Ka Nyaw Po: 2011

ငြိမ်းချမ်းရေးဖိတ်ခေါ်နေသော်လည်း အစိုးရက လူ့အခွင့်အရေး ချိုးဖောက်နေဆဲ

စောသိန်းမြင့် (ကေအိုင်စီ)

မြန်မာအစိုးရက အပစ်အခတ်ရပ်စဲရေးအတွက် ကရင်အမျိုးသားအစည်း (ကေအဲန်ယူ)အား ငြိမ်းချမ်းရေး ကမ်းလှမ်းဆွေးနွေးမှု များ လုပ်ဆောင်နေသော်လည်း ယခုတလော ကရင်ပြည်နယ်အတွင်း လူ့အခွင့်အရေးချိုးဖောက်မှုများ ဖြစ်ပွားနေဆဲ ဖြစ်သည် ဟု ကေအဲန်ယူဘက်က ပြောသည်။

ပြီးခဲ့သည့် နိုဝင်ဘာလတွင် အစိုးရနှင့် ကေအဲန်ယူ နှစ်ဖက်ငြိမ်းချမ်းရေး ကိုယ်စားလှယ်များ တွေ့ဆုံဆွေးနွေး ပြောဆိုခဲ့ကြ သော်လည်း ကရင်ပြည်နယ်၊ ကော့ကရိတ်၊ လှိုင်းဘွဲနှင့် တောင်ငူမြို့နယ်များတွင် အစိုးရစစ်တပ်မှ ကရင်လူထုကို သတ်ဖြတ် ခြင်း၊ လူနေအိမ်များဖျက်ဆီးခြင်းနှင့် လုပ်အားခိုင်းစေခြင်းများ လုပ်ဆောင်ဆဲဖြစ်ကြောင်း ကေအဲန်ယူက ဆိုသည်။

အဂတိလိုက်စားမှု မြန်မာထိပ်ဆုံးစာရင်းဝင်

VOA သတင်းမှ........

မြန်မာနိုင်ငံဟာ ကမ္ဘာပေါ်က နိုင်ငံပေါင်း ၁၈၃ နိုင်ငံထဲမှာ အကျင့်ပျက်ခြစားမှုအများဆုံး နိုင်ငံတခုအဖြစ် အဆင့် ၁၈၀ မှာ ရှိနေတယ်ဆိုတာကို မကြာသေးခင်က ထုတ်ပြန်လိုက်တဲ့ အကျင့်ပျက်ခြစားမှုဆိုင်ရာ အညွှန်းကိန်း အစီရင်ခံစာတခုမှာ ဖော်ပြထားပါတယ်။
Transparency International လို့ခေါ်တဲ့ အကျင့်ပျက်ခြစားမှု လေ့လာစောင့်ကြည့်တဲ့ နိုင်ငံတကာအဖွဲ့က ပြုစုထုတ်ပြန်တဲ့ ၂၀၁၁ ခုနှစ်အတွက် ကမ္ဘာလုံးဆိုင်ရာ အကျင့်ပျက်ခြစားမှု အညွှန်းကိန်းထဲမှာ အဲဒီလို ဖော်ပြထားတာပါ။

ကန္တရ၀တီတိုင်း - သတင်းရုပ်သံ

ဒီလိုဖြစ်ရပ်မှန်တွေနဲ့ သက်သေသာဓကပြည့်ပြည့်စုံစုံ ဖော်ပြထားလည်း တချို့သောဦးဏှောက်မရှိသူ စစ်ခွေး၏အကြွင်းအကျန်များကို စားသောက် ပြီးမှ ဗိုက်ဝနေရတဲ့ ဘလော့ တကာလှည့်ပြီးပတ်ဆဲနေတဲ့အဆင့်မရှိတဲ့ကောင်တွေကတော့ ဘာလာဆဲဦးမလဲ ကြည့်ကြသေးတာပေါ့..

ဆွဲမိုင်းတိုက်ပွဲကြောင့်အစိုးရ စစ်သည်၉ဦး ထိခိုက်သေဆုံး

KIC သတင်းမှ........

တနင်္သာရီတိုင်း၊ မြစ်တန်းမြို့နယ်တွင် လှုပ်ရှားနေသည့် အစိုးရစစ်တပ်အား ကေအဲန်ယူ တပ်မဟာ(၄)တပ်ဖွဲ့၏ ဆွဲမိုင်းများဖြင့် တိုက်ခိုက်မှုကြောင့် ၃ဦးသေဆုံးပြီး ၆ဦး ဒဏ်ရာရရှိခဲ့သည်ဟု ထိုဒေသမှလာသည့် သတင်းအရ သိရသည်။

အစိုးရစစ်တပ် စစ်ကွပ်ကဲရေးဌာနချုပ်-စကခ(၈)မှ နည်းဗျူဟာ(၂)လက်အောက်ခံ ခမရ(၄၀၇)မှ အင်အား ၁၂၀ဦးပါ ဗိုလ်မှူး မင်းဌေးဦးစီးတပ်ဖွဲ့သည် နိုဝင်ဘာလ ၂၆ရက်နေ့ မနက် ၉နာရီခွဲတွင် ဆင်ဖြူဒိုင်ရွာမှ မေတ္တာရွာဘက်သို့ ချီတက်လာစဉ် ကေ အဲန်ယူ တပ်မဟာ(၄)မှ စောင့်ကြိုပစ်ခတ်ခဲ့ခြင်းဖြစ်သည်ဟု စစ်တပ်နှင့် နီးစပ်သူတစ်ဦးက ပြောသည်။

၎င်း “၉နာရီခွဲလောက်မှာ အော်လော်ချောင်းဖျား အာစီယံကားလမ်မကြီးဘေးနားမှာ အင်အား ၂၀ပါတဲ့ တပ်ဖွဲ့က ဆွဲမိုင်း၊ လက်နက်ကြီး၊ လက်နက်ငယ်တွေနဲ့ စောင့်ကြိုပစ်ခတ်တာ ဖြစ်တယ်။”ဟု ပြောသည်။

ကရင်တစ်မျိုးသားလုံးကိုမြင့်တင်ကြစို့.....

KNLA တိုက်ခိုက်မှုကြောင့် အစိုးရစစ်သည် ၆ဦး ထိခိုက်သေဆုံး

စောသိန်းမြင့် (ကေအိုင်စီ)

ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့နယ်ခွဲတွင် ယမန်နေ့က တပ်အကြိုအပို့ လုပ်နေသည့် အစိုးရစစ် တပ်အား ကရင်အမျိုးသားလွတ်မြောက်ရေးတပ်မတော်(KNLA)မှ အလစ်ဝင်ရောက်ပစ်ခတ်မှုကြောင့် စုစုပေါင်း ၆ဦးထိခိုက်ကျ ဆုံးခဲ့သည်။

နောက်တန်းသို့ စစ်သင်တန်းပြန်တက်မည့် စစ်သည်များကို ပြန်ပို့သည့် ဘုရားသုံးဆူမြို့အခြေစိုက် အစိုးရတပ် ခမရ (၅၄၃) တပ်ရင်းအား KNLA တပ်ရင်း(၁၆)တပ်ဖွဲ့ဝင်တချို့က ယမန်နေ့ နံနက် ၁၀နာရီကျော်၌ တာဒေ့နှင့် မြိုင်သာယာကျေးရွာကြား တွင် ၇မိနစ်ခန့် တိုက်ခိုက်ခဲ့ခြင်းဖြစ်သည်။

၆ရက် ဆက်တိုက် တိုက်ပွဲတွင် အစိုးရစစ်သား၂၀ကျော် ထိခိုက်သေဆုံး

စောဖိုးမူး (ကေအိုင်စီ)

ကရင်ပြည်နယ်၊ ကော့ကရိတ်မြို့နယ်တွင် အစိုးရစစ်တပ်နှင့် ကရင်အမျိုးသားလွတ်မြောက်ရေး တပ်မတော် (KNLA)တို့ တိုက် ပွဲငယ်များ ၆ရက် ဆက်တိုက် ဖြစ်ပွားခဲ့ရာ အစိုးရစစ်တပ်ဘက်က ၂၀ဦးကျော် သေဆုံးခဲ့သည်ဟု KNLA ဘက်က ပြောသည်။
ကော့ကရိတ်မြို့ တောင်ဘက် ၁၀မိုင်ကျော်အကွာတွင် လှုပ်ရှားနေသည့် အစိုးရစစ်တပ် ခလရ(၂၀၂)၊ ခမရ(၃၅၇) တပ်ရင်း တို့အား လမ်းဖား၊ အစွန်း၊ နန်းရွှေမှုန်၊ ဆောပလာ စသည့်ကျေးရွာများ၌ KNLA တပ်ရင်း(၁၈)နှင့် တပ်ရင်း(၂၀၁) ပူးပေါင်းကာ ယခုလ ၈ရက်နေ့မှ ၁၄ရက်နေ့အထိ ဆက်တိုက် ချုံခိုတိုက်ခိုက်ခဲ့ခြင်းဖြစ်သည်။

ရိက္ခာပို့ရာလမ်းတွင်မော်တာဖြင့် ပစ်ခတ်မှုကြောင့် ဒေသခံများ ထိတ်လန့်

နန်းသူးလေ (ကေအိုင်စီ)

ပဲခူးတိုင်း-ကျောက်ကြီးမြို့နယ်မှ ၎င်းတို့ရှေ့တန်းတပ်စခန်းချရာ ကရင်ပြည်နယ်၊ ဖာပွန်ခရိုင်နှင့် ထိုင်း-မြန်မာနယ်စပ်သို့ ရိက္ခာ ပို့ဆောင်ပေးနေသည့် မြန်မာအစိုးရ စစ်တပ်များသည် ၎င်းတို့ရိက္ခာပို့ဆောင်ရာ လမ်းတလျှောက်ရှိ မသင်္ကာဖွယ်ရာ နေရာများ ကို မော်တာဖြင့် ပစ်ခတ်သောကြောင့် ဒေသခံများ ထိတ်လန့်နေကြသည်ဟု သိရသည်။

၎င်းမော်တာလက်နက်ကြီးများကို မြန်မာအစိုးရတပ် တပ်မ(၁၀၁) လက်အောက်ခံတပ်ရင်း(၆)ရင်းတို့က အလျဉ်းသင့်သလို ပစ် ခတ်ခဲ့ခြင်းဖြစ်သော်လည်း ယခင်နှစ်ထက် ပိုမိုဆိုးရွားကြောင်း ဖာပွန်မြို့နယ်ရှိ ရာပလိုဒဲ ရွာခံတဦးက ကေအိုင်စီသို့ ပြောသည်။

ဗိုလ်မှူးစောဘိ၏ DKBA တပ်ဖွဲ့ ကေအဲန်ယူအဖြစ်သာ ရပ်တည်သွားမည်

KIC သတင်းမှ.....

