် ရခိုင်မဲလိုက်တာပဲ။ ဒီအစိုးရနဲ့ ဒီစစ်တပ်က ပြည်သူကို ရန်သူလို သဘောထားခဲ့တာ ကြာပြီ ခုမှ မဟုတ်ဘူး။ ခုလည်း သတင်းတွေမှာ ကြားနေရတာပဲ၊ ငြိမ်းချမ်းရေးကော်မတီဖွဲ့တယ်တို့၊ လူမျိုးစုဒေသအလိုက် ငြိမ်း ချမ်းရေး စကားပြောဖို့ ကြားခံလူတွေ လွှတ်တယ်တို့ အပေါ်ယံကြည့်ရင်တော့ ဒီကြံ့ဖွံ့ အစိုးရက တကယ်ပဲ ငြိမ်းချမ်းရေး လိုလားသလိုလို၊ တကယ်ပဲ ငြိမ်းချမ်းရေး တည်ဆောက်တော့ မလိုလိုနဲ့ ဟန်ရေးပြနေပြီး၊ တကယ့်လက်တွေ့ ကျနော်တို့ ဒေသတွေမှာ ဖြစ်ပျက်နေတာတွေက ကြံ့ဖွံ့အစိုးရ စစ်တပ် စစ်ကြောင်းတွေ စစ်ရေးအရ လှုပ်ရှားမှုတွေ ရှိနေတယ်။ ကိုယ် စားလှယ်တွေ လွှတ်ပြီး ငြိမ်းချမ်းရေးစကား ပြောမယ့် လက်နက်ကိုင်း တော်လှန်ရေးအဖွဲ့တွေကို ချေမှုန်းဖို့ လက်ဦးမှုယူ တိုက်ခိုက်ဖို့ အမြဲပြင်ဆင်လှုပ်ရှားနေတယ်။ အပြစ်မဲ့တဲ့ ကျနော်တို့ ပြည်သူတွေကို ရန်သူလို သဘောထားပြီး တိုက်ခိုက် တာတွေ ရှိနေတယ်။ ဒီ ကြံ့ဖွံ့အစိုးရ ငြိမ်းချမ်းရေး တည်ဆေက်မယ်ဆိုတာ စဉ်းစားစရာပဲ” ဟု ပြောပြသွားပါတယ်။

Read More...

Summary only...

VOA သတင်းမှ.......

ကရင်အမျိုးသား အစည်းအရုံး (KNU) ရဲ့ ခေါင်းဆောင်တဦးဖြစ်တဲ့ မန်းငြိမ်းမောင်ဟာ မြန်မာအစိုးရရဲ့ ဖမ်းဆီးခြင်းကို ခံထားရတယ်လို့ ဗွီအိုအေက သတင်းရရှိပါတယ်။
တရုတ်နိုင်ငံထဲ တရားမ၀င် ၀င်ရောက်မှုနဲ့ ကနဦး ဖမ်းဆီးခံရတာဖြစ်ပြီး နောက်ပိုင်း မြန်မာအစိုးရ လက်ထဲကို တရုတ်အာဏာပိုင်က လွှဲပြောင်းပေးခဲ့တယ်လို့ အမည်မဖော်လိုတဲ့ ပြည်ပရောက် အတိုက်အခံ ခေါင်းဆောင်တချို့ရဲ့ ပြောဆိုချက်အရ သိရပါတယ်။
ဒါနဲ့ပတ်သက်လို့ KNU ကရင်အမျိုးသား အစည်းအရုံးရဲ့ သီးခြား အတည်ပြု ပြောဆိုချက်တော့ မရသေးပါဘူး။
သူ့ရဲ့ အခြေအနေနဲ့ ပတ်သက်လို့တော့ အတိုက်အခံတွေကြား စိုးရိမ်မှုတွေ ကျယ်ကျယ်ပြန့်ပြန့် ဖြစ်ပေါ်နေပါတယ်။

မန်းငြိမ်းမောင်ဟာ KNU ကရင်အမျိုးသား အစည်းအရုံးရဲ့ ဗဟိုကော်မတီဝင်တဦး ဖြစ်သလို KNU အပါအ၀င် တခြား တိုင်းရင်းသား လက်နက်ကိုင်တွေ စုဖွဲ့ထားတဲ့ တိုင်းရင်းသား လူမျိုးများ ဖက်ဒရယ်ကောင်စီ (UNFC) မှာ KNU ကိုယ်စား ဦးဆောင် လှုပ်ရှားနေသူ တဦးလည်း ဖြစ်ပါတယ်။ သူဟာ အဓိက ထိုင်း၊ မြန်မာ နယ်စပ်မှာ လှုပ်ရှားခဲ့တာ ဖြစ်ပါတယ်။
မန်းငြိမ်းမောင်ဟာ ၁၉၆၀ ၀န်းကျင် တ၀ိုက်မှာ ကရင်လူငယ် လှုပ်ရှားမှုနဲ့ အာဏာပိုင်တွေရဲ့ ထိန်းသိမ်းမှုကို ခံခဲ့ရပြီး မြန်မာပြည်မနဲ့ မိုင် ၂၀၀ ကျော်ဝေးတဲ့ ကိုကိုးကျွန်းကို ပို့ဆောင်ခံခဲ့ရပါတယ်။ ကိုကိုးကျွန်းကနေ တခြား နိုင်ငံရေး အကျဉ်းသား ၂ ဦးနဲ့အတူ ပင်လယ်ကိုဖြတ်ပြီး ပြည်မဘက်ကို ထွက်ပြေးခဲ့ပါတယ်။ ပြည်မအရောက်မှာ ဒေသခံ အာဏာပိုင်တွေရဲ့ ဖမ်းဆီးခြင်းကို ခံခဲ့ရပါတယ်။
သူ့ရဲ့ ကျွန်းအတွေ့အကြုံနဲ့ တခြားနိုင်ငံရောက် အတွေ့အကြုံတွေကို ရဲဘော်ရှောင်းဆိုတဲ့ ကလောင်နဲ့ ပြည်ပ အတိုက်အခံ စာစောင် မဂ္ဂဇင်းတွေမှာ ရေးသားခဲ့သူ ဖြစ်ပါတယ်။
ကွယ်လွန်သွားပြီဖြစ်တဲ့ စာရေးဆရာ မြသန်းတင့်ရဲ့ ဓားတောင်ကိုကျော်၍ မီးပင်လယ်ကိုဖြတ်မည် ဆိုတဲ့ ၀တ္ထုဟာ မန်းငြိမ်းမောင်ရဲ့ ကိုကိုးကျွန်း အတွေ့အကြုံကို မှီးရေးခဲ့တာလို့လည်း စာရေးသူ ကိုယ်တိုင်က ပြောခဲ့ဖူးပါတယ်။
မန်းငြိမ်းမောင်ကို မြန်မာအာဏာပိုင်တွေက ဖမ်းဆီး ထိန်းသိမ်းထားပြီ ဆိုတာနဲ့ ပတ်သက်လို့တော့ မြန်မာအစိုးရဘက်က တစုံတရာ ထုတ်ဖော် ပြောဆိုချက် မရသေးပါဘူး။

Read More...

Summary only...

(ကေအိုင်စီ)

မြန်မာအစိုးရ၏ ငြိမ်းချမ်းရေး ဆွေးနွေးရန် ကမ်းလှမ်းချက်သည် တိုင်းရင်းသားလက်နက်ကိုင် တပ်ဖွဲ့များအတွက် ရလဒ်ကောင်း မရရှိနိုင်သည့်အတွက် လက်မခံနိုင်ကြောင်း ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC မှ ယမန်နေ့က ထုတ်ပြန်လိုက်သည်။

UNFC အနေဖြင့် တဖွဲ့ချင်း သီးခြားဆိုင်ရာ ပြည်နယ် (သို့မဟုတ်) တိုင်းဒေသကြီးအစိုးရများနှင့် ပဏာမဆက်သွယ်ရန် ဆို သည့်အချက်အပေါ် လုံးဝ လက်မခံနိုင်ကြောင်းနှင့် ၎င်းမှာ ရလဒ်ကောင်းမရနိုင်ကြောင်း ထုတ်ပြန်ခဲ့ခြင်း ဖြစ်သည်။

၎င်းအပြင် ထိုသို့ တဖွဲ့ချင်းဖိတ်ခေါ်မှုသည် တိုင်းရင်းသားလူမျိုးများ၏ စည်းလုံးညီညွတ်စွာ ရပ်တည်မှုကို “သပ်လျှိုဖြိုခွဲရာကျ သည်”ဟု ယူဆသည့်အပြင် ယခင် အတွေ့အကြုံများအရ တဖွဲ့ချင်း ဆွေးနွေးခြင်းအားဖြင့် ထိရောက်မှုမရှိ ရလဒ်ကောင်းမရနိုင် ကြောင်း ကြေညာချက်တွင် ထည့်သွင်းဖော်ပြထားသည်။

“ပြည်နယ်အလိုက် ဆွေးနွေးတယ်ဆိုတာ တိုင်းရင်းသားတွေကို ခွဲချင်တဲ့သဘောပဲ။ ဘာလို့လဲဆိုတော့ အရင်ကလဲ ဒီလိုပဲ။ တွေ့ဆုံဆွေးနွေးရေးတွေ လုပ်ခဲ့တယ်။ ဒါပေမယ့် ရလဒ် ဘာမှပေါ်မလာဘူး။”ဟု UNFC အဖွဲ့ဝင်ဖြစ်သည့် ကရင်အမျိုးသားအ စည်းအရုံး၏ အထွေထွေအတွင်းရေးမှူးချုပ် နော်စီဖိုးရာစိန်က ပြောသည်။

