နောက်ဆုံးရောင်းစရာမရှိတော့ရင်ကိုယ့်မိန်းမပါလေလံပစ်မဲ့ကောင်တွေ

ပြည်သူ့ဥယျာဉ်နှင့် ပြည်သူ့ရင်ပြင်ကို ပုဂ္ဂလိကသို့ ရောင်းပြီ (ဧရာဝတီ)

ရန်ကုန် မြို့လယ်ရှိ ရွှေတိဂုံဘုရား အနောက်ဘက် မုခ်နှင့် ပြည်သူ့လွှတ်တော် ရှေ့တွင် တည်ရှိသော ဧက ၁၃၀ ကျယ်ဝန်းသည့် ပြည်သူ့ ရင်ပြင်နှင့် ပြည်သူ့ ဥယျာဉ်ကို စစ်အစိုးရက ပြည်တွင်း ကုမ္ပဏီတခုသို့ ရောင်းချလိုက်ပြီ ဖြစ်ကြောင်း သတင်းရရှိသည်။

အများပြည်သူ အပန်းဖြေသည့် ပြည်သူ့ ရင်ပြင်နှင့် ပြည်သူ့ ဥယျာဉ်ကို တရားဝင် ကြေညာခြင်း မရှိဘဲ Natural World ကုမ္ပဏီသို့လွှဲပြောင်း ရောင်းချ ထားကြောင်းနှင့် ၎င်းဥယျာဉ် အတွင်းတွင် စားသောက် ဆိုင်များ၊ စီးပွားရေး အဆောက် အအုံများ၊ အပန်းဖြေ အားကစား ရုံများကို အဆိုပါ ကုမ္ပဏီက တည်ဆောက်ခွင့် ရရှိမည် ဖြစ်ကြောင်း ရန်ကုန်မြို့တော် စည်ပင် သတင်း ရပ်ကွက်မှ ကြားသိရသည်။
“စည်ပင် လက်ထဲက လွှဲပြောင်း ရထားတာ မှန်ပါတယ်။ ဒါပေမယ့် ဘယ်နှနှစ် လုပ်ကိုင်ခွင့် ရမလဲ ဆိုတာတော့ စည်ပင်နဲ့ ညှိနေတယ်။ ဒီဥယျာဉ်ထဲမှာ ဆိုင်ခန်း ဖွင့်ဖို့နဲ့ စီးပွားရေး လုပ်ငန်းတွေ လုပ်ဖို့ဆိုရင် ကုမ္ပဏီိမှာ စာရင်း ကြိုပေးထားဖို့ လိုပါတယ်” ဟု Natural World ကုမ္ပဏီ ၀န်ထမ်းတဦးက ပြောသည်။
ရန်ကုန်မြို့တော် စည်ပင်သာယာရေး ကော်မတီဥက္ကဌ မြို့တော်ဝန် ဗိုလ်မှူးချုပ် အောင်သိန်းလင်းက ဇန်န၀ါရီလ ၁၉ ရက်နေ့ကသတင်းထောက်များနှင့် တွေ့ဆုံရာတွင် ပြည်သူ့ရင်ပြင်နှင့် ပြည်သူ့ဥယျာဉ်ကို နိုင်ငံတကာအဆင့်မီ အပန်းဖြေ အားကစားကွင်းအဖြစ် အသွင်ပြောင်းလဲရန် ရှိပြီး နိုင်ငံတကာ အဆင့်မီ ရေပန်း ရုပ်ရှင်နှင့် ခေတ်မီ အပန်းဖြေစက်များ တပ်ဆင်သွားရန် ရှိကြောင်း ပြောကြားခဲ့ သော်လည်း Natural World ကုမ္ပဏီသို့ လွှဲပြောင်း ထားသည့် သတင်းကို တရားဝင် ထုတ်ဖော် ပြောဆိုခြင်း မရှိပေ။
“ပြည်သူ့ရင်ပြင်နှင့် ဥယျာဉ်ကို စိတ်ဝင်စားတဲ့ စီးပွားရေး သမားတွေ တော်တော် များတယ်။ ဒီအထဲမှာ ပစ္စည်းအရောင်းဆိုင်၊ စားသောက်ဆိုင်နဲ့ တခြား စီးပွားရေး အဆောက်အအုံ ဖွင့်ချင်တဲ့သူ တော်တော်များတယ်။ တိုးတိုး တိတ်တိတ် လက်လှမ်းသင့်ရာ ရောင်းလိုက် တော့လည်း ဘယ်တတ်နိုင်မလဲ” ဟု ရန်ကုန်စီးပွားရေး သမား တဦးက ပြောသည်။