နယ်ခြားစောင့်တပ်မှ ခွဲထွက်ကာ ဒီကေဘီအေအဖြစ် ရပ်တည်ခဲ့သည့် ကရင်ပြည်နယ် မြိုင်ကြီးငူဒေသမှ ဗိုလ်မှူးစောဘိ ဦးစီးသည့်တပ်ဖွဲ့သည် ကရင်အမျိုးသားအစည်းအရုံး(KNU) အဖြစ်သာ ဆက်လက် ရပ်တည်သွားမည်ဟု ယမန်နေ့က ဆွေးနွေးခဲ့ကြသည်။
ကေအဲန်ယူ၏ ထိန်းချုပ်နယ်မြေတနေရာတွင် KNU ဖားအံခရိုင်၊ သထုံခရိုင် ဥက္ကဌများ၊ တပ်မဟာ(၁)နှင့် တပ်မဟာ(၇)မှူးများ နှင့် ဒီကေဘီအေ ဗိုလ်မှူးစောဘိတို့ မနက် ၉နာရီမှစ၍ နှစ်နာရီကြာ တွေ့ဆုံဆွေးနွေးခဲ့ကြရာမှ ဆုံးဖြတ်ခဲ့ကြခြင်းဖြစ်သည်ဟု ကေအဲန်ယူ တပ်မဟာ(၇) ရုံးထိုင်မှူး ဗိုလ်မှူးအယ်ဆဲဆဲက ယခုလို ပြောသည်။

“ဗိုလ်ဘိအနေနဲ့ BGF သို့မဟုတ် DKBA သို့မဟုတ် KNU အဲဒီအနေအထားထဲမှာ ဘယ်လိုရပ်တည်မလဲဆိုတာ အားမနာတမ်း ပွင့်ပွင့်လင်းလင်း ဆွေးနွေးခဲ့ကြတယ်။ ဗိုလ်ဘိကတော့ အစိုးရနဲ့လည်း ပြန်မပေါင်းချင်ဘူး။ ဒီကေဘီအေအနေနဲ့ ရပ်တည်ဖို့က လည်း ဆရာတော်(ဦးသုဇန)ကို အားကိုးလို့ မဖြစ်တော့ဘူး။ ဒါကြောင့် ရှေ့ဆက်ပြီး ကေအဲန်ယူရဲ့ ညွှန်ကြားချက်အောက်မှာပဲ ရပ်တည် လုပ်ဆောင်သွားတော့မယ်လို့ ပြောတယ်။”ဟု ဆိုသည်။

ပြီးခဲ့သည့် သြဂုတ်လ ၁၄ရက်နေ့က ဒီကေဘီအေသည် ၎င်းတို့ထိန်းချုပ်နယ်မြေတွင် တပ်မှူးညီလာခံတစ်ခု ပြုလုပ်ခဲ့ပြီး ဗိုလ်မှူး ချုပ်စောလားပွယ် ဦးစီးသော ဒီကေဘီအေ ကလို့ထူးဘော ဌာနချုပ်အောက်တွင် ဗိုလ်မှူးကျော်သက်နှင့် ဗိုလ်မှူးစောဘိတို့ကို ကလို့ထူးဝါးနှင့် ကလို့ထူးလား ဗျူဟာမှူးများအဖြစ် တာဝန်ပေးအပ်ခဲ့သည်ဟု ဒီကေဘီအေက ထုတ်ဖော်ပြောဆိုခဲ့သည်။

လှိုင်းဘွဲမြို့နယ်၊ မြိုင်ကြီးငူဒေသတွင် အခြေစိုက်ခဲ့သည့် နယ်ခြားစောင့်-BGF (၁၀၁၂) တပ်ရင်းမှူးဖြစ်ခဲ့သူ ဗိုလ်မှူးစောဘိသည် ယခုနှစ် မေလလောက်ကတည်းက အစိုးရကို ပြန်လည် တိုက်ခိုက်ခဲ့ပြီး လက်ရှိအချိန်တွင် ကေအဲန်ယူ တပ်မဟာ(၁)နှင့် တပ်မ ဟာ(၇)ဒေသများတွင် ၎င်း၏တပ်ဖွဲ့ဝင် အင်အား ၁၀၀ကျော်ဖြင့် လှုပ်ရှားလျှက်ရှိသည်။

ယမန်နေ့က ဆွေးနွေးခဲ့ကြသည့်အထဲတွင် ကေအဲန်ယူ တပ်မဟာ(၁)မှူး ဗိုလ်မှူးချုပ်ကျော်လင်း၊ တပ်မဟာ(၇)မှူး ဗိုလ်မှူးချုပ် ဂျော်နီ၊ သထုံခရိုင် ဥက္ကဌ ပဒိုစောပန်းနု၊ ဖားအံခရိုင် ဥက္ကဌ ပဒိုစောအောင်မော်အေးနှင့် ဒီကေဘီအေမှ ဗိုလ်မှူးစောဘိတို့ ပါဝင် ခဲ့ကြသည်။

ဗိုလ်မှူးစောဘိက ၎င်းအနေဖြင့် ကေအဲန်ယူမှ ပေးအပ်သည့် မည်သည့်တာဝန်ကိုမဆို တပ်ခွဲမှူးဖြစ်စေ၊ တပ်ရင်းမှူးဖြစ်စေ လုပ်ဆောင်သွားမည် ဖြစ်ကြောင်း ယမန်နေ့က ဆွေးနွေးချပြ ရှင်းလင်းခဲ့သည်ဟုလည်း သိရသည်။

သို့သော် ကေအဲန်ယူ၏ တပ်ဖက်ဆိုင်ရာ စစ်ရုံးချုပ်က ဗိုလ်မှူးစောဘိအား မည်သည့်တာဝန် ပေးအပ်မည်ကို လောလောဆယ် မသတ်မှတ်ရသေးကြောင်း အမည်မဖော်လိုသူ ကေအဲန်အယ်လ်အေ ထိပ်တန်းအရာရှိတစ်ဦးက ကေအိုင်စီကို ပြောသည်။

လက်ရှိအချိန်တွင် ဗိုလ်မှူးစောဘိက ၎င်း၏တပ်ဖွဲ့ဝင်များကို ပြန်လည်စုစည်းကာ နယ်မြေသတ်မှတ် လှုပ်ရှားရေးအတွက် ဆက်လက် လုပ်ဆောင်သွားမည်ဖြစ်ကြောင်း သိရသည်။

ဒီကေဘီအေ ကလို့ထူးဘောတပ်ဖွဲ့မှ ဗိုလ်မှူးကြီးမိုရှေး ဦးဆောင်သော ငြိမ်းချမ်းရေးဖော်ဆောင်မှုအဖွဲ့သည် ယခုလ ၃ရက် နေ့က ကရင်ပြည်နယ် အစိုးရ၏ ငြိမ်းချမ်းရေးဖော်ဆောင်မှုအဖွဲ့နှင့် အပစ်အခတ်ရပ်စဲရေး သဘောတူ လက်မှတ်ရေးထိုးခဲ့ကြ သော်လည်း အစိုးရအနေဖြင့် ဗိုလ်မှူးစောဘိအဖွဲ့ကိုမူ လက်ခံခြင်းမရှိသေးကြောင်း အတည်မပြုနိုင်သည့် သတင်းများအရ သိရသည်။

မြန်မာအစိုးရသစ် နှင့်တွ့ဆုံဆွေးနွေးရန်ကေအဲန်ယူ ပြင်ဆင်

စောခါးစူးညား (ကေအိုင်စီ)

မြန်မာအစိုးရသစ်၏ ဗဟိုအဆင့် ငြိမ်းချမ်းရေးဆွေးနွေးရေးကမ်းလှမ်းမှုကို လက်ခံသောအားဖြင့် ကြိုတင်ပြင်ဆင်မှုများ လုပ်ဆောင်နေသည်ဟု ကရင်အမျိုးသားအစည်းအရုံး-ကေအဲန်ယူက ယနေ့ ပြောကြားလိုက်သည်။

နှစ်ဦးနှစ်ဘက် တွေ့ဆုံဆွေးနွေးမည့် ရက်အတိအကျ သတ်မှတ်ထားခြင်းမရှိသေးသော်လည်း ကေအဲန်ယူဘက်က အစိုးရနှင့် တွေ့ဆုံဆွေးနွေးရန် အဖွဲ့ဝင်ခေါင်းဆောင် ၇ဦးပါဝင်သည့် ငြိမ်းချမ်းရေး ဖော်ဆောင်ရေးကော်မတီကို ပြီးခဲ့သည့်အပတ်က ဖွဲ့စည်းခဲ့ပြီး ဖြစ်သည်။

ဘုရားသုံးဆူရှိ ဒီကေဘီအေတပ်ဖွဲ့များ လက်နက်ချရန် တောင်းဆိုခံရ

စောသိန်းမြင့် (ကေအိုင်စီ)

ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသတွင် လှုပ်ရှားနေသော တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)တပ်ဖွဲ့ဝင်များအား လက်နက်အပ်နှံရန် အစိုးရစစ်တပ်၏ တောင်းဆိုခြင်းခံခဲ့ရသည်ဟု ဒီကေဘီအေဘက်က ပြောသည်။
ပြီးခဲ့သည့် ရက်ပိုင်းက ဘုရားသုံးဆူမြို့ရှိ အစိုးရစစ်တပ် ခလရ(၂၁) တပ်ရင်းမှူး ဒုဗိုလ်မှူးကြီးအောင်ဝင်းခိုင်က ဘုရားသုံးဆူ ဒေသတွင် လှုပ်ရှားနေသည့် ဗိုလ်ကြီးအေ၀မ်း ဦးစီးသော ဒီကေဘီအေ တပ်ခွဲ(၃)မှ တပ်ဖွဲ့ဝင်များအား လက်နက်အပ်နှံပြီး မြို့ တွင်းသို့ ပြန်လည်နေထိုင်ရန် ဒီကေဘီအေ အသိုင်းအ၀ိုင်းနှင့် နီးစပ်သူများထံမှ တောင်းဆိုခြင်းဖြစ်သည်ဟု ဗိုလ်ကြီးအေ၀မ်း က ပြောသည်။

ရွာတွင်းဝင်သည့် အစိုးရစစ်တပ် လူသတ်၊ ပစ္စည်းသိမ်းယူခဲ့

စောခါးစူးညား (ကေအိုင်စီ)

ကရင်ပြည်နယ် လှိုင်းဘွဲမြို့နယ်ရှိ ခလယ့်ဒေးစခန်းအခြေစိုက် မြန်မာအစိုးရ စစ်တပ် စကခ(၁၂)လက်အောက်ခံ ခမရ(၂၃၀) တပ်ရင်းသည် ပြီးခဲ့သည့်အပတ်က ထိုဒေသရှိ ရွာသူကြီးတဦးကို ပစ်သတ်ကာ အရပ်သားပိုင် ပစ္စည်းများကိုလည်း အဓမ္မသိမ်း ယူမှုများ ပြုလုပ်ခဲ့သည်။

ဗိုလ်မှူးကြီးသန်းထိုက်စိုး ဦးဆောင်သည့် အဆိုပါတပ်ရင်းသည် ပြီးခဲ့သည့် အောက်တိုဘာလ ၂၉ရက်နေ့က ထီးမကျုခီးရွာမှ အသက် ၃၆နှစ်အရွယ် ရွာသူကြီးဖြစ်သူ စောဖါးကော့ဆဲကို ပစ်သတ်ပြီး နားကပ်၊ လက်စွပ်နှင့်အတူ ထိုင်းဘတ်ငွေအချို့ကို သိမ်းယူခဲ့သည်။ ၎င်းအပြင် ကလေ့မိုခီးရွာမှ ရွာသားအချို့ကို ခိုင်းစေသည့်အပြင် ထိုင်းဘတ်ငွေ၊ ဆန်၊ စောင်၊ အချိုရည်၊ ငါးဗူး၊ လက်ကိုင်ဖုန်း စသည့်ပစ္စည်းများကိုလည်း သိမ်းယူခဲ့သည်ဟု ရွာခံအမျိုးသားတဦးက ကေအိုင်စီကို ပြောသည်။

KNU ထိန်းချုပ်နယ်မြေ ထားဝယ်၌ အစိုးရတပ် အင်အားတိုးချဲ့

တနင်္သာရီတိုင်း ထားဝယ်မြို့နယ်အတွင်းရှိ ကရင်အမျိုးသား အစည်းအရုံး (KNU) တပ်မဟာ (၄) ထိန်းချုပ် ဒေသကို မြန်မာ အစိုးရက တပ်အင်အားများစွာတိုးချဲ့ထားသည်။ယင်းဒေသတွင် အစိုးရ တပ်ရင်း ၃ ရင်း လှုပ်ရှားနေသည့် အပြင် တပ်ရင်း ၈ ရင်းခန့် ထပ်မံ တိုးချဲ့ထားသောကြောင့် စစ်သည် အင်အား ၈၀၀ ခန့် ရှိနိုင်ကြောင်း သိရသည်။

အောက်တိုဘာ လဆန်းပိုင်းမှ စတင်၍ တိုးချဲ့ချထားခြင်း ဖြစ်ပြီး တပ် အင်အား တိုးချဲ့ရခြင်း အကြောင်းရင်းကို မသိရသေး ဟု KNU တပ်မဟာ ၄ ဒေသ မှ စောကွယ်ထူးဝင်း က ဧရာဝတီသို့ ပြောကြားသည်။

ငါတို့၏ကျဆုံးရာကား

E-Mail မှတဆင့် ရရှိလိုက်တဲ့စာတစ်စောင်ကို လက်ဆင့်ကမ်းလိုက်ပါတယ်.......

