.jpg)
(ကေအိုင်စီ)
ကရင်ပြည်နယ် မြ၀တီမြို့နယ်၊ ၀ါ့မေထာ့ရွာအနီးရှိ ထင်းရှူးတောင်တန်းတွင် စက်တင်ဘာလ ၁၆ရက် ညနေ ၅နာရီက မြန်မာ အစိုးရ စစ်တပ်နှင့် ကရင်တပ်ဖွဲ့ ပါဝင်သည့် အဖွဲ့ ၄ဖွဲ့တို့ တိုက်ပွဲဖြစ်ပွားရာ နှစ်ဖက်စလုံးမှ ထိခိုက်မှုရှိခဲ့သည်ဟု ဒီကေဘီအေ တပ်ဖွဲ့က ပြောသည်။
ဒီကေဘီအေ ကလို့ထူးဘော ဗျူဟာမှ ဗိုလ်မှူးစောဆန်းအောင်က “တိုက်ပွဲမှာ ရန်သူဘက်က ၂ဦး ဒဏ်ရာအပြင်းအထန် ရရှိ သွားတယ်။ ကျနော်တို့ ဒီကေဘီအေက ၁ယောက်ကိုလည်း ကျည်ဆံ ရှပ်ထိသွားတယ်။”ဟု ကေအိုင်စီကို ပြောသည်။
အစိုးရတပ်ကို သွားရောက်တိုက်ခိုက်ခဲ့သည့် တပ်ဖွဲ့များမှာ ဒီကေဘီအေ တပ်ရင်း(၉၀၉)၊ ကေအဲန်အယ်လ်အေ(၁၀၁)၊ ABS-DF ကျောင်းသားတပ်ဖွဲ့နှင့် ရခိုင်တပ်ဖွဲ့တို့ ဖြစ်ကြပြီး လုံခြုံရေးအတွက် နယ်မြေရှင်းလင်းရေး လှုပ်ရှားနေသည့် ခလရ(၂၀၄) တပ်ရင်းကို သတင်းအရ ပြောက်ကျားစနစ်ဖြင့် မိနစ် ၃၀ခန့် တိုက်ခိုက်ခဲ့ခြင်းဖြစ်သည်ဟု ဆိုသည်။
.jpg)
နာရီဝက်ကြာ တိုက်ပွဲတွင် နှစ်ဖက်ထိခိုက်
ကေအဲန်အယ်လ်အေနှင့် ဘီဂျီအက်ဖ် ပစ်ခတ်မှုအတွင်း အရပ်သား ၁ဦးသေဆုံး
စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီမြို့နယ်၏ မြောက်ဘက်ခြမ်းရှိ ထီးဝါ့ပလောကျေးရွာအနီး၌ ယနေ့မွန်းလွဲပိုင်းတွင် နယ်ခြားစောင့်တပ်ဖွဲ့ နှင့် ကရင်အမျိုးသားလွတ်မြောက်ရေး တပ်မတော်(KNLA)တပ်ဖွဲ့ဝင်များအကြား ပစ်ခတ်မှုဖြစ်ပွားခဲ့ရာတွင် အရပ်သားတစ်ဦး လက်နက်ထိမှန်၍ သေဆုံးခဲ့သည်ဟု သိရသည်။
နယ်ခြားစောင့်တပ်(၁၀၁၇)တပ်ရင်းမှ တပ်ဖွဲ့ဝင်တချို့သည် KNLA တပ်ရင်း(၁၀၁)မှ တပ်ဖွဲ့ဝင်များအား ထီးဝါ့ပလောကျေးရွာ အနီး၌ ၀င်ရောက်ပစ်ခတ်ခဲ့ရာတွင် KNLA ဘက်ကလည်း ပြန်လည်ပစ်ခတ်မှုကြောင့် လူနေတဲအိမ်ထဲရှိ အရပ်သားတစ်ဦး ယခု လို ထိမှန်သေဆုံးခြင်းဖြစ်သည်ဟု KNLA ဘက်က အတည်ပြု ပြောဆိုသည်။
KNLA တပ်ရင်း(၁၀၁)မှ တပ်မှူးတစ်ဦးက “သူတို့ (ဘီဂျီအက်ဖ်)က ကျနော်တို့ ၀င်ပစ်တော့ ကျနော်တို့လူတွေ တန်ပြန် ပစ် ခတ်တယ်ပေါ့။ ပစ်ခတ်မှု ဖြစ်ပွားတာ ၅ မိနစ် ၆မိနစ်လောက်ပဲရှိမယ်။ ပစ်ခတ်မှုတွေ အပြီးမှာ သိရတာကတော့ ဆွေမျိုးဆီကို လာလည်တဲ့ အခြားဒေသက ရွာသားတစ်ဦး သေသွားတယ်။ အသက် ၃၇ကျော်လောက် ရှိမယ်။”ဟု ပြောသည်။
အဆိုပါပစ်ခတ်မှုတွင် နှစ်ဖက် ထိခိုက်ကျဆုံးမှု တစုံတရာ မရှိသော်လည်း ယခုလို အရပ်သားတစ်ဦး အကြောင်းမဲ့ သေဆုံး သွားသည့်အပေါ် ၎င်းတို့တပ်ဖွဲ့အနေဖြင့် အလွန်စိတ်မကောင်းမိကြောင်း ၎င်းတပ်မှူးက ဆက်ပြောသည်။
ယနေ့မနက်တွင်လည်း မြ၀တီမြို့နယ်၊ တံတားကျိုးနားရှိ အစိုးရစစ်တပ် ခမရ(၃၅၅)နှင့် ခမရ(၃၅၆)တပ်ရင်းနေရာအကြားတွင် နယ်ခြားစောင့်တပ်များ စီးနင်းလာသည့် ကားတစ်စီးကို ကရင်တပ်ဖွဲ့မှ ဆွဲမိုင်းများဖြင့် တိုက်ခိုက်ပစ်ခတ်ခဲ့ရာ လက်ရှိအချိန်ထိ ထိခိုက်မှု အခြေအနေကိုတော့ မသိရှိရသေးပေ။
ထို့အပြင် မြ၀တီမြို့၏ တောင်ဘက်ခြမ်း ဝေါ်လေဒေသ၊ ၀ါ့မီထာ့ရွာအနီးရှိ ထင်းရှူးကုန်းနေရာတွင် ယမန်နေ့ ညနေ ၅နာရီခန့် က တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)နှင့် အစိုးရစစ်တပ်တို့၏ ဖြစ်ပွားခဲ့သည့် မိနစ် ၃၀ ကျော်ကြာ တိုက်ပွဲဖြစ်ပွားခဲ့ရာ အစိုးရတပ်ဖက်မှ ၂ဦး ဒဏ်ရာပြင်းထန်သလို ဒီကေဘီအေဘက်မှလည်း ၁ဦး ထိခိုက်မှုရှိသည် ဟု သိရသည်။
ကော့ကရိတ်အရှေ့ဖက် တစ်နာရီကြာ တိုက်ပွဲတွင် မြန်မာစစ်သည် ၁ဦးကျဆုံး
နန်းသူးလေ (ကေအိုင်စီ)
ကရင်ပြည်နယ် ကော့ကရိတ်မြို့အရှေ့ဘက်တွင် ကရင့်အမျိုးသားလွတ်မြောက်ရေးတပ်မတော်(KNLA)၊ တိုးတက်သော ဗုဒ္ဓ ဘာသာကရင်အမျိုးသားတပ်မတော် (DKBA) ပူးပေါင်းတပ်ဖွဲ့များနှင့် အစိုးရဘက်မှ တပ်ရင်း(၉၇)တို့ ယနေ့ တိုက်ပွဲဖြစ်ပွားရာ မြန်မာအစိုးရစစ်သည် ၁ဦး ကျဆုံးသွားခဲ့သည်ဟု ဒီကေဘီအေဘက်က ပြောသည်။
ယနေ့ မွန်းတည့် ၁၂နာရီတွင် ကော့ကရိတ်မြို့မှ ၂မိုင်အကွာအဝေးရှိသည့် တတန်ကူးရွာအနားတွင် ဗိုလ်ကြီးစောကညော ဦး ဆောင်သည့် KNLA တပ်ရင်း(၁၀၁)နှင့် ဗိုလ်စောနော့မု ဦးဆောင်သည့် DKBA ကလိုထူးဝါးစစ်ဗျူဟာ တပ်ရင်း(၉၀၇) ပူးပေါင်း တပ်ဖွဲ့ဝင်များသည် စကခ(၁၂) လက်အောက်ခံ ခလရ(၉၇)တပ်ရင်းနှင့် တစ်နာရီနီးပါးကြာ တိုက်ပွဲဖြစ်ပွားခဲ့ကြောင်း DKBA ကလို့ထူးဘောဗျူဟာမှ ဗိုလ်မှူးစောဆန်းအောင်က ကေအိုင်စီကို ပြောသည်။
ဗိုလ်မှူးစောဆန်းအောင်က “ဒီနေ့ နေ့လည် ၁၂နာရီမှာ ကျနော်တို့ DKBA နဲ့ KNLA တပ်ဖွဲ့ဝင်တွေ ပူးပေါင်းပြီး ရန်သူတပ်ကို ၀င်တိုက်ကြတယ်။ တိုက်ပွဲကတော့ မိနစ် ၅၀ကျော် ကြာပြီး ရန်သူ့ဘက်က ၁ယောက် ကျတယ်။”ဟု ပြောသည်။
အဆိုပါတိုက်ပွဲမှာ လုံခြုံရေးအရ လှုပ်ရှားသွားလာနေသည့် အစိုးရစစ်တပ်များကို ပြောက်ကျားစနစ်ဖြင့် အလစ် ၀င်ရောက် တိုက်ခိုက်ခဲ့ခြင်းဖြစ်၍ မိမိတို့ဘက်မှ ထိခိုက်၊ ကျဆုံးမှုမရှိဟုလည်း ဗိုလ်မှူးဆန်းအောင်က ဆက်လက် ပြောဆိုသည်။
ကော့ကရိတ်မြို့နယ်တွင် ကလို့ထူးဝါး စစ်ဗျူဟာ လက်အောက်ခံ တပ်ရင်းများဖြစ်သည့် (၉၀၁)၊ (၉၀၂)နှင့် (၉၀၇)တပ်ရင်းများ KNLA တပ်မဟာ(၇) လက်အောက်ခံ တပ်ရင်း(၁၀၁)တို့ အခြေစိုက် လှုပ်ရှားလျှက်ရှိပြီး အစိုးရဘက်မှ စကခ(၁၂) လက် အောက်ခံ တပ်ရင်းများ စစ်ရေးလှုပ်ရှားလျှက်ရှိသည်ဟု သိရသည်။
ထို့အပြင် မြ၀တီမြို့နယ်၊ ဝေါ်လေဂွင်ရှိ ၀ါ့မီထာ့နေရာတွင် ယနေ့ည ၆နာရီဝန်းကျင်တွင် တိုက်ပွဲဖြစ်ပွားနေသည်ဟု ကေအိုင်စီ က သတင်းရရှိသော်လည်း မည်သည့်အဖွဲ့များဖြစ်ပြီး ထိခိုက်မှု မည်သို့ရှိသည်ကိုမူ ကေအိုင်စီက အသေးစိတ် မသိရှိရသေး ဘဲ စုံစမ်းဆက်သွယ်နေဆဲ ဖြစ်သည်။
ကော့ကရိတ်မြို့နယ် တတန်ကူးရွာနဲ့ ဝါ့မီထအနီးမှာ ကြံ့ဖွံ့စစ်စိုးရတပ်ကို ကေအန်ယူနဲ့ ဒီကေဘီအေ ပူးပေါင်းစစ်ဆင်
နေ့သစ် မှ.........