UNFC ထုတ်ပြန်ချက်တွင် နိုင်ငံရေးပြဿနာသည် တိုင်းဒေသကြီး/ပြည်နယ်အလိုက် သီးခြားဖြစ်ပွားနေခြင်းလည်းမဟုတ်၊ ပြည်ထောင်စုအဆင့် သို့မဟုတ် တမျိုးသားလုံးအဆင့်၌ ဖြစ်ပေါ်နေသော ပြဿနာများသာဖြစ်၍ ကျယ်ကျယ်ပြန့်ပြန့် ဆွေးနွေး ဖြေရှင်းမှသာလျှင် ပြေလည်နိုင်မည်ဟု (UNFC) အနေနှင့် ယုံကြည်ထားခြင်းကြောင့် အစိုးရ၏ ကမ်းလှမ်းချက်ကို လက်မခံခြင်း ဖြစ်သည်ဟု ပြောဆိုထားသည်။

UNFC က ချမှတ်ထားသည့် မူအတိုင်း တဖွဲ့ချင်းဆွေးနွေးမည်မဟုတ်ကြောင်း တိုင်းရင်းသားအားလုံးသည်လည်း နိုင်ငံရေး ပြဿနာများကို ဖြေရှင်းရာတွင် အတူတကွ ပူးပေါင်းဆွေးနွေးလိုကြောင်း နော်စီဖိုးရာစိန်က ပြောသည်။

အစိုးရဘက်မှ ဆွေးနွေးမည့် အဖွဲ့အစည်း ဖွဲ့စည်းပြီးပါက အဆိုပါ အဖွဲ့အစည်းနှင့် (UNFC) ဘက်မှ အလားတူ ဖွဲ့စည်းတာဝန် ပေးအပ်ထားသော “ဆွေးနွေးရေးအဖွဲ့”နှင့် တိုက်ရိုက်ဆက်သွယ်ဆက်ဆံ၍ ဆွေးနွေးသွားခြင်းဖြင့် လက်နက်ကိုင်တိုက်ပွဲများ ကို ရပ်စဲစေပြီး နိုင်ငံရေးပြဿနာများ ပြေလည်စေကာ ငြိမ်းချမ်းရေးကိုလည်း ဖော်ဆောင် အောင်မြင်နိုင်မည်ဖြစ်ကြောင်း UNFC က ပြန်ကြားထားသည်။

ပြီးခဲ့သည့်အပတ်က ကရင်ပြည်နယ်မှ ငြိမ်းချမ်းရေးကိုယ်စားလှယ် ၂ဦး ကေအဲန်ယူနှင့် လာရောက်တွေ့ဆုံခဲ့ကြောင်း အတည် မပြုနိုင်သေးသည့် သတင်းအရ သိရသော်လည်း ကေအဲန်ယူဘက်မှ မဟုတ်မှန်ကြောင်း ငြင်းဆိုထားသည်။

ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ-UNFC ကို ၂၀၁၁ခုနှစ်၊ ဖေဖော်ဝါရီလ ၁၆ရက်နေ့က တိုင်းရင်းသား လက်နက်ကိုင်အဖွဲ့ ၁၂ဖွဲ့ဖြင့် ဖွဲ့စည်းခဲ့ပြီးနောက် အမာခံအဖွဲ့ ၆ဖွဲ့ဖြစ်သည့် ကချင်ပြည်လွတ်မြောက်ရေးအဖွဲ့(KIO)၊ သျှမ်း ပြည်တိုးတက်ရေးပါတီ(SSPP)၊ ကရင်အမျိုးသားအစည်းအရုံး(KNU)၊ ကရင်နီပြည်တိုးတက်ရေးပါတီ(KNPP)၊ မွန်ပြည်သစ်ပါ တီ(NMSP)၊ ချင်းအမျိုးသားတပ်ဦး(CNF) တို့ဖြင့် ပြင်ဆင်ဖွဲ့စည်းခဲ့သည်။

ပလောင်ပြည်နယ် လွတ်မြောက်ရေးတပ်ဦး(PSLF)၊ လားဟူဒီမိုကရက်တစ်သမဂ္ဂ(LDU)၊ ညီညွှတ်သော ရခိုင်အမျိုးသားပါတီ (NUPA)၊ ၀ အမျိုးသားအဖွဲ့ချုပ်(WNO)၊ ပအိုဝ်းအမျိုးသားလွတ်မြောက်ရေးအဖွဲ့(PNLO)၊ ကချင်အမျိုးသားအဖွဲ့(KNO) တို့ သည် ဆက်စပ်အဖွဲ့များအဖြစ် တည်ရှိနေသည်။

Read More...

Summary only...

(ကေအိုင်စီ)

မွန်ပြည်နယ် သံဖြူဇရပ်မြို့၊ အောင်ဇေယျရပ်ကွက်ရှိ မြို့မရဲစခန်းကို အမည်မသိ သေနတ်သမားနှစ်ဦးက ယနေ့ နေ့လည် ၁၁နာရီ ဝန်းကျင်ခန့်က သေနတ်ဖြင့် ပစ်ခတ်သွားခဲ့သည်။

ဆိုင်ကယ်စီးလာသည့် ထိုသေနတ်သမား ၂ဦးသည် မြို့လယ်ရှိ ရဲစခန်းကို ၄၀-မမဖြင့် ပစ်ခတ်သွားရာ စခန်းခြံစည်းရိုးထိကာ ပေါက်ကွဲမှုမရှိသည့်အတွက် တစုံတရာ ထိခိုက်မှုမရှိကြောင်း သိရသည်။

“အရပ်သားဝတ်စုံနဲ့ပဲ ၂ယောက် ဆိုင်ကယ်စီးရင်းနဲ့ ပစ်သွားတာ။ နောက်က စီးတဲ့လူက ပစ်တယ်။ စခန်းဝင်းကိုတော့ ထိသွား တယ်။ ဒါပေမယ့် ဘာထိခိုက်မှုမှ မရှိဘူး။”ဟု သံဖြူဇရပ်မှ ရဲအရာရှိတဦးက ပြောသည်။

ထိုသေနတ်သမားနှစ်ဦးသည် မော်လမြိုင်ဘက်မှ လာသည့်လမ်းအတိုင်း ဝင်လာပြီး ရဲစခန်းကို ပစ်ခတ်ကာ ပငသွားရာလမ်းဘက် သို့ ဆိုင်ကယ်ဖြင့် ထွက်ပြေးမောင်းနှင်သွားကြောင်း မြို့ခံများက ပြောသည်။

အဆိုပါရဲစခန်းကို ဝင်ပစ်သွားသည့် သေနတ်သမားနှစ်ဦးမှာ မည်သူမည်ဝါဖြစ်ပြီး မည်သည့်အဖွဲ့အစည်းမှ ဖြစ်သည်ကို အာဏာပိုင် များက ရှာဖွေဖော်ထုတ်နိုင်ခြင်း မရှိသေးပေ။

သံဖြူဇရပ် မြို့ခံတစ်ဦးက “စခန်းကို ပစ်သွားပြီးတော့ ပငသွားတဲ့လမ်းဘက်ကို မောင်းပြေးသွားတာကြားတယ်၊ အသေးစိတ်ကို တော့ ဘာမှမသိရသေးဘူး။”ဟု ပြောသည်။

ရဲစခန်းဝင်ပစ်သွားသည့် ထိုသေနတ်သမားနှစ်ဦးကို မြို့ပေါ်ရှိ တာဝန်ရှိရဲများနှင့် စစ်တပ်များတို့က လိုက်လံရှာဖွေနေဆဲဖြစ်သည်ဟု ၎င်းမြို့ခံက ပြောသည်။

၂၀၁၀ ခုနှစ်၊ မေလက သံဖြူဇရပ် မြို့မရဲစခန်းအတွင်း ဗုံးတလုံးပေါက်ကွဲခဲ့သော်လည်း ယခုဖြစ်စဉ်လိုပင် တစုံတရာ ထိခိုက်ပျက် စီးမှု မရှိခဲ့ပေ။

အလားတူ ၂၀၁၁ခုနှစ်၊ ဇွန်လတွင်လည်း သံဖြူဇရပ်မြို့၊ မြို့နယ်အုပ်ချုပ်ရေးမှူး အိမ်အနီး၌ ဗုံးတလုံးပေါက်ကွဲခဲ့ရာ အုတ်တံတိုင်း ပြို ကျတာသည်မှလွဲ၍ ပျက်စီးဆုံးရှုံးမှု မရှိသလို ထိုဗုံးပေါက်ကွဲမှုမှာလည်း မည်သူ့လက်ချက်ဖြစ်သည်ကို အာဏာပိုင်တို့က ဖော်ထုတ် နိုင်ခြင်း မရှိခဲ့ပေ။

Read More...

Summary only...

နေ့သစ် မှ........

