.jpg)
KIC သတင်းမှ....
ကရင်ပြည်နယ်မှ နယ်ခြားစောင့်တပ်များသည် လာမည့် ၂၇ ရက်နေ့တွင် စစ်သင်တန်းကို တက်ရောက်ရတော့မည် ဖြစ်ကြောင်း မြ၀တီမြို့နယ်၊ ရွှေကုက္ကိုမှ နယ်ခြားစောင့်တပ်များက ပြောဆိုနေကြသလို နယ်စပ် သတင်းရပ်ကွက်များ အရလည်း သိရှိရသည်။
အဆိုပါ စစ်သင်တန်းကို စက်တင်ဘာလ ၂၇ ရက်နေ့တွင် စတင်ပြုလုပ်မည် ဖြစ်ပြီး သင်တန်းကာလမှာ သုံးပတ်ကြာမြင့်မည် ဖြစ်ကြောင်း နယ်ခြား စောင့်တပ် တပ်ရင်းမှူး တစ်ဦး၏ ပြောပြချက်အရ သိရသည်။
နယ်ခြားစောင့်တပ် သင်တန်းကို အုပ်စုနှစ်စု ခွဲ၍ တက်ရောက်ရမည် ဖြစ်ပြီး မွန်ပြည်နယ်၊ သံဖြူဇရပ်မြို့နယ် ၀ဲကလိကျေးရွာတွင် နယ်ခြားစောင့်တပ် တပ်ရင်း ၇ ရင်းနှင့် သထုံမြို့တွင် တပ်ရင်း ၆ ရင်း တက်ရောက်ရမည် ဖြစ်ကြောင်း ၎င်းတပ်ရင်းမှူးက ကေအိုင်စီကို ယခုလို ပြောသည်။
“စစ်သင်တန်း ကာလက ၂၁ ရက်လေ။ သွားတက်ရမဲ့ အဖွဲ့ကို နှစ်သုတ် ခွဲထားတယ်။ ၀ဲဂလိမှာ တက်မဲ့ တပ်ရင်းတွေက အမှတ် (၁၀၁၇)၊ (၁၀၁၈)၊ (၁၀၁၉)၊ (၁၀၂၀)၊ (၁၀၂၁)၊ (၁၀၂၂)နဲ့ အရင် ကေပီအက်ဖ်က (၁၀၂၃) တပ်ရင်းတွေပေါ့။ သထုံမှာ တက်ရ မဲ့တပ်ရင်းတွေကတော့ အမှတ် (၁၀၁၁) ကနေ (၁၀၁၆) အထိလေ” ဟု သူက ဆိုသည်။
မွန်ပြည်နယ်၊ သံဖြူဇရပ်မြို့နယ်ရှိ ၀ဲဂလိကျေးရွာတွင် ယခင်က တပ်မတော် လေ့ကျင့်ရေးကျောင်း တိုင်းဗဟို (၄) ကို ယခု အမှတ်(၁၂) တပ်မတော် တန်းမြင့် လေ့ကျင့်ရေး ကျောင်းဟု အမည်ပြောင်းလဲကာ စစ်လေ့ကျင့်ရေး သင်တန်းများ အစဉ် ပို့ချပေးလျှက်ရှိကြောင်း သိရသည်။
ယခု သင်တန်း ပထမအုပ်စုတွင် တက်ရောက်မည့် နယ်ခြားစောင့်တပ်ဖွဲ့ဝင် အင်အားမှာ တပ်ရင်းအမှတ် (၁၀၂၃) မှ လွဲ၍ ကျန်တပ်ရင်းများမှ သင်တန်းသားပေါင်း ၁၇၃၀ ဦး ဖြစ်ပြီး သင်တန်းရက် မတိုင်မီ သွားရောက်ရမည် ဖြစ်ကြောင်း သိရသည်။
ယခုအုပ်စုတွင် တက်ရောက်သင်ကြားရမည့် နယ်ခြားစောင့်တပ်ရင်း အမှတ် (၁၀၁၉) တပ်ရင်းမှူး ဗိုလ်မှူး စောလိုက်သိန့်က “ကျနော်တို့ နယ်ခြား စောင့်တပ်တွေ သင်တန်းသွားရမှာတော့ ဟုတ်တယ်။ ကျနော်တို့က ၀ဲဂလိမှာ သွားတက်ရမယ်လို့ ပြောတယ်။ ဒါပေမဲ့ သွားရမဲ့ ရက်ကို မသိသေးဘူး” ဟု ကေအိုင်စီကို ပြောသည်။
အမည်မဖော်လိုသူ အခြားတပ်ရင်းမှူး တစ်ဦးက နယ်ခြားစောင့်တပ်သည် စစ်တပ် ဖြစ်၍ စစ်သင်တန်းကို တက်ရောက်ကာ စစ်ပညာများကို လေ့လာရမည် ဖြစ်ကြောင်း ပြောဆိုသည်။ “စစ်တပ်ဆိုတာ သင်တန်းတော့ တက်ရမှာပေါ့။ ဒါကြောင့် သင်တန်းမှာ ပို့ချသင်ကြားမဲ့ စစ်ပညာကို လေ့လာရမှာပေါ့” ဟု ဆိုသည်။
ယခုလို စစ်သင်တန်း သွားတက်ရောက်ရမည့် နယ်ခြားစောင့်တပ်များ၏ နေရာများတွင် နအဖ စစ်တပ်မှ တပ်ရင်း အချို့က ၀င်ရောက်လာပြီး နေရာယူထားသော်လည်း ၎င်းမှာ ယာယီမျှသာ ဖြစ်ကြောင်း နယ်ခြားစောင့်တပ် တပ်ရင်းမှူး တဦးက ကေအိုင်စီကို ပြောသည်။
ပြီးခဲ့သည့် သြဂုတ်လကုန်ပိုင်းက တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)မှ နယ်ခြားစောင့် တပ်သို့ အသွင်ပြောင်း လိုက်သည့် တပ်ရင်း ၁၂ ရင်း ရှိပြီး စောသုမူဟဲ ဦးဆောင်ခဲ့သည့် ဟောင်သရော ငြိမ်းချမ်းရေးအဖွဲ့(KPF) မှ နယ်ခြားစောင့်တပ် ပြောင်းသည့် တပ်ရင်း ၁ ရင်း ရှိသည်။
ကရင်နယ်ခြားစောင့်တပ်ဖွဲ့ဝင်များ၏ အကြံပေးအဖွဲ့ဝင်များမှာ (၁) စောသာထူးကျော်၊ (၂) စောကျော်သန်း၊ (၃) စောထွန်းလှိုင်၊ (၄) စောမောင်ကြည်၊ (၅) စောပြားပြား၊ (၆) စောဖားနွီးနှင့် (၇) စောချစ်သူ တို့ ဖြစ်သည်။
.jpg)
0 comments:
Post a Comment