မိမိဘာသာကိုသော်၎င်း၊ တခြားဘာသာတရားကိုသော်၎င်းလေ့လာခြင်းအားနည်းမှု၊ တရားဟောဆရာ ပြောတိုင်းဟုတ်၊ ဘုန်းကြီးဟောတိုင်းမှန် ပင်ကိုယ်ဆင်ခြင်တုံတရားအားနည်းမှု၊ အသုံးမပြုမှုသည် ကရင်အမျိုးသားများကြားဖြစ်ပွားနေသော ဘာသာရေးအစွန်းရောက်မှု၊ တခြားသောဘာသာအားမသိ၊ မလေးစားမှု ၏အခြေခံအရင်းအမြစ်ဖြစ်သည်။

ကရင်လူမျိုးများအကြား၌ ဘာသာရေး အမြင်ကျဉ်းမြောင်းမှု၊ ငါ့ဘာသာ၊သူ့ဘာသာခွဲခြားမှု သည် အရှိတရားတခုဖြစ်၍ အငြင်းမပွားနိုင်ပါ။ ယင်းကြောင့်ပင် အချင်းချင်းစစ်ပြိုင်သတ်ဖြတ်ကြသည်မှာ မပြေးသော်လည်းကန်ရာရှိ ၍ ကရင့်သမိုင်းတွင်ဝမ်းနည်းဖွယ် အမည်းစက်တင်ကျန်ခဲ့ပါသည်။နိုဝင်္ဘာလ ၁၇ ရက်တွင် အဲခေါင်သောင့် ဘလော့၌ တင်ထားသည့် မီးလောင်သွားသော ဗုဒ္ဓဘာသာ ဘုန်းကြီးကျောင်း ဗီဒီယိုခလစ်ပ်သည် အင်မတန်မှ ၀မ်းနည်းစရာကောင်းပြီး သင်္ခန်းစာ ယူသင့်သော ဖြစ်ရပ်များစွာထဲမှ တခုဖြစ်ပါသည်။ အမျိုးသားရေးနှင့် ဘာသာရေးမကွဲပြားခြင်း၊ မခွဲခြားနိုင်ခြင်း၊ ဘာသာရေးအစွန်းရောက်ခြင်းများက ကရင်လူမျိုးတို့၏ အမျိုးသားရေး၊ နိုင်ငံရေး ပျော့ကွက်တခုဖြစ်သည်မှာ ငြင်းကွယ်၍ မရနိုင်သောအမှန်တရားတခုဖြစ်ပါသည်။

“ဘုန်းကြီးကျောင်း မီးရှို့ခံရတဲ့ မှတ်တမ်းဟောင်း တခုနဲ့ ကျနော့ရဲ့ အမြင်” နှင့်ပါတ်သက်၍ ကျွန်တော့်သိသမျှ

ကျတော်နယ်စပ်မှာနေတုန်းက ဒီဗီဒီယိုဖိုင်ကို ကြည့်ဖူးပါတယ်။ အခြေအနေမှန်တွေကို လည်း အတိုင်းတာတစ်ခုထိ သိခွင့်ရခဲ့ပါတယ်။ အဲဒီဗီဒီယိုဖိုင်ကို သေချာကြည့်ရင် အရေးပါတဲ့ အချက်နှစ်ခု တွေ့ ရပါမယ်။ တစ်အချက်က ကေအဲန်ယူ ရန်ကုန်ဆင်းပြီး ငြိမ်းချမ်းရေး ဆွေးနွေးတဲ့ အချိန်ဖြစ်တယ်။ နှစ်အချက်က ဗိုလ်ချူပ်ကျော်သန်းပြောဒါတွေဟာ နိုင်ငံတကာမှာ ရောက်နေတဲ့ လူတွေကို အသိပေးချင်လို့ အလေးပေးပြောကြားနေဒါကို တွေ့ ရပါမယ်။

ပို့ စ် ရေးသူ အဲခေါင်သောင့်လည်း ရေးထားပါတယ်။ ကေအဲန်ယူပဒိုတစ်ယောက်ပြောကြားချက်အရ တိမသေ ၀ါဒဖြန့် တဲ့ခွေ ဆိုပြီး ရေးထားဒါ တွေ့ ရပါတယ်။ ဒီကိစ္စကို ကေအဲန်ယူထဲမှာတောင် လူကြီးတော်တော်များများမသိကြပါဘူး…

ဒီလိုဆိုရင် အားလုံးကို ခြုံကြည့်ပြီး စဉ်းစားကြည့်ရအောင်.. အခင်းဖြစ်တဲ့နေရာက တပ်မဟာ (၁)နဲ့ (၃)နယ်စပ်ကြားဒေသလို့ ကြားသိခဲ့ရပါတယ်။ တပ်မဟာ(၂)တော့လုံးဝမဖြစ်နိုင်ပါ။ တပ်မဟာ(၂)နယ်မြေမှာ ကရင်ဗုဓဘာသာ ရွာမရှိဘူး.. ခရစ်ယန်နဲ့ နတ်စားကရင်အနည်းငယ်ပဲရှိပါတယ်။

တပ်သားအချင်းချင်း ပစ်ခတ်မှုဖြစ်

ကေအိုင်စီ

မြ၀တီမြို့၊ အမှတ်(၄)ရပ်ကွက်ရှိ အစိုးရတပ် ရှေ့တန်းရုံးမှ တပ်သား နှစ်ဦးတို့သည် ယမန်နေ့က ခိုက်ရန်ဖြစ်ပွားကာ အချင်း ချင်း ပစ်ခတ်မှုကြောင့် တစ်ဦးမှာ သေနတ်ထိမှန်သွားခဲ့သည်။

၎င်းနေ့လည်ဘက်တွင် ဖြစ်ပွားခဲ့သည့် ပစ်ခတ်မှုကြောင့် သေနတ်ဒဏ်ရာရရှိသွားသူ တပ်သားကို မြ၀တီဆေးရုံ၌ ခွဲစိတ်ကုသ ခဲ့ရသည်ဟု မြို့ခံတစ်ဦးက ပြောသည်။

“ရှေ့တန်းရုံးက ရဲဘော် နှစ်ယောက် အချင်းချင်း စကားများပြီး ပစ်ကြတာပဲ။ ဒါပေမဲ့ တယောက်ပဲ သေနတ်ထိတယ်။ အဲဒီရဲ ဘော်က အသည်းကိုထိတော့ ခွဲစိတ်လိုက်ရတယ်။ မွန်းလွဲ ၂နာရီလောက်မှ ခွဲစိတ်မှုက ပြီးတာလေ။”ဟု ၎င်းမြို့ခံက ဆိုသည်။

နယ်လှည့်ကျောပိုးအိတ်ကျန်းမာရေး အဖွဲ့ ၂ဦးကို အစိုးရစစ်တပ် ဖမ်းဆီး

နန်းသူးလေ (ကေအိုင်စီ)

ကရင်ပြည်နယ်၊ ဖာပွန်မြို့နယ် မာထောကျေးရွာအုပ်စုအတွင်း သွားရောက် ဆေးကုသပေးခဲ့သည့် နယ်လှည့်ကျောပိုးအိတ် ကျန်းမာရေးလုပ်သားအဖွဲ့(BPHWT) ၀န်ထမ်းနှစ်ဦးကို မြန်မာအစိုးရစစ်တပ်က ဖမ်းဆီးခဲ့သည်ဟု သိရသည်။
၎င်းဆေးဝန်ထမ်း အမျိုးသမီးနှင့် အမျိုးသားတို့သည် ယခင်လ ၂၉ရက်နေ့က ထိုဒေသရှိ ကိုးခီးတွင် လူနာတစ်ဦးအား ဆေးကု သပေးနေစဉ် အစိုးရတပ် တပ်မ(၁၁) လက်အောက်ခံ ခမရ(၂၁၂)တပ်ရင်း ရောက်ရှိလာပြီး ဖမ်းဆီးခေါ်ဆောင်သွားခြင်းဖြစ် သည်ဟု ကရင်အမျိုးသား လွတ်မြောက်ရေးတပ်မတော်-KNLA တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ပြောသည်။

စစ်တပ်မှ အမျိုးသမီးငယ် ၃ဦးကို အဓမ္မကျင့်သတ်ဖြတ်

နော်ဆဲကလယ် (ကေအိုင်စီ)

ရှမ်းပြည်မြောက်ပိုင်း မူဆယ်မြို့နယ် နမ့်ဖဲပါရွာမှ အမျိုးသမီးငယ် ၃ဦးအား ခလရ(၂၉၀) တပ်ရင်မှူး လက်အောက်ခံတပ်များမှ ပြီးခဲ့သည့်အပတ်က မုဒိမ်းကျင့် သတ်ဖြတ်ခဲ့သည်ဟု ဒေသခံ တစ်ဦးက ကေအိုင်စီကို ပြောသည်။

“ရွာက တရုတ်ရွာဗျ။ အသတ်ခံရတာကလည်း တရုတ်အမျိုးသမီးလေးတွေပါ။ မုဒိမ်းကျင့်ထားတဲ့ လက္ခဏာလည်း တွေ့ရ တယ်လေ။ ရွာကလူတွေက ဖြစ်ဖြစ်ချင်း ရဲစခန်းတိုင်ဖို့ လုပ်ကြသေးတယ်။ တိုင်ရင် စစ်တပ်က လာနှိပ်စက်ဦးမယ်ဆိုပြီး မတိုင် ဖြစ်တော့ဘူး။”ဟု ၎င်းဒေသခံက ဆက်ပြောသည်။

ကရင်မိန်းကလေးငယ် ၃ဦး လုယက်ခံ

(ကေအိုင်စီ)

ထိုင်းနိုင်ငံတောင်ပိုင်း ရတ်ခ်ျဘူရီခရိုင်မှ ကရင်မိန်းကလေးငယ် ၃ဦးကို ထိုင်းလူမျိုး အငှားဆိုင်ကယ်သမားသုံးဦးက ငွေလိမ် လည် လုယက်မှုတခု ယမန်နေ့က ဖြစ်ပွားခဲ့သည်။

ယမန်နေ့ မနက် ၇နာရီကျော်တွင် ရတ်ခ်ျဘူရီခရိုင်၊ ဘန့်ပို(Banh Bho)မြို့တွင် အလုပ်လုပ်ကိုင်သူ အသက် ၁၆-၁၈နှစ်အရွယ် ရှိ ကရင်လူမျိုး မိန်းကလေး ၃ဦးမှာ တိုင်းရင်းသားမှတ်ပုံတင် ပြန်ယူရန် မိမိတို့ ကျေးရွာသို့အပြန် ဆိုင်ကယ်သမား ၃ဦးမှ ဘတ် ငွေ ၃,၀၀၀ လိမ်လည်တောင်းယူခဲ့ခြင်း ဖြစ်သည်ဟု လုယက်ခံရသူများနှင့် နီးစပ်သူတစ်ဦးက ယခုလို ပြောသည်။

မြန်မာအစိုးရကို ဖိအားပေးဖို့ ကုလကို KNU တောင်းဆို

VOA သတင်းမှ....