ဒေါ်စု နဲ့ သိန်းစိန် တွေ့စဉ်- ဒုသမ္မတ တင်အောင်မြင့်ဦး တက်ခွင့်မရ။ အစိုးရ၀န်ကြီးတွေလဲ တက်ခွင့်ရ၊ ကြံ့ဖွံ့ခေါင်း ဆောင်တွေ သိပ်ကိုစိတ်ဆိုးတယ်လို့ သိရ။ ဒေါ်အောင်ဆန်းစုကြည် ကို ဗွီအိုင်ပီလို ပြုစုဆက်ဆံတယ်လို့ သိရ။ ဒေါ်စု က ရောက်ကာစက ခပ်တောင့်တောင့် ဖြစ်နေတယ်။ နောက်တော့ အဆင်ပြေသွားတယ်။ လူတိုင်း ပြုံးပြုံရီရီဖြစ်လာတယ်လို့ ဆို။ ဒေါ်စုနဲ့ အတူ ဒီချုပ်အဖွဲ့ဝင်တချို့ပါ၊ ဖရော်ဖက်ဆာ ရီရီမြင့် လဲ ဒေါ်စု နဘေးမှာရှိတယ်။ အစိုးရဖက်ကတော့ ဦး အောင်ကြည် (အလုပ်သမား)၊ ဦးအောင်မင်း (မီးရထား)၊ ဦးစိုးသိန်း(စက်မှု)၊ မေဂျာသိန်းဌေး (နယ်စပ်) တို့ တက် ရောက်တယ်။ သူတို့က ပြုပြင်ပြောင်းလဲမှု သိပ်ဖြစ်ခြင်တယ်လို့ ဆို။ ဒီထဲမှာ ဦးအောင်မင်းက ဖိုးတက်ကြွလို့ သိရ။ ဒေါ်စု အစည်းဝေးခန်းမအလာမှာ ပေါ်တီကိုမှာ ၀င်းအောင်၊ ဇော်ဇော်၊ အောင်သက်မန်း တို့က ဒေါ်စု လီမွန်ဇင်းကို လာဖွင့်ပေး ကြဟု သိရ။ ဒီအခြေအနေကို ဒီချုပ်က အကောင်းမြင်ပုံရ။ ကြေညာချက်ထုတ် အကောင်းမြင်ဟုဆို။ တင်အောင်မြင့်ဦး အရမ်းပေါက်ကွဲနေဟု သိရ။

အစိုးရအတွင်းအခြေအနေက နှစ်ပိုင်းကွဲနေတယ်။ သန်းရွှေ သြဇာ တနေ့တခြား ကျဆင်းနေတယ်။သိန်းစိန်နဲ့ စစ်တပ် ခေါင်းဆောင်တွေက သန်းရွှေ နဲ့ခပ်ဝေးဝေး ခပ်ရှောင်ရှောင်လုပ်လာကြတယ်။ သမ္မတအုပ်စုက တင်အောင်မြင့်ဦး နှင့် ကျော်ဆန်း ကို ကိုမနှစ်မြို့။ ဥပမာ ဦးအောင်မင်း က မြန်မာ့အလင်းသတင်းစာကို သူ့စားပွဲပေါ် မတင်ရန် ၀န်ထမ်းတွေကို ကြိမ်းမောင်း – ဒီသတင်းစာကိုတွေ့ရင် အံချင်တယ်ကွဟု ဆို။ ရွှေမန်းက သိန်းစိန်ကို ပိုမိုထောက်ခံလာ။ ပိုနီးစပ်လာ။ သန်းရွှေ အနားမယူခင်က သူ့လုံခြုံရေးတပ်ကို ပြန်လည်ဖွဲ့စည်းခဲ့။ သို့သော် မကြာသေးခင်က သူ့အတွက် လုံခြုံရေးယူ ပေးနေတဲ့ တပ်ဖွဲ့များ လျော့ချလာသည်ကိုတွေ့ရ။ ဦးနေ၀င်း အသက် ၉၀ မွေးနေ့ပွဲအပြီး သူ့လုံခြုံရေးတပ်များကို သန်း ရွှေ မောင်အေး ဂိုဏ်းက လျော့ချသကဲ့သို့ ရှိနေတယ်။
ဦးနေ၀င်းသေပြီး ၂ ရက်အတွင်း ဦးစိန်လွင်အိမ်ရှေ့က လုံခြုံရေးတပ်ကို လူပြောင်းတာ လျော့ချတာ လုပ်သကဲ့သို့ ဖြစ် နေ။ မင်းအောင်လှိုင် က သန်းရွှေ လုံခြုံရေးတပ်ဖွဲဝင်အများစုမှာ တပ်ထွက်များနှင့် ပြန်လည်စုဖွဲ့ ပေးခဲ့သည်မှာ ထူးခြား နေတယ်။
မင်းအောင်လှိုင်က သန်းရွှေစိတ်ကြိုက် ရွေးခဲ့သူဖြစ်။ အရည်အချင်းမရှိ။ တပ်တွင် လူကြိုက်နည်းခဲ့သူဖြစ်။ လူကြိုက်များ သူမှာ မြင့်အောင် ဖြစ်။ မြင့်အောင်စကားမှားသောကြောင့် တပ်ချုပ်အဖြစ်လျာထားပြီးမှ ဖယ်ရှားခံရ။ မင်းအောင်လှိုင် အပြောင်းအလဲကို ကျနော်တို့ဆက်လက်စောင့်ကြည့်နေ။ သိသာရန်ပေးပို့။ ကောင်းသည့်အချက်ကတော့ တပ်ထဲတွင် သန်းရွှေ ပြန်လာမှာကို စိုးရိမ်နေကြ။ မလိုချင်တော့။ တပ်ထဲတွင် ဟာသပင်လုပ်နေ- ဦးသိန်းစိန်ရေ သေချာအောင် လုပ်ပေးပါ။ မသေချာရင် အားလုံးသေမှာဟု နောက်ပြောင်နေ။
ရွှေမန်း၊ သန်းရွှေ ကို စိတ်နာနေတယ်။ သမ္မတနေရာကို သူ့ကိုပေးမယ်လို့  နှစ်ကိုယ်ကြား ဆွေးနွေးခဲ့ဖူးဟု သိရ။ သူ့ကို အယုံသွင်းပြီး ခွေထားခဲ့ဟု ခံစားနေရ။
တင်အေး- အခြေအနေမကောင်း။ သူရောသူသားရော သြဇာကျဆင်း။ တင်းအေးကလဲသန်းရွှေကိုရှောင်နေတယ်ဟုသိ ရ။ သူက သန်းရွှေ ညာလက်ရုံးဟု အပြောခံခဲ့ရသူဖြစ်။ သူကိုလည်း သန်းရွှေ က ဇယားရွေ့ခဲ့သည်ဟု ခံစားရ။ သူသား က ပြီးခဲ့တဲ့တပတ်က ဒေါ်စုကို ပင် နှုတ်ဆက်ခဲ့သည့်အထဲမှာလည်း ပါဝင်နေတယ်။
ဌေးဦး- ရွေးကောက်ပွဲ မတိုင်မီက သူကိုသန်းရွှေ က ဒုသမတ နေရာပေးမယ်လို့ အယုံသွင်းခံခဲ့ရဟု သိရ။ သန်းရွှေ ကို လုံးဝ လက်မခံနိုင်တော့သူ ဖြစ်လာ။ လုံးဝ မချစ်နိုင်တော့ပြီ။
အောင်သောင်း နဲ့ သိန်းဇော်- သန်းရွှေ ကို ဆက်ချစ်နေသူများဖြစ်ဟု ယူဆရ။ ဆက်လက်ထောက်ခံနေဆဲဟု သုံးသပ်ရ။
မင်းအောင်လှိုင်- တပ်ကို သန်းရွှေ နဲ့ ဝေးရာသို့ ပို့နေဟု ယူဆရ။ သူက ရွှေမန်း ကို တလ တကြိမ်တွေ့ဆုံနေသည်ကို တွေ့ရ။ သူ့သြဇာမခံသူဟု ယူဆရတဲ့ ဗိုလ်ချုပ်သုံးဦးကို ဖြုတ်လိုက်။
ဦးမြင့်- ဦးမြင့်စာတန်းက အစိုးရခေါင်းဆောင်ပိုင်းကို သက်ရောက်မှုရှိ။ အထူးသဖြင့် ကျပ်ငွေတန်ဖိုးကို မပြောင်းလဲနိုင် ပါက လူထုအုံကြွမှုကြီး ဖြစ်နိုင်သည်ကို အထူးစိုးရိမ်ကြ။ ကျပ်-ဒေါ်လာ လဲနှုန်း ၆၀၀ ဖြစ်တယ်။ တိုင်းပြည်ပျက်ပြီဟု စီးပွားရေးသမားအများစု ယုံကြည်နေ။

Read More...

Summary only...

ဧရာဝတီ သတင်းမှ.........

ငြိမ်းချမ်းရေး ဆွေးနွေးပွဲ ပြုလုပ်ရန် အစိုးရ၏ ကမ်းလှမ်းချက်ကို ပယ်ချလိုက်သည်ဟု တိုးတက်သော ဗုဒ္ဓဘာသာ ကရင် အမျိုးသား တပ်မတော် (DKBA) တပ်မဟာ ၅ ၏ စစ်ဦးစီးချုပ် ဗိုလ်ချုပ် စောလားပွယ်က ဧရာဝတီကို ယနေ့ ပြောသည်။

ပြီးခဲ့သည့် ရက်ပိုင်းအတွင်းက တွေ့ရသည့် ဗိုလ်ချုပ်စောလားပွယ်နှင့် တပ်မှူးများ (ဓာတ်ပုံ - ဧရာဝတီ)

ကြာသပတေးနေ့က နေပြည်တော်မှ ကိုယ်စားလှယ် အဖွဲ့တခု ဘားအံမြို့ တောင်ကလေး ဆရာတော် ဦးပညာသာမိထံသို့ သွားရောက်ပြီး ငြိမ်းချမ်းရေးအတွက် စေ့စပ်ပေးရန် ချည်းကပ်ခဲ့ကြောင်း၊ ဆရာတော်ကလည်း ကြားဝင် စေ့စပ်ပေးခဲ့ကြောင်း ဗိုလ်ချုပ် စောလားပွယ် ခေါ် ဗိုလ်နှုတ်ခမ်းမွေးက ရှင်းပြသည်။