ကြံ့ဖွတ်စစ်အစိုးရ စစ်တပ် ခလရ ၉၇ ကော့ကရိတ်မြို့စောင့်တပ်ကို KNU ၁၀၁ တပ်ဖွဲ့၊ ဒီကေဘီအေ ၉၀၇ တပ်ဖွဲ့ ပူးပေါင်းအင်အားနဲ့ ကော့ကရိတ်မြို့နယ် တတန်ကူးရွာမှာ ဒီကေနေ့ နေ့လည် ၁၂ နာရီ မှာ ဝင်ရောက်တိုက်ခိုက်ခဲ့တယ်။ တိုက်ပွဲဖြစ်ပွားချိန် ၄၅ မိနစ်လောက်ကြာခဲ့တယ်။ ကြံ့ဖွတ်စစ်အစိုးရဘက်မှ ၁ ယောက်သေဆုံးတယ်လို့ သတင်းရရှိတယ်။
ဒီကနေ့ စက်တင်ဘာလ ၁၆ ရက် တနေ့ထဲမှာပဲ ညနေ ၅ နာရီလောက်မှာ ထိုင်းမြန်မာနယ်စပ် ဝေါ်လေ အနီးက ဝါ့မီထ အနီးမှာ လမ်းကင်လုံခြုံရေးတာဝန်ယူထားတဲ့ ကြံ့ဖွတ်စစ်စိုးရတပ်တွေကို ဒီကေဘီအေဘက်မှ ဝင်ရောက်တိုက်ခိုက်တဲ့ ဖြစ်စဉ်တခုလည်း ဖြစ်ပွားခဲ့ပါတယ်။
ပျောက်နေသည့် မန်းငြိမ်းမောင်အတွက် မိသားစု စိုးရိမ်
ဧရာဝတီ မှ....
နှစ်လကျော် ပျောက်ဆုံးနေသော ကရင်အမျိုးသားအစည်းအရုံး KNU ခေါင်းဆောင်တဦးဖြစ်သူ မန်းငြိမ်းမောင်အတွက် မိသားစုနှင့် လုပ်ဖော်ကိုင်ဖက်များက စိုးရိမ်နေကြသည်။ ယခုအခါ ပဒိုမန်းငြိမ်းမောင်သည် အင်းစိန်ထောင်တွင် ထိန်းသိမ်းခံထားရကြောင်း သတင်းများ ထွက်ပေါ်နေသည်။
အင်းစိန်ထောင်ဝန်ထမ်းတို့နှင့်နီးစပ်သူတဦးအပါအ၀င် KNU ထောက်လှမ်းရေး၊ သတင်းရပ်ကွက်များ၏ ပြောပြချက်အရ မန်းငြိမ်းမောင်သည် အင်းစိန်ထောင် သီးသန့်အခန်းတခုတွင် ရှိနေပြီး ထောင်ဝင်စာ တွေ့ဆုံခွင့် မရကြောင်း သိရသည်။
မန်းငြိမ်းမောင်အတွက် ပြည်ပတွင် နေထိုင်သည့် သမီးဖြစ်သူက စိတ်ပူနေကြောင်း မန်းငြိမ်းမောင်၏ မိတ်ဆွေတဦးဖြစ်သူ မောင်ကျော်မန်းက ပြောသည်။
“သူ့သမီးကလည်း အမေရိကန်ကနေ ကျနော့်ကို ဖုန်းဆက်လာတယ်။ သူ့အဖေ အဖမ်းခံရတဲ့အကြောင်း ရေးထားတဲ့ အင်တာနက်သတင်းတွေ မှန်လား၊ သေချာလား သူသိချင်တယ် တဲ့။ သူ့အဖေက လက်နက်ကိုင်သမား မဟုတ်ဘူး။ နိုင်ငံရေးသမား ဖြစ်တယ်။ သူ့ကို တကယ်လို့ ဖမ်းမိရင်တောင်မှ မသတ်ဖို့ ပြောချင်တယ်” ဟု မောင်ကျော်မန်းက ပြောသည်။
အမေရိကန်ရှိ လူ့အခွင့်အရေး အဖွဲ့များ နှင့် အမေရိကန်အစိုးရထံသို့လည်း သူ့ဖခင် လွတ်မြောက်ရေးအတွက် ကူညီကြရန် စာရေးသား ပေးပို့ထားကြောင်း မောင်ကျော်မန်းက ပြောသည်။
တချိန်က ကိုကိုးကျွန်းအကျဉ်းစခန်းမှ မိုင်ရာချီ ဝေးကွာသည့် မြန်မာ့ကမ်းရိုးတမ်းသို့ ပင်လယ်ကို ဖြတ်ပြီး ထွက်ပြင်းလွတ်မြောက်မှုကြောင့် နာမည်ကြီးခဲ့သော မန်းငြိမ်းမောင်သည် တရုတ်ပြည် ကူမင်းလေဆိပ်တွင် ဇူလိုင်လ ၂၄ ရက်နေ့မှ စတင်ပျောက်ဆုံးခဲ့သည်။
ကချင်လွပ်လပ်ရေးတပ်မတော် သတင်းရပ်ကွက်များ နှင့် တရုတ်မြန်မာနယ်စပ်မှလာသော သတင်းအရ ယူနန်ပြည်နယ်မြို့တော် ကူမင်းရှိ အာဏာပိုင်များက မန်းငြိမ်းမောင်ကို မြန်မာပြည်သို့သွားသည့် လေယာဉ်တစီးဖြင့် ပို့ဆောင်လိုက်ကြောင်း သိရသည်။
သို့သော်လည်း တရုတ်ထောက်လှမ်းရေးနှင့် နီးစပ်သူတဦးကမူ မန်းငြိမ်းမောင်သည် လုံခြုံသည့် တရုတ်မြန်မာနယ်စပ် တနေရာတွင် နေထိုင်နေကြောင်း၊၀ ပြည် သွေးစည်းညီညွှတ်ရေးပါတီ၏ ထိန်းချုပ်နယ်မြေတနေရာတွင် ခုံလှုံနေကြောင်း ပြောသည်။
ဝ ပြည် သွေးစည်းညီညွှတ်ရေးပါတီမှ ဦးအောင်မြင့်က မန်းငြိမ်းမောင်သည် ၎င်းတို့၏ နယ်မြေတွင် ရှိမရှိ မသိရကြောင်း ဧရာဝတီကို ပြောသည်။
မန်းငြိမ်းမောင်ကို ဖမ်းဆီးထိန်းသိမ်းခံထားရသည့်သတင်းထွက်ပေါ်နေသည်မှာ ရက်အတာကြာပြီ ဖြစ်သော်လည်း မြန်မာအစိုးရက တစုံတရာ တုံ့ပြန်ခြင်း မရှိပေ။
မန်းငြိမ်းမောင်သည် ဇူလိုင်လနှောင်းပိုင်းက တရုတ်နိုင်ငံမှ ထိုင်းနိုင်ငံသို့ လေကြောင်းခရီးဖြင့် ရောက်ရှိလာရာ ထိုင်းလူဝင်မှု ကြီးကြပ်ရေးဌာနက ပြည်ဝင်ခွင့် မပြုဘဲ တရုတ်ပြည်သို့ ပြန်လည် ပို့ဆောင်ခဲ့ခြင်းဖြစ်ကြောင်း သိရသည်။
မန်းငြိမ်းမောင်သည် တိုင်းရင်းသား လက်နက်ကိုင်တပ်ဖွဲ့များ ပူးပေါင်း ဖွဲ့စည်းထားသည့် ညီညွတ်သော တိုင်းရင်းသား လူမျိုးများ ဖယ်ဒရယ် ကောင်စီ (UNFC) တွင်လည်း ဗဟိုကော်မတီဝင် တဦးအဖြစ် တာဝန်ယူထားသည်။
ပြီးခဲ့သည့် ဇွန်လက အစိုးရတပ်နှင့် ကချင် လွတ်လပ်ရေး တပ်မတော်တို့အကြား ဖြစ်ပွားခဲ့သော တိုက်ပွဲများနှင့် ပတ်သက်၍ မန်းငြိမ်းမောင် သွားရောက် လေ့လာခဲ့ကြောင်း စစ်ရေးလေ့လာသူများက ပြောသည်။ သို့သော် တရုတ်ပြည်ခရီးစဉ်နှင့်ပတ်သက်၍ KNU နှင့် UNFC ကို အသိပေး ပြောဆိုမှု မရှိကြောင်း သိရသည်။