ကုလသမဂ္ဂ၊ အထွေထွေအတွင်းရေးမှူးချုပ်ရဲ့ မြန်မာနိုင်ငံ အထူးအကြံပေး မစ္စတာ ဗီဂျေး နမ်ဘီးယား မြန်မာပြည်ကို ရောက်ရှိနေတဲ့အချိန်မှာပဲ တိုင်းရင်းသားလူမျိုးစု လက်နက်ကိုင်အဖွဲ့တခုဖြစ်တဲ့ ကရင်အမျိုးသားအစည်းအရုံး KNU က မြန်မာအစိုးရအနေနဲ့ တိုင်းရင်းသားလူမျိုးစုတွေ အပေါ် တိုးမြှင့် တိုက်ခိုက်နေတာတွေကို ဟန့်တားပေးဖို့ နိုင်ငံတကာ အဖွဲ့အစည်းတွေကို တောင်းဆိုလိုက်ပါတယ်။

ဒီအကြောင်းစုံကိုတော့ ဆက်သွယ်မေးမြန်းထားတဲ့ ဦးစံမိုးဝေက အပြည့်အစုံ တင်ပြပေးထားပါတယ်။

ကုသမဂ္ဂအပါဝင် နိုင်ငံတကာအဖွဲ့အစည်းတွေအနေနဲ့ မြန်မာအစိုးရက လူမျိုးစု တိုင်းရင်းသားလက်နက်ကိုင် အဖွဲ့တွေအပေါ် ထိုးစစ်ဆင် တိုက်ခိုက်နေတာကို ရပ်တန့်သွားအောင် ဖိအားပေးပေးဖို့ ကရင်အမျိုးသား အစည်းရုံး KNU အဖွဲ့က ကြေညာချက်ထုတ်ပြီး တောင်းဆိုလိုက်တာဖြစ်ပါတယ်။

စစ်တပ်၏ ပစ်ခတ်မှုကြောင့် ရွာသူရွာသားများ ထွက်ပြေး တိမ်းရှောင်နေရ

ကရင်ပြည်နယ်၊ သံတောင်မြို့နယ် သောက်ရေခပ်ချောင်း အရှေ့ဘက်ခြမ်းရှိ ခေါသခေါရွာကို မြန်မာအစိုးရတပ်က လက်နက် ကြီးငယ်ဖြင့် ပစ်ခတ်ခဲ့၍ ရွာသူရွာသားများက အိမ်ကိုစွန့်ပြီး လွတ်မြောက်ရာသို့ ထွက်ပြေးတိမ်းရှောင်ခဲ့ကြသည်ဟု ဌာနေမဲ့ ပြည်တွင်းကရင်ဒုက္ခသည်များဆိုင်ရာ ကော်မတီ (CIDKP) က ပြောသည်။

(ဖျက်ဆီးခံရသည့် ဘုရားကျောင်းမှ မယ်တော်မာရီရုပ်ပုံ)

ပြီးခဲ့သည့် အောက်တိုဘာလ ၁၂ရက်နေ့က ထိုဒေသရှိ လှုပ်ရှားနေသည့် မြန်မာစစ်တပ် ခြေလျင်တပ်ရင်း ခလရ(၉၂)နှင့် ခြေ မြန်တပ်ရင်း ခမရ(၆၀၃)တို့သည် ကရင်အမျိုးသားလွတ်မြောက်ရေးတပ်မတော်(KNLA)နှင့် ခေါသခေါရွာ၏ အရှေ့ဘက် ၆ဖာ လုံအကွာတွင် တိုက်ပွဲဖြစ်ပွားပြီးနောက် ရွာကို ပစ်ခတ်ခြင်းဖြစ်သည်ဟု ထိုဒေသခံ CIDKP အဖွဲ့ဝင်တစ်ဦးက ပြောသည်။

၎င်းက “အဲဒီနေ့မှာ မိုးလည်းရွာတော့ ထွက်ပြေးတဲ့ရွာသားတွေဟာ စားစရာမပါသလို အ၀တ်အထည်၊ စောင်၊ အမိုးအကာ အသုံးအဆောင်လည်း မပါတော့ တောထဲမှာ ဖြစ်သလိုပဲ နေရတယ်။ တချို့ဖျားနာသူလည်း ရှိတယ်။”ဟု ကေအိုင်စီသို့ ပြော သည်။

မြန်မာစစ်တပ်သည် ပစ်ခတ်မှုပြုလုပ်ခဲ့ပြီးနောက် ထိုရွာတွင်းရှိ နေအိမ်များသို့ ၀င်ရောက်မွှေနှောက်မှု ပြုလုပ်ကာ ရွာသားများ ပိုင်ဆိုင်သော ကျပ်သိန်းပေါင်းများစွာ ယူဆောင်သွားသည့်အပြင် နေအိမ်အမိုး၊ အကာ၊ အခင်းများနှင့် ကျေးရွာ ဘုရားရှိခိုး ကျောင်းကိုလည်း ပစ်ခတ်ဖျက်ဆီးခဲ့သည်ဟု ၎င်းက ရှင်းပြသည်။

မြန်မာစစ်တပ်သည် ရွာအတွင်း အိမ်များရှိ ဆန်၊ ဆား၊ ငါးပိ စသည့် စားစရာများကို ၎င်းတို့ရိက္ခာအဖြစ် ယူဆောင်သွားခဲ့ပြီး မသယ်ပိုးနိုင်သည်များကို ဖျက်ဆီးခဲ့သည်ဟုလည်း အဆိုပါရွာသားတစ်ဦးကလည်း ပြောသည်။

သူက “အခုအချိန်မှာ ရွာသားတွေ အလုပ်များတဲ့အချိန် ဖာလာခူး၊ ကွမ်းသီးခူးနဲ့ စပါးရိတ်သိမ်းချိန် ဖြစ်တယ်။ ဒီနှစ်လည်း မိုး ဆက်တိုက်ရွာလို့ အလုပ်လုပ်ရတာ အဆင်မပြေတဲ့အချိန်မှာ ဗမာစစ်တပ်ကလည်း အခုလိုလုပ်တော့ လာမယ့်ရာသီမှာ ဘာနဲ့ စားရမလဲ။”ဟု ပြောသည်။

ရွာပေါင်း ၃၀ကျော်ရှိသည့် သောက်ရေခပ်ချောင်းအရှေ့ဘက်တွင် မြန်မာစစ်တပ်များ၏ သွားလာလှုပ်ရှားမှုကြောင့် ရွာ ၉ရွာမှ လူဦးရေ ၁,၆၀၀ကျော်မှာ သွားလာရေး အခက်အခဲနှင့် ရင်ဆိုင်နေကြရသည်ဟု CIDKP က ပြောသည်။

(အိုးအိမ်စွန့်ကာ ထွက်ပြေးနေရသည့် ရွာသူရွာသားများ)

သို့သော် ထွက်ပြေးနေရသည့် ရွာသူရွာသားများမှာ ယခုအချိန်တွင် မိမိနေရပ်ရွာသို့ ပြန်လည် နေထိုင်ခြင်း ရှိမရှိကိုမူ မသိရ သေးပေ။

အလစ်ဝင်ရောက် ပစ်ခတ်မှုကြောင့် အစိုးရတပ်ဖွဲ့ဝင် ၃ဦး ကျဆုံး

စာသိန်းမြင့် (ကေအိုင်စီ)

မြ၀တီမြို့တောင်ပိုင်းရှိ ဝေါ်လေဒေသ ဘုရင့်နောင်ကုန်းတွင် အခြေချလှုပ်ရှားသည့် အစိုးရစစ်တပ်အား ကရင်အမျိုးသားလွတ် မြောက်ရေးတပ်မတော်(KNLA)တို့က ယနေ့နံနက်တွင် သွားရောက် ပစ်ခတ်ခဲ့ရာ ၃ဦး သေဆုံးခဲ့သည်ဟု KNLA ဘက်က ပြော သည်။

KNLA (၂၀၁) တပ်မှူးတစ်ဦးက “ဒီမနက် ၇နာရီကျော် ဘုရင့်နောင်ကုန်းစခန်းမှာရှိတဲ့ ခမရ(၃၇၂) စစ်ကြောင်း(၁)ကို ကျနော် တို့ ကေအဲန်အယ်လ်အေ တပ်ရင်း(၂၀၁) တပ်ဖွဲ့ဝင်တချို့က သွားချောင်းပစ်တော့ ၃ယောက် သေတယ်။”ဟု ပြောသည်။

ကရင်ပြည်နယ် နယ်ခြားစောင့်တပ်မှ တပ်သား အောင်အောင် ဒီကေဘီအေ ထံ လာရောက်ပူးပေါင်း

နေ့သစ်မှ.......

ကရင်ပြည်နယ် နယ်ခြားစောင့်တပ်မှ တပ်သား အောင်အောင် အသက် ၂၁ နှစ်ဟာ ၂၀၁၁ ခုနှစ် အောက်တိုဘာလ ၁၇ ရက်နေ့က ဒီကေဘီအေ တပ်ဖွဲ့မှ ဗိုလ်ကော်ဒိုစိုး ထံ လာရောက် ပူးပေါင်းခဲ့ပါတယ်။
နယ်ခြားစောင့်တပ်မှ တာဝန်ထမ်းခံစဉ်က သူရဲ့ အတွေ့အကြုံတွေ ခံစားချက်များကို မေမြန်းခဲ့ရာ …

အစိုးရတပ်များ ဆွဲမိုင်းဖြင့် အဆက်မပြတ် တိုက်ခိုက်ခံရ

စောခါးစူးညား (ကေအိုင်စီ)

ကရင်ပြည်နယ် ကော့ကရိတ်မြို့နယ် တံတားကျိုးရွာအနီးတွင် လှုပ်ရှားနေသည့် မြန်မာအစိုးရတပ် စကခ(၁၂)လက်အောက်ခံ တပ်ရင်းကို ယမန်နေ့ နေ့လည်အချိန်တွင် ကရင်ပူးပေါင်းတပ်များက ဆွဲမိုင်းဖြင့် တိုက်ခိုက်ခဲ့ရာ ၄ဦးကျဆုံးကာ ၇ဦး ဒဏ်ရရှိခဲ့ သည်။

အဆိုပါ တိုက်ခိုက်မှုကို တိုးတက်သောဗုဒ္ဓဘာသာ ကရင်အမျိုးသားတပ်မတော်-DKBA ကလို့ထူးဝါးဗျူဟာနှင့် ကရင်အမျိုး သားလွတ်မြောက်ရေးတပ်မတော်-KNLA ပူးပေါင်းတပ်များက ပြောက်ကျားစစ်ဖြင့် သွားရောက်တိုက်ခိုက်ခဲ့ခြင်းဖြစ်သည်ဟု DKBA ၏ ပြန်ကြားရေး တာဝန်ခံ ဗိုလ်မှူးစောလိုးလိုက ပြောသည်။

၎င်းက “ကျနော်တို့ ပူးပေါင်းတပ်ဘက်က သူတို့(အစိုးရတပ်)ကို ရုတ်တရက် ဆွဲမိုင်းနဲ့ ၀င်တိုက်လို့ အထိနာတာ။ သေနတ် ကျည် သိပ်အကုန်မခံဘူး။ ဆွဲပြီး တစ်အောင့် ခံပစ် နောက်ဆုတ်တာပဲ။ ကျနော်တို့ဘက်က အထိအခိုက် မရှိဘူး။”ဟု ကေအိုင် စီသို့ ပြောသည်။

အစိုးရသတင်းစာ၏ စွပ်စွဲချက် KNU ငြင်းဆို

နန်းသူးလေ (ကေအိုင်စီ)

ကရင်အမျိုးသားအစည်းအရုံး (KNU) ထောင်ထားသည့်မိုင်းများ နင်းမိသဖြင့် ပဲခူးတိုင်းဒေသရှိ ရွာများမှ အပြစ်မဲ့ ပြည်သူနှစ်ဦး ဒဏ်ရာရရှိပြီး နှစ်ဦးသေဆုံးခဲ့သည်ဟု ယနေ့ထုတ် အစိုးရပိုင် ကြေးမုံသတင်းစာ၏ ဖော်ပြထားခြင်းမှာ မဟုတ်မှန်ကြောင်း KNU က ငြင်းဆိုလိုက်သည်။

KNU တွဲဖက် အတွင်းရေးမှူး(၁) ဗိုလ်မှူးစောလှငွေက “ပဲခူးတိုင်းဘက်မှာ အစိုးရတပ်စခန်းတွေပဲ အခြေစိုက်တယ်။ ရံဖန်ရံခါ နယ်မြေရှင်းတဲ့ နွေရာသီအချိန်မျိုးမှာ သွားလာလှုပ်ရှားတာတော့ ရှိတယ်။ ကျနော်တို့ တပ်လုံခြုံရေးနဲ့ လူထုကာကွယ်ရေးအ တွက်ဆိုပြီး မိုင်းထောင်တာမျိုး လုံးဝ မရှိပါဘူး။”ဟု ကေအိုင်စီကို ပြောသည်။

ပဲခူးတိုင်းဒေသရှိ နယ်မြေများတွင် ကရင်လက်နက်ကိုင်တပ်များ ခေတ္တခဏ လှုပ်ရှားမှုမျိုးသာ ရှိသည်ဟု ၎င်းက ဆက်ပြော သည်။