"ဒီနည်းက အရင်က သူတို့လုပ်ခဲ့တဲ့ နည်းဟောင်းတွေပဲ။ သူတို့ သဘောထားမှန်မယ်ဆိုရင် တနိုင်ငံလုံး ငြိမ်းချမ်းရေး အစစ်အမှန်ကို သူတို့ လုပ်ရမှာဖြစ်တယ်။ ဒါကြောင့် (ဦး)သိန်းစိန် အဖွဲ့ရဲ့ ကမ်းလှမ်းမှုကို ကျနော်တို့ လုံးဝ ပယ်ချလိုက်တာဖြစ်တယ်" ဟု သူက ပြောသည်။

ငြိမ်းချမ်းရေး ဖော်ဆောင်လိုသော လက်နက်ကိုင် အဖွဲ့များ သက်ဆိုင်ရာ ပြည်နယ်၊ တိုင်းဒေသကြီး အစိုးရတို့နှင့် ဆက်သွယ် ဆွေးနွေးရန်တိုက်တွန်းထားသော အစိုးရ၏ ကြာသပတေးနေ့ ကြေညာချက်ကိုလည်း DKBA က တုန့်ပြန်ထားသည်။

DKBA တပ်မဟာ ၅ က ယမန်နေ့က ကြေညာချက်ထုတ်ပြန်ရာတွင် ဦးသိန်းစိန်အစိုးရ တဖွဲ့တည်း သဘောနှင့် လုပ်ဆောင်ပါက ပြည်တွင်းငြိမ်းချမ်းရေး မရနိုင်ကြောင်း ဖော်ပြထားပြီး အပစ်အခတ်ရပ်စဲရေးကို ကရင်ပြည်နယ်အတွက်သာမက တနိုင်ငံလုံး အတွက် တရားဝင် ကြေညာရန် တောင်းဆိုလိုက်သည်။

ထို့ပြင် တိုင်းရင်းသားဒေသတွင် တပ်စွဲထားသော စစ်တပ်များ ပြန်ရုတ်သိမ်းရန်၊ နိုင်ငံရေးအကျဉ်းသားများကို ခြွင်းချက်မရှိ ပြန်လွှတ်ပေးပြီး နိုင်ငံရေးတွင် ပါဝင်ခွင့်ပြုရန်၊ အစိုးရက NLD အပါအ၀င် နိုင်ငံရေးပါတီများနှင့် ပြည်တွင်းငြိမ်းချမ်းရေး ဆွေးနွေး ဆောင်ရွက်ရန် တို့ကိုလည်း တောင်းဆိုထားသည်။

DKBA သည် ၁၉၉၅ တွင် ပေါ်ပေါက်လာခြင်း ဖြစ်ပြီး ကရင်အမျိုးသားအစည်းအရုံး (KNU) မှ ခွဲထွက်လာသည့် အဖွဲ့များအနက် အင်အားအကြီးဆုံးအဖွဲ့ဖြစ်သည်။ DKBA တပ်တချို့သည် အစိုးရ၏စီစဉ်မှုဖြင့် မကြာသေးမီက နယ်ခြားစောင့်တပ်များအဖြစ် အသွင်ပြောင်းသွားသည်။

ဤအတောအတွင်း ကရင်နယ်ခြားစောင့်တပ်မှ တပ်မှူးကြီးများ နှင့် အစိုးရ စစ်တပ်အရာရှိများက DKBA တပ်ဖွဲ့ဝင်များကို သွေးခွဲ၊ စည်းရုံးနေသည်ဟု စောလားပွယ်က ဆိုသည်။

ယမန်နှစ် နိုဝင်ဘာလ ရွေးကောက်ပွဲကျင်းပနေစဉ် DKBA က မြ၀တီ၊ ဘုရားသုံးဆူ မြို့နယ်တို့ကို ၀င်ရောက် တိုက်ခိုက်ခဲ့သည်။

ယခု DKBA နှင့် ညှိနှိုင်းရေးအတွက် အာဏာပိုင်တို့ ချည်းကပ်ခဲ့သည့် တောင်ကလေး ဆရာတော်သည် ကရင်စာပေနှင့် ယဉ်ကျေးမှု အဖွဲ့ ဥက္ကဋ္ဌ ဖြစ်သည်။ ယခင်ကလည်း အာဏာပိုင်တို့က ကရင်ပြည်နယ်အတွင်း နိုင်ငံရေးဆိုင်ရာ ညှိနှိုင်းမှုများအတွက် ဆရာတော်ကို ချည်းကပ်ခဲ့ကြသည်။

၂၀၁၀ ရွေးကောက်ပွဲ ကာလကလည်း ပြည် ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ထိပ်တန်းခေါင်းဆောင်များဖြစ်သော ပြန်ကြားရေး ၀န်ကြီး ဦးကျော်ဆန်း၊ သာသနာရေးဝန်ကြီး သူရ ဦးမြင့်မောင်တို့သည် ဖလုံ-စဝေါ် ဒီမိုကရက်တစ်ပါတီနှင့် ပူးပေါင်းဆောင်ရွက်မှုများ ရရှိရေးအတွက် တောင်ကလေး ဆရာတော်ထံ ချည်းကပ် ဆွေးနွေးခဲ့ကြောင်း သိရသည်။

Read More...

Summary only...

စောခါးစူး (ကေအိုင်စီ)

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့၏ ပထမဆုံးအကြိမ် တွေ့ဆုံမှုမှ ရလာဒ် ကောင်းထွက်ရန် နည်းသည်ဟု တိုင်းရင်းသား လက်နက်ကိုင်အဖွဲ့များက ယနေ့ ပြောကြားလိုက်သည်။

သြဂုတ်လ ၁၉ရက်နေ့က နေပြည်တော်ရှိ သမ္မတအိမ်တော်၌ သမ္မတ ဦးသိန်းစိန်နှင့် ဒေါ်အောင်ဆန်းစုကြည်တွေ့ဆုံပွဲသည် နိုင်ငံရေးအရ တွေ့ဆုံဆွေးနွေးမှုလမ်းကြောင်း၏ ခြေလှမ်းအစဖြစ်သည်ဟု NLD ဘက်မှ ထုတ်ဖော်ခဲ့ပြီးနောက် တိုင်းရင်းသား လက်နက်ကိုင်အဖွဲ့များက ထိုသို့ ပြောဆိုလိုက်ခြင်း ဖြစ်သည်။

“အစိုးရက ဒေါ်စုကို စေတနာအမှန်နဲ့ ပူးပေါင်းဆောင်ရွက်ဖို့ နိုင်ငံရေးအရ အဖြေရှာဖို့ တွေ့တယ်ဆိုတဲ့အပေါ် သံသယ အများ ကြီး ရှိတယ်။ ဟိုးအရင်ကလည်း တွေ့ဆုံခဲ့တာရှိတယ်။ တန်းတူညီတူ အနေအထားနဲ့ တွေ့ခဲ့တာ မဟုတ်ဘူး။”ဟု ကရင်နီအ မျိုးသားတိုးတက်ရေးပါတီ-KNPP ၏ အတွင်းရေးမှူးချုပ် ခူးဦးရယ်က ပြောသည်။

ဦးသိန်းစိန် အစိုးရအနေဖြင့် ဒေါ်စုနှင့် တွေ့ဆုံခြင်းသည် ၎င်းတို့အစိုးရအဖွဲ့နိုင်ငံရေးအကြပ်အတည်းမှ ထွက်ပေါက်ရရှိအောင် ပြုလုပ်ခြင်းသာဖြစ်သည်ဟု သူက ထောက်ပြသည်။

ကရင်အမျိုးသားအစည်းအရုံး-KNU ၏ တွဲဘက်အတွင်းရေးမှူး(၁) ဗိုလ်မှူးစောလှငွေက “တွေ့ဆုံမှုရလဒ်ကို မထုတ်ပြန်ဘူး။ ဆိုလို့ရှိရင် ဘာမှ ခန့်မှန်းပြောလို့ မရပါဘူး။”ဟု သူက ကေအိုင်စီကို ပြောသည်။

ယခင် န၀တ၊ နအဖ စစ်အစိုးရလက်ထက်ကလည်း KNU သည် ဗိုလ်ချုပ်မှူးကြီးသန်းရွှေ၊ ဗိုလ်ချုပ်ကြီးခင်ညွှန့်တို့နှင့် တွေ့ဆုံ ဆွေးနွေးခဲ့မှုများ အကြိမ်ကြိမ် ရှိခဲ့သော်လည်း နိုင်ငံရေး တိုးတက်ပြောင်းလဲမှုများ မရှိကြောင်း ၎င်းက ထောက်ပြပြောဆိုသည်။

ရှမ်းပြည်တပ်မတော်မြောက်ပိုင်း-(SSA-N) မှ ပြောရေးဆိုခွင့်ရှိသူ စိုင်းဆိုင်မိဏ်းက တိုင်းရင်းသားဒေသများတွင် လက်နက်ကိုင် တိုက်ပွဲများ ယခုအချိန်ထိ ဆက်လက်ဖြစ်ပွားနေဆဲဖြစ်သည့်အတွက် အစိုးရအနေဖြင့် ငြိမ်းချမ်းသည့်နည်းဖြင့် ဖြေရှင်းချင် သည့်သဘောမျိုး မတွေ့ရသေးကြောင်း ပြောသည်။

“ဒေါ်စုနဲ့ ဦးသိန်းစိန် ထပ်တွေ့ရင် နိုင်ငံရေးအကျဉ်းသားလွှတ်ပေးဖို့ ကိစ္စ၊ အပစ်အခတ် ရပ်စဲရေးကိစ္စ၊ ၂၀၀၈ ဖွဲ့စည်းပုံအတိုင်း ချုပ်မထားဘဲနဲ့ ပွင့်ပွင့်လင်းလင်း ဆွေးနွေးစေချင်တယ်။”ဟု ဗိုလ်မှူးစောလှငွေက ပြောသည်။