မန်းငြိမ်းမောင်သည် ၁၉၆၀ ၀န်းကျင်က မြေအောက် လှုပ်ရှားမှုကြောင့် အဖမ်းခံရပြီး မြန်မာပြည်အကျဉ်းစခန်း၊ ထောင်တို့တွင် နှစ်ပေါင်းအတန်ကြာ ထိန်းသိမ်းခံရကာ ပြင်းထန်စွာ နှိပ်စက်ခံရဖူးသည်။ ကိုကိုးကျွန်း အကျဉ်းစခန်းတွင် ရှိနေစဉ် မန်းငြိမ်းမောင်သည် ကျွန်းပေါ်ရှိ နိုင်ငံရေးသမားများ၏ အကျဉ်းသား အခွင့်အရေး အတွက် အကြိမ်ကြိမ် အစာငတ်ခံဆန္ဒပြရာတွင်လည်း ပါဝင်ခဲ့သည်။
ကိုကိုးကျွန်းမှနေ၍ မန်းငြိမ်းမောင်သည် ကရင်လူငယ်အဖွဲ့မှ မန်းအောင်ကြည်၊ အထက်တန်းပြဆရာ အောင်ငွေ တို့နှင့်အတူ ပင်လယ်ပြင် မိုင်ပေါင်း ၂၀၀ ကျော်ခရီးကို ဖြတ်ပြီး ထွက်ပြေး လွတ်မြောက်နိုင်ခဲ့သည်။ သို့သော်လည်း ပြည်မသို့ အရောက်တွင် ဒေသခံအာဏာပိုင်တို့၏ ဖမ်းဆီးခြင်း ခံခဲ့ရသည်။
ကိုကိုးကျွန်းမှ နှိပ်စက်ညင်းပန်းမှုများနှင့် သူ၏ ထွက်ပြေး လွတ်မြောက်ရေး ကြိုးပမ်းမှု အတွေ့အကြုံများကို ၂၀၀၀ ပြည့်နှစ်က ရေးသား ထုတ်ဝေသည့် “မုန်တိုင်းကိုဆန်၍ ပင်လယ်ကိုဖြတ်သောအခါ” အမည်ရှိ စာအုပ်တွင် ရေးသားထားသည်။
နိုင်ငံပြောင်းလဲမည့် အခြေအနေရောက်နေပြီဟု ဒေါ်စုပြော
ဒီသတင်းကိုဖတ်ရတော့..အန်တီစုကိုယုံကြည်မှုသိပ်မရှိတော့ဘူး...သန်းရွှေကြိုးကိုင် သိန်းစိန်အစိုးရရဲ့ ဘာဆေးများစားမိသွားလဲလို့ မေးချင်ပါ တယ်....တကယ်ပဲဖြစ်ပျက်ခဲ့တာတွေကိုနည်းနည်းထည့်စဉ်းစားပြီး မြန်မာနိုင်ငံကြီးကိုထပ်ပြီးတော့ဆွဲမချပါနဲ့ဗျား....မဟာဗမာဝါဒီကိုလည်းထပ်ပြီး အသက်ဆက်မသွင်းပါတော့ အန်တီစုရေ......
ချင်းမိုင် (မဇ္ဈိမ) ။ ။ မြန်မာနိုင်ငံသည် အပြောင်းအလဲ ဖြစ်နိုင်သည့် အခြေအနေတွင် ရောက်ရှိနေပြီ ဖြစ်ကြောင်း၊ အတိုက်အခံ ခေါင်းဆောင် ဒေါ်အောင်ဆန်းစုကြည်က ပြောကြားလိုက်သည်။
ကြာသပတေးနေ့တွင် ကျရောက်သည့် အပြည်ပြည်ဆိုင်ရာ ဒီမိုကရေစီနေ့ကို ရန်ကုန်မြို့ အမျိုးသား ဒီမိုကရေစီ အဖွဲ့ချုပ်ရုံးချုပ်တွင် ပထမဆုံးအကြိမ် ကျင်းပရာ၊ အခမ်းအနား မိန့်ခွန်းတွင် မြန်မာနိုင်ငံသည် အပြောင်းအလဲ
ဖြစ်နိုင်သည့် အခြေအနေကို ရောက်နေပြီဟု ယုံကြည်ကြောင်း ဒေါ်အောင်ဆန်းစုကြည်က ၁ဝ မိနစ်ကျော်ကြာ မိန့်ခွန်းတွင် ထည့်သွင်းပြောသွားခြင်း ဖြစ်သည်။
"အခုအခြေအနေမှာဆိုရင် ကျမတို့ နိုင်ငံဟာ အပြောင်းအလဲ ဖြစ်နိုင်တဲ့ အခြေအနေမှာ ရောက်နေပါတယ်။ အပြောင်းအလဲ ဖြစ်ပြီလို့ ကျမမပြောချင်ပါဘူး။ ဒါပေမယ့် ကျမ လူသိရှင်ကြား ပြောပြီး ဖြစ်ပါတယ်။ အပြောင်းအလဲ
ဖြစ်နိုင်တဲ့အခြေအနေကို ရောက်နေပြီလို့ ကျမယုံကြည်တယ်။" ဟု သူက ပြောသည်။
ယင်းအပြင် ဒီမိုကရေစီ စိတ်ဓာတ်ရှိသူတိုင်း အပြောင်းအလဲကို ငြိမ်းချမ်းသည့်နည်းဖြင့် ရယူရန်လိုအပ်ပြီး မည်သူ့
ကိုမျှ နစ်နာစေသည့် အပြောင်းအလဲမျိုး မဖြစ်စေဘဲ၊ ညင်သာသည့် ပြောင်းလဲမှု ပြောင်းလဲမှုမျိုး ဖြစ်ရန်လိုအပ်
သည်ဟု ထည့်သွင်းပြောသွားသေးသည်။
"ဒီအပြောင်းအလဲတွေဟာ ညင်သာရမယ်၊ ငြိမ်းချမ်းရမယ်၊ သိက္ခာရှိရမယ်။ ပြည်သူကို မထိရဘူး၊ နိုင်ငံကို မထိရဘူး။ ဆင်းသွားတဲ့ အစိုးရကိုလည်း မထိရဘူး၊ တက်လာတဲ့အစိုးရကိုလည်း မလိုလားအပ်တဲ့ အခွင့်အရေးတွေ မပေးရဘူး။ အားလုံးက မျှတတဲ့ အခြေခံအပေါ်မှာ တည်ရှိရမယ်။" ဟု မိန့်ခွန်းတွင် ပါရှိသည်။
အနှစ် ၂ဝ ကျော် ဒီမိုကရေစီအတွက် အလုပ်လုပ်နေသည့် NLD ပါတီဝင်များအနေဖြင့် ယခုလို အချိန်တွင် မိမိတို့၏ တာဝန်သည်ဘာလဲ၊ ဘာဆက်လုပ်သင့်သလဲ ကိုယ်ပိုင်ဉာဏ်နှင့် စဉ်းစားကာ ယုံကြည်သည့် အလျောက် ဆက်လုပ်စေလိုကြောင်း သူ၏ မိန့်ခွန်းတွင် တိုက်တွန်းသွားသည့် ဒေါ်အောင်ဆန်းစုကြည်သည် သမ္မတ ဦးသိန်းစိန်နှင့် သြဂုတ်လအတွင်းက တွေ့ဆုံခဲ့သေးသည်။
တွေ့ဆုံမှုအတွင်း မည့်သည့် အကြောင်းအရာများ ဆွေးနွေးသည်ကို ဒေါ်အောင်ဆန်းစုကြည်မှ ထုတ်ဖေါ်ပြောကြားခြင်း မရှိသော်လည်း "နိုင်ငံတော် သမ္မတနှင့် ဒေါ်အောင်ဆန်းစုကြည်တို့သည် မတူကွဲပြားသော သဘောထား အမြင်များ ဘေးဖယ် ထားပြီး နိုင်ငံနှင့် ပြည်သူလူထုအတွက် အမှန်တကယ် အကျိုးရှိစေမည့် ဘုံအကျိုးစီးပွားများမှ ပူးပေါင်းဆောင်ရွက်မည့် အလားအလာများအား ရင်းနှီးစွာဆွေးနွေးခဲ့သည်" ဟု နိုင်ငံပိုင် မြန်မာ့ရုပ်မြင်သံကြားတွင်
