.jpg)
11 March 2010 19:20 ရိုးမ ၃
ရန်ကုန်တိုင်းအတွင်းရှိ မြို့နယ်အချို့တွင် ယခုရက်ပိုင်းအတွင်း စစ်တပ်က ကားများဖြင့် လှည့်လည်ပြီး လမ်းသွားလမ်းလာ သာမန်ပြည်သူများကို အကြောင်းမဲ့ ဖမ်းဆီးနေသည်။
ဖမ်းဆီးမှုဖြစ်ပွားနေသည့် မြိုနယ်များမှာ ဒဂုံ၊ ဒလ၊ ဒေါပုံနှင့် သာကေတမြို့နယ်များဖြစ်ပြီ အဆိုပါမြို့နယ်များ၌ ည (၁၀) နာရီဝန်းကျင်တွင် လျှပ်စစ်မီး ဖြတ်တောက်ပြီး ခရီးသွားလာနေကြသည့် ပြည်သူများကို စစ်တပ်က ကားဖြင့် တင်ဆောင်ဖမ်းဆီးနေခြင်း ဖြစ်သည်။
ထိုကဲ့သို့ စစ်တပ်က အကြောင်းမဲ့ ဖမ်းဆီးနေခြင်းနှင့်ပတ်သက်၍ သာကေတမြို့ခံ မျက်မြင်သက်သေတဦးက “စစ်တပ်က ပေါ်တာဆွဲသလို ဖမ်းနေတာ လေးရက်ငါးရက်လောက် ရှိနေပြီ။ ကျနော်တို့ရပ်ကွက်ထဲက ဆရာဝန်တယောက်တောင် လူနာသွားကြည့်ရင်း ညပိုင်းမှာ အဖမ်းခံရလို့ တသိန်းနဲ့ လိုက်ရွေးရတယ်ဗျာ။ ဒေါပုံဘက်မှာလည်း ညဆို ဆွဲတယ်။ လက်ဘက်ရည်ဆိုင်တွေမှာပါ ထိုင်လို့ မရဲတော့ဘူး။ အဲဒီမှာလည်း ဝင်ဆွဲတယ်” ဟု ပြောသည်။
ထို့အပြင် ဒဂုံနှင့် ဒလမြို့နယ်များရှိ ကူးတို့ဆိပ်နဲ့ သမ္ဗာန်ဆိပ်များတွင်လည်း ညပိုင်းတွင် စစ်တပ်က စစ်ကားများပေါ်သို့ ဆွဲတင်ပြီး ဖမ်းဆီးခေါ်ဆောင်မှုများရှိကြောင်း သူက ဆက်ပြောသည်။
ယခုကဲ့သို့ ညပိုင်းများတွင် စစ်တပ်က အကြောင်းမဲ့ဖမ်းဆီးနေမှုများကြောင့် ဒေါပုံမြို့နယ်နှင့် သာကေတမြို့နယ်များမှ ဆယ်တန်းစာမေးပွဲ ဖြေဆိုနေသည့် ကျောင်းသားကျောင်းသူများမှာ ညဘက်တွင် လက်ဖက်ရည်ပင် ထွက်မဝယ်ရဲ၊ ထွက်မသောက်ရဲ ဖြစ်နေကြကာ ခရီးသွားလာ လုပ်ကိုင်စားသောက်နေသည့် ပြည်သူများသည်လည်း ညပိုင်း အပြင်မထွက်ရဲကြဘဲ ဖြစ်နေကြသည်ဟု မြို့ခံများက ပြောဆိုသည်။
“ဖမ်းခံရလို့ မိသားစုဝင်တွေ သိသွားပြီးတော့ ချက်ခြင်းလိုက်ရွေးမယ်ဆိုရင် အနည်းဆုံး ငွေသုံးသောင်းလောက် ပေးရမယ်။ သိနောက်ကျသွားလို့ကတော့ ရွေးဖို့တောင် ခက်သွားတယ်။ ဖမ်းထားတဲ့ လူတွေကိုတော့ ရန်ကုန် ကျိုက္ကဆံကွင်းမှာ ထားတယ်” ဟု ဒေါပုံမြို့ခံတဦးက ပြောသည်။
အဆိုပါဖမ်းဆီးမှုများသည် စစ်အစိုးရက ၂၀၁၀ ရွေးကောက်ပွဲဥပဒေ ကြေညာသည့်ရက်နှင့် တိုက်ဆိုင်နေသဖြင့် နိုင်ငံရေးလှုပ်ရှားမှုများ မဖြစ်ပေါ်အောင် အာဏာပိုင်များဘက်မှ ကြိုတင်ဖမ်းဆီး ရှင်းလင်းနေခြင်း ဖြစ်နိုင်သည်ဟု ရန်ကုန်နိုင်ငံရေးအသိုင်းအဝိုင်းက သုံးသပ်ပြောဆိုနေသည်။
.jpg)
0 comments:
Post a Comment