သြဂုတ်လ ၁၇ရက်နေ့က နေပြည်တော်၌ ကျင်းပသည့် စီးပွားရေး၊ လူမှုရေးအဖွဲ့များနှင့် တွေ့ဆုံပွဲအခမ်းအနားတွင် သမ္မတ ဦးသိန်းစိန်က ကချင်၊ ရှမ်းနှင့် ကရင်ပြည်နယ်ရှိ အစိုးရကို ဆန့်ကျင်နေသည့် မည်သည့် လက်နက်ကိုင်အဖွဲ့မဆို ငြိမ်းချမ်းရေး ရယူလိုသည့် ဆန္ဒရှိပါက သက်ဆိုင်ရာ ပြည်နယ်အစိုးရအဖွဲ့နှင့် ဆွေးနွေးနိုင်ကြောင်း ပြောသွားခဲ့သည်။

သို့သော် ပြည်ထောင်စု အစိုးရအဖွဲ့အနေဖြင့် ဒို့တာဝန်အရေး ၃ပါး အဓိကထားကာ ဖွဲ့စည်းပုံ အခြေခံဥပဒေနှင့်အညီ ဆောင် ရွက်သွားမည်ဟု ပါရှိသည်။ သမ္မတ ဦးသိန်းစိန်က ဒေါ်အောင်ဆန်းစုကြည်နှင့် နိုင်ငံရေးဆွေးနွေးမှုများ ဆက်လက် လုပ် ဆောင်သွားရန်ရှိသော်လည်း နောက်တကြိမ် တွေ့ဆုံဆွေးနွေးမည့်ရက်ကိုမူ အစိုးရဘက်မှ ထုတ်ဖော်ပြောဆိုခြင်း မရှိခဲ့ပေ။

Read More...

Summary only...

Freedom NewsGroup မှ........

မတ်လ ၃၁ ရက်နေ့ ကရာထူးကနေအနားယူသွားတဲ့ ဗိုလ်ချုပ်မှုးကြီးသန်းရွှေ ရဲ့ အိမ်တော်ရဲ့ လုံခြုံရေးတာဝန်ယူဖို့ယခင်တပ်သား၁၀၀ကျော်အရာရှိ လေးဦးပါဝင်တဲ့လုံခြုံ ရေးတပ်ခွဲကိုလက်ရှိကာကွယ်ရေး ဦးစီးချုပ် ဗိုလ်ချူပ်မင်းအောင်လှိုင်ရဲ့ အမိန့် အရဖယ်ရှားလိုက်ပြီ လို့ သတင်းရရှိပါတယ်။

ဒီနေ့ တနင်္လာ နေ့ မနက်အစောပိုင်းမှာဖယ်ရှားတာဖြစ်ပြီးကာကွယ်ရေးဝန်ကြီးဌာနကစေလွှတ်တဲ့တပ်သား လေးဦးကတော့ဆက်လက်တာဝန်ယူ နေဆဲ ဖြစ်တယ်လို့ ဆိုပါတယ်။

အာဏာလွှဲပြောင်း ခြင်းမပြုခင်ကတည်းက ကျန်းမာရေးချို့ ယွင်းနေတဲ့ဗိုလ်ချုပ်မှုးကြီးသန်းရွှေ ဟာမြန်မာနိုင်ငံ ရေးကိုနောက်ကွယ်ကနေလဲကြိုးကိုင် ထားနိုင်ခြင်းမရှိ တော့ဘူးလို့ သူ့ မိသားစုနဲ့နီးစပ်တဲ့အသိုင်းအ၀ိုင်းက FNG ကိုပြောပါတယ်။

ဗိုလ်ချုပ်မှုးကြီး သန်းရွှေ ရဲ့ ကိုယ်ရံတော်တပ်လို့ ခေါ်နိုင်တဲ့သူ့ ရဲ့ လုံခြုံရေးတပ်ကိုဘာကြောင့်ဖယ်ရှားလိုက်ရတာလဲဆိုတာအသေးစိတ်မသိရပေမယ့် ဒီတပ်ကို ယခင် မြန်မာစစ်ခေါင်းဆောင်က အသေအချာလေ့ကျင့်ပေးခဲ့တာဖြစ်ပြီး ဗိုလ်ချုပ်မှုးကြီးသန်းရွှေရဲ့ အမိန့် ကလွဲရင်ဘယ်အမိန့် မှမခံယူတဲ့ တပ်လည်း ဖြစ်ပါတယ်။

ယခင်သီတင်းပတ်ကမြန်မာစစ်ခေါင်းဆောင်ဗိုလ်ချုပ်မှုးကြီးသန်းရွှေ ၏အထူးယုံကြည်စိတ်ချရသူများတွင်ပါဝင်သူများ ဖြစ်သည့် ဗိုလ်ချုပ်ဝေလွင်နှင့် ဗိုလ်ချုပ် ခင်ဇော်ဦး တို့ ကို၎င်းတို့ ၏ ရာထူးများမှ ခေတ္တအရာချထားကာ အဆိုပါတာဝန်များကိုအခြားစစ်အရာရှိ များနှင့် အစားထိုးထား လိုက်သည်ဟု သိရသည်။

ယခုလုံခြုံရေးတပ်ဖွဲ့ များကို ဖယ်ရှားခိုင်းသည်မှာ ဗိုလ်ချုပ်မှုးကြီးသန်းရွှေ ၏ဆန္ဒဖြစ်ပုံမရဟုခိုင်မာ သောသတင်းရပ်ကွက်များက ပြောကြားသည်။

Read More...

Summary only...

စောသိန်းမြင့် (ကေအိုင်စီ)

ကရင်ပြည်နယ်၊ လှိုင်းဘွဲမြို့နယ်၊ မြိုင်ကြီးငူဒေသရှိ ကျေးရွာ ၉ရွာအား နယ်ခြားစောင့်တပ်(BGF) က မြိုင်ကြီးငူကျေးရွာသို့ ယခု လလယ်ပိုင်းက အတင်းအဓမ္မ ပြောင်းရွှေ့ခိုင်းသည်ဟု ဒီကေဘီအေအဖြစ် ပြန်လည်ရပ်တည်သည့် BGF တပ်ဖွဲ့ဝင်များ၏ ပြောပြချက်အရ သိရသည်။

မြိုင်ကြီးငူဒေသရှိ ထီးလာနဲ၊ တမိုယာ့၊ မာအဲ၊ ယော့ပို့ထာ့၊ ပူဆေ၊ သကွီးကလား၊ ထီးလော်သီထာ့၊ ဖွေးဖိုးကလား၊ မဲ့ပေါ်က လားကျေးရွာများအား နယ်ခြားစောင့်တပ် အကြံပေးပုဂ္ဂိုလ်များဖြစ်ကြသည့် စောဖားနွီး၊ စောထွန်းလှိုင်တို့၏ ညွှန်ကြားချက်ဖြင့် ပြီးခဲ့သည့်အပတ်မှစ၍ ယခုအချိန်ထိ မြိုင်ကြီးငူကျေးရွာသို့ ပြောင်းရွှေ့နေထိုင်ခိုင်းသည်ဟု ဒီကေဘီအေအဖြစ် ပြန်လည်ရပ် တည်ခဲ့သည့် ဒီကေဘီအေ တပ်မှူးတစ်ဦးက ပြောသည်။

၎င်းက “ဗိုလ်ဖားနွီးနဲ့ မောင်ထွန်းလှိုင် ပြောင်းခိုင်းတာလေ။ အခြေအနေက ရှုတ်ထွေးနေတော့ ရွာသားတွေလည်း ရွာမှာမနေရဲ ကြဘူး။ ရွာကိုလည်း မကြာခဏ လက်နက်ကြီးတွေနဲ့ အပစ်ခံရတယ်။ အဲဒါကြောင့် ရွာသားတွေ ဘယ်နေရဲကြမလဲ၊ ပြောင်း တာပေါ့။ တချို့ရွာသားတွေကတော့ ရွာမှာ ဆက်နေသေးတယ်။”ဟု ပြောသည်။

၎င်းရွာ ၉ရွာတွင် ခန့်မှန်းခြေအားဖြင့် အိမ်ခြေ ၈၀၀ကျော်ရှိပြီး ရွာသူကြီးများ၏ မေတ္တာရပ်ခံချက်ကြောင့် ကျေးရွာတွင် ကျန်ရှိ သည့် လယ်၊ မြေ၊ ခြံနှင့် ကျွဲ၊ နွားများကို ပြန်လည် ကြည့်ရှုခွင့်ရှိသည်ဟု အဆိုပါ ဒီကေဘီအေတပ်မှူးက ပြောသည်။

မြိုင်ကြီးငူကျေးရွာသို့ ပြောင်းရွှေ့ခံရသည့် ရွာသားများသည် လက်ရှိအချိန်တွင် စားဝတ်နေရေး အခက်အခဲနှင့် ကြုံနေရသော ကြောင့် မိမိကျေးရွာအတွင်းသို့ ကောင်းမွန်စွာ ပြန်လည်နေထိုင်နိုင်ရန်အတွက် ထိုဒေသ၌ လှုပ်ရှားနေသည့် ဒီကေဘီအေနှင့် ကေအဲန်အယ်လ်အေတပ်ဖွဲ့များက ၎င်းတို့လှုပ်ရှားရာနေရာမှ အနည်းငယ် နေရာဆုတ်ခွာလိုက်ပြီဖြစ်ကြောင်း ကရင်အမျိုးသား လွတ်မြောက်ရေးတပ်မတော် (KNLA) တပ်မဟာ(၇)မှ တပ်မှူးတစ်ဦးက ပြောသည်။