ဖေါ်ပြသည်။
သမ္မတနှင့် ဒေါ်အောင်ဆန်းစုကြည်တို့ တွေ့ဆုံဆွေးနွေးမှုများ ဆက်လက်လုပ်ဆောင်ရန် ရှိနေသေးကြောင်းလည်း
နေပြည်တော်တွင် သမ္မတနှင့် တွေ့ဆုံမှုအတွင်း လိုက်ပါသွားခဲ့သည့် လုံခြုံရေးအဖွဲ့ဝင် ဦးခွန်သာမြင့်က ဘီဘီစီ (မြန်မာပိုင်းသို့) စက်တင်ဘာ ၁၄ ရက်နေ့တွင် ပြောသည်။
ဒေါ်အောင်ဆန်းစုကြည်သည် အမေရိကန်နိုင်ငံမှ စီးပွားရေး ပိတ်ဆို့ထားခြင်းခံရသူ မက်စ်မြန်မာ စီးပွားရေးအုပ်စု
ပိုင်ရှင် ဦးဇော်ဇော်၏နှင့်အတူ ဗုဒ္ဓဟူးနေ့ ရန်ကုန်မြို့ သုဝဏ္ဏအားကစားတွင် ကျင်းပသည့် အသက် ၁၉ နှစ်အောက် အာဆီယံ ဘောလုံးပြိုင်ပွဲသို့ သွားရောက် ကြည့်ရှု့ အားပေးခဲ့သေးသည်။
အပြည်ပြည်ဆိုင်ရာ ဒီမိုကရေစီနေ့ကို မြန်မနိုင်ငံတွင် ယခုနှစ် ပထမဆုံးအကြိမ် ကျင်းပခြင်း ဖြစ်ပြီး၊ အစိုးရသစ် ရုံးစိုက်ရာ နေပြည်တော်တွင်ကျင်းပသည့်နည်းတူ အတိုက်အခံ ပါတီဟောင်း၏ ရုံးချုပ်တွင်လည်း ကျင်းပခဲ့ကြခြင်းဖြစ်သည်။
အပြည်ပြည်ဆိုင်ရာ ဒီမိုကရေစီနေ့ကို အဖွဲ့ဝင် နိုင်ငံများတွင် ဒီမိုကရေစီအရေး ထွန်းကားနိုင်ရန် စက်တင်ဘာ ၁၅ ရက်နေ့ကို ဒီမိုကရေစီနေ့ အဖြစ် သတ်မှတ်ရန် ကုလသမဂ္ဂမှ ၂ဝဝ၇ ခုနှစ်တွင် ဆုံးဖြတ်ခဲ့ခြင်း ဖြစ်သည်။ မြန်မာနိုင်ငံသည် ၁၉၄၈ ခုနှစ်တွင် ကုလသမဂ္ဂ အဖွဲ့ဝင်နိုင်ငံ ဖြစ်လာခဲ့သည်။
မူးယစ်တရားခံများမှာ မြန်မာအစိုးရ၏ ပူးပေါင်းကြံစည်မှုဟု KNU ရှင်းလင်းချက်ထုတ်ပြန်
နန်းဖော့ဂေ (ကေအိုင်စီ)
ထိုင်း ASTV နှင့် Manager online မဂ္ဂဇင်းပါ သတင်းအရ ထိုင်းအာဏာပိုင်များ ဖမ်းဆီးမိသူ မူးယစ်တရားခံနှစ်ဦးက မိမိတို့ သည် KNU များဖြစ်သည်ဟု ထွက်ဆိုချက်မှာ မြန်မာအစိုးရနှင့် ၎င်းတို့၏ လက်အောက်ခံ နယ်ခြားစောင့်တပ်များ၏ ညစ်ညမ်း သည့် ပူးပေါင်းကြံစည်မှုဖြစ်ကြောင်း KNU ဗဟိုဌာနချုပ်က ယနေ့ နေ့စွဲဖြင့် သတင်းထုတ်ပြန်ကာ ရှင်းလင်းပြောဆိုလိုက်သည်။
အသက် ၃၀ကျော်အရွယ်ရှိ အဆိုပါ မူးယစ်တရားခံနှစ်ဦးကို ထိုင်းနိုင်ငံ၊ မဲ့ကုကျေးရွာအနီးတွင် ကျေးရွာလူကြီးများနှင့် နယ်စပ် ထိုင်းရဲအချို့က စက်တင်ဘာလ ၉ရက်နေ့တွင် ဖမ်းဆီးမိခဲ့ခြင်းဖြစ်ပြီး မိမိတို့သည် “မင်းကြီးမိန်း”တပ်ရင်းမှ KNU အဖွဲ့ဝင်များ ဖြစ်ကြောင်း ထိုင်းအာဏာပိုင်များကို ထုတ်ဖော်ပြောဆိုချက်မှာ မမှန်ကန်ကြောင်းနှင့် KNU တွင် ၎င်းတပ်ရင်း အမည်မရှိ ကြောင်းလည်း သတင်းထုတ်ပြန်ချက်တွင် ဖော်ပြထားသည်။
ကေအဲန်ယူ ဒုဥက္ကဌ ပဒိုစောဒေးဗစ်သကဘောက “ထိုင်းသတင်းဖော်ပြချက်တွေမှာ တရားခံတွေရဲ့ ပြောဆိုချက်တွေက ကေအဲန်ယူကို နာမည်ပျက်အောင် ပြောဆိုတဲ့ မြန်မာစစ်တပ်ရဲ့ လုပ်ကြံမှုတွေပါပဲ။ ကျနော်တို့ ကေအဲန်ယူ ပေါ်လစီအရ မူး ယစ်ဆေးဝါး ထုတ်လုပ်တာ၊ ရောင်းဝယ်တာနဲ့ သုံးစွဲတာတွေကို လူသားမျိုးနွယ်စုအပေါ် ကျူးလွန်တဲ့ ရာဇ၀တ်မှု (Crime against Humanity) လို့ သတ်မှတ်ထားပါတယ်။ ဒီလူတွေဟာ မြန်မာအစိုးရတပ်တွေနဲ့ သူတို့နဲ့ ပူးပေါင်းထားတဲ့ နယ်ခြား စောင့်တပ်တွေရဲ့ လုပ်ရပ်ပါပဲ။”ဟု ကေအိုင်စီကို ပြောဆိုခဲ့သည်။
ထိုင်းရုပ်မြင်သံကြား၊ အွန်လိုင်းမဂ္ဂဇင်းတွင် ၉-မမ တစ်လက်နှင့် ကျည်ဆံများ၊ လက်ကိုင်ဖုန်း ၂လုံး၊ အခြားပေါက်ကွဲပစ္စည်းအ ချို့ အပါအ၀င် စိတ်ကြွဆေး ၁၂ပြားနှင့်အတူ ထိုင်းအာဏာပိုင်များ ဖမ်းဆီးမိသည့် ၎င်းတရားခံနှစ်ဦးမှာ ထိုင်း-မြန်မာနယ်စပ်ရှိ သောင်ရင်းမြစ်ကို ဖြတ်ကူးဝင်ရောက်လာခြင်းဖြစ်ပြီး အဖမ်းခံရချိန်တွင် မူးယစ်ဆေးဝါး သုံးစွဲထားကြောင်းလည်း သတင်းဖော် ပြထားသည်။
KNU က အဆိုပါ မူးယစ်တရားခံနှစ်ဦးမှာ မြန်မာစစ်တပ် လက်အောက်ခံ နယ်ခြားစောင့်တပ်ဖွဲ့ဝင်များဖြစ်ကြောင်း စုံစမ်းသိရှိရ ပြီး ကရင်အမျိုးသားအစည်းအရုံး(KNU) မှေးမှိန်သွားအောင် ကြံစည်လုပ်ဆောင်ခြင်းသာဖြစ်ပြီး ၎င်းမှာ စစ်တပ်နောက်ခံထား သည့် ကြံ့ဖွံ့အစိုးရ ပါဝင်ပတ်သက်သည့် ဆိုးဝါးသော ပူးပေါင်းကြံစည်မှုဖြစ်သည်ဟု ဆိုသည်။
မြန်မာအစိုးရသည် ပြည်တွင်းစစ် ရေရှည်ဖြစ်အောင် လုပ်ဆောင်နေသည့်အပြင် တိုင်းရင်းသားများအား ရှင်းလင်းခြင်း၊ မူးယစ် ဆေးဝါးရောင်းဝယ်မှုဖြင့် ရန်ပုံငွေရှာခြင်း၊ တိုင်းပြည်တွင်းရှိ လူငယ်များကို ပျက်စီးစေခြင်းများကို ယခင် မူဝါဒအတိုင်း ပြုလုပ် လျက်ရှိသည်ဟု KNU က ဆိုသည်။