ဖမ်းဆီးခံရသည့် KNLA ဆေးမှူး ထွက်ပြေးလွတ်မြောက်

စောသိန်းမြင့်(ကေအိုင်စီ)

ပြီးခဲ့သည့်အပတ်က ထိုင်း-မြန်မာနယ်စပ် လှိုင်းဘွဲမြို့နယ် သောင်ရင်းမြစ်တွင် အစိုးရစစ်တပ်နှင့် BGF တပ်ဖွဲ့တို့၏ ဖမ်းဆီးမှု ကို ခံခဲ့ရသည့် KNLA ဆေးမှူးမှာ ယမန်နေ့က ထွက်ပြေးလွတ်မြောက်လာသည်ဟု KNLA က ပြောသည်။

ပြီးခဲ့သည့် အောက်တိုဘာလ ၁၈ရက်နေ့မနက်က မဲ့သဝေါဂွင်ရှိ အစိုးရစစ်တပ်နှင့် BGF တပ်တို့ ထိုင်းဘက်ခြမ်းကူးကာ သောင်ရင်းမြစ်တစ်ဖက်ကမ်းရှိ KNLA တပ်ဖွဲ့ဝင်များအား ၀င်ရောက်ပစ်ခတ်ချိန် မြစ်အတွင်း ပိုက်ထောင်နေသည့် ၎င်းဆေးမှူး စောစေးလယ်ထူး ၃၇နှစ်အား ဖမ်းဆီးလိုက်ခြင်း ဖြစ်သည်။

BGF မှ ရွာသားများအား အလှည့်ကျစနစ်ဖြင့် ခေါ်ယူခိုင်းစေ

စောသိန်းမြင့် (ကေအိုင်စီ)

ကရင်ပြည်နယ်၊ မြ၀တီမြို့နယ် မဲ့ပလဲ့ဂွင်တွင် အခြေချလှုပ်ရှားနေသည့် နယ်ခြားစောင့်တပ် (BGF) တပ်ဖွဲ့သည် ပြီးခဲ့သည့်အ ပတ်မှစ၍ ဒေသခံရွာသားများအား အလှည့်ကျစနစ်ဖြင့် ခေါ်ယူခိုင်းစေလျှက်ရှိကြောင်း ရွာခံလူထုက ပြောဆိုနေကြသည်။

မြ၀တီမြို့နယ်၊ မဲ့ပလဲ့ဂွင်၊ ထီးဝါပလောနှင့် ဟွေ့ရှမ်းကြားရှိ ဇရပ်ဖြူကုန်းစခန်းတွင် အခြေချသည့် BGF (၁၀၁၇)တပ်ရင်းမှူး ဗိုလ်မှူးဒိဒိက ယခုလ ၂၃ရက်နေ့မှစ၍ ကယ့်ဝေါ်ကျေးရွာ ရွာသားများအား မသွားမနေရ စနစ်ဖြင့် ခေါ်ယူခိုင်းစေနေခြင်းဖြစ် သည်ဟု ကယ့်ဝေါ်ရွာသားတစ်ဦးက ပြောသည်။

ကချင်အမျိုးသမီး ၉ဦး သတ်ဖြတ်ခံရ

နော်ဆဲကလယ် (ကေအိုင်စီ)

ရှမ်းပြည်မြောက်ပိုင်း ကွတ်ခိုင်မြို့အနီး နမ့်လောင်ဟော်ရွာတွင် ပြီးခဲ့သည့် စက်တင်ဘာလ ၂၁ရက်နေ့က အစိုးရစစ်တပ်၏ ကွတ် ခိုင်ဗျူဟာ လက်အောက်ခံ တပ်ဖွဲ့ဝင်များမှ ရွာသူ ကချင်အမျိုးသမီး ၉ဦးအား ခေါ်ဆောင်သွားပြီး ဓားဖြင့် ခုတ်ကာ သတ်ပစ်ခဲ့သည် ဟု ဒေသခံရွာသားတစ်ဦးက ကေအိုင်စီကို ပြောသည်။

မျက်မြင်တစ်ဦးက “ခေါ်သွားတာ တွေ့ပါတယ်။ အထမ်းထမ်းခိုင်းဖို့ ခေါ်သွားမယ်။ ပြီးရင် ပြန်ရောက်လာမယ် ထင်တာပါ။ နောက် နေ့မနက်ရောက်တော့ တောထဲမှာ သေနေတာပဲ တွေ့ရတယ်။ တစ်နေရာစီမှာ ဓားနဲ့ခုတ်ပိုင်း သတ်ထားတာ မြင်မကောင်းဘူး။ ၉ယောက်စလုံးပဲဗျ။”ဟု ပြောသည်။

သေဆုံးသွားသူ အမျိုးသမီးများမှာ အဓမ္မပြုကျင့်ခံရပြီးမှ သတ်ဖြတ်ခံရသည့် အနေအထားများ ဖြစ်နေကြောင်းလည်း အဆိုပါရွာ သားက ပြောဆိုသည်။

ရှေ့ထွက်မိုင်းကြောင့် အစိုးရစစ်တပ် ၁၂ဦး သေဆုံး

စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီမြို့နယ် ဝေါ်လေဒေသတွင် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) တပ်ဖွဲ့များ၏ ရှေ့ထွက်မိုင်းဖြင့် ယမန်နေ့က တိုက်ခိုက်မှုကြောင့် အစိုးရစစ်တပ် ၁၂ဦးသေဆုံးပြီး ၅ဦး ဒဏ်ရာရရှိခဲ့သည်ဟု ဒီကေဘီအေက ပြောသည်။

ယခင်ရက် တိုက်ပွဲများမှ စစ်သည်လူနာများကို တာအုထာ့မှ သေ့ဘောဘိုး(မော်လီချိုင်း)ကျေးရွာသို့ ပြန်သယ်ဆောင်လာ သည့် အစိုးရ တပ်မ(၂၂) လက်အောက်ခံ ခလရ(၂၀၅)တပ်ရင်းအား ယမန်နေ့ည ၇နာရီခွဲကျော်အချိန်တွင် ဒီကေဘီအေတပ် ဖွဲ့မှ သေ့ဘောဘိုးနှင့် ကျောက်ခက်ကျေးရွာကြား၌ ရှေ့ထွက်မိုင်းများဖြင့် နှစ်ကြိမ် တိုက်ခိုက်ခဲ့ခြင်းဖြစ်ကြောင်း ဒီကေဘီအေမှ ဗိုလ်မှူးဆန်းအောင်က ပြောသည်။

ကရင်ပြည်နယ်အတွင်း တိုက်ပွဲဆက်ဖြစ်နေဆဲ

စောခါးစူးညား/စောဖိုးမူး (ကေအိုင်စီ)
ကရင်ပြည်နယ်၊ မြ၀တီမြို့နယ်တွင် ယခုရက်ပိုင်းအတွင်း တိုးတက်သော ဗုဒ္ဓဘာသာ ကရင်အမျိုးသားတပ်မတော်-DKBA နှင့် မြန်မာအစိုးရ တပ်ဖွဲ့တို့အကြား နေ့စဉ်ရက်ဆက် တိုက်ပွဲဖြစ်ပွားလျှက်ရှိသည်။

ယနေ့မနက် ၈နာရီကျော်အချိန်၌ ၀ါ့မီထာ့၌ လှုပ်ရှားနေသည့် တပ်မ(၂၂)လက်အောက်ခံ ခလရ(၂၄၅) တပ်ရင်းကို DKBA ၏ ကလို့ထူးဘောဗျူဟာက တိုက်ခိုက်ခဲ့သည်။ နှစ်ဘက်ထိခိုက်မှုနှင့် ပတ်သက်၍ ကေအိုင်စီက ယခုထိ အတည်မပြုနိုင်သေးပေ။

ယမန်နေ့ကလည်း ကွီးတာအုတွင် DKBA တပ်ဖွဲ့က မြန်မာစစ်တပ် ခလရ(၂၀၃)၊ (၂၀၄) တပ်ရင်းကို ဆွဲမိုင်းဖြင့် တိုက်ခိုက်ခဲ့ ရာ တပ်ဗိုလ်တစ်ဦးနှင့် တပ်သားတစ်ဦး ထိခိုက်ဒဏ်ရာ ရရှိခဲ့သည်ဟု DKBA မှ ဗိုလ်မှူးဆန်းအောင်က ကေအိုင်စီသို့ ပြော သည်။

မိုင်းစစ်ဆင်ရေးကြောင့် အစိုးရတပ်ကြပ်ကြီး ၁ဦး ကျဆုံးကာ ၅ဦးဒဏ်ရာရရှိ

နန်းသူးလေ (ကေအိုင်စီ)

ကရင်ပြည်နယ် မြ၀တီမြို့နယ် သေ့ဘောဘိုးဒေသရှိ လေးဝေါ်(တောင်နီ)ရွာအနီးရှိ ခမရ(၂၀၃) တပ်ရင်းအား တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA)မှ ယမန်နေ့ညနေက မိုင်းစစ်ဆင်ရေးဖြင့် တိုက်ခိုက်ခဲ့ရာ အစိုးရတပ်ဘက်မှ တပ်ကြပ်ကြီး ၁ဦး ကျဆုံးကာ ၅ဦးမှာ ဒဏ်ရာရရှိခဲ့သည်။
DKBA ကလို့ထူးဝါးဗျူဟာမှ ဒုဗိုလ်စောအဆောင် ဦးဆောင်သည့် တပ်ရင်း(၉၀၇) တပ်ဖွဲ့ဝင်များက ယမန်နေ့ညနေ ၅နာရီ ကျော်အချိန်တွင် လေးဝေါ်ရွာ တံတားထိပ်၌ ခြင်းခတ်နေကြသည့် အစိုးရတပ်ဖွဲ့ဝင်တချို့ကို ဆွဲမိုင်းဖြင့် တိုက်ခိုက်ခဲ့သည်ဟု ကလို့ထူးဝါးဗျူဟာမှ ဗိုလ်ကြီးသရီးတူးက ယခုလို ပြောသည်။

KNLA ကို အစိုးရတပ် ထိုင်းနယ်ဘက်က ၀င်တိုက်

ဧရာဝတီ သတင်းမှ........

ကရင် အမျိုးသား လွတ်မြောက်ရေး တပ်မတော် (KNLA) တပ်မဟာ ၇ အခြေစိုက်စခန်းတခု ဖြစ်သည့် မယ်ပေါ်ထာ့ စခန်းကို အစိုးရ စစ်တပ်ကယနေ့ ထိုင်းနိုင်ငံဘက်မှ ၀င်ရောက် တိုက်ခိုက်ခဲ့သည်ဟု KNLA ကရင် တပ်မှူးတဦးက ပြောသည်။
ကရင်ပြည်နယ် လှိုင်းဘွဲမြို့နယ်အတွင်း တည်ရှိသည့် မယ်ပေါ်ထာ့ စခန်းကို ယနေ့နံနက် ၆ နာရီခန့်က လှိုင်းဘွဲ အခြေစိုက် အစိုးရတပ် ခြေမြန်တပ်ရင်း(ခမရ) ၃၃၉ နှင့် နယ်ခြားစောင့်တပ် အမှတ် ၁၀၁၂ ပူးပေါင်းအင်အား ၄၀ ခန့်က ၀င်ရောက်တိုက် ခိုက်ခဲ့ခြင်းဖြစ်သည်။

ရွာသားကို သူလျှိူဟု စွပ်စွဲကာ ဖမ်းဆီးနှိပ်စက်

နော်ဆဲကလယ် (ကေအိုင်စီ)
သျှမ်းပြည်နယ်၊ မူဆယ်မြို့နယ် မုန်းပေါ်ရွာအနီး မန်ဂွတ်ရွာ၌ စစ်စိမ်းရောင်ခါးပတ် ပတ်ထားသော ရွာသားတစ်ဦးအား သူလျှိုဟု စွပ်စွဲကာ ခမရ(၅၂၂)မှ ကွတ်ခိုင်ဗျူဟာမှူး ဗိုလ်မှူးကြီးစောကျော်သူ၏ လက်အောက်ခံ တပ်သားများက ယမန်နေ့မနက် ၈နာရီတွင် ဖမ်းဆီးခေါ်ဆောင်သွားခဲ့သည်။