၎င်းက “ကျနော်တို့ အဲဒီမှာ မနေတော့ဘူး။ တပ်ဆုပ်လိုက်ပြီ၊ နို့မဟုတ်ရင် ရွာသားတွေရဲ့ လယ်တွေ၊ ကျွဲတွေ၊ နွားတွေ ၀င်စား လို့ ပျက်စီးကုန်မယ်။ အဲဒါကြောင့် တပ်ဆုတ်လိုက်တာပါ။”ဟု ပြောသည်။

ပြီးခဲ့သည့် ဇူလိုင်လကုန်ပိုင်းက နယ်ခြားစောင့်တပ်နှင့် ခွဲထွက် ဒီကေဘီအေတို့အကြား တိုက်ပွဲဖြစ်ခဲ့ရာတွင် နယ်ခြားစောင့် တပ်ဖွဲ့များက အမြင့်နေရာများမှနေ၍ ၎င်းကျေးရွာများအတွင်းသို့ လက်နက်ကြီး၊ လက်နက်ငယ်များဖြင့် လှမ်းပစ်ခတ်မှုကြောင့် ရွာသားတချို့ လက်နက်ကြီးထိမှန်ခဲ့သလို ပိတ်ထားခဲ့ရသည့် စာသင်ကျောင်းများမှာလည်း ယနေ့အချိန်ထိ ပြန်လည် ဖွင့်လှစ် နိုင်ခြင်းမရှိသေးကြောင်း သိရသည်။

ထိုကိစ္စနှင့် ပတ်သက်၍ နယ်ခြားစောင့်တပ်ဖွဲ့ဝင်များထံ ကေအိုင်စီက မေးမြန်းရန် ကြိုးစားသော်လည်း ဆက်သွယ်၍ မရပေ။

ထို့အပြင် ၎င်းတပ်ဖွဲ့ဝင်များ တစ်ဖက်နှင့်တစ်ဖက် ပစ်ခတ်မှုများကြောင့် ယော်ပို၊ တကွီကလား၊ ကမားထာ့၊ ပနွယ့်သာကလား စသည့်ကျေးရွာများမှ ရွာသူကြီး အပါအ၀င် ရွာသူရွာသား ၁၀၀ကျော် လှိုင်းဘွဲမြို့နယ်၊ နယ်စပ်ဘက်ရှိ မဲ့သဝေါကျေးရွာသို့ ထွက်ပြေးတိမ်းရှောင်ခဲ့ရာ ယနေ့အချိန်ထိ ကူညီမည့်သူ မရှိသေးကြောင်း သိရသည်။
အလားတူ ဖာပွန်မြို့နယ်ရှိ ထီးသဒေါထာ့ကျေးနယ်မှ မဲ့လား၊ မဲဆိပ်စသည့်ကျေးရွာများကို တပ်မ(၁၁)လက်အောက်ခံ ခမရ (၂၁၄)တပ်ရင်းက သြဂုတ် ၂ရက်နေ့တွင် လက်နက်ကြီးဖြင့် ပစ်ခတ်ခဲ့သည့်အပြင် ၎င်းရွာများအား လှိုင်းဘွဲမြို့နယ် မြိုင်ကြီးငူ ဒေသသို့ ပြောင်းရွှေ့နေထိုင်ခိုင်းခဲ့သည်ဟု ကေအဲန်ယူ တပ်မဟာ(၅)က ပြောသည်။

Read More...

Summary only...

နန်းဖော့ဂေ (ကေအိုင်စီ)

မြ၀တီမြို့နယ် သင်္ဃန်းညီနောင်ကျေးရွာအနီးတွင် ဆွဲမိုင်းထိမှန်၍ ပြည်နယ်အစိုးရအဖွဲ့၏ လုံခြုံရေးတပ်သားတစ်ဦး ထိခိုက် ဒဏ်ရာရရှိခဲ့သည်ဟု ကေအိုင်စီက စုံစမ်းသိရှိရသည်။

မြို့ခံတစ်ဦးက “ဒီမနက် တိုင်းမှူးတို့ အစိုးရအဖွဲ့တွေ တက်လာတဲ့ကားတန်းရဲ့ ရှေ့ဆုံးက လုံခြုံရေးတပ်ဖွဲ့ကား သင်္ဃန်းညီ နောင်နားက ရာဘာတောမှာ ဆွဲမိုင်းထိတယ်လေ။ အဲဒီကားမှာ ပါလာတဲ့ လုံခြုံရေးတပ်သားတယောက်တော့ ဒဏ်ရာရသွား တယ်။”ဟု ဆိုသည်။

အဆိုပါ ဒဏ်ရာရတပ်သားကို မြ၀တီဆေးရုံတွင် ပို့ဆောင်ကုသထားပေးပြီး မွန်းလွဲပိုင်းတွင် အစိုးရအဖွဲ့များက ခေတ္တခဏ လာ ရောက်ကြည့်ရှုခဲ့ကြသည်ဟု မြင်တွေ့ခဲ့သူတစ်ဦးက ပြောသည်။

၎င်းအပြင် ယနေ့ည မြန်မာစံတော်ချိန် ၉နာရီဝန်းကျင်အချိန်တွင် မြ၀တီမြို့ပြင်ဘက်မှ လက်နက်ကြီးသံများ ကြားရသည်ဟု လည်း မြ၀တီမြို့မှ အမျိုးသမီးတစ်ဦးက ပြောသည်။

“အခုနလေးတင် လက်နက်ကြီးသံတွေ ကြားရတယ်။ ဘယ်ဖက်မှာလဲတော့ မသိဘူး။ လူကြီးအချို့က ပြန်သွားပေမဲ့ အချို့ဌာန ဆိုင်ရာ တာဝန်ခံတွေတော့ မပြန်ရသေးဘူး။ မြ၀တီမှာလည်း လူတွေက မနေ့ကတည်းက ကြောက်နေ၊ လန့်နေကြတယ် လေ။”ဟု ကေအိုင်စီကို ယနေ့ညတွင် ပြောဆိုသည်။

အဆိုပါဆွဲမိုင်းမှာ မည်သူ့လက်ချက်ဟု လောလောဆယ် မခန့်မှန်းနိုင်သေးသော်လည်း လက်နက်ကြီးသံမှာ နယ်စပ်ဘက်ရှိ ဒီကေဘီအေတပ်ဖွဲ့ဝင်များက မြ၀တီသို့ ရောက်ရှိလာသည့် အစိုးရအာဏာပိုင်များကို ခြောက်လှန့်ပစ်ခတ်ခြင်း ဖြစ်နိုင်သည်ဟု ဝေဖန်မှုများလည်း ရှိသည်။

Read More...

Summary only...

နန်းဖော့ဂေ (ကေအိုင်စီ)
ကေအဲန်ယူ တပ်မဟာ(၇)နယ်မြေအတွင်းရှိ အစိုးရစစ်တပ် စကခ(၁၂) လက်အောက်ခံတပ်များက ကေအဲန်အယ်လ်အေ တပ် ရင်းတပ်ဖွဲ့များ ရှိနိုင်မည့်နေရာများသို့ မှန်းဆကာ ယခုရက်ပိုင်းအတွင်း လက်နက်ကြီးများဖြင့် ပစ်ခတ်ခဲ့ကြောင်း ကေအဲန်ယူ ဘက်က ပြောသည်။

ကေအဲန်အယ်လ်အေ တပ်မဟာ(၇)မှူး ဗိုလ်မှူးချုပ်စောဂျော်နီက “မနေ့က မွန်းလွဲပိုင်းလောက်မှာ ခလယ့်ဒေးမှာ စခန်းထိုင်နေ တဲ့ (၅၄၈)နဲ့ (၂၃၁) စစ်ကြောင်းတွေက ကျနော်တို့နေရာဘက်ကို ခန့်မှန်းပြီး လက်နက်ကြီးတွေနဲ့ လေးငါးခြောက်ချက်လောက် လှမ်းပြီးတော့ ပစ်ချတယ်။ ဒီလထဲမှာ အစိုးရတပ်က ကျနော်တို့ကို လာပစ်တာ ပြီးခဲ့တဲ့ရက်က တကြိမ်နဲ့ဆိုရင် နှစ်ကြိမ်ရှိပြီ။” ဟု အတည်ပြု ပြောဆိုသည်။

အဆိုပါတပ်များသည် သြဂုတ်လ ၁၆ရက်နေ့၊ မွန်းလွဲပိုင်းတွင် လှိုင်းဘွဲမြို့နယ်၊ မဲ့သဝေါဂွင်၌ MA, 97 လက်နက်ကြီးများဖြင့် ၁၀ချက်ခန့် ပစ်ခတ်ခဲ့သလို ညနေပိုင်းတွင် ခလယ့်ဒေးစခန်းမှနေ၍ ကေအဲန်အယ်လ်အေတပ်များထံသို့ လက်နက်ကြီး ၁၅လုံး ပစ်ခတ်ခဲ့သည်ဟုလည်း ကေအဲန်အယ်လ်အေ တပ်မဟာ(၇)ရုံးထိုင်မှူး ဗိုလ်မှူးစောအယ်ဆဲဆဲက ယခုလို ဖြည့်စွက်ပြောဆို လိုက်သည်။
“ဒီလ ၁၆ရက်နေ့က ခလယ့်ဒေးမှာရှိတဲ့ အစိုးရရဲ့ လှုပ်ရှားတပ်တွေက ညနေ ၅နာရီကျော်ကျော်ကနေ ည ၇နာရီအထိ လက် နက်ကြီးနဲ့ ၁၅ချက်လောက် ပစ်တယ်လို့ အဲဒီဂွင်ဘက်မှာ လှုပ်ရှားနေတဲ့ ကျနော်တို့ရဲဘော်တွေက ပြောတယ်။”ဟု ဗိုလ်မှူး စောအယ်ဆဲဆဲက ပြောသည်။