သို့သော် KNU သည် ၎င်းတို့၏ ပေါ်လစီအရ မူးယစ်ဆေးဝါး ထုတ်လုပ်၊ ရောင်းဝယ်မှုကို လူသားဖြစ်မှုကို ဆန့်ကျင်သည့် ရာဇ ၀တ်မှု(Crime against Humanity)အဖြစ် သတ်မှတ်ထားသလို ပြစ်မှုကျူးလွန်သူများကိုလည်း ကြီးလေးသည့် ပြစ်ဒဏ်စီရင် လေ့ရှိကြောင်းလည်း ပြောဆိုထားသည်။
လက်ရှိအချိန်တွင် ဦးသိန်းစိန် အစိုးရအနေဖြင့် သူ၏အပေါင်းပါများက လာဘ်စားမှု၊ ဆင်းရဲမွဲတေမှု တိုက်ဖျက်ရန်နှင့် ပြည် တွင်းစစ်အဆုံးသတ်ရန် ပြောဆိုနေသော်လည်း ပွင့်လင်းရာသီတွင် ဆောင်ရွက်မည့် ထိုးစစ်အတွက် လိုအပ်သည့် လက်နက် များကို လျှို့ဝှက်စွာ ၀ယ်ယူနေသည်ဟု KNU ၏ ရှင်းလင်းချက်တွင် ထည့်သွင်းဖော်ပြထားသည်။
၎င်းမူးယစ်တရားခံနှစ်ဦးကို ထိုင်းအာဏာပိုင်များ ဖမ်းဆီးမိသည့် ထိုင်း-မြန်မာနယ်စပ်နေရာသည် BGF အကြံပေး ဗိုလ်မှူးကြီး စောချစ်သူ၏ လက်အောက်ခံ နယ်ခြားစောင့်တပ်များ ၀င်ထွက်သွားလာနေသည့် လမ်းကြောင်းတစ်ခုဖြစ်ပြီး ၎င်းတို့မှာ မြ၀တီ မြို့နယ်၊ ရွှေကုက္ကိုကျေးရွာမှ နယ်ခြားစောင့်တပ်ဖွဲ့ဝင်များဖြစ်သည်ဟု နယ်ခြားစောင့်တပ်နှင့် နီးစပ်သူများ၏ အပြောအရ သိရ သည်။
အစိုးရစစ်တပ် ရိက္ခာများကို ကေအဲန်ယူ တပ်ဖွဲ့များ မီးရှို့ဖျက်ဆီး
စောသိန်းမြင့် (ကေအိုင်စီ)
တနင်္သာရီတိုင်း၊ မြစ်တန်းမြို့ ရှေ့တန်းတနေရာတွင် လှုပ်ရှားနေသည့် အစိုးရစစ်တပ် ခမရ(၄၃၂)အတွက် တပ်ရိက္ခာများကို သယ်ယူလာသည့် ယာဉ်တစ်စီးပေါ်မှ ရိက္ခာများအား ကေအဲန်ယူ တပ်မဟာ(၄) တပ်ဖွဲ့ဝင်များက ရှောင်တခင် ၀င်ရောက် မီးရှို့ ဖျက်ဆီးခဲ့သည်ဟု ထိုဒေသမှလာသည့် သတင်းအရ သိရသည်။
ပြီးခဲ့သည့် စက်တင်ဘာလ ၆ရက်နေ့က စစ်ကွပ်ကဲရေးဌာနချုပ်-စကခ(၁၁)၊ နည်းဗျူဟာ(၃) လက်အောက်ခံ ရှေ့တန်းရှိ ခမရ (၄၃၂)တပ်ရင်း စစ်ကြောင်း(၁)အတွက် ရိက္ခာများကို ထီးထာမှ ဆင်ဖြူဒိုင်သို့ သယ်ဆောင်လာစဉ် ကေအဲန်ယူ တပ်မဟာ(၄) တပ်ဖွဲ့ဝင်များက အလစ်ငိုက်ဝင်ရောက်ပြီး ကားပေါ်ရှိ တပ်ရိက္ခာမျိုးစုံကို မီးရှို့ဖျက်ဆီးခဲ့သည်ဟု ဒေသခံတစ်ဦးက ပြောသည်။
“ဒီလ ၆ရက်နေ့မှာ ခမရ(၄၃၂)၊ စစ်ကြောင်း(၁)အတွက် တပ်ရိက္ခာတွေကို လုပ်အားပေးအဖြစ် သယ်ယူလာတဲ့ ဒေသခံရွာသား ရဲ့ ကားတစီးကို ကေအဲန်ယူ တပ်မဟာ(၄)တပ်ဖွဲ့ဝင်တွေ အလစ်ငိုက် ၀င်ပြီးတော့ ကားပေါ်ကာ ရိက္ခာတွေကို အကုန်လုံး မီး ရှို့ပစ်လိုက်တယ်။ ဆန် ၁၀အိတ်ကျော် ပါတယ်။ နောက်ပြီး ဆီ၊ ဆား၊ နို့ဆီ၊ ပဲ၊ ငရုတ်သီးတွေလည်းပါတယ်။”ဟု ပြောသည်။
ထိုကဲ့သို့ စစ်တပ်၏ ရိက္ခာများကို ကေအဲန်ယူတပ်ဖွဲ့မှ ဖျက်ဆီးခဲ့သော်လည်း စစ်တပ်မှ အဆိုပါကားပိုင်ရှင်အပေါ် အပြစ်ပေး အရေးယူခြင်း တစုံတရာမရှိကြောင်း ၎င်းဒေသခံက ဆက်ပြောသည်။
ယင်းသို့ တပ်ရိက္ခာများ မီးရှို့ဖျက်ဆီးခံရသဖြင့် မိမိတပ်များအနေဖြင့် နောက်နောင်တွင် အရပ်သားများ၏ ကား၊ ဆိုင်ကယ်၊ စက်လှေတို့ဖြင့် ရိက္ခာနှင့် စစ်သုံးပစ္စည်းများကို အရပ်သားတို့အား သယ်ယူစေခြင်း လုံးဝမပြုလုပ်ကြရန်နှင့် ညွှန်ကြားချက်အ ပေါ် လိုက်နာမှုမရှိပါက စစ်စည်းကမ်းအရ ထိရောက်စွာ အပြစ်ပေးခံရမည်ဖြစ်ကြောင်း မြိတ်မြို့ရှိ ကမ်းရိုးတန်းတိုင်း စစ်ဌာန ချုပ်(ကရခ)မှ ၎င်း၏ရှေ့တန်းတပ်များ အားလုံးကို ညွှန်ကြားလိုက်သည်ဟု စစ်ဖက်ဆိုင်ရာ သတင်းအရ သိရသည်။
အစိုးရစစ်တပ်များ၏ ရိက္ခာများအား မီးရှို့ဖျက်ဆီးခံရခြင်းနှင့် ပတ်သက်ပြီး ကေအဲန်ယူ တပ်မဟာ(၄)မှ တာဝန်ရှိသူများအား ကေအိုင်စီမှ ဆက်သွယ်ရန် ကြိုးစားသော်လည်း မရရှိခဲ့ပေ။
ထိုဒေသတွင် ယခင်ကလည်း အစိုးရစစ်တပ်၏ စစ်ပစ္စည်းနှင့် ရိက္ခာများအား ကေအဲန်ယူတပ်ဖွဲ့မှ အလားတူ မီးရှို့ဖျက်ဆီးမှု များကို အလျင်းသင့်သလို လုပ်ဆောင်ခဲ့သည်ဟု ဒေသခံများ၏ ပြောပြချက်အရ သိရသည်။
9/11
9/11 ကိုပြန်သတိရပြီး ခံစားကြည့်လိုက်တဲ့အခါ မှာဘာသာရေးအယူသီးတဲ့ လူတစုကြောင့်အပြစ်မဲ့သူများသေဆုံးခဲ့ရတဲ့အပြင် ကျန်ရစ်သူမိသားစု များလည်း အခုထက်ထိဒုက္ခရောက် ကြေကွဲနေရဆဲပါပဲ.....9/11မှာဆုံးသွားသောသူအားလုံးကောင်းရာသုဂတိလားပါစေ.....
သေ့ဘောပိုးအနီး ဆုံဆည်းမြိုင်မှာ တိုက်ပွဲဖြစ်ပွား
နေ့သစ် မှ.........