ကိုယ်တိုင်မြင်တွေ့ခဲ့သူ ရွာသားတစ်ဦးက “နှစ်ယောက်ကို ကြိုးတုတ်ဖမ်းတာဗျ။ တစ်ယောက်က သူ့ဖာသာ အိမ်ထဲနေနေတာ။ တစ်ယောက်ကတော့ စစ်စိမ်းရောင်ခါးပတ်ကို ပတ်ထားလို့ သူလျှိုလို့ ပြောပြီးဖမ်းတာ။ နှစ်ယောက်စလုံးက အိမ်ထောင်သည် ကလေးအဖေတွေပါ။”ဟု ကေအိုင်စီသို့ ပြောသည်။

အစိုးရတပ် ရိက္ခာ အသိမ်းခံရ

စောခါးစူး (ကေအိုင်စီ)

ကော့ကရိတ်မြို့နယ်ရှိ ဆုံဆည်းမြိုင်နှင့် အူးကလေ့ထာ့ရွာအကြား၌ အစိုးရတပ်မှ ထော်လာဂျီကား ၂စီးဖြင့် သယ်ဆောင်လာ သော တပ်ရိက္ခာကို လက်နက်ကိုင် မဟာမိတ်တပ်များက ယနေ့ နေ့လည်တွင် သိမ်းဆည်းခဲ့သည်ဟု သိရသည်။
တိုးတက်သောဗုဒ္ဓဘာသာ ကရင်အမျိုးသားတပ်မတော်-DKBA၊ ရခိုင်လွတ်မြောက်ရေးပါတီ-ALP နှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး-ABSDF တို့ ပါဝင်သည့် မဟာမိတ်ပူးပေါင်းတပ်ဖွဲ့တို့က အစိုးရတပ်ဘက်မှ သယ်လာ သော ဆန်၊ ပဲနှင့် အမဲဗူးတို့ကို သိမ်းဆည်းခဲ့ခြင်း ဖြစ်သည်။

ပစ်ခတ်ခံရ၍ အစိုးရစစ်တပ်မှ ၆ဦး ကျဆုံး

စောသိန်းမြင့် (ကေအိုင်စီ)

တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ)တပ်ဖွဲ့တို့၏ ယမန်နေ့က ပစ်ခတ်မှုကြောင့် ကရင်ပြည် နယ်၊ မြ၀တီမြို့တောင်ဘက် ဝေါ်လေဒေသတွင် လှုပ်ရှားနေသည့် အစိုးရစစ်တပ်မှ တပ်ဖွဲ့ဝင် ၆ဦး ကျဆုံးပြီး ၁ဦး ဒဏ်ရာရှိခဲ့ သည်။

ယမန်နေ့ မွန်းလွဲ ၂နာရီခွဲအချိန်တွင် ဝေါ်လေဒေသ တာအူထာ့ကျေးရွာ စာသင်ကျောင်းဝင်းရှိ ၁၀၀ကျော်ပါ အစိုးရစစ်တပ် ခမရ(၄၀၄)၊ (၄၀၃)နှင့် (၃၁၀) ပူးပေါင်းတပ်ရင်းများအား ဗိုလ်မှူးချစ်သဲ ဦးစီးသော ဒီကေဘီအေ ကလို့ထူးဘောဗျူဟာမှ မိနစ် ၂၀ကျော်ကြာ ၀င်ရောက်ပစ်ခတ်ရာမှ အစိုးရတပ်များ ယခုလို ထိခိုက်ကျဆုံးရခြင်းဖြစ်သည်ဟု ဒီကေဘီအေမှ ဗိုလ်မှူးဆန်း အောင်က ပြောသည်။

၁၃နှစ် ကလေးတစ်ဦးအား စစ်သားနှင့် ရဲများက ၀ိုင်းရိုက်နှက်

နော်ဆဲကလယ် (ကေအိုင်စီ)
ရှမ်းပြည်နယ်မြောက်ပိုင်း မူဆယ်မြို့နယ် မုံးရူးဒေသတွင် အသက် ၁၃နှစ်အရွယ် ကလေးတစ်ဦးအား ပြီးခဲ့သည့် အောက်တိုဘာ ၂ ရက်နေ့တွင် ရဲနှင့် စစ်သားများက သူလျှိုဟု စွပ်စွဲကာ ၀ိုင်းဝန်းရိုက်နှက်ခဲ့ခြင်းကြောင့် ယခုအချိန်တွင် ဆေးမကုသနိုင်ဘဲ ဖြစ်နေရ သည်ဟု ဒေသခံရွာသားတစ်ဦးက ပြောသည်။

၎င်းက “ကောင်လေးက နွားကျောင်းသားလေးပါ။ နွားကျောင်းပြီး ပြန်လာချိန် စစ်ကားတွေ သူ့ဘေးက ဖြတ်လာတယ်။ ခနနေ တော့ ကားပေါ်က စစ်သားနဲ့ ရဲတွေ ဆင်းလာပြီး ၀ိုင်းရိုက်ကြတာပဲ။ ၁၀ယောက်လောက်ရှိမယ်။ KIA ကို သတင်းပေးတဲ့သူ ဆိုပြီး တော့ပေါ့။ ပန်ဆိုင်းသွားတဲ့ ကားလမ်းပေါ်မှာ ဖြစ်တာပါ၊”ဟု ပြောသည်။

KNDO ဒုတိယ စစ်ဦးစီးချုပ် ဗိုလ်မှူးကြီးဆာ့ကလယ်မူး ဈာပနပြီးစီး

စောသိန်းမြင့် (ကေအိုင်စီ)

ကရင်အမျိုးသား ကာကွယ်ရေးတပ်ဖွဲ့(KNDO)၏ ဒုတိယစစ်ဦးစီးချုပ် ဗိုလ်မှူးကြီးဆာ့ကလယ်မူး ၆၃နှစ်သည် အောက်တိုဘာ လ ၇ရက်နေ့ညက နှလုံးရောဂါဖြင့် ကွယ်လွန်သွားခဲ့ပြီး ၎င်း၏ဈာပနကို ထိုင်း-မြန်မာ နယ်စပ်တနေရာတွင် ယမန်နေ့က ပြု လုပ်ပြီးစီးခဲ့သည်။
၎င်း၏ဈာပန အခမ်းအနားကို အောက်တိုဘာလ ၁၀ရက်နေ့ မွန်းလွဲ ၂နာရီအချိန်တွင် နှစ်ခြင်းခရစ်ယာန်၏ အစဉ်အလာအရ ကျင်းပပြုလုပ်ခဲ့ရာ ကေအဲန်ဒီအိုခေါင်းဆောင်များ၊ ကေအဲန်ယူခေါင်းဆောင်များ၊ မဟာမိတ်ခေါင်းဆောင်တချို့ အပါအ၀င် လူ ပရိဿတ် ၅၀၀ခန့် တက်ရောက် ဂါရ၀ပြုကြသည်ဟု ကေအဲန်ဒီအို အသိုင်းအ၀ိုင်းက ပြောသည်။

တိုင်းထွာပြီး မြေဧက ၂၀၀ကို နယ်ခြားစောင့်တပ် အဓမ္မ ရောင်းချနေ

စောခါးစူး (ကေအိုင်စီ)

ကရင်ပြည်နယ်၊ ကော့ကရိတ်မြို့နယ်ရှိ ထီးဝါ့ခယ်ရွာအနီးမှ ဧက ၂၀၀ရှိ မြေလွတ်မြေရိုင်းကို နယ်ခြားစောင့်တပ်-BGF (၁၀၂၁) တပ်ရင်းမှ တိုင်းထွာပြီး မ၀ယ်မနေရ စနစ်ဖြင့် ရွာသူရွာသား များအား ရောင်းချပေးနေကြောင်း ဒေသခံများက ပြောသည်။

အဆိုပါ နယ်ခြားစောင့်တပ်ရင်းမှ တပ်ခွဲမှူး ဗိုလ်ကြီးစောဋ္ဌေးနိုင်သည် ယခုလ ၂ရက်နေ့တွင် မြေများကို တိုင်းထွာကာ တဧက လျှင် ကျပ်ငွေ ၄သောင်းနှုန်းဖြင့် အနီးတ၀ိုက်ရှိ ရွာများထံသို့ ရောင်းပေးနေခြင်းဖြစ်ကြောင်း အမည်မဖော်လိုသူ ဒေသခံတစ်ဦး က ကေအိုင်စီသို့ ပြောသည်။

အစိုးရတပ်နှင့် ဒီကေဘီအေကြား တရက်တည်း တိုက်ပွဲ ၃ကြိမ်ဖြစ်ပွား

စောသိန်းမြင့် (ကေအိုင်စီ)

ကရင်ပြည်နယ်၊ မြ၀တီမြို့ တောင်ဘက်ခြမ်းရှိ ဝေါ်လေဒေသတွင် ယမန်နေ့က အစိုးရစစ်တပ်နှင့် တိုးတက်သောဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ)တပ်ဖွဲ့တို့ တိုက်ပွဲငယ် ၃ကြိမ် ဖြစ်ပွားခဲ့သည်။

ဝေါ်လေဒေသ တာအူထာ့ကျေးရွာ အနီးတ၀ိုက်တွင် ယမန်နေ့က ဒီကေဘီအေ ကလို့ထူးဘောဗျူဟာ၏ ခေါင်းဆောင် ဗိုလ် ချုပ်စောလားပွယ်(နှုတ်ခမ်းမွှေး)ကိုယ်တိုင် အနီးကပ် ညွှန်ကြားမှုဖြင့် အစိုးရတပ် ခလရ(၂၀၃)၊ (၂၀၄) ပူးပေါင်းတပ်ရင်းနှင့် ရင် ဆိုင်တိုက်ပွဲ ဖြစ်ပွားခဲ့သည်ဟု ဒီကေဘီအေမှ ဗိုလ်မှူးဆန်းအောင်က ပြောသည်။

ကိုယ်ကျိုးစွန့်ရဲဘော်များအား ဂုဏ်ပြုလိုက်ပါတယ်

ရွာသားများအား စစ်တပ်လမ်းပြ အဖြစ် ခေါ်ယူအသုံးပြုနေ

စောသိန်းမြင့် (ကေအိုင်စီ)
ကရင်ပြည်နယ်၊ ဘုရားသုံးဆူဒေသတွင် ယမန်နေ့က ချုံခိုတိုက်ခိုက်ခံခဲ့ရသည့် အစိုးရစစ်တပ်သည် ယနေ့မနက်တွင် ဒေသခံ ရွာသား ၁၆ဦးအား လမ်းပြအဖြစ် ခေါ်ယူအသုံးပြုနေသည်ဟု ဒေသခံများက ပြောသည်။

ဘုရားသုံးဆူ အခြေစိုက် အမြောက်တပ်ဖွဲ့နှင့် ခမရ(၅၄၃)တပ်ရင်းတို့သည် ယမန်နေ့က တပ်အပြောင်းအလဲ ပြုလုပ်ခဲ့ပြီး နို့ချိုး နှင့် ဗျူဟာသို့အပြန် တာဒေ့နှင့် ကျောက်ဂူကျေးရွာကြားတွင် ကရင်တပ်ဖွဲ့များ၏ ချုံခိုတိုက်ခိုက်မှုခံခဲ့ရပြီးနောက် ယနေ့ ညနေ တွင် ခရီးဆက်ရန် ရွာ ၃ရွာမှ ရွာသားများအား လမ်းပြအဖြစ် ယခုလို ခေါ်ယူအသုံးပြုခြင်းဖြစ်သည်။