၎င်းတပ်ရင်းနှစ်ရင်းသည် ယခုလဆန်းပိုင်းကတည်းက ပိုင်ကျုံမြို့နယ်ရှိ ခလယ့်ဒေးနှင့် လှိုင်းဘွဲမြို့နယ်ရှိ မဲ့သဝေါဂွင်များသို့ ရောက်ရှိလာကာ စစ်ကြောင်းနှစ်ကြောင်းစီ ခွဲပြီး နယ်မြေရှင်းလင်းရေးကို စတင် လှုပ်ရှားလာခြင်း ဖြစ်သည်။

ခမရ(၅၄၈) စစ်ကြောင်း ၁နှင့် ခလရ(၂၃၁) စစ်ကြောင်း ၂တို့က ခလယ့်ဒေးဂွင်၌လည်းကောင်း၊ ခမရ(၅၄၈) စစ်ကြောင်း ၂နှင့် ခလရ (၂၃၁) စစ်ကြောင်း ၁တို့က မဲ့သဝေါဂွင်ရှိ မိအေးပူ၊ ဘောနော်လေးနေရာများ၌လည်းကောင်း နယ်မြေရှင်းလင်းရေး လုပ် ဆောင်လျှက်ရှိသည်။

၎င်းတပ်များသည် အင်အား ၂၀၀ကျော်ရှိပြီး ယခုနှစ် မေလမှစ၍ ကေအဲန်ယူ တပ်မဟာ(၇)နယ်မြေသို့ ရောက်ရှိလာခြင်းဖြစ် သည်။ သို့သော် ထိုဒေသရှိ နယ်မြေခံတပ်များမှာမူ အရှေ့တောင်တိုင်းစစ်ဌာနချုပ်-ရတခ လက်အောက်ခံတပ်များဖြစ်သည့် ခမရ(၃၃၈)၊ (၃၃၉)၊ (၃၁)နှင့် ခလရ(၂၈)၊ (၉၇)တပ်ရင်းများဖြစ်သည်ဟုလည်း ကေအဲန်အယ်လ်အေ တပ်မဟာ(၇)၏ မှတ် တမ်းများအရ သိရသည်။

ယင်းသို့ လာရောက်ပစ်ခတ်မှုကို ကေအဲန်အယ်လ်အေဘက်မှ ပြန်လည် ပစ်ခတ်ခြင်းမရှိဟုလည်း တပ်မဟာ(၇)မှူးက ယခုလို ဆက်ပြောသည်။ “ကျနော်တို့ဂွင်ထဲကို သူတို့(အစိုးရတပ်)က အဲလို လာပစ်ပေမဲ့ လက်နက်ကြီးကျတဲ့နေရာက ကျနော်တို့လူ တွေနဲ့ တခြားစီပဲလေ။ ဒီတော့ ကျနော်တို့က သူတို့ကို ပြန်ပစ်စရာ ဘာအကြောင်းမှ မရှိပါဘူး။”ဟု ဗိုလ်မှူးချုပ်စောဂျော်နီက ပြောသည်။

ထို့အပြင် သြဂုတ်လ ၁၇ရက်နေ့က မြ၀တီမြို့နယ်၊ မဲ့ပလဲ့တံတားရှိ ဗိုလ်မှူးစောဒိဒိ ဦးစီးသော နယ်ခြားစောင့်တပ်(၁၀၁၇)မှ တပ်ဖွဲ့ဝင်နှစ်ဦးကို ကေအဲန်အယ်လ်အေ တပ်ရင်း(၁၀၁)မှ ဖမ်းဆီးမိပြီး ၎င်းတို့ထံမှ ကာဘိုင်သေနတ် ၂လက် သိမ်းဆည်းကာ လူကို ပြန်လည် လွှတ်ပေးခဲ့သည်ဟု သိရသည်။

Read More...

Summary only...

ကွယ်ကလူ မှ.......

Read More...

Summary only...

ဧရာဝတီ သတင်းမှ.........

ကရင်ပြည်နယ်အတွင်း အစိုးရတပ်၏ စစ်ရေးလှုပ်ရှားမှု ပိုမို များပြားလာဖွယ်ရှိသဖြင့် ပြောက်ကျား စစ်ဆင်ရေး အတွက် ပြင်ဆင်ထားကြောင်း ကရင်လက်နက်ကိုင် အဖွဲ့များက ပြောသည်။

အစိုးရက အပစ်အခတ် ရပ်ရေး ထပ်မံ ညှိနှိုင်းဖွယ် မရှိကြောင်း ယူဆရသည်ဟု တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) တပ်ရင်း ၉၀၂ မှ ဗိုလ်မှုးကြီး စောကျော်သက်၏ တပ်ဖွဲ့ဝင် တဦးက ဧရာဝတီသို့ ပြောသည်။

“တပ်မ၂၂ က စစ်သားတွေကို ကျနော်တို့ ဒေသတွေမှာ ထပ်တိုး ချထားတယ်၊ လက်နက်ကြီးတွေလည်း ပါတယ်” ဟု သူက ပြောသည်။

တိုက်ပွဲငယ်များက ကော့ကရိတ်၊ လှိုင်းဘွဲ့မြို့နယ်များတွင် နေ့စဉ် ဖြစ်ပွားလျက်ရှိသည်ဟု DKBA တပ်ဖွဲ့ဝင်များက ပြောသည်။

မကြာသေးမီက မြ၀တီ၊ ဘုရားသုံးဆူမြို့များအတွင်း ၀င်ရောက်တိုက်ခိုက်ဖူးသော DKBA က နောင်တွင်လည်း အလားတူ ပြုလုပ်ဦးမည်ဟု ဆိုသည်။

"လာမယ့်နွေရာသီမှာ ကော့ကရိတ်၊ မြ၀တီ၊ လှိုင်းဘွဲ့ စတဲ့ မြို့တွေမှာ မြို့တွင်းတိုက်ပွဲ စစ်ဆင်ရေးတွေ တိုးမြှင့်သွားဖို့ ရှိတယ်" ဟု DKBA တပ်မဟာ ၅ မှ စစ်ဆင်ရေးမှူး ဗိုလ်မှူးဆန်းအောင်က ဧရာဝတီကို ဗုဒ္ဓဟူးနေ့တွင် ပြောသည်။

DKBA သည် ၁၉၉၅ တွင် ပေါ်ပေါက်လာခြင်း ဖြစ်ပြီး ကရင်အမျိုးသားအစည်းအရုံး (KNU) မှ ခွဲထွက်လာသည့် အဖွဲ့များအနက် အင်အားအကြီးဆုံးအဖွဲ့ဖြစ်သည်။ DKBA တပ်တချို့သည် အစိုးရ၏စီစဉ်မှုဖြင့် မကြာသေးမီက နယ်ခြားစောင့်တပ်များအဖြစ် အသွင်ပြောင်းသွားသည်။

ကရင်ပြည်နယ်အတွင်း KNU နှင့် DKBA အဖွဲ့များ၊ အဖွဲ့ငယ်များ လှုပ်ရှားနေပြီး ၎င်းတို့ကို အစိုးရတပ်များက ချေမှုန်းလျက်ရှိသည်။ ထိုသို့ ချေမှုန်းရာတွင် ကရင်နယ်ခြားစောင့်တပ်ကို အသုံးပြုနေသည်။

ဤအတောအတွင်း KNU က ၎င်းတို့ ဆုံးရှုံးခဲ့ရသည့် မာနယ်ပလော ဌာနချုပ်အနီး တပ်ဖွဲ့များ စေလွှတ်ထားသည်ဟု ဆိုသည်။

“မာနယ်ပလောခွင်ကိုတော့ ပိုပြီးတော့ လှုပ်ရှားလာနိုင်တယ်၊ ဟိုတုန်းက တလက်မလောက် လှုပ်ရှားနိုင်ရင် အခုတော့ တလက်ဝါးလောက်တော့ လှုပ်ရှားလာနိုင်ပြီ” ဟု KNU တွဲဖက် အတွင်းရေးမှူး (၁) ဗိုလ်မှူးစောလှငွေက ဧရာဝတီသို့ ပြောကြားသည်။

တိုက်ပွဲများကြောင့် ဒေသခံတို့က တောတောင်များအတွင်း ပြေးလွှား ပုန်းအောင်နေရသည်။ ထိုင်းနိုင်ငံဘက်ခြမ်းဒုက္ခသည်စခန်းများသို့ သွားရောက်ခိုလှုံသူများလည်း ရှိသည်။

Read More...

Summary only...