မြဝတီမြို့တောင်ဘက် သေ့ဘောပိုးရွာအနီး ဆုံဆည်းမြိုင်မှာ ကြံ့ဖွံ့အစိုးရစစ်တပ် တပ်မ ၂၂ လက်အောက်ခံ ခမရ ၂၀၄ တပ်ရင်းကို DKBA တပ်ရင်း ၉၀၉ မှ ဗိုလ်ကြီး မင်းဇော်ဦး ဦးဆောင်တဲ့ တပ်ဖွဲ့၊ ကျောင်းသားတပ်မတော် တပ်ဖွဲ့၊ ရခိုင် လွတ်မြောက်ရေး တပ်ဖွဲ့ဝင်တွေ ပူးပေါင်းပြီး ဒီကနေ့ နေ့လည် ၁၁ နာရီလောက်မှာ စစ်ဆင်တိုက်ခိုက်ခဲ့တာ ဖြစ်တယ်။
တိုက်ပွဲဖြစ်ပွားချိန် ၁၅ မိနစ်လောက်ကြာခဲ့ပြီး ထိခိုက်သေဆုံးမှု မသိရှိရသေးပါ။
ဖလူး သေ့ဘောပိုး ဝေါ်လေ ကားလမ်းတလျောက်က စစ်ကြောင်းတက်လာတဲ့ ခမရ ၂၀၄ တပ်ရင်းကို နေရာအတော်များ များက စောင့်ကြိုတိုက်ခိုက်ဖို့ ပြင်ဆင်ထားတာဖြစ်တဲ့အတွက် ညနေ ၅ နာရီလောက်မှာလည်း သေ့ဘောပိုးအနီးမှာ တိုက်ပွဲတွေ ထပ်ဖြစ်ခဲ့ပါသေးတယ်။ အဲဒီအချိန်မှာတော့ ကြံ့ဖွံ့အစိုးရစစ်တပ်က ပစ်ခတ်လိုက်တဲ့ လက်နက်ကြီးကျည်ဆံ တွေ သေပေါ့ပိုးရွာထဲကို ကျရောက်ပေါက်ကွဲခဲ့ပါတယ်။ အဲဒီ အကြောင်းကိုတော့ ထိုင်းနိုင်ငံဘက်ခြမ်းကို ထွက်ပြေးလာ တဲ့ သေ့ပေါပိုး ရွာသားတဦး ပြောပြတာက …
“အခြေအနေတွေ ရှုပ်ထွေးနေတာတော့ တရက် နှစ်ရက်လောက်ရှိပြီး ဒီနေ့မှ တိုက်ပွဲဖြစ်သံကြားရတာ ရွာနဲ့ နဲနဲဝေးတော့ အေးဆေးသတိနဲ့ နေ နေကြတယ်။ ညနေရောက်တော့ တိုက်ပွဲဖြစ်သံထပ်ကြားတယ် အဲဒီအချိန်မှာပဲ ရွာထဲကို လက်ကြီး တွေ ကျတာ အဲဒါနဲ့ ကျနော်တို့လည်း ထိုင်းဘက်ခြမ်းကို ပြေးလာကြတာ” လို့ ပြောပြသွားခဲ့ပါတယ်။
ဒီနေ့ ထိုင်းမြန်မာနယ်စပ် သေ့ဘောပိုးရွာမှာ ဖြစ်နေတဲ့ အခြေအနေတွေကို DKBA မှ ပြောရေးဆိုခွင့်ရှိသူ ဗိုလ်မှူး ဆန်းအောင် ကို မေးမြန်းခဲ့ရာ …
“ဟုတ်တယ် ဒီနေ့ သေ့ဘောပိုးနားက ဆုံဆည်းမြိုင်မှာ တိုက်ပွဲဖြစ်တယ်။ ညနေပိုင်းတိုက်ပွဲဖြစ်တဲ့ အချိန်မှာတော့ ရန်သူ က သေ့ဘောပိုးရွာထဲကို လက်နက်ကြီးတွေ ပစ်ထဲ့ခဲ့တယ်။ အထိအခိုက်ကိုတော့ အတိအကျ မသိရသေးဘူး။ မြန်မာနိုင် ငံက စစ်အုပ်စု အစိုးရကတော့ ဒီလိုပဲ လက်နက်မရှိရင် အနိုင်ကျင့်မယ်။ အဖွဲ့သေးရင် ချေမှုန်းမယ် အပေါ်စီးက စကား ပြောမယ်။ အဖွဲ့ကြီးလို့ စမ်းလို့မရဘူးထင်ရင် မျက်နှာချိုသွေးမယ် ဖြည်းဖြည်းချင်း သပ်လျှိုဖြိုခွဲမယ် နောက်ဆုံးချေမှုန်း မယ်။ ဒါ သူတို့ လုပ်နေကျပဲ။ ကျနော်တို့ လက်နက်ကိုင် တော်လှန်ရေးအဖွဲ့အစည်းတွေ တဖွဲ့နဲ့ တဖွဲ့ နေသာသလို နေ နေကြပြီး မစည်းလုံးကြသရွေ့တော့ မြန်မာ စစ်အုပ်စုက လုပ်နေကျ နည်းတွေနဲ့ ဆက်ထိန်းထားအုံးမှာပဲ” လို့ ပြောပြ သွားခဲ့ပါတယ်။
အစိုးရတပ် ဂိတ်စခန်း ၃ခုကို DKBA တပြိုင်တည်း ၀င်တိုက်
စောခါးစူး (ကေအိုင်စီ)
ကရင်ပြည်နယ်၊ ကော့ကရိတ်မြို့အနီး မြန်မာအစိုးရစစ်တပ်၏ ကားလမ်းဂိတ်စခန်း ၃ခုကို တိုးတက်သောဗုဒ္ဓဘာသာ ကရင်အ မျိုးသားတပ်မတော်-DKBA က ယမန်နေ့ ညနေ ၁နာရီကျော်အချိန်တွင် ပြောက်ကျားစနစ်ဖြင့် တပြိုင်နက်တည်း ၀င်ရောက် တိုက်ခိုက်ခဲ့သည်။
အစိုးရစစ်တပ် တပ်မ(၁၂)လက်အောက်ခံ ခြေလျင်တပ်ရင်း ခလရ(၃၅၅) အခြေစိုက်လျှက်ရှိသည့် ကော့ကရိတ်မြို့နှင့် တစ်မိုင် ကျော်အကွာရှိ ရန်ကုတ်၊ အောက်ဘိုတဲနှင့် သစ်ခြောက်ပင် အစိုးရဂိတ်စခန်းများကို ကလို့ထူးဘောဌာနချုပ် လက်အောက်ခံ ကလို့ထူးဝါး စစ်ဗျူဟာတပ်ဖွဲ့ဝင်များက တိုက်ခိုက်ခဲ့ခြင်း ဖြစ်သည်။
ကလို့ထူးဘောဗျူဟာမှ ဗိုလ်မှူးစောဆန်းအောင်က “ကျနော်တို့ DKBA မရှိတော့ဘူးလို့ အစိုးရ သတင်းစာမှာ ဖော်ပြခဲ့တဲ့အ ပေါ် အစိုးရတပ်တွေကို ကျနော်တို့ ဒီလိုတိုက်ပွဲမျိုး ဆင်လာတာ ဖြစ်ပါတယ်။”ဟု ပြောသည်။
အဆိုပါ တိုက်ပွဲများအတွင်း နှစ်ဦးနှစ်ဘက် ၁နာရီခန့် အပြန်အလှန် တိုက်ခိုက်ခဲ့ကြပြီး DKBA က ၎င်းတို့ဘက်တွင် ထိခိုက်ဒဏ် ရာရမှု မရှိသလို အစိုးရတပ်ဘက်တွင် ထိခိုက်မှု ရှိမရှိကိုမူ မသိရှိရကြောင်း ၎င်းက ဆက်ပြောသည်။
လွန်ခဲ့သည့် ရက်ပိုင်းအတွင်း DKBA ကလို့ထူးဘောစစ်ဗျူဟာကို စနစ်တကျ ပြန်လည်ဖွဲ့စည်းလိုက်ပြီဟု DKBA ဘက်မှ ပြော ဆိုခဲ့ပြီးနောက် ယခုတိုက်ပွဲမှာ ပထမဆုံးအကြိမ် ဖြစ်ပွားသည့် တိုက်ပွဲလည်း ဖြစ်သည်။
ဗိုလ်မှူးကြီးစောကျော်သက် ဦးဆောင်သည့် ကလို့ထူးဝါး စစ်ဗျူဟာ ၀င်ရောက်တိုက်ခိုက်ခဲ့သည့် ဂိတ်စခန်း ၃ခုမှာ စခန်းတခု လျင် မြန်မာစစ်တပ်အင်အား ၂၀ နှင့် ၃၀ အကြားတွင် ရှိသည်ဟု DKBA က ပြောသည်။
DKBA ကို ပြန်လည်ဖွဲ့ပြီးသည့်နောက် စက်တင်ဘာလ ၆ရက်နေ့က ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူရှိ ကရင်နယ် ခြားစောင့်(BGF) တပ်ဖွဲ့ဝင် ၂၀ကျော်သည် ထိုဒေသတ၀ိုက် လှုပ်ရှားနေသည့် ဗိုလ်မှူးစောဘိ ဦးစီးသော DKBA တပ်ဖွဲ့များထံ သို့ လာရောက်ပူးပေါင်းခဲ့သည်။
ထိုသို့ လာရောက်ပူးပေါင်းသည့် BGF တပ်ဖွဲ့ဝင်များမှာ ဗိုလ်မှူးစိုးနိုင် ဦးစီးသည့် (၁၀၁၁)တပ်ရင်းနှင့် ဗိုလ်မှူးမောင်ချစ် ဦးစီး သည့် (၁၀၁၄)တပ်ရင်းမှ လက်အောက်ခံ တပ်ဖွဲ့ဝင်များဖြစ်သည်။
စက်တင်ဘာလ ၂ရက်နေ့က ဘားအံမြို့အခြေစိုက် ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ KSDDP က DKBA ကို အသိအမှတ် မပြုတော့ကြောင်း အစိုးရပိုင်သတင်းစာတွင် ဖော်ပြခဲ့သည်။ ထိုထုတ်ပြန်ချက်ကို DKBA က ငြင်းဆိုခဲ့ပြီး ၎င်း တို့အဖွဲ့ရှိသေးကြောင်း ပြသသည့်အနေဖြင့် BGF နှင့် အစိုးရတပ်အခြေစိုက်ရာ နေရာကို မကြာသေးခင်က ၀င်ရောက်တိုက် ခိုက်ခဲ့ဖူးသည်။
မြဝတီ ကော့ကရိတ် ကားလမ်းပေါ်က နေရာသုံးခုမှာ တိုက်ပွဲဖြစ်ပွား