ဘုရားသုံးဆူနဲ့ ကော့ကရိတ် အနီးဝန်းကျင်းက တိုက်ပွဲ ၂ ပွဲ

ဘုရားသုံးဆူဒေသ တာ့ဒိန်ရွာနဲ့ သံဖြူဇရပ်အကြားရှိ တဒိန်းရွာချောင်းနေရာမှာ ကြံ့ဖွတ်အစိုးရစစ်တပ် စကခ ၅ လက် အောက်ခံ ခမရ ၅၄၃ တပ်ရင်းကို ဒီကေဘီအေ ၉၀၂ တပ်ရင်းမှ တပ်ခွဲမှူး ဗိုလ်ကြီးအေဝမ်း ဦးစီးတဲ့ တပ်ဖွဲ့တွေက ဒီက နေ့ အောက်တိုဘာလ ၆ ရက်နေ့ မနက် ၉ နာရီလောက်မှာ စောင့်ကြိုတိုက်ခိုက်ခဲ့ပါတယ်။ တိုက်ပွဲဖြစ်ပွားချိန် မိနစ် ၂၀ လောက်ကြာခဲ့ပြီး ကြံ့ဖွတ်အစိုးရ စစ်တပ်ဘက်မှ ၂ ယောက် ဒဏ်ရာရပြီး ၂ ယောက် သေဆုံးတယ်လို့ သိရှိရတယ်။
အလားတူ ဒီကနေ့ နေ့လည် ၁၁ နာရီဝန်ကျင်လောက်က ကော့ကရိတ်မြို့အနီး နန်ရွှေမိတ်ရွာနဲ့ မဲဖာလဲ့ရွာကြားမှာ ကြံ့ ဖွတ်အစိုးရစစ်တပ်နဲ့ ဒီကေဘီအေ ကလိုထူးဝါးဗျူဟာမှ ဗိုလ်ကျော်သက် ဦးစီးတဲ့ တပ်ဖွဲ့တွေ အချိန်တနာရီလောက်ကြာ တဲ့အထိ တိုက်ပွဲဖြစ်ပွားခဲ့ပြီး ဒီတိုက်ပွဲရဲ့ ထိခိုက်သေဆုံးတာတွေကိုတော့ မသိရှိရသေးပါ။

တပ်ပြောင်းလဲချိန် အစိုးရစစ်တပ် ချုံခိုတိုက်ခိုက်ခံရ

စောသိန်းမြင့် (ကေအိုင်စီ)

ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသ၌ ယနေ့နံနက်တွင် တပ်အပြောင်းအလဲ ပြုလုပ်နေသော အစိုးရ စစ်တပ်အား ကရင်ပူးပေါင်းတပ်ဖွဲ့မှ ချုံခိုတိုက်ခိုက်ခဲ့ရာ အစိုးရစစ်သား ၂ဦးသေဆုံးကာ ၂ဦးမှာ ထိခိုက်ဒဏ်ရာရရှိခဲ့သည်ဟု သိရသည်။

ယနေ့နံနက် ၉နာရီ ၁၀မိနစ်ခန့်တွင် ဘုရားသုံးဆူရှိ အမြောက်တပ်ဖွဲ့ကို ပြန်ပို့ဆောင်နေသည့် စစ်ကွပ်ကဲရေးဌာနချုပ် စကခ (၅) လက်အောက်ခံ ခမရ(၅၄၃)တပ်ရင်း စစ်ကြောင်း(၂)အား တိုးတက်သောဗုဒ္ဓဘာသာ ကရင်အမျိုးသားတပ်မတော် ဒီကေ ဘီအေ (၉၀၂)တပ်ရင်းမှ တပ်ဖွဲ့ဝင်တချို့နှင့် ကရင်အမျိုးသားလွတ်မြောက်ရေးတပ်မတော်(ကေအဲန်အယ်လ်အေ) တပ်ရင်း (၁၆)တို့က တာဒေ့နှင့် ကျောက်ဂူကျေးရွာကြားတွင် ချုံခိုတိုက်ခိုက်ခဲ့ခြင်းဖြစ်သည်။

ခမရ(၂၀၂) တပ်ဖွဲ့ဝင် ၁၀ဦးနီးပါး ကျဆုံး

စောဖိုးမူး (ကေအိုင်စီ)

ကရင်ပြည်နယ်၊ ကော့ကရိတ်မြို့နယ်အတွင်း တိုးတက်သော ဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ) တပ်ဖွဲ့ ၀င်များ၏ အဆက်မပြတ်သည့် ပြောက်ကျားတိုက်ခိုက်မှုများကြောင့် မြန်မာစစ်တပ် ခမရ(၂၀၂)တပ်ရင်းမှ တပ်သား ၄ဦး ကျဆုံးကာ ၃ဦးမှာ ထိခိုက်ဒဏ်ရာရရှိခဲ့သည်။
ယနေ့နံနက် ၄နာရီအချိန် ကော့ကရိတ်မြို့အကျော် တောင်ပေါ်လမ်းတွင် တာဝန်ကျနေသော ခမရ(၂၀၂)တပ်ရင်းအား ဒီကေ ဘီအေမှ ပြောက်ကျားတိုက်ခိုက်ခဲ့ရာ အစိုးရတပ်ဘက်က တပ်သား ၁ဦးပွဲချင်းသေဆုံးပြီး ဒဏ်ရာပြင်းထန်သည့် တပ်သား ၃ ဦးကို ဘားအံမြို့ရှိ တောင်ကလေး ကုတင်တစ်ရာဆံ့ စစ်ဆေးရုံသို့ ပို့ဆောင်ကုသခဲ့သည်ဟု တပ်တွင်းမိသားစုများက ပြော သည်။

တစ်ဖွဲ့တည်းဖြင့် ငြိမ်းချမ်းရေးစကား မဆွေးနွေးလိုဟု KNU ပြောဆို

စောသိန်းမြင့် (ကေအိုင်စီ)

ကရင်ပြည်နယ် အစိုးရအဖွဲ့မှ ရွေးချယ်စေလွှတ်သည့် ဘာသာရေးပုဂ္ဂိုလ်များ ပါဝင်သော ငြိမ်းချမ်းရေး ကိုယ်စားလှယ်အဖွဲ့ ကရင်အမျိုးသားအစည်းအရုံး(KNU)နှင့် ငြိမ်းချမ်းရေးကိစ္စ လာရောက်တွေ့ဆုံသော်လည်း မိမိတို့တဖွဲ့တည်းဖြင့် မတွေ့ဆုံလို ကြောင်း KNU က တုန့်ပြန်ပြောဆိုလိုက်သည်။

KNU ဒုဥက္ကဌ စောဒေးဗစ်သကဘောက “ပြည်နယ်အဆင့်က သူတို့ ဘာအာဏာမှ မပေးထားဘူးလေ။ တွေ့လည်း အလကား ပဲ။ ကျနော်တို့ဘက်က အဓိကတော့ UNFC အနေနဲ့ တွေ့ချင်တယ်။ တဖွဲ့ချင်းဆိုတာကလည်း အဓိပ္ပာယ်မရှိဘူး။ မှန်ကန်တဲ့ နည်းလမ်းမဟုတ်ဘူး။”ဟု ပြောသည်။

ကရင်တပ်ဖွဲ့လက်ချက်ဖြင့် အစိုးရစစ်သည် ၄ဦးကျဆုံးသလို မှန်လုံကားတစီး မီးလောင်

စောသိန်းမြင့်(ကေအိုင်စီ)

ကရင်ပြည်နယ်၊ မြ၀တီမြို့နယ်တွင် ယမန်နေ့က ကရင်တပ်ပူးပေါင်းတပ်ဖွဲ့များသည် ကြောင်လျှာကုန်းရှိ အစိုးရ စစ်တပ်များ အား ၀င်ရောက်ပစ်ခတ်ခဲ့ရာ အစိုးရတပ်ဘက်က ၄ဦးသေဆုံးခဲ့သည်ဟု ကရင်တပ်ဖွဲ့ဘက်က ပြောသည်။

စက်တင်ဘာလ ၂၅ရက်နေ့ မွန်းလွဲ ၁နာရီခန့်တွင် ကရင်ပူးပေါင်းတပ်ဖွဲ့များဖြစ်ကြသည့် တိုးတက်သော ဗုဒ္ဓဘာသာ ကရင်အ မျိုးသား တပ်မတော်(ဒီကေဘီအေ) ကလို့ထူးဝါးဗျူဟာနှင့် ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ် အေ)တို့ပူးပေါင်းပြီး ကြောင်လျှာကုန်းစခန်းရှိ အစိုးရစစ်တပ် ခလရ(၉၇)နှင့် ခမရ(၃၅၇)တပ်ရင်းအား တစ်နာရီဝန်းကျင်ခန့် ၀င် ရောက်ပစ်ခတ်ခဲ့သည်ဟု ဒီကေဘီအေ၏ ပြောခွင့်ရသူ ဗိုလ်မှူးဆန်းအောင်က ပြောသည်။

ဆန္ဒတွေ ပြကုန်ပြီး

နယ်ခြားစောင့်တပ် စီးပွားရေးလုပ်ငန်းပိုင် ကားတစီး မီးရှို့ခံရ

ကရင်ပြည်နယ် ကော့ကရိတ်မြို့အထွက် ကြောင်ရှာကုန်းမှာ ကြံ့ဖွံ့စစ်အစိုးရ စစ်တပ် ခလရ ၉၇ တပ်ရင်းကို ဒီကေဘီအေ အဖွဲ့မှ ဗိုလ်မှူး ကျော်သက် ဦးစီးတဲ့ တပ်ဖွဲ့တွေဟာ ဒီကနေ့ ၁ နာရီခွဲလောက်မှာ ပြောက်ကျားတိုက်ခိုက်ခဲ့တယ်။ ကြံ့ဖွံ့အ စိုးရဘက်မှ တပ်သားတဦး ကျဆုံးခဲ့တယ်လို့ သိရှိရပါတယ်။
တဆက်တည်းမှာပဲ မြဝတီ ကော့ကရိတ် ကုန်သည်ကားလမ်းပေါ်က အောက်ဗိုလ်တဲနေရာမှာ ညနေ ၃ နာရီလောက်က ကရင်ပြည်နယ် နယ်ခြားစောင့်တပ်မှ ဗိုလ်ချစ်သူ ဦးစီးလုပ်ကိုင်နေတဲ့ မြဝတီ ဘားအံ သယ်ယူပို့ဆောင်းရေးလုပ်ငန်းမှ မှန်လုံကားကြီးတစီးကို ဒီကေဘီအေ တပ်ဖွဲ့ဝင်တွေက မီးရှို့ပစ်ခဲ့တယ်လို့ သိရှိရပါတယ်။
အောက်ဗိုလ်တဲ့မှာ ဒီကနေ့ ဖြစ်ပျက်ခဲ့တဲ့ အခြေအနေနဲ့ ပတ်သက်လို့ ဒီကေဘီအေ ပြောရေးဆိုခွင့်ရှိသူ ဗိုလ်မှူး ဆန်းအောင် က ခုလို့ ရှင်းပြပါတယ်..

ကရင်ပြည်နယ်အတွင်း ကြံ့ဖွံ့စစ်အစိုးရရဲ့ ငြိမ်းချမ်းရေးနေ့ ထိုးစစ်

နေ့သစ် မှ........