စောခါးစူး(ကေအိုင်စီ)

အမျိုးသားရေးအတွက် ရှေးရှု၍ တော်လှန်ရေးကို ကူညီပံ့ပိုးကြရန် ယနေ့ သြဂုတ်လ ၁၇ရက်နေ့၌ ကျရောက်သော ၆၃နှစ်မြောက် ကရင်နီပြည် တပ်မတော်နေ့တွင် ကရင်နီပြည်သူများအား ကရင်အမျိုးသား တိုးတက်ရေးပါတီ-KNPP က တိုက်တွန်ပြောကြားလိုက် သည်။

ထိုင်း-မြန်မာနယ်စပ် KNPP ထိန်းချုပ်နယ်မြေ လိုဘာခိုခရိုင်၊ မယ်စဲမြို့နယ်အတွင်းရှိ ကရင်နီတပ်မတော် မှတ်တိုင်တပ်စခန်း၌ ပြု လုပ်သည့် အခမ်းအနားတွင် KNPP က ထိုသို့ ပြောကြားလိုက်ခြင်း ဖြစ်သည်။

KNPP ၏ အထွေထွေအတွင်းရေးမှူး ခူဦးရယ်က “လက်နက်ကိုင်တပ်ဖွဲ့တွေမှာ ပါဝင်တဲ့ ကျနော်တို့ ရဲဘော်ရဲဘက်တွေဟာ ပြည် သူကြားက မွေးဖွားလာတဲ့ သားသမီးတွေ ဖြစ်တဲ့အတွက် ပြည်သူတွေကလည်း ကျနော်တို့နဲ့ အတူတကွ ပူးပေါင်းဆောင်ရွက်ကြဖို့ အထူးပန်ကြားချင်တယ်။”ဟု ကေအိုင်စီကို ပြောသည်။

ကရင်နီလူထု၏ ပူးပေါင်းပံ့ပိုးမှုကို ရယူပြီး မြန်မာအစိုးရကို လက်နက်ကိုင်နည်းနှင့် နိုင်ငံရေးနည်း နှစ်မျိုးပေါင်းပြီး မြန်မာနိုင်ငံ ဖယ်ဒ ရယ်ပြည်ထောင်စု တည်ဆောက်နိုင်သည်အထိ ဆက်လက် တိုက်ပွဲဝင်သွားမည်ဖြစ်ကြောင်း KNPP က ပြောသည်။

နိုင်ငံရေး ပဋိပက္ခ ရှိနေသည့်အတွက် ကရင်ပြည်တပ်မတော်သည် မြန်မာအစိုးရနှင့် လက်နက်ကိုင်တိုက်ပွဲ ဆင်နွှဲနေရသော်လည်း နိုင်ငံရေး ပြဿနာကို နိုင်ငံရေးနည်းဖြင့် အဖြေရှာမှသာ ငြိမ်းချမ်းရရှိနိုင်မည်ဟု ယုံကြည်ကြောင်း သူက ဆက်ပြောသည်။

ကရင်အမျိုးသားအစည်းအရုံး-KNU၏ ဒု-ဥက္ကဌ စောဒေးဗစ်သကဘောက “ကရင်နီအမျိုးသားအနေနဲ့ သူတို့(မြန်မာအစိုးရ)ကို တော်လှန်တိုက်ပွဲဝင်တဲ့အခါမှာ စွမ်းစွမ်းတမံ ပါဝင်တယ်။ KNU အနေနဲ့ KNPP နဲ့လက်တွဲပြီး တော်လှန်ရေး ဆုံးခန်းတိုင်အောင် ပူး ပေါင်းဆောင်ရွက်သွားမယ်။”ဟု ပြောသည်။

KNU နှင့် KNPP သည် ၁၉၄၈ခုနှစ် မြန်မာနိုင်ငံ လွတ်လပ်ရေး ရပြီးသည့်နောက်ပိုင်း မြန်မာအစိုးရ အဆက်အဆက်ကို လက်တွဲ တော်လှန်ခဲ့သည့် မဟာမိတ်အဖွဲ့များ ဖြစ်သည်။

ဗြိတိသျှအစိုးရ မြန်မာနိုင်ငံမှ ထွက်ခွာပြီးနောက် ၁၉၄၈ခုနှစ်၊ သြဂုတ်လ ၉ရက်နေ့တွင် ကရင်နီပြည်အား မြန်မာအစိုးရက စတင် ၀င်ရောက် တိုက်ခိုက်ခဲ့သည်။ ထို့နောက် ကရင်နီခေါင်းဆောင်များက လူစုပြီး ပြန်လည်တိုက်ခိုက်ကာ သြဂုတ်လ ၁၇ရက်နေ့တွင် တပ်မတော်တစ်ရပ် အသွင်အဖြစ် စတင် ဖွဲ့စည်းခဲ့သည်။

ကရင်နီတပ်မတော် စတင်ဖွဲ့စည်းစဉ်က လွတ်လပ်သည့် ကရင်နီပြည်ထောင်စု တပ်မတော်အမည်ဖြင့် ဖွဲ့စည်းခဲ့ပြီး ၁၉၇၄ခုနှစ်တွင် အမျိုးသား ကွန်ဂရက်တွင် ကရင်နီပြည်တပ်မတော်ဟု ပြောင်းလဲ ခေါ်ဝေါ်ခဲ့သည်။

Read More...

Summary only...

နန်းသူးလေ (ကေအိုင်စီ)

ကရင်ပြည်နယ်၊ လှိုင်းဘွဲမြို့နယ်တွင် ယခုရက်ပိုင်းအတွင်း အစိုးရစစ်တပ်နဲ့ ကရင်အမျိုးသားလွတ်မြောက်ရေးတပ်မ တော်(ကေအဲန်အဲယ်လ်အေ)တပ်ဖွဲ့များအကြား ပစ်ခတ်မှုများ ဆက်တိုက်ဖြစ်ပွားလျှက်ရှိသည်ဟု ကေအဲန်အယ်လ်အေ ဘက်ကပြောသည်။

သြဂုတ်လ ၁၄ရက်နေ့တွင် ဗိုလ်ကြီးစောသယူ့ထူး ဦးဆောင်သည့် KNLA တပ်မဟာ(၇) တပ်ရင်း(၂၁)က ကော့ကရိတ် အခြေစိုက် စစ်ကွပ်ကဲရေးဌာနချုပ်(စကခ-၁၂)လက်အောက်ခံ ခလရ(၂၃၁)အား ခလဲ့ခိုကျေးရွာအနီးတွင် ချုံခိုတိုက် ခိုက်ခဲ့ရာ အစိုးရစစ်တပ်ဘက်မှ ၁ဦးဒဏ်ရာရရှိခဲ့သည်ဟု KNLA တပ်မဟာ(၇) ရုံးထိုင်မှူးဗိုလ်မှူး စောအယ်စဲစဲက ကေ အိုင်စီကို ပြောသည်။

၎င်းက “မနေ့က ကျနော်တို့ ကေအဲန်ယူ တပ်မဟာ(၇)တပ်ဖွဲ့ ဝင်တွေနဲ့ စစ်တပ်တို့ ခလဲ့ခို့ ရွာဘက်မှာ ပစ်ခတ်မှုဖြစ် ပွားပြီး ရန်သူ့ဘက်က ၁ဦးဒဏ်ရာ ရရှိသွားတယ်။ တိုက်ပွဲက သိပ်တော့မကြာလိုက်ဘူး၊ ခဏလေးနဲ့ ပြီးသွားတယ်”ဟု ပြောသည်။

အဆိုပါ ပစ်ခတ်မှုတွင် အစိုးရစစ်တပ် ခမရ (၂၃၁) တပ်ရင်းမှ တပ်ဖွဲ့ဝင် ၅၀ဦး နီးပါးရှိပြီး KNLA အခြေချသည့် နယ်မြေ အတွင်းသို့ ၀င်ရောက်ကျူးကျော်လာခဲ့သောကြောင့် ယခုလို ချုံခိုတိုင်ခိုက်ရခြင်းဖြစ်သည်ဟု ဗိုလ်မှူး စောအယ်စဲစဲက ပြောသည်။

ပြီးခဲ့သည့် သြဂုတ်လ ၁၀ရက်နေ့တွင်လည်း ကေအဲန်အယ်လ်အေ (၂၁)တပ်ရင်းက စကခ(၁၂)လက်အောက်ခံ ခမရ ၅၄၈ တပ်ရင်းအား ၀ါးခို့လော်တယ်ကျေးရွာအနီးတွင် ချုံခိုက်တိုက်ခိုက်ခဲ့ရာ အစိုးရစစ်တပ်ဘက် ၃ဦးဒဏ်ရာရရှိခဲ့ပြီး သြဂုတ်လ ၁၁ရက်နေ့တွင်လည်း ကမားထာ့တွင် ကေအဲန်အယ်လ်အေ ၂၁တပ်ရင်းနှင့် အရှေ့တောင်တိုင်း စစ်ဌာနချုပ် (ရတခ) ခမရ ၃၃၉ တပ်ရင်းအကြား ရင်ဆိုင်တိုက်ပွဲဖြစ်ပွားခဲ့ရာ အစိုးရစစ်တပ်ဘက်မှ ၂ဦးဒဏ်ရာ ရရှိခဲ့သည်ဟု ကေ အဲန်အယ်လ်အေ တပ်မဟာ (၇)က ပြောသည်။

အဆိုပါ ဖြစ်ပွားခဲ့သည့် တိုက်ပွဲများအတွင်း ကေအဲန်အယ်လ်အေဘက်က ထိခိုက်ကျဆုံးမှု မရှိကြောင်းထုတ်ဖော်ပြော ကြားသော်လည်း ကေအိုင်စီအနေဖြင့် သီးခြားအတည်ပြုချက်မရရှိပေ။
လှိုင်းဘွဲမြို့နယ်တွင် အစိုးရစစ်တပ်ဘက်မှ ရတခ လက်အောက်ခံတပ်ရင်းများဖြစ်ကြသည့် ခမရ ၃၁၀၊ ၃၃၈၊ ၃၃၉၊ ခ လရ ၂၈ တပ်ရင်းနှင့် စကခ (၁၂)လက်အောက်ခံ ခလရ ၂၃၁တပ်ရင်းတို့ လှုပ်ရှားလျှက်ရှိသလို ကေအဲန်ယူ (၇)တပ်မ ဟာ(၇) လက်အောက်ခံ ကေအဲန်အယ်လ်အေ ၂၁တပ်ရင်း လှုပ်ရှားလျှက်ရှိသည်။

Read More...

Summary only...