ပြည်သူ့ရင်ပြင်နှင့် ပြည်သူ့ဥယျာဉ်ကို စစ်အစိုးရ လက်ထက် ၁၉၉၀ ပြည့်နှစ်တွင် စတင် ဖွင့်လှစ်ခဲ့ခြင်း ဖြစ်သည်။
စစ်အစိုးရသည် ၂၀၁၀ ပြည့်နှစ်ဆန်းမှ စတင်၍ အစိုးရပိုင် လုပ်ငန်းနှင့် တိုက်တာ အဆောက် အအုံများကို ပုဂ္ဂလိကသို့ ရောင်းချလျက်ရှိပြီး ယခုနောက်ဆုံး နိုင်ငံတ၀န်းရှိ အစိုးရပိုင် စက်သုံးဆီဆိုင် ၂၄၆ ဆိုင်ကို ရောင်းချနေသည်။
ဝန်ကြီးများရုံး၊ ရန်ကုန်တက္ကသိုလ် အပါအ၀င် ရန်ကုန်မြို့ရှိ သမိုင်းဝင် အဆောက်အအုံများကို လေလံတင် ရောင်းချမည်ဆိုသော သတင်းများလည်း ထွက်ပေါ်လျက် ရှိသည်။

ဗိုလ်တွေ စဉ်းစားကြ စဉ်းစားကြ အများ အကျိုးအတွက် ...
written by အမြင် မတော်သူ တစ်ဦး
ငါအစိုးရ၊ နိုင်ငံ့ပိုင် ပစ္စည်း မှန်သမျှ ငါပိုင်တယ်။ ငါ ကောင်းတယ်ထင် အကုန် လုပ်နိုင်တယ် ဟူသော စကား လက်ဆောင် ထား၍ အများပြည်သူ၏ အကျိုး စီးပွားကို မငဲ့ကွက်ပဲ နိုင်ငံပိုင် ပစ္စည်းနှင့် သံယံ ဇာတများကို ဗြောင် တစ်မျိုး၊ လက်သိပ်ထိုး တစ်မည် ပုဂ္ဂလိကနှင့် နိုင်ငံခြားသား များသို့ ရောင်းချနေသည့် လုပ်ရပ်များ ရပ်တန်းက ရပ်သင့်ပြီ ထင်ပါသည်။ နိုင်ငံတော် မဖွံ့ ဖြိုး၍ နိုင်ငံတစ်ကာ အလယ် မျက်နှာငယ် နေရသည့်အထဲ နိုင်ငံတော်ကို အခွံလုံးလုံး မြေကတုန်း ဖြစ်အောင် လုပ်နေကြသည်မှာ ရင်နှင့်ဖွယ် ဖြစ်သည်။ အရှည်ကို စဉ်းစားပြီး အမြော် အမြင် ရှိသူများ ဖြစ်ပါက ဒီနိုင်ငံသည် တစ်ချိန်ချိန် ကိုယ့်သား မြေးမြစ်များ မှီတင်း နေထိုင်ရာ နေရာတစ်ခု ဖြစ်၍ ပြည်သူ အကျိုး ရှေးရှု၍ တိုးတက်ဖွံ့ ဖြိုးအောင် လုပ်သင့်သည့် အစား ချောက်ထဲ ထိုးချနေသည်မှာ သားသမီများ အပေါ် မိဘအရင်း တစ်ယောက်က ကာကွယ် စောင့်ရှောက် နေသည်နှင့် မတူပဲ ဆက်ဆံနေသည်မှာ မသင့်လျှော် ပါကြောင်း ရေးသား လိုက်ရသည်။