ကရင်ပြည်နယ် မြဝတီနဲ့ ကော့ကရိတ်ကြား ကောင်းမှုရွာအနီးမှာ ကြံ့ဖွံ့အ စိုးရစစ်တပ် ခမရ ၂၀၂ နဲ့ ဒီကေဘီကေ ၉၀၁ တပ်ဖွဲ့တို့ ဒီကနေ့ ညနေ ၄ နာရီခွဲလောက်မှာ ရင်ဆိုင်တိုက်ပွဲ ဖြစ်ပွားခဲ့တယ်။ တိုက်ပွဲဖြစ်ပွားချိန် ၄၅ မိနစ်လောက် ကြာမြင့်ခဲ့တယ်။
ဒီရက်ပိုင်းတွေအတွင်းမှာ KNU နဲ့ ဒီကေဘီအေ တပ်ဖွဲ့တွေ လှုပ်ရှားတဲ့ နယ်မြေတွေကို ထိုးစစ်ဆင်တိုက် ခိုက်ဖို့အတွက် အရှေ့တောင်တိုင်း စစ်ဌာနချုပ်မှ ဒုတိုင်းမှူး မြဝတီကို ရောက်ရှိလာကာ နယ်ခြားစောင့်တပ် တွေကို စစ်ဆင်ရေးမှာ ပါဝင်ဖို့ ညှိနှိုင်းခဲ့ပြီး ကမ္ဘာ့ငြိမ်းချမ်းရေးနေ့မှာပဲ ကြံ့ဖွံ့အစိုးရဘက်က ထိုးစစ်တွေကို စတင်ခဲ့ပါတယ်။

ကရင်ပြည်နယ်အတွင်းက ကော့ကရိတ်နဲ့ ထိစပ်နေတဲ့ ကေအန်ယူ တပ်မ ဟာ ၇ ဒေသကို စကခ(၁၂) လက်အောက်ခံ ခမရ (၃၅၇) (၂၀၂) နှင့် BGF တပ်ရင်း (၁၀၁၇) နယ်မြေခံ နဘူးအခြေစိုက် တပ်ရင် ၃ ရင်းနဲ့ ထိုးစစ်ဆင်နေပြီး။ မြဝတီ မြို့တောင်ဘက် သေဘောပိုး၊ ဝေါ်လေ ဒေသကိုတော့ တပ်မ ၂၂ လက်အောက်ခံ တပ်ရင်းတချို့နဲ့ ထိုးစစ်ဆင် တိုက် ခိုက်နေပါတယ်။
ဒီနေ့ ညနေ ၃ နာရီခန့်မှာ သေ့ဘောပိုးရွာ အနောက်ဘက် တောင်နီတောင်တန်းပေါ်က ကွီးလရှုတောင်ကုန်းမှာ ဒီကေ ဘီအေ တပ်ဖွဲ့တွေနဲ့ ကြံ့ဖွံ့အစိုးရတပ် ခမရ ၂၀၄ တို့ တိုက်ပွဲတွေ ဖြစ်ပွားခဲ့ပြီး၊ ယမန်နေ့ည ၁၀ နာရီလောက်မှာလည်း ၎င်းနေရာမှာပဲ တိုက်ပွဲ ၁ နာရီကျော်ကြာ ဖြစ်ပွားခဲ့တယ်လို့ သိရှိရပါတယ်။
စက်တင်ဘာ ၂၀ ရက်နေ့တုန်းက ကော့ကရိတ်မြို့အနီး ကြောင်ရှာကုန်းမှာ စစ်တပ်ယာဉ်တန်း ရှေ့ပြေးလမ်းရှင်းကားကို ဒီအေဘီအေမှာ ဆီးကြိုတိုက်ခိုက်ခဲ့တယ်။
စက်တင်ဘာ ၂၁ ရက်မှာလည်း ကေအန်ယူ တပ်မဟာ (၇) ဒေသ ထိလော်သေ့ခီး နေရာမှာ ကေအန်ယူ ၁၀၁ တပ်ရင်း နဲ့ ကြံ့ဖွံ့အစိုးရ စစ်တပ်တို့ မနက်ပိုင်းမှ နေ့လည်ပိုင်းအထိ တိုက်ပွဲ ပြင်းထန်စွာဖြစ်ပွားခဲ့တယ်။ ဒီတိုက်ပွဲမှာ ကေအန်ယူ ဘက်က ၂ ယောက်ကျဆုံးခဲ့ပြီး။ ကြံ့ဖွံ့အစိုးရ တပ်ဘက်မှ ထိခိုက်သေဆုံးမှုကို မသိရှိရသေးပါ။
ထိုင်းမြန်မာနယ်စပ်နဲ့ နီးကပ်နေတဲ့ သေ့ဘောပိုးနဲ့ ဝေါ်လေ အနောက်ဘက်က တောင်နီတောင်းတန်းမှာ ဖြစ်ပွားနေတဲ့ တိုက်ပွဲတွေမှာတော့ ကြံ့ဖွံ့အစိုးရတပ်ဘက် ထိခိုက်မှုတွေ ရှိတယ်ခဲ့လို့ ဒီကေဘီအေ သတင်းရပ်ကွက်အဆိုအရ သိရှိရပါ တယ်။ ထိုဒေသမှာ ယခုဖြစ်ပွားနေတဲ့ တိုက်ပွဲတွေမှာ နယ်မြေခံ မဟာမိတ် ကေအန်ယူ၊ ဒီကေဘီအေ တပ်ဖွဲ့တွေအပြင် ကျောင်းသားတပ်မတော်၊ ရခိုင်ကျောင်းသားလူငယ်အဖွဲ့၊ ဇိုမီးတိုင်းရင်းသား ကျောင်းသားလူငယ် တပ်ဖွဲ့တွေပါ လက်တွဲတိုက်ပွဲဝင်နေတယ်လို့ သိရှိရပါတယ်။

မိနစ် ၂၀ကြာ တိုက်ပွဲကြောင့် နှစ်ဖက်တပ်များ ထိခိုက်ဒဏ်ရာရခဲ့

စောသိန်းမြင့် (ကေအိုင်စီ)

ကရင်ပြည်နယ်၊ မြ၀တီမြို့တောင်ပိုင်းရှိ ဝေါ်လေဒေသ တစ်နေရာတွင် ခြေကုပ်နေရာယူထားသည့် ကရင်ပူးပေါင်းတပ်ဖွဲ့များ အား ယမန်နေ့က အစိုးရစစ်တပ်မှ တိုက်ခိုက်ရာ နှစ်ဖက်တပ်ဖွဲ့ဝင်များမှာ ဒဏ်ရာရရှိခဲ့သည်ဟု ကရင်အမျိုးသားလွတ်မြောက် ရေးတပ်မတော်(KNLA) က ပြောသည်။

ဝေါ်လေဒေသ၊ မယ်ကလာ့ချောင်းအနီးရှိ KNLA တပ်ရင်း(၁၀၃)နှင့် တိုးတက်သောဗုဒ္ဓဘာသာ ကရင်အမျိုးသား တပ်မတော် (DKBA) တပ်ရင်း(၉၀၇)တို့အား အစိုးရစစ်တပ် တပ်မ(၂၂)လက်အောက်ခံ ခမရ(၂၀၄) စစ်ကြောင်း(၁)က လက်နက်ကြီး၊ လက်နက်ငယ်များဖြင့် မိနစ် ၂၀ကြာ ၀င်ရောက်ပစ်ခတ်ခဲ့ရာမှ ဒဏ်ရာရသွားခြင်းဖြစ်ကြောင်း KNLA (၁၀၃)တပ်ရင်းမှူး ဒုဗိုလ် မှူးကြီး စောနေ့စေးက ပြောသည်။

ိနိုင်ငံတကာ ငြိမ်းချမ်းရေးနေ့တွင် KNU လက်နက်ကြီးဖြင့် အပစ်ခံရ

စောခါးစူး (ကေအိုင်စီ)

ယနေ့ကျရောက်သည့် နိုင်ငံတကာ ငြိမ်းချမ်းရေးနေ့ နံနက်ပိုင်းတွင် မြန်မာစစ်တပ်နှင့် ကရင်နယ်ခြားစောင့်တပ်-BGF ပူးပေါင်းကာ ကရင်အမျိုးသားလွတ်မြောက်ရေးတပ်မတော်-KNLA တပ်ရှိရာ နေရာများကို လက်နက်ကြီးဖြင့် ပစ်ခတ်ခဲ့သည်။

နိုင်ငံတကာ ငြိမ်းချမ်းရေးနေ့တွင် တစ်ရက်တာ အပစ်အခတ် ရပ်စဲရန် KNU က စက်တင်ဘာလ ၁၅ရက်နေ့၌ ကြေ ညာချက် ထုတ်ပြန်ထားသော်လည်း မြ၀တီမြို့နယ်အတွင်း လှုပ်ရှားနေသည့် မြန်မာစစ်တပ်နှင့် BGF ပူးပေါင်းတပ် တို့က ထီးဝါ့ဘလောကျေးနယ်အတွင်းရှိ KNLA တပ်ရင်း(၁၀၁)ကို ပစ်ခတ်ခဲ့ခြင်း ဖြစ်သည်။

အစိုးရ ဒု-တိုင်းမှူးနှင့် BGF ဆွေးနွေးမှု ကရင်တပ်များကို ထိုးစစ်ဆင်ရေးအတွက်လား

စောခါးစူး (ကေအိုင်စီ)

မြန်မာအစိုးရ အရှေ့တောင်တိုင်းစစ်ဌာနချုပ်၊ ဒု တိုင်းမှူး ဗိုလ်မှူးချုပ်ဇော်မင်းသည် စက်တင်ဘာ ၁၇ရက်နေ့က ကရင်ပြည်နယ် ကော့ကရိတ်မြို့တွင် ကရင်နယ်ခြားစောင့်တပ်-BGF ခေါင်းဆောင်တချို့နှင့် တွေ့ဆုံဆွေးနွေးခဲ့ကြောင်း သိရသည်။
ထိုဆွေးနွေးမှုသည် အစိုးရစစ်တပ်က နယ်မြေစိုးမိုးနိုင်ရေးအတွက် ထိုးစစ်ဆင်ရန် BGF ကို လာရောက် စည်းရုံးခြင်းဖြစ်နိုင် သည်ဟု တိုးတက်သော ဗုဒ္ဓဘာသာ ကရင်အမျိုးသားတပ်မတော်-DKBA ပြန်ကြားရေးတာဝန်ခံ ဗိုလ်မှူးစောလိုးလိုက ကေအိုင် စီသို့ ပြောသည်။

“သူတို့(အစိုးရ)က မြ၀တီမြို့နယ်မှာရှိတဲ့ ချူကလီးကို မြို့နယ်ခွဲအဖြစ် လုပ်နေတဲ့အခါကျတော့ (သူတို့မှာ) နယ်မြေစိုးမိုးမှုရှိဖို့ လိုအပ်တယ်။ ထိုးစစ်လုပ်မယ်ဆိုရင် အဲဒီကိစ္စကြောင့် ဖြစ်နိုင်တယ်။”ဟု သူက ဆက်ပြောသည်။ ကရင်ပြည်နယ် မြ၀တီမြို့နယ် အတွင်းရှိ ချူကလီးဒေသကို မြို့နယ်ခွဲအဖြစ် အဆင့်တိုးမြှင့်တည်ထောင်ရန် ယခင် စစ်အစိုးရလက်ထက် ၂၀၁၀ပြည့်နှစ်က တည်းက စတင် စီစဉ်ခဲ့ခြင်း ဖြစ်သည်။

မြဝတီကုန်သည်ကားလမ်းပေါ်မှာ အမည်မသိ လက်နက်ကိုင်တပ်ဖွဲ့က BGF ၁၁၂၁ တပ်ရင်းကို တိုက်ခိုက်

နေ့သစ်မှ...

ကရင်ပြည်နယ် မြဝတီနဲ့ ကော့ကရိတ် မြို့၂မြို့ကြားက အဝေးပြေးကားလမ်းပေါ်မှာ အမည်မသိ လက်နက်ကိုင် တပ်ဖွဲ့တ ဖွဲ့က နယ်ခြားစောင့်တပ်(BGF) တပ်ရင်း (၁၁၂၁) ကို စက်တင်ဘာလ ၁၇ နေ့ မနက် ၉ နာရီဝန်ကျင်းက တိုက်ခိုက်လိုက် တဲ့အတွက် နယ်ခြားစောင့်တပ်မှ တပ်သား ၂ ယောက် ဒဏ်ရာရခဲ့တယ်လို့ သတင်းကြားသိရပါတယ်။
တိုက်ပွဲဖြစ်ပွားတဲ့ နေရာကတော့ ကြံ့ဖွံ့အစိုးရ စစ်တပ် ၃၅၅ နဲ့ ၃၅၆ တပ်စခန်း ၂ခု ကြားမှာဖြစ်တယ်။ တိုက်ပွဲဖြစ်ပွားပုံမှာ ရှေ့ထွက်မိုင်းနဲ့ ဆီးကြိုတိုက်ခိုက်ခံရတာဖြစ်ပြီ လက်နှက်ငယ်များနဲ့ ပစ်ခတ်တိုက်ခိုက်တာတွေ၊ လက်နက်ကြီးတွေနဲ့ တိုက်ပွဲဖြစ်တဲ့နေရာပတ်ဝန်းကျင်ကို အနီးက ကြံ့ဖွံ့စစ်တပ်တွေက ပစ်ကူရှင်းပေးတဲ့ အခြေအနေမျိုးတွေ ဖြစ်ခဲ့တယ်လို့ နယ်ခြားစောင့်တပ် (BGF) သတင်းရပ်ကွက်က သတင်းတွေအရ သိရှိရပါတယ်။