မြစ်ဆုံဒေသ ကျေးရွာများ ပြောင်းရွှေ့ရေး လုပ်အားပေး ဆင့်ခေါ်

ခိုင်လင်း (ခေတ်ပြိုင်)........
ဧရာဝတီ မြစ်ဆုံရေကာစီမံကိန်း ဧရိယာအတွင်းရှိ ကျေးရွာများ ယခုလအတွင်း ပြောင်းရွှေ့နိုင်ရေးအတွက် မြစ်ကြီးနားနှင့် ဝိုင်းမော်မြို့မှ ဒေသခံများအား လုပ်အားပေးရန် အာဏာပိုင်များက ဆင့်ခေါ်ထားသည်။
မြစ်ကြီးနားမြို့ပေါ် (၈) ရပ်ကွက်အပါအဝင် ကျေးရွာများ၊ ဝိုင်းမော်မြို့မှ ရပ်ကွက် (၁ဝ) ရပ်ကွက်တို့မှ ရပ်ကွက်၊ ကျေးရွာ တခုလျှင် (၁ဝ) ဦးနှုန်းကျ လုပ်အားပေးထည့်နိုင်ရန် အတွက် သက်ဆိုင်ရာ ရပ်ကွက် (ရကယ) ရုံးများကို ယခုလ မကုန်ခင် အသင့်ပြင်ထားရန် မြို့နယ်အာဏာပိုင်များက ညွှန်ကြားထားကြောင်း ရယကရုံးနှင့်နီးစပ်သူ မြစ်ကြီးနားဒေသခံတဦးက ပြောသည်။

၎င်းက “ဘယ်ရက်၊ ဘယ်နေ့ဆိုတာတော့ အတိအကျ မသိရသေးဘူး။ ဒီလ မကုန်ခင်သွားရမယ်၊ အဲဒါ လူစီစစ်နေတယ်။ တရပ်ကွက် (၁ဝ) ယောက်နှုန်းပေါ့။ အိမ်တွေ၊ ကျေးရွာတွေက အများကြီးဆိုတော့ အလှည့်ကျနဲ့ သွားရဖို့ ရှိတယ်လို့ ပြောနေတယ်” ဟု ရှင်းပြသည်။

ယခုလအစောပိုင်းက တန်ဖရဲကျေးရွာမှ ရပ်ကွက် (၂) ခုကို အရင်ပြောင်းရွှေ့ပေးရမည်ဟု အမိန့်ထုတ်ထားသော်လည်း ယခုအခါ တန်ဖဲကျေးရွာတခုလုံးနှင့် လုံဂါဇွပ်၊ ဒွန်ဂမ် စသည့် အနီးနားကျေးရွာများသာမကဘဲ မေခမြစ်နှင့် မလိခမြစ် ဝဲ၊ ယာရှိ ကျေးရွာများပါ ယခုလအတွင်း ရွှေ့ပြောင်းရန် ရှိနေသည်ဟု ကချင်ပြည် လူမှုဖွံ့ဖြိုးရေးကွန်ရက်မှ ကိုအောင်ဝါက ပြောသည်။

၎င်းက “ရေကာတာတွေက မလိခမြစ်ဘက်မှာလည်း ဆောက်မှာ။ မေခမြစ် ချီဗွေမှာလည်း ရှိတယ်။ အဲဒီမှာရှိတဲ့ ရွာတွေအားလုံး ပြောင်းရမှာ။ မချမ်းဘောမြို့နယ်ထဲမှာရှိတဲ့ မလိခမြစ် အရှေ့နဲ့အနောက်က ကျေးရွာ (၈) ရွာလည်း ပြောင်းဖို့ ပြီးခဲ့တဲ့ လကတည်းက ပြောထားတယ်။ ဗုံးကွဲပြီးတဲ့နောက်ပိုင်းမှာ ဒေသခံတွေကို နအဖဘက်က စစ်လားဆေးလားလုပ်တော့ လူထုတွေက အရမ်းကို ကြောက်နေကြပြီ။ တချို့ဆို အဲဒီမှာ မနေရဲတော့ဘဲ တခြားကို ရှောင်သွားကြပြီ” ဟု ပြောသည်။

မြစ်ဆုံရေကာတာစီမံကိန်းကြောင့် ကျေးရွာ (၆ဝ) မှ လူဦးရေ (၁ဝ,ဝဝဝ) ကျော် ရွှေ့ပြောင်းရန်ရှိနေပြီး အာဏာပိုင်များက ယမန်နှစ်ကတည်းကစ၍ ရွှေ့ပြောင်းရန် ဖိအားပေးနေသော်လည်း ဒေသခံတို့က မပြောင်းရွှေ့ရန် အထက်အာဏာပိုင်များထံ လက်မှတ်ထိုး စာရေးတောင်းဆိုခြင်း၊ ရေကာတာဆန့်ကျင်ရေး စာကပ်ခြင်း၊ မပြောင်းရွှေ့ရရေး ဝတ်ပြုဆုတောင်းခြင်း စသည်တို့ ပြုလုပ်ခဲ့သည်။

ဧပြီ (၁၇) ရက် နံနက်ပိုင်းတွင် မြစ်ဆုံဧရိယာအတွင်း (၄) နေရာ၌ ဗုံးများ ဆက်တိုက်ပေါ်ကွဲမှုများ ဖြစ်ပေါ်ခဲ့ပြီးနောက်ပိုင်း ဒေသအတွင်းသို့ မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ် လက်အောက်ခံ အမှတ် (၃) စစ်ဗျူဟာမှူး ဗိုလ်မှူးကြီး မြတ်ကျော် ဦးဆောင်ကာ တပ်ရင်း (၃) ရင်းဖြင့် ဝင်ရောက်ခဲ့ပြီး တပြိုင်တည်း၌ ဒေသခံများ ပြောင်းရွှေ့ရေးအတွက် တာဝန်ယူဆောင်ရွက်နေကြောင်း မပခနှင့် နီးစပ်သူတဦးက ပြောသည်။