ကရင်ပြည်နယ် မြဝတီမြို့နဲ့ ကော့ကရိတ် အဝေးပြေးကားလမ်းပေါ်က ကြံ့ဖွံ့အစိုးရ စစ်တပ် စစ်ကြောင်းတွေရှိတဲ့ အောက်ဗိုလ်တဲ သစ်ခြောက်ပင် နဲ့ ရန်ကုတ် နေရာသုံးခုမှာ စက်တင်ဘာ ၇ ရက်နေ့ နေ့လည် တနာရီလောက်က DKBA ဗိုလ်မှူး ကျော်သက် ဦးစီးတဲ့ တပ်ဖွဲ့နဲ့ ဗိုလ်ချမူကြေး ဦးဆောင်တဲ့ တပ်ဖွဲ့တွေ ပူးပေါင်းပြီး ၎င်းနေရာသုံးခုကို ဝင်ရောက် တိုက်ခိုက်ခဲ့ပါတယ်။
ထိခိုက်ကျဆုံးမှုတွေကိုတော့ မသိရှိရသေးပါ။ DKBA ဗိုလ်မှူးကျော်သက် နဲ့ ပူးပေါင်းတိုက်ပွဲဝင်တဲ့ ဗိုလ်ချမူကြေး ဟာ နယ်ခြားစောင့်တပ် (BGF) တပ်ရင်း ၁၀၂၂ မှ ကြံ့ဖွံ့အစိုးရကို တော်လှန်တိုက်ပွဲဝင်နေတဲ့ DKBA တပ်ဖွဲ့တွေဆီကို မကြာ သေးခင်က လာရောက်ပူးပေါင်း တိုက်ပွဲဝင်သူ ဖြစ်ပါတယ်။
စက်တင်ဘာလ ၂ ရက်နေ့ကလည်း ဘားအံမြို့က ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ (KSDDP) က DKBA ဆိုတာ မရှိတော့ဘူးဆိုတဲ့ ကြေညာချက်တစောင် ထုတ်ပြန်ခဲ့ပါသေးတယ်။
DKBA ကို စနစ်တကျ ပြန်လည် ဖွဲ့စည်းလိုက်ပြီ
စောခါးစူး (ကေအိုင်စီ)
အစိုးရ၏ နယ်ခြားစောင့်တပ်အသွင်ပြောင်းလဲရေး အစီစဉ်ကို လက်မခံနိုင်သည့်အတွက် အစိုးရစစ်တပ်ကို ပြန်လည်တိုက်ခိုက် နေသည့် တိုးတက်သော ဗုဒ္ဓဘာသာ ကရင်အမျိုးသားတပ်မတော်-DKBAသည် ၎င်း၏ နိုင်ငံရေး၊ စစ်ရေး စွမ်းဆောင်နိုင်မှုများ အား မြှင့်တင်နိုင်အောင် စနစ်တကျ ပြန်လည်ဖွဲ့စည်းလိုက်ပြီဟု ယနေ့ ထုတ်ဖော်ပြောသည်။
ဩဂုတ်လ ၁၄ရက်နေ့က DKBA သည် ၎င်းတို့ ထိန်းချုပ်နယ်မြေတနေရာတွင် တပ်မှူးညီလာခံတခု ပြုလုပ်ပြီး DKBA ဗဟိုကို ကလို့ထူးဘောဌာနချုပ်ဟု သတ်မှတ်ခေါ်ဝေါ်ကာ ၎င်းအောက်တွင် ကလို့ထူးဝါးနှင့် ကလို့ထူးလား ဟူ၍ စစ်ဗျူဟာနှစ်ခု သတ် မှတ်ဖွဲ့စည်းခဲ့သည်။ ၎င်းအပြင် ကလို့ထူးဘောဌာနချုပ်အောက်တွင် ပြန်ကြားရေး၊ နိုင်ငံတကာ ဆက်ဆံရေး၊ ဆေးဝါးကုသရေး ဌာနများနှင့် ထောက်လှမ်းရေးတပ်ဖွဲ့တို့ကိုလည်း ဖွဲ့စည်းခဲ့သည်။
DKBA ကလို့ထူးဘောဌာနချုပ်၏ ယာယီပြန်ကြားရေးတာဝန်ခံဖြစ်သူ တပ်မှူးက “နအဖအစိုးရကို စတင် တိုက်ခိုက်တဲ့အချိန် တုန်းက (ဒီကေဘီအေက) စနစ်တကျ သိပ်မရှိသေးဘူး။ နောက်ပိုင်း (အစိုးရ ဖွဲ့ပေးထားတဲ့) နယ်ခြားစောင့်တပ်ကနေ ဗိုလ်ဘိ ဦးဆောင်တဲ့အဖွဲ့က ကျနော်တို့နဲ့ ပြန်ပူးပေါင်းလာပြီးနောက်ပိုင်း အဖွဲ့ကို ခုလို စနစ်တကျဖြစ်အောင် ပြန်ဖွဲ့လိုက်တဲ့သဘော ပါပဲ။”ဟု ပြောသည်။
ယခု ဖွဲ့စည်းပုံအသစ်အရ ကလို့ထူးဝါး စစ်ဗျူဟာကို ဗိုလ်မှူးကြီးစောကျော်သက်က ဦးဆောင်ပြီး ကရင်ပြည်နယ် ကော့က ရိတ်၊ မြ၀တီနှင့် ကျိုက်ဒုံနယ်မြေများကို တာဝန်ယူမည် ဖြစ်သည်။ လှိုင်းဘွဲမြို့နယ် မြိုင်ကြီးငူဒေသကိုမူ ဗိုလ်မှူးကြီးစောဘိခို့ ဦး ဆောင်သည့် ကလို့ထူးလားဗျူဟာက တာဝန်ယူရန် ဖြစ်သည်။
လောလောဆယ်တွင် KNU နှင့် စစ်ရေး၊ နိုင်ငံရေး ပူးပေါင်းဆောင်ရွက်လျှက်ရှိပြီး နောင်တွင် KNU လက်အောက်၌ ကလို့ထူး ဘော အထူးတပ်မအဖြစ် ပူးပေါင်းသွားနိုင်သည်ဟု အဆိုပါတပ်မှူးက ရှင်းပြသည်။
DKBA သည် KNU နှင့် ပူးတွဲ လှုပ်ရှားပြီးနောက်ပိုင်း နယ်မြေ ပိုင်စိုးနိုင်မှုများလည်း ရှိလာသလို အစိုးရစစ်တပ် လှုပ်ရှားမှုများ အားလည်း နှောက်ယှက်နိုင်ခဲ့သည်ဟု ဆိုသည်။
DKBA သည် မူရင်းမိခင် အဖွဲ့အစည်း KNU မှ ၁၉၉၄ခုနှစ်တွင် ခွဲထွက်ခဲ့ကာ စစ်အစိုးရနှင့် အပစ်ခတ်စဲရေး ပြုလုပ်ခဲ့သည်။ ၂၀၁၀ခုနှစ်တွင် အစိုးရက ၎င်းအား နယ်ခြားစောင့်တပ်အဖြစ် အသွင်ပြောင်းလဲရေး အစီစဉ်ချမှတ်လာရာ DKBA နာမည်ကို စွန့်လွှတ်ပြီး လက်ခံသွားသူများရှိသော်လည်း လက်မခံနိုင်သူများက DKBA အမည်ကို ဆက်လက်ခံယူကာ ၎င်းနှစ် နိုဝင်ဘာလ တွင် အစိုးရအား ပြန်လည် တိုက်ခိုက်ခဲ့သည်။
BGF တပ်ဖွဲ့ဝင် ၃၀ဦး ဒီကေဘီအေနှင့် ပူးပေါင်း
စောသိန်းမြင့် (ကေအိုင်စီ)
ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူရှိ နယ်ခြားစောင့်(BGF) တပ်ဖွဲ့ဝင် ၃၀ဦးသည် ထိုဒေသတ၀ိုက်တွင် လှုပ်ရှားနေ သည့် ဗိုလ်မှူးစောဘိ ဦးစီးသော DKBA တပ်ဖွဲ့များထံသို့ ယနေ့ လာရောက်ပူးပေါင်းခဲ့သည်ဟု KNU တပ်မဟာ(၇)က ပြော သည်။
ကရင်အမျိုးသားအစည်းအရုံး(KNU) တပ်မဟာ(၇)မှူး ဗိုလ်မှူးချုပ်စောဂျော်နီက “ဒီနေ့မနက်မှာ ဗိုလ်ဘိဆီကို BGFတပ်ဖွဲ့ဝင် အယောက် ၃၀ မြိုင်ကြီးငူကနေ ဗိုလ်ဘိဆီ ပြန်လာတယ်လို့ သိရတယ်။ လက်နက်အလက် ၃၀ပါတယ်။ လက်နက်အမျိုးအစား တော့ မသိသေးဘူး။ ဗိုလ်စိုးနိုင် လူ ၁၅ယောက်နဲ့ ကျန်တဲ့လူတွေက ဗိုလ်မောင်ချစ်ရဲ့ လူတွေဖြစ်တယ်။”ဟု အတည်ပြု ပြော ကြားသည်။
ဗိုလ်မှူးစိုးနိုင်သည် နယ်ခြားစောင့်တပ် (၁၀၁၁)တပ်ရင်း၏ တပ်ရင်းမှူးဖြစ်ပြီး ဗိုလ်မှူးမောင်ချစ်ကမူ နယ်ခြားစောင့်တပ် (၁၀၁၄)တပ်ရင်း၏ တပ်ရင်းမှူးဖြစ်သည်။
ယင်းသို့ ပြန်လာပူးပေါင်းသူများမှာ အစိုးရစစ်တပ်၏ အုပ်ချုပ်ကွပ်ကဲမှုအောက်တွင် ဆက်လက်၍ တာဝန် ထမ်းဆောင်လိုစိတ် မရှိသောကြောင့် ယခုလို ဒီကေဘီအေတပ်ဖွဲ့နှင့် ပြန်လာပူးပေါင်းခြင်းဖြစ်ကြောင်း ဗိုလ်မှူးချုပ်စောဂျော်နီက ပြောသည်။
အင်အား ၁,၀၀၀ကျော်ရှိ ဗိုလ်မှူးစောဘိ ဦးစီးသည့် DKBA တပ်ဖွဲ့သည် ပြီးခဲ့သည့် ဇွန်လက နယ်ခြားစောင့်တပ်မှ ခွဲထွက် ကာ ဒီကေဘီအေအဖြစ် ပြန်လည်ရပ်တည်ပြီး ကရင်အမျိုးသားလွတ်မြောက်ရေး တပ်မတော် KNLA တပ်မဟာ(၇)တပ်ဖွဲ့နှင့် ပူးပေါင်း၍ အစိုးရကို ပြန်လည်ခုခံတော်လှန်ပြီး ယခုအချိန်တွင် KNU တပ်မဟာ(၁)နှင့် (၅)၊ (၇)တွင် လှုပ်ရှားလျှက်ရှိသည်။
ဝီကီလိဖော်ပြချက် ပဒိုမန်းရှာမိသားစု မယုံကြည်
စိုင်မွန်သာ ကတော့ ဂြိုလ်ထပ်မွေပြန်ပြီး....မြန်မြန်ရှင်းထုတ်ကြပါတော့ဗျို့...
ကရင်အမျိုးသား အစည်းအရုံး (KNU) အထွေထွေ အတွင်းရေးမှူး ပဒိုမန်းရှာ လုပ်ကြံခံရမှုတွင် KNU ခေါင်းဆောင် ဗိုလ်ချုပ်စောဘိုမြ၏သား ဗိုလ်မှူးနဒါးမြ ပါဝင်ပတ်သက်ဖွယ် ရှိသည် ဆိုသည့် ၀ီကီလိတွင် ပါဝင်သော သတင်းကို ပဒိုမန်းရှာ၏မိသားစုက မယုံကြည်ကြောင်း တနင်္လာနေ့တွင် ပြောကြားလိုက်သည်။
မြန်မာစစ်ထောက်လှမ်းရေးအရာရှိတဦး၏ ယူဆချက် ဆိုသည်ကို ကရင်တိုင်းရင်းသားတဦးဖြစ်သော ဒေါက်တာစောဆိုင်မွန်သာက ရန်ကုန်မြို့ရှိ အမေရိကန်သံရုံးကို ပြောပြရာမှ ထိုကြေးနန်းစာ ပေါ်ပေါက်လာခြင်း ဖြစ်သည်ဟု ပဒိုမန်းရှာ၏ သမီး မဇိုရာဖန်းက ဧရာဝတီကို ပြောသည်။
“စစ်အာဏာရှင်တွေက ကျမတို့ ပြည်သူတွေ စိတ်ဝမ်းကွဲပြားအောင်လုပ်ဆောင်နေကြပါ။ သူတို့က ကျမတို့ အချင်းချင်း ကြား မယုံကြည်အောင်နည်းမျိုးစုံ သွေးခွဲသပ်လျှိုလုပ်နေကြတာပါ။ ကျမတို့ဖေဖေ လုပ်ကြံခံရတဲ့ကိစ္စမှာ ဗိုလ်မှူး နဒါးမြ ပါဝင်ပတ်သက်တယ်ဆိုတဲ့ အထောက်အထားလည်း မရှိပါဘူး” ဟု ဇိုရာဖန်းက ပြောသည်။
ဤဖြစ်ရပ်နှင့် ပတ်သက်ပြီး မိသားစုက တနင်္လာနေ့တွင် ကြေညာချက်တစောင် ထုတ်ပြန်ရာ ပဒိုမန်းရှာလုပ်ကြံခံရမှုတွင် တရားခံမှာ မြန်မာနိုင်ငံ၏ အာဏာရှင်စနစ် ဖြစ်ကြောင်း၊ စစ်အာဏာရှင် ကျောထောက်နောက်ခံပေးထားသည့် ကရင်လူမျိုးများကိုယ်တိုင်က ပဒိုမန်းရှာကို လုပ်ကြံ သတ်ဖြတ်ခြင်းဖြစ်သည့်အတွက် လွန်စွာ ၀မ်းနည်းမိပါကြောင်း ရေးသားထားသည်။
ပဒိုမန်းရှာသည် ဖိနှိပ်မှုကို ဆန့်ကျင်နေကြသည့် မြန်မာပြည်သူအားလုံး စည်းလုံး ညီညွတ်ရေး၊မြန်မာနိုင်ငံ ငြိမ်းချမ်းရေး၊ ဒီမိုကရေစီအရေး၊ လူ့အခွင့်အရေးတို့အတွက် ဆောင်ရွက်ခဲ့သူဖြစ်ကြောင်း ကြေညာချက်တွင် ဖော်ပြထားသည်။
ကောလာဟလများကို ဂရုမစိုက်ရန်လည်း ကြေညာချက်တွင် ရေးထားသည်။
အမေရိကန်သံအရာရှိနှင့် တွေ့ဆုံစဉ် ဒေါက်တာစောဆိုင်မွန်သာက "အစိုးရနှင့် စေ့စပ်လိုသည့် ဗိုလ်မှူး နဒါးမြက စေ့စပ်မှု မလိုလားသည့် ပဒိုမန်းရှာကို နှစ်သက်ခြင်းမရှိ" ဟူသော သူ ကြားထားသည့် ကောလာဟလ တခုကို ပြောပြခဲ့သည်ဟု ၀ီကီလိ ကြေးနန်းစာက ဆိုသည်။
ပဒိုမန်းရှာ လုပ်ကြံမခံရခင် ရက်ပိုင်းအလိုတွင် ဗိုလ်မှူးနဒါးမြက DKBA အရာရှိတဦးနှင့် တယ်လီဖုန်း ဆက်သွယ်မှု ရှိခဲ့သည်ဟု မြန်မာစစ်ထောက်လှမ်းရေးတဦးကို ကိုးကားပြီး စောဆိုင်မွန်သာက ပြန်ဖောက်သည်ချခဲ့ကြောင်း ကြေးနန်းစာတွင် တွေ့ရသည်။
“မည်သည့်အတွက်ကြောင့် လုပ်ကြံခဲ့ပြီး၊ လုပ်ကြံမှုတွင် မည်သူတို့ ပါဝင်သည်ဟူသော ခိုင်မာသည့် သက်သေအထောက်အထားကို မတွေ့ရှိရသေးကြောင်း (ဒေါက်တာ) ဆိုင်မွန်သာက ပြောဆိုသည်” ဟု ကြေးနန်းစာတွင် ရေးထားသည်။
ဦးနှောက်နှင့် အာရုံ ကြောဆိုင်ရာ အထူးကုဆရာဝန် ဒေါက်တာစောဆိုင်မွန်သာသည် KNU နှင့် အစိုးရကြား စေ့စပ်ပေးနေသူတဦးဖြစ်သည်။
KNU ထိပ်တန်းခေါင်းဆောင် ပဒိုမန်းရှာသည် ၂၀၀၈ ခုနှစ် ဖေဖော်ဝါရီလ ၁၄ ရက်နေ့က ထိုင်းမြန်မာနယ်စပ် မဲဆောက်မြို့နေအိမ်တွင် ရှိနေစဉ် သေနတ်သမား ၂ ဦး၏ လက်ချက်ကြောင့် သေဆုံးခဲ့ရာ ထို သေနတ်သမားတို့မှာ တိုးတက်သော ဗုဒ္ဓဘာသာ ကရင် အမျိုးသား တပ်မတော် (DKBA) မှ ဖြစ်သည်ဟု နယ်စပ် သတင်းရပ်ကွက်က ဆိုသည်။ ထို ၂ ဦးအနက် ဗိုလ်စံပြုံး ဆိုသူသည်လည်း နောက်တနှစ်ကျော်အကြာတွင် ထိုင်းမြန်မာနယ်စပ် သောင်ရင်းမြစ်အတွင်း ခြုံခိုတိုက်ခိုက်ခံရမှုကြောင့် သေဆုံးသွားသည်။
ဖဒိုမန်းရှာသည် ၁၉၆၆ ခုနှစ်တွင် ရန်ကုန်တက္ကသိုလ်မှ သမိုင်း ဘာသာရပ်ဖြင့် ဘွဲ့ရရှိပြီးနောက် တောခိုကာ ကရင့် တော်လှန်ရေးတွင် ပါဝင်ခဲ့သည်မှာ အသက် ၆၄ နှစ်အရွယ် ကွယ်လွန်ချိန်အထိ ဖြစ်